Lajmi i Fundit | lajme shqip | lajmi i fundit, lajmi fundit, lajmet e fundit,lajmifundit, lajm i fundit, lajmet e fundit nga kosova, lajmet e fundit nga shqiperia, lajme online

Christopher Columbus “vishet” me fanelën e Barcelonës

Lajmifundit.al — Thu, 23 May 2013 06:55:39 +0000

Një statuje të legjendës Chrostopher Columbus i është veshur një fanelë gjigande e Barcelonës për sezonin 2013-2014. Kompania Nike ka vendosur të paguajë 94,100 euro për të prodhuar këtë bluzë.

Lirohet nga burgu Emiljano Shullazi, përfundoi ditët e dënimit

Lajmifundit.al — Thu, 23 May 2013 06:48:06 +0000

Emiljano Shullazi, njëri prej personave me precedentë me drejtësisë ka lënë burgun. Në një artikull të ditës së sotme Gazeta Shqiptare konfirmon me burime pranë Drejtorisë së Përgjithshme të Burgjeve lirimin prej tri ditësh të Shullazit. Më 16 maj, Gjykata e Apelit në Shkodër la në fuqi vendimin e Gjykatës së Shkallës së Parë në Lezhë, e cila kishte dhënë ndaj Shullazit dënimin me 1 vit e 4 muaj burg. Më pas, vendimi është ekzekutuar nga organi i Prokurorisë së Lezhës, të cilët kanë bërë edhe një herë llogaritjet për ditët e qëndrimit të Shullazit në burg. Në bazë të këtyre llogaritjeve, i shumëpërfoluri Emiljano Shullazi është lënë i lirë më datë 20 maj.

Digjet biznesi i kreut të socialistëve të Prezës, dëmet vetëm materiale

Lajmifundit.al — Thu, 23 May 2013 06:42:18 +0000

Duket se po shtohen incidentet e fushatës zgjedhore. Mëngjesin e sotëm është njoftuar nga policia djegia e biznesit të kreut socialist të Prezës Lavdi Kajmaku. Ngjarja ka ndodhur rreth orës 03:00 të mëngjesit ndërsa kanë qenë të afërmit që kanë parë flakët dhe kanë ndërhyrë për të shmangur fatkeqësinë dhe përhapjen e flakëve në banesë. Zjarrfikësit kanë shkuar në vendngjarje ku kanë mundur të neutralizojnë edhe flakët, ndërkohë që sipas tyre zjarri ka qenë i qëllimshëm, pasi ka pasur 8 vatra zjarri.

Kosova: Shqetësim për mungesën e të drejtave të njeriut në marrëveshje

Lajmifundit.al — Thu, 23 May 2013 06:31:24 +0000

Duke folur për Kosovën, zonja Tigani shpreh shqetësimin se marrëveshja me Serbinë nuk përmend të drejtat e njeriut.“Nuk ka asnjë pikë në këtë marrëveshje që të përfshijë të drejtat e njeriut, apo të përfshijë disa pika kryesore të cilat gjithmonë kanë qenë dhe duhet të jenë në vëmendjen e Serbisë dhe Kosovës”.

Duke iu referuar edhe takimit të fundit mes kryeministrave të Kosovës dhe Serbisë për zbatimin e marrëveshjes, Amnesty bën thirrje:

“Amnesty International u kërkon përsëri këtyre autoriteteve dhe komunitetit evropian t’i thërrasë këto autoritete përsëri në tryezë dhe të bisedojmë këtë plan veprimi, por të marrin parasysh pikat kyçe për respektimin e të drejtave të njeriut. Nuk mund të kemi një marrëveshje mes Kosovës dhe Serbisë dhe të flasim vetëm për një kufi”.

Zonja Tigani thotë se për shembull as Serbia, dhe as Kosova nuk kanë marrë përgjegjësinë për shumë krime të luftës, në bazë të së drejtps ndërkombëtare që ajo thotë duhet të njihen dhe t’i kalojnë organit të caktuar të drejtësisë.

“Zhdukjet dhe grabitjet me forcë që janë kryer në Serbi dhe Kosovë, duhet të jenë një pikë, një pjesë e kësaj marrëveshjeje”.

Zonja Tigani thotë se këtë Amnesty International ia ka kërkuar edhe komunitetit evropian.

