Nuradiini ♥

Siyaasi anigaa u fiirsadee soomaalida adigu ma u fiirsatay ?

noreply@blogger.com (Unknown) — Thu, 28 Aug 2014 13:11:00 +0000

Somalidu waxaa lagu tiriyaa iney ka mid yihiin dadyowga dunida ee aad u xiiseeya siyaasada dabiici ahaan.
Xirfad walboo uu ka soo baxo , shakhsiga somaliga waa u caado joogto ah ka hadalka iyo xiiseynta siyaasadda gudaha iyo caalamkaba.

Waxa dhacda in nin aan weligii wax akhrin ee xamaasaha , haddana galabtii shanta iyo barka raadidye yar garabka u saaran tahay oo BBCda afsomaliga dhegeysanaya. caalamka intiisa kale waxaa caado ah in shakhsi walba uu kala socdo dhacdooyinkadunida warbaahinta maalin walba laakiinse uu ku mashquulo hawlhihiisa gaarka ah . Waxa keliya waqti dheer ku bixiya siyaasaddda iyo falanqeynteeda waa dadka u dadka u kuur gala siyaasadda ama hawshoodu tahay waxyaabaha siyaasadda qusaya sida Diblomaasiyiinta , Siyaasiyiinta , Suxufiyiinta , Qoreyaasha IWM.

Waxa nasiib darrose ah in ayadoo aan si xoog leh ihtimaam u siino siyaasadda haddana badankeenfahmin mecnaha Qaran , hawlaha madaxweynaha iyo waajibaadkiisa, xoogga isku haya qaranka iyo siyaasadda

Xukunkasta oo soomaalida soomara wuxuu leeyahay mahadhooyin
Mid ay soomaalidu mahadisana ma jiro
Madaxweyne ay tidhaahdo wuu noo fiican yahay ee noo daaya ma jiro
Dadku miyeysan madax wanaagsan ka dhalinin , bal waydii qof saaxiibkaaga ah oo ku dheh ka waran madaxweynaheena waxaad ka dareemi inuusan raali ka ahayn , hadii uu ku yidhaahdana raali baan ka ahay ka dib u fiiri inay isku qabiil yihiin .....
Awes A.Osman
thenewsomaliagroup@hotmail.com

Kani Waa Muxamed - Rasuulkii Alle

noreply@blogger.com (Unknown) — Thu, 28 Aug 2014 11:24:00 +0000

Tusmooyin kooban ee Nebi Muxammed (NNKH)
-------------------------------------------------------
1- Waxaa la iigaga fadilay nebiyada lix wax yaabood:
a- Waxaa la isiiyay ereyada wax badan kulmiya ee macnaha badan
gudbiya.

b- Waxaa la iigu gargaaray argagax cabsiyeed oo cadawgeyga kusii
dhaca.

c- Waxaa la ii baneeyay qaniimooyinka.
d- Dhulka waxaa la iiga dhigay masjid iyo mid wax dhaahirinaya.
e- Dadkoo dhan ayaa leysoo diray.
f- Nebiyadana waa leygu khatimay.
Waxaa weriyay "Muslim".

2- Waxaa dhab ahaantii idiin yimid rasuul idinka dhexdiina ka yimid ayna
ku adag tahay wax walba oo idin dhibaya idinlana dadaalaya,
Mu'miniintana u turaya (Surat tawbah).

3- Anigu waxaan garanayaa dhagax igu salaami jiray Makka intaa leysoo
bixin waan garanayaa hadda. Waxaa weriyay "Muslim".
4- Anigu waxaan ahay qofka ugu horeeyay ee shafaaca qaadaya jannada
dhexdeeda, waxaanan ahay nebiyada ka ay ugu badan yihiin dadka
raacaya. Waxaa weriyay "Muslim".

5- Ilaaheey wuxuu iga yeeshay wadeey (saaxiibtinimo aad u xeel dheer),
sida uu Ibraahimba uga yeeshay wadeey. Waxaa weriyay "Muslim"
6- Anigu waxaan ahay sayidka bani-aadamka oo dhan maalinta qiyaame,
waxaan ahay qofka ugu horeeya ee uu qabrigu ka kala dhanbalmayo
(loo soo horbixinayo), waxaanan ahay qofka ugu horeeyay ee
shafaaco qaadayo iyo qofka ugu horeeya ee laga shafeeco aqbalo.
Waxaa weriyay "Muslim".

7- Waxaan imaan doonaa albaabka Jannada maalinta qiyaamaha, waxaanan
dalbayaa in leyga furo, waardiyaha ayaa wuxuu igu dhihi "Waa
kuma?" waxaan dhahayaa waa Muxammed, wuxuu igu oranayaa
"adigaa la ifaray inaan kaa furo" kamana furin cid adiga kaa
horeeysay. Waxaa weriyay "Muslim".

