MALABARFLASH NEWS

എം സി മായിന്‍ഹാജി ചെയര്‍മാനായി സംസ്ഥാന സര്‍ക്കാര്‍ വഖഫ് ബോര്‍ഡ് പുനഃസംഘടിപ്പിച്ചു

noreply@blogger.com (webdesk) — Sat, 17 Oct 2026 05:34:13 +0000

തിരുവനന്തപുരം: മുസ്ലിം ലീഗ് സംസ്ഥാന വൈസ് പ്രസിഡന്റ് എം സി മായിന്‍ഹാജി ചെയര്‍മാനായി സംസ്ഥാന സര്‍ക്കാര്‍ വഖഫ് ബോര്‍ഡ് പുനഃസംഘടിപ്പിച്ചു. ഇ കെ വിഭാഗം മുശാവറയില്‍ നിന്ന് പുറത്താക്കപ്പെട്ട മുസ്തഫല്‍ ഫൈസി ഒമ്പത് അംഗങ്ങളുള്ള ബോര്‍ഡില്‍ അംഗമാണ്.

എം എല്‍ എമാരുടെ പ്രതിനിധി കുറുക്കോളി മൊയ്തീനാണ്. രണ്ട് അമുസ്ലിം അംഗങ്ങളെ പിന്നീട് നിയമിക്കുന്നതില്‍ സുപ്രീം കോടതിയിലെ കേസിന്റ വിധി പ്രകാരം തീരുമാനിക്കും.
വഖഫ് ബോര്‍ഡ് പിരിച്ചു വിടുന്നതിനെതിരെ മുന്‍ ചെയര്‍മാന്‍ ഹംസ നല്‍കിയ കേസ് ഹൈക്കോടതിയില്‍ നില്‍ക്കെയാണ് പുനഃസംഘടന.

ബോര്‍ഡിന് നാലര വര്‍ഷം കാലാവധി ഇനിയും ശേഷിക്കുന്നു. ഇക്കഴിഞ്ഞ മാര്‍ച്ചില്‍ ഇടത് സര്‍ക്കാരാണ് കെ എസ് ഹംസയെ ചെയര്‍മാന്‍ ആക്കിയത്. പുനസ്സംഘടന ആവശ്യമാണെന്ന് സര്‍ക്കാര്‍ ഹൈക്കോടതിയെ അറിയിച്ചിരുന്നു. ബോര്‍ഡിലെ മുത്തവല്ലി ഉമ്മര്‍ ഫൈസി മുക്കം പരസ്യമായി ഇടത് ആഭിമുഖ്യം പ്രകടിപ്പിക്കുന്നതില്‍ സര്‍ക്കാരിന് അമര്‍ഷമുണ്ടായിരുന്നു

മാനസികാരോഗ്യ ബോധവൽകരണ ക്ലാസ്

noreply@blogger.com (webdesk) — Fri, 16 Oct 2026 17:52:45 +0000

നായന്മാർമൂല: തൻബീഹുൽ ഇസ്ലാം ഹയർ സെക്കൻ്ററി സ്‌കൂളിലെ ടീൻസ് ക്ലബ്ബിൻ്റെ ആഭിമുഖ്യത്തിൽ കുട്ടികൾക്ക് മാനസികാരോഗ്യ ക്ലാസ് നടത്തി. മാനസികാരോഗ്യ വിദഗ്ദ പി.പ്രിയങ്ക ക്ലാസിന് നേതൃത്വം നൽകി.പ്രഥമാധ്യാപകൻ പി.കെ അനിൽകുമാർ അധ്യക്ഷത വഹിച്ചു. പി.ടി. എ പ്രസിഡൻ്റ് എസ്. അബ്ദുൽ റഫീക്ക് ഉദ്ഘാടനം ചെയ്തു.സ്‌റ്റാഫ് സെക്രട്ടറി സജിത്ത് ബാബു,എസ്. ആർ.ജി കൺവീനർ പി ഐ എ ലത്തീഫ്,ഡപ്യൂട്ടി ഹെഡ്മിസ്ട്രസ് ശ്രീവിദ്യ പി.ടി എ വൈ. പ്രസിഡണ്ട് ഹനീഫ വിദ്യാനഗർ, എം പി ടി എ പ്രസിഡണ്ട് കദീജ, ഹൈറുന്നീസ, നജ്മുന്നീസ,ടീൻസ് ക്ലബ്ബ് കൺവീനർ ഡോ. എം.എ മുംതാസ് സംസാരിച്ചു

ഫോട്ടോ:നായന്മാർമൂല തൻബീഹുൽ ഇസ്ലാം ഹയർസെക്കൻഡറി സ്കൂൾ ടീൻസ് ക്ലബ്ബിൻറെ മാനസികാരോഗ്യ ബോധവൽകരണ ക്ലാസ് പി ടി എ പ്രസിഡണ്ട് എസ് അബ്ദുൽ റഫീഖ് ഉദ്ഘാടനം ചെയ്യുന്നു

ഗ്യാനേഷ് കുമാർ രാജിവെക്കുക. രാജ്യത്താകെ നടക്കുന്ന പ്രക്ഷോഭങ്ങൾക്ക് ഐക്യദാർഢ്യംപ്രകടിപ്പിച്ച്ഐ.എൻ എൽ നൈറ്റ് മാർച്ചിൽ പ്രതിഷേധമിരമ്പി

noreply@blogger.com (webdesk) — Fri, 16 Oct 2026 17:50:47 +0000

കാസർകോട്: മുഖ്യതിരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെക്കുക. രാജ്യത്താകെനടക്കുന്നപ്രക്ഷോഭങ്ങൾക്ക് ഐക്യദാർഢ്യം പ്രകടിപ്പിച്ച് കൊണ്ട് ഐഎൻഎൽ ജില്ലാ കമ്മിറ്റി കാസർകോട് ടൗണിൽ സംഘടിപ്പിച്ച നൈറ്റ് മാർച്ചിൽ പ്രതിഷേധമിരമ്പി.

മുഖ്യ തെരഞ്ഞെടുപ്പ് കമ്മീഷണർ ഗ്വാനേഷ് കുമാർ രാജി വെച്ച്‌ ജനാധിപത്യ മൂല്യങ്ങളൾ സംരക്ഷിക്കണമെന്നും ഭരണഘടനാ സ്ഥാപനങ്ങളുടെ വിശ്വാസ്യതയും ഉത്തരവാദിത്വവും ഉറപ്പാക്കണമെന്നും ആവശ്യപ്പെട്ട് രാജ്യത്താകെ നടക്കുന്ന പ്രക്ഷോഭങ്ങൾത്ത് ഐക്യദാർഢ്യം പ്രകടിപ്പിപ്പിച്ച് പ്രവർത്തകർ വിവിധ മുദ്രാവാക്യങ്ങൾ ഉയർത്തി മാർച്ചിൽ അണിനിരന്നു.

തെരഞ്ഞെടുപ്പ് കമ്മീഷനർ ഗ്യാനേഷ് കുമാർ രാജി വെക്കുന്നത് വരെ സമരങ്ങളുമായി ഐ.എൻ എൽമുന്നോട്ട് പോകുമെന്ന് നേതാക്കൾ പറഞ്ഞു പുതിയ ബസ്റ്റാണ്ട് പരിസരത്ത് നിന്ന് ആരംഭിച്ച മാർച്ച് പഴയ ബസ്റ്റാണ്ട് പരിസരത്ത് സമാപിച്ചു

ഐഎൻഎൽ സംസ്ഥാന വൈസ് പ്രസിഡന്റ് മൊയ്തീൻ കുഞ്ഞി കളനാട് , സംസ്ഥാന സെക്രട്ടറി എം.എ ലത്തീഫ് . ജില്ലാ ജനറൽ സെക്രട്ടറി അസീസ് കടപ്പുറം .ഐ.എം സി പ്രതിനിധി ഡോക്ടർ താഹിറ ലി പുറപ്പാട്, പി.കെ അബ്ദുൽ റഹിമാൻ മാസ്റ്റർ റഹിം വെണ്ടിച്ചാൽ . ശംസുദ്ധീൻ അരിഞ്ചിര. കെ.കെ അബ്ബാസ് . മമ്മു കോട്ടപ്പുറം . ശാഫി സന്തോഷ് നഗർ .എ.ജി ബഷീർ , മുസ്തഫ തോരവളപ്പ്. കുഞ്ഞിമൊയ്തീൻ ഹാജി, കെ.സി മുഹമ്മദ് കുഞ്ഞി, അമ്മി ആദൂർ, ശംസുദ്ധീൻ കോളിയാട്, ബഷീർ പക്യാര., സിദ്ധീഖ് ചെങ്കള . ഹനീഫ് ഹദ്ദാദ്. ഷാഹിദ് സി.എൽ. ഹനീഫ് കടപ്പുറം . അഭിവാദ്യം ചെയ്ത് സംസാരിച്ചു

മുത്ത് നബി മെഗാ ക്വിസ്; മികച്ച നേട്ടവുമായി മുഹിമ്മാത്ത് വിദ്യാർത്ഥികൾ

noreply@blogger.com (webdesk) — Fri, 16 Oct 2026 17:45:25 +0000

എറണാകുളം: എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച 'മുത്ത് നബി മെഗാ ക്വിസ്' ഗ്രാൻഡ് ഫിനാലെയിൽ മികച്ച നേട്ടവുമായി മുഹിമ്മാത്ത് വിദ്യാർത്ഥികൾ.

എറണാകുളത്ത് വെച്ച് നടന്ന മത്സരത്തിൽ വിവിധ ജില്ലകളിൽ നിന്നുള്ള പ്രതിഭകൾ മാറ്റുരച്ചു. മത്സരത്തിൽ കാസർഗോഡിന് അഭിമാനകരമായി മുഹിമ്മാത്ത് ഖുർആൻ അക്കാദമിയിൽ പഠനം നടത്തിവരുന്ന മുഹിമ്മാത്ത് ഹയർ സെക്കണ്ടറി സ്കൂൾ വിദ്യാർത്ഥികളായ മുഹമ്മദ് എം, അബ്ദുൽ ഹിഷാം, മുഹമ്മദ് ശുഹൈബ്, മുഹമ്മദ് യാസിർ, മുഹമ്മദ് ഹസീബ്, മുഹമ്മദ് സഖീഫ് എന്നിവർ വിവിധ വിഭാഗങ്ങളിലായി രണ്ടാം സ്ഥാനം നേടി. മികച്ച നേട്ടം കൈവരിച്ച വിദ്യാർത്ഥികളെ സ്ഥാപന ഭാരവാഹികളും അധ്യാപകരും അഭിനന്ദിച്ചു.

പ്രവാചകർ മുഹമ്മദ് നബി (സ)യുടെ ജീവിതവും ചരിത്രവും ആസ്പദമാക്കി നടത്തിയ മെഗാ ക്വിസ് കാണികൾക്കും വലിയ വിജ്ഞാനാനുഭവമായി മാറി. സമാപന സംഗമം കേരള മുസ്ലിം ജമാഅത്ത് എറണാകുളം ജില്ലാ പ്രസിഡന്റ് ഹാഷിം തങ്ങൾ ഉദ്ഘാടനം ചെയ്തു. എസ് എസ് എഫ് കേരള പ്രസിഡന്റ് സയ്യിദ് മുനീർ അഹ്ദൽ ഹിമമി തങ്ങൾ ചടങ്ങിൽ അധ്യക്ഷത വഹിച്ചു. വിജയികൾക്കുള്ള സമ്മാന വിതരണം എസ് വൈ എസ് എറണാകുളം ജില്ലാ പ്രസിഡന്റ് കെ എസ് എം ഷാജഹാൻ സഖാഫി, കേരള മുസ്ലിം ജമാഅത്ത് എറണാകുളം ജില്ലാ ജനറൽ സെക്രട്ടറി എം പി അബ്ദുൽ ജബ്ബാർ സഖാഫി, വൈസ് പ്രസിഡന്റ് സി എ ഹൈദ്രോസ് ഹാജി, എസ് വൈ എസ് എറണാകുളം ജില്ലാ ജനറൽ സെക്രട്ടറി വി കെ ജലാൽ, എസ് എം എ ജില്ലാ ഫിനാൻസ് സെക്രട്ടറി ഡോ. എ ബി അലിയാർ ചേർന്ന് നിർവഹിച്ചു. എസ് എസ് എഫ് കേരള സെക്രട്ടറി ഫാരീസ് റഹ്മാൻ സ്വാഗതവും എറണാകുളം ജില്ലാ ജനറൽ സെക്രട്ടറി മുഹമ്മദ് ഹിജാസ് നന്ദിയും പറഞ്ഞു.

