മായാലോകം

വേണ്ടേ മീഡിയയ്ക്ക് ഒരു മോറല്‍ കോഡ്‌ ?

noreply@blogger.com (Maya V) — Mon, 13 Feb 2012 08:32:00 +0000

ഇന്നത്തെ പത്രത്തിലും കണ്ടു അത്തരമൊരു ചിത്രം. 'ബൈക്കപകടത്തില്‍  മരിച്ച അയല്‍വാസികളായ സനോജ്, സുനീഷ് എന്നിവരുടെ മൃതദേഹം നാട്ടിലെ ത്തിച്ചപ്പോള്‍ ദുഃഖം താങ്ങാനാകാതെ ബന്ധുക്കളും നാട്ടുകാരും'. മിക്കവാറും എല്ലാ മരണവാര്‍ത്താ റിപ്പോര്‍ട്ടിലും ഇത്തരമൊരു ചിത്രം കാണും. അലമുറയിട്ടു കരയുന്ന ബന്ധു മിത്രങ്ങള്‍ . മരണവാര്‍ത്തകളോടനുബന്ധിച്ചു ഇത്തരം പടങ്ങള്‍ കൊടുക്കെണ്ടതിന്റെ ആവശ്യകത എനിയ്ക്ക് മനസിലാകുന്നില്ല. ആര്‍ക്കാണ് ഇത്തരം പടങ്ങള്‍ കാണാന്‍  താല്പര്യം? അകാലത്തില്‍ ‍ ഉറ്റവര്‍  മരിച്ചവരുടെ ദുഖത്തിലേയ്ക്ക്  കടന്നു കയറി ഇത്തരം ചിത്രങ്ങളെടുക്കുന്നത്  ഒരുതരം മനോരോഗമല്ലേ? രാവിലത്തെ ചായയോടൊപ്പമുള്ള  പത്രംവായനയില്‍   ഇത്തരം ചിത്രങ്ങളും കാണാന്‍  ജനം താല്പര്യപ്പെടുന്നുവെന്നു വിചാരിയ്ക്കുന്നതും ഒരു മനോരോഗമല്ലേ ? ആന ആളുകളെ ചവിട്ടിക്കൊല്ലുന്ന ചിത്രം, വാഹനാപകടത്തില്‍ ആളുകള്‍  മരിച്ചു കിടക്കുന്ന ചിത്രം, അമ്മയുടെ മൃതദേഹത്തിനരികില്‍   കുഞ്ഞുങ്ങള്‍ കരഞ്ഞു കൊണ്ടു നില്‍ക്കുന്ന  ചിത്രം, മരിച്ച മകനെ കെട്ടിപ്പിടിച്ചു അമ്മ വാവിട്ടു കരയുന്ന ചിത്രം, അങ്ങനെ  തീവ്രദുഖത്തിന്റെ  ചിത്രങ്ങള്‍ എന്നും  പത്രത്തോടൊപ്പം നമ്മുടെ മുന്നിലെത്തുന്നു. മരണമേല്പ്പിയ്ക്കുന്ന ആഘാതവും  ദുഖവും അതേപടി വായനക്കാരിലെയ്ക്കെത്തിയ്ക്കുക എന്നതാണോ ഈ ചിത്രങ്ങള്‍ കൊണ്ടു ഉദ്ധെശിയ്ക്കുന്നത് ? പക്ഷെ എന്തിനാണ് വാര്‍ത്തകളെ ഇത്തരത്തില്‍ emotionalize ചെയ്യുന്നത്? വര്‍ഷങ്ങള്‍ക്കു മുന്‍പ് ഇത്തരത്തിലൊരു ചിത്രം ആദ്യമായി ഒരു പ്രമുഖ പത്രത്തിന്റെ ഫ്രെണ്ട് പേജില്‍ കണ്ടതോര്‍ക്കുന്നു. വാഹനാപകടത്തില്‍ മരിച്ച സ്മിത എന്ന പെണ്‍കുട്ടിയുടെ ചിത്രം. അപകടത്തില്‍  ആ പെണ്‍കുട്ടി വാഹനത്തിനടിയില്‍ പെട്ട് പോയി. അവള്‍ മരിയ്ക്കുന്നതിന്  തൊട്ടു  മുന്‍പ് ദയനീയതയോടെ നോക്കുന്ന ഒരു ക്ലോസ്‌ അപ് ചിത്രമാണ്  ഫ്രെണ്ട് പേജില്‍ വന്നത്. കുട്ടിയായിരുന്നത് കൊണ്ട്, വല്ലാത്തൊരാഘാതമാണ്  ആ ചിത്രം എന്നിലുണ്ടാക്കിയത്. മരിയ്ക്കാന്‍ പോകുന്ന ഒരാളുടെ മുഖം. ആ ചിത്രം കാണുന്ന അവളുടെ പ്രിയപ്പെട്ടവരുടെ മാനസികാവസ്ഥ ആലോചിച്ചു എനിയ്ക്കന്നുറങ്ങാന്‍ കഴിഞ്ഞില്ല. ഒരുപാട് പ്രതിഷേധങ്ങളാണ്  ആ ചിത്രത്തിനെതിരെ ഉണ്ടായത്. അന്ന് ജനങ്ങള്‍ക്ക്‌ മനസ് മരവിച്ചു കഴിഞ്ഞിരുന്നില്ല. പത്രം ഖേദം പ്രകടിപ്പിച്ചുവെന്നാണ് ഓര്‍മ.

കാലം കഴിഞ്ഞ് പോയി. അന്നത്തെ കുട്ടിയല്ല ഞാന്‍. . അന്യരുടെ ദുഃഖങ്ങള്‍ കണ്ടു മനസ് മരവിച്ചുപോയി.സ്വന്തമല്ലാത്ത ഒരു ദുഖവും ഇപ്പോള്‍ എന്റെ മനസിനെ കലുഷിതമാക്കാറില്ല. ഓസ്കാര്‍  വൈല്‍ട് പറഞ്ഞത് പോലെ 'Most people are other people. Their thoughts are someone else's opinions, their lives a mimicry, their passions a quotation.'

ഇപ്പോള്‍  ഇത്തരം പടങ്ങള്‍ കാണുമ്പോള്‍ ഓര്‍ക്കും, 'തെണ്ടികള്‍, അന്യന്റെ ദുഃഖം വിട്ടു കാശുണ്ടാക്കുന്ന ചെറ്റകള്‍'. അലമുറയിട്ടു കരയുന്ന ബന്ധുക്കള്‍ എന്ന അടിക്കുറിപ്പുള്ള ചിത്രത്തില്‍ സംശയത്തോടെ നോക്കും - പത്രത്തില്‍ എന്റെ മുഖവും വരട്ടെ എന്ന വ്യാമോഹത്തോടെ എത്തിനോക്കുന്ന ഒരു  നാട്ടുകാരനുണ്ടോ അതില്‍ , ഫോട്ടോയെടുക്കുമല്ലോ  എന്ന ചിന്തയോടെ ഉത്സാഹിച്ചു കരയുന്ന ഒരയല്‍ക്കാരിയുണ്ടോ, കാഴ്ചക്കാരുടെ സാന്നിധ്യത്തില്‍ വെപ്രാളപ്പെട്ട് വസ്ത്രങ്ങള്‍ നേരെയാക്കിയിടുന്ന അമ്മായിയുണ്ടോ?, നാളെ ഈ ഫോട്ടോയിലെ ചിലരെങ്കിലും അതിരാവിലെ പത്രത്തിനായി അക്ഷമയോടെ കാത്തിരിയ്ക്കുമോ? പ്രമുഖരുടെ സംസ്ക്കാര ചടങ്ങുകളില്‍ ഇത്രയുംപേര്‍ വരുന്നത് അവിടവരുന്ന സിനിമാതാരങ്ങളെ കാണാനല്ലേ? സാംസ്കാരികനായകന് റീത്ത് വെച്ചു പ്രാര്‍ഥിച്ചു  നില്‍ക്കുന്ന താരത്തിനു പിന്നില്‍ ‍ നില്‍ക്കുന്നയാള്‍ ക്യാമറയെ നോക്കി ചിരിയ്ക്കുകയാണോ?

അന്യരുടെ ദുഃഖങ്ങള്‍ മനസിലാക്കാന്‍ ‍ കഴിയുമായിരുന്ന കുട്ടിയില്‍ നിന്നും 'ഞാനും എന്റെ ഫാമിലിയും' എന്ന കാഴ്ചപ്പാടുള്ളവീട്ടമ്മയായുള്ള എന്റെ മാറ്റം സ്വാഭാവികമായിരുന്നോ അതോ മാധ്യമങ്ങളുടെ സംഭാവനയോ?

വേണ്ടേ നമ്മുടെ മാധ്യമങ്ങള്‍ക്ക് ഒരു മോറല്‍ കോഡ്‌ ? പുതിയ തലമുറയുടെ പ്രതികരണശേഷി നഷ്ട്ടപ്പെടാതിരിയ്ക്കാന്‍, അവരില്‍  cynicism നിറയാതിരിയ്ക്കാന്‍,  മറ്റുള്ളവരുടെ ദുഖങ്ങളെ ലാഘവത്തോടെ കാണാതിരിയ്ക്കാന്‍ ?

ഇത്തരം ചിത്രങ്ങള്‍ ‍ ഇനി കൊടുക്കുകയില്ല എന്ന് എല്ലാ മാധ്യമങ്ങളും ഒരുമിച്ച് ഒരു തീരുമാനമെടുതിരുന്നെങ്കില്‍ ‍.................................

രാജകുമാരിയെ സഹായിയ്ക്കാന്‍ താല്പര്യമുള്ളവരുണ്ടോ?

noreply@blogger.com (Maya V) — Wed, 14 Sep 2011 22:01:00 +0000

ഇന്ന് എനിയ്ക്ക് മെയിലില്‍ കിട്ടിയതാണിത്. ഒരാഴ്ചയായെയുള്ളൂ

ഇ മെയില്‍ ഐടി ഉണ്ടാക്കീട്ട് . തോമസുകുട്ടി ഒണ്ടാക്കിതന്നതാ. ഒറ്റ ആഴ്ച തികഞ്ഞില്ല, അപ്പോതെയ്ക്കും ദേണ്ടെ. വെറും പത്തൊന്‍പതു വയസുള്ള ഒരു കിളുന്നു പെണ്‍കുട്ടി, അതും ഒരു രാജകുമാരി! എന്റെ സഹായം അഭ്യര്‍ഥിച്ചു കൊണ്ടു എഴുതിയിരിയ്ക്കുകയാണ്. നിങ്ങളൊന്നു വായിച്ചു നോക്കണം. രാജകുമാരിയാണെങ്കിലും എന്നാ സ്നേഹവും വിനയവുമാ. ഇത്രേം നല്ല ഒരു രാജകുമാരിയെ ഞാനിന്നു വരെ കണ്ടിട്ടില്ല.

SUB: I am a girl of 19 years Please help me.

FROM : PRINCESS SANDRA JOANNSON
LOME TOGO
WEST AFRICA
PLEASE REPLY TO THIS MY DIRECT EMAIL (princessjoannson1@freemail.hu)

DEAREST
I AM WRITING THIS MAIL TO YOU WITH TEARS AND SORROW FROM MY HEART WITH DUE RESPECT TRUST AND HUMANITY I APPEAL TO EXERCISE A LITTLE PATIENCE AND READ THIS MAIL I SEND TO YOU. AFTER GOING THROUGH YOUR PROFILE I BECOME INTERESTED IN DISCLOSING EVERYTHING ABOUT MYSELF TO YOU,I AM PRINCESS SANDRA JOANNSON.THE ONLY DAUGHTER OF LATE CHIEF AND LOLO. EVANS EDWARD JOANNSON.
PLEASE DEAREST, LET US REASON TOGETHER AND HAVE TRUST IN GOD, I AM SEEKING YOUR ASSISTANCE TO HELP ME TRANSFER MY INHERITANCE MONEY THE SUM OF ($2.3,000,00 US DOLLARS) TWO MILLION THREE HUNDRED THOUSAND UNITED STATE AMERICAN DOLLARS. INTO YOUR ACCOUNT.PLEASE IT IS MORE THAN URGENT BECAUSE OF MY LIFE IS IN DANGER.
DEAREST, I AM WILLING TO COMPENSAT YOU FOR YOUR EFFORT AFTER THE SUCCESSFUL TRANSFER OF MY INHERITANCE MONEY INTO YOUR ACCOUNT OVERSEAS.

THANKS.
YOURS IN GOD LOVE
PRINCESS SANDRA JOANNSON.

സാന്ദ്ര, നല്ല പേര്. സാന്ദ്ര ജോന്സണ്‍ എന്ന് കേള്‍ക്കുമ്പോള്‍ സ്കാര്‍ലെറ്റ് ജോഹാന്സണ്‍ എന്ന് കേള്‍ക്കുന്ന പോലെ. രൂപവും സ്കാര്‍ലെറ്റ് ജോഹാണ്സോന്റെ പോലെയായിരിയ്ക്കും. ഈ ലോം ടോഗോ എന്ന് പറയുന്ന രാജ്യം ഞാനിതുവരെ മാപ്പില്‍ ശ്രദ്ധിച്ചിട്ടില്ല. അല്ലെങ്കിലും പണ്ടേ ഞാന്‍ ജിയോഗ്രഫിയ്ക്ക് മോശമായിരുന്നു. ആ വത്സലട്ടീച്ചര് എത്ര തവണ എന്റെ തലയ്ക്കു കിഴുക്കിയിരിയ്ക്കുന്നു. 'നീ ഒരു കാലത്തും ഗുണം പിടിയ്ക്കുകേലെടാ പൊട്ടാ' എന്ന് ക്ലാസ്സിന്റെ മുഴുവന്‍ മുന്നില്‍ വെച്ചു അവരെന്നോട് പറഞ്ഞില്ലേ. സാന്ദ്രയുടെ കയ്യ് പിടിച്ചു ഒരു കിടിലന്‍ കാറില്‍ അവരുടെ മുന്നിക്കൂടി എനിയ്ക്കൊരു ചെത്ത്‌ ചെത്തണം. ഞാനിങ്ങനെ സ്ടയിലില്‍ സാന്ദ്രയുടെ കൂടെ നടക്കുന്നത് താണിയ്ക്കലെ മോളി കാണണം. രാത്രി മുഴുവന്‍ കുത്തിയിരുന്ന് ഞാന്‍ കഷ്ട്ടപെട്ടെഴുതിയ കത്ത് അവള് കൂട്ടുകാരികളെയെല്ലാം കാണിച്ചു, അതിനകത്തെ സ്പെല്ലിംഗ് മിസ്റ്റെയ്ക്കിന്റെ കാര്യം പറഞ്ഞു അവളുമാരെല്ലാം കൂടെ കവലേ നിന്നു ചിരിച്ചതോര്‍ക്കുമ്പോ ഇപ്പോഴും എനിയ്ക്ക് സഹിയ്ക്കുന്നില്ല. അതും പോരാഞ്ഞ് ആ അലവലാതി ജിതിഷ്, അവന്‍ അത് നാട് മുഴുവന്‍ പാട്ടാക്കിക്കളഞ്ഞു. അവനതു

മനപ്പൂര്‍വം ചെയ്തതാ. മോളീടെമേല്‍ അവനു പണ്ടേ ഒരു കണ്ണുണ്ടായിരുന്നു. അവരിപ്പം ലൈനായി എന്നാ കേട്ടത്. എനിയ്ക്ക് പുല്ലാ. അവനും മോളിയുമെവിടെ കിടക്കുന്നു, ഞാനും സാന്ദ്രയുമെവിടെ കിടക്കുന്നു. മോളീ ജിതിഷ്, എന്നാ പന്നന്‍ പേരാ. സാന്ദ്രാ ജോര്‍ജുകുട്ടിയുടെ അടുത്ത് വരുമോ അത്?
www.maayalokam.blogspot.com

കാര്യം എന്നെ കേട്ടണമെന്നോന്നും സാന്ദ്ര പറഞ്ഞിട്ടില്ല. പക്ഷെ DEAREST എന്ന് വിളിച്ചതും i want to disclose everything to you എന്ന് പറഞ്ഞതും പിന്നെ എന്നാത്തിനാ. ഈ disclose എന്ന് വെച്ചാല്‍ എന്താണെന്ന് എനിയ്ക്കറിയാന്‍ പാടില്ലേ. കൊച്ചു കള്ളി. എന്നാലും എന്റെ പ്രൊഫൈല് വായിച്ചു സ്നേഹം തോന്നിയെന്ന് പറയുമ്പോ എനിയ്ക്ക് എന്നെ കുറിച്ച് തന്നെ അഭിമാനം തോന്നുവാ. 'ജോര്‍ജുകുട്ടി മൂലംപ്ലാക്കല്‍' എന്ന് കേള്‍ക്കുമ്പോ തന്നെ പെണ്ണുങ്ങള്‍ക്ക്‌ സ്നേഹം തോന്നുമെന്ന് എനിയ്ക്കറിയാമായിരുന്നു. എന്നാലും ഒരു രാജകുമാരി ! അമ്മച്ചി പറഞ്ഞത് ശരിയാ 'നോക്കിയിരുന്നോ, നിന്നെക്കെട്ടാന്‍ രാജകുമാരി വരുമെന്ന്'. എന്നാലും അന്നേരം അമ്മച്ചി അത് സ്നേഹത്തോടെ പറഞ്ഞതാണെന്ന് എനിയ്ക്ക് തോന്നിയില്ലായിരുന്നു. അമ്മച്ചിയുടെ സ്നേഹത്തെ ഞാന്‍ വെറുതെ തെറ്റിദ്ധരിച്ചു.

ഈ ലോം ടോഗോന്നു പറയുന്നയിടം സൗദി പോലെയാരിയ്ക്കും. ഒത്തിരി എണ്ണക്കിണറുമായിട്ടു. ഈ $2.3,000,00 US DOLLARS എന്ന് പറയുമ്പോ ഒരു ഒന്നോന്നരക്കോടി രൂപ വരുമായിരിയ്ക്കും. ഒന്നരക്കോടി രൂപയെ! എന്റെ പുണ്യാളാ. അതും ബാങ്കിലിട്ടോണ്ട് അപ്പച്ചന്റെ മുന്നില്പ്പോയി എനിയ്ക്കൊന്നു നില്‍ക്കണം. ലക്ഷം രൂപ തികച്ചു കണ്ടിട്ടുണ്ടോ അപ്പച്ചനിന്നുവരെ? ഒരു ബൈക്ക് വാങ്ങാന്‍ കാശ് ചോദിച്ചിട്ട് അപ്പച്ചന്‍ എന്നാ തെറിയൊക്കെയാ പറഞ്ഞത്. ഈ പറമ്പിക്കെടന്നു പോത്തിനെപ്പോലെ അധ്വാനിയ്ക്കുന്നത് ഞാനാണെന്ന് പോലും അപ്പച്ചന്‍ മറന്നു. അപ്പച്ചന്റെ കയ്യില്‍ കാശില്ലാഞ്ഞിട്ടൊന്നുമല്ല. ആദ്യം തോമസുകുട്ടീടെ കോളേജു പഠിത്തം കഴിയട്ടെ എന്ന്. ഓ, അവനൊരു പടിത്തക്കാരന്‍. എന്നാ പടിത്തക്കാരനായാലെന്നാ, രാജകുമാരിയെ കെട്ടുന്നത് ഞാനല്ലേ. www.maayalokam.blogspot.com

ഇതിപ്പം എത്രയും പെട്ടന്ന് സാന്ദൃവിന്റെ പേരിലുള്ള കാശൊക്കെ അക്കൌണ്ടിലേയ്ക്ക് മാറ്റണമല്ലോ. എന്റെ അക്കൌണ്ടിലാണെങ്കില്‍ ആകപ്പാടെ പശുവിനെ മേടിയ്ക്കാന്‍ അപ്പച്ചന്‍ തന്ന കാശേയുള്ളൂ. ഒറ്റയാഴ്ചകൊണ്ട് അതിനകത്ത് കോടികള്‍ നിറയുന്ന കാര്യമോര്‍ക്കുമ്പോ എനിയ്ക്ക് കുളിര് കോരുന്നു. ഇപ്പൊ തന്നെ സാന്ദൃവിനു മെയിലയചേക്കാം.

DEAR SANDRU,

MOL ONNU KONDUM VISHAMIKKENDAA.....................................................

...........................................................................MY ACCOUNT NUMBER IS ............................

ENNU SNEHATHODE

SWANTHAM

GEORGEKUTTICHAYAN.

http://www.maayalokam.blogspot.com/

കന്യാസ്ത്രീകള്‍ക്കു ആത്മഹത്യ ചെയ്തു കൂടെ?

noreply@blogger.com (Maya V) — Thu, 25 Aug 2011 17:35:00 +0000

കടുത്തുരുത്തി കോവളം പൂങ്കുളം ഹോളി സ്പിരിറ്റ്‌ മഠത്തിലെ കന്യാസ്ത്രീ സിസ്റ്റര്‍ മേരി ആന്‍സി മഠത്തിലെ ജലസംഭരണിയില്‍ മുങ്ങി മരിച്ച വാര്‍ത്ത വന്നത് ഓഗസ്റ്റ് പതിനേഴിനാണ്. മകളുടെ മരണത്തില്‍ സംശയമോന്നുമില്ലെന്നും ആരങ്കിലും മകളെ മനപ്പൂര്‍വം അപായപ്പെടുതിയതാനെന്നു തോന്നിയാല്‍ നീതിയ്ക്കായി ഏതറ്റം വരെയും പോകുമെന്നും സിസ്റെരുടെ പിതാവ് പറഞ്ഞതായി അന്നത്തെ മനോരമ റിപ്പോര്‍ട്ട്‌ ചെയ്തിരുന്നു. അതിനു ശേഷം വന്ന റിപ്പോര്‍ട്ടില്‍ സിസ്റെരുടെ മരണം ആത്മഹത്യയായി പോലീസ് സ്ഥിതീകരിച്ചതായാണ് പറഞ്ഞത്. പോസ്റ്റ്‌ മാര്ടം റിപ്പോര്‍ട്ടില്‍ അസ്വഭാവികമായി ഒന്നും കണ്ടെത്താന്‍ കഴിഞ്ഞില്ല. സിസ്റെരുടെ ദേഹത്ത് പരിക്കുകളോ പിടിവലി നടന്നതിന്റെ ലക്ഷനങ്ങളോ കണ്ടെത്താന്‍ കഴിഞ്ഞില്ല. ത്വക് സംബന്ധമായ അസുഖങ്ങളെക്കുറിച്ചു സിസ്റ്റര്‍ അസ്വസ്തയായിരുന്നെന്നു മഠം വാസികള്‍ പറയുകയുണ്ടായി.www.maayalokam.blogspot.com

പക്ഷെ ഇന്നത്തെ മനോരമയില്‍ കാണുന്നത് സിസ്റെരുടെ മരണം കൊലപാതകമാണെന്ന് സംശയമുണ്ടെന്ന് കാണിച്ചു പിതാവ് ഐ ജി യ്ക്ക് പരാതി നല്‍കിയതായാണ്. കൊലപാതകമാനെന്നും, ഒന്നിലധികം ആളുകള്‍ക്ക് പങ്കുള്ളതായി സംശയിയ്ക്കുന്നെന്നും പരാതിയില്‍ പറയുന്നു. ശ്വാസം മുട്ടിച്ച് കൊലപ്പെടുത്തിയതിനു ശേഷം മൃതദേഹം ജലസംഭരണിയില്‍ ഉപേക്ഷിയ്ക്കുകയായിരുന്നെന്നു സംശയമുണ്ട്‌. സഹോദരി ആത്മഹത്യ ചെയ്യില്ലെന്നും ത്വക് സംബന്ധമായ രോഗമുണ്ടായിരുന്നതായി അറിവില്ലെന്നും സിസ്റെരുടെ സഹോദരന്‍ പറഞ്ഞു.

