mi(sual).com

Kum 5 an bo hnuah a fate a hmu leh ta!

TuaiSialA — Mon, 28 May 2012 15:00:02 +0000

huffingtonpost.com & winnipeg.ctv.ca: Kum 2008 aṭanga a pa’n dân lo anga a lo kawl, naupang pahnihte chu tun kar kalta khan Mexico-ah hmuh an ni. Dominic leh Abby Mary, kum 7 leh kum 6-a upate hi a nu chuan Winnipeg, Canada-ah a hloh hnuin, Mexican TV pakhata a chanchin an chhuah, CTV News-a naupang pahnihte chanchin an chhuah leh tâka chu a lo en hnuin Guadalajara-ah a hmu leh ta.

Mexican TV, naupang bote zawngtuin Dominic-te unau chanchin an rawn chhuah chu mi pakhat hian a lo hmu fuh hlauh mai a. “A hmuh veleh, E he! Saw’ng naupangho saw ka hre ngat mai. Kan ṭhenawmte an nih saw,’ tiin army hnenah an hrilh nghal a, mahse, tuman an lo ngaithla duh lo,” tiin private investigator Wilhelm von Mayer chuan station-ah a sawi a. Mahse, Louisiana-a Find Foundation-a thawk, Mayer hian lo ngaithlain a buaipui zui ta a ni.

He’ng naupang pahnihte hi a pa’n khuahkhirhna hnuaiah enkawlin a kalhkhum ṭhin niin report-ah tarlan a ni a, a pa’n a hrên lai hian sikul an kal lo va, tumah an be thei hek lo; August 2008-a a pa an tlawh chu an lo lêt leh tawh lo niin Mayer hian a sawi bawk.

Canadian thuneitute chuan Kevin leh midang pahnih chu rukbo thubuai an awrhtir thu CBC News an hrilh. Police-te hian chanchin kimchang an la sawi chhuak duh rih lo va, mahse, he case hi an kalpui mek thu an sawi thung.

He’ng naupang pahnihte hi tunah hian an nu, Emily Cablek bulah thlamuang takin an khawsa tawh niin report chuan a tarlang bawk.

Thehmeh

Awmtea Khiangte — Mon, 28 May 2012 12:30:51 +0000

Thehmeh awmzia hi sawi kher lo pawha kan hriat vek a nih ka ring tho nachungin, kan sawi fiah ve rêng rêng teh ang. Thereng hrâm lai kan hmeh hlum chuan a reh hmak mai ṭhin a, chumi aṭanga a awmzia chu lâk niin ‘reh hmak,’ ‘reh duak,’ ‘reh vang vang’ sawinâ’n an hmang ṭhin. “Thereng vuak thlâk ang mai” tih leh “Pual lêng thlang tla” tihte nên pawh hian thuhmuna ngaih theih ni.

Kan lût a, kan luangliam a, kan lâm a, kan titi a, kan nui a, a tûl chuan kan ṭap zâ ṭhin. Puih ngai an awm leh inlungrual takin kan pui a, hnem ngai an awm leh thlamuanna bân kan phar lo ngai lo. Mi chi hrang hrang kan ni tih chu phat rual a ni lo, chuti ang chiah chuan kan thu phuh chhuah pawh a dang ngei e. Chu tak mai chu kan inpawhna a ni ang lawi bawk si. Magnet pawh + leh + chu a inpaih a, + leh – a inhîp zâwk ṭhin. Chuvangin mize inmil lo tak tak ni si hi kan nui ho leh dar dar chu a nih si hi!

Nimahsela, hun a lo kal a, kum te a liam a, tûnah zawng kum a uai thla tawh nge, vun a chuar tawh nge, lu a ṭuak tawh nge, tiang hawlin phei lai kan khâi tawh zâwk. He huang hi a nuam ka lo tih ve ṭhin tehlul nên, tûnah chuan a reh titih dêr mai. A ram mai ang chu ka ti phal teuh lo, mahse a nawmna erawh a hloh ṭhen ngei alawm. Site dang ka lût ve zeuh zeuh ṭhin a, post leh comment erawh ka pe ngai lêm lo. He huang hi ka tân chuan a nuam a, a nuam mai pawh ni lovin a mawi a ni. Nimahsela, heti ang reng kan nih chuan pêm rilru pu an awm mai ang tih te pawh ka hlau hlel lo ve.

