Mathrubhumi

സംഘടനാ സ്വാതന്ത്ര്യത്തിന് ബംഗാളില്‍ മമതയുടെ വിലങ്ങ്‌

Thu, 02 Feb 2012 07:36:44 +0530

കൊല്‍ക്കത്ത: ഭരണകൂടത്തിനെതിരെ ശബ്ദമുയര്‍ത്താതിരിക്കാന്‍ സര്‍ക്കാര്‍ ജീവനക്കാര്‍ക്കിടയിലെ സംഘടനാസ്വാതന്ത്ര്യത്തിന് പശ്ചിമബംഗാള്‍ മുഖ്യമന്ത്രി മമതാ ബാനര്‍ജി കൂച്ചുവിലങ്ങിടുന്നു. ഇതിനുള്ള ആദ്യ നീക്കമെന്ന നിലയില്‍ ഒരുമാസം മുമ്പ് പോലീസ് വകുപ്പില്‍ സംഘടനാ പ്രവര്‍ത്തനം നിരോധിച്ചു. സര്‍ക്കാര്‍ ജീവനക്കാര്‍ സംസ്ഥാന സര്‍ക്കാറിനെതിരെ ശബ്ദമുയര്‍ത്തുന്നത് ഒരു കാരണവശാലും അനുവദിക്കാന്‍ പാടില്ലെന്ന് തൊഴില്‍മന്ത്രി പൂര്‍ണേന്ദു ബസു ചൊവ്വാഴ്ച പ്രസ്താവിച്ചത് മറ്റു വകുപ്പുകളിലും സംഘടനാ സ്വാതന്ത്ര്യത്തിന് വിലക്കുവരുമെന്നതിന്റെ വ്യക്തമായ സൂചനയായാണ് വിലയിരുത്തപ്പെടുന്നത്. 1981-ല്‍ അന്നത്തെ ഇടതുമുന്നണി സര്‍ക്കാര്‍ പശ്ചിമ ബംഗാള്‍ സര്‍വീസ് റൂള്‍സില്‍ ജീവനക്കാര്‍ക്ക് സമ്പൂര്‍ണ തൊഴിലാളി യൂണിയന്‍ പ്രവര്‍ത്തന സ്വാതന്ത്ര്യം അനുവദിച്ച് എഴുതിച്ചേര്‍ത്ത വകുപ്പ് എടുത്തുകളയാനാണ് മമതയുടെ നേതൃത്വത്തിലുള്ള മന്ത്രിസഭ ഉദ്ദേശിക്കുന്നത്. ഭരണകക്ഷിയെ അനുകൂലിക്കുന്ന സര്‍ക്കാര്‍ ജീവനക്കാരുടെ സംഘടനകളും കോണ്‍ഗ്രസ്സിനെയും ഇടതുമുന്നണി....

ഈജിപ്തില്‍ ഫുട്‌ബോള്‍ കളിയ്ക്കിടെ കലാപം: 73 മരണം

Thu, 02 Feb 2012 07:36:44 +0530

കെയ്‌റോ: ഈജിപ്തില്‍ ഒരു ഫുട്‌ബോള്‍ മത്സരത്തിനിടെയുണ്ടായ കലാപത്തില്‍ 73 പേര്‍ കൊല്ലപ്പെട്ടു. ആയിരത്തോളം പേര്‍ക്ക് പരിക്കേറ്റു. ബദ്ധവൈരികളായ രണ്ടുടീമുകള്‍ തമ്മിലുണ്ടായ മത്സരമാണ് അക്രമത്തില്‍ കലാശിച്ചത്. മരണസംഖ്യ ഇനിയും കൂടിയേക്കുമെന്നാണ് റിപ്പോര്‍ട്ടുകള്‍. 73 പേരുടെ മരണം ഈജിപ്ഷ്യന്‍ പ്രാദേശിക ചാനലിനെ ഉദ്ധരിച്ചുകൊണ്ട് വാര്‍ത്താ ഏജന്‍സിയായ എ.എഫ്.പിയാണ് റിപ്പോര്‍ട്ട് ചെയ്തത്. അല്‍ അഹ്‌രി-അല്‍ മസ്‌രി എന്നീ ടീമുകള്‍ തമ്മിലാണ് മത്സരം നടന്നത്. പോര്‍ട്ട് സെഡ് എന്ന സ്ഥലത്തെ സ്‌റ്റേഡിയത്തിലാണ് അക്രമമുണ്ടായത്. സ്‌റ്റേഡിയത്തിലുണ്ടായിരുന്ന കാണികള്‍ തീവെക്കുകയും ഫുട്‌ബോള്‍ ആരാധകര്‍ പരസ്പരം ഏറ്റുമുട്ടുകയുമായിരുന്നു. തുടര്‍ന്ന് കെയ്‌റോ സ്‌റ്റേഡിയത്തില്‍ നടക്കാനിരുന്ന മത്സരം സംഘാടകര്‍ മാറ്റിവെക്കുകയും ചെയ്തു.

സുര്‍ക്കി ശേഖരണം: കേരളത്തിന്റെ ആവശ്യം വീണ്ടും തള്ളി

Thu, 02 Feb 2012 07:36:44 +0530

കുമളി: മുല്ലപ്പെരിയാര്‍ അണക്കെട്ടിന്റെ ബലക്ഷയത്തിന്റെ യഥാര്‍ത്ഥ സ്ഥിതി അറിയാന്‍ 130 അടിയില്‍ ബോര്‍ഹോള്‍ നിര്‍മ്മിച്ച് സുര്‍ക്കിയുടെ സാമ്പിള്‍ ശേഖരിക്കണമെന്ന കേരളത്തിന്റെ ആവശ്യം വീണ്ടും തള്ളി. അണക്കെട്ടിന്റെ ബലക്ഷയപരിശോധനയ്ക്കായി സുപ്രിംകോടതി നിയോഗിച്ച ഉന്നതാധികാരസമിതി ചുമതലപ്പെടുത്തിയ ഉദ്യോഗസ്ഥരാണ് കേരളത്തിന്റെ ആവശ്യം തള്ളിയത്. ഇതേത്തുടര്‍ന്ന് ഉന്നതാധികാര സമിതിക്ക് കേരളം പരാതി നല്‍കും. മുല്ലപ്പെരിയാര്‍ ഡാമില്‍ നടക്കുന്ന ബലപരിശോധനകള്‍ വിലയിരുത്താന്‍ അണക്കെട്ട് സന്ദര്‍ശിച്ചശേഷം തേക്കടിയില്‍ കേരളത്തിലെ മുല്ലപ്പെരിയാര്‍ സെല്‍ ചെയര്‍മാന്‍ എം.കെ.പരമേശ്വരന്‍ നായരുമായി നടത്തിയ കൂടിക്കാഴ്ചയിലാണ് അണക്കെട്ടിലെ 130 അടിയില്‍ ബോര്‍ഹോള്‍ നിര്‍മിച്ച് സുര്‍ക്കിയുടെ സാമ്പിള്‍ ശേഖരിക്കണമെന്ന ആവശ്യം കേരളം വീണ്ടും ഉന്നയിച്ചത്. ഇത് അംഗീകരിക്കാന്‍ ഉന്നതാധികാര സമിതി ചുമതലപ്പെടുത്തിയ ഉദ്യോഗസ്ഥരായ സെന്‍ട്രല്‍ സോയില്‍ മിനറല്‍ റിസര്‍ച്ച് സ്റ്റേഷന്‍ ഡയറക്ടര്‍ മുരാരി രത്‌നം, സെന്‍ട്രല്‍ വാട്ടര്‍ പവര്‍ റിസര്‍ച്ച്....

ഒബാമ ഭരണകൂടത്തിലെ ഇന്ത്യക്കാരായ അച്ഛനും മകനും രാജിവെച്ചു

Thu, 02 Feb 2012 07:36:44 +0530

വാഷിങ്ടണ്‍: അമേരിക്കയിലെ ഒബാമ ഭരണകൂടത്തില്‍ പ്രധാനികളായിരുന്ന ഇന്ത്യന്‍ വംശജരായ അച്ഛനും മകനും സ്ഥാനം രാജിവെച്ചു. സ്വകാര്യ മേഖലയില്‍ ജോലിയില്‍ പ്രവേശിക്കുന്നതിന്റെ ഭാഗമായാണ് അച്ഛന്‍ സുരേഷ് കുമാറും മകന്‍ ആദിത്യ കുമാറും തിങ്കളാഴ്ച ജോലിയില്‍ നിന്നു രാജിവെച്ചത്. ഒബാമ ഭരണകൂടത്തില്‍ പ്രധാനസ്ഥാനം വഹിച്ചിരുന്ന ഏക അച്ഛനും മകനും എന്ന ഖ്യാതി ഇവര്‍ക്കു സ്വന്തമായിരുന്നു. കൊമേഴ്‌സ് ഫോര്‍ ട്രേഡ് ആന്‍ഡ് പ്രൊമോഷനില്‍ അസിസ്റ്റന്‍റ് സെക്രട്ടറിയായി പ്രവര്‍ത്തിക്കുകയായിരുന്ന സുരേഷ് കുമാര്‍ ഒബാമയുടെ 'കയറ്റുമതി രാജാവ്' എന്നാണ് അറിയപ്പെട്ടിരുന്നത്. അമേരിക്കയുടെ കയറ്റുമതി ഇരട്ടിയാക്കുകയെന്ന ഒബാമയുടെ സ്വപ്നപദ്ധതിയില്‍ പ്രധാന പങ്കുവഹിച്ചിരുന്നതും സുരേഷ് കുമാറായിരുന്നു. സുരേഷ് കുമാറിന്റെ കീഴില്‍ ആഭ്യന്തര ഉത്പാദനത്തിന്റെ 14 ശതമാനത്തിനടുത്തേക്ക് അമേരിക്കയുടെ കയറ്റുമതി വ്യാപാരം വര്‍ധിച്ചിരുന്നു. ഇന്ത്യയും അമേരിക്കയും തമ്മിലുള്ള ബന്ധം സുദൃഢമാക്കുന്നതിലും സുരേഷ് കുമാര്‍ പ്രധാന പങ്കു വഹിച്ചു. വൈസ് പ്രസിഡന്‍റ് ജോ ബൈഡന്റെ....

ചൈനയുമായി പോരാട്ടത്തിന് ഇന്ത്യ തയ്യാറെടുക്കുന്നുവെന്ന് അമേരിക്ക

Thu, 02 Feb 2012 07:36:44 +0530

വാഷിങ്ടണ്‍: ചൈനയുമായി 'പരിമിതമായ' തോതിലെങ്കിലും ഒരു സംഘര്‍ഷത്തിന് സാധ്യത ഉണ്ടെന്ന വിലയിരുത്തലില്‍ ഇന്ത്യന്‍ സേന തയ്യാറെടുപ്പുകള്‍ തുടങ്ങിയതായി അമേരിക്കന്‍ രഹസ്യാന്വേഷണ വിഭാഗം സെനറ്റ് സമിതിയെ അറിയിച്ചു. അതിര്‍ത്തിയില്‍ ചൈന നടത്തുന്ന പടയൊരുക്കങ്ങളും ഇന്ത്യന്‍ മഹാസമുദ്രത്തിലും ഏഷ്യ-പസഫിക് മേഖലയിലും അവരുടെ ആക്രമണോത്സുകമായ നിലയും ഇന്ത്യയ്ക്ക് ആശങ്ക ഉണ്ടാക്കുന്നുണ്ട്. വലിയ യുദ്ധത്തിന് സാധ്യത ഉടനെ ഇല്ലെങ്കിലും അതിര്‍ത്തിത്തര്‍ക്കം നിലനില്‍ക്കുന്ന മേഖലകളില്‍ പരിമിതമായ സൈനിക സംഘര്‍ഷം ഇന്ത്യന്‍ സൈന്യം പ്രതീക്ഷിക്കുന്നു. അതിനുള്ള തയ്യാറെടുപ്പുകള്‍ അവര്‍തുടങ്ങിക്കഴിഞ്ഞു-നാഷണല്‍ ഇന്‍റലിജന്‍സ് ഡയറക്ടര്‍ ജെയിംസ് ക്ലാപ്പര്‍ സെനറ്റ് സമിതിയെ അറിയിച്ചു.

