In the short term, our defence is co-operation with the International Monetary Fund and in the long term EU membership, adoption of the euro and backup from the European Central Bank.

Hver hefur raunin verið? Hefur Seðlabanki Evrópu aðstoðað ríki sambandsins sem lennt hafa í vandræðum til þessa? Aldeilis ekki!

Lettar, sem eru aðilar að Evrópusambandinu, leituðu nýverið á náðir IMF og norðurlandanna. Ein af ráðleggingum alþjóðagjaldeyrissjóðsins til Letta var að hætta tengingu gjaldmiðils síns við evru. Í gær samþykktu svo seðlabankar Svíþjóðar og Danmerkur að veita Lettum 500 milljón evra lán og koma þar með inn í pakka IMF. Hvar er stuðningur seðlabanka evrópu sem Samfylkingin og aðrir ESB-sinnar tönglast á?

Írar, sem eru aðilðar að Evrópusambandinu, kynntu á sunnudag björgunaráætlun til hjálpar bönkum landsins. Í frétt á vef ríkisútvarpsins segir:

Hægt verður að nota allt að 10 milljarða evra til að endurfjármagna bankana. Féð verður hugsanlega tekið úr varasjóðum lífeyrissjóðs landsmanna.

Írar þurfa sumsé að nýta lífeyrissparnað almennings til að bjarga bönkum þar í landi. Hvar er stuðningur seðlabanka evrópu sem Samfylkingin og aðrir ESB-sinnar tönglast á?

En hvað hafa sjálfir þingmenn ESB að segja um stefnu sambandsins? Í eftirfarandi myndskeiðum má heyra ræður tveggja þingmanna á evrópuþinginu. Ræðu Daniel Hannan um landbúnaðarstefnu ESB og ræðu Chris Heaton um fiskveiðistefnu sambandsins þar sem hann minnist m.a. á Ísland.

Daniel Hannan lýsir landbúnaðarstefnu ESB á einni mínútu

(via sjalfstaedi.blog.is)

"The Common Fisheries Policy is a policy that needs to be consigned to the rubbish bin"

Fyrstu drög verða kynnt fyrir flokksmönnum á morgun og er sá orðrómur á kreiki að auglýsingastofa hafi verið ráðin til að matreiða efnið ofan í flokksmenn. Stofan hafi fengið tilskipun frá Valhöll að grafískt og myndrænt yfirbragð ætti að vera notað með þeim hætti að Evrópusambandið væri sérstaklega aðlaðandi.

Andríki kemst vel að orði í gær:

Það kemur sér illa fyrir þá í Valhöll að Eiríkur Bergmann Einarsson er ekki í Sjálfstæðisflokknum. Þá hefðu þeir getað fengið hann til að leiða eina af „Evrópunefndunum“ sínum fyrir væntanlegan skyndilandsfund. En þrátt fyrir að Eiríkur sjálfur hafi ekki verið fáanlegur þá bendir valið á nefndaformönnunum eindregið til þess, að ekki eigi einu sinni að reyna að láta eins og niðurstaðan sé ekki ákveðin fyrirfram.

Ekki munu þó allir vera sáttir við þess stefnubreytingu innan Valhallar. Teitur Björn Einarsson sonur Einars Odds Kristjánssonar heitins og varaformaður SUS er einn þeirra sem kann ekki vel við frístundavináttu við frelsið hjá félögum sínum í Deiglunni enda rekur hann sjávarútvegsfyrirtækið Eyrarodda á Flateyri og myndi aðild að ESB henta fyrirtækinu sem og sjávarútvegnum öllum afar illa.

Myndin er tekin úr frétt um Þjóðfund á Arnarhóli á mbl.is.

Er slæmt að vera Geir en aðeins skárra að vera gay?

Hvað ef Geir væri gay? Er ekki til neitt verra en það?

Ef við myndum setja þetta niður á graf er þetta nokkun vegin svona?

1. BLOG

 Það er mjög sterkur leikur að halda úti bloggi, helst á kommunan.is eða kaninka.net. Það mega ALLS EKKI vera auglýsingar á blogginu þínu því þú selur ekki málstað þinn til fyrirtækja sem keyra áfram neyslubrjálæðið og efnishyggjuna. Lýsingin á sjálfum þér á blogginu VERÐUR að vera í þessa veru:

   Karlútgáfa: Ég er maður, sonur, faðir, kærasti, elskhugi og femínisti en umfram allt fallegt blóm í 101 Reykjavík.

