मराठी कविता

प्रेमात पडलास का ?

2012-05-25T22:00:00.000+05:30

कसे सांगू तिला
जेव्हापासून पाहिलंय तुला
चैन नाही एक क्षण मला
ती वेडी विचारते मला
काय रे नाव संग न ?
कसे सांगू तिला
त्तुझेच नाव सांगायचं मला
ती वेडी विचारते मला
खूप आवडते का रे ती तुला?
कसे सांगू तीला
तीच हवी आहे आयुष्याचा जोडीला
म्हणूनच रोज हेच मागणे मागतो देवाला
ती वेडी विचारते मला
का रे मग सांगणार कधी तू तिला....?
कसे सांगू मी तिला
मला भीती वाटते तुजे नाव घ्याला
कारण कदाचित जाशील सोडून मला एकट्याला

मैत्री केली आहेस म्हणुन...

2012-03-30T11:07:00.000+05:30

मैत्री केली आहेस
म्हणुन तुला सांगावसं वाटतंय...

गरज म्हणुन नातं कधी जोडू नकोस...
सोय म्हणुन सहज असं तोडू नकोस...
रक्ताचं नाही म्हणुन कवडीमोल ठरवु नकोस...

भावनांचं मोल जाण, मोठेपणात हरवु नकोस...
विश्वासाचे चार शब्द, दुसरे काही देऊ नकोस...
जाणीवपुर्वक नातं जप, मधेच माघार घेऊ नकोस...

गुढीपाडवा

2012-03-23T00:00:00.000+05:30

आनंदाची उधळण करीत
चैत्र पंचमी दारी आली...
नव्या ऋतुत नव्या जीवनात
उत्साहाची पालवी फुलली...
कडूनिंब दुःख निवारी
साखर सुख घेऊन येई...
पानाफुलांचे तोरण बांधुन दारी...
इच्छा आकांक्षांची गुढी
उभारुया आपल्या दारी...

कुणीतरी आपल्यासाठी.....

2012-03-16T07:53:00.000+05:30

का कुणास ठाऊक प्रत्येकाला वाटते
कुणीतरी आपल्यासाठी असावे
ज्याच्यावर आपण थोडेफार रुसावे
आपल्या डोळ्यातील अश्रु एकदा तरी त्यानेच पुसावे
रागवता आपण, त्याने आपल्याला समजवावे

मनातील व्यथांना त्याच्याच जवळ मोकळे करावे
उशिर झाला केव्हा तर लटके लटके रुसावे
पण वाट पहात आपली त्याने तिथेच असावे

केव्हा नटता सावरता आपण
त्याने मनापासुन कौतुक करावे
का कुणास ठाऊक प्रत्येकालाच वाटते..
कुणीतरी आपल्यासाठी असावे...

...नागेश पाटील

कुणीतरी असेल तर

2012-03-13T12:30:00.000+05:30

डोळे पुसायला कुणीतरी असेल तर,
रुसायला बरं वाटतं.
ऐकणारे कुणीतरी असेल तर,
मनातलं बोलायला बरं वाटतं.
कौतुक करणार कुणीतरी असेल तर,
थकेपर्यत राबायला बर वाटतं,
नजर काढणारं कुणीतरी असेल तर,
नटायला बरं वाटतं.
जिवाला जिव देणारे वाटसरु असतील तर,
मरेपर्यत चालायला बर वाटतं...

तू नक्की हो म्हणशील !!

