பித்தனின் பிதற்றல்

'கொசப்பேட்டையில் இருந்து கிருஷ்ணாம்பேட்டை வரை' - பருவம் ஐந்து

noreply@blogger.com (பித்தன்) — Sun, 06 Feb 2022 18:36:00 +0000

உங்கள் சீட் பெல்ட்டை இறுக்கிக் கொள்ளுங்கள். நாம் காலத்தை விட வேகமாக பின்னோக்கிச் செல்வோம். அப்பொழுது கதைசொல்லிக்கு அகவை மூன்று, அர்ணாகயிறு கூட இல்லாமல் கிங்கினி மங்கினி என்று சுற்றிக்கொண்டிருந்தான்.

என் தந்தை வருவதற்கு முன்பே இங்கே அவரது அக்கா, தங்கை இருவரும் வாக்கப் பட்டிருந்தனர். அதுவுமில்லாமல் அம்மாவின் உறவினர்களும் சென்னையில் இருந்தனர். அடிப்படையில் நெசவாளியான அப்பா அவரின் சித்தப்பாவின் பேருதவியால் மின்சார துறையில் தினக்கூலியாக பள்ளம் தோண்டும் வேலைக்கு சேர்ந்தார். இன்றும் எங்கள் குடும்பம் அவர்கள் குடும்பத்துக்கு நன்றி கடன் பட்டிருக்கிறது.

முதலில் நாங்கள் மைலாப்பூரில் அப்பாவின் அத்தை வீட்டில் வாடகைக்கு இருந்தோம், (இந்த வீட்டின் நினைவுகள் அம்மா சொல்லக் கேட்டது) மயிலாப்பூர் பஜார் சாலையை ஒட்டி இருந்த முட்டுச் சந்தில் அந்த வீடு இருந்தது. இந்த சாலை கச்சேரி சாலையிலிருந்து, திருவல்லிக்கேணி நெடுஞ்சாலை வரை நீளும். இங்கு ஒரு கடையில் மெது பக்கோடா போடுவார்கள் இன்றும் அந்த கடை இருக்கிறது தரமான மெதுபக்கோடா. இந்த சாலையில்தான் மார்க்கெட்டும் இருக்கிறது.

அங்கிருந்து ஒவ்வொரு ஞாயிற்றுக் கிழமையும்… உறவினர்களை காண 'ஐஸ் ஹவுஸு’க்கு நடந்தே வருவோம். நானும் தம்பியும் அப்பாவின் மிதிவண்டியில் உட்கார்ந்துக் கொள்ள, அப்பா வண்டியை தள்ளிக்கொண்டே வருவாராம். என்றாவது அத்திப் பூக்கும் நாளில்.... இரவில் 'ரத்னா கபே'வில் உணவருந்திவிட்டு நடந்தே வீடடைவோம். பேருந்தென்றாலும் அது ‘அம்பட்ட வாராவதி’ (Hamilton Bridge) இறங்கி இடதுபுறம் திரும்பி நின்றுவிடும். (அப்படியே கடற்கரைசாலை வந்து திரும்பவும் ஐஸ் ஹவுஸ் வரும்). பேருந்து கட்டணம் அறுபது பைசா. அம்பட்ட வாராவதி முழுவதுமே அதைச் சுற்றியிருப்போருக்கு திறந்தவெளிக் கழிவறை, நாங்கள் அப்பகுதியை கடக்கும்போதெல்லாம்… இலவசக் கழிவறைக் காட்சிகள் விருந்தாகும். இன்று சிட்டி சென்டர் இருக்குமிடம் மிகப்பெரிய மாட்டுக் கொட்டகையாக இருந்தது. எதிரே ஒரு விறகுக்கடை இருந்தது.

வீட்டின் எதிரில் ஒரு பேட்டை இருந்தது அதில் கிட்டத்தட்ட பதினைந்து ஒண்டுக் குடித்தனங்கள் இருந்தது. அதில் ஒரு ஆயா ஆப்பம் சுட்டு விற்கும், கைராசி என்று சொல்லி அடியேனுக்குதான் எப்பொழுதுமே பூர்ணகும்ப முதல் ஆப்பம், நான் போகவில்லை என்றாலும் எனக்காகக் காத்திருந்து, பலவிதங்களில் தாஜா செய்து கூட்டிச் செல்வார்கள். ஒரு நாள் அம்மாவிடம் கோபித்துக் கொண்டு கழிவறையில் சென்று பூட்டிக் கொண்டு வெளிவர முடியாமல் மாட்டிக்கொண்டது மங்கலாக நினைவிருக்கிறது. அங்கிருக்கும் எந்த வீட்டுக்குள்ளும் நான் எந்த நேரத்திலும், அத்துமீறி நுழைந்து வேறொரு வீட்டின் வழியே வெளிவரும் சுதந்திரம் பெற்றவனாய் இருந்தேன். அவ்வீட்டின் பெண்களுக்கு நான் உயிருள்ள பொம்மை. நான் ஊரானால் சீராட்டி வளர்க்கப்பட்ட பிள்ளை.

'கொசப்பேட்டையில் இருந்து கிருஷ்ணாம்பேட்டை வரை' --A true time travel

noreply@blogger.com (பித்தன்) — Sat, 05 Feb 2022 06:05:00 +0000

சென்னைக்கும் எனக்குமான பழக்கம் நான் பிறந்ததிலிருந்து தொடங்குகிறது. ஆம்! நான் சென்னைக்காரன், வெளிமாநிலத்திலோ, நாட்டிலோ என்னனை மதராஸி என்றழைப்பார்கள். நானும் மதராசியாகவே இருக்க விரும்புகிறேன். பின்புறம் கிழிந்த கால்ச்சட்டையை மட்டுமே அணிந்து தெருவெங்கும் இந்நகரத்தின் வெயிலைச் சுமந்து சுற்றியிருக்கிறேன். எந்தெந்த நாடோ, ஊரோ சுற்றியியலைந்தாலும், நினைவில் மதராஸை சுமந்தலையும் அக்மார்க் மதராஸி நான். சொந்த ஊர் பல்லவ நகரமென்றாலும், எப்பொழுது யார் என்னைக் கேட்டாலும்… ‘மதராஸி’ என்றே சொல்லுவேன், அதில் ஒரு சிறு மிதப்பிருக்கும். சேரளநாட்டினர் போல்…. என் தாய் நாடு மதறாஸ்தான்.

சுனாமி, நிலநடுக்கம், வெள்ளம் போன்ற பேரிடர் நாட்களிலும், விநாயகர் ஊர்வல மற்றும் கோவை குண்டுவெடிப்பு கலவர நாட்களிலும், இப்பொழுது இந்த கிருமித் தோற்று பயத்திலும் நான் இந்த நகரத்தை விட்டு வெளியேற விரும்பியதில்லை. இந்த ஊர் தான் எனக்கு சோறுபோட்டது என்பதைத் தாண்டி, இந்நகரம்தான் எல்லாவற்ற்றையும் தந்தது. அவ்வாறு நோக்கின் என்னைப் போலவே இந்நகரமும் நீளத்திலும், அகலத்திலும் அதீத வளர்ச்சி அடைந்திருக்கிறது, அடைந்துக் கொண்டிருக்கிறது.

மதராசுக்கும் எனக்குமான பந்தத்தையும், எங்களின் பயம், கோபம், வெறுப்பு, அருவருப்பு, அழுகை, துக்கம், தூக்கம், தனிமை, துயரம் ஆகியவற்றை அசைபோடும் ஒரு சிறு பின்னோக்கிய பயணமே 'கொசப்பேட்டையில் இருந்து கிருஷ்ணாம்பேட்டை வரை' இத்தொடர். வாருங்கள் என்னுடன் சேர்ந்து காலஎந்திரத்தில் பயணிப்போம்.

North 24 Kaantham - மலையாள சினிமா

noreply@blogger.com (பித்தன்) — Mon, 30 Dec 2013 10:14:00 +0000

பொதுவாகவே பயணங்களை வைத்து எடுக்கப்படும் படங்களில் அன்பை அடிநாதமாக வைத்து தைத்திருப்பார்கள். இதுவும் அவ்வாறே.

ஃபஹத் ஃபாசில் Obsessive Compulsive Personality Disorder இருக்கும் ஒரு மென்பொருள் இளைஞ்சர். அவரின் சிடுசிடுப்பாலும் அதீத சுத்த பத்த நடவடிக்கைகளாலும் அவரை யாருக்குமே பிடிக்காமல் போகிறது. அவரது அலுவலகத்தில் அவரை தந்திரமாக திருவான்றத்துக்கு ஒரு'Webinaar'காக அனுப்புகிறார்கள்.

ரயிலில் பெரியவர் நெடுமுடி வேணு; தன் மனைவிக்கு உடம்பு முடியாத நிலையில்... திரும்பி தன் வீட்டுக்கே போக எத்தனித்து; எதிர்வரும் நிறுத்தத்தில் இறங்குகிறார். அவருடன் சமூக சேவகி சுவேதாவும், நம்ம ஃபாசிலும் இறங்குகிறார்கள். அவர்கள் நெடுமுடி வேணு வீட்டிற்கு எப்படி திரும்புகிறார்கள் என்பதை மிக மிக சுவாரசியமாக சொல்லியிருக்கிறார் இயக்குனர்.

கேரளாவில் ஒரு நாள் விட்டு ஒரு நாள் கண்டிப்பாக கடையடைப்பு, வேலை நிறுத்தம் என்று இருக்கும். இவர்கள் மூவரும் அவ்வாறு ஒரு வேலை நிறுத்த நாளில்தான் மாட்டிக் கொண்டு தவிக்கிறார்கள். யாரோ சில அயோக்கிய அரசியவாதிகளின் சுயநலத்தில் பொதுமக்களின் அன்றாடம் எப்படி கலைத்துப் போடப் படுகிறது என்பதில்தான் படம் தொடுக்கப்பட்டிருக்கிறது. ஒரு பயணத்தில் ரயில், பேருந்து, படகு, தோணி, ஆட்டோ போன்ற கேரளாவின் எல்லா வகையான போக்குவரத்தையும் கொண்டுவந்திருப்பது இயக்குனரின் வெற்றி.

பாதி 'அந்நியன்' அம்பியும், மீதி சுத்த விரும்பியுமான ஃபாசில் இந்த பயணத்தில் எப்படியெல்லாம் கொஞ்ச கொஞ்சமாக மாற்றம் பெறுகிறார்; என்பதை அவர்களுடன் பயணிக்கும் நாமே யூகிக்க முடித்தது போன்ற திரைகதை அற்புதம்.

நெடுமுடி வேணுவின் பன்மொழித்திரமை, உறவுகளை; உயிர்களை நேசிக்கும் பாங்கு, தேர்ந்த வாசிப்பனுபவம் என்று போகிற போக்கில் அவரின் அனுபவம் அரசியல் சார்பு என்று எல்லாவற்றையும் மிக நேர்த்தியாய் பார்வையாளனுக்கு கடத்திச் செல்கிறார் இயக்குனர்.

இந்த மாதிரி படத்தில் கண்டிப்பாக பிரதான உதவி ஒரு சமூக சேவகர் / சேவகி மூலமாகத்தான் வரும். இதிலும் நாயகி ஸ்வேதா அவ்வாறே வருகிறார் ஆனால் ஏற்றுக்கொண்ட பாத்திரத்தை செவ்வனே செய்திருக்கிறார்.

ஸ்டின்ட் கதாபாத்திரத்தில் நடிப்பவர்கள், கதையில் திருப்புமுனையே என்னால்தான் அதனால்தான் இதில் நடித்தேன்... என்று அளந்து விடுவார்கள், ஆனால் உண்மையிலேயே நம்ம பிரேம்ஜி அமரனுக்கு இதில் கதையை சரியான போக்கில் திருப்பும் விசையான கதாபாத்திரம். நெஞ்சை நிமிர்த்தி சொல்லுங்கள் பிரேம்ஜி, இதில் என் கதாபாத்திரம்தான் கதையின் திருப்புமுனை என்று.

அவர் மனைவியாக வரும் கனியின் ஒரு வெட்கப் புன்னகை ஆயிரம் கால காதலை அரைநொடியில் உணர்த்திவிடுகிறது.

இயக்குனர் அனில் ராதாக்ருஷ்ண மேனனின் முதல் படம்; அசத்தியிருக்கிறார் என்றுதான் சொல்ல வேண்டும்.

கண்டிப்பாக பார்த்தே ஆக வேண்டியப் படம் என்பதில் ஐய்யமேதுமில்லை.


Directed by	Anil Radhakrishnan Menon
Produced by	C. V. Sarathi
Written by	Anil Radhakrishnan Menon
Starring	Fahadh Faasil Nedumudi Venu Swati Reddy
Music by	Govind Menon, Rex Vijayan
Cinematography	Jayesh Nair
Editing by	Dilip

50 SHADES OF GREY - புத்தக விமர்சனம்

noreply@blogger.com (பித்தன்) — Thu, 28 Nov 2013 09:20:00 +0000

ஏறாடிக் வகை நாவலுக்கும் போர்ன் வகைக்கும், ஒரு சின்ன இடைவெளிதான் மனித உணர்ச்சிகளை காமத்துடன் அப்பட்டமாக சித்தரித்தால் அது ஏறாடிக் வகை, அப்படி இல்லை எனில் அது போர்ன் வகையில் சாரும்.

(ஊம்) என் ரத்தம் சூடேறியது, கால்கள் விறைத்துக் கொண்டன, என் பெண்மையை தூண்டின... போன்ற மாசாலாக்களைத் தூவி அழகுபடுத்தினால் அது ஏறாடிக் வகை

இல்லாமல் தட்டையாக காமத்தை மட்டும் செப்புமானால் அது சரோஜாதேவி வகையில் சேர்க்கப் படுகிறது.

இந்த நாவல் முதல்வகையில் சேர்கிறது ஏனென்றால் இதில் மானே தேனே போட்ட காமம் வருகிறது. இது முப்பது நாடுகளில் எழுபது மில்லியன் வரை விற்பனைக் கண்டது, அதிவிரையில் விற்றுத் தீர்ந்தது.

இது BDSM வகை புணர்வுகளை கொண்ட கதை. (அப்படின்னா.... கமத்தோட மானே தேனே போட்டு உணர்வுகளுடன் பரிமாறப் பட்ட நாவல்). சரளமான எளிய ஆங்கிலத்தில் சரியான விவரணைகளுடன் ஒரு கல்லூரி மாணவிக்கும் அழகான ஒரு மிகப் பெரிய இளம் வியாபார காந்தத்துக்கும் இடையேயான காதலுடன் கூடிய வதைப் புணர்வுகளை சொல்லிச் செல்கிறது.

