Nova vojo

Nova vojo ĉe Blogger ne plu fresiĝos

2008-12-16T15:06:00.001+01:00

Sube vi povas legi la kialojn!

Persona blogo ‘Nova vojo’ translokiĝis al ESENCOJ
Translokiĝis al ESENCOJ mia persona blogo el ‘Blogger’, kio funkciis ĝis nun sub la nomo de Nova Vojo aŭ Esperanto 2.0. De nun miajn personajn afiŝojn oni povas legi ĉe la kategorio/rubriko Persona blogo. La kialoj de translokiĝo estas la tempomanko prizorgi tiom da retpaĝoj: ESENCOJ, la oficiala retpaĝo de HEA, La Manipulanto, la interreta televido Esperanto 2.0 TV (kaj mi prizorgas ankaŭ hungarlingvan portalon).
Se vi legas afiŝon kies aŭtoro estas Ladislao (do ne Redakcio), tio signifas personan blogafiŝon kio ne nepre reprezentas la oficialan starpunkton de HEA aŭ ESENCOJ, kvankam ja estante redaktoro de ĉi-tiu paĝo, tute sendependigi mian personon de tiu funkcio maleblas… Sed mi klopodas!

La membrokvanto de UEA plu ŝrumpas

2008-09-07T12:51:00.001+02:00

Per granda fortostreĉo UEA sukcesis pasintjare superi la magian limon de 6.000 individuaj membroj. La fina sumo por la jaro 2007 iĝis 6.011 individuaj membroj. En la jaro 2008 UEA evidente ne plu povos atingi la magian limon, ĉar fine de aŭgusto la membrostatistiko postrestis la pasintjaran je 266. Tamen la kvanto de aligitaj membroj altiĝas, ĉefe pro tio, ke Hungaria Esperanto-Asocio ĉi-jare raportis dekoble pli da membroj ol pasintjare. (...)

clipped from www.liberafolio.org

Kvankam la kvanto de individuaj membroj malkreskas, la suma kvanto de membroj en UEA ĉi-jare estos pli alta ol pasintjare, pro kresko en la kvanto de aliĝintaj membroj, atentigas Osmo Buller.

- Kelkaj landoj ankoraŭ ne pagis por aligitaj membroj, sed jam nun la nombro (11.405) estas preskaŭ sama kiel fine de 2007 (11.477). Aldoniĝos ankoraŭ ĉ. 400 aligitaj membroj, tiel ke la fina sumo estos ĉ. 300 pli granda ol en 2007. Aligitaj membroj plimultiĝis dank' al Hungaria E-Asocio, kiu pagis por 1.348 membroj kaj en 2007 nur por 142. Tio kovras la fakton, ke en multaj landoj la nombroj malkreskis.

Novaĵo el ESENCOJ

2008-08-28T09:49:00.001+02:00

clipped from hungario.hu

Finiĝis la erao de respondkuponoj

[UEA-komuniko] Dum multaj jardekoj UEA akceptis pagojn per internaciaj respondkuponoj. Ili estis simpla pagmaniero, kiam internaciaj monĝiroj per banko aŭ poŝtmandato estis malfacile fareblaj kaj subigitaj al diversaj limigoj aŭ eĉ ne permesitaj al privatuloj.

Lastatempe ilia uzado maloftiĝis, ĉar internaciaj pagoj fariĝis pli facilaj dank’ al la forigo aŭ mildigo de limigoj kaj pro disvastiĝo de kreditkartoj kaj de retaj pagmanieroj kiel ekz. PayPal. En 1997 UEA ankoraŭ ricevis 1652 respondkuponojn sed en 2007 nur 43, t.e. 2,6% de la nombro dek jarojn pli frue.

Kelkaj rimarkoj pri UK 93 - Roterdamo

2008-08-28T09:42:00.002+02:00

Jen kelkaj kritikoj, proponoj kaj reagoj-komentoj rilate la organizajn cirkonstancojn de Universala Kongreso 2008 el Roterdamo.

clipped from www.ipernity.com

Kiel organizi pli bone Universalajn Kongresojn?

Mi ŝuldas pri konkretaj proponoj, t.n. "solvo"-proponoj -- esprimo transprenita de la prezidanto de UEA -- rilate la Universalajn Kongresojn, post mia kritiko koncerna la organizajn mankojn de la lasta UK el Roterdamo. Necesas mencii, ke la ĉi-subaj…
( 7 komentoj / 191 vizitoj )

ESENCOJ: La prezidanto de UEA akceptas kritikon pri UK 2008

Ĉi-tiu artikolo aperis en la retpaĝo ESENCOJ. Mi tial publikigis ankaŭ ĉi-tie, ĉar iusence resumas la kritikon kaj la komentojn alvenintajn ĉe Ipernity. La komuna aŭtoro de tiu ĉi artikolo estas la Redakcio de ESENCOJ. [Redakcio] S-ro Probal Dasgupta,…
( 3 komentoj / 111 vizitoj )

