Life Is Beautiful

又搬

noreply@blogger.com (AY) — Sun, 18 May 2008 19:28:00 +0200

For some reasons, 現又將網誌搬回雅虎, 不便之處, 敬請原諒.

http://hk.myblog.yahoo.com/ay-home

五月一日

noreply@blogger.com (AY) — Sat, 3 May 2008 11:37:00 +0200

五月一, 我都有一日假, 但就唔係勞動節, 而係耶穌升天日, 雖然係星期四, 但係公司十個有九個都會放埋星期五, 有啲丹麥公司甚至會星期五都唔開, 全公司一齊放, 真開心. 呢啲假期中間嘅工作日, 對丹麥人黎講都會當埋假期, 唔會返工, 好似聖誕一定要放到新年一樣. 每人一年已經有五個星期法定大假, 再加加埋埋紅假, 真係唔多使點做. 最好係公司無權阻礙你嘅計劃, 即係話你要幾時放就幾時放, 一次過放一個月都無問題. 如果真係有問題, 公司都會覺得係人手問題, 要加以檢討, 唔會亦唔可以將個責任放喺員工身上.

相比香港, 我地就辛苦得多, 大部份人平日要OT, 星期六又要返工, 有時要放大假老細仲會唔順超, 有啲公司仲講明大假唔準連公眾假期一齊放, 簡直無良, 嚴重侵犯人權, 我以前就係有間公司係咁, 離哂譜!

全民準時收工, 五天工作, 員工受保障, 個人及家庭生活受尊重, 而經濟又可以保持強勁增長, 好似真係幾理想, 我認為我地香港幾時做到唔緊要, 最重要係我地有無開始朝住呢個方向去做.

一百萬人的故事

noreply@blogger.com (AY) — Tue, 29 Apr 2008 23:12:00 +0200

這個節目, 好讓我們反思, 從前想像只會在第三世界發生的溫飽問題, 竟會發生在今天的國際大都會 - 香港, 就更正正發生在我們的附近, 我們的週圍.

我同意只要求政府再多撥款在社會福利上並不是一個長遠的解決方法, 我們不可能同時要求極低稅率的情況下, 又同時得到全面的保障.

但有一點很重要, 我們的政府應該是最關心我們快樂與否的機構. 相比其它國家, 我們大部份人真的生活得不快樂, 每天我們平均都要花上10-12小時在工作上, 能花在家庭的時間就不多, 影響下一代的心智發展. 由於嚴重缺乏家庭教育, 學校教育就隨即面對極大的壓力.

我們必需要有一個強勢的政府, 帶領香港脫離原地踏步的狀況, 我們需要新思維, 新目標, 不要只著眼於金融服務業, 我們要有自己的新產業. 只有創富, 創造機會, 令全民富起來, 才是真正能長遠幫助生活在貧窮中的香港人.

五公里賽

noreply@blogger.com (AY) — Sat, 19 Apr 2008 19:15:00 +0200

經過三次推背療程, 而家條腰都好番好多, 多謝大家關心, 希望慢慢可以好番哂啦!

今日星期六, 做左兩件事, 第一係剪左個髮, 第二係買左一對我從來無買過嘅鞋, 一對超級專業嘅跑鞋. 事原公司每年都會組隊跑馬拉松, 五人一隊, 每人跑五公里, 同事叫我參加, 我就話我從來都無跑步, 唔掂, 但佢話志在參與, 無問題, 我諗我係新人, 都應該投入下呢啲集體活動, 增加歸屬感, 所以都應承左.

但係真係好擔心會包大艇, 因為丹麥除左周街都有人踩單車之外, 就係由早到晚都可以見到好多人跑步, 好健康, 唔想影衰中國人, 唔想做東亞病夫, 所要我下定決心, 要比其它同事早啲為九月嘅比賽操練, 我信只要比人早啲準備, 比人勤力啲, 我一定唔會係時間最慢果個, 我有信心, 因為我地有劉翔, 亦因為有佢型爆嘅一句:

"誰說黃皮膚不能跑在黑人前面? 我就跑給他們看!!!"

所以今日就行左第一步, 同事推介下, 去左一間好PRO嘅SHOP, 有專業Sales同我喺跑步機上做分析, 因應個人跑姿及唔同需要, 作出跑鞋嘅推介, 當然, 付出嘅亦係一個好PRO嘅價錢, 埋單丹麥錢 kr1600, 計一計, 即係要成港幣二千七, 真係攞命!

由於尋日係公眾假期, 所以星期四上完丹麥文就成班同學一齊去左飲野, 都係大家識左之後第一次, 都幾好笑, 全部十幾個人就好似聯合國部隊咁, 當中有中國, 印度, 波蘭, 保加利亞, 菲律賓, 加拿大, 最攪笑係丹麥sir都有去. 大家飲左杯啤酒, 就梗係無平時喺課室咁拘謹啦, 都係離唔開傾下講下自己嘅古仔, 點解黎到呢個地方, 可能大家喺丹麥都係無乜好做, 所以即場已經有人提議星期六晚要再飲一次, 反應熱烈, 而家係八點, 個太陽仲未想落山, 飲酒梗係夜晚飲嘛, 所以陣間十點先出門口.

最後, 想提一提各位留言嘅好朋友, 可以唔使用Anonymous留言, 而係用Name/URL, 直接打你個名, 唔使入URL都可以.

Choose an identity:
Google/Blogger
OpenID
Name/URL
Name
URL (optional)
Anonymous

你而家可以即刻試下啦, 哈哈!

