New Alert

سیاسی جماعتیں کورونا سے بچاو کی حکومتی گائیڈ لائنز پر عمل کریں ، لاہور ہائیکورٹ

2020-12-09T08:26:00.000-08:00

لاہور ( 09 دسمبر2020ء) انتظامی معاملات میں عدالت کو مداخلت کرنے کی ضرورت نہیں ، پنجاب حکومت 2 روز میں پی ڈی ایم کو جلسہ کرنے یا نہ کرنے سے متعلق فیصلہ کرے ، عدالت نے جلسہ روکنے کی درخواست پر فیصلہ سنادیا
لاہور ہائیکورٹ کی طرف سے ہدایت کی گئی ہے کہ سیاسی جماعتیں کورونا سے بچنے کیلئے حکومتی گائیڈ لائنز پر عمل کریں ، تمام متعلقہ ادارے این سی او سی کی ہدایات پر عملدرآمد کو یقینی بنائیں۔ تفصیلات کے مطابق لاہور ہائیکورٹ نے پی ڈی ایم کا جلسہ فوری رکوانے کی درخواست مسترد کرتے ہوئے کیس کا فیصلہ سنا دیا جو کہ جسٹس جواد حسن نے جاری کیا۔
بتایا گیا ہے کہ لاہور ہائیکورٹ کی طرف سے 14 صفحات پر مشتمل تحریری حکم میں کہا گیا ہے کہ جلسہ کرنا ہر شہری کا آئینی حق ہے تاہم اس حوالے سے پنجاب حکومت 2 روز میں پی ڈی ایم کو جلسہ کرنے یا نہ کرنے سے متعلق فیصلہ کرے کیوں کہ جلسے کی اجازت سے متعلق معاملہ حکومت کے پاس زیر التوا ہے جب کہ درخواست گزار اس سلسلے میں متاثرہ فریق نہیں ہے۔
عدالت نے اپنے فیصلے میں کہا ہے کہ تمام سیاسی جماعتیں اور افراد علامی وباء کورونا وائرس سے بچنے کے لیے حکومتی کی طرف سے جاری کردہ گائیڈ لائنز کو فالو کریں تاہم انتظامی معاملات میں عدالت کو مداخلت کرنے کی ضرورت نہیں ہے کیوں کہ عدالت حکومتی پالیسیوں میں مداخلت نہیں کر سکتی۔
دوسری طرف اپوزیشن جماعتوں کے اتحاد پاکستان ڈیموکریٹک موومنٹ کی طرف سے اعلان کردہ ہور جلسہ سے قبل پنجاب حکومت نے حالات خراب ہونے پر گرفتاریوں کا فیصلہ کرلیا ، ذرائع کےمطابق اس سلسلے میں وزیراعلیٰ پنجاب سردار عثمان بزدار کی زیر صدارت ایک اجلاس ہوا جس میں اپوزیشن جماعتوں کے 370رہنما حکومت کے ریڈار پر آگئے ، اس حوالے سے وزیر قانون پنجاب راجہ بشارت کی طرف سے بتایا گیا ہے کہ قوانین توڑنے پر سخت ایکشن لیا جائے گا کیوں کہ کسی کو بھی قانون ہاتھ میں لینے کی اجازت نہیں دی جاسکتی۔

ے قابو کورونا مزید خطرناک: 24 گھنٹے کے دوران 60 اموات، 2963 نئے مریض رجسٹرڈ

2020-12-09T07:56:00.000-08:00

اسلام آباد کورونا وائرس سے 60 افراد جاں بحق ہوگئے، جس کے بعد اموات کی تعداد
8 ہزار 547 ہوگئی۔ پاکستان میں کورونا کے تصدیق شدہ کیسز کی تعداد 4 لاکھ 26 ہزار 142 ہوگئ.

