முஸ்லிம் உலகம்

ஜெர்மனின் மிகப்பெரிய பள்ளிவாசலில் வெள்ளிக்கிழமை நாட்களில் ஒலிபெருக்கியினுாடாக அதானை ஒலிபரப்ப அனுமதி

noreply@blogger.com (muslimulakam) — Tue, 12 Oct 2021 12:42:00 +0000

ஜெர்மனின் மிகப்பெரும் பள்ளிவாசலில் வெள்ளிக்கிழமை நாட்களில் பகல் வேளையில் ஒலிபெருக்கியினுாடாக அதானைன ஒலிபரப்புவதற்கு அனுமதி வழங்கப்பட்டுள்ளது. ஜெர்மனின் கோல்ன் நகரின் அதிகாரிகளுக்கும், அந்நகரில் வசிக்கும் முஸ்லிம் சமூகத்தினருக்கும் இடையிலான உடன்படிக்கையைத் தொடர்ந்து மேற்படி அனுமதி வழங்கப்பட்டுள்ளது. கோல்ன் நகரில் காணப்படும் அனைத்து 35 பள்ளிவாசல்களுக்கும் வெள்ளிக்கிழமை நாட்களில் நன்பகல் 12.00 மணி முதல் பி.ப. 3.00 மணிவரை 5 நிமிடங்கள் ஒலிபெருக்கியினுாடாக அதானை ஒலிபரப்புவதற்கு அனுமதிக்கப்பட்டுள்ளது. முதற்கட்டமாக இரண்டு வருடங்களுக்கு இந்த அனுமதி வழங்கப்பட்டுள்ளது.

கோல்ன் மத்திய பள்ளிவாசல் ஜெர்மனியின் மிகப் பெரிய பள்ளிவாசலாக காணப்படுவதுடன், இது 2018ஆம் ஆண்டு துருக்கி ஜனாதிபதி எர்டோகன் அவர்களால் திறந்து வைக்கப்பட்டது. இப்பள்ளிவாசலானது துருக்கி அரசாங்கத்தன் மதவிவகார ஆணையகத்தின் கிளை நிறுவனமான DITIB இனால் நிறுவகிகப்பட்டு வருகின்றது. DITIB அமைப்பானது ஜெர்மனின் மிக முக்கியமான இஸ்லாமிய அமைப்பாகும் என்பது குறிப்பிடத்தக்கது. தொழுகைக்கான முஅஸ்ஸினின் அழைப்பிற்கு அனுமதி வழங்கப்பட்டதானது மதித்து நடப்பதற்கான அடையாளமாகும் எனகோல்ன் நகரின் மேயர் ஹென்ரிட் ரேகர் தனது டுவிட்டர் பக்கத்தில் பதிவிட்டுள்ளார். ஜெர்மனில் தற்போது 45 இலட்சம் முஸ்லிம்கள் வாழ்ந்து வருவதோடு, நாட்டின் முதலாவது சிறுபான்மை சமூகமாக முஸ்லிம்கள் காணப்படுகின்றனர்.

நபிகள் நாயகம் ﷺ அவர்களின் கேலிச்சித்திரத்தை வரைந்த சுவீடன் நாட்டவர் வாகன விபத்தில் பலி

noreply@blogger.com (muslimulakam) — Mon, 04 Oct 2021 11:55:00 +0000

நபிகள் நாயகம் ﷺ அவர்களின் கேலிச்சித்திரத்தை வரைந்த சுவீடன் நாட்டைச் சேர்ந்த லார்ஸ் வில்க் எனும் கேலிச்சித்திரக் கலைஞர் பொலிஸாரின் பாதுகாப்பில் இருக்கும் நிலையில் வாகன விபத்தொன்றில் பலியாகியுள்ளார். இவர் சுவீடன் பொலீஸின் வாகனம் ஒன்றில் சென்றுகொண்டிருக்கும் போது எதிரில் வந்த ட்ரக் வண்டியுடன் மோதியதில் ஏற்பட்ட விபத்தின் காரணமாக கொல்லப்பட்டுள்ளார். லார்ஸ் வில்க் உடன் காரில் பயணம் செய்த இரண்டு பொலீஸாரும் மேற்படி விபத்தில் பலியாகி உள்ளனர். ஞாயிற்றுக் கிழமையன்று சுவீடன் தென் பகுதி நகரான மார்க்கரய்டில் இடம்பெற்ற விபத்திலேயே லார்ஸ் வில்க் கொல்லப்பட்டுள்ளார். விபத்தின் போது வாகனம் தீப்பற்றியெறிந்ததாக சம்பவத்தை நேரில்கண்டவர்கள் தெரிவித்துள்ளனர்.

லார்ஸ் வில்க் வரைந்த நபிகள் நாயகம் ﷺ அவர்களின் கேலிச்சித்திரமொன்று 2007ஆம் ஆண்டு வெளியிடப்பட்டது. முஸ்லிம்களை புண்படுத்தும் ரீதியாக வரையப்பட்ட கேலிச்சித்திரத்திற்கு எதிராக உலகின் பல நாடுகளிலும் உள்ள முஸ்லிம்கள் குரல் கொடுத்தனர். அதவேளை, லார்ஸ் வில்க் கொலை செய்பவர்களுக்கு அல்-குவைதா அமைப்பு ஒரு இலட்சம் அமெரிக்க டொலர்களை பரிசாக அறிவித்தது. அதனைனத் தொடர்ந்து சுவீடனுக்கும் இடையான இராஜ தந்திர உறவில் விரிசல் ஏற்பட்டதுடன், அதனை நிவர்த்தி செய்யும் பொருட்டு அப்போதைய சுவீடன் பிதமர் பெட்ரிக் ரெய்ன்பெல்ட் 22 முஸ்லிம் நாடுகளின் துாதரக அதிகாரிகளுடன் பேச்சுவார்த்தையில் ஈடுபட்டார். 2015ஆம் ஆண்டு கொபன்ஹெகன் நகரில் கூட்டமொன்றில் கலந்துகொள்ள வந்திருந்த லார்ஸ் வில்க் மீது துாப்பாக்கிச் சூடு மேற்கொள்ளப்பட்டதுடன் அதில் அவர் உயிர் தப்பினார் என்பது குறிப்பிடத்தக்கது.

இஸ்ரேல் இனவாத அரசாகும் எனும் பிரேரணைக்கு ஆதவராக ஐக்கிய இராச்சியத்தின் தொழிலாளர் கட்சி வாக்களிப்பு

noreply@blogger.com (muslimulakam) — Sat, 02 Oct 2021 04:22:00 +0000

இஸ்ரேல் இனவெறியைத் துாண்டும் நாடாகும் என்ற பிரேரணைக்கு ஆதரவாக ஐக்கிய இராச்சியத்தின் தொழிலாளர் கட்சி வாக்களித்துள்ளது. ஐரோப்பாவில் மிகப் பெரிய அரசியல் கட்சியொன்று இஸ்ரேலுக்கு எதிராக இவ்வாறான ஒரு முடிவை எடுத்துள்ளது இதுவே முதல் தடவையாகும். தொழிலாளர் கட்சி ஆதரவாக வாக்களித்துள்ள பிரேரணையானது, இஸ்ரேலுடன் ஆயுத கொடுக்கல் வாங்கலை நிறுத்தல் மற்றும் இஸ்ரேலின் சட்டரீதியற்ற குடியிருப்புக்களுடன் வர்த்தக நடவடிக்கைகளை நிறுத்தல் போன்ற விடயங்களை உள்ளடக்கியுள்ளது.

