හරි දැන් අද ලිපිය පටන් ගන්නම්.. (දැන්වීම් දැම්මට තරහ ගන්න එහෙම එපා. ඒ ඡේදය වෙන් කලේ අකමැති අයට කෙලින්න මේක බලන්න) ඔන්න ඉතින් Facebook එකේ සැරිසරද්දිම ඒ ගැන මට දැනගන්න ලැබුනු දෙයක් තමයි,  දැන් යාළුවන්ගේ ස්ටේටස් (status) වල අපි දමන ප්‍රතිචාර (comments) සජීවී වීම..

ඒ කිව්වේ මම කමෙන්ට් එකක් දාලා පෝස්ට් එක දිහා බලන් ඉන්දි, තව කෙනෙක් කමෙන්ට් කරාම ඒක අපි බලන් ඉන්දිම තිබුනු කමෙන්ට් එක්ක එකතු වෙන එක.. සමහරවිට මේක කලින් ඉදන්ම තිබුනු දෙයක්ද දන්නෙත් නෑ.. නමුත් මේක ‍මටත් බුධාජීවටත් හමු උනේ අපේ ගයාන් කල්හාර ගේ අපූරු පෝස්ට් එකකට  කමෙ‍න්ට් කරන්න යද්දි බවත් කියන්න ඕනේ.. මේක chat කරනවා වගේම ලස්සන වැඩක්.. ඒක chat කරද්දි කොහොමත් විය යුතු හා වෙන දෙයක් නිසා ගානක් නැති උනත්, මෙතනදි මෙය අදහන්න වටින දෙයක් හැටියටයි මම නම් දකින්නේ.. ඉතින් මේක කියවලා කරලා මූනුපොතටත් ඔළුව දාලා කරලා ‍කමෙන්ට් ටිකක් දාලා කාරිය මේක ටෙස්ට් කරලා මෙතෙන්ටත් ප්‍රතිචාර නැත්නම් කමෙන්ට් එකක් දාල යන්න..

දැන් බ්ලොග් වලට කමෙන්ට් දාන්න කට්ටිය කම්මැලි වෙලාද මම දන්නෑ, බලන හැම එකටම කමෙන්ට් වැ‍ටිලා නෑ.. (මමත් ඉතින් කමෙන්ට් නැති ඒවට දාන්නේ මොකටද කියලා එනවා)

මෙම පින්තූර‍යේ දැක්වෙන්නේ ගයාන් කල්හාරගේ ඒ අපූරු පෝස්ට් එක සහ මමත් බුධාජීවයත් දමපු ‍කමෙන්ට් ටික.  මේක ඉතින් තවත් මඩ ගහන්න වත් ආදරේට දාපු පින්තූරයක් වත් නෙමෙයි කියලත් කියන්න ඕන..

මම මේක පුවතක් හැටියට වත් ආරංචියක් හැටියට වත් වෙන කිසිම තැනක දැක්කේ නම් නෑ.. නමුත් මේ පුවත වැරදි එකක් වෙන්නත් බෑ.. එහෙම වෙනවා නම් මට සමාව දෙන්නත් වග බලා ගන්න කියලා කියනවා.. ඒ වගේම අපේ මේ ගයාන් කල්හාර කොල්ලගේ පෝස්ට් එක ගැනත් සලකා බලන්න කියලා ඉල්ලීමක් කරනවා… ඒකට ලින්ක් එක ඉහල ඇති..

හරි කොහොමෙන් කොහොම හරි කතාවට බැස්සොත් මම මේ කියන්න යන්නේ සොරකමක තවත් ස්වරූපයත් ගැන.. සමහරවිට මේ ගැජට් එක කලින් ඔබ දැකලත් ඇති.. නැත්නම් ඉතින් අද බලාගන්න..

