திணை இசை சமிக்ஞை

மீண்டும் நாகார்ஜுனன்

2012-01-03T00:11:00.003Z

நண்பர்கட்கு,

க்ரகோரியன் புத்தாண்டு வாழ்த்துக்கள் புத்தாண்டுடன் nagarjunan.net என் புதிய இணைய தளம் செயல்படத் தொடங்கியிருக்கும் செய்தியை உங்களுடன் பகிர்வதில் மகிழ்ச்சி.

இந்த nagarjunan.blogspot.com தளத்திலுள்ள ஆக்கங்கள், பிரிவுகள் யாவும் மேற்கண்ட் புதிய தளத்தில் உண்டு.

இனி இந்தத் தளத்தில் ஆக்கங்களைப் பதியும் சாத்தியம் குறைவே. புதிய தளத்துக்குச் சென்று வாசிக்குமாறு வேண்டுகிறேன்.

நன்றி.

நாகார்ஜுனன்

இசைக்கொத்தர்

2010-11-23T00:05:00.003Z

பாறையுப்பைப் பெரும் பாளம்பாளமாய் வெட்டி அவற்றை வளிவீசும் வழிதோறும் அமைத்தனர், க்ஹஸர் இனத்தாரின் கொத்தர்; க்ஹஸர் இனத்தாரின் வளிகள் நாற்பதில் அரைவாசி புதியன, அரைவாசி இனியன என்றிருப்ப, அவற்றின் ஒவ்வொன்றின் வழிநெடுகிலும் ஒரு உப்புப் பளிக்கறைச் சிற்ப வரிசையென வடிவமைத்தனர். ஆண்டுதோறும் பருவ வளி மீளும்போதெல்லாம் இந்தச்சிற்பங்கள் அருகே பலரும் கூடுவர்; வளியும் ஆங்கே வீசி வீசி இசைக்க, கொத்தரில் எவர் இயற்றிய பாடல் இனிமை மிக்கதாய் வருகுதென, கூடியோர் கேட்பர். ஆக, ஆங்கே வீசும் வளி ஒவ்வொன்றும் பாறைதமைத் தழுவி, அவற்றின் துளைதோறும் நுழைந்து, உச்சிதம்மிலிருந்து நழுவி, எப்போதும் புதிதாய்ப் பாடலொன்றை இசைக்கும் - அப்பளிங்கும் கொத்தரும் மழையில் கரைந்தும் வழிப்போக்கர்தம் நோட்டமும் விளாறவும் ஆங்கலையும் கிடாக்களும் காளைகளும் தம் நாக்கால் நக்கியுமென எற்றைக்குமாய் மறைந்தழியும் வரை.

இந்த இசைக்கொத்தரில் அராபியர் ஒருவர், தாம் அமைத்த சிற்பமொன்று அடுத்து வர இருக்கும் இளவேனிற்பருவத்தில் எங்ஙனம் இசையெழுப்புமெனக் கேட்கும் நோக்கில், யூதரில் ஒருவர் மற்றும் க்ஹஸர் இனத்தாரில் ஒருவருடன் இணைந்து புறப்பட்டார். இவர்கள் கூட்டுக்கனாக்களைக் கூட்டாகக்காணும் கோயிலொன்றில் தங்கும்போது இவரில் யூதரும் க்ஹஸர் இனத்தைச் சார்ந்தவரும் தம்மில் பொருதி அடித்து மாண்டனர். ஆங்கே உறக்கத்திலிருந்த அராபியர், யூதரைக் கொன்றாரெனக் குற்றம் சாட்டப்பெற்றார். இவரே மாண்ட யூதரை அடுத்து வசித்தவர், இருவரும் பரஸ்பரம் சகிக்க இயலாதோர் என்பதே இந்தக் குற்றச்சாட்டு இங்கே முன்வரக் காரணம். எனவே யூதர்மார் யாவரும் இந்த அராபியர் சாக வேண்டும் எனக் கோரினர். ’முப்புறம் குற்றமிழைத்த எவரும் நான்காம் புறமாகத் தப்ப முடியாது; க்ஹஸர் அரசில் கிரேக்கர்மாருக்குக் கிறிஸ்துவச்சட்டம், யூதர்மாருக்கு யூதச்சட்டம், அராபியருக்கு இஸ்லாமியச் சட்டம் என க்ஹஸர் அரசைவிட வலுவாய்ந்த சட்டங்கள் இவர்களுக்குக் காப்பாக இருப்பதே இதற்குக் காரணம்’ என்றெண்ணிய அராபியர், தமக்கான வாதமென இப்படிக் கூறினார்: (இந்த இடத்தில் சேதமுற்றிருக்கிறது சுவடி). இந்த வாதத்தை ஏற்று, சாவுத்தண்டனைக்குப் பதிலாக இவர் கப்பலில் துடுப்போட்டும் அடிமையாகச் செயல்படட்டும் என வந்தது தண்டனை. இப்படியாகத்தான் பளிக்கறைச் சிற்ப வரிசைதம் இசையைக் கேட்கவென நெடுங்காலம் வாழ்ந்தார் இந்த அராபியர் - தலை மோதி உடைக்க வல்லதொரு மௌனத்திற்சென்று அவை தம்மில் நொறுங்கி வீழும் வரை.

- Milorad Pavic, The Dictionary of Khazars, 1984.
படம் - போலந்துப் பகுதியில் உள்ள வீலிக்ஸ்கா உப்புச் சுரங்கம்

செலாரெவோ

2010-11-21T21:39:00.007Z

செலாரெவோ
ஏழாம்-பதினொன்றாம் நூற்றாண்டுக் காலகட்டத்தைச் சார்ந்த தொல்பொருள்தலம். இங்கே பழங்காலக் கல்லறைக்கோட்டம் ஒன்றுண்டு. ஆனால் இந்தக் கல்லறைக்கோட்டத்தை உருவாக்கி, இது செழித்தோங்க வளர்த்தாரை இன்னாரென இனங்காண இயலவில்லை. ஆக, இந்தக்கோட்டத்தின் கல்லறைகளின் புதையுண்டிருப்போர் எவரென்பது சரிவரத் தெரியவில்லை. இவர், ஆவர் இனத்தார் என எடுத்தியம்பும் குறிப்புக்கள் சில கல்லறைகளின் புறத்தே உண்டு என்றாலும் இவற்றின் அகத்தே கிட்டிய பொருட்களோ பாரசீகப் பண்பாட்டின் தாக்கம் கொண்டவையாக அமைந்துவிட்டன; தவிர, இங்கே எழுகிளை கொண்ட வர்த்தியெனும் யூதர்மாரின் சின்னம் பொறித்த சிதறல்களும் ஆங்காங்கே யூதக் கல்வெட்டுக்கள் சிலவும் கிட்டியிருப்பதும் முக்கியம். இங்கே உள்ள நடுகற்களில் உள்ளதைப்போன்ற அதே யூதச்சின்னங்கொண்ட வர்த்தி அமைப்பு பொறித்த தரைக்கற்கள் க்ரீமியாவில் கெர்ச் என்ற இடத்தில் கிட்டியிருக்கின்றன; ஆங்கே அவை பாதுகாப்பிலும் வைக்கப்பட்டிருக்கின்றன. இவற்றையெல்லாம் வைத்துப் பார்க்கும் வல்லுநர் எவரும் செலாரெவோக்கோட்டம் அமைந்திருக்கும் நோவி-ஸாத் பகுதியில் கிட்டிய இப்பொருட்கள் இப்பகுதியில் வழக்கமாகக் காணப்பெறும் ஆவர் இனத்தாரின் அழிந்த எச்சங்களினின்று மாறுபடுபவை என்ற முடிவுக்கே வரவேண்டியிருக்கிறது; அதாவது, இந்தப் பன்னோன்னியச் சமவெளிப்பகுதிக்கு மக்யார் இனத்தார் வருமுன்பாக இப்பகுதியில் வேறோரு பண்பாடு செழித்தோங்கி இருந்திருக்க வேண்டும் என்று சிந்திக்க வேண்டியிருக்கிறது. இதை உறுதிசெய்யும் நோக்கில் பழஞ்சுவடிகள் சிலவும் கிட்டியிருக்கின்றன. ஆம், துனாவ் ஆற்றங்கரையின் இப்பகுதியில் ஒருகாலம் இஸ்மைல்லியர் எனும் இனத்தார் துருக்கியிலிருந்து குடியேறியிருந்தனர், அவர் கோரெஸம் பகுதியிலிருந்து பெயர்ந்தோரின் வழிவந்தோர் எனத் தம்மை அழைத்துக்கொண்டவர் என, பேலா அரசனின் அவையிலிருந்த பெயர்தெரியா முக்கியஸ்தர் ஒருவரும் ஆந்தலூஷியாவின் அப்துல் ஹமீதும் ஸின்னமஸும் கருதினர் என இந்தச்சுவடிகள் கூறுகின்றன. ஆக, செலாரெவோவில் காணப்பெறும் பழங்காலக் கல்லறைக்கோட்டத்தின் ஒரு பகுதியாவது யூத மதத்துக்கு மாறிய க்ஹஸர் இனத்தார்க்குச் சொந்தமாயிருந்தது என்றே இவையெல்லாம் காட்டுகின்றன. இப்பகுதியைச் சார்ந்த தொல்பொருள் ஆய்வாளரும் அரபு-அறிஞருமான டாக்டர் இஸைலோ ஸூக், செலாரெவோவில் கிட்டியவற்றிலேயே முற்காலம் சார்ந்த பொருட்கள் குறித்து ஆய்வு செய்து குறிப்பொன்றை விட்டுச் சென்றார். இவர் சாவுக்குப் பிறகே கிட்டிய இந்தக் குறிப்பில் செலாரெவோ ஆய்வுகளும் இவைபற்றி இவர் கொண்டிருந்த கருத்துகளும் உள்ளன. இந்தக் குறிப்பில் காணும் ஒரு வாசகம் பின்வருமாறு: ‘செலாரெவோவில் புதையுண்டோர் எவர் என்ற பிரச்னையில், அப்படிப் புதையுண்டோர் ஹங்கேரியர் அல்லது ஆவார் இனத்தாராகவே இருக்க வேண்டும் என மக்யார் இனத்தாரும் யூத இனத்தாரே என யூதரும் பிற்பாடு கீழ்த்திசையில் இந்தியத் துணைக்கண்டம்வரை சென்று முகலாயர் எனப் பெயர்பெற்ற மங்கோலியரே என இஸ்லாமியரும் விரும்புவர்; இவர் க்ஹஸர் இனத்தாராக இருக்க வேண்டும் என யாரும் விரும்புவதில்லை என்றாலும் அப்படித்தான் இருக்க வாய்ப்பு அதிகம்... இந்தக் கோட்டம் முழுதும் யூத வர்த்திச் சின்னங் கொண்ட சிதறல்கள் பல கிடக்கின்றன. பானைகள் உடைந்து இறைந்து இப்படிக்கிடப்பது, ஏதோவொரு செயல் முடங்கியோ, எவரோ தொலைந்தோ போயிருப்பதன் அடையாளம் என யூதர்மார் கருதுவர். அதாவது, முடங்கியும் தொலைந்தும் போய்விட்ட மக்கட்கூட்டமொன்றின் கல்லறைக்கோட்டமிது, இங்கிருந்த க்ஹஸர் இனத்தார் ஒருக்கில் முடங்கியும் தொலைந்தும் போனதன் அடையாளமிது எனக் கொள்ள முடியும்.’

-- Milorad Pavic, The Dictionary of Khazars, 1984.

என்றோ முடங்கியும் தொலைந்தும் போய்விட்ட இனத்தாரின் நிழலில் இன்றுள்ளோரைக் காண மேற்கண்ட தமிழாக்கம். - நாகார்ஜுனன்

படைவீரர் ஃப்ரெஞ்சில் செய்த குறளாக்கம்

2010-10-18T16:47:00.006+01:00

குறள் பற்றி முதலில் எழுதிய மேற்குலக அறிஞர், பதினெட்டாம் நூற்றாண்டில் - அதாவது 1706-ஆம் ஆண்டில் தரங்கம்பாடிக்கு வந்த ப்ரோட்டஸ்டன்ட் போதகர் பார்த்தலோமியோ சீகன்பால்கு என்று தெரிகிறது. குறள் பற்றி எழுதியிருந்தாலும் சீகன்பால்கு ஜெர்மன் மொழியில் ஆக்கிய நூல் உலகநீதியே.

சீகன்பால்கு வந்து நான்காண்டுகளில் - அதாவது 1710-ஆம் ஆண்டில், இன்றைக்குச் சரியாக முன்னூறு ஆண்டு முன்பு - இத்தாலி நாட்டிலிருந்து சேசுசபைப் பாதிரியாக தென்னகம் வந்த பெஸ்கி எனும் வீரமாமுனிவரே, குறளின் அறத்துப்பால், பொருட்பால் அதிகாரங்களை லத்தீன் மொழியில் ஆக்கியவர். இவற்றைச் செய்தபோது மூலம், மொழியாக்கம் என அடுத்தடுத்து எழுதிச் செய்திருக்கிறார்கள் என்பது சிறப்பம்சம்.

வீரமாமுனிவர் மறைந்து அரைநூற்றாண்டுக்காலத்தில் பிரிட்டிஷ் கும்பனியார் ஆட்சி தென்னகத்தில் வேரூன்றிவந்த நிலையில், வீரமாமுனிவரின் சுவடிகளைத் தேடி வாசித்தவர் பிரிட்டிஷ் அதிகாரி ஃப்ரான்ஸிஸ் உவைத்து எல்லீஸ். பத்தொன்பதாம் நூற்றாண்டின் முதற்பத்தாண்டுகளில் வீரமாமுனிவரின் தமிழ்-லத்தீன் சுவடியை வைத்து அறத்துப்பால், பொருட்பால் அதிகாரங்களை தமிழ்-ஆங்கில parallel text-ஆக ஆக்கியவர் இவரே. இதையொட்டி, பத்தொன்பதாம் நூற்றாண்டின் பிற்பகுதியில் ஜி.யு. போப்பும் குறளின் ஆங்கில ஆக்கத்தை parallel text-ஆகச் செய்திருக்கிறார். இவர்கள் பயன்படுத்திய வீரமாமுனிவரின் சுவடி இங்கே லண்டன் பிரிட்டிஷ் நூலகத்தில் இருக்கிறது (சீகன்பால்கின் சுவடி கோப்பன்ஹேகன் அரச நூலகத்தில் உள்ளது).

பதினெட்டாம் நூற்றாண்டுக்காலத்தின் பிற்பகுதியில் தென்னகம் பிரிட்டிஷ்-ஃப்ரெஞ்சுக் கும்பினியார் இடையிலான போர்க்களமாகி விட்டது. அதே காலகட்டத்தில் ஃப்ரெஞ்சுப் படைவீரராக வந்த ஒருவர் குறளைத் தம்முடைய தாய்மொழியில் ஆக்கியிருக்கிறார். இதை அறிந்திருந்தும் இவர் எழுதிய நீண்ட புத்தகம் என் கையில் கிட்டாமல் இருந்தது. அண்மையில் கிட்டிய இந்தப்புத்தகத்தை வாசித்துப் பார்த்தேன். அதில் இருப்பவை, 22 குறட்பாக்களின் ஃப்ரெஞ்சு ஆக்கம் மாத்திரமே.

மேற்கண்ட ஃப்ரெஞ்சுப் படைவீரர், தாம் 1769-ஆம் ஆண்டில் எழுதிய மேற்கண்ட புத்தகத்தில் வீரமாமுனிவரின் இந்தச்சுவடி பாரீஸ் நூலகத்தில் இருப்பதைச் சுட்டிக்காட்டுகிறார் (இந்தச் சுவடியை அண்மையில் மதுரை அருட்தந்தை வி. மி. ஞானப்பிரகாசம் பதிப்பித்திருக்கிறார்). வீரமாமுனிவர் குறள் இடப்பக்கம் லத்தீன் ஆக்கம் வலப்பக்கம் என, parallel text-ஆகச் செய்திருந்தாலும் ஃப்ரெஞ்சுப் படைவீரரின் புத்தகத்தில் ஃப்ரெஞ்சு ஆக்கம் மாத்திரமே உள்ளது. 1769-ஆம் ஆண்டு பாரீஸ் நகரில் அச்சான இந்தப் புத்தகத்தில் தமிழ் எழுத்துருக்கள் இருக்க வாய்ப்பில்லை என்று நினைத்துக்கொண்டேன்.

தெ லா ப்ளோட் என்ற இந்த ஃப்ரெஞ்சுப் படைவீரர், ப்ரான்ஸிலிருந்து கிளம்பி ப்ரேசில், தென்னாப்பிரிக்கா, மொரிஷியஸ் எனக் கப்பலில் சுற்றித் தென்னகம் வருகிறார். புதுச்சேரி, சென்னப்பட்டினம், கடலூர், திருவரங்கம் ஆகிய இடங்களில் பிரிட்டிஷ் படையுடன் மோதிப் பிறகு கைதாகிறார். இவர் புதுச்சேரி வாசத்தின்போதோ, சிறைவாசத்தின்போதோ குறள் பற்றி அறிந்திருக்கலாம் எனத் தெரிகிறது.

வீரமாமுனிவரின் லத்தீன் ஆக்கத்தைக் கொண்டே இந்த ஃப்ரெஞ்சு ஆக்கம் வந்திருப்பதாகத் தெரிகிறது என்றாலும் அதை ஒட்டியும் வெட்டியும் சில ஆக்கங்கள் உள்ளன என்றே படுகிறது. 22 குறட்பாக்களின் ஃப்ரெஞ்சு ஆக்கத்தை, வீரமாமுனிவரின் லத்தீன் ஆக்கம் மற்றும் மூலப்பாக்கள், அவற்றின் எண்களுடன் இங்கே தருகிறேன்.

சென்ற வாரம் பணி நிமித்தம் பெர்லின் நகர் சென்றிருந்தபோதே அங்கு ஒரு நூலகத்தில் இந்தப் புத்தகம் கிட்டியது. குறள் நூல் கைவசம் இல்லாத ஓரிரவில் ஹோட்டல் அறை இரவில் சுமார் ஒரு மணி நேரத்தில் ஃப்ரெஞ்சு ஆக்கத்துக்கு ஏற்ற மூலப்பாக்களைக் கணிணியில் தேடிக் கண்டறிந்தது அலாதி அனுபவம்!

Maximes tirées du livre nommé Coral
1 Dieu est éternel & le commencement ou principe de toutes choses, comme la lettre A est la première de toutes les autres.
Beschi: Literæ omnes principium habent literam A: Mundus principium habet numen primordiale.
1 அகர முதல எழுத்தெல்லாம் ஆதி பகவன் முதற்றே உலகு

2 Toutes les sciences ne font que vanité à ceux qui n'adorent pas Dieu.
Beschi: Plurima didicisse quid, amice, proderit, nisi verearis bonos ejus pedes, qui puram scientiam habet; i.e. sc. ab omni errore defæcatum.
2 கற்றதனால் ஆய பயனென்கொல் வாலறிவன் நற்றாள் தொழாஅர் எனின்

3 Les bonnes œuvres font les plus précieuses richesses des hommes.
Beschi: Incorruptibiles et sublimes divitiæ sunt scientiæ, non verb aurum et cætera quæ quis possidet.
400 கேடில் விழுச்செல்வம் கல்வி யொருவற்கு மாடல்ல மற்றை யவை

4 Heureux ceux auxquels les cinq sens de nature sont fournis.
Beschi: Nulla ex scientiis dubitat concupiscere ut omnium maximum decus religiosorum a suo instituto non aberrantium.
21 உரன் என்னும் தோட்டியான் ஓர் ஐந்தும் காப்பான் வரன் என்னும் வைப்பிற்கு ஓர் வித்து

5 Le corps est fortifié par les nerfs, l’âme doit l'être par l'amitié.
Beschi: Sapientes dicent viani, seu causam, cur humanus spiritus corpori amicabiliter uniatur esse amorem, quo inter se juuguntur [Sensus est, quod sicuti in natural! amore quo corpus et spiritus se invicem prosequuntur, ita amicabiliter uniuntur, ut corpus spiritum et spiritus corpus foveat, ita qui amorem habent debent sibi invicein præsto esse].
73 அன்போடு இயைந்த வழக்கென்ப ஆருயிர்க்கு என்போடு இயைந்த தொடர்பு

6 On est obligé de nourrir fon prochain avec le même soin que ton nourrit ton fils.
Beschi: Quare quis posthabitis silvis in urbem sedem figendo, et fortunæ bona quærendo et custodiendo conjugium exercet, nisi causa præstandi favorem hospitibus, eos affectuose tractando?
81 இருந்தோம்பி இல்வாழ்வ தெல்லாம் விருந்தோம்பி வேளாண்மை செய்தற் பொருட்டு.

7 Celui qui est humble & qui se sert de paroles douces & honnêtes n'a pas besoin de parure; sa conduite lui en sert.
Beschi: Esse humilem et dulcia loquentem, verum est cujusvis ornamentum: cætera omnia præter hoc non sunt ornamenta.
95 பணிவுடையன் இன்சொலன் ஆதல் ஒருவற்கு அணியல்ல மற்றுப் பிற

8 L'aumône du riz (le pain chez eux) est sans contredit la plus estimée, mais la douceur de la parole la surpasse.
Beschi: Si valeas esse dulciuin verborum locutor, læto cum vultu, id tibi melius erit quam læto animo tua largiri.
92 அகன்அமர்ந்து ஈதலின் நன்றே முகனமர்ந்து இன்சொலன் ஆகப் பெறின்

9 Un homme à qui, dans le tems de ton affliction, on rend un service quelque petit qu'il soit, fut-il comparable à un grain de moutarde, doit le regarder grand comme un palmier.
Beschi: Quamvis milii grano parem favorem præstiteris, qui illius fructum noscunt, ilium palmæ arbori parem judicabunt.
104 தினைத்துணை நன்றி செயினும் பனைத்துணையாக் கொள்வர் பயன்தெரி வார்

10 Une femme qui conduit la dépense de sa maison suivant ses revenus, donne bonne réputation à son mari.
Beschi: Uxor debet habere virtutem conjugio debitam, et debet viam sui conjugis calcare; i.e. suo conjugi in omnibus obedire.
51 மனைக்தக்க மாண்புடையள் ஆகித்தற் கொண்டான் வளத்தக்காள் வாழ்க்கைத் துணை

11 Quoique l’origine des femmes soit le péché, si elles se comportent avec pureté & chasteté, elles seront mises au rang des Dieux.
Beschi: Si mulier obtinuerit talem, conjugem qui dici possit, quod earn obtinuerit (quod non fit, nisi ilia fidem servet suo conjugi) obtinebit magnam gloriam in mundo ubi Deæ regnant.
58 பெற்றாற் பெறின்பெறுவர் பெண்டிர் பெருஞ்சிறப்புப் புத்தேளிர் வாழும் உலகு

12 Il n'y a pas de plus grand pécheur que celui qui délire la femme de son prochain.
Beschi: Qui peccandi facilitate allectus in aliena uxore honestatis limites transilierit, nunquam moriturum (i.e. nunquam desiturum) vituperium referet.
145 எளிதென இல்லிறப்பான் எய்துமெஞ் ஞான்றும் விளியாது நிற்கும் பழி

13 Le son des instruments de musique paroît beau à ceux qui n'ont pas entendu le gazouillement de leurs enfants.
Beschi: Fistulam et citharam dulces vocabunt, qui non audierunt suorum infantium imperfecta verba; i.e. infantes balbutientes audire, parentibus dulcius esse, quam fistulæ and citharæ sonum.
66 குழல்இனிது யாழ்இனிது என்பதம் மக்கள் மழலைச்சொல் கேளா தவர்

14 Comme la terre supporte ceux qui la foulent aux pieds & lui déchirent le sein en labourant, de même devons-nous rendre le bien pour le mal.
Beschi: Sufferre eos, qui te despiciunt, instar terræ, quæ sustinet eos, qui earn calcant, præstans est virtus.
151 அகழ்வாரைத் தாங்கும் நிலம்போலத் தம்மை இகழ்வார்ப் பொறுத்தல் தலை

15 Il est grand de pardonner des offenses, il est plus grand de rendre le bien pour le mal.
Beschi: Tibi malum facientes plectendi optimus modus est, beneficium ipsis faciendo pudore affectos eos dimittere.
314 இன்னாசெய் தாரை ஒறுத்தல் அவர்நாண நன்னயஞ் செய்து விடல்

16 L'ornement des Grands est d'imiter la juste balance en jugeant les autres.
Beschi: Ad instar libræ, quæ æqualitatem faciendo quod justum est librat, conformando se rationi in unam ex partibus non propendere, sapientium ornamentum est.
118 சமன்செய்து சீர்தூக்குங் கோல்போல் அமைந்தொருபால் கோடாமை சான்றோர்க் கணி

17 Celui qui ne vit que pour engraisser ton corps, ne peut pas aimer son prochain.
Beschi: Qui ut sua caro pinguescat, alienas carnes comedit quinam eum viventibus lenitatem et clementiam exercere dicetur?
251 தன்னூன் பெருக்கற்குத் தான்பிறிது ஊனுண்பான் எங்ஙனம் ஆளும் அருள்

18 La pénitence est une bonne œuvre, lorsqu’en la faisant, on fait obéir les cinq sens, autrement ce n'est qu’hypocrisie.
Beschi: Iis qui supradictam pœnitentiam possident, prœter meritum, quod illis obvenit, pœnitentiaæ quoque virtus oritur; qui vero supradictam pœnitentiam non habent infructuose in pœnitentiæ virtute acquirenda laborant.
262 தவமும் தவமுடையார்க்கு ஆகும் அதனை அஃதிலார் மேற்கொள் வது

19 Ce ne font pas les lampes qui doivent éclairer les Grands, c'est la vérité pure (se naïve qui leur doit servir de lumière).
Beschi: Non omnis splendor proprius est sapientis splendor; proprius ejus splendor est in oris integritate splendere.
299 எல்லா விளக்கும் விளக்கல்ல சான்றோர்க்குப் பொய்யா விளக்கே விளக்கு

20 C’est une chose énorme que de témoigner sa colère à un supérieur, mais l'énormité est plus grande de la faire éclater fur un inférieur.
Beschi: Si irasci caveas in eum, qui id meretur, dici poteris iræ frænator nam in eum, qui id non meretur, quid si irascaris, quid si non irascaris?
301 செல்லிடத்துக் காப்பான் சினங்காப்பான் அல்லிடத்துக் காக்கின்என் காவாக்கால் என்

21 Nous ne sommes pas certains de vivre un seul jour, cela ne nous empêche pas de songer à mille choses.
Beschi: Qui nee sciunt an per unum iustans victuri sint, innumera mente moliuntur futuro tenipore agenda.
337 ஒருபொழுதும் வாழ்வது அறியார் கருதுப கோடியும் அல்ல பல

22 Les maux que nous ferons aux autres, nous poursuivront, ainsi que notre ombre fuit notre corps.
Beschi: Peccatoris ruina ab eo inseparabilis est, non secus ac umbra a corpore.
208 தீயவை செய்தார் கெடுதல் நிழல்தன்னை வீயாது அடிஉறைந் தற்று

தென்னகத்தில் சிறைவாசம் முடிந்தவுடன் தெ லா ஃப்ளோட் சீனா, பசிஃபிக் மாக்கடல், தென்னமெரிக்கா வழியாக மீண்டும் ஐரோப்பாவை அடைகிறார். இப்படிச் சிறையில் பட்டு விரிநீர் வியனுலகும் சுற்றிய ஃப்ரெஞ்சுக்காரர் ஒருவர், குறளை அடையாளம் கண்டிருப்பதைக் கண்டு வியந்தேன்!

