நிலாக்கால நினைவுகள்

உங்களுக்கு கார் லோன் இருக்கா ? அப்படின்னா இதை கண்டிப்பா தெரிஞ்சுக்குங்க

2023-01-08T19:04:00.003+05:30

நம்மில் பெரும்பாலானோர் கார் வாங்குவது வங்கிக்கடன் பெற்றுதான். கையில் ரொக்கமாக இருந்தால் கூட குறைந்த வட்டி விகிதம் காரணமாக லோனில் கார் வாங்குவோரையும் நான் கண்டுள்ளேன். கார் லோன் முடிந்த பின் என்ன செய்ய வேண்டும்?

வங்கிக் கடனில் கார் வாங்கியிருந்தால் அதன் ஆர்.சி புத்தகத்திலேயே அது பதியப்பட்டிருக்கும். Hypothecated to ***** bank என. இன்சூரன்ஸ் நிறுவனத்திலும் அப்படித்தான் இருக்கும். இது எதற்காக என்றால் கடன் பெற்ற வங்கிக்குத் தெரியாமல் காரை விற்கவோ, டோடல் டேமேஜ் இன்சூரன்ஸ் கிளெய்ம் செய்யவோ கூடாது என்பதற்காக. லோன் முழுவதுமாக கட்டி முடித்த பின் பலரும் சோம்பேறித்தனம் காரணமாக இவற்றை நீக்க மறந்துவிடுகின்றனர். இதனால் திடீரென விற்க நினைக்கும் போதோ, இன்சூரன்ஸ் கிளெய்ம் செய்யும் போதோ பிரச்சனையில் வந்து முடிகிறது. கடைசி இ.எம்.ஐ கட்டி முடித்த பிறகு வங்கியில் லோன் கணக்கை முடித்து NOC தருவார்கள். அதனுடன் இமெயில் வெரிபிகேசன் ஒன்றும் அனுப்புவார்கள். இந்த NOC 90 நாட்கள் செல்லுபடியாகும். அதற்கு முன்பாக ஆர்டிஓ அலுவலகம் சென்று பழைய ஆர்.சி, இன்சூரன்ஸ், NOC, இமெயில் வெரிபிகேசன், வாகன மாசுக்கட்டுப்பாட்டு சான்றிதழ் அனைத்தையும் கொடுக்க வேண்டும். ஆன்லைன் மூலம் பணம் செலுத்த வேண்டும். பிறகு சில நாட்களில் ஆர்சி புத்தகத்தில் (அட்டையில்) வங்கியின் பெயர் நீக்கப்பட்டு நாம் மட்டுமே முழு முதலாளி ஆகிவிடலாம். அடுத்து இன்சூரன்ஸ் புதுப்பிக்கும் போது மறக்காமல் ஏஜண்ட்டிடம் கூறி அதிலும் வங்கிப் பெயரை நீக்க வேண்டும். 
NOC வாங்கி 90 நாட்களை கடந்துவிட்டால் மீண்டும் 500 ரூபாய் பணம் கட்டி புது NOC வாங்கலாம். அதன் வேலிடிட்டியும் 90 நாட்கள் தான். 
நிறைய பேர் இதை மறந்து, விற்கும் போதோ அல்லது விபத்திற்கு பிறகோ அவசர அவசரமாக அலைவதைப் பார்க்கிறோம். சில இடங்களில் வங்கியும் NOC அனுப்புவதில்லை, நாம் தான் நினைவில் வைத்து போய் கேட்டு வாங்க வேண்டும்.  எனவே லோன் முடிந்த உடன் முதல் வேலையாக ஹைபோதிகேசனை நீக்கிவிடவும்.

நிலத்தை அளக்கும் அளவு முறைகள் - Land measuring methods in Tamil

2022-12-30T18:18:00.015+05:30

நிலத்தை வைத்திருக்கும் உரிமையாளர் ஒரு நிலத்தையோ, அல்லது மனையையோ அளக்க முற்படும் பொழுது பெரும்பாலும் அந்த அளவுகளில் நமக்கு பல விஷயங்கள் புரிவதில்லை. குறிப்பாக நிலவரைபடம் FMB பற்றி தெளிவாக நமக்குத் தெரிவதில்லை அது நமக்கு புரியாத ஒரு புதிராகவே இருக்கிறது. எனவே ஒரு நிலத்தை எப்படி அளக்க வேண்டும் என்பதை தெரிந்துகொள்ள வேண்டுமென்றால் FMB எனப்படும் புல வரைபடத்தை பற்றி முதலில் நன்றாக தெரிந்து கொள்ள வேண்டும்..

சர்வே புல வரைப்படத்தில் கண்டிப்பாக தெரிந்து கொள்ள வேண்டிய 7 முக்கிய செய்திகள் :

1. ஒரு FMB யில் நிலத்தின் அளவுகள், உட்பிரிவு எண்கள், விளக்கிகள் அருகில் உள்ள சர்வே எண்கள் ஆகியவை இருக்கும்.

2. ஒரு சர்வே எண்ணின் எல்லை கோடுகளுக்கு பெயர் F லைன் என்று பெயர் ( FIELD BOUNDARY LINE).

3. குறுக்கு விட்டமாக வரும் லைனுக்கு G லைன் என்று பெயர் அதாவது A யிலிருந்து D க்கு இவ்வளவு தூரம் என்று கணக்கிட்டு விடுவார்கள்.

4. மேலும் E யிலிருந்து B க்கும் விட்டமாக ஒரு லைனும் அதன் அளவும் போட்டு இருப்பர், அதுவும் G. லைன் ஆகும்.

5. இரண்டு G லைனில் ஏதாவது ஒரு கல் காணாமல் போனாலும் மற்ற G லைனை வைத்து காணாமல் போன கல் எங்கு இருக்க வேண்டும் என்று கண்டுப் பிடிப்பர்.

6. மீட்டர் கணக்கில் தான் FMB யில் அளவுகளை எழுதுவார்கள்.

7. ஒரே சர்வே எண்ணில் 15 ஏக்கருக்கு மேல் இருந்தால் 1:5000 என்றும், கொஞ்சம் குறைவாக இருப்பின் 1:2000 என்றும், மிகசிறிய நிலமாக இருந்தால் 1:1000என்றும் இருக்கும்.

நிலத்தை அளக்கும் அளவு முறைகள்

****************************************

நிலத்தை அளக்கின்ற அளவீடுகள்! ஒவ்வொரு பகுதிகளில் ஒவ்வொரு அளவீட்டு முறைகள் பயன்படுத்தப்படுகின்றன.

அவற்றை நிச்சயமாக புரிந்து கொள்ள வேண்டும்.

தமிழ்நாடில் 3 அளவீட்டு முறைகள் பயன்படுத்தப்படுகின்றது.

1. பாரம்பரிய நாட்டு வழக்கு அளவீடுகள் : குழி, மா, வேலி, காணி, மரக்கா,

2. பிரிட்டிஸ் வழக்கு அளவீடுகள் : சதுரஅடி, சென்ட், ஏக்கர், போன்றவை

3. மெட்ரிக் வழக்கு அளவுகள் : ச.மீட்டர், ஏர்ஸ், ஹெக்டேர்ஸ்

ஆனால் எல்லா பட்டா ஆவணங்களும் மெட்ரிக் அளவுமுறைகளில் ஏர்ஸ், ஹெக்டேரில் தான் இருக்கின்றன.

நில அளவீடுகள்

*****************

1 சென்ட் – 40.47 சதுர மீட்ட‍ர்

1 ஏக்க‍ர் – 43,560 சதுர அடி

1 ஏக்க‍ர் – 40.47 ஏர்ஸ்

1 ஹெக்டேர் – 10,000 சதுர மீட்ட‍ர்

1 சென்ட் – 435.6 சதுர அடி

1 ஏர்ஸ் – 100 சதுர மீட்ட‍ர்

1 குழி – 144 சதுர அடி

1 சென்ட் – 3 குழி

3 மா – 1 ஏக்க‍ர்

3 குழி – 435.6 சதுர அடி

1 மா – 100 குழி

1 ஏக்க‍ர் – 18 கிரவுண்டு

1 கிரவுண்டு – 2,400 சதுர அடிகள்

ஏக்கர்

1 ஏக்கர் – 100 சென்ட்

1 ஏக்கர் – 0.404694 ஹெக்டேர்

1 ஏக்கர் – 40.5 ஏர்ஸ்

1 ஏக்கர் – 43560 ச.அடி

1 ஏக்கர் – 4046 ச மீ

செண்ட்

1 செண்ட் – 001 ஏக்கர்

1 செண்ட் – 0040 ஹெக்டேர்

1 செண்ட் – 0.405 ஏர்ஸ்

1 செண்ட் – 435.54 ச.அடி

1 செண்ட் – 40.46 ச மீ

ஹெக்டேர்

1 ஹெக்டேர் – 2.47 ஏக்கர்

1 ஹெக்டேர் – 247 செண்ட்

1 ஹெக்டேர் – 100 ஏர்ஸ்

1 ஹெக்டேர் – 107637.8 ச.அடி

1 ஹெக்டேர் – 10,000 ச மீ

ஏர்ஸ்

1 ஏர் – 2.47 செண்ட்

1 ஏர் – 100 ச.மீ

1 ஏர் – 1076 ச.அடி

100 குழி = ஒரு மா

20 மா = ஒரு வேலி

3.5 மா = ஒரு ஏக்கர்

6.17 ஏக்கர் = ஒரு வேலி

1 ஏக்கரின் நீளம் = 1 பர்லாங், 40 கம்பங்கள், அல்லது 220 கெஜம்

1 ஏக்கரின் அகலம் = 1 சங்கிலி, 4 கம்பங்கள், அல்லது 22 கெஜம்

நீட்டலளவை

• 10 கோண் = 1 நுண்ணணு

• 10 நுண்ணணு = 1 அணு

• 8 அணு = 1 கதிர்த்துகள்

• 8 கதிர்த்துகள் = 1 துசும்பு

• 8 துசும்பு = 1 மயிர்நுனி

• 8 மயிர்நுனி = 1 நுண்மணல்

• 8 நுண்மணல் = 1 சிறு கடுகு

• 8 சிறு கடுகு = 1 எள்

• 8 எள் = 1 நெல்

• 8 நெல் = 1 விரல்

• 12 விரல் = 1 சாண்

• 2 சாண் = 1 முழம்

• 4 முழம் = 1 பாகம்

• 6000 பாகம் = 1 காதம் (1200 கஜம்)