අද කාලේ බහුලවම සිදුවෙන සොරකම් කිරීමේ ක්‍රමයක් නේ මේ පිට් පොකට් ගැහිල්ල, නැත්නම් සාක්කුවට බහින එක.. ඉතින් ලංකාව ගැන කතා කරනකොට කොළඔ හා එවැනි තවත් ජන බහුල හා කාර්‍යබහුල නගරවල දවසට සෑහෙන ප්‍රමාණයක් මෙවැනි සිදුවීම් සිදුවෙන බව අමුතුවෙන් කිවයුතු නෑනේ.. මේ අයට ලේසි වෙන තවත් උපකරණයක් තමයි පහත වීඩියෝවෙන් හදුන්වාදෙන්නේ.. ඔබත් මෙය බලා මෙවැනි ක්‍රියා වලින් ප්‍රවේසමට‍ හෝ නැතිනම් ඉතින් ඔබ මේ වගේ දේ කරපු හෝ කරන කෙනෙක් නම් ඔන්න දැන් වැඩේ පහසු කරන්න පුළුවන්. වැඩි මහන්සියක් චකිතයක් නැතුව වැ‍ඩේ කරගන්න පුළුවන් වේවි…

මොකද හිතන්නේ..? ඇත්තටම මේවගේ දෙයක් පැතිරුනොත් අපේ රහස්‍ය භාවයන් පිලිබදව ආයේ කවර කතාද නේ..? ඉතින් එහෙම නොවේවා කියල වත් එක සිතින් පතමු.. ඉදිරියටත් වැදගත් දෙයක් ලියන්න උත්සහ කරනවා, නමුත් ‍මේ සදහා ලැබෙන ප්‍රතිචාර ඒ සදහා ගැම්මක් වනු ඇතැයි මා සිතමි.. -ප්‍රබෝද මදුශාන්

Twitter කියන්නේ සාමාන්‍යයෙන් ගත්කල යම් කෙනෙකුගේ ජීවිතයම කියවන්න පුළුවන් තැනක්  කිව්වොත් නිවැරදියි.. මොකද මේක බ්ලොග් පෝස්ට් දානවා වගේම, Micro bogging ලෙස හදුන්වන කෙටි ලිපි (අදහස්) ලිවීමට භාවිතා කරන ඔබ සැමටම විවෘත වෙබ් අඩවියක්. කෙටි ලිපි කියලා කිව්වේ අකුරු 140 කට පමණක් සීමා වෙන යමක් තමයි එක් වරකට මෙහි ගොනු කරන්නට ඉඩ කඩ ලැබෙන්නේ.. ට්විටරය  තුල ඉන්න බොහෝමයක් දෙනා මේක තමන්ගේ පුද්ගලික diary එක (දින පොත) හැටිය‍ටත් භාවිතා කරනු දකින්ට පිලිවන. ඒ මන්ද යත් ඔවුන් සිය දවසම මෙහි ලියනා බැවිනි..

දැන් මම කියන්න ආවේ වෙන දෙයක් නෙව.. ඒ මේ දවස් වල මේ twitter හරිම කාර්‍ය බහුල බව ආරංචියි.. ඒකට හේතුව කමයි ‍මේ දවස් වල පැවැත්වෙන Fifa පාපන්දු ලෝක ශූරතාවලිය..

සාමාන්‍යයෙන් එදිනෙදා භාවිතා වන දිනකදී තත්පරයකට අළුතින් ට්විටරයට එකතු වන ට්වීට්ස් (tweets) ගණන 750 ක් පමණ වන අගයක පවතින අතර,  ගිය සදුදා දින (14) Japan කණ්ඩායම විසින් Cameroon පිල 2 ට 0 ක් ලෙසින් පරාජය වුනු අවස්ථාවේ වාරතාගත ලෙස එය තත්පරයකට tweets 2,940 පමණ දක්වා වර්ධනය වී ඇත.. තවත් එවැනිම ආසන්න ට්වීට සංඛ්‍යාවක් දක්වා  වර්ධන වූ අවස්ථා ලෙස සදුදා දින උතුරු කොරියාවට විරුද්ධව බ්‍රසීලය සිය ප්‍රථම ගෝලය ලබාගැනීමත්, මෙක්සිකෝව දකුණු අප්‍රිකාවට එරෙහිව ගෝල ලබාගැනීමට තැත් කරමින් සිටි අවස්ථාවත් දැක්විය හැකිය..

බාස්කට්බෝල් ක්‍රීඩාවද මෙයට දෙවැනි නැත.. NBA Championship game නැමැති තරගාවලියකදී  Los Angeles Lakers හා Boston Celtics යන පිල් දෙක ක්‍රීඩාකරමින් සිටි මොහොතේදීද තත්පරයට tweets 3,085 පමණ අගයක් ගත් බව ඔවුන් පවසනවා..