കീഴൂര്‍ ഷാഫി ഹാജിയേയും മേല്‍പ്പറമ്പ് റസാഖ് ഹാജിയേയും സഅദിയ്യ ആദരിച്ചു

noreply@blogger.com (webdesk) — Fri, 16 Oct 2026 17:41:09 +0000

കാസര്‍കോട് : മുംബൈ കേന്ദ്രീകരിച്ച് ജാമിഅ സഅദിയക്ക് ജീവിതം സമര്‍പ്പിച്ച ശാഫി ഹാജി കീഴൂരിനെയും റസാഖ് ഹാജി മേല്‍പ്പറമ്പിനേയും ഉത്തര മലബാറിന്റെ വൈജ്ഞാനിക മുദ്ര ജാമിഅ സഅദിയ്യ ആദരിച്ചു.

കേരളീയ മുസ്ലിം സമൂഹത്തിന്റെ ദിശ മാറ്റി വരച്ച വിപ്ലവകരമായ മുന്നേറ്റമായിരുന്നു ജാമിഅ സഅദിയ്യയിലൂടെ താജുല്‍ ഉലമയും നൂറുല്‍ ഉലമയും കല്ലട്ര അബ്ദുല്‍ ഖാദിര്‍ ഹാജിയും അടങ്ങുന്ന ഉലമ ഉമറ നേതൃത്വം മുന്നോട്ട് വെച്ചത്.

തുടക്ക കാലം മുതല്‍ നേതൃത്വത്തോട് ചേര്‍ന്ന് നിന്ന് സഅദിയ്യക്കും പ്രസ്ഥാനത്തിനും കരുത്തായി മുംബൈയില്‍ ആറു പതിറ്റാണ്ടോളം സ്തുത്യര്‍ഹമായ സേവനങ്ങളര്‍പ്പിച്ച മുന്നണിപോരാളികളായിരുന്നു ശാഫി ഹാജി കീഴൂരും അബ്ദുല്‍ റസാഖ് ഹാജിയും. മുംബൈ കേന്ദ്രീകരിച്ച് കൊണ്ട് സഅദിയ്യയുടെ ഓഫീസ് പ്രവര്‍ത്തനത്തിന് തുടക്കം കുറിച്ച് മര്‍ഹൂം നൂറുല്‍ ഉലമ എം എ ഉസ്താദിന്റെ പ്രവര്‍ത്തനങ്ങള്‍ക്ക് ഉര്‍ജം നല്‍കിയ രണ്ട് വ്യക്തികളും പ്രവാസ ജീവിതത്തിന് ശേഷവും സഅദിയ്യുടെ പ്രവര്‍ത്തനങ്ങളില്‍ സജീവ സാന്നിധ്യമാണ്.

സഅദിയ്യയില്‍ നടന്ന ആണ്ട് നേര്‍ച്ച, സനദ് ദാന സമാപന സംഗമത്തില്‍ ഇരുവര്‍ക്കും പുരസ്‌കാരം സമ്മാനിക്കും. പരിപാടിക്ക് റഈസുല്‍ ഉലമ ഇ സുലൈമാന്‍ മുസ് ലിയാര്‍, സയ്യിദ് അലി ബാഫഖി തങ്ങള്‍, സയ്യിദ് ഇബ്രാഹിം ഖലീല്‍ അല്‍ ബുഖാരി, എ.പി അബ്ദുല്ല മുസ്ലിയാര്‍ മാണിക്കോത്ത്, പട്ടുവം കെ.പി അബൂബക്കര്‍ മുസ് ലിയാര്‍, സയ്യിദ് അഷ്‌റഫ് തങ്ങള്‍ ആദൂര്‍, സയ്യിദ് ഇസ്മാഈല്‍ ഹാദി തങ്ങള്‍ പാനൂര്‍, സയ്യിദ് പി.എസ് ആറ്റക്കോയ തങ്ങള്‍ ബാഹസന്‍ പഞ്ചിക്കല്‍, സയ്യിദ് ത്വാഹ ബഫഖി കുമ്പോല്‍, സയ്യിദ് ആറ്റക്കോയ തങ്ങള്‍ ദേളി, നേതൃത്വം നല്‍കി.

ഐ.പി.ബി പുസ്തക സഞ്ചാരം 'ഒരിടത്ത് ഒരിടത്ത്' ജില്ലാ ഉദ്ഘാടനം

noreply@blogger.com (webdesk) — Fri, 16 Oct 2026 05:57:48 +0000

കാസർകോട്:ഐ.പി.ബി പുസ്തക സഞ്ചാരം 'ഒരിടത്ത് ഒരിടത്ത്'

ജില്ലയിൽ തുടക്കമായി. ജില്ല ഉദ്ഘാടനം മുഹിമ്മാത്ത് ഹയർ സെക്കൻ്ററി സ്‌കൂളിൽ നടന്നു.

ഐ.പി.ബി പ്രസിദ്ധീകരിച്ച പുസ്തകങ്ങളുടെ പ്രദര്‍ശനവും വില്‍പ്പനയും ലക്ഷ്യമിട്ടാണ് ഈ പദ്ധതി സംഘടിപ്പിച്ചിരിക്കുന്നത്. ജില്ലയിലെ വിവിധ സ്കൂളുകളിലേക്ക് ഈ പുസ്തക സഞ്ചാരം പര്യടനം നടത്തുന്നതാണ്.

പരിപാടിയിൽ എസ് എസ് എഫ് ജില്ല സെക്രട്ടറി സകരിയ അഹ്സനി സ്വാഗതം പറഞ്ഞു. ഉമറുല്‍ ഫാറൂഖ് എം.എസ് അധ്യക്ഷത വഹിച്ച പരിപാടി, എസ്.എസ്.എഫ് സംസ്ഥാന സെക്രട്ടറി സൈഫുദ്ദീൻ കണ്ണൂർ ഉദ്ഘാടനം ചെയ്തു. ജില്ല സെക്രട്ടറി മൻശാദ് അഹ്സനി, സ്‌കൂൾ പ്രിൻസിപ്പൽ രൂപേഷ് എം.ടി

ഹെഡ് മാസ്റ്റർ അഹമ്മദ് സാദിഖ് പി എന്നിവര്‍ സംസാരിച്ചു. പരിപാടിക്ക് മുഹമ്മദ് സാലിം കെ.സി നന്ദി പറഞ്ഞു. കുട്ടികളില്‍ വായനാശീലം വളര്‍ത്തിയെടുക്കാനും നല്ല പുസ്തകങ്ങൾ പരിചയപ്പെടുത്താനുമുള്ള ഈ ശ്രമത്തിന് മികച്ച പ്രതികരണമാണ് ലഭിക്കുന്നത്. ജില്ലയിലെ മറ്റു സ്കൂളുകളിലേക്കും വരുന്ന ദിവസങ്ങളില്‍ ഈ പര്യടനം തുടരും.

ആത്മസംസ്കരണത്തിന്റെ സന്ദേശം പകർന്ന് എസ്.വൈ.എസ് പള്ളങ്കോട് സർക്കിൾ തസ്കിയ സമ്മേളനം സമാപിച്ചു

noreply@blogger.com (webdesk) — Fri, 16 Oct 2026 05:50:58 +0000

പള്ളങ്കോട്: പ്രവർത്തകർക്ക് ആത്മസംസ്കരണത്തിന്റെയും ആത്മീയ ഉണർവിന്റെയും സന്ദേശം പകർന്നുനൽകി എസ്.വൈ.എസ് പള്ളങ്കോട് സർക്കിൾ സംഘടിപ്പിച്ച തസ്കിയ സമ്മേളനം സമാപിച്ചു.

വ്യക്തിജീവിതത്തിൽ ആത്മീയ മൂല്യങ്ങൾ ഉയർത്തിപ്പിടിക്കേണ്ടതിന്റെയും സ്വഭാവശുദ്ധീകരണത്തിലൂടെ മാതൃകാപരമായ പ്രവർത്തകരായി മാറേണ്ടതിന്റെയും പ്രാധാന്യം സമ്മേളനം ഓർമിപ്പിച്ചു.

സംഘടനാ പ്രവർത്തനങ്ങളിൽ ആത്മാർഥതയും സാമൂഹിക സേവനങ്ങളിൽ ഉത്തരവാദിത്തബോധവും വളർത്തിയെടുക്കുന്നതിനുള്ള ആഹ്വാനവും സമ്മേളനം നൽകി.

സർക്കിൾ പ്രസിഡന്റ് ഹനീഫ് ഹാജി അധ്യക്ഷതയിൽ മുസ്ലിം ജമാഅത്ത് ജില്ലാ പ്രസിഡൻറ് പള്ളങ്കോട് അബ്ദുൽ ഖാദർ മദനി ഉദ്ഘാടനം ചെയ്തു. അഷ്റഫ് ജൗഹരി എരുമാട് മുഖ്യപ്രഭാഷണം നടത്തി.

ഇബ്രാഹിം സഅദി പള്ളത്തൂർ മഹ്ളറത്തുൽ ബദരിയക്ക് നേതൃത്വം നൽകി.

എസ്.വൈ.എസ് ജില്ലാ പ്രസിഡന്റ് സയ്യിദ് സൈനുൽ ആബിദീൻ മുത്തുക്കോയ തങ്ങൾ കണ്ണവം സമാപന പ്രാർത്ഥനയ്ക്ക് നേതൃത്വം നൽകി.

സൂഫി മദനി, അബ്ദുൽ റസാഖ് സഖാഫി , അബ്ദുറഹ്മാൻ സഖാഫി പൂത്തപ്പലം, അബ്ദുൽ നാസർ ഹാജി പി.എം, പി.എസ്. അബ്ദുല്ല ഹാജി, യൂസുഫ് ഹാജി, കുഞ്ഞിപ്പ ഹാജി, അബ്ദുല്ല പരപ്പ, റാഷിദ് ഹിമമി പള്ളത്തൂർ, റഷീദ് പള്ളങ്കോട്, ഇബ്രാഹിം നഈമി, അബ്ദുറഹ്മാൻ ഹനീഫി, മൊയ്തീൻ ഹസൻ, റാഷിദ് പള്ളത്തൂർ സംബന്ധിച്ചു.

അബ്ദുൽ കരീം ജൗഹരി സ്വാഗതവും സലാം ഹാജി ബദന നന്ദിയും പറഞ്ഞു.

കരിങ്കടലിൽ കപ്പലിനുനേരെ ഡ്രോണാക്രമണം; തീപ്പിടിച്ച് കപ്പൽ മുങ്ങി, ജീവനക്കാരിൽ ഇന്ത്യക്കാരുമുണ്ടെന്ന് സെലെൻസ്കി

noreply@blogger.com (webdesk) — Mon, 05 Oct 2026 18:07:34 +0000

ഈസ്താംബൂൾ: കരിങ്കടലിൽ ധാന്യങ്ങളുമായി സഞ്ചരിക്കുകയായിരുന്ന ടർക്കിഷ് ഉടമസ്ഥതയിലുള്ള ചരക്കുകപ്പലിനുനേരെ ഡ്രോൺ ആക്രമണം. ആക്രമണത്തിൽ തീപ്പിടിച്ച കപ്പൽ പിന്നീട് മുങ്ങി. കപ്പലിന്റെ ക്യാപ്റ്റനും ഒരു ജീവനക്കാരനും കൊല്ലപ്പെട്ടതായാണ് റിപ്പോർട്ട്. മൂന്നുപേർക്ക് പരിക്കേൽക്കുകയും ഒരാളെ കാണാതാവുകയും ചെയ്തിട്ടുണ്ടെന്ന് റൊമാനിയൻ അധികൃതരെ ഉദ്ധരിച്ച് യൂറോന്യൂസ് റൊമാനിയ റിപ്പോർട്ട് ചെയ്തു.[www.malabarflash.com]

കപ്പലിന് തീപ്പിടിച്ചതിനെത്തുടർന്ന് റൊമാനിയൻ കോസ്റ്റ് ഗാർഡിന്റെ ബോട്ടുകളും ഹെലികോപ്റ്ററുകളും ചേർന്ന് 11 ജീവനക്കാരെ രക്ഷപ്പെടുത്തി. റൊമാനിയൻ തീരത്തുനിന്ന് ഏകദേശം 20 മൈൽ അകലെവെച്ച് കാണാതായ ജീവനക്കാരനായുള്ള തിരച്ചിൽ തുടരുന്നു.

തുർക്കി കമ്പനിയായ എം.ജി. ഷിപ്പിങ് 5-ന്റെ ഉടമസ്ഥതയിലുള്ള റോയാദ് മമ്മഡോവ് എന്ന കപ്പലാണ് ആക്രമണത്തിനിരയായത്. സെന്റ് കിറ്റ്സ് ആൻഡ് നെവിസിന്റെ പതാകയേന്തിയാണ് കപ്പൽ സർവീസ് നടത്തിയിരുന്നത്. ആക്രമണത്തിന് ഏകദേശം മൂന്നുമണിക്കൂർമുൻപ് യുക്രൈനിയൻ തുറമുഖമായ ഇസ്മയിലിൽനിന്ന് ഇറ്റലിയിലെ റവെന്നയിലേക്ക് പുറപ്പെട്ടതാണ് കപ്പലെന്ന് മാരിടൈം ട്രാഫിക് നിരീക്ഷണ സേവനങ്ങൾ വ്യക്തമാക്കുന്നു. ആക്രമണത്തിനു പിന്നിലാരാണെന്ന് റൊമാനിയൻ അധികൃതർ ഇതുവരെ സ്ഥിരീകരിച്ചിട്ടില്ല.

