Mathrubhumi Eves

വിനയാ രാഘവന് സി.എന്‍.എന്‍-ഐ.ബി.എന്‍ന്റെ അവാര്‍ഡ്‌

പ്രമുഖ ഇംഗ്ലീഷ് വാര്‍ത്താചാനലായ സി.എന്‍.എന്‍-ഐ.ബി.എന്‍ന്റെ ഈ വര്‍ഷത്തെ സിറ്റിസണ്‍ ജേര്‍ണലിസം ദേശീയ വീഡിയോ അവാര്‍ഡ് മലയാളിയായ വിനയാ രാഘവന് ലഭിച്ചു. കാസര്‍കോട് എന്‍ഡോസള്‍ഫാന്‍ ദുരന്തത്തിന്റെ വേദനക്കാഴ്ചകള്‍ പകര്‍ത്തിയ ലഘുചിത്രത്തിനാണ് പുരസ്‌കാരം. ഡല്‍ഹിയില്‍ നടന്ന ചടങ്ങില്‍ ചലച്ചിത്രതാരം വിദ്യാബാലന്‍ പുരസ്‌കാരം സമ്മാനിച്ചു. രാജ്യത്തിന്റെ വിവിധ ഭാഗങ്ങളില്‍ നിന്നായി 15 പേര്‍ സിറ്റിസണ്‍ ജേണലിസ്റ്റ് അവാര്‍ഡിന് തിരഞ്ഞെടുക്കുകയുണ്ടായി. കേരളത്തില്‍ നിന്ന് വിനയ രാഘവന്‍ മാത്രമായിരുന്നു ആ പട്ടികയിലുണ്ടായിരുന്നത്. കണ്ണൂര്‍ സ്വദേശിനിയും കമ്പ്യൂട്ടര്‍ എന്‍ജിനീയറുമായ വിനയ ലണ്ടന്‍ സ്‌കൂള്‍ ഓഫ് ജേര്‍ണലിസത്തില്‍ ഫ്രീലാന്‍സ് ജേര്‍ണലിസം വിദ്യാര്‍ഥിനിയാണ്.

ഓര്‍ക്കിഡുകളെ സ്‌നേഹിച്ച് സീന

കഥ ഫ്ലാഷ്ബാക്കില്‍ നിന്നു തുടങ്ങാം... ഇരുപതുവര്‍ഷം മുമ്പ്. 1990-കളുടെ തുടക്കം. ദാവണി ചുറ്റിയ അന്നത്തെ പ്രീഡിഗ്രി വിദ്യാര്‍ഥിനി സീന അമ്മയ്‌ക്കൊപ്പം പുഷ്പപ്രദര്‍ശനത്തിനെത്തി. അന്ന് കേരളത്തില്‍ത്തന്നെ ദുര്‍ലഭമായിരുന്ന ഓര്‍ക്കിഡ് തൈകളില്‍ ഒരെണ്ണം സ്വന്തമാക്കുമ്പോള്‍ സീനയ്ക്ക് വിശേഷിച്ച് പ്രത്യേകതയൊന്നും തോന്നിയില്ല. എന്നാല്‍, ഈ 2012-ല്‍ ഗൃഹസ്ഥയായി മൈലാമ്പാടിയിലെ ചൈത്രം വീട്ടില്‍ ഇരിക്കുമ്പോള്‍ സീനയ്ക്കുചുറ്റും ഓര്‍ക്കിഡ് പൂക്കളാണ്. കേരളത്തിലെ പ്രൊഫഷണല്‍ ഓര്‍ക്കിഡ്പൂക്കൃഷിക്കാരെപ്പോലും വെല്ലുന്ന രീതിയില്‍ അത്യപൂര്‍വമായ 60-ഓളം ഷേയ്ഡ് ഓര്‍ക്കിഡുകള്‍ സീനയുടെ പൂന്തോട്ടത്തില്‍ ഉണ്ട്. ഡെന്‍ഡ്രോബിയം വിഭാഗത്തില്‍പ്പെട്ട സോണിയ, നയോഗപിങ്ക്, ബുരാനഗ്രീന്‍ സ്റ്റാര്‍, തായ്‌ലന്‍ഡ് റെഡ്, മെയ്ക്ക് ലോങ്, തോങ്ചായ് ത്രീലിപ്, ബ്ലാക്ക് സ്‌പൈഡര്‍ എന്നിങ്ങനെ നീളുന്നു അതിന്റെ പട്ടിക. ഡെന്‍ഡ്രോബിയം ഇനത്തില്‍പ്പെട്ടവയാണ് സീനയുടെ ശേഖരത്തിലുള്ളത്. ഇവയുടെ 250-ഓളം തൈകള്‍ സീനയുടെ കൈവശം ഉണ്ട്. നമ്മുടെ കാലാവസ്ഥയ്ക്ക് ഏറ്റവും അനുയോജ്യവും....

എഴുത്തിന്റെ ലോകത്തെ പട്ടുപാവാടക്കാരി

പഠനത്തിന്റെ തിരക്കുകള്‍ക്കിടയിലും എഴുത്തിന്റെ ലോകത്ത് സക്രിയമാണ് ഫറോക്ക് ഗവ. ഗണപത് ഹയര്‍ സെക്കന്‍ഡറി സ്‌കൂള്‍ പ്ലസ്‌വണ്‍ വിദ്യാര്‍ഥിനി ജി.അനന്യ. ചുരുങ്ങിയ കാലം കൊണ്ട് തന്നെ മൂന്ന് പുസ്തകങ്ങളാണ് ഈ എഴുത്തുകാരിയുടേതായി വായനക്കാരുടെ കൈകളിലെത്തിയിരിക്കുന്നത്. ഇതില്‍ 'പട്ടുപാവാട' എന്ന കഥ സി.ബി.എസ്.ഇ.യുടെ നാലാംക്ലാസ്സിലെ പാഠപുസ്തകത്തിലെ ഒരധ്യായമാണ്. 'സ്വസ്തി' എന്ന ഇതിഹാസനോവലാണ് കൃതികളില്‍ ശ്രദ്ധേയമായത്. അന്ത്യനിമിഷത്തില്‍ പൊള്ളുന്ന ജീവിതാനുഭവങ്ങളിലൂടെ ഊളിയിടുന്ന കര്‍ണനെ കേന്ദ്രകഥാപാത്രമാക്കിയാണ് 'സ്വസ്തി' എഴുതിയത്. ഇതിഹാസ കഥകളിലൂടെയായിരുന്നു അനന്യയുടെ എഴുത്തിന്റെ ലോകത്തേക്കുള്ള പ്രവേശനം. ഇതിഹാസകഥാപാത്രങ്ങളെക്കുറിച്ചുള്ള ആഴമുള്ള വായനയിലൂടെയാണ് കര്‍ണന്‍ എന്ന കഥാപാത്രം കഥാകാരിയുടെ മനസ്സിലിടം നേടിയത്. നിര്‍ഭാഗ്യത്തില്‍ അലിഞ്ഞുപോയ ജീവിതവുമായി നിസ്സഹായനായ കര്‍ണനെക്കുറിച്ച് എഴുതണമെന്ന ചിന്ത അങ്ങനെയാണ് ഉണ്ടായതെന്ന് അനന്യ പറയുന്നു. ഇതിനിടെ, 'ഇനി ഞാനുറങ്ങട്ടെ' എന്ന പി.കെ. ബാലകൃഷ്ണന്റെ പ്രശസ്ത നോവല്‍ വായിക്കുകയും....

നിങ്ങള്‍ എന്തിനാണ് എന്നെ തോണ്ടുന്നത്?