8- Aniga waxaan leeyahay magacyo badan waxaan ahay Muxammed
iyo Axmed, waxaan ahay Al-maaxi (kan Ilaaheey uu ku tirtirayo
gaalnimada), waxaan ahay Al-xashir (kan uu Ilaaheey dadkoo dhan
gadaashiis soo kulminayo), waxan ahay Al-caaqib (kan uusan ka
dambeyneynin Nebi), waxaa weriyay Termidi & Axmed
(Bukhaarina mid la mid ah ayuu werinayaa lambar 3268)

Guji oo akhriso saynisyahan caan ah oo reer galbeed oo ka hadlaaya Nebi Muxammed NNKH

Waa kuma aqoonyahanka ( Albert-einstein )

noreply@blogger.com (Unknown) — Sun, 10 Aug 2014 17:40:00 +0000

Albert-einstein

Wuxuuka mid ahaa dadkii ugu caqliga badnaa qarnigii labaatanaad

Wuxuu bartay hadalka isagoo 4jir ah , akhriskana wuxuu bartay 7 jirkiisii.

Macalinkiisu wuu ka caban jirey markasta waayo albert-einstein waxba muu fahmi jirin ,

wuxuuna ahaa kali joog kadibna wuxuu noqday nin kacaan ah ,

wuxuuna ugu caansanaa aqoonyahanadii wakhtigaas ilaa hada waayo

wuxuu noqday halabuur ay maskadiisa ka soo burqadeen waxyaabo badanoo

manta dunida laga isticmaalo sida la sheegayna tvyada ayaa ahaa wixii uu ikhtiraacay

Noloshaada waa sida aad ka dhigtid fikirkaaga.!!! Q2aad

noreply@blogger.com (Unknown) — Mon, 04 Aug 2014 17:03:00 +0000

WQ: Farhan Hussein Elmi {Sultan}
2011-06-10

Waxaa dadka qaar maskaxdooda ku soo degdegi karta qabow ayuu u dhintay.:
laakiin talaajada waa ay dansanayd korontana uma xariirsanayn qabowna malahayn hawa dabiici ahna waa ay lahayd.
ma uusan u dhiman wax aan ahayn {ismoodsiin} iyo iska dhaadhicn fikrad qalad ah,

waxuu iska dhaadhiciyay, in talaajada markuu ku jiray jawigu aad u qaboobaa, digriigeeduna ebar ka hoosayso, uuna dhiman doono.
iska dhaadhicntaas waxa ay ka dhigtay jaangoynta mustaqbalkisii, iyo dhimashadiisii dhabta ahayd.
"tan waxa ay isoo xasuusinaysaa. sheeka somaliyeedka oranaysa".

Beri ayaa waxaa aad u xanuunsatay islaan meelkasta lagee, waa ay caafimaadi waysay,"waxa ay tiri" ha la iigu yeero seygeyga. kadib markiii loogu yeeray, "waxa ay ku tiri", aniga isbitaalkaan iyo waxaan kale ee aad wadiin iga dhaafa, aniga waxan ku caafimaadayaa. tufta(tahliilsha) wadaad fulaan {hebal}. ninkeedii waa uu ka aqbalay. wuuna baxay, muda markii uu ka maqnaa, ayuu dib ugu soo laabtay isagoo sida biyo caadi ah, wuxuuna uga dhigay tahliishii wadaadkii, ay sheegatay in uu soo tufay. maxaa yeelay ma uusan aadin wadaadkii.
islaantii tahliishii ayaa lasiiyay, markii ay isku hubsatay, wax yarna joogtay " waxa ay tiri ", neef weyn inta kasoo fuqday ,,, aaaah waan ku nafisay waana ku caafimaaday tahliishii wadaadka!!! ilaahay wadaadka kheyr hasiiyo. aniga soo hore idin kuguma sheegin in aan tahliisha wadaadka ku caafimaadayo!.

Bilowgii usoo if bixii dunida nuurka islaamka diinteena suuban waxa ay basharka aad ugu boorisay kuna dhiiri galisay, in ay fakaraan. waxa ayna muhiimad gaar ah siisay fakarka cibaadada kahor.
in kabadan 160" ayadood oo qur,aanka ku jira ayaa kahadlaya fakarka.
waxa ay ku dhawaatay in waajib laga dhigo in uu qofkasta fakaro.
dhamaan ayadahaas waxa ay ka hadlayaan in aynu u fakarno si wanaagsan ka shaqaysiino maskaxdeena aad ugu fiirfiirsano habdhismeedka nafteena iyo koonkaan aynu ku dhex noolnahay ee sida dirinta oo kale inta loo fidiyay dhakowyana dhinacyada looga qabtay badana geesaha looga xeeray saqafna dusha laga saaray iyo makhluuqadka ku dhex hoyda nool iyo ma noole, iyo in aynu daboolka ka qaadno awoodaha gudaheena ku jira.

"nin caalim ah ayaa waxa uu ku calaacalay"
low ay dadka ogaan lahaayeen waxa awood gudohooda ku jira, waxa ay daboolka ka qaadi lahaayeen waxbadan oo aadanaha ka qarsoon maanta.