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 2 ہزار 963 نئے کیسز رپورٹ ہوئے،

پنجاب میں ایک لاکھ 24 ہزار 804، سندھ میں ایک لاکھ 87 ہزار 684، خیبر پختونخوا میں 50 ہزار 506، بلوچستان میں 17 ہزار 540، گلگت بلتستان میں 4 ہزار 761، اسلام آباد میں 33 ہزار 420 جبکہ آزاد کشمیر میں 7 ہزار 427 کیسز رپورٹ ہوئے۔ملک بھر میں اب تک 58 لاکھ 65 ہزار 944 افراد کے ٹیسٹ کئے گئے، گذشتہ 24 گھنٹوں کے دوران 38 ہزار 92 نئے ٹیسٹ کئے گئے، اب تک 3 لاکھ 72 ہزار 271 مریض صحتیاب ہوچکے ہیں جبکہ 2 ہزار 498 مریضوں کی حالت تشویشناک ہے۔

پاکستان میں کورونا سے ایک دن میں 60 افراد جاں بحق ہوئے جس کے بعد وائرس سے مرنے والوں کی تعداد 8 ہزار 547 ہوگئی۔ پنجاب میں 3 ہزار 242، سندھ میں 3 ہزار 81، خیبر پختونخوا میں ایک ہزار 429، اسلام آباد میں 345، بلوچستان میں 170، گلگت بلتستان میں 98 اور آزاد کشمیر میں 182 مریض جان سے ہاتھ دھو بیٹھے۔

سمارٹ فون کا استعمال: آپ اپنا موبائل فون بار بار کیوں استعمال کرتے ہیں؟

2020-11-28T00:56:00.000-08:00

لندن سکول آف اکنامکس اینڈ پولیٹکل سائنس (ایل ایس ای) کی ایک تحقیق کے مطابق89 فیصد افراد کا کہنا تھا کہ وہ اپنے موبائل فونز کو اس وقت بھی استعمال کر رہے ہوتے ہیں جب اس پر کوئی پیغام یا نوٹیفکیشن نہ بھی ہوں جبکہ 11 فیصد کا کہنا تھا کہ وہ کسی پیغام یا نوٹیفکیشن کے موصول ہونے پر اس کو استعمال کرتے ہیں۔

اس تحقیق میں شامل جواب دہندہ افراد کا کہنا تھا کہ مخلتف ایپس میں گروپ چیٹس بھی 'بے چینی یا پریشانی کی ایک وجہ' ہے۔

اس تحقیق میں یہ بات بھی سامنے آئی کے فیس بک اور انسٹاگرام میں ٹائم لائن پر سکرولنگ جیسے فیچر بھی موبائل فون کے زیادہ استعمال کی ایک وجہ ہیں۔

اس تحقیق میں کہا گیا ہے کہ 'کسی بھی فرد کے لیے اپنے موبائل فون کو استعمال کرنے کی خواہش تقریباً ایسی ہی بے ساختہ ہے جیسے کسی تمباکو نوش کے لیے اپنا سگریٹ سلگانا ہوتا ہے۔'

اس تحقیق میں برطانیہ، جرمنی اور فرانس سے تعلق رکھنے والے 37 افراد کے موبائل فونز کا تجزیہ کیا گیا ہے۔ ان تمام افراد کی عمریں 25 برس ہیں۔ ان تمام افراد کو ایک کیمرہ دیا گیا تھا تاکہ ان کی روز مرہ زندگی کی عکس بندی کی جا سکے۔

سائنس ڈائریکٹ جریدے میں شائع ہونے والی میکسی ہیٹ میئر اور پروفیسر سادی لاہلو کی اس تحقیق میں مجموعی طور پر 1130 ایسے مواقعوں کا جائزہ لیا گیا جب صارفین اپنا موبائل فون استعمال کر رہے تھے۔