എന്നാൽ, ധാന്യവുമായി അന്താരാഷ്ട്ര സമുദ്ര അതിർത്തിയിലൂടെ സഞ്ചരിക്കുകയായിരുന്ന സിവിലിയൻ കപ്പലിനുനേരെ റഷ്യ രണ്ട് ഡ്രോണുകളുപയോഗിച്ച് നടത്തിയ ഭീകരാക്രമണമാണിതെന്ന് യുക്രൈൻ പ്രസിഡന്റ് വോളോഡിമിർ സെലെൻസ്‌കി ആരോപിച്ചു. കപ്പലിൽ അസർബൈജാൻ, ഇന്ത്യൻ പൗരന്മാർ ഉണ്ടായിരുന്നെന്നും സെലെൻസ്‌കി സോഷ്യൽ മീഡിയ പ്ലാറ്റ്ഫോമായ എക്‌സിൽ കുറിച്ചു.

ക്ഷേത്രങ്ങളില്‍ മൊബൈല്‍ ഫോണുകള്‍ നിരോധിച്ച് തമിഴ്നാട്

noreply@blogger.com (Unknown) — Sun, 09 Aug 2026 12:09:51 +0000

ചെന്നൈ: റീല്‍സ് ചിത്രീകരണം നിയന്ത്രിക്കുക ലക്ഷ്യമിട്ട് സംസ്ഥാനത്തെ പ്രധാന ക്ഷേത്രങ്ങളില്‍ മൊബൈല്‍ ഫോണ്‍ നിരോധിച്ച് തമിഴ്നാട് ദേവസ്വം വകുപ്പ്. വിഐപി സന്ദര്‍ശകര്‍ക്ക് കര്‍ശന നിയന്ത്രണം ഏര്‍പ്പെടുത്താനും ദേവസ്വം വകുപ്പ് ഉത്തരവിട്ടു. സെപ്റ്റംബര്‍ ഒന്നുമുതല്‍ ഇതു നടപ്പാകും.[www.malabarflash.com]

ക്ഷേത്രത്തിന് അകത്ത് ഫോട്ടോ എടുക്കാനോ, ദേവതകളുടെ വീഡിയോ ചിത്രീകരിക്കാനോ, ക്ഷേത്ര പരിസരത്ത് റീല്‍സോ മറ്റു ചിത്രീകരണമോ അനുവദിക്കില്ല. വിഐപികളോ സിനിമാ താരങ്ങളോ ആരു വന്നാലും ഫോട്ടോയെ വീഡിയോയോ എടുക്കാന്‍ അനുവാദം ഉണ്ടായിരിക്കുന്നതല്ലെന്നും ഉത്തരവില്‍ പറയുന്നു.

ഭക്തര്‍ക്ക് മൊബൈല്‍ ഫോണുകള്‍ സൂക്ഷിക്കാന്‍ ക്ലോക്ക് റൂം സൗകര്യം ക്ഷേത്ര പ്രവേശന കവാടത്തില്‍ സജ്ജമാക്കും. ഒരു ഫോണിന് അഞ്ചു രൂപ ചാര്‍ജ് ഈടാക്കും. ഇതിന് ഇന്റഗ്രേറ്റഡ് ടെപിള്‍ മാനേജ്മെന്റ് സിസ്റ്റം വഴി രസീത് നിര്‍ബന്ധമായും നല്‍കിയിരിക്കണം. ഫോണ്‍ സൂക്ഷിക്കുന്ന സ്ഥലങ്ങളില്‍ സിസിടിവി കാമറകള്‍ സ്ഥാപിക്കണമെന്നും സര്‍ക്കുലറില്‍ നിര്‍ദേശിക്കുന്നു.

ക്ഷേത്ര വളപ്പിലും പ്രവേശന കവാടങ്ങളിലും മൊബൈല്‍ ഫോണ്‍ ഉപയോഗം നിരോധിച്ചിട്ടുണ്ടെന്ന് വ്യക്തമാക്കുന്ന ബോര്‍ഡുകള്‍ ക്ഷേത്ര അധികാരികള്‍ സ്ഥാപിക്കണം. കൂടാതെ, മൈക്കിലൂടെയും ഇക്കാര്യം അറിയിക്കണം. വിഐപി സന്ദര്‍ശനത്തെക്കുറിച്ച് ഒരു ദിവസം മുമ്പെങ്കിലും കമ്മീഷണറെ വിവരം അറിയിക്കണമെന്നും ഉത്തരവില്‍ വ്യക്തമാക്കുന്നു. മദ്രാസ് ഹൈക്കോടതി മധുര ബെഞ്ച് 2022 ഡിസംബര്‍ 2-ന് പുറപ്പെടുവിച്ച ഉത്തരവിന്റെ അടിസ്ഥാനത്തിലാണ് ദേവസ്വം വകുപ്പിന്റെ സര്‍ക്കുലര്‍.

അച്ചടക്ക ലംഘനം: മുസ് ലിം ലീഗില്‍ നിന്ന് നാലുപേരെ സസ്പെന്‍ഡ് ചെയ്തു

noreply@blogger.com (Unknown) — Sun, 09 Aug 2026 12:07:28 +0000

മലപ്പുറം: അച്ചടക്ക ലംഘനം നടത്തിയതിന് മുസ് ലിം ലീഗില്‍ നിന്ന് നാലുപേരെ സസ്പെന്‍ഡ് ചെയ്തു. മലപ്പുറം പൊന്മുണ്ടം പഞ്ചായത്തിലെ സുബൈര്‍ ഇളയോടത്ത്, പാറയില്‍ ബഷീര്‍, പാറമ്മല്‍ നാസര്‍, ടി സൈത് എന്നിവരെയാണ് സസ്‌പെന്‍ഡ് ചെയ്തത്.[www.malabarflash.com]

ഗുരുതരമായ അച്ചടക്ക ലംഘനം നടത്തിയതിനാലാണ് നടപടിയെന്ന് സംസ്ഥാന കമ്മിറ്റി വ്യക്തമാക്കി. വ്യാഴാഴ്ച നടന്ന പൊന്മുണ്ടം പഞ്ചായത്തിലെ മുസ് ലിം ലീഗ് മണ്‍സൂണ്‍ ക്യാംപ് ഇവര്‍ അലങ്കോലപ്പെടുത്തിയിരുന്നു. തുടര്‍ന്ന് ലഭിച്ച പരാതിയിലാണ് നടപടി.

E20 ആശങ്ക; പെട്രോൾ വാഹനങ്ങളുടെ വിൽപ്പനയിൽ ഇടിവ്, ഡീസലിനും ഇലക്ട്രിക് വാഹനങ്ങൾക്കും മികച്ച മുന്നേറ്റം

noreply@blogger.com (Unknown) — Sun, 09 Aug 2026 12:02:00 +0000

ന്യൂഡൽഹി: രാജ്യത്ത് പെട്രോൾ പാസഞ്ചർ വാഹന വിൽപ്പനയിൽ ഇടിവ്. കേന്ദ്ര സർക്കാർ പെട്രോളിൽ എഥനോൾ മിശ്രതം 20 ശതമാനം ഉൾപ്പെടുത്തിയതാണ് വിൽപ്പന കുറയാനുള്ള പ്രധാന കാരണമായി വിദഗ്‌ധർ ചൂണ്ടി കാണിക്കുന്നത്. ഇതോടെ പെട്രോൾ കാറുകളുടെ വിപണി വിഹിതം ഇടിയുകയും ഡീസൽ, സി.എൻ.ജി, ഹൈബ്രിഡ്, ഇലക്ട്രിക് വാഹനങ്ങൾ (ഇ.വി) കൂടുതൽ നേട്ടമുണ്ടാക്കിയതായി ഫെഡറേഷൻ ഓഫ് ഓട്ടോമൊബൈൽ ഡീലേഴ്സ് അസോസിയേഷന്റെ (എഫ്.എ.ഡി.എ) ജൂലൈ മാസത്തെ റീട്ടെയിൽ കണക്കുകൾ വ്യക്തമാക്കുന്നു.[www.malabarflash.com]

ജൂലൈയിൽ പെട്രോൾ/എഥനോൾ വാഹനങ്ങളുടെ വിഹിതം 41.68 ശതമാനമായി കുറഞ്ഞു. ജൂണിൽ ഇത് 43.15 ശതമാനവും കഴിഞ്ഞ വർഷം ജൂലൈയിൽ 47.62 ശതമാനവുമായിരുന്നു. അതേസമയം, ജൂണിൽ 16.32 ശതമാനമായിരുന്ന ഡീസൽ വിഹിതം ജൂലൈയിൽ 17.73 ശതമാനമായി ഉയർന്നു. സി.എൻ.ജി (24.67%), ഹൈബ്രിഡ് (8.02%), ഇ.വി (7.90%) എന്നിവ സംയോജിതമായി 40.59 ശതമാനം വിപണി വിഹിതം നേടി വിൽപ്പനയിൽ പെട്രോളിനടുത്തെത്തി. ജൂലൈയിൽ മൊത്തത്തിലുള്ള പാസഞ്ചർ വാഹന റീട്ടെയിൽ വിൽപ്പന 4,16,555 യൂനിറ്റായി ഉയർന്നു. ഇത് വാർഷിക വളർച്ചയിൽ 19.13% രേഖപ്പെടുത്തി.

പെട്രോളിൽ 20 ശതമാനം എഥനോൾ ചേർക്കുന്ന ഇ-20 ഇന്ധനത്തിലേക്കുള്ള മാറ്റത്തിൽ ഉപഭോക്താക്കളുടെ ആശങ്കകളാണ് വിപണിയിൽ പുതിയ ചലനങ്ങൾക്ക് വഴിവെച്ചിരിക്കുന്നത്. എഞ്ചിൻ തകരാറുകൾ, മൈലേജ് കുറയുമെന്ന ഭയം, പഴയ വാഹനങ്ങളുടെ അനുയോജ്യത എന്നിവയെക്കുറിച്ചുള്ള സംശയങ്ങൾ കാരണം പലരും പെട്രോൾ കാറുകളിൽ നിന്ന് പിന്മാറി സി.എൻ.ജി, ഹൈബ്രിഡ്, ഇലക്ട്രിക് വാഹനങ്ങളിലേക്ക് ശ്രദ്ധ തിരിക്കുന്നതായി എഫ്.എ.ഡി.എ ചൂണ്ടിക്കാണിക്കുന്നു.

രാജ്യത്ത് മൊത്തത്തിലുള്ള ഇലക്ട്രിക് വാഹനങ്ങളുടെ റീട്ടെയിൽ വിൽപ്പന ജൂലൈയിൽ സർവ്വകാല റെക്കോർഡായ 3,27,901 യൂനിറ്റിലെത്തിയിരുന്നു. ഇതോടെ രാജ്യത്തെ മൊത്തത്തിലുള്ള ഇവി വ്യാപനം മുൻവർഷത്തെ 9.6 ശതമാനത്തിൽ നിന്ന് 12.7 ശതമാനമായി ഉയർന്നു. ഗ്രാമീണ മേഖലകളിലെ ശക്തമായ വളർച്ചയും, ജി.എസ്.ടി പരിഷ്കരണങ്ങളും വാഹന വായ്പകളുടെ ലഭ്യതയും ജൂലൈ മാസത്തെ മൊത്തത്തിലുള്ള ഓട്ടോമൊബൈൽ വിൽപ്പന 25.91 ലക്ഷം യൂനിറ്റിലെത്തിക്കാൻ സഹായിച്ചു. ഇത് ചരിത്രത്തിൽ ആദ്യമായാണ് ജൂലൈ മാസത്തിൽ എല്ലാ വാഹന വിഭാഗങ്ങളും ഇത്രയും ഉയർന്ന പ്രകടനം കാഴ്ചവെക്കുന്നത്.