Nga shqetësimet e tjera për të drejtat e njeriut në Kosovë, zonja Tigani përmend ato për të drejtën e shprehjes dhe rastet e dhunëse ndaj gazetarëve. Ajo gjithashtu përmendi si shumë shqetësues rastin e sulmit fizik ndaj aktivistes së njohur Nazlie Bala, e cila është angazhuar me rastet e dhunës kundër grave gjatë luftës.

Amnesty: Të drejtat e njeriut në Shqipëri për 2012

Lajmifundit.al — Thu, 23 May 2013 06:29:34 +0000

Organizata Amnesty International nxorri raportin vjetor për gjendjen e të drejtave të njeriut në botë që mbulon periudhën janar-dhjetor 2012. Mes të tjerash, Amnesty shpreh shqetësimin për dhunën në familje dhe diskriminimin e disa grupeve në Shqipëri.

Mes problemeve kryesore që përmenden në pjesën për Shqipërinë janë tortura dhe keqtrajtimi në burgje, dhuna në familje, diskriminimi i pakicës rome dhe komunitetit homoseksual. Zëvendës drejtorja e Programit për Evropën dhe Azinë Qendrore në këtë organizatë, Jezerca Tigani thotë nga Londra se organizata e saj vazhdon të ketë të njëjtat shqetësime për të drejtat e njeriut në Shqipëri.

“Vazhdojnë të raportohen shumë incidente të dhunës në familje. Gjatë vitit të kaluar janë raportuar 2526 incidente të dhunës në familje, 345 më tepër sesa vitin e mëparshëm. Kjo do të thotë se dhuna në familje vazhdon të jetë një problematikë në Shqipëri”.

Një shqetësim tjetër i madh në raport është vazhdimi i diskriminimit të komunitetit rom.

“Ka pasur disa raste vitin e kaluar kur komuniteti rom është larguar me forcë nga tendat e tyre dhe u është dashur të gjejnë mënyra të tjera, apo të sajojnë strehime të tjera ku janë zhvendosur familjet e tyre dhe disa nga këto zhvendosje kanë ndodhur gjatë temperaturave të ulëta të dimrit dhe qeveria ka marrë shumë pak masa për të akomoduar në një farë mënyre këtë komunitet”.

Zonja Tigani përmend gjithashtu diskriminimin ndaj komunitetit gay në Shqipëri, një problematikë që thotë ajo nuk është shumë e njohur në Shqipëri, por që duhet trajtuar më shumë. Ajo thotë se

“Parada e parë për të drejtat e këtij grupi në Tiranë vitin e kaluar ishte një hap i rëndësishëm. Shpresojmë që këtë vit përsëri parada e Tiranës të zhvillohet”.

Në raportin e Amnesty International ngrihet shqetësimi për mungesën e kujdesit për të rinjtë jetimë që duan të strehohen dhe nuk kanë mundësi. Një çështje tjetër janë torturat dhe keqtrajtimet në burgje dhe stacione policie.

“Është një fatkeqësi që akoma raste të tilla torture dhe keqtrajtimi, akoma ndodhin në Shqipëri”.

Në raport, përmendet edhe rasti i ish komandantit të Gardës Ndrea Prendi dhe ish-oficerit të gardës Agim Llupo, të akuzuar për vrasjen e katër protestuesve në janar 2011. Për organizatën e të drejtave të njeriut kjo çështje nuk është e mbyllur megjithëse gjyqi përfundoi vitin e kaluar.

“Ne si organizatë akoma vazhdojmë të mendojmë se ky nuk duhet të jetë fundi i një incidenti të tillë. U vranë katër persona dhe nuk besojmë se gjyqi i majit jep drejtësinë e duhur”.

Një problem gjithëpërshirës në Shqipëri, sipas zonjës Tigani është se shoqëria e sheh veten ende si homogjene dhe për këtë arsye i sheh si të veçuara komunitetet rome dhe gay.

“Aty është roli i qeverisë shqiptare, për t’i pranuar dhe angazhuar këto komunitete që të flasin më hapur dhe që të kenë të drejtën e tyre të fjalës dje të shprehjes dhe të ndihen që janë pjesë e kësaj shoqërie shqiptare”.

Cameron: Sulmi i ngjan një akti terrorist

Lajmifundit.al — Thu, 23 May 2013 06:26:26 +0000

Kryeministri britanik David Cameron thotë se vrasja në mes të ditës e një personi në një rrugë në jug të Londrës pranë kazermave ushtarake duket se ishte akt terrorist.

Një komision special qeveritar zhvilloi një takim urgjent pas sulmit të djeshëm.

