மதுமதி.காம்

Chozhar marabinil Arulmozhivarman Maveeran Song Lyrics | Ponniyin selvan (Kaviri Mainthan) | Madhumathi

2022-08-28T10:56:00.014+05:30

வணக்கம் தோழர்களே! காவிரி மைந்தன் அருள்மொழிவர்மன் ராஜராஜ சோழனின் புகழ் பாடும் வகையில் நான் இயற்றிய ''சோழர் மரபினில் அருள்மொழி வர்மன் மாவீரன்'' எனும் பாடல் Trend Music தமிழ் சேனலில் வெளியாகி உள்ளது.. இணைப்பைக் கொடுத்திருக்கிறேன்.. காணுங்கள் கேளுங்கள்..

nghd;dpapd; nry;td;(fhtphp ike;jd;)

Nrhoh; kugpdpy; mUs;nkhopth;kd; khtPud;

Audio On Trend Music

Song Details :

Song - Chozhar Marabinil Arulmozhivarman

Album - Ponniyin Selvan (Kaviri Maindhan)

Lyricist – Madhumathi

Singer – Pushpavanam Kuppusamy

Music Composed and arranged by C.K.Ganesh

Additional Keyboard Work – Clinton (Malasia)

Tabla - Anumantha Rao

Veena – Subramanian

Recording Studio – Pro Sound (Vadapalani)

Audio Engineer - Vijayakumar

Production House - Manjeri Creations

Lyrical video - Fast Forward Editing Studio, Chennai

Also Listen on

nghd;dpapd; nry;td;(fhtphp ike;jd;)

ghly; - kJkjp

gy;ytp

Nrhou; kugpdpy; mUs;nkhoptu;kd; khtPud;

rpq;fs ehl;by; Gypf;nfhb ehl;ba khkd;dd;

nghd;dpapd; nry;td;

nghd;dpapd; nry;td; - ,tNs

nghd;dpapd; nry;td;

Nrhou; kugpdpy; mUs;nkhoptu;kd; khtPud;

rpq;fs ehl;bd; Gypf;nfhb ehl;ba khkd;dd;

fhtpupj; jhahy; kPz;Lk; gpwe;j G+ghyd;

jha;jidg; NghNy jQ;iriaf; fhj;j fk;gPud;

nghd;dpapd; nry;td; ,tNd

nghd;dpapd; nry;td;

nghd;dpapd; nry;td;- ,tNs

nghd;dpapd; nry;td;

ruzk;-1

Re;jur; Nrhod; thdtd; Njtp

<d;W vLj;j nry;td;

Fe;jit Njtpapd; md;ghdtd;

mtshy; tsu;e;j jikad;

je;ijf;Fg; gpwF

Ml;rpapy; mkUk;

tha;g;ig ,oe;j ,isQd;

gdpnuz;L Mz;Lfs; jtkpUe;J

mupaiz Vwpa murd;

Nrho kd;du;fs; Ml;rp Gupe;jjpy;

,tdJ fhyk; nghw;fhyk;;…….MMM

Nrho ehlJ NrhWilj;jJ

vq;F fhzpDk; new;Nfhyk;

jpUtyhq;fhL nrg;NgL nrhy;Yk;

,uh[uh[dpd; uh[hq;fk;

ruzk; 2

Nruu; ghz;bau; rhSf;fpa kd;diu

Nghupy; ntd;wpl;l R+ud;

Kk;Kbr;Nrhod; gl;lg;ngau;

R+bf;nfhz;l tPud;

nfhy;yj;ijr; rhu;e;j gh];fuutpia

ntd;W te;jjpy; jPud;

fhe;jShu;r; rhiy fykWj;jUspa

uh[uh[ Nrhod;

khyj;jPT fypq;fk; Kjypa ,lq;fis

ntd;wtd; ,tNd

,yq;if murd; Ie;jhk; kfpe;jid

ntd;W te;jJk; ,tNd

Mapuk; Mz;Lfs; Kd;Ng

jQ;irapy; ngupa Nfhapiyf; fl;batd;

nghd;dpapd; nry;td;

nghd;dpapd; nry;td;- ,tNd

nghd;dpapd; nry;td; ,tNd

கண்ணீரைத் தீர்த்துவிடாதே மிச்சம் வை | மதுமதி கவிதைகள் | madhumathi kavithaigal | madhumathi

2022-08-02T12:10:00.010+05:30

கண்ணீரைத் தீர்த்துவிடாதே மிச்சம் வை

உன்னைக் காதலித்த

தருணங்களில்

நீதான் என் கணவனென்று

என்னை முழுவதுமாக

உன்னிடத்தில் ஒப்படைத்தேன்..

திருமணம் புரிந்து

ஓராண்டு கழிந்ததும்

என்னைத் திருப்பிக் கொடுத்துவிட்டாய்..

*****

நீ பிரிந்தால்

நான் இறந்து விடுவேன் என்று

நீ சொன்ன வார்த்தைகள்

செவிகளில் இப்போதும்

ஒலித்துக் கொண்டிருக்கிறது..

நான் தான் தவறாக

புரிந்து கொண்டேன்..

நீ பிரிந்தால்

நான் இருந்து விடுவேன் என்றே

சொல்லியிருக்கிறாய்..

*****

பெற்றோரைப் பகைத்து

உன்னோடு வரும்போது

அழுதுகொண்டேயிருந்தேன்..

"அழுது அழுது இப்போதே

கண்ணீரைத் தீர்த்து விடாதே

மிச்சம் வை" என்று

நீ விளையாட்டாய் சொன்னாய்.

உண்மையைத் தான் சொல்லியிருக்கிறாய்..

நீ சொன்னபடி மிச்சம் வைத்ததால் தான்

இப்போது கண்ணீர் சிந்த முடிகிறது..

*****

நானும் நீயும்

ஐநூறு ஆண்டுகள்

சேர்ந்து வாழப்போகிறோம் என்றாய்.

ஐநூறு நாட்கள் என்பதற்கு பதிலாய்

அவரசத்தில் ஐநூறு ஆண்டுகள் என்று

சொல்லிவிட்டாய் போலிருக்கிறது..

*****

ஒருவரை ஒருவர்

புரிந்து புணர்வதுதான்

காதலுக்கு இலக்கணம் என்றாய்..

பாவம்..

இலக்கணத்தை

மறந்து விட்டாயென நினைக்கிறேன்..

*****

என்னோடு நீயில்லை என்றால்

செத்து விடுவேன் என்றாய்..

என்னோடு நீயிருந்தால்

செத்து விடுவேன் என்கிறாய்..

வார்த்தைகள் மட்டும் மாறவில்லை..

வாழ்க்கையே மாறிவிட்டது.

*****

என்னை உந்தன்

காதலியாக்கிக் கொள்ள

இரண்டு வருடங்களாய்

என்னப் பின் தொடர்ந்த உன்னால்

மனைவியாக்கிக் கொண்டு

இரண்டு வருடங்கள் கூட

என்னை பின் தொடரமுடியவில்லை..

காதலுக்குத்தான்

கண்ணில்லை போலும்..

*****

நீ சொல்வதை நான் கேட்பேன்..

பெற்றோரைப் பிரிந்து வா

திருமணம் செய்து கொள்ளலாம் என்றாய்..

வந்தேன் மனைவியானேன்..

பெற்றோரிடமே செல் என்றாய்..

நீ சொன்னதை நான் மறுக்கவில்லை

சென்றுவிட்டேன்..

*****

காதலித்து திருமணம் செய்பவர்களுக்கு

உதாரணமாய் வாழலாம் என்று

ஆசைப்பட்டிருந்தேன்..

காதலித்து மணமுடித்தால்

இப்படித்தான் என்பதற்கு

என்னை உதாரணமாக்கிவிட்டாய்..

*****

என்னைக் காதலிக்கவும்

கல்யாணம் செய்யவும்

நீயாக முடிவெடுத்தாய்..

குடும்பம் நடத்தவும்

கூடியிருக்கவும்

உன் தாயைக் கேட்டு

முடிவெடுக்கிறாய்..

முதலிரவு அறையில்

உன் மடியில் என்னை சாய்த்துக் கொண்டு

நீதான் என் குழந்தை என

கொஞ்சி மகிழ்ந்தாய்..

உன் அன்பில்..

உன் அரவணைப்பில்..

அப்படியே செத்து விடலாம்

என்றே தோன்றியது..

தவறு செய்து விட்டேன்..
அப்போதே செத்திருக்க வேண்டும்..

உன்னைத் தாயாக பார்க்கிறேன்

என்று என்மீது காதலை சொரிந்தாய்..

என்னைத் தாயாக்கி

பார்க்க முடியாததால் தானே

என் மீதான காதலை துறந்தாய்..

*****

காதலிக்கச் சொன்னாய்

காதலித்தேன்..

மனைவியாகச் சொன்னாய்..

மனைவியானேன்..

தாயாகச் சொன்னாய்..

தாயாகவில்லை..

உன் பெற்றோருக்கு

நீ குழந்தையாகவே இரு என்று

அனுப்பி வைத்தாய்..

*****

ஆனால்..

உனக்கு தந்தையாக ஆசை..

உன் குழந்தைக்கு தாயைத்தேட

நான் தடையாய் இருக்க

எனக்கு ஆசையில்லை..

*****

நீ எத்தனையோ

கடிதங்கள் எனக்கு எழுதியிருக்கிறாய்.,

என் காதலை கேட்டு...

கடைசியில் ஒரு கடிதம் எழுதியிருந்தாய்.,

உன் காதலைக் கேட்டு..

நானும் கொடுத்து விட்டேன்..

நாம் புரிந்த விவாகம் ரத்தாகிவிட்டதாம்..

*****

இதோ..

இருபத்தைந்து வருடங்கள்

ஓடிவிட்டன..

உன் வீட்டு முகவரியிலிருந்து

என் வீட்டு முகவரிக்கு

ஒரு கடிதம் வந்தது..

ஆவலாக பிரித்துப் பார்த்தேன்..

உன் மகளின்

கல்யாணப் பத்திரிக்கை..

சந்தோஷத்தில் மூச்சடைத்தது.

என் மகளின்

கல்யாணப் பத்திரிக்கையை

கண்டது போல பூரிப்படைந்தேன்..

*****

மணமகளின் பெற்றோரென

உனது பெயரையும்

உன் மனைவியின் பெயரையும்

நிறைய முறை வாசித்தேன்..

அன்றோர் நாள்

மிச்சம் வைக்கச் சொன்னாயே

அந்த கண்ணீரை

இப்போது முழுவதுமாய்

கொட்டித் தீர்த்தேன்...

*****

என் காதலும்

என்னோடு சேர்ந்து

கண்ணீர் வடித்துக் கொண்டிருக்கிறது...

