mmshare

What Can We Bring Back for Our Country, Myanmar

everlearner — Sat, 19 May 2012 14:00:32 +0000

We can't see the future of a person, is it?

Here is an example of CEO & President of HTC, Mr. Peter Chou (Burmese name U Win Thant) who was born in 1953, in Mandalay, lived till 1981, before he went to Taiwan. More info about his bio at - http://goo.gl/DWqGm

Today he was presenting about his experiences at a Seminar in Yangon, Myanmar Info Tech. I believe the attendees and young people can get some worthy experience and advices from him.

Coming Back with Helping Hands

"I will do whatever I can do for Myanmar". It is an excerpt from one of his speech, in today seminar. He come back to the country with helping hands after 30 years. He promised to help the development of the country and created an ICT foundation to help the development in Myanmar ICT. How great is it?

We need helping hands. We don't need blood suckers whose intending to suck all natural resources, oil, gas, teaks & jewels.

How about other Big Guys?

At the same time I'm quietly willing to hear similar voices and helps from other big persons in Myanmar, whose become rich by various ways within past 10 years.

As for us, young people, we only have idea and willing to do something good for the country and the people. Hope we can combine the strengths of the youth and big guys in near future to rebuild the nation.

Time for the Country

It is time to unite. It is time to rebuild our nation. It is time to make the whole country develop. It is time to stop civil wars. It is time to stop wasting of our energy after fighting each other. It is time to work all together.

Are you a Myanmar citizen currently living in a foreign country?
How many years we already left for the country?
How can we bring the best experiences & technologies from developing countries to Myanmar?
What we can bring back to the country? Yes, the time is coming.

လူတော်ချစ်တဲ့ လူတော်တွေ - Clever Guys Love Clever Guys

everlearner — Sun, 13 May 2012 15:43:51 +0000

သမ္မတကြီးက နိုင်ငံပြင်ပ ရောက်နေတဲ့ ပညာရှင်တွေ ပြန်လာဖို့ နောက်တစ်ခေါက် ပြန်ခေါ်နေပါပြီ။ ကျွန်တော်တို့လည်း ပြန်လာချင်ပါတယ်... ဒါပေမယ့်
၂၄ နာရီ အချိန်မရွေး အလုပ်လုပ်နိုင်တဲ့ မီး... ကမ္ဘာကြီးနဲ့ အမြန်ဆုံး ဆက်သွယ် အလုပ်လုပ်နိုင်တဲ့ အပိတ်အဆို့ အတားအဆီး ကင်းတဲ့ မြန်နှုံးမြင့် အင်တာနက်... လက်သင့်ရာ ဝေမျှစားတာမျိုး မဟုတ်ဘဲ အစိုးရ ပရောဂျက်တွေကို လွတ်လပ်ပွင့်လင်းစွာ ယှဉ်ပြိုင် ရယူ လုပ်ကိုင်နိုင်တဲ့ အခွင့်အလမ်း... လုပ်ငန်းတွေကို စနစ်တကျ အကာအကွယ်ပေးထားတဲ့ မျက်နှာမလိုက်တဲ့ ဥပဒေ... ... ... စတဲ့ စတဲ့ အရေးအကြီးဆုံး အခြေခံအချက်တွေ မခိုင်မာသေးရင်တော့ ကျွန်တော်တို့ အဝေးကနေပဲ ပိုက်ဆံပြန်ပို့ နေပါ့မယ်...

Important Infrastructures

အပေါ်မှာ ကျွန်တော် ပြောထားတာတွေက တိုင်းပြည်တစ်ခု ဖွံ့ဖြိုးတိုးတက်ဖို့ မရှိမဖြစ် အရေးကြီးတဲ့ အခြေခံအချက်တွေပါ

ဒီအကြောင်းနဲ့ ပတ်သက်ပြီး "ရွှေကိုမလို ငွေကိုမလို အာဏာမလို - မြန်နှုံးမြင့် အင်တာနက်သာ လိုသည်" ဆိုတဲ့ ဆောင်းပါးတစ်ပုဒ် ရေးခဲ့ဖူးပါတယ်။

လျှပ်စစ်မီးနဲ့အင်တာနက် မြန်မာပြည်မှာ ရနေတာ နှစ်ပေါင်း မနည်းတော့ပါဘူး။ ဒါတွေကို တိုးတက်အောင် လုပ်ဖို့က သာမန်ပြည်သူ တစ်ယောက်ထက် အဲဒီ သာမန်ပြည်သူတွေက အပ်နှင်းထားတဲ့ အခွင့်အာဏာနဲ့ အခွန်ငွေတွေကို ကိုင်ပြီး အလုပ်လုပ်နေတဲ့သူတွေမှာ တာဝန် ရှိပါတယ်။

အိမ်တစ်အိမ်မှာ ဦးဆောင်တဲ့ မိဘတွေ ဦးလေးသားချင်းတွေက စိတ်ကြိုက် သုံးစွဲ ပျော်ပါးပြီး သားသမီးတွေက စုတ်ပြတ်နေရင် ဘယ်သူ့ကို အပြစ်တင်မှာလဲ။ ကလေးတွေကိုလား...

တကယ်တော့ ရှေ့ကလူတွေ လုပ်ခဲ့တဲ့ ဆိုးမွေတွေ သူတို့ ထင်သလို လုပ်ခဲ့တဲ့ ဒဏ်တွေကို အခု ကျွန်တော်တို့ ခါးခါးသီးသီး ရင်ဆိုင်နေရတာပါ။ ကျွန်တော်တို့ မသေခင်တော့ နောက်မျိုးဆက်တွေ အတွက် အကောင်းဆုံး ဖြစ်အောင် ပြောင်းလဲပေးခဲ့နိုင်မယ်လို့ မျှော်လင့်ပါတယ်။

Case Study from Singapore ICT Sector

တကယ်တော့ အလုပ်လုပ်ဖို့ လိုအပ်တဲ့ အင်တာနက်နဲ့ လျှပ်စစ်မီး ပြဿနာက ချက်ချင်း ဖြေရှင်းလို့ရပါတယ်... ကျွန်တော် မြန်မာပြည်မှာ နေတုန်းက မြန်မာနိုင်ငံ အင်ဂျင်နီယာ အသင်းမှာ အင်တာနက် သွားသုံးဖြစ်ပါတယ်။ ကျွန်တော်နေတဲ့ နေရာနဲ့ 2 နာရီလောက် ဘတ်စ်ကားစီးပြီး သွားမှ ရောက်တာပါ။ ဒါပေမယ့် ကျွန်တော် နေ့တိုင်းသွားတယ်။ MICT park နဲ့ နီးတော့ 2 Mbps လိုင်းတွေကို အပြည့်နီးနီး ရတယ် မီးကလည်း အချိန်ပြည့်ရတယ်။ ပိုက်ဆံလည်း အများကြီး မပေးရဘူး။

စင်္ကာပူမှာ အဲဒီလို နေရာမျိုးတွေကို အစိုးရက အများကြီး လုပ်ပေးထားတာတွေ့ရပါတယ်။ Hall Type တွေပေါ့။ ကိုယ်ပိုင် လုပ်ငန်း စချင်တဲ့ လူငယ်တွေကို ငှားပေးတယ်။ ကိုယ်လုပ်ချင်တဲ့ လုပ်ငန်းကို၊ ကုမ္ပဏိကို တရားဝင် မှတ်ပုံတင်ထားပြီးသားတော့ ဖြစ်ရတယ်။ Hall ထဲက စားပွဲရှည်ကြီးတွေမှာ ကိုယ့်နေရာနဲ့ကိုယ် အလုပ်လုပ်ကြတာပဲ။ အခမဲ့ ငှားပေးတာ။ ပိုက်ဆံပေးရတဲ့ အခန်းတွေလည်း ရှိတယ်။ ဒီလိုနေရာတွေက ကျွန်တော်တို့ဆီမှာလည်း အစိုးရအနေနဲ့ ချက်ချင်း လုပ်ပေးလို့ရတဲ့ အချက်တွေပါ။ အဆောက်အဉီး အကောင်းစား ဖြစ်နေဖို့ မလိုပါဘူး။

Government Projects

တိုင်းပြည်မှာ အခြေအနေအရ ပရောဂျက် အကြီးတွေက အစိုးရဆီမှာပဲ ရှိနေသေးတဲ့ အတွက် အစိုးရ ပရောဂျက်တွေကို လွတ်လပ်စွာ ယှဉ်ပြိုင်လုပ်ကိုင်ခွင့်က အရေးကြီးပါတယ်။

လွတ်လပ်စွာ ယှဉ်ပြိုင် လုပ်ကိုင်ခွင့်မရဘဲ အစိုးရနဲ့ မကင်းရာ မကင်းကြောင်း နီးစပ်ရာလူတွေပဲ အလုပ်တွေရသွားပြီး တကယ် လုပ်ရမယ့် လုပ်တတ်တဲ့သူတွေက လုပ်ပိုင်ခွင့်ရသွားသူတွေဆီကနေ အလုပ်တွေ ပြန်ယူလုပ်တာတွေ ကြားနေရပါတယ်။

တကယ်နစ်နာတော့ အစိုးရနဲ့ ပေးလိုက်ရတဲ့ ပြည်သူ့ ပိုက်ဆံတွေ။ ဒီလို ကြားခံတွေ ပွဲစားတွေ များနေလို့လည်း အပြင်မှာ ဒေါ်လာတစ်ထောင်တန်လောက် ပစ္စည်းကို ဘတ်ဂျက်မှာ ၃၀၀၀ လောက် ဖြစ်နေတာပေါ့...

Brain Drain....? Why....?

မြန်မာလူငယ်တွေ အပြင်ရောက်ကုန်တဲ့ အထဲမှာ အကြောင်းတစ်ခုက အခုလို မမျှတတဲ့ အပြိုင်အဆိုင်တွေကြောင့်ပဲလေ။ အစိုးရပရောဂျက် ဆိုတာ တကယ်တော့ ပြည်သူလူထုအတွက်ပါ။ ရွေးချယ်တဲ့ သူတွေရဲ့ တရားမျှတမှုကို မူတည်ပြီး အကောင်းဆုံးနဲ့ စားရိတ်အသက်သာဆုံး ပရောဂျက်တွေက ဘေးဖယ်ခံလိုက်ရတာပဲ။ ဈေးများများ တင်မှ ဝေစု များများ ရမှာကိုး။ များများပျက် မြန်မြန်ပျက်မှ ပြင်ဆင်စားရိတ်တွေ သုံးလို့ရမယ်။ သိပ်ကို ဆိုးရွားတဲ့ အဖြစ်တွေပါ။

မျက်နှာကြီးရာ ဟင်းဖတ်ပါတဲ့ နေရာတွေ အချိန်ကာလတွေမှာတော့ တကယ်တတ်သိတဲ့ ပညာရှင်တွေ ဘေးရောက်ဦးမှာပါပဲ။ အမှန်တရားကို မြတ်နိုးတဲ့ သူတွေက ပညာရှင်တွေကို ချစ်တယ် အားကိုးတယ်။ အဲဒါနဲ့ ဆန့်ကျင်ဘက်တွေကတော့ ဘေးနားမှာ နားဝင်ချိုစရာလေးတွေ ပြောပေးပြီး အလိုလိုက် အကြိုက်လုပ်ပေးတဲ့သူတွေကိုပဲ သဘောကျတယ်။ ပညာရှင်တွေကလည်း အဲလို မလုပ်တတ် မလုပ်ချင်သူတွေဆိုတော့ နောက်ဆုံးမှာ ပညာရှင်ကို Welcome လုပ်ပြီး ပျော်အောင်ထားတဲ့ နေရာတွေကို ရောက်ကုန်တာပါပဲ။

