Non podemos esquecer que ao éxito da presente edición da Festa do Melindre tamén contribuíu de xeito decisivo o bo tempo, de xeito que tivemos unha afluencia de xente realmente impresionante.

O labor de conducir a cerimonia central da Festa do Melindre recaeu en Marta Landín, a quen tivemos lonxe da pequena pantalla galega durante anos, por desenvolver a súa profesión en Telemadrid, pero que continúa facéndoo igual de ben ao conectar co público da nosa terra. Incluso podedes comprobalo nalgunhas das gravacións que figuran en Ustream, plataforma que serviu para seguir o evento en directo a través da Internet.

Non faltou ao evento o conselleiro de Cultura, Educación e Ordenación Universitaria, Xesús Vázquez Abad, quen así amosou o seu apoio a esta festa, que pon en valor este doce tradicional, promovendo ademais o turismo na zona.

E si, xuntouse moita… moita xente. Incluso era difícil moverse entre a multitude, o que curiosamente era algo do que estar contento, pois tras 2 décadas de decepcións a festa superou todas as expectativas, adoptando unha fórmula que agardemos que continúe a trunfar en vindeiras edicións.

Radio Galega

De 12:00 a 14:00 horas o programa Come e Fala da Radio Galega, presentado polo simpático e sempre amable Xosé Manuel García, foi narrando en directo a celebración na nosa vila, alternando discursos das autoridades con entrevistas, publicidade que agardo que beneficie enormemente á repostería, a hostelaría e o turismo na zona.

Televisión de Galicia

A radio non foi o único medio que se achegou á nosa celebración gastrónica, senón que o evento incluso serviu para abrir A Revista Fin de Semana da TVG:

Como ben puidéchedes ver, este ano tampouco faltou o noso benquerido Chicho no posto do Estilo.

Os de A Revista retomaron a festa melidense durante o programa dun xeito máis larpeiro:

E para rematar a cobertura televisiva, o Telexornal do mediodía tampouco faltou á Festa do Melindre:

Maruxas de nata

Tras dar un paseo polos stands, fixen unha pausa no de Marta Álvarez, a quen coñecín Granxa Maruxa son unha delicia. Nin que dicir que na miña casa as tomamos de sobremesa xunto cuns melindres.
Pero por se non coñecedes a historia de Marta, velaquí o seu maxistral relatorio no TEDxGalicia:

Coñecer a historia de superación de Marta Álvarez contribúe a ver dun xeito aínda mellor as súas galletas de nata, que levaron a ser rendible a súa explotación agraria, e a crear un produto recoñecible en toda Galicia. Esperemos que a repostaría melidense poida seguir eses pasos, e que a nosa comarca non sexa recoñecida só polo queixo.

Logo, ¿que foi o que me molestou? Pois a achega que fixeron á película dende a Cadena SER, onde omiten todo rigor á hora de abordar a que podería ser a película máis taquilleira do ano.

Dá vergoña allea escoitar a candidade de pifias que soltan ao falar de Los Vengadores na SER: levan mal a conta do número de películas por personaxe (¿Iron Man 3?), din que o Joker era Heather Graham (¿non quererían dicir o actor Heath Ledger en vez da actriz de Austin Powers. La Espía que me Achuchó?), confunden a S.H.I.E.L.D. con The Shield, comentan que na nova de Batman sae Kaine (que é un personaxe de Spider-Man… na de Bats o que sae é Bane)… ¡Menos mal que ao programa convidaron a sabios do cómic!

Podedes escoitar o corte de La Ventana a continuación:


Cando menos acertaron ao apuntar que o parecido de Hulk co actor que o interpreta está moi logrado.

Pero a cousa aínda pode ser peor, e se non, mirade a crítica que fai Pumares da película:

Se substitúes o título de Los Vengadores polo de calquera outra película terías unha crítica igualmente válida. Ata parece que Pumares non foi ver o filme, pero cando menos serve para botar unhas risas

Agradezo que falen de películas de superheroes nos medios, pero agradeceríase un pouco de respecto para os millóns de persoas que gozamos destes títulos. É como cando no xornal lemos como sinopse dunha película que é outra de Steven Seagal, Van Damme ou Jackie Chan, cando calquera deles ten filmes coidados e entretidos e auténticos putruños. Cando recorremos á crítica queremos información e non recheo.