2012-03-10T00:22:00.000+05:30

तुलाच माहित नाही तुझ्या हसण्यात जादू आहे ,
वेडं करेल एखाद्याला त्यात इतकी ताकत आहे
तुझा ते सौंदर्य नझर खीळणारं आहे ,
तुझ्या प्रेमात न पडणे खरच अशक्य आहे ?
मनी आणि स्वप्नी तुझेच चित्र रेखाटतो ,
गुलाबाच्या फुलाहून तुझा सहवास सुंदर वाटतो
चित्त माझं उडायला तूच कारणीभूत आहेस ,
तुझी चूक नाही कारण हे होणं साहजिक आहे
तुझा चेहरा काही करून नजरे आड जात नाही ,
रात्री झोपू आणि दिवसा चैन देत नाही
तुला माहित नाही पण हे तुझ्यावरचा प्रेम आहे ,
कारण तुला हे समजणं खूप कठीण आहे
गुलाबी कागदावर लिहू का रक्ताने उमटवून देऊ ,
प्रेम करतो तुझ्यावर हे कसे तुला सांगू ?
मला नाही म्हण्याला तुला एक सेकंद लागेल ,
पण मला त्यातून सावरायला हा जन्म कमी पडेल
माझी हीं अवस्था तू नक्की समजून घेशील ,
खात्री आहे की तू मला नक्की हो म्हणशील !

कवी : श्री अमित अरविंद नाईक - कॅलिफोर्निया - अमेरिका,

देहाचे अत्तर

2012-03-08T00:02:00.000+05:30

शेत झाले मळा
मळा त्याचे घर
राब राब राबे
'बा'चे दोन कर

काळा निळा होय
मायेचा पदर
चुलीचा निखारा
घेत अंगावर

जावे रोज शाळा
दोघांचा जागर
नाही मिळे खाया
कुणाबी भाकर

संस्कार हे असे
त्याचे आम्हांवर
म्हणे 'पाय गट्ट
रोवा मातीवर'

आणे मग हसू
भूई गालावर
हिरवळ डोले
अश्रू अनावर

मला आकळले
प्रश्नाचे उत्तर
मातीचा गंध
देहाचे अत्तर

कवी:हेमंत उनवणे,नाशिक

समर्पण

2012-03-07T12:30:00.000+05:30

बिंबणं तुझं माझ्यावर
माझ्यामधल्या मनावर
माझं मन भटकताना
तुझ्यातल्या त्या
आठवणींवर ...

जाणीव तुझी माझ्यावर
माझ्यामधल्या भवनावर
माझा मीच भरकटताना
तुझ्यातल्या त्या आशेवर
कोंदण तुझं माझ्यावर
माझा क्ष्वास येता जाता
तुझ्यातल्या त्या
हास्यावर ...

शब्द तुझा माझ्यावर
माझ्यामधल्या विश्वासावर
विश्व माझं तुझ्यासाठी
तुझ्या एका शब्दावर ...

कवी:लोंकिक प्रभुणे

कुणीतरी आपल्यासाठी असावे

2012-03-06T17:00:00.000+05:30

का कुणास ठाऊक प्रत्येकाला वाटते
कुणीतरी आपल्यासाठी असावे
ज्याच्यावर आपण थोडेफार रुसावे
आपल्या डोळ्यातील अश्रु एकदा तरी त्यानेच पुसावे
रागवता आपण, त्याने आपल्याला समजवावे

मनातील व्यथांना त्याच्याच जवळ मोकळे करावे
उशिर झाला केव्हा तर लटके लटके रुसावे
पण वाट पहात आपली त्याने तिथेच असावे

केव्हा नटता सावरता आपण
त्याने मनापासुन कौतुक करावे
का कुणास ठाऊक प्रत्येकालाच वाटते..
कुणीतरी आपल्यासाठी असावे......

कवी:नागेश पाटील

कवडसा

2012-03-05T23:29:00.000+05:30

एक कवडसा स्नेहाचा
तुझ्या नाझ्या नात्याचा
एक कवडसा धीराचा
अंतर्मनातील हाकेचा

एक कवडसा मैत्रीचा
तुझ्या माझ्या निरागसतेचा
एक कवडसा विश्वासाचा
सर्व वचणे पाळण्याचा

एक कवडसा भावनेचा
तुझ्या माझ्या रेशीमगाठीचा
एक कवडसा मदतीचा
न बोलावता येण्याचा

एक कवडसा विचाराचा
तुझ्या माझ्या समजुतदारपणाचा
एक कवडसा चांदण्याचा
मनी प्रीत फुलण्याचा