அனா ஸ்டீல் வாஷின்டன் ஸ்டேட் யுனிவர்சிடியில் கடைசி பரிச்சைக்காக தன்னை தயாரித்துக் கொண்டிருக்கும் வேளையில், தன அறைத்தோழி கேட் செய்யவேண்டிய ஒரு நேர்காணலை செய்ய முதன்முதலில் கிறிஸ்டியன் க்ரேயை சந்திக்கிறாள், அது முதல் தொட்டு, அவர்கள் எவ்விதமெல்லாம் வகை வகையாகப் புணர்கிரார்கள் என்பதை எளிய நடையில் சொல்லிச் செல்கிறார் எல் ஜேம்ஸ்.

நாயகனும் நாயகியும், பார்த்த மூன்றாவது சந்திப்பிலேயே உறவு கொள்கிறார்கள். அனா தன் தத்துத் தந்தையை சிலாகிக்கிறாள், அவர் அவளது கல்லூரி பட்டமளிப்பு விழாவுக்கு வந்து அனாவின் காதலனையும் சந்திக்கிறார். இவர்கள் இருவருக்குமான உறவென்பது உன்னதமான தந்தை மகளுக்குமான உறவாக மிக நுட்பமாக சித்தரிக்கப் பட்டிருக்கிறது.

ஆனாலும் அனாவின் தாய் இப்பொழுது வேறு ஒருவருடன் இருக்கிறாள். அது எந்த விதத்திலும் அனாவின் தத்துத் தந்தை 'ரே'யை பாதிக்கவில்லை. இங்குதான் இது ஒரு சிறந்த கலை நேர்த்தியான நாவலாக உருமாறுகிறது. உறவுகளை அதனதன் போக்கில் புரிந்துகொண்டு சீரான நேர்கோட்டில் பயணிக்க வைக்கிறது.

ஒப்பந்த அடிப்படையில் உறவென்பது அனாவுக்கு உடன் பாடில்லைதான், ஆனால் அனா கிரேவின் பால் கொண்டுள்ள அதீத காதலால் அவனுடனான உறவை தொடர்கிறாள். இந்த குற்ற உணர்வு அவர்கள் ஒவ்வொரு உறவின் முடிவிலும் மரம்கொத்திப் போல் அவள் மனம் கொத்தி எடுக்கிறது.

உறவின் முடிவில் தன்னைத்தானே அவள் சமாதானம் செய்வதுபோல் வாசகர்களையும் தன் பாத்திரத்தின் நிலையை உணரச் செய்கிறாள்.

இதன் இந்த வெற்றிக்கு இதை எழுதிய ஆசிரியர் பெண்னென்பதும் ஒரு காரணம். ஜேம்ஸ் ஒரு மீடியா பெர்சனாலிட்டி. 1987இல் திருமணம் ஆகி இரண்டு வாலிப மகன்கள் உள்ளார்கள்.

தமிழில் இதுபோல் வா மு கோமு, சாரு ஆகியோர் முயற்சிக்கிறார்கள், ஆனால் அது ஒரு ஆணின் பார்வையில் இருந்து சொல்லப்படுவதனால்... ஒரு சிறிய தயக்கமோ, அல்லது ஒட்டுதலோ இல்லாமல் இருக்கிறது.

சால்ட் & பெப்பர் - என் பார்வை

noreply@blogger.com (பித்தன்) — Tue, 05 Nov 2013 09:06:00 +0000

சில படங்கள் பார்க்கவேண்டிய லிஸ்டில் இருக்கும் ஆனால் ஏதோ ஒரு காரணத்தினால் அது அப்படியே கிடப்பிலேயே இருக்கும். என்ன செய்வது என்று தெரியாத; புட்டத்தை தரையில் வைத்து, விட்டத்தைப் பார்த்துக் கொண்டிருந்த ஒரு நாளிலோ அல்லது எதையோ தேடும்போதோ; அது நம் கண்ணில் பட்டு அன்றைய தினம் அதற்க்கு பிறவிப் பயன் கிட்டி, நம் பார்வைக்கு விரியும்.

அவ்வாறே இந்த படம் பார்க்கவேண்டும் என்று விரும்பியே டவுன்லோடினேன். ஆனால் விடுமுறைகள், ஊர்சுற்றுதல் என்று ஒரு இரண்டு மாதமாக படங்களே பார்க்க முடியவில்லை. அண்ணன் ராஜு இந்த படத்தைப் பற்றி விமர்சனம் எழுதியதுமே அட!! இந்த படம் நம்மிடமே இருக்கே..? என்று தோன்றியது, அன்றிரவே அதைக் கண்டு களித்தேன்.

பதின்பருவத்தில் சில காலம் தின்பதர்க்கே உயிர் வாழ்ந்தேன் என்று சொல்லலாம். அனால் இப்பொழுது பல நேரம் பச்சை காய்கறிகள்தான் (பின்ன வயிறு வண்ணான் சால் போல் பெருத்துக்கொண்டே போனால்). நாக்குலே வாழ்ந்த காலம் போய் இப்போ வாக்குலே (WALKING) வாழ்கிறேன்.

ருசிக்குத் தின்பவனைவிட பசிக்குத் தின்பவன்தான் நம்நாட்டில் அதிகம். ஆனாலும் முதல் கவளம் வயிற்றை அடைந்ததும்..., நாக்கு ருசியைத் தேடும். இந்தப் படமும் அப்படி ஒரு சுவை தேடும் படலமே.

பெயர் போடும்போதே பல வகை உணவுகளை காட்டிக்கொண்டே வருகிறார்கள். நாக்கில் வாட்டர் பால்ஸ் வந்து வீடே ஈரமானதென்றால் பார்த்துக்கொள்ளுங்கள். புட்டு, நேந்திரம்பழ பஜ்ஜி தவிர்த்து வேறு எந்த உணவின் பேரும் எனக்குத் தெரியவில்லை; ஆமா பேரா முக்கியம் அள்ளி அள்ளி சாப்பிடுவதை விட்டு விட்டு என்ன பேச்சு.

ஒவ்வொரு ஃப்ரேமிலும் ஏதாவது ஒரு உணவு வருவதுமாதிரி பார்த்துப் பார்த்து எடுத்திருக்கும் விதத்தை வைத்தே டைரெக்டரின் விருப்பத்தை தெரிந்து கொள்ள முடிகிறது.

இரு காதல் கதை, அதில் ஒன்று நடுவயது காதல். அது பூக்கும் விதமும் நாளொரு சுவையும் பொழுதொரு சமயளுமாய் சமைகிறது. லாலும் சுவேதா மேனனும் தத்தமது பாத்திரத்தை உணர்ந்து நடித்திருக்கிறார்கள். அருமையான திரைகதை அமைத்து இல்லை இல்லை சமைத்து பரிமாறி இருக்கிறார் ஆசிக் அபூ.

லால் பார்க்கப் போகும்போது, அங்கே குழி அப்பம் வைக்கிறார்கள், லால் பெண்ணிடம் "யார் இதைச் செய்தது...?" என்று கேட்கிறார் பெண் "தான்தான்" என்று சந்தேகமாக தலை அசைக்கிறார். மறுமுறை லால் கேட்கவும் "இல்லை! வேலைக்காரன்" என்று சொல்கிறார். லால் "சமையலறை எங்கிருக்கிறது...?" என்று கேட்டு அங்கே போகிறார். அங்கே மாவாட்டிக் கொண்டிருக்கும் பாபுராஜைப் பார்த்து லால் "என்னோடு வரியா....?" என்று கேட்கிறார் உடனே பாபுராஜ் கிளம்பி வந்துவிடுகிறார். லால் பாபுராஜ் நடுவில் உள்ள பாசப் பிணைப்பு அற்புதம்.

இதை பிரகாஷ்ராஜ் தமிழில் எடுக்கிறாராம் கண்டிப்பாக இது ஒரு FEEL GOOD MOVIE.

நரமாமிச பட்சினிகள்

noreply@blogger.com (பித்தன்) — Tue, 14 Aug 2012 09:26:00 +0000

சென்ற ஞாயிறன்று நடந்த டி.என்.பி.எஸ்.சி தேர்வின் கேள்வித்தாள் வெளியானதில் அந்த தேர்வை ரத்து செய்வதாக அறிவித்து இருக்கிறார்கள்.

இமெயிலில் இருந்து வினாத்தாளை திருடியதாகவும் கூறப்படுகிறது.தர்மபுரி மாவட்டம் கம்பை நல்லூர் தேர்வு மையத்தில் பிடிபட்ட சுரேஷ்குமார், விடைத்தாளும் வைத்திருந்தார்.இந்த கேள்வித்தாள் சில மணி நேரத்துக்கு முன்பு தான் அவுட்டாகி இருக்க வாய்ப்பு இருக்கும். முன்கூட்டியே ஆகி இருந்தால் எப்படியும் வெளியே தெரிந்திருக்கும்.

மேலும் கேள்வித்தாள் அவுட் ஆன அடுத்த நிமிடத்திலேயே விடை கண்டுபிடிப்பது கடினம்.தேர்வாணையத்தில் வேலைப்பார்ப்பவர்களால் தான் எளிதில் விடை எடுக்க முடியும்.எனவே இந்த கேள்வித்தாள் வெளியானதில் அவர்களுக்கும் தொடர்பு இருக்கலாம் என்ற கோணத்திலும் போலீசார் விசாரணையை தீவிரப்படுத்தி உள்ளனர்.

இந்த செய்தியை பத்தோடு பதினொன்னாக படித்துவிட்டு கடந்துவிட முடியாது. இந்த தேர்வு இரண்டாம்நிலை உயர்பதவிக்காக நடத்தப் படும் தேர்வு. இதை ஆறு லட்சத்து நாற்பதாயிரம் பேர் எழுதினார்கள். எவனோ ஒரு காலிப்பயல் செய்த திருட்டுத்தனத்தால் மொத்த தேர்வர்களின் உழைப்பை வீணாக்குவது எந்த விதத்தில் நாயம்.

இவர்களின் உழைப்பை, எத்தனை இரவுகளின் உறக்கத்தை, இத்தனைநாள் கனவை, எந்தனையோ தாய்களின் வேண்டுதலை, ஒரு இளஞ்சனின் ஒட்டுமொத்த ஆற்றலை, நம்பிக்கையை, லட்சியத்தை, ஒரு சிறு திருட்டுத்தனத்தால் ஆழிப் பேரலைபோல சுருட்டிவிடுவதும், மறுதலித்தலும் கயமைத்தனமன்றி வேறென்ன. இது அவர்களின் நம்பிக்கையை சிலுவையில் அறிதலைப் போன்றது. சக்தியுள்ளவன் புறவழியில் முயற்ச்சிக்கிறான் என்பது மற்றையோரையும் அவ்வாறே முயற்சி செய்யத் தூண்டாது என்பது என்ன நிச்சயம்.

எல்லா கல்லூரி படிப்பும் தனியார் நிறுவனங்களில் வேலை வாங்கித் தரும் என்ற உத்திரவாதமில்லை, இன்னும் வாழ்க்கையில் சல்லிகாசு கூட யாசித்துப் பெற முடியாத படிப்புகள் ஏராளம் இங்கே உள, இளங்கலை வரலாறு, மொழியியல், கணிதம், புள்ளியியல் போன்ற படிப்புகள் முடித்ததும் ஒரு ரூபாய்கூட சம்பாதிக்கத் திராணியில்லாத படிப்பு, இவற்றில் மேற்படிப்பு படித்தால் ஒரு வேலை ஆசிரியராகவோ, ஒரு நிபுணராகவோ போக வாய்ப்பிருக்கிறது. ஆனால் இவற்றில் எத்தனைபேர் மேற்படிப்பைத் தொடர முடியும்? இந்த எல்லோரின் கடைசி முயற்ச்சியாய் இருப்பது இதுபோன்ற போட்டித் தேர்வுகள் தாம். அதை எழுதி எப்பாடு பட்டாவது ஒரு அரசாங்க உத்தியோகம் வாங்கிவிடுவது. அதிலும் இதுபோன்ற சில்லுருவிகளால் தடை வரும்போது கோபம் தலைகேருகிறது.

திராவிடன் துக்கத்தையும், கோபத்தையுமே வீரமாத்தான் சொல்லி பழக்கம். ஆனால் இங்கே வீரம் என்பது நயவஞ்சகமாய் காரியத்தைச் சாதிப்பது என்று வலியுறுத்தப் படும்போது நாம் இளைய தலைமுறையிடமிருந்து எப்படி ஒரு நல்ல சமூகத்தை எதிர்பார்க்க முடியும்.

சரி இந்த தவறு அடுத்த முறையும் நடக்காது என்பது என்ன நிச்சயம், இதற்க்கு முன்னமே கூட இப்படி நிறைய முறை நடந்திருக்கிறது எல்லா முறையும் தேர்வு எழுதியவர்கள்தான் தண்டனை அனுபவிக்கிறார்கள். இதற்க்கு டி.என்.பி.எஸ்.சி ஆணையத்திலேயே உள்ள ஏதோ ஒரு புல்லுருவி வுதவியிருக்கும். விசாரணை கமிஷன் வைப்பீங்க துறை ரீதியாக நடவடிக்கைன்னு சொல்லி ஒரு பதினைந்து நாள் அரை சம்பளத்துடன் விடுப்பு கொடுத்து மறுபடியும் அவனை வேலைக்கு சேர்த்துக் கொள்ளுவீர்கள். இது சரியான தண்டனையா....?

அப்படி யாரேனும் டி.என்.பி.எஸ்.சி ஆணையத்தில் இருந்து இதற்க்கு வுதவியிருப்பர்கலேயானால்...? அவர்களின் சம்பளங்கள் முடக்கப் பட வேண்டும், அவருக்கு வாழ்வாதார படி மட்டுமே (Basic Living Means) வழங்கப் பட வேண்டும், மேலும் அவருக்கு பணிக்குப் பிந்திய சலுகைகளும் நிறுத்தப் பட வேண்டும்.

அப்படியே குறுக்கு வழியில் தேர்வு எழுத வந்தவர்களை வேலைக்கு சேர்த்துக் கொள்ளுங்கள், எந்த தேர்வும் வேண்டாம் ஆனால் அவர் கடைநிலை உழியனாக அலுவலகங்களை சுத்தம் செய்பவனாக சேர்த்துக் கொள்ளுங்கள். இவர்கள் எல்லோருடைய சான்றிதழ்களிலும் இவர் திருட்டுத்தனம் செய்து தேர்வெழுத முயற்ச்சித்தார் என்று ஸ்டாம்ப் செயுங்கள்.

சட்டங்கள் கடுமையாகாத வரை குற்றங்கள் குறையாது....!

