कृष्ण प्यासी (krishna pyasi)

मेरो आफ्नै एउटा गजल गीत...

2026-03-13T20:59:00.001+05:30

अल होसन किल्ला अनि World Trade Centre अबुधाबी।

2019-12-17T14:09:00.001+05:30

युएई देशको राजधानी अबुधाबीमा रहेको एक ऐतिहासिक अल होसन किल्ला दरबार।

मुक्तक

2016-01-20T02:27:00.001+05:30

विश्वासमा बादल लाग्नु, तिम्रो एक शब्द।

परायामा माया साट्नु, तिम्रो एक शब्द।

चुँडियो त्यो चोखो माया, आज देखि सानु,

उनको साथ दिल माग्नु, तिम्रो एक शब्द।

नेपालको संविधान २०७२ पि.ड़ि.एफ़. फायलमा...

2015-09-21T05:09:00.000+05:30

नेपालको संविधान २०७२ पि. डी. एफ. फायल यहाँ बाट पढ्नुहोस।
यदि यहाँ पढ्न नमिलेको खण्डमा ♥♥यहाँ♥♥ बाट डाउनलोड गरेर पढ्न सक्नु हुनेछ।

कविता - गोर्खाली आवाज

2015-07-26T09:28:00.001+05:30

हामी बिर गोर्खाली देशमा छौं,
बिदेशमा छौं,
खाडीमा छौं,
ताडिमा छौं,
लिपुलेक भारतले लग्यो भनेर नेपाल बन्द गर्छौं,
त कहिले गाडीले बाख्रो मार्यो भनेर बाटो बन्द गर्छौं,
गर्छौं;
हामी हड्ताल गर्छौं,
देशका लागी मर्छौं,
एउटाले बन्दुक बोकाऊँछ बोक्छौं,
को गलत को जायज,
ठोक आदेश मात्र आउनु पर्छ, ठोक्छौँ,
किनकी;
हामी बिर गोर्खाली हौं।
बिर नेपाली, हिजो जनयुद्द लड्यौ,
भोलि धनयुद्द लड्छौं,
आज धर्मयुद्द लड्दै छौं,

भोलि पर्मयुद्द पनि लड्नेछौं,
किनकि;
हामी बिर गोर्खाली हौं।
हिजो बाईसी-चौबिसी राज्य जोड्यौं,
आज फेरी फोड्ने कुरा गर्दैछौं,
४ जात ३६ बर्णको फुलबारी गोड्यौ,
आज फेरी तोड्ने कुरा गर्दैछौं,
जातीय पहिचानका लागि लड्दैछौं,
लिम्बुवानका लागि लड्दैछौं,
खम्बुवानका लागि लड्दैछौं,
पहिचान सहितको संघियताको लागि लड्छौं,
लड्छौं हामी
गोर्खाल्याण्डका लागि लड्दैछौं,
किनकि;
हामी बिर गोर्खाली हौ।
हिजो राणाको बिरुद्द लड्यौं,
आज राजाका बिरुद्द लड्यौं
हामी सबैका लागि लड्छौं,
हिजो प्रजातन्त्र, लोकतन्त्रका लागि लड्यौं,
आज गणतन्त्रका लागि लड्छौं,
भारतका लागि लड्छौं,
ब्रिटिसका लागि लड्छौं,
लड्छौं,
विश्वका लागि लड्छौं,
हामी परिवारको पेटका लागि लड्छौं,
भारतले सिमाना मिचोस, चाहे,
अमेरिकाले धर्म प्रचार गरोस,
हेरी रहन्छौं,
हेरी रहन्छौं,
किनकि;
हामि बिर गोर्खाली हौं, बिर नेपाली हौं।

गज़लका २ सेर आफ्नै आवाजमा...

2015-02-27T01:30:00.002+05:30

दुई मुक्तक

2015-02-12T22:32:00.000+05:30

१. तिम्रो आत्मामा, पस्न सकिन।
दिलमा माया बनि, बस्न सकिन।

कठोर बनें, पत्थर मन झैं,
प्यारी भनि अंगालोमा, कस्न सकिन।

२. मै मरेको सपना, देखेछु आज मैले।

माथि बाट आफैंले, हेरेछु आज मैले।

,कोहि रुँदै - हाँस्दै , उठाउँदै लास मेरो

आफु आफै जल्न कफन, फेरेछु आज मैले।

एउटा मिठो गीत...

