KVARTHA: MALAYALAM NEWS | KERALA NEWS | KERALA VARTHA | ENTERTAINMENT ചുറ്റുവട്ടം മലയാളം വാര്‍ത്തകൾ

UIDAI | 10 വര്‍ഷങ്ങള്‍ക്ക് മുമ്പ് എടുത്ത ആധാര്‍ കാര്‍ഡ് അപ് ഡേറ്റ് ചെയ്തില്ലെങ്കില്‍ അസാധുവാകുമോ? വ്യാജ പ്രചാരണങ്ങള്‍ക്കെതിരെ യുഐഡിഎഐ

2024-05-23T22:49:00.004+05:30

ന്യൂഡെല്‍ഹി: (KVARTHA) പത്തുവര്‍ഷങ്ങള്‍ക്ക് മുമ്പ് എടുത്ത ആധാര്‍ കാര്‍ഡ് അപ് ഡേറ്റ് ചെയ്തില്ലെങ്കില്‍ ജൂണ്‍ 14 ന് ശേഷം അസാധുവാകുമെന്ന വാര്‍ത്തയ്‌ക്കെതിരെ പ്രതികരണവുമായി യുഐഡിഎഐ(യുനീക് ഐഡന്റിഫികേഷന്‍ അധോറിറ്റി ഓഫ് ഇന്‍ഡ്യ).

സമൂഹ മാധ്യമങ്ങളില്‍ ഇതുസംബന്ധിച്ച് വ്യാപകമായ വാര്‍ത്തകള്‍ പ്രചരിച്ചതോടെയാണ് ഇക്കാര്യത്തില്‍ യുഐഡിഎഐ പ്രതികരണവുമായി രംഗത്തെത്തിയത്. പ്രചരിക്കുന്നത് വ്യാജ വാര്‍ത്തയാണെന്ന് യുഐഡിഎഐ അറിയിച്ചു. 10 വര്‍ഷത്തിന് ശേഷവും ആധാര്‍ കാര്‍ഡ് അപ് ഡേറ്റ് ചെയ്തില്ലെങ്കിലും അവയുടെ സാധുത തുടരുമെന്നും യുഐഡിഎഐ വ്യക്തമാക്കി.

ആധാര്‍ കാര്‍ഡുമായി ബന്ധപ്പെട്ട് ഇത്തരം വ്യാജ വാര്‍ത്തകള്‍ പ്രചരിച്ചത് കുറച്ച് നാളുകള്‍ക്ക് മുമ്പ് പുറത്തുവന്ന ഒരു വാര്‍ത്തയെ കേന്ദ്രീകരിച്ചാണ്. ആധാര്‍ വിവരങ്ങള്‍ സൗജന്യമായി അപ് ഡേറ്റ് ചെയ്യാനുള്ള സമയപരിധി 2024 ജൂണ്‍ 14 വരെ കേന്ദ്രം നീട്ടിയിരുന്നു.

നേരത്തെ മാര്‍ച് 14 വരെയായിരുന്നു സമയപരിധി. പിന്നീട് സമയ പരിധി ജൂണ്‍ 14 വരെ നീട്ടിനല്‍കുകയായിരുന്നു. എന്നാല്‍ സൗജന്യമായി ഓണ്‍ലൈനായി രേഖകള്‍ അപ്ലോഡ് ചെയ്യുന്നതിനുള്ള സൗകര്യമാണ് ജൂണ്‍ 14 വരെ നീട്ടിയത്. ഇതാണ് ജൂണ്‍ 14ന് മുമ്പ് പത്തുവര്‍ഷങ്ങള്‍ക്ക് മുമ്പ് എടുത്ത ആധാര്‍ കാര്‍ഡ് അപ് ഡേറ്റ് ചെയ്തില്ലെങ്കില്‍ അസാധുവാകും എന്ന തരത്തില്‍ അഭ്യൂഹം പരക്കാന്‍ ഇടയാക്കിയതെന്നും യുഐഡിഎഐ വിശദീകരിച്ചു.

ജൂണ്‍ 14 നുള്ളില്‍ സൗജന്യമായി ആധാര്‍ പുതുക്കാം. ഓണ്‍ലൈനായി അപ് ഡേറ്റ് ചെയ്താല്‍ മാത്രമേ സൗജന്യ അപ് ഡേറ്റ് സൗകര്യം ലഭിക്കൂ. എന്നിരുന്നാലും നിശ്ചിത സമയ പരിധി കഴിഞ്ഞാല്‍ ആധാര്‍ സേവാ കേന്ദ്രത്തില്‍ പോയി പണം നല്‍കി ആധാര്‍ കാര്‍ഡ് അപ് ഡേറ്റ് ചെയ്യാവുന്നതാണെന്നും, മറ്റ് പ്രശ്‌നങ്ങളൊന്നും ഇല്ലെന്നും യുഐഡിഎഐ അറിയിച്ചു.

Keywords: Does Aadhaar Card Become Invalid If Not Updated For 10 Years? UIDAI Answers, New Delhi, News, Aadhaar Card, UIDAI, Explanation, Aadhaar-PAN-News, Social Media, Fact-Check, National News.

Controversy | പാനൂരിലെ രക്തസാക്ഷി മന്ദിരം ഉദ് ഘാടനത്തില്‍ നിന്നും എംവി ഗോവിന്ദന്‍ വിട്ടുനിന്നത് ചര്‍ചയായി; വിശദീകരണവുമായി എംവി ജയരാജന്‍

2024-05-23T22:34:00.004+05:30

കണ്ണൂര്‍: (KVARTHA) തലശേരി താലൂകിലെ സ്ഥിരം രാഷ്ട്രീയ സംഘര്‍ഷഭൂമിയായ പാനൂരില്‍ ബോംബ് നിര്‍മാണത്തിനിടെ കൊല്ലപ്പെട്ടവര്‍ക്കായി സിപിഎം നിര്‍മിച്ച രക്തസാക്ഷി സ്മാരക മന്ദിരത്തിന്റെ ഉദ് ഘാടനത്തിന് സംസ്ഥാന സെക്രടറി എംവി ഗോവിന്ദന്‍ പങ്കെടുക്കാത്തത് അണികളില്‍ പ്രതിഷേധത്തിനിടയാക്കുന്നു. രാഷ്ട്രീയ വിവാദം ഭയന്നല്ല പാര്‍ടി സംസ്ഥാന സെക്രടറി പങ്കെടുക്കാത്തതെന്ന് കണ്ണൂര്‍ ജില്ലാ സെക്രടറി എംവി ജയരാജന്‍ വിശദീകരിച്ചിട്ടുണ്ടെങ്കിലും അണികളും പ്രവര്‍ത്തകരും ഉള്‍ക്കൊണ്ടിട്ടില്ല.

പാര്‍ടി സംസ്ഥാന സെക്രടറിക്ക് ഒഴിച്ചുകൂടാനാവാത്ത പരിപാടികള്‍ ഉള്ളതുകൊണ്ടാണ് പങ്കെടുക്കാത്തതെന്നാണ് ജില്ലാ നേതൃത്വത്തിന്റെ വിശദീകരണം. എന്നാല്‍ നേരത്തെ ഉദ് ഘാടകനായി നിശ്ചയിച്ചിരുന്ന സിപിഎം സംസ്ഥാന സെക്രടറി എംവി ഗോവിന്ദന്‍ ഉദ് ഘാടനത്തില്‍ നിന്നും വിട്ടുനിന്നത് രക്ത സാക്ഷികളോടുള്ള അനാദരവാണെന്ന വിമര്‍ശനമാണ് ഉയരുന്നത്.

എം വി ഗോവിന്ദന് പകരം സിപിഎം കണ്ണൂര്‍ ജില്ലാ സെക്രടറി എംവി ജയരാജനാണ് ഉദ്ഘാടനം ചെയ്തത്. പാനൂര്‍ തെക്കുംമുറിയിലാണ് സിപിഎം സ്മാരകം നിര്‍മിച്ചത്. ബോംബ് നിര്‍മാണത്തിനിടെ കൊല്ലപ്പെട്ട ഷൈജു, സുബീഷ് എന്നിവരുടെ പേരിലാണ് സ്മാരകം.

പാനൂര്‍ ചെറ്റക്കണ്ടിയിലെ കുന്നിന്‍ മുകളിലെ ആളൊഴിഞ്ഞ പറമ്പില്‍ ബോംബ് നിര്‍മാണത്തിനിടെ 2015 ജൂണ്‍ ആറിനാണ് സ്‌ഫോടനത്തില്‍ സിപിഎം പ്രവര്‍ത്തകരായ ഷൈജു, സുബീഷ് എന്നിവര്‍ കൊല്ലപ്പെട്ടത്.

സ്‌ഫോടനത്തില്‍ പാര്‍ടിക്ക് പങ്കില്ലെന്നും തെറ്റായ വിവരങ്ങള്‍ പ്രചരിപ്പിക്കുകയാണെന്നുമാണ് അന്ന് സിപിഎം സംസ്ഥാന സെക്രടറിയായിരുന്ന കോടിയേരി ബാലകൃഷ്ണന്‍ പറഞ്ഞത്. എന്നാല്‍ സംസ്ഥാന സെക്രടറി തള്ളിപ്പറഞ്ഞപ്പോഴും അന്ന് ഷൈജുവിന്റെയും സുബീഷിന്റെയും മൃതദേഹങ്ങള്‍ പോസ്റ്റ് മോര്‍ടത്തിനുശേഷം ഏറ്റുവാങ്ങിയത് അന്നത്തെ സിപിഎം കണ്ണൂര്‍ ജില്ലാ സെക്രടറി പി ജയരാജനായിരുന്നു.

2016 ഫെബ്രുവരിയില്‍ സിപിഎം നേതൃത്വത്തില്‍ ഇരുവര്‍ക്കും സ്മാരകം നിര്‍മിക്കാന്‍ ധനസമാഹരണം നടത്തി. ബോംബ് നിര്‍മാണത്തിനിടെ മരിച്ച സുബീഷിനെയും, ഷൈജുവിനെയും രക്തസാക്ഷികളായി പ്രഖ്യാപിച്ച് 2016 ജൂണ്‍ ആറുമുതല്‍ സുബീഷ്, ഷൈജു രക്തസാക്ഷിത്വ ദിനാചരണത്തിനും തുടക്കമിട്ടു. ആര്‍ എസ് എസ് ആക്രമണങ്ങളെ പ്രതിരോധിക്കുന്നതിനിടെ കൊല്ലപ്പെട്ടവര്‍ എന്നാണ് രക്തസാക്ഷി ദിനാചരണത്തെ കുറിച്ചുള്ള സിപിഎമിന്റെ ഔദ്യോഗിക വിശദീകരണം.

പാനൂര്‍ തെക്കുംമുറിയിലാണ് ഷൈജു, സുബീഷ് എന്നിവര്‍ക്കായി സ്മാരകം നിര്‍മിച്ചത്. രക്തസാക്ഷി ദിനാചരണത്തോടനുബന്ധിച്ച് ബഹുജന റാലിയടക്കം വിപുലമായ പരിപാടികളും സി പി എം സംഘടിപ്പിച്ചു. ഇക്കഴിഞ്ഞ ലോക് സഭ തിരഞ്ഞെടുപ്പ് വേളയില്‍ പാനൂര്‍ മുളിയാത്തോട് മാവുള്ള ചാലില്‍ ബോംബ് നിര്‍മാണത്തിനിടെയുണ്ടായ സ്‌ഫോടനത്തില്‍ ഷെറിന്‍ എന്ന സി പി എം പ്രവര്‍ത്തകന്‍ കൊല്ലപ്പെട്ടിരുന്നു.

അതിലും പാര്‍ടിക്ക് പങ്കില്ലെന്നും ഗുണ്ടാ സംഘങ്ങള്‍ തമ്മിലുള്ള ഏറ്റുമുട്ടലാണ് ബോംബ് നിര്‍മാണത്തിന് കാരണമായതെന്നുമാണ് പാര്‍ടി നേതൃത്വത്തിന്റെ വിശദീകരണം. ചെറ്റക്കണ്ടിയില്‍ ബോംബ് നിര്‍മാണത്തിന് ഇരയാവരെ രക്തസാക്ഷികളായി വാഴ്ത്തുകയും മൂളിയത്തോടില്‍ തള്ളിപ്പറയുകയും ചെയ്യുന്ന നേതൃത്വത്തിന്റെ ഇരട്ടത്താപ്പിനെതിരെ അണികള്‍ തന്നെ രംഗത്തുവന്നിരുന്നു.

Keywords: Controversy over MV Govindan's absence from the inauguration of the Martyrs' building in Panoor; MV Jayarajan with explanation, Kannur, News, Controversy, Politics, MV Govindan, CPM, Bomb Blast, RSS, Kerala.

Jaundice | ചപ്പാരപ്പടവ് പഞ്ചായതില്‍ മഞ്ഞപ്പിത്തം പടരുന്നു; പ്രതിരോധ പ്രവര്‍ത്തനങ്ങളുമായി ആരോഗ്യ വകുപ്പ്

2024-05-23T21:41:00.002+05:30

കണ്ണൂര്‍: (KVARTHA) കണ്ണൂര്‍ ജില്ലയിലെ ചപ്പാരപ്പടവ് പഞ്ചായതില്‍ മഞ്ഞപ്പിത്ത(ഹെപ്പറ്റെറ്റിസ് എ)കേസുകള്‍ വര്‍ധിക്കുന്നതിനാല്‍ പ്രദേശത്ത് ജാഗ്രത വേണമെന്ന് ആരോഗ്യവകുപ്പ് അധികൃതര്‍ അറിയിച്ചു. കഴിഞ്ഞ വര്‍ഷം 50 ല്‍ അധികം മഞ്ഞപ്പിത്ത കേസുകളും രണ്ട് മരണവും റിപോര്‍ട് ചെയ്യപ്പെട്ടിട്ടുള്ള പ്രദേശമാണ് ചപ്പാരപ്പടവ് പഞ്ചായത്.

ഈ വര്‍ഷം ജില്ലയില്‍ പരിയാരം, തൃപ്പങ്ങോട്ടൂര്‍, മാലൂര്‍ എന്നീ പ്രദേശങ്ങളിലാണ് മഞ്ഞപ്പിത്ത ഔട് ബ്രേകുകള്‍ ആയി റിപോര്‍ട് ചെയ്തിട്ടുണ്ടായിരുന്നത്. ഈ ഔട് ബ്രേകുകളും മറ്റ് ഒറ്റപ്പെട്ട കേസുകളും കൂടി ജില്ലയില്‍ ഈ വര്‍ഷം ഇതുവരെ 150 ഓളം മഞ്ഞപ്പിത്ത കേസുകള്‍ റിപോര്‍ട് ചെയ്തിട്ടുണ്ട്. ഇതില്‍ ഔട് ബ്രേക് റിപോര്‍ട് ചെയ്ത പരിയാരത്ത് ഒരു കാവിലെ ഉത്സവസ്ഥലത്ത് നിന്ന് ഐസ്‌ക്രീം കഴിച്ചതുമായി ബന്ധപ്പെട്ടാണ് കുറച്ചു കേസുകള്‍ ഉണ്ടായിരുന്നത്.

ചപ്പാരപ്പടവില്‍ റിപോര്‍ട് ചെയ്തിരിക്കുന്ന പുതിയ ഒമ്പത് മഞ്ഞപ്പിത്ത കേസുകള്‍ അഞ്ചാം വാര്‍ഡ് പ്രദേശത്താണ്. പ്രദേശത്തെ കിണറുകള്‍ ക്ലോറിനേറ്റ് ചെയ്യുകയും മൈക് അനൗണ്‍സ് മെന്റ് നടത്തി ബോധവല്‍ക്കരണം നടത്തുകയും ചെയ്തു. ഡെപ്യൂടി ജില്ലാ മെഡികല്‍ ഓഫീസര്‍ ഡോ കെ സി സചിന്റെ നേതൃത്വത്തിലുള്ള ജില്ലാ ടീം സ്ഥലം സന്ദര്‍ശിച്ചു.

Keywords: Jaundice spreads in Chaparpadav Panchayat; Department of Health with prevention activities, Kannur, News, Jaundice Spreads, Chaparpadav Panchayat, Health, Prevention, Medical Officer, Awareness, Kerala.