   Kvenútgáfa: Ég er kona, dóttir, móðir, eiginkona og femínisti en umfram allt fallegt blóm í 101 Reykjavík.

2. HATA SJÁLFSTÆÐISFLOKKINN 

Þú hatar Sjálfstæðisflokkinn. Þú veist ekki af hverju en það er bara svo ógeðslega 101. Það er þó EIN UNDARTEKNING á þessari reglu. Þú kemst upp með að vera Sjálfstæðismaður ef þú hefur tekið þátt í starfi Vöku eða hefur skrifað á Deigluna. Hugmyndafræði þín lýsir sér þá þannig að þú talar fyrir minni útgjöldum ríkisins í einni setningu en í þeirri næstu talarðu fyrir auknum útgjöldum til námsmanna sama hvort það eru skólagjöld, námslán eða einfaldlega frítt í strætó. Mundu bara: Þú ert hægri maður, NEMA þegar kemur að námsmönnum.. svona ættirðu að fitta betur inní 101 hópinn og ert jafnvel, já jafnvel gjaldgengur á kaffihús eins og Hljómalind og á Kaffibarinn fyrir klukkan 10 um helgar.

Burt með ránfuglinn. Hentar einstaklega vel sem barmerki

3. AÐ LIGGJA Í GRASINU

 Það er mjög mikilvægt að á blíðviðrisdögum farirðu niður í bæ og leggist í grasið á austurvelli. Þetta á þó líka við á öllum tónleikum sem haldnir eru á Klambratúni og öllum útitónleikum Sigur Rósar.

   Góðir fylgihlutir:

Hakkísakk bolti

Marglitað teppi

Bókin Consumed: How Markets Corrupt Children, Infantilize Adults And Swallow CitizensWhole.

BÓKIN VERÐUR AÐ VERA NOTUÐ OG ALLS EKKI PÖNTUÐ AF AMAZON vegna þess að þú ert líka umhverfisverndarsinni og það verður að takmarka frakt flug.

 

4. Fatnaður og gadget.

Í klæðaburðinum er þetta ekki spurning um base klæðnað - það er "gadgettið" sem skiptir máli hér. Eftirtaldir hlutir mega því vera mjög forljótir: buxur, skór, peysa. Athugaðu þó að ekkert af þeim fötum sem þú ferð í mega vera keypt í Ameríku nema þú fallir inn í undatekningarhóp Vöku og Deiglunnar í lið 2. Á þessari reglu er einnig sú undantekning að þú mátt eiga Apple tölvu.. þær eru svo mikið 101 þegar þú ert á kaffihúsi að "læra". Annað sem er mjög mikilvægt í glíngrinu eru barmerki, þau sýna að þú ert róttæklingur. Góð barmerki eru t.d. Che Guevara, Röskva eða bara marglitað barmerki.

Klæðaburður sem er MJÖG INN þessa dagana í 101:

Dæmigerður 101 fatnaður. Fæst ekki í búðum.

Rauði Hanskinn. Rauði hanskinn hennar Önnu Pálu sem hún var með í mótmælunum í ráðhúsinu er klárlega eitt heitasta tískufyrirbrigði 101 í dag.

Rautt gadget.  Rauðir treflar eins og sést hér að ofan, rauðar húfur eru INN, það er bara ekkert flóknara en það. Þetta er líka flott statement. Svona frakkar eru líka geggjaðir:

HÚFA. Svona húfa er eitt það heitasta í dag á eftir rauða hanskanum hennar Önnu Pálu.

CHE BOLUR. Þú veist ekkert hver þetta er og vilt ekkert vita hversu marga hann myrti.. þetta er bara CHE og hann kúl vegna þess að þegar þú horfir í augun á honum finnst þér hann segja við þig á dularfullan hátt: "Haltu áfram að berjast, neyslubrjálæðið, efnishyggjan.. þessu verður að linna."

Eina gadgetið sem má koma frá ameríku.. Apple... það er bara svo kúl að "læra" á kaffihúsi með eplið í vinstri og Consumed bókina í hægri.