ഒരാളുടെ സ്വഭാവം പുര്‍ണമായും മനസിലാക്കാനുള്ള മൂന്നു എളുപ്പവഴികള്‍ ആരോ പറഞ്ഞിട്ടുണ്ട്. ഒരുമിച്ച് യാത്ര ചെയ്യുക, മദ്യസേവ നടത്തുക, ചൂതുകളിയില്‍ ഏര്‍പ്പെടുക. ട്രെയിനിലും ദീര്‍ഘദൂരരബസുകളിലും സ്ത്രീകളുടെ അടുത്ത് ഇരിപ്പിടം തരപ്പെടുത്താന്‍ ചിലര്‍ക്ക് വിരൂതേറും ഇരിപ്പിടം കിട്ടിയാലോ, ഉടനടി നിദ്ര കണ്‍പോളകളെ തഴുകുകയായി. ഉറക്കത്തില്‍ കൈകാലുകള്‍ സഹയാത്രികയുടെ മേല്‍ സ്വപ്നാടനം നടത്തുകയാവും. മറ്റു ചിലര്‍ കുട്ടികളെ സീറ്റിനിടയില്‍ കയറ്റി നിര്‍ത്തി ചെറുപ്പക്കാരികളായ അമ്മമാരെ സഹായിക്കുന്നു. കുട്ടിയെ വിട്ട് അമ്മ അകലത്തൊന്നും പോവില്ലല്ലോ. ടിക്കറ്റ് വാങ്ങിക്കൊടുക്കാന്‍, ലഗേജ് ഒതുക്കി വയ്ക്കാന്‍ ഒക്കെ സ്ത്രീകള്‍ക്ക് സഹായികള്‍ഏറെയാണ്. ദീര്‍ഘവീക്ഷണമുള്ള പ്രവൃത്തികള്‍ എന്ന് പിന്നീടാണ് മനസിലാവുന്നത്. ഇത്തരം കടന്നാക്രമണങ്ങള്‍ വിപരീത ലിംഗത്തില്‍പ്പെട്ടവരോടു മാത്രമാണ് എന്നു ധരിച്ചിട്ടുണ്ടെങ്കില്‍ തെറ്റി. സ്ത്രീപുരുഷ ഭേദമന്യേ സ്വവര്‍ഗപ്രേമികളും തങ്ങളുടെ ഇരകളെ കണ്ടെത്തുന്നത് പലപ്പോഴും യാത്രയ്ക്കിടയിലാണ്. ആള്‍ത്തിരക്കിനിടയില്‍....

ആയിരം രൂപയില്‍ തുടങ്ങി; 235 കുടുംബങ്ങള്‍ക്ക് തണലായി

എടവണ്ണ: ജോലി തേടി നടക്കുന്ന യുവതീയുവാക്കള്‍ പത്തപ്പിരിയം വായനശാലപ്പടിയിലെ മങ്ങാട്ടുതൊടിക ബുഷ്‌റാ സിദ്ദിഖിനെ വന്നുകാണണം. ആരേയും ആശ്രയിക്കാതെ എങ്ങനെ ജോലിചെയ്ത് ജീവിക്കണമെന്ന് ഈ യുവതി പറഞ്ഞുതരും. കഠിനാധ്വാനത്തിലൂടെ സ്വയംസംരംഭകയായ ബുഷ്‌റയ്ക്കുചുറ്റും ഇപ്പോള്‍ 235 കുടുംബങ്ങളുടെ ജീവിതമുണ്ട്. ഇതില്‍ നാലുപേര്‍ മാത്രമാണ്പുരുഷന്‍മാര്‍. ചുങ്കത്തറ പാലിയേറ്റീവ് ക്ലിനിക്കിലെ 10 പേരില്‍പ്പെട്ടതാണ് പുരുഷന്‍മാര്‍. തുണിസഞ്ചികള്‍ നിര്‍മിച്ച് സ്ഥാപനങ്ങളുടെ പേര് സ്‌ക്രീന്‍പ്രിന്റ് ചെയ്ത് നല്‍കുകയാണ് ബുഷ്‌റാ സിദ്ദിഖ്. നാലുവര്‍ഷം മുമ്പ് 1000 രൂപ മുതല്‍മുടക്കില്‍ വീടിന്റെ ടെറസില്‍ തുടങ്ങിയ സംരംഭമാണ്. നാലാം വര്‍ഷത്തിലേക്ക് കടക്കുമ്പോള്‍ ഭര്‍ത്താവ് സിദ്ദിഖും ബുഷ്‌റയുടെ വഴിയിലുണ്ട്. ബസ്‌ഡ്രൈവറായ സിദ്ദിഖ് ആറുമാസമായി ജോലി ഉപേക്ഷിച്ച് ബുഷ്‌റയ്‌ക്കൊപ്പമുണ്ട്. തുണിമുറിക്കാനും പ്രിന്റിങ് നടത്താനും 10 സ്ത്രീകളാണുള്ളത്. വിവിധ സ്ഥലങ്ങളിലെ 20 മുതല്‍ 25 വരെ സ്ത്രീകളുള്‍പ്പെടുന്ന യൂണിറ്റുകള്‍ക്കാണ് തയ്ക്കാനുള്ള ചുമതല. കരാര്‍....

ഉച്ചയുറക്കം ഒഴിവാക്കിയപ്പോള്‍ ജയലക്ഷ്മി ഫാം ഉടമയായി

ഉച്ചയുറക്കവും പകല്‍സമയത്തെ ടി.വി.കാണലും ഒഴിവാക്കിയപ്പോള്‍ ജയലക്ഷ്മിയുടെ പറമ്പില്‍ പശുക്കളും ആടും കോഴിയും താറാവും നിറഞ്ഞു. ഒരുവര്‍ഷത്തിനകം 13 പശുക്കളും പത്തോളം ആടുകളും നൂറിലധികം കോഴികളും താറാവിന്‍കൂട്ടവും 30-ല്‍ അധികം മുയലുകളുമൊക്കെ പള്ളിപ്പാട് നീണ്ടൂര്‍ കാഞ്ഞിരത്തുംമൂട്ടില്‍ (നീന നിവാസ്) വീട്ടുവളപ്പില്‍ ഓടിക്കളിച്ചുതുടങ്ങി. എല്ലാത്തിനെയും നോക്കിവളര്‍ത്തുന്നത് ബിരുദധാരിണിയായ വീട്ടമ്മ ജയലക്ഷ്മിതന്നെയാണ്. ഭര്‍ത്താവ് മധുസൂദനന്‍ നായര്‍ ദുബായില്‍ കപ്പല്‍ശാലയില്‍ മാനേജരാണ്. ജയലക്ഷ്മിയും മക്കളായ നീനുവും നീലിമയും പത്തുവര്‍ഷത്തോളം ദുബായിലാണ് ജീവിച്ചത്. രണ്ടുവര്‍ഷം മുമ്പാണ് ഇവര്‍ കുടുംബസമേതം നാട്ടില്‍ താമസം തുടങ്ങിയത്. ഇതിനിടെ മൂത്തമകള്‍ നീനു, ബയോടെക്‌നോളജി പഠനത്തിന് ബാംഗ്ലൂരില്‍ പോയി. ഏഴാംക്ലാസ് വിദ്യാര്‍ഥിനിയായ നീലിമ സ്‌കൂളില്‍ പോയിക്കഴിഞ്ഞാല്‍ ജയലക്ഷ്മി വീട്ടില്‍ ഒറ്റയ്ക്കാവും. ടെലിവിഷന്‍ കണ്ടും ഉറങ്ങിയും സമയം കളഞ്ഞ് മടുത്തപ്പോഴാണ് പശുവളര്‍ത്തലിനെപ്പറ്റി ചിന്തിച്ചതെന്ന് ജയലക്ഷ്മി പറയുന്നു. വീടിനോടു....