பலஸ்தீன் மக்களை சொந்த இடங்களிலிருந்து வெளியேற்றல், அல்-அக்ஸா பள்ளிவாசலில் மீதான இஸ்ரேலிய இராணுவத்தின் தாக்குதல், செய்க் ஜர்ரா பகுதியிலிருந்து வலுக்கட்டாயமாக மக்களை வெளியேற்றல் மற்றும் காஸா பிராந்தியத்தின் மீதான இஸ்ரேலின் கொலைவெறித் தாக்குதல் என்பவற்றை கண்டிப்பதாக தொழிலாளர் கட்சி தனது பிரேரணையில் தெரிவித்துள்ளது. ஐக்கிய நாடுகள் சபையின் மனித உரிமை கண்கானிப்பகத்தின் அறிக்கைகளை மேற்கோள் காட்டி மேற்படி பிரேரணையில் குறிப்பிடப்பட்டுள்ளது.

உம்ரா கடமைக்கு ஒரு நாளில்அனுமதிக்கப்படும் யாத்திரீகர்களின் எண்ணிக்கை ஒரு இலட்சமாக அதிகரிப்பு

noreply@blogger.com (muslimulakam) — Fri, 01 Oct 2021 12:36:00 +0000

நாளந்தம் உம்ரா கடமைக்காக வேண்டி அனுமதிக்கப்படும் யாத்திரீகர்களின் எண்ணிக்கை ஒரு இலட்சமாக அதிகரிக்கப்பட்டுள்ளதாக சவூதி அரேபியாவின் ஹஜ் மற்றும் உம்ரா அமைச்சு அறிவித்துள்ளது. அதேவளை,புனித மஸ்ஜிதுல் ஹரம் பள்ளிவாசலில் நாளாந்தம் ஐவேளை தொழுகைக்காக வேண்டி 60,000 பேரை அனுமதிக்கவுள்ளதாக அறிவிக்கப்பட்டுள்ளது.

70வயதிற்கு மேற்பட்ட உள்நாட்டைச் சேர்ந்தவர்களுக்கும் உம்ரா கடமைகளை நிறைவேற்றஅனுமதிக்கப்பட்டுள்ளது. கொரோனா வைரசுக்கு எதிரான தடுப்பூசிகளை பெற்றுள்ள 12வயதிற்கு மேற்பட்ட அனைவருக்கும்உம்ரா செய்வதற்கான அனுமதி வழங்கப்பட்டுள்ளது.

உம்ரா கடமைகளுக்காகவும் மற்றும் ஹரம் பள்ளிவாசலில் ஐவேளை தொழுகைக்காகவேண்டியும் தம்மை பதிவுசெய்துகொள்வதற்காக Eatmarna மற்றும் Tawakkalna போன்ற மொபைல் அப்களை பயன்படுத்த முடியும் என்று ஹஜ் மற்றும் உம்ரா அமைச்சு மேலும் அறிவித்துள்ளது.

2021ஆம் ஆண்டின் உலகின் மிகச்சிறந்த விமான நிலையமாக கட்டார் ஹமாத் சர்வதேச விமான நிலையம் தெரிவு

noreply@blogger.com (muslimulakam) — Thu, 30 Sep 2021 12:35:00 +0000

உலகின் மிகச்சிறந்த விமான நிலையங்கள் மற்றும் விமான சேவைகளை தரப்படுத்தும் ஸ்கை ட்ரக் (Skytrax) நிறுவனம் 2021ஆம் ஆண்டிற்கான தரப்படுத்தல் பட்டியலை வெளியிட்டுள்ளது. அந்த வகையில் 2021ஆம் ஆண்டின் மிகச்சிறந்த விமான நிலையமாக கட்டாரின் டோஹா நகரில் அமைந்துள்ள ஹமாத் சர்வதேச விமான நிலையம் தெரிவுசெய்யப்பட்டுள்ளது. 2014ஆம் ஆண்டு திறக்கப்பட்ட ஹமாத் சர்வதேச விமான நிலையம், 2020ஆம் ஆண்டிற்கான தரப்படுத்தலின் போது மூன்றாம் இடத்தைப் பெற்றது. கடந்த வருடம் மிகச்சிறந்த விமானநிலையமாக தெரிவுசெய்யப்பட்ட சிங்கப்பூர் சங்கி சர்வதேச விமானநிலையம், இம்முறை மூன்றாவது இடத்திற்கு தள்ளப்பட்டுள்ளது. அதேவளை, 2021ஆம் ஆண்டிற்கான மிகச்சிறந்த விமான சேவை நிறுவனமாக கட்டார் எயார்வேஸ் நிறுவனம் தெரிவு செய்யப்பட்டுள்ளது.

கடந்த வருடங்களில் கட்டார் அரசாங்கம் ஹமாத் சர்வதேச விமான நிலையம் மற்றும் கட்டார் எயார்வேஸ் நிறுவனம் போன்றவற்றுக்கு அதிகமான முதலீடுகளை செய்திருந்தது. அதன் பலனாகவே இந்த பெறுபேறு கிடைக்கப்பெற்றுள்ளதாக தெரிவிக்கப்படுகின்றது. கட்டார் எயார்வேஸ் உடன் பயணம் செய்வதற்கு ஹமாத் சர்வதேச விமான நிலையத்திற்கு வரும் பிரயாணிகள் இலவச நகர் பிரயாணம், இலவச தங்குமிடம் மற்றும் இலவச விஐபி பரிமாற்ற சேவைகள் போன்ற பல சலுகைகளை அனுபவிக்க முடியும்.

2021ஆம் ஆண்டிற்கான முதல் 10 மிகச்சிறந்த விமான நிலையங்களின் பட்டியல் கீழே தரப்பட்டுள்ளது.