Chiropractor

noreply@blogger.com (AY) — Mon, 14 Apr 2008 11:50:00 +0200

一來週身都痛, 二來擔心會惡化, 所以都唔等, 星期六就去左睇脊醫, 好彩weekend都有開, 醫生幫我由頸檢查到尾龍骨, 佢話主要都係拉到下條腰, 而家啲肌肉好緊, 佢就幫我按左一陣, 又lock左幾下, 都鬆返啲, 無全身扯住, 今日一早去睇, 同樣按法, 我問使唔使照下, 佢都話無需要, 除非仲係維持好痛, 至要考慮.

而家雖然背好左啲, 但都係左邊手腳扯住痛, 星期四再去, 希望可以快啲好番.

終於要學睇醫生

noreply@blogger.com (AY) — Thu, 10 Apr 2008 21:43:00 +0200

住左丹麥都差唔多有半年, 就算幾涷, 我一直都唔俾自己病, 因為我知道一個人生活, 病左完全無人幫到自己嘅感覺, 一定唔會好受, 算好彩咁耐都只係俾自己飲過幾次感冒茶, 一粒藥都無食過.

但自從cherry嚟探我果陣搬個大喼上樓梯之後, 可能太重而整親條腰, 開頭都無乜點, 只係扲佢先覺痛, 諗住搽下藥膏就無事, 但係復活節到而家都兩個禮拜有多, 不單止未好, 而且仲越嚟越嚴重, 由腰下部慢慢痛到上背脊, 呢幾日連一邊手腳都扯住, 全身扯住痛.

無辨法, 都要學點去睇醫生, 因為未試過, 所以都要問同事點攪, 打去診所約時間, 又係丹麥文錄音, 又要同事幫我, 覺得好麻煩人, 原來咁啱我指定個醫生放左假, 要等下星期至有得睇, 而家企又痛, 坐又痛, 周身痛, 做乜都無心機, 希望快啲有醫生睇再轉介我去專科做物理治療.

而家個頭仲好似唔執輸要加入痛埋一份, 又要返工, 又要返學, 又唔可以踩單車, 又仲要身邊人擔心, 好麻煩, 我真係唔想痛落去.

生命 . 在今天失去了一小時

noreply@blogger.com (AY) — Sun, 30 Mar 2008 17:32:00 +0200

今日, 同平日好唔同, 今日, 就只有二十三個小時, 突然在生命中失去左一個鐘頭, 有啲唔習慣, 因為係夏令時間嘅開始, 要全人手親自將全屋嘅鐘同手錶較快一個鐘頭, 亦即提醒所有人冰冷嘅冬天快將過去, 日照時間會越來越長, 令人期待嘅夏天快要來臨.

Cherry今日已返到香港, 聽日返工, 由於希斯路機場嘅混亂, 英航機都要取消, 改坐國泰, 比原定時間都只係遲左三個鐘.

過去九日, 我地就用左四日復活節假期去柏林, 五日留喺丹麥, 德國之旅都唔錯, 可惜天氣一般, 時雪時雨.

重頭戲就梗係一到柏林圍牆 Berlin Wall, 由一九六一至一九八九年, 圍牆標誌住德國嘅分裂, 這堵厚磚牆曾將日耳曼民族一分為二, 無數東德人為尋找自由, 嘗試攀越圍牆而被殺害. 一截柏林圍牆殘骸, 現搖身一變成為一件藝術品, 由一百一十八位藝術家在牆身上集體繪畫出色彩繽紛的圖畫, 名為東邊畫廊 East-side Gallery.

查理檢查站 Checkpoint Charlie 更是當年穿越東、西柏林的重要關卡, 守衛森嚴.

附近建成博物館展出東德人民千方百計逃離東德的景況. 圖中係展示其中藏身車中嘅展品.

住方面, 由於假期, 都好緊張, 心水 hostel 都爆滿, 最後喺網上訂左一間, 第一晚夜機到, 一入去就知係招呼超級背囊友格局, 周圍黑媽媽, 只有年青鬼仔鬼妹, Cherry面口已係medium-well, 一入房就知大鑊, 好似逃避FBI追捕個種feel, 唔使多問當時女友塊面就梗係立即 well-done埋, 唯有想辦法在網上再訂酒店, 最後成功搵到一間位置一流而又係當地朋友推介, 雖然俾多少少要Eur87一晚, 但係就住得舒服好多, 其實著草hostel都唔平, 要Eur55.

我地仲去左探Cherry嘅好友, Maggie喺香港人, 嫁左去土耳其, 生完BB, 現隨老公派註柏林, 全職做少奶奶, 佢仔仔真係超可愛.

柏林之旅最後由八個半鐘頭火車從德國轉三程返到丹麥而結束.

這個殺手不太冷

noreply@blogger.com (AY) — Fri, 21 Mar 2008 02:08:00 +0100

世事有時好神奇, 認識小女生BOO, 其實早在我喺香港時睇佢寫丹麥生活嘅Blog開始, 首先係諗唔到會有機會見面, 更諗唔到在過去一星期, 佢就住喺我屋企, 為我嘅獨居老人生活, 加左一啲色彩.

只得十七歲嘅BOO, 年紀咁細就有咁大勇氣向世界出發, 真佩服! 但亦因為年紀細, 都會幾困難去過一啲體驗嘅生活, 對身邊人和事都會期望過高, 以至希望越大, 失望同樣越大, 容易令自己變得灰心, 沮喪, 希望經過我呢位老伯分享左一啲睇法同意見, 從中會有所得著啦!

