टीम मंगळवेढा टाईम्स ।

राज्यमंत्री आणि सोलापूरचे पालकमंत्री दत्तात्रय भरणे यांनी एका कार्यक्रमात बोलण्याच्या ओघात केलेल्या वक्तव्याची सध्या जोरदार चर्चा सुरु आहे. एका उद्यानाच्या कामासाठी निधी उपलब्ध करुन देण्यासंदर्भात ‘मुख्यमंत्र्यांचं मरु द्या, जाऊ द्या’ असं दत्तात्रय भरणे यांनी म्हटलं.

त्यानंतर, सोलापुरातील शिवसैनिकांचा रोष पाहता दत्तात्रय भरणे यांनी देखील तात्काळ दिलगिरी व्यक्त करत स्पष्टीकरणही दिले आहे. तसेच, माझ्या वक्तव्याचा विपर्यास केला, असे ते म्हणाले.

सोलापूरातील एका कार्यक्रमात आनंद चंदनशिवे यांनी पालकमंत्र्यांचे भरभरुन कौतुक केलं. चंदनशिवे यांनी त्यांना मुख्यमंत्री व्हा असे म्हणत त्‍यांचं कौतुक केले. त्यानंतर पालकमंत्री भरणे यांनी बोलताना, दादा मला खूप काही मिळालं आहे.

तुम्हाला काय द्यायचाय तो आशीर्वाद माझ्या अजितदादांना द्या असे म्हटले. दरम्यान, महापौरांनी निधीसंदर्भात मुख्यमंत्र्यांच्या नावाचा उल्लेख केला. त्यावेळी, मुख्यमंत्र्यांच जाऊ द्या, मरु द्या असे वादग्रस्त वक्तव्य केले.

त्यानंतर, पुढे सारवासारव करत, आपण मुख्यमंत्र्यांकडून मोठा निधी घेऊ, असेही ते म्हणाले. मात्र, त्यावरुन, जिल्ह्यातील शिवसैनिक आणि स्थानिक नेत्यांनी पालकमंत्री भरणेंना फैलावर घेतले होते.

याबाबतचा व्हिडिओही सोशल मीडियावर व्हायरल झाला. त्यानंतर, भरणे यांनी व्हिडिओच्या माध्यमातून दिलगिरी व्यक्त केली आहे. मुख्यमंत्र्यांविषयी विधान अवधानाने झाले. त्याचा विपर्यास करु नये असे सांगत मंत्री भरणे यांनी दिलगिरी व्यक्त केली.

शिवसैनिकांनीच हा व्हिडिओ सोशल मीडियात शेअर केला आहे. त्यामध्ये, उद्धव ठाकरे हे महाविकास आघाडीचे नेते आहेत, आमचे सर्वांचे नेते आहेत. माझे त्यांच्यावर खूप प्रेम आहे.

राज्याचे मुख्यमंत्री म्हणून त्यांचं कामही खूप चांगलंय, असे म्हणत भरणे यांनी मुख्यमंत्री उद्धव ठाकरेंचं कौतुक करत, आपल्या वक्तव्याचा विपर्यास करण्यात आल्याचे म्हटले आहे.

The post मुख्यमंत्री म्हणून त्यांचं काम खूप चांगलंय, उद्धव ठाकरेंचं भरणे मामांकडून कौतुक; ‘त्या’ वक्तव्याचा विपर्यास केल्याचं स्पष्टीकरण appeared first on mangalwedhatimes.in.

टीम मंगळवेढा टाईम्स ।

मंगळवेढा तालुक्यातील डोंगरगाव येथील एका विनयभंग घटनेतील आरोपी दर्लिंग नारायण क्षीरसागर याने पोलिसांनी अटक करू नये यासाठी विषारी किटकनाशक सेवन करून मंगळवेढा पोलिस ठाण्याच्या आवारात आत्महत्या करण्याचा प्रयत्न केला.

ही घटना परवा घडली असून त्याला उपचारासाठी शासकीय रुग्णालयात दाखल करण्यात आले आहे.

