Одбери еден, сите се исти и онака

Годиината што мина

2008-02-27T22:29:00.003+01:00

Поттикната од повторното и ненадејно појавување на еден епизоден лик од нашиот блог среде еден ноќен клуб оваа сабота, време беше повторно ја испразнам сета онаа акумулирана енергија од година дена - онолку колку што не' немаше на вашите РСС читачи...
Да почнеме значи ---
после година дена странствувања, дневни мигрирања, постполноќни прибирања и така натаму, време е да ги сумираме главните поенти кои не ме направија помудра, само постара:

- ако некоја кола ти блендира, знај дека тоа се пријателите и треба да влезеш во колата
- ако нешто ти е втор пат, сигурно ќе се трипати
- абривиациите кои ги учевте на факултет во вистинскиот живот може да се парафразираат
- никогаш не знаеш кој билборд ќе го купиш еден ден многу наскоро
- секогаш имајте рачен багаж со себе кога летате и спријателете се со случајниот патник кој доаѓа од поглупава дестинација од вас
- сите патишта водат до Рим, во Рим сите патишта водат до Колосеумот, а во Брисел секаде ќе стигнете ако појдете од кај Берзата
- никогаш не знаете со кого и со која цел ќе завршите на излетничко место, езеро или планина
- значките се новиот герила маркетинг тул на деценијата, одджете го моментумот и ако немате, купете си
- никогаш не знаете во која земја ќе излезете во весник
- навечер, ставајте фолија на главата редовно, ТИЕ ДРУГИТЕ читаат мисли
- наутро се јаде само овошје, а рандом лифт-бој-от кој се понуди за превоз не го искористувајте до крај, симнете се на првата станица
- никогаш не знаеш чија мајка ќе ти стане колешка
- универзумот знае најдобро, Гугл ги има сите одговори, само Чак Норис не го барајте вие дека тој секогаш ве наоѓа вас

Знам дека овие мудрости не се ништо особено, ама мене ми значат многу...

2006-12-22T16:00:00.000+01:00

Дечки, нашите постови од денес ќе се наоѓаат на website-от www.kadevecer.com.mk Повелете

2006-12-06T14:14:00.000+01:00

Сакаме да ве известиме, наши верни читатели, дека нашата иницијатива и концепт која започна како Одбери Еден Сите се Исти и Онака, ќе продолжи да функционира, но во друг облик кој во моментов е во изработка.

Фала до сите кои не читаа и благовремено ќе ве известиме за новата локација на нашите постови.

PS: Навистина прерасна во чудо :))))

Прв пост
Нека ова прерасне во чудо, како што би рекла една наша драга
другарка...

2006-11-27T23:11:00.000+01:00

Една вечер бев излезена со многу големо друштво и во текот на вечерта прошетавме неколку скопски клубови...
И така запознав двајца многу симпатични дечки сосема случајно, и двајцата ми побараа телефон. Рекоа дека ќе ми се јават идниот ден, а тоа во машко време значи четврток {беше сабота}...
Дојде идниот ден. Прво добив порака од едниот. Другиов, кој беше значајно посладок, го нема да пише.
Ете поминуваат еден или два дена и ете ти го тип бр. 2 ми се јавува и ме поканува да излеземе. Не се сеќавам како излезе ама после преговарање со двајцата {со едниот само преку пораки} испадна и двацата да сакаат да излеземе во ист ден.
И тука јас бев ставена пред многу битна одлука {а ха ха ха}, на кој дечко да му дадам приоритет. Се решив за тип бр. 2, дека оствари лична наспроти не-лична комуникација.
Бев на кафе со колегиум другарки. Во кафулето имаше место за максимум две друштва на две маси. И седиме ние и си зборуваме за тоа како јас ќе сум одела на "semi-blind date", како сум се упознала со типот, како изгледал, итн.
Имаше едни момци на соседната маса кои од време на време ни се вклучуваа во муабетите. Ништо особено, многу "casual" беше атмосферата.
И така...
И одам јас на "semi-blind date" вечерта и правам муабет со типов. И тука се случува трип. Дечките од соседната маса му се најдобрите другари.
Идниот ден одам на кафе со 3-4-рица другари. Не беше голем кафичот. На соседната маса седнува потполното друштво - дечкото и дечките од претходниот ден...
Типчево пријде на масата и ми ги изнамерка другариве, беше незгода ситуација.
После излеговме на уште еднен "hardly-blind date"...
И толку :)))...