သမ္မတကြီးရဲ့ လတ်တလော မိန့်ခွန်းတွေအရ (http://goo.gl/0rp1D) မကြာခင်တော့ ဒီပြဿနာတွေ ရှင်းလာမယ်လို့ ယုံကြည်ပါတယ်။ အခုလို သမ္မတရုံးနဲ့ လူထုကြား One way communication channel (http://www.president-office.gov.mm) တစ်ခုရှိလာတာကိုက ဝမ်းသာစရာ အချက်တစ်ခုပါ။ အရင်လို ပြန်ကြားရေးနဲ့ ဂျာနယ်တွေကို အားကိုးစရာ မလိုတော့သလို အခြေအနေတွေ သတင်းတွေကို မျက်ခြေမပြတ်သိနိုင်ပါတယ်။ လုပ်ငန်းတွေကို တကယ် အကောင်အထည်တဲ့ အခြေအနေတွေကို ပွင့်ပွင့်လင်းလင်း အမြဲ ထုတ်ပြန်သွားလိမ့်မယ်လို့ မျှော်လင့်ပါတယ်။

Clever Guys Love Clever Guys

တကယ်တော့ ဦးနှောက်မရှိတဲ့သူတွေက သူတို့နားမှာ သူတို့ထက် တော်တဲ့သူတွေကို မနေစေချင်ဘူး။ အကြောင်းပြချက်ကတော့ ပညာပြမှာ ကြောက်လို့တဲ့။

ဦးနှောက်ကောင်းတဲ့သူ တော်တဲ့သူတွေကတော့ သူ့ထက်တော်တဲ့သူကိုပဲ အားကိုးချင်တာ လိုချင်တာပါ။ လူတစ်ယောက် ဒါမှမဟုတ် တိုင်းပြည်တစ်ခု ဖွံ့ဖြိုးတိုးတက်ဖို့ အတွက် တော်တဲ့သူတွေ၊ ဉီးနှောက်ကောင်းတဲ့ သူတွေနဲ့ နေ့ရော ညပါ အတူတူ အလုပ်လုပ်တဲ့ နည်းထက်ကောင်းတဲ့နည်းလမ်း မရှိတော့ပါဘူး။

How to Use Node Reference with Contextual Filter ?

NWAung — Tue, 24 Apr 2012 11:03:58 +0000

Keywords:

contextual filter, node reference, advanced views

Research Detail:

Drupal မှာ မတူတဲ့ Content Type နှစ်ခုကို ပုံစံအမျိုးမျိုးနဲ့ ဆက်စပ် ယှဉ်တွဲ ဖော်ပြချင်တယ် ဆိုရင် လုပ်လို့ရတဲ့ နည်းတွေ အများကြီး ရှိပါတယ်။ အဲဒီထဲက အလွယ်ဆုံး၊ အရှင်းဆုံးနဲ့ အလုပ်အဖြစ်ဆုံးနည်းကတော့ Node Reference, Views နဲ့ Contextual Filter တွေကို အသုံးပြုတဲ့ နည်းပါ။

ဘောလုံးအသင်းတစ်သင်းလုပ်ကြည့်မယ်။ ဘောလုံးအသင်းတွေကို စိတ်ကြိုက်ထည့်လို့ရမယ်။ မန်ယူ၊ အာဆင်နယ်၊ မန်စီးတီး အစရှိသဖြင့်ပေါ့။ နောက်ပြီး ဘောလုံးအသင်းတစ်သင်းစီမှာလည်း ဘောလုံးသမားတွေကို စိတ်ကြိုက်ထည့်မယ်။ ပြီးရင် ဘောလုံးသမားတွေကြီးပဲ ဖော်ပြမယ့် Page ရယ်၊ ဘောလုံးအသင်းတွေကြီးပဲ ဖော်ပြမယ့် Page ရယ်နှစ်ခု လိုချင်တယ်။ နောက်ပြီး မန်ယူအသင်းရဲ့ Page ကိုကြည့်ရင် မန်ယူအသင်းတွင် ပါဝင်သော ကစားသမားများဆိုတာကို ဖော်ပြပေးရမယ်။ တစ်ခြားအသင်းတွေလည်း ထိုနည်းလည်းကောင်းပဲပေါ့။

အရင်ဆုံး modules တွေထည့်မယ်။

Fig:1 - Module installion

ဘာကြောင့် Node Reference ကို သုံးမှာလဲ။

အခု Content (သို့) Object ဘယ်နှစ်ခုရှိသလဲဆိုတော့ နှစ်ခုရှိတယ်။ ဘောလုံးအသင်းနဲ့ ဘောလုံးသမား။ Relationship က One (ဘောလုံးအသင်း) to Many (ဘောလုံးသမား) ။ Content နှစ်မျိုးရှိတဲ့အတွက် Content Type နှစ်မျိုးဆောက်မယ်။ Team နဲ့ Player ။ "Team" Content Type အတွက် Fields တွေကို Title, Body, Path ဆိုပြီးပဲ ထားထားလိုက်တော့မယ်။ Fields တွေကတော့ ကိုယ်ချဲ့ချင်ရင် ချဲ့ချင်သလောက်ထည့်ပေါ့။Player အတွက် Content Type မှာ Fields တွေကို Title, Body, Path အပြင် တစ်ခုပိုထည့်ရမယ်။ အဲဒါကတော့ "node reference" ။ node reference ကို ဘာ့ကြောင့်ထည့်ရတာလဲ ဆိုတော့ Player ကို အသင်းသတ်မှတ်ပေးချင်လို့ပါ။ အဲဒီတော့ refenrence ဆိုတဲ့ module ကို သွင်းပါ။ node reference ကို မသုံးဘဲ taxonomy ကိုသုံးလည်း ရတယ်။ ဘာကွာသွားသလဲဆိုတော့ taxonomy က ကြိုတင်သတ်မှတ်ထားရတယ်။ အဲဒီအတွက် ဘောလုံးသမားဆိုတဲ့ content တစ်ခုထည့်မယ်ဆိုရင် ကြိုတင်သတ်မှတ်ပေးထားတဲ့ taxonomy term တွေကနေရွေးပေးရတယ်။ ဥပမာ - team ဆိုတဲ့ taxonomy တစ်ခုမှာ Man-U, Man-City, Arsenal ဆိုတဲ့ term သုံးခုသတ်မှတ်ပေးထားမယ် ဆိုရင် Player ဆိုတဲ့ Content Type ထဲက Content အသစ်တွေထည့်ရင် ဒီကစားသမားက Man-U လား၊ Man-City လား၊ Arsenal လားဆိုပြီး အသင်းသုံးသင်းထဲကပဲ ရွေးခွင့်ရှိနေတယ်။ အသင်းသစ်ထည့်ချင်ရင် taxonomy မှာ သွားထည့်ရမယ်။ Content Writer ကို taxonomy သွားပြင်ခိုင်းဖို့ကျတော့ သိပ်အဆင်မပြေတော့ဘူး။ အဲဒါကြောင့် node reference ကိုသုံးလိုက်မယ်။ node reference မှာကျတော့ Player ဆိုတဲ့ Content Type မှာ Team ဆိုတဲ့ Content ကို field တစ်ခုထည့်ပေးထားလိုက်တော့ Content Writer အတွက် အဆင်ပြေသွားတယ်။ အသင်းသစ်ထည့်ချင်ရင် Add Team မှာ Content အသစ်တစ်ခု ထည့်ရုံပဲ။ အဲဒါဆိုရင် Player အသစ်တစ်ယောက်ရွေးရင် Team မှာ ထည့်ထားသမျှ အသင်းတွေကို စိတ်ကြိုက်ရွေးလို့ ရသွားတယ်။

Fig: 2 - Creating team content type

Fig: 3 - Adding node reference field on players content type

Fig: 4 - Choosing team reference

Fig: 5 - ထည့်ထားသော အသင်းများကို ရွေးချယ်နိုင်ပုံ

Views ဆောက်ခြင်း

အခုဆိုရင် Team Content Type ရယ် Player Content Type ရယ် နှစ်ခုဆောက်ပြီးသွားပြီ။ အခုထပ်လုပ်ချင်တာက Team ဆိုတဲ့ Page မှာ Teams တွေကို ဖော်ပြချင်တယ်။ Players ဆိုတဲ့ Page မှာ Players တွေကို ဖော်ပြချင်တယ်။ Teams Page မှာ ရှိတဲ့ Teams တွေထဲက ဥပမာ Man-U ရဲ ့ Page ကိုကြည့်ရင် Man-U အသင်းအကြောင်းနဲ့ Man-U မှာ ရှိတဲ့ Players တွေကို ပြရမယ်။ ဒါဆိုရင် Views မှာ Page နှစ်ခုဆောက်ပေးမယ် Teams Page ရယ် Players Page ရယ်။ Teams Page မှာ Filter စစ်မှာက Content Type က Teams ဖြစ်ရမယ်ပေါ့။ Players Page မှာကတော့ Filter မှာ Content Type က Players ဖြစ်ရမယ်ပေါ့။ ဒါဆိုရင် ပထမဆုံးလိုချင်တဲ့ Team ဆိုတဲ့ Page မှာ Teams တွေကို ဖော်ပြချင်တာရယ်၊ Players ဆိုတဲ့ Page မှာ Players တွေကို ဖော်ပြချင်တာ ရယ်တော့ ပြီးသွားပြီ။ သက်ဆိုင်တဲ့ အသင်းတစ်သင်းစီကို ဝင်ကြည့်ရင် အသင်းအကြောင်းနဲ့ အသင်းမှာရှိတဲ့ ကစားသမားတွေ ပေါ်ဖို့ကျတော့ ဘယ်လိုလုပ်မလဲ။ ကျွန်တော်အရင်က လုပ်ရတာကတော့ တော်တော်လက်ညောင်းတယ်ဗျ :D ။ Views တွေ အများကြီးလိုက်ဆောက်မယ်။ Man-U Players Views, Man-City Players Views, Arsenal Players Views ဆိုပြီး တစ်ခုစီဆောက်၊ ပြီးရင် filter မှာ if (Content Type == 'Players') AND (Node Reference == 'Man-U') နောက်နှစ်သင်းအတွက်လည်း Man-U နေရာမှာပဲ Man-City, Arsenal ဆိုပြီး ပြောင်းမယ်။ ဒါဆိုရင် ရပြီ၊ ဒါပေမယ့် ပြဿနာက အသင်းတစ်ရာ ရှိနေရင် ဘယ်လိုလုပ်မလဲ။ Views အခုတစ်ရာ ဆောက်ရမှာလား :( ။