بائیس فیصد افراد کا کہنا تھا کہ وہ واٹس ایپ کی وجہ سے زیادہ فون استعمال کرتے ہیں۔
17 فیصد افراد کا کہنا تھا کہ وہ بار بار موبائل فون خاص طور پر اس وقت دیکتھے ہیں جب سکرین لاک ہو کہ آیا کوئی نیا پیغام یا نوٹیفیکیشن تو موصول نہیں ہوا۔
سولہ فیصد افراد کے لیے ان کے استعمال کی وجہ انسٹاگرام ہے
تیرہ فیصد نے فیس بک کو وجہ قرار دیا
چھ فیصد نے کہا کہ وہ ای میل کی وجہ سے سمارٹ فون کی عادت کا شکار ہیں۔ جبکہ صرف ایک فیصد نے فون کالز کو اس کے استعمال کی وجہ بتایا۔
البتہ گروپ چیٹس کو بے چینی کی ایک وجہ قرار دیا ہے اور صارفین کا کہنا ہے کہ ان گروپ چیٹس میں موجود پیغامات زیادہ تر بہت غیر اہم ہوتے ہیں۔
جبکہ ای میل نوٹیفکیشنز کو صارفین نے سب سے اہم قرار دیا۔

اس تحقیق میں یہ بات بھی سامنے آئی کہ صارفین اپنے موبائل فون کا سب سے کم استعمال اس وقت کرتے ہیں جب وہ دیگر افراد کے ساتھ ہوتے ہیں اور موبائل فون کا سب سے زیادہ استعمال پبلک ٹرانسپورٹ میں دوران سفر یا گھر میں ہوتا ہے۔

پاکستان میں کرونا ویکسین کا کامیاب ٹرائل،ہزاروں پاکستانیوں کو چینی ویکسین کی ڈوز دے دی گئی

2020-11-20T07:58:00.001-08:00

اسلام آباد۔ 20 نومبر2020ء پاکستان میں کرونا ویکسین کا کامیاب ٹرائل،ہزاروں پاکستانیوں کو چینی ویکسین کی ڈوز دے دی گئی۔ ایک نجی ٹی وی چینل کی رپورٹ کے مطابق پاکستان میں چین کے اشتراک سے تیار کی گئی کرونا ویکسین کا پہلا ٹرائل کامیاب ہوا۔ چین کے اشتراک سے تیار کی گئی ویکیسن اسلام آباد میں ڈھائی ہزار افراد کو دی گئی ہے۔

ٹرائل کا پہلا مرحلہ کامیاب رہا اور کسی مریض کی حالت خراب نہیں ہوئی۔ جن مریضوں کو ویکسین دی گئی ہے انہیں مسلسل مانیٹر کیا جائے گا۔ کچھ روز بعد دیکھا جائے گا آیا ان مریضوں میں اینٹی باڈیز پیدا ہوئیں یا نہیں۔ ڈاکٹرز نے ویکسین نتائج کے حوالے سے اگلے 2 سے 3 ماہ میں اچھی خبر ملنے کی نوید سنائی ہے۔ پاکستان میں کرونا ویکسین کی دستیابی کے حوالے سے حکومت کی جانب سے بھی اہم فیصلہ کیا گیا ہے۔

کابینہ کی اقتصادی رابطہ کمیٹیای سی سی نے کورونا ویکسین کی خریداری کیلئے 15 کروڑ ڈالرکی گرانٹ کی اصولی منظوری دیدی ہے۔ جمعہ کے روز کابینہ کی اقتصادی رابطہ کمیٹی کا اجلاس وزیراعظم کے مشیربرائے خزانہ حفیظ شیخ کی زیر صدارت منعقد ہوا جس میں چھ نکاتی ایجنڈے پر غور کیا گیا۔ای سی سی نے کورونا ویکسین کی خریداری کیلئے 15 کروڑ ڈالر کی گرانٹ کی اصولی منظوری دیدی جس کے تحت پہلے مرحلے میں ہیلتھ ورکرز اور 65 سال سے زائد عمر کے لوگوں کیلئے کورونا ویکسین خریدی جائے گی دوسری جانب امریکہ نے پاکستان کے ساتھ مل کر ویکسین تیار کرنے کی پیشکش کی ہے ، امریکی حکام نے کہا ہے کہ پاکستان کو کورونا ویکسین سازی کے عمل میں خوش آمدید کہا جائے گا ، پاکستان سے متوقع کورونا ویکسین بنانے میں تعاون کیلئے تیار ہیں جس کے تحت امریکی کمپنیاں پاکستان سے ویکسین سازی میں تعاون کر سکتی ہیں ، باہمی تعاون سے پاکستانی کمپنیاں بھی مقامی طور کورونا ویکسین تیار کرسکیں گی۔

