Myanmar Rock Zone

မုန်းတီးနေသူတွေကို တုံ့ပြန်လိုက်တဲ့ Avenged Sevenfold ရဲ့ M.Shadows

noreply@blogger.com (Anonymous) — Sun, 17 Nov 2013 08:24:00 +0000

သြဂုတ် ၂၃ ကထွက်ခဲ့တဲ့ သူတို့ရဲ့နောက်ဆုံး album ‘Hail to the King” အောင်မြင်ခဲ့တာမှန်ပေမယ့် သူတို့ဝိုင်းဟာ မျှတတဲ့မကောင်းဝေဖန်မှုတွေကြုံရသလို metal လောကထဲကအဓိပ္ပါယ်မဲ့ပြောဆိုမှုတွေကိုလည်း ရင်ဆိုင်ခဲ့ရပ်တယ်။ အသိသာအထင်ရှားဆုံးဖြစ်ရပ်အနေနဲ့ Machine Head အဖွဲ့က Rob Flynn က A7X ရဲ့ စစ်မှန်မှုနဲ့ပါတ်သတ်ပြီး နောက်ဆုံး album ကို covers album အဖြစ်ရည်ညွှန်းခဲ့ပါတယ်။

M. Shadows နဲ့ Zacky Vengeance အပါအ၀င် အဖွဲ့ဝင်တွေဟာ Flynn ရဲ့စွပ်စွဲမှုကို ယဉ်ယဉ်ကျေးကျေးပဲပြန်တုန့်ပြန်ခဲ့ပါတယ်။ ဒါပေမယ့် အင်တာဗျူးတစ်ခုမှာတော့ အဆိုးမြင်နေသူတွေနဲ့ အမုန်းသမားတွေနဲ့ ပါတ်သတ်ပြီး တိကျပြတ်သားတဲ့ စကားတစ်ခွန်းပြောခဲ့ပါတယ်။ Rob Flynn ကိုနာမည်တပ်ပြောတာမဟုတ်ပေမယ့် Shadows ရဲ့မှတ်ချက်ဟာ Machine Head ရဲ့ရှေ့ထွက်အဆိုတော် ဖြစ်နေတယ်ဆိုတာတော့သိသာထင်ရှားနေပါလိမ့်မယ်။

Metal Hammer မဂ္ဂဇင်းနဲ့စကားပြောဖြစ်ရာမှာ ဒီအကြောင်းနဲ့ပါတ်သတ်ပြီး “ကျွန်တော်တို့လုပ်နေတဲ့အရာကို အခြားဘယ် Metal ၀ိုင်းတစ်ဝိုင်းမှမလုပ်ပါဘူး။ ပြီးခဲ့တဲ့လတွေအတွင်း ခင်ဗျားတို့ပါးစပ်ပိတ်ကြပါလို့ ကျွန်တော် လူသိရှင်ကြားပြောမှာမဟုတ်တဲ့ ဂီတသမားတွေ ပြောတဲ့စကားတွေကြားပါတယ်။ ဒါပေမယ့် အမုန်းသမားတွေကို Fuck ပဲဗျာ။

လူတွေက ကျွန်တော်တို့အကြောင်းပေါက်ကရပြောရုံနဲ့ ပိုပြီးစိတ်ဝင်စားမှုခံရမယ်ဆိုတာသိကြပါတယ်။ ပြီးတော့ခင်ဗျားရဲ့ဝိုင်းကို ဒီလိုလည်ပါတ်နေစေချင်ရင်တယ်ဆိုလဲ ရပါတယ်။ ဒါပေမယ် ကျွန်တော်တို့ဒီလိုလုပ်ရပ်မျိုးမလုပ်ဘူး။ ကျွန်တော်တို့အပြင်ထွက် ပြီး ညတိုင်းအကောင်းဆုံးဖျော်ဖြေတယ်။ ပြီးတော့ ဒီလုပ်ရပ်က ပရိတ်သတ်တွေအပေါ်ဘယ်လိုအဓိပ္ပါယ်သက်ရောက်နေလဲဆိုတာခင်ဗျားတွေ့ရမယ်” လို့ဆိုသွားပါတယ်။

“Hail to the King” album ဟာ ပထမအပါတ်ထဲမှာပဲ အချပ်ရေ ပေါင်း ၁၅၉၀၀၀ ရောင်းခဲ့ရပြီး Billboard နံပါတ် ၁ချိတ်ခဲ့ပါတယ်။ Nightmare album ရဲ့ခြေရာကိုနင်းနိုင်ခဲ့ပြီး ခေတ်သစ် Rock နဲ့ Metal လောကမှာ အအောင်မြင်ဆုံး ၀ိုင်းတစ်ခုဆိုတဲ့ Avenged Sevenfold ရဲ့ နေရာတစ်နေရာကို ခိုင်မြဲစေပါတယ်။

Ref:loudwire
Credit to-http://www.trend.com.mm/

… လမ်းဘေးဂီတပွဲ …

noreply@blogger.com (Anonymous) — Sun, 17 Nov 2013 08:09:00 +0000

သူနှင့်ကျွန်တော် မထင်မှတ်ပဲ ဂီတပွဲတစ်ပွဲနွှဲခဲ့ဖူးပါသည်။ ထိုနှစ်ကာလများက သူနှင့် ကျွန်တော် တစ်ပတ်ကို အနည်းဆုံး တစ်ရက်တော့တွေ့ ဖြစ်ကြသော အချိန်လည်းဖြစ်သည်။ ကျွန်တော်တို့အနုပညာသမားတွေ Hand Phone တွေရကြ၏။ ဒီတော့သူ့ဆီကို ဆက်သွယ်ရတာ အဆင်ပြေသည်။ အရင်တုန်းက လမ်းဘေး ဖုန်း မှ သူ့အိမ်ကိုဖုန်းဆက်လျှင် အမြဲတမ်း မသွယ်နှင့်သာတွေ့သည်။ မေးလျှင် “ မရှိဘူး ဘယ်သွားမှန်းလဲ မသိဘူး” ဟု မသွယ်၏ အိပ်ချင်မူးတူးလေသံကိုသာ ကြားရ၏။

အခု သူ့မှာ Hand Phone တစ်လုံး ရှိနေသဖြင့် အရင်ကထက်စာလျှင် ဆက်သွယ်ရတာ ပိုအဆင်ပြေချင်သည်။ (ထိုဖုန်းမှာ သူလျှောက်ပြီးရသောဖုန်းမဟုတ်ပါ မသွယ်အစ်ကို၏ Hand Phoneကို သူယူကိုင်ခြင်းဖြစ်သည်။ သူက ဖုန်း မလျှောက်ပါ) ကြုံ၍ပြောရဦးမည်။ သူဖုန်း ကိုင်သော အလေ့အကျင့်အကြောင်းဖြစ်၏။ သူက သူ့ဖုန်းကို အမြဲတမ်း ပိတ်ထားသည်။ သူဆက်ချင်လျှင်ကောက်ဖွင့်ကာဆက်တတ်ပြီး၊ ဆက်ပြီးလျှင် ပြန်ပိတ် ထားတတ်၏။ အရေးကြီး၍သူ့ထံဖုန်းဆက်လျှင်“ဆက်သွယ်မှုဧရိယာပြင်ပ”ဆိုသောလူကြီး မင်းနှင့်သာ တိုးတက်လေသည်။ ထိုကိစ္စကို ကျွန်တော်မေးတော့ “Hand Phoneဆိုတာ ကိုယ်က ဆက်ချင်တဲ့အချိန် အလွယ်တကူကောက်ဆက်ဖို့ပဲ လို့ ကျွန်တော်ထင်တယ်ဗျာ၊ ဖွင့်ထားရင် ဆိုင်တာတွေရော မဆိုင်တာတွေရော ၀င်လာရော.. ဒါကြောင့်မို့ ကျွန်တော်ဖုန်းနံပတ်ကိုပေးချင်တဲ့သူကိုပဲပေးတာ၊ ခင်ဗျားဆက်ချင်ရင် ခြောက် နာရီလောက်ဆက် ကျွန်တော်ဖုန်းဖွင့်ထားတယ်” ဖုန်းနှင့်ပတ်သက်သည့် သူ့အဘိဓမ္မာက တစ်မျိုးပါလားဟု ကျွန်တော်ထင်သည်။

ထိုနေ့က ကံကောင်းစွာသူနှင့်ကျွန်တော်ဖုန်းအဆက်အသွယ်ရကာOasis Studioမှာဆုံကြ သည်။ သူ့ကိစ္စတွေပြီးတော့ သူနှင့်ကျွန်တော် သူ့ကားပေါ်တက်ကာ ပြန်ခဲ့ကြသည်။ ဘယ်သွားမည် ဘာလုပ်မည် ဘာအစီစဉ်မှမရှိ။ လှည်းတန်းမီးပွိုင့်ရောက်တော့ သူက ကားမောင်းနေရင်းက “ကိုရဲဝင်း…ကျွန်တော် မုန့်ဟင်းခါးစားချင်တယ်ဗျာ…” သူ့လေသံက နူးနူးညံ့ညံ့၊ သားတစ်ယောက်က ဖခင်တစ်ယောက်ကိုပူဆာသည့် ပုံစံမျိုး။ သူ တစ်ခါတစ်ခါ အဲဒီလိုပြောတတ်တလေ့ရှိတာကို ကျွန်တော် သတိထားမိသည်။ “ဟာ…စာချင်စားပေါ့ ကိုငှက်ရ…လှည်းတန်းမှာ မုန်းဟင်းခါးကောင်းတဲ့ဆိုင်တွေ အများကြီးဟာ” ဒီလိုနှင့် သူနှင့်ကျွန်တော် မုန့်ဟင်းခါးဆင်းစားကြသည်။ သူလည်းတစ်ပွဲမကုန်၊ ကျွန်တော်လည်းမကုန်ပါ။ မကုန်သည့်မုန့်တွေသွန်ခိုင်းကာ ဟင်းရည်သောက်နေကြတုန်း ဗုံသံ နှင့်သီချင်းဆိုသံကို ကြားရလေသည်။ သူကဟင်းရည်သောက်နေရာမှအသံလာရာဆီ ကြည့် သည်။ ပြီးတော့ ခေတ္တနားစိုက်ထောင်ကာ ငြိမ်နေသည်။ ကျွန်တော်လျှောက်ရှာကြည့်တော့
လူလေးငါးဆယ်လောက်ခန့်အုံနေသော ပလက်ဖောင်းမှအသံဖြစ်၏။ ဆိုနေသောသီချင်းက ပိုးအိစံ၏ မဏိစန္ဒာသီချင်း။ အသံက ယောက်ျားအသံ။

“ကိုရဲဝင်း လာဗျာ…”

ပိုက်ဆံရှင်းပြီး ကျွန်တော်တို့ လူအုပ်ထဲတိုးလိုက်တော့ စဉ့်အိုးကလေးသုံးလုံးကို ထီးပိတ်နှင့်အုပ်ကာတီးနေသော လူတစ်ယောက်ကိုတွေ့ရ၏။ အ၀တ်အစားက နွမ်းနွမ်း ခပ်ပိန်ပိန်၊ သူ့မျက်နှာက သစ်ကြားသီးလိုသွေ့ခြောက်လျှက်။ ကိုငှက်က သူတီးပုံကိုစိုက်ကြည့်ကာနေသည်။ ထိုသီချင်း ပြီးသွားတော့ ဘာမပြော ညာမပြောနှင့်လူအုပ်ထဲမှထွက်ကာ ထိုလူ့အနားသွားကာထိုင်သည်။

“ဟာ…ကိုငှက်ကြီးကွ”

ဟု လူအုပ်ထဲကတစ်ယောက်က ပြောသည်။ ကျွန်တော်က လူအုပ်ထဲမှာပင် ကျန်ခဲ့သည်။ သူနှင့် လိုက်သွားရမလား၊ ဒီမှာပဲရပ်နေမလား မဝေခွဲနိုင်၊ သူက စဉ့်အိုးကလေးတစ်လုံးကို တီးကြည့်ကာ ထိုလူနှင့်စကားပြောသည်။ ကျွန်တော်ကြားရသရွေ့ဆိုလျှင် အသံဘယ်လိုချိန်သလဲ ဘာကိုတင်းသလဲ လျှော့သ
လဲဟု မေးဟန်တူပါသည်။ တီးသူကလည်း သူ့ကို သိဟန်တူပါသည်။ စဉ့်အိုးကလေးတစ်လုံးကို ဖြုတ်ပြကာ ပြန်တပ် ပြန်တင်းလုပ်ကာပြ၏။ ပြီးတော့ သူက စဉ့်အိုးကလေးတွေကို ဖြုတ်ကာ၊ တပ်ကာ၊ တင်းကာ၊ လျှော့ကာ၊ တီးကြည့်နေသည်။ ၀ိုင်းကြည့်နေသူတွေကလည်း “ဟေ့ကောင် ထူးအိမ်သင်ကွ၊ ထူးအိမ်သင်” ဆိုသဖြင့်လူကတော်တော်များလာသည်။ လူတွေအုံလာသည်ဆိုလျှင် ပို၍မှန်မည်။ ဒီတော့မှ ကျွန်တော်လူအုပ်ထဲကတိုးထွက်ကာ သူ့အနားသို့ရောက်သွားသည်။ သူ ကျွန်တော့်ကို မော့မကြည့်။

ထိုစဉ်းအိုးကလေးသုံးလုံးကို တီးကြည့်သည်။ အမျိုးမျိုးတီးပြီးသည့်နောက်စဉ့်အိုးတီး သူကို “ဒီအတိုင်းတီး” ဆိုကာ သူကပြသည်။ ဟိုလူက လိုက်တီး၏။ ပထမ မမှန်သေး သူက စိတ်ရှည်လက်ရှည်ပြသည်။ သုံးခါလောက်ပြပြီးတော့ နေ့စဉ်တီးဟန်တူသော ဟိုလူက သူ ပြသည့်အတိုင်း တဖြည်းဖြည်းမှန်ကာလာသည်။ သူကကျေနပ်ကာ ဟုတ်ပြီး…ဟုတ်ပြီ… ဟု ဆိုသည်။ အခုချိန်ထိသူဘာ့ကြောင့်တီးခိုင်းနေတယ်ဆိုတာကျွန်တော်မသိ၊ ထိုလူကလည်းမသိ ပရိသတ်လည်းမသိ၊ ဟိုလူလက်ကျမှန်သွားတော့မှ သူက သူလွယ်ထားသောအိတ်ထဲမှ ပလွေတစ်ချောင်း(သူ သြစတြေးလျသွားစဉ်က၀ယ်လာခဲ့သော စတီးလ်မလွေဖြစ်သည်) ကိုထုတ်ကာအသံစမ်းသည်။ ပြီးတော့ ဟိုလူ့ကို “ဒီအတိုင်းပဲတီးနော်…”ဟုဆိုကာ တေးသွား တစ်ခုကိုမှုတ်သည်။ ဘာတေးသွားမှန်း ကျွန်တော်မသိပါ။ စဉ့်အိုးဗုံသံနှင့် အလွန်လိုက် ဖက်၍ နားထောင်ကောင်းတာပဲသိပါသည်။

တဖြည်းဖြည်းလူတွေအုံကာလာသည်။ ဟိုလူကလည်းအားတက်ကာသူပြထားသည့် အတိုင်းတီးသည်။ သူက မျက်စေ့ကိုမှိတ် ခေါင်းကိုမော့ကာ သူ့တေးသွားထဲမှာသာရှိသည်။ ကြည့်သည့်ပရိသတ်ကလည်း ငြိမ်ကာနေ၏။ ထူးအိမ်သင် ဟုတ်တယ်…မဟုတ်ဘူး။ ငြင်းကြသူတွေသာ ရှိသည်။ ဆယ်မိနစ်လောက်မှုတ်ပြီးတော့ သူ တေးသွားကိုချလိုက်သည်။ ငြိမ်နေသည့်ပရိသတ်က လက်ခုပ်တီးကြသည်။ သူက ပလွေကို အိတ်ထဲပြန်ထည့်သည်။
စဉ့်အိုးတီးသူကိုငွေတစ်ထောင်ထုတ်ကာပေး၏။ ပရိသတ်က ကိုငှက်ကြီးနောက်တစ်ပုဒ် လုပ်ပါဦး နောက်တစ်ပုဒ်ဟု ဆိုကြသည်။ အော်ကြသည်။ သို့သော် သူဘာမှမပြော ပရိသတ်ထဲကတိုးထွက်ကာ ကားရှိရာသို့သာလျှောက်သွားသည်။

ကားမောင်းလာတော့ သူနှင့်ကျွန်တော် ဘာမှမပြောဖြစ်ကြ၊ ပြောစရာလည်းမရှိဟု ထင်ပါသည်။ ခဏကြာတော့မှ ကားမောင်းရင်း သူကပြောသည်။ “ကျွန်တော်တို့ဆီမှာက လမ်းဘေးမှာတီးရင် တောင်းတယ်လို့ပဲ ထင်နေကြတာ..အေး လေ…တောင်းလည်းတောင်းနေကြတာကိုး၊ သူတို့(အမေရိကကို ညွန်းဟန်တူပါသည်)ဆီမှာ က တီးပြတာဗျ၊ သူတတ်တာကို သူတီးပြနေတာ၊ တချို့ဆို တော်တော်ကောင်းတယ်” ကျွန်တော် ဘာမှပြန်မပြောမိပါ။ ကျွန်တော့်အတွက်တော့ ပထမဦးဆုံးအတွေ့အကြုံ ဖြစ်သည်။ ကျွန်တော် သူ့ကို အံ့သြချင်နေသည်။ သို့သော် အံ့သြ၍မရပါ။ သူသည် ဒီလိုပဲ သူ လုပ်ချင်တာကို လုပ်တတ်သော လူတစ်ယောက်ဖြစ်ကြောင်း ကျွန်တော်သိထား၍ဖြစ်သည်။

ကားတိုက်ခြင်း
မှတ်မှတ်ရရ ထိုနေ့က အင်တာဗျူးဂျာနယ်တွင် အယ်ဒီတာလုပ်နေသော ကိုကြွက်နီ (သိမ်းတင်သား)က ကျွန်တော့်ကို ဖုန်း လှမ်းဆက်ကာခေါ်သည်။ သူ့ဂျာနယ်မှာ စာရေးပေး ဖို့ဖြစ်၏။ ပြဿနာကကိုကြွက်နီနှင့် ဒါရိုက်တာမိုက်တီးကစသောပြဿနာဖြစ်သည်။ ကိုကြွက် နီက ဒါရိုက်တာမိုက်တီးထံမှ စာမူတောင်းသည်။ ရေးချင်တာရေးဟု ဆို၏။ ကိုမိုက်က ရေးပေးမယ်ဟု ကတိပေးကာ အနားကျမှသူရေးရမည့် အကြောင်းအရာကို ဆုံးဖြတ်၍ မရဘဲဖြစ်ကာ ထိုစာမူကွက်လပ်နေရာကို ကျွန်တော့်အားရေးပေးရန်ပြောသည်။ ကိုကြွက် ကိုလည်း ကျွန်တော် ရေးပေးလိမ့်မယ်ဟု ပြောထားပုံရသည်။ ကိုကြွက်ကဖုန်းထဲမှ……

“ဟေ့လူ မလာလို့မရဘူး၊ အဲဒီနေရာက စာမူကွက်လပ်ကြီး၊ ပြီးတော့ ရှေ့ဆုံးမှာ သုံး ကော်လံနဲ့တစ်ဝက် ရေးပြီးသားစာမူရှိရင်ယူလာခဲ့”
“ဟာ…ရေးပြီးသားဘယ်ရှိမလဲ”
“မရှိရင်ဒီကိုလာခဲ့၊ တိုက်မှာလာရေး ညနေအမီ ရုံးတင်ရမှာ ဒီမှာ ဘိုးတော်လည်း ရောက်နေတယ်…လာခဲ့”
ဘိုးတော်ဆိုသည်မှာ ကိုကြွက်နီက ကိုငှက်ကိုခေါ်သောနာမည်ဖြစ်သည်။
“ဟေ့လူ…ကိုရဲဝင်း ကျွန်တော်ရောက်နေတယ် လာခဲ့လေဗျာ၊ ဒီကရင့်ကိစ္စကို လာရှင်းပေးလိုက်ဦး နာငြီးတာနဲ့ ကျုပ်ဒီကောင့်ကိုထိုးချင်လာပြီ”
ကိုကြွက်နှင့်သူက ငယ်သူငယ်ချင်းတွေမို့ တစ်ယောက်နှင့်တစ်ယောက် ဒီလိုပဲပြော သည်။ ဆဲနေ ဆိုနေကျလူတွေဖြစ်သည်။
“OK…ကျွန်တော်လာခဲ့မယ်”
ကားပေါ်မှာရေးစရာအကြောင်းတွေကိုစဉ်းစားလာရ၏။ ကျွန်တော့်ကို ကိုမိုက်ကလိုက် ပို့ပါသည်။ ကျွန်တော့်ဘ၀တွင်လည်း တိုက်မှာထိုင်ပြီး ပထမဦးဆုံး ရေးဖူးသော စာမူတစ်ပုဒ်ဖြစ် သည်။ ကိုကြွက်ကလည်း Red Label အသေးကလေးတစ်လုံးနှင့် ဧည့်ခံရှာပါသည်။ သူက သောက်ရင်း ကျွန်တော့်ကိုလှမ်းပြောသည်။
“စာရေးဆရာသိက္ခာကျတာပေါ့ဗျာ၊ တိုက်လိုက်ရေးရတယ်လို့…ကျုပ်ဆို ဘယ်တော့မှ မရေးဘူး၊ ခင်ဗျားမို့ရေးတာ…”
“ဟာ…ဘိုးတော်ရာ မလုပ်ပါနဲ့၊ ရေးရေး ကိုယ့်ဆရာရေး ကော်လံဝင်အောင်ရေးနော်၊ ပြီးတာနဲ့ စာတန်းစီပြီး စိစစ်ရေးပြေးရမှာ…”
ကျွန်တော် ကိုကြွက်နီဒုက္ခကို ဖြေရှင်းပေးလိုက်သည်။ စာဖောင်ကွက်တိဝင်ပါသည်။ ပြီးတော့ သူနှင့်ကျွန်တော် ထွက်ကြသည်။ ထုံးစံအတိုင်း ဘယ်မှန်းမသိ။ နောက်ဆုံးတော့ ထုံးစံအတိုင်းပင် OASIS ရောက်သွားကြသည်။ OASIS မှာ စကားပြောကြရင်း သီချင်းသွင်း တာကြည့်ကြရင်း ည ၈ နာရီကျော်တော့ ပြန်ကြသည်။ အိမ်ကိုတော့မဟုတ် Mr Guitar ကို ဖြစ်သည်။

သူ အဲဒီနေ့က OASIS မှာ စိတ်တိုစရာတစ်ခု ကြုံလာဟန်တူပါသည်။ ကားကိုတအား မောင်းလာ၏။ သူက ကိုယ့်ကိုကိုယ် ယုံကြည်သူဖြစ်သဖြင့် ကားမောင်းကြမ်းပါသည်။ သူ့ ကားကိုစီးရဲသူ တော်တော်ရှားသည်ဟု နောက်မှကျွန်တော်သိရသည်။ လှည်းတန်းမီးပွိုင့်ရောက်တော့ ဖြတ်အထွက်မှာ ဘယ်ကဘယ်လိုဖြစ်သည် မသိလိုက် ကျွန်တော်တို့ကားမှာ နိုင်ငံခြားရုပ်ရှင်တွေထဲကအတိုင်း ချာလပတ်လည်ကာ လွင့်ထွက်သွားသည်။ ထိုစက္ကန့်ပိုင်းတွင် ဘာဖြစ်မှန်း ကျွန်တော်သေသေချာချာမသိလိုက်ပါ။

အော်သံ ဟစ်သံတွေတော့ ကြားလိုက်ရသည်။ ဘယ်နှစ်ပတ်လည်သွားသည်မသိ ကားက လမ်းဘေးပလက်ဖောင်းအစပ်မှာ ထိုးရပ်ကာသွားသည်။ တိုက်သည့်ဘက်က ကျွန်တော်ထိုင်သော ဘယ်ဘက်အခြမ်းဖြစ်သည်။ ဘယ်မှန် ကြေမွထွက်သွား၏။ ကားနံဘေးမှာ အစင်းရာကြီးဖြစ်သွားသည်။ ထိုကိစ္စတွေက ပြီးမှသိ သောကိစ္စဖြစ်သည်။

ကျွန်တော်တို့ကား ထိုးရပ်သွားသွားခြင်း တိုက်လိုက်သည့်ဟိုဘက်ကားမှ လူအုပ်စု က ဒုတ်တွေ၊ ဓားတွေကိုင်ကာ ပြေးချလာသည်။ သူကလည်း ဘေ့စ်ဘောရိုက်တံကို ကားထဲမှယူကာ ထွက်သည်။
“ဟေ့လူ…ကိုရဲဝင်း ခင်ဗျားပြေးတော့” ဟုသူကအော်သည်။ သို့သော်ကျွန်တော်ပြေး ၍မရ၊ ကားတံခါးဖွင့်၍မရတော့။ ဟိုဘက်က ပြေးလာသူလေးယောက်က ကားနားရောက် တော့ ရပ်ကာသွားသည်။
“ဟာ…ကိုငှက်ကြီးကွ…ခဏနေဦး” တစ်ယောက်ကအော်သည်။
တော်တော်စိတ်ဆိုးနေသော လူတစ်ယောက်ကို သူတို့အချင်းချင်း ၀ိုင်းထိန်းလိုက်ကြ ၏။ ထိုလူငယ်တွေက အသက်အစိတ်ပတ်ဝန်းကျင်ပင် ရှိဦးမည်ထင်သည်။ ပထမအော်သောလူက ဒုတ်ကို ပခုံးပေါ်တင်ကာ “ဘယ်လိုဖြစ်တာလဲ ကိုငှက်ရာ..ကံကောင်းလို့…” ဟုပြောပြီး လက်ကိုဆန့်တန်းပေးသည်။ အပြန်အလှန် နှုတ်ဆက်ကြ၏။
ဝိုင်းကြည့်နေသောလူတွေက ရန်ပွဲအစားမိတ်ဆက်ပွဲကိုတွေ့တော့ တစ်မျိုးဖြစ်သွားကြဟန်တူ၏။ ကားတွေကိုစစ်ဆေးကြည့်တော့ သူ့ကားတံခါးမှနောက်နားအထိအစင်းကြောင်းကြီး ထင်သွားသည်။ ဘက်မှန်ကွဲကာကျိုးသွားသည်။ ဟိုဘက်ကားရှေ့မီးလုံး ကွဲသွား၏။ “ကဲ ဖြစ်ပြီးတာတွေထားလိုက်တော့ကိုငှက်ရာ ကျွန်တော်တို့ကကိုငှက်ပရိသတ်ပါ ကိုငှက်နဲ့စကားရေရေလည်လည်ပြောချင်တယ်ဗျာ..ဆိုင်တစ်ဆိုင်သွားကြရအောင် ကိုငှက် ဘယ်ဆိုင်သွားမလဲ”
“ရပါတယ်…ဘယ်ဆိုင်ဖြစ်ဖြစ်ပါ၊ မိန်းခလေးတွေသီချင်းမဆိုတဲ့ဆိုင်ဆို ပြီးတာပဲ၊ ရပါတယ်”
“ဒါဆို ကျွန်တော်တို့ကားနောက်ကလိုက်ခဲ့ ကိုငှက်ရာ…နော်…”
ဒီလိုနှင့် ကျွန်တော်တို့ EUGENIA ဆိုင်ကို ရောက်သွားသည်။ ကားပေါ်မှာ သူက ကျွန်တော့်ကိုကြည့်ကာ “ကျုပ်က ဆော်ရတော့မယ်ထင်တာ…ခင်ဗျားပါတော့ လွဲတာပဲဗျ”ဟုဆိုသည်။ ဆိုင်ရောက်တော့မိတ်ဆက်ကြသည်။ သူတို့ကလည်း Hand Phoneကိုယ်စီနဲ့ဆို တော့ ခေသူများတော့ ဟုတ်ဟန်မတူ။ မိတ်ဆက်ရင်းကျွန်တော့်ကိုနီကိုရဲမှန်းသိသွားတော့ ခုနကထိန်းမရသူကမှုန်တေတေ လုပ်နေရာက ၀မ်းသာသွားပုံရ၏။ မကြည်ပြာရေးတဲ့ နီကိုရဲလားဟု မေးကာ ကျွန်တော့်ကို သူသိချင်တာတွေမေးသည်။ ခဏကြာတော့ အားလုံးရယ်ရယ်မောမောဖြစ်ကာသွား၏။ ကျန်သုံးယောက်က ကိုငှက်သီချင်းတွေအကြောင်းမေးသည်။

သူက ဖြေသင့်သည့်စကားကို အလေးအနက်ထားကာဖြေသည်။ သူမဖြေချင်သည့် စကားကို ဖြတ်ချပစ်သည်။ သူ့ဝတီအတိုင်းပင် လိုက်လိုက်ရောရောပြောချင်းမရှိ။ ထိုသို့ပြော သည်ကိုပင် ဟိုကောင်တွေက သဘောကျကြသည်။ အရက် ၂ ပုလင်းပြောင်တော့ ဟိုကောင်တွေကတကယ့်မိတ်ဆွေရင်းတွေလို ဖြစ်သွားသည်။ သူတို့ ဖုန်း နံပါတ်တွေပေးသည်။ ကျွန်တော် တို့ဖုန်းနံပါတ်တွေတောင်းသည်။ ပြီးတော့စားသောက်သမျှကိုသူတို့ကအတင်းရှင်းသည်။ ကားတိုက်သည့်ကိစ္စကို ပြန်ပြောတော့ ရယ်စရာတစ်ခုလိုဖြစ်နေပြီ။
“မှားတာကကိုငှက်မှားတာဗျ၊ ကျွန်တော်တို့ကလမ်းအမှန်ကမောင်းတာ ကိုငှက်ကဇွတ်ဝင်လာတာကိုး”
“မသိဘူးဗျာ ကျုပ်လည်း မောင်းတတ်သလိုမောင်းလိုက်တာပဲ”
ကားအသီးသီးပေါ်တက်ပြီးတော့ သူ့ကို ဟိုဘက်ကားကလူတွေက လှမ်းအော်ကြသည်။
“ကိုငှက် သတိထားပြီးမောင်းဦးနော်၊ Take it easy…Take it easy”
“OK…I’m fine” ဟု သူကပြန်အော်ကာ ကားကို ဝေါခနဲဘက်ဆုတ်ပြီး၊ ၀ူးခနဲမောင်းထွက်ခဲ့သည်။
“ကျွန်တော် ကားမောင်းရင် စီးရဲတဲ့သူ သိပ်မရှိဘူးဗျ၊ ဘိုဖြူဆို သိပ်ကြောက်တာ၊ ကျွန်တော်မောင်းနေရင် ရှေ့ကခုံကို လက်ကိုင်ပြီး မျက်လုံးကိုပြူးလို့၊ ချွေးတွေပျံလို့ လှည့် ကြည့်တော့ဘာမှမဖြစ်သလို လေချွန်ပြတာ၊ ဖြစ်နိုင်ရင် သူ ကျွန်တော့်ကားကို စီးခဲတယ်”
ကျွန်တော် ဘာမှပြန်မပြောတော့ သူက “အခုမှ ကြောက်နေတာလား၊ဖြစ်ရင် ခင်ဗျား ဘက်ကဖြစ်မှာ သွားမှာပဲ”
“ကျွန်တော် အဲဒါကိုမစဉ်းစားပါဘူး၊ အနုပညာသမားမှာ မတောင်းပဲရတဲ့ဆိုတွေရှိတယ် ဆိုတာ ကျွန်တော်စဉ်းစားနေတာ”
သူက ခပ်တိုးတိုးရယ်သည်။
“အမေ့ကို ကျေးဇူးတင်ရမှာဗျ၊ ကျုပ်ရုပ်ကြီးကို တစ်ခါမြင်တာနဲ့မှတ်မိအောင် မွေးပေးခဲ့တာကိုးဗျ…ဟား…ဟား…ဟား”
သူသည် ဘာမှမဖြစ်တော့သည့်နှယ်ကားကိုလွတ်လွတ်လပ်လပ်မောင်းနေလေသည်။ ထိုနေ့က Mr Guitar ကို သွားကြသည်။ ဟိုရောက်တော့ကားတိုက်သည့်ကိစ္စကို သူဘာမှ မပြောတော့ စတိတ်ခုံဘေးက သီချင်းဆိုတဲ့ကောင်မလေးတွေထိုင်သည့်ခုံမှာ ဘီယာထပ် သောက်ကြရင်း သူ့အိတ်ထဲက ဘာဂျာကိုထုတ်ကာ တေးသွားကိုလိုက်မှုတ်နေလေသည်။

နီကိုရဲ

credit to ::: www.htooeainthin.com

သူကိုယ်တိုင်ထုတ်လုပ်တဲ့ Nothing Left to Fear ရုပ်ရှင်အကြောင်းကိုပြောပြတဲ့ Slash

noreply@blogger.com (Anonymous) — Sun, 17 Nov 2013 07:51:00 +0000

Hard Rock လောကရဲ့ အကြီးမားဆုံးပုံရိပ်တွေထဲကတစ်ခုဖြစ်ပြီး ထိတ်လန့်သည်းဖို ရုပ်ရှင်ကားတွေကိုနှစ်သက်တဲ့ ဂစ်တာဟီးရိုး Slash တစ်ယောက်ဒီတစ်ခါမှာတော့သူကိုယ်တိုင်သူ့ရဲ့ ပထမဆုံးရုပ်ရင်ကိုထုတ်လုပ်လိုက်ပါပြီ။ ဒီရုပ်ရှင်ရဲ့နောက်ခံဂီတနဲ့ အဓိကဇာတ်ဝင်သီချင်းကို Slash ကိုယ်တိုင်ရေးစပ်ခဲ့တာပါ။ Nothing Left to Fear အမည်ရတဲ့ ဒီရုပ်ရှင်ကို ဒါရိုက်တာ Anthony Leonardi III ကရိုက်ကူးထားပြီး Clancy Brown, Anne Heche နဲ့ Jennifer Stone အစရှိတဲ့သရုပ်ဆောင်တွေပါဝင်ပါတယ်။

ဒီဇာတ်ကားကို Slash နေထိုင်တဲ့ L.A. မှာ Rolling Stone မဂ္ဂဇင်း နဲ့ Slash တို့စကားပြောဖြစ်ခဲ့ပါတယ်။

ခင်ဗျားကို ဂစ်တာသမားတစ်ယောက်အနေနဲ့သာ အဓိကသိထားကြတယ်လေ။ ရုပ်ရှင်တစ်ကားဖန်တီးတဲ့အလုပ်ကခင်ဗျားကို ဘယ်လိုစိန်ခေါ်မှုတွေပေးသလဲ။