I see dead people...

2006-11-25T16:02:00.000+01:00

Моето прво зимување беше во 6-то одделение во одморалиштето "Бунец" во Маврово. Се сеќавам дека сите другарки бевме сместени во иста соба и уште од самиот старт им го привлековме вниманието на едни дечки од другиот крај на ходникот. Знаеш, нови женски на спрат, па "фраерчињата" побрзаа да ги запознаат...па може и ќе "ќарат" нешто.

И тропаат на врата...прво двајца...и онака шмекерски те гледаат и ти викаат: "Здраво, јас сум {неговото име}, а ова е {името на другар му}. Mоже да се запознаеме?"... Е ајде ќе се запознаеме....

И така неколку пати тропаат на врата... а нас ни удри популарноста во глава (е добро де мали бевме:))...) па решивме нема веќе запознавања...па не сме се ни распакувале! И некој доби идеја, малку да се позафркаваме со следните што ќе се појават на врата.

Затропа некој на врата...и ете ти пак неколку фраерчиња. Повторно истата реплика со истиот шмекерски тон...и во истиот момент почнуваме да ги прскаме со вода...само што јас еден од нив убаво го "истуширав"...и тогаш типот направи една страшна фаца и од слатко шмекерче се претвори во "I see dead people" (се сеќавате на детето од Sixth Sense - Haley Joel Osment) ... ми рече:

"Ти си МРТВА ФАЦА!"

Зоооооштоооо?!

2006-11-23T23:41:00.000+01:00

Кога бев многу мала имав симпатија...

И многу го сакав, не ни се сеќавам дали воопшто зборував со него, ама знам дека верно си го чував како слатка тајна. Не се ни сеќавам на родендените каде сме оделе заедно, не се ни сеќавам кога прв пат напишав моето име + неговото име...нити пак ога прв пат во споменар напишав дека тој ми е најдобар другар а симпатија немам...

А на што се сеќавам?

Учителката конечно се смилости и не седна заедно. Среќна бев ама не знаев што сега да права во оваа новонастаната погодна ситуација. --- Знаев!!!--- Цело време додека седеше до мене му се правев лута и мавтав со косата...Којзнае зашто, до ден денес не можам да си објаснам...И пак мислам не го добив она што сакав да знам---дали и тој ме сака?

И сега втора сцена на која се сеќавам:

Учителката ни рече дека треба сите да земеме метра и да го измериме школскиот двор. Гледате колку беше добар школскиот систем порано? И некако, не знам како, јас и тој требаше заедно да го измериме игралиштето за одбојка.

Додека јас задлабочена запишував центиметри, тој ми се приближи и ми рече:"Многу ми е мило што се паднав со тебе а не со некој друг---сите други женски се гуски!!!"

Си го добив саканиот одговор. А и не се сеќавам да сум била посреќна во периодот од прво до четврто...