一個星期好快就過去左, 我地有輪流整晚飯, 又有出街食, 仲浦左一晚Pub, 本來想聽Rock, 但去到原來係Heavy Metal, 都OK, 可惜個場人唔夠多, 氣氛唔夠狂野!

一個十七, 一個三十二, 呢個咁特別嘅組合行出街, 立即令我諗起經典中嘅經典'這個殺手不太冷'嘅畫面, 可惜BOO根本都未聽過有呢套戲, 可想像到我地之間嘅距離都真係幾大.

值得重溫嘅經典
Leon - The Professional (1994)

丹麥 . 大雪

noreply@blogger.com (AY) — Tue, 18 Mar 2008 02:19:00 +0100

係我屋企窗口拍嘅片

今日係我在丹麥咁耐見過最大嘅雪, 落足一整日, 未停過, 由於出門時天氣都唔差, 所以沒有特別準備, 就係禁惡劣嘅情況下, 放工都要踩單車返屋企, 嘩! 辛苦到你唔信, 雪乘風勢, 直插面同眼, 差唔多全情只可垂低頭踩, 不時仲要用手撥開眼前嘅雪同水, 因穿得不多, 只一件恤衫及絨褸, 唔防水, 凍到震, 喘哂氣! 我已無時間睇下對耳仔仲喺唔喺到, 只有一直衝返屋企, 實在太大雪, 已經無乜人喺街行, 踩單車就更少之又少!

最後我發覺自己全身有70%被雪覆蓋住, 同停喺街邊嘅車一模一樣, 但我就係變左白色移動雪人!

給生活在丹麥十七歲女孩的信

noreply@blogger.com (AY) — Tue, 11 Mar 2008 16:04:00 +0100

世事沒有絕對, 至少沒有絕對的對, 更沒有絕對的錯.

每天晚上我都在寒風剌骨的路上, 冬天的丹麥, 風真的刮得很大, 我踩著我的單車回家, 一邊顫抖, 一邊喘氣, 每前一步都要花很大的氣力, 可能你想當時我會希望回香港, 懷念平靜安穩的生活? 後悔為自己作出一個錯誤的決定, 為什麼要放自己一個人在這惡劣的環境生活? 沒有朋友, 沒有家人, 就獨自活著!

坦白說, 我沒有這麼想過, 從一開始就沒有.

反過來, 我很感謝上天給我機會, 讓我知道我的能耐, 絕不比丹麥人遜色, 我珍惜跟寒風搏鬥的時間, 我感覺到自己真實地存在著. 有時我更希望風可以刮得再大一點, 好讓我知道我的極限, 讓我知道風要多大才可擊倒我, 逼我放棄前進.

但是, 無論風, 雨, 雪都沒有成功, 我還是一直向前衝, 而冬天亦快將過去, 我正期待在風和日麗的路上, 享受著我的生命.

這就是生命的體驗.

雖然我年紀比妳大很多, 但我和妳沒有分別, 我們都是決心跑出來看地球另一邊的人, 那就只有想著進, 並沒有退的餘地, 遇到困難, 要將注意力全都集中在妳要解決的問題上, 不要花在沒有建設性的地方, 老是想著回家, 想著自己的不幸, 老是比較, 想著別人好像總比自己好運, 後悔選錯了地方, 所有都是不切實際的想法.

要是妳下了決心, 沒有解決不了的問題, 這是一個對妳很重要的旅程, 不要期望遇到的一切都是如意, 痛苦亦是體驗的重要部份, 這才是能真正令妳成長的原素, 改變自己, 尋回自己.

是自己的決定, 就要為自己負責, 家人再不捨也讓妳出去, 朋友亦一直支持你, 現在妳要在遠方的母親天天擔心妳, 對她公平嗎?

現在你要面對困難的機會比別人多, 也就是說妳在這次旅程的收穫亦會比別人豐富, 要心存感激, 不要只想著自己是最不幸的一個.

最後, 還是希望妳過得開心, 有事可隨時找我.

拉脫維亞

noreply@blogger.com (AY) — Tue, 12 Feb 2008 23:00:00 +0100

在東歐拉脫維亞Latvia, 逗留左兩個晚上(10/2 - 12/2), 首都Riga係一個好靚嘅城市, 同事好好, 雖然佢自己無車, 但星期日都專程到機場接我到酒店, 之後就返屋企.

酒店不錯, 居高臨下, 可睇到好好嘅風景

星期一在公司, 愛沙尼亞Estonia 同立陶宛Lithuania同事都到齊, 三個國家同我開會, 之後就去食壽司, 我見佢地唔同國家都好好傾, 但又唔係用英文, 我知佢地各自都有自己國家嘅語言, 後來我問先知道佢地差不多每個人都識俄語, 所以係共通語言.

我仲好好彩, 行到自由紀念碑 Freedom Monument 咁啱仲俾我見到士兵換班儀式, 幾得意!

因為天陰有雨, 所以相影得不太好

More photo: http://picasaweb.google.com/live.ay/200821012Latvia

我的同事

noreply@blogger.com (AY) — Fri, 8 Feb 2008 23:00:00 +0100

今日我清晨四點幾起身, 就是要準備一件大事 – 同事到訪

我懶得執屋, 一直推到最後一刻, 唯有訓少啲, 最緊要仲應承準備中式食品, 以我現時功力, 我諗最簡單就係放孖臘腸同蝦乾落煲蕃茄薯仔湯, 但又好似唔太可行, 最後就決定做上次我有份幫手嘅包餃子. 我預早一日買了餃子皮及大白菜. 執返整齊間屋, 已經六點幾, 開始包餃, 一路包, 一路好心急, 擔心趕唔切返工, 由於時間唔夠, 我只可以為每人準備四至五隻餃, 好彩我只答應做頭盤, 包出來嘅外觀都算合格, 我就立即包好保鮮紙放入雪櫃, 然後匆匆返工.