1. ஹமாத் சர்வதேச விமான நிலையம், கட்டார்

2. டோக்கியோ ஹனேடா விமான நிலையம், ஜப்பான்

3. சிங்கப்பூர் சங்கி சர்வதேச விமான நிலையம்

4. இன்சியோன் விமான நிலையம், தென்கொரியா

5. டோக்கியோ நரிடா விமான நிலையம், ஜப்பான்

6. மூனிச் விமான நிலையம், ஜெர்மன்

7. ஸூரிச் விமான நிலையம், சுவிசர்லாந்து

8. லண்டன் ஹீத்ரோ விமான நிலையம், ஐக்கிய இராச்சியம்

9. கன்ஸய் சர்வதேச விமான நிலையம், ஜப்பான்

10. ஹொங்கொங் சர்வதேச விமான நிலையம்

85 ஆவது வயதில் பல்கலைக்கழக பட்டத்தை பெற்றுக்கொண்ட பலஸ்தீன மூதாட்டி

noreply@blogger.com (muslimulakam) — Wed, 29 Sep 2021 02:46:00 +0000

பலஸ்தீனைச் சேர்ந்த 85 வயதுடைய ஜிஹாத் புட்டு என்ற மூதாட்டி தனது 85ஆவது வயதில் பல்கலைக்கழத்தில் இஸ்லாமியக் கற்கைத்துறையில் கலைமாணி (B.A.) பட்டத்தைப் பெற்றுக்கொண்டுள்ளார். 1948ஆம் ஆண்டு பலஸ்தீனர்கள் சொந்த மண்ணிலிருந்து வெளியேற்றப்பட்ட நக்பா நிகழ்வின் போது தரம் 5இல் கற்றுக்கொண்டிருந்த ஜிஹாத் புட்டு அவர்களுக்கு தனது கல்வி நடவடிக்கைகளை நிறுத்த வேண்டிய நிலை ஏற்பட்டது. எனினும், அவர் 70வயதை தாண்டிய பின்னர் மீண்டும் கல்வி நடவடிக்கைகளை ஆரம்பித்ததோடு, தனது 85ஆவது வயதில் பல்கலைக்கழக பட்டத்தை பெற்றுக்கொண்டார். இஸ்ரேலின் ஸியோனிச அரசாங்கத்தின் கொடுபிடிகளுக்கு மத்தியிலும் ஜிஹாத் புட்டு பட்டத்தைப் பெற்றுள்ள நிலையில், இவ்வாறான நெருக்கடிகள் இல்லாமல் இருப்பின் எவ்வாறான விடயங்களை செய்யமுடியும் என்பது பற்றி சமூக ஊடக ஆர்வலர்கள் சிலாகித்துப் பேசியுள்ளனர்.

பிலிப்பைன்ஸ் வரலாற்றின் முதலாவது ஒலிம்பிக் தங்கப்பதக்கத்தை பளுதுாக்கும் வீராங்கனை பெற்றுள்ளார்

noreply@blogger.com (muslimulakam) — Tue, 27 Jul 2021 08:40:00 +0000

பிலிப்பைன்ஸ் வரலாற்றில் முதலாவது ஒலிம்பிக் தங்கப்பதக்கத்தை வென்றுள்ளது. ஜப்பானின் டோக்கியோ நகரில் நடைபெற்றுவரும் 2020ஆம் ஆண்டிற்கான ஒலிம்பிக் போட்டியின் பெண்களின் 55கிலோகிராம் வகுப்பிற்கான பளுதுாக்கும் போட்டியில் பிலிப்பைன்ஸைச் சேர்ந்த ஹிதியன் டயஸ் என்ற வீராங்கனையே மேற்படி தங்கப்பதக்கத்தை வென்றுள்ளார். பிலிப்பைன்ஸ் சார்பாக தங்கப்பதக்கத்தை வென்ற ஹிதியன் டயன்ஸை, அந்நாட்டின் ஜனாதிபதி பேச்சாளர் உட்பட பலர் பராட்டியுள்ளார்கள். 2016ஆம் ஆண்டு பிரேசிலின் ரியோ நகரில் நடைபெற்ற ஒலிம்பிக் போட்டியின் பெண்களுக்கான பளுதுாக்கும் போட்டியில் ஹிதியன் டயஸ் வெள்ளிப் பதக்கத்தை பெற்றுக்கொண்டார் என்பது குறிப்பிடத்தக்கது.

கொரோனா தடுப்பூசி ஏற்றாதவர்களை சிறையில் அடைக்கவுள்ளதாக பிலிப்பைன்ஸ் ஜனாதிபதி தெரிவிப்பு

noreply@blogger.com (muslimulakam) — Tue, 22 Jun 2021 17:57:00 +0000

பிலிப்பைன்ஸில் கொரோனா தடுப்பூசி ஏற்றாதவர்களை சிறைச்சாலைக்கு அனுப்பவுள்ளதாக பிலிப்பைன்ஸின் ஜனாதிபதி ரோட்ரிகோ துர்ததே எச்சரித்துள்ளார். பிலிப்பைன்ஸில் புதிய டெல்டா வகை கொரோனா வைரஸ் கண்டுபிடிக்கப்பட்டதைத் தொடர்ந்து, நாட்டின் எல்லைகள் மூடப்பட்டதை அடுத்தே மேற்படி ஜனாதிபதியின் அறிவிப்பு வெளியாகியுள்ளது. பிலிப்பைன்ஸில் தடுப்பூசியேற்றும் நடவடிக்கைகள் கடந்த மார்ச் மாதம் முதல் ஆரம்பமானதுடன், நாட்டின் பல பகுதிகளில் ஏற்பாடு செய்யப்பட்டிருந்த தடுப்பூசியேற்றும் நிகழ்வுகளில் குறைந்தளவான மக்களே கலந்துகொண்டதாக அறிக்கைகள் தெரிவிக்கின்றன.

பிலிப்பைன்ஸின் சனத்தொகை 110 மில்லியன் ஆகக் காணப்படுவதோடு, நேற்று திங்கட்கிழமை வரையில் மொத்த சனத்தொகையில் 1.95 சதவீதமான மக்கள் மாத்திரமே கொரோனா எதிர்ப்பு தடுப்பூசிகளைப் பெற்றுக்கொண்டுள்ளதாக அறிக்கைகள் தெரிவிக்கின்றன.

இம்முறை ஹஜ் கடமைக்கு பெண்களுக்கு மஹ்ரம் இல்லாமல் பங்கேற்க அனுமதி

noreply@blogger.com (muslimulakam) — Mon, 21 Jun 2021 01:49:00 +0000

இவ்வருடம் புனித ஹஜ் கடமைக்காக வேண்டி 450,000இற்கும் அதிகமானோர் விண்ணப்பித்துள்ளதாக சவூதி அரேபியா ஹஜ் மற்றும் உம்ரா அமைச்சு தெரிவிக்கின்றது. ஹஜ் கடமைக்காக வேண்டி இணையத்தில் பதிவுசெய்வதற்காக திறக்கப்பட்ட 24 மணித்தியாலத்திற்குள் 450,000 இற்கும் அதிகமான விண்ணப்பங்கள் கிடைக்கப் பெற்றதாக மேற்படி அமைச்சு அறிவித்துள்ளது. விண்ணப்பத்தாரிகளில் 60 சதவீதமான ஆண்களும், 40சதவீதமான பெண்களும் அடங்குகின்றனர். இவ்வருடம் ஹஜ் கடமைக்கு முதல்முறையாக ஆண் துணையில்லாமல் பெண்கள் தம்மை பதிவுசெய்யவதற்கு சவூதி அரேபியாவின் ஹஜ் மற்றும் உம்ரா விவகாரங்களுக்கான அமைச்சு அனுமதி வழங்கியுள்ளது. கொரோனா பாதிப்பு காரணமாக, இவ்வருடம் ஹஜ் கடமைக்கு 60,000 பேருக்கு மாத்திரமே அனுமதி வழங்கப்படவுள்ளதாக ஹஜ் மற்றும் உம்ரா விவகார அமைச்சு அறிவித்து உள்ளது குறிப்பிடத்தக்கது.