2006-11-22T19:57:00.000+01:00

Самошто стигнав на станицата, веќе беше ноќ, влажна и магловита, а јас патував 2 саати. И двајцата бевме очигледно нервозни. Не се бевме виделе година ипол. Јас се шминкав на возот. Нему му паѓаа објекти од раце.
Имавме помалку од 24 часа.
...Следуваат сцени од филмот "Before Sunrise"...
Некаде 20 часа подоцна се збогуваме...Се симна доле во метрото да ме испрати, а и да бидеме барем на момент сами бидејќи имаше неколку сијалици што со него требаа да летаат за 2 саати од тогаш. Пак се разделуваме, и јас пак фаќам воз..."Зошто сум на возов???"---еднаш се прашав...
Ме бакнува. Се насмевнува. Влегувам во метрото. Следната станица каде требаше да се симнам го носеше неговото име. Коинциденција. Проклетото метро премногу брзо дојде. Влегов. Се затвораат вратите а метрото уште стои. Го гледам и му се смешкам. Почнувам да се зезам, ја ставам раката на прозорот и онака ја движам небаре го допирам. И двајцата се смееме, и метрото нагло трга. Толку брзо тргна што како што стоев пред прозорот, по инерција летнав 2 метра наназад и се ме снема од видно поле.
Не сум го видела од тогаш, а после сфатив дека имам и џмучка на главата :)))

2006-11-22T03:33:00.000+01:00

Окретино...

Темава ме потсети на еден одмор... Јас и дечко ми во Будва, седнати во еден елитен ресторан на обала. Само што имав купено подарок за внука ми -- знаете - од оние гумените играчки кои можеш да си ги обликуваш како сакаш - Окретино... е тие... и си го "гњавам" јас тоа и се смееме на фацките... и само што ни го донесоа јадењето -- да го вратам во првобитна форма, случајно го стискам малку повеќе од потребно и се слуша гласно -- ПУФФ... сите се вртат накај нас, а јас си ги бришам очите од прав и гледам -- целата маса -бела, јадењето не се ни гледа, а дечко ми и јас цели во фаца бели и со обелени коси... :))))

Пропаднав од срам пред него... внука ми остана без планираниот подарок (на втор обид за купување - немаше повеќе), ама па барем слатко се изнасмеавме... :))))

А ако некој се прашувал што има внатре -- не е ништо друго туку... брашно!

WARNING: Kids, do not try this at home...

2006-11-21T10:32:00.000+01:00

Сигурна сум дека барем еднаш ви се случило да направите утка со мобилниот и да титнете на погрешен број, или можеби да пратете SMS на погрешен број. Ама пак да му пратите по грешка SMS на вашиот бивши дечко... во која го спомнувате него....е тоа е веќе super giant trip:)))))

Еден ден ми кажува другарка ми дека мојот бивши (во кој сеуште бев затрескана и е од друг град) дека ќе доаѓа вечерта. Иначе мојот бивши (ај ќе го наречам Горан) е колега од факс на дечкото на другарка ми, и дента беа во Солун на дипломска.

И значи веднаш тука настанува возбуда, "butterflies in the stomach" , планови што ќе се облече, каде ќе се оди....се фаќам за мобилниот и и пишам порака на една другарка:

"Еј, знаеш што? Вечерва иде Горан значи обавезно излегуваме. Те молам ако имаш нешто испланирано, откажи. Поздрав"

Го барам во именикот нејзиното име...и по грешка бирам друго име...иииии пораката ја праќам кај бившиот!

Тука веднаш почнувам да вриштам, да си ја трескам главата од земја...другарка ми збунето ме гледа.....јас некако успевам да се соземам, и кажувам што се случи.....и тука нејзе и текнува една супер идеја!

Се јавува кај дечко и, и го прашува дали Горан е во близина, му кажува дека по грешка пратив порака кај Горан, која не смее да ја прочита.... и на моја гоооолема среќа, Горан бил на другата маса (во моментот биле во ресторан), па дечкото успеа да го земе телефонот, но не знае како да ја избрише пораката....и тука повторно има вриштење, кревање паника.....ама се најде до него неговиот брат, па успеа да ја избрише пораката..... пред да ја прочита Горан!

Не сакам ни да помислам што ќе се случеше ако Горан ја прочиташе пораката....сигурно неговото его ќе се дигнеше до бесвест, а јас не ќе можев да се појавам пред него.

2006-11-19T21:39:00.000+01:00

Интермецо

После една дискусија со колешките, решивме да направиме мала промена на содржината на следните неколку објави на нашиот блог, а и воедно би сакале да повикаме на поголема ваша влкученост.

