மனதில் பட்டது

வலைப்பூவில் நீங்களும் நாலு காசு பாக்கணுமா???

2015-06-16T15:43:00.000-07:00

இந்த உலகத்தில எனக்குப் பிடிச்ச ரெண்டு விசயங்கள்:
1. பணம் அல்லது காசு
2. மணி அல்லது துட்டு

மத்தப்படி பெரிசா ஒண்டிலயும் அவ்வளவு இன்ரஸ்ட் இல்ல!!

அதற்காக நான் காசிப் பைத்தியமெல்லாம் இல்லீங்க, பட் அதில கொஞ்சம் ஜாஸ்தி இன்ரஸ்ட் அவ்வளவுதான்.

தயவு செஞ்சு யாரும் இங்கே பாசத்துடன் காச ஒப்பிட்டு என்ன ஒரு மாதிரியாப் பாங்காதிங்க!

யேஸ், ஐயம் ஓல்வேய்ஸ் லவ் பியுபில், லவ் ஹியுமன் (B)யிங் என்ட் எட்சட்ரா.....

நான் சொல்ல வந்த விசயமே வேற, தட்ஸ் நொட் திஸ்!
யேஸ், அது வேற ஒரு மேட்டர்:

இன்று தமிழில் வலைப்பூவிடும் அதாவது ப்லோக்கிங் செய்யும் ஏராளமானவர்களின் பெரிய குறையொன்றுதான் கூகிள் எட்-சென்ஸ்.

இந்த கூகிள் எட்-சென்ஸ் ஆனது ப்லோக்கரில் பதிவிடும் வலைப்பதிவர்களுக்கு மாத்திரமே இலகுவாகப் பயன்படுத்தக்கூடியவாறு வடிவமைக்கப்பட்டு செயற்பாட்டிலிருக்கின்றது.

வேட்பிரஸ் போன்ற ஏனைய ப்லோக்கிங் தளங்களில் பதிவிடுபவர்களுக்கு இதனை நேரடியாக பெற்றுக் கொள்ள முடியாது. ஆனால் அதற்கு பிற வழி முறைகளை கையாள்வதன் மூலமாக இயலுமாக்கலாம்.

இது ஒருபுறமிருக்க,

இவ்வாறு கூகிள் எட்-சென்ஸில் தமிழைப் புறக்கணிப்பது தமிழ் வலைப்பதிவர்களுக்கு கூகிள் செய்யும் மகா துரோகம் என்றுதான் சுட்டிக்காட்டப்படுகின்றது.

தற்போது உலகத்திலுள்ள மொழிகளில் மிகவும் சிறப்புமிக்க மற்றும் தொண்மையான மொழியொன்றாகிய தமிழுக்கு ஏன் இங்கு அங்கீகாரம் வழங்கப்படாமல் போனது போன்ற விடயங்கள் பற்றியெல்லாம் பல விவாதங்கள் காலம் காலமாக விவாதிக்கப்படுகின்றன நம்மவர்களால் கூகிளுடன்.

அதற்கு கூகிளும் பல நொண்டிக் காரணங்களை முன்வைத்த வண்ணமே இருக்கின்றது.

எது எவ்வாறாகினும் இவையெல்லாம் நம்மவர்களுக்கு புளிச்சுப் போன சமாச்சாரங்கள் என்பதுதான் உண்மையும் கூட.

ஆனால் “ஒரு கதவு மூடினால் மறு கதவு திறக்கப்படும்” என்பது போல இதற்கு மாற்றீடாக பல வழிகளை நம்மவர்கள் கையாள்வதை பெரும்பாலானவர்கள் அவதானித்திருப்பீர்கள், அல்லது அதைப் பார்த்து பொறாமையாவது பட்டிருப்பீர்கள்.

ஓல்ரைட்!!

எப்புடி பாஸ் நானும் இதில நாலு காசு சம்பாதிக்கிறது எண்டு நீங்க கேக்குறது எனக்குப் புரியுது.

இதில பெரிசா எந்தவொரு மாயாஜாலமோ அல்லது
கண்கட்டி வித்தையோ என ஒரு மண்ணும் இல்ல!!!

தல சொல்றது போல, மேக் இட் சிம்பிள்!! அவ்வளவுதான்.

எவ்வாறு அல்லது ஹவ்???
நீங்க நினைக்கலாம் அதென்ன இவன் ஒண்ட ரெண்டுவாட்டி சொல்றான் என்றவாறு...

(அது ஒன்னுமில்ல சும்மா ஒரு ஆர்வக் கோளாறாதுதான்...)

1. நீங்க கொஞ்சமாப்போல காசி செலவழிக்கனும். அதாவது வெப்ஹோஸ்டிங் மற்றும் தனித்துவமான டொமைன் ஒன்றை பெறுவதன் மூலமாக இதனை சாத்தியமாக்கலாம்.

தற்போது பல நிறுவனங்கள் போட்டி போட்டுக் கொண்டு இவற்றை வழங்கிக் கொண்டிருக்கிறார்கள் என்பதுதான் உண்மை.

இதைப்பற்றி கூகிளில் சற்று தேடிப் பாருங்கள்.
உங்களுக்குப் பொறுத்தமான டொமைன் நேம் ஒன்றையும் வெப்ஹோஸ்ட் பெகேச் ஒன்றையும் தெரிவு செய்யுங்கள்.

Bluehost தற்போது மாதத்திற்கு கிட்டத்தட்ட 2 டொலர் அடிப்படையில் ஆரம்பத் திட்டம் ஒன்றை வழங்குகின்றது.

உண்மையில் நீங்கள் வேட்பிரஸை பயன்படுத்துபவராயின் Bluehost ஆனது உங்களுக்கு சிறப்பானதொன்றாகவும் இலகுவானதொன்றாகவும் அமையும்.

காரணம் வேட்பிரஸை இதனுடன் -(Bluehost) இலகுவான இணைத்துவிடலாம் என்பதனால்தான்.

இதன் மூலமாக இலகுவாக நீங்கள் எந்த மொழியில் பதிவிட்டாலும் கூகிளின் எட்சென்ஸின் அனுமதியைப் பெற்றுக் கொள்ளலாம்.

மேலும் இதனால் இன்னும் பற் பல நன்மைகள்...

2. உங்களிண்ட பதிவுகளை நல்லதாப் போடனும் அதாவது என்ன மாதிரி மொக்கையாப் போடாம!!
மத்தவங்க உங்குட பக்கத்திற்கு ஏதோ சும்மா ஒரு எட்டு வந்து போர மாதிரியாச்சும் உங்குட பொன்னான பதிவுகளை போடனும்.

அப்பதான் நாலு பேர் உங்களப் பத்தி நாலு விதமா கதைப்பாங்க. இதனால உங்களின்ட் வலைப்பூ நெரிசலும்(Blog Traffic) அதிகமாகும்.

இந்த வலைப்பூ நெரிசலைப் பயன்படுத்தி பல இணையத்தளங்களின் இணைப்பு சந்தைப்படுத்தல்களை(Affiliate marketing) உங்களின் வலைத்தளத்தின் ஊடாகவே மேற்கொள்ளலாம். இதன் மூலமும் நாலு காசப் பாக்கலாம்.

மேலும் உங்களின் வலைப்பூ நெரிசலைப் பயன்படுத்தி உள்ளூர் மற்றும் பல நிறுவனங்களின் விளம்பரங்களை நீங்களாகவே உங்களின் தளத்தில் விளம்பரப்படுத்தலாம். அதாவது விளம்பர அளவைப் பொறுத்து அதற்கான கட்டணத்தை வசூலிப்பதன் மூலமாக.

இவைகள்தான் சட்ட ரீதியாக எந்தவொரு பிரச்சினைகளும் இல்லாத தீர்வுகள்.

பட் இதில நீங்க கொஞ்சம் ரிஸ்க் எடுக்கனும் என ஆசப்பட்டா இன்னும் பல குறுக்கு வழிகலெல்லாம் இருக்கு.

அவைகள் உங்களுக்காக:

1. உங்களின்ட வலைப்பூவ அதாவது உங்களின்ட ப்லோக்கர ஆங்கில மொழியில் பதிவு செய்து கொஞ்சக் காலத்துக்கு ஆங்கிலத்திலயே பதிவுகளை இட்டு கூகிள் எட்சென்ஸின் அனுமதி கிடைத்த பின் தமிழில் பதிவிடலாம்.

அல்லது அதனுடைய எட்சென்ஸ் கணக்கை உங்களின்ட தமிழ் ப்லோகிங் கணக்குடன் இணைத்து விடலாம்.

2. வேறு ஒரு எட்சென்ஸ் கணக்கொன்றை ஹெக் செய்யலாம்.
தயவு செய்து யாரும் இதனை முயற்சிக்க வேண்டாம்.

3. இன்னும் பல...

“இவைகள் ஏதேனும் கூகிளினால் கண்டுபிடிக்கப்பட்டால் உங்களின் கணக்கு நிரந்தரமாகவே முடக்கப்படும்”

இது கூகிளின் அறிவிப்பு.

ஏன் ராசா கனியிருக்க காய் கவருவான்!!!

இப்ப புரியுதா எப்புடி நாலு காச நாசூக்கா சம்பாதிக்கிறண்டு.

--பாஸ் ஆயு ரெடி--

அடுத்த பில்கேட்ஸ் நீங்களா???

2015-06-15T05:08:00.000-07:00

உங்களிடம் நம்பிக்கை, விடாமுயற்சி, கடின உழைப்பு மற்றும் புதிய சிந்தனைகள் போன்றவை காணப்படுமாயின் நீங்கள்தான் அடுத்த பில்கேட்ஸ் என்று உங்களிடம் பொய் சொல்லி நான் உங்களை உசுப்பியெல்லாம் விட மாட்டேன்.

உலகிலுள்ள ஏராளமானவர்களிடத்தில் நான் மேற்கூறிய பண்புகள் காணப்படுகின்றன என்பதும் அதற்கான காரணமாகும்.

ஆம், தற்போது இவ்உலகில் உள்ள அனைவரும் கடினமாக உழைக்கத் தயார் நிலையிலேயே இருக்கின்றனர். அதேபோல் புதிய மாறுபட்ட சிந்தனைகளை உடையவர்களாகவும் காணப்படுகின்றார்கள்.

ஆனால் பிரச்சினை என்னவென்று ஆராய்ந்தால்,

பெரும்பாலானவர்களிடத்தில் பெரிய கனவுகளோ, அதனை செயற்படுத்துவதற்குரிய போதுமான நீண்ட காலத் திட்டமிடல்களோ இல்லை என்பதுதான் விடயமாகும்.

குறுகிய கால சிறிய இலக்குகளை நோக்கி குறிவைத்திருக்கும் இவர்கள் பெரிய இலக்குகளை நோக்கிய கனவுகள் விடயத்தில் கஞ்சத்தனம் காட்டுகிறார்கள் என்பதுதான் இவர்களின் பில்கேட்ஸ் கனவுகளுக்கு முதல் தடையாக அமைந்து விடுகின்றது.

கிழக்காசிய நாடுகளில் 70 சதவீதத்திற்கும் அதிகமான இன்றைய இளைஞர்கள் ஏதோ ஒரு பட்டப் படிப்பை நிறைவு செய்து அதனுடன் தொடர்பானதொரு துறையில் ஏதோ ஒரு நிறுவனத்தில் இணைந்து கைநிறைய சம்பாதிப்பதனையே அவர்களது வாழ்நாள் இலட்சியமாக வைத்திருக்கிறார்கள் என்பதுதான் சத்தியமான உண்மையாகும்.

அதிலும் குறிப்பாக தொழிநுட்பத் துறையை தெரிவு செய்து ஏதோ ஒரு அளவுக்கு வருமானம் கிடைத்தவுடன் வீட்டில் பார்க்கும் ஒருவரை திருமணம் செய்து ஐயம் செட்டில்ட் டவுன் என்று கூறிக்கொண்டும் திறிகிறார்களாம்...

இதை தவரென்றோ அல்லது இவர்கள் இலட்சியமற்றவர்கள் என்றோ யாராலும் குறை கூற முடியாது.

ஆனால், இவர்கலெல்லாம் அடுத்த பில்கேட்ஸ் அளவுக்கு யோசிப்பார்களேயானால் அதுதான் அவர்களின் வாழ்நாள் முட்டாள் தனம் என்று என்னால் கூற முடியும்.

“உங்களின் இலக்குகளைப் பார்த்து மற்றவர்கள் சிரிக்க வில்லையெனின் உங்களது இலக்குகள் மிகவும் சிறியவை ” -அசிம் பிரேம்ஜி

உங்களின் பெரிய கனவுகள் தான் உங்களின் நீண்ட கால வெற்றிக்கு ஒரு ஊன்றுகோலாகும்.

யாரும் கற்பனை செய்து பார்க்க முடியாத அளவுக்கு உங்களின் கனவுகளையும் இலக்குகளையும் தீர்மானியுங்கள்.

அதனை ஒவ்வொரு நாளும் நினைவுபடுத்துங்கள். உங்களுக்கென்றே ஒரு கற்பனை சாம்ராஜ்யத்தை உருவாக்கிக் கொள்ளுங்கள்.

நீங்கள்தான் அந்த சாம்ராஜ்யத்தின் பில்கேட்ஸ்.

உங்களின் கனவுகளுக்கு சக்தி கொடுங்கள் அதனை எவ்வாறு அடையலாம் என்று திட்டமிடுங்கள். வியூகங்களை வகுத்துக் கொள்ளுங்கள்.

நிச்சயமாக நீங்கள் ஒரு நாள் உங்களின் கனவுகளுக்கு உயிர் கொடுப்பீர்கள் என்று உங்களை நம்புங்கள். அதற்கான தயார் படுத்தல்களை ஆரம்பியுங்கள்.

இவை போதும் உங்களின் பெரிய கனவுகளை நிஜமாக்குவதற்கு.

ஒருபோதும் ஒரே இரவில் வெற்றிவாகையெல்லாம் சூட முடியாது. அதாவது ஓவர் நைட் சக்ஸஸ் (Overnight Success) எல்லாம் ரஜினிகாந்தின் திரைப்படங்களிலேயே சாத்தியமாகும்.

மாறாக, முறையான நீண்டகாலத் திட்டமிடல்கள், நம்பிக்கையான உழைப்பு, அதன் மீது மட்டில்லா ஈர்ப்பு (அல்லது அதன் மீது ஒரு வெறி) போன்றவற்றை ஒருமைப்படுத்திய யாருடைய தலையீடுமற்ற செயற்பட்டாடுகள் அவசியம்.

இதற்கு நீங்கள் தயார் எனின்,

நிச்சயமாக அடுத்த பில்கேட்ஸ் நீங்கள்தான்.

ஒரு வேளை அது நானாகக் கூட இருக்கலாம்!!!!

--பாஸ் முதல்ல உங்கள நம்புங்க, அப்புறமா அடுத்தவன நம்பலாம்--

பாஸ்!!! உங்குட லேப்-டொப்பும் சூடாவுதா ????

2015-06-07T04:17:00.000-07:00

இன்று அதிகமானவர்கள் முணுமுணுக்கும் ஒரு விடயம்தான் மடிக்கணினிகளின் மிதமிஞ்சிய வெப்ப வெளியீடு. இதற்காக பல ஆயிரம் ரூபாக்கள் லெப்-டொப் சேர்விஸ் சென்டர்களினால் பகல் கொள்ளையிடப்படுகின்றன என்பதுதான் உண்மையும் கூட.

தற்போது லேப்-டொப்களை பயன்படுத்துவது மிகவும் சர்வசாதரணமானதொரு விடயமாகிவிட்டது. உண்மையில் லேப்-டொப் பயன்படுத்தும் 60% ஆனவர்கள் தொழிநுட்பத் துறையில் இருந்து அப்பாற்பட்டவர்வர்கள் என்பதும் இதற்கான காரணமொன்றாகவும் இருக்கின்றது.

இதனால் எவ்வாறு ஒரு கணனியை முறையாக பராமரிப்பது என்ற அடிப்படை அறிவு என்பது இவர்களுக்கு சற்றுக் குறைவாகத்தான் இருக்கும் என்பது எனது தனிப்பட்ட கருத்து.

ஓகே, இனி மேட்டருக்கு வருவோம்!

லேப்-டொப் ஹீட் ஆவதற்கு இரண்டு காரணங்கள்:
1. லேப்-டொப் கூலிங் பேனின் வேகம் குறைதல் மற்றும் அதனுடன் தொடர்பான ஹாட்-வெயார் பிரச்சினைகள்.

** இதற்கு லேப்-டொப் சேர்விஸ் சென்டரின் உதவியை நாடுவது நல்லது.

2. இங்கு லேப்-டொப்பில் நிறுவியுள்ள மென்பொருட்கள், ரெம் வேகம் போன்ற மென்பொருள் சார் குளறுபடிகள்.
--------------------------------------------------------------------------------------------------------------------------

** இதனை நிச்சயமாக உங்களால் தீர்க்க முடியும், எவரொருவருக்கும் ஒரு ரூபா கூடக் கொடுக்காமல்!

1. முதலில் உங்களின் லேப்-டொப்பில் நிறுவியுள்ள தேவையற்ற மென்பொருட்களை நீக்கி விடுங்கள்(Uninstall a program). மிகவும் நீண்ட காலமாக நீங்கள் பயன்படுத்தாமல் விட்டிருக்கும் மென்பொருட்களும் உங்களுடைய லேப்-டொப்பின் ஹீட்டுக்கு ஒரு காரணம்.

*Control Panel
*Programs
*Programs and Features

2. உங்களின் சேர்ச் ஒப்சனை பயன்படுத்தி Process என்ற சொல்லை டைப் செய்யுங்கள்.