ဒီရုပ်ရှင်ဖန်တီးတာနဲ့ပါတ်သတ်တဲ့အရာအားလုံး အရမ်းစိတ်လှုပ်ရှားစရာကောင်းပါတယ်။ ဘာဖြစ်လို့လဲဆိုတော့ မှတ်မိသလောက်ပြောရရင် ကျွန်တော်က ရုပ်ရှင်တွေအထူးသဖြင့်ထပ်လန့်သည်းဖို ရုပ်ရှင်တွေကို အလွန်ကြိုက်နှစ်သက်လို့ပါ။ ဒီလိုအခြေအနေမျိုးမှာ ရုပ်ရှင်ရိုက်ဖို့ အခွင့်အရေးရတာမိုက်တာပေါ့။ ပြီးတော့ ကန့်လန့်ကာနောက်ကွယ်က ပါဝင်လှုပ်ရှားပြီး ရုပ်ရှင်ရဲ့လားရာရလဒ် ကို သက်ရောက်မှုရှိစေတဲ့ နေရာမှာပါဝင်ရတာ မိုက်ပါတယ်။ ဒီရုပ်ရှင်ဘယ်လိုပုံထွက်လာ မလဲဆိုတာက အရမ်းစိတ်လှုပ်ရှားစရာကောင်းပါတယ်။

ခင်ဗျားကြည့်ဖူးသမျှထဲမှာ ကြောက်စရာအကောင်းဆုံး ရုပ်ရှင်ကဘယ်ဟာလဲ။

ကျွန်တော်မှတ်မိတဲ့အထဲမှာ အကြောက်ဆုံးဖြစ်ခဲ့ရတဲ့ ရုပ်ရှင်ကတော့ ကျွန်တော်ကလေးတုန်းက Drive-In (ကားရပ်နားပြီးရုပ်ရှင်ကြည့်လို့ရတဲ့နေရာ) ထဲ ကျွန်တော့်အမေရဲ့ ဗောက်စ်ဝဂ္ဂန် ကားနောက်ခန်းမှာကြည့်ခဲ့တဲ့ Night of the Living Dead ကားပါ။ ကျွန်တော့်အသက်က ၇နှစ်၈နှစ်လောက်ပဲရှိသေးတာ။ ဒီကားကို Exorcist နဲ့တွဲပြတာ။ ကျွန်တော်က မကောင်းဆိုးဝါးကောင်တွေ နဲ့ လက်တွေ့ဆန်တဲ့ effect တွေကိုကြိုက်နှစ်သက်လို့ Exorcist ကိုပိုကြိုက်ပါတယ်။ ပြီးတော့အဲဒီ့ရုပ်ရှင်ကြောင့် Linda Blair ကိုစပြီးကြိုက်ခဲ့တာပေါ့။ ဒါပေမယ့် Night of the Living Dead ကလဲ အရမ်းနမိတ်ဆိုးပြီး မမေ့နိုင်လောက်အောင်ကြောက်စရာကောင်းပြီး ရက်စက်တဲ့ရုပ်ရှင်ပေါ့။ ဒီကာလတောက်လျှောက် ကျွန်တော့်အာရုံထဲမှာ အမြဲရှိနေခဲ့တဲ့ အခန်းတွေကို မှတ်မိပါသေးတယ်။ အဲဒီ့အချိန်ကစပြီး ကြောက်စရာကောင်းတဲ့အရာတွေကို ကြိုက်လာခဲ့တာ။ စိတ်္တဇဆန်တဲ့ရုပ်ရှင်တွေနဲ့ လူတွေပြေးလိုက်လွှားလိုက်နဲ့ တစ်ယောက်ကိုတစ်ယောက် လိုက်သတ်နေတာမျိုးမကြိုက်ဘူး။

ခင်ဗျားရုပ်ရှင်ကို အမြဲမပြတ်လုပ်သွားရမဲ့ စွန့်စားမှုတစ်ခုလို့ထင်လား။ တစ်ခါလုပ်ဖူးရင်ပြီးရောဆိုတာမျိုးမဟုတ်ဘူးလား။

ကျွန်တော်နောက်ဇာတ်လမ်းတစ်ခုလိုက်ရှာနေပါတယ်။ Show ပွဲတစ်ခုမှာ ဘာကိုပဲတင်ပြတင်ပြ အရမ်းနှေးကွေးတဲ့အပြင် အချိန်လဲပေးရပြီး ပျင်းစရာကောင်းတဲ့အစိတ်အပိုင်းတစ်ခုလိုပါပဲ။ အခြားအရာဝတ္တုတွေရဲ့အလယ်က ရတနာကို ရှာဖို့အတွက်များများရှာနိုင်သလောက်ရှာရမှာပဲ။ ဒါဟာဒီအလုပ်ရဲ့ခက်ခဲတဲ့အပိုင်းလို့ကျွန်တော်ထင်ပါတယ်။အသုံးမ၀င်တဲ့အရာတွေအများကြီးဖတ်ပြီး အဲဒီ့အထဲကမှ ရွှေလက်မှက်ကိုရှာရတာပါပဲ။ အဲဒီတော့ကျွန်တော်အခုလုပ်နေတာဒါပါပဲ။

ထိပ်လန့်သည်းဖို ရုပ်ရှင်အမျိုးအစားမှာ ခင်ဗျားအလုပ်တူတူတွဲလုပ်ချင်တဲ့ လူစာရင်းထဲမှာ ဘယ်သူတွေပါမလဲ။

ဖြေရခက်တဲ့မေးခွန်းပဲ။ ဘာဖြစ်လို့လဲဆိုတော့ဒီ ကိစ္စက ဇာတ်လမ်းပေါ်မှာ မူတည်နေတာလေ။ သင့်တော်တဲ့သူကိုဆုံးဖြတ်ပေးနိုင်မယ့်ဇတ်လမ်းတစ်ပုဒ် လက်ထဲမှာမရှိဘဲ အတူတူတွဲလုပ်မယ့် ဒါရိုက်တာတွေ သရုပ်ဆောင်တွေကိုစဉ်းစားရတာ ဦးတည်ရာမဲ့ပါတယ်။ ကျွန်တော့်ရဲ့ တစ်ကိုယ်တော်အခွေလုပ်နေတုန်းကလဲ ကျွန်တော့်မှာသီချင်းတွေမရှိခင်တုန်းက အဆိုတော်ကိုစဉ်းစားလို့မရဘူး။ ဒါကပဲကျွန်တော့်ကို ဘယ်သူ့ခေါ်ရမလဲ ပြောပြပေးတာ။ ဒါကြောင့်နောက် ရုပ်ရှင်ကားမှာလဲ အလားတူပါပဲ။ ဒါပေမယ့် တစ်ချိန်ထဲမှာပဲ ကျွန်တော့်စိတ်ထဲမှာအလုပ်အတူတူလုပ်ချင်နေတာကတော့ Sam Raimi ပါ။ သူကတကယ် ကောင်းတဲ့ သည်းထိပ်ရင်ဖိုရုပ်ရှင်ဒါရိုက်တာလို့ကျွန်တော်ထင်ပါတယ်။

ဒီရုပ်ရှင်ရဲ့နောက်ခံဂီတကိုတီးဖို့ဘယ်လိုချဉ်းကပ်ခဲ့သလဲ။

ဒီနောက်ခံဂီတက ကျွန်တော့အတွက်အရေးကြီးတဲ့အရာပါ။ ဘာဖြစ်လို့လဲဆိုတော့ ကျွန်တော်ကိုယ့်ကိုကိုယ်ဘာလုပ်နေမှန်းသိတဲ့အရာတစ်ခုဖြစ်နေတာကြောင့်ပါ။ ကျန်တာတွေကတော့ကျွန်တော့်အသိပညာနဲ့ခံစားမှုကိုအသုံးပြုပြီး လုပ်သင့်မယ်ထင်တာကိုလုပ်တာပေါ့။ ဂီတကတော့ ကျွန်တော်ပိုင်ပိုင်နိုင်နိုင်လုပ်နိုင်တဲ့အရာပါ။ ပြီးတော့ သည်းထိပ်ရင်ဖိုဇာတ်ကားမျိုးမှာ ထုတ်လုပ်သူတစ်ယောက်လုပ်ဖို့စိတ်လှုပ်ရှားစရာ အကြောင်းပြချက်တွေထဲကတစ်ခုကတော့ ဂီတပိုင်းကိုကျွန်တော်တာဝန်ယူရတဲ့အချက်ပဲ။ ဒါကြောင့်ဒီရုပ်ရှင်မှာ စပြီးရိုက်မယ်ဆိုကတည်းက ကျွန်တော်တို့ သံစုံတီးဝိုင်းလိုဟာမျိုးချင်တာလို့နားလည်ထားတာ။ အဲဒီတော့ကျွန်တော် music တွေရေးပြီး ဒီဇာတ်ကားအတွက်သူ့ရဲ့ရုပ်ရှင်ပိုင်းဆိုင်ရာအမြင်နဲ့ သူသင့်တော်မယ်ထင်တဲ့ဟာကို ရွေးဖို့အတွက်သူ့ကိုတီးပြခဲ့ပါတယ်။ ပြီတော့ သူ (ဒါရိုက်တာ Anthony) က နောက်ခံဂီတရေးစပ်သူနဲ့ sound designer တစ်ယောက်ဖြစ်တဲ့ သူ့ရဲ့မိတ်ဆွေဟောင်း Nicholas O’Toole နဲ့ကျွန်တော့်ကိုမိတ်ဆက်ပေးပါတယ်။ ပြီးတော့ကျွန်တော်တို့ရွေးထားတဲ့ music ကိုပေးလိုက်တော့ သူက သံစုံတီးဝိုင်းနဲ့တီးတဲ့ ပုံစံပြောင်းပေးပါတယ်။ ပြီးတော့ဒီရုပ်ရှင်တစ်ခုလုံးအတွက် ကျွန်တော်တို့လက်တွဲပြီးအလုပ်အတူလုပ်ကြပါတယ်။ အရမ်းမိုက်ပါတယ်။ လူတွေပေါင်းစပ်ပြီးလုပ်တဲ့အရာတစ်ခုပါ။ ဒါပေမယ့်ဒါဟာအလွန်ပျော်ဖို့ကောင်းပြီးတော့ နောက်ဆုံးထွက်လာတဲ့ ရလဒ်နဲ့ပါတ်သတ်ပြီးလဲပျော်ပါတယ်။ နောက်ဆုံးမှာမှ Myles Kennedy နဲ့ကျွန်တော်တို့ အဓိကဇာတ်ဝင်သီချင်းကိုဖန်တီးပါတယ်။

ရုပ်ရှင်ချစ်ပရိတ်သတ်တွေဆီက ဘယ်လိုတုန့်ပြန်မှုတွေမျှော်လင့်ထားသလဲ။

ဒီရုပ်ရှင်ကို မနေ့ညကသွားကြည့်တော့ ကျွန်တော်နောက်တစ်ခါ ဘယ်တော့မှ အပြင်လူတစ်ယောက်လှိုရုပ်ရှင်ကြည့်နိုင်မှာမဟုတ်ဘူးလို့သိလိုက်ရတယ်။ ဒီရုပ်ရှင်ကိုကြည့်ရင်ဘယ်လိုခံစားမှုပဲရှိနေနေကျွန်တော်ကြည့်တဲ့အခါတိုင်း ကွဲပြားတဲ့အရာတစ်ခုရတယ်။ တစ်ခါမှမကြည့်ဖူးသေးတဲ့ပရိတ်သတ်တွေအတွက် ဒီရုပ်ရှင်ထဲမှာတီးပေးရတဲ့ အတွေ့အကြုံဟာ ဘာနဲ့မှမတူပါဘူး။ သီချင်းခွေထဲမှာတီးပေးရတာနဲ့မတူပါဘူး။ ကွဲပြားခြားနားပါတယ်။ ဒါပေမယ့် ပျော်စရာစိတ်လှုပ်ရှားစရာကောင်းပါတယ်။ ဒီကနေ အများကြီးပညာရပါတယ်။ ပြီးတော့ နောက်တစ်ကားကိုထပ်ရိုက်ဖို့ ကျွန်တော်စိတ်လှုပ်ရှားနေပါတယ်။ ဘာလို့လဲဆိုတော့အဲဒီ့တစ်ခုက လုံးဝကို မတူကွဲပြားမဲ့အရာတစ်ခုဖြစ်လာမှာမို့လို့ပါ။ ကျွန်တော်ဖန်တီးချင်တဲ့ နောက်ရုပ်ရှင်တစ်ခုက ကျွန်တော့်စိတ်ထဲမှာရှိတဲ့ နမိတ်အရမ်းဆိုးတဲ့ဟာမျိုးပေါ့။ ပြီးတော့ကျွန်တော် တိရိစ္ဆာန်တို့ မကောင်းဆိုးဝါးတို့လို အသွင်ရှိတဲ့ဟာမျိုးကို အာရုံစိုက်ချင်တယ်။ ဘာလို့လဲဆိုတော့ဒါမျိုးတွေက ကျွန်တော့ကို သည်းထိပ်ရင်ဖိုကားတွေကြည့်တတ်အောင် အစောဆုံးတွန်းအားပေးခဲ့အရာမို့လို့ပဲ။

နောက်အခွေအတွက်ဘာအစီအစဉ်တွေရှိလဲ။

နောက်နှစ်ပေါ့။ ကျွန်တော်တို့အခုစလုပ်နေပြီ။

ကတ်ကိုဘိန်း၏ သြဇာ

noreply@blogger.com (Anonymous) — Sun, 10 Nov 2013 07:56:00 +0000

Nirvana အဖွဲ့ရဲ့ ခေါင်းဆောင်အဆိုတော် ကတ်ကိုဘိန်း (Kurt Cobain) ရဲ့ သြဇာဟာ သူ့မျိုးဆက်တစ်ခုလုံးအပေါ် (၈၀ နှောင်းပိုင်းနှစ်များနဲ့ ၉၀ နှစ်များ) ကြီးမားစွာ သက်ရောက်ခဲ့တယ်။ ရေဂင်ခေတ်(Reagan era) အဆုံးမှာ ပေါ်ပေါက်လာခဲ့တဲ့ Nirvana အဖွဲ့ဟာ အဲဒီအချိန်က ခေတ်စားနေတဲ့ ရော့ခ်ဂီတကို တစ်မျိုးတစ်ဖုံ ပြောင်းလဲပစ်ခဲ့တယ်။ ကတ်က ပန့်ခ် (Punk)ရဲ့ ရိုးရှင်းမှုနဲ့ အကြမ်းထည်သက်သက်ဂီတကို ပြင်းထန်ပြီး လှပတဲ့ မက်တယ်(Metal) နဲ့ ပေါင်းစပ်ခဲ့ပါတယ်။ သူ့သီချင်းစာသားတွေက စိတ်ဓါတ်ကျစရာကောင်းတယ်။ သူ့အသံက အင်မတန်နာကျင်နေတဲ့ တိရစ္ဆာန်တစ်ကောင်ရဲ့ အသံမျိုး၊ ကတ်ဟာ လူတိုင်းကို မုန်းတီးခဲ့တယ်။ သူ့ကိုယ်သူလည်း အပါအဝင်ပေါ့။ "အသက် (၇) နှစ် အရွယ်ကစပြီး ကျွန်တော်ဟာ ယေဘုယျအားဖြင့် လူအားလုံးကို မုန်းတီးစပြုလာခဲ့တယ်" လို့ ပြောခဲ့ဖူးရဲ့။ ကတ်ကိုဘိန်းဟာ သူ့ဘဝတစ်လျှောက်လုံး အစာအိမ်အနာတွေရဲ့ ဆိုးဆိုးရွားရွားနှိပ်စက်မှုကို ခံခဲ့ရတယ်။ သူဟာ တစ်ချိန်လုံး အရက်သောက်နေခဲံတယ်။

ကတ်ကိုဘိန်းရဲ့ ဂီတဟာ ပစ္စည်းမဲ့တွေနဲ့ အပယ်ခံအုပ်စုတွေအတွက် ခိုလှုံရာ ဖြစ်လာခဲ့တယ်။ သူ့ရဲ့ "Smells Like Teen Spirit" ဟာ လောကကို စိတ်နာနေတဲ့ ဆယ်ကျော်သက်တွေရဲ့ အမျိုးသားသီချင်း ဖြစ်လာခဲ့တယ်။ နောက်ပိုင်းမှာတော့ ကတ်ဟာ အရက်အပြင် ဟီးရိုးအင်းပါ စွဲလာခဲ့တယ်။ သူ့ရဲ့အောင်မြင်မှုက သူ့အတွင်း ပဋိပက္ခနဲ့ စိုးရိမ်သောကကို ပိုမိုဆိုးရွားစေခဲ့တယ်။ နောက်ဆုံးတော့ ကိုဘိန်းဟာ သူ့ကိုယ်သူ သေနတ်နဲ့ပစ်သတ်ခဲ့တယ်။ သတ်သေခါနီး ရေးထားတဲ့စာထဲမှာ "အကြောင်းကတော့ ငါ မင်းတို့ကို နောက်ထပ် အရူးမလုပ်ချင်တော့ဘူး" လို့ ပါလေရဲ့။

ကျွန်တော်တို့ရဲ့(မြန်မာပြည်ရဲ့) ဂီတလောကမှာလည်း ကတ်ကိုဘိန်းရဲ့သြဇာ မသေးလှပါဘူး။ ကတ်ရဲ့ဂီတဟာ အဟောင်းကို ငြီးငွေ့နေတဲ့ အသစ်ကို ငတ်မွတ်တဲ့ လူငယ်တွေရဲ့ကြားမှာ ချက်ချင်း ရေပန်းစားလာခဲ့တယ်။ Nirvana ရဲ့ "Nevermind" အယ်လ်ဘမ်ဟာ ကျွန်တော်တို့ဆီမှာ အလေးထားနားထောင်ရတဲ့ အယ်လ်ဘမ်တစ်ချပ်ဖြစ်ခဲ့ပါတယ်။ ကျွန်တော်တို့ဆီက Alternative ဂီတဖြစ်ထွန်းမှုဟာ ကတ်ကိုဘိန်း ရဲ့ အငွေ့အသက်တွေနဲ့ မလွတ်ကင်းခဲ့ပါဘူး။ ကတ်ရဲ့ပုံနဲ့ တီရှပ်တွေဟာလည်း လူငယ်တွေကြားမှာ ခေတ်စားလာခဲ့ပါတယ်။

"တိမ်လွှာမို့မို့လွင်မှသည် ပို့စ်မော်ဒန်အနုပညာဆီသို့ - ၃"၊ ကတ်ကိုဘိန်း၏ သြဇာ။ (ေ အာ င် ခ င် မြ င့်).

Credit: Kyaw Thurein Myint

လူပျိုရည်ပျက်ခဲ့တဲ့ အဖြစ်အပျက်ကိုပြန်ပြောပြတဲ့ Kiss အဖွဲ့ရဲ့အဆိုတော် Paul Stanley

noreply@blogger.com (Anonymous) — Sun, 10 Nov 2013 07:49:00 +0000

Kiss အဖွဲ့ရဲ့ရှေ့ထွက်အဆိုတော်ကြီး Paul Stanley ရဲ့ ဆန့်ကျင်ဘက်လိင်နဲ့ အကျွမ်းတ၀င်မရှိသေးတဲ့လူပျိုဘ၀ကို စိတ်ကူးထဲမှာပုံဖေါ်ကြည့်ဖို့ခက်ခဲပါလိမ့်မယ်။ Rock ဂီတလောကရဲ့ စော်အကြည်ဆုံး ဘီးကျဲတွေထဲကတစ်ယောက်ဖြစ်တဲ့ Paul Stanley ကြီးဟာလဲတစ်ချိန်ကတော့လူပျိုလေးတစ်ယောက်ပါပဲ။ မကြာသေးမီက KLOS FM ကလုပ်တဲ့အစီအစဉ်တစ်ခုမှာ သူ့ဘ၀ရဲ့ အပြောင်းအလဲတစ်ခုကိုဖြစ်စေတဲ့နေ့တစ်နေ့အကြောင်းကို ပြန်ပြောပြပါတယ်။

“camp လုပ်နေကျပါတ်ဝန်းကျင်မှာရှိတဲ့ စားသောက်ဆိုင်တစ်ဆိုင်မှာ ကျွန်တော် သန့်ရှင်းရေးအနေနဲ့အလုပ်လုပ်ခဲ့တာပါ။ အဲဒီ့နေရာက ညစ်ညမ်းအကတွေနဲ့ဖျော်ဖြေတဲ့နေရာမျိုး။ ဒီလိုပါတ်ဝန်းကျင်အကြောင်းကိုခင်ဗျားသိပါတယ်။ အဲဒီနေရာကလမ်းရဲ့တစ်ဖက်ခြမ်းမှာ အခြားတစ်ဖက်ခြမ်းမှာ ဟိုတယ်လ်ရှိတယ်။ ၀ိတ်တာတစ်ယောက်ရဲ့ကောင်မလေးက သူ့အခန်းထဲမှာရှိနေတယ်။ ၀ိတ်တာကအလုပ်သွားလုပ်နေတယ်။ အဲဒီတော့ကျွန်တော်ဆုံးဖြတ်လိုက်တယ်။ “ဒီနေ့တော့သေချာပြီ” လို့။

အဲဒီ့ကောင်မလေးနဲ့သူနဲ့ကြားက အသက်ကွာဟမှုကိုမေးတော့ “ကျွန်တော်ထင်တာ သူကျွန်တော့ထက် ၅ နှစ်လောက်ကြီးလိမ့်မယ်။ သူကျွန်တော့ကိုနည်းလမ်းတွေသင်ပေးတယ်လို့တော့မဆိုလိုပါဘူး။ ရိုးရိုးသားသားပြောရင်တော့ ကျွန်တော်ဘယ်လိုပြုမှုရမလဲဆိုတာမသိခဲ့ပါဘူး။ ကျွန်တော်တွေးမိတာက “ဒီကိစ္စကဒီလိုမျိုးလား” ဆိုတာပါပဲ” လို့ ၆၁နှစ်ရှိပြီဖြစ်တဲ့ Stanley ကြီးကပြောပါတယ်။

အဲဒီ့အတွေ့အကြုံအပေါ်ဘယ်လိုမြင်လဲလို့မေးတော့ “နောက်ဆုံးပိတ် ခင်ဗျားနိုင်မယ့် အပြေးပြိုင်ပွဲမှာ တာထွက်ချိန် ပစ်ဖောက်တဲ့သေနတ်လိုပါပဲ။ အပြေးပြိုင်ပွဲကတော့ တာထွက်ချိန် ထက်ပိုပျော်စရာကောင်းရင်ကောင်းမှာပေါ့” လို့ Stanley ကြီးက နှစ်ထောင်းအားရစွာနဲ့ပြောပါတယ်။

(Ref: ultimateclassicrock)
Credit-http://www.trend.com.mm/

Marilyn Manson ( Biography )

noreply@blogger.com (Anonymous) — Tue, 24 Sep 2013 13:25:00 +0000

အလှ နတ်သမီး Sex ရဲ့ ဘုရင်မ မာရီလင် မွန်ရိုး နဲ့  ဂီတပညာရှင် လူသတ်သမား Charles Manson တို့ နာမည် နှစ်ခု ပေါင်းထားတဲ့ Marilyn Manson ဟာ 1965 ခုနှစ် အမေရိကန်ုပြည်ထောင်စု Ohio ပြည်နယ်မှာ မွေးဖွားခဲ့ပြီး နာမည်ရင်း က Brian Hugh Warner ပါ

အခြေအနေမှန်ကို ခင်ဗျားတို့ မသိထားရင် Marilyn Manson ရဲ့  အဓိကရည်ရွယ်ချက်က ကမ္ဘာကြီး
ပေါ်မှာ တတ်နိုင်သလောက် ဆူပူ ပြသနာ လုပ်ဖို့ ဖြစ်မယ် လို့ ခင်ဗျားတို့ ယူဆ မိမှာပါ -
များသောအားဖြင့် မင်ဆန်ဟာ လူမှုရေးပိတ်ပင် တားမြစ်ချက်တွေကို တတ်နိုင်သလောက် ချိုးဖောက်တယ် ..ယဉ်ကျေးမှု စံချိန်စံညွှန်းတွေကို ဖျက်ဆီးတယ် . နောက်ပြီး လူ့ ပြည်မှာ သူ
နေ ခွင့်ရခိုက်မှာ သက်တမ်းရင့်နေပြီ ဖြစ်တဲ့ ထုံးတမ်း စဉ်လာတွေကို သူဖယ်ရှား ပစ်တတ်တယ်-

မင်ဆန်ဟာ ရော့်ဂီတ လောကမှာ ကျန်းမာစွာ သက်ဆိုးရှည်စွာ နေရမယ်လို့ မမျှော်လင့်ထားဘဲ ရှင်သန်နေရတဲ့ လူတစ်ယောက်တော့ မဟုတ်ပါဘူး - လာမယ့်နှစ် အနည်းငယ် အတွင်းမှာ
သူ သေမယ့်လို့ ပွင့်လင်းစွား အကြိမ်ကြိမ် ပြောခဲ့တဲ့ မင်ဆန်ဟာ လူ့ ပြည်ကို မစွန့် ခွာ ခင်မှာတော့
ကမ္ဘာလောကကြီး တစ်ခုလုံးကို အကြီးအကျယ် ဒုက္ခ ပေးသွားချင်ပါသတဲ့ -

မင်ဆန်ရဲ့ ပွဲဦးထွက် ဓာတ်ပြား အယ်ဘမ် Portrait of an American Family ဟာ ထိတ်လန့် ဖွယ်
အယ်ဘမ် ကာဗာ နဲ့ အတူ ၁၉၉၃ ခုနှစ်က ထွက်လာတော့ သူများနဲ့ လုံးဝ ခြားနားတဲ့ ဒီဘဲကြီးဟာ
တုန်လှုပ်အံ့သြဖွယ် ရော့ခ်လောကကြီးကို လူတွေမထင်ထားတဲ့ ဘုံမြင့်တစ်နေရာစီ ( ဒါမှမဟုတ်
အသူတရာ နက်တဲ့ ချောက်ကြီးထဲဆီ ) ဆွဲခေါ်သွားဖို့ သန္နဋ္ဌာန် ချထားသူပဲ ဆိုတာ ပေါ်လွင် ခဲ့ပါတယ်. ...

မယ်ရီလင်မင်ဆန် ဟာ သူ့ အရင်ထွက်ပေါ်ခဲ့တဲ့ Alice Cooper , Ozzy Osbourne KISS တို့ ထက်
အသက်ဝင်လာတဲ့ ကော်မစ်ရုပ် ပြဇာတ်ကောင် ပိုဆန်သူပါ ..သူဟာ ပိုပြီးလက်တွေ့ ဆန်မှုရှိတယ်.
ပိုပြီး ချောက်ချားစရာကောင်းတယ် - သူ့ ကြိုးစားပုံက သုံးဘက်မြင်ရုပ်လုံးကြွမှု ပိုရှိနေတယ်-
မင်ဆန် ဖြစ်စေချင်တဲ့ပုံစံကလည်း အဲဒီလိုမျိုး- -

'' ကျွန်တော်က Ozzy တို့ - Kiss တို့ ကို အားကျ အတုခိုးရင်း ကြီးပြင်းခဲ့တာပါ ။ ငယ်ငယ်က
ဖလော်ရီဒါပြည်နယ်မှာနေတော့ သူတို့ ဟာ များသောအားဖြင့် ကျွန်တော့်ရဲ့ ကယ်တင်ရှင်တွေလို
ဖြစ်ခဲ့တယ် ။ သူတို့ လုပ်သမျှ လုပ်ပုံလုပ်နည်းတွေဟာ ကျွန်တော့်အပေါ် လွှမ်းမိုးခဲ့တယ် -ဒါပေမယ့်
သူတို့ နဲ့ တူအောင် မလုပ်ချင်ဘူး -ကျွန်တော်ရဲ့ စရိုက်အမှန်ကို ကျွန်တော့် ဂီတက တစ်ဆင့် ဖော်ထုတ်ချင်တယ် - Kiss အဖွဲ့ စိတ်ကူးယဉ်ခဲ့ပုံတွေ နဲ့ တော့ အဲဒါ အများကြီး ခြားနား နေပါလိမ့်မယ် "' လို့ မယ်ရီလင်မင်ဆန် က ပြောပါတယ် -

သူ့ ရဲ့ ပွဲဦးထွက်အယ်ဘမ်ကို သမားရိုးကျ ရော့်ဂီတလောကကြီးရဲ့ တုံ့ ပြန်မှုက အားနည်းခဲ့ပေမယ့်
ဒုတိယ အယ်ဘမ် Smells Likes Children ထွက်လာတဲ့ အခါမှာတော့ ဒီအရူးဟာ ရော့်ခ် ဂီတကနေ
လုံးဝ တိတ်တိတ်ဆိတ်ဆိတ် ထွက်ခွာသွားမယ့် ငနဲ မဟုတ်မှန်း သိလာကြတယ် - မူလတုန်းကမင်ဆန် ရဲ့ လှုပ်ရှားမှုတွေဟာ ရော့်ခ်အဖွဲ့ အစည်းရဲ့ အပြင်ဘက်မှာ လုံခြုံစိတ်ချစွာ
တသီးတခြား ရှိနေမှာပဲလို့ ထင်ခဲ့ကြတာကိုး --
ဒုတိယ အယ်ဘမ်မှာပါတဲ့ ပါဝင်တဲ့ အင်မတန် စိတ်ညစ်ညူးဖွယ်ကောင်းတဲ့ တေးသီချင်းတွေ (
နာမည်ကျော် ဗြိတိန် duo - Eurythmics နဲ့ Sweet Dreams ( Are made of this ) ပြန်ဆိုတေး
အပါအ၀င် ) ဟာ Marilyn Manson တို့ ကို အထင်မကြီးတဲ့ ရော့ခ်လောကကြီးကို အလဲထိုးလိုက်ပါတယ်...

ရုတ်တရက်ဆိုသလို ရော့ခ်သီချင်းဦးစားပေး ရေဒီယို အစီအစဉ်တွေကအစ MTV ရုပ်သံအစီအစဉ်
အဆုံး -ရုပ်သံအင်အားစုတွေဟာ Marilyn Manson ဆိုတဲ့ သတ္တ၀ါကောင်ကြီးကို ပြောင်ပြောင်
တင်းတင်း အော့နှလုံးနာ ရှုတ်ချရင်း သူ့ ရဲ့ သီချင်းတွေကို မနားတမ်း လွှင့်ခဲ့ကြပါတယ် -

ဒီလိုနဲ့ မင်ဆန်ဟာ တစ်နှစ်တာရဲ့ ကြယ်ပွင့်တစ်ပွင့် ဖြစ်မှန်းမသိ ဖြစ်သွားတယ် -

"' လူ့ အဖွဲ့ အစည်းက ၀န်ခံရဲတဲ့ လူပမာဏထက် ပိုများတဲ့လူတွေက ကျွန်တော်ဘာလုပ်တယ်-
ဘာဆိုလိုတယ် ဆိုတာ နားလည်ကြပါတယ် --ကျွန်တော် ဟာ ပြောရေးဆိုခွင့်ရှိတဲ့ လူမဟုတ်ပါဘူး
ဖြစ်လည်း မဖြစ်ချင်ဘူး -ဒါပေမယ့် ကျွန်တော့် တေးဂီတမှာ ပြောထားတဲ့ အကြောင်းအရာတွေနဲ့ 
ကျွန်တော်ရဲ့ နေထိုင်မှု ဘ၀ပုံစံဟာ လူတွေထင်ထားတာထက်ပိုပြီး အမေရိကားရဲ့  အစိတ်အပိုင်း
ကြီးကြီးမားမားကို ကိုယ်စားပြုပါတယ် "' လို့ မင်ဆန်က ပြောတယ် --

ကြက်သီးထစရာ အတွေးအခေါ်ပါပဲ ---

မင်ဆန် အနေနဲ့ ဒွိလိင် ဆက်ဆံမှု -ကလေးသူငယ်အလွဲသုံးစားမှု -သိက္ခာချ မှုတွေအကြောင်း
ပေါ်တင် စပ်ဆိုထားတဲ့ သီချင်းတွေဟာ အမေရိကားရဲ့ ကြီးမားတဲ့ အစိတ်အပိုင်းကို ကိုယ်စားပြုတယ် -- တိုက်ရိုက်ပြောရရင် အမေရိကန်အပြင် တစ်ကမ္ဘာလုံးက လူတွေဟာ မူလပထမ မှန်းထားတာထက် ပို ဒုက္ခတွေ့ နေကြပြီပေ့ါ - တစ်ဘက်ကကြည့်ရင် မင်ဆန်ရဲ့ 
ဓာတ်ပြားကို ၀ယ်ယူနားထောင်သူတွေဟာ သူ့ ရဲ့ အယူအဆတွေ -ဂီတတွေကို စိတ်ဝင်စားလို့ ဝယ်ကြတယ် ဆိုရင် သူ့ ရဲ့ အောင်မြင်မှုဟာ ရော့ခ်အင်ရိုး အစဉ်အလာနဲ့ ဖီလာဆန့် ကျင်ခြင်း ကြောင့် ဖြစ်တယ်လို့ ပြောရမှာပါ -

ဟုတ်ကဲ့ မယ်ရီလင်မင်ဆန် ဟာ ဟိုးတုန်းက Kiss တို့ Twisted Sister တို့ လို ၀ိုင်းတွေက
ဂရုတစိုက် သေချာဖန်တီးခဲ့တဲ့ ငြီးငွေ့ ဖွယ် ပုံရိပ်တွေ နဲ့ တော့ များစွာ ခြားနားလှပါတယ် -

တကယ်တော့ မင်ဆန်ဟာ သူ့ ရဲ့ ပရိတ်သတ်တွေ လက်ခံထားတဲ့ ထော်လော်ကန့် လန့် အသိပေးချက်တွေ နဲ့ ခြားနားစွာ ခိုင်မာတဲ့ ယဉ်ကျေးမှု
စည်းကမ်းတွေ - ကန့် သတ်ချက်တွေ -ဘာသာရေးအယူအဆ တွေကို ချိုးဖောက်ချင်တဲ့ သူ့ ရဲ့ 
စိတ် ဆန္ဒ နဲ့ သူ့ ရဲ့ အစွမ်းအစ တို့ ကြောင့် ထင်ရှားအောင်မြင်လာပုံရပါတယ် --

Smells Like Children အယ်ဘမ် ၀ယ်ခဲ့တဲ့ မင်ဆန် ပရိတ်သတ်တိုင်းကတော့ သူ့ သီချင်းတွေထဲက ပုံစံ - သူ့ ယုံကြည်ချက်တွေအတိုင်း အပြင်ဘ၀ မှာ လက်ခံနေထိုင်ကျင့်သုံးမယ်လို့ ခင်ဗျားတို့ ထင်နေသလား -ဆယ်ကျော်သက် ပရိတ်သတ်တွေဟာ
လွန်ကဲတဲ့အရာတွေကို ကြိုက်တတ်ကြတယ် -လွန်ကဲလေ ပိုကောင်းလေပဲ -မင်ဆန်ဟာ အဲ့ဒီ
ကွက်လပ် ကို ဖြည့်ဆည်းခဲ့သူပါ --ပုံမှန်လူ့ အဖွဲ့ စည်း ကို နာကျင်အောင် လုပ်ရင်း လူငယ်မျိုးဆက်
အကြိုက် - သတ္တ၀ါကောင်ကြီးကို ဖန်ဆင်းလိုတဲ့လူတွေ က အောင်မြင်လာပါတယ် -
ဒါပေမယ့် မင်ဆန်ကတော့ သူပြောတဲ့အတိုင်း တကယ် ဖြစ်အောင် လုပ်ပြနိုင်တယ်နော် -သူဒါတွေ
အိုက်တင် လုပ်ပြနေတာမဟုတ်ဘူး လို့ သူ့ ဓာတ်ပြားထုတ်လုပ်ငန်းက လူတစ်ယောက်ကပြောပါတယ် --

