சமையல் குறிப்பு

வெங்காயத்தாள் பச்சடி

dupakurno1@gmail.com (Kingdomofklk) — Fri, 28 Sep 2012 10:18:00 -0700

தேவையான பொருள்கள்:

: வெங்காயத்தாள்

: தயிர்

: சாலட் கீரை

வெங்காயத்தாள்(பொடியாக நறுக்கியது) - அரை கப்
தயிர் - 1 கப்
இஞ்சி - சிறிது
சாலட் கீரை - 1 கொத்து
தக்காளி சாஸ் - அரை கப்
பச்சை மிளகாய் - 3
உப்பு - தேவையான அளவு

செய்முறை:

* வெங்காயத்தாள், சாலட் கீரை,பச்சை மிளகாய் ஆகியவற்றை கழுவி நீரை துடைத்துக் விட்டு பொடியாக நறுக்கவும்.

• இஞ்சியை தட்டி வைத்துக்கொள்ளவும்.

• தயிரை கடைந்து உப்பு சேர்த்து, தக்காளி சாஸ், கீரைகள், பச்சை மிளகாய் மற்றும் தட்டி வைத்த இஞ்சியை போட்டு நன்கு கலக்கவும்.

• சுவையான வெங்காயத்தாள் பச்சடி தயார்.

'காரத்தோசை' செய்ய இலகு சமையல் குறிப்பு!

dupakurno1@gmail.com (Kingdomofklk) — Wed, 18 Apr 2012 22:09:00 -0700

சுவையான கார தோசை செய்வதற்கான எளிய செய்முறை குறிப்பு.

தேவையான பொருட்கள்

பச்சரிசி – 1 /2 கப்
துவரம்பருப்பு – 1 /4 கப்
தேங்காய் – 1 /2 மூடி
வரமிளகாய் – 4
சீரகம் – 1 /2 தேக்கரண்டி
மிளகு – 10
உப்பு – 1 /2 தேக்கரண்டி
பெருங்காயம் – சிறு துண்டு
மல்லித்தழை, கறிவேப்பிலை – சிறிது

செய்முறை

அரிசி, பருப்பு இரண்டையும் அரை மணி நேரம் ஊற வைக்கவும்.
இதனுடன் மேலே கொடுத்துள்ள அனைத்து பொருட்களையும் சேர்த்து சிறிய ரவை பதத்திற்கு அரைத்துக் கொள்ளவும்.
எண்ணெயில் கடுகு தாளித்து, அரைத்து வைத்துள்ள மாவில் கொட்டி கலக்கவும், தேவையெனில் சிறிது தண்ணீர் சேர்த்து கலக்கிக் கொள்ளவும்.
தோசை கல்லில் மாவை ஊற்றி தோசை வார்க்கவும்.
மாவு மீந்து விட்டால், அடுத்த முறை தோசை ஊற்றும்போது மீந்த மாவில் பொடியாக அரிந்த வெங்காயம், கறிவேப்பிலை, மல்லித்தழை சேர்த்து தோசை வார்க்கவும்.

மசால் மெது வடை - செய்முறைக்குறிப்பு.

dupakurno1@gmail.com (Kingdomofklk) — Mon, 12 Mar 2012 02:18:00 -0700

தேவையான பொருட்கள்

கடலைப்பருப்பு - 1 கப்
சின்ன வெங்காயம் - 1 /2கப்
கருவேப்பிலை - சிறிது(பொடியாக நறுக்கிக் கொள்ளவும்)
புதினா - சிறிது(பொடியாக நறுக்கிக் கொள்ளவும்)
கொத்தமல்லி தழை - சிறிது(பொடியாக நறுக்கிக் கொள்ளவும்)
உப்பு - வைக்கேற்ப
எண்ணெய் - பொரிப்பதற்கு
அரைக்க
இஞ்சி - 1 துண்டு
பூண்டு - 2 பல்
பச்சை மிளகாய் - 1
காய்ந்த மிளகாய் - 1
சோம்பு - 1 / 2 தேக்கரண்டி
பட்டை - 2
கிராம்பு - 2
ஏலக்காய் - 2

செய்முறை :

பருப்பை 2 மணி நேரம் ஊற வைக்கவும்.
பின்னர் தண்ணீரை சுத்தமாக வடித்துவிட்டு, ஒரு மேசைக்கரண்டி பருப்பை தனியே எடுத்து வைத்துவிட்டு, மீதமுள்ள பருப்பை கரகரப்பாக அரைத்து எடுக்கவும்.
அரைக்க கொடுத்துள்ள பொருட்களை தனியாக கரகரப்பாக அரைத்து, அரைத்து வைத்துள்ள பருப்புடன் சேர்க்கவும்.
இதனுடன் பொடியாக நறுக்கிய வெங்காயம், கொத்தமல்லி, புதினா, கருவேப்பிலை, தனியாக எடுத்து வைத்த பருப்பு ஆகியவற்றை ஒன்றாக சேர்த்து நன்றாக பிசைந்து கொள்ளவும்.
கடாயில் பொரிப்பதற்கு தேவையான அளவு எண்ணெய் ஊற்றி காய வைக்கவும்.
கைகளால் சிறு சிறு வடையாகத் தட்டி காயும் எண்ணையில் போட்டு, மிதமான சூட்டில் மொறு மொறுப்பாக பொரித்து எடுக்கவும்.

குறிப்பு

அரைத்து வைத்துள்ள பருப்புடன் ஒரு தேக்கரண்டி அரிசி மாவு சேர்த்தால் வடை மிகவும் மொறு மொறுப்பாக இருக்கும்.
வடை செய்வதற்கென தனியாக பருப்பு கிடைக்கும்.அதை வடை செய்வதற்கு பயன்படுத்தினால் மிகவும் நன்றாக இருக்கும்.

