நாடி கவிதைகள்

என்னுடைய அடையாளம் தேடி

noreply@blogger.com (Unknown) — Fri, 11 Jul 2014 09:46:00 +0530

என்னுடைய அடையாளம் தேடி
நான் அலைகிறேன்
என்னை தெரிந்தவன் போல
நடிக்கிறார்கள் நயவஞ்சகர்கள்

எனக்கு தெரியாத என்னை
தேடி அலைகிறேன்
தியானத்திலே இருக்கும் கடவுள்கள்
கண்டரியலாம் என் சுயத்தை

நிசப்தமாய் இருக்கும் கடலும்
நகரத்தான் செய்யும்
ஆர்பரிக்கும் இந்த நகரங்கள்
அப்படியே இருக்கிறது

என்னை கண்டறியும் முயற்சியில்
தினமும் தோற்றுபோகிறேன்
ஏதோ ஒரு முனையில்
காத்திருக்கிறது என் மரணம்

வாய்க்கரிசி போட வருபவர்கள்
ஒருவேளை உணவு அளிக்கவில்லை
நான் ஒரு ஏழை , தாழ்ந்தவன்
சாதரணன் ..அவ்வளவே

குரல்கள்

noreply@blogger.com (Unknown) — Sun, 6 Jul 2014 19:45:00 +0530

குரல்கள் எவ்வளவு வித்தியாசமாக இருக்கிறது , மனிதன் தன்னை மிருக்கத்திடம் இருந்து வேறுபடுத்திக்கொள்ள இந்த குரலும் ஒரு ஆயுதம் தானே . வானத்தின் மெல்லிய மேகபடலம் போல எல்லோர் மனதிலும் எப்போதும் ஒருவரின் குரல் கேட்டுக்கொண்டே இருக்கும் அது நம்முடையதாகத்தான் இருக்கவேண்டும் என்று அவசியம் இல்லை நமக்கு பிரியமான ஏதேனும் ஒரு குரலாக கூட இருக்கலாம்
என் மனதில் சில குரல்கள் எப்போதும் அழிக்கவே முடியாது , சிலவற்றை அழிக்க நினைத்தாலும் மனசாட்சியை போல என்னோடே பயணப்படும் , சிறு வயதில் என் அப்பாவின் குரல் தான் எனக்கு மிகவும் பிடித்தமான குரல் "மகனே" என்று அவர் அழைப்பது எப்போதும் எனக்கு காதில் ரிங்காரமிடும் ..காற்றில் எதோ ஒரு மூலையில் கூட என் அப்பாவின் குரலை நான் விடுதியில் படிக்கும் நாட்களில் தேடி அலைந்தது உண்டு . அம்மா எப்போதும் திட்டிக்கொண்டும் குடும்ப கஷ்டத்தை புலம்பிக்கொண்டும் இருப்பார் இருந்தாலும் அம்மாவின் குரலின் மீதும் எனக்கு சிறு காதல் உண்டு
என்னை மிகவும் ஈர்த்த குரல் என்றால் என் தம்பி சிறு வயதில் என்னை "நாராயணா நாராயணா" என மழலை மொழியில் கூப்பிட்ட குரல் தான் ,..ஆனால் இப்போது அவன் என்னை அதட்டிக்கொண்டு இருக்கிறான் என்பது வேறு விஷயம்
ஒரு குரல் நம்மை அப்படியே கட்டிப்போடவும் ஆடிப்படைக்கவும் செய்யும் அது நிச்சயமாக நம் ஆசிரியர் ஒருவரின் குரலாகவோ அல்லது நமது மாமாவின் குரலாகவோ அமைந்து விடுகிறது . எனக்கு எப்போதும் என் தலைமையாசிரியர் குரல் மீது மிகுந்த பயம் உள்ளது அடிக்கடி கேட்டுக்கொண்டே இருந்தாலும் அந்த பயம் பால்ய வயது முதல் இப்போது வரை தொடர்கிறது
கிராமங்களில் பேய் கதைகள் நிறையவே உலாவரும் , ஒரு இளம்கன்னி தூக்கிட்டு இறந்து போனால் அவள் குரல் இரவில் கேட்பதாக பலரும் கூற கேட்டு இருக்கிறேன் , ஆனால் நான் வளர்ந்தது எல்லாம் நகர்புற சூழ்நிலை என்பதினால் இந்த பேய் குரல்களை நான் கேட்டதும் இல்லை உணர்ந்ததும் இல்லை .
ஒரு சாமான்யன் பாடகரின் பாடல்களுக்கு ஏன் மயங்குகிறான்? இசையை தாண்டியும் குரலில் எதோ வசீகரம் இருப்பதால் தானே , ஜானகியின் குரல் எதோ ஒன்றில் வித்தியாசப்படுவதால் தான் அவர் குரலை நாம் ரசிக்கிறோம் , பாடகர் என்று இல்லை பேச்சாளர் , அரசியல்வாதி , நடிகர் என்று பலரை நமக்கு குரல் மூலம் வைத்தே அடையாளம் காண முடிகிறது , கலைஞரின் கரகர குரலில் உள்ள வசீகரம் தானே அவரை ஐந்து முறை ஆட்சி கட்டிலில் அமர்த்தியது ,இன்றை விடுங்கள் இருபது வருடங்களுக்கு முன் எப்படி ஒரு பிரபலத்தை அடையாளம் கண்டு இருப்பார்கள் நிச்சயம் அவர் குரல் தான் முதலில் நினைவுக்கு வந்திருக்கும்
காதலியின் குரல் என்பது ஒரு அடிமனது ஆசை போல , அது நாம் கருவில் இருக்கும் போது நம் தாய் நம்மிடம் பேசிய குரலை விட மிகவும் நுட்பமாக நம் மனதில் பதிகிறது , ஐந்து வருடங்களுக்கு முன் காதலித்து மறந்த ஒரு பெண்ணின் குரல் போல் இருந்தால் சட்டென மனது திரும்பி பார்க்கத்தான் சொல்கிறது , அவள் காதல் சொல்லி சென்றாலா , இல்லை மறக்க சொன்னாலா என்பதை அவள் குரலை வைத்தே மனதை எடைபோட முடிகிறது
குரல் தொனியில் வேறுபடும் என்பது உண்மைதான் , ஒரு செயலை ஒவ்வொரு மனிதனும் ஒவ்வொரு விதமாக சொல்கிறான் , நண்பன் ஒருவன் சின்ன விசயத்துக்கு கூட வியப்பிற்கு பிறந்தவன் போல அப்படியா என்று குரலை உயர்த்துவான் , குரல் எப்போது நம் மனதின் சாலையோர பாடகனாக இருக்கிறது , சோகமான தருணங்களில் "குரல் உடைஞ்சு பேசுகிறார்" என்று நாம் சொல்வதில் இருந்தே அது வெளிப்படும் , அன்பை ,ஆதரவை ,கோபத்தை,பொறாமையை ,காதலை ,காமத்தை ,இச்சையை ,இன்பத்தை ,சோகத்தை என பல்வேறு உணர்வுகளின் கண்ணாடியாக குரல் இருக்கிறது
பெரியார் பேருந்து நிலையத்தில் "அன்புள்ள தாய்மார்களே ..பிட்பாகெட் திருடர்கள் உங்களிடம் இனிமையாக பேசி பணத்தை அடித்து சென்று விடுவார்கள் " என்ற கணீர் குரல் ஒன்று ஒழித்துக்கொண்டே இருக்கும் , காளவாசல் சிக்னலில் சில நேரம் "ஏ ஆட்டோ என்ன பைன் கட்டணுமா?" என்ற ட்ராபிக் போலிஸ்சின் குரல் , ரயில் நிலையங்களின் அறிவிப்பு குரல்கள் , செல்போன் கஸ்டமர் கேர் குரல்கள் , "பழைய பட்டு புடவைக்கும் பணம் தரோங்க பணம் தரோம்" என்ற குரல் , இப்படி எத்தனையோ குரல்கள் சாமானிய காதுகளில் ஒழித்துக்கொண்டே இருக்கிறது
எப்படியாக வேண்டுமானாலும் இருக்கட்டும் வாய் பேச முடியாதவன் ஒருவனின் அழுகுரல் தான் ஆண்டவனின் குரலாக இருக்க வேண்டும்

உலகம் அப்படியே தான் இருக்கிறது

noreply@blogger.com (Unknown) — Sat, 5 Jul 2014 18:35:00 +0530

யாருமே எட்டிப்பார்க்காத பாழடைந்த மாளிகை போல் உள்ளது என் வலைப்பூ ..கிட்டத்தட்ட எட்டு மாதங்கள் நானே இதன் பக்கம் நுழைந்து பார்க்கவில்லை ..ஆர்குட்டை மூடியது போல் பிளாக்கரை கூகிள் மூடிவிட முடிவெடுக்கவில்லை கோடான கோடி நன்றிகள் கூகிள் ....

எங்கே சென்றீரகள்? என்ன ஆயிற்று ? என பல லட்சம் கடிதங்கள் வந்த வண்ணம் இருந்தது ( நானே ஜிந்துச்சு எழுதிக்குவேன்) ..இருப்பினும் கப்பலில் வேலைக்கு சென்று விட்டதால் என்னால் எழுத முடியவில்லை

ஏழு மாதங்கள் கழித்து கப்பலில் இந்தியாவிற்குள் வந்த போது (அந்த ஏழு மாதமும் அந்தமான் என்னும் இந்திய தீவுகளில் இருந்தேன்) ஒரு பூரிப்பு உள்ளுக்குள்ளே ...சென்னை என்னை வாடா வெண்ணை என்றது ..கையில் பத்து பைசா இல்லை ..இருந்தாலும் என் நெருங்கிய நண்பன் ஒருவனிடம் சொல்லி கடன் வாங்கி மதிய உணவை உட்கொண்டு மனநிறைவோடு இந்த மண்ணை வணங்கினேன்

அடுத்த நாள் மதுரைக்கு கிளம்பிவிட வேண்டும் என்று கண்டிப்பாக சொல்லிவிட்டால் ஆறு மாதங்கள் சண்டை போட்ட காதலி ..எங்க அம்மா என்னை மதுரை பக்கமே வந்து விடாதே ,,செருப்பு பிஞ்சிரும்ன்னு சொல்லிடாங்க , ஆக தமிழ்நாட்டுக்கு வந்த முதல் நாளே எனக்கு "செக்மேட்" வைக்கப்பட்டது ....விடுவேனா நானு ..உடனே சென்னையில் உள்ள நண்பர்கள் பட்டியலை தேடினேன் ...நாலே நாலு பேர் தான் சிக்கினாய்ங்க..:மச்சி நைட்டு உங்க ரூம்ல தான் ஸ்டே" ன்னு சொல்லி சென்னை சென்ட்ரலுக்கு மிக அருகில் உள்ள பட்டாபிராம் நோக்கி சென்றேன் ....

அந்தமானில் அதி உன்னதமான மதுவை மிக மலிவான விலையில் குடித்து பழகிய எனக்கு தமிழ்நாட்டின் மது கசந்தது ..தமிழ்நாடு மிகவும் தரம் தாழ்ந்து சென்று கொண்டு இருக்கிறது ...இந்தியாவிலே நாம் தான் அதிக விலை கொடுத்து மது குடிக்கிறோம் ,,,அதே நேரம் மிகவும் மட்டமான சரக்கும் நம் மீது தான் ஊற்றப்படுகிறது ... என்ன நாடு ப்ரோ இது ?

அடுத்த நாள் இரவு மதுரைக்கு வர வேண்டும் ...நெல்லை எக்ஸ்பிரஸ்க்கு தட்கல் டிக்கெட் எடுத்து வைத்து இருந்தேன் ..என் நேரம்!!! ஐந்து நிமிடம் நான் தாமதமாக சென்று விட்டேன் ..ட்ரைன் சென்று விட்டது ..உடனே கோயம்பேடு சென்றேன் ..அங்க ஒரு தனியார் பேருந்தில் ரோட்டை கடக்க முற்பட்ட என்னை 250ரூபாய் தான் சார் ஏ/சி பஸ் சார் என்று ஏற்றி விட்டார்கள் ...நானும் வண்டி மதுரைக்கு தான் போகுது என்று நம்பி ஏறி உட்கார்ந்தேன் ...காலை ஐந்து மணிக்கு அது இன்னொரு ஊருல இருக்குற பஸ் ஸ்டாண்ட்க்கு போச்சு ...வண்டி இதுக்கு மேல போகாதுன்னு இறக்கிவிட்டார்கள் ,,என்னடான்னு பார்த்தா அது திருச்சி ...அட போங்கடா திருட்டு டாஸ் பசங்களான்னு சொல்லிட்டு நான் மதுரைக்கு வேறு பஸ்ஸில் ஏறினேன் ...

சரியாக ஒன்பது மணிக்கு மதுரைக்கு வந்தேன் .......அப்புறம் ரெஸ்ட் எடுத்தேன் ,,,ரெஸ்ட் எடுத்தேன் ,,,ரெஸ்ட் எடுத்துக்கொண்டு இருக்கிறேன் .....