"Waxa uu yiri" khaliifatu cumar bin cabdal casiis. nimcooyinka alle oo lagu fakaraa, waa cibaadooyinka kuwooda ugu wanaaagsan.

waxaa jiro laba hab oo ay u fakaraan aadanah kuwaas oo kala ah;
1- THINK POSITIVE, (fakarid wanaagsan.)
2- THINK Negative, (fakarid xun.)

kuwaas oo saamayn xoogan ku leh caqlu (baadinka) ama caqliga gudaha.
insaaanka waxa uu leeyahay hal caqli laakiin laba shaqo oo kala duwan qabta.
(caqli waaci) ama caqliga soojeeda, kaas oo ah kan taxliiliya ama maareeya dhacdooyinka maalinlaha ah, iyo waxa ay arkaan dareemayaasha sida isha dhagta iwm.

Kan kale oo lagu magacaabo (caqlubadin) ama caqliga gudaha kan waa midka xafida datooyinka, ama xogaha aad xambaarsantahay, ee maskaxdaada ka buuxa ama waa kan loo dhiibo dokumenti kasta oo aad rabtid in aadan lumin maskaxdana ku haysid, kan waxaa wax loogu dhiibaa ku celcelin farabadan iyo in aad ka dhaadhicisid, waxa aad u sheegaysid.
mudo marka aad ka dhaadhicisid kadib ayuu aqbalayaa mar haduu aqbalana waa ay adag tahay sida uu ku sii daayo,

tusaale hadii aad u fakartid si wanaagsan oo aad caqliga gudaha ka dhaadhicisid in aad tahay qof wanaagsan xaqiijin kara guusha, wax walbana awooda in uu samayn karo, taasna aad ogtahay in ay u baahantahay oo kaliya;
1- in aad habka aad u fakaraysid wanaajisid.

2-in aad qorshaysid waxa aad ku fakaraysid si aad u xaqiijisid guusha fakarkaaga.
3-in aad alle tala saaratid.
4- in aad ka dhaadhicisid caqliga gudaha, adigoo ka digton in aad ku isticmaaashid hadaladaada,
weero xun xun.

ufiirso labaadan tusaale:
anigu ma guuldaraysanyo-
anigu waan guulaysanayaa-
inkastoo labada jumlo ay tilmamayaan hal macno, laakiin jumlada koowaad, waa jumla xun, sida uu sheegayo, "Dr Tariq al-sweidan," oo ah khabiir ku xeel dheer culuunta kobcinta basharka,
maxa yeelay caqliga waxa uu sawiranayaa isla markiiba guuldaraysi.

"Anigu maguuldaraysanayo" mayaysan ka fiicnayn aqriste in aynu dhahno {anigu waan guulaysanayaa}

dheh waan guulaysanayaa, ama eray kasta oo aad rabtid in aad ka dhaaadhicisid caqliga gudaha. adigoo kaligaa ah kuna raaxaysanaya, codkana ismaqiishanaya ilaa iyo mudo 5daqiiqo ah.
Waad gaaraysaa insha allah, in aad wax walba awoodid guushana si sahal ah ku xaqiijisid, taas kuma xirna hanitida aad haysatid yaraanteda iyo badnaanteeda, laakiin waxa ay ku xirantahay sida aad ka dhigtid fakarkaaga, dadka waa ay ku kala duwan yiiin hantida duruufaha, laakiin fakarka iyo waqtiga waa ay kawada siman yihiin, waana hanti ama ra'sumaalka dhabt ah, uu haysto faqiirka iyo hodanka.

Dhanka kale hadii aad u fakartid si xun, oo aad ka dhaadhicisid caqliga gudaha marwalba in aad guuldaraysanayso, qasaarayso, kugu jirto cabsi, wal wal, walbahaar, naxdin, qalqal. naftaada uga sheekaysid dhankasta oo xun, isticmaashid erayada quusta. sida (ma awoodi) (ma samayn kari) ma baran kari) (ma isku dayi kari) taas waxa ay laban laaabaysaa murugtaada, waxa ay quus galinaysaa noloshaada, waxa ay fashil ku keenaysaa hadafkaaga, waxa ay mugdi galinaysaa aaayatiinkaaga danbe, maxaa yeeelay marwalba oo aad u fakartid si xun waxa ay saamayn xoogan ku yeelanaysaa caqliga gudaha.

Xusuusnow markasta aqristaha sharafta badanow, "noloshaada waa sida aad ka dhigtid fikirkaaga".