एक कवडसा स्वप्नांचा
तुझ्या माझ्या भविष्याचा
एक कवडसा अभिलाषेचा
विरहात पूर्ण जळण्याचा

एक कवडसा वेदनेचा
तुझ्या माझ्या अंताचा

कवी: सुधाकर कुलकर्णी,नाशिक

मराठी भाषा दिनानिमित्त हार्दिक शुभेच्छा

2012-02-27T11:03:00.002+05:30

लाभले आम्हास भाग्य बोलतो मराठी
जाहलो खरेच धन्य ऐकतो मराठी
मराठी भाषा दिनानिमित्त हार्दिक शुभेच्छा

प्रेमाला कधीच वय नसतं...

2012-02-14T08:13:00.001+05:30

फुलपाखरू फुलाला विचारतं का वय...
कमळाना भ्रमराच वाटतं का कधी भय...
गोड-गुलाबी मनाला मुळीच भय नसतं...
आणि म्हणुन अशा या प्रेमाला कधीच वय नसतं...!

चारोळी

2012-02-14T08:08:00.003+05:30

कळेच ना कधी कधी कशास नाव काय ते
अबोल राहिल्यावारी असेच हेच व्हायचे.....
शब्द राहता मुकेच मौन सांगे काय ते
मौन ना कळेल तर हेच असेच व्हायचे.....

चांदण्या रात्रीतील भटकंती

2012-02-05T00:41:00.000+05:30

अधिकच दुधाळ आहेत आज,चंद्र आणि तारे..
बागडताहेत ते परिचित घुबड आणि वटवाघळे..
आज काहीतरी घडलय हे नक्की..
का अधिकच गहिरा होतोय आज अंधार..
वाजतेय आज मनाची सतार..
कारण आज सोबतीला तु आलाहेस ना..
जसा काळोखाच्या सोबतीला येतो चंद्रमा..
एकत्रच पडताहेत दोघांची पाऊले..
एकाच लयीत आहेत..
तुझ्या अन माझ्या ह्रदयाची स्पंदने..
रोजचाच हा काळोखाने व्यापलेला रस्ता..
आज,काजव्यांच्या रोषणाईने उजळलेला..
बोलुन सारे विषय संपलेले..
तरी तुझे आणि माझे बोलणे चाललेले..
कधी डोळ्यांनी,कधी शब्दांनी सजलेले..
रात्रीचा हा बोचरा वारा,हा काळोख तुलाही तेच सांगतोय का रे..
जे तो मला सांगतोय..
उद्या विवाह बंधनात गुंफणारे आपण..
अशीच वाटचाल करुया जीवनभर..
अनोळखी भविष्याच्या अंधारात चालतांना..
पेटवु विश्वासाचे दिवे वाटेवर..
सुक्ष्म काजव्यांप्रमाणे सुखही कदाचित कमी येइल आपल्या वाटेला..
पण,तेवढेही पुरे असतात निराशेचा अंधार भेदायला..
करतील किरकिर हितशत्रु रातकिडे बनुन..
पण,आपण जायचे एकमेकांच्या प्रेमात विरुन..
चल, परतुया आपापल्या घरी,
स्मरणात ठेवुन 'चांदण्या रात्रीतील भटकंती'..
अंधार अधिक उजळ होत आहे..
बघ रे,सुर्य पुढच्या वळणावर उभा आहे..

एक विनंती आहे...

2012-01-26T07:41:00.000+05:30

एक विनंती आहे...
दूरच जायचे असेल तर...
जवळच येऊ नको...!
busy आहे सांगुन टाळायचचं असेल तर ...
वेळच देऊ नको...!

एक विनंती आहे...
साथ सोडुन जायचचं असेल तर...
हाथ पुढे करुच नको ...!
मनातुन नंतर उतरवायचचं असेल तर...
मनात आधी भरुच नको...!