കിലുകിലെ കിലുങ്ങട്ടെ

വര്‍ണ വൈവിധ്യത്തിന്റെ ഫാഷന്‍ കിലുക്കമാണിപ്പോള്‍ പെണ്‍കൊടിമാരുടെ കൈകളില്‍... 'വള' എന്ന് പറയുമ്പോള്‍ പണ്ടത്തെ 'കുപ്പിവള കിലുക്കം' ആണ്. മനസ്സിലെത്തുക. ഇന്ന് ട്രെന്‍ഡ് അല്പം മാറി. കാലത്തിനും വേഷത്തിനും ഇണങ്ങുന്ന വളകളോടാണ് ടീനേജുമാര്‍ക്ക് പ്രിയം. വളയുടെ രൂപത്തില്‍ തന്നെ മാറ്റം കാണാം.ഇട്ടാല്‍ കിലുങ്ങുന്ന, ഓടിക്കളിക്കുന്ന വളകള്‍ ഉപയോഗിക്കുന്നവര്‍ താരതമ്യേന കുറവാണ്. വേഗത്തില്‍ ഡ്രസ് ചെയ്യാന്‍ കുര്‍ത്തയും ജീന്‍സുമെല്ലാം ഉപയോഗിക്കുമ്പോള്‍ ഒറ്റ വളയ്ക്കാണ് ഡിമാന്‍ഡ്. സില്‍വര്‍, ബ്രൗണ്‍, മെറ്റല്‍ ബ്ലാക്ക് നിറമുള്ള വളയാണെങ്കില്‍ കാര്യം എളുപ്പമായി. ഇത് ഏത് നിറത്തിലുള്ള വേഷത്തിനും ഇണങ്ങും. പുത്തന്‍ ട്രെന്‍ഡ്‌സ് ത്രെഡ് ബാംഗിള്‍സ് അഥവാ പല നിറത്തിലുള്ള നൂലുകള്‍ കൊണ്ട് നിര്‍മിച്ച വളകളാണ് വിപണിയിലെ പുത്തന്‍ ട്രെന്‍ഡ്. നേര്‍ത്തത് മുതല്‍ വീതി വളരെ കൂടിയത് വരെയുണ്ട്. അഞ്ച് മുതല്‍ അമ്പത് രൂപ വരെയാണ് വില. ചുവപ്പ്, പച്ച, നീല, എന്നിവ മാത്രമല്ല പുത്തന്‍ ഫ്ലൂറസന്‍ഡ് നിറങ്ങളും ട്രെന്‍ഡി നിറങ്ങളായ പര്‍പ്പിളും കോപ്പറും സില്‍വറുമെല്ലാമുണ്ട്.....

വനിതാ ഓട്ടോ ഡ്രൈവര്‍മാര്‍ 'മധുരപ്പതിനെട്ടി'ല്‍

കോഴിക്കോട് നഗരത്തിലെ തിരക്കില്‍ ചീറിപ്പായുന്ന വാഹനങ്ങള്‍ക്കിടയിലൂടെ അവരുടെ ഓട്ടോ ഓടിത്തുടങ്ങിയിട്ട് 18 വര്‍ഷം. അയ്യായിരത്തില്‍പ്പരം പുരുഷ ഓട്ടോ ഡ്രൈവര്‍മാര്‍ക്കിടയില്‍ പതിനാറ് വനിതാ ഡ്രൈവര്‍മാരാണ് ആണിനോളം പോരുന്ന തന്റേടവും ധൈര്യവുമായി നഗരത്തില്‍ കറങ്ങുന്നത്. ആദ്യമൊക്കെ ഒരു പാട് യാതനകള്‍ ജോലിയ്ക്കിടയില്‍ ഉണ്ടായിരുന്നെങ്കിലും ഇപ്പോള്‍ എല്ലാവരും സന്തോഷത്തിലാണ്. ലോണെടുത്തും പലിശയ്ക്ക് കടംവാങ്ങിയും വിലപിടിപ്പുള്ള പലതും വിറ്റുപെറുക്കിയുമാണ് പലരും ഓട്ടോ സ്വന്തമാക്കിയത്. എല്ലാവരും സ്ഥിര വരുമാനം ആഗ്രഹിക്കുന്നവരാണ്. സ്വന്തം കാലില്‍ ജീവിക്കണമെന്ന് ഉറച്ച ആഗ്രഹമുള്ളവര്‍. പണമാണ് എല്ലാവരുടെയും പ്രശ്‌നവും. കുടുംബിനികളും അല്ലാത്തവരും ഇക്കുട്ടത്തിലുണ്ട്. സാമ്പത്തികമായി പിന്നാക്കം നില്‍ക്കുന്നവരാകുമ്പോള്‍ ഒരു കുടുംബത്തില്‍ ഭാര്യയും ഭര്‍ത്താവും ജോലിചെയ്യുമ്പോള്‍ അല്ലലില്ലാതെ ജീവിക്കാമെന്ന് ഡ്രൈവര്‍ പുഷ്പലത പറയുന്നു. പതിനെട്ടു വര്‍ഷമായി പെണ്‍കൂട്ടായ്മയ്ക്ക് തുടക്കംകുറിച്ചിട്ട്. ഓരോ വര്‍ഷവും ഇവര്‍ക്കിടയില്‍....

മേഘാലയയിലെ പെണ്‍പെരുമ

ഇവിടത്തെ സ്ത്രീകളുടെ അവസ്ഥയെക്കുറിച്ചറിയണമെങ്കില്‍ ഏതെങ്കിലും ലേബര്‍ വാര്‍ഡിലേക്ക് പോയാല്‍ മതി. ജനിച്ചത് പെണ്‍കുട്ടിയാണെങ്കില്‍ ഉച്ചത്തില്‍ കുരവയും ആഹ്ലാദശബ്ദവുമുയരും. മറിച്ചായാല്‍ ചെറിയ മുറുമുറുക്കല്‍ മാത്രം. എത്ര സുന്ദരമായ സമത്വസ്വപ്നമെന്ന് വിശ്വസിക്കാന്‍ വരട്ടെ. ഇന്ത്യയുടെ വടക്കുകിഴക്കേ മേഘാലയയിലെ ഒരു പുരുഷന്റെ പരിദേവനമാണിത്. ജനിക്കും മുമ്പേ കൊല്ലപ്പെടുന്ന ഹതഭാഗ്യകളായ പെണ്‍കുഞ്ഞുങ്ങളെക്കുറിച്ച് മാത്രം കേട്ടിട്ടുള്ള മറ്റുനാട്ടുകാര്‍ക്കെല്ലാം ഇത് അതിശയം തന്നെ. ഇന്ത്യയുടെ മറ്റിടങ്ങളില്‍ നിന്ന് വ്യത്യസ്തമായി ആണ്‍കുട്ടികള്‍ക്ക് പ്രത്യേക മുന്‍ഗണന നല്‍കാത്ത സമൂഹമാണ് മേഘാലയ. ഇന്നും ലോകത്ത് അമ്മത്താവഴി പിന്തുടരുന്ന അപൂര്‍വഗോത്രവിഭാഗക്കാരുടെ നാടുകളിലൊന്നാണ് ഈ കൊച്ചു സംസ്ഥാനം. കാടും കുന്നും നിറഞ്ഞ ദൈവത്തിന്റെ നാട്ടില്‍നിന്ന് പെണ്‍കുഞ്ഞുങ്ങളുടെ കരച്ചിലുയരാറില്ല. കാരണം, അവര്‍ ഇവിടെ പാതിയല്ല, മുഴുവന്‍ സ്വത്തിന്റെയും അവകാശികളാണ്, ശരിക്കും കുടുംബത്തെ നയിക്കുന്ന വിളക്കുകളാണ്. 2011ലെ സെന്‍സസ് പ്രകാരം,....