அதன் பின்னர் இங்கு காட்டப்பட்டுள்ளது போல் தோன்றும் மெனுவில் உள்ள
View running processes with Task Manager என்ற ஒப்சனை கிளிக் செய்யுங்கள்.

இங்கு தேவையில்லாமல் சில மென்பொருட்கள் உங்களின் ரெம்மில் இயங்கிக் கொண்டிருக்கலாம், அவைதான் உங்களின் ரெம்மின் வேகத்தை குறைத்து உங்களின் லேப்-டொப்பை ஹீட்டாக்கலாம். சோ, இங்கு தேவையில்லாமல் ஏதாவது இயங்கினால் அதை கிளிக் செய்து

End Process ஐ சொடுக்குவதன் மூலம் நிறுத்தலாம்.

3. அடுத்து உங்களின் ஸ்டாட் மெனுவில் RUN என்று டைப் செய்து அதில்

msconfig என்றவாறு உள்ளிட்டு OK செய்யவும்

தேவையற்ற மென்பொருட்கள் உங்கள் லேப்-டொப்பை இயக்க ஆரம்பிக்கும் போது தன்னியக்கமாக தோன்றாமல் இருக்க Startup இல் காணப்படும் மென்பொருட்களை கிளிக் செய்து Apply ஐயும் Ok ஐயும் சொடுக்குங்கள்.

பின்னர் Exit without restart Button ஐ சொடுக்குங்கள்.

4. அடுத்து RUN இல் %temp% என்றவாறு டைப் செய்து Ok செய்யுங்கள்

இங்கு தற்காலிகமாகக் காணப்படும் கோப்புக்கள் அனைத்தையும் அழித்து விடுங்கள். Ctrl+A அதன்பின்னர் Delete

சில வேளை சில கோப்புகள் அழிபடாமல் இவ்வாறு காணப்படுமிடத்து அதனை அவ்வாறே விட்டு விடுங்கள், Skip செய்து.

5. மேலும் நீங்கள் Search மெனுவில் Disk என்று டைப் செய்து

1. Disk Defragmenter 2. Disk Cleanup

போன்றவற்றையும் செய்யுங்கள்.

சரி மேட்டர் ஓவர்!! இதன் பின்னர் உங்களின்ட லேப்-டொப்ப ரீ-ஸ்டாட் செய்து

பாருங்க! பாரியதொரு மாற்றம் உங்களுக்காக .....................

--பாஸ் நாங்க இப்புடியும் கதப்போமில்ல--

போட்டோ சொப் முற்றிலும் இலவசம்! Photoshop CS2

2015-04-21T04:02:00.000-07:00

போட்டோ சொப்பின் வரலாறு மிகவும் நீண்டது அதாவது 25 வருடங்கள் பழமையானது. உண்மையில் இது 1990 ம் ஆண்டிலிருந்து இன்றுவரை தொடர்ச்சியாக திருத்தப்பட்ட பதிப்புகளாகவே வெளியிடப்படுகின்றன. சுமார் 25 மொழிகளில் முற்றிலும் புதிய மேம்படுத்தலுடன் இவை கிடைக்கப்பெறுகின்றன என்பதுதான் இதன் சிறப்பம்சமாகும்.

மேலும் இதைப் பற்றிய மேம்படுத்தப்பட்ட தகவல்களுக்கு விக்கிபீடியா மற்றும் அடோப் சிஸ்டம் நிறுவனத்தின் வலைத்தளத்திற்குள் நுழைவதன் மூலமாக பெற்றுக் கொள்ளலாம்.

பல்வேறு துறைகளில் போட்டோ சொப் பரவலாகப் பயன்படுத்தப்படுகின்றது என்பது உலகறிந்த உண்மையாகும், இதை நான் சொல்லித்தான் நீங்கள் தெரிய வேண்டியதில்லை. எது எவ்வாறாகினும் அடோப் நிறுவனமானது தனது மென் பொருட்களை முற்றிலும் இலவசமாக வழங்குவதில்லை என்ற உண்மையும் எம்மில் பலருக்கு தெரிந்திருக்க வாய்ப்புள்ளது.

உண்மையில் இதற்கான காரணம் அவை தொழிற் துறையில் மிகவும் இன்றியமையாத மற்றும் முன்னனியான மென் பொருள் உற்பத்திகளாக அங்கீகரிக்கப்பட்டுள்ளதே எனலாம்.

ஆனால் சில நேரங்களில் அதாவது மேம்படுத்தப்பட்ட மற்றும் புதிய பதிப்புகளின் தாக்கத்தால் பழைய பதிப்புகளை இலவசமாக வழங்கும் சம்பவங்களும் நடைபெறுகின்றன என்பது சற்று மகிழ்ச்சிகரமான விடயமாகும்.

மேலும் இவை நிறுவனத்தின் உறுதிப்படுத்தப்பட்ட தொடர் எண்களுடன் கிடைக்கப் பெறுவதே சிறப்பம்சமாகும்.

இங்கு நீங்கள் அடோப் நிறுவனத்தின் CS2 உற்பத்திகளை முற்றிலும் இலவசமாக சட்ட ரீதியாக தரவிறக்கிக் கொள்ளலாம்.

1. இவற்றை தரவிறக்கிக் கொள்ள உங்களது கணினி பின்வரும் தேவைகளை பூர்த்தி செய்யதல் வேண்டும்.

Mac OS X v.10.2.8–v.10.3.8, PowerPC® G4 or G5 processor

Microsoft® Windows® 2000/Windows XP, Intel® Pentium® III or 4 processor

2. இரண்டாவதாக பின்வரும் இணைப்பை சொடுக்குவதன் மூலமாக தரவிறக்க வலைப் பக்கத்திற்குள் நுழையலாம். இணைப்பு

3. மூன்றாவதாக Accept என்ற பொத்தானை அழுத்துவதன் மூலமாக:

பின்வருமாறு அடோப் ஐடியினுள் உள்நுழையுமாறு வினவப்படுவீர்கள்

அவ்வாறு உங்களுக்கு அடோப் ஐடி இருந்தால் உங்களது மின்னஞ்சல் முகவரியையும் கடவுச் சொல்லையும் வழங்கி உள்நுழையலாம்.

அவ்வாறு உங்களுக்கு அடோப் ஐடி இல்லை எனின்,

Get and Adope ID என்பதை சொடுக்குவதன் மூலமாக உருவாக்கி கொள்ளலாம்

அவ்வாறு உருவாக்கி உள் நுழைந்ததன் பின்னராக

பின்வரும் பக்கத்திற்கு திருப்பப்படுவீர்கள் அங்கு நீங்கள் மீண்டும்

ஒரு முறை பின்வரும் ACCEPT பொத்தானை அழுத்தி

உங்களது தரவிறக்க பட்டியலை பார்வையிடலாம்.

அதன் பின்னர் ஆங்கில மொழியை தெரிவு செய்து அங்கே போட்டோ சொப் CS2 என்பதை சொடுக்கி உங்களது தரவிறக்கத்தை ஆரம்பிக்கலாம்.

இங்கு இரண்டு விதமான இயங்கு தளங்களுக்கான தரவிறக்க தெரிவுகள் வழங்கப்பட்டுள்ளன

1. மெக் - அதாவது நீங்கள் அப்பிள் இயங்குதளம் பயன்படுத்தினால்

2. வின்டோஸ்- மைக்ரோ சொப்டின் வின்டோஸ் இயக்குதளம் பயன்படுத்தினால்

அதன் அருகில் ஒவ்வொன்றுக்குமான சட்ட ரீதியான தொடர் எண்கள் தரப்பட்டுள்ளன அவற்றை இறுதியாக மென் பொருளை நிறுவும் போது

உள்ளிட வேண்டும்.

இதன் பின்னர் PHOTOSHOP CS2 உடன் உங்களது மாயாஜால வித்தைகள் மற்றும் இன்னோரன்ன பற்பல விடயங்களை மிகவும் இலகுவாகவும் துல்லியமாகவும் மேற் கொள்ளலாம் என்பது உறுதியே!

குறிப்பு: இணைய சந்தைகளில் குவிந்து கிடக்கும் இரண்டாம் தர போலியான மேம்படுத்தப்பட்ட பதிப்புகளை விடுத்து அதை விட மேம்படுத்தலில் சற்றுத் தாழ்வான சட்ட ரீதியான முறைபடியாக வழங்கப்பட்ட தொடர் எண்களுடன் கூடிய இவ் மென் பொருட்கள் எவ்வளோ சிறந்தது. மேலும் அவ்வாறு கிடைக்கப் பெறும் சில மென் பொருட்கள் ஒரு சில மாதங்களுக்குப் பின்னர் தாமாகவே காலாவதியாகி விட்டு பணம் செலுத்துங்கள் என்று உங்களை அடிக்கடி தொல்லைப் படுத்தும் என்பது நிச்சயமே.

---- தொடா்ந்தும் கதைப்போம் தொழிநுட்பத்துடன் இதுபோலவும்....

எதையோ தேடி எனது பயணம்!

2015-04-08T12:31:00.001-07:00

இற்றைக்கு சுமார் இருபந்தைந்து வருடங்களுக்கு முன்னராக ஆரம்பிந்த எனது பயணம் - எதையோ தேடி என்றவாறு தொடர்கிறது.......

வாழ்க்கை கற்றுத் தரும் பாடங்கள் பல, அவற்றுல் ஒரு சிலவையே பொக்கிஷங்களாகும் மற்றவை வடுக்கள் நிறைந்த அனுபவங்களாகவும், தோல்விச் சரித்திரங்களாகவுமே பதிவிக்கப்படுகின்றன.

“பொக்கிஷங்கள்” இனிமையானவை, ஒவ்வொரு மனிதனினதும் வாழ்க்கையில் ஏதோ ஒரு மூலையில் பொக்கிஷங்களும் பொதிந்துதான் கிடக்கின்றன என்பதுதான் நிசப்தமாகிப் போன உண்மை.

பொக்கிஷங்களுக்கான வடிவங்கள் பல, அவை நிச்சயமாக மனிதனுக்கு மனிதன் வேறுபாட்டையே காட்டும் என்பதுதான் எனது தனிப்பட்ட ரீதியிலானதொரு கருத்து.

“அப்படியானால் உனது பயணம் பொக்கிஷங்களைத் தேடியவாறா???”
என்று என்னிடம் கேட்கப்பட்டால், உண்மையில் அதற்கான பதில் என்னிடத்திலிருந்து “ஆம்” என்றவாறுதான் அமையும்.

என்னைப் பொறுத்தமட்டில் எந்தவொரு விடயம் ஒரு மனிதனது வாழ்க்கையில் அவனுக்கு மகிழ்ச்சியையும் பூரண திருப்தியையும் கொடுக்குமோ, அதுவே அவனுடைய பொக்கிஷமாகும்.

ஆகவே மனிதனது வாழ்வியல் போராட்டங்கள் மற்றும் பயணங்கள் அனைத்துமே “பொக்கிஷங்களைத்” தேடியும் நோக்கியுமாகவே அமைந்து விடுகின்றன என்பதுதான் சத்தியமான உண்மை.

சோ பிரண்ட்ஸ்,

பொக்கிஷத்தைத் தேடி நீங்களும் ஒரு பணயம் வைக்கலாமே???

இன்னும் படிச்சு முடியலயா ??? குட்டிக் கிறுக்கல்

2014-12-29T00:20:00.000-08:00

என்னிடம் அதிகம் பேர் கேட்கும் கேள்வி
“தம்பி நீங்க இன்னும் படிச்சு முடியலயா ??? ”

// இன்னும் கொஞ்சம் இருக்கு // இதத்தான் நானும் அஞ்சு வருசமா சொல்லிக்கிட்டு வாறன்.

“படிச்சு முடியற” எண்டா என்ன ? என்கிறதுதான் என்னன்ட பெரிய டவுட்டு

இலங்கையின் கல்வி அமைப்பானது மிகவும் நேர்தியாக ஒழுங்கமைக்கப்பட்டுள்ளது என்பதில் எந்தவொரு மாற்றுக் கருத்துக்களும் என்னிடத்திலில்லை.

ஒன்று தொடக்கம் உயர்தரம் வரை பாடசாலைக் கல்வி அதன் பின்னர் பல்கலைக்கழக அடிப்படை பட்டக் கல்வி அதன் பின்னராக இரண்டாம் மற்றும் மூன்றாம் பட்டக் கற்கைகளுடன் இணைந்தவாறான தொழில்சார் கற்கைகள் என தொடர்ச்சியாக அதன் போக்கிலேயே அது பயணிக்கின்றது.

35% (சதவீத)மானவர்களின் மனநிலை என்னவென்றால் ''ஒன்று தொடக்கம் உயர்தரம்" வரையில்தான் படிப்பு என்றவாறு.

ஏஸ், ஏற்றுக்கொள்ளலாம் !!

மீதமுள்ள 65% (சதவீத)மானவர்களின் மனநிலை பல்கலைக்கழக அடிப்படை பட்டக் கல்வி வரையில் ஓரளவுக்கு விரிவுபடுத்தப்படுகின்றது.

ஆம், இதையும் ஏற்றுக்கொள்ளலாம் !!!

உண்மையில் ஏராளமானோருக்கு பல்கலைக்கழகத்தின் பின்னரான இரண்டாம், மூன்றாம் மற்றும் இன்னோரன்ன பட்டக்கற்கைகளைப் பற்றி தெரிய வாய்ப்பில்லை போலும்.

அல்லது ஏதாவது ஒரு கற்கையை தனியார் கல்லூரியில் மேற்கொண்டு துபாயோ, சவூதியோ, லண்டனோ சென்றால் அத்துடன் கதை ஓவர் என்றவாறுதான் நினைத்துக்கொண்டிருக்கிறார்கள் என்று என்னத்தோனுகின்றது.

//நான் சாகுற வரைக்கும் படிச்சிக்கிட்டுத்தான் இருப்பேன்// என்னா கேக்குறவங்க நம்மல ஒருமாதிரியாத்தான் பாப்பாங்க.

“என்ன இவனுக்கு தல கில சரியில்லயோ” !! என்றுமாக வதந்திகள் காட்டுத் தீ போல பரவிவிடும் .

அதுக்குத்தான் இன்னம் கொஞ்சம் இருக்கு, கொஞ்சம் இருக்குன்னு கூறி தப்பித்துக் கொள்வது.

என்னைப் பொறுத்தமட்டில் கற்றல் என்பது மரணிக்கும் வரை பயணிக்கக்கூடியது என்றே கூறுவேன்.

''Yes, its a life-long process''

அம்மா, அக்கா, அண்ணா, அப்பா, தம்பி ராசா மார்களே ! ஒண்ட மட்டும் தெளிவா புரிஞ்சுக்கொங்கோ, // படிப்புக்கு என்றய்க்குமோ முடிவில்ல //
எங்கிற உண்மய.

----- தொடர்ந்து கதைப்போம் இதுபோலவும் கிறுக்குத்தனமாக ----------

மற்றுமொரு உறுப்பினர் ! வணக்கம் !! சூ(TSU)

2014-12-24T03:41:00.000-08:00

இணையப் புரட்சியலில் Social Media எனும் சமூக வலைத் தளங்களின் பங்கு அளப்பரியது. அதிலும் குறிப்பாக பேஸ்புக்(Facebook) என்று சொல்லக்கூடிய முகப்புத்தகம், டுவிட்டர் (Twitter), கூகிலின் பினாமியான கூகில் பிளஸ்(Google+) அத்துடன் லிங்இன்ட்(Linkedin) எனும் அதிவிசேட தொழில்சார் சமூக வலைத்தளம் என்றவாறு பட்டியல் நீண்டு கொண்டேதான் செல்கின்றது.

சமூக வலைத்தளம் என்றால் என்ன? அது எவ்வாறு இயங்குகின்றது ?? அதன் குறிக்கோள்கள் மற்றும் நோக்கங்கள் என்ன ??? என்றவாறான அடுக்கடுக்கான கேள்விக்கணைகளுக்கான விடைகள் நம்மில் பல பேறுக்கு தெரிய வாய்ப்பில்லை என்பதுதான் உண்மை.

இன்று பட்டி தொட்டியெல்லாம் சக்கை போடு போட்டுக் கொண்டிருக்கும் பேஸ்புக் மற்றும் டுவிட்டர் கணக்குகள் வைத்திருப்பவர்களில் பெரும்பாலானோருக்கு நான் மேற்கூறியவை பற்றிய போதுமான அறிவில்லை என்பதுதான் சத்தியமான உண்மை. அதிலும் குறிப்பாக சிறப்பானதொரு கல்வி மட்டத்தில் ஜாம்பவான்களாக வீற்றிருப்பவர்களும் இதில் உட்சேர்க்கப்படுவதுதான் சற்று கவலைக்குரிய விடயம்.

நான் அறிந்தவரை பல பேர் தாங்களின் தொழில் சார் விடயங்களுக்கு அப்பால் துளியும் எந்தவொரு விடயத்தையும் அலசுவதில்லை. காரணம் கேட்டால் “அது நமக்கு வேண்டாத வேலை” என்றுதான் பதில் வரும்.

ஏற்றுக் கொள்ளலாம் ஆனால் அதற்காக எல்லாவற்றையும் ஒதுக்கிவிட முடியாது என்பதுதான் எனது வாதம். உதாரணத்திற்கு, வைத்தியர் ஒருவர் சமையல் கற்பதில் தவறொன்றும் இல்லையே ! அதை விடுத்து நான் இது, நான் அது எனும் பந்தாக்கள் காட்டினால் இழப்பது பல.

சரி இனி மெயின் மேட்டருக்கு வருவோம்,

ஒவ்வொரு நாளும் புதுசு புதுசா நம்முடவங்க ஏதாச்சும் செஞ்சுக்கிட்டுத்தான் இறுக்குறானுக. அதில இப்ப ரீசண்டா எண்டராகி இருப்பது, TSU எனும் வாய்க்குள் நுழைய மறுக்கும் “சூ” எனும் சமூக இணையத்தளம்.