தலைப்பில்லை

noreply@blogger.com (Unknown) — Fri, 22 Nov 2013 12:01:00 +0530

இன்று காலை சரியாக ஒன்பது மணியில் இருந்து கரண்ட் கட் , நான் வீட்டில் எப்போதும் உள்ளே உட்கார்ந்து தான் சாப்பிடுவேன் , கரண்ட் கட் என்பதால் வீட்டின் வரண்டாவில் உட்கார்ந்து சாப்பிட்டு கொண்டு இருந்தேன் ..அப்போது உங்கள் பாஷையில் பரதேசி , பிச்சைகாரன் வந்திருந்தார் , நான் அவரை என்பது வயது மதிக்கத்தக்க முதியவர் என்று அழைக்கவே விரும்புகிறேன் , வீட்டு வாசலில் நின்று கொண்டு "சாமீ .." என்று ஒரு திருவோடை நீட்டினார் ...எங்க அம்மா வெளியில் சென்று இருந்தார்கள் ..சட்டுன்னு எழுந்து போய் லேசாக கைகழுவி விட்டு அவருக்கு என் பையில் இருந்த மூன்று ரூபாய் எடுத்துப்போட்டேன் , அவரால் நிற்க கூட முடியவில்லை கையில் ஒரு கம்பும் ,காவி வெட்டியும் , வெண்மை தாடியும் கிட்டத்தட்ட ஒரு யோகி போலவே எனக்கு காட்சி அளித்தார் , முருகா முருகா என்று கொஞ்சம் முனங்கி கொண்டே இருந்தார் ,,,"அய்யா சாப்பிடீங்களா ?" என்றேன் ... இல்ல தம்பி என்று என்னை ஏக்கமாக பார்த்தார் .."வாங்க சாப்பிடலாம்" என்று அவருக்கும் ஒரு தட்டில் சோறு போட்டு வந்து கொடுத்து அவர் அருகிலே நானும் உட்கார்ந்து சாப்பிட்டு முடித்தேன் ...

இனிவருவது நாங்கள் பேசிக்கொண்டது
"எந்த ஊர்யா நீங்க "
"குமாரத்துல பிறந்தேன் தம்பி"

வேறு எதுவும் பேச வில்லை ...மின்னல் போல சாப்பிட்டு " போயிட்டு வரேன் தம்பி " (உறவினர் கூட இதை இப்போது சொல்வது இல்லை ) என்று சென்று விட்டார்

..எனக்கு இப்போது
SALES PERSONS ARE NOT ALLOWED
என்ற அப்பார்ட்மெண்ட்கள் கண்ணில் தோன்றி மறைகின்றன

கொள்கைகளை மாற்ற வேண்டும்

noreply@blogger.com (Unknown) — Wed, 20 Nov 2013 12:02:00 +0530

16ஆம் நூற்றாண்டை முக்கியமான REANISSANCE CENTURY என்பார்கள் அதாவது மறுமலர்ச்சிக்கான சிந்தனைகள் அப்போது தான் துளிர்விட துவங்கியது , அதற்கு முன்னும் சிறு சிறு அளவில் மறுமலர்ச்சி இருந்து கொண்டு தான் இருந்தது ,ஆனால் 16ஆம் நூற்றாண்டிற்கு பிறகு ஒரு மாபெரும் மனபரிணாமம் வளர்ச்சி அடைந்தது , மனிதன் சிந்திக்க ஆரம்பித்து லட்ச ஆண்டுகள் ஆகியிருக்கலாம் , அவன் பேச,எழுத ஆரம்பித்து இருபதாயிரம் ஆண்டுகட்கு மேல் ஆகியிருக்கலாம் , ஆனால் மனித சமுதாயத்தின் மாற்று பாதை 16ஆம் நூற்றாண்டில் இருந்து தான் தொடங்கியது , அதன் பிறகு வேக வேகமாக சிந்தனை மாற்றமும் , கூடவே சமூக கட்டமைப்பு மாற்றமும் நிகழ்ந்து வந்தது

மன்னன் ஒரு சொல் சொன்னால் மறுபேச்சே இல்லை என்ற காலம் மாறி மன்னனாவது மயிராவது என மக்கள் அனைவரும் சிந்திக்க ஆரம்பித்தனர் .மன்னனே இந்த சிந்தனை வளையத்தில் சிக்க ஆரம்பித்தான் என்பது தான் வேடிக்கை

1900களில் நம்ம கொள்ளுதாத்தா பாட்டிக்கு சீனியர் எல்லாம் விடுதலை வாங்கியே தீர வேண்டும் என்ற கொள்கையில் விடுதலை வாங்கினர் . என் பார்வையில் வரலாறு சொல்லும் முப்பதில் இருந்து நாற்பது தலைவர்கள் தான் ஏதோ ஒரு வழியில் இந்தியர்களின் சிந்தனையை மாற்றி அமைக்க பெரும் பாடு பட்டனர்

ஒரு பக்கம் ஆயுதம் ஏந்தி ரத்தம் சிந்தி போராடுவோம் என ஒரு குழு கிளம்பியது , மறுபக்கம் கத்தியின்றி ரத்தமின்றி என்ற வகையில் போராடியது , வெள்ளைக்காரனுக்கே அலுத்துப்போகும் அளவு அவனை தொந்தரவு செய்து 1947ல் நம் நாட்டை விட்டு வெளியேற்றியாயிற்று

அடுத்த மூன்று வருடங்கள் குட்டி குட்டி நாடுகளாக ஆளுக்கு ஒரு நாட்டாமை செய்யலாம் என்று நினைத்த சிறு வண்டுகளை எல்லாம் நசுக்கி பெரியவர் தான் நாட்டாமை என்று கூறி இந்தியாவிடம் ஒப்படைத்து விட்டாச்சு

அப்படியே நம்ம மாநிலதுக்குல வந்தா சுயமரியாதை , சாதி ஒழிப்பு , மத ஒழிப்பு , இந்தி ஒழிப்பு என ஏகப்பட்டதை சுதந்திரத்திற்கு பின் ஒழிக்க வேண்டிய கட்டத்தில் தமிழர்கள் எனப்படும் குழுவிடம் ஒப்படைக்கப்பட்டது , அந்த சிந்தனையை கையில் எடுத்த ஒவ்வொருவரும் ஒவ்வொரு வண்ணம் கொடுத்து கடைசியில் சாக்கடையாக்கியே விட்டனர்

தமிழ்நாட்டில் பார்த்தால் அடிப்படை சிந்தனையாக "தமிழன் , இந்தியன்" என்ற ரீதியில் நாம் கற்றுக்கொடுப்பட்டோம் , அதற்குமுன் பலர் "ஊர்க்காரன் , தெருக்காரன் ,ஜாதிக்காரன்" என்பதையும் சேர்த்து சிந்திக்க ஆரம்பித்தனர்

தமிழனை பொறுத்தவரை பிரச்னையே இல்லையென்றாலும் அதையும் ஒரு பிரச்சனையாக பேச வேண்டிய சிந்தனைக்கு அவன் மூளைச்சலவை செய்யப்பட்டு உள்ளான் .உதாரணமாக "யார் தமிழன் ?" என்பதையே மிகப்பெரிய தமிழர் பிரச்சனையாக பேசுவான்

என்னைக்கேட்டால் நூறு வருண்டளுக்கு பிறகு ஒரு கொள்கை நல்லதே செய்தாலும் அதை மாற்றி விட வேண்டும் , அதற்காக வாய் வழியாக உணவு உண்பதை மாற்ற வேண்டும் என்று சொல்லவில்லை , அடிப்படைகள் அப்படியே இருக்கட்டும் ,(எது அடிப்படை என்ற கொள்கையும் சில நேரம் மாற்றப்பட வேண்டும்) , வெளிப்புறத்தை சிறுக சிறுக மாற்றியே ஆக வேண்டும் அல்லது மாறி விடும்

இந்த பிரபஞ்சமும் இதற்கடுத்த பிரபஞ்சமும்

noreply@blogger.com (Unknown) — Wed, 20 Nov 2013 10:32:00 +0530

இந்த பிரபஞ்சமும் இதற்கடுத்த பிரபஞ்சமும்
காலமே தோன்றாத ஒரு காலமுண்டு
காலம் தோன்றவில்லை ஞாலம் இருக்குமோ?
கடவுள் மட்டும் காதலிக்க நேர்ந்தது

படைப்பிற்கு பத்து நொடிக்கு முன்னால்
காலமில்லை , நம் மூளைக்காக காலமுண்டு !
என்னையே தர்சிக்கும் ஒற்றை உணர்தலுக்கு
தன்னையே படைப்பாக மாற்றியது படைப்பு

இதுவும் ,அதுவும் ,எதுவும் கடவுளாகலாம்
தகுதியுண்டு ! தனக்குள் உண்டு !
வெளிச்சத்தின் நிழலுக்குள்ளும் ஓர் வெளிச்சமுண்டு

அன்பு சிவமானாலும் , சிவம் அன்பானாலும்
நீ அன்பை மட்டும் பாரு !
சிவம் தன் வேலையை தானே பார்க்கும்

பேஸ்புக் தளத்தில் புது வசதி அறிமுகம்

noreply@blogger.com (Unknown) — Tue, 19 Nov 2013 13:37:00 +0530

இணைய உலகில் மிகப்பிரபலமான சமூக வலைத்தளம் என்றால் அது FACEBOOK தான் . இன்றைய காலகட்டதில் மக்களின் வாழ்வியலோடு கலந்து விட்ட பேஸ்புக் தளம் புதிய வசதியை அறிமுகப்படுத்தி உள்ளது

பேஸ்புக் மூலம் சாட்டிங் எனப்படும் நண்பர்களோடு பேசும் வசதி இருக்கிறது அதன் மூலம் நாம் வீடியோ சாட்டிங் கூட பண்ணும் அளவு வசதி எப்போதோ வந்து விட்டது , மேலும் புகைப்படம் அனுப்பும் வசதி என பல்வேறு புதுமைகளை புகுத்தி வந்தது பேஸ்புக் தளம்

இப்போது புதியதாக வந்திருப்பது நாம் சாட் (CHAT) செய்யும் நபர் செல்போன் மூலம் நம்மிடம் CHAT செய்கிறாரா இல்லை கணினி மூலம் CHAT செய்கிறாரா என்று எளிமையாக தெரிந்துகொள்ளும் வகையில் WEB OR MOBILE வசதியை அறிமுகப்படுத்தி உள்ளது

படத்தில் உள்ளது போல நம் நண்பர்கள் கணினி மூலம் சாட் செய்கிறாரா இல்லை மொபைல் மூலம் பேசுகிறாரா என்பதை எளிமையாக அறிய முடியும்
இனிமே "மச்சி மொபைல்ல தான் பேஸ்புக் யூஸ் பண்றேன் சாட்டிங் நெட்வொர்க் PROBLEM" என்று நம்ம பசங்க பொய் சொல்ல முடியாது

ஆங்கிலத்தை தமிழில் எழுத வேண்டும்

noreply@blogger.com (Unknown) — Wed, 6 Nov 2013 17:42:00 +0530

தமிழை ஆங்கில எழுத்துருவில் எழுதலாம் என்று புரட்சி எழுத்தாளர் எழுதிருப்பதாக அறிகிறேன் அதாவது வணக்கம் என்பதை ஆங்கில எழுத்துருவில் Vanakkam என்று எழுதலாம் , அப்போது தான் தமிழ் வளரும் என்று நம்ம அறிஞர் கண்டு பிடித்து கூறியுள்ளார் , இணையம் தொடங்கிய காலத்தில் நாம் எல்லாம் அப்படி தான் எழுதிக்கொண்டு இருந்தோம் , UNICODE (ஒருங்குறி) என்ற ஒன்று வரும் முன் நாம் அவர் சொன்னதையே செய்துகொண்டு இருந்தோம் , அதாவது சாப்பிட்டியா ? என்பதை Saptiya என்று எழுதுவோம் , அப்போது அதற்கு வசதி இல்லை எனவே நாம் ஆங்கில எழுத்துருவை அதற்கு பயன்படுத்தினோம். இங்கே எழுத்துரு என்பது FONT என்ற அர்த்தத்தில் மட்டும் எடுத்துக்கொள்ள கூடாது உதாரணமாக கணினியில் தமிழிற்கு ஆயிரம் எழுத்துருக்கள் இருக்கிறது , அடிப்படையில் சின்ன வடிவ மாற்றமே இருக்கும் ஆனால் அவை எல்லாம் தமிழ் தான்

ஆதிகாலத்தில் இருந்து தமிழின் எழுத்து வடிவம் காலத்திற்கு ஏற்றார் போல மாறித்தான் வந்திருக்கிறது , அதற்காக தமிழிற்கு என்று ஒரு சிறப்பு வடிவ முறை இருக்கும் போது நாம் ஏன் பிற மொழி வடிவத்தை பயன்படுத்த வேண்டும் என்ற கேள்வியும் எழுகிறது , தமிழ் இப்படி எத்தனையோ கோக்கு மாக்கு சிந்தனைகளை தாண்டித்தான் உயிர் வாழ்ந்து வந்துள்ளது