காதல் கவிதை | இறகாக பற! இலையாக மித! இசையாக ஒலி! | மதுமதி கவிதைகள் | madhumathi kavithaigal

2022-08-01T19:46:00.004+05:30

நீ என்னை

நினைத்து முடிக்கும்

அந்த நொடிலியிலிருந்து

உன்னை நான்

நினைக்க ஆரம்பித்துவிடுகிறேன்..

நீயும் நானும்

சேர்ந்திருக்கிறோம்..

இந்த நிமிஷங்கள்

இல்லாமற்போகலாம்..

இந்த நினைவுகள்

பத்திரமாகவே பாதுகாக்கப்படுகின்றன..

தனிமையில் சந்தித்து

பேசலாம் வா என்கிறாய்..

சந்திக்காமலேயே

தனிமையில்

பேசிக்கொண்டுதானே இருக்கிறோம்!..

இரவில்

உன் வீட்டில்தான்

படுத்துக் கொள்கிறாய்..

என் வீட்டில்

உறங்கிப் போகிறாய்!..

ஆச்சர்யமே ஆச்சர்யப்படுகிறது!

உறங்க ஆயத்தமாகும்போது

உனை மறக்க

ஆயத்தமாகிவிடுகிறேன்..

உன் ஞாபகம் வந்தால்

இரவு பகலாகிவிடுகிறது..

இரவானால் போதும்

படுக்கையில் படுத்துக்கொள்கிறேன்..

ஏனென்றால்

உறக்கம் வரவில்லை என்றாலும்

கனவு வந்துவிடுகிறது..

கனவுக்கும் முன்னதாக

நீ வந்து நின்று விடுகிறாய்!

கனவில் வந்து

கதவைத் தட்டாதே!

சத்தத்தில் உறக்கம் கலைந்து

கனவு காணாமற்போகிறது.

கனவின் கதாநாயகி

நீயும் காணாமற்போகிறாய்....

இனிமேல்

கனவில் வந்தால்

கதவைத் தட்டாதே!

மனக்கதவை

நானே திறந்து வைக்கிறேன்..

காற்றாக வா!

இறகாக பற!

இலையாக மித!

இசையாக ஒலி!

எத்தனை நாட்கள் கனவில் வாழ்வது

நிகழ்வில் வாழலாம் என்றாய்..

திருமணத்தை

தள்ளி வைத்துக் கொள்ளலாம் என்றேன்..

ஏனென்றால்

எப்போது உனை பார்ப்பேன்..

எப்போது உன்னுடன் பேசுவேன்..

என எனக்குள் எழும்

ஏக்கங்களெல்லாம்

ஏமாற்றம் அடைந்துவிடும்..

தீர்த்தமாய் கண்ணீர்

2022-08-01T19:15:00.000+05:30

தமிழ்மண நட்சத்திர இடுகை-5

தீர்த்தமாய் கண்ணீர்

சுத்தம்
குடிகொண்ட மனது
புத்தம்
குடியிருந்ததே அன்று..

தீர்த்தமாய் என்னில்
ஊறிய கண்ணீர்
எதார்த்தமாய்
வழிகிறதே இன்று..

தத்தம் காதலில்
கரை புரண்டேன்
அதன் மோதலில்
சிறை சுருண்டேன்..

முத்தம்
எதிர்பாராத
கன்னங்கள் - அதன்
சத்தம் குடியேறாத
காதுகளில்
அவளது
பொய் வார்த்தைகள்..

நித்தம் நூறுமுறை
என்னில் காதல்
சித்தம் ஊறும் வரை
நெஞ்சில் காதல்
யுத்தம் நேரும்வரை
தலையில் காதல்
பித்தம் ஏறும்வரை
உடலில் முழுதாய்
ரத்தம் நாறும்வரை
என்னுடல் முற்றிலும்
உலுத்துப் போனாலும்
காதலுக்கே என்னை
அலுத்துப் போனாலும்
காதலித்து காதலித்து
காலங்கடப்பேன்..

காதலோடு காதலாய்
மண்ணோடு மண்ணாய்
அமைதியின் அராஜகத்திற்குள்
வாழ்ந்து போகாமல்
வீழ்ந்து போய்
ஆழ்ந்து போவேன்..
புத்தி பேதலித்தும்
கத்தி காதல் சொல்வேன்

(2000 ஆம் ஆண்டு வெளியான எனது "தலையெழுத்திலோர் பிழையெழுத்து" கவிதை நூலிலிருந்து)

பழைய நினைவுகளுடன்,

சரி நான் கிளம்புகிறேன் | காதல் கவிதை | மதுமதி கவிதைகள் | Madhumathi Kavitdhaigal |

2022-08-01T18:56:00.003+05:30

நகரத்தின்
பல தெருக்களை
அடையாளம் காட்டும்-உன்
இரு சக்கர வாகனத்திற்கு நன்றி..

உன்னோடு
இருக்கும்போது மட்டும்
காலை
தனது பெயரை மாலை என
வேகமாக மாற்றிக் கொள்கிறது..

இன்று முழுவதும்
உன்னோடுதான்
பேசிக் கொண்டிருந்தேன்.
ஆனாலும் பார்
சொல்ல வந்த செய்திகளில்
இன்னும் நான்கு மீதம் இருக்கிறது..

நாம் இருவரும்
பேசி முடிக்க நாட்கள் போதாது..
வருடங்கள் பலவற்றை
வாடகைக்கு வாங்க முற்படுகிறேன்..

சரி..
நான் கிளம்புகிறேன்..
தனியாய் செல்வதாய்
நினைக்க வேண்டாம்
உன் நினைவுகளை துணைக்கு
அழைத்துச் செல்கிறேன்.

வீடு திரும்பியவுடன்
கண்ணாடியைப் பார்த்தேன்.
கிளம்பும்போது
கொண்டு வந்திருந்த வெட்கத்தை
உன்னிடம் தந்து விட்டு
வந்திருக்கிறேன்..

குளிப்பதற்கு
யோசிக்கிறேன்.
ஏனென்றால்
உன் கை ரேகைகள்
தண்ணீரில் கரைந்து போகும்.

இப்போது..
உன் வீட்டில் நீ.
என் வீட்டில் நான்.
நம் நினைவுகள் இன்னும்
கடற்கரையை விட்டு
எழுந்து வரவில்லை.

மாலை கடற்கரையில்
பேசிக் கொண்டிருந்தபோது
நீ செய்த குறும்புகளை
இரவு இல்லத்தில்
உறங்கும்போது
மனசு மறு ஒளிபரப்பு செய்கிறது.

சரி நான் உறங்குகிறேன்..

என்ன செய்தாய் என்னை | Madhumathi | Madhumathi Kavithaigal | மதுமதி

2022-08-01T18:45:00.001+05:30

அதிகாலையில்

அலாரம் கூட

உன் பெயரைச் சொல்லியே

எனை எழுப்பி விடுகிறது..

----------------------------------

அலைபேசியில் வந்த

உனது அழைப்புதான்

இன்றைய சந்தோசத்திற்கு

அடிக்கல் நாட்டுகிறது..

------------------------------------

இருசக்கர வாகனத்தை

நீ வாங்கும்போது அடைந்த

மகிழ்ச்சியை - அதில்

என்னை ஏற்றிக்கொண்டு

செல்லும்போது வந்த மகிழ்ச்சி

அடித்து வீழ்த்திவிட்டது.

-----------------------------------

----------------------------------

உன்னோடு

பயணிக்கும்போது

இறங்கும் இடமென்று

எதுவும் இருக்கக்கூடாது

என்றே ஆசைப்படுகிறேன்.

----------------------------------

உன்னைவிட்டு பிரிகிறேன்

என்று நினைக்காதே

என்னை உன்னிடம்

இறக்கி வைத்துவிட்டுதான்

வீடு வந்து சேர்ந்தேன்..

------------------------------

காலை முதல்

உன்னோடு நானிருந்த

பொழுதுகளையெல்லாம்

வழக்கம்போல்

மாலை வந்து

பிடிங்கிக் கொள்கிறது..

அதை மீண்டும்

அதனிடமிருந்து

பிடுங்க முயற்சித்தே

என் இரவுகள்

விடியலிடம்

தோல்வியைத் தழுவ

ஆரம்பித்துவிடுகிறது..

--------------------------

மதுமதி

நீ யாரெனத் தெரியவில்லை

2022-08-01T18:25:00.000+05:30

முதன்முதலாய்

உன்னைப் பார்த்தபோது

நீ யாரெனத்தெரியவில்லை..

பிறகுதான் தெரிந்தது

நீதான் நானென்று..

சில வருடங்களாக

சிறை வைத்திருந்த

"உன்னைக் காதலிக்கிறேன்"

என்ற வாக்கியத்தை

உன்னை பார்த்தபிறகே

விடுதலை செய்ய முற்பட்டேன்..

உன் பார்வை

என் மீது பட்ட பிறகே

எனக்குள் முளை விட்டிருந்த

எனது காதல்

மெதுவாக வளரத் தொடங்கியது..

கவிதை எழுதும்போதும்

உன்னிடம் பேசும்போதும்

வார்த்தைகளைத் தேடித் தேடியே

சேர்க்க வேண்டியிருக்கிறது..

நாம் முதன்முதலாக

சந்தித்தபோது பேசிய

வார்த்தைகள் கொஞ்சம்தான்

பேசிய நேரமோ அதிகம்..

ஒளிச்சேர்க்கை

நடைபெறுவதனால்தான்

மண்ணில் பயிர் வாழ்கிறதென்பது

உண்மையெனில்-நம்

விழிச்சேர்க்கை

நடைபெறுவதனால்தான்

என்னில் உயிர் வாழ்கிறது.

இதுவும் உண்மைதான்..

நான் உன்னை

பலமுறை சந்திக்க

ஆசைப்படுகிறேன்..

எனது காதலோ

ஒரே ஒரு முறை

விவாகத்தை சந்திக்க

ஆசைப்படுகிறது..

------------------------------------------------------------

Dravida Perazhagi | Madhumathi Kavithaigal | திராவிடப் பேரழகி | கவிதை | மதுமதி கவிதைகள் |

2022-08-01T13:48:00.005+05:30

திராவிட நிறம்தான்
பெண்மைக்கு அழகென்று
உன்னைப் பார்த்த பின்புதான்
அறிந்து கொண்டேன்..

எந்த சுடிதாரும்
எனை சுண்டியிழுக்கவில்லை.
உன் பட்டுத் தாவணியால்
பட்டுப் போனவன் நான்..

உன் முகத்தில் உள்ள
சாந்தம் தான் - எனை
காந்தமென ஈர்த்துக்கொண்டது..

உன் கண்மை

கண்ணால்தான்
உன் பெண்மை

மெருகேறுகிறது..

ஒப்பனை இல்லாத
உன் உருவம்தான்
எனை தினம்

ஒப்பனை செய்கிறது..

குங்குமம்

குடிகொண்ட
உன் நெற்றிதான் - எனை

பற்றி இழுத்தது..