நான் நெனய்க்கிறன் தம்பிமார் இந்தப் பெயர ஜப்பான் மொழியிலிருந்து சுட்டிருப்பாங்களோ என்னவோ எண்டு,

ஏஸ் காரணம் இருக்கு !!

காய்ஸ், உங்களுக்க ஞாபகம் இருக்குமா சுனாமி ??? TSUNAMI
ஆமாங்க, நீங்க நெனயக்கிறது கரெக்ட். ''T" இற்கு சவுன்ட் இல்ல.

ஆழிப்பேரலை எனும் பதத்தால் சுட்டிக்காட்டப்படும் இந்த சுனாமி ஜப்பான் மொழியிலிருந்து சுட்டது, வந்தது, போனது என்ற ஆதிக் கதையெல்லாம் தெரியும் தானே மக்களே !!

அதே கேஸ்தான் TSU இற்கும் நடந்திருக்குமோ என நெனய்க்க தோனுதுங்க.

சோ, இது நம்முட தனிப்பட்ட கருத்து மேலும் மாற்றுக் கருத்துக்களும் வரவேற்கப்படுகின்றன.

பய புல்லயல்கள், சும்மா நல்லா டிசைன் பன்னிருங்கானுகள், யூஸ் பன்னவும் ஈசியாவிருக்கு ஆனாலும் பேஸ்புக்கின் வாடையடிக்கிறது என்னவோ உண்மைதான்.

மேலும் இங்கு குறிப்பான மற்றும் முக்கியமான விசயங்கள் ரெண்டு இருக்கு, முதலாவது கொஞ்சம் கவலையான மேட்டர் - “பேஸ்புக் போன்று லைவா கடலயெல்லாம் போட முடியாது, எதுவானாலும் மெசேஜ்தான் போடனும் ”

காய்ஸ் பாவங்க நீங்க !!

இப்ப ரெண்டாவது மேட்டர் “பாஸ் இவங்க உங்களுக்கு காசு தருவினமாம்”
காசு, பணம், துட்டு, மணி மணி.

என்ன ரெடியா ???

ஏதோ புதுசா செய்றம் எண்ட பேர்ல எங்குட பய புல்லயல வாழ்க்கையில இப்புடி வௌயாடிட்டயலே மிஸ்டர் Sebastian Sobczak, வாய்க்கு நொழயுது இல்ல அதான் இங்கிலீசுல அடிச்சு விட்டேன்.

பயணம் தொடர வாழ்த்துக்கள் !!

ரசனியின் ஜிங்கா.... ஓ சொாறி “லிங்கா”

2014-12-16T10:43:00.000-08:00

முதல்ல எல்லாறும் என்ன மன்னிச்சுக்கொங்கோ, தலைப்பு கொஞ்சம் சொதப்பிடுச்சு. சோ ஐயம் றியலி சொறி போ தட்.

டீசர், ரெய்லர் எண்டு சும்மா அம்புட்டு பந்தா காட்டி வெளியான திரைப்படம் இப்புடி எடயில .................. ஆகும் எண்டு ஆராச்சும் நெனச்சிங்களா?????

உண்மையில படத்த நான் தியட்டருக்கெல்லாம் போய் பாக்கலங்க, எப்போயும் போல திருட்டு டிவிடி தான் !

தியட்டருக்கெல்லாம் போய் பாக்குர அளவுக்கு வசதியில்லீங்க !

விடுங்க அது நம்முட சோகக் கதை, அத விட்டுட்டு

இப்ப லிங்காக்கிட்ட வருவோம்.

உண்மையச் சொன்னா படம் சுமார் மூஞ்சிக் முமாரு,

காரணங்கள் அஞ்சு - வைவ் ரீசன்ஸ் (சோட் - நோட்ஸ் : நச்சிண்டு அஞ்சு)

------------------------------------------------------------------------------------------------------------------------

1. பழைய சோத்துக் கதை -

ஐயா, ராசா “கே.எஸ்” ஒங்குட ரெண்ட கொஞ்சம் மாத்தலாமே?

சும்மா ஒரு எட்டு சுத்திப் பாருங்க இப்ப

என்ன நடக்குது தமிழ் சினிமால எண்டு.

பய புல்லய்கள் எப்புடி எப்புடியெல்லாம்

யோசிச்சு கதை எழுதுறானுக எண்டு.

பிலிஸ் அப்டேட் யுவர் தோட்ஸ்,

இது அட்வைஸ் இல்ல, சிமோல் ரிகுவஸ்ட்.

********************************************

2. தலைவருக்கு வயசாச்சில்ல ????

பல எடங்கல அப்பட்டமா தெரியுதோ,

என்ன செய்ய? சொல்லித்தான் ஆகனும்.

எவ்வளவு மேக்-அப் போட்டாலும் சத்தியமா

வௌங்குது- வயசாச்சிண்டு.

குரல கொஞ்சம் தொய்வு மாதிரி வௌங்குது, ஆனா வௌங்கள.

கிசு-கிசு- இமய மலைக்கு போற வயசுல ஏண் ஒங்களுக்கு வேண்டாத வேல எண்டு ஒரு தகவல், மிகவும் ரகசியமாக.

நான் இத யாருக்கிட்யும் சொல்லலிங்க!! (யேஸ் புரமிஸ்)

ஐயா !! அந்த பழைய கெட்டப்ப இப்பெல்லாம் பாக்க முடியலிங்க!!

(ஆதங்கம்)

WOW !! வவ் !! - பில்லா, முரட்டுக்காளை, பாட்சா மற்றும் பல.

****************************************************

3. ஜாடிக்கேத்த மூடி ??? -

புரிஞ்சாச் சரி ????

என்ன கொடும சரவணா?????

“கே.எஸ்” உங்களுக்கு கொஞ்சமாவது மனச்சாட்சி இருக்கா !!

நல்லா வருது வாய்ல !! ஏதாச்சும் சொல்லி-கில்லிடப் போறன் !

அதில “இது” வேற - “அப்பா. கண்ணக் கட்டுதே !!

இது எண்டா எது எண்டு புரியுதா ??

அனுஸ்கா அக்கா - பரவால

ஆனா அந்த வெள்ள (அக்கா) புள்ள பாவம்

யேஸ், ஓடியன்ஸ் நான் அவங்க ரெண்டு பேரயும் விட

வயசில சின்னவன் அதான்

கொஞ்சமாப்போல மரியாதய்க்கு

அக்கா எண்டு சொல்லிப்புட்டேன்.

ஏதோ என்னால முடிஞ்சது !

******************************************************************

4. வை- ஓல் மோஸ்ட் 3 அவர்ஸ் டைம் - ????

அப்புடி பெரிசா என்னத்தய்யா சொல்ல,

இந்த நேர நீடிப்பு ???

ரீசன் - பிலீஸ்???

பல- பேரின் ஆவேசம்

கலந்த கேள்வி !!

அட ராசா!!

அந்த பைட்டுக்கா இம்புட்டு

நேரம் எடுத்த???

விஜய்ங்கிட குருவி ஸ்டைலா ???

அப்புடி பிலையிங் !! ஓ காட் !!

இட்ஸ், ஓசம் !! ???

ரியலி இம்பிரஸ்ட் ஆயிட்டன்.

*******************************************************************

5. ஓ !! வில்லன்கள் ??? -

சிரிப்பு போலீஸ்.

மசாலாவ கொஞ்சம் காரமா போட்டாத்தானே,

சும்மா டேஸ்ட் தூக்கலா இருக்கும்.

இது எழுதப்படாத விதியெண்டு

ஒங்களுக்கு தெரியாதா -

மிஸ்டர்- குமாரு ??? !!!

பெடர் - லக் நெக்ஸ்ட் டைம் !!

போத் ஒவ் யு

*************************************************************

நாங்க இப்புடியும் கதப்போமில்ல !!

ஆடாம ஜெயிச்சோமடா

2014-09-29T13:18:00.000-07:00

“எப்புடி நோகாம நொங்கு திங்குறது” என்பதுதான் திரைக்கதை.

நகைச்சுவைக்கு முக்கியத்துவம் கொடுத்து கிரிக்கட் மெச் பிக்ஸிங் என்றால் என்ன ??? என்பதைப் பற்றிய அடிப்படை விளக்கத்தை முன்வைத்துத்தான் திரைப்படம் இயக்கப்பட்டுள்ளது.

கருணாகரன், சிம்ஹா, பாலாஜி வேனுகோபால், ஆடுகளம் நரேன், ரவிக்குமார், விஜயலக்ஸ்மி, சேத்தன்-- இவர்கள்தான் திரைப்படத்தை தொய்வில்லாமல் பயணிக்க வைக்கும் சக்திகள்.

பெரியதொரு அலட்டலில்லாமல் சொல்ல வந்த விடயத்தை மிகவும் கச்சிதமாக சொல்லி முடித்திருக்கார் இயக்குனர் பத்ரி, இவருக்கு இது ஆறாவது திரைப்படமாம்....

சும்மா டயிமிங்ல அடிச்சிருக்காரு மனிசன் !!

சிம்ஹாவுடன் ரவிக்குமார் சேர்ந்து அடிக்கும் ரகளைகள் பிரமாதம். அதிலும் குறிப்பாக ரேய்பெண் கூலிங்கிலாஸ் காமெடி- “சட்டப்படி”.

தற்போது தமிழ் சினிமாவில் சிம்ஹாவுக்கென்றும் ஒரு இடம் ஒதுக்கப்பட்டுள்ளது. சூது கவ்வும், நேரம், ஜிகர்தாண்டா என்ற தொடர் வெற்றிப் பட்டியலில் தற்போது இதுவும் இணைந்துள்ளது.

கருணாகரனுக்கு எது வழங்கப்பட்டதோ அதற்க்கு ஏற்றவாரே அவருடைய வசனங்கள் மற்றும் உடலசைவுகள் அமைந்திருந்தன. இன்றைய தமிழ் சினிவாவின் குறிப்பிட்டுச் சொல்லக் கூடிய சிறந்த நகைச்சுவை நடிகர்களில்
இவரும் ஒருவர்.

இவருடைய படங்கள் அனை்தும் சூப்பர்ஹிட் அதிலும் சூது கவ்வும் மற்றும் நாமிருக்க பயமேன் படங்கள் அட்டகாசம்.

ஆடுகளம் நரேன் மிகவும் திறமையான - குணச்சித்திர மற்றும் நகைச்சுவை நடிகர். இவரின் குரல்தான், இவரின் மிகப்பெரிய பலம்.

இவர்தான் - ஆடாம ஜெயிச்ச மனுசன் !!

சென்னைத் தமிழில் பேசுவதற்க்கு விஜயலக்ஸ்மி ரொம்ப மெனக்கெட்டு இருப்பாரு போல.

இவருக்கு வழங்கப்பட்ட வசனங்கள் மூலம் சேரிப்புர (சென்னையில் மட்டுமல்ல) மக்கள் தங்களது மிகவும் அடிப்படையான தேவைகளை (காலைக்கடனை) நிறைவேற்றுவதற்க்குப் படும் இடர்களை உணர்ந்து கொள்ளக்கூடியதாகவுள்ளது.

இவ்வாறான முயற்சியை உண்மையில் பாராட்டலாம் ஏனெனில் நகைச்சுவை உணர்வோடு கூடியதொரு காட்சியமைப்பிலே சற்று காரமான ஒரு செய்தியாக சமூகத்திற்கு முன்வைத்தமை.

ஆகவே ஒட்டு மொத்தத்தில் ஆடாமே (ஆடி) - ஜெயிச்சுட்டானுகள்.

அத்தனைக்கும் ஆசைப்படு

2014-09-23T01:33:00.000-07:00

ஆசப்படுறது தப்பில்ல ஆனா அதிகமா ஆசப் படுறதுதான் தப்பு

என்றவாறான ஒரு தப்பான எண்ணக்கரு எம்மத்தியில் உலாவிக் கொண்டிருக்கின்றது. உண்மையில் என்னைப் பொறுத்தமட்டில் இவ் எண்ணக்கருவேதான் தப்பு என்பேன்.

ஆசைப்படும் குணவியல்பானது இறைவனால் மனிதனுக்கு அளிக்கப்பட்டதொரு விலை மதிக்க முடியாதொரு பரிசு. அப்படியிருக்கையில் இது எந்த விதத்தில் தப்பாகும் என்பதுதான் என்னுடைய கேள்வி ?

ஆசைப் படாமல் சாதனைகள் நிகழாது, சாதனைகள் இல்லாமல் சரித்திரங்கள் உருவாகாது. ஆகவே சரித்திரங்களின் தோற்றத்துக்கு அடிப்படையாக அமைவது இவ் ஆசைகள்தானே ???

ஆசைகள் சிறியதாகவும் ஒரு எல்லைக்குள்ளும் அமையும் போதுதான் தோல்விகள் எம்மை பற்றிக் கொள்கின்றன. குறிப்பிட்ட எல்லைக்குள் ஆசைப்படும் போது அதன் மீதான ஈர்ப்பும் ஒரு எல்லைப் படுத்தப் பட்டதாகவே அமைந்து விடுவது இயல்பானதே.

எந்தளவுக்கு ஆசைகள் விரிபுபடுத்தப்படுகின்றதோ அந்தளவுக்கு அதன் மீதான ஈர்ப்பும் மற்றும் அதை அடைவதற்கான முயற்சிகளும் விஸ்தரிக்கப்படுகின்றன என்பது அனுபவ ரீதியான உண்மையாக ஏற்றுக் கொள்ளப்பட்டதொன்றாகவுள்ளது.

அத்தனைக்கும் ஆசைப்படலாமா ??? அது தப்பில்லையா ???? என்று நீங்கள் சிந்திக்க கூடும் மற்றும் கேட்கக் கூடும். உண்மையில் இது ஒவ்வொரு தனி நபரினதும் உள்ளார்ந்த சிந்தனைகளின் பால் வேறுபடுகின்றது. அதுவே அவ்வாசைகளின் பால் பயணிக்கவும் எத்தணிக்கின்றது என்பதுதான் மறைமுகமான உண்மையாகும்.

ஒரு குறுகிய வட்டத்துக்கள் எல்லைப்படுத்தப்பட்ட ஆசைகள் உண்மையில் குறுகிய சிந்தனையே தோற்றுவிக்கும் என்பது தெளிவே. ஆசைகள் அதிகமாகும் போதுதான், சிந்தனைகளின் வீச்சு ஒரு எல்லைக்கு அப்பால் விரிவுபடுத்தப்பட்டு அதனை அடைவதற்கான முயற்சியில் எம்மை கோர்த்து விடுகின்றன.

என்னைக் கேட்டால் எனது ஆசைகள் வானம் போன்றவை என்றே கூறுவேன். அவைகளுக்கு எல்லைகளே கிடையாது என்றவாறுதான் அமையும். உண்மையில் நான் மிகவும் அதிகமாக ஆசைப்படும் ஒரு மனிதப் பிறவி என்றுதான கூற வேண்டும்.

நாளுக்கு நாள் என்னுடைய ஆசைகளும் கற்பனைகளும் அதிகமாகிக் கொண்டேதான் செல்கின்றன. மேலும் நான் ஒரு போதும் அவற்றை எல்லைப் படுத்தவோ அல்லது ஒரு குறுகிய வட்டத்துக்குள் சிறைப்படுத்வோ முற்பட்டதில்லை.

காரணம், நிச்சயமாக ஒரு நாள் அவ்வாசைகள் அனைத்தும் நிஜமாகும் என்ற உள்ளார்ந்த நம்பிக்கைதான்; என்றும் கூறலாம்.

என்னுடைய ஆசைகள் அதிகமாகும் போதுதான் என்னுடைய வேகமும் அதிகமாவதாக எனக்குள் ஒரு உள்ளுணர்வு.

ஏன் என்னுடைய ஆசைகளை ஒரு குறுகிய வட்டத்துக்குள் போட்டு முடக்க வேண்டும் ??? அட ஆசைப்படுவதிலும் கஞ்சத்தனமா ??? என்றவாறு என்னுள் நானே எழுப்பிக் கொண்ட வினாக்களின் விளைவே, அத்தனைக்கும் ஆசைப்படு என்ற மனவியல்பு.

ஆசைகள் பலவிதமாக அமையலாம், தப்பில்லை ஆனால் அவ்வாசைகள் மூலம் எம்மை சுற்றியுள்ளவர்களுக்கு எவ்வித அசௌகரியத்தையும் ஏற்படத்தாத விடத்து அவ் ஆசைகள் நமக்கு எவ்வித பாதிப்பையும் தரப் போவதில்லை.

ஆனால் ஒரு வேளை மாற்றமாக,

நடைபெற்றால் அதன் மூலம் ஏற்படும் இழப்புகள் மற்றும் பாதிப்புகள் சற்று கடுமையாகத்தான் இருக்கும்.

தொடர்ந்தும் கதைப்போம் இது போலவும் வேறு விதமாக................

ஒருவேளை நான் தோற்றுப் போனால் ???

2014-09-22T02:59:00.000-07:00

“முயற்சி செய்யாதவனுக்கு கடவுள் கூட உதவி செய்ய மாட்டார்” எனும் பொன்மொழி என்னுள் சற்று அதிகமாகவே வித்திடப்பட்டுள்ளது என்றுதான் கூற வேண்டும்.

காரணம்,

என்னை நான் நொந்து கொள்ளும் பல சந்தர்பங்களில் என்னுடைய இயலாமைக்கான ஒரே ஒரு காரணமாக என்னால் அடையாளப்படுத்தப்பட்டது ------

“ஒரு வேளை நான் தோற்றுப் போனால்” என்கின்ற கொடிய வியாதியாகிய “பயம்”.