• 4 காதம் = 1 யோசனை

• வழியளவை

• 8 தோரை(நெல்) = 1 விரல்

• 12 விரல் = 1 சாண்

• 2 சாண் = 1 முழம்

• 4 முழம் = 1 பாகம் அல்லது தண்டம்

• 2000 தண்டம் = 1 குரோசம் 21/4மைல்

• 4 குரோசம் = 1 யோசனை

• 71/2 நாழிகைவழி = 1 காதம்(10மைல்)

நிலவளவை குழிக்கணக்கு வருமாறு

16 சாண் = 1 கோல்

18 கோல் = 1 குழி

100 குழி = 1 மா

240 குழி = 1 பாடகம்

கன்வெர்ஷன்

1 சதுர அங்குலம் = 6.4516 சதுர செண்டிமீட்டர்

1 சதுர அடி = 0.09290304 சதுர மீட்டர்

1 சதுர கெஜம் = 0.83612736 சதுர மீட்டர்

1 சதுர மைல் = 2.589988110336 சதுர கிலோமீட்டர்

பிற அலகுகள்1

ஏர் = 100 சதுர மீட்டர்

1 ஹெக்டேர் = 100 ஏர் = 10,000 சதுர மீட்டர் = 0.01 சதுர கிலோமீட்டர்

தற்பொழுது ஏர் அதிகமாகப் பயன்பாட்டில் இல்லை என்றாலும் ஹெக்டேர் இன்றும் நிலங்களை அளக்கும்போது பயன்படுத்தப்படுகிறது.

நிலங்களை அளக்கும்போது பொதுவாகப் பயன்படுத்தப்படும் அலகு ஏக்கர் ஆகும்.

1 ஏக்கர் = 4,840 சதுர கெஜம் = 43,560 சதுர அடி = 4046.8564224 சதுர மீட்டர்

1 சதுர மைல் = 640 ஏக்கர் = 2.5899881103 சதுர கிலோ மீட்டர்

நில அளவை

100 ச.மீ - 1 ஏர்ஸ்

100 ஏர்ஸ் - 1 ஹெக்டேர்

1 ச.மீ - 10 .764 ச அடி

2400 ச.அடி - 1 மனை

24 மனை - 1 காணி

1 காணி - 1 .32 ஏக்கர்

144 ச.அங்குலம் - 1 சதுர அடி

435 . 6 சதுர அடி - 1 சென்ட்

1000 ச லிங்க்ஸ் - 1 சென்ட்

100 சென்ட் - 1 ஏக்கர்

1லட்சம்ச.லிங்க்ஸ் - 1 ஏக்கர்

2 .47 ஏக்கர் - 1 ஹெக்டேர்

1 ஹெக்டேர் = 2.5 ஏக்கர் (2.47 ஏக்கர் )

1 ஏக்கர் = 4840 குழி (Square Yard)

100 சென்ட் = 4840 சதுர குழிகள்

1 சென்ட் = 48.4 சதுர குழிகள்

1 ஏக்கர் = 4067.23 சதுர மீட்டர் (Sq. Meter )

1 ஏக்கர் = 43560 சதுர அடி

விமானத்தில் போகும் போது , மொபைலை ஏன் ப்ளைட்மோடில் போட வேண்டும் ?

2022-12-29T07:51:00.000+05:30

நாம் காரில் போகும்போது FM கேக்குறோம்னு வைச்சுக்குவோம் , அந்த FM ஒரு குறிப்பிட்ட தூரம் போன , கொரகொரன்னு சத்தம் வரும் சிக்னல் ஒழுங்கா இல்லாம பாட்டு விட்டு விட்டு கேட்கும். அதாவது சிக்னல ரிசீவ் பண்ண நம்ம FM திணறும், அதனால் விட்டு விட்டு கொறகொறன்னு மட்டும் சத்தம் வரும். அதே போல தான் பூமியில் இருந்து பல ஆயிரம் உயரம் பறக்கும் விமானத்திற்கு என்று தகவல் தொடர்புக்க்காக சிக்னல் பயன்படுத்தப்படும். தகவல் தொடர்பு என்பதை தாண்டி Auto Landing கிற்கும் அந்த சிக்னல் தேவைப்படும். அதற்கு பெயர் உணர்திறன். அந்த சிக்னல்களுக்கு இடையூரா இருப்பது செல்போன் சிக்னல்கள். அதாவது காற்றுவழி சிக்னல்கள் அனைத்தும் ரேடியோ அலைவரிசை ஸ்பெக்ட்ரமின் வெவ்வேறு பகுதிகளைப் பயன்படுத்துகின்றன. அப்படி நாம் செல்போன் எரோப்லேன் மோடில் போடாமல் போனால் ACI எனப்படும் Adjacent Channel interference, நிகழும். அதாவது க்ராஸ் டாக் போல. க்ராஸ்டாக் ஏற்படுவதை போல விமானம் எங்கே பறகுதோ அதற்கு அருகிலுள்ள சேனலின் குறுக்கீடு ஒரு இடையூராக மாறி, சிக்னல் தடை ஏற்படுகிறது. ஏசிஐ என்பது ஒரு ரேடியோ ரிசீவர், அருகிலுள்ள அதிர்வெண்ணில் உள்ள டிரான்ஸ்மிட்டரிலிருந்து ஒரு பரிமாற்றத்தை எடுப்பது அதன் வேலை. அதை செல்போன் சிக்னல்கள் குறுக்கிடும் போது விமானிக்கும், கூடவே விமானத்தின் AUTO LANDING சிஸ்டம்க்கும் சேர்த்து தொடர்பு பாதிக்கப்பட்டு அது ஆபத்தில் கொண்டு விடும். அதனால் விமானத்தில் பறக்கும்போது செல்போன் எரோப்லேன் மோட் போடவேண்டியது கட்டாயம்.

உங்களது கணினியில் FreeFire Game விளையாடுவது எப்படி - How to play Freefire game on your PC

2021-12-03T21:56:00.000+05:30

நண்பர்களே உங்களது கணினியில் FreeFire Game விளையாடுவது எப்படி என்று அறிந்து கொள்வோம் வாருங்கள் .

உங்களது கணினியில் FreeFire Game விளையாட வேண்டுமெனில் உங்களது கணினியில் Phoenix OS இருக்க வேண்டும் .Phoenix OS எப்படி உங்களது கணினியில் இன்ஸ்டால் செய்வது என்பதை கீழ்கண்ட லிங் மூலம் அறிந்து கொள்ளுங்கள்

https://nilanilal.blogspot.com/2021/12/os-how-to-install-android-os-in-your-pc.html

உங்களது கணினியில் Phoenix OS இன்ஸ்டால் செய்தபிறகு ஏதாவது ஒர் இணைய உலாவியில் freefire appk என தேடினால் கீழ்கண்ட இணைப்பு கிடைக்கும் அதை கிளிக் செய்தால் freefire டவுன்லோட் செய்யும் தளம் கிடைக்கும் .

Free fire download link

அந்த தளத்தில் Download Garena Free Fire - New Age 1.68.1.apk மற்றும் Download OBB 1.68.1.zip என இரண்டினையும் டவுன்லோட் செய்து கொள்ளுங்கள் OBB பைலினை Unzip செய்து வைத்துக்கொள்ளுங்கள் .அதை ஏதாவது ஒரு டிரைவில் சேமித்து கொள்ளுங்கள் . பின்பு உங்களது கணினியில் Phoenix OS னை திறந்து கொள்ளுங்கள் பின்பு Garena Free Fire - New Age 1.68.1.apk என்ற பைலினை டபுள் கிளிக் செய்தால் இஸ்டால் ஆக தொடங்கும் பின்பு OBB பைலினை Android → obb எனும் Path சென்று சேமித்துக்கொள்ளுங்கள் . உங்களது கணினியில் இணையை இணைப்பினை ஏற்படுத்திய பிறகு உங்களது Start menuவில் Free Fire என்பதை கிளிக் செய்தால் Free Fire திறக்கும் அதில் Free Fire ஐ பெரிய திரையில் விளையாடி மகிழுங்கள்.

உங்களது கணினியில் ஆண்ட்ராய்ட் OS நிறுவி விளையாடுவது எப்படி - How to install Android OS in your PC

2021-12-02T20:47:00.003+05:30

நண்பர்களே உங்களது கணினியில் ஆண்ட்ராய்ட் OS நிறுவி அதன் மூலம் இலட்சக்கனக்கான கேம்ஸ்களை விளையாடி மகிழ்வது எப்படி என்று பார்ப்போம் வாருங்கள் .

