NazraniForum

Caste System in Muslim Community

2010-09-30T09:39:00.000+05:30

Muslim fundamentalist groups are repeatedly attacking Christian community for 'supporting' the caste system. According to their propaganda, like upper-caste Hindus, Christians also follow a discriminative policy towards Dalits. The true motive behind this propaganda is to prevent Dalits from converting to Christianity. The truth is, Muslim groups are doing everything possible to attract Dalits to Islam. They have even published a book 'Avarnnarkku Nallath Islam' (Islam is better for low-caste Hindus) for convincing Dalits that they should embrace Islam. Despite of all these efforts, no Dalit is ever ready to become a Muslim, while they are continuing to embrace Christianity in other parts of the country like Chhattisgarh, Jharkhand, Orissa, Telengana, etc. Muslim fundamentalists simply believe that the only reason behind the conversion of a Dalit is the caste system and discrimination he faces in the Hindu community. So it is their final resort to tell the Dalits that "The Christians are no better, there also you will face communalism." This is why they continuously talk about 'Pulappallys' and 'Parappallys'.

But one thing they will never say is that the Muslim community of Kerala itself has a well defined caste-system which possess a hierarchy of castes comparable to Hindu castes. The following is an extract from the 'Erattupetta Historical Project'. Erattupetta is a place in Kottayam district where majority of the population (83%) is Muslims. This is what the Muslims themselves have to say about the castes among them, hence more reliable.

METHARS

The word ‘Methar’ denotes the highest group of Muslim. In AD 2nd and 3rd century, majority of the people who lived in Erattupetta and the nearest places were Hindus. Most of them were known as Vellala Chettikal, who belonged to the Keezhalar groups of Hindu community. The immigration of Muslims to Erattupetta happened in 7th century AD. This migration happened mainly from the place of Kodungallur and Kochi.A priest named Malik bin-Dinar was the leader of this group. As water was essential for religious purposes they stayed near the banks of rivers. The natives respected them a lot and it is believed that the name Methar was given to Muslims by the natives themselves. It is also believed that the first Muslim population in Erattupetta consisted of Methars. In A.D. 1340 [Hijra 720] Saeed Bava, who arrived for spreading religious faith, stayed here and became the main priest of this mosque and married a woman from a prominent family. It is written history that he married a woman named Haleema from the Methar family and settled down in Erattupetta.

RAWTHERS

Erattupetta is the main place in Kottayam district, where the Rawthers live. From about 11th and 12th centuries itself, Tamil Muslims reached Kerala for the needs of trade and stayed here. The Hanafi Muslims performed a special prayer called ‘Vithar’ at night after performing ‘Isah’, the main prayer. The Muslim here in this period followed the ‘Shafi’ traditions. The native called the Hanafi Muslims ‘Rawthers’ meaning the people who preformed Vithar at night. All the Rawthers living in different places of Kerala are Hanafi Muslims. That is why it is believed that the Muslims who came from Tamilnadu were known as Rawthere. The Tamil Muslims followed mainly Hanafi tradition. Majority of the Hanafi Muslims in the Muslim community in Erattupetta are still Rawthers.

KHANS

The erstwhile Poonjar, which included Erattupetta was ruled by Thekkumkoor kings till 11th century AD. But at the last decades of 11th century AD a ruler named Mana Vikrama Kulashekara Perumal from Madhura, bought Poonjar from Thekkamkoor king and established power. The group which came from Madhura with Manavikrama included warriors and servants who were Muslims and they were given the duty of protecting the kingdom of Poonjar. They were accommodated with all facilities for religious performance in Erattupetta. The word Khan was taken from the Persian language and has many meanings like, Karyasthan, employee, servant, guard etc. Muslims rulers in north India gave this name to their court employees. Following this practice, Manavikrama Perumal who bought Poonjar gave his Muslims servents awarded the name ‘Khan’. Later, they came to be known as Khans. They accepted this name from the King as a reward and added it after their name, considering them as the servant and guards of Poonjar kingdom. Therefore Muslims who came here with Manavikrama Kulashekhera Perumal and their descendents are the khans in Erattupetta.

LABBAS

In Hijra 720-AD 1340 a preacher and scholar of lslam, Saeed Bava come to Erattupetta from Androth island. Muslims in Erattupetta appointed him as the Imam or khathib of the mosque and he married a woman named Haleema from a Mether family. His descendants came to called Labbas. All the men folks in the Labba families learned religion and were involved in religious matters. So they were given great place in society and were respected. Almost all male members of these sects were either priests or religious teachers and so they were respected and they enjoyed an important place in religious and social life.

OSSANS

On the basis of caste system, social discrimination, competition for power, untouchability and other evil practices existed in the society when the Islamic religion entered the region. The Barber groups who were considered as lower caste suffered a lot in that society. In this particular situation the belief of Islam rooted in the region deeply. Along with others, these people also were attracted to Islamic thoughts. Thus they became the Ossan Muslims of Erattupetta. In course of time the Ossan groups who came from other places also stayed with them as a small group. Today the Ossans are a small group and make up only 0.56% of the total Muslim population in Erattupetta.

Courtesy: http://www.erattupettaonline.com/Erattupetta/Erattupetta_Historical_Project/Erattupetta_Historical_Project_Chapter_2-p.html