Ekster la klubo, aŭ kial mi ne iĝos kongresemulo

Ĉi-jare mi partoprenis unuafoje - almenaŭ parte - Universalan Kongreson; post mia eniĝo en la movadon mi aliĝis kaj al Hungaria Esperanto-Asocio (HEA) kaj al UEA. Kiel novulo en la t.n. organizata movado mi tiel decidis, ke mi - ŝajne - devige devas…
( 23 komentoj / 362 vizitoj )

Demandoj duonpersonaj

2008-02-09T17:25:00.000+01:00

Kvankam mi ne estas dependanta de opinioj apogantaj aŭ kontraŭaj, tamen, se oni iamaniere havas laboron, kiu koncernas komunumon (mi nun nomu tiel ankaŭ du personojn, se ilian movadan partoprenon kaj kontentecon povus influi miaj decidoj!), kelkfoje indas paroli laŭte pri la vojo, kiun oni elektas por solvi problemojn dum siaj agadoj.

Ĵurnalisme mi estus pli ĝusta, se mi ne ĝenerealigus, sed nun mi estas simpla memdemandanto. Punkto.

Kial (mem)demandadi tiom? Tio estas mia karakterizo personeca, foje utila, alifoje ne. La utilecon de aferoj mi konsideras iomete alimaniere-nekutime: tien-reen promenante antaŭ spegulo kaj enrigardante (preterlasinte la aspekton, ja mi ne estas iu Swarczenegger, he-he), gravas ke ĝi restu senrompa. Se tiel okazas, mia agado estis-restis utila sendepende de tio, ke finance-materie kion rezultigis (al mi!) mia decido. Sed kiel agi, se mia decido koncernas ankaŭ aliajn? Jen la unua demando...

Kiajn kaj kiom kompromisojn alporti, se - kiel en la kazo de hungaria e-movado - ekzistas almenaŭ du, bone distingeblaj grupoj kontraŭstaraj? Por respondi la antaŭan demandon, devas respondi alian: kiel ekscii, ke mi enas en la ĝusta flanko? Jen ebla respondo: se ĝi (mia organizo) ne difinas sin kontraŭ la alia - ni pereterlasu nun la surpaperajn statutojn. Sed kiel konsciiĝi pri tio? Se la agado kaj komunikado ne kritikas abunde, superflue la alian grupon kaj ĝian agadon. Ĉar nia aktiveco estos neniel pli sukcesa nur pro la kritikemo kaj atakoj.

Sed kion fari, sa la aliaj [el la kontraŭstaranta grupo] daŭre atakas, kritikas vin kaj vian agadon? Ĉu lasi senresponde, sen reagoj malgraŭ tio, se atakoj preterlasas eĉ minimuman faktecon? Se vi reagas, via agado ĉu iĝos pli bona, sukcesa aŭ rezulthava? Se vi sammaniere batalas(?), ĉu vi ne estas simila al tiuj, kiuj frapas sub la zono? Se vi kontraŭatakas, ĉu vi daŭre rajtas aserti pri vi mem, ke vi staras en la ĝusta flanko?

Se vi ne reagas, ne respondas je atakoj kaj senbazaj kritikaĉoj, ĉu vi faris ĉion fareblan por defendi vian agadon? Ĉu kredi en tiu idealo, ke la boneco kaj ĝusteco ĉiam evidentiĝas ankaŭ sen defendo? Eĉ, ĉu vi havas rajton je digneco, ĉu ene de e-movado (e-komunumoj) ekzistas tiuj instancoj, kiuj klopodas defendi vin? Ĉu havas rolon kontrolan la publiko esperanta? En kiu kanalo, en kia medio diskuti/disputi? Ĉu akcepti la neŝanĝeblajn paralelajn kanalojn (ekzemple retlistojn)? Ĉu e-komunumoj ankoraŭ vivas siajn feŭdalajn periodojn, sen vera defendebleco kontraŭ potenciuloj/bienuloj, kiuj gardas siajn privilegiojn ĉiumaniere?

En kio malsimilas e-komunumoj de aliaj komunumoj? Ĉu indas, eĉ, endas demandi tiujn ĉi? Se la supraj demandoj karakterizas ĉiujn komunumojn, ĉu akcepti ilin kiel normalan situacion? Ĉio dependas nur de la personeco de partoprenantoj, de individuoj, de ilia sangvineco? Ĉu paco ĉiupreze kaj ĉiumaniere? Ĉu la ĝusta vojo estas la senproblema, senkoflikta agado? Ĉu pli utilas al movado resti legomo?

Ĉu vi havas respondojn?

Esperantistoj-denaskuloj

2008-02-04T09:03:00.000+01:00

De kiam mi estas patro kaj miaj gefiloj kreskas, mi pli kaj pli ofte pripensas, ke eble mi devus ilin instrui ankaŭ pri esperanto, sed sen la apogo de mia edzino tio maleblas, ĉar se ni ne estus parolantaj esperante en ĉiutagaj cirkonstancoj, al geknaboj ŝajnus tro strangaj tiuj ĉi fremdaj vortoj. Sed hieraŭ okazis io eksterordinara: mia edzino decidis lerni esperanton. Grava decido, ĉar ĝis nun ŝi ne estis tro apogema, pli precize ŝi rilatis internacian lingvon nur kiel ia hobio mia ne tro ŝatinda, ĉar ŝi pensis pri mia e-agado kiel temporabo de nia familio. Hm...