இளநீர் ஜூஸ்

dupakurno1@gmail.com (Kingdomofklk) — Sat, 10 Mar 2012 10:46:00 -0800

தேவையானவை......

இளநீர் - 2 கப்

தேங்காய் வழுக்கை - கால் கப்

பைனாப்பிள் (அ) ஆரஞ்சு துண்டுகள் - ஒரு கப்

எலுமிச்சைச் சாறு - ஒரு டீஸ்பூன்

செய்முறை.......

• இளநீர், தேங்காய் வழுக்கையை மிக்ஸியில் அரைத்து, அதனுடன் எலுமிச்சைச் சாறு சேர்க்கவும். பைனாப்பிள் (அ) ஆரஞ்சு துண்டுகள், ஐஸ் துண்டுகள் போட்டுப் பரிமாறவும்.

• இது வெயிலுக்கு நல்லது.

• ஆனால், அளவுக்கு அதிகமாக கால்சியம் சத்து உள்ளதால் தினமும் அருந்தக் கூடாது.

லோ கலோரி சாலட்

dupakurno1@gmail.com (Kingdomofklk) — Wed, 29 Feb 2012 20:27:00 -0800

தேவையானவை:

நறுக்கிய கேரட், தக்காளி, வெள்ளரிக்காய், வெங்காயம் - தலா 1/2 கப்

இஞ்சித் துண்டுகள் - 1/2 ஸ்பூன்

பச்சை மிளகாய் துண்டுகள் - 1/2 ஸ்பூன்

சோயா சாஸ் - 1/2 ஸ்பூன்

எலுமிச்சைச் சாறு - அரை டேபிள் ஸ்பூன்

உப்பு - தேவையான அளவு.

செய்முறை:

• காய்கறிகளை நன்கு கழுவி பொடியாக நறுக்கவும்.

• ஒரு பாத்திரத்தில் நறுக்கிய காய்கறி துண்டுகள், சோயா சாஸ், எலுமிச்சைச் சாறு, தேவையான அளவு உப்பு எல்லாவற்றையும் போட்டு கலந்து பரிமாறவும்.

ஆரோக்கிய ஜூஸ்

dupakurno1@gmail.com (Kingdomofklk) — Tue, 28 Feb 2012 21:22:00 -0800

தேவையான பொருட்கள்....

புதினா - கைப்பிடி அளவு,

துளசி - கைப்பிடி அளவு,

கற்பூரவள்ளி இலை -கைப்பிடி அளவு,

மிளகுத்தூள் - கால் டீஸ்பூன்,

சுக்குப் பொடி - கால் டீஸ்பூன்,

உப்பு - 1 சிட்டிகை,

சர்க்கரை- 200 கிராம்,

தண்ணீர் - 100 மில்லி

எலுமிச்சம் பழம் -கால் பழம்.

செய்முறை....

* புதினா, துளசி, கற்பூரவள்ளி இலை, மூன்றையும் நன்றாக கழுவி மிக்ஸியில் அரைத்துக் கொள்ள வேண்டும்.

• அதோடு மிளகுத்தூள், சுக்குப்பொடி, உப்பு கலந்து கொள்ளவும்.

• சர்க்கரை, தண்ணீர், எலுமிச்சம் பழத்தைக் கலந்து சூடேற்றி ஆறிய பிறகு, தனியாக வைத்திருந்த அனைத்தையும் ஒன்று சேர்த்தால் ஆரோக்கி ஜூஸ் ரெடி.

• அரை க்ளாஸ் மெடிக்கல் ஜூஸோடு பெரியவர்களுக்கு சோடாவை ஊற்றிக் கொடுக்கலாம்.

• குழந்தைகள் என்றால் தண்ணீரைக் கலந்து கொடுப்பதுதான் நல்லது.

தக்காளி குருமா செய்வோமா?

dupakurno1@gmail.com (Kingdomofklk) — Tue, 28 Feb 2012 19:55:00 -0800

சுவையான தக்காளி குருமா செய்வதற்கான எளிய செய்முறை குறிப்பு. இந்த குறிப்பு திருமதி. ரேவதி சண்முகம் அவர்களின் செய்முறை குறிப்பை தழுவியது.

தேவையான பொருட்கள்

பெரிய வெங்காயம் – 2
தக்காளி – 4 – 6
மஞ்சள்தூள் – 1/4 தேக்கரண்டி
தேங்காய்த் துருவல் – 1 /2 கப்
கசகசா – 1/2 மேசைக்கரண்டி
பொட்டுக்கடலை – 1 தேக்கரண்டி
உப்பு – தேவைக்கு
எண்ணெய் – 3 மேசைக்கரண்டி
அரைக்க
இஞ்சி – ஒரு துண்டு
பூண்டு – 2 பல்
பச்சை மிளகாய் – 3
பட்டை, லவங்கம் – தலா 1
சோம்பு – 1/4 தேக்கரண்டி
மல்லித்தழை – ஒரு கைப்பிடியளவு

செய்முறை

வெங்காயம், தக்காளியை பொடியாக நறுக்கிக் கொள்ளவும்.

அரைக்க கொடுத்துள்ள பொருட்களை விழுதாக அரைத்துக் கொள்ளவும்.

பொட்டுக்கடலை, தேங்காய்த் துருவல், கசகசா ஆகியவற்றை தனியாக அரைத்துக் கொள்ளவும்.

கடாயில் எண்ணெய் ஊற்றி வெங்காயம்,மஞ்சள்தூள் சேர்த்து வதக்கிக் கொள்ளவும்.