സിസ്റ്റര്‍ മേരി ആന്‍സി അവിടെ നില്‍ക്കട്ടെ. ഇതിന്റെ സത്യാവസ്ഥ അറിയുന്നത് വരെ ഇതില്‍ അഭിപ്രായം പറയുന്നില്ല. പക്ഷെ ഈ വാര്‍ത്ത ആദ്യം കണ്ടപ്പോഴും, അതിനു ശേഷം ഇതാത്മഹത്യയാണെന്ന പോലീസ് റിപ്പോര്‍ട്ട് കണ്ടപ്പോഴും എനിയ്ക്ക് തോന്നിയിരുന്നു, അധികം താമസിയാതെ ഇത് കൊലപാതകമാണെന്ന സംശയവുമായി ആരെങ്കിലും രംഗത്ത് വരുമെന്ന് (ആരുടേയും ഉദ്ധേശശുദ്ധിയെ സംശയിക്കുന്നില്ല ). ഒരു സാധാരണ സ്ത്രീ ആത്മഹത്യ ചെയ്യുന്നത് പോലെയല്ല ഒരു കന്യാത്രീ ആത്മഹത്യ ചെയ്യുന്നത്. സാധാരണ സ്ത്രീകള്‍ക്ക് എന്തെല്ലാം പ്രശ്നങ്ങളാണ്. കുടിയനായ ഭര്‍ത്താവ്, സ്ത്രീധനത്തിന് വേണ്ടി വഴക്കിടുന്ന അമ്മായിയമ്മ, മുടിയനായ മകന്‍, കടക്കെണി. അതെ, ഇത്തരം പ്രശ്നങ്ങളുള്ള ഒരാള്‍ ആത്മഹത്യ ചെയ്‌താല്‍ അതില്‍ സംശയിയ്ക്കാനോന്നുമില്ല. അതുപോലെയാണോ ഒരു കന്യാസ്ത്രീ. അവര്‍ക്കെന്തു പ്രശ്നങ്ങള്‍ ? രാവിലെ എഴുന്നേല്‍ക്കുക, പള്ളിയില്‍ പോവുക, ജോലിയുള്ള കന്യാസ്ത്രീയാണെങ്കില്‍ ജോലിയ്ക്ക് പോവുക. തിരിച്ചു വന്നു മഠത്തിലെ അല്ലറ ചില്ലറ പണികള്‍ ചെയ്യുക, വീണ്ടും പ്രാര്തിയ്ക്കുക, കിടന്നുറങ്ങുക. ഇത്തരം അല്ലലില്ലാത്ത ജീവിതം നയിയ്ക്കുന്ന ഒരാള്‍ എന്തിനു ആത്മഹത്യ ചെയ്യണം? വളരെ ന്യായമായ സംശയം.www.maayalokam.blogspot.com

ഒരു ക്രിസ്ത്യന്‍ സ്ഥാപനങ്ങളിലായിരുന്നു എന്റെ സ്കൂള്‍, പ്രീ ഡിഗ്രീ വിദ്യാഭ്യാസം. ധാരാളം കന്യാസ്ത്രീകളെ കാണുകയും പരിചയപ്പെടുകയും ചെയ്തു അക്കാലത്ത്. വിരലിലെണ്ണാവുന്ന മുഖങ്ങളെ ഇപ്പോള്‍ ഓര്‍മയുള്ളൂ. ചിരിക്കുന്ന മുഖങ്ങള്‍. മറന്നവയായിരുന്നു അധികവും. നിരാശയോ, നിസ്സംഗതയോ, ലോകത്തോട്‌ വെറുപ്പോ പ്രതിഫലിയ്ക്കുന്ന മുഖങ്ങളായിരുന്നു അവയത്രെയും. ആരോര്ത്തിരിയ്ക്കും, , അത്തരം ആളുകളെ? പക്ഷെ തിരിഞ്ഞു നോക്കുമ്പോള്‍, അത്തരക്കാരായിരുന്നു കൂടുതലും, എന്നത് ഒരു ഞെട്ടിപ്പിയ്ക്കുന്ന വസ്തുതയാണ്. കന്യാസ്ത്രീകളുടെ ജീവിതം ഒരു പൂമെത്തയോന്നുമല്ല. വിലക്കുകളുടെ ഒരു ലോകമാണ് അത്. എം എസ് സിയ്ക്ക് പഠിയ്ക്കുമ്പോള്‍ എന്റെ ക്ലാസ്സില്‍ ഒരു കന്യാസ്ത്രീയും ഒരു ബ്രതെരുമുണ്ടായിരുന്നു. മിക്ക ദിവസങ്ങളിലും ക്ലാസിനു ശേഷം ഞങ്ങള്‍ ഗാങ്ങായി അടുത്തുള്ള കടയില്‍ പോയി ചായ കഴിയ്ക്കും. ബ്രതെരും കൂടെ വരും. സിസ്റെര്‍ക്ക് വലിയ ആഗ്രഹമുണ്ട് ഒരിയ്ക്കലൊന്നു വരണമെന്ന് (അവര്‍ വെറും ഇരുപത്തഞ്ചു വയസുള്ള ഒരു ചെറുപ്പക്കാരിയായിരുന്നു). ഒരു ദിവസം ഞങ്ങള്‍ നിര്‍ബന്ധിച്ചു കൂട്ടി കൊണ്ടുപോയി. പിറ്റേ ദിവസം പ്രിന്സിപ്പലച്ചന്‍ വിളിച്ചു അവരെ. നന്നായി വഴക്കും കേട്ടു. അച്ഛനും കന്യാസ്ത്രീയും തുല്യരല്ല. 'ഒരു കന്യാസ്ത്രീ ഇങ്ങനെ ചെയ്യാമോ' എന്ന അധൃശ്യമായ വിലക്ക് എല്ലാ മേഖലകളിലും അവരെ പിന്തുടരുന്നു.

പ്രീ ഡിഗ്രിയ്ക്ക് ഞാന്‍ ത്രിശൂര്‍ സെന്റ്‌ മേരീസിലാണ് പഠിച്ചത്. ആ രണ്ടു വര്ഷം പരിചയപ്പെട്ട കന്യാസ്ത്രീകളില്‍ രണ്ടു പേരുടെ മുഖമേ ഓര്‍മയുള്ളൂ. എപ്പോഴും പ്രസസ്ന്ന മുഖത്തോട് കൂടെ കാണുന്ന ഒരു ചെറിയ സ്ത്രീ. ഒരു ചെറിയ കുരുവിയ ഓര്‍മ്മിപ്പിച്ചു അവര്‍. ഒരു നിമിഷം അടങ്ങിയിരിയ്ക്കാതെ ചിലച്ചു കൊണ്ടു പാറി നടക്കുന്ന ഒരു ചെറിയ കുരുവി. മറ്റെയാള്‍, 'ലോകത്തിലെ ഏറ്റവും വലിയ ദുഖിത ഞാനാണെന്ന' മുഖഭാവവുമായി ഒരാള്‍. ഒരിയ്ക്കലും അവര്‍ ചിരിച്ചു കണ്ടിട്ടില്ല. ഒരു ദുശകുനമാണ് അവരെന്ന് വിശ്വസിച്ചിരുന്നു ഞാന്‍. അവരെ കണ്ടാല്‍ നമ്മുടെ സന്തോഷവും കൂടി പോകും. ഈ രണ്ടു വ്യക്തികളും തമ്മിലുള്ള അന്തരമാണ് രണ്ടാമത്തെയാളെ നോട്ടു ചെയ്യാന്‍ കാരണം തന്നെ. വര്‍ഷങ്ങള്‍ക്കു ശേഷം കുരുവിയെക്കുറിച്ച് ഞാന്‍ പത്രത്തില്‍ വായിച്ചു. അത് സിസ്റ്റര്‍ ജെസ്മിയാണ്. അവര്‍ക്കെന്തു സംഭവിച്ചുവെന്ന് അറിയാമല്ലോ. മറ്റെയാള്‍ ഇപ്പോഴും ആ മഠത്തില്‍ തന്നെ കാണണം. ഒരിയ്ക്കലും ചിരിയ്ക്കാതെ.www.maayalokam.blogspot.com

കന്യാസ്ത്രീകളുടെ ജീവിതം പൂമെത്തയല്ല. അതറിഞ്ഞിട്ടും ആ ജീവിതം സ്വീകരിയ്ക്കാനും അതില്‍ സന്തോഷം കണ്ടെത്താനും കഴിയുന്നവരോട് അളവറ്റ ആദരവുണ്ട്. പക്ഷെ, അതറിഞ്ഞിട്ടു തന്നെയാണോ എല്ലാവരും കന്യാസ്ത്രീകളാവുന്നത്? കത്തോലിയ്ക്ക സഭയ്ക്ക് ഇത്രയധികം കന്യാസ്ത്രീകളെ ലഭിച്ചത് കര്താവിലുള്ള നമ്മുടെ അളവറ്റ വിശ്വാസം കൊണ്ടല്ല. മലയാളിയുടെ ആരെയും വെല്ലുന്ന പ്രാക്ടിയ്ക്കല്‍ ബുദ്ധിയാണ് അത്. എട്ടും പൊട്ടും തിരിയാത്ത പ്രായത്തില്‍, ലോകമെന്താനെന്നു അറിയാത്ത പ്രായത്തില്‍ 'അപ്പച്ചനും അമ്മച്ചിയും നേര്ന്നതുകാരണം' കന്യാസ്ത്രീയായിതീര്‍ന്ന ഒരുപാട് പേരുണ്ട്. 'ഇതായിരുന്നില്ല എന്റെ വഴി' എന്ന് തിരിച്ചറിഞ്ഞിട്ടു കാര്യമില്ല. തിരിച്ചു വരാന്‍ കഴിയാത്ത ഒരു വഴിയാണത്. മഠം വിട്ടു വന്ന കന്യാസ്ത്രീകള്‍ക്കു സന്തോഷമായി ജീവിയ്ക്കാനുള്ള ഒരു സാഹചര്യമാണോ നമ്മുടെ സമൂഹത്തിലുള്ളത്? സിസ്റ്റര്‍ ജെസ്മി സന്തോഷവതിയാണോ? ആര്‍ക്കറിയാം?

ഒരു മനുഷ്യന് വിഷമം വന്നാല്‍, അത് തീര്‍ക്കാന്‍ മനുഷ്യന്‍ തന്നെ വേണം. കര്‍ത്താവ്‌ പോര. കത്തായി, സ്വാന്തന വചസായി, ഒരു നോട്ടമായി, ആലിംഗനമായി ..... മനുഷ്യന്‍ തന്നെ വേണം. അല്ലെങ്കില്‍ പിന്നെ you should be bordering on schizophrenia.

കന്യാസ്ത്രീകള്‍ തമ്മിലുള്ള സൌഹൃദങ്ങളെ മഠങ്ങള്‍ നിരുത്സാഹപ്പെടുതുന്നുവെന്നു സിസ്റ്റര്‍ ജെസ്മിയുടെ ഒരു അഭിമുഖത്തില്‍ വായിച്ചിട്ടുണ്ട്. ഏകാന്തതയാണ് ഏറ്റവും വലിയ ദുഃഖം. അങ്ങനെയോരാള്‍ക്ക് ആത്മഹത്യ ചെയ്യാന്‍ തോന്നിയാല്‍ അതില്‍ അസ്വഭാവികമായി എന്തുണ്ട് ? പ്രാര്തിയ്ക്കാന്‍ മാത്രമല്ല, ആത്മഹത്യ ചെയ്യാനും, കന്യാസ്ത്രീകള്‍ക്കു കാരണങ്ങള്‍ പലതുണ്ട്. ആ കാരണങ്ങള്‍ മനസിലാക്കാതെ പലപ്പോഴും സഭയെ അടിയ്ക്കാനുള്ള ഒരു വടിയായി അത് ദുരുപയോഗം ചെയ്യപ്പെടുന്നു. വീക്ഷണങ്ങള്‍ മാറ്റുവാന്‍ സമയമായി. സഭയുടെതും, നമ്മുടെതും. www.maayalokam.blogspot.com

ആണുങ്ങളെ മനസിലാക്കാന്‍ ആര്‍ക്കേലും പറ്റുവോ?

noreply@blogger.com (Maya V) — Tue, 23 Aug 2011 21:27:00 +0000

സാധാരണ പെണ്ണുങ്ങളെയാണ് പ്രഹേളികയെന്നു വിശേഷിപ്പിയ്ക്കാറുള്ളത്. പക്ഷെ എന്റെ അഭിപ്രായം തിരിച്ചാണ്. പെണ്ണുങ്ങള്‍ പാവങ്ങള്‍. അവരെ മനസിലാക്കാന്‍ ഒരു പാടുമില്ല. പക്ഷെ ആണുങ്ങളോ ? എന്ത് മാത്രം വിരോധാഭാസമാണ് അവരുടെ പ്രവര്‍ത്തികളില്‍ ! www.maayalokam.blogspot.com

കേടായ വാഷിംഗ് മെഷിന്‍ അഴിച്ചു കഷണം കഷണമാക്കി നന്നാക്കി വീണ്ടും ഫിറ്റു ചെയ്യാന്‍ അറിയാം. അടുക്കി വെച്ചിരിയ്ക്കുന്ന ഷര്‍ട്ടുകള്‍ എല്ലാം നിരത്താതെ അടിയില്‍ നിന്നു ഒരെണ്ണം എടുക്കാന്‍ അറിയില്ല.

പാതിരാത്രിയ്ക്ക് കുത്തിയിരുന്ന് ഫുട്ബോള്‍ മാച്ചു കാണും. പക്ഷെ ഭാര്യയുടെ കൂടെ ഒരു ഹിന്ദി സിനിമാ കാണുമ്പോ ഉറക്കം സഹിയ്ക്കാന്‍ കഴിയില്ല.

ഇരുപതു മീറ്റര്‍ അകലെ നിന്നു ക്രിക്കറ്റ് സ്ടംപ് തെറിപ്പിയ്ക്കാന്‍ കഴിയും. പക്ഷെ തൊട്ടടുത്ത്‌ നിന്നു ചവറ്റു കുട്ടയിലേക്ക് സാധനം ഇട്ടാല്‍ അത് കൃത്യമായും ചവറ്റു കുട്ടയ്ക്ക് പുറത്തു തന്നെ വീഴും.

ഇന്ന് വരെ ഇറങ്ങിയിട്ടുള്ള എല്ലാ കാറുകളുടെയും എല്ലാ ഫീചെഴ്സും ഉറക്കത്തില്‍ നിന്നു വിളിച്ചെഴുന്നെല്‍പ്പിച്ചു ചോദിച്ചാലും ഓര്‍ത്തു പറയും, പക്ഷെ ഷോപ്പിംഗ്‌ ലിസ്റ്റിലെ ഒന്ന് രണ്ടു ഐറ്റം എന്തായാലും മറന്നിരിയ്ക്കും.

ഓഫിസിലെ ഇഷ്യൂ എല്ലാം ഞാന്‍ തന്നെ സോള്‍വ് ചെയ്തു എന്ന് വീമ്പടിയ്ക്കും, പക്ഷെ കുഞ്ഞൊന്നു കരഞ്ഞാല്‍ വെപ്രാളപ്പെട്ട് ഭാര്യയെ വിളിയ്ക്കുംwww.maayalokam.blogspot.com

രണ്ടു മണിയ്ക്കൂര്‍ കുത്തിയിരുന്ന് പത്രം വായിയ്ക്കും. പക്ഷെ 'നിങ്ങളാ പുതിയ ജ്വല്ലറിയുടെ പരസ്യം കണ്ടാരുന്നോ' എന്ന് ചോദിച്ചാല്‍ അന്തം വിട്ടു മിഴിച്ചിരിയ്ക്കും

രണ്ടാം ക്ലാസിലെ സുഹൃത്തിന്റെ വീട്ടിലെ പട്ടി ഉണ്ടായ ദിവസം ഓര്‍ത്തിരിയ്ക്കും, പക്ഷെ ഭാര്യയുടെ ബെര്‍ത്ത്‌ ഡേ ഓര്‍ക്കില്ല.

കല്യാണത്തിന് മുന്‍പ് മലമ്പനി വന്നാലും തന്നെ മാനേജു ചെയ്യും. കല്യാണശേഷം ഒരു സാദാ ജലദോഷം വന്നാല്‍, തന്നെ ഒന്നെണീറ്റു നില്‍ക്കാന്‍ കൂടി കഴിയില്ല. ദിവസം മുഴുവന്‍ പുതപ്പിനുള്ളില്‍ മൂടിപ്പുതച്ചു കിടക്കും. ഇടയ്ക്കിടയ്ക്ക് പുതപ്പിനുള്ളില്‍ നിന്നു 'അയ്യോ, അമ്മെ,' തുടങ്ങിയ ദീനരോദനങ്ങളും കേള്‍ക്കും.

ചോകലെയ്റ്റ്, റോസാപ്പൂ, റ്റെഡ്ഢി ബിയര്‍, ഈ മൂന്ന് കാര്യങ്ങളെക്കുറിച്ചും കല്യാണത്തിന് മുന്‍പും പിന്‍പും പരസ്പര വിരുദ്ധങ്ങളായ അഭിപ്രായങ്ങളായിരിയ്ക്കും. www.maayalokam.blogspot.com

രാഷ്ട്രീയ സാമൂഹിക കാര്യങ്ങളിലെ നൂലാമാലകള്‍ മനസിലാക്കും, പക്ഷെ, സ്വന്തം ഭാര്യ പിണങ്ങിയിരിയ്ക്കുന്നതെന്തിനു എന്ന് ഒരിയ്ക്കലും മനസിലാവില്ല.

ദൂര യാത്ര പോകുമ്പോള്‍, കാറില്‍ പെട്രോള്‍ നിറയ്ക്കും, ടയറില്‍ ആവശ്യത്തിനു കാറ്റുണ്ടെന്നു ഉറപ്പു വരുത്തും, ഫോണ്‍, ചാര്‍ജേര്‍, അടാപ്റ്റെര്‍, ലാപ് ടോപ്‌ ആദിയായവ പായ്ക്ക് ചെയ്യും. ടൂത്ത് ബ്രഷ് മറക്കും.

കല്യാണത്തിന് മുന്‍പ് സിനിമയ്ക്ക് കൂടെ ചെന്നില്ല എന്ന് പറഞ്ഞു വഴക്ക് കൂടും. കല്യാണ ശേഷം സിനിമയ്ക്ക് കൊണ്ടു പോകണമെന്ന് പറഞ്ഞതിന് വഴക്ക് കൂടും.

ഇനി നിങ്ങ പറ. ഈ ആണുങ്ങളെ മനസിലാക്കാന്‍ ആര്‍ക്കേലും പറ്റുവോ?

www.maayalokam.blogspot.com

ഒരു മലയാളം ബ്ലോഗരുടെ ഇംഗ്ലീഷ് ലെറ്റര്‍.

noreply@blogger.com (Maya V) — Mon, 25 Jul 2011 19:25:00 +0000

may diyar mather,

hoppu yoo aar fayin theer. aiyaam fayin hiyaar.

reesently, aai haav staarted a malayaalam blog. its neyim ees maayaalokam. navu, i haav seventi foloversu. aiyaam getting sam kamentu for mayi postsu.

things aar not veri gud in tha ofisu. tha maanejar heytsu mee. yesterdey, hee skolded mee in frant of everibodi. hee sed maay inglishu ees very baad. hee sed tha riportu aai tayppdu yesterdey waas ful of misteyksu. aiyaam so apset. aiyaam thinking of resayning fram tha job.

with lavu,

yuvar dotter,

maaya.

diyar dotter.

dondu varu abaut anithing. yuvar inlgishu ees perfektly aal raittu. i cudint fayindu ani misteykku in yuvar lettar. thaat maanejar ees probaabli jelas.

bay tha vey, aai haav aalso staarted a malayaalam blog. plees visit aand kament,

with laavu,

yuversu mather.

മനസ്സില്‍ പറക്കുന്ന പട്ടങ്ങള്‍.

noreply@blogger.com (Maya V) — Thu, 21 Jul 2011 21:18:00 +0000

ആ കുട്ടി ഒരു വല്ലാത്ത സ്വഭാവക്കാരനായിരുന്നു. ചിരിയ്ക്കുകയെയില്ല. കണ്ണുകള്‍ നമ്മുടെ മുഖത്ത് തന്നെയായിരിയ്ക്കും. പക്ഷെ നോക്കുന്നത് നമ്മളെയല്ല എന്ന് തോന്നും. മിഥുനെ ട്യൂഷന്‍ പഠിപ്പിയ്ക്കാന്‍ പോകുന്നത് ഉമയ്ക്ക്‌ വലിയ ഇഷ്ട്ടമൊന്നുമില്ലായിരുന്നു.നന്നായി പഠിയ്ക്കുന്ന കുട്ടിയാണ്. പക്ഷെ ഇങ്ങനെയുണ്ടോ കുട്ടികള്‍? വലിയ മിടുക്കനാണെന്ന അഹങ്കാരമായിരിയ്ക്കും. സത്യത്തില്‍ അവനു ട്യൂഷന്റെ ആവശ്യമേയില്ല. പക്ഷെ, മിഥുന്റെ മമ്മി സമ്മതിയ്ക്കില്ല. പത്താം ക്ലാസില്‍ അവന്‍ റാങ്ക് വാങ്ങണമെന്നാണ് അവര്‍ പറയുന്നത്. കിട്ടുമായിരിയ്ക്കും. കണക്കു മാത്രമേ ഇത്തിരി മാര്‍ക്ക് കുറയുന്ന വിഷയമുള്ളൂ. മിഥുന്റെ മമ്മി ഒരു പാട് നിര്‍ബന്ധിച്ചതിനു ശേഷമാണ് വീട്ടില്‍പ്പോയി പഠിപ്പിയ്ക്കാന്‍ ഉമ സമ്മതിച്ചത്. മറ്റു കുട്ടികള്‍ ഉമയുടെ വീട്ടില്‍ വരാരാണ് പതിവ്.

നാലുമണിയ്ക്ക് ഉമ മിഥുന്റെ വീട്ടില്‍ വരുമ്പോള്‍, അവന്‍ സ്ക്കൂളില്‍ നിന്നു വന്നു ഡ്രെസ്സ് മാറുന്നതെയുണ്ടാവുകയുള്ള്. പിന്നെ നേരെ പഠിപ്പിയ്ക്കലിലെയ്ക്ക് കടക്കും. രണ്ടു പേര്‍ക്കുള്ള കാപ്പി മിഥുന്റെ അമ്മ തന്നെ എത്തിയ്ക്കും. പഠിപ്പിയ്ക്കുമ്പോഴെല്ലാം അവര്‍ ആ മുറിയില്‍ തന്നെ ഇരിയ്ക്കും. അതാണ്‌ ഉമയ്ക്ക്‌ തീരെ ഇഷ്ട്ടപ്പെടാത്തത്. താന്‍ സമയം വെറുതെ കളയുന്നുണ്ടോയെന്നു നോക്കാന്‍ വന്നിരിയ്ക്കുകയാണ് അവരെന്ന് ഉമയ്ക്ക്‌ വെറുതെ തോന്നും. അത് പോരാഞ്ഞ്, മിഥുന്റെ കണ്ണുകള്‍.... ആ കുട്ടി അവിടെയെങ്ങുമല്ല എന്ന് തോന്നും. വിഷമം പിടിച്ച ഒരു ചോദ്യം ചോദിച്ചു, ഉത്തരം പറയാതെ വരുമ്പോള്‍ അവന്റെ ചെവിയില്പ്പിടിച്ചു നുള്ളി, ഒന്ന് കരയിപ്പിയ്ക്കണമെന്നു ഉമയ്ക്ക്‌ വളരെ ആഗ്രഹമുണ്ടായിരുന്നു. പക്ഷെ, മിഥുന്‍ എല്ലാ ചോദ്യത്തിനും ഉത്തരം പറയും. കുനിഷ്ട്ടു പിടിച്ച ഒരു കണക്കിട്ടു കൊടുത്തു ഉമ മിഥുന്റെ മുഖത്തേയ്ക്കു നോക്കിയിരിയ്ക്കും. യാതൊരു ഭാവഭെദവുമില്ലാതെ അത് ചെയ്തു തീര്‍ക്കും അവന്‍. 'എന്റെ മകന്‍ എത്ര കേമന്‍' എന്ന മട്ടിലാണ് മിഥുന്റെ അമ്മ തന്നെ നോക്കുന്നതെന്ന് ഉമ വിചാരിയ്ക്കും. ഉമയെക്കാള്‍ കാര്യങ്ങള്‍ മിഥുന് അറിയാം എന്ന മട്ടിലാണ് അവര്‍ ചിരിയ്ക്കുന്നതെന്ന് അവള്‍ക്കു തോന്നും.

ഉമയുടെ മറ്റു ക്ലാസുകളൊക്കെ വളരെ രസമായിരുന്നു.സംശയമില്ലാഞ്ഞിട്ടും എപ്പോഴും എന്തെങ്കിലും സംശയം ചോദിയ്ക്കും ആ കുട്ടികള്‍. പിന്നെ ഉമയുടെ സകല വീട്ടുകാര്യവും അറിയണം. എന്ത് ബഹളമാണ് ക്ലാസ്സില്‍. പക്ഷെ മിഥുന്‍ ഒരിയ്ക്കലും ഒരു സംശയവും ചോദിച്ചിട്ടില്ല. ഒന്നും തന്നെ ചോദിച്ചിട്ടില്ല. ആദ്യമായി പഠിപ്പിയ്ക്കാന്‍ വന്നപ്പോള്‍ ഉമ തന്റെ പേര് പറഞ്ഞിരുന്നു. വീടെവിടെയാനെന്നോ, ഏതു സ്കൂളിലാണ് പഠിപ്പിയ്ക്കുന്നതെന്നോ മിഥുന്‍ ചോദിച്ചില്ല. ഇത്ര നാളായിട്ടും മിഥുന്‍ തന്നോട് ഒന്നും സംസാരിച്ചിട്ടില്ലെന്ന് ഓര്‍ക്കുമ്പോള്‍ ഉമയ്ക്ക്‌ വല്ലാത്ത ഒരസ്വസ്തത തോന്നും. ഒരു യന്ത്രത്തെയാണ് താന്‍ പഠിപ്പിയ്ക്കുന്നതെന്ന് അവള്‍ വിചാരിയ്ക്കും.

മിഥുന്റെ മുറി നിറയെ പട്ടങ്ങളായിരുന്നു. പല നിറത്തിലും വലിപ്പത്തിലുമുള്ള പട്ടങ്ങളുണ്ടാക്കി ഭിത്തിയില്‍ ഒട്ടിച്ചു വെച്ചിരിയ്ക്കുന്നു. 'അതവന്റെ ഒരു ഹോബിയാ. പഠിതതീന്ന് ബ്രെയ്ക്ക് എടുക്കുമ്പോ ഇങ്ങനെ പട്ടമുണ്ടാക്കും. ആയിക്കോട്ടേയെന്നു ഞാനും വിചാരിച്ചു. കൊണ്സെന്‍ട്രേഷന്‍ കിട്ടാന്‍ നല്ലതാനെന്നാ ഡോക്ടര് പറഞ്ഞെ' മിഥുന്റെ മമ്മി അറിയിച്ചു. പച്ചയും നീലയും മഞ്ഞയും നിറത്തില്‍ പട്ടങ്ങള്‍ നിറഞ്ഞ ഒരു മുറി.

ഒരു ദിവസം ഉമ മിഥുന്റെ വീട്ടില്‍ ചെന്നപ്പോള്‍ അവിടെ വലിയ ബഹളം നടക്കുകയാണ്. 'എ സി വെയ്ക്കാംഎന്നു പറഞ്ഞിട്ട് ഇവന്‍ സമ്മതിയ്ക്കുന്നില്ല. എ സി യുണ്ടെങ്കില്‍ ചൂടില്ലാതെ പഠിയ്ക്കാമല്ലോ.' മിഥുന്റെ അമ്മ.

'എനിയ്ക്കേസി വേണ്ട. ആ ജനല്‍ തുറന്നിട്ടാല്‍ മതി. അതടയ്ക്കാന്‍ ഞാന്‍ സമ്മതിയ്ക്കില്ല'. മിഥുന്‍.