ആഫ്രിക്കയിലെ അറബ് അധിനിവേശം

2010-09-23T13:16:00.000+05:30

കമ്മ്യൂണിസ്റ്റുകളും ഇസ്ലാമികവാദികളും മറ്റുപാശ്ചാത്യവിരുദ്ധരും ഏറ്റവും കൂടുതല്‍ ഉപയോഗിക്കുന്ന ഒരു വാക്കാണ്‌ അധിനിവേശം. ക്രൈസ്തവ രാഷ്ട്രങ്ങളെ, പ്രത്യേകിച്ച് അമേരിക്ക, ബ്രിട്ടണ്‍ തുടങ്ങിയ വന്‍ ശക്തികളെ കുറ്റപ്പെടുത്താനും താറടിച്ചുകാട്ടാനുമാണ് സാധാരണയായി അധിനിവേശം എന്ന വാക്കുപയോഗിക്കുന്നത്. 'ഇറാഖ് അധിനിവേശം' തുടങ്ങിയ പ്രയോഗങ്ങള്‍ തന്നെ ഉദാഹരണം. എന്നാല്‍ കേവലം ഒരു രാഷ്ട്രീയ ആയുധം എന്നതിനപ്പുറം ഇത്തരം പ്രയോഗങ്ങള്‍ക്ക് അതുപ്രയോഗിക്കുന്നവര്‍ പോലും എന്തെങ്കിലും പ്രാധാന്യം കൊടുക്കുന്നുണ്ടെന്നു തോന്നുന്നില്ല.അധിനിവേശം എന്ന പ്രയോഗം തന്നെയെടുക്കാം. അധിനിവേശം എന്ന വാക്ക്‌ കൊണ്ട് അര്‍ത്ഥമാക്കുന്നത് ഒരു രാജ്യം മറ്റൊരു രാജ്യത്തിനുള്ളിലേയ്ക്ക്‌ അല്ലെങ്കില്‍ ഒരു സംസ്കാരം മറ്റൊന്നിനുള്ളിലേയ്ക്ക്‌ കടന്നുകയറുക എന്നതാണ്.ആ അര്‍ത്ഥത്തില്‍ ഇറാഖിലെ അമേരിക്കന്‍ ഇടപെടലിനെ കടന്നുകയറ്റമായി കണക്കാക്കാനാവുമോ? അമേരിക്കന്‍ സര്‍ക്കാര്‍ ഇറാഖിനെ അവരുടെ രാജ്യത്തോട് ചേര്‍ക്കുകയോ ഇറാക്കില്‍ താമസമുറപ്പിക്കാന്‍ അമേരിക്കയില്‍ നിന്ന്‍ ജനങ്ങളെ കൊണ്ടുവരികയോ ചെയ്തിട്ടില്ല. അമേരിക്കന്‍ സംസ്കാരവും ഭാഷയും വസ്ത്രധാരണരീതിയും ഇറാക്കില്‍ പ്രചരിപ്പിക്കാന്‍ നിയമനിര്‍മാണം നടത്തിയിട്ടുമില്ല. എന്നിട്ടും ഇറാഖിലെ അമേരിക്കന്‍ സൈനിക ഇടപെടലിനെ 'അധിനിവേശം' എന്നുവിളിക്കാന്‍ ചിലരെങ്കിലും ശ്രമിക്കുന്നത് അവരുടെ ക്രിസ്ത്യന്‍ - പാശ്ചാത്യ - വിരുദ്ധ മനോഭാവം കാരണമാണ്. അതേസമയം യഥാര്‍ത്ഥ അധിനിവേശങ്ങളെ ഇക്കൂട്ടര്‍ കണ്ടില്ലെന്നു നടിക്കുന്നു.ടിബറ്റിലെ ചൈനീസ് അധിനിവേശം തന്നെ ഉദാഹരണം. ഇന്ന് ടിബറ്റുകാര്‍ നേരിടുന്ന ഏറ്റവും വലിയ പ്രതിസന്ധി ചൈനീസ് ഭരണത്തിനു കീഴില്‍ കഴിയുന്നതല്ല. മറിച്ച് ടിബറ്റന്‍ സംസ്കാരത്തെയും ഭാഷയെയും തുടച്ചുനീക്കാന്‍ ചൈനീസ് സര്‍ക്കാര്‍ നടത്തുന്ന ശ്രമങ്ങളാണ്. ചൈനീസ് ഹാന്‍ വംശജരെ ടിബറ്റില്‍ താമസം ഉറപ്പിക്കാന്‍ പ്രേരിപ്പിക്കുകയാണ് ചൈനീസ് സര്‍ക്കാര്‍. അങ്ങനെ ടിബെറ്റുകാരെ ടിബറ്റില്‍ ന്യൂനപക്ഷമാക്കാമെന്നും ടിബറ്റിനെ ചൈനീസ് ഭാഷ സംസാരിക്കുന്ന, ചൈനീസ് വംശജര്‍ക്ക് ഭൂരിപക്ഷമുള്ള, ചൈനീസ് സംസ്കാരത്തിന് ആഴത്തില്‍ വേരോട്ടമുള്ള ഒരു പ്രദേശമാക്കി മാറ്റാമെന്നും ചൈനീസ് സര്‍ക്കാര്‍ കണക്കുകൂട്ടുന്നു. ഇതാണ് യഥാര്‍ത്ഥ അധിനിവേശം. ഒരു രാജ്യം മറ്റൊരു രാജ്യത്തിലേയ്ക്ക്‌ കടന്നുകയറുന്ന അവസ്ഥ. ഒരു രാജ്യത്തെ മറ്റൊരു രാജ്യത്തിന്‍റെ ഭാഗമാക്കാനുള്ള പച്ചയായ ശ്രമം. ഇതിനെ എന്തുകൊണ്ടാണ് മേല്‍പ്പറഞ്ഞവര്‍ അധിനിവേശം എന്നുവിളിക്കാത്തത്?

സാമ്രാജ്യത്വം എന്ന പദം എല്ലായ്പ്പോഴും പടിഞ്ഞാറുമായി ബന്ധപ്പെടുത്തി മാത്രം പറഞ്ഞു കേള്‍ക്കാറുള്ള ഒന്നാണ്. കോളനിവാഴ്ചയും അധിനിവേശങ്ങളും പാശ്ചാത്യ ക്രിസ്ത്യന്‍ രാഷ്ട്രങ്ങളുടെ മാത്രം സ്വന്തമാണെന്നാണ് വയ്പ്പ്. ഓറിയെന്റല്‍ സമൂഹങ്ങളുടെ സാമ്രാജ്യത്വപ്രവണതകളെ അതുകൊണ്ടു തന്നെ നാം കണ്ടില്ലെന്നു വെയ്ക്കാറാണ് പതിവ്‌. അമേരിക്കയുടെ ഇറാഖ്‌ 'അധിനിവേശത്തില്‍' ഉല്‍ക്കണ്ഠപ്പെടുന്ന മലയാളിസമൂഹം ചൈനയെയും തിബറ്റിനെയും സൗകര്യപൂര്‍വ്വം മറക്കുന്നത് അതുകൊണ്ടാണ്.