Hawh teh u, i dinthar leh teh ang u. Midang el leh sên bânsan a, ṭâng dang bêl mai lovin kan vul lai i chên leh teh ang u khai. Site ṭhenkhat chu a ram titih tawh asin. Nimahsela, keini zawng i vawng nung zêl ang u. A hlutna chu member-te kutah a innghat a, a nawmna chu post leh comment pêkah a innghat bawk.

Sawi tûr a va tam tak êm! He site hi nula chu ni ngat se, kei zawng ka ngaizâwng (âtchilh) hial tawh ang chu! Chu chu HMANGAIHNA an ti! Sawi ve r’û…

Love your mother

TuaiSialA — Mon, 28 May 2012 10:00:15 +0000

[Han let buangbar lo mai ila, sapṭawng thiam lutuk lo tân pawh thu un leh khirh a ni lo va, a hriatthiam theih tho ve. A ṭhen chuan khawiah emaw in chhiar tawh maithei a; a ṭha ka ti em a, nizana ka hawi thawven velnaah ka hmu a, ka rawn share a ni e.]

When you came into the world, she held you in her arms. You thanked her by wailing like a banshee.

When you were 1 year old, she fed you and bathed you. You thanked her by crying all night long.

When you were 2 years old, she taught you to walk. You thanked her by running away when she called.

When you were 3 years old, she made all your meals with love. You thanked her by tossing your plate on the floor.

When you were 4 years old, she gave you some crayons. You thanked her by coloring the dining room table.

When you were 5 years old, she dressed you for the holidays. You thanked her by plopping into the nearest pile of mud.

When you were 6 years old, she walked you to school. You thanked her by screaming, “I’M NOT GOING!”

When you were 7 years old, she bought you a baseball. You thanked her by throwing it through the next-door-neighbor’s window.

When you were 8 years old, she handed you an ice cream. You thanked her by dripping it all over your lap.

When you were 9 years old, she paid for piano lessons. You thanked her by never even bothering to practice.

When you were 10 years old, she drove you all day, from soccer to gymnastics to one birthday party after another. You thanked her by jumping out of the car and never looking back.

When you were 11 years old, she took you and your friends to the movies. You thanked her by asking to sit in a different row.

When you were 12 years old, she warned you not to watch certain TV shows. You thanked her by waiting until she left the house.

When you were 13, she suggested a haircut that was becoming. You thanked her by telling her she had no taste.

When you were 14, she paid for a month away at summer camp. You thanked her by forgetting to write a single letter.

When you were 15, she came home from work, looking for a hug. You thanked her by having your bedroom door locked.

When you were 16, she taught you how to drive her car. You thanked her by taking it every chance you could.

When you were 17, she was expecting an important call. You thanked her by being on the phone all night.

When you were 18, she cried at your high school graduation. You thanked her by staying out partying until dawn.

When you were 19, she paid for your college tuition, drove you to campus, carried your bags. You thanked her by saying good-bye outside the dorm so you wouldn’t be embarrassed in front of your friends.

When you were 20, she asked whether you were seeing anyone. You thanked her by saying, “It’s none of your business.”

When you were 21, she suggested certain careers for your future. You thanked her by saying, “I don’t want to be like you.”

When you were 22, she hugged you at your college graduation. You thanked her by asking whether she could pay for a trip to Europe.

When you were 23, she gave you furniture for your first apartment. You thanked her by telling your friends it was ugly.

When you were 24, she met your fiancé and asked about your plans for the future. You thanked her by glaring and growling, “Muuhh-ther, please!”

When you were 25, she helped to pay for your wedding, and she cried and told you how deeply she loved you. You thanked her by moving halfway across the country.

When you were 30, she called with some advice on the baby. You thanked her by telling her, “Things are different now.”

When you were 40, she called to remind you of an relative’s birthday. You thanked her by saying you were “really busy right now.”

When you were 50, she fell ill and needed you to take care of her. You thanked her by reading about the burden parents become to their children.

Fixture Siam Dan Tlangpui

zovel — Mon, 28 May 2012 07:30:50 +0000

Vengchhunga Local tournament / Competition han siam nikhua te, thalai sports han neih changte hian a ti mi deuh tan lo chuan intum tur han siam (fixture siam) vel hi a buaithlak duh khawp mai. Tumkhat pawh Draught board competition an siam a, semi final-ah mi pathum an rawn chhuak ta mai. Inkhelh kual leh a ngai a, buaithlak tak a ni.