புத்தக விபரம்: M. de la Flotte, Essais Historiques sur l'Inde précédés d'un journal de voyage et d'une description géographique de la Côte de la Coramandel, chez Herissant le Fils, Paris, 1769
படம் - லண்டன் கீழைக்கலாச்சார, ஆஃப்ரிக்கப் பள்ளியில் oxidized வள்ளுவர் மடியில் பிரிட்டிஷ் சிறார்

2010-10-18T12:01:00.002+01:00

குறள் பற்றி முதலில் எழுதிய மேற்குலக அறிஞர், பதினெட்டாம் நூற்றாண்டில் - அதாவது 1706-ஆம் ஆண்டில் தரங்கம்பாடிக்கு வந்த ப்ரோட்டஸ்டன்ட் போதகர் பார்த்தலோமியோ சீகன்பால்கு என்று தெரிகிறது. குறள் பற்றி எழுதியிருந்தாலும் சீகன்பால்கு ஜெர்மன் மொழியில் ஆக்கிய நூல்கள் உலகநீதி, நீதி வெண்பா மற்றும் கொன்றைவேந்தன் ஆகியவையே.

சீகன்பால்கு வந்து நான்காண்டுகளில் - அதாவது 1710-ஆம் ஆண்டில், இன்றைக்குச் சரியாக முன்னூறு ஆண்டு முன்பு - இத்தாலி நாட்டிலிருந்து சேசுசபைப் பாதிரியாக தென்னகம் வந்த பெஸ்கி எனும் வீரமாமுனிவரே, குறளின் அறத்துப்பால், பொருட்பால் அதிகாரங்களை லத்தீன் மொழியில் ஆக்கியவர். இதைச்செய்தபோது குறள் இடப்பக்கம் லத்தீன் ஆக்கம் வலப்பக்கம் என, parallel text-ஆகச் செய்திருக்கிறார் என்பது இதன் சிறப்பம்சம்.

வீரமாமுனிவர் மறைந்து அரைநூற்றாண்டுக்காலத்தில் பிரிட்டிஷ் கும்பனியார் ஆட்சி தென்னகத்தில் வேரூன்றிவந்த நிலையில், வீரமாமுனிவரின் சுவடிகளைத் தேடி வாசித்தவர் பிரிட்டிஷ் அதிகாரி ஃப்ரான்ஸிஸ் உவைத்து எல்லீஸ். பத்தொன்பதாம் நூற்றாண்டின் முதற்பத்தாண்டுகளில் வீரமாமுனிவரின் தமிழ்-லத்தீன் சுவடியை வைத்து, அறத்துப்பால், பொருட்பால் அதிகாரங்களை தமிழ்-ஆங்கில parallel text-ஆக ஆக்கியவர் இவரே. இதையொட்டி, பத்தொன்பதாம் நூற்றாண்டின் பிற்பகுதியில் ஜி.யு. போப்பும் குறளின் ஆங்கில ஆக்கத்தை parallel text-ஆகச் செய்திருக்கிறார். இவர்கள் பயன்படுத்திய வீரமாமுனிவரின் சுவடி இங்கே லண்டன் பிரிட்டிஷ் நூலகத்தில் இருக்கிறது.

பதினெட்டாம் நூற்றாண்டுக்காலத்தின் பிற்பகுதியில் தென்னகம் பிரிட்டிஷ்-ஃப்ரெஞ்சுக் கும்பினியார் இடையிலான போர்க்களமாகி விட்டது. அதே காலகட்டத்தில் ஃப்ரெஞ்சுப் படைவீரராக வந்த ஒருவர் குறளைத் தம்முடைய தாய்மொழியில் ஆக்கியிருக்கிறார். இதை அறிந்திருந்தும் இவர் எழுதிய நீண்ட புத்தகம் என் கையில் கிட்டாமல் இருந்தது. அண்மையில் கிட்டிய இந்தப்புத்தகத்தை வாசித்துப் பார்த்தேன். அதில் இருப்பவை, 22 குறட்பாக்களின் ஃப்ரெஞ்சு ஆக்கம் மாத்திரமே.

மேற்கண்ட ஃப்ரெஞ்சுப் படைவீரர், தாம் 1769-ஆம் ஆண்டில் எழுதிய மேற்கண்ட புத்தகத்தில் வீரமாமுனிவரின் இந்தச்சுவடி பாரீஸ் நூலகத்தில் இருப்பதைச் சுட்டிக்காட்டுகிறார் (இந்தச் சுவடியை அண்மையில் மதுரை அருட்தந்தை வி. மி. ஞானப்பிரகாசம் பதிப்பித்திருக்கிறார்). வீரமாமுனிவர் குறள் இடப்பக்கம் லத்தீன் ஆக்கம் வலப்பக்கம் என, parallel text-ஆகச் செய்திருந்தாலும் ஃப்ரெஞ்சுப் படைவீரரின் புத்தகத்தில் ஃப்ரெஞ்சு ஆக்கம் மாத்திரமே உள்ளது. 1769-ஆம் ஆண்டு பாரீஸ் நகரில் அச்சான இந்தப் புத்தகத்தில் தமிழ் எழுத்துருக்கள் இருக்க வாய்ப்பில்லை என்று நினைத்துக்கொண்டேன்.

தெ லா ப்ளோட் என்ற இந்த ஃப்ரெஞ்சுப் படைவீரர், ப்ரான்ஸிலிருந்து கிளம்பி ப்ரேசில், தென்னாப்பிரிக்கா, மொரிஷியஸ் எனக் கப்பலில் சுற்றித் தென்னகம் வருகிறார். புதுச்சேரி, சென்னப்பட்டினம், கடலூர், திருவரங்கம் ஆகிய இடங்களில் பிரிட்டிஷ் படையுடன் மோதிப் பிறகு கைதாகிறார். இவர் புதுச்சேரி வாசத்தின்போதோ, சிறைவாசத்தின்போதோ குறள் பற்றி அறிந்திருக்கலாம் எனத் தெரிகிறது.

வீரமாமுனிவரின் லத்தீன் ஆக்கத்தைக் கொண்டே இந்த ஃப்ரெஞ்சு ஆக்கம் வந்திருப்பதாகத் தெரிகிறது என்றாலும் அதை ஒட்டியும் வெட்டியும் சில ஆக்கங்கள் உள்ளன என்றே படுகிறது. 22 குறட்பாக்களின் ஃப்ரெஞ்சு ஆக்கத்தை, என் தமிழாக்கம், வீரமாமுனிவரின் லத்தீன் ஆக்கம் மற்றும் மூலப்பாக்கள், அவற்றின் எண்களுடன் இங்கே தருகிறேன்.

சென்ற வாரம் பணி நிமித்தம் பெர்லின் நகர் சென்றிருந்தபோதே அங்கு ஒரு நூலகத்தில் இந்தப் புத்தகம் கிட்டியது. குறள் நூல் கைவசம் இல்லாத ஓரிரவில் ஹோட்டல் அறை இரவில் சுமார் ஒரு மணி நேரத்தில் ஃப்ரெஞ்சு ஆக்கத்துக்கு ஏற்ற மூலப்பாக்களைக் கணிணியில் தேடிக் கண்டறிந்தது அலாதி அனுபவம்!

Maximes tirées du livre nommé Coral
1 Dieu est éternel & le commencement ou principe de toutes choses, comme la lettre A est la première de toutes les autres.
அ என்ற எழுத்து பிற எழுத்துக்களுக்கு முதலாவதைப் போல் கடவுளே யாவற்றுக்கும் முதல்வர்
Beschi: Literæ omnes principium habent literam A: Mundus principium habet numen primordiale.
1 அகர முதல எழுத்தெல்லாம் ஆதி பகவன் முதற்றே உலகு

2 Toutes les sciences ne font que vanité à ceux qui n'adorent pas Dieu.
கடவுளை வணங்காதவனிடை காணும் கல்வி யாவும் அகங்காரமே
Beschi: Plurima didicisse quid, amice, proderit, nisi verearis bonos ejus pedes, qui puram scientiam habet; i.e. sc. ab omni errore defæcatum.
2 கற்றதனால் ஆய பயனென்கொல் வாலறிவன் நற்றாள் தொழாஅர் எனின்

3 Les bonnes œuvres font les plus précieuses richesses des hommes.
நன்கு கற்ற கல்வியே மனிதர்க்கு அளப்பரிய செல்வம்
Beschi: Incorruptibiles et sublimes divitiæ sunt scientiæ, non verb aurum et cætera quæ quis possidet.
400 கேடில் விழுச்செல்வம் கல்வி யொருவற்கு மாடல்ல மற்றை யவை

4 Heureux ceux auxquels les cinq sens de nature sont fournis.
இயற்கையை உய்த்துணரும் ஐம்புலன் அடக்கியோரே சான்றோர்
Beschi: Nulla ex scientiis dubitat concupiscere ut omnium maximum decus religiosorum a suo instituto non aberrantium.
21 உரன் என்னும் தோட்டியான் ஓர் ஐந்தும் காப்பான் வரன் என்னும் வைப்பிற்கு ஓர் வித்து

5 Le corps est fortifié par les nerfs, l’âme doit l'être par l'amitié.
நரம்புகள் உயிருடலைப் பிணைத்து அமைப்பதைப் போல அன்பால் ஆன்மா பிணைய வேண்டும்.
Beschi: Sapientes dicent viani, seu causam, cur humanus spiritus corpori amicabiliter uniatur esse amorem, quo inter se juuguntur [Sensus est, quod sicuti in natural! amore quo corpus et spiritus se invicem prosequuntur, ita amicabiliter uniuntur, ut corpus spiritum et spiritus corpus foveat, ita qui amorem habent debent sibi invicein præsto esse].
73 அன்போடு இயைந்த வழக்கென்ப ஆருயிர்க்கு என்போடு இயைந்த தொடர்பு

6 On est obligé de nourrir fon prochain avec le même soin que ton nourrit ton fils.
தம் மக்களைப் பேணி வளர்ப்பதைப் போலவே அடுத்தாரையும் பேணி வளர்க்க வேண்டும்.
Beschi: Quare quis posthabitis silvis in urbem sedem figendo, et fortunæ bona quærendo et custodiendo conjugium exercet, nisi causa præstandi favorem hospitibus, eos affectuose tractando?
81 இருந்தோம்பி இல்வாழ்வ தெல்லாம் விருந்தோம்பி வேளாண்மை செய்தற் பொருட்டு.

7 Celui qui est humble & qui se sert de paroles douces & honnêtes n'a pas besoin de parure; sa conduite lui en sert.
பணிவும் நேரான இன்சொலும் கொண்டானுக்கு வேறென்ன அணி வேண்டும். தன் நடத்தையே அவனைச் செலுத்தும்
Beschi: Esse humilem et dulcia loquentem, verum est cujusvis ornamentum: cætera omnia præter hoc non sunt ornamenta.
95 பணிவுடையன் இன்சொலன் ஆதல் ஒருவற்கு அணியல்ல மற்றுப் பிற

8 L'aumône du riz (le pain chez eux) est sans contredit la plus estimée, mais la douceur de la parole la surpasse.
ஈதலே சிறந்தது, அதனினும் சிறந்தது இன்சொல்.
Beschi: Si valeas esse dulciuin verborum locutor, læto cum vultu, id tibi melius erit quam læto animo tua largiri.
92 அகன்அமர்ந்து ஈதலின் நன்றே முகனமர்ந்து இன்சொலன் ஆகப் பெறின்

9 Un homme à qui, dans le tems de ton affliction, on rend un service quelque petit qu'il soit, fut-il comparable à un grain de moutarde, doit le regarder grand comme un palmier.
துன்பம் நேர்கையில் கடுகளவு உதவி செய்தாலும் அதைப் பனையளவாகக் கொள்வார் அதன் பயனறிந்தோர்.
Beschi: Quamvis milii grano parem favorem præstiteris, qui illius fructum noscunt, ilium palmæ arbori parem judicabunt.
104 தினைத்துணை நன்றி செயினும் பனைத்துணையாக் கொள்வர் பயன்தெரி வார்

10 Une femme qui conduit la dépense de sa maison suivant ses revenus, donne bonne réputation à son mari.
வரவறிந்து செலவு செய்து வீட்டை நடத்தும் மனையாள், தன் கணவனின் புகழை உறுதிசெய்வாள்
Beschi: Uxor debet habere virtutem conjugio debitam, et debet viam sui conjugis calcare; i.e. suo conjugi in omnibus obedire.
51 மனைக்தக்க மாண்புடையள் ஆகித்தற் கொண்டான் வளத்தக்காள் வாழ்க்கைத் துணை

11 Quoique l’origine des femmes soit le péché, si elles se comportent avec pureté & chasteté, elles seront mises au rang des Dieux.
எத்தகைய பாவச் செயலில் பிறந்திருந்த போதும், தூய கற்பு கொண்டு ஒழுகும் பெண்டிர் கடவுளரிடையே வைக்கப் பெறுவர்
Beschi: Si mulier obtinuerit talem, conjugem qui dici possit, quod earn obtinuerit (quod non fit, nisi ilia fidem servet suo conjugi) obtinebit magnam gloriam in mundo ubi Deæ regnant.
58 பெற்றாற் பெறின்பெறுவர் பெண்டிர் பெருஞ்சிறப்புப் புத்தேளிர் வாழும் உலகு

12 Il n'y a pas de plus grand pécheur que celui qui délire la femme de son prochain.
பிறன் மனை விழைவோரைவிடப் பாவஞ்செய்வோர் எவருமில்லை
Beschi: Qui peccandi facilitate allectus in aliena uxore honestatis limites transilierit, nunquam moriturum (i.e. nunquam desiturum) vituperium referet.
145 எளிதென இல்லிறப்பான் எய்துமெஞ் ஞான்றும் விளியாது நிற்கும் பழி

13 Le son des instruments de musique paroît beau à ceux qui n'ont pas entendu le gazouillement de leurs enfants.
தம் மக்களின் மழலைச்சொல் கேளாதோரே இசைக்கருவிகள் பிரமாதம் என்பர்
Beschi: Fistulam et citharam dulces vocabunt, qui non audierunt suorum infantium imperfecta verba; i.e. infantes balbutientes audire, parentibus dulcius esse, quam fistulæ and citharæ sonum.
66 குழல்இனிது யாழ்இனிது என்பதம் மக்கள் மழலைச்சொல் கேளா தவர்

14 Comme la terre supporte ceux qui la foulent aux pieds & lui déchirent le sein en labourant, de même devons-nous rendre le bien pour le mal.
Beschi: Sufferre eos, qui te despiciunt, instar terræ, quæ sustinet eos, qui earn calcant, præstans est virtus.
151 அகழ்வாரைத் தாங்கும் நிலம்போலத் தம்மை இகழ்வார்ப் பொறுத்தல் தலை

15 Il est grand de pardonner des offenses, il est plus grand de rendre le bien pour le mal.
Beschi: Tibi malum facientes plectendi optimus modus est, beneficium ipsis faciendo pudore affectos eos dimittere.
314 இன்னாசெய் தாரை ஒறுத்தல் அவர்நாண நன்னயஞ் செய்து விடல்

16 L'ornement des Grands est d'imiter la juste balance en jugeant les autres.
Beschi: Ad instar libræ, quæ æqualitatem faciendo quod justum est librat, conformando se rationi in unam ex partibus non propendere, sapientium ornamentum est.
118 சமன்செய்து சீர்தூக்குங் கோல்போல் அமைந்தொருபால் கோடாமை சான்றோர்க் கணி

17 Celui qui ne vit que pour engraisser ton corps, ne peut pas aimer son prochain.
Beschi: Qui ut sua caro pinguescat, alienas carnes comedit quinam eum viventibus lenitatem et clementiam exercere dicetur?
251 தன்னூன் பெருக்கற்குத் தான்பிறிது ஊனுண்பான் எங்ஙனம் ஆளும் அருள்

18 La pénitence est une bonne œuvre, lorsqu’en la faisant, on fait obéir les cinq sens, autrement ce n'est qu’hypocrisie.
Beschi: Iis qui supradictam pœnitentiam possident, prœter meritum, quod illis obvenit, pœnitentiaæ quoque virtus oritur; qui vero supradictam pœnitentiam non habent infructuose in pœnitentiæ virtute acquirenda laborant.
262 தவமும் தவமுடையார்க்கு ஆகும் அதனை அஃதிலார் மேற்கொள் வது

19 Ce ne font pas les lampes qui doivent éclairer les Grands, c'est la vérité pure (se naïve qui leur doit servir de lumière).
Beschi: Non omnis splendor proprius est sapientis splendor; proprius ejus splendor est in oris integritate splendere.
299 எல்லா விளக்கும் விளக்கல்ல சான்றோர்க்குப் பொய்யா விளக்கே விளக்கு

20 C’est une chose énorme que de témoigner sa colère à un supérieur, mais l'énormité est plus grande de la faire éclater fur un inférieur.
Beschi: Si irasci caveas in eum, qui id meretur, dici poteris iræ frænator nam in eum, qui id non meretur, quid si irascaris, quid si non irascaris?
301 செல்லிடத்துக் காப்பான் சினங்காப்பான் அல்லிடத்துக் காக்கின்என் காவாக்கால் என்

21 Nous ne sommes pas certains de vivre un seul jour, cela ne nous empêche pas de songer à mille choses.
Beschi: Qui nee sciunt an per unum iustans victuri sint, innumera mente moliuntur futuro tenipore agenda.
337 ஒருபொழுதும் வாழ்வது அறியார் கருதுப கோடியும் அல்ல பல

22 Les maux que nous ferons aux autres, nous poursuivront, ainsi que notre ombre fuit notre corps.
Beschi: Peccatoris ruina ab eo inseparabilis est, non secus ac umbra a corpore.
208 தீயவை செய்தார் கெடுதல் நிழல்தன்னை வீயாது அடிஉறைந் தற்று

தென்னகத்தில் சிறைவாசம் முடிந்தவுடன் தெ லா ஃப்ளோட் சீனா, பசிஃபிக் மாக்கடல், தென்னமெரிக்கா வழியாக மீண்டும் ஐரோப்பாவை அடைகிறார். இப்படிச் சிறையில் பட்டு விரிநீர் வியனுலகும் சுற்றிய ஃப்ரெஞ்சுக்காரர் ஒருவர், குறளை அடையாளம் கண்டிருப்பதைக் கண்டு வியந்தேன்!

புத்தக விபரம்: M. de la Flotte, Essais Historiques sur l'Inde précédés d'un journal de voyage et d'une description géographique de la Côte de la Coramandel, chez Herissant le Fils, Paris, 1769
படம் - லண்டன் கீழைக்கலாச்சார, ஆஃப்ரிக்கப் பள்ளியில் oxidized வள்ளுவர் மடியில் பிரிட்டிஷ் சிறார்

உறுதி

2010-10-01T06:44:00.005+01:00

காலைப் பனியில்
உதவாக் கைகளின்
கறையும் படிய
பால்வண்டி நோக்கி
யான் காத்திருக்க

தன் சிமிட்டிப்பாதம்
வறுகும்
ஒருகாதுப் பூனை.

கரியடுப்பும் எரிய

புறத்தே
சிறுகாவற்காட்டு இலையும்
மிகுமஞ்சளாய் வெளிற

ஜன்னல் மீதான
வெற்றுக்குப்பிகளும்
கலங்கத் தோன்றும்
பாலாடை பட்டு.

ஆங்கே
எழுந்தும்
அருளவில்லை
புகழேதும்.

இரு நீர்த்துளியும்
அடுத்தாரின்
ரோஜாப்புதர் பசுங்கணுவில்
வளையச் சழங்கும்.

ஏறிட்ட முள்வில்லே!

பூனையும் தன் நகம் விரிக்கும்.
உலகம் சுழலும்.

இன்று
இன்று
என்னைப் பரீட்சிக்கும்
கறுப்புடைப் பன்னிருவரை
வசீகரிக்காமல்
விடப்போவதில்லை;
சுளிக்கும் வளிமுன்
முஷ்டிமடக்கப் போவதுமில்லை.

Resolve

Day of mist: day of tarnish

with hands
unserviceable, I wait
for the milk van

the one-eared cat
laps its gray paw

and the coal fire burns

outside, the little hedge leaves are
become quite yellow
a milk-film blurs
the empty bottles on the windowsill

no glory descends

two water drops poise
on the arched green
stem of my neighbor's rose bush

o bent bow of thorns

the cat unsheathes its claws
the world turns

today
today I will not
disenchant my twelve black-gowned examiners
or bunch my fist
in the wind's sneer.

-- Sylvia Plath, 1955.

க்ஹஸர் இனத்தின் அழிவு

2010-08-17T08:58:00.013+01:00

இவ்வகராதி, க்ஹஸர் இனத்தாரும் இவர்தம் அரசும் வரலாற்றுக்களத்திலிருந்தே மறைந்துபோனதற்குக் காரணமான நிகழ்வில் கவனங் கொள்கிறது. அதாவது, க்ஹஸர் இனத்தார், இன்னதென இன்று யாமறியாத் தம் மத-மார்க்கத்திலிருந்து யூதம், கிறித்தவம், இஸ்லாம் என இந்த மூன்றில் ஏதோவொன்றுக்கு மாறியதே இந்நிகழ்வு. க்ஹஸர் இனத்தார்தம் மாற்றம் நிகழ்ந்தவுடனே வீழ்ச்சி கண்டது க்ஹஸர் பேரரசு. கி. பி. பத்தாம் நூற்றாண்டில் க்ஹஸர் பேரரசைத் தாக்கிய ருஷ்யப்படையின் தளபதி இளவரசர் ஸ்வெத்தோஸ்யாவ், தம் பரியினின்று கீழிறங்கவும் தேவையின்றி, இப்பேரரசையே, ஓர் ஆப்பிளைப் போல விழுங்கிவிட்டார். கி. பி. 943-ஆம் ஆண்டில் வோல்கா ஆற்று முகத்துவாரத்தில் அமைந்திருந்த க்ஹஸர் தலைநகரை எட்டு இரவுகளாய் உறக்கம் விழித்துத் தாக்கிய ருஷ்யப்படையினர், இதைக் கஸ்பியன் கடலுள் இடித்துத் தள்ளியே விட்டனர். பிற்பாடு 965-ஆம் ஆண்டுக்கும் 970-ஆம் ஆண்டுக்குமிடையே க்ஹஸர் இனத்தாரின் முழுப்பேரரசையும் ருஷ்யர்கள் அழித்தொழித்தனர். இப்படித் தலைநகரின் கட்டிடங்கள் அழிந்து பலகாலம் ஆன பிற்பாடும் ஆங்கே வீடுகளின் நிழற்கோடுகள் ஆண்டுக்கணக்கில் நீடித்தன என்பதற்குத் தரவுகள் பல உண்டு. வோல்கா ஆற்றுநீரிலும் காற்றிலுமென நின்றெஞ்சிய தரவுகள் இவை. பிற்பாடு பன்னிரண்டாம் நூற்றாண்டின் ருஷ்யப் பரம்பரைக்கதையொன்றின் படி, 1083-ஆம் ஆண்டில் ருஷ்ய இளவரசர் ஒலெக், க்ஹஸர் அரசின் தலைமைப்பீடத்தை எய்திவிட்டிருந்தார். இதே பன்னிரண்டாம் நூற்றாண்டு வாக்கில் க்ஹஸார் பேரரசு இருந்த நிலப்பரப்பில் குமாஒன் என்ற இன்னோர் இனத்தாரைக் கண்ட தகவலும் பிறகுண்டு.