'വേണ്ടെങ്കില്‍ വേണ്ട. പക്ഷെ സൌകര്യങ്ങള്‍ കുറഞ്ഞതിന്റെ പേരില്‍ മാര്‍ക്കെങ്ങാന്‍ കുറഞ്ഞാല്‍'........ പൂര്‍ത്തിയാക്കാത്ത ആ ഭീഷണിയുമായി മിഥുന്റെ അമ്മ പോയി.

ആ കുട്ടി പതിയെ ജനലിനടുത്തു ചെന്ന് അത് വീണ്ടും തുറന്നു. അതിനു വെളിയില്‍ ആകാശമായിരുന്നു. രണ്ടു കൂറ്റന്‍ കെട്ടിടങ്ങള്‍ക്ക് നടുവില്‍ ഒരു തുണ്ട് ആകാശം. ആ ആകാശത്തിലേയ്ക്ക് നോക്കി നില്‍ക്കവേ മിഥുന്റെ കണ്ണില്‍ പട്ടങ്ങള്‍ പറന്നു. പച്ചയും നീലയും മഞ്ഞയും വര്‍ണത്തില്‍. അന്നാദ്യമായി മിഥുന്റെ ചുണ്ടില്‍ ഉമ ഒരു ചിരി കണ്ടു.

പെണ്ണ് കാണാന്‍ പോകുന്നവര്‍ക്ക് ഒരു ഗൈട്‌

noreply@blogger.com (Maya V) — Mon, 18 Jul 2011 23:29:00 +0000

ദാമ്പത്യ മൂല്യങ്ങള്‍ തകര്‍ന്നു കൊണ്ടിരിയ്ക്കുന്ന ഇക്കാലത്ത് നല്ല ഒരു കുടുംബ ജീവിതത്തിനു ആദ്യം വേണ്ടത് നല്ല ഒരു പെണ്ണിനെ കണ്ടു പിടിയ്ക്കുക എന്നതാണ്. പെണ്ണ് കാണാന്‍ പോകുമ്പോള്‍, ഒറ്റക്കാഴ്ചയില്‍ പെണ്‍കുട്ടി നിങ്ങള്ക്ക് ചേരുന്നവളാണോ എന്ന് എങ്ങനെ അറിയും? അവള്‍ സുശീലയാണോ, സാവിത്രിയാണോ, ശീലാവതിയാണോ എന്ന് എങ്ങനെ തീര്‍പ്പാക്കും? വിഷമിയ്ക്കേണ്ട, നിങ്ങളുടെ പ്രിയപ്പെട്ട പുരുഷമാഗസിന്‍ 'ഇക്കിളിപ്പെണ്ണ്' നിങ്ങളുടെ സഹായത്തിനെത്തിയിരിയ്ക്കുന്നു. ww.maayalokam.blogspot.com

സ്ത്രീ മനശാസ്ത്രത്തില്‍ അമേരിയ്ക്കേന്നു ഉന്നത ബിരുദം നേടിയ പ്രശസ്ത സ്ത്രീ മനശാസ്ത്രജ്ഞന്‍ ഡോക്ടര്‍ വട്ടക്കുഴി സദാശിവന്‍ രെട്ടി തയാറാക്കിയ ഈ മാര്‍ഗനിര്‍ദേശങ്ങള്‍ ‍സല്സ്വഭാവിയും അടക്കമൊതുക്കമുളളവളുമായ ഒരു പെണ്ണിനെ കണ്ടെത്തുവാന്‍ നിങ്ങളെ സഹായിയ്ക്കും.

പെണ്ണ് കാണാന്‍ പോകുമ്പോള്‍

1. പെണ്ണ് കാണുന്ന സമയത്ത് പെണ്‍കുട്ടി ധരിച്ചിരിയ്ക്കുന്ന വസ്ത്രം ശ്രദ്ധിയ്ക്കുക. പെണ്‍കുട്ടിയുടെ മനസിന്റെ ആഴങ്ങളിലെ ആന്ദോളനമാണ് വസ്ത്രധാരണത്തിലും പ്രതിഫലിയ്ക്കുന്നത്. സാരി ധരിച്ചവരാണ് ഉത്തമം. അത്തരം പെണ്‍കുട്ടികള്‍ അടക്കമൊതുക്കമുള്ളവരായിരിയ്ക്കും. വയറു കാണുന്ന വിധത്തിലാണോ സാരി ധരിച്ചിരിയ്ക്കുന്നതെന്നു പ്രത്യേകം നോക്കണം. തൊണ്ണൂറു ഡിഗ്രീ ചെരിഞ്ഞു നോക്കുമ്പോള്‍ വയറു കാണുന്നുണ്ടെങ്കില്‍ അതത്ര നല്ല കുടുംബമല്ല. ചുരിദാര്‍ ധരിയ്ക്കുന്നവര്‍ സ്വതവേ കേമികളാണ്. പക്ഷെ കയ്യൂക്കുള്ള ആണുങ്ങള്‍ക്ക് അവരെ നിലയ്ക്ക് നിര്താവുന്നതെയുള്ള് . ജീന്‍സിട്ട പെണ്ണുങ്ങളെ വീട്ടില്‍ കേറ്റാന്‍ കൊള്ളുകേല.www.maayalokam.blogspot.com

2. പെണ്‍കുട്ടിയോട് അവളുടെ പ്രിയപ്പെട്ട സിനിമാ നടന്‍ ആരാണെന്ന് ചോദിയ്ക്കുക. മോഹന്‍ലാല്‍ ഫാന്സാണ് കല്യാണം കഴിയ്ക്കാന്‍ അത്യുത്തമം. അത്തരക്കാര്‍ രൂപത്തിലുമധികം കഴിവിന് പ്രാധാന്യം കൊടുക്കുന്നവരാണ്‌. കല്യാണത്തിന് ശേഷം അവളുണ്ടാക്കുന്ന ചിക്കനും ബീഫുമടിച്ചു നിങ്ങള്‍ പോണ്നതടിയനും കുടവയറനുമായാലും സ്കൂളീപ്പടിയ്ക്കുമ്പോ ഓട്ടമത്സരത്തിനു കിട്ടിയ ഗപ്പിന്റെ കാര്യം പറഞ്ഞു അവള് നിങ്ങളെ ആരാധിച്ചോളും. കൊച്ചു വെളുപ്പാന്‍ കാലത്ത് കുട്ടിനിക്കറുമിട്ടു റോട്ടിക്കൂടി ഓടാന്‍ താല്പര്യമുള്ളവര്‍ മാത്രം പ്രിഥ്വി രാജിന്റെ ആരാധകരെ സെലെക്ട്ടു ചെയ്യുക.

3.നിങ്ങളിന്നു വരെ വായിച്ചിട്ടുള്ളതില്‍ ഏറ്റവും വലിയ നീല കഥയുടെ പേര് പറഞ്ഞിട്ട് അത് വായിച്ചിട്ടുണ്ടോ എന്ന് ചോദിയ്ക്കുക. 'ഹെഹ്, എന്താ', എന്നാണുതരമെങ്കില്‍ അവള്‍ക്കതിനെക്കുരിച്ചു ഒന്നുമറിയില്ലെന്ന് ഉറപ്പിയ്ക്കാം. 'ശേ, വഷള്, അതെനിയ്ക്കിഷ്ട്ടമായില്ല' എന്നാണുതരമെങ്കില്‍ അപ്പ ഉപേക്ഷിയ്ക്കണം ആ ആലോചന. അത്തരം പുസ്തകങ്ങളെ ക്കുറിച്ച് കേട്ടിട്ട് കൂടിയുണ്ടെങ്കില്‍ അവള്‍ നമുക്ക് ചേര്‍ന്നതല്ല. www.maayalokam.blogspot.com

4.പെണ്‍കുട്ടിയുടെ ദേഹത്ത് കൊന്ത, ഏലസ്, ചരട് മുതലായവ ഉണ്ടോയെന്നു പ്രതേയ്കം നോക്കണം. നല്ല സംസ്ക്കാരത്തില്‍ വളര്‍ന്ന പെണ്‍കുട്ടികളുടെ ലക്ഷണമാണതു. സ്ഥിരമായിട്ട് പള്ളീലോ അമ്പലത്തിലോ പോകുന്ന പെണ്‍കുട്ടിയാണെന്ന് വീട്ടുകാര്‍ പറയുകയാണെങ്കില്‍ മടക്ക വഴിയില്‍ അവിടെയൊന്ന് കേറി, പൂജാരി/കൊച്ചച്ചന്‍ ഏതു പ്രായക്കാരനാണെന്ന് നോട്ടു ചെയ്യണം. സൂക്ഷിച്ചാല്‍ ദുഖിയ്ക്കേണ്ട.

5.ചായ തരുമ്പോള്‍ വലതു കയ്യില്‍ നെയില്‍ പോളിഷ് ഇട്ടിട്ടുണ്ടോ എന്ന് നോക്കണം. അടുക്കളയില്‍ക്കേറി നന്നായിട്ട് പണിയുന്ന പെണ്ണാണെങ്കില്‍ ഒന്നുകില്‍ നെയില്‍ പോളിഷ് ഇട്ടിട്ടുണ്ടാവില്ല, അല്ലെങ്കില്‍ അത് അവിടെയും ഇവിടെയുമൊക്കെ പൊളിഞ്ഞു പോയിട്ടുണ്ടാകും. നന്നായി നെയില്‍ പോളിഷ് ഇട്ട പെണ്ണിനെ കെട്ടിയാല്‍ കഞ്ഞി കുടിച്ചു ജീവിയ്ക്കാന്‍ കഴിയില്ല.

6.പെണ്‍കുട്ടിയുടെ മേയ്ക്ക് അപ്പിനും അവളുടെ സ്വഭാവത്തിനും അഭേദ്യമായ ബന്ധമുണ്ട്. ലിപ്സ്റ്റിക്ക് ഇടുന്നവര്‍ അഹങ്കാരികളാണ്. അത്തരക്കാരെ വല്ല സിനിമായ്ക്കുമൊക്കെ കൊണ്ടു പോകാംഎന്നല്ലാതെ കല്യാണം കഴിച്ചു വീട്ടിലിരുത്താന്‍ കൊള്ളില്ല. തലമുടിയില്‍ തുളസിക്കതിര്‍ ഒരു നല്ല ലക്ഷണമാണ്. മുടിയില്‍നിന്നു വെള്ളം ഇറ്റിറ്റു വീഴുന്നത് അത്യുത്തമം. നെയില്‍ പോളിഷിന്റെ കാര്യം നേരത്തെ പരാമര്ശിച്ചല്ലോ. കാലില്‍ നെയില്‍ പോളിഷ് ആകാം. കണ്ണെഴുതുന്നത് ശാലീനതയുടെ ലക്ഷണമാണ്. പക്ഷെ കണ്പോളകള്‍ക്ക് മേലെ വേണ്ട.

7.പെണ്‍കുട്ടിയുടെ അമ്മയെ ഒന്ന് പ്രതേയ്കം ശ്രദ്ധിയ്ക്കണം. എന്താണ് ആ മുഖത്തെ ഭാവം? വിനയമാണെങ്കില്‍ ആലോചനയുമായി മുന്നോട്ട് പോകാം. അതല്ല, നിങ്ങളുടെ കെട്ടുംമട്ടും സംസാരവും ചുഴിഞ്ഞു നോക്കുകയാണെങ്കില്‍ ആ ബന്ധം ശരിയാവില്ല.

8.ചായ തരുമ്പോള്‍ പെണ്‍കുട്ടിയുടെ കയ്യ് വിറയ്ക്കുന്നുണ്ടോയെന്നു നോക്കുക. കുലീനതയുടെ അത്യുത്തമ ലക്ഷണമാണത്. കയ്യ് വിറയ്ക്കുന്നില്ലെങ്കില്‍ അവളെ ഒന്ന് തറപ്പിച്ചു നോക്കുക. എന്നിട്ടും കയ്യ് വിറയ്ക്കുന്നില്ലെങ്കില്‍ അവളെ കെട്ടിയാല്‍ വിറയ്ക്കുന്നത് താനായിരിയ്ക്കും എന്നറിയുക.

9.'എന്നാപ്പിന്നെ ചെക്കനും പെണ്ണും ഒന്ന് സംസാരിയ്ക്കട്ടെ' എന്ന് പെണ്ണിന്റെ അച്ഛന്‍ പറയുമ്പോള്‍ അവള്‍ നാണിയ്ക്കണം, കാല്‍ നഖം കൊണ്ടു കളം വരയ്ക്കണം. പെണ്‍കുട്ടിയോട് തനിച്ചു സംസാരിയ്ക്കുമ്പോള്‍ അവള്‍ മുഖത്ത് നോക്കാന്‍ പാടില്ല. ഇങ്ങോട്ട് ചോദ്യങ്ങള്‍ ചോദിയ്ക്കുന്ന പെണ്ണിനെ വേണ്ടെന്നു പറയാതെ തന്നെ അറിയാമല്ലോ. www.maayalokam.blogspot.com

happy married life......

ഡോക്ടര്‍ വട്ടക്കുഴി സദാശിവന്‍ രെട്ടി (ABC, DEFG, HIJK, London)

free: ഈ ലക്കം ''ഇക്കിളിപ്പെണ്ണ്'' വാരികയില്‍ പ്രശസ്ത ഹോളിവുഡ് നടി പമേല ആണ്ടെരസന്റെ സെന്റെര്‍ പേജു.

www.maayalokam.blogspot.com

ഓര്‍മ്മകള്‍ ഉറങ്ങട്ടെ

noreply@blogger.com (Maya V) — Thu, 23 Jun 2011 08:44:00 +0000

ഒരു സര്ടിഫിക്കെട്ടിനു വേണ്ടി പഴയ പെട്ടിയില്‍ തപ്പിയപ്പോഴാണു കോളേജിലെ ഓട്ടോഗ്രാഫ് ബുക്ക്‌ കയ്യില്‍ തടഞ്ഞത്. എന്റെ ജീവിതത്തിലെ ഒരു സുവര്‍ണ കാലഖട്ടത്തിന്റെ ബാക്കിപത്രമാണാ ബുക്ക്‌. ഓര്‍മ്മകള്‍ ചിത്രശലഭങ്ങളെപ്പോലെയാണ്. പല വര്‍ണങ്ങളില്‍ , വലിപ്പത്തില്‍ . മനസ്സില്‍ ഒരു പുഞ്ചിരി വിരിയിയ്ക്കാന്‍ കഴിയുന്ന ചിത്ര ശലഭങ്ങള്‍ . പക്ഷെ അല്പപായുസ്സുക്കള്‍ . ബോര്‍ഡില്‍ , മൊട്ടുസൂചിയാല്‍ തടവിലാക്കപ്പെട്ട ചിത്ര ശലഭങ്ങളെയെന്ന പോലെ, ഒരിയ്ക്കലും കയ്മോശം വരാതെ, ഓര്‍മകളെ തടവിലാക്കിയിരിയ്ക്കുകയാണതില്‍ . ആ താളുകള്‍ ഒന്ന് മറിയ്ക്കുകയെ വേണ്ടു, ഞാന്‍ പഴയ കോളേജ് വിദ്യാര്തിനിയാവാന്‍.

നാലു പേരായിരുന്നു ഞങ്ങള്‍ . ആത്മാര്‍ത്ഥ സുഹൃത്തുക്കള്‍ . ഊണും ഉറക്കവും ഒരുമിച്ച്. സ്വപ്നങ്ങളും പ്രതീക്ഷകളും തല്ലുകൊള്ളിതരങ്ങളും വ്യഥകളും പങ്കു വെച്ച്. കണിശക്കാരിയായ ഹോസ്റ്റല്‍ വാര്‍ഡനോട് മല്ലടിച്ച്, എം എസ് സി സര്ടിഫികെട്ടിന്റെ മഷി ഉണങ്ങും മുന്‍പേ ബി എസ് സി ക്കാര്‍ക്ക് സാറായി വന്ന ചെറുപ്പക്കാരനെ ചോദ്യശരങ്ങള്‍ കൊണ്ടു പൊറുതി മുട്ടിച്ച്, ഭീകരിയായ മിസ്സിനെ താടകയെന്നു ആദ്യവും പിന്നെ സ്നേഹം മൂത്ത് തടുവെന്നു ചെല്ലപ്പെരും വിളിച്ച്‌, ബോറിംഗ് ക്ലാസുകളില്‍ തുണ്ട് കടലാസില്‍ പരസ്പരം സന്ദേശങ്ങളയച്ച്, ഒരാള്‍ പിടിയ്ക്കപ്പെട്ടാല്‍ നാലു പേരും കുറ്റം ഏറ്റെടുത്ത്, അങ്ങനെ മൂന്നു വര്ഷം. വിമെന്‍സ് കോളേജിന്റെ കനത്ത മതിലുകള്‍ക്കുള്ളില്‍ ഞങ്ങള്‍ സ്വന്തം സാമ്രാജ്യം സൃഷ്ടിച്ചു. നാലു പേരുടെ ഗാന്‍ഗ്. കുഞ്ഞു കാര്യങ്ങള്‍ക്ക് പോലും ഒരുപാട് ചിരിച്ച നാളുകള്‍ . ഓരോ സന്ദര്‍ഭങ്ങളിലും ബാക്കി മൂന്നു പേര്‍ ചിന്തിയ്ക്കുന്നതെന്തെന്നു പോലും തെറ്റില്ലാതെ ഊഹിയ്ക്കുവാന്‍ കഴിയുമായിരുന്നു എനിയ്ക്ക്.

പഠനം തീര്‍ന്നു പിരിയേണ്ട സമയം വന്നപ്പോള്‍ ജീവിതത്തില്‍ എന്നേയ്ക്കുമായി പിരിയുകയില്ല എന്ന് ഞങ്ങള്‍ തീരുമാനിച്ചു. എല്ലാ വര്‍ഷവും ഒരിയ്ക്കലെങ്കിലും തമ്മില്‍ കാണും. ക്ലാസുകളില്‍ പരസ്പരം അയച്ച സന്ദേശങ്ങള്‍ നാലായി ഞങ്ങള്‍ പകുത്തെടുത്തു. ഓട്ടോഗ്രാഫ് ബുക്കില്‍ ഹൃദയം പകര്‍ന്നു വെച്ചു.

'മറ്റൊരമ്മയില്‍ പിറന്ന എന്റെ ഇരട്ടയാണ് നീ'.

പ്രിയ സുഹൃത്ത്‌ ഇങ്ങനെയെഴുതി.

വര്‍ഷങ്ങള്‍ക്കു ശേഷം നിറം മങ്ങിത്തുടങ്ങിയ ഓട്ടോഗ്രാഫിന്റെ താളുകള്‍ അലസമായി മറിച്ച് ഞാനാലോചിച്ചു. അവളെ കണ്ടിട്ട് എത്ര നാളായി. അവളോട്‌ സംസാരിച്ചിട്ടു എത്ര നാളായി. കോളേജിലെ കോണ്‍വോകെഷന്‍ കഴിഞ്ഞതില്‍പ്പിന്നെ അവളെ കണ്ടിട്ടില്ല. അടിയ്ക്കടി വിളിയ്ക്കുമായിരുന്നു ആദ്യമൊക്കെ. കാലങ്ങള്‍ കഴിഞ്ഞപ്പോള്‍ , എനിയ്ക്ക് എന്റെ ലോകം, അവള്‍ക്കു അവളുടെ ലോകം, എനിയ്ക്കും അവള്‍ക്കും ഒരു ലോകമില്ല എന്ന് ഞാന്‍ മനസിലാക്കി.

വല്ലപ്പോഴുമുള്ള ഫോണ്‍വിളികള്‍ ജീവിതതിരക്കുകള്‍ക്കിടയില്‍ ഇല്ലാതെയായി. അവളുടെ ഫോണ്‍ നമ്പര്‍ എനിയ്ക്കറിയാം. മെയില്‍ ഐടി എന്റെ കയ്യിലുണ്ട്. എന്നിട്ടും അവളോടൊന്ന് സംസാരിച്ചിട്ടു ഒത്തിരി നാളായി. അതിനു മാത്രം തിരക്കുണ്ടോ എനിയ്ക്ക്? ഉണ്ടെന്നു പറഞ്ഞാല്‍ അത് കളവാകും.

ഭര്‍ത്താവിന്റെ സൌഹൃദങ്ങളെക്കുറിച്ചോര്‍ത്തു നോക്കി. അദ്ദേഹം ഇപ്പോഴും പഴയ സുഹൃത്തുക്കളെ വിളിയ്ക്കുന്നു. അവര്‍ തിരിച്ചും. എന്ത് കൊണ്ടു എന്റെ സൌഹൃദങ്ങള്‍ക്ക് ഇത് സംഭവിച്ചു? ഇപ്പോള്‍ എനിയ്ക്കൊരു സുഹൃത്ത് സംഖമുണ്ട്. അവരും ഇത് തന്നെ പറയുന്നു. പഴയ കാല സൌഹൃദങ്ങള്‍ പരിപാലിയ്ക്കുന്നവര്‍ വളരെക്കുറവു. സ്ത്രീകള്‍ ബന്ധങ്ങളോളം വില സൌഹൃദങ്ങള്‍ക്ക് നല്കാതതാണോ കാരണം? തന്റെ കുഞ്ഞും കുടുംബവും കൊണ്ടു സ്ത്രീകള്‍ ത്രിപ്തരാനെന്നാണോ ? അതോ മറ്റെന്തെങ്കിലും പരിമിതികളോ? പുരുഷ സൌഹൃദങ്ങളുടെ എത്രയെത്ര ഉദാത്ത കഥകള്‍ സിനിമയും നോവലുകളുമായി. സ്ത്രീ സൌഹൃദങ്ങളുടെ കഥകള്‍ എത്ര വിരളം. കാലാകാലത്തോളം നില നിലക്കുന്ന സ്ത്രീ സൌഹൃദങ്ങള്‍ ഇല്ലെന്നാണോ?

സുഹൃത്തിനെ വിളിച്ചാലോ എന്ന് ഞാനാലോചിച്ചു. ചിത്ര ശലഭത്തിന്റെ മൊട്ടുസൂചി വലിച്ചൂരിയെടുത്തു കഴിയുമ്പോള്‍ അതിനു ജീവനില്ലെങ്കിലോ എന്ന് ഞാന്‍ ഭയന്നു. വേണ്ട. ഓര്‍മ്മകള്‍ സ്വസ്ഥമായി ഉറങ്ങട്ടെ.പുസ്തകത്താളിലും മനസിലും.

കൊച്ചി ബാംഗ്ലൂര്‍ ആയാല്‍ .

noreply@blogger.com (Maya V) — Wed, 22 Jun 2011 08:49:00 +0000

കേരളമെന്ന ദൈവത്തിന്റെ സ്വന്തം നാടിനെ അതിന്റെ സകല സാംസ്കാരിക തനിമയോടും കൂടെ നിലനിര്‍ത്തണമെന്ന വാശിയുള്ള സാംസ്കാരിക നായകന്മാര്‍ കൊച്ചിയിലുന്ടെന്നു ഇന്നത്തെ പത്രത്തില്‍ വായിച്ചറിഞ്ഞു. രാത്രി ഡ്യൂടിയ്ക്ക് ഐ ടി അനുബന്ധ സ്ഥാപനതിലെയ്ക്ക് പോകാന്‍ സുഹൃത്തായ യുവാവ്നോടൊപ്പം ഇരുചക്ര വാഹനത്തില്‍ സഞ്ചരിച്ചു മലയാള സംസ്കാരം തകര്‍ക്കാന്‍ ശ്രമിച്ച തസ്നി ബാനു എന്ന യുവതിയെ ചില സാംസ്കാരിക നായകന്മാര്‍ തടയുകയും കൊച്ചിയ്ക്ക് ചീത്തപ്പെരുണ്ടാക്കി വെയ്ക്കരുതെന്നു നല്ല ഭാഷയില്‍ ഉപദേശിയ്ക്കുകയും ചെയ്തു.
കൊച്ചിയെ ബാംഗ്ലൂരാക്കാന്‍ സമ്മതിയ്ക്കില്ല എന്നവര്‍ മുന്നറിയിപ്പ് നല്‍കി. എന്നിട്ടും കാര്യം മനസിലാക്കി പശ്ചാതപിയ്ക്കാന്‍ തയാരാകാതിരുന്ന ബാനുവിനെ കേരള സംസ്കാരത്തിന് വേണ്ടി ഒന്ന് കാരണത്തടിയ്ക്കേണ്ടി വന്നു ഒരു നായകന്. അതില്പ്പോള്‍ പെങ്കൊച്ചു കേസാക്കിയിരിയ്ക്കുകയാണ്. ഇവളുമാര്‍ക്കൊന്നും നല്‍വഴി ചൂണ്ടിക്കാണിച്ചാല്‍ മനസിലാവില്ലേ എന്റെ അഴിക്കോട് ഭഗവതി!!!

പോലീസ് ഈ കേസ് എന്തിനു ഏറ്റെടുത്തു എന്നാണെനിയ്ക്കു മനസിലാകാത്തത്. മുഖ്യനും ഇടപെട്ടിട്ടുണ്ടത്രേ. ചെറിയൊരു രാഷ്ട്രീയ ലാഭത്തിനു വേണ്ടി രാഷ്ട്രീയക്കാര്‍ എന്തും ചെയ്യും എന്നതിന് വേറെ തെളിവ് വേണോ? കേരള സംസ്ക്കാരം നശിച്ചു പോയാല്‍ അവര്‍ക്കൊന്നും ഒന്നുമില്ലല്ലോ. ബാന്ഗ്ലൂരുകാര്‍ എന്ത് തോന്യാസം കാണിച്ചാലും അതെല്ലാം പരിശുദ്ധ പാവന കൊച്ചിയിലും കാണിയ്ക്കാംഎന്നു വിചാരിയ്ക്കുന്നവളുമാരെ അടിയ്ക്കണം. പോരാ, ഉത്തരേന്ത്യയിലെ ചില ഗ്രാമങ്ങളില്‍ കാണുന്നത് പോലെ തുണിയുരിച്ചു റോട്ടില്‍ക്കൂടി നടത്തണം. ഇത് ബാന്ഗ്ലൂരല്ലാത്തത് കാരണം തുണിയില്ലാതെ റോഡില്‍ക്കൂടി നടന്നാല്‍ ആരും നോക്കുക പോലുമില്ല.

