Poem On This Way

Is your goal in life that gold and wealth are great? Poem and Explanation

noreply@blogger.com (Unknown) — Sun, 26 Jan 2025 21:12:00 -0800

பொன்னும் பொருளும் பெரிது என்பதுதான் உங்கள் வாழ்க்கைமுடிவா?

கவிதை

அணுவேசிறியது என்றேசொல்வாயெனில் பெரியதெல்லாம் அணுக்கூட்டே

அணுவினில்சிறியது ஏதுமில்லையவ்வாறே அணுவினில் பெரியதேதுமில்லை

சொன்னவரெல்லாம் மெய்யானியன்றோ விஞ்ஞானியின்னும் ஆராய்கின்றார்

பொன்னும்பொருளும் பெரியதின்பீர் இப்பூஉலகில்குறை வாழ்வுடையீரெல்லாம்

பூஉலகேசுறியதென்றோ இப்பேரண்டத்தில் உமதுபொன்னும்பொரும் தகுமோ?

புலனைந்துவிடுத்து மனதைவிரித்து கண்டதைகாட்சியை மனதுள்விரித்தால்

மிகப்பெரும்பேரண்டம் மனதிலுமிங்கே நிறைந்துவிடும் விந்தையறிவீரோ?

பேரண்டமடங்கும் மனமேபெரிதென்றறிய அங்கேயுண்மை மறைந்துள்ளதே!

கவிதையின் விளக்க உரையும் கருத்துரையும்!

மனிதனின் வாழ்வில், பலப்பல சுவாரஸ்யமான நிகழ்வுகள் நடந்து கொண்டேதான் இருக்கின்றன. பலதரப்பட்ட அனுபவங்கள் கொண்ட மனிதர்கள், ஒருவரை ஒருவர் சந்திக்கும் பொழுது, அவர்களுக்குள்ளாக பரிமாறிக்கொள்ளும் விசயங்கள், ஆர்வத்தையும், அறிவையும் தூண்டும் என்பதே உண்மையாக இருக்கிறது. இதன் காரணம் இயல்பானது. ஒவ்வொருவருக்கும், ஒவ்வொரு மாதிரியான ஆர்வம், செயல்பாடு, அதன்வழியாக அறிதல், அனுபவம், அறிவு ஆகியன வளர்ந்திருக்கிறது. காலமும் இதற்கு துணையாக இருக்கிறது.

Source image of Freepik

எனினும், மக்களின் நலவாழ்வுக்காகவே சிந்தித்த சித்தர்கள், மகான்கள், ஞானிகள் ‘அடி முதல் அண்டம் வரை’ என்று வழக்குமொழியாக சொல்லுவதுபோல ஆராய்ந்து உண்மை கண்டார்கள். இன்னும் சொல்லப்போனால், அண்டம் கடந்தும் உண்மையறிந்தார்கள். அதுவே, மகான் திருவள்ளுவர் திருக்குறளில் சொன்னது போலவே, ‘பொருள் அல்லவற்றுக்கு எல்லாம் பொருளாக இருக்கின்ற’ மெய்ப்பொருளையும் கண்டுகொண்டார்கள்.

அத்தகைய உண்மையே, நிலையானது என்றும், அதையறிவதே மனித பிறப்பின் நோக்கமாகவும், கடமையாகவும் இருப்பதையும் சொன்னார்கள். மெய்ஞானிகள் சொன்ன இக்கருத்து, காலப்போக்கில் அங்கங்கே தேங்கி நின்றுவிட்டது. ஜனசமுத்திரத்தோடு கலப்பதற்கு வழியின்றி, பல தடைகளை, அந்த ஜனங்களே உருவாக்கிவிட்டார்கள். கூடவே விஞ்ஞானமும் அதன்போக்கில் வளர்ந்து, ‘உண்மையை சொல்லுகிறேன்’ என்று தடுமாறிக்கொண்டே இருக்கிறது. எனினும், மக்களின் சராசரி வாழ்நாள் அதிகரிக்க துணை இருப்பதை மறுப்பதற்கில்லை. இந்த காரணங்களால், குறைமதியுடையோர் மெய்ஞானிகள் சொன்னதை ஏற்கமறுத்து, வாழ்வின் சிற்றின்பத்தில் திளைத்து, மயங்கிவிட்டார்கள். உலக மக்கள் அனைவருமே, நிலையற்ற இவ்வாழ்வில், பொன்னும் பொருளும் பெரிதென நினைத்தே வாழ்கிறார்கள். குழந்தைகளைத் தவிர என்று கூட பிரிக்கமுடியாத சூழல் என்றுதான் சொல்லமுடிகிறது. உண்மைதானே?

Physics World

இந்த நிலையில்தான், இந்தக்கவிதை உண்மை விளக்கத்தை நமக்கு புரியவைக்கிறது. வார்த்தைகள் எளிமையாக இருந்தாலும், இக்கவிதையின் கருத்து ஆழமானதே ஆகும். வேதாத்திரி மகரிஷி, தன்னுடைய கவியில், ‘அணுவே சிறியது என்று சொல்லுபவர்கள், பெரியதாக இருப்பது எது? என்பதை மறந்துவிட்டார்கள்’ என்று சொல்லுகிறார். ஆம், மெய்ஞானத்தின் வழியாக ‘அணு’ என்று சொன்னதை, விஞ்ஞானத்தின் வழியாகவும், ஒரு பொருளை நுணுகி பார்த்துக்கொண்டே சென்றால் அணுவாக இருப்பதை, கண்டுபிடித்து சொல்லிவிட்டார்கள். அப்படியானால் பெரிதாக இருப்பது எது? அந்த அணுவேதான். அணுக்களின் கூட்டுத்தானே?! மெய்ஞானிகள், அந்த அணுக்களையும் கடந்து நின்று, அதற்கு மூலமாகவும் இருக்கிற பேராற்றலையும் அறிந்துணர்ந்தார்கள். ஆனால், விஞ்ஞானிகள் இன்னும் அணுவை நுணுகி ஆராய்ந்து கொண்டுதான் இருக்கின்றனர். இன்னும் முடிவுக்கு வரவில்லை.

இப்படியான உண்மை இருக்கையில், அதையெல்லாம் விடுத்து, ஏதோ இந்த உலகுக்கு வந்து போகும், பயணிபோல, பிறந்து வாழ்ந்து மறையும் மனிதன், தனக்கு, தன் வாழ்நாளில் பொன்னும், பொருளும், பணமுமே பெரிது என்று வாழ்ந்து கொண்டு இருக்கிறானே? இது சரிதானா? என்று இந்தக்கவிதை கேள்வியை முன்வைக்கிறது.

Brittanica

அப்படியானால், மனிதர்களாகிய நமக்கு, பொன்னும், பொருளையும், பணத்தையும் விட, அதை தரும் பூமியும், சூழலும் பெரிது என்று நினைத்தால், இந்த பூமியே மிகச்சிறிது இப்பேரண்டத்தில் என்பது தெரியவரும், பூமியைவிட பெரிதான சனியும், சனியை விட பெரிதான வியாழனும், வியாழனைவிட பெரிதான சூரியனும், சூரியனைவிடவும் மிகப் பெரிது பெரிதான மற்ற கோள்களாக இருக்கிற நட்சத்திரங்களும் இந்த அண்டத்தில் உண்டுதானே? இத்தகைய உண்மையை அறியாமல், பொன்னும், பொருளும், பணமும் பெரிதென நினைப்பதும், அதற்காக தன்னையும், தன் வாழ்நாளை இழப்பதும், சரிதானா? தேவை மீறிட மயக்கத்தில் சிக்கிடலாமா? என்ற கேள்வியையும், உள்ளர்த்தமாக இந்தக்கவிதை கேட்கிறது.

இந்த உண்மையை, மனிதனுடைய ஐம்புலன்களை கடந்து, மனதை விரித்து சிந்தனை செய்தால், இம்மாபெரும் பேரண்டமும், மனதிற்குள்ளாக தெரியவரும், அந்த அளவில் அப்படியே நிறைந்துவிடுவதை அறியலாம். இது விந்தையானதுதானே? பேரண்டமே அடங்கிடும் மனதிற்குள் என்றால், மனமும் ஒருவகையில் பெரியது என்றாகிவிடுகிறதே? இந்த உண்மையை புரிந்துகொள்ள வேண்டுமே? அதன்வழியாக, அங்கே ஒரு உண்மையும் மறைந்திருக்கிறதே? என்று நம் சிந்தனையை மறுபடியும் தூண்டுகிறது இந்தக்கவிதை.

வாழ்க வளமுடன்.

The waves of the ocean tell the story as well as the truth. Did you know?

noreply@blogger.com (Unknown) — Fri, 24 Jan 2025 11:47:00 -0800

கடலின் அலைகள் கதை சொல்லும், அதேபோல உண்மையும் சொல்லும். தெரியுமா?

கவிதை

அலையெழுந்தடங்கி அலைவரும் அதைக்கண்டு நிலையென்றே

நினைத்திருப்போம் இத்துண்மையில்லை தோற்றமிது மாயையாம்.

வந்ததினியில்லை இனிவருவதேயுண்மை அதும்கடந்திட முடிந்ததே!

கண்டகாட்சியும் காட்சிப்பதிவும் மனதினில் நின்றதுவேபதிவாய்!

நிலையாய்கடல் இருப்பதுபோலவே மயங்கினோம் நாம்தினமுமே.

வாழும்வாழ்வினிலும் எல்லாம்வருவதும் போவதுமே தினசரியாம்.

மனமேனோஇதை மறந்துமயங்கி நிலையாய் எல்லாமிருப்பதாய்

கற்பித்துக்கொள்ளும் உண்மையிங்கே உணர்வதே முழுமைபேறாம்!

கவிதையின் விளக்க உரையும் கருத்துரையும்!

முழுமைப்பேறு என்ற ஒரு நிலை குறித்து இந்தக்கவிதை விளக்குகிறது. முதலில் இந்த முழுமைப்பேறு என்றால் என்ன என்பதை தெரிந்துகொள்வோம். இந்த உலகில், பரிணாமம் என்ற ஒன்றை, நவீன விஞ்ஞானமும் ஏற்றுக்கொள்கிறது. ஒரு மனிதனுக்கு ஆறாம் அறிவு என்றும் வகைப்படுத்தி இருக்கிறது. இந்த விஞ்ஞானம் எப்போது இதை சொன்னது என்று உங்களுக்குத் தெரியும்தானே? ஆனால், இராயிரம் ஆண்டுகளுக்கு முன்பே, தமிழ் நூலோர் இதை சுட்டிக் காட்டியுள்ளார்களே? எனினும் நாம் அதையெல்லாம் ஏற்றுக் கொள்ளாமல் புறம்தள்ளி விடுகிறோம். பொய்யும் புரட்டும்தான் அதில் இருக்கிறது. மக்களின் அறிவை கெடுக்கிறது என்றுதானே சொல்லுகிறோம்? மாணிக்கவாசகர், தன்னுடைய திருவாசகத்தில், ‘புல்லாகி, பூவாகி, காயாகி’ என்று சொல்லுகிறாரே? அது என்ன? பொய்யும் புரட்டுமா?

அந்த வகையில்தான், மனிதனின் பரிணாமத்தின் நோக்கத்தையும், பிறப்பின் வழியே தொக்கி நிற்கும் கடமையையும் நாம் மறுத்துவிடுகிறோம். பிறந்தோம் வாழ்ந்தோம் என்பதை விட்டுவிட்டு, நோக்கமாவது? கடமையாவது? என்றுதானே வாழ்ந்துகொண்டு இருக்கிறோம்?! இது சரிதானா? உங்களிடமே விட்டுவிடுகிறேன்.

மனிதன் தன்னுடைய பிறப்பின் நோக்கத்தையும், பிறப்பினால் தொக்கி நிற்கும் கடமையையும் தெரிந்து கொண்டுவிட்டால், ‘நான் யார்?’ என்று தன்னை அறிந்துகொள்வான். அந்த தன்னையறிதலில் அவனுக்கு கிடைப்பதுதான், முழுமைப்பேறு ஆகும். ஒரு புள்ளியில் தொடங்கிய கோலம், வளைந்து, நெளிந்து, சுற்றி, சுழன்று, ஆரம்ப புள்ளியோடு சேர்ந்து முழுமையை அடைவது போல என்று அமைகிறது.

ஒரு கடலை பார்க்கிறோம். எங்கிருந்தோ அலை கிளம்பி, எழுந்து வேகமாக உங்கள் காலடி நோக்கி வருகிறது. ஒன்றுமட்டுமல்ல, வரிசையாக வந்து கொண்டே இருக்கிறது. உங்கள் கால்களை நனைத்து, அடங்கி, மீண்டும் கடலுக்குள் போய்விடுகிறது. இது தொடர் நிகழ்வாக, நாம் பார்த்தாலும், பார்க்காவிட்டாலும் அலைவருவது ஒருபோதும் நின்றுவிடுவதில்லை. நாம் என்ன நினைக்கிறோம்? இதென்ன, இப்படி இயங்கிகொண்டே இருக்கிறதே? இதற்கு ஒரு முடிவே இல்லையா? எப்படி இருக்கமுடியும்? என்று சொல்லிக்கொள்கிறோம்.

ஆனால், அது மகாகவி பாரதி சொன்னது போலவே, தோற்ற மாயை. ஒரு பொயான நிகழ்வாக நமக்குத் தெரிகிறது. எப்படி என்றால்? உங்களை நோக்கி வந்த அலை, கால்களை நனைத்து அடங்கிப் போனது, அது இல்லை. அடுத்து வரும் அலைதான் உண்மை. ஆனால் அதுவும் அடங்கிப் போகிறது. அப்படியானால், ஒவ்வொரு அலையும் புதிதுதானா?

ஆம், உண்மையும் அதுவே. ஆனால் நாம் இதை உணர்ந்துகொள்ள முடிவதில்லை. கண்களால் பார்த்த காட்சி, மனதில் பதிந்தது. மனம் எடுத்துக்காட்டிட, மறுபடி பார்க்கிறோம். அப்போது இந்த நிகழ்ச்சியை ஒரு தொடர்ச்சியாக, அப்படி இருப்பதாக நினைத்துக் கொள்கிறோம். நிலையாக கடல் இருப்பதாகவும், அலைகள் மறுபடிமறுபடி வந்துகொண்டே இருப்பதாகவும் நமக்குத் தெரிகிறது. இது மயக்க நிலை என்றும், தினமுமே அப்படித்தான் என்றும் இந்த கவிதை விளக்குகிறது. மேலும்,

நாம் வாழ்கின்ற வாழ்விலும், ஒவ்வொரு நொடியும், வந்து கொண்டே இருக்கிறது, போய்க்கொண்டே இருக்கிறது என்பதை நாம் அறிந்து கொள்வதில்லை. நம்முடைய மனம் இந்த வித்தியாசத்தை தனியாக, கணித்துக்கொள்ளவும் இல்லை. தானே அதை மறந்துவிட்டு நிலையாக எல்லாமே, எப்போதும்போல இருப்பதாக, நினைத்துக் கொள்கிறது. தானாகவே அப்படி ஒரு கற்பிதத்தை உருவாக்கிக் கொள்கிறது. இத்தகைய மனதின் நிலையை, உண்மை நிலையை புரிந்துகொண்டு, உணர்ந்து அறிந்தால், அங்கே ஒரு அதிசய நிகழ்வு நடக்கும். அதுவேதான் முழுமைப்பேறு என்று இந்தக்கவிதை உண்மையை விளக்குகிறது.

அப்படியான உணர்ந்தறியும் நிலைக்கு, யோகம் உதவிடும் என்பதை இங்கே நாம் மறக்கலாகாது.

வாழ்க வளமுடன்.

The endless drama and character of this world still continues!

noreply@blogger.com (Unknown) — Tue, 26 Nov 2024 22:34:00 -0800

முடியாத இவ்வுலக நாடகமும் கதாபாத்திரமும் இன்னமும் தொடர்கிறது!

கவிதை

வேண்டும்வேண்டா பேதமேதுமின்றி இருந்தநிலை முரணாகி

வேடமேற்று தானாகதன்னைப் பொருத்தி உலகநாடகத்தில்

வேர்வழியாய் ஏற்றதையும் தான்விரும்பு ஏற்றதையுமிங்கே

வேடிக்கையாய் உண்மையென்று நடித்துக்காலம் கடந்ததே!

வேதனையாய் விளக்கிச்சொன்ன முன்னோரின் வார்த்தையும்

வேண்டாமென்று விலக்கிக்கடக்க காலமும் முடியுமன்றோ!

வேடமிட்டதையே மறந்தொன்றிப்போய் தன்னையும் மறந்தே

வேடத்தைக்கலைக்க வழியில்லாமல் மருளுலகம் செல்வாயோ!

கவிதையின் விளக்க உரையும் கருத்துரையும்!

இந்த கவிதையின் சாரம், மிக ஆழமான கருத்தை வெளிப்படுத்துவதாக அமைந்திருக்கிறது எனலாம். அது என்ன என்று வரிசையாக, கவிதை சொல்லும் வழியிலேயே காண்போம்.

இந்த உலகம் எப்போது உருவானது என்பதில், சராசரி மனிதனுக்கு மட்டுமல்ல, விஞ்ஞானிகளுக்கும் பதில் கிடைக்கவில்லை. அப்படி உருவான உலகில், மனிதன் எப்போது, எவ்வகையில் பரிணாமத்தின் எழுச்சியில் உருவானான்? என்பதும் அறியமுடியவில்லை. கிடைத்த உண்மைகள், கிடைக்கின்ற உண்மைகள் எல்லாமே ஒரு யூகமாகவும், மாற்றக்கூடிய கருத்தியலாகவும் இருக்கிறதே தவிர, நிலையான, உறுதியான விடை கிடைக்கவில்லை.

எனினும் மனிதன் வாழ்ந்து கொண்டிருக்கிறான். உலகம் மனிதர்களால் குறைவின்றி நிறைந்தும் இருக்கிறது. நூறாண்டுக்கு வாழ்ந்த மனிதர் இல்லை என்றாலும், அடுத்த நூறாண்டுக்கு வாழக்கூடிய மனிதர்கள் பிறந்து கொண்டேதான் இருக்கிறார்கள். அப்படி வாழும் மனிதர்களின் வாழ்க்கை, இப்படித்தான் என்றும் வரையறுக்க முடியவும் இல்லை. ஒவ்வொரு கால கட்டத்திலும், மாற்றங்கள் வந்துகொண்டேதான் இருக்கின்றன. நேற்றைய நாகரீகம், வழக்கம், பழக்கம் ஒழிந்து போக, புதிதாக ஒன்று வந்து பிறந்துவிடுகிறது. விஞ்ஞானமும், வளர்ச்சியில் உச்சம் அடைந்துகொண்டே இருக்கிறது. இது எந்தவகையில் என்றால், ஒருவேளை இந்த பூமி அழிந்து போனால், செவ்வாய் கிரகத்தில் வாழ்வதற்கு தயாராவோம் என்ற சிந்தனைக்கு, வானியல் விஞ்ஞானிகள் வந்துவிட்டார்கள். தானாக பூமி அழியுமா? அல்லது அழித்துக்கொள்வார்களா? என்பதும் தெரியவில்லை அல்லவா?

இப்படியாக மனிதன் கற்காலம் முதல் இந்த நவீன அணுவியல், வானியல் விஞ்ஞான மலர்ச்சியான உலகில் வாழ்ந்து வந்தாலும் கூட, அவன் ஓர் எல்லைகட்டியவனாகவே இருந்து வருகிறான் என்பதும் உண்மை. ஒரு மனிதனுக்கு அவனின் மூலம் தெரியவில்லை. அதை அறிந்துகொள்ள விருப்பமும் இல்லை. பொருள்வயப்பட்ட வாழ்வில் சிக்கி தவிப்பதும் உண்மைதானே? ஆனால், இந்தியா என்ற பழமையும், தத்துவ உண்மைகளும் நிறைந்த நாடு ஒருபோதும் அப்படி இருந்ததில்லை. பல்வேறு வகையான பிறரின் தாக்குதலால் நிலை குலைந்து தவிக்கிறது எனலாம். சித்தர்களும், யோகியர்களும், ஞானியர்களும், மகான்களும் மனித பிறப்பின் உண்மையை விளக்கிச் சொல்லியுள்ளனர். அதை அறிய வழிகளும் சொல்லி உயர்த்திட விரும்பினார்கள். ஏற்க முடியாதோர்க்கும், பாமரனுக்கும் எளிய வழிகளும் தந்தனர்.

ஆனால், மேற்கத்திய நாடுகளின் தாக்கும் முற்றாக எல்லாவற்றையும் குழப்பிவிட்டது. இந்த உலகம் ஒரு நாடகமேடை என்று பொதுவாக சொல்லுவார்கள். ஒவ்வொருவருக்கும் ஒவ்வொரு கதாபாத்திரமும் உண்டு. குழந்தையாக இருக்கும் வரை, தனக்கு எது வேண்டும், வேண்டாம் என்று தீர்மானிக்கும் அறிவு வளரும் வரை எந்த சிக்கலும் இல்லை. ஆனால், எனக்கு இது வேண்டும், இதுதான் வேண்டும் என்று சிந்தனை வரும்பொழுதே, கதாபாத்திரம் உருவாகிவிடுகிறது. நாடகத்தில் நுழைவும் ஏற்படுகிறது. அதாவது உலகில் பல்லோரும் ஏற்று நடிக்கும் நாடகத்தில் நாமும் ஒரு பங்காக, இணைந்துவிடுகிறோம்.

நடிப்பதே தெரியாமல், கதாபாத்திரமாக ஒன்றிணைந்து விடுகிறோம். ஒருபோதும் வேசம் கலைப்பதில்லை. ஏதோ ஒரு நாள், வேடிக்கையாக, விளையாட்டாக நடிக்கப்போய், அதுவே காலாகாலத்திற்கும் நிகழ்கிறது. எத்தனையோ, சித்தர்கள், ஞானிகள், மகான்கள் விளக்கிச்சொன்ன, வாழ்வியல் தத்துவம், மெய்ப்பொருள் உண்மைகள், அறம் சார்ந்த வழிமுறைகள் ஆகியவற்றை நாம் ஏற்றுக்கொள்ளவும் இல்லை. அதனால், நம் பரம்பரையாக, கருவழியாக வந்த கர்ம வினைப்பதிவுகளின் தாக்கதாலும், மேலும் மேலும் இந்த நாடகத்தில், சிக்கிக் கொண்டுவிடுகிறோம். இந்த நிலையிலேயே நாம் வாழ்நாளும் கூட நெருங்கிவிடும் தானே? மனிதனின் ஆயுட்காலம் 120 ஆண்டுகள் என்றாலும், அது நமக்கு சாத்தியமாகிறதா? இல்லைதானே?

இப்படியாக, இந