Jailed | ഉദ്യോഗത്തിലിരിക്കെ വരവില്‍ കവിഞ്ഞ സ്വത്ത് സമ്പാദിച്ചെന്ന കേസ്: സിഡ് കോ മുന്‍ സെയില്‍സ് മാനേജര്‍ക്ക് 3 വര്‍ഷം തടവും 29 ലക്ഷം രൂപ പിഴയും

2024-05-23T21:23:00.003+05:30

തിരുവനന്തപുരം: (KVARTHA) ഉദ്യോഗത്തിലിരിക്കെ വരവില്‍ കവിഞ്ഞ സ്വത്ത് സമ്പാദിച്ചെന്ന കേസില്‍ സിഡ് കോ മുന്‍ സെയില്‍സ് മാനേജരും ടോടല്‍ 4 യു തട്ടിപ്പ് കേസിലെ പ്രതിയുമായ ചന്ദ്രമതിയമ്മയ്ക്ക് മൂന്ന് വര്‍ഷം തടവും 29 ലക്ഷം രൂപ പിഴയും ശിക്ഷ വിധിച്ച് തിരുവനന്തപുരം വിജിലന്‍സ് കോടതി.

2005 ജനുവരി മുതല്‍ 2008 നവംബര്‍ വരെ സിഡ്കോ സെയില്‍സ് മാനേജരായിരുന്ന ചന്ദ്രമതിയമ്മ ഈ കാലയളവില്‍ വരവിനേക്കാള്‍ കൂടുതല്‍ സ്വത്ത് അനധികൃതമായി സമ്പാദിച്ചതുമായി ബന്ധപ്പെട്ട് തിരുവനന്തപുരം വിജിലന്‍സ് സ്പെഷല്‍ സെല്‍ ആണ് കേസ് രെജിസ്റ്റര്‍ ചെയ്ത് അന്വേഷണം നടത്തിയത്.

തിരുവനന്തപുരം വിജിലന്‍സ് സ്‌പെഷ്യല്‍ സെല്‍ മുന്‍ സൂപ്രണ്ട് സിപി ഗോപകുമാര്‍ രെജിസ്റ്റര്‍ ചെയ്ത കേസില്‍ മുന്‍ ഇന്‍സ്‌പെക്ടര്‍മാരായിരുന്ന റെജി ജേക്കബ്, അജിത് കുമാര്‍, അശോകന്‍, എസ് എസ് സുരേഷ് കുമാര്‍ എന്നിവരാണ് അന്വേഷണം നടത്തിയത്. മുന്‍ സൂപ്രണ്ട് വിഎന്‍ ശശിധരന്‍ കുറ്റപത്രം സമര്‍പ്പിച്ചു.

പ്രോസിക്യൂഷന് വേണ്ടി വിജിലന്‍സ് പബ്ലിക് പ്രോസിക്യൂടര്‍ എആര്‍ രഞ്ജിത് കുമാര്‍ ഹാജരായി. പൊതുജനങ്ങളുടെ ശ്രദ്ധയില്‍ അഴിമതി സംബന്ധിച്ച വിവരങ്ങള്‍ ലഭിക്കുകയാണെങ്കില്‍ വിജിലന്‍സിന്റെ ടോള്‍ ഫ്രീ നമ്പരായ 1064 എന്ന നമ്പരിലോ 8592900900 എന്ന നമ്പരിലോ വാട്‌സ് ആപ് നമ്പരായ 9447789100 എന്ന നമ്പരിലോ അറിയിക്കണമെന്ന് വിജിലന്‍സ് ഡയറ്കടര്‍ ടികെ വിനോദ് കുമാര്‍ ഐ പി എസ് അറിയിച്ചു.

Keywords: CIDCO former sales manager Chandramati Amma gets 3 years in jail and 29 lakh fine, Thiruvananthapuram, News, CIDCO Former Sales Manager Chandramati Amma, Jailed, Vigilance Court, Probe, Corruption, Chargesheet, Kerala News.

Meeting | യുജി ഓണ്‍ലൈന്‍ അപേക്ഷയിലെ തകരാര്‍: കെ എസ് യു നേതാക്കള്‍ കണ്ണൂര്‍ സര്‍വകലാശാല വിസിയുമായി കൂടിക്കാഴ്ച നടത്തി

2024-05-23T20:52:00.002+05:30

കണ്ണൂര്‍: (KVARTHA) കണ്ണൂര്‍ യൂനിവേഴ്‌സിറ്റി യു ജി അഡ് മിഷന്‍ ഓണ്‍ലൈന്‍ ആപ്ലികേഷന്‍ നല്‍കുമ്പോള്‍ സാങ്കേതിക തകരാറുകള്‍ കാരണം പ്രയാസം നേരിടുന്ന വിദ്യാര്‍ഥികളുടെയും ആശങ്കകള്‍ പരിഹരിക്കണമെന്നും എന്‍ എസ് എസ് അടക്കമുള്ള സംഘടനകളില്‍ പ്രവര്‍ത്തിച്ച മുഴുവന്‍ വിഷയങ്ങളിലും എ പ്ലസ് നേടിയ ഗ്രേസ് മാര്‍ക് ലഭിക്കാത്ത വിദ്യാര്‍ഥികള്‍ക്ക് വെയിറ്റേജ് നല്‍കണമെന്നും പുതിയ അകാഡമിക് വര്‍ഷത്തെ കോഴ്‌സുകളുടെ സിലബസ് ഉടന്‍ പ്രസിദ്ധീകരിക്കണമെന്നും ആവശ്യപ്പെട്ട് കെ എസ് യു ജില്ലാ പ്രസിഡന്റ് എം സി അതുലിന്റെ നേതൃത്വത്തില്‍ കണ്ണൂര്‍ സര്‍വകലാശാല വൈസ് ചാന്‍സലര്‍ ബിജോയ് നന്ദനുമായി ചര്‍ച നടത്തി.

സെര്‍വര്‍ തകരാറുകള്‍ പരിഹരിച്ച് വരുന്നുവെന്നും ഉടനടി പൂര്‍ണ സജ്ജമാക്കുമെന്നും ഓണ്‍ലൈന്‍ പെയ് മെന്റ് വഴി അധിക തുക അടക്കേണ്ടി വന്ന വിദ്യാര്‍ഥികള്‍ക്ക് പണം തിരികെ നല്‍കാനുള്ള സംവിധാനം ഏര്‍പ്പാടാക്കുമെന്നും സിലബസുകള്‍ ജൂണ്‍ 20 നകം പ്രസിദ്ധീകരിക്കാനുള്ള നടപടിക്രമങ്ങള്‍ നടത്തുമെന്നും വി സി ഉറപ്പ് നല്‍കിയതായി കെ എസ് യു നേതാക്കള്‍ അറിയിച്ചു.

ഈ വിഷയങ്ങളില്‍ വീഴ്ചകള്‍ വരുന്ന പക്ഷം ശക്തമായ സമര പരിപാടികളുമായി കെ എസ് യു മുന്നോട്ട് പോകുമെന്ന് നേതാക്കള്‍ അറിയിച്ചു. കെ എസ് യു ജില്ലാ വൈസ് പ്രസിഡന്റുമാരായ ജോസഫ് തലക്കല്‍, രാഗേഷ് ബാലന്‍, അമല്‍ തോമസ് എന്നിവര്‍ ചര്‍ചയില്‍ പങ്കെടുത്തു.

Keywords: Glitch in UG online application: KSU leaders meet Kannur University VC, Kannur, News, UG online Application, KSU Leaders, Meeting, Kannur University VC, Students, Education, Kerala.

Mandakini | പ്രേക്ഷകരെ കുടുകുടാ ചിരിപ്പിക്കാന്‍ മന്ദാകിനി മെയ് 24ന് പ്രേക്ഷകര്‍ക്ക് മുന്നില്‍ എത്തുന്നു; പ്രദര്‍ശിപ്പിക്കുന്ന തിയേറ്ററുകള്‍ അറിയാം

2024-05-23T20:04:00.004+05:30

കൊച്ചി: (KVARTHA) പ്രേക്ഷകരെ കുടുകുടാ ചിരിപ്പിക്കാന്‍ മന്ദാകിനി മെയ് 24ന് പ്രേക്ഷകര്‍ക്ക് മുന്നില്‍ എത്തുന്നു. അല്‍ത്താഫ് സലീം, അനാര്‍ക്കലി മരിക്കാര്‍ എന്നിവര്‍ കേന്ദ്ര കഥാപാത്രങ്ങളായ സിനിമ പ്രേക്ഷകര്‍ ഇരുകയ്യോടും സ്വീകരിക്കും എന്നകാര്യത്തില്‍ സംശയമില്ല. നിറഞ്ഞ സദസില്‍ തന്നെ ചിത്രം ഓടും എന്നാണ് ട്രെയിലര്‍ കണ്ടശേഷമുള്ള നിരൂപകരുടെ അഭിപ്രായം. വിനോദ് ലീല തിരക്കഥയെഴുതി സംവിധാനം ചെയ്ത ഈ കോമഡി എന്റര്‍ടെയ്‌നര്‍ ചിത്രത്തിന് കഥ എഴുതിയത് ഷിജു എം ഭാസ്‌കര്‍, ശാലു എന്നിവര്‍ ചേര്‍ന്ന്.

ക്യാമറയും ഷിജു എം ബാസ്‌കര്‍ തന്നെ ആണ് കൈകാര്യം ചെയ്തത്. ബിബിന്‍ അശോക് സംഗീതം ഒരുക്കുന്നു. സംവിധായകന്‍ അല്‍ത്താഫ് സലിമിനോടൊപ്പം മലയാള സിനിമയിലെ പ്രമുഖ സംവിധായകരായ ലാല്‍ ജോസ്, ജൂഡ് ആന്റണി ജോസഫ്, ജിയോ ബേബി, അജയ് വാസുദേവ് എന്നിവരും സുപ്രധാന വേഷങ്ങളിലെത്തുന്നു. പ്രിയ വാര്യരും അതിഥി വേഷത്തില്‍ എത്തുന്നുണ്ട്.

ആരോമല്‍ എന്ന കഥാപാത്രമായി അല്‍ത്താഫ് വേഷമിടുന്ന ചിത്രത്തില്‍ അമ്പിളി എന്ന കഥാപാത്രത്തെയാണ് അനാര്‍ക്കലി അവതരിപ്പിക്കുന്നത്. ഗണപതി, ജാഫര്‍ ഇടുക്കി, സരിത കുക്കു, വിനീത് തട്ടില്‍, അശ്വതി ശ്രീകാന്ത്, കുട്ടി അഖില്‍, അഖില നാഥ്, അല എസ് നൈന, ഗിന്നസ് വിനോദ്, രശ്മി അനില്‍, ബബിത ബശീര്‍, പ്രതീഷ് ജേക്കബ്, അമ്പിളി സുനില്‍, അഖില്‍ ഷാ, അജിംഷാ എന്നിവരും ചിത്രത്തിലുണ്ട്.

എക്‌സിക്യൂടീവ് പ്രൊഡ്യൂസര്‍ ബിനു നായര്‍, ചിത്രസംയോജനം ഷെറില്‍, കലാസംവിധാനം സുനില്‍ കുമാരന്‍, വസ്ത്രാലങ്കാരം ബബിഷ കെ രാജേന്ദ്രന്‍, മേക്കപ്പ് മനു മോഹന്‍, പ്രൊഡക്ഷന്‍ കണ്‍ട്രോളര്‍ ഷിഹാബ് വെണ്ണല, പ്രൊജക്ട് ഡിസൈനര്‍ സൗമ്യത വര്‍മ, സൗണ്ട് ഡിസൈന്‍ രംഗനാഥ് രവി, ചീഫ് അസോസിയേറ്റ് ഡയറക്ടര്‍ ഏബിള്‍ കൗസ്തുഭം, പ്രൊഡക്ഷന്‍ എക്‌സിക്യൂടീവ് വിനോദ് വേണുഗോപാല്‍, പ്രൊഡക്ഷന്‍ മാനേജര്‍ ആന്റണി തോമസ്, മനോജ് സ്റ്റില്‍സ് ഷൈന്‍ ചെട്ടികുളങ്ങര, പോസ്റ്റര്‍ ഡിസൈന്‍ ഓള്‍ഡ് മങ്ക്‌സ്, പിആര്‍ഒ എ എസ് ദിനേശ്, ശബരി എന്നിവരാണ് മറ്റ് അണിയറ പ്രവര്‍ത്തകര്‍.

ചിത്രം പ്രദര്‍ശിപ്പിക്കുന്ന തിയേറ്ററുകള്‍ അറിയാം:

എറണാകുളം / PVR ലുലു

എറണാകുളം / PVR ഒബറോൺ
എറണാകുളം / ഫോറം മാൾ
എറണാകുളം / സിനിപോളിസ്
എറണാകുളം / പദ്‌മ
എറണാകുളം / ഷേണായീസ്
ഇടപ്പള്ളി / വനിത

തിരുവനന്തപുരം / PVR ലുലു
തിരുവനന്തപുരം / MOT സിനിപോളിസ്
തിരുവനന്തപുരം / ആർട്ടിക്
തിരുവനന്തപുരം / ഗ്രീൻഫീൽഡ്
തിരുവനന്തപുരം / ഏരീസ് പ്ലെക്സ്
തിരുവനന്തപുരം / നിള
തിരുവനന്തപുരം / കലാഭവൻ
ആറ്റിങ്ങൽ / യമുന
നെടുമങ്ങാട് / സൂര്യ
വർക്കല / സ്‌റ്റാർ
കൊല്ലം / രമ്യ
കൊല്ലം / MY സിനിമാസ്
കരുനാഗപ്പള്ളി / MY സിനിമാസ്
പാരിപ്പള്ളി / ഭവതി
ചാത്തന്നൂർ / LM സിനിമാസ്
കൊട്ടാരക്കര / മിനർവ
പുനലൂർ / D മാൾ
കട്ടപ്പന / ഐശ്വര്യ
തൊടുപുഴ / ആശിർവാദ്
അടിമാലി / മാത
ഹരിപ്പാട് / M ലാൽ സിനിപ്ലക്സ്
കടപ്ര / ആശിർവാദ്
കായംകുളം / SV സിനിമാസ്
മാവേലിക്കര / സാന്ദ്ര
തിരുവല്ല / ന്യൂ ജേക്കബ്സ്
ആലപ്പുഴ / പാൻ സിനിമാസ്
ആലപ്പുഴ / AEC
കോട്ടയം / അനശ്വര
ഏറ്റുമാനൂർ / UGM സിനിമാസ്
തലയോലപ്പറമ്പ് / MY സിനിമാസ്
ചേർത്തല / EVM
അങ്കമാലി / MY സിനിമാസ്
മൂക്കന്നൂർ / JM മൂവീസ്
ആലുവ / സീനത്ത്
തൃപ്പൂണിത്തുറ / ന്യൂ സെൻട്രൽ ടാക്കീസ്
മൂവാറ്റുപുഴ / ലക്ഷ്‌മി
മൂവാറ്റുപുഴ / ആശിർവാദ്
കോതമംഗലം / ആൻ
പെരുമ്പാവൂർ / ആശിർവാദ്
ആമ്പല്ലൂർ / ചാന്ദ് വി
ഇരിഞ്ഞാലക്കുട / ചെമ്പകശ്ശേരി

തൃശൂർ / INOX ശോഭ സിറ്റി
തൃശൂർ / ജോസ്
തൃശൂർ / രവികൃഷ്‌ണ
ഊരകം / ശിവദം
ഗുരുവായൂർ / ദേവകി
കുന്നംകുളം / ഭാവന
തൃപ്രയാർ / JK സിനിമാസ്
തൃപ്രയാർ / VB മാൾ വാടാനപ്പള്ളി / അശോക
പാലക്കാട് / V സിനിമാസ്
കൊപ്പം / സിന്റിക്കേറ്റ് വടക്കഞ്ചേരി / കാടൻകാവിൽ
ലക്കിടി / ലാഡർ
ഒറ്റപ്പാലം / ലക്ഷ്‌മി
മണ്ണാർക്കാട് / മിലൻ M ലാൽ സിനിപ്ലക്‌സ്
ഷൊർണുർ / പട്ടാമ്പി / മാജിക് ഫ്രെയിംസ്
പട്ടാമ്പി / അലക്സ‌്
കൊല്ലങ്കോട് / ഗൗരി
കാസർഗോഡ് / മാജിക് ഫ്രെയിംസ് മെഹബൂബ്
കാഞ്ഞങ്ങാട് / VGM
പയ്യന്നൂർ / സുമംഗലി
ആലക്കോട് / ഫിലിം സിറ്റി
കണ്ണൂർ / സവിത ഫിലിം സിറ്റി
തലശ്ശേരി / ലിബർട്ടി
തലശ്ശേരി / മാജിക് ഫ്രെയിംസ്
വടകര / വൺ ടു വൺ
മുക്കം / റോസ്
കോഴിക്കോട് / AR സിനിമാസ്
കോഴിക്കോട് / RP ആശിർവാദ്
കോഴിക്കോട് / പാലക്‌സി കോഴിക്കോട് / മിറാജ് സിനിമാസ്
കോഴിക്കോട് / സിനിപോളിസ്
മെഡിക്കൽ കോളേജ് / E മാക്‌സ്
ഈസ്‌റ്റ് ഹിൽ / റീഗൽ
കുന്നമംഗലം / മാജിക് ഫ്രെയിംസ് ഫറോക്ക് / മല്ലിക
സുൽത്താൻ ബത്തേരി / ഐശ്വര്യ മാനന്തവാടി
/ മാരുതി E സിനിമാസ് പുൽപള്ളി / ബ്ലൂ മൂൺ
നിലമ്പൂർ / ഫെയ്‌റിലാൻഡ്
മഞ്ചേരി / ലാഡർ
പെരിന്തൽമണ്ണ / വിസ്‌മയ
വളാഞ്ചേരി / പവിത്ര
എടപ്പാൾ / ശാരദ
ചങ്ങരംകുളം / മാർസ്

Keywords: Mandakini movie Released Friday, Theaters Are, Kochi, News, Mandakini, Released, Theatre, Music, Actors, Director, Script, Kerala.