Imisa ayaad maqashay ama taqaan iyagoo oranaya waxaan ku fakari jirnay markii aan yarayn in aan noqono sidaas iyo sidaas, kadib markii ay gaareen waxa ay ku fakari jireen.
xusuusnaw hadalkii Steven Covey buugiisa (Eight habits) dadka xanbaarsan fikirada ugu waaweyn ee leh caqliga ugu weyn, waxaa ka joojin kara am aka hor istaagi kara fulinta fikiradaas dadka xanbaarsan fikirka ugu liita, isla markaasna ugu caqliga gaaban.,

Noloshaada waa sida aad ka dhigtid fikirkaaga

noreply@blogger.com (Unknown) — Mon, 04 Aug 2014 16:58:00 +0000

Waxa uu yiri "James Allen", oo kamid ah culimada ugu caansan xaga cilmu nafsiga cilmiga bulshada iyo culuunta insaanka, wax walba oo uu gaaro insaanka waa wax si toos ah uga dhashay fikirkiisa u goonida ah. "wuxuu yiri, maanta waxaa tahay halka uu fikirkaagu joogo berina waxaad nooqon dontaa halka uu fikirkaagu maanta joogo!.

Waxa uu yiri, Melton, oo ah gabyaa ingirisa oo caan ah, insaanka halka uu caqliga ka joogo, wuxuu awoodaa in uu kadhigo noloshiisa jano oo kale ama cadaab!.
taas uu ula jeedo, nolosha insaanka waa fikir. fikirkaga ayaa kadhigi kara noloshaada sacaada iyo baraare ama cadaab iyo ciriiri!.
Aadanah waxa uu dunida ku helo waxaa ugu qaalisan waa sacaadada, in kasta oo ay leedahay qeexitaana farabadn, laakiin "sacaadadu waa qalbiga oo kuu dagan aniga iyo adiga ma awoodno hantida caaalamka taala oo dhan in aynu kusoo gadano sacaadada," maxaa yeelay boqortooyada sacaadada waxa ay ku dhex jirtaa fakarkeena iyo dareenkeena.
maalinkasta insaanka waxaa soo marto 160 kun oo fikir, 80% waa kuwa uu si xun u fakaro.

. Aad ayay u fara badan yihiin, qeexitaanada laga baxsho:" fikirka:, hase yeeshee hadii aynu soo qaadanao, sida culimada qaar ku qeexaan, ( fikirku waa firfirconi caqliyeed isdaba joogta, oo ay samaynayayso maskaxda, fikirkuna waa inta badan waxa ay ku sheekaysato ruuxda iyo naftaada.

Insaanka dabci ahaan wuu fakaraa laakiin waxaa laga yaabaa dadka qaar taas in aysan aaminsanayn,oo ay dood ka keeni karaa.
laakiin su'aasha iswaydiinta mudan waxa ay tahay aniga iyo adiga sideen u fakarnaa!? maxaynu ku fakarnaa!?
hadii aan si kale u dhigo su'aasha sidee naftaada u sheekaysataa maxay ku sheekaysataa! ?

Maxaad ku fakartaa marka aad shaqaynayso!?
maxaad ku fakartaa marka aad waxbaranayso!?
maxaad ku fakartaa marka aad baska raacayso!?
maxaad ku fakartaaa marka aad jidka marayso!?
maxaad ku fakartaa marka aad cunada cunayso!?
maxaad ku fakartaa marka aad jiifan rabto!?

Waxa ay aamin sanyihin culimda daraasaysa cilmu nafsiga iyo kuwa ku takhasusay kobcinta iyo barbaarinta garaadka aadamaha, in habka aad u fakaraysid uu saamayn xoogan ku leeyahay jaangoynta mustaqbalkaaga!.
"aynu wada dhuuxno aniga iyo adiga tusaalana u qaadano micnaha sheekadaan".

Nin u shaqayn jiray shirkad ka ganacsata cunooyinka, ayaa maalin malmah kamid ah, waxa uu galay talaajad cunooyinka lagu kaydin jiray, talaajada waynankeeda waxa ay ahayd sida qol oo kale, ninka shaqaalaha ahaa, wuxuu u galay si u u raseeyo sanaadiiqda gudeheeda ku jirta, laakiin si kadis, ah oo qalad ah, ayaa albaabkii u xirmay, albaabkii ayuu dhowr mar garaacay, laakiin cidina kama furin. amakaaag!!! iyo naxdin, maxaa yeelay waa gabagabadii iyo gunanadkii shaqada asbuuca, waxa kaaga sii daran labada maalin ee soo socota waa fasax (holyday) murug iyo naxdin kale!!!, miskiiiin!!!, cid maqlaysa ma jirto garaaciisa albaabka,
"ninkiii wuxuu yaqiinsaday iskana dhaadhiciyay in uu inta ku dhimandoono". wuu iska fariistay isaga oo sugaya waxa ay ku danbayn doonto aayihiisa, laba malin kadib ayaa shaqaalihii albaabkii fureen, waxa ay heleen ninkii oo mayd ah!!!, waxa ay dhiniciisa ka heleen warqad uu ku qoray waxa uu dareemayay inta uusan dhiman ka hor,
waxa uu ku qoray,
Aniga hada waxaan ku xiranahay talaajada. gacmahayga tartiib tartib ayay u angagi rabaan. lugahayga waa ay jaraynayaan ma awoodi kari in aan dhaqdhaqaaqo. waxaan dareemayaa in aan u dhiman rabo qabow dartii.
tartiib tariib ayaa qoraalkiisii usoo yaraaday ilaa qoraalkii uu daciifay, ilaa uu ka go'ay.
cajiib!!!,

"aqristaha sharafta badanow ra'yigaaga ninkaas muxuu u dhintay".?