Podedes aprender a facer este orixinal xardín dos desexos seguindo a receita que indica Cristina Lorenzo no seu blog.

Ah, e para os de Melide aviso de que mañá ás 19:00 horas a presidenta da Asociación de Sumilleres de Galicia Gallaecia, Mercedes González, conducirá unha cata de harmonías na Casa do Concello na que poderanse combinar os sabores e aromas dos doces melidenses con viños con Denominación de Orixe Ribeira Sacra e licores e augardantes tradicionais da nosa comunidade autónoma (recollidos baixo un distintivo de Denominación Xeográfica).

Cheguei a iso das 11:00 horas para poder asistir a un relatorio de Enrique Dans, que nun principio parecía orientado a falar do seu libro (do que xa teño falado) pero que finalmente foi unha charla un tanto diferente que destacou por un detalle: a participación do público. Os asistentes facían tantas preguntas que fixo que a duración desta actividade dobrase o seu tempo, achegándose ás 2 horas, o que curiosamente non fixo que a xeste quedase durmida nin liscase correndo. Todo un éxito.

Pero igual Dans non quedou tan contento co que alí preguntaron, porque acto seguido achegouse a unha demostración de esgrima histórica para documentarse sobre as distintas armas que alí había, o que debería facer tremer a máis de un

Realmente estaba a facer o tempo antes da súa intervención no programa Banda Ancha da Radio Galega, no que tivemos a honra de contar coa súa presenza. Agradécese a dispoñibilidade de Dans, sempre disposto a dedicarnos unhas palabras (aínda que normalmente por vía telefónica) e que fixo un esforzo para expresarse en galego, o que tamén é de agradecer (pois ao vivir en Madrid ten a lingua do país algo enferruxada).

Pero neste espazo non quero falar do traballo, senón do bo ambiente que había este ano no Xuventude Galicia Net, que nesta ocasión daba a impresión de que a festa informática estaba a ser eclipsada polas actividades complementarias, como os relatorios (o de Leopoldo Abadía seica tivo unha asistencia masiva), as exhibicións de esgrima histórica e de haikido, os numerosos xogos que había espallados polo recinto (un Conecta 4 xigante, un xogo de golf, o Star Wars Kinect, un simulador de esquí, un xogo de disparos con escopeta, un futbolín, varios circuítos de Scalextric… e a inestimable presenza da Tropa Korriban, que non dubidaba en representar combates e posar en fotografías con todos os que pasaban por alí. Aínda que sexa cun día de retraso: May the 4^th be with you

Pero non podo rematar sen comentar un susto que levei mentres tiraba unhas fotografías dos ordenadores da LAN party, pois pareceume ver de lonxe un boneco de pedobear, e cando me poño a dispararlle unha fotografía, miro para o monitor que ten debaixo, e levo unha sorpresa aínda maior que ao atopar ao osiño máis coñecido da Internet (picade na fotografía se queredes ver a imaxe completa do que tiña diante).

Anécdotas así fan que un lembre este tipo de eventos, dos que pese ás dificultades están a resistirse a desaparecer, o que os seus participantes estou certo que agradecen enormemente. Esperemos que o ano que vén se repita a cita.

Por outra banda tamén temos a imaxe pública da SGAE, que tras moitos anos de malas prácticas (dende operar como unha organización mafiosa ata violentar a intimidade das persoas) conta cun claro rexeitamento social, o que está a saírlle moi caro a todos os defensores da propiedade intelectual.