வெங்காயம் வதங்கியதும் அரைத்த விழுது, உப்பு சேர்த்து பச்சை வாசனை போக வதக்கிக் கொள்ளவும்.

இதனுடன் தக்காளி சேர்த்து நன்கு மசியுமாறு வதக்கிக் கொள்ளவும்.

பின்னர் அரைத்த தேங்காய் விழுது, தேவையான அளவு தண்ணீர் சேர்த்து, கறிவேப்பிலை கிள்ளிப் போட்டு 5 நிமிடங்கள் கொதிக்க விட்டு இறக்கவும்.

தக்காளி குருமா இட்லி, தோசை ஆகியவற்றுடன் சாப்பிடுவதற்கு நன்றாக இருக்கும்.

சுவையான சத்தான ஆட்டுக்கால் சூப்! - செய்முறை.

dupakurno1@gmail.com (Kingdomofklk) — Fri, 24 Feb 2012 21:24:00 -0800

சுவையான, சத்தான ஆட்டுக்கால் சூப் செய்வதற்கான எளிதான செய்முறை.

தேவையான பொருட்கள்

ஆட்டுக்கால் - 1 செட் (4 கால்)
மிளகு - 2- 3 தேக்கரண்டி
வர கொத்தமல்லி – 2 தேக்கரண்டி
சீரகம் - 2 தேக்கரண்டி
பூண்டு - 6 பல்
மஞ்சள்தூள் - 1 /2 தேக்கரண்டி
சின்ன வெங்காயம் – 100 கிராம்
தக்காளி – 1 (விரும்பினால்)
நல்லெண்ணெய் - 2 தேக்கரண்டி
உப்பு - தேவைக்கு ஏற்ப
மல்லி இலை – சிறிது
கருவேப்பிலை – 2 இணுக்கு

செய்முறை

கால்களை சுத்தம் செய்து துண்டுகளாக்கி கொள்ளவும்.சின்ன வெங்காயத்தை உரித்து வைக்கவும்.

ஐந்து வெங்காயம் மட்டும் வெட்டி வைக்கவும்.மீதியை அரைக்க முழுதாக வைக்கவும்.

மிளகு, சீரகம், வரகொத்தமல்லி ஆகியவற்றை லேசாக வதக்கிக் கொள்ளவும். மிக்ஸியில் மூன்றையும் போட்டு , வெங்காயம், பூண்டு சேர்த்து அரைத்து எடுக்கவும்.

குக்கரில் ஒரு லிட்டர் அளவுக்கு (கால் மூழ்கும் அளவுக்கு சிறிது கூட) தண்ணீர் வைத்து உப்பு போடாமல், அரைத்த மசாலா, மஞ்சள்தூள் சேர்த்து வேக வைக்கவும்.

இரண்டு விசில் வந்தவுடன் அரைமணி நேரம் சிம்மில் வைத்து இறக்கவும்.

ஆவி அடங்கியவுடன் திறக்கவும். உப்பு சேர்க்கவும்.

கடாயில் நல்லெண்ணெய் ஊற்றி காய்ந்ததும், வெட்டி வைத்துள்ள வெங்காயம், கருவேப்பிலை தாளித்து கொட்டவும்.

கொஞ்சம் திக்காக வேண்டும் என்றால் 2 டீஸ்பூன் அரிசிமாவு கரைத்து ஊற்றலாம் அல்லது கார்ன் மாவு சேர்த்துக் கொள்ளலாம்.

சுவையான, சத்தான ஆட்டுக்கால் சூப் ரெடி.

--- Kingdom of கீழக்கரை ---

சீதாப்பழம் மில்க் ஷேக் ஜூஸ்

dupakurno1@gmail.com (Kingdomofklk) — Fri, 24 Feb 2012 07:36:00 -0800

தேவையான பொருட்கள்.....

விதை நீக்கிய சீதாப்பழம் - 100 கிராம்,

சுகர் - 200 கிராம்,

தண்ணீர் - 100 மி.லி.

எலுமிச்சம்பழச்சாறு - 2 அல்லது 3 துளிகள்,

பால் - தேவையான அளவு,

செய்முறை...

* விதை நீக்கிய சீதாப்பழத்தை மிக்ஸியில் அரைத்து கூழாக்கி பால், தண்ணீர், எலுமிச்சம் பழம், சுகர், எல்லாத்தையும் கலந்து ஃபிரிஜ்ஜில் வைத்துக் கொள்ள வேண்டும்.

* தேவையான போதெல்லாம் அப்படியே எடுத்துக் குடிக்கலாம். கிட்டத்தட்ட மூன்று மாதங்கள் கெடாமல் இருக்கும். இதை காலை நேரங்களில் குடிப்பது தான் சரியானது!

மாங்காய் ஜுஸ்

dupakurno1@gmail.com (Kingdomofklk) — Fri, 24 Feb 2012 07:34:00 -0800

தேவையான பொருட்கள்..

மாங்காய் – 1

புதினா இலை - 6

சீரகத்தூள் – 1/4 டீஸ்பூன்

மிளகுத்தூள் – 1/4 டீஸ்பூன்

உப்பு – தேவையான அளவு

தேன் – 1 டீஸ்பூன்

கொத்தமல்லி – சிறிது

செய்முறை......

• முதலில் மாங்காயை தோலை சீவி துண்டுகளாக நறுக்கவும்.

• மாங்காயுடன் புதினா, சிறிது நீர் சேர்த்து வேக வைத்துக் கொள்ளவும். வெந்ததை நன்கு மசித்துக் கொண்டு தேவையான அளவு தண்ணீர் சேர்த்து உப்பு, சீரகத் தூள், மிளகுத் தூள், தேன் சேர்த்துக் கலந்து கொத்தமல்லி தூவி பருகவும்.