2015-01-05T21:46:00.001+05:30

Gmail बाट ब्लगमा पोस्ट...

2014-12-16T13:44:00.002+05:30

एउटा अर्को जानकारी ब्लगले बनाई दिएको सजिलो Blog Posting को बारेमा यहाँ बिस्तृत गर्दैछु। अनौठो मान्नु पर्दैन। ब्लगरको Setting >> Mobile and Email >> Posting Using Email मा जानुहोस्, अनी त्यहाँ तपाईंको लागि ब्लग-ईमेल बनाउन भन्छ बनाउनुस् अनी निम्न कुराहरु पछ्याउनुहोस्।
(सेटिङबाट Secret ईमेल कसरी बनाउने, हेर्नुहोस फोटोमा क्लिक गरेर )

१. Gmail खोल्ने,
२. अनि Compose Email मा जाने,
३. TO मा ब्लगको Secret ईमेल राख्ने,
४. Subject मा ब्लगमा लेख्ने "Title" राख्ने अनि
५. अनि आफ्नो बिचार पोष्ट सामग्री Writing बक्समा लेख्ने अनि Send गर्ने । तपाईंको ब्लगमा तपाईंको पोष्ट सामग्री आफै पोस्ट हुनेछ । धन्यवाद!
Happy Blogging...

फेसबुक Facebook Recover…

2014-10-29T06:21:00.001+05:30

तपाईंको या तपाईंको साथीको फेसबुक Account बन्द भएकोछ ? टेन्सन पनि उत्तिकै भएको होला। धेरै साथिहरु गुमाउनु पर्दा अनि कत्ती महत्वपूर्ण म्यासेज र फोटोहरु हेर्न नपाएर। चिन्ता नलिनुस्, यसको solution मैले यहाँ स्पस्ट बताई दिएको छु। किनकी तपाईं मेरो साथी, जानेको कुरा तपाईं लाई भन्नु अनि सिकाउनु मेरो धर्म हो पक्कै पनि।
यो Image-1 (फोटो ठुलो बनाएर हेर्न फोटोमा Click गर्नुस) देखाइएको जस्तै तपाईंको साथिको या तपाइको आफ्नै अर्को फेसबूक एकाउन्टबाट तपाईंको ईमेल वा फोन नंबर बाट Search गर्नुस या गर्न लगाउँनुस जुन तपाइको त्यो एकाउन्ट Block भएको छ। अनि माथी Search Bar मा त्यो घेरामा जस्तै Code-10000.......27 या User name-ex. krishna.pyasi.33221 पाउनु हुनेछ। त्यो Code माग्नुस्, या टिप्नुस अनि त्यो Code या User Name र तपाईंको पासवर्ड हालेर साइन इन गर्नुस।

अब Image-2 हेर्नुस त्यहाँ जस्तै फोन नं भए फोनमा Conform Code पठाउनुस यदी फोन नं बदल्न मन भए बदल्न पनि सक्नु हुनेछ वा इमेल भएको भए सायद त्यो इमेल ले काम नगरेको हुन सक्छ। अर्को इमेल बनाएर त्यो इमेल Change Email गर्नुस अनि Recover गर्नुस अनि फेरी चलाउनुस तपाई को पुरानो फेसबुक।
कुनै प्रतिक्रिया भए मलाई सोध्नुस फेसबूकमा मलाई search गर्न बिना space ''krishnapyasi'' Search गर्नुस अनि add गर्नुस। Happy Facebook Recovering…

हाईकु - ५ हाईकु...

2014-10-26T04:10:00.000+05:30

१. खोली तरेर,
माया गर्छु सधै म,
आँखा छलेर।
२. देख्छु पुष्पमा,
सधै भरी सानुको,
तस्बिर झल्को।
३. जाने भो मन,
नभेटी तिमीलाई,
खोली तरेर।
४. रानी तरह,
नजरमा बसेकी,
दिलकी सानु।
५. साँचेको माया,
तिमीलाई भनेर,
बाँचेको आज।

भिडियो - आज चाहिँ स्लाईड भिडियो मात्र...