முதலில் Phoenix OS குறிந்து அறிந்து கொள்வோம் . Phoenix OS என்பது இலவசமாக கிடைக்க கூடிய ஆண்ட்ராய்ட் இயங்குதளம் ஆகும் இதை நம் கணினியில் சாதாரன மென்பொருள் போல நிறுவினால் போதும் , நம்து கணினி Dual Booting இல் விண்டோஸ், ஆண்ட்ராய்ட் என தேர்வு செய்ய இரு இயங்குதளங்கள் கிடைக்கும் . அதில் Phoenix OS தேர்வு செய்தால் நமது மொபைலில் இருப்பது போல ஆண்ட்ராய்ட் இயங்குதளம் இருக்கும் . இணையயமும் சிறப்பாக செயல்படும் கூகுள் பிளே ஸ்டோரிலிருந்து பல ஆயிரக்கனக்கான ஆப்ஸ்களை டவுன்லோட் செய்து இன்ஸ்டால் செய்து கொள்ள முடியும் . மேலும் இணையத்தில் உள்ள ஆண்ட்ராய்ட் ஆப்ஸ்களை டவுன்லோட் செய்தும் இன்ஸ்டால் செய்து கொள்ள முடியும் . சாதாரணமாக் நாம் விண்டோஸ் கணினியில் செய்யும் படம் பார்த்தல் , பாட்டு கேட்டல் , மெயில் அனுப்புதல் இணையதள உலாவல் என அனைத்து செயல்களையும் இந்த Phoenix OS இயங்குதளத்திலும் செய்ய முடியும் .

Phoenix OS கணினியில் இன்ஸ்டால் செய்வது எப்படி

முதலில் ஏதாவது இணைய உலாவியில் Phoenix OS என தேடினால் Phoenix OS இயங்குதளம் டவுன்லோட் செய்யும் தளம் முதலில் இருக்கும் .

http://www.phoenixos.com/en/download_x86

என்ற அந்த தளத்தை கிளிக்செய்தால் அந்த தள திறக்கும் அதில் Phoenix OS என்ற மெனுவின் கீழ் .Exe வகை கோப்பும் Image file foramat வகை இருக்கும் அதில் நமக்கு தேவையான PhoenixOSInstaller-v3.6.1 (Based on Android7.1) என்ற.Exe வகை டவுன்லோட் மெனுவினை க்ளிக் செய்தால் டவுன்லோட் ஆக தொடங்கும் . டவுன்லோட் முடிந்த பின்பு அதை டபுள் க்ளிக் செய்தால் கணினியில் உள்ள டிரைவ்கள் பட்டியலிடப்படும் அதில் நமக்கு தேவையான டிரைவினை தேர்வு செய்தால் Phoenix OS இன்ஸ்டால் ஆக தொடங்கும் இன்ஸ்டால் முடிந்த பின்பு Restart கேட்கும் அதை க்ளிக் செய்தால் நமது கணினி மீண்டும் இயங்க தொடங்கும் பொழுது விண்டோஸ் இயக்கசூழல் மற்றும் Phoenix OS இரண்டில் எதில் Boot ஆகவேண்டும் என கேட்கும் அதில் Phoenix OS எனும் மெனுவினை தேர்வு செய்தால் Phoenix OS இயக்கச்சூழல் திறக்கும் .

Phoenix OS ஆனது நமது மொபைலில் உள்ள ஆண்ட்ராய்ட் இயக்கச்சூழல் போலவே இருக்கும் . நாம் மொபைலில் செய்யும் அனைத்து செயல்களையும் இந்த இயங்குதளத்திலும் செய்ய முடியும்

How to convert Normal TV into Smart TV - Tamil Guide

2021-11-22T10:10:00.000+05:30

அறிவியல் உருவகப்படுத்துதல் ( science simulation) - All Parts

2021-11-21T19:16:00.002+05:30

அறிவியல் உருவகப்படுத்துதல் ( science simulation) - Part 1

அறிவியல் உருவகப்படுத்துதல் ( science simulation) - Part 2

அறிவியல் உருவகப்படுத்துதல் ( science simulation) - Part 3

அறிவியல் உருவகப்படுத்துதல் ( science simulation) - Part 4

2021-11-21T11:14:00.002+05:30

Olabs பயன்படுத்துவது எப்படி ?

Olabs என்பது ஆன்லைனில் செயல்படும் ஆன்லைனில் செயல்படும் ஒரு விர்ச்சுவல் லேப் ஆகும் . கூகுளில் Olabs என தேடி அதில் கிடைக்கும் முடிவுகளில் முதல் முடிவினை கிளிக் செய்தால் Olabs அதிகாரபூர்வ தளாத்திற்கு அழைத்து செல்லப்படுவோம் . இத்தளம் இந்திய அரசின் மணவர்களுக்கான விர்ச்சுவல் லேப் ஆகும் .

Online Labs for schools - Developed by Amrita Vishwa Vidyapeetham and CDAC Online Lab (olabs.edu.in)

ஓலாப்ஸ் இணைய தளம் சென்றால் அங்கு இயற்பியல் வேதியியல்,உயிரியல், கனிதம் , ஆங்கிலம் என தனி தனி பாடங்களுக்கு வெவ்வேறு வகுப்புகளுக்கு பல்வேறு உருவகப்படுத்தும் செயல்பாடுகள் இருக்கின்றன . நமக்கு தேவைய பாடத்தினை தேர்வு செய்த பின் வகுப்பினையும் தேர்வு செய்து அந்த அந்த வகுப்புகளுக்கு உரிய செயல்பாடுகளை செய்து கற்க முடியும் ஓலாப்ஸ் இணைய தளத்தின் மற்றுமொரு சிறப்பம்சம் ஆசிரியர் , மாணவர் , பள்ளிகள் என தனி தனியாய் பதிவு செய்து மேலதிக வசதிகளை பெறலாம்

அறிவியல் உருவகப்படுத்துதல் ( science simulation) - Part 3

2021-11-20T19:55:00.001+05:30

Molecular workbench பயன்படுத்துவது எப்படி ?

கூகுளில் Molecular workbench என தேடி அதில் கிடைக்கும் முடிவுகளில் முதல் முடிவினை கிளிக் செய்தால் Molecular workbench அதிகாரபூர்வ தளாத்திற்கு அழைத்து செல்லப்படுவோம்

அங்கு உள்ள டவுன்லோட் என்பதை கிளிக் செய்தால் எளிதாக டவுன்லோட் ஆக தொடங்கும் . டவுண்ட் செய்தபின் அதை நம் கணினியில் இன்ஸ்டால் செய்து கொள்ளலாம் . Molecular workbench எனும் உருவகப்படுத்ஹ்டுதல் மென்பொருள் இயங்க நமது கணினியில் ஜாவா நிரலாக்கச்சூழல் நிறுவப்பட்டு இருக்க வேண்டும். Molecular workbench எனும் மென்பொருளை நமது இன்ஸ்டால் செய்த பின்னர் அதை திறந்தால் கிடைக்கும் முகப்புத்தோற்றம்

அங்கே பல்வேறு அறிவியல் செயல்பாடுகள் அட்டவனைபடுத்தப்பட்டு இருக்கும் அதில் நம்க்கு தேவையானவற்றை க்ளிக் செய்து அந்த செயல்பாட்டினை செய்து கற்க துவங்கலாம் இம் மென்பொருளில் உள்ள அனைத்து செயல்பாடுகளையும் காண Browse entire library என்பதை க்ளிக் செய்தால் அனைத்து அறிவியல் செயல்பாடுகளையும் காணலாம்

மீண்டும் அடுத்த பதிவில் தொடர்வோம்......

அறிவியல் உருவகப்படுத்துதல் ( science simulation) - Part 2

2021-11-19T10:45:00.008+05:30

அறிவியல் கற்பித்தல் மென்பொருள்கள்

அறிவியல் கற்றல் கற்பித்தலில் பல்வேறு வணிக , இலவச மென்பொருள்கள் உள்ளன . இதன் ஒரு பகுதியாக அறிவியல் உருவகப்படுத்துதல் (Science simulations )மென்பொருள்கள் பயன்படுகின்றன. இவ்வகையான உருவகப்படுத்துதல் மென்பொருட்கள் Online / Offline முறையில் கிடைக்கின்றன .

அறிவியல் கற்பித்தலில் அறிவியல் ஆய்வகம் கல்வியில் மறுமலர்ச்சியை உருவாக்க வல்லவை . இவைகளை உருவாக்க மிகுந்த பணச்செலவு ஆகும் மேலும் அதிக முன் எச்சரிக்கை உணர்வுடனும் செயல்பட வேண்டும் ஏன் எனில் ஒரு சிறு தவறும் அதிக பாதிப்பினை உண்டாக்க கூடும் . ஆனால் அறிவியலில் உருவகப்படுத்துதல் மென்பொருட்கள் விர்ச்சுவல் லேப் ஆக செயல்படுகின்றன. இவ்வகையான மென்பொருளில் அறிவியல் ஆய்வகத்தில் நாம் செய்து கற்பது போலவே உருவகப்படுத்தும் மென்பொருளில் செய்து கற்க முடியும் இதனால் பொருட்செலவின்றியும் மிக மிக பாதுகாப்பாகவும் அறிவியல் ஆய்வுகளை மாணவர்கள் செய்து பயன் பெற முடியும் .

Offline Science simulations software

v PhET

v Molecular workbench

Online Science simulations software

v Olabs

உருவகப்படுத்துதல் மென்பொருட்கள் இயங்க கணினியில் ஜாவா என்ற நிரலாக்க சூழல் நிறுவப்பட்டு இருக்க வேண்டும் மேலும் HTML5 எனும் நிரலாக்க மொழியை ஆதரிக்கும் Google chrome Browser போன்ற ஏதாவது ஒரு Browser இருக்க வேண்டும்

PhET பயன்படுத்துவது எப்படி ?