Knock Out System : Hei hi kan hman tam ber a ni. Awlsam taka mi eng zat nge ‘bye’ tur hriat theih dan a awm. A intum tur bi dik sa a awm a, chung chu 2, 4, 8, 16, 32, ….. a ni. Mi 10 an awm chuan a dawt chiaha a bikim chu 16 a ni a, 16 atanga 10 kan paih chuan 6 a lo chhuak a, mi 6 an bye chuan a kal dik chiah dawn a ni. Mi 4 in an khel phawt ang a (round of 16). A chak 2 lo chhuak leh a awm sa (bye) mi 6 nen quarter finals an khel dawn a ni. Mi 9 an nih chuan mi (16-9), 7 bye tir tur, 2 chauhvin round of 16 an khel anga, a dangte chu quarter finals lut sa an ni. Mi 6 an nih chuan (8-6) mi 2 bye tir leh mai tur. 23 an nih chuan (32-23), mi 9 an bye tur a ni.

Swiss League : He dan hi Chess player te chuan an hre hneh hle a. Vengchhung competition-ah kan hmang lar meuh lova. Inkhel tur pair tin daih board neih a ngaih avangin a hautak deuh vang te leh hriatloh hrim hrim vangte pawh a ni mahna. Knock out system anga vawikhat chak lova tlak nghal vang vang theih a ni lova, a zia phian. Round khelh tur zat tihfel hmasak tur a ni a, a tawpa an point hmuh azirin result a lo lang mai dawn a ni. Mi 10 awm ta se, round 1na ah an tumpui theuh khelin pair 5 a awm a, mi 5 an chak a, point 1 theuh an hmu.(A bi a kim loh chuan mi 1 chu khelh tur a neih loh avangin point 1 hmu saa ngaih mai tur a ni, round 2 atangin a khel ang). Mi 5 dangin point an hmu ve lova, Round 2 naah point 1 hmu tawh ho an intum leh a, point 1 hmu, a point hmuh zat ang hmu ve tho tumpui tur nei lo chuan point hmu ve lo zinga mi kha a tum mai tur a ni. Round 3 naah point 2 nei tawhte an intum leh ang, point 1 neite pawn round thumna khelin an point anpui emaw, a tlukpui teuh ber an khel leh ang a, point hmu lote pawh round 3naah hian an lo intum ve zel bawk ang. Chutiang zelin round khelh tur zat ruat sa thleng an inkhel mup mup reng mai dawn a ni. Round tam dan azirin in lehpelh theih a ni a, intum tawh te chu intum nawn phal a ni lo. Players tinin record card an nei a, point hmuh san dan indawtin result siam tur a ni. Round tina an point hmuh an ziak zel ang. Chu chu Progressive point a ni a, a tawpa point inang an awmin an progressive point belhkhawma a sang zawk chu position sang zawk chang tur a ni ang.

Round Robin League : Hei hi chu group / Pool khata awm te inkhelh kual vek a ni mai a, match schedule siam thu-ah uluk deuh a ngai tih loh chu harsatna a awm lo. Match awm zat awlsam taka hriattheih dan a awm a. Group khata mi / team awm zat leh chumi hnuai chiah number puntir a, 2-a sem leh mai tur a ni. Pool A-ah team 6 an awm a, 6×5 = 30. 30 hi 2-a kan sem chuan 15 a lo chhuak a, chu pool-ah chuan match 15 a awm dawn tihna a ni. Pool B-ah 4 an awm a, 4×3 = 12. 12 hi 2-a kan sem chuan 6 a ni, chu pool-ah chuan match 6 a awm dawn tihna a ni.

Ngatinge???

Princess Ilefam — Mon, 28 May 2012 04:22:40 +0000

1. Ngatinge mipate hian in bialnute mutpui kher zel in tum a?

2. Ngatinge in bialnute mutpui tura in thlem hian ka nei ang che, in tih kher zel a?

3. Ngatinge in bialnute in mutpui theih loh hian min hmangaih tak tak lo, in tih tlat zel a?

4. Ngatinge in bialnute hmangaih inti ve siin an duh lo chunga in fight vak zel a?

5. Ngatinge in bialnute hi in ngaihzawn tirha in treat dan anga a hnua in treat theih loh a?

6. Ngatinge in bialnute nena in inngaihzawn rei hnua boring deuh deuha in awm tlat zel a?

7. Ngatinge in bialnute bulah charms in neih theih miah loh a?

8. Ngatinge in bialnute hi in care thiam loh em em a?

9. Ngatinge in bialnute hi dawt tam tak min hrilh thin a?

10. Ngatinge in bialnute hi hmeichhe awm nem mai an ni tih in hai fo a?

Ngatinge???