താരത്തിളക്കത്തില്‍ മറിയ റോണി

പതിനാല് വയസ് മാത്രമുള്ള ആലപ്പുഴക്കാരി മറിയ റോണി ഇന്ത്യന്‍ ടേബിള്‍ ടെന്നീസിന്റെ അഭിമാനമാണ്. അമേരിക്കയില്‍ നടന്ന 15 വയസ്സില്‍ താഴെയുള്ളവരുടെ ടേബിള്‍ ടെന്നീസ് ലോക ചാംപ്യന്‍ഷിപ്പില്‍ മറിയ റോണി ഉള്‍പ്പെട്ട പെണ്‍കുട്ടികളുടെ ഏഷ്യന്‍ ടീം ലോക കിരീടം നേടിയാണ് ഇന്ത്യയുടെ അഭിമാനമായത്. ഏഷ്യന്‍ ടീമിലെ ഏക ഇന്ത്യക്കാരിയായിരുന്നു മറിയ റോണി. ഫൈനലില്‍ നോര്‍ത്ത് അമേരിക്കയെയാണ് ഏഷ്യന്‍ ടീം പരാജയപ്പെടുത്തിയത്. പതിനഞ്ചില്‍ താഴെയുള്ളവരുടെ വിഭാഗത്തില്‍ കേരളത്തില്‍ നിന്ന് ആദ്യമായാണ് ഏഷ്യന്‍ ടീമിലേയ്ക്കും ലോക ചാംപ്യന്‍ഷിപ്പിലേക്കും ഒരു പെണ്‍കുട്ടി തിരഞ്ഞെടുക്കപ്പെടുന്നത്. ലോക കിരീടത്തില്‍ മുത്തമിടുന്ന ആദ്യ മലയാളിയുമാണ്. ആലപ്പുഴ വൈ.എം.സി.എ ടേബിള്‍ ടെന്നീസ് അക്കാദമിയിലാണ് മറിയ പരിശീലനം നടത്തിയത്. ബോബി ജോസഫാണ് കോച്ച്. കൊറിയയില്‍ നിന്നുള്ള ഗുവാന്‍ ജീയാന്‍ഹുവയായിരുന്നു ഏഷ്യന്‍ ടീം കോച്ച്. ആലപ്പുഴ എസ്.ഡി.വി ഇംഗ്ലീഷ് എച്ച്.എസ്.എസില്‍ ഒമ്പതാം ക്ലാസ് വിദ്യാര്‍ഥിനിയാണ് മറിയ. കാഞ്ഞിക്കല്‍ കല്ലുപുരയ്ക്കല്‍ റോണി മാത്യുവിന്‍റെയും റീന....

അതിര്‍ത്തിയുടെ അതിര്‌

വര്‍ഷങ്ങളായി വരണ്ടുണങ്ങിക്കിടന്നൊരു കുഞ്ഞിപ്പുഴ പുതുജീവനെടുത്ത് ഒഴുകുന്നു. അട്ടപ്പാടിയിലാണ്. നഷ്ടപ്പെട്ടു പോയ ജലസ്രോതസ്സുകളെ പുനരുജ്ജീവിപ്പിക്കുന്നതിനെക്കുറിച്ച് വാചാലരാകുകയാണ് അഹാഡ്‌സിലെ പി.ഇ.ഉഷയും, ദിനേശും. ജമ്മു കാശ്മീരില്‍ നിന്നുളള പത്രപ്രവര്‍ത്തക സംഘത്തിന് കേരളം കാണിച്ചു കൊടുക്കുക എന്നതാണ് ഔദ്യോഗികമായ എന്റെ ഉദ്ദേശ്യം. മുന്നിലൊഴുകുന്ന പുഴ, ചിരിച്ചൊഴുകിയെത്തുന്ന വെളളം, അതിസുന്ദരമായ പ്രകൃതി, മനോഹരമായ സന്ധ്യ - പുഴയ്ക്കപ്പുറം വയലറ്റ് ചേല ചുറ്റി, നിറയെ ചിരിച്ച് ഒരമ്മൂമ്മ, കൂടെ ഒരു പശുവും. പുല്ലു മേഞ്ഞ് നടക്കുന്ന ഒരു പശുവിനെ കുറെക്കാലം കൂടി കാണുകയാണ്. ഞാനമ്മൂമ്മയോട് കുശലം ചോദിച്ചു. അവര്‍ വെളുക്കെ ചിരിച്ചതേയുളളൂ. ''അത് തമിഴ്‌നാടാണ്. ഈ പുഴയ്ക്കപ്പുറം കോയമ്പത്തൂര്‍ ജില്ലയാണ്.'' ആ അമ്മൂമ്മ തമിഴത്തിയാണെന്ന്, പശു തമിഴ് പശുവാണെന്ന് ഉഷ പറഞ്ഞില്ല. ഞാനുറ്റു നോക്കി, തമിഴ് പശുവും മലയാളി പശുവും തമ്മില്‍ വ്യത്യാസപ്പെടുന്നത് എവിടെയാണ്, തമിഴ് പശുവിന്‍ പാല്‍, മലയാളി പശുവിന്‍ പാല്‍ - ആ പാല്‍....

വിക്ടറി അസാരങ്ക

ആദ്യ ഗ്രാന്റ്‌സ്‌ലാം കിരീടത്തിനൊപ്പം ലോക ഒന്നാംനമ്പര്‍ പദവിയും! ഒരുപാട് പേര്‍ക്കൊന്നും കിട്ടാത്ത ഭാഗ്യമാണ് ബലാറസിന്റെ വിക്ടോറിയ അസാരങ്കയ്ക്ക് ലഭിച്ചിരിക്കുന്നത്. ഓസ്‌ട്രേലിയന്‍ ഓപ്പണിന്റെ ഫൈനലില്‍ റഷ്യയുടെ മറിയ ഷറപ്പോവയെ തകര്‍ത്താണ് അസാരങ്ക ആദ്യ ഗ്രാന്റ്‌സ്‌ലാം കിരീടത്തില്‍ മുത്തമിട്ടത് (6-3, 6-0). ഇതോടെ പുതിയ ലോക റാങ്കിങ്ങില്‍ കരോലിന്‍ വോസ്‌നിയാക്കിയെ പിന്തള്ളി അസാരങ്ക ഒന്നാം സ്ഥാനത്തേക്ക് ഉയരുമെന്ന് ഉറപ്പാവുകയും ചെയ്തു. ആദ്യ സെറ്റില്‍ 0-2 എന്ന നിലയില്‍ പിന്നിലായ ശേഷമായിരുന്നു അസാരങ്ക കൊടുങ്കാറ്റായത്. പിന്നീട് 13 ഗെയ്മുകളില്‍ 12-ഉം നേടി ബലാറസ് താരം ഷറപ്പോവയെ നിഷ്‌നപ്രഭമാക്കി. ഷറപ്പോവ 30 തവണ അനാവശ്യ പിഴവുകള്‍ വരുത്തിയപ്പോള്‍ അസാരങ്കയ്ക്ക് 12 തവണ മാത്രമേ പിഴച്ചുള്ളൂ. ഓസ്‌ട്രേലിയന്‍ ഓപ്പണില്‍ 2005-ല്‍ ജൂനിയര്‍ ചാമ്പ്യനായിരുന്നു അസാരങ്ക. ജൂനിയര്‍, സീനിയര്‍ വിഭാഗങ്ങളില്‍ മുമ്പ് ഇവാന്‍ ഗുലാങ്ങോങ്ങും ക്രിസ് ഓനിച്ചും മാത്രമാണ് വിജയിച്ചിട്ടുള്ളത്. ഗ്രാന്റ്‌സലാം നേടുന്ന ആദ്യ ബലാറസ് താരമെന്ന ബഹുമതിയും അസാറങ്കയ്ക്ക്....