സര്‍ദാരിക്കെതിരായ വിധി നടപ്പാക്കേണ്ടിയിരുന്നുവെന്ന് പാക് സുപ്രീംകോടതി

Thu, 02 Feb 2012 07:36:44 +0530

ഇസ്‌ലാമാബാദ്: പ്രസിഡന്‍റ് ആസിഫ് അലി സര്‍ദാരിക്കെതിരെയുള്ള കള്ളപ്പണം വെളുപ്പിക്കല്‍ കേസ് പുനരുജ്ജീവിപ്പിക്കണം എന്നാവശ്യപ്പെട്ട് പ്രധാനമന്ത്രി സ്വിസ് അധികൃതര്‍ക്ക് കത്തെഴുതേണ്ടിയിരുന്നുവെന്ന് പാക് സുപ്രീം കോടതി. പ്രധാനമന്ത്രി യൂസഫ് റാസാ ഗീലാനിക്കെതിരെയുള്ള കോടതി അലക്ഷ്യ കേസില്‍ വാദം കേള്‍ക്കുന്നതിനിടെയാണ് കോടതി ഇങ്ങനെ അഭിപ്രായപ്പെട്ടത്. ഈ ആവശ്യം ഉന്നയിച്ചുള്ള സുപ്രീം കോടതി വിധി നടപ്പാക്കാത്തതിനെത്തുടര്‍ന്നാണ് പ്രധാനമന്ത്രിക്കെതിരെ കോടതിയലക്ഷ്യം ചുമത്തിയത്. എന്നാല്‍ അഴിമതിക്കേസുകളില്‍ നിന്ന് പ്രസിഡന്‍റിന് നിയമപരിരക്ഷയുണ്ടെന്നും ഇക്കാര്യത്തില്‍ സര്‍ദാരിക്കെതിരെ കേസെടുക്കാന്‍ വിദേശ അധികൃതരോട് ആവശ്യപ്പെടില്ലെന്നുമുള്ള മുന്‍ നിലപാട് ഗീലാനിയുടെ അഭിഭാഷകന്‍ ബുധനാഴ്ചയും ആവര്‍ത്തിച്ചു.ജസ്റ്റിസ് നസീര്‍-ഉള്‍-മുല്‍ക്ക് തലവനായ ഏഴംഗ ബെഞ്ചാണ് കേസ് കേള്‍ക്കുന്നത്.ഗീലാനിക്ക് വേണ്ടി ഹാജരായ ഐയ്ത്താസ് അബ്‌സാനാണ് പ്രധാനമന്ത്രിയുടെ നിലപാടില്‍ മാറ്റമില്ലെന്ന കാര്യം ആവര്‍ത്തിച്ചത്. നിയമമന്ത്രി, സെക്രട്ടറി....

പ്രതിഷേധത്തിനിടെ തസ്‌ലിമയുടെ ആത്മകഥ പുറത്തിറക്കി

Thu, 02 Feb 2012 07:36:44 +0530

കൊല്‍ക്കത്ത: യാഥാസ്ഥിതികരുടെ പ്രതിഷേധം ഭയന്ന് മുന്‍നിശ്ചയിച്ച വേദിയില്‍ പ്രകാശനം നടത്തുന്നതിന് സംഘാടകര്‍ വിസമ്മതിച്ചതിനെത്തുടര്‍ന്ന് വിവാദ സാഹിത്യകാരി തസ്‌ലിമ നസ്രീന്റെ ആത്മകഥയുടെ ഏഴാം ഭാഗമായ നിര്‍ബാസന്‍ (പ്രവാസം) പൊതുസ്ഥലത്ത് പുറത്തിറക്കി. കൊല്‍ക്കത്ത പുസ്തകോത്സവത്തിന്റെ ഭാഗമായി ഓഡിറ്റോറിയത്തില്‍ പുസ്തകപ്രകാശനം നടത്താനാണ് നിശ്ചയിച്ചിരുന്നത്. എന്നാല്‍, പ്രകാശനസമയത്തുണ്ടാകാനിടയുള്ള ക്രമസമാധാന പ്രശ്‌നം കണക്കിലെടുത്ത് അത് റദ്ദാക്കിയെന്ന് പുസ്തകോത്സവത്തിന്റെ സംഘാടകരായ പബ്ലിഷേഴ്‌സ് ആന്‍ഡ് ബുക്ക്‌സെല്ലേഴ്‌സ് ഗില്‍ഡ് സെക്രട്ടറി സുധാംശു ഡേ പറഞ്ഞു. യാഥാസ്ഥിതികരുടെ പ്രതിഷേധമുണ്ടാകുമെന്ന റിപ്പോര്‍ട്ടുകളെ തുടര്‍ന്ന് പ്രകാശനം നടത്തരുത്തെന്ന് പ്രസാധകരോട് ഗില്‍ഡ് നേരത്തേ നിര്‍ദേശിച്ചിരുന്നു. ഇതില്‍ പ്രതിഷേധിച്ചാണ് പുസ്തകത്തിന്റെ പ്രസാധകരായ പീപ്പിള്‍സ് ബുക്ക് സൊസൈറ്റി ആത്മകഥ ഓഡിറ്റോറിയത്തിന് വെളിയില്‍ പൊതുനിരത്തില്‍ പ്രകാശനം ചെയ്തത്. ചടങ്ങിന് തസ്‌ലിമ എത്തിയിരുന്നില്ല. എന്നാല്‍, ഇത്തരം സാഹചര്യമുണ്ടായതിനെ....

പുണെയില്‍ പട്ടാളക്കാര്‍ അഴിഞ്ഞാടി, അന്വേഷണത്തിന് സൈന്യം ഉത്തരവിട്ടു

Thu, 02 Feb 2012 07:36:44 +0530

പോലീസുകാര്‍ക്കും മാധ്യമപ്രവര്‍ത്തകര്‍ക്കും പരിക്ക് പുണെ: ഇരുചക്രവാഹന നിരോധിത മേഖലയിലേക്ക് ബൈക്കിലെത്തിയ സൈനിക ഉദ്യോഗസ്ഥരെ പോലീസ് തടഞ്ഞതിനെത്തുടര്‍ന്ന് പുണെയില്‍ പട്ടാളക്കാര്‍ അഴിഞ്ഞാടി. വനിതാ കോണ്‍സ്റ്റബിള്‍മാര്‍ ഉള്‍പ്പെടെ ഒട്ടേറെ പോലീസുകാര്‍ക്കും മാധ്യമപ്രവര്‍ത്തകര്‍ക്കും മര്‍ദനമേറ്റു. സായുധരായ സൈനികര്‍ മണിക്കൂറുകളോളം നഗരത്തെ ഭീതിയിലാഴ്ത്തി. നാട്ടുകാരും പട്ടാളക്കാര്‍ക്കുനേരെ തിരിഞ്ഞതോടെ സൈനികഉദ്യോഗസ്ഥരും ഉയര്‍ന്ന പോലീസ് ഉദ്യോഗസ്ഥരും ഏറെ പണിപ്പെട്ടാണ് സ്ഥിതി നിയന്ത്രണവിധേയമാക്കിയത്. സംഭവത്തെക്കുറിച്ച് അന്വേഷിച്ച് റിപ്പോര്‍ട്ട് നല്‍കാന്‍ ആര്‍മി ഹെഡ്ക്വാര്‍ട്ടേഴ്‌സ് ഉത്തരവിട്ടു. ചൊവ്വാഴ്ച രാത്രി എട്ടുമണിയോടെയാണ് പ്രശ്‌നങ്ങള്‍ക്ക് തുടക്കം. ഇരുചക്രവാഹനങ്ങള്‍ക്ക് പ്രവേശനം നിരോധിച്ച സംഭാജി ബ്രിഡ്ജില്‍ ബൈക്കിലെത്തിയ ഉദ്യോഗസ്ഥരെ ഡ്യൂട്ടിയിലുണ്ടായിരുന്ന രണ്ടു വനിതാ പോലീസ് കോണ്‍സ്റ്റബിള്‍മാര്‍ തടഞ്ഞു. അതോടെ ക്ഷുഭിതരായ ഇവര്‍ സൈനികര്‍ക്ക് എവിടെയും എപ്പോഴും എങ്ങനെയും പോകാന്‍ അധികാരമുണ്ടെന്നു....

നസീറിനെ കൊണ്ടുപോയ പോലീസ് വാഹനം ഇന്ധനം തീര്‍ന്ന് പെരുവഴിയില്‍

Thu, 02 Feb 2012 07:36:44 +0530

കൊച്ചി: തീവ്രവാദക്കേസുകളിലെ പ്രതി തടിയന്‍റവിട നസീറിനെ പോലീസ് വാഹനത്തില്‍ കൊണ്ടുപോകുന്നതിനിടെ സുരക്ഷാവീഴ്ച. ഡീസല്‍ തീര്‍ന്ന് വാഹനം പെരുവഴിയില്‍ കിടന്നതാണ് ആശങ്കകള്‍ക്കു വഴിവെച്ചത്. ബുധനാഴ്ച ഉച്ചയോടെയാണ് അരൂര്‍ കുമ്പളം പാലത്തില്‍ പോലീസ് വാഹനത്തിന്റെ ഡീസല്‍ തീര്‍ന്നത്.തിരുവനന്തപുരത്തുനിന്നും കണ്ണൂര്‍ ജയിലിലേക്ക് കൊണ്ടുപോകുകയായിരുന്നു ഇയാളെ. പാലത്തില്‍ എത്തിയപ്പോള്‍ ഡീസല്‍ തീര്‍ന്ന് വാഹനം നിന്നുപോയി. തുടര്‍ന്ന് ജീപ്പിലുണ്ടായിരുന്ന പോലീസ് ഉദ്യോഗസ്ഥര്‍ വയര്‍ലെസ്സില്‍ സമീപ സ്റ്റേഷനിലേക്ക് ബന്ധപ്പെട്ടു. തുടര്‍ന്ന് പോലീസ് ജീപ്പില്‍ ഡീസല്‍ എത്തിച്ച് വാഹനത്തില്‍ നിറച്ചു. പിന്നീട് പള്ളുരുത്തി സ്റ്റേഷനില്‍ എത്തിച്ച ശേഷം തടിയന്‍റവിട നസീറിനെ കണ്ണൂര്‍ക്ക് കൊണ്ടുുപോയി. സുരക്ഷാവീഴ്ചയെ കുറിച്ച് ഇന്‍റലിജന്‍സ് വിഭാഗം അന്വേഷണം തുടങ്ങി.