මෑතකදී twitter තුල අප මුහුන පෑ යම් යම් ගැටළු වලට හේතුව වූයේද වෙන යම් දෙයක් නොව මෙසේ නොසිතූ නොපැතූ ලෙස එහි දත්ත භාවිතා කිරීම අධික ලෙස ඉහල යෑමමය.. කෙසේ වෙතත් ට්විටර් අය නම් කියන්නේ අළුත් වැඩියාවන් වලට අත ගැසීම මෙම පාපන්දු tweets Tසුනාමිය ඉවරවෙනතුරු නොහැකි බවය..

මුලින්ම කියන්නම්, මේක Forum සයිට් එකක්.. සමහරවිට ලංකාවේ forum එකක් වෙනුවෙන් වෙන්වුනු එකම .com ඩොමේනයත් මෙය වෙන්න පුළුවන්.. www.LKforums.com හැටියට එය අන්තර්ජාලය තුල හදුනා ගන්න දැන් පිලිවන්..

දැනට නිල වශෙයන්  ෙම්ක පටන් අරන් දවස් 2යි වෙන්නේ.. ඉතින් තවම ලියාපදිංචි වී ඇති ප්‍රමාණය, posts, topics ප්‍රමාණය ගැන කියන්න දෙයක් නෑ නෙව..  දැනට මමත් budhajeewa ත් තමයි මේකේ පරිපාලන කටයුතු කරගෙන යන්නේ.. ඉදිරියේදී තව කිහිප දෙනෙකුගේම සහය ලබාගැනීමට සිදුවීම නම් ස්වභාවිකයි..

ඒ කොහොම උනත්, මෙම ලිපිය කියවන අපේ සිංහල මිතුරන් සැම දෙනාම මෙහි ලියාපදිචි වීම නම් අපි බලාපොරොත්තු වන බව කියන්න ඕන.. ඉතින් ඒ සභාවටත් ඔබ සැම දෙනාටම සාදරයෙන් ආරාධනා කරනවා..

LKforums පිලිබද ගැටලු අදහස් යෝජනා ඇතිනම්, admin@lkforums.com හරහා අපට ලියන්න..

මේ කියන්න යන්නේ ඒ වගේ තවත් මගෝඩියක් ගැනයි. මෙය තවත් Mashable සටහනක සිංහල පරිවර්ථනයකි..

කලින් The sexiest video ever ලෙස පැමිනි එක මෙන්ම දැන් shocking video of a teacher physically assaulting a young man ලෙස වීඩියෝවක් පෙන්වීමට පොරොන්දුවෙමින් bit.ly සබැදියක් දිස්වන අතර එය බොහෝවිට ඔවුන්ගේ Application Fan page එකට ඔබව රැගෙන යයි.

ඉන්පසු, එම “Teacher nearly kills 13 year old boy. SHOCKING!” නමින් වන Application එක සඳහා ඔබව යොමුකරවයි..

ඉතින් මෙසේ ඉල්ලන අවසරය ඔබ දුන් පමණින් එම Application එක සිය වැඩ කටයුතු වලට ඔබේ profile එක හා අදාල තොරතුරු භාවිතා කරන්නට ගනියි.. දැනටමත් මෙම උවදුරට මාට්ටු වී ඇති අය ගණන 190,000 පමණ වන බවයි සදහන් වන්නේ..

සැබැවින්ම Facebook තුල මෙවැනි Application ඇත්තේ හුදෙක් මෙය පමණක්ද..? අනිවාර්‍යයෙන්ම තවත් සිය හෝ දහස් ගණනින් මේවා ඇතැයි සිතිය හැකි නොවේද,,? එම නිසා Facebook Application වලට පිවිසීමේදී හා ඒවාට අදාල අයිතීන් හා අවසරයන් ලබාදීමේදී දෙවරක් නොව හැකි පමණින් සිතන්න.. විශ්වාස කල හැකි Application පමණක් සෑම විටම භාවිතා කරන්න.. අද අන්තර්ජාලය යන මග අනුව දැන් දැන් අන්තර්ජාලය ගවේශනය  කරන්නා අතිශයින් බුද්ධිමත්ව කටයුතු නොකරන්නට ඔහු/ඇය අන්තර්ජාලයේ අතරමං වනවා පමණක් නොව අන්තර්ජාලයෙන් විනාශයට හා පරිහානියට ලක්විය හැකි නොවේද..

මෙලෙසම 2008 වර්ශයේදී ද මෙ‍වැනි නිර්මාණයක් බිහි විය.. එය පහත පළමු වීඩියෝවෙන් දිස්වේ.. මෙවර නිර්මාණයේ ඇති විශේෂත්වය නම්, ‍පෙර (2008 වර්ශයේදී) නිර්මාණය වුනු පහත පළමු වීඩියෝවේ දැක්වෙන රොබෝ අත සතු වුනු ක්‍රියාකාරී අවස්ථා ගණනට වඩා, මෙවර රොබෝ අත සතු ක්‍රියාකාරී අවස්ථා ගණන වැඩි වීම හා ඉතා දියුණු තාක්ෂණයන්ගෙන් යුක්තව නිර්මාණය වී තිබීමයි..

මෙම වීඩියෝවේ දැක්වෙන්නේ, 2008 වර්ශයේදී ඒ නිර්මාණය වූ රොබෝ අතින්, වඳුරෙක් තම අත් පසෙක ලා ආහාර ලබාගැනීමයි,

මෙහි දැක්වෙන ක්‍රියාව නම්, වඳුරාට සිය අත් නොමැතිව නමුත් ඌ උගේ අත් මෙහෙයවන්න සිතන සිතුවිල්ල හරහා ක්‍රියාත්මක වන මෙම රොබෝ අත මගින් පළතුරු සිය ආහාරයට ලබාගැනීමයි..

මෙවර පර්යේෂණයේදී වඳුරාගේ මොළයට සංවේදක 2ක් සම්බන්ධ කර, එම සංවේදක අත ‍ප්‍රදේශයට එකකුත්, අත්ල ප්‍රදේශ සංවේදනය සඳහා තව එකකුත් යන අයුරු භාවිතා කර ඇත.. ඒ හරහා වඳුරාට සිය අත්ල පාලනය කිරීමටද හැකියාව ලැබී ඇති අයුරු ලබා ඇති එක් දියුණුවකි.. මොළයේ ස්නායු සෛල පිරික්සීම එම සංවේදක මගින් කරන අතර, එම දත්ත පරිගණකයක් හරහා මෙම අත ක්‍රියාකරවීමට අවශ්‍ය විද්‍යුත් දත්ත (විධානයන්) ලෙස පරිවර්ථනය කරවීම මෙහිදී සිදුවන සරල සංසිද්ධියයි.

මෙහිදී, මෙම වඳුරා (දකුණු පස) සිය දකුණු අත මගින් යම්  ෙබාත්තමක් අල්ලන්නට ගන්නා තැත මගින් ෙමම රොබෝ අත ක්‍රියාත්මක වෙයි.. පෙර අකට වඩා මෙම අත, කැරකවීම හා අත්ල ක්‍රියාකාරීත්වය වැනි අති දියුණු අවස්ථා ගණනකින් සමන්විත නිර්මාණයකි..

මෙලෙස මොළයේ සන්නිවේදන දත්ත හා යන්ත්‍ර සම්බන්ධ කරවීම මඟින් යම් දිනක, ආබාධිත වුනු පුද්ගලයින්ට සිය කාර්යයන් කර ගැනීමට පහසු වන අයුරු නිර්මාණයන් බිහි වීම සිදුවේවි.. එය මෙම නිර්මාණවල අනාගත බලාපොරොත්තුව වී ඇත. එමඟින් ඒ අයට සිය ජීවිතය පහසු කරගැනීමට ඉඩ ලැබෙන බව මෙම පර්යේෂකයින් වැඩි දුරටත් පෙන්වා දෙයි.. ඉතින් මෙවැනි හොඳ අරමුණු වල ගමන් මග ඉතා සුබදායි විය යුතු වනවා නෙවෙද..:?:

මේ වෙබ් අඩවිය ගැන Facebook භාවිතා කරන්නන් අතර මහත් ආන්දෝලනයන් පවා ඇති උනා.. ඉතින් මෙසේ මේ කාටත් Facebook පිලිකුල් වන්නට හේතු වෙලා තියෙන්නේ ඇයිද කියන කාරණට විමසා බැලූ විට පෙනෙන්නට ඇත්තේ, ඒ අයට Facebook වල ක්‍රියා කලාපය යටතේ තමන්ගේ ආරක්ෂාව හා තමන්ගේ තොරතුරු වල පුද්ගලික භාවය පිලිබඳ විශ්වාසයක් තබන්නට බැරි වීමයි.. ඉතින් මෙලෙස හ‌ඬ නගන්න තීරණය කරා කියලයි එ අය කියන්නේ.. ඉතින් මෙලෙස 35,500 දෙනෙකු පමණම මෙසේ Facebook පිලිකුල් කර හමාරයි.

ඇත්තටම Facebook තුල අපේ තොරතුරු අනාරක්ෂිත ද..? නව ආරක්ෂිත ක්‍රියාමාර්ග යයි කියමින් හඳුන්වා දුන් සංස්කරණයන් ඵලදායකද..??  ෙම් ප්‍රශ්න වලට පිලිතුරු කා ගාවද..?

Facebook අඩවිය මාසිකව මිලියන 540 ක් දෙනා ගවේෂනය කරනවා.. ඒ පිරිස අන්තර්ජාල භාවිතා කරන්නන්ගෙන් 35% කටත් අධික ප්‍රතිශතයක් බව Google සිය දත්ත හරහා පෙන්නුම් කරනවා.. ඉතින් ඔන්න මෙහි දැක්වෙන්නේ, 18 න් පහල අයට ඇති විශේෂ ආරක්ෂක විධී වාධානයන් පිළිබඳ Facebookහි දැක්වෙන තොරතුරු කිහිපයකි..

මෙහි කියවෙන අන්දමට 18 න් පහල අය, සිය Privacy Settings යටතේ තම කැමැත්ත අනුව තොරතුරු සෑම දෙනාටම පෙන්වීමට ලබා දුන්නද සැබැවින්ම එය දිස්කරවන්නේ, සිය මිතුරන් හා මිතුරන්ගේ මිතුරන් යන මට්ටමට පමණක් බවයි.. මෙය සෝබන රැවැට්ටවීමක් ද, නැතිනම් සැබෑවටම ආරක්ෂා කාරී පියවරක්ද..?

Facebook මෙසේ සිය අදහස් හා අවශ්‍යතාවය පරිදි, ආරක්ෂා සැකසුම් ලබාදෙන්නට සමත් වූවත්.. සෑම දෙනෙකුටම ගැලපෙන හා සෑම කෙනාම බ‍ලාපොරොත්තු වන නිදහස අනුව සිය ආරක්ෂක සැකසුම් ලබාදීමට තවමත් අපොහොසත් වන්නේ කිමද..? මේවා අද බොහෝ දෙනා Facebook ගැන අන්තර්ජාලයේ කතා කරන කරුණු ය.. මෙවැනි කරුණු ගනනාවක් නිසා මෙලෙස Facebook ගැන විවිධ අයගේ අපුසාදය මතුව ඇත..

තවත් අය කියන්නේ, Facebook දැන් මත්පැනට ඇබ්බැහි වුනා වගේ මිනිසුන්ට භාවිතයෙන් වැලකිය නොහැකි තත්වයටම වැටී ඇති නිසා Facebook ට සිය ප්‍රේක්ෂකයින් අඩුවීම ගැන කිසිම බයක් නෑ කියලයි.. මිනිසුන් සම්බන්ධ කරවීම මෙම සමාජ ජාල අඩවි වල ප්‍රධාන කාර්‍යය වූවත්, මෙයින් දැන් කෙරෙන්නේ වෙනත් කාර්‍යයන් කියලත් සමහරු කියනවා.. ඒ අතරේ තවත් අය කියන්නේ, ඒක භාවිතා කරන අයගේ ගැටළුවක් මිස, Facebook සතුව වරදක් නෑ කියායි.. මෙය භාවිතා කිරීම නොකිරීම තීරණය කිරීම මිස, එහි අන්කර්ගකය වෙනස් කරන්නට යෑම ප්‍රේක්ෂකයන් සතු කාර්‍යයක් නොවන බව ඔවුන්ගේ මතයයි..

ඉතින් මේ හැම කතාවක්ම ඇත්ත කියල සිතෙනව ඇති.. නමුත් මේවා තුල නිවැරදි හා වැරදි කරුණු දෙකම තියෙනවා කියලයි මට නම් හිතෙන්නේ.. මම දකින යතාර්තය කිවහොත්, තවමත් Facebook Privacy Settings බහු ජන හිතසුව පිණිස යන මට්ටමට දියුණු වී නැත.. තවමත් අප බලාපොරොත්තු වන තොරතුරු රැකවරණය මෙම Facebook නම් ලොව විශාලම යයි කියන සමාජ ජාල අඩවිය තුල නැත.. ඒ වෙනුවට ඇත්තේ, අපේ කැමැත්ත කුමක් වූවත්, Facebook ට හොද යැයි සිතෙන පරිදි අපේ දත්ත ආරක්ෂා කිරීමයි..

මෙවැනි හේතු තව දුරටත් Facebook මත රැඳුන  ෙහාත් ලඟදීම තවත් රටවල් කිහිපයක (සමහරවිට සදහටම) මූනු ෙපාත තහනම් වීම දකින්නට ලැබේවි යයි පුවත් වාර්තාවන් පවා පෙන්නුම් කර ඇත.. නමුත් Facebook මේ පිලිබඳ තවමත් නිහඬ පිලිවෙතක් අනුගමනය කරන්නේ යම් පිලියමක් ඇතුව වෙන්නද පිලිවන… ඉතින් මෙසේ ඇතිවන ජන හඬ නෑසෙන සේ සිටියහොත් Facebook භාවිතා කරන්නන් ගණන සැබැවින් අඩු වේවි නේද..?

මේ සදහා අප රටින් අදාල වන්නේ දැනට Mobitel ජංගම දුරකථන ජාලය පමණයි.. Facebook mobile අඩවිය දැනට මිලියන 100 ක් පමණ වන දෙනා භාවිතා කරන අතර, එය තවත් වර්ධනය කරගැනීම මෙහි අරමුණක් වේ. මෙසේ නොමිලයේ පිවිසිය හැක්කේ  අප එදිනෙදා භාවිතා කරන m.facebook.com ‍නම් නොව.. ඒ සදහා වෙනමම වෙන්වූ  0.facebook.com ලිපිනයයි.. පහත රූපසටහන Facebook blog පිටුවෙන් ගත් දැනට මෙය වලංගු වන දුරකථන ජාල දක්වන පින්තූරයකි,

මෙම ලිපිකයෙන් පිවිසුනු විට සාමාන්‍ය ජංගම අඩවියමය. බැලූ බැල්මට කිසි වෙනසක් නැත, නමුත් මෙම ලිපිනයට අදාලව පිවිසී‍මේදී, විච්චූරණ පින්තූර / වීඩියෝ ආදිය නම් පෙන්වන්නේ නැත. එයට හේතුව මෙම අඩවිය ඉතා වේගවත් හා නොමිලයේ වන නිසාත්ය. මෙය text-only නැතිනම් අකුරු හා පමණක්  ගණුදෙනු කල හැකි අඩවියකි.. කෙසේ වෙතත් මෙය Opera mini වැනි වෙනත් ක්‍රම හරහා අන්තර්ජාල පිවිසුම් ලබා දෙන වෙබ් ගවේශනයන් මගින් භාවිතා කල නොහැකිය..

මෙසේ මෙම පිටුවල පින්තූර නැති බව නිසා, ඉතා ඉක්මනින් පිටුව පූර්ණය වීමත් නිසා, ඉතා කාර්‍යක්ෂමව Facebook භාවිතා කිරීමට වරම් ලැබේ. මෙගින් ඔබට Status අළුත් කිරීම්, Comment කිරීම්, මිතුරන්ට Message යැවීම් වැනි සරල දේ පහසුවෙන් හා නොමිලයේම කරගැනීමට ඉඩකඩ ලැබේ. එම නිසා මෙතෙක් කල් මුදල් වියදම් කරමින් කර දේවල් දැන් නොමිලේ කරගන්නට ඉඩ ඇත. [දෙදෙනෙක් Facebook text සදහාද ලියාපදිංචි ව සිටීමෙන් දැන් නොමිලයේම මල් කඩන්නත් බැරි කමක් නැත... ]

Facebook නම් මේ උපක්‍රමය යොදාගන්නේ අපට පහසුකම් සැලසීම මගින් සිය අඩවියේ අන්තර්ගතය හා එයට දෛනික පිවිසීම් ගණන වැඩි කරගන්නට බවට සැකයක් නැත.. මෙම සේවාව හරහා Facebook භාවිතය වැඩිවීම අප ර‍ටට කෙසේ බලපාවිද යන්න ගැටලුවක් වෙන්නත් පුළුවන.. කෙසේ නමුත් මෙමගින්, මෙතෙක් කල් Facebook වෙත සිය ජංගම දුරකථනයෙන් පිවිසි (මා ද ඇතුළුව) අයගේ පොකට්ටුවට යම් වාසියක් වීම ගැන සතුටු විය හැකිය. තවද මෙම සේවාව මගින් මෙම ජාල 56 වටා සිටින ජංගම දුරකථන භාවිතා කරන්නන් මිලියන 500 කට නොමිලයේ Facebook පිවිසීමට වරම් හිමිවනු ඇත.

ඔවුන් පවසන්නේ,  Our goal in mobile is to serve every user on every phone in every language on every network, කියාය.. මේ අනුව ඉදිරියේදී සිය අඩවිය භාවිතා කරන්නන්ට සෑම දුරකථනයකින්ම, ජාලයක් හරහාම අත්විදීමට ඉඩ සැලැස්වීමට කටයුතු කරනු ඔවුන්ගේ අරමුණයි.. ඉදිරි මාස 12 ඇතුලත මෙම සේවාව සියළුම ජාල වල ක්‍රියාත්මක කරන්න බලාපොරොත්තු වන බව ඔවුන් වැඩිදුරටත් පෙන්වා දෙයි..

ඉතින් දැන් මොකද කියන්නේ… Dialog හා අනෙක් සබඳතා භාවිතා කරන අය Mobitel වෙත ගෙන ඒමට Facebook හි මෙම අළුත් හදුන්වාදීම ක්‍රියා කරාවිද…??

{මේ ලිපිය ලියන්න ගනිද්දි අපට දුරකථන සඥ්ඥා ලැබෙන කුළුන ඉතා හොදින් තිබුනත්, මගදී 3G සිග්නල් නැති වීමත්, සාමාන්‍ය සබඳතාව ඉතාමත් අකාර්යක්ෂම වීමත් මත මෙම පෝස්ට් එක ලිවීමට අපරිමිත කුලකයක වන ගැහැට විඳින්නට වින.. එබැවින් මෙම ලිපියේ ප්‍රමාදය හා ගුණාත්මක භාවය පිළිබඳ මාගේ කණගාටුව..   }

ඔන්න මම බස් එකට නැගලා වාඩි උනා විතරයි පොඩි මල්ලියෙක්, පාසලත් ඕනනම් කියන්න පුළුවන් (පඹුරණ ශ්‍රී ශාරිපුත්‍ර විද්‍යාලය) බස් එකට ගොඩවෙලා, කොන්දොස්තරට කාසි 10 ක් විතර දීලා හෙම ඇවිත් මගේ අසුනේම වාඩි උනා. හරි ලස්සන පොඩි එකා.. මූන සුදුම සුදුයි.. ඉතින් මම ටිකක් ඕනකමින් බැලුවා පොර දිහා. (ප්‍රයජනක ඕනම මනුස්සයෙක් දිහා කාගේත් ඇස් යනව නෙව) මේ මල්ලියා මම දැක්ක විදිහට 6 වසරේ වගේ වෙන්න ඕන (මම කතා කරන්න නම් ගියේ නෑ) නිකමට හිතුනා 6 වසරේ වගේ ඇති කියලා. තාම ඉතින් මම කාරණේ කිව්වේ නෑනේ..

කාරනේ තමයි ඒ මලයගේ ‍කරේ තිබුනු බෑග් එක. ඒක ඒ මල්ලිට තියා අපිට වත් අරන් යන්න පුළුවන් එකක් නම් නෙමෙයි.. මට ඒක දැක්කහම පොලොව පලාගෙන යන්න හිතුනා.. සීනිබෝලේ වගේ ලස්සන පුංචි පොරක් මේක අරන් යනවා කිව්වම.  (6 වසරේ ලමයෙක් සීනි බො‍්ලෙ වගේ කිව්වම පිලිගන්න අමාරු ඇති.. ඒක් මේකා සීනි බෝලෙම තමයි.. සාමාන්‍ය වචනයෙන් තේරෙන්න කිව්වොත් ටිකක් පුංචි ඩයල් එකක්.. ඒත්, මම 6 වසරේ කිව්වේ ඉතින් තනියම බස් එකේ යවන්න ඒ වයස වත් වෙන්ට ඕනනේ.. බස් ‍එකේ ගොඩක් මිනිස්සු නොහිටින්න මම ඡායාරූපයක් ගන්නවා) මේක දැකල මවිත උනේ මම විතරක් නෙමෙයි කියලත් මම දැක්කා.. වැඩිපුරම මට මේක ඇඟට වැදුනේ මිනිස්සු කන්න වගේ මේ දිහා බලනවා දැක්කමයි.. සමහරවිට ඒ පොඩි මල්ලියට තේරෙන්නවත් නැතුවැති ඇයි මේ අය මේ විදිහට මගේ දිහා බලන්නේ කියන එකත්. මොකද එයාට ඒක සාමාන්‍ය දෙයක්නේ.. ඒත් ඒ බෑගය පිටට දාගන්න දරන උත්සහය තුල තියෙන අමාරුව බස් එකේ සිටි බොහෝ දෙනෙක් අවබෝධකරගත් බව නිසැකයි.

පාසල් වල ගුරුවරු ඇතුලු අයට ඉතින් මේවා පේන්නැද්ද කියලත් පුදුමයි.. අද මැති ඇමතිවරුන්ට නම් ඉතින් ඔහොම දේවල් පේන්න ඒ අය, මිනිස්සු අතර ගැවසෙන එකක්යැ.. ඒත් පාසල් වල ගුරුවරුන්ට මේවා පේනවනම්, පාසල් මට්ටමින් හරි කාලසටහන් කළමණාකාරීත්වය තවත් දියුණු කරමින් මේ ප්‍රශ්නයට සුළු හෝ විසදුමක් දෙන්න බැරිද කියලත් හිතෙනවා.. මම දන්නෑ මෙහෙම ලේසියෙන් කිව්වට ඒක ප්‍රායෝගිකව නම් කල හැක්කක්ද කියලා..

කොහොම උනත් අධ්‍යාපන අමාත්‍යාංශය සිසුන්ට සෞඛ්‍ය සම්පන්න බෑගයක් හදුන්වා දෙන්න යනවා කියල ආරංචියි.. ඒත් මේක කෙසේ ක්‍රියාත්මක වෙයිද කියල කියන්න බෑ. මේක 2011 වස‍රේ සිට ක්‍රියාත්මක වෙන බවයි කියන්නේ… එහෙම වත් ඒක ක්‍රියාත්මක උනොත් ඒක මේ අහින්සකයින‍්ගේ ඇඟට වත් සෙතක් වෙයි..

මේ සඳහා Skype හි නව මුදාහැරීම ස්ථාපණය කරගත යුතු වනවා.. සීමිත කාලයක් තුල පමණක් මෙම සේවය නොමිලයේ දෙන වග තමයි ආරංචිය. ඉතින් ඒ නිසා මේක උත්සහ කරල ඒ අත්දැකීමත් ජීවිතේට එකතු කරගන්න කල් ගන්නට එපා..

මෙම සංස්කරණය ලබාගැනීමට මෙම සබැදිය භාවිතා කරන්න

http://www.skype.com/intl/en-us/get-skype/on-your-computer/windows/beta/

මෙම සංස්කරණය වලංගු ව‍න්නේ Windows ස්ථාපිත PC සදහා පමණකි.. මේ ගැන වැඩි විස්තර මාගේ කලින් ලිපියක් වන Skype තුල සමූහ වීඩියෝ සංවාද සදහාත් ඉඩ හරහාද කියවිය හැකිය..