പുതുവര്‍ഷം പുതിയ തീരുമാനങ്ങള്‍

കരിയറിനെപ്പറ്റി ഇതുവെര യാെതാരു ചിന്തയുമില്ലെങ്കില്‍ േപാലും പുതുവര്‍ഷപ്പിറവിയില്‍ നെല്ലാരു തീരുമാനെമടുത്തുനോക്കൂ. 2012 ജനവരി മുതല്‍ ഡിസംബര്‍ വെരയുള്ള 12 മാസംകൊണ്ട് 'േജാലി' എന്ന ലക്ഷ്യേബാധം മനസ്സില്‍ വളര്‍ത്താനും ആന്രഗഹമുള്ള േജാലി െചയ്യാന്‍ േവണ്ട കഴിവ് വര്‍ധിപ്പിക്കാനും സാധിക്കും... കോളേജില്‍ പഠിക്കുന്ന സമയത്ത് ജോലിയെയും കരിയറിനെയും പറ്റി ചിന്തിക്കാത്തവരാണ് നമ്മളില്‍ പലരും. ഇതുകൊണ്ടുതന്നെ നല്ലൊരു ജോലി വൈകിയേ പലര്‍ക്കും ലഭിക്കാറുള്ളൂ. കരിയര്‍ തിരഞ്ഞെടുക്കാനുള്ള പരിശ്രമം ഈ വര്‍ഷം മുതല്‍ എന്നുറപ്പിക്കുന്ന കോളേജ് വിദ്യാര്‍ഥികള്‍ 2012 ജനവരി മുതല്‍ ഡിസംബര്‍ വരെയുള്ള പന്ത്രണ്ട് മാസക്കാലം ചെയ്യേണ്ട കാര്യങ്ങളെക്കുറിച്ചുള്ള ഒരു രൂപരേഖയിതാ. ഇഷ്ടാനിഷ്ടങ്ങള്‍ എഴുതിവെക്കൂ പുതുവര്‍ഷവേളയില്‍ 'നല്ലൊരു ജോലി വേണം' എന്ന സ്വപ്‌നം കാണുന്നവര്‍ ആദ്യമായി ചെയ്യേണ്ടത് സ്വന്തം മനസ്സിലുള്ള പ്രതീക്ഷകളും ആഗ്രഹങ്ങളും ആശങ്കകളും ഒരു കടലാസില്‍ എഴുതി വെക്കുക എന്നതാണ്. 'ഞാന്‍ എന്തായിത്തീരാന്‍ ആഗ്രഹിക്കുന്നു?' എന്ന് മനസ്സില്‍ ഒരൂഹം....

രുചികരമായ പുഡിങ്ങുകള്‍

വിരുന്നില്‍ വിളമ്പാന്‍ രുചികരമായ ആറ് പുഡിങ്ങുകള്‍. തയ്യാറാക്കിയത് സമീറ മെഹബൂബ് പ്ലം കേക്ക് പുഡിങ് പ്ലം കേക്ക് അര കിലോ പാല്‍ ഒരു ലിറ്റര്‍ മുട്ട ആറെണ്ണം മില്‍ക്‌മെയ്ഡ് ഒരു ടിന്‍ വാനില എസന്‍സ് ഒരു ടീസ്പൂണ്‍ പഞ്ചസാര മൂന്നു ടേബിള്‍സ്പൂണ്‍ ടൂട്ടി ഫ്രൂട്ടി ഒരു ടേബിള്‍സ്പൂണ്‍ മുട്ട പഞ്ചസാര ചേര്‍ത്ത് നന്നായി അടിച്ച് മയപ്പെടുത്തി പാലും മില്‍ക്‌മെയ്ഡും ചേര്‍ത്ത് ഒന്നുകൂടി നന്നായി യോജിപ്പിക്കുക. വാനില എസന്‍സും ചേര്‍ക്കുക. പ്ലംകേക്ക് കൈകൊണ്ട് പൊടിച്ച് ഡിഷില്‍ നിരത്തുക. ഇതിന്റെ മേലെ പാല്‍ക്കൂട്ട് ഒഴിച്ച് ടൂട്ടി ഫ്രൂട്ടിയും ചേര്‍ത്ത് ആവിയില്‍ വേവിച്ചെടുക്കുക. ചൂടാറിയതിനു ശേഷം ഫ്രിഡ്ജില്‍ വെച്ച് തണുപ്പിക്കുക. പൈനാപ്പിള്‍ കേക്ക് പുഡിങ് പൈനാപ്പിള്‍ കേക്ക് അര കിലോ ടിന്നില്‍ കിട്ടുന്ന പൈനാപ്പിള്‍ ഒരു ടിന്‍ ഫ്രഷ് ക്രീം ഒരു കപ്പ് മില്‍ക്‌മെയ്ഡ് ഒരു ടിന്‍ വിപ്പിങ് ക്രീം ഒരു കപ്പ് ചൈനാ ഗ്രാസ് 10 ഗ്രാം കേക്ക് ചെറുതായി മുറിച്ച് പുഡ്ഡിങ് ഡിഷില്‍ നിരത്തുക. ചൈനാഗ്രാസ് ഒരു ഗ്ലാസ് വെള്ളത്തില്‍ ഉരുക്കി ഒരു ഡിഷില്‍ ഒഴിച്ച്....

സ്തനങ്ങളിലെ മുഴകള്‍ ചില മുന്‍കരുതലുകള്‍

31 വയസ്സുള്ള ഉദ്യോഗസ്ഥയാണ്. ഈയിടെയായി സ്തനങ്ങളില്‍ വേദന തോന്നുന്നു. തൊട്ടുനോക്കിയപ്പോള്‍ ഒരു മുഴയുള്ളതായി തോന്നി. ഡോക്ടറെ കാണിച്ചപ്പോള്‍ കുഴപ്പമില്ലാത്ത മുഴയാണ്, ചില ടെസ്റ്റുകള്‍ വേണ്ടിവരുമെന്നു പറഞ്ഞു. കുഴപ്പമില്ലെങ്കില്‍ ടെസ്റ്റുകള്‍ ചെയ്യേണ്ടതുണ്ടോ? എന്തെങ്കിലും മരുന്ന് കഴിക്കേണ്ട കാര്യമുണ്ടോ? മുബീന റഷീദ്, പെരിന്തല്‍മണ്ണ സ്തനങ്ങളില്‍ പ്രധാനമായും രണ്ടുതരം മുഴകളാണ് ഉണ്ടാവുന്നത്. പ്രശ്‌നകാരി കളല്ലാത്ത മുഴകളും കാന്‍സര്‍ ആകാവുന്ന മുഴകളും. പാലുത്പാദിപ്പിക്കാനാവശ്യമായ ഗ്രന്ഥികള്‍, അവയെ മുലക്കണ്ണുമായി യോജിപ്പിക്കുന്ന ചെറിയ കുഴലുകള്‍പോലുള്ള ഡക്റ്റുകള്‍, അവയ്ക്കു ചുറ്റുമുള്ള കൊഴുപ്പും ഇവയെല്ലാം യോജിപ്പിച്ചു നിര്‍ത്തുന്ന കോശങ്ങളും അടങ്ങിയതാണ് സ്തനം. വാലുപോലെ ഒരു ഭാഗം കക്ഷത്തിന്റെ ഭാഗത്തേക്കും വ്യാപിച്ചിട്ടുണ്ട്. ഇതിലുള്ള പലതരം കോശങ്ങള്‍ അമിതമായി വളരുന്നതുമൂലമാവാം ഇത്തരം മുഴകള്‍ ഉണ്ടാവുന്നത്. ഗ്രന്ഥികളുടെ അമിതവളര്‍ച്ചമൂലം ഉണ്ടാവുന്ന മുഴകളായ ഫൈബ്രോ അഡിനോമയാണ് സര്‍വസാധാരണയായി കണ്ടുവരുന്നത്. സ്പര്‍ശിക്കുമ്പോള്‍....