க்ஹஸர்ப் பண்பாட்டின் எஞ்சின பொருட்களும் மிகச்சில. கல்வெட்டுக்களோவெனில் ஒன்றுகூட க்ஹஸர் இனத்தாரின் தனிமனிதரையோ பொதுப்பண்பாட்டையோ குறிப்பதாய் எஞ்சவில்லை! க்ஹஸர் நூல்கள் என யூத ஹலேவியானவர் பட்டியலிடுவனவற்றில் ஒன்றின் தடயமும் எஞ்சவில்லை! க்ஹஸர்கள் இன்ன மொழியில் தொழுகை நடத்தினரென சிரில் புனிதர் குறிப்பிடுகிற இம்மொழியின் எச்சமேதும் இல்லை! இதுவரை நிகழ்ந்திருக்கும் அகழ்வாய்வைப் பொறுத்தவரை, ஆய்வாளர்கள் ஸூவார் என்ற நகரில் மீளெழுப்பிய பொதுப்பயன்பாட்டுக் கட்டிடம், க்ஹஸர் இனத்தாருடையதல்ல; மாறாக புல்கார் இனத்தாருடையதாக இருந்திருக்க வேண்டும் என்கிறார்கள்; ஸார்க்கெல் எனும் பகுதியில் புதையுண்டுபோய் மீண்டவற்றிலும் க்ஹஸர் இனத்தாருக்கென்று பெஸ்ஸாந்தியர் கட்டியவையென ஏடுகள் கூறும் கோட்டைகளோ, குறிப்பிடுமாறு வேறேதோ தேறவில்லை! க்ஹஸர் அரசு அழிந்த பிற்பாடு க்ஸஹர் இனத்தார் பற்றி யாரும் அவ்வளவாகப் பதியவில்லை. பத்தாம் நூற்றாண்டுக்காலத்தில் ஹங்கேரிய இனத்தலைவர் ஒருவர், தம்முடைய ஆட்சிப்பகுதியில் க்ஹஸர் இனத்தார் தங்கலாமென அனுமதி வழங்கியிருந்தார். 1117-ஆம் ஆண்டில் வ்ளாடிமிர் மோனோமக் எனும் ருஷ்ய இளவரசரைச் சந்திக்க வேண்டி ஒரு குழுவாக கியவ் நகர் வரை க்ஹஸர் இனத்தார் சென்றிருக்கின்றனர். 1309-ஆம் ஆண்டில் ப்ரஸ்புர்க் நகரில் கத்தோலிக்கர் க்ஹஸர் இனத்தாருடன் மண உறவு கொள்ளக் கூடாதெனத் தடை விதிக்கப்பெற்றது. பின்னர் 1346-ஆம் ஆண்டில் க்ஷ தடையைப் போப்பாண்டகை உறுதியும்செய்தார். ஆக, க்ஹஸர் இனத்தார் பற்றிக் கிட்டியவை இவ்வளவே.

க்ஹஸர் இனத்தாரின் தலைவிதி இப்படியாக முடிந்துபோனதற்குக் காரணமான மத மார்க்க-மாற்றம் நடந்த விதம் இதோ: க்ஹஸர் அரசர் காஹ்ன், கனாவொன்று கண்டாரென்றும் அந்தக் கனாத்திறம் விளக்க வேண்டி ஞானியர் மூவரைத் தம்மிடம் அழைத்தாரென்றும் பழங்கதைகள் கூறும். மூவரில் எவர் கூறும் கனாத்திறம் தமக்குச் சரியென்று திருப்தியளிக்கிறதோ அன்னார்தம் மத-மார்க்கத்தையே தாமும் தம் குடிமக்களும் பின்பற்றப் போவதாகக் காஹ்ன் அரசர் முடிவெடுத்தார் என்பதால் இவர் கண்ட கனா, க்ஹஸர் அரசு குறித்த பிரச்னையுமாகிவிட்டது. இவ்வாறு முடிவெடுத்த இதே நாள் காஹ்ன் அரசரின் தலைமுடி இறந்துவிட்டது என்றும் இந்தச்சாவுணர்த்தும் ஏதோவொரு சக்திதான் அரசரை இம்முடிவு நோக்கித் தள்ளியது என்றும் தகவல்கள் சில உண்டு. ஆக, அரசரின் கோடை மாளிகைக்கு ஓர் இஸ்லாமியத் தர்வேஷ், ஒரு யூத ராப்பி, ஒரு கிறித்துவத்துறவி என ஞானியர் மூவர் வந்ததும் இப்படித்தான். இன்னார் மூவரும் ஆளுக்கொரு உப்புக்கத்தியை காஹ்ன் அரசரிடமிருந்து பரிசாகப் பெற்று தம்மிடை வாதுசெய்யத் தொடங்கினர். மூவரின் நிலைப்பாடுகளும் மத-மார்க்க அடிப்படைகளும் அவ்வடிப்படைகள் மீதமைந்த வாதும் இதில் பங்களித்த பிற நபர்களும் இதன் முடிவையும் விளைவுகளையும் அதில் வென்றவர் யார்-தோற்றவர் யார் என்பது குறித்த நேரெதிர்க் கருத்துக்களையும் எழுப்பி, அடுத்துவந்த நூற்றாண்டுகளில் எபிரேய, கிறித்துவ, இஸ்லாமிய வட்டாரங்களில் மறுபடி மறுபடியென வாதின் பிரச்னைகளையும் கிளப்பின. க்ஹஸர் இனத்தார் என்றோ மறைந்தொழிந்துவிட்டபோதும் இத்தகைய வாதும் தொடர்கிறது இன்றுவரை. பதினேழாம் நூற்றாண்டு வாக்கில் திடீரென்று க்ஹஸர் விவகாரங்களில் ஈடுபாடு மீண்டுமெழ, க்ஹஸர்கள் குறித்த ஏராளமான ஆய்வுகள் ஒழுங்கமைக்கப்பெற்று, இவை, போருஷ்யா என்கிற ப்ருஷ்யாவில் 1691-ஆம் ஆண்டு வெளியாகின. க்ஹஸர் இனத்தார் பற்றிய ஆய்வுக்கான பொருட்களில் அடங்கியவை, முக்கோண வடிவக் காசுகளும் பழங்கால மோதிரங்களில் செதுக்கிய பெயர்களும் உப்பாலான குடுவை மீது வரைந்த கோலங்களும் ராஜாங்கக் கடிதப் போக்குவரத்தும் எழுத்தாளர் உருவப்படங்களும் அந்தப்படங்கள் ஒவ்வொன்றின் பின்புலமாகப் பொறித்த நூற்பட்டியலை எடுத்தெழுதிய பட்டியலும் உளவறிக்கைகளும் உயில்களும் க்ஹஸர் இன மொழியெனக் கருதப்பெற்ற கருங்கடற் கிளிகளின் கீச்சுப்பேரரவமும் இசையுருவாக்க ஓவியங்களும் அந்த ஓவியங்கள் அடையாளம் காட்டிய தொல்லிசை நூற்களின் குறியீட்டுப்புதிர்களும் ஏன் பச்சைகுத்திய மனிதத்தோலொன்றும் பின்னர் ஏராளமான பெஸ்ஸாந்திய, எபிரேய, அரபுமொழி ஆவணங்களும்... பதினேழாம் நூற்றாண்டு மனிதர்தம் கற்பனையிலகப்பட்டு அன்னாருக்குப் பயன்தரவல்ல யாவும் அகராதியொன்றின் மேலட்டை-கீழட்டைக்குள் சிக்கியதும் இப்படித்தான். க்ஹஸர் வாதும் ஒருவழியாக ஓய்ந்து ஆண்டு ஆயிரமான பிறகு இதில் மீண்டும் ஆர்வம் தோன்றியதை விளக்கும் வகையில் கதைக்காரனொருவன் சொன்ன மர்ம வாசகமும் இதோ:

‘நம்மில் ஒவ்வொருவரும் தத்தம் சிந்தனையைக் கயிற்றில் பிணைத்த குரங்கென அழைத்துச் செல்கிறோம். அதுவும் வாசிப்பில் நாம் ஈடுபடும்போதெல்லாம் நம் குரங்கும் இன்னொரு நபரில் குரங்குமென இரண்டு குரங்குகள் இயங்கும். ஏன், இவை குரங்கும் கழுதைப்புலியுமாக இருக்கும் வாய்ப்புமுண்டு. அப்போது அவற்றுக்குணவாக என்னதான் தர முடியும்! கழுதைப்புலியானது குரங்கின் உணவைப் புசிக்காதல்லவா...’

எது எப்படியிருப்பினும் போலிஷ் மொழியில் அகராதியொன்றை அச்சேற்றிய யோவான் டோப்மான்னஸ் என்பாரோ இவர் வழிவந்த யாரோ, க்ஷ 1691-ஆம் ஆண்டில் க்ஹஸர் பிரச்னை பற்றிய தரவுகள் யாவற்றையும் தொகுத்து ஒரே வடிவமைப்பில் வெளியிட்டார்கள். அந்தச்செயல் கைகூடியதால், குழைக்காதில் இறகணிந்து வாயை மைக்கூடாக்கி எழுதிய எத்தனையோ பேர் நூற்றாண்டுகளெனத் தொகுத்தும் தொலைத்தும் வைத்த சில்லறைத்தரவுகள் ஒருசேர அமையப்பெற்றன. அப்பதிப்பும் க்ஹஸர் இனத்தார் குறித்த லெக்ஸிக்கன் கோஸ்ரி என்ற லத்தீன் மொழி அகராதியாக வெளியானது. நிஜத்தில் தியோக்டிஸ்ட் நிக்கோல்ஸ்கி என்ற பாதிரித்துறவியார், க்ஹஸர் இனத்தார் பற்றிய ஏராளம் தரவுகளை ஆஸ்த்ரியரும் துருக்கியரும் போர்புரிந்த களத்தில் வைத்துக் கண்டெடுத்து மனனம் செய்துகொண்டாரென்றும் பிற்பாடு இவர் சொல்லக்கேட்டுத்தான் யோவான் டோப்மான்னஸ் எழுதிக்கொண்டுபோய் அச்சேற்றினாரென்றும் இவ்வகராதி குறித்த கிறித்துவத்தகவல்கள் கூறுவதுண்டு.

இப்படியாக யோவான் டோப்மான்னஸ் அச்சேற்றிய இப்பதிப்பில் இருந்த நூல்களும் மூன்று: க்ஹஸர் பிரச்னை குறித்த இஸ்லாமியத் தரவுகளிலிருந்து கிட்டிய சொற்களின் பட்டியல்; க்ஹஸர் பிரச்னை குறித்த எபிரேயக் கதைநூல்கள் வழி கிட்டிய தரவுகளின் அகரமுதலி மற்றும் க்ஹஸர் பிரச்னை குறித்த கிறித்துவத் தரவுகளின் அடிப்படையில் அமைந்த மூன்றாம் அகராதி. ஆக, க்ஹஸர் பேரரசு பற்றிய அகராதிகளின் அகராதியாக விளங்கியது டோப்மான்னஸ்ஸின் இப்பதிப்பே. ஆனால் இதற்கு நேர்ந்த கதியோ அலாதி.

இந்த முதல் பதிப்பின் ஐந்நூறு படிகளில் ஒன்றை மாத்திரம் நச்சுச் சாய மை கொண்டு அச்சேற்றியிருந்தார் டோப்மான்னஸ். நஞ்சேறிய இந்தப்படிக்குத் தங்க முலாமிட்ட பூட்டுண்டு என்றும் வெள்ளிப்பூட்டு கொண்டதும் முலாம் பூசியதுமான துணைப்படியொன்றுமுண்டு என்றும் தெரிகிறது.

டோப்மான்னஸ் அச்சேற்றிப் பதிப்பித்ததை அடுத்த 1692-ஆம் ஆண்டே, படிகள் யாவற்றையும் வத்திக்கான் கத்தோலிக்கத் திருச்சபையின் விசாரணைக்குழு தேடி அழித்தொழித்துவிட்டது. ஆனால் நஞ்சேறிய படியும் வெள்ளிப்பூட்டு கொண்ட துணைப்படியும் மாத்திரம் தணிக்கை அதிகாரிகளின் கண்காணிப்பினின்றும் தப்பி வாசிப்புக்கெனப் புழக்கத்தில் எஞ்சின. ஆக, அவிசுவாசியரும் அதிகாரத்துக்குக் கீழ்ப்படிய மறுத்தோரும் தடையான அகராதியின் எஞ்சின படியை வாசிக்கத்துணிந்தால் சாவெனும் அபாயத்தையும் எதிர்நோக்க வேண்டிய நிலை! நூலைத் திறக்கும் வாசகரின் இதயம் உடன் தன்னை ஊசிபோலக் கவ்விக்கொள்ளும்; இதன் ஒன்பதாம் பக்கத்திலே, ‘சொல்லோ மெய்யானது - அதாவது உடலின் கதையானது’ என்ற லத்தீன் வாசகத்தை அடையும் கட்டத்திலே, வாசகர் செத்துவிழுவார். நஞ்சேறிய படியுடன் துணைப்படியை வைத்து வாசித்தால் சாவு வாய்க்கும் இவ்விடத்தைத் துல்லியமாய் அறியவும் முடியும். துணைப்படியில் காணும் குறிப்பானது கூறுவதும் இதோ: ‘நீ விழிப்ப வலியறியாமல் போக, உயிர்களிடை இல்லை என்றறிவாய் நீ.’

பதினெட்டாம் நூற்றாண்டில் டோர்ஃப்மெர் குடும்ப நிலை மற்றும் அதன் உயில் குறித்து நடந்த வழக்கு ஆகியவற்றை வைத்து அந்தக்குடும்பத்தில் பரம்பரைச்சொத்தாக தங்க முலாம் பூசிய, பூட்டிட்ட இவ்வகராதிப்படி இருந்ததை அறிய முடிகிறது. ஆக, டோர்ஃப்மெர் குடும்பத்தின் ஒவ்வொரு தலைமுறையிலுமென மூத்த மகன் அரைவாசி நூலையும் பிற பிள்ளைகள் கால்வாசி நூலையும் அதிகம் பேரிருந்தால் கால்வாசிக்கும் குறைவான நூலையும் தம்முடைய பரம்பரைச்சொத்தாகப் பெற்றுவந்தார்கள் என்று தெரிகிறது. இவ்வகராதியின் பகுதிகளுக்கு ஏற்ப, டோர்ஃப்மெர் குடும்பச்சொத்துக்களான பழச்சாலைகள், புல்வெளிகள், நீரூற்றுக்கள், கால்நடைகளும் பிரித்தே வழங்கப்பெற்றன. எனும்போதும் குடும்பத்தில் நிகழ்ந்த துர்ச்சாவுகளுக்கும் அகராதிக்கும் எவ்வித உறவும் இருக்கக்கூடும் என ரொம்பக்காலம்வரை யாரும் கருதவில்லை. குடும்பத்தாரின் கால்நடைகளைக் கொள்ளைநோய் வாரிக்கொண்டுபோய்ப் பஞ்சம் கவிந்துவிட்ட ஒரு சமயம் அன்னாரிடம் யாரோ, ‘எந்தவொரு நூலும் ஒரு பெண்ணைப் போல மோரினா என்ற பெயர்கொண்ட சூன்யக்காரியாக மாறிவிடக்கூடும்; மோரினாவின் ஆவி அலைந்து சுற்றியிருக்கும் யாவரையும் பீடித்துக் கொல்லவும் கூடும்; எனவே வீடும் வெளியும் அழிந்துபடாமலிருக்க, க்ஷ சூன்யக்காரியாக மாறும் பெண்ணின் வாயில் வைப்பது போன்ற சிறிய மரக்குருசு ஒன்றைச் செய்து அதை இந்த அகராதியின் பூட்டில் இட்டுவிடலாம்’ எனக் கூறிவிட, இதைச் செவிமடுத்த குடும்பத்தாரும் அஃதே போலச் செய்து அதை க்ஹஸார் அகராதியின் பூட்டின் மேல் இட்டார்கள். உடன் நிலைமை இன்னும் மோசமாகி, குடும்ப அங்கத்தவர்கள் உறக்கத்தில் மூச்சுமூட்டி இறக்கத் தொடங்கினார்கள். பீதியடைந்த பிற குடும்பத்தார் ஆங்கே ஒரு பாதிரியிடம் சென்று நிலைமையை விளக்க, பாதிரியோ டோர்ஃப்மெர் இல்லம் வரை வந்து அகராதி மீதிருந்த அந்தச் சிறிய மரக்குருசை அகற்றினார். அதே நாளில் அந்த விநோதக் கொள்ளைநோயும் காணாமல் போனது. ‘அகராதிக்கு வெளியே ஆவி வசிக்கும்போது குருசை இப்படிப் பூட்டின்மீது வைத்துவிடாதீர்கள். குருசுக்குப் பயந்த ஆவி உள்ளே போக அஞ்சி சுற்றிலும் விநாசம் விளைவிக்கிறது’ என்று டோர்ஃப்மெர் குடும்பத்தாரை எச்சரித்தார் பாதிரி.

தங்க முலாம் பூசிய, பூட்டிட்ட க்ஹஸர் அகராதி டோர்ஃப்மெர் குடும்ப இல்ல அலமாரியில் பல ஆண்டுகள் வரை பயன்பாடின்றிக் கிடந்ததும் இப்படியாகத்தான். அலமாரியிலிருந்து இரவில் விநோதமாய் வந்த சரசரப்புச் சத்தமும் டோப்மான்னஸ் அகராதியிலிருந்தே கிளம்பியிருக்க வேண்டும். அகராதியுடன் ஒரு மணற்கடிகையும் இணைந்திருந்தது என்றும் ஃஸோஹர் என்ற யூத வரலாற்றுக்கதை சொல்லும் புனித நூலை நன்கறிந்தவரும் ஒரே சமயம் பேசவும் எழுதவும் அறிந்த நெஹாமா என்பாரே இக்கடிகையை நூலுள் வைத்துக்கட்டியவர் என்றும் ல்வாவ் நகரிலிருந்த கையேட்டுக்குறிப்புக்கள் சில தெரிவிக்கின்றன. இவர் தாள்களை ஒட்டி அகராதியை உருவாக்கியபோது அந்த மணற்கடிகையை இணைத்துக் கட்டிவிட்டிருந்தார் என்பதால் கடிகை கண்ணுக்குத் தெரியாமல் போனதெனினும் வாசிக்குங்கால் இம்மௌனத்தின் ஊடே சரியும் மணலின் சத்தம் துல்லியமாய்க் கேட்டது. சத்தம் நின்றவுடன் அகராதியைத் தலைகீழாய்த் திருப்பி வாசிக்க வேண்டுமென்றும் இத்தகைய வாசிப்பின்போதே இதன் பொருட்புதிர் விடுபடும் என்றும் அக்குறிப்புக்கள் கூறின.

க்ஹஸர் அகராதியில் யூத நெஹாமா காட்டிய சிரத்தையை யூத ராப்பிமார் பிறர் ஏற்கவில்லை. தவிர, யூத அறிஞர் பலரும் அவ்வப்போது அகராதியைக் கடுமையாகத் தாக்கி வந்தனர். இவர்களில் யாரும் அகராதிக்கான எபிரேயத் தரவுகளின் அடிப்படையை மறுக்கவில்லை என்றாலும் மத-மார்க்கங்கள் பிற அளித்த தரவுகளை ஏற்கவுமில்லை. லெக்ஸிக்கன் கோஸ்ரி என்ற அகராதி இஸ்பாஞ்ஞ நாட்டிலும் தோல்வியே கண்டது என்பதைக் கூறியாக வேண்டும். அகராதியின் வெள்ளிமுலாம் பூசிய படியை அங்குள்ள இஸ்லாமிய மூர்கள் எவரும் வாசிக்க எண்ணூறாண்டு வரை தடை விதிக்கப்பெற்றது. குறித்த காலம் இன்னும் முடியாததால் தொடர்கிறது தடை! க்ஹஸர் பேரரசிலிருந்து புலம்பெயர்ந்த குடும்பத்தார் சிலர் அக்கால இஸ்பாஞ்ஞ நாட்டில் காணப்பட்டதை வைத்து இத்தடைக்கான காரணத்தைப் புரிந்துகொள்ள முடியும். க்ஹஸர் இனத்தாரின் இறுதிநபர்களாம் இவர்களுக்கு விநோத வழக்கமொன்றும் இருந்தது. தாம் மோத நேர்கிற நபர் உறங்கும்போது மிக்க முயற்சியுடன் அன்னாரைச் சபிப்பதும் இதே வேளை தம் சாபங்களால் அன்னார் உறக்கங்கலைந்து விழிக்காமல் பார்த்துக்கொள்வதும்தான் இவ்வழக்கம். எதிரி உறங்கும் வேளை தம் சாபங்கள் விரைந்தியங்கி மேலதிகப்பயன் தரும் என்பது க்ஹஸர் இனத்தாரின் நம்பிக்கை. க்ஹஸர் பெண்களோவெனில் மாஸிடோனிய மாவீரர் அலெக்ஸாந்தரைக்கூட சபித்தார்களென டோப்மான்னஸ் உறுதிசெய்கிற விஷயம், பேரரசர் அலெக்ஸாந்தரிடம் போரிட்டுத் தோற்றோரில் க்ஹஸர் இனத்தாரும் அடங்குவர் என நகல்-கெலிஸ்தான் என்ற பெயர்கொண்ட கிரேக்கு மொழி நூலாசிரியர் கூறுவதுடன் ஒத்துப்போவதைக் காணலாம்.

--- Milorad Pavic, Hazarski Recnik, Beograd, 1984; Dictionary of the Khazars: A lexicon-novel in 100,000 words, Translated by Christina Pribićevic-Zorić, New York, 1988.

கஷ்மீர் - சாக்காலம் முன் என் பயணம்

2010-07-19T18:33:00.022+01:00

உலகில் ராணுவ மயமிக்க பகுதிகளில் ஒன்றான கஷ்மீர் பள்ளத்தாக்கில் இப்போது மீண்டும் சாக்காலம். இது பற்றிப் பிறகு... இரு மாதம் முன்பு பணி நிமி்த்தம் என் பயணத்தின் போது கண்ட கஷ்மீர்க் காட்சிகள்:

1. ஸ்ரீநகர் லால் சௌக் பகுதியில் எந்த நொடியும் போராட்டம்.

2. தடுப்புக்காவலில் தொடரும் ஜனநாயகக் கட்சித் தலைவர் ஷப்பீர் ஷாவின் இல்லத்து ரோஜாச்செடிகள் நடுவே, அவர் மனைவி மருத்துவர் பில்கீஸ்.

3. ஸ்ரீநகரில் இந்தியத் துணைராணுவப்படை முகாம்களில் ஒன்று.

4. தலைவர்களுக்கு எப்போதும் பாதுகாப்பு - நிரந்தர அசாதாரண நிலை..

5. சாவும் எழிலே - ஸ்ரீநகரின் டால் ஏரி.

6. தற்போது தடுப்புக்காவலில் இருக்கும் முக்கியத்தலைவர்,
82 வயது கீலானியுடன், அவரது ஹைதர்புரா இல்லத்தில்.

7. ஆயுதப்போராட்டத்தில் காணாமல் போனோரின் குடும்பத்தாரின் சார்பில் போராடும் அன்னையர் முன்னணியின் பர்வீனா அஹங்கரின் இல்லத்தில்.

8. பெயர் பெற்ற ஹஸ்ரத்பால மசூதியில் தொழுத பிறகு நான்.

9. ஜீலம் நதிக்கரை ஆடுகள்.

மூன்று மாத காலம் கழிந்து மீண்டும்...

2010-07-18T05:53:00.007+01:00

சிறுசெம்பூவே!
சிறு நரகச் சுடரே!
தீங்கும் இழைப்பாயோ நீயும்?
மின்மின்னும் உன்னைத்
தொடவியலேன் நானும்
தீ நாக்கில் விரலிட்டேன்
எரியவில்லை ஏதும்.
உன்னைக் கண்கண்டே
அயர்ந்தேன் நானும்.

மின்மின்னித் தெளிவாய்
சுருங்கும் நீயும்
சட்டெனக் குருதி வடியும்
செவ்வாயின் இதழோ!
சிறு செவ்வுடையோ!
நானும் தொடவியலா
புகையும் தானுண்டோ.
மயக்குமுன் புகையெங்கே?
குமட்டுமுன் கோதுமெங்கே?

என்னில்
குருதியும் வடியுமோ!
உறக்கமும் வருமோ!
என் வாயும்
இத்தகு வடுவை
மணக்குமோ!
உன் மதுவும்
இக்
கண்ணாடிக் கோதெனும்
என்னில் கசிந்தே
மங்கியடங்கும்
எனின்
நிறமற்று
நிறமற்று.