മലയാളി എന്ന നിലയില്‍ ഈ സംഭവം വായിച്ച് ഞാന്‍ പുളകം കൊണ്ടിരിയ്ക്കുകയായിരുന്നു. മലയാളം പേപ്പര്‍ വായിച്ച് ടയിംസ് ഓഫ് ഇന്ത്യയിലേയ്ക്ക് നീങ്ങിയപ്പോള്‍, അവിടെയുമുണ്ട് ഈ വാര്‍ത്ത (പത്രങ്ങളുടെ അധപതനം!). വാര്‍ത്തയ്ക്കു ശേഷമുള്ള ചില കമെന്റുകള്‍ വായിച്ചപ്പോള്‍ എന്റെ ചങ്ക് തകര്‍ന്നു പോയി. മലയാളികളെപ്പോലെ കപടസദാചാര വാദികളും അധപതിച്ചവരും വേറെയില്ലെന്നാണ് ചില വഷളന്മാര്‍ എഴുതി വെച്ചിരിയ്ക്കുന്നത്. കൊച്ചിയെ ബാംഗ്ലൂരിനോട് താരതമ്യപ്പെടുത്തുന്നത് ബാംഗ്ലൂരിന് അപമാനമാണത്രേ. അവിടെയുള്ള മുഴുവന്‍ തലതെറിച്ച പെണ്ണുങ്ങളും മലയാളികളാണെന്നാണ് അവര്‍ പറയുന്നത്. കേരളത്തിനകത്ത്‌ പൂച്ചക്കുട്ടികളെപ്പോലെ നടന്നിട്ട് ബാംഗ്ലൂരില്‍ ചെന്ന് അവളുമാര്‍ അഴിഞ്ഞാടുകയാണത്രേ. അത് പോലെ ആ ദേശത്തുള്ള മുഴുവന്‍ പെമ്പില്ലെരേം പിഴപ്പിയ്ക്കുന്നത് നെറ്റിയില്‍ ചന്ദനക്കുറിയണിഞ്ഞ, ഞായറാഴ്ച മുടങ്ങാതെ പള്ളിയില്പ്പോകുന്ന, മൂന്നു നേരെം നിസ്കരിയ്ക്കുന്ന നമ്മടെ തങ്കം പോലത്തെ മലയാളിപ്പയ്യന്മാരാണത്രേ. പിഴപ്പിച്ചു കഴിഞ്ഞ് ഒഴിപ്പ്യ്ക്കുന്നതിനുള്ള കാശും കൊടുത്തു മുങ്ങുന്നതല്ലാതെ ഒരുതിയേം അവന്മാര്‍ കെട്ടാറില്ലത്രേ.

ഈ വാര്‍ത്ത കേട്ടു എന്റെ രക്തം തിളച്ചു. കേരള സംസ്കാരത്തെ തൊട്ടു കളിയ്ക്കാന്‍ മാത്രം അവന്മാര്‍ വളര്‍ന്നോ? അടിച്ചു അവന്മാരുടെ പല്ല് തെറിപ്പിചില്ലെങ്കില്‍ പിന്നെ സംസ്കാരിയായ മലയാളി എന്ന് പറയുന്നതില്‍ എന്താണര്‍ത്ഥം? അത് കൊണ്ടു ഞാന്‍ കൊച്ചി പോലീസിനോട് അഭ്യര്‍തിയ്ക്കുകയാണ്. കൊച്ചിയിലെ ആ സാംസ്കാരിക നായകന്മാരെ രണ്ടു ദിവസത്തേയ്ക്ക് ഒന്ന് ബാംഗ്ലൂരിന് വിടണം. അവര്‍ പോയി ആ ചെറ്റകളെ സംസ്കാരം പഠിപ്പിച്ചിട്ടു വരട്ടെ. ഹല്ല പിന്നെ.

(മലയാളിപ്പെങ്കുട്ടികളുടെ ഐശ്വര്യം കാണിയ്ക്കാന്‍ വേണ്ടി കാവ്യാ മാധവന്റെ പടം കൊടുതെന്നെയുള്ള്. അതിനാരും ദുരര്‍ത്ഥം കാണേണ്ടാ.)

ബി ടി വഴുതനങ്ങയും ചില ശാസ്ത്ര സങ്കടങ്ങളും

noreply@blogger.com (Maya V) — Fri, 17 Jun 2011 04:36:00 +0000

ഓഫിസിലെ ആവശ്യത്തിനു വേണ്ടി ജനിതക മാറ്റം വരുത്തിയ വിളകളെക്കുറിച്ച് ഒരു ലേഖനമെഴുതുകയായിരുന്നു ഈയാഴ്ച. അതില്‍ ചേര്‍ക്കാന്‍ കുറച്ചു പടങ്ങള്‍ക്കായി ചുമ്മാ gm crops എന്ന് ഗൂഗിള്‍ ഇമെജസില്‍ ടൈപ്പ് ചെയ്തപ്പോള്‍ കിട്ടിയ ഫലങ്ങളില്‍ 95 % ഉം, ഒരു സയന്റിസ്റ്റ് എന്ന നിലയില്‍ വളരെ നിരാശപ്പെടുതുന്നവയായിരുന്നു. ചില സാമ്പിളുകള്‍ ഇതാ.

ജനിതക മാറ്റം വരുത്തിയ വിളകള്‍ എന്ത്, എന്തിനു എന്ന കാര്യത്തെക്കുറിച്ച് പൊതുജനത്തിന് ഇപ്പോഴും വലിയ പിടിപാടില്ലെന്നതാണ് ഈ ചിത്രങ്ങള്‍ വ്യക്തമാക്കുന്നത്. സുഹൃത്തുക്കളെ, ഇതല്ല, ജനിതക മാറ്റം. ഇത് മോര്ഫിങ്ങാണ്. കമ്പ്യുട്ടെരില്‍ ചെയ്യുന്നത്. ഇത്തരം പടങ്ങള്‍ കണ്ട കുറെയേറെ സൈറ്റുകളില്‍ ഞാന്‍ പോയി വായിച്ച് നോക്കി. മിക്കവര്‍ക്കും ഇതിന്റെ ശാസ്ത വശത്തെക്കുറിച്ച് പിടിയില്ല. പത്രങ്ങളിലും മറ്റും വാലും മുറിയും കണ്ടു, സ്വന്തം മനോധര്‍മതിനനുസരിച്ചു അങ്ങെഴുതി വിട്ടവയാണ് മിക്ക ആര്‍ട്ടിക്കിളും. ഒരു സയന്റിസ്റ്റ് എന്ന നിലയില്‍ , വരും തലമുറയ്ക്ക് ഭക്ഷണം നല്‍കാന്‍ ഏറ്റവും ആവശ്യമുള്ള ടെക്നോലോജി എന്ന് ഞാന്‍ വിശ്വസിയ്ക്കുന്ന, ശാസ്ത്രത്തിന്റെ ഈ മഹത്തായ കണ്ടുപിടുത്തം ഇത്രയധികം താറടിയ്ക്കപ്പെട്ടതെങ്ങനെയാണ് ? എന്താണ് ഇതിന്റെ പിന്നിലെ ഉദ്ദേശ്യം?

ജനിതക മാറ്റം വരുത്തിയ വിളകള്‍ എന്താണ്?

ഒരു ജീവിയുടെ gentic material അഥവാ, DNA യില്‍ കൃത്രിമമായി മാറ്റം വരുതുമ്പോഴാനു ജനിതക മാറ്റം വന്ന ജീവിയായി കണക്കാക്കുന്നത്. പ്രതെയ്ക സ്വഭാവ സവിശേഷതകള്‍ക്ക് കാരണമായ ജീനുകള്‍ പുതുതായി ചേര്‍ക്കുകയോ, നീക്കം ചെയ്യുകയോ ചെയ്തു ഈ മാറ്റങ്ങള്‍ വരുത്താം. ഒരേ വര്‍ഗത്തില്‍പ്പെട്ട ജീവികള്‍ക്കിടയില്‍ sexual interaction ഇലൂടെ ജീനിന്റെ വിവിധ രൂപങ്ങള്‍ കയ്യ് മാറ്റം ചെയ്യപ്പെടുന്നുണ്ട്. പക്ഷെ ആ ജീവി വര്‍ഗത്തില്‍ ഇല്ലാത്ത ഒരു സ്വഭാവം അതിനു വരുത്തണമെങ്കില്‍ ആ സ്വഭാവമുള്ള ഒരു ജീവിയില്‍ നിന്നും ജീനെടുക്കണം. ജീനെടുക്കുക എന്ന് പറഞ്ഞാല്‍, അതിനെ കൊന്നു, ജീന്‍ വലിച്ചൂരിയെടുത്തു മറ്റേ ജീവിയില്‍ ഫിറ്റു ചെയ്യുകയെന്നല്ല. എല്ലാ ജീവികളുടെയും DNA യില്‍ നാല് അടിസ്ഥാന ഖടകങ്ങളെയുള്ളൂ. ആ ഖടകങ്ങളുടെ arrangement മനസിലാക്കിയ ശേഷം അത് കൃത്രിമമായി ലാബില്‍ സൃഷ്ട്ടിചെടുത്തു പുതിയ ജീവിയിലെയ്ക്ക് മാറ്റുകയാണ്. അത് കൊണ്ടു തന്നെ പന്നിയുടെ ജീനെടുത്തു വെണ്ടയ്ക്കയില്‍ വെച്ചാല്‍, ആ വെണ്ടയ്ക്ക കഴിയ്ക്കുന്നവര്‍ മാംസം തീനികളാകുന്നില്ല. പന്നിയിലും വെണ്ടയ്ക്കയിലും മനുഷ്യനിലും ഒരേ അടിസ്ഥാന ഖടകങ്ങലാണ്. അവയുടെ ജീനുകളിലെ arrangement ഇല്‍ മാത്രമാണ് വിത്യാസമുള്ളത്. ഈ വിത്യാസം പല തരത്തിലുള്ള പ്രോടീനുകളായി പ്രതിഫലിയ്ക്കുന്നു. ഓരോ സ്വഭാവ സവിശേഷതകള്‍ക്കും പിന്നില്‍ ഈ പ്രോടീനുകലാണ്.

ഉദാഹരണത്തിന് ബി ടി വഴുതനങ്ങയുടെ കാര്യമെടുക്കാം. അതിന്മെലാണല്ലോ ഇപ്പൊ എല്ലാരും കടിപിടി കൂടുന്നത്. Bacillus thuringiensis എന്ന ബാക്ടീരിയയുടെ ജീനാണ് ബി ടി വഴുതനങ്ങയിലുള്ളത്. ഈ ജീനില്‍ നിന്നുണ്ടാകുന്ന പ്രോടീന്‍ കീടാനുക്കളുടെ ആമാശയത്തില്‍ തുളകളുണ്ടാക്കി അവയെ കൊല്ലുന്നു. ബി ടി വഴുതനങ്ങ കഴിച്ചാല്‍ നിങ്ങടെ ആമാശയത്തിലും തുള വീഴില്ലേ എന്ന് പേടിയ്ക്കേണ്ട. proteins are highly specific in their action. ഒരു പ്രതെയ്ക ഇനത്തില്‍പ്പെട്ട കീടാണുക്കളിലല്ലാതെ വേറെയോന്നിലും ഈ പ്രോടീന്‍ പ്രവര്ത്തിയ്ക്കില്ല. മറ്റു ജീവികളുടെ ശരീരത്തില്‍ അത് വെറുതെ ദഹിച്ചു പോവുകയേ ഉള്ളൂ. ലിറ്റര്‍ കണക്കിന് കീടനാശിനികലടളിയ്ക്കുന്നതിലും ആ കീട നാശിനി കലര്‍ന്ന ഭക്ഷണം കഴിയ്ക്കുന്നതിലും എത്ര മെച്ചമാണത്. ഈ Bacillus thuringiensis ബാക്ടീരിയയെ വളര്‍ത്തി ചെടികള്‍ക്ക് മേലെ തളിയ്ക്കുന്നത് പണ്ട് തൊട്ടേയുള്ള ഒരു കീടാനു നിരോധന മാര്‍ഗമാണ്. അതിലും എളുപ്പമാണിത്‌. എന്നുമെന്നു ചെയ്യുകയും വേണ്ട.

ജനിതക മാറ്റമെന്നാല്‍ ബി ടി യാണെന്ന് വിശ്വസിയ്ക്കുന്നവരാണ് മിക്കവരും. ബി ടി വിളകള്‍ ഒരു വശം മാത്രം. അത് പോലെ എല്ലാ ജനിതക മാറ്റം വരുത്തിയ വിളകളിലും ബാക്ടീരിയയില്‍ നിന്നെടുത്ത ജീനല്ല. നമുക്കാവശ്യമായ ചില പ്രതെയ്ക ക്യാരക്റെര്‍ മാത്രമാണ് മാറാം വരുത്തുന്നത്. മറ്റെല്ലാ കാര്യങ്ങളിലും ഈ വിളകള്‍ സ്വാഭാവിക വിളകലെപ്പോലെ തന്നെയായിരിയ്ക്കും. മുകളിലെ പടങ്ങളില്‍ കാണുന്നത് പോലത്തെ വിചിത്ര ജീവികള്‍ ജനിതക മാറ്റത്തിന്റെ ഫലമല്ല, മോര്ഫിങ്ങിന്റെ ഫലമാണ്.

ഈ ടെക്നോലോജി കൊണ്ട് എത്രയെത്ര സ്വഭാവ സവിശേഷതകളുള്ള വിളകള്‍ സൃഷ്ടിയ്ക്കാന്‍ കഴിയും. രോഗപ്രതിരോധ ശേഷിയുള്ളവ, കുറഞ്ഞ വെള്ളത്തില്‍ വളരാന്‍ കഴിയുന്നവ, ഉപ്പു വെള്ളത്തില്‍ വളരുന്നവ, iron, vitamin എന്നിവ കൂടുതലുള്ളവ, മണ്ണില്‍ നിന്നു ഖനലോഹങ്ങളെ വലിച്ചെടുക്കാന്‍ ശേഷിയുള്ളവ. genetic engineering ഇന്റെ സാധ്യതകള്‍ അപാരമാണ്.

എന്ത് കൊണ്ടു ഇത്ര എതിര്‍പ്പ്.

എനിയ്ക്ക് തോന്നുന്ന കാരണങ്ങള്‍ ഇവയാണ്

ഇതിനെക്കുറിച്ച്‌ ശരിയായ അറിവില്ലാത്തത്‌

സ്ഥാപിത താല്പര്യങ്ങള്‍

അന്താരാഷ്ട്ര കമ്പനികള്‍ ചൂഷണം ചെയ്യുകയാനെന്നുള്ള ഭയം

പ്രകൃതിയുടെ സന്തുലിതാവസ്ഥ തകര്‍ന്നു പോകുമെന്നുള്ള, അറിവില്ലായ്മയില്‍ അധിഷ്ടിതമായ ഭയം.

എന്താണ് പരിഹാരം

genetic engineering ഇന്റെ ഗുണങ്ങള്‍ പൊതുജനതിലെയ്ക്ക് എത്തിയ്ക്കാന്‍ ശാസ്ത്രജ്ഞര്‍ മുന്‍കയ്യെടുക്കണം.

ധാരാളം നിയമങ്ങളും quality checking ഉം ഉണ്ട് ഇത്തരം experiment ഉകള്‍ക്ക്. അവ പാലിയ്ക്കുന്നുണ്ടോയെന്നു കര്‍ശനമായ ചെക്കിംഗ് വേണം.

ചെറുകിട കര്‍ഷകന്റെ അവകാശങ്ങള്‍ ലംഖിയ്ക്കപ്പെടരുത്.

വരള്‍ച്ചയിലും ക്ഷാമത്തിലും വലഞ്ഞ ജനങ്ങള്‍ക്ക്‌ The World Food Programme (WFP) നല്‍കിയ ജനിതക മാറ്റം വരുത്തിയ ഭക്ഷണം 2003 ഇല്‍ zambia നിരാകരിച്ചു. ആരാണ് ഇത്തരം തീരുമാനങ്ങളെടുക്കുന്നത്? ശീതീകരിച്ച മുറികളിലിരുന്നു വയറു നിറയെ ഭക്ഷണം കഴിയ്ക്കാന്‍ ഭാഗ്യമുള്ള നേതാക്കന്മാര്‍. വിശപ്പിന്റെ കാഠിന്യം ഒരിയ്ക്കല്‍പ്പോലും അറിഞ്ഞിട്ടില്ലാതവര്‍ക്ക് മറ്റുള്ളവന് ഭക്ഷണം നിഷേധിയ്ക്കാന്‍ എന്തവകാശം?

കാലാവസ്ഥാ മാറ്റം ദൃതഗതിയിലായിക്കൊണ്ടിരിയ്ക്കുന്ന ഈ കാലഖട്ടത്തില്‍ വരും തലമുറയുടെ വയറു നിറയ്ക്കാന്‍ ഏറ്റവും ഫലവത്തായ technology ആണിത്. കടുത്ത GM വിരോധികള്‍പ്പോലും ചൂണ്ടിക്കാട്ടുന്ന ദോഷ വശങ്ങള്‍ മറികടക്കാന്‍ തക്കവിധം ഈ ടെക്നോലോജി പുരോഗമിച്ചു കഴിഞ്ഞു.

അവസാനമായി, ഓരോ ജനിതക മാറ്റം വരുത്തിയ വിളയും ഒരുപാട് അധ്വാനത്തിന്റെ ഫലമാണ്. വര്‍ഷങ്ങളോളം രാവെന്നും പകലെന്നുമില്ലാത്ത അധ്വാനത്തിന്റെ ഫലം. തങ്ങളുടെ ലാഭം മാത്രം മനസ്സില്‍ വെച്ചു technology ഉപയോഗിയ്ക്കുന്ന കമ്പനികള്‍ ഉണ്ടാകാം. പക്ഷെ താന്‍ നേടിയ അറിവ് കൊണ്ടു സഹജീവിയ്ക്ക് നന്മ വരുത്തണമെന്ന് വിചാരിയ്ക്കുന്നവരും ഉണ്ട്. ബഹുരാഷ്ട്ര കമ്പനികളോടുള്ള സമരത്തിനിടയില്‍ ഇവരുടെ പ്രയത്നങ്ങളും പാഴായിപ്പോകുന്നുവെന്നു അറിയുക.

ബലാല്‍സംഗം ചെയ്യാന്‍ പറ്റിയ പെണ്ണ്.

noreply@blogger.com (Maya V) — Thu, 16 Jun 2011 05:50:00 +0000

ബലാല്‍സംഗം യഥാര്‍ത്ഥത്തില്‍ ആരുടെ കുറ്റമാണ്? അത് ചെയ്ത ആണിന്റെയോ, അതോ, അതിനിനിടയാക്കിയ പെണ്ണിന്റെയോ?

സംഗതികളുടെ തുടക്കം ഇങ്ങനെയാണ്. രണ്ടു മാസം മുന്‍പ് കാനഡയിലൊരു പോലീസുകാരന്‍ 'തെറിച്ച പെണ്ണുങ്ങളെപ്പോലെ വേഷം കെട്ടി നടക്കാതിരുന്നാല്‍ നിങ്ങള്ക്ക് നല്ലത്' എന്ന് സ്വന്തം നല്ല മനസ് കൊണ്ടു ചില പെണ്‍പിള്ളേരെ ഒന്നുപദേശിച്ചു. എന്നാല്‍ ഉപദേശിയുടെ നല്ല മനസു കാണാന്‍ ആ പിള്ളേര്‍ക്കായോ? ഇല്ല. സംഭവം ഇംഗ്ലണ്ടിലെയും അമേരിക്കയിലെയും കാനഡയിലെയും മറ്റു ചേച്ചിമാര്‍ ഏറ്റു പിടിച്ചു വലിയ പുകിലാക്കിയിരിക്കുകയാണ്. slutwalk എന്ന ഓമനപ്പേരുമിട്ടു നൂറുകണക്കിന് പെണ്ണുങ്ങളാണ് 'തെറിച്ച പെണ്ണായി' നടക്കാനുള്ള തന്റെ അവകാശത്തിനു വേണ്ടി സമരം ചെയ്യന്നത്. പെണ്ണിന്റെ വേഷവിധാനം എങ്ങനെയാണെങ്കിലും അത് ആണിന് അവളെ ബലാല്‍സംഗം ചെയ്യാനുള്ള ലയ്സന്‍സ് നല്‍കുന്നില്ല എന്നാണവരുടെ വാദം. പര്‍ദയിട്ട പെണ്ണുങ്ങളെ ബലാല്‍സംഗം ചെയ്യരുത്, കുട്ടിപ്പാവാടയിട്ട പെണ്ണുങ്ങളെ ബലാല്‍സംഗം ചെയ്യാം, മൂടി വെയ്ക്കെണ്ടാതെല്ലാം പ്രദര്‍ശിപ്പിച്ചു നടക്കുന്ന അവര്‍ അതര്‍ഹിയ്ക്കുന്നുണ്ട് എന്ന ചിന്താഗതിയ്ക്കെതിരെയാണ് ഈ സമരം.

ഈ ചേച്ചിമാരുടെ സമരത്തോട് ഞാനും ഐക്യധാര്ട്യം പ്രഖ്യാപിയ്ക്കുന്നു. സ്ത്രീയുടെ വേഷവിധാനമാണ് ബാലാല്സങ്ങതിനു തന്നെ പ്രേരിപ്പിച്ചത് എന്ന പുരുഷന്റെ വാദം ഒരു വാദമല്ല. നാളെ സ്വന്തം പെങ്ങളെ അല്പ്പവസ്ത്ര ദാരിണിയായി കണ്ടാല്‍ അവന്‍ കേറി ബലാല്‍സംഗം ചെയ്തുകളയുമോ? ഒരു പക്ഷെ അല്പ്പവസ്ത്രധാരിണിയായ പെണ്ണു തന്റെ ശ്രദ്ധ ആകര്ഷിയ്ക്കുവാന്‍ വേണ്ടിയാണ് അങ്ങനെ നടക്കുന്നതെന്നും അതിനാല്‍ അവള്‍ ചോദിച്ചു വാങ്ങിയതാണ് അതെന്നും പറയാം. പുരുഷന്മാര്‍ക്ക് എന്നത് പോലെ തന്നെ സ്ത്രീകള്‍ക്കും വസ്ത്രധാരണം പലപ്പോഴും മറ്റുള്ളവരുടെ ശ്രദ്ധയാകര്ഷിക്കാനുള്ള ഒരുപാധിയാണ്‌. പക്ഷെ 'എന്നെ കാണൂ, ദൂരെ നിന്നു എന്നെ ആരാധിയ്ക്കൂ; എന്നതിലപ്പുറം, എന്നെ കാണൂ, എന്റെ മേത്ത് കുതിര മറിയൂ' എന്നൊരു സന്ദേശം അതിലില്ല. 'എന്നെ ആരാധിയ്ക്കൂ' എന്ന സന്ദേശം തന്നെ എല്ലാ അണ്ടനും അടകോടനും വേണ്ടിയുള്ളതല്ല. അവളുധേശിയ്ക്കുന്ന ആള്‍ക്ക്, അല്ലെങ്കില്‍ വിഭാഗത്തിന് മാത്രമുള്ളതാണ്. സ്നേഹിയ്ക്കുന്ന പുരുഷനല്ലാതൊരുവന്‍ ദേഹത്ത് സ്പര്‍ശിയ്ക്കുന്നതോളം അരോചകമായി സ്ത്രീകള്‍ക്ക് മറ്റൊന്നില്ല തന്നെ.

സ്വയം ഒരു മതിപ്പ് തോന്നാനും, സൌകര്യത്തിനു വേണ്ടിയും ഇണയുടെ കണ്ണില്‍ കുട്ടപ്പനായിരിയ്ക്കാന്‍ വേണ്ടിയും വിവിധ വസ്ത്രധാരണ രീതികള്‍ തിരഞ്ഞെടുക്കുന്നത് പുരുഷനും പതിവാണ്. ജട്ടി മാത്രമിട്ട് വിജനമായ ബീച്ചില്‍ കുളിച്ചു കൊണ്ടിരുന്ന ആണിനെ മൂന്നു പെണ്ണുങ്ങള്‍ക്കൂടി പീഡിപ്പിച്ചു എന്നൊരു വാര്‍ത്ത നിങ്ങളാരെങ്കിലും കേട്ടിട്ടുണ്ടോ? വസ്ത്രധാരണം ഒരു പ്രചോദനമാനെന്നു ചില ബലാത്സംഗ പരിഷകള്‍ വാദിചേക്കാമെങ്കിലും ബലാത്സംഗ മനസ്ഥിതിയുള്ള പുരുഷന്‍, പെണ്ണു ചാക്കില്‍ മൂടി നടന്നാലും തഞ്ചാത്തിനു കിട്ടിയാല്‍ തന്റെ കാമവെറി തീര്‍ക്കുമെന്നുള്ളത് തീര്‍ച്ചയാണ്. ഭാവിയില്‍ ഇവര്‍ കോടതിയില്‍ തന്റെ ഭാഗത്തെ ന്യായങ്ങളായി എന്തൊക്കെ പറയുമെന്ന് ഞാന്‍ ആശങ്കപ്പെടുകയാണ്. അവള്‍ എന്നെ മോഹിപ്പിയ്ക്കുന്ന വിധത്തില്‍ വസ്ത്രം ധരിച്ചു. അവള്‍ രാത്രിയില്‍ ആരുമില്ലാത്ത വഴിയില്‍ക്കൂടി തനിച്ചു യാത്ര ചെയ്തു, അവള്‍ തനിച്ചു ഒരു വീട്ടില്‍ താമസിയ്ക്കുകയായിരുന്നു, അവള്‍ എന്നില്‍ നിന്നു വാങ്ങിയ കടം തിരിച്ചു തന്നിട്ടില്ല, അവളുടെ കെട്ടിയവന്‍ എന്റെ ശത്രുവാണ്, അവള്‍ വെറും പണിക്കാരിയല്ലേ, പിന്നെ ഞാനെങ്ങനെ വികാരം അടക്കും?