Fig: 6 - View for teams page

Fig: 7 - View for players page

Fig: 8 - Teams Page

Context ကိုသုံး၍ အခါတစ်ရာ လုပ်ရမည့် အလုပ်များကို လျှော့ချခြင်း

Contextual Filter ကိုသုံးလိုက်တော့ စနစ်ကျပြီး လက်ညောင်းသက်သာသွားတယ်ဗျ။ Views တွေလည်း ပွမနေတော့ဘူး။ Contextual Filter က Views ညာဘက်ထောင့်က Advanced ကိုနှိပ်လိုက်ရင် ပေါ်လာလိမ့်မယ်။ ခုနကလို Man-U Players, Man-City Players... etc.. အစရှိသဖြင့် ဆောက်မယ့်နေရာမှာ Team's Players ဆိုပြီး Views Block တစ်ခုဆောက်လိုက်မယ်။ Filter စစ်မှာကတော့ (Content Type == Players) ပေါ့။ Contextual Filter မှာက Content: Team Reference ဆိုတာကို add လုပ်လိုက်။ ပြီးရင် save လုပ်၊ Structure ထဲက Blocks မှာ အခုဆောက်လိုက်တဲ့ Views ကို ကိုယ်ပေါ်စေချင်တဲ့ region မှာ enable လုပ်လိုက်။ အဲဒါဆိုရင်တော့ အကုန်လုံး ပြီးပြည့်စုံသွားပါပြီ။ Teams Page ကိုသွား တစ်သင်းသင်းကို နှိပ်ကြည့်လိုက် Team အကြောင်းရယ် Team မှာရှိတဲ့ Players တွေရယ် ပေါ်နေပြီ။ ဒါဆိုရင်တော့ Tutorial ပြီးပါပြီ။

Mosh - Mobile Shell - Alternative to SSH from MIT

everlearner — Sun, 22 Apr 2012 07:31:08 +0000

Mosh ဆိုတာ မကြာသေးမီကမှ မက်ဆာချုးဆက် နည်းပညာတက္ကသိုလ် MIT က အင်ဂျင်နီယာ Keith Winstein နဲ့ Anders Kaseorg, Quentin Smith, Richard Tibbetts, Keegan McAllister တို့ အတူတူ ရေးသား တီထွင်ခဲ့တဲ့ Remote Terminal application တစ်ခုပါ။ ဒီဆော့ဖ်ဝဲလေးဟာ Roaming ပြုလုပ်တာကို အထောက်အပံ့ပေးပြီး၊ ပြတ်တောင်းပြတ်တောင်း ဖြစ်နေတဲ့ ဆက်သွယ်မှု (intermittent connectivity) တွေမှာလည်း ကောင်းကောင်း အလုပ်လုပ်ပါတယ်။ ဒါ့အပြင် အသိဉာဏ်ရှိတဲ့ Local Echo စနစ်နဲ့ Keyboard ကရိုက်လိုက်တဲ့ စာကြောင်းများကို ပြင်ဆင်တည်းဖြတ်တဲ့ စနစ်လည်း ပါရှိပါတယ်။

Better Alternative to SSH

သင်ဟာ Secure Shell လို့ခေါ်တဲ့ SSH (http://en.wikipedia.org/wiki/Secure_Shell) ကို သုံးနေတဲ့သူ တစ်ယောက်ဆိုရင် Mosh ကို အစားထိုး အသုံးပြုခြင်း အားဖြင့် ပိုမို လျင်မြန်ကောင်းမွန်တဲ့ နည်းပညာရဲ့ အကျိုးကို ခံစားရပါလိမ့်မယ်။ အထူးသဖြင့် Wi-Fi, Cellular နဲ့ လမ်းကြောင်းရှည်ကွန်ရက် (Long-distance links) တွေကို သုံးနေတဲ့ သူတွေ အတွက် ပိုကောင်းပါလိမ့်မယ်။

Cool Features of Mosh

Change IP. Stay connected.
No privileged code. No daemon.
Same login method.
Makes for sweet dreams.
Get rid of network lag.
Runs inside your terminal, but better.
Control-C works great.

(အသေးစိတ်ကို သေသေချာချာ စမ်းပြီးရင် ပြန်ရေးပါဦးမယ်။)

Getting Mosh

Mosh ဟာ အခမဲ့ ရယူအသုံးပြုနိုင်တဲ့ Free Software တစ်ခု ဖြစ်ပြီး၊ လောလောဆယ်မှာတော့ GNU/Linux, FreeBSD နဲ့ Mac OS X တွေမှာပဲ သုံးနိုင်ပါသေးတယ်။ Windows version လည်း ထွက်လာလိမ့်မယ်လို့ မျှော်လင့်ရပါတယ်။

Ubuntu 12.04 LTS (Precise) -

$ sudo apt-get install mosh

Fedora 15 or later -

$ sudo yum install mosh

Ubuntu 10.04 LTS through 11.10

$ sudo apt-get install python-software-properties
$ sudo add-apt-repository ppa:keithw/mosh
$ sudo apt-get update
$ sudo apt-get install mosh

Mac OS X 10.5 or later - https://github.com/downloads/keithw/mosh/mosh-1.1.3-2.pkg

မြန်မာပြည်လို အင်တာနက် နှေးတဲ့နေရာမှာ၊ Mobile ဖုန်းလိုင်းက အင်တာနက်ကို ပြန်ပြီး Share လုပ် သုံးနေရတဲ့ နေရာတွေအတွက် Mosh ဟာ အလွန် အသုံးတည့်လာနိုင်ဖွယ်ရာ ရှိပါတယ်။ Mosh အကြောင်း အသေးစိတ်ကို mosh.mit.edu မှာ လေ့လာနိုင်ပါတယ်။

Myanmar Seriously Need Social Entrepreneurs to Rebuild the Nation

everlearner — Sun, 08 Apr 2012 10:03:24 +0000

စီးပွားရေးလုပ်ငန်း တစ်ခုကို စွန့်စားပြီး စတင်ထူထောင်တဲ့အပြင် သူလုပ်တဲ့ စီးပွားရေးက လူမှုပတ်ဝန်းကျင်ကို တစ်ဖက်တစ်လမ်းက အထောက်အပံ့ဖြစ်စေမယ်၊ လူသားတွေရဲ့ လူမှုဘဝဆိုင်ရာ ပြဿနာ တစ်ခုခုကို ပြေလည်အောင် ဖြေရှင်ပေးနိုင်မယ်ဆိုရင်တော့ အဲဒီလို စွန့်ဦးတီထွင် လုပ်ငန်းရှင်မျိုးကို "စွန့်ဦးတီထွင် လူမှုစီးပွား လုပ်ငန်းရှင်" (Social Entrepreneur) တွေလို့ ခေါ်နိုင်ပါလိမ့်မယ်။ စီးပွားရေးတစ်ခု လုပ်ငန်းတစ်ခုကို စွန့်စားပြီး ကိုယ်တိုင်စတင် တည်ထောင်တဲ့သူတွေကို "စွန့်ဦးတီထွင် လုပ်ငန်းရှင်" (Entrepreneur) တွေလို့ ခေါ်ပါတယ်။

စီးပွားရေး ရင်းနှီးမြုတ်နှံမှုများ

ကျွန်တော်တို့ ချစ်တဲ့ မြန်မာပြည်ကို ပြန်လည်ထူထောင်ဖို့၊ အနှစ်ငါးဆယ်ကျော် အောက်ကျနောက်ကျ ဖြစ်ခဲ့ရတဲ့ အခြေအနေကနေ အမြန်ရုန်းထွက်နိုင်ဖို့ ကျွန်တော်တို့ တိုင်းပြည်မှာ Social Entrepreneur တွေ အများကြီး လိုအပ်နေပါတယ်။ အရေးတကြီး လိုအပ်နေပါတယ်။ ပြည်ပက ဝင်လာမယ့် စီးပွားရေးသမားတွေ၊ လုပ်ငန်းရှင်တွေက သူတို့အကျိုးစီးပွားအတွက်ပဲ လာတာပါ။ ဒေသခံ ပြည်သူလူထုအတွက် အမှန်တကယ် အကျိုးများစေမယ့် လုပ်ငန်းမျိုး လုပ်ဖို့ သိပ်အများကြီး လာမှာ မဟုတ်ပါဘူး။ ဒါကလည်း သဘာဝကျပါတယ်။ ကိုယ့်တိုင်းပြည်ကိုယ့်လူမျိုး အချင်းချင်းတောင် ကိုယ်ချင်းစာနာစိတ် ခေါင်းပါးပြီး ကိုယ်ကျိုးစီးပွားအတွက်ပဲ လုပ်တဲ့သူတွေ သိပ်များနေတဲ့အချိန်မှာ အပြင်က ဝင်လာတဲ့သူတွေကလည်း သူတို့အိပ်ထဲ ပိုက်ဆံရဖို့အတွက်ပဲ လုပ်မှာပါပဲ။

စွန့်ဦးတီထွင် လူမှုစီးပွား လုပ်ငန်းရှင် ဆိုတာ

သာမန် စီးပွားရေး လုပ်ငန်းရှင်တစ်ယောက်က အမြတ်အစွန်းရဖို့ကို ဦးစားပေး အလုပ်လုပ်တဲ့ အချိန်မှာ၊ Social Entrepreneurs တွေကတော့ လူမှုပတ်ဝန်းကျင်မှာ အကျိုးအမြတ်တစ်ခု ဖြစ်သွားဖို့၊ အပြောင်းအလဲကောင်းတစ်ခု ဖြစ်လာဖို့ကို ပိုပြီး ဦးစားပေးပါတယ်။ သူတို့လုပ်တဲ့ စီးပွားရေးက လူ့အဖွဲ့အစည်းနဲ့ သဘာဝ ပတ်ဝန်းကျင် ဖွံ့ဖြိုးတိုးတက်မှုကို ဦးတည်ပါတယ်။ ဒါဟာ အမြတ်အစွန်းများများရဖို့ကို အဓိကဦးတည်တဲ့ သာမန် စီးပွားရေးလုပ်ငန်းတွေနဲ့ အကြီးမားဆုံး ကွာခြားချက်ပါပဲ။ Social Entrepreneurs လုပ်ငန်းရှင် အတော်များများဟာ လုပ်ငန်းသဘာဝအရ အမြတ်အစွန်းမယူတဲ့ လူမှုအဖွဲ့အစည်းများ (Not-for-profit sectors)၊ အများအကျိုးဆောင် အဖွဲ့အစည်းများ (Volunteers) တွေနဲ့ အတူလက်တွဲ လုပ်ဆောင်ကြလေ့ ရှိပါတယ်။ Social Entrepreneurs အများစုဟာ ငယ်ဘဝမှာ ဆင်းရဲမွဲတေမှု၊ အခွင့်အရေးမညီမျှမှု စတဲ့ ပြဿနာတွေနဲ့ ကိုယ်တိုင်ကြုံတွေ့ ဖြတ်သန်းခဲ့ရတဲ့သူတွေ ဖြစ်နေလေ့ ရှိပါတယ်။