Þessi gaur er ekki 101 en honum finnst engu að síður mjög cool að sitja með Eplatölvu á kaffihúsi.Sjáðu einbeitinguna.. hann er að hugsa "Djöfull er ég flottur. Ætti ég að taka sopa af kaffinu? Nei ég ætla að snerta eplið mitt".

5. PALESTÍNA

Hamas, Fatah, hryðjuverk og öfgasinnaðir múslímar.. hvað er það? Þér er alveg sama... þú hatar Bandaríkin og þarmeð hatarðu Ísrael og þannig elskarðu Palestínu.. þetta er ekki flókið... 

Flott barmerki sem þú sómar þig vel með í 101...

Stjórnir Ungra vinstri-grænna og Ungra vinstri-grænna í Reykjavík segja að ein af forsendum þess að hið nýja samstarf í borgarstjórn Reykjavíkur gangi upp sé að Björn Ingi Hrafnsson, borgarfulltrúi, geri hreint fyrir sínum dyrum í orkumálum Reykjavíkur sem allra fyrst.

Ættu UVG ekki frekar að spyrja sinn kjörna fulltrúa, Svandísi Svavarsdóttur, hvers vegna hún gangi inn í meirihlutasamstarf án þess stefna nýs meirihluta liggi fyrir? Er ekki eðlilegt þegar Vinstri Græn ganga inn í samstarf sem þetta að málefnasamningur liggi fyrir?

Sigmar Guðmundsson tæklaði þetta mál vel í Kastljósi í gær:

Sigmar: Ætlar þú þá að gleypa samrunan núna sem þú vildir ekki samþykkja, vegna þess að þau vilja það?

Svandís: Þetta fer allt í skoðun

Sigmar: ertu tilbúin að veita afslátt af því? Þetta er búið að vera hitamál í samfélaginu í viku.

Svandís: algjörlega en mín sjónarmið munu koma fram og liggja ljós fyrir

Sigmar: Svandís ég ætla að fá þig til að svara þessari spurningu, ætlið þið að samþykkja þennan samruna í vinstri grænum?

Svandís: Við munum skoða það eins og allt þetta mál

Sigmar: Þú hefur talað skýrt í aðdragandanum, hvers vegna geturðu ekki gert það núna?

Svandís: Vegna þess að við eigum eftir að komast að sameiginlegri niðurstöðu um þetta mál. 

Frá hverjum er það sem UVG þurfa svör? Er það ekki frá Svandísi? Konan sem greiddi atkvæði gegn sameiningunni og gengur svo langt að höfða mál til þess að fá því úr skorið hvort eigendafundurinn hafi verið löglegur er ekki tilbúin að gefa skýr svör um afstöðu sína vegna þess að mikilvægara er að selja sig fyrir völd fremur en hugsjónir - á nokkrum klukkutímum.

Þetta er auðvitað hlægilegt. 

En að öllu gamni slepptu er ég að benda á það hversu fáránleg umfjöllun DV er um að VISA græði á klámi. Bankar græða á öllum viðskiptum sama hvort verið sé að kaupa mjólk eða klám. Ætti bankinn e.t.v. að fella niður þjónustugjöld á þeim viðskiptum þar sem verslað er með klám því það sé ósiðlegt að græða á klámi? Er betra að bankinn gefi afslátt af þjónustugjöldum þegar verslað er með klám og "niðurgreiði" þannig viðskipti með klám?

Þessi umræða nær auðvitað engri átt. Blaðamaður DV fær blaðamannaverðlaunin þetta árið fyrir framúrskarandi rannsóknarblaðamennsku.

Ég mun aldrei fá leið á þessu myndbroti úr Silfri Egils þar sem Margrét Pála talar um vinnukonur kerfisins. Kristrún Heimisdóttir, Samfylkingu, og Guðfríður Lilja, VG, eiga ekki til aukatekið orð.

"Sér í lagi þykir mér svínslegt hvernig þeir keyrðu allt í suðu á húsnæðismarkaðnum" bætti hann við.

"Þú átt húsnæði ekki satt?" segi ég.

"Jú við hjónin höfum búið í indælu einbýli í Kópavogi síðustu 15 árin" segir sá vinstri sinnaði.

"Og hvað punguðuð þið miklu út fyrir því á þeim tíma?" segi ég.