ചെറിയ ചെറിയ സന്തോഷങ്ങള്‍

noreply@blogger.com (Maya V) — Tue, 14 Jun 2011 06:39:00 +0000

ചെറിയ ചെറിയ സന്തോഷങ്ങള്‍
(പ്രതെയ്കിച്ചൊരു ക്രമമില്ലാതെ)

******************************

മതിവരുവോളം കിടന്നുറങ്ങുന്നത്

രാവിലെകളില്‍ യേശുദാസിന്റെ മധുരശബ്ദം കേട്ടുണരുന്നത്.

രാവിലെ എഴുന്നേല്‍ക്കുമ്പോള്‍ നല്ലൊരു ചൂട് ചായ കിട്ടുന്നത്

തിരക്കില്ലാതെ, വെപ്രാളമില്ലാതെ അത് കുടിയ്ക്കാന്‍ പറ്റുന്നത്.

ചുളിവു വീഴാത്ത, പുത്തന്‍ പേപ്പറിന്റെ മണമുള്ള പത്രം ആദ്യം വായിയ്ക്കാന്‍ കഴിയുന്നത്‌.

ജനല്‍ തുറക്കുമ്പോള്‍ ഇലകള്‍ തങ്ങി നിറഞ്ഞ ഒരു മരം കാണുന്നത്.

ആ മരത്തില്‍ ഒരു കിളി കൂട് കൂട്ടുന്നത്‌.

എപ്പോഴും വൃത്തിയായി കിടക്കുന്ന വീട്.

ബാല്‍ക്കണിയുടെ ഇട്ടാവട്ടത്തില്‍ നില്‍ക്കുന്ന എന്റെ റോസാചെടി പൂക്കുന്നത്.

എന്റെ കുഞ്ഞിന്റെ ചിരി.

പിണക്കത്തിന് പകരമായി ഒരു പൂവ് കിട്ടുന്നത്.

ചോക്ലേറ്റ്

മകള്‍ വയറു നിറച്ചു ഭക്ഷണം കഴിയ്ക്കുന്നത്.

സുഹൃത്തുക്കള്‍ വീട്ടില്‍ വരുന്നത്.

ബീച്ച്. കടല്‍ , തിര, മണല്‍ ,ബലൂണ്‍ .

ആറുമാസത്തിനു ശേഷം വീണ്ടും കാണുമ്പോള്‍ , എത്ര തടിച്ചിരുന്നാലും ' നീ മെലിഞ്ഞു പോയി' എന്നമ്മ പറയുന്നത്.

എത്ര വളര്‍ന്നാലും എന്നും അച്ഛന്റെയും അമ്മയുടെയും കുഞ്ഞുമോളായിരിക്കുന്നത്.

അമ്മയുണ്ടാക്കിയ ഭക്ഷണം.

ബഷീര്‍ , എം ടി, മാധവിക്കുട്ടി.

കോളേജിലെ ഓട്ടോഗ്രാഫ് ബുക്ക്‌

അവിചാരിതമായി കാണുന്ന ഒന്നാം ക്ലാസിലെ സുഹൃത്ത്‌ .

ദിവസത്തിന്റെ തിരക്കെല്ലാം കഴിഞ്ഞ് അങ്ങേരോടൊപ്പം ഒരു പഴയ മോഹന്‍ലാല്‍ ചിരിപ്പടം വീണ്ടും കാണുന്നത്.

മഴ.
*****************************************************************************************

എന്ന് മോഹന്‍ലാലിനു സ്വന്തം ആരാധിക.

noreply@blogger.com (Maya V) — Thu, 09 Jun 2011 08:25:00 +0000

ലോകത്തെവിടെയാണെങ്കിലും ഒരു ഗൃഹാതുരത്വം മനസ്സില്‍ സൂക്ഷിക്കുന്ന മലയാളിയ്ക്ക്, തന്റെ മാതാപിതാക്കള്‍ കഴിഞ്ഞാല്‍ പിന്നെ ഏറ്റവും പ്രിയമുള്ളവര്‍ രണ്ടുപേരായിരിക്കും. യേശുദാസ് എന്ന ഗായകനും, മോഹന്‍ലാല്‍ എന്ന നടനും. ഒരാള്‍ ഭൂമിയിലേക്ക്‌ കണ്‍തുറന്നപ്പോള്‍ മുതല്‍ കേട്ടുതുടങ്ങിയ താരാട്ട്. മറ്റെയാള്‍ അറിവുവെച്ചപ്പോള്‍ മുതല്‍ മനസിലുള്ള നായകന്‍.

തമിഴന്റെയും തെലുങ്കന്റെയും നായകനല്ല മലയാളിയുടെ നായകന്‍. അയാള്‍ പത്തിരുപതു വില്ലന്മാരെ ഒറ്റയ്ക്ക് ഇടിച്ചു പപ്പടമാക്കുന്നില്ല. ഹെലികൊപ്റെരില്‍ നിന്നും ഓടുന്ന ട്രെയിനിന്റെ മുകളില്‍ ചാടിക്കയരുന്നില്ല. ബ്രെക്ടാന്‍സ് എന്ന പേരില്‍ കോമാളിത്തരം കാണിക്കുന്നില്ല. ചന്ദനക്കുറിയണിഞ്ഞ, വെള്ളമുണ്ട് ചുറ്റിയ നായകന്‍. കുടുംബഭാരം ചുമക്കുന്ന, കഷ്ട്ടപ്പെടുന്ന, ആ കഷ്ട്ടപ്പാടിനിടയിലും നമ്മളെ ചിരിപ്പിക്കുന്ന, വലിയ വലിയ സ്വപ്‌നങ്ങള്‍ കാണുന്ന ചെറിയ നായകന്‍. ആ നായകനായിരുന്നു മോഹന്‍ലാല്‍.

വരവേല്‍പ്പില്‍ ഗള്‍ഫ് മലയാളിയായി, നാടോടിക്കാറ്റില്‍ തൊഴില്‍രഹിതനായി, ചിത്രത്തില്‍ ഒളിച്ചുതാമാസിക്കുന്ന കൊലപാതകിയായി മോഹന്‍ലാല്‍ മലയാളിയുടെ മനസ്സില്‍ ചിരിയായി, വാത്സല്യമായി, നൊമ്പരമായി. മോഹന്‍ലാല്‍ സിനിമകള്‍ സാധാരണക്കാരന്‍ മലയാളിയുടെ ജീവിതത്തിന്റെ കണ്ണാടിയായി. 'അത് ഞാനായിരുന്നു' എന്ന ആത്മഗതമായി. അതുകൊണ്ട് തന്നെ മലയാളികള്‍ , മമ്മൂട്ടിയെ ഇഷ്ടപ്പെട്ടപ്പോള്‍ , മോഹന്‍ലാലിനെ സ്നേഹിച്ചു.

തങ്ങളിലൊരുവനെപ്പോലെ .

അങ്ങനെ മോഹന്‍ലാലിനെ സ്നേഹിച്ച ഒരു മലയാളിയാണ് ഞാന്‍. കഥാപാത്രവും നടനും ഒന്നല്ല എന്നറിഞ്ഞിട്ടും തിരിച്ചുവിത്യാസം കാണിക്കാതെ സ്നേഹിച്ച ഒരു മലയാളി. ആദ്യകാലങ്ങളില്‍ മോഹന്‍ലാല്‍ എന്റെ സ്നേഹമായിരുന്നു, പിന്നെ അഭിമാനമായി. but now, he is an embarrassment.

ഇപ്പോഴത്തെ മോഹന്‍ലാല്‍ സിനിമകള്‍ കാണുമ്പോള്‍ ഒരു വൈക്ലബ്യമാണ്. എന്റെ പ്രിയനടനാണോ ഈ കാണിക്കുന്നത്? അന്നത്തെ അനായാസ അഭിനയം എവിടെ, ഇന്നത്തെ കാട്ടിക്കൂട്ടലുകള്‍ എവിടെ? തടികൂടിയതും മുഖം ചീര്‍ത്തു ഇരിക്കുന്നതുമല്ല പ്രശ്നം. ആ തടിച്ച ശരീരവും ചീര്‍ത്ത മുഖവും താങ്കള്‍ തിരഞ്ഞെടുക്കുന്ന കഥാപാത്രങ്ങള്‍ക്ക് ചേരുന്നില്ല എന്നതാണ്. താങ്കളെപ്പോലെയിരിക്കുന്ന ഒരു കോളേജു കുമാരനെങ്കിലും ഈ ലോകത്തുണ്ടോ? എന്തിനു, നാല്പതു വയസിനു താഴെയുള്ള ഒരു കഥാപാത്രമായി താങ്കള്‍ അഭിനയിച്ചാല്‍ അത് വിശ്വസിക്കാന്‍ പ്രയാസമാണ്.

ഭ്രമരത്തിന്റെ ഹാന്‍ഗ് ഓവരില്‍നിന്നു താങ്കള്‍ ഇനിയും വിമുക്തനായിട്ടില്ല എന്ന് തോന്നുന്നു. ഇപ്പോളിറങ്ങുന്ന മിക്കവാറും പടങ്ങളില്‍ താങ്കള്‍ ഹാസ്യം അഭിനയിക്കുമ്പോള്‍ അത് ചെറിയ mental problem ഉള്ള ഒരാള്‍ ചെയ്യുന്ന പോലെയാണ് തോന്നുന്നത്. ദുഃഖ രംഗങ്ങളില്‍ താങ്കളുടെ മുഖത്ത് പലപ്പോഴും നിര്‍വികാരതയാണ്‌. പത്തിരുപതു ആളുകളെ താങ്കള്‍ ഒറ്റയ്ക്ക് ഇടിച്ചിടുന്നത് കാണുമ്പോള്‍, ഈ പ്ലുന്തന്‍ തടിയന്‍ എങ്ങനെ ഇത് ചെയ്യും എന്ന അവിശ്വസനീയതയാണ്.

എത്രത്തോളം ദുഖത്തോടെയാണ് ഇതെഴുതുന്നതെന്ന് പറയാന്‍ വയ്യ. മമ്മൂട്ടിയുടെ ആരാധകരുടെ മുന്നില്‍ ഇപ്പോള്‍ ഞങ്ങള്‍ക്ക് പറഞ്ഞു നില്‍ക്കാന്‍ വയ്യാതെയായി. മമ്മൂട്ടി മെച്ചമാന്നെന്നല്ല. അറ്റ്‌ലീസ്റ്റ്, അങ്ങേരെ നോക്കിയിരുന്നാല്‍ കണ്ണ് വേദനിക്കില്ല.

അതുകൊണ്ട്, പ്രിയ നായകാ, നല്ല ഓര്‍മ്മകള്‍ മാത്രം ബാക്കിവെച്ച് അരങ്ങോഴിയൂ.

എന്ന്, ചൈനാ ടൌന്‍ കണ്ട ഒരു ആരാധിക.

ഈ മനസ്ഥിതി എന്ന് മാറും?

noreply@blogger.com (Maya V) — Thu, 09 Jun 2011 05:31:00 +0000

ഇന്ന് times of india യില്‍ കണ്ട വാര്‍ത്തയാണ്. സല്‍വ അല്‍ മുടെയ്റി എന്നാ കുവൈറ്റ് വനിതാ പുരുഷന്മാരെ വിവാഹേതര ബന്ധങ്ങളില്‍ നിന്നും പിന്തിരിപ്പിക്കുന്നതിനു ഒരു നല്ല മാര്‍ഗം കണ്ടെത്തിയിരിക്കുന്നു. ഒരിയ്ക്കല്‍ കുവൈറ്റ്‌ പാര്ലമെന്റിലെയ്ക്ക് മത്സരിച്ച സല്‍വയുടെ അഭ്പ്രായത്തില്‍, ലൈംഗികാവശ്യങ്ങള്‍ക്കായി ഒരു അടിമയെ വാങ്ങുന്നതാണ് ഏറ്റവും നല്ല മാര്‍ഗം.
തികഞ്ഞ മാന്യരും മത വിശ്വാസികളും ഊര്‍ജ്വസ്വലരുമായ കുവൈറ്റി പുരുഷന്മാര്‍ വഴിതെറ്റി പോകുന്നത് ഇതുവഴി തടയാമത്രേ. ഈ അടിമകളെ എവിടെ നിന്ന് വാങ്ങണമെന്നും പുള്ളിക്കാരി നിര്‍ദേശിക്കുന്നുണ്ട്. മറ്റു രാജ്യങ്ങളിലെ യുദ്ധത്തടവുകാരായ പെണ്ണുങ്ങളെ ഇങ്ങനെ വാങ്ങാം. ഉദാഹരണത്തിന്, ചെച്നിയന്‍ യുദ്ധത്തില്‍ തടവുകാരാക്കപ്പെട്ട റഷ്യന്‍ പെണ്ണുങ്ങളെ ഇങ്ങനെ വാങ്ങാവുന്നതാണ്. പട്ടിണി കിടന്നു മരിയ്ക്കുന്നതിലും അവര്‍ക്ക് നല്ലത്, മാന്യനായ ഒരു കുവൈറ്റ്‌ പുരുഷന്റെ ലൈംഗിക അടിമയാവുന്നതാണെന്ന് രാഷ്ട്രീയ പ്രവര്‍ത്തകയും ടി വി അവതാരകയുമായ സല്‍വ കരുതുന്നു. ഇതില്‍ യാതൊരു തെറ്റുമില്ല, പ്രശ്നമില്ല, ഹറാമുമല്ല. പിന്നെ ഇത്തരം ലൈംഗിക അടിമകളോട് ചില ദാക്ഷ്യന്യങ്ങള്‍ കാണിക്കാനും സല്‍വ ഒരുക്കമാണ്. മിനിമം പതിനഞ്ചു വയസായവരെ അടിമയാക്കിയാല്‍ മതി.

ഈ സ്ത്രീയ്ക്ക് ഭ്രാന്താണോ? ഇതൊക്കെ എന്താണ്? ഇങ്ങനെയൊക്കെ ചിന്തിയ്കാന്‍ തന്നെ എങ്ങനെ കഴിയുന്നു? അതും സ്ത്രീകള്‍ക്ക് ? ഇവരൊക്കെ ഇതു യുഗത്തിലാണ്? പുരുഷന്റെ സന്തോഷ പ്രാപ്തി മാത്രമാണ് തന്റെ ജിവിത ലക്ഷ്യമെന്നു കരുതുന്ന ഇത്തരം സ്ത്രീകള്‍ പുരോഗമന ചിന്തയുടെ ചോര വലിച്ചു കുടിയ്ക്കുന്ന അട്ടകളാണ്. സ്വന്തം അവകാശങ്ങള്‍ സ്ത്രീകള്‍ തന്നെ തിരിച്ചറിയുന്നില്ലെങ്കില്‍ സമൂഹം എന്നത് തിരിച്ചറിയും? ഈയടുത് സൌദിയില്‍ ഒരു സ്ത്രീ വാഹനമോടിയ്ക്കാനുള്ള അവകാശത്തിനു വേണ്ടി ചെറുതെങ്കിലും ഒരു പ്രതിഷേധം നടത്തി. അപ്പോള്‍ത്തന്നെ സദാചാര പോലിസ് അവളെ കയ്യോടെ പിടിച്ചു ജെയിലിലിട്ടു, ഇനി ഒരു പ്രശ്നവുമുണ്ടാക്കില്ലെന്നു എഴുതിയും വാങ്ങി. മനാല്‍ അല്‍ ഷെരീഫ് എന്ന ആ യുവതിയുടെ ലക്‌ഷ്യം വിജയം കണ്ടില്ലെങ്കിലും സ്ത്രീകളുടെ അവകാശ പ്രാപ്തിയ്കായുള്ള സമരത്തില്‍ ഒരു പുതിയ കാല്‍വെയ്പ്പായി അത്. ഒരു വശത്ത് മനാലിനെപ്പോലുള്ളവര്‍ പുരോഗമനത്തിന് വേണ്ടി വാദിയ്ക്കുമ്പോള്‍, മറുവശത്ത്

സലവയെപ്പോലുള്ള തേരട്ടകള്‍ അതിന്റെ ജീവ ശ്വാസം വലിച്ചു കുടിയ്ക്കുന്നു.

സ്ത്രീയുടെ ശരിയ്ക്കുള്ള ശത്രു ആരാണ്? സമൂഹമോ, പുരുഷനോ, വ്യവസ്ഥിതിയോ, അവള്‍ തന്നെയോ?

സച്ചിന്‍ ടെണ്ടുല്‍ക്കര്‍ ആരാണ്?

noreply@blogger.com (Maya V) — Thu, 09 Jun 2011 04:16:00 +0000

സച്ചിന്‍ ടെണ്ടുല്‍ക്കര്‍ ആരാണ്? ആരെടാ ഇത് ചോദിച്ച പരമ വിഡ്ഢി എന്നാവും. അതെ, ഈ ഇന്ത്യാ മഹാരാജ്യത്ത് സച്ചിന്‍ ടെണ്ടുല്‍ക്കര്‍ ആരാണ് എന്ന് ചോദിയ്ക്കുന്നവന്‍ പരമ വിഡ്ഢി തന്നെ. ഇവിടുത്തെ പട്ടിയ്ക്കും പൂച്ചയ്ക്കും പോലുമറിയാം ആരാണ് സച്ചിനെന്ന്.

ഇന്ത്യന്‍ ക്രിക്കറ്റ് എന്ന് വെച്ചാല്‍ സച്ചിനാണ്. സച്ചിനെന്ന് വെച്ചാല്‍ ഇന്ത്യന്‍ ക്രിക്കറ്റും. അത് കൊണ്ട് തന്നെ സച്ചിനെന്ന് വെച്ചാല്‍ ദൈവവുമാണ്. കോടിക്കണക്കിനു ഇന്ത്യക്കാരുടെ ക്രിക്കെറ്റ് ദൈവം. പക്ഷെ ദൈവം ഒരു നടനുമാനെന്നുള്ളത് വളരെ കുറച്ചു പേര്‍ക്ക് മാത്രം അറിയാവുന്ന കാര്യമാണ്. സച്ചിനെന്ന ക്രിക്കറ്റ് ദൈവത്തിന്റെ ആരാധകര്‍ അറിയാതെ പോയ നടന വൈഭവം പുറത്തു കൊണ്ടുവന്നത് ആദായ നികുതി വകുപ്പാണ്. ടെലിവിഷന്‍ പരസ്യങ്ങളില്‍ അഭിനയിച്ചുണ്ടാക്കിയ കാശിനു ആദായ നികുതിയും ചുമതിക്കൊണ്ട് ചെന്നപ്പോളാണ് സച്ചിന്‍ ടെണ്ടുല്‍ക്കാരുടെ ബഹുമുഖ വ്യക്തിത്വത്തിന്റെ അധികമാരും കാണാത്ത ആ വശം അവര്‍ കണ്ടത്.

സംഗതികളുടെ കിടപ്പ് ഇങ്ങനെയാണ്. 2001-2002 കാലഖട്ടത്തിലും, 2004-5 കാലഖട്ടതിലും സച്ചിന്‍ ടെലിവിഷന്‍ പരസ്യങ്ങളിലൂടെ സച്ചിന്‍ സമ്പാതിച ഉദ്ദേശം ആറു കോടി രൂപയ്ക്ക് ആദായ നികുതി വകുപ്പ് രണ്ടു കൊടിയും ചില്വാനോം നികുതി ചുമത്തി. സച്ചിനുണ്ടോ വിട്ടുകൊടുക്കുന്നു, ക്യാമെറയുടെ മുന്നില്‍ നിന്ന് വിയര്‍പ്പൊഴുക്കി, സ്റ്റുഡിയോ ലൈറ്റിന്റെ വെളിച്ചത്തില്‍ വാടി, കണ്ട പെപ്സീം ബൂസ്റ്റും വലിച്ചു കേറ്റി വയറിളകി, കഷ്ട്ടപ്പെട്ടു സമ്പാതിച്ച രണ്ടു കോടി അങ്ങനെ വെറുതെ വിട്ടുകൊടുക്കാന്‍ സചിനോരുക്കമല്ലായിരുന്നു. കണ്ടവന്റെ കാശ് കൊണ്ട് അങ്ങനെ സമ്പാതിച്ചു സമ്പാതിച്ചു പണക്കാരാവാന്‍ അവരെന്താ രാഷ്ട്രീയക്കാരോ? അങ്ങനെ സച്ചിന്‍ പോരിനിറങ്ങി. കൊടുത്തു അപ്പീലൊന്നു. വന്നു വിധി. നടനായ് സച്ചിന്‍ ടെണ്ടുല്‍ക്കരിനു തന്റെ എളിയ മോടെലിംഗ് ശ്രമങ്ങളില്‍ നിന്നും കിട്ടുന്ന കാശിന്മേല്‍ ടാക്സ്‌ ഇളവു അനുവദിച്ചിരിക്കുന്നു. income tax act ഇന്റെ section 80RR പ്രകാരമാണ് സച്ച്നു ടാക്സ് ഇളവനുവധിചിരിക്കുന്നത്. ഈ സെക്ഷന്‍ പ്രകാരം, എഴുത്തുകാര്‍, സംഗീതജ്ഞര്‍, നടന്മാര്‍, തുടങ്ങിയവര്‍ക്കൊക്കെ അവരവരുടെ പ്രോഫെഷനില്‍ നിന്ന് ലഭിയ്ക്കുന്ന സമ്പാധ്യത്തിന്മേല്‍ ടാക്സ്‌ ഇളവു ലഭിയ്ക്കുന്നതാണ്. അങ്ങനെ രണ്ടു കോടി രൂപ, ടാക്സ്‌ ഇളവു മൂലം സച്ചിന് ലാഭം കിട്ടിയിരിക്കുന്നു. നല്ല കാര്യം തന്നെ, സന്തോഷം. എനിയ്ക്ക് പരാതിയില്ല.

പക്ഷെ, വിവരം കേട്ട ആദായ നികുതിക്കാര്‍ സച്ചിന്റെ ജോലിയുടെ യഥാര്‍ത്ഥ രൂപത്തെക്കുറിച്ച് ചോദിച്ചപ്പോള്‍ master blaster' പറഞ്ഞത് അദ്ദേഹം ഒരു പോപ്പുലര്‍ മോഡല്‍ ആണെന്നാണ്‌. അദ്ധേഹത്തിന്റെ ശരിയായ പ്രോഫെഷനും അതാണെത്രേ. ക്രിക്കെട്ടില്‍ നിന്ന് ലഭിയ്ക്കുന്ന വരുമാനത്തെ 'അതെന്റെയൊരു വെറും സൈട് ബിസിനെസാണെന്നെ' എന്നാണദ്ധേഹം വിശേഷിപ്പിച്ചത്‌. അപ്പോള്‍ ഈ സൈട് ബിസിനെസ്സും കണ്ടോണ്ടിരുന്നു 'ആയ് പൂയ്, സച്ചിന്‍ കീ ജെയ് ' എന്ന് വിളിചോണ്ടിരുന്ന നമ്മളെല്ലാം ഇപ്പൊ ആരായി?

നിക്കറില്‍ മൂത്രമൊഴിച്ച കുട്ടിയുടെ മുഖഭാവത്തോടെ 'ബൂസ്റ്റ്‌ ഈസ് ധ സീക്രെട്ട് ഓഫ് മൈ എനെര്‍ജി' എന്ന് പറയുന്നതോ, അതോ ക്രിക്കെട്ടു ഗ്രൌണ്ടില്‍ കാണിക്കുന്നതോ, ഏതാണ് ശരിയായ ആക്ടിംഗ്?

ഇംഗ്ലിഷില്‍ വിഷ് ചെയ്യുന്നവരെ പണിഷ് ചെയ്യണോ?

noreply@blogger.com (Maya V) — Wed, 08 Jun 2011 06:58:00 +0000

ഇംഗ്ലിഷില്‍ വിഷ് ചെയ്യുന്നവരെ പണിഷ് ചെയ്യണം. ആവശ്യം സാക്ഷാല്‍ സുകുമാര്‍ അഴിക്കൊടിന്റെയാണ്. കേരളം വംശ ദ്രോഹികളുടെ നാടാവുകയാണെന്നും ഇംഗ്ലിഷില്‍ വിഷ് ചെയ്യുന്നവരെ 'പണിഷ്' ചെയ്യണമെന്നും കേരള സംസ്കാരത്തിന്റെ മൊത്തം കുത്തകയെടുത്ത ഡോക്ടര്‍ സുകുമാര്‍ അഴിക്കോട് അഭിപ്രായപ്പെട്ടിരിക്കുന്നു. ഇംഗ്ലിഷില്‍ വിഷ് ചെയ്യുന്നവരെ 'ശിക്ഷിക്കണമെന്ന്' അദ്ദേഹം പറയാതതെന്തെന്നു എന്നോട് ചോദിക്കരുത്.

ഗവേഷകര്‍ കവിതയെഴുതുന്നത് ഡിക്ഷ്ണറി നോക്കിയാനെന്നും , അത് നിരോധിക്കേണ്ട കാലം കഴിഞ്ഞെന്നും അദ്ദേഹം പറഞ്ഞു. കാലികറ്റ് സര്‍വകലാശാല മലയാളം വിഭാഗത്തിന്റെ നാല്പതാം വാര്ഷികാഖോഷത്തില്‍ സംസാരിക്കുകയായിരുന്നു അദ്ദേഹം. മാതൃഭാഷ ദൈവത്തിന്റെ ഭാഷയാണ്‌. അഭ്യസ്തവിധ്യര്‍ യുക്തിയില്ലാതെ സംഭാഷണത്തില്‍ ഇംഗ്ലിഷ് ഉപയോഗിക്കുകയാണ്. അഹങ്കാരവും അപമാന ഭാരവും മൂലമാണിത്.