பிரித்தானிய வரலாற்றில் பலஸ்தீனுக்கு ஆதரவாக நடைபெற்ற மாபெரும் பேரணி

noreply@blogger.com (muslimulakam) — Mon, 24 May 2021 12:42:00 +0000

காஸாவில் இஸ்ரேலினால் மேற்கொள்ளப்பட்டுவந்த பயங்கரவாதத் தாக்குதல்களுக்கு எதிர்ப்புத் தெரிவித்து, பலஸ்தீனுக்கு ஆதரவாக கடந்த சனிக்கிழமை லண்டன் நகரில் மாபெரும் எதிர்ப்புப் பேரணியெரான்று நடைபெற்றது. ஐக்கிய இராச்சியத்தின் வரலாற்றில் பலஸ்தீனுக்கு ஆதராவாக நடைபெற்ற மிகப் பிரமாண்டமான பேரணியாக இது கருதப்படுகின்றது. கடுமையான மழைக்கு மத்தியில் ஆயிரக்கணக்கான மக்கள் மத்திய லண்டன் நகரில் பலஸ்தீனக் கொடியை ஏந்திய வண்ணம், காஸா மற்றும் ஏனைய பகுதிகளின் மீது இஸ்ரேலினால் மேற்கொள்ளப்பட்டு வந்த தாக்குதல்கள்களுக்கு எதிர்ப்புத் தெரிவித்து ஆர்பாட்டத்தில் ஈடுபட்டனர்.

லண்டனின் மேட்டுக் கரைப்பகுதியில் ஒன்றுகூடிய ஆர்ப்பாட்டக்காரர்கள், 'சுதந்திர பலஸ்தீன்' என்ற கோசங்களோடு பாராளுமன்ற கட்டடத் தொகுதியை ஊடறுத்து ஒக்ஸ்போட் வீதியினுடாகச் சென்றனர். மேலும், இஸ்ரேலின் குடியேற்றத்தை முற்றாக நிறுத்துமாறு அவர்கள் கோரிக்கை விடுத்தனர். பலஸ்தீன ஒற்றுமைக்கான பிரச்சார இயக்கம் மற்றும் அல்-அக்ஸா நண்பர்கள் உட்பட ஏற்பாட்டாளர்களின் கருத்துப்படி மேற்படி ஆர்ப்பாட்டத்தில் 180,000 பேர் கலந்துகொண்டதாக தெரிவிக்கப்பட்டுள்ளது. பிரித்தானியாவின் பிரிமிங்ஹம், லிவர்பூல்,பிரிஸ்டல்,பீடபேர்க் மற்றும் நொட்டிங்ஹம் போன்ற நகரங்களிலும் பலஸ்தீனுக்கு ஆதரவான ஆர்ப்பாட்டங்கள் நடைபெற்றன.

ரமழான் மாதத்தில் புனித மஸ்ஜிதுன் நபவி பள்ளிவாசலுக்குச் செல்ல சிறுவர்களுக்கு அனுமதி மறுப்பு

noreply@blogger.com (muslimulakam) — Fri, 02 Apr 2021 11:19:00 +0000

புனித ரமழான் மாதத்தில் 15வயதுக்குக் குறைந்த சிறுவர்கள் நபிகள் நாயகம் அவர்களின் பள்ளிவாசலுக்கும் மற்றும் அதன் வளாகத்தினுள்ளும் அனுமதிக்கப்பட மாட்டார்கள் என பள்ளிவாசலின் பொது தலைமையகம் அறிவித்துள்ளது. கொவிட் 19 தொற்றுக்கு எதிரான முன்னெச்சரிக்கை நடவடிக்கையாகவே இத்தடை உத்தரவு பிறப்பிக்கப்பட்டுள்ளதாக அறிவிக்கப்பட்டுள்ளது.இவ்வருட ரமழானின் போது புனித மஸ்ஜிதுன் நபவி பள்ளிவாசலில் தராவீஹ் தொழுகையின் நேரத்தை அரைவாசியால் சுருக்கவுள்ளதோடு, தராவீஹ் தொழுகையின் 30 நிமிடங்களின் பின்னர் பள்ளிவாசல் மூடப்படவுள்ளது. மேலும், தொடர்ச்சியாக இரண்டாவது வருடமாகவும் பள்ளிவாசலில் இஹ்திகாப் இருப்பதற்கான அனுமதியும் மறுக்கப்பட்டுள்ளதாக பள்ளிவாசலின்மஸ்ஜிதுன் நபவி பள்ளிவாசல் விவகாரங்களுக்கான பொது தலைமையகம் அறிவித்துள்ளது. அத்துடன் பள்ளிவாசலில் நோன்பு திறப்பதற்காக விரும்புவர்களுக்கு தண்ணீரும், பேரீத்தம் பழமும் சொந்தப் பாவனைக்காக மாத்திரம் வழங்கப்படவுள்ளதோடு, அவற்றை அடுத்தவர்களுடன் பகிரந்து கொள்வதற்கு தடை விதிக்கப்பட்டுள்ளது. பள்ளிவாசல் வளாகத்தில் ஸஹர் உணவுகளை வழங்குவதற்கும், ஸஹர் நிகழ்வுகளை ஏற்பாடு செய்வதற்கும் தடை விதிக்கப்பட்டுள்ளது. பள்ளிவாசலில் இருந்து தாம் வெளியேற வேண்டிய இடங்களைஅறிந்துகொள்வதற்காக தேசிய வாகன நிறுத்தல் மொபைல் அப்பான 'மப்கிப்' அப்பை பயன்படுத்துவது அவசியமாகும் என அறிவிக்கப்பட்டுள்ளது.

ரமழான் மாதத்தில் உம்ரா செய்வதற்கு கொரோனா தடுப்பூசியேற்றல் அவசியமில்லை

noreply@blogger.com (muslimulakam) — Thu, 01 Apr 2021 06:14:00 +0000

இவ்வரும் புனித ரமழான் மாதத்தில் உம்ரா கிரியையை மேற்கொள்ளவுள்ளவர்களுக்கு கொரோனா தொற்றுக்கு எதிரான தடுப்பூசியேற்றல் அவசியமில்லை என சவூதி அரேபியாவின் ஹஜ் ,உம்ரா அமைச்சு அறிவித்துள்ளது. டுவிட்டர் சமூக ஊடகத்தில் கொரோனா எதிர்ப்பு தடுப்பூசியேற்றல் தொடர்பாக கேட்கப்பட்ட கேள்விக்கு, இவ்வருடம் புனித ரமழான் மாதத்தில் உம்ரா கிரியையை மேற்கொள்ள தடுப்பூசியேற்றல் அவசியமில்லை என சவூதி அரேபியாவின் ஹஜ் உ்மரா அமைச்சின் வாடிக்கையாளர் சேவைப் பிரிவின் டுவிட்டர் கணக்கில் பதிலளிக்கப்பட்டுள்ளது. எனினும், ஹஜ் மற்றும் உம்ரா கிரியைகளுடன் தொடர்பான வேலைகளில் ஈடுபடுகின்ற வேறுபட்ட துறைகளைச் சார்ந்தவர்கள் அவர்களுடைய அனைத்து ஊழியர்களுக்கும்,ஏப்ரல் மாதம் 12ஆம் திகதி ஆரம்பமாகவுள்ள ரமழானுக்கு முன்னர் கட்டாயம் கொரோனா தொற்றுக்கு எதிரான தடுப்பூசியேற்றல் வேண்டும் என ஹஜ் ,உம்ரா அமைச்சு இவ்வார ஆரம்பத்தில் வெளியிட்ட சுற்றுநிருபத்தில் குறிப்பிட்டிருந்தது. மேலும், தடுப்பூசியேற்றப்படாத ஊழியர்கள் ஏழு நாட்களுக்கு ஒரு முறை நெகடிவ் பீ.சீ.ஆர். பரிசோதனை பெறுபேற்றை சமர்ப்பிக்க வேண்டும் எனவும் அறிவிக்கப்பட்டுள்ளது. அதேவளை, புனித ரமழான் மாதத்தில் ஒன்றுகூடும் இடங்களில் சமூக இடைவெளி சரியான முறையில் பேணப்படுகின்றதா என்பது தொடர்ச்சியாகக் கண்காணிக்கப்படும் என நகர,கிராம விவகாரங்கள் மற்றும் வீடமைப்பு அமைச்சு அறிவித்துள்ளது. வழிபாட்டாளர்கள் மத்தியில் 11 பேருக்கு கொரோனா தொற்று ஏற்பட்டதைத் தொடர்ந்து சவூதி அரேபியாவின் வெவ்வேறு பகுதிகளில் 11 பள்ளிவாசல்கள் மூடப்பட்டதாக அதிகாரிகள் தெரிவித்துள்ளனர்.