"Það voru 14 milljónir" svarar hann forvitinn á svip.

"Og húsnæðið hefur væntanlega hækkað um einhverjar 20-30 milljónir er það ekki?" segi ég.

"Jújú..." segir hann skelfingarlostinn á svip og sér í hvaða klemmu hann hefur komið sér.

"Og þú segist ekki hafa fengið krónu?" segi ég hlæjandi.

Fyrir skömmu felldi Össur Skarphéðinsson niður 1,2 milljarða króna skuld Byggðastofnunar svo hægt væri að halda leiknum áfram í þessu gegndarlausa fjáraustri sem skilar nákvæmlega ekki neinu. Sveitarfélögin á landsbyggðinni sýna mörg hver ekki nokkra tilburði til að skera niður í útgjöldum eða hagræða í rekstri heldur er sturtað úr bæjarsjóðum í óskyldubundin verkefni.

Ég skal heita þeim alþingismanni stuðning sem hefur þor til þess að heyja baráttu gegn þessu bulli.

Talsmaður neytenda stuðlar að samkeppni og eykur neytendavernd. Það gerir hann m.a. með því heillaráði að hamla kynningu á vöru sem talsmaðurinn telur að séu slæmar fyrir neytandann. Það bætir vitund neytenda um vörur að vita ekki af þeim vörum sem talsmaðurinn telur slæmar.

Ég vil enda þetta hól mitt á tilvitnun í Talsmanninn sjálfan:

[...] neytendur hafa treyst um of á að á endanum sjái einhver annar um að gæta hagsmuna þeirra; þeir geta það best sjálfir með því að nýta sér samkeppnina, netið og fjölmiðlana [...]

Eiginfjárstaða félagsins er neikvæð um 550 mkr. og fyrirsjáanlegt tap á þessu ári 150 mkr. ásamt tekjumissi vegna verkefnisins "Frítt í strætó".

Þetta verkefni er auðvitað alveg út í hött. Fyrir utan að engar viðskiptalegar forsendur séu fyrir því og að nánast engar viðskiptakannanir hafi verið gerðar þá er rekstrarstaða Strætó svo slæm að ekki er séð fyrir hvernig greiða skuli þær skuldir sem félagið stefnir í. Er einhver maður með viti sem myndi detta það til hugar að reka fyrirtæki með þessum hætti?

Ég tel að strætó hafi hingað til sótt mestar sínar fargjaldatekjur til námsmanna. Vandamálið er ekki að námsmenn taki ekki strætó heldur að nánast eingöngu námsmenn taka einmitt strætó.

Gefum sterkasta markaðshópnum ókeypis í Strætó. Þessi markaðshugsun er hreint afbragð.

Skopmyndin sem birtist í Blaðinu í dag er hreint út sagt frábær. Myndin sýnir annars vegar ungan skólastrák og hins vegar miðaldra konu sem bíða eftir strætó. Lýsing fylgir þeim tveimur en einnig á dreng sem ekki er staddur á myndinni.

"Aron nemi 10 ára í Landakotsskóla borgar 100 krónur"

"Svetlana 53 ára verkakona hjá Nóa-Síríus borgar 280 kr."

"Reynir 21 árs Listaháskólanemi borgar 0 kr. (Hann svaf yfir sig í morgun en lofar að mæta í fyrramálið) 

Við bjóðum kælinn því velkomin í Garðabæinn!

Í síðustu viku sendu Rússar tvo kafbáta til að rannsaka svæðið fyrir meintri olíu en enn fremur settu þeir niður flagg sitt í formi ryðfrís títaníums á sjávarbotninn sem táknræna merkingu á tilkalli til þess. Kanadamenn hyggjast reisa tvær herstöðvar nálægt svæðinu til styrktar tilkalls síns og Bandaríkin hafa einnig blandað sér í þessa baráttu.

Nú síðast hafa Danir stefnt rannsóknarteymi til svæðisins en það verður að teljast eðlilegt vegna tengsla Danmerkur og Grænlands sem liggur upp að svæðinu og siglingaleiðinni. Þá er talið víst að Norðmenn munu ekki láta sitt eftir liggja í þessari umræðu.