இவ்வுலகில் ஏராளமான சாதனைகள் நிகழ்த்தப்படாமலேயே இருப்பதற்கான காரணங்களில் தலையானது “பயம்” . ஒரு வேளை நான் தோற்றுப் போனால் என்கின்ற பயமே, எமது பல சாதனைகளுக்கு முட்டுக் கட்டையாக அமைந்து விடுகின்றது.

செய்து தோற்றுப் போவதை விட முயற்சி செய்யாமலேயே என்னால் இது முடியாது என்று கூறி ஒதுங்கிப் போகும் மனோபாவமே எம்மில் பெரும்பாலானோருக்கு இருக்கின்றது. தோற்றுப் போவதென்பது ஒரு அனுபவமே அது நிச்சயம் வெற்றிக்கான அடித்தளத்தையே தரும் என்பதில் எனக்கு துளியும் ஐயமில்லை.

சுமார் ஐந்து வருடங்களுக்கு முன்னர் என்னால் பயத்தின் காரணமாக முயற்சி செய்யாமல் ஒதுங்கிப் போனதொரு விடயம் ஏற்படுத்திய இழப்புகளின் வடு இன்றும் கூட என்னை விட்டபாடில்லை. உண்மையில் அதன் வலியும் தாக்கமும் நான் மரணிக்கும் வரை என்னுடன் பயணிக்கும் என்பது சத்தியமே.

முயற்சி செய்யாமலேயே, நான் தோற்று விடுவேன் என்று நினைத்தே எம்மில் பலர் அவர்களது ஆயுளில் எந்தவொரு முயற்சியும் எடுக்காமலேயே மரணித்து விடுகின்றனர்.

ஒரு சிலரே

“எதுவானாலும் ஒரு கை பாப்போம், என்ன உசுரா போப்போது” என்று முயற்சி செய்கின்றனர். அதில் அவர்கள் வெற்றி பெறுகிறார்களா? இல்லையா ?? என்பது விடயமல்ல. முயற்சி செய்கிறார்களே அதுதான் விடயம், அதுதான் என்னைப் பொறுத்தமட்டில் நிஜமான வெற்றி.

“ஏன் நீ மற்றவனுக்கான வாழ வேண்டும் ??? உனக்காக ஒரு நாள் வாழந்து பார் வாழ்க்கையின் ஆழம் புரியும்”. என்பதுதான் காலம் காலமாக நம்மால் சொல்லப்பட்டு வரும் ஒரு வாழ்வியல் தத்துவம்.

உண்மையில் எம்மில் பலபேர் மற்றவனுக்காகவே வாழ்ந்து கொண்டிருக்கிறோம். இதுதான் எமது முயற்சிக்கு முதல் எதிரியாகவும் முட்டுக்கட்டையாகவும் அமைந்து விடுகின்றது. அடுத்தவனுக்காகவே வாழ்ந்து அடுத்தவனுக்காகவே மரணிப்பதுதான் வாழ்க்கையா ?? கொஞ்சம் சிந்திக்கலாமே ???

“நான் ஒரு வேளை தோற்றுப் போனால் மற்றவன் என்னைப் பற்றி என்ன நினைப்பான்” என்கின்ற பய மனோபாவம் என்னுடன் சேர்த்து பல பேரை தொற்றிக் கொண்டிருக்கின்றது என்பதுதான் எம்மில் பலர் அறியாத உண்மையாகும்.

இதிலிருந்து விடுபட்டு எப்போது ஒருவன் வெளியேறி விடுகிறானோ அன்றிலிருந்து அவனது வெற்றிக்கான அடித்தளம் இடப்படுகின்றது என்றுதான் அர்த்தம். நிச்சயமாக வாழ்க்கையில் தோற்றுப் போவதென்பது ஒரு விடயமல்ல ஆனால் முயற்சி செய்யாமலேயே தோற்றுப் போவதுதான் கவனிக்கப்பட வேண்டிய மற்றும் களையப்பட வேண்டியதொரு விடயமாகும்.

- தொடர்ந்தும் கதைப்போம் இதுபோலவும் -

இலங்கையிலுள்ள முற்கொடுப்பனவுத் தரவுத் திட்டங்கள் ஒரு ஒப்பீடு 2014

2014-09-16T07:37:00.000-07:00

குறிப்பு : இப் பதிவானது இலங்கையிலுள்ள இணையப் பாவனையாளர்களுக்கு நிச்சயமாக உதவக் கூடியவாறானதொன்றாகவே அமையப்பெறும். மேலும் இதன் மூலம் வினைத்திறனான தரவுத் திட்டமொன்றை தெரிவு செய்யக்கூடிய தெளிவொன்றும் உருவாகும்.

சரி,

இனி பதிவிற்குள் நுழையலாம்.

இணையப்புரட்சி என்றதொரு யுகத்தில் தான் நாம் அனைவரும் வாழ்ந்து கொண்டிருக்கிறோம். இன்று மனிதனது அத்தியவசியமான தேவைகளுக்குள் இணையமும் ஒன்றாகிவிட்டது. இணையம் இன்றி வாழ்வதற்க்கு மனிதன் தயாரில்லை என்றதொரு நிலைக்கு மனிதனது தேவைகள் அனைத்தும் இணையத்திற்குள் முடக்கப்பட்டு விட்டன என்பதுதான் மறைமுகமான உண்மையாகும்.

இது ஒரு புறமிருக்க இணையக் கட்டணங்கள் என்றதொரு விடயமும் மனிதனது பிரதான செலவினங்களுக்குள் உள்ளடக்கலாகிவிட்டது. எது எவ்வாறாயினும் இதனைத் தவிர்த்துக் கொள்ளவதென்பது சற்றுக் கடினமானதொரு காரியம் ஆனாலும் ஒப்பீட்டளவில் இதனை இழிவாக்கலாம் என்பது என்னுடைய தனிப்பட்ட கருத்து.

இலங்கையில் இணையப் பாவணையாளர்களின் எண்ணிக்கை அதிகரித்துக் கொண்டேதான் செல்வதாக அண்மைய ஆய்வறிக்கையொன்றில் சுட்டிக்காட்டப்பட்டிருந்தது. இது ஒரு விதத்தில் சாதகமானதாக உற்று நோக்கப்பட்டாலும் மற்றொரு விதத்தில் பாதகமானதொன்றாகவே அவதானிக்கப்படுகின்றது.

எடிசலாட்(Etisalat), டயலொக்(Dialog), மொபிடெல்(Mobitel), எயாடெல்(Airtel) மற்றும் ஹச்(Hutch) ஆகிய இவ் ஐந்து தொலைத் தொடர்பு நிறுவனங்கள்தான் இலங்கையில் பிரதான இணையப் பங்காளர்களாகவும் வழங்குனர்களாவும் செயற்பட்டு வருகின்றன.

ஒப்பீட்டளவில் வேறுபட்ட தரவுத் திட்டங்களை/பொதிகளை (Data Plans/Packages) வழங்குவதிலும் வாடிக்கையாளர்களை தொடர்ந்தும் தங்களோடு தக்க வைத்துக் கொள்வதிலும் இந் நிறுவனங்கள் மிகவும் கச்சிதமாக தங்களது காய்களை நகர்த்திக் கொண்டிருப்பதை அவதானிக்க முடிகின்றது.

சாதாரணமாகவே தரவுத் திட்டங்களை வழங்கிக் கொண்டிருந்த இவ் நிறுவனங்கள் கடந்த இரண்டு ஆண்டிற்குள் சமூக வலைத்தளங்களுக்கென்றே தனிப்பட்ட தரவுத் திட்டங்களை வழங்குவதில் போட்டி போட்டுக் கொண்டு தினம் தினம் விசேட புதிய தரவுத் திட்டங்களை அறிமுகப்படுத்திக் கொண்டேதான் இருக்கின்றன.

இது இவ்வாறிருக்க,

என்னால் இங்கு ஒரு சிறிய முயற்சியாக இவ் ஐந்து நிறுவனங்களினதும் தரவுத் திட்டங்களை அதாவது முற்கொடுப்பனவு தரவுத் திட்டங்களை ஒப்பு நோக்கியவாறான ஒரு அட்டவணைப்படுத்தப்பட்ட தரவொன்று உருவாக்கப்பட்டுள்ளது.

அதாவது இதன் பிரதான நோக்கம் யாதெனில் எந்த நிறுவனம் மிகவும் வினைத்திறனான தரவுத் திட்டத்தை வழங்குகின்றது என்பதாகும்.

இதன் மூலம் இணையச் செலவினங்களை ஓரளவுக்கு இழிவாக்கலாம் என்றதொரு அடிப்படையில்தான் என்னால் இம் முயற்சி மேற்கொள்ளப்பட்டிருக்கின்றது.

இவ் ஒப்பீட்டு அட்டவணையிலுள்ள தகவல்கள் அனைத்தும் நேரடியாக தொலைத் தொடர்பு நிறுவனங்களின் இணையத்தளங்களில் இருந்து பெறப்பட்டவை மேலும் இத் தகவல்கள் அதாவது செப்ரம்பர் மாதம் 16 ம் திகதி 2014 ஆண்டுக்குரியதாக மேம்படுத்தப்பட்டுள்ளன (Updated Details).

ஒப்பீட்டு அட்டவணை

தெளிவான அட்டவணைக்கு இதனை சொடுக்கவும்

இங்கு அட்டவணையில் நான் மேலே குறிப்பிட்ட ஐந்து நிறுவனங்களினதும் தரவுத் திட்டங்கள் அதனது விலைகளுக்கேற்ப ஒப்பிடப்பட்டுள்ளன. மேலும் ஒவ்வொரு குறிப்பிட்ட விலை வீச்சுக்கேற்ப எவ்வாறான தரவுத் திட்டங்கள் வழங்கப்படுகின்றன என்பதை மிகவும் இலகுவான முறையில் அவதானிக்கவும் முடியுமாகவுள்ளது.

உதவிக் குறிப்புகள் :
Prize range - விலை வீச்சு, அதாவது இங்கு மூன்று விலை வீச்சுக்குள் எல்லைப் படுத்தப்பட்ட தரவுப் பொதிகள்/திட்டங்கள் வழங்கப்படுகின்றன.

1. ரூபா 1- 99 வரையில்
2. ரூபா 100 - 299 வரையில்
3. ரூபா 300 - 1999 வரையில்

இலகுவாக ஒப்பீட்டை மேற்கொள்ளலாம்.

Prize - விலை, அதாவது குறிப்பிட்ட தரவுத் திட்டத்தின் விலை

Data - தரவுத் திட்டம் (MB) அலகில் தரப்பட்டுள்ளது மேலும் என்னால் சில இடங்களில் GB யிலும் குறிப்பிடப்பட்டுள்ளது.

உதாரணமாக 110+50 எனில் 110MB ஆனது பகல் பொழுதிலும் 50MB என்பது இரவுப் பொழுதிலும் பாவிக்க கூடியவாறாக உள்ளது.

SMS/Call - இதன் போது வழங்கப்படுகின்ற குறுஞ்செய்திகளின் எண்ணிக்கை மற்றும் உள்ளுர் அழைப்பு நிமிடம்.

உதாரணமாக 50/10 எனில், 50 குறுஞ்செய்திகள் மற்றும் 10 நிமிட அழைப்பு இலவசம் என்றவாறு அது அமையப் பெறும்

Val (Validity) - செல்லுபடிக்காலம், அதாவது இத் தரவுத் திட்டமானது எத்தனை நாட்களுக்கு செல்லுபடியாகும் என்பதாகும்.

உதாரணமாக : 7 என்றால் இத்தரவுத் திட்டமானது 7 நாட்களுக்குள் செல்லுபடியாகும் என்பதாகும் அதன் பிறகு அது தானாகவே காலாவதியாகிவிடும்.

TT - Talk Time - அழைப்பு நேரம்.

NIG - இரவு நேரத் திட்டம்

இங்கு இரவு நேரத்திட்டங்கள் பொதுவாக நள்ளிரவு 12 யிலிருந்தே ஆரம்பிக்கின்றன ஆனாலும் சில நிறுவனங்களின் திட்டங்கள் வேறுபட்ட நேரத்தில் ஆரம்பிக்கின்றன ( அதிகாலை 1 மற்றும் 2 மணியளவுகளில் ) தயவு செய்து இதனைப் பற்றிய மேலதிக விபரங்களுக்கு கீழே தரப்பட்டுள்ள இணையத் தளங்களுக்குள் பிரவேசியுங்கள்.

எடிசலாட் (Etisalat) இன் முற்கொடுப்பனவு தரவுத் திட்டங்கள் .

இணையத்தள முகவரிப் பக்கம்: எடிசலாட் முற்கொடுப்பனவுத் திட்டங்கள்

டயலொக் (Dialog) இன் முற்கொடுப்பனவு தரவுத் திட்டங்கள் .

இணையத்தள முகவரிப் பக்கம்: டயலொக் முற்கொடுப்பனவுத் திட்டங்கள்

எயாடெல் (Airtel) இன் முற்கொடுப்பனவு தரவுத் திட்டங்கள் .

இணையத்தள முகவரிப் பக்கம்: எயாடெல் முற்கொடுப்பனவுத் திட்டங்கள்

மொபிடெல்(Mobitel) இன் முற்கொடுப்பனவு தரவுத் திட்டங்கள் .

இணையத்தள முகவரிப் பக்கம்: மொபிடெல் முற்கொடுப்பனவுத் திட்டங்கள்

ஹச் (Hutch) இன் முற்கொடுப்பனவு தரவுத் திட்டங்கள் .

இணையத்தள முகவரிப் பக்கம்: ஹச் முற்கொடுப்பனவுத் திட்டங்கள்

அஞ்சானுக்கு ஆப்பு ! சூர்யாக்கு சோப்பு !!

2014-08-25T14:55:00.000-07:00

அட நீயுமாடா ராசா ???

ச்சே, சே அப்புடியெல்லாம் நீங்க நெனய்க்கிற மாதிரி ஒண்டுமில்ல,

படத்தப்பற்றி மனசில பட்ட ஒண்டிரண்டு வார்த்தைகள் கொஞ்சம் சூர்யாக்கு சாதகமாக

சூர்யான்ட மனச நோகடிக்காம அதாவது பாத்து சூதானமாத்தான் இந்தப் பதிவ போடப் போறன்,

ஓகே காய்ஸ் ஆ யு ரெடி????

திருப்பதி பிரதர்ஸ், யு-ரீ-வீ, லிங்குசாமி அப்புறமா நம்முட சூர்யாத் தம்பி ---

அம்புட்டு பேருக்கும் சேத்து நம்முட பய புள்ளைகள் சும்மா தாக்கு தாக்ன்னு போட்டுத் தாக்குறானுகள்.

ஏன்டா இப்புடி ?????

அப்புடி என்னதான்டா இருக்கு அங்கே ???

என்ற பல கேள்விகளின் ஒட்டுமொத்த பதில் என்னன்னா ----

படத்த எடுக்கச் சொன்னா அண்ணன் லிங்குசாமி கிட்டத்தட்ட மூன்று மணித்தியாலம் இடைவிடாத சண்டக் காட்சிகள சும்மா நச்சு நச்சுன்னு போட்டுத் தள்ளியிருக்காறாமில்ல,--------1

போட்டாலும் போட்ட அதுவென்ன பஞ்சு ?????--------------2

---------- நல்ல வருது வாய்ல ----

அதெல்லாம் நம்முட சூர்யாத் தம்பிக்கு செட்டாவாது, இவரென்ன பெரிய பருப்பா ????

என்டெல்லாம், பேஸ்புக், டுவிட்டர், யு-டியுப் என்னு சும்மா செமயா போட்டுத் தாக்குறானுகள்.

பாவன்டா சூர்யா, அழுது-கிழுதிடப் போறான்.

டேய், நீ இப்ப என்ன சொல்ல வாற? ன்னு தானே கேக்கப் போறீங்க ,

யேஸ், ஐ நோ............ கொஞ்சம் பொறுங்க,

மம்மி கூப்புறா !! யேஸ் மாம், வட் ????

---------------------------------------------------------------------------

ஐயம் சொரி, மாம் கூப்பிட்டா அதான் போயிட்டேன், ஆ சொல்லுங்க என்ன ???

என்னமோ கேட்டிங்களே ????

ஓ அதுவா !!! ???

அது வந்து , ஐ டோடலி சபோடிங் சூர்யா,

பட், நியாயம், தர்மம் என்டெல்லாம் ஒண்டு இருக்காம, சொ அதயும் நாம பாக்கத்தானண்னே வேணும்,

அதான் கொஞ்சமாப்போல அன்சபோடிங் ஒன் அஞ்சான்.

---------------------------------------------------------------------------------------

நெறயப் பேர் சமந்தாட அதப் பாக்கத்தான் போயிருக்கானுகள்,

அதாங்க அது ????

டாடாடாடான்ஸ். பட் அதுவும் ஊத்திக்சிச்சாமில்ல-------3

ப்ப்ப்பாபாபா,

நான் அது ன்னதும் நீங்க ஏன் சிறிச்சீங்க பாஸ் ???????

சொல்லுங்க பாஸ், சொல்லுங்க.

சரி அதவுடு, படத்தில் ஏதாச்சும் கதயிருக்கான்னு பாத்தா-------4

பட் லிங்குவாமி அதிலயும் ஆப்பு வச்சுட்டாராம்

பயபுள்ளய்கள் பொலம்புறானுகள் ---- பொங்குறானுகள்

இப்புடி ஆப்பு மேல ஆப்பு வச்சா எவன்தாங்க பொங்காம இருப்பான்??

அதனால நம்முட சகோதர, சகோதரிகளின்

பொங்கல், பொங்காமை சரியா ?? தவறா ????