Little poppies, little hell flames,
Do you do no harm ?
You flicker. I cannot touch you.
I put my hands among the flames. Nothing burns.
And it exhausts me to watch you
Flickering like that, wrinkly and clear red, like the skin of a mouth.
A mouth just bloodied.
Little bloody skirts!
There are fumes that I cannot touch.
Where are your opiates, your nauseous capsules ?
If I could bleed, or sleep!
If my mouth could marry a hurt like that!
Or your liquors seep to me, in this glass capsule,
Dulling and stilling.
But colorless. Colorless.

--- Sylvia Plath, Poppies in July, 20 July 1962.

சுமார் மூன்று மாத காலம் கழிந்து மீண்டும்.

இங்கிலாந்தில் தேர்தல்-புதிய ஆட்சிக்கோலம், இலங்கையில் மனித உரிமைகள் நிலை மேலும் மோசம், தமிழகத்தில் செம்மொழிக் காலம் எனச் சென்ற மூன்று மாதம். எனக்கோ, இந்தியாவில் பணி நிமித்தம் டில்லியில் வாசம், கஷ்மீர் மற்றும் வடகிழ்க்குப் பகுதிகளில் பயணம், பிறகு கேரளத்தில் ஒரு வாரம் வாசம், அங்கே துணைவியாரின் விரிவுரைகள் எனக் கழிந்த காலம்.

பதிவுகள் எழுதாமலும் வாசிக்காமலும் இருப்பதில் தனி ஆசுவாசம். அவ்வப்போது தேவைப்படும். ஆனால் புத்தகங்கள் வாசிக்காமல் இல்லை... சென்னையில் ஒருசில நாட்கள் மட்டும் வாசம். ஒருசில நண்பர்களை மட்டும் சந்திக்க முடிந்த வாசம்.

பிறகு கடந்த வாரம் லண்டன் திரும்பி, ஸில்வியா ப்ளாத்தின் மேற்கண்ட கவிதையைத் தமிழாக்கியதில், நான் எடுத்திருப்பது பன்மையை.

கொலைஞனின் திராட்சைரஸம் - ஷார்ல் போதலேர்

2010-04-25T09:52:00.003+01:00

மனைவி இறக்க
எனக்கு விடுதலை!
நன்றாய்க் குடிக்கலாம்!
காசின்றி
வீடு திரும்பினால்
கதறிப் பித்தாக்குபவள்.

தூய வளியும் வானும்
காணும்
ராஜா எனக்கு மகிழ்ச்சி!
இவளுடன் காதல்கொண்ட
வேனிலும் இவை போல!

என்னை நொறுக்குமிந்த
அதீத தாகம் போக்க
இவள் கல்லறை நிறைக்கும்
திராட்சை ரஸமும்
முட்டக் குடிப்பேன்.

கிணற்றில் எறிந்தேன் இவளை
இன்னும் எறிந்தேன் இவள்மேல்
கிணற்று விளிம்பின் கல்லும்
முடிந்தால் மறப்பேன் இவளை.

ஏதும் நம்மை விடாத
காதலின் சபதமிட்டு,
ஒருகாலம் புளகித்த வேட்கை
முதலறிந்த நட்பும் நாடுவோம்
மீண்டும்.

நிசியில்
யாருமற்ற தெருவில்
தனித்துக் காண்போமென
நான் வேண்ட,
பித்தம் பிடித்து வந்தாள்!
நம்மில் யாவர்க்கும்
ஏறத்தாழ பித்தம்தான்.

களைத்த போதும்
இவளில்
இன்னும் குறையா வசீகரம்!
அதனால்தானோ
பெரிதும் விழைந்து
இவளிடம் கூறினேன்
இந்த உலகைத் துற என.

என்னைப் புரியாத
முட்டாள் குடியர் அவரில்
யாரும் தம் துர்நிசியில்
காணாரோ,
திராட்சைரஸத்தில்
முகத்திரை செய்வதான
கொடுங்கனா இதை?

இரும்பு எந்திரமாய்
உணர்வற்ற
துர்க்கூட்டமதும்
வேனிலோ பனியோ
உண்மைக்காதலோ
அறியாது.

கறுத்த வசீகரம்
கொடும் விசாரணை
நரக வேதனை
எனப் பல செல்லும்
ஊர்வலத்தில்
அதன் எரி விழிநீரில்
நஞ்சுக்குப்பிகளில்
கடகடக்கும் என்புதமில்
கணகணக்கும் சங்கிலிதமில்

தனித்த விடுதலை எனக்கு!
இன்றிரவு
முட்டக் குடிப்பேன்
பிறகு
அச்சமும் பழியுமன்றி
நிலத்தில் கிடப்பேன்.

உறங்குவேன்!
கல்லும் சேறும் சுமக்கும்
பெரும் சக்கரம் கொண்ட
வண்டியும்
பழிகொண்ட என் தலையை
அரைக்கட்டும்
என் உடலை வெட்டட்டும்!

கடவுளிடம், சாத்தானிடம்
ஏன்
இந்தப் புனித மேஜையிடமும்
சிரிக்கிறேன்!

இந்தக்கவிதையைச் சேர்த்து இதுவரை தமிழாக்கிய ஷார்ல் போதலேரின் கவிதைகள் 42. தமிழில் போதலேர் கவிதைகளை வாசிக்க.

Ma femme est morte, je suis libre!
Je puis donc boire tout mon soûl.
Lorsque je rentrais sans un sou,
Ses cris me déchiraient la fibre.

Autant qu'un roi je suis heureux;
L'air est pur, le ciel admirable...
Nous avions un été semblable
Lorsque j'en devins amoureux!

L'horrible soif qui me déchire
Aurait besoin pour s'assouvir
D'autant de vin qu'en peut tenir
Son tombeau; — ce n'est pas peu dire:

Je l'ai jetée au fond d'un puits,
Et j'ai même poussé sur elle
Tous les pavés de la margelle.
— Je l'oublierai si je le puis!

Au nom des serments de tendresse,
Dont rien ne peut nous délier,
Et pour nous réconcilier
Comme au beau temps de notre ivresse,

J'implorai d'elle un rendez-vous,
Le soir, sur une route obscure.
Elle y vint — folle créature!
Nous sommes tous plus ou moins fous!

Elle était encore jolie,
Quoique bien fatiguée! et moi,
Je l'aimais trop! voilà pourquoi
Je lui dis: Sors de cette vie!

Nul ne peut me comprendre. Un seul
Parmi ces ivrognes stupides
Songea-t-il dans ses nuits morbides
À faire du vin un linceul?

Cette crapule invulnérable
Comme les machines de fer
Jamais, ni l'été ni l'hiver,
N'a connu l'amour véritable,

Avec ses noirs enchantements,
Son cortège infernal d'alarmes,
Ses fioles de poison, ses larmes,
Ses bruits de chaîne et d'ossements!

— Me voilà libre et solitaire!
Je serai ce soir ivre mort;
Alors, sans peur et sans remords,
Je me coucherai sur la terre,

Et je dormirai comme un chien!
Le chariot aux lourdes roues
Chargé de pierres et de boues,
Le wagon enragé peut bien

Ecraser ma tête coupable
Ou me couper par le milieu,
Je m'en moque comme de Dieu,
Du Diable ou de la Sainte Table!

— Charles Baudelaire, Le vin de l'assassin, Fleurs du Mal, 1857

ஜே.. ஜி. பல்லார்டின் க்ராஷ் நாவல் பற்றி போத்ரியார்

2010-04-21T23:02:00.005+01:00

தொழில்நுட்பம் என்பதை, மேற்கத்திய செவ்வியல் மரபுப் பார்வையிலிருந்து சைபர்நெடிக் கண்ணோட்டம் வரை எப்படிக் கருதுகின்றன? உடலின் நீட்சியாக. மனிதப்பிறவியின் பரிணாம வளர்ச்சித்திறன் என்பது இயற்கைக்குச் சவால்விட்டு அதைத் தன்-மாதிரியாக வெற்றிகரமாக மாற்றியமைப்பதே தொழில்நுட்பம் என்று இந்தப்பார்வைகள் வகுக்கின்றன. எந்திரங்கள் மற்றும் மொழி குறித்த இதே கருவித்தனமான தரிசனத்தை, கார்ல் மார்க்ஸிலிருந்து மார்ஷல் மெக்லூஹன் வரை காணலாம். அதாவது, இயற்கையின் நீட்சியை மனித உயிருடலாக மாறும் விதிகொண்டதாக, உயிர்-உடல் இடை ஊடகம் ஏற்படுத்தும் இசைவாக, இவற்றைக் காணலாம். இந்த அறிவார்த்தக் கண்ணோட்டங்களில் உடல் என்பது ஆக ஓர் ஊடகம், அவ்வளவுதான்.

க்ராஷ் நாவலிலோ (1), இந்த நிலைமை தலைகீழாகும். இந்த நாவல், ஒருவித பரோக் கண்ணோட்டம் கொண்டதாக, பேரழிவுத் தரிசனம் கொண்டதாக இருப்பதால். இது சாத்தியம். இங்கே உடல் என்பது மரணமாகக் கட்டவிழ வருவதே தொழில்நுட்பம்; உறுப்பை வெட்டுவதும் பிய்த்தெறிவதும் நடந்து, ஊடகம் என்ற நிலையிலிருந்து மாறிவிடுவது, உடல். தன்னிலையின் ஒருமை அழிந்துவிடுவதாக, இதைச் சுட்டுவது மனோவியல்-அலசல். ஆக, இங்கிருப்பது உடலுக்கு நடந்த குறியீட்டுக் காயங்கள் பற்றிய வெடித்துச்சிதறும் தரிசனம். தொழில்நுட்பத்தின் மீறலுடன், அதன் வன்முறையுடன் ஒன்றிக் கலந்துவிட்ட உடல். அதில் காணும் கீறலும் வெட்டும் அவற்றின் தழும்புத்திசுவும் அதன் வாசல்களும் இன்ன பிறவுமென அதன் கொடூர அறுவைச்சிகிச்சையாக நீளவனவற்றில் காமக்காயங்களும் உடற்பரவசமும் அடக்கமல்லவா...

பணியிடத்தில் அடிமையாக உழைப்பில் ஈடுபடும் கேலிச்சித்திரமான உடலிலோ உறுப்புமில்லை, பரவசமுமில்லை, அதில் இருப்பன, கீறலும் வெட்டும் தழும்பும்தான்; தன்னையும் பிறிதென எதையும் குறிக்காது எல்லையற்று ஒளிர்ந்து, குறியாகும் பாலியல்நிலையின் கீழியங்கும் கீறலும் வெட்டும் தழும்பும்தான்:

"நடிகையின் உடல் வெட்டுண்டு அவள் அடையும் சாவு, அவள்மீது மோதும் கார்த் தொழில்நுட்பம் அவளுக்குச் சூடும் முடி; அந்தச் சாவு, அவளுடைய தனித்தனி உறுப்பும் முகப்பரப்பும் சைகையும் பளபளக்கும் தோலுமென யாவற்றையும் கொண்டாடும் செயல். அந்தப்பெண் சாவென மாறியதன் ஏதோவொரு பிம்பத்தை, விபத்தின் அருகிருந்து கண்டோர், தம்முடன் சுமந்துசெல்வர். அவள் பட்ட காயங்களை, அவள் பாலியல்நிலையுடன் காரின் கறார்த் தொழில்நுட்பத்தை இணைக்கும் காயங்களைச் சுமந்துசெல்வர். அவர் ஒவ்வொருவரும் இவன் கற்பனையுடன் இணைவர். இவனுடைய விந்துப்பரப்பின் மிருதுவான ஜவ்வுபும் விறைத்த குறியின் சுருள்திசுவும் இவன் காரெனும் ஊடகம் மோதிச்சிதறடித்த அவளுடைய காயங்கள் வரை சென்று, இவன் மேலே ஓட்ட ஓட்ட, பலப்பல சமிக்ஞைகளின், அசைவுகளின் கலவையாக அவற்றைத் தொடும். இவன் உதடுகளோ குருதிசிந்தும் அந்தக் காமிரா வாசல்கள் வரை செல்ல, இவன் இமைகள் அவள் சுட்டுவிரலினின்றும் வெளித்தொங்கும் தசைநாரில் சாய, இவனுடைய விறைத்த குறியின் என்பொத்த பரப்பு அவள் அல்குலின் கிழிந்த பக்கச்சுவர்களில் தேய்க்கும்.

அந்த நடிகையும் அவளைக் காண்போரும் ஏங்கிய அந்த இணைவை, அவளுடைய இறுதி-இணைவை இப்படியாகச் சாத்தியமாக்கியது, அந்தக் கார் விபத்து."

க்ராஷ் நாவல் எழுதிய ஜே. ஜி. பல்லார்ட் மறைந்து ஓராண்டாகும் நிலையில் அஞ்சலியாக. ஃப்ரெஞ்சு மொழியிலிருந்து தமிழாக்கம். Jean Baudrillard, Simulacres et simulation, Paris, 1974, p 111-19.

குறிப்பு

1. J.G. Ballard, Crash, 1973.

வேனில் வைகுறுப் பிரிவிசை - ஸில்வியா ப்ளாத்

2010-04-20T00:04:00.008+01:00

ஆடிபல கொள் அம்பலமதில்
பசிய முகத்திரை தொங்க,
நாளக் கோபுரத்தில்
மரச்சாறும் ஏற,
குருதியுள் வைரக்கல்
பாவிசைக்க,
நீர்ச்சாந்தில் மெய்வசப்படும்
உலகிதை வணங்க

புனிதக்குருவியோ
படபடத்துப் பல்லிசைக்க,
பாலெனும் வைகறையில்
கனாக்காண்போரும் எழும்ப,
போப்பாண்டகை முன்
கர்தினாலவர் குழுபோல்
கதிரவன் முன்
தூலிப் மலர்களும்
பணிந்தெழ

பனித்துளி விண்மீன்பல
தெளித்துப் பெயர்சூட்டி
வெளிர்சிகப்புக் குழலடிகொள்
புறாப் பலவும் செல்ல,
சாலமோன்தன் உருவகமாய்
இளமஞ்சள் பூப்பூக்க
என் காதலும் யானும்
புல்மாலையிட்டுச் செல்ல

மீண்டும் ஓர் மாயத்தில்
இழந்தோம் எமை
இள நம்பியாய் நங்கையாய்.

-- Sylvia Plath, April Aubade, 1955.

ஒரிஸ்ஸாவில் என் ஆய்வுப்பணி - 6

2010-04-17T00:09:00.001+01:00

ஒரிஸ்ஸாவில் என் ஆய்வுப்பணி - 1
ஒரிஸ்ஸாவில் என் ஆய்வுப்பணி - 2
ஒரிஸ்ஸாவில் என் ஆய்வுப்பணி - 3
ஒரிஸ்ஸாவில் என் ஆய்வுப்பணி - 4
ஒரிஸ்ஸாவில் என் ஆய்வுப்பணி - 5

பொறுப்பு, அரசுக்கும் நிறுவனங்களுக்கும்
வர்த்தக நிறுவனங்கள் மனித உரிமைகளை மீறுவதான அச்சுறுத்தல் நிகழும்போதெல்லாம் மனித உரிமைகளைப் பாதுகாக்கும் பொறுப்பு அரசுகளுக்குண்டு. அதே நேரம் அரசுகள் இந்தக்கடமையைச் செய்யத் தவறுகின்றன என்பதால் வர்த்தக நிறுவனங்கள் தங்கள் பொறுப்பைத் தட்டிக்கழித்துவிட முடியாது. தங்கள் செயற்பாடுகள் மக்களின் மனித உரிமைகளைப் பாதிக்கின்றன என்பதால் அந்தப் பொறுப்பை ஏற்றாக வேண்டும்; குறைந்த பட்சம் மனித உரிமைகளை மதித்து நடந்தாக வேண்டும் என்பது கருத்திசைவு தற்போது ஏற்பட்டு வருகிறது. வர்த்தகம் மனித உரிமைகளைப் பாதிக்கும் விஷயத்தில் ஐ. நா. பொதுச்செயலாளரின் சிறப்புப் பிரதிநிதியாகப் பணியாற்றிவரும் ஜான் ரக்கீ என்ற பேராசிரியர், 2008-ஆம் ஆண்டு ஐ. நா. மனித உரிமைக்குழுவுக்கு அளித்த அறிக்கையில் இதை விவரித்துக் கூறியுள்ளார்.

ஒரிஸ்ஸாவைப் பொறுத்தவரை, வேதாந்தா அலுமினியம் நிறுவனத்தின் சுத்திகரிப்பு ஆலை ஏற்படுத்தும் மாசு, அங்குள்ள மக்களுக்கு உடல்நலம், நீர் மற்றும் ஆரோக்கியமான சூழல் குறித்துள்ள உரிமைகளைக் கடுமையாகத் தாக்கியிருக்கிறது. தன் செயற்பாடுகள் குறித்து மக்கள் அறியவும் அவை மக்களின் மனித உரிமைகள் மீது ஏற்படுத்தியிருக்கும் தாக்கத்தைக் கையாண்டு தடுக்கவும் தேவையான நடவடிக்கைகளை எடுக்க இந்த நிறுவனம் தவறியிருக்கிறது. இயற்கை மற்றும் சமுதாயச்சூழலின் மீதான தாக்கம், தவிர மனித உரிமைகள் மீதான தாக்கத்தைக் கையாள்வதற்கான பன்னாட்டு அளவுகோல்களை ஏற்றுச் செயல்பட இந்த நிறுவனம் தவறியிருக்கிறது. இந்தப் பிரச்னைகளைக் கையாள்வதை விட்டுவிட்டு இந்தச் சுத்திகரிப்பு ஆலையை விரிவாக்கும் எந்த ஒரு முயற்சியும் மனித உரிமைகளைப் படுமோசமாக மீறுவதாகும்.

தவிர, வேதாந்தா குழுமத்தின் ஸ்டெர்லைட் இந்தியா மற்றும் ஒரிஸ்ஸா கனிம வள நிறுவனம் இரண்டும் இணைந்து செயலாக்க விழையும் பாக்ஸைட் சுரங்கத்திட்டம், பாதுகாக்கப்பட்ட டோங்க்ரியா கோண்ட் என்ற பழங்குடி இனத்தின் எதிர்காலத்துக்கு அச்சுறுத்தலாகிவிட்டிருக்கிறது. குறிப்பாக, இந்தச் சுரங்கத்திட்டம் இந்த இனத்தாரின் நிலம்-நீர்-உணவு-உடல்நலம்-வாழ்வாதார மரபுரிமைகள் யாவும் படுமோசமாகப் பாதிக்கக்கூடும். ஆனால் இந்த அபாயங்கள் பற்றியெல்லாம் அக்கறை காட்டப்பெறவில்லை. இவை பற்றிய விபரமேதும் இந்த மக்களுக்குத் தெரிவிக்கப்பெறவில்லை. இவர்களைக் கலந்தாலோசிப்பது என்பது நடக்கவே இல்லை.

பரிந்துரைகள்
மேற்கண்ட சூழலில் வேதாந்தா குழுமம் லாஞ்சிகர் சுத்திகரிப்பு ஆலையை விரிவாக்குவதை இந்திய அரசும் ஒரிஸ்ஸா மாநில அரசும் முதற்கண் நிறுத்த வேண்டும்; இருக்கும் ஆலையின் மாசுத்தாக்கத்தை முதற்கண் மதிப்பிட்டு அதனால் ஏற்பட்டுள்ள பிரச்னைகளைத் தீர்க்க வேண்டிச் செயல்பட வேண்டும்.

வேதாந்தா நிறுவனம் தன் ஆலையின் மாசுத்தாக்கத்தை முதலில் களைய வேண்டும் என இந்த அரசுகள் உறுதிசெய்ய வேண்டும். பிறகு ஆலையால் தாக்குண்ட மக்களின் மனித உரிமைகளுக்கு ஏற்பட்ட கடும் பாதிப்புக்களை மதிப்பிட்டு அவற்றுக்கான நியாயமான இழப்பீடை வழங்க வேண்டும். இந்த மக்கள் நீதிமன்றத்தை விரைந்து அணுக ஏதுவாக இவர்களுக்கு அரசுகள் உதவ வேண்டும்.

இந்திய அரசும் ஒரிஸ்ஸா அரசும் முதற்கண் நியமகிரி பாக்ஸைட் சுரங்கத் திட்டம் பற்றிய விபரங்கள் யாவற்றையும் டோங்க்ரியா கோண்ட் இனத்தாருக்கு அளித்து இவர்கள் அந்தத் திட்டத்தை விரும்புகிறார்களா, இல்லையா எனக் கருத்தறிந்து அந்தக் கருத்தை மதித்துச் செயலாற்ற வேண்டும். இதற்கென ஒரு அமைப்பை உருவாகக் வேண்டும்.

பிறகு சுத்திகரிப்பு ஆலை விரிவாக்கமும் பாக்ஸைட் சுரங்கத்திட்டமும் சரி, அங்குள்ள சூழல் மீதும் மக்கள்மீதும் எந்தெந்த வகையில் தாக்கங்களை ஏற்படுத்தும், மனித உரிமைகளை எந்தெந்த வகையில் பாதிக்கும் என முழுமையாக மதிப்பிட வேண்டும். இதற்கென அங்குள்ள மக்களை முழுமையாகக் கலந்து ஆலோசிக்க வேண்டும்.

லாஞ்சிகரில் தற்போது செயல்படும் சுத்திகரிப்பு ஆலையால் தாக்குண்ட மக்களின் உடல்நலத்தை முழுமையாகக் கண்காணித்து நோய்கள், உடல்உபாதைகளுக்கு சிகிச்சை நல்க வேண்டும்.

இந்த மனித உரிமைப் பிரச்னைகள் தீரும் வரை வேதாந்தா குழுமம் சுத்திகரிப்பு ஆலை விரிவாக்கம் மற்றும் சுரங்கத்திட்டம் இரண்டையும் நிறுத்திவைக்க வேண்டும்.

வேதாந்தா குழுமம் நியமகிரி பாக்ஸைட் சுரங்கத் திட்டம் பற்றிய விபரங்கள் யாவற்றையும் டோங்க்ரியா கோண்ட் இனத்தாருக்கு அளித்து இவர்கள் இந்தத் திட்டத்தை விரும்புகிறார்களா, இல்லையா என அரசு கருத்தறியும் போது அத்துடன் ஒத்துழைக்க வேண்டும். திட்டம் வேண்டாம் என இவர்கள் முடிவெடுத்தால் அதை மதித்துச் செயலாற்ற வேண்டும்.

வேதாந்தா குழுமம் லாஞ்சிகரில் தற்போது செயல்படும் தன் சுத்திகரிப்பு ஆலை அங்குள்ள மக்களின் சுற்றுச்சூழல், உடல்நலம் மற்றும் பிற மனித உரிமைகளைத் தாக்கியிருப்பதை உடனடியாக ஏற்று, இதுபற்றி அவர்களுடனும் ஒரிஸ்ஸா மாநில அரசுடனும் கலந்து ஆலோசித்து இந்தத் தாக்கத்தைக் களைய முன்வர வேண்டும்.

வேதாந்தா குழுமத்தில் முதலீடு செய்த நிறுவனங்கள், இந்த நிறுவனத்திடம் மேற்கண்ட பரிந்துரைகளை ஏற்றுச் செயல்படுத்த வேண்டி நிர்ப்பந்திக்க வேண்டும்.

வேதாந்தா குழுமத்தின் தலைமையகம் லண்டன் மாநகரில் அமைந்திருப்பதால், பிரிட்டிஷ் அரசு வேதாந்தா உள்ளிட்ட பிற பிரிட்டிஷ் நிறுவனங்கள், உலகெங்குமுள்ள தங்கள் நடவடிக்கைகள் அந்தந்த நாட்டு மக்களின் மனித உரிமைகளை மதித்து நடக்கும் வகையில் அமைய வேண்டி நடவடிக்கை எடுக்க வேண்டும்.

(அம்னெஸ்டி அறிக்கையின் சுருக்கம் நிறைவுற்றது. இன்னும் வரும்)

படங்கள் - மாஜி கோண்ட் தலைவர் குமுட்டி மாஜியுடன், அம்னெஸ்டி குழு வருகையைக் கண்காணிக்க ஒரு குழு!