Filler

VaiVa — Mon, 28 May 2012 01:09:37 +0000

Fur tui a tla ţan ang a, ruah sur loh zanah chunglam han hawi chho i la, van boruak thiang tak karah Chhohreivung a lo eng sât ang a, Hmar lam han thlir i la Hmar Arsi in a rawn chhuk melh ang a. I han hawi zau deuh ang a, Hrangchhuana leh Chawngmawii in di i han hmu ang. Chutah meuh chuan “Chung siar khi kawp ten an mal len e” ti a i faifuk rut rut a nih pawhin ‘luck lo zia’ an ti bik lo vang che!

He thil hi Mizoram a i awm chuan a takin i tawnhriat ve tawh ngei ang le. Vai ramah zawng van te pawh hi a paw ang phut a, a ţial ang ruan a. Arsi lang chhun pawh hi Kumara ha nawh zawh hlim ni awm vel hian a de ve sét sét a. He tih hunah hian a ni kan ram riang te hi ka ngaih zual thin ni!

Ruah thimpui a rawn hawng dawn a, kawlkilah ţek a rawn de zuai zuai a. Rangva inhnuai ngei maiah khan ruah mal hmasa nghakin rizai chhahpui mai han inlu khuh tlat mai i la. Rangva inchung a rawn ri ţhang ţhang ta maw tih ah khan automatic khan lungruk a lo vei ruk em em kha rizai chhungah a rawn zam lut chem chem ang a…..

Arsi hi a lo pawimawh em em mai a. Kei sipai lubawk hian ka awt ve em em mai bawk a. Ka dawng ve thei bawk si lo a. Mi(sual).com ah tal fur hma a arsi ka kai theih nan tan kan la teh ang.

Ka kai hman chuan fur nawmzia atanga ţhal favang thlengin ka chhunzawm ang. Thlasik hmangaihna in ka chhunzawm ang a Pawl delh ruah ka nan tir nghal bawk ang tih ka rawn sawi ve e.

Nang, misual chhiar tur i rawn thawh ve dawn lawm ni?

MISUAL LOG HOME PART II

vakul — Sun, 27 May 2012 20:29:30 +0000

Part one kha ka ziahna a rei tawh ang reng a, tara lamah ka’n chhunzawm leh ang e. A hmasaa kan len thinna Lal Rose-i lah chu misualah a rawn lut tha duh mang tawh lo va, Fb lamah a pawt zarh zarh saw, chuta chinah chuan Homea nen chuan Sheldonte in lamah thingpui hang kan lam ta deuh chawt a, amah saw a lo zau deuh huau bawk a.

Tlai khat chu Sheldyte ina thingpuisenhang kan dawm lai chuan misual dot com reh ta riau mai chu kan sawi mai mai a, a chhan tur awm angte sheldoni nen chuan kan inrinsiak vel a. Ngawi rengin Homea chu kan kiangah a thu reng a, kan sawi zawng zawng chu hre lo awm tak hian a thu vung mai a. Chutia kan tawng han deuh lai chuan, “Sheldon, a mak hlei nem, misual.com rehna chhan chu a lang vek a lawm” a ti ta thut mai a, a sawi leh tur chu kan lo ngaithla kar mai a, point nei fel fawk hian a rawn sawi ta a.

1) HVa Mizoram rawn haw kha misualhovin an lo duhsak lutuk a, a polite ta vak mai a anmahni nen an inhre vek tawh bawk nen tumah reng reng a hnial tha ngam tawh bawk si lo-amah duhsaktute vek an ni tih a hre ru vek tawh bawk si…chua chhapah A haw hlim buai nen, a til laksak ang main a duap ru riau tawh mai a, inhnial deuh pung pung loh hi chuan a nawmna a lo tlem deuh bawk si. A tiphuisuitu a pawp laiah a tang ta tlat a, a ti a.