Ŝia sinteno ŝanĝiĝis iomete post kiam mi iĝis deĵoranto ĉe Hungara Esperanto-Asocio, de kie mi ricevas ankaŭ iom da salajro. Sed trarompo okazis, kiam mi decidis partopreni Universalan Kongreson en Roterdamo kune kun ŝi, kaj post kiam ŝi aŭdis min voĉparoli plurfoje esperante tra Skajpo - lastfoje (hieraŭ) kun Gabriel Corsetti, kiu parolas ege flue.

Do, ŝajne ni iĝos familio esperantista; mia kvinjara filino estis elparolinta siajn unuajn e-vortojn same hieraŭ, kiam dum matenmanĝo mi parolis al ŝi kelkajn vortojn esperante. Ŝia prononco estas bona, kio pruvas, ke oni estas pli akceptemaj infanaĝe je lingvolernado, ol la plenkreskuloj.

Vi povas aŭskulti mian intervjuon kun iu esperantisto-denaskulo kaj povas legi pli pri tiu ĉi temo ĉe ESENCOJ.

Esperantistoj kaj interreto

2008-01-04T09:23:00.000+01:00

En Hungario ĉ. milo da esperantistoj uzas ankaŭ interreton sed plejparte nur por korespondadi retpoŝte, kaj eble nur kelkdekoj uzas iun mesaĝilon (Skajpo ktp.). Eĉ, la plej uzataj komunikiloj ankoraŭ estas la retlistoj, kaj multoj havas iaspecan kontraŭsenton al la novaj teknologioj. Mi ne ŝatas, tamen fakto restas, ke oni havas nur vagajn ideojn pri la esenco de interreto. Mi ne volas simpligi la aferon, tamen, ŝajne temas ankaŭ pri generacia malkapableco.

La plej agemaj esperantistoj agadas ekster interreto, ankaŭ la ege valoraj ne povas preterlasi la simplajn kodadajn problemojn (UTF-8). Mi preskaŭ fiaskis kun la projekto Esperanto 2.0 (http://esperanto2.info), ĉar mi devis kompreni, ke maleblas eduki pri interreto nur helpe de interreto mem: necesas klasikaj edukmetodoj por instrui la bazajn konojn - almenaŭ, ĉar ĝuste al tiuj mi ne povis transdoni diversnivelajn konojn, kiuj pleje necesus ilin...

Ege valoraj fakuloj, movadanoj restas solaj kun siaj fakaj konoj, ĉar pli kaj pli da mono necesus por diskonigi iliajn opiniojn, pensojn en paperformaj presaĵoj. Ĝuste ili estas tiuj, kiuj sentas sin mem preterlasitaj, nekomprenitaj de la uzantoj de "novaj teknologioj", de la pli junaj esperantistoj, kiuj jam uzas pli nature interreton.

Problemojn ja ni havas, necesus projektoj instrui baznivele pri interreto, aŭ ni (novuloj) devos preterlasi la ĝis nunajn komunajn konojn (se ili ekzistas!) pri Esperanto. Tro granda estas la abismo, mankas la ponto inter ni. Sen pontoj ni devos konstrui novan E-movadon, sed bedaŭrinde sen niaj pli oldaj saĝuloj. Ĉu ni havas sufiĉan energion kaj toleremon por plenumi tiun taskon? Ĉu estas nur poetika demando ĉi-lasta?

Pri komunikado ekstermovada

2007-12-18T12:18:00.000+01:00

Depost mia deĵoriĝo ĉe la Hungaria Esperanto-Asocio, mi nur nun, okaze de Esperanto Tago (15an de decembro) iniciatis pli vastan eksteran kampanjon komunikan celinte komunikilojn naciajn kaj landajn. Pli ol 30 faksoj, ĉirkaŭ 50 retpoŝtleteroj estis dissenditaj laŭ diversaj konceptoj - pri kiuj mi parolas nur mallaŭte...

La komunikaĵon pri Esperanto Tago mi tiel vortumis, ke ĝi enhavu kelkajn interesajn informojn pri Esperanto. Asertojn pri tiaj altiraj karakterizoj de la lingvo, kiuj - espereble - ankaŭ al laikaj ĵurnalistoj estu allogaj ene de la hungaria medio. Jen kelkaj:

1. Ĉu vi sciis, ke Kuglo (Google) serĉas ankaŭ en esperantlingvaj paĝoj krom la pliaj 43 naciaj lingvoj?

2. Ĉu vi sciis ke ekzistas tia komunum-portalo, nome IPERNITY, kiu tradukiĝas al ĉina helpe de ĝia esperenta spaco?

3. Ĉu vi sciis, ke inter la lingvoekzamenintoj Esperanto estas la tria plej populara lingvo tuj post la angla kaj germana? Ĉiujare pli ol 5.000 gestudantoj metas ŝtatrekonatan lingvoekzamenon pri Esperanto...

4. Ĉu vi sciis, ke la 6an de januaro 2004 Esperanto estis deklarita vivanta lingvo de la Lingvoscienca Instituto de Hungara Scienca Akademio? (...)