Ambati Rayudu | പ്ലേഓഫില്‍ നന്നായി കളിച്ചാല്‍ മാത്രമേ കിരീടങ്ങള്‍ നേടാനാകൂ; വലിയ ആഘോഷപ്രകടനങ്ങള്‍ നടത്തിയെന്നുവച്ച് ആര്‍സിബിക്ക് ട്രോഫികള്‍ നേടാനാകില്ല; പരിഹാസവുമായി മുന്‍ ഇന്‍ഡ്യന്‍ താരം അംബാട്ടി റായുഡു

2024-05-23T18:02:00.002+05:30

അഹ് മദാബാദ്: (KVARTHA) ഐപിഎല്‍ എലിമിനേറ്ററില്‍ രാജസ്താന്‍ റോയല്‍സിനോട് തോറ്റതിന് പിന്നാലെ റോയല്‍ ചലഞ്ചേഴ്‌സ് ബംഗ്ലൂരിനെ പരിഹസിച്ച് മുന്‍ ഇന്‍ഡ്യന്‍ താരം അംബാട്ടി റായുഡു.

വലിയ ആഘോഷപ്രകടനങ്ങള്‍ നടത്തിയെന്നുവച്ച് ആര്‍സിബിക്ക് ട്രോഫികള്‍ വിജയിക്കാന്‍ സാധിക്കില്ലെന്ന് പറഞ്ഞ റായുഡു പ്ലേഓഫില്‍ നന്നായി കളിച്ചാല്‍ മാത്രമേ കിരീടങ്ങള്‍ നേടാനാകൂവെന്നും തുറന്നടിച്ചു. ചെന്നൈ സൂപ്പര്‍ കിങ്‌സില്‍ ധോണിക്ക് കീഴില്‍ കളിച്ചിട്ടുള്ള താരമാണ് അംബാട്ടി റായുഡു. ഒരു സ്‌പോര്‍ട്‌സ് മാധ്യമത്തിലെ ചര്‍ചയിലാണ് ബംഗ്ലൂരിനെതിരെയുള്ള റായിഡുവിന്റെ വിമര്‍ശനം.

റായുഡുവിന്റെ വാക്കുകള്‍:

വലിയ ആഘോഷങ്ങളും രോഷപ്രകടനങ്ങളും കൊണ്ട് ഐപിഎല്‍ ട്രോഫി നേടാനാകില്ല. ചെന്നൈ സൂപ്പര്‍ കിങ്‌സിനെ തോല്‍പിച്ചതുകൊണ്ടുമാത്രം ട്രോഫി കിട്ടാന്‍ പോകുന്നില്ല. പ്ലേ ഓഫ് മത്സരങ്ങളില്‍ നന്നായി കളിക്കുക മാത്രമാണ് കിരീടം നേടാനുള്ള വഴി. അതിനൊരു മികച്ച ടീം ആര്‍സിബിക്ക് ആവശ്യമായി വരും.

ഇന്‍ഡ്യന്‍ താരങ്ങളെയും പരിശീലകരെയും വിശ്വാസത്തിലെടുക്കാന്‍ ബംഗ്ലൂര്‍ തയാറാകണം. ഐപിഎലില്‍ ഇന്‍ഡ്യക്കാരായ താരങ്ങളെ നിങ്ങള്‍ക്ക് ഒഴിവാക്കാനാകില്ല. ചെന്നൈ സൂപ്പര്‍ കിങ്‌സ്, മുംബൈ ഇന്‍ഡ്യന്‍സ്, കൊല്‍കത നൈറ്റ് റൈഡേഴ്‌സ് എന്നീ ടീമുകള്‍ക്ക് അതറിയാം. അതുകൊണ്ടാണ് ആ ടീമുകള്‍ എപ്പോഴും ഗംഭീര പ്രകടനം നടത്തുന്നത്- എന്നും റായുഡു പ്രതികരിച്ചു.

ലീഗ് ഘട്ടത്തിലെ നിര്‍ണായക മത്സരത്തില്‍ ചെന്നൈ സൂപ്പര്‍ കിങ്‌സിനെ തോല്‍പിച്ച ആര്‍സിബി നടത്തിയ ആഘോഷ പ്രകടനങ്ങളെ ഇതിനുമുമ്പും റായുഡു വിമര്‍ശിച്ചിരുന്നു. ചെന്നൈ അവരുടെ ഒരു ട്രോഫി ബംഗ്ലൂരിന് കൊടുത്താല്‍, ആര്‍സിബി നഗരത്തില്‍ പരേഡ് നടത്തുമെന്നായിരുന്നു റായുഡുവിന്റെ കമന്റ്. ചെന്നൈയ്‌ക്കെതിരെ വിജയം നേടിയ ശേഷം ആര്‍സിബി നടത്തിയ ആഘോഷ പ്രകടനത്തിനെതിരെ ആരാധകരുടെ ഭാഗത്തുനിന്നും വന്‍വിമര്‍ശനം കഴിഞ്ഞ ദിവസങ്ങളില്‍ ഉയര്‍ന്നിരുന്നു.

പ്ലേ ഓഫ് യോഗ്യത നേടിയ സന്തോഷത്തില്‍ ആര്‍സിബി താരങ്ങളുടെ ആഘോഷം നീണ്ടതോടെ എംഎസ് ധോണി ഷെയ്ക് ഹാന്‍ഡിന് നില്‍ക്കാതെ ഡ്രസിങ് റൂമിലേക്ക് മടങ്ങിയിരുന്നു. ആര്‍സിബി ആരാധകരുടെ ആഘോഷത്തെ തുടര്‍ന്ന് ബംഗ്ലൂര്‍ നഗരത്തില്‍ പലയിടത്തും ഗതാഗതക്കുരുക്കും ഉണ്ടായി. ചിന്നസ്വാമി സ്റ്റേഡിയത്തിലെത്തിയ ചെന്നൈ ആരാധകരെ ആര്‍സിബി ഫാന്‍സ് തിരഞ്ഞുപിടിച്ച് അധിക്ഷേപിച്ചതായുള്ള പരാതിയും ഉയര്‍ന്നിരുന്നു.

Keywords: 'Passion and celebration don't win you IPL trophies' - Ambati Rayudu takes a dig at RCB as they are knocked out from IPL 2024, Ahmedabad, News, Ambati Rayudu, IPL, Media, Sports, Players, Complaint, National News.

ICMR Guideline | ശീതള പാനീയങ്ങള്‍ വേണ്ടേ വേണ്ട; പകരം പഴങ്ങളുടെ ജ്യൂസ് കുടിക്കൂ, ആരോഗ്യം സംരക്ഷിക്കൂ; നിര്‍ദേശവുമായി ഐസിഎംആര്‍

2024-05-23T16:26:00.001+05:30

കൊച്ചി: (KVARTHA) ശീതള പാനീയങ്ങള്‍ക്ക് പകരം നല്ല ശുദ്ധമായ പഴങ്ങളുടെ ജ്യൂസ് കുടിക്കണമെന്ന നിര്‍ദേശവുമായി ഐസിഎംആര്‍. പഴങ്ങളുടെ ജ്യൂസ് കുടിക്കുന്നത് വഴി കലോറിയും പഞ്ചസാരയും കുറയുന്നുവെന്ന കാര്യത്തില്‍ സംശയം വേണ്ട. മാത്രമല്ല, വിവിധ രോഗങ്ങളില്‍ നിന്നും ശരീരത്തെ സംരക്ഷിക്കുന്ന പോഷകങ്ങള്‍ കൊണ്ട് സമ്പന്നമാണ് പഴങ്ങളുടെ ജ്യൂസ് എന്നും ഐസിഎംആര്‍ ചൂണ്ടിക്കാട്ടുന്നു.

ശീതള പാനീയങ്ങള്‍ എന്ന് വിളിക്കപ്പെടുന്ന കാര്‍ബണേറ്റഡ് പാനീയങ്ങള്‍ കുടിക്കുന്നത് വഴി പൊണ്ണത്തടി, പ്രമേഹം, തലവേദന, അലര്‍ജി, ഹൃദ്രോഗം, എന്തിന് കാന്‍സര്‍ പോലുള്ള ആരോഗ്യ പ്രശ്നങ്ങള്‍ക്ക് വരെ കാരണമായേക്കാമെന്നും ഐസിഎംആര്‍ മുന്നറിയിപ്പ് നല്‍കുന്നു. അതുകൊണ്ടുതന്നെ ശീതള പാനീയങ്ങള്‍ക്ക് പകരം പഴങ്ങളുടെ ജ്യൂസ് കുടിക്കുന്നത് ശീലമാക്കാനും ഐസിഎംആര്‍ നിര്‍ദേശിക്കുന്നു.

ഓറന്‍ജ്, പൈനാപ്പിള്‍, മാതളനാരങ്ങ, മാമ്പഴം എന്നിവ കൊണ്ടുള്ള ജ്യൂസുകള്‍ പ്രകതിദത്തവും ആരോഗ്യദായകവുമാണ്. പഞ്ചസാരയോ കൃത്രിമ വസ്തുക്കളോ അടങ്ങിയിട്ടില്ല. കൂടാതെ വിറ്റാമിനുകള്‍, ധാതുക്കള്‍, ആന്റി ഓക്സിഡന്റുകള്‍ എന്നിവയാല്‍ സമ്പുഷ്ടവുമാണ്.

ശീതള പാനീയത്തില്‍ അമിത അളവില്‍ പഞ്ചസാര അടങ്ങിയിട്ടുണ്ട്. അതുകൊണ്ടുതന്നെ ഇത് അമിതവണ്ണത്തിന് കാരണമാകുന്നു. കൂടാതെ പഞ്ചസാരയുടെ അമിത ഉപഭോഗം ഇന്‍സുലിന്‍ പ്രതിരോധത്തിനും ടൈപ്പ് 2 പ്രമേഹത്തിനും ഇടയാക്കും. ഇവയില്‍ പ്രിസര്‍വേറ്റീവുകള്‍, കൃത്രിമ നിറങ്ങള്‍, കൃത്രിമ സുഗന്ധങ്ങള്‍ തുടങ്ങിയവയും അടങ്ങിയിട്ടുണ്ട്. മാത്രമല്ല, ഫോസ് ഫോറിക്, സിട്രിക് ആസിഡ് എന്നിവയുടെ സാന്നിധ്യവും ഉണ്ട്. അതിനാല്‍ അസിഡിറ്റിക്കും കാരണമാകുന്നു.

ശരീരത്തിലെ മാലിന്യങ്ങള്‍ പുറന്തള്ളുന്നതിനും ശരീരത്തിന്റെ താപനില നിയന്ത്രിക്കുന്നതിനും ആവശ്യത്തിന് വെള്ളം കുടിക്കേണ്ടത് അത്യന്താപേക്ഷിതമാണ്. ഒരു ദിവസം എട്ട് ഗ്ലാസ് വെള്ളം കുടിക്കേണ്ടതുണ്ട്. കൃത്രിമ പാനീയങ്ങള്‍ക്ക് ബദലായി മോര്, നാരങ്ങാവെള്ളം, കരിക്കിന്‍ വെള്ളം എന്നിവ കുടിക്കുന്നതും നല്ലതാണ്.

Keywords: Replace carbonated beverages with fresh fruit juices in your diet: ICMR guideline, Kochi, News, Fresh Fruit Juices, Drinking Water, Warning, Health, Health and Fitness, Health Problems, Kerala.

Criticized | പൊലീസിന്റെ ആത്മവീര്യം സംരക്ഷിക്കാന്‍ തെറ്റ് ചെയ്തവരെ സംരക്ഷിക്കുകയാണോ വേണ്ടത്? രൂക്ഷവിമര്‍ശനവുമായി ഹൈകോടതി

2024-05-23T15:33:00.001+05:30

കൊച്ചി: (KVARTHA) പൊലീസിന്റെ ആത്മവീര്യം സംരക്ഷിക്കാന്‍ തെറ്റ് ചെയ്തവരെ സംരക്ഷിക്കുകയാണോ വേണ്ടതെന്ന ചോദ്യവുമായി ഹൈകോടതി. ആലത്തൂര്‍ പൊലീസ് സ്റ്റേഷനില്‍ അഭിഭാഷകനോട് അപമര്യാദയായി പെരുമാറിയെന്ന കേസുമായി ബന്ധപ്പെട്ട കോടതിയലക്ഷ്യ ഹര്‍ജി പരിഗണിക്കവെയാണ് പൊലീസിനെതിരെ കോടതി വീണ്ടും രൂക്ഷവിമര്‍ശനം ഉന്നയിച്ചത്.

പൊലീസുകാരുടെ പെരുമാറ്റം ഏത് വിധത്തിലായിരിക്കണം എന്നത് സംബന്ധിച്ച് ഡിജിപി സര്‍കുലര്‍ പുറത്തിറക്കിയിട്ടുണ്ട്. എന്നിട്ടും അതിന് വിപരീതമായി പ്രവര്‍ത്തിക്കുന്ന പൊലീസുകാര്‍ക്കെതിരെ നടപടി സ്വീകരിക്കുന്നില്ല എന്നത് തന്നെ അദ്ഭുതപ്പെടുത്തുന്നുവെന്നും ജസ്റ്റിസ് ദേവന്‍ രാമചന്ദ്രന്‍ പറഞ്ഞു.

പൊലീസിനെതിരെ എന്ത് ആരോപണം ഉയര്‍ന്നാലും അവര്‍ക്കെതിരെ നടപടി എടുക്കാതിരിക്കാന്‍ പറയുന്ന കാരണം സേനയുടെ ആത്മവീര്യം നഷ്ടമാവും എന്നാണെന്നും കോടതി ചൂണ്ടിക്കാട്ടി.

ജസ്റ്റിസ് ദേവന്‍ രാമചന്ദ്രന്റെ വാക്കുകള്‍:

എന്തു തോന്ന്യാസം കാണിച്ചാലും ആത്മവീര്യം തകരാതിരിക്കാന്‍ കൂടെ നിര്‍ത്തണം എന്നാണോ പറയുന്നത്? ചെയ്ത തെറ്റിന് നടപടി സ്വീകരിച്ചാല്‍ എങ്ങനെയാണ് ആത്മവീര്യം നഷ്ടപ്പെടുന്നത്? ആ ആത്മവീര്യം അത്രയ്ക്ക് ദുര്‍ബലമാണെങ്കില്‍ അതങ്ങ് പോകട്ടെ എന്ന് വയ്ക്കണം.' ജസ്റ്റിസ് ദേവന്‍ രാമചന്ദ്രന്‍ വാക്കാല്‍ വിമര്‍ശിച്ചു. ഒരു പദവിയില്‍ ഇരുന്ന് തെറ്റ് ചെയ്താല്‍ പിന്നെ അവിടെ ഇരിക്കാന്‍ അയാള്‍ യോഗ്യനല്ല എന്നാണ് തന്റെ അഭിപ്രായമെന്നും ജസ്റ്റിസ് ദേവന്‍ രാമചന്ദ്രന്‍ പറഞ്ഞു.