Имено, би сакале да ја свртиме малку работата и да се прашаме кога ние {се мисли ние цурите} имаме излупано некоја веле-глупост пред некој тип што ни се свиѓал и заради него сме ги кажале најневрзаните фрази во историјата на Македонскиот јазик,а богами можеби и некој друг...

Да се надоврзам на претходната изјава со еден цитат кој всушност и не е поврзан со тоа што зборував погоре. Значи ова е интермецо среде интермецото...

Еден другар неодамна ме праша дали имам дечко. Јас му кажав што му кажав, и тој ми го кажа следново. Ми вика: "Така треба...Знаеш, и јас така правам, ќе дадам шанса на почеток некому, па ако ми се затресат колената добро е..."

Ми се допаѓа изјавата.

Да се навратиме на темата...Пишете ако имате нешто да ни кажете, а ние ќе почнеме први :)))))

2006-11-19T19:12:00.000+01:00

Трип hi5 пораки, дел втор!!!...
Ова се нови пораки кои една наша другарка мораше да ги сподели со јавноста...Се сложувам дека нужноста ова да се објави е неспорна...

Порака 1
Цитирам:
{моето име + че} grees eptem si cool... koj ke te ima alal neka mu je :o)... i sega sto ostanuva dali ke sme prijateli :o)...
Затварам цитат.

Порака 2
Цитирам:
" Hi! Izvini mozi gresam ama da ne se vikas eventualno **** Aleksovska i ucese Orce Nikolov vo...IV-3 mislam - maturira 2004. Epa ako si taa :) a mislam deka si od rodendenot gledam ****** - skorpija :D jas sum M***. Ti teknuva na mene? DRACKULA od mIRC od BT? Drugar na Rosica? Epa aj ako ti tekni...pisi mi... Uste ti go imam mobilniot od togas so mi go dade. :D ajt :**** kiss"
Затварам цитат.

Порака 3
Цитирам:
"Здраво?!"
Затварам цитат.

Има неколку од еден лик од Banjarbaru, Indonesia...еве нешто од него:)
Порака 4
Цитирам:
(H)ow are you?
(E)verything all right?
(L)ike to hear from you
(L)ove to see you soon!
(O)bviously, I miss you...
Затварам цитат.

Немаме коментар...сонетен венец во која година средно се учеше????

2006-11-19T00:11:00.000+01:00

Вчера, во еден клуб во Скопје не е битно каде, праам муабет со еден тип. Не знам зошто ама си помислив дека можеби е нормален и дека нема да ми се пушта или слично...
Но!!!
Ми се врти и ми вика --- "Знаеш што е најбоље јадење у свет?---Блитва со хопла и паста, морам да ти праам некад" --- и ја уште во расположение да му дадам "benefit of a doubt" се смешкам и чекам да видам што друго ќе каже...
Настапува кратка пауза и следи "pick up line" -от на вечерта: "Баш си онака згодна знаеш, баш би те мувал стварно" --- и ме гледа онака изленадено и со језив сјај у очи...
Бев со другарите и набрзо си отидовме...

2006-11-18T23:12:00.000+01:00

Мораше да го постираме овој коментар од една наша другарка:

drugarka said...: Jas sum vasha citatelka. Sakam da se dopolnam na "Kategorija Trip SMS":)))
Od bivshi dechko na moj rodenden, citiram:
"Mnogumina velat deka chovek so 21 godina i vistinski stanuva polnoleten odnosno steknuva vistinska zrelost da zachekori kon iskushenijata i predizvicite shto gi nosi zivotot. Vo toa ime sreken rodenden i neka 21-ta ti gi otvori portite od svetot na dushevnata harmonija kade shto zdravjeto ke bide tvojot angel chuvar a srekata i uspehot ke ja krasat tvojatra aura na patot kon realizacija na site neostvareni mechti, celi i sonishta.iskreno {negovo ime}"
zavrshen citat.