உள்நாட்டில் உற்பத்தி செய்யப்பட்ட இரண்டு செயற்கை கோள்களை சவூதி அரேபியா விண்ணுக்கு ஏவவுள்ளது

noreply@blogger.com (muslimulakam) — Sat, 20 Mar 2021 04:12:00 +0000

சவூதி அரேபியாவில் உற்பத்தி செய்யப்பட்ட இரண்டு செயற்கைக் கோள்கள் சனிக்கிழமை காலை விண்ணுக்கு ஏவப்படவுள்ளது. சவூதி அரேபியாவின் விஞ்ஞான தொழிநுட்பத்திற்கான மன்னர் அப்துல் அஸீஸ் நகரம் மற்றும் மன்னர் ஸவ்த் பல்கலைக்கழகம் என்பவற்றுக்காகவே மேற்படி செயற்கைக் கோள்கள் ஏவப்படவுள்ளன. விஞ்ஞான தொழிநுட்பத்திற்கான மன்னர் அப்துல் அஸீஸ் நகரத்திற்காக உருவாக்கப்பட்ட சஹீன் ஸட் செயற்கைக் கோளானது கதகஸ்தானில் ஏவப்படவுள்ளதோடு, படப்பிடிப்பு மற்றும் கடல் ஆராய்ச்சி போன்றதேவைகளுக்காக வேண்டி இது பயன்படுத்தப்படவுள்ளது. மன்னர் ஸவ்த் பல்கலைக்கழகத்துக்கு என உருவாக்கப்ட்ட கியூப் ஸட் செயற்கைக் கோளானது கற்றல் ஆராய்ச்சிதேவைகளுக்காக வேண்டி விண்ணுக்கு ஏவப்படவுள்ளது. இதன் மூலம் சவூதிஅரேபியாவில் செயற்கைக் கோளை விண்ணுக்கு ஏவிய முதலாவது பல்கலைக்கழகமாக, மன்னர் ஸவ்த் பல்கலைக்கழகம் பெயரைப் பெறவுள்ளது.

இத்தாலி நகரங்களில் அமைந்துள்ள பள்ளிவாசல்களை கொரோனா தடுப்பூசியேற்றும் நிலையங்களாக பயன்படுத்த தயார் என பள்ளிவாசல்கள் இமாம்கள் அறிவிப்பு

noreply@blogger.com (muslimulakam) — Sun, 14 Mar 2021 05:54:00 +0000

இத்தாலியின் நகரங்களில் அமைந்துள்ள பள்ளிவாசல்களை கொவிட் 19 தடுப்பூசியேற்றும் நிலையங்களாக பயன்படுத்துவதற்காக வழங்குவதற்கு தாம் தயார் என இத்தாலி நகரங்களில் உள்ள பள்ளிவாசல்களின் இமாம்கள் அறிவித்துள்ளனர். நாட்டில் புதிய கொரோனா வைரஸின் பரம்பல் மோசமடைந்துள்ள நிலையில் மேற்படி பள்ளிவாசல் இமாம்களின் அறிவிப்பு வெளியாகி உள்ளது. பள்ளிவாசல்களை கொவிட் 19 எதிர்ப்பு தடுப்பூசியேற்றும் நிலையங்களாக பயன்படுத்த கிடைக்கும் சந்தர்ப்பமானது இனங்களுக்கு இடையில் ஒத்துழைப்பையும், நட்புறவையும் ஏற்படுத்தும் என மிலான் நகரில் அமைந்துள்ள ரோம் பெரிய பள்ளிவாசலின் இமாம் யஹ்யா பல்லவிகினி அவர்கள் தெரிவித்துள்ளார். ஐரோப்பாவில் புதிய கொரோனா தொற்று தாக்கிய முதலாவது நாடாக இத்தாலி காணப்படுவதோடு, கொவிட் 19 தொற்றுக் காரணமாக இத்தாலியில் இதுவரை ஒரு இலட்சத்திற்கும் அதிகமானோர் இறந்துள்ளனர் என்பதும் குறிப்பிடத்தக்கது.

பாப்பரசரின் வருகை அனைத்து ஈராக்கியர்களுக்கும் சமதானத்தின் செய்தியை எடுத்து செல்கிறது : அல்- அஸ்ஹர் தலைமை இமாம்

noreply@blogger.com (muslimulakam) — Sun, 07 Mar 2021 04:10:00 +0000

பாப்பரசரின் ஈராக்கிற்கான விஜயமானது சரித்திரம் முக்கியத்துவம் வாய்ந்த நிகழ்வாகும் என அல்-அஸ்ஹர் பல்கலைக்கழகத்தின் தலைமை இமாம் கலாநிதி அஹ்மத் தைய்யிப் அவர்கள் தெரிவித்துள்ளார். பாப்பரசர் அவர்களது ஈராக்கிற்கான விஜயம் அனைத்து ஈராக்கியர்களுக்கும் சமாதானம், சமத்துவத்திற்கான செய்தியை கொண்டு சென்றுள்ளதாக கலாநிதி அஹ்மத் தைய்யிப் அவர்கள் டுவீட் செய்தியொன்றின் ஊடாக தெரிவித்துள்ளார்.