സ്‌കൂളുകളിലെ ക്വിസ് മത്സരത്തിന് സവർക്കറെ പുകഴ്ത്തുന്ന ചോദ്യം: അധ്യാപകനെ സസ്പെൻഡ് ചെയ്തു

noreply@blogger.com (Unknown) — Sun, 09 Aug 2026 11:55:43 +0000

തിരുവനന്തപുരം: സ്‌കൂളുകളിൽ സംഘടിപ്പിച്ച സ്വാതന്ത്ര്യദിനാഘോഷവുമായി ബന്ധപ്പെട്ട ക്വിസ് മത്സരത്തിനുള്ള ചോദ്യാവലിയിൽ വി.ഡി. സവർക്കറെ പുകഴ്ത്തിയുള്ള ചോദ്യം ഉൾപ്പെട്ട സംഭവത്തിൽ ചോദ്യാവലി തയ്യാറാക്കിയ അധ്യാപകനെ സസ്പെൻഡ് ചെയ്തു. കുമ്പള ഉപജില്ലയിലെ എയുപിഎസ് പള്ളത്തടുക്കയിലെ അധ്യാപകനായ ഗുരു പ്രസാദിനെയാണ് അന്വേഷണ വിധേയമായി സസ്പെൻഡ് ചെയ്തത്. പൊതുവിദ്യാഭ്യാസ വകുപ്പ് മന്ത്രി എ.എൻ. ഷംസുദ്ദീന്റെ നിർദ്ദേശത്തെ തുടർന്ന് പൊതുവിദ്യാഭ്യാസ ഡയറക്ടറാണ് നടപടി സ്വീകരിച്ചത്.[www.malabarflash.com]

ആഗസ്റ്റ് ആറിന് കാസർകോട്, കുമ്പള, മഞ്ചേശ്വരം ഉപജില്ലകളിലെ സ്‌കൂളുകളിൽ ഫ്രീഡം ക്വിസ് എന്ന പേരിൽ സംഘടിപ്പിച്ച മത്സരത്തിലാണ് ചരിത്രത്തിന്റെ പിൻബലമില്ലാത്ത തെറ്റിദ്ധാരണ പരത്തുന്ന ചോദ്യം ഉൾപ്പെടുത്തിയതെന്നായിരുന്നു ആരോപണം. ബ്രിട്ടീഷ് ഭരണകാലത്ത് ഏറ്റവും കൂടുതൽ കാലം ജയിൽശിക്ഷ അനുഭവിച്ചത് ആരെന്നായിരുന്നു ചോദ്യം. വി.ഡി. സവർക്കറെന്ന് ഉത്തരവും നൽകിയിരുന്നു.

സംഭവത്തിൽ ചില വിദ്യാർഥി സംഘടനകളും മറ്റും രംഗത്തെത്തിയിരുന്നു. ഇതിനു പിന്നാലെ വിദ്യാഭ്യാസ മന്ത്രി എ.എൻ. ഷംസുദ്ദീൻ പൊതുവിദ്യാഭ്യാസ ഡയറക്ടറോടും എഇഒ മാരോടും തയ്യാറാക്കിയ അധ്യാപകരോടും വിശദീകരണം തേടിയിരുന്നു. ഇത്തരത്തിൽ തെറ്റിദ്ധാരണ പരത്തുന്ന തരത്തിലുള്ള ചോദ്യപ്പേപ്പർ തയ്യാറാക്കിയത് വളരെ ഗൗരവമുള്ളതാണെന്ന അന്വേഷണ റിപ്പോർട്ടിനെ തുടർന്നാണ് ഇപ്പോൾ നടപടി എടുത്തിരിക്കുന്നത്.

രാഷ്ട്രീയ ബാനർ ഉയർത്തി; അർജന്റീന ടീമിനെതിരെ ഫിഫയുടെ നടപടി ഉണ്ടായേക്കും,വിലക്കണമെന്നാവശ്യം

noreply@blogger.com (webdesk) — Thu, 16 Jul 2026 17:41:36 +0000

ലണ്ടൻ: ലോകകപ്പ് സെമിഫൈനലിൽ ഇംഗ്ലണ്ടിനെ 2-1 ന് പരാജയപ്പെടുത്തിയ ശേഷം, ഫാക്ക്ലാൻഡ് ദ്വീപുകളുമായി ബന്ധപ്പെട്ട രാഷ്ട്രീയ ബാനർ പ്രദർശിപ്പിച്ചതിന് അർജന്റീന ടീമിനെതിരെ ഫിഫ അച്ചടക്ക നടപടി സ്വീകരിച്ചേക്കും. ഫാക്ക്ലാൻഡ് ദ്വീപുകൾക്ക് മേലുള്ള പരമാധികാരം അവകാശപ്പെടുന്ന ബാനറിനൊപ്പം ചിത്രങ്ങൾ എടുത്ത അർജന്റീനയുടെ ഫുട്‌ബോൾ ടീമിനെതിരെ അന്വേഷണം നടത്താൻ ഫിഫയോട് ബ്രിട്ടീഷ് സർക്കാർ ആവശ്യപ്പെട്ടു.[www.malabarflash.com]

കളിക്ക് ശേഷമുള്ള ആഘോഷത്തിനിടെ, സ്റ്റേഡിയത്തിലെ ആരാധകർ നൽകിയ 'ലാസ് മാൽവിനാസ് അർജന്റീനാസ്' (മാൽവിനാസ് അർജന്റീനക്കാരുടേതാണ്) എന്നെഴുതിയ ബാനർ അർജന്റീന താരങ്ങൾ പ്രദർശിപ്പിച്ചിരുന്നു.

അർജന്റീന ഫാക്ക്ലാൻഡ് ദ്വീപുകളെ 'ഇസ്ലാസ് മാൽവിനാസ്' എന്നാണ് വിളിക്കുന്നത്. 1982-ൽ അർജന്റീനയിലെ അന്നത്തെ സൈനിക ഭരണകൂടത്തിന്റെ ഉത്തരവിനെത്തുടർന്ന് ഈ ദ്വീപുകൾ ആക്രമിക്കപ്പെടുകയും, അത് പത്ത് ആഴ്ച നീണ്ടുനിന്ന യുദ്ധത്തിലേക്ക് നയിക്കുകയും ചെയ്തിരുന്നു. ഈ യുദ്ധത്തിൽ ബ്രിട്ടൻ വിജയിച്ചു.

സമാനമായ ബാനർ ഉയർത്തിയതിന് 2014-ൽ അർജന്റീന ഫുട്‌ബോൾ അസോസിയേഷന് ഫിഫ 20,000 പൗണ്ട് പിഴ ചുമത്തിയിരുന്നു. കൂടാതെ, രാഷ്ട്രീയ സന്ദേശങ്ങൾ പ്രദർശിപ്പിച്ചതിന് ദക്ഷിണ കൊറിയൻ താരം പാർക്ക് ജോങ്-വൂവിനെ വിലക്കിയ ചരിത്രവും ഫിഫയ്ക്കുണ്ട്. ബ്രിട്ടണിലെ ലിബറൽ ഡെമോക്രാറ്റ് നേതാവ് എഡ് ഡേവി, ബാനർ ഉയർത്തിയ കളിക്കാരെ ഫൈനലിൽ നിന്ന് വിലക്കണമെന്ന് ആവശ്യപ്പെട്ട് രംഗത്തെത്തിയിട്ടുണ്ട്.

അർജന്റീന വൈസ് പ്രസിഡന്റ് വിക്ടോറിയ വില്ലാർറുവൽ ബാനറിനെ പിന്തുണച്ചപ്പോൾ, പരിശീലകൻ ലയണൽ സ്‌കലോണി ഫുട്‌ബോളും രാഷ്ട്രീയവും തമ്മിൽ കലർത്തരുത് എന്ന അഭിപ്രായമാണ് പങ്കുവെച്ചത്.

ദക്ഷിണ അറ്റ്‌ലാന്റികിലെ ദ്വീപ് സമൂഹമാണ് ഫാക്ക്ലാൻഡ്. 3500 ഓളം ജനസംഖ്യയുള്ള ഈ ദ്വീപുകൾ ബ്രിട്ടീഷ് അധീനതയിലാണ്. 1833 ൽ ഈ ദ്വീപുകൾ നിയമവിരുദ്ധമായി തങ്ങളിൽ നിന്ന് എടുത്തുവെന്ന് അർജന്റീന വാദിക്കുന്നു. 1765 മുതൽ തങ്ങൾക്ക് ഇവിടെ അവകാശമുണ്ടെന്നാണ് ബ്രിട്ടൻ പറയുന്നത്. 1833 ൽ ദ്വീപുകളിലേക്ക് ബ്രിട്ടൻ ഒരു യുദ്ധക്കപ്പൽ അയച്ച് അർജന്റീനൻ സേനയെ പുറത്താക്കുകയായിരുന്നു.

1982 ലെ യുദ്ധത്തിൽ 649 അർജന്റീന സൈനികരും 255 ബ്രിട്ടീഷ് സൈനികരരും മൂന്ന് ദ്വീപുവാസികളും കൊല്ലപ്പെട്ടു. 1982 ൽ സ്‌പെയിനിൽ നടന്ന ലോകകപ്പിന്റെ സമയത്താണ് ഈ സംഘർഷമുണ്ടാകുന്നത്. ടൂർണമെന്റിലെ ഉദ്ഘാടന മത്സരത്തിൽ ബെൽജിയം-അർജന്റീന മത്സരം സംപ്രേക്ഷണം ചെയ്യാൻ ബ്രിട്ടീഷ് ടെലിവിഷൻ ചാനലുകൾ വിസമ്മതിച്ചിരുന്നു.

Content Highlights: FIFA is investigating Argentina for displaying a political banner about the Falkland Islands., The banner 'Las Malvinas Argentinas... Read more at: https://www.mathrubhumi.com/sports/football/fifa-investigation-argentina-falklands-banner-controversy-c4f5mt6b

ഐഫോൺ 80% വരെ വേഗം കൂടും! ഐഒഎസ് 27 പബ്ലിക് ബീറ്റ എത്തി; പുത്തൻ ഫീച്ചറുകൾ | എങ്ങനെ ഡൗൺലോഡ് ചെയ്യാം?

noreply@blogger.com (webdesk) — Wed, 15 Jul 2026 18:22:43 +0000

കഴിഞ്ഞ മാസം നടന്ന വേൾഡ് വൈഡ് ഡെവലപ്പർ കോൺഫറൻസ് 2026-ൽ (WWDC 2026) പ്രഖ്യാപിച്ച ഐഒഎസ് 27-ൻ്റെ (iOS 27) പബ്ലിക് ബീറ്റ പതിപ്പ് ആപ്പിൾ ഉപയോക്താക്കൾക്കായി പുറത്തിറക്കി.[www.malabarflash.com]

ഈ വർഷം സെപ്റ്റംബറിൽ ഐഫോൺ 18 പ്രോ സീരീസിനൊപ്പം ഐഒഎസ് 27 ഔദ്യോഗികമായി പുറത്തിറങ്ങും. അതിനുമുമ്പ് തന്നെ ഈ പുതിയ ഓപ്പറേറ്റിംഗ് സിസ്റ്റത്തിലെ മികച്ച ഫീച്ചറുകൾ പരീക്ഷിക്കാൻ പബ്ലിക് ബീറ്റയിലൂടെ ഉപയോക്താക്കൾക്ക് സാധിക്കും.

എഐ അസിസ്റ്റൻ്റുകളായ ചാറ്റ്ജിപിടിയോടും ജെമിനിയോടും മത്സരിക്കാനായി, തങ്ങളുടെ വോയ്‌സ് അസിസ്റ്റൻ്റായ സിരിയെ പൂർണ്ണമായും മാറ്റിയെഴുതിയിരിക്കുകയാണ് ആപ്പിൾ. ഗൂഗിളിൻ്റെ ജെമിനി എഐ (Gemini AI) മോഡലുകളിൽ പ്രവർത്തിക്കുന്ന പുതിയ സിരി, ഇപ്പോൾ 'സിരി എഐ' എന്ന പേരിലാണ് അറിയപ്പെടുന്നത്, കൂടാതെ ഇതിനായി ഒരു പ്രത്യേക ആപ്പും ആപ്പിൾ നൽകുന്നുണ്ട്.

തുടർച്ചയായ സംഭാഷണങ്ങൾ നടത്താനും മെയിൽ, മെസ്സേജ്, നോട്ട്സ്, കലണ്ടർ തുടങ്ങിയ വിവിധ ആപ്പുകളിൽനിന്നുള്ള വിവരങ്ങൾ പരിശോധിക്കാനും സിരി എഐയ്ക്ക് സാധിക്കും. കൂടാതെ, ആപ്പുകൾക്കുള്ളിൽ പ്രവർത്തിക്കാനും സ്ക്രീനിൽ കാണുന്ന കാര്യങ്ങളോട് പ്രതികരിക്കാനും പുതിയ സിരിക്ക് കഴിയും. സിരിയുടെ സംസാരരീതിയും വേഗവും ഉപയോക്താക്കൾക്ക് താല്പര്യമുള്ള രീതിയിൽ മാറ്റാനും സാധിക്കും. എന്നാൽ, ഈ എഐ ഫീച്ചർ ഉപയോഗിക്കാൻ ഐഫോൺ 15 പ്രോയോ അതിനു മുകളിലുള്ള മോഡലുകളോ ആവശ്യമാണ്. നിലവിൽ ചില ഇംഗ്ലീഷ് വകഭേദങ്ങളിൽ മാത്രമാണ് ഇത് ലഭ്യമാകുക.