ഇത്രയധികം ആരോപണങ്ങള്‍ ഒരു പൊലീസ് ഉദ്യോഗസ്ഥനെതിരെ ഉയര്‍ന്നിട്ടും സംസ്ഥാന പൊലീസ് മേധാവി ഒന്നും ചെയ്തില്ല എന്നത് അദ്ഭുതമാണെന്ന് കോടതി അഭിപ്രായപ്പെട്ടു. എന്തിനാണ് ഇങ്ങനെ ഒരാളെ പിന്തുണയ്ക്കാന്‍ നില്‍ക്കുന്നതെന്നും ജസ്റ്റിസ് ദേവന്‍ രാമചന്ദ്രന്‍ ആരാഞ്ഞു. അന്വേഷണം എപ്പോഴും പക്ഷപാതരഹിതമായിരിക്കണമെന്നും അഭിപ്രായപ്പെട്ട കോടതി, കേസ് ബുധനാഴ്ച വീണ്ടും പരിഗണിക്കുമെന്ന് വ്യക്തമാക്കി.

ആലത്തൂര്‍ പൊലീസ് സ്റ്റേഷനില്‍ അക്വിബ് സുഹൈല്‍ എന്ന അഭിഭാഷകനെ എസ് ഐ വിആര്‍ റിനീഷ് അപമാനിച്ചെന്ന സംഭവത്തില്‍ കോടതി ഇടപെടലിനെ തുടര്‍ന്ന് പൊലീസ് ഉദ്യോഗസ്ഥനെ സ്ഥലം മാറ്റിയിരുന്നു. വാഹനാപകടവുമായി ബന്ധപ്പെട്ട കേസില്‍ വാഹനം വിട്ടുനല്‍കാനുള്ള കോടതി ഉത്തരവുമായി എത്തിയ അഭിഭാഷകനെ എസ് ഐ റിനീഷ് അപമാനിക്കുന്ന ദൃശ്യങ്ങള്‍ സമൂഹമാധ്യമങ്ങളിലൂടെ പുറത്തുവന്നതിന് പിന്നാലെയായിരുന്നു കോടതിയുടെ ഇടപെടല്‍.

ജനങ്ങളോട് മോശമായി പെരുമാറരുതെന്ന് വ്യക്തമാക്കി കോടതി നിര്‍ദേശപ്രകാരം പുറത്തിറക്കിയ മാര്‍ഗരേഖയ്ക്ക് വിരുദ്ധമാണ് പൊലീസ് ഉദ്യോഗസ്ഥന്റെ നടപടി എന്ന് വ്യക്തമാക്കി ഇയാള്‍ക്കെതിരെ കോടതിയലക്ഷ്യ കേസും എടുത്തിരുന്നു. ഈ കേസിലാണ് എസ് ഐ റിനീഷ് മാപ്പു പറഞ്ഞത്. ജനങ്ങളോട് മര്യാദക്ക് പെരുമാറണമെന്നത് അനുസരിക്കാന്‍ പൊലീസുകാര്‍ക്ക് ഇത്രയ്ക്ക് ബുദ്ധിമുട്ടാണോ എന്നും നേരത്തെ കോടതി ആരാഞ്ഞിരുന്നു. പൊലീസുകാരുടെ പെരുമാറ്റം സംബന്ധിച്ച് കോടതി നിര്‍ദേശപ്രകാരം ഡിജിപി ഇതിനിടെ പുതിയ സര്‍കുലറും പുറത്തിറക്കിയിരുന്നു.

പൊലീസ് ഉദ്യോഗസ്ഥന്‍ മാപ്പ് പറഞ്ഞെങ്കിലും അത് കോടതി സ്വീകരിച്ചിരുന്നില്ല. എന്ത് തെറ്റ് ചെയ്താലും മാപ്പ് പറഞ്ഞ് രക്ഷപെട്ട് പോകാം എന്നത് ശരിയായ കാര്യമല്ല എന്ന് ചൂണ്ടിക്കാട്ടിയ കോടതി, ഏതു വിധത്തിലുള്ള അച്ചടക്ക നടപടിയാണ് പൊലീസ് ഉദ്യോഗസ്ഥനെതിരെ സ്വീകരിച്ചതെന്ന് വ്യക്തമാക്കാനും നിര്‍ദേശിച്ചിരുന്നു. അതുവരെ സ്വീകരിച്ച അച്ചടക്ക നടപടി ചൂണ്ടിക്കാട്ടിയ പൊലീസ്, കൂടുതല്‍ അന്വേഷണം നടന്നുവരികയാണെന്നും അറിയിച്ചിരുന്നു. അതിനിടെയാണ് മറ്റ് രണ്ടുപേര്‍ റിനീഷിനെതിരെ പരാതിയുമായി കോടതിയെ സമീപിച്ചത്. ഈ കേസുകള്‍ കൂടിയാണ് കോടതി വ്യാഴാഴ്ച പരിഗണിച്ചത്.

Keywords: Kerala High Court slams State Police, Kochi, News, Kerala High Court, Criticized, Police, Circular, DGP, Social Media, Kerala News.

Anti-Dengue | ഡെങ്കിപ്പനി പരത്തുന്ന കൊതുകുകളുടെ കേന്ദ്രങ്ങള്‍ നിഷ്കാസനം ചെയ്ത് യുഎഇ ആരോഗ്യ- പ്രതിരോധ വകുപ്പ് അധികൃതർ

2024-05-23T14:48:00.008+05:30

/ ഖാസിം ഉടുമ്പുന്തല

അബൂദബി: (KVARTHA) ഡെങ്കിപ്പനി പരത്തുന്ന കൊതുകുകളുടെ കേന്ദ്രങ്ങള്‍ നിഷ്കാസനം ചെയ്ത് യുഎഇ ആരോഗ്യ പ്രതിരോധ വകുപ്പ് അധികൃതര്‍. ഡെങ്കിപ്പനി പരത്തുന്ന കൊതുകുകളെ കണ്ടെത്തിയ 409 സ്ഥലങ്ങള്‍ നിഷ്കാസനം ചെയ്തതായി യുഎഇ ആരോഗ്യ - പ്രതിരോധ വകുപ്പ് അധികൃതര്‍ പറഞ്ഞു. യുഎഇയുടെ ചരിത്രത്തിലെ ഏറ്റവും ശക്തമായ മഴയില്‍ നിരവധി സ്ഥലങ്ങള്‍ വെള്ളത്തിനടിയിലായതിനെത്തുടര്‍ന്ന് ഡെങ്കിപ്പനിയെക്കുറിച്ചുള്ള ആശങ്കകള്‍ ഉയര്‍ന്നുവന്നിരുന്നു. അതിശക്തമായ മഴ കാരണം എമിറേറ്റുകളിലെ വിവിധയിടങ്ങളില്‍ വെള്ളം കെട്ടിനിന്നു. തദ്വാരാ എളുപ്പത്തില്‍ കൊതുക് പ്രജനന കേന്ദ്രങ്ങളായി മാറി.

ഈഡിസ് - ഈജിപ്തി കൊതുകുകള്‍ പരത്തുന്ന ഒരു വൈറല്‍ അണുബാധയാണ് ഡെങ്കിപ്പനി. യുഎഇയില്‍ ഡെങ്കിപ്പനിക്കെതിരെ പോരാടുന്നതിന് നിരവധി നടപടികള്‍ സ്വീകരിച്ചിട്ടുണ്ടെന്ന് ആരോഗ്യ-പ്രതിരോധ മന്ത്രി അബ്ദുള്‍ റഹ്മാന്‍ ബിന്‍ മുഹമ്മദ് അല്‍ ഉവൈസ് പറഞ്ഞു.

ബുധനാഴ്ച നടന്ന ഫെഡറല്‍ നാഷണല്‍ കൗണ്‍സില്‍ (എഫ്എന്‍സി) സെഷനില്‍ വിഷയം അവതരിപ്പിച്ചിരുന്നു. രാജ്യത്തുടനീളമുള്ള കൊതുക് പ്രജനന കേന്ദ്രങ്ങള്‍ മാപ്പ് ചെയ്യുന്നതിനും തുടച്ചുനീക്കുന്നതിനും ആരോഗ്യ-പ്രതിരോധ മന്ത്രാലയം (മൊഹാപ്) ഏറ്റവും പുതിയ ജിപിഎസ് സാങ്കേതികവിദ്യകള്‍ ഉപയോഗിച്ചുവെന്ന് ഒരു എഫ്എന്‍സി അംഗത്തിന്റെ ചോദ്യത്തിന് മറുപടിയായി മന്ത്രി അല്‍ ഉവൈസ് പറഞ്ഞു.

എമിറേറ്റ്സ് ഹെല്‍ത്ത് സര്‍വീസസില്‍ നിന്നുള്ള ഒമ്പത് സ്‌പെഷ്യലൈസ്ഡ് ടീമുകളെ വടക്കന്‍ എമിറേറ്റുകളില്‍ ഉടനീളം രാജ്യവ്യാപകമായി ഡെങ്കിപ്പനി വിരുദ്ധ യജ്ഞത്തെ പിന്തുണയ്ക്കാന്‍ വിന്യസിച്ചിട്ടുണ്ട്. കൊതുക് സാമ്പിളുകള്‍ വിലയിരുത്തുന്നതിനും കീടനാശിനികളുടെ ഫലപ്രാപ്തി പരിശോധിക്കുന്നതിനുമായി മുന്തിയ തരത്തിലുള്ള ലബോറട്ടറി സ്ഥാപിച്ചു.

മൊഹാപ് (Ministry of Health and Prevention Society)
അബൂദബി അഗ്രികള്‍ച്ചര്‍ ആന്‍ഡ് ഫുഡ് സേഫ്റ്റി അതോറിറ്റിയുമായി സഹകരിച്ച് 1,200-ലധികം കൊതുകു സര്‍വേകളും 309 ഡിഎന്‍എ സാമ്പിളുകളും വിശകലനം ചെയ്യുകയുണ്ടായി.

Keywords: News, Malayalam News, Gulf News, UAE, Health, Dengue Fever, Health and Prevention Society, UAE eliminates more than 400 mosquito sites in anti-dengue campaign, Reported by Qasim Moh'd Udumbunthala.

< !- START disable copy paste -->

Bomb Threat | ബെംഗ്ളൂറു ഇലക്‌ട്രോണിക് സിറ്റിയിലെ മൂന്ന് ഹോട്ടലുകൾക്ക് ബോംബ് ഭീഷണി; അന്വേഷണം പുരോഗമിക്കുന്നു

2024-05-23T14:12:00.002+05:30

ബെംഗ്ളൂറു: (KVARTHA) ഇലക്‌ട്രോണിക് സിറ്റിയിലെ മൂന്ന് ഹോട്ടലുകൾക്ക് ബോംബ് ഭീഷണി. വ്യാഴാഴ്ച പുലർച്ചെയാണ് ബെംഗ്ളൂറു ഇലക്‌ട്രോണിക് സിറ്റിയിലെ പ്രശസ്തമായ ഒട്ടേറ ഉൾപ്പെടെ മൂന്ന് ഹോട്ടലുകൾക്ക് ബോംബ് ഭീഷണിയുമായി ഇമെയിലുകൾ ലഭിച്ചത്.

പുലർച്ചെ രണ്ട് മണിക്ക് അയച്ച സന്ദേശം ഇമെയിലുകൾ പരിശോധിച്ചപ്പോഴാണ് ജീവനക്കാരുടെ ശ്രദ്ധയിൽ പെട്ടത്. ഉടൻ തന്നെ അധികൃതരെ വിവരമറിയിച്ചു. തുടർന്ന് പൊലീസ് സ്ഥലത്തെത്തി പരിശോധന നടത്തി. ബോംബ് സ്ക്വാഡും സ്ഥലത്തെത്തിയിരുന്നു. ഹോട്ടലിന് പൊലീസ് സുരക്ഷ ഏർപ്പെടുത്തുകയും ചെയ്തു.

പരിഭ്രാന്തി നിറഞ്ഞ മണിക്കൂറുകൾക്ക് ശേഷം, ബോംബ് ഭീഷണി വ്യാജമാണെന്ന് പൊലീസ് അറിയിച്ചു. കെട്ടിടത്തിൽ നിന്നോ പരിസര സ്ഥലങ്ങളിൽ നിന്നോ സ്ഫോടക വസ്തുക്കളൊന്നും കണ്ടെത്തിയിട്ടില്ല.

കഴിഞ്ഞ ദിവസങ്ങളിലായി രാജ്യത്തുടനീളം വിവിധ സ്ഥലങ്ങളിൽ ഇത്തരത്തിലുള്ള ബോംബ് ഭീഷണി ലഭിച്ചിട്ടുണ്ട്. ഇമെയിൽ വഴി ലഭിക്കുന്ന ഇത്തരം ഭീഷണി ആളുകൾക്കിടയിൽ ആശങ്ക സൃഷ്ടിച്ചിരുന്നു.

ഡൽഹി, അഹമ്മദാബാദ്, ബംഗളൂരു എന്നിവിടങ്ങളിലെ സ്‌കൂളുകൾക്ക് അടുത്തിടെ ബോംബ് ഭീഷണിയുമായി ഇമെയിലുകൾ ലഭിച്ചിരുന്നു, അവ വ്യാജമാണെന്ന് പിന്നീട് കണ്ടെത്തി. അഹമ്മദാബാദ് സ്‌കൂളിന് ലഭിച്ച ബോംബ് ഭീഷണിക്ക് റഷ്യയുമായി ബന്ധമുണ്ടെന്ന് പൊലീസ് കണ്ടെത്തിയിരുന്നു.

മെയ് 14 ന് ബംഗളൂരുവിലെ ജെയിൻ ഹെറിറ്റേജ് സ്‌കൂളിന് അർദ്ധരാത്രി ഇമെയിൽ വഴി ബോംബ് ഭീഷണി ലഭിച്ച സംഭവത്തിൽ അന്വേഷണം പുരോഗമിക്കുകയാണ്. സന്ദേശം ലഭിച്ച ഉടൻ തന്നെ സ്‌കൂൾ അധികൃതർ കഗ്ഗലിപുര പൊലീസിൽ വിവരമറിയിച്ചു. ബോംബ് സ്ക്വാഡും ഡോഗ് സ്ക്വാഡും സമഗ്രമായ പരിശോധന നടത്തിയെങ്കിലും സ്ഫോടക വസ്തുക്കളൊന്നും കണ്ടെത്താനായില്ല.

Keywords: News, National, Bengaluru, Electronic City, Bomb Threat, Hotels, Dog Squad, Police, Investigation, School, Incident, Bengaluru, Crime, Investigation, Three hotels in Bengaluru's Electronic City get bomb threat, probe underway.

< !- START disable copy paste -->

Temple Fest | മഴയുടെ അനുഗ്രഹ വര്‍ഷത്തില്‍ കൊട്ടിയൂരില്‍ ഉത്സവ പെരുക്കം: സ്ത്രീ പ്രവേശനം നടന്നു

2024-05-23T13:47:00.002+05:30

ഭാമനാവത്ത്‌

കണ്ണൂര്‍: (KVARTHA) കൊട്ടിയൂര്‍ വൈശാഖ മഹോത്സവത്തിന്റെ ഭാഗമായി ഭക്തി നിര്‍ഭരമായ അന്തരീക്ഷത്തില്‍ അക്കരെ കൊട്ടിയൂരിലേക്ക് കുടയെഴുന്നള്ളത്തും ഭണ്ഡാരം എഴുന്നള്ളത്തും നടന്നതോടെ സ്ത്രീകള്‍ക്ക് ആചാര പ്രകാരമുള്ള പ്രവേശന അനുമതി ലഭിച്ചു.