ဘယ်လို ပိုက်ဆံရမှာလဲ

အများအတွက် လုပ်နေမှတော့ ဘယ်လိုလုပ် ပိုက်ဆံရတော့မှာလဲ ဆိုပြီး မေးစရာ ရှိပါလိမ့်မယ်။ တကယ်တော့ အကျိုးအမြတ် တစ်ခုခု ပြန်မရဘဲ ဘယ်လုပ်ငန်းမှ ရေရှည်ရပ်တည်ဖို့ မလွယ်ပါဘူး။ Social Entrepreneur တွေဟာ လူ့အဖွဲ့အစည်း တိုးတက်ဖို့အတွက် လိုအပ်ချက် တစ်ခုခုကို ရှာကြံဖြည့်ဆည်းပြီး အမြတ်အစွန်း သိပ်မယူတဲ့ စီးပွားရေး လုပ်ငန်းမျိုးတွေကို လုပ်ပြီး ဝင်ငွေရအောင် လုပ်ကြတာ ဖြစ်ပါတယ်။ လတ်တလော အခြေအနေမှာ ဆင်းရဲသားတွေ အများကြီးရှိတဲ့ ကျွန်တော်တို့ တိုင်းပြည်ကို ရသလောက်ယူမယ် ဆိုတဲ့ စီးပွားရေးသမားတွေပဲ လာပြီး အလုပ်လုပ်မယ်ဆိုရင် တိုင်းပြည်နဲ့ လူမျိုးတွေ ဒီထက်ပိုပြီး ဆင်းရဲမွဲတေဖို့ပဲ ရှိပါတယ်။ လက်ရှိလုပ်ကိုင် လည်ပတ်နေတဲ့ စီးပွားရေးလုပ်ငန်းတွေမှာလည်း Social Entrepreneur တွေကို သိပ်အများကြီး တွေ့ရမှာ မဟုတ်ပါဘူး။

Examples of Social Entrepreneurs

Social Entrepreneurs တွေက ကမ္ဘာ့နေရဒေသ အနှံ့အပြားမှာ ရှိပါတယ်။ လုပ်ငန်းပုံစံ အမျိုးမျိုးနဲ့လည်း ရှိပါတယ်။ လိုအပ်ချက်တွေ အများဆုံးဖြစ်နေတဲ့ နေရာတွေမှာ ပိုပြီး ရှိနေပါတယ်။ ဥပမာအနေနဲ့ လေ့လာကြည့်ပါ။

Istvan Aba-Horvath: ဟန်ဂေရီနိုင်ငံမှာ အခြေစိုက်တဲ့ Istvan တို့လုပ်ငန်းက ဂျစ်ပစီကလေးငယ်တွေမှာ ပညာရေးလိုအပ်ချက်တွေ ဖြည့်ဆည်းဖို့နဲ့ ဝင်ငွေရတဲ့ အလုပ်တွေ ရရှိလာစေဖို့ ကူညီတဲ့ အလုပ်ဖြစ်ပါတယ်။ http://www.romacentrum.hu/kozhaz/debrecen
Raul Oscar Abasolo Trincado: ချီလီမှာ နေထိုင်တဲ့ Raul ရဲ့ အလုပ်က သူ့တိုင်းပြည်က ဆင်းရဲသား လူငယ်လေးတွေနဲ့ အတူအလုပ်လုပ်ပြီး၊ အဲဒီလူငယ်လေးတွေဟာ လူ့အဖွဲ့အစည်းအတွက် အဓိပ္ပါယ်ရှိပြီး၊ အသုံးဝင်တဲ့ လူသားတွေ ဖြစ်လာအောင် အခွင့်အလန်းတွေ ဖန်တီးပေးတာ ဖြစ်ပါတယ်။
Mohammed Bah Abba: Mohammed က ရှေးဟောင်း အီဂျစ်လူမျိုးတွေ အသုံးပြုခဲ့တဲ့ မြေအိုးတစ်မျိုးကို ပြန်လည် ဆန်းသစ်ဖော်ထုတ်ခဲ့တဲ့ သူဖြစ်ပါတယ်။ ဒီမြေအိုးကြောင့် နိုင်ဂျီးရီးဟားနိုင်ငံရဲ့ ဆိုးရွားပြင်းထန်တဲ့ ရာသီဥတုအောက်မှာ သူတို့ရဲ့ အစားအစာတွေကို လတ်ဆတ်နေအောင် သိုလှောင်သိမ်းဆည်း နိုင်ခဲ့ကြပါတယ်။
Abbass Abbass: Abbass က AlManarah ဆိုတဲ့ အဖွဲ့အစည်းကို အစ္စရေးနိုင်ငံ အလယ်ပိုင်းမှာ ၂၀၀၅ မှာ တည်ထောင်ခဲ့ပါတယ်။ သူ့ရဲ့ ရည်ရွယ်ချက်က သူ့တိုင်းပြည်မှာ ရှိနေတဲ့ မသန်မစွမ်းတဲ့သူတွေအပေါ် အဆင့်အတန်းခွဲဆက်ဆံမှု (Discrimination) ကို ရပ်တန့်စေဖို့ ဖြစ်ပါတယ်။
Rafael Alvarez: Rafael ရဲ့ ရည်ရွယ်ချက်က အမေရိကန် လူငယ်တွေရဲ့ အနာဂါတ် ရည်မှန်းချက်တွေကို မြှင့်တင်ပေးဖို့ပါ။ အထက်တန်း အောင်ပြီးတဲ့ လူငယ်တွေ အနေနဲ့ ကျွမ်းကျင်မှုစွမ်းရည် မြင့်မားတဲ့ အလုပ်တွေမှာ ဝင်ပြီး အလုပ်လုပ်နိုင်ဖို့၊ အဲဒီလူငယ်တွေ လိုအပ်တဲ့ စွမ်းရည်တွေ ရလာအောင် လေ့ကျင့် သင်ကြားပေးတဲ့ အလုပ်ကို အဓိက လုပ်ပါတယ်။ သူ့အဖွဲ့အစည်းက ဒီအလုပ်ကို ပြီးမြောက်အောင် အကောင်အထည် ဖော်ပါတယ်။ အသေးစိတ်ကို Genesys Works. http://www.genesysworks.org မှာ လေ့လာနိုင်ပါတယ်။ ကျွန်တော်တို့ တိုင်းပြည်မှာ လိုအပ်နေတာလည်း ဒီလို အလုပ်မျိုးပါပဲ။ ပြည်ပက ဝင်ရောက်လာမယ့် လုပ်ငန်းကြီးတွေ အတွက် လိုအပ်တဲ့ အလုပ်တွေကို ကိုယ့်ဆီက လူငယ်တွေက မလုပ်နိုင်လို့ လက်လွှတ်လိုက်ရတဲ့ အဖြစ်ဆိုးတွေကို ကျွန်တော် မြင်ရမှာ တကယ်ကြောက်မိပါတယ်။
Anita Ahuja: Anita ကတော့ အိန္ဒိယနိုင်ငံကပါ။ သူမဟာ သူ့တိုင်းပြည်မှာ ဖြစ်နေတဲ့ အညစ်အကြေးနဲ့ အမှိုက်စွန့်ပစ်မှု၊ အလုပ်လက်မဲ့ ဖြစ်မှု စတဲ့ ပြဿနာတွေကို Social entrepreneurial organization တစ်ခုဖြစ်အောင် တည်ထောင်နိုင်ခဲ့တဲ့သူ ဖြစ်ပါတယ်။ သူမရဲ့ လုပ်ငန်းက စွန့်ပစ်ထားတဲ့ ပလတ်စတစ်တွေကနေ ပိုက်ဆံအိတ်၊ လက်ကိုင်အိတ် စတဲ့ အဆင့်မြင့် လူသုံးကုန်တွေ ပြန်ထုတ်တဲ့ လုပ်ငန်း ဖြစ်ပါတယ်။ http://www.conserveindia.org/

လူတိုင်း Social Entrepreneur ဖြစ်နိုင်သည်

ဒီဆောင်းပါးကို အခုလို အပြီးထိ ဖတ်လာတဲ့ စာဖတ်သူမိတ်ဆွေဟာ Social Entrepreneur လုပ်ငန်းကို အတိုင်းအတာ တစ်ခုအထိ စိတ်ဝင်စားမှု ရှိနေတာ သေချာပါတယ်။ တကယ်တော့ လူတိုင်းဟာ စီးပွားရေးနဲ့ မကင်းပါဘူး။ အသက်ရှင်သန် ရပ်တည်ဖို့အတွက် ဝင်ငွေရရာ အလုပ်တစ်ခုခုကို မဖြစ်မနေ လုပ်ကြရတဲ့ သူတွေ ဖြစ်ပါတယ်။ သင့်ရဲ့ အလုပ်ဟာ လူ့အဖွဲ့အစည်းအတွက် ဘယ်လောက်အထိ အကျိုးဖြစ်တယ် မဖြစ်ဘူးဆိုတာ သင့်မှာ အများကြီး မူတည်ပါတယ်။ တကယ်လို့များ သင်ဟာ သူများဆီမှာ လုပ်နေတာ မဟုတ်ဘဲ ကိုယ်ပိုင်အလုပ်တစ်ခုခုကို စတင်ဖို့ ကြိုးစားနေတဲ့သူ တစ်ယောက်ဖြစ်ခဲ့မယ် ဆိုရင် Social Entrepreneur တစ်ယောက် ဖြစ်လာဖို့ လိုအပ်ချက် နှစ်ခုပဲ ရှိပါတယ်။

အဲဒီလိုအပ်ချက် နှစ်ခုကတော့ လူတွေရဲ့ လိုအပ်ချက်ကို ကူညီ ဖြည်ဆည်းချင်တဲ့ စိတ် နဲ့ စွန့်ဦးတီထွင် လုပ်ငန်းဆောင်ရွက်ချင်တဲ့ စိတ် တွေပါပဲ။ သေချာတာကတော့ လူမှုရေး၊ စီးပွားရေး၊ ကျန်းမာရေး၊ ပညာရေး အဘက်ဘက်က နိမ့်ပါးနေတဲ့ အမိမြန်မာပြည်မှာ သင့်လို အများအကျိုး ဆောင်ရွက်ချင်တဲ့ Social Entrepreneur လုပ်ငန်းရှင်တွေ အရေးတကြီးနဲ့ အမြောက်အများ လိုအပ်နေတယ် ဆိုတာပါပဲ။
စိတ်၏ချမ်းသာခြင်း ကိုယ်၏ကျန်းမာခြင်း အပေါင်းနဲ့ ပြည့်စုံကြပါစေ။

Ref: http://en.wikipedia.org/wiki/Social_entrepreneurship

အဆင်သင့် ဖြစ်ပြီလား - Are We Ready?

everlearner — Sun, 25 Mar 2012 15:14:37 +0000

အမိမြန်မာပြည်ရဲ့ ပြောင်းလဲ တိုးတက်စပြုနေတဲ့ အခြေအနေတွေကို အားရဝမ်းသာ စောင့်ကြည့်နေရင်း နေ့တိုင်းနီးပါး စဉ်းစားမိနေတဲ့ နောက်တစ်ချက်ကတော့ "ငါတို့ ဘာတွေ လုပ်ကြမလဲ" ဆိုတဲ့ မေးခွန်းပါ။ နိုင်ငံခြား ရင်းနှီးမြုတ်နှံမှုတွေ ဝင်လာတဲ့အခါ၊ လွတ်လပ်ပွင့်လင်းပြီး အဂတိလိုက်စားမှုကင်းတဲ့ စီးပွားရေး စနစ်ဖြစ်ပေါ်လာတဲ့အခါ ကျွန်တော်တို့ ဘာတွေ လုပ်ကြမလဲ။ မြန်မာပြည် ပြန်ရောက်ရင် ငါတို့ ဘာတွေ လုပ်ကြမလဲ။ ပိုက်ဆံရှာမှာလား။ တိုင်းပြည်ပြန်လည် တည်ထောင်တဲ့ နေရာမှာ တတ်နိုင်သလောက် ပါမှာလား။ မေးခွန်းတွေ အများကြီး မေးနေမိပါတယ်။