Kaj en la daŭrigo de komunikaĵo mi priskribis la programon de la Zamenhof festotago kaj kelkajn kontaktinformojn. Jen la metodo klasika, kiam la organizanto indirekte alparolas komunikilojn per komunikaĵoj, sen ia ajn persona kontakto. Kia estis la metodo, tia estis la efiko: preskaŭ senrezulta! En la kazo de grandaj, tutlandaj ĵurnaloj, televidoj, radioj kaj retpaĝoj tiaspecaj komunikoj nur malofte transpaŝas ilian incitosojlon (ĉe lokaj pli efikas).

Entute mi kontaktis ĉ. 40 redakciojn, el inter kiuj nur du respondis, kaj ankaŭ tiuj nur tial, por diri ke bedaŭrinde ili ne povas okupiĝi pri la evento. La redaktoro de iu retĵurnalo diris, ke ili ne havas kiun sendi al la aranĝaĵo, iu alia (redaktoro de komerca televido) pli rekte elparolis, ke la temo (Esperanto Tago) ne estas tiom interesa, ke meritus raporton; ĝi koncernas tro malmulte da televidantoj.

Pli efika, eĉ, sukcesa estis la t.n. rekta metodo, kiam mi kontaktis la plej grandan novaĵportalon el Hungario (Index.hu) kun la oferto, ke ni tradukus al esperanto iun artikolon elektitan de la redakcio, kiun ili publikigu dum la 15a de decembro.

Legi pli pri tiu ĉi iniciato ĉe la ESENCOJ pli detale.

Konkludo: la t.n. klasika metodo ne efikas en la ekstera komunikado pri esperanto, ĉefe ĉe la naciaj, grandaj komunikiloj. Oni devas trovi pli rektajn, apartajn metodojn, ekzemple tian, kia estis nia kunagado kun la portalo Index.hu. Oni ne povas atingi pli grandajn komunikilojn, ĉar - kiel asertis ankaŭ la redaktoro de komerca televido - la temo, Esperanto koncernas malmultoj. Do, en nia ekstera komunkado ni devas trovi temojn pli kuriozajn, ol koncernantajn nur la lingvon kaj Esperanto-komunumon mem. En la kazo de Hungario certe!

Pli da ideoj poste...

Tago de Blogo - plupensita

2007-12-09T02:24:00.000+01:00

Interesa provo estas la iniciato de Esperanto-USA (ELNA) lanĉi denove la Tagon de Blogo en Esperanto. Laŭ iniciantoj, la celo estas verki sur du- aŭ multlingvaj blogoj afiŝojn pri lingvaj problemoj, kaj publiki ilin en pli da lingvoj la 15a de decembro. Mi iomete plupensis la inicaton...

Laŭ mi estus interesa ekprovi ĉe iuj pli grandaj naciaj portaloj traduki al pli da lingvoj - helpe de Esperanto - iun artikolon proponitan/elektitan de la redakcio mem, kaj peti de ili publiki la multlingvajn tradukojn dum unu tago, en la 15a de decembro.

En la kazo de Hungarujo, mi ekprovos kontakti la plej grandajn novaĵportalojn (index.hu kaj origo.hu), sed mi serĉas almenaŭ du-tri kunlaborantojn, kiuj tradukus la esperantigitajn artikolojn (maksimume du!) al siaj gepatrlingvoj (angla, rusa, hispana, franca k.t.p.). Ŝajne, ni ne havas multe da tempo, do laŭ mi estos sukceso se mi/ni konvinkus nur unu grandan portalon...

Ĉu vi havas emon helpi min/nin?

Naskiĝis mia filo, Zsombor

2007-11-27T17:08:00.000+01:00

Tiu ĉi afiŝo estas tute persona, pardonpetojn de tiuj, kiuj alvenis vidi ĉi tie nur oficialaĵojn. Jen mia filo, Zsombor dutaga. Apud li vidiĝas mia kvinjara filino, Boróka, kaj ilia partino, mia kara Krisztina...

Zsombor

Rezulto de eldonista agado en Dua Vivo

2007-11-07T06:30:00.000+01:00

Jen du verk(et)oj eldonitaj de Ladislao Vendetta (do, de mi!) en Dua Vivo (Second Life), havaĵoj de Bonulo, vere serioza esperanto kursanto en Dua Vivo. Videble, oni ne nur ludadas tie, sed ankaŭ lernas ege serioze. Almenaŭ tion asertas pri si mem Bonulo, japana epserantisto.

Vizitu la paĝon de Bonulo en la esperanta versio de Ipernity.

ESENCOJ - la nova informkolekta kaj novaĵportalo

2007-11-06T02:16:00.000+01:00

Ekis sian funkciadon de testa periodo la informkolekta kaj novaĵportalo ESENCOJ, la nova interreta projekto de Hungaria Esperanto-Asocio por informi kaj esti informita pri E-movado hungara kaj internacia.