உண்மையில் தற்கால தமிழர்கள் ஆங்கிலத்தையே தமிழில் தான் எழுதுகிறார்கள் உதாரணமாக" ஃபக் ஆப் " ..எனவே இனிமேல் எல்லோரும் ஆங்கிலத்தையும் சேர்த்து தமிழில் தான் எழுத வேண்டும் ..ஏன் என்றால் இங்கு இருக்கும் தமிழ் குழந்தைகள் எல்லாம் ஆங்கிலத்தில் எழுத மிகுந்த சிரமப்படுகிறார்கள் , அவர்களுக்கு ஆங்கிலத்தை ஆங்கிலத்தில் வாசிப்பதை விட தமிழில் வாசிப்பதே எளிமையாக உள்ளது இதற்கு எதிராகப் பிடிவாதமாக நிலைகொள்வது அடிப்படைவாதம் மட்டுமே.இது தெரிந்து தான் வெள்ளைக்காரனே தமிழ் எழுத்துகளில் தட்டச்சு செய்ய தமிழர்களை வேலை வாங்கி ஒரு மென்பொருள் உருவாக்குகிறான்

ஆங்கிலம் என்பது நம் குழந்தைகளின் நரம்புகளில் கலக்கவேண்டும் என்பதால் அவர்களுக்கு தமிழிலே ஆங்கிலத்தை சொல்லிக்கொடுக்கலாம்

எழுத்து தான் ஒரு மொழியின் அடிப்படை என்பதை சற்று கூட உணராத ஒருவரை தான் இந்த உலகம் அதிமேதாவி என்று கொண்டாடியது , அதற்காக வருத்தம் ஏதும் படத்தேவையில்லை தமிழர்கள் உங்களையும் மன்னித்து நாளைக்கே மறந்தும் விடுவார்கள்

கொசுவத்தி

noreply@blogger.com (Unknown) — Tue, 5 Nov 2013 13:40:00 +0530

கொசுவத்தியை அரை மணிநேரம் கண் கொட்டாமல் கவனிக்க முடியுமா ? என்று என் வீட்டில் சோதித்து பார்த்தேன் . இரவு முழுக்க தூங்கவே இல்லை என்பது தான் நிஜம் . கொசுவத்தியை ஒரு நாள் கவனித்தாலே பல உண்மைகள் வெளிவந்து விடும் என்று புரிந்துகொண்டேன்

இந்த பதிவு கொசுவுக்கு கொசுவத்தி நல்லதா ? கேட்டதா ? என்ற பட்டிமன்ற பொருளுக்கோ , எந்த வேதிச்சேர்மம் சிறந்த கொசுவத்தியாக உள்ளது என்ற ஆராய்ச்சிக்கோ எழுதவில்லை மாறாக கொசுவத்தி ஒரு ஆப்ஜக்ட் , நான் சுப்ஜெக்ட் , இந்த பதிவு ஒரு அப்சர்வர் (மூன்றும் மாறும் )

கொசுவத்தி வடிவமைப்பே மிக வித்தியாசமானது ஒரு வட்ட கட்டியை கொசுவத்தி அச்சில் வைத்து வெட்டி எடுக்கிறார்கள் . கொசுவத்தியை போல ஒரு அற்புத டிசைன் இருக்குமா என்பது தெரியவில்லை . ஆரம்ப கால முதலே வட்ட வடிவத்தை மாற்றி அதில் பல பொருட்களை உருவாக்குவதில் மனிதன் ஈடுபடுகிறான் , கொசுவத்தி சுருள் ஏதேனும் மனித சுழற்சியில் உருவான எண்ணமோ அல்லது ஒரு புயலின் வடிவத்தை அதற்கு கொடுத்தானே என்று எண்ணத் தோன்றுகிறது

கொசுவத்தியின் நடுவே சிறிய ஓட்டை இருக்கிறது அது தான் கொசுவத்தியை நிலையாக குத்தி வைக்க உதவுகிறது அதன் நிலைத்தன்மைக்கு சிறிய துளை போல மனித மனமும் தன நிலைத்தன்மை உருவாக்கிக்கொள்ள "மறதி " என்னும் ஓட்டையை வைத்துள்ளது

கொசுவத்தியின் கங்கினை நீங்கள் பார்த்தது உண்டா ? எப்போதும் அதன்மீது ஒரு சாம்பல் படலம் படிந்து வருகிறது . இந்த பூமிப்பந்தும் அப்படிதான் , சூரியனின் சாம்பல் மீது தானே நாமெல்லாம் குடியிருக்கிறோம் ,ஆனால் உள்ளே அதே வெப்பம் இருந்துகொண்டே இருக்கிறது அல்லவா ? அடிப்படையில் மனிதனும் அப்படித்தான் அவன் மீது சாம்பல் படிக்கிறது கொஞ்ச நேரத்தில் மனசாட்சி என்னும் தீயே அவனை காட்டிக்கொடுத்து விடுகிறது

கொசுவத்தி மீதே ஒரு கொசு அமர்ந்திருப்பதை கண்டேன் . அதன் நிலைமையை டாஸ்மாக்கில் சந்தோஷம் தேடும் தமிழர்களிடம் ஒப்பிட்டு பார்த்தேன் , சிரித்தேன் . கொசுவத்தி சுருளை எல்லோரும் பிளாஸ்பேக்கொடு ஒப்பிடுவார்கள் நானும் கொசுவத்தி சுருளை பார்த்துக்கொண்டே ஒரு பக்கம் வாழ்வின் அனுபவங்களை அசைபோட துவங்கினேன்

கொசுவத்தி ஏன் சுருள் வடிவில் இருக்க வேண்டும் ? நேராக கொடு போல் இருக்கலாமே! இல்லை சாம்பிராணி போல கட்டையாக இருக்கலாமே ! மனிதன் எல்லாவற்றிலும் தன சிந்தனையை புகுத்தியுள்ளான் சுருளாக வடிவமைப்பதன் மூலம் அதன் ஆய்ட்காலத்தை அதிகரிக்கவும் அதன் இடத்தில் குறைக்கவும் திட்டமிட்டே அப்படி வடிவமைக்கிறான்

மையப்பகுதி சற்று தடிமனாகவும் பரந்தும் காணப்படுகிறது அது சகல பாரத்தையும் எல்லா நிலையிலும் சுமக்க வடிவமைக்கிறான் . கொசுவத்தி எரியும் போது ஒவ்வொரு நிமிடமும் அதன் எடையில் மாற்றம் ஏற்படும் என்பதை கவனத்தில் கொள்கிறான்

இது என்னப்பா ஒரு சின்ன கொசுவத்தியின் வடிவமைப்பிற்கு இத்தனை ஆராய்ச்சி தேவையா என்று நீங்கள் கேட்பது புரிகிறது என்ன செய்வது என் தொழில் அப்படி

மீண்டும் மனித மனதை அணுகினால் அதுவும் அப்படித்தான் இருக்கிறது . ஒவ்வொரு கணமும் அது எரிந்து கொண்டே இருக்கிறது ஒன்று சந்தோஷத்திற்கு எரிகிறது இல்லை துக்கத்திற்கு எரிகிறது . அமைதியாக இருப்பதை அது விரும்புவதே இல்லை மாறாக அதன் மீது படியும் சாம்பல் தான் அமைதி என்று ஆசுவாசமடைகிறது உண்மையில் அது எரிவதை நிறுத்துவதேயில்லை

இறுதியில் எல்லாம் சாம்பல் தான் இருக்கும் , எரிந்த நெருப்பு என்ன ஆனது ? அது வெப்பமாக காற்றில் கலந்து விட்டதோ இல்லை சூடான காற்றில் அழுத்தம் வேறுபடும் என்பார்களே அது போல சிறிய அளவு அதனை சுற்றிய காற்றை சூடேற்றி அழுத்தம் வேறுபடுத்தியதா என்று தெரியவில்லை

இந்த கட்டுரையை படித்து விட்டு ஒன்றிரண்டு பேர் கொசுவத்தியை ஆராய்ச்சி செய்கிறேன் என்று கிளம்பி விடாதீர்கள் கொசுவத்தி வெளியிடும் புகை உங்களுக்கு கேடு விளைவிக்கலாம்

கொசுவத்தியின் சுழற்சியை போல தான் பல புதிர்கள் இருக்கின்றன அது எப்படி இருக்கிறது என்றால் ஒரு கேள்விக்கு விடை தேடிப்போய் கடைசியில் பதிலையும் கண்டுபிடித்து விட்டு கேள்வியை மறந்து விடுவது போல உள்ளது.எனக்கு பதில் தெரியும்
"கொசுவத்தி" தான் அது .
ஆனால் கேள்வியை மறந்து விடுகிறேன்

கடல் மேல் பூனை - 1

noreply@blogger.com (Unknown) — Mon, 4 Nov 2013 15:41:00 +0530

என்னை அனேக காலம் பூனையாகவே நான் கருதியுள்ளேன் அதனால் தான் "கடல் மேல் பூனை" என்ற தலைப்பை வைத்து எனக்கு வழிகாட்டியவர்களை பற்றி எழுதுகிறேன். என் ஆசிரியர் பற்றி எழுத வேண்டும் என்று அடிக்கடி நினைப்பேன் ..ஆனால் அது பல தடவை முடியாமல் போனது ..அவர் எனக்கு விட்டுச்சென்ற அறிவை யோசிக்கையில் என்னை அறியாமல் ஒரு அழுகை நிலைக்கு நான் சென்று விடுவது உண்டு

ஆசிரியர் என்றால் கிட்டத்தட்ட் நான் நூறு ஆசிரியர்களை கடந்து வந்து விட்டேன் , ஆசிரியர் வேறு குரு வேறு , ஒரு குருவை நாம் தேர்ந்தெடுப்பதில்லை குரு தான் நம்மை தேர்ந்தெடுக்கிறார் என்பதை ஆழமாக நம்புபவன் அடியேன் , எனவே நான் ஆசிரியர் என்று கூறுவது என் குருவை பற்றியே எனக்கொள்க

ராமபாண்டியன் சார் தான் என் குரு , பள்ளியில் அவர் பெயரை கேட்டாலே பல மாணவர்கள் பீதி அடைவார்கள் , எனக்கு அப்படி ஒரு பயஉணர்ச்சி என்றுமே அவர் மீது ஏற்பட்டது இல்லை , மாறாக அவர் மீது எனக்கு மரியாதையே அதிகம் இருந்தது ,இருக்கிறது , இருக்கும் .ராமபாண்டியன் என்ற அவர் பெயரே ஒரு கவர்ச்சிகரமானது ராம என்பது வடஇந்திய பெயர் அதே நேரம் பாண்டியன் நம்ம ஊர் பெயர் . அவரை நான் முதல் முதலில் சந்தித்தது ஏழாம் வகுப்பில் தான் , அவர் தான் எனக்கு பேச்சுபோட்டிகான ஸ்கிரிப்ட் எழுதி தருவார் , பாரதி பாடல் அவர் சொல்லித்தான் எனக்கு தெரியும் , வள்ளுவனை அவர் தான் அறிமுகம் செய்தார் , கம்பனை ரசிக்க சொல்லிக்கொடுத்தது அவர் தான் , காமராசரை அறிய வைத்தது அவர் தான்

அவர் சாவிக்கொத்து ஒன்று வைத்து இருப்பார் , அதை கண்டால் எல்லோருக்கும் பயம் வரும், நானும் வினோத்தும் அதை வைத்துகொண்டு தான் விளையாடுவோம் , எழுத பேச என இரண்டு துறைகளிலும் அவர் தான் குரு , அவரை விட சிறந்த ஒருவரை நான் சந்திருக்கவே வாய்ப்பு இல்லை , அவருடைய தமிழ் பற்றை யாராலும் மிஞ்ச முடியாது .பள்ளியின் "அப்துல்கலாம்" என்று தான் அவரை மேடையில் அழைப்பார்கள் , அவருக்கு அறிவியல் பற்றும் அதிகம் .. அவருக்கென்று ஒதுக்கப்பட்ட அறையே ஒரு லேப் தான் அதை நாங்கள் மினிலேப் என்று அழைப்போம் , அங்கே ஒரு நுண்ணோக்கி இருக்கும் அதில் எங்கள் முடியை வைத்து ஆராய்ச்சி எல்லாம் செய்வோம் , சாருக்கே தெரியாமல் அவர் முடி ஒன்றையும் எடுத்து அது ஏன் வளரமாட்டேங்குது என்பது பற்றியும் ஆராய்ச்சி செய்வோம் ...இந்த ஓம் போடும் இடத்தில் எல்லாம் என் உயிர் நண்பன் வினோத்கண்ணன் கூட இருக்கிறான் என்று அர்த்தம்