လူငယ်တွေ အဆင်သင့် ဖြစ်ပြီလား

ပြည်ပက ရင်းနှီးမြုတ်နှံမှုတွေ ဝင်ရောက်လာတဲ့ အခါ ဖြစ်ပေါ်လာမယ့် စီးပွားရေးနဲ့ အလုပ်အကိုင် အခွင့်အလမ်းသစ်တွေအတွက် ကျွန်တော်တို့ လူငယ်တွေဘက်က အဆင်သင့်ရော ဖြစ်နေရဲ့လားလို့ တွေးမိပါတယ်။ နည်းပညာဆိုင်ရာ ကွာခြားချက်၊ ဘာသာစကား ကွာဟချက်၊ လုပ်ငန်းအတွေ့ အကြုံ ကွာဟချက်တွေ အတွက် ကျွန်တော်တို့ အဆင်သင့် ဖြစ်ပြီလား။ အဆင်သင့် ဖြစ်နေရင်တော့ ပြဿနာ မရှိပေမယ့်၊ လိုအပ်တဲ့ ကျွမ်းကျင်လုပ်သား၊ ပညာရှင် အင်အား အဆင်သင့် မရှိခဲ့ရင်၊ ဒါမှမဟုတ် အချိန်မှီ ဖြည့်တင်းနိုင်စွမ်း မရှိခဲ့ရင်၊ ပြည်ပက ဝင်လာတဲ့ ကျွမ်းကျင်သူတွေ၊ ပညာရှင်တွေက အလုပ်နေရာကောင်းတွေကို အပေါ်စီးက ဝင်ယူသွားမှာ သေချာနေပါတယ်။

မိုးကောင်းသော်လည်း ရေခံခွက်မရှိခဲ့လျှင်

ဒေသခံ မြန်မာလူငယ်တွေက အလယ်အလတ်နဲ့ အဆင့်မြင့် အလုပ်အကိုင် အခွင့်အလမ်းတွေရဖို့အတွက် စိန်ခေါ်မှုတွေ အများကြီး ရင်ဆိုင်ရစရာ ရှိပါတယ်။ မိုးရွာပေမယ့် ခံစရာ ခွက်မရှိလို့ မိုးကောင်းတုန်း ရေမခံရတဲ့ အခြေအနေတစ်ခုနဲ့ ရင်ဆိုင်ရနိုင်ပါတယ်။ မြန်မာပြည်သား လူငယ်တစ်ယောက် အနေနဲ့ ကိုယ့်တိုင်းပြည်က လူငယ်တွေကို အဆင့်အတန်းရှိတဲ့ အလုပ်တွေမှာပဲ သိက္ခာရှိရှိ ရပ်တည်လုပ်ကိုင် နေတာပဲ မြင်တွေ့ချင်တာ အမှန်ပါ။

ကျွမ်းကျင်လုပ်သား

အစိုးရအနေနဲ့လည်း နိုင်ငံခြားက လာလုပ်တဲ့ လုပ်ငန်းတိုင်းမှာ ဒေသခံဝန်ထမ်းဦးရေ ရာခိုင်နှုံး ဘယ်လောက် ရှိရမယ်ဆိုတဲ့ အကာအကွယ်မျိုးတွေကို ထည့်ပေးထားဖို့ လိုပါလိမ့်မယ်။ ဒီနေရာမှာ စင်္ကာပူအစိုးရရဲ့ ပြည်ပအလုပ်သမားတွေကို ကိုင်တွယ်ထိန်းချုပ်ရာမှာ အသုံးပြုတဲ့ နည်းလမ်းအချို့ကို အတုယူကောင်း ယူဖို့လိုပါလိမ့်မယ်။ ကျွန်တော်ကတော့ မြန်မာလူမျိုးတွေကို သုံးလို့ရတဲ့ အလုပ်အကိုင်အားလုံးမှာ မြန်မာလူမျိုးတွေပဲ အလုပ်လုပ်ခွင့် ရနေတာမျိုးကိုပဲ မြင်ချင်ပါတယ်။ မြန်မာလူမျိုးတွေကိုပဲ လိုအပ်သလို နည်းပညာလွှဲပြောင်း ပို့ချပြီး လက်တွဲ အလုပ်လုပ်သွားတဲ့ ပြည်ပရင်းနှီးမြုတ်နှံမှုတွေကိုပဲ ကြိုဆိုချင်ပါတယ်။ ကိုယ့်တိုင်းပြည်ထဲကို ကုမ္ပဏီတစ်ခုလုံး ဝင်လာပြီး ထင်ရာလုပ်မယ့် သူတွေကိုတော့ မလိုချင်ပါဘူး။

ကျွန်တော်တို့ အဆင်သင့် ဖြစ်ပြီလား

တိုင်းပြည်က သယံဇာတအားဖြင့် ချမ်းသာကြွယ်ဝပေမယ့် လူဉီးရေ သန်းခြောက်ဆယ်ကျော်မှာ ဆင်းရဲတဲ့သူ ၅၉ သန်းကျော်လောက်ရှိတဲ့ ကျွန်တော်တို့ တိုင်းပြည်အတွက် တစ်ကယ်လိုအပ်နေတာက ဟန်ချက်ညီ ဖွံ့ဖြိုးတိုးတက်မှုပါ။ ပြည်သူပြည်သားတွေရဲ့ ပညာရေး၊ ကျန်းမာရေး၊ စီးပွားရေးနဲ့ လူနေမှု အဆင့်အတန်းတွေ ဟန်ချက်ညီညီ ဖွံ့ဖြိုးတိုးတက်ဖို့ အရေးတကြီး လိုအပ်နေပါတယ်။ အဲဒီအတွက် ကျွန်တော်တို့ လူငယ်တွေရဲ့ အင်အားနဲ့ ကြိုးစားအားထုတ်မှုတွေဟာ အရေးကြီးတဲ့ အင်အားတစ်ခု ဖြစ်လာမှာ သေချာနေပါတယ်။

တိုးတက်လာတဲ့ အခြေအနေကောင်းတွေ အတွက် ကျွန်တော်တို့ ဘာတွေ ပြင်ဆင်ထားပြီလဲ။ အခွင့်အလမ်းသစ်တွေကို ဖမ်းဆုပ်ဖို့အတွက် အဆင်သင့် ဖြစ်နေကြပြီလား။ ပြည်ပမှာ ရောက်ရှိ အခြေကျနေတဲ့ လူငယ်တွေရော ပြည်တွင်းမှာ ဖြစ်ပေါ်လာမယ့် အခွင့်အလမ်းကောင်းတွေ အတွက် ဘာတွေ ပြင်ဆင်ထားပြီလဲ။ အိမ်ပြန်ပြီး တိုင်းပြည်တည်ထောင်ရာမှာ တတ်စွမ်းသလောက် ပါကြမှာလား။ လက်ရှိ အခြေကျနေတဲ့ ပြည်ပက လုပ်ငန်းတွေမှာပဲ ငြိမ့်နေ၊ နှပ်နေကြမှာလား။ ကျွန်တော်တို့ ဆက်ပြီး ငြင်းခုန်နေ၊ အချင်းချင်း ရန်ဖြစ်နေကြဦးမှာလား။

အဖြေအတိအကျ မထွက်နိုင်သေးတဲ့ မေးခွန်းတွေနဲ့အတူ၊ စိုးရိမ် အားငယ်မှုတွေနဲ့အတူ၊ ရွှင်လန်းတက်ကြွမှုတွေနဲ့အတူ ကျွန်တော် အိမ်ပြန်ဖို့ အိပ်မက်တွေ နေ့တိုင်းမက်နေမိပါတယ်။

အရှင်ဇနကာ ဘိဝံသ ရေးသားပြုစုတော်မူသည့် တရားတော် စာအုပ်များ

mmshare — Sat, 24 Mar 2012 01:56:28 +0000

ကျေးဇူးတော်ရှင် မဟာဂန္ဓာရုံ ဆရာတော်ဘုရားကြီး အရှင်ဇနကာ ဘိဝံသ ရေးသားပြုစုတော်မူသည့် တရားတော် စာအုပ်များ

အခြေပြု ပဌာန်း တရားတော်
အနာဂါတ် သာသနာရေး
အရှင် ဇနကာဘိဝံ၏ အဆိုအမိန့်များ
ဘာသာသွေး
ဗုဒ္ဓဘာသာ လက်စွဲ အပိုင်း ၁ နှင့် ၂
ဓမ္မစကြာနှင့် အနတ္တလက္ခဏာသုတ်
ကိုယ်ကျင့် အဘိဓမ္မာ
မဟာ ဂန္ဓာရုံ ဝတ်ရွတ်စဉ်
နံနက်ခင်း သြဝါဒများ
ပါဠိသိက္ခာနှင့် သဒ္ဒါကျဉ်း
သိပ္ပံအမြင်နှင့် ဗုဒ္ဓအဘိဓမ္မာ အမေးအဖြေများ
ဝီထိနှင့် သုံးချက်စု ဘာသာဋီကာ
ရတနာ့ ဂုဏ်ရည်

Top 10 things to do after you install Drupal - Part 2

Htet Htet — Thu, 22 Mar 2012 10:15:17 +0000

Drupal site တစ်ခုကို စပြီး တည်ဆောက်တဲ့ အခါမှာ မဖြစ်မနေ လုပ်ဖို့ လိုအပ်တဲ့ အဆင့်တွေထဲက အစောပိုင်း အဆင့်တွေကို ရှေ့ပိုင်းက ဆောင်းပါးမှာ ပြောခဲ့ပါတယ်။ အခုဆက်ပြီး မဖြစ်မနေ အသုံးဝင်တဲ့ WYSIWYG Editor အကြောင်း၊ Drupal.org site ရဲ့ အသုံးဝင်ပုံ၊ Drupal ရဲ့ အခြား CMS တွေနဲ့ မတူ တမူထူးခြားတဲ့ CCK နဲ့ Content တွေ အကြောင်း၊ Search Box ဖန်တီးပုံ၊ ကိုယ့် site ကို စိတ်တိုင်းကျ မွမ်းမံဖို့ Theme အကြောင်း နဲ့ နောက်ဆုံးမှာ အကြောင်းအရာတွေကို စနစ်တကျ စုစည်းဖော်ပြပေးနိုင်တဲ့ Taxonomy တွေအကြောင်းကို ဝေမျှထားပါတယ်။

Add A WYSIWYG Editor

Drupal ကို install လုပ်ပြီးရင် text editor ထည့်ဖို့ မဖြစ်မနေ လိုအပ်ပါတယ်။ Text editor ထည့်ထားခြင်းအားဖြင့် HTML ကို သိပ်မကျွမ်း၀င်သေးတဲ့ end user တွေလည်း content တွေကို အလွယ်တကူ create လုပ်နိုင်ပါလိမ့်မယ်။
အသုံးအများဆုံး Text editor ကတော့ TinyMCE ပါ ။ Drupal 7 မှာTinyMCE install လုပ်ပုံ အသေးစိတ်ကိုတော့ Detail of Using Text Editor in Drupal 7 ဆောင်းပါးမှာ ရှင်းပြထားပြီးသားပါ။

Drupal ရဲ့ official site ဖြစ်တဲ့ Druapl.org မှာ register မလုပ်ရသေးဘူး ဆိုရင် ခု Register လုပ်ထားသင့်ပါတယ်။ ဒါဆို သူ့ရဲ့ forum မှာ ကိုယ်မသိသေးတာ သိချင်တာတွေရှိရင် မေးလို့ရပါတယ်။ ပြီးတော့ ကိုယ့်ကြုံတွေ့ရတဲ့ bug တွေကိုလည်း ပြန် share ပေးလို့ ရတာပေါ့။