காயடிக்கப்படும் பிஞ்சுகள்

noreply@blogger.com (பித்தன்) — Sun, 03 Jun 2012 10:39:00 +0000

நாளை பத்தாம் வகுப்பு தேர்வு முடிவுகள் அறிவிக்கப் படுகிறது. எல்லோருமே முதல் வகுப்பில் தேறிவிடுவதில்லை. அவ்வாறு தேறுபவர்கள் எல்லோரும் வாழ்வில் குறிப்பிடத்தக்க வகையில் உயர்ந்த நிலைக்கு வந்துவிடுவதில்லை. தோல்வியுற்றவர்களிலும் சிலர் வாழ்க்கையில் நல்ல நிலைமையில் வந்திருகின்றனர் என்பதை காலக் கண்ணாடி காட்டிய வண்ணம் உள்ளது. ஆனால் இந்த இடுக்கை நமது சமூக அமைப்பும் அது ஒரு பள்ளி மாணவனின் மனதில் வேரூன்றச் செய்யும் எண்ணங்களையும் அதன் வீரியத்தையும் பற்றியது.

பரீச்சையில் தோல்வி அடைந்தவனைப் புழுவைப் போல பார்கின்றனர். இங்கிருந்து ஆரம்பமாகும் இந்த வெற்றுப் பார்வை அந்த மானவனுடனே வளர்ந்து வேரூன்றி கிளைப் பரப்புகிறது. ஒரு வித தாழ்வு மனப்பான்மையில் அந்த மாணவனைத் தள்ளி, அவனின் தனித்தன்மையையும், வாழ்க்கையின் மீதான அவனின் நம்பிக்கையையும் குலைத்து, குதறிப் போட்டுவிடுகிறது.

கல்வி செல்வம்

நடுத்தர மற்றும் அதற்க்கு கீழுள்ளவர்கள் தங்கள் பிள்ளைகளுக்கு நல்ல படிப்பைத் தந்தால் அது அவர்களுக்கு மிகப் பெரிய சொத்து என்று நினைக்கிறார்கள். படிப்பு ஒரு ஊன்றுகோல்தான், ஆனால் இந்த நடுத்தர வர்க்கம் அதை வைத்து தங்கள் பிள்ளைகளை மந்திரவாதிப் போல் வித்தைக் காட்டச் சொல்லுகிறது. படிப்பு இவர்களால் ஒரு அட்சயப் பாத்திரமாய் பார்க்கப் படுகிறது. அதற்காக அவர்கள் தங்கள் சக்திக்கு, தகுதிக்கு மீறி செலவுகளைச் செய்யவும் தயங்குவதில்லை. இந்த அதீத செலவுகள் அவர்களை நெருக்கும்போது அது பிள்ளைகளின் மேல் வேண்டாத வசவுளை உதிர்த்து அவர்களின் நடைமுறை சுழற்சியை எதிர்திர்த்திசையிலோ எடக்கு மடக்காகவோ சுழலச் செய்கிறது.

தனியார் பள்ளிகளின் கொள்ளைகள்

தனியார் பள்ளிகள், பிள்ளைகளை ஒரு பொருளாகவே பார்க்கிறது. அவர்களின் கணக்கில் எல்லா உருப்படிகளும் தேறிவிட வேண்டும் அப்பொழுதுதான் அடுத்த அடுத்த வருடங்களில் தங்களின் கட்டணத்தையும் உருப்படிகளின் எண்ணிக்கையையும் ஏற்றிக் கொள்ள முடியும். இந்த வியாபார நோக்கில் பிள்ளைகளின் வாழ்வாதாரம் நசுக்கப் படுகின்றது. அதைப் பற்றி அவர்களுக்கென்ன கவலை, தங்கள் பள்ளி நூறு சதவீதம் தேர்ச்சி பெற்றால் போதும்.

எந்த பள்ளியிலும் விளையாட்டு நேரம் சரியாகப் பகுக்கப் படவில்லை. இந்த வயதில்தான் விளையாடவும் வேண்டும் ஆனால் இது எங்குமே வலியுறுத்தப்படவில்லை. எல்லா பள்ளிகளும் ஒன்பதாம் வகுப்பிலேயே பத்தாம் வகுப்பு பாடத்தையும், பதினோராம் வகுப்பிலேயே பன்னிரண்டாவது வகுப்பின் பாடத்தையும் நடத்தி பிள்ளைகளுக்கு மோலும் அழுத்தத்தை கொடுக்கின்றனர்.

அரசாங்கத்தின் ஏதேச்சதிகார போக்கு

மருத்துவம், கல்வி மற்றும் உள்கட்டமைப்பு ஆகியவைதான் ஒரு நல்ல மக்கள் நல அரசால் மக்களுக்கு இலவசமாக வழங்கவேண்டும். இந்த மூன்றும் முறையாக வழங்காத நாட்டில் நல்ல குடிமக்கள் உருவாக மாட்டார்கள் என்பது திண்ணம். 'என்னைப் பற்றி கவலைப் படாத நாட்டுக்கு நான் ஏன் செய்யவேண்டும்' என்ற எண்ணத்தை நாமே வலிந்து மாணவர்கள் மேல் திணிக்கின்றோம். இங்கே கண்ணைப் பறித்து கலர் டிவியும், கரண்டைப் புடுங்கி கிரைண்டர், மிக்சியும் தருகிறார்கள். அதையும் நாம் வரிசையில் நின்று வாய் பொத்தி வாங்கிச் செல்வோம், கொஞ்சமும் லஜ்ஜையே இன்றி.

சமூகத்தின் சடுகுடு

ஊடகங்களும் தங்கள் பங்குக்கு நகைச்சுவை வாரம் தலைமேல் பாரம், வெல்லுங்கள் ஒரு கோடி, ஐ பி எல் என்று கலந்து கட்டி அடிக்கிறது. கொஞ்சம் சமூக அக்கறையோடு யோசிப்பார்கலேயாயின்.... அவர்கள் இவை எல்லாவற்றுக்கும் கொஞ்சம் ஓய்வு கொடுத்து, மாணவர்கள் படிக்க வகை ஏற்படுத்தித் தருவார்கள்.

ஆனால் ஊடகங்கள் கடந்த ஆண்டில் முதலாவது வந்தவரின் பேட்டி, ஏதாவது கல்வியியலாளர்களின் வழிகாட்டுதல், இதற்குப் பிறகு என்ன படிக்கலாம் போன்ற ஒரு சில வற்றைப் போட்டு தங்கள் கடமையை முடித்துக் கொள்கின்றன.

இவை எல்லாவற்றையும் தாண்டி வெற்றி பெறுவதென்பது மிக மிகச் சிரமமே!!, ஆனால் சிலர் வெல்கிறார்கள். இங்கே நாம் அவர்களைப் பற்றி பார்க்கவில்லை. ஏதோ ஒரு பாதிப்பில் தேர்வில் சறுக்குபர்வர்கலையே நாம் எண்ணிப் பார்க்கவேண்டும். அவர்களின் நிலை பாவம் சமூகம் அவர்களைப் பார்க்கும் பார்வையே வேறு மாதிரியாக இருக்கிறது. "என் பைய்யன் அதில் இத்தனை மார்க்கு, இதில் இத்தனை மார்க்கு" என்று மார்தட்டிப் பெருமை படும் பெற்றவர்கள் நேரடியாகவோ, மறைமுகமாகவோ இந்த பிஞ்சுகளை மலடாக்கிச் செல்லுகிறார்கள்.

படிப்பில் தொல்வியுருபவன் வாழ்க்கையே அஸ்தமித்து போய்விட்டதாக ஒரு மாயையை உருவாக்கி இருக்கிறோம். அதை முதலில் உடைத்தெறிய வேண்டும் ஏதோ ஒரு காரணத்தால் தொல்வியுருபவனை தேற்றி, நீயும் வாழ்க்கையில் ஜெயிக்கலாம் என்று ஆறுதல் சொல்லி திரும்ப முயற்சித்து ஜெயிக்க.... பெற்றோரும், நண்பர்களும், உற்றாரும் உதவவேண்டும். இல்லையேல் இது அப்படியே படிமை நிலையாகி, நாளை வளரும் மொட்டுகளை அமுக்கிவிடும் என்பதில் சிறிதும் ஐய்யமில்லை. படிப்பும் வாழ்க்கையில் ஜெயிக்க முக்கியம் ஆனால் அது மட்டுமே நம் வாழ்க்கையை தீர்மானிப்பதில்லை என்பதை இவர்களுக்கு எடுத்துரைக்க வேண்டும்.

இது எல்லா பக்கமிருந்தும் நடை பெறவேண்டும். பெற்றோர், பள்ளிகள், ஆசிரியர் மற்றும் சமுதாய அணுகுமுறை ஆகிய தளங்களில் இருந்து இன்றே நடைபெறவேண்டும். இல்லையேல் நாம் நம் எதிர்கால சந்ததிக்கு தீங்கிழைத்ததாக நாளைக்கு வரலாறு பதியப் படலாம்.

கடவுளே நீ என; கண்டுணர்ந்தவன் நான்....!!!

noreply@blogger.com (பித்தன்) — Fri, 23 Mar 2012 08:45:00 +0000

என் உலகம் உதித்தது
உன் உறவைப் பற்றி;
என் வாழ்க்கை முழுதும்,
வருவேன் உன்னைச் சுற்றி.

ஊர் பல சுற்றி,
உணவு பல உண்டாலும்,
உன் உதிரத்தால் 'பால்'ஆன
சுவைக்கேது ஈடு!!

மஞ்சனைகளும், பஞ்சனைகளும்
பல ரகத்தில் உண்டு;
உன் மடி தரும் சுகம் - அது
கடந்திடும் பல யுகம்.

காப்பியங்களும், காவியங்களும்
தேடித், தேடி வாசித்தேன்.....
உன் ஒற்றை வரி,
கடிதம் போல்....
ஒன்றையும் காணேன்

இசைக்கு ராஜா பலர்
இங்கே உளர்.
"ஏய்.......ய் ராஜா...." என்று
நீ என்னை அழைக்கையில்.....
அதற்க்கேது நிகர்.

நோய் பிணி நீங்க
வாய் வழி மருந்து நூறு
நீ தரும் இஞ்சிச் சாறு;
அதை ஓட்டிடும் தூர.

தொலைவில் இருந்தால்,
தொடர்பு வழி கோடி.
உன் தொப்புள்கோடி ஒன்றுதான்;
இதுக்கெல்லாம் முன்னோடி.

திரைகடலோடி நான்
சேர்த்தைவைகள் துச்சம்.
உன் புன்னைகைதானே,
இதிலெல்லாம் உச்சம்!!!

கடவுளையே எனக்கு,
காட்டியவள் நீ!;
கடவுளே நீ என;
கண்டுணர்ந்தவன் நான்....!!!

அரவான் என் பார்வை

noreply@blogger.com (பித்தன்) — Sun, 11 Mar 2012 11:13:00 +0000

வேம்பூர் என்னும் பெயர் ஏற்கனவே 'எஸ்ரா'வின் "நெடுங்குருதி" என்னும் நாவலில் எடுத்தாண்ட ஊருதான். அந்த நாவலில் அந்த ஊரின் வெம்மையையும், அம்மக்களின் வாழ்வையும் கதையோட்டத்திலேயே சொல்லியிருப்பார் 'எஸ்ரா'. கள்ளர்களின் வாழ்வியலைப் பதிவு செய்தது பாராட்டத்தக்கது. எல்லா புராண படங்களும் ராஜாக்களின் வாழ்க்கையே கொண்டிருக்கவேண்டும் என்ற பழம் சினிமா விதியை அனாயாசமாக உடைத்தெரிந்ததற்கு வசந்த பாலனை மனந்திறந்து பாராட்டலாம்.

பசுபதி மற்றும் ஆதியின் நடிப்பு பெரிய பலம் அந்த உடற்கட்டும் கருந்தேகமும் நம் முன்னோர்களை கண்முன்னே நிறுத்தியிருக்கிறார்கள். ஆதி தன் வரலாற்றில் பதிக்க வேண்டிய பதிவு. பசுபதி 'ஏன்னா நடிப்புடா..?' தமிழ் சினிமா சரியாக பயன் படுத்தாத நடிகர்களில் பசுபதியும் ஒருவர் என்பதை அரவானுக்கு பிறகு அடித்துக் கூறலாம்.

திரு சு.வெங்கடேசனின் சமீபத்திய சரித்திர நாவலான "காவல் கோட்டம்" என்ற நாவலில் வரும் ஒரு பகுதியை கொண்டு இந்த படம் வடிவமைத்ருப்பதாக அறிகிறோம். படத்திற்கு வசனமும் கதையும் இவரே.

"அறுத்துதான் கொல்லணும்னு இல்ல வெதச்சும் கொள்ளலாம்" போன்ற வசனம் கவனத்தை ஈர்க்கின்றன.

சரித்திரப் படம் அதிலும் ஒரு சமூகத்தைச் சொல்லும் படம் என்பதால் வட்டார வழக்குகள் அதிகம் எடுத்தாண்டிருக்கிறார்கள். அதில்தான் சிக்கலே தமிழுக்கே சப்டைட்டில் போடவேண்டிய அவசியம் இருக்கிறது.

கலை இயக்குனர், ஒளிப்பதிவாளரின் திறமை படமெங்கும் மிளிர்கிறது. இசையமைப்பாளர் கார்த்திக் (பின்னணிப் பாடகர்) பாடல்களில் தெரியும் அளவுக்கு பின்னணி இசையில் தெரியவில்லை முதல் படமே சரித்திரப் பின்னணி கொண்ட படமென்பதால் நிச்சயம் நிறைய உழைத்திருக்கிறார் ஆனால் பின்னணி இசையில் இன்னும் மெருகேற்றியிருக்கலாம். அடுத்தடுத்த படங்களில் இதனை வெகு எளிதாக எட்டிப் பிடிப்பார் என எதிர்பார்க்கலாம்.

நேர்த்தியாக நெய்யப்பட்ட படமென்றாலும் சில சினிமாத்தனங்கள் தவிர்த்திருக்கலாம், சிலுவை சுமப்பதுபோல உள்ள கடைசி காட்சி, நாயகனுக்கும் நாயகிக்கும் காதல் பூப்பதர்க்கான தருனகளை சரிவர சொல்லாதது என சில இருந்தாலும் இது தமிழ் சினிமாவில் குறிப்பிட்டுச் சொல்லக் கூடிய ஒரு கலைப் படைப்பு என்பதை மறுப்பதற்கில்லை.