உன் கொலுசொலிதான்
எனை கொலு பொம்மையாக்கியது..

உன் சிரிப்பொலிதான்

எனை சிலையென மாற்றியது.

நேர் வகிடெடுத்த
உன் கூந்தலில் சிக்கி

சீப்பென என் மனம்

தூளி ஆடுகிறது

ஆடிப் பாடுகிறது

எனைப் பின்னிக் கொள்கிறது..

செயற்கைக்கு உட்படாத
உன் புருவம்தான்
நீ அழகியென
கர்வம் கொள்ள வைக்கிறது..

உன்னைப் பார்த்த பின்புதான்
பல சித்திரங்களுக்கு
நீதான் முன்னோடியாய்
இருந்திருக்கிறாய் என்ற
உண்மையை உணர்ந்துகொண்டேன்..

உன்னைப் போர்த்தியிருக்கிற
இந்த நிறம் தான் உனக்கான
அழகை அள்ளிக்கொடுக்கிறது..

திராவிட பெண்டிர்தான்
உலகில் அழகிகள் என்று
உன்னைப் பார்த்தவர்கள்
சத்தியம் செய்கிறார்கள்..

-மதுமதி

காதல்.. காதல்.. காதல்..

2022-08-01T13:43:00.000+05:30

பொருட்காட்சி
செல்வதாய் சொல்லிவிட்டு
உன்னோடு நான்
பகல்காட்சி வந்தேன்..
இந்நிமிடம் வரைத் தெரியவில்லை
நாம் பார்த்தது
என்ன படம் என்று..

இரு சக்கர
வாகனத்திலிருந்து
இறக்கிவிட்டுச் சென்றாய்
நான் இறங்கி கொண்டேன்
என் நினைவுகள் இறங்காமல்
தொடர்ந்து உன்னோடு
பயணித்துகொண்டிருந்தது.

துணிகளை
துவைக்கும்போதுதான் தெரிந்தது.
பூங்காவில் அமர்ந்து
நாம் பேசிக் கொண்டிருந்தபோது
என் உடை மீது
காக்கை எச்சம் செய்திருப்பது.

பூங்காவில்
நாம் தின்று போட்ட மிச்சத்தை
கொத்தித் தின்ன
அந்த இரண்டு காக்கைகள்
இப்போது
என்ன செய்து கொண்டிருக்கும்?!..
ம்..காதல் செய்து கொண்டிருக்கும்..

தலையைச் சீவ
சீப்பெடுத்த போதுதான்
எனக்குப் பட்டது..
தலையை
கலைத்து விட்டது நீயென்று..
சீப்பைத் தூக்கி
தூரத்தில் எறிந்தேன்.

மதியம் கடற்கரையில்
இருவரும்
காதல் கொள்ளும்போது
சுடாத சூரியன்
இரவு இல்லத்தில்
தனியாய் உறங்கும் போது சுடுகிறது..

இரவானதும்
இமைகளில் வந்து
அமர்ந்து கொள்கிறாய்..
நானும்
கண்கள் திறந்தபடியே
தூங்குவதற்கு பழகிக் கொண்டேன்..
.........................................................................

முத்தமே முதற்படி

2022-08-01T11:39:00.000+05:30

முத்தங்களே

மொத்தத்திற்கும்

முதற்படி..

முத்தங்கள் தீர்ந்து போனபின்

மொத்தத்தையும் தேடி

பயணிக்க வேண்டியிருக்கிறது..

உன் உதடுகள்

என் உதட்டை

உட்படுத்திக்கொள்ளும்போதுதான்

எச்சில்கூட சூடாகிப்போகும்

வேதியியல் மாற்றத்தை உணர்கிறேன்..

உறங்கிக் கொண்டிருந்த

உண்ர்ச்சிகள்

விழித்தெழுந்தென்னை

விழுங்க ஆரம்பித்துவிட்டது..

உணர்வுகள் உறங்க ஆரம்பித்துவிட்டது..

இருவரது

மூச்சுக்காற்றும்

முத்தமிட்டுக் கொள்கிறது..இல்லை

யுத்தமிட்டுக்கொள்கிறது..

கண்ணிமைகள் நான்கும்

கைகுலுக்கிக் கொள்கின்றன..

மூக்கு நுனிகள்
கூர்தீட்டப்படுகின்றன..

புருவங்கள் போல
இடைவெளியில்லாமல்
உருவங்கள் உள்வாங்கிக்கொள்கின்றன..

கருவிழியிரண்டும்

தாறுமாறாய்

சுழன்று கொண்டிருக்கின்றன..

வெட்கங்கள்

ஒவ்வொன்றாய்

கழன்று கொண்டிருக்கின்றன....

உடுத்தியிருக்கும் உடைகள்

தானாக களைந்துபோக எத்தனிக்கின்றன..

பூமிதனை தொட்டணைக்கின்றன..

உற்பத்தியான வியர்வை

மேடு பள்ளங்களைக் கடந்து

ஊர்ந்து உயிர்வரை நனைக்கிறது..

தனக்கிதுதான் மோட்சம் என்று
வியர்வை நினைக்கிறது..

இருவருக்கும் இடையில்

காற்று புக முயன்று

தோற்றுப் போகிறது..அக்

காற்று வேகிறது.

இரண்டு ஒன்றாகிறது..

-------------------------------------------------

மழையும் முத்தமும்

2022-08-01T08:53:00.000+05:30

மேகங்கள்

தாகத்தை தணித்துக் கொண்டிருக்க

தேகங்களும்

தாகத்தை தணித்துக் கொள்ள

முயன்று கொண்டிருக்கின்றன..

மழை

தொடர்ந்து

பெய்து கொண்டிருக்கிறது..

எந்த மழை

முதலில் ஓயுமென

மழையில் நனைந்த மரமது

கிளைகளிடம் இலைகளிடமும்

விவாதித்துக் கொண்டிருக்கிறது..

குடையும் உடையும்

தத்தம் பணிசெய்து

தோற்றுப் போகிறது..

உதடும் உடலும்

முத்தம் தனை பெய்து

வெற்றி பெறுகிறது..

மண்ணிற்கு

மழை தரும் முத்தத்திற்கும்

பெண்ணிற்கு

அவன் தரும் முத்தத்திற்கும்

போட்டியென்னவோ

தொடர்ந்து நடந்துகொண்டே இருக்கிறது...

---------------------------------------------------------------------

பிப்ரவரி 14

2022-08-01T08:13:00.001+05:30

இன்று வகுப்பில்
புறநானூறு தான் பாடமாம்
அகநானூறு படிக்க
உன்னோடு வந்து விட்டேன்.
--------------------------------------
அதிகாலையில்
கடிகாரத்தில் தான்
அலாரம் அடிக்கும்.
இன்று கடிகாரம் மௌனிக்க
என் இதயத்தில் அலாரம் அடித்தது.
---------------------------------------

------------------------------------------
உனக்கு கொடுப்பதற்காக
வைத்திருந்த முத்தத்தை
உனக்கு முன்னதாக
இன்றைய தேதியைக் காட்டிய
என் வீட்டு காலண்டருக்கு
கொடுத்துவிட்டேன்
மன்னிக்கவும்.
-------------------------------------
நாம் இருவரும்
கடற்கரையில்
அமர்ந்திருக்கிறோம்..
நம் நினைவுகளை
அழைத்துக்கொண்டு
காதல்
சுற்றுலா சென்றிருக்கிறது.
-------------------------------------

-----------------------------
உன்னோடு இருக்கும்போது
வீட்டு ஞாபகம் வருவதில்லை.
வீட்டில் இருக்கும்போது
உன் ஞாபகத்தைத் தவிர
வேறொன்றுமில்லை..
--------------------------------------
பத்து நிமிடங்கள்
பேசினால் போதுமென
வந்த எனக்கு
பத்து மணி நேரங்களும்
போதவில்லை.
---------------------------------------

------------------------------------------
நீ பேசிக்கொண்டே இருக்கிறாய்
உன் உதடுகளும்
என் செவிகளும்
ஓய்ந்தபாடில்லை
வார்த்தைகள் இன்னும்
தீர்ந்தபாடில்லை
என்ன பேசுகிறாய்
எனத் தெரியவில்லை
என்ன கேட்கிறேன்
எனத் தெரியவில்லை.
உதடுகளும் செவிகளும்
தத்தம் பணிகளை
செய்துகொண்டேயிருக்கின்றன.
--------------------------------------
காதலர் தின வாழ்த்துகளை
நண்பர்கள் எல்லோரும்
நமக்குச் சொன்னார்கள்
நாம் அதை
காதலுக்குச் சொல்கிறோம்..
---------------------------------------

சந்தேகம்

2022-08-01T07:16:00.000+05:30

எதற்கெடுத்தாலும்

சந்தேகப்படுவதால்

நானும் மனிதன்தானா என

என்மீதே எனக்கு

சந்தேகம் வந்துவிட்டது..

நானும் நிற்காமல்

ஓடிக்கொண்டேயிருக்கிறேன்..

நாளும் ஓடிக்கொண்டேயிருக்கிறது..

நானும் தினம் தினம்

செத்துப் பிழைக்கிறேன்..

நாளும் தினம் தினம்

செத்துப் பிழைக்கிறது..

மயான அமைதி வேண்டும்..

ஏங்கித் தவிக்கும்

மனதிற்கு தெரியவில்லை..

அப்படியானால்

மயானத்திற்குதான்

செல்ல வேண்டும் என்பது..

எதுக்காகப் பிறந்தேன்

என தெரியாததைப் போலவே

எதுக்காக வாழ்கிறேன்

என தெரியாமலே வாழ்கிறேன்..

உலகம்

என்னையும் தாங்கிதான்

சுற்றிக் கொண்டிருக்கிறது..

நானும் உலகத்தை

சுற்றிக் கொண்டுதானிருக்கிறேன்..

இருவருமே கடமைகளைச்

சரியாகத்தான் செய்கிறோம்..

தேடித் தேடி

பயணித்துக்கொண்டேயிருக்கிறேன்..

தேடியது இன்னும் கிட்டவில்லை..

நான் தேடியது

என்னைத் தேடிக் கொண்டிருக்கிறது

என நினைக்கிறேன்...

நேருக்கு நேர்

சந்திக்கலாம்

சந்திக்காமலும் போகலாம்..

----------------------------------

வாசித்துவிட்டீர்களா..
மலையாளியின் கொலவெறி(கொக்கரக்கோ)

தனிமை தரிசனம்

2022-08-01T06:09:00.001+05:30

உறங்கிப்போக
முயற்சிக்கிறேன்..
கண்கள்
கதவைத்திறந்து கொள்கிறது..

-------------------------------

தனிமையில்
படுக்கும்போதுதான்
எனக்கு முன்னதாக
என் படுக்கை பரிதவிக்கிறது..