या घटनेची हकिकत अशी, यातील आरोपी दर्लिंग क्षीरसागर याच्यावर मागील आठवडयात डोंगरगाव येथील एका महिलेने विनयभंग व जातीवाचक
शिवीगाळ केल्याची तक्रार त्याच्याविरूध्द गुन्हा दाखल झाला होता.

पोलिसांनी त्याला चौकशीसाठी पोलिस ठाण्यात बोलावले होते. येताना तो ज्या दुचाकीवरून आला त्या दुचाकीच्या डिकीत किटकनाशकची बॉटल आणली होती.

पोलिस स्टेशनच्या आवारात आल्यानंतर त्याने किटकनाशक प्राशन केले.तात्काळ पोलिसांनी सतर्कता दाखवत त्याला उपचारासाठी शासकीय रुग्णालयात दाखल केले.या घटनेचा तपास सहाय्यक पोलिस निरिक्षक भगवान बुरसे करीत आहेत.

The post मंगळवेढा पोलिस स्टेशन आवारात युवकाचे विष प्राशन करून आत्महत्येचा केला प्रयत्न appeared first on mangalwedhatimes.in.

टीम मंगळवेढा टाईम्स ।

स्व.आर.आर (आबा) पाटील सुंदर गाव योजनेअंतर्गत मंगळवेढा तालुक्यातील तांडोर गावास पालकमंत्री दत्तात्रय भरणे यांच्याहस्ते पुरस्कार प्रदान करण्यात आला.

महाराष्ट्र शासन ग्रामविकास विभाग जिल्हा परिषद सोलापूर यांच्यावतीने दि.१५ ऑगस्ट रोजी यशवंतराव चव्हाण सभागृह जिल्हा परिषद सोलापूर येथे पालकमंत्री दत्तात्रय भरणे , जि.प.अध्यक्ष अनिरूध्द कांबळे, मुख्य कार्यकारी अधिकारी दिलीप स्वामी , उपमुख्य कार्यकारी अधिकारी चंचल पाटील , जि.प.सदस्य नितीन नकाते यांच्या उपस्थितीत तांडोर गावचे सरपंच सौ.कविता सिध्देश्वर मळगे व ग्रामसेवक संगीता माने यांना तालुका सुंदर गाव सन्मान चिन्ह व सन्मानपत्र देवून गौरविण्यात आले.

स्व.आर.आर आबा पाटील सुंदर गाव पुरस्कार योजना २०२०-२१ योजनेअंतर्गत मंगळवेढा तालुका स्तरावर घेण्यात आलेल्या स्पर्धेमध्ये निर्धारीत निकषामध्ये

सोलापूर जिल्हयातील मंगळवेढा तालुक्यातून तांडोर या गावाने सर्वाधिक गुण प्राप्त केले असल्याने या गावास तालुका सुंदर गाव म्हणून गौरविण्यात येत आहे.

या पुरस्कार योजनेत सहभागी होण्यासाठी सन २०२०-२१ मध्ये प्रामुख्याने तालुक्याचे गटविकास अधिकारी सुप्रिया चव्हाण, विस्तार अधिकारी साळुखे मार्गदर्शनाखाली व कै.रामचंद्र यशवंत मळगे यांच्या खूप परिश्रमामुळे गावाला स्व.आर.आर.आबा पाटील सुंदर गाव पुरस्कार मिळाला.

यासाठी सरपंच सौ.कविता मळगे, ग्रामसेवक संगीता माने, उपसरपंच रोशन शेख, सदस्य महांतेश मळगे , सदस्य अमोल गायकवाड , हरीबा मळगे, शालन भोसले, जनाबाई मळगे, ग्रा.पं. कर्मचारी नवनाथ कांबळे , तांडोरचे सर्व ग्रामस्थ यांनी खूप परिश्रम घेतले.

The post कौतुकास्पद! महिला सरपंच, ग्रामसेवकाच्या कामाची दखल, तांडोर सर्वात सुंदर गाव; पालकमंत्र्यांच्या हस्ते पुरस्कार प्रदान appeared first on mangalwedhatimes.in.