2014-05-29T07:19:00.001+05:30

शुभ-कामना...

2014-04-21T19:11:00.001+05:30

नयाँ बर्ष २०७१ सालको पावन अबसरमा हजुर लगायत हजुरको सम्पुर्ण परिवारमा हार्दिक मंगलमय शुभ-कामना ब्यक्त गर्दछु।

गज़ल - मन भित्रका.....

2013-08-06T00:10:00.001+05:30

मन भित्रका भावहरु, गाउँछ गज़लले।
ओठ भरी मुस्कान, ल्याउँछ गज़लले।

फ़ुराऊँछ शब्दहरु, मन मुट भित्रै बाट,
कस्तो होला मन भनि, च्याउँछ गज़लले।

के-के बोल्छ भावनामा, भन्दै मन चोर्छ,
हात दिंदै साथ दिन, दाउँछ गज़लले।

ओकलाउँछ शब्दहरु, रुवाउँछ गज़लले,
खुसी बने भित्रै देखि, हसाउँछ गज़लले।

बेरि दिन्छ काफिया र, रदिफ़ले आँफै,
मिठास बन्न तखल्लुसमा, धाउँछ गज़लले।

फोटो- आजको एउटा पोस्टमा म ♥♥

2013-07-11T11:50:00.001+05:30

गज़ल- प्यासी सित मेरी सानु.....

2013-04-24T11:37:00.003+05:30

प्यासी सित मेरी सानु, सजाउन पो आउँछेउ कि त ।
मनको उथल रात भरी, बगाउन पो आउँछेउ कि त ।

स'जाकिछेउ बगैंचा नै, फूली ढक-मक्क तिम्ले,
भमरा यो प्यासीलाई, बसाउन पो आउँछेउ कि त ।

प्यासी प्यासी तिम्रै प्यासी, दिल प्यासी मन प्यासी,
प्यासी सँग प्यासी माया, लगाउन पो आउँछेउ कि त ।

चन्चल मनले बोलाउछु, टोलाउँछु कल्पनामा,
बसन्तमा लाली-रंग, रंगाउन पो आउँछेउ कि त ।

दिलको प्यासी तिम्रो प्यासी, बनि दिउँला तिम्रो इक्षा,
प्यासीको त्यो बगैंचामा, रमाउन पो आउँछेऊ कि त ।

गजल- नगरे नि गल्ति.....

2013-03-10T23:47:00.003+05:30

नगरे नि गल्ति तिम्ले, गर्‍या देखें आज मैले ।
चट्ट मुटु तोडी तिम्ले, सर्‍या देखें आज मैले ।

कति थियो माया सानु, नाप्न भुल्यौ प्यासी सित ।
भुल्यौ नासो पराई सित, चर्‍या देखें आज मैले ।

कस्तो होला दिल तिम्रो, जन्म दियौ माया मार्यौ,
भुली जीवनसाथी खोला, तर्‍या देखें आज मैले ।

थिएन त माया भने, किन गाँस्यौ जुनी काट्ने,
टुट्यो मुटु बर्खे झरी, पर्‍या देखें आज मैले ।

बाँच्छु सानु जसो-तसो, नासो च्यापी नाम लिँदै,
आँफु आँफै पहिरोमा, मर्‍या देखें आज मैले ।

गजल- माया गरी तिमीलाई.....

2013-01-12T23:48:00.003+05:30

माया गरी तिमीलाई, मरेको दिन कस्तो होला ?
तिमी बाट धेरै टाढा, सरेको दिन कस्तो होला ?

सक्दिन म कल्पना नि, गर्न सानु यस्तो कुरा,
तिम्लाई छाडी बैतरणी, तरेको दिन कस्तो होला ?

लाँदा होलान् शंख फुकी, कात्रो बेरी लास बाँधी,
बाटो भरी लजा-टिला, छरेको दिन कस्तो होला ?

बर्खे -झरी भेल-बाढी, आउँदो होला आँगनमा,
मुसलधारे वर्षा-पानी, परेको दिन कस्तो होला ?