22,058 ബി.പി.എല്‍ റേഷന്‍ കാര്‍ഡുകള്‍ സര്‍ക്കാര്‍ ഉദ്യോഗസ്ഥര്‍ തിരിച്ചേല്‍പ്പിച്ചു

Thu, 02 Feb 2012 07:36:44 +0530

തിരുവനന്തപുരം: സംസ്ഥാനത്ത് അനധികൃതമായി ബി.പി.എല്‍. കാര്‍ഡുകള്‍ കൈവശം വച്ചിരുന്ന 22,058 സര്‍ക്കാര്‍ ഉദ്യോഗസ്ഥര്‍ കാര്‍ഡുകള്‍ തിരിച്ചേല്‍പ്പിച്ച് എ.പി.എല്‍. കാര്‍ഡുകളിലേക്ക് മാറി. ഇരുപത്തി നാലായിരത്തോളം സര്‍ക്കാര്‍ ജീവനക്കാര്‍ അനധികൃതമായി ബി.പി.എല്‍. കാര്‍ഡുകള്‍ കരസ്ഥമാക്കിയിട്ടുള്ളതായി നേരത്തെ കണ്ടെത്തിയിരുന്നു. ബി.പി.എല്‍. കാര്‍ഡുകള്‍ തിരിച്ചേല്‍പ്പിക്കാത്ത 1942 പേരുടെ കാര്‍ഡുകള്‍ റദ്ദാക്കാന്‍ ഉത്തരവായി. കോഴിക്കോട് ജില്ലയിലാണ് ഏറ്റവും കൂടുതല്‍ സര്‍ക്കാര്‍ ഉദ്യോഗസ്ഥര്‍ ബി.പി.എല്‍. കാര്‍ഡുകള്‍ തിരിച്ചേല്‍പ്പിച്ച് എ.പി.എല്ലിലേക്ക് മാറിയത്- 3,186. ഇടുക്കി ജില്ലയില്‍ 416 സര്‍ക്കാര്‍ ഉദ്യോഗസ്ഥര്‍ കാര്‍ഡുകള്‍ തിരിച്ചേല്‍പ്പിച്ചു. ഈ ജില്ലയിലാണ് ഏറ്റവും കുറവ്. വിവിധ ജില്ലയില്‍ ബി.പി.എല്‍. കാര്‍ഡുകള്‍ തിരിച്ചേല്‍പ്പിച്ച് എ.പി.എല്‍. കാര്‍ഡിലേക്ക് മാറിയ സര്‍ക്കാര്‍ ഉദ്യോഗസ്ഥരുടെ കണക്കുകള്‍ ഇപ്രകാരമാണ്. തിരുവനന്തപുരം 2123, കൊല്ലം 2705, ആലപ്പുഴ 2785, പത്തനംതിട്ട 749 , കോട്ടയം, 1995, എറണാകുളം 1501, തൃശ്ശൂര്‍ 1570, പാലക്കാട് 502, മലപ്പുറം 1758, വയനാട്....

ഇ-മെയില്‍ വിവാദം: വ്യക്തമായ സൂചന കിട്ടിയെന്ന് മുഖ്യമന്ത്രി

Thu, 02 Feb 2012 07:36:44 +0530

തിരുവനന്തപുരം: ഇ-മെയില്‍ വിവാദവുമായി ബന്ധപ്പെട്ട് ശക്തമായ സൂചനകള്‍ ലഭിച്ചെന്നും രേഖ നഷ്ടപ്പെടാനുണ്ടായ സാഹചര്യത്തെക്കുറിച്ച് കേസ്സെടുത്ത് അന്വേഷണം തുടങ്ങിയെന്നും മുഖ്യമന്ത്രി വ്യക്തമാക്കി. ഇ-മെയില്‍ വിവാദം സംബന്ധിച്ച അന്വേഷണ റിപ്പോര്‍ട്ട് സര്‍ക്കാരിന് കിട്ടിയിട്ടില്ല. എന്നാല്‍ സര്‍ക്കാരിന്റെ പക്കലുള്ള രേഖ നഷ്ടപ്പെടാനുണ്ടായ സാഹചര്യത്തെക്കുറിച്ച് വ്യക്തമായ ചില സൂചനകള്‍ ലഭിച്ചിട്ടുണ്ട്. ഇക്കാര്യത്തില്‍ കേസ് രജിസ്റ്റര്‍ചെയ്ത് അന്വേഷണം തുടങ്ങി-മുഖ്യമന്ത്രി പറഞ്ഞു.

ആകാശനഗരം: തീരപരിപാലന അതോറിറ്റിയുടെ റിപ്പോര്‍ട്ട് മറികടന്ന്

Thu, 02 Feb 2012 07:36:44 +0530

കണ്ണൂര്‍: കൊച്ചി ചെലവന്നൂര്‍ കായലിനു മുകളില്‍ സ്വകാര്യ കമ്പനി നടപ്പാക്കാനുദ്ദേശിക്കുന്ന 'ആകാശ നഗരം' പദ്ധതിക്ക് ഉപാധികളോടെ അനുമതി നല്‍കി വ്യവസായ വകുപ്പ് ഉത്തരവിറക്കിയത് തീരദേശ പരിപാലന അതോറിറ്റിയുടെ റിപ്പോര്‍ട്ട് മറികടന്ന്. കായലിന് മുകളിലൂടെ നാല് കിലോമീറ്റര്‍ നീളത്തിലും 40 മീറ്റര്‍ വീതിയിലും പാലം പണിത് ഷോപ്പിങ് മാളുകളും അപ്പാര്‍ട്ടുമെന്‍റുകളും സ്ഥാപിക്കുന്നതാണ് പദ്ധതി. ഇത് നടപ്പായാല്‍ ഗുരുതരമായ പാരിസ്ഥിതിക ആഘാതമാണ് ഉണ്ടാവുകയെന്നാണ് തീരദേശ പരിപാല അതോറിറ്റി നടത്തിയ പഠനത്തില്‍ കണ്ടെത്തിയത്. ഇതിന്റെ അടിസ്ഥാനത്തില്‍, പദ്ധതി റദ്ദാക്കാന്‍ വല്ല കാരണവും ബോധിപ്പിക്കാനുണ്ടെങ്കില്‍ അറിയിക്കണമെന്ന് കാണിച്ച് 2011 ഫിബ്രവരി മൂന്നിന് അതോറിറ്റി ചെയര്‍മാന്‍ കമ്പനി മാനേജിങ് ഡയറക്ടര്‍ക്ക് കാരണം കാണിക്കല്‍ നോട്ടീസ് നല്‍കിയിരുന്നു. ഇത് മറച്ചുവെച്ചാണ് വ്യവസായ വകുപ്പ് ഇപ്പോള്‍ പദ്ധതിക്ക് അനുമതി നല്‍കി ഉത്തരവിറക്കിയിരിക്കുന്നത്. മൂന്നംഗവിദഗ്ധ സമിതിയെക്കൊണ്ടാണ് തീരദേശമാനേജ്‌മെന്‍റ് അതോറിറ്റി പഠനം നടത്തിയത്. ഈ റിപ്പോര്‍ട്ടിന്റെ....

കൊച്ചി മെട്രോ: കേന്ദ്രാനുമതി നീളും

Thu, 02 Feb 2012 07:36:44 +0530

* തീരുമാനമെടുക്കേണ്ട നിര്‍ണായകയോഗം നടന്നില്ല * ആസൂത്രണക്കമ്മീഷനും നിലപാട് വ്യക്തമാക്കിയില്ല ന്യൂഡല്‍ഹി: കൊച്ചി മെട്രോ പദ്ധതിക്കുള്ള കേന്ദ്രഅംഗീകാരം വീണ്ടും ഇഴഞ്ഞുനീങ്ങുന്നു. പദ്ധതിക്ക് കേന്ദ്രാനുമതി ലഭിക്കുന്നതിന്റെ മുന്നോടിയായുള്ള പൊതു-നിക്ഷേപകബോര്‍ഡി(പി.ഐ.ബി.)ന്റെ യോഗം ഉദ്യോഗസ്ഥതലത്തിലുള്ള നടപടിക്രമങ്ങള്‍ വൈകിയതിനാല്‍ നടന്നില്ല. ജനവരി 31നുമുമ്പ് യോഗം വിളിക്കാന്‍ കേന്ദ്ര കാബിനറ്റ് സെക്രട്ടറിയുടെ അധ്യക്ഷതയിലുള്ള ഉന്നതതലയോഗം തീരുമാനിച്ചിരുന്നു.എന്നാല്‍, ഇത് അനന്തമായി നീളുമെന്നാണ് സൂചന. കേന്ദ്രധനമന്ത്രാലയത്തിനു കീഴില്‍ ചെലവുകാര്യസെക്രട്ടറി അധ്യക്ഷനായുള്ള സമിതിയാണ് പി.ഐ.ബി. ഈ സമിതിയുടെ ശുപാര്‍ശയനുസരിച്ചു മാത്രമേ കൊച്ചി മെട്രോപദ്ധതിക്ക് കേന്ദ്രമന്ത്രിസഭയ്ക്ക് അനുമതി നല്‍കാനാവൂ. പി.ഐ.ബി. യോഗത്തിനുമുമ്പ് 23-ന് വിവിധ മന്ത്രാലയങ്ങളില്‍നിന്നുള്ള പ്രതികരണറിപ്പോര്‍ട്ട് സ്വരൂപിക്കാന്‍ കേന്ദ്ര കാബിനറ്റ്‌സെക്രട്ടറി വിളിച്ച ഉന്നതതലയോഗം തീരുമാനിച്ചിരുന്നു. എന്നാല്‍, വിവിധ മന്ത്രാലയങ്ങള്‍ക്ക് അയച്ചുകൊടുക്കാനുള്ള....

ദേശീയപാത: സ്ഥലമെടുപ്പുമായി മുന്നോട്ടുപോകും-മുഖ്യമന്ത്രി

Thu, 02 Feb 2012 07:36:44 +0530

തിരുവനന്തപുരം: ദേശീയപാത 47-ലെ ബാക്കിഭാഗങ്ങളും ദേശീയപാത 17-ലെ മുഴുവന്‍ ഭാഗങ്ങളും വികസിപ്പിക്കുന്നതിനാവശ്യമായ സ്ഥലമെടുപ്പുമായി സര്‍ക്കാര്‍ മുന്നോട്ടുപോകുമെന്ന് മുഖ്യമന്ത്രി ഉമ്മന്‍ചാണ്ടി അറിയിച്ചു. സംസ്ഥാന സര്‍ക്കാരും നാഷണല്‍ ഹൈവേ അതോറിറ്റിയും കണ്‍സഷണര്‍ കമ്പനിയും തമ്മില്‍ ഒപ്പിട്ടിട്ടുള്ള ത്രികക്ഷികരാര്‍ അനുസരിച്ച് ടോള്‍ പിരിക്കുന്നതിനുള്ള സാഹചര്യം ഒരുക്കേണ്ടത് സംസ്ഥാന സര്‍ക്കാരിന്റെ കടമയാണ്. കരാര്‍ അനുസരിച്ചുള്ള പണികള്‍ പൂര്‍ത്തിയാക്കി കഴിഞ്ഞാലും ടോള്‍ പിരിക്കാന്‍ കഴിയാതെവന്നാല്‍ സംസ്ഥാനത്ത് പി.പി.പി., ബി.ഒ.ടി. പദ്ധതികള്‍ ഏറ്റെടുക്കാന്‍ ഇന്‍ഫ്രാസ്ട്രക്ചര്‍ കമ്പനികള്‍ ഒന്നും മുന്നോട്ടുവരാത്ത സാഹചര്യം ഉണ്ടാകും. കേരളത്തിലെ വാഹനങ്ങളുടെ 80 ശതമാനത്തോളം ഓടുന്ന എന്‍.എച്ച്-17ഉം എന്‍.എച്ച്-47ഉം പൂര്‍ണമായും നാലുവരിയാക്കുന്നതിനുള്ള ശ്രമങ്ങള്‍ക്ക് ജനങ്ങളുടെ സഹകരണവും സര്‍ക്കാര്‍ അഭ്യര്‍ഥിച്ചു.