ഇന്നുവരെയുള്ള ലോകചരിത്രം പരിശോധിച്ചാല്‍ ഒരു സമൂഹമോ സംസ്കാരമോ മറ്റൊന്നിന്റെമേല്‍ കടന്നുകയറുന്നത് ഒരു പുതിയ കാര്യമല്ല എന്നു മനസിലാക്കാവുന്നതാണ്. എന്നാല്‍ ജനാധിപത്യമൂല്യങ്ങള്‍ ലോകമെങ്ങും പ്രാമുഖ്യം നേടുകയും മനുഷ്യാവകാശങ്ങളെപ്പറ്റി ഗൌരവമായി ചിന്തിക്കുന്ന ഒരു അന്തര്‍ദേശീയസമൂഹം ഉരുത്തിരിഞ്ഞു വരികയും ചെയ്തതിനുശേഷവും ഇത്തരം വംശീയ കടന്നുകയറ്റങ്ങള്‍ ലോകത്തിന്റെ പലഭാഗങ്ങളിലും നടക്കുന്നത് തീര്‍ച്ചയായും ഗൌരവമായിത്തന്നെ കാണണം. രാഷ്ട്രീയ താല്‍പര്യങ്ങളുടെയും അജണ്ടകളുടെയും ഭാഗമായി ജനാധിപത്യരാഷ്ട്രങ്ങളെ അധിനിവേശശക്തികള്‍ എന്നു മുദ്രകുത്തി നാം കുരിശിലേറ്റുമ്പോള്‍ രക്ഷപ്പെടുന്നത് യഥാര്‍ത്ഥ കൊളോണിയലിസ്റ്റുകളാണ്.

ചരിത്രത്തില്‍ ഏറ്റവും കൂടുതല്‍ അപലപിക്കപ്പെട്ടിട്ടുള്ള ഒന്നാണ് അമേരിക്കന്‍ വന്‍കരകളിലെ ആദിമഗോത്രവര്‍ഗക്കാരുടെ മേല്‍ യൂറോപ്യന്മാര്‍ നടത്തിയ കടന്നുകയറ്റം. യൂറോപ്യന്മാരുടെ വരവിനുമുന്‍പ് ഇന്‍കാ, ആസ്ടെക്‌ തുടങ്ങിയ പ്രാചീന റെഡ്‌ ഇന്ത്യന്‍ നാഗരികതകള്‍ അമേരിക്കന്‍ വന്‍കരകളില്‍ നിലനിന്നിരുന്നു. സ്പാനിയാര്‍ഡുകള്‍, ഇംഗ്ലീഷുകാര്‍, തുടങ്ങിയ യൂറോപ്യന്‍ വംശജരുടെ കുടിയേറ്റം ഈ നാഗരികതകളെ പലതിനെയും ഭൂമുഖത്തുനിന്നും തുടച്ചുനീക്കി.അതുകൊണ്ടുതന്നെ അമേരിക്കന്‍ വന്‍കരകളിലെ യൂറോപ്യന്‍ അധിനിവേശം എന്നും പാശ്ചാത്യവിരുദ്ധന്മാരുടെ ശക്തമായ ആയുധം ആയിരുന്നു. ഇതിനോട്‌ വളരെയേറെ സമാനവും എന്നാല്‍ എപ്പോഴും വിസ്മരിക്കപ്പെടുകയും പലപ്പോഴും തമസ്കരിക്കപ്പെടുകയും ചെയ്യുന്ന ഒന്നാണ് ആഫ്രിക്കയിലെ അറബ് അധിനിവേശം.

മൊറോക്കോ മുതല്‍ ഈജിപ്റ്റുവരെയുള്ള വടക്കന്‍ ആഫ്രിക്കന്‍ രാഷ്ട്രങ്ങള്‍ അറബിരാഷ്ട്രങ്ങളാണ്. സഹാറയ്ക്ക് വടക്കും തെക്കുമുള്ള ആഫ്രിക്കയുടെ ഭാഗങ്ങള്‍ വംശീയമായി വ്യത്യസ്തങ്ങളാണ്. വടക്കന്‍ ആഫ്രിക്ക ചരിത്രപരമായി കൊക്കേഷ്യന്‍ വംശജര്‍ അധിവസിക്കുന്ന മേഖലയാണ്. റോമാക്കാരുടെ കാലത്ത് ഈ പ്രദേശം റോമന്‍ സാമ്രാജ്യത്തിന്റെ ഭാഗമായിരുന്നു. പില്‍ക്കാലത്ത് ഇസ്ലാം മതത്തിന്റെ ഉദയത്തിനുശേഷം മുസ്ലീങ്ങള്‍ ഈ പ്രദേശം പിടിച്ചടക്കുകയാണുണ്ടായത്. കാലക്രമേണ ഇവിടം അറബിമുസ്ലീങ്ങള്‍ക്ക് ഭൂരിപക്ഷമുള്ള ഒരു മേഖലയായി മാറി. ഇത് പടയോട്ടങ്ങളുടെ കാലത്തെ കഥ. ഭൂതകാലത്തെ കീറിമുറിച്ച് കുറ്റവിചാരണ നടത്തുന്നതില്‍ അര്‍ത്ഥമില്ല. തങ്ങളുടെ പൂര്‍വികരുടെ കുറ്റം ഇന്നത്തെ തലമുറയുടെ മേല്‍ ആരോപിക്കാനുമാവില്ല. എന്നാല്‍ ഇന്നും അതേ അധിനിവേശപ്രക്രിയകള്‍ നിര്‍ബാധം തുടരുന്നുവെങ്കില്‍ അതിനുത്തരവാദികളായവരെ ഒറ്റപ്പെടുത്താനും പ്രതിരോധിക്കാനും മനുഷ്യാവകാശസ്നേഹികളായ എല്ലാവരും ജാതിവര്‍ഗഭേദമെന്യേ ഒറ്റക്കെട്ടായി മുന്നോട്ടുവരേണ്ടതാണ്.

സഹാറമരുഭൂമിക്ക് തെക്കുള്ള ആഫ്രിക്ക പരമ്പരാഗതമായി കറുത്തവര്‍ഗക്കാരുടെ മേഖലയാണ്. ആഫ്രിക്കന്‍ ഗോത്രമതങ്ങളും ക്രിസ്തുമതവുമാണ് ഈ പ്രദേശത്ത് നിലനിന്നുപോരുന്നത്. യൂറോപ്യന്‍ കോളനിവാഴ്ച്ചയ്ക്ക് വളരെ മുന്‍പുതന്നെ സബ്-സഹാറന്‍ ആഫ്രിക്കയില്‍ ക്രിസ്തുമതം പ്രചരിച്ചിരുന്നു. അതിന്റെ ഏറ്റവും നല്ല ഉദാഹരണമാണ് ക്രിസ്ത്യന്‍ രാഷ്ട്രമായ എത്യോപ്യ. അറബ് രാഷ്ട്രങ്ങളില്‍ നിലനില്‍ക്കുന്ന സെമിറ്റിക്ക് ജീവിതശൈലിയില്‍നിന്നു വ്യത്യസ്തമായി സഹാറയ്ക്ക് തെക്കുള്ള നാടുകളില്‍ വേട്ടയാടിയും വനവിഭവങ്ങള്‍ ശേഖരിച്ചും പ്രകൃതിയോടും കാടിനോടും ഇണങ്ങി കഴിയുന്ന ഗോത്രവര്‍ഗ ജീവിതശൈലിയാണുള്ളത്‌. നിരായുധരും നിസ്സഹായരുമായ ഈ ജനസമൂഹത്തിന്റെ ആവാസമേഖലയിലേയ്ക്ക് കുറേശ്ശെയായി കടന്നുകയറുകയാണ് സംഘടിതരും താരതമ്യേന പരിഷ്കൃതരുമായ അറബ് വംശജര്‍.