സിരിക്ക് പുറമെ മറ്റ് പല ആപ്പുകളിലും ആപ്പിൾ എഐ ഫീച്ചറുകൾ ഉൾപ്പെടുത്തിയിട്ടുണ്ട്:
ഫോട്ടോസ്: ചിത്രങ്ങളിൽ ആവശ്യമില്ലാത്ത കാര്യങ്ങൾ ഒഴിവാക്കാൻ 'ക്ലീൻ അപ്പ്' (Clean Up) ടൂളും, എഐ ഉപയോഗിച്ച് ചിത്രങ്ങൾ വലുതാക്കാൻ സഹായിക്കുന്ന 'എക്സ്റ്റൻഡ്' ഫീച്ചറും ഉൾപ്പെടുത്തിയിട്ടുണ്ട്.
സഫാരി ബ്രൗസർ: വിഷയങ്ങൾക്കനുസരിച്ച് ടാബുകൾ ക്രമീകരിക്കാനും നാച്ചുറൽ ലാംഗ്വേജ് പ്രോംപ്റ്റുകൾ വഴി എക്സ്റ്റൻഷനുകൾ ഉണ്ടാക്കാനും സാധിക്കും.
പാസ്‌വേഡുകൾ: ദുർബലമായതോ ഹാക്ക് ചെയ്യപ്പെടാൻ സാധ്യതയുള്ളതോ ആയ പാസ്‌വേഡുകൾ പാസ്‌വേഡ് ആപ്പ് തനിയെ മാറ്റി നൽകും.
കലണ്ടറിൽ പുതിയ ഇവന്റുകൾ ഉണ്ടാക്കാനും, സിരിയുടെ സഹായത്തോടെ എഴുതാനും സ്പെല്ലിംഗും ഗ്രാമറും തിരുത്താനും ഐഒഎസ് 27-ൽ സാധിക്കും.
ഐഒഎസ് 27-ൽ ആപ്പുകൾ 30% വേഗത്തിൽ തുറക്കുമെന്നും എയർഡ്രോപ്പ് വഴിയുള്ള ഫയൽ കൈമാറ്റം 80% വരെ വേഗത്തിലാകുമെന്നും ആപ്പിൾ അവകാശപ്പെടുന്നു. ഇതിനുപുറമെ, ലിക്വിഡ് ഗ്ലാസ്സിൻ്റെ (Liquid Glass) രൂപമാറ്റം വരുത്താനുള്ള സ്ലൈഡർ, കുട്ടികളുടെ സുരക്ഷയ്ക്കായുള്ള പുതിയ സ്ക്രീൻ ടൈം ഡാഷ്‌ബോർഡ് എന്നിവയും ഉൾപ്പെടുത്തിയിട്ടുണ്ട്. ആൻഡ്രോയിഡ് ഫോണുകളിൽ ഉള്ളതുപോലെ സിസ്റ്റം വോളിയത്തിൽനിന്നു വ്യത്യസ്തമായി അലാറം വോളിയം മാറ്റാനുള്ള സൗകര്യവും പുതിയ പതിപ്പിൽ നൽകിയിട്ടുണ്ട്. എയർപോഡ്സിനായുള്ള കസ്റ്റം ഇക്വലൈസറാണ് മറ്റൊരു പ്രത്യേകത.

ഐഒഎസ് 26 സപ്പോർട്ട് ചെയ്യുന്ന എല്ലാ ഫോണുകളിലും (ഐഫോൺ 11, അതിനു മുകളിലുമുള്ളവ, ഐഫോൺ എസ്ഇ 2nd Gen+) ഐഒഎസ് 27 ബീറ്റ ഇൻസ്റ്റാൾ ചെയ്യാം. സഫാരി ബ്രൗസറിൽ ആപ്പിളിൻ്റെ ബീറ്റ വെബ്സൈറ്റ് സന്ദർശിച്ച് ആപ്പിൾ അക്കൗണ്ട് വഴി രജിസ്റ്റർ ചെയ്ത ശേഷം ഇത് സൗജന്യമായി ഡൗൺലോഡ് ചെയ്യാം. ഇതൊരു ബീറ്റാ പതിപ്പായതിനാൽ ചില ബഗ്ഗുകളും ബാറ്ററി പ്രശ്നങ്ങളും ഉണ്ടാകാൻ സാധ്യതയുണ്ട്. അതിനാൽ അപ്ഡേറ്റ് ചെയ്യുന്നതിന് മുൻപ് ഐക്ലൗഡിലോ കമ്പ്യൂട്ടറിലോ ബാക്കപ്പ് എടുക്കാൻ ആപ്പിൾ പ്രത്യേകം നിർദ്ദേശിക്കുന്നുണ്ട്.

ഐഒഎസ് 27-ന് ഒപ്പം തന്നെ ഐപാഡ് ഒഎസ് 27, മാക് ഒഎസ് 27 ഗോൾഡൻ ഗേറ്റ് , വാച്ച് ഒഎസ് 27 എന്നിവയുടെ പബ്ലിക് ബീറ്റ പതിപ്പുകളും ആപ്പിൾ പുറത്തിറക്കിയിട്ടുണ്ട്.

ശസ്ത്രക്രിയയ്ക്കിടെ നാലാം ക്ലാസ് വിദ്യാർത്ഥി മരിച്ചു; ചികിത്സാ പിഴവെന്ന് ആരോപണം

noreply@blogger.com (webdesk) — Wed, 15 Jul 2026 18:11:33 +0000

കാസർകോട് : ഉദര സംബന്ധമായ അസുഖത്തെ തുടർന്ന് കാസർകോട് ജനറൽ ആശുപത്രിയിൽ ശസ്ത്രക്രിയയ്ക്ക് വിധേയനായ നാലാം ക്ലാസ് വിദ്യാർത്ഥി മരിച്ചു.[www.malabarflash.com]

ബേഡകം തലേക്കുന്ന് സ്വദേശികളായ അഷ്റഫ് സഖാഫി-ബുഷ്റ ദമ്പതികളുടെ മകൻ മുഹമ്മദ് ഇയാസ് (9) ആണ് മരിച്ചത്.
ചൊവാഴ്ച്ചയാണ് കുട്ടിയെ ആശുപത്രിയിൽ പ്രവേശിപ്പിച്ചത്. ബുധനാഴ്ച രാവിലെ ശസ്ത്രക്രിയയ്ക്കായി ഓപ്പറേഷൻ തിയേറ്ററിലേക്ക് പ്രവേശിപ്പിച്ച ശേഷം ശസ്ത്രക്രിയ പൂർത്തിയായെങ്കിലും കുഞ്ഞിന്റെ പൾസ് ക്രമാതീതമായി കുറഞ്ഞതായി ആശുപത്രി വൃത്തങ്ങൾ അറിയിച്ചു. തുടർന്ന് നടത്തിയ ചികിത്സ ഫലിക്കാതെ ഉച്ചയ്ക്ക് 12 മണിയോടെ മരണം സ്ഥിരീകരിച്ചു.

മൃതദേഹം കാസർകോട് ജനറൽ ആശുപത്രി മോർച്ചറിയിലേക്ക് മാറ്റി. സംഭവത്തിൽ കാസർകോട് പോലീസ് അന്വേഷണം ആരംഭിച്ചു. ഇസ്മത്ത്, ഇസ്ലം എന്നിവർ സഹോദരങ്ങളാണ്.

യുഎസ്-ഇറാൻ സമാധാന ചർച്ച: പാകിസ്താന്റെ മധ്യസ്ഥതയിൽ 'ഷട്ടിൽ ഡിപ്ലോമസി' തുടരുന്നു

noreply@blogger.com (News Desk) — Fri, 22 May 2026 14:19:25 +0000

ടെഹ്‌റാൻ: അമേരിക്കയും ഇറാനും തമ്മിലുള്ള യുദ്ധം അവസാനിപ്പിക്കാനായി പാകിസ്താന്റെ മധ്യസ്ഥതയിൽ നിർണായക ചർച്ചകൾ പുരോഗമിക്കുന്നു. പാകിസ്താൻ ആഭ്യന്തര മന്ത്രി സയ്യിദ് മുഹ്‌സിൻ നഖ്‌വി വെള്ളിയാഴ്ച ഇറാനിയൻ വിദേശകാര്യമന്ത്രി സയ്യിദ് അബ്ബാസ് അരാഗ്ചിയുമായി ടെഹ്‌റാനിൽ കൂടിക്കാഴ്ച നടത്തി. അമേരിക്കയുടെ ഏറ്റവും പുതിയ നിർദ്ദേശങ്ങൾ ഇറാനുമായി പങ്കുവെക്കാനാണ് അദ്ദേഹം എത്തിയത്. ഇരുരാജ്യങ്ങളും തമ്മിൽ ധാരണയിലെത്താൻ നഖ്‌വി 'ഷട്ടിൽ ഡിപ്ലോമസി'യിലൂടെ ശ്രമിക്കുന്നതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.

പ്രധാന തർക്കവിഷയങ്ങൾ

ഹോർമുസ് കടലിടുക്ക്: കടലിടുക്ക് അന്താരാഷ്ട്ര ജലപാതയാണെന്നും അവിടെ കപ്പലുകളിൽ നിന്ന് ഇറാൻ ടോൾ പിരിക്കുന്നത് അവസാനിപ്പിക്കണമെന്നുമാണ് യുഎസ് പ്രസിഡന്റ് ഡൊണാൾഡ് ട്രംപിന്റെയും വിദേശകാര്യ സെക്രട്ടറി മാർക്കോ റൂബിയോയുടെയും നിലപാട്.
യുറേനിയം ശേഖരം: ഇറാന്റെ യുറേനിയം സമ്പുഷ്ടീകരണത്തിന്മേൽ നിയന്ത്രണം വേണമെന്ന് അമേരിക്ക ആവശ്യപ്പെടുമ്പോൾ, യുറേനിയം വിദേശത്തേക്ക് അയക്കരുതെന്ന് ഇറാന്റെ പരമോന്നത നേതാവ് ആയത്തുള്ള മുജ്തബ ഖമനേയി നിർദ്ദേശിച്ചിട്ടുണ്ട്.

പ്രതീക്ഷ നൽകുന്ന സൂചനകൾ

തിങ്കളാഴ്ച ഇറാന്റെ നിർദ്ദേശം ഡൊണാൾഡ് ട്രംപ് നിരസിച്ചിരുന്നെങ്കിലും, അമേരിക്ക മുന്നോട്ടുവെച്ച പുതിയ നിർദ്ദേശങ്ങൾ ചില വിടവുകൾ നികത്തിയതായി ഇറാനിയൻ വൃത്തങ്ങൾ സൂചിപ്പിക്കുന്നു. ചർച്ചകളിൽ 'ചില നല്ല സൂചനകൾ' ഉണ്ടെന്ന് യുഎസ് വിദേശകാര്യ സെക്രട്ടറി മാർക്കോ റൂബിയോയും വ്യക്തമാക്കി.

എണ്ണവില വർദ്ധനവും ആഗോള സാമ്പത്തിക പ്രതിസന്ധിയും കണക്കിലെടുത്ത് അറബ് രാജ്യങ്ങളും സമാധാനത്തിനായി സമ്മർദ്ദം ചെലുത്തുന്നുണ്ട്. ബോംബാക്രമണം പുനരാരംഭിക്കുമെന്ന് ട്രംപ് മുന്നറിയിപ്പ് നൽകുന്നുണ്ടെങ്കിലും, ഇറാന്റെ പെട്രോളിയം വരുമാനം തടയുന്ന ഉപരോധങ്ങളിലൂടെ കടുത്ത നിബന്ധനകൾ അംഗീകരിപ്പിക്കാനാണ് യുഎസ് ശ്രമിക്കുന്നത്. എന്നാൽ ഉപരോധങ്ങളെ വെല്ലുവിളിച്ചുകൊണ്ട് മെച്ചപ്പെട്ട ഒരു കരാറിനായാണ് ഇറാൻ ചർച്ചകൾ തുടരുന്നത്.

