عمران فرحت اور یونس خان کی نصف سنچریوں کے ساتھ پاکستانی ٹیم نے مطلوبہ ہدف 21 اعشاریہ 5 اوورز میں حاصل کر لیا۔

قبل ازیں سری لنکن ٹیم باؤلرز کے لئے سازگار ٹریک پر صرف 131 رنز پر ڈھیر ہو گئی۔ شاہد آفریدی نے 27 رنز پر 3 وکٹیں جبکہ سعید اجمل نے 21 رنز پر 2 وکٹیں حاصل کیں۔

سری لنکن کھلاڑی چندی مال اپنی ٹیم کے لئے سب سے زیادہ 28 سکور حاصل کرسکے۔

میچ کے آغاز پر سری لنکن کپتان دلشان نے ٹاس جیت کر پہلے بیٹنگ کا فیصلہ کیا تھا۔

باوثوق ذرائع کے مطابق شاہ محمود قریشی، پاکستان تحریکِ انصاف میں شمولیت کا اعلان کرنے سے قبل قومی اسمبلی کی رکنیت سے مستعفی ہو جائیں گے۔ توقع ہے کہ وہ تحریکِ انصاف میں شمولیت کا باقاعدہ اعلان 27 نومبر کو کشمور میں منعقد ہونے والے ایک جلسے میں کرینگے۔

تحریکِ انصاف کے ترجمان کے مطابق شاہ محمود قریشی اور عمران خان عید الاضحیٰ سے پہلے ملے ہیں اور قریشی عنقریب تحریکِ انصاف میں شمولیت کا اعلان کر دینگے۔

دریں اثناء انٹیلی جنس بیورو کے سابق سربراہ مسعود شریف خٹک اور پاکستان سکواش ٹیم کے سابق کوچ فہیم گل بھی عمران خان سے ملاقات کے بعد تحریکِ انصاف میں شمولیت کا اعلان کرینگے۔

قبل ازیں مصورِ پاکستان ڈاکٹر علامہ محمد اقبال رحمۃ اللہ علیہ کے پوتے ولید اقبال بھی عمران خان کے ہمراہ پریس کانفرنس میں تحریکِ انصاف میں شامل ہونے کا اعلان کر چکے ہیں۔

بڑھتی ہوئی مقبولیت اور اندرونی اختلافات:

ایک طرف تو حالیہ دنوں میں پاکستان تحریکِ انصاف کی مقبولیت میں بے پناہ اضافہ دیکھنے میں آ رہا ہے لیکن دوسری طرف پارٹی کے اندر ہی اختلافات بھی پیدا ہو رہے ہیں۔ تحریکِ انصاف کے سرکردہ رہنما، ممبر سنٹرل ایگزیکٹو کمیٹی، اور نائب صدر شاہد قاضی کا استعفیٰ اس کی تازہ ترین مثال ہے۔

شاہد قاضی کا کہنا ہے کہ پاکستان تحریکِ انصاف اسٹیبلشمنٹ کی لائن پر چلنے لگی ہے اور اُن تمام لوگوں کو پارٹی میں شامل کیا جا رہا ہے جو واضح طور پر ملٹری اسٹیبلشمنٹ کیلئے کام کرتے ہیں۔

بلوچستان سے تعلق رکھنے والے تحریکِ انصاف کے نائب صدر شاہد قاضی نے 7 نومبر کو اپنی بنیادی رکنیت سے بھی استعفیٰ دے دیا ہے۔

پاکستان تحریکِ انصاف کے انفارمیشن سیکرٹری عمر چیمہ نے استعفیٰ موصول ہونے کی تصدیق کی ہے اور بتایا ہے کہ پارٹی کی قیادت اس مسئلے پر فیصلہ کر رہی ہے۔ تاہم انہوں نے شاہد قاضی کی طرف سے عائد کردہ الزامات مسترد کرتے ہوئے انہیں بے بنیاد اور شاہد قاضی کی ذاتی رائے قرار دیا۔

عمر چیمہ کا کہنا تھا کہ سنٹرل ایگزیکٹو کمیٹی بلوچستان میں تحریکِ انصاف کی سرگرمیوں کا بھی از سرِ نو جائزہ لے گی اور اس سلسلے میں بہتری کیلئے لائحہ عمل بنایا جائے گا۔