സുഡാനിലെ ദാര്‍ഫര്‍ മേഖലയില്‍ നടന്ന (ഇപ്പോഴും നിശബ്ദമായി തുടരുന്ന) വംശഹത്യ കേരളത്തിലെ മാധ്യമസമൂഹം പൂര്‍ണമായും തമസ്കരിക്കുകയാണ് ചെയ്തത്. കേരളത്തിലെ സാമൂഹിക-ബൌദ്ധിക-മാധ്യമരംഗങ്ങളില്‍ മേധാവിത്വം പുലര്‍ത്തുന്ന ഇസ്ലാമിക-ഇടതുപക്ഷലോബികള്‍ക്ക് ദാര്‍ഫറിലെ യാഥാര്‍ത്ഥ്യം അപ്രിയസത്യമാകുന്നതുകൊണ്ടാണിത്. ഒരു സമൂഹത്തെ മുഴുവന്‍ വികസനത്തിന്റെയും ആധുനികതയുടേയും ആഗോളമാനവീകതയുടെയും ശത്രുക്കളാക്കി, പ്രാദേശികവാദികളാക്കി, പിന്തിരിപ്പന്‍മാരാക്കി നിലനിര്‍ത്താന്‍ അവര്‍ക്ക്‌ തങ്ങള്‍തന്നെ നിര്‍മിച്ചുവെച്ച 'പടിഞ്ഞാറന്‍ സാമ്രാജ്യത്വത്തിന്റെയും' 'അമേരിക്കന്‍ അധിനിവേശത്തിന്റെയും' ഐതീഹ്യങ്ങള്‍ ആവശ്യമാണ്. ഈ മിത്തുകളെ അലോസരപ്പെടുത്തുന്ന യാതൊന്നും ജനങ്ങളിലേക്ക് എത്തുന്നത്‌ ഇക്കൂട്ടര്‍ക്ക് സഹിക്കാനാവില്ല. ഏതോ ഒരു ഡാനിഷ് പത്രത്തില്‍ മുഹമ്മദ് നബിയുടേത്‌ എന്നാരോപിക്കപ്പെടുന്ന (ഒരു ചിത്രവും മുഹമ്മദ്‌ നബിയുടേതാണ് എന്ന് സംശയലേശമെന്യേ പറയാനാവില്ല. കാരണം ഇസ്ലാമികസംസ്കാരം പ്രവാചകന്മാരുടെ ചിത്രങ്ങളോ ശില്‍പ്പങ്ങളോ സൂക്ഷിക്കാറില്ല.മുഹമ്മദ് നബിയുടെ മുഖച്ഛായ ഇങ്ങനെയാണ് എന്ന് പറയാന്‍ അതുകൊണ്ടുതന്നെ ആര്‍ക്കും കഴിയില്ല.) ഒരു കാര്‍ട്ടൂണ്‍ പ്രത്യക്ഷപ്പെട്ടപ്പോള്‍ ഇവിടുത്തെ ഒരു മാര്‍ക്സിസ്റ്റ്‌ തമ്പുരാന്‍ പറഞ്ഞത് "ഒരു ജനതയെത്തന്നെ അന്യവല്‍ക്കരിച്ചു കാണിക്കാനുള്ള സാമ്രാജ്യത്വ കുതന്ത്രത്തിന്റെ ഭാഗമാണിതെ"ന്നാണ്. ഡെന്‍മാര്‍ക്ക്‌ ഒരു കൊളോണിയല്‍ രാജ്യമല്ല. ഡെന്‍മാര്‍ക്കിനുപുറത്ത് ഡാനിഷ്ഭാഷയ്ക്കോ ആ ഭാഷയിലുള്ള പത്രങ്ങള്‍ക്കോ പ്രചാരമൊട്ടില്ലതാനും. എന്നിട്ടും ഇതില്‍ 'സാമ്രാജ്യത്വം' കണ്ടെത്തിയവര്‍ ദാര്‍ഫറിലെ കറുത്തവര്‍ഗക്കാരായ ഗോത്രജനതയെ സായുധരായ ജന്‍ജാവീദ് സൈന്യം കൊന്നൊടുക്കിയപ്പോഴും‍, ഗോത്രവര്‍ഗക്കാര്‍ പ്രാണരക്ഷാര്‍ത്ഥം എത്യോപ്യയിലേയ്ക്ക് പലായനം ചെയ്തപ്പോഴും (ഈ പലായനത്തെപ്പറ്റി കൂടുതല്‍ അറിയാന്‍ സുഡാനിലെ കാണാതായ ബാലകരുടെ കഥ പറയുന്ന ഗോഡ്‌ ഗ്ര്യൂ റ്റയേഡ് ഓഫ് അസ്‌ എന്ന ഡോക്യുമെന്റ്ററി ചിത്രം കാണുക.), ശേഷിച്ച കറുത്തവര്‍ പിറന്നുവീണ മണ്ണില്‍ ജീവിക്കാനുള്ള ആഗ്രഹം മൂലം സുഡാനെ 'ഇസ്ലാമിക രാഷ്ട്ര'മാക്കാനും 'ശരിഅത്ത്' പ്രാബല്യത്തില്‍ കൊണ്ടുവരാനും സമ്മതിച്ച് കരാറില്‍ ഒപ്പുവെച്ചപ്പോഴും അതില്‍ യാതൊരു അധിനിവേശവും കണ്ടെത്താനായില്ല.

[ആഫ്രിക്കയിലെ (അനുദിനം തെക്കോട്ടു വികസിച്ചുകൊണ്ടിരിക്കുന്ന) അറബ് അധിനിവേശമേഖല താഴെക്കാണാം.]