မင်ဆန် ရဲ့ အယ်ဘမ် AntiChrist Superstar အောင်မြင်ခဲ့ပြန်မှုကြောင့် အစဉ်အလာ မဆန်တဲ့
ချဉ်းကပ်မှုတွေကိုစွမ်းအားတွေ လေးနက်မှုတွေ နဲ့ ထိတ်လန့် စရာတွေ ပို ဖြည့်တင်းနိုင်ခဲ့ပြန်တယ်-

ပရိတ်သတ် အခိုင်အမာရှိပြီ ဖြစ်တဲ့ မင်ဆန် ဟာ လက်ခံနိုင်ဖွယ်ရာ ယဉ်ကျေးမှု ယုံကြည်ချက်တွေ နဲ့ အခြေခံ လူ့ အဖွဲ့ အစည်း ကို တိုက်ခိုက် နိုင်စွမ်း ပိုရှိလာပြီ

သူ့ ရဲ့ ထွက်ရှိပြီးသမျှ အယ်ဘမ်တွေကတော့

Portrait of an American Family (1994)
Smells Like Children (1995)
Antichrist Superstar (1996)
Mechanical Animals (1998)
Holy Wood (In the Shadow of the Valley of Death) (2000)
The Golden Age of Grotesque (2003)
Eat Me, Drink Me (2007)
The High End of Low (2009)
Born Villain (2012)

ဦးစိုးသိဏ်း ရဲ့ ရော့(ခ်) ကြယ်ပွင်တို့  ရုပ်ပုံလွှာ စာအုပ် ပါ ဆောင်းပါးကို အနည်းငယ် ဖြည့်စွက်
ပြင်ဆင်ပြီး တင်ပြသည် --

\m/ #Angel (We Wanna Rock)

တေးသံရှင် အားလုံး အတွက် အဆင်ပြေ အောင် တီးခတ်အသံ ဖမ်းပေးနေတဲ့ Metal Zone စတူဒီယို

noreply@blogger.com (Anonymous) — Sun, 22 Sep 2013 07:54:00 +0000

လွန်ခဲ့တဲ့ ၁၅နှစ်၊ အနှစ်၂ဝ ဝန်းကျင်ခန့်ကတည်းက စတင်ခဲ့ပြီး မြန်မာပြည်ရှိ တေးသံရှင် အများအပြားရဲ့ ကျေနပ်လက်ခံမှုကို ရရှိ ထား တဲ့ Metal Zone စတူဒီယိုအနေနဲ့ လက်ရှိမှာတော့ တေးစီးရီး ၈ခွေခန့် ကို တီးခတ်နေပြီး လူသစ်တန်း တေး သံရှင်များရဲ့ စီးရီးတွေကိုလည်း တီး ခတ်ပေးနေပါတယ်။ Rock မြူးဇစ် ကို အဓိကထားပြီး တီးခတ် အသံ သွင်းတဲ့ Metal Zone အနေနဲ့ ဂီတ အမျိုးအစား အားလုံးကို နှစ်သက် တာကြောင့် အားလုံးကို တီးခတ် သွင်းယူပေးပါတယ်။
ယခင် ကတော့ တေးသံရှင်တွေ ကို စတူဒီယို Date ပေးတဲ့အခါ ၁ဝရက်၊ ၁၅ရက်တစ်ခါ တည်း အပြီးဖြတ်ပေးပြီး အခု နောက် ပိုင်းမှာတော့ date တွေများပြီး ရက်တိုက်တာတွေ ရှိတာကြောင့် ဂျူတီ၂ဝလောက် အချိန်ပေးပြီး စီးရီးတစ် ခွေအတွက် ၄လဝန်းကျင် တီးခတ်အသံ ဖမ်းပေးရပါတယ်။ “အစပိုင်းက သိပ် မများတော့ တစ် ယောက် ကို၁ဝရက် ၊ ၁၅ရက် တစ်ခါ တည်းဖြတ်တယ်။ အခုနောက်ပိုင်း ကျတော့ ဥပမာ တိုင်းရင်းသားတွေရဲ့ စီးရီးလည်း များတယ်။ အဲဒီတော့ သူတို့ရဲ့ နေစရိတ် စားစရိတ်ကို ကြည့် ပြီး ကြားမှာဖောက်ပေးရတာ မျိုးရှိတယ်။ ကျွန်တော် တို့အနေနဲ့ ငွေရေး ကြေးရေးကိုလည်း အတတ်နိုင်ဆုံး ညှိပေးတယ်။ အားလုံးကို ရင်းနှီးမှု ရအောင် လုပ်ပြီးနွေးနွေးထွေးထွေး ဖြစ်အောင် လုပ်တယ်။ ပြီးတော့သီချင်း ကောင်းအောင် ကြည့်ပြီး၊ အားလုံး တိုင်ပင်ပြီး လိုအပ်တဲ့နေရာတွေမှာ အကြံပေးတယ်။ အဆိုရှင် အသစ် တွေဆိုလည်း ကျွန်တော်တို့တီးဝိုင်း နဲ့ရော အားလုံးညှိပြီး အဆင်ပြေ အောင်လုပ်ပါတယ်”လို့ Metal Zone စတူဒီယိုရဲ့ အသံဖမ်း အင်ဂျင် နီယာ ကိုချမ်းနိုင် (ခေါ်) ကိုမွှေးနီက ပြောပါတယ်။ လက်ရှိ Metal Zone စတူဒီယို ကိုတော့ ဆိပ်ကမ်းသာ လမ်း အပေါ်ဘလောက်အမှတ် ၂၅၄ (ဇော် မိတ္တူဆိုင်အပေါ်ထပ်) ၉လွှာ အခန်း ၈၁မှာ ဖွင့်လှစ် ထားပြီး မနက်၁ဝနာရီ က ညနေ၆နာရီ အထိ နေ့ဂျူတီအတီး ပိုင်းနှင့် ည၇နာရီက ၁ဝနာရီအထိကို အဆိုပိုင်း အတွက် ဂျူတီပေးပြီး ပိတ် ရက်မရှိ ဖွင့်လှစ် ထားကြောင်းလည်း သိရပါတယ်။ Metal Zone စတူဒီယို မှာတော့ ဂစ်တာ ကိုဇော်လတ်၊ Bass ကိုဖိုး ဇော်၊ ဒရမ် ကိုမာတူး၊ ကီးဘုတ် ကို လဝမ်တို့က အဓိက တီးခတ် ပြီး ပြင်ပမှလာရောက် တီးခတ်လိုတဲ့ လူငယ် တီးဝိုင်းများအတွက်လည်း အသံဖမ်း ယူပေးလျက် ရှိကြောင်း သိရပါတယ်။ Metal Zone စတူဒီယို မှာတော့ DIN ဒရမ်ဆက်၊ AGK မိုက်ကရိုဖုန်း တို့ကို အသုံးပြုထားပြီး တေးသံရှင်အသစ် အဟောင်း အားလုံး အတွက် အဆင်ပြေ လွယ်ကူစေဖို့ အချိန်နဲ့ စတူဒီယိုကြေး များကိုလည်း ညှိနှိုင်း ဆောင်ရွက်ပေးနေကြောင်း သိရပါတယ်။

အခုခေတ်ရဲ့ ဂီတလောကမှာ အတီးပညာရှင် နည်းသွားကြောင်း ရင်ဂိုပြောပြီ

noreply@blogger.com (Anonymous) — Sun, 22 Sep 2013 07:23:00 +0000

ဂီတလောကမှာ ဆယ်စုနှစ်၂ခု တိုင်အောင် နာမည် တစ်လုံးကို ထိန်း ထားနိုင်ဆဲ ဖြစ်တဲ့ ရင်ဂိုကို ပရဟိတ ရန်ပုံငွေ ဖျော်ဖြေပွဲတိုင်းလိုလိုမှာ လည်း အမြဲလို တွေ့ရပါ တယ်။ ခုလို ရန်ပုံငွေပွဲတွေ မှာ ရှေးအရင် ကပွဲတွေနဲ့ အခု နောက်ပိုင်းပွဲတွေ ဘာတွေ ကွာခြားသွားပြီလဲ ဆို တော့ ရင်ဂိုက…
“အရင်ကဆို ရန်ပုံငွေပွဲ ဆိုပေမယ့် ပွဲတိုင်း လုပ်လို့မရဘူး။ အခုက တော့ အရင်ကလုပ်ခွင့် မရတဲ့ပွဲမျိုးတွေ လုပ်ခွင့်ရလာတယ်။ အများကြီး ပြောင်းလဲ တိုးတက် လာ တာပေါ့။ ကျွန်တော်တို့က ခေတ်ဆိုး စနစ်ဆိုးထဲမှာနေခဲ့တဲ့ သူတွေဆိုတော့ ဒါမျိုး ဖြစ်တာ တအား ဝမ်းသာတယ်” လို့ ဆိုလာတဲ့ ရင်ဂိုကိုခေတ် စနစ်ဆိုးထဲ မှာ ဖြတ်သန်း ခဲ့တဲ့အတွက် အခုလို ပြောင်းလဲပွင့်လင်းလာတဲ့ အခါမှာ ရောအသားကျလား ဆိုတော့..

“ကျွန်တော် တစ်ယောက် တည်းအနေနဲ့ ပြုပြင်ပြောင်း လဲတာ ပြောရရင် လမ်းစည်းကမ်း၊ ယာဉ်စည်းကမ်းတို့၊ အမှိုက်မပစ် ဖို့တို့လို တစ်ကိုယ်ရေ တစ်ကာယ ကိုပြော ချင်တယ်။သိပ်ပြီးကြီး ကြီး ကျယ်ကျယ်တော့ မပြော ချင်ဘူး။ ဖြစ်စေချင်တာက တော့ တစ်ကိုယ် ရေစည်း ကမ်းရှိဖို့ပါပဲ”လို့ ရင်ဂိုက ပြောပါတယ်။
ရင်ဂိုတို့ ခေတ် မှာ ဆိုရင် သူတို့ အတွက် အဓိက အနှောင့်အယှက် က ဆင်ဆာပဲ ဖြစ် မယ်ထင်ပါတယ်။ ဒီ ဘက်ခေတ်မှာ တော့ ပွင့်လင်းလာတဲ့ ခေတ်နဲ့အညီ ဆင်ဆာ လည်း အရင်ထက် လွတ်လပ်လာ ပြီဖြစ် တာကြောင့် လုပ်ရ ကိုင်ရတာ အရင် ထက် ပိုလွယ်ကူ ပေါ့ပါးလာလား ဆိုတော့..
“ကျွန်တော်တို့က အခုသိပ် အလုပ် မလုပ်တော့ဘူး။ ဘာမှ မလုပ်ချင်တော့ပါဘူး။ သူများလုပ်တာ ကြည့်ပြီးတော့ပဲ ပျော်နေပါတယ်” လို့ ရင်ဂိုက ဆင်ဆာနဲ့ ပတ်သက် ပြီး တွန့်ဆုတ်ခဲ့ရပုံကိုပြောပါတယ်။
ရင်ဂိုက ခုနောက်ပိုင်းမှာတော့ စီးရီးလည်း သိပ်မသွင်းဖြစ်တော့ဘဲ အလွတ် သဘောမျိုးနဲ့ပဲ နေ့တိုင်း လို ဆိုတီးတာတော့ ရှိတယ်လို့ ပြော ပါတယ်။ ရင်ဂိုရဲ့သားဖြစ်သူ ကျားပေါက်က Big Bag အနေနဲ့လည်း အောင်မြင်သလို ထပ်မံဖွဲ့စည်းလိုက် တဲ့ blood sugar politik ကလည်း အခြေအနေ ကောင်းနေပါတယ်။ ရင် ဂို တို့ခေတ်က အောင်မြင်မှုနဲ့ ခု ကျားပေါက်တို့ အချိန်အောင်မြင်မှု ကိုကော ဘယ်လို ကွာခြားမြင်မိလဲဆို တာကို ရင်ဂိုက..
“ကျွန်တော်တို့ တုန်းကလည်း ကိုယ့်ကိုယ်ကိုယ်အောင်မြင်တယ် မထင်ပါဘူး။ ပရိသတ်က အသိ အမှတ်ပြုတာပါ။ ကျားပေါက်တို့ လည်း ပရိသတ် အသိအမှတ် ပြုတယ် ပဲ ယူဆပါတယ်။ မြန်မာပြည်က ကျဉ်းကျဉ်းလေးပဲကို။ ကမ္ဘာကျော် တာမှ မဟုတ်သေးတာ။ အဲဒီလိုပဲ ယူဆပါတယ်” လို့ ရင်ဂိုက ပွင့်ပွင့် လင်းလင်းပြောပါတယ်။ ဒီဘက်ပိုင်း ရော့ခ် လူငယ်တွေနဲ့ တီးဝိုင်းတွေ အပေါ် မှာ ရင်ဂိုရဲ့ သုံးသပ်ချက်ကလည်း
“အရင်ခေတ်လို တူရိယာတီး တဲ့အတီးသမားနည်းသွားတယ်ထင် တယ်။ အရင်ခေတ်လောက် instrument ကို မရူးသွပ်ဘူးလို့ ထင်တယ်။ ဟိုတုန်းကလို ဂစ်တာတို့၊ ဒရမ်တို့၊ ကီးဘုတ်တို့ တူရိယာ တစ်ခုခုကို ရူး သွပ်တဲ့သူ နည်းသွားတယ်။ အတီး သမားများစေချင်တယ်။ အခုဆို နောက် ပိုင်းမှာ သိပ်မရှိတော့ The Trees တို့ ပြီးတော့ ကျားပေါက်တို့ S.I.R တို့ အသက် အရွယ်တန်းရဲ့နောက် မှာကို သိပ်မတွေ့ရတော့ဘူး။ သူတို့ ထက်ငယ် တဲ့နောက်မှာ သိပ်မတွေ့ သေးဘူး။ အခုက အဆိုကို ရူးသွပ် တဲ့ သူ ပိုများသလိုပဲ။ နောက်ဆိုရင်aတာ့ သင်တန်းတွေ အများကြီးနဲ့မှ ပဲ အတီးသမားတွေက များလာမှာပဲ။ အတီးသမား များများ ထွက်ပေါ်စေချင်ပါတယ်” လို့ ရင်ဂို က ပြောပြခဲ့ ပါတယ်။
ရဲရဲ(ပေါ်ပြူလာမြန်မာ)

About Avenged Sevenfold Music Band

noreply@blogger.com (Anonymous) — Sat, 21 Sep 2013 12:48:00 +0000

*Formation And Early Recordings (1999–2000)*

A7x လို့ အတိုကောက်သိကြတဲ့ အမေရိကန် rock ဂီတအဖွဲ့ Avenged Sevenfold ကို California ပြည်နယ် Huntington ကမ်းခြေမှာ ၁၉၉၉ ခုနှစ်က M. Shadows, Zacky Vengeance, The Rev နဲ့ Matt Wendt တို့က စတင်ဖွဲ့စည်းခဲ့တာဖြစ်ပါတယ် .. Avenged Sevenfold ဆိုတဲ့နာမည်ကို ပေးခဲ့တဲ့သူကတော့ band ရဲ့ vocalist ဖြစ်တဲ့ M. Shadows ပါ .. စတင်ဖွဲ့စည်းခဲ့တဲ့သူတွေထဲက Matt Wendt ကိုတော့ အကြောင်းအမျိုးမျိုးကြောင့်ထုတ်ပယ်ပြီး Suburban Legends အဖွဲ့ရဲ့ Bass တီးသူ Justin Sane ကို အစားထိုးထည့်ခဲ့ပါတယ် .. ဒါပေမယ့် Justin Sane ရဲ့ သေကြောင်းကြံစည်မှုကြောင့် အဖွဲ့ထဲမှ ထုတ်ပယ်ခဲ့ရပြီး Dameon Ash ကို အစားထိုးထည့်ခဲ့ရပြန်ပါတယ် ..

*Sounding The Seventh Trumpet And Waking The Fallen (2001–2004)*

Avenged Sevenfold ဟာ သူတို့ရဲ့ ပွဲဦးထွက် album ဖြစ်တဲ့ Sounding the Seventh Trumpet အခွေကို ၂၀၀၁ ခုနှစ်မှာ Good Life Recordings က စတင်ဖြန့်ချိခဲ့ပါတယ် .. အဲဒီ album ကို စတင်အသံသွင်းတဲ့အချိန်တုန်းက သူတို့ဟာ အသက် ၁၈ နှစ်သာရှိကြပြီး အထက်တန်းကျောင်းတက်နေကြဆဲဖြစ်ပါတယ် .. အသံသွင်းနေကြစဉ် ၁၉၉၉ ခုနှစ်မှာ Lead Guitarist ဖြစ်တဲ့ Synyster Gates ဟာ band ထဲကို ရောက်လာခဲ့ပါတယ် .. Sounding the Seventh Trumpet album ကို ၂၀၀၁ ခုနှစ်မှာ ပထမတစ်ကြိမ်ဖြန့်ချိပြီး ၂၀၀၂ ခုနှစ်မှာ Hopeless Records မှ ဒုတိယအကြိမ် ထပ်မံဖြန့်ချိပေးခဲ့ပါတယ် .. အဲဒီ ဒုတိယအကြိမ်ဖြန့်ချိခြင်းနဲ့အတူ Avenged Sevenfold အဖွဲ့ကို သတိထားမိလာကြပြီး Take Action Tour မှာ Mushroomhead တို့ .. Shadows Fall တို့နဲ့ တွဲဖက်ဖျော်ဖြေခွင့်ရလာပါတယ် ..

Bass တီးခတ်မယ့်သူ အသစ်တစ်ယောက်အဖြစ် Johnny Christ ကို band ထဲသို့ ခေါ်ဆောင်ပြီးနောက် ၂၀၀၃ ခုနှစ်မှာ သူတို့ရဲ့ ဒုတိယ album ဖြစ်တဲ့ Waking the Fallen အခွေကို Hopeless Records ကနေပဲ ဖြန့်ချိခဲ့ပါတယ် .. Waking the Fallen album ဟာ ပထမခွေဖြစ်တဲ့ Sounding the Seventh Trumpet နဲ့ယှဉ်ရင် အသံပိုင်းဆိုင်ရာရော နည်းပညာပိုင်းဆိုင်ရာပါ ပိုမိုကောင်းမွန်လာခဲ့ပါတယ် .. ဒုတိယ album ဖြစ်တဲ့ Waking the Fallen ထွက်ရှိခြင်းနဲ့အတူ Avenged Sevenfold ဟာ billboard နဲ့ The Boston Globe သတင်းစာမှာ ဖော်ပြခံလာရပြီး Vans Warped Tour မှာ ဖြေဖျော်ဖို့အတွက်လည်း ကမ်းလှမ်းခံခဲ့ရပါတယ် .. Vans Warped Tour အတွက်ခရီးထွက်နေရင်း သူတို့ရဲ့ သီချင်းတစ်ပုဒ်ဖြစ်တဲ့ 'Unholy Confessions' အတွက် MTV ကို ရိုက်ကူးခဲ့ပါသေးတယ် .. Waking the Fallen album အောင်မြင်ပြီးနောက်မှာတော့ Avenged Sevenfold အဖွဲ့ဟာ Hopeless Records ကို စွန့်ခွာပြီး Warner Bros. Records နဲ့ စာချုပ်ချုပ်ဆိုခဲ့ပါတယ် ..

*City Of Evil (2005–2006)*

အဖွဲ့ရဲ့ vocalist ဖြစ်တဲ့ M. Shadows ဟာ Axl Rose တို့ .. Chris Cornell တို့ကို နည်းပေးလမ်းညွှန်ဖူးတဲ့ vocal coach Ron Anderson ဆီမှာ လအတန်ကြာ နည်းယူခဲ့ပြီး ၂၀၀၅ ခုနှစ် ဂျွန်လ ၇ ရက်နေ့မှာ အဖွဲ့ရဲ့ တတိယမြောက် album ဖြစ်တဲ့ City of Evil ကို ဖြန့်ချိခဲ့ပါတယ် .. City of Evil album ဟာ ဖြန့်ချိပြီး ပထမအပတ်အတွင်းမှာ copy အချပ်ပေါင်း ၃၀၀,၀၀ ကျော်ရောင်းချခဲ့ရပြီး Billboard 200 စာရင်းမှာ နံပါတ်စဉ် ၃၀ ချိတ်နိုင်ခဲ့ပါတယ် .. အဖွဲ့ရဲ့ ပထမ album နှစ်ခုဖြစ်တဲ့ Sounding the Seventh Trumpet နဲ့ Waking the Fallen တို့ကို metalcore genre အဖြစ် ရေးစပ်သီဆိုခဲ့ကြပေမယ့် City of Evil ကိုတော့ classical metal အဖြစ် ထုတ်လုပ်ခဲ့ပါတယ် .. ပထမအခွေတွေထဲက သီချင်းတွေလို အာခေါင်ခြစ်သီဆိုသံတွေ .. ညည်းအော်သံတွေမပါတာလည်း ဒီ album ရဲ့ ထူးခြားချက်တစ်ခုပါ .. City of Evil album ဟာ website များ .. မဂ္ဂဇင်းပေါင်းများစွာထဲမှာ ချီးကျူးခံခဲ့ရပြီး Avenged Sevenfold အဖွဲ့ကို နိုင်ငံတကာမှာ ရေပန်းစားစေခဲ့ပါတယ် ..

2006 ခုနှစ် Ozzfest ပွဲတော်မှာ ဖျော်ဖြေပြီးနောက် Avenged Sevenfold အဖွဲ့ဟာ အမှတ်ရစရာအောင်မြင်မှုတစ်ခုအနေနဲ့ R&B အဆိုတော်တွေဖြစ်တဲ့ Rihanna, Chris Brown, သီချင်းရေးဆရာ/အဆိုတော် James Blunt နဲ့ အခြား band တွေဖြစ်တဲ့ Panic! at the Disco နဲ့ Angels and Airwaves တို့ကို ကျော်ဖြတ်ပြီး MTV Video Music Awards မှာ Best New Artist ဆုကို ရရှိခဲ့ပါတယ် .. အဲဒီနောက်မှာတော့ နာမည်ကြီး band တစ်ခုအနေနဲ့ Vans Warped Tour မှာ ဖျော်ဖြေပြီးနောက် သူတို့ရဲ့ ကိုယ်ပိုင်နယ်လှည့်ဖျော်ဖြေပွဲဖြစ်တဲ့ Cities of Evil tour အနေနဲ့ပါ ဆက်လက်ဖျော်ဖြေခဲ့ကြပါတယ် .. အဲဒီအချိန်မှာ သူတို့ Single အနေနဲ့ ရိုက်ကူးခဲ့တဲ့ Bat Country သီချင်းကလည်း Billboard Mainstream Rock Charts မှာ ဒုတိယနေရာ .. Billboard Modern Rock Charts မှာ ဆဌမနေရာဖြစ်ပြီး MTV Total Request Live အစီအစဉ်မှာလည်း အတောင်းဆိုခံရဆုံးသီချင်းအနေနဲ့ လျှမ်းလျှမ်းတောက်အောင်မြင်နေချိန်ဖြစ်ပါတယ် .. City of Evil album ဟာ ၂၀၀၆ ခုနှစ်မှာ band ရဲ့ ပထမဦးဆုံး Gold Record အဖြစ်သတ်မှတ်ခံရတဲ့ album ဖြစ်ခဲ့ပါတယ် .. ၂၀၀၉ ခုနှစ်မှာတော့ Platinum Record အဖြစ် ပြောင်းလဲသတ်မှတ်ခံခဲ့ရပါတယ် ..

၂၀၀၇ ခုနှစ် ဂျူလိုင် ၂၇ ရက်နေ့မှာ Avenged Sevenfold အဖွဲ့ဟာ All Excess ဆိုတဲ့ နာမည်နဲ့ အဖွဲ့ရဲ့ Live Performance တွေ .. ရှစ်နှစ်တာကာလအတွင်း အဖွဲ့ရဲ့ ဖြတ်သန်းမှုတွေကို ရိုက်ကူးထားတဲ့ DVD ကို ထုတ်ဝေခဲ့ပြီး အမေရိကမှာ အရောင်းရဆုံး DVD ဖြစ်ခဲ့ပါတယ် .. ၂၀၀၇ ခုနှစ်ရဲ့ အောက်တိုဘာ ၂၆ မှာတော့ Avenged Sevenfold အဖွဲ့ဟာ စတုတ္ထအခွေအနေနဲ့ အဖွဲ့နာမည်ကို title အဖြစ်သုံးထားတဲ့ 'Avenged Sevenfold album' ကို ဖြန့်ဝေခဲ့ပါတယ် .. 'Avenged Sevenfold album' ဟာ copy အချပ်ပေါင်း ၉၀,၀၀၀ ကျော်ရောင်းချခဲ့ရပြီး Billboard 200 စာရင်းမှာ နံပါတ် ၄ ရခဲ့ပါတယ် .. အဲဒီ Album ကို မဖြန့်ဝေခင်မှာ Avenged Sevenfold အဖွဲ့ဟာ Single သီချင်းအနေနဲ့ 'Critical Acclaim' နဲ့ 'Almost Easy' ကို အရင်ဖြန့်ဝေခဲ့ပါတယ် .. ၂၀၀၇ ဒီဇင်ဘာလမှာတော့ နောက်ထပ် Single အနေနဲ့ 'A Little Piece of Heaven' ကို animated video အဖြစ်ဖြန့်ဝေခဲ့ပါတယ် .. ဒါပေမယ့် A Little Piece of Heaven သီချင်းရဲ့ စာသားနဲ့ animated video ကြောင့် Warner Bros. Records ဟာ အင်တာနက်ပေါ်မှာပဲ တရားဝင်ဖြန့်ချိခဲ့ကြပါတယ် .. နောက်ထပ် Single တစ်ပုဒ်ဖြစ်တဲ့ Afterlife သီချင်းကိုတော့ Official Music Video နဲ့တကွ ၂၀၀၈ ခုနှစ် ဇန်န၀ါရီလမှာ ဖြန့်ချိခဲ့ပါတယ် .. Dear God သီချင်းကိုတော့ Single အနေနဲ့ပဲ ၂၀၀၈ ခုနှစ် ဂျွန်လ ၁၅ ရက်နေ့မှာ ထုတ်ဝေခဲ့ပါတယ် .. ဝေဖန်မှုအနည်းငယ်ခံခဲ့ရပေမယ့် Avenged Sevenfold album ဟာ ကော်ပီအချပ်ပေါင်း ၅၀၀,၀၀၀ ကျော် ရောင်းချခဲ့ရပြီး Kerrang! Awards မှာ 'Album of the Year' အဖြစ် ရွေးချယ်ခံခဲ့ရပါတယ် ..

၂၀၀၈ ခုနှစ် Taste of Chaos tour မှာ Atreyu, Bullet for My Valentine, Blessthefall, Idiot Pilot တို့နဲ့အတူ ဖိတ်ကြားခံရပြီး ဖျော်ဖြေပေးခဲ့ပါတယ် .. ပြီးနောက် Long Beach မှာ ဖျော်ဖြေစဉ် ရိုက်ကူးခဲ့တဲ့ video တွေကို အသုံးပြုပြီး Live in the LBC & Diamonds in the Rough အမည်ရှိ CD နှစ်ချပ်တွဲနဲ့ DVD ကို ၂၀၀၈ ခုနှစ် စက်တင်ဘာ ၁၆ ရက်နေ့မှာ ထုတ်ဝေခဲ့ပါတယ် .. Avenged Sevenfold အဖွဲ့ဟာ Pantera ရဲ့ Walk, Iron Maiden ရဲ့ Flash of the Blade, Black Sabbath ရဲ့ Paranoid အပါအ၀င် အခြား cover ပေါင်းများစွာကိုလည်း အသံသွင်းခဲ့ပါတယ် .. ၂၀၀၉ ခုနှစ် ဧပရယ်လ ၁၆ ရက်နေ့မှာ Los Angeles ရှိ Nokia Theatre မှာ Guns N Roses ရဲ့ It's so easy သီချင်းကို စင်ပေါ်မှာ Slash နဲ့အတူတူ တွဲဖက်ပြီး ဖျော်ဖြေခဲ့ပါသေးတယ် ..

*Avenged Sevenfold and death of Jimmy "The Rev" Sullivan (2007–2009)*

၂၀၀၉ ခုနှစ် ဒီဇင်ဘာ ၂၈ ရက်နေ့မှာ Avenged Sevenfold အဖွဲ့ရဲ့ drummer ဖြစ်တဲ့ The Rev ဟာ နေအိမ်မှာ သေဆုံးခဲ့ပါတယ် .. သေဆုံးချိန်မှာ The Rev ဟာ အသက် ၂၈ နှစ်သာ ရှိပါသေးတယ် .. သေဆုံးရခြင်းအကြောင်းအရင်းကိုတော့ ဆေးဝါးထဲရှိ ဓာတုဗေဒပစ္စည်းများနှင့် alcohol ဓာတ်မတည့်မှု လို့ ထုတ်ပြန်ကြေညာခဲ့ပါတယ် .. Avenged Sevenfold အဖွဲ့ဟာ The Rev ရဲ့ သေဆုံးမှုအတွက် အလွန်အမင်းဝမ်းနည်းကြေကွဲခဲ့ရပြီးThe Rev ရဲ့ မိသားစုဝင်များကလည်း နောက်ပိုင်းမှာတော့ The Rev သေဆုံးချိန်မှာ နှစ်သိမ့်ဝမ်းနည်းပေးခဲ့ကြတဲ့ ပရိသတ်တွေကို ကျေးဇူးတင်ကြောင်းထုတ်ဖော်ပြောကြားခဲ့ပါတယ် ..

The Rev သေဆုံးပြီးနောက်မှာ Avenged Sevenfold အဖွဲ့ဝင်တွေဟာ အဖွဲ့ကို ဖျက်သိမ်းလိုက်ဖို့အထိ စဉ်းစားခဲ့ကြကြောင်း အင်တာဗျူးတွေမှာ ပြောကြားခဲ့ပါတယ် .. ဒါပေမယ့် ၂၀၁၀ ခုနှစ် ဖေဖော်ဝါရီ ၁၇ ရက်နေ့မှာတော့ The Rev နေရာမှာ Dream Theatre အဖွဲ့ရဲ့ Drummer ဖြစ်တဲ့ Mike Portnoy ကိုအစားထိုးပြီး ပဉ္စမမြောက် album ဖြစ်တဲ့ Nightmare ကို စတင်အသံသွင်းနေပြီဖြစ်ကြောင်း အသိပေးခဲ့ပါတယ်
..

*Nightmare (2010–2011)*

Single digital record အနေနဲ့ Nightmare သီချင်းကို ၂၀၁၀ ခုနှစ် မေလ ၆ ရက်နေ့မှာ www.amazon.com မှာ တင်ခဲ့ပေမယ့် အကြောင်းအမျိုးမျိုးကြောင့် ပြန်လည်ဖျက်သိမ်းခဲ့ပြီး မေလ ၁၈ ရက်နေ့မှသာ တရားဝင်ပြန်လည်လွှင့်တင်ပေးခဲ့ပါတယ် .. Album တစ်ခုလုံးကို အသံသွင်းပြင်ဆင်ပြီးနောက် ၂၀၁၀ ခုနှစ် ဂျူလိုင်လ ၂၇ ရက်နေ့မှာ Nightmare album ကို ကမ္ဘာတစ်ဝှမ်းလုံးမှာ တစ်ချိန်တည်းစတင်ရောင်းချပေးခဲ့ပါတယ် .. ဂီတဝေဖန်သူများထံမှ အနည်းငယ်ဝေဖန်မှုခံခဲ့ရပေမယ့် ပရိသတ်အားပေးမှုကိုတော့ တခဲနက်ရရှိခဲ့ကြပါတယ် .. ဖြန့်ချိပြီး ပထမအပတ်အတွင်းမှာတင် copy အချပ်ပေါင်း ၁၆၀,၀၀၀ ကျော်ရောင်းချခဲ့ရပြီး အခြားသူများကို အလွယ်တကူကျော်ဖြတ်ကာ Billboard 200 စာရင်းမှာ ပထမရရှိခဲ့ပါတယ် .. Nightmare album ကို အသံသွင်းပြီးနောက် Mike Portnoy ကရော .. Avenged Sevenfold အဖွဲ့ကပါ Mike Portnoy ဟာ The Rev အစား အဖွဲ့ရဲ့ drummer ဖြစ်လာမှာမဟုတ်ကြောင်း သူတို့ရဲ့ webpage တွေမှာ အသီးသီးကြေညာခဲ့ကြပါတယ် .. ဒါပေမယ့် ၂၀၁၀ ခုနှစ် ဒီဇင်ဘာလမှာ USO ရဲ့ ဖိတ်ကြားချက်အရ Iraq, Kuwait တို့မှာရှိတဲ့ Camp Adder, Camp Beuhring, and Balad Air Base က စစ်သားတွေကို သွားရောက်ဖျော်ဖြေတဲ့ပွဲမှာတော့ Mike Portnoy ဟာ drummer အဖြစ် လိုက်လံတီးခတ်ပေးခဲ့ပါတယ် .. ၂၀၁၁ ခုနှစ် ဇန်န၀ါရီ ၁၁ ရက်နေ့မှာတော့ Avenged Sevenfold အဖွဲ့ဟာ facebook မှတဆင့် Confide အဖွဲ့ရဲ့ drummer ဖြစ်သူ Arin Ilejay ဟာ သူတို့နဲ့အတူ နယ်လှည့်ဖျော်ဖြေပွဲတွေမှာ လိုက်လံတီးခတ်ပါလိမ့်မယ်လို့ ကြေညာခဲ့ပါတယ် .. အဖွဲ့ရဲ့ အမြဲတမ်း drummer အနေနဲ့တော့ မကြေညာခဲ့သေးပါဘူး ..

Avenged Sevenfold အဖွဲ့ဟာ၂၀၁၁ ခုနှစ် ဧပရယ်လမှာ Metal Hammer မဂ္ဂဇင်းကပေးတဲ့ Golden God Awards ဆုကို ရရှိခဲ့ပါတယ် .. အဲဒီညဆုပေးပွဲမှာပဲ M. Shadows ဟာ "Best Vocalist" ဆု .. Synyster Gates နဲ့ Zacky Vengeance တို့ဟာ "Epiphone Best Guitarist(s)" ဆု .. Nightmare album ဟာလည်း "Affliction’s Album of The Year" ဆုတို့ကို ရရှိခဲ့ပါတယ် .. Mike Portnoy ဟာလည်း Nightmare album မှာ တီးခတ်ခဲ့တဲ့သီချင်းတွေအတွက် "Drum Workshop’s Best Drummer" ဆုကို ရရှိခဲ့ပါတယ် ..