Lasoco qaybta kale

Xigasho :: khadijahome.com

Barashada Salaada

noreply@blogger.com (Unknown) — Tue, 17 Jun 2014 09:27:00 +0000

Qiimaha Naftaada

noreply@blogger.com (Unknown) — Fri, 13 Jun 2014 08:14:00 +0000

Waxa ugu Wanaagsan Noloshan dhexdeeda

waa in aad garato Qiimaha Naftaada

Waxay noloshu i bartay

noreply@blogger.com (Unknown) — Thu, 12 Jun 2014 17:11:00 +0000

Carabi baa laga soo turjumay Xigmaddaan:

Assalaamu calaykum,

~ Waxaan bartay in jaamicadda iyo iskuulka aan wax kabaranno kaddibna aan imtixaanada galno, laakiin nolosha imtixaanka ayaan galnaa kaddib markaasaan wax barannaa.

~ Waxaan bartay in hadal gaaban oo idin dhexmara qof xigmad badan, ama dood yar ay udhiganto bil duruusteed oo kale.

~ Waxaan bartay in aysan muhiim ahayn “maxaad hadda haysaa”, laakiin ay muhiim tahay “xaggee daqiiqaddaan kaddib rabtaa inaad gaartid”.

~ waxaan bartay inay qofka u-khayr-badan-tahay inuu ahaado Diin-diin kusocda dariiqa toosan, inta uu ahaan lahaa Deero kusocota dariiqa Khaladka ah.

~ Waxaan bartay in furaha khasaaradu uuyahay in qofku uu isku dayo inuu raalli geliyo cidkasta.

~ Waxaan bartay in Camalka wanaagsani uu aad uga fiican yahay hadal wanaagsan oo kaliya.

~ Waxaan bartay inay-badan-yihiin dadka hela waanooyin badan, laakiin ay yaryihiin inta kudhaqantaa.

~ Waxaan bartay in khasaaradu aysan ceeb ahayn, laakiin ay ceeb tahay in aan waxba latijaabin.

~ Waxaan bartay in ay jiraan laba nooc oo dadka ah: a) Dad u-dabaalanaya meesha uu markabku taagan yahay, iyo b) Kuwa taagan oo sugaya in markabku uu iyaga xaggooda usoo dhaqaaqo.

~ Waxaan bartay in qofku uusan hoogin haddii uu khasaaro, laakiin uu khasaaro marka uu joojiyo dadaalkiisa.

~ Waxaan bartay in qofka guusha gaaraa uu yahay kan sabirka iyo dulqaadka badan.

~ Waxaan bartay in hubka ugu weeyn ee qofku helaa uuyahay: Sabirka iyo Waqtiga.

~ Waxaan bartay in ay lagama maarmaan tahay in qofku isku dayo inuu sameeyo camal gaarsiiya ilaa xiddigaha, laakiin uusan illoobin in lugihiisu ay dhulka joogaan.

~ Waxaan bartay in marka aad qoslaysid uu adduunka oo-dhammi kula qoslayo, laakiin marka aad ooyaysid aysan kula ooyayn!

~ Waxaan bartay in farqi weeyni u-dhexeeyo tijaabinta badan iyo ka-quusashada.

~ Waxaan bartay in geedkii miro-badani uuyahay kan dadku mar-walba hujuumo.

~ Waxaan bartay in dareenka wanaagsani uuyahay kii naftaadu kuqanacsan-tahay adigoo-ogsoon waxa aad samaysay inay wanaag ahaayeen, adduunka oo-dhaniba hakugula colloobee.

~ Waxaan bartay in wax-kasta oo aan u-aragno inay weeyn-yihiin oo adduunka yaal ay markii hore ku biloowdeen fikrad-yar, kana biloowdeen wax-yar.

Meeqaad is tiri maanta ciirsi ma jiro ?