ആലപ്പുഴയില്‍ ബ്ലാക്ക്മാസ്സിനായി തിരുവോസ്തി മോഷ്ടിച്ചു

2010-09-13T10:17:00.000+05:30

കേരളത്തില്‍ വര്‍ദ്ധിച്ചുവരുന്ന'ബ്ലാക്ക്‌മാസ്‌' അഥവാ 'സാത്താന്‍ സേവ' വിശ്വാസികള്‍ ഗൌരവമായിത്തന്നെ കാണേണ്ടതുണ്ട്. ക്രൈസ്‌തവര്‍ ഏറ്റവും വിശുദ്ധമായി കരുതുന്ന തിരുവോസ്‌തിയെത്തന്നെയാണ്‌ ബ്ലാക്ക്‌മാസില്‍ അവഹേളന കര്‍മങ്ങള്‍ക്ക്‌ ഉപയോഗിക്കുന്നത്. ഇതിനായി പള്ളികളില്‍ നിന്ന് വെഞ്ചരിച്ച തിരുവോസ്തിയാണ് വിവിധ മാര്‍ഗങ്ങളിലൂടെ ഇത്തരക്കാര്‍ കൈക്കലാക്കുന്നത്. ഇതിന്‍റെ ഏറ്റവും ഒടുവിലത്തെ ദൃഷ്ടാന്തമാണ് ആലപ്പുഴ നഗരത്തിലെ വെള്ളാപ്പള്ളി സെന്റ് ഫ്രാന്‍സിസ് അസീസി പള്ളിയിലെ തിരുവോസ്തി മോഷണംപോയ സംഭവം.

ഞായറാഴ്ച വെള്ളാപ്പള്ളി പള്ളിയിലെ കുര്‍ബാനയ്ക്കുശേഷം പള്ളിവികാരി ഫാ.പോള്‍ കൊച്ചീക്കാരന്‍ രണ്ടരയോടെ ഒറ്റമശ്ശേരി പള്ളിയില്‍ കുര്‍ബാനയ്ക്കുപോയ അവസരത്തിലാണ് സംഭവം നടന്നത്. സക്രാരിയിലെ രണ്ടു സിമ്പോറിയത്തിലാണ് തിരുവോസ്തി സൂക്ഷിച്ചിരുന്നത്. വൈകീട്ട് ആറുമണിയോടെ പള്ളിയിലെത്തിയ കപ്യാര് സോണിയാണ് മോഷണവിവരമറിഞ്ഞത്. എടുത്ത തിരുവോസ്തിയുടെ അംശങ്ങള്‍ അള്‍ത്താരയില്‍ ചിതറിക്കിടന്നിരുന്നു.

കപ്യാര് അറിയിച്ചതിനെത്തുടര്‍ന്ന് പള്ളിവികാരി ഉടന്‍തന്നെ സ്ഥലത്തെത്തി പരിശോധന നടത്തി പോലീസില്‍ വിവരമറിയിക്കുകയായിരുന്നു. വിവരമറിഞ്ഞ് വിശ്വാസികള്‍ തടിച്ചുകൂടി. സക്രാരിയുടെ ഒരു താക്കോല്‍ അള്‍ത്താരയിലും മറ്റൊന്ന് വികാരിയുടെ കൈവശവുമാണ് സൂക്ഷിച്ചിരുന്നത്. തിരുവോസ്തിക്കൊപ്പം അള്‍ത്താരയിലെ താക്കോലും നഷ്ടപ്പെട്ടിട്ടുണ്ട്.

ഇതാദ്യമാണ് ആലപ്പുഴയില്‍ തിരുവോസ്തി മോഷണം നടക്കുന്നത്. സാത്താനെ ആരാധിക്കുന്ന വിഭാഗങ്ങള്‍ അടുത്തുള്ള തുമ്പോളി മേഖലയില്‍ പ്രവര്‍ത്തിക്കുന്നതായി വിവരമുണ്ട്. അളവറ്റ പണം സമ്പാദിക്കുന്നതിനും ശത്രുക്കളുടെ നാശത്തിനും ഉപകരിക്കുമെന്ന അന്ധവിശ്വാസത്തിന്റെ മറവിലാണ്‌ രഹസ്യമായി സാത്താന്‍ സേവയും ഇതര ആഭിചാര കര്‍മ്മങ്ങ ളും സംഘടിപ്പിക്കപ്പെടുന്നത്‌. ബിസിനസ്‌ രംഗത്തെ അഭിവൃദ്ധി, ശത്രുഭയ നിവാരണം, ശത്രുനാശം എന്നിവയ്‌ക്കുവേണ്ടി എല്ലാ മതവിഭാഗങ്ങളിലും ഉള്‍പ്പെടുന്നവര്‍ സാത്താന്‍ സേവയ്‌ക്ക്‌ എത്തുന്നുണ്ട്‌.

1594-ല്‍ ഫ്രാന്‍സിലാണ്‌ ബ്ലാക്ക്‌മാസ്‌ ആദ്യം ആരംഭിച്ചത്‌. ജനങ്ങളെ വഴിതെറ്റിക്കുന്ന ഈ ദുരാചാരത്തെ പല വിദേശരാജ്യങ്ങളും നിരോധിച്ചിട്ടുണ്ട്‌. തികച്ചും നിഗൂഢവും വൈകൃതങ്ങളുടെ കൂത്തരങ്ങുമാണ്‌ ആഭിചാര കര്‍മ്മങ്ങള്‍ അരങ്ങേറുന്ന ഇടങ്ങള്‍. ലഹരിമരുന്നു സേവിച്ചശേഷം നടക്കുന്ന നഗ്നനൃത്തം, കറുത്ത നിറമുള്ള പാത്രത്തില്‍ ശേഖരിച്ച അശുദ്ധരക്തം, തലയോട്ടിയില്‍ ശേഖരിച്ച മൂത്രം തുടങ്ങിയവയാണ്‌ മറ്റു പൂജാദ്രവ്യങ്ങള്‍. മയക്കുമരുന്നു ലഹരിയില്‍ സമനില തെറ്റിയ നിലയിലാണ്‌ പലരും ഈ ദുരാചാരത്തില്‍ പങ്കാളിയാകുന്നത്‌. ലഹരി മരുന്നിന്‌ അടിമകളായ നാട്ടുകാരോടൊപ്പം വിനോദസഞ്ചാരികളായെത്തുന്ന നിരവധി വിദേശികളും രഹസ്യമായി നടത്തുന്ന ആഭിചാരപൂജകളില്‍ പങ്കെടുക്കുന്നു.