മണത്തണ കരിമ്പന ഗോപുരത്തില്‍ നിന്നാണ് ബുധനാഴ്ച രാത്രി ഭണ്ഡാരവുമേന്തി കുടിപതികള്‍ യാത്ര തുടങ്ങിയത്. അക്കരെ കൊട്ടിയൂര്‍ ക്ഷേത്രത്തിലെ പൂജകള്‍ക്കും മറ്റും ഉപയോഗിക്കുന്ന സ്വര്‍ണത്തിലും വെള്ളിയിലും തീര്‍ത്ത പാത്രങ്ങളും മറ്റുമാണ് ഭണ്ഡാരങ്ങള്‍.

ഭഗവതി കരിമ്പന ഗോപുര വാതില്‍ക്കല്‍ എത്തി ശംഖധ്വനി മുഴക്കി താക്കോല്‍ കൊടുത്ത് അനുവാദം നല്‍കിയതിനുശേഷം വാളശ കാരണവരും അടിയന്തിര യോഗവും മണാളനും ചേര്‍ന്ന് ഗോപുരവും നിലവറയും തുറന്ന് ഭണ്ഡാരങ്ങള്‍ പുറത്തെടുത്ത് അടിയന്തിര യോഗ സാന്നിധ്യത്തില്‍ കണക്കപ്പിള്ളയെ ഏല്‍പ്പിച്ചു. കണക്കപ്പിള്ള ഭണ്ഡാരങ്ങള്‍ കുടിപതികളെ ഏല്‍പ്പിച്ചു. വാളശന്മാരും പുറകെ അടിയന്തിര യോഗക്കാരും ഭണ്ഡാരത്തെ അനുഗമിച്ചു.

ബുധനാഴ്ച അര്‍ധരാത്രിയോടെയാണ് ഭണ്ഡാരമെഴുന്നള്ളത്ത് അക്കരെ കൊട്ടിയൂര്‍ ക്ഷേത്രത്തില്‍ എത്തിയത്. പതിനൊന്ന് മാസത്തെ ഇടവേളയ്ക്കുശേഷം ഇക്കരെ കൊട്ടിയൂരില്‍ വാണരുളുന്ന ഉമാ മഹേശ്വരന്മാരും ഭണ്ഡാരങ്ങള്‍ക്കൊപ്പം അക്കരെ സന്നിധാനത്തേക്ക് എഴുന്നള്ളി.

ഭക്തഗണങ്ങളെന്ന സങ്കല്‍പ്പത്തില്‍ വാദ്യ വൃന്ദങ്ങളോടൊപ്പം എഴുന്നള്ളിയ ദേവീ ദേവന്‍മാര്‍ ബാവലിയില്‍ നീരാടി അക്കരെയിലേക്ക് കടക്കുമ്പോള്‍ പാണിവാദ്യവുമായി ഓച്ചര്‍മാര്‍ അകമ്പടി സേവിച്ചു. മുന്നില്‍ സമുദായി, പിന്നില്‍ വിവിധ അകമ്പടിക്കാര്‍, പിറകില്‍ ദേവീ ദേവന്‍മാര്‍ എന്നിങ്ങനെ കിഴക്കെ നടവഴി മുഖമണ്ഡപത്തില്‍ എത്തി മണിത്തറയില്‍ ഉപവിഷ്ടരായി.

മുതിരേതി വാളും മണത്തണ ചാപ്പാരം ദേവീമാരുടെ വാളുകളും അക്കരെ ഭണ്ഡാര അറയിലാണ് എത്തിച്ചത്. ഇതോടെ സമുദായി കുത്ത് വിളക്കില്‍ നിന്ന് കയ്യാലകളിലേക്ക് ദീപം പകര്‍ന്നു. ആദ്യ ചടങ്ങായ സഹസ്ര കുംഭാഭിഷേകം, നവകം, തിരുവത്താഴപൂജ, ശ്രീഭൂതബലി ചടങ്ങുകള്‍ നടന്നു. തുടര്‍ന്ന് 36 കുടം അഭിഷേകവും നടന്നു.

അക്കരെ ക്ഷേത്രത്തിലെ അമ്മാറക്കല്‍ തറയിലും മുത്തപ്പന്‍ ദേവസ്ഥാനത്തും സ്ഥാപിക്കാനുള്ള വലിയ ഓലക്കുടകള്‍ സ്ഥാനികനായ പെരുംകണിയാന്‍ കരിയില്‍ ബാബുവിന്റെ നേതൃത്വത്തില്‍ കാല്‍നടയായി ബുധനാഴ്ച ഇക്കരെ കൊട്ടിയൂരില്‍ എത്തിച്ചിരുന്നു. ഇതും ഭണ്ഡാരം എഴുന്നള്ളിപ്പിനൊപ്പം അക്കരെ സന്നിധിയില്‍ എത്തിച്ചു. ഊരാളന്മാര്‍ക്കും അടിയന്തിരക്കാര്‍ക്കും ഉപയോഗിക്കുന്നതിനുള്ള തലക്കുടയും കാല്‍ക്കുകളും ഇവയോടൊപ്പം എത്തിച്ചു.

ഭണ്ഡാരം എഴുന്നള്ളത്ത് അക്കരെ സന്നിധിയില്‍ എത്തിയതോടെ സ്ത്രീകള്‍ക്കും അക്കരെ സന്നിധിയില്‍ പ്രവേശനം അനുവദിച്ചു. ഇതിനുശേഷം ഉത്സവ നാളിലെ അടുത്ത പ്രധാന ചടങ്ങായ തിരുവോണം ആരാധനയും ഇളനീര്‍ വെപ്പും നടന്നു. പ്രകൃതിയുടെ ഉത്സവമെന്ന് അറിയപ്പെടുന്ന കൊട്ടിയൂരില്‍ ഇക്കുറി വന്‍ ഭക്തജന തിരക്കാണ് ക്ഷേത്രം ഭാരവാഹികള്‍ പ്രതീക്ഷിക്കുന്നത്.

Keywords: In the auspicious year of rains, festival celebrations at Kotiyoor: entry of women took place, Kannur, News, Kotiyoor Festival, Temple, Religion, Women, Devotee, Pooja, Kerala News.

MV Govindan | പാനൂര്‍ ചെറ്റക്കണ്ടിയില്‍ ബോംബ് പൊട്ടി മരിച്ചവരുടെ പേരിലുള്ള സ്മാരക മന്ദിരം ഉദ് ഘാടനത്തിന് എംവി ഗോവിന്ദന്‍ എത്തിയില്ല; സിപിഎം സംസ്ഥാന സെക്രടറിയെ പുറകോട്ട് അടുപ്പിച്ചത് വിവാദങ്ങളെന്ന് സൂചന

2024-05-23T13:46:00.001+05:30

കണ്ണൂര്‍: (KVARTHA) ബോംബ് നിര്‍മാണത്തിനിടെ കൊല്ലപ്പെട്ടവരുടെ സ്മരണയ്ക്കായി നിര്‍മിച്ച രക്തസാക്ഷി സ്മാരക മന്ദിരം ഉദ് ഘാടനം ചെയ്യുന്നതില്‍ നിന്നും സിപിഎം സംസ്ഥാന സെക്രടറി എംവി ഗോവിന്ദന്‍ വിട്ടുനിന്നു. പകരം പാര്‍ടി കണ്ണൂര്‍ ജില്ലാ സെക്രടറിയായിരുന്ന എംവി ജയരാജനാണ് സ്മാരക മന്ദിരം ഉദ് ഘാടനം ചെയ്തത്.

ബോംബ് നിര്‍മാണത്തിനിടെ കൊല്ലപ്പെട്ടവരുടെ സ്മൃതി മന്ദിരം പാര്‍ടി സംസ്ഥാന സെക്രടറി ഉദ് ഘാടനം ചെയ്യുമെന്ന വാര്‍ത്ത പുറത്തുവന്നത് ഏറെ വിവാദം ഉണ്ടാക്കിയിരുന്നു. എന്നാല്‍ ഇതേ കുറിച്ച് തനിക്കൊന്നുമറിയില്ലെന്നും പാര്‍ടി കണ്ണൂര്‍ ജില്ലാ കമിറ്റി തീരുമാനിച്ചത് പ്രകാരമാണ് പരിപാടിയില്‍ പങ്കെടുക്കുന്നതെന്നുമായിരുന്നു നേരത്തെ എം വി ഗോവിന്ദന്റെ പ്രതികരണം. ഇതിനിടെയാണ് അദ്ദേഹം രക്തസാക്ഷി മന്ദിരം ഉദ് ഘാടനം ചെയ്യാതെ വിട്ടുനിന്നത്.

പാര്‍ടി തീരുമാനിച്ച പ്രകാരം പരിപാടിയില്‍ പങ്കെടുക്കുമെന്ന് പ്രതികരിച്ച എംവി ഗോവിന്ദന്‍ അപ്രതീക്ഷിതമായി വിട്ടുനിന്നത് സിപിഎം അണികളില്‍ ചര്‍ചയായിട്ടുണ്ട്. പാനൂര്‍ ചെറ്റക്കണ്ടിയില്‍ ഷൈജു, സുബീഷ് എന്നിവര്‍ക്കായാണ് മന്ദിരം പണിതത്. കഴിഞ്ഞ ഒമ്പത് വര്‍ഷവും രക്തസാക്ഷി അനുസ്മരണം നടന്നിട്ടുണ്ട്. നാടാകെ സ്‌നേഹിക്കുന്നവരായിരുന്നു ഷൈജുവും സുബീഷുമെന്ന് ഉദ് ഘാടന പ്രസംഗത്തില്‍ എം വി ജയരാജന്‍ പറഞ്ഞു.

പാനൂര്‍ ചെറ്റക്കണ്ടിയിലെ സംഭവത്തെ പാര്‍ടി തള്ളിപ്പറഞ്ഞിട്ടില്ല. സമഗ്രമായ അന്വേഷണം നടത്തണമെന്ന് സിപിഎം അന്ന് ആവശ്യപ്പെട്ടിരുന്നു. അന്നത്തെ യുഡിഎഫ് സര്‍കാര്‍ പല കള്ളക്കേസുകളും എടുത്തുവെന്നും എം വി ജയരാജന്‍ ആരോപിച്ചു. ലോക് സഭാ തിരഞ്ഞെടുപ്പ് സമയത്ത് പാനൂരില്‍ ഉണ്ടായ സ്‌ഫോടനത്തെ സിപിഎം അംഗീകരിക്കില്ലെന്നും രണ്ടും രണ്ട് സംഭവങ്ങളാണെന്നും അദ്ദേഹം പറഞ്ഞു. തിരഞ്ഞെടുപ്പ് സമയത്ത് ഉണ്ടായ സ്‌ഫോടനം രണ്ട് സംഘങ്ങള്‍ തമ്മിലുണ്ടായ കുടിപ്പകയുടെ ഭാഗമാണെന്നും എം വി ജയരാജന്‍ വ്യക്തമാക്കി.

Keywords: MV Govindan did not attend the inauguration of the memorial building named after those who died in bomb blast, Kannur, News, Inauguration, CPM, Memorial Building, MV Govindan, CPM, Politics, Kerala.

Booked | ഐടി ബിസിനസില്‍ ലാഭം കിട്ടുമെന്ന് വാഗ്ദാനം നല്‍കി 25 ലക്ഷം രൂപ തട്ടിയെടുത്തുവെന്ന പരാതിയില്‍ വ്യവസായി രാജേഷ് നമ്പ്യാര്‍ ഉള്‍പെടെ 3 പേര്‍ക്കെതിരെ കേസെടുത്തു

2024-05-23T13:18:00.004+05:30

കണ്ണൂര്‍: (KVARTHA) ഐടി ബിസിനസില്‍ പണം നിക്ഷേപിച്ചാല്‍ ഡിവിഡന്റ് ഉള്‍പെടെ നല്‍കാമെന്ന് വിശ്വസിപ്പിച്ച് 25 ലക്ഷം രൂപ തട്ടിയെടുത്തുവെന്ന പരാതിയില്‍ ഐടി വ്യവസായി രാജേഷ് നമ്പ്യാര്‍ ഉള്‍പെടെ മൂന്നുപേര്‍ക്കെതിരെ തളിപ്പറമ്പ് പൊലീസ് കേസെടുത്തു.

തളിപ്പറമ്പ് കാക്കാഞ്ചാല്‍ ശാന്തിനഗറിലെ കല്യാണി നിവാസില്‍ എപി ശിവദാസന്റെ പരാതിയിലാണ് കേസെടുത്തത്. രാജേഷ് നമ്പ്യാര്‍ക്ക് പുറമെ വിഘ് നേഷ് നമ്പ്യാര്‍, ജിതിന്‍ പ്രകാശ് എന്നിവര്‍ക്കെതിരെയും കേസെടുത്തിട്ടുണ്ട്. ഇവര്‍ തുടങ്ങാന്‍ ഒരുങ്ങുന്ന അംഷി ടെക്നോളജി എന്ന ഐടി സ്ഥാപനത്തില്‍ പണം നിക്ഷേപിച്ചാല്‍ ഡിവിഡന്റോടെ പണം തിരികെ നല്‍കാമെന്നായിരുന്നു വാഗ്ദാനം.

ഇതിനായി 2021 നവംബര്‍ 11 നും 2022 മാര്‍ച് 21 നുമായി 25 ലക്ഷം രൂപ പ്രതികളുടെ അകൗണ്ടിലേക്ക് ശിവദാസന്‍ ട്രാന്‍സ്ഫര്‍ ചെയ്തു നല്‍കി. എന്നാല്‍ പണം കൈപ്പറ്റിയെങ്കിലും നാളിതുവരെ സ്ഥാപനം തുടങ്ങുകയോ പണം തിരികെ നല്‍കുകയോ ചെയ്തില്ലെന്നാണ് പരാതി. കണ്ണൂര്‍, കാസര്‍കോട്, കോഴിക്കോട് ജില്ലകളിലെ നിരവധി പേരില്‍ നിന്ന് ഇത്തരത്തില്‍ നിക്ഷേപം സ്വീകരിച്ചതായാണ് വിവരം.

കൊച്ചി കലൂരില്‍ രെജിസ്ട്രേഡ് ഓഫീസ് ആരംഭിച്ച സ്ഥാപനത്തിന് ധര്‍മ്മശാലയിലും തുടക്കത്തില്‍ ഓഫീസുണ്ടായിരുന്നു. പണം വാങ്ങിയെങ്കിലും സ്ഥാപനം ആരംഭിക്കാത്തതിനെ തുടര്‍ന്ന് നിക്ഷേപകര്‍ ഓഫീസിലെത്തി അന്വേഷണം തുടങ്ങിയതോടെ അത് അടച്ചുപൂട്ടുകയായിരുന്നു.

ഇപ്പോള്‍ കൊച്ചിയിലെ ഓഫീസും പൂട്ടിയതായാണ് വിവരം. 2016 ലെ നിയമസഭാ തിരഞ്ഞെടുപ്പില്‍ രാജേഷ് നമ്പ്യാര്‍ തളിപ്പറമ്പില്‍ നിന്നും കേരളാ കോണ്‍ഗ്രസ് സ്ഥാനാര്‍ഥിയായി മത്സരിച്ചിരുന്നു.

എന്നാല്‍ ആംഷി ടെക് നോളജി എന്ന സ്ഥാപനവുമായി തനിക്ക് യാതൊരു ബന്ധവുമില്ലെന്ന് ഐടി വ്യവസായി രാജേഷ് നമ്പ്യാര്‍ പ്രതികരിച്ചു. കംപനിയുടെ കണ്‍സല്‍ടന്‍സി മാത്രമാണ് താനെന്നും അതിലുപരിയായി യാതൊരു ബന്ധവുമില്ലെന്നും അദ്ദേഹം വ്യക്തമാക്കി.

സര്‍വീസിന് പ്രതിഫലം കൈപ്പറ്റുക എന്നത് മാത്രമാണ് തനിക്ക് കംപനിയുമായുള്ള ഉത്തരവാദിത്തം. തനിക്കെതിരെ കേസെടുത്തതിനെതിരെ നിയമനപടികളുമായി മുന്നോട്ടുപോകുമെന്നും അദ്ദേഹം അറിയിച്ചു. ഹൈകോടതിയില്‍ എഫ് ഐ ആര്‍ സ്‌ക്വാഷ് ചെയ്യാനുള്ള നടപടി സ്വീകരിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു.

