Novaxove.com

Aute e Luc�a Aldao abren o 'Poetadi(n)versos'

Wed, 11 Nov 2009 08:24:00 +0100

O cantautor Luis Eduardo Aute e a poeta coruñesa Lucía Aldao abrirán o vindeiro 17 de novembro o ciclo Poetasdi(n)versos, que reunirá unha vez ao mes a un poeta galego xunto a outro de fóra de Galicia, para ofrecer os seus propios poemas ante o público. Cunha continuidade estable, o evento cubrirá dez meses cunha programación poética do máximo nivel. As citas terán lugar os martes centrais de cada mes no espazo da Casa da Cultura Salvador de Madariaga ás 20:30 horas.

Galaxia publicar� 50 'eBooks' antes de fin de ano

Wed, 11 Nov 2009 08:23:00 +0100

Editorial Galaxia porá no mercado dixital 50 títulos da literatura galega antes de fin de ano. Esta iniciativa é a primeira parte dun proxecto que ao longo de 2010 irá incorporando ao libro electrónico o catálogo completo da editorial (1.500 títulos aproximadamente), tanto de autores clásicos como contemporáneos. En colaboración con Publidisa, Galaxia tamén desenvolverá no vindeiro ano a primeira librería dixital do libro galego, con descargas para eBooks e outras plataformas. O primeiro dos eBooks que estarán dispoñibles é A Esmorga, de Eduardo Blanco Amor e que este ano cumpre o seu 50 aniversario. O seguinte será A Noite do Moucho, título inédito de Anxo Rei Ballesteros.

Mangalego organiza un festival a prol da muller

Wed, 11 Nov 2009 08:22:00 +0100

A Asociación Cultural da Coruña Mangalego organiza o vindeiro día 23 deste mes o VI Festival Libérate, a prol da muller e co gallo da conmemoración o 25 de novembro do Día Internacional da Eliminación da Violencia contra a Muller. O evento, que terá lugar no Centro Cívico dos Mallos, está presentado por Antón Reixa e contará coas intervencións de Coral Saraiba, o dúo Noroeste, César de Centi, o Mago Román, Lúa Nova e Madialeva. Ademáis haberá obradoiros de de autoestima e benestar persoal e contacontos infantís.

�ltimos d�as para participar no Premio Emprende

Wed, 11 Nov 2009 08:21:00 +0100

O vindeiro día 20 deste mes pecharase o prazo de entrega das memorias para participar no Premio Emprende, un galardón que pretende premiar e recoñecer a labor dos novos emprendedores que co seu esforzo contribúen ao desenvolvemento económico, creación de riqueza, progreso e benestar de Galiza. Os premios, organizados pola Asociación Marineda de Jóvenes Empresarios-AJE Coruña, teñen como obxetivo o fomento da difusión emprendedora entre os máis novos. Estes premios queren servir ademais, para reclamar o apoio de todos, ao colectivo de emprendedores e novos empresarios como protagonistas do presente e o futuro de Galicia. O acto de entrega dos premios terá lugar o 3 de decembro no Salón de Plenos do Concello da Coruña. Máis información na web de Aje (http://www.ajecoruna.com ).

Goza da nova entrega de Ash

Wed, 11 Nov 2009 08:20:00 +0100

O 6 de agosto de 2008 -como pasa o tempo- Alberto Santos, ou o que é o mesmo Ash, nos enviaba a súa primeira tira de cómic. Agora que pasou máis dun ano, nos puxemos en contacto con el para que nos faga un balance de todo este tempo e nos manteña informados das súas últimas actividades. Se durante todos estes meses nos seguíchedes, saberedes que cada semana xunto á tira publicamos unha pequena nota cun resumo do traballo de Alberto, asi que para a gran maioría de vós, este xoven e polifacético artista vigués non necesita presentación. Pero por se hai alguén que se acaba de incorporar, vos contamos que Alberto Santos forma parte de Fuck Cómics (http://fuckcomics.blogspot.com/), un colectivo vigués que edita desde 2006 un fanzine co mesmo nome. Estudante de Belas Artes, Ash tamén colabora con Volcom -grazas...

