صلہ عمر | صلہ جو ہم نے عمر سے پایا ہے

تجسس

2012-02-16T15:42:00.000+05:00

انسانی شخصیت کا عجب پہلو تجسس ہے، کسی معاملے یا شے بارے اس کا تجسس ہی اس کو اہم بنا دیتا ہے۔ دنیا کے کامیاب لوگوں نے اس ہتھیار بے پایاں کا خوب استعمال کیاہے، عیار و مکار مداریوں کی مانند!۔ عموما ہر مداری کے سامنے زمین پر پٹارہ دھرا ہوتا ہے، جس میں ایک نام نہاد سانپ پڑا رہتا ہے، نام نہاد یوں کہ مداری جو خصوصیات اس سانپ کی بیاں کرتا ہے وہ وصف اس بے کمال سانپ میں کبھی پائے ہی نہیں جاتے، بلکہ وہ دو

قافلۂ نکہت غم

2012-01-29T03:18:00.000+05:00

غم انسان کو توڑ پھوڑ کر رکھ دیتے ہیں۔ میرا ماننا ہے کہ یہ غم نہیں ہوتے بلکہ غم کا احساس ہوتا ہے، جو توڑ پھوڑ دیتا ہے۔ غم کا احساس شعور کے ساتھ بیدار ہوتا ہے اور یکدم ، آپ کے آپ سامنے آن کھڑا ہوتا ہے۔ غم ایسے توڑتے ہیں کہ دیکھتے ہی دیکھتے بندہ ریزہ ریزہ ہو کر ایسے بکھرتا چلا جاتا ہے کہ اپنے ذرات اسے مٹی میں ملے، اسی کے رنگ میں رنگے نظر آتے ہیں۔ ایسا محسوس ہوتا ہے کہ یہاں کوئی وجود نہیں

جنوبی پنجاب میں۔۔۔: خود ساختہ خدا

2012-01-21T00:48:00.001+05:00

ایک واقعہ ایسے ہے کہ چند دوست جو دوسرے شہر سے تشریف لائے تھے، میزبان کے ساتھ شہر میں مٹر گشت کر تے ہوئے ایک چوک میں پہنچے۔ چوک کی نکڑ پر اخبار کے کھوکھے پر ہجوم سا جمع تھا۔ ایک شخص عین بیچ سگریٹ سے شغل کر رہا تھا اور چند معدودے اس کے ارد گرد جمع تھے۔ راستے سے گزرتے ہر دوسرا شخص اس بیچ بازار بیٹھے شخص کو سلام دعا کرتا، عرض ہوتی تو گزار کرتا اور آگے بڑھ جاتا۔ کئی اس کو دیکھ کر بغیر کوئی توجہ

جنوبی پنجاب میں۔۔۔: ملتانی جغرافیہ

2012-01-19T21:23:00.003+05:00

ملتان بڑا شہر ہے اور میں بڑے شہروں میں وحشت کا شکار ہو جاتا ہوں۔ یہاں میری زندگی بوسن روڈ تک محدود ہے اور اگر دائرہ وسیع کروں تو زیادہ سے زیادہ چوک کمہاراں جہاں سے میں ملتان سے رخصت یا یہاں وارد ہوتا ہوں۔ اس کے علاوہ، میرا اس شہر سے اگر ربط رہتا ہے تو وہ تمام شہر سے گزر کر فوجی چھاؤنی اور وہاں سے مظفر گڑھ، لیہ، ڈیرہ غازی خان یا پھر راجن پور کی جانب سفر ہوتا ہے۔ یہ سفر ہفتے میں کم از کم دو بار

جنوبی پنجاب میں۔۔۔ مولتانی ملتان

2012-01-19T02:42:00.002+05:00

ملتان، جنوب کا گڑھ ہے۔ بہالپور بارے بھی یہی خیال غالب ہے مگر بہالپور ایک ریاست کا مرکز تھا اورملتان اس پورے خطے کا مرکز ہے۔ یہ کراچی کے جیسا ہے، یہاں ہر کوئی آ کر آباد ہوا۔ سرائیکی یہاں کے پیدائشی جبکہ پنجابی، پٹھان، اردو بولنے والوں کے علاوہ یہاں پر کئی صوفیائے کرام بھی آ بسے۔ یہاں جو بس نہ سکے، وہ آبادیاں یہاں کی مقامی نہ تھیں، بلکہ وہ آس پاس کے شہروں کی وہ جواں عمر لڑکیاں تھیں، یہاں کے

زندگی کی روح

2011-07-20T10:12:00.000+05:00

سفر ہمیشہ سے میرے لیے اذیت رہا ہے۔ کتنی عجب حالت ہوتی ہے کہ بندہ بہت کچھ کرتے ہوئے (ایک مقام سے دوسرے مقام کی جانب گامزن ) بھی کچھ نہیں کر رہا ہوتا۔ آپ کو ایسا محسوس ہوتا ہے کہ جیسے آپ معلق ہیں اور آپ بہت کچھ کرتے ہوئے بھی بے بس ہیں۔ اس طرح آپ گاڑی کی ایک نشست پر اپنے آپ کو قفس میں مبتلا پاتے ہیں۔ ایسی حالت میں، آپ کچھ ہی کام ہیں جو سرانجام دے سکتے ہیں؛ پہلا تو یہ کہ باہر دوڑتے مناظر کو تاڑیں،

جنوبی پنجاب میں۔۔۔: جنوب کا قضیہ

2011-06-27T11:28:00.000+05:00

فرض کیجیے، میں ایک توہم پرست ہوں ۔ ایسی صورت میں یہ کہ جنوب سے میرا پیچھا نہیں چھوٹتا، میں نے اپنی زندگی کے اب تک کےاہم ادوار میں جہاں گیا وہ جنوب تھا۔ بالاکوٹ سے جنوب کی جانب مانسہرہ میں، تعلیم کے لیے صوبہ کے جنوبی ضلع ڈیرہ اسماعیل خان اور اب تلاش روزگار میں ملک کے صوبہ پنجاب کے جنوبی حصے میں۔ جنوب ایک سمت ہے، اور جیسے جیسے یہ زندگی مجھے اس سمت میں اندر ہی اندر، اور گہرا دھکیل رہی ہے ویسے ویسے

مقدمہ نسوار

2011-06-12T20:58:00.000+05:00

نسوار دلچسپ سوغات ہے، دسویں جماعت تک کے سائنس کے طالب علموں کے لیے یہ صرف مینڈکوں کو بے ہوش کرنے کے لیے استعمال کی جانے والی اک دوائی ، جبکہ اسے کھانے والوں کے لیے فرحت اور شغل کا سامان۔ دنیا آج بھی مخمصے کا شکار ہے اور سمجھ نہیں پاتی کہ نسوار استعمال کرنے کو کیا نام دیا جائے؟ شراب نوش کی جاتی ہے، پان چبایا جاتا ہے اور بیڑی پی جاتی ہے مگر نسوار پر یہ الزام ہے کہ اسے کھایا جاتا ہے۔ حقیقت یہ ہے

اصول تجارت

2011-04-25T02:25:00.002+05:00

انسان کے رہنے سہنے کے طور طریقے، رسم و رواج اور تہذیب و تمدن شاید ہر دور میں تغیر کا شکار رہے ہیں، مگر ایک شے ایسی ہے جو کبھی نہ بدلی یا کم از کم مجھے وہ واحد ایک ہی شے ایسی نظر آئی؛ تجارت ایک سی رہی، بازار ایک سے تعمیر ہوئے، مول تول کا انداز وہی رہا اور بازار واحد مقام رہا جس کے اصول کبھی تبدیل نہ ہوئے۔ کہیں بھی چلے جائیے، مشہور و معروف شہروں اور کسی بھی چھوٹے گاؤں یا قصبے کا دورہ کر لیجیے،

نچ او غلام نبی

2011-03-24T03:16:00.000+05:00

دیکھیے مذمت کرنے کو میرے پاس کئی موضوعات ہیں۔ شخصیات چلا چلا کر پکار رہی ہیں کہ ان پر تنقید کروں اور واقعات پے در پے برپا ہو رہے ہیں کہ میں گھنٹوں ان کے محرکات پر سر کھپاؤں۔ لیکن میں ہوں کہ خود اپنے آپ پر اٹکا ہوں، خود پر بات کرتا ہوں تو دوسرے افراد خود بخود اس تنقید کی زد میں آتے چلے جاتے ہیں، شاید وجہ یہ ہے کہ میں اپنے آپ کو بطور انسان سوچتا ہوں، اور پھر اسی لیے سماجی جانور ہونے کے ناطے

مکالمہ

2011-01-30T00:50:00.001+05:00

صبح طلوع ہونے کا حال کیا سناؤں، دن ایسے ظاہر ہوتا ہے کہ جیسے کوئی بوجھ اٹھائے ضعیف العمر آخری دن گن رہا ہو، دفتر جاتے ہوئے اکثر صبح مجھے وہ دن یاد آتے ہیں جب سکول جانا شروع نہیں کیا تھا۔ تب بالاکوٹ میں رہائش تھی اور ناشتہ کر کے؛ چائے، پراٹھے اور انڈے کی مہک سانس میں بسائے گھر کے سامنے کچے مکان کی منڈیر پر مٹی میں آلتی پالتی مارے بیٹھ کر بالکل سامنے کے پہاڑ پر سورج کی کرنوں کو نیچے کی جانب سفر

کانسپیریسی پکوڑے اور گدھ

2010-08-02T00:38:00.000+05:00

میں یہاں "کانسپیریسی پکوڑے" پکانے جا رہا ہوں۔ زیادہ مرچ مسالے چونکہ ہاضمہ خراب کرتے ہیں تو وکی نیوز کی مثال آج کے لیے کافی ہے۔ وکی نیوز کی مثال بھی میں نہ دیتا، پر بین الاقوامی پکوڑے پکانے کا اپنا ہی ایک مزہ ہے۔ چھوٹے موٹے پکوڑوں کے لیے اپنے ملک میں اخبارات اور ٹی وی چینلوں کی کمی نہیں ہے اور یقین جانیے ایک محب وطن ہونے کے ناطے میں ان کے ہی طریقہ پر عمل کر رہا ہوں، میں اس بات کا کٹر حامی ہوں کہ

مقصد حیات

2010-07-17T12:57:00.001+05:00

نوٹ: یہ تحریر صاحب بلاگ کے ایک دوست، محمد وحید نے ارسال کی ہے۔ زندہ رہنا کیوں ضروری ہے؟ جو جواب میرے ذہن میں آیا اس سے کافی حد تک میرا اختلاف نہیں ہے، لیکن اس جواب کے بعد میں اپنے آپ سے خوش نہیں ہوں۔ ہماری زندگی میں ہمیشہ دوسروں کی بہت اہمیت رہی ہے کیونکہ، آپ نے ہمیشہ دوسروں کی وجہ سے زندہ رہنا ہوتا ہے۔ آپ کی پیدائش دوسروں کی وجہ سے، آپ کی پرورش دوسروں کے ہاتھ، آپ کی تعلیم دوسروں کی ایماء پر اور

خوف سے آلودہ

2010-07-10T00:44:00.000+05:00

اس بلاگ کے قارئین کی بدقسمتی یہ ہے کہ یہاں اکثر تحریر اسی وقت چھپتی ہے کہ جب صاحب بلاگ کسی ذہنی دباؤ کا شکار ہو، اوراگر کوئی تحریر غلطی سے دلچسپ موقع کی مناسبت سے ہو بھی تو اس پر بھی ماتم کا گماں ہوتا ہے۔ گو کہنے کو یہ صلہ عمر ہے، مگر قابل رحم حد تک یہاں صرف عمر کا تاریک صلہ ہی بیان کیا گیا۔ شازونادر ہی کوئی تحریر ایسی ہو جو میری زندگی کے دلچسپ اور مزیدار واقعات کا احاطہ کرتی ہو، حالانکہ یقین

مجھے آزاد کرو

2010-06-04T02:52:00.000+05:00

مجھے آزاد کرو!۔ ہر روز میں کئی لوگوں سے ملتا ہوں، ان میں سے تقریبا جی نہیں رہے۔ بہت ہی زیادہ، دیکھیے بہت ہی زیادہ لوگ، میرے سمیت، ایسے ہیں جو اپنی زندگی جی نہیں رہے ہیں، بلکہ وہ اپنی زندگی مر رہے ہیں۔ یہ تھوڑا سا مبہم ہے، یہ ایسے ہی ہے کہ جیسے کوئی کہے گلاس آدھا خالی ہے اور کوئی دوسرا کہے کہ یہ آدھا بھرا ہے۔ لوگ اپنی زندگی جی نہیں رہے، وہ اپنی زندگی مر رہے ہیں۔ مجھے آزاد کرو، مجھے جینا ہے، میں

قفس اداس ہے

2010-06-01T03:08:00.000+05:00

کبھی آپ جیل گئے ہیں؟ یا آپ نے کبھی قید کا مزہ چکھا ہے؟ یا اور نہیں تو کبھی کرفیو میں کچھ دن اور راتیں تو گذاری ہی ہوں گی؟ اچھا اس بلاگ تک پہنچنے والوں میں سے باقیوں کا تو مجھے نہیں پتہ، میں نے بہرحال "نیم جیل" یعنی حوالات کا مزہ چکھا ہے، قید کو محسوس کرنے کا دلچسپ تجربہ بھی ہوا ہے اور کرفیو میں چند دن اور راتیں بھی گذار چکا ہوں۔ قفس کے یہ تجربات تمام ہوئے تو میں نے اپنے پالتو طوطے آزاد کر دیے

اے وطن کے سجیلے جوانو

2010-05-08T03:07:00.000+05:00

میں جب بھی فوج بارے سنتا، پڑھتا، لکھتا یا بولتا ہوں تو دو چار لطیفے ہیں جو زہن میں گھوم جاتے ہیں۔تو یہ تحریر پڑھنے سے پہلے آپ بھی ان میں سے ایک آدھ لطیفہ سن لیجیے، مجھے افاقہ ہو جائے گا۔ بھلے لوگ کہتے ہیں کہ اصل لطیفہ کچھ ایسے ہے کہ"فوجیوں کے دو ہی اصول ہیں: پہلا یہ کہ جو شے ساکن ہو اس پر چونا پھیر دو جبکہ جو متحرک دکھے اسے سیلوٹ ٹھوک دو۔" اہل زبان سے معافی چاہوں گا کہ یہ الفاظ کچھ اتنے اچھے

ماضی کی مار، مستقبل کی پھٹکار

2010-04-12T02:53:00.001+05:00

میں ابھی تک باوجود کوشش کے ماضی سے باہر نہیں نکل پایا۔ حال کے کسی واقعے بارے سوچتا ہوں تو ڈانڈے ایک آدھ دہائی پیچھے جا کے ملا دیتا ہوں۔ بھاگ کر کتابوں کی آغوش میں پناہ لیتا ہوں تو بھی ماضی میں جھانکنا شروع کر دیتا ہوں۔ حالانکہ یہ کتابیں بیان تو ماضی کا ہیں لیکن چیخ چیخ کر دہائی دیتی ہیں تمھارا تو نہ ماضی ہے اور نہ ہی مستقبل، تم تو حال کے وارث ہو۔ کروں تو کروں کیا، اور بھاگوں تو بھاگوں کہاں؟ میں

لپے کا نیا نام، خیبر پختونخوا

2010-04-04T00:10:00.000+05:00

اگر آپ پاکستان میں1990ء سے 2002ء کے درمیانی زمانے میں سکول و کالج میں تعلیم حاصل کرتے رہے ہیں تو میں آپ کو جانتا ہوں!۔ اسی زمانے میں، میں بھی سکول اور کالج میں رہا اور مجھے پتہ ہے کہ آپ کے سکول و کالج میں بھی ایک بد عادت عام رہی ہو گی، جسے "نام بگاڑنا" کہا جاتا ہے۔ اس زمانے کے علاوہ کسی زمانے میں کسی نے بھی تعلیم حاصل کی ہے تو وہ اگر یہ کہے کہ وہ "شرافت"، "ادب" اور "تمیز" کا زمانہ تھا تو میں اس

چھتر اور چھترول

2010-03-04T02:52:00.000+05:00

عدالت کچہری کا معاملہ تھوڑا ٹیڑھا ہوتا ہے۔ ہم تو یہ سوچ کر دہل جاتے تھے کہ ہمیں بھی کبھی اس معاملہ سے گذرنا پڑے، پہلی بار باقاعدہ عدالت کچہری کا منہ ہم نے ڈومیسائل بنواتے ہوئے دیکھا تھا، دن بھر پھرتے رہے اور پٹواری سے لے کر تحصیلدار اور پھر ڈپٹی کمشنر کے دفتر تک ہم کئی روپے اور اپنی جان جلا چکے تو ایک کاغذ کا ٹکڑا ہمیں تھما دیا جس کو آج بھی سینے سے لگائے پھرتے ہیں۔ عدالت سے دوسرا واسطہ ہمارا

عاشق رسول ﷺ

2010-02-28T01:04:00.000+05:00

بالاکوٹ کا ہائی سکول کافی دلچسپ ہے۔ وہ اس طرح کہ عام طور پر کسی بھی قصبے کا مرکز اس میں موجود سرکاری دفاتر یا پھر کسی کمیونٹی ہال قسم کی شے کو سمجھا جاتا ہے، لیکن زلزلے سے پہلے تک بالاکوٹ کا مرکز بالاکوٹ کے ہائی سکول کو سمجھا جاتا تھا۔ ایسا شاید کہیں دوسری جگہ پر بھی ہوتا ہو، لیکن ایک تحصیل میں عدالت، محکمے کے دفاتر، ڈگری کالج، تھانہ، گرڈ اسٹیشن، جامع مساجد اور اسی طرح کے دوسرے مقامات ہونے کے

میں ایک عدد انسان ہوں

2010-02-24T03:43:00.000+05:00

یہ ایک میں ہوں، مزید یہ کہ میں ایک عدد انسان بھی ہوں۔ سیانے چاہیں تو فٹ پوچھ لیں، "میاں! دنیا میں بے تحاشہ انسان ہیں، ان میں سے اکثریت "میں" کی ہے تو بھلا یہ کیا تعارف ہوا؟" باریک بینی سے غور کیجیے کہ یہ سوال نہ صرف وزن رکھتا ہے بلکہ جگہ بھی گھیرتا ہے۔ تو تفصیلاً اس سوال کا جواب دیے دیتا ہوں کہ ، "میں ایک خواہ مخواہ انسان ہوں!"۔ مثال: میں ایک بھوکا انسان ہوں۔ جواب : سارے انسان ہی بھوکے ہوتے

دماغی فتور

2010-02-18T03:06:00.000+05:00

ہماری حالت کچھ اچھی نہیں ہے۔گمان غالب ہے کہ اگر کوئی اس جملے کو سن کر یہاں تک پہنچا ہے تو وہ یقیناً باوضو ہو کر آیا ہی ہو گا، سن رکھیے ایسا کچھ نہیں ہے۔ ہم خوش باش ہیں بس تھوڑے سٹھیا گئے ہیں۔ سٹھیانے سے یاد آیا کہ اک بار اپنے ساجد اقبال صاحب نے بھی ہم سے خوب دشمنی نبھائی تھی۔ ہم نے پوچھا کہ صاحب اگر کسی کو مغرور پائیں تو کیا کریں بھلا؟ فرمانے لگے کہ جیسے ہی مغرور کو دیکھو تو گانا گاؤ، "یوں

جھنگ کا رانجھا

2010-02-15T01:41:00.000+05:00

ویلنٹائن کا حال مجھ تک بھی بس کچھ سال پہلے ہی پہنچا ہے ورنہ وہ کافی عرصہ پہلے مر چکا تھا۔ مرنے کو تو ہر کوئی مر جاتا ہے۔ مرزا بھی مر گیا تھا اور اس کے پیچھے پیچھے صاحباں بھی لیکن ویلنٹائن انوکھا ہے ، انوکھا ایسے کہ مرنے کو تو مر گیا مگر ہمارے ایمان داؤ پر لگا گیا۔ اب اصل قصہ نا جانے کیا رہا ہوگا ، لیکن ہم غریبوں سے نا جانے کیوں دشمنی اتارنے پر تلا ہوا تھا۔ ہمارے ایک دوست کا تعلق ہیر رانجھا کے

جیے بھی تو کیا جیے

2010-02-10T03:57:00.001+05:00

پچیس پورے ہوئے تھے تو ہم سوچتے تھے کہ ہمیں ایک موقع ملنا چاہیے، ہم کچھ پچیسیا یا ڈاکو قسم کی چیز بننا چاہتے ہیں۔ لیکن یہ حسرت بھی دوسری کئی خواہشوں میں دب کر رہ گئی۔ اکثر گلی میں لوگ تبصرہ کرتے ہوئے پائے جاتے ہیں کہ "مہنگائی اور قلت اس لیے ہے کہ حکومت دہشت گردی سے عوام کا دھیان ہٹانا چاہتی ہے۔" بس کچھ ایسا ہی ہمارے ساتھ بھی ہوا ہے۔ یہ سال بھی کچھ ایسے گذرا جیسے کوئی جان سے گذر جائے۔ ذاتی زندگی