തിരുവോസ്‌തി ബ്ലാക്ക്‌ മാസിനായി ദുരുപയോഗിക്കുന്നത്‌ അടുത്തകാലത്ത് സഭാ നേതൃത്വത്തെ ഏറെ വിഷമിപ്പിച്ചിരുന്നു. തിരുവോസ്‌തി വിശ്വാസികള്‍ക്ക്‌ കൈവെള്ളയില്‍ വച്ചുകൊടുക്കുന്ന രീതി നിലവില്‍ വന്നതോടെയാണ്‌ ആഭിചാര കര്‍മ്മങ്ങള്‍ക്ക്‌ തിരുവോസ്‌തി ഉപയോഗിക്കുന്നത്‌ വര്‍ദ്ധിച്ചത്‌. ദുരുപയോഗം വ്യാപകമായതോടെതിരുവോസ്‌തി കൈവെള്ളയില്‍ വച്ചുകൊടുക്കുന്ന രീതി അവസാനിപ്പിക്കാന്‍ കേരള കാത്തലിക്‌ ബിഷപ്‌സ്‌ കോണ്‍ഫറന്‍സ്‌ ഈയിടെ തീരുമാനിക്കുകയും അത്‌ നടപ്പിലാക്കുകയും ചെയ്‌തു.

ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ ക്രൈസ്തവസഭകള്‍ ജാഗ്രതയോടെ ഉണര്‍ന്നു പ്രവത്തിക്കേണ്ടതുണ്ട്. സക്രാരി എപ്പോഴും പൂട്ടി സൂക്ഷിക്കാനും അള്‍ത്താരയില്‍ സൂക്ഷിക്കുന്ന തിരുവോസ്തി മുഴുവനും സക്രാരിയ്ക്ക് ഉള്ളില്‍ത്തന്നെ സൂക്ഷിക്കാനും ശ്രദ്ധിക്കണം. അതുപോലെതന്നെ സക്രാരിയുടെ താക്കോല്‍ ഭദ്രമായി സൂക്ഷിക്കേണ്ട ഉത്തരവാദിത്തം പള്ളി അധികാരികള്‍ക്കുണ്ട്. സക്രാരിയുടെ താക്കോല്‍ അള്‍ത്താരയില്‍ത്തന്നെ സൂക്ഷിച്ചതാണ് വെള്ളാപ്പള്ളി പള്ളിയിലെ അനിഷ്ട സംഭവത്തിനു കാരണം.

പള്ളിയില്‍ എപ്പോഴും വിശ്വാസികളുടെ സാന്നിധ്യം ഉറപ്പുവരുത്തിയാല്‍ ഇത്തരം സംഭവങ്ങള്‍ മേലില്‍ ആവര്‍ത്തിക്കില്ല. ഞായറാഴ്ച ദിവസം ഉച്ചതിരിഞ്ഞ സമയമായിട്ടുകൂടി പള്ളി വിജനമായിക്കിടക്കുകയായിരുന്നു എന്നത് ഗുരുതരമായ അലംഭാവമാണ്. ഇതിനെ ഒറ്റപ്പെട്ട സംഭവമായിക്കണ്ട് മറന്നുകളയാതെ കാര്യത്തിന്‍റെ ഗൌരവം മനസിലാക്കി വൈദികര്‍ക്കും വിശ്വാസികള്‍ക്കും വേണ്ട മുന്നറിയിപ്പ്‌ നല്‍കാന്‍ സഭാനേതൃത്വം ശ്രദ്ധിക്കണം.

ക്രിസ്ത്യാനികള്‍ക്ക് ഊരുവിലക്ക്

2010-08-31T21:23:00.000+05:30

ബാംഗ്ലൂര്‍: പകര്‍ച്ചവ്യാധിയായ കോളറയില്‍ നിന്നു രക്ഷനേടാന്‍ ഗ്രാമദേവതയോടു പ്രാര്‍ഥിക്കണമെന്ന നിര്‍ദേശം പാലിക്കാന്‍ വിസമ്മതിച്ച ക്രിസ്ത്യാനികള്‍ക്ക് ഊരുവിലക്ക് ഏര്‍പ്പെടുത്തി.

ഉത്തരകര്‍ണാടകയിലെ ഹലിമാല്‍ താലൂക്കിലെ മംഗല്‍വാദ് ഗ്രാമത്തിലാണ് ഇത്തരമൊരു ഊരുവിലക്കുണ്ടായിരിക്കുന്നത്.

ഗ്രാമത്തില്‍ കോളറ പടര്‍ന്നുപിടിച്ചതിനെത്തുടര്‍ന്ന് വ്രതമെടുത്തു ഗ്രാമദേവതയോടു പ്രാര്‍ഥിക്കാന്‍ ഹിന്ദു മതനേതാക്കള്‍ ഗ്രാമത്തിലെ എല്ലാവരോടും ആവശ്യപ്പെട്ടിരുന്നു. ശ്രാവണമാസത്തിലെ രണ്ടു ചൊവ്വാഴ്ചകളിലും മൂന്നു വെള്ളിയാഴ്ചകളിലും ജോലി ചെയ്യാതെ ഗ്രാമവാസികള്‍ ഒന്നടങ്കം ദേവതയോടു പ്രാര്‍ഥിക്കണമെന്നായിരുന്നു നിര്‍ദേശം.

ഇങ്ങനെ ജോലി ചെയ്യാതെ പ്രാര്‍ഥിക്കുന്നതിനു പകരം കോളറ പിടിപെടാനുണ്ടായ കാരണം കണ്ടെത്തണമെന്ന് ഇതിനോട് അനുകൂലിക്കാതിരുന്ന കത്തോലിക്കാ വിഭാഗക്കാര്‍ നിര്‍ദേശിച്ചു. മലമൂത്ര വിസര്‍ജനത്തിനു കക്കൂസുകളില്ലാത്തതും, ശുദ്ധമായ കുടിവെള്ളമില്ലാത്തതുമാണ് പകര്‍ച്ചവ്യാധിക്കു കാരണമെന്ന് അവര്‍ ചൂണ്ടിക്കാട്ടി.

ഗ്രാമത്തിലുള്ള 119 കിണറുകളില്‍ 40 കിണറുകളില്‍ മാത്രമാണ് ശുദ്ധജലമുള്ളത്. ആദ്യം ഈ പ്രശ്‌നങ്ങള്‍ക്കു പരിഹാരം കാണണമെന്നും അതില്ലാതെ ഗ്രാമദേവതയോട് പ്രാര്‍ഥിക്കുന്നതുകൊണ്ട് കോളറ മാറില്ലെന്നും അവര്‍ പറഞ്ഞു.