ഹൃദയത്തില്‍ ഒരുപിടി ഓര്‍മപ്പൂക്കള്‍

അന്നവര്‍ യാത്ര പറഞ്ഞിറങ്ങുമ്പോഴേയ്ക്കും ഞാനും ആ കുടുംബവും തമ്മില്‍ നെല്ലാരു ഹൃദയബന്ധം രൂപപ്പെട്ടുകഴിഞ്ഞിരുന്നു... ഈ വിമാനയാത്ര ദുബായിലേക്കാണ്.അവിടെ ഒരു അവാര്‍ഡ്ദാന ചടങ്ങില്‍ പങ്കെടുക്കണം. എനിക്കൊപ്പം അച്ഛന്‍ മാത്രമേയുള്ളൂ. അമ്മ കൂട്ടുവരാത്ത എന്റെ ആദ്യ വിദേശയാത്രയാണിത്. ഞാനും അച്ഛനും തൊട്ടടുത്ത സീറ്റുകളിലാണ് ഇരിക്കുന്നത്. കുറച്ചുനേരം കഴിഞ്ഞപ്പോള്‍ ക്യാ ബിന്‍ ക്രൂ അടുത്തുവന്നു. അല്പം ദൂരെയിരിക്കുന്ന ഒരു സ്ത്രീയെ ചൂണ്ടി അദ്ദേഹം പറഞ്ഞു, ''ആ സ്ത്രീ കാവ്യയുടെയടുത്ത് ഇരുന്നോട്ടെ എന്ന് ചോദിക്കുന്നു.'' ''ഓ... അതിനെന്താ, അവര്‍ ഇരുന്നോട്ടെ'', ഞാന്‍ പറഞ്ഞു. അവരുടെ അടുത്തുള്ള സീറ്റുകളിലെല്ലാം അപരിചിതരായ പുരുഷയാത്രക്കാരാണ്. എന്റെയടുത്തിരിക്കാന്‍ അവര്‍ ആഗ്രഹിച്ചത് അതുകൊണ്ടാവാം. അച്ഛന്‍ ആ സ്ത്രീയിരിക്കുന്ന സീറ്റിലേക്ക് മാറിയിരുന്നു. അവര്‍ അച്ഛന്‍ ഇരുന്നിരുന്ന സീറ്റില്‍ വന്നിരുന്നു. വാസ്തവത്തില്‍ എന്റെ അച്ഛനെ അവര്‍ തിരിച്ചറിഞ്ഞിരുന്നില്ല. ഞാനും ഏതോ അപരിചിതനായ പുരുഷന്റെയൊപ്പമാണ് ഇരിക്കുന്നത് എന്ന് കരുതിയാണ് എന്റെ....

വീട്ടുകാരുടെ മനസ്സില്‍ വിരിഞ്ഞ വീട്‌

കൃത്യമായ ആശയങ്ങളും ഭാവനയും ഉണ്ടെങ്കില്‍ വീട് പണിയാം, ആര്‍ക്കിടെക്ടിന്റെ സഹായമില്ലാതെ തന്നെ. അത്തരം ഏതാനും വീടുകളുടെ അനുഭവകഥകള്‍... വീടിനെക്കുറിച്ച് ഏറ്റവും കൂടുതല്‍ ധാരണയുണ്ടാവുക വീട്ടുകാരനായിരിക്കും. ആര്‍കിടെക്ടും എന്‍ജിനീയറും എത്ര വരച്ചാലും തൃപ്തി വരാത്തവരുമുണ്ട്. ചിലപ്പോള്‍ ഒരു പ്ലാന്‍ വരഞ്ഞതിനു ശേഷമാവും അപ്പുറത്തെ വീട്ടിലെ സിറ്റ് ഔട്ടോ കോര്‍ട് യാര്‍ഡോ ശ്രദ്ധയില്‍ പെടുന്നത്. പ്ലാന്‍ തിരുത്തലായി പിന്നെ. മറ്റു ചിലര്‍ക്ക് വീടുപണി തങ്ങള്‍ക്കു തന്നെ ചെയ്തുതുടങ്ങിയാലോ എന്ന ചിന്തയുമുണ്ടാവും. ഇച്ചിരി ടെന്‍ഷന്‍ കൂടിയാലെന്താ, സാമ്പത്തികലാഭം, സമയലാഭം എല്ലാമുണ്ട്. കൂടാതെ ഉള്ളിലെ ക്രിയാത്മകത പരീക്ഷിക്കാനുള്ള വേദിയുമായി. മുറ്റത്തേക്കിറങ്ങി നില്‍ക്കുന്ന മേട വീടിന്റെ പേര് മേട. പത്തു സെന്റിലായി 1100 സ്‌ക്വയര്‍ ഫീറ്റ്. ചെലവായതു വെറും ഒന്‍പതു ലക്ഷവും. രണ്ടു നിലകളിലായി മൂന്ന് കിടപ്പുമുറികളുമുണ്ട്. പറഞ്ഞുവരുന്നത് കോഴിക്കോട് വേങ്ങേരിയിലുള്ള ബാബുവിന്റെ പറമ്പത്ത് വീടിനെക്കുറിച്ചാണ്. 2009-ലായിരുന്നു വീടിന്റെ പണി പൂര്‍ത്തിയായത്.....

മേനിയഴകിന് ഫിറ്റ്‌നസ് മന്ത്ര

സ്ത്രീകളുടെ ആരോഗ്യവും സൗന്ദര്യവും കൂട്ടാന്‍ യോജിച്ച ഫിറ്റ്‌നസ് വഴികള്‍... വ്യായാമം ചെയ്യാന്‍ തയ്യാറാകുന്ന അധിക സ്ത്രീകളെയും പിന്നോട്ടടിപ്പിക്കുന്ന ഒരു തെറ്റുധാരണയുണ്ട്. വ്യായാമം ചെയ്താല്‍ സ്ത്രീകളുടെ ശരീരം പുരുഷന്റേതുപോലെ മസില്‍ കട്ടപിടിച്ച് ബോറാകുമെന്ന്. ഇതില്‍ വാസ്തവമില്ല. മസിലിന്റെ കരുത്തും വികസനവും പുരുഷഹോര്‍മോണായ ടെസ്റ്റോസ്റ്റിറോണുമായാണ് ബന്ധപ്പെട്ടിരിക്കുന്നത്. സ്ത്രീഹോര്‍മോണായ ഈസ്ട്രജന് ഇതില്‍ പങ്കൊന്നുമില്ല. അതുകൊണ്ട് എത്ര തീവ്രമായി വ്യായാമം ചെയ്താലും സ്ത്രീശരീരത്തില്‍ പുരുഷന്റേതുപോലെ മസില്‍ കട്ടപിടിക്കില്ല, വികസിക്കില്ല. അതേസമയം സ്ത്രീകള്‍ക്ക് വ്യായാമത്തിലൂടെ ശരീരഘടനയിലും കരുത്തിലും പേശികളുടെ ക്ഷമതയിലും സൗന്ദര്യത്തിലും മാറ്റങ്ങള്‍ ഉണ്ടാക്കാനുമാവും. വ്യായാമം രണ്ട് തരം വ്യായാമം പൊതുവേ രണ്ട് തരമുണ്ട്. ശ്വസന സഹായ വ്യായാമങ്ങളും (എയറോബിക് വ്യായാമങ്ങള്‍) ശ്വസന നിയന്ത്രണ വ്യായാമങ്ങളും (അനയറോബിക് വ്യായാമങ്ങള്‍). നടത്തം, ജോഗിങ്, സൈക്ലിങ്, നീന്തല്‍, നൃത്തം തുടങ്ങിയവയൊക്കെ എയറോബിക് വ്യായാമങ്ങളാണ്.....