En la komenca periodo ĝi havas la jenajn rubrikojn:
* Evento
* Fono
* Fotoalbumo
* Instruado-lernado
* Literaturo
* Movado
* Opinio
* Redaktejo
* Sonmaterialo
* Video

Laŭ intencoj de redakcio, la paĝo de ESENCOJ malrapide sed certe iĝos la interreta portalo, helpe de kiu oni povos informiĝi pri ĉiu sciindaĵo, informo, opinio kaj lingva, literatura, videa, aŭdia novaĵo (ankaŭ foto!) rilatan Esperanton el Hungario kaj el la mondo.

Mi rimarkas nur duonoficiale, ke ESENCOJ transprenos pli da taskoj de tiu ĉi blogo, kiu de nun iĝos plie persona, do vera blogo, ol pseŭdooficiala afiŝejo de la oficeja gvidanto de HEA (do mi!). Espereble tio ĉi estos pli utila al la enlanda movado.

La prizorgon de ESENCOJ kunordigas la ĉiama oficeja gvidanto de HEA laŭ la taskoj priskribitaj en la statuto de organizo (valida en 2007), do nun ĝuste mi persone.

Demando al la geesperantistoj sur YouTube

2007-10-30T09:07:00.001+01:00

Ĉu vi pripensis, kial vi eklernis Esperanton? Jen kelkaj eblaj respondoj ĉe YouTube.

Prelego de Renato Corsetti dum la 1a DVUK

2007-10-22T17:21:00.000+02:00

Renato Corsetti en Dua Vivo

Otakus – la frenezigaj animeoj

2007-10-21T01:04:00.001+02:00

Interesa filmeto pro du kialoj: unue, la video estas subtekstigita esperante; due, kun tiuj japanaj animeoj oni ja havas problemojn... Desegnofilmo atingis sian novan epokon. Ho jes!

La sistemo taskreta

2007-10-20T00:23:00.000+02:00

Antaŭnoto: ne troigi, eĉ la plej perfekta sistemo (taskreto) malutilas, se ĝin oni ne uzas!

Mi trapaŝis la tielnomatan provperiodon de mia deĵora tempo (tri monatoj ekde mia deĵoriĝo), kaj ŝajne mi restos ankoraŭ ĉe Hungaria Esperanto-Asocio kiel oficeja gvidanto. Ĉu bone, ĉu malbone, eble pruvos la estonteco ne tro malfrua.

Krom la ĉiutagaj farendaĵoj administraj, mi plejparte kolektadis informojn pri la nuna situacio de HEA, pri ĝia funkciado ankaŭ estrara. Mi ekkonis, pli precize mi kontaktis kaj renkontis keldekon da homoj pli malpli agemajn, kaj laŭ mia plej bona kapableco mi ekprovis ankaŭ riveli la komunikadajn kutimojn de la organizo kaj de ĝia membraro. Kial, kial ne, sed fakto ja estas: oni kutimas uzi plejparte diversajn retlistojn ene de hungaria esperanto movado. Por prinomi nur kelkajn pli grandajn, jen: eszperantoforum, instruisto, hungarioaktivas, lingvolanĉilo, kaj aliflanke esp-en-hung (ekzistas ankoraŭ pli ol dek retlistoj kun pli malmulte da listanoj, aŭ kun pli malvasta celgrupo).

Fakto estas ankaŭ, ke ne nur la decidopovuloj, sed ankaŭ la agemuloj loĝas, agadas dise en la lando, perskaŭ maleblas organizi rapidajn renkontiĝojn por decidi pri io ajn, se necesa.

Do, la tasko estis ektrovi la ĝustan kaj taŭgan rimedojn pri organizo de nia (HEA) laboro, kunordigi ĝin, kaj instali tiajn aplikaĵojn, kiuj konvenus al la supre menciitaj karakterizoj: komunikado en retlistoj/retleteroj kaj diseco enlanda. Jes, mi parolas intence pri aplikaĵoj, ĉar dank' al la 21a jarcento, preskaŭ ĉiuj uzas interreton. Kaj, ĉar al mi plaĉas la konkretaĵoj, jen la pilaborita sistemo mem...

Taskosekvilo
Danke al la servoj de Rememberthemilk mi instalis taskosekvilon ĉefe al estraranoj, kien per simpla retmesaĝo oni povas registri la novajn farendaĵojn/taskojn, al kiuj poste mi (kiel respondeculo pri administraj aferoj) povas aldoni limdatojn, notojn pri ilia daŭra plenumiĝo, surmapigitajn lokojn (kie efektive oni devas aliri por rezolvi ion ajn). Alia utilaĵo de la taskosekvilo estas, ke la personoj koncernataj pri plenumo de iu ajn farendaĵo ricevas memorigmesaĝojn retpoŝte, en diversaj mesaĝsendiloj (Skype, ICQ, Yahoo Messenger, Twitter), aŭ en formo de poŝtelefonmesaĝo (SMS), kompreneble senkoste. Taskoj preseblas laŭ semajna plano kaj elŝuteblas en diversaj aliaj formatoj (uzeblaj en Excel aŭ kiel kalendaraj eroj en Google kaj Outlook Express).