شاہد چیمہ نے اپنے استعفیٰ میں تحریر کیا ہے کہ پارٹی کا بلوچستان کے حوالے سے رویہ مناسب نہیں۔ اس کے علاوہ انہوں نے ایم کیو ایم کے ہیڈکوارٹر نائن زیرو کے دورہ، سابق صدر پرویز مشرف کو تحریکِ انصاف میں قبول کرنے کی پالیسی، پارٹی الیکشن نہ ہونے اور میرٹ سے ہٹ کر عہدوں کی تقسیم کے حوالے سے شکایات کیں۔

استعفیٰ میں انہوں نے تحریر کیا کہ پاکستان مسلم لیگ قائد بلوچستان میں نواب اکبر بگٹی کے قتل سمیت کئی مظالم کی ذمہ دار ہے تاہم اس پارٹی کے رہنماؤں کی تحریکِ انصاف میں شمولیت سے انہیں دکھ پہنچا ہے۔

پاکستان تحریکِ انصاف کے سربراہ عمران خان نے 13 نومبر کو پارٹی کا اہم اجلاس طلب کیا ہے جس میں حکومت اور نواز شریف کے خلاف مہم کا جائزہ لیا جائے گا اور آئندہ انتخابات کے حوالے سے ہم خیال گروپس اور پارٹیوں کے ساتھ اتحاد کے حوالے سے بھی لائحہ عمل مرتب کیا جائے گا۔

انہوں نے اس بات پر بھی اتفاق کیا کہ پاکستان اور امریکہ کے مابین بنیادی تعلقات بہتر نہیں رہے اور دونوں ممالک کے مابین تعلقات تناؤ کا شکار ہیں۔

پرویز مشرف نے کہا کہ اسامہ بن لادن کی پاکستان میں موجودگی بدقسمتی تھی لیکن ملا عمر کے پاکستان میں رہنے کی کوئی وجہ نہیں ہو سکتی۔ انہوں نے کہا کہ ملا عمر افغان قوم کے فرد اور طالبان کے رہنما ہیں اور وہ کیونکر افغانستان میں رہ کر طالبان کی رہنمائی کرنے کی بجائے پاکستان میں رہیں گے۔

پرویز مشرف نے ملا عمر کی پاکستان میں موجودگی اور کوئٹہ شوریٰ کے حوالے سے بین الاقوامی انٹیلی جنس رپورٹوں کو غلط اور جھوٹ پر مبنی قرار دیا۔

صحافیوں سے بات کرتے ہوئے پہلے یوسف رضا گیلانی نے کہا کہ اُن کی منموہن سنگھ سے ملاقات بہت اچھی رہی ہے اور دونوں ممالک مثبت سمت میں آگے بڑھ رہے ہیں۔ انہوں نے اقوامِ متحدہ کی سیکورٹی کونسل میں پاکستان کی غیر مستقل نشست کیلئے بھارتی حمایت پر منموہن سنگھ کا شکریہ ادا کیا۔

بعد ازاں منموہن سنگھ نے اپنی بات چیت میں کہا کہ وہ یوسف رضا گیلانی کو امن پسند انسان سمجھتے ہیں اور گذشتہ تین سالوں کے دوران یہ یقین پختہ تر ہوا ہے۔ انہوں نے امید ظاہر کی کہ دونوں ممالک مذاکرات کے دوران اپنی اپنی سطح پر باہمی مسائل پر خلوص کے ساتھ بات چیت کرینگے۔

مالدیپ میں پاکستانی اور ہندوستانی وفد کے اراکین آپس میں گھلے ملے نظر آئے اور ناشتے کی میزوں پر ایک ساتھ بیٹھ کر اچھے موڈ میں گپ شپ کرتے رہے۔

منموہن سنگھ نے کہا کہ دونوں ممالک نے ایک دوسرے کی مخالفت میں بہت سا وقت ضائع کر دیا ہے اور اب ایک نیا باب کھولنے کا وقت ہے۔

کمشنری نظام کے تحت سندھ لوکل گورنمنٹ آرڈیننس 1979ء اور پولیس ایکٹ 1861ء بحال ہو گئے ہیں۔

نوٹیفکیشن کے تحت اب ڈی سی اوز کمشنرز اور ڈپٹی کمشنرز کے طور پر کام کریں گے۔ سندھ کے پانچ ڈویژن بھی بحال کر دئیے گئے ہیں اور کراچی کو پانچ اضلاع میں تقسیم کر دیا جائے گا۔