ഇതില്‍ കുപിതരായ ഹിന്ദുക്കള്‍ നിശ്ചിത പ്രാര്‍ഥനാ ദിവസങ്ങളില്‍ പതിവുപോലെ ജോലികളില്‍ ഏര്‍പ്പെട്ടവര്‍ക്ക് ഊരുവിലക്ക് ഏര്‍പ്പെടുത്തുകയായിരുന്നു. സംഭവത്തെത്തുടര്‍ന്ന് തഹസില്‍ദാര്‍ അസീസ് ദേശായി, പോലീസ് ഇന്‍സ്‌പെക്ടര്‍ ഷേത്ത് എന്നിവര്‍ നടത്തിയ ചര്‍ച്ച പരാജയപ്പെടുകയായിരുന്നു. ഇതേത്തുടര്‍ന്ന് സ്ഥലം എംഎല്‍എ സുനില്‍ ഹെഗ്‌ഡെ പ്രശ്‌നത്തില്‍ ഇടപെട്ടിട്ടുണ്ട്.

കടപ്പാട്: http://thatsmalayalam.oneindia.in/news/2010/08/31/india-catholics-face-social-boycott-in-village.html

പ്രെസ്റ്റര്‍ ജോണിന്റെ ക്രിസ്ത്യന്‍ സാമ്രാജ്യം

2010-08-30T18:23:00.000+05:30

മധ്യകാലയൂറോപ്പില്‍ നിലനിന്നിരുന്ന വിശ്വാസമനുസരിച്ച്, പൗരസ്ത്യദേശത്ത്, മുസ്ലിങ്ങളുടേയും "വിഗ്രഹാരാധകരുടേയും" രാജ്യങ്ങൾക്കിടയിൽ മറഞ്ഞുകിടക്കുന്നതായി സങ്കല്പിക്കപ്പെട്ട സമ്പന്നമായ ക്രൈസ്തവദേശത്തെ രാജാവായിരുന്നു പ്രെസ്റ്റർ ജോൺ. ഈ രാഷ്ട്രത്തെക്കുറിച്ച് എഴുതപ്പെട്ടിട്ടുള്ള കഥകൾ മദ്ധ്യകാല യൂറോപ്യൻ ഭാവനയുടെ വർണ്ണപ്പൊലിമയാർന്ന ഭാഗങ്ങളിലൊന്നാണ്‌‌. യേശുവിന്റെ പിറവിക്കഥയില്‍ പരാമർശിക്കപ്പെടുന്ന മൂന്നു പൂജരാജാക്കന്മാരിൽ ഒരാളുടെ പിൻ‌ഗാമിയായി കരുതപ്പെടുന്ന പ്രെസ്റ്റർ ജോൺ, വിശുദ്ധനും ഉദാരനിധിയുമായ ഒരു ഭരണാധികാരിയായി സങ്കല്പിക്കപ്പെട്ടു. അദ്ദേഹത്തിന്റെ ധനികദേശത്തായിരുന്നു മാർതോമാ ക്രിസ്ത്യാനികളുടെ പാത്രിയർക്കീസ് വാണിരുന്നതെന്നും വിശ്വസിക്കപ്പെട്ടുപോന്നു.

പ്രെസ്റ്റർ ജോണിന്റെ സാമ്രാജ്യത്തെക്കുറിച്ച് അനേകം കെട്ടുകഥകളും ഐതീഹ്യങ്ങളും നിലനിന്നിരുന്നു. അദ്ദേഹത്തിന്റെ രാജ്യത്ത് "അലക്സാണ്ടറുടെ കവാടം", "യുവത്വത്തിന്റെ ജലധാര" തുടങ്ങിയ പലതരം അതിശയങ്ങൾ ഉള്ളതായും, അദ്ദേഹത്തിന്റെ സാമ്രാജ്യം ഭൗമികപറുദീസയുമായി അതിർത്തി പങ്കിടുന്നതായും വിശ്വസിക്കപ്പെട്ടുപോന്നു. അദ്ദേഹത്തിനുള്ളതായി കരുതപ്പെട്ടിരുന്ന വിശിഷ്ടവസ്തുക്കളിൽ രാജ്യത്തിലെ പ്രവിശ്യകളെല്ലാം കാണാമായിരുന്ന ഒരു കണ്ണാടിയും ഉള്‍പ്പെടുന്നു.

പ്രെസ്റ്റർ ജോണിന്റെ ദേശമായി ആദ്യംമുതലേ യൂറോപ്യന്മാര്‍ കരുതിയിരുന്നത് ഇന്ത്യയാണ്‌. ഇന്ത്യയിൽ തോമസ് അപ്പസ്തോലന്റെ പ്രേഷിതദൗത്യം നേടിയ വിജയത്തെക്കുറിച്ചുള്ള കഥകളും, ഇന്ത്യൻ ഉപഭൂഖണ്ഡത്തില്‍ ആദിമസഭയുടെ കാലം മുതലുള്ള ക്രൈസ്തവസാന്നിദ്ധ്യവും "തോമായുടെ നടപടികൾ" എന്ന അപ്രമാണിക ഗ്രന്ഥത്തിലുണ്ടായിരുന്ന വിവരണങ്ങളും ഈ വിശ്വാസത്തിന്റെ ആദ്യബീജങ്ങളായിരിക്കാം. എന്നാല്‍ പില്‍ക്കാല പോര്‍ച്ചുഗീസ് സഞ്ചാരികള്‍ ആഫ്രിക്കയിലെ ക്രിസ്ത്യന്‍ രാഷ്ട്രമായ എത്യോപ്യയെയാണ് പ്രെസ്റ്റർ ജോണിന്റെ ദേശമായി കരുതിയത്.