Ao final, se non se depuran responsabilidades pola anterior dirección da SGAE (que parecía estar formada por un fato de ladróns) e se reforma profundamente a Lei de Propiedade Intelectual, teremos só un cambio de cara que non poderá arranxar a falta de comunicación entre os dous estremos de boa parte do sector cultural. Crucemos os dedos, e agardemos que as cousas cheguen a bo porto, pois nin os contidos poden producirse a custo cero, nin é normal que continuemos a pensar nas obras audiovisuais como produtos físicos e copias.

O programa desta feira gastronómica quedaría como segue:

Grazas a Intermax a festa poderá seguirse dende todo o mundo a través de streaming. Unha mágoa que a distancia non haxa xeito de transmitir o sabor, aínda que como se achegue moito a cámara aos doces seguro que máis de un xa os ule dende a casa.

Dende aquí quixera agradecer a asistencia a quen se achegou á xuntanza, entre os que non faltou a presenza melidense da man de Javi Mouriño (Intermax) e Santos López (concelleiro de Promoción Económica que desta volta quixo facer de embaixador da Festa do Melindre).
Fíxome especial ilusión que se achegasen Sabela Barreiro e Xurxo Méndez, de GalApps, a quen non coñecía en persoa, e dos que sempre é unha honra falar nos medios de comunicación, pois fan un grande labor de normalización lingüística coas súas aplicacións móbiles.

Tamén quixera agradecer á CRTVG, pola cobertura que fixo do acto tanto en radio como en televisión:

E o mesmo teño que dicir dos compañeiros de El Correo Gallego, que hoxe dedicáronnos unha páxina:

O I Foro Tecnolóxico de Código Cero avala o forte impulso e futuro das TIC

A revista galega con sede en Santiago celebra dez anos de actividade

O número de empresas deste sector TIC creceu nun 7,4%

A primeira edición do foro da revista galega de novas tecnoloxías Código Cero, que vén de cumprir dez anos de traxectoria, contou onte coa presenza na Cidade da Cultura Mar Pereira, directora da Axencia para a Modernización Tecnolóxica de Galicia (Amtega) nunha mesa compartida xunto o escritor e colaborador desa publicación Xavier Alcalá e Marcus Fernández, co fundador e webmaster de Código Cero.
Pereira recordou que en comparación con outros sectores o sector TIC (Tecnoloxias de Comunicación e Información) ten unha maior capacidade de adaptación e innovación, o que lle facilita a entrada a novos nichos de mercado.
Segundo o Europe’s 500, o ranquin das 500 empresas europeas que máis crecen, o 29% destas compañías pertencen ao sector tecnolóxico. En Galicia o sector tecnolóxico mantén o nivel de emprego e incluso incrementa o número de empresas demostrando a súa capacidade de crecemento e a posibilidade de consolidar un sector estable laboralmente.
No período 2010-2011 o número de empresas do sector TIC creceu un 7,4% situándose nas 1.897 empresas e empregando a preto de 1.900 traballadores.
Entre as fortalezas do sector TIC galego, Pereira destacou que se caracteriza pola compoñente innovadora e a súa capacidade para afrontar importantes proxectos tecnolóxicos.
Neste sentido, indicou que a creación da Axencia para a Modernización e a posta en marcha do CPDI permitirá ao sector público desenvolver proxectos innovadores que contribúan a dinamizar o sector TIC da Comunidade. Tamén lembrou o potencial das universidades e dos centros tecnolóxicos galegos e a súa importante contribución para consolidar o sector tecnolóxico como elemento clave do desenvolvemento económico galego.
Nunha entrevista previa publicada en EL CORREO, Fernández, preguntado pola situación actual en Galicia sinalou: “Temo que a situación non está a altura do agardado. Hai uns anos tiñamos unhas expectativas moi boas, co xurdimento do chamado Blogomíllo e numerosos proxectos de comunicación na lnternet en galego, pero moitos esmoreceron, e agora temos unha importante carencia de contidos na nosa lingua. É un aspecto que temos que solucionar entre todos”.

Moitas grazas a todos. Así dá gusto contribuír á divulgacion das Tecnoloxías da Información e da Comunicación na nosa comunidade.