Dokumentar(ej)o
Danke al Google (Kuglo), oni povas uzi ankaŭ pli mapli malferimtajn dokumentarejojn retajn. Tie troviĝas ĉiu dokumento pri la funkciado de HEA kaj ĝia estraro: protokoloj pri estrarkunvenoj, oficialaj dokumentoj (Statuto), kaj de oktobro ankaŭ la unuopaj rezolucioj de estraro estos legeblaj kaj publikaj. Post kiam nia organizo ricevos la tribunalan ateston pri komunutileco, tiuj ĉi dokumentoj estos elŝuteblaj al ĉiuj, priserĉeble laŭ dato kaj enhavo!

Centra retpaĝo informkolekta
Samkiel la membraro en la lando, samtiel troveblas dise la interretaj informoj de diversaj agemuloj, grupoj, e-institucioj ktp. La centra retpaĝo, kiu preskaŭ finpretas, estas celanta informi esperantistojn pri en- kaj eksterlandaj novaĵoj, eventoj, sciindaĵoj rilataj ankaŭ lernadon/instruadon, teknikaĵojn/aplikaĵojn. Ĝi enhavos ankaŭ retbutikan spacon por apogi la pli simplan mendadon de eldonaĵoj ĉiutipaj en- kaj eksterlande. Do, la celo estas ekhavi tiun retpaĝon, kie oni povas ektrovi ĉiujn infromojn pri la hungaria movado kaj ne nur, ĉar tie troveblos ankaŭ babilejo, eĉ, spaco por rigardi videajn materialojn kaj aŭskulti sonmaterialojn. Kaj ankaŭ elŝuti, aĉeti e-lingvan muzikon. La lingvo de retpaĝo ĉefe estos Esperanto, tamen, ĉe ĝia dokumentara spaco oni povas legi fonmaterialojn pri Esperanto ankaŭ hungarlingve.

Hungaria Informilo
Oni rezignis nek pri la paperforma revuo Hungaria Informilo, tamen, ĝia eldoniĝo dependas de niaj (HEA) financaj povoj. Ŝajne, Informilo havos celon informi ne nur esperantistojn pri la enlanda e-movado, sed ankaŭ neparolantojn de Esperanto. Pro tio, ĝi estos dulingva, kiel eble plej belaspekta, kaj ĉiu numero estos celanta malsamajn/diversajn grupojn (ekzemple lokajn administraciojn, lernejojn, universitatojn ktp.). Por atingi tiujn ĉi celgrupojn, ja necesas al ni la kunlaboro de tn. intelektuloj de Esperanto, sen kies helpo la utileco de Hungaria Informilo estos mankhava, do ĝi povus esti nur trafenestra monelĵeto... Ĝis kiam mi ne sentos sufiĉan subtenon, mi persone ne apogos ĝian eldoniĝon.

Enhavo
Do, la sistemo pretiĝis, alvenis la tempo plenigi ĝin kun enhavo valora kaj uzebla, kaj pripensi nek momenton, ke tiu ĉi estos la pli facila parto de la laboro...

Dua Vivo - ĉu superfluaĵo aŭ vera ebleco?

2007-10-09T16:47:00.000+02:00

De kiam mi publikigis mian antaŭan noticon pri Dua Vivo (DV), alvenis al mi ankaŭ skeptika reago pri la sencohaveco de Dua Vivo mem. Laŭ iu opinianto, tiu ĉi virtuala spaco ne estas kaj ne povas doni pli al ĝiaj uzantoj, ol kiujn jam certigas ekzemple la Skajpo kaj diversaj mesaĝiloj. Ho ve, nur parte pravas tiu ĉi aserto.

Unue, tiu ĉi virtuala mondo en tio diferencas de la supre menciitaj komunikiloj, ke ene de ĝi la komunikado ne limigas sin je interparolo de nur du personoj. Skajpo kaj mesaĝiloj en tio havas iliajn malutilecojn, ke kaze de grupa uzado, nur du personoj povas interakti samtempe: la komunikado mem fluadas nur en unu kanalo. En DV kontraŭe, oni povas interakti samtempe en pli da manieroj (skribe, voĉe, moviĝante, gestiante kaj - eble tio gravas pleje - oni povas uzi objektojn, helpilojn prezenti siajn komunikindaĵojn).

Due, ĝuste la pleniĝo de komunikada spaco igas la homgrupojn ene de DV vere komunumoj, kie - samkiel en la Reala Vivo (RL) - oni ekhavas ankaŭ siajn trajtojn, ĝuas pri siaj diversaj roloj sociaj. Jen la plej grava aspekto, kio estas neimagebla ĉe tiuj grupoj, kies anoj fizike troviĝas dise en iu lando, aŭ eĉ, loĝas ie ajn en la mondo.

Mi serĉante rimedojn, manierojn por vivigi iomete (ne nur nome, vere!) la hungaran komunumon de esperantistoj, mi trovis tiun ĉi eblecon. Konsciante ankaŭ tion, ke estus nur troiga revo pripensi, ke niaj pli agemaj movadanoj en la proksima estonteco iĝus tiom familiecaj kun tiu ĉi Dua Vivo (kiel komunikada rimedo), ke ili registriĝus amase en ia duaviva virtualejo. Kvankam tio ne certe estus malbena evento...