-------------------------------

வெள்ளை ரோஜாவும் சிகப்பு ரோஜாவும்

தலையணையை
உன்னுருவமாய் பாவிக்கிறேன்.
அது அஃறிணை என்று
அவ்வப்போது நிரூபிக்கிறது..

--------------------------------

என்னோடு நீ
இல்லாத இரவுகள்
விண்ணோடு
விண்மீன் இல்லாத
இரவாய் வெறிச்சோடி கிடக்கிறது

-----------------------------

உன் விரலது தீண்டாமல்

நான் தான் வாடிப்போய்விட்டேன்

என் விரலது தீண்டலில்

நீ வாங்கிக்கொடுத்த ரோஜா

இன்னமும் சிரித்துக்கொண்டுதான் இருக்கிறது

--------------------------------------------

தனிமையை

தரிசிக்கும்போதுதான்

என் கண்களுக்கும்

தூக்கத்திற்குமான தூரம்

எவ்வளவு என்று

எண்ணிப் பார்க்க முடிகின்றது..

--------------------------------------------

நீயில்லாத அறையில்
மின்விசிறிகூட
விருப்பமில்லாமல்தான்
சுற்றிக்கொண்டிருக்கிறது..
என் நினைவுகள்
விருப்பப் பட்டுத்தான்
உன்னைச் சுற்றிக்கொண்டிருக்கின்றன..

---------------------------------------------

அணைந்து போக
ஆசைப்படும்
என் அறை விளக்கும்-உனை
அணைத்துக்கொள்ள
ஆசைப்படும்
இந்த அழகுச் சிலைக்கும்
இந்த இரவு
இலவசமாகவே ஏமாற்றத்தை
அள்ளித் தந்தது...

---------------------

நாளை
இரவு வரும்..வரலாம்..
இன்று இறந்துபோன இரவு
நாளை உயிர்த்தெழ வாய்ப்பில்லை..

--------------------------------------------

சரணடைகிறேன்

2022-08-01T05:46:00.001+05:30

என் நிர்வாண தேசத்தின்

மன்னனாக முடி சூட்டிக் கொண்ட

மறுநாள் இரவே

என்னை சிறையிலிட்டவன் நீ

இத்தனை வருடங்களாக

சுமந்து கொண்டிருக்கும்

இளமைதனை உன்னிடம்தான்

இறக்கி வைக்கிறேன்..

ஆடைகளிடம்

அடிமைப் பட்டிருக்கும்

என் இளமை தனை

விடுதலை செய்ய வேண்டி

கண்களால் விண்ணப்பித்தேன்..

நீ விடுவித்த அந்நொடியே

என் இளமை

உன்னிடத்தில் அடிமையாகிறது!..

உன் விரல்களே

என் உடைகளைத் திறக்கும்

சாவிகள் என்றிருந்தேன்..

உணர்ச்சிகளுக்கும் அவைதான்

திறப்புவிழா நடத்துகிறது..

குமரியாய் வந்தவளை

குழந்தையாக்கினாய்..

நீ அவிழ்த்தெறிந்த

என் ஆடைகள் உன்னை

சரமாரியாக திட்டிக் கொண்டிருக்க

உனது ஆடைகளைக் கழட்டி

அதனிடம் போட்டாய்..

அவை மாற்றி மாற்றி

அணிந்துகொள்கின்றன..

அஃறிணைகளும்

அதற்குத்தான் அலைபாய்கிறது..

ஆரம்பமானது

அந்தரங்க அத்தியாயம்..

பக்கங்களைப்

புரட்டுவது போல-என்

வெட்கங்களைப் புரட்டுகிறாய்..

அதை மூச்சுக் காற்றினால்

மெதுவாக விரட்டுகிறாய்..

முத்த அம்புகளை எய்தி

என்னை வீழ்த்திவிடுகிறாய்..

மத்த எதையும் நினைத்து

நேரத்தை நான் தாழ்த்த்வில்லை..

என்னை உனக்கு கொடுக்க

முற்படுவதற்குள் நீயே

என்னை எடுத்துக் கொள்கிறாய்..

நிர்வாண தேசத்தை

முழுவதுமாய்

ஆட்சி புரிய ஆரம்பிக்கிறாய்..

அவற்றை வார்த்தைகளில்

அடக்கவே முடியாது..

அவை அடங்கவும் அடங்காது.

முடிவில் சரணடைந்தேன்..

சரணடையும் தருவாயில்

பிறவிப் பயனை அடைவது என்னவோ

அந்தரங்கப் போரில் மட்டும்தான்..

-------------------------------------------------
வாசித்துவிட்டீர்களா..உயிரைத்தின்று பசியாறு
ஈரோட்டு சூரியன்

TNPSC இத்தனை தேர்வுகளை நடத்துகிறதா?!!!

2020-05-03T18:23:00.001+05:30

தமிழ்நாடு அரசு பணியாளர் தேர்வாணையம் உருவாகக் காரணமென்னன்னு தெரியுமா? தெரியலன்னா இங்கே போய் படிச்சிட்டு வாங்க..

தமிழ்நாடு அரசுத்துறைகளுக்கு பணியாளர்களைத் தேர்ந்தெடுத்துக் கொடுக்கும் தமிழ்நாடு அரசு பணியாளர் தேர்வாணையம் அதுக்காக என்னென்ன தேர்வுகளை நடத்துறாங்கன்னு தான் இந்தப் பதிவுல பாக்க போறோம்..தமிழ்நாடு அரசு பணியாளர் தேர்வாணையம் அப்படின்னு சொன்னவுடனே உங்களுக்கு ஞாபகம் வர்ற தேர்வுகள் என்னான்னு பாத்தீங்கன்னா? குரூப் 1, குரூப் 2, குரூப் 4 தேர்வுகள்தான். இன்னும் சில பேருக்கு க்ரூப் 7 தெரிஞ்சிருக்கலாம்.. ஆனா தமிழ்நாடு பணியாளர் தேர்வாணையம் 70 வகையான தேர்வுகளை நடத்திட்டு வர்றாங்கன்னா ஆச்சர்யமா இருக்குல்ல..

பொதுவா நமக்கு தெரிஞ்ச தேர்வுகளுக்கான அடிப்படை தகுதிகள்ன்ன பாத்தா 10 ம் வகுப்பிலிருந்து ஏதாவது பட்டப்படிப்பா இருக்கும் இல்லையா.. ?குரூப் 4 ன்னா பத்தாம் வகுப்பு குரூப் 1 ன்னா பட்டப்படிப்பு..அதனால குரூப் 1ல் இருந்து குரூப் 4 வரைக்கும் லட்சக்கணக்குல விண்ணப்பம் செய்றோம்.. பொறியியல் படிச்சவஙக,புள்ளியியல் படிச்சவங்க,சட்டம் படிச்சவங்கன்னு தனித்தனியா படிச்ச படிப்புக்கு ஏத்த வேலைகளுக்கு தேர்வுகள் நடத்துறாங்கன்னு தெரியுமா.. தெரியலன்னா இப்போ தெரிஞ்சுக்குங்க..முதல்ல எத்தனை வகையான தேர்வுகள் இருக்குன்னு பாத்துட்டு வருவோம் வாங்க..அதுல நீங்க படிச்ச படிப்புக்கு ஏத்த தேர்வு எதுன்னு தெரிஞ்சுக்கிட்டு அதை நோக்கி பயணம் பண்ணுங்க..

இது வென்று காட்டு! அதன்படி நின்றுகாட்டு!
எட்டிப்பிடி! இதுவே ஏணிப்படி!

1    GROUP I SERVICES EXAMINATION -   001
2    GROUP l-A SERVICES EXAMINATION -   002
3    GROUP l-B SERVICES EXAMINATION - 003
4    CSSE -1 (COMBINED SUBORDINATE SERVICES EXAMINATION – I) - 004
5    CSSE – II (COMBINED SUBORDINATE SERVICES EXAMINATION – II) - 005
6    GROUP IV SERVICES EXAMINATION -   006
7    GROUP V-A SERVICES EXAMINATION - 007
8    GROUP VI SERVICE EXAMINATION - 008
9    GROUP VII SERVICE EXAMINATION -   009
10    GROUP VIM SERVICE EXAMINATION - 010
11    COMBINED ENGINEERING SERVICES EXAMINATION - 011
12    COMBINED ENGINEERING SUBORDINATE SERVICES EXAMINATION - 012
13    TAMIL NADU ADI-DRAVIDAR & TRIBAL WELFARE SUBORDINATE SERVICE -   013
14    TAMIL NADU AGRICULTURAL ENGINEERING SUBORDINATE SERVICE - 014
15    TAMIL NADU AGRICULTURAL EXTENSION SERVICE - 015
16    TAMIL NADU AGRICULTURAL MARKETING SUBORDINATE SERVICE - 016
17    TAMIL NADU AGRICULTURAL SERVICE - 017
18    TAMIL NADU AGRICULTURAL SUBORDINATE SERVICE - 018
19    TAMIL NADU ANIMAL HUSBANDRY SERVICE -   019
20    TAMIL NADU ANIMAL HUSBANDRY SUBORDINATE SERVICE -   020
21    TAMIL NADU ARCHITECTURE SERVICE - 021
22    TAMIL NADU BOILER SERVICE -   022
23    TAMIL NADU CO-OPERATIVE SUBORDINATE SERVICE -   023
24    TAMIL NADU EDUCATIONAL SERVICE -   024
25    TAMIL NADU EDUCATIONAL SUBORDINATE SERVICE -   025
26    TAMIL NADU ELECTRICAL INSPECTORATE SERVICE -   026
27    TAMIL NADU EMPLOYMENT AND TRAINING SERVICE -   027
28    TAMIL NADU EMPLOYMENT AND TRAINING SUBORDINATE SERVICE -   028
29    TAMIL NADU ENGINEERING SUBORDINATE SERVICE - 029
30    TAMIL NADU FISHERIES SERVICE -   030
31    TAM.I. NADU FISHERIES SUBORDINATE SERVICE - 031
32    TAMIL NADU FORENSIC SCIENCE SERVICE -   032
33    TAMIL NADU FORENSIC SCIENCE SUBORDINATE SERVICE -   033
34    TAMIL NADU FOREST SUBORDINATE SERVICE -   034
35    TAMIL NADU GENERAL SERVICE -   035
36    TAMIL NADU GENERAL SUBORDINATE SERVICE -   036
37    TAMIL NADU GEOLOGY AND MINING SERVICE - 037
38    TAMIL NADU GEOLOGY AND MINING SUBORDINATE SERVICE - 038
39    TAMIL NADU HANDLOOMS AND TEXTILES SERVICE - 039
40    TAMIL NADU HANDLOOMSAND TEXTILES SUBORDINATE SERVICE -   040
41    TAMIL NADU HIGHER SECONDARY EDUCATIONAL SERVICE - 041
42    TAMIL NADU HIGHWAYS ENGINEERING SUBORDINATE SERVICE -   042
43    TAMIL NADU INDUSTRIES SERVICE - 043
44    TAMIL NADU INDUSTRIES SUBORDINATE SERVICE -   044
45    TAMIL NADU JAIL SERVICE -   045
46    TAMIL NADU JAIL SUBORDINATE SERVICE -   046
47    TAMIL NADU LABOUR SERVICE -   047
48    TAMIL NADU MEDICAL SERVICE - 048
49    TAMIL NADU MEDICAL SUBORDINATE SERVICE - 049
50    TAMIL NADU MINISTERIAL SERVICE - 050
51    TAMIL NADU MOTOR VEHICLES MAINTENANCE SUBORDINATE SERVICE -   051
52    TAMIL NADU PUBLIC HEALTH SERVICE - 052
53    TAMIL NADU PUBLIC HEALTH SUBORDINATE SERVICE -   053
54    POSTS IN TAMIL NADU PUBLIC SERVICE COMMISSION -   054
55    TAMIL NADU SCHOOL EDUCATIONAL SERVICE -   055
56    TAMIL NADU SCHOOL EDUCATIONAL SUBORDINATE SERVICE -   056
57    TAMIL NADU SECRETARIAT SERVICE - 057
58    TAMIL NADU SOCIAL DEFENCE SERVICE - 058
59    TAMIL NADU SOCIAL DEFENCE SUBORDINATE SERVICE -   059
60    TAMIL NADU STATE JUDICIAL SERVICE -   060
61    TAMIL NADU STATE LEGISLATIVEASSEMBLY SECRETARIATSERVICE -   061
62    TAMIL NADU STATE TREASURY AND ACCOUNTS SERVICE - 062
63    TAMIL NADU STATIONERY AND PRINTING SERVICE -   063
64    TAMIL NADU STATISTICS SERVICE -   064
65    TAMIL NADU TECHNICAL EDUCATIONAL SUBORDINATE SERVICE -   065
66    TAMIL NADU TOWN & COUNTRY PLANNING SUBORDINATE SERVICE -   066
67    TAMIL NADU TRANSPORT SERVICE -   067
68    TAMIL NADU TRANSPORT SUBORDINATE SERVICE - 068
69    TAMIL NADU JUDICIAL MINISTERIAL SERVICE -   069
70    TAMILNADU LEGAL EDUCATIONAL SERVICE -   070