टीम मंगळवेढा टाईम्स ।

राज्यमंत्री आणि सोलापूरचे पालकमंत्री दत्तात्रय भरणे यांनी एका कार्यक्रमात बोलण्याच्या ओघात केलेल्या वक्तव्याची सध्या जोरदार चर्चा सुरू आहे.

एका उद्यानाच्या कामासाठी निधी उपलब्ध करुन देण्यासंदर्भात ‘मुख्यमंत्र्याचं मरू द्या, जाऊ द्या’ असं दत्तात्रय भरणे यांनी म्हटलं. त्यानंतर, सोलापुरातील शिवसैनिकांनी सोशल मीडियातून तीव्र संताप व्यक्त केला आहे.

शिवसैनिकांचा रोष पाहता भरणे यांनीदेखील तात्काळ दिलगिरी व्यक्त करत स्पष्टीकरणही दिले आहे. माझ्या वक्तव्याचा विपर्यास केल्याचं त्यांनी सांगितलं.

सोलापूरातील एका कार्यक्रमात आनंद चंदनशिवे यांनी पालकमंत्र्यांचे भरभरुन कौतुक केलं. चंदनशिवे यांनी त्यांना मुख्यमंत्री व्हा असे म्हणत त्‍यांचं कौतुक केले.

त्यानंतर पालकमंत्री भरणे यांनी बोलताना, दादा मला खूप काही मिळालं आहे. तुम्हाला काय द्यायचाय तो आशीर्वाद माझ्या अजितदादांना द्या असे म्हटले. दरम्यान, महापौरांनी निधीसंदर्भात मुख्यमंत्र्यांच्या नावाचा उल्लेख केला. त्यावेळी, मुख्यमंत्र्यांच जाऊ द्या, मरु द्या असे वादग्रस्त वक्तव्य केले. त्यानंतर, पुढे सारवासारव करत, आपण मुख्यमंत्र्यांकडून मोठा निधी घेऊ, असेही ते म्हणाले.

भरणे यांच्या या वक्तव्यावरुन जिल्ह्यातील शिवसैनिक आणि स्थानिक नेत्यांनी पालकमंत्री भरणेंना फैलावर घेतले होते. याबाबतचा व्हिडिओही सोशल मीडियावर व्हायरल झाला.

त्यानंतर, सोलापूरचे नगरसेवक गुरुशांत धुत्तरगांवकर आणि शिवसेना जिल्हा संपर्कप्रमुख यांनी संताप व्यक्त केला होता. माजी मंत्री आणि शिवसेना नेते तानाजी सावंत यांनी पालकमंत्री भरणेंनी औकातीत राहावे, अशा शब्दात दम भरला.

उजनी ओलांडू देणार नाही – सावंत

आम्ही बाळासाहेबांचे शिवसैनिक, उद्धव ठाकरेंचे शिवसैनिक. तुम्हाला जनतेनं फेकून दिलं होतं, पण केवळ उद्धव ठाकरेंच्या आशीर्वादामुळेच तुम्ही आज सत्तेत आहात. तुम्ही तुमच्या औकातीत राहून शब्द वापरा.

सोलापूर जिल्ह्याची बाँड्री, तुम्हाला उजनी धरण ओलांडू देणार नाही, ही शिवसैनिकांची ताकद एका क्षणात तुम्हाला दाखवू शकतो. फक्त शिवसेनाप्रमुखांच्या आदेश आणि महाविकास आघाडीचं बंधन आम्ही पाळत आहोत, असा इशाराच तानाजी सावंत व्हिडिओतून दिला.

पालकमंत्री दत्ता मामा भरणेंकडून दिलगिरी व्यक्त

मुख्यमंत्र्यांविषयी विधान अवधानाने झाले. त्याचा विपर्यास करु नये असे सांगत मंत्री भरणे यांनी दिलगिरी व्यक्त केली. शिवसैनिकांनीच हा व्हिडिओ सोशल मीडियात शेअर केला आहे.