ஒரிஸ்ஸாவில் என் ஆய்வுப்பணி - 5

2010-04-12T00:06:00.008+01:00

ஒரிஸ்ஸாவில் என் ஆய்வுப்பணி - 1
ஒரிஸ்ஸாவில் என் ஆய்வுப்பணி - 2
ஒரிஸ்ஸாவில் என் ஆய்வுப்பணி - 3
ஒரிஸ்ஸாவில் என் ஆய்வுப்பணி - 4

ஆலை விரிவாக்கம்: இன்னும் எதுவுண்டு மீற?
தற்போது செயல்பட்டுவரும் சுத்திகரிப்பு ஆலையில் இத்தனை பிரச்னைகள் நீடிக்கும் நிலையில், இந்த ஆலையின் திறனை ஆறு மடங்கு பெருக்க வேண்டும் என 2007-ஆம் ஆண்டின் அக்டோபர் மாதத்திலேயே வேதாந்தா அலுமினியம் திட்டமிட்டு அதற்கான அனுமதியையும் இந்தியச் சுற்றுச்சூழல் மற்றும் வனத்துறை அமைச்சகத்திடம் கோரியுள்ளது. ஆனால், ஒரிஸ்ஸா மாநில மாசுக் கட்டுப்பாட்டு வாரியம் முன்வைத்துள்ள அறிக்கைகளையும் இந்த ஆலை இந்தப்பகுதி மக்கள்மீது ஏற்கனவே செலுத்தும் மோசமான தாக்கங்களையும் வைத்துப் பார்க்கும்போது இத்தகைய விரிவாக்கம் இப்பகுதி மக்கள் மற்றும் சுற்றுச்சூழலுக்குப் பாரிய அபாயத்தைக் கொண்டுவரலாம் என்று தெரிகிறது. அதேவேளை விரிவாக்கத்தால் சுற்றுச்சூழல் மீதான தாக்கம் எத்தகையது என்று வேதாந்தா அலுமினியம் சார்பில் செய்யப்பெற்ற மதிப்பீட்டு அறிக்கையோ, ஆலையிலிருந்து வெளியாகும் மாசுப்பொருட்கள் பற்றி மேற்கண்ட வாரியத்தின் அறிக்கைகள் கூறியிருப்பவை பற்றியோ, இப்பகுதி மக்கள் தெரிவித்திருக்கும் கவலைகள் பற்றியோ குறிப்பிடவே இல்லை.

2009-ஆம் ஆண்டு ஏப்ரல் மாதம், ஒரிஸ்ஸா மாநில மாசுக் கட்டுப்பாட்டு வாரியத்தின் அதிகாரிகள், ஆலை விரிவாக்கத் திட்டம் குறித்த பொதுவிசாரணை அமர்வொன்றை நடத்தினார்கள். ஆனால் ஆலையிலிருந்து தற்போது வெளிவரும் மாசு குறித்த வாரியத்தின் கண்டுபிடிப்புக்களையும் பிற அதிகாரப்பூர்வ ஆவணங்களையும் இப்பகுதி மக்கள் அறியத்தரவில்லை. இந்த அமர்வு குறித்த வீடியோ படக்காட்சியை அம்னெஸ்டி அமைப்பு பெற்று நோக்கியபோது, அங்கே தற்போதைய மாசுபாட்டுப் பிரச்னைகள் குறித்து மக்கள் எழுப்பிய கேள்விகளுக்கு அங்கிருந்த வாரியத்தின் அதிகாரிகள் பதிலளிக்கவில்லை என்பது தெரிகிறது. இப்போது ஆலை விரிவாக்கத்துக்கு அனுமதி கோரும் விண்ணப்பம் இந்திய சுற்றுச்சூழல் மற்றும் வனத்துறை அமைச்சகத்தின் பரிசீலனையில் உள்ளது.

அரசுக்குப் பொறுப்பு உண்டா, இல்லையா?
சுரங்கத் தொழில் மற்றும் சுத்திகரிப்பு ஆலையின் தாக்கத்திலிருந்து டோங்க்ரியா கோண்ட் மற்றும் பிற சமுதாயத்தினரைப் பாதுகாக்கும் கடமையிலிருந்து இந்திய அரசு வழுவியிருக்கிறது. சிவில் மற்றும் அரசியல் உரிமைகளுக்கான பன்னாட்டு உடன்படிக்கை, பொருளியல், சமுதாய, கலாச்சார உரிமைகளுக்கான பன்னாட்டு உடன்படிக்கை, இன ஒடுக்குமுறை மற்றும் பாரபட்சத்தைக் களையும் பன்னாட்டு உடன்படிக்கை மற்றும் பழங்குடினரின் உரிமைகளைப் பாதுகாக்கும் ஐ.நா. பிரகடனத்தில் உள்ள வரையறைகள் ஆகியவற்றை மீறும் வகையில், டோங்க்ரியா கோண்ட் இனத்தவர் புனிதமாகக் கருதும் மரபுநிலங்களில் சுரங்கம் வெட்டுவ்தற்கான உரிமத்தை இந்த நிறுவனங்களுக்கு அளிக்குமுன்பாக அதுபற்றிய விபரங்கள் யாவற்றையும் ஒளிவுமறைவின்றி
டோங்க்ரியா கோண்ட் இனத்தவர் அறியத் தரவில்லை, அவர்களுடைய ஒப்புதலைக் கோரவுமில்லை, பெறவுமில்லை. இந்த சுரங்கத்திட்டத்துக்கு அனுமதி வழங்குமுன்பாக அப்படியொரு வழிமுறையை அமைக்கவேயில்லை. இந்தத்திட்டங்கள் குறித்த போதுமான விபரங்களை இந்தச் சமுதாயங்களிடம் அளிக்காததுமன்றி, இந்த சமுதாயங்களின் உரிமைகள் மீது இந்தத்திட்டங்களின் தாக்கம் எவ்வகையில் அமையும் என்பதை மதிப்பிடவும் தவறிவிட்டிருக்கிறது. இதுபற்றி இந்தச் சமுதாயத்தினரிடம் கலந்தாலோசிக்கவுமில்லை. ஆக, இந்தத்திட்டங்களைச் செயல்படுத்தும் நிறுவனங்களின் நடவடிக்கைகள் இங்குள்ள மக்களின் உரிமைகளைப் பாதிக்காத வண்ணம் அமைவதை உறுதிசெய்யவும் இந்திய அரசு
தவறிவிட்டிருக்கிறது.

இப்போது இயங்கும் சுத்திகரிப்பு ஆலையை ஒரிஸ்ஸா மாநில மாசுக் கட்டுப்பாட்டு வாரியம் அவ்வப்போது கண்காணித்து வந்திருக்கிறது என்றாலும் அருகிலுள்ள நீர்நிலைகளும் இப்பகுதிக் காற்றும் மாசுபடாத வண்ணம் மாசுப்பரவலைக் கட்டுப்படுத்தும் நோக்கில் விதிகளைச் செயல்படுத்த வாரியம் தவறியிருக்கிறது. இதையடுத்து இந்தச் சமுதாயத்தினரின் நீர் ஆதாரங்கள், மற்றும் உடல்நலம் குறித்த உரிமைகள் மீறப்பெற்றுவிட்டன. தவிர, இப்பகுதி மக்கள் தங்கள் உடல்நலம் குறித்த கவலைகளைத் தெரிவித்து வந்தபோதும் மத்திய-மாநில அரசுத்தரப்பில் யாரும் இப்பகுதி மக்களின் உடல்நலத்தைக் கண்காணிக்கவில்லை. எனவே இப்பகுதியில் தாக்கம் பெற்ற மக்களின் நீருக்கான, உடல்நலத்துக்கான உரிமைகளைக் காக்க இந்திய அரசு தவறிவிட்டது. இது பொருளியல், சமுதாய, பண்பாட்டு உரிமைகளைப் பாதுகாக்கும் பன்னாடடு
உடன்படிக்கையை மீறும் செயல்.

(இன்னும் வரும்)

படங்கள் - புவனேஷ்வர் விமான நிலையம் சாமான்கள் வருமிடத்து வேதாந்தாவின் விளம்பரம், எங்கும் தூசு - விரையும் பாக்ஸைட் லாரிகள்

ஒரிஸ்ஸாவில் என் ஆய்வுப்பணி - 4

2010-04-12T00:03:00.007+01:00

ஒரிஸ்ஸாவில் என் ஆய்வுப்பணி - 1
ஒரிஸ்ஸாவில் என் ஆய்வுப்பணி - 2
ஒரிஸ்ஸாவில் என் ஆய்வுப்பணி - 3

சுத்திகரிப்பு ஆலை:
தகவல்-பொய்யும் மோசமான தாக்கமும்

“இந்த ஆலைக்கென நிலம் விற்கும் ஒவ்வொரு குடும்பத்துக்கும் கம்பெனி பணியிடம் தரும். இந்தப் பகுதிக்கு மின்சாரமும் தண்ணீரும் வரும்.. மும்பை, டில்லி, ஏன் துபாய் போல இந்த இடமும் மாறிவிடும்."

- 2002-ஆம் ஆண்டில் நிலம் கையகப்படுத்துமுன் தாம் நடத்திய கிராமப்பஞ்சாயத்துக் கூட்டங்களில் காலஹண்டி மாவட்ட நிர்வாகத்தினர்.

வேதாந்தா குழுமத்துக்குச் சொந்தமான வேதாந்தா அலுமினியம் நிறுவனம் லாஞ்சிகர் பகுதியில் அமைத்துள்ள சுத்திகரிப்பு ஆலை, அப்பகுதி நீர்நிலைகள் மற்றும் காற்றைக் கடுமையான மாசுபடுத்தியுள்ளது. இது இங்குள்ள மக்களின் வாழ்க்கைத்தரத்தையும் உடல்நலத்தையும் கடுமையாகத் தாக்கியுள்ளது. இவர்களில் சிலர் சுத்திகரிப்பு ஆலையின் சுற்றுச்சுவர்களுக்குச் சில நூறு மீட்டர் தூரத்தில் வசிப்போர். இந்த ஆலை 2006-ஆம் ஆண்டில் பரிசோதனை முறையில் செயல்படத்தொடங்கியது. ஆலை வந்தால் ஒளிமயமான எதிர்காலம் உண்டு, இப்பகுதியே அபிவிருத்தி அடையும் என, ஆலைக்கென கம்பெனிக்குத் தத்தம் நிலத்தை விற்றோருக்கு கம்பெனி நிர்வாகத்தினரும் ஆட்சியாளர்களும் தந்திருந்த உறுதிமொழிகளுக்கு முற்றிலும் மாறாக இங்குள்ள எதார்த்த நிலைமை அப்போதிருந்தே உருவாகத் தொடங்கிவிட்டது.

லாஞ்சிகர் பகுதியில் சுத்திகரிப்பு ஆலைக்கு வேண்டி சுமார் எழுநூறு ஹெக்டேர் பயிர்நிலங்கள் வரை கட்டாயமாகக் கையகப்படுத்த வேண்டி ஒரிஸ்ஸா அரசு 2003-ஆம் ஆண்டில் ஆணையிட்டது. ஆலைக்கு நிலம் கையகப்படுத்திய போது ஆலையால் இப்பகுதியே பயனடையும் என உறுதிமொழி வழங்கினர். இந்த ஆலை அமைவதால் இந்தப்பகுதியே மும்பை, டில்லி ஏன் துபாய் போல மாறிவிடும் எனக் கூறினர். ஆனால் நிஜத்தில் இந்த ஆலைக்கு நிலம் கையகப்படுத்தியபோது தங்கள் பயிர்நிலங்களை மட்டுமின்றி வீடுவாசல்களையும் இழந்தோருக்கு மாத்திரமே குடும்பத்துக்குத் தலா ஒரு பணி எனப் பணிகள் கிட்டின. பிறருக்கு பணிவாய்ப்பில் முன்னுரிமையும், நிவாரணக் கொள்கையின் அடிப்படையில் ஒருசில உதவிகள் மாத்திரமே கிட்டின.

பாக்ஸைட் தாதுப்பொருளிலிருந்து அலுமினாப் பொடியைத் தயாரிக்கும் வழிமுறை, பல்வேறு மாசுப்பொருட்களை உருவாக்கும் என்பதால் அதைக் கவனத்துடன் கையாள வேண்டும். குறிப்பாக, கார உலோகக் கலவைகள் கொண்ட சிகப்புச்சேறு, மாசுபட்ட நீர் மற்றும் பாக்ஸைட்டிலிருந்து வரும் தூசி, கரி மற்றும் சுண்ணாம்புப்பொருட்கள், பிறகு கொதிகலனிலிருந்து வரும் சுடுசாம்பல் ஆகியவை ஒவ்வொன்றையும் கவனத்துடன் கையாள வேண்டும்.

ஆனால் இந்தப் பிரச்னைகள் குறித்த விபரங்கள எவையும் இந்தத்திட்ட நிறைவேற்றலுக்கு முன் இந்திய சுற்றுச்சூழல் விதிகளின்படி நடந்த பொது விசாரணை அமர்வில் பங்கேற்ற மக்கள் யாரும் அறியவில்லை, இந்த விபரங்களை அதிகாரிகள் மக்களிடம் அளிக்கவில்லை. ஆக, தங்கள் கிராமங்களுக்கு மிக அருகில் அமைந்த இந்தச் சுத்திகரிப்பு ஆலையிலிருந்து எந்தெந்த வகை மாசுகள் வர இருந்தன, இவற்றைக் கட்டுப்படுத்தும் திட்ட்ங்கள் யாவை என்ற விபரங்கள் யாவும் இவர்கள் அறியவில்லை; இவற்றை யாரும் இவர்களிடம் அளிக்கவில்லை. அதேபோல, இந்தச் சுத்திகரிப்பு ஆலையால் விளையவல்ல அபாயங்கள் யாவை, சுற்றுச்சூழல் மற்றும் மனித உடல்நலம் மீது இதன் தாக்கம் எப்படி அமையும் என்பது பற்றிய விபரங்களையும் யாரும் இவர்களிடம் அளிக்கவில்லை.

ஆலையால் அழிவு, நீரில் காற்றில்
ஒரிஸ்ஸாவின் தென்மேற்குப் பகுதியின் முக்கிய ஆறுகளில் ஒன்று வம்சதாரா. இந்த ஆற்றின் கரை போன்ற ஓரிடத்தில் வைத்து இந்தச் சுத்திகரிப்பு ஆலையைக் கட்டியிருக்கிறார்கள் என்பது கவலைதரும் விஷயம். இந்தப்பகுதி மக்கள் யாவரும் பிரதானமாக நம்பியிருப்பது வம்சதாரா ஆற்றைத்தான். குடிநீர் தவிர, குளிப்பதற்கும் கால்நடைகளைக் குளிப்பாட்டுவதற்கும் பாத்திரம் கழுவுவதற்கும் பாசனத்துக்கும் என யாவற்றுக்கும் இந்த ஆற்றை நம்பி வாழ்வோர் இந்த மக்கள். ஆலையைத் தாண்டி இந்த ஆறு பாயுமிடங்களில் மேலதிகக் கிராமங்கள் உண்டு.

இந்த ஆலையிலிருந்து எவ்வித மாசுப்பொருட்களும் வெளியேற்றுவதில்லை என்ற உறுதிப்பாட்டை வேதாந்தா அலுமினியம் நிறுவனம் வழங்கிய பிறகு இந்தியச் சுற்றுச்சூழல் மற்றும் வனத்துறை அமைச்சகம் இதற்கான அனுமதியை வழங்கியது. ஆனால் இந்த நிறுவனம் மீண்டும் மீண்டும் இந்த உறுதிப்பாட்டைப் பின்பற்றி நடக்கத் தவறிவிட்டது என்று அறிக்கைகள் சுட்டிக்காட்டுகின்றன. 2006-2009 காலகட்டத்தில் இங்கே மாசுக்கட்டுப்பாட்டு நடவடிக்கைகளைச் செயல்படுத்தவும் இந்தியச் சுற்றுச்சூழல் மற்றும் வனத்துறை அமைச்சகம் மற்றும் ஒரிஸ்ஸா மாநில மாசுக் கட்டுப்பாட்டு வாரியத்தின் நிபந்தனைகளைப் பின்பற்றவும் இந்த நிறுவனம் பல முறை தவறியிருப்பதை மேற்கண்ட வாரியம் தன் அறிக்கைகளில் ஆவணப்படுத்தியிருக்கிறது.

மாசுக் கட்டுப்பாட்டுக்குத் தேவையான செயல்பாடுகளை ஏற்படுத்தாமலும் மாசுப்பொருட்களை முறைப்படிக் கட்டுப்பட்டுத்தாமலும் இந்த நிறுவனம் ஆலையை இயக்கத் தொடங்கிவிட்டது என மேற்கண்ட வாரியத்தின் அறிக்கைகள் சுட்டிக்காட்டுகின்றன. இதை அடுத்து ஆலையிலிருந்து கார-உலோகக் கலவை அடங்கிய மாசுநீர் வம்சதாரா ஆற்றிலும் ஆலையின் சுற்றுச்சுவரைத் தாண்டியும் சென்று பலமுறை கலந்துவிட்டது என்றும் இப்பகுதிக் காற்றும் மாசுபட்டுவிட்டது என்றும் தெரிகிறது. தவிர மேற்கண்ட வாரியத்தின் ஆணையின்படி ஆலையைப் பழுதுபார்க்கும் பணியைச் செயல்படுத்தவும் பல முறை இந்த நிறுவனம் தவறிவிட்டது என்றும் தெரிகிறது. இதனால் இப்பகுதி நீரும் காற்றும் இன்னும் மாசுபடும் சாத்தியம் பெருகியது.

அம்னெஸ்டி அமைப்பின் ஆய்வாளர்கள் நேர்கண்டு உரையாடிய மக்கள் யாவரும் ஆலையிலிருந்து வரும் உலோக-காரக் கலவை வம்சதாரா ஆற்றில் கலப்பது பற்றிக் கவலை தெரிவித்தனர். இந்தப் பகுதிக்கே ஜீவாதாரமாக விளங்குவது இந்த ஆறு. ஆனால் ஒரிஸ்ஸா மாசுக் கட்டுப்பாட்டு வாரியமும் சரி, வேதாந்தா அலுமினியம் நிறுவனமும் சரி, ஆலையிலிருந்து வெளிவரும் மாசுப்பொருட்கள் எத்தகையவை, ஆலையைச் சுற்றியுள்ள பகுதி எந்த அளவு பாழ்பட்டுப் போயிருக்கிறது என்ற விபரங்களை அதன் அருகே வசிக்கும் மக்களிடம் தெரிவிக்கவேயில்லை. இந்த விபரங்கள் யாவற்றையும் சேகரித்து ஆவணப்படுத்தியிருக்கும் வாரியம் இதுபற்றி வாய்திறக்கவில்லை. ஆலையிலிருந்து வரும் மாசானது, இப்பகுதி மக்களிடையே கணிசமான அச்சத்தையும் நிச்சயமற்ற நிலையையும் வளர்க்கிறது. இவர்களில் ஆற்றில் குளிப்போரில் சிலருக்குத் தோல்நோய்கள் வருகின்றன, சிலர் கடுமையாக நோய்வாய்ப்படுகிறார்கள். ஆற்றில் குளிக்கும் கால்நடைகள் சாகின்றன என்றெல்லாம் வரும் செய்திகள், இப்பகுதி மக்களின் அச்சத்தையும் நிச்சயமற்ற நிலையையும் மிகைப்படுத்திவிட்டன. ஆற்றை நம்பி முன்பு அதில் குடிநீர் எடுத்தும் குளித்தும் தங்கள் கால்நடைகளைக் குளிப்பாட்டியும் வந்த மக்கள் இனி இந்த ஆற்றுநீர் பாதுகாப்பானது அல்ல என்கிறார்கள். இதையடுத்து இந்தப்பகுதி மக்களுக்குக் கிடைக்கும் நீரின் அளவு குறைந்துவிட்டது, குறிப்பாக வேனில் மாதங்களில் இது பெரும் பிரச்னையாகி விட்டது.

2007-ஆம் ஆண்டின் இடைப்பகுதியில் இந்தச் சுத்திகரிப்பு ஆலை முழுமையாகச் செயல்படத் தொடங்கியதை அடுத்து பல்வேறு உடல் உபாதைகள் இப்பகுதி மக்களைத் தாக்கத் தொடங்கிவிட்டன. இவற்றில் தோல்நோய்களும் கொப்புளங்களும் ஆற்றில் குளிப்பதால் வருகின்றன என்றும் மூச்சுத்திணறல், இருமல், மூச்சிரைப்பு எனப் பல்வேறு பிரச்னைகள் ஆலையின் மாசுப்பொருள் கலப்பதால் வருகின்றன என்றும் இப்பகுதி மக்கள் கருதுகின்றனர்.

இப்பகுதி மக்களின் உடல்நல உரிமையைப் பாதுகாக்க வேண்டிய கடமை அரசுக்கு உண்டு. அதற்கேற்ப மாசுக் கட்டுப்பாட்டு விதிகளை அரசு கடைப்பிடிக்க வேண்டும், விதிமீறல்களை விசாரிக்க வேண்டும், மாசுப்பரவலால் விளையும் உடல்நலப்பிரச்னைகளைக் கண்காணித்து விசாரிக்க வேண்டும். ஆனால், ஆலையிலிருந்து வரும் மாசுப்பொருட்கள் ஏற்படுத்தும் உடல்நலக் கோளாறுகள் பற்றி இப்பகுதி மக்கள் பரவலாகக் கவலை தெரிவித்த போதும் இப்படித் தாக்கம் பெற்ற கிராமங்களில் மக்களின் உடல்நலம் பற்றிய சுற்றாய்வோ கண்காணிப்போ ஏதும் நடைபெறவில்லை. இதையடுத்து இப்பகுதி மக்கள் பல்வேறு உடல்நலப் பிரச்னைகளை, குறிப்பாக நெடுங்காலத் தாக்கம் கொண்ட உடல்நலப் பிரச்னைகளை எதிர்கொள்கிற படுமோசமான நிலையில் சிக்கியிருக்கிறார்கள்.

(இன்னும் வரும்)

படங்கள் - வெட்டினால் வருவது மகிழ்ச்சியும்தானே! - புவனேஷவர் விமான நிலையம் அருகே வேதாந்தா குழுமத்தின் மஹா விளம்பரம்,
ஆலை அருகே இளைஞர்களின் போராட்டம்,
நிலம் கையகப்படுத்தலுக்கு எதிராகப் போராடும் மாஜி கோண்ட் பழங்குடியின விவசாயி (முகப்பில் தம்முடைய படம் கொண்ட அம்னெஸ்டி அறிக்கையைப் பெற்ற பின்)

ஒரிஸ்ஸாவில் என் ஆய்வுப்பணி - 3

2010-04-11T11:33:00.004+01:00

ஒரிஸ்ஸாவில் என் ஆய்வுப்பணி - 1
ஒரிஸ்ஸாவில் என் ஆய்வுப்பணி - 2

சுரங்கம் வெட்டுவோம், உரிமைகளைக் கருவறுப்போம்!
நியமகிரி மலையின் வடமேற்குப்பகுதி உச்சியில் சுமார் எழுநூறு ஹெக்டேர் பரப்பில் சுமார் முப்பதடியிலிருந்து தொடங்கி அமைய இருப்பதே பாக்ஸைட் சுரங்கம். இதற்கென, ஒரிஸ்ஸா கனிம வள நிறுவனமும் இங்கே லண்டனிலிருந்து செயல்படும் வேதாந்தா குழுமத்தின் ஸ்டெர்லைட் இந்தியா நிறுவனமும் இணைந்து தென்மேற்கு ஒரிஸ்ஸா பாக்ஸைட் சுரங்க நிறுவனத்தை அமைத்திருக்கின்றன.

இதே நியமகிரியில் பன்னெடுங்காலமாக வசித்துவரும் டோங்க்ரிய கோண்ட் பழங்குடியினர், இந்த மலையையே நியமராஜா என்ற பெயரிட்டு வழிபட்டு வருகின்றனர்; இவர்களின் பண்பாடும் மரபும் வாழ்வாதாரங்களும் இந்த மலையைத்தான் அடிப்படையாகக் கொண்டு இயங்குவன.

கடந்த ஆண்டு மார்ச் மற்றும் செப்டம்பர் மாதங்களில், அம்னெஸ்டி இன்டர்நாஷனன் அமைப்பின் ஆய்வாளர்கள், டோங்க்ரியா கோண்ட் இனத்தார் வசிக்கும் இடங்களில் பத்தொன்பது குக்கிராமங்களுக்குச் சென்றனர். இவற்றில் சில சுரங்கம் அமைய இருக்கும் மலையுச்சிக்கு வெகு அருகில் இருப்பவை. டோங்க்ரியா கோண்ட் இனத்தார் அம்னெஸ்டி அமைப்பின் ஆய்வாளர்களிடம் கூறியவற்றை வைத்து நோக்கும்போது, இவர்களின் நில உரிமை மரபுகள், வழிபாட்டு அடிப்படைகள் ஆகிய்வற்றை வேரறுப்பதாக இந்த்ச் சுரங்கத்திட்டம் அமைந்திருக்கிறது என்று ஆதாரப்பூர்வமாகத் தெரிகிறது. தவிர, இந்தச் சுரங்கத்திட்டம் இவர்களின் நீர், உணவு மற்றும் பணிக்கான உரிமை, போதுமான வாழ்க்கைத்தரம் மற்றும் பண்பாட்டு உரிமைகளுக்கு அபாயம் விளைவிப்பதாக அமைந்திருக்கிறது. மேலும் இந்தச் சுரங்கத்திட்டம், நியமகிரி மலைப்பகுதியின் ஒரே நீர் ஆதாரமாக விளங்குகிற, வற்றாத ஓடைகளின் மீது எதிர்மறையான தாக்கத்தை ஏற்படுத்திவிடுமென்றும் சுரங்கத்திட்டத்துக்கென புறத்திலிருந்து வர உள்ள பணியாளர்களும் தொழிற்கருவிகளும் தங்கள் வாழ்க்கைமுறையின் மீது தீராத தாக்கத்தை ஏற்படுத்திவிடுமென்றும் இவர்கள் அச்சமடைந்துள்ளனர்.