Kryeministri Cameron e cilësoi sulmin si një akt revoltues dhe tha se të gjitha shenjat flasin për një akt terrorist. Policë të armatosur qëlluan dhe plagosën dy persona të dyshuar, të cilët tani janë shtruar në spital nën mbikqyrjen e rojeve. Viktima mendohet se është një ushtar britanik, por nuk janë dhënë ende hollësi zyrtare.

Informata të pakta janë nxjerrë për incidentin, por dëshmitarët thonë se të dyshuarit duket se e kanë qëlluar viktimën me një objekt të mprehtë duke lënë një rrjedhë gjaku në trotuar.

Në videon e regjistruar nga një kalimtar duket një burrë me duar të përgjakura që mban një hanxhar dhe një thikë. Ai betohet për hakmarrje./VOA/

Burgoset ish-kryeministri i Gjeorgjisë Merabishvili

Lajmifundit.al — Thu, 23 May 2013 06:21:37 +0000

Ish-kryeministri i Gjeorgjisë, Vano Merabishvili, është urdhëruar të mbahet në burg për dy muaj, derisa të nisë gjykimi i tij mbi akuzat për përvetësim dhe shpërdorim të detyrës.

Vendimi i gjykatës në qytetin Kutaisi është marrë një ditë pas arrestimit të Merabishvilit, së bashku me ish-ministrin e Punës, Zurab Ciaberashvili.

Ky i fundit është liruar me kusht, pas pagesës së 13,000 dollarëve.

Merabishvili dhe Chiaberashvili dyshohet të kenë vënë mbi 22,000 aktivistë partiakë në listën e pagave të Ministrisë së Punës.

Të dy ata janë aleatë të presidentit Mikhail Saakashvili, i cili ka thënë se rastet janë të motivuara politikisht. /REL/

SHBA pranon se ka vrarë 4 amerikanë

Lajmifundit.al — Thu, 23 May 2013 06:19:46 +0000

Qeveria e Shteteve të Bashkuara ka pranuar se ka vrarë katër amerikanë me sulme të telekomanduara.Në një letër për Kongresin, prokurori i përgjithshëm, Eric Holder, ka mbrojtur vendimin e administratës Obama për të qëlluar dhe vrarë klerikun radikal mysliman, njëherësh shtetas të SHBA-së, Anwar al-Awlaki, më 2011 në Jemen.

Sipas Holderit, kjo tregon se shtetësia amerikane nuk i jep dikujt imunitet nga vdekja nëse “ai ka plotësuar kriteret e caktuara terroriste”.

Holder ka thënë se sulmi që ka vrarë al-Awlakin, ka vrarë edhe amerikanin Samir Khan.

Ndërkaq, djali i Awlakit, Abdulrahman al-Awlaki, është vrarë në Jemen, ndërsa Jude Mohammed është vrarë në Pakistan.

Holder ka thënë se, për dallim nga al-Awlaki, të tjerët nuk kanë qenë shënjestër e qëllimshme e vrasjes.

Zbulimet janë bërë një ditë para se presidenti Barack Obama të mbajë një fjalim të gjatë për sigurinë kombëtare. /REL/

Vritet një lider anti-taliban në Afganistan

Lajmifundit.al — Thu, 23 May 2013 06:17:52 +0000

Një sulmues vetëvrasës ka vrarë një lider fisnor anti-taliban dhe së paku tre persona të tjera në provincën Ghazni të Afganistanit.Policia ka bërë të ditur se Habibullah Khan është vrarë së bashku me dy roje dhe një civil të rastit.

Khan thuhet të ketë udhëhequr milicinë fisnore kundër talibanëve në qarkun e tij.

Talibanët kanë kryer disa vrasje të figurave pro-qeveritare dhe kanë paralajmëruar afganët që të distancohen nga qeveria. /REL/

Partia Socialiste prezanton sot kandidatët për deputetë të Qarkut të Tiranës

Lajmifundit.al — Thu, 23 May 2013 06:15:08 +0000

Partia Socialiste pritet të prezantojë ditën e sotme kandidatët për deputetë të Qarkut të Tiranës. 32 personazhet do të jenë në qendër të mitingut që do të mbahet në sallën e Pallatit të Sportit Asllan Rusi në kryeqytet. Gjatë mitingut që nis në orën 18:00 do të flasë edhe kreu i socialistëve Edi Rama. Ditën e nesërme zyrtarisht nis fushata zgjedhore e më pas partitë deri më 21 maj në orën 24:00 janë të detyruar ti përmbahen kërkesave të periudhës zyrtare zgjedhore.