၂၀၁၁ ခုနှစ် ဂျွန်လ ၃ ရက်နေ့ကနေ ၅ ရက်နေ့အထိ ကျင်းပခဲ့တဲ့ Rock am Ring and Rock im Park festival မှာ Alter Bridge, System of a Down, In Flames အဖွဲ့တွေနဲ့တွဲဖက်ဖျော်ဖြေခဲ့ပါတယ် .. သြဂုတ်လမှာ M. Shadows ဟာ Uproar festival အပြီးမှာတော့ ၇ လ လောက် အနားယူပြီးမှ နောက်ထပ် album အသစ်အတွက် စတင်ပြင်ဆင်မယ်လို့ ကြေညာခဲ့ပါတယ် .. တစ်ဆက်တည်းမှာပဲ Arin Ilejay ကိုလည်း အဖွဲ့ရဲ့ အမြဲတမ်း drummer အဖြစ်သတ်မှတ်ကြောင်း အရိပ်အမြွက်ဆိုခဲ့ပါတယ် .. ၂၀၁၁ ခုနှစ် နိုဝင်ဘာလနဲ့ ဒီဇင်ဘာလတို့မှာ Hollywood Undead, Asking Alexandria, Black Veil Brides တို့နဲ့အတူ Buried Alive နယ်လှည့်ဂီတဖျော်ဖြေပွဲကို ပြုလုပ်ခဲ့ကြပါတယ် ..

*Hail To The King (2012–present)*

၂၀၁၂ ခုနှစ် ဧပရယ်လ ၁၁ ရက်နေ့မှာတော့ Avenged Sevenfold အဖွဲ့ဟာ Revolver Golden God awards က ပေးတဲ့ "Best Live Band" ဆုနဲ့ "Most Dedicated Fans" ဆုတို့ကို ရရှိခဲ့ပါတယ် ( ) .. ထို့နောက် ဧပရယ်လနဲ့ မေလအတွင်း အာရှနိုင်ငံအချို့မှာ လှည့်လည်ဖျော်ဖြေခဲ့ပါတယ် .. ဂျွန်လ ၂၃ နဲ့ ၂၄ မှာတော့ Metallica and Cage the Elephant တို့နဲ့အတူ Orion Music + More festival မှာ ဖျော်ဖြေခဲ့ပါတယ် .. ၂၀၁၂ ခုနှစ် စက်တင်ဘာ ၂၄ မှာ Carry On သီချင်းကို ထုတ်လွှင့်ခဲ့ပြီး အဲဒီသီချင်းကို Call of Duty: Black Ops II မှာ အသုံးပြုခဲ့ပါတယ် .. ၂၀၁၂ ခုနှစ် နိုဝင်ဘာ ၁၅ ရက်နေ့မှာ M. Shadows က သြဂုတ်လကတည်းကစပြီး album အသစ်အတွက် ပြင်ဆင်နေကြပြီဖြစ်ကြောင်း အသိပေးခဲ့ပါတယ် .. တစ်ဆက်တည်းမှာ Arin Ilejay ကို The Rev နေရာမှာ အစားထိုးတဲ့ band ရဲ့ အမြဲတမ်း drummer အဖြစ်လည်း ကြေညာခဲ့ပါတယ် .. နောက်လာမယ့် album အသစ်ဟာ blues-rock ဆန်မယ် .. Black Sabbath နဲ့ Led Zeppelin ဟန်တွေလွှမ်းမိုးပြီး classic rock/metal ဆန်မယ်လို့လည်း အသိပေးခဲ့ပါတယ် ..

Avenged Sevenfold အဖွဲ့ဟာ Hail to the King album ကို ၂၀၁၃ ခုနှစ် ဇန်န၀ါရီမှာ စတင်အသံသွင်းခဲ့ပြီး သြဂုတ်လ ၂၇ ရက်နေ့မှာ ဖြန့်ချိခဲ့ပါတယ် .. Hail to the King album ဟာ ကွယ်လွန်သွားပြီဖြစ်တဲ့ The Rev ရဲ့ ဖန်တီးမှုလုံးဝမပါဝင်တဲ့ ပထမဆုံး album ဖြစ်ပါတယ် .. Album ရဲ့ ခေါင်းစဉ်သီချင်းဖြစ်တဲ့ Hail to the King ကို ဂျူလိုင် ၁၅ ရက်နေ့မှာ လွှင့်တင်ပေးခဲ့ပြီး album တစ်ခုလုံး ဖြန့်ချိပြီးနောက်မှာတော့ US Billboard 200, UK albums chart, Finnish albums chart, Brazilian albums chart, Canadian albums chart နဲ့ Irish albums chart တွေအားလုံးမှာ နံပါတ် ၁ ချိတ်ခဲ့ပြီး အကျိုးအမြတ်အရအောင်မြင်ရုံသာမက ဝေဖန်ရေးသမားတွေရဲ့ တညီတညွတ်တည်း ချီးကျူးခြင်းကိုလည်း ခံခဲ့ရပါတယ် ..

(source : http://en.wikipedia.org/wiki/Avenged_Sevenfold)
(Translated by - Little Elf )
Credit by-Lp Rock Mat's ROCK & METAL Collections

"Grunge အိမ်ရှေ့မင်းသား ကတ်ကိုဘိန်း(Kurt Cobain)"

noreply@blogger.com (Anonymous) — Fri, 20 Sep 2013 12:06:00 +0000

ကတ်ကိုဘိန်းဟာ သူနဲ့သက်တူရွယ်တူ ရော့(ခ်)မျိုးဆက်ရဲ့ပါရမီအရှိဆုံးနဲ့ ကြည်ညိုစရာအကောင်းဆုံးအဆိုတော်အဖြစ် သတ်မှတ်ခံရသူပါ။သူဟာ ပိန်ချူးသူဖြစ်
ပေမယ့် သူရဲ့စူးရှအက်ကွဲတဲ့အသံနဲ့စင်မြင့်ပေါ်ကနေပွဲထိန်းနိုင်သူဖြစ်ပါတယ်။သူဆီက
စိတ်ကူးယူ၊သူရဲ့စိတ်ဖြေနည်းကိုလိုက်ရှာနေတဲ့ ပရိသတ်အချို့ဟာ သူ့ကိုအတုခိုးပြီး
ကိုယ့်ကိုအဆုံးစီရင်ခဲ့ကြပါတယ်။

အမေရိကန်နိုင်ငံ၊ဆီယက်တယ်မြို့တော် ကောလိပ်ကျောင်းသား/သူ
တွေရဲ့ ဂီတနဲ့ ဖက်ရှင်ကို ခေတ်စားအောင်လုပ်ခဲ့သူက ကတ်ဖြစ်ပါတယ်။
ကတ်ကို ဆီယက်တယ်မြို့ရဲ့ အနောက်မြောက်ဘက် ကီလိုမီတာ ၂၄၀
ဝေးတဲ့ ဟိုကွီယမ်မြို့လေးမှာ ၁၉၆၇၊ဖေဖော်ဝါရီ၊၂၀ ရက်နေ့မှာမွေးဖွားခဲ့ပါတယ်။
ငယ်ငယ်ကပိန်သေးပြီး မကြာခဏဖျားတတ်တဲ့ကတ်ဟာ စပ်စုတတ်ပြီးတက်ကြွ
ဖျတ်လတ်လွမ်းပါတယ်။သူ့ရဲ့ဗရုတ်ကျပုံလေးတွေကြောင့်သူ့အမေ အမြဲလန့်ဖျတ်သွား
လေ့ရှိတယ်။ကတ်ကိုစိတ်ငြိမ်အောင် ဆရာဝန်က (ritalin)ဆေးသောက်ခိုင်းပေမယ်
သူအပြုအမူတွေကပိုဆိုးလာပါတယ်။စိတ်ငြိမ်ဆေးကြောင့် သူဟာကျောင်းမှာအိပ်
ငိုက်တတ်ပါတယ်။အဲဒီဆေးဝါးတွေကို စွဲပြီးသောက်ရတဲ့အတွက်ကြီးလာတော့
ကတ်ဟာ ပန်းနာရင်ကျပ်ဖြစ်ပြီး ကျောရိုးနည်းနည်းကွေးသွားရှာတယ်။ကလေး
ဘ၀ကဆေးလုံးတွေသောက်တဲ့အကျင့်ဟာကြီးလာတော့ သူ့ကို ဘိန်းဖြူစွဲသွား
စေပါတယ်။
ကတ်ခုနှစ် နှစ်သားအရွယ်မှာ သူ့မိဘတွေဟာ အိမ်ထောင်ကွဲကျတယ်။
ကတ်ဟာလူတွေနဲ့သိပ်မရောဘဲ သုန်သုန်မှုန်မှုန်နေတတ်လာတယ်။စိတ်မထင်ရင်
ဝုန်းဒိုင်းကျဲတတ်လာခဲ့တယ်။Grunge ဆိုသည်မှာ အိမ်ထောင်ကွဲမိဘများရဲ့ သားသ
မီးများ ဂစ်တာကို ကောက်ကိုင် မိရာမှ ပေါက်ဖွားလာသော ဂီတ ဖြစ်သည်လို့ အမေ
ရိကန် သတင်းစာတစ်စောင်ကရေးဖူးတယ်။
ဆယ်ကျော်သက်အရွယ်မှာ ကတ်ဟာ ဆွေမျိုးတွေရဲ့အိမ်မှာတလှည့်စီနေ
ခဲ့ရတယ်။တံတားအောက်မှာ မိုးရေကာဖျင် ခြုံပြီးအိပ်ခဲ့ရဖူးတယ်၊အထက်တန်းကျောင်း
တက်တော့ကတ်ဟာ သူငယ်ချင်းနည်းပါးပြီး ဆရာဆရာမတွေနဲ့ဆက်ဆံရေးတင်းမာခဲ့
တယ်။အားကစားမလုပ်ဘဲပန်းချီသင်တန်းခန်းမမှာ အချိန်ဖြုန်းတယ်။ပန်းချီဆွဲရင်း။
ဒရမ်တီး ကျင့်ရင်းချောင်းဆိုးပျောက်ဆေးတွေစွဲခဲ့တယ်။ကတ်ဟာတေးဂီတအကြောင်း
ပြောရင်းလေ့ကျင့်၇င်းအချိန်အများဆုံးဖြုန်းလေ့ရှိတယ်။ကျောင်းမှာတုန်းကဆေးခြောက်အလိပ်ကြီးရှုခဲ့ပုံ၊မိန်းမကတွင်းခံအ၀တ်အစားတွေဝတ်ခဲ့ပုံကိုသူအတန်းဖော်တွေမှတ်
မိနေသေးတယ်။အဲဒီအချိန်ကတ်ဟာဒရမ်အစားဂစ်တာပြောင်းတီးပြီး Melvin ဆိုတဲ့
ရော့(ခ်) ၀ိုင်းရဲ့ ဗင်ကားကိုမောင်းပေးခဲ့တယ်။၁၉၈၄ခုနှစ်မှာ အဲဒီ ၀ိုင်းရဲ့အဆိုတော်
ဘတ်(ဇ်)အော့(စ်)ဘွန်း ကကတ်ကို punk rock ဂီတပွဲကြည့်ဖို့ခေါ်သွားတယ်။အဲဒီ
ပွဲက ကတ်ကိုချက်ချင်း ပြောင်းလဲစေခဲ့တယ်၊
၁၉၈၅ခုနှစ်နွေဦးရာသီမှာ ကတ်ဟာ ကျောင်းထွက်လိုက်တယ်။သူ့အဖေ
ကရေတပ်ထဲဝင်ခိုင်းတာကိုငြင်းလိုက်တယ်။မိခင်ရဲ့အိမ်မှာ တလလောက်သွားနေပြီး
တော့ကတ်ဟာ သူ့သူငယ်ချင်းတယောက်ရဲ့ တိုက်ခန်းကျဉ်းလေးကိုပြောင်းခဲ့တယ်။
အဲဒီမှာသူတို့တွေ နောင်အခါမှာ (Grung Style)လို့ခေတ်စားလာမယ့်ဝတ်စားဆင်ယင်
မှုပုံစံ ကို တီထွင်ခဲ့ကြတယ်။အဲဒါကတော့ညစ်တီးညစ်ပတ်နဲ့ပရမ်းပတာနေတဲ့ ဟန်ပါ
ဘဲ။

ဘတ်(ဇ်)အော့(စ်)ဘွန်းက တစ်ဆင့်သိရတဲ့ bass ဂီတာသမား (Chris Novoselic)နဲ့ ကတ်တို့ဟာ Nirvana ၀ိုင်းကိုထူထောင်ခဲ့ကြတယ်။သူတိုဝိုင်းဟာ
၁၉၈၇ မှာ ပထမဆုံးဖျော်ဖြေခဲ့တယ်။ဒရမ်တီးသူက (Dave Grohl)ပါ။အဲဒီတုန်းက
အသက်နှစ်ဆယ်သာရှိသေးတဲ့ ကတ်ဟာ Glam Rock လို့ခေါ်တဲ့တောက်ပတဲ့ဖက်ရှင်
ဝတ်ဆင်ခဲ့ပေမယ်ဂစ်တာတီးအတော်ကျွမ်းကျင်နေပြီဇြစ်ပါတယ်။သူအသံက နားဆင်
သူကို ကြက်သီးမွှေးညှင်းထစေတယ်လို့ ပရိုဂျူဆာ ဂျက်အင်ဒီးနိုး ကပြောတယ်။
ဂျက်ဟာ Nirvana ကို၁၉၈၈ မှာ Sub-Pop ဓာတ်ပြားတိုက်နဲ့စာချုပ်ပေးခဲ့ပြီးပွဲဦးထွက်
အယ်လ်ဘမ် Bleach ကို ထုတ်ခဲ့တယ်။Bleach ဟာ အရောင်းရဆုံး Alternative Rock
အယ်လ်ဘမ်ရဲ့အောက်ခြေနေရာမှာရရှိခဲ့တယ်။
၁၉၈၉ ၊ဇွန်လမှာအမေရိကန်နိုင်ငံတစ်ဝန်း Nirvana နဲ့အတူ ဖျော်ဖြေ
တော့ ကတ်ဟာ Sex pistols တွေရဲ့ လွန်ကျူးတဲ့လုပ်ရပ်တွေကို ယှဉ်ပြိုင်ဖို့ရည်ရွယ်ခဲ့
တယ်။ (ဥပမာ။ ။ သူရဲ့ဂစ်တာကို ၁၅ မိနစ်အတွင်း ဖျက်ဆီးပစ်တာမျိုး၊အရက်ငုံ ပြီး
ပရိတ်သတ်အပေါ် ကိုထွေးချ တာမျိုး)
Geffen ဓာတ်ပြားတိုက်နဲ့ Nirvana စာချုပ်ပြီး ၁၉၉၁ ခုနှစ်မှာ ၂ အယ်လ်ဘမ် Nevermind ကိုထုတ်လိုက်တာ လေးလအတွင်း ချပ်ရေ ၂.၅ သန်း
ရောင်းလိုက်ရတယ်။အဲဒီ အထဲမှာ ဆင်ဂယ်လ် အဇြစ်ထုတ်တဲ့ သီချင်း
Smells like teen spirit ကို mtv ကနေ့စဉ် ၁၂ ကြိမ်အထိ လွှင့်ပေးခဲ့တယ်။
၁၉၈၇ ခုနှစ်မှာ ၀ါရှင်တန်ပြည်နယ်၊အိုလံပစ်မြို့ကိုပြောင်းလာကတည်းက
ကတ်ဟာ ဗိုက်အောင့်တဲ့ဝေဒနာကို အပြင်းအထန် ခံစားခဲ့ရတယ်။အဲဒီဝေဒနာကြောင့်
သတ်သေချင်စိတ် ပေါက်ကြောင်း မကြာခဏ ပြောလေ့ရှိတယ်။ဆရာဝန်တွေဟာ သူ့
ရောဂါပျောက်အောင် မကု နိုင်ကျဘူး။ဒါကြောင် ဘိန်းဇြူ၊LSD ဆေးလုံး၊ဂျက်ဒင်နီရယ် အရက်တို့နဲ့ သူ့ဘာသာ ကုစာခဲ့တယ်။
ကတ်နဲ့ ကုတ်နေး တို့ဟာ ၁၉၈၉ မှာ Nirvana ရဲ့ ပေါ့တ်လန်မြို့ ဂီတပွဲမှာ
စတွေ့ခဲ့ကြတယ်။ဆေးတွေ အလဲအလှယ် လုပ်ရင်း ကတ်အိမ်ကို မကြာခဏရောက်
လာတတ်တယ်။ကျွန်မ နဲ့ ကတ်ကို အောင်သွယ်လုပ်ပေးတာက မူးယစ်ဆေးဝါးတွေ
ပါဘဲ လို့ ကုတ်နေးပြောဖူးတယ်။
In Utero အယ်လ်ဘမ် သွင်းပြီး မကြာခင်မှာ ကတ်ဟာ ဆေးအလွန်အကျွံ
သုံးလို့ဆေးရုံတင်လိုက်ရတယ်။ဆေးရုံဆင်းတော့သူ့သားမယားကာကွယ်ဖို့ဆိုပြီး
သေနတ်တွေ ၀ယ်ယူစုဆောင်းခဲ့တယ်။ ၁၉၉၄ မှာဗိုက်နာရောဂါပြန်ဖြစ်ပြီး စိတ်ကျ
ရောဂါပါတိုးလာတယ်။စိတ်ငြိမ်ဆေးနဲ့ဘိန်းဖြူ ပြန်သုံးစွဲလာလို့ ကတ်ဟာ သတိလစ်
တာတို့၊အကြာက်လွန်တာတို့ဖြစ်လာတယ်။ရောမမြို့ရောက်တုန်းလည်ချောင်းနာရောဂါ
ကြောင့် ဟိုတယ်မှာ တက်နားပြီး ဆေးအလုံး ၅၀ သောက်လိုက်လို့ သတိမေ့သွားတဲ့ ကတ်ကို သူ့မိန်းမ ကဆေးရုံ ပို့ပေး လိုက်ရတယ်။
ဆီယက်တယ်ပြန်ရောက်တော့ လင်မယား ရန်ဖြစ်ကြတယ်။ကတ်ဟာခြောက်
လုံးပြူးကိုင်၊ ရေချိုးခန်းတံခါးချက်ထိုးပြီး အခန်းအောင်းနေလို့ ကုတ်နေးကရဲကိုဖုန်း
ဆက်ခေါ်ရတယ်။သေနပ် ၃လက်နဲ့ အော်တို မတ်တစ်ရိုင်ဖယ် တစ်လက်ကိုရဲက သိမ်ဆည်းမိတယ်။ကုတ်နေးက ကတ်ကို လော့စ်အိန်ဂျလိစ် မြို့ မှာဆေးသွားဖြတ်ခိုင်း
တယ်။ကတ်ကဆေးရုံမတက်ခင် နှစ်လုံးပြူးတစ်လက်ဝယ်ခဲ့တယ်။
လော့စ်အိန်ဂျလိစ် မြို့က ဆေးရုံမှာ ၃ ရက်ဘဲနေ ပြီး ဆီယက်တယ်မြို့ပြန်
ရောက်လို့ရက်ပိုင်းအတွင်းမှာဘဲ ကတ်ဟာ သူ့ ကားဂိုဒေါင်ရဲ့ အပေါ်ထပ်က အခန်း
ကျဉ်းလေးကိုတက်ခဲ့တယ်။စီးကရက်ခြောက်လိပ်ဖွာပြီး အချိုရည်တစ်ပုလင်းသောက်
တယ်။ပြီးတော့ဘိန်းဇြူထိုးပြီး နားထင်ကို နှစ်လုံးပြူးနဲ့ပစ်ထည့်လိုက်တယ်။
နောက်သုံးရက်ကြာတော့ မီးပြင်တဲ့လူက သူ့အလောင်းကိုတွေ့သွားတယ်။
မင်နီနဲ့ရေးထားတဲ့ သူရဲ့နောက်ဆုံးစာကို၇တယ်။အဲဒီစာရဲ့တစ်ပိုင်းတစကို ကတ်က အသံသွင်းခဲ့တာမို့ ဆီယက်တယ်မြို့က ရိပ်သာတစ်ခုမှာ အောက်မေ့ သတိရခြင်းတက်
ရောက်လာတဲ့ ပရိသတ် ၁၀.၀၀၀ ကို ဖွင့်ပြခဲ့တယ်။
" သီချင်းရေးစပ်ဖန်တီးမှုကြောင့် ကျွန်တော် ရင်မခုန် ၇တာ နှစ်ပေါင်းအ
တော်ကြာခဲ့ပါပြီ။ခင်ဗျားတို့ကို ကျွန်တော် အရူးမလုပ်တော့ပါ ဘူး။အတုအပလုပ်ခြင်း၊
အယောင်ဆောင်ခြင်းအားဖြင့် လူတွေ စိတ်ပျက်အောင်လုပ်တာဟာ အဆိုးရွားဆုံး
ရာဇ၀တ်မှုပါဘဲ " လို့ကတ်က၀န်ခံဖွင့်ဟသွားရှာတယ်။
(In Utero နောက်ပိုင်း ထွက်တဲ့အယ်လ်ဘမ် ၂ ချပ်ကတော့
Nirvana Mtv Unplugged & From The Muddy Banks of Wishkah
တို့ဖြစ်ပါတယ်)

ဦးစိုးသိဏ်းေ၇းတဲ့
ရော့ကြယ်ပွင့်တို့ရုပ်ပုံလွှာ မှ ကူးယူဖော်ပြသည်။
Thanks,
Zip Zip.

"တီးဝိုင်းတွေ များလာပေမယ့် သေချာ နားထောင်ကြည့်ရင် ပုံစံ ကွဲပါတယ် ဆိုတဲ့ ရေမွန်" ...

noreply@blogger.com (Anonymous) — Thu, 19 Sep 2013 12:57:00 +0000

ဇူလိုင်လထဲမှာ ထွက်ရှိ ထားတဲ့ ရော့ခ်လူငယ်အဖွဲ့ တစ်ဖွဲ့ဖြစ်တဲ့ drive အဖွဲ့ အဆိုရှင်သားကြီးရဲ့ အသံနဲ့နာမည်ရ ရော့ခ်အဖွဲ့တစ်ဖွဲ့ဖြစ်တဲ့ idiots အဖွဲ့ က ရေမွန်ရဲ့ အသံပါဝါခပ်ဆင်ဆင်တူနေတာကို တွေ့ရပြီး Music ပုံစံမှာ လည်း idiots နဲ့ drive ပုံစံတူတယ်ဆိုတဲ့ အသံမျိုးလည်း ကြားရတာမို့ အဲ့ဒီအပေါ်မှာ ရေမွန်ရဲ့ ထင်မြင် ချက်ကို မေးကြည့် တော့ ” အစကဆို ကျွန်တော်နဲ့ ဖော်ကာကိုလည်း မကွဲဘူး။ ဘာလာလာ ထဲမှာ ဆိုလည်း အသံချင်းဆင်နေတာ မျိုးရှိတယ်။ နောက်ပိုင်းတော့ ကွဲသွားမှာပါ။ ဘာကြောင့် တူနေ တာလည်းဆိုရင် သားကြီးနဲ့ ကျွန်တော်နဲ့က အကြိုက် ချင်း လည်းတူပြီး နားထောင်တာတွေလည်း တူတယ်။ အဲဒီတော့ ဖန်တီးတဲ့ အခါမှာ တူသွားနိုင်တယ်။ ဒါပေမဲ့ သေချာ နားထောင်ကြည့်ရင် ကွဲပါတယ်။ စာသား အယူအဆတွေက အစပေါ့။
ခုသားကြီးအခွေမှာ ကျွန်တော် ဟာမိုနီ လိုက်ပေးထားတယ်။ သားကြီးနဲ့က ဟိုးအရင် ကတည်း က စပေါင်းဖြစ်တာ။ သူက ကျွန်တော့်ထက်ကြီးတယ်။ သူနဲ့ ကျွန်တော် တွဲလုပ်တာတွေ လည်း ရှိတယ်” လို့ ရေမွန်က ပြောပါတယ်။ အသံဆင်တယ်၊ ပုံစံဆင်တယ် ဆိုတာ ပြည် ပတွေမှာဆို ပိုများပြား လာ ကြောင်း ကို ” ဟိုမှာက Band တွေ အများကြီးဆိုတော့ ပိုဆိုးတာပေါ့။ ဒီမှာ လည်း နောက်ပိုင်း Band တွေများလာရင် အဲ့လို ခပ်ဆင်ဆင်လေးတွေ များလာနိုင်ပါတယ်။ ဒါပေမဲ့ သူ့ဟာနဲ့သူ ကွဲသွားမှာပါ။ ဒီမှာက Category က သိပ်မရှိ သေးလို့သာ ဆင်တယ်လို့ထင် ရတယ်။ band တွေ မှာ သေချာ နားထောင်ကြည့်လိုက်ရင် တစ် band စီကပေးတဲ့ Message, Theme လေးတွေ မတူပါဘူး။ band တိုင်း ကိုယ့်ဖန်တီးမှုနဲ့ ကိုယ်ရှိကြ တယ်။ ပြည် ပမှာဆို သီချင်း ပုံစံနာမည်တွေအများကြီး တပ်တယ်ဗျာ။ ကိုယ့်အမျိုးအစား အလိုက်ပေါ့။ သူ့အကြောင်း အရာနဲ့ သူဆိုကြတာများ တယ်။ နောက်ပိုင်း ကျရင်ေ တာ့ ကွဲသွားပါလိမ့်မယ်” လို့ ရေမွန် က ပြောပါတယ်။ လတ် တလောမှာ ငြိမ်ချက်သားကောင်းနေခြင်း အကြောင်းကို လည်း ရေမွန်က ” အဓိကကတော့ Single ကို အားစိုက်နေတာပါ။ လူအ ဂီတဖြစ်လာဖို့လည်း အချိန်တွေ အများကြီးယူ၊ အခက်အခဲ တွေအများကြီး ရှိတယ် ။ ငွေရေးကြေးရေး က အစပေါ့။ ပြီးတော့ ဖန်တီးမှုကလည်း ကိုယ့်ဖန်တီး မှုပဲ ဖြစ်နေတော့ အချိန်ပေးရ ပါ တယ်။ ပြည်ပ မှာဆို တစ်ခါတလေ သီချင်းတွေ လုပ်ကြတာ ၆နှစ်တို့ ဘာတို့ကြာတယ်။ အဲ့လောက်ထိ အချိန် ယူပြီး သေချာစဉ်းစားလုပ်ကြတာ။ ကျွန်တော်တို့က အဲ့ဒီလောက်တော့ မယူဘူး ဆိုပေမယ့် သေချာစဉ်းစားပြီး လုပ်တဲ့အတွက် နည်းနည်း ဟတာပါ။ နောက်ပိုင်းတော့ တဖြည်းဖြည်း စိပ်လာအောင် လုပ်ပါ့မယ်။ လူအဂီတ MTV ကတော့ ဒီနှစ် မကုန်ခင်ရအောင်ထုတ်မှာပါ” လို့ ရေ မွန်က ပြောပါတယ်။ Credit - #ရဲရဲ ( #PopularMyanmar ) Photo Credit - popular Myanmar

The Big Show In Big lll (promo Video)

noreply@blogger.com (Anonymous) — Mon, 16 Sep 2013 06:30:00 +0000

- Big Show in Bag III is happening on Sep. 28, 2013 at 6:30 p.m. in Myaw Sin Kyun. Presale tickets are available for 4500/- at any ABC Convenient Stores and Door Tickets will be sold for 5000/-

Mrz Apk For Android Phone

noreply@blogger.com (Anonymous) — Mon, 16 Sep 2013 06:11:00 +0000

ကျနော်တို့ ဘလော့ကို Android phone များမှ တိုက်ရိုက်ဝင်ရောက်ကြည့်ရှု့နိုင် ရန်အတွက် Android Apk ကို ကျနော်မိတ်ဆွေ ၁ယောက်မှ ပြုလုပ်ထားလို့ အသုံးလိုသူများအတွက် ပြန်လည်မျှဝေလိုက်ပါတယ်.

Download Apk >>>https://docs.google.com

The Rev ( A7x ) Fan များအတွက်

noreply@blogger.com (Anonymous) — Mon, 16 Sep 2013 05:46:00 +0000

ဒီ‌နေ့‌တော့ အားလုံးနှ‌မျောတသဖြစ်‌‌နေကြရတဲ့ Legend DRUMMER တစ်‌‌ယောက်‌အ‌ကြောင်း တင်‌ဆက်‌‌ပေးချင်‌ပါတယ်‌.. ဟုတ်‌ပါတယ်‌.ခင်‌ဗျားထင်‌သလို THE REV အ‌ကြောင်း ပါပဲ.. သူ့ထက်‌‌တော်‌တဲ့ နည်းပညာ‌ကောင်းတဲ့ ဝါရင့်‌DRUMMER ‌ပေါင်းများစွာ ရှိ‌ပေမယ့်‌..THE REV ဟာ ကျွန်‌‌တော့်‌ရဲ့ #1 ပါပဲ.. ကဲစလိုက်‌ရ‌အောင်‌...

နာမည်‌အရင်းက JAMES OWEN SULLIVAN ဖြစ်‌ပြီး THE REV လို့ လူသိများပါတယ်‌.. သူ့အခြားနာမည်‌ THE REVEREND THOLOMEW PLAGUE က‌နေ အတို‌ကောက်‌ THE REV ကိုယူထားတာပါ. ချစ်‌ငယ်‌သူငယ်‌ချင်းများ အထူးသဖြင့်‌ SYN GATES က‌တော့ သူ့ကို ကြွက်‌‌ခေါင်း လို့ ချစ်‌စနိုး‌ခေါ်ပါတယ်‌.. RAT HEAD..‌နောက်‌ band member ‌တွေက Jimmy လို့လဲ ချစ်‌စနိုး‌ခေါ်ကြပါ‌သေးတယ်‌..
1981 february လ 9ရက်‌‌နေ့.. အ‌မေရိကန်‌ပြည်‌‌ထောင်‌စု huntington beach.california ပြည်‌နယ်‌မှာ ‌မွေးဖွားခဲ့သူ jimmy ဟာ သူ့ရဲ့ permanent band A7X အပြင်‌ အခြား PINKLY SMOOTH.SUBURBAN LEGENDS.THIRD WAVE SKA စတဲ့ band ‌တွေမှာလဲ ပါဝင်‌ လှုပ်‌ရှားခဲ့ပါ‌တယ်‌..
A7X မှာ‌တော့ ‌DRUM.‌တေး‌ရေး.PIANIST.VOCAL ‌နေရာ‌တွေက အဓိကပါဝင်‌ခဲ့တဲ့ သူဟာ.. PINKLY SMOOTH band မှာ‌တော့ lead vocal နဲ့ pianist ပါ.. syn gates နဲ့က‌တော့ ငယ်‌ငယ်‌တည်းကချစ်‌ခင်‌ပြီး ‌ပေါင်းသင်းခဲ့တာပါ.. အသက်‌ 4 နှစ်‌သားမှာတင်‌သူဟာ drum stick နဲ့‌ဆော့ ကစားတတ်‌‌နေခဲ့တဲ့ jimmy ဟာ အသက်‌ 10နှစ်‌သားမှာ ကိုယ်‌ပိုင်‌ drum set ‌လေးတစ်‌ခုကို ပိုင်‌ဆိုင်‌ခဲ့ပါပြီ.. အထက်‌တန်း‌ကျောင်းသား ဘ၀မှာ ဂီတလှုပ်‌ရှားမှုအမျိုးမျိုး ပါဝင်‌လှုပ်‌ရှားခဲ့ပြီး A7X နဲ့ ပထမဆုံး studio record စလုပ်‌‌ခဲ့တာက‌တော့ 18 နှစ်‌သားအရွယ်‌မှာပါ.. title က SOUNDING THE SEVENTH TRUMPET လို့ သိရပါတယ်‌..
VINNIE PAUL.MIKE PORTNOY.DAVE LOMBARDO.LARS ULRICH နဲ့ TERRY BOZZIO တို့ ဟာ JIMMY ‌လေးစားအားကျခဲ့ရတဲ့ DRUMMER ကြီး‌တွေပါ..
A7X ရဲ့ ‌အောင်‌မြင်‌‌ကျော်‌ကြားခဲ့တဲ့ သီချင်း‌တော်‌‌တော်‌များများက JIMMY ‌ရေးသားခဲ့တာဖြစ်‌ပါတယ်‌.. ALMOST EASY.A LITTLE PIECE OF A HEAVEN (ကျွန်‌‌တော်‌စကြိုက်‌ခဲ့).AFTERLIFE.SAVE ME.WELCOME TO THE FAMILY.DEMON စသည်‌ဖြင့်‌‌ပေါ့..FICTION က‌တော့ သူမ‌သေမီ‌နောက်‌ဆုံး‌ရေးသားခဲ့တဲ့ သီချင်း‌လေးပါ.. SEIZE THE DAY မှာ‌တော့ သူ့ရဲ့ PIANO လက်‌သံနဲ့ CRITICAL ACCLAIM..GUNSLINGER.LOST.SCREAM.AFTERLIFE.ALMOST EASY.A LITTLE PIECE OF A HEAVEN စတာ‌တွေမှာ သူ့ရဲ့ VOCAL ကိုနားဆင်‌နိုင်‌ပါတယ်‌.. A7X ဟာ NIGHTMARE album ရဲ့ demo version ကိုလဲထုတ်‌ခဲ့ပါ‌သေးတယ်‌. Demo ‌ခွေထဲမှာ jimmyရဲ့ electric drum အသံများ vocal များ အမှတ်‌တရ ကျန်‌ခဲ့တာကို‌တွေ့ရမှာပါ..
JIMMY ဟာ 2005 အထိ‌တော့ PDP (PAFIC DRUM PERCUSSION 805 KIT) ကိုပဲ စွဲစွဲမြဲမြဲတီးခဲ့ပြီး 2008 မှာ‌တော့ DW DRUM ကို‌ပြောင်းလဲ တီးခတ်‌ခဲ့ပါတယ်‌. SABIAN cymbal အသံများကိုလဲ စွဲလမ်းခဲ့သူပါ.
December လ 28 ရက်‌ 2009 ‌နေ့ဟာ THE REV ချစ်‌သူများ ၀မ်းနည်း နှ‌မျော တမ်းတ ဖြစ်‌ခဲ့ရတဲ့ ‌နေ့တစ်‌‌နေ့ ဖြစ်‌ခဲ့ရပါတယ်‌.. ‌နေအိမ်‌အတွင်းမှာပဲ ‌ဆေးလွန်‌ ‌သေဆုံး‌နေတဲ့ JIMMY ကို‌တွေ့ရှိခဲ့ကြရလို့ပါပဲ.. A7X BAND MEMBER များလဲ စိတ်‌ဓတ်‌ပျက်‌ပြားခဲ့ရပါတယ်‌.. ONLINE .MAGAZINE .TV CHANNEL များမှာ JIMMY ရဲ့ ၀မ်းနည်းစရာသတင်းများက ‌နေရာယူလို့‌နေပါတယ်‌..
APRIL 2010 မှာ best drummer ဆုတစ်‌ခုဖြစ်‌တဲ့ REVOLVER GOLDEN GODS AWADS ဆုကို THE REV အား‌ပေးအပ်‌ခဲ့ပါတယ်‌.. ‌drummer ကြီး JOEY JORDISON နဲ့ VINNE PAUL တို့က JIMMY ရခဲ့ တဲ့ ဆုကို ‌ကြေငြာ‌ပေးခဲ့တာပါ..A7X member များနဲ့ JIMMY ရဲ့ မိသားစုက တက်‌‌ရောက်‌လက်‌ခံခဲ့ပါတယ်‌.. အဲ့ဒီ‌နေ့ကလဲ သူတို့မိသားစု မျက်‌ရည်‌‌တွေနဲ့‌ပေါ့..
JIMMY ‌သေဆုံးပြီး‌နောက်‌မှာ‌တော့ A7x ကို ကမ္ဘာ‌ကျော်‌ DREAM THEATER band မှ MIKE PORTNOY က ယာယီ ကူညီ တီးခတ်‌‌ပေးခဲ့ပါတယ်‌.. NIGHTMARE အ‌ခွေ ထွက်‌လာပြီး‌နောက်‌ မှာ‌တော့ MIKE ဟာ A7X မှာ ဆက်‌မတီး‌တော့ပဲ..ARIN ILEJAY ဆိုတဲ့ လူငယ်‌ DRUMMER ‌လေးတစ်‌‌ယောက်‌‌ရောက်‌ရှိလာခဲ့ပါတယ်‌.. လူသိများ‌ကျော်‌ကြားတဲ့ MIKE ၀င်‌တီးတဲ့အချိန်‌မှာ ပရိတ်‌သတ်‌ရဲ့ PRESSURE မရှိခဲ့‌ပေမယ့်‌. 25နှစ်‌အရွယ်‌ ARIN ‌ အလှည့်‌မှာ‌တော့ အသံခပ်‌အုပ်‌အုပ်‌ များထွက်‌‌ပေါ်လို့လာခဲ့ပါတယ်‌.. အခုချိန်‌မှာ‌တော့ ARIN ဟာ လဲ ဒီအသံများကို နင်း‌ခြေဖြတ်‌‌ကျော်‌နိုင်‌ခဲ့ပါပြီ..
ကမ္ဘာ‌ကျော်‌ A7X band ရဲ့ အသစ်‌စက်‌စက်‌ album HAIL TO TE KING က ဒီလထဲမှာပဲ ထွက်‌‌တော့မယ်‌ဗျ.. drummer ARIN ရဲ့ A7X ပုံစံထဲက drum လက်‌သံ များနှင့်‌အတူ..ကွယ်‌လွန်‌သူ JIMMY ကိုလဲ ပြန်‌လည်‌အမှတ်‌ရ‌နေကြရဦးမှာပါ.. ...\mm/
Credit by- Danny ray

Heavy Metal History - Final Part (နောက်ဆုံးပိုင်း)

noreply@blogger.com (Anonymous) — Mon, 09 Sep 2013 12:37:00 +0000

နည်းနည်းကြာသွားတာ ခွင့်လွှတ်ဗျာ -
1980 ခုနှစ် New Wave Of British Heavy Metal (NWOBHM) ရဲ့ 
နိုးထ အောင်မြင်လာမှု ရယ် Judas Priest ရဲ့ ဆဋ္ဌမ မြောက် အယ်ဘမ်
British Steel (1980 ) အကြီး အကျယ် အောင်မြင် ခဲ့မှု တို့ ကြောင့်
ဟဲဗီး မက်တယ် ဂီတဟာ 1980 ခုနှစ် တွေမှာ လူကြိုက်များ ထင်ရှား
လာပါတော့တယ် ...