سندھ کے بحال ہونیوالے پانچ ڈویژنوں میں حیدر آباد، سکھر، میرپور خاص، کراچی اور لاڑکانہ شامل ہونگے۔

نیا نظام ڈی سی اوز کے عہدے ان کے متعلقہ اضلاع میں کمشنر کے عہدوں میں تبدیل کر دے گا۔

2002ء میں ریاست گجرات میں کئی ہفتوں تک ہندو انتہاپسند ایک ٹرین میں 60 ہندوؤں کی ہلاکت کا بدلہ لینے کیلئے مسلمانوں کے گھروں، محلوں اور قصبوں پر حملے کرتے رہے۔ ہندو انتہا پسندوں کا الزام تھا کہ ٹرین پر حملہ مسلمانوں نے کیا تھا۔

بدھ کے روز دیا جانیوالا فیصلہ گجرات کے مرکزی شہر احمد آباد سے کوئی 40 کلومیٹر دور واقع ضلع مہسانہ کے گاؤں سردار پور کے ایک گھر کو آگ لگانے کے واقعہ سے متعلق تھا۔ اس واقعہ میں 20 خواتین سمیت 33 مسلمانوں کو زندہ جلا دیا گیا تھا جنہوں نے اس گھر میں پناہ لے رکھی تھی۔

جج ایس ٹی سریواستوا نے مزید 42 افراد میں سے 11  کو ناکافی ثبوتوں کی بناء پر بری کر دیا جبکہ 31 افراد کو شک کا فائدہ دیتے ہوئے 25000 روپے فی فرد کے مچلکے جمع کروانے اور بغیر اجازت ملک نہ چھوڑنے کا حکم دیا۔

اس موقع پر ولید اقبال نے بتایا کہ وہ غیر مشروط طور پر پاکستان تحریکِ انصاف میں شامل ہوئے ہیں اور اب یہ عمران خان کی مرضی ہے کہ وہ انہیں کھلاڑی کے طور پر ساتھ لیں یا تماشائی کے طور پر۔ انہوں نے کہا کہ وہ اگرچہ پہلے کسی سیاسی جماعت کا حصہ نہیں رہے تاہم نظریہء پاکستان ٹرسٹ اور لمز کے توسط سے لوگوں سے ان کے گہرے روابط ہیں۔

ولید اقبال کے گھر پر میڈیا کے نمائندوں سے بات کرتے ہوئے تحریکِ انصاف کے سربراہ عمران خان نے کہا کہ انہیں ایسے لوگوں کی تلاش ہے جو بے لوث ہو کر ملک کی خدمت کرنا چاہتے ہوں۔ انہوں نے کہا کہ تحریکِ انصاف ایسے ہی افراد کو شامل کر رہی ہے جو ذاتی مفادات سے بالاتر ہو کر پاکستان کے وقار اور ترقی کیلئے کام کر سکیں۔

عمران خان کا کہنا تھا کہ ملک کے موجودہ نظام میں انہیں فرشتے نہیں مل سکتے تاہم وہ اپنے امیدواران کے اثاثہ جات ضرور منظرِ عام پر لائیں گے۔ انہوں نے کہا کہ آصف علی زرداری اور نواز شریف جیسے سیاستدان کبھی بھی اپنے اصل اثاثے سامنے نہیں لائیں گے کیونکہ ایسا کرنے سے ان کی ساری کرپشن سامنے آ جائے گی۔

نجی ٹی وی چینل کے مطابق زرداری نے یہ وعدہ ایک امریکی سینیٹرز کے ایک وفد سے گفتگو کے دوران کیا۔

مائیکل مکاؤل کی قیادت میں آنیوالے امریکہ کے اس ہوم لینڈ سیکورٹی وفد نے یہ تفصیلات منگل کی شام بتائیں۔

مکاؤل نے تفصیلات بتائے ہوئے کہا کہ وہ زرداری کے شکرگزار ہیں لیکن سوال یہ ہے کہ افغان پالیسی بنانے والی فوج پر یا ملک کے خفیہ اداروں پر اُن کا کتنا کنٹرول ہے۔

امریکہ چاہتا ہے کہ پاکستان، جنگجو گروپ حقانی نیٹ ورک کے خلاف کارروائی کرے جو مبینہ طور پر پاکستان کے شمال مغربی علاقوں میں رہ کر افغانستان میں امریکی اور نیٹو افواج پر حملے کر رہے ہیں۔