வாங்க கதைக்கலாம், அப்புடின்னு கோபிநாத்தா என்னால மாற முடியாது, பிகோஸ்

ஸ்டில் ஐயம் சபோடிங் சூர்யா, மதர் புரோமிஸ் யா !!!

அடேய் !! நீ சபோட், சபோட் எங்குறாய் ஆனா, சபோட் பண்றமாதிரி இப்ப வரைக்கும் ஏதாச்சும் சொல்லியிருக்கயாடா ” என்று சூர்யாவின் ரசிகக் கோடிகள் என்னப் பாத்து கேட்கக்கூடும்.

அதனால, இப்ப என்னன்னா கடசியா ஒரு பஞ்சு---------சூர்யாக்காக

அஞ்சானுக்கு ஆப்பு, சூர்யாக்கு சோப்பு------------------------------------------------??????

எப்புடிடிடிடி ?? நம்முட பஞ்சு , அதவுட்டுட்டு புறா, கழுகிண்டிட்டு

போங்க சூர்யா போங்க ------------------------------உருப்பர்ர வழியப் பாருங்க.

(இத நான் சொல்லல, அவங்க அதாங்க அவங்க சொல்றாங்க )

ஏதோ நம்மலால முடிஞ்சது இம்புட்டுத்தான்.

சோ, நவ் ஐயம் கொயிங், பட் கமிங் சூன் எகய்ன்.

டேக் கெயார். பாய். பாய்.

தொடர்ந்து கதைப்போம் இது போலவும்

ஏதோ எழுதனும்னு தோனுது !

2014-08-23T12:47:00.000-07:00

"அட இவனுக்கு வேற வேலயேயில்ல சும்மா எப்ப பாத்தாலும் சம்பந்தமில்லாமலேயே எதையாச்சும் கதைக்கிறது"

என ஆதங்கப்படும் உங்களின்ட மைன்ட் வொய்ஸ் எனக்கு கேக்குதுங்க. (பட்)

என்னதான் ஆனாலும் நீங்க வாசிச்சுத்தான் ஆகனும் ஏனன்டா இது என்னன்ட கட்டள.

சும்மா நம்முட விஜயகாந்த் ஸ்டைல்ல ரை பண்ணிப் பாத்தனுங்கோ !!!!!

வ்வ்வ்வ்வ் . பிலீஸ் சிறிக்காம வாசிங்கோய்.

அது என்னன்னா, கொஞ்சக் காலத்துக்கு முன்னால வை-பை யை ஹெக் பண்றது எப்புடின்னு ஒரு பதிவப் போட்டனுங்க,

சரி போட்டாய் அதுக்கு இப்ப என்னங்ற??? ன்னுதானே கேக்க வாறிங்க,

என்ன எம் ஐ ரைட் ???

சரி சரி, கொஞ்சம் பொறுங்க மேட்டருக்கு வாறன்,

அதுவென்னன்னாங்க!!

அந்தப் பதிவிருக்கே அது நம்முட போய்ஸ், கேல்ஸ் மற்றும் மகத்தான நல்லுள்ளம் படைத்த எம் மக்களின்ட மத்தியில சும்மா அப்புடி ரீச்சாகியிருக்குன்னு எனக்கு இன்னய்க்குத்தான் தெரிய வந்திச்சு !

அதனால யு நோ , நான் உடனே குசியாவி, அதே மாதிரி இன்னொரு பதிவப் போடலாம்னு பாத்துத்தான் இங்க வந்தனுங்கோய்,

ஆனா,

என்னடா ஆனா, ஆவனா என்டுட்டு” இவர் ஒரு ஆளு, இவருக்கொரு புலக்கு, அதில நாம வேறன்னு கடுப்பின் உச்சிக்கே போகும் சகோதர, சகோதரிகளின் உணர்ச்சியை என்னால புரிய முடியாமில்ல.

காய்ஸ்,ஏஸ், ஐ கேன் அன்டஸ்டேன் யுவர் பீலிங்ஸ்.

அட மொக்க, இதான் மேட்டரா???

இதுக்கத்தானா இம்பட்டு பில்டப்பான்னு, நீங்க கேக்கிறதும் புரியுதுங்கோ !!

பாருங்க நான் இப்ப உண்மயச் சொன்னா, நீங்க சத்தியமா என்னத் தேடி வந்து அடிப்பீங்க, அது மட்டும் உறுதியாத் தெரியும்.

சரி பரவால சொல்றன் அது வந்து,

உண்மையாவே எனக்கிட்ட இங்க எழுதுறத்துக்கு எந்தவொரு ஐடியாவுமே இருக்கல்ல,

பட் கொஞ்சம் எழுதுற மூட் இருந்திச்சு அதான் சும்மா எதயாச்சும் கிறுக்குலாமேய்ன்னு ஸ்டாட் பண்ணினேன் எடயில ஒரு பக்கி வந்து மூட ஸ்பொயில் பண்ணிட்டு.

சோ, நான் இப்ப என்ன சொல்ல வாறன்னா !!!!

நீ ஒரு மண்ணும் சொல்ல வேணாம், என்ன------- க்கடா !!!!!!

என நீங்க கோபத்தின் உச்சிக்கே போவீங்கன்னும் தெரியும்.

ஆனா ஒண்டு மட்டும் சொல்றன் கேட்டுக்கொங்க, அது என்னன்னா ???

நான் எழுதத்தான் வந்தேன், ஆனா எடயில வந்து என்னன்ட மூட ஸ்பொயில் பண்ணின அந்தப் பக்கிக்குத்தான் இந்த அப்புட்டு கெட்ட வார்த்தையும் சமர்ப்பணம்.

என்ன சரியா ???

இல்லாட்டியும், இவர் பெரிய எழுத்தாளர், கிளிச்சிடுவாறு என்னுதானே மைன்ட் வொய்ஸ் சொல்லுது.

அட சும்மா பொய் சொல்லாம சொல்லுங்க !!

என்ன நான் சொன்னது சரிதானே ??

அப்பப்பா, டேய் நாங்க என்னதான்டா உனக்கு பாவம் செஞ்சோம், இப்படிப் போட்டு படுத்துறானேன்னு அந்த அக்கா நெனய்க்காவு.

ஓகேங்க, ஐயம் எக்ஸ்-ரீம்லீ சொறீங்க, இனி நான் பேசல, போறன் பாய் !!!

ஆனா பொறகும் வருவேன், தயவு செஞ்சு அதுக்காக மனச தயார் படுத்திக்கொங்கோ !!!!

போய்ட்டு வாறன்....................................

------அட லூசுப்பய-புல்லன்னா ஏசுறிங்க, பொறுங்க உங்கள வச்சுக்கிறன்-------

ஹேய் ஹேய் ஹேய், நான் ஒன்னும் அந்த அர்தத்தில சொல்லலிங்க, சும்மா ஒரு வ்லோல்ல சொல்லிப்புட்டன்.

சோ, டோன் மிஸ்டேக் மீ யா !!

பிகோஸ் ஐயம் பேசிக்களி குட் பெமிலி - காய்------ யு நோ !!!!

நான் ஏதோ கிறுக்கிப்புட்டேன் என நெனக்கிறன் தொடர்ந்தும் கிறுக்குவோம் இது போலவும்

முட்கள் நிறைந்த பாதை......

2014-08-20T03:42:00.000-07:00

என்னதான்யா சொல்லப் போறான், என்ற ஆவலில் தலைப்பைப் பார்த்தவுடன் நீங்கள் இதனை சொடுக்கியிருப்பீர்கள் என நினைக்கிறேன். இதுவொரு சிறுகதையாக இருக்குமோ என்றுகூட சிலர் நினைத்திருக்கக் கூடும், ஆனால் இது அவ்வாறனதொரு பதிவல்ல. தொடர்ந்து வாசியுங்கள் என்னுடைய கிறுக்குத்தனத்தை;

மனிதனாகப் பிறந்து விட்டால் அவன் மீது ஏராளமான சுமைகள் ஏற்றப்படுவது இயல்பே, அதுதான் இயற்கையின் நியதியும் கூட என்பதை நாம் அனைவரும் ஏற்றுக் கொண்டுள்ளோம். உண்மையில் அந்த சுமைகளைத் தாங்குவதற்கு மனிதனால் முடியுமா என்றதொரு வினாவும் எம் மத்தியில்

தோன்றாமலில்லை. எது எவ்வாறாயினும், மனிதனால் முடியாதது என்று எதையுமே இவ்வுலகில் இறைவன் படைக்கவில்லையென்பது தெளிவே.

காலவோட்டத்திற்கேற்ப மனிதத் தேவைகளும் மற்றும் அவனது வேகமும் அபரிதமாக அதிகரித்துக் கொண்டே செல்கின்றது. நிச்சயமாக அவற்றை அடைவதற்கு மனிதன் பல்வேறு தடைகளையும் தகர்த்து முற்கள் நிறைந்த கரடு முரடான பாதைகளில் பயணித்தாக வேண்டிய நிர்பந்தத்திற்கு உள்ளாக்கப்பட்டுள்ளான் என்பதை யாராலும் மறுக்க முடியாது.

"யாரை நம்பி நான் பிறந்தேன் போங்கடா போங்க, எந்தன் காலம் வெல்லும் என்ற பின்பே வாங்கடா வாங்க” என்ற பாடல் வரிகள்தான் ஹாபகம் வருகின்றது இதனைக் கிறுக்கும் போது.

நிச்சயமான இவ்வுலகத்தில் பிறந்த ஒவ்வொரு மனிதனுக்குள்ளும் ஒவ்வொரு வகையான அபரிதமான திறமையொன்று மறைந்திருக்கின்றது என்பது காலம் காலமாக விஞ்ஞான ரீதியாக ஏற்றுக் கொள்ளப்பட்டதொரு உண்மையாகவிருக்கின்றது. இது உண்மைதானா ?? எனக்குள்ளும் திறமையிருக்கிறதா??? என்னாலும் முடியுமா???? என்ற அடுக்கடுக்கான கேள்விகள் இதன் விளைவாக கேட்கப்படுகின்றன, எம்மவர்களால்.

இவை அனைத்துக்குமான ஒரே பதில் ஆம் உன்னால் முடியும். என்றவாறுதான் அமையும். திறமையென்பது இறைவன் மனிதனுக்கு கொடுத்ததொரு வரம், அதை சரியாகப் பயன்படுத்துபவன் அவன் மீது ஏற்றப்பட்டுள்ள சுமைகளைத் தாண்டி முற்கள் நிறைந்த வாழ்க்கைப் பாதையில் இலகுவாக பயணித்து சாதனையாளனாக இறுதியில் உருமாற்றம் பெறுகிறான்.

மனதில் ஆசையும் வெற்றிக்கான வெறியும் இருக்கிறவனை எந்தவொரு தடைகள் மூலமும் தடுத்த நிறுத்த முடியாது. அவனது இலக்கை நோக்கிய பணயம் எதுவென்று அவன் ஏற்கனவே தீர்மானித்திருப்பான் மேலும் அதன் வழியேதான் அவனது பயணமும் அமையப்பெறும். முட்ககைள தூரப் போட்டு முன்னேறுபவனும் அவனே.

வெற்றியின் ருசி தெரிந்தவனுக்கு தோல்விகள் மற்றும் தடைகள் ஒரு பொருட்டல்ல. அவனுக்கு வேண்டியதெல்லாம் வெற்றி யென்ற மூன்றெழுத்து வார்த்தை. இலக்கைத் தீர்மானித்து திறமை மீது நம்பிக்கை வைத்து எடுத்து வைக்கும் ஒவ்வொரு அடியும் அவனது வெற்றியாகவே அவனது ஆழ் மனதில் பதிவாகின்றது. அதுவேதான் இறுதியில் அவனை

சாதனையாளனாகவும் மாற்றுகின்றது.

தொடர்ந்து கதைப்போம் இதுபோலவும் கிறுக்குத்தனமாக.......

Mr. and Mrs. Iyer

2014-08-18T12:22:00.000-07:00

இந்திய சினிமாவின் தரமான படைப்புக்களில் இதுவும் ஒன்று எனக் குறிப்பிட்டுச் சொல்லும் அளவுக்கு மிகவும் தத்ரூபமான முறையில் எடுக்கப்பட்டதொரு ஆங்கிலத் திரைப்படம்தான் Mr. and Mrs. Iyer . உண்மையில் என்னை வெகுவாகப் பாதித்த திரைப்படங்களில் இதற்கு முதன்மையிடத்தை வழங்கலாம் என நினைக்கிறேன், அந்தளவுக்கு இத்திரைப்படம் மிகவும் எளிமையாகவும் இயல்பாகவும் காட்சிப்படுத்தப்பட்டிருந்தது. 2002 ம் ஆண்டு அபர்ணா செண்னின் இயக்கத்தில் வெளியான இத்திரைப்படம் பல தேசிய விருதுகளை தன்வசமாக்கிய பெருமைக்குரியது என்பதையும் இவ்விடத்தில் குறிப்பிட்டாக வேண்டும்.

நிச்சயமாக தரமான மற்றும் தனித்துவமான படைப்புக்களுக்கு அங்கீகாரம் கிடைப்பதென்பது புதிதல்ல. திரைப்படம் ஆரம்பிக்கும் போது பிராமணத் தமிழின் வாடை கேட்பதற்கு நன்றாகத்தான் இருக்கின்றது. மீனாக்சி ஐயராக வரும் கொன்கொனா சென் சர்மா, வட் ஏ ஓசம் எக்ரிங் !! என்று சொல்லக்கூடிய அளவுக்கு பிரமாதமாக நடித்திருக்கார்” மண்ணிக்கவும் வாழ்ந்திருக்கிறார். இயல்பான நடிப்பு, தமிழ் கலாசாரத்திற்கேற்ற உடையமைப்பு, மற்றும் மிதமான அழகு போன்றவற்றால் திரைப்படத்துடன் எம்மை பின்னிவிடுகிறார் என்றுதான் கூற வேண்டும்.

"ஜெஹாங்கிர் ராஐா சவுத்ரி"ஆக ராகுல் போஸ் தன்னுடைய இயல்பான நடிப்பு பானியை கச்சிதமான முறையில் செய்திருப்பது திரைப்படத்தின் வெற்றிக்கானதொரு முக்கிய காரணியாக அமையப் பெற்றிருந்தது. ஒரு ஆண் தனியாகவிருக்கும் குடும்பப்பாங்கான பெண்னொருவருடன் எவ்வாறு நடந்து கொள்ள வேண்டும் என்ற வரம்பு முறைக்கமைவாக ராகுலை நடிக்க வைத்திருக்கும் விதம் இயக்குனரின் வேறுபட்ட அல்லது அனுபவரீதியான சிந்தனையின் வெளிப்பாடாகக்கூட இருந்திருக்கலாம்.

எவ்வாறு ஒரு இயல்பான காதல் ஊற்றெடுக்கின்றது என்பதை ஒரு தரமான திரைப்படத்தின் வாயிலாக மிகவும் அருமையாகவும் அழகாகவும் காட்சிப்படுத்தியிருக்கிறார் இயக்குனர். அதுமட்டுமல்லாது,

ஒரு கட்டுக்கோப்பான மற்றும் குடும்பப்பாங்கான பெண்ணின் உணர்ச்சியில் ஏற்படும் மாற்றத்தையும் தெளிவாகக் காட்சிப்படுத்தி திரைப்படத்தை பல தேசிய விருதுகளை அள்ள வைத்த பெருமை இயக்குனரேயே சாரும்.

உண்மையில், அபர்ணா செண் வேறுபட்டதொரு கோணத்தில் திரைப்படத்தை நகர்த்தியிருக்கிறார் என்றுதான் சொல்ல வேண்டும். இனக்கலவரத்துடன் கூடியதொரு பாதுகாப்பான மற்றும் நிதானமான காதலை சற்றும் தொய்வில்லாமல் மிகவும் பிரமாதமாக செதுக்கியிருக்கிறார். மேலும் இத்திரைப்படத்தின் மூலமாக தன்னுடைய மகளுக்கு சிறந்த நடிகைக்கான தேசிய விருதையையும் பெற்றுக்கொடுத்ததொரு திருப்தியானது நிச்சயமாக அபர்ணா செண்னுக்கு கிடைத்திருக்குமென்பதில் எனக்கு (துளியும்) எந்தவிதமானதொரு ஐயமுமில்லை.

மீனாக்சியின் ஒவ்வொரு வார்த்தையும் மற்றும் உணர்ச்சியும் என்னைப் போன்ற ரசிகர்களின் மனதை நிச்சயமான பாதித்திருக்கும் என்பது உறுதியே."சந்தானம், சந்தானம்" எனும் மொழி உண்மையில் கேட்பதற்க்கு இனிமையாகத்தான் இருக்கின்றது. உண்மையான அன்பு, அக்கறை மற்றும் காமமில்லாத காதல் போன்றவற்றால் நிரப்பப்பட்டதொரு தரமான இந்தியப் படைப்புத்தான் இத்திரைப்படம் என்று கூடக் கூறிக்கொள்ளலாம்.

வாங்க தொடர்ந்து கதைப்போம் இதுபோலவும் வேறுபட்டதொரு எழுத்துப்பானியில்.

வருத்தப்படாத வாலிபர் சங்கம்

2013-09-21T12:20:00.001-07:00

இலங்கைத் தமிழில் சொன்னால் “சட்டப்படியாக இருக்கு மச்சான்” என்று சொல்லுமளவுக்கு திரைப்படம் பிரமாதமாக செதுக்கப்பட்டிருக்கின்றது. சிவகார்த்திகேயனுக்கென்றே அமையப்பெற்ற கதையம்சம்கூடியதொரு திரைப்படமாகத்தான் பொன்றாம் இதை தயாரித்திருப்பாரோ என்னவோ ?? என்று கூட கேட்கத் தோனுது.