အဲ့အချိန် အတွင်းမှာပဲ 1981 ခုနှစ်မှာ အမေရိက တီဗွီ ချန်နယ် ဖြစ်တဲ့
MTV ပေါ် ပေါက်လာပြီး ဟဲဗီးမက်တယ် တီးဝိုင်းတွေရဲ့ သီချင်းတွေကို
တွင်တွင်ကျယ်ကျယ် လွှင့်ခဲ့ပြန်တာကြောင့် ဟဲဗီးမက်တယ်ဟာ ပိုပြီး
လူကြိုက်များ လာခဲ့ပြန်ရော..
ဒီ ဂီတ 80 ခုနှစ်တွေမှာ မတရားအောင်မြင်ခဲ့တဲ့ အကြောင်းနောက်တစ်ခု
ကတော့ 1983 ခုနှစ် ကယ်လီဖိုးနီးယား မှာ ပြု လုပ်ခဲ့တဲ့ U.S Festival
ပွဲပါ ..Heavy Metal Day နေ့ ရက်မှာ Ozzy Osbourne, Van Halen, Scorpions, Mötley Crüe, Judas Priest စတဲ့ နာမည်ကြီး တီးဝိုင်းတွေ
တူတူ ဖျော်ဖြေ ခဲ့တာကြောင့် ပရိတ်သတ်တွေ ရဲ့ ရူးသွပ်စွဲလန်းမှုကို
အရှိန် ထပ်မြင့်စေခဲ့ ပါတယ်..
1983 -84 ခုနှစ် အတွင်းမှာ အမေရိက ရဲ့ တေးစီးရီးထုတ်လုပ် ရောင်းချရမှု
မှာ Heavy Metal ဂီတက 20 ရာခိုင်နှုန်း အထိ သိမ်းပိုက် ထားပြီး ပြောရရင်
အဲ့အချိန်မှာ ဂီတခွေ ဆယ်ခွေ ထွက်ရင် နှစ်ခွေ က ဟဲဗီးမက်တယ် ဖြစ်နေ
တာပေ့ါ -- အဲဒီလို အောင်မြင်လာမှုတွေ နဲ့ ဟဲဗီးမက်တယ် သီးသန့်  Magazine တွေ ဖြစ်တဲ့ Kerrang! ( 1981 ) , Metal Hammer (1984)
တို့ ထွက်ရှိလာပါတယ် ..အဲဒီ Magazine တွေက ဟဲဗီးမက်တယ် ဂီတကို
ပရိတ်သတ် ကြားထဲ ရောက်အောင် ပို ပျံ့ နှံ့ စေခဲ့ပြီး ဟဲဗီးမက်တယ်
တီးဝိုင်းတွေ နဲ့ ပရိတ်သတ် ကို မီဒီယာ က တစ်ဆင့် ထိတွေ့ စေခဲ့ပါတယ်.
ဟဲဗီးမက်တယ်ဂီတသမားတွေကလည်း အဲ့ခေတ် မိန်းကလေး-ဆော်တွေ
အသည်းစွဲ ဖြစ်ခဲ့ကြတာပေ့ါ
1980 အလယ်နှစ်တွေမှာ Heavy Metal -Glam Metal တို့ က အမေရိက
မီဒီယာတွေရဲ့ အာရုံစိုက်မှုခံရပြီး L.A. Guns WARRANT Poison
Cinderella , Ratt , Europe , Bon Jovi ,Motley Crue စတဲ့
Glam Metal တီးဝိုင်းတွေက တစ်ဟုန်ထိုးအောင်မြင် ကျော်ကြားခဲ့ပြီး
ဆော်တွေ - လူငယ်တွေ အသည်းစွဲ ဖြစ်ခဲ့ကြတာပေ့ါ
1987 ခုနှစ်မှာ MTV broadcasting က Headbanger's Ball ဆိုတဲ့
ရှိးပရိုဂရမ်တစ်ခု မိတ်ဆက်ခဲ့ပြီး အဲ့ဒီအစီအစဉ်ဟာ ဥရောပ-အမေရိက
သာမက အာရှ ရဲ့ Metal ဂီတ ပရိတ်သတ်တွေကို ပိုရုးသွပ်စေခဲ့ပြန်ပါတယ်.

1987 ခုနှစ်ကို ရောက်တဲ့အချိန် Hard Rock-Metal-Glam ဂီတကို
ထိပ်ဆုံးထိ အောင်မြင်မှု -ပရိတ်သတ် ခိုင်မာများပြားမှုကို တွန်းပို့ လိုက်တဲ့
တီးဝိုင်းကတော့ Guns N Roses ဖြစ်ပြီး ပထမဆုံးအယ်ဘမ်
Appetite for Destruction နဲ့ တင် အချပ်ရေ အရောင်းရဆုံးပွဲဦးထွက်
အယ်ဘမ်တစ်ခု အဖြစ် ဂီတသမိုင်းမှာ စံချိန်တင် လိုက်ပါတယ်..
နောက်ထပ် U.S က Skid Row , Winger , Jane's Addiction စတဲ့
တီးဝိုင်းတွေ ထပ်မွေးထုတ်ခဲ့ပြီး Glam Metal -Heavy Metal ရဲ့ 
အအောင်မြင်ဆုံးအရှိန်အ၀ါတွေကို ထပ်ဖြန့် ကျက်ခဲ့ပါတယ်.

1980 အရောက်မှာ အခြေနေတဲ့ မက်တယ် ဂီတကနေ နောက်ထပ် ဂီတ
မျိုးခွဲတွေ အများကြီး ထပ်ပေါ်လာခဲ့ပြီး thrash metal, death metal, black metal, power metal ,doom ,gothic metal တို့ က အောင်မြင်လာတဲ့
မက်တယ်ဂီတ အမျိုးအစားတွေ ထပ်ဖြစ်လာပါတယ်.

Metallica, Anthrax, Megadeth, and Slayer စတဲ့ တီးဝိုင်းတွေက
Thrash Metal ရဲ့ ဆရာကြီး လေးဆူဖြစ်လာကာ - Death တို့ Possessed
တို့ က Death Metal - Mercyful Fate , Venom ,Mayhem , Immortal
တို့ က Black Metal ---- Helloween , Hammerfall ,Iced Earth , Dream
Theater ,Symphony X တို့ က Power Metal/Symphonic Metal တို့ ရဲ့ 
အောင်မြင်ကျော်ကြားတဲ့ တီးဝိုင်းတွေ ဖြစ်လာပါတယ်...

Metal Music ရဲ့ အအောင်မြင်အကျော်ကြားဆုံးအချိန် 80-90 ဆယ်စုနှစ်
အကုန်မှာ Grunge band တွေ ဖြစ်တဲ့ Nirvana ,AIC တို့ လို တီးဝိုင်းတွေ
ထွက်ပေါ်လာပြီး Heavy Metal ဂီတ ဟာ အမျိုးခွဲတွေ အရမ်းများပြားလာမှုနဲ့ 
အတူ အရှိန်အ၀ါ နဲနဲ ကျခဲ့ ရပါတယ် ..
ဒါပေမယ့်လည်း 90 ခုနှစ်တွေမှာ Metallica တို့ က မတရားအောင်မြင်နေဆဲ
ဖြစ်ပြီး မက်တယ်ဂီတ ကို ဆက် သန်မာစေတုန်းပါ ..
Thrash မှာတောင်မှ Post-Thrash လို့ လည်းခေါ်ကြတဲ့ Groove Metal
band Pantera နဲ့ White Zombie တို့ ကလည်း အောင်မြင်လာပါတယ်.

Jane's Addiction က စလုပ်ခဲ့တယ်ပြောရမယ့် Alternative Metal ဆိုတာ
ကလည်း ခေတ်စားလာပြီး Alice in Chains ,Soundgarden တို့ က
Alternative Metal ဂီတပုံစံတွေ လုပ်ခဲ့ပြန်ပါတယ် ...
Faith No More ဆိုတဲ့ အမေရိကန် တီးဝိုင်းကလည်း punk, funk, metal, and hip hop တို့ ကို alternative နဲ့ ရောသမွှေ - Fear Factory ,Ministry နဲ့  Nine Inch Nails , Marilyn Manson တီးဝိုင်းတို့ ကလည်း Industrial Metal တွေ ဖန်တီးပြီး Metal ဂီတ အမျိုးခွဲတွေကို ချ ပြ ခဲ့ကြ တယ်..

1990 အလယ် နှစ်တွေမှာ Slipknot, Linkin Park, Limp Bizkit, Papa Roach, P.O.D., Korn နဲ့  Disturbed တို့ က Death Metal နဲ့ Hip Hop ဂီတ
ကို အနည်းငယ် ပေါင်းစပ်ပြီး Nu-Metal ဆိုတဲ့ ဂီတခွဲ တစ်ခု ကို ချပြခဲ့ပြန်
ပါတယ်..
ဒါပေမယ့် Nu-Metal , လို Metal ဂီတ အမျိုးခွဲတွေကို အစကနဦး Heavy Metal ပရိတ်သတ် တွေ - ဂီတသမားတွေက သိပ် လက်မခံခဲ့ကြဘူး.
ဒါပေမယ့် 90 အကုန် 20 ရာစု အစမှာ System of A Down ဆိုတဲ့
အာမေနီးယန်း-အမေရိကန် တီးဝိုင်းက Heavy Metal ဂီတကို အရှေ့ တိုင်း
သံစဉ်တွေ -ထူးခြားတဲ့ မယ်လိုဒီတွေ နဲ့ ပေါင်းဖက် ခဲ့ပြီး Metal ဂီတ
ကို ထပ် တောက်ပ စေ ခဲ့ တယ်...
နောက်ထပ် Metal-core , Hard coreလို့ ခေါ်ရမယ့် ဂီတ အမျိုးအစားတွေ ကို လူကြိုက်များစေခဲ့ပြန်တာက Suicidal Tendencies , Killswitch Engage,Shadows Fall တီးဝိုင်းတို့ ပါ - သူတို့ က စီးပွားရေးအရရော
ပရိတ်သတ်အရေအတွက်နဲ့ ပါ အောင်မြင်ခဲ့ပြီး Metal core တွေ ခေတ်ကို
ရောက်စေခဲ့ပါတယ် ...
Melodic Metal band ဖြစ်တဲ့ Bullet For My Valentine ရဲ့ တတိယ မြောက်
အယ်ဘမ် Poison က ပေါက်ကွဲအောင်မြင်ခဲ့ပြီး -
Groove Metal band Lamb of God ရဲ့ Sacrament အယ်ဘမ် ကလည်း
အောင်မြင်ခဲ့ပြန်ပါတယ်..
ဒီလို အဲ့တီးဝိုင်းတွေရဲ့ အောင်မြင်မှုအပြင် ဒီဘက်ခေတ် metal-core,
thrash metal -death metal တို့ ပုံစံဖြစ်တဲ့ Trivium နဲ့ Avenged Sevenfold တို့ ကလည်း မက်တယ် ပရိတ်သတ်တွေကို 21 ရာစု
မှာ ရှင်သန်စေခဲ့ပါတယ်...
Mastodon ဆိုတဲ့ အမေရိကန် progressive/sludge Metal band က
2000 ပြည့်နှစ်အစောပိုင်းမှာ ပေါ်ပေါက်လာပြီး 21 ရာစု New Wave of
American Heavy Metal အချိန်တွေကို အားလုံး ပုံဖော်ခဲ့ကြပါတယ်..

ဒါကတော့ 21 ရာစု အထိ Heavy Metal ဂီတ ရဲ့ ဖြတ်သန်းလာမှု
ခရီးအကြောင်းလေးပါ -အရမ်းမပြည့်စုံပေမယ့် နဲနဲ ပါးပါးတော့
ဗဟုသုတ ရစေမယ်ထင်ပါတယ်. ..အခုခေတ်မှာ Metal ဂီတခွဲ တွေ
အမြောက်အမြား ပေါ်ထွက်နေတဲ့ အတွက် အကုန်မရှင်းနိုင်တာ နားလည်
ပေးပါ ....
ကျေးဇူးပါ..
#Angel<Admin of we sold our soul For rocknroll)

Scar The Martyr

noreply@blogger.com (Anonymous) — Sun, 08 Sep 2013 07:54:00 +0000

Slipknot ဒရမ်မာ Joey Jordison ပုံသွင်း တည်ထောင်ထားတဲ့ အဖွဲ့သစ်ပါ။ Scar The Martyr တဲ့။ Jordison က သီချင်းအားလုံးနီးပါးကို ရေးဖွဲ့ပေးထားခဲ့တဲ့ ဒီဘန့်ရဲ့ ပွဲဦးထွက် အဲလ်ဘမ်ကို ဘန့်နာမည်ပဲ ခေါင်းစီး ပေးထားပြီးတော့ Post-Punk , industrial အစရှိတဲ့ အမျိုးအစားတွေကို ဇောင်းပေး ပုံဖော်ထားပါတယ်။ ဒါဟာသူ့ရဲ့ အနှစ်သက်ဆုံး ဂီတတွေလည်း ဖြစ်တယ်လို့ Jordison က ပြောပါတယ်။ ပါဝင်မယ့် သီချင်းစာရင်းကတော့ အောက်ပါအတိုင်းဖြစ်ပြီး စက်တင်ဘာ ၃၀ ရက်မှာ ဖြန့်ချီပါ့မယ်။

Soul Disintegration

Blood Host
Scar The Martyr tracklist

01. Intro

02. Blood Host

03. My Retribution

04. Soul Disintegration

05. Cruel Ocean

06. Dark Ages

07. Sign Of The Omeneye

08. Anatomy Of Erinyes

09. Prayer For Prey

10. White Nights In A Day Room

11. Effigy Unborn

12. Never Forgive Never Forget

13. Mind’s Eye

14. Last Night On Earth

Bonus tracks:

01. Flatline & Fracture

02. Digging For Truth

03. Coat Of Arms

04. Complications

“သီချင်းနောက်ကို လိုက်နိုင်မှ အဆိုတော်ကောင်းတစ်ယောက်လို့ ပြောတဲ့ အငဲ”

noreply@blogger.com (Anonymous) — Sun, 08 Sep 2013 07:42:00 +0000

ဒီတစ်လ ရွှေအမြုတေ ပရိသတ်အတွက် ကျွန်မ ကြိုးစားဖြစ်တာကတော့ အဆိုတော် အငဲနှင့် တွေ့ဆုံ ခြင်းပဲ ဖြစ်ပါတယ်။ သီချင်းတွေ အရေးကောင်းသလောက်၊ သီချင်းတွေ အဆိုကောင်းသလောက်၊ စာမျက်နှာတွေ ပေါ်မှာကျတော့ နေရာကောင်းမယူဘဲ စာဖတ် ပရိသတ်နဲ့ အတွေ့ကြဲလွန်းတဲ့ ဂီတသမားကောင်းကိုမှ ကျွန်မကလည်း တွေ့ဆုံချင်တာ ဖြစ်ပါတယ်။

တကယ်တမ်းတွေ့ဆုံ ဖြစ်တော့လည်း ပဂိသတ် အတွက်ဆိုတာနဲ့တင် လှိုက်လှိုက်လှဲလှဲ ဖြေးပေးလာတာကြောင့် ဂီတသမားကြီးကို ကျေးဇူးတင်ရ ပြန်ပါတယ်။ ကျွန်မတို့ စကားဝိုင်းလေးကို ဖတ်ဖြစ်လို့ ပရိသတ်ကျေနပ်နှဏ်သက်တယ် ဆိုရင်ပဲ ကျွန်မတို့ ကြိုးစားရကျိုး နပ်ပါပြီလို့ ဆိုရင်း...

ဦးကို ပထမဦးဆုံး မေးချင်တာက အင်တာဗျူးနဲ့ ပတ်သက်တဲ့ ဖီလင်ပါ။ ဦးကို အင်တာဗျူးတော့မယ် ဆိုတဲ့ အချိန်မှာ ဘယ်လိုခံစားရပါသလဲ။ ဥပမာ စိတ်လျှော့ထားပြီး relax ဖြစ်ပြီးမှ အဆင်သင့် ပြင်ဆင်ထားပါသလား။ ဒါမှမဟုတ် မေးခွန်းတွေအတွက် စိတ်ပူ၊ စိတ်တင်းကျပ်တာမျိုးရော ရှိသလား။
> အခုတော့ မဖြစ်တော့ပါဘူး။ အရင်ကတော့ စကားမှားမှာ စိုးတာပါ။

ဦးကအေးအေးဆေးဆေး နေတတ်တဲ့သူ၊ သိပ် ခေါင်းစားမခံတတ်တဲ့သူလို့ ပြောရင်ရမလား။
> ပြောလို့ရပါတယ်။ အေးအေးဆေးဆေးတော့ နေချင်ပေမယ့် မနေတတ်ဘူး။

သိပ်ခေါင်းစား မခံတတ်တဲ့သူက အနုပညာပိုင်းမှာကျတော့ အဆိုရော၊ အရေးရောမှာ တစ်ပြိုင်တည်း ဒွန်တွဲပြီး လျှောက်ခဲ့တယ်။ အငဲ ဂီတလောကထဲကို ၀င်မယ်ဟေ့ ဆိုကတည်းက တစ်ခါတည်း ဒွန်တွဲပြီး ပြင်ဆင်ထားတာလား။
> ကြိုတင်ပြင်ဆင်ထားတာ မဟုတ်ပါဘူး။ ဂီတက အဆိုရယ်၊ အတီးရယ်၊ အရေးရယ် ပေါင်းမှဖြစ်တာကိုး။ ၀ါသနာ ပါတာက ဟိုစပ်စပ် ဒီစပ်စပ် သုံးမျိုးစလုံးပဲ။ အတီးက အဖြစ်မရှိလို့။ ငယ်ငယ်က ရုးခဲ့တာက ဂစ်တာဗျ။

ဦးက ကိုယ်ဆိုဖို့အတွက်တင် ရေးတာမဟုတ်ဘဲ တခြားအဆိုတော်တွေအတွက်ပါ ရေးနေတာဆိုတော့ တေးရေးအဖြစ်နဲ့ကလည်း အဆိုရှင် အနေအထားကို အားပြိုင်နေတယ်ပြောရင် ရမလား။
> အဲဒီလိုတော့ သရုပ်ခွဲပြီး မတွေးမိပါဘူး။ ရေးပေးတာကလည်း ဘော်ဒါတွေ (၀ိုင်ဝိုင်း၊ မျိုးကြီး၊ လေးဖြူ) တို့ကိုပေါ့။ သူတို့တွေရဲ့ Album တွေမှာ ၀င်ယောင်ရင်းနဲ့ပဲ ဖြစ်မှန်းမသိ ဖြစ်သွားတာမျိုးပါ။ ဦးက ၁၉၈၈ ခုနှစ်လောက်ကမှ စရေးဖူးတာ။ လေးဖြူက (၁၉၈၀-၈၁) လောက်ကတည်းက ရေးဖူးတယ်။ သူက အဆိုတော်ဖြစ်ပြီးမှ ရူးချင်ယောင်ဆောင်နေတာ။ အဲဒီတုန်းက သူက Own tune တွေပဲရေးတာ။ ဦးထက်တောင် သူက အမယ်စုံသေးတယ်။ ရပ်ကွက်ဝိုင်းတွေမှာဆိုရင် သူက တီးမယ့်လူမရှိတဲ့ တူရိယာတီးတာပဲ။ Bass မရှိရင် Bass ။ Drummer မရှိရင်လည်း ၀င်ယောင်တာပဲ။ ထဖြစ်တော့ အဆိုတော် ဖြစ်သွားတာ။ နှစ်ယောက်စလုံးက ရူးတော့ Player ဖြစ်ချင်ကြတာလေ။

Copy က ထားပါတော့ ကိုယ်ပိုင်သံစဉ်မှာကျတော့ ဦးကသံစဉ်ကို အရင်ရှာဖွေထားပြီးမှ အကြောင်းအရာ စာသားထည့်တာလား။ ဒါမှမဟုတ် သိပ်ကောင်းတဲ့ အကြောင်းအရာ ရတော့မှ ကမန်းကတန်း ဂစ်တာကိုင်ပြီး သံစဉ်လိုက်ရှာရတာလား။
> အခုထိကို တစ်ပုဒ် အစအဆုံးပြိးအောင် မရေးဖူးသေးဘူး။ Verse ရရင်လည်း Chorus ထည့်လို့မရတာတို့။ Chorus ရတော့လည်း Verse မကြိုက်တာနဲ့ ချာချာကိုလည်နေတာပဲ။ စိတ်ဓါတ်တောင် ကျချင်တယ်။ အားမရဘူး။ ဒါနဲ့ပဲ ဟိုတစ်စ ဒီတစ်စ လိုက်ကောက်ပြီး ဆက်ရအောင်လည်း မဟုတ်၊ ရေးတာကတော့ သံစဉ်ရှာပြီးမှ စာသားရေးတာပါ။ အဲ.. စာသားကို ကြိုက်သွားလို့ ရှိပြီးတဲ့ သံစဉ်နဲ့ မလိုက်လို့ သံစဉ်ပြင်ရတာတော့ ရှိတာပေါ့။ ဒီလိုပဲ လိမ်ဖယ် လိမ်ဖယ်နဲ့ ရေးမိတာပဲလေ။

ဦးရေးဖွဲ့တဲ့ သီချင်းတွေက စိတ်ကူးယဉ် တင်စားချက်က ရာနှုန်းများသလား။ ဒါမှမဟုတ် လက်တစ်ကမ်းက ဘ၀ဆန်တဲ့ လူနေမှု အကြောင်းအရာ အစစ်တွေကို ရေးသလား။
> စိတ်ကူးယဉ်တာက များပါတယ်။ ဒါပေမယ့် ဦးက နိစ္စဓူဝ ကြုံနေကြတဲ့ လက်တွေ့ဘ၀တွေကိုပဲ စိတ်ကူးယဉ်တာပါ။ အပြင်မှာ မဖြစ်နိုင်တဲ့ ဒဏ္ဍာရီဆန်ဆန်ရေးတဲ့ “မဉ္ဖူရီ” သီချင်းမျိုးလည်း တစ်ပုဒ်စ၊ နှစ်ပုဒ်စ ပေါ့။ တွေးမိသလို၊ ရေးမိတာပါပဲ။ ဒီဟာမျိုးပဲ ရေးမယ်လို့ အသေကြီး တစိုက်မက်မက်နဲ့ ဦးနဲ့က ဖြစ်မှာမဟုတ်ဘူး။

ဆိုပါစို့ ဦးရယ်။ ဆဌမ အာရုံ အခွေမှာ ဦးရေးတဲ့ အစွန့်ပစ်ခံ သီချင်းလေးပါတယ်။ (ကျွန်တော်ထွက်ပြေးသွားတဲ့ နောင်မှ၊ သောကများနဲ့ လိုက်ရှာရ၊ တကယ်ကို ဆုံးရှုံးသွားတော့မှ အမေဟာ သောကမီးများဝိုင်း) ဆိုတဲ့ စာသားမျိုး ( ကျွန်တော် အမေ့ရဲ့ အချစ်တွေ ငတ်မွတ်လို့) ဆိုတဲ့စာသားတွေကို ရေးခဲ့ ဆိုခဲ့တယ်။ တကယ့်ဘ၀ အမှန်မှာရော ဦးက အမေ့အတွက် သားလိမ္မာဖြစ်ခဲ့လား။ သားဆိုးဖြစ်ခဲ့လား။ အဲဒီသီချင်းက တကယ့်ဘ၀အမှန်ပဲလား။
> ဦးက လိမ္မာပါတယ်။ ( အမေ့ရှေ့မှာတော့) အဲဒီအစွန့်ပစ်ခံက ခံစားယူတာပါ။ ဒီလိုပါ။ မိဘမဲ့ကျောင်းက ကလေးသူငယ် အရွယ်စုံတွေ၊ အပျံသင်စမှာ ခေါင်းစဉ်မျိုးစုံနဲ့ အကြောင်းမျိုးစုံနဲ့ မိခင်မဲ့နေသူတွေကို မြင်ရကြုံရတဲ့အခါ စပ်စပ်စုစု ၀င်ခံစားကြည့်တာပါ။ ဦးအမြင်က သီချင်းရေးသူဆိုတာ အဲဒီလိုဝင်ဝင်ပြီး မျှဝေခံစားကြည့်ကြသူတွေလို့ မြင်တယ်။ ဦးအတွက်တော့ ဦးရဲ့အမေက အခုဦးအရွယ်ကြီးကို ကလေးမှတ်နေတုန်းလေ။

တချို့သီချင်းရေးဆရာတွေက လမင်းဆိုလမင်း၊ ပင်လယ်ဆိုပင်လယ်၊ စသဖြင့် မသိစိတ်က စွဲလမ်းပြီး တင်စားတာတွေက ထပ်နေတယ်။ ဦးကရော အနုပညာဖန်တီးသူတစ်ယောာက် အနေနဲ့ မသိစိတ်က မသိမသာ စွဲလမ်းနေတဲ့ အရာ ရှိမလား။
> အဲဒါက ဘေးလူကမှ မြင်တာ။ ပရိသတ်မေးမှပဲ သိရမှာပဲလေ။

ဦးသီချင်းရေးတဲ့အခါ ခံစားချက်ကို ရှေ့တန်းတင်ပြီး ရေးပါသလား။ ခံစားချက်အရ သီချင်းက အနုအရင့် ကွာသွားပါသလား။
> ပထမဦးဆုံး ရှေ့တန်းတင်တာက အကြောင်းအရာ။ သံစဉ်နဲ့လိုက်မယ့် အကြောင်းအရာပေါ်မှာ အနုအရင့် ခံစားပြီး ရေးတာပါ။

ဥပမာ ဆဌမအာရုံအခွေ “မိုးပြိုကျတောင် မကယ်နိုင်ဘူး” သီချင်းတစ်ပုဒ်တည်းမှာပဲ (မင်းလမ်းခွဲစကားပြောတုန်းက ငါ့ဘက်ကတော့ ကမ္ဘာပြိုသွားခဲ့တယ်) တဲ့၊ (မင်းရှုပ်တဲ့ အမှု မိုးပြိုကျတောင် မကယ်နိုင်ဘူး) ခံစားချက်အမာ၊ အပျော့ ဒွန်တွဲနေတယ်။ ဒါတကယ့်ခံစားချက်ပဲလား။
> တကယ့်ခံစားချက်တွေလို့ ထင်နေတာလား။ မဆိုးဘူး။ လူတောင်နည်းနည်း မြောက်သွားပြီ။ ဖွဲ့အားကောင်းတာပေါ့နော်။ အစစ်တွေပဲရေးရင် မိန်းကလေး သီချင်းတွေအပ်တော့ ဘယ်လိုသွားရေးမလဲ။ ဟုတ်ဖူးလား။ ခံစားချက်က အမာ၊ အပျော့ ဒွန်တွဲနေတယ်ဆိုတာ သီချင်းမှ မဟုတ်ပါဘူး။ အမာ၊ အပျော့၊ အဖိအဖော့၊ အတိုး အကျယ်၊ အနိမ့်အမြင့် ဒီလိုပဲ အနုပညာတိုင်းမှာ ပါရတာပဲ မဟုတ်လား။ ဟာသမှာတောင် ချက်ချင်းရယ်ရတာနဲ့ တဖြည်းဖြည်းတွေးလေ ရယ်ချင်လေ ဆိုတာမျိုး ရှိတယ်မဟုတ်လား။ ဒီလိုသဘောပါပဲ။

ဦးက ဗီစီဒီရိုက်တာ။ ကင်မရာရှေ့ သရုပ်ဆောင်ရတာ နဂိုကတည်းက ၀ါသနာမပါဘူး။ အဲဒီဖီလင်ကို နဂိုကတည်းက မကြိုက်ဘူးလို့ မဂ္ဂဇင်းတစ်အုပ်မှာ ပြောခဲ့တယ်။. ၀ါသနာ မပါတဲ့ကိစ္စကို ဦးရဲ့ သီချင်းခွေမှာသာ မက R ဇာနည်ရဲ့ စည်းတစ်ဖက်ခြား ဗီစီဒီအထိ သယ်ဆောင်လာခဲ့တယ်။ အဲဒါမျိုးကျတော့ ဘယ်လိုဖြစ်သွားလဲ။
> အဲဒါပြောတာပေါ့။ ဇာနည်နဲ့က ညီအကိုလို နေတာ။ Producer နဲ့က ရင်းနှီးနေတယ်။ လုပ်ချင်တာပဲ သိပြီး သောက် အလိုက်ကမ်းဆိုး မသိတဲ့ ဇာနည်က သူ့ရဲ့ Producer ခွန်နောင်ကို မပါပါအောင် အိမ်ပေါ်ခေါ်တက်လာတော့ ဘယ်လိုငြင်းရမလဲ။ သူတို့တိုက်တာကိုလည်း သောက်ပြီးနေပြီ။ ပြောသာပြောတာပါ။ မျိုးဆွေသန်း (ကျောင်းဆရာ) ပြောသလိုပါပဲ။ ဦးတို့ သူငယ်ချင်းတွေအားလုံးက ကိုယ့်အလုပ်မဟုတ်ရင် လန်းလန်း လန်းလန်းနဲ့ ဟိုနားဝင်ပါ ဒီနားဝင်ပါနဲ့။ ကိုယ့်အလုပ်ဆိုရင်သာ နေရွေ့ညရွေ့နဲ့ ဦးတို့ သူငယ်ချင်းတွေက ကြီးပွားမယ့်ကောင် တစ်ကောင်မှ မပါဘူး။ အခု ဇာနည့်သီချင်းက ဘာဟုတ်သေးလဲ။ နဂိုကတည်းက ရပြီးသား သီချင်းလေ။ ၀ိုင်ဝိုင်းတို့၊ မျိုးကြီးတို့ သီချင်းတွေတုန်းကဆိုရင် အိမ်မှာ နှစ်ရက်လောက် ဂစ်တာ Parts တွေ ခိုးကျင့်သွားသေးတယ်။

တခြားအတွဲခွေတွေမှာ ၀င်မဆိုဖြစ်ကြတာက မထင်မှတ်ဘဲ တူညီသွားတဲ့ ဆုံးဖြတ်ချက်တွေကြောင့်လား။ ဒါမှမဟုတ် တရားဝင် ညှိထားကြတာပါလား။
> ဦးတို့က လွတ်လပ်တယ်။ တစ်ယောက်နဲ့ တစ်ယောက် အကြံပဲပေးတာပါ။ ဘယ်သူကမှ ဘယ်သူ့ကို တားဟယ်၊ ဆီးဟယ် မရှိပါဘူး။ ဒီလောက်ပေါင်းလာတာ ကြာလာတော့လည်း ညီအစ်ကိုဆိုလည်းဟုတ်တယ်။ မိသားစု ဆိုလည်း ဟုတ်တယ်လေ။ ဒီတော့ စုန်းပြူးလို သူများတွေကြားထဲမှာ သွားမပါဖြစ်တော့တာမျိုးပါ။ တခြားအတွဲတွေ Band တွေနဲ့က လူချင်းရင်းနှီးကြပါတယ်။ အိမ်ကွင်းမှာပဲ ကန်တာများတော့ အဝေးကွင်း မကန်ဖြစ်တော့သလိုပါပဲ။