ഒരു തരത്തില്‍ നോക്കിയാല്‍ നമ്മള്‍ മലയാളികള്‍ അഴികോട് മാഷിനോട് വളരെ കടപ്പെട്ടിരിക്കുന്നു. കാലാ കാലങ്ങളായി നമുക്ക് ചിന്തിക്കാനും, ചിരിക്കാനും, പരിഹസിക്കാനും, 'ഈ കെളവന് വട്ടാണോ' യെന്നു ആശ്ച്ചര്യപ്പെടാനും അദ്ദേഹം ധാരാളം വഴിയുണ്ടാക്കി തന്നിട്ടുണ്ട്. പത്രത്തില്‍ പുതുതായി അഴിക്കോടിന്റെ ഒരു പ്രസ്താവന വന്നാല്‍ ഒരു സന്തോഷമായി. ഇനി മറു പ്രസ്താവനയായി, പരസ്പരം നാമവല്‍ക്കരണങ്ങളായി (ഇംഗ്ലിഷില്‍ തെറി വിളിയെന്ന് പറയും), ശകാരങ്ങളായി, വക്കീല്‍ നോട്ടീസായി, അങ്ങനെ കലാപരിപാടികള്‍ മുന്നോട്ട് പോകും. ഒരു ശരാശരിക്കാരന്‍ മലയാളിയ്ക്ക് കൊച്ചു വെളുപ്പാന്‍ കാലത്ത് ഇതിലും നല്ലൊരു എന്റര്‍ട്ടെയിന്മേന്റ്റ്, സോറി, മാഷ്‌ ക്ഷമിക്കുക, വിനോദം വേറെയില്ല.

സംഗതിയുടെ ഗുട്ടന്‍സ് എന്തെന്നാല്‍, മിക്കവാറും കേസില്‍ അഴിക്കോട് പറയുന്നതില്‍ കാര്യമുണ്ട്. പക്ഷെ മിതത്വം എന്നൊന്ന് അങ്ങേര്‍ക്കു ശീലമില്ല. കുറെ കടുകട്ടി മലയാളം വാക്കുപയോഗിച്ചു അങ്ങോട്ടലക്കുക തന്നെ. കറുപ്പും വെളുപ്പുമല്ലാതെ വേറെയും നിറങ്ങള്‍ അങ്ങേരെ സംബന്ധിച്ച് ഇല്ല. കളങ്കമില്ലാത്ത മനസിന്റെ പ്രകടനമാണെന്നൊക്കെ കടുത്ത ആരാധകര്‍ക്ക് (അങ്ങനെയൊരു കൂട്ടര്‍ ഉണ്ടെങ്കില്‍) പറയാം. പക്ഷെ വിവേകശൂന്യതയും മറുപക്ഷത്തിന്റെ വശങ്ങള്‍ ശ്രദ്ധയോടെ കേള്‍ക്കാനുള്ള മനസില്ലായ്മയും പിന്നെ എന്നിലും വലിയൊരു കേമനില്ല എന്ന വിനയവും ആണ് ശരിയായ പ്രശ്നം എന്നാണെന്റെ അഭിപ്രായം.

ഇന്നത്തെ പ്രസ്താവന തന്നെ നോക്കൂ. മറ്റുള്ള ഭാഷകള്‍ കേവലം ധാത്രിമാര്‍ , മര്‍ത്യനു പെറ്റമ്മ തന്‍ ഭാഷ താന്‍' എന്ന് ഞാനും വിശ്വസിക്കുന്നു. അയലത്തെ ആന്റിയ്ക്ക് അമ്മയേക്കാള്‍ കൂടുതല്‍ കളറുണ്ടായത്‌ കൊണ്ടു കൂട്ടുകാര്‍ വരുമ്പോ അവരെക്കേറി അമ്മയാണെന്ന് പരിചയപ്പെടുത്തുന്നത് തന്തയില്ലായ്മതരം തന്നെ. മാതൃഭാഷ അറിയില്ല എന്നത് ഒരിക്കലും അഭിമാനിയ്ക്കാവുന്ന കാര്യമല്ല. പക്ഷെ അത് ഒരു പാപവുമല്ല. ആയിരക്കണക്കിന് പ്രവാസി മലയാളികളുടെ കുഞ്ഞുങ്ങളെ നോക്കൂ. മക്കള്‍ മാതൃഭാഷ അറിഞ്ഞിരിക്കണം എന്ന നിര്‍ബന്ധത്തോടെ മാതാപിതാക്കള്‍ അത് പഠിപ്പിക്കാന്‍ മുന്‍കയ്യെടുത്തില്ലെങ്കില്‍ എങ്ങനെ അവര്‍ അത് പഠിക്കും? പുറത്തു പഠിയ്ക്കുന്ന കുട്ടികള്‍ക്ക് ഇന്ഗ്ലിഷിനും ഹിന്ദിയ്ക്കും പുറമേ പ്രാദേശിക ഭാഷയും പഠിയ്ക്കേണ്ടി വരുന്നു. തിരിച്ചു കേരളത്തിലേയ്ക്ക് വരാന്‍ പ്ലാനോന്നുമില്ലെങ്കില്‍ മലയാളം പഠിയ്ക്കുക എന്ന് പറയുന്നത് അവരെ സംബന്ധിച്ച് ഒരു അനാവശ്യ വ്യായാമമാണ്. അറ്റകയ്ക്കു മലയാളം സംസാരിയ്ക്കാന്‍ പഠിയ്ക്കുമായിരിക്കും.

അതുപോകട്ടെ. മലയാളം പറയുന്നതല്ല, ഇംഗ്ലിഷ് പറയുന്നതാണ് അഴിക്കോട് മാഷിന്റെ പ്രശ്നം. കേരളത്തിനുള്ളില്‍ പോലും എത്ര പ്രായോഗികമാണ് അത്? good morning എന്നും മറ്റും പറയുന്നത് മാറ്റി ശുഭ ദിനം എന്നോ മറ്റോ ആക്കാം. പക്ഷെ അങ്ങനെ മാറ്റാന്‍ പറ്റാത്ത എത്രയോ പദങ്ങള്‍ ഉണ്ട്. പണ്ട് സിംഹവാലന്‍ മേനോന്‍ എന്നൊരു സിനിമയില്‍ കണ്ടത് പോലെ KSRTC super fast bus ഇന് 'ഹരിതവര്‍ണ ത്വരിത രാജശകടം' എന്നൊക്കെ പറയുക നടപ്പുള്ള കാര്യമാണോ? മലയാളം എന്നത് മലയാളികള്‍ എന്ന ഒരു വിഭാഗം മനുഷ്യര്‍ മാത്രം സംസാരിയ്ക്കുന്ന ഭാഷയാണ്‌. നാം എത്ര കണ്ടില്ലെന്നു നടിച്ചാലും ലോക ഭാഷയായി ഇംഗ്ലിഷ് വളര്ന്നുവെന്നത് ഒരു സത്യമാണ്. ഈ കേരളമെന്ന ഇട്ടാവട്ടതിനപ്പുറത്തു മലയാളിയ്ക്ക് അന്നം കിട്ടണമെങ്കില്‍ ഇന്ഗ്ലിഷ് അറിഞ്ഞേ തീരു. 'അഭ്യസ്തവിധ്യര്‍ യുക്തിയില്ലാതെ സംഭാഷണത്തില്‍ ഇംഗ്ലിഷ് ഉപയോഗിക്കുകയാണ്' എന്നദ്ദേഹം പറഞ്ഞതില്‍ ലേശം കാര്യമില്ലാതെയില്ല. യാതൊരു കാര്യവുമില്ലാതെ ആഷ് പുഷ് പ്രയോഗിക്കേണ്ട കാര്യമില്ല. പക്ഷെ മാഷ്‌ ഒന്ന് മറക്കുന്നു. മാഷിന്റെ ചെറുപ്പകാലമല്ല ഇത്. മൊബൈല്‍ ഫോണിനു ഒരു മലയാള പദമുണ്ടോ? 'ഇന്നലെ ഞാന്‍ നിനക്ക് മൊബൈലില്‍ നാല് മിസ്സ്‌ കാള്‍ തന്നിട്ട് നീയെന്താ തിരിച്ചു വിളിക്കാതിരുന്നതെന്ന്നു' ഒരു പാരഗ്രാഫില്‍ കുറയാതെ മലയാളത്തില്‍ പറയാന്‍ കഴിയുമോ?

ഇന്ഗ്ലിഷില്‍ സംസാരിയ്ക്കുക എന്നത് ഒരാവശ്യമായി മാറിയിരിക്കുകയാണ്. മലയാളം മീഡിയത്തിലാണ് ഞാന്‍ പഠിച്ചത്. കോളേജില്‍ ഇന്ഗ്ലിഷിലാന്കിലും അതൊന്നും ഈ കേരളത്തിന്റെ പുറത്തു ജീവിയ്ക്കാന്‍ നമ്മളെ പര്യാപ്തമാക്കുന്നില്ല. തമിഴ് നാട്ടില്‍ വന്ന ആദ്യ വര്‍ഷങ്ങളില്‍ എന്റെ 'മംഗ്ലിഷിനു' ഞാന്‍ അനുഭവിച്ച നാണക്കേടിന് കണക്കില്ല. ഞാന്‍ ഒത്തിരി കഷ്ട്ടപ്പെട്ടു. ഇന്ഗ്ലിഷ് മെച്ചപ്പെടുത്താന്‍. അത് കൊണ്ടു ഞാന്‍ മലയാളം മറന്നുവെന്നു അര്‍ത്ഥമില്ല. എന്റെ കുഞ്ഞു നന്നായി ഇന്ഗ്ലിഷ് സംസാരിക്കണമെന്ന് ഞാന്‍ ആഗ്രഹിയ്ക്കുന്നു. ഇവിടെ ജീവിയ്ക്കാന്‍ അവള്‍ക്കു അതാവശ്യമുണ്ട്. പക്ഷെ 'അമ്മെ' യെന്നെ എന്നെ അവള്‍ വിളിയ്ക്കാവൂ. മലയാളമേ വീട്ടില്‍ സംസാരിയ്ക്കാവൂ. അതെന്റെ നിര്‍ബന്ധമാണ്‌. ഇത് എത്രത്തോളം പ്രായോഗികമാണ് എന്നറിഞ്ഞു കൂടാ. ഇംഗ്ലിഷ് എന്ന സുനാമിയ്ക്ക് മുന്നില്‍ മലയാളം പോലുള്ള പ്രാദേശിക ഭാഷകള്‍ കീഴടങ്ങിക്കൊണ്ടിരിയ്ക്കുകയാനെന്നത് ഒരു സത്യമാണ്. കാലത്തിനൊത് മാറുന്നു എന്ന അപരാധമേ മിക്ക മലയാളികളും ചെയ്യുന്നുള്ളൂ.

മാറ്റമില്ലാത്തത് മാറ്റതിനൊന്നു മാത്രം.

എന്ന് അപമാന ഭാരത്താല്‍ തലകുനിച്ചു കൊണ്ടു അഭ്യസ്തവിദ്യയായ ഒരു മലയാളി

പെണ്ണെഴുത്തും ആണെഴുത്തും

noreply@blogger.com (Maya V) — Sat, 04 Jun 2011 09:55:00 +0000

ശ്രീ വി എസ നൈപാളിന്റെ ചില കമെന്റുകളാണ് ഈ പോസ്റ്റിന്റെ പ്രചോദനം. സര്‍ വിദ്യാധര്‍ സുരാജ്പ്രസാദ് നൈപാള്‍ ഇന്ത്യന്‍ വംശജനായ ബ്രിട്ടീഷ്‌ പൌരനാണ്. ഇന്ഗ്ലിഷ് സാഹിത്യത്തില്‍ നിലവിലുള്ള എഴുത്തുകാരില്‍ അഗ്രഗണ്യനായി കണക്കാക്കപ്പെടുന്ന നൈപാള്‍, ധാരാളം സാഹിത്യ പുരസ്കാരങ്ങളുടെ ജേതാവുമാണ്. നോബല്‍ അടക്കം. അദ്ദേഹം റോയല്‍ ജിയോഗ്രാഫിക് സോസൈടിയ്ക്ക് നല്‍കിയ ഒരു അഭിമുഖമാണ് ഇപ്പോള്‍ വിവാദമായിരിക്കുന്നത്. ഏതെങ്കിലും സ്ത്രീ എഴുത്തുകാരിയെ തനിക്കു തുല്യയായി കണക്കാക്കുന്നുണ്ടോ എന്നാ ചോദ്യത്തിന് ഇല്ല എന്നായിരുന്നു അദ്ദേഹത്തിന്റെ ഉത്തരം. അവരുടെ ചപലമായ ആഗ്രഹങ്ങളും വീക്ഷണങ്ങളും തനിക്കൊരിക്കലും മനസിലാക്കാന്‍ സാധിക്കില്ലെന്നും അദ്ദേഹം കൂട്ടിച്ചേര്‍ത്തു. ജെയിന്‍ ഒസ്ടെന്‍ പോലും തനിക്കു തുല്യയല്ല എന്നദ്ദേഹം കരുതുന്നു.
പെണ്ണെഴുത്ത്‌ ആണെഴുത്തില്‍ നിന്നും തികച്ചും വിത്യസ്തമാനെന്നാണ് നൈപാളിന്റെ അഭിപ്രായം. ഒരു ബുക്കിന്റെ ആദ്യത്തെ പാരഗ്രാഫ് വായിക്കുമ്പോള്‍ തന്നെ അദ്ദേഹത്തിന് മനസിലാവുമത്രേ അതെഴുതിയിരിക്കുന്നത് പുരുഷനോ സ്ത്രീയോ എന്ന്. സ്ത്രീകളുടെ ചപലതയും അവരുടെ ഇടുങ്ങിയ ലോക വീക്ഷണവും എഴുത്തിലും പ്രതിഫലിക്കുന്നു. കുടുംബ ഭരണത്തിന്റെ ചെങ്കോല്‍ സ്ത്രീയുടെ കയ്യിലല്ലാത്തത് കൊണ്ട് അവളുടെ എഴുത്തിലും അതറിയാം. അതിനാല്‍ ആദ്യത്തെ പാരഗ്രാഫില്‍ തന്നെ അറിയാം അത് പുരുഷനാണോ സ്ത്രീയാണോ എന്ന്. സ്വന്തന്‍ പബ്ലിഷെര്‍ ആയ ഡയാന അതിലിന്റെ ഉദാഹരണം അദ്ദേഹം ചൂണ്ടിക്കാട്ടി 'അവര്‍ നല്ല വിമര്‍ശകയും എഡിടരുമാണ്. പക്ഷെ സ്വയം എഴുതുകാരിയായപ്പോഴോ, അത് വെറും ചവരായിരുന്നു.'

നൈപാളിന്റെ ഈ സ്ത്രീ വിരുദ്ധ പ്രസ്താവനകള്‍ക്ക് വളരെയധികം എതിര്‍പ്പും വിരോധവുമാണ്‌ ലോകത്തിന്റെ നാനാകോണില്‍ നിന്നുമുണ്ടാകുന്നത്. 'അഹങ്കാരം, വിഡ്ഢിത്തം , ശ്രദ്ധ പിടിച്ചു പറ്റാനുള്ള ഒരു കിളവന്റെ പാഴ് ശ്രമം' എന്നിങ്ങനെ പോകുന്നു വിമര്‍ശനങ്ങള്‍.

പക്ഷെ നൈപാള്‍ പറഞ്ഞതില്‍ കാര്യമുണ്ടെന്നു തന്നെയാണ് എന്റെ അഭിപ്രായം. പെണ്ണെഴുത്ത്‌ എന്നൊന്നുണ്ട്. അത് പോലെ തന്നെ ആണെഴുത്തും. പുരുഷന്റെയും സ്ത്രീയുടെയും ലോക വീക്ഷണം രണ്ടും രണ്ടാണ്. പണ്ട് തൊട്ടേ നിലന്നില്‍ക്കുന്ന സാമൂഹിക വ്യവസ്ഥിതിയാണ് അതിനു കാരണമെന്നുള്ളത് വേറെ കാര്യം. ഇവരുടെ സ്വഭാവ സവിശേഷതകള്‍ വേറെയാണ്. പുരുഷന് പ്രാധാനമായതല്ല സ്ത്രീയ്ക്ക് പ്രാധാനം. അതിന്റെ പ്രതിഫലനം എഴുത്തിലും കാണ്‌കയില്ലേ? ഇതില്‍ ഇതാണ് മികച്ചത് എന്നാ കാര്യത്തില്‍ മാത്രമേ എനിക്ക് നൈപാളുമായി അഭിപ്രായ വിത്യാസമുള്ള്.

പുരുഷന്മാര്‍ 'ചവറു' എന്നെഴുതിതള്ളുന്ന പലതും ലോകജനതയുടെ പാതിയോ അതില്‍ക്കൂടുതലോ വരുന്ന ഒരു വിഭാഗത്തെ സംബന്ധിച്ച് മികച്ച രചനകളാനെന്നുള്ളത് ഒരു വസ്തുതയാണ്. അതിനെ ചവറെന്നു എഴുതി തള്ളുന്നത് പുരുഷന്റെ വീക്ഷണത്തിന്റെ കുഴപ്പമാണ്. മഹായുദ്ധങ്ങളെക്കുറിച്ചും, വിപ്ലവങ്ങളെക്കുരിച്ചും എഴുതുന്നവര്‍ അടുക്കളയില്‍, പര്‍ധയ്ക്കുള്ളില്‍, തടവിലാക്കപ്പെടുന്ന മനസുകളിലെ വിപ്ലവങ്ങള്‍ അറിയുന്നില്ല. ഒരു ജനതയുടെ മുഴുവന്‍ കഥയെഴുതിയാലെ നോവലിന് കനം വരൂ എന്നവര്‍ വിശ്വസിക്കുന്നു. ഒരു കുഞ്ഞിന്റെ കണ്ണുനീരിനു എത്ര കനമുണ്ടെന്നു ഒരു പെണ്ണെഴുത്ത്‌കാരിക്കറിയാം, അവളുടെ വായനക്കാര്‍ക്കറിയാം. സ്ത്രീ എഴുതുകാരോളം വൈവിധ്യമുണ്ടോ പുരുഷ എഴുത്തുകാരുടെ എഴുത്തിനു? അവളുടെ കഥാപാത്രങ്ങള്‍ പ്രണയത്തിനു വേണ്ടി ദാഹിയ്ക്കും, പ്രതികാര ദുര്‍ഗയാവും, ചെരുപ്പുകളും വസ്ത്രങ്ങളും കണ്ടു മോഹിയ്ക്കും, സ്വന്തം തടിയെക്കുറിച്ച് വേവലാതിപ്പെടും, സമൂഹത്തിനെതിരെ പോരാടും, ചിറകറ്റു പോയ കിളിക്കുഞ്ഞിനെ രക്ഷിയ്ക്കും, വഴിതെറ്റുന്ന മകനെയോര്‍ത്ത് കണീര്‍ വാര്‍ക്കും, ചന്ദ്രനില്‍ പോകണമെന്ന് മോഹിയ്ക്കും, ഇനിയും കല്യാണം കഴിയാത്ത പെണ്മക്കളെക്കുറിച്ചോര്‍ത്തു വേവലാതിപ്പെടും. പുരുഷന്റെ ലോകം എത്ര ഇടുങ്ങിയതാണ്. സ്ത്രീയുടെ ലോകത്തിനു പരിമിധികളില്ല. കാരണം, അവള്‍ക്കു സ്വപ്നം കാണാനും അറിയാം.

അവളുടെ കഥാപാത്രങ്ങള്‍, ലോകത്തിന്റെ മുഴുവനും ദുഃഖം ചുമലിലെറ്റുന്നില്ല. സ്വന്തം ദുഃഖങ്ങള്‍ തന്നെ അവര്‍ക്ക് ധാരാളമുണ്ട്. അതുപക്ഷേ ചിലര്‍ക്ക് മനസിലായെന്നു വരില്ല. കാരണം ചില പുരുഷന്മാര്‍ക്ക് സ്ത്രീകളുടെ സങ്കടങ്ങളും സന്തോഷങ്ങളും ചപലതയാണ്. അവനവന്റെതില്‍ നിന്ന് വ്യത്യസ്തമാണ് എന്ന ഒരു കാരണം കൊണ്ട് മാത്രം പാതി ലോകത്തിന്റെ വികാരങ്ങള്‍ അവര്‍ പുച്ചിച്ചു തള്ളുന്നു.

അതെ, ആണെഴുത്തും പെണ്ണെഴുത്തും ഉണ്ട്. ഇതിലേതാണ് മികച്ചതെന്നെഴുതി ആണുങ്ങളുടെ മനസ് ഞാന്‍ വിഷമിപ്പിക്കുകയില്ല. കാരണം, പെണ്ണുങ്ങള്‍ അങ്ങനെയല്ല.

നിങ്ങള്ക്ക് പൊതുവിജ്ഞാനമുണ്ടോ?

noreply@blogger.com (Maya V) — Thu, 02 Jun 2011 08:46:00 +0000

ഐ എ എസിന് തയാറെടുക്കുകയാണോ ? എങ്കില്‍ താഴെക്കൊടുത്തിരിക്കുന്ന ചോദ്യങ്ങള്‍ക്ക് നിങ്ങളുടെ മനസാക്ഷിക്കനുസരിച്ച് (ഉണ്ടെങ്കില്‍) ഉത്തരങ്ങളെഴുതൂ. നിങ്ങളുടെ പൊതുവിജ്ഞാനം അളക്കൂ.

1. ഒരു കുഞ്ഞു ഏറ്റവും ആദ്യം പഠിക്കുന്ന മലയാളം വാക്കേതു?

a. പീഡനം, b.ഐസ്ക്രീം, c.റിയാലിടി ഷോ .

2. ഞരമ്പ്‌ രോഗത്തിന് ഏറ്റവും നല്ല പ്രതിവിധി എന്ത് ?

a. ഐസ്ക്രീം, b.പീഡനം, c.കൈക്കൂലി

3. ഒരു മലയാളം സിനിമ വിജയിക്കാന്‍ മിനിമം എത്ര നായകന്മാര്‍ വേണം?

a. അഞ്ച്, b.ആറ്‌, c.ഏഴ്

4. ഒരു മലയാളം സിനിമ വിജയിക്കാന്‍ മിനിമം എത്ര നായികമാര്‍ വേണം?

a. പൂജ്യം, b.ഒന്നുമില്ല, c.ഐറ്റം ഡാന്‍സ് ചെയ്യാന്‍ തയാറാണെങ്കില്‍ ഒരെണ്ണം.

5. എല്‍ കെ ജി കഴിഞ്ഞാല്‍ തിരഞ്ഞെടുക്കാവുന്ന ഏറ്റവും നല്ല കോഴ്സ്?

a. ക്രിക്കറ്റ്‌, b.റിയാലിടി ഷോ, c.രാഷ്ട്രീയം.

6. താഴെപ്പറഞ്ഞവയില്‍ ഏറ്റവും അഴിമതി വിമുക്തമായത് ഏതു?

a. ക്രിക്കറ്റ്‌, b.രാഷ്ട്രീയം, c.സര്‍ക്കാര്‍ ജോലി

7. താഴെപ്പറഞ്ഞവയില്‍ ഏറ്റവും പെട്ടന്ന് ഓര്‍മ നഷ്ടപ്പെടാന്‍ സാധ്യതയുള്ളത് ആര്‍ക്കു?

a. പത്രക്കാര്‍ക്ക്, b.കോടതിയ്ക്ക്, c.പൊതുജനത്തിന്.

8. അഴിമതി കേസില്‍ ആരോപിക്കപ്പെട്ടവരുടെ ഭാവിയെന്തു?

a. ഒരാഴ്ച ജെയിലില്‍ , b.ഒരാഴ്ച മാധ്യമശ്രദ്ധയില്‍ , c.ഒരാഴ്ച ഒളിവില്‍

9. രണ്ടു ലക്ഷം കോടി രൂപ അടിച്ചു മാറ്റിയവര്‍ക്കുള്ള ഏറ്റവും വലിയ ശിക്ഷ എന്ത്?

a. മന്ത്രി പദവി നഷ്ടം, b.ഒരാഴ്ച ജെയില്‍ വാസം, c.ജീവിത കാലം മുഴുവന്‍ വിദേശവാസം

10. താഴെപ്പറഞ്ഞവയില്‍ ഏറ്റവും ബുദ്ധി കുറഞ്ഞ ജീവി

a. കഴുത, b.പൊതുജനം, c.രണ്ടും ഒന്ന് തന്നെ

answers

1-7, a ലഭിക്കുകയാണെങ്കില്‍ - congratulations, നിങ്ങളുടെ പൊതുവിജ്ഞാനം സാധാരണയിലും അധികമാണ്.

നിലവിലുള്ള സാമൂഹിക വ്യവസ്ഥിതിയോട് നിങ്ങള്‍ ഇഴുകിച്ചേര്‍ന്ന് പോകും

1-7, b ലഭിക്കുകയാണെങ്കില്‍ - നിങ്ങള്ക്ക് medium പൊതുവിജ്ഞാനമാനുള്ളത്. കുറച്ചും കൂടി ശ്രമമെടുത്തു പത്രം വായിച്ചാല്‍ നിങ്ങള്ക്ക് ഒന്നാമത്തെ category യില്‍ എത്താം

1-7, c ലഭിക്കുകയാണെങ്കില്‍ - നിങ്ങള്‍ നന്നായി അധ്വാനിക്കേണ്ടിയിരിക്കുന്നു. പത്രം വായനയോടൊപ്പം prime time news കാണുന്നതും നിങ്ങള്‍ ശീലമാക്കണം.

പൊതുവിജ്ഞാനം അളക്കാന്‍ കൂടുതല്‍ ചോദ്യങ്ങള്‍ആര്‍ക്കെങ്കിലും തോന്നുന്നുണ്ടെങ്കില്‍ അയയ്ക്കാം.