• மாங்காய் ஒரு சிறந்த கிருமி நாசினி. மாங்காயை அடிக்கடி சேர்த்துக் கொள்வது வயிற்றில் உள்ள பூச்சிகளை அழிக்கிறது

புதினா ஜுஸ்

dupakurno1@gmail.com (Kingdomofklk) — Fri, 24 Feb 2012 07:31:00 -0800

தேவையான பொருட்கள்:

புதினா – 1 கட்டு

எலுமிச்சம்பழம் – 1

உப்பு – தேவையான அளவு

மிளகுத்தூள் – 1/2 டீஸ்பூன்

சீரகத்தூள் – 1/2 டீஸ்பூன்

செய்முறை:

• புதினா இலைகளை தண்ணீரில் சுத்தமாகக் கழுவி அரைத்துக் கொள்ளவும்.

• எலுமிச்சம் பழத்தைப் பிழிந்து எடுக்கவும்.

• அரைத்த புதினாவுடன், எலுமிச்சம் ஜுஸ், தேவையான அளவு தண்ணீர் சேர்த்துக் கலந்து வடிகட்டிக் கொள்ளவும். அதனுடன் தேவையான அளவு உப்பு, மிளகுத்தூள், சீரகத்தூள், ஐஸ் க்யூப்ஸ் சேர்த்துக் கலக்கி பருகவும்.

பயன்கள்:

புதினா பித்தத்தை போக்கும். வயிற்றுக் கோளாறுகளை சரி செய்து பசியைத் தூண்டும். இரும்புச் சத்து உள்ளதால் இரத்த சோகையை நீக்கும்.

அத்திப்பழம் ஜூஸ்

dupakurno1@gmail.com (Kingdomofklk) — Fri, 24 Feb 2012 07:28:00 -0800

தேவையான பொருட்கள்:

அத்திப்பழம் - கால் கிலோ

பனங்கற்கண்டு - 200 கிராம்

குளுக்கோஸ் - 1 டீஸ்பூன்

தேன் - 1 டீஸ்பூன்

பால் அல்லது தண்ணீர்.

செய்முறை:

* மேற்கண்ட பொருட்கள் அனைத்தையும் கலந்து மிக்ஸியில் ஒரு அடி அடித்தால் போதும் அத்திப்பழ ஜூஸ் ரெடி.

நெல்லிக்காய் தயிர் பச்சடி

dupakurno1@gmail.com (Kingdomofklk) — Fri, 24 Feb 2012 07:27:00 -0800

தேவையானவை:

பெரிய நெல்லிக்காய் - 2,

தயிர் - அரை கப்,

பச்சை மிளகாய் - ஒன்று,

சீரகம் - கால் டீஸ்பூன்,

தேங்காய் துருவல் - ஒரு டீஸ்பூன்,

கடுகு, உளுத்தம்பருப்பு,

கறிவேப்பிலை - சிறிதளவு,

எண்ணெய், உப்பு - தேவையான அளவு.

செய்முறை:

* நெல்லிக்காயை துருவிக் கொள்ளவும்.

* பச்சை மிளகாய், சீரகம், தேங்காய் துருவலை கொரகொரப்பாக அரைத்துக் கொள்ளவும்.

* இதனுடன் நெல்லித் துருவல், அரைத்த விழுது, உப்பு சேர்த்து தயிருடன் கலக்கவும்.

* எண்ணெயை சூடாக்கி கடுகு, உளுத்தம்பருப்பு, கறிவேப்பிலை தாளித்தால்... நெல்லிக்காய் தயிர் பச்சடி ரெடி.

காய்கறி மக்காச் சோள சூப்

dupakurno1@gmail.com (Kingdomofklk) — Fri, 24 Feb 2012 07:25:00 -0800

காய்கறிகள் சாப்பிட மறுக்கும் குழந்தையாகட்டும், நோயிலிருந்து மீண்ட சத்து குறைபாடுள்ள முதியவராகட்டும், அலைச்சலால் சோர்ந்து விடும் குடும்பத்தலைவராகட்டும், ஓயாத உடல் உழைப்பால் சத்து இழக்கும் இல்லத்தரசியாகட்டும், அனைவருக்கும் தேவை இயற்கை காய்கறிகளில் உள்ள வைட்டமின்களும், தாதுப்பொருட்களும். இதை உங்களுக்கு எளிதாகத் தரவல்லது, காய்கறி மக்காச்சோள சூப்.

தேவையானவை:

பெரிய வெங்காயம் - 1
பூண்டு - 4 பல்
காரட் - 2
நறுக்கிய பீன்ஸ் - 1/2 கப்
துருவிய கோஸ் - 1/2 கப்
பட்டாணி - 2 டேபிள்ஸ்பூன்
மக்காச்சோள முத்துக்கள் - 1/2 கப்
ஜவ்வரிசி மாவு - 1 டீஸ்பூன்
உப்பு - 1/2 டீஸ்பூன்
மிளகுத்தூள் - 1/2 டீஸ்பூன்
எண்ணெய் - 1 ஸ்பூன்

செய்முறை:

* வெங்காயம், பூண்டு, பச்சைமிளகாய் மூன்றையும், சிறிதாக வெட்டி அதை சிறிது எண்ணெயில் வதக்கி, நைசாக அரைத்துக் கொள்ளவும்.

• காய்கறிகளை பொடியாக நறுக்கிக் கொள்ளவும்.