2006-11-18T14:28:00.000+01:00

Би сакала да ви препорачам еден веб-сајт кој е сличен на нашиот. Всушност не е толку сличен, ама верувам дека ќе има некој од вас кому би му се допаднала содржината. Сајтот функционира на следнот начин: Девојки од повеќе "cool" и "hip" локации низ цел свет имаат свои колумни за она што е популарно во нивнот град, гледано низ розеви женски наочарчиња :))))
Кликнете овде за да го видите сајтот.

Каде вечер?

2006-11-17T00:41:00.000+01:00

Каде? Во Место.

Кој? Неколку девојки.

Кога? Сега!

Зошто? Зашто истрипаа на брошурка!

2006-11-16T22:25:00.000+01:00

Го знаете Еминем?
Дел прв...
Бевме еднаш со една другарка на забава во една куќа не знам каде во градов. Беше приватна журка, 20-30 луѓе, добра музика и атмосфера да се запознаеш таман со сите што те интересираат а и не те баш интересираат. И не е битно како, некако околу 1 саат по полноќ комшиите така грубо ја прекинаа забавата која веќе беше умрела.
Јас и другарка ми, со двајца типчиња, си купивме пива и ај демек да одиме некаде да продолжиме со дружењево. Отидовме на најблиското брдо знаете каде. Прво на Средно, кармата не ја биваше, па отидовме во павиљонче нешто погоре. Седиме ние во павиљончето, и сфаќаме дека пивото ни е на Средно.
Проблем: некој треба да оди да ги земе. Хммм...4-рица сме, може двајца да одат. Отидов јас со едниот тип.
И така на Средно сме пак, ја и типов, симпатичен е, ама и напрега малку, го гледам му се свиѓам. Спомнав дека типовиве беа 4-5 години постари? Епа, да---беа. И, типов тргнува да ме пољуби, и ја се тргам еднаш, двапати, и третиот пат попуштив. После бакнежот следеше анализата---"Леле, колку си прекрасна, малечка, а сепак паметна, малечка, како млекце си"---и ме гледа како мало дете...
Инсистирав да се вратиме у павиљончето.
Се враќаме горе. Ја слушам другарка ми збори:"И тогаш,тигар кога би дошол, јас би скокнала горе на покривот, а ти?"---Доаѓам до неа и ми шепка:"Овој ме напрега, зборам глупости пола саат само да не проба да ме пољуби"---набрзо после тоа се вративме дома...
Наравоучение: Секогаш бидете запознаени со дивиот свет на нашите планини, и стоете понастрана од дечки со недостаток на калциум....
Got milk?

Дел втор...
И така си минува времето, денови, недели, не се ни сеќавам колку...
Се шетам ја низ град со еден другар, инаку едниствениот кој го познававме на журката објаснета погоре. Застануваме пред една продавница, и другар ми ми вика:
"Го познаваш типов на сликата?"---и јас погледнувам во излогот и гледам едно така "sweet" типче со кратка коса и одма ми текна кој е --- "Еминем!!!" му викам онака сигурна...
Другар ми ме погледна така чудно и со навестувачки тон ми вика:
"Погледни уште еднаш..."
Гледам и не сфаќам зошто другар ми толку го тупи за една слика со Еминем...
Дигам раменици...
Другар ми: "Тој на кој си му дала погрешен број!"
Јас: "!?...кој?"
Другар: "На журката пред некое време, мој другар, "ring any bells"?"

Кога ми заѕвонеа ѕвончињата сфатив дека Еминем би бил прескап да позира за излог на наш бутик, а типот во излогот беше прилично блед, очигледно калциум - "craving"...

2006-11-15T13:48:00.000+01:00

Додека го submit-ував блогот на еден вебсајт имаше поле каде што требаше да се напише дали е објавен во печатен медиум или поврзан со популарни website-ови... и така... додека пишував дека е објавен во Време како сајт на денот и дека имаме многу популарни блог-пријателчиња како за почеток (само 15 дена откако го почнавме блогов :), ми текна дека ние всушност заборавивме вчера да му заблагодаривме јавно на уредникот на рубриката.