ဦးတို့က တစ်ခွတစ်ခွေ သိပ်ကြာတယ်။ Copy ပဲဖြစ်ဖြစ်။ Own ပဲဖြစ်ဖြစ် သီချင်းထဲက တင်စားထားတဲ့ အကြောင်းအရာတွေက သိပ်ကြာသွားရင် လတ်ဆတ်ပါတော့မလား။ Current မအောက်သွားဘူးလား။
> Theme ခိုင်ရင်တော့ ရေစိမ်ခံ၊ ကြာရှည်ခံပေါ့။ Style သက်သက် သီချင်းမျိုးလည်း ဦးတို့သူငယ်ချင်းတွေက မရေးကြပါဘူး။ ထွက်ခါနီး မှ Current အောက်နေလည်း အဲဒီအပုဒ် ဖြုတ်လိုက်ရုံပါပဲ။

အဲဒီလို ရေးထား၊ ဆိုထားပြီးမှ စိတ်ထဲက မကြိုက်တော့လို့ ဖြုတ်ပယ်ပစ်လိုက်ရတဲ့ သီချင်းမျိုးရော ရှိမလား။
> ရှိတာပေါ့။ ကြိုက်ရဲ့သားနဲ့လည်း Album တစ်ချပ်လုံးထဲမှာ အီတယ်၊ အိုင်တယ်၊ သပ်သပ်ကြီး “ကျား”နေတယ်ဆိုလည်း ဖြုတ်လိုက်တာပါပဲ။ နောက်ဆုံး Target အထိ လိုက်ပစ်တဲ့ သဘောပါပဲ။

သီချင်းအပေါ်ကို ချေးများတဲ့ စိတ်ကြောင့် ခွေထွက်ဖို့ တိုင်ပတ်ပြီး ကြာနေတာမျိုး ရှိမလား။ အဲဒါက တစ်နည်းအားဖြင့် အဆိုတော် အငဲရဲ့ နာမည်ကို ကာကွယ်ဖို့ တွေးကြောက်နေတာလား။
> အခုတောင် တိုင်ပတ်နေပြီလေ။ ချေးများတာက နည်းနည်းပါ။ ထိုင်တာများသွားလို့ အင်ဂျင်က အထနှေး နေလိုက်တာ။ ဇွဲကောင်းတဲ့ မျိုးကြီးက Mixing ခန်းကို ကျော်တက်သွားပြီ။ နာမည်အတွက်တော့ ဘာကြောက်စရာ ရှိသလဲ။ ဦးက ကိုယ်တိုင်ကြိုက်တဲ့ Music ကိုပဲ လုပ်တယ်။ ဆိုတယ်။ နားထောင်တယ်။ ဒီအတွက် လုံးဝဂုဏ်လည်း ယူတယ်။ လိပ်ပြာသန့်တယ်။ မကြိုက်ဘဲနဲ့ ဆိုလိုက်ရတဲ့ သိချင်းတစ်ပုဒ်မှ မရှိဘူး။ အဲဒိ “အငဲ” ဆိုတဲ့ နာမည်ကြီးကလည်း ဟော... ဒီနေ့ပရိသတ်က လှည့်မကြည့်တော့တဲ့ အချိန်ဆိုရင် ဆိုက်ကားနင်းရင် အငဲနင်းတဲ့ ဆိုက်ကားမို့လို့ ရွေးပြီးစီးမယ့် ခရီးသည်တောင် ရှိမှာ မဟုတ်ပါဘူ။

ဦးကတေးရေး၊ တေးဆို တစ်ပြိုင်တည်း ဒွန်တွဲနေတာမို့လို့ မေးကြည့်ချင်တာက အနုပညာဆိုတာ အမြဲတမ်း လတ်ဆတ်နုပျိုနေတယ်ဆိုတဲ့ အချက်အပေါ်ကို ဦးဘယ်လို ခံစားရပါသလဲ။
> ဟုတ်မှာပါ။

ဆိုပါစို့ဦးရယ်၊ ဝေးပြီဘေဘီ လိုသီချင်းမျိုးက ခုချိန်မှာ ကာလံဒေသံအရ ဦးရဲ့ အသက်အရွယ်အရ ပြန်ဆိုရင် ဦးအနေနဲ့ လတ်ဆတ်နိုင်ပါ့မလား။
> ဖြေရတာတော့ ခပ်ကျပ်ကျပ်ပဲ။ ဒီလိုပါ။ ဦးအမြင်က သီချင်းက သီချင်း၊ ဆိုသူက ဆိုသူပါ။ အဲဒီလိုသာ အသက်တွေ၊ အရွယ်တွေ ကန့်သက်နေရင် Teenage ကျော်ရင် အချစ်သီချင်း ပေါ့ပေါ့ပါးပါးတွေ မဆိုရအောင် ဖြစ်နေမှာပေါ့။ ဦးအမြင်က သီချင်းရဲ့ အကြောင်းအရာနောက်ကို လိုက်နိုင်သလောက် လိုက်ရမှာက ဆိုတဲ့သူရဲ့ အလုပ်လို့မြင်တယ်။ မလိုက်နိုင်ရင် မဆိုတတ်တာပါပဲ။ ဦးလည်း ဒီလိုပဲ အမြင်လွဲဖူးတယ်။ တေးရေးဆရာက အကြောင်းအရာကို ခပ်ငယ်ငယ် ရေးပေးတော့ ဆိုရမှာ ရှက်သလိုလို ဘာလိုလိုပေါ့။ ငါ ဒီအရွယ်မှာ ဒီလိုကြီး ဆိုရမှာပါလားပေါ့။ အဲဒါကိုက မှားနေတာ။ သီချင်းနောက်ကို လိုက်နိုင်တာမှ အဆိုတော်ကောင်းတစ်ယောက်လို့ မြင်ပါတယ်။ အဲဒီတော့ သမီးမေးတဲ့ “ဝေးပြီဘေဘီ” ကို ဒီည၊ ဒီပွဲ၊ ဒီအချိန်အခါမှာ အကောင်းဆုံးဖြစ်အောင် ဦးကြိုးစားပြီး ဆိုမှာပါ။

မိသားစုက ရှေ့တည့်တည့်က လာထိုင်ကြည့်တဲ့ ရှိုးမျိုးမှာ ဦးက အချစ်သီချင်းတွေ ဆိုဖြစ်တာ များမလား။ ဘ၀ဆန်တဲ့ သီချင်းဆိုတာ များမလား။ အဲဒီအချိန်မှာ ဦးရဲ့ စိတ်ခံစားမှုက ဘယ်လိုရှိမလဲ။
> မိသားစု ပွဲလာကြည့်မှတော့ သူတို့က အဲဒီအချိန်မှာ ဦးမိန်းမ၊ ဦးသမီး ဒီလိုမဟုတ်တော့ဘူး။ သူတို့က I.C fan အငဲ fan တွေ ဖြစ်သွားပြီ။ ဘာမှထူးပြီး Program ပြောင်းစရာ မလိုပါဘူး။

ရှိုးတိုင်းမှာ ပရိသတ်တောင်းတဲ့ သီချင်းက ထပ်နေပြီး တစ်ခါ လာ ဒီသီချင်း တွေချည်းပဲ ဖြစ်နေတဲ့အခါဦးကိုယ်တိုင် အဲဒိသီချင်းတွေ အပေါ်မှာ ရိုးအီသွားတာမျိုးရော ဖြစ်မိပါသလား။
> ဒါက ဦးတို့အရပ်နဲ့ ဦးတို့ဇာတ် ဖြစ်သွားပြီလေ။ အလွတ်ရလည်း “က”၊ မေ့သွားလည်း “က” နားထောင်တာ ပရိသတ်အလုပ်။ ပရိသတ်က ဒါမှကျေနပ်ရင် ဒါပဲပေါ့ဗျာ။

ဦးက Own လုပ်ရတာ လွတ်လပ်တဲ့ အတွေ့အကြုံတွေရတယ်။ ပျော်တယ်လို့ ဆိုပါတယ်။ အဲဒီတော့ သမီးသိချင်တာက ဦးတို့တောက်လျှောက် ဆိုလာတဲ့ Copy မှာ မူရင်းအဆိုနဲ့ တစ်ဖြတ်တည်း Mood ကအစ တူအောင် ဆိုသလား.။ ကိုယ့်မူနဲ့ ကိုယ် သူ့ရဲ့ သံစဉ်ဖရိန်ထဲမှာပဲ ဆိုသလား။
> အဲဒီလို အတိအကျ မဟုတ်ပါဘူး။ တတ်သလောက်၊ မှတ်သလောက်နဲ့ မူရင်းလည်း အရသာ မပျက်အောင်၊ မြန်မာမှုလည်း ခံစားရ ပြေပြစ်အောင် အနုစိတ်လေး ကြိုးတန်းပေါ်မှာ လမ်းလျှောက်နေရသလိုပါပဲ။

ဦးကလည်း သီချင်းကို သီချင်းလို သဘောထားပါသလား ။ Copy နဲ့ Owntune ကိုခွဲခြားပြီး မြင်ပါသလား။ Copy အစွဲ Own အစွဲ ရှိပါသလား။
> ငြင်းတာခုန်တာတော့ ၀ါသနာ မပါဘူးနော်။ နှစ်မျိုးစလုံး လုပ်ဖူးရင် သိမှာပါ။ လုပ်ဖူုးရဲ့သားနဲ့ မသိရင် ရှင်းတော့ ရှင်းပါတယ်။ မတတ်လို့ပေါ့။ နားမလည်လို့ပေါ့။ သီချင်းက သီချင်းပဲ။ ဦးကလည်း ကိုယ်ပိုင်သံစဉ် ချစ်တတ်သူပါ။ ငယ်ငယ်ကဆိုရင် ဘိုထီး၊ ကိုတိုး၊ ကိုခိုင်ထူး၊ ကိုဂျေကြီးနဲ့ပဲ ကြီးလာတာပါ။ ဒါပေမယ့် အဲဒီအချိန်ကတည်းက ကိုတိုနီ (ဘိုဘိုဟန်)၊ ကိုသန်းနိုင်တို့ သီချင်းတွေလည်း တကယ်ကြွေလို့ကောင်း၊ ဆိုလို့ကောင်းပဲ။ ကိုလေးလွင်၊ ဦးကျော့မှုး၊ ပုသိမ်မောင်စိမ်းသူတို့ရဲ့ စာသားကလည်း ညွန့်မှညွန့်ပဲ။ ကောင်းလွန်းလို့ အဲဒီသီချင်းတွေ ပြန်ဆို ပြန်ဆိုနဲ့ ဘယ်နှပင်ရှိပြီလဲ။ အခုထိ နောက်မျိုးဆက် အထိ နားထောင်ခံစားကြတုန်းပဲ။

ဦးရဲ့ရှေ့ခရီးမှာရော သီချင်းတွေ ဘယ်လောက်အထိ ဆက်ဆိုသွားမလဲ။ ဦးဘိုဘိုဟန်တို့၊ ဦးစိုးပိုင်တို့လို အသက်၆၀တန်းတွေ အထိ ဆိုသွားမလား။ အသက်အရွယ် ကန့်သက်ချက်နဲ့ ရပ်မလား။
> မသိသေးဘူး။ ဦးက Feeling ရှိသလိုပါပဲ။ မနက်ဖြန်ရပ်ရင်လည်း ရပ်မယ်။ သေမှနားရင်လည်း နားမယ်။ အဲ..ခေတ်နဲ့လိုက်လျောညီထွေ ကိုယ်တိုင်လိုက် စီးမျော်ဖို့ ခွေးအ ကြီးလို ဟိုလူ့မော့၊ ဒီလူ့မော့ လျှောက်ငေးနေရမယ် ဆိုရင်တော့ ရွာပြန်ပြီး မုန်ညင်းစိုက်စားတော့မယ်ဗျာ။

ရှိုးတွေ၊ ဗီစီဒီတွေမှာ ဂစ်တာအမြဲတမ်း ကိုင်တတ်တဲ့ဦးက အိမ်မှာရော ဂစ်တာကိုင်ဖြစ်ရဲ့လား။ အိမ်မှာ ဂစ်တာ ဖုန်တက်နေမလား။
> ပိုကိုင်တာပေါ့။ အိမ်မှာကမှ ကိုယ့်ဂစ်တာလေ။ ဘယ်သူ့မှ မကြောက်ရဘူး။ အားမနာရဘူး။ စင်ပေါ်မှာက ချစ်စမ်းမောင် မျက်နှာ ကြည့်နေရသေးတယ် (ကြောက်လို့)။

မေးမြန်းသူ-ဇင်ဖြူပြာမြင့်
(၂၀၀၆ခုနှစ်၊ ဒီဇင်ဘာ၊ ရွှေအမြုတေမဂ္ဂဇင်း)

Credit by-We love music

လိဒ်ဂီတာ တီးတာကို ဝါသနာ ပါရာက အဆို ပိုင်းကို ပိုအားသန်ပြီး ဂီတလောက ထဲမှာ ရိုးသားစွာ နဲ့ ကြိုးစား ရင်း လျှောက်လှမ်းသူ ဟန်ထွန်း ...

noreply@blogger.com (Anonymous) — Sun, 08 Sep 2013 06:25:00 +0000

သူယုံကြည်ရာ ဂီတကို ရိုးသားစွာ၊ လေးစားစွာ လျှောက်လှမ်းတတ် သူဖြစ်ပြီး ဂီတ ဝါသနာ ရှင်တွေ ကိုလည်း ရိုးသားစွာ လုပ်သွားဖို့ တိုက်တွန်းချင်တဲ့ ဆန္ဒရှိသူ ဖြစ်ပါတယ်။ အခုလည်း Mr. မဂ္ဂဇင်းရဲ့ မေးခွန်းတွေကို ရိုးသား ပွင့်လင်းစွာ ဖြေထားတဲ့ ဟန်ထွန်းရဲ့ အဖြေ စကား လေးတွေကို ပရိသတ်တွေ သဘောတွေ့လိမ့်မယ် လို့ မျှော်လင့်ပါတယ်။

တတိယမြောက် တစ်ကိုယ်တော် အခွေ ဖြစ်တဲ့ ‘ခေါင်းနဲ့ပန်း’ အခွေ ထဲမှာ ဘယ်လို Music တွေ ပါဝင်ပြီး အစ်ကို ဘယ်လို အားထုတ်ခဲ့တယ် ဆိုတာ ပြောပြပေးပါဦး။

‘ခေါင်းနဲ့ပန်း’ က စပြီး သီချင်း ရွေးတာကတော့ ‘ရှိနေမယ်’ ထွက်ပြီးတော့ ၂ဝဝ၉ ခုနှစ်လောက် မှာ စပြီးရွေးတာ၊ ‘ခေါင်းနဲ့ပန်း’ ထဲက သီချင်းတွေ ကို စစု တာကတော့ ၂ဝဝ၅-၂ဝဝ၆ ခုနှစ်လောက်မှာ စစုတယ်။ စုရင်းနဲ့ ‘ရှိနေမယ်’ ကလည်း အသံသွင်း နေတဲ့ အချိန်၊ ‘ရှိနေမယ်’ မထွက်ခင် ကတည်းက နောက်တစ်ခွေ ကျရင်တော့ ကိုယ်ပိုင် သံစဉ် သီးသန့် တစ်ခွေလောက် လုပ်ဦးမယ် ကွာ ဆိုပြီးတော့ စိတ်ကူး နဲ့ ၂ဝဝ၆ ခုနှစ်လောက် ကတည်းကိုက သီချင်းတွေက စရှာနေပြီ။ အဲဒီအချိန်မှာ ၂ ပုဒ်လောက် လည်း ရရော ‘ရှိနေမယ်’ က ထွက်သွားရော၊ ထွက်သွားတဲ့ အချိန် မှာ ဘာဖြစ်လဲ ဆိုတော့ ‘ရှိနေမယ်’ မထွက်ခင်တုန်း က Show ဆိုကို မဆိုရတာ ဆိုစရာ သီချင်း လည်း မရှိဘူးပေါ့။ သီချင်းခွေ လည်း ထွက်ပြီးရော Show က တောက်လျှောက်ကြီး ဝင်လာတဲ့ အချိန် ကျတော့ အခွေကို ဆက် မလုပ်ဖြစ်တော့ဘူး။ သီချင်းကို လည်း Show ဆိုပြီး ပြန်လာတဲ့ အချိန် ကြုံရင် ကြုံသလို သီချင်းလေးတွေ ရှာတာပေါ့။ ၂ဝဝ၉ ခုနှစ်လောက် ကျတော့ သီချင်းတွေ တော်တော် စုံသွားပြီ။ ၁၄ ပုဒ် ၁၅ ပုဒ်လောက် ဖြစ်သွားပြီ။ အဲဒါကိုမှ ကိုယ်ပိုင် သံစဉ် ဖြစ်တဲ့ အတွက် Demo ပြန်တီးတယ်။ Demo ပြန်တီး ပြီးပြီ ဆိုတော့ ဖြုတ်လိုက်ရင်း ထည့်လိုက်ရင်း၊ ပြန် ရှာလိုက် ရင်း၊ သီချင်းတွေလည်း ထည့်လိုက်ရင်းနဲ့ ၂ဝဝ၉ နှစ်ကုန် ပိုင်းလောက် ရောက်သွားတယ်။ ၂ဝဝ၉ နှစ်ကုန် ပိုင်းလောက်မှာ Iron Cross နဲ့ ပြန်ပြီး တီးတာပေါ့။ IC က Arrangement ပြန်လုပ်ပြီးမှ တီးတယ်။ ပြီးသွားတဲ့ အချိန်မှာ ၁၂ ပုဒ်ကို ဖြတ်လိုက်တယ်။ အဲဒီ ၁၂ ပုဒ်ကို ကိုယ် ဆိုပြီးတာ နဲ့ အခု ၁ဝ ပုဒ်ကို ရွေးပြီးမှ ထုတ်လိုက်တဲ့ သဘောပါပဲ။

အစ်ကို ‘ရှိနေမယ်’ တုန်းကလည်း IC နဲ့ပဲ တီးထားတယ်နော်။

‘ရှိနေမယ်’ လည်း IC ပဲ၊ ကျွန်တော့်ရဲ့ တစ် ကိုယ်တော် အခွေတွေ အားလုံးက Iron Cross နဲ့ ပဲ တီးထားတာ။

အခု ‘ခေါင်းနဲ့ပန်း’ ကို ဗီစီဒီလုပ်နေတာ ဘယ် လောက် ပြီးသွားပြီလဲ။

ကျွန်တော် အခု နှစ်ပုဒ်ပြီးပြီ။ ၁ဝ လအတွင်း ထွက်နိုင်အောင် ကြိုးစားသွားမယ်လို့ စိတ်ကူးရှိ တယ်။

Han-Tun-2အစ်ကို အခု အခွေမှာက ကိုယ်ပိုင် သံစဉ်တွေ ချည်းပဲ ဆိုတော့ နောက်ပိုင်း ကိုရော ကိုယ်ပိုင် သံစဉ် ချည်းပဲ လုပ်သွားဖို့ ရှိလား။ Copy လေးတွေရော ဆက်လုပ်သွား ဦး မလား။

အဲဒါက အတိအကျ ပြောလို့မရဘူး။ ဘာလို့ လဲ ဆိုတော့ လက်ထဲမှာ ကလည်း Copy သီချင်း ၄၊ ၅၊ ၆ ပုဒ်ကလည်း ရှိတယ်။ Own Tune ကလည်း တစ်ပုဒ် စနှစ်ပုဒ် စလေးတွေ ကျန်နေသေး တယ်ဆို တော့ ရောလို့တော့ မရဘူးလေ။ ကျွန်တော်က အဲ ဒီ လိုရောပြီး မလုပ်တတ်ဘူး။ အရသာ မတူတဲ့ အတွက် ကြောင့် ရောမယ် ဆိုရင်တော့ စဉ်းစားရမယ်။ သတ်သတ်ပဲ လုပ်ဖြစ် မှာပါ။ Copy ၊ Own Tune တစ် ခုခုတော့ ဖြစ်ဖို့ များတာပေါ့။ အဆင်ပြေရာပေါ့လေ။ သီချင်းမြန်မြန် ပြည့်တဲ့ ဘက်ကို လိုက် မှာပေါ့လေ။

အစ်ကိုတို့ တောင်ကြီးသားတွေ ချည်းပဲ ၈ ယောက် အခွေ လုပ်နေတယ် ကြားတယ်။ ဘယ်သူတွေ ပါပြီး အစ်ကိုက ဘယ်လို သီချင်းလေးတွေ ပါမ လဲ။

အဲဒါကလည်း Own Tune ပဲ။ အားလုံး တစ်ယောက်ချင်း တစ်ပုဒ်ချင်း Own Tune ပဲ။ Group Song နှစ်ပုဒ် ပါတယ်။ ပါမယ့် သူတွေက တော့ ဘိုဖြူ၊ အယ်နောင်း၊ ကိုအောင်၊ လှိုင်ဦးမော်၊ သအို၊ နောက် ကျွန်တော်၊ အစိုင်း၊ ပူစူး။

အဲဒီ အခွေကရော ဘယ်လောက် အထိ ပြီးသွား ပြီလဲ။ ဘယ်တော့လောက် ထွက်ဖြစ်မလဲ။

အဲဒါတော့ မသိဘူး။ ကျွန်တော် တို့က ဟို တစ်ယောက်စောင့်၊ ဒီတစ်ယောက် စောင့်ဆိုတော့ အဲဒီမှာ အခု တော်တော်တော့ ပြတ်သွားပြီ။ လှိုင်ဦးမော် က လည်း တောင် ကြီး က ဆင်းလာတာ ရောက်နေပြီ ဆိုတော့ သူ့ အဆိုပိုင်းကို ကျွန်တော် တို့ ဇူလိုင်၂ ရက်နေ့ည မှာဖြတ်မယ်။ ဇူလိုင် ၄ ရက် နေ့လောက် ဆိုရင် ကျွန်တော် တို့ အဆိုပိုင်း အားလုံးပြီးပြီ။ ဇူလိုင်လ လယ်လောက်မှာ Harmony လိုက်မယ်။ သြဂုတ်လ ဆန်းလောက်မှာပဲ ကျွန်တော်တို့ Mixing စဆွဲဖို့ စဉ်းစားထားတယ်။

အစ်ကို့ရဲ့ ဖြတ်သန်း လာတဲ့ ဂီတလမ်းကြောင်း မှာ ဘယ်လို ခံယူချက်မျိုးထားလဲ။

ခံယူချက်ကတော့ ကျွန်တော်က အတတ်နိုင် ဆုံးတော့ သီချင်းအပေါ်မှာ ရိုးရိုးသားသား ဆိုဖို့ ကြိုးစားတယ်။ သူများတော့ မသိဘူး။ ကျွန်တော့် ခံယူချက်က သီချင်း အပေါ်မှာ ရိုးရိုးသားသား၊ အရမ်းကြီး ကျွန်တော် ရိုးသားနေတယ်လို့ မဆိုလိုဘူးနော်။ ဒါပေမဲ့ အရိုးသား ဆုံးတော့ ဆိုနိုင်အောင် ကြိုးစားတယ်။ သီချင်းအပေါ် မှာ ပေါ့ပေါ့တန်တန် ဘယ်တော့မှ မလုပ်ခဲ့ဖူးဘူး။ ကျွန်တော့် ကိုယ်ပိုင် ခံယူချက် ကတော့ ကျွန်တော့် အလုပ်ကို ကျွန်တော် တလေး တစား လုပ်တယ်။ ပြင်းပြင်းထန်ထန် ခံယူတယ်။ လေးလေးစားစား သီချင်းကို ဆိုတယ်။ ဘယ်သူ့ သီချင်းကို မဆို ကျွန်တော် လေးလေးစားစား ဆိုတယ်။ သူများ သီချင်းကို ကျွန်တော်လမ်းဘေး မှာဆို လည်း ကျွန်တော် လေးလေးစားစား ဆိုတယ်။ ကျွန်တော့် ခံယူချက် ကတော့ အဲဒါပါပဲ။

Credit - #Mrmagazine

ကျွန်တော့် ဆရာ စောဘွဲ့မှူး (ဂီတပညာရှင် စောဘွဲ့မှူး ကွယ်လွန်ခြင်း (၁၉) နှစ်ပြည့် (၂၄၊ ဇူလိုင်၊ ၂၀၁၃) အမှတ်တရ၊ မိုးမခ)

noreply@blogger.com (Anonymous) — Sun, 08 Sep 2013 05:31:00 +0000

ဒေါက်တာကိုကိုလွင် (Iron Cross)

ဓာတ်ပုံ – IC Live Show

ကိုဘွဲ့ အကြောင်းက ကျွန်တော့် အတွက်တော့ ရေးစရာတွေအများကြီးပါပဲ။ ဒီလို စာတပုဒ်နဲ့ သူ့ အကြောင်း ပေါ်လွင်အောင် ဖေါ်ပြဖို့ ဆိုတာ မလွယ်လှပါဘူး။ ဒါပေမယ့် တတ်နိုင်သလောက်တော့ ကျွန်တော် သိတဲ့ သူ့ အကြောင်းအချို့ကို ပရိသတ်တွေလည်း သိရအောင် ပြောပြပါ့မယ်။

သူဟာ ကျွန်တော့်ရဲ့ သင်ဆရာ၊ မြင်ဆရာ တယောက်ပါ။ ပထမဆုံး သူနဲ့ စတွေ့တာကတော့ ကျွန်တော် ဆေးတက္ကသိုလ် ပထမနှစ် ပြီးခါနီး ၁၉၈၅ ခုနှစ်လောက်မှာပေါ့။

ကျွန်တော်က ဂစ်တာကို ရှစ်တန်း လောက်ကတည်းက တီးခဲ့တော့ စနစ်တကျမဟုတ်ပေမဲ့ တော်တော်လေး တီးတတ်နေပါပြီ။ ဆေးကျောင်းမှာဆိုလည်း ကျွန်တော်တို့အဖွဲ့ လက်သံတွေချည်းပဲ ဆိုပါတော့။ ဆေးကျောင်းမှာ ကျောင်းပြီးသွားတဲ့ ဆရာဝန် ပေါက်စတွေကို ဂုဏ်ပြုတဲ့ Convocation Dinner ကို တနှစ်တခါ ကျင်းပလေ့ရှိပါတယ်။ ပထမနှစ် ကျောင်းသား Fresher တယောက်ဖြစ်တဲ့ ကျွန်တော်ဟာ အရမ်းကို ပါဝင် တီးခတ်ဖျော်ဖြေချင်ခဲ့ပါတယ်။ ဒါပေမယ့် ထုံးစံအရ နောက်ဆုံးနှစ်ကျောင်းသားတွေရဲ့ တီးဝိုင်းကပဲ တီးခတ်ခွင့်ရတော့ သိပ်ပါချင်တဲ့ ကျွန်တော်တို့ အတန်းက ကျောင်းသားတွေ တီးလို့မရလဲ ဆိုမယ်ကွာ ဆိုပြီး စာရင်းသွင်းကြပါတယ်။ ဒါပေမယ့် ဆိုမယ့်သူများလွန်းတော့ ဖျော်ဖြေချိန်နဲ့ လူဦးရေ မလောက်မင ဖြစ်ကြတော့ အသံစစ်ပွဲ (Audition) ကျင်းပပြီး လူရွေးချယ်ဖို့ စီစဉ်ရပါတယ်။ ဒါကလည်း နှစ်စဉ်နှစ်တိုင်း ဆိုမယ့်သူတွေက သတ်မှတ် အရေအတွက်ထက် များနေကြမို့ နှစ်တိုင်း လူရွေးချယ်ပွဲ ကျင်းပနေကြပါ။

အဲဒီအချိန်မှာ အသံစစ်ဖို့ Professional အနုပညာရှင်တွေ ဖိတ်တဲ့အခါမှာ ကျွန်တော်တို့ ကျောင်းက တတိယနှစ်တက်နေတဲ့ ကိုဝင်းစည်သူ (အခု Medi Myanmar ပိုင်ရှင်) က သူ့ရဲ့ ဆရာဖြစ်တဲ့ စောဘွဲ့မှူး ကို ဖိတ်ခေါ်ပေးခဲ့ပါတယ်။ ကိုဝင်းစည်သူက အဲဒီနှစ် ဖျော်ဖြေမယ့် တီးဝိုင်းမှာ Keyboardist ပါ။ အရမ်းလည်း တော်ပါတယ်။ ကျွန်တော့်အနေနဲ့ ကိုဘွဲ့ကို နာမည်ကြီး Guitarist တယောက်အဖြစ် သိရှိထားခဲ့တော့ ကျွန်တော်တို့ Keyboard သမားရဲ့ ဆရာလို့ သိရချိန်မှာ စိတ်ထဲနည်းနည်းတော့ အံ့သြမိပါတယ်။ (Emperor Band က “Leonard မောင်မောင်လွင်” ဟာလည်း ကိုဘွဲ့ ရဲ့ တပည့် အရင်းပါ။)

ဒါပေမယ့် နောက်ပိုင်း သူ့ရဲ့တပည့်တွေကို ဂီတလောကရဲ့ နယ်ပယ်အသီးသီးမှာ အောင်မြင်ကျော်ကြားသူတွေအဖြစ် သိလာတဲ့ အချိန်မှာ သူ ဟာ ဂီတနဲ့ ပတ်သက်လာရင် အကုန် ကျွမ်းကျင်နှံ့စပ်ပြီး “ဆရာတဆူ” ဖြစ်ကြောင်း ကောင်းကောင်းကြီး သိခဲ့ရပါတယ်။

အဲဒီ ဆေးကျောင်းပွဲအတွက် သီချင်းတိုက်ကြတဲ့အခါမှာ လိုအပ်တာတွေကို သင်ကြား၊ ညွှန်ပြ ပေးဖို့ သူက သီချင်း တိုက် ရက်တိုင်း လာပေးပါတယ်။ နောက်ဆုံးနှစ် ကျောင်းသားတွေက ကျွန်တော် တီးတတ်တာကို သိတော့ နေရာပေးတဲ့ အနေနဲ့ အချို့သီချင်းတွေကို ပါဝင် တီးခတ် စေခဲ့ရင်းနဲ့ သူကလည်း လိုအပ်ချက်တွေကို ပြောပြရင်းနဲ့ မထင်မှတ်ဘဲ သူ့ရဲ့ တပည့် ဖြစ်ခဲ့ပါတယ်။

ငွေရေးကြေးရေး အကြောင်း လုံးဝ မပြောဘဲနဲ့ စေတနာအပြည့်နဲ့ သင်ကြားပေးခဲ့တာပါ။ ဒါကြောင့်လည်း သူ့ကို ချစ်ကြပြီး အောင်မြင်ကျော်ကြားတဲ့ တပည့်တွေ အများကြီး မွေးထုတ်ပေးနိုင်ခဲ့တဲ့ ဆရာ တယောက် ဖြစ်ခဲ့တာ နေမှာပါ။ နောက်ပိုင်း ကျွန်တော်တို့ သူငယ်ချင်းတွေ ပြင်ပမှာ ဖွဲ့ထားတဲ့ တီးဝိုင်းအတွက် သင်ကြားပြသ ပေးတာအပြင် ကျွန်တော်တို့ အဖွဲ့အတွက် တေးသီချင်းတွေကိုပါ သူရေးပေးခဲ့ပါတယ်။ ဒီလိုနဲ့ ကျွန်တော်နဲ့သူဟာ နေ့ရော၊ ညပါ တွေ့ကြရင်း အလွန်ရင်းနှီးခင်မင်တဲ့ ဆရာတပည့် ဘ၀ကို မမျှော်လင့်ဘဲ ရောက်ရှိခဲ့ပါတယ်။

သူ့အကြောင်းပြောရရင် မပါ မဖြစ်တာကတော့ သူအစားအသောက် အလွန်ခုံမင်တဲ့ အကြောင်းကထိပ်ဆုံးကပါ။ ကျွန်တော်နဲ့ စတွေ့ချိန်မှာ သူဟာ အရင်က “ဆိုးသွမ်းမူးယစ်ခဲ့တဲ့ စောဘွဲ့မှူး” မဟုတ်တော့ ဘဲ သူ ကိုးကွယ်တဲ့ “ခရစ်ယာန်ဘာသာဝင်ကောင်းတယောက်” ဖြစ်နေပါပြီ။ မူးယစ်ဆေးဝါး၊ ဆေးလိပ်၊ အရက် အားလုံးကို စွန့်လွှတ်ခဲ့ပြီးပါပြီ။ သူ ကွယ်လွန်ချိန်အထိ လုံးဝ စွန့်လွှတ်နိုင်ခဲ့တာပါ။ ဒါတွေရဲ့ နေရာမှာ အစားအသောက်နဲ့ များ အစားထိုးသလား မပြောတတ်ပါဘူး။ သူမတူအောင် စားရင်းနဲ့ အ၀လွန်တဲ့ အဆင့်ကိုတောင် ရောက်နေပါပြီ။

ကျွန်တော်ဟာလည်း ငယ်ငယ်ကတည်းက ၀ခဲ့သူဖြစ်ပြီး အစားအသောက် ကြိုက်တာတွေလည်း အတူတူဖြစ်နေတော့ ဆရာတပည့်နှစ်ယောက် အတွဲညီခဲ့ ကြပါတယ်။ မနက်အစောကြီး ကျွန်တော့်ရဲ့ မိဘတွေအိမ်ဖြစ်တဲ့ မောင်ထော်လေးလမ်းကို သူစီးနေကျ လေးဘီးကားလေးနဲ့ ရောက်လာတတ်ပါတယ်။ (သေသည်အထိလည်း ကိုယ်ပိုင်ကား မရှိခဲ့ပါဘူး။) ပြီးရင် အောက်ကနေ တပြွတ်ပြွတ်နဲ့ ကျွန်တော့်ကို ခေါ်တတ်ပါတယ်။ ထွက်ကြည့်ရင် “ကိုကို.. ၀က်သားသွားစားကြရအောင်” ဆိုပြီး ပြောပါတယ်။ ၀က်သားကိုတော့ အလွန်ကြိုက်တတ်ခဲ့သူပါ။ ပြီးရင် ဆရာတပည့် နှစ်ယောက် (၁၉) လမ်း ဘက်က ၀က်သားနဲ့ ကြာဇံ ကို မနက်စာ တ၀ကြီး အုပ်ကြပါတယ်။ ဒါပေမယ့် ကျွန်တော်က နှစ်ပန်းကန်လောက်ဆို ဆက်မစားနိုင်တော့ပါဘူး။ သူကတော့ (ပိုတယ်မထင်ကြပါနဲ့) (၇) ပွဲ၊ (၈) ပွဲက အသာလေးပါပဲ။ တခါတလေ စားပြီး ခေါင်းထဲက မူးလို့ မထနိုင်ဘဲ ဆိုင်မှာ ဆက်ထိုင်နေကြရပါတယ်။