त्यामध्ये, उद्धव ठाकरे हे महाविकास आघाडीचे नेते आहेत, आमचे सर्वांचे नेते आहेत. माझे त्यांच्यावर खूप प्रेम आहे. राज्याचे मुख्यमंत्री म्हणून त्यांचं कामही खूप चांगलंय, असे म्हणत भरणे यांनी मुख्यमंत्री उद्धव ठाकरेंचं कौतुक करत, आपल्या वक्तव्याचा विपर्यास करण्यात आल्याचे म्हटले आहे.

The post दत्तात्रय भरणे औकातीत राहायचं, उजनीसुद्धा ओलांडू देणार नाही; आमदार तानाजी सावंत यांचा इशारा appeared first on mangalwedhatimes.in.

टीम मंगळवेढा टाईम्स ।

मंगळवेढा-खोमनाळ रोडवर असलेले ‘मैत्री लॉजिंग & गार्डन रेस्टॉरंट’ मध्ये खास श्रावण यानिमित्ताने “मैत्री श्रावण थाळी महोत्सव” आयोजित केली असल्याची माहिती संचालक गौरीशंकर बुरकुल यांनी दिली.

मंगळवेढा शहरामध्ये प्रथमच नागरिकांना केळीच्या पानावर जेवण करण्याची संधी मैत्री लॉजिंग अँड गार्डन रेस्टॉरंट यांनी उपलब्ध करून दिली आहे.

फक्त 150 रुपयांत थाळी

खास श्रावणा निमित्ताने मैत्री श्रावण थळी महोत्सव सुरु केला असून फक्त 150 रुपयांमध्ये केळीच्या पानावर पनीर लसुनी, मिक्स व्हेज, डाळ खिचडी, पुदिना चटणी, कोथिंबीर वडी, दही कडी, गुलाबजामून, शेंगा पोळी, रोटी / चपाती, राईस यामध्ये समाविष्ट आहे.

मंगळवेढा शहरापासून पाचशे मीटर अंतरावर असलेले मैत्री लॉजिंग अँड गार्डन रेस्टॉरंटमध्ये दि.15 ऑगस्ट ते दि.23 ऑगस्ट पर्यंत मैत्री श्रावण थाळी महोत्सव आयोजित केला आहे.

मंगळवेढा शहरातील व परिसरातील नागरिकांनी व महिलांनी या “मैत्री श्रावण थाळीचा” लाभ घ्यावा असे आवाहन संचालक गौरीशंकर बुरकुल यांनी केले आहे.

अधिक माहितीसाठी 9503648188 / 7711808022 व 7588504808 या हेल्पलाईन नंबर वरती संपर्क साधावा.

The post नागरिकांनो! मंगळवेढ्यातील मैत्री गार्डन रेस्टॉरंटमध्ये ‘श्रावण थाळी महोत्सव’ सुरू; केळीच्या पानावर जेवण करण्याची संधी appeared first on mangalwedhatimes.in.

टीम मंगळवेढा टाईम्स ।

माझे नेते अजीत पवार आहेत मुख्यमंत्र्याचं काय जाऊ दया तिकडं मरू दया तिकडं, असे वक्तव्य करताना सोलापूर जिल्हा पालकमंत्री दत्तात्रय भरणेमामा यांची एका कार्यक्रमा प्रसंगी भाषणातून महापौर श्रीकांचना यन्नम यांना उद्देशून बोलताना अचानकपणे जीभ घसरली.

सोलापूर महानगरपालिकेच्या वतीने माझी वसुंधरा अभियान अंतर्गत एक लाख वृक्ष लागवड मोहीम मी त्या माध्यमातून प्रभाग क्रमांक पाच मधील देगाव देगाव रोड येथे ४३ एकर जागेवर गटनेता आनंद चंदनशिवे यांचा भांडवली

निधीतून वीस हजार वृक्ष लागवडीचा कार्यक्रम पालकमंत्री दत्तात्रय भरणे यांच्या हस्ते संपन्न झाला.