അഗസ്റ്റിൻ സഹോദരങ്ങൾ പ്രതികളായ മുട്ടിൽ മരംമുറി കേസ്; പിടിച്ചെടുത്ത മരത്തിന്‍റെ പൂർണമായ കണക്ക് സമർപ്പിക്കണമെന്ന് കോടതി ബത്തേരി സിജെഎം കോടതിയുടേതാണ് നിർദേശം

noreply@blogger.com (News Desk) — Fri, 22 May 2026 14:14:26 +0000

വയനാട്: അഗസ്റ്റിൻ സഹോദരങ്ങൾ പ്രതികളായ മുട്ടിൽ മരംമുറിക്കേസിൽ പിടിച്ചെടുത്ത മരത്തിന്‍റെ പൂർണമായ കണക്ക് സമർപ്പിക്കാൻ നിർദേശിച്ച് കോടതി. മരക്കൊമ്പുകൾ ഉൾപ്പെടെയുള്ളവയുടെ കണക്കുകൂടി സമർപ്പിക്കാൻ പൊലീസിന് സുൽത്താൻ ബത്തേരി സിജെഎം കോടതി നിർദേശം നൽകി. നേരത്തെ, 112 മരങ്ങളുടെതായി 800 തടികളുടെ കണക്കാണ് പൊലീസ് സമർപ്പിച്ചിരുന്നത്. തടികൾ ലേലം ചെയ്യാനുള്ള നടപടികളുടെ ഭാഗമായാണ് പൂർണമായ കണക്ക് കോടതി ആവശ്യപ്പെട്ടിരിക്കുന്നത്. മേപ്പാടി റെയിഞ്ച് ഓഫീസിലാണ് മരങ്ങളുടെ കമ്പുകൾ ഉൾപ്പെടെയുള്ളവ സൂക്ഷിച്ചിരിക്കുന്നത്. അഗസ്റ്റിൻ സഹോദരങ്ങൾ പ്രതികളായ മുട്ടിൽ മരംമുറി കേസിൽ അന്വേഷണസംഘം നേരത്തെ കുറ്റപത്രം സമർപ്പിച്ചിരുന്നു. റോജി അഗസ്റ്റിൻ, ജോസുകുട്ടി അഗസ്റ്റിൻ, ആൻ്റോ അഗസ്റ്റിൻ എന്നിവർ പ്രതികളായ കേസുകളിലാണ് സുൽത്താൻബത്തേരി ഫസ്റ്റ് ക്ലാസ് ജുഡിഷ്യൽ മജിസ്ടേറ്റ് കോടതിയിൽ പോലിസ് കുറ്റപത്രം സമർപ്പിച്ചത്. ഇതോടെ അഗസ്റ്റിൻ സഹോദരങ്ങൾ പ്രതികളായ 41 കേസുകളിലും പോലിസ് കോടതിയിൽ കുറ്റപത്രം സമർപ്പിച്ചു.

നേരത്തെ വനം വകുപ്പ് നടപടിക്കെതിരെ പ്രതികൾ നൽകിയ അപ്പീൽ വയനാട് അഡീഷണൽ ജില്ലാ കോടതി തള്ളിയിരുന്നു. മുട്ടിൽ സൗത്ത് വില്ലേജിൽ നിന്ന് വ്യാപകമായി ഈട്ടിത്തടികൾ മുറിച്ച് കടത്തിയ കേസിൽ മരങ്ങൾ തങ്ങളുടേതാണെന്ന് അവകാശവാദം ഉന്നയിച്ചാണ് അഗസ്റ്റിൻ സഹോദരന്മാർ കോടതിയിൽ അപ്പീൽ സമർപ്പിച്ചത്. തടികൾ മുറിച്ച് കടത്തിയത് വനഭൂമിയിൽ നിന്നോ റവന്യൂ ഭൂമിയിൽ നിന്നോ ആണെന്ന വനം വകുപ്പിൻ്റെ വാദം കോടതി അംഗീകരിക്കുകയായിരുന്നു. 2020-21 കാലഘട്ടത്തിൽ റവന്യൂ സെക്രട്ടറി ഇറക്കിയ വിവാദ ഉത്തരവിൻ്റെ മറവിലാണ് മുട്ടിൽ സൗത്ത് വില്ലേജിൽ നിന്ന് വ്യാപകമായി ഈട്ടിത്തടികൾ മുറിച്ച് കടത്തിയത്. പതിനഞ്ച് കോടിയോളം വിലമതിക്കുന്ന തടികൾ ഇപ്പോൾ വനം വകുപ്പിൻ്റെ കുപ്പാടി ഡിപ്പോയിൽ സൂക്ഷിച്ചിരിക്കുകയാണ്.

നാല് ജില്ലകളിൽ ഭാഗിക വൈദ്യുതി നിയന്ത്രണം ഉണ്ടാകുമെന്ന് കെഎസ്ഇബി, കോഴിക്കോട് സബ്സ്റ്റേഷനിൽ മെയ് 25 വരെ അറ്റകുറ്റപണി

noreply@blogger.com (News Desk) — Fri, 22 May 2026 14:09:51 +0000

കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ ഭാഗീകമായി വൈദ്യുതി തടസ്സപ്പെടാന്‍ സാധ്യതയുളളതായി കെ എസ് ഇ.ബി അറിയിച്ചു. പവര്‍‍ഗ്രിഡ് കോര്‍‍പ്പറേഷന്റെ കോഴിക്കോട് 400 കെവി സബ്സ്റ്റേഷനിലെ മൂന്നാമത് നമ്പര്‍ 500 എം വി എ ട്രാന്‍‍സ്ഫോര്‍‍മറിന്റെ 220 കെ വി ബുഷിംഗില്‍‍ തകരാര്‍ സംഭവിച്ചിരുന്നു.

ഒരാഴ്ചക്കാലം ഈ ട്രാന്‍‍സ്ഫോര്‍‍മറിന്റെ അറ്റകുറ്റപണികള്‍‍‍ക്ക് വേണ്ടിവരുമെന്ന് പവര്‍‍ഗ്രിഡ് കോര്‍‍പ്പറേഷന്‍ അറിയിച്ച സാഹചര്യത്തില്‍ കോഴിക്കോട്, വയനാട്, കണ്ണൂര്‍, കാസറഗോഡ് ജില്ലകളില്‍ മേല്‍ ദിവസങ്ങളില്‍ ഭാഗീകമായി വൈദ്യുതി നിയന്ത്രണം വേണ്ടിവരുമെന്ന് കെ.എസ്.ഇ.ബി.എല്‍ അറിയിച്ചിരുന്നു.

എന്നാല്‍ അറ്റകുറ്റപണികള്‍ തീര്‍‍ക്കാനുള്ള ജോലികള്‍ പൂര്‍‍ത്തിയാക്കുന്നതിന് 2026 മെയ് 25 വരെ സമയം ആവശ്യമായി വരുമെന്ന് പവര്‍‍ഗ്രിഡ് കോര്‍‍പ്പറേഷന്‍ അറിയിച്ച സാഹചര്യത്തില്‍‍ 2026 മെയ് 25 വരെ കോഴിക്കോട്, വയനാട്, കണ്ണൂര്‍, കാസറഗോഡ് എന്നീ ജില്ലകളില്‍‍ ഭാഗീകമായി വൈദ്യുതി നിയന്ത്രണത്തിന് സാധ്യതയുള്ളതായി കെ.എസ്.ഇ.ബി.എല്‍ അറിയിച്ചു.

There was a fault in the 220 kV bushing of the third 500 MVA transformer at the Kozhikode 400 kV substation of the Power Grid Corporation.

'ഹലോ' എന്ന് മാത്രം മറുപടി; കുമ്പളയിൽ ഫോൺ കോളിന് പിന്നാലെ യുവാവിന് നഷ്ടമായത് 15,000 രൂപ; കെണിയിൽ വീണത് നാലോളം പേർ!

noreply@blogger.com (News Desk) — Thu, 21 May 2026 17:30:31 +0000

കാസർകോട്: ഫോണിൽ വന്ന ഒരു 'ഹലോ' കോളിന് പിന്നാലെ യുവാവിന് ബാങ്ക് അക്കൗണ്ടിൽ നിന്നും പതിനയ്യായിരം രൂപ നഷ്ടമായി. കുമ്പള ആരിക്കാടി സ്വദേശിയായ സുരേഷാണ് ഓൺലൈൻ സാമ്പത്തിക തട്ടിപ്പിനിരയായത്.

കഴിഞ്ഞദിവസം രാത്രി 8 മണിയോടെയാണ് സുരേഷിന്റെ ഫോണിലേക്ക് അപരിചിതമായ നമ്പരിൽ നിന്നും ഒരു കോൾ വരുന്നത്. ഫോൺ എടുത്ത് 'ഹലോ' എന്ന് പറഞ്ഞയുടൻ തന്നെ കോൾ കട്ടാവുകയായിരുന്നു. എന്നാൽ പിന്നീട് രാത്രി 10 മണിയോടെ സുരേഷിന്റെ അക്കൗണ്ടിൽ നിന്നും 15,000 രൂപ പിൻവലിച്ചതായുള്ള മെസ്സേജ് ഫോണിലെത്തി.

ഇന്ന് രാവിലെ ബാങ്കിലെത്തി അക്കൗണ്ട് പരിശോധിച്ചപ്പോഴാണ് പണം നഷ്ടപ്പെട്ട വിവരം ഇദ്ദേഹം സ്ഥിരീകരിക്കുന്നത്. തുടർന്ന് ബാങ്ക് മാനേജരുടെ നിർദ്ദേശപ്രകാരം സുരേഷ് പോലീസിൽ പരാതി നൽകി. സമാനമായ രീതിയിൽ പ്രദേശത്തെ നാലോളം പേർക്ക് പണം നഷ്ടമായിട്ടുണ്ടെന്നാണ് വിവരം. സൈബർ പോലീസ് സംഭവത്തിൽ അന്വേഷണം ആരംഭിച്ചിട്ടുണ്ട്.

ബെംഗളൂരുവിൽ ലാൻഡിങ്ങിനിടെ എയർ ഇന്ത്യ വിമാനത്തിന്റെ വാൽഭാഗം റൺവേയിലിടിച്ചു; മടക്കയാത്ര റദ്ദാക്കി

noreply@blogger.com (News Desk) — Thu, 21 May 2026 12:01:01 +0000

ബെംഗളൂരു: ഡൽഹിയിൽ നിന്നും ബെംഗളൂരുവിലേക്ക് വന്ന എയർ ഇന്ത്യ വിമാനം ലാൻഡിങ്ങിനിടെ റൺവേയിലിടിച്ചു. ബെംഗളൂരുവിലെ കെംപെഗൗഡ അന്താരാഷ്ട്ര വിമാനത്താവളത്തിൽ വ്യാഴാഴ്ചയായിരുന്നു സംഭവം. വിമാനത്തിന്റെ പിൻഭാഗം റൺവേയിൽ ഉരസുന്ന 'ടെയിൽ സ്ട്രൈക്ക്' (Tail-strike) ആണ് ഉണ്ടായത്.

എയർ ഇന്ത്യയുടെ AI2651 വിമാനമാണ് അപകടത്തിൽപ്പെട്ടത്. ലാൻഡിങ് സമയത്തുണ്ടായ അപ്രതീക്ഷിത പ്രതിസന്ധിയെ തുടർന്ന് വിമാനത്തിന്റെ നിയന്ത്രണം നേരിയ തോതിൽ നഷ്ടപ്പെടുകയും പിൻഭാഗം റൺവേയിൽ ഇടിക്കുകയുമായിരുന്നു. എന്നാൽ പൈലറ്റിന്റെ സമയോചിതമായ ഇടപെടലിലൂടെ വിമാനം സുരക്ഷിതമായി ലാൻഡ് ചെയ്യാൻ സാധിച്ചു. വിമാനത്തിലുണ്ടായിരുന്ന യാത്രക്കാരും ജീവനക്കാരും പൂർണ്ണസുരക്ഷിതരാണെന്ന് എയർ ഇന്ത്യ വക്താവ് അറിയിച്ചു. എല്ലാവരെയും സുരക്ഷിതമായി പുറത്തിറക്കി.

അപകടത്തെ തുടർന്ന് വിമാനത്തിന് എന്തെങ്കിലും തരത്തിലുള്ള കേടുപാടുകൾ സംഭവിച്ചിട്ടുണ്ടോ എന്നറിയാൻ വിശദമായ പരിശോധനകൾക്കായി വിമാനം നിലത്തിറക്കിയിരിക്കുകയാണ് (Grounded). ഇതേത്തുടർന്ന് ബെംഗളൂരുവിൽ നിന്നും ഡൽഹിയിലേക്കുള്ള ഇതിന്റെ മടക്ക സർവീസായ AI2652 റദ്ദാക്കി. യാത്ര മുടങ്ങിയ യാത്രക്കാർക്കായി എയർ ഇന്ത്യ ബദൽ ക്രമീകരണങ്ങൾ ഏർപ്പെടുത്തി വരികയാണ്.

സംഭവത്തെക്കുറിച്ച് വ്യോമയാന നിയന്ത്രണ അധികൃതരുമായി സഹകരിച്ച് എയർ ഇന്ത്യ അന്വേഷണം ആരംഭിച്ചിട്ടുണ്ട്. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് തങ്ങൾ മുൻഗണന നൽകുന്നതെന്നും യാത്രക്കാർക്കുണ്ടായ ബുദ്ധിമുട്ടിൽ ഖേദിക്കുന്നുവെന്നും എയർ ഇന്ത്യ വ്യക്തമാക്കി.