PhET எனும் மென்பொருள் ஆனது ஆன்லைன் / ஆப்லைன் இராண்டிலும் இயங்க கூடியது ஆப்லைனில் இயங்க வைக்க வேண்டுமெனில் முதலில்

https://phet.colorado.edu தளத்திற்கு சென்று ஒரு Account உருவாக்கி கொள்ள வேண்டும் பின் ஆப்லைனில் இயங்கும் மென்பொருளை எளிதாக பதிவிறக்கி கொள்ளலாம் . பதிவிறக்கிய பின்பு நமது கணினியில் இன்ஸ்டால் செய்துகொள்ளலாம். நமது கணினியில் PhET மென்பொருள் இயங்க ஜாவா என்ற நிரலாக்க சூழல் நிறுவப்பட்டு இருக்க வேண்டும் . ஜாவா எனும் நிரலாக்க சூழல் இலவசமானது , கூகுளில் JAVA என்று தேடி வரும் முடிவுகளில் முதல் முடிவினை கிளிக் செய்தால் ஜாவா நிரலாக்க சூழலின் அதிகாரபூர்வ தளத்திற்கு நாம் அழைத்து செல்லப்படுவோம் அங்கிருந்து எளிதாக டவுன்லோட் செய்து , நமது கணினியில் ஜாவா நிரலாக்க சூழலை இன்ஸ்டால் செய்து கொள்ளலாம் .

PhET எனும் மென்பொருளை திறந்த உடன் அதில்

v HTML5

v JAVA

v ALL

எனும் மூன்று மெனுக்களில் பல்வேறு அறிவியல் ஆய்வக செயல்பாடுகள் வரிசைபடுத்தப்பட்டு இருக்கும் அதில் நம்க்கு தேவையானவற்றை தேர்வு செய்தால் தனி விண்டோ ஒன்று திறக்கும் அதில் குறிபிட்ட அந்த செயல்பாடு பற்றிய விளக்கமும் அதைசெய்து கற்கும் வகையில் இருக்கும் .

PhET எனும் மென்பொருளை ஆன்லைனில் பயன்படுத்த PhET வளைதளமான PhET: Free online physics, chemistry, biology, earth science and math simulations (colorado.edu) எனும் தளத்திற்கு செல்ல வேண்டும் .

PhET எனும் வலை தளத்தில் Simulations எனும் தலைப்பின் கீழ்

v Physics

v Chemistry

v Math

v Earth science

v Biology

v Browse sims

v Proto types

v Translated sims

என பல்வேறு மெனுக்கள் இருக்கும் நமக்குதேவையான படங்களை தேர்வு செய்தால் அந்த பாடம் தொடர்பான செயல்பாடுகள் அட்டவனைப்படுத்தப்பட்டு இருக்கும் அதில் நம்க்கு தேவையானவற்றை தேர்வு செய்தால் தனி விண்டோ ஒன்று திறக்கும் அதில் குறிபிட்ட அந்த செயல்பாடு பற்றிய விளக்கமும் அதைசெய்து கற்கும் வகையில் இருக்கும் .

மீண்டும் அடுத்த பதிவில் தொடர்வோம்......

அறிவியல் உருவகப்படுத்துதல் ( science simulation) - Part 1

2021-11-18T10:21:00.000+05:30

நவீனக் காலத்தில் நம்முடைய அன்றாட வாழ்க்கையில் பயன்படுத்தக் கூடிய பொருள்களின் கண்டுபிடிப்புகளுக்கும் காரணமாக அமைவது அறிவியல் சிந்தனைத் திறனே ஆகும். மனிதனின் சிந்தனைப் பெருக பெருக இயற்கை வளங்களை மனிதனுக்கு தேவையான அடிப்படைப் பொருளாக மாற்றுவதற்குரிய வழிமுறைகளும், அறிவியல் சிந்தனைகளால் உருவாக்கப்படுகின்றன.

இன்றைய தகவல் தொழில் நுட்பம், கணினி மற்றும் இணையம் உலகின் எந்த பகுதியிலும் உள்ள தகவல்களை அறியக் கூடிய வாய்ப்பு, இயற்கை வளங்களின் இருப்பு உட்பட அனைத்து வித தகவல்களையும், எந்தவொரு மனிதனும் அறிந்துக் கொள்ளும் வாய்ப்பை அறிவியல் சிந்தனைகளே நமக்குத் தருகின்றன. ஆகவேதான் இயற்கையின் எல்லா வளங்களைக் காட்டிலும் மனித வளம் என்றழைக்கப்படும் மனிதனின் அறிவியல் சிந்தனை வளமே தலையாயதாகக் கருதப்படுகிறது .

தொடக்க காலங்களில் அறிவியல் ஆய்வுக் கூடங்களிலும் பல்கலைக் கழகங்களிலுமே கணினிகள் பயன்படுத்தப்பட்டன. பிறகு அரசுத் துறைகளிலும், பெரிய நிறுவனங்களிலும் பயன்படுத்தப் பட்டன. அதன்பின் அலுவலகங்களிலும், பள்ளிகளிலும், கல்லூரிகளிலும், சிறு சிறு வணிக நிறுவனங்களுக்கும் பரவின. இன்றைக்கு வீடுகளிலும்கூட கணினிகள் உலா வருகின்றன.

வீட்டுப் பயன்பாடுகள் என்பவை பெரும்பாலும் பொழுதுபோக்கு மென்பொருள்களாகும். இன்றைக்கு, ஏறத்தாழ அனைத்து வீடுகளிலும் கணினிகள் இன்றிமையாத பொழுதுபோக்குச் சாதனமாக இடம் பெற்றுள்ளது. அதுபோலக் கணினியையும் வீட்டிலுள்ள குழந்தைகளும் பெரியவர்களும் பயன்மிக்க சாதனமாகப் பயன்படுத்துவதற்கு வழியுள்ளது. அதற்கான மென்பொருள் தொகுப்புகளைப் பார்ப்போம்.

ஊடக இயக்கிகள் (Media Players)

இந்த வகை மென்பொருள்கள் இசைப் பாடல்களைக் கேட்பதற்கும், நிழற்படக் காட்சிகளைப் பார்ப்பதற்கும் பயன்படுகின்றன. தொலைக்காட்சியில் பார்ப்பதுபோல் திரைப்படங்களைக் கணினியில் கண்டு களிக்க முடியும். இசைப்பாடல் ஆல்பங்கள், திரைப்பாடல் திரட்டுகள் கேட்பொலிக் குறுவட்டுகளில் (Audio CDs) , இணையத்தில் கிடைக்கின்றன.. அவற்றைக் கணினியிலுள்ள குறுவட்டு ( Hard disk ) இயக்கத்தில் வைத்து இயக்க முடியும். ஊடக இயக்கி மென்பொருள் அவற்றை இயக்குகிறது. இன்றைக்கு விண்டோஸ் மீடியா பிளேயர், வி எல் சி பிளேயர் , ரியல் பிளேயர், குவிக்டைம் ஆகியவை பெருமளவில் பயன்படுத்தப்படும் ஊடக இயக்கிகளாகும்.

குரல் பதிவிகள் (Voice Recorder)

பேசுவதையும் பாடுவதையும் கணினியில் பதிவுசெய்து, கோப்புகளாக வட்டுகளில் சேமிக்க முடியும். அந்தக் கோப்புகளை இயக்கிப் பேச்சையும் பாட்டையும் மீண்டும் கேட்டு மகிழ முடியும். குரல் பதிவி (Voice Recorder) மென்பொருள் இதற்குப் பயன்படுகிறது. விண்டோஸ் இயக்க முறைமையில் ஒலிப்பதிவி (Sound Recorder) மென்பொருள் உள்ளிணைக்கப் பட்டுள்ளது.

பயன்பாட்டு மென்பொருட்கள் ( Application software)

அலுவலகப் பயன்பாடுகள் , வரைகலை பயன்பாடுகள் , போன்ற பல்வேறுபட்ட தேவைகளுக்காக மென்பொருள்கள் ஒருங்கிணைக்கப்பட்டு வணிக நோக்கத்துடன் வெளியிடப்படுகின்றன. இவற்றுள் மைக்ரோசாஃப்ட் நிறுவனத்தின் தயாரிப்புகள் , அடோப் நிறுவனத்தின் தயாரிப்புகள் உலகத்திலேயே மிகவும் அதிகமான கணினிகளில் பயன்படுத்தப் படுகிறது. இவற்றிற்கு மாற்றாக கட்டற்ற திற மூல மென்பொருட்கள் கிடைக்கின்றன .

அறிவியல் கற்பித்தல் மென்பொருள்கள்

மீண்டும் அடுத்த பதிவில் தொடர்வோம்......

திரைப்பதிவு ( Screen Recording ) - Part 3

2021-10-26T21:48:00.003+05:30

நம்முடை புகைப்படங்கள் / வீடியோக்களை பதிவேற்றம் (Upload) செய்வது எப்படி ?

முதல் நிலை தேர்வு மெனுவில் Capture எனும் மெனுவின் கீழ் உள்ள Upload என்பதை தேர்வு செய்தால் கூகுள் உள்ளிட்ட பல்வேறு தளங்களுக்கு நமது புகைப்படங்கள் / வீடியோக்களை பதிவேற்றம் (Upload) செய்து கொள்ளலாம் .

நமது தனிப்பட்ட வீடியோக்களை திரைப்பதிவு செய்வது எப்படி ?

நமது தனிப்பட்ட வீடியோக்களை திரைப்பதிவு செய்யும் முன் ShareX மென்பொருளின் இரண்டாம் நிலை தேர்வு நிலையில் உள்ள Task settings என்பதில் Screen recorder screen recording option என்பதை தேர்வு தேர்வு செய்து அதில் Audio source என்பதில் நாம் கணினியில் இணைத்துள்ள ஒலி மூலத்தை தேர்வு செய்ய வேண்டும் அப்பொழுதுதான் திரைப்பதிவில் நாம் பேசும் ஒலியும் சேர்ந்து பதிவாகும் இல்லையெனில் ஒலி பதிவாகாது.