அல்-பித்யா : ஐக்கிய அரபு இராச்சியத்தின் பழைமையான பள்ளிவாசல்

noreply@blogger.com (muslimulakam) — Sun, 28 Feb 2021 04:00:00 +0000

இஸ்லாத்தின் தோற்றத்தின் பின்னர் மத்தியகிழக்கு பிராந்திய நாடான ஐக்கிய அரபு இராச்சியத்தில் 1400 ஆண்டுகள் பழமைவாய்ந்த பள்ளிவாசல்கள் கட்டப்பட்டிருந்தாலும்,உறுதியற்ற மூலப்பொருட்களைக் கொண்டு கட்டப்பட்டிருந்ததன் காரணமாக பிற்காலத்தில் அவை பெரும்பாலும் உடைக்கப்பட்டன. அவ்வகையில் தற்போதுஐக்கிய அரபு இராச்சியத்தில் உள்ள பழைமைவாய்ந்த பள்ளிவாசலாக அல்-பித்யா மஸ்ஜித் காணப்படுகின்றது. 2008ஆம் ஆண்டு சிறிய கட்டடங்களை மீள் அமைக்கும்பணியில் ஈடுபட்டிருந்த ஐக்கிய அரபு இராச்சியத்தின் வரலாற்று ஆசிரியர் ரஸாத் புகாஸ் அவர்களின் கருத்தின் அடிப்படையில், பல நுாற்றாண்டுகள் கடந்த நிலையில் தனிச்சிறப்புள்ளபழமைவாய்ந்த கட்டிட அமைப்புடன் அல்-பித்யா மஸ்ஜித் காணப்படுவதாக குறிப்பிடுகின்றார். அல்-பித்யா மஸ்ஜிதானது ஏறத்தாள 600 வருடங்களாக அதே அமைப்பில் காணப்படுவதாகதெரிவிக்கப்படுகின்றது.

தற்போதும் நாளந்தம் ஐவேளை தொழுகை அங்கு நடைபெற்று வருகின்றமை குறிப்பிடத்தக்கது. இப்பள்ளிவாசலானது ஐக்கிய அரபு இராச்சியத்தின் புஜைராவில் அல்-பித்யா என்ற கிராமத்தல் அமைந்துள்ளதுடன், ஊரின் பெயரினால் இப்பள்ளிவாசல் அழைக்கப்படுகின்றது. பொதுவாக உலகம் முழுதும் காணப்படும் பள்ளிவாசல்களில் உள்ள குவிமாடம் போன்று, இப்பள்ளிவாசலில் நான்கு குவிமாடங்கள் காணப்படுகின்றன. இப்பள்ளிவாசலானது கட்டப்பட்ட ஆண்டு சரியாக அறியப்படாமல் இருப்பினும், சிட்னி பல்கலைக்கழகம் உடன் புஜைரா தொல்பொருளியல் மற்றும் மரபுரிமைத் திணைக்களம் மேற்கொண்ட ஆய்வின் அடிப்படையில், கி.பி. 1446ஆம் ஆண்டு இப்பள்ளிவாசல் கட்டப்பட்டதாக நம்பப்படுகின்றது. ஐக்கிய அரபு இராச்சியத்தின் தொல்பொருளியல் தளமாக அல்-பித்யா பேணிப்பாதுகாக்கப்பட்டு வருகின்றமை குறிப்பிடத்தக்கது.

கடுமையான குளிர்காலங்களில் வீடில்லாதோர், இடம்பெயர்ந்தவர்கள் தங்குவதற்காக வேண்டி பிரான்ஸ் பள்ளிவாசல் திறக்கப்பட்டுள்ளது

noreply@blogger.com (muslimulakam) — Sat, 20 Feb 2021 03:15:00 +0000

பிரான்ஸின் பள்ளிவாசலொன்றில் கடுமையான குளிர்காலங்களின் போது வீடில்லாதவர்கள் மற்றும் இடம்பெயர்ந்தவர்கள் தங்குவதற்கு வசதிகள் செய்துகொடுக்கப்பட்டுள்ளன. பிரான்ஸில் தலைநகர் பரிஸின் மேற்குப் பகுதியில் அமைந்துள்ள மன்டஸ் ஸுத் பள்ளிவாசலிலேயே மேற்படி வசதிகள் செய்துகொடுக்கப்பட்டுள்ளன. பள்ளிவாசலில் வீடில்லாதோர், இடம்பெயர்ந்தவர்கள் தங்குவதற்காக வேண்டி கட்டில்கள் போடப்பட்டுள்ளதோடு, அவர்களுக்குத் தேவையான உணவு வசதிகளும் செய்து கொடுக்கப்பட்டுள்ளது.இப்பள்ளிவாசலில் வருடம் முழுதும் அவசர நிலையின் போது தங்குவதற்கு ஏற்பாடுகள் செய்யப்பட்டுள்ளதோடு, முஸ்லிம்களுக்கு மாத்திரம் இன்றி முஸ்லிம் அல்லாதவர்களுக்கும் தங்கக்கூடிய சந்தர்ப்பம் வழங்கப்பட்டுள்ளதாக பள்ளிவாசல் நிர்வாகத் தலைவர் அப்துல் அஸீஸ் அல்-ஜஹூரி தெரிவித்துள்ளார்.

ஒக்ஸ்போர்ட் பல்கலைக்கழகம் முதல்தடவையாக கொரோனா எதிர்ப்பு தடுப்பூசியை சிறுவர்கள் மீது பரிசோதிக்கவுள்ளது

noreply@blogger.com (muslimulakam) — Sat, 13 Feb 2021 13:15:00 +0000

பிரித்தானியாவின் ஒக்ஸ்போர்ட் பல்கலைக்கழகம் உருவாக்கிய கொவிட் 19 எதிர்ப்பு தடுப்பூசியான அஸ்ட்ராஸினேகாவினை சிறுவர்களுக்கு மீது தடைவயாக பரிசோதிக்கவுள்ளது. இதன் மூலம் சிறுவர்களின் பாதுகாப்பு மற்றும் நோய் எதிர்ப்பு சக்தியின் பிரதிபலிப்பு என்பவற்றை ஆய்வுக்கு உட்படுத்த எதிர்பார்க்கப்பட்டுள்ளது.இப்புதிய இடைநிலைக் கட்ட சோதனையின் மூலம் 6 முதல் 17வயது வரையான சிறுவர்கள் மீது தடுப்பூசி எவ்வாறு தாக்கம் செலுத்தும் என்பது கண்காணிக்கப்படவுள்ளது.

முதல் கட்ட சோதனைக்காக வேண்டி 300 தொண்டர்கள் இணைத்துக்கொள்ளப்டவுள்ளதாக ஒக்ஸ்போர்ட் பல்கலைக்கழகம் அறிவித்துள்ளது. ஏனைய கொரோனா எதிர்ப்பு தடுப்பூசிகளை விடவும் விலை குறைந்ததும், இலகுவானதும் என்ற காரணத்தினால் 'உலகிற்கான தடுப்பூசி' என்ற நாமத்தைஒக்ஸ்போர்ட் அஸ்ட்ராஸினேகா பெற்றுள்ளது. இவ் வருடம் ஏறத்தாள 3 பில்லியன் அஸ்ட்ராஸினேகா தடுப்பூசிகள் உற்பத்தி செய்ய எதிர்பார்க்கப்பட்டுள்ளதுடன்,எப்ரல் மாதம் முதல் ஒவ்வொரு மாதமும் 200 மில்லியனுக்கும் அதிகமான தடுப்பூசிகள் உற்பத்தி செய்யப்படவுள்ளதாக ஒக்ஸ்போர்ட் பல்கலைக்கழகம் அறிவித்துள்ளது.