Keywords: Cheating Case: Police Booked 3, Kannur, News, Cheating Case, Allegation, Complaint, Industrialist, High Court, Lok Sabha Candidate, Kerala News.

Drowned | ഞെട്ടിക്കുന്ന വീഡിയോ: റീൽ വീഡിയോ ചിത്രീകരിക്കാൻ വെള്ളം നിറഞ്ഞ ക്വാറിയിലേക്ക് 100 അടി ഉയരത്തിൽ നിന്ന് ചാടി; യുവാവ് മുങ്ങിമരിച്ചു

2024-05-23T13:06:00.001+05:30

റാഞ്ചി: (KVARTHA) ജാർഖണ്ഡിൽ റീൽ വീഡിയോ നിർമ്മിക്കാൻ വെള്ളം നിറഞ്ഞ ക്വാറിയിലേക്ക് 100 അടി ഉയരത്തിൽ നിന്ന് ചാടിയ യുവാവ് മുങ്ങിമരിച്ചു. തൗസീഫ് എന്ന യുവാവാണ് മരിച്ചത്.

ജിരാവാദി പൊലീസ് സ്റ്റേഷൻ പരിധിയിലെ കരം പഹാഡിന് സമീപമുള്ള ക്വാറിയിൽ തൗസീഫ് തൻ്റെ സുഹൃത്തുക്കളോടൊപ്പം കുളിക്കാനും റീൽ വീഡിയോ ചിത്രീകരിക്കാനും എത്തിയിരുന്നതായി പൊലീസ് പറഞ്ഞു.

ഏകദേശം 100 അടി ഉയരത്തിൽ നിന്ന് വെള്ളം നിറഞ്ഞ ക്വാറിയിലേക്ക് ചാടിയതിന് പിന്നാലെയാണ് യുവാവിന് ജീവൻ നഷ്ടമായത്. വീഡിയോയിൽ പകർത്തിയ സംഭവം സോഷ്യൽ മീഡിയയിൽ വൈറലായിട്ടുണ്ട്.

#bigbreaking: साहिबगंज: रील बनाने के दौरान 100 फीट की ऊंचाई से नदी में कूदा युवक, 10 सेकंड में गई जान.@dc_sahibganj @sahibganjpolic2 #reelsvideo #tragedy #99news pic.twitter.com/Dg1idWsS1L
— 99 News Bihar Jharkhand (@99Jharkhand) May 22, 2024

ടീ ഷർട്ടും പാൻ്റും ധരിച്ച തൗസീഫ് വെള്ളത്തിലേക്ക് ചാടുന്നതും നിമിഷങ്ങൾക്കകം ബോധരഹിതനാകുന്നതും മുങ്ങാൻ തുടങ്ങുന്നതും വൈറലായ വീഡിയോയിൽ കാണാം. സംഭവത്തിന് ശേഷം മുങ്ങൽ വിദഗ്ധർ സ്ഥലത്തെത്തി മൃതദേഹം പുറത്തെടുക്കുകയായിരുന്നു.

Keywords: News, Malayalam News, National, Video, Jharkhand, Reel, Reel, Youth Drowns After Jumping From 100 Feet Into Water-Filled Quarry To Make Reel

< !- START disable copy paste -->

Died | കണ്ണൂര്‍ സ്വദേശി അസുഖത്തെ തുടര്‍ന്ന് ദുബൈയില്‍ മരിച്ചു

2024-05-23T12:41:00.004+05:30

കണ്ണൂര്‍: (KVARTHA) തായത്തെരു അമീര്‍ ഹംസാസിലെ തന്‍വീര്‍ അമീര്‍ ഹംസ(51) അസുഖത്തെ തുടര്‍ന്ന് അജ് മാനില്‍ മരിച്ചു. സുഹൃത്തുക്കളോടൊപ്പം കളികണ്ട് പുറത്തിറങ്ങിയപ്പോള്‍ തലചുറ്റി വീഴുകയായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും ചികിത്സയ്ക്കിടെ ഹൃദയാഘാതം ഉണ്ടാവുകയും മരണം സംഭവിക്കുകയുമായിരുന്നു. 15 വര്‍ഷത്തോളമായി ഗള്‍ഫില്‍ തന്നെയാണ് താമസം. പ്രവാസി പ്രമുഖനായ പരേതന്‍ അമീര്‍ ഹംസയുടെ മകനാണ്. തൈക്കണ്ടി ഖ്വദീജയാണ് മാതാവ്.

ഭാര്യ: റഫീന കൊയ്യോട്(ദുബൈ). ആലിയ, ആഇശ എന്നിവര്‍ മക്കളാണ്. സഹോദരങ്ങള്‍: താജുന്നിസ അന്‍സാരി, തസ്‌നീം ഹാശിം (ദുബൈ), തനൂജ ഹാറൂണ്‍(കണ്ണൂര്‍ സിറ്റി പിരിശക്കൂട്ടം അഡ്മിന്‍). ഖബറടക്കം ദുബൈയില്‍ തന്നെ നടത്തുമെന്ന് ബന്ധുക്കള്‍ അറിയിച്ചു.

Keywords: Kannur Native Died in Dubai, Kannur, News, Dead, Sickness, Dead Body, Thanveer, Ameer Hamsa, Thanuja, Obituary, Kerala News.

UPI | വിദേശത്തേക്ക് പോവുകയാണോ? അവിടെയും യുപിഐ ഉപയോഗിക്കാൻ യാത്രയ്ക്ക് മുമ്പ് ഈ കാര്യങ്ങൾ ചെയ്തിരിക്കണം

2024-05-23T12:33:00.000+05:30

ന്യൂഡെൽഹി: (KVARTHA) യൂണിഫൈഡ് പേയ്‌മെൻ്റ് ഇൻ്റർഫേസ് (UPI) ഇന്ത്യയുടെ ഡിജിറ്റൽ രംഗത്ത് വിപ്ലവം സൃഷ്ടിച്ചു. വ്യക്തികൾ അവരുടെ പണം കൈകാര്യം ചെയ്യുന്ന രീതിയിൽ വലിയ മാറ്റമുണ്ടായി. ഇടപാടുകൾ വേഗത്തിലും സൗകര്യപ്രദവുമാക്കി. ഈ തത്സമയ പേയ്‌മെൻ്റ് സംവിധാനം ഉപയോക്താക്കളെ അനായാസമായും ഉടനടിയും പണം കൈമാറാൻ സഹായിക്കുന്നു.

കൂടാതെ കഴിഞ്ഞ രണ്ട് വർഷമായി നിരവധി രാജ്യങ്ങൾ യുപിഐ ആപ്ലിക്കേഷനുകൾ വഴി പേയ്‌മെൻ്റുകൾ സ്വീകരിക്കാൻ തുടങ്ങിയിട്ടുണ്ട്. നിലവിൽ ഭൂട്ടാൻ, ഒമാൻ, യുഎഇ, നേപ്പാൾ, ഫ്രാൻസ്, ശ്രീലങ്ക, മൗറീഷ്യസ് തുടങ്ങിയ രാജ്യങ്ങളിൽ യുപിഐ സേവനങ്ങൾ ലഭ്യമാണ്. ഒരു വിദേശ യാത്രയ്ക്ക് പോകുമ്പോൾ അവിടെയും യുപിഐ ഉപയോഗിക്കാൻ ആപിൽ ചില കാര്യങ്ങൾ ചെയ്യേണ്ടതുണ്ട്.

എന്താണ് ചെയ്യേണ്ടത്?

* നിങ്ങളുടെ യുപിഐ ആപ്പ് തുറക്കുക
* പ്രൊഫൈൽ ചിത്രത്തിൽ ക്ലിക്ക് ചെയ്യുക
* പേയ്മെന്റ് സെറ്റിംഗ്സ് വിഭാഗത്തിൽ, യുപിഐ ഇന്റർനാഷണൽ തിരഞ്ഞെടുക്കുക
* യുപിഐ പേയ്മെന്റുകൾക്കായി ഉപയോഗിക്കാൻ ആഗ്രഹിക്കുന്ന ബാങ്ക് അക്കൗണ്ടിന് അടുത്തുള്ള ആക്ടിവേറ്റ് ക്ലിക്കുചെയ്യുക.
* നിങ്ങളുടെ യുപിഐ പിൻ നൽകി സ്ഥിരീകരിക്കുക

പരിധി അറിയുക

യുപിഐ ഉപയോഗിച്ച് അന്താരാഷ്‌ട്ര ഇടപാടുകൾ നടത്തുമ്പോൾ ഒരു ഇടപാടിൽ കൈമാറ്റം ചെയ്യപ്പെടാവുന്ന തുകയുടെ പരിധിയെക്കുറിച്ച് ഉപയോക്താക്കൾ അറിഞ്ഞിരിക്കണം. നിലവിൽ, ഒരു ഇടപാടിന് 2,00,000 രൂപയാണ് ഔദ്യോഗിക പരമാവധി. ഈ പരിധിയിൽ കൂടുതൽ തുക അയയ്‌ക്കണമെങ്കിൽ, യുപിഐക്ക് പകരം നേരിട്ടുള്ള ബാങ്ക് അക്കൗണ്ട് ട്രാൻസ്ഫർ ഉപയോഗിക്കണം.

Keywords: News, Malayalam News, National, UPI, Travel, Bhutan Oman, UAE, Nepal , France, Srikanth, Travelling abroad? Here's a step-by-step guide to activate UPI international payments

< !- START disable copy paste -->

Middle Child | കുടുംബത്തിൽ നടുവിലുള്ള കുട്ടിക്ക് ഈ പ്രത്യേക സ്വഭാവവും പെരുമാറ്റങ്ങളുമുണ്ടാകാം; ശ്രദ്ധിക്കേണ്ട കാര്യങ്ങൾ

2024-05-23T12:00:00.000+05:30

ന്യൂഡെൽഹി: (KVARTHA) 'മിഡിൽ ചൈൽഡ് സിൻഡ്രോം' എന്നത് ഒരു കുടുംബത്തിൽ നടുവിൽ ജനിച്ച കുട്ടിക്ക് കാണപ്പെടുന്ന ചില സ്വഭാവ സവിശേഷതകളെയും പെരുമാറ്റങ്ങളെയും വിവരിക്കുന്ന ഒരു സാധാരണ സൈക്കോളജിക്കൽ ആശയമാണ്. ഈ സിദ്ധാന്തം അനുസരിച്ച്, നടുവിലുള്ള കുട്ടിക്ക് മൂത്ത സഹോദരനും ഇളയ സഹോദരനും അനുഭവിക്കാത്ത തരത്തിലുള്ള സമ്മർദങ്ങളും വെല്ലുവിളികളും നേരിടേണ്ടി വരുമെന്ന് ആരോഗ്യ വിദഗ്ധർ പറയുന്നു. ഇത് ചില പ്രത്യേക സ്വഭാവ സവിശേഷതകളിലേക്ക് നയിച്ചേക്കാം:

സ്വന്തം സ്വത്വവും ലക്ഷ്യങ്ങളും കണ്ടെത്താൻ പ്രയാസം

സ്വന്തം സ്വത്വവും ലക്ഷ്യങ്ങളും കണ്ടെത്താൻ ഇത്തരം കുട്ടികൾക്ക് ബുദ്ധിമുട്ട് അനുഭവപ്പെടാം. മൂത്ത സഹോദരൻ വിജയവാനും ഇളയ സഹോദരൻ പ്രത്യേക ശ്രദ്ധ ആകർഷിക്കുന്നവനും ആയിരിക്കുമ്പോൾ, നടുവിലുള്ള കുട്ടിക്ക് അവരുടെ സ്ഥാനം കണ്ടെത്താൻ ബുദ്ധിമുട്ട് അനുഭവപ്പെടാം.

സ്വാതന്ത്ര്യം

നടുവിലുള്ള കുട്ടിക്ക് സ്വാതന്ത്ര്യം അനുഭവപ്പെടാൻ സാധ്യത കുറവാണ്. മൂത്ത കുട്ടിക്ക് കൂടുതൽ ഉത്തരവാദിത്തങ്ങൾ ഉണ്ടാകാം, ഇളയ സഹോദരൻ കൂടുതൽ ശ്രദ്ധ ആകർഷിക്കാം. ഇത് നടുവിലുള്ള കുട്ടിക്ക് അമിത നിയന്ത്രണത്തിലോ നിരീക്ഷണത്തിലോ ആണെന്ന് തോന്നിപ്പിക്കാം.

സ്വാധീനം ചെലുത്താനുള്ള കഴിവില്ലായ്മ

നടുവിലുള്ള കുട്ടിക്ക് അവരുടെ കുടുംബത്തിൽ സ്വാധീനം ചെലുത്താനുള്ള ബുദ്ധിമുട്ട് അനുഭവപ്പെടാം. മൂത്ത സഹോദരൻ കൂടുതൽ ശക്തനും ഇളയ സഹോദരൻ കൂടുതൽ ബന്ധമുള്ളവരുമാകാം. ഇത് നടുവിലുള്ള കുട്ടിക്ക് കേൾക്കപ്പെടുന്നില്ലെന്നോ അവരുടെ അഭിപ്രായങ്ങൾ പ്രാധാന്യമില്ലെന്നോ തോന്നിപ്പിക്കാം. പലപ്പോഴും വിഷാദം തോന്നുക, മൂഡ് സ്വിംഗ്സ്, വിശ്വാസക്കുറവ് തുടങ്ങിയവയുമുണ്ടാകാം.

മാനസിക രോഗം അല്ല

എന്നിരുന്നാലും, മിഡിൽ ചൈൽഡ് സിൻഡ്രോം ഒരു മാനസിക രോഗം അല്ലെന്ന് ഓർക്കേണ്ടതാണ്. ഇത് ഒരു സാമാന്യ സൈക്കോളജിക്കൽ ആശയമാണ്, എല്ലാ നടുവിലുള്ള കുട്ടികളും ഈ സ്വഭാവ സവിശേഷതകളും പെരുമാറ്റങ്ങളും അനുഭവിക്കുന്നില്ല. ഇവർക്ക് സർഗ്ഗാത്മകത, സ്വാതന്ത്ര്യബോധം, എന്നിവയുൾപ്പെടെ നിരവധി ശക്തികളും ഉണ്ട്.

മിഡിൽ ചൈൽഡ് സിൻഡ്രോം എങ്ങനെ തടയാം?

കുട്ടികളോട് ക്ഷമയോടെ സംസാരിക്കുക, അവരുടെ പെരുമാറ്റം മനസിലാക്കാൻ ശ്രമിക്കുക. നിങ്ങളുടെ കുട്ടിയുടെ സ്വഭാവം മാറുകയാണെങ്കിൽ, അവനെ ഉപദേശിക്കുക. നിങ്ങളുടെ നടുവിലുള്ള കുട്ടി പ്രകോപിപ്പിക്കുന്നതോ മറ്റോ ആണെങ്കിൽ, കൂടുതൽ ശ്രദ്ധിക്കുക. ഇത്തരം കുട്ടികളെ പ്രാധാന്യത്തോടെ തന്നെ പരിഗണിക്കുക.

Keywords: News, Malayalam News, National, Health, Health Tips, Lifestyle, What to Know About Middle-Child Syndrome

< !- START disable copy paste -->

Gratuity | കേന്ദ്ര സർക്കാർ ജീവനക്കാർക്ക് സുപ്രധാന വാർത്ത: ഗ്രാറ്റുവിറ്റി സംബന്ധിച്ച് ഞെട്ടിക്കുന്ന തീരുമാനവുമായി ഇപിഎഫ്ഒ

2024-05-23T11:55:00.003+05:30

ന്യൂഡെൽഹി: (KVARTHA) ലക്ഷക്കണക്കിന് കേന്ദ്ര സർക്കാർ ജീവനക്കാർക്ക് കനത്ത തിരിച്ചടിയായി, റിട്ടയർമെൻ്റ് ഗ്രാറ്റുവിറ്റിയുടെയും ഡെത്ത് ഗ്രാറ്റുവിറ്റിയുടെയും 25 ശതമാനം വർദ്ധന സംബന്ധിച്ച മുൻ വിജ്ഞാപനം എംപ്ലോയീസ് പ്രൊവിഡൻ്റ് ഫണ്ട് ഓർഗനൈസേഷൻ (EPFO) ഉപേക്ഷിച്ചു.