മുഖ്യമന്ത്രിക്കുവേണ്ടി പോസ്റ്റര്‍ ഒട്ടിച്ചാലും നടപടി -ഉമ്മന്‍ചാണ്ടി

Thu, 02 Feb 2012 07:36:44 +0530

തിരുവനന്തപുരം: തനിക്കുവേണ്ടി പോലീസുകാര്‍ പോസ്റ്റര്‍ പതിപ്പിച്ചാലും നടപടിയെടുക്കുമെന്ന് മുഖ്യമന്ത്രി ഉമ്മന്‍ചാണ്ടി പറഞ്ഞു. പോലീസ് അസോസിയേഷന്‍ പ്രവര്‍ത്തകര്‍ മുഖ്യമന്ത്രിക്ക് അഭിവാദ്യമര്‍പ്പിച്ചുകൊണ്ട് പോസ്റ്റര്‍ പതിപ്പിച്ചിരുന്നതായി കെ.സുധാകരന്‍ എം.പിയുടെ പ്രസ്താവന ശ്രദ്ധയില്‍പ്പെടുത്തിയപ്പോഴായിരുന്നു ഉമ്മന്‍ചാണ്ടി ഇങ്ങനെ പ്രതികരിച്ചത്. കോണ്‍ഗ്രസില്‍ എ-ഐ ഗ്രൂപ്പ് വഴക്ക് വീണ്ടും പ്രത്യക്ഷപ്പെടുന്നതായി ചൂണ്ടിക്കാണിച്ചപ്പോള്‍, നിങ്ങള്‍ വിചാരിക്കുന്നതുപോലെ പ്രശ്‌നങ്ങള്‍ ഒന്നുമില്ലെന്നായിരുന്നു മുഖ്യമന്ത്രിയുടെ മറുപടി. ''കണ്ണൂരില്‍ പോസ്റ്റര്‍ വിവാദമുണ്ടായപ്പോള്‍ തന്നെ എന്റെ നിലപാട് വിശദീകരിച്ചതാണ്. എന്നാല്‍ ഞാന്‍ പറഞ്ഞത് മുഴുവനായി ചാനലുകള്‍ കൊടുത്തില്ല. പിറ്റേന്ന് ചില പത്രങ്ങള്‍ കുറച്ചു ഭാഗം കൊടുത്തു. കഴിഞ്ഞതവണ ഞാന്‍ മുഖ്യമന്ത്രിയായിരുന്നപ്പോള്‍ എനിക്ക് അഭിവാദ്യമര്‍പ്പിച്ചുകൊണ്ട് പോസ്റ്റര്‍ പതിപ്പിച്ച ചങ്ങനാശ്ശേരിയിലെ പോലീസുകാരെ സസ്‌പെന്‍ഡ് ചെയ്തിരുന്നു. പോലീസുകാര്‍ക്ക് പബ്ലിസിറ്റി....

സ്റ്റോപ്പുകള്‍ കുറയ്ക്കാന്‍ റെയില്‍വേ പിന്തുണ തേടി

Thu, 02 Feb 2012 07:36:44 +0530

സൂപ്പര്‍ഫാസ്റ്റ് ട്രെയിനുകള്‍ക്ക് തിരുവനന്തപുരം ഡിവിഷനില്‍ ആറുസ്റ്റോപ്പു മതിയെന്ന് നിര്‍ദ്ദേശം തിരുവനന്തപുരം: ദീര്‍ഘദൂര സൂപ്പര്‍ഫാസ്റ്റ് ട്രെയിനുകളുടെ സ്റ്റോപ്പുകള്‍ കുറയ്ക്കാന്‍ സര്‍ക്കാരിന്റെ പിന്തുണ വേണമെന്ന് റെയില്‍വേ. ട്രെയിനുകളുടെ സമയത്തില്‍ കൃത്യത പാലിക്കാനും സഞ്ചാരസമയം ലാഭിക്കാനുമാണിത്. റെയില്‍വേ ബജറ്റിനുമുന്നോടിയായി സംസ്ഥാനത്തിന്റെ ആവശ്യങ്ങളെക്കുറിച്ച് ചര്‍ച്ച ചെയ്യാന്‍ മുഖ്യമന്ത്രി ഉമ്മന്‍ചാണ്ടി വിളിച്ച യോഗത്തിലാണ് തിരുവനന്തപുരം റെയില്‍വേ ഡിവിഷന്‍ അധികൃതര്‍ ഈ നിര്‍ദ്ദേശം മുന്നോട്ടുവെച്ചത്. തിരുവനന്തപുരം മുതല്‍ വള്ളത്തോള്‍നഗര്‍ വരെയുള്ള ദൂരത്തില്‍ സൂപ്പര്‍ഫാസ്റ്റ് ട്രെയിനുകള്‍ക്ക് ആറുസ്റ്റോപ്പുകളേ പാടുള്ളൂവെന്നാണ് റെയില്‍വേ ആഗ്രഹിക്കുന്നത്. ഇപ്പോള്‍ ഈ ദൂരത്തില്‍ പത്തുമുതല്‍ 15 വരെ സ്റ്റോപ്പുകളുണ്ട്. മറ്റ് സംസ്ഥാനങ്ങളെക്കാള്‍ വ്യത്യസ്തമായി കേരളത്തില്‍ റെയില്‍വേ സ്റ്റേഷനുകളുടെ എണ്ണവും കൂടുതലാണ്. തിരുവനന്തപുരം ഡിവിഷനില്‍തന്നെ നൂറ് സ്റ്റേഷനുകളുണ്ട്. ചില സ്റ്റോപ്പുകള്‍....

വിഴിഞ്ഞം തുറമുഖം: വെല്‍സ്‌പണ്‍ കണ്‍സോര്‍ഷ്യത്തെ പരിഗണിക്കും

Thu, 02 Feb 2012 07:36:44 +0530

തിരുവനന്തപുരം: കേന്ദ്രത്തിന്റെ അംഗീകാരം ലഭിച്ചതോടെ വിഴിഞ്ഞം തുറമുഖത്തിന്റെ നടത്തിപ്പിന് വെല്‍സ്പണ്‍ കണ്‍സോര്‍ഷ്യം നല്‍കിയ ടെന്‍ഡര്‍ പരിശോധിക്കാന്‍ സംസ്ഥാന മന്ത്രിസഭായോഗം തീരുമാനിച്ചു. കണ്‍സോര്‍ഷ്യം ഓഫ് വെല്‍സ്പണ്‍, മുന്ദ്ര പോര്‍ട്‌സ് എന്നീ രണ്ടുകമ്പനികളാണ് വിഴിഞ്ഞം തുറമുഖ നടത്തിപ്പിനുള്ള ടെന്‍ഡറില്‍ പങ്കെടുത്തത്. ഇതില്‍ മുന്ദ്രയുടെ അപേക്ഷയ്ക്ക് സുരക്ഷാ കാരണങ്ങളാല്‍ അനുമതി നല്‍കാന്‍ കഴിയില്ലെന്ന് കേന്ദ്ര സര്‍ക്കാര്‍ അറിയിച്ചു. ഒരു അപേക്ഷകന്‍ മാത്രമുള്ള സ്ഥിതിക്ക് വെല്‍സ്പണിന്റെ ടെന്‍ഡര്‍ പരിഗണിക്കുന്നതിനെക്കുറിച്ച് സംസ്ഥാന സര്‍ക്കാരിന് ആശയക്കുഴപ്പമുണ്ടായിരുന്നു. എന്നാല്‍ വെല്‍സ്പണിന്റെ അപേക്ഷ പരിഗണിക്കാന്‍ മന്ത്രിസഭ തീരുമാനിച്ചതായി മുഖ്യമന്ത്രി ഉമ്മന്‍ചാണ്ടി അറിയിച്ചു. ''വെല്‍സ്പണ്‍ കണ്‍സോര്‍ഷ്യത്തിന് കേന്ദ്ര ആഭ്യന്തര മന്ത്രാലയത്തിന്റെ സുരക്ഷാ അനുമതി ലഭിച്ചതായി തുറമുഖ വകുപ്പ് സംസ്ഥാന സര്‍ക്കാരിനെ അറിയിച്ചിട്ടുണ്ട്. അവരുടെ അപക്ഷേ പരിഗണനയ്‌ക്കെടുക്കാന്‍ മന്ത്രിസഭ തീരുമാനിച്ചു. എന്നാല്‍....

സൈബര്‍ സാമ്പത്തിക തട്ടിപ്പുകള്‍ക്കെതിരെ ജാഗ്രത പുലര്‍ത്തണം

Thu, 02 Feb 2012 07:36:44 +0530

കൊച്ചി:ഇന്‍റര്‍നെറ്റ് വഴി വ്യാപകമായിക്കൊണ്ടിരിക്കുന്ന സാമ്പത്തിക തട്ടിപ്പുകള്‍ക്കെതിരെ സമൂഹം ഉണര്‍ന്ന് പ്രവര്‍ത്തിക്കേണ്ടത് അത്യാവശ്യമായി തീര്‍ന്നിരിക്കുകയാണെന്ന് റിസര്‍വ് ബാങ്കിന്റെ ആഭിമുഖ്യത്തില്‍ പോലീസ് ഓഫീസര്‍മാര്‍ക്കായി കൊച്ചിയില്‍ സംഘടിപ്പിച്ച ബോധവത്കരണ സെമിനാര്‍ വിലയിരുത്തി. ഡിജിറ്റല്‍ സാങ്കേതിക വിദ്യയിലേക്ക് സമൂഹം കാല്‍വയ്ക്കുന്നതിനൊപ്പം, ഇതേ മേഖലയില്‍ കുറ്റകൃത്യങ്ങളും ഏറിവരികയാണെന്നും ഇത്തരം തട്ടിപ്പുകള്‍ക്കെതിരെ പൊതുസമൂഹം ജാഗ്രത പുലര്‍ത്തണമെന്നും സെമിനാര്‍ അഭിപ്രായപ്പെട്ടു. ഇ-മെയിലുകള്‍ വഴിയും എസ്.എം.എസ്സുകള്‍ വഴിയും വന്‍തുകകള്‍ വാഗ്ദാനം ചെയ്തുകൊണ്ടുള്ള തട്ടിപ്പുകള്‍ വ്യാപകമായിക്കൊണ്ടിരിക്കുന്ന സാഹചര്യത്തിലാണ് റിസര്‍വ് ബാങ്കിന്റെ ആഭിമുഖ്യത്തില്‍ ബോധവത്കരണ പരിപാടി സംഘടിപ്പിച്ചത്. വിവിധ ജില്ലകളില്‍ നിന്നായി ഡിവൈ.എസ്.പി.മാര്‍ തുടങ്ങി എസ്.ഐ. വരെയുള്ള നൂറോളം ഉദ്യോഗസ്ഥര്‍ പങ്കെടുത്ത സെമിനാറില്‍, സാമ്പത്തിക തട്ടിപ്പുകള്‍ക്കെതിരെയും ഐ.ടി. കുറ്റകൃത്യങ്ങള്‍ക്കെതിരെയും ഭാവിയില്‍....

വിജയകാന്തിനെയും ഡി.എം.ഡി.കെ അംഗങ്ങളെയും പുറത്താക്കി

Thu, 02 Feb 2012 07:36:44 +0530

ചെന്നൈ: തമിഴ്‌നാട് നിയമസഭയില്‍നിന്ന് പ്രതിപക്ഷ നേതാവ് വിജയകാന്തിനെയും അദ്ദേഹത്തിന്റെ പാര്‍ട്ടിയായ ഡി.എം.ഡി.കെയിലെ എം.എല്‍.എമാരെയും സ്പീക്കര്‍ പുറത്താക്കി. ഗവര്‍ണറുടെ നയപ്രഖ്യാപന പ്രസംഗത്തിന്റെ നന്ദിപ്രമേയ ചര്‍ച്ചക്കിടെയാണ് നിയമസഭയില്‍ നാടകീയ രംഗങ്ങള്‍ അരങ്ങേറിയത്. ബസ് യാത്രാ നിരക്കും പാല്‍വിലയും വര്‍ദ്ധിച്ചത് ഡി.എം.ഡി.കെ അംഗങ്ങള്‍ സംഭയില്‍ ഉന്നയിച്ചു. തുടര്‍ന്ന് മുഖ്യമന്ത്രി ജയലളിതയും ഡി.എം.ഡി.കെ അംഗങ്ങളും തമ്മില്‍ വാക്കേറ്റമുണ്ടായി. തുടര്‍ന്നാണ് സ്പീക്കര്‍ വിജയകാന്തിനെയും പ്രതിപക്ഷ എം.എല്‍.എമാരെയും പുറത്താക്കിയത്. തിരഞ്ഞെടുപ്പില്‍ വിജയകാന്തിന്റെ ഡി.എം.ഡി.കെയുമായി സഖ്യമുണ്ടാക്കിയതില്‍ ഖേദിക്കുന്നുവെന്ന് ജയലളിത പിന്നീട് പറഞ്ഞു. ഡി.എം.ഡി.കെയുടെ സഹായം ഇല്ലായിരുന്നുവെങ്കിലും എ.ഐ.എ.ഡി.എം.കെ തിരഞ്ഞെടുപ്പില്‍ വിജയിക്കുമായിരുന്നുവെന്ന് അവര്‍ കൂട്ടിച്ചേര്‍ത്തു. പ്രതിപക്ഷാംഗങ്ങളുടെ നിയമസഭയിലെ പെരുമാറ്റം സ്പീക്കര്‍ ഡി ജയകുമാര്‍ അവകാശ സമിതിയ്ക്ക് വിട്ടു. നിയമസഭാ തിരഞ്ഞെടുപ്പില്‍ ഒരുമിച്ച് മത്സരിച്ച ഡി.എം.ഡി.കെയും....