တခါကလည်း သူနေတဲ့ (၃၇) လမ်း အိမ်အောက်မှာ ဖွင့်တဲ့ အုန်းနို့ခေါက်ဆွဲဆိုင်မှာ (၇) ပွဲလောက်စားပြီး မထနိုင်တော့ပါဘူး။ ကျွန်တော့်ကို ဖုန်းဆက်ခေါ်လို့ သွားပြီး စားထားတဲ့ ခေါက်ဆွဲဖိုးတွေရှင်း (စားထားတဲ့ ပန်းကန်တွေ ထပ်ထားတာမှ အများကြီးပါပဲ)၊ သူ့ကို မနိုင်မနင်း တွဲခေါ်ရင်း သူ့အိမ် ပထမထပ်ကို ပို့ခဲ့ရပါတယ်။ အဲဒီလောက်အထိစားတာပါ။ ကျွန်တော် လိုက်မစားဖြစ်တဲ့ အခါမျိုးမှာ စားနေရင်း လက်လွန်သွားလို့ ပိုက်ဆံမလောက်တော့ရင်လည်း ကျွန်တော့်ကို လှမ်းခေါ် ပြီး ပိုက်ဆံလာရှင်းခိုင်းတတ်ပါတယ်၊

နောက်တခုကတော့ အပူအပင်မရှိတာပဲဖြစ်ပါတယ်။ ကျွန်တော်တို့ တီးဝိုင်းခတွေရလို့ ပိုက်ဆံရှင်းရင် ရတဲ့ ပိုက်ဆံကို လက်ထဲမှာ ဆုတ်ကိုင်ပြီး (ပိုက်ဆံအိတ် မကိုင်တတ်ပါဘူး) သူ့မိသားစုကို ကားငှားပြီး သူ့ဆီလာခိုင်းပါတယ်။ (မိသားစုကို ချစ်မြတ်နိုးတဲ့နေရာမှာလည်း စံပြပါပဲ။) ရောက်လာရင် သူ့ဇနီး မဖောဝါးနဲ့ ကလေး ဗုစုခရုတွေကို ခေါ်ပြီး ၀က်သားသွားစား၊ Video အခွေဝင်ငှား၊ အိမ်ပြန်ပြီး မိသားစုနဲ့ တနေကုန် Video ကြည့်ပါတော့တယ်။ နောက်နေ့အတွက် ပူပင်ခြင်း သောကတွေ သူ့ဆီမှာ ဘယ်သောအခါမှ မတွေ့ခဲ့ရပါဘူး၊

သူ့အကြောင်းပြောရင် “ချစ်စမ်းမောင်” အကြောင်းလည်း ချန်ထားလို့ မရပါဘူး။ သူဟာ ချစ်စမ်းမောင်ကို သူ့ သားသမီးအရင်းနဲ့မခြား သံယောဇဉ်တွယ်ပြီး ပညာ အမွေတွေ ပေးခဲ့တာပါ။ အောင်မြင်မှုလမ်းကြောင်းပေါ်ကိုလည်း သူကိုယ်တိုင်ပဲ ဆွဲတင်ပေးခဲ့သူပါ။ သူက ချစ်စမ်းမောင်ကို “ဖိုးခွားလေး” လို့ ခေါ်ပါတယ်။ ကျွန်တော်တို့ ကျန်အဖွဲ့သားတွေက ညီလေးအရွယ်မို့ “ညီလေး” လို့ခေါ်ကြရင်းက ဂီတလောကထဲမှာတော့ “ကိုညီလေး” လို့ သူ့ကို ခေါ်ကြပါတယ်။

အဲဒီ ဖိုးခွားလေးကို အိမ်မှာသင်၊ Studio မှာသင်၊ ခွေတွေမှာ ၀င်တီးခိုင်းရုံတင်မကဘဲ ကျွန်တော့်အိမ်ကို ခေါ်လာပြီး Guitar Lesson ခွေတွေကို ပြလေ့ရှိပါတယ်။ (အဲဒီခေတ်က အောက်စက်လို့ ခေါ်တဲ့ Video Deck က အိမ်တိုင်းမှာ မရှိသေးပါဘူး။)

ပြီးရင် စင်ပေါ်တင်ပြီး ပွဲထုတ်ပေးပါတယ်။

နာမည်ရမယ့် တီးလုံးတွေကို သူမတီးဘဲနဲ့ ချစ်စမ်းမောင်ကို ပေးတီးပါတယ်။

ဘာတဲ့ ….. “အသက် (၁၇ )နှစ်ပဲ ရှိသေးတဲ့ မြန်မာပြည်ရဲ့ အသက်အငယ်ဆုံး Guitar သူရဲကောင်းလေး ချစ်စမ်းမောင် ဖြစ်ပါတယ်ခင်ဗျား…..” ဆိုတာ သူကိုယ်တိုင် ကြေငြာပေးခဲ့တာပါ။ ဒီလို ဆရာမျိုး လောကကြီးမှာ ဘယ်နှစ်ယောက်ရှိနိုင်မလဲလို့ တွေးကြည့်မိပါသေးတယ်၊

နောက် ကျွန်တော်တို့ Symphony တီးဝိုင်း၊ နောင် Iron Cross ဆိုပြီး ဖြစ်လာတဲ့ အချိန်အထိ ကျွန်တော်တို့ကို ဘယ်သူမှ မသိလို့ “စောဘွဲ့မှူး ဦးစီးသော” ဆိုပြီး အမည်ပေး ကြော်ငြာခဲ့ရပါတယ်။ ဒါကို သူက နောက်ပိုင်း ကျွန်တော်တို့ နာမည်ကြီးလာပြီး နောက်ပြောင် စကားနိုင်လုကြတဲ့ အခါမှာ “မင်းတို့ကို အခုမှ လူသိတာ၊ အရင်ကတော့ ‘စောဘွဲ့မှူး ဦးစီးသော’ ဆိုပြီး လုပ်ခဲ့ရတဲ့ကောင်တွေ” ဆိုပြီး အနိုင်ယူတတ်ပါတယ်။

ရီစရာ အလွန် ပြောတတ်သလို Own Tune တွေလည်း ပြောတတ်ပါတယ်။ Own Tune တွေ တကယ် အရေးကောင်းသလို မဟုတ်တာကို ဟုတ်အောင် ဇာတ်လမ်းစဉ်ပြီး Own Tune လုပ်တတ်ပါတယ်။ ရီစရာ အကြောင်းတခုကို ရခိုင်က လာတဲ့သူနဲ့တွေ့ရင် ရခိုင်မှာတုန်းက ဆိုပြီး Own တတ်သလို၊ ကချင်ပြည်နယ်ကလာတဲ့ သူနဲ့တွေ့ရင် တခါက မြစ်ကြီးနားမှာ ဆိုပြီး ပြောတတ်ပါတယ်။ အမြဲအတူနေကြတဲ့ သူတွေဖြစ်တော့ အကြောင်းသိတွေမို့ ကျွန်တော်တို့က လူရှေ့မှာ သူ့ကို “ကိုဘွဲ့ Own ပြန်ပြီ” လို့ ပြောရင် သူက ကျွန်တော်တို့ကို “ခွေးသားလေးတွေ” ဆိုပြီး ဆဲတတ်ပါတယ်။ တကယ်တော့ စိတ်မဆိုးပါဘူး။

ကျွန်တော်တို့ကလည်း အစသန်တော့ တခါက သူ့ကို “ကိုဘွဲ့ ဒီနှစ် ရုပ်ရှင်နောက်ခံတေးနဲ့ အကယ်ဒမီရမယ်ကြားတယ်” ဆိုပြီး နောက်ကြပါတယ်။ သူကလည်း ကျွန်တော်တို့ကို အမှတ်မရှိဘဲ တကယ်ယုံပြီး ပွဲမှာဝတ်ဖို့ Suit တွေ ဘာတွေ တကယ်သွားအပ်နေပါပြီ။ အစအနောက် အသန်ဆုံး ခင်မောင်သန့်က “ကိုဘွဲ့… အကယ်ဒမီပွဲ တက်မယ်ဆိုရင် မုတ်ဆိတ်ပါရိပ်ရမယ်” ဆိုပြီး နောက်တာ တကယ်ယုံပြီး မုတ်ဆိတ်ရိတ်မယ် လုပ်တော့မှ မနည်း ပြန်ဖြည်ယူရပါတယ်။ ကျွန်တော်တို့ကလည်း ပီပြင်အောင် ရုပ်ရှင်ဒါရိုက်တာတွေ၊ မင်းသား မင်းသမီးတွေကအစ ဖုန်းဆက်ခိုင်းပြီး အပီအပြင် စီစဉ်ခဲ့တာကိုး။

Iron Cross ဖြစ်တည်စအချိန်မှာ အလုပ်ကလည်း သိပ်မရ၊ အားလုံးကလည်း Session ထွက်တီးကြနဲ့ Iron Cross ဆိုတာ ကျွန်တော် တယောက်တည်း ဖြစ်နေခဲ့ဖူးပါတယ်။ ကိုဘွဲ့ နဲ့ ချစ်စမ်းမောင်က Success နဲ့သွားတီး (Success က စိုးလွင်လွင်၊ ကိုင်ဇာ တို့နဲ့ အရမ်းနာမည်ရနေတဲ့ အချိန်)၊ ခရမ်း နဲ့ ခင်မောင်သန့် က New Wave နဲ့ Session သွားခုတ်၊ Keyboards ကလည်း Permanent မဖြစ်သေးတဲ့ အချိန်ဆိုပါတော့။

တရက်မှာ ကျွန်တော်က အဖွဲ့သားအားလုံးကို အစည်းအဝေးခေါ်ပါတယ်။ Session ဆက်တီးနေကြမယ်ဆိုရင် Iron Cross ဆိုတာလည်း ဖြစ်လာမှာ မဟုတ်ဘူး။ ဒါကြောင့် Session ဆက်တီးကြမယ်ဆိုရင် ကျွန်တော် တီးဝိုင်းက ထွက်မယ်။ မတီးဘဲ တလ၊ နှစ်လ လောက် အောင့်နေမယ်ဆိုရင် ကျွန်တော် အလုပ်ရအောင် ရှာပေးမယ် ဆိုပြီး ပြောခဲ့ပါတယ်။

ဒီအကြောင်းကို အခုပြောပြရတာက အဲဒီ့ အချိန်တုန်းက ကိုဘွဲ့မှူးနဲ့ ခင်မောင်သန့်က လွဲရင် အားလုံးက လူပျိုတွေပါ။ အဲဒီတော့ အိမ်ထောင်သည်တွေရဲ့ သားကျွေးမှု၊ မယားကျွေးမှု တွေကို ကိုယ်ချင်း မစာတတ်ခဲ့ဘဲ ကိုယ်ဖြစ်ချင်တာ တခုတည်းကြည့်ပြီး ပြောခဲ့မိတာကို ကိုယ် အိမ်ထောင်ကျမှ သိခဲ့ရလို့ပါ။ ခင်မောင်သန့်က အိမ်ထောင်သည် ဆိုပေမယ့် သူ့ထက်စာရင် ကလေး ဗုစုခရုတွေ အများကြီးနဲ့ ကိုဘွဲ့အတွက် Session မတီးရတော့ရင်၊ Iron Cross အနေနဲ့လည်း အလုပ်မရသေးခင် သူ့ မိသားစု တစုလုံး ရပ်တည်ရေးအတွက် တကယ့်ကို ရင်လေးစရာပါ။ ဒါပေမယ့် ကိုဘွဲ့ဟာ ကျွန်တော်တို့ အဖွဲ့သားတွေကို ချစ်တဲ့စိတ်၊ ယုံကြည်တဲ့ စိတ်တခုနဲ့ ပဲ Session တီးတာကို ရပ်ပစ်ခဲ့ပါတယ်။ အဲဒီ့အချိန်က သူ ကျွန်တော့်ဆီ ဖုန်းဆက်ရင် ပြောနေကြ စကားလေးတွေ မှတ်မိနေပါသေးတယ်။

“ကိုကို ……. အလုပ်မြန်မြန်ရှာပေးနော်၊ ဒီမှာ ငတ်ကုန်လိမ့်မယ်တဲ့….။”

ကျွန်တော်က ကြိုးစားနေတဲ့အကြောင်း၊ လက်ရှိအခြေအနေကို ရှင်းပြတော့မှ

“နောက်တာပါကွာ…. I believe in you” ဆိုပြီး ပြန်ပြောတတ်ပါတယ်။ အဲဒီ့လို သူဟာ “ခေါင်းဆောင် တယောက်” အနေနဲ့ ဆုံးဖြတ်ချက်ချပြီး အဖွဲ့ အပေါ်မှာ ယုံကြည် အနစ်နာခံခဲ့လို့လည်း Iron Cross ဆိုတာ ဖြစ်လာခဲ့တာပါ၊

အမြဲလို နေမကောင်း ဖြစ်နေကျဆိုတော့ နောက်ဆုံး သူတကယ် နေမကောင်းဖြစ်လို့ Studio ကနေ အိမ်ပြန်မယ်လုပ်တော့ ကျွန်တော်တို့က နေမကောင်းတာကို အကြောင်းပြပြီး Video ပြန်ကြည့်မလို့လား ဆိုပြီးတောင် နောက်ခဲ့ကြပါသေးတယ်။ ဒါပေမယ့် သူ ဆေးရုံတင်လိုက်ရပြီ ဆိုပြီး ကျွန်တော်တို့ လိုက်သွားတဲ့ အချိန်မှာ သူ ကျွန်တော်တို့ကို စကားမပြောနိုင်တော့ပါဘူး။

သူဆုံးတော့ (၃၉) နှစ်ပဲ ရှိပါသေးတယ်။ အ၀လွန်ပြီး ရောဂါပေါင်းစုံ ဖြစ်နေတဲ့သူဆိုတော့ အဆုတ်အအေးပတ်ပြီး နေမကောင်းဖြစ်ရာက ဆေးရုံတက်လိုက်ရပြီး အိမ်မပြန်နိုင်တော့ဘဲ သူချစ်တဲ့ မိသားစု၊ သူချစ်တဲ့ Iron Cross နဲ့ သူ့ ပရိသတ်တွေကို ခွဲသွားခဲ့ရတာပါ။

ကိုငြိမ်းချမ်းအေး အနေနဲ့ ကိုဘွဲ့ အမှတ်တရ မိုးမခ အွန်လိုင်းမီဒီယာမှာ ဒီလို စီစဉ်ပေးတဲ့အတွက် ကျေးဇူးတင်ပါတယ်။ ကိုဘွဲ့ အကြောင်းကို ပြည့်ပြည့်စုံစုံ ပြောရမယ်ဆိုရင်တော့ မလွယ်လှပါဘူး။ ကျင်လည်ခဲ့တဲ့ ဘ၀အစုံမှာ အမှတ်ရစရာတွေကလည်း များလွန်းလှပါတယ်။ ကျွန်တော် ရေးပြခဲ့တာတွေက သူ့ ပုံကြမ်းလေးပေါ်ရုံလောက် ဖြစ်မယ်ဆိုရင်တောင် ရေးရကျိုးနပ်ပါပြီ။

ဒေါက်တာကိုကိုလွင် (Iron Cross)

၂၄၊ ဇူလိုင်၊ ၂၀၁၃

မိုးမခ မှတ်ချက်။ ။ ဤ စောဘွဲ့မှူး ကွယ်လွန်ခြင်း (၁၉) နှစ်ပြည့် အထိမ်းအမှတ် အစီအစဉ် အတွက် ဆောင်းပါး ချီးမြှင့်ပေးသူ ဆောင်းပါးရှင် ဒေါက်တာကိုကိုလွင် (Iron Cross) အား ကျေးဇူးအထူးတင်ရှိကြောင်း မိုးမခ က မှတ်တမ်းတင်အပ်ပါသည်။

MoeMaKa ( BCNM ) မှကူးယူဖော်ပြပါသည်..

Credit by-Music is Heaven

"နိုင်ငံ အတွက် အရေးပါတဲ့ အနုပညာ အကြောင်း ပြောသူ အဆိုတော် လင်းလင်း"

noreply@blogger.com (Anonymous) — Fri, 06 Sep 2013 14:32:00 +0000

အနုပညာသည် အနုပညာရှင် အတွက်ရော နိုင်ငံ အတွက်ပါ အရေး ပါကြောင်း အဆိုတော် လင်းလင်းကပြောသည်။

”ကျွန်တော် ကတော့ ကျွန်တော့် စိတ်ကို အတတ် နိုင်ဆုံး အရိုးရှင်းဆုံး ထားတယ်။ ကိုယ့်အနုပညာ အလုပ်က သတ်သတ်၊ နိုင်ငံတိုင်းမှာ ရှိတဲ့ လူတိုင်း လူတိုင်းက ကိုယ့်နိုင်ငံ ကိုထားသင့်တဲ့ နိုင်ငံ ချစ်စိတ်ကလည်း သတ်သတ် ထားပြီးတော့ ဒီအရာနှစ်ခုစလုံးမှာ ဘယ်အရာကိုပဲ လုပ်လုပ် အတတ်နိုင်ဆုံး စိတ်ကို အရိုးရှင်း ဆုံးထား လုပ်တယ်။ ပြည်သူ အတွက်၊ ပရိသတ် အတွက် မော်ဒယ် တစ်ခုလိုမျိုး တင်ပြနေတယ်။ အနု ပညာရှင် ပိုင်း ရဲ့လူတွေက ကိုယ့် ရဲ့ပရိသတ် ပြည်သူ လူထု အတွက် ကိုယ် လုပ် လိုက်တဲ့ အရာကို အားကျပြီး အမြင် မမှားဖို့ ရည်ရွယ်ချက်တွေ မမှားဖို့ ကို ရှေ့ကနေပြီးတော့ သေသေချာချာ နဲ့ စမတ်ကျကျ လျှောက် လှမ်းနိုင်ဖို့ က အရေးကြီး တယ်။ ကလေး လူကြီး အထိုက် အလျောက် ရှိတာပဲ။ နိုင်ငံ တစ်နိုင်ငံမှာ အနုပညာ ဆိုတာ မရှိ မဖြစ် ဆိုတာ လက်ခံပါတယ်” ဟု ၄င်းကဆိုသည်။

”သီချင်း တစ်ပုဒ်ကို အဓိက ရေးဖြစ်တဲ့ အကြောင်းအရာ ဆိုရင် ကိုယ် တတ်နိုင်တဲ့ အားနဲ့ ခံစားမှု၊ တတ်ကျွမ်းမှု၊ နည်းပညာ အားလုံး ပေါင်း ပြီးတော့ တတ်နိုင်သလောက် အားစိုက် ရေးထားတာပါ။ ကိုယ် ဖန်တီး လိုက်တဲ့ အနုပညာ တစ်ခုကို ပရိသတ်က ကြိုက်တယ်၊ လက်ခံတယ် လို့ တုံ့ပြန်တာ ခံရရင် ကျေနပ် ပီတိ ဝမ်းသာလည်း ဖြစ်ရပါ တယ်” ဟု ၄င်းက ပြောသည်။

အနုပညာကို ဖျော်ဖြေရေးလို့ သတ်မှတ်ကြတဲ့ သူ ရှိသလို ဝါဒဖြန့် အနုပညာရပ် တစ်ခုလို့လည်း မြင်ကြခြင်း အတွက်
”အမျိုးမျိုးတော့ ထင်ကြေး ပေးကြမှာပဲ။ ကိုယ် ဥာဏ်မီရင် မီသလာက်ဖွဲ့ ဆိုလို့ ရပါတယ်။ အနုပညာ ဆိုတာ ပေါ်ပြူလာ ဖြစ်ဖို့ တစ်ခု အတွက်လောက် ပဲ ယူဆတဲ့ ဥာဏ် အဆင့်နိမ့်တဲ့ သူက အဲဒီလောက်ပဲ စဉ်းစား မိကြမှာပေါ့။ ဒီ အနုပညာ ဆိုတာက နိုင်ငံ တစ်နိုင်ငံမှာ ကမ္ဘာကြီးမှာ ဘယ်လို ကောင်းအောင် လုပ်နိုင်လဲ စဉ်းစားနိုင်တဲ့ သူက ရင်ထဲမှာ အဓိပ္ပာယ် ရှိကြမှာပါ”ဟု လင်းလင်း က ပြောသည်။

Credit to Popular Journal

Heavy Metal အကြောင်း #2

noreply@blogger.com (Anonymous) — Wed, 04 Sep 2013 12:36:00 +0000

1970 ခုနှစ်မှာ ထွက်ရှိလာတဲ့ ပိုမိုကျယ်လောင်ပြင်းထန်တဲ့ ပုံစံ ဖြစ်တဲ့ Black Sabbath ရဲ့  ပွဲဦးထွက် Black Sabbath album နဲ့ Paranoid အယ်ဘမ်
Deep Purple ရဲ့ In Rock album တို့ ထွက်လာတဲ့ အချိန် မှာတော့
Heavy Metal ဂီတ ဟာ တိကျတဲ့ပုံစံအသစ်တစ်ခု ရသွားခဲ့ပါတယ်.

Black Sabbath ရဲ့ ဂီတာသမား Tony Iommi ရဲ့ ညာဘက် လက်ချောင်းထိပ်တွေ ဖြတ်လိုက်ရတဲ့ မတော်တဆမှုကြောင့် တိုနီဟာ
သမားရိုးကျ ပုံစံ ဂီတာမတီးနိုင်ဘဲ သူ့ ရဲ့ တစ်မူထူးခြားတဲ့ Power Chord သုံးစွဲမှုတွေ - Chord ပေါင်းစပ်မှုတွေ -ဂီတာတီးဟန်တွေကြောင့် လည်း
Black Sabbath ရဲ့ သီချင်းတွေဟာ ပရိတ်သတ်တွေကြား ပေါက်ရောက်
ခဲ့ပါတယ်..Tony Iommi ဟာလည်း နောင်အဆက်ဆက်သော Metal Guitarists တွေရဲ့ စံပြ ဘဲကြီး တစ်ပွေ ဖြစ်လာတယ် ...

ဒီလိုပဲ Deep Purple ဟာလည်း Vocalist Ian Gillan , Lead Guitarist
Ritchie Blackmore တို့ ရဲ့ Metal ဂီတဘက် ပိုနွယ်တဲ့ ဂီတပုံစံတွေနဲ့ 
Heavy Metal ဘက် ပိုရောက်လာပါတယ်.

1970 ခုနှစ်မှာ UK Top Charts မှာ Black Sabbath ရဲ့ Paranoid album ရယ် Deep Purple ရဲ့  Black Night Album တို့ ဟာ ထိပ်ဆုံးနေရာကို
အသီးသီး ရယူခဲ့ပြန်တယ်. 1971 ခုနှစ်မှာ Led Zeppelin Official ကလည်း
စတုတ္ထမြောက်အယ်ဘမ် Led Zeppelin Vl ကို ထွက်ရှိခဲ့ပြီး Heavy Metal
ဂီတ သံစဉ်တွေ အများအပြား ပါဝင်ခဲ့တယ်..

အဲ့အချိန် America မှာ Grand Funk Railroad ဆိုတဲ့ ဘလူးစ်-Hard Rock တီးဝိုင်းက အရမ်းအောင်မြင်နေတဲ့အချိန်ဖြစ်ပြီး သူတို့ ဟာ ပထမဆုံးသော
Heavy Metal ပုံစံ အောင်မြင်တဲ့ အမေရိကန်တီးဝိုင်း အဖြစ် သတ်မှတ်ခံ
ခဲ့ရပါတယ် ...နောက် Aerosmith Blue Oyster Cult KISS စတဲ့ တီးဝိုင်း
တွေပေါ်ထွက်နေပြီ ဖြစ်ပြီး သူတို့ ကလည်း Metal ပုံစံဂီတ ကို အမေရိက
မှာ စတင် ချပြခဲ့ကြပါတယ် ...
နောက်ထပ် Germany တီးဝိုင်းဖြစ်တဲ့ Scorpions ရဲ့ 
1972 ခုနှစ်ထုတ် '' Lonesome Crow '' ဆိုတဲ့ Heavy Metal အယ်ဘမ်
- တစ်နှစ်တည်း Deep Purple ရဲ့ Machine Head
ဆိုတဲ့ အယ်ဘမ်တို့ ကလည်း Heavy Metal album တွေ အဖြစ်သတ်မှတ်
ခံရပြီး လူကြိုက်များ အောင်မြင်ခဲ့ပါတယ် .

ဒါပေမယ့် အဲ့အချိန်မှာ တစ်ကမ္ဘာလုံးက ဂီတပရိတ်သတ်တွေဟာ အဲ့ဒီ
အယ်ဘမ် တွေကို Hard Rock -Heavy Metal ငြင်းခုံနေကြချိန် ဖြစ်ပြီး
တိကျတဲ့ အဖြေ တစ်ခု ကို မရခဲ့ကြပါဘူး .
1975 ခုနှစ်မှာ Australian band AC/DC ရဲ့ High Voltage album ထွက်ရှိ
လာတဲ့အချိန်မှာတော့ အငြင်းအခုံတွေ ပို ပြင်းထန်လာပါတယ် ..
ကမ္ဘာကျော် Rolling Stones Magazine က AC/DC Band ကို "Australian heavy-metal band AC/DC '' လို့ သုံးနှုန်းခဲ့ပြန်ပါရော -

အဲ့လို ငြင်းခုံမှုတွေကို အဆုံးသတ်စေခဲ့တာကတော့ British band Judas Priest ရဲ့  1974 ခုနှစ် ထုတ် '' Rocka Rolla '' ဆိုတဲ့ ပွဲဦးထွက် အယ်ဘမ်
ဖြစ်ပြီး ရောထွေးနေတဲ့ Hard Rock နဲ့ Heavy Metal ထဲက Heavy Metal
ဂီတ ကို ဆွဲထုတ်ပြီ သူ့ လမ်းကြောင်း သက်သက် ပေါ် ရပ်တည်စေနိုင်ခဲ့
တယ်...

ဒါပေမယ့် အဲ့အယ်ဘမ်ဟာ ထိပ်တန်းတစ်နေရာကို အဲ့ခေတ်မှာ မရောက်ခဲ့ပေမယ့် Black Sabbath ပြီး ဒုတိယ Heavy Metal band စစ်စစ်
ဖြစ် တော့ Judas Priest ကို ရပ်တည် စေနိုင်ခဲ့ပါတယ် ..

1977 ခုနှစ်တွေမှာ Punk Music ပေါက်ကွဲ အောင်မြင်လာမှုနဲ့ အတူ Heavy Metal band တစ်ချို့ ဟာ Punk-Metal တွေ ရောထွေးနေခဲ့သေးတယ်.
1975 ခုနှစ်မှာ ဖွဲ့ ခဲ့တဲ့ Motorhead band တောင် Punk Metal ရောထွေး
နေတဲ့ ဂီတပုံစံတွေ ဖန်တီးခဲ့ပြီး Speed Metal လို့ သတ်မှတ်ခံခဲ့ရပြန်တယ်.

ဒါပေမယ့် Heavy Metal ဂီတကို လမ်းကြောင်းမှန်ပေါ် ပြန် ဆွဲတင်ခဲ့ကြတာကတော့ New Wave of British Heavy Metal bands တွေဖြစ်ပြီး -Def Leppard ,Iron Maiden ,Saxon စတဲ့ တီးဝိုင်းတွေက Heavy Metal ကို ပြန် အားဖြည့်ခဲ့တယ်..

1980 ခုနှစ် မှာ New Wave of British Heavy Metal တီးဝိုင်းတွေ အကြီးအကျယ် အောင်မြင်လာခဲ့ပြီး Venom , Diamond Head ,Iron Maiden ,Saxon ,Motorhead စတဲ့ ၀ိုင်းတွေရဲ့ အယ်ဘမ်တွေက အရောင်းရဆုံးနဲ့ အအောင်မြင်ဆုံး အယ်ဘမ်တွေ ဖြစ်လာပါတယ်..

အဲ့ဒီအချိန်တွေမှာ ဒီဂီတရဲ့ ပထမဦးဆုံး တီးဝိုင်းတွေ ဖြစ်တဲ့ Deep Purple က
Ritchie Blackmore ထွက်ခွာမှု -Led Zeppelin band ရဲ့ Drummer
John Bonham သေဆုံးမှု -Black Sabbath ရဲ့ lead vocalist - Ozzy Osbourne မူးယစ်ဆေးပြသနာတွေကြောင့် နှုတ်ထွက်မှုတွေနဲ့ 
ရှုပ်ထွေးနေခဲ့ပါတယ် ..
နောက် 80 ဆယ်စုနှစ် ရဲ့ အကောင်းဆုံး Metal ဂီတာ သမား အဖြစ်
Eddie Van Halen က သူ့ ကိုယ်သူ ကြေငြာလိုက်ပြီး သူ့ ရဲ့ အကောင်းဆုံး
ဂီတာ ဆိုလို တစ်ခု ဖြစ်တဲ့ Eruption နဲ့ Metal ဂီတ ပရိတ်သတ်တွေကို
ဖမ်းစားခဲ့ပြန်ပါတယ် ..
Van Halen ရဲ့  အကြီးအကျယ်အောင်မြင်မှု က အမေရိက ဂီတ လောက
ကို ရိုက်ခတ်စေခဲ့ပြီး ဟဲဗီးမက်တယ် ဂီတကို တောင်ကယ်လီဖိုးနီးယား
ဒေသမှာ လွှမ်းမိုးခဲ့တယ် .ဒီလို နဲ့ Quiet Riot ,Motley Crue ,Ratt .W.A.S.P
စတဲ့ တီးဝိုင်းတွေဟာ 70 ခုနှစ် ဟဲဗီးမက်တယ် ပုံစံတွေနဲ့ Glam Metal
ဆိုတဲ့ Metal genre တစ်ခု ကို ထပ်ဖန်တီး ခဲ့ ပြန်ပါတယ် .Make-Up အပြင် ဆင်တွေ ကတော့ Alice Cooper တို့ Kiss တို့ ပုံစံအရိပ်အောက်က ဖြစ်ပါတယ်. ..Shred Guitar solos တွေ -အသံမြိုင်မြိုင် သီဆိုမှုတွေ- ပေ့ါပ်နွယ်တဲ့ မယ်လိုဒီတွေ - ရိုင်းစိုင်းလွတ်လပ်တဲ့ သဘာဝ နွယ်တဲ့ စာသားတွေနဲ့ Glam Metal တီးဝိုင်းတွေ က အောင်မြင် လာပါတယ် ..အမေရိကမှာဆို Twisted Sister ကလည်း နောက်ပိုင်း Metal band တွေ အထိ ပါလွှမ်းမိုးခဲ့ပါတယ်.

နောက်မှ ဆက်ရေးပါအုန်းမယ် ...
#Angel(Admin of We Sold Our Soul For Rockn'Roll)

Heavy Metal ဂီတ အကြောင်း - ၁ #

noreply@blogger.com (Anonymous) — Mon, 02 Sep 2013 06:46:00 +0000

Metal လို့ လူသိများတဲ့ HEAVY METAL ဂီတ ဟာ 1960 အလွန် 1970 ခုနှစ်တွေ အစမှာ စတင် ဖြစ်တည် လာတဲ့ ရော့ခ် ဂီတခွဲ အမျိုးအစား တစ်ခု ဖြစ်ပါတယ်.. အစပြုခဲ့တဲ့ နေရာဒေသကတော့ United Kingdom က ဖြစ်ပြီးသိပ်မကြာတဲ့ကာလအတွင်း မှာပဲ United States ကို ပျံ့ နှံ့ ရောက်ရှိ ခဲ့တာပါHeavy Metal ဂီတဟာ Blues Rock နဲ့ Psychedelic Rock ဂီတ အမျိုးအစားတွေ က တစ်ဆင့် အခြေတည် ပေါက်ဖွားလာတာ ဖြစ်ပြီး Hard Rock ဂီတနဲ့ သိပ်မကွာတဲ့ Rock ဂီတ အမျိုးခွဲ တစ်ခုလို့ ပထမ သတ်မှတ်ခဲ့ကြပါတယ်.

Heavy Metal ဂီတ ဟာ မြန်ဆန်ပြင်းထန်ကျယ်လောင်တဲ့ Tempo Riff တွေ , ပြင်းထန်အားပြင်းတဲ့ ဘေ့စ်လိုင်းတွေ , ပှိုရှည်ကြာ ကြမ်းတမ်းတဲ့ Lead Guitar solo တွေ , vocalist ရဲ့ high-pitched vocal range တွေ ပေါင်းစပ်
ထားတယ် လို့ သိနားလည်သလောက်လေး ရေးလိုက်ပါတယ်. .

စာသားရေးစပ်မှုပိုင်းအနေနဲ့ လည်း သမားရိုးကျ အချစ်-အလွမ်း-အကြောင်း
တွေက ခွဲထွက်ပြီး - စိတ်ကူးကွန့် မြူးတဲ့ပုံစံတွေ - အမှောင်ထုခြမ်းပိုရောက်တဲ့ ရန်လိုရိုင်းစိုင်းတဲ့အသုံးအဖွဲ့ တွေ- မူးယစ်ဆေးဝါးနဲ့ လိင်ကိစ္စအကြောင်းတွေ - အဖြူရောင်ကမ္ဘာကို အနက်ရောင်အမြင်ဘက်က ရေးဖွဲ့ တဲ့ပုံစံတွေ က Heavy Metal ရဲ့ သင်္ကေတ တစ်ခုဖြစ်လာပါတယ်.. သမားရိုးကျ အမြင်က ရုန်းထွက်ပြီး
သူတို့ ရဲ့ အမြင်အယူအဆ ခံစားမှုတွေကို ပုံစံသစ် တစ်ခုနဲ့ ဖော်ပြကြခဲ့ပါတယ်..

Heavy Metal ဂီတ ရဲ့ ပထမဆုံး တီးဝိုင်းတွေလို့ သတ်မှတ်ခံရတဲ့ Led Zeppelin Official , Deep Purple , Black Sabbath စတဲ့ အင်္ဂလိပ်
တီးဝိုင်းတွေဟာ 1960 အလွန် ဂီတ ပရိတ်သတ်တွေကို Heavy Metalဂီတ ဆီ ဆွဲခေါ် နိုင်ခဲ့ပါတယ် ..1970 အစပိုင်းမှာ British Heavy Metalband တစ်ခုပဲ ဖြစ်တဲ့ Judas Priest ဟာ Blues လွှမ်းမိုးနေတဲ့ Heavy Metalဂီတ ပုံစံကနေ Blues Style တွေကို ဖယ်ထုတ်ပြီး Heavy Metal ဂီတကိုအောင်မြင်ကျော်ကြားမှု လမ်းကြောင်းဆီ ထပ်ပို့ ပေးခဲ့ပြန်ပါတယ်..နောက်ထပ် British တီးဝိုင်း တစ်ခုဖြစ်တဲ့ Motörhead က ပိုမိုမြန်ဆန်တဲ့Speed တွေနဲ့  New Wave of British Heavy Metal ကို Iron Maidenနဲ့ အတူ အောင်မြင်စေခဲ့ပြီး 1970 အလွန် 1980 ခုနှစ်တွေရဲ့ Heavy Metalကို ဗြိတိသျှမှာသာမက တစ်ကမ္ဘာလုံးအနှံ့ ရူးသွပ်စေခဲ့ပြန်တယ်.အဲ့ဒီ ဆယ်စုနှစ် အဆုံးမှာ Heavy Metal ပရိတ်သတ်တွေဟာ Metalheads, Headbangers စတဲ့ နာမည်တွေနဲ့ စတင် လူသိများကျော်ကြားခဲ့တာပေ့ါ

1980 နှစ်တွေမှာ Glam Metal လို့ ခေါ်တဲ့ Heavy Metal အမျိုးခွဲတစ်ခုဟာMotley Crue , Poison စတဲ့ ၀ိုင်းတွေနဲ့ အတူ ကျော်ကြားလာပြန်ပါတယ်.ပိုမို ကြမ်းတမ်းပြင်းထန်တဲ့ Heavy Metal ဂီတခွဲတစ်ခု ဖြစ်တဲ့ Thrash Metalဟာ Slayer ,Anthrax ,Metallica ,Megadeth စတဲ့ ဆရာကြီးလေးဆူနဲMainstream ပေါ်ကို တက်ရောက်ခဲ့ပြီး အအောင်မြင် ဆုံးMetal ဂီတရဲ့ အမျိုးခွဲတစ်ခု အဖြစ် Black Metal ,Death Metal တို့ အထက်မှာ သတ်မှတ်ခံခဲ့ရပါတယ်..