* பொடியாக நறுக்கிய காய்கறிகளுடன், மக்காச்சோளம், வெங்காய விழுது சேர்த்து 1/2 கப் தண்ணீர் விட்டு வேக வைத்துக் கொள்ளவும். ஆனால் குழைய விடக்கூடாது.

* ஜவ்வரிசி மாவை 2 கப் தண்ணீரில் கலந்து கொழகொழவென கண்ணாடி பதத்திற்கு வரும்வரை கஞ்சியாக காய்ச்சவும்.

* அதனுடன் காய்கறிகள், அரைத்த மசாலா, உப்பு, மிளகுத்தூள் சேர்த்து இரண்டு நிமிடங்கள் கொதிக்க வைத்து இறக்கவும்.

* சூப் சற்று திக்காக இருக்க வேண்டுமானால், 1 டீஸ்பூன் மக்காச் சோள மாவை தண்ணீரில் கரைத்து, அதை சூப்புடன் கலந்து கொதிக்க விடவும்.

* சுவையான காய்கறி மக்காச்சோள சூப் தயார்.

கேரட் தயிர் பச்சடி

dupakurno1@gmail.com (Kingdomofklk) — Fri, 24 Feb 2012 07:25:00 -0800

தேவையான பொருட்கள்...

கேரட் - 2

தயிர் - 2 கப் பச்சை

மிளகாய் - 4

இஞ்சி - சிறிய துண்டு

தேங்காய் துருவல் - 1 ஸ்பூன் (விருப்பப்பட்டால் சேர்க்கவும்)

கடுகு - சிறிதளவு

உளுத்தம்பருப்பு - சிறிதளவு

கறிவேப்பிலை - சிறிதளவு

கொத்தமல்லித்தழை - சிறிதளவு

எண்ணெய் - 2 ஸ்பூன்

உப்பு - தேவையான அளவு

செய்முறை....

• கேரட்டை தோல் நீக்கி சுத்தம் செய்து துருவிக் கொள்ளவும்.

• வெங்காயம், பச்சை மிளகாய், இஞ்சி ஆகியவற்றை பொடியாக நறுக்கிக் கொள்ளவும்.

• வாணலியில் எண்ணெய் ஊற்றி கடுகு, உளுத்தம்பருப்பு, கறிவேப்பிலை போட்டு தாளித்துக்கொள்ளவும்.

• பின்னர் அதில் வெங்காயம், பச்சை மிளகாய், இஞ்சியைச் சேர்த்து வதக்கி, பின் அதனுடன் கேரட் துருவல் சேர்த்து 2 நிமிடம் கிளரவும்.(கேரட் நன்கு வேக கூடாது)

• அதனுடன் உப்பு, தேங்காய்ப்பூ சேர்த்து கலக்கவும்.

• பின்னர் இந்த கலவையை தயிரில் கலந்து, பொடியாக நறுக்கிய கொத்தமல்லித்தழை சேர்த்து பரிமாறவும்.

டயட் தோசை

dupakurno1@gmail.com (Kingdomofklk) — Fri, 24 Feb 2012 07:21:00 -0800

தேவையான பொருட்கள்:

கொள்ளு - கால் கப்
பார்லி - கால் கப்
வெள்ளை சென்னா - கால் கப்
புழுங்கல் அரிசி - கால் கப்
வால் நட் - கால் கப்
ராகி மாவு - ஒரு ஸ்பூன்
இஞ்சி - ஒரு சிறிய துண்டு
பூண்டு - 3 ப‌ல்
ப‌ச்சை மிள‌காய் - ஒன்று
கொத்தம‌ல்லி - சிறிதளவு (பொடியாக‌ நறுக்கியது)
புதினா - சிறிதளவு (பொடியாக‌ நறுக்கியது)
க‌றிவேப்பிலை - சிறிதளவு (பொடியாக‌ நறுக்கியது)
சின்ன‌ வெங்காய‌ம் ‍ - 50 கி (பொடியாக‌ நறுக்கியது)
உப்பு - தேவையான அளவு
ஆலிவ் ஆயில் - 3 ஸ்பூன்

செய்முறை:

* கொள்ளு, வெள்ளை சென்னா, அரிசியை முதல் நாள் இரவே ஊற வைக்கவும்

* பார்லி அரைப்பதற்கு ஒரு மணி நேரம் முன் ஊற வைக்கவும்.

* வால் ந‌ட்டை ஒரு ம‌ணி நேர‌ம் முன் கொதிக்கும் வெந்நீரில் ஊற‌வைத்து தோல் உரித்து வைத்து கொள்ளவும்.

* அரைக்கும் போது பூண்டு, இஞ்சியை சேர்த்து அரைத்து கொள்ள‌வும்.

* முதலில் அரிசியை போட்டு ந‌ன்கு அரைத்து கொண்டு மீதி உள்ள‌ அனைத்து பொருட்க‌ளையும் முக்கால் ப‌த‌த்திற்கு அரைக்கவும்.

* அரைத்த‌ க‌ல‌வையில் வெங்காய‌ம், கொத்தம‌ல்லி, புதினா க‌றிவேப்பிலையை பொடியாக அரிந்து சேர்க்க‌வும்.

* அரைத்த‌ க‌ல‌வை கெட்டியாக இருக்க‌ வேண்டும்.

* தோசை கல்லில் தோசைக‌ளாக‌ ஊற்றி ஓரங்களில் கொஞ்ச‌ம் ஆலிவ் ஆயில் தெளித்து சுட்டெடுக்க‌வும்.

* இந்த டயட் தோசை மிகவும் சத்தான உணவாகும்.