放工後, 先各自歸家, 再在超市集合, 四個大男人去shopping, 因我講明我屋企只有鹽, 糖, 油等物料, 所以佢地就大肆掃貨, 薯仔, 菜, 牛油, 啤酒, 紅酒, 羊扒.......最後終於到達我家, 在廚房一放低所有物資, 各人第一件事就係開啤酒飲, 傾左一陣, 佢地突然送了一份神秘禮物俾我, 一打開個盒, 原來係好多支每日喺公司飲嘅朱古力奶, 佢地話在丹麥一定要培養飲Cocio嘅習慣, 身體健康啲.

攪笑完一輪, 佢地又攞左另一份禮物出黎, 又打開, 今次係一個好精美嘅開瓶器, 在丹麥朋友都無個, 收到一份禮物, 真係好感動, 之後用佢只花二秒就開左支紅酒, 成個過程四個人都在廚房, 好彩有足夠空間.

晚餐就由我準備嘅餃子開始, 正當我由雪櫃攞出黎而將要放佢地落湯嘅時候, 竟發現佢地就好似示威人士一樣, 一個緊扣住一個, 點分都分唔開, 死, 點算! 大家都等住我嘅頭盤, 唯有盡力將佢地分開, 三分一都穿左, 好唔開心, 只有將完好的餃都給同事, 總算過關.

主菜就由我阿頭煎羊扒加焗薯條, 真係好好味!

新年快樂

noreply@blogger.com (AY) — Thu, 7 Feb 2008 05:44:00 +0100

恭喜發財! 希望大家都心想事成, 最重要身體健康!

這是我在丹麥的第一個農曆新年, 從網上知道在哥本哈根也有華人慶祝活動, 下午二時開始一直到五時多, 有表演, 有煙花, 所以放工後就到了市中心, 亦知道高潮會在下午五時, 即香港時間晚上十二時, 所以我都不敢怠慢, 不理差五分鐘才到四點半, 我都一支箭般衝了出去.

當我四時四十五分到達時, 已看到很多人, 但這裡的很多人跟香港的不同, 因這裡到處都很少人, 只要有幾十人對我來說都已是很多人, 亦是我從來所見到最多中國人的一天, 大家在廣場圍在一起, 也有一半是來看新奇刺激舞龍舞獅的丹麥人, 雖然我所見的龍和獅都只在是行, 不是舞, 可能全都是學生和僑民義務表演, 所以不能要求過高, 有一點家的感覺就是了.

五時一到, 煙花就從樓頂放出, 砰! 砰砰砰! 那一刻有點感觸, 我的四周, 有一家幾口, 有三五知已, 也有中西結伴, 正正就只有我一人是獨自站著迎接新一年來臨.

可能是天還未全黑, 所以煙花的震撼力大大減弱, 大約放了十分鐘, 就完結整個慶祝活動, 這次本想看看能否有機會認識這裡的中國同胞社群, 可惜最後還是任務失敗.

阿胡斯

noreply@blogger.com (AY) — Wed, 6 Feb 2008 03:22:00 +0100

晚上十時二十分, 我正在回哥本哈根的火車上, 三個半小時車程現還剩下三小時, 車窗外是漆黑一片, 只看到玻璃反射的車廂和自己, 沒風景可看又不太想睡, 就不浪費時間, 在火車裡寫blog, 真不錯, 在車廂還有可供電給notebook的插頭.

昨天我到了阿胡斯(Aarhus), 另一個在丹麥的大城市, 又是一個人出差, 今次不用住酒店, 有公司宿舍供應, 跟兩個同住宿舍的同事隨便在附近一間小餐廳吃了個很美味的晚餐, 鵝肝, 鴨胸加紅酒, 很不錯, 但這隨便一吃就吃了丹麥kr1400 (hk2100), 真覺得有點兒昂貴, 雖然還是入公司的帳.

宿舍地方很不錯, 乾淨整齊有design, 彷如IKEA showroom, 房間還有flat tv, 很意外, 其實在丹麥, 絕大部份人都是”宜家”的忠實fans, 如此舒服的環境就只住上一個晚上真的有點不夠, 今天就開了一整天會, 又外出見了一個客戶, 直到四時才收工.

而今個旅程最特別就是終於跟在網上認識的香港blog友在Aarhus見面了, 她是一個十七歲的小女孩, 在這裡過著交流生的生活已有半年時間, 連會考成績都未等及就孤身上路, 其實她最想體驗的地方不是丹麥, 而是鄰近的冰島, 因為那裡有著她喜歡的歌手, 有著她喜歡的音樂, 原來真的可以為了一個簡單的原因, 就展開一個如此不簡單的旅程, 果真欣賞她的那份勇氣, 和要飛的決心.

不竟年紀還是小, 家人都不放心她到像冰島這麼一個香港人陌生的國度, 所以最後還是到了次選的丹麥, 花一年時間, 在這裡的寄養家庭生活, 學習面對陌生環境的種種困難, 還有在這裡看她喜歡的大型音樂會, 這個暑假就回港繼續升學, 亦決心大學畢業後, 要再飛.

同鄉見面, 不竟真是很難得, 因這裡不易找到香港人, 我們就一起吃晚餐, 分享各種在丹麥遇到有趣及沮喪的事情, 最開心還是能夠盡情地用很久沒運用的鄉下話 (廣東話) 溝通, 感覺多好!