एक विनंती आहे....
चौकशी भरे,call,काळजी वाहू,sms यांचा कटांळाच येणैर असेल तर ...
कोणाला नंबर देऊ नको...!
Memory full झालिये सांगून delete च करायचा असेल तर...
नंबर save च करु नको...!

एक विनंती आहे...
मौनर्वत स्वीकारायचं असेल तर...
आधी गोडगोड बोलूच नको...!
Secrets share करायचीच नसतील तर...
मनाचं दार उघडूच नको...!

एक विनंती आहे...
माझ्या काळजी करण्याचा ञासच होणार असेल तर...
अनोळखी होऊनचं वागायचं असेल तर...
माझ्याबद्दल सगंळ जाणून घेऊचं नको...!

एक विनंती आहे...
अर्ध्यावर सोडून जायचचं असेल तर...
आधी डाव मांडूच नको...!
रागावून निघून जायचचं असेल तर...
आधी माझ्याशी भांडूच नको...!

एक विनंती आहे...
सवयीच होईल म्हणून तोडायच असेल तर...
कृपया नातं जोडून नको...!
फाडून फेकून द्यायचं असेल तर...
माझ्या मनाचं पान उलगडूच नको....!!
____एक अनामिक

उद्या कोणी पाहिला?

2012-01-21T16:52:00.000+05:30

हे तरुण रात्री तुला पाहुदे मन भरूनी आज,
काय माहित कोण जाणे
उद्या कोणी पाहिला?

तू उधळ गं तुझे रंग
आकाश भरून
साठवू दे आजच ते ही डोळ्यांत कायमचे
काय माहित उद्या कोणी पाहिला?

तु दावतेस आशा मला
परत पाहण्याची उद्या,
पण काय सांगू तुला,
त्या विधात्याच्या 'मनातला
डाव' कोणी पाहिला?

हो ना गं तू तरूण अजून
तुला आज डोळ्यांत साठवू दे.
एवढीच इच्छा माझी तू आज पूरी होऊ दे

तू उधळ तुझे रंग मी बघायला तयार आहे
जरी सगे-सोयरे माझे
निद्रेत घायाळ आहे
काय माहीत उद्या कोणी पाहिला?

ए चांदणे तू मला का गं आज एकटी खुणवतेय अशी ?
बोलव ना तुझ्या त्या सोबत्याला
का तोही गेला तुला सोडून आज
माझ्या...माझ्या. लाडक्या प्रिये सारखा?
परत येण्याचं आश्वासन देऊन
'उद्या'ची आशा दावून!

माझी 'उद्या' आज संपण्यावर आली गं
म्हणून पाहतोय तुला आज माझ्या प्रियेच्या रूपानं
काय माहित कोण जाणे
उद्या कोणी पाहिला?
..........मुकेश बिह्राडे

नव वर्षाच्या शुभेच्छा

2011-12-31T19:12:00.000+05:30

नववर्षाच्या नव्या कल्पना
घेऊन आले वर्ष नवे
करुया साकार स्वप्न आपुले
आपल्या जे हवे हवे

तरुणाईचे दिवस असती
फुलायचे हसायचे
संगणकाचे घेऊन शिक्षण
स्वप्न आपुले फुलवायचे

महागाईवरती करू मात
नाही नुसते रडायचे
कष्ट करुनी दिवस सजवुया
नाही मागे हटायचे

दीनदुबळ्यांची करुया सेवा
जन्मदात्यांचा ठेवू मान
चुकले असेल मागे काही
नाही आता चुकायचे

आपुले नशीब आपल्या हाती
देह झिजवुया देशासाठी
देशासाठी जन्म आपला
देशासाठीच मरायचे

नागरिक आम्ही नव्या युगाचे
भारतीय संस्कृती आपली शान
श्रद्धा,शांतीची मशाल घेऊन
देऊ सर्वाना जीवनदान