மேல பாத்த 70 வகையான தேர்வுகளை தமிழ்நாடு அரசு பணியாளர் தேர்வாணையம் நடத்துறாங்க.. ஏற்கனவே சொன்ன மாதிரி உங்க படிப்புக்கும் திறமைக்கும் தகுந்த தேர்வை எழுதி வெற்றி பெற்று தமிழக அரசாங்கத்தில் பணி புரிய அன்பு வாழ்த்துகள்..

இது வென்று காட்டு! அதன் படி நின்று காட்டு!
எட்டிப்பிடி! இதுவே ஏணிப்படி!

TNPSC உருவாகக் காரணமென்ன?

2020-05-02T18:07:00.000+05:30

1929 ஆம் ஆண்டு சென்னை மாகாண சட்டமன்றத்தில் நிறைவேற்றப்பட்ட ஒரு சட்டத்தின் மூலம் ஒரு தலைவர் மற்றும் இரண்டு உறுப்பினர்களை கொண்டு உருவாக்கப்பட்டதுதான் The Madras Service Commission.

மாநில மறுசீரமைப்புக்குப் பின் 1957ஆம் ஆண்டு இது மதராசு அரசுப் பணியாளர் தேர்வாணையம் (Madras Public Service Commission) என்று பெயர் மாற்றம் செய்யப்பெற்று, சென்னையைத் தலைமையிடமாகக் கொண்டு செயல்படத் தொடங்கியது.

1969 ஆம் ஆண்டு சென்னை மாநிலம் என்பது தமிழ்நாடு என மாற்றம் பெற்ற இவ்வாணையம் ”தமிழ்நாடு அரசுப் பணியாளர் தேர்வாணையம்” என்று பெயர்மாற்றம் செய்து கொண்டது.

தமிழ்நாடு அரசுப் பணியாளர் தேர்வாணையம் (Tamil Nadu Public Service Commission- TNPSC) என்பது தமிழக அரசுப் பணிக்குத் தேவையானவர்களைத் தகுந்த போட்டித் தேர்வுகள் வாயிலாகத் தேர்வு செய்ய ஏற்படுத்தப்பெற்ற ஒரு அரசு சார்ந்த அமைப்பு சுதந்திரமான ஆகும்.

இந்த தேர்வாணையமே இந்தியாவில் மாநில அளவில் உருவாக்கப்பெற்ற முதல் தேர்வாணையமாகும்.

மதராஸ் தேர்வாணையம் உருவாக என்ன காரணம்?

1923 ஆம் ஆண்டு பிரிட்டிஷ் அரசு இந்தியக் குடிமைப்பணியாளர்களின் ஊதிய விகிதத்தை ஆய்வுசெய்யும் பொருட்டு, ஒரு பொதுப்பணியாளர் தேர்வுக் குழுவை ஏற்படுத்தியது.

லீ பிரபுவை தலைவராகக்கொண்டு அமைக்கப்பட்ட இந்தக்குழு, நான்கு ஆங்கிலேயர்களையும் நான்கு இந்தியர்களையும் உறுப்பினர்களாகக் கொண்டது.

இந்தியக் குடிமைப்பணி, இந்தியக் காவல் பணி ஆகியவற்றில் இந்தியர்களுக்கான இடம் குறித்தும் இந்தக் குழு ஆய்வு மேற்கொண்டது.

பதினைந்து ஆண்டுகளில் இந்தியக் குடிமைப்பணியில் இந்தியர்களின் பங்கெடுப்பு ஐம்பது விழுக்காடாகவும், இருபத்தைந்து ஆண்டுகளில் இந்தியக் காவல் துறையில் இந்தியர்களின் பங்கெடுப்பு பதினைந்து விழுக்காடாகவும் அமையும் வகையில் இந்தியர்களின் பங்கெடுப்பு விகிதத்தை இந்த லீ குழு நிர்ணயித்தது.

தங்களுக்கு சரியெனப்படும் வகையில், பொதுப்பணிகளுக்கான பணியாளர்களை தெரிவு செய்தல், ஒழுங்கமைத்தல் ஆகியவை குறித்து முடிவெடுக்கும் அதிகாரம் பெரும்பாலும் தொடர்புடைய மாகாண அரசுகளிடமே வழங்கப்பட்டது. மேற்படி விருப்பார்ந்த அதிகாரத்தினைக்கொண்டு, மதராஸ் மற்றும் பஞ்சாப் மாகாணங்கள் தங்களுக்கென தனியான தேர்வாணையங்களை அமைப்பதற்கான முயற்சிகளை முன்னெடுத்தன. அதன் படி உருவானதுதான் இந்தத் தேர்வாணையம். ..

தமிழ்நாடு தேர்வாணையத்தின் நோக்கம் மற்றும் குறிக்கோள்கள் என்னவென்று தேர்வாணையம் குறிப்பிட்டுள்ளதைப் பார்ப்போம்..

நோக்கம்

இந்திய அரசமைப்புச் சட்டத்தில் வகை செய்யப்பட்டுள்ளதற்கு இணங்க, சுதந்திரமானதும், பாரபட்சமற்றதும் ஒழுக்க நெறியின்பாற்பட்டதும், செயல்திறன் மிக்கதும், அரசு அன்றாடம் எதிர்கொள்ளும் புதிய சவால்களைச் சந்திக்கும் திறன் கொண்டதும், பொதுமக்களின் வளர்ந்து வரும் எதிர்பார்ப்புகளுக்கு ஈடுகொடுக்கும் வகையிலும், குறிப்பாக விளிம்புநிலை மக்களின் தேவைகளை பூர்த்தி செய்யும் வகையிலுமான திறன் மிக்க அரசுப் பணியாளர்களை உருவாக்கி வளர்த்திடுவதே தேர்வாணையத்தின் முதன்மையான நோக்கம்.

குறிக்கோள்

மேலும் தேர்வாணையம் கீழ்க்காணும் குறிக்கோள்களைத் தன்னகத்தே கொண்டு பயணித்து வருகிறது.

தகவல் தொழில் நுட்ப வளர்ச்சியின் துணை கொண்டு, மாநில குடிமைப் பணிகளுக்கான தெரிவு முறை சுதந்திரமானதாகவும், நேர்மையானதாகவும், வெளிப்படையானதாகவும் இருப்பதை உறுதி செய்தல்.

காலத்திற்கேற்ப தெரிவு முறைகளை மேம்படுத்துதல்.

அரசுப் பணியாளர்களின் பணி நிலைகள் குறித்து அவ்வப்போது அரசுக்கு தக்க ஆலோசனை வழங்குதல்.

அரசுப் பணியாளர்களின் நலன்களையும், நேர்மைத் திறனையும் தொடர்ந்து பாதுகாத்தல்.

தேர்வாணையம் முறையான பாடத்திட்டங்களை வகுத்து, ஆண்டு திட்டங்களைத் தயாரித்து வழங்கி, முறையான, திறமையான பணியாளர்களை தேர்ந்தெடுப்பதற்காக, பணியின் தரத்திற்கேற்ப, கல்வி தகுதிகளை நிர்ணயம் செய்து, சிறப்பான முறையில் தேர்வுகளை ஆண்டுதோறும் தவறாமல் நடத்தி வருகிறது..

தமிழ்நாடு அரசு பணியாளர் தேர்வாணையம் குரூப்1 குரூ 2 மற்றும் குரூப் 4 உள்ளிட்ட தேர்வுகளை நடத்தி பல தேர்வுகளை நடத்தி தமிழக அரசுத்துறைகளுக்கு தேவையான பணியாளர்களை தேர்ந்தெடுத்துக் கொடுக்கிறது.

அடுத்த பதிவில் தமிழ்நாடு அரசு பணியாளர் தேர்வாணையம் நடத்தும் தேர்வுகளைப் பற்றி பார்ப்போம்.

எட்டிப்பிடி! இதுவே ஏணிப்படி!

2020-04-10T09:51:00.000+05:30

என்னது? 21 நாட்கள் ஊரடங்கா? வீட்டுக்குள்ளேயே என்ன செய்வது? சும்மாவே இருக்க முடியுமா? என்று யோசித்ததும் வடிவேல் காமெடி நினைவுக்கு வராதர்கள் இருந்திருக்க முடியாது.ஏன்னா சும்மா இருக்கிறது எவ்வளவு பெரிய கஷ்டம்ன்னு வடிவேலு சர்வசாதாரணமா சொல்லிட்டு போயிட்டாப்ல.