நமக்கு வேண்டிய விடியோக்களை திரைப்பதிவினை பதிவு செய்ய முதலில் ShareX மென்பொருளை திறந்து கொள்ள வேண்டும் பின் அதில் முதல் நிலை தேர்வில் உள்ள

Workflows start /Stop screen recording

என்பதை தேர்வு செய்தால் வீடியோ திரைப்பதிவாக பதிவாக தொடங்கும் நம்முடைய செயல்பாடு முடிந்தவுடன் Stop என்பதை க்ளிக் செய்தால் நம்முடைய செயல்பாடு வீடியோ ஆக சேமிக்கப்பட்டு இருக்கும் .

நம்முடைய புகைப்படம் / வீடியோ எங்கு சேமிக்கப்பட்டு இருக்கும் ?

ShareX மென்பொருளில் நாம் சேமித்த புகைப்படங்கள் / வீடியோக்களை காண வேண்டும் என்றால் மூன்றாம் நிலை தேர்வு மெனுவில் Screenshot folder என்பதை தேர்வு செய்தால் அந்த folder திறக்கும் அதை நாம் தேவையான இடங்களிலோ அல்லது பெண்டிரைவ் போன்ற சோமிப்பகங்களிளோ சேமித்துக்கொள்ளலாம் .

ShareX மென்பொருளில் மூன்றாம் நிலை தேர்வு மெனுவில் History என்பதை தேர்வு செய்தால் நாம் செய்த அனைத்து செயல்களின் History அங்கே சேமிக்கப்பட்டு இருக்கும் . மேலும் Image History என்பதை தேர்வு செய்தால் புகைப்படம் சார்ந்து நாம் செய்த அனைத்து செயல்களின் History அங்கே சேமிக்கப்பட்டு இருக்கும் .

ShareX மென்பொருளின் சிறப்பியல்புகள்

ShareX மென்பொருளில் பல்வேறு சிறப்பியல்பு மென்பொருள் கருவிகள் உள்ளன . நாம் திரைப்பதிவாக சேமிக்கும் புகைப்படங்களை இமேஜ் எடிட்டர் மூலம் அழகாக்கி கொள்ளலாம் . மேலும் பத்திற்கும் மேற்பட்ட சிறப்பியல்பு கருவிகள் உள்ளன . நமக்கான குறுக்கு விசைகளை (Shortcut keys) உருவாக்கி கொள்வது எப்படி ?

ShareX மென்பொருளில் செயல்புரியும் போது குறுக்குவிசைகளை உருவாக்கி கொள்வது நாம் செய்யும் செயல்கள் விரைவாகவும் எளிதாகவும் அமையும் குறுக்கு விசைகளை பெற இரண்டாம் நிலை தேர்வு மெனுவில் Hot key settings என்பதை தேர்வு செய்தால் குறுக்கு விசைகளை அமைத்துக்கொள்ளலாம்

ShareX மென்பொருளில் செயல்புரியும் போது மென்பொருளின் Settings களை நம் விருப்பம் போல் மாற்றிக்கொள்ள Task key settings உதவுகிறது . மென்பொருளின் பல்வேறு settings களை நாம் நம் விருப்பம் போல மாற்றியமைத்துக்கொள்ளலாம் .

விலை கொடுத்து வாங்கினாலும் கிடைக்காத பல்வேறு சிறப்பம்சங்கள் இந்த இலவச மொன்பொருள் ShareX இல் கிடைக்கின்றன . இந்த வசதிகள் மூலம் நாமே மிக மிக எளிதாக கல்வியல் சார்ந்த நமது சொந்த வீடியோக்களை உருவாக்கி கொள்ளலாம் .

Part-1

Part-2

திரைப்பதிவு ( Screen Recording ) - Part 2

2021-10-20T18:52:00.002+05:30

ShareX எனும் மென்பொருளை இணையத்தில் இருந்து பதிவிறக்கம் செய்து நமது கணினில் பதிவு(Instal) செய்து விட்டால் போதுமானது நமது கணினினியின் திரையினை திரைப்பதிவாக பதிவு செய்து கொள்ள முடியும் . இம்மென்பொருள் முற்றிலும் இலவசமானது மற்றும் மிக குறைந்த அளவு 7 MB நினைவக கொள்ளளவு உடையதால் விரைவாகவும் எளிதாகவும் பணியாற்ற முடியும் .

ShareX எனும் மென்பொருளை இணையத்தில் இருந்து பதிவிறக்கம் செய்ய முதலில் கூகுளில் ShareX என தட்டச்சு செய்து தேட வேண்டும் அதில் கிடைக்கும் முடிவுகளில் முதல் முடிவினை ளிக் செய்தால் ShareX எனும் மென்பொருளின் அதிகாரபூர்வ தளத்திற்கு நாம் அழைத்து செல்லப்படுவோம் அங்கே வின்டோஸ் , லினக்ஸ் , போன்ற கணினி இயக்க சூழலுக்கு ஏற்றவற்றை தேர்வு செய்து டவுன்லோட் செய்து கொள்ளலாம் .

Download link

நமது கணினியில் ShareX எனும் மென்பொருளினை டவுன்லோட் செய்த பிறகு அதை இன்ஸ்டால் செய்து அதை திறந்தால் கீழ்கண்டவாறு அதன் முகப்பு தோற்றம் கிடைக்கும் இதில் இடது புறம் மெனுகளும் வலது புறம் நாம் மாற்றியமைக்க கூடிய குறுக்கு விசைகளும் இருக்கும் .

இதில் மூன்று தேர்வு நிலைகளில் மெனுக்களும் சப்மெனுக்களும் உள்ளன . இதில் முதல் நிலை தேர்வில்

v Capture

v Upload

v Workflows

v Tools

இரண்டாம் நிலை தேர்வில்

v After capture Task

v After Upload Task

v Destinations

v Application settings

v Task settings

v Hotkey settings

மூன்றாம் நிலை தேர்வில்

v Screen shots folder

v History

v Image histoy

v News

v Debug

v Donate

v About

ஆகிய மெனுக்கள் உள்ளன . இதில் முக்கோண வடிவில் உள்ள ஐகானை க்ளிக் செய்து தேர்வு செய்வதின் மூலம் துணை நிலை மெனுக்களை பெறலாம்

v புகைப்படங்களை திரைப்பதிவு செய்வது எப்படி ?

நமக்கு வேண்டிய புகைப்படங்க்ளை திரைப்பதிவினை பதிவு செய்ய முதலில் ShareX மென்பொருளை திறந்து கொள்ள வேண்டும் பின் அதில் முதல் நிலை தேர்வில் உள்ள

Capture - Full screen

என்பதை தேர்வு செய்தல் நம்முடை ஆக்டிவ் விண்டோ புகைப்படமாக சேமிக்கப்படும் .

Capture Window

என்பதை தேர்வு செய்தல் கடைசியாக செயல்பட்ட செயல்களின் விண்டோக்கள் இருக்கும் அதில் நமக்கு தேவையானவற்றை செலக்ட் செய்தால் அந்த விண்டோ புகைப்படமாக சேமிக்கப்படும் .

Capture - Monitor

Capture Region

என்பதை தேர்வு செய்தல் நம்முடை ஆக்டிவ் விண்டோவின் நமக்கு தேவையான பகுதியை புகைப்படமாக சேமித்துக்கொள்ளலாம் . .

Capture - Region (Light)

என்பதை தேர்வு செய்தல் நம்முடை ஆக்டிவ் விண்டோவின் நமக்கு தேவையான பகுதியை புகைப்படமாக சேமித்துக்கொள்ளலாம் . இம் மெனுவின் சிறப்பம்சம் நமது புகைப்படத்தின் பின்புறங்கள் நீக்கப்பட்டு இருக்கும்

Capture - Region ( Transparent )

என்பதை தேர்வு செய்தல் நம்முடை ஆக்டிவ் விண்டோவின் நமக்கு தேவையான பகுதியை புகைப்படமாக சேமித்துக்கொள்ளலாம் . இம் மெனுவின் சிறப்பம்சம்மும் நமது புகைப்படத்தின் பின்புறங்கள் நீக்கப்பட்டு இருக்கும்

மீண்டும் அடுத்த பகுதியில் தொடருவோம்.....

திரைப்பதிவு ( Screen Recording ) -Part 1

2021-10-19T20:05:00.005+05:30

திரைப்பதிவு ( Screen Recording ) என்பது நீங்கள் காணும் கணினி அல்லது அலைபேசியின் திரையை புகைப்படமாகவோ அல்லது காணொலியாகவோ பதிவு செய்வது ஆகும் . கணினியில் விளையாடும் விளையாட்டுக்களையோ , மென்பொருட்களின் செயல்பாடுகள்ளை விளக்கும் காணொலிகளையோ திரைப்பதிவாக பதிவு செய்ய முடியும் . திரைப்பதிவில் ஒளி மற்றும் ஒலி ஆகிய இரண்டையும் தனித்தனியாகவோ அல்லது இரண்டையும் ஒன்று சேர்த்தோ திரைப்பதிவு செய்ய முடியும் திரைப்பதிவு ( Screen Recording ) என்பது ஒரு பயன்மிக்க அம்சமாகும் .திரைப்பதிவினை எதிர்கால பயன்பாட்டிற்காக சேமித்து வைக்க முடியும் . நம் நண்பர்களுக்கோ , உறவினர்களுக்கோ திரைப்பதிவினை அனுப்பி வைக்க முடியும் .