Er ekki eðlilegt að Ísland blandi sér í þessa umræðu? Sökum smæðar vigtum við lítið í yfirráðahugleiðingum á hafsbotninum en hér er ekki síður keppt um stjórnun á siglingaleiðinni. Það er ljóst að aðkoma okkar að þessari umræðu mun ekki eiga sér stað nema með stærri þjóð okkur við hlið en spurningin er með hvaða þjóð eða þjóðum við eigum sameiginlega hagsmuni í þessum málum.

Ef við fáum olíu og skipaumferð í bakgarðinn hjá okkur er eðlilegt að við njótum góðs af því að einhverju leyti.

Kröftum utanríkisráðherra okkar er mun betur varið hér en í Mið-Austurlöndum.

Á fréttavef Jerusalem Post var sagt frá fundi Ingibjargar og Peres og er sú frásögn vægast sagt gjörólík þeirri sem birtist í Morgunblaðinu.

Þar segir m.a.:

Ingibjörg spurði Peres hvers vegna Ísraelar neituðu að semja við Hamas.

Peres sagði henni að evrópskir leiðtogar sem hefðu ekki reynslu af daglegum hryðjuverkum og væru þar af leiðandi ekki kunnir staðarháttum, ættu ekki að gagnrýna þær aðgerðir sem Ísraelar beita til að verja þjóð sína.

Dæmi nú hver um sig um hvort fundir Ingibjargar þjóni einhverjum tilgangi. Ég er á þeirri skoðun að svo sé ekki og frásögn Jerusalem Post styrkir mig aðeins í þeirri trú. Er það virkilega nóg að fundir leiðtoga þessa lands standi nógu lengi yfir svo fjölmiðlar telji þá þjóna tilgangi og vera jafnvel traustvekjandi kynning á vorri þjóð?

Fattar einhver af hverju? Hint: Lisa Simpson.

Það verður gaman að sjá hvort Apple fólk hafi endurbætt vafrann í ljósi þess hve lélega núverandi útgáfa vafrans höndlar stílsnið, form og javascript.

Það fer gífurlegt púður í minni vinnu að fá síður til þess að virka í öllum vöfrum og Safari er engin undantekning frá þeirri reglu. Hann er eiginlega verstur.

Notkun vafrans hér á landi er nokkuð minni ef marka má heimsóknatölur Google Analytics um mbl.is en einungis 3,86% notenda vefsins notast við Safari vafrann. Þá nota 16,65% Firefox vafrann en 78,49% Internet Explorer.

Það dugar e.t.v. að endurræsa þetta blessaða Windows stýrikerfi. Það virðist vera lausn allra vandamála í Windows. Sjálfur nota ég Linux kerfið Ubuntu í minni vinnu og þarf aldrei að endurræsa.

Þetta er auðvitað ekki í lagi. Hvað drífur menn eiginlega áfram til að búa til svona tölvuleik?

Á baksíðu Morgunblaðsins í dag er fjallað um tölvuleikinn. Þar er birt mynd úr leiknum af stúlku sem virðist vera eitt fórnarlambanna í tölvuleiknum. Af þeim myndum sem hægt hefði verið að velja sem fylgdu lýsingu leiksins þá völdu þeir þessa en hún er sennilega sú óhugnanlegasta.

Myndin er hins vegar frekar óheppileg eins og sést við nánari athugun.

Ég hef áður tjáð mig um þessi mál og bendi á þau skrif.

Einhver á móti?

Það er hins vegar eitthvað sem freistar marga sjálfstæðismenn að halda Samfylkingu utan ríkisstjórnarinnar. Ingibjörgu mistekst að koma flokknum í ríkisstjórn og þar með munu óánægjuraddir innan flokksins heyrast hærra en nokkurn tíma áður. Hún mun þurfa að gefa formannsstólinn eftir því áhlaup stjórnarandstöðunnar mistókst hrapalega.

Hvað er svona freistandi við þetta? Jú, það er enginn augljós kandídat til að taka við fleyinu. Ágúst Ólafur verður seint talinn nægilegur þungavigtarmaður til að gegna embætti varaformanns, hvað þá formanns. Össur er búinn á tíma. Tími Jóhönnu kom aldrei. Samfylkingunni mistókst að endurnýja þingflokkinn í síðasta prófkjöri og þeir eru að súpa seyðið af því.

Samfylkingin yrði sett aftur á byrjunarreit og það er freistandi fyrir næstu kosningar.