پاکستان کی معیشت: ڈالر کے مقابلے میں روپے کی قدر میں مسلسل اضافہ دیرپا ثابت ہو گا؟

2020-11-12T09:51:00.002-08:00

ڈالر کے مقابلے میں پاکستانی کرنسی میں رواں برس ماہ اگست کے اختتام سے لے کر اب تک ساڑھے نو روپے کا اضافہ دیکھنے میں آیا ہے

امریکی ڈالر کے مقابلے میں پاکستانی روپے کی قدر میں گذشتہ کئی ہفتوں سے اضافہ دیکھنے میں آ رہا ہے۔ ڈالر کے مقابلے میں پاکستانی کرنسی میں رواں برس ماہ اگست کے اختتام سے لے کر اب تک ساڑھے نو روپے کا اضافہ دیکھنے میں آیا ہے۔

اگست کے اختتامی دنوں میں ایک ڈالر کی قیمت 168 روپے 43 پیسے تھی جو اب بہتر ہو کر 158 روپے 91 پیسے ہو چکی ہے۔ اس سال فروری کے مہینے میں ڈالر کی قیمت 154 روپے کے لگ بھگ تھی تاہم اس کے بعد روپے کی قیمت میں بے تحاشا کمی دیکھنے میں آئی اور ڈالر مقامی کرنسی کے مقابلے میں 168 روپے کی سطح سے بھی تجاوز کر گیا تھا۔

ڈالر کے مقابلے میں پاکستان روپے کی قدر میں کمی نے ایک جانب ملکی درآمدات کو مہنگا گیا تو دوسری جانب اس کی وجہ سے ملک میں مہنگائی کی شرح میں بھی اضافہ دیکھنے میں آیا۔ کرنسی کے کاروبار سے وابستہ افراد اور ماہرین معیشت روپے کی قدر میں بہتری کو حکومت کی جانب سے لیے گئے چند اقدامات اور کچھ مثبت معاشی اشاریوں سے منسوب کر رہے ہیں۔

گوگل فوٹوزنےمفت اسٹوریج کو ختم کرنےکااعلان کردیا

2020-11-12T09:35:00.000-08:00

گوگل فوٹوز نے پانچ سال تک لامحدود مفت فوٹو بیک اَپ کی پیش کش کے بعد یکم> جون 2021 سے فوٹوز سیف کرنے پر چارچ کرنے کا اعلان کردیا۔

گوگل فوٹوز میں یکم جون 2021 سے قبل 15 گِگ یا اس سے زیادہ استعمال کرنے والے صارفین پر یہ عمل لاگو نہیں ہوگا جبکہ گوگل 2 سالوں سے لاگ اِن نہ ہونے والے غیرفعال اکاؤنٹس سے ڈیٹا حذف کرنے کی ایک نئی پالیسی بھی متعارف کروارہا ہے۔

لہذا آپ کو یہ فیصلہ کرنے کے لئے کافی وقت ملے گا کہ آیا گوگل فوٹو استعمال کرنا جاری رکھیں یا اپنی تصاویر کے لئے کسی اور کلاؤڈ اسٹوریج فراہم کنندہ کے ساتھ سوئچ کریں تاہم یکم جون 2021 سے اَپ لوڈ ہونے والی تصاویر پر چارچز کیے جائیں گے۔

گوگل فوٹوز خریدنے والے پکسل مالکان یکم جون کے بعد بھی ان تصاویر اعلیٰ معیار تصاویر مفت میں اَپ لوڈ کرسکیں گے۔ یہ لامحدود معیار کو حاصل کرنے کے پکسل کی اصل ڈیل کی طرح اچھا نہیں لیکن یہ گوگل ڈیوائس خریدنے والے چند لوگوں کے لیے ایک چھوٹا سا بونس ہے۔