ஊடகங்களும், வலைப்பூக்களும் படம் ஆஹா ஓஹோ என்று புகழ்கின்றன ஆனால் இது அடித்தட்டு மக்களை போயிச் சேருமா என்பது சந்தேகமே. பல வசனங்கள் புரியவில்லை என்னும் பேச்சு பரவலாக கேட்கிறது. இலக்கிய தரத்தில் ஒரு படம் என்பதில் சந்தேகமே இல்லை ஆனால் இது பாமரனையும் சென்று சேர வேண்டும் என்பதே என் அவா.

புரச்சி 2020(REVELOUTION 2020) - காதல், கரப்ஷன், கனவு

noreply@blogger.com (பித்தன்) — Sun, 06 Nov 2011 08:19:00 +0000

சேத்தன் பகத் எனக்கு அறிமுகமானது அவருடைய 'TWO STATES' நாவலில்தான். அது அவர் தன் தமிழ் நாட்டு மனைவியை எப்படி கைப்பிடித்தார் என்பதைப் பற்றிய கதை. அந்நேரத்தில் 'THREE IDIOTS' வந்தது சக்கைப் போடு போட்டுக் கொண்டிருந்தது. இதுவும் அவரின் நாவலைத் தழுவி எடுக்கப் பட்டப் படம்தான் என்று அறிய முடிந்தது.

உடன் அவரது 'TWO STATES' நாவலை வாங்கிப் படிக்க ஆரம்பித்தேன் ஈர்ப்புவிசை உள்ள எழுத்து நடை, பின்னர் அவரது முதல் நாவலான 'FIVE POINT SOMEONE' (THREE IDIOTS) வாங்கிப்ப் படித்தேன் அதன் பின்னர் அவரது மற்ற நாவல்களான ONE NIGHT @ CALL CENTRE, THREE MISTAKES OF MY LIFE. இதில் ONE NIGHT @ CALL CENTREம் ஹிந்தி சினிமாவாக வந்தது.

மெல்லிய நகைச்சுவை இழையோடும் எழுத்து நடை, எல்லா கதைகளிலும் வரும் நாயகிகள் குறைந்த பட்சம் WINEஆவது சாப்பிடுவார்கள், திருமணத்திற்கு முன்பே உறவு கொள்வார்கள், இவை வடஇந்திய காலாச்சார வழியாகவும் இருக்கலாம், பாய் NEXT DOOR கதை மாந்தர்களை வைத்து கதை சொல்லல் என்று இன்றைய இளைஞ்சனர்களின் நாடித்துடிப்பு எழுத்தாளராய் பரிணமித்துள்ளார்.

இந்த REVELOUTION 2020 வெளியாவதற்கு முன்னமே ஐந்து லட்சம் பிரதிகள் முன் பதிவு செய்யப் பட்டன. மிகவும் ஆவலைத் தூண்டிய நாவல் எடுத்த 42 மணி நேரத்தில் என் கையை விட்டு அகலாமல் அதனுடனேயே மூழ்கி படிக்க வைத்தது. அவரது மற்றைய கதைகளைப் போலவே இதிலும் சினிமாத்தனமான ஒரு முடிவுதான், ஆனால் மிகத் தகுதியான முடிவு என நம்மை நினைக்க வைத்திருக்கிறார்.

இதுவும் கண்டிப்பாக ஒரு சினிமாவாக வெளிவரத் தகுதியுள்ள ஒரு கதைதான் கண்டிப்பாக இதை இன்றைய இளம் ஹிந்தி ஹீரோ யாராவது நடிக்க வெளிவருவதை எதிர்பார்க்கலாம். தமிழில் தனுஷ் மற்றும் சிம்பு செய்வார்களேயானால் படம் கண்டிப்பாக சூப்பர் டுப்பர் ஹிட். தனுஷ் இந்த கதையில் வரும் கோபாலாகவும் சிம்பு ராகவ் ஆகவும் நடித்தால் நன்றாக இருக்கும். கதாநாயகியாக எமி ஜாக்சன் நடித்தால் எல்லா மொழிகளுக்கும் ஏற்றதாக இருக்கும் என்பது என் தாழ்மையான கருத்து இதில் தனுஷும் சிம்புவும் சேர்ந்து நடிப்பது நடக்காத காரியம் என்பது எல்லோருக்கும் தெரிந்ததே அதனால் சிம்பு பதில் ஜீவா நடித்தால் நன்றாக இருக்கும்.

கதை என்னவென்றால் வழக்கமான முக்கோணக் காதல் கதைதான். கோபால், ஆர்த்தி மற்றும் ராகவ் மூவரும் சிறுவயது முதலே நண்பர்கள், வளர்கையில் வாழ்க்கை அவர்களை எப்படி தன் போக்கில் இழுத்துச் சென்று நிறுத்துகிறது என்பதை 2௯௫ பக்கங்களை நிரப்பி சொல்லி இருக்கிறார்.

குப்ப மேட்டரு.......

noreply@blogger.com (பித்தன்) — Mon, 31 Oct 2011 11:18:00 +0000

சேத்தன் பாகத்தின் REVOLUTION 2020 படித்துக் கொண்டிருக்கிறேன், மிக நேர்த்தியான கதை சொல்லல். கையில் எடுத்ததும் முடித்துவிட துடிக்கும் ஈர்ப்பு விசை எழுத்து நடையில் சும்மா வெண்ணையில் ஓடும் தேனாய் வார்த்தை கோர்வையுடன், எளிய ஆங்கில நடையில் செல்கிறது. முடித்ததும் அதைப் பற்றி ஒரு பதிவு போட்டு உங்களை எல்லாம் டரியலாக்கும் திட்டம் உண்டு.

முதலில் சேத்தனின் TWO STATESதான் வாங்கிப் படித்தேன், பின்னர் அவரின் மற்ற நாவல்களையும் தேடித் தேடி படிக்க வைத்தார். இன்றைய கால இளைஞசர்களின் நாடித்துடிப்பை தேடித் பிடித்து எழுதுகிறார்.

----------------XXX-----------XXX---------------XXX-----------------------

உள்ளாட்ச்சித் தேர்தல் முடிவும் வந்துவிட்டது இனி இந்த ஆட்சி தன் பாதையில் முழு வேகத்துடன் பயனிக்கலாம்தான் ஆனால் அதற்க்கான அச்சாரத்தைதான் ஒன்னையும் காணோம். அம்மா தன் மீதான சொத்து வழக்கை தீர்க்கவே இப்பொழுது முழு மூச்சுடன் இருப்பார். கூடங்குளம் குப்பைத் தொட்டியில், மூவர் தூக்கு மத்திய அரசிடம், மின் வெட்டு சர்வதேச பிரச்சனையை.

----------------XXX-----------XXX---------------XXX-----------------------

டைரெக்டர் சங்கர் சொன்ன ஏந்திரன் கதையை மறக்காமல் அதனோடையே வாழ்ந்திருப்பார் போல சாருக் ஒரு ஏழு எட்டு காட்சிகள் ஏந்திரனில் வந்ததைப் போலவே இருக்கிறது. ரயில் காட்சி, சிகப்பு மை கெட்ட ஏந்திரன் நீல மை நல்ல ஏந்திரன் போன்ற காட்சிகளை சொல்லலாம். ஆனால் இது ஏந்திரன் அளவுக்கு இல்லை என்றே சொல்ல வேண்டும். ஏதோ விடியோ கேம் பார்பதைப் போன்ற ஒரு உணர்வே ஏற்படுகிறது.

இது குழந்தைகளுக்கான படம் மென்று சொல்வீர்களானால் என் பிள்ளைகள் ரேட்டிங்கில் அதிலும் ஏந்திரனே முந்துகிறான்.......!

தமிழன்னா சும்மாவா.....!!

----------------XXX-----------XXX---------------XXX-----------------------

சமீபத்திய பாடல்களில் ஏழாம் அறிவில் வரும் எம்மா எம்மா காதல் பொன்னம்மா மயக்குகிறது. ஹரிஸ் எப்போதும் ஒரு ௫/௬ மெட்டுகளையே வைத்து ஓட்டுகிறார் என்பது என் எண்ணம் ஆனால் எப்படியோ எல்லா பாடல்களும் ஹிட் ஆகி விடுகிறது.

----------------XXX-----------XXX---------------XXX-----------------------

கழகம் பிறந்த காலந்தொட்டு இதனை அழிப்பதற்கு நேரம் பார்த்துக்கொண்டுதான் இருக்கிறார்கள்.
துரோகச் சிந்தையினர் தம் சுக வாழ்வு ஒன்றை மட்டுமே மனதிலே கொண்டு, பெற்ற தாயின் வயிற்றை கூர்வாள் கொண்டு குத்திக் கிழிப்பதைப் போல செயலாற்ற முனைகின்றனர். கையிலே காசில்லா போது, கழகத்திற்கு நேர்ந்த கொடுமைகளைச் சந்திக்க முன் நின்றவர்கள், கையிலே காசு சேர்ந்த பிறகு, அதைக் காத்திடுவதற்காக கழகத்தையே காட்டிக் கொடுக்க முயலுகின்றனர்.

ஐய்யா ஒரு துணைப் பொதுச் செயலாளரே இவ்வளவு காசு பார்கிறாறேன்றால் அப்ப நீங்க உங்க குடும்ப உறுப்பினர் எவ்வளவு பார்த்திருப்பீங்க. அப்போ நீங்களே கொள்ளை அடிச்சத ஒத்துக்கிறீங்க. நீங்க தாய வச்சி உவமானம் சொன்னதாலே நானும்

தாயைப் போலப் பிள்ளை நூலைப் போல சேலை.....
தலைவர் எவ்வழியோ தொண்டனும் அவ்வழி....

தொலைந்து போனவன்

noreply@blogger.com (பித்தன்) — Wed, 10 Aug 2011 09:16:00 +0000

வெட்டியான ஒரு
நாளில்,
கிட்டியது ஓர்
நிழற்படம்

கால்சட்டை வயதில்,
கை கோர்த்து
நிற்கும்,
பெயர் மறந்த நண்பனை

கணிப்பொறி உதவியுடன்
இணையங்களில் தேடுகிறேன்...?
'முகநூலில்' இருப்பானோ...?
'டுவீட்டி'யாய் வருவானோ...?

பள்ளிப் படிப்பை
பாதியில் விட்டவனை,
பரந்த உலகில்
எங்கனம் தேடுவது.....?

கலியுக யோகியும், 'தெயவத்திருமகளும்'

noreply@blogger.com (பித்தன்) — Tue, 09 Aug 2011 09:26:00 +0000

இந்த பதிவு யாருக்கும் எதிரானதல்ல, யாருக்கும் கொடி பிடிக்கவும் அல்ல. இது முற்றியும் என் சொந்த கருத்தே.....!!!!!

சமீபத்தில் நான் தெய்வத்திருமகள் பார்த்தேன். என் தாயையும், தந்தையையும் பார்க்க வைக்க வேண்டும் என்று மிகுந்த ஆவல் எழுந்தது. (இங்கே அவர்கள் இருவருக்கும் ஒரு சின்ன அறிமுகம்)

அம்மா சீரியலே கதி என்றிருப்பவள், அவளுக்கு 'மாதவி' க்கோ, 'செல்வி' க்கோ ஒன்றென்றால் கூட தாங்க முடியாது, அவ்வளவு இளகிய மனம் படைத்தவள். சீரியலுக்கு அடுத்து பிடித்தது வினாடி வினா போன்ற கேள்வி பதில், தன் நினைவாற்றளால் படித்தவர்களையே 'அட' போடா வைக்கும் திறமை வாய்க்கப் பெற்றவள். தன் உடன் பிறப்புகளாகட்டும், என் தந்தையின் உடன் பிறப்புகளாகட்டும் யாருக்கும் பார பட்சமின்றி உதவுபவள். அவ்வாறு வுதவி செய்து... அவர்கள் எங்களை உதாசீனப் படுத்தும் போது, மனம் நொந்து புலம்புபவள். அனால் அவர்களே மறுமுறை எதாவது ஒன்றென்று கலங்கும்போது.... ஓடோடிச் சென்று உதவுவாள். இது வாடிக்கை.

என் தந்தை ஒரு கலியுக யோகி, எதிலும் ஒரு பற்றுதளில்லாமல் தன் போக்கில் வாழ்பவர். அதற்காக அவர் ஆசையே அற்றவர் என்ற முடிவுக்கு வர வேண்டாம். அவரது செய்கைகள்தான் அப்படி, மற்றபடி உலக இயல்புக்கு தன்னை சுற்ற வைப்பவர். அப்படி பட்டவர் இதுவரை பார்த்த படங்களை விரல் விடாமலே எண்ணி விடலாம். மொத்தமே மூன்றோ நான்கோதான். தேவர்மகன், மாயாண்டி குடும்பத்தார் அதன் பிறகு இப்பொழுது தெய்வத்திருமகள்.

தேவர்மகன் டிக்கெட் வாங்கி இரண்டாவது முறை நான் பார்க்கப் போகிறேன் என்று சொன்னதில்தான் அவர் பார்க்கவே சம்மதித்தார். எதுக்கு நீ இரண்டாவது முறை பார்க்கவேண்டும் நானே போகிறேன் என்று சொன்னார். ஆனால் இந்த மாயாண்டி குடும்பத்தாரை பார்க்க அவரின் ஆவலை நானும் என் தம்பிகளும் தூண்டினோம். இது கிட்ட தட்ட எங்கள் குடும்ப கதை போன்றே... நாங்களும் நாலு ஆண்களுக்கு ஒரு பெண், மேலும் எங்கள் சித்தப்பா குடும்பத்துக்கும் எங்களுக்கும் பிணக்கு வேறு.

நானும் என் தம்பிகளுமிந்த கதையின் சாரம்சத்தை சொல்லி என் அப்பாவை பார்க்க வைத்தோம். தியேட்டரில் சில காட்சிகளுக்கு அவர் கதறி அழுததை இன்றும் எங்களால் மறக்க முடியாது. அவர் அன்றாடம் உபயோகிக்கும் ஒரு வசனம் படத்திலும் இடம் பெற்றிருந்ததை கண்ணீருடன் ரசித்தார். அந்த வசனம் 'இன்னொரு முறையா நாம இங்கே வந்து பிறக்கப் போறோம்'. சித்தியின் குரூர குணத்தினால் பிரிந்த போது மிகவும் மனம் உடைந்தவர். தன் பால்ய நாட்களில் தம்பியுடன் சுற்றியதை சொல்லி சொல்லி மாய்ந்து போனவர்.

மாயாண்டி குடும்பத்தை அவர் தன் குடும்பமாகவே பார்த்தார் அதற்குப் பிறகு அவர் பார்த்த படம் தெய்வத்திருமகள். நாங்கள் இரவு காட்சிக்குப் போனோம். படம் முடித்து வீடு வந்ததும், என் தங்கைக்கு தொலைப்பேசி.... இரவு என்பதையும் மறந்து நீண்ட நேரம் பேசினார். அப்படி ஒரு தாக்கம் அவர் மனதில் இந்த படம் ஏற்படுத்தி இருக்கிறது. அவரின் 'தந்தை உள்ளத்தை' இந்த படம் மீட்டுத் தந்ததென்றுதான் சொல்ல வேண்டும்.