Drupal newsletter ကို sign up လုပ်ထားရင် Druapl နဲ့ပတ်သက်တဲ့ သတင်းတွေ ၊ Security announcements တွေကိုပါ သိနိုင်ပါလိမ့်မယ်။

Create A Custom Content Type

Drupal မှာ story နဲ့ page ဆိုတဲ့ default content type နှစ်ခုရှိပါတယ်။ ဒါပေမယ့် အဲဒီ နှစ်ခုကိုပဲ သုံးရမယ်လို့ ကန့်သတ်ထားတာ မဟုတ်ပါဘူး။ ကိုယ့်စိတ်ကြိုက် content type တွေ ထပ်ဆောက်နိုင်ပါသေးတယ်။ Administer->Content Management->Content types ထဲမှာ Add content type ကို click နှိပ်လိုက်ယုံပါဘဲ။ ဥပမာ- Animal ဆိုတဲ့ content type တစ်ခု အသစ်ဆောက်မယ် ဆိုပါတော့။ Add content type ကို click ပြီး Name မှာ Animal ၊ type မှာ animal ကိုပေးလိုက်မယ်။ ပြီးရင် Save content type လေး click လိုက်တာနဲ့ Animal ဆိုတဲ့ နာမည်နဲ့ content type အသစ်တစ်ခု ရပါပြီ။

နောက်ထပ် field အသစ်တွေထည့်ပြီး စိတ်ကြိုက် customize လုပ်ချင်တယ်ဆိုရင်တော့ Content Construction Kit (CCK) ကို download ချပြီး ကောင်းကောင်းသုံးဖို့ လိုပါလိမ့်မယ်။ ဥပမာ- Animal content type မှာပဲ animal ရဲ့ အလေးချိန်၊ အသက်တို့ဖြည့်ဖို့ text box တွေ ၊ ရေသတ္တဝါလား၊ ကုန်းသတ္တဝါလား ဆိုတာရွေးနိုင်တဲ့ option လိုမျိုးလေးတွေနဲ့ ကိုယ့်စိတ်တိုင်းကျ ဆောက်နိုင်တာပေါ့။

Drupal 7 ကို သုံးမယ် ဆိုရင်တော့ CCK ကို သီးခြား ထည့်ဖို့ မလိုတော့ပါဘူး။ Drupal 7 core မှာ CCK ကို တစ်ခါတည်း ပေါင်းထည့်ထားပြီးသား ဖြစ်လို့ပါပဲ။ ဒါပေမယ့် ကျန်တဲ့ CCK fields တွေကိုတော့ လိုအပ်ရင် လိုအပ်သလို ထပ်ထည့်ဖို့ လိုပါလိမ့်မယ်။

တကယ်လို့ Content နဲ့ Content Management Systems (CMS) တွေအကြောင်း အသေးစိတ် လေ့လာချင်တယ် ဆိုရင်တော့ Understanding Content, Web Content & Content Management Systems ဆောင်းပါးမှာ လေ့လာနိုင်ပါတယ်။

Set up Search

Search box ဆိုတာ site တစ်ခုအတွက် မပါမဖြစ်လို့ ပြောလို့ရတယ်မဟုတ်လား။ သင့် site အတွက်လည်း search box လေး ထည့်ကြည့်ပါဦး။ Administer->Site Building->Modules ထဲမှာ search ကို on ပေးလိုက်ပါ။ ဒါဆို သင့် site ရဲ့ ဘယ်ဘက်ထိပ်မှာ search box လေးပေါ်လာပါပြီ။

Search module ကို enable လုပ်ပြီးပြီဆိုတော့ Administer->Site Configuration->Sreach Setting ထဲကို သွားကြည့်ရအောင်။ “0% of the site has been indexed.” ဆိုတဲ့ စာကြောင်းကို တွေ့ရပါလိမ့်မယ်။ site ကို index လုပ်ဖို့ ကြိုးစားကြည့်ကြရအောင်။ အရေးကြီးဆုံး setting ကတော့ Minimum word length ပါဘဲ။ သင့် site က သိပ်အကြီးစားကြီး မဟုတ်ဘူး ဆိုရင် Minimum word length 3 အစား 1 ကို ပြောင်းလိုက်ပါ။

ပြီးရင် Administer->Reports->Status Report ကိုသွားပြီး run cron manually ကို click လိုက်ပါ။ ကဲ ခုသင့်ရဲ့ search box လေး အလုပ်မလုပ် စမ်းသပ်ကြည့်လိုက်ပါဦး။

Learn about themeing

သင့်ရဲ့ Drupal site ကို default theme အတိုင်း မမြင်ချင်ဘူးဆိုရင် Drupal Theme Section ကို လေ့လာကြည့်ပါ။ theme လေးတွေ download ချပြီး စမ်းသုံးကြည့်ရင်း သူတို့ဘယ်လို အလုပ်လုပ်သွားတယ် ဆိုတာ သိအောင်လေ့လာကြည့်ပါ။ ပြီးရင် Theme Developers Guide ကိုလဲ ဖတ်ကြည့်လိုက်ပါဦး။ ဖတ်ရင်းနဲ့ နားမလည်တာ ၊ ပိုသိချင်တာတွေ ရှိလာရင် Drupal forums မှာ ၀င်မေးကြည့်ဖို့ မမေ့ပါနဲ့။ Drupal မှာ register လုပ်ပြီးသားပဲ။

Learn About the Drupal Taxonomy

Drupal မှာ taxonomy ဆိုတာ content တွေကို အမျိုးအစားအလိုက် ခွဲခြားပြီး တူရာအမျိုးအစားတွေကို စုစည်းဖော်ပြပေးဖို့ အတွက်ပါ။ အစပိုင်းမှာ နဲနဲ နားလည်ရခက်သလို ဖြစ်တတ်ပေမယ့် တစ်ကယ် အသုံး၀င်တဲ့ module ပါ။ Taxonomy အကြောင်း အသေးစိတ် ရှင်းပြထားတာကို Understanding Taxonomy For Information Architecture in Websites and Drupal CMS ဆောင်းပါးနဲ့ Multiple Content Types OR Multiple Taxonomy, What is the best solution in Drupal way? ဆောင်းပါးတွေမှာ ဖတ်နိုင်ပါတယ်။

အခု စာဖတ်နေတဲ့ ညီအကို မောင်နှမတွေရော Drupal site တစ်ခုကို စပြီး Develop လုပ်တဲ့အခါမှာ အခုဖတ်ခဲ့ရတဲ အချက်တွေ အပြင် နောက်ထပ် ဘယ်အချက်တွေများ ဆောင်ရွက်လေ့ရှိပါသလဲ....

Top 10 things to do after you install Drupal

Htet Htet — Mon, 19 Mar 2012 09:42:25 +0000

ကျွန်တော် က Drupal ကို လေ့လာဆဲ Beginner တစ်ယောက်ပါ။ ဒီ Post လေးကို တွေ့တော့ ကျွန်တော့်လိုပဲ Drupal ကိုလေ့လာနေတဲ့ အခြား Beginner တွေ တစ်စုံတစ်ရာ အကျိုးရှိစေလိုတဲ့ စေတနာနဲ့ ကြိုးစားပြီး ရေးကြည့်တာပါ။ Senior အကို၊ အမ များကလည်း လိုအပ်တာလေးတွေကို ဖြည့်ပြီး ပြောပေးကြပါဦးနော်။

Make sure you have clean URLs enabled

Clean URL ဆိုတာ drupal ရဲ့ ကောင်းမွန်တဲ့ feature တစ်ခု ဖြစ်ပါတယ်။ URL ရဲ့ “?q=” အပိုင်းကို ဖယ်ထုတ်ပေးလိုက်တဲ့ အတွက်ကြောင့် user တွေအတွက် မှတ်သားရ လွယ်ကူသွားစေသလို Search Engine Optimization အတွက်လည်း ပိုမိုကောင်းမွန် သွားစေပါတယ်။ ဥပမာ - http://www.mysite.com/?q=/node/1 ဆိုတဲ့ link ကို http://www.mysite.com/node/1 ဆိုပြီး ရှင်းလင်းသွားအောင် clean URL က လုပ်ဆောင်ပေးမှာ ဖြစ်ပါတယ်။

Drupal 6 နဲ့ 7 မှာ install လုပ်တဲ့အချိန်မှာပဲ clean URL ကို enable လုပ်ပေးပါတယ်။ Drupal old version တွေမှာတော့ automatic မလုပ်ပေးပါဘူး။ Administer->Site Configuration-> Clean URLs ကို သွားပြီး Enable လုပ်ပေးရမှာ ဖြစ်ပါတယ်။

Senior အကို တစ်ယောက် က clean URL အကြောင်းကို ဒီလိုထပ်ဖြည့် ပြောပြထားပါတယ်။ “Drupal install လုပ်တဲ့အချိန် clean URL ကို auto enable မလုပ်ခင် apache ရဲ့ mod_rewrite module enable ဖြစ်မဖြစ် အရင် စစ်ပါတယ်။ mod_rewrite enable မဖြစ်ဘူးဆိုရင် Drupal က clean URL ကို enable မလုပ်နိုင်ပါဘူး။ mod_rewrite enable ဖြစ်၊ မဖြစ် စိတ်ပူစရာတော့ သိပ်မလိုပါဘူး။ Hosting အများစု က enable လုပ်ပေးထားပြီးသားမို့ပါ။ တကယ်လို့ Drupal installation မှာ clean URL enable မရဘူးဆိုရင် mod_rewrite enable ဖြစ်၊ မဖြစ် Hosting ကို မေးကြည့်ဖို့ လိုပါလိမ့်မယ်။”

Install and Enable the Pathauto module

Clean URL ကို enable လုပ်ပြီးလို့ URL မှာ မျက်စိနောက်စရာ “?q=” ကတော့ ရှင်းသွားပါပြီ။ ခု Pathauto အကြောင်း နဲနဲပြောပါမယ်။ Drupal Help ဆိုတဲ့ ခေါင်းစဉ်နဲ့ node တစ်ခု ရေးမယ် ဆိုပါစို့။ အဲဒီ node ရဲ့ url က http://www.mysite.com/node/75 ဖြစ်နေမယ့် အစား http://www.mysite.com/drupal-help ဆိုတာလေး က ပိုမကောင်းဘူးလား။ user တွေလည်း မှတ်မိလွယ်စေသလို URL မှာ drupal ,help စတဲ့ keyword တွေ ပါတဲ့အတွက် SEO အတွက်လည်း ပိုကောင်းသွားစေပါတယ်။ အဲလိုဖြစ်သွားဖို့ Pathauto module လေး install လုပ်ပေးဖို့ လိုပါတယ်။

Pathauto module ကို ဒီနေရာ မှာ Download လုပ်နိုင်ပါတယ်။ ပြီးရင်တော့ Pathauto module ကို install, enable လုပ်ပေးရမှာပါ။

Pathauto module enable ဖြစ်သွားပြီဆိုရင် node အသစ်တိုင်း အတွက် Default node path ပုံစံ content/[title-raw] နဲ့ path ကို auto ထုတ်ပေးသွားမှာပါ။ Default ပုံစံကို မကြိုက်ဘူးဆိုရင် Drupal 6 မှာ − Administer -> Site Building -> URL Aliases (admin/build/path/pathauto) - မှာ ပြင်လို့ ရပါတယ်။