ക്ഷാമബത്ത (DA) യിലെ വർധനവ് കണക്കിലെടുത്താണ് തീരുമാനം. ഏറ്റവും പുതിയ വിജ്ഞാപനത്തിൽ, ജീവനക്കാർക്കുള്ള റിട്ടയർമെൻ്റ്, ഡെത്ത് ഗ്രാറ്റുവിറ്റി വർധനവ് ഉപേക്ഷിച്ച് പഴയതുപോലെ പോലെ നിലനിർത്താൻ തീരുമാനിച്ചതായി അറിയിച്ചു.

കേന്ദ്ര സർക്കാർ ജീവനക്കാർക്ക് എന്താണ് ഗ്രാറ്റുവിറ്റി?

ജീവനക്കാരന് തൊഴിലുടമ നൽകുന്ന ഒരു നിശ്ചിത ആനുകൂല്യ പദ്ധതിയാണ് ഗ്രാറ്റുവിറ്റി. 1972ലെ പേയ്‌മെൻ്റ് ഓഫ് ഗ്രാറ്റുവിറ്റി നിയമം അനുസരിച്ച്, ഒരു സ്ഥാപനത്തിൽ കുറഞ്ഞത് അഞ്ച് വർഷമെങ്കിലും തുടർച്ചയായി സേവനം അനുഷ്ഠിച്ചാൽ ഒരു ജീവനക്കാരന് ഗ്രാറ്റുവിറ്റി ലഭിക്കും.

മൊത്തം ഡിഎ വർധനവ് 50 ശതമാനത്തിലെത്തി

ഈ വർഷം മാർച്ച് ഏഴിന് കേന്ദ്രസർക്കാർ ജീവനക്കാർക്കുള്ള ഡിഎ, പെൻഷൻ വാങ്ങുന്നവർക്കുള്ള ഡിയർനസ് റിലീഫ് (DR) 2024 ജനുവരി ഒന്ന് മുതൽ പ്രാബല്യത്തിൽ നാല് ശതമാനം വർദ്ധിപ്പിച്ചിരുന്നു. ഇതോടെ മൊത്തം ഡിഎ 50% ആയി ഉയർന്നു. ജീവനക്കാർ. ഡിഎ വർദ്ധനയ്‌ക്കൊപ്പം, മറ്റ് അലവൻസുകളായ ട്രാൻസ്‌പോർട്ട് അലവൻസ്, കാൻ്റീന് അലവൻസ്, ഡെപ്യൂട്ടേഷൻ അലവൻസ് എന്നിവയും 25 ശതമാനം വർധിപ്പിക്കുകയുണ്ടായി.

Keywords: News, National, New Delhi, Gratuity, DA Hike, EPFO, Central Government, Employee, 7th Pay Commission Big Update For Govt Employees: 25% Increase In Gratuity Due To DA Hike Put On Hold, Check What EPFO Says.
< !- START disable copy paste -->

Course | പ്ലസ് ടുവിന് ശേഷമുള്ള മികച്ച കാർഷിക കോഴ്‌സുകൾ; പുതിയ സാങ്കേതികവിദ്യകൾ അനന്ത സാധ്യതകൾ തുറന്നു

2024-05-23T11:25:00.001+05:30

ന്യൂഡെല്‍ഹി: (KVARTHA) കൃഷിയിലെ വിപ്ലവകരമായ മാറ്റങ്ങൾക്കൊപ്പം, കൃഷി രംഗത്തെ വിദഗ്ധരുടെ ആവശ്യവും വർദ്ധിച്ചുവരുന്നു. പ്ലസ് ടു പൂർത്തിയാക്കിയ വിദ്യാർത്ഥികൾക്ക് കൃഷിയിൽ വിവിധ തൊഴിലവസരങ്ങൾ ലഭ്യമാണ്. കാലഘട്ടത്തിന്റെ ആവശ്യങ്ങൾ ക്കനുസൃതമായി പുതുതലമുറ പഠനകോഴ്‌സുകളും ഈ വിഭാഗത്തിൽ ലഭ്യമാണ്. ഇന്ന് കൃഷിയിലെ പുതിയ സാങ്കേതികവിദ്യകൾ അനന്ത സാധ്യതകൾ തുറന്നിട്ടുണ്ട്. ഈ മേഖലയിൽ വിദഗ്ധരായവർക്കാണ് ഇപ്പോൾ ഏറ്റവും കൂടുതൽ ഡിമാൻഡ്.

ഏതൊക്കെ കോഴ്‌സുകൾ?

ബി.എസ്.സി. (അഗ്രികൾച്ചർ):

കൃഷിയിലെ അടിസ്ഥാന തത്വങ്ങളും ശാസ്ത്രീയ അറിവും നൽകുന്ന ബിരുദ കോഴ്‌സ്. മണ്ണ്, സസ്യങ്ങൾ, കീടരോഗങ്ങൾ, വിളപരിപാലനം തുടങ്ങിയ വിഷയങ്ങൾ ഇതിൽ ഉൾപ്പെടുന്നു.

* ബി.ടെക് (കൃഷി എൻജിനീയറിംഗ്):

കൃഷിയിൽ എഞ്ചിനീയറിംഗ് തത്വങ്ങൾ പ്രയോഗിക്കുന്ന കോഴ്‌സ്. കൃഷി യന്ത്രങ്ങളുടെ പ്രവർത്തനം, മണ്ണ് സംരക്ഷണം, ജലസേചന രീതികൾ തുടങ്ങിയവ പഠിപ്പിക്കുന്നു.

ഡിപ്ലോമ കോഴ്‌സുകൾ:

പച്ചക്കറി കൃഷി, പൂന്തോട്ട നിർമ്മാണം, ജൈവകൃഷി, കന്നുകാലി പരിപാലനം തുടങ്ങിയ പ്രത്യേക മേഖലകളിൽ ഹ്രസ്വകാല ഡിപ്ലോമ കോഴ്‌സുകൾ ലഭ്യമാണ്.

പുതിയ കാലത്തെ കൃഷി കോഴ്‌സുകൾ:

* പരിഷ്കൃത കൃഷി (Precision Agriculture):

അത്യാധുനിക സാങ്കേതികവിദ്യ ഉപയോഗിച്ച് കൃഷി കൂടുതൽ കാര്യക്ഷമമാക്കുന്ന രീതി. മണ്ണിന്റെയും കാലാവസ്ഥയുടെയും കൃത്യമായ വിവരങ്ങൾ ഉപയോഗിച്ച് വിളകൾക്ക് ആവശ്യമായ വളവും വെള്ളവും നൽകുന്ന രീതിയാണിത്.

* കൃഷി ബിസിനസ് മാനേജ്മെന്റ്:

കൃഷിയിൽ നിന്ന് ലാഭം കണ്ടെത്താനുള്ള കാര്യങ്ങൾ പഠിക്കുന്ന കോഴ്‌സ്. വിപണനം, വിതരണം, സാമ്പത്തിക മാനേജ്മെന്റ് എന്നിവ ഇതിൽ ഉൾപ്പെടുന്നു.

* കൃഷി ഡ്രോൺ ടെക്നോളജി:

കൃഷിയിൽ വിപ്ലവകരമായ മാറ്റങ്ങൾ വരുത്തുന്ന ഡ്രോൺ ടെക്നോളജി ഇന്ന് ഏറെ ചർച്ചയാകുന്ന വിഷയമാണ്. വിത്തുകൾ വിതയ്ക്കൽ, വളം തളിക്കൽ, കീടനാശിനി തളിക്കൽ, വിളകളുടെ ആരോഗ്യം നിരീക്ഷിക്കൽ തുടങ്ങി കൃഷിയുടെ വിവിധ മേഖലകളിൽ ഡ്രോണുകൾ ഉപയോഗിക്കാം. ഈ സാങ്കേതികവിദ്യയിൽ താൽപ്പര്യമുള്ളവർക്ക് കൃഷി ഡ്രോൺ ടെക്നോളജി കോഴ്‌സുകൾ ലഭ്യമാണ്. ഡ്രോൺ ഫ്ലൈറ്റിംഗ്, ഡാറ്റാ അനാലിസിസ്, സോഫ്റ്റ്‌വെയർ ഉപയോഗം, വിളകളുടെ ആരോഗ്യ നിരീക്ഷണം, കീടരോഗ നിയന്ത്രണം തുടങ്ങിയ വിഷയങ്ങൾ ഈ കോഴ്‌സിൽ ഉൾപ്പെടുന്നു.

Keywords: News, Malayalam News, National News, Education, career, Course, Study, Marine Courses, Best Marine Courses after Plus Two

< !- START disable copy paste -->

Jackfruit | ചക്കയുടെ അധികം അറിയപ്പെടാത്ത 10 ആരോഗ്യ ഗുണങ്ങൾ

2024-05-23T10:58:00.000+05:30

ന്യൂഡെൽഹി: (KVARTHA) മലയാളികളുടെ പ്രിയപ്പെട്ടതും സുലഭമായി ലഭിക്കുന്നതുമായ ഒരു പഴമാണ് ചക്ക (Jackfruit). പോഷകസമൃദ്ധമായ പഴമാണിത്. ഇതിൽ ധാരാളം വിറ്റാമിനുകൾ, ധാതുക്കൾ, നാരുകൾ എന്നിവ അടങ്ങിയിരിക്കുന്നു. ഇവയെല്ലാം നമ്മുടെ ശരീരത്തിന്റെ ആരോഗ്യത്തിന് വളരെ പ്രധാനപ്പെട്ടവയാണ്. ചക്കയുടെ ചില അധികം അറിയപ്പെടാത്ത ആരോഗ്യ ഗുണങ്ങളെ അറിയാം.

1. രക്തചംക്രമണം മെച്ചപ്പെടുത്തുന്നു

ഇരുമ്പിന്റെ നല്ല സ്രോതസ് എന്ന നിലയിൽ, ചുവന്ന രക്താണുക്കളുടെ ഉൽപാദനം വർദ്ധിപ്പിക്കാനും രക്തചംക്രമണം മെച്ചപ്പെടുത്താനും ചക്ക സഹായിക്കുന്നു.

2. ചര്‍മ സംരക്ഷണം

ചക്കയിലെ വൈറ്റമിൻ സി യും ആന്റിഓക്സിഡന്റുകളും ചർമ്മത്തിന്റെ ആരോഗ്യം മെച്ചപ്പെടുത്താനും ചുളിവുകൾ കുറയ്ക്കാനും സഹായിക്കുന്നു.

3. ദഹനം സുഗമമാക്കുന്നു

ചക്കയിലെ നാരുകൾ ദഹനവ്യവസ്ഥയെ സഹായിക്കുകയും മലബന്ധം തടയുകയും ചെയ്യുന്നു.

4. ആസ്ത്മയെ തടയുന്നു

ചക്കയിലെ വിറ്റാമിൻ സി ആസ്ത്മയുടെ ലക്ഷണങ്ങൾ ലഘൂകരിക്കാൻ സഹായിക്കുന്നു.

5. ദഹനം വർദ്ധിപ്പിക്കുന്നു

ചക്കയിലെ എൻസൈമുകൾ ദഹനം മെച്ചപ്പെടുത്തുകയും വിശപ്പു വർദ്ധിപ്പിക്കുകയും ചെയ്യുന്നു.

6. വ്രണങ്ങൾ ഉണങ്ങാൻ സഹായിക്കുന്നു

ചക്കയിലെ ആന്റിബാക്ടീരിയൽ ഗുണങ്ങൾ മുറിവുകൾ വേഗത്തിൽ ഉണങ്ങാൻ സഹായിക്കുന്നു.

7. അനീമിയ തടയുന്നു

ഇരുമ്പിന്റെ നല്ല സ്രോതസ്സ് എന്ന നിലയിൽ, ചക്ക അനീമിയ തടയാൻ സഹായിക്കുന്നു.

8. ആർത്തവ സമയത്തെ ബുദ്ധിമുട്ടുകൾ കുറയ്ക്കുന്നു

ചക്കയിലെ മഗ്നീഷ്യം ആർത്തവ സമയത്തെ വേദനയും വീക്കവും കുറയ്ക്കാൻ സഹായിക്കുന്നു.

10. പേശികളുടെ ആരോഗ്യം മെച്ചപ്പെടുത്തുന്നു

ചക്കയിലെ പൊട്ടാസ്യം പേശികളുടെ പ്രവർത്തനം മെച്ചപ്പെടുത്താനും പേശി വേദന ഒഴിവാക്കാനും സഹായിക്കും.

Keywords: News, National, New Delhi, Health, Health Tips, Lifestyle, Jackfruit, Benefits, Lessor known 10 health benefits of jackfruit.
< !- START disable copy paste -->

Gold Price | നേരിയ ആശ്വാസം: സ്വര്‍ണവില പവന് 800 രൂപ കുറഞ്ഞു; വെള്ളി നിരക്കിലും ഇടിവ്

2024-05-23T10:04:00.001+05:30

കൊച്ചി: (KVARTHA) സംസ്ഥാനത്ത് സ്വര്‍ണവിലയില്‍ ഇടിവ്. വ്യാഴാഴ്ച (23.05.2024) ഒരു ഗ്രാം 22 കാരറ്റ് സ്വര്‍ണത്തിന് 100 രൂപയും പവന് 800 രൂപയുമാണ് കുറഞ്ഞത്. ഒരു ഗ്രാം 22 കാരറ്റ് സ്വര്‍ണത്തിന് 6730 രൂപയിലും പവന് 53840 രൂപയിലുമാണ് വ്യാപാരം നടക്കുന്നത്.

ഒരു ഗ്രാം 18 കാരറ്റ് സ്വര്‍ണത്തിന് 90 രൂപയും പവന് 720 രൂപയുമാണ് കുറഞ്ഞത്. ഒരു ഗ്രാം 18 കാരറ്റ് സ്വര്‍ണത്തിന് 5600 രൂപയിലും പവന് 44800 രൂപയിലുമാണ് വ്യാപാരം നടക്കുന്നത്. വെള്ളി വിലയും കുറഞ്ഞു. ഒരു ഗ്രാം സാധാരണ വെള്ളിക്ക് 100 രൂപയില്‍നിന്ന് 03 രൂപ കുറഞ്ഞ് 97 രൂപയാണ് വിപണി വില. അതേസമയം, ഹാള്‍മാര്‍ക് വെള്ളിയുടെ വില രേഖപ്പെടുത്തിയിട്ടില്ല.

ബുധനാഴ്ച (22.05.2024) സ്വര്‍ണവിലകളില്‍ മാറ്റമില്ലായിരുന്നു. ഒരു ഗ്രാം 22 കാരറ്റ് സ്വര്‍ണത്തിന് 6830 രൂപയിലും പവന് 54640 രൂപയിലുമാണ് വ്യാപാരം നടന്നത്. ഒരു ഗ്രാം 18 കാരറ്റ് സ്വര്‍ണത്തിന് 5690 രൂപയിലും പവന് 45520 രൂപയിലുമാണ് വ്യാപാരം നടന്നത്. ഒരു ഗ്രാം സാധാരണ വെള്ളിക്ക് 99 രൂപയില്‍നിന്ന് 01 രൂപ കൂടി 100 രൂപയായിരുന്നു വിപണി വില.

ചൊവ്വാഴ്ച (21.05.2024) ഒരു ഗ്രാം 22 കാരറ്റ് സ്വര്‍ണത്തിന് 60 രൂപയും പവന് 480 രൂപയുമാണ് കുറഞ്ഞത്. ഒരു ഗ്രാം 22 കാരറ്റ് സ്വര്‍ണത്തിന് 6830 രൂപയിലും പവന് 54640 രൂപയിലുമാണ് വ്യാപാരം നടന്നത്. ഒരു ഗ്രാം 18 കാരറ്റ് സ്വര്‍ണത്തിന് 50 രൂപയും പവന് 400 രൂപയുമാണ് കുറഞ്ഞത്. ഒരു ഗ്രാം 18 കാരറ്റ് സ്വര്‍ണത്തിന് 5690 രൂപയിലും പവന് 45520 രൂപയിലുമാണ് വ്യാപാരം നടന്നത്. അതേസമയം, തുടര്‍ച്ചയായ മൂന്നാം ദിനവും വെള്ളി വിലയില്‍ വന്‍ വര്‍ധനവ് രേഖപ്പെടുത്തിയിരുന്നു. ഒരു ഗ്രാം സാധാരണ വെള്ളിക്ക് 97 രൂപയില്‍നിന്ന് 02 രൂപ കൂടി 99 രൂപയായിരുന്നു വിപണി വില.