या कार्यक्रमात आनंद चंदनशिवे यांनी पालकमंत्र्यांना भरभरुन कौतुक केलं त्यांना मुख्यमंत्री व्हा, असे म्हणत कौतुक केले, त्यानंतर पालकमंत्री भरणे यांनी चंदनशिवे दादा मला खूप काही मिळाला आहे.

तुम्हाला काय द्यायचं आशीर्वाद तो माझ्या अजितदादांना द्या असे म्हणत महापौरांशी बोलताना थेट मुख्यमंत्री मरु द्या असे वादग्रस्त वक्तव्य केले.

विशेष म्हणजे मुख्यमंत्री यांचे चिरंजीव आदित्य ठाकरे यांचा महत्त्वाकांक्षी उपक्रम असलेल्या माझी वसुंधरा अभियान कार्यक्रमातच पालकमंत्री भरणे यांनी असे वादग्रस्त वक्तव्य केल्याने उपस्थित पत्रकारांसह सर्व प्रशासनातील अधिकारी आवाक झाले.

The post माझे नेते अजीत पवार आहेत, मुख्यमंत्र्याचं काय जाऊ दया तिकडं मरू दया तिकडं; पालकमंत्री भरणेमामांची जीभ घसरली appeared first on mangalwedhatimes.in.

टीम मंगळवेढा टाईम्स ।

मंगळवेढा शहर, संत दामाजी नगर ग्रामपंचायत व संत चोखामेळा नगर ग्रामपंचायत मधील सर्व व्यावसायिकांना जिल्हाधिकारी तथा अध्यक्ष आपत्ती व्यवस्थापन प्राधिकरण सोलापूर यांचा दि.14 ऑगस्ट रोजीच्या आदेशान्वये सर्व दुकाने, सर्व दिवस रात्री 10 वाजेपर्यंत सुरू ठेवण्यास परवानगी देण्यात आलेली आहे.

उपहारगृहे यांना 50 टक्के शमतेने परवानगी देण्यात आलेली आहे. खुले मंगल कार्यालय यांना जास्तीत जास्त 200 व्यक्ती व बंदिस्त मंगल कार्यालय जास्तीच्या 100 व्यक्ती कार्यासाठी उपस्थित राहतील.

धार्मिक स्थळे व सिनेमा हॉल बंद राहतील.
मंगळवेढा शहरामद्ये होणारी गर्दी व कोरोना रुग्णाची संख्या मध्ये वाढ होणे नाकारता येणार नाही. आपणाला विशेष काळजी घेणे गरजेचे आहे.

विधानसभा निवडणुकीनंतर वाढलेली रूग्ण संख्या आपण सर्वांनी पाळलेल्या जनता कर्फ्यु मुळे व नियमांचे पालन केल्याने शक्य झाले आहे. यामुळे आपल्या तालुक्याचे नाव सर्व दुकाने चालू राहतील यामध्ये आले आहे.

सर्व नागरिकांनी व व्यावसायिकांनी कोरोना नियमांचे काटेकोर पालन करावे. रुग्ण संख्या वाढणार नाही याची विशेष दक्षता घ्यावी. दुकान मालक व दुकानातील कामगार यांनी लसचे दोन्ही डोस घ्यावेत आशा सूचना कर निरीक्षक विनायक साळुंखे तसेच व्यापारी महासंघाचे अध्यक्ष प्रकाश गायकवाड व सचिव अरुण किल्लेदार यांनीही केली आहे.

The post Breaking! मंगळवेढेकरांना आजपासून मिळणार दिलासा; काय सुरू काय बंद पाहा appeared first on mangalwedhatimes.in.

टीम मंगळवेढा टाइम्स ।

बैलगाडी व छकडा शर्यतींचे आयोजन करण्यात बंदी असतानाही भाजपचे आमदार गोपीचंद पडळकर यांनी बैलगाडी शर्यतीचे आयोजन केले आहे.

आटपाडी तालुक्यातील झरे येथे २० ऑगस्टला शर्यत होणार असून, यासाठी त्यांनी बैलगाडी मालकांना निमंत्रित केले आहे. बैलगाडी शर्यतीची मोठ्या प्रमाणात जाहिरातबाजी सुरू आहे.