சுரங்கம்: மதிப்பீடுமில்லை, ஒப்புதலுமில்லை
இந்தியாவின் பழங்குடிச் சமுதாயத்தினரை நாட்டின் அரசியல் யாப்பு பட்டியல் வகுப்பினராக’க் கண்டு, சமுதாய அநீதி மற்றும் சுரண்டலிலிருந்து இவர்களைப் பாதுகாக்கும் பொறுப்பு அரசுக்குண்டு எனக் கூறுகிறது. ஆனால் இந்திய மத்திய-மாநில அரசுகள் ஒரிஸ்ஸாவில் டோங்க்ரியா கோண்ட் இனத்தவரின் உரிமைகளைப் பாதுகாக்கும் கடமையில் கடுமையாகத் தவறியிருப்பது எப்படி என அம்னெஸ்டி இன்டர்நாஷனல் அமைப்பின் இந்த அறிக்கை விவரிக்கிறது.

முதற்கண் அரசுகளும் சரி, இந்தச் சுரங்கத்திட்டத்தில் ஈடுபடும் நிறுவனங்களும் சரி, இந்தத் திட்டம் டோங்க்ரியா கோண்ட் இனத்தாரின் மனித உரிமைகளின் மீது விளைவிக்க இருக்கும் தாக்கம் குறித்துப் போதுமான அளவில் மதிப்பீடு செய்யவில்லை. ஸ்டெர்லைட் நிறுவனம் 2002-ஆம் ஆண்டிலும் ஒரிஸ்ஸா கனிம வள நிறுவனம் 2005-ஆம் ஆண்டிலும் செய்த மதிப்பீட்டு அறிக்கைகளை எடுத்துக்கொண்டால், சுரங்கமத்தின் வெகுஅருகில் வசிக்கும் மக்கள் தங்கள் நீர் மற்றும் உணவுத்தேவைகளுக்கும் வாழ்வாதாரத்துக்கும் இந்த மலையையே நம்பியிருக்கிறார்கள் என்றபோதும் இந்தச் சுரங்கத்திட்டம் இவர்கள்மீது எத்தகைய தாக்கத்தை விளைவிக்கும் என இந்த அறிக்கைகள் ஆராயவேயில்லை.

பன்னாட்டு மனித உரிமை வரையறைகளின் படி, இந்தத்திட்டத்துக்கு ஒப்புதல் வழ்ங்கும் முன்பாக இந்திய மத்திய-மாநில அரசும் அதிகாரிகளும் இந்தத்திட்டத்தின் முழு விபரங்களை முதற்கண் டோங்க்ரியா கோண்ட் இனத்தாருக்குத் தெரிவித்திருக்க வேண்டும், இதை இவர்கள் ஏற்கிறார்களா என்பதை அறிய முயன்றிருக்க வேண்டும்; இவர்களின் ஒப்புதலைப் பெற்றிருக்க வேண்டும். இதன் பிறகே இந்தத்திட்டத்தைச் செயல்படுத்துவது குறித்து இயங்கியிருக்க வேண்டும். ஆனால் அப்படியேதும் நடக்கவில்லை. 2003-ஆம் ஆண்டின் பிப்ரவரி மாதம் இந்தச் சுரங்கத்திட்டம் மற்றும் சுத்திகரிப்பு ஆலை குறித்த பொது விசாரணை அமர்வு ஒன்றையும் மார்ச் மாதம் சுரங்கத்திட்டம் குறித்த பொது விசாரணை அமர்பு ஒன்றையும் இந்திய சுற்றுச்சூழல் விதிகளின் படி நடத்தினர். ஆனால் இந்தச் சுரங்கம் அமைய இருக்கும் நியமகிரி மலைப்பகுதியில் வசிக்கும் டோங்க்ரியா கோண்ட் இனத்தாருக்கு இந்த அமர்வுகள் பற்றிய எந்தத்தகவலும் அழைப்பும் இல்லை.

நியமகிரியின் பாதுகாக்கப்பெற்ற வனப்பகுதியில் சுரங்கம் அமைப்பதற்கு எதிராக ஆர்வலர் மூவர் தொடுத்த வழக்கு குறித்த தீர்ப்பை இந்திய உச்ச நீதிமன்றம் 2008-ஆம் ஆண்டு ஆகஸ்ட் மாதம் வழங்கியது. சுரங்கத்திட்டம் வனப்பகுதி மீது ஏற்படுத்த்வல்ல தாக்கம் குறித்த கவலைகளுக்குப் பதிலளிக்கும் நோக்கில், இந்தத் தீர்ப்பு ஆணையொன்றைப் பிறப்பித்தது, அதன்படி, ஒரிஸ்ஸா அரசு, ஒரிஸ்ஸா கனிம வள நிறுவனம் மற்றும் ஸ்டெர்லைட் இந்தியா நிறுவனம் மூன்றும் இணைந்து இந்தப்பகுதியின் அபிவிருத்திக்கென சிறப்பு நோக்குத் திட்டமொன்றை வடிவமைக்க வேண்டும். இதன்படி இவை மூன்றும் இணைந்து டோங்க்ரியா கோண்ட் மற்றும் பிற பழங்குடியினரின் அபிவிருத்தி மற்றும் வனப்பாதுகாப்புக்கான சிறப்பு நோக்குத் திட்டத்தின் பகுதியாக ஆலோசனைகளை முன்வைத்ததாகவும் தெரிகிறது. ஆனால் இந்த அமைப்புக்கள் யாரும் இவற்றின் விபரங்கள் எதையும் இந்தப் பழங்குடியினருக்கு அறிவிக்கவில்லை. இந்தத் திட்டத்தின் வடிவமைப்பின் இவர்களுக்கு எவ்விதப் பங்குமில்லை.

(இன்னும் வரும்)

படம்: லாஞ்சிகர் சுத்திகரிப்பு ஆலையும் சுரங்கம் அமையவுள்ள நியமகிரி மலைப்பகுதியும், கூகிள் வரைபடத்தில் கிராமங்களுடன் (க்ளிக் செய்து நோக்கவும்).

ஒரிஸ்ஸாவில் என் ஆய்வுப்பணி - 2

2010-04-10T06:36:00.006+01:00

ஒரிஸ்ஸாவில் என் ஆய்வுப்பணி - 1

அம்னெஸ்டி இன்டர்நாஷனல் அமைப்பு ஃபிப்ரவரி ஒன்பதாம் நாள் வெளியிட்ட Don’t Mine Us out of Existence: Bauxite Mine and Refinery Devastate Lives in India அறிக்கையின் சுருக்கம் இதோ:

"எம்முடைய மலையை எம்மிடமிருந்து பறித்து நாங்கள் பட்டினி கிடக்க நேரிட்டால், அதற்கு நீங்கள் எல்லோரும் பொறுப்பு."

-- நியமகிரி மலையில் வர உள்ள பாக்ஸைட் சுரங்கத்தின் மிக அருகில் உள்ள பழங்குடிக் கிராமத்தில் ஒரு பெண்மணி.

ஒரிஸ்ஸா மாநிலத்தின் தென்மேற்குப்பகுதி, ஏற்கனவே அதிக வறுமை நிலவும் பிரதேசம். இப்போது வேதாந்தா குழுமத்தினர் இங்கே லாஞ்சிகர் என்ற இடத்தில் செயல்படுத்தும் லான்அலுமினா சுத்திகரிப்பு ஆலை, அடுத்துள்ள நியமகிரி மலைப்பகுதியில் செயல்படுத்த விழையும் பாக்ஸைட் தாதுச் சுரங்கம் இரண்டும் இங்குள்ள மக்களை அச்சுறுத்தத் தொடங்கிவிட்டன. இந்த வேதாந்தா குழுமம், பிரிட்டனில் வைத்து இயங்கும் இந்தியப் பன்னாட்டு நிறுவனம். இந்த இரண்டு திட்டங்களால் உண்டாகியிருக்கும் மனித உரிமை மீறல்கள் பற்றி அம்னெஸ்டி இன்டர்நாஷனல் அமைப்பு கொணர்ந்திருக்கும் புதிய அறிக்கையே Don’t Mine Us out of Existence: Bauxite Mine and Refinery Devastate Lives in India என்பது. இந்தத் திட்டங்கள் குறித்த முடிவுகளை எடுக்கும் செயலிலிருந்து இப்பகுதி மக்கள் எவ்வாறும் ஒதுக்கிவைக்கப்பட்டிருக்கின்றனர் என்பதை இந்த அறிக்கை விளக்குகிறது. இப்பகுதி மக்களின் மண்ணும் வனமும் பிறர் லாபமீட்டப் பயன்பட்டுவிடும் நிலை உருவாகியிருக்கிறது.

லாஞ்சிகர் சுத்திரிப்பு ஆலையை அடுத்துள்ள மக்களின் மனித உரிமைகள், குறிப்பாக இவர்களின் நீர், மருத்துவத்தேவைகள், சுகாதாரமான சுற்றுச்சூழல் போன்றவற்றுக்கான உரிமைகள் ஏற்கனவே மீறப்பட்டுவிட்டன. சுத்திகரிப்பு ஆலையிலிருந்து உற்பத்தியாகும் மாசுபாட்டின் அளவு கூடியிருக்கிறது, அதைக் கையாளும் வழிமுறை தெரியாத நிலை. இந்த சுத்திகரிப்பு ஆலையால் ஏகப்பட்ட பிரச்னைகள். இது பலரும் பயன்படுத்தும் ஆற்றங்கரையில் அமைந்துள்ளது, அருகில் பல கிராமங்கள் உள்ளன, என்றபோதும் இந்த ஆலையை ஆறுமடங்கு பெரிதாக்க அனுமதி வழங்கலாமா என்று யோசித்து வருகிறது.

பாக்ஸைட் தாதுப் பொருளைப் பொறுத்தவரை, டோங்க்ரியா கோண்ட் எனும் பழங்குடியினர் தம்முடையது எனக் கூறிவரும் நிலங்களில் அமைய இருக்கிறது. ஏற்கனவெ இந்தப் பழங்குடியினர் சமுதாயம் எந்த நிமிடமும் அழிந்துவிடலாம் என்ற நிலையில் இருக்கிறது. இந்த நிலையில் தாம் வணங்கும் நியமகிரி மலை, தங்கள் வாழ்க்கைமுறை, தங்கள் நீர், உணவு, வாழ்வாதாரங்கள் மற்றும் பண்பாட்டு அடையாளத்துக்கான உரிமைகள் யாவும் கருவறுக்கப்பட்டுவிடுமோ என்ற அச்சத்தில் இவர்கள் தொடர்ந்து வசித்துவருகிறார்கள்.

2008-ஆம் ஆண்டு டிஸம்பர் மாதம் இந்திய சுற்றுச்சூழல் மற்றும் வனத்துறை அமைச்சகம் நியமகிரி பாக்ஸைட் சுரங்கத்திட்டத்துக்கு சுற்றுச்சூழல்-அனுமதியை அளித்துவிட்டது; இனி திட்ட நிறைவேறுவதற்கு வனத்துறை-அனுமதி மாத்திரமே பாக்கி. ஆனால், இந்தத் திட்டம் அங்கு வசிக்கும் மக்கள்மீது என்னென்ன தாக்கத்தை ஏற்படுத்தும் என்பதைக் கண்டறியும் முறைமைகள் குறைபாடுகள் கொண்டவை. தவிர, மத்திய-மாநில அரசுகள், பன்னாட்டுச்சட்டப்படி இங்குள்ள பழங்குடியினரின் மனித உரிமைகளைப் பாதுகாக்கத் தவறியுள்ளன. இங்கு செயல்பட உள்ள ஒரிஸ்ஸா கனிமவள நிறுவனமும் சரி, வேதாந்தா குழுமத்தின் ஸ்டெர்லைட் நிறுவனமும் சரி, பழங்குடியினரின் கவலைக்ளைக் கண்டுகொள்ளாமல் செயல்படுகின்றன; மாநில-மத்திய அரசுகளின் விதிகள்-சட்டங்களை மீறியுள்ளன, வர்த்தகச் செயல்பாடுகள் மனித உரிமைகளை மீறக்கூடாது என்று பன்னாட்டு அளவில் ஏற்கப்பட்ட நியமங்களைப் பின்பற்றத் தவறியுள்ளன.

எனவே, மேற்கண்ட பிரச்னைகளைத் தீர்க்கும்வரை, இந்திய அரசும் சரி, வேதாந்தா குழுமமும் சரி, லாஞ்சிகர் சுத்திரிகப்பு ஆலையை விரிவாக்கக் கூடாது, நியமகிரியில் சுரங்கம் வெட்டக்கூடாது என அம்னெஸ்டி இன்டர்நாஷனம் அமைப்பு கோருகிறது. அதே நேரத்தில் இந்திய அரசு, இந்தத் திட்ட நிறைவேற்றம் பற்றிச் சிந்திக்கும் முன்பாக இவை பற்றிய முழுமையான தகவல்களை இங்குள்ள மக்களுக்கு ஒளிவுமறைவின்றி அளித்து, உண்மையில் இவர்கள் இந்தத்திட்டங்களை விரும்புகிறார்களா என்பதைக் கண்டறிய ஒரு வழிமுறையை நிறுவ வேண்டும் என்றும் (free, prior, informed consent) கோருகிறது.

கறைபடிந்த வரலாறு
நியமகிரி பாக்ஸைட் தாதுச் சுரங்கமும் சரி, லாஞ்சிகர் சுத்திகரிப்பு ஆலையும் சரி, பத்தாண்டுக்கால, கறைபடிந்த வரலாறு கொண்டவை. இவையிரண்டும் தொடக்கத்திலிருந்தே ஒரே திட்டமாக வடிவமைப்புப் பெற்றவை. அதாவது நியமகிரியில் பாக்ஸைட் வெட்டியெடுத்து அதை லாஞ்சிகரில் சுத்திகரிப்பது எனத்திட்டம். ஆனால் இந்தத்திட்டம் 2004-ஆம் ஆண்டுவாக்கில் சுரங்கம், சுத்திகரிப்பு என இரு திட்டங்களாகச் செயல்பாடு பெற்றது. இப்படிப் பிரிப்பதைச் சூழியல்-ஆர்வலர்கள் கடுமையாக விமர்சித்தார்கள். இப்படிப்பிரித்தால் இந்த முழுத்திட்டம் சூழலுக்கு எந்தெந்த வகையில் தாக்கம் விளைவிக்கும் என்பதை முறையாக ஆராய் வழியின்றிப் போய்விடும் என்பதே இவர்களின் விமர்சனத்துக்குக் காரணம். தவிர, தனித்தனித் திட்டங்கள் என்றாகிவிட்டால் இருக்கும் விதிகளின் நெளிவுசுழிவுகள் சிலவற்றைப் பயன்படுத்தி இவை அமைச்சக அனுமதிகளைப் பெற்றுவிடும் என்றும் இவர்கள் அஞ்சினார்கள்.

நியமகிரி மலை வனப்பகுதி நிலத்தில் சுரங்கம் வெட்ட அனுமதிப்பதை எதிர்த்து ஆர்வலர் மூவர் வழக்குத்தொடுத்ததை அடுத்து வழக்கு இந்திய உச்ச நீதிமன்றத்தில் விசாரணைக்குச் சென்றது. சுற்றுச்சூழல் பிரச்னைகளில் தனக்கு ஆலோசனை கூறுவதற்கென இந்திய உச்ச நீதிமன்றம் அமைத்த மத்திய அதிகாரக் குழு, இந்த வழக்கில் சில அம்சங்களின்மீது விசாரணை நடத்தியது. இந்தக்குழு 2005-ஆம் ஆண்டு செப்டம்பர் மாதம் உச்ச நீதிமன்றத்துக்கு அளித்த அறிக்கையில், இந்தத் திட்டத்தைச் சுரங்கம்-சுத்திகரிப்பு ஆலை என இருதிட்டங்களாகப் பிரிப்பதை விமர்சித்தது. "இந்தப்பிரசனையில் சுத்திகரிப்பு ஆலைக்குச் சுற்றுச்சூழல் மற்றும் வனச்சட்ட அனுமதிகளில் தேவையற்ற சலுகையிருப்பது நன்றாகவே தெரிகிறது, இத்தகைய பிரச்னைகளை மத்திய சுற்றுச்சூழல் மற்றும் வனத்துறை அமைச்சகமும் மாநில அரசும் பொதுநலன் மற்றும் தேசிய நலன் என்ற அறுதிலட்சியங்களை வைத்துக் கையாள விரும்புகின்றன, அவற்றுக்கு அந்த உறுதி உண்டு என நம்பிக்கை தோன்றவில்லை" என இந்தக்குழு தன் அறிக்கையில் கூறிவிட்டது.

(இன்னும் வரும்)

படங்கள் - போராடும் டோங்க்ரியா கோண்ட் இன மக்களிடம் அம்னெஸ்டி அறிக்கையைத் தந்தபோது, லாஞ்சிகர் ஆலையும் அடுத்துள்ள ஒரு கிராமமும்

ஒரிஸ்ஸாவில் என் ஆய்வுப்பணி - 1

2010-04-08T00:06:00.012+01:00

இந்தியாவில் நான் இருந்த காலத்தில் மூன்று முறை மாத்திரம் சென்ற மாநிலம் ஒரிஸ்ஸா. ஆனால் லண்டன் வந்த பிறகு கடந்த ஈராண்டுக்காலத்தில், நான் பணியாற்றும் அம்னெஸ்டி இண்டர்நாஷனல் அமைப்பின் சார்பில், ஆய்வாளராக, அங்கே பல முறை பயணம் செய்ய வாய்ப்பு. நான் அறிந்திராத மொழி, பரிச்சயமற்ற இடம் என்றிருந்த நிலை மாறி, ஓரளவு புரியும் மொழி, ஆர்வலர்கள், ஆசிரியர்கள், பத்திரிகைக்காரர்கள் என ஏராளம் புதிய நண்பர்கள் என்றாகிவிட்டது. ஆம், ஒரிஸ்ஸாவில் என் ஆய்வுப்பணி, கடந்த மாதம் நிறைவேறும் கட்டத்தை எட்டியது.

பாக்ஸைட் என்ற அலுமினியத்தாது இந்தியாவில் அதிகமாகக் கிடைக்குமிடம் ஒரிஸ்ஸாதான். சத்தீஸ்கர் மாநிலத்தில் தொடங்கி, கிழக்குத்தொடர்ச்சி மலையில் கட்டம் கட்டமாக தெற்கு-ஒரிஸ்ஸா, வடக்கு-ஆந்திரப்பிரதேசம் வரையும் பிறகு தமிழ்நாட்டின் சேலம், மேட்டூர் வரையுள்ள கிழக்குத் தொடர்ச்சி மலைபபகுதிகளில் பாக்ஸைட் கிடைக்கிறது. சத்தீஸ்கர், ஒரிஸ்ஸா, வடக்கு ஆந்திரப்பிரதேசத்தின் இதே பகுதிகள்தாம், கோண்ட் பழங்குடியினரின் வாழ்விடங்கள். பத்தொன்பதாம் நூற்றாண்டில் இங்கெல்லாம் பாக்ஸைட் தாது இருப்பதைப் பட்டியலிட்ட பிரிட்டிஷ் ஆய்வாளர்கள் அதற்கு முதலில் இட்ட பெயர், கோண்டலைட்தான்.

பாக்ஸைட் தவிர பிற தாதுப்பொருட்களும் கிடைக்கும் இந்த மலைப்பகுதி இடங்களை வளைத்துப்போடுவதில் பன்னாட்டு, இந்தியத் தொழில் நிறுவனங்கள் முனைப்பாக இருக்கின்றன. இந்த நிறுவனங்களை ஊக்குவிக்க மாநில அரசுகளும் தயார். பிறகென்ன, தம்முடைய வனப்பகுதிகள், நீர்-நில வளங்களைப் பாதுகாக்க வேண்டிப் பல இடங்களில் பழங்குடியினரும் பிறரும் போராட்டங்களில் குதித்திருக்கிறார்கள். சில இடங்களில் ஆயுதந்தாங்கிய மாவோயிஸ்ட் அமைப்பினரும் மற்ற இடங்களில் ஆயுதப்போராட்ட வடிவத்தை ஏற்காத தீவிர இடதுசாரிகளும் இயங்குகிறார்கள். இந்தப் போராட்டங்களில் பல, இந்த ஆலைகளுக்கான திட்டங்களை முடக்கிவைக்கும் நிலைக்குப் பரவியும் உள்ளன. சில தோற்றுப்போய் ஆலைகள், சுரங்கங்கள் அமைக்கும் பணியும் தீவிரமாக நடக்கிறது.

இவற்றில், திட்டமிடும் கட்டத்திலும் இயக்கத்திலும் உள்ள ஏதேனும் ஒரு கனிமச்சுரங்கம் மற்றும் ஒரு கனிம வளத் தொழிற்சாலை ஆகியவற்றை எடுத்துக்கொண்டு அங்கெல்லாம் அரசு எந்திரமும் தொழில் நிறுவனங்களும் எந்தெந்த வகையில் மக்களின் மனித உரிமைகளை மீறியுள்ளன என்ற வகையில் தீவிரக் கள ஆய்வை மேற்கொள்வது என்று இரு ஆண்டுகள் முன்பு ஒரிஸ்ஸா சென்ற போது அம்னெஸ்டி அமைப்பின் சார்பில் முடிவெடுத்தோம்.

அதற்கு முந்தைய ஆண்டுகளில் ஒரிஸ்ஸாவின் வடபகுதியில் அமைந்திருக்கும் கலிங்கா நகர் தொழில் வளாகத்தில் டாட்டா எஃகு ஆலைக்கு வேண்டி ஒரிஸ்ஸா அரசு நிலம் கையகப்படுத்தியதை எதிர்த்துப் போராட்டம் வெடிதததில் காவல்துறையின் துப்பாக்கிச்சூட்டில் பன்னிரண்டு பழங்குடியினர் ம்ரணம் எய்தியிருந்தனர். சற்றே கிழக்கே கடற்கரையோரம் ஜகத்சிங்பூர் என்ற இடத்தில் தென் கொரிய நிறுவனம் போஸ்கோ அமைக்க விரும்பும் எஃகு ஆலைக்கென அரசு நிலம் கையகப்படுத்துவதை எதிர்த்து விவசாயிகள் நடத்தும் போராட்டத்தையும் கண்டிருந்தேன். இந்த இரு போராட்டங்களின் போதும் நடந்த மனித உரிமை மீறல்களைக் கண்டித்து அம்னெஸ்டி சார்பில் முக்கிய அறிக்கைகளை வெளியிட்டிருந்தோம்.

இந்த இரு இடங்களைத் தவிர, ஒரிஸ்ஸாவின் தென்மேற்குப்பகுதியில் நியமகிரி மலைப்பிரதேசத்தில் நடக்கும் பழங்குடியினரின் போராட்டம் முக்கியத்துவம் வாய்ந்தது. இங்கே மலையுச்சியில் சுமார் எழுநூறு ஹெக்டேர் பரப்பளவில் பாக்ஸைட் தாது இருக்கிறது. இந்தத் தாதுப்பொருளை வெட்டியெடுக்கும் உரிமம், ஒரிஸ்ஸா மாநில அரசுக்குச் சொந்தமான ஒரிஸ்ஸா கனிமத்தாது நிறுவனத்திடம்தான் உள்ளது; என்றாலும் அதை, வேதாந்தா என்ற இந்தியப் பன்னாட்டுக் குழுமம் பெரும்பான்மை பங்குகளை வைத்திருக்கும் ஸ்டெர்லைட் நிறுவனமே இனி செயல்படுத்தும் என மாநில அரசு ஒப்பந்தம் போட்டுக்கொண்டது (ஆம், தூத்துக்குடி அருகே இயங்கும் அதே நிறுவனம்தான், தவிர வேதாந்தா குழுமத்தின் அனில் அகர்வால் உலகின் மிகப்பெரும் செல்வந்தர்களில் ஒருவர்), பாதுகாக்கப்பெற்ற வனப்பகுதியில் கனிமச்சுரங்கம் அமைப்பதை எதிர்த்து ஆர்வலர்கள் மூவர் தொடர்ந்த வழக்கு நீண்டு சென்ற பிறகு, உச்சநீதிமன்றம் கனிமச்சுரங்கம் அமைக்கலாம் எனத் தீர்ப்பு வழங்கி ஈராண்டுக் காலம் ஆகப்போகிறது. இந்த நிலையில் சுரங்கத்தை அமைக்க இயலாத படி எதிர்ப்பும் போராட்டங்களும் நியமகிரியில் தொடர்கின்றன.

இதே வேதாந்தா குழுமம் பெரும்பான்மை பங்குகளை வைத்திருக்கும் வேதாந்தா அலுமினியம் என்ற இன்னொரு நிறுவனம், நியமகிரி மலையடிவாரத்தில் லாஞ்சிகர் என்ற இடத்தில் பாக்ஸைட் தாதுவை சுத்திரிக்கும் ஆலையை மூன்றாண்டுகள் முன்பு அமைத்துவிட்டது. அதாவது ஆர்வலர்கள் தொடுத்த மேற்கண்ட வழக்கு உச்ச நீதிமன்றத்தில் நிலுவையில் இருந்ததால், சுரங்கம் வெட்டுவதற்கு முன்னரே தாதுவைச் சுத்திகரிக்கும் ஆலையைக் கட்டிவிட்டார்கள்! இந்த மூன்று ஆண்டுகளாக சத்தீஸ்கர், குஜராத் மற்றும் தமிழ்நாட்டிலிருந்து பாக்ஸைட் தாதுவை ரயில் மற்றும் தரைமார்க்கமாக எடுத்துச் சென்று சுத்திகரிக்கும் பணி இங்கே நடைபெறுகிறது.