மருத்துவத் தொழில் சார்ந்தோர், காவல் துறையினர், அரசு ஊழியர்கள், மளிகைக் கடையினர், பால் விற்பனையாளர், காய்கறி மண்டியினர் தவிர ஏனைய மக்கள் என்ன செய்துகொண்டிருப்பார்கள்?.கிராமப்புற விவசாயத் தொழில் சார்ந்தோர் பணிபுரிந்த வண்ணம் தான் இருக்கிறார்கள்.

எப்படி நாள்களைத் தள்ளி இருப்பார்கள்? இன்னும் தள்ளப்போகிறார்கள்?

1.செய்தித்தாள் வாசிப்பது

2.தொலைக்காட்சி நிகழ்ச்சிகள் பார்ப்பது

3.Netflix,Prime &Youtube களை பார்ப்பது

4.Face book Twitter களில் மூழ்கிக் கிடப்பது.

5.கைவினை பொருள்களைச் செய்வது

6.துணி தைக்க கற்றுக் கொள்வது

7.சமையல் கலையை கற்றுக்கொள்வது

8.Online Games, Cards, Carrom Board, Chess, தாயம், ஆடுபுலியாட்டம் விளையாடுவது,

9.புத்தகம் வாசிப்பது

10.கதை, கவிதை எழுதுவது,

11.சாப்பிடுவது - தூங்குவது

12.இசை, யோகா உள்ளிட்ட பயிற்சி மேற்கொள்வது

13.போட்டித்தேர்வுக்கு தயாராவது

மேற்கண்ட வேலைகளைத்தான் ஊரடங்கு நாள்களில் பலரும் பெரும்பான்மையாக செய்துகொண்டிருக்கிறார்கள். இதில் கடைசி ஒன்றைத்தவிர மீதம் அனைத்தும் நடப்பை சரிகட்ட, இன்றைய நாளை எப்படியாவது கடந்தால் போதும் என்ற மனநிலையோடு நேரத்தை எப்படியாவது கழிக்க வேண்டும் என்ற எண்ணத்தில் நம்மை நாமே அவற்றில் ஆட்படுத்திக்கொண்டோம்.. இன்னும் சொல்லப்போனால் நிகழ்காலத்தைப் போக்குவதற்கு மட்டுமே அவற்றை பயன்படுத்திகொள்கிறோம்.இதில் ஈடுபட்டவர்களின் மனநிலை ஊரடங்கு எப்போது முடியும் என்னும் தேடலில் இருந்துகொண்டேதான் இருக்கும் என்பதில் ஐயமில்லை.

ஆனால் கடைசியாக சொல்லப்பட்ட, 'போட்டித்தேர்வுக்கு தயாராகுதல்' என்ற ஒன்று மட்டுமே எதிர்காலத்திற்காக திட்டமிட்ட ஒன்று. இவர்களுக்கு 21 நாட்கள் போதாது இன்னும் பல நாட்கள் ஊரடங்காக இருந்தாலும் அவர்களுக்கு அவை நன்றாகப் பயன்படும். UPSC தேர்வெழுதி IAS, IPS ஆக வேண்டுமென்ற கனவில் எத்தனை பேர்? SSC தேர்வெழுதி மத்திய அரசில் பணி புரிய வேண்டும் என்ற ஆசையில் எத்தனை பேர்? IBBS தேர்வெழுதி வங்கியில் பணியாற்ற வேண்டும் என்ற வேட்கையில் எத்தனை பேர்? TRB தேர்வெழுதி ஆசிரியராக வேண்டும் என்ற ஆசையில் எத்தனை பேர்? RRB தேர்வாகி ரயில்வேயில் பணியபுரிய வேண்டும் என்ற வெறியில் எத்தனை பேர்?

கடந்த காலங்களில் போட்டித்தேர்வெழுதி தோற்றுப்போய் தோற்றுப்போய்.. ஏற்பட்ட மன உளைச்சலில் எத்தனை பேர் எட்டாக்கனியாக வெற்றியை அண்ணார்ந்து பார்த்துக்கொண்டிக்கிறார்கள்? அவர்கள் தயாராக்கிக் கொள்வதற்கான நேரம் இதுதான்.

"ஒரு மாசமாவது வீட்டில உக்கார்ந்து படிச்சா.. கன்பார்மா பாஸா ஆகிடுவேன்னு" நீங்கதான சொன்னீங்க..இப்போ படிக்கலாம் இல்லையா?

"பிராக்டிகல் இருந்ததால போன எக்ஸாம் நல்லா பண்ண முடியலன்னு சொன்னது நீங்க தானே".. இப்போ சும்மாதானே இருக்கீங்க படிக்கலாம் இல்லையா?

"நடப்பு நிகழ்வுகள் மட்டும் படிச்சிருந்தா கதையே வேற".. என்று கனத்த இதயத்தோடு எக்ஸாம் ஹால்ல இருந்து வீட்டுக்கு வந்தவங்க தானே நீங்க?நடப்பு நிகழ்வுகள் படிச்சாச்சா?

"பொருளாதாரம் எல்லாம் கொஞ்சம் டைம் எடுத்து படிக்கணும் அப்போதான் சரியா விளங்கும்ன்னு சொன்னது யாரு"? இப்போ விளங்குதா?

"சயின்ஸ்க்கு மட்டும் சாலிடா ஒன் மந்த் ஒதுக்கினா போதும் அசால்ட்டா அடிச்சிடலாம்".. ஒன் மந்த் போதுமா? இன்னும் வேணுமா?

"கணக்கெல்லாம் செம ஈஸிதான். ஆனா டைம் பத்த மாட்டேங்குது.. வீட்டுல உக்கார்ந்து நல்லா பிராக்டிஸ் பண்ணி இருந்தேன் இந்நேரம் SBI ல PO வா உக்காந்திருப்பேன்".. என்னங்க பிராக்டிஸ் பண்ணியாச்சா? அடுத்த மாசம் Placement ஆயிடலாமா?

ஒரு வாரம் கிடைச்சா போதும் ஆன்லைன்ல உக்காந்து எல்லா மெட்டீரியலும் டவுன்லோடு பண்ணிடுவேன்னு சொன்னவங்கெல்லாம் கையத் தூக்குங்க.. டவுன்லோடு பண்ணியாச்சா? இல்லேன்னா சொல்லுங்க லிங்க் தரேன்..

மேல சொன்ன மாதிரி போட்டித்தேர்வு எழுதுறவங்களுக்கு இந்த மாதிரி மொத்தமா லீவ் கிடைக்குறது கஷ்டம்.அதனால நல்லா பயன்படுத்திக்கோங்க..

வழக்கமா நாம தோல்விய சந்திச்சா.. அந்த தோல்விக்கு நாம் பொறுப்பு ஏற்க மாட்டோம் இல்லையா? அது அப்படியாய்டுச்சு.. ஒரு வாரமா காய்ச்சல்ன்னு, பழிய வேற ஒண்ணு மேல தூக்கிப்போட்டுட்டு ஒதுக்கிங்குவோம்.. எக்ஸாமும் அப்படித்தான்.. ஒழுங்கா படிக்காம போய் எக்சாம் எழுதிட்டு செலக்ட் ஆகாம போனா, அதுக்கு இனிமே நீங்கதான் காரணம்..இனிமேல யார் மேலயும் பழிய தூக்கி போட முடியாது.. இந்த மாதியான மிகப்பெரிய வாய்ப்பு இனிமேல் வாழ்நாளில் கிடைக்காது.. எனவே இந்த நாட்களைப் பயன்படுத்தி தேர்வுக்கு தயாராகுங்கள்.. அரசுப் பணியை பெற்று வாழ்வில் இன்புறுங்கள்.. "எட்டிப்பிடி இதுதான் உனக்கு ஏணிப்படி" இதுக்கு மேல எப்படி சொல்ல..

போட்டித்தேர்வுகள் குறித்து நான் எழுதும் "எட்டிப்பிடி இதுதான் ஏணிப்படி" என்கிற புதிய தொடர் இந்தத் தளத்திலும் போட்டித்தேர்வுகளுக்கான பாடப்பகுதிகள் வென்றுகாட்டு என்ற இணைய தளத்திலும் தொடர்ந்து பதிவிடப்படும் . போட்டித்தேர்வர்கள் பயன்படுத்தி பயனடையுங்கள்... நன்றி!

வேலியில் போகிற கொரோனாவைத் தூக்கி வேட்டிக்குள் விட்டுக்கொள்ள வேண்டாம்!

2020-04-09T19:11:00.004+05:30

வணக்கம் நண்பர்களே! எப்படி இருக்கீங்க? பல மாதங்கள் கழித்து உங்களைச் சந்திக்கிறேன்.. உலகம் இப்படியான ஒரு சூழலை எதிர்கொள்ளும் என யாரும் எதிர்பார்க்கவில்லை. கண்ணுக்குத்தெரியா எதிரியை எதிர்க்க ஆயுதம் இல்லாத நிராயுதபாணியாக மனித இனம் தலை குனிந்து கிடக்கிறது.. ஆயுதம் இல்லை என்றாலும் கூட நாமே ஆயுதமாக மாற வேண்டியதுதான் ஒரே தீர்வு. இந்த மனித ஆயுதத்தை வேறு எந்த வேலைக்கும் பயன்படுத்தாமலும் யாருடனும் சேர்ந்து பழக விடாமலும் அநாவசியமாக வெளியே செல்லாமலும் பார்த்துக்கொள்ளவதே சாலச் சிறந்தது.

நேற்று:

இந்தியா 130 கோடிக்கும் மேல் மக்கள் தொகையைக் கொண்ட நாடு.. இதில் பல கோடி பேருக்கு கொரோனா விழிப்புணர்வே இல்லாதது காலக்கொடுமை. உதாரணத்திற்கு 21 நாட்கள் ஊரடங்கு அறிவித்த அன்று கூட்டம் கூட்டமாய் பேருந்துகளிலும் ரயில்களிலும் பயணித்த மக்களை பார்த்து பாதிக்கப்பட்ட அமெரிக்கர்களும் இத்தாலியர்களும் பதறித்தான் போயிருந்தார்கள். ஆனால் அந்தப் பதட்டம் நம்மில் யாருக்கும் இல்லாமல் போனது முரண். ஆனால் "ஊர் போய்ச் சேர்ந்து விடுவோமா?" என்கின்ற அந்த பதட்டம் வேண்டுமானாலும் இருந்து இருக்கலாம். "ஊருக்கு போகாமல் இருந்துவிட்டால் 21 நாள்களுக்கு சாப்பாட்டுத் தேவையை எப்படி பூர்த்தி செய்வது?" என்ற கேள்விக்கு விடை அந்த வெளியூர் பயணம்.. உயிரா? சாப்பாடா? என்ற கேள்வியை எழுப்புவதற்கு முன் "செத்தாலும் ஊர்ல போய் செத்துக் கொள்ளலாம்" என்ற பதில் நகைச்சுவையாக பலரிடமும் வந்த வண்ணம் இருந்தன.