साक्षरतेचे धडे गिरवूया
नाही अडाणी राहायचे
भारत माझी मातृभूमी
मानाने हे सांगायचे

शिक्षणातून फुलते जीवन
सर्वांनाच पटवून द्यायचे
विचार करुनी उचला पाऊल
नाही दबावात जगायचे

मैत्री

2011-12-29T20:16:00.000+05:30

कमळपत्रा वरील पाण्याला कधी थांब म्हणायचं नसतं
नीसटणार्‍या क्षणांना कधी जवळ करायचं नसतं
माणसाच आयुष्य हे असच असतं
बाकी काहीही हरवलं तरी, त्यापेक्षाही जास्त उरलेल असतं.

काही नाती बांधलेली असतात, ती सगळीच खरी नसतात
बांधलेली नाती जपावी लागतात, काही जपून ही पोकळ राहतात
काही मात्र आपोआप जपली जातात,
कदाचित त्यांनाच मैत्री म्हणतात.........

हेच ते वय

2011-12-29T07:00:00.000+05:30

हेच ते वय असतं,
जिथे कुणाचं भय नसतं.
स्वप्नातली वाट ही मोकळी असते
आणि कल्पनाही असते स्वस्त.

नको असतात उंच शिखर,
छोटंसं टेकाड पुरेसं असतं.
मन भरून गप्पा मारायला,
असेल जर कुणी मस्त.

याच त्या वयामध्ये,
विश्रांतीला वेळ नसतो.
उमेदीच्या गावावारती,
प्रयत्नांचा गस्त असतो.

हेच तर ते वय असतं,
जिथे नेमकं मन फसतं.
नजरेतले कळता भाव,
लाडे लाडे गाली हसतं.

नेमके याच वयात,
कुणी लिहिली ज्ञानेश्वरी,
किंकाळी फोडण्या दिल्ली दरबारी,
कुणी होते पुरे व्यस्त.

याच त्या कोवळ्या वयी,
देशासाठी स्वीकारली फाशी,
वाचवण्या कुणी आपली झाशी,
भय फेकुनी कंबर कसत.

चारोळ्या

2011-12-18T09:00:00.000+05:30

चमकणाऱ्या काजव्यांना
रात्रीचा अंधार घालवता येत नाही
आणि त्या रात्रीला देखील
काजव्यांचा प्रकाश लपविता येत नाही

रातराणीचं आयुष्य म्हणतात
एका रात्रीचं असतं
एका रात्रीचं असल तरी
मोठ्या खात्रीचं असतं

इथे प्रत्येकाला वाटते
आपण किती शहाणे
यावर उपाय एकच
सर्व शांतपणे पाहणे

इथे प्रत्येकाला
प्रत्येकाचा भूतकाळ आहे
मला जगानं खूप छळलं
हा प्रत्येकाचा आळ आहे

जमिनच हरवली तर
मुळांनी कुंज्यायाच ?
ज्यांचा जीवावर फुलायचं
ते पाणी कोठून आणायचं

जमिनीतले पाणी मिळते
मूळ तेव्हा रुजते
निष्पर्ण झाडावर प्रेम बसरते
तेव्हा त्यालाही पालवी फुटते