Drupal 7 မှာဆိုရင် Configuration-> URL aliases မှာ setting ကို လိုသလို ပြင်လို့ရပါတယ်။ ဒီ အကြောင်း အသေးစိတ်ကို Kirsten.org ရဲ့ URL Aliases Settings အကြောင်းမှာ အသေးစိတ် ရှင်းပြထားပါတယ်။

Add Some Content

အခု content တွေ ဖြည့်ရင်း ဆက်လေ့လာ ကြည့်ကြရအောင်။ Drupal ရဲ့ default content type နှစ်ခု ကတော့ story နဲ့ page တို့ ဖြစ်ပါတယ်။ Create content -> story ,Create content-> page မှ content တွေ create လုပ်ရမှာပါ။ Default အနေနဲ့ content type “story” နဲ့ create လုပ်ထားတဲ့ node တွေရဲ့ introtext (summary)ကို front page မှာ publish လုပ်ပေးပါတယ်။ front page မှာ မပေါ်ချင်ဘူးဆိုရင်လည်း Publishing Option မှာ သွားပြင်နိုင်ပါတယ်။

About Us လို static content တွေကို Content type “page” နဲ့ create လုပ်ပါတယ်။ page တစ်ခု အသစ်ယူပြီးရင် title ကို About Us လို့ပေးမယ်။ Menu Setting ရဲ့ Menu Link Title မှာလည်း About Us လို့ပဲပေးမယ်။ parent item ကို primary link ထားမယ်။ weight ကို 0 ပေးမယ်။ Body မှာ content ဖြည့်ပြီး save လုပ်ပြီးရင် ညာဘက် အပေါ် Primary Menu နေရာမှာ About Us Menu item တစ်ခု တိုးလာပါပြီ။

“page” အမျိုးအစား node တွေကိုတော့ front page မှာ မမြင်နိုင်ပါဘူး။ သူ့ကိုလည်း story လိုမျိုးပဲ Publishing Option မှာ ပြင်နိုင်ပါတယ်။

Add A Contact Me Form

User တွေနဲ့ အပြန်အလှန် interact ဖြစ်ဖို့ဆိုတာ အရေးကြီးတဲ့ အချက်တစ်ချက် ဖြစ်ပါတယ်။ သာမန် blog လေး ဖြစ်စေဦးတော့ ၊ contact page ရှိဖို့ လိုပါတယ်။ Drupal မှာ contact page ကို အလွယ်တကူ create လုပ်နိုင်ပါတယ်။

ပထမဆုံး Administrator->Site Building->Modules ထဲက contact module ကို enable လုပ်ပေးရပါမယ်။ ပြီးရင် Administrator -> Site Building -> Contact Form မှာ category အသစ်တစ်ခုယူ ၊settings မှာ စိတ်ကြိုက် configure လုပ်ပြီး contact form တစ်ခု ဆောက်လိုက်ပါ။

Contact Us ကို Menu တစ်ခုအနေနဲ့ ရဖို့ဆိုရင်တော့ Administer -> Site building -> Menus -> Primary Links မှာ menu item တစ်ခု ယူရပါမယ်။ menu settings ရဲ့ path မှာ ခုနက ဆောက်ထားတဲ့ contact form ရဲ့ path ကိုထည့်ပေးပြီး link title မှာတော့ menu မှာမြင်ရချင်တဲ့ Contact Us ကိုထည့်ပေးပါမယ်။ Menu တစ်ခုလုံးရဲ့ ညာဘက်ဆုံးမှာ ပေါ်ချင်တော့ weight ကို 5 ပေးလိုက်မယ်။ Menu item တွေအားလုံးပြီးပြီ ဆိုမှ menu item list မှာ drag and drop လုပ်ပြီး Menu position ကို စိတ်တိုင်းကျ ပြန်ပြင်လို့လဲ ရပါတယ်။ ခုဆို Contact Us Menu နဲ့ contact form တစ်ခု ရပါပြီ။

To be continued

ရွှေကိုမလို ငွေကိုမလို အာဏာမလို - မြန်နှုံးမြင့် အင်တာနက်သာ လိုသည်

everlearner — Sun, 18 Mar 2012 12:02:24 +0000

အမိ မြန်မာပြည်နဲ့ ဝေးနေတဲ့ လူငယ်တစ်ယောက် အနေနဲ့ တိုင်းပြည်မှာ အပြောင်းအလဲတွေ ဖြစ်လာတာကို မြင်ရတာ အင်မတန် ဝမ်းသာစရာပါ။ နိုင်ငံ ပြန်လည်ထူထောင်ရေးအတွက် ပြည်ပရောက် မြန်မာတွေကို ပြန်လာဖို့ ဖိတ်ခေါ်နေတာတွေကိုလည်း ဝမ်းသာစရာ မြင်နေရပါတယ်။ ဒါပေမယ့် နိုင်ငံခြား ရောက်နေတဲ့ မြန်မာလူငယ်တွေ အိမ်ပြန်နိုင်ဖို့ကတော့ မလွယ်သေးပါဘူး။ အခက်အခဲတွေ များစွာထဲက တစ်ခုကတော့ မြန်နှုံးမြင့် အင်တာနက် မရရှိသေးလို့ပါပဲ

အိုင်တီ၊ အင်ဂျင်နီယာနဲ့ အင်တာနက်

ပြည်ပမှာ အလုပ်လုပ်နေတဲ့ လူငယ်အများစုကို ပြန်ကြည့်ရင် အိုင်တီနဲ့ အင်ဂျင်နီယာ လုပ်ငန်းတွေမှာ အများဆုံးပါ။ လုပ်ငန်းအားလုံးမှာ ကွန်ပျူတာ၊ အင်တာနက်နဲ့ ဆက်စပ်မှု ရှိပါတယ်။ ဒီလူငယ်တွေ အိမ်ပြန် အလုပ်လုပ်နိုင်ဖို့ အင်တာနက်ကောင်းကောင်း အရင်လိုပါတယ်။ လုပ်ငန်းနဲ့ နိုင်ငံတကာ စျေးကွက်ရှာဖို့က အင်တာနက်ကောင်းကောင်း မရှိဘဲ ဘာမှ ဆက်လုပ်လို့ မရပါဘူး။

စင်္ကာပူက ကျွန်တော်တို့အရွယ် လူငယ်တွေ

ကျွန်တော့်မှာ Freelance Developer အနေနဲ့ အလုပ်လုပ်နေတဲ့၊ ကိုယ်ပိုင် လုပ်ငန်းတွေလုပ်နေတဲ့ စင်္ကာပူနိုင်ငံသား လူငယ်မိတ်ဆွေ အတော်များများ ရှိပါတယ်။ သူတို့ အလုပ်တွေအားလုံးက မြန်နှုံးမြင့် အင်တာနက်လိုင်းတစ်လိုင်းနဲ့ ကုမ္ပဏီလိပ်စာ တစ်ခုကိုပဲ မှီခိုပါတယ်။ တချို့ဆို စာတိုက်သေတ္တာ (Mail box) တစ်ခုပဲ ငှားထားတာမျိုး ရှိပါတယ်။ စင်္ကာပူမှာ တစ်လကို ဒေါ်လာ ၇၀ (မြန်မာငွေ ၄၅၀၀၀ နီးပါး) ပေးရင် Sim Card ဖိုး ပေးစရာမလိုတဲ့ 3G Mobile Internet, 50 GB monthly data transfer လိုင်းတစ်လိုင်း ရပါပြီ။ Upload/Download rate က 3 Mbps - 12 Mbps ရှိပါတယ်။ အဲဒီလိုင်း လျှောက်ဖို့အတွက်လည်း IC card တစ်ခုကလွဲရင် ဘာစာရွက်စာတမ်းမှ မလိုပါဘူး။ ဘာကန့်သတ်ချက်မှလည်း မရှိပါဘူး။

မြန်မာလူငယ်တွေ ညံ့လို့လား

အဲဒီတော့ မြန်မာလူငယ် တစ်ယောက်က အလွန်နှေးတဲ့ အင်တာနက်လိုင်းမှာ တစ်နေကုန် အလုပ်လုပ်နေတဲ့ အလုပ်ကို စင်္ကာပူက လူငယ်တစ်ယောက်က တစ်နာရီစာတောင် လုပ်စရာ မလိုတဲ့ သဘောပါ။ အင်တာနက်၊ အိုင်တီ လုပ်ငန်းတစ်ခုအတွက် မြန်နှုံးမြင့် အင်တာနက်လိုင်း တစ်ခုလောက် အရေးကြီးတာ ဘာမှ မရှိပါဘူး။ စင်္ကာပူက နေရာ တော်တော်များများမှာ အလုပ် တော်တော်များများမှာ မြန်မာတွေ ရှိပါတယ်။ စင်္ကာပူက ကျွန်တော်တို့အရွယ် လူငယ်တွေထက် ကျွန်တော်တို့ မြန်မာလူငယ်တွေ ပိုတော်တယ်ဆိုတာ ပါးစပ်က ထုတ်ဖော် မပြောကြပေမယ့် ဘယ်သူမှ ငြင်းလို့ မရပါဘူး။ အစိုးရနဲ့ ဖက်စပ်နေတဲ့ SingTel, Starhub နဲ့ M1 တို့လို ISP တွေ အပြင် အိုင်တီလုပ်ငန်း အတော်များများမှာ မြန်မာလူငယ်တွေ ရှိပါတယ်။

မတူတဲ့ ကန့်သတ်ချက်များ

ကျွန်တော့်လက်ရှိ အလုပ်က သူဌေးကောင်မလေးဆိုရင် မိဘတွေက စျေးသည်တွေပါ။ သူကိုယ်တိုင်ကလည်း အိုင်တီနဲ့ ဘွဲ့ရတာ မဟုတ်ပါဘူး။ ဒါပေမယ့် သူ့အသက် ၂၈ နှစ်၊ အခုအချိန်မှာ အိုင်တီလုပ်ငန်း နှစ်ခုကို ဦးစီးလုပ်ကိုင်နေပါပြီ။ သူ့ဆီမှာ အလုပ်လုပ်နေတဲ့ အိုင်တီသမားတွေအားလုံးက နိုင်ငံခြားသားတွေပါ။ Marketing နဲ့ကျန်တဲ့ အလုပ်တွေမှာပဲ သူတို့နိုင်ငံသားနဲ့ မလေး လူမျိုးတွေ ရှိပါတယ်။ အားလုံးကလည်း လူငယ်တွေချည်းပါပဲ။