noreply@blogger.com (Unknown) — Mon, 02 Jun 2014 01:59:00 +0000

Waligaa haka quusan hana ka samrin in kurbada alla kaa faydo, albaabada khayrka ee furmi doonana ha sugi waayin hana daahsan, qofkii Alle Cabsidiisa iyo cibaadadiisa garab ka dhigta wax walboo culus wuu u fududeeyaa, dib u milicso maalmihii kusoo maray meeqaa albaabadoo dhani isa soo xireen?,horay iyo gadaalba dhan aad u tallaabto meeqaad garan wayday?, meeqaad is tiri Maanta Ciirsi ma jiro?,meeqaa dunidii kula madoobaatay, Dhulkiina kula yaraaday?, hadana Rabi kaa samata bixiyay wixii oo dhani ku dhaafeen adoo bad qaba, bal Akhri Dagaalkii KHANDAQ wixii mulimiinta qabsaday, kolkii afarta dhinacba cadawgu ka degay ee muslinna adkaystay Munaafaqna Tawaawacay, qura’aanku aad ayuu dagaalkaas u faah faah faahiyay ayaaduhuu kaga hadlayna waxaa macnahooda ka mid ahaa xusuuta markay idinkaga yimaadeen kor iyo hoosba, indhuhuna iisheen Quluubtuna dhuunta gaadhay, Eebana aad u malayseen malooyi, Malooyinkaas oo Culimadu ku fasireen in Muslimiintunu Guul iyo Gargaar malaysteen Munaafiqiintuna Jab iyo naasabeel, iyo in Muslimiinta la dabar goyn doono maleeyeen. Haddaba dhib oo dhan Allaa Faydee magiciisa Cusko.

Nebi Muxamed csw waa kii ugu dambeeyey nabiyada

noreply@blogger.com (Unknown) — Sun, 01 Jun 2014 03:19:00 +0000

Nebi Muxamed waa kii ugu dambeeyey nabiyada iyo rasuusha Alle dhammaantood

Nebi Muxamed scw waa Sayidkii Caruurta Aadam oo dhan

noreply@blogger.com (Unknown) — Sun, 01 Jun 2014 03:15:00 +0000

Nebi Muxamed waa Sayidkii Caruurta Aadam oo dhan

Nebi Muxamed scw waa Nabigii Raxmada

noreply@blogger.com (Unknown) — Sun, 01 Jun 2014 03:12:00 +0000

Nebi Muxamed waa Nabigii Raxmada

Nebi Muxamed waxaa loo soo diray dadka oo dhan “ waa Nabigii Caalamiinta

noreply@blogger.com (Unknown) — Sun, 01 Jun 2014 03:08:00 +0000

Nebi Muxammed waxaa loo soo diray dadka oo dhan “ waa Nabigii Caalamiinta

Nebi Muxamed waaka u saaxiibka’ah “ iskaleh “ shafaacada maalinta wayn “

noreply@blogger.com (Unknown) — Sun, 01 Jun 2014 03:07:00 +0000

Nebi Muxamed waaka usaaxiibka’ah “ iskaleh “ shafaacada maalinta wayn “

Nebi Muxamed wuxu jeclaa “ jecelyahayna mar walba “ Digriga Alle swt

noreply@blogger.com (Unknown) — Sun, 01 Jun 2014 03:04:00 +0000

Nebi Muxamed wuxu jeclaa “ jecelyahayna mar walba “ Digriga Alle swt

Nebi Muxamed scw wuxuu ahaa ka dadka ugu cibaado fiican

noreply@blogger.com (Unknown) — Sun, 01 Jun 2014 03:02:00 +0000

Nebi Muxamed wuxuu ahaa ka dadka ugu cibaado fiican

Nebi muxamed wuxuu ahaa mid reerkiisa u gargaara

noreply@blogger.com (Unknown) — Sun, 01 Jun 2014 02:59:00 +0000

Muxammed wuxuu ahaa mid reerkiisa ugargaara oo u adeega hawalahoodana u qabta

Xigasho :: khadijahome.com

Ma ogtahay 21 kan qodob oo faaiido leh

noreply@blogger.com (Unknown) — Fri, 23 May 2014 02:32:00 +0000

1.   In shinnidu maalintii ay dhali karto 800 illaa 1500 oo beed.
2.   In shinnida boqortooyo kastaa ka kooban tahay 30,000 illaa 40,000 oo shinni ah.
3.   Ma og tahay in caaggu uu jiri karo 500 oo sanno isagoon wax noqon.

4.   In dadka American-ka ahi ay adduunka haystaan 30.30% oo ah garoomada laga duulo halka Hindidu ay haysato 0.70%.
5.   In tirada macdanta ee la og yahay ay tahay 4,000 halka la isticmaalo 200 oo iyaga ka mid ah.
6.   In isugaynta oogada dhulku uu yahay 197 milyan mile oo isku wareeg ah
7.   In tirada dadka ku dhimatay dhulgariirka china dhexdiisa laga bilaabo 1557 ay kor u dhaaftay 830,000 oo qof
8.   In bulshada adduunka ku nool ay kor u sii korodhay 3.1 million 40kii sano ee u danbeyey
9.   In 4% ay dadku cabbaan sharabka qabow maalintii
10.   In qofka caadiga ah uu qosli karo malintii 5 jeer
11.   In sanad walba 3000 oo kaadhadhka filimada ah laga iibsado dalka hindia
12.   In dadka britishka ah 70% ay dumarkoodu shaqo tagaan
13.   In ay jiraan 10,000 oo ururada artska ah ay ka jiraan dalka calafornia ay noqotayna meesha ugu artska badan aduunka
14.   In alfred southwick uu soo saray fikrada ah in la isticmaalo mareegta laydhka isagoo aha markii hore dhakhtar ilakaha
15.   In leonardo da vinci uu soo saaray maqaska
16.   In magacii hore ee balabaalista la odhan jiray “flutterby”
17.   In kalmada eglishta ah ee “dreamt” ay tahay kalmad kaliya e ku dhamata “mt” luuqada englishta ah
18.   In baranbaradu ay noolaan karto 10 maalmood iyadoo bilaa madax ah
19.   In magalada mexico ay quusto sanadkiiba 10 inches
20.   In maskaxda ay ka firfircoon tahay marka ay hurudo marka ay daawanayso tvga
21.   in alexander graham bell uu ahaa kii u horeyey ee soo saara telefoonka lakiin aanu waliguu kula hadlin.
Source: http://www.weedhsan.com/index.php/qalinleyda-weedhsan/3144-ma-ogtahay-qodobbo-muhiim-u-ah-ogaalkaaga-wq-bahja-maxamed-ducaale