گوگل نے بتایا کہ یہ دوسروں کے مقابلے میں زیادہ مفت اسٹوریج کی پیش کش کرتی ہے- آپ کو ایپل کے آئی کلود نے جو پلٹری 5 جی بی دی ہے اس کی بجائے گوگل آپ کو 15 جی بی دیتا ہے-

گوگل اسٹوریج مینجمنٹ کے نئے ٹولز بھی گوگل فوٹوز میں ڈال رہا ہے، جس میں ایک ایسا ٹول بھی شامل ہے جس سے ایسی تصاویر تلاش کرنا اور ان کو حذف کرنا آسان ہوگا جو آپ کو ویسے بھی نہیں رکھنا چاہتے، جیسے دھندلی تصاویر یا اسکرین شاٹس وغیرہ۔

نئے پاکستان میں نئی تاریخ رقم ہو گئی، ملک پر قرضوں کے تمام ریکارڈ ٹوٹ گئے

2020-11-12T09:23:00.000-08:00

کراچی(مانیٹرنگ ڈیسک) ایک سال کے دوران پاکستان کے بیرونی قرضے ہوشربا اضافے کے ساتھ تاریخی سطح 113.8ارب ڈالر تک پہنچ گئے۔ بزنس ریکارڈر کے مطابق سٹیٹ بینک کے اعدادوشمار میں> بتایا گیا ہے کہ 20جون 2019ء کو بیرونی قرضوں کا حجم 106ارب ڈالر تھا۔ ان میں ایک سال کے دوران 7ارب ڈالر سے زائد کا اضافہ ہوا ہے جس سے قرضے 30ستمبر 2020تک 113.8ارب ڈالرتک پہنچ گئے ہیں۔ 30جون 2020ء تک بیرونی قرضے 112.8ارب ڈالر تھے۔

مرکزی بینک کے مطابق ستمبر 2018ء تک پاکستان کے بیرونی قرضے صرف 96ارب ڈالر تھے اور موجود حکومت نے 17ارب ڈالر کا نیا غیرملکی قرض لیا ہے۔رواں مالی سال کی پہلی سہ ماہی کے دوران بیرونی قرضوں میں ساڑھے 94کروڑ ڈالر کا اضافہ ہوا ہے۔ موجودہ حکومت نے آئی ایم ایف سے ایک ارب 7کروڑ ڈالر، کمرشل بینکوں سے ایک ارب 20کروڑ ڈالر اور مختلف ممالک سے 3ارب 10کروڑ ڈالر کا قرض لیا ہے۔

عوام پر مہنگائی کا ایک اور بم گرانے کی تیاریاں، بجلی مزید مہنگی ہونے کا امکان

2020-11-12T08:49:00.001-08:00

بجلی سپلائی کرنے والی کمپنیوں کی جانب سے نیپرا کو درخواست کی گئی ہے کہ بجلی کی پیداوار کے لیے اخراجات بڑھنے کے بعد 82 ارب 69 کروڑ روپے کا بوجھ عوام پر منتقل کیا جائے، نیپرا نے درخواست پر غور شروع کردیا

اسلام آباد12 نومبر 2020ء) نیپرا نے صارفین پر 82 ارب 69 کروڑ روپے اضافی بوجھ ڈالنے پر غور شروع کردیا ۔ میڈیا رپورٹس کے مطابق بجلی سپلائی کرنے والی کمپنیوں کی جانب سے نیپرا کو درخواست کی گئی ہے کہ بجلی کی پیداوار کے لیے اخراجات بڑھنے کے بعد 82 ارب 69 کروڑ روپے کا بوجھ عوام پر منتقل کیا جائے، اس صورت میں بجلی کی پیداوار میں بھی اضافہ ہو گا ۔