ஆசிரியர்கள் பாடப்புத்தகத்தில் உள்ள விரைவு பதில் (QR code) குறியீட்டிற்கு ஏற்ற காணொலிகளையோ ஆன்லைன் பாடதிட்டங்களையோ உருவாக்க திரைப்பதிவு ( Screen Recording )வினை பயன்படுத்த முடியும் மேலும் ஆன்லைனில் நேரிடையாக ஒளிபரப்பப்படும் படத்திட்டங்களை பதிவு செய்ய திரைப்பதிவு உதவுகின்றது .

கணினி அல்லது அலைபேசியின் முன்புறம் உள்ள கேமராவை இயக்கினால் திரைப்பதிவுடன் திரையில் தோன்றி நாம் பேசும் சொந்த காணொலியையும் திரைப்பதிவி னையும் ( Screen Recording ) ஒரே நேரத்தில் பதிவு செய்ய முடியும் .எந்த ஒரு மென்பொருள் பயன்பாட்டின் பயிற்ச்சிகளையும் பதிவு செய்வதற்கு திரைப்பதிவு சிறந்தது . யூடூப்பில் (Youtube ) காணொலிகள் பதிவேற்றம் செய்பவர்களோ , மென்பொருள் உருவாக்குநர்களோ தங்கள்பயன்பாடுகளின் பயன்பாட்டை விளக்க திரைப்பதிவு காணொலிகளையே பயன்படுத்துகின்றனர்

திரைப்பதிவு செய்வதற்கு பல்வேறு வணிக மற்றும் இலவச மென்பொருள்கள் உள்ளன இதில் நாம் கற்றுக்கொள்ள போவது விலையில்ல கற்றற்ற மென்பொருள் (Free and open source ) ஆன ShareX எனும் பல்வேறு சிறப்பம்சங்களை உள்ளடக்கிய திரைப்பதிவு மென்பொருள் ஆகும் . மீண்டும் அடுத்த பதிவில் ShareX மென்பொருள் குறித்து விரிவாக கற்போம் .

LMS - மின்வழி கற்றல் ஓர் எளிய அறிமுகம்

2018-09-13T16:18:00.001+05:30

வணக்கம் நண்பர்களே மிக நீண்ட இடைவெளிக்கு பின் மீண்டும் பதிவிட தொடங்குகிறேன். மின் வழி கற்றல் என்றால் என்ன அதற்கு தேவைப்படும் வளங்கள் என்ன என்று இந்த சிறு காணொலியில் கூறி இருக்கிறேன். இனி பிளாக்கரில் பதிவுகள் தொடர்கிறேன்

லீப் இயருக்கு (Leap year) மட்டும் 366 நாட்கள் வருவதேன் ?

2015-06-02T21:08:00.001+05:30

பூமி தன்னைத்தானே சுற்றிக்கொண்டு சூரியனை ஒரு முறை சுற்றிவர ஆகும் காலம் 365 நாட்களும் 6 மணி நேரங்களும் ஆகும் இதைத்தான் நாம் ஒரு வருடம் என்கிறோம் . ஆனால் ஒரு லீப் வருடத்திற்கு மட்டும் 366 நாட்கள் வரும் காரணம் என்னவென்று தெரியுமா ?

பூமி சூரியனை ஒரு முறை சுற்றி வர 365 நாட்களும் 6 மணி நேரங்களும் ஆகிறதல்லவா இதில் 6 மணி நேரத்தை ஒதுக்கிவிட்டு 365 நாட்களை ஒரு வருடம் என்கிறோம் இந்த விடுபட்ட 6 மணி நேரம் இரண்டாம் ஆண்டு 12 மணிநேரமாகிறது . மூன்றாம் ஆண்டு இன்னும் ஆறு மணிநேரம் சேர்ந்து 18 மணி நேரமாகிறது நான்காம் ஆண்டு 24 மணிநேரமாகிறது ஆகையால் இந்த நான்காம் ஆண்டு 365 நாட்களுடன் ஒரு நாள் சேர்ந்து 366 நாட்களுடன் லீப் வருடமாகிறது .

கணித அறிவை வளர்க்கும் கலைக்களஞ்சிய முகவரிகள்

2015-05-31T20:56:00.001+05:30

வணக்கம் நண்பர்களே , நமது குழந்தைச்செல்வங்களின் கணித அறிவினை வளர்க்கும் அற்புத வளைத்தளம் ஒன்று இருக்கின்றது .

இதில் கின்டர்கார்டன் முதல் உயர்கல்வி வரை ஒவ்வொரு வயதினர்க்கு ஏற்றவாறு வலைத்தள முகவரிகள் பிரிக்கப்பட்டுள்ளது . கணிதவிளையாட்டுகள் , கணித செயல்பாடுகள் , கணிதம் சார்ந்த மென்பொருட்கள் , கணிதம் சொல்லித்தரும் காணொளிகாட்சிகள் என அனைத்திற்கும் இணைப்பு கொடுக்கப்பட்டுள்ளது . இந்த முகவரியை புக்மார்க் செய்து உங்களின் செல்லக்குழந்தைகளின் கணித அறிவினை மேம்படுத்துங்கள் . கீழ்கண்ட சுட்டியினை கிளிக் செய்து பயன்பெறுங்கள்

https://sites.google.com/a/norman.k12.ok.us/mr-wolfe-s-math-interactive-whiteboard/

குழந்தைகளின் கணித அறிவு வளர டேன்கிரம் Flash Game Free download

2015-05-22T07:10:00.000+05:30

வணக்கம் நண்பர்களே நீண்ட இடைவேளைக்கு பின்பு பயனுள்ள பதிவு ஒன்றை உங்களிடம் பகிர்ந்து கொள்கிறேன் . டேன்கிராம் எனும் சீன கணித விளையாட்டில் ஏழு கணித உருவ துண்டுகளைப்பயன்படுத்தி பல்வேறு கணித உருவங்களை உருவாக்க முடியும் . இந்த விளையாட்டில் ஒரு சதுர வடிவ தாள் ஆனது இரு பெரிய செங்கோண முக்கோணம் , கொஞ்சம் சிறிய செங்கோண முக்கோணம் அதைவிட சிறிய இரு செங்கோண முக்கோணம் , ஒரு சதுரம் , ஒரு இனைகரம் என ஏழு துண்டுகளாக பிரிக்கப்பட்டு அந்த உருவங்களை மாற்றி மாற்றி பொருத்துவதின் மூலம் பல்வேறு உருவங்களை உருவாக்கி விளையாடுவதாகும் . 19 ஆம் நூற்றான்டிலேயே சற்றேறக்குறைய 6500 வடிவங்களை உருவாக்கி இருந்தனர் .

உங்கள் குழந்தைக்கு ஒரு சதுரவடிவ தாளினை படத்தில் காட்டியவாறு ஏழு துண்டாக்கி பிரித்து கொடுங்கள் . பின்பு அவர்களின் கற்பனை வளத்திற்கேற்றவாறு பல்வேறு உருவங்களை உருவாக்கி விளையாடி மகிழ முடியும் . உருவங்களின் மாதிரி வேண்டுமெனில் கீழ்கண்ட எனது முந்தைய பதிவில் இருந்து PDF வடிவிலான மென்புத்தகத்தை பதிவிறக்கம் செய்து கொள்ளுங்கள்

http://www.nilanilal.blogspot.com/2011/07/tangrams.html

டேன்கிராம் விளையாட்டினை கணினியிலேயே விளையாட முடியும் கீழ்கண்ட பிளாஷ் வடிவிலான அப்பிகேஷனை பதிவிறக்கம் செய்து அதை திறந்தால் ஏழு துண்டுகள் கிடைக்கும் அதை அருகில் இருக்கும் படத்தை போல் மவுஸால் படத்துண்டுகளை இணைக்க வேண்டும் . புதிய உருவம் வேண்டுமெனில் அருகில் உள்ள படத்தை கிளிக் செய்தால் புதிய உருவம் கிடைக்கும் . உங்களின் குட்டிச்செல்லங்களுக்கு பதிவிறக்கி கொடுத்து அவர்களின் கணித அறிவினை வளப்படுத்துங்கள் .

பதிவிறக்கச்சுட்டி

பின்குறிப்பு

நண்பர்களே நான் 4shared தளத்தின் பதிவிறக்கச்சுட்டியை பகிர்ந்துள்ளேன் . பதிவிறக்கம் செய்யும்போது உங்களிடம் யூசர்நேம் , பாஸ்வேர்ட் கேட்டால் உங்களின் இமெயில் முகவரியை கொடுத்து புதிதாக உருவாக்கி கொள்ளுங்கள் இல்லையெனில் www.bugmenot.com எனும் தளத்திற்கு சென்று 4shared.com என டைப் செய்யுங்கள் அங்கு பல்வேறு யூசர்நேம் , பாஸ்வேர்ட் கிடைக்கும் அதில் ஏதாவது ஒன்றை பயன்படுத்தி பதிவிறக்கம் செய்து கொள்ளுங்கள் அது போல வேறு ஏதாவது கட்டண தளங்களின் யூசர்நேம் , பாஸ்வேர்ட் தேவைப்பட்டாலும் www.bugmenot.com தளத்தில் இருந்து பெற்றுக்கொள்ள முடியும் .