அவர் நான் பத்தாவது படித்து முடிக்கையில் ஓய்வு பெற்றார் , எனக்கு அவர் இல்லாத பள்ளியை பிடிக்கவே இல்லை , இருந்தாலும் நான் அதே பள்ளியில் தான் படித்தேன் , சார் உங்க ஓய்வு ஆண்டை தள்ளிப்போடக்கூடாத என்று கூட அவரிடம் கேட்டு இருக்கேன் "ஏலே நானாலே ஓய்வு எடுக்கிறேன் கவர்மென்ட் கொடுக்குதுலே" என்பார் .. அவருக்கு திருநெல்வேலி நடை தான் ஆனால் எழுத்தில் மதுரை தமிழ் மினுமினுக்கும் , எனக்கு தெரிந்து நான் ஒருவன் தான் அவர் கூடவே ஐந்து ஆண்டுகள் இருந்து ஒரு முறை கூட அவரிடம் அடி வாங்காமல் தப்பித்தவன் , அவரிடம் நெருங்கி இருந்தாலும் எதோ ஒரு சூழ்நிலையில் மற்ற எல்லோரும் அடி வாங்கி விடுவார்கள் , நடப்பது கூட பட பட வென்று தான் நடப்பார் , மினி லேப் முழுக்கFORMALDEHYDE வாசனை அடித்துக்கொண்டே இருக்கும் , இருந்தாலும் அவர் அங்கே தான் சாப்பிடுவார்

அவரிடம் எனக்கு இருந்த பற்றை நான் வெறும் வார்த்தைகளினால் விவரித்து விட முடியாது , அவர் என்னை எப்போதும் சுட்டிக்காட்டி பேசுவார் , அவர் முதல் புத்த வெளியீட்டு விழாவில் கூட அவர் மகன் பெயரை சொன்னதை விட என் பெயரை தான் அதிகம் சொன்னார் ..என் மாணவன் என் மாணவன் என அவர் என்னைப் பார்த்து பெருமிதம் கொள்வார் , நான் செய்யும் சிறு விசயங்களுக்கு கூட பெரிய சாதனை செய்தது போல பாராட்டுவார்

ஒரு முறை என் பள்ளி ஆண்டு விழாவில் மங்கள்பாண்டே நாடகம் . வழக்கம் போல அவர் தான் வசனம் எழுதுகிறார் .."கோமாதாவின் கொழுப்பை எடுத்த உன் குடலை உருவுவேன் ..வெள்ளையனே உன் ஆயுள் முடிவுக்கு வந்து விட்டது" என்று வீரம் தெறிக்க வசனம் எழுதினார் உண்மையில் மங்கள்பாண்டே கூட இவ்வளவு வீர வசனம் பேசி இருக்க மாட்டார் . அதில் வேடிக்கை என்னவென்றால் நான் வெள்ளையன் வேடத்தில் நடிக்கிறேன் .எனக்கு எழுதப்பட்ட வசனங்கள் எல்லாம் இந்தியர்களை திட்டுவதாக இருக்கும் , "யு இந்தியன் பிளாக் டாக்" போன்ற காட்டமான வசனங்கள் .. அந்த வசனத்தை நான் மேடையில் உதைத்து விட்டு சொல்வது போன்ற காடசி , அந்த காட்சியில் நான் அந்த வசனத்தை சொன்ன உடன் "டாஆய் தே ...மகனே " என்று பின்னால் இருந்து சத்தம் . எனக்கு உள்ளுக்குள் அழுகையே வந்து விட்டது , இருந்தாலும் நான் பேசிக்கொண்டே போகிறேன் , கூட்டம் அதிகமாக கத்த ஆரம்பிக்கிறது , இப்போது தான் மங்கள் பாண்டே அந்த கோமாதாவின் கொழுப்பை எடுத்த என்ற வசனத்தை பேச ஆரம்பிப்பார் , திட்டுகள் எல்லாம் இப்போது விசில் சத்தமாக மாறுகிறது , ஒரு தேர்ந்த திரைப்படம் போல அந்த நாடகத்தை வடிவமைத்தார் ராமபாண்டியன் சார்
.சார் இனிமே நான் வெள்ளைக்காரன் வேஷம் போட மாட்டேன் என அவரிடம் நாடகம் முடிந்ததும் சொன்னதும் "முட்டா பயலே அவர்கள் திட்டியது தான் நீ நடிச்சதுக்கு வெற்றி " என்று புரிய வைத்தார்

நாங்கள் பள்ளி வேளையில் வெளியில் செல்ல வேண்டும் என்றால் அவரிடம் தான் எழுதி வாங்கிக்கொண்டு செல்வோம் , இன்னும் அவர் எழுதிகொடுத்த "இந்த சீட்டு கொண்டு வரும் நாடி , கவுதம் ,வினோத் மூவரையும் வெளியில் செல்ல அனுமதிக்கவும் " என்ற பேப்பர் என் கண்ணுக்குளே இருக்கிறது

அவரை பற்றி எல்லாமே சொல்லி விட்டேன் ஒரு ஆச்சரியம் என்ன வென்றால் அவர் ஒரு முறை கூட நான் படிக்கும் வகுப்பிற்கு ஆசிரியராக வந்தது இல்லை , இன்னொன்று அவர் தான் எனக்கு நிறைய தமிழ் சொல்லிக்கொடுத்தார் வேடிக்கை என்னவென்றால் அவர் ஒரு அறிவியல் ஆசிரியர்

இன்னும் நிறைய மனிதர்கள் ,மகான்கள் பற்றி பேசப்போகிறேன் , அது வரை நான் ஒரு கடல் மேல் பூனை தான்

KFC சிக்கனும் காளவாசல் சிக்னலும்

noreply@blogger.com (Unknown) — Mon, 4 Nov 2013 11:22:00 +0530

ஐந்து ஆண்டுகளுக்கு முன் நான் கல்லூரியில் சேர்கிறேன் .அந்த நாட்களை அசைப்போடுகையில் பல அற்புத எண்ணங்கள் தோன்றி மறைகின்றன (இந்த சொல்லாடல் ஏன் வந்தது ? தோன்றினால் மறைய வேண்டும் என்ற நியதியாக இருக்குமோ ?) .ஜஸ்விந்தர் சிங்கை அன்று தான் முதலில் பார்த்தேன் கிட்டத்தட்ட அவனை என்னுடம் படிக்கப்போகும் மாணவன் என்ற எண்ணமே வரவில்லை . ஆள் அவ்வளவு பெரியவனாக இருந்தான் .கொஞ்சம் நேரம் கழித்து தான் அவன் தான் என்னுடன் படிக்கப்போகிறவன் என தெரிந்து கொண்டேன்

நான் எழுத நினைத்தது அதைப்பற்றி அல்ல என் கல்லூரி காலம் என்பது இந்திய தாயை புரிந்து கொள்ள எனக்கு கிடைத்த சந்தர்ப்பமாகவே பார்க்கிறேன் .கிட்டதட்ட 23 மாநில மாணவர்கள் என்னுடன் படித்தனர் (தெலுங்கானா பிரிக்கப்பட்டால் அதை 24 எனக்கொள்க )

பரவலாக என் நண்பர்கள் எல்லோரும் என்னிடம் மதுரையை பற்றி குறை தான் கூறுவார்கள் .ஏன் என்று கேட்டால் மதுரையில் ஒரு MALL கூட இல்லை , KFC இல்லை என்பார்கள் .நகரம் என்றால் இது எல்லாம் இருக்க வேண்டுமா என்ன ? என்று எனக்குள்ளே நான் கேட்டுக்கொள்வேன்

ஆனால் இப்போது MALL என்று சொல்ல முடியவில்லை என்றாலும் அதோட கடைக்குட்டி என்று சொல்லும் அளவு MALLகள் மதுரையில் வந்துவிட்டன .

எனக்கு KFC என்பது சென்னையில் இருக்கும் பொது SKYWALKல் அறிமுகம் ஆனது . என் வாழ்நாளில் அப்படி ஒரு கன்றாவியை நான் சாப்பிட்டது இல்லை சிக்கன் என்றால் நமக்கு நன்றாக வெந்து இருக்க வேண்டும் .அதுவோ வெந்தும் வேகாமலும் தொண்டைக்குள் போகுமுன்னே வாந்தி வரவைப்பது போல இருந்தது ) .KFC சிக்கன் என்றாலே எனக்கு அதில் இருந்து பிடிப்பது இல்லை . அதற்கு பதில் சென்னை பாரிஸ்கார்னரில் விற்கும் 25 ரூபாய் பிரியாணியில் இருக்கும் கறியைக் கூட சிக்கன் என்று ஏற்றுக்கொண்டு சாப்பிட்டு விடுவேன் . அஜித் ,விஜய் பற்றி குறை சொன்னால் நம் தமிழ்நாட்டில் அடிக்க வந்துவிடார்களே ! அதே போல தமிழ்நாட்டில் KFC சிக்கன் ரசிகர் கூட்டமும் ஒன்று இருக்கிறது (அல்லது ) பவர்ஸ்டார் ரசிகனா இருப்பது பெருமை என்பது போல ஒரு இளைஞர் கூட்டம் KFC ரசிகர் கூட்டமாக உருவாக்கிக் கொண்டு இருப்பதாக தெரிகிறது. அந்த கூட்டத்தினிடம் கட்டுரையின் நடுவிலே நான் KFC சிக்கனை குறை கூறியதற்கு மன்னிப்பு கோருகிறேன்

மதுரைக்கும் சென்ற வருடம் KFC வந்ததாக அடியேன் அறிகிறேன் , என்னாடன்னு விசாரிச்சா நம்ம டூவிலர்ல(சைக்கிள்) போகும் தூரத்துல இருக்கும் பைபாஸ் ரோட்ல தான் இருக்குதுன்னு கேள்விப்பட்டு உவகையடைந்தேன்(உவ்வே அடைந்தேன்) . நேற்று தான் ஒரு கால் மணிநேரம் அங்கே வந்து செல்லும் ஜனக்கூட்டங்களை காண முடிந்தது .

மதுரையில் உள்ள எல்லா கன்னிப்பெண்களும் அழகாகத் தான் இருப்பார்கள் , ஆனால் அவர்களை அவ்வளவு எளிதில் வெளியில் பார்க்க முடியாது . ஒரு பெண்ணை கரெக்ட் செய்ய வேண்டுமென்றால் கூட மூன்று மாதம் இறங்கி வேலை (FIELD WORK) செய்ய வேண்டும் . ஆங் KFC வாசலில் நின்று வேடிக்கை பார்த்தேன் (வேடிக்கை பார்ப்பது எனபது நம் பரம்பரை குணமாச்சே ) சினிமாவிற்கு வாய்ப்பு தேடி வருபவர்களை போல பல பெண்கள் KFCக்குள் சென்றுக்கொண்டிருந்தனர் . ஐந்தாறு பெண்கள் வந்தால் கூடவே ஒரு மங்கூஸ் மண்டையனும் வருகிறான் (கண்டிப்பாக அவன் பில் கட்டுவான் என்பது நமக்கு தெரியும் ) . இவ்வாறு ஒரு கூட்டம் என்றால் தலை ('தல' என்றும் எழுதலாம் ) தீபாவளி ஜோடிகள் சிலரும் வருகை புரிந்தனர் .அப்புறம் நம்மைப்போலவே அம்மா அப்பா காசை செலவு செய்யும் இளைஞர் கூட்டம் ஒன்று வந்தது (கூடத்தில் ஒருவன் "சே குவேரா" டீ-சர்ட் போட்டிருந்தான் என்பது கூடுதல் தகவல் ) . என்னிடமும் காசு இருந்தது , ஆனால் உள்ளே செல்ல மனமில்லை எனக்கு மீண்டும் உடல்உபாதை ஏதும் வந்துவிடுமோ என்ற பயம் வேறு

kFCக்கு எதிரே உள்ள கட்டிடத்தில் "செம்மொழி புத்தகக்கடை " என்ற புத்தகக்கடை இருக்கிறது . ஆச்சரியம் என்னவென்றால் அந்த கடையை பற்றி விசாரித்தால் 50அடி தொலைவில் டீக்கடை வைத்திருப்பவருக்கு கூட அந்த கடை எங்க இருக்குதுன்னு தெரியல , புதக்கடையை அப்போது தான் அதன் உரிமையாளர் திறந்தார் . உடனே உள்ளே நுழைந்தேன் ."தம்பி நான் எடுத்து வைக்கிறேன் நீங்க உள்ளபோய் பாருங்க " என்றார் . சரிண்ணே என்று நானும் உள்ளே நுழைந்து வெகுநாட்களா தேடிய கீதாஞ்சலியின் தமிழ் மொழிபெயர்ப்பை வாங்கினேன் . அப்புறம் சாறு எழுதிய "தீராக்காதலி" என்ற புத்தகத்தையும் வாங்கிவிட்டு கொஞ்ச நேரம் அவரிடம் பேசிக்கொண்டிருந்தேன்

"புத்தகங்களுக்கு நம்ம நாட்டுல முக்கியமா தமிழ்நாட்டுல மதிப்பே இல்ல தம்பி , இங்க "டைம்பாஸ்" விற்கிற அளவு கூட ஒரு சிறந்த எழுத்தாளரின் புத்தகம் விற்காது தம்பி என்று தன் ஆதங்கத்தை வெளிப்படுத்தினார்