Air India aircraft hits tail on Bengaluru landing, return Delhi flight cancelled

പിണറായി വിജയൻ - ജി. സുധാകരൻ ഹസ്തദാനം: തിരഞ്ഞെടുപ്പ് കാലത്തെ തർക്കങ്ങൾക്ക് വിരാമം

noreply@blogger.com (News Desk) — Thu, 21 May 2026 11:54:13 +0000

പതിനാറാം കേരള നിയമസഭയുടെ ആദ്യ സമ്മേളനത്തിൽ, എം.എൽ.എമാരുടെ സത്യപ്രതിജ്ഞാ ചടങ്ങിനിടെ മുൻ മുഖ്യമന്ത്രി പിണറായി വിജയനും പ്രോടെം സ്പീക്കർ ജി. സുധാകരനും തമ്മിൽ ഹസ്തദാനം ചെയ്തത് വലിയ രാഷ്ട്രീയ ശ്രദ്ധ നേടി. തിരഞ്ഞെടുപ്പ് കാലത്തെ കടുത്ത കടുപ്പമേറിയ തർക്കങ്ങൾക്കും ശത്രുതയ്ക്കും വിരാമമിടുന്നതായിരുന്നു ഈ സൗഹൃദ പ്രകടനം. സിപിഐ(എം) വിട്ട് യു.ഡി.എഫ് പിന്തുണയോടെ അമ്പലപ്പുഴയിൽ നിന്ന് സ്വതന്ത്രനായി മത്സരിച്ച് വൻ ഭൂരിപക്ഷത്തിൽ വിജയിച്ചയാളാണ് ജി. സുധാകരൻ. സുധാകരന്റെ ഈ രാഷ്ട്രീയ നിലപാടിനെ അന്ന് മുഖ്യമന്ത്രിയായിരുന്ന പിണറായി വിജയൻ കടുത്ത ഭാഷയിൽ വിമർശിച്ചിരുന്നു. എന്നാൽ ഇത്തവണ പ്രതിപക്ഷ നേതാവായി തിരഞ്ഞെടുക്കപ്പെട്ട പിണറായി വിജയൻ നിയമസഭാംഗമായി സത്യപ്രതിജ്ഞ ചെയ്ത ശേഷം സ്പീക്കറുടെ ഡയസിനടുത്തേക്ക് വന്നപ്പോൾ, ജി. സുധാകരൻ എഴുന്നേറ്റ് നിന്ന് അദ്ദേഹത്തിന് കൈ കൊടുത്ത് സ്വീകരിക്കുകയായിരുന്നു. പിണറായി വിജയനോട് തനിക്ക് വ്യക്തിപരമായ യാതൊരു വിദ്വേഷവുമില്ലെന്ന് ജി. സുധാകരൻ പിന്നീട് വ്യക്തമാക്കി.

അതേസമയം, കമ്മ്യൂണിസ്റ്റ് പാർട്ടിക്ക് സംഭവിച്ച തിരിച്ചടിയെക്കുറിച്ച് സംസാരിച്ച സുധാകരൻ, ബംഗാളിലും ത്രിപുരയിലും സംഭവിച്ച വീഴ്ചകൾ ചൂണ്ടിക്കാട്ടി. കേരളത്തിൽ ശരിയായ കമ്മ്യൂണിസ്റ്റ് വഴികളിൽ നിന്ന് വ്യതിചലിച്ച് മുന്നോട്ട് പോകുന്നതാണ് ഈ പരാജയത്തിന് കാരണമെന്നും ഇത് കടുത്ത തിരിച്ചടിക്ക് കാരണമാകുമെന്നും അദ്ദേഹം അഭിപ്രായപ്പെട്ടു. എം.എൽ.എമാരുടെ സത്യപ്രതിജ്ഞയ്ക്ക് ശേഷം സ്പീക്കർ, ഡെപ്യൂട്ടി സ്പീക്കർ തിരഞ്ഞെടുപ്പുകൾ അടുത്ത ദിവസങ്ങളിൽ നടക്കും. യു.ഡി.എഫ് സ്ഥാനാർത്ഥിയായി തിരുവഞ്ചൂർ രാധാകൃഷ്ണനും, ചരിത്രത്തിലാദ്യമായി മൂന്ന് സീറ്റുകൾ നേടിയ ബി.ജെ.പി തങ്ങളുടെ സ്ഥാനാർത്ഥിയായി എൻ. ഗോപകുമാറിനെയും സ്പീക്കർ സ്ഥാനത്തേക്ക് മത്സരിപ്പിക്കുന്നുണ്ട്. 140 അംഗ നിയമസഭയിൽ യു.ഡി.എഫ് 102 സീറ്റുകളും, എൽ.ഡി.എഫ് 35 സീറ്റുകളും, ബി.ജെ.പി 3 സീറ്റുകളുമാണ് നേടിയത്.

ഞെട്ടിക്കുന്ന ട്വിസ്റ്റുകളല്ല, ഉള്ളുലയ്ക്കുന്ന വൈകാരിക പോരാട്ടം; 'ദൃശ്യം 3' റിവ്യൂ!

noreply@blogger.com (News Desk) — Thu, 21 May 2026 11:47:01 +0000

ആദ്യ രണ്ട് ഭാഗങ്ങളെപ്പോലെ വലിയൊരു ട്വിസ്റ്റിനോ സസ്പെൻസിനോ അല്ല 'ദൃശ്യം 3' പ്രാധാന്യം നൽകുന്നത്, പകരം ഒരു വലിയ തെറ്റിന്റെ നിഴലിൽ കഴിഞ്ഞ പത്ത് വർഷമായി ജോർജുകുട്ടിയുടെ കുടുംബം അനുഭവിക്കുന്ന മാനസികവും വൈകാരികവുമായ സങ്കീർണ്ണതകളാണ് ചിത്രം ചർച്ച ചെയ്യുന്നത്.

പോസിറ്റീവ് വശങ്ങൾ:

അഭിനയം: കണക്കുകൂട്ടി നീങ്ങുന്ന ഒരു സൂത്രധാരൻ എന്നതിലുപരി, കുടുംബത്തെ സംരക്ഷിക്കാൻ പാടുപെടുന്ന ഒരു സാധാരണ പിതാവിന്റെ ഉത്കണ്ഠകളും മൃദുത്വവും മോഹൻലാൽ വളരെ സ്വാഭാവികമായി അവതരിപ്പിച്ചിരിക്കുന്നു.
വൈകാരികത: സിനിമയുടെ ലോകം ഇപ്പോഴും യാഥാർത്ഥ്യത്തോട് ചേർന്നുനിൽക്കുന്നതാണ്. അതിജീവനത്തിനായി ഒരു കുടുംബം നൽകേണ്ടിവരുന്ന മാനസികമായ വില എന്തെന്ന് ചിത്രം മികച്ച രീതിയിൽ കാണിച്ചുതരുന്നു.
സംഗീതം & ക്ലൈമാക്സ്: തിരക്കഥ പതുക്കെയാകുന്ന പലയിടത്തും പശ്ചാത്തല സംഗീതം ആവേശം നിലനിർത്തുന്നുണ്ട്. ക്ലൈമാക്സ് വലിയൊരു സ്ഫോടനം പോലെയുള്ള ഒന്നല്ലെങ്കിലും, ഈ സിനിമയുടെ കഥാഗതിക്ക് അനുയോജ്യമായ ഒന്നാണ്.

പോരായ്മകൾ:

ആവർത്തനങ്ങൾ: മുൻ സിനിമകളിലെ ഡയലോഗുകളും രംഗങ്ങളും അനാവശ്യമായി ആവർത്തിക്കുന്നതും വിശദീകരിക്കുന്നതും സിനിമയുടെ സ്വാഭാവിക ഒഴുക്കിനെ തടസ്സപ്പെടുത്തുന്നു.
വേഗതക്കുറവ്: രണ്ടാം പകുതിയിൽ തിരക്കഥയുടെ വേഗത കുറയുന്നതായി അനുഭവപ്പെടുന്നുണ്ട്. കഥ മുന്നോട്ട് കൊണ്ടുപോകാൻ വേണ്ടി ചില നാടകീയമായ വഴിത്തിരിവുകളും കഥാപാത്രങ്ങളുടെ യുക്തിയില്ലാത്ത തീരുമാനങ്ങളും ഉൾപ്പെടുത്തിയത് പോലെ തോന്നാം. ചില പ്രകടനങ്ങൾ അനാവശ്യമായി അതിശയോക്തി കലർന്നതാണ്.

തീർപ്പ്: ആദ്യ രണ്ട് ഭാഗങ്ങളുടെ അത്രതന്നെ മൂർച്ചയേറിയ മികവ് അവകാശപ്പെടാനില്ലെങ്കിലും, ജോർജുകുട്ടിയോടും കുടുംബത്തോടും പ്രേക്ഷകർക്കുള്ള വൈകാരികമായ അടുപ്പം കാരണം 'ദൃശ്യം 3' ഒരു ആസ്വാദ്യകരമായ ചിത്രമായി നിലനിൽക്കുന്നു.

കോക്രോച്ച് ജനതാ പാർട്ടി (CJP) യുടെ എക്സ് (ട്വിറ്റർ) അക്കൗണ്ട് ഇന്ത്യയിൽ റദ്ദാക്കി; പുതിയ അക്കൗണ്ട് തുടങ്ങി സ്ഥാപകൻ

noreply@blogger.com (News Desk) — Thu, 21 May 2026 11:37:57 +0000

നിയമപരമായ ആവശ്യത്തെത്തുടർന്ന് കോക്രോച്ച് ജനതാ പാർട്ടി (CJP) യുടെ ഔദ്യോഗിക എക്സ് (ട്വിറ്റർ) അക്കൗണ്ട് ഇന്ത്യയിൽ റദ്ദാക്കിയതായി (withheld) സ്ഥാപകൻ അഭിജീത് ദിപ്കെ അറിയിച്ചു. മെയ് 16-നാണ് സി.ജെ.പി.യുടെ അക്കൗണ്ട് ആരംഭിച്ചത്. വെറും 4 ദിവസത്തിനുള്ളിൽ രണ്ട് ലക്ഷത്തിലധികം ഫോളോവേഴ്‌സിനെ നേടിയതിനാലാണ് അക്കൗണ്ട് നിരോധിച്ചതെന്ന് അദ്ദേഹം എക്സിലൂടെ പ്രതികരിച്ചു. സി.ജെ.പി.യുടെ ഇൻസ്റ്റാഗ്രാം അക്കൗണ്ട് ഹാക്ക് ചെയ്യാനും ശ്രമങ്ങൾ നടന്നതായി ദിപ്കെ ആരോപിക്കുന്നുണ്ട്.

അക്കൗണ്ട് റദ്ദാക്കപ്പെട്ട് രണ്ട് മണിക്കൂറിനുള്ളിൽ 'കോക്രോച്ച് ഈസ് ബാക്ക്' (Cockroach Is Back) എന്ന പേരിൽ പുതിയൊരു അക്കൗണ്ട് അദ്ദേഹം എക്സിൽ ആരംഭിച്ചു. ഈ വിഷയത്തിൽ നിയമപരമായി മുന്നോട്ട് പോകുമെന്നും അദ്ദേഹം വ്യക്തമാക്കി. പുതിയ അക്കൗണ്ട് ആരംഭിച്ച് ഒരു മണിക്കൂറിലധികം പിന്നിട്ടപ്പോൾ (വൈകുന്നേരം 3.40 ഓടെ) 16,800 ഫോളോവേഴ്‌സിനെ ഇതിനോടകം ലഭിച്ചിട്ടുണ്ട്.

എന്താണ് കോക്രോച്ച് ജനതാ പാർട്ടി?

ആം ആദ്മി പാർട്ടിയുടെ (AAP) മുൻ രാഷ്ട്രീയ തന്ത്രജ്ഞനായിരുന്ന അഭിജീത് ദിപ്കെ മെയ് 16-ന് ആരംഭിച്ച ഒരു ആക്ഷേപഹാസ്യ (satirical) രാഷ്ട്രീയ പ്രസ്ഥാനമാണ് കോക്രോച്ച് ജനതാ പാർട്ടി. രാജ്യത്തെ തൊഴിൽരഹിതരായ യുവാക്കളെ സുപ്രീം കോടതി ചീഫ് ജസ്റ്റിസ് സൂര്യകാന്ത് 'കീടങ്ങൾ' (cockroaches) എന്ന് വിശേഷിപ്പിച്ചു എന്ന വാർത്തകളോടുള്ള പ്രതികരണമായാണ് ഈ പ്ലാറ്റ്‌ഫോം രൂപീകരിച്ചത്. എന്നാൽ മാധ്യമങ്ങൾ തന്റെ വാക്കുകൾ തെറ്റായി വ്യാഖ്യാനിച്ചതാണെന്ന് ചീഫ് ജസ്റ്റിസ് പിന്നീട് വ്യക്തമാക്കുകയുണ്ടായി.