凌晨十二時十五分, 還有一小時才到, 現在小睡片刻, 希望不會睡到忘了下車, 否則就真的麻煩了.

凌晨一時十九分, 到達中央車站, 由於沒有想過會夜歸, 所以並沒有預備通宵車的資料, 原來已經沒有火車回家了, 幸好離開時我留了單車在車站, 雖然距離我家有六個火車站遠, 但至少不用坐昂貴的士.

凌晨二時十分, 終於回到家, 一口氣拼命踩了四十分鐘, 就像從天星碼頭到太子地鐵站般遠, 可能要更遠, 四度下和微雨的深夜, 多了一份死寂的感覺, 明天還是要七時起床, 所以現在真的要去快快去睡, Goodnight!

挪威 . 瑞典

noreply@blogger.com (AY) — Sun, 3 Feb 2008 12:05:00 +0100

上個星期, 在三天裡, 我就走了北歐兩個國家, 星期日早上出發到挪威, 好驚險, 因我出門口有點遲, 其實不是有點, 是好好好遲, 12:15的飛機, 我11:10先出門口, 還要坐約半小時火車到機場, 一路上都很心急, 雖然已在網上預先check-in了, 但最後差不多11:55分先到機場, 已看到在航空公司櫃檯條長龍, 再看看商務, 剛剛有人離開, 我就二話不說衝到檯前, 說明我要趕的班次, 個姐姐看似不太情願, 但最後都給了我登機證, 及最重要可以使用特别給尊貴客戶的過境通道, 一般要有SAS的最高級金咭才可使用, 她還跟我說 : "You're so lucky today and you could use the FastTrack, but I'm not sure if you could get the plane." 果然是給有錢人的通道, 一分鐘都不用就過了海關, 最後12:10到達閘口, 看到乘客還在排隊登機, 才鬆一口氣!

只約兩小時的機程, 就到達了奧斯陸機場, 本想坐的士到酒店, 但一問之下要NOR $650 (約HKD1,000), 雖然可入公數, 但都覺太浪費, 於是最後都是選擇機場巴士, 只花NOR $130. 一路上, 陽光普照, 到處都滿佈厚厚的白雲, 車程45分鐘, 就到了市中心, 下了車再步行10分鐘, 就來到酒店. 由於天氣十分好, 放下行李我就立即出動, 最後在天黑前整整行了三個小時, 也拍了很多相片, 晚餐就在一間中國餐館吃, 還是喜歡吃熱辣辣的飯菜多於冷冰冰的三文治.

就只一個晚上, 完成了星期一在公司開的會, 我就坐下午機往瑞典, 真是第一次, 今次一小時的機程, 竟然有機會坐螺旋槳飛機, 我就坐正螺旋槳的位置, 有點像進了洗車機器, 兩邊一直在轉, 耳邊一直在吵.

到達哥德堡時天已黑了, 在機場換了錢, HKD$100 可換 SEK$83, 比只換到丹麥DKK $63 好得多, 機場巴士都只花SEK $75, 怪不得聴說丹麥人也愛到瑞典購物, 所以如要在北歐掃貨, 我都會建議在瑞典.

回酒店前, 本想在中央車站先買一張回程丹麥的車票, 可惜五時後已關門, 還是不能空手而回, 就在熱狗小食亭先照顧一下我的肚, 站著就吃了一個豐富的香腸薯容下午茶, 比在丹麥真的要平得多. 由於太夜, 晚餐的選擇不多, 最後吃了Burger King.

我覺得瑞典最有特色還是它的電車, 款式很多, 從古舊到現代都可同時在街上見到.

又只住了一個晚上, 開完會, 和同事吃過午餐, 就在火車站乘坐開往丹麥的列車, 由於已很久沒有坐長途火車的原故, 四個半小時真的不易捱.

其它相片可以在這裡看 http://picasaweb.google.com/live.ay/200812729NorwaySweden

集結號

noreply@blogger.com (AY) — Wed, 30 Jan 2008 23:51:00 +0100

<集結號>
Trailer: http://www.youtube.com/watch?v=zpFfKQtToLM

片名和海報同樣很吸引, 但我只能在電腦上看, 完全缺少了大銀幕的那份壓迫感, 戰爭片一直都是我的最愛, 雷霆救兵還是我覺的最好的戰爭電影.

一套好的戰爭片意義重大, 要拍出戰爭的恐怖, 拍出當權者的自私, 拍出軍人的無奈, 拍出生離死別的痛, 由其荷里活電影能走遍全世界, 是一個多層面的反戰渠道, 故事及畫面可以令觀眾反思, 及至教育下一代戰爭的禍害.

在戰場, 死是一件平常不過的事, 無論你情願不情願, 無論你有多麼不捨得這個世界和至親, 都同樣沒有選擇的餘地, 不能退, 就只有一個方向, 向著炮彈衝!

雖然我們現在都比戰場上的軍人幸福, 在可以決定自己命運的今天, 我們又有否珍惜自己, 珍惜所有愛自己的人, 有否為自己選擇喜歡行的路, 過著開心快樂的日子?