ധനക്കമ്മി മൊത്ത ആഭ്യന്തര ഉത്പാദനത്തിന്റെ 5.6 ശതമാനമാവും

Thu, 02 Feb 2012 07:36:44 +0530

ന്യൂഡല്‍ഹി: നടപ്പു സാമ്പത്തിക വര്‍ഷത്തിലെ ധനക്കമ്മി നേരത്തെ അനുമാനിച്ചതിനെക്കാള്‍ ഒരു ശതമാനം ഉയര്‍ന്ന് 5.6 ശതമാനമായിരിക്കുമെന്ന് പ്രധാനമന്ത്രിയുടെ സാമ്പത്തിക കാര്യ ഉപദേഷ്ടാവായ എം. ഗോവിന്ദ റാവു. ഏപ്രില്‍ മുതല്‍ ഡിസംബര്‍ വരെയുള്ള കാലയളവില്‍ തന്നെ ധനക്കമ്മി വര്‍ഷത്തില്‍ പ്രതീക്ഷിച്ചിരുന്നതിന്റെ 92.3 ശതമാനത്തോളം ആയിക്കഴിഞ്ഞു. കാര്യക്ഷമമായ നികുതി പിരിവിന്റെ അഭാവമാണ് ഇതിന് കാരണമായി വിലയിരുത്തപ്പെടുന്നത്. സര്‍ക്കാരിന് ഇക്കാലയളവില്‍ 5.2 ലക്ഷം കോടി രൂപ വരുമാനം നേടാന്‍ സാധിച്ചിട്ടുണ്ട്. എന്നാലിത് നേരത്തെ പ്രതീക്ഷിച്ചിരുന്നതിന്റെ 61 ശതമാനം മാത്രമാണ്. നടപ്പു സാമ്പത്തിക വര്‍ഷം തീരാന്‍ മൂന്ന് മാസം മാത്രം ശേഷിക്കെ നേരത്തെ പ്രതീക്ഷിച്ചിരുന്ന വരുമാനം നേടാന്‍ സാധിക്കുമെന്ന കാര്യത്തില്‍ സാമ്പത്തിക വിദഗ്ധര്‍ സംശയം പ്രകടിപ്പിച്ചു.

സെന്‍സെക്‌സ് നേട്ടത്തില്‍ തിരിച്ചെത്തി

Thu, 02 Feb 2012 07:36:44 +0530

മുംബൈ: നഷ്ടത്തോടെ വ്യാപാരമാരംഭിച്ച ഇന്ത്യന്‍ ഓഹരി വിപണി നേട്ടത്തില്‍ തിരച്ചെത്തി വ്യാപാരമവസാനിപ്പിച്ചു. സെന്‍സെക്‌സ് 107.03 പോയന്റ് നേട്ടത്തോടെ 17300.58 പോയന്റിലും നിഫ്റ്റി 36.45 പോയന്റ് നേട്ടത്തോടെ 5235.70 പോയന്റിലുമാണ് വ്യാപാരമവസാനിപ്പിച്ചു. 17,179.64 പോയന്റില്‍ വ്യാപാരമാരംഭിച്ച സെന്‍സെക്‌സ് ഒരവസരത്തില്‍ 17,327.21 പോയന്റിലേക്കും 5198.15 പോയന്റില്‍ തുടങ്ങിയ നിഫ്റ്റി 5244.60 പോയന്റിലേക്കും ഉയര്‍ന്നു. മുന്‍നിര ഓഹരികളില്‍ ജിന്‍ഡാല്‍ സ്റ്റീല്‍, ടാറ്റാ സ്റ്റീല്‍, ഹിന്‍ഡാല്‍ക്കോ, ജയപ്രകാശ് അസോസിയേറ്റ്‌സ് എന്നീ ഓഹരികള്‍ നേട്ടത്തിലാണ് വ്യാപാരമവസാനിപ്പിച്ചത്.

നിയമ വിരുദ്ധമായി പ്രവര്‍ത്തിച്ചാല്‍ നടപടി: മുഖ്യമന്ത്രി

Thu, 02 Feb 2012 07:36:44 +0530

തിരുവനന്തപുരം: നിയമവിരുദ്ധമായി ആര് പ്രവര്‍ത്തിച്ചാലും നടപടിയുണ്ടാവുമെന്ന് മുഖ്യമന്ത്രി ഉമ്മന്‍ചാണ്ടി. കണ്ണൂരിലെ പോസ്റ്റര്‍ വിവാദത്തെക്കുറിച്ചുള്ള മാധ്യമ പ്രവര്‍ത്തകരുടെ ചോദ്യത്തിന് മറുപടി നല്‍കവെയാണ് അദ്ദേഹം ഇക്കാര്യം പറഞ്ഞത്. തനിക്ക് അഭിവാദ്യം അര്‍പ്പിച്ച് ചങ്ങനാശ്ശേരിയില്‍ പോസ്റ്റര്‍ പതിച്ച പോലീസുകാരനെ മുന്‍പ് സസ്‌പെന്‍ഡ് ചെയ്തിട്ടുണ്ടെന്ന് അദ്ദേഹം പറഞ്ഞു. ഇ മെയില്‍ വിവാദത്തില്‍ കേസ് രജിസ്റ്റര്‍ ചെയ്ത് അന്വേഷണം തുടങ്ങിക്കഴിഞ്ഞു. തെളിവുകള്‍ ലഭിച്ചിട്ടുണ്ട്. അന്വേഷണ റിപ്പോര്‍ട്ട് ലഭിച്ചാലുടന്‍ ഇക്കാര്യത്തില്‍ നടപടിയുണ്ടാവും. സംസ്ഥാനത്തിന്റെ സാമ്പത്തികനില മോശമാണെങ്കിലും ആശങ്ക വേണ്ടെന്ന് മുഖ്യമന്ത്രി പറഞ്ഞു. മന്ത്രിസഭാ യോഗത്തിനുശേഷം മാധ്യമ പ്രവര്‍ത്തകരോട് സംസാരിക്കവെയാണ് അദ്ദേഹം ഇക്കാര്യങ്ങള്‍ പറഞ്ഞത്.

ഡിസംബറിലെ കയറ്റുമതി 6.7 ശതമാനം വര്‍ധിച്ചു

Thu, 02 Feb 2012 07:36:44 +0530

ന്യൂഡല്‍ഹി: ഡിസംബര്‍ മാസത്തിലെ കയറ്റുമതി 6.7 ശതമാനം വര്‍ധിച്ച് 250 കോടി ഡോളറിലെത്തി. യൂറോപ്പ്, അമേരിക്ക എന്നീ വിപണികളില്‍ ഉത്പന്നങ്ങള്‍ക്ക് ഡിമാന്‍ഡ് കുറഞ്ഞതാണ് കയറ്റുമതിയില്‍ പ്രതീക്ഷിച്ച വളര്‍ച്ച കൈവരിക്കാന്‍ കഴിയാഞ്ഞതിന് കാരണം. അതേസമയം, ഇറക്കുമതി 19.8 ശതമാനം ഉയര്‍ന്ന് 3770 കോടി ഡോളറായി. 2010 ഡിസംബര്‍ മാസത്തില്‍ കയറ്റുമതി 2340 കോടി ഡോളറും ഇറക്കുമതി 3150 കോടി ഡോളറുമായിരുന്നു. നടപ്പു സാമ്പത്തിക വര്‍ഷത്തിന്റെ ആദ്യ ഒമ്പത് മാസക്കാലയളവില്‍ ഇറക്കുമതി 30.3 ശതമാനം ഉയര്‍ന്നു. ഡിസംബര്‍ മാസത്തില്‍ എണ്ണയുടെ ഇറക്കുമതി 11.2 ശതമാനവും എണ്ണ ഇതര ഇറക്കുമതി 23.3 ശതമാനവും കൂടി.

കുട്ടിക്രിക്കറ്റിലും തോല്‍വി തന്നെ

Thu, 02 Feb 2012 07:36:44 +0530

സിഡ്‌നി: ടെസ്റ്റ് മാത്രമല്ല, ഇന്ത്യയോട് ട്വന്റി 20യും കളിക്കാന്‍ മറന്നുപോയിരിക്കുന്നു. ടെസ്റ്റിലെ വൈറ്റ്‌വാഷിനുശേഷം മാനംകാക്കാന്‍ ഓസ്‌ട്രേലിയയോടെ ട്വന്റി 20 കളിക്കാനിറങ്ങിയ ഇന്ത്യയ്ക്ക് അവിടെയും പരാജയം തന്നെബാറ്റ്‌സ്മാന്മാര്‍ ഒരിക്കല്‍ക്കൂടി ബലഹീനത പ്രകടമാക്കിയപ്പോള്‍ 31 റണ്‍സിനാണ് ഇന്ത്യ പരാജയപ്പെട്ടത്. ഇന്ത്യന്‍ ബൗളിങ്ങിനേക്കള്‍ മഴയോട് മല്ലിട്ട് ഓസ്‌ട്രേലിയ ആദ്യം ഇരുപത് ഓവറില്‍ 171 റണ്‍സാണ് നേടിയത്. മറുപടിയായി ക്രീസിലിറങ്ങിയ ഇന്ത്യയ്ക്ക് ആറു വിക്കറ്റ് നഷ്ടത്തില്‍ 140 റണ്‍സ് മാത്രമാണ് നേടാനായത്. 48 റണ്‍സ് നേടി പുറത്താകാതെ നിന്ന ക്യാപ്റ്റന്‍ ധോനിയാണ് ഇന്ത്യയുടെ ടോപ്‌സ്‌കോറര്‍. കളി നിര്‍ത്തുമ്പോള്‍ 15 റണ്‍സെടുത്ത അശ്വിന്‍ പുറത്താകാതെ കൂട്ടുണ്ടായിരുന്നു. അവസാന ഓവറുകളില്‍ ഇവര്‍ നടത്തിയ ചെറുത്തുനില്‍പ്പ് മാത്രമാണ് ഇന്ത്യയ്ക്ക് ഓര്‍ക്കാനുണ്ടായിരുന്നത്. ഫലമൊന്നുമുണ്ടാക്കിയില്ലെങ്കിലും ഏഴാം വിക്കറ്റില്‍ ഇവര്‍ 59 റണ്‍സിന്റെ കൂട്ടുകെട്ട് പടുത്തുയര്‍ത്തി. രണ്ടാം വിക്കറ്റില്‍ കോലിയും ഗംഭീറും ചേര്‍ന്ന് നേരത്തെ....