बंदी झुगारून केलेल्या आयोजनानंतर बैलगाडी शर्यत पार पडणार, की पोलिसांकडून कारवाई होणार, हे आता पाहवे लागणार आहे.

बंदी झुगारुन बैलगाडी शर्यतीचे आयोजन

बैलगाडी शर्यतींमध्ये बैलांचा छळ होत असल्याने याच्या आयोजनावर बंदी घालण्यात आली आहे. बैलगाडी शर्यतीवरील बंदी सरकारने उठवावी या मागणीसाठी राज्यभर आंदोलने सुरू आहेत.

शेतकऱ्यांच्या दृष्टीने बैल हा त्याच्या घरचा सदस्य असल्याने मारहाण किंवा छळ केला जात नाही. विना लाठीकाठी स्पर्धांना सरकारने पूर्वीप्रमाणे परवानगी द्यावी, असा आग्रह शेतकऱ्यांसह काही लोकप्रतिनिधींनीही धरला आहे. आमदार गोपीचंद पडळकर यांनी बंदी झुगारुन बैलगाडी शर्यतीचे आयोजन केले आहे.

आटपाडी तालुक्यातील झरे येथे २० ऑगस्ट रोजी सकाळी सात वाजता बैलगाडी शर्यतीस सुरुवात होणार आहे. शर्यतीमधील प्रथम क्रमांक विजेत्या बैलगाडी मालकाला १ लाख ११११ रुपये,

दुसऱ्या क्रमांकासाठी ७७ हजार ७७७ रुपये, तिसऱ्या क्रमांकासाठी ५५ हजार ५५५ रुपये, तर चौथ्या क्रमांकासाठी २२ हजार २२२ रुपये बक्षीस जाहीर करण्यात आले आहे.

कोणत्याही परिस्थितीत शर्यती पार पाडणारच

बैलगाडी शर्यत ही कृषी संस्कृतीतील महत्त्वाची परंपरा असल्याने तिच्या अस्तित्वासाठी आणि शेतकऱ्यांच्या अस्मितेसाठी शर्यतीचे आयोजन केल्याचे आमदार पडळकर यांनी सांगितले. कोणत्याही परिस्थितीत शर्यती पार पाडणारच, असा निर्धार त्यांनी व्यक्त केला आहे.

मात्र शर्यतींवर बंदी असल्याने आता पोलिसांच्या भूमिकेकडे लक्ष लागले आहे. पोलिसांकडून शर्यतीचे आयोजन उधळून लावली जाणार, की आयोजक आमदार पडळकर यांच्यावर कारवाई होणार हे पहावे लागणार आहे.

The post गोपीचंद पडळकरांकडून बैलगाडी शर्यतीचे होणार आयोजन; कोणत्याही परिस्थितीत शर्यती पार पाडणारच appeared first on mangalwedhatimes.in.

टीम मंगळवेढा टाईम्स ।

कोरोना प्रादुर्भावामुळे राज्यात 15 ऑगस्टला गावोगाव होणाऱ्या ग्रामसभा यंदा होणार का, असा सवाल प्रत्येक नागरिकाला पडला होता. कारण, मागील वर्षा 15 ऑगस्टची ग्रामसभा रद्द करण्यात आली होती. याबाबत ग्रामविकासमंत्री हसन मुश्रीफ यांनी मोठी घोषणा केली आहे.

आज 15 ऑगस्ट अर्थात स्वातंत्र्य दिनी राज्यभर होणाऱ्या ग्रामसभा कोरोनाच्या पार्श्वभूमीवर यावर्षीही रद्द करण्यात आल्या आहेत. ज्यांना ग्रामसभा घ्यायची असेल त्यांनी ऑनलाइन पद्धतीने घ्यावी असं आवाहन मुश्रीफ यांनी केलंय. त्यामुळे आज 15 ऑगस्ट रोजी होणारी ग्रामसभा ऐच्छिक असल्याचं आता स्पष्ट झालं आहे.