包餃子

noreply@blogger.com (AY) — Tue, 22 Jan 2008 10:11:00 +0100

對於從來在香港都不下廚的我, 現在要努力學習, 從切蒜頭爆鑊, 番茄薯仔湯開始做起, 現在自製菜式都不少, 有蒜蓉雞, 蒜蓉豬, 蒜蓉牛, 蒜蓉菜, 而湯方面, 除有番茄薯仔湯外, 還有番茄椰菜湯, 薯仔椰菜湯, 和最好味的番茄薯仔椰菜湯, 短短時間有如此進步, 著實不簡單. 不進則退, 下一個目標就是洋蔥雞, 洋蔥豬, 洋蔥牛, 洋蔥菜, 而湯再可多注入雞蛋這原素, 從而有雞蛋番茄薯仔湯, 雞蛋薯仔椰菜湯................等等. 現在每天除工作外, 就只有兩個活動, 單車 + 煮飯, 雖然看似無聊但我卻慢慢習慣了起來, 安於平淡.

夫婦訪客 Chi & Sam 明天就要離開丹麥到西班牙繼續歐洲之旅, 大屋又回到了得我一個人的空間, 我想到時會有點不習慣放工回去沒有人在家的感覺, 這十天, 他們差不多每天都煮飯, 天天都有不同菜式, 咖喱雞, 生菜肉丸粥, 昨天吃了椰汁黑糯米做下午茶, 又三個人一起在廚房包餃子, 很利害, 這是我從沒想過會自己做, 而又實在比想像中簡單的菜.

2008

noreply@blogger.com (AY) — Mon, 14 Jan 2008 10:34:00 +0100

Hello, friends, wish you all the best in 2008!

It should be almost a month I haven’t update the blog and there should be 2 main reasons:

1. I moved to the new apartment on 16 Dec and I can’t get the internet access until early of Jan because there should be certain delay of receiving the modem from the service provider.

2. Quite busy and a little bit lazy, hehe!

Anyway, let’s start to share what I have done recently.

- Permanent address (Judithsvej 19, 1.th, 2900 Hellerup)

Finally I moved to the new apartment which is quite nice and quiet as it’s not located in the main street, 5mins walk to the train station, 15mins for riding bicycle to my office, good garden view and 10mins walk for supermarket. Actually, the apartment is 70m2 and seems more than enough for one person only.

- Language

The life is good and it’s not as difficult as expectation except the only problem of the language. Although 99% of the Danish people can speak fluent English, all the newspaper, TV, magazine, store, supermarket are using Danish, that’s fine. But just like I want to apply the internet service, the website of the largest telecom company of the country does not even provide the English version. So, I have to search the information and make my application with the dictionary at hand, quite interesting. And I think I’ll attend the Danish lesson later.

- Finland

Right after I received the key of the new apartment on Sunday morning on 16 Dec, I put everything there and had taken the noon flight for Finland in the same day. This is the first time I flied with SAS airline and the feeling is not bad. It takes about 1hr & 45mins to arrive the capital – Helsinki. When I left the airport terminal and arrived the taxi station, I can really feel the temperature should be much lower than Copenhagen. After I got a taxi, the driver told me it’s -2c and started to tell me he have been lived in Qingdao for last 10 years, back to Denmark because he have to consider the education of the children………and so on. He can’t stop even the taxi arrived the hotel after 40mins, hahaha!

The sunset is much earlier in Finland which is around 3pm. After I settled down in the hotel and then I immediately walked for the city centre but all the shops were closed because it’s almost 8pm. I can only take the McDonald for my dinner and tried to take the tram for my hotel. After the next day meeting, one of the colleagues is so nice and drove me around in the city and then I flied back to Denmark in the evening. So, it’s just a 1 night trip, too short!

- Birthday Box

The day after i back from Finland, it’s really a big surprise for me when I saw a box sitting on my desk in early Tue morning. When I opened it, I can find so many many snacks inside, all are my favourite.

Unfortunately, the birthday box seems a little bit later a week after my birthday because it have been hold by the custom. And, most important is all the cup noodles had gone. I’m just wondering how danger of it against the country or maybe too attractive for the staffs working in the cold midnight. Anyway, I love the gift.

- Cherry

She arrived on 21 Jan. It’s so great that I can pick her up at the airport and then sent her to my apartment even during the office hour on Friday. Actually, the jet lag is quite serious and she started to feel sleepy at around 7-8pm everyday just like the 1st week I’m here. Anyway, I’m so happy she spent 10 days here but unfortunately everywhere is closed for the holiday and we can’t walk in the whole day because of the cold weather as well. We visited a huge park in the countryside and IKEA to buy something for the home, treasured much the time we can cook and talk in the apartment and she left on 31st. So upset for us at the airport because she back and I have to stay.

- 3 x 30kgs Boxes

Cherry just packed everything and sent me 3 boxes before she left HKG, but bad luck only 2 of them had arrived during Cherry stayed at my home before the X’mas holiday, the last box is the most important which included the cooker and food…..etc. The post office normally will send the parcel to the address once only, mostly in office hour. If nobody answered, they will left a note and let you know to pick up from the post office. So, it should be the headache for me how to pick up the 30kgs box from the post office after the holiday, it’s too heavy and not possible to manage with the bicycle. I just keep thinking the solution and luckily I fixed it by using the big trolley of the supermarket and delivered to my home, so heavy!

- Snow

No white X’mas but the snow is coming right after Cherry left. Those couple of days before a heavy snow the temperature have been dropped to -2c to -4c with strong wind like the signal 8 in HKG, it would be quite hard to manage especially the guy who have to spend 15-20mins to ride the bicycle between the office and home each way like me. So, believe my health condition must be much better than before as I can do the regular exercise everyday with my bike and low temperature. Quite interesting to ride the bike while it’s snowing, of course I have to pay more attention on the road.