தமிழில் தட்டசு செய்ய புதிய மென்பொருள் – இனிய தமிழ்

2015-01-03T22:19:00.000+05:30

நண்பர்களே தமிழில் யுனிகோட், வானவில் , டாம், டாப் , திஸ்கி, செந்தமிழ், ஸ்ரீலிபி , சாப்ட்வியூ போன்ற கணக்கற்ற எழுத்துரு வகைகள் இருக்கின்றன இவற்றை கையாள அழகி , குறள் , கூகுள் தமிழ் உள்ளீடு , கீமேன் , NHM ரைட்டர் போன்ற விசைப்பலகை இயக்கிகள் இருக்கின்றன இருந்தாலும் தமிழின் அனைத்து எழுத்துருக்களையும் ஆதரிக்கும் தமிழ் மென்பொருள் இல்லை இக்குறையை நீக்க புதியதாக ஒரு இலவச மென்பொருள் வந்துள்ளது இதை உருவாக்கியவர் பாண்டிச்சேரியில் வசிக்கும் ஆசிரியர் திரு .முத்துக்கருப்பன் ஐயா அவர்கள் . இதில் தமிழில் உள்ளீடு செய்வது மட்டுமில்லாமல் தமிழ் எழுத்துரு மாற்றியும் உள்ளது . எந்த வகையில் தட்டச்சு செய்திருந்தாலும் நாம் விரும்பும் எழுத்துரு வகைக்கு மாற்றிகொள்ளலாம் . மேலும் எண்களை கொடுத்தால் அதற்குரிய மதிப்பினை தமிழில் பெற்றுக்கொள்ளலாம் . இந்திய நாணயக்குறியீடு போன்ற குறியீடுகளையும் பெற்றுக்கொள்ளலாம் இது மட்டுமில்லாமல் ஆங்கிலத்தில் உள்ளது போல Auto correct வசதியும் உள்ளது அவரின் வலைத்தளம் சென்று இனிய தமிழ் மென்பொருளை பதிவிறக்கம் செய்து கொள்ளலாம் . போர்டபிள் மென்பொருளும் உள்ளது பயன்படுத்தி பாருங்கள்

இனிய தமிழ்

இடைவெளி

2014-07-28T18:29:00.000+05:30

உனக்கும்

எனக்குமான

இடைவெளியியை

நினைவுகளால்

நிரப்பிக்கொள்கிறது

காதல்.

பாஸ்பரஸ் - உயிரைக்குடிக்குமா ? உயிரின் ஆதாரம்

2014-05-11T07:57:00.000+05:30

வணக்கம் நண்பர்களே மீண்டும் ஒரு அறிவியல் பதிவோடு உங்களை சந்திப்பதில் மிக்க மகிழ்ச்சி நம்முடைய தினசரி வாழ்விலும் பல்வேறு உள்நாட்டு போர்களில் எதிரிகளை அழிக்கவும் பயன்படுத்தும் பாஸ்பரஸ் நம்முடைய உயிரின் அடிப்படை சாராம்சம் உங்களுக்கு தெரியுமா ? வாருங்கள் அறிந்து கொள்வோம் .

பாஸ்பரஸ் கண்டுபிடிக்கப்பட்ட கதை

பன்னெடுங்காலாமாகவே உலோகங்களை தங்கமாக்கும் இரசவாத முயற்சிகள் நடைபெற்று வந்து இருக்கின்றன குறிப்பாக பதினைந்தாம் நூற்றாண்டில் இம்முயற்சிகள் அதிகரித்தன . ஐரோப்பிய வியாபாரியான ஹென்னிங் பிராண்ட்டும் இம்மாதிரியான இரசவாத முயற்சிகளில் ஆர்வமுடன் ஈடுபட்டு வந்தார் 1969 ஆண்டில் சிறுநீரை சுத்தப்படுத்த ஒரு தாதுப்பொருளை போட்டு காய்ச்சிக்கொண்டு இருந்தார் .குடுவையின் அடியில் படிந்திருந்த பொருள் பசும்மஞ்சள் ஒளியில் மின்னிக்கொண்டு தீடீரென தீப்பிடித்து எரிந்தது . ஆச்சரியப்பட்டுப்போனார் ஹென்னிங் . ஹென்னிங் பாஸ்பரஸை கண்டுபிடித்த பின்னும் சற்றேறக்குறைய ஒரு நூற்றாண்டுக்குபின் ஜேம்ஸ் ரெட்மேன் கால்சியம் பாஸ்பேட்டையும் மணலையும் கலந்து மின் அடுப்பில் எரித்து பாஸ்பரஸ் உருவாக்கும் முறையை கண்டறிந்தார் .

உயிரின் ஆதாரம்

நமது உயிரின் ஆதாரமான புரோட்டோபிளாசத்தின் மையப்பொருள் பாஸ்பரஸ்தான் DNA மற்றும் RNA வில் உள்ளவை பாஸ்பேட் சர்கரைகள் ஆகும் . நமது உடலில் 85 % பாஸ்பரஸ் எலும்புகளிலும் மீதி இரத்தம் , நிணநீர், இதயம், சிறுநீரகம் மூளை, தசை என அனைத்து உறுபுகளிலும் காணப்படுகிறது . பாஸ்பரஸ் இல்லை எனில் சிந்திக்கும் திறன் இருக்காது என விஞ்ஞானிகள் கூறுகிறார்கள் . மேலும் செல்சுவர் பலமடையவும் உடல்வளர்ச்சிக்கும் பாஸ்பரஸ் மிகமுக்கியமானதாகும்

வகைகளும் பயன்களும்

நமது புவியின் மேலோட்டில் இயற்கையாக கிடைக்கும் தனிமம் இதில் பல வகைகள் காணப்பட்டாலும் வெண்பாஸ்பரஸ் மற்றும் சிவப்பு பாஸ்பரஸ் ஆகிய இரண்டு வகைகள் மட்டுமே பரவலாக பயன்படுத்தப்படுகிறது . வெண்பஸ்பரஸ் நச்சுத்தன்மை கொண்டது எளிதில் தீப்பற்றக்கூடியது , நீரில் கரையாது எனவே வெண்பாஸ்பரஸ் நீருக்குள்தான் வைத்திருக்கப்படுகிறது . சிவப்பு பாஸ்பரஸ் எளிதில் தீப்பற்றாது அதிக நச்சுத்தன்மையும் கிடையாது . சிவப்பு பாஸ்பரஸ் தீக்குச்சி தயாரிப்பில் மிக அதிகமாக பயன்படுத்தப்படுகிறது மேலும் பட்டாசு தயாரிப்பிலும் பாஸ்பரஸ் பயன்படுத்தப்படுகிறது

கண்ணாடியில் பாஸ்பரஸ் கலக்கப்பட்டு சோடியம் விளக்குகள் தயாரிக்கப்படுகிறது , கடின நீரை மென்நீராக்க பாஸ்பரஸ் பயன்படுகிறது 100 ஆண்டுகளுக்கும் மேலாக உரங்களாக பயன்பட்டு வருகிறது பூச்சிக்கொல்லி மருந்துகளிலும் பயன்படுகிறது அலோபதி மருந்துகளில் பாஸ்பரஸ் மிக முக்கிய பங்கு வகிக்கிறது .

பாஸ்பாரஸ்சின் வேறுமுகம்

பல்வேறு ஆக்கச்செயல்களுக்கு பயன்பட்டாலும் பாஸ்பரஸ் ஒரு உயிர்க்கொல்லி ஆயுதாமாகும் அமெரிக்கா ஈராக்கின் மேல் பாஸ்பரஸ் குண்டுகளை போட்டது உங்களுக்கு நினைவு இருக்கிறதா நண்பர்களே ? பாஸ்பரஸ் மனித உடலில் பட்டு எரியத்துவங்கிவிட்டால் சதை எரிந்து எலும்பு மட்டுமே பாக்கி என்ற நிலையில்தான் அனையும் பாஸ்பரஸ் தீயை அணைப்பது அவ்வளவு சுலபமல்ல

பல்வேறு உள்நாட்டு போர்களில் புகைமூட்டத்தை உருவாக்கவும் எதிரிகளை அழிக்கவும் இராணுவ வீரர்களின் வேதியியல் ஆயுதமாக பயனப்டுகிறது என்றாலும் பல்லாயிரக்கனக்கான அப்பாவி பொதுமக்களையும் பஸ்பமாக்கியிருகிறது பாஸ்பரஸ்

படங்கள் உதவி : கூகுள்

CD / DVD ஐ பென்டிரைவ் ஆக பயன்படுத்துவது எப்படி ?

2014-03-05T20:39:00.000+05:30

பென்டிரைவில் தகவல்களை எளிதாக சேமிக்க முடிவதோடு தேவை இல்லாத போது அதை அழித்து விட்டு வேறு தகவல்களை சேமித்துக்கொள்ளலாம் என்பதால் இன்றைய தொழில்நுட்ப உலகில் பென்டிரைவ் தவிர்க்க முடியாத அங்கமாக மாறிவிட்டது 1GB, 2GB என ஆரம்பித்து 1TB , 2TB என சேமிப்பகங்களின் கொள்ளளவு அதிகரித்து கொண்டே செல்கிறது சரி வாருங்கள் நாம் CD / DVD ஐ பென்டிரைவ் ஆக பயன்படுத்துவது எப்படி என்று அறிவோம் .

CD / DVD ஆனது Read only Memory எனப்படும் ROM வகையைச்சார்ந்தது அதில் நீரோ போன்ற மென்பொருட்கள் மூலம் ஒரு முறை தகவல்களை எழுதிவிட்டால் அதை அழிக்க முடியாது ஆனால் அதை எத்தனை முறை வேண்டுமானலும் படித்துக்கொள்ளலாம் . Read and Write எனப்படும் CD / DVD களும் கிடைக்கின்றன ஆனால் அவற்றின் விலை மிக அதிகம்

நாம் தற்போது மலிவு விலையில் கிடைக்கும் CD / DVD யை பொன்டிரைவ் போல பயன்படுத்த போகின்றோம் .