ലൗ മാര്യേജോ? എനിക്കു വയ്യ

ജീവിതത്തില്‍ തനി മോഡേണായ പത്മപ്രിയ സിനിമയിലും അതുപോലൊരു കഥാപാത്രത്തിനായി കാത്തിരിക്കുകയാണ്... നമ്മുടെ പെണ്‍കുട്ടികള്‍ അന്യഭാഷാ സിനിമകളിലേക്ക് ചേക്കേറി വിജയം കൊയ്യുന്ന കാലത്താണ് മറുനാട്ടുകാരി പത്മപ്രിയ മലയാള സിനിമയിലേക്ക് വരുന്നത്. 'കാഴ്ച'യായിരുന്നു ആദ്യസിനിമ. നിരവധി മറുനാട്ടുകാരി നായികമാരെ സ്വീകരിച്ചു പരിചയമുള്ള മലയാളികള്‍ക്ക് പത്മപ്രിയ എന്ന തെലുങ്കത്തി പെണ്ണിനെയും ഇഷ്ടമായി. കഴിഞ്ഞ എട്ടുവര്‍ഷമായി പത്മപ്രിയ മലയാളത്തിലെ മുന്‍നിര നായികമാരില്‍ ഒരാളാണ്. പക്ഷേ, കരിയറില്‍ തീരെ തൃപ്തയല്ല താനെന്ന് പത്മപ്രിയ പറയുന്നു. പ്രായത്തിനു ചേര്‍ന്ന ഒറ്റ വേഷം പോലും മലയാള സിനിമ നല്‍കിയില്ലെന്ന ദുഃഖം അവര്‍ക്കുണ്ട്. സിനിമയില്‍നിന്ന് അകലുകയാണോ എന്ന തോന്നലുണ്ടാക്കിയെങ്കിലും 2011-ന്റെ രണ്ടാം പകുതി, നടിയെന്നനിലയില്‍ പത്മപ്രിയയ്ക്ക് ഭാഗ്യമാവുകയാണ്. മലയാളത്തില്‍ ഇവന്‍ മേഘരൂപന്‍, കോബ്ര, മധുര ബസ്, തമിഴില്‍ തങ്കമണി, ബംഗാളിയില്‍ അപരാജിത... 'കോബ്ര'യുടെ ഷൂട്ടിങ്ങിനായി കൊച്ചിയിലെത്തിയ പത്മപ്രിയ 'ഗൃഹലക്ഷ്മി'യോട് മനസ്സ് തുറന്നു. പത്മപ്രിയ....

തീരങ്ങളില്‍ ചെന്ന് രാപാര്‍ക്കാം

കടലോരത്തെ മനുഷ്യരുടെ ജീവിതത്തുടിപ്പുകള്‍ തേടി, കലര്‍പ്പില്ലാത്ത രുചികള്‍ നുകര്‍ന്ന് കേരളത്തിന്റെ തീരങ്ങളിലൂെട ഈ യാത്ര... തങ്കശ്ശേരി കടപ്പുറത്തുനിന്ന് ഒരു കൂക്കി വിളി ഉയര്‍ന്നു.അതുകേട്ട് അരയക്കുടിലുകളില്‍ വിളക്കുകള്‍ തെളിഞ്ഞു. കിഴക്ക് വെള്ള കീറിയിട്ടില്ല.ഉറക്കച്ചടവില്‍ ഇറങ്ങിവന്നവര്‍ കിഴക്കോട്ട് നടന്നു.നേര്‍ത്തനിലാവില്‍ കറുത്ത നിഴലുകളുടെ ഘോഷയാത്ര.അഴിഞ്ഞുകിടക്കുന്ന മുടി വാരിക്കെട്ടി മരയ്ക്കാത്തിമാര്‍ കൂരയുടെ വാതില്‍ ചാരി. ഉറഞ്ഞുകിടക്കുന്ന കടലില്‍ ജലയാനങ്ങള്‍ ഇളകിത്തുടങ്ങി. 'എന്താടോ കൂവേ ...'രണ്ടു വരത്തന്‍മാരെ കണ്ടിട്ടാവും കടപ്പുറത്തുകൂടെ ഒരു ബലിഷ്ഠകായന്‍ നടന്നെത്തി.കടലിനോട് മല്ലിടുന്ന കരുത്തുണ്ട് ഫ്രാന്‍സിസിന്.പതിനൊന്നു വയസ്സുമുതല്‍ കടലിലെ മലരും ചുഴിയും പച്ചവെള്ളംപോലെ നിശ്ചയം. ''മീനിന് രുചിയില്ലാത്ത സമയാ ഇത്.ചിങ്ങവും കന്നിയുമാവണം മീന്‍ നെയ് വെക്കാന്‍.അഷ്ടമുടി കായലിലെ ചെളിയും മണ്ണും തിന്ന് നെയ് വെച്ച് അവ തിരികെ വരും.ഇഷ്ടംപോലെ കുട്ടികളുമുണ്ടാവും കൂടെ.'' ഫ്രാന്‍സിസിന്റെ സ്മൃതികളില്‍ ഒരു ചാകരക്കാലം....

സംഗീതം അവന്റെ മനസ് തുറന്നു

ഒരമ്മയുടെ സ്‌നേഹവുംദുഃഖവും നിറഞ്ഞൊഴുകുന്ന അസാധാരണമായ അനുഭവകഥ... റിയാലിറ്റി ഷോയുടെ ഷൂട്ടിങ്ങ് ഇല്ലാത്ത ദിവസം. ഷോയില്‍ പങ്കെടുക്കുന്ന കുട്ടികളെല്ലാം തിരുവനന്തപുരത്തെ പ്രിന്‍സ് പാലസ് ഹോട്ടലില്‍ പ്രാക്ടീസും തമാശകളുമായി കഴിയുന്നു. സുകേഷ് കുട്ടന്‍ തന്റെ മുറിയിലടച്ചിരുന്ന് മമ്മൂട്ടിചിത്രം ഓഗസ്റ്റ് ഒന്ന് കണ്ടുരസിക്കയാണ്...മറ്റൊരു അവയവം പോലെ, അവന്റെ ഉള്ളിലേക്ക് സംഗീതം പൊഴിച്ചുകൊണ്ട് ഐപോഡുമുണ്ട് ചെവിയില്‍. സുകേഷിന് സംസാരിക്കാന്‍ താല്‍പ്പര്യമില്ല. ആരോടും. തല്‍ക്കാലം ഏകാന്തതയും സംഗീതവും മാത്രം മതിയെന്ന്് അവന്‍ തീരുമാനിച്ചപോലെ... അമ്മ സ്മിതയാണ് സുകേഷിന് സ്റ്റാര്‍ സിങ്ങറില്‍ പങ്കെടുക്കാന്‍ കൂട്ട് വന്നിരിക്കുന്നത്. അവര്‍ മകനെക്കുറിച്ച് പറഞ്ഞു. എന്റെ ആദ്യത്തെ കണ്‍മണി വര്‍ഷങ്ങളായി ദുബായിലെ കരാമയിലാണ് ഞങ്ങള്‍ താമസിക്കുന്നത്. എന്റെ ഭര്‍ത്താവ് കെ.കെ.കുട്ടന്‍ ദുബായില്‍ ഹൈഡല്‍ ബര്‍ഗ്ഗ് എന്നൊരു കമ്പനിയില്‍ പര്‍ച്ചേസിങ്ങ് ഓഫീസറാണ്. അദ്ദേഹത്തിന് ജോലിത്തിരക്കുള്ളതുകൊണ്ട് ഞാനാണ് സുകേഷിന്റെ ഒപ്പം നാട്ടിലേക്ക് വന്നത്.....