അഗ്നിപരീക്ഷ

noreply@blogger.com (Maya V) — Mon, 30 May 2011 08:54:00 +0000

അങ്ങനെ ഞാന്‍ ആ സാഹസത്തിനു മുതിരുകയാണ്. അവിശ്വാസികളുടെ വായടയ്ക്കുക എന്നതാണെന്റെ ലക്‌ഷ്യം. നാലഞ്ചു ദിവസമായിട്ടു എനിക്ക് ചില മെയിലുകള്‍ കിട്ടുന്നുണ്ട്‌. ഞാന്‍ യഥാര്‍ത്ഥത്തില്‍ പെണ്ണാണോ എന്നാണവര്ക്കറിയേണ്ടത്. ബൂലോകത്തില്‍ക്കൂടി വെറുതെ സര്‍ച്ചിപ്പോകുന്ന നെറ്റിസന്‍മാരെ പെണ്‍പേരില്‍ വലവീശാനിറങ്ങിയ കശ്മലനല്ലേ ഞാന്‍ എന്നാണവര്‍ ചോദിക്കുന്നത്? പെണ്ണാണെങ്കില്‍ ഇത് വരെ എന്തുകൊണ്ടൊരു പാചകക്കുറിപ്പ് പോസ്റ്റിയില്ല എന്നാണു ചോദ്യം. വളരെ പ്രസക്തമായ ചോദ്യം. പെണ്ണാണെങ്കില്‍ പാചകം അറിഞ്ഞിരിക്കണം, പാചകം ഇഷ്ടപ്പെടണം, പാചകക്കുറിപ്പ് പോസ്റ്റിയിരിക്കണം. ശരിയാണ് ഞാനന്ഗീകരിക്കുന്നു. എന്റെ പിഴ, എന്റെ പിഴ, എന്റെ വലിയ പിഴ. ഇതാ ഞാനാ തെറ്റ് തിരുത്തുന്നു.

എന്റെ വളരെ പ്രശസ്തമായ ഒരു പാചകക്കുറിപ്പാണിത്. ഞാന്‍ ചില്ലി ചിക്കന്‍, ബട്ടര്‍ ചിക്കന്‍, ചിക്കന്‍ ഗോബി മന്‍ജൂരിയന്‍,
ചിക്കന്‍ കോര കോര, ഫിഷ്‌ മോളി, ഫിഷ്‌ സ്ടഫ്ദ്, പാസ്ത ഡി കൊസ്റെല്ലോ, ബീഫ് ഉലര്‍ത്തിയത് തുടങ്ങിയ അന്താരാഷ്‌ട്ര വിഭവങ്ങളും, പയര് തോരന്‍, ചക്കക്കുരു മാങ്ങ ചാറ്‌, മോര് കറി, പടവലങ്ങ തോരന്‍, സാമ്പാറ്, ചമ്മന്തി തുടങ്ങിയ നാടന്‍ വിഭവങ്ങളും കഴിച്ചിട്ടുണ്ട്. ആ അനുഭവത്തില്‍ പറയുകയാണ്‌, ഇതിനെയെല്ലാം തറപറ്റിക്കുന്ന ഒരു വിഭവമാണിത്. ഇന്ത്യയിലെ കേരളമെന്ന സംസ്ഥാനത്ത് വളരെ പ്രചാരത്തിലുള്ള ഒരു വിഭവമാണിത്. ഒരു പാടുപേര്‍ വളരെ ഇഷ്ടപ്പെട്ടു കഴിക്കുന്ന ഒരു വിഭവം. എന്റെ കെട്ടിയവനും ഇത് വലിയ ഇഷ്ടമാണ്.

വളരെ complicated ആയ ഒരു വിഭവമാണിത്. തഴക്കം വന്ന പാച്ചകകാരികള്‍ക്ക് പോലും ഇത് ബുദ്ധിമുട്ടായിരിക്കും. അതിനാല്‍ പാചക നിര്‍ദേശങ്ങള്‍ സൂക്ഷിച്ചു ഫോളോ ചെയ്യുക.

ചോറ്

പാചക സമയം : ഒരു മണിക്കൂര്‍

പാചക ബുദ്ധിമുട്ട്: വളരെയധികം.

അപകട സാധ്യത - വളരെയധികം.

ആവശ്യമുള്ള സാധനങ്ങള്‍

അരി - അര കിലോ (ഇത് പച്ചരിയോ, ചുവന്നയരിയോ ആകാം)

കലം - ഒന്ന്

വെള്ളം - കലം നിറയാന്‍ പാകത്തിന്.

ഉപ്പു - വേണമെങ്കില്‍

ഉപകരണങ്ങള്‍

ഗ്യാസ് സ്ടവ് - ഒന്ന്

ഗ്യാസ് കണെക്ഷന്‍ - സ്ടവ് പ്രവര്‍ത്തിപ്പിക്കാന്‍

ചാക്ക് തുണി - തീ പടര്‍ന്നാല്‍ കെടുത്താന്‍

ബര്‍നോള്‍ - പൊള്ളലിന്

അടിയില്‍ തുളയുള്ള ഒരു പാത്രം - ചോറ് വാര്‍ക്കാന്‍

കൈക്കല തുണി - ചൂട് കലം അടുപ്പില്‍ നിന്നിറക്കി വെക്കാന്‍.

മനോരമ വാരിക - ഇടവേളയില്‍ വായിക്കാന്‍

തയാറാക്കുന്ന വിധം

1. അരി നന്നായി കഴുകുക (ചുവന്നയരിയാനെങ്കില്‍ പ്രത്യേക ശ്രദ്ധയോടെ കഴുകണം. അരി കാണുമ്പോള്‍ ഭംഗിയുണ്ടാകാനായി ചേര്‍ത്തിരിക്കുന്ന ചെങ്കല്ലും മണ്ണും പാകം ചെയ്യുമ്പോള്‍ ആവശ്യമില്ല)

2. കലത്തില്‍ മുക്കാല്‍ ഭാഗം വെള്ളമെടുക്കുക (മുക്കാല്‍ ഭാഗം എന്ന് പറഞ്ഞാല്‍, ഏകദേശം കലത്തിന്റെ മുക്കാല്‍ ഭാഗത്തോളം വരും)

3. വെള്ളമുള്ള കലം അടുപ്പില്‍ വെച്ചു നല്ല തീയില്‍ ചൂടാക്കുക

4. വെള്ളം തിളയ്ക്കുമ്പോ കുറേശെയായി അരിയിടുക (വെള്ളം തെറിച്ചു കയ്യില്‍ വീണാല്‍ ബര്‍നോള്‍ പുരട്ടുക)

5. അരിയിട്ട വിധം ശരിയായിട്ടുണ്ടെങ്കില്‍ കലത്തിലേയ്ക്ക് നോക്കിയാല്‍ അരി വെള്ളത്തില്‍ തുള്ളിക്കളിക്കുന്നത്‌ കാണാം (നോക്കുമ്പോ വെള്ളം തെറിച്ചു മുഖത്ത് വീണാല്‍ ബര്‍നോള്‍ പുരട്ടുക)

6. ഇനി ഏകദേശം മുക്കാല്‍ മണിക്കൂര്‍ നേരം ഈ കലത്തിലേയ്ക്ക് നോക്കിയിരിക്കുക. ഈ സമയത്ത് നിങ്ങള്ക്ക് ബോറടി മാറ്റാന്‍ നേരത്തെ കരുതിയ മനോരമ വാരിക വായിക്കാവുന്നതാണ്.

7. കുറെ നേരം കഴിയുമ്പോള്‍, ഒരു പതയോടെ കലതിനുള്ളിലുള്ള സാധനങ്ങള്‍ പുറത്തേയ്ക്ക് ഒഴുകുന്നത്‌ കാണാം. ചോറ് വേവായി എന്നതിന്റെ ലക്ഷണമാനത്.

8. കൈക്കല തുണി കൂട്ടി കലം അടുപ്പില്‍ നിന്നു മാറ്റുക (മാറ്റുമ്പോള്‍ കയ്യ് പൊള്ളിയാല്‍ ബര്‍നോള്‍ പുരട്ടുക).

9. കലതിലുള്ള സാധനങ്ങള്‍ അടിയില്‍ ഓട്ടയുള്ള പാത്രത്തിലേയ്ക്ക് മാറ്റുക. കലത്തില്‍ അധികമുള്ള വെള്ളം (ഇതിനു ചിലയിടങ്ങളില്‍ കഞ്ഞി വെള്ളം എന്ന് പറയും) ഒലിച്ച് പോവുകയും ചോറ് അടിയില്‍ കിടക്കുകയും ചെയ്യും.

10. ഈ ചോറ് ഉടനെ തന്നെ ഒരു തവി കൊണ്ടു ഒരു കാസറോളിലെയ്ക്ക്‌ മാറ്റിയാല്‍ ചൂടാറാതെ സൂക്ഷിക്കാവുന്നതാണ്.

ഈ വിഭവം, ചില്ലി ചിക്കന്‍, ബട്ടര്‍ ചിക്കന്‍, ചിക്കന്‍ ഗോബി മന്‍ജൂരിയന്‍, ചിക്കന്‍ കോര കോര, ഫിഷ്‌ മോളി, ഫിഷ്‌ സ്ടഫ്ദ്, പാസ്ത ഡി കൊസ്റെല്ലോ, ബീഫ് ഉലര്‍ത്തിയത് തുടങ്ങിയ അന്താരാഷ്‌ട്ര വിഭവങ്ങളുടെ കൂടെയും , പയര് തോരന്‍, ചക്കക്കുരു മാങ്ങ ചാറ്‌, മോര് കറി, പടവലങ്ങ തോരന്‍, സാമ്പാറ്, ചമ്മന്തി തുടങ്ങിയ നാടന്‍ വിഭവങ്ങളുടെ കൂടെയും കഴിക്കാന്‍ അത്യുത്തമമാണ്. ഈ വിഭവങ്ങള്‍ ഭര്‍ത്താവിനെക്കൊണ്ട് അടുത്തുള്ള ഹോട്ടലില്‍ നിന്നു വാങ്ങിപ്പിക്കാവുന്നതാണ്.

പൊടിക്കയ്കള്‍

1. തലേദിവസത്തെ ചോറ് അല്‍പ്പം വെള്ളവും കൂട്ടി ഒരു മുളക് പൊട്ടിച്ചത് കൂട്ടി കഴിക്കാവുന്നത്. മലബാര്‍ ഭാഗത്ത്‌ ഇതിനു പഴങ്കഞ്ഞി എന്നാണു പറയുന്നത്.

2. ചോറ് വാര്‍ക്കുമ്പോള്‍ കിട്ടുന്ന വെള്ളം കളയാതെ സൂക്ഷിച്ചാല്‍ വേനല്‍ക്കാലത്ത് നല്ലൊരു ദാഹശമനിയായി.

3. അല്‍പ്പം ഉപ്പു ചേര്‍ത്താല്‍ ചോറിനു കൂടുതല്‍ രുചികിട്ടും

4. ഇത്രയൊക്കെയാണെങ്കിലും ഇതുണ്ടാക്കാനുള്ള ബുദ്ധിമുട്ട് കണക്കിലെടുത്ത് കഴിവതും ഹോട്ടലില്‍ നിന്നു കഴിക്കുന്നതാണ് നല്ലത്.

ഈ വിഭവം നിങ്ങള്‍ക്കിഷ്ടമായി എന്ന് കരുതുന്നു. പ്രതീക്ഷിക്കുക അടുത്ത ലക്കം healthy foods സെക്ഷനില്‍ എന്റെ ഏറ്റവും പുതിയ റെസിപി : ചൂട് വെള്ളം.

ആത്മഗതം: എന്നോടാ കളി. ഞാനാരാ മോന്‍!

പാവം പാവം ഐ ടി കാര്.

noreply@blogger.com (Maya V) — Fri, 27 May 2011 06:46:00 +0000

ഇന്നലെ എന്റെ കെട്ടിയവന്‍ വീട്ടില്‍ വന്നു കേറീപ്പോ മണി പത്തു. അല്ലെങ്കിലും വലിയ മെച്ചമൊന്നുമായിരുന്നില്ല. എട്ടരയ്ക്ക് മുന്‍പേ അങ്ങെര്‍ വീട്ടില്‍ വന്ന ദിവസമുണ്ടായിട്ടില്ല. എന്നാലും പത്തു മണി? ഇനി കുറച്ചു നാളതേയ്ക്കു ഇങ്ങനെയായിരിക്കുമെന്നാണ് പറയുന്നത്. ഓഫിസില്‍ ഭയങ്കര തിരക്കാണത്രേ. അദ്ദേഹം വന്നപ്പോഴതെയ്ക്ക് മോളുറങ്ങിപ്പോയി. building blocks വെച്ചുണ്ടാക്കിയ വീട് അച്ഛനെ കാണിക്കാനായി കാത്തിരുന്നു, അവസാനം അതും കെട്ടിപ്പിടിച്ചു അവളുറങ്ങി. അത്താഴം തണുത്ത് പോയി. പാവത്തിന് മടുപ്പ് കാരണം അത്താഴം കഴിക്കുകപോലും ചെയ്യാതെ അങ്ങ് കിടന്നുറങ്ങിയാല്‍ മതിയെന്നായിരുന്നു.

ഇത് എന്റെ കുടുംബത്തിന്റെ മാത്രം പ്രശ്നമല്ല. ഐ ടി യില്‍ ജോലിചെയ്യുന്ന മിക്കവാറും പേരുടെ സ്ഥിതി ഇതാണ്. സത്യം പറഞ്ഞാല്‍ എന്റെ സ്ഥിതി മെച്ചമാണ്. സുഹൃത്ത്‌ പറയാറുണ്ട്‌ അവളുടെ ഭര്‍ത്താവ് വര്‍ഷങ്ങളായി രാത്രി പത്തു മണിയ്ക്ക് ശേഷമാണ് വീട്ടില്‍ വരുന്നതെന്ന്. സ്കൂളിലും കോളേജിലും വലിയ അലമ്പിനൊന്നും പോകാതെ കഷ്ട്ടപ്പെട്ടു പഠിച്ചു നല്ല മാര്‍ക്ക് വാങ്ങി പാസായ നമ്മുടെ സമൂഹത്തിലെ creme' de la creme' ഇനാണ് ഈ സ്ഥിതിയെന്നോര്‍ക്കണം. ദിവസം പത്തു മുതല്‍ പതിനഞ്ചു മണിക്കൂര്‍ വരെ ജോലി. ടെന്‍ഷന്‍, പ്രെഷര്‍. ശരിയാണ്. നല്ല ശമ്പളം കിട്ടുന്നുണ്ട്‌. കൂടെ നടുവേദനയും സ്പോണ്ടിലൈടിസും മറ്റു ശാരീരിക പ്രശ്നങ്ങളും ബോണസായും കിട്ടുന്നുണ്ട്‌. എന്നാപ്പിന്നെ ഇതെല്ലാം ഇട്ടെരിഞ്ഞിട്ടു നാട്ടിപ്പോയി വല്ല കപ്പകൃഷിയെങ്ങാന്‍ ചെയ്തൂടെയെന്നു ഈ പ്രശ്നങ്ങളൊന്നുമില്ലാത്ത ചിലരെങ്കിലും ചോദിക്കും. കപ്പകൃഷി നടത്തണമെങ്കില്‍ ആദ്യം അതിനു സ്ഥലം വേണം. അത് കാര്‍ന്നോന്മാര്‍ സമ്പാതിചിട്ടുണ്ടാകണം. അല്ലാതെ പുതുതായി സ്ഥലം മേടിക്കാന്‍ ഒരുമാതിരിപ്പെട്ടവര്‍ക്കൊന്നും കഴിയില്ല. പിന്നെ പറമ്പില്‍ പണിയാന്‍ ആളുവേണം. കേരളത്തില്‍ ന്യായമായ കൂലിയ്ക്ക് പറമ്പില്‍ പണിയ്ക്ക് ആളെ ഏര്‍പ്പാടാക്കിതരുന്നവര്‍ക്ക് ഒരു സ്വര്‍ണമാല എന്റെ സ്വന്തം വകയായിട്ട് തരുന്നതാണ്. പോട്ടെ, ആളെയും കിട്ടിയെന്നു വിചാരിക്കുക. ഇട്ടാവട്ട സ്ഥലത്ത് കപ്പകൃഷി നടത്തി ശരാശരിയിലും കൂടിയ നിലവാരത്തില്‍ കുടുംബ പുലര്‍ത്താന്‍ കഴിയുന്ന എത്ര പേരുണ്ട്? രണ്ടോമൂന്നോ ഏക്കര്‍ റബര്‍ ഉള്ളവര്‍ക്ക് പോലും വെട്ടുകൂലി കഴിഞ്ഞു കയ്യില്‍ മിച്ചം കഷ്ടിയാണ്‌.

എന്തുകൊണ്ട് നമ്മള്‍ ഇത്ര പണിയെടുക്കേണ്ടി വരുന്നു? onsite പോയിട്ടുള്ളവര്‍ പറയാറുണ്ട്‌. ഇന്ത്യാക്കാരും ചൈനാക്കാരുമോഴിച്ചുള്ളവര്‍ എട്ടു മണിക്കൂര്‍ കഴിയുമ്പോ പെട്ടിയും തൂക്കി വീട്ടില്‍പോകുമെന്ന്. അവര്‍ക്കൊക്കെ തങ്ങളുടെ അവകാശങ്ങളെക്കുറിച്ച് നല്ല നിശ്ചയമാണ്. മലയാളിയുടെ വിപ്ലവവീര്യമെല്ലാം കേരളത്തിലേയുള്ളൂ. അതിനു പുറത്തു അവര്‍ കഴുതകളെപ്പോലെ പണിയെടുക്കും. കണവന്‍ എപ്പോഴും പറയുന്നത് കേള്‍ക്കാം, deadline, deadline എന്ന്. എല്ലാ ആഴ്ചയും മിനിമം ഒരു deadline ആണ്. ആരാണ് ഈ deadline ഉണ്ടാക്കുന്നത്‌? ഇവരൊക്കെ ജോലി ചെയ്യുന്ന കമ്പനി. ഒരു പുതിയ പ്രൊജക്റ്റ്‌ അടിച്ചെടുക്കാന്‍ വേണ്ടി കുറഞ്ഞ ചെലവില്‍, ഏറ്റവും കുറഞ്ഞ സമയത്തില്‍ ജോലി തീര്‍ക്കാം എന്ന് ഏല്‍ക്കും. എന്നിട്ട് പാവം എമ്പ്ലോയീസിനെ ഇട്ടു രാവും പകലുമില്ലാതെ പണിയെടുപ്പിക്കും. ഇതിനൊന്നും ഇവിടെ ഒരു നീതിയും നിയമവുമൊന്നുമില്ലേ? അറിയാഞ്ഞിട്ടു ചോദിക്കുക (ശരിക്കും അറിയാഞ്ഞിട്ടു തന്നെ). ഉള്ള എമ്പ്ലോയീസിന്റെ എണ്ണവും, അവരുടെ കമ്പനി നിയമപ്രകാരമുള്ള working hours ഉം കണക്കിലെടുത്ത് വേണ്ടേ പ്രോജെക്ടുകള്‍ക്ക് കൊട്ടേഷന്‍ നല്‍കാന്‍? ഇപ്പൊ പത്തു ജോലിക്കാര്‍ എട്ടു മണിക്കൂര്‍ പണിയെടുക്കുന്ന കമ്പനിയാണെങ്കില്‍ 800 man hours വേണ്ടിവരുന്ന ജോലിയ്ക്ക് കമ്പനി മിനിമം പത്തു ദിവസമെങ്കിലും അനുവദിക്കെണ്ടേ? ( കണക്കു ശരിയാണല്ലോ അല്ലെ?). അതിനു പകരം, ഞങ്ങള്‍ അഞ്ചു ദിവസം കൊണ്ടു തീര്‍ത്തു തരാം എന്നേറ്റു ജോലിക്കാരെക്കൊണ്ട് പതിനാറു മണിക്കൂര്‍ പണിയെടുപ്പിക്കുന്നത് ന്യായമാണോ? ഇക്കാര്യതിനൊക്കെ ഇവിടെ വല്ല നിയമവുമുണ്ടോ? ഇല്ലെങ്കില്‍ ഉണ്ടാവേണ്ടതല്ലേ? 'നിനക്ക് മനസില്ലെങ്കില്‍ പൊയ്ക്കോടാ' എന്ന ലൈനില്‍ മുന്നേറാന്‍ കമ്പനികളെ അനുവദിക്കണോ?

ഒരു ബൂലോകാവലോകനം

noreply@blogger.com (Maya V) — Thu, 26 May 2011 06:34:00 +0000

മാന്യമഹാജനങ്ങളെ, മാക്കാച്ചിക്കുഞ്ഞുങ്ങളെ, ബൂലോകവാസികളെ,

ഈയുള്ളവള്‍ ബൂലോകത്തില്‍ വന്നുപെട്ടിട്ടു ഒരു മാസം തികഞ്ഞിരിക്കുന്നു. ഇത്തരുണത്തില്‍, ഞാനെഴുതുന്ന കൂതറ പോസ്റ്റുകള്‍ വായിക്കുകയും, അരിശതോടെയാനെങ്കിലും കമെന്റുകള്‍ എഴുതുകയും ചെയ്യുന്ന എല്ലാവര്‍ക്കും എന്റെ നന്ദി രേഖപ്പെടുത്തിക്കൊള്ളുന്നു. കഴിഞ്ഞ ഒരു മാസം ഈ ബ്ലോഗിന് ലഭിച്ച പ്രതികാരങ്ങള്‍, ശേ, പ്രതികരണങ്ങള്‍ പരിശോദിച്ച് ഞാന്‍ ചില നിഗമനങ്ങളിലെതിയിരിക്കുന്നു. (ഞമ്മള്‍ ഒരു റിസര്‍ചര്‍ ആണേ. നിഗമനങ്ങളിലെത്ത്തുക എന്നത് എന്റെ ഒരു ശീലമായിപ്പോയി. ഷമി)

കണക്കുകള്‍ ഇങ്ങനെ./month

ടോട്ടല്‍ വിസിറ്റെര്സ് - മൂവായിരത്തോളം

ഇന്ത്യയില്‍ നിന്നുള്ളവര്‍ - 1398

വിദേശരാജ്യങ്ങളില്‍ നിന്നുള്ളവര്‍ - 1600` ഇല്‍ പരം

ഫോലോവേര്‍സ് - 31

കമെന്റുകള്‍ - 123 (ഇതില്‍ എത്രയെണ്ണം എന്റെ മറുപടികലായിരുന്നെന്ന് ഞാന്‍ പറയില്ല)

ടോപ്‌ കംമെന്റെര്സ് - villagemaan

page views ഇല്‍ പ്രധാനപ്പെട്ടത് ഇങ്ങനെ

എന്ന് മോഹന്‍ലാലിനു സ്വന്തം ആരാധിക - 366

എന്റെ ദയട്ടിംഗ് പരീക്ഷണങ്ങള്‍ (പരീക്ഷകള്‍) - 240

സന്തോഷകരമായ കുടുംബ ജീവിതത്തിനു, ചില മാര്‍ഗരേഖകള്‍.... - 145

ആദാമിന്റെ മകന്‍ അബുവും കൊണ്ഗ്രെസ്സുകാരന്‍ സലിം - 142

സന്തോഷകരമായ ജീവിതത്തിനു ചില മാര്‍ഗ രേഖകള്‍ (പെണ്ണു... - 134

ആത്മഹത്യ ചെയ്യുന്നവര്‍ക്ക് ഒരു ഗൈട്‌.- 129

ഒരു ടിപിക്കല്‍ ആണ്‍ സ്വപ്നം! - 113

അങ്ങനെ എനിക്കുമൊരു ഫോളൊവര്‍ ! - 111

പച്ചതവളകള്‍ എവിടെ? - 104

നിഗമനങ്ങള്‍

1. ഇന്ത്യയില്‍ ഉള്ളതിലും കൂടുതല്‍ ഇന്ത്യാക്കാര്‍ ഗള്‍ഫിലാനുള്ളത്.

2. അതില്‍ മൂവായിരത്തോളം പേര്‍ക്കുമാത്രമേ ഇന്റര്‍നെറ്റ്‌ ഉപയോഗിക്കാന്‍ അറിയൂ.

3. അതിലും നൂറില്‍താഴെ പേര്‍ക്ക് മാത്രമേ കമ്പ്യുട്ടെരില്‍ ടൈപ്പ് ചെയ്യാന്‍ അറിയൂ.

4. ഈ ലോകത്ത് നല്ല മനസുള്ള മനുഷ്യര്‍ ആകെ മുപ്പത്തി ഒന്നേയുള്ളൂ.

5. ഗ്രാമങ്ങളില്‍ വസിക്കുന്നവര്‍ വളരെ നല്ല മനുഷ്യരാണ്.

6. പോസ്റ്റില്‍ മോഹന്‍ലാലിനെ ഉള്‍പ്പെടുത്തിയാല്‍ ധാരാളം പേര്‍ വന്നു നോക്കും.

7. മലയാളികളുടെ ഏറ്റവും വലിയ പ്രശ്നം തടിയാണ്. ഒന്ന് മോഹന്‍ലാലിന്റെ, മറ്റൊന്ന് പെണ്ണുങ്ങളുടെ.

8. മലയാളികളുടെ ദാമ്പത്യ ജീവിതത്തില്‍ ധാരാളം പ്രശ്നങ്ങളുണ്ട്.

9. മാര്യെജു കൌണ്സിലെര്‍ എന്നൊരു കോഴ്സ് കോളേജുകളില്‍ ഉള്‍പ്പെടുത്തിയാല്‍ കണക്കില്ലാതെ ക്യാപിറ്റേഷന്‍ വാങ്ങാം.

10. ഈയടുത്ത് തന്നെ നൂറ്റി ഇരുപത്തിഒന്‍പതു പേര്‍ ആത്മഹത്യചെയ്യാന്‍ സാധ്യതയുണ്ട്.

11. ആണുങ്ങള്‍ ഒരുപാട് ഒരിക്കലും നടക്കാത്ത സുന്ദര സ്വപ്‌നങ്ങള്‍ കാണാറുണ്ട്‌.

13. ബ്ലോഗ്‌ വായനക്കാരുടെ താല്‍പര്യക്കുറവു കൊണ്ടാണ് പച്ചതവളകള്‍ നശിച്ചു പോകുന്നത്.

14. എന്നുമെന്നും പോസ്റ്റിയാല്‍ ഉള്ള മുപ്പത്തിയൊന്നു പേരുടെ കൂടി ക്ഷമ നശിച്ചു പോകും.