பென்டிரைவ்கும் CD / DVD க்கும் ஒரு வித்தியாசம் உண்டு பென்டிரைவ்வில் நாம் வெட்ட(Cut) , நகலெடுக்க (Coppy ) , ஒட்ட (Paste ) தகவல்களை அழிக்க முடியும் ஆனால் CD / DVD யிலிருந்து நகலெடுக்க மட்டுமே முடியும் நமது CD / DVD களிலும் பென்டிரைவ் போல வெட்ட,ஒட்ட,நகலெடுக்க தகவல்களை அழித்தல் போன்ற செயல்பாடுகளை செய்ய முடியும் அதில் தகவல்களை எழுத நீரோ போன்ற மென்பொருட்களும் தேவை இல்லை இந்த செயல்பாடுகளை செய்வதற்கு உங்களிடம் வின்டோஸ் 7 அல்லது வின்டோஸ் 8 ஆபரேட்டிங்சிஸ்டம் இருக்க வேண்டும் .

நீங்கள் புதிய CD / DVD யை உங்களது டிரைவில் போட்ட உடனே

பின்வரும் புதிய வின்டோ திறக்கும் இதில் Burn files to disc என்பதை தேர்வு செய்தால் பின்வரும் விண்டோ திறக்கும்

அதில் Like a USB Flash Drive என்பதை தேர்வு செய்தீர்கள் என்றால் உங்களது CD / DVD ஆனது Formatting ஆக தொடங்கும் சில வினாடிகளுக்குப்பிறகு பின்வரும் விண்டோ திறக்கும் அவ்வளவுதான் நன்பர்களே உங்களது CD / DVD ஆனது பென்டிரைவ் போல மாறிவிட்டிருக்கும் இனி உங்களாது CD / DVD யில் Cut ,Copy, Paste போன்ற செயல்களை செய்ய முடியும் அது மட்டுமில்லாமல் உங்களாது CD / DVD யில் இருக்கும் தகவல்களை அழித்துவிட்டு(delete) மீண்டும் புதிய தகவல்களை எழுதிக்கொள்ள முடியும் இந்த செயல்களை செய்யத்தானே அதிக செலவு செய்து பென்டிரைவ்களை வாங்குகின்றோம் மலிவு விலையில் கிடைக்கும் CD / DVD க்களிலே இந்த செயல்களை செய்து கொண்டால் பென்டிரைவ் வாங்கும் செலவு மிச்சந்தானே அதுமட்டுமில்லாமல் பென்டிரைவ் இல்லாத சிக்கலான சூழ்நிலைகளில் CD / DVD யை பென்டிரைவ் போல பயன்படுத்திக்கொள்ளலாம் பயன்படுத்தி பாருங்கள் நன்பர்களே . உங்களுக்கு பயன்பட்டால் சமூக வலைதளங்களில் பகிருங்கள்.

MS Word –இல் கணித சமன்பாடுகளை எளிதாக உள்ளிடுவது எப்படி

2014-02-23T17:26:00.001+05:30

வணக்கம் நண்பர்களே MS Word- இல் கணித சமன்பாடுகளை எளிதாக உள்ளிடும் முறையை அறிந்து கொள்வோம் வாருங்கள் . நான் ஏற்கனவே MS Word – இல் கணித சமன்பாடுகளை உள்ளிடுவது எப்படி எனும் பதிவிட்டு இருந்தேன் அதையும் ஒரு முறை படித்துவிட்டு தொடருங்களேன் .

MS Word – இல் கணித சமன்பாடுகளை உள்ளிடுவது எப்படி ?

படித்துவிட்டீர்களா மேற்கண்ட பதிவு MS Word 2003 க்கானது MS Word 2007 மற்றும் அதற்கு பின் வரும் MS Word பதிப்புகளில் Insert மெனுவில் Equation மற்றும் Symbolஎனும் இரு தேர்வுகளின் மூலம் கணித குறியீடுகளை உள்ளீடு செய்யலாம் சரி வாருங்கள் MS Word –இல் கணித சமன்பாடுகளை எளிதாக உள்ளிடுவது எப்படி என்றும் அறிந்து கொள்வோம்.

முதலில் MS Word ஐ திறந்து கொள்ளுங்கள் , பின்பு உங்களது கணினியில் Accessories மெனுவின் கீழே Math Input Panel என்பதை தேர்வு செய்தால் கணிதகுறியீடுகளை உள்ளீடு செய்ய புதிய செயலி ஒன்று திறக்கும் அதில் உங்களது Mouse ஆல் கணித குறியீடுகளை வரைந்தால் போதும் அந்த குறியீடு தோன்றும் அந்த செயலியின் கீழே Insertஎனும் வசதி இருக்கும் அதை கிளிக் செய்தால் MS Word –இல் எளிதாக சேர்த்துக்கொள்ளலாம் . பயன்படுத்தி பாருங்கள் சந்தேகம் வந்தால் பின்னூட்டமிடுங்கள்

உங்கள் கணினியில் Automatic update ஐ நிறுத்துவது எப்படி

2014-02-20T21:18:00.000+05:30

நமது கணினியில் ஆபரேட்டிங் சிஸ்டம் முதல்கொண்டு பல்வேறு மென்பொருட்கள் Automatic update ஐ கொண்டிருக்கும் எனவே நாம் இணையத்தில் இணையும் போதெல்லாம் நமக்கு தெரியாமலே Automatic update நடைபெறும் . இதனால் நமது Internet Data காலியாகிவிடும் சில சமயம் crack மென்பொருட்களை பயன்படுத்தும் போது அது Automatic update ஆகி நாம் பயன்படுத்தும் மென்பொருள் போலி என சொல்லும் இத்தகைய பிரச்சனைக்ளை தவிர்க்க நாம் நம் கணினியில் Automatic update ஐ நிறுத்திவிட்டால் இத்தகைய பிரச்சனைகள் வராது .

கணினியில் Automatic update ஐ நிறுத்துவது எப்படி

உங்களது கணினியின் Start மெனுவிற்கு மேலே உள்ள Search பாரில் Services என டைப் செய்யுங்கள் Services மெனு திறக்கும் அதில் Background intelligent Transfer service எனும் செயல்பாட்டினை கிளிக் செய்தால் இடதுபுற பேனலில் Start மற்றும் Stop எனும் செயல்பாடுகள் இருக்கும் அதில் Stop என்பதை தேர்வு செய்தால் உங்களது கணினி Automatic update ஆவது நிறுத்தி வைக்கப்படும் மேலும் இந்த Services மெனுவில் நாம் இன்ஸ்டால் செய்துள்ள மென்பொருட்களின் பட்டியலும் இருக்கும் அந்த பொருளை Stop செய்தால் அம் மென்பொருள் Automatic update ஆவதும் நிறுத்திவைக்கப்படும் .பயன்படுத்தி பாருங்கள் சந்தேகம் வந்தால் பின்னூட்டமிடுங்கள்

பல்லூடக பாதுகாப்பு - Tamil Cyber crime PPT Free download

2013-10-14T10:43:00.003+05:30

நண்பர்களே தகவல் தொழில் நுட்பத்தின் அபரிமித வளர்ச்சி அன்றாட மனித வாழ்வில் தொழில் நுட்பத்தை ஓர் தவிர்க்க முடியாத அங்கமாக மாற்றியுள்ளது. இப் பரிணாம வளர்ச்சியின் ஓர் அங்கமான இணையம் (Internet) மற்றும் அலைப்பேசியின் (MOBILE) தோற்றமும் அதன் துரித வளர்ச்சியும் நம்மை பிரமிக்க வைக்கின்றது. பள்ளி செல்லும் மாணவனாயினும் சரி ஓய்வு பெற்ற வயோதிகராயினும் அவர்களின் அன்றாட வாழ்வில் தன்னை ஒரு தவிர்க்க முடியாத சாதனமாக இணையமும் அலைபேசியும் நிலை நிறுத்தி கொண்டுள்ளது

நவீன தகவல் தொடர்பு சாதனங்கள் எந்த அளவுக்கு உபயோகமாக, மிக திறன்மிக்கதாக இருக்கிறதோ அதே அளவுக்கு மிக மிக ஆபத்தானதும் கூட குழந்தைகள் அனைவரும் நல்லவர்களே. ஆனால் இணையத்தின் கட்டுப்பாடற்ற சுதந்திரம், எவ்வித தணிக்கை முறையும் மில்லாத ஊடகத்தின் கூர்மையான பக்கங்கள் உங்கள் குழந்தைகளின் வெள்ளை மனதில் ஆழமான பாதிப்பினை ஏற்படுத்தி, தீய வழியில் செலுத்த வாய்ப்பிருக்கிறது பிள்ளைகள் நல்ல மனப்பக்குவமடையும் வரை இணையத்தின் முள்ளில்லா பாதைகளில் கரம் பிடித்து நடை பழக்குவதும் கூட ஒவ்வொரு பெற்றோரின் கடமை தான் .

சைபர் கிரைம் எனப்படும் இணைய குற்றங்களை பற்றி தமிக பள்ளி மாணவர்களுக்கு விழிப்புணர்வு ஏற்படுத்த , சமூக விழிப்புணர்வு மற்றும் பல்லூடக பாதுகாப்பு என்னும் தலைப்பில் குறுவள மைய பயிற்சிக்காக தயாரித்த பவர்பாயின்ட் பிரசன்டேஷன் சமுதாயத்தில் உள்ள ஒவ்வொரு பெற்றோரும் தெரிந்து கொள்ள அனைவருக்கும் பயன்பட உங்களுடன் பகிர்ந்துகொள்கிறேன் . கீழே உள்ள பதிவிறக்கச்சுட்டி மூலம் பதிவிறக்கி பயன்பெறுங்கள் .

பதிவிறக்கச்சுட்டி

டிஸ்கி

பல்வேறு வலைத்தளங்களில் இருந்து திரட்டிய தகவல்களின் தொகுப்புதான் இந்த பிரசன்டேஷன் . குறிப்பாக வலைப்பதிவர் சுடுதண்ணி அவர்களுக்கு எனது மனமார்ந்த நன்றிகள்