Unha nena moi rari�a

Wed, 11 Nov 2009 08:20:00 +0100

Cando hai uns meses falabámovos do salto á novela e ao cinema da obra de Neil Gaiman, Coraline, e cando vos achegabamos á novela de Charlotte Usher, Gosthgirl, xa vos anunciabamos que outro personaxe feminino da novela gráfica daría tamén o salto á literatura e ao cinema. E así foi. A pasada semana saíu á venda Los días perdidos, o primeiro libro baseado nas aventuras de Emily the strange, esa nena de 13 anos, rebelde, de aspecto escuro e cuxos mellores amigos son o seu catro gatos. Con suposto texto da ex profesora Jessica Grunner -non está moi clara a autoría-, as ilustracións corren a cargo dos debuxantes que deron forma ao mundo de Emily the strange en tantos produtos, antes de chegar ao papel, e tamén no cómic que precede á novela: Rob Reger e Buzz Parker. O conxunto de texto e ilutraciones forman un libro que sen...

Santiago acoller� a segunda edici�n do 'F�rum Gastron�mico'

Tue, 10 Nov 2009 10:04:00 +0100

Tras o éxito obtido en 2008, con máis de 15.000 visitantes e máis de 150 expositores, Santiago de Compostela acollerá do 20 ao 24 de febreiro de 2010, no Recinto Feiral de Amio, a segunda edición do Fórum Gastronómico. O programa previsto dará un paso máis, adquirindo maior importancia os obradoiros onde destacados profesionais cociñarán en directo. Ademáis haberá Diálogos sobre temas de actualidade e interese e a celebración do III Encontro Europeo de Bloggers Gastronómicos.

O Marco conmemora os seus sete anos con actividades

Tue, 10 Nov 2009 10:03:00 +0100

O vindeiro 13 de novembro, o Marco de Vigo cumpre sete anos dende a súa apertura ao público. Con motivo desta celebración, dende ese venres e ata o domingo 15, terá lugar a festa do sétimo aniversario, cun amplo programa de actividades para públicos de todos as idades e que se suman as tres exposicións temporais que actualmente se mostran nas súas salas. Entre as actividades programadas, haberá a presentación da obra Nexus, de Félix Fernáncez, Diana Larrea e Andrés Serra; a performance da artista alemá Nezaquet Ekici ou un proxecto de bonecas interactivas. Poesía, música e danza serán outras das actividades coas que se amenice a festa.

O certame 'Tesoira' celebra o seu 18 aniversario

Tue, 10 Nov 2009 10:02:00 +0100

O certame de moda Tesoira celebra o seu 18 aniversario, premiando a tres dos corenta xóvenes deseñadores que presentaron os seus traballos. O evento terá lugar a vindeira semana no Centro Cultural Caixanova de Vigo e nel repartiránse 5.500 euros nos tres premios. Os dez finalistas deste ano son Alejandra López, Nerea Montes, Beatriz Álvarez. Rosa Martínez, Sandra López, Catalina López, Raquel Pereiró, Victoria Estévez, Jessica Costas e Antonio Santos. O xurado estará composto por deseñadores e xornalistas de moda. Nesta edición de Tesoira, o gañador do premio no 2000, José Castro, amosará a colección coa que este ano logrou un premio na Pasarela Cibeles. Vía La Voz (http://www.lavozdegalicia.es/tendencias/2009/11/09/00031257795663355737655.htm).

Novo concurso de maquetas de 'Apradrina un artista'

Tue, 10 Nov 2009 10:01:00 +0100

A web Apadrina un artista (http://www.apadrinaunartista.com/) convoca o concurso de maquetas Christmas hit 2009, no que poderán participar todos aqueles grupos e solistas que estén dados de alta na web. Co espíritu de innovar e refrescar, respetando as composicións de toda a vida, os participantes deberán compor unha canción de Nadal. Vía Maketón (http://www.maketon.com/Noticia/1729/APADRINA-UN-ARTISTA-convoca-el-concurso-de-maketas-CHRISTMAS-HIT-2009?PHPSESSID=bffc56c14e5035c3a411856394c2174a).