दरम्यान, केंद्रीय रस्ते वाहतूक आणि महामार्ग मंत्री नितीन गडकरी यांनी रस्त्यांच्या कामाबाबत शिवसेनेचे स्थानिक लोकप्रतिनिधी अडचणी निर्माण करत असल्याबाबत मुख्यमंत्री उद्धव ठाकरे यांना एक पत्र लिहिलं आहे.

त्यात वाशिमधील महामार्गाच्या कामातील अडथळ्यांचा उल्लेख गडकरी यांनी केलाय. त्याबाबत नितीन गडकरी यांनी काय म्हटलं हे मला माहिती नाही. पण विकासाच्या कामात अडथळे आणू नका, असं आवाहन ग्रामविकासमंत्री हसन मुश्रीफ यांनी सर्वच पक्षांच्या स्थानिक लोकप्रतिनिधींना केलं आहे.

गडकरी जर राज्यासाठी पैसा आणणार असतील तर आपण त्यांना सहकार्य केलं पाहिजे. आपल्या भागाचा विकास होत असेल तर कुणीही आडकाठी आणता कामा नये, असं मतही मुश्रीफ यांनी व्यक्त केलं आहे. तर राज्य सरकारनं अतिवृष्टीग्रस्त भागासाठी जाहीर केलेल्या पॅकेजमधून कोल्हापूरला पंचनाम्यानुसार निधी मिळावा, अशी मागणीही त्यांनी केली आहे.

नार्वेकरांना मिळालेल्या धमकीवरुन भाजपवर टीका

शिवसेनेचे सचिव मिलिंद नार्वेकर यांना आलेल्या धमकीबाबत मुश्रीफ यांनी भाजपवर टीका केली आहे. यापूर्वीही भाजप नेत्यांनी महाविकास आघाडी सरकारला अस्थिर करण्यासाठी सातत्याने प्रयत्न केले आहेत. कुणाला धमकी देणार, कुणाची चौकशी करणार, मात्र जोपर्यंत सोनिया गांधी आणि शरद पवारांच्या मनात आहे तोपर्यंत महाविकास आघाडी सरकार चालेल, असा दावा मुश्रीफ यांनी केला आहे. त्याचबरोबर बैलगाडा शर्यतीवरूनही त्यांनी आमदार गोपीचंद पडलकरांनी सर्वोच्च न्यायालयाचा अपमान केल्याचं म्हटलंय.

गडकरींच्या पत्रातील 5 महत्वाचे मुद्दे

1. अकोला आणि नांदेड या 202 किमी राष्ट्रीय महामार्गाच्या लांबीमध्ये चौपदरीकरणाची कामे चार पॅकेजेसमध्ये सुरु आहेत. गेडशी ते वाशिम या पॅकेज-2 मध्ये वाशिम शहरासाठी बायपास (लांबी 12 किमी) निर्माण करण्याचे काम सुद्धा समाविष्ट आहे. परंतु, प्रस्तुत बायपास आणि मुख्य रस्त्याचे काम तेथील शिवसेना लोकप्रतिनिधींनी थांबवले असल्याचे मला सांगण्यात आले आहे.

2. या मतदारसंघात सुरु असलेल्या मालेगाव ते रिसोड या राष्ट्रीय महामार्गेच काम एक पूल वगळता पूर्णत्वास आलेले आहे. या लांबीमध्ये पैनगंगा नदीवर उंच पुलाचे काम अर्धवट स्वरुपात आहे. ते पूर्ण करण्यासाठी कंत्राटदाराला मज्जाव केला जात आहे. काम सुरु केल्यास कार्यकर्ते येऊन धमक्या देतात. त्यामुळे कंत्राटदाराने आहे त्या स्थितीत काम अंतिम करण्याबाबत विनंती केली आहे.