မြန်မာပြည်မှာ သာမန်မိသားစုက မွေးလာတဲ့ လူငယ်တစ်ယောက်၊ အသက် ၂၈ နှစ်မှာ အခုလို အိုင်တီ လုပ်ငန်းနှစ်ခုကို လည်ပတ်နေဖို့ မလွယ်တာကို မြင်စေချင်ပါတယ်။ စင်္ကာပူရဲ့ နိုင်ငံရေး အခြေအနေက အရင်က မြန်မာနဲ့ သိပ်မကွာပါဘူး။ အခုလို မြန်မာပြည်မှာ အရမ်းပွင့်လင်းတိုးတက်လာပြီး အစိုးရရဲ့ အတိုက်အခံတွေက စိတ်တိုင်းကျ စည်းရုံးဟောပြောခွင့် ရနေတဲ့ အချိန်ရောက်နေပေမယ့်၊ စင်္ကာပူမှာတော့ အစိုးရအတိုက်အခံတွေက အစိုးရကို တရားဝင်ဝေဖန်ခွင့် မရှိတာ၊ ပြည်သူတွေက လွတ်လပ်စွာ ပြောဆိုရေးသားခွင့် မရှိတာ ဆယ်စုနှစ်များစွာ ရှိခဲ့ပါပြီ။ ဒါပေမယ့် စီးပွားရေးလုပ်ငန်းနဲ့ အိုင်တီဘက်မှာတော့ အတားအဆီးမရှိ လွတ်လပ်စွာ ယှဉ်ပြိုင်ခွင့် ပြုထားပါတယ်။

စင်္ကာပူနိုင်ငံမှာ နိုင်ငံရေးအရ ကန့်သတ်ချက်တွေ အများကြီး ရှိပေမယ့် လူငယ်တွေကို စီးပွားရေးမှာ လွတ်လပ်စွာ ယှဉ်ပြိုင်ခွင့် ရှိအောင် လမ်းတွေ ဖွင့်ပေးထားပါတယ်။ နိုင်ငံသားစစ်စစ်တွေ မဆိုထားနဲ့ Permenent Resident လို့ ခေါ်တဲ့ (အချိန်အတိုင်းအတာ တစ်ခုထိ) အမြဲတမ်း နေထိုင်ခွင့် ရထားတဲ့ နိုင်ငံခြားသားတွေလည်း စီးပွားရေးလုပ်ငန်းတွေမှာ သူတို့ နိုင်ငံသားတွေနဲ့ ရင်ဘောင်တန်း လုပ်ခွင့် ရှိပါတယ်။ ဒါဟာ အလွန်အတုယူစရာ ကောင်းတဲ့ အချက်တစ်ခုပါ။

စင်္ကာပူက လူငယ်တစ်ယောက်ဟာ ကိုယ်ပိုင်စီးပွားရေးတစ်ခုကို စတင်ဖို့၊ ကုမ္ပဏီတစ်ခု ထောင်ချင်ရင် တရားဝင် လုပ်ငန်း မှတ်ပုံတင်ဖို့ နာရီပိုင်းပဲ ကြာပါတယ်။ ဘယ်လူကြီးသား၊ ဘယ်ရာထူးရှိသူကိုမှ ပိုင်အောင် ပေါင်းစရာ မလိုပါဘူး။ ကိုယ်ပိုင် အရည်အချင်း ရှိဖို့ပဲ လိုအပ်ပါတယ်။ ဒါဟာ နောက်ထပ် အကြီးမားဆုံး ခြားနားချက် တစ်ခုပါပဲ။ အဲဒီလို လွတ်လပ်စွာ အနှောင်အဖွဲ့ကင်းစွာ ယှဉ်ပြိုင်ခွင့်ရတဲ့ နေရာတစ်ခုကို ကမ္ဘာ့နေရာ အနှံ့က အတတ်ပညာရှင်တွေ၊ စီ:ပွားရေး ပညာရှင်တွေ လာအလုပ်လုပ်တာ မဆန်းပါဘူး။

၂၁ ရာစုထဲက ၁၉ ရာစု စီးပွားရေး

အားလုံးသိတဲ့ အတိုင်း မြန်မာပြည်မှာ ရွှေ၊ ကြေးနီ၊ ကျောက်မျက်၊ သဘာဝဓါတ်ငွေ့ သယံဇာတတွေ အများကြီး ထွက်ပါတယ်။ ဒါပေမယ့် ကုန်ချောထုတ်ရောင်းတဲ့ အဆင့်မှာ မရှိပါဘူး။ တရုတ်နဲ့၊ ထိုင်းကို အခုရောင်းနေတဲ့ သဘာဝဓါတ်ငွေ့တွေအစား လျှပ်စစ်အနေနဲ့ အချောထုတ်ရောင်းနိုင်ရင် အခုထက် ပိုမြတ်ပြီး၊ နိုင်ငံရေး၊ စီးပွားရေးအရလည်း အသာစီး ရမှာ သေချာပါတယ်။ ကျန်တဲ့ သဘာဝ သယံဇာတနဲ့ လူသား အရင်းအမြစ်တွေမှာလည်း ဒီလိုပါပဲ။ ၂၁ ရာစု ဒီခေတ်မှာ ကုန်ကြမ်းရောင်းစားရတယ် ဆိုတဲ့ စီးပွားရေးဟာ အရမ်းကို ခေတ်နောက်ကျနေပါပြီ။ အားမနာတမ်းပြောရရင် ၁၉ ရာစုက စီးပွားရေးပါ။ မြန်မာနဲ့ ဆက်စပ်နေတဲ့ အိမ်နီးချင်းနိုင်ငံတွေအားလုံးဟာ မြန်မာပြည်ရဲ့ ဒီအားနည်းချက်တွေကို အခွင့်ကောင်းယူပြီ:၊ သူတို့မှာ မထွက်တဲ့ မြန်မာပြည်က သယံဇာတတွေနဲ့ မြန်မာပြည်က လာအလုပ်လုပ်တဲ့ လူသားအရင်းအမြစ် (သက်ရှိ သယံဇာတ) တွေကို အသုံးချပြီး နှစ်ပေါင်း ၅၀ အတွင်းမှာ အစစ၊ အရာရာ ထိပ်တန်းရောက်သွားပါပြီ။

အိမ်ပြန်ချိန်

မြန်မာပြည်ကို အမြန်ဆုံး တိုးတက်လာအောင် လုပ်နိုင်ဖို့ အကောင်းဆုံး နည်းလမ်းတစ်ခုကတော့ လူငယ်တွေ လက်ထဲကို ဈေးချိုတဲ့ မြန်နှုံးမြှင့် အင်တာနက် ထည့်ပေးလိုက်ဖို့ပါပဲ။ အိုင်တီလုပ်ငန်းက အခုတူးနေတဲ့ သယံဇာတတွေလို နေရာအများကြီး မယူဘူး။ အဆုံးအရှုံး မများဘူး။ ဒါပေမယ့် ပိုက်ဆံ ပိုရှာပေးနိုင်ပါတယ်။

အင်တာနက်နှေးတဲ့ အတွက် အချိန်နဲ့ငွေ အကြီးအကျယ် ဆုံးရှုံးရပါတယ်။ ပေးထားရတဲ့ ပိုက်ဆံနဲ့ အညီ ဝန်ဆောင်မှု ပေးနိုင်တဲ့ အင်တာနက်လုပ်ငန်းတွေ မရှိသေးသမျှတော့ ကျွန်တော်တို့ နိုင်ငံ အင်တာနက်နဲ့ စီးပွားရေး လုပ်လို့ မရသေးပါဘူး။

မြန်မာ လူငယ်တွေ အိမ်ပြန်အလုပ်လုပ်ဖို့ ဘာမှ မလိုပါဘူး။ ရွှေမလိုပါဘူး။ ငွေမလိုပါဘူး။ လူငယ်တွေဟာ အာဏာလည်း မမက်ပါဘူး။ အနှောင်အဖွဲ့ ကင်းစွာ၊ လွတ်လပ်စွာ ရှင်သန်လှုပ်ရှားခွင့်၊ တီထွင်ဖန်တီးခွင့်နဲ့ ပွင့်လင်း မြန်ဆန်တဲ့ အင်တာနက်တစ်ခုသာ လိုအပ်ပါတယ်။ အဲဒီ အချိန်ရောက်လာရင် နိုင်ငံပြင်ပမှာ ရောက်နေတဲ့ မြန်မာလူငယ်တွေ ဝမ်းသာအားရ အိမ်ပြန်လာကြမယ်လို့ ကျွန်တော်ကတော့ လှိုက်လှိုက်လှဲလှဲ ယုံကြည်ပါတယ်။ သိပ်မဝေးတော့တဲ့ အနာဂါတ်တစ်ခုမှာ အမိမြန်မာပြည်ကို ပြန်လည်ထူထောင်ဖို့အတွက် ကျွန်တော်တို့ အိမ်ပြန်နိုင်ကြမယ်လို့ မျှော်လင့်နေမိပါတယ်။

mmshare

What Can We Bring Back for Our Country, Myanmar

Coming Back with Helping Hands

How about other Big Guys?

Time for the Country

Tags:

လူတော်ချစ်တဲ့ လူတော်တွေ - Clever Guys Love Clever Guys

Important Infrastructures

Case Study from Singapore ICT Sector

Government Projects

Brain Drain....? Why....?

Clever Guys Love Clever Guys

Tags:

How to Use Node Reference with Contextual Filter ?

အရင်ဆုံး modules တွေထည့်မယ်။

ဘာကြောင့် Node Reference ကို သုံးမှာလဲ။

Views ဆောက်ခြင်း

Context ကိုသုံး၍ အခါတစ်ရာ လုပ်ရမည့် အလုပ်များကို လျှော့ချခြင်း

Tags:

Mosh - Mobile Shell - Alternative to SSH from MIT

Better Alternative to SSH

Cool Features of Mosh

Getting Mosh

Tags:

Myanmar Seriously Need Social Entrepreneurs to Rebuild the Nation

စီးပွားရေး ရင်းနှီးမြုတ်နှံမှုများ

စွန့်ဦးတီထွင် ​လူမှုစီးပွား လုပ်ငန်းရှင် ဆိုတာ

ဘယ်လို ပိုက်ဆံရမှာလဲ

Examples of Social Entrepreneurs

လူတိုင်း Social Entrepreneur ဖြစ်နိုင်သည်

Tags:

အဆင်သင့် ဖြစ်ပြီလား - Are We Ready?

လူငယ်တွေ အဆင်သင့် ဖြစ်ပြီလား

မိုးကောင်းသော်လည်း ရေခံခွက်မရှိခဲ့လျှင်

ကျွမ်းကျင်လုပ်သား

ကျွန်တော်တို့ အဆင်သင့် ဖြစ်ပြီလား

Tags:

အရှင်ဇနကာ ဘိဝံသ ရေးသားပြုစုတော်မူသည့် တရားတော် စာအုပ်များ

Tags:

Top 10 things to do after you install Drupal - Part 2

Add A WYSIWYG Editor

Sign up for an account at Drupal.org

Create A Custom Content Type

Set up Search

Learn about themeing

Learn About the Drupal Taxonomy

Tags:

Top 10 things to do after you install Drupal

Make sure you have clean URLs enabled

Install and Enable the Pathauto module

Add Some Content

Add A Contact Me Form

Tags:

ရွှေကိုမလို ငွေကိုမလို အာဏာမလို - မြန်နှုံးမြင့် အင်တာနက်သာ လိုသည်

အိုင်တီ၊ အင်ဂျင်နီယာနဲ့ အင်တာနက်

စင်္ကာပူက ကျွန်တော်တို့အရွယ် လူငယ်တွေ

မြန်မာလူငယ်တွေ ညံ့လို့လား

မတူတဲ့ ကန့်သတ်ချက်များ

၂၁ ရာစုထဲက ၁၉ ရာစု စီးပွားရေး

အိမ်ပြန်ချိန်

Tags:

စွန့်ဦးတီထွင် လူမှုစီးပွား လုပ်ငန်းရှင် ဆိုတာ