जलाउन तयारीमा, हुँदा होलान स-मलामी,
चिहानमा दाउरा-मिट्टी, भरेको दिन कस्तो होला ?

गज़ल- जून फुल्दा अँधेरीमा.....

2012-12-21T01:55:00.002+05:30

जून फुल्दा अँधेरीमा, रात अर्कै हुन्छ।
भयौ समिप भने मेरो, साथ् अर्कै हुन्छ।

निस्किदिन्छु कल्पनाको, अन्धकार चौतारीमा,
साथ पाउँदा रात संगै, मात अर्कै हुन्छ।

कति-कति कल्पनामा, पर्खिरन्छु तिमीलाई,
भुल्छु मन मधुर त्यो, बात अर्कै हुन्छ।

कल्पनाकी मेरी सानु, रुझ्दै भेट्न आईदिंदा,
मिलनमा दुई मनको, बर्षात् अर्कै हुन्छ।

भएनौ त साच्ची तिमी, खाली-खाली प्यासी खाली,
खाली तिमी उस्तै खाली, हात अर्कै हुन्छ।

भिडियो - तिम्लाई देखेर.....

2012-09-30T12:04:00.001+05:30

मलाई मन पर्ने चित्रांकित भिडियो हजुरहरुलाई प्रस्तुत गरेको छु। पुरै भिडियोहरु हेर्न

( यहाँ-कृष्ण प्यासी युट्युब ) थिच्नुहोस्।

गज़ल - तिमी छैनौ भने.....

2012-09-27T15:01:00.003+05:30

तिमी छैनौ भने दिलमा, बस्नु को के अर्थ ?

तिम्रो तस्बिर अंगालोमा, कस्नु को के अर्थ ?

चोखो प्रेमको पुजारी हुँ, माया तिम्लाई अति गर्छु,
तिमी छैनौ त्यो मनमा, पस्नु को के अर्थ ?

बिषालु त्यो यौवानोन्मात, साँची बसेकोछु,
गज़ल बाटो बनाएर, डस्नु को के अर्थ ?

छुपेकी छ्यौ लुकेकी छेउ, बर्षातमा ओझेल पर्दै,
झरी बनि रुझाउना, खस्नुको के अर्थ ?

गजल- लजाएर मुस्कुराउने.....

2012-09-09T14:09:00.001+05:30

लजाएर मुस्कुराउने, तिम्रो अधर राम्रो।
हेर्दै पागल बनाउने, तिम्रो नजर राम्रो।

शब्द छैन तारिफ गर्ने, कुन शब्दमा बोलौँ,
आँखा आँखा जुधाउने, तिम्रो टक्कर राम्रो।

पल्केछु पो कुन्नि क्या हो, लाग्छ सँधै पाउँ,
वास्नामा नि कति मिठो, तिम्रो अत्तर राम्रो।

कति गर्नु तिम्रो बयान, गरि साध्य छैन,
चंचल त्यो मिलनमा, तिम्रो रहर राम्रो।

सँधै भरि माया गरी, गरौँ मन परी,
फेरी आउंछु क्रेता बनि, तिम्रो शहर राम्रो।

फोटो - "फोटो भित्र म..."

2012-08-04T02:19:00.000+05:30

एउटा मेरो फोटो...

भिडियो - पानीको नृत्य यहाँ...

2012-06-06T23:13:00.001+05:30

दुबई शहर को एउटा प्रख्यात् Shopping Center दुबई म़ल र विश्वको सबै भन्दा अग्लो टावर Burj Khalifa नजिकै रहेको WATER FOUNTAIN मा संगीत संगै पानी नृत्य गरेको दृश्य मेरो मोबाईलबाट लिइएको भिडियो यहाँ... ।

मुक्तक - तिम्रो रुपमा...

2012-05-22T01:05:00.001+05:30

-->

तिम्रो रुपमा मेरी सानु, बाँचेको छु आज।

तिम्रो न्यानो माया सानु, साँचेको छु आज।

धेरै भयो नभेटेको, नदेखेको पनि,

कल्पी तिम्लाई बदनमा, टाँसेको छु आज।