மிளகு கொள்ளு சூப்

dupakurno1@gmail.com (Kingdomofklk) — Fri, 24 Feb 2012 07:19:00 -0800

தேவையான பொருட்கள் :

கொள்ளு - அரை கப்
தக்காளி - 3
எலுமிச்சம்பழச் சாறு - அரை டேபிள்ஸ்பூன்
மல்லித்தழை - சிறிதளவு
உப்பு - சுவைக்கேற்ப
எண்ணெய் - 2 டீஸ்பூன்

பொடிக்க:

மிளகு - ஒரு டீஸ்பூன்
சீரகம் - ஒரு டீஸ்பூன்
பூண்டு - 2 பல்
கறிவேப்பிலை - சிறிது

செய்முறை:

* கொள்ளை முதல் நாள் இரவே ஊறப் போடுங்கள். மறுநாள் 3 கப் தண்ணீரை சேர்த்து குக்கரில் வேகவிடுங்கள். பிறகு தண்ணீரை வடித்து எடுத்துக்கொள்ளுங்கள்.

* மிளகு, சீரகத்தை நன்கு மைய அரைத்து பூண்டு, கறிவேப்பிலை சேர்த்துத் தட்டியெடுங்கள். எண்ணெய் காயவைத்து, பொடியாக நறுக்கிய தக்காளியைச் சேருங்கள். அத்துடன் சிறிது உப்பு சேர்த்து 2 நிமிடம் வதக்கி, அரைத்த விழுது சேர்த்து இன்னும் 3 நிமிடம் வதக்குங்கள்.

* கொள்ளு வேகவைத்த தண்ணீரையும், தேவையான உப்பையும் சேர்த்து,
5 நிமிடம் கொதிக்கவிட்டு இறக்கி வடிகட்டி எலுமிச்சம்பழச் சாறு, மல்லித்தழை, மிளகு தூள் சேர்த்து பரிமாறுங்கள்.

வெள்ளரிக்காய் வாழைப்பூ பச்சடி

dupakurno1@gmail.com (Kingdomofklk) — Fri, 24 Feb 2012 07:18:00 -0800

தேவையானவை:

பொடியாக நறுக்கிய வாழைப்பூ - 1 கப்
பொடியாக நறுக்கிய வெள்ளரிக்காய் - அரை கப்
தயிர் - ஒரு கப்
சின்ன வெங்காயம் - 5
மல்லித்தழை - சிறிது
கடுகு - அரை டீஸ்பூன்
பெருங்காயத்தூள் - சிறிது
உப்பு - தேவையான அளவு
எண்ணெய் - தேவையான அளவு.

செய்முறை:

* வெங்காயம், மல்லித்தழையை பொடியாக நறுக்கவும்.

* வாழைப்பூவையும் வெள்ளரிக்காயையும் கலந்துகொள்ளவும்.

* சிறிதளவு எண்ணெயில், கடுகு, பெருங்காயம் தாளித்து வெள்ளரிக்காய் கலவையில் கொட்டிக் கலக்கவும். சாப்பிடுவதற்கு முன்பு, கலவையில் தயிர், உப்பு, மல்லித்தழை, வெங்காயம் சேர்த்துக் கலக்கவும்.

(குறிப்பு: இதற்கான தயிர் உறைய வைக்கும்போது, பாலை தண்ணீரில்லாமல் கெட்டியாகக் காய்ச்சி, துளி மோர் விட்டு உறைய வைக்கவேண்டும். அந்தத் தயிர்தான், பச்சடிக்கு நன்றாக இருக்கும்.)

பார்லி காய்கறி சூப்

dupakurno1@gmail.com (Kingdomofklk) — Fri, 24 Feb 2012 07:16:00 -0800

தேவையான பொருட்கள்.....

பார்லி - ஒரு கைப்பிடி

காய்கறிகள் (காலிஃப்ளவர், முட்டைகோஸ், பீன்ஸ், அவரை, பட்டாணி) - ஒரு கப் பொடியாக அரிந்தது

உப்பு - சிறிது

மிளகு தூள் - கால் தேக்கரண்டி

சோள மாவு - ஒரு மேசைக்கரண்டி

ஆலிவ் ஆயில் - ஒரு ஸ்பூன்

வெங்காயம் - பாதி

செய்முறை....

* வெங்காயத்தை பொடியாக அரிந்து கொள்ளவும்.

* பார்லியை நன்கு ஊறவைத்து அதில் காய்கறிகளை பொடியாக அரிந்து சேர்த்து உப்பு போட்டு மூன்று இரண்டு டம்ளர் தண்ணீர் சேர்த்து குக்கரில் வேகவிடவும்.

* வெந்ததும் கரண்டியால் நன்கு மசித்து வடிகட்டவும்.

* ஒரு கடாயில் ஆலிவ் ஆயில் ஊற்றி பொடியாக அரிந்த வெங்காயத்தை சேர்த்து வதக்கி அதில் வடித்து வைத்த தண்ணீரை சேர்த்து மிளகு தூள் தூவி கொதிக்க விடவும்.

* கடைசியாக சோளமாவு கரைத்து ஊற்றி விடவும். சூப் கட்டியானதும் சூடாக பவுளில் ஊற்றி குடிக்கவும்.

முள்ளங்கி ரைஸ்

dupakurno1@gmail.com (Kingdomofklk) — Fri, 24 Feb 2012 07:15:00 -0800

தேவையான பொருட்கள் :

சாதம் - ஒரு கப்

முள்ளங்கித் துருவல் - ஒரு கப்

பச்சை மிளகாய் - 3

வெங்காயம் - 1

தக்காளி - 1

இஞ்சி, பூண்டு விழுது - ஒரு டீஸ்பூன்

சோம்பு - கால் டீஸ்பூன்

பட்டை - சிறிய துண்டு

பிரிஞ்சி இலை (சிறியது) - ஒன்று

மஞ்சள்தூள் - கால் டீஸ்பூன்

புதினா,கொத்தமல்லி - சிறிதளவு

எண்ணெய் - ஒரு டேபிள்ஸ்பூன்

உப்பு - தேவையான அளவு.