Според тоа, еве едно фала до него... и... фала за пофалбите... а највеќе за критиките - мали работи кои се веќе поправени...

Фала и на сите наши блог-пријателчиња... праќајте ни ги вашите мисли... (nekolkudevojki@yahoo.com)

2006-11-14T22:12:00.000+01:00

Сега би сакала да направиме еден мал контраст.
Од моменти кога ни оди да се прснеме од смеа, до моменти кога си викаме "оооооо, колку симпатично" ...
Значи...би сакала да се потсетам на кој бил најубавиот подарок од машко што сум го добила досега. Можеби во моментов претпоставувате сешто, но...
Многу одамна, тогашниот дечко, ме пречека позади школо. Бев со многу луѓе и не приметив кога тој си го нашол моментот за да ми рече: "Имам нешто за тебе..."
Погледот тогаш ми застана на неговата дланка,отворена и во неа држеше едно мало црвено срце, исечено од целофан. Ми вика: "Вака ми правиш ти да се чувствувам..." --- Јас не бев забележала дека срценцето, заради контактот со топлата дланка, полека се свиткува од сите страни. Го гледав како полека се движи и се собира. Целофанот бил очигледно многу тенок.

Многу ми се допадна симболиката...

Предлог: Сетете се и вие на некој убав гест...па и не мора да е од дечко...

2006-11-14T15:21:00.000+01:00

Кафана трип !!!

Само што бевме со колегите од работа на јадење во едно кафанче близу до нашата канцеларија. Атмосфера во кафанчето - пушти ме да вриштим: турбо фолк музика, зјапачи поставени стратешки во агол и газдата заедно со блиско друштво распиени играат табла.. т.е. извинете.. двајца играат, другите им помагат на тие двајца, длабоко замислени во играта :)) ама храната е ТОП и неколку пати веќе одиме таму.

Е сега.. малку историја: келнерот секогаш кога ќе одиме шмека невидено и додека јадеш - те ѕирка од вратничето (меѓу прсти) и прави "cool" фаца кога ќе го погледнеш...

И така, си се најадовме ние и на искачање му го побарав бројот од кафанчето за да се јавиме друг пат - да ни направат унапред за да не чекаме (па мачење е на таа атмосфера, ако ме разбирате)... и келнерот ми носи едно лифченце на кое ми го напишал неговото име и број и ми вика:

- "Па помини пак, тука сум јас"

Категорија: Не се категоризира...

Trip Hi5 messages

2006-11-13T00:09:00.000+01:00

Еднаш од љубопитност направив Hi5 профил... и многу ретко го проверувам, ама ми стигаат многу e-mail пораки за нови messages, па си викам ај да видам да не има некој познат меѓу нив.

Сакав да ги напишам сите, но затоа што се многу еве ги "the best of breed" (запази BOLD текст) :

Порака 1:

greetings from g**** kumanovo
really u have atractivs photos
that means u are so atractive
will like to have ur add in msn
x******@hotmail.com

Порака 2:

kako si {moeto ime} mnogu ubava izgledas a :)

Порака 3:

duso sakam tvoj broj i da ti javlam da ti cujem tvoj gllas ciaoo

Порака 4:

zdr kako si sta ima novo kaj vi ciaoo ako imas vreme daj poruke ;)

Порака 5:

i like cnow more abaut you oki can i ?
i you like msn or write me b*****@hotmail.com

Порака 6:

Ne se znaeme.ok.Znam deka mnogu devojki ne bi im odgovorile na nepoznati decki.ok.No me interesira kade si slikana so golemoto kuce vo pozadina.ako sakam...cao .pozdrav od Dime.cao

Порака 7:

cao kuklo super izgledas.
da ti bidam decko??

Порака 8:

hii
kako si
mi
mnogu si sexiii

Порака 9:

Zdr {moeto ime} ,da bidam kratok bi se druzel so tebe vo najmala raka a vo najgolema nesnam sto :))))
ako si za pisi mi na j********@yahoo.com ili m*******@hotmail.com moze na msn
Jas sum M**** 28 MKD-USA. thanks in advance....kisss

PS: НЕ МОЖААААААМ!!!!!!!!!