ஒரு திரைப் படம் பார்க்கும் ஒவ்வொருவரும் ஏதாகிலும் ஒரு நிலையில் தன்னையும் தன் தன்மைக்குப் பொருந்திப் போகிற ஒரு பாத்திரத்தில் இணைத்து அந்தப் படத்துடன் பயணிக்கத் தொடங்குகிறான். அப்படி ஒன்றிப் பார்ப்பது எல்லா காலத்திலும் இருந்திருக்கிறது. அவ்வாறு படத்துடன் ஒன்ற மொழி ஒரு இன்றியமையாத காரணம்.

இதே தெய்வத்திருமகள் ஆங்கில சாயலான (தாழுவலில்லை) 'I AM SAM' என் வீட்டில் போட்ட போது.... என் அம்மாவும், அப்பாவும், கரகாட்டக்காரன் கவுண்டமணி தவில் வாசிப்பில் தூங்கும் செந்தில் போல ஆழ்ந்த நித்திரையில் இருந்தனர்.

ஒரு படத்தின் தாக்கத்தால்... அதை நம் மொழிக்கும், கலாசாரத்துக்கும் பொருந்திப் போகிறா மாதிரி, மாற்றி எடுப்பதில் தவறில்லை என்றே எனக்குப் படுகிறது. இதுக்கும் சில ஆயத்தங்களும், முன் முயற்சிகளும் தேவை என்றே நினைக்கிறேன். அந்த அனைத்தும், இந்த தெய்வத்திருமகள் குழு செய்திருக்கிறது. இதற்க்கு முன் எந்தனையோ படங்கள் இதுபோல் தாக்கத்திலும், தழுவலிலும் வந்திருக்கிறது, பல அதில் வெற்றியும் பெற்றிருக்கிறது, சில தோல்வியைத் தழுவியும் இருக்கிறது.

ஏற்கனவே இருக்கும் ஒரு சிலையின் வடிவத்தை சில ஜாலக்குகளை செய்து நம் ரசனைக்கேற்ப வடிவமைப்பதைப் போன்றே இந்த வேற்று மொழி தாக்கத் திரைப்படங்களும். அதற்காக கற்பனை வறச்சி, கலைத் திருட்டு என்று சொல்லிகொள்ளத் தேவை இல்லை. ஒரு படம் எப்படி ரசிகர்களின் மனதில் இடம் பிடிக்கிரதென்பதை வைத்துத்தான் அதன் வெற்றி தோல்வி நிர்ணயிக்கப் படுகிறது. அந்த விதத்தில் இந்த படமும் ஒரு வெற்றிப் படமே.

மொத்தத்தில் படம் எங்களுக்கு ரொம்ப பிடித்திருந்தது...........

மோடி மஸ்தானுக்கு கோடிகளில் பணம்

noreply@blogger.com (பித்தன்) — Sun, 17 Jul 2011 10:38:00 +0000

நல்லா கூட்டம் கூடும் இடங்களில் சினிமா தியேட்டரோ, கோயில் எதிரிலோ..... ஐய்யா மார்களே....! அம்மா மார்களே...! மாயமில்ல மந்திரமில்ல எல்லாம் நிஜம். இங்கேப் பாருங்கோ இது தலைச்சான் பிள்ளை மண்டை ஓட்டுல செஞ்ச தாயத்து, இத கையில கட்டிகிட்டா உன்ன எந்த பேய் பிசாசோ, காத்து கருப்போ அண்டாது சாரே, இத்த போட்டு நீ ராத்திரி சுடுகாட்டுக்குக் கூட போலாம் எதுவும் உன்ன ஒன்னும் செய்யாது சாரே!!.

பாரு சாரே இந்த கீரிக்கும் பாம்புக்கும் சண்டை உடுவேன் சாரே, இந்த நூறு ரூபா நோட்ட கொளுத்தி அப்படியே திரும்ப எடுப்பேன் சாரேன்னு பல வித வித்தைகள அடுக்கடுக்கா வச்சி தெருவோரம் வித்தை காட்டுவதை பார்த்திருப்பீர்கள். தான் கடை விரித்திருக்கும் மொத்த நேரமும் பேசியே.... போக்கி விட்டு, தாயத்து விற்கவும், மை விற்கவும் ஆரம்பித்து விடுவான், கடைசி வரை கீரிக்கும் பாம்புக்கும் சண்டை நடக்காது.

ஆனால் சில நேரங்களில் வேடிக்கைப் பார்த்தவர்களின் பணம், நகை கொள்ளையடிக்கப் பட்டிருக்கும் கூட்டம் முடிந்து அவர்கள் தேடும்போது அவன் பாரீசே போயிருப்பான். ஆனாலும் ஊரில் எங்கே இதுபோல் புரளி வித்தை காட்டினாலும் அது எவ்வளவு தூரமானாலும் நடந்தே சென்று முழுதும் முடியும் வரை பார்த்து வருவது வழக்கம். பாக்கெட்டில் இருந்து பத்து பைசா போட்டு விட்டு வருவோம். இப்பொழுதெல்லாம் அதுபோல் ஆட்களைப் பார்ப்பதில்லை, அவர்கள் காட்சிப் பொருளாக சினிமாவிலும், சீரியலிலும் வருகிறார்கள்.

ஆனால் இதுபோல் புரளி வித்தை காட்டுபவர்கள் இப்பொழுது விஸ்வரூபமெடுத்து பெரிய கார்பரேட் நிறுவனங்களைப் போல் தங்கள் சாம்ராஜ்ஜியத்தை பெருக்கிக் கொள்கிறார்கள். தங்கள் பெயருக்கு பின்னாலோ முன்னாலோ ஒரு அடை மொழியை வைத்துக் கொண்டு தான்தான் காடவுளின் அவதாரம் என்று கலர்கலராக ரீல் விட்டு, கட்டு கட்டாக கல்லா கட்டுகிறார்கள்.

இதில் ஹிந்து, முஸ்லீம், கிருத்தவர் என்ற பேதமெல்லாம் இல்லை, எல்லா மார்கத்திலும் இதுபோல் போலிகள் உண்டு. அது போல் ஒருவர்தான் இந்த நித்யானந்தா. அவரது சமீபத்திய ஸ்டன்ட் முந்தா நாள் குரு பூர்ணிமா அன்று பக்தர்களை புவியீர்ப்பு விசையை மீறி அந்தரத்தில் பறக்க வைப்பது. இதில் கலந்துகொள்ள பணமெல்லாம் வசூலிக்கப் பட்டது (அதற்கான அழைப்பிதல்). அவரது முதன்மை பிரபல்ய சீடர்களில் ஒருவரும், சமீபத்தில் டிவிக்களில் தெரிய... ஓர் இரவு அவருடன் அறையைப் பகிர்ந்தவருமான ரஞ்சிதாவும் இருந்தார்.

எல்லோரும் எம்பி எம்பி குதித்து அந்தரத்தில் மிதக்க முயற்சித்தார்கள் ஆனால் முட்டி தேய்ந்ததும், மூச்சி வாங்கியதும்தான் மிச்சம், ஒருவரும் மிதக்கவில்லை. மோடி மஸ்தான்போல் கடைசிவரை தான் சொன்னதை தனக்கோ அல்லது தன் பக்தர்களுக்கோ ஏற்படுத்தவில்லை. பரவச நிலை அடைவோம் என்று பணம் காட்டியவர்கள் எல்லாம் பர்சை காலி ஆக்கியதுதான் மிச்சம்.

அடுத்த முறை வேறொரு வித்தையின் பெயரை சொல்லி தன் பெட்டியை நிரப்புவார்கள். இதற்கெல்லாம் முக்கிய காரணம் இவற்றை நம்பி அவர் பின்னல் போகும் மக்கள்தான்.

ஏமாறுபவர்கள் இருக்கும்வரை ஏமாற்றுபவர்கள் இருக்கத்தான் செய்வார்கள்.

போன மச்சான் திரும்பி வந்தான் பூ மணத்தோட....

noreply@blogger.com (பித்தன்) — Mon, 11 Jul 2011 10:51:00 +0000

லெக்கு தாதா (முன் கதை சுருக்கத்துக்கு சொடுக்குங்கள் Leggu தாதா அட்ராசிட்டி) அவரு மாமனாரு சொன்னாருன்னு, ஒரு மருந்து தயாரிக்கும் நிறுவனத்தில் விற்பனைப் பிரதிநிதியாக சேர்ந்தார். வண்டி பின்னாடி மாமனார வச்சி, வீரமா வீதியுலா போயி அப்பாயின்ட் ஆகி வந்தாரு லெக்கு. தூர தொலைவு ஏரியான்னா மாப்பிள்ளைக்கு டயேரியாவரும்னு, தெரிந்து வீடு இருக்க ஏரியாவே வாங்கித்தந்தாரு மாமனாரு.

லெக்கு மூக்கு முட்ட குடிச்சுட்டு முழுசாப் போத்திட்டா..., மப்பு தெளியவே மதியம் ஆயிடும், இதில் வேலை நேரம் காலை ஏழு மணிக்கு.
வேல கிடைச்ச வேளையைக் கொண்டாட வேலிதாண்டி வெயிட்டா (மருந்து கம்பெனிக்கு விருந்து) விருந்து வச்சாரு லெக்கு. பெக்கு ஓவராப் போயி லெக்கு தள்ளாட ஆரம்பிச்ச உடனே பக்கர் சொன்னான்,

"மச்சி வீட்டுக்குப் போவோம்"

"இருடா இன்னும் ஒரு பெக்கு போவோம்னு" லெக்கு சொன்னாரு. எனக்கு பக்குன்னு ஆயிடிச்சி....

"என்னடா வேலைன்னு கேட்டா... ?"

"அது ஒன்னும் இல்ல மச்சி, காலீல நம்ம ஏரியால கீற மெடிகல் ஷப்புக்கெல்லாம் போயி, எங்க மருந்து இருக்கா தீந்துடுச்சான்னு கணக்கு எடுக்கணும், சாயந்தரம் அவங்களுக்கு கேட்ட அளவு டெலிவர் பண்ணனும், நமக்கு சேலுக்கு ஏத்த மாலு".

"கேக்க நல்லாத்தான் இருக்கு ஆனா நீ ஒழுங்கா போவணுமே..." இது கலீல்

"இன்னா மாமே அப்படி சொல்லிட்ட நா எவ்வளவு அடிச்சாலும் காலீல அலாரம் வச்சா மாதிரி எழுந்துடுவேநில்ல"

"பாப்போம் பாப்போம்".

"இப்போதைக்கு மச்சான் சைக்கிள யூஸ் பண்ணப் போறேன், அடுத்த மாச சம்பளம் வந்ததும் பயிக்கு வாங்கிடுவோமில்ல....ன்னு" திட்ட வரைவோலை கிட்ட தட்ட ரெடியாயிடிச்சு.

மானிட்டர்ல மயங்கி வாந்தி எடுத்து கிளம்ப இரவு ரெண்டு மணியாகிடிச்சு. பக்கர்தான் எப்போதும் லெக்கை வீட்டில் கொண்டுபோய் விடுவான் இந்தமுறை அவனும் கொஞ்சம் ஓவர் ஆனாதால், நாலுபேர் படைசூழ ராஜமரியாதையில் வீடு கொண்டு சேர்த்தோம்.

மறுநாள் மாலை மண்டபத்தில் பார்த்தால் லெக்கு மூஞ்ச தொங்கப் போட்டுக் கொண்டு உட்கார்திந்ருதது

"என்னடா ஆச்சின்னு....?" கேட்டதுதான் தாமதம்

பக்கர் "மச்சி... என்ன ஆனதுன்னா..... கலையில ஐய்யா ஒம்போது மணிக்குத்தான் எழுந்திருக்காரு பல்லு கூட வெளக்காம வெறும் மூஞ்ச மட்டும் கழுவிட்டு பேக்கத் தூக்கிக் கொண்டு நேரா நம்ம கண்ணகி பார்மசிக்கு போயி..... 'ஜுரத்து நீங்க என்ன மருந்து வச்சுருக்கீங்க, இதுக்கு என்ன மருந்து வச்சுருக்கீகன்னு' பெரியா வெங்காயமாட்டம் கேள்வி கேட்டிருக்கான், அவனும் கஷ்டமருன்னுதான் கரும சிரத்தையாய் பதில் சொல்லிருக்கான். எல்லாம் கேட்டு முடிச்ச உடனே, 'ஐய்யா ஏன் நீங்க இந்த மருந்த வாங்கக் கூடாது'ன்னு கேட்டுருக்காரு, கடகாரனும் 'அது இப்போத்தான் மார்க்கெட்டுக்கு வந்திருக்கு இன்னும் நாங்க வாங்கி வைக்கல, உங்களுக்கு இது வேணும்னான்னு' கேட்டுருக்கான் இங்கதான் கதையிலேயே டிவிஸ்டு அப்போத்தான் தொற அதுக்குத்தானே நான் வந்திருக்கேன்னு அவுத்து விட்டிருக்கான்....

காண்டான கடக்காரன் நீ யாருன்னு கேட்டுருக்கான் நான் இந்த கம்பெனியில இருந்து வர்றேன்னு சொல்லிருக்கு நம்ம சேல்ஸ் ரெப்பு. அவன் ஆட்டப் பத்தி விடுறா மாதிரி திட்டி விட்டுட்டான். கம்பெனியும் கல்தா கொடுத்துடுச்சி. அப்பாயின்ட் ஆனா நாளிலேயே அப்பீடாகி வந்துட்டாரு.

விடியா மூஞ்சி வேலைக்குப் போனால்..... வேலை அகப்பட்டாலும் கூலி கிடைக்கலையாம் அதுபோல நம்ம லெக்கு....

ஹலோ கேளுங்க.....!

noreply@blogger.com (பித்தன்) — Wed, 22 Jun 2011 09:55:00 +0000

B.R. டீ ஸ்டால் என்னைக்கும் ஜே.ஜேன்னு இருக்கும் அதுக்கு காரணம் "லலிதா". அவளைக் காண்பதற்கென்றே பள்ளப்பன் தெருவிலிருந்து, பஸ் பிடித்து வந்து பல்லிளிப்பவர்கள் உண்டு. அவள் செல்லுமிடமெல்லாம் குறைந்தது நாலு பேராவது பின்னால் போவதுண்டு. எங்கள் தெருதான் லலிதா குடியிருக்கும் பாக்கியத்தைப் பெற்றிருந்தது, அதில் எங்களுக்கெல்லாம் ஒரு மிதப்புத்தான்.