இந்தச் சுத்திகரிப்பு ஆலைக்கென ஒரிஸ்ஸா அரசு, ஏழாண்டுகள் முன்பிருந்து, நிலத்தைக் கையகப்படுத்தி வந்திருக்கிறது. தம் நிலத்தை விற்ற பழங்குடியினர் மற்றும் தலித் சமூகத்தைச் சார்ந்த சிறுவிவசாயிகள் பலரும் ஏமாற்றமடைந்து தற்போது ஆலையின் தாக்கத்தால் கடும் அவதிக்கு ஆளாயிருக்கிறார்கள். இவர்களின் நீர்நிலைகளை ஆலை வெளியிட்ட கார-உலோகக் கரைசல்கள் தாக்கி அழித்திருக்கின்றன. காற்றும் கடுமையாக மாசுபட்டு விட்டது. இவர்கள் பலரின் உடல்நலம் தாக்குண்டு விட்டது. ஆலை வேலைவாய்ப்புக்களை நல்கும் என்ற வேதாந்தா குழுமத்தினர் மற்றும் அரசினரின் பசப்பு வார்த்தைகள் பொய்த்துவிட்டன. இந்த நிலையில் ஆலையை ஆறு மடங்கு விரிவாக்கும் திட்டத்தைக் கண்டித்துப் போராட்டங்கள் வெடித்திருக்கின்றன.

லாஞ்சிகரில் மாஜி கோண்ட் எனப்படும் பழங்குடியினர் மற்றும் தலித் மக்களின் நிலங்களை வேதாந்தா அலுமினியத்தின் சுத்திகரிப்பு ஆலைக்கெனத் தான் கையகப்படுத்தியபோது ஆலை பற்றிய தகவல்பொய்களையும் பணிவாய்ப்புக்கள் கிட்டும், அந்தப்பகுதியே மும்பை அல்லது துபை போலாகிவிடும் என்ற பசப்புவார்த்தைகளை ஒரிஸ்ஸா அரசும் வேதாந்தா குழுமமும் கூறியிருந்தன. நியமகிரியிலோ அதுவும் நடக்கவில்லை. அங்கே சுரங்கம் அமையவிருப்பது குறித்து ஆறாண்டுமுன் நடந்த பொதுக் கருத்தெடுப்பு நிகழ்வுகளில் மலைப்பகுதி டோங்க்ரியா கோண்ட் இனத்தவரின் பங்கேற்பே இல்லை. அந்த நிகழ்வுகள் பற்றிய செய்தியே அவர்களுக்குச் சென்று சேர்ந்திருக்கவில்லை. தவிர, சுரங்கம் அமையவிருக்கும் மலையுச்சிப்பகுதியில் பழங்குடியினரின் குக்கிராமங்கள் இல்லை என்றாலும் ஆனால் அங்கே போகும் வழியில் உள்ளன என்பதால், சுரங்கத்தொழில் அமைந்தால் அது நீர்நிலைகள், நிலங்களைத் தாக்கி அழிக்குமல்லவா, பழ்ங்குடியினரின் வாழ்வாதாரமும் வாழ்க்கைமுறையும் அழிந்துவிடுமல்லவா என்ற கேள்விகள் வலுவாக எழும்பியுள்ளன. இந்தக்கேள்விகளுக்கு முறையான, விரிவான பதில்கள் மத்திய-மாநில அரசுகளிடமோ வேதாந்தா குழுமத்திடமோ இல்லை.

லாஞ்சிகர், நியமகிரி இரு பகுதிகளிலும், சென்ற ஈராண்டுக்காலத்தில் பல வாரங்கள் தங்கி, அம்னெஸ்டி அமைப்பின் சார்பில் குழுவாகக் கள ஆய்வு மேற்கொண்டோம். அப்போது லாஞ்சிகர் அருகே சுத்திகரிப்பு ஆலையால் தாக்குண்ட பன்னிரண்டு சமவெளிப்பகுதிக் கிராமங்களில் எட்டு கிராமங்களுக்கும் நியமகிரி மலைப்பகுதியில் உள்ள டோங்க்ரியா கோண்ட் பழங்குடியினர் வசிக்கும் தொண்ணூறு சிறுகிராமங்களில் பத்தொன்பது கிராமங்களுக்கும் இருமுறை சென்று ஆங்கே ஆடவர், பெண்டிர், முதியோர் உள்ளிட்ட மக்கட்தொகுதியினர் யாவரிடமும் கேள்விகேட்டு அவர்கள் கூறிய பதில்களை விரிவாகப் பதிவு செய்தோம். குறிப்பாக, காட்டில் இரவுபகலாக நடந்து பழங்குடியினரின் கிராமங்களுக்குச் சென்றதும் தங்கியதும் அளவளாவியதும் உண்டு உறங்கியதும் கற்பனைக்கும் மீறிய விஷயம்.

தினம் சுமார் பதினைந்து மைல் வரை நடக்க வேண்டிய இங்கெல்லாம் நவீன அரசமைப்பு என எதையுமே காண முடியவில்லை. அப்படிப்பட்ட இடம். மலேரியா மற்றும் மலேரியா மூளைக்காய்ச்சல் அடிக்கடி தாக்குமிடம் வேறு. அங்கு பயணம் செய்துவிட்டுக் கடந்த ஆண்டு மார்ச் மாதம் சென்னை வந்தவுடன் எனக்கும் மலேரியாக் காய்ச்சல் வந்துவிட்டது!

காய்ச்சல் குறைந்து ஏப்ரல் மாதம் லண்டன் திரும்பி வேறுபணிகளை முடித்துவிட்டு மீண்டும் ஆகஸ்ட்-செப்டம்பர் மாதங்களில் ஒரிஸ்ஸா சென்றேன். இந்த முறை பயணம் தனித்து. முதலில் தகவல் அறியும் சட்டத்தைப் பயன்படுத்தி நிறைய அதிகாரப்பூர்வ ஆவணங்களைச் சேகரித்தேன். பிறகு கள-ஆய்வு, மலைப்பகுதியின் மீண்டும் நடை, வாகன ஓட்டுதல் எனப் பயங்கர அலைச்சல்... யாவும் முடிந்து அக்டோபர் மாதம் முதல் வாரம் சென்னை சென்று சில நாள் ஓய்வெடுத்துப் பிறகு லண்டன் திரும்பினேன்.

கடந்த நவம்பர்-டிசம்பர் மாதங்களில் கள-ஆய்வின் தரவுகள் மற்றும் அதிகாரப்பூர்வ ஆவணங்களின் அடிப்படையில் ஏழு அத்தியாயங்கள் கொண்ட நீண்ட ஆய்வறிக்கையை எழுதி முடித்தேன். ஜனவரி மாதம் அதை அம்னெஸ்டி அமைப்பின் பல குழுக்களும் ஆராய்ந்து திருத்தங்களைச் செய்துமுடித்தன. பிற்பாடு ஃபிப்ரவரி மாதம் முதல் வாரம் இங்கே லண்டன், டில்லி, ஒரிஸ்ஸா தலைநகர் புவனேஷ்வர் மற்றும் ஆந்திரத்தின் விசாகப்பட்டினம் ஆகிய இடங்களில் வைத்து அறிக்கையை வெளியிட்டோம். இந்த அறிக்கை, வேதாந்தா குழுமத்தின் தகிடுதத்தங்கள் மற்றும் ஒரிஸ்ஸா அரசின் மீறல்கள் பற்றி விரிவாக, ஆதாரங்களுடன் அமைந்துவிட்டது. இங்கே லண்டனில் வேதாந்தா குழுமத்தின் தலைமையகம் முன்பு அம்னெஸ்டி அமைப்பின் ஆர்பபாட்டத்தின் வழி பிரச்சாரமும் உச்சகட்டத்தை எய்தியது. அறிக்கை வெளியானதை ஒட்டி நடந்த பத்திரிகைச்சந்திப்புக்கள் வெற்றியடைந்தன. டில்லி, புவனேஷ்வர், ஆந்திரப்பிரதேசத்தின் நடந்த சந்திப்புக்களில் நானும் பங்கேற்றேன். உள்நாட்டு, பன்னாட்டு அச்சு மற்றும் காட்சி ஊடகங்களில் எங்கள் பேட்டிகள் பதிவாயின. அமெரிக்கக் கலைஞன் ஆண்டி வார்ஹால் கூறியதொப்ப, யார் முகமும் தொலைக்காட்சியில் வரலாம் என எங்கள் முகங்களும் ஐந்து நிமிடம் வந்தன! பிறகு லாஞ்சிகர், நியமகிரி சென்று அறிக்கையை அங்குள்ள மக்கள், ஆர்வலர்களுடன் பகிர்ந்துகொண்டோம்.

நாங்கள் வெளியிட்ட அறிக்கை எழுப்பிய கேள்விகளுக்குப் பதில்கூற முடியாத நிலையில் ஒரிஸ்ஸா மற்றும் மத்திய அரசுகளும் வேதாந்தா குழுமமும் சிக்கிக்கொண்டன. போராட்டம் தீவிரமடைவதைக் கண்ட இந்திய அரசின் சுற்றுச்சூழல் மற்றும் வனத்துறை அமைச்சகம், வேதாந்தா குழுமம் சுரங்கம் அமைக்க வேண்டி வனத்துறை விதிகளை வேதாந்தா குழுமம் மீறிவிட்டது என விசாரணையொன்றைத் தொடங்கியிருந்தது. அம்னெஸ்டி அறிக்கை வெளியானதை அடுத்து இந்த விசாரணை அறிக்கையும் வெளியானது. ஆக, நடக்கும் மக்கள் போராட்டங்களின் விளைவாக, வேதாந்தா கனிமச்சுரங்கத் திட்டமும் சுத்திரிகரிப்பு ஆலையின் விரிவாக்கமும் தற்போதைக்கு முடங்கியுள்ளன. இதற்கு அம்னெஸ்டி அமைப்பின் அறிக்கையும் ஒரு முக்கியக்காரணம். ஆனால் நிலைமை எத்தனைக்காலம் இப்படியே இருக்கும் என யாரும் கூற முடியாது.

அம்னெஸ்டி அமைப்பின் செயல்பாடுகளைத் தாண்டியும் இந்த ஓர் ஆலை மற்றும் ஒரு கனிமச்சுரங்கம் என்ற எல்லையைத் தாண்டியும் இந்த அறிக்கைக்கு முக்கியத்துவம் உண்டு என நினைக்கிறேன். இந்தியப்பரப்பில் குறிப்பாகப் பழங்குடியினர், தலித் மக்கள் உள்ளிட்ட நிலமற்ற விவசாயிகள் மற்றும் சிறு விவசாயிகளின் வாழ்விடங்களில் அமைகிற, அமையவிருக்கிற எந்த ஒரு பெரும் ஆலை மற்றும் சுரங்கத்திட்டங்களின் தாக்கம் குறித்த ஆய்வின் வரைவாக இந்த அறிக்கையைக் கொள்ள முடியும். அதாவது, இந்த ஓர் அறிக்கையை வரைவாக வைத்துக்கொண்டு இத்போன்ற பிற திட்டங்களின் தாக்கத்தை மனித உரிமைகளின் மொழியில், சட்டகத்தில் வைத்து அலசிவிட முடியும். எடுத்துக்காட்டாக, இந்தப் பிரச்னைகள் குறித்து இந்த வார இறுதியில் டில்லியில் ந்டக்கும் சுயேச்சையான மக்கள் நடுவர் மன்றத்தின் விசாரணையிலும் (Independent People's Tribunal) இந்த அறிக்கை பற்றிய விவாதம் இடம்பெறலாம் எனத் தெரிகிறது.

தவிர, கடந்த மூன்றாண்டுகளில் நான் எழுதிப் பலமுறை திருத்தி, கடந்த ஜூன் மாதம் வெளியிட்ட அதிவளர் திணையென்ப அழிவும் அவலமும் என்ற கோட்பாட்டுக் கட்டுரையும் முக்கியமானது. ஜார்க்கண்ட், ஒரிஸ்ஸா, சத்தீஸ்கர் மற்றும் ஆந்திரப்பிரதேசப் பகுதிகளுக்கு நான் மேற்கொண்ட பயணங்க்ளின் அடிப்படையில் அமைந்ததே இந்தக் கட்டுரை.

(இன்னும் வரும்)

Don't Mine Us out of Existence: Refinery and Bauxite Mine Devastate Lives in India - நூறுக்கும் மேல் பக்கங்கள் கொண்ட விரிவான அறிக்கை
Don't Mine Us out of Existence: Refinery and Bauxite Mine Devastate Lives in India - அறிக்கையின் சுருக்கம்

பிற பதிவுகள்
லால்கர் - இடதுசாரிகளின் பதில் என்ன?
வியன்னாவிலிருந்து ஜதுகுடா வரை
நிலம் உமது நிலத்துக்குக் கீழே இருப்பவை எமது

படங்கள் - நியமகிரிக்குச் செல்லும் வழியில் நான், சுரங்க எதிர்ப்புக் கூட்டமொன்றில் டோங்க்ரியா கோண்ட் பழங்குடிப்பெண்கள், புவனேஷ்வர் பத்திரிகைச் சந்திப்பில் நானும் பிறரும்.

என் துணைவியாரின் பெங்களூர் உரை - 13 ஏப்ரல்

2010-04-07T00:01:00.009+01:00

என் துணைவியார் சாவித்திரி ப்ரீதா, இந்திய அறிவியலின் மறைந்த பக்கங்கள் குறித்து ஆய்வுகளை மேற்கொண்டு வருபவர். மறைந்த விஞ்ஞானி இ கெ ஜானகி அம்மாள் பற்றி இவர் செய்து முடிக்க இருக்கும் ஆய்வு, எழுதிக்கொண்டிருக்கும் நூல் குறித்துப் படங்கள், புகைப்படங்களுடன் இம்மாதம் பதின்மூன்றாம் நாள், பெங்களூரில் உரையாற்ற் இருக்கிறார். பெங்களூர் வாழ் நண்பர்கள் சென்று கேட்கலாம்.

விபரங்கள் பின்வருமாறு:
ஏப்ரல் பதின்மூன்றாம் நாள்
செவ்வாய்க்கிழ்மை
மாலை நான்கு மணிக்கு
இந்திய அறிவியல் நிறுவனம், பழைய டி.ஐ.எஃப்.ஆர் கணிதவியல் துறை வளாகத்தில்
(Indian Institute of Science, Centre for Contemporary Studies, Bangalore 560012)
க்ரோமஸோம் பெண்மணி - இ கெ ஜானகி அம்மாளும் தெற்காசியச் சுற்றுச்சூழலின் மறுஒழுங்காக்கமும் என்ற தலைப்பில் உரை.
மேல் விபரங்களுக்கு
மேல் விபரங்களுக்கு

தாவர மரபியல் அறிஞர் ஜானகி அம்மாளின் வாழ்க்கை, ஆச்சரியங்கள் கொண்டது. எடவலத்து கக்காட்டு ஜானகி அம்மாள் (1897-1984)
அன்றைய மலபார் பகுதி, தற்போதைய கேரள மாநிலத்தில் அமைந்த தலைச்சேரியில் செல்வாக்கு மிக்க குடும்பத்தில் பிறந்தவர். அங்கே பள்ளிப்படிப்பை முடித்துவிட்டு சென்னை பெண்கள் கிறித்துவக் கல்லூரியில் பயின்றார். தாவரவியலில் அசாத்திய ஆர்வம் கொண்டு உதவிப்பணம் பெற்று அமெரிக்காவின் மிச்சிகன் பல்கலைக்கழகம் சென்று அங்கே மிக விரைவாக முனைவர் பட்டம் பெற்றுவிட்டார். அறிவியல் துறையொன்றில் ஆய்வு செய்து முனைவர் பட்டம் பெற்ற முதல் இந்தியப்பெண் இவரே. திருமணம் புரியாமல் தனித்து வாழ்ந்த இவர், தம் வாழ்நாள் முழுதும் தாவரங்கள், மக்கள் மற்றும் சூழல் குறித்து முக்கிய ஆய்வுகளை மேற்கொண்டவர்.

தற்போது கோயம்புத்தூரில் தமிழக வேளாண்மைப் பல்கலைக்கழக வளாகத்தில் அமைந்திருக்கும் கரும்பு ஆய்வு நிலையத்தில் தம் பணியைத் தொடங்கியவர், ஜானகி அம்மாள். அங்கிருந்து விலகி ஆய்வுக்கருத்தரங்கில் பங்கேற்க இங்கே பிரிட்டன் வந்தவர், அப்போது இரண்டாம் உலகப்போர் தொடங்கியதால் இந்தியா திரும்ப இயலாமல் பிரிட்டனிலேயே பல ஆண்டுகள் வசிக்க நேர்ந்தது. அப்போது பிரிட்டிஷ் விஞ்ஞானி சி. டி. டார்லிங்டனுடன் இணைந்து, புவிப்பரப்பில் மனித இனம் வளர்த்த தாவரங்களின் மரபியல் குறித்த முக்கிய ஆய்வைச் செய்து முடித்தார். இதுகுறித்து இருவரும் வெளியிட்ட முக்கியப் புத்தகம், The Chromosome Atlas of Cultivated Plants. இங்கே பிரிட்டனில் இருந்த காலத்தில் உலகின் முதன்மை விஞ்ஞானிகளுடன் இணைந்து பணியாற்றியிருக்கிறார்.

இந்திய விடுதலைக்குப் பிறகு பிரதமர் ஜவஹர்லால் நேருவின் வேண்டுகோளுக்கேற்ப நாடு திரும்பினார், ஜானகி அம்மாள். அப்போதைய இந்தியாவின் முன்னணித் தாவரவியல் விஞ்ஞானியும் இவரே. நேருவின் அழைப்பின் பேரில் இந்தியத் தாவரவியல் சுற்றாய்வு நிலையத்தில் சிற்பபு அதிகாரியாக லக்னோ நகரில் பணியாற்றினார். ஆனால் இந்திய அரசாங்கமும் விஞ்ஞானிகள் பெரும்பாலானோரும் கடைப்பிடித்த கொள்கைகளை இவர் ஏற்கவில்லை. தேசப்பாதுகாப்பு, வளர்ச்சி, அபிவிருத்தி என்ற முழக்கங்களுடன் இந்திய அரசும் விஞ்ஞானிகளும் மேற்கொண்ட பாதையில் இவர் செல்லவில்லை. மாறாக, இந்தியப்பரப்பில் தாவர மரபியல், வளர்ப்பியல் குறித்த வரைபடத்தைத் தயாரிக்க முயன்றார். இவர் செய்த தாவர மரபியல் ஆய்வுகள், சூழியல் அடிப்படையில் பெரும்பாலும் பழங்குடியினர் பயன்படுத்திய தாவரங்கள் பற்றி அமைபவை எனலாம். ஆக, ஜாதி-மத-தேச அடிப்படைகளைத் தாண்டி தம்மை ஒரு பன்னாட்டு அளவிலான விஞ்ஞானியாக இனங்கண்டார் ஜானகி அம்மாள் எனலாம்.

தமக்கு அரசு வழங்கிய பணியில் நீடிக்காத ஜானகி அம்மாள், பல ஆண்டுகள் ஜம்மு மற்றும் சென்னைப் பல்கலைக்கழகங்களில் பேராசிரியராகப் பணியாற்றினார். இமயமலைப்பகுதி, அஸ்ஸாம், நீலகிரி மலை, கேரளம் என பல இடங்களில் தம் ஆய்வுகளை நடத்திய இவர், ஐம்பதுக்கும் மேற்பட்ட ஆராய்ச்சிக்கட்டுரைகளை எழுதியிருக்கிறார். பணியிலிருந்து ஓய்வே இல்லாமல் இவர் எண்பது வயதுக்கு மேல் மேற்கொண்ட ஆய்வு, கேரளத்தின் அமைதிப் பள்ளத்தாக்கில் தாவர மரபியல் குறித்தது. அங்குள்ள பழங்குடியினர் பயன்படுத்தும் மூலிகைகள், தாவரங்கள் குறித்தே இவருடைய மாணவர்கள் ஆய்வுகளை மேற்கொண்டனர்.

இதே காலக்கட்டத்தில்தான் கேரளத்தின் இடதுசாரி ஜனநாயக முன்னணி அரசு, அமைதிப்பள்ளத்தாக்கில் புனல் மின்நிலையம் அமைக்க முற்பட்டது. அதற்கு கேரளத்தில் மட்டுமன்றி பிற இடங்களில் இருந்தும் விஞ்ஞானிகள் மற்றும் மக்கள் சார்பில் கடும் எதிர்ப்புக் கிளம்பியதை அடுத்து கேரள அரசு திட்டத்தை முடக்க வேண்டியதாயிற்று. பிறகு இந்திய அரசும் அமைதிப்பள்ளத்தாக்கைப் பாதுகாக்கும் திட்டங்களை அறிவித்தது. அமைதிப் பள்ளத்தாக்கில் மின்நிலையங்கள் அமைவதை எதிர்த்து இயக்கம் நடந்தபோது தாவர மரபியல் விஞ்ஞானி என்ற நிலையில் ஜானகி அம்மாள் இந்த இயக்கத்தை ஆதரித்து இயங்கினார். பிறகு தம்முடைய எண்பத்தியேழாம் வயதில் சென்னையில் மரணமடைந்தார். தலைச்சேரியின் செல்வாக்கு மிக்க குடும்பத்தில் பிறந்து பன்னாட்டு விஞ்ஞானியாக இயங்கிய ஜானகி அம்மாளை, அவருடைய இறுதிக்காலத்தில் கவனித்துக்கொண்டவர்கள் சாமானியச் சென்னை மக்கள்தாம் என்பது ஆச்சர்யத்தைத் தரலாம்!

ஜானகி அம்மாளுக்கு எண்பது வயதான போது அவருக்கு இந்திய அரசு பத்மஸ்ரீ பட்டம் வழங்கியது. தவிர, சுமார் பத்தாண்டுகள் முன்பு இந்திய அரசின் சுற்றுச்சூழல் மற்றும் காடுகள் அமைச்சகம் உயிரினங்களை வகைப்படுத்துவதில் முத்திரை பதிக்கும் விஞ்ஞானிகளுக்கு ஆண்டுதோறும் ஒரு விருதை அறிவித்தது. இது மறைந்த ஜானகி அம்மாள் பெயரில் அமைந்திருக்கிறது. இவைதவிர இவர் பணிக்கு அதிகார வட்டாரங்களில் இதுவரை அங்கீகாரமில்லை.

இந்தியாவில் பல இடங்கள், தவிர இங்கே பிரிட்டன் மற்றும் அமெரிக்கா என சுமார் ஐந்தாண்டுக்காலம் பல்கலைக்கழகங்கள் மற்றும் நூலகங்களில் அலைந்து, ஜானகி அம்மாளின் மாணவர்கள், சுற்றத்தார் எனப் பலரையும் சந்தித்துச் செய்த ஆய்வின் அடிப்படையில் ஜானகி அம்மாளின் சரிதையை என் துணைவியார் நூலாக எழுதிக்கொண்டிருக்கிறார். இந்தியா மட்டுமின்றி ஆசியாவின் பெண் விஞ்ஞானி ஒருவரின் முழுமையான முதல் சரிதையாக இந்த நூல் அமையும். இதில் இன்னோர் ஆச்சர்யம், இந்த ஆய்வை மேற்கொள்ளத் தொடங்குமுன் ஜானகி அம்மாள் குறித்து இவர் பெரிதாக அறிந்திருக்கவில்லை என்பதே!

காலனியக்கால இந்தியாவில் விஞ்ஞானம் - என் துணைவியாரின் புத்தகம்
படங்கள் - தம் வாழ்வின் இறுதிக்கட்டத்தில் ஜானகி அம்மாள், கடந்த ஆண்டு பரோடாவில் நடந்த ஒரு கருத்தரங்கில் உரையாற்றும் என் துணைவியார்.

விரைவும் மெதுவுமான ஆடிகள் - மிலோராத் பாவிச்

2010-04-06T07:15:00.004+01:00

இளவேனிற் காலமொன்றில் அத்தேஹ் இளவரசியும் கூறினாள்: என் சிந்தனைகளுக்குப் பழகிவிட்டேன், உடுக்கும் ஆடைகளைப் போலவே. அவை யாவற்றுக்கும் ஒரே இடுப்பளவுதான். அவற்றை எங்கும் காண்கிறேன்; ஏன், சாலைகள் குறுக்கிடும் சந்திப்புக்களிலும் கூடக் காண்கிறேன். ஆம், இந்தச் சந்திப்புக்களையே காண முடியாதபடி அவை செய்துவிடுகின்றன.