സിറ്റിക്ക് തോല്‍വി, ചെല്‍സിക്ക് സമനില

Thu, 02 Feb 2012 07:36:44 +0530

ലണ്ടന്‍ : എവര്‍ടണിനോട് അപ്രതീക്ഷിത തോല്‍വി ഏറ്റുവാങ്ങേണ്ടിവന്നെങ്കിലും മാഞ്ചസ്റ്റര്‍ സിറ്റി ഇംഗ്ലീഷ് പ്രീമിയര്‍ ലീഗില്‍ ഒന്നാം സ്ഥാനത്ത് തുടരുകയാണ്. സ്‌റ്റോക്ക് സിറ്റിയെ മടക്കമില്ലാത്ത രണ്ടു ഗോളിന് തകര്‍ത്ത യുണൈറ്റഡിനൊപ്പം 54 പോയിന്റാണുള്ളതെങ്കിലും മികച്ച ഗോള്‍ശരാശരിയാണ് സിറ്റിക്ക് ഗുണമായത്. വീഗനെ ഒന്നിനെതിരെ മൂന്ന് ഗോളുകള്‍ക്ക് തകര്‍ത്ത ടോട്ടനം മൂന്നാം സ്ഥാനത്തുണ്ട്. ടോട്ടനത്തേക്കാള്‍ ഏഴ് പോയിന്റ് കുറവുള്ള ചെല്‍സി നാലാം സ്ഥാനത്താണ്. ടീമിനുവേണ്ടി ആദ്യഗോള്‍ നേടിയ ഡാരന്‍ ഗിബ്‌സണാണ് എവര്‍ടണിന് വിജയമൊരുക്കിയത്. അറുപതാം മിനിറ്റിലായിരുന്നു ഗിബ്‌സണിന്റെ ഗോള്‍. കൂടുതല്‍ തവണ പന്ത് കൈവശം വയ്ക്കുകയും കൂടുതല്‍ തവണ ഗോളിലേയ്ക്ക് നിറയൊഴിക്കുകയും ചെയ്തശേഷമാണ് സിറ്റി അപ്രതീക്ഷിത തോല്‍വി വഴങ്ങിയത്. സിറ്റി സ്‌ട്രൈക്കര്‍മാര്‍ പതിനൊന്ന് തവണ ഗോളിലേയ്ക്ക് നിറയൊഴിച്ചപ്പോള്‍ നാലു തവണ മാത്രമാണ് എവര്‍ടണ്‍താരങ്ങള്‍ക്ക് എതിര്‍ ഗോളിലേയ്ക്ക് നിറയൊഴിക്കാനായത്. ഹാവിയര്‍ ഹെര്‍ണാണ്ടസിന്റെയും ദിമിതര്‍ ബര്‍ബറ്റോവിയും....

കമ്മീഷനു മുന്നില്‍ മോഡി ഹാജരാകേണ്ടന്ന് കോടതി

Thu, 02 Feb 2012 07:36:44 +0530

അഹമ്മദാബാദ്: 2002 ലെ ഗോധ്രാനന്തര കലാപവുമായി ബന്ധപ്പെട്ട് മുഖ്യമന്ത്രി നരേന്ദ്രമോഡി നാനാവതി കമ്മീഷനു മുന്നില്‍ ഹാജരാകേണ്ട ആവശ്യമില്ലെന്ന് ഗുജറാത്ത് ഹൈക്കോടതി വ്യക്തമാക്കി. മോഡിയെ കമ്മീഷനു മുന്നില്‍ വിളിച്ചുവരുത്തി വിസ്തരിക്കണമെന്നാവശ്യപ്പെട്ട് ജനസംഘര്‍ഷ് മഞ്ച് എന്ന സംഘടന നല്‍കിയ ഹര്‍ജി തള്ളിക്കൊണ്ടാണ് കോടതി ഇക്കാര്യം അറിയിച്ചത്. ഈ സംഘടന ആവശ്യപ്പെട്ട പ്രകാരം മോഡിയേയും മറ്റ് ആറുപേരേയും ചോദ്യം ചെയ്യാനായി വിളിപ്പിക്കേണ്ടന്ന് 2009 സപ്തംബര്‍ 19ന് നാനാവതി കമ്മീഷന്‍ വിധിച്ചിരുന്നു. ഇതേത്തുടര്‍ന്നാണ് സംഘടന ഹൈക്കോടതിയില്‍ ഹര്‍ജി നല്‍കിയത്. നരേന്ദ്രമോഡി, അന്നത്തെ ആഭ്യന്തരമന്ത്രി ഗോര്‍ധന്‍ സദാഫിയ, ആരോഗ്യമന്ത്രി അശോക്ഭട്ട് എന്നിവരുള്‍പ്പെടെ ആറുപേരെ നേരിട്ട് വിളിപ്പിച്ച് ചോദ്യം ചെയ്യണമെന്നാണ് ജനസംഘര്‍ഷ മഞ്ചിന്റെ ആവശ്യം. ഹൈക്കടോതി വിധിക്കെതിരെ സുപ്രീം കോടതിയെ സമീപിക്കുമെന്ന് സംഘടനയുടെ അഭിഭാഷകന്‍ അറിയിച്ചു.

ഉത്പന്ന നിര്‍മാണ മേഖലയുടെ വളര്‍ച്ചാവേഗം കൂടി

Thu, 02 Feb 2012 07:36:44 +0530

ബാംഗ്ലൂര്‍: ജനവരി മാസത്തില്‍ ഇന്ത്യയുടെ ഉത്പന്ന നിര്‍മാണ മേഖലയുടെ വളര്‍ച്ചാ വേഗം കൂടി. വളര്‍ച്ച എട്ട് മാസക്കാലത്തെ ഏറ്റവും ഉയര്‍ന്ന നിലയിലാണ്. ആഭ്യന്തര വിപണിയില്‍ ആഗോള വിപണിയിലും ഉത്പന്നങ്ങള്‍ക്ക് ഡിമാന്‍ഡ് വര്‍ധിച്ചതാണ് മേഖലയുടെ വളര്‍ച്ചയ്ക്ക് മുതല്‍ക്കൂട്ടായത്. നവംബര്‍ മാസത്തിലെ വ്യാവസായിക ഉത്പാദനം 5.9 ശതമാനമാണ്. ഒക്ടോബര്‍ മാസത്തില്‍ 4.7 ശതമാനത്തിലേക്ക് താഴ്ന്നിതിന് ശേഷമാണ് ഉത്പാദനം തിരിച്ചു കയറിയത്. അതേസമയം മാര്‍ച്ചില്‍ അവാസനിക്കുന്ന വര്‍ഷത്തിലെ സാമ്പത്തിക വളര്‍ച്ച സംബന്ധിച്ച അനുമാനം നിരീക്ഷകര്‍ വെട്ടിചുരുക്കിയിട്ടുണ്ട്. 2011 സപ്തംബര്‍ മാസത്തിലെ സാമ്പത്തിക വളര്‍ച്ച 6.9 ശതമാനമായിരുന്നു. മൊത്ത വില അടിസ്ഥാനപ്പെടുത്തിയുള്ള പണപ്പെരുപ്പം രണ്ടു വര്‍ഷക്കാലത്തെ ഏറ്റവും താഴ്ന്ന നിലയായ 7.47 ശതമാനത്തിലേക്ക് താഴ്ന്നിട്ടുണ്ടെങ്കിലും ഉത്പന്ന നിര്‍മാണം സംബന്ധിച്ച പണപ്പെരുപ്പം ഉയരത്തില്‍ തുടരുകയാണ്.

ചരമം: ആനി ജേക്കബ് (റ്റാമ്പ)

Thu, 02 Feb 2012 07:36:44 +0530

താമ്പാ: അടൂര്‍ ചൂണ്ടോത്ത് കുടുംബാംഗം ആനി ജേക്കബ് (കുഞ്ഞുമോള്‍ 70) താമ്പായില്‍ അന്തരിച്ചു. ഭര്‍ത്താവ്: ജോര്‍ജ് ജേക്കബ് (അച്ചന്‍കുഞ്ഞ്). മക്കള്‍: ജേക്കബ് ജോര്‍ജ് (ജിനു), സാം സി. ജോര്‍ജ് (ജെറി), ആന്‍ മേരി തേക്കനാല്‍ ജോര്‍ജ് (കൊച്ചുമോള്‍). മരുമകള്‍: ആന്‍സി ജോര്‍ജ് (അനു). ഫിബ്രവരി മൂന്ന് വെള്ളിയാഴ്ച വൈകീട്ട് ആറു മുതല്‍ ഒന്‍പതുവരെ ഹില്‍സ്ബറോ മെമ്മോറിയല്‍ ഫ്യൂണറല്‍ ഹോമില്‍ പൊതുദര്‍ശനവും, ഫെബ്രുവരി നാലിന് ശനിയാഴ്ച രാവിലെ 11 മണിക്ക് ഹോളി ഇന്നസെന്റ്‌സ് ഗോസ്പല്‍ ചര്‍ച്ചില്‍ സി.എസ്.ഐ വൈദീകനായ പ്രിന്‍സ്റ്റണ്‍ ബെന്നിന്റെ നേതൃത്വത്തില്‍ ശവസംസ്‌കാര ശുശ്രൂഷകളും നടക്കും. കൂടുതല്‍ വിവരങ്ങള്‍ക്ക്: ദാനിയേല്‍ ചെറിയാന്‍ (813 503 1604). വാര്‍ത്ത അയച്ചത്: ജോയിച്ചന്‍ പുതുക്കുളം

സ്വര്‍ണ വിലയില്‍ മാറ്റമില്ല

Thu, 02 Feb 2012 07:36:44 +0530

കൊച്ചി: സ്വര്‍ണ വില മാറ്റമില്ലാതെ ഗ്രാമിന് 2630 രൂപയായും പവന് 21040 രൂപയായും തുടരുന്നു. അതേസമയം, ആഗോള വിപണിയിലെ വില നേരിയ തോതില്‍ താഴ്ന്നു. ട്രോയ് ഔണ്‍സിന് 0.84 ഡോളര്‍ താഴ്ന്ന് 1736.96 ഡോളര്‍ നിരക്കിലാണ് വ്യാപാരം തുടരുന്നത്.

മുന്‍ ഡി.എം.കെ മന്ത്രിയുടെ വീട്ടില്‍ വിജിലന്‍സ് റെയ്ഡ്‌

Thu, 02 Feb 2012 07:36:44 +0530

ചെന്നൈ: തമിഴ്‌നാട്ടിലെ മുന്‍ ഡി.എം.കെ സര്‍ക്കാരിലെ കൈത്തറി വികസന മന്ത്രി എന്‍.കെ.കെ.പി രാജയുടെ വീട്ടിലും ഓഫീസുകളിലും വിജിലന്‍സ് റെയ്ഡ്. അനധികൃതമായി സ്വത്തു സമ്പാദിച്ചുവെന്ന ആരോപണത്തെത്തുടര്‍ന്നാണ് പരിശോധന. തമിഴ്‌നാട്ടില്‍ എ.ഐ.ഡി.എം.കെ സര്‍ക്കാര്‍ അധികാരത്തില്‍ വന്ന ശേഷം റെയ്ഡിനിരയാകുന്ന ഒമ്പതാമത്തെ ഡി.എം.കെ മന്ത്രിയാണ് രാജ.