Jen kelkaj fotoj faritaj dum la 1a DVUK kaj dum miaj vagadoj en la Dua Vivo.

Spertoj pri Esperanto en la Dua Vivo

2007-10-07T11:33:00.000+02:00

De unu semajno mi klopodas plenenergie ekkoni kiel eble plej multe pri la tn. Dua Vivo (Second Life), kien mi registriĝis okaze de la 1a Duaviva Universala Kongreso (DVUK), kiu evento ankaŭ hodiaŭ daŭras estante dutaga. La virtuala renkontiĝo estis aranĝata en la Esperanto-Lando, kies proprietulo estas dano Erick Nykvist. Li elspezas monate ĉ. 16.000 L$ (duaviava valuto), egalvalore de ĉ. 52 usonaj dolaroj. Oni povas havi grundan proprietaĵon nur se ŝi/li estas monatkotiz-paganto, sen kio ne povus okazi tiu ĉi evento.

Al la kongreso mem registriĝis ĉirkaŭ 20 esperantistoj kaj duavivanoj el tuta mondo, kaj mi havis okazon renkonti tri gehungarojn, sed kunestas ĉe DVUK pli da usonano, braziliano, japano, italo, franco. La dutaga evento, entute 24 hora abundas en programoj. La unua tago komenciĝis per registro ĉe la landa hotelo, kie oni ricevis kongersaĵojn ankaŭ, krom la informo pri programo ankaŭ ĉemizojn, flegilojn, dancprogrametojn faritajn eksplicite je tiu ĉi virtuala evento.

Interesa estis la prelego de Renato Corsetti, eksa prezidanto de UEA pri la interreta, pli precize duavivaj eblecoj de e-movado. Kvankam ankoraŭ havas sonproblemojn la Dua Vivo, tamen eblis aŭskulti enorde ne nur la prezentadon de s-ro Corsetti, sed ankaŭ la sinprezentiĝojn de partoprenantoj.

Kiel mi jam anoncis ankaŭ ĉi-bloge, mi instalis virtualan libroservon ofertante 15 volumojn el al reala librovendejo el la strato Kenyérmezõ, Budapeŝto. Krom la virtualaj kopioj de libroj mi faris ankaŭ katalogon pri oferto de libroj.

Post la prelego de Corsetti la evento daŭriĝis kun libera programo, ĉefe babilado pervoĉa; ĝis frua mateno oni interkonatiĝis kaj ankaŭ dancis. Ankaŭ pri tio vi povas vidi kelkajn fotojn.

Libroservo dum la 1a DVUK

2007-10-02T11:04:00.000+02:00

Post unu tago de mia aniĝo al la societo de Esperanto-Lando en la Dua Vivo (Second Life), mi jam laboris konkrete: dum la 1a DVUK, kiun oni organizos la 6-7-an de oktobro (kaj komenciĝos je la 24a horo), mi vendos librojn el la Libroservo de HEA, ĉefe romanojn de Nemere, sed ne nur... Jen bildo pri la vendotablo el kongresejo.

Lingvokonaj misfrapoj

2007-09-23T12:51:00.000+02:00

Legu plu nur se vi havas aĝon pli ol 18!

Ĉiam estas ege interesa - al mi almenaŭ - molkovri tiajn regionojn de lingvo, pri kiuj antaŭe vi havis konojn ne tro multajn. Kaze de Esperanto kaj mia lingvorego, mi ĵus atingis la erotikon (danke ankaŭ al miaj legimpresoj!): vortojn priskribantajn erotikon kaj sekson pli-malpli konkrete.

Interesa sperto estas, kiam konsciiĝas, ke - kvankam eĉ vulgaraj ili povus esti -, vortoj dualingvaj (en mia kazo tria aŭ kvara lingva) ankoraŭ ne enhavas emociajn mesaĝojn por mi, almenaŭ en figura senco. Ŝajne mi ankoraŭ ne regas tiom interne la lingvon. Sed sperto ja estas ankaŭ tio, kiam oni ricevas la unuan vortumitan vangofrapon, anstataŭ vangokiso...

Okazis, ke - danke al iu bona lingvoreganto - mi eklernis kelkajn vortojn mankantajn antaŭe el mia vortaro. Mi unuafoje renkontiĝis kun la vortoj 'stango', 'kaco' kaj 'piĉo' - inter la aliaj. Esti justa, tiuj ĉi vortoj ŝajnas al mi ankoraŭ litersignoj strange aŭdiĝantaj, sen ia ajn pli profundaj nociokampoj (escepte de 'piĉo', kiu ankaŭ hungare sonas simile).

Mi tuj aludis en iu retletero pri la ĵus havigitaj akiraĵoj lingvaj, kaj mi tuj rericevis rankoran mesaĝon pri mia vulgareco. Kvankam senintence, la reago de celpersono inseksa pravis ankaŭ tiam, se ŝi ne estas denaska e-lingvano. Do, eĉ se iomete troa estis la reago, ĝi tamen ja sperto sobriga restas. Tial naskiĝis tiu ĉi skribaĵo, por vortumi ankaŭ skribe: resti singarda kiam oni ekzercas sin pri tiaj profundaj lingvonovaĵoj... Mi ellernis la lecionon!