പ്രെസ്റ്റര്‍ ജോൺ ഐതിഹ്യത്തിന്റെ നേരിട്ടുള്ള ഉല്പത്തിയെക്കുറിച്ച് വ്യക്തമായ വിവരങ്ങൾ ലഭ്യമല്ലെങ്കിലും പൗരസ്ത്യദേശങ്ങളെ സംബന്ധിച്ച് പാശ്ചാത്യലോകത്ത് നിലവിലുണ്ടായിരുന്ന മുൻ‌കഥകളും, അവിടങ്ങളിൽ യാത്ര ചെയ്ത ആദ്യസഞ്ചാരികളുടെ വിവരണങ്ങളും ഈ ഐതിഹ്യശേഖരത്തിൽ കടന്നു കൂടിയിട്ടുണ്ടെന്ന് ഉറപ്പാണ്‌. ഇതിന്റെ വളർച്ചയെ ഏറെ സഹായിച്ച ഒരു രേഖ, ഇൻഡ്യയിൽ തോമസ് അപ്പസ്തോലൻ നടത്തിയ സുവിശേഷ പ്രഘോഷണത്തെക്കുറിച്ച് മൂന്നാം നൂറ്റാണ്ടിൽ എഴുതപ്പെട്ട "തോമായുടെ നടപടികൾ" എന്ന അപ്രാമാണിക ഗ്രന്ഥമാണ്‌. അസാമാന്യതകളുടേയും അത്ഭുതങ്ങളുടേയും നാടായ ഇൻഡ്യയെക്കുറിച്ചും അവിടെ അപ്പസ്തോലൻ സ്ഥാപിച്ച "വിശുദ്ധ തോമസിന്റെ ക്രിസ്ത്യാനികൾ" എന്ന ക്രിസ്തീയ സമൂഹത്തെക്കുറിച്ചുമുള്ള പ്രെസ്റ്റൻ ജോൺ കഥകളുടെ മൂലസ്രോതസ്സുകളിലൊന്ന് ഈ രചനയാണ്‌.

ഉറവിടങ്ങൾ എന്തൊക്കെ ആയിരുന്നാലും, പന്ത്രണ്ടാം നൂറ്റാണ്ടിന്റെ തുടക്കത്തിൽ കലിക്സ്റ്റസ് രണ്ടാമൻ മാർപ്പാപ്പയുടെ ഭരണകാലത്ത്(1119-1124) ഇൻഡ്യയുടെ പാത്രിയർക്കീസ് റോം സന്ദർശിച്ചതായും ഇൻഡ്യാക്കാരനായ ഒരു മെത്രാപ്പോലീത്ത കോൻസ്റ്റാന്റിനോപ്പിൾ സന്ദർശിച്ചതായും ഉള്ള വാർത്തകളോടെ ഈ ഐതിഹ്യം ഉശിരോടെ നിലവിൽ വന്നു. വിശുദ്ധ തോമസിന്റെ ക്രിസ്ത്യാനികളുടെ പ്രതിനിധികളായിട്ടാണ് ഈ മതമേധാവികള്‍ സന്ദർശനം നടത്തിയതെന്ന് വിശ്വസിക്കപ്പെടുന്നു.

പൌരസ്ത്യ സുറിയാനി ക്രിസ്ത്യാനികൾക്കിടയിൽ പുരോഹിതന്റേയും രാജാവിന്റേയും ഇരട്ടസ്ഥാനങ്ങൾ അലങ്കരിക്കുന്ന പ്രെസ്റ്റർ ജോൺ, ഒരു വലിയ യുദ്ധത്തിൽ മേദിയായുടെയും പേർഷ്യയുടേയും സാമ്രാട്ടുകൾക്ക് സഹോദരനായിരുന്ന സമിയാർദ്ദിയിൽനിന്ന് എക്‌ബത്താന എന്ന നഗരത്തെ മോചിപ്പിച്ചതായി അന്തിയോക്യായിലെ റെയ്മണ്ട് രാജകുമാരന്റെ പ്രതിനിധിയും സിറിയയിലെ മെത്രാനും ആയിരുന്ന ഹഗ് എന്നയാള്‍ ജർമ്മൻകാരനായ ഓട്ടോയോട് യൂജീൻ മൂന്നാമൻ മാർപ്പാപ്പയുടെ സദസ്സിൽവച്ച് അറിയിച്ചു. അദേഹത്തിന്റെ വിവരണമനുസരിച്ച് അതിനു ശേഷം പ്രെസ്റ്റർ ജോൺ വിശുദ്ധനഗരത്തെ മോചിപ്പിക്കാനായി യെരുശലേമിലേയ്ക്ക് പുറപ്പെട്ടെങ്കിലും ടൈഗ്രിസ് നദിയിൽ ഉണ്ടായ വെള്ളപ്പൊക്കം മൂലം സ്വരാജ്യത്തേയ്ക്ക് മടങ്ങേണ്ടി വന്നു.

ഒട്ടേറെ തലമുറകളിൽ സാഹയാത്രികരുടെ ഭാവനയെ ദീപ്തമാക്കിയ അന്വേഷണങ്ങളുടെ പിടികിട്ടാത്ത കേന്ദ്രമായിരുന്നു പ്രെസ്റ്റർ ജോണിന്റെ സങ്കല്പദേശം. വംശീയവും മതപരവുമായ സംഘർഷങ്ങൾ മൂലം ദേശാതിവർത്തിയായ മാനവീയസങ്കല്പം അസാദ്ധ്യമായിരുന്ന യുഗങ്ങളിൽ, സംസ്കാരങ്ങൾക്കും ഭൂപ്രകൃതികൾക്കും ഉപരിയായി മനുഷ്യജാതിയെ മുഴുവൻ ഉൾക്കൊള്ളുന്ന ക്രിസ്തീയ സാർ‌വലൗകികതയെക്കുറിച്ചുള്ള യൂറോപ്യൻ ധാരണകളുടെ കേന്ദ്രപ്രതീകമായി പ്രെസ്റ്റർ ജോൺ നിലകൊണ്ടു.

കടപ്പാട്: വിക്കിപീഡിയ

എല്ലാവര്‍ക്കും സ്വാഗതം

2010-06-06T14:01:00.000+05:30

നസ്രാണിഫോറം ബ്ലോഗിലേയ്ക്ക്‌ എല്ലാവര്‍ക്കും സ്വാഗതം. നസ്രാണി സമുദായത്തെപ്പറ്റിയുള്ള കാര്യങ്ങള്‍ പങ്കുവെക്കുകയാണ് ഈ ബ്ലോഗിന്റെ ഉദ്ദേശം. ഇവിടെ ആര്‍ക്കും എഴുതാം. എഴുതുന്നത് നസ്രാണി സമുദായത്തെപ്പറ്റിയാകണമെന്ന് മാത്രം. ആരുടെയും വികാരങ്ങളെ വ്രണപ്പെടുത്തുന്ന ഒന്നും ദയവായി ഇവിടെ എഴുതാതിരിക്കുക.