പീഡനത്തിനു പകരം വെയ്ക്കാന്‍

noreply@blogger.com (Maya V) — Thu, 26 May 2011 04:26:00 +0000

പീഡനം. എന്തൊരു അഴകുഴളന്‍ അറുവഷളന്‍ വാക്കാണ്‌. കണ്ട അണ്ടനും അടകോടനുമെല്ലാം വേണ്ടിടത്തും വേണ്ടാതിടതുമെല്ലാം എടുത്തിട്ടലക്കി ഇപ്പോള്‍ പീഡനമെന്നു കേട്ടാല്‍ പേടിയാവുമെന്ന സ്ഥിതിയായി. പീഡനമെന്നാല്‍ 'മറ്റേത്' എന്ന അര്‍ഥം മാത്രമായി. അവളെ പീഡിപ്പിച്ചു, ഇവളെ പീഡിപ്പിച്ചു, വയസിയെ പീഡിപ്പിച്ചു, കുട്ടിയെ പീഡിപ്പിച്ചു. എവിടെയും പീഡനം തന്നെ. ഒരു നാലഞ്ചു വര്ഷം മുന്‍പ് ഇവരെയൊക്കെ 'നശിപ്പിക്കുകയായിരുന്നു'. കണ്ട തന്തയില്ലാത്തവനൊക്കെ അനുവാദമില്ലാതെ മേത്ത് കേറി മേഞ്ഞിട്ടു പോയാല്‍ പെണ്ണു 'നശിച്ചു പോയി'. അവളെപ്പിന്നെ വീട്ടിലും നാട്ടിലും കേറ്റാനോക്കുകില്ല. ചോറ് വളിച്ചു പോകുന്നതുപോലെ, കളിപ്പാട്ടം പൊട്ടിപ്പോകുന്നത് പോലെ, ഒരിക്കലും നേരെയാക്കാന്‍ പറ്റാത്തവിധത്തില്‍ അവള്‍ നശിച്ചു പോകുകയാണ്. 'ദൈവത്തെയോര്‍ത്ത്‌ മുതലാളീ എന്നെ നശിപ്പിക്കല്ലേ' എന്ന് എത്ര സിനിമകളില്‍ അവള്‍ കേണു. 'ഞാന്‍ നശിച്ചുപോയി രാജേട്ട, രാജേട്ടന്റെ ഭാര്യയാകാന്‍ ഇനി ഞാന്‍ യോഗ്യയല്ല' എന്ന കുറ്റസമ്മതത്തോടെ എത്ര സിനിമകളില്‍ അവള്‍ ആത്മഹത്യ ചെയ്തു. ബലാല്‍സംഗം ചെയ്യപ്പെട്ട പെണ്ണിനോടു സമൂഹത്തിന്റെ കാഴ്ചപ്പാട് ഇതിലും നന്നായി വെളിവാക്കിയ ഒരു വാക്കില്ല. നശിച്ച വാക്ക്.

പിന്നെയെപ്പോഴോ അവള്‍ പീഡിതയായി. നശിപ്പിക്കലിനു പകരം പീഡിപ്പിക്കല്‍ നിലവില്‍ വന്നത് എങ്ങനെയാണെന്ന് എനിക്കറിയില്ല. നശിപ്പിക്കപ്പെടുന്നതിനേക്കാള്‍ ഭേദമാണ് പീഡിപ്പിക്കപ്പെടുന്നത്. പക്ഷെ നിരന്തരമായ ഉപയോഗം മൂലം (നാം കൊട്ടിക്ഹോഷിക്കുന്ന സംസ്കാരത്തിന്റെ ഫലം) പീഡനമെന്ന വാക്കിന്റെ അര്‍ത്ഥവും മാറുകയാണ്. ഒരു നിസഹായ വ്യക്തിയുടെ ജീവിതം തന്നെ തകര്‍ക്കുന്ന ബലാല്‍സംഗം എന്ന ക്രൂരകൃത്യതിന്റെ കാഠിന്യം കുറച്ചു കാണിക്കുകയാണോ പീഡനമെന്ന വാക്ക് എന്ന് ഞാന്‍ ഭയപ്പെടുന്നു. ഇപ്പോള്‍ പീഡനം ഒരു തമാശയായി മാറിയിരിക്കുന്നു. ബലാത്സംഗ വാര്‍ത്ത പത്രത്തില്‍ വായിക്കുന്ന വികല മനസുകളെ ഇക്കിളിപ്പെടുത്തുന്ന ഒന്നായി മാറിയിരിക്കുന്നു പീഡനമെന്ന വാക്ക്. വഴിയരികില്‍ നില്‍ക്കുന്ന കുട്ടിപ്പൂവാലന്മാര്‍ 'നിന്നെ ഞാന്‍ ഒന്ന് പീഡപ്പിക്കട്ടെ' എന്നൊരു പെണ്‍കുട്ടിയോട് ചോദിച്ചാല്‍ അത് വലിയ തമാശയാണ്. ഈ വാക്കും മാറേണ്ട സമയം കഴിഞ്ഞു.

ഈ പ്രബുദ്ധ കേരളത്തില്‍ ബലാത്സംഗങ്ങള്‍ തീര്‍ത്തും ഇല്ലാതാകാന്‍ നിലവില്‍ യാതൊരു ചാന്‍സും കാണാത്ത സ്ഥിതിയ്ക്ക്, ഞാനാലോചിച്ചിട്ട് ബലാല്‍സംഗതെ റിപ്പോര്‍ട്ടു ചെയ്യാന്‍ 'ബലാല്‍സംഗം' എന്ന വാക്ക് തന്നെയാണ് ഏറ്റവും നല്ലത്. അറ്റ്‌ ലീസ്റ്റു 'അവന്‍ അവളെ ബലാല്‍സംഗം ചെയ്തു' എന്ന് വായിക്കുമ്പോള്‍ വായിക്കുന്നവര്‍ക്ക് അവനോടു ഇത്തിരി വെറുപ്പെങ്കിലും തോന്നും. ചെയ്തവന് നാണക്കേടും. അല്ലാതെ പീഡിപ്പിച്ചു എന്നൊക്കെ പറഞ്ഞാല്‍ ഏതോ മഹാകാര്യം ചെയ്തെന്നേ അവനും നാട്ടുകാരും വിചാരിക്കൂ.

ps: ഈ പോസ്റ്റിന്റെ പ്രചോദനം villageman ചേട്ടന്റെ ഒരു കമെന്റാണ്.

ഇതാണോ ഇവിടുത്തെ നീതി?

noreply@blogger.com (Maya V) — Wed, 25 May 2011 04:48:00 +0000

ഇത് വലിയ സങ്കടമാണ്. വിജേഷ് വി നായര്‍ (പള്ളിക്കല്‍, നൂറനാട്, അടൂര്‍, കേരള) എന്നൊരു ചേട്ടന്‍ എന്റെ പല പോസ്റ്റുകളും ചിത്രങ്ങള്‍ സഹിതം മോഷ്ടിച്ച് തന്റെ ബ്ലോഗില്‍ കൊടുത്തിരിക്കുന്നു. http://vijeshvnayar.blogspot.com/ എന്നാല്‍ ഇത് താന്‍ മറ്റൊരാളുടെ ബ്ലോഗില്‍ നിന്നെടുത്തതാണ് എന്നൊരക്ഷരം മിണ്ടിയിട്ടില്ല. എന്റെ പേരോ, ബ്ലോഗിന്റെ പേരോ മെന്‍ഷന്‍ ചെയ്തിട്ടില്ല. ഞാന്‍ ബൂലോകത്തില്‍ പുതുമുഖമായത് കൊണ്ടു ചോദിക്കുകാ . ഇതാണോ ഇവിടുത്തെ നാട്ടുനടപ്പ്? ഇതാണോ ഇവിടുത്തെ നീതി? സങ്കടമുണ്ട് വിജേഷ് ചോട്ടാ.

തീര്‍ന്നില്ല, ചില പോസ്റ്റുകള്‍ ഫെയ്സ്ബുക്കില്മുണ്ട് . ശ്രീമാന്‍ അനൂപ്‌ കുമാര്‍ പൊന്നാനിയുടെ വക. ആ പോസ്റ്റിനു അദ്ദേഹത്തിന് കൊട്ടകണക്കിനു ലയിക്കും കമെന്റും കിട്ടി. എഴുതിയ ഞാന്‍ ഊമ്ബെട്.പോസ്റ്റു ഫെയ്സ്ബുക്കിഇല്‍ പോസ്ടുന്നതില്‍ സന്തോഷമേയുള്ളൂ ചേട്ടാ. ഈ വിനീത കലാകാരിയെക്കൂടി ഒന്ന് മേന്റ്ഷന്‍ ചെയ്തിരുന്നേല്‍ കൃതാതാതായായേനെ.

ഒരു പീഡനകഥ

noreply@blogger.com (Maya V) — Wed, 25 May 2011 04:14:00 +0000

അടുക്കളയില്‍ ഒരലര്‍ച്ചയും, 'തടുകു പൊതിനോ' എന്ന് കനത്തില്‍ എന്തോ വീഴുന്ന ശബ്ദവും കേട്ടു പത്രം വായനയില്‍ മുഴുകിയിരുന്ന തോമാച്ചന്‍ ഓടിച്ചെന്നു. ധാ കിടക്കുന്നു വീണിതല്ലോ ധരിത്രിയില്‍ , പ്രിയതമ, പ്രാണപ്രേയസി മറിയാമ്മ. അരികില്‍ അന്തംവിട്ടു കുന്തംമറിഞ്ഞു നില്‍ക്കുകയാണ് ആറുവയസുകാരി അന്നക്കുട്ടി.

സിനിമേലെ നായിക ഗര്‍ഭിണിയാവുമ്പോള്‍ മാത്രം ബോധം കെടുന്നത്‌ കണ്ടു ശീലമുള്ള തോമാച്ചന് മനസ്സില്‍ ഒരു ലഡ്ഡു, ശേ, ഇടി വെട്ടി. സ്കൂളിലെ ഫീസോക്കെ ഇപ്പൊ എന്നതാന്നാ. ഒരാണും ഒരു പെണ്ണും ധാരാളം മതിയാരുന്നു. എന്നാലും ഇത്ര ഉത്തരവാദിതമില്ലാതായിപ്പോയല്ലോ എന്റെ മറിയാമ്മേ നിനക്ക് എന്ന് ചിന്തിച്ചു തോമാച്ചന്‍ താനറിയാതെ തന്നെ അഖില ലോക പുരുഷമൂരാച്ചികളുടെ ഗണത്തില്‍ എത്തിപ്പെട്ടു.

ഒരുതരത്തില്‍ തോമാച്ചന്‍ മറിയാമ്മയെ പിടിച്ചിരുത്തി, ടാപ്പീന്നു ഒരു കപ്പു വെള്ളമെടുത്തു മുഖത്തോട്ടു ചാമ്പി. സിനിമയിലെ നായികയില്‍നിന്നും തികച്ചും വ്യത്യസ്തമായി ഹാ , ഹീ ഹോ തുടങ്ങിയ പദപ്രയോഗങ്ങളോടെ മറിയാമ്മ ബോധം വീണ്ടെടുത്തു. മുന്നില്‍ നില്‍ക്കുന്ന അന്നക്കുട്ടിയെക്കണ്ടതും ഒരലര്‍ച്ചയോടെ ദാ പോയി വീണ്ടും ബോധം. വര്‍ദ്ധിച്ചു വരുന്ന ജനപ്പെരുപ്പത്തെ താന്‍ ആളിക്കത്തിചുവല്ലോ എന്ന കുറ്റബോധമല്ല മറിയാമ്മയുടെ ബോധംകെടലിനു പിന്നിലെന്ന് തോമാച്ചന് ഒരു ഉള്‍വിളി തോന്നി.

എന്നതാടി കൊച്ചെ, എന്ന ഒണ്ടായെ? തോമാച്ചന്‍ അന്നക്കുട്ടിയോട്.

ഒന്നുമില്ലാരുന്നു, ചാച്ചാ. ചേട്ടായി എന്നെ പീഡിപ്പിച്ച കാര്യം പറഞ്ഞപ്പോഴാ അമ്മച്ചി വെട്ടിയിട്ടപോലെ വീണത്‌.

പത്തുവയസുകാരന്‍ ജോണിക്കുട്ടി അന്നക്കുട്ടിയെ പീഡിപ്പിച്ചെന്നോ. തന്റെ ബോധവും ഇപ്പോള്‍ പോകുമെന്ന് തോന്നി തോമാച്ചന്.

എന്നാ എന്റെ മോളെ നീയീ പറേന്നത്‌? ഹാര്‍ട്ട് അറ്റാക്ക് വരാതിരിക്കാന്‍വേണ്ടി നെഞ്ചമര്‍ത്തിപ്പിടിചോണ്ട് തോമാച്ചന്‍ ചോദിച്ചു.

അതെന്നു ചാച്ചാ. ചേട്ടായി എന്നെ വല്ലാതെ പീഡിപ്പിച്ചു.

ഹെന്റെ കര്‍ത്താവേ?

അതെന്നു ചാച്ചാ. ചേട്ടായീടെ ബലൂണ്‍ പൊട്ടിപ്പോയപ്പോ, എന്റേത് ചോദിച്ചു. കൊടുക്കുകേലാന്നു ഞാന്‍ പറഞ്ഞപ്പോ ചേട്ടായി എന്റെ കയ്പിടിച്ചു തിരിച്ചു പീഡിപ്പിച്ചിട്ടു ബലൂണും കൊണ്ടു ഓടിക്കളഞ്ഞു.

ബലൂണും കൊണ്ടു?

ഹാന്നു. എന്നെ പീഡിപ്പിച്ച കാര്യം പറഞ്ഞപ്പോ അമ്മച്ചി ദേണ്ടെ കിടക്കുന്നു താഴെ. എന്റെ ബലൂണ്‍ മേടിച്ചു താ ചാച്ചാ.

ഹോ. ഒരു ബലൂണ്‍ തട്ടിപ്പറിച്ചതിനാന്നോ കൊച്ചെ പീഡിപ്പിച്ചെന്നു പറഞ്ഞെ?

അല്ല. കയ്യെപ്പിടിച്ചു തിരിച്ചതിനു. അതിനല്ലേ ചാച്ചാ പീടിപ്പിക്കുകാന്നു പറേന്നത്‌?

എ ? ഹതെ. അതുപിന്നെ, അതെ, അത് തന്നെ. അതിനു തന്നെയാ കേട്ടോ മക്കളെ പീടിപ്പിക്കുകാന്നു പറയുന്നത്. എന്നാലും ഇനി ചേട്ടായി പീഡിപ്പിച്ചാല്‍ മോള് ആദ്യം ചാച്ചനോട് പറഞ്ഞാ മതി. അമ്മച്ചി പേടിതൊണ്ടിയല്ലേ.

ശരി ചാച്ചാ.

വേറെ ബലൂണ്‍ വാഗ്ദാനം ചെയ്തു അന്നക്കുട്ടിയെ പറഞ്ഞയച്ചു തോമാച്ചന്‍ മറിയാമ്മയെ വിളിച്ചുണര്‍ത്തി. വീണ്ടും ബോധം പോകുന്നതിനു മുന്‍പ് പീഡനകഥയുടെ വിശദാംശങ്ങള്‍ പറഞ്ഞു കേപ്പിച്ചു.

ദേ അതിയാനേ?

എന്തോ?

ഇനിയീ വീട്ടി പത്രോം വേണ്ടാ, ടീവീം വേണ്ടാ. ഇനിയൊരു പീഡനകഥകൂടി കേട്ടാല്‍ ഞാന്‍ കാഞ്ഞുപോകും.

ഞാനും. ...

അമേരിക്കക്കാരെ, ഫ്രാന്സുകാരെ ഞങ്ങളെക്കണ്ട് പഠിച്ചൂടെ?

noreply@blogger.com (Maya V) — Tue, 24 May 2011 07:00:00 +0000

ഈ അമേരിക്ക, അമേരിക്ക എന്ന് പറഞ്ഞാല്‍ എന്തോ മഹാ സംഭവമാനെന്നാണ് മുന്‍പൊക്കെ ഞങ്ങള്‍ ധരിച്ചു വെച്ചിരുന്നത്. ലോകം ഭരിക്കുന്ന രാജ്യമല്ലേ. അമേരിക്കയിലെ ഹോട്ടലിലെ എച്ചില്‍ കഴുകുന്നവനാനെങ്കിലും സന്തോഷമായിട്ട് പെമ്മക്കളെ കെട്ടിച്ചുവിടുമായിരുന്നു ഞങ്ങള്‍. എത്രയെത്ര അമേരിക്കന്‍ സംരംഭങ്ങളെ ഞങ്ങള്‍ പ്രോത്സാഹിപ്പിചിരിക്കുന്നു. കെ എഫ് സി, മാക്‌ ഡോനാല്ട്സ് ഇവയൊക്കെ വിജയിക്കാനായി, എത്രയെത്ര കോഴികളെ ഞങ്ങള്‍ തിന്നിരിക്കുന്നു. പരിതസ്ഥിതിയും ജലക്ഷാമവും പരിഗണിക്കാതെ എത്ര ലിറ്റര്‍ കോള കുടിച്ചിരിക്കുന്നു. വീട്ടില്‍ അമ്മയുണ്ടാക്കുന്ന ചോറും കറിയും തിന്നാതെ എത്ര ബര്‍ഗറും ലെയിസും ഞങ്ങള്‍ വലിച്ചു കേറ്റിയിരിക്കുന്നു. ഇതൊക്കെ നിങ്ങളോടുള്ള ബഹുമാനം ഒന്ന് കൊണ്ടു മാത്രമായിരുന്നു. ഫ്രാന്സുകാരോടും ഞങ്ങള്‍ക്ക് ബഹുമാനമായിരുന്നു. സത്യം പറഞ്ഞാല്‍ വെളുത്ത തൊലിയുള്ള എല്ലാവരോടും ഞങ്ങള്‍ക്ക് ബഹുമാനമായിരുന്നു. പക്ഷെ, ഇപ്പോഴത്തെ ഒരു പോക്ക് വെച്ചിട്ട്, തുടര്‍ന്ന് ബഹുമാനിക്കുന്ന കാര്യം ഞങ്ങള്‍ക്കൊന്നാലോചിക്കണം.

അമേരിക്കയോടുള്ള ബഹുമാനത്തിനു ആദ്യമായി ഇടിവ് തട്ടിയത്, ഒരു പ്രസിഡന്റിനോട് അവര്‍ കാണിച്ച ബഹുമാനക്കുറവു കണ്ടിട്ടാണ്. ലോകംഭരിക്കുന്ന രാജ്യത്തിന്റെ പ്രസിഡന്റ്‌, വെറുമൊരു ഡൂക്കിലി പെണ്ണുമായിട്ടുള്ള ഡിങ്കോള്‍ഫി കാരണം നാണം കെട്ട് പുറത്തായില്ലേ. എന്തൊക്കെ പുകിലായിരുന്നു. ഞാനിവളെ അറിയുക പോലുമില്ല എന്ന് പ്രസിഡന്റ്‌ പറഞ്ഞിട്ട് പോലും വിട്ടില്ല. വിചാരണ, വീണ്ടു വിചാരണ, അവസാനം ഒരു ഡി എന്‍ എ യുടെ തുംബെല്‍തട്ടി അങ്ങോര്‍ പുറത്തു. ഡൂക്കിലി പെണ്ണോ? അങ്ങോര്‍ പീഡിപ്പിച്ച കദനകഥ പറഞ്ഞു ജനലക്ഷങ്ങളുടെ ആരാധന പിടിച്ചു പറ്റി. കാശായി, പ്രശസ്തിയായി, അവളായി, അവള്‍ടെ പാടായി.

ഇപ്പോഴിതാ ഫ്രാന്‍സും. അന്താരാഷ്‌ട്ര സാമ്പത്തിക എജെന്സിയുടെ തലവന്‍. അടുത്ത ഇലക്ഷനില്‍ രാജ്യത്തിന്റെ പ്രസിഡന്റാകേണ്ടാവന്‍.വെറുമൊരു വേലക്കാരിപെണ്ണിനെ പിടിച്ചകേസില്‍ അറസ്റ്റില്‍. മാനം പോയി, ജോലി പോയി. കാശും പോയി. വീട്ടുതടങ്കലിലും. ഇക്കിളിക്കതയുടെ വിശദാംശങ്ങള്‍ക്ക് വേണ്ടി വേലക്കാരിയെക്കാത് പത്രങ്ങളും ടാബ്ലോയിടുകളും ക്യൂ നില്‍ക്കുകയാനെന്നാണ് കേട്ടത്. ഇനി കാശായി, പ്രശസ്തിയായി, അവളായി, അവള്‍ടെ പാടായി. ഇങ്ങനെ എത്രയെത്ര കഥകള്‍. എത്രയെത്ര കൊമ്പന്‍മാരാണ് പെണ്ണ് കേസില്‍പ്പെട്ട് നാറി നാണംകെട്ടു ഒന്നുമല്ലാതായി തീര്‍ന്നത്. ഇതോടെ തീര്‍ന്നു തിരുമേനീ, ഐ മീന്‍, വെള്ളക്കാരാ, നിന്റെ വെളുത്ത തൊലിയോടുള്ള ബഹുമാനം.

ഒരു പീഡനക്കേസു പോലും ഒതുക്കാന്‍ കഴിയാത്ത നിങ്ങളാണോ ലോകം ഭരിക്കാന്‍ പോവുന്നത്? പെണ്ണുങ്ങളെ എങ്ങനെ നിലയ്ക്ക് നിര്‍ത്തണമെന്ന് ഞങ്ങ പറഞ്ഞു തരാം. പ്രബുദ്ധ കേരളത്തില്‍ പെണ്ണുങ്ങളുടെ ഈ വിളച്ചിലോന്നും നടക്കില്ല. ഇവിടേം നടക്കുന്നുണ്ട് പീഡനവും പീഡനശ്രമങ്ങളുമൊക്കെ. ഐസ്ക്രീമും കിളിരൂരും സൂര്യനെല്ലിയുമായി അങ്ങനെ, കേസെത്ര, കേസുകെട്ടെത്ര. എന്നിട്ട് എതെങ്കിലുമോരുത്തനെ തൊടാന്‍ പെണ്ണുങ്ങള്‍ക്ക്‌ പറ്റിയോ? പീഡിപ്പിച്ചാല്‍ , പറ്റിയത് പറ്റി എന്നുമ്പറഞ്ഞ് മിണ്ടാതെയിരിക്കണം. അതാണ്‌ കുടുമ്മത് പിറന്ന പെണ്പില്ലേരുടെ ലക്ഷണം. അല്ലാതെ, എന്നെ പീടിപ്പിച്ചേ എന്നും പറഞ്ഞു മോങ്ങിയാല്‍, ആദ്യം പത്രക്കാര് ഒരലക്കലക്കും. പിന്നെ കോടതി. ഈ ഡി എന്‍ എ ഒക്കെ ശരിക്കും ഒരു തെളിവാണോ ? ഇനി തെളിവുണ്ടെങ്കില്‍ തന്നെ അതങ്ങ് തേച്ചു മാച്ചു കളയാന്‍ ഇത്ര പാടുണ്ടോ? അവസാനം അവള് പണ്ടേ പിശകായിരുന്നെന്നൊരു സര്‍ടിഫികെറ്റും കൊടുത്തു വീട്ടി വിടും. പിന്നെ നാട്ടുകാര് വിടുമോ, കവലേ നിന്നു കളിയാക്കല്, ഞാനൊന്ന് ഫ്രീയായിട്ട് പീഡിപ്പിചോട്ടെയെന്നു ചോദ്യം, മാന്യരുടെ വക പുച്ഛം, അങ്ങനെ കലാപരിപാടികളോത്തിരിയാ. ഒന്നുകില്‍ നാട്ടിലെ ആസ്താന വേശ്യയാവുക, അല്ലെങ്കില്‍, നാടിനു ചീത്ത പേരുണ്ടാകാതെ ആത്മഹത്യ ചെയ്യുക. ഈ രണ്ടു ഓപ്ഷനെ ഞങ്ങള്‍ അവള്‍ക്കു കൊടുക്കൂ. ഒട്ടു മിക്ക പെണ്ണുങ്ങളും രണ്ടാമത്തേത്‌ തിരഞ്ഞെടുക്കും.പീഡനകാര്യം പുറത്തു പറഞ്ഞിട്ട് ഒരു പെണ്ണും ഇവിടെ സന്തോഷത്തോടെ വാഴില്ല. വാഴാന്‍ ഞങ്ങള്‍ സമ്മതിക്കില്ല. ഞങ്ങളും പത്രമായ പത്രം മുഴുവനും, വാരികയായ വാരിക മുഴുവനും അവള്‍ടെ പടം കൊടുക്കും. ജീവിത കഥ കൊടുക്കും. പക്ഷെ അതിനൊന്നും കാശ് കൊടുക്കില്ല. പടം കൊടുക്കാതിരിക്കാന്‍ കാശ് ഞങ്ങള്‍ ഇങ്ങോട്ട് വാങ്ങും. അതാണ്‌ ഞങ്ങള്‍. ഒരു കൊമ്പനും ഈ നാട്ടില്‍ പെണ്ണുങ്ങള് കാരണം ജോലി തെറിക്കില്ല, മാനം പോവില്ല. അവരെയൊക്കെ ഞങ്ങള്‍ ഐസ്ക്രീം തിന്നുന്ന ലാഖവത്തോടെ ഇലക്ഷന്‍ ജെയിപ്പിച്ചു വിടും, മന്ത്രിയാക്കും.

ഇനി നിങ്ങ പറ, നമ്മളാണോ അവരാണോ മെച്ചം? ഒരു പ്രസിഡന്റിനെപ്പോലും നന്നായി സംരക്ഷിക്കാന്‍ കഴിയാത്ത ഇവരെ ഇനി ബഹുമാനിക്കണോ? അവരടെ കോള കുടിക്കണോ? ബര്‍ഗര്‍ കഴിക്കണോ? അവര് വേണമെങ്കില്‍ നമ്മളെ കണ്ടു പഠിക്കട്ടെ.