செய்முறை:

* வெங்காயம், தக்காளியை நீளமாக நறுக்கிக் கொள்ளவும்.

* பச்சை மிளகாய், பட்டை, சோம்பு மூன்றையும் ஒன்றாக சேர்த்து அரைக்கவும்.

* காடாயில் எண்ணெயை விட்டு சூடாக்கி, பிரிஞ்சி இலை தாளித்து வெங்காயம், தக்காளியை வதக்கவும்.

* பின் இஞ்சி - பூண்டு விழுது, பச்சை மிளகாய் விழுது சேர்த்து பச்சை வாசனை போகும் வரை வதக்கவும்.

* இதனுடன் துருவிய முள்ளங்கி, மஞ்சள்தூள், உப்பு சேர்த்து சுருள வதக்கவும்.

* கடைசியாக சாதத்தை சேர்த்து நன்கு கிளறி, நறுக்கிய புதினா, கொத்தமல்லி தூவி அலங்கரித்தால்... முள்ளங்கி ரைஸ் ரெடி!

ஓட்ஸ் ரொட்டி

dupakurno1@gmail.com (Kingdomofklk) — Fri, 24 Feb 2012 07:12:00 -0800

தேவையான பொருட்கள்....

ஓட்ஸ் - 3 கப்

கோதுமை மாவு - 2 கப்

உப்பு - தேவையான அளவு

செய்முறை.....

• ஓட்ஸை நன்கு மிக்ஸியில் தண்ணீர் சேர்க்காமல் பொடித்துக் கொள்ளவும்.

• பிறகு அத்துடன் கோதுமை மாவையும் சேர்த்து தேவையான அளவு உப்பு சேர்த்து, வெந்நீர் ஊற்றி சப்பாத்தி மாவு பதத்திற்குப் பிசையவும். (கவனிக்க: சாதாராணமாக சப்பாத்தி மாவுக்கு ஊற்றும் நீரைவிட சிறிது அதிகமாக ஊற்றி பிசைய வேண்டும்.)

• பிசைந்த மாவை, ஒரு மூடி இட்ட பாத்திரத்தில் போட்டு இரண்டு மணி நேரம் வரை ஊற வைக்க வேண்டும்.

• பிறகு மெல்லிய சப்பாத்திகளாக இட்டு தோசை கல்லில் போட்டு சப்பாத்தி செய்ய வேண்டும்.

• சூடாக சாப்பிடுவதற்கு மிகவும் சுவையாக இருக்கும்.

புளிப்பு மாதுளை சாதம்

dupakurno1@gmail.com (Kingdomofklk) — Fri, 24 Feb 2012 07:11:00 -0800

தேவையான பொருட்கள்.....

உதிரியாக வடித்த பச்சரிசி சாதம் - 1 கப்

புளிப்பு மாதுளம் பழம் - 2 பழம்

கடலைப்பருப்பு - 1 டீஸ்பூன்

உளுத்தம்பருப்பு - 1 டீஸ்பூன்

கடுகு - கால் டீஸ்பூன்

பச்சை மிளகாய் - 5

மஞ்சள் பொடி - கால் டீஸ்பூன்

எண்ணெய் - 2 டீஸ்பூன்

கருவேப்பிலை - சிறிதளவு

உப்பு - தேவையானஅளவு

செய்முறை :

• மாதுளம் பழங்களை சாறு பிழிந்து வடிகட்டி அதில் உப்பு, மஞ்சள் பொடி கரைத்து வைக்கவும்.

• உதிரிப் பதத்தில் வடித்த சாதத்தை ஆற வைக்கவும்.

• கடாயில் எண்ணெய் ஊற்றி கடலைப்பருப்பு, உளுத்தம்பருப்பு, கடுகு, பச்சை மிளகாய், கருவேப்பிலைரய தாளித்துக், அதனுடன் புளிப்பு மாதுளம் சாறுக் கலவையை ஊற்றி நன்கு சாதத்தில் கலக்கவும்.

• சுவையான புளிப்பு மாதுளை சாதம் ரெடி. இது மிகவும் சுவையாக இருக்கும்.

சமையல்களில் பெரும் பங்காற்றும் - தக்காளி ரசம் ! - செய்முறை.

dupakurno1@gmail.com (Kingdomofklk) — Mon, 20 Feb 2012 04:05:00 -0800

தென்னிந்திய சமையல்களில் பெரும் பங்கு வைப்பது ரசம். ரசம் ஜீரண சக்தியை எளிதாக்குகிறது. ரசம் செய்யும்போது ரச பொடியை புதிதாக தயாரித்தால் ரசத்தின் சுவை கூடும். மிக அதிக நேரம் ரசத்தை கொதிக்க வைக்கக் கூடாது.எளிய முறையில் தக்காளி ரசம் செய்வதற்கான சமையல் குறிப்பு.

தேவையான பொருட்கள்

தக்காளி நடுத்தரமானது – 2

புளி விழுது – 1 தேக்கரண்டி

மல்லிதழை – சிறிது

தண்ணீர் – 4 – 5 கப்

ரச பொடிக்கு

மிளகு – 1 தேக்கரண்டி

சீரகம் – 1 தேக்கரண்டி

பூண்டு – 4 -5 பல் ( தோலை நீக்க வேண்டாம்)

தாளிக்க

வர மிளகாய் – 2

கருவேப்பிலை – சிறிது

கடுகு – 1 தேக்கரண்டி

சீரகம் – 1 தேக்கரண்டி

பெருங்காயம் – சிறிது

செய்முறை

தக்காளியை சிறுதுண்டுகளாக நறுக்கி, புளியுடன் சேர்த்து மசித்துக் கொள்ளவும். தேவையான அளவு உப்பை புளித்தண்ணீரில் சேர்த்துக் கொள்ளவும்.