2006-11-12T22:59:00.000+01:00

Гоооолемо фала до нашето
ново блог-пријателче - Црвенкапче
и за нејзиниот пост за нас!

2006-11-12T22:30:00.000+01:00

Еден мој другар во едно наше летувалиште, нешто прилично buzzed, и приоѓа на една девојка во дискотека, една онака "посакувана" Скопска цура и и вика:"Што ќе се напиеш?"
И оваа му се врти на келнерот и му вика:" Водка+Red Bull" (читајте: најскап пијалок у кафичот)...

Другар ми нарачува пиво и доаѓа келнеров за 2-3 мин. Со пијачките и вика 240 ден.---и другар ми вика, откако се фаќа за џеб, а па јас немам веќе пари, девојката нека плати...

Него после следниот ден му паднало срам...и си вика чекај, ќе опраам работа....

Пак во истата дискотека, оди на шанк и ја наоѓа цурата...и и вика:" Што ќе се напиеш, ај да ти вратам од вчера!" И цурава пак се полакомува и вика:" Водка+Red Bull", а другар ми пак пиво...Брца во џеб да види дали има пари овој пат (беше сигурен дека земал, ама then again пак беше buzzed) и кога гледа, 80 ден---таман за пивото....

Доаѓа пак келнерот---240 ден---другар ми си го плаќа пивото и си оди....
Срам му беше ама не треба да му биде. Зошто?

Наравоучение: бидете скромни, зошто порано да не ви снема пари за време на летниот одмор :)))

Категорија: Трип во глобала

И СЕ!!!!!

2006-11-12T20:58:00.000+01:00

Еден викенд во еден град во Источна Македонија си седиме во едно диско... и доаѓа еден дечко на другарка ми и и вика:

-"Ја тебе те забележа и многу си убава и стварно ми се свиѓаш И СЕ!" :))

Замисли тоа на крај да ти го рече некој...и кога рековме ние ќе се смееме :)))))....а дечкото се збуни и си отиде : (((

Потоа цела вечер ги завршувавме речениците со ---> И СЕ!

Категорија: Трип "pick up"

2006-11-11T15:33:00.000+01:00

Поддршка до нашите блог-колеги кои преземаа иницијатива за уривање ѕидови...

Виза-стварно ај батали !!!

2006-11-10T14:32:00.000+01:00

Бев на одмор со другарки...Имаше едни машки што ни беа male companions of the vacation, а и воедно во истата куќа беа сместени...балконите ни гледаа на прометното шеталиште...

Уште од ден No1 имаше тука нешто со еден од типовите и ја... Работите се вжештија кога една вечер дур кулиравме со женскиве на плажа и не нападнаа крвожедни Грци, како superhero се појави мојот некогашен sort-of-дечко...па се обиде да не спаси... и нема врска, поентата е и он почна со нас да се дружи...

И така една прекрасна романтична ноќ, на нашата тераса седевме јас, мојот нов crush и другарка ми...они двајца накај шеталиштето, јас на третата страна...
Среде некој не многу битен муабет, од доле слушам:
"Кооо ки чееен це, де вој чен це, белооо белооо... "

И другарка ми ми се врти и вика: "Мислам дека е за тебе... "Јас црвена гледам надоле... Бившиот {леле!}; и му викам престани, луѓе милион... Ми вика "Дај фрли вода" и продолжува да пее... Ми се врти симпатијата: "Кој ти е овој? "---Јас не знам што да правам, што да кажам...овој од доле уште пее... Напунив една чаша, зелена пластична и му ја фрлив... вика: "Добро, јас сега отидов"...

Многу ми беше срам да знаете... Ама убрза работа со другиов---имаше jealousy issues.

Поука---не го користете бившиот дечко да си фатите нов, бившиот сам ќе ви помогне.

*Ex bfs can be ur friends after all*...