ஜனவரி மாதம் உலகில் மிகக்கூடுதலாக பதிவிறக்கப்பட்ட மொபைல் அப்ளிகேசன்- டெலிகாரம்

noreply@blogger.com (muslimulakam) — Mon, 08 Feb 2021 18:00:00 +0000

வட்ஸ்அப் அப்ளிகேசனில் புதிதாக கொண்டுவரப்பட்ட தனியுரிமை கொள்கையினைத் தொடர்ந்து, 2021 ஆம் ஆண்டு ஜனவரி மாதம் ஆகக்கூடுதலாக பதிவிறக்கம் செய்யபட்ட விளையாட்டல்லாத மொபைல் அப்ளிகேசனாக டெலிகிராம் அடையாளப்படுத்தப்பட்டுள்ளது. 2021 ஜனவரி மாதம் உலகலாவிய ரீதியில் 63மில்லியனுக்கும் அதிகமாக டெலிகிராம் அப்ளிகேசன்கள் இன்ஸ்டோல் செய்யப்பட்டதாக சென்ஸர் டவர் நிறுவனம் அண்மையில் வெளியிட்ட புள்ளிவிபரங்களின் மூலம் குறிப்பிட்டுள்ளது. கடந்த மாதம் உலக நாடுகள் இடையில் ஆகக்கூடுதலான டெலிகிராம் அப்ளிகேசன்களை இன்ஸ்டோல் செய்த நாடுகளில் முதலாவதாக இந்தியாவும், இரண்டாவதாக இந்தோனேசியாவியும் காணப்படுகின்றது.

துருக்கி தொலைக்காட்சி நிகழ்ச்சித்தொடரை பார்த்து இஸ்லாத்தை தழுவிய அமெரிக்கப் பெண்

noreply@blogger.com (muslimulakam) — Sun, 07 Feb 2021 14:06:00 +0000

துருக்கியின் புகழ்பெற்ற தொலைக்காட்சி நிகழ்ச்சித் தொடரான Resurrection: Ertugrul , தொலைக்காட்சித் தொடரை பார்த்துவந்த 60வயதான அமெரிக்கப் பெண்புனித இஸ்லாம் மதத்தை தழுவியுள்ளார். அமெரிக்காவின் விஸ்கொன்சின் மாநிலத்தைச் சேர்ந்த பெண்மணியே மேற்படி புனித இஸ்லாத்தை தழுவியுள்ளார்.இவர் புனித இஸ்லாத்தை தழுவிய பின்னர் தனது பெயரை காதீஜா என்று மாற்றியுள்ளர். நெட்பிளிக்ஸ் இணையதளத்தில் தேடிக்கொண்டிருக்கும் போதே, Resurrection: Ertugrul என்ற தொலைக்காட்சித் தொடரை தான் கண்டதாகவும், அதன் சில எபிஸோடுகளை பார்த்ததன் பின்னர் புனித இஸ்லாத்தின் மீதுதனக்கு ஆர்வம் ஏற்பட்டதாகவும் அவர் துருக்கியின் ஊடகவும் ஒன்றுக்கு வழங்கிய நேர்காணலின் போது தெரிவித்துள்ளார்.

இத் தொலைக்காட்சித் தொடரில்வரும் செய்க் முஹ்யித்தீன் இப்னு அரபி (றஹிமஹுல்லாஹ்) அவர்களின் கலந்துரையாடல் தனது வாழ்க்கைக்கு புதிய அர்த்தத்தைத் தந்ததாக குறிப்பிட்ட கதீஜா அவர்கள், செய்க் முஹ்யித்தீன் இப்னு அரபி (றஹிமஹுல்லாஹ்) அவர்களின் கருத்துக்கள் தன்னை அதிகம் சிந்திக்கவும், சில வேளைகளில் அழவும் வைத்ததாக குறிப்பிட்டார். பப்டிஸ் கத்தோலிக்கராக இருக்கும் போது, தனக்கு இருந்துவந்த பல கேள்விகளுக்கு, இஸ்லாத்தின் மீது ஆர்வம் ஏற்பட்ட பின்னர் விடைகள் கிடைத்தாக கதீஜா தெரிவித்தார். Resurrection: Ertugrul அனைத்து எபிஸோடுகளை நான்கு தடவைகள் பார்த்ததாகவும், மீண்டும் ஜந்தாவது முறை அதனை தான் பார்க்க ஆரம்பித்துள்ளதாகவும் கதீஜா அவர்கள் துருக்கி ஊடகத்திற்கு மேலும் தெரிவித்துள்ளார்.

Resurrection: Ertugrul என்ற தொலைக்காட்சி நிகழ்ச்சித்தொடரானது 13ஆம் நுாற்றாண்டில் அனடோலியாவில் , உஸ்மானியப் பேரரசின் உருவாக்கத்திற்கு முன்னர் இடம்பெற்ற கதையை சொல்கின்ற தொடராகும். இது உஸ்மானியப் பேரரசின் உருவாக்குனரான எர்துகல் காஸி அவர்களின் போராட்டத்தை விளக்கும் தொலைக்காட்சி நிகழ்ச்சி தொடராகும் என்பது குறிப்பிடத்தக்கது.

நபிகள் நாயகம் ﷺ அவர்களின் வாழ்வை சித்தரிக்கும் அருங்காட்சியகம் சவூதிஅரேபியாவில் திறந்துவைப்பு

noreply@blogger.com (muslimulakam) — Sat, 06 Feb 2021 12:15:00 +0000

நபிகள் நாயகம் ﷺ அவர்களின் வாழ்க்கை மற்றும் இஸ்லாமிய நாகரீகம் தொடர்பான அருங்காட்சியகம் சவூதி அரேபியாவின் புனித மதீனா நகரில் திறக்கப்பட்டுள்ளது. அருங்காட்சியகத்தின் திறப்பு விழாவும், சர்வதேசக் காண்காட்சியும் கடந்த 2ஆம் திகதி வியாழக்கிழமையன்று இடம்பெற்றது. புனித மதீனா நகரின் ஆளுநரும்,மதீனா பிரதேச அபிவிருத்தி அதிகார சபையின் தலைவருமான இளவரசர் பைஸல் பின் ஸல்மான் அவர்கள் மேற்படி அருங்காட்சியகத்தை திறந்துவைத்தார்.

சவூதிஅரேபியாவின் 2030ஆம் ஆண்டு தொலைநோக்கு திட்டத்தின் ஒரு இலக்கான கலாச்சார சுற்றுலாத்துறையை மேம்படுத்தி சுற்றுலாப் பயணிகளை கவர்ந்திழுக்கும்நோக்கில் மேற்படி அருங்காட்சியகம் திறக்கப்பட்டுள்ளது. உலக முஸ்லிம் லீக்கின் கண்காணிப்பின் கீழ் சர்வதேச கண்காட்சியும், நபிகள் நாயகம் ﷺ அவர்களின் வாழ்க்கை மற்றும் இஸ்லாமிய நாகரீகம் தொடர்பான அருங்காட்சியகமும் திறக்கப்பட்டுள்ளது. மதீனாவின் புனித மஸ்ஜிதுல் நபவி பள்ளிவாசலுக்கு அருகில் அமைக்கப்பட்டிருக்கும் , இவ் அருங்காட்சியகம் ஒரு நாளின் 24 மணித்தியாலங்களும் திறக்கப்பட்டிருக்கும். நபிகள் நாயகம் ﷺ அவர்களின் வாழ்க்கை மற்றும் இஸ்லாமிய உலகின் வரலாற்றை பிரதிநிதித்துவப்படுத்தும் அருங்காட்சியமாக இது அமைக்கப்பட்டுள்ளது.