சுருக்கமாக ஒரே வரியில் சொன்னால் “ SIMPLY SUPERB"...... அதாவது சரியான விகிதத்தில் காரம் , மசாலா மற்றும் மொளகாப்பொடி போன்றவை சேர்ந்ததொரு கலவையாகத்தான் தயாரிக்கப்பட்டுள்ளது.

சத்தியராஜின் வழக்கமான அசத்தலான நடிப்பு படத்தின் வெற்றிக்கான ஒரு காரணியென்றும் கூறலாம் . இதில் இவருக்கு சீரியஸான ஜோக்கர் பாத்திரம். சும்மா பிண்ணியிருக்கிறாரு மனிசன்.சிவனான்டி ன்னா ஊருக்குள்ள பயம் ஆனா மனிசன் உள்ளுக்குள்ள செம ஜோக்கர். இதை கிளைமக்ஸிலேயே போட்டு உடைத்திருக்கிறாரு பொன்றாம். இதுதான் படத்துக்கு இன்னும் கொஞ்சம் மேலதிக பலத்தையும் சேர்த்திருந்தது.

அண்மைக்காலமாக தமிழில் வெளியான பல திரைப்படங்கள் என்னைப் போன்ற ரசிகர்களை ஏமாற்றினாலும் , வருத்தப் படாத வாலிபர் சங்கம் அவற்றையெல்லாம் ஈடு செய்வதற்கான முயற்சியாகத்தான் இருக்குமோ என்னவோ ?? என்று கூட என்னத் தோனுகின்றது. இதற்காக மீண்டும் ஒரு முறை பொன்றாமுக்கு நன்றி சொல்லக் கடமைப் பட்டுள்ளோம்.

சிரிப்புக்கு பஞ்சமில்லாமலும் விருவிருப்புக் குறையாமலும் எந்தவொரு ஆபாச காட்சிகளுக்கும் இடங்கொடுங்காமலும் தரமான படைப்புக்ளை தமிழ் சினிமாவிலும் படைக்க முடியும் என்பதற்க்கு வருத்தப்படாத வாலிபர் சங்கம் ஒரு முன்னுதாரனமாகுமென்பது என்னுடைய தனிப்பட்ட கருத்து.

சூரி யைப்பற்றி சொல்லியே ஆக வேண்டும் ,தமிழ் சினிமா கண்டெடுத்த நகைச்சுவை நடிகர்களில் சூரியும் ஒருவர் .தனக்கு எது வழங்கப்பட்டிருக்குதோ அதற்க்கு ஏற்றால் போல் தன்னை மாற்றிக் கொள்ளக் கூடிய திறமை இவருக்கு கொஞ்சம் அதிகமாகவே இருக்கின்றது. இதில் இவர் சிவா வுடன் சேர்ந்து அடிக்கும் லூட்டிகள் உண்மையிலேயே “செமயாயிருக்கு”. கோடி என்ற பாத்திரத்தில் கேடியாக நடிச்சிருக்காரு தம்பி.

ஏய் !! சிவா , அந்தப் புள்ள பாவம் யா “சிறி திவ்யா” . தமிழில் இதுதான் முதல் படம் அதிலேயே சும்மா பிண்ணியிருக்கா ! Superb Acting என்று கூடச் சொல்லலாம் , சிவாவுக்கு ஈடு கொடுத்து அசத்தியதன் மூலம் பல இளைஞர்களின் மனதில் தனியிடம் இவருக்கென்று ஒதுக்கப்பட்டுள்ளதாக தகவல்கள் நம்பத் தகுந்த வட்டாரங்களில் இருந்து கசிகின்றன.

“வருத்தப்படாத வாலிபர் சங்கம்” பாடல் மூலம் தனக்கு பாடவும் தெரியுமுடா !! என்று கூறுகின்றார் நம்முட சிவாத் தம்பி . டி.இமான் கச்சிதமாக காயை நகர்த்தியிருக்கிறார் என்று கூடச் சொல்லாம் . அனைத்துப் பாடல்களுமே கேட்கக் கூடியவாருதான் இசை அமைக்கப்பட்டுள்ளன. அதிலும் குறிப்பாக ஊதாக்கலரு ரிப்பனு பாடல், #NICEsong தற்போது அனைவரிடத்திலும் முனு முனுக்கப் படக் கூடிதொன்றாகவே இருக்கின்றது. பல பேரின் ரிங்கிங் டோனாகவும் தான்.

போஸ் பாண்டி-சிவா , லதா பாண்டிக்கு- சிறி திவ்யா விடம் டீச்சருக்கு லவ் லெட்டர் கொடுக்கச் சொல்லும் காட்சி பிரமாதம் . என்னை வெகுவாக ஈர்த்த காட்சிகளில் அதுவும் ஒன்று.

கதை வழமையான கதையாக இருந்தாலும் அதனை நகர்த்தியிருக்கு விதம் உண்மையில் பாராட்டப்பட வேண்டிய தொன்றாகும். அதிலும் இறுதிக் காட்சி சற்று வேறுபட்ட கோணத்தில் நகர்த்தப்பட்டு திரைப்படத்தை வெற்றிப் படமாக்கியுள்ளது என்பதுதான் கவனிக்கப்பட வேண்டியதொரு விடயமாகும்.

ஆக மொத்தத்தில் , வருத்தப்படாத வாலிபர் சங்கம் இவ்வருட தமிழ் சினிவாவில் தனக்கென்றதொரு தனியிடத்தை பிடித்துக் கொள்ளக் கூடியதொரு திரைப்படமாகப் பதிவாகும் என்பதில் எனக்கு துளியும் ஐயமில்லை !

நான் கணனி கற்ற கதை .......

2013-09-21T02:18:00.000-07:00

இற்றைக்கு சுமார் 10 வருடங்களுக்கு முன்னர் தான் என்னுடைய கணனியுடனான பயணம் ஆரம்பமானது.அப்போது வயது 10. தரம் 5 புலமைப்பரிசில் பரீட்சையை நிறைவு செய்த கையோடு எங்கள் ஊறில் உள்ள கணனி வகுப்புக்களை நடாத்துவதற்கென்று பிரபலமான கல்லூரியொன்றின் கணனிப் புலமைப்பரிசில் பரீட்சையில் தோற்றுமாரும் அழைப்பு விடுக்கப்பட்டிருந்தது. அப்பாவின் முயற்சியால்தான் ஒரு வருட இலவச கணனி வகுப்புக்கான பரீட்சையில் தேறக்கூடியதொரு வாய்ப்பும் கிட்டியது. அங்குதான் என்னுடைய கணனிக்கல்விக்கான அடித்தளம் இடப்பட்டதென்பதுதான் உண்மையும் கூட.

அது நாள் வரைக்கும் நான் கணனியை எவ்விடத்திலும் ஆசைக்குக் கூட கண்டதில்லை என்றுதான் கூற வேண்டும். முதலாவது கணனி வகுப்பு , Introduction to Computer என்ற தோறனையில்தான் ஆசிரியர் வந்து வகுப்பை நடத்தி விட்டு , நாளைக்கு Practical Class இல் பார்ப்போம் என்று கூறிவிட்டு சென்று விட்டார் . எனக்கோ உள்ளுக்குள் பெரியதொரு குஷி , நாளைக்கு நாம எப்புடியாச்சும் computer ஐ தொட்டுப் பாத்திடலாம் என்ற நம்பிக்கைதான் அந்த மகிழ்ச்சிக்கான காரணமாக இருந்திருக்குமென்று இப்போது நினைக்கத் தோனுகின்றது.

முதன் முதலாக கணனியை நேரடியாகக் கண்ட சந்தர்ப்பம் , வாழ்க்கையில் ஏதோ ஒன்றை சாதித்து விட்டதொரு திருப்தியைத் தந்தது. வெள்ளைக் களரில் பெரிய TV ஒன்றும் , அதுக்குப் பக்கத்தில் பெரியதொரு பெட்டி வடிவிலான பொருள் ஒன்றும் மேசையில் ஏதோ கொஞ்சம் நீளமாக ABCD....... என்றவாறு ஆங்கில எழுத்துக்கள நிறைந்த பொருளொன்றும் , உருண்டையாக வயருடன் இணைக்கப்பட்ட பொருளொன்றுமாக , அங்கு வைக்கப்பட்டிருந்தன.இவற்றையெல்லாம் அதற்க்கு முன்னர் நான் எங்குமே கண்டது கிடையாது.

ஆசிரியர் “ Students இதுதான் கம்பியூட்டர் ! இது மொனிட்டர் , இது CPU , இது கீ போட் , இது MOUSE என்றவாரு ஒவ்வொன்றாக விளங்கப்படுத்திக் கொண்டிருந்தார் , நானும் ஆசைக்கு ஒரு தரம் அவற்றையெல்லாம் தொட்டுப் பார்த்து விட்டிருந்தேன்.

மேலும் எவ்வாரு தட்டச்சு செய்வது என்றும் சொல்லிக் கொடுக்கப்பட்டது , கறுப்பான திரையில் வெள்ளைக்களரில் எழுத்துக்கள இருக்கும் அதைப் பார்த்து வேகமாக ரைப் செய்ய வேண்டும் என்றும் வேகமாகவும் பிழையின்றியும் அதை செய்யும் போது அதிக புள்ளிகள் வழுங்கப்படும் என்றுமாரு கூறி தனித்தனியாக ஒவ்வொருவருக்கும் கணனிகள் வழங்கப்பட்டு ரைப் செய்யுமாரும் கூறப்பட்டது. எனக்கோ , அதுதான் முதல்முறை கணனியை தொட்டுப் பார்ப்பதும் என்பதால் தட்டுத் தடுமாறி ஏதோ ஒரு வழியாக பயத்துடன் ரைப் செய்ய ஆரம்பித்தேன். ஒவ்வொரு எழுத்தாக தேடிக் கண்டு பிடிப்பதற்குள் போதும் போதும் என்றாகி விட்டது , அந்தக்கணத்தை ஒருபோதுமே மறக்க முடியாது.

இங்கு , எத்தனை பேருக்கு DAVE கேம் ஞாபகம் இருக்குமென்று எனக்குத் தெரிய வில்லை , ஆனால் நான் கணனியில் முதன் முதலில் விளையாடிய விளையாட்டென்றால் அது DAVE game தான்.

Introduction to Computer . MS-DOS . என்றவாருதான் எனது கணனிக்கற்றல் ஆரம்பமானது. அங்கு காணப்பட்ட பெருப்பாலான கணனிகளில் DOS இயங்கு தளமே நிறுவப்பப்பட்டிருந்தது. ஒரு சில கணனிகளில் வர்ணத்திரைகளாக (Colour SCREEN) காணப்பட்டன , அதில் சிலர் , எங்களை விட மூத்த மாணவர்கள் எதையோ வரைந்து கொண்டும் நிறந்தீட்டிக் கொண்டுமாக சீரியசாக வேலைசெய்துகொண்டிருந்தனர். ( Drawing and Painting ). அதுதான் Paint Programme என்றும் அதில் நீங்கள் விரும்பியவாரு படங்கள் வரைந்தும் நிறந்தீட்டியும் விளையாடலாம் எனறவாரு எங்களது ஆசிரியர் அறிவுருத்தினார்.

இவ்வாறாகத்தான் எனது கணனிப் பயணம் ஆரம்பமானது.

-தொடர்ந்து கதைப்போம் இது போலவும்-

Can anyone become a journalist? What tips would you give someone who wants to be a journalist???

2013-09-15T08:26:00.000-07:00

From my point of view , anyone can be a journalist , but it is not a very easy task. Also , anyone can declare himself or herself as a journalist , and now most of the people doing journalism via online
( Internet ). It means, e-journalism as blogger, word-press , tumbler and other blogging sites. Even though social medias are being utilized as a journalism tool- facebook , twitter , Google+ , LinkedIn and etc.

Journalism is one of the most significant field in the world which is also recognized as the backbone of mass-media. But setting to be a professional journalist , a person who is paid to do journalism work-something is very difficult task.

As well as, a journalist should have some qualities and personal characteristics , in order to doing his career very successfully. Physical and mental health , very good command of English , good educational background , having responsible , knowledge of many subjects , it means-history , science , politics , and technology because journalist deal with so many different topics on public importance also should take advantage of every educational opportunities , are also expected qualities and characteristics for a good journalist.

In addition , if a person who wants to be a journalist who should become a keen observer. This is also emphasized as one of the very crucial characteristics for a journalist. A person also strives to learn from the environment through his keen observation of his continuous activities maybe from working place(office) , studying place (University / Institute ) , home environment and etc. Always , his observation and perception should be in different ways from other people , is important.

To the same extent , a journalist must be a good reader. day-by-day he should keep on reading skills in various aspects , and build up his vocabulary too , also it will take him up and enrich his knowledge of english. News papers , magazines , journals , tabloids , and internet ( blogs and websites ) are the sources of expanding the skills of reading. As well as , not to be limited the ares of reading, also whatever is good for reading should be read and absorb some kind of knowledge from that. Also it is perceived as one of the invaluable skills for a person who wants to be a journalist.

Even though , nowadays computer literacy is too necessary to a journalist. At-least , he should have some knowledge and skills on Ms-office package - Ms-word , Ms-power point , Ms-excel and etc , as well as Internet and email operations that will assist him to doing journalism tasks in very effective way , indeed. Also some journalist have some outstanding knowledge and skills on information and communication technology (ICT) for running some stunning blogs as their diary and other formal and informal purposes , also making extra decent income from that kind of blogging activities by advertising - Goggle ad senses and other affiliates advertisers.

In fact , journalist is a person who should create himself as resourceful person who has the highest degree of responsibility in the society , delivering very extreme output. In such an effective and efficient way. Thus , he should expand his thoughts into be imaginative manner. Creativity mind is an another vital stuff for a journalist. Henceforth , by doing some physical and mental ways as meditation and yoga are identified as such prominent extent.

Making the comfortable environment almost good for a journalist in terms of , expanding contacts. journalist always strives to build up extremely strong bond with people in order to , absorb enormous and significant information from them. Limited contacts is not good for a person who wants to be a journalist too. Always, making better communication with the people from bottom to top level hierarchy , maybe office, universities, institutes , homes and etc are identified the contacts for getting more invaluable information.

Also , ultimately from my last point of view on this scenario which has been denoted , as well as a person who wants to be a journalist should keep on writing , also. It is too one of the most crucial skills for a journalist. Although, some sophisticated journalists are good writers but not all. Spontaneously , a person can not be a good writer but he can strives to become good writer by very good writing practices. In fact , if a person is a good reader definitely will become a good writer too . Writing skills is not something inborn ability , however , most of the prominent writers were very good readers , as well as who were not from writing family but anyhow , they achieved by their way of good writing styles. Also , I would like to claim as a good and ultimate tip to a person who wants to b a journalist should stimulate his writing pace , skills and knowledge will definitely assist him in order to overcome difficulties when takes down notes at conferences , meeting and other events which related to news or collecting information precisely for delivering clear and concise journalism task very effectively and successfully.

நேர்முகப்பரீட்சையில் டுவிட்டர் !!!

2013-07-31T10:18:00.000-07:00

நீண்ட நாட்களுக்குப் பிறகு மீண்டும் ஒரு பதிவையே இங்கு பதிவிக்கிறேன்.அண்மையில் நோ்முகப்பரீட்சையொன்றுக்காக சென்றிருந்தேன்.உண்மையில் , அது ஊடக அமைச்சின் பதவியொன்றுக்காகவே நடைபெற்றது.ஆங்கிலத்தில் சிறந்த எழுத்தாளுமை மற்றும் ஊடகத் தகைமைகள் போன்றன தகுதிகளாக வினவப்பட்டன.அட, சும்மா போய்ப் பார்ப்போம் என்ற உள் மனதின் வேண்டுகோளுக்கிணங்கவே போக வேண்டிதாயிற்று.அன்று மழை வேறு ”சோவென” பெய்து கொண்டிருந்தது.ஒருவாறாக இடத்தையும் கண்டுபிடித்து சென்றாகிவிட்டது.

வரவேற்பறையில் , இரண்டாவது மாடிக்குப் போகுமாறு உத்தரவிடப்பட்டது.அங்கு நான் மட்டும் தான் சென்றிருந்தேன் , முதலாம் நபராக என்று நினைக்கிறேன்.சரி, எதுவானாலும் பார்ப்போம் என்றெண்ணிக் கொண்டு இருக்கையில் அமர்ந்து அழைக்கும் வரை காத்திருந்தேன்.

உள்ளே அழைக்கப்பட்டேன், பொதுவாக, அரச நிறுவனங்களில் பனல் இன்டவியுக்கள் தான் மேற்கொள்ளப்படும்.அதற்கமைய,இதுவும் அவ்வாறுதான் அமைந்தது.மூன்று பேர். ஒரு ஆண், இரண்டு பெண்கள்.

குட் மோனிங் ! என்று வாயிலிருந்து கொஞ்சம் மரியாதை கலந்த காலை வணக்கம் சொல்லப்பட்டது, என்னால் மூவருக்கும் பொதுவாக. Please sit down , அமரும் படி கூறப்பட்டது.குட் யு பிலீஸ் கிவ் மீ யுவர் சிவி??? , ஆண் குரல். யார், சுவர்??? என்று இழுத்துக் கொண்டு சீவியை நீட்டினேன்.

ஆர் யு ஏ பிரிலான்ஸ் ஜேர்னலிஸ்ட்?? , முதலாவது வினா வினவப்பட்டது என்னிடம்.நானும் பதிலுக்கு yes sir, i'm also be a freelance Journalist. என்று கூறிவிட்டேன்.பின்னர்,அடுக்கடுக்காக கேள்விக்கனைகள் என்னை நோக்கி வீசப்பட்டன. நானும், பதிலளித்துக் கொண்டிருந்தேன் கொஞ்சம் பதட்டமாக.வழமையாக எல்லாருக்கும் ஏற்படும் ஒன்றுதானே பதட்டம் .