اس حوالے سے ترجمان نیشنل الیکٹرک پاور ریگولیٹری اتھارٹی (نیپرا) کا کہنا ہے کہ بجلی سپلائی کرنے والی کمپنیوں نے گزشتہ مالی سال کی آخری سہ ماہی میں قیمتوں کی ایڈجسٹمنٹ کے لیے درخواست دی ہے۔ ترجمان نیپرا کا کہنا تھا کہ بجلی سپلائی کرنے والی کمپنیوں نے رواں سال اپریل سے جون تک کی ایڈجسٹمنٹ مانگی ہے ، کمپنیوں نے کیپیسٹی پرچیز پرائس کی مد میں 81ارب 10کروڑ روپے مانگے ہیں جبکہ آپریشنز اینڈ مینٹیننس کی مد میں 56 کروڑ70لاکھ روپے مانگے گئے ہیں ۔

نیپرا سفارشات پر غور کررہا ہے جس کے بعد بجلی کی قیمتوں کے حوالے سے فیصلہ کیا جائے گا ۔ واضح رہے کہ دو دن قبل نیشنل الیکٹرک پاور ریگولیٹری اتھارٹی( نیپرا) نے بجلی کی فی یونٹ قیمت میں 48پیسے کا اضا فہ کر دیا تھا جس سے صارفین کو 5ارب کا اضافی بوجھ برداشت کر نا پڑے گا ۔ نیپرا کا کہنا ہے کہ اگست میں بجلی کی پیشگی فیول لاگت 3روپے 20 پیسے فی یونٹ تھی جبکہ پیداور ی لاگت 3روپے 68 پیسے فی یو نٹ تھی بجلی کی قیمت میں اضافہ اگست کی فیول ایڈجسٹمنٹ کی مد میں کیا گیا ہے جس کی صارفین سے اضافی وصولی نومبر کے مہینے میں کی جائے گی ۔ یہ اضافہ صرف ایک ماہ کے لیے کیا گیا تھا ۔

کورونا وائرس: برطانیہ کووڈ 19 ویکسین فراہم کرنے کے لیے تیار، پاکستان کے فائزر کی نئی ویکسین پر تحفظات

2020-11-11T07:46:00.003-08:00

برطانوی سیکریٹری صحت میٹ ہین کوک نے کہا ہے کہ برطانیہ کا ادارہ صحت نیشنل ہیلتھ سروس (این ایچ ایس) کورونا وائرس کے علاج کے لیے جلد از جلد ویکسین فراہم کرنے کے لیے تیار ہے۔

ان کا یہ بیان ایک ایسے وقت میں سامنے آیا ہے جب ایک روز قبل ادویات ساز بین الاقوامی کمپنیوں فائزر اور بائوٹیک بھی اعلان کیا تھا کہ ان کی جانب سے بنائی گئی ویکسین کے ابتدائی تجرباتی نتائج سے ظاہر ہوا ہے کہ وہ نوے فیصد لوگوں کو کووڈ کی لپیٹ میں آنے سے بچا سکتی ہے۔

واضح رہے کہ دنیا بھر میں ایک درجن سے زیادہ ویکسینوں پر کام ہو رہا ہے جو کہ تجربات کے تیسرے اور آخری مرحلے میں ہیں لیکن یہ پہلی ویکسین ہے جس کے نتائج سامنے آئے ہیں۔

برطانوی سیکریٹری صحت میٹ ہین کوک کا کہنا تھا کہ دوا کو عوام تک پہنچانے کے لیے ویکسینیشن کلینک ہفتے کے ساتوں دن کھلیں گے اور مختلف مقامات پر قائم کیے جائیں گے۔

نھوں نے عوام سے درخواست کی کہ تحمل سے کام لیں اور مزید کہا کہ 'ہمیں نہیں علم ہے کہ کتنے لوگوں کو اس ویکسین کی ضرورت ہوگی' جس کے بعد یہ کہا جا سکے کہ زندگی معمول پر واپس آ جائے۔