സോഷ്യൽ മീഡിയയിൽ വൻ തരംഗമായി മാറിയ ഈ പ്രസ്ഥാനത്തിന് ഇൻസ്റ്റാഗ്രാമിൽ മാത്രം 14.5 മില്യണിലധികം (1.45 കോടി) ഫോളോവേഴ്‌സാണുള്ളത്. ഇത് ബി.ജെ.പി.യുടെ ഇൻസ്റ്റാഗ്രാം ഫോളോവേഴ്‌സിന്റെ എണ്ണത്തെക്കാൾ (8.8 മില്യൺ) കൂടുതലാണ്. 'ദി കോക്രോച്ച് യൂത്ത്', 'കോക്രോച്ച് ന്യൂസ്', 'ഐ ആം കോക്രോച്ച്' തുടങ്ങി ഇതേ പേരിലുള്ള മറ്റ് നിരവധി അക്കൗണ്ടുകൾ ഇപ്പോഴും എക്സിൽ സജീവമാണ്.

തൃണമൂൽ കോൺഗ്രസ് നേതാക്കളായ മഹുവ മൊയ്ത്ര, കീർത്തി ആസാദ് എന്നിവരുൾപ്പെടെയുള്ള രാഷ്ട്രീയക്കാരും, പ്രശാന്ത് ഭൂഷൺ, അഞ്ജലി ഭരദ്വാജ് തുടങ്ങിയ പ്രമുഖ സാമൂഹിക പ്രവർത്തകരും ഈ പ്രസ്ഥാനത്തെ പിന്തുണച്ചും താല്പര്യം പ്രകടിപ്പിച്ചും രംഗത്തെത്തിയിട്ടുണ്ട്. വെറുമൊരു ഓൺലൈൻ പരിഹാസ പ്രോജക്റ്റായി തുടങ്ങിയ ഇത്, സമകാലിക പ്രതിഷേധങ്ങളിൽ ഹാസ്യത്തിനും മീം (meme) സംസ്കാരത്തിനുമുള്ള പങ്കിനെക്കുറിച്ചുള്ള വലിയൊരു ചർച്ചയ്ക്കാണ് ഇപ്പോൾ വഴിതുറന്നിരിക്കുന്നത്.

Cockroach Janata Party’s X handle withheld, founder starts new account

പുൽവാമ ഭീകരാക്രമണത്തിന്റെ സൂത്രധാരനെ പാകിസ്താനിൽ അജ്ഞാതർ വെടിവെച്ചു കൊന്നു

noreply@blogger.com (News Desk) — Thu, 21 May 2026 11:30:15 +0000

ഇസ്ലാമാബാദ്: ഇന്ത്യ തിരയുന്ന ഭീകരനും പുൽവാമ ഭീകരാക്രമണത്തിന്റെ സൂത്രധാരന്മാരിൽ ഒരാളുമായ ഹംസ ബുർഹാനെ പാകിസ്താനിൽ അജ്ഞാത തോക്കുധാരികൾ വെടിവെച്ചു കൊന്നതായി റിപ്പോർട്ട്. അക്രമികൾ ഹംസ ബുർഹാന് നേരെ വെടിയുതിർക്കുകയായിരുന്നു. ശരീരത്തിൽ ഒന്നിലധികം വെടിയേറ്റ ഇയാൾ സംഭവസ്ഥലത്തുതന്നെ മരിച്ചതായാണ് വിവരം. പാകിസ്താൻ അധിനിവേശ കശ്മീരിലെ മുസാഫറാബാദിലാണ് വെടിവെപ്പുണ്ടായത്. ആക്രമണത്തിന് പിന്നിൽ ആരാണെന്നതിനെക്കുറിച്ചോ, കൊലപാതകത്തിന്റെ കാരണത്തെക്കുറിച്ചോ പാക് ഉദ്യോഗസ്ഥർ ഇതുവരെ ഔദ്യോഗിക വിവരങ്ങൾ പുറത്തുവിട്ടിട്ടില്ല.

ഇന്റലിജൻസ് ഏജൻസികളുടെ റിപ്പോർട്ട് പ്രകാരം, ഇന്ത്യവിരുദ്ധ പ്രവർത്തനങ്ങളുടെ നീണ്ട ചരിത്രമുള്ളയാളാണ് ബുർഹാൻ. ജമ്മു കശ്മീരിലെ യുവാക്കളെ തീവ്രവാദത്തിലേക്കും നയിക്കുന്നതിൽ ഇയാൾ പ്രധാന പങ്കുവഹിച്ചിരുന്നു. ജമ്മു കശ്മീരിലെ പുൽവാമ ജില്ലയിലുള്ള രത്‌നിപോറ മേഖല സ്വദേശിയായിരുന്നു ഇയാൾ. ഏഴ് വർഷം മുമ്പ് പാകിസ്താൻ സന്ദർശിച്ച ഇയാൾ അവിടെവെച്ച് 'അൽ-ബദർ' എന്ന ഭീകര സംഘടനയിൽ ചേരുകയായിരുന്നു. പിന്നീട് ഈ ഭീകരസംഘടനയുടെ ഓപ്പറേഷണൽ കമാൻഡറായി മാറിയ ബുർഹാൻ, സംഘടനയിലേക്ക് പുതിയ ആളുകളെ റിക്രൂട്ട് ചെയ്യുന്ന ചുമതലയും ഏറ്റെടുത്തു. ഇതിനുപുറമേ, ജമ്മു കശ്മീരിലേക്ക് ഈ സംഘടനയ്ക്ക് ആവശ്യമായ ആയുധങ്ങൾ എത്തിക്കുന്ന മേൽനോട്ടവും ഇയാൾക്കായിരുന്നു.

2022-ൽ ഇന്ത്യൻ സർക്കാർ ഇയാളെ ഭീകരനായി പ്രഖ്യാപിച്ചു. പുൽവാമയിലും തെക്കൻ കശ്മീരിന്റെ മറ്റ് ഭാഗങ്ങളിലും ഭീകരത പടർത്തുന്നതിന് പിന്നിലെ പ്രധാന ബുദ്ധി കേന്ദ്രം ബുർഹാന്റേതാണെന്നാണ് സുരക്ഷാ ഏജൻസികൾ കരുതുന്നത്. യുവാക്കളെ പ്രകോപിപ്പിക്കുന്നതിനും സംഘടനയിലേക്ക് ആകർഷിക്കുന്നതിനുമായി ബുർഹാൻ സമൂഹമാധ്യമം വ്യാപകമായി ഉപയോഗിച്ചിരുന്നു. 2019 ഫെബ്രുവരി 14-നാണ് ഇന്ത്യയെ നടുക്കിയ പുൽവാമ ഭീകരാക്രമണം നടക്കുന്നത്. ജമ്മു കശ്മീരിലെ പുൽവാമയ്ക്ക് സമീപം ഇന്ത്യൻ സെൻട്രൽ റിസർവ് പോലീസ് ഫോഴ്സിന്റെ വാഹനവ്യൂഹത്തിന് നേരെ ചാവേർ ആക്രമണം നടത്തുകയായിരുന്നു. സ്ഫോടകവസ്തുക്കൾ നിറച്ച വാഹനം സുരക്ഷാ ഉദ്യോഗസ്ഥർ സഞ്ചരിച്ചിരുന്ന ബസിലേക്ക് ഇടിച്ചുകയറ്റിയതിനെ തുടർന്ന് 40 സി.ആർ.പി.എഫ് ജവാന്മാർ വീരമൃത്യു വരിക്കുകയും നിരവധി പേർക്ക് പരിക്കേൽക്കുകയും ചെയ്തു.

പാകിസ്താൻ കേന്ദ്രമായി പ്രവർത്തിക്കുന്ന ഭീകര സംഘടനയായ ജെയ്ഷെ മുഹമ്മദ് ആണ് ആക്രമണത്തിന്റെ ഉത്തരവാദിത്തം ഏറ്റെടുത്തത്. ഈ ആക്രമണം ഇന്ത്യയും പാകിസ്താനും തമ്മിലുള്ള നയതന്ത്ര-സൈനിക ബന്ധങ്ങളിൽ വൻ സംഘർഷത്തിന് കാരണമാവുകയും, ഇതിന് തിരിച്ചടിയായി ഇന്ത്യ ബാലാകോട്ട് വ്യോമാക്രമണം നടത്തുകയും ചെയ്തു. കശ്മീരിന്റെ ചരിത്രത്തിൽ ഇന്ത്യൻ സുരക്ഷാ സേനയ്ക്ക് നേരെ നടന്ന ഏറ്റവും മാരകമായ ഭീകരാക്രമണങ്ങളിൽ ഒന്നാണിത്.

സിൽവർ ലൈൻ വേണ്ടെന്ന് വെച്ചു; ഭൂമി ഏറ്റെടുക്കൽ വിജ്ഞാപനങ്ങളും കേസുകളും പിൻവലിക്കുമെന്ന് മുഖ്യമന്ത്രി

noreply@blogger.com (News Desk) — Wed, 20 May 2026 07:18:49 +0000

തിരുവനന്തപുരം: കാസര്‍കോട് സില്‍വര്‍ ലൈന്‍ പദ്ധതി റദ്ദാക്കിയതായി മുഖ്യമന്ത്രി വിഡി സതീശന്‍. പൊലീസ് കേസുകള്‍ പിന്‍വലിക്കാനുള്ള ശുപാര്‍ശയും സമര്‍പ്പിക്കുമെന്നും മഞ്ഞക്കുറ്റി നീക്കം ചെയ്യാന്‍ റവന്യു വകുപ്പിന് നിര്‍ദ്ദേശം നല്‍കിയെന്നും മുഖ്യമന്ത്രി

തിരുവനന്തപുരം: തിരുവനന്തപുരം- കാസര്‍കോട് സില്‍വര്‍ ലൈന്‍ പദ്ധതി റദ്ദാക്കിയെന്ന് മുഖ്യമന്ത്രി വിഡി സതീശന്‍. പദ്ധതിയുമായി ബന്ധപ്പെട്ട എല്ലാ വിജ്ഞാപനവും റദ്ദാക്കിയെന്ന് മുഖ്യമന്ത്രി വിഡി സതീശന്‍ അറിയിച്ചു. ഭൂമി ഏറ്റെടുക്കല്‍ തീരുമാനം റദ്ദാക്കി. പൊലീസ് കേസുകള്‍ പിന്‍വലിക്കാനുള്ള ശുപാര്‍ശയും സമര്‍പ്പിക്കുമെന്നും മഞ്ഞക്കുറ്റി നീക്കം ചെയ്യാന്‍ റവന്യു വകുപ്പിന് നിര്‍ദ്ദേശം നല്‍കിയെന്നും മുഖ്യമന്ത്രി വാര്‍ത്താസമ്മേളനത്തില്‍ അറിയിച്ചു. മന്ത്രിസഭാ യോ?ഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

വിഷന്‍ 2031 നടപ്പിലാക്കും. 100 ദിവസത്തെ കര്‍മ്മ പദ്ധതി അടിയന്തരമായി ചെയ്യേണ്ട കാര്യങ്ങളുടെ ലിസ്റ്റ് തയ്യാറാക്കും. പദ്മ പുരസ്‌കാരം ശുപാര്‍ശ സമര്‍പ്പിക്കാന്‍ സമിതി നിര്‍മിക്കും. സില്‍വര്‍ ലൈനിന് പകരം സ്പീഡ് കൊറിഡോര്‍, അതിവേഗ ഇടനാഴി എന്നിവയും പരിഗണനയിലുണ്ട്. പ്രായോഗികം അല്ലാത്തത് കൊണ്ടാണ് സില്‍വര്‍ ലൈന്‍ വേണ്ടെന്ന് വച്ചതെന്നും യുഡിഎഫ് സബ് കമ്മിറ്റി പഠിച്ച് വിശദമായ റിപ്പോര്‍ട്ടിന്റെ അടിസ്ഥാനത്തിലാണ് പദ്ധതി വേണ്ടെന്ന് വച്ചതെന്നും സതീശന്‍ പറഞ്ഞു. പിഎസ്‌സി റാങ്ക് ലിസ്റ്റ് കാലാവധി നീട്ടി. 2026 ഓഗസ്റ്റ് 31നകം കാലാവധി അവസാനിക്കുന്ന ലിസ്റ്റുകള്‍ നവംബര്‍ 30 വരെ നീട്ടും. യുഡിഎഫ് പ്രകടന പത്രികയിലെ കാര്യങ്ങള്‍ വകുപ്പുകള്‍ക്ക് വിഭജിച്ച് നല്‍കി. വന്ദേമാതരം മുഴുവന്‍ പാടിയത് ലോക് ഭവന്‍ നിര്‍ദേശ പ്രകാരമാണ്. വന്ദേമാതരം മുഴുവന്‍ ആലപിക്കുന്ന കാര്യം അറിയില്ലായിരുന്നു. സംഘടിപ്പിച്ചത് രാജ്ഭവന്‍ ആണ്. വേദിയില്‍ വെച്ചാണ് ഇത് അറിഞ്ഞതെന്നും മുഖ്യമന്ത്രി പറഞ്ഞു.