प्रेमाची वेल

2011-12-17T18:46:00.001+05:30

एकदा एक झाड़ वेलीच्या प्रेमात पडल ,
तिला पाहताच त्याला तीच वेड लागल वेलीला विचारू तरी कस?
या प्रश्नाने त्याला पछाडल, पण,
आपण जरा धीर धरावा अस म्हणत त्याने स्वत:ला सावरल,
वेल मात्र आपली हसत ,खेळत राहत होती,
ते पाहून झाडाने तिच्याशी मैत्री केली होती ,
काही दिवसाने वेल मात्र जमिनीवर पसरू लागली ,
ते पाहून झाडाने तिची विचारपूस केली , वेल म्हणाली ,
झाडा मला तुझा आधार हवा आहे ,
तू मला आधार देशील का ??
यावर झाड़ म्हणाले , तू माझी होशील का ???
ते ऐकताच वेलिने नकारार्थी मान हलवली ,
ते पाहून झाडाची निराशा झाली ,
हिरमुसलेले ते झाड़ क्षणभर विचारात पडले ,
विचार करून त्याने वेलीला आधार देण्याचे वचन दिले,
वचन देताच वेळ मात्र झाडाला बिलगली ,
अन , हसता हसता त्याची आसवे हळूच ओघळली ,
आसवे पुसत पुसत त्याने तिला आधार दिला ,
कारन .... तिला आधार देण हा त्याच्या प्रेमाचा भाग ठरला.....

सायबर म्हणी

2011-12-16T17:59:00.000+05:30

१) रिकाम्या मॉनिटरला स्क्रीनसेव्हर फार !!!!!
२) आपलाच किबोर्ड नि आपलाच माऊस !!!!!
३) सेलेरॉन गेले पेंटीयम आले !!!!!
४) विंडोज दाखव नाहीतर इंस्टॉलेशन कर !!!!!
५) उचलला पॉईंटर अन् लावला आयकॉनला !!!!!
६) मॉनिटर आणि सी.पी.यू. यांच्यात चार बोटांचे अंतर असते !!!!!
७) माऊसला मॉनिटर साक्ष !!!!!
८) फोर-एट-सिक्सच्या कळपात सेलेरॉन शहाणा !!!!!
९) लॅपटॉपचे बिर्‍हाड पाठीवर !!!!!
१०) आपला तो "पीसी" दुसर्‍याचं ते "मशीन" !!!!!
११) व्हायरसच्या मनात एंटीव्हायरस !!!!!
१२) स्त्रीचं वय,पुरुषाचा पगार अन् कॉम्प्युटरचा स्पीड विचारू नयेत !!!!!
१३) बडा सी.पी.यू. पोकळ डेटा !!!!!
१४) अडला कॉम्प्युटर यु.पी.एस चे पाय धरी !!!!!
१५) मनी वसे ते मॉनिटरवर दिसे !!!!!
१६) नावडतीचा पी.सी.स्लो !!!!!
१७) हार्डडिस्क सलामत तो सॉफ्टवेअर पन्नास !!!!!
१८) चार दिवस हार्डडिस्कचे चार दिवस सी.डी.चे !!!!!
१९) (नेट्वर्किंगमध्ये) सेलेरॉनशेजारी पेंटीयम बांधला, स्पीड नाही पण व्हायरस वाढला !!!!!
२०) सीडींचा बाजार, व्हायरसांचा सुकाळ !!!!!
२१) वरून पेंटीयम आतून फोर-एट-सिक्स !!!!!
२२) हार्डडिस्कमध्ये नाही ते फ्लॉपीत कोठून येणार !!!!!
२३) घरोघरी मायक्रोसॉफ्टच्याच विंडो !!!!!
२४) सॉफ्टवेअर नको पण व्हायरस आवर !!!!!
२५) हा मदरबोर्ड नि हा प्रोसेसर !!!!!
२६) मंदाळ डॉट-मॅट्रिक्सला खडखडाट फार !!!!!
२७) यथा ऑपरेटर तथा कॉम्प्युटर !!!!!

चारोळ्या

2011-12-14T19:00:00.000+05:30

माझं मला काळतं
कसं मी राहायचं
तूच तुझं ठरव मला
कोणत्या दृष्टीने पाहयचं

माझ्या मनाचा मला
आरसा करता आला असता
तर तुलाही तुझा चेहरा
त्यात पाहता आला असता

सारं विश्व बदलताना
मी डोळ्यांनी पहिलं
पण या जगासोबत मला
बदलायचं राहिलं

खरोखरच काटे
एवढे कठोर नसतात
त्याशिवाय का फुलं
त्यावर फुलून हसतात

आपापल्या परीने
प्रत्येक जण सोसत असतो
मी खूप सोसलं असं
समोरच्याला भासवत असतो

मोर थुईथुई नाचतो
त्याची पिसे सांगतात
माणसं इतकी हुशार की
त्याचाही बाजार मांडतात

सुसाट सुटलेलं वादळ
कुठेतरी शांत होतं
उन्मळून पडलेल्या झाडासोबत
शेवटी तेही निवांत होतं