Ha xaqirin walaalkaa adna hiigso meel sare

noreply@blogger.com (Unknown) — Fri, 23 May 2014 01:51:00 +0000

Hanyaridu ma fiicnee ha xaqirin walaalkaa adna hiigso meelsare

Sidee baad ku noqon kartaa qof la jecel yahay ?

noreply@blogger.com (Unknown) — Wed, 21 May 2014 21:57:00 +0000

Haddii aynu nahay bini Aadam waxa aan had iyo jeer jecelnahay in aan helno wax kasta oo aynu jecelnahay.

Sidoo kale kama maaranno in aan mar walba aragno dad ina jecel oo ina danaynaaya.

Haddaba waxa is waydiintu tahay maxaa qofna loo jecel yahay oo dhankiisa loogu ordaa qofna loo karhaa oo loo dhibsadaa amaba aan xaggiisa cidiba u eegin. Waxa se aad intaaba ka jeclaan lahayd in aad ogaato sida aad ku noqon karto qofkaas dadku jecel yihiin ee ay mar walba xiiseeynayaan la joogiisa.

Waxa jira waddooyin badan oo haddii aad raacdo ay dadku kugu jeclaan doonaan. Waddooyinkan maaha kuwo kaaga baahan xeelad iyo wax kale toona. Kaliya waa fan kaaga baahan in aad hirgaliso kadibna ku dhaqanto. Hubaal haddii aad ku dhaqanto qodobada aan kuu sheegi doono noloshaada waa ay beddeli donaan, waxa ayna horumarin doonaan xidhiidhada idiin dhaxeeya adiga iyo bulshada kugu xeeran.

Waxa aad se maanka ku haysaa in ay dadku kala jaad jaad yihiin, qof kastaana uu leeyahay dhaqan u gooniya taas oo aanu cidna la wadaagin. Waxa la yidhaahdaa dadku waa sida albaab xidhan oo kale, qof kastaana waxa uu leeyahay fure u gaar ah oo aad ku furi karto. Haddaba qofka maskaxda badan waa ka u adeegsada furaha saxda ah qofka ku habboon. Qofka isku daya in uu fahmo qof walba waxa uu ka helo iyo waxa uu necebyahay baa kasbada qalbiyadoodana.

Ugu danbayn haddii aad samayso dhawrkan qodob, hubaal dadka qalbiyadooda waad ku waynaan doontaa.

Noqo qof iimaan leh: Dadku way jeclaadaan qofku marka uu iimaan buuxa leeyahay Allena uu ku xidhan yahay.
Noqo qof daacad ah: Qofka aan khiyaamada aqoon dadka qalbigooda wuu ku waynaadaa.
Iska dhawr inaad ku gafto dadka, dadku ma jeclaadaan had iyo jeer qofka gafka ama dhacdhaca badan.
Ilaahay dartii u jecloow dadka oo dhan: qofna adiga oo aan dan gaar ah ka lahayn haddii aad Alle dartii u jeclaato waxa aad noqonaysaa qof dadka agtooda qiimo ku leh.
Qof kasta oo aad la kulanto ku qaabil waji farxad leh kuna bilow salaan adiga oo dhoola caddaynaya uguna yeedhaya magaca uu ugu jecelyahay.
Had iyo jeer dhoola caddee oo wajigaaga ha ka dhigin mid laga naxo ama laga dido: dadku had iyo jeer qofka farxadda iyo dhoolacaddaynta badan bay jecel yihiin oo xaggiisa usoo xiisoodaan.
Indhaha ka laabo oo ha u fiirsan dadka gafafkooda
Qof haddii uu bukoodo booqo, haddii ay geeri ku timaadana tacsiyadee
Farxad iyo murugo labadaba kala qayb qaado
Haddii uu ku casuumo yeel oo ajiib yeedh mada walaalkaa.
Xumaanta wanaag ugu badal: haddii uu qof ku xumeeyo oo aad wanaajiso waxa laga yaaba in uu isla yaabo qofkii oo ku raali galiyo. Dhaqankan haddii aad joogtayso cidna isu xummaan maysaan waligaa. Dadka agtoodana qiimo ayaad ku yeelan doontaa.
Had iyo goor dadka u gar gaar: qofka gargaarka badan dadkana caawiya had iyo jeer dadku way jeclaadaan.
Noqo dhagayste fiican: dadku waa ay jecelyihiin qofka u dhago nugul ee dhagaysta warkooda.
Muuji in aad danaynaysid: qof haddii aad danaysid arrimihiisa kana war haysid xaaladihiisa hubaal wuu ku jeclaanayaa.
Haddiyado u keen oo ka farxi: qof isaga oo aan war u hayn haddii aad kaga farxiso oo aad u keento hadiyad waligii laga ma yaabo in uu qofkaasi ku iloobo.