அவர் மகள் இலங்கையில் இருப்பதாகவும் , அங்கே தமிழ் புத்தகங்கள் வாங்க பயப்பட வேண்டும் என்றும் மூன்று மணிநேரம் தான் கடை திறந்திருக்கும் என்றும் கூறினார் (விவரம் தெரிந்தவர்கள் இது பற்றி மேலும் தகவல் இருந்தால் கருத்துரையில் கூறுங்கள் )

அவர் எனக்கும் , நான் அவருக்கும் நன்றி சொல்லிவிட்டு வெளியே வந்தேன் , KFCயில் இரண்டு கார்கள் புதுசாக வந்து நின்றது

நான் என் சைக்கிளை எடுத்துக்கொண்டு காளவாசல் வரை வந்தேன் .அங்கே எனக்கு பிடித்த் பிச்சைக்காரர் பிச்சை எடுத்துக்கொண்டிருந்தார்.அவருக்கு காசு ஏதும் கொடுக்கவில்லை என்றாலும் ஒரு மெல்லிய புன்னகையை பரிசாக அளித்துவிட்டு வீட்டிற்கு வந்தேன் . எங்கம்மா சிக்கன் எடுத்து குழம்பு வைத்திருந்தார்கள் . சிக்கன் சாப்பிட்ட பிறகு தான் தோன்றியது "MALLம் தேவையில்லை ஒரு மயிரும் தேவையில்லை , KFCயும் தேவையில்லை கே.கூ*வும் தேவையில்லை , நாம இருக்குற இடம் தான்டா சொர்க்கம் , நம்ம வீடு இருக்குற ஊரு தான்டா இருக்கிறதுலையே பெரிய சிட்டி என்று

கே.கூ = கேப்பை கூழ்

ராஜா வேஷம்

noreply@blogger.com (Unknown) — Fri, 1 Nov 2013 11:03:00 +0530

என்னை சுற்றிலும்
கொசுவத்தி புகை
மழை வந்தால்
அஸ்பெஸ்டாஸ் ஒழுகும்
மேசை விசிறியும்
ஒழுங்காக சுற்றுவதில்லை
வெய்யில் சூடு இன்னும்
தரையில் வசிக்கிறது
போர்வையில் தலை
போகும் பொத்தல்கள்
தலையணைக்கு துவைக்க
வேண்டிய துணிகள்
திரும்பி படுத்தால்
அவன் மீது கால் படும்
இவனோ குடித்த
போதையில் புரள்கிறான்
வேலை தேடும் நாள்
தூக்கம் தேடும் இரவு
வழக்கம் போல
கனவில் மட்டும்
"ராஜா வேஷம் "

உடைந்த நிலா

noreply@blogger.com (Unknown) — Thu, 31 Oct 2013 14:59:00 +0530

குளம் இரவில் தூங்குவதாய்
மீன்கள் சொன்னது
நட்சத்திர நிழலில்
ஓய்வெடுக்க நேரம் இல்லாமல்
அலைகிறது நிலவு
தவளை புணர
ஒலி எழுப்பிய வேளையில்
கெண்டை ஒன்று தியானம்
செய்தது
மரங்கள் எல்லாம் மௌன
இசைக்கு பாடிக் கொண்டது
இந்நேரம் உறங்கவோ
விழிக்கவோ இயலாமல்
ஒற்றை காகிதம் மிதந்தது
நிலவின் நிழல் நீரின்
உடஞ்சலில் உடைந்தது
மீன்கள் சில காதலில்
நிலவை விட அழகாய்
நீந்தி சென்றது
குளம் இருந்த இடத்தில்
நாளை நாங்கள் பிளாட் போடுகிறோம்
சின்னத்திரை நட்சத்திரம் வருகிறார்

மது குடித்த தேநீர்

noreply@blogger.com (Unknown) — Wed, 30 Oct 2013 16:48:00 +0530

கண்ணாடி குவளையில்
என் முகம் சிதறுகிறது
தேநீர் கரை படிந்த
அதில் மது அமர்கிறது

மதுவையோ தேநீரையோ
குவளைக்கு தெரியாது ,
குவளைக்கு தெரியும்
கரையை ஏற்றுக்கொள்ள

எளிமையான கவிதையாய்
மதுக்கரைசல் மிதக்கிறது
உதட்டின் ரேகையை
கண்ணாடி பதிப்பிக்கிறது

கடைசி சுற்றில்
கண்ணாடி குவளை உடைகிறது
சிதறலில் மது இருக்குமோ
என மனம் ஏங்குகிறது

மறுநாள் காலை
தேநீருடன் வந்த
மனைவியின் காலில்
கண்ணாடி இரத்தம் குடிக்கிறது
என் இரத்தத்தை இரவே
மது குடித்து விட்டது

தீபாவளிக்கு என்ன ஆனது ?

noreply@blogger.com (Unknown) — Wed, 30 Oct 2013 14:52:00 +0530

தீபாவளி என்பது இந்துக்களின் பண்டிகை என்று எந்த மடையனாவது கூறினால் எனக்கு கடுப்பு வரும் ...அப்படி பார்த்தால் புத்தாண்டு கூட நமக்கு பண்டிகை இல்லை ஆனால் கொண்டாடுவது இல்லையா என்ன ? என்னை பொறுத்த வரை தீபாவளி என்பது இந்திய பண்டிகை , என் பள்ளி நாளில் மத வேற்றுமை எல்லாம் பார்க்கவே மாட்டோம் தீபாவளி வந்தால் வெடி போட வேண்டும் ...அது மட்டுமே எங்களுக்கு தெரியும் ...இப்ப வரை எனக்கு அது மட்டும் தான் தெரியும்

தீபாவளிக்கு நாலு புதுப்படம் ரிலீஸ் ஆகும் அதை பற்றிய கவலை எனக்கு இருந்தது இல்லை ஒரு வேலை ரஜினிகாந்த் படம் வந்தால் அடுத்த பத்து நாளில் பார்த்து விடுவேன் ...தீபாவளிக்கு எங்க அத்தை வீட்டிற்கு தவறாமல் சென்று விடுவேன் ..இரண்டு நல்ல விஷயம் அங்க கிடைக்கும் ஒன்று வெடி இன்னொன்று மாவு உருண்டை ...வெடி என்றால் அவர்கள் கிட்டத்தட்ட ஐயாயிரம் ரூபாய்க்கு வாங்கி வைத்து இருப்பார்கள் அதை செயல் இழக்க செய்யும் BOMBSQUAD தான் அடியேன் ..என்ன ஒன்று அதை வெடிக்க விட்டு தான் எனக்கு செயல் இழக்க செய்ய தெரியும் ...

தீபாவளிக்கு எங்க ஏரியா களைகட்டும் ...ஒரு மாதம் முன்னதாகவே சிறுவர்கள் துப்பாக்கி வைத்து சுட்டுக்கொண்டு இருப்பார்கள் ...தீபாவளிக்கு மூன்று வாரங்களே இருக்கும் நிலையில் பொட்டுவெடியும் சீனி வெடியும் வெடிக்க துவங்கும் ,,,தீபாவளி வர வர வெடி சத்தம் அதிகமாகி கொண்டே போகும் ...தீபாவளிக்கு பிறகு மேற்சொன்னது தலைகீழாய் நடக்கும் ...

தீபாவளிக்கு இன்னொரு பிடிச்ச விஷயம் புத்தாடை எனக்கு சின்ன வயத்தில் அஞ்சு ஜோடி உடை வாங்கி கொடுத்து விடுவார்கள் ...இப்போது அப்படி இல்லை என்பது வேறு விஷயம் ,,,ஒரு வேடிக்கை என்னவென்றால் எங்க அம்மா எனக்கு பதினான்கு வயதில் வாங்கி கொடுத்த சட்டை இன்றும் எனக்கு பொருந்துகிறது (இப்போது வயது 22) ..அப்போது "எதுக்குமா இவ்வளோ பெரிய்ய சட்டை" என்று கேட்டால் "வளருற பிள்ளை இப்படி தான்டா போடணும்" என்பார்கள் ..அம்மாக்கள் எல்லாம் தீர்க்கதரிசிகள்

தீபாவளி முந்தைய நாள் மொட்டை மாடிக்கு சென்று மதுரையே வண்ணத்தில் ஒளிர்வதை கண்டு ரசிப்போம் ...தீபாவளி அன்று காலை சீக்கிரமே எந்திரிச்சு எண்ணெய் தேய்த்து குளித்து விட்டு ..முதல் சரத்தை நான் தான் வைப்பேன் ..என் தம்பிக்கும் எனக்கும் இதில் தான் போட்டியே ...

அதற்கு பிறகு சொந்தக்காரகள் வீட்டிற்கு ஒரு ரவுண்டு அடிப்போம் ..எல்லோர் காலிலும் விழுந்தா ஒரு அமௌண்ட் கிடைக்கும் ..அதற்காகவே அங்கு இருக்குற வாண்டுகள் காலில் கூட விழுந்து விடுவேன் நான் ...

இது எல்லாம் பத்து வருடங்களுக்கு முன் அப்போது தீபாவளி என்பது ஒரு மாத பண்டிகையாக இருந்தது ஆனால் இப்போது அது ஒரு நாள் கூட ஒழுங்காக கொண்டாட முடியுமா என்ற நிலையில் தான் இருக்கிறது ...தீபாவளி என்றால் டி.வியில் போடும் புதுப்படம் பார்ப்பது என்பதோடு முடிந்து விடுகிறது

இன்னும் சொல்ல வேண்டும் என்றால் இன்று வரை ஒரு வெடி சத்தம் கூட இல்லை ...மக்களிடம் காசு குறைந்து விட்டது , வீணா எதுக்கு செலவு செய்யனும் இத செஞ்சா என்ன கிடைக்கும் ,,,அவங்க வீட்டுக்கு போய் என்ன ஆக போகது என்று விவாதம் பண்ணத்தான் நாம் முற்படுகிறோம் ...ஒரு புஸ்வானம் மட்டும் சாஸ்திரத்திற்கு வெடித்து விட்டு தீபாவளியை கடந்து போகவே பலரும் தள்ளப்பட்டு உள்ளனர் ...இதற்கு மேல் இந்திய பாரம்பரியத்தை அழிக்கும் சத்திக்களின் வெற்றியை நாம் காண முடியாது ...உறவு ..கொண்டாட்டம் ..மகிழ்ச்சி ..பாசம் ..புத்துணர்ச்சி இதற்கு தான் தீபாவளி........ நரகாசுரன் கதை நமக்கு உணர்த்துவது "தர்மம் வெல்லும்" என்பதே ...கதை பிடிக்க வில்லை என்றாலும் அதன் சாரத்தை நாம் உணர்ந்தாலே தீபாவளி சிறக்கும் ...வாழ்வில் ஒளி பிறக்கும் ...........

ஆண்ட்ராய்டு மொபைல் மூலம் பிளாக்கர் பயன்படுத்த

noreply@blogger.com (Unknown) — Wed, 30 Oct 2013 13:09:00 +0530

இன்றைய சூழ்நிலையில் பரவலாக எல்லோரும் ஆண்ட்ராய்டு மொபைல் பயன்படுத்தி வருகிறோம் , எண்ணில் அடங்கா APPகளை கூகிள் ப்ளே ஸ்டோரில் நாம் தரவிறக்கம் செய்ய முடியும் , தற்போது பிளாக்கர்க்கான பிரத்யேக APPLICATIONஐ கூகிள் அறிமுகப்படுத்தி உள்ளது

நாம் எளிமையாக மொபைல் மூலமே நம் பதிவுகளை வெளியிடலாம் , அதே நேரம் பிளாக்கர் தளத்தில் கிடைக்கும் அனைத்து வசதிகளும் இதில் இல்லை என்பது தான் இந்த APPLICATIONனின் மிகப்பெரிய குறை

முதலில் இந்த APPLICATIONஐ கூகிள் ப்ளே ஸ்டோரில் தரவிறக்கம் செய்ய இங்கே சொடுக்குங்கள்

அல்லது நேரடியாக APK FILEஆக தரவிறக்கம் செய்ய இங்கே சொடுக்கவும்

இந்த APPLICATION மூலம் எப்படி பதிவை வெளியிடுவது என்பதை நான் இங்கே விளக்குகிறேன்

முதலில் உங்கள் மொபைலில் தமிழ் தட்டச்சு விசை இல்லையென்றால் இங்கே தரவிறக்கம் செய்யுங்கள்

உங்கள் பதிவை தட்டச்சு செய்ய படத்தில் உள்ள பென்சில் ICONஐ சொடுக்குங்கள்

பிறகு POST TITLE என்னும் இடத்தில் உங்கள் பதிவின் தலைப்பை தட்டச்சு செய்யுங்கள்

POST CONTENT என்னும் இடத்தில் பதிவை தட்டச்சு செய்யுங்கள்

காமிரா வடிவில் இருக்கும் ICONஐ சொடுக்கினால் புகைப்படம் சேர்க்க முடியும் ...புகைப்படத்தை எடுத்துக்கூட சேர்க்க முடியும்