3. पुलगाव-कारंजा-मालेगाव-मेहकर-सिंदखेडराजा हा राष्ट्रीय महामार्ग अतिशय खराब अवस्थेत आहे. त्याच्या दुरुस्तीचे काम (अंदाजे किंमत 135 कोटी) आमच्या मंत्रालयाने हाती घेतले. परंतु वाशिम लोकसभा मतदारसंघातील लांबी वगळता इतर ठिकाणचे काम पूर्णत्वास आलेले आहे. वाशिम जिल्ह्यातील काम, विशेषतः सेलू बाजार गावातून जाणाऱ्या रस्त्याचे काम शिवसेना कार्यकर्त्यांनी थांबवले होते, अशी माहिती मला देण्यात आली. परिसरातील लोकांच्या मागणीनुसार आणि रस्ता धोकादायक स्थितीत असल्यामुळे कंत्राटदाराने पुन्हा काम सुरु केले असता शिवसेना कार्यकर्त्यांनी मशिनरीची जाळपोळ करुन कंत्राटदाराचे अधिकारी-कर्मचारी-कामगार यांच्यात दहशत निर्माण केली. त्यामुळे ते काम पुन्हा बंद झाले आहे.

4. उपरोक्त बाबी लक्षात घेता वाशिम जिल्ह्यातील राष्ट्रीय महामार्गावरील कामे यापुढेही सुरु ठेवावीत की कसे? याबद्दल आमचे मंत्रालय आता गांभीर्याने विचार करत आहे. ही कामे आहे त्या स्थितीत अंतिम केल्यास ती वाहतुकीसाठी धोकादायक ठरतील. अपघाताचे प्रमाण वाढेल आणि त्यामुळे जनतेच्या असंतोषाला तोंड द्यावे लागेल.

5. हे असेच चालत राहिले तर महाराष्ट्रातील राष्ट्रीय महामार्गावरील कामे मंजूर करण्याच्या संदर्भात आमच्या मंत्रालयाला विचार करावा लागेल. महाराष्ट्राचे आणि जनतेचे नुकसान होईल.

The post कोरोनामुळे आजची ग्रामसभा होणार की नाही? ग्रामविकास मंत्र्यांचा पहिल्यांदाच स्पष्ट आदेश appeared first on mangalwedhatimes.in.

टीम मंगळवेढा टाईम्स ।

महाराष्ट्र सरकारने आज15 ऑगस्ट 2021 पासून कोरोनाचा प्रादुर्भाव कमी होत असलेल्या राज्यातील विविध जिल्हयात दुकाने व्यापार रात्री दहा वाजेपर्यंत सुरू करण्याचा निर्णय घेतला आहे.

त्यानुसार आज रविवार दि.15 ऑगस्टपासून या निर्णयाची अंमलबजावणी होत येत आहे. या अंतर्गत सोलापूर जिल्ह्यातील पंढरपूर , माढा , माळशिरस , करमाळा , सांगोला हे तालुके वगळून अन्य तालुक्यात निर्बंध शिथिल करण्यात येत असल्याचे आदेश जिल्हाधिकारी मिलिंद शंभरकर यांनी जारी केले आहेत.

वाढता कोरोनाचा आकडा पाहता सोलापूरचे जिल्हाधिकारी मिलिंद शंभरकर यांनी माढा , पंढरपूर , करमाळा , सांगोला , माळशिरस या पाच तालुक्यात संचारबंदी कायम ठेवली आहे.

मात्र इतर सहा तालुक्यांमध्ये निर्बंध उठवण्यात आले असून सर्व दुकाने उपहारगृह हे रात्री दहा वाजेपर्यंत सुरू करण्याचे आदेश त्यांनी काढले आहेत.

यात अक्कलकोट , बार्शी , उत्तर सोलापूर , दक्षिण सोलापूर , मंगळवेढा , मोहोळ या तालुक्यांचा समावेश आहे. सोलापूर शहरात ही निर्बंध कमी करण्यात आले आहेत. याबाबत आयुक्तांनी आदेश जारी केले आहेत.

The post मोठा दिलासा! सोलापूर ग्रामीण भागातील ‘या’ तालुक्यातील सर्व दुकाने आजपासून रात्री 10 पर्यंत सुरू राहणार appeared first on mangalwedhatimes.in.