ஒரு நாள் அத்தேஹ் இளவரசியைக் குதூகலிக்க வைக்கலாம் எனக்கருதிய சேவகர்கள் இரு ஆடிகளைக் கொணர்ந்தனர். பிற க்ஹஸர் ஆடிகளைப் போன்றே பெரிதும் இருந்தன இவை. ஜ்வலிக்கும் உப்பால் செய்யப்பெற்றவை. இவற்றில் ஒன்று விரைவாகவும் மற்றது மெதுவாகவும் இயங்கின. விரைந்து இயங்கிய ஆடி எவற்றையெல்லாம் கைப்பற்றி வருங்கால உலகை முன்கூட்டியே காட்டியதோ, அவற்றையெல்லாம் திருப்பித்தந்து தன் கடன் தீர்த்தது, மெதுவாக இயங்கிய ஆடி. முதல் ஆடி எத்துணை விரைவோ அத்துணை மெதுவாக இயங்குவது இரண்டாம் ஆடி என்பதே இதற்குக் காரணம். இந்த இரு ஆடிகளையும் அத்தேஹ் இளவரசி இருக்குமிடம் கொணர்ந்தபோது இவள் கட்டிலில்தான் இருந்தாள், இவள் இமைதம்மில் பொறித்திருந்த எழுத்துக்களை யாரும் கழுவவில்லை. இமைமூடியவாறே ஆடியில் தன்னைக் கண்டவள், அக்கணமே செத்தாள். அதாவது இருமுறை கண் சிமிட்டும் நேரத்தில், அந்த இரு சிமிட்டலின் இடையே, மாயமாய் மறைந்தாள். சொல்லப்போனால், தன் இமைதம்மில் பொறித்திருந்த கொலையெழுத்துக்களைத் தானே வாசித்தவள் அப்படி வாசித்த கணத்துக்கு முன்பும் பிற்பாடும் கண் சிமிட்டிட அதை அந்த ஆடிகள் காட்டியும் விட்டன. ஆக, ஒரே கணத்தில் இறந்த காலம் வருங்காலம் ஆகிய இரண்டின் எழுத்துக்கள் கொன்றிடச் செத்தாள் இவள்.

-- இளவேனிலின் வருகையை ஒட்டி, க்ஹஸர் அகராதியிலிருந்து ஒரு குட்டிக்கதை

மடலும் எரித்தல் - ஸில்வியா ப்ளாத்

2010-04-02T22:41:00.004+01:00

பற்ற வைத்தேன்,
பழம் எழுத்துக்களிவற்றின்
வெண் கைமுட்டுக்களும்
மரணச் சரசரப்பும்
தந்த அயர்வால்.
குப்பைக்கூடையை
நெருங்குமிடம்
யானுமறியாமல்
இவை அறிந்ததும் ஏதோ?
மணிமணியாய்
விரியுமிவை
மணல் பிரிக்கும்,
கனவெனும் தெளிநீர்
தப்பிச்செல்லும் காரென
இளிக்க.
யானோ
நுட்பமற்றவள்.
காதல்மிகக் கண்டயர்ந்தேன்,
அட்டைப்பெட்டிகளால்,
சிமிட்டிநிறத்தால்,
இல்லை
வெறுத்து
செந்நிறச்சட்டை அணிந்த
ஆண்குழுவின் கீழே,
அஞ்சல் குறிகளின்
கண்களில் நாட்களின் கீழே,
மந்தமாய் முறுகும்
நாய்க்கூட்டத்தால் -

இந்தத் தீயும்
தீண்டும் சிணுங்கும்
எனினும்
தயையற்றது.
உருகித் தளர்ந்தாலும்
கண்ணாடிப்பெட்டியுள்
நுழையும்.
என் விரல்களிடம்
தொடாதீரெனச் சொல்ல,
இது
எழுத்தின் முடிவு என
மடக்கிச் சிணுங்கும்
விறுவிறுத்த கொக்கியும்
புன்னகையும்.
இனியும் மேன்மாடம் நன்றாகுமலல்வா?
இனியும் என் தோலடியில்
கொதிப்பன்றிப் போகுமல்லவா?

ஒற்றைத் தகரக்கண் கொண்ட
ஊமை மீன்
ஒளிக்கதிர் நோக்கி
என் ஆர்க்டிக் கடலேறிச் சவாரியில்,
ஒரு வேட்கையிலிருந்து
மற்றதுக்கெனக் காத்திருக்கக் குத்துகிறேன்.
என் வீட்டாடைக் கரிப்பறவைகளை.

என் உடலற்ற ஆந்தையிலும்
அழகான
இவை
என்னை ஆற்றுப்படுத்தும்.
எழுந்து பறக்கும். ஆனால் குருடாய்.
படபடத்துப் பறக்கும்
பளபளப்பாய்க் கருப்பாய்,
கரியின் தேவதைகள்.
தம்மிலுறையும் பெயர் ஏதோ
என்பதைத் தவிர
இவற்றுக்கும்
சொல்லத்தான் ஏதுமில்லை
என உறுதி செய்த
யான்,
மனிதர்போல் சுவாசிக்கும்
சருகான இவை யாவும்
துரட்டியின் பிடங்கால்
கிளறி விசிறுவேன்.
மஞ்சள் லெட்டூஸுக்கும்
ஜெர்மன் முட்டைக்கோஸுக்கும்
இடையில்
தன் விநோத நீலக்கனவில்,
கருவில்
சிக்கிய
கருவிளிம்புகள் கொண்ட
பெயரது.

என் காலடியில் தளரும்
எரிமலர்ச்சரங்கள்.
மயிர்க்கால்களின்,
சலிப்பின்
கூட்டில்,
வெளிறிய கண்களில்,
தனித்தோல் மெய்யழுத்தில்.
சுடுமழையும்
என் கூந்தல் வருடும்
எதையும் அணைக்காமல்.
என் நாளமும்
மரம்போல் ஒளிரும்.
நாய்களும்
நரியடித்துக் கிழிக்கும்,
இதுபோல்
வெடிப்பில் வாசித்துக் கதறும்.
தன் கிழிந்த பையினின்றும்
பிளந்து வழியும்
செத்த கண்ணுடன்
பையடைத்த நோக்குடன்
காற்றைச் சாயமடித்துச் செல்லும்,
முகில்துகளிடம்
இலைகளிடம்
நீரிடம்
சொல்லும்
அமரத்துவம் ஏதென்று
அது தானே என்று.

-- Sylvia Plath, Burning the Letters, 1962

எழுத்தாளும் பெண் - ஸில்வியா ப்ளாத்

2010-03-31T09:17:00.002+01:00

உலகின் என்பு பல வைத்து
சதுரங்கம் ஆடுவாள் நாளும்.
ஜன்னல் புறத்தே
மழையும் தொடங்க,
தேர்ந்து
தித்திக்கும் பாவமதை
அவ்வப்போதும் கொறித்து
மெத்தையில் முயங்கிக் கிடப்பாள்.

ரோஜாத்தாள் பூசிய அறையில்
மெருகிட்ட பெட்டகங்கள்
கிறீச்சிட்டுத் திட்டி முணுமுணுக்க.
பைங்குடில் ரோஜாவும்
அநித்ய இதழ் யாவும் உகுக்க,
வெளிர்சிகப்பில் நிமிர்முலைப்பெண்
சாக்லேட் கனவும் வளர்ப்பாள்.

விரலில் ஆழிக்கல் கிணுகிணுக்க
குருதி எழுதுதாள் பட்டுத்தெறிக்க
நிலவறையில் நொதிக்கும் கம்பைகளின்
இனிய நோய்மணத்தில் லயிப்பாள்.

நுண் உவமையில் தொலைந்து,
தெருவில் கரையும்
சாம்பற் பிள்ளைமுகம்பல கண்டு,
ஒடுங்குவாள்.

-- Sylvia Plath, Female Author, an early poem, c. 1953

ஸில்வியா ப்ளாத் கவிதைகள் தமிழாக்கத்தில்

விலையற்ற உயிருக்கு விலையுண்டு விலையில்லை - 1

2010-03-28T22:33:00.009+01:00

போபால் விஷவாயுக் கசிவும் மரணங்களும் நடந்து கால் நூற்றாண்டுக்காலமாகிறது. அதன் படுமோச விளைவுகள், இழப்பீடாக வந்த 2,200 கோடி ரூபாய் போதாத நிலை, இழப்பீட்டு வழக்குகள் இன்னும் தொடரும் நிலை, போபால் மக்களுக்கும் இன்னும் நீதி கிட்டாத நிலையில் இந்திய அரசு தயாரித்திருப்பது, ஒரு விநோத மசோதா - அதாவது, எதிர்வரும் ஆண்டுகளில் அமெரிக்க, ஃப்ரெஞ்சு, ருஷ்ய நிறுவனங்கள் இந்தியப்பரப்பில் அணுமின் நிலையங்கள் அமைக்க இருக்கின்றன. அந்த நிலையங்களில் விபத்து ஏற்படும் பட்சத்தில் அதற்காக அந்த நிறுவனங்கள் வழங்க வேண்டிய அதிக பட்ச இழப்பீட்டின் வரம்பை மட்டுறுத்தி நிர்ணயிப்பதே, இந்த மசோதாவின் குறிக்கோள்.

இடதுசாரிக்கட்சிகள், பாரதீய ஜனதாவினர், பத்திரிகை விமர்சகர்களின் பலத்த எதிர்ப்பை அடுத்து அரசு, இந்த மசோதாவை நாடாளுமன்றத்தில் அறிமுகம் செய்யாமல் நிறுத்தி வைத்திருக்கிறது. தேசியப் பாதுகாப்பு ஆலோசகர் சிவசங்கர் மேனனை வைத்துப் பேசி பாரதீய ஜனதாவினரை எப்படியாவது சரிக்கட்டி விடலாம் என்று தான் போட்ட கணக்கு பொய்த்துவிட்ட்தை அடுத்து, இப்போது யாவரிடமும் பேசுவோம் என்கிறது அரசு. என்ன பேசப் போகிறார்கள் தெரியவில்லை.

ஆங்கிலத்தில் மசோதாவை வாசிக்க

இந்த மசோதாவை விமர்சிப்போர் கூறும் விஷயங்களைப் பின்வருமாறு:

1. அணுமின் நிலையம் போன்ற இடத்திலோ வேறெங்கோ விபத்து ஏற்படும் பட்சத்தில் தாக்குண்டோர் சார்பில் இழப்பீடு கோரி நீதிமன்றம் செல்வது, இந்திய அரசியல் சட்டம் உறுதிசெய்யும் அடிப்படை உரிமை. இந்த உரிமையை இந்த மசோதா மீறுகிறது.

2. தவிர இந்த மசோதா, விபத்து தாக்கிய பகுதிகளை ஆராய்ந்து உடன் இழப்பீடு அளிக்க ஆணையர்களை நியமிக்க வகை செய்கிறது. இவர்கள் அளிக்கும் இழப்பீட்டுத்தொகை போதாது என நீதிமன்றத்தில் மேல் முறையீடு செய்ய இயலாது என்று இந்த மசோதா கூறுவதும் இந்திய அரசியல் சட்டத்தை மீறுவதாகும்.

3. விபத்துக்குப் பொறுப்பான அணுமின் நிலைய நிர்வாகத்தினர் அளிக்க வேண்டிய இழப்பீட்டின் வரம்பை நிர்ணயிப்பது சரியல்ல; சுமார் இருபதாண்டு முன்பு டில்லி ஸ்ரீராம் உணவுப்பதனம் மற்றும் உர ஆலையிலிருந்து ஓலியம் என்ற வகை கந்தக அமில வாயு கசிந்தபோதான தாக்கம் குறித்த வழக்கில், இந்திய உச்ச நீதிமன்றம், ஆலை நிர்வாகமே விபத்துக்கான முற்றான பொறுப்பை ஏற்க வேண்டும் எனத் தீர்ப்பளித்தது. அந்தத் தீர்ப்புக்கு எதிரானது இந்த மசோதா.

4. அமெரிக்கா, ருஷ்யா, ஃப்ரான்ஸ் போன்ற நாடுகளில் உள்ள நிறுவனங்கள் இந்தியாவில் அமைக்க இருக்கும் அணுமின் நிலையங்களைக் கட்டுவதற்கான வடிவமைப்பையும் அவற்றுக்கான பெரும்பாலான அணுஉலை எரிபொருட்களையும் அந்தந்த நாட்டு நிறுவனங்கள்தாம் வழங்க இருக்கின்றன. விபத்து ஏற்படும் பட்சத்தில், அந்த வழங்கு நிறுவனங்களுக்குப் பொறுப்பேதும் இல்லாமல் செய்துவிடுகிறது என்கிறது இந்த மசோதா. அதாவது வேண்டுமென்றோ அதீத கவனமின்மை வழி விபத்து விளைவித்தாலொழிய, வடிவமைப்பு மற்றும் கட்டுமானக் கோளாறுகள் வழி விபத்து ஏற்படும் பட்சத்தில் அந்தந்த வழங்கு நிறுவனங்கள் தப்பித்துவிடும்!

5. பன்னாட்டு நிறுவனங்கள் இந்தியாவில் அமைக்கும் அணுமின் நிலையமொன்றில் விபத்து ஏற்படும் பட்சத்தில் அதற்கு அந்த நிலையத்தை இயக்கும் நிறுவனம் மாத்திரம் பொறுப்பேற்கும் என்கிறது மசோதா. அரசுசார் நிறுவனமான இந்திய அணுசக்திக் குழுமம்தான் இந்த நிலையங்களை இயக்கும் என்பதால் அதன் அதிக பட்ச பொறுப்பு என்பது ஐநூறு கோடி ரூபாய் ஆகிறது.

போபாலில் கசிந்த ஸயனைட் வாயுவைக் காட்டிலும் மோசமான அணுமின் நிலைய விபத்தின் கதிரியக்கத்தாக்கம், இன்னும் பலப்பல தலைமுறைகளுக்குத் தொடருமல்லவா, ஆக, இழப்பு என்பது எப்படியிருக்கும் என்று தெரிய வாய்ப்பில்லாமலே அதிக பட்ச இழப்பீட்டின் வரம்பை ஐநூறு கோடி ரூபாய் என எப்படி நிர்ணயிக்க முடியும்?

6. போபால் விஷவாயு விபத்துக்குப் பிறகான வழக்கின் வழி வந்த இழப்பீட்டுத் தொகை 2,200 கோடி ரூபாய். அது போபால் மக்களுக்குச் சரிவரப் போய்ச்சேரவில்லை, போனது போதவில்லை, போபால் விபத்து நடந்த ஆலை அமைந்துள்ள இடமும் சூழலும் மாசுபட்டுக் கிடக்கின்றன.

இவற்றைக் காட்டிலும் படுமோசமான விளைவுகளை ஏற்படுத்த வல்லது, கதிரியக்கம். என்ற போதும் போபாலில் நீதிமன்றம் வழங்கிய ஏறத்தாழ அதே அளவு தொகையை, அதாவது 2,100 கோடி ரூபாயை, அதிக பட்ச இழப்பீட்டுத் தொகையாக இந்த மசோதா முன்வைக்கிறது! தவிர, இந்த்த் தொகையில் அதிக பட்சமாக ஐநூறு கோடி ரூபாயை அணுமின் நிலையத்தை இயக்கும் அரசுசார் நிறுவனம் ஏற்கும். மீதத்தை அரசு அளிக்கும். அதாவது இந்திய அரசுக்கு வரி செலுத்தும் இந்திய மக்களே மொத்த இழப்பீட்டையும் அளிக்க வேண்டும். ஆக, பன்னாட்டு நிறுவனம் தவறுசெய்யும் பட்சத்திலும் இழப்பீட்டை இந்திய மக்களே ஏற்க வேண்டிய நிலை!

7. மேலும் விபத்து நடந்த நாளினின்றும் பதினைந்து நாட்களில் அதை விபத்து என்று இந்திய அணுசக்தி முறைப்படு்த்தும் வாரியம் அறிவித்தாக வேண்டும். இந்திய அணுசக்தித் துறையின் கட்டுப்பாட்டைத் தாண்டி செயல்பட இயலாத இந்த வாரியம், இதை எப்படி அறிவிக்கும் தெரியவில்லை! இப்படி அறிவித்த பத்தாண்டுக்குள் இழப்பீட்டைக் கோரியாக வேண்டும். தவிர, அணுஉலைப் பொருட்களை யாராவது அறியாமலோ, திருடியோ வீசினால் அல்லது கவனக்குறைவாகக் கைவிட்டால், அதனால் கதிரியக்கத் தாக்கம் பெற்றவர்கள். அதிக பட்சம் இருபதாண்டுக்குள் இழப்பீடு கோரலாம். தவிர, புயல், வெள்ளம், நில நடுக்கம், ஆழிப்பேரலை மற்றும்,காட்டுத் தீ போன்ற இயற்கை உற்பாதங்களோ, போரோ, பயங்கரவாதத் தாக்குதலோ விபத்தை விளைவித்தால் இந்திய அரசுதான் இழப்பீட்டுக்கான முழுப்பொறுப்பை ஏற்க வேண்டும்.

8. மேலதிக இழப்பீடு தேவைப்படும் பட்சத்தில் அதைப் பன்னாட்டு நிதியம் ஒன்றை அமைத்து அதிலிருந்து பெறலாம் என்று இந்த மசோதா கூறுகிறது. அத்தகைய பன்னாட்டு நிதியமேதும் இதுவரை செயல்படத் தொடங்கவில்லை.

9. பன்னாட்டு அணுமின் நிலையங்கள் செயல்படும் நியமங்கள், விதிகளை ஒட்டியே இந்த மசோதாவைத் தயாரித்திருக்கிறோம் என்கிறது இந்திய அரசு. நிஜத்தில், இது குறித்த வியன்னா உடனபடிக்கை இப்படியான அதிக பட்ச இழப்பீட்டு வரம்பு எதையும் கூறுவதில்லை. ஜெர்மனி, ஃபின்லாந்து நாடுகளில் அதிக பட்ச வரம்பேதும் இல்லை. அமெரிக்காவில் கூட, அணுமின் நிலையங்களில் விபத்து ஏற்படும் பட்சத்தில் அதிக பட்ச இழப்பீட்டு வரம்பு, சுமார் ஆயிரம் கோடி அமெரிக்க டாலர். அதாவது சுமார் 45,000 கோடி ரூபாய். அந்தந்த நிலையங்களை இயக்கும் தனியார் நிறுவனங்கள்தாம் இந்தத் தொகையை வழங்க வேண்டும். மேலும் இந்தத் தொகை போதாது என இதை நிர்ணயம் செய்த ப்ரைஸ் ஆண்டர்ஸன் சட்டத்தையும் அதற்கான பல திருத்தங்களையும் பலரும் விமர்சித்திருக்கிறார்கள்! இந்த நிலையில் விபத்து இந்திய மக்களைத் தாக்கினால் ஏன் இத்தனை குறைந்த தொகை?

மேற்கண்ட கேள்விகளுக்கு அரசிடமோ, இந்திய-அமெரிக்க அணுசக்தி ஒப்பந்தத்தை ஆதரிப்போரிடமோ முறையான பதில்கள் இருப்பதாகத் தெரியவில்லை.

இப்படி ஒரு மசோதா வந்திருப்பதை வேறு பலவகையில் பின்வருமாறு பொருள் கொள்ள முடியும்:

1. பெரும் இழப்பீட்டைத் தவிர்ப்பது எப்படி என்ற வகையில், போபாலை முன்னோடியாகக் கொண்ட பாடமாக இந்த மசோதாவை வாசிக்கலாம் அதாவது, இந்த மசோதா குறிப்பிடும் அதிகபட்ச இழப்பீட்டுத் தொகை, போபாலில் தாக்குண்டோர் சார்பில் இந்திய அரசு தானே வாதாடிப் பெற்ற தொகை. அதற்கு மேல் கிடையாது, போபால் போல வழக்காட முடியாது - ஆக, அதிகபட்ச இழப்பீட்டுத் தொகையை மட்டுறுத்துவதில் அரசு குறியாக இருக்கிறது. அதில் தமக்கான பொறுப்பை இல்லாதாக்குவது என்பதில் பன்னாட்டு அணுமின் நிறுவனங்கள் கண்ணும் கருத்துமாக இயங்குகின்றன.

(இன்னும் வரும்)

விழியின் சரிதை - 2

2010-03-26T00:33:00.004Z

விழியின் சரிதை - 1

தத்துவ தரிசனவிதிகள்

1. விழிகளில் ஆழ நோக்க வேண்டிய ஜீவி மனிதன்.
2. மனிதரை மனிதர் மட்டும் ஆழ நோக்க முடியும்.
3. இப்படி ஆழ நோக்குவதன் வழி மனிதர், தத்துவவாதியாகிறார்.

ஆக, கடத்தலுக்கு எதிர்ச்செயல் விழிகளில் ஆழ நோக்குதல். எதிர்ச்செயலும் இரட்டைச்செயலும் கூட. ஒக்க நோக்கின் ஒருநோக்காகி, மீள்கிற செயல். தம் வேட்கை பிலமெய்தித் தம்மில் தளும்பும் ஒருவர் மற்றவரில் தொலைந்திடும் செயல். இறுதியில் ஒருவராகக் குறையவே குறையாமல் இருவரும் இணையும் செயல்.

மற்றவரை விழி வழி ஊடுருவும் செயல் ஒருக்கால் அவர் வேட்கையைத் தூண்டி இன்மையைக் குலைத்தால், ஆராயாமல் செய்த செயல் என்ற கட்டத்தைத் தாண்டும்.

தத்துவவாதிக்கோ விழியை விழியால்தான் மாற்றலாம், மீட்கலாம். மனிதருக்கோ, விழி விழிதான். மனிதரும் விழிதான்.

தம் விழிகளை நோக்கும் மனிதனான தத்துவவாதிக்கு மற்ற மனிதர் பிலம். விழியில் காணும் விழியே முடிவற்ற சிந்தனை. விழிக்கு விழியும் சிந்தனைப்பிலம். இது, மனிதரை விழிகளில் ஆழ நோக்கும் தத்துவவாதி காணும் சிந்தனைப்பிலம்.

விழிகளை நேரே நோக்கும் மனிதனே தத்துவவாதி. சற்றே கோணலாய். தத்தம்மை நேரே நோக்கும் இவ்விரவும் இன்மையும் தத்துவவாதியே. சற்றே கோணலாய், மற்ற விழியில் பட்டுத் தெறிக்கும் விழியில் காண்பதும் தத்துவவாதியே.

(இன்னும் வரும்)

- ஃப்ரான்ஸுவா லோரெல், 1989. ஃப்ரெஞ்சு மொழியிலிருந்து தமிழாக்கம். François Laruelle, Biographie de l’oeil, La Decision philosophique 9, 1989, p. 93-104.

விழியின் சரிதை - 1

2010-03-26T00:14:00.000Z

“தன் பிரிவற்ற எளிமையில் யாவுமடக்கும் இந்த சூன்ய இன்மையெனும் இரவே மனிதன். தன் விழிகளை யாரும் நேரே நோக்கும் இரவே மனிதன்." - ஹெகல்

மனிதன் குறித்த ஹெகலின் இந்தத் தீர்ப்புடன் வருவது இதோ:

மனித விழி நேரே நோக்காத மனிதனே தத்துவவாதி. விழி நோக்க வேண்டித் தன் விழி எங்கோ திருப்பும் மனிதன் தத்துவவாதி. இவன் உடனடிப்பொருளைத் தவறாக இனங்காண்கிறான், தான் உடனடிப்பொருள் இல்லை என்பதே காரணம்.
.
விழி நோக்கும் செயல் தத்துவ அவாவின், அதன் நீள்கோண மீறலின், அடிப்படை. மனிதனின் நேரடித்தன்மை அற்ற நீள்கோணப் பார்வை கொண்ட் மனிதனே தத்துவவாதி.

விழிகளெனும் பன்மையை ஒருமையாக்கி நோக்கும் செயல், இவை தம்மில் தோன்றும் சாத்தியமான முரண்பாட்டையோ, பொய்மையையோ உடனழிக்கும் செயலல்ல எனில், ஆன்மாவின் சிறப்பாழம் நோக்கி ஊடுருவும் செயல்.

மனிதனைப் புறத்தினின்றும் நோக்கும் தத்துவவாதி, விழியில் காண்பதென்னவோ சூன்யத்தையும் இரவை - இன்மையில் அடர்ந்து பரவும் அல்லது நாளின் ஒளியில் கரையும் அந்த மருளை.

விழி நோக்கும் தத்துவவாதியில் நோக்கம், உலகை மனிதனிலும் மனிதனை இன்மையிலும் கரைக்கவே. ஆக, மனிதனை மனிதனில் காணாத தத்துவவாதி காண்பது உலகின் இன்மையை.

உணரலாம், எரிக்கலாம், குத்தலாம், வருடலாம் என்றாலும் விழிகள் விழிகள்தாம். நோக்க, நோக்கும் விழிகள்தாம்.

குட்டிகளிடம் தன் மூச்சை நிரப்பித் தன்னை அவற்றுடன் பிணைத்துக்கொள்ளும் கொடும்விலங்கைப் போல, தன் விழியை மனித விழிகளில் ஆழச்செலுத்தித் மனிதனில் தன்னைப் பிணைக்க முற்படும் மனிதன் அடையும் நிலையே தத்துவவாதி. புதிய தத்துவவாதி.

(இன்னும் வரும்)

-- ஃப்ரான்ஸுவா லோரெல், 1989. ஃப்ரெஞ்சு மொழியிலிருந்து தமிழாக்கம். François Laruelle, Biographie de l’oeil,, La Decision philosophique 9, 1989, p. 93-104.