LABELS என்னும் இடத்தில் உங்கள் பதிவிற்கான குறிச்சொற்களை சேருங்கள்

இறுதியில் மேலே இருக்கும் அம்புக்குறியை அழுத்தினால் உங்கள் பதிவு வெளியிடப்படும்

அரசாங்கம் என்பது ஒரு கட்சி மட்டுமல்ல

noreply@blogger.com (Unknown) — Tue, 29 Oct 2013 15:56:00 +0530

அரசு என்பது ஒரு கூட்டுக்குடும்பம் ..என்ன அளவில் பெரிய கூட்டுக்குடும்பம் அதை முறையாக பாதுகாக்காவிட்டால் சின்ன சின்ன துண்டுகளாக உடைந்து போவது நிதர்சனம் , முதல்வர் ஜெயலலிதா ஆட்சியில் இதை நான் சற்றும் எதிர்பார்க்கவில்லை , தற்பெருமை தன்னை அழித்துவிடும் என்பதை அறியாதவர் அல்ல நமது முதல்வர் , இருப்பினும் சமீப திட்டங்கள் யாவும் அவர் பெயரை தாங்கி வருவது வியப்பிற்கு உரியது தான் ...கொஞ்சம் நேரடியாகவே பேசுவோம் , அம்மா உணவகம் , அம்மா குடிநீர் என்று அவர் கொண்டு வந்த திட்டங்களில் அம்மா உணவகத்தை ஆதரிப்பவன் நான் அதே நேரம் அம்மா குடிநீரை என்னால் ஆதரிக்க முடியவில்லை ..இந்த இரண்டு திட்டங்களையும் எதிர்க்க ஒரு காரணம் வேண்டும் என்றால் அது "அம்மா" என்ற சொல் தான் ...அது நேரடியாக ஜெயலலிதாவை தான் குறிக்கிறது என்பது எல்லோரும் அறிந்ததே ..என்ன செய்வது ஆட்சிக்கு வருபவர்கள் எல்லாம் தன பெயரில் ஒரு திட்டம் உருவாக்க வேண்டும் என்று நினைப்பது இயல்பாகி விட்டது . இதற்கு ஒபாமாவே விதிவிலக்கல்ல அங்கேயும் ஒபாமா கேர் என்று ஒரு திட்டம் கொண்டு வந்து இருக்கிறார்கள் ...இப்போது இருக்கும் பிரச்சனை கட்சி சின்னங்கள் ..ஆம் முதல்வர் ஆரம்பித்த திட்டங்களில் இரட்டை இலை இருக்கிறது என்று எல்லோராலும் விமர்சிக்கப்படுகிறது

உதாரணம் அம்மா குடிநீர் பாட்டிலில் இரட்டை இலை சின்னம் உள்ளது

படம் :தினகரன்

அடுத்தது புதுபிக்கப்பட்ட எம் ஜீ ஆர் சமாதியின் நுழைவாயிலில் இரட்டை இலை சின்னம் உள்ளது

தற்போது விடப்பட்ட ஸ்மால் பஸ்களில் இரட்டை இலை சின்னம் உள்ளது

ஒரு அரசாங்கம் என்பது எல்லோருக்கும் பொதுவானது .அதே போல எல்லோருக்கும் பொதுவான திட்டம் கொண்டு வரும் போது அதில் கட்சி சின்னங்கள் இடம் பெறுவது நாட்டில் எல்லோராலும் ஏற்றுக்கொள்ள ஏதுவானது அல்ல .அதிமுகவை பொறுத்தவரை இரட்டை இலையை இப்படி தான் மக்கள் மனதில் பதியவைக்க வேண்டும் என்று அமைச்சரே சொல்லிவிட்டு இதை இயற்கை காட்சி என்றும் குதிரையின் இறக்கைகள் என்றும் சப்பைக்கட்டு கட்டுவது நல்லதல்ல

திட்டங்களை வரவேற்கும் மக்களும் கூட பெயரில் , சின்னங்களினால் பின் வாங்குவார்கள்

இதற்கு முந்தைய ஆட்சியாளாரான கலைஞர் கருணாநிதி தற்புகழ்ச்சியால் தான் அவர் திட்டங்களின் நல்லதை கூட மக்கள் குறை கூறினார்கள்
அவர் பெயர் கட்சி சின்னம் என அவர் மேற்கொண்ட திட்டங்கள் எல்லாம் ஒரு பெரிய அறிக்கை அளவிற்கு நீளமாக இருக்கும்
உதாரணம் : கலைஞர் காப்பீடு திட்டம் ,பொங்கல் பரிசில் உதயசூரியன் சின்னம்

அவர் ஆட்சியில் பாலம் கூட BOW STRING GRIDER BRIDGE தான் (உதய சூரியன் வடிவில் இருக்கும் ) , பல பாலங்களுக்கு அவர் பெயரே வைத்துவிடுவார்கள்

ஆட்சியில் இருப்பவர்கள் தன பெயரை திட்டங்களுக்கு வைப்பதை விட்டுவிட்டு இனி வரும் சமுதாயம் அவர்கள் பெயரை சொல்லும் படி திட்டங்கள் கொண்டு வந்தால் அவர்கள் பெயரும் நிலைக்கும் நாடும் முன்னேறும்

வண்ணத்துப்பூச்சிகள்-1

noreply@blogger.com (Unknown) — Fri, 25 Oct 2013 13:54:00 +0530

சிவகுமார்க்கு நேற்று இரண்டரை வயது , இன்று அவன் வயதில் ஒரு நாள் கூடி இருக்கும் அதனால் ஒன்றும் இல்லை ...நேற்று அவனை கொஞ்சிக்கொண்டிருக்கையில் "அய் பட்டாம்பூச்சி" என்று குதித்து ஓடினான் ..கிட்டதட்ட இந்த நகர வாழ்க்கையில் நானும் பட்டாம்பூச்சியை மறந்தே போய்விட்டேன் அல்ல எனக்கு அதை பார்க்கும் வாய்ப்பு மிகவும் அரிதாகவே இருக்கிறது ..பட்டாம்பூச்சி என் சந்திற்குள் வந்ததை நினைத்து பூரிப்பதற்கு பதில் அவன் ஓடி விழுந்துவிடக் கூடாது என்பதே என் கவலையாக இருந்தது ..இயற்கையை பற்றி கணினியில் எழுதுவது கூட ஒரு வகையில் முட்டாள்தனம் தான் ...அது தனது பிரமாண்டமத்தை என்றுமே மனிதன் என்னும் சிறு உயிரினம் முன் விட்டுக்கொடுக்காது

பட்டாம்பூச்சி அப்படியா இருக்கிறது அது தன் இயற்கையான வாழ்க்கையை இயற்கையாகவே வாழ்கிறது , அதன் வண்ணம் கூட எனக்கு நினைவில் இருக்கிறது , முப்பது நொடியில் மாயாஜாலம் காட்டி பறந்தோடிவிட்டது ..

வாழ்க்கையை பற்றி எத்தனையோ பேர் எழுதியிருந்தாலும் எவ்வளவோ படித்து இருந்தாலும் நமக்கு தினமும் ஒரு புதிர் விளையாட்டு போல தான் உள்ளது வாழ்க்கை , சில நேரம் நம் அனுபவம் தான் அடுத்த நொடியை நோக்கி நம்மை நகர்த்திச்செல்கிறது

உணர்ச்சிகளுக்கு அப்பால் ஒரு உலகம் இருக்கிறது என்பதை நாம் உணர மறுக்கிறோம் என்பது தானே வாழ்க்கையின் நகை முரண்

சரி அந்த பறந்து போன பட்டாம்பூச்சி இப்போது யாரை மகிழ்வித்து கொண்டிருக்கும் ? தெரியாது ..ஆனால் நம்மை நாம் கண்ணாடி முன்னால் நின்று பார்த்தால் "மதம் ஜாதி பிரிவு ஏற்றம் தாழ்வு பணக்காரன் ஏழை படித்தவன் படிக்காதவன் " இப்படி ஆயிரம் தடைகளை தாண்டி தான் நம்முடைய ஒற்றுமை இங்கே பேணப்பட வேண்டி இருக்கிறது

ஒரு சிறு பேப்பர் போடும் சத்தம் கூட இங்கே ரசிக்கப்பட வேண்டியது தான் ..ரசனை என்ற வார்த்தை எத்தனை ரசனையாக உள்ளது ...கடல் போன்ற விரிவு தான் வாழ்க்கை , நம் கண்ணுக்குள் தெரிவது மட்டும் கடல் அல்ல அது கடலின் நிழல் அவ்வளவு தான்

பட்டாம்பூச்சியை சுதந்திரமாக இருக்கிறது ...அதைப் போல இங்கேயும் பல்வேறு கட்டுப்பாடுகள் உடைக்கப்பட்டு காதலில் பொங்கி வரும் கண்ணீராக நம் சுதந்திரம் இருக்க வேண்டும் , சக மனிதனை நேசிப்பதை காட்டிலும் சகத்தையே நேசிப்பது தான் இங்கே பேசப்பட வேண்டும் ..ஏன் என்றால் அந்த சக மனிதன் இந்த சகத்தில் வந்துவிடுவான் அல்லவா

என் ஜன்னல் வழியாக ஒரு அற்புத காக்கை தெரிகிறது அது என்னுடன் எதோ பேச வந்திருக்கலாம் நான் பேசவில்லை என்ற செல்ல கோபத்தில் பறந்து செல்கிறது காதலியை போல ...

ரசிப்பது நேசிப்பதும் தான் நம் வாழ்க்கை மற்றைய எல்லாம் மற

பகுத்தறிவு : GUEST BLOGGER : கிருஷ்ண பரமாத்மா

noreply@blogger.com (Unknown) — Tue, 22 Oct 2013 17:23:00 +0530

பகுத்தறிவு !!!!!!!!!!!
-------------------------
அவர் : சாரி... நம்ப விவாதம் பண்ணுவோம் வரிங்களா..

நான் : வரேன்
நான் : பகுத்தறிவு என்றால் என்ன??

அவர் : உங்கள் கடவுளால் எதனை கஷ்டம் தெரியுமா?? எந்தனை பால் வேஸ்ட்?? டைம் வேஸ்ட்.. அது போகட்டும்! உங்கள் கடவுள் எங்கே இருக்கிறார்?

நான் : வாங்க நம்ப கடவுள் பற்றி பேசுவோம்??

அவர் : உங்கள் மதத்தில் ஜாதி இருக்கு!... சமுதாயம் ஏற்ற தாழ்வு இருக்கு!

நான் : நம்ப கடவுளை பற்றி பேசுவோமே! - இதற்கும் அதற்கும் என்ன சம்பந்தம்??

அவர் : இது அதனால் வந்தது!??

நான் : சம்ப்ரதாயதுக்கும்/சடங்கு இதுக்கும் கடவுளுக்கும் என்ன சம்பந்தம்??

அவர் : இதெல்லாம் சமுதாயத்துல இருக்கே?? ஏன் டா இருக்கு??

நான் : என்னை டா என்று சொல்லுகிறிர்களே!??

அவர் : ஒருத்தான் அதே வேலையை செய்கிறான்!

நான் : கடவுள் அப்படி சொல்ல வில்லையே??? .. மனிதன் தவறுக்கு அவரை ஏன் குற்றம் சொல்ல வேண்டும்!??

அவர் : பாப்பான் மட்டும் கோவில் உள்ளே !!.. அவனுக்கு என்ன தனி??

நான் : அதற்கும் கடவுள்ளும் என்ன சம்பந்தம் ?? ஒன்று ஒன்றாக பார்ப்போமே??

அவர் : உன்னிடம் பேசி வேஸ்ட்!!!

நான் : சார்! நாம் கடவுளை பற்றி பேசவே இல்லையே!!.. அதை விடுத்து எல்லாம் பேசுகிறிர்களே!!??? வாங்க கடவுள் இருக்கிறரா என்று பேசுவோம்!...

அவர் : எஸ்கேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேகேப் !!!!!!!!!!!!!!!!!