லலிதா அப்படி ஒன்றும் அழகில்லை என்றாலும் சுட்று வட்டாரத்தில் சுமாரான ஃபிகர் என்பதால்.... காளையர் கனவுகளையும், கல்வியையும் களவாடியத்தில் பெரும்பங்கு அவளுக்குண்டு. அவ STYLEஆ பாத்தாவே அன்னைக்கு NIGHTஅ விலை பேசிடுவா(தூக்கம் போச்சு). இது மாதிரி ஊருக்கு, இல்லை தெருவுக்கு ஒரு தேவதை இருந்திருப்பாள் ஏன் இப்போதும் இருப்பாள். "மூக்கில்லா ஊரில் அரை மூக்கன் ராஜா" மாதிரி, தற்காலிக டாவுக்கு தப்பாமல் வகை செய்வார்கள் இந்த ரோஜாக்கள்.

நிற்க விஷயம் அதைப் பற்றியதல்ல, இது மாதிரி காய்ந்து கிடந்த மனசுக்கு பாய்ந்து வந்த பாலாறா.... அமீரகத்தில் ஆரம்பிக்கப் பட்டிருக்கிறது ஹலோ FM 89.5. இது முழுக்க முழுக்க இருபத்திநாலு மணி நேரமும் தமிழ் வழங்கும் நிலையம். என்னதான் சிடி, காசெட், எப் எம் மாடுலர்னு இருந்தாலும் அதெல்லாம் நாம் தரவிரக்கியப் பாடல்களோ, வாங்கியப் பாடல்கலோதான். இதில் அடுத்து என்ன பாடல் வரும்னு தெரியும், ரண்டமா வைக்கலாம்மென்றாலும் அதுவும் நமக்கு பழகிய வரிசையாகவே தெரியும்.

ஆனால் ரேடியோவில் அப்படி இல்லை, விளையாட்டு, புதிர் போட்டி, சமையல் அழகு குறிப்பு, ஒரு மணிக்கு ஒரு முறை செய்தித் துளிகள்ன்னு கொஞ்சம் ஜனரஞ்சகமாகவே இருக்கு. இது வரை மலையாளத்தில் பறையும் சானல்கள் மட்டுமே இருந்து வந்த வலைகுடா நாடுகளில் இது ஒரு வரப் பிரசாதம். தேய்ந்து போன சிடி கேட்டு ஓய்ந்து போன உள்ளத்துக்கும், இனி தினமும் தமிழ்த் தேன் காதுகளில் பாயும். தற்போது கார்களில் சுமாரான தரத்துடன் வருகிறது. அலை பேசியில் முயற்சித்தேன் வர வில்லை. இன்னும் சில நாட்களில் இது களையப்படலாம் என்று தெரிகிறது.

ஆகவே வளைகுடா வாசிகளே கேளுங்க, கேளுங்க, மேலும் கேளுங்க ஹலோ FM 89.5.

குப்ப மேட்டரு....

noreply@blogger.com (பித்தன்) — Tue, 17 May 2011 11:19:00 +0000

இது அ.தி.மு.கக்கு கிடைத்த வெற்றி என்பதை விட, தி.மு.க ஆட்சியின் மீது இருக்கும் வெறுப்பைத்தான் காட்டுகிறது. எல்லா கணிப்புகளையும் பொய்யாக்கும் விதமாக, ஒரு ஆழிப் பேரலையாய் அம்மாக்கு கிடைத்த வெற்றி.

தமிழ் நாட்டில் அடுத்த ஐந்து வருடம் சன் இல்லா "அம்மா"வாசைதான்

அம்மா தன் முந்தைய தவறையும், நேற்றைய தி மு க தவறையும் செய்யாமல் இருந்தாரே ஆனால், அது அவரை தன் நிலையை தக்க வைத்துக் கொள்ள உதவும்.
------XXX---------XXX---------
கேப்டனுக்கு இது மாபெரும் வெற்றி என்றாலும், அம்மாவுடன் இணங்கிச் செல்ல ரொம்ப மெனக்கெட வேண்டியிருக்கும், அம்மா தன் முதல் எதிரியாய் இவரை பாவிக்கக் கூடும் என்பதில் எள்ளளவும் ஐயமில்லை.
------XXX---------XXX---------
ரஜினி பற்றிய செய்திகளை மீடியா ரொம்ப ஊதுகிரதோன்னு தோன்றுகிறது. பிரபலம்னாலே ப்ராப்லம்தான்னாலும் இது கொஞ்சம் ஓவர்தான் எல்லா மனிதனுக்கும் உடல் நேவு வரத்தானே செய்யும், அனால் அதைப் பெரிது படுத்துவதில் அவசியமில்லை, அவரது அபிமானிகளும், ரசிகர்களும் அவர் இயல்பு திரும்ப பிரார்த்திப்பதே அவருக்கு செய்யும் ஆகப் பெரிய உதவி.
------XXX---------XXX---------
தி.மு.க தோல்வி முகம் பளிச்சிட பளிச்சிட, கண்டமேனிக்கு வைகையை விளாசித் தள்ளினார்கள் பல பேர் பல தளங்களில். அவர் தி.மு.க சார்பு பிரசாரத்திற்கு பெரிய தொகையை கூலியாகப் பெற்றே வேலை செய்தார். இன்றோ நாளையோ ஒரு அறிக்கை, அம்மா காலில் விழுந்து நடுநிலையை நிலை நாட்டி, விளாசியவர்கள் முகத்தில் கரியைப் பூசும் சாத்தியக் கூறுகள் ஹெவியாக இருக்கு. இரும்பைத் தேச்சாலும், இலுப்பைப் பூ பறித்தாலும் இலவசமா செய்ய இப்பூவுலகில் யாருமில்லை, ஆக மக்களே உஷார்.
------XXX---------XXX---------
சமீபத்தில் என் வீட்டுப் பக்கத்தில் உள்ள கறிக் கடை பாயிடம் பேசும்போது, "என்ன பாய் இப்படி கவுந்துடுச்சே...? "என்னங்க அப்படி சொல்லிட்டீங்க...? இப்போ என் கடை நல்லா போகுதுன்னு தெரிஞ்சாப் போதும், அதையும் வலைச்சுடுவாங்க. இது அவங்களுக்குத் தேவைதான்....!" என்றார். இது எல்லா கோமான்களுக்கும் ஒரு எச்சரிக்கைச் செய்தியாகவே எனக்குப் படுகிறது.
------XXX---------XXX---------
இந்த வருடமும் பொறியியல் சேர்க்கை எண்ணிக்கையை உயர்த்த இருக்கிறார்கள், சேர்க்கையை உயர்த்துவதிலும், கல்லூரியை கூட்டுவதிலும் காட்டும் முனைப்பை முடித்து வெளிவரும் வல்லுனர்களின் தரத்தையும் கல்லூரி மற்றும் ஆசிரியர்களின் தரத்தையும் மேம்படுத்தினால் நமக்கு தேர்ந்த பொறியியலாளர்கள் கிடைப்பார்கள்.
------XXX---------XXX---------
கோ மற்றும் வானம் பிடித்திருந்தது. எங்கேயும் காதல் மறுபடியும் சன் டிவியில் மட்டும் மாபெரும் வெற்றி. BREEZY...யா காதல சொல்லுறேன்னு CRAZY...யா சொல்லிட்டாரு போல.

அழகர்சாமியில் குதிரை ரசித்து பார்த்தேன் கதை தேடி அக்கடையும் இவ்விடையும் அலையும் கோடம்பாக்கத்தாருக்கு நம் மண்ணிலேயே எத்தனையோ கதைகள் உள்ளதுன்னு செவிட்டில் அறைந்தது சொல்லியிருக்கிறார்கள், கதாசிரியர் பாஸ்கர் சக்தியும், இயக்குனர் சுசீந்தரனும். குட் ஷோ.

கொலுசின் மெல்லிசை

noreply@blogger.com (பித்தன்) — Tue, 15 Mar 2011 10:23:00 +0000

ஆதி தொட்டே பெண்கள் தங்களை அழகுபடுத்திக் கொள்ளுதல் என்பது இருந்திருக்கிறது. எத்தனையோ அணிகலன்கள் இருந்தாலும், கால் கொலுசு தனித்தே இருக்கிறது. எகிப்தியர்கள் கொலுசு அணிந்ததற்கான சான்றுகள் இருக்கிறது. தமிழர்களின் அழகியலில் பொதுவாகவே ஆபரணங்கள் சிறப்பிடத்தை பெற்றிருக்கின்றன. நகைகளை ஆக்குவதும், அழித்து வேறு புது மாதிரி செய்யும் பழக்கம் இன்றும் பெண்களிடம் இருக்கிறது. சில காலம் வரை ஆண்களும் காலில் தண்டைமாதிரி ஒன்றை அணிந்திருந்தார்கள், நாளடைவில் அது மாறிப்போனது.

பொதுவாக கொலுசு மாம்பிஞ்சு கொலுசு, அத்திக்காய் கொலுசு, ஆலங்காய் கொலுசு என்று வகைப்படும். மயில், வண்ணத்துப்பூச்சி, அன்னம் போன்றவற்றையும் அதில் வேலைப்பாடுடன் பதிந்து செய்யப்பட்டன. முதலில் திருமண அடையாளமாய் கொலுசு அணியப்பட்டது, நாளடைவில் அது ஒரு நிரந்தர அணிகலனாய் பெண்மையை அழகுபடுத்தியது. பிறந்த பிள்ளைகளுக்கும் காலில் தண்டை, கொலுசு அணிவது வழக்கமாக இருந்து வந்தது. குழந்தை தவழும்போதோ தத்தி தத்தி நடக்கும்போதோ எழும் ஓசை வீட்டில் உள்ளோர்களை உளமகிழச்செய்யும்.

கொலுசு ஒன்றே காவலனாகவும், கருங்காலியாகவும் அறியப்படக் கூடிய அணிகலன். கொலுசு காப்பாற்றிய கதைகளும் நிறைய, காட்டிக் கொடுத்த கதைகளும் நிறைய. நான் காதலனாய் இருந்த போது முதலில் என் மனைவிக்கு வாங்கிக் கொடுத்த பரிசு கொலுசுதான். அவள் பர்தா அணியும் வழக்கம் கொண்டிருந்தாள், கல்லூரி முற்றிலும் கருப்பு அங்கி அணிந்தே எல்லோரும் திரிந்த வேளையில், என் மனைவியை தனித்து அடையாளம் காணவே அதை (அப்போதைய என் வருமானமும் அதற்க்கு ஒரு காரணம்) பரிசளித்தேன்.

பொதுவாக வெள்ளியில் கொலுசு அணியப்படுகிறது, வசதியிருப்பின் தங்கத்திலும் அணியப்படுகிறது. விழாக்கால, விசேஷ நாட்களில் மருதாணி வைக்கும்போது காலைச் சுத்தி கொளுசுபோல் வித விதமான வடிவங்கள் பெண்கள் வரைவதுண்டு. சிலருக்கு தொடர்ச்சியாக கொலுசு அணித்திருந்ததில் அந்த இடம் கருப்பாக மாறியிருக்கும்.

புராணங்களும், காப்பியங்களும் பெண்களை கொளுசுடனேயே உருவகப் படுத்தி வந்திருக்கிறது. முன் காலத்தில் பெண்கள் பிற ஆடவர் முன் வராமல் இருந்த பொது, கொலுசின் சங்கேத ஒலி மூலம் தத்தமது துணைக்கு தம் கருத்தை உணர்த்தி வந்தார்கள். நிறைய முத்து உள்ள கொலுசில் இருந்து வரும் ஓசையை வைத்தே பெண்ணின் மனநிலையையும் தேவையையும் அறிந்து கொள்ளலாம்.

நாங்கள் கூட்டுக் குடும்பம் என்பதால் என் அப்பா மூன்று வளர்ந்த பெரிய தம்பிகள், என் மனைவியின் கொலுசு சத்தத்தை வைத்தே தங்கள் நிலை மறந்திருப்பினும், உடனடியாக சீர் படுத்திக் கொள்வர். இப்படி கூட்டுக் குடும்பத்தில் உள்ள சில அசவ்கர்யங்கள் தவிர்க்கப் பட்டது.

சினிமாவிலும் நிறைய கொலுசு பாடல்கள், காட்சிகள் இருக்கிறது. காதல் ஓவியம் படத்தில் கொலுசு ஒரு முக்கிய பாத்திரம், நாயகியைவிட அதிக காட்சிகளையும், அபிநயத்தையும் கொண்டிருந்தது. கொலுசு குடும்பத்தைச் சேர்ந்த கால் சிலம்புக்காக மதுரையே எரிந்ததே வரலாறு.

இஸ்லாம் பெண்கள் வீட்டில் இருக்கும்போது என்னவிதமாக வேண்டுமானாலும் கொலுசு போட்டுக் கொள்ளலாம் ஆனால் பிற ஆடவர்கள் முன் ஓசை இல்லாத கொலுசு பயன் படுத்த வேண்டும் என்றும் கூறப் பட்டிருக்கிறது.

கலவியில், மல்லிக்கு அடுத்து கொலுசு சத்தம் அழைப்பு மணியாய் இருக்கிறது.

பேய் உருவாகப் படுத்தலிலும் கொலுசு முக்கிய பங்கு வகிக்கிறது. பேய் வருவதற்கான அறிகுறி 'ஜல்' 'ஜல்' சத்தமே. இரவில் தனியாகப் படுத்திருக்கும் போது எங்கேனும் இச்சத்தத்தை கேட்க நேர்ந்தால் பயப் பந்து கவ்வுவது சர்வ நிச்சயம்.

பொதுவாக, உடல் ரீதியாக ஆண்களைவிட பெண்களுக்கு உணர்ச்சி அதிகம். அந்த உணர்ச்சி ஆண்களை விட மிஞ்சி விடக்கூடாது என்பதற்குதான் இந்த கொலுசு.

உணர்ச்சிகள் பெருவிரலிருந்து தொடங்கி குதிக்கால் பின் நரம்பு வழியாக உச்சம் தலைக்கு ஏறுகிறது. வெள்ளிக் கொலுசு குதிக்கால் நரம்பினை உரச, உரச உணர்ச்சிகள் குறைந்து கட்டுப்படுகிறது.

சில விவாகரமான விஷயங்கள் *இலை மறை கனியாக* இருக்க வேண்டும் என்பதற்காக இப்படி மறைவாக வைத்தனர் நமது முன்னோர்கள்.

இன்று கால்களை அழகுபடுத்த நிறைய விஷயங்கள் வந்துவிட்டாலும், கொலுசுக்கு தனி மவுசு இருக்கத்தான் செய்கிறது.