- Visitors

Yesterday I just spent a whole day to wash the apartment because 2 visitors arrived at evening from Sweden. Actually, it’s not the new visitors but just back to my home to stay again. So, at least I could talk to someone and suspend for talking to the wall as usual for the next 10days

生日 . 夜

noreply@blogger.com (AY) — Thu, 13 Dec 2007 08:38:00 +0100

原先想只會單獨渡過這裡的第一個生日, 最後竟有意想不到的熱鬧!

雖然是我的大日子, 但我都不偷懶, 也有一起準備晚餐, 原來要為生栗子去殼都不是一件容易的事情, 食物很豐富, 有蕃茄雞蛋湯, 栗子炆雞脾, 西芹炒紅黃椒, 煎三文魚扒, 其中Twins很利害, 沒有電飯煲, 也能煮到一煲軟綿綿的白飯, 不到大家不佩服.吃完飯, 還有神秘蛋糕, 大家為我唱生日歌, 一起影相, 一起失控地大笑, 雖然外面很凍, 但屋內就感覺很溫暖.

最後最後, 還收到生日禮物, yeah!

Bridget昨天晚上回了英國, 在倫敦再探朋友, 因一月先開學. Twins & Chi 就去了探丹麥朋友, 星期五再回來.

Happy Birthday

noreply@blogger.com (AY) — Tue, 11 Dec 2007 08:54:00 +0100

又大一歲, 是我!

今天是我的生日, Cherry在香港時間十二點已經跟我說了生日快樂, 還收到她親手製的自家蛋糕, 我也不自私, 立即放在這裡跟大家一起分享, 一看就知味道應該很不錯, 哈哈!

其實真的有點不習慣, 因為我生命中已有很多個生日有她在身邊, 但很快就要見面了, 一想到二十號就吃到她在丹麥煮的菜, 就會感到很興奮.

今天早上, 是我第一次踩單車返工, 由於只一個火車站的距離, 十多分鐘就到達公司, 最特別是我的單車不是用手掣, 而是用腳掣剎車, 很不習慣, 出門時又有點匆忙, 忘了帶重要的頸巾, 全程極速, 雖然有點寒, 但一邊踩一邊聽著歌, 感覺很好.

今晚就在家吃, 不知三個訪客Twins, Chi 和Bridget 會準備什麼大餐呢! 好了, 要開始努力完成今天的工作了!

單車

noreply@blogger.com (AY) — Sun, 9 Dec 2007 00:21:00 +0100

星期六, 只有一個節目, 就是買單車, 不是在單車鋪, 而是在警察局.

差不多每一個丹麥人都會有一部單車, 像是生活一部份, 這裡有為單車使用者而建的完善道路, 十分安全, 火車上還有專為單車而設的泊位, 所以到處都會見到很多很多單車. 但同時, 單車失竊率亦很高.

從同事口中知道這邊的警察局會定期有單車拍賣, 全都是在街上無人認領或被盜用的, 可以用很低價就買到, 因市面上一部新車最基本都要kr2,000 (hkd3,000), 拍賣早上九時開始, 我就和我一個訪客朋友八時多到達, 見已經好多人, 不要以為好專業, 只是跟街頭一元大拍賣無分別, 一個人在台上主持, 一個在台下收錢, 有二個年青人搬單車, 在一個比課室大少許的空間, 就站著好幾十人, 和上百部單車, 一個早上兩個小時, 全部賣清.

最困難莫過於全程用丹麥文, 都唔清楚講什麼東東, 只能一邊聽一邊周圍問人, 突然又有驚喜, 就是在場見到一位華人, 我用英文, 他不懂, 但原來他能說廣東話, 我就立即請他幫忙翻譯, 他真的很好人, 但混亂中, 竟然在我最需要幫忙的時候, 那位大叔消失了, 就只有靠自己, 幾經辛苦最後買了一部回家. 之後發現後車胎爆了, 還要花kr100換胎, 但部舊車買回來都只是kr340, 有點不開心.

星期日, 有我的第二位訪客從英國過來, 現在我的暫住屋人氣爆棚, 算我自己在內已容立了四個人, 哈哈!

我的第一個訪客

noreply@blogger.com (AY) — Fri, 7 Dec 2007 14:24:00 +0100

上星期六就開左我在丹麥的第一個X'mas Party, 那天我同幾個同事上午先到機場接從芬蘭, 挪威及瑞典過來的同事, 然後就一架大巴士去到市郊的一個Golf Club Hotel，由於是我大老闆擁有的，所以好好招呼，郊外環境特別舒服, 住的地方像渡假屋多於酒店, 一間House, 大廳在樓下, 四間房在樓上.

由於天黑得很早, 其實丹麥人正式會叫X'mas lunch, 明乎其實, 是在下午兩點就開始, 大家就先到一個小Hall, 大家拿杯香檳, Social閒聊一下, 還一百四十人一起唱Jingle Bell, 好開心! 之後就再到進餐的地方, 一般程序, 老闆及CEO出來說說感謝員工過去一年做得好好, 下年就再好再創高峰之類, 有同事之前話我知Lucky Draw獎品好唔錯, 真係, 第一份就有Euro1,000, 心想都真係幾唔錯, 就等下一個獎, 點知一直等到散場, 都再無獎抽, 原來就只得是一千零一個. 其實都無所謂啦, 因為都幾得意, 可以同好多好多同事飲住啤酒傾計, 無想過丹麥人習俗會從下午兩點一直飲酒, 傾計, 跳舞, 再飲酒, 再傾計, 再跳舞直到零晨, 我比我的同事先走, 都要一點多. 星期日一早就坐車出返市區, 返酒店休息及收拾行裝

星期一, 終於要同住了24個晚上的酒店說再見, 埋單dkk26,500 (約港幣四萬大元), 由於我租的屋要在十六號才可正式入住, 我找了一個Service Apartment暫住兩星期, 有廚房的日子多好, 至少似個自己地方, 不像酒店, 只是一個有獨立電視的監倉, 但搬屋就頭痛, 一個人, 一對手, 四件行李, 豪坐的士, 雖然只係一樓, 但都要我的腰快斷開, 感覺有點漊涼.星期二, 我在丹麥的第一個訪客到了, 就是和我同機從香港到英國之後轉飛到西班牙的好友, 她和妹妹花了一個月在西, 萄兩國, 現在再戰北歐的第一站, 丹麥. 她們從西班牙帶了禮物給我, 是一個罐頭豆豉鯪魚, 當晚就急不及待食了, 好好味.