2) Zirlai thenkhat chemtatrawta leh a dangte hi engemaw interview leh exam ziah tum an ni a, an inbuatsaih nan social site lama lan tlem deuh an rilruk a, pa nikhua lo mahni pumnat chhan zuk leh hmuam puh duh si lo va, tui lo a tih zawng chawhmeh puh lui tlat ang mai hian, an luh tam berna facebook-te luh thulh chuang si lovin misual lam an hlamchhiah hlauh thunga nawi tet tut tak an ni, a ti leh a.

3) Pu Muanteate leh paho dangte hi an tawmim chhan a dang leh a, an han luh hi chuan tui takin an awm mual mual a, tunah pawh an lut lo a ni lo an comment duh vak tawh lo va-bak nei zel hian an hria a ni. An comment hian an tui thei si a, a chhanna an nghak deuh zel bawk nen an hun an khawhral hnemin an hria a, an han mu chiah hi thahthiang lo thatah an inngai a an nupui fanaute bulah an inthlahrung run tawh mai a. Chhun lam hna avangin men rei an ngam lo va, meng rei lovin an misual thiam lo a ni mahna, a tawpah lan lohah an tlak leh mai thin, a ti leh ta zuah zuah a.

4) Kawlhawk hi, he pa hi a kam liam apiang an hlut viau lai hian engvanga lo lang tlem nge a nih, in hria em? Vanduaina a tawh vang kha a ni. Ngaihtuahna thar hmanga re-settlement nei tur chuan pa tling hian thil hi kan ngaihtuah nuaih thiam lo, Kan ngaihtuah ngat ngat thiam. Kawlhawk pawhin a ngaihtuah ngat ngat a, a rilru pekna lam a lo dang a, misual hi addict theih a nih ang bawkin luh loh laklawh ve theih tak a ni a, misual rualin kan khawngaih tehreng nen…a han insiamrem anga nakinah a rawn tui vu leh tuk mai ang hei a rawn mawm leh tet tet tawh hi, a ti ta then a.

5) Zirlai thenkhat hi chu an exam a lo hun a, an hman chiah lo va hman pawh a hun lo reng a exam lai laia misual tlut tlutho hian an zirlai lo hi an hre teuh duh a, a tha ber lo reng a ni, a ti bawk a.

6) Ignasius hi khawnge a awm a va reh ve, kan han ti a, ani chu a+b whole thing square means ti tha leh turin mission possible a vah chhuahpui a, a lo let hunah dik deuh deuhin mi a rawn hnial leh mai ang, a ti daih thung.

7) Phai leh Mizoram pawna awmho hi an haw chhuah hian an misual regu peih vak lo, a chhan chu tlawh tur an ngah a, chhungte kiangah an hun an lo hmang tam a, thiante an lo thlahlel a, net a inchakhleih bawk si a misual chu an haw leh hunah hman rem rawma luhah an dahtha ta thin a ni, a ti bawk a.

Awh khaih, doc_lib hi ka sawi hmaih dawn…amah hi thutlukna siam rang zet mai mi rilru chak deuh kha a ni a, misual hi nawi riauin a hre tlat pek a tumkhat lai kha. Facebook lamah a thluak a sawr a, chu pawh a ning leh tep tawh ang…misual hi a bosan hmak theih loh a nia, a ti ta daih a.

9) Chawnghilh lalnunnema kha a awmna kan zawt a, a sawi tha duh hauh lo. Mahse Homea chuan tihian min chhang a, patling a ni a, buaina neuh neuh a nei ang a, a lo lut lo laklawh ve a nih kha a lo luh leh meuh chuan Pathian thu a chawlh laia a zir a rawn pai lut teuh mai ang, tiin.

Mi dang chanchin sawi tuma a ka a an leh zuau lai chuan tlangval pakhat hi a lo tek lut hlawl mai a, kei phei chuan ka lo hre hauh lo va. Homea chu ding deuh thu deuh si hian a awm a, “E Ts-a maw” tiin chu tlangval chu a chibai a, “tunlai chu i zin kual thuiin, Bike-ah i chuang nasa hle mai maw khaw 20 zet i tlawh lo maw, High school tlawhin maw in kal hual, a va hahthlak awm ve, thian lah chu I lo ngah phian a” a ti leh ta zung zung mai a. Tsa nena an inbiak fe hnuah chuan Tsa zunram thiar hlanin “engtin nge i hriat bik” ka va ti de de a, ani chuan “Tsa a ni tih hai rual a ni hlei nem, lehkhabu inang copy a keng hnem em a, a lehkhabu ziah a nih kha, sheldoni’n a chah a a rawn pe dawn a nih kha, a zin chungchang kha chu a blog ka chhiar a ” a ti ta daih a. Ngawi teh u, nau a harh ka la rawn chhunzawm ang…ka’n awi mu phawt ang a…