برطانوی حکومت نے اس ویکسین کے چار کروڑ آرڈر پہلے ہی دے دیے ہیں جس کی مدد سے دو کروڑ افراد کو یہ ویکسین دی جا سکے گی کیونکہ ایک انسان کو محفوظ کرنے کے لیے ویکسین کی کم از کم دو خوراک دینی ضروری ہو گی-

شادی ہالز میں تقریبات پر پابندی کا فیصلہ اسلام آباد ہائیکورٹ میں چیلنج

2020-11-11T07:04:00.001-08:00

ہال کے اندر شادی پرپابندی کے نوٹی فکیشن کا کوئی قانونی جوازنہیں ، نوٹی فکیشن آئین

آرٹیکل 4 ، 18 اور آرٹیکل 25 کے منافی ہے ، اس لیے عدالت سے استدعا کی جاتی ہےے

کہ عدالت ہال میں شادی پرپابندی کے نوٹی فکیشن کو کالعدم قرار دیا جائے ، اسلام آباد مارکی ایسوسی ایشن کی درخواست میں موقف 11 نومبر 2020ء ہالز کے اندر شادی کی تقریبات پر پابندی کا فیصلہ اسلام آباد ہائیکورٹ میں چیلنج کردیا گیا۔ تفصیلات کے مطابق کورونا وائرس میں اضافے کی وجہ سے ہالزمیں شادی پرپابندی کاحکم نامہ اسلام آباد ہائی کورٹ میں چیلنج کی گئی ہے ، اس سلسلے میں اسلام آباد مارکی ایسوسی ایشن کی جانب سے ہائی کورٹ میں درخواست دائر کردی ، جس کے متن میں کہا گیا ہے کہ کوروناکے بڑھنے کا جواز بناکر20 نومبر سے شادی ہال پر پابندی لگائی گئی ہے ، ہال کے اندر شادی پرپابندی کے نوٹی فکیشن کا کوئی قانونی جوازنہیں ہے ، اس لیے 6 نومبر کا نوٹی فکیشن بنیادی انسانی حقوق کی خلاف ورزی ہے ، انتظامیہ کی طرف سے جاری کردہ نوٹی فکیشن آئین کے آرٹیکل 4 ، 18 اور آرٹیکل 25 کے منافی ہے ، اس لیے عدالت سے استدعا کی جاتی ہے کہ عدالت ہال میں شادی پرپابندی کے نوٹی فکیشن کو کالعدم قرار دے۔

اپوزیشن کو پیغام دینا چاہتا ہوں کہ آپ کا مقابلہ عمران خان سے ہے، وزیراعظم عمران خان

2020-11-07T04:47:00.003-08:00

جتنے مرضی جلسے کرلو، جب تک لوٹا پیسا واپس نہیں کریں گے، آپ کو نہیں چھوڑوں گا، نوازشریف لندن میں بیٹھ کر سازش کررہاہے کہ فوج کے اندر بغاوت کی جائے۔ حافظ آباد میں عوامی جلسے سے خطاب حافظ آباد۔07 نومبر2020ء وزیراعظم عمران خان نے کہا ہے کہ پیغام دینا چاہتاہوں ، اپوزیشن کا مقابلہ عمران خان سے ہے،جتنے مرضی جلسے کرلو، جب تک لوٹا پیسا واپس نہیں کریں گے، آپ کو نہیں چھوڑوں گا، نوازشریف لندن میں بیٹھ کر سازش کررہاہے کہ فوج کے اندر بغاوت کی جائے۔انہوں نے حافظ آباد میں عوامی جلسے سے خطاب کرتے ہوئے کہا کہ حافظ آباد میں شاندار استقبال کا شکریہ ادا کرتا ہوں، آج ہم نے حافظ آباد یونیورسٹی اور 400بیڈز کا ڈسٹرکٹ ہسپتال بنانے کا فیصلہ کیا ہے، ہم اس کو بہت جلدی بنائیں کیونکہ یہ یونیورسٹی اور ہسپتال آپ کی ضرورت ہے۔ مجھے اس چیز کی خوشی ہے کہ پنجاب حکومت نے فیصلہ کیا کہ 2020ء تک 50فیصد پنجاب کو ہیلتھ کارڈ دیے جائیں گے۔ 2021ء میں پورے پنجاب کے لوگوں کو ہیلتھ کارڈ ملے گا۔ اس کا فائدہ یہ ہے کہ ایک سفید پوش، تنخواہ دار اور مزدور کا گھر جہاں بیماری ہوتی ہے ، یہ ہیلتھ کارڈ ایک خاندان کے لوگ 10لاکھ کی رقم سے سرکاری یا نجی ہسپتالوں میں کہیں بھی علاج کرواسکیں گے۔