முழிச்சிக்கோ சகோதரா முழிச்சிக்கோ....

noreply@blogger.com (பித்தன்) — Wed, 26 Jan 2011 09:40:00 +0000

முன்னெல்லாம் குடியரசு நாளன்று கருக்கலிலே எழுந்து, சூரியனையே துயில் எழுப்பி, பந்துக்களோட மெரீனா கடற்கரைக்குச் சென்று குடியரசுதின அணிவகுப்பை பார்பதென்பது எங்கள் நாள்காட்டியில் ஒரு முக்கிய நிகழ்வாக இருக்கும். அரைக்கால் பருவத்திலிருந்து பதின்ம வயதுவரை கிட்டத்தட்ட எல்லா வருடமும் பதிவேட்டில் எங்கள் குடும்பத்தின் பெயர் இருக்கும்.

நாங்கள் கடற்கரையை ஒட்டி இருப்பதால் போகிறோம் என்று நினைத்தால்... சில நேரங்களில் போரூர், பூந்தமல்லி என்று தொலை தூர இடத்திலிருந்தும் மக்கள் வருவார்கள். காலை உணவு, நொறுக்குத் தீனி கட்டி எடுத்துக் கொண்டு, ரோட்டோரத்தில் உட்கார்ந்து அணிவகுப்பை பார்பதென்பது ஒரு திருவிழாக் கோலம். அது முடித்து வீடு வந்ததும், தில்லியில் நடக்கும் அணிவகுப்பை முழுவதும் பார்த்து முடிப்போம். அந்நாளில் ஒரு முறையேனும் தில்லி சென்று அணிவகுப்பை நேரில் பார்க்க வேண்டும் என்று எண்ணம், ஆனால் அது இன்று வரை நடக்கவில்லை.

வருடத்தில் ஒரே ஒரு நாள் சில மணி நேரங்கள் மட்டுமே நடைபெறும் இந்த வரலாற்று சிறப்புமிக்க நிகழ்வு, ஒரு சிறந்த வியாபார தளமாகவும், சிறு சிறு வியாபாரிக்கு அமைகிறது, பலூன், மூங்கில் ஊதுகுழல், பாப்கான் என்று ஒரு கிராம திருவிழாக்கான எல்லா அம்சத்தையும் தன்னகத்தே கொண்டிருந்தது.

பத்து நாளைக்கு முன்னிருந்தே அணிவகுப்புக்கான ஒத்திகைகள் நடக்கும் கடற்கரை சாலை வழித்தடம், காலை போக்குவரத்துக்கு மாற்று ஏற்பாடு செய்து, எல்லா வாகனங்களும் திருவல்லிக்கேணி சாலை வழியாக நெருக்கியடித்து போகும். ஒத்திகை முடிந்து இந்த அலங்கார ஊர்திகள் வெலிங்டன் சீமாட்டி பள்ளியிலும், காவல்துறை ஆய்வாளர் அலுவலகத்திலும் நிறுத்தி வைக்கப் பட்டிருக்கும், அதை பார்க்கவே நிறைய கூட்டம் கூடும்.

என் தந்தை தோள்மேல் இருந்து பார்த்தது முதல், இன்று நான் தந்தையாய் என் மகன்களை உயர்த்திக் காட்டுவதேன்பதே அலாதி ஆனந்தம். எத்தனை சண்டைகள், கூக்குரல்கள் ஏண்டா சனியனே என் காலை மிதிச்சென்னு தொடங்கி... ஊரில் உள்ள அனைத்து கெட்ட வார்த்தைகளும் சரளமாய் விளையாடும்.

ரோமியோக்களுக்கு இது தெய்வ தரிசனம், கன்னிகளும் கண்ணண்களும் புத்தாடை என்ன, புதுப் பொலிவு என்னான்னு ஒரு தினுசாத்தான் சுத்துவார்கள். "மச்சான் என் ஆளு முறுக்கு கொடுத்தாடா இந்தா சாப்புடுன்னு" சொல்லி முறுக்க பாஸ் பண்ணி, மயில பிக்கப் பண்ண க்ளோசப் உலகில் இருப்பார்கள். கன்னிகளும் கண் ஜாடை கை ஜாடை காட்டி, கவருவார்கள். கன்னிகளின் அப்பன்களும், அண்ணன்களும் தங்கள் கோல்கேட் வலயத்தால் எல்லைச் சாமியாக காவல் இருப்பார்கள். இதையெல்லாம் மீறி பல பக்கங்களிலிருந்து பறக்கும் முத்தம் காற்றில் மிதந்து மார்கழி மாசத்தையே மப்புள சுத்த வைக்கும்.

அணிவகுப்பில் ஒவ்வொரு பள்ளி, கல்லூரி மற்றும் பல்வேறு அரசு மற்றும் காவல் துறையும் தத்தமது சாதனைகள், செயல்பாடுகளை விளக்கும் வண்ணம்..., காட்சிப் படுத்தப் பட்ட அலங்கார ஊர்தி, கலாச்சார நடனம் என்று ஒரு ஆண்டில் தமிழ்நாட்டின் இல்லை இந்தியாவின் முக்கிய பதிவாக இது விளங்குகிறது.

பார்வையாளனாய் இருந்து, பள்ளி, கல்லூரி நாட்களில் பங்கேற்பாலனாய் இருந்தவரை, காந்திசிலையிலிருந்து... கண்ணகி சிலை வரை கூட்டம் அம்மும். ஆனால் இப்பொழுதெல்லாம் விவேகானந்தர் இல்லம் வரை கூட கூட்டம் இருப்பதில்லை. இதற்க்கு முக்கிய காரணம், இரவு வெகு நேரம் வரை தொலைகாட்சி பார்த்து விட்டு, உச்சி வெயில் குச்சி வச்சி எழுப்பும் வரை மக்கள் தூங்குகிறார்கள். டிவி மனிதனின் வாழ்கையில் ரொம்பவே ஆதிக்கம் செலுத்துகிறது. மக்களுக்கும் பொறுமை இல்லை எல்லாம் தங்கள் வரவேற்பறைக்கே வர வேண்டும் என்று நினைக்கிறார்கள்.

இந்தியன் என்பதில் பெருமிதம் கொள்வோம்,
இணைந்தே இன்னும் பல சாதனைகள் புரிவோம்.....

ஜெய் ஹிந்த்!!!

குப்ப மேட்டரு......

noreply@blogger.com (பித்தன்) — Thu, 13 Jan 2011 15:56:00 +0000

ஆணி புடுங்குரதுலையே முழு நேரமும் கழிந்ததால இவ்வளவு நாள் பதிவு பக்கமே வர முடியவில்லை. ஆனா தவறாம எல்லா முக்கிய பதிவுகளையும் படிக்க முடுந்தது. ஒரு வாரம் சென்னையை தரிசிக்க வாய்ப்பு கிடைத்தது, ஆனா கால் எட்டும் தூரத்தில் கடல் இருந்தும் கடலைப் பார்க்க முடியல. நண்பர்களைக் கூட சந்திக்க முடியவில்லை.
------xxx-----xxx------xxxx-----
சமீபத்திய பாடல்களில் ஆடுகளத்தில் S.P.Bala, S.P.Charan & Prashanthini பாடிய "ஐயய்யோ நெஞ்சம்" என்கிற பாடல் மிகவும் பிடித்திருக்கிறது. சிம்பிள் ட்யுனாத்தான் இருக்கு, ஆனா ரொம்ப நல்லா இருக்கு. அநேகமாக காதல் கிறக்கத்தில் பாடுவதாக இருக்கும்போல் இருக்கிறது. இந்த பாட்டு அப்பா மகன் இருவரின் கிறங்கடிக்கும் குரல்களுக்காகவே மிகமிகப் பிடித்திருக்கிறது.

அடுத்து எத்தனையோ தாய் பாடல் வந்திருந்தாலும் Thenmarku Paruvakaru படத்தில் வைரமுத்து வைர வரிகளில் விஜய்ப்ரகாஷ் பாடி ரத்தினம் என்கிற புது இசைஅமைப்பாளர் இசைஅமைத்து நெஞ்சைக் கரைக்கிறது. இது தெற்கத்தி தாய்களை கண்முன்னே நிறுத்துகிறது. "கல்ல புழிந்து காஞ்சி ஊத்தினா" ஒரு வரியும், "மண்ண கிண்டித்தான் பொழைக்கிறா உடல் மக்கி போற மட்டும் ஒழைக்கிரான்னு" அந்த பகுதி தாய அப்படியே பிரதிபலிக்கிற பாட்டு.
------xxx-----xxx------xxxx-----
சென்னையில் புத்தக திருவிழா நடக்கிறது போகமுடியலையேன்னு ரொம்ப வருத்தமா இருக்கு ஆனா நண்பர்கள் கொடுத்தது, நானா விரும்பி வாங்கியதுன்னு இருக்க நிறைய புத்தகங்களே இன்னும் நிறைய படிக்காமல் பரணில் இருக்கு இருந்தாலும் ஆசை யாரைத்தான் விட்டுது. குறைந்த பட்ச பலனாக சில பதிவர்களையும், எழுத்தாளரையும் சந்திக்கிற வாய்ப்பு கிடைத்திருக்கும், என்ன செய்ய திரைகடலேறி ஆணி புடுங்கும்போது இந்தமாதிரி இழப்புகள் இருக்கத்தான் செய்கிறது.
------xxx-----xxx------xxxx-----
கட்டக் கடைசியாக அனைத்து வலையுலகவாழ் மக்களுக்கு என் இதயங்கனிந்த பொங்கல் நல வாழ்த்துக்கள்.

குப்ப மேட்டரு....

noreply@blogger.com (பித்தன்) — Thu, 21 Oct 2010 11:28:00 +0000

எந்திரன் படத்தை இங்கே தோஹாவில் ஒரு மொக்கை தியேட்டரில் பார்த்தேன். நம்ம ஊர் டென்ட் கொட்டகைப் போல் ஓடிச் சென்று இடம் பிடிக்க வேண்டும். வரிசை எண் பிரிண்ட் செய்திருந்தாலும், யாரும் அது படி அமருவதில்லை. 'ஒலி' அமைப்பு மிக மட்டமாக இருந்தது. இந்த மாதிரி ஒரு technically uphold படத்தை மோசமான திரையரங்கில் பார்க்க நேர்ந்தது என் முன்வினை. ஆனால் இங்கே audiience பொதுவாகவே 'சத்யம்' 'ஐநாக்ஸ்' வகையைச் சேர்ந்தவர்கள், ஒரு காமடி காட்சி வந்தாலும், உதட்டோரப் புன்னைகை சிந்தி, சத்தம் வராமல் கை தட்டி ரசிப்பார்கள், ஆனால் அன்று அதற்க்கு நேர்மாறாக விசிலும், டான்சும் விண்ணைத் தொட்டது.
--------------XXX------------------XXX------------------
தோணி தலைமையில் இப்போ உள்ள அணி சிறப்ப்பகவே செயல்படுகிறது, நேற்று நடந்த அஸ்த்ரேலிய அணிக்கு எதிரான மேட்சில், அனாயசமாக ஆடி வென்றுவிட்டது. சில நாட்கள் வெளியில் இருந்து, மீண்டும் தனது இருப்பை ரன்களால் உறுதி செய்திருக்கிறார் யுவராஜ். முந்நூறு ரன்களுக்கு அருகில் சேஸ், நடுத்தர வரிசை சிறப்பான ஆட்டத்தினால் சுளுவான வெற்றியைப் பிடிக்க முடிந்தது. ரெய்னாவின் ஆட்டம் குறிப்பிடப் பட வேண்டியது, என்ன ஒரு பொறுப்புடன் அதே சமயம் consistency maitain செய்கிறார். உலகக் கோப்பை நெருங்கும் நேரத்தில் இதுமாதி சோதனை முயற்சி செய்து புதுப் புது வீரர்களைத் தயார் படுத்தி வைத்தால்...., ஆபத்தில் உதவுவார்கள். இனி வரும் காலம் இளைஞர்கள் கையில் சந்தேகமே இல்லை.
--------------XXX------------------XXX------------------
எந்திரன் ட்ரைலர் வெளியீட்டு விழாவில் பேசும்போது ரஜினி இன்னும் நிறைய விழாக்கள் இருக்கிறது என்று கூறியிருக்கிறார் (என்ன ஒரு நம்பிக்கை பாருங்கள்......!) படம் கண்டிப்பாக ஒரு வருடம் ஓட்டப் படும். என்ன அதற்குள் காட்சிக்கு காட்சி ஒரு விழா எடுத்து களிப்புருவார்கள்.
--------------XXX------------------XXX------------------
நண்பர் ராஜூவின் கதை மலர்வாசகன்.! அருமையான எழுத்துநடையிலும், தேர்ந்த வார்த்தைக் கோர்வையாலும் அசத்தியிருக்கிறார். படித்துத்தான் பாருங்களேன்.
--------------XXX------------------XXX------------------
நண்பர்கள் சிலரது வீட்டில் தொலைகாட்சி, ரேடியோ முதலான நேரக் கொல்லிகள் இல்லை. "எப்படி நேரம் போகிறதுன்னு..?" கேட்டால்.....! "இப்போதான் குடும்பத்துடன் நிறைய நேரம் செலவிட முடிகிறது, மிகுந்த நேரம் கிடைப்பதால்.... மனைவிக்கும் வீட்டு வேளைகளில், பிள்ளைகளைப் பார்த்துக் கொள்வதில் உதவி செய்ய முடிகிறது. அதனால் பல நேர வெட்டி சண்டைகள் குறைந்து, ஒருவித அமைதி திரும்பியிருக்கிறது" என்றனர். என் நாட்கள் ரிமோட்டுடந்தான் விடிந்து, அடைகிறது, சில நேரம் அலாரமும் டிவியிலேயே செட் செய்து தூங்கிப் போகிறேன்.

எந்திரன் - ஒரு பார்வை

noreply@blogger.com (பித்தன்) — Fri, 01 Oct 2010 04:20:00 +0000

வலை உலகில் முதல் முறையாக..................

கதை,வசனம் சுஜாதா, சங்கர் மற்றும் வைரமுத்து மகன் கார்கி. கதையை தேய்த்து செய்திருப்பதில் இம்மூவரின் பங்கும் ரொம்ப முக்கியம். என் ஆதர்ச எழுத்தாளர் சுஜாதா இவர் இல்லை என்றால்....... அந்த ஆண்டவனுக்கே வெளிச்சம். ஆங்காங்கே விஞ்ஞான தகவல்களைத் தூவி தன்னை நிருபித்துக் கொள்கிறார். மனிதர் இருந்திருந்தால் ரொம்ப சந்தோஷப்பட்டிருப்பார். 'பி' 'சி' சென்டருக்கும் புரியும்படி எளிய விளக்கங்களைக் கொடுத்து கதையை தோள் கொடுத்து நடத்தியிருக்கிறார். hats off to him....