ஒரு மாதிரியாக, எல்லாவற்றுக்குமாக பதில் கூறிவிட்டிருந்தேன்.ஆனால் திருப்தியில்லை.இறுதியாக , We'll have to be shortlisted , Although if you select, we'll conduct you as soon for the second round of interview with our secretary. என்று கூறப்பட்டது ஆண் குரலினால்.நானும் பதிலுக்கு, OK sir, thank you so much, have a nice day for you.என்று கூறிவிட்டு வந்துவிட்டேன்.

பின்னர் அடுத்த நாள் ஐந்து மணி போல ஒரு அழைப்பு எனக்கு : Mr........... Could you please come for a second interview with our secretary on tomorrow at 10 a.m ??? Yes, Mam !! I'll be there on time, thank you so much. bye என்றவாரு உரையாடல் நிறைவுற்றது.

இப்போது, மனதில் ஒரு மகிழ்ச்சி கலந்த பயம். என்ன நடக்கப் போகின்றது நாளை?? என்ற வினாவுக்கான சபலமே அது.

அடுத்த நாள் காலை, நேர காலத்தோடு தயாராகியிருந்தாலும், வாகன நெரிசல் தாமதப்படத்தி விட்டது.நடப்பது நடக்கட்டும் என்றெண்ணிக் கொண்டு secretary office க்கு சென்ற போது எனக்கு முன்னதாக வந்திருந்த நான்கு பேர் அமர்ந்திருந்தார்கள் ஒரு வித Interview க்கான டென்ஸனுடன்.அவர்களைக் கண்டவுடன் கனவுகள் கலைக்கப்பட்டது போன்றதொரு உணர்வு , தெரிவு செய்யப்படுவேனா ??? இல்லையா ???? என்ற குழப்பத்துடன்.

ஒருவாறாக என்னை சுதாகரித்துக்கொண்டு நானும் அமர வேண்டியதாயிற்று அவர்களுடன்.பின்னர் ஒவ்வொருவறாக சென்றுகொண்டிருந்தார்கள் என்னைத் தாண்டியவாரு.

இறுதியாக நானும் அழைக்கப்பட்டேன் , விசாலமான அறை ! CCTV கமராவினுடைய காட்சிகள் ஒரு பக்கமாக திரையில். மேசையில் ஒரு லப்டொப் , May i come sir?? Good Morning sir, மீண்டும் மரியாதை கலந்த வணக்கம் என்னிடமிருந்து. You Mr................ !!! " Yes, sir !! I'm................... என்றவாரு மீண்டும் கேள்விக்கணைகள் கொஞ்சம் காரசாரமாக.

அதில் ஒரு கேள்வி இவ்வாறாக : Do you have a twitter account ???? what is the ID of that ????? "Yes, sir !! But, i running that one of another name sir, not mine !!! #..........................

அவ்வளவுதான் , இன்டர்வியு பினிஸ்ட் !!! Ok, Thank you, Mr.................... for coming to this interview, as well Mr..................... we'll conduct you again, if you select.

இப்போ நான் waiting...................................................!!!! ----done----

பேஸ்புக்கின் ஆதிக்கம் ! வரமா?? சாபமா???

2013-07-23T09:34:00.000-07:00

மிகவும் பிரபலமான சமுகவலைத்தளங்களில் ஒன்றுதான் பேஸ்புக்(Facebook).

2004 ம் ஆண்டு அமெரிக்காவின் ஹார்வர்ட் பல்கலைக்கழகத்தின் மார்க் சகர்பேர்க்(Mark Zuckerberg) என்பவராலும் சக நண்பர்களாலுமே இது உருவாக்கப்பட்டது.பல்கலைக்கழக நண்பர்கள் மத்தியில் கல்விசார் தொடர்பாடல்களை மேற்கொள்ளும் நோக்கத்திற்காகவே பேஸ்புக் ஆரம்பிக்கப்பட்டதேயன்றி வியாபார நோக்கத்திற்காகவல்லதென்பதையும் இங்கே குறிப்பிட்டேயாக வேண்டும்.காலப்போக்கிலே இது விரிவுபடுத்தப்பட்டு தற்போது அதாவது இன்றைய நிலையில் பல பில்லியன் டொலர்களை இலாபமீட்டக்கூடியதொரு நிறுவனமாக வேறூன்றியிருப்பதென்பது உண்மையில் பாராட்டப்பட வேண்டியதொரு விடயமாகும்.

நட்புவட்டத்தை விரிவுபடுத்தல் என்ற நோக்கத்தினை மையப்படுத்தியே பேஸ்புக்கானது தன்னை மக்களின்பால் ஈர்த்துள்ளது.நிச்சயமாக இதனால் ஏராளமான சாதமான விளைவுகள் கிடைக்கப்பெற்றாலும் அதற்க்கு நிகரான விகிதத்தில் பாதகமான விளைவுகளுக்கும் குறைவில்லையென்றுதான் கூற வேண்டும்.இது நியுட்டனின் 3ம் விதிக்கமைய பொருத்தமானதொன்றாகவே அமையப் பெற்றுள்ளது.அதாவது ஒவ்வொரு தாக்கத்திற்கும் சமமும் எதிருமான மறுதாக்கமுண்டு என்பதாகும்.(Every action has an equal and opposite reaction)

13 வயதிற்க்கு மேற்பட்ட எவரொருவரும் பேஸ்புக் கணக்கொன்றை ஆரம்பிக்கலாம் என்பது பேஸ்புக் நிறுவனம் வகுத்துள்ள ஆரம்பக்கட்ட விதிமுறையாகும்.இதன் விளைவாகவே இன்று பாடசாலை மாணவா்கள் முதல் வயதானவர்கள் வரை பட்டி தொட்டியெல்லாம் அனைவரிடத்திலும் சக்கை போடு போட்டுக் கொண்டிருக்கிறது பேஸ்புக்கெனும் சமுகவலைத்தளம்(Social site).

குறிப்பாக அண்மைய ஆய்வறிக்கையிக் பிரகாரம் (மார்ச் 2013) பேஸ்புக் பாவனையாளர்களின் எண்ணிக்கை 1.11 பில்லியன் என்பதுதான் ஆச்சரியமானதொரு விடயமாகும்.அதாவது நாளொன்றுக்கு 665 மில்லியன் மக்கள் இதனைப் பயன்படுத்தி வருகின்றனர். மேலும் 7 மாதத்திற்கு முன்னர் 1.06 பில்லியன் பாவனையாளர்களை கொண்டிருந்த பேஸ்புக்கானது கடந்த வருடத்தை விட 27% ஆன வளர்ச்சி கண்டுள்ளது.அந்தளவுக்கு இதன் பாவனையாள்களின் எண்ணிக்கை ஆர்முடுகளில் பயணிக்கின்றது.

நாளொன்றுக்கு பேஸ்புக் பயன்படுத்தும் பயனாளர்களின் எண்ணிக்கை கடந்த வருடத்தை விட 26% ஆன வளர்ச்சி கண்டு ஆய்வாளர்களை சற்று அதிர்ச்சிக்குள்ளாக்கியிருக்கின்றது.

மேலும் நவீன கைப்பேசிகளின் வருகையினாலும்(Smart Phones) இதனது பாவனையாளர்களின் எண்ணிக்கை நாளுக்கு நாள் அதிகரித்த வண்ணமேயிருக்கின்றது.சுமார் 750 மில்லயன் மக்கள் தங்களது கைப்பேசிகளின் ஊடாவே இதனைப் பயன்படுத்தி வருகின்றனர்.

வருடாந்த பேஸ்புக் பாவனையாளர்களின் எண்ணிக்கை :Source facebook Inc

1 மில்லியன் - 2004 இறுதி

5.5 மில்லியன் -2005 இறுதி

12 மில்லியன் -2006 இறுதி

20 மில்லியன் - ஏப்ரல் 2007

50 மில்லியன் - ஒக்டோபர் 2007

100 மில்லியன் - ஆகஸ்ட் 2008

150 மில்லியன் - ஜனவரி 2009

750 மில்லியன் -ஜுலை 2011

800 மில்லியன் -செப்டம்பர் 2011

845 மில்லியன்-2011 இறுதி

901 மில்லியன் -மார்ச் 2012

955 மில்லியன் -ஜுன் 2012

1.01 பில்லியன் -செப்டம்பர் 2012

1.06 பில்லியன் -டிசம்பர் 2012

1.11 பில்லியன் -மார்ச் 2013

தற்போது சந்தையில் பலகையான ஸ்மாட் கைப்பேசிகளில்(Smart Phones) பேஸ்புக் அப்ஸ்(Facebook Apps) நிறுவப்பட்டே விற்பனை செய்யப்படுகின்றன.இதன் விளைவாக பேஸ்புக்கின் வளர்ச்சி மற்றும் வியாபார நடவடிக்கைகள் துரிதப்படுத்தப்படுகின்றன.

அன்ரொயிட் கைப்பேசிகள்(Android phones), வின்டோஸ் கைப்பேசிகள்(Windows phones) , ஜாவா கைப்பேசிகள்(Java phones) போன்றன தற்போது சந்தையில் அமோகமாக விற்பனையாகிக் கொண்டிருக்கின்ற கைப்பேசிகளாகும்.

மேலும் இவற்றில் சமுக வலைத்தளங்களுக்கென்று தனியானதொரு இடமொதுக்கப்பட்டுள்ளது.அதாவது பேஸ்புக் அப்ஸ்(Facebook Apps) என்ற பெயரில், இதன்மூலமே இலகுவாக பேஸ்புக்கின் பாவனைனையை மேற்கொள்ள முடியுமாகவுள்ளது.

பேஸ்புக்(Facebook), டுவிட்டர(Twitter), கூகில் பிளஸ்(Google Plus), லிங்ட் இன்(Linked in) போன்றன மக்களால் அதிகம் பயன்படுத்தப்படும் சமுக வலைத்தளங்களாகும்.இதிலும் குறிப்பாக பேஸ்புக்கானது தனது ஆதிக்கத்தை முதன்மைப் படுத்தியிருக்கின்றது என்பதே விசேட அம்சமாகும்.

பேஸ்புக்கானது வருடமொன்றுக்கு பல பில்லியன் டொலர்களை இலாபமாக ஈட்டிக்கொண்டிருக்கின்றது என்பது எம்மில் பலர் அறியாத உண்மையாகும்.எவ்வாறு பேஸ்புக்கானது இலாபமீட்டுகின்றது என்பது பற்றியதொரு ஐயப்பாடொன்றும் மக்கள் மத்தியில் நிலவுகின்றது.

CTR (((((((((Click Through Rate) என்ற முறையின் அடிப்படையிலே பேஸ்புக்கானது கோடிக்கணக்கில் இலாபம் ஈட்டுகின்றது.குறிப்பாக இது விளம்பரங்கள் மூலமே சாத்தியமாக்கப்படுகின்றது.உண்மையில் விளம்பரங்கள் இல்லாவிட்டால் பேஸ்புக்கின் கதி பரிதாபத்திற்குள்ளானதொன்றாக மாறிவிடும்.

பாவனையாளருக்கு பல்வேறு வசதிகளை புதுப் புது வடிவில் அறிமுகப்படுத்தி தொடர்ந்தும் தன்னோடு இணைத்து வைத்து கொண்டிருப்பதில் பேஸ்புக்கு நிகர் பேஸ்புக்தான் என்றால் அதற்கான மாற்றுக் கருத்துக்கள் குறைவாகத்தான் இருக்கும்.

தற்போது பல்வேறு நிறுவனங்கள் பேஸ்புக் பக்கத்தின் ஊடாகவே (facebook page) தங்களது வியாபார நடவடிக்கைகளை மேற்கொள்கின்றன.உண்மையில் இது பெருமளவில் மக்கள் மத்தியில் சென்றடைவதே சிறப்பியல்பாகும்.பிரபலமான நிறுவனங்கள் முதல் சிறியளவிளான நிறுவனங்கள் வரை அனைவருமே தங்களுக்கென்று பேஸ்புக் பக்கத்தினை உருவாக்கி அதனை வாடிக்கையாளர்கள் மத்தியிலும் ,மக்கள் மத்தியிலும் பிரபலமடையச் செய்கின்றன.மேலும் இணையத்தள வியாபாரத்திற்க்கு (E-Business/Online Business) பேஸ்புக்கானது ஒரு கருவியாகவே பயன்படுத்தப்படுகின்றது என்பதை எவரொறுவராலும் மறுக்க முடியாது.

பேஸ்புக்கானது பல்வேறு நிறுவனங்களுடன் கூட்டினைந்து தனது பங்குகளை முதலீடு செய்வதன் மூலமாகவும் பெருமளவான இலாபத்தை ஈட்டிக் கொள்கின்றது.

பேஸ்புக்கின் வருகை இணையத்தின் மற்றுமொரு புரட்சியென்றே இணையத்தள ஆய்வாளர்களினால் குறிப்பிடப்பட்டு வருகின்றது.அந்தளவுக்கு அதன் ஆதிக்கம் தலைவிரித்தாடுகின்றது.உண்மையில் இது மக்களுக்க வரமா? சாபமா? என்றதொரு வினாவும் எழுப்பப்படுகின்றது.

ஒரு நாணயத்திற்க்கு இரண்டு பக்கங்கள் இருப்பது போல பேஸ்புக்குக்கும் இரண்டு பக்கங்கள் இருக்கின்றன அதாவது சாதகமான பக்கம் மற்றும் பாதகமான பக்கம் போன்றவையாகவே அவை அடையாளப்படுத்தப்படுகின்றன.

நேரவிரயம், கல்விச் சீர் குலைவுகள், ஆபாச நடவடிக்கைகள், இணையத்தள மோசடிகள், போலி நட்பு வட்ட மோசடிகள் என்றே இதனது பாதகமான பட்டியல் நீண்டு கொண்டேதான் செல்கின்றன. இதனை பேஸ்புக்கினால் மறுக்கவும் முடியாது , எந்தவொரு மாற்றுக் கருத்துக்களை முன்வைக்கவும் முடியாது என்பதே நாம் யாவரும் அறிந்ததொரு உண்மையாகும்.

எது எவ்வாறாயினும் பேஸ்புக்கானது பல்வேறு சாதகமான விளைவுகளுக்கே தன்னை அர்ப்பணித்துள்ளதாக அறிவித்துள்ளது. மேலும் பயன்பாட்டாளர்களைப் பொறுத்தே சாதக, பாதக விளைவுகள் ஏற்படுத்தப்படுகின்றன என்ற கருத்தையும் மறுக்க முடியாது.இதன் அடிப்படையில் உண்மையில் இது மக்களுக்கு கிடைத்ததொரு வரமாகத்தான் என்னால் உற்று நோக்கப்படுகின்றது.

வேட் பிரஸ் மற்றும் புளக்கர்

2013-02-22T04:22:00.004-08:00

பதிவுத் தளங்களாக தங்களை அடையாளப்படுத்திய இரண்டு வேறுபட்ட தளங்களாக வலம் வந்து கொண்டிருப்பவையென்றால் அவை புளக்கர் மற்றும் வேட் பிரஸ் ஆகியவை என்றுதான் கூற வேண்டும்.உண்மையிலேயே இவை இரண்டுமே மிகவும் சிறந்த பதிவுத் தளங்களாக பதிவாளர்களினால் ஏற்றுக் கொள்ளப்பட்டிருக்கின்றன என்பதுதான் உண்மையும் கூட.

மாறுபட்ட கருத்துக்கள் , சிந்தனைகள் , நிகழ்கால நிஜங்கள் மேலும் பல விடயங்களை தனிப்பட்ட ரீதியாக யாருடைய தலையீடுமன்றி பதிவேற்ற வசதியளிக்கப்பட்ட தனித்துவமான இடமாகத்தான் இவை திகழ்கின்றன என்பதுதான் இதன் விசேட அம்சமாகும் என்பதில் எவ்வித மாற்றுக்கருத்துக்க ளுக்குமிடமில்லை.

“யாரும் கிறுக்கலாம் , எதையும் கிறுக்கலாம்” என்ற சிறந்த கொள்கையை கடைப்பிடிக்கும் பதிவேற்றுத் தளங்கள் என்ற ரீதியில் இவை தங்களுக்கென்று தனியொரு சாம்ராஜ்யத்தையே உருவாக்கியிருக்கின்றது என்பதையே வாசிப்போருக்கு கூறிக் கொள்ள வேண்டும்.

பத்திரிகையில் ஒரு கருத்தை அல்லது ஏதாவது ஒரு விடயத்தை பற்றி எழுதலாம் என்றால் அதற்கான் சந்தர்பங்கள் அனைவருக்குமே

வழங்கப்படுவதில்லை என்பது யாவரும் அறிந்ததொரு உண்மையாகும். இப் பாரிய குறையைப் போக்க உருவாக்கப் பட்டவைதான் இவ்விரண்டு பதிவேற்று தளங்களுமே என்பதுதான் வெளிப்படையான உண்மையாகும்.

புளக்கர் மற்றும் வேட் பிரஸ் ஆகிய இரண்டுமே மிகவும் சிறந்த பதிவேற்று தளங்கள்தான் எனினும் இவை இரண்டிலும் எது மிகவும் சிறந்தது என்ற கேள்வி பலரால் பல்வேறு விதமாக கேட்கப்படுகின்றன். மனிதர்கள் வேறுபட்டவர்கள் மனிதர்களின் சிந்தனைகள் வேறுபட்டவை என்றதுக்கமைய புளக்கர் தான் சிறந்தததாக என் மனதுக்குப் படுகின்றது. உண்மையில் இதில் வேறுபட்ட மாற்றுக் கருத்துக்களும் எழலாம் என்பதையும் நான் ஏற்றுக் கொள்கிறேன்.