ഓഹരി വിപണി നഷ്ടത്തില്‍

Thu, 02 Feb 2012 07:36:44 +0530

മുംബൈ: ഇന്ത്യന്‍ ഓഹരി വിപണിയില്‍ നഷ്ടത്തോടെ തുടക്കം. സെന്‍സെക്‌സ് 58.47 പോയന്റ് നഷ്ടത്തോടെ 17135.08 പോയന്റിലും നിഫ്റ്റി 19.55 പോയന്റിന്റെ നേരിയ നഷ്ടത്തോടെ 5179.70 പോയന്റിലുമാണ് രാവിലെ 10.15ന് വ്യാപാരം തുടരുന്നത്. 17,179.64 പോയന്റില്‍ വ്യാപാരമാരംഭിച്ച സെന്‍സെക്‌സ് ഒരവസരത്തില്‍ 17,098.41 പോയന്റിലേക്കും 5198.15 പോയന്റില്‍ തുടങ്ങിയ നിഫ്റ്റി 5167.80 പോയന്റിലേക്കും ഉയര്‍ന്നു. മുന്‍നിര ഓഹരികളില്‍ സെസാ ഗോവ, എല്‍ ആന്‍ഡ് ടി, ജെ.പി അസോസിയേറ്റ്‌സ്, ആക്‌സിസ് ബാങ്ക്, ഇന്‍ഫോസിസ്, കോള്‍ ഇന്ത്യ, ഭാരതി, ഭെല്‍, സ്റ്റര്‍ലൈറ്റ് ഇന്‍ഡസ്ട്രീസ് എന്നീ ഓഹരികള്‍ നിക്ഷേപകരുടെ ലാഭമെടുക്കലിനെ തുടര്‍ന്ന് നഷ്ടത്തോടെയാണ് വ്യാപാരം തുടരുന്നത്.

ഇടപ്പള്ളി-മണ്ണുത്തി ടോള്‍ പിരിവ്: ചര്‍ച്ച പരാജയം

Thu, 02 Feb 2012 07:36:44 +0530

തിരുവനന്തപുരം: ഇടപ്പള്ളി-മണ്ണുത്തി പാതയിലെ പാലിയക്കരയില്‍ ടോള്‍ പിരിവുമായി ബന്ധപ്പെട്ടു നില്‍ക്കുന്ന തര്‍ക്കം പരിഹരിക്കാന്‍ മുഖ്യമന്ത്രി ഉമ്മന്‍ചാണ്ടിയുടെ അദ്ധ്യക്ഷതയില്‍ നടത്തിയ ചര്‍ച്ച പരാജയപ്പെട്ടു. സര്‍വീസ് റോഡിലെ യാത്ര സൗജന്യമാക്കാമെന്ന മുന്‍ നിലപാടില്‍ നിന്ന് മുഖ്യമന്ത്രി പിന്നോട്ടു പോയതായി ആരോപിച്ച സമരസമിതി പ്രവര്‍ത്തകര്‍ ശക്തമായ സമരവുമായി മുന്നോട്ട് പോകുമെന്ന് അറിയിച്ചു രാവിലെ ചേര്‍ന്ന യോഗത്തില്‍ പൊതുമരാമത്ത് മന്ത്രി വി. കെ.ഇബ്രാഹിംകുഞ്ഞ്, എം.പിമാര്‍, എം.എല്‍.എമാര്‍, തൃശ്ശൂര്‍ ജില്ലാ കളക്ടര്‍, പഞ്ചായത്ത് പ്രസിഡന്‍റുമാര്‍, സമരസമിതി നേതാക്കള്‍, നിര്‍മാണ കമ്പനി പ്രതിനിധികള്‍ തുടങ്ങിയവരും സംബന്ധിച്ചിരുന്നു. തര്‍ക്കം പരിഹരിക്കുന്നതിനായി മുഖ്യമന്ത്രി മൂന്നു തവണയും പൊതുമരാമത്ത് മന്ത്രി രണ്ടു തവണയും നേരത്തേ യോഗം വിളിച്ചിരുന്നുവെങ്കിലും ധാരണയിലെത്താനായില്ല. ജനങ്ങള്‍ ആവശ്യപ്പെട്ട സര്‍വീസ് റോഡ് സമയബന്ധിതമായി പൂര്‍ത്തിയാക്കുന്നതിനും തദ്ദേശവാസികള്‍ അനുഭവിച്ചിരുന്ന സൗകര്യങ്ങള്‍ നിലനിര്‍ത്തുന്നതിനും....

സൗമ്യ ആക്രമിക്കപ്പെട്ടിട്ട് ഒരുവര്‍ഷം

Thu, 02 Feb 2012 07:36:44 +0530

ഷൊറണൂര്‍: തീവണ്ടിയാത്രക്കിടെ അരുംകൊലചെയ്യപ്പെട്ട സൗമ്യയുടെ ഓര്‍മകള്‍ക്ക് ഒരുവര്‍ഷം തികയുമ്പോഴും റെയില്‍വേയുടെ സുരക്ഷാനടപടികള്‍ പഴയപടിതന്നെ. സൗമ്യയുടെ മരണത്തോടെ അനാഥമായ കുടുംബത്തിന് നല്‍കിയ വാഗ്ദാനവും പാഴായി. സൗമ്യയുടെ അനുജന് ജോലിനല്‍കാമെന്ന ഉറപ്പും പാലിക്കപ്പെട്ടില്ല.കഴിഞ്ഞവര്‍ഷം ഫിബ്രവരി ഒന്നിന് രാത്രി എറണാകുളം-ഷൊറണൂര്‍ പാസഞ്ചറില്‍ യാത്രചെയ്യവെയാണ് സൗമ്യ ക്രൂരമായി ആക്രമിക്കപ്പെടുന്നത്. വള്ളത്തോള്‍നഗര്‍ റെയില്‍വേസ്റ്റേഷനുസമീപം തീവണ്ടിയെത്തിയപ്പോള്‍ വനിതാകമ്പാര്‍ട്ട്‌മെന്റില്‍ കയറിയ ഗോവിന്ദച്ചാമി എന്നയാള്‍ സൗമ്യയെ ട്രെയിനില്‍നിന്ന് തള്ളിയിട്ട് മാനഭംഗപ്പെടുത്തുകയായിരുന്നു. ഗുരുതരമായി പരിക്കേറ്റ സൗമ്യ ഫിബ്രവരി ആറിന് ഉച്ചയ്ക്ക് മൂന്നോടെ തൃശ്ശൂര്‍ മെഡിക്കല്‍കോളേജാസ്പത്രിയില്‍ മരണമടഞ്ഞു. സംഭവത്തെത്തുടര്‍ന്ന് കേരളമെങ്ങും പ്രതിഷേധം അലയടിച്ചു. തീവണ്ടികളിലെ സ്ത്രീയാത്രക്കാര്‍ക്ക് സുരക്ഷാസംവിധാനം ശക്തിപ്പെടുത്തുമെന്ന് പ്രസ്താവിച്ച് തടിയൂരാനാണ് അധികൃതര്‍ ശ്രമിച്ചത്. വനിതാകമ്പാര്‍ട്ട്‌മെന്റുകള്‍....

ഫ്ലോറിഡ പ്രൈമറിയിലും മിറ്റ് റോംനിക്ക് വിജയം

Thu, 02 Feb 2012 07:36:44 +0530

റ്റാമ്പ (ഫ്ലോറിഡ): നവംബറില്‍ നടക്കുന്ന യു. എസ്. പ്രസിഡന്റ് തിരഞ്ഞെടുപ്പില്‍ ബരാക് ഒബാമയുടെ എതിരാളിയെ നിശ്ചയിക്കാന്‍ റിപ്പബ്ലിക്കന്‍ പാര്‍ട്ടിയില്‍ നടന്ന ഫ്ലോറിഡ പ്രൈമറിയില്‍ മസാച്യുസെറ്റ്‌സ് മുന്‍ ഗവര്‍ണര്‍ മിറ്റ് റോംനി വിജയിച്ചു. ഇതോടെ അദ്ദേഹം റിപ്പബ്ലിക്കന്‍ പാര്‍ട്ടിയുടെ മറ്റു സ്ഥാനാര്‍ഥിത്വ മോഹികളെ ബഹുദൂരം പിന്നിലാക്കി. റോംനിക്ക് 47 ശതമാനം വോട്ടുകള്‍ ലഭിച്ചപ്പോള്‍ പ്രധാന എതിരാളിയായ ന്യൂ ഗിങ്‌റിച്ചിന് 32 ശതമാനം വോട്ടുകളെ ലഭിച്ചുള്ളു. സൗത്ത് കരോലിന െ്രെപമറിയില്‍ റോംനി ഗിങ്‌റിച്ചിനോട് തോറ്റിരുന്നു. ആദ്യ മത്സരമായ അയോവാ കോക്കസില്‍ തലനാരിഴയ്ക്കു ജയിച്ച റോമ്‌നി ന്യൂ ഹാംഷെയര്‍ പ്രൈമറിയിലും വിജയം കരസ്ഥമാക്കി. റോംനിക്കും ഗിങ്‌റിച്ചിനും പുറമേ മുന്‍ സെനറ്റര്‍ റിക്ക് സാന്‍േറാറം , യു.എസ്. പ്രതിനിധി റോണ്‍ പോള്‍ എന്നിവരാണ് റിപ്പബ്ലിക്കന്‍ നിരയില്‍ സ്ഥാനാര്‍ഥിത്വത്തിനായി രംഗത്തുള്ള പ്രമുഖര്‍. നവംബറില്‍ നടക്കുന്ന യു.എസ്. പ്രസിഡന്‍റ് തിരഞ്ഞെടുപ്പില്‍ ഡെമോക്രാറ്റിക് പാര്‍ട്ടി ടിക്കറ്റില്‍ വീണ്ടും മത്സരിക്കുന്ന....

പാലക്കാട് ജില്ലയില്‍ സ്വകാര്യബസ് പണിമുടക്ക്‌

Thu, 02 Feb 2012 07:36:44 +0530

പാലക്കാട്: ജില്ലയിലെ സ്വകാര്യബസ് തൊഴിലാളികള്‍ ബുധനാഴ്ച പണിമുടക്കും. രാവിലെ 6 മുതല്‍ 6 വരെയാണ് സമരം. കുടിശ്ശികയായ വേരിയബിള്‍ ഡി.എ. നല്‍കാത്ത ബസ്സുടമകളുടെ നടപടിയില്‍ പ്രതിഷേധിച്ചാണ് സമരം. ഡെപ്യൂട്ടി ലേബര്‍ കമ്മീഷണര്‍ എ. രാധാകുമാരിയുടെ സാന്നിധ്യത്തില്‍ തൊഴിലാളികളും ബസ്സുടമകളും ചൊവ്വാഴ്ച നടത്തിയ ചര്‍ച്ച പരാജയപ്പെട്ടു. എന്നാല്‍, ബുധനാഴ്ച നടത്താനിരുന്ന ഓട്ടോറിക്ഷാസമരം ചര്‍ച്ചകളുടെ അടിസ്ഥാനത്തില്‍ പിന്‍വലിച്ചതായി ജില്ലാ ഓട്ടോറിക്ഷ കോഓര്‍ഡിനേഷന്‍ കമ്മിറ്റി നേതാക്കള്‍ അറിയിച്ചു.സി.ഐ.ടി.യു., ഐ.എന്‍.ടി.യു.സി., ബി.എം.എസ്. തൊഴിലാളികള്‍ സംയുക്തമായാണ് പണിമുടക്കിനിറങ്ങുന്നത്.