1990 အလယ်ခုနှစ်တွေမှာ Groove Metal နဲ့ Nu-Metal ဆိုတဲ့ မက်တယ်အမျိုးခွဲ နှစ်ခု ထပ်ထင်ရှားလာပြီး Pantera ,Slipknot စတဲ့တီးဝိုင်းတွေက Metal အမျိုးခွဲ အသစ်ကို ထပ် ထင်ရှားစေခဲ့ပြန်ပါတယ်.

Heavy Metal စတင် ပေါ်ပေါက်တုန်းက ပရိတ်သတ်တွေဟာ ဒီဂီတကိုHard Rock ရဲ့ အမျိုးခွဲ အသစ်လို့ သတ်မှတ်ခဲ့ကြပါတယ် ..နောက်ပိုင်း ဂီတသမိုင်းဆရာတွေနဲ့ ဝေဖန်ရေးဆရာတွေကHeavy Metal ရဲ့ ကိုယ်ပိုင်စတိုင်-Blues အရိပ်နည်းတဲပုံစံ -ပိုအားပါပြင်းထန်တဲ့ ဂီတပုံစံတွေကို သတိပြုမိလာပြီး Heavy Metal ဟာ သီးခြားဂီတအမျိုးအစားအဖြစ် သတ်မှတ်ခဲ့ကြပါတယ် ..

Heavy Metal ကို ဘယ်သူစတင်ထွန်းကားစေခဲ့သလဲလို့ မေးရင် အဖြေတွေအမျိုးမျိုးကွဲမှာဖြစ်ပေမယ့် Black Sabbath ဆိုရင်တော့ အားလုံးလက်ခံကြမှာပါ...Grammy ဆုတံဆိပ်ရထားတဲ့ ဟဲဗီးမက်တယ်တီးဝိုင်း Judas Preist ရဲ့ Lead Singer -Songwriter - Rob Halford ပြောထားတာကံHeavy Metal ဂီတ ဟာ လုံးဝ Black Sabbath ဖန်တီးခဲ့တာပါတဲ့ - စစ်မှန်တဲ့
မက်တယ်ဂီတသမားတစ်ယောက်အနေနဲ့ ပြောရရင် Black Sabbath က
ဟဲဗီးမက်တယ် ပါပဲတဲ့...

ံHeavy Metal ဆိုတဲ့ အသုံးအနှုန်းကို ဂီတမှာ စတင်သုံးခဲ့တာက အမေရိကန်တီးဝိုင်း Steppenwolf ရဲ့ 1960 အစောပိုင်းက ထွက်ရှိခဲ့တဲ့ Born to beWild သီချင်းမှာ ဖြစ်ပါတယ်...နောက်ပိုင်းမှာတော့ ဟဲဗီးမက်တယ် ဆိုတဲ့အသုံးအနှုန်းကို ရော့ခ်ဂီတခွဲရဲ့ အမည်တစ်ခုအဖြစ် သုံးပြီး Heavy Metal
ဂီတ ရယ်လို့ တွင်ကျယ်ခဲ့လာတာပါ ....

ဒီဂီတ တစ်ဆင့်ချင်းပေါ်ပေါက်လာတာကတော့1960 အလယ်နှစ်တွေမှာ အမေရိကန် ဘလူးစ် တေးဂီတ ဟာ ဗြိတိသျှရော့ခ်အဖွဲ့ တွေကို လွှမ်းမိုးမှုကြီးမားခဲ့ပါတယ် ..Rolling Stones နဲ့ The Yardbirds လိုBritish နာမည်ကျော် ရော့ခ်တီးဝိုင်းတွေဟာ Classic Blues ဂီတဟန်ကနေ Blues Rock ဂီတဟန်ကို ကာဗာ သီချင်းတွေကို Tempo မြန်မြန်တွေ ပြောင်းပြီး ချပြခဲ့တယ်..

အဲ အဲ့လို အပြန်အလှန်ပဲ အမေရိကန် Blues အခြေခံရော့ခ်တီးဝိုင်းတွေကလည်း Rolling Stones တို့ ရဲ့ အရှိန်အ၀ါ ကို
့ပြန်လွှမ်းမိုးခံရရော ..အေးအေးငြိမ်ငြိမ် ဖီလင်ဖြေးဖြေးလေးနဲ့ ရော့ခ်သီချင်း
တွေခံစားနေချိန်မှာ Rolling Stones တို့ ကနဲနဲ ကြမ်းတမ်းကျယ်လောင် မြန်ဆန်တဲ့ပုံစံကို စချပြခဲ့တယ် .နောက် 1964
The Kinks ရဲ့ သီချင်း ''You Really Got Me '' က တစ်ဆင့် လူတွေနဲနဲကျယ်လောင်ကြမ်းတမ်းတာလေးကို ကြိုက်လာကြတယ်..Eric Clapton , Jimi Hendrix တို့ လို ဂီတာသမားတွေကလည်းHeavy Metal ဂီတရဲ့ အစပုံစံကို စထွင်ခဲ့တယ်လို့ ပြောလို့ ရတယ်.

ဲ1969 မှာထွက်ရှိခဲ့တဲ့ Pink Floyd ရဲ့ The Nile Song နဲ့ Ibiza Bar သီချင်းတို့ ဟာ Heavy metal ပုံစံဂီတဟန်တွေ ပါဝင်ခဲ့ပြီး 1969 မှာထွက်ရှိခဲ့ပြန်တဲ့ Led Zeppelin ရဲ့ ပွဲဦးထွက် အယ်ဘမ် - The Beatles ရဲ့ WhiteAlbum တို့ မှာလည်း ဟဲဗီးမက်တယ်ရဲ့ ကနဦး သီချင်းတွေ ပါဝင်ခဲ့ပါတယ်Led Zeppelin ရဲ့ ဂီတာသမား Jimmy Page ရဲ့ ဂီတာစတိုင်တွေvocalist Robert Plant ရဲ့ ထူးခြားတဲ့ အသံပုံစံတွေက
ဟဲဗီးမက်တယ် ကို တခြား Rock genre တွေကနေ မတူတဲ့ ပုံစံ တစ်ခုအဖြစ် လူသိများစေခဲ့တယ် ..
Led Zeppelin ထက် ပိုမိုကျယ်လောင်ပြင်းထန်တဲ့ ပုံစံ ဖြစ်တဲ့ Black Sabbath ရဲ့  ပွဲဦးထွက် Black Sabbath album နဲ့ Paranoid အယ်ဘမ်Deep Purple ရဲ့ In Rock album တို့ ထွက်လာတဲ့ အချိန် မှာတော့Heavy Metal ဂီတ ဟာ တိကျတဲ့ပုံစံအသစ်တစ်ခု ရသွားခဲ့ပါတယ်.

အရမ်းရှည်သွားတဲ့ အတွက် - နောက် တစ်ပိုင်းခွဲပြီး ထပ်ရေးပါ့မယ်..ရက် အနည်းငယ် စောင့်ပေးကြပါ...
#Angel (Admin Of We Sold Our Soul For Rocknroll)

We Are The Waste

noreply@blogger.com (Anonymous) — Sat, 31 Aug 2013 11:40:00 +0000

"We Are The Waste " ဆိုတဲ့ band လေးနဲ. မိတ်ဆက်ပေးချင်ပါတယ်

ရောသမမွှေ ထားတဲ့ music တွေနဲ. ကိုယ်ပိုင်ဟန်ပေါ်လွင်တဲ့ အဖွဲ. လို.ဆိုချင်ပါတယ်.. သူတို. သီချင်းလေးတွေကတော့ Electronic နဲ. metal music ကိုရောသမမွှေထားတော့ တစ်မျိုးစိတ်ဝင်စားစရာကောင်းပါတယ်.. အသစ်သစ်ကိုဆာလောင်နေသူတွေ အတွက် ဟာနေတဲ့ ကွက်လပ်တစ်ချို.ကိုတော့ ဖြည့်ဆည်းပေးပါလိမ့်မယ်...
M R Zကသူငယ်ချင်းတွေလည်းနားထောင်ခံစားကြည့်လိုက်ပါ.. စိတ်ကြိုက်ဝေဖန်အကြံပြုနိုင်ပါတယ်...

Basic Info.

Founded
2010
--------------------------------------------------------------------------------
Genre
Melodic Post-Hardcore,Metalcore,Electronic
-------------------------------------------------------------------------------
Members
Zin Ko Ko(Vocalist),,Sai Ye Htet Kaung (Guitar),Sinn Lay (Guitar,Bass),Tomohok(Drum)
--------------------------------------------------------------------------------

Hometown
Hlaing ,Yangon
-------------------------------------------------------------------------------
General Manager
Kyaw Ye Paing
------------------------------------------------------------------------------
nfluences
Above This,Eskimo Callboy,A Day to Remember,It Start With Alaska,Night Verses,Alesana
-------------------------------------------------------------------------------
current Location
Yangon , Myanmar
--------------------------------------------------------------------------------
Contact Info.

Press Contact
09420027268,0943121460
--------------------------------------------------------------------------------
Booking Agent
+959420027268

We are thre waste Band ၏ Social Network Account များ
Reverbnation >>>http://www.reverbnation.com/wearethewaste(Mp3 Download ယူနိုင်သည်)
Facebook >>>>https://www.facebook.com/wearethewaste
Twitter >>>>https://twitter.com/WeAretheWaste
Soundcloud >>>>https://soundcloud.com/wearethewaste (Mp3 Download ယူနိုင်သည်)

Band Logo

(တစ်ခါတုံးက မျိုးကြီး ဆိုတာ )

noreply@blogger.com (Anonymous) — Sat, 31 Aug 2013 09:20:00 +0000

တစ်ခါက....
တောင်ဥက္ကလာ ကားလမ်းမ တစ်ခုမှာ ရှိတဲ့ လူငယ်တော်တော်များများ ထိုင်သော နေရာတစ်နေရာကို
ဦးထုပ်ခပ်ငိုက်ငိုက် ဆောင်းထားပြီး ဂျင်းအကျီင်္ဝတ် လူနှစ်ယောက် ဝင်လာတယ်.။
သူတို့ မျက်နှာတွေကို သေချာစွာ မမြင်ရ.။ ဒါကြောင့် ဘယ်သူတွေမှန်းလည်း
မသိ.။ ဘယ်သူမှလည်း သူတို့ကို အလေးထား စိတ်ဝင်စား မနေကြပါ.။
သူတို့ ဝင်လာတဲ့ အချိန်က နေ့လည် ၁ နာရီခွဲဆိုတော့ နေ့လည်
ဆိုတာ သာမာန် ထမင်းစားပြီးသူတွေ ထိုင်တတ်တဲ့ အချိန်မဟုတ်.။ ဒီအချိန်မှာ
လူငယ်တွေကသာ သူတို့ကြိုက်ရာ သီချင်းလေးတွေကို နားထောင်ဖို့ ထိုင်တတ်ကြတာ.။

ဒီဆိုင်ကလည်း သူ့အနားပတ်ဝန်းကျင်မှာတော့ နံပါတ်တစ် ၊ ထိပ်တန်းဆိုင် ။
ဒီလူနှစ်ယောက် ဆိုင်ထဲမှာ ထိုင်နေတဲ့ အချိန်မှာ ဒီဆိုင်မှာ ဖွင့်ထားတာက
အဲဒီအချိန်မှာ နာမည်ကြီး လူငယ် အကြိုက်ဆုံး သီချင်းခွေ ၊
လူငယ်အားလုံးကလည်း ဒီသီချင်းလေးကို နားထောင်နေတဲ့ အချိန် ။
ဒီလိုနဲ့ တစ်နာရီလောက်ကြာတော့ ဦးထုပ်ခပ်ငိုက်ငိုက်
ဆောင်းထားတဲ့ လူနှစ်ယောက်ထဲက အသက်ငယ်ငယ်နဲ့ လူတစ်ယောက်က ကောင်တာကို
ထသွားပြီး သူ့လက်ထဲက သီချင်းခွေလေး တစ်ခွေကို ကောင်တာမှာ ထိုင်နေတဲ့
ဆိုင်ရှင်ကို ပေးတယ်.။

“ အကို
ကျွန်တော့်ကို ဒီအခွေလေး ဖွင့်ပေးပါလား.။ ”

ဒီတော့ ဆိုင်ရှင် အကိုကြီးက. . .

“ ဟ . . မင်းအခွေက ဘာခွေလဲကွ. .။ ”

“ ဟို. .သီချင်းခွေပါ. ။ ကျွန်တော်ကိုယ်တိုင် ဆိုထားတာ. . ။ အဲဒါ ဘယ်လိုနေလဲ လို့ စမ်းဖွင့်ကြည့်စေချင်လို့ပါ.။ ”

ဒီတော့ ဆိုင်ရှင် အကိုကြီးက . .

“ အင်းလေ . . ခဏတော့ရမယ်.။ ဒါပေမဲ့ ငါတို့ကလည်း Customer တွေနဲ့ လုပ်ရတာ ဆိုတော့ သူတို့ ကြိုက်တာ ၊ အခု ခေတ်ပေါ်နေတာတွေကို ဖွင့်ပေးရတယ်.။
မင်းသီချင်းခွေကို ဖွင့်လို့ သူတို့ မကြိုက်ဘူး ပိတ်ပေးပါ ဆိုရင်တော့
ငါ့ကို အပြစ်တော့ မပြောနဲ့ကွာ.နော်..။ နားလည်ပေး .။ ဟုတ်ပြီလား.။ ”

ဒီတော့ သီချင်းခွေဖွင့််ခိုင်းတဲ့ အဆိုတော် ပေါက်စလေးက မျက်နှာငယ်လေးနဲ့. .

“ ဟုတ်ကဲ့. . အကို.။ ကျွန်တော် နားလည်ပါတယ်.။ ”

“ ဒါနဲ့ မင်းအခွေက ထွက်ပြီလား.။ ”

“
မထွက်သေးဘူး အကို.။ ဒီလကုန်ထွက်မယ်.။ ”

“ သြော်..အေးအေး..။ ဒီသီချင်းပြီးရင် ဖွင့်ပေးမယ်.။ ”

ဒါနဲ့ ခဏနေတော့ လက်ရှိဖွင့်နေတဲ့ သီချင်းလည်း ပြီးရော ၊ ဆိုင်ရှင် အကိုကြီးက အဆိုတော်သစ်လေး ပေးလိုက်တဲ့ အခွေလေးကို ဖွင့်လိုက်တယ်
ဆိုရင် ဆိုင်ထဲက လူငယ်တွေ ငြိမ်ကျသွားတယ်.။ အကောင်းငြိမ်တာတော့ မဟုတ်ပါ. ။
သူတို့ မျှော်လင့်ထားတာက ဒီသီချင်းပြီးရင် နောက် ဘာသီချင်းပေါ့ .။ အခုတော့
သူတို့ မသိတဲ့ သီချင်းသံထွက်လာတယ်.။ ဒါကြောင့် နားစွင့်ရင်း
ငြိမ်သွားတာ...။
ဒီမှာ သူတို့ မကြားဖူးတဲ့ အဆိုတော် တစ်ယောက်ရဲ့
ပေါက်ကွဲအော်ဟစ် တေးဆိုသံကို ကြားလိုက်ရတယ်.။ ဒီတော့ ငြိမ်နေတဲ့ လူငယ်တွေ
ဘာမှ မပြောပဲ တစ်ပုဒ်တော့ နားထောင်နေတယ်.။ ပြီးတော့ နောက်ထပ် တစ်ပုဒ်လည်း
ရောက်ရော. . ဆိုင်ထဲက လူငယ်တွေက

“ ဟာ..ဘာသံကြီးလဲဗျာ.။ ဘာသံနဲ့ အော်ဟစ်နေတာလဲ..။ ကို----ရေ
ဘာတွေဖွင့်နေတာလဲဗျာ..။ ဘယ်က သီချင်းကြီးလဲ.။ ခုနခွေပဲ
ပြန်ပြောင်းလိုက်ပါ.။ ”

ဒီတော့ ဆိုင်ရှင်က

“ ဟိုက ညီလေး ဖွင့်ခိုင်းတာပါကွာ.။ သူဆိုထားတဲ့ သီချင်းလို့ ပြောတယ်.။
ခဏလေးပါ.။ ၃ ၊ ၄ ပုဒ်လောက်ပါပဲ..။ ခဏတော့ နားထောင်ကြည့်ပါကွာ..။ ”

ဒီလိုနဲ့ ၃ ၊ ၄ ပုဒ် ပြီးသွားတော့လည်း အဆိုတော်အသစ်ရဲ့
အသံကို ကြားဖူးနေတာ မဟုတ်တဲ့ အတွက် သူတို့ နားမယဉ်ပဲ
ကန့်ကွက်ကြပြန်တာပါပဲ..။

“ ကို----ရေ.။ ပိတ်ပါတော့ဗျာ.။ အကို ပိတ်မလား ၊ ကျွန်တော်တို့
ပြန်ရမလား..ဟားဟားဟား..။ ”

ဒီလိုနဲ့ ဆိုင်ထဲမှာ အမြဲလာ စားသောက်ကြပြီး ဆိုင်ရှင်နဲ့
ရင်းနှီးနေတဲ့ လူငယ်တွေက ဒီလို ပြောတော့ ဆိုင်ရှင် အကိုကြီးလည်း ခွေကို
ထုတ်ဖို့ပဲ ဖြစ်နေတော့တယ်.။
အဆိုတော် လူငယ်လေးကို ကြည့်လိုက်တော့ မျက်နှာ မပေါ်အောင်
ငိုက်ဆောင်းထားတဲ့ ဦးထုပ်အောက်က ခေါင်းက အောက်ကို စိုက်ကြနေတယ်.။ ဒါ
အရက်မူးနေလို့ မဟုတ်ပါ.။ စိတ်ဓါတ်ကျသွားမိခြင်းပါပဲ.။
အဆိုတော်
လူငယ်လေးနဲ့ အတူတူ ပါလာတဲ့ နောက်ထပ် တစ်ယောက်ကတော့ ဘာမှ
တုန်လှုပ်ပုံမပြ ၊ သူ့မျက်နှာကိုလည်း မမြင်ရ.။ အဆိုတော်လေးကိုလည်း
အားပေးစကားမပြော ၊ အဆိုတော်လေးကတော့ လက်တွေတောင်မှ တဆက်ဆက်တုန်နေပြီ...။
ဒီအချိန်မှာပဲ ဆိုင်ထဲက လူငယ်တွေက . .

“ ကို--- ပြောင်းလိုက်တော့လေဗျာ.။ အခု သီချင်းက ဘာတွေမှန်းလည်း မသိဘူး.။ ”

တကယ်တော့ အဆိုတော် အသစ်ဆိုတဲ့ အတိုင်း သူ့အသံ ၊ သူ့ဆိုပေါက်ကို မရင်းနှီးသေးလို့ပါ.။ ဒါကြောင့်လူငယ်တွေ လက်မခံနိုင်
ဖြစ်နေကြရတာ.။ ဒါနဲ့ပဲ နောက်ဆုံးမှာ လူငယ်တွေရဲ့ တောင်းဆိုမှုကြောင့်
ဆိုင်ရှင် အကိုကြီးလည်း ဘာမှ မတတ်နိုင်ပဲ စိတ်မကောင်းစွာ
အဆိုတော်သစ်လေးရဲ့ အခွေကို ထုတ်ဖို့ လက်အပြင်လိုက်မှာ...

“ မထုတ်ပါနဲ့..ဖွင့်ထားပါဦး.။ ဒီသီချင်းလေးက ကောင်းပါတယ်.။ နင်တို့ကလည်းဟာ
ခဏတော့ စောင့်ပါဦး.။ နင်တို့ နားမယဉ်သေးလို့ မကောင်းတာပါ.။
အသစ်ဆိုတော့လည်း ဒီလိုပဲပေါ့.။ နင်တို့က အသစ်ဆို လက်မခံချင်တာ.။
”

ဒီလို အသံလေးတစ်ခုကို ကြားလိုက်ရတော့ ခေါင်းငိုက်စိုက်ကျနေတဲ့ အဆိုတော်သစ်လေး ခေါင်းဆက်ခနဲ့ မတ်လာပြီး
အသံရှင်ကို ကြည့်လိုက်တော့ ကောင်မလေး တစ်ယောက်.။ သူနဲ့ အတူတူ
သူ့အဖေလို့ထင်ရတဲ့ လူတစ်ယောက်နဲ့ လက်ဖက်ရည်ဆိုင် လာထိုင်တာ လို့ ထင်တယ်.။
ဆိုင်ထဲမှာ ရှိတဲ့ လူငယ်တွေနဲ့ကလည်း တစ်ရပ်ကွက်သားချင်းဆိုတော့ သူငယ်ချင်း
ဖြစ်ဟန်တူတယ်.။ ဒါကြောင့်လည်း ကောင်မလေးက ဒီလို ပြောရဲတာ ဖြစ်မည်.။
ပြီးတော့ ကောင်မလေး ဆက်ပြေတယ်. . .

“ ပြီးတော့ နင်တို့ စဉ်းစားကြည့်လေ.။ နင်တို့သာ
ဒီလို အဆိုတော် ဖြစ်ပြီး နင်တို့ ဆိုထားတာကို ဒီလို အပြောခံရပြီး
အဝေဖန်ခံရရင် ဘယ်လို ခံစားရမလဲ..။ ဝေဖန်တယ် ဆိုပြီး မကောင်းတာ ပြောမှာထက်
ဘယ်လို လုပ်ရင် ကောင်းမယ် ဆိုတာကိုပဲ ကြည့်ပြီး အကောင်းဘက်ကိုပဲ
ပြောတတ်ရတယ်.။ ”

သူမ ဒီလို ပြောလိုက်တော့ ဆိုင်ထဲက လူငယ်တွေကလည်း ဘာမှမပြောတော့ အဆိုတော် လူငယ်ဘက် လှည့်ကြည့်ပြီး ငြိမ်သွားတယ်.။
သူတို့လည်း အားနာသွားတဲ့ ပုံစံတွေ ပြလာကြတယ်.။ ဒါနဲ့ပဲ အဆိုတော်သစ်လေးရဲ့
အခွေကို တစ်ဖက်လုံးလုံးပြီးအောင် ဖွင့်ခဲ့တယ်.။ တစ်ဖက်ပြီးတဲ့
အချိန်မှာတော့ အဖော်ပါလာတဲ့ လူက ဘာပြောလိုက်တယ် မသိဘူး.။ အဆိုတော်သစ်လေးက
ဆိုင်ကောင်တာကို ထသွားပြီး ဆိုင်ရှင်လူကြီးကို. .

“ ကျေးဇူးတင်ပါတယ်.အကို.။ ကျွန်တော်တို့ ပြန်လိုက်ပါဦးမယ်.။ ဖွင့်ပေးတဲ့
အတွက် အ၇မ်းကို ကျေးဇူးတင်ပါတယ်.။ ”

ဒိလိုပြောပြီး သူခွေလေးကို ပြန်ယူလာတယ်.။ နောက်တော့ သူစားပွဲမှာ ထိုင်ပြီး
ဆော့ပင်လေးထုတ်ပြီး အခွေကာဗာမှာ တစ်ခုခုရေးနေတယ်.။ ပြီးတော့ သူတို့
စားထားသမျှ ရှင်းပြီး အထမှာတော့ အဆိုတော်သစ်လေးက ခုက သူ့အခွေကို
ဆက်ဖွင့်ဖို့ ပြောခဲ့တဲ့ ကောင်မလေးဆီကို တန်းသွားပြီး .. .

“ ကျေးဇူးတင်လိုက်တာ ညီမလေးရာ.။ သူများတွေ အကို့ သီချင်းကို လက်မခံဘူးလို့
ပြောနေချိန်မှာ အကိုလည်း တကယ်ကို စိတ်ဓါတ်ကျသွားတယ်.။ ဒီအချိ်န်မှာ ညီမလေး
ပြောလိုက်တဲ့ စကားကြောင့် အကို ဘယ်လောက် စိတ်ဓါတ်တတ်သွားလဲ .ညီမ သိမှာ
မဟုတ်ဘူး.။ ဒါပေမဲ့. . ဘာပဲ ပြောပြော ညီမလေးကို ကျေးဇူးတင်ပါတယ်။
ရော့...ဒါကတော့ အကို့ဆိုထားတဲ့ အခွေ ၊ ညီမကို လက်ဆောင်ပေးတာ ၊
ဒီလကုန်ထွက်မယ် ညီမ.။ ညီမပြောခဲ့စကားတွေ အကို ဘယ်တော့မှ မေ့မှာ
မဟုတ်တော့ဘူး.။ အကို အမြဲကြားယောင်နေမှာပါ..။ ”

ကောင်မလေးကလည်း အဆိုတော်အသစ် ပေးတဲ့ အခွေကို လှမ်းယူပြီး အဆိုတော်သစ်ကို ပြုံးပြလိုက်ရင်း.

“ အကိုက ဘာနာမည်နဲ့ ဆိုတာလဲ.။ ”

ဒီတော့ အဆိုတော်သစ်က . .

“ အကိုခွေမှာ ပါတယ်လေ ညီမ.။ ဟိုဟာက အကို့ကို အဆိုပါ သင်ပေးတဲ့ ဆရာပဲ.။ ”

အဆိုတော်သစ်
ညွှန်ပြရာကို ကောင်မလေး ကြည့်လိုက်တော့ ရပ်စောင့်နေတဲ့
ဦးထုပ်ငိုက်ငိုက်ဆောင်းထားတဲ့ လူက ခဏမော့ပြီး ပြုံးပြတယ်.။ ကောင်မလေး
ထိုလူ့ကို မြင်တော့ အံ့သြသွားပြီ...

“ ဟင်. . ကို-----”

“ ဟုတ်တယ် ညီမလေး ၊ အကိုသွားပြီနော်..။ ဦးကိုလည်း နှုတ်ဆက်ပါတယ်.။ ကျွန်တော်သွားတော့မယ်.။ ”

အဆိုတော်သစ်လေးက ကောင်မလေး အဖေကိုပါ နှုတ်တဆက်ပြီး ထွက်သွားလေတော့သည်.။ ။

ဒီအဖြစ်အပျက်လေးက တကယ်ကို အပြင်မှာ ဖြစ်ခဲ့တာပါ.။ ကျွန်တော် ဘာလို့ သိနေရတာလဲ ဆိုတာ့ အဆိုတော်သစ်ကို
ပြောခဲ့တယ် ဆိုတဲ့ ကောင်မလေးက ကျွန်တော်နဲ့ အတန်းအတူတူ သူငယ်ချင်း
ဖြစ်ပြီး သူပြန်ပြောပြခဲ့တာပါ.။
နောက် အဆိုတော်သစ် အမှတ်တရ ပေးသွားတဲ့ အခွေလေးကိုလည်း
ပြပါတယ်။ ဟုတ်ပါတယ် ။ ဒီအခွေမှာ အဆိုတော်ရဲ့ လက်မှတ်လေးပါတယ်.။ အမှတ်တရ
လို့ လည်း ရေးထားတယ်.။ ဒီအခွေကို ကြည့်လိုက်တော့ အဆိုတော်က “ မျိုးကြီး ” ဖြစ်ပြီး
အခွေကတော့ “
ကျောက်စာများ ” အခွေပဲ ဖြစ်ပါတယ်။

အဲဒီအချိန်က အဆိုတော် အသစ်လေး ဖြစ်တဲ့ “ မျိုးကြီး ” နဲ့
အတူတူပါလာတာကတော့ “
ကိုလေးဖြူ ” ပါပဲ.။ ဒါပေမဲ့ ဦးထုပ်ငိုက်ငိုက်ဆောင်းထားပြီး
မထင်တဲ့ အချိန် ၊ မထင်တဲ့နေရာကို လာတာ ဆိုတော့ ဘယ်သူမှ
သတိမထားမိလိုက်တာပါ.။

ဘယ်သူမဆိုတော့ ဘဝမှာ မအောင်မြင်ခင် အချိန်မှာ အဝေဖန်ခံရ နိုင်ပါတယ်.။
အောင်မြင်နေတဲ့ အချိန်မှာလည်း အဝေဖန်ခံရ နိုင်ပါတယ်.။ ဒါပေမဲ့ လူတွေ
အားလုံးကတော့ မဝေဖန်ကြပါဘူး.။ အကောင်းမြင်သူ ၊ အပြုသဘောနဲ့ ပြောသူများ
ရှိနေပါသေးတယ်.။ ဒီလိုလူတွေ ရှိနေတာနဲ့တင် ကျွန်တော်တို့ ဘဝမှာ
အသက်ဆက်ရှင်သန်နိုင်ပါတယ်.။

from Ko Ye

သီချင်းခွေဝယ်ဖို့ ပိုက်ဆံ ရှိပေမယ့် အင်တာနက် Download ဆွဲခြင်းကို စိတ်မကောင်းဘူး ဆိုသူ ဖော်ကာ

noreply@blogger.com (Anonymous) — Thu, 29 Aug 2013 12:36:00 +0000

တေးသီချင်း အခွေဝယ်ရန် အဆင် မပြေ၍ အင်တာနက် မှ Download ဆွဲခြင်းကို ပြောစရာ မရှိသော်လည်း ပိုက်ဆံ ရှိပြီး Download ဆွဲခြင်းမျိုး ကို စိတ် မကောင်းကြောင်း အဆိုတော် ဖော်ကာက ပြောသည်။

Wanted အဖွဲ့ရဲ့ ‘တစ်ယောက် တစ်နေရာမှ’ ဆိုတဲ့ စီးရီးက စီးရီးထွက် ပြီးပြီးချင်းမှာပဲ အွန်လိုင်းမှာလည်း Download ပြုလုပ်နားဆင်ရန် လင့်ခ် များလည်း တက်လာ ခဲ့ပြီး အခွေ ဝယ်ဖို့ အဆင်မပြေတဲ့ သူများ အတွက်လည်း ဒီ လင့်ခ်တွေက တစ်ဆင့် နားဆင် ကြတာ လည်း တွေ့ ရပါတယ်။ ခုလို ဖရီး Download လင့်ခ်တွေအပေါ်မှာ လည်း ဖော်ကာ က ”အခွေ ဝယ်ဖို့ အဆင်မပြေ တဲ့ သူတွေ အတွက်တော့ ဒီလင့်ခ်တွေက အဆင်ပြေတာပေါ့။ တစ်နိုင်ငံလုံး အတိုင်းအတာ အထိ အခွေတွေ အစုံ ရောက် ဖို့ နောက်ကျတယ် ဆိုတာက လည်း အခွေတွေ အများကြီး အလွန်အကျွံ မကူးရဲတာလည်း ပါတယ်။ ကူးထား တာကတော့ လက်ရှိ အရေအတွက် အ များဆုံး ကူးတယ် ဆိုတဲ့ အထိတော့ ကူး ထားတယ်။ တစ်နိုင်ငံလုံး အတိုင်းအတာ နဲ့ ကျတော့လည်း အများကြီး ကူးရမှာ လက်တွန့်တာပေါ့။ ရှေ့မှာက လည်း ခိုးကူးတွေက ပေါခဲ့တာ ဆိုတော့ ကူးရ မှာ လက်တွန့်တာပေါ့။ ပိုက်ဆံလည်း ရှိပြီး အခွေလည်း ဝယ်ဖို့ အဆင်ပြေရဲ့ သားနဲ့ Download လုပ်တာမျိုးကို တော့ စိတ်မကောင်းဘူး” ဟု ဖော်ကာ က ပြောသည်။

ဖော်ကာက ”ကျွန်တော် လုပ်နိုင် သလောက် အားနဲ့ အကောင်းဆုံးတော့ လုပ်ခဲ့တာပါပဲ။ ရှိုးတွေမှာ ပိုအားစိုက်ရမယ် ဆိုတာကလည်း သိပါတယ်။ ဒါပေမဲ့ ကိုယ့်သီချင်း ကိုယ် ဆိုတာ ဖြစ်တဲ့ အတွက် အရမ်းတော့ မခက် ခဲနိုင်ပါဘူး။ ပိုတော့ ပင်ပန်းမှာပေါ့။ ပင်ပန်းတာ နဲ့ အညီ ပရိသတ်တွေ လည်း ပိုပျော်တယ် ဆိုရင် ကျေနပ်ပါပြီ” ဟု ပြော သည်။

၂ဝဝ၄ ခုနှစ်ခန့်မှာ ရောင်ခြည် အခွေကို စတင် ထွက်ရှိခဲ့သူ ဖော်ကာ Wanted အနေနဲ့ လက်ရှိ ၉ နှစ်အတွင်း တစ်ကိုယ်တော် အခွေ ထွက်ရှိ ထားနိုင်ခဲ့ ပြီး ၂ဝ၁၃ ဒီဇင်ဘာလ အတွင်း Wanted အဖွဲ့၏ One Band Show ကို တောင်ကြီးမြို့တွင် စတင်ပြုလုပ် တော့မည်ဟု သိရသည်။

”တောင်ကြီး၊ မန္တလေး၊ ရန်ကုန် ၃ ပွဲဆက်တိုက် လုပ်ဖြစ်မယ်။ ၂ ပတ်ခြား စီလောက် လုပ်ဖြစ်မယ် ထင်တယ်။ ဒီဇင်ဘာ နဲ့ ဇန်နဝါရီ နှစ်လမှာ ဆက် တိုက် လုပ်ဖြစ်မယ်။ တခြား Band အသစ်တွေလည်း ပါမှာပါ”။

”အခွေ ထွက်တာဆို ၉ နှစ် ရှိပြီ။ Band သက်တမ်း ဆိုလည်း ၁ဝ နှစ် ကျော်ပြီ။ ပေါက်သည်ဖြစ်စေ၊ မပေါက် သည်ဖြစ်စေ နှစ်တွေ အများကြီး လုပ်လာခဲ့ပြီး တစ်ခါတလေ ကျရင် ကိုယ့်ရဲ့ ပရိသတ်ကို သီချင်းတွေ အများကြီးဆို ပြချင်တယ်။ ကိုယ့်ကို ချစ်တဲ့ သူတွေကို လည်း မြင်ချင်လို့ပါ” ဟု ဖော်ကာ က ပြောသည်။
Wednesday, August 28, 2013

Credit - #ရဲရဲ ( Popular Myanmar )