கருத்துச் சுதந்திரம் மற்றும்எழுத்துச் சுதந்திரம் போன்றவற்றுக்கு சந்தர்ப்பத் தை வழற்குவதே இவை இரண்டினதும் பிரதான நோக்கங்களாக வெளிப்படுத்தப்படுதை எவரொருவராலும் இலகுவாக உணர்ந்து கொள்ள முடியுமாக உள்ளது.

ஏராளமானோருக்கு புளக்கர் தான் மிகவும் பரிச்சயமானதாகும் வேட் பிரஸ் ஐ விட என்பது எனது தனிப்பட்ட கருத்தும் கூட. இதனை எத்தனை பேர் ஏற்றுக் கொள்வார்கள் என்பதுதான் என்னிடத்திலே ஏற்படுகின்ற ஐயப் பாடென்றும் கூறலாம்.

ஏன் உனக்கு வேட் பிரஸ் பிடிக்காதா ??? என்று நீங்கள் கேட்கலாம். உண்மையில் நான் இங்கு எனக்கு வேட் பிரஸ் பிடிக்காது புளக்கர் தான் பிடிக்கும் என்ற தொரு கருத்தை தெரிவிக்க வில்லை. என்னைப் பொறுத்த மட்டில் புளக்கர் ஆனது வேட் பிரஸ் ஐ விட ஏதோ சற்று சிறந்ததாக தோன்றகின்றது , அவ்வளவுதான்.

கருத்துக்களாகிய பதிவுகளை பகிர்ந்து கொள்வதற்க்கு இவை இரண்டுமே மிகவும் சிறந்த தளங்கள்தான் என்பதில் எனக்கு எவ்வித மாற்றுக் கருத்துக்களுமில்லை.

உண்மையில் எனக்கு மற்றவர்களைப் போல் பக்கம் பக்கமாக கிறுக்குவதற்கு விருப்பமில்லை ஏனெனில் அது உண்மையில் வாசிப்போருக்கு பொறுமையை இழக்கச் செய்யும் ஒரு செயலாக மாறிவிடக் கூடாது என்றதன் அடிப்படையிலேயே !

வித்தியாசமான மொழி நடையில் கிறுக்கும் போது உண்மையில் அது வாசிப்போருக்கு வேறுபட்ட அனுபவத்தை வழங்கும் என்றதொரு கருத்து என் மனதில் பதிவிக்கப்பட்டுள்ளது , அதன் நிமித்தமே வேறுபட்ட கோணங்களில் என் பதிவுகளை கிறுக்கிக் கொண்டிருக்கிறேன் இது போலவும் !!!

-தொடர்ந்து கதைப்போம்-

தாய்மொழியாம் தமிழ்

2013-02-21T03:36:00.000-08:00

எதையாவதைப் பற்றி எழுதலாம் எனும் சிந்தனையின் போதுதான் இன்றைய தினம் ஞாபகத்திற்கு வந்தது “உலக தாய்மொழித் தினம்”. எத்தனை மொழிகளில் உரையாடினாலும் அவரவர் தாய்மொழியில் உரையாடுகின்ற போது கிடைக்கின்ற சௌகரியம்,தைரியம்,தெளிவுத்தன்மை,நிதானம், பூரண மகிழ்ச்சி ஆகியவற்றை அளவிட முடியாது அனுபவிக்கும் போதுதான் உணர்ந்து கொள்ளலாம் என்பது என்னுடைய தனிப்பட்ட கருத்தாகும்.

என்னுடைய தாய்மொழி “தமிழ்” என்று எத்தனை பேர் மார் தட்டிக் கொள்கிறார்கள் என்பது என்னிடத்திலே பெரியதொரு ஐயப் பாட்டை தோற்றுவித்திருக்கிறது என்பதுதான் உண்மையாகும். ஆங்கிலத்தின் ஆதிக்கம் தமிழையும் விட்டு வைக்கவில்லை என்றுதான் கூற வேண்டும். அந்தளவுக்கு அதன் வளர்ச்சிப் போக்கு துரித கதியில் பயணித்துக் கொண்டு செல்வதே தெளிவான எடுத்துக்காட்டாகும்.

ஏராளமான நண்பா்கள் தாங்கள் ஆங்கிலத்தில் உரையாடினால் மாத்திரம் தான் அங்கிகரிக்கப் படுவோம் என்றதொரு தவறான சிந்தனைப் போக்கை கண்மூடித்தனமாக பின்பற்றி வருவது தாய்மொழியாம் தமிழுக்கு செய்யும் மாபெரும் துரோகமாகவே என் மனதில் தோன்றுகின்றது.

என்னைப் பொறுத்த மட்டில் மொழியென்பது ஒரு ஊடகமாகத்தான் உற்று நோக்கப்படுகின்றது.அதாவது ஒரு தொடர்பாடல் ஊடகம் என்றே குறிப்பிடலாம்.

தாய்மொழியை இழிவாக நினைப்பது தாயை இழிவாக நினைப்பதற்கு ஈடாகும். ஒரு குழந்தை பிறக்கும் போது அதற்கு முதலில் அறிமுகப்படுத்தப்படுவது தாயும் , தாய்மொழியும் தான் என்றால் இதனை யாராலும் மறுக்க முடியாது..

கட்டாயம் எப்போதும் தாய்மொழியில் தான் பேச வேண்டுமா ?? என்றதொரு வினாவை எம்மில் பலர் தங்களைத் தாங்களே கேட்டுக் கொள்கின்றனர். உண்மையில் உங்களது சிந்தனைப் போக்கு தவறானதாகத்தான் என் மனதில் தோன்றுகின்றது காரணம் என்னவெனில் காலத்தின் தேவைக்கேற்ப தங்களைத் தாங்கள் மாற்றிக் கொள்வதுததான் சிறந்தது என்ற கருத்தின் அடிப்படையில்.

“தழிழ் அவமானமல்ல அதுவொரு அடையாளம் என ஒரு பகுதியினரும் ச்ச்சீ தமிழா??” என இன்னுமொரு பகுதியினரும் ஒரு மொழிக்கிடையிலேயே பிரிவினவாதத்தை உண்டாக்கும் செயலானது மிகவும் வருந்நத்தக்க தொன்றாகும்.

காலத்தின் தேவைக்கேற்ப ஆங்கில அறிவு இன்றியமையாததொன்றாகி விட்டதை எவரொருவராலும் மறுக்க முடியாது. தொழில்நுட்ப புரட்சியின் கால கட்டத்தில் தான் நாம் வாழ்ந்து கொண்டிருக்கிறோம் அதில் ஆங்கிலம் தான் முதல் மொழி மட்டுமல்ல உலக மொழியும் கூட என்ற அடிப்படையில் இதன் பயன்பாட்டை இழிவாக்கவோ நிறுத்தவோ முடியாததென்பது உலகறிந்த உண்மையாகும்.

வெளிநாட்டவருடனோ அல்லது தமிழ் மொழி நன்கு பரிச்சயம் இல்லாத ஒருவருடனோ ஆங்கிலத்திலோ அல்லது குறிப்பிட்ட வேறு மொழியிலோ உரையாடுவதில் தவறில்லை ஆனால் தமிழ் நன்கு பரிச்சயமானவர்கள் ஆங்கிலதில் உரையாடுவதை ஏற்றுக் கொள்ள முடியாது என்பதுதான் எனது கருத்து. இது தாய் மொழிக்கு செய்யும் பாரிய துரோகமாகவே அமைந்து விடுகின்றது என்பது எம்மில் பலர் அறியாத உண்மையாகும்.

கூறப்போனால் கூறிக்கொண்டே போகலாம் ஏராளமான எடுத்துக்காட்டுக்களுடன் ஆனால் அதை வாசிப்போருக்கு பொறுமை இருக்குமா?? என்பதுதான் என்னிடத்திலே எழும் பெரிய ஐயப்பாடு. அதன் நிமித்தம் இப்பதிவை மிகவும் சுருக்கமாகவே கிறுக்கியிருக்கிறேன் என்பதைத் தெரிவித்துக் கொள்கிறேன்.

-தொடர்ந்து கதைப்போம் இது போலவும் ஏராளமாக-

வை-பை யை ஹெக் பன்னுவது எப்படி??

2013-02-19T08:59:00.000-08:00

தலைப்பைப் பார்த்தவுடனேயே எத்தனை பேர் இதனை ஆவேசமாக கிளிக் பண்ணியிருப்பார்கள் என்பதை என்னால் ஓரளவுக்கு ஊகிக்க முடிந்தது. ஏனென்றால் நம்மில் பலர் எது இலவசமாகக் கிடைத்தாலும் அதை விரயமாக்க விரும்புவதில்லை என்ற மிகவும் நல்ல நோக்கத்தை கொள்கையாகக் கடைப்பிடிப்பவர்கள்

என்பதனால்தான்.

சரி , இனி தலைப்புக்கு வருவோம்.எவ்வாரு பக்கத்து வீட்டுக்காரரின் வை-பை ( wi-fi ) யை ஹெக் பண்ணுவது என்பதைப் பற்றி.மிகவும் நல்ல நோக்கம் என்பதனால் தான் இப்பதிவை நம்மவர்களுக்கு சமர்பிக்கிறேன்.

உண்மையில் வை-பை யை ஹெக் பண்ணுவது பெரியதொரு விடமயல்ல என்பதையும் இவ்விடத்திலே சொல்லியே ஆக வேண்டும்.சுமார் ஐந்து நிமிடங்களுக்குள் ஒரு வை-பை யை ஹெக் பண்ணலாம் என்பது என்னுடைய தனிப்பட்ட கருத்து.

WEP , WPA , WPA2 போன்ற பாதுகாப்பு முறைகள்தான் இங்கு பயன்படுத்தப்படுகின்றன. இதில் WPA2 தான் அதி பாதுகாப்பு முறையாகக் கருதப்படுகின்றது. எது எவ்வாறாயினும் கள்வனுக்கு வேலி போட்டு பயனில்லையே !!

என்னடா இவன் மொக்கைக்கு மேல மொக்கையைப் போட்டு கடுப்பேத்துறான் என்றவாரு தாங்கள் ஆதங்கப்படுவதை என்னால் உணரமுடியாமலில்லை.மேலும் இவ்விடத்திலே உங்களது பொறுமையை சோதிக்கவும் எனக்குத் துளியும் உடன்பாடில்லை என்றபடியால் விடயத்துக்கு வருகிறேன்.

இந்த உதவியை மட்டும் தான் என்னால் செய்ய முடியும் , இதைப் பயன்படுத்தி நிச்சயம் உங்களால் ஒரு வை-பை யை ஹெக் செய்ய முடியும் , இதனுடன் இன்னும் ஒரு சில காரியங்களை செய்யுமிடத்து.அவற்றையெல்லாம் இங்கு குறிப்பிட்டால் பக்கத்து வீட்டுக்காரர்கள் என்னைத் தேடி அடிக்க வருவது உறுதியே !!

முழுமையான உதவிகள் தேவைப்படும் மகத்தான நல்ல உள்ளம் படைத்தவர்கள் என்னை தனிப்பட்ட ரீதியில் தொடர்பு கொள்வதற்கு அனுமதி வழங்கப்படுகின்றது.

ஏன் நீங்கள் பக்கத்து வீட்டுக்காரரின் வை-பை யை ஹெக் செய்ய முனைகின்றீர்கள் ??? அடுத்தவன் பொருள் நமக்கெதுக்கு என்று கூறிக் கொள்ளும் மோசமான முட்டாள்கள் திருந்தவே மாட்டார்கள்தானே !!??

என்ன ??? நான் சொல்வதெல்லாம் சரிதானே ???

இப்பதிவை ஒரு நகைச்சுவை உணர்வுடனேயே கிறுக்கியிருக்கிறேன் என்பதை பாவப்பட்ட வாசிப்போருக்கு கூறிக்கொள்ள கடமைப்பட்டிருக்கிறேன்.

-தொடர்ந்து கதைப்போம் இது போலவும்-

மோட்டார் சைக்கிளும் நானும்

2013-02-18T22:45:00.000-08:00

மோட்டார் சைக்கிள் ஆசை துளிர்விட ஆரம்பித்தது என்னுடைய பாடசாலைப் பருவத்தில்தான்.மோட்டார் சைக்கிள் என்றால் அதன் மீது அந்தளவு மோகம் என்னிடத்திலே காணப்பட்ட காலமென்றும் கூடச் சொல்லலாம்.ஆசை இருந்ததே தவிர ஓடுவதற்கு சந்தர்ப்பங்கள் கிடைத்ததில்லை.மற்றவருடைய மோட்டார் சைக்கிளை ஓடுவதற்கும் மனமில்லை அதனால் மோட்டார் சைக்கிளை எவ்வாரு ஓட்டுவது என்ற போதுமான அறிவு , அனுபவம் என்னிடத்திலே சற்று மந்தமாகவே இருந்தது.பாடசாலை நண்பர்களிடத்தில் ஒரு பந்தாவை தக்கவைப்பதற்காக சிறு சிறு பொய்களும் என்னிடத்திலே இருந்து மோட்டார் சைக்கிளை ஓட்டிய அனுபவமாக சென்றடைந்ததை இன்று கூட என்னால் மீட்டிப்பார்க்கும் போது பசுமை கலந்ததொன்றாகவே இருக்கின்றது.

ஏழாவது கியரிலே சைக்கிளை ஓட்டினேன் ” என்ற பொய்யை இன்று நினைத்தால் கூட சிரிப்புத்தான் வருகின்றது.பாடசாலைக் காலங்களில் எவரொருவராலும் பொய் சொல்வதை தவிர்த்துக் கொள்ள முடிவதில்லை ஏனென்றால் அது ஆசைகளுக்கும் , பாராட்டுக்கும் ஏங்கும் பருவம் என்றதாகையால்.அதிலும் பெண்கள் சொல்லும் பொய்யிருக்கே ! அடடா சும்மா ஒரு கலக்கு கலக்கும்.பொய்யென்று தெரிந்தும் அதை நம்பும் பருவம்தான் அதுவென்றால் அதற்கான மாற்றுக்கருத்துக்களும் குறைவாகத்தானிருக்கும்.

சொந்தமாக சைக்கிளை வாங்கி ஓட்ட வேண்டும் என்ற ஆசையும் என்னை மீண்டும் ஆட்கொண்ட காலங்கள் உயர்தரத்தின் போதுதான்.அம்மாவிடம் ஒரே நச்சரிப்பு “மோட்டர் சைக்கிள் வாங்குவது” பற்றித்தான்.“கொஞ்சம் பொறுமையா இரு !! காசு வரட்டும்” அம்மா கூறும் பதில். மனமிருக்குதே அது குரங்கை விட ரொம்ப மோசமானது.எப்படியாவது வாங்கி ஓட வேண்டும் என்ற ஆசை மட்டுமே என்னுள் உள்ளார்ந்தமாக ஓடிக்கொண்டிருந்தது.இனி என்னுடைய நச்சரிப்பு அப்பா பக்கமும் தாவியது. பாவம் அப்பா !! நான் எதை வேண்டும் என்று சொன்னாலும் முகம் சுழிக்காமல் வாங்கித்தருவதையே வழக்கமாக்கி விட்டார் நானும் அதையே அவரிடமிருந்து எதிர்பார்ப்பேன்.

“எல்லார புள்ளைகளும் சைக்கிள் ஓடுது , நம்முட புள்ளய்க்கும் ஒண்டு வாங்கிக் கொடுக்கத்தான் வேனும்” அம்மா-அப்பாவின் உரையாடல் இறுதியில் எனக்குமொரு சைக்கிளை சொந்தமாக்கியது , அப்பாவின் பணத்தில். புது சைக்கிளை ஓட்டுவதற்கு போதுமான அனுபவம் இருந்திருக்கவில்லை என்றாலும் வாங்கிய முதல் நாளே தொண்ணூறு வீதம் கற்றுக் கொண்டேன் சொந்தமாக. “முடியாதது ஒன்றுமே இல்லை” என்ற கருத்தினது வேறூன்றலின் வெளிப்பாட்டின் பிரதிபலிப்பாகக் கூட இருந்திருக்கலாம் அது.

ஏதாவது ஒரு பொருள் என்னிடம் இருந்தால் அதைப்பற்றி போதுமான அறிவைப் பெற்றிருக்க வேண்டுமென்ற கொள்கையை சிறு வயது முதலே கடைப்பிடிப்பதை பழக்கமாக்கிவிட்டேன்.அதன் தாக்கம் மோட்டார் சைக்கிளையும் விட்டு வைக்கவில்லை.

அப்பாவை பின்னிருக்கையில் உட்கார வைத்து வேகமாக ஓட்டும் போது, அப்பாவின் கண்டிப்பான கருத்துக்களை ஏனோ , தானோ என்றுதான் கேட்டது மனம். “மெதுவாக ஓட வேண்டும் , ஒவ்வொரு சந்திக்கும் ஹோன் அடிக்க வேண்டும், மேலும் பல காரசாரமான அட்வைஸ்கள்”.ஏன்டா?? இவரை ஏத்தினோம் என்று கூட நினைத்ததுண்டு சில நேரங்களில். மறு கணம் நம் நல்லதுக்குத் தானே சொல்கிறார் என்று கூட நினைத்ததுமுண்டு.

ஒருவாறாக மோட்டார் சைக்கிள் ஆசை என்னுள்ளிருந்து தன்னை விடுவித்துக் கொண்டது, ஆனால் முழுமையாக அல்ல.அப்பாவின் பணத்தில் முதன் முதலாக வாங்கிய சைக்கிள் எனும் போதுதான் மனதுக்கு கொஞ்சம் சங்கடமாக இருந்தது அதை விற்கும் போது.

-தொடர்ந்து கதைப்போம்-