星期三, 終於買了第一包米, 吃了第一煲飯, 又是好友下廚, 吃得飽飽的就在sofa睡著了

星期四, 三人行, 在市中心吃了一個Dinner Buffer, 點了白酒, 但價錢不高, 食物尚可

星期五, 雨下得很大, 放工就回了家, 好友都已準備好材料, 又在家吃了大餐

給自己的禮物

noreply@blogger.com (AY) — Fri, 30 Nov 2007 21:37:00 +0100

出發時雖然匆忙左啲, 但總算樣樣都有帶齊, 在酒店住左差不多一個月, 除左食物同火車飛, 可以話係無買野嘅需要, 衫褲鞋襪個人用品都暫時夠用, 當我新屋入伙後, 我最強大嘅支援隊伍 (我女友) 仲會第一時間安排運送救援物資俾我

但係, 意外總會發生

事源今日都十一月三十號, 好快就到普天同慶嘅聖誕節, 我公司X'mas Party就會在聽日舉行(似乎有啲早), 要坐好耐車去大老闆個Golf Club都開, 仲要住上一個晚上, 唔簡單

就係呢個原因, 我發現我五顏六色+間條+格仔嘅恤衫群裏面, 竟然偏偏就少了一件簡單而隆重嘅純白色, 點完成Party Dress指令呢

唯有決定放工出去買, 尋日我看過H&M, Esprit 及大百貨公司, 都無心水之選, 今日我去到中心區都已經5點半, 一般星期五鋪頭都會比平日夜收, 但都只係到 6 至 7 點, 見時間無多, 我就一支箭衝去Zara, 都花左好耐時間, 最後總算都買到我鍾意嘅款式, 價錢就唔好提喇, 即刻好掛住香港, 不過就當係送俾自己一份小小禮物啦!

週未

noreply@blogger.com (AY) — Mon, 26 Nov 2007 20:30:00 +0100

早睡早起, 而家平常都九點幾就訓覺, 五.六點就起身今朝六點幾出去食早餐, 天都未光, 嘩! 見出面橫風橫雪, 實在好驚會變丹麥冰鮮雞, 但都要返工啦, 好彩太陽出來了就靜左啲, 但都十分凍, 個地又濕又滑, 溜冰場一樣, 但見仲有好多人踩單車, 雖然成日都會見人跣倒, 但大部份都似乎風雨不改, 我都要快快有自己嘅單車先!

剛過去嘅週未, 又係四圍走, 星期六上午去左一個丹麥最大嘅藝術展館 - State Museum of Art http://www.smk.dk/, 全無藝術氣質嘅我, 只可以係走馬看花, 但都覺得個展館真係好大, 好有空間感, 身在其中, 好平靜, 好舒服, 下午就去左一個介紹哥本哈根歷史嘅展覽館 - Copenhagen City Museum http://www.bymuseum.dk/

星期日, 天黑黑, 又落雨, 都無地方可以行下, 見有時間就想去剪頭髪, 行左好多好多條街, 都唔見有, 之後搵到又全部無開門, 其實這裡Sunday真係好少鋪頭開門做生意, 真唔明白一個星期只得Saturday先可以shopping, 點夠呀! (特別是女仔呀!)

在無辦法之下, 唯有今日放工再去過, 其實剪一個髪都唔簡單, 好難完全去表達自己心想嘅意思, 就只有強調要剪短少少就好了, 至少有頭髮在, 就仲有得救

我的桌面

noreply@blogger.com (AY) — Fri, 23 Nov 2007 11:12:00 +0100

我嘅工作枱, 電動可以調較高度, 同事都好喜歡企喺度做野, 我都覺的好正, 唔使坐足成日

這裡工作環境真不錯, 好自由, 無特定lunch時間, 鍾意幾時食都得, 食完就做野, 汽水, 啤酒, 有氣礦泉水任飲, 這邊特色係全部用樽裝, 夠環保, 星期五下午就慣例一齊飲支啤酒, 閒聊10-15分鐘, 公司就在海邊, 好舒服

最驚喜都係星期二, 有個人走過黎介紹自己, 話佢只係每星期黎一日, 主要係幫公司同事做按摩relax下, 問我有無時間試, 當時我已經覺得幾好笑, 我心想喺公司都係好一般幫我按下膊或頭, 但我跟佢去到會議室, 就發現原來都唔簡單

首先見到會議室已經落哂簾, 無開燈, 一入去就有張大按摩床, 再加relaxing music, 第一時間最想就係 - 訓覺. 再問問大師有乜服務, 佢話除身體及足底按摩, 佢重可以針灸, 嘩! 我就試腳仔按摩先, 都唔錯, 一開始就同佢傾下計, 最後真係差d訓著左

按腳都按得多, 今次係丹麥人同我按, 感覺都幾攪笑!