واٹس ایپ میں نیا آپشن متعارف

2020-11-07T02:32:00.001-08:00

واٹس ایپ نے پیغامات کے لیے ایک نیا آپشن پیش کیا ہے جس میں بھیجنے اور وصول کرنے والے کے فون سے پیغامات خود نہ خود 7 روز میں غائب ہوجاتےہیں۔

فیس بک نے اس کے لیے ’ڈس اپیئرنگ مسیجز‘ کا آپشن پیش کیا ہے جسے دو ارب صارفین کی گفتگو خفیہ رکھنے کے لیے پیش کیا جارہا ہے۔

کمپنی کا کہناہے کہ یہ آپشن اس ماہ کے آخر تک تمام صارفین کے لیے پیش کیا جارہا ہے۔ اپنے ایک بلاگ میں واٹس ایپ انتظامیہ نے کہا ہے ’ سات دن بعد میسج ازخود ختم ہونے کے آپشن کے تحت دماغی سکون ہوگا کہ متن برقرار نہیں رہے گا۔‘ تاہم صارفین چاہیں تو ٹیکسٹ اور تصاویر کے اسکرین شاٹ محفوظ رکھ سکیں گے۔ لیکن یہ آپشن منتخب کرتے ہی پیغامات سات روزتک ہی دیکھیں جاسکیں گے۔

اسی طرح واٹس ایپ کے کسی گروپ کے ایڈمن کے پاس یہ آپشن ہوگا کہ وہ اسے ڈیلیٹ کرسکے اور یوں ہر انفرادی اکاؤنٹ کے ساتھ اس آپشن کو آن یا آف کیا جاسکے گا۔

چند ماہ قبل فیس بک کے چیف ایگزیکٹو مارک زکربرگ نے کہا تھا کہ وہ اپنے تمام پلیٹ فارم پر پرائیویسی کو بہتر بنانے پر کام کررہے ہیں۔ اس آپشن کے بعد سے اگلے نئے پیغامات سات روزہ مہمان ہوں گے جبکہ پرانے پیغامات برقرار رہیں گے۔ تاہم ہر دوست یا فرد کے رابطے کے ساتھ انفرادی طور پر یہ آپشن کھولا یا بند کیا جاسکتا ہے۔

پانی چاند کے کونسے حصے میں موجود ہے؟ ناسا نے بڑی تصدیق کردی

2020-11-07T02:18:00.002-08:00

1969 میں جب انسان چاند پر پہلی بار اترا تھا تو یہ خیال کیا جاتا تھا کہ چاند پر پانی نہیں ہے اس لیے یہاں زندگی ممکن نہیں مگر اس کے بعد مشاہدوں سے یہ بات معلوم ہوئی کہ یہاں برف اور پانی کے آثار موجود ہیں۔

امریکی خلائی ادارے ناسا نے اپنی جدید تحقیق میں یہ تصدیق کی ہے کہ چاند کے روشن حصوں میں بھی پانی موجود ہے،اس حوالے سے کیلی فورنیا میں میڈیا سے بات کرتے ہوئے ناسا کے ترجمان نے بتایا کہ چاند کے وہ حصے جو سورج کی جانب ہیں وہاں پانی کی دریافت ہوئی ہے جس سے یہ خیال کیا جا رہا ہے کہ چاند پر پانی کی موجودگی پہلے خیال کی گئی مقدار سے کئی زیادہ ہے۔