ആകാശനഗരത്തിന് ഉപാധികളോടെ അനുമതി

Thu, 02 Feb 2012 07:36:44 +0530

കൊച്ചി: കൊച്ചിയിലെ ആകാശനഗരം (സ്‌കൈസിറ്റി) പദ്ധതിക്ക് സംസ്ഥാന സര്‍ക്കാര്‍ തത്ത്വത്തില്‍ അംഗീകാരം നല്‍കി. ഉപാധികളോടെയാണ് അനുമതി. പദ്ധതിക്കാവശ്യമായ ലൈസന്‍സുകളും ക്ലിയറന്‍സുമെല്ലാം സംരംഭകരായ യശോറാം ഇന്‍ഫ്ര ഡെവലപ്പേഴ്‌സ് പ്രൈവറ്റ് ലിമിറ്റഡ് കമ്പനി തന്നെ സംഘടിപ്പിക്കണമെന്നാണ് സര്‍ക്കാര്‍ ആവശ്യപ്പെട്ടിരിക്കുന്നത്. അനുമതി തേടി 2007-ലാണ് പദ്ധതി സര്‍ക്കാരിന് സമര്‍പ്പിക്കുന്നത്. പദ്ധതിക്ക് ആദ്യം കേന്ദ്ര പരിസ്ഥിതി മന്ത്രാലയം അനുമതി നിഷേധിച്ചിരുന്നു. പദ്ധതി സംബന്ധിച്ച് ഹൈക്കോടതിയില്‍ ഒരു ഹര്‍ജി നിലവിലുണ്ട്. അനുമതി ലഭിച്ചതിന്റെ പശ്ചാത്തലത്തില്‍ പദ്ധതി യാഥാര്‍ത്ഥ്യമാക്കുന്നതിന് ആവശ്യമായ ക്ലിയറന്‍സ് നേടുന്നതിനുള്ള നടപടിക്രമങ്ങളുമായി മുന്നോട്ട് പോകുമെന്ന് യശോറാം ഇന്‍ഫ്ര ഡെവലപ്പേഴ്‌സ് പ്രൈവറ്റ് ലിമിറ്റഡ് അധികൃതര്‍ അറിയിച്ചു. നഗരത്തിലെ ഗതാഗതക്കുരുക്ക് കുറയ്ക്കുന്നതിനും വിനോദസഞ്ചാര വികസനം ലക്ഷ്യമിട്ടും വിഭാവനം ചെയ്യുന്നതാണ് സ്‌കൈസിറ്റി പദ്ധതി. കുണ്ടന്നൂരിന് സമീപത്തു നിന്നാരംഭിച്ച് കായലിന് മുകളിലൂടെ ചിലവന്നൂര്‍....

നാലുമാസത്തിനകം തീരുമാനിക്കണം

Thu, 02 Feb 2012 07:36:44 +0530

ന്യൂഡല്‍ഹി: അഴിമതിനിരോധന നിയമപ്രകാരം പൊതുപ്രവര്‍ത്തകരെ പ്രോസിക്യൂട്ട് ചെയ്യാന്‍ അനുമതി തേടുന്ന അപേക്ഷയില്‍ നാലു മാസത്തിനകം തീരുമാനമെടുക്കണമെന്ന് സുപ്രീം കോടതി വിധിച്ചു. അല്ലാത്തപക്ഷം അനുമതി ലഭിച്ചതായി കരുതി പ്രോസിക്യൂഷന്‍നടപടി തുടങ്ങാന്‍ അന്വേഷണഏജന്‍സികള്‍ക്കും പരാതി കോടതിയില്‍ നല്‍കി മറ്റു നടപടികള്‍ സ്വീകരിക്കാന്‍ അപേക്ഷകനും അവകാശമുണ്ടായിരിക്കുമെന്ന് സുപ്രീംകോടതി വ്യക്തമാക്കി. പൊതുപ്രവര്‍ത്തകനെ പ്രോസിക്യൂട്ട് ചെയ്യുന്നതിനുള്ള അനുമതിക്കായി അപേക്ഷിക്കാന്‍ ഏതൊരു പൗരനും അവകാശമുണ്ടെന്ന് ജസ്റ്റിസുമാരായ ജി.എസ്. സിങ്‌വി, എ.കെ. ഗാംഗുലി എന്നിവരടങ്ങുന്ന ബെഞ്ച് വ്യക്തമാക്കി. ടെലികോം മന്ത്രിയായിരുന്ന എ. രാജയെ പ്രോസിക്യൂട്ട് ചെയ്യാന്‍ പ്രധാനമന്ത്രി നിര്‍ദേശിക്കണമെന്ന് ആവശ്യപ്പെടുന്ന ജനതാപാര്‍ട്ടി അധ്യക്ഷന്‍ സുബ്രഹ്മണ്യം സ്വാമിയുടെ ഹര്‍ജി തള്ളിയ ഡല്‍ഹി ഹൈക്കോടതിവിധി റദ്ദാക്കിയാണ് സുപ്രീം കോടതിയുടെ വിധി. ഹവാല ഇടപാടുമായി ബന്ധപ്പെട്ട വിനീത് നാരായണന്‍ കേസില്‍ പ്രോസിക്യൂഷന്‍ അനുമതി മൂന്നുമാസത്തിനകം....

പുചിനെ 'അടക്കിയ' വാര്‍ത്താവായനക്കാരി താരം

Thu, 02 Feb 2012 07:36:44 +0530

മോസ്‌കോ: ഒരു നാക്കുപിഴ തന്നെ ഇത്ര പ്രശസ്തയാക്കുമെന്ന് മരിയ ബുക്തുയെവ കരുതിയിട്ടുണ്ടാവില്ല. ഇപ്പോള്‍ റഷ്യയിലെ സോഷ്യല്‍ വെബ്‌സൈറ്റുകളിലും ബ്ലോഗുകളിലും 'മാഷ'എന്ന ചുരുക്കപ്പേരില്‍ അറിയപ്പെടുന്ന മരിയ ബുക്തുയെവയാണ് താരം. മാഷയ്ക്ക് നാക്കുപിഴച്ചപ്പോള്‍ 'കുഴിയിലായത്' സാക്ഷാല്‍ പ്രധാനമന്ത്രി വ്‌ളാദിമിര്‍ പുചിനാണ്. സംഭവം ഇങ്ങനെ: പ്രസിഡന്‍റ് തിരഞ്ഞെടുപ്പിന്റെ ചൂടിലാണ് റഷ്യയിപ്പോള്‍. മത്സരം പ്രധാനമന്ത്രി പുചിനും പ്രതിപക്ഷ സ്ഥാനാര്‍ഥി മിഖായേല്‍ പ്രോഖോറോവും തമ്മില്‍. റഷ്യന്‍ വിപ്ലവത്തിന്റെ നായകനും ആദ്യ പ്രസിഡന്‍റുമായ വ്‌ളാദിമിര്‍ ലെനിന്റെ മൃതദേഹം ചുവന്ന ചത്വരത്തിലെ പ്രദര്‍ശനഹാളില്‍ നിന്ന് നീക്കി അടക്കം ചെയ്യണോ എന്നതും ഒരു പ്രധാന തിരഞ്ഞെടുപ്പ് വിഷയം ആയതോടെ ഇത് സംബന്ധിച്ച് ഒരു റഫറണ്ടം തന്നെ വേണമെന്നായി മിഖായേല്‍ പ്രോഖോറോവ്. സ്വാഭാവികമായി ചാനലുകളും വിഷയം ഏറ്റെടുത്തു. സൈബീരിയന്‍ നഗരമായ ക്രസ്‌നോയാര്‍സ്‌ക്കിലെ ടി.വി.കെ.ചാനലില്‍ ചര്‍ച്ചയ്ക്ക് തുടക്കമിട്ട് മാഷ ചോദിച്ചു: വ്‌ളാദിമിര്‍ പുച്ചിന്റെ ശവസംസ്‌കാരം നടത്തണോ....

വഞ്ചനക്കേസ്: വനിതാ ബാങ്ക് മുന്‍ മാനേജര്‍ക്ക് തടവ്

Thu, 02 Feb 2012 07:36:44 +0530

ന്യൂഡല്‍ഹി: വഞ്ചനാക്കുറ്റത്തിനാണ് ചെന്നൈ സി.ബി.ഐ. പ്രത്യേക കോടതി വനിതാ ബാങ്ക് മുന്‍ മാനേജരെ ഒരു വര്‍ഷം തടവിനും 5,000 രൂപ പിഴശിക്ഷയ്ക്കും വിധിച്ചത്. രണ്ടു ദശാബ്ദം നീണ്ട അന്വേഷണത്തിനും കുറ്റവിചാരണയ്ക്കും ഒടുവിലാണ് സി.ബി.ഐ. പ്രത്യേക കോടതി ശിക്ഷ പ്രഖ്യാപിച്ചത്. മറ്റു രണ്ടു പേരെ വെറുതെ വിട്ടു. ഇന്ത്യന്‍ ബാങ്കിന്റെ തമിഴ്‌നാട്ടിലെ ട്രിപ്ലിക്കെയ്ന്‍ ബ്രാഞ്ച് മാനേജരായിരുന്ന നിര്‍മല സുന്ദരാമനെയാണ് വഞ്ചനാക്കേസില്‍ ശിക്ഷിച്ചതെന്ന് സി.ബി.ഐ. വക്താവ് പറഞ്ഞു. 1991ലാണ് സി.ബി.ഐ. കേസ് രജിസ്റ്റര്‍ ചെയ്തത്. 1988-89 വര്‍ഷം നിര്‍മല, മാനേജരായിരുന്ന കാലത്ത് ബാങ്കിനെ ചതിച്ച് പണം തട്ടിയെടുക്കാനുള്ള ഗൂഢാലോചനയില്‍ പങ്കാളിയായെന്നാണ് കേസ്. ചെന്നെയിലെ സുധാ ഇന്‍റര്‍നാഷണല്‍ ഫിലിംസ് നല്‍കിയ ലോണ്‍ അപേക്ഷയ്ക്ക് മതിയായ അന്വേഷണം നടത്താതെ കൂടുതല്‍ തുക അനുവദിച്ചു. ഇങ്ങനെ ബാങ്കിന് നാല് ലക്ഷം രൂപ നഷ്ടവും ഉണ്ടാക്കിയെന്നായിരുന്നു ആരോപണം.

തെറ്റിദ്ധരിപ്പിക്കുന്ന പരസ്യങ്ങള്‍ക്കെതിരെ നടപടി

Thu, 02 Feb 2012 07:36:44 +0530

ന്യൂഡല്‍ഹി: ഉപഭോക്താക്കളെ തെറ്റിദ്ധരിപ്പിക്കുന്ന പരസ്യങ്ങള്‍ക്കെതിരെ കേന്ദ്രസര്‍ക്കാര്‍ ശക്തമായ നടപടി സ്വീകരിക്കുമെന്ന് കേന്ദ്ര ഉപഭോക്തൃ മന്ത്രി കെ.വി. തോമസ് അറിയിച്ചു. ഇതിനായി ദേശീയതലത്തില്‍ പ്രത്യേക സംവിധാനം ഉണ്ടാക്കും. ഉപഭോക്താക്കളെ വഴി തെറ്റിക്കുന്ന പരസ്യങ്ങള്‍ പ്രസിദ്ധീകരിക്കുന്ന കാര്യത്തില്‍ മാധ്യമങ്ങള്‍ സ്വയം നിയന്ത്രണം ഏര്‍പ്പെടുത്തണമെന്ന് മന്ത്രി ആവശ്യപ്പെട്ടു. കേന്ദ്ര ഉപഭോക്തൃ സംരക്ഷണ ഉപദേശക സമിതിയുടെ 26-ാമത് സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. മരുന്ന് വിപണിയിലാണ് ഏറ്റവും കൂടുതല്‍ വ്യാജ പരസ്യങ്ങളുള്ളത്. ഓരോ ഉത്പനത്തിനും ഇല്ലാത്ത ഗുണങ്ങള്‍ ഉണ്ടെന്ന് വരുത്തുന്ന തരത്തിലുള്ള പരസ്യങ്ങള്‍ ജനങ്ങളെ കബളിപ്പിക്കുന്നതാണ്. ഇത്തരം പരസ്യങ്ങള്‍ക്കെതിരെ ബോധവത്കരണം നടത്താന്‍ ഉപഭോക്തൃ സംരക്ഷണസമിതികള്‍ ബഹുമുഖ പദ്ധതികള്‍ ആവിഷ്‌കരിക്കണം. വിവാഹ ആഘോഷങ്ങളിലും മറ്റു സ്വകാര്യ ചടങ്ങുകളിലും ഭക്ഷ്യവസ്തുക്കള്‍ പാഴാക്കുന്നത് തടയാന്‍ സംവിധാനം കൊണ്ടുവരുമെന്ന് മന്ത്രി പറഞ്ഞു. ഇതു സംബന്ധിച്ച് ഇന്ത്യന്‍....