இந்த பதிவை எழுதியவர் : கிருஷ்ண பரமாத்மா (பேஸ்புக் பதிவர் )

இணையத்தில் பணம் சம்பாதிப்பது எப்படி ? நேர்மையான வழிகள்

noreply@blogger.com (Unknown) — Wed, 16 Oct 2013 11:45:00 +0530

இணையத்தை நாம் பரவலாக பொழுதுபோக்கு சாதனமாகவே பயன்படுத்துகிறோம் , இருப்பினும் இணையம் வழியாக பணம் சம்பாதிக்க ஏதுனும் வழி இருக்கிறதா ? என்று ஆராய்ந்தால் .நீங்கள் நேர்மையாக உழைத்தால் உங்களால் இணையம் வழியாக பணம் சம்பாதிக்க முடியும் இணையம் முழுக்க நீங்கள் தேடும் பட்சத்தில் உங்களுக்கு முதலில் கிடைப்பது எல்லாம் உங்களை ஏமாற்றும் விளம்பரங்கள் தான் . அதில் இருந்து தப்பித்து உங்கள் நேரத்தை பயன் உள்ளதாகவும் பணமாக்கவும் பயன்படுத்த வேண்டும் என்றால் , கடின உழைப்பு அவசியம்

உங்களுக்காக சில நேர்மையான வழிமுறைகளை தொகுத்து வழங்குகிறேன்

1.வலைப்பூ மூலம் எழுதுதல்

எழுத்து என்பது வரம் , நம்மில் பலர் வீட்டில் ஏதேனும் எழுதிக்கொண்டே இருப்போம் , அரசியலில் தேர்ந்த ஞானத்துடன் இருப்போம் , அறிவியலில் புதுமையாக பார்ப்போம் , கவிதை எழுதுவோம் ஆனால் அதை பலரிடம் கொண்டு சேர்க்க முடியும் என்றால் அதற்கு  இணையம் தான் எளிமையான வழியாக இருக்க முடியும் , வலைப்பூ அமைக்க என்னைப்பொறுத்த வரை கூகிள் வழங்கும்  பிளாக்கர் தான் எளிமையான வழியாக இருக்கும் , சரி இப்படி எழுதுவதால் யாருக்கு என்ன லாபம் என்று கேட்கிறீர்களா ? உங்கள் வலைப்பூவை நிறைய மக்கள் படிப்பதுடன் அதன் மூலம் நீங்கள் பணமும் சம்பாதிக்க முடியும் .அதற்கு உங்கள் வலைப்பூவில் விளம்பர நிறுவனங்களின் மூலம் வரும் விளம்பரங்களை சேர்க்க வேண்டும் , அதற்கும் கூகிள் வழங்கும் ஆட்சென்ஸ்  தான் சிறந்தது , அதே நேரம் இணையத்தில் இன்னும் நிறைய நிறுவனங்கள் இது போன்ற சேவையை தருகிறது

2. எழுத்திற்கு பணம்
இந்த முறை தமிழில் பத்திரிக்கையில் மட்டுமே நடைமுறையில் உள்ளது அதவாது நீங்கள் எழுதும் பதிவிற்கு பணம் வாங்குவது .இருப்பினும் உங்களுக்கு ஆங்கில அறிவு இருந்தால்   Helium மற்றும் PayPerPost போன்ற தளங்கள் உதவலாம்

3.புகைப்படங்களை விற்பது
நீங்கள் தேர்ந்த புகைப்படக்காரர்ரா? உங்களால் பிறர் மனம் கவரும் வகையில் புகைப்படங்களை எடுக்க முடியுமா ? அப்படி என்றால் உங்கள் புகைபடங்களை விற்க சில தளங்கள் இருக்கிறது  Fotolia, Dreamstime மற்றும் Shutterstock  போன்ற தளங்கள் உங்களுக்கு உதவலாம்

4.Affilliate மார்க்கெட்டிங்
இது ஒரு புதுமையான முறை , என் தளத்திலே பார்த்தால் FLIPKART தளத்தின் விளம்பரங்கள் வரும் , அந்த விளம்பரங்களை நீங்கள் சொடுக்கி ஏதேனும் பொருள் வாங்கினால் எனக்கு சிறு தொகை கிடைக்கும் , இதே போல பல நிறுவனங்கள் இருக்கிறன , அதாவது உங்கள் தளம் மூலம் அவர்களுக்கு ஒரு விற்பனை நடக்க வேண்டும் . உங்களுக்கு தேவையானது ஒரே ஒரு இணையத்தளம் அல்லது வலைப்பூ மட்டும் தான் FLIPKART மூலம் பணம் சம்பாதிக்க இங்கே சொடுக்கவும்

5.டொமைன் விற்பனை
உங்கள் பகுதியில் ஒரு வளர்ந்து வரும் நிறுவனம் இருக்கலாம் , அவர்களுக்கு நீங்கள் இணையத்தளம் ஏற்படுத்தி கொடுப்பதன் மூலம் சிறிய முதலீட்டில் பணம் சம்பாதிக்கலாம் , இதற்கு அடிப்படையே இந்த துறை சார்ந்த அறிவை வளர்த்துக்கொள்வது தான்

6.ஆன்லைன் விற்பனை தளம்
உங்களிடம் உண்மையாகவே ஒரு பொருள் இருக்கிறது அதை ஆன்லைன் மூலம் விற்பனை செய்ய ஒரு விற்பனை தளத்தை உருவாக்கி விற்பனை செய்யலாம் ( இதற்கு நிறைய நடைமுறைகள் அவசியம் இது குறித்து மேலும் தேடி அறிந்து கொள்வது வாசகர்களின் நன்மைக்கு உதவும் )

7.Trading
பங்குசந்தையில் முலீடு செய்வதன் மூலம் நீங்கள் பணம் சம்பாதிக்கலாம் , ஆனால் இதற்கு குறைந்தபட்ச முதலீடு அவசியம் அதே நேரம் பங்குசந்தையின் ஏற்ற இறக்கத்திற்கு ஏற்ப தான் உங்கள் வருமானம் இருக்கும் , அருகில் உள்ள பங்கு சந்தை ப்ரோக்கரை அணுகினால் அவர் மேலும் தகவல் தருவார்

8.APP BUILDER
இன்று பரவலாக எல்லோரும் android மொபைல்லே பயன் படுத்துகிறோம் , உங்களுக்கு ANDROID APPLICATION உருவாக்கும் அறிவும் ,திறமையும் இருந்தால் அதன் மூலம் வருமானம் ஈட்டலாம்

**** குறிப்பு : வாசகர்கள் மேற்குறிப்பிட எந்த நடவடிக்கையில் ஈடுபடும் முன் தக்க ஆலோசனை பெறுவது அவசியம் , இங்கே இப்பதிவில் கொடுக்கப்பட்டுள்ள சுட்டிகளை பின் தொடர்ந்து செல்லும் போது அத்தளங்களின் கொள்கைகளை படித்து பார்த்து செயல்படுவது நல்லது ****

எனக்கு மட்டும் ஏன் இப்படி நடக்குது ?

noreply@blogger.com (Unknown) — Thu, 10 Oct 2013 15:54:00 +0530

ஆட்டுக்குட்டி ஒன்னு வயல் ஓரமா மேஞ்சுட்டு திரிஞ்ச்சு ...அதுகிட்ட வந்து ஒரு மனுஷன் .."ஆடே நான் உன்ன நல்லா பார்த்துப்பேன் , என் கூட வரியா ...தினமும் உனக்கு நல்ல சாப்பாடு கிடைக்கிற இடத்துக்கு கூட்டிட்டு போறேன்" சொன்னானாம் ., ஆடும் சரின்னு தலையாட்டிட்டு அவன் பின்னாடியே போச்சாம் ...அடுத்த நாளுல இருந்த அவன் மேய்க்கிறவன் ஆகிட்டான் ...ஆடு மேயுறது ஆயிருச்சு .." கொஞ்ச காலம் கழிச்சு ஆட்ட நல்ல விலைக்கு விற்கலாம்ன்னு சந்தைக்கு போனானாம் ...அங்கே அவனுக்கு நல்ல விலை கிடைக்கலையாம் ...உடனே "எனக்கு மட்டும் ஏன் இப்படி நடக்குது ?"னு சொல்லிடு வந்தானாம் ...

ஆட்டை வாங்கினவன் அத கசாப்பு கடையில் கொடுத்துட்டு காசு பத்தலன்னு "எனக்கு மட்டும் ஏன் இப்படி நடக்குது ?" உளறிட்டு போனான்...ஆடு வெட்டப்படுமுன் "எனக்கு மட்டும் ஏன் இப்படி நடக்குது ?"னு சொல்லிட்டு செத்துப்போச்சாம் ...ஆட்டுக்கறி வாங்கி சாப்பிட்ட லஞ்சம் வாங்கி குசு விடும் அரசு அதிகாரியின் தொண்டையில் ஆட்டிறைச்சி மாட்டிகிட்டு அவஸ்தியில "எனக்கு மட்டும் ஏன் இப்படி நடக்குது "அவன் பொண்டாட்டிய உதைச்சானாம்..அவன் பொண்டாட்டி "எனக்கு மட்டும் ஏன் இப்படி நடக்குது ?" ஓரமா உட்கார்ந்து அழுதாளாம் ...

என்னாடா இது வம்பா போச்சு இதே டயலாக்க எல்லாருமே சொல்றாங்கன்னு ...ஒரு ஆளு "எனக்கு மட்டும் ஏன் இப்படி நடக்குது ?"ன்னு புக் எழுதுனானாம் ..இன்னொருத்தன் அதையே மையமா வச்சு "எனக்கு மட்டும் ஏன் இப்படி நடக்குது ?"ன்ற தலைப்புல படம் எடுத்தானாம் ...ரெண்டுமே நல்லா போகல ரெண்டு பேருமே "எனக்கு மட்டும் ஏன் இப்படி நடக்குது ?"ன்னு தலையில கைய வச்சுக்கிட்டு உட்கார்ந்தாங்கலாம் .....

சரின்னு இந்த பதிவ எழுதிட்டு இருக்குற எனக்கு இதே நேரம் "எனக்கு மட்டும் ஏன் இப்படி நடக்குது ?"ன்னு கேட்க வச்சது ...என்னுடைய கையில் வந்திருக்கிற சின்ன கட்டி தான் .........சரி கண்ண மூடி தூங்கலாம்ன்னு தூங்குனா "கனவுல கடவுள்" (வேற யாரு வருவா ?)

கடவுள்கிட்ட நாலு பேரு நின்னுட்டு இருந்தாங்க ..ஒருத்தன் ஹிந்துவாம் ..இன்னொருத்தன் ..கிருஸ்துவனாம்..அடுத்தவன் முஸ்லிமாம் ...கடைசில இருக்கவன் நாத்திகனாம் ,..ஹிந்து கேட்டான் "சாமி நீங்க தான் சிவனா ?" ...கிருஸ்துவன் கேட்டான் "சாமி நீங்க தான் ஏசுவா?" ..முஸ்லிம் கேட்டான் "சாமி நீங்க தான் அல்லாவா ?" ....கடவுள் சிரித்தார் ......சிரித்துக் கொண்டே இருந்தார் ....கடைசியா நாத்திகன் கேட்டானாம் "சாமி நீ தான் கடவுளா?" ...வெறுப்பான கடவுள் "எனக்கு மட்டும் ஏன் இப்படி நடக்குது ?"ன்னு துப்பிட்டு போயிட்டார்

பிளாஸ்டிக் பையும் ஆட்டுக்குட்டியும்

noreply@blogger.com (Unknown) — Mon, 30 Sep 2013 15:14:00 +0530

இரவை முத்தமிட துடிக்கும் ஒரு மாலை வேளையில் நண்பன் பிரபுவோடு பேசிக்கொண்டிருந்தேன் ...எங்களை கவனித்தபடியே நகர்ந்து வந்தது யாரோ ஒருவர் விட்டுசசென்ற பச்சை நிற பிளாஸ்டிக் பை (அது அரசு விதிகளுக்கு உட்பட்டு செய்யப்பட்டதா என்பதை எல்லாம் கவனிக்கவில்லை) ..

நானும் பிரபுவும் பிறகு PTR டீ கடை நோக்கி நடக்க ஆரம்பித்தோம் ..அங்கே அவனது நண்பர்கள் இரண்டு பேர் முன்னமே வந்து காத்துக்கொண்டிருந்தனர் , செல்லமாக வளர்த்த நாய்க்குட்டிப் போல என்னை தொடர்ந்து காற்றில் வந்து கொண்டே இருந்தது அந்த பிளாஸ்டிக் பை...(சினிமா போல எனக்கு ஏதும் இந்த பையால் அற்புதம் நடந்து விட போகிறது என்று நீங்கள் யூகித்து இருந்தால் ...தயவு செய்து அதை மறந்து விடுங்கள் கதை அப்படி நடக்கவில்லை )

இப்போது காற்று அடிப்பது நின்று போய் இருந்தது ..நாங்கள் நகர ஆரம்பித்தோம் ...ஆனால் அந்த பிளாஸ்டிக் பை அங்கேயே தான் இருந்தது ...இம்முறை அது என்னை தொடரவில்லை ...அந்த பையால் எந்த அற்புதமும் எனக்கு நடக்கப்போவது இல்லை ...

இதோடு என் கதை முடிய வேண்டிய நேரம் வந்து விட்டது ...எனக்கு என்னவோ இனி பிளாஸ்டிக் பை தான் உங்களுக்கு கதை சொல்லப்போகிறது என்று தோன்றுகிறது ...

அந்த மனிதன் இப்போது தான் என்னை விட்டு விலகி போகிறான் ..அவன் வாழ்க்கை ஓட்டத்தை கொஞ்சம் நேரம் கவனிக்கலாம் என்றால் அதற்குள் இந்த காற்று நின்று விட்டது ...ச்சே ......