உலகமே எதிர்பார்த்த மாபெரும் படம், அந்த எதிர்பார்ப்பை இருநூறு சதம் நிறைவேற்றி இருக்கிறது. கண்டிப்பா எதுமாதிரியும் இல்லாத புதுமாதிரி இந்த படம். தமிழில் ஒரு புது முயற்சி, இன்னும் என்ன என்ன வேண்டுமோ அதெல்லாம் நிரப்பிக் கொள்ளுங்கள். கதை ஒரு வரியில் சொல்லி விடக் கூடியதுதான், அதை சொல்லிய விதம் தமிழுக்கு புதுசு.

ரஜினி climaxஇல் ஒரு அரைமணிநேரம் கலக்கியிருக்கிறார், மூன்றுமுகம் ரஜினியைப் பார்த்ததுபோல் இருந்தது. என்ன ஒரு நடிப்பு. இவ்வளவு பெரிய நடிகராக இருந்தும் இப்பட மேக்கப்புக்காக தன்னை வருத்திக் கொண்டிருப்பது வரவேற்கத் தக்கது (விஜய் வகையறாக்கள் கவனிக்க வேண்டியது).

ஐஸ்வர்யாராய் இன்னுமும் நீங்கள்தான் உலகாழகி, என்ன ஒரு அழகு...? ஒரு சீனில் புடவையில் வருவார்பாருங்க கோர்ஜியஸ். என்ன நடிப்பு, என்ன டான்சு கலக்கிட்டீங்க. எந்த உடையிலும் அழகாகத் தெரிகிறார்.

சங்கர் - ட்ரைன் சீனில் எச்சைத் துப்ப வருபவனை ரஜினி மிதித்து ஓடுவது, லஞ்சம் வாங்கும் ட்ராபிக் போலீசை கத்தியால் கீறுவது போன்ற தன்ஒழுக்க சிந்தனைகளை தூவியிருக்கிறார் (ஒரு சீனில் வந்தாலும் தான் ஒரு சிறந்த நடிகன் என்பதை நிருபித்திருக்கிறார் கொச்சின் ஹனீபா, இவ்வளவு சீக்கிரம் நம்மையெல்லாம் விட்டு சென்றதில் தென்னக சினிமா உலகம் ஒரு தேர்ந்த நடிகனை இழந்து விட்டது). எண்ணற்ற ரஜினி, ஐஸ்வர்யா என்று பாடல்களிலும், காட்சிப் படுத்தலிலும் ரிச்னசை மிதக்க விடுகிறார். ரோபோ செய்யும் சேஷ்டைகளிலே நகைச்சுவையைத் தடவியிருக்கும்போது ஒரு உலகதர விஞ்ஞானியின் விளங்காத உதவியாளராக ரெண்டுபேரைப் போடவேன்டிய வியாபார நிர்பந்தத்தில் சிக்கியிருப்பது தமிழ்நாட்டின் விதி.

கிராபிக்ஸ் கலக்கல், ஆனால் மீண்டும் மீண்டும் பல வித உருமாற்றத்தில் வருவது சற்று அயர்ச்சியை தருகிறது. இருந்தாலும் ரசிக்க முடிகிறது. ரத்னவேலு ஒளிப்பதிவு அற்புதம் கிராபிக்ஸ் எது நிஜம் எதுன்னு தெரியாமல் கதைக்கு தேவையான ரிச்னஸ் இருக்கிறது. கலை இயக்குனர் சாபு சிறில் உழைப்பு அருமை ஒரு காட்சியில் நடித்தும் இருக்கிறார்.

மொத்தத்தில் விசுவல் ட்ரீட் கண்டிப்பாக இந்திய சினிமா ஹிஸ்டரியில் ஒரு முக்கியப் படம்.

வலையுலகில் முதல் முறையாக.......

noreply@blogger.com (பித்தன்) — Thu, 30 Sep 2010 11:47:00 +0000

தமன்னாவுடன் கார்த்திக்கு காதலா....?
?
?
?
இலங்கையில் அமைதி திரும்புமா....?
?
?
?
லஞ்ச லாவண்யம் இல்லாத இந்தியா உருவாகுமா....?
?
?
?
அம்மா... நாடு திரும்புவார்களா....?
?
?
?
கலைஞர் பாராட்டு விழாவே இனி வேண்டாம் என்கிறாரா.....?
?
?
?
அன்புமணி ராமதாசுக்கு எம்.பி சீட் வேண்டாமா....?
?
?
?
விஜய் இனிமே தொடை தட்டி வசனம் பேச மாட்டாரா.....?
?
?
?
விஜயகாந்த் காங்கிரசுடன் கூட்டணியா....?
?
?
?
நதிகள் இணைப்பு சாத்தியமா......?
?
?
?

இதெல்லாம் நமக்கெதுக்குங்க.... நம்ம சூப்பர் ஸ்டார் நடிச்ச இந்திரன் படத்தின் விமர்சனம் இன்னைக்கு ராத்திரி வலை ஏற்றம் செய்வான் பித்தன். கண்டிப்பா உங்க எல்லோரையும் விட நான்தான் முதலில் படம் பார்ப்பேன்........

இது எப்படி இருக்கு.....?

வயித்தெரிச்சலும் வைத்தியரும்

noreply@blogger.com (பித்தன்) — Wed, 15 Sep 2010 19:16:00 +0000

சின்ன வயசிலிருந்தே சீக்குன்னு வந்தால் பக்குன்னு இருக்கும். அப்போ ஊசிக்கு..., இப்போ காசுக்கு பயம். பத்து நாளாய் வயிறு எரியுதுன்னு (என்னது... யாரப் பார்த்தா....?) வைத்தியரப் பார்கலான்ம்னு அந்த பெரிய மருத்துவமனைக்கு என்னோட பெட்டெர் ஹபோட போனேன். ஒவ்வொன்னும் ஒவ்வொரு இடத்தில் இருக்கு, அறை அறையா அலைஞ்சாலே ஆயுள் நீடிக்கும்.

முதலில் அனுமதி சீட்டு வாங்க அரைமணி நேர காத்திருத்தலுக்குப் பின் என் முறை வந்ததும் பட்சி எந்த மருத்துவர பாக்கனும்னு கேட்டுச்சி, நமக்கு அதெல்லாம் தெரியாது, விலங்கியல் படிச்ச வீட்டாம்மா கிட்ட கேட்டதுக்கு.... எண்டோக்ரைனாலாஜின்னு சொன்னதும், பட்சி 'பதிய' ஒரு பெரிய கோப்பைக் கொடுத்து,

"இத பூர்த்தி செய்யுங்கன்னு" சொல்லுச்சி. படிக்கிற காலத்திலிருந்தே ஃபாரம் பூர்த்தி செய்யுறது படபடப்பான ஒரு செயல். அதனால அத நம்ம பாரியாகிட்ட கொடுத்தேன். பூர்த்தி செய்து மறுபடி பட்சி கிட்ட போயி நின்னா.... ஒரு பேப்பர நீட்டி "நேரா அறை எண் இருநூத்தி அஞ்சுக்கு போயிக்கோன்னு..." பறைஞ்சது.

விதி வலியதுன்னு விருந்தாளிய விரட்ட முடியுமா...?, நீண்ட வரிசைக் கடந்து மருத்துவர காணும் பாக்கியம் கிட்டியது. "சொல்லுங்க..., என்ன ப்ராப்ளம்ன்னு?" கேட்டவரு கிட்ட "சார், பத்து நாளா வயிறு எரியுதுன்னு" சொன்னா....? "யாரப் பாத்துன்னு...?" மொக்கப் போட்டாரு மறுத்துவரு. ஆஹா ஆளு அறப்பிளேடோட அலைவாரு போலன்னு, ஆத்திரத்த அடக்கி அப்பாவியா சிரிச்சேன் நக்கல் பண்ணிக்கொண்டே நாலு டெஸ்ட எழுதிக் கொடுத்தாரு. "இத எடுத்துட்டு வாங்க, அப்புறோம் பாக்கலாம்னு..." அனுப்பிட்டாரு. வயித்தெரிச்சல் கரையுமுன்னே வைப்புநிதி கரையும்போலன்னு விதிய நிந்திச்சே.....

மறுபடி பட்சிகிட்டப் போயி விவரம் கேட்டேன். ஒன்னொண்ணுக்கும் தனித்தனியா சிலிப் கொடுத்து, 'சீறிச்சி' சாரி சிரிச்சி வச்சுது சேச்சி. நீர்
மலம்ன்னு முக்கி எடுத்து சில (Money) கரைந்தபின் தகவலை மறுபடி மருத்துவரிடம் காட்டினால்.... உங்களுக்கு ரத்த அழுத்தம் இல்ல (இனிமேதான் வரும்), சக்கரை இல்ல (அதுதான் எனக்கேத் தெரியுமே....!)" "ஆமா சார்ன்னு...." சொன்னா "அப்போ ஏன் என்ன பாக்க வந்தீங்கன்னு....?" கேட்டாரு ஒரு கேள்வி, ராஜ முழி முழித்த திருடனாக நான் விழிக்க, "இல்ல சார், அல்சரிக் போல இருக்குன்னு...." சொன்னா. நீங்க பாக்க வேண்டியது வாயு நிபுனரன்னு என்ன மறுபடி சேச்சியிடம் அனுப்பினார்.

சேச்சி காஸ்ட்ரோக்கு CASE-SHEET கொடுத்து அனுப்பியது.
அவரும் வாயுவ வாய்வழியா கேட்டே.... அத சாப்பிடாதீங்க இதச் சாப்பிடாதீங்கன்னு.... அட்ரீனல சுரக்க வச்சாரு. சாமு, சாபிக்கு பின்னுன்னு சில மாத்திரைகளக் கொடுத்து, சாப்பாட குறைக்கச் சொன்னாரு.

பாத்துன்னு சொன்னாலே பத்து நாளைக்கு பட்டினி போடுவா பத்தினி, இதுல வாயுன்னு சொல்லி வயித்தையே வத்தலாப் போடுறா.

டிஸ்கி : நாடி பிடிப்பதும் பாடி தொடுதலும் ஐய்யனோட போனதோ...?
இல்லை 'ஐ'பாடாய் போனதோ...? (ஆப்பிள் நிறுவனம் 'ஐ'பாடில் ஸ்டெத்ஸ் கொண்டுவந்துள்ளது),என்று பெரிய ஐய்யப்பாடு எழுகிறது

குப்ப மேட்டரு....

noreply@blogger.com (பித்தன்) — Tue, 31 Aug 2010 13:12:00 +0000

இன்று பிறந்தநாள் காணும் இசையின் இளைய வாரிசு யுவன் சங்கர் ராஜாக்கு வாழ்த்துக்கள். பாஸ் என்கிற பாஸ்கரன் படப் பாடல்கள் நன்றாகவே இருக்கிறது. பையா, நா.ம.அ, வரிசையில் இதுவும் நிற்கும். மறுபடியும் யுவன் தன முத்திரையைப் பதித்திருக்கிறார். பாடல்கள் கேட்கும்போதே பச்சக் என்று மனதில் பதிகிறது.
--------------XXX------------------XXX------------------
தமிழ் நாட்டில் உள்ள கடைத்தெரு பெயர்பலகை நிறைய தமிழ் படுத்தி விட்டார்கள் ஆமா சிகப்பு பூதம் அதாம்பா (ரெட் ஜெயன்ட்), ஒன்பது மேகங்கள் (க்ளவுட் நயன்), சூர்ய தொலைகாட்சி சன் டிவி.... இதெல்லாம் தமிழ் பெயர்களா என்று கேட்டீர்களென்றால் நீங்கள் தமிழ் துரோகி என்று சபிக்கக் கடவது....
--------------XXX------------------XXX------------------
மற்றுமொருமுறை சூதாட்டப் புகார், ஒவ்வொருமுறை இப்பிரச்சனை எழும்போது மற்றைய தோல்விகளையும் சந்தேகக் கண் கொண்டு பார்ப்பது தவிர்க்க முடியாததாகி விடுகிறது. பணிந்து போதல் பணத்துக்கு மட்டுமே இருக்காது... வேறுபல மிரட்டல் வடிவங்களோ..., அதீத தேவை பூர்திகளோ இருக்கும் என்று நினைக்கிறேன். சோரம் போனவர்கள் ஓரங்கட்டப் படுவார்கள் என்கிறது சர்வதேச கிரிகெட் கட்டுப்பாட்டு வாரியம்.
ஆனால் பிடிபட்ட தரகன் ஒரே நாளில் விடிவிக்கப் பட்டதில் விசாரணையின் வீரியம் வலுவிழந்துவிட்டது.
--------------XXX------------------XXX------------------
வம்சம் மற்றும் நான் மகான் அல்ல பார்த்தேன். இரண்டுமே பிடித்திருந்தது. நா.ம.அ அந்த மாணவர்கள் எபிசோடு சற்றும் பயம்கொல்லவே செய்தது. இசையும் ஒளிபதிவும் கை கோர்க்க சரியான கலவையில் நகைச்சுவையோடு, ஒரு நல்ல படத்துக்கான எல்லா அம்சங்களோடு இருந்தது. வம்சம் வளரும் என்றே தோன்றுகிறது.
--------------XXX------------------XXX------------------
சமீபத்திய பெருந்தலைகள் வரும் விளம்பரங்களில் விஜய் வரும் ஜோஸ் விளம்பரம் நன்றாகவே இருக்கிறது. முப்பது நொடிகளில் ஒரு கதை சொல்லும் சாத்தியம் விளம்பரத்தில் மட்டுமே ஆகக்கூடிய காரியம். இது அந்த நிறுவனத்தின் புகழ் பாடுவதை விட விஜயின் புகழ்ச்சிக்கே வித்திட்டிருக்கிறது. விளம்பரத்தில் கதை தெரிவுசெய்யும் சூத்திரம் தெரிந்தவர், பெரிய திரையில் சறுக்குவது சற்று நெருடலே... இனியாவது நல்ல கதைகளை தெரிவு செய்து வெற்றி பெறட்டும்.
--------------XXX------------------XXX------------------
தேர்தல் ஜுரம் வேகமாக பரவி வருகிறது, இனி சாதனைகளை சொல்லி வேதனைகளை தொடரச் செய்யவும், கூழ் ஊத்துதல் முதல் குழு விவாதம் வரை, ஒளிப் பெருக்கி ஒடிந்தாலும் ஓயாது பிரச்சார அலை.