Keywords: News, Kerala, Business, Kochi-News, Malayalam News, Gold Price, Gold Price Today, Silver Price, Gold News, Silver News, Gold Price May 23 Kerala.

Rift | ഇ കെ വിഭാഗം സമസ്തയിൽ ഭിന്നതകൾ ശക്തമാകുന്നതിന് പിന്നിൽ രാഷ്ട്രീയം; തിരഞ്ഞെടുപ്പ് ഫലം പുറത്തുവന്നാൽ രൂക്ഷമാകുമോ?

2024-05-23T00:39:00.002+05:30

മലപ്പുറം: (KVARTHA) മുസ്ലിം ലീഗുമായുള്ള പ്രശ്‌നങ്ങൾക്കിടയിൽ തന്നെ കേരളത്തിലെ പ്രബലമായ മുസ്ലിം സംഘടനകളിലൊന്നായ ഇ കെ വിഭാഗം സമസ്തയ്ക്കുള്ളിലും അഭിപ്രായ ഭിന്നതകൾ ശക്തമാവുന്നതിന് പിന്നിൽ രാഷ്ട്രീയ ഇടപെടലെന്ന് ആക്ഷേപം. ഏറ്റവും ഒടുവിൽ സമസ്ത കേന്ദ്ര മുശാവറ അംഗവും സുപ്രഭാതം ചീഫ് എഡിറ്ററുമായ ബഹാവുദ്ദീൻ നദ്‌വിയോട് സമസ്ത നേതൃത്വം വിശദീകരണം തേടുന്ന സാഹചര്യത്തിലേക്ക് എത്തിനിൽക്കുകയാണ് കാര്യങ്ങൾ. 48 മണിക്കൂറിനകം വിശദീകരണം നൽകാനാണ് നോടീസിൽ ആവശ്യപ്പെട്ടത്.

സമസ്തയിലെ ചിലർ ഇടതുപക്ഷവുമായി അടുക്കാൻ ശ്രമിക്കുന്നുണ്ടെന്ന് ബഹാവുദ്ദീൻ നദ്‌വി വിമർശിച്ചിരുന്നു. സുപ്രഭാതം പത്രത്തിൽ നയം മാറ്റം വന്നെന്നും ഇത് ഇടതുപക്ഷ അനുകൂല നിലപാടിലേക്കുള്ള ചാഞ്ചാട്ടമാണെന്നും അദ്ദേഹം ആരോപിച്ചു. അതുകൊണ്ടാണ് പത്രത്തിന്‍റെ ഗള്‍ഫ് എഡിഷന്‍ ഉദ്ഘാടന ചടങ്ങില്‍ നിന്നും വിട്ടു നിന്നതെന്നും ഈ നയം മാറ്റത്തിനെതിരെ മുന്നോട്ട് പോകേണ്ടതുണ്ടെന്നും ഇത് അടുത്ത മുശാവറ യോഗത്തില്‍ ഉന്നയിക്കുമെന്നും ബഹാവുദ്ദീൻ നദ്‌വി വ്യക്തമാക്കിയിട്ടുണ്ട്.

സമസ്തയിൽ ഭിന്നതയുണ്ടാക്കാൻ ശ്രമമോ?

സമസ്‌ത അധ്യക്ഷനായി ജിഫ്രി മുത്തുക്കോയ തങ്ങൾ സ്ഥാനമേറ്റത് മുതലുള്ള സംഘടനയിലെ മാറ്റങ്ങളാണ് സമസ്തയും ലീഗും തമ്മിലുള്ള ബന്ധത്തിൽ വിള്ളലുണ്ടാക്കിയത്. ഒരു രാഷ്ട്രീയ പാര്‍ടിയെ മാത്രം ആശ്രയിച്ച് മാത്രം മുന്നോട്ട് പോകേണ്ടെന്ന സമസ്തയുടെ തീരുമാനവും സ്വന്തം കാലിൽ നിൽക്കാനുള്ള ശ്രമങ്ങളുമാണ് ഒരുകാലത്ത് 'ബി ടീം' പോലെ പ്രവർത്തിച്ചിരുന്ന സമസ്തയും ലീഗും തമ്മിൽ അകൽച്ചയുണ്ടാക്കിയത്

സമസ്‌ത സെക്രടറിയും മുശാവറ അംഗവുമായ ഉമർ ഫൈസി മുക്കത്തിന്റെ മുസ്‌ലിം ലീഗിനെതിരായ പ്രസ്താവനകൾ അടുത്തിടെ ഏറെ വിവാദങ്ങൾ സൃഷ്‌ടിച്ചിരുന്നു. ലീഗ് ജെനറല്‍ സെക്രടറി പിഎംഎ സലാമിന്റെ നിലപാടുകളിലും സമസ്തയിലെ ഒരു വിഭാഗം അതൃപ്തരാണ്. സമസ്തയ്‌ക്കെതിരെ ശക്തമായ നിലപാടുമായി ലീഗിന്റെ നേതാക്കളായ പാണക്കാട് സാദിഖലി ശിഹാബ് തങ്ങളും പികെ കുഞ്ഞാലിക്കുട്ടിയും ശനിയാഴ്ച ദുബൈയിൽ നടന്ന സുപ്രഭാതം ദിനപത്രത്തിൻ്റെ ഗൾഫ് പതിപ്പ് പുറത്തിറക്കുന്ന ചടങ്ങിൽ നിന്ന് വിട്ടുനിന്നത് അകലം വർധിപ്പിച്ചു.

ഈ ചടങ്ങിൽ പങ്കെടുത്ത് സംസാരിക്കുന്നതിനിടെ മന്ത്രി പി എ മുഹമ്മദ് റിയാസ്, സുപ്രഭാതം ഗൾഫ് എഡിഷൻ ഉദ്ഘാടനം ബഹിഷ്കരിച്ചവരെ നാളെ ജനം ബഹിഷ്കരിക്കുമെന്ന് പറഞ്ഞത് തക്ബീർ മുഴക്കിയായിരുന്നു സദസ് സ്വീകരിച്ചത്. എന്നാൽ ഇതേകുറിച്ച്, നിരീശ്വരവാദിയായ ഒരാള്‍ക്ക് തക്ബീര്‍ ചൊല്ലി പിന്തുണ നല്‍കുന്നത് ബുദ്ധിശൂന്യമാണെന്നായിരുന്നു ബഹാഉദ്ദീന്‍ മുഹമ്മദ് നദ്‌വിയുടെ വിമർശനം.

അതേസമയം തന്നെ മുസ്ലിം ലീഗിനെ അനുകൂലിക്കുന്ന മറ്റൊരു വിഭാഗവും സമസ്‌തയിലുണ്ട്. ഉമര്‍ഫൈസി മുക്കത്തെ മുന്നില്‍ നിര്‍ത്തി സമസ്തയിലെ ലീഗ് വിരുദ്ധര്‍ നടത്തുന്ന നീക്കത്തെ ചെറുക്കാനാണ് മുതിര്‍ന്ന നേതാവായ ബഹാവുദ്ദീന്‍ നദ്‌വിയെ തന്നെ ഇപ്പോൾ എതിർവിഭാഗം രംഗത്തിറക്കിയിരിക്കുന്നതെന്നാണ് രാഷ്ട്രീയ നിരീക്ഷകർ വിലയിരുത്തുന്നത്. സിഐസി വിഷയത്തിൽ ഹക്കീം ഫൈസിയെ പിന്തുണച്ചതിലും പാണക്കാട് ഖാസി ഫൗണ്ടേഷന്‍ രൂപീകരിച്ചതിലും ലീഗിന്റെ രാഷ്ട്രീയമാണ് പിന്നിലെന്നാണ് വിലയിരുത്തൽ.

സമസ്‌ത മുസ്ലി ലീഗുമായി അകലുന്നത് തിരഞ്ഞെടുപ്പ് രാഷ്ട്രീയത്തിൽ മുസ്ലിം ലീഗിനാണ് നഷ്ടമുണ്ടാക്കുക. അവസരം മുതലാക്കാൻ സിപിഎം സജീവമായി രംഗത്തുണ്ട്. സമസ്തയിലെ പ്രമുഖ നേതാക്കളുമായെല്ലാം സിപിഎം നേതാക്കൾ അടുത്തബന്ധം പുലർത്തുന്നുമുണ്ട്. കഴിഞ്ഞ ലോക്‌സഭാ തിരഞ്ഞെടുപ്പിൽ, സമസ്തയിലെ ഒരു വിഭാഗം മലപ്പുറത്തും പൊന്നാനിയിലും ലീഗ് സ്ഥാനാർത്ഥികൾക്കെതിരെ പ്രവർത്തിച്ചിരുന്നതായും ആക്ഷേപമുണ്ട്. ഇത്തമൊരു സാഹചര്യത്തിൽ സമസ്തയിൽ ഭിന്നതയുണ്ടാക്കാൻ ഗൂഢാലോചന നടക്കുന്നുണ്ടെന്നാണ് നെറ്റിസൻസ് ആരോപിക്കുന്നത്.

2014ൽ സുപ്രഭാതം ദിനപത്രത്തിന്റെ പ്രകാശന ചടങ്ങിൽ സിപിഎം നേതാവ് കോടിയേരി ബാലകൃഷ്ണൻ പങ്കെടുത്തിരുന്നു. ബഹാവുദ്ദീൻ നദ്‌വി അടക്കമുള്ളവർ അന്ന് ഒപ്പമുണ്ടായിരുന്നു. അന്നില്ലാത്ത വിമർശനം ഇപ്പോഴെങ്ങനെ ഉണ്ടായെന്നാണ് സാമൂഹ്യ മാധ്യമങ്ങളിൽ നിന്നുയരുന്ന ചോദ്യം. ഏറ്റവുമൊടുവിൽ സമസ്ത മുഖപത്രമായ സുപ്രഭാതത്തില്‍ എല്‍ഡിഎഫ് പരസ്യം വന്നതോടെ രൂക്ഷമായ സമസ്ത– ലീഗ് ഭിന്നത 1989 ലെ പിളര്‍പ്പിനെ ഓർമിപ്പിക്കുകയാണ്. അന്നും പിളർപ്പിന് കാരണമായി ലീഗായിരുന്നു പ്രതിസ്ഥാനത്ത്. സമാന രീതിയിൽ സമസ്തയിൽ ഭിന്നതയുണ്ടാക്കാൻ മുസ്ലിം ലീഗ് ശ്രമിക്കുന്നുണ്ടോ എന്നാണ് വിവിധ കോണുകളിൽ നിന്നുയരുന്ന ചോദ്യം.

വരാനിരിക്കുന്ന ലോക്‌സഭാ തിരഞ്ഞെടുപ്പ് ഫലം മുസ്ലിം ലീഗിന് നിർണായകമായാണ്. ലീഗിനെ സംബന്ധിച്ചിടത്തോളം, പ്രത്യേകിച്ച് പൊന്നാനി ലോക്‌സഭാ മണ്ഡലത്തിലെ ഫലം വളരെ പ്രാധാന്യമർഹിക്കുന്നതാണ്. പൊന്നാനിയിലോ മലപ്പുറം സീറ്റിലോ ലീഗിൻ്റെ തോൽവിയോ ഭൂരിപക്ഷം കുറയുകയോ ചെയ്യുന്നത് ഇപ്പോഴത്തെ സാഹചര്യത്തിൽ ലീഗിന് ക്ഷീണമുണ്ടാക്കും. മലപ്പുറത്തും പൊന്നാനിയിലും തോറ്റാലും ഭൂരിപക്ഷം കുറഞ്ഞാലും കൂടിയാലും സമസ്തയിലെ ഒരു വിഭാഗത്തിനെതിരെ ശക്തമായ നീക്കം നടത്താനാണ് ലീഗിലെ ഒരു വിഭാഗത്തിന്റെ ആലോചനയെന്നാണ് സൂചന.

Keywords: News, News-Malayalam-News, Kerala, Politics, Politics is behind the strengthening of differences in the EK faction.

Accident | പിലാത്തറ-പാപ്പിനിശ്ശേരി കെ എസ് ടി പി റോഡില്‍ ടാങ്കര്‍ ലോറിയും ചരക്ക് ലോറിയും കൂട്ടിയിടിച്ചു

2024-05-22T23:26:00.002+05:30

കണ്ണൂര്‍: (KVARTHA) ചെറുകുന്ന് വെള്ളറങ്ങല്‍ ടാങ്കര്‍ ലോറിയും ചരക്ക് ലോറിയും കൂട്ടിയിടിച്ച് അപകടം. ടാങ്കര്‍ ലോറി ഡ്രൈവര്‍ ക്യാബിനില്‍ കുടുങ്ങി. ഫയര്‍ഫോഴ്സും പ്രദേശവാസികളും ചേര്‍ന്ന് രക്ഷാപ്രവര്‍ത്തനം നടത്തി. ബുധനാഴ്ച രാത്രി 10 മണിയോടെയാണ് അപകടമുണ്ടായത്.

അപകടത്തെ തുടര്‍ന്ന് ഇതുവഴിയുള്ള വാഹന ഗതാഗതം മുടങ്ങി. കനത്ത മഴയിലാണ് അപകടമുണ്ടായത്. കണ്ണപുരം പൊലീസും സ്ഥലത്ത് കാംപ് ചെയ്യുന്നുണ്ട്.

Keywords: Road Accident in Palathara, Kannur, News, Road Accident, Police, Natives, Vehicles, Transport, Tanker Lory, Kerala News.

Arrested | സ്ത്രീധന പീഡനം കാരണം നവവധു എലിവിഷം കഴിച്ച് മരിച്ചെന്ന സംഭവത്തില്‍ അറസ്റ്റിലായ ഭര്‍ത്താവും ഭര്‍തൃമാതാവും റിമാന്‍ഡില്‍

2024-05-22T23:18:00.002+05:30

ആലക്കോട്: (KVARTHA) സ്ത്രീധന പീഡനം കാരണം ഭര്‍തൃവീട്ടില്‍ നിന്ന് സ്വന്തം വീട്ടിലെത്തിയ നവവധു വിഷം ഉള്ളില്‍ച്ചെന്ന് ചികിത്സയിലിരിക്കെ മരിച്ച സംഭവത്തില്‍ ഭര്‍ത്താവിനെയും ഭര്‍തൃമാതാവിനെയും കോടതി 14 ദിവസത്തേക്ക് റിമാന്‍ഡ് ചെയ്തു.

ചാണോക്കുണ്ടിലെ പുത്തന്‍പുര ബിനോയിയുടെ മകള്‍ ഡെല്‍ന (23) ആണ് മരിച്ചത്. പരിയാരം പൊലീസ് സ്റ്റേഷന്‍ പരിധിയിലെ സനൂപ് ആന്റണി (24), മാതാവ് സോളി ആന്റണി (47) എന്നിവരെയാണ് ആലക്കോട് പൊലീസ് അറസ്റ്റ് ചെയ്തത്.

ഒരാഴ്ച മുന്‍പാണ് ഡെല്‍നയെ ആശുപത്രിയില്‍ പ്രവേശിപ്പിച്ചത്. ശനിയാഴ്ചയായിരുന്നു മരണം. ഡെല്‍നയുടെ മാതാപിതാക്കളുടെ പരാതിയിലാണ് പൊലീസ് കേസെടുത്തത്. തളിപ്പറമ്പ് ഡിവൈ എസ് പി പി പ്രമോദിന്റെ നിര്‍ദേശപ്രകാരമായിരുന്നു അറസ്റ്റ്. ഗാര്‍ഹികപീഡനം, സ്ത്രീധനപീഡനം എന്നീ കുറ്റങ്ങള്‍ ചുമത്തിയാണ് കേസെടുത്തത്.

Keywords: Death of newlywed bride: Husband and mother-in-law arrested, Kannur, News, Police, Dowry, Husband, Mother-in-law, Arrested, Death, Kerala News.