ஆகா ..கொஞ்சம் தென்றல் வீசுகிறதே ...அப்படியே கொஞ்சம் தூரம் நகர்வோம் ...ஆகா இன்னும் கொஞ்சம் மேலே எழுப்பினால் நன்றாக இருக்குமோ ...காற்று நம் மன ஓட்டப்படியே தான் நடக்கிறது ...நான் தரையில் இருந்து 20அடி உயரத்தில் பறந்து கொண்டு இருக்கிறேன் ...எதிர் வீட்டில் யாரோ இந்த நேரத்தில் குளிப்பது போல உள்ளதே ....ஆகா அதுவும் பெண் போல அல்லவா இருக்கிறது ...கொஞ்சம் முன்னாள் சென்று பார்ப்போம் ...வீணாப்போன காற்று என் விருப்பத்திற்கு மாறாக எதிர் திசையில் வீச ஆரம்பித்தது ...............

சற்று தூரம் பயணித்த பிறகு ஒரு சிகரட் குடிக்கும் சிறுவனை கடக்க நேரிட்டது ..பாவம் அவன் எதை இன்பம் என்று நினைக்கிறானோ ..அது துன்பமாக முடியும் என்று அவனுக்கு தெரியவில்லை ..தெரிந்தாலும் அவன் அதை பற்றி கவலைப்பட போவதாய் தெரியவில்லை .....

கொஞ்சம் மழை வரும் போல தெரிகிறதே ...இப்போது எல்லாம் எங்கே மழை வருகிறது ...மக்கள் என்னை பயன்படுத்துவதும ..மரங்களை எல்லாம் வெட்டுவதும் சாதரணமான இந்த காலத்தில் மழை வருவது கொஞ்சம் அபூர்வமாகத் தான் உள்ளது ...சரி எதோ ஒன்று "மழை நல்லது"..

தூரல்மழை தானே வருகிறது ...நாம் கொஞ்சம் தூரம் பயணிப்போம் ...ரோட்டில் குடித்துக்கொண்டு கூத்தடிக்கிறான் ஒரு மடையன் ...அவன் அந்தரங்கத்தை அவன் பொண்டாட்டிய விட பொது மக்களுக்கு தான் அதிகம் காட்டுவான் போல ...

இன்னும் கொஞ்ச தூரம் நகர்ந்தேன்
அங்கே சில பள்ளி மாணவர்கள் சிட்டாக பறக்கும் பள்ளி மாணவிகளை காதல் வலையில் விழ வைக்க முயற்சித்துக்கொண்டிருந்தனர் ..அதெல்லாம் சின்னபசங்க விஷயம் நாம தலையிடக்கூடாது

வைகை ஆறு என் கண்ணுக்கு தெரிய ஆரம்பித்தது ...ஆகா எவ்வளவு அகன்ற நதி ..ஆனால் என்ன செய்ய தண்ணீருக்கு தான் அங்கே வழியில்லை ...எதோ பாலைவனம் போல கருவேலம் மரம் எல்லாம் வளர்ந்து கிடக்கிறது ....

ஐயோ சிறுவர்களே ....என் மீதா பந்தை அடிப்பீர்கள் ...பாருங்கள் உயர பறந்த நான் இப்போது ஆற்றில் விழுந்துவிட்டேன் (ஆறு என்று கூறப்படும் மண் மீது அது)

என்ன இது ...இது மனிதனை போல தெரியவில்லை ...ஓ இது ஆட்டுக்குட்டி

...அய்யயோ அது என்னைத் தான் தின்ன வருகிறது ...

எதோ ஒன்றில் சிக்கியது போல உள்ளதே ...ஐயோ எதோ என்னை கடிக்கிறதே....

நான் இப்போது எங்கே இருக்கிறேன் ஒரே இருட்டாக இருக்கிறதே ..ஒரு வேலை ஆட்டுக்குட்டியின் குடலாக இருக்குமோ ???/..

குடலே தான் போல என்ன இளவோ என் மீது படிகிறது .....

ஒரு மாதம் கழித்து என்னை உண்ட ஆட்டுக்குட்டி இறந்து போய் மக்கியே விட்டது ...நான் இப்போது வேறு எங்கோ கிடந்தேன் ...அப்பாடியோ எனக்கு விடுதலை .......

நான் மீண்டும் காற்றின் திசையில் பறக்க ஆரம்பித்தேன் ...
என்னை யாராலும் அழிக்கவே முடியாது ................

வாழ்தல் எளிதல்ல

noreply@blogger.com (Unknown) — Mon, 23 Sep 2013 12:55:00 +0530

மரணித்து போதலுக்காக
துடித்துக் கொண்டிருந்தது
புலி வாயில் அகப்பட்ட
மான்

தன் கடைசி துளி
இரத்தம் உருஞ்சும் முன்
விட்டுவிடு என்ற ஏக்கத்தோடு
மரணித்தது மான்

போராட்டம் எல்லாம்
தோற்றபின்னும்
இரத்தக்குழாய்கள் அழுந்தி
துடித்தது

காட்டை அழித்து
புலியை வேட்டையாடினான்
வேட்டை மனிதன்

மலைவாழ் மனிதனை
மலம் அல்ல வைத்தான்
மண் வாழ் மனிதன்

ரேஷன்கார்டு வாங்க நாயாய்
அலைந்தான் சாதாரணன்
சாதாரணமே இங்கே
சவப்பெட்டி போராட்டமே

வேட்டையும் , போராட்டமும்
வடிவங்கள் மாறுகின்றன
மரணித்து போதல்
மாறுவதில்லை

வாழ்தல் எளிதல்ல
மானுக்கும் புலிக்கும்
அதனினும் உயர்ந்த
சக மனிதருக்கும்

ஐன்ஸ்டைன் அறிந்ததும் அறியாததும்

noreply@blogger.com (Unknown) — Mon, 23 Sep 2013 11:36:00 +0530

மனித இனத்தின் சிந்தனையே மாற்றி அமைத்தவர் ஆல்பர்ட் ஐன்ஸ்டைன் , ஜெர்மன்னில் பிறந்த அவரை பற்றிய சில சுவாரசிய தகவல்கள்

1.பிறக்கும் போது பெரிய தலையுடனும் , குண்டாகவும் இருந்தார் , அவரை மனநலம் பாதிக்கப்பட்ட குழந்தை என்றே ஆரம்பத்தில் நினைத்தனர் அவரின் பெற்றோர்

2.நான்கு வயது வரை பேசாமல் இருந்த ஐன்ஸ்டைன் , ஒரு நாள் சாப்பிடும் போது "சூப் சூடாக உள்ளது " என தன் நான்கு வயது மௌனத்தை கலைத்தார்

3.முடி வெட்டிக்கொள்வதை அறவே வெறுத்தார் ஐன்ஸ்டைன்

4.அவருடைய ஐந்தாவது வயதில் அவர் தந்தை கொடுத்த திசைமானி தான் அவருக்கு அறிவியல் மேல் ஆர்வத்தை தூண்டியது

5.பள்ளி பருவத்தில் மிகவும் மந்தமான மாணவராகவே திகழ்ந்தார் , அவருடைய கணித ஆசிரியர் , அவரை "சோம்பேறி நாய்" என்று திட்டினார்

6.ஐன்ஸ்டைன் மறதிக்கோளாறால் பெரிதும் பாதிக்கப்பட்டார் , தன்னுடைய தொலைபேசி எண்ணைக்கூட அவர் அடிக்கடி மறந்து விடுவார்

7.அவரிடம் யாராவது ஆட்டோகிராப் கேட்டால் , அவர்களிடம் பணத்தை வாங்கிக்கொள்வார் , அந்த பணத்தை எல்லாம் ஏழைகளுக்கு கொடுத்து உதவினார்

8.1952ல் இஸ்ரேன்னு ஜனாதிபதி பொறுப்பை ஏற்க வந்த அழைப்பை அமைதியாக நிராகரித்தார்

9.ஒரு நாள் ரயிலில் செல்லும் போது தன பயணசீட்டை தொலைத்துவிட்டு தேடிக்கொண்டிருந்தார் ஐன்ஸ்டைன் , அங்கே வந்த பரிசோதகர் "பரவாயில்லை ஐயா நீங்கள் ஒரு பெரிய விஞ்ஞானி நீங்கள் பயணசீட்டு இல்லாமலும் பயணம் செய்யலாம் " என்றார் ...எனக்கு அது பிரச்சனை இல்லை ...நான் எங்கே செல்ல வேண்டும் என்பதை அந்த பயணசீட்டை பார்த்து தான் தெரிந்து கொள்ளவேண்டும் என்று திரும்பவும் பயணசீட்டை தேடினார் ஐன்ஸ்டைன்

10.இறந்த பிறகு அவருடைய மூளையை பல பகுதிகளாக எடுத்து ஆராய்ச்சி செய்தனர் , அவருடைய மூலையில் அதிக மடிப்புகள் இருந்தது கண்டுபிடிக்கப்பட்டது

11. E = mc² என்று அவர் கண்டுபிடித்த சமன்பாடு தான் அணுகுண்டு தாயரிக்க அடிப்படையாக இருந்தது

பெட்டர் லக் நெக்ஸ்ட் டைம் - பாகம் 4

noreply@blogger.com (Unknown) — Wed, 18 Sep 2013 15:16:00 +0530

முந்தைய பாகங்கள் 1 , 2 , 3

பிரியாவை நான் ஏன் இங்கு சந்திக்க வேண்டும் ? ... அவள் எப்படி இங்கே வந்தாள் ? அதுவும் இந்த கோலத்திலா ?................பிரியாவுக்கு என்ன ஆனது என்று நீங்கள் சிந்திக்கவே தேவையில்லை ..அவள் நன்றாக அதே வனப்புடன் நின்றுகொண்டு இருந்தால் ..இப்போது அவள் என் காதலியாக தெரியவில்லை அவளும் கடற்படை உடையில் இருந்தாள்

நேரங்கெட்ட நேரத்தில் எனக்கு ஒன்னுக்கு முட்டிக்கொண்டு வந்தது , கிட்டத்தட்ட வர்மா சுடப்பட்டு பன்னிரண்டு மணிநேரங்கள் ஆகப்போகிறது ...சிறுநீரும் பாவம் எவ்வளவு நேரம் தான் பொறுமை காக்கும் ..ஆனால் எதிரில் பிரியா ..ஆசை காதலி ஆபத்தான வடிவில் ...

எனக்கு அடிவாங்கிய வலி இன்னும் இருக்கிறது ,,அதை காட்டிக்கொள்ளமால் பிரியாவை நெருங்கினேன் ...கையை மேலே தூக்கியவாறே தவழ்ந்து அவளருகில் சென்றேன் ...இரண்டு மீட்டர் இதே போல ஒரு நரக வேதனையான பயணத்தை தொடரவேண்டியிருந்தது ...

என் தாடையில் உததைத்த கால்கள் பிரியாவுடையது தான் என்று தெரிவதற்குள் ...மயக்க நிலைக்கு சென்றேன் ....................ஆனால் உயிர் இருக்கிறது அதை என் அடிமனது சொல்லிக்கொண்டே இருந்தது ,...மீண்டும் எந்திருக்க எத்தனிக்கவே இல்லை ..............

...........................................................................................................................................................
வர்மா சுடப்படும் அரை மணிநேரத்திற்கு முன்னாள் இராணுவ தலைமை மையத்திற்கு ஒரு ENERRA MAIL வந்திருந்தது ...ENERRA MAILகள் மென்பொருள் மேதைகலாலே யார் அனுப்பியது எந்த இடத்தில் இருந்து அனுப்பியது என்று TRACE செய்யமுடியாத அளவு 72*10^14 தடவை ENCODE செய்யப்பட்டிருக்கும் ..தன வாழ்நாளில் பாதியை மென்பொருள் படிக்கவே செலவு செய்தவன் தான் இதை செய்ய முடியும் என்று எல்லோரும் நம்பினர் ...ENEERA MAILகளின் ஒரே ஆறுதலான விஷயம் அது நேரடியாக இருக்கும் ... தெளிவாக சொன்னால் நூறு ஆண்டுகளுக்கு முன் கைவிடப்பட்ட தந்தி முறையில் உள்ள செய்தியை போல சுருக்கமாக இருக்கும் ...ஆனால் யார் எங்கிருந்து எப்போது அனுப்பியது என்று கண்டறியமுடியாது

இதெல்லாம் எதற்கு செய்தி தண்ணீர் திரையில் ஒளிர்ந்தது
VARMA WILL BE SHOT IN 30 Minutes ...
.
பின்னணியில் ஒரு மூத்த அதிகாரி சிரித்தார் ..."இது நம் நம்பத்தகுந்த இடத்தில இருந்து தான் வந்துள்ளது "

...........................................................................................................................................................
மயக்க நிலையில் இருந்து கொஞ்சமாக மீண்டு வந்தேன் ...........
உலகின் வல்லரசான INDIA இன்னுமா வர்மா சுடப்பட்ட செய்தியை வெளியிடாமல் இருக்கும் ? இந்நேரம் நாட்டில் சிறு பதட்டநிலை உருவாகியிருக்கும்......எனக்குள் சிந்திக்கும் அதே வேளையில்

தீடிரென கப்பலின் அபாய ஒலி ஒலிக்கும் சத்தம் கேட்டது ....
LUCK CONTINUES