ஊரடங்கு ஆரம்பித்த ஐந்தாம் நாள், நம் நாட்டின் தலைநகரமான டெல்லியில் தினக்கூலியாக பணியாற்றி வரும், பல்வேறு வட மாநிலங்களைச் சார்ந்த ஆயிரக்கணக்கான தொழிலாளர்கள் சொந்த ஊர் செல்வதற்காக திரண்டதைப் பார்த்த அக்கணம், இந்திய மக்கள் அனைவரின் மனதிலும் ஒரு பெரும் பீதி ஏற்பட்டது என்னவோ உண்மைதான்.. இதில் என்ன கொடுமை என்றால் அங்கு குழுமியிருந்த பல ஆயிரம் பேருக்கு எதற்கு சொந்த ஊர் செல்கிறோம்?.. அரசு அமல் படுத்தியிருக்கும் ஊரடங்கு எதற்கு? என்று எதுவும் தெரியாததுதான்.. இன்னும் சொல்லப்போனால் கொரோனோ என்கிற வார்த்தையைக்கூட அவர்கள் கேட்டிருக்க வாய்ப்பில்லை.காரணம்? உத்திரபிரதேசம், பீஹார் உள்ளிட்ட மாநிலங்களிலிருந்து கட்டிடத் தொழில், ரிக்‌ஷா ஆட்டோ ஓட்டுதல் உள்ளிட்ட வேலை செய்வதற்காக வந்து பிழைப்பு நடத்திக்கொண்டிருக்கும் படிப்பறிவு இல்லாத மக்கள்.இதில் பலர் பேர் தங்க வீடின்றி சாலையோரம் கொட்டாய் அமைத்து தங்கி இருந்தவர்கள். இவர்களில் 98 சதவீதம் பேர் செய்திகளை பார்க்கும், படிக்கும், கேட்கும் பழக்கம் இல்லாதவர்கள் ஆகவே இவர்களுக்கு நடப்பு தெரியாமலும் புரியாமலும் போனதற்கு முக்கிய காரணம் தொலைதொடர்பு இல்லாமல் போனதுதான்..

ஒருநாள் சுய ஊரடங்கில் இறுதிப்பகுதியாக அவரவர் வீட்டில் நின்று கைதட்டி பாதுகாப்பு பணியாளர்களுக்கு பாராட்டு தெரிவியுங்கள் என்றுதான் பிரதமர் சொன்னார்.ஆனால் கும்பல் கும்பலாக அபார்ட்மெண்ட் வாசல்களிலும் தெருக்களில் மக்கள் சமூக இடைவெளியின்றி கைதட்டி ஆரவாரம் செய்தனர்..தொலைக்காட்சிகளில் காட்டப்பட்டவர்கள் அனைவருமே படித்த வர்க்கத்தினரே.. சமூக விலகலை அவர்களே கடைபிடிக்க தவறுகிறார்கள்.. அரசு ஊரடங்கில் ஏப்ரல் 5 ஆம் தேதி இரவு 9 மணியிலிருந்து 9.09 வரை விளக்கு அல்லது டார்ச் மூலம் ஒளியேற்றி கொரோனாவுக்கு எதிராக ஒன்றாக இணைந்திருக்கிறோம் என்பதை உணர்த்துங்கள் என்றார் பிரதமர்.ஆனால் நம்ம மக்கள் என்ன செய்தார்கள்? ஒரேயடியாய் தீபாவளியே கொண்டாடிவிட்டார்கள்.. பெரும்பாலான மொட்டைமாடிகள் அமளி துமளியானது.

இன்று:

ஊரடங்கின் 17 ம் நாளில் இருக்கிறோம்.. இன்னும் ஒரு வாரத்தில் அரசு அறிவித்த ஊரடங்கு முடிய இருக்கிறது. 21 நாட்களில் ஓரளவு நிலைமை கட்டுக்குள் வந்து விடும் என்று நினைத்தோம்.ஆனால் அதற்கு பிறகு ஒரே நாளில் ஐந்து பேருக்கு தொற்று என்று ஆரம்பித்த செய்தியானது, ஒரே நாளில் 110 பேருக்கு தொற்று உறுதி என்னும் செய்தி கேட்டு கொஞ்சமாக அதிர்ந்தாலும் தற்போது அது கேட்டுக் கேட்டு பழகிப்போனது.. ஆரம்ப நாட்களில் அரசு தரப்பு செய்திகளை ஒரு வித பதட்டத்துடன் தொலைக்காட்சியில் பார்த்த நமக்கு இப்போது கிரிக்கெட் ஸ்கோர் பார்ப்பது போல அசாதாரணமாகிவிட்டது. கேரளாவை முந்தி இரண்டாம் இடம் பிடித்தது தமிழகம்-ன்னு பரிசு அறிவிப்பதைப் போலத்தான் தொலைக்காட்சிகளின் சொல்லாடல்கள்..

நடப்பு செய்திகளை வெளியிட ஊடகங்கள் போட்டா போட்டி போடுவது இயல்புதான். அதற்காக இன்று ஒரே நாளில் இத்தனை பேர் பலி அத்தனை பேர் பலி ன்னு ஆயிரக்கணக்கான ஊடகங்கள் உறுமினால் மனிதர்களின் மனநிலை எப்படி இருக்கும்? செய்தி உண்மைதான்..இல்லையென்று ஆகிவிடாது. ஆனால் அந்த ஒரு செய்தியை ஒரு வரி செய்தி, தலைப்பு செய்தி, விரிவான செய்தி, அலசல், பார்வை, விவாதம்ன்னு நாள் முழுக்க வெச்சு செய்கிறார்கள்.. கொரானா மனிதனின் நுரையீரலை பாதிக்கிறதோ இல்லையோ இந்த ஊடகங்கள் மனிதனின் மனநிலை பாதிக்கிறது என்பது மறுக்க முடியாத உண்மை. ஒலிம்பிக் போட்டி பதக்கப் பட்டியலை கட்டம் கட்டி காட்டுவதை போல கொரானா உயிர் இழப்பை கட்டம் கட்டி காட்டுவது ஊடகங்களின் பணியாக இருந்தாலும் மணிக்கொரு முறை மறு பிரசுரம் எதற்கு? அதுவே மனித மனநிலையின் நிம்மதியை நிர்மூலமாக்குகிறது.. கர்ப்பிணிகள், பெண்கள், குழந்தைகளின் நிம்மதியான தூக்கத்தை கொரோனா செய்திகள் கெடுக்கின்றன.. கொரோனாவுக்கு வயதானர்வர்கள்களே அதிக பலி என்னும் தண்டோரா செய்தி, வயதானவர்களின் உறுதித்தன்மையையும் பிடிப்பையும் நம்பிக்கையையும் தளர்த்தவே செய்யும்.தினசரி செய்திகளை இவர்கள் பார்ப்பதை தவிர்ப்பது நல்லது.

ஏப்ரல் 14 ம் தேதிக்குப் பிறகு ஊரடங்கு விலக்கிக் கொள்ளப்படுமா? நீட்டிக்கப்படுமா? என்ற விவாதங்கள் ஊடங்களில் அரங்கேறிக்கொண்டுதான் இருக்கின்றன. மத்திய அரசும் மாநில அரசுகளும் இது குறித்து முடிவெடுப்பார்கள்..பல மாநில அரசுகள் இந்த ஊரடங்கை நீட்டிக்கலாம் என விண்ணப்பம் கொடுத்துள்ளன.அதிகமான நோய்த்தொற்று இருக்கும் 274 மாவட்டங்களை மட்டும் முற்றிலும் முடக்கலாம் எனவும் பிற மாவட்டங்களில் கட்டுப்பாடுகளைத் தளர்த்தலாம் எனவும் செய்திகள் சொல்கின்றன. இன்னும் தமிழகத்தில் 10 ஆம் வகுப்புத் தேர்வுகள் நடைபெறாமல் இருக்கின்றன. மாணவர்களின் எதிர்காலம் பாதிப்படையாத வகையில் அரசு ஒரு முடிவை எடுக்கட்டும்.ஊரடங்கு நீட்டிப்பு குறித்து அரசு முடிவெடுக்கும் வரை காத்திருப்போம். அதை யோசித்து குழம்ப வேண்டாம்..

நாளை:

ஊரடங்கு நீடித்தால் என்ன ? நீடிக்காவிட்டால் என்ன? சுய கட்டுப்பாடு என்பது அனைவருக்கும் இருக்கு தானே..

சமூக விலகல் மட்டும் தான் இதற்கான தீர்வு என்று நம்புகிறோம் தானே..

"மனுஷன், நிலவுக்கு ராக்கெட் அனுப்பி என்ன செய்ய? கொரோனாவுக்கு இன்னும் மருந்து கண்டுபிடிக்கல" என சிலர் கலாய்க்கும் போது நாமும் சேர்ந்து சிரித்தோம் தானே..

இன்றுவரை மருந்து இல்லையென்ற நிலையில்தான் உலகம் உள்ளது உண்மை தானே..

வளர்ந்த ஐரோப்பா அல்லோலப் படுவடுவதையும் அமெரிக்க ஐக்கியம் அலறுவதையும் பார்க்கிறோம் தானே..

தனித்த வார்டில் கேட்பாரன்றி, பார்ப்பாரின்றி, மருந்தின்றி, அரவணைப்பின்றி, ஆறுதலின்றி 14 நாட்கள் உயிர்பயத்தோடு லட்சக்கணக்கானோர் இருப்பது உண்மைதானே..

கொரோனா தொற்று உள்ளவனை கண்டு பிடிக்க இயலாது என்பது உண்மைதானே..

கொரோனாவின் இறப்பு எண்ணிக்கை ஒரு லட்சத்தை நெருங்குவது உண்மைதானே..

கொரோனா ஒரு உயிர்கொல்லி என்பது உண்மைதானே..

இத்தனை தெரிந்திருந்தும் நமக்கு ஏன் உயிர்பயம் வரவில்லை..

நமக்கு விழிப்புணர்வு இல்லையா? உதாசீனப்படுத்துகிறோமா?

நம் வீட்டு விலாசம் கொரோனாவுக்கு தெரியுமா?

நமக்கே தெரியாமல் நாம் தானே அழைத்துச் செல்கிறோம்..

நம் நாட்டுக்கு வரட்டும் பார்க்கலாம் என்று சொன்னோம்.. வந்து விட்டது.. ஆனாலும் உஷார் ஆகாமல் உதார் விட்டுக்கொண்டு ஊர் சுற்றிக்கொண்டிருக்கிறோம்.. ஒருவேளை நம் வீட்டிற்குள் வந்தால் தான் அடங்குவோமா?

வேலியில போகிற கொரோனாவைத் தூக்கி வேட்டிக்குள் விட்டுக்கொள்ள வேண்டாம் அன்பர்களே..