Draft Proposal for Mizoram Premier League (MPL)

TuaiSialA — Sun, 27 May 2012 16:30:59 +0000

Zofooty.com: Mizoram Football Association (MFA) chuan season thar lo awm tur aṭang hian League mumal zawk leh ropui zawk siam a tum a. Chumi bik atan chuan Study Group din a ni. Chu Study Group chuan league hrang hrang te an zir chian hnuah Mizoram mil ang tawkin ruahhmanna a siam a. Chu ruahhmanna chu a hnuaia tarlan hi a ni. He ruahmanna hi rawtna chauh a la ni a, thuthlukna tak tak a la ni lo tih erawh kan hre dawn nia.

Draft Proposal for Mizoram Premier League (MPL)

1. CLUB CRITERIA
1.1 Club chu Firms and Societies hnuaiah a in-register tur a ni.
1.2 Club chu commercial entity a ni tur a ni a, fan-based a ni bawk tur a ni.
1.3 Club neitu nihna 100 zela 51 (51%) tal chu bonafide resident of Mizoram in thuneihna hnuaiah a awm tur a ni.
1.4 Club-in bank balance Rs. 4,00,000/- (Nuai li) tal a nei tur a ni.
1.5 Season khatah Rs. 1,00,000/- (Nuai khat) aia tlem lo sponsor-tu a nei tur a ni.

2. SQUAD
A. Club tin hian players 20 aia tlem lo leh players 30 aia tam lo Squad an nei tur a ni a. A hnuaia dân hi an zawm bawk tur a ni.
2.1 Foreign players (India ram pawn) 2 bak lak theih loh, hei hian Zohnahthlak a huam lovang.
2.2 State dang (Mizoram pawn) players 3 bak lak theih loh.
2.3 U-19 players (Local Players) 3 tal an awm tur a ni.
B. Match apiangin Squad-ah hian players 18 bakah Coach, Asst Coach, Manager leh Physio (18+4) an awm thei ang.
2.4 Foreigner pakhat bak playing XI-ah an tel thei lovang.
2.5 State dang (Mizo ni lo) players 2 bak playing XI-ah an tel thei lovang.
2.6 Playing XI-ah hian U-19 player pakhat tal a awm reng tur a ni.
C. Team tinin match officials a hnuaia mi ang hi an nei ngei tur a ni.
2.7 Team Manager.
2.8 Coach (AFC ‘D’ License emaw, a tlukpui tal emaw, NIS diploma nei emaw tal a ni tur a ni) leh Assistant Coach.
2.9 Physio (Recognised University hnuaiah diploma nei tal emaw MFA-in team physio training a buatsaih tur paltlang emaw a ni tur a ni).

3. PLAYERS CONTRACT
3.1 Club-in a player zawng zawng contract a ziahpui ngei tur a ni.
3.2 Mizoram team (Senior – Santosh Trophy) tana khel tawh chu a tlem berah
Rs. 10,000/season-in contract a ziahpui tur a ni.
3.3 Mizoram team (Junior) tana khel tawh chu a tlem berah Rs. 5,000/season-in contract a ziahpui tur a ni.
3.4 Player dangte chu a tlem berah Rs. 3,000/season-in contract a ziahpui tur a ni.
3.5 Player-in club tana contract a ziah chuan a ziah fel aṭanga darker 48 chhungin a finfiahna nen club-in MFA-ah a thehlut ngei tur a ni.
3.6 Player pakhatin club pakhat aia tam tana contract a ziak a nih chuan season khat chhung a khel thei lovang. Contract a ziahna club-te hnenah a hlawh tur ang zat a chawi bawk ang. A chawi duh loh a nih chuan tiam chin awm lova football khel thei lo tura hrem theih a ni ang.

4. PLAYERS TRANSFER
4.1 Season khat chhungin transfer window pahnih – first leh second window a awm ang.
4.2 Player contract nei lai transfer a nih dawnin player remtihnain a contract neitu club leh a insawnna tur club-te an inberem tur a ni.

5. YOUTH SYSTEM
5.1 Club-in Under -17 team a nei ngei tur a ni.
5.2 Under 17 team-ah hian player 18 aia tlem lo an register thei ang.
5.3 Under 17 player-te hian first team tan pawh an khel thei ang.
5.4 Under 17 player-te hi chu contract ziahpui kher a ngai lovang.