ஐக்கிய அரபு இராச்சியத்தில் வெளிநாட்டவர்களுக்கு குடியுரிமை பெறும் வாய்ப்பு

noreply@blogger.com (muslimulakam) — Sun, 31 Jan 2021 08:28:00 +0000

வெளிநாடுகளைச் சேர்ந்த முதலீட்டாளர்கள், வைத்தியர்கள்,விஞ்ஞானிகள், களைஞர்கள் மற்றும் திறமையானவர்களுக்கு ஐக்கிய அரபு இராச்சியத்தின் குடியுரிமை வழங்கப்படவுள்ளதாக அறிவிக்கப்பட்டுள்ளது. ஐக்கிய அரபு இராச்சியத்தின் குடியுரிமைச் சட்டத்தில் பெரும் மாற்றத்தை ஏற்படுத்தவுள்ள இந்த அறிவிப்பு சனிக்கிழமையன்று வெளியிடப்பட்டது. மிகத் திறமையுள்ளவர்களுக்கும், அவர்களது குடும்பத்தினருக்கும் ஐக்கிய அரபு இராச்சியத்தில் குடியுரிமை வழங்குவதன் மூலம் நாட்டின் சமூக ஸ்திரத்தன்மையை உறுதிப்படுத்தவும், தேசிய ரீதியில் ஒட்டுமொத்த அபிவிருத்தி செயல்முறையை அதிகப்படுத்தவும் எதிர்பார்ப்பதாகதெரிவிக்கப்பட்டுள்ளது.

ஐக்கிய அரபு இராச்சியத்தின் ஜனாதிபதி செய்க் கலீபா பின் ஸைத் அல்-நஹ்யான் அவர்களின் வழிகாட்டலின் பேரில், உப ஜனாதிபதியும் பிரதமருமான செய்க் முஹம்மத் பின் ராஷித் அல்-மக்துாம் அவர்களால் இப்புதிய சட்டம் சனிக்கழமையன்று அங்கீகரிக்கப்பட்டுள்ளது.

அமெரிக்காவின் சிரேஷ்ட உளவுத்துறை பணிப்பாளராக பலிஸ்தீன-அமெரிக்கர் நியமனம்

noreply@blogger.com (muslimulakam) — Sat, 30 Jan 2021 17:22:00 +0000

அமெரிக்காவின் தேசிய பாதுகாப்பு கவுன்ஸிலின் (NSC) புலனாய்வு நிகழ்ச்சித்திட்ட பணிப்பாளராக பலஸ்தீன-அமெரிக்கரான மாஹிர் பிட்டர் அவர்கள் ஜனாதிபதி ஜோ பைடனால் நியமிக்கப்பட்டுள்ளார். அமெரிக்காவின் காங்கிரஸின் (பாராளுமன்றம்) புலனாய்வுக் குழுவில் ஜனநாயகக் கட்சியினது பொது ஆலோசகராக பிட்டர் அவர்கள் பணியாற்றியதோடு, ட்ரம்ப் அரசாங்கத்தின் முதற்பகுதியின்போது பெரும் பங்காற்றிய ஒருவராகவும் அறியப்படுகின்றார்.

அமெரிக்காவின் ஜோர்ஜ் டவுன் பல்கலைக்கழகத்தின் சட்டத்துறை பட்டதாரியானமாஹிர் பிட்டர் அவர்கள், ஜனாதிபதி ஒபாமா அரசாங்கத்தின் போது தேசிய பாதுகாப்பு கவுன்ஸிலின் இஸ்ரேலிய ஆக்கிரமிப்பு-பலஸ்தீன விவகார பணிப்பாளராக கடமையாற்றினார். மேலும், இங்கிலாந்தின் ஒக்ஸ்போர்ட் பல்கலைக்கழகத்தின் அகதிகள் கற்கை நிலையத்தில் கட்டாய இடம்பெயர்வு தொடர்பான முதுமாணிப்பட்டத்தை பூர்த்தி செய்த இவர், ஜெரூஸத்தில் அமைந்துள்ள ஐக்கிய நாடுகள் சபையின் பலஸ்தீனுக்கான உதவி வழங்கும் ஆணையகத்தில் பணியாற்றியவர் என்பதும் குறிப்பிடத்தக்கது.

சவூதி அரேபியாவில் பெண் நீதிபதிகள் நியமனம்

noreply@blogger.com (muslimulakam) — Sun, 17 Jan 2021 03:40:00 +0000

சவூதி அரேபியாவில் விரைவில் பெண் நீதிபதிகள் நியமிக்கப்படவுள்ளதாக மனிதவள மற்றும் சமூக மேம்பாட்டு அமைச்சின் பெண்கள் வழுவூட்டல் பிரிவின் அதிகாரி ஹின்ந் அல்-ஸாஹித் அவர்கள் வெள்ளிக்கழமையன்று அறிவித்தார். அண்மையில் நீதி அமைச்சர் வலீத் அல்-ஸல்மானி அவர்களால் சட்ட அலுவலர்களாக 100 பெண்கள் நியமிக்கப்பட்டனர்.

சட்டம்,ஷரீயா,சமூகவியல்,நிர்வாகம் மற்றும் தகவல் தொழிநுட்பம் ஆகிய துறைகளில் தேர்ச்சிபெற்ற பல பெண்களுக்கு நீதி அமைச்சினால் அண்மையில் நியமனங்கள் வழங்கப்பட்டுள்ளன. நாட்டின் பெண்களின் தரத்தை மேம்படுத்தும் மற்றும் வழுவூட்டும் பொருட்டு சட்டத் துறையில் பெண்களை இணைத்துக்கொள்வது பற்றி நீதி அமைச்சு ஆராய்ந்து வருவதாக அதிகாரிகள் தெரிவிக்கின்றனர்.

இந்தோனேசியாவில் நிலநடுக்கம் 46 பேர் பலி !

noreply@blogger.com (muslimulakam) — Sat, 16 Jan 2021 15:05:00 +0000

இந்தோனேசியாவின் மேற்கு சுலாவெசி தீவில் வெள்ளிக்கிழமை காலை (15/01/2021)ஏற்பட்ட நிலநடுக்கத்தினால் குறைந்தது 46 பேர் கொல்லப்பட்டுள்ளனர். 6.2 மக்னிடியூட் அளவில் பதிவுசெய்யப்பட்ட நிலநடுக்கத்தினால் பல கட்டிடங்கள் இடிந்துவிழுந்துள்ளதுடன், கட்டட இடிபாடுகளில் பலர் சிக்கியிருக்கலாம் என அதிகாரிகள் தெரிவித்துள்ளனர். மீட்புப் பணிகள் நடைபெற்று வருவதுடன், கொல்லப்பட்டோரின் எண்ணிக்கை மேலும் அதிகரிக்கக்கூடும் என அதிகாரிகள் அச்சம் தெரிவித்துள்ளனர். 2018ஆம் சுலாவெசி தீவில் இடம்பெற்ற நிலநடுக்கம் மற்றும் சுனாமி அனர்தத்தினால் 20,000இற்கும் அதிகமானோர் கொல்லப்பட்டனர் என்பது குறிப்பிடத்தக்கது.