சமூக விலகலை கடைபிடிப்பதால் நம்மையும் நம் வீட்டையும் நம் நாட்டையும் காப்பாற்ற முடியும்..

கொரோனோவுக்கு தற்போது இருக்கும் ஒரே ஒரு அருமருந்து சமூக இடைவெளி காத்தல் மட்டுமே..

இத்தனை நாட்களை கடந்தது பெரிய விசயம் அல்ல..இனிமேல் கடக்க போகும் நாட்கள் அதி முக்கியமானவை.. இரண்டாம் கட்டத்திலேயே கொரோனாவை கொலை செய்வோம்!!.. மூன்றாம் கட்டத்திற்கு எடுத்துச் செல்ல வேண்டாம்!!!

கொரோனோ பரவும் முக்கியக்காரணி மனிதன் மட்டும் தான்.கடவுளோ, மதமோ, ஜாதியோ இல்லை.. அதேபோல கொரோனோவிடமிருந்து மனிதனை காப்பாற்ற துடிப்பது கடவுளோ ,மதமோ, ஜாதியோ இல்லை. மருத்துவர், செவிலியர், காவல் துறையினர், அரசு ஊழியர்கள் தான். ஆகையால் மதத்தை மறந்து மனிதம் போற்றுவோம்..

- மதுமதி

அரசுப்பணி வேண்டுமா? அப்போ இதை மட்டும் படிங்க..

2019-01-20T19:27:00.001+05:30

பகுதி - 1 இலக்கணம்(மொழிப்பயிற்சி)

பகுதி - 2 இலக்கியம் (தமிழ் இலக்கியம் தொடர்பான செய்திகள்)

பகுதி - 3 தமிழறிஞர்களும் தமிழ்த்தொண்டும்

உயிர்த்தெழுந்து விட்டீர்கள்!..

2018-08-08T15:06:00.000+05:30

	கலைஞருக்கு கவிதாஞ்சலி -மதுமதி
	நேற்று மாலை ஆறு மணிக்கு மறைந்தீர்.. இன்று அதிகாலை உயிர்த்தெழுந்து கொண்டீர்.. இந்த விசயத்தில் இயேசுவுக்கே இரண்டு நாட்கள் முந்திக் கொண்டவர் நீங்கள்.. பட்டுப்போனால் தழைக்காமல் போவதற்கு இது என்ன இலையா? சுடரொளி வீசும் சூரியனல்லவா!.. எம்மொழியை செம்மொழி ஆக்கியவரே.. தமிழின் ஒளி நீ.. உம்மால் தமிழ் பிரகாசமடைகிறது.. தமிழின் வெளி நீ.. உம்மால் தமிழ் உலகெங்கும் படர்கிறது.. கவிஞரா? கதாசிரியரா? இலக்கியவாதியா? அரசியல்வாதியா ? என கேட்கப்பட்ட அத்தனை கேள்விகளுக்குமான ஒற்றை விடை கலைஞர்.. கோப்பெருஞ்சோழன் பிசிராந்தையாருக்குப்பின் கலைஞர் பேராசிரியரின் பிணைப்பு நட்பின் இலக்கணம் - அதுவும் பிரிந்தது இக்கணம்.. ஓய்வெடுங்கள்.. ஓய்வெடுங்கள்.. ஓய்வெடுங்கள்.. எழுதி தீர்த்த விரல்களுக்கு உங்கள் எழுத்துகளே மோதிரம் இடட்டும்.. பேசி ஓய்ந்த உதடுகளுக்கு உங்கள் பேச்சுகளே ஒத்தடம் கொடுக்கட்டும்.. தெறிக்கவிட்ட நகைச்சுவையெல்லாம் உங்களை எழுப்பி சிரிக்க வைக்கட்டும்.. கதை கவிதை கட்டுரை காவியம் என எழுதி தீர்த்த உம்மைப் பற்றி கதையாய்.. கவிதையாய்.. கட்டுரையாய்.. காவியமாய் நாங்கள் எழுதிக் கொண்டிருக்கிறோம்.. கடந்த காலமாக இருக்க வேண்டிய நீங்கள் நிகழ்காலமாகவே எப்போதும் இருந்து வந்தீர்கள்.. எமக்கெல்லாம் எதிர்காலம் கொடுத்த நீங்கள் தற்போது இறந்த காலம் ஆகிவிட்டீர்கள்.. பெரியாரின் சீடனாய் அண்ணாவின் தம்பியாய் இருந்த உம்மை தமிழர்களின் தலைவனாய் மாற்றியவர்கள் அனுதினம் அவ்வாறே போற்றியவர்கள் நாங்கள்.. முரசொலி தினம் அறைந்து கடிதங்கள் பல எழுதி எங்களையும் தம்பிகள் ஆக்கியவரய்யா நீங்கள்.. இனி.. மேடையிலே நீங்கள் வீற்றிருக்க மைதானத்தில் நாங்கள் காத்திருக்க உடன்பிறப்பே என ஒலிபெருக்கியில் அழைக்கும்போது ஆரவாரத்தோடு அதைக் கேட்கும் சந்தர்ப்பம் எங்களுக்கு இனி அமையாது என்பது மட்டுமே வருத்தம்.. உடன்பிறப்பே என்கின்ற உங்கள் கம்பீர கரகரக்கும் காந்தக் குரல் கரைந்து போய்விடவில்லை காற்றில்தான் கலந்திருக்கிறது.. எப்போது வேண்டுமானாலும் சுவாசித்துக்கொள்வோம்.. என் கண்ணில் வருவது நீரல்ல.. நீங்கள் எழுதிய கவிதையின் ஒரு வார்த்தை.. நீங்கள் எழுதிய பாடலின் ஒரு வரி.. நீங்கள் எழுதிய கதையின் ஒரு வசனம்.. மண்ணில் வாழ்ந்த நீங்கள் விண்ணில் வாழ சென்றுவிட்டீர்கள் அவ்வளவுதான் அய்யா அண்ணார்ந்து பார்த்துக் கொள்கிறோம்.. அண்ணாவைப் பிரிந்து எத்தனை ஆண்டுகள் இருந்துவிட்டீர்கள்!.. அய்யா செல்லுங்கள் .. அண்ணாவிற்கு அருகிலேயே அயர்ந்து கொள்ளுங்கள்.. - மதுமதி -----------------------------------------------------------

TNPSC - பிரித்தெழுதுக! சிறிய விளக்கம்

2017-12-23T16:47:00.000+05:30

பிரித்தெழுதுக! பாட விளக்கத்தைப் பார்க்க
பிரித்தெழுதுக! பாட விளக்கத்தைக் கேட்க
பிரித்தெழுதுக! முக்கிய சொற்களின் தொகுப்பு
பிரித்தெழுதுக! முக்கிய சொற்களின் தொகுப்பு -காணொலி

TNPSC - தொடரும் தொடர்பும் அறிதல் - பொதுத்தமிழ் - இலக்கணப்பகுதி

2017-12-22T21:38:00.001+05:30

தொடரும் தொடர்பும் அறிதல் - பாட விளக்கத்தைக் காண

பொருத்துக! பொதுத்தமிழ் இலக்கணம் - TNPSC - IV - VII - II - II A

2017-12-17T18:21:00.001+05:30

1.பொருத்தமான பொருளைத் தேர்வு செய்தல்

2.புகழ் பெற்ற நூல் நூலாசிரியர்கள்

TNPSC - IV - திருத்தியமைக்கப்பட்ட பொதுத்தமிழ் பாடத்திட்டம் குறித்த விளக்கம்

2017-12-11T23:50:00.002+05:30

வணக்கம் தோழர்களே! எப்படியிருக்கீங்க? பலமாதங்கள் கழித்து உங்களை சந்திப்பதில் மிக்க மகிழ்ச்சி..

சில பல காரணங்களால் வலைப்பக்கம் வர முடியாமற்போனது. இனி தொடர்ந்து வலைப்பக்கத்தில் பயணிக்கலாமென இருக்கிறேன்..இத்தளத்தில் தொடர்ந்து தேர்வுகள் குறித்த பதிவுகள் எழுத வேண்டுமென தொடர்ந்து மின்னஞ்சலில் கேட்டுக்கொண்ட அன்பர்களுக்கு நன்றி! உங்கள் அழைப்பை தொடர்ந்து தினமும் தேர்வு குறித்த பதிவுகள் எழுதலாம் என்றிருக்கிறேன்..

மதுமதி.காம்

Chozhar marabinil Arulmozhivarman Maveeran Song Lyrics | Ponniyin selvan (Kaviri Mainthan) | Madhumathi

கண்ணீரைத் தீர்த்துவிடாதே மிச்சம் வை | மதுமதி கவிதைகள் | madhumathi kavithaigal | madhumathi

காதல் கவிதை | இறகாக பற! இலையாக மித! இசையாக ஒலி! | மதுமதி கவிதைகள் | madhumathi kavithaigal

தீர்த்தமாய் கண்ணீர்

சரி நான் கிளம்புகிறேன் | காதல் கவிதை | மதுமதி கவிதைகள் | Madhumathi Kavitdhaigal |

என்ன செய்தாய் என்னை | Madhumathi | Madhumathi Kavithaigal | மதுமதி

நீ யாரெனத் தெரியவில்லை

Dravida Perazhagi | Madhumathi Kavithaigal | திராவிடப் பேரழகி | கவிதை | மதுமதி கவிதைகள் |

காதல்.. காதல்.. காதல்..

முத்தமே முதற்படி

மழையும் முத்தமும்

பிப்ரவரி 14

சந்தேகம்

தனிமை தரிசனம்

சரணடைகிறேன்

TNPSC இத்தனை தேர்வுகளை நடத்துகிறதா?!!!

TNPSC உருவாகக் காரணமென்ன?

எட்டிப்பிடி! இதுவே ஏணிப்படி!

வேலியில் போகிற கொரோனாவைத் தூக்கி வேட்டிக்குள் விட்டுக்கொள்ள வேண்டாம்!

அரசுப்பணி வேண்டுமா? அப்போ இதை மட்டும் படிங்க..

உயிர்த்தெழுந்து விட்டீர்கள்!..

கலைஞருக்கு கவிதாஞ்சலி

TNPSC - பிரித்தெழுதுக! சிறிய விளக்கம்

TNPSC - தொடரும் தொடர்பும் அறிதல் - பொதுத்தமிழ் - இலக்கணப்பகுதி

பொருத்துக! பொதுத்தமிழ் இலக்கணம் - TNPSC - IV - VII - II - II A

1.பொருத்தமான பொருளைத் தேர்வு செய்தல்

2.புகழ் பெற்ற நூல் நூலாசிரியர்கள்

TNPSC - IV - திருத்தியமைக்கப்பட்ட பொதுத்தமிழ் பாடத்திட்டம் குறித்த விளக்கம்