Waxa hubaal ah intan haddii aad dhaqan galiso waxa aad arki doontaa dadka oo u soo hilloobaya xaggaaga jeclaysanaya la joogaaga. Xikmad ayaa waxa ay tidhaahdaa “dadka maskaxda u saaxiibka ah waxa ay leeyihiin cadow badan se dadka quluubta u saaxiibka ahi waxa ay leeyihiin asxaab fara badan”

Quruxda

noreply@blogger.com (Unknown) — Tue, 20 May 2014 00:50:00 +0000

Quruxdu waa wax ay ummad weliba oo meel ku nool u yaqaanaan tilmaamo u gaar ah, mana jirto qodobo loo dhanyahay

balse ma ogtahay

dadka koonfurta Suudaan ay gabadha qurxani uyaqaanaan tan madax xiiran, bushimaha ad adag, aadna u madow. Soomaalida sidey u yaqaanaan quruxda adigu soo qor

Daawo Geerida degdega ah - Mawtul qaflaha xusuusnoow

noreply@blogger.com (Unknown) — Mon, 19 May 2014 01:57:00 +0000

Mar kasta oo aad xasuusnaato mawdka iyo geerida , waxaad ogaanaysaa heerka naftaadu taagantahay, marka kasta oo xasuustiisu kugu yaraatana waxaad hilmaamaysaa heerka naftaadu taagantahay.https://www.youtube.com/user/Nuradiini

Markaad gabowdo xusuuso wanaagii ku soo maray

noreply@blogger.com (Unknown) — Sat, 17 May 2014 02:23:00 +0000

Marka aad gaboowdo xusuuso wanaagii ku soo maray, si aad mar kale uga heshid dareen fiican waqtigii wanaagsanaa ee ku soo maray.

Jacaylku dhab ha kaa ahaado

noreply@blogger.com (Unknown) — Sat, 17 May 2014 01:49:00 +0000

Marka aad qof ku dhahaysid waan ku jeclahay, dheh adiga oo ay dhab kaa tahay.

Isfahmid la’aan yari yay kaa duminin saaxiibtinimo wayn

noreply@blogger.com (Unknown) — Sat, 17 May 2014 01:36:00 +0000

Nuradiini ♥

Siyaasi anigaa u fiirsadee soomaalida adigu ma u fiirsatay ?

Kani Waa Muxamed - Rasuulkii Alle

Waa kuma aqoonyahanka ( Albert-einstein )

Noloshaada waa sida aad ka dhigtid fikirkaaga.!!! Q2aad

Noloshaada waa sida aad ka dhigtid fikirkaaga

Barashada Salaada

Qiimaha Naftaada

Waxay noloshu i bartay

Meeqaad is tiri maanta ciirsi ma jiro ?

Nebi Muxamed csw waa kii ugu dambeeyey nabiyada

Nebi Muxamed waa kii ugu dambeeyey nabiyada iyo rasuusha Alle dhammaantood

Nebi Muxamed scw waa Sayidkii Caruurta Aadam oo dhan

Nebi Muxamed scw waa Nabigii Raxmada

Nebi Muxamed waxaa loo soo diray dadka oo dhan “ waa Nabigii Caalamiinta

Nebi Muxamed waaka u saaxiibka’ah “ iskaleh “ shafaacada maalinta wayn “

Nebi Muxamed wuxu jeclaa “ jecelyahayna mar walba “ Digriga Alle swt

Nebi Muxamed scw wuxuu ahaa ka dadka ugu cibaado fiican

Nebi muxamed wuxuu ahaa mid reerkiisa u gargaara

Ma ogtahay 21 kan qodob oo faaiido leh

Ha xaqirin walaalkaa adna hiigso meel sare

Sidee baad ku noqon kartaa qof la jecel yahay ?

Quruxda

Daawo Geerida degdega ah - Mawtul qaflaha xusuusnoow

Markaad gabowdo xusuuso wanaagii ku soo maray

Marka aad gaboowdo xusuuso wanaagii ku soo maray, si aad mar kale uga heshid dareen fiican waqtigii wanaagsanaa ee ku soo maray.

Jacaylku dhab ha kaa ahaado

Isfahmid la’aan yari yay kaa duminin saaxiibtinimo wayn

Isfahmid la’aan yari yay kaa duminin saaxiibtinimo wayn