6. EQUIPMENT/KIT
6.1 Team tinin first choice colour an nei hrang tur a ni. Club hian Jersey pahnih (Official Jersey leh Spare Jersey) an nei tur a ni a. Heng jersey pahnihte hi a rawng (colour) a inang tur a ni lo.
6.2 Jersey number chu 1 to 50 inkar a ni tur a ni a, jersey no. 1 chu Goalkeeper-in a ha tur a ni.
6.3 Player-in season chhungin Jersey number ngai, in-register-naa an tarlan chauh a ha tur a ni.
6.4 Team Jersey-ah chuan team logo, MPL logo, Main Sponsor hming/logo, Jersey siamtu company hming leh player hming bak a chuang thei lovang.

7. TEAM TEL TURTE:
7.1 Mizoram Premier League (MPL)-ah hian team 8 an awm ang. Heng team 8-te hian a chunga inkaihhruainate khi an zawm vek tur a ni.
7.2 2011/12 a MFA first division a awm, Dinthar F.C., F.C. Kulikawn, Luangmual F.C. leh
Mizoram Police (1st Bn MAP & 3rd Bn MAP) te chu a chunga inkaihhruaina ang hi an zawm thei a nih chuan an tel thei nghal ang. Mizoram Police bik hi engemaw chenah hriatthiam an ni ang a, an club kalpui dan turah Mizoram Police hotute nen inbiak rawn a, ngaihtuah zui leh tura dah a ni.
7.3 A chunga inkaihhruaina zawm thei Mizoram chhunga awm football club-in hmun ruak dang chu an hnawhkhat ang. Hmun ruak awm zat aia tam football team an awm a nih chuan, playoff hmangin MPL-a khel thein tur hi thlan an ni ang.

Division hnuai aṭanga Mizoram Premier League kaisan theih dan
Division hnuai atanga Mizoram Premier League a kaisan dan tur chu District tina Champion leh Runner up ten Mizoram Premier League criteria an zawm thei a nih chuan playoff an khelin an lut chho thei ang.

…tual tual…

kawlhawk — Sun, 27 May 2012 14:00:11 +0000

…tual tual…

Ka nun a zalen tual tual, ka khawvel a chep tual tual…

Ka sa a tar tual tual, ka mit a valai tual tual…

Ka kum a tam tual tual, chhungril a hur tual tual…

Ka ro a muk tual tual, ngaihtuah a khawlo tual tual…

Ka vun a zur tual tual, it zawng a khal tual tual…

Ka dai a zau tual tual, rualawh a na tual tual…

Ka thiam a sang tual tual, thatchhiat a zual tual tual…

Ka hriat a tam tual tual, insit a na tual tual…

Ka thlah an pung tual tual, thlunglu a hai tual tual…

Ka thih a hnai tual tual, dam chhan a ho tual tual…

Tangka ka ngah tual tual, chhungkaw boruak a rit tual tual…

Pang ti lum a kiam tual tual, suangtuah a hot tual tual…

…tual tual… ve ru le!

Background-a thil in-download hriat theih dan?

Hotshot — Sun, 27 May 2012 10:30:59 +0000

Bul tan nghal pawp mai ang aw.

Tunlai chu Tata Photon, Airtel etc. 3G hmang kan nih fur tawh avangin unlimited connection hmang kan tam ta lo khawp mai a. Chutih laiin ren taka kan internet(3G/2G) pack thun sa kan hman laiin computer thenkhatah hian kan download chawp ni lo, computer background-a amaha thil in-download a lo awm hian data a hek duh khawp mai a, tum aia insen nasat a awl thin khawp mai. Eng thil nge in-download tih hriat mai theih bawk si loh a awm thin hi a buaithlak a ni. Windows atangin emaw, software eng emaw hmanga download activity nei hriat chhuah a, a tihtawp dan hria chuan min han pui teh u.

Ka automatic updates ka disable vek a, java update ka disable bawk a, windows start paha software lo inload a, amaha lo in-update thei nia ka hriat ka disable vek bawk a, antivirus auto update ka disable bawk a. Eng thil nge lo in-download char char hriat theih ka mamawh hle mai. Mahni-a data kan hman aiin system-in a lo pawh hek vangin kan inseng nasa lutuk dawn e a.