चारोळ्या

2011-12-10T13:12:00.001+05:30

मोलाचे वाटतात मला
तुझ्या सोबतचे क्षण
पण ते निघून जातात
पुन्हा बेचैन होते मन

निघता पाउल निघत नाही
पण जाने भाग आहे
यापुढील प्रवासात
आठवणींची साथ आहे

मनातील आठवणी
लाटांसारख्या उसळतात
जशा काही नभातल्या
विजाच जणू कोसळतात

आयुष्यातील सारे दुःख
या डोळ्यांसमोर फिके आहे
कारण आता नजरेसमोर
तुझ्या आठवणीचेच धुके आहे

स्वतःचं मन मारून
तुला बरं जगता आलं
आपल्यांशी देखील तुला
परक्यासारखं वागता आलं

हात हजार मिळतात
अश्रू पुसण्यासाठी
डोळे दोनही मिळत नाहीत
सोबत रडण्यासाठी

मी मनसोक्त रडून घेते
घरात कुणी नसल्यावर
मग सहज हसायला जमतं
चारचौघात बसल्यावर

चारोळ्या

2011-12-10T13:09:00.001+05:30

पाऊलांची चाहूल
तुझेच भास
शेवटचा वाटेवर
अडकतात श्वास

तुझ्या नुसत्या भासाने,
श्वास सुसाट धावतात माझे.
मनी फक्त आस तुझी,
जवळ आठवणींचे ओझे.

माझ्याहून अधिक माझा
तुझ्यावर विश्वास होता
मला काय ठाऊक तो
उधार घेतलेला श्वास होता

रोज फूल तोडत होतो
मी तुझ्या केसांसाठी
पण तू सुगंधही नाही ठेवलास
माझ्या सरत्या श्वासांसाठी

तू भेटलीस त्या वाटेवर
सगळीकडे प्रेमच होतं
कुणास ठाऊक तुझं माझ्यावर
कुठल्या जन्माचं ऋण होतं

तुझं चोरून पाहणं
जेव्हा मला माहीत झालं
तेव्हापासून मला पाहणं
तू का गं रहित केलं ?

तुझं खरं-खोटं
खरचं आता लक्षात आलं
तात्पर्य एवढंच की
सारं खोटं माझ्या पक्षात आलं

मराठी कविता

प्रेमात पडलास का ?

मैत्री केली आहेस म्हणुन...

गुढीपाडवा

कुणीतरी आपल्यासाठी.....

...नागेश पाटील

कुणीतरी असेल तर

तू नक्की हो म्हणशील !!

देहाचे अत्तर

समर्पण

कुणीतरी आपल्यासाठी असावे

कवडसा

मराठी भाषा दिनानिमित्त हार्दिक शुभेच्छा

लाभले आम्हास भाग्य बोलतो मराठी जाहलो खरेच धन्य ऐकतो मराठी मराठी भाषा दिनानिमित्त हार्दिक शुभेच्छा

प्रेमाला कधीच वय नसतं...

चारोळी

चांदण्या रात्रीतील भटकंती

एक विनंती आहे...

उद्या कोणी पाहिला?

नव वर्षाच्या शुभेच्छा

मैत्री

हेच ते वय

चारोळ्या

प्रेमाची वेल

सायबर म्हणी

चारोळ्या

चारोळ्या

चारोळ्या

लाभले आम्हास भाग्य बोलतो मराठी
जाहलो खरेच धन्य ऐकतो मराठी
मराठी भाषा दिनानिमित्त हार्दिक शुभेच्छा