Dua Vivo

2007-09-20T09:34:00.001+02:00

Jen filmeto pri esperantistoj kaj Esperanto el la Dua Vivo (Second Life).

Pri Esperanto en Hungara Radio (hu)

2007-09-19T10:59:00.001+02:00

La 14-an de septembro la radio Bartók (mr3) en sia programero "Vespera demando" elsendis 30-minutan interparoladon de Ágnes Lánczi kun prof-o Endre Dudich, honora prezidanto de HEA, kaj Józsefné Böde, bibliotekisto de OIK (Landa Fremdlingva Biblioteko) pri la internacia helplingvo Esperanto kaj la Fajszi Kolektaĵo.

powered by ODEO

Proponoj kaj sugestoj pri la funkciado de HEA

2007-09-12T12:55:00.000+02:00

Kaze de mia renkontiĝo kun Zoltán Szabó el Egerfarmos, vortumiĝis kelkaj proponoj. Ĉi-sube legeblas nur la resumo de nia renkonto kaj menciindas, ke la statuto de HEA donas respondojn al kelkaj sugestoj.

Regularo pri funkciado
Necesas prilabori la regularon pri funkciado de HEA, kaj pripensi ankaŭ la eblan aniĝon de geknaboj, kiuj partoprenas en la programo Lingvolanĉilo. Laŭ propono, geknaboj povu iaspece membriĝi en HEA post la sesa jaraĝo, kaj oni devus pripensi ankaŭ pri infanoj lernantaj esperanton en siaj familioj. Kiu lernas - havu ŝi/li kiom ajn aĝon -, tiu ricevu ankaŭ iaspecan membrecon.

Membraro de HEA
Kiel eble plej frue oni eku la datenaktualigon de membraro. Ĉiuj anoj ricevu membrokarton, se eblas similskalan al la nuna oficiala persona legitimilo.

Pliaj centroj - unu centro
Necesas regionaj centroj, sed ne laŭ la iamaj distriktaj komitatoj. Pli indus establi regionajn centrojn en tiuj komunumoj, kie troviĝas agemaj e-rondoj.

Statuto de la grupoj neregistritaj jure
Laŭ la statuto de HEA, ankaŭ grupo sen jura registriĝo povas iĝi asociita anrondo de organizo. Necesas prilabori la rajtojn de tiuj ĉi grup(an)oj. Plej urĝa estus priscii, ĉu ili kiajn eblecojn havas por adjudiki, aŭ iniciati subvencipetojn ekzemple al la lokaj registaroj? Kio estas la metodo administrada de ĉi-specaj iniciatoj?

Respondeculoj pri interretaj informoj
Se eblas, ĉiuj angrupoj de HEA havu ankaŭ respondeculon pri informado, kiu havas interreton, kaj kiu prizorgos ĉiumonate la paperbazan (surpaperigitan) diskonigon de tiuj sciindaĵoj, kiuj alvenas tra diversaj retlistoj, aŭ troveblas nur interrete. Tiel povas informiĝi pri novaĵoj ankaŭ tiuj, kiuj ne uzas aŭ malŝatas interreton.

Rimarko:
Tiujn ĉi proponojn iniciatis Zoltán Szabó, mi faris nenion pli, ol iomete redaktis ilin. Mi ne listigis tiujn sugestojn, pri kiuj tutcerte kaj klare dispozicias la statuto de HEA. La statuto de HEA elŝuteblas ankaŭ tie ĉi.

Esperanto mankas el teleĵurnaloj

2007-09-12T08:36:00.000+02:00

La Landa Librejo de Széchényi (Országos Széchényi Könyvtár) igis serĉeblaj la tekstojn de hungaraj teleĵurnaloj ankaŭ interrete. La arkivo ankoraŭ enhavas nur la periodon inter 2001 kaj 2004, kaj estas atingebla tra la retejo de Librejo (http://www.tit.oszk.hu -> rubriko "Médiafigyelő" -> ligilo "Belépés adatbázisba").

Mi estis interesiĝanta pri kiom da fojoj oni okupiĝis pri Esperanto en la teleĵurnaloj de landaj televidoj (MTV1, MTV2, RTL Klub, TV2 kaj Duna TV), kaj bedaŭrinde mi trovis nek unu registron pri IL. Tio ĉi signifas, ke inter 2001 kaj 2004 nek unufoje informis pri Esperanto la hungaraj televidĵurnaloj. Trista statistiko ja estas tio ĉi, mi/ni devas fari ion ankaŭ ĉi-rilate. Proponon mi preparas al la venonta estrarkunsido...

Miriga poŝto hungara

2007-09-11T00:42:00.000+02:00

Hodiaŭ iĝos historia tago de la hungara poŝto, almenaŭ por mi: ĉi-tage alvenis ĉiuj gravaj sendaĵoj al mi. Du leteroj vagadis kvin tagojn en la poŝta sistemo, pakaĵo (la librotenada dokumentaro de la 2005a jaro) atingis min post 25 tagoj. La leteroj estis senditaj el Zalaegerszeg, la pakaĵo el Budapest. Nek komentojn, nek vortojn mi havas!