സ്വപ്നചിറകില്‍...വിജയം കൈപ്പിടിയില്‍

പഠനം ഇവര്‍ക്ക് പുറംലോകത്തേക്കുള്ള കുതിപ്പായിരുന്നു. വിദേശങ്ങളില്‍ ഉന്നതവിദ്യാഭ്യാസരംഗത്തുള്ള മൂന്ന് യുവതികള്‍ അനുഭവങ്ങള്‍ പങ്കിടുന്നു... സ്‌കൂളില്‍ എബൗവ് ആവറേജ് ആയ പെണ്‍കുട്ടി. ഒരിക്കല്‍ അവള്‍ക്ക് കൗതുകമുള്ള ഒരു വിഷയം പഠിക്കാന്‍ കിട്ടി. പിന്നെ പഠനത്തിന്റെ ഉയരങ്ങളിലേക്ക് നടന്നുകയറുകയായിരുന്നു ഡെന്‍മാര്‍ക്കില്‍ നിന്നും നിമി ഗോപാലകൃഷ്ണന്‍. വിദേശപഠനം എന്ന ആശയം എങ്ങിനെ വന്നു? ഒരിക്കല്‍ കൊച്ചിന്‍ യൂണിവേഴ്‌സിറ്റിയില്‍ പഠിക്കുമ്പോള്‍ ഒരു ഇന്‍ഡോ-ഡച്ച് ഫോട്ടോണിക്‌സ് വര്‍ക്‌ഷോപ്പില്‍ പങ്കെടുത്തിരുന്നു. വളരെ ഇന്ററസ്റ്റിങ്ങായിരുന്നു. ഒരുപാട് പുതിയ കാര്യങ്ങള്‍... ആ സമയത്ത് ഡിപ്പാട്ട്‌മെന്റിലെ ചില ഗവേഷകര്‍ വിദേശസര്‍വ്വകലാശാലകളില്‍ പോയി പിഎച്ച്ഡി ചെയ്തിരുന്നു. അവര്‍ ഇടയ്ക്ക് വന്ന് ആ നാടുകളിലെ അനുഭവങ്ങള്‍ പങ്കുവെക്കുമായിരുന്നു. അങ്ങനെ ഞാനും വിദേശപഠനം മനസില്‍ കണ്ട് തുടങ്ങി...ഫൈനല്‍ സെമസ്റ്ററില്‍, ബാംഗഌര്‍ എന്‍സിബിഎസ്സിലാണ് ഞാന്‍ പ്രൊജക്റ്റ് ചെയ്തത്. വിദേശസര്‍വ്വകലാശാലകളില്‍ പിഎച്ച്ഡിക്ക് ഞാന്‍ അപേക്ഷിച്ചുതുടങ്ങി.....

രോഗം വരാതെ നോക്കാം

ഹെപ്പറ്റൈറ്റിസ് ബിയ്ക്കതിരെ ഫലപ്രദമായ കുത്തിവെപ്പുകളുണ്ട്... വൈറസ് മൂലമുണ്ടാകുന്ന കരള്‍രോഗമാണ് ഹെപ്പറ്റൈറ്റിസ് ബി.മഞ്ഞപ്പിത്തമാണ് ഇതിന്റെ പ്രകടമായ ലക്ഷണം.പക്ഷേ മഞ്ഞപ്പിത്തം പലരോഗങ്ങളുടേയും ലക്ഷണമായി വരാം.കരളിനെ ബാധിക്കുന്ന കാന്‍സര്‍, സിറോസിസ്, പിത്താശയത്തിലെ കല്ലുകള്‍,രക്തസംബന്ധമായ അസുഖങ്ങള്‍ എന്നിവയ്ക്കും ലക്ഷണമായി മഞ്ഞപ്പിത്തംവരാം. ഹെപ്പറ്റൈറ്റിസ് ബി. മൂലമുണ്ടണ്ടാവുന്ന കരള്‍ രോഗവും അതിന്റെ ലക്ഷണമായ മഞ്ഞപ്പിത്തവും കരളിനെ ബാധിച്ച് സിറോസിസ് ഉണ്ടാക്കാം.സാധാരണ ഗതിയില്‍ മൃദുവായ കരള്‍ കട്ടിയാവും. ഹെപ്പറ്റൈറ്റിസ് ബി.മൂലമുണ്ടണ്ടാവുന്ന കരള്‍ കാന്‍സര്‍ തടയാവുന്നതാണ്. കുത്തിവെപ്പ് കൊണ്ടണ്ട് തടയാവുന്ന ഒരേയൊരു കാന്‍സര്‍ രോഗം കൂടിയാണിത്.ഇന്ത്യയില്‍ 25പേരില്‍ ഒരാള്‍ക്കെങ്കിലും ഹെപ്പറ്റൈറ്റിസ് ബി. ഉണ്ടണ്ടാവുന്നുണ്ടെന്നാണ് പഠനങ്ങള്‍ തെളിയിക്കുന്നത്.പക്ഷേ രോഗലക്ഷണങ്ങള്‍ അധികം പുറത്തുകാണാറില്ല.ഇവരില്‍നിന്ന് മറ്റുള്ളവരിലേക്ക് രോഗംപകരാം. രോഗാണുക്കള്‍ ശരീരത്തില്‍ പ്രവേശിച്ചാലും രോഗലക്ഷണങ്ങള്‍ പ്രകടമാവാന്‍....

നടക്കാനിറങ്ങിയ രണ്ട് ജീവബിന്ദുക്കള്‍

വായനയില്‍ കാണുന്ന എഴുത്തുകാരനെ നേരിട്ടറിഞ്ഞാല്‍ നിരാശപ്പെടേണ്ടിവരുമെന്ന് കേട്ടിട്ടുണ്ട്. പക്ഷേ, വിജയനെക്കുറിച്ച് എന്റെ അനുഭവം തിരിച്ചായിരുന്നു... ജീവിതത്തില്‍ പലതും സംഭവിക്കുന്നു. അതൊക്കെയും ഒരു നിയോഗമായിട്ടേ എനിക്കു തോന്നാറുളളൂ. വീജയനുമായുളള അടുപ്പവും അത്തരത്തില്‍ ഒന്നായിരുന്നു. ഓര്‍മ്മവച്ച കാലത്ത് അച്ഛനായിരുന്നു എനിക്കെല്ലാം. അച്ഛന്റെ വാക്കുകള്‍ ഇന്നും എന്റെ കാതുകളില്‍ മുഴങ്ങുന്നു - 'തല നിവര്‍ത്തി നടക്കണം. ആരോട് സംസാരിക്കുമ്പോഴും അവരുടെ കണ്ണുകളില്‍ നോക്കി സംസാരിക്കണം. സത്യം മാത്രമേ പറയാവൂ.' വലിയ കാര്യങ്ങളൊന്നും മനസ്സിലാക്കാനുളള പ്രായം അന്നില്ലായിരുന്നു. അതു മനസ്സിലാകുന്ന കാലത്ത് പറഞ്ഞുതരാന്‍ അച്ഛനും ഇല്ലായിരുന്നു. എന്തുകൊണ്ടെന്നറിയില്ല അമ്മ ഒരിക്കലും എനിക്കൊരു കൂട്ടായിരുന്നില്ല. ഒരുതരം Incompatibility ഞങ്ങളുടെ ഇടയ്ക്കുണ്ടായിരുന്നു. നാല്‍പ്പത്തഞ്ചു വയസ്സിലേറെയുളള പ്രായവ്യത്യാസമായിരിക്കില്ല അതിനു കാരണം. എന്നെക്കാള്‍ അമ്പതുവയസ്സിലേറെ പ്രായമുളള അച്ഛന്‍ എനിക്കൊരു കളിക്കൂട്ടുകാരനായിരുന്നു. അച്ഛന്റെ....

ചില്ലി ഫ്ലാര്‍

1. കോളിഫ്ലാവര്‍ ഒരു കിലോ 2. മുളകുപൊടി മൂന്ന് ടേബിള്‍സ്പൂണ്‍ 3. മല്ലിപ്പൊടി ഒന്നര ടേബിള്‍സ്പൂണ്‍ 4. മഞ്ഞള്‍പൊടി ഒരു ടേബിള്‍സ്പൂണ്‍ 5. കോണ്‍ഫ്ലോര്‍ അര കിലോ 6. മൈദ 300 ഗ്രാം 7. റെഡ് കളര്‍ ആവശ്യത്തിന് 8. മുട്ട നാലെണ്ണം കോളിഫ്ലാവര്‍ അല്ലികളാക്കി ചൂടുവെള്ളത്തില്‍ അല്പം ഉപ്പും മഞ്ഞള്‍പ്പൊടിയും ഇട്ട് കഴുകി വെള്ളം വാലാന്‍ വെക്കുക. ഒരു പാത്രത്തില്‍ രണ്ടുമുതല്‍ എട്ടു വരെയുള്ളവ ചേര്‍ത്ത് വെള്ളമൊഴിച്ച് കുഴമ്പു പരുവത്തിലാക്കുക. അതിലേക്ക് കോളിഫ്ലാവര്‍ ഇട്ട് കുഴച്ച് സെറ്റ് ചെയ്ത് 20 മിനിറ്റിനുശേഷം ചൂടായ എണ്ണയില്‍ വറുത്തുകോരുക.