முன்பே தயாரித்து வைத்திருக்கும் ரச பொடியை உபயோகப்படுத்த வேண்டாம். புதியதாக தயாரித்தால்தான் சுவை அதிகம்.

ரச பொடிக்கு கொடுத்துள்ள பொருட்களை ஒன்றிரண்டாக அடித்துக் கொள்ளவும். தூள் செய்ய வேண்டாம்.

கடாயில் 1 தேக்கரண்டி எண்ணெய் ஊற்றி சூடு செய்யவும். கடுகு, சீரகம், கருவேப்பிலை, பெருங்காயம் , இரண்டாகக் கிள்ளிய வரமிளகாய் சேர்த்து தாளிக்கவும்.

கடுகு வெடித்ததும், கரைத்து வைத்துள்ள புளி தண்ணீரை ஊற்றி கொதிக்க விடவும். கொதி வந்ததும் அரைத்து வைத்துள்ள ரச பொடியை சேர்த்து கொதிக்க விடவும்.

நிறைய நேரம் ரசத்தை கொதிக்க வைக்க வேண்டியதில்லை. அடுப்பை அணைத்த பிறகு, மல்லிதழை தூவி, பரிமாறும் பாத்திரத்திற்கு உடனே மாற்றி விடவும்.

கடாயிலேயே வைத்திருந்தால் ரசம் அதனுடைய சுவையை இழந்து விடும்.

முட்டை கொத்து பரோட்டா!

dupakurno1@gmail.com (Kingdomofklk) — Mon, 20 Feb 2012 04:03:00 -0800

முட்டை கொத்து பரோட்டா!

சுவையான முட்டை கொத்து பரோட்டா செய்வதற்கான எளிய செய்முறை குறிப்பு.

தேவையான பொருட்கள்

பரோட்டா – 5

முட்டை – 3

பெரிய வெங்காயம் பொடியாக நறுக்கியது – 2

தக்காளி – 1

கருவேப்பிலை – 15 இலைகள்

பச்சை மிளகாய் – 2

மிளகுத்தூள் – 1 தேக்கரண்டி

மிளகாய்த்தூள் – 1/2 தேக்கரண்டி

மஞ்சள்தூள் – சிறிது

உப்பு – தேவைக்கேற்ப

சால்னா / சிக்கன் குழம்பு/ மட்டன் குழம்பு – 1/2 கப்

செய்முறை

பரோட்டாவை சிறு சிறு துண்டுகளாக ஒன்றிரண்டாக பிய்த்துக் கொள்ளவும்.

தக்காளியை ஒன்றிரண்டாக நசுக்கிக் கொள்ளவும்.

முட்டையை உடைத்து ஊற்றி அடித்துக் கொள்ளவும்.

ஒரு இரும்பு கடாயில் எண்ணெய் ஊற்றி சூடு செய்யவும். எண்ணெய் சூடானதும் வெங்காயம், கறிவேப்பிலை, பச்சை மிளகாய் சேர்த்து சில நிமிடங்கள் வதக்கவும்.

வெங்காயம் வதங்கியதும் மிளகாய்த்தூள், மிளகுத்தூள் சேர்த்து நன்கு வதக்கவும்.

ஒன்றிரண்டாக நசுக்கிய தக்காளி சேர்த்து நன்கு மசியுமாறு வதக்கவும்.

வதக்கிய பொருட்களின் நடுவில் அடித்து வைத்துள்ள முட்டையை ஊற்றி நன்கு வதக்கிக் கொள்ளவும்.

இறுதியாக மட்டன் குழம்பை ஊற்றி நன்கு கலக்கிக் கொள்ளவும்.

கடைசியாக பிய்த்து வைத்துள்ள பரோட்டாவை சேர்த்து கலக்கி, இரண்டு இரும்பு கரண்டிகளை வைத்து பரோட்டாவை நன்கு கொத்திக் கலக்கி, சூடாக பரிமாறவும்.

வெங்காய பஜ்ஜி!

dupakurno1@gmail.com (Kingdomofklk) — Sun, 12 Feb 2012 23:38:00 -0800

சுவையான வெங்காய பஜ்ஜி செய்வதற்கான சமையல் குறிப்பு!

தேவையான பொருட்கள்

பெரிய வெங்காயம் - 3

கடலைமாவு – 1 கப்

அரிசிமாவு – 1 மேசைக்கரண்டி

சோடா உப்பு – அரை சிட்டிகை

மிளகாய்த்தூள் – 1 தேக்கரண்டி

சீரகம் – 1 /2 தேக்கரண்டி

உப்பு – சுவைக்கேற்ப

எண்ணெய் – தேவையான அளவு

செய்முறை

வெங்காயத்தை தோல் நீக்கி மெல்லிய வட்டமாக நறுக்கிக் கொள்ளவும்.

கொடுத்துள்ள பொருட்களில் கடலைமாவு முதல் உப்பு வரையுள்ள பொருட்களை, சிறிது தண்ணீர் சேர்த்து இட்லி மாவு பதத்தில் கரைத்துக் கொள்ளவும்.

வெங்காய வில்லைகளை மாவில் நன்கு அமிழ்த்து எடுத்து, சூடான எண்ணெயில் இருபுறமும் பொரித்தெடுக்கவும்.