Она што во моментов делува како тотално неитересен трејд, посебно за тие кои не се фанови на Њу Џерси, Индијана, Њу Орлеанс или Хјустон, би можело за некоја година да биде потег на кој ќе се навраќаме како клучен за некои од овие екипи.

Тоа пред се се однесува на Пејсерси кои не избрзаа во својата потрага по млад и талентиран плеј и откажувајќи се од последната година на Трој Марфи го добија Дарен Колисон. Момак кој во својата руки сезона со Хорнетси покажа дека има доволно потенцијал да стане уште еден од низата одлични млади плејмејкери кои последниве години се појавија во Лигата. Кога лани Крис Пол беше повреден, фановите на Хорнетси се уверија во квалитетите на Колисон, а кога летово се појавија шпекулациите за иднината на Пол сите беа убедени дека и да се деси Пол да биде трампан, Колисон ќе може солидно да го замени.

Сега кога Колисон е дел од Индијана, станува јасно дека Пол нема да биде трампан затоа што Дарен беше негова единствена алтернатива.

Во Колисон Пејсерси го добија третиот дел од младото трио Гренџер-Хиберт-Колисон. Трио кое Бирд сакаше да го состави како темел за градење на новите Пејсерси. Проект кој самиот тој изјави дека ќе трае три години.

Сега веќе нивниот екс-крилен центар Марфи е одлично засилување за Нетси и би можел да биде одличен во комбинација со Брук Лопез во рекетот. Посебно поради својот добар шут однадвор, но и скокачките способности. Ако пак експериментот не тргне според планиранотот, Трој е во последната година од договорот.

Ејвори Џонсон е тренер кој знае да работи со подвижни крилни центри со добар шут (Дирк), а во комбинација со Херис, Лопез и новите фаци како Мороу и Аутло, има млад тим кој секако дека ќе има повече победи од ланските 12. Достигнување кое и не е некој предизвик.

На крај за Хорнетси и Рокетси, кои делуваат како да добија најмалку во целиов дил. Хјустон покрај олеснувањето на селари-капот, кој беше оптеретен по задржувањето на Лаури и Скола и ангажманот на Бред Милер, добива алтернатива во Кевин Мартин на двојка. Кортни Ли им е добо познат на сите од времето кога како руки беше дел од Орландо, а е тип на играч кој е по вкус на Рокетси веќе некое време.

Во исто време овој трејд значи дека Рокетси го признаваат неуспехот на експериментот Ариза како прво офанзивно оружје однадвор. Не дека Тревор не се снајде во Хјустон, но сепак со доаѓањето на Мартин и одбранбените квалитети на Батие, не е незаменлив. Плус, Ли би можел добро да се снајде кај искусен тренер и покрај квалитетни соиграчи.

Хорнетси делуваат како најголеми губитници, пред се поради губењето на Колисон. Ариза би требал да биде поопасен играјќи покрај асистент од типот на Крис Пол, а вака испаѓа и дека Хорнетси го заменија договорот на Џејмс Поузи со тој на помладиот Ариза.

Кога сме кај Поузи, тој исто како и Колисон заврши во Индијана, но веднаш се појавија гласини дека Пејсерси ќе го откупат неговиот договор по што овој би станал слободен играч. Како најверојатна дестинација за него се спомнува Бостон.

Кога пред крајот на минатата сезона почна на големо во Њујорк да се зборува за можноста во текот на летото тимот да го добие бингото наречено Леброн Џејмс, втората премија во Двејн Вејд или пак утешната награда во Амари Стадемаер/Крис Бош плус Џо Џонсон, веднаш почна да се шири муабетот за иднината на Трејси Мекгрејди во Никси.

Не дека ликот е некој фактор, но самиот факт дека му истекуваше сезоната вредна 22 милиони, а со самото тоа и договорот, многумина се прашуваа дали би бил корисен во ремонтиран тим како опција од клупата која би потпишала за минималец.

На тоа Трејси одговори дека никогаш нема да потпише за минималец, ниту пак дека чуствува потреба да се докажува некому, да се бори за место во било кој тим. Ти-Мек беше убеден дека ова лето ќе има неколку екипи кои ќе се тепаат за него.

Неколку месеци подоцна и соништата, како и зборовите на Трејси паднаа во вода. Кај потпиша за едногодипен минималец со Детроит, типот уште и помина неколку проби како тие кај Клиперси и Булси, со цел да докаже дека уште има нешто во него.

Но, ни Чикаго, ни Клиперси не сакаа да си имаат работа со него или пак со неговите колена. Никси да не ги ни спомнувам. Мајк Д’Антони уште по самиот финиш на сезоната се откажа од Трејси како опција за новиот тим на Никси.

Детроит на крај испадна неговата единствена опција, иако е нејасно зошто Думарс се одлучи на ваков потег. Точно е дека нема некој финансиски ризик, но позициите на двојка и тројка се добро пополнети кај Пистонси, така да неминовно се наметнува претпоставката дека некој ќе биде трампан.

Од друга страна, веројатно не треба да се бара многу логика во потезите на некој како Думарс кој не така одамна го трампаше Билапс за Ајверсон, лани во пакет ги донесе Вилануева и Гордон за скоро 60 милиони долари, а летово потпиша нов договор со Бен Волас. Драфтувањето на Дарк-О не го ни спомнувам.

Го јадевме.

Ние, но и Мајкл, Меџик, Баркли, Ден Гилберт, речиси секој НБА аналитичар или новинар кој пишува за НБА, жителите на Кливленд, а посебно оној што го палеше дресот, Пол Руд, Стив Карел, Рондо, Кид, Стен Ван Ганди, Џастин Бибер итн…

Darren McCollester/Getty Images

Неделата посветена на Шекил Рашон О’Нил ја завршуваме со некои од неговите изјави на официјалното претставување во Бостон. До сега немало ни една досадна пресица кога е Шек во прашање, а не верувам ни дека ќе има.

На претставувањето на новиот лепракон присуствуваше и Кевин Гарнет. Информација која сама по себе не значи ништо, но добива на тежина ако се знае дека Кеј-Џи го прекинал својот одмор на Хаваи и долетал во Бостон специјално за овој настан. Тоа е пример за лидерство без многу помпа каков што треба да им се прати на најголемиот број млади НБА ѕвезди.

- “When I came into the league, I wanted to compete with Bill Russell for titles. That’s not going to happen, but I’d like to almost get half of what he got.”

- “I still have hunger, I still can play, I still want to win. When I close my book at the end of the day it’s all about winning, nothing else.”

- “This summer I had many options but I wanted to be with a team that was used to winning, with a team that was one or two pieces away. I think it’s a good fit.”

- “I realize I only have 730 days left in this game. I just wanted to be with a group of guys that like to win. This was a good team with or without me. I don’t mind playing a role. I know where I am at this point in my career. It’s about coming to a team that is one or two pieces from a championship.”

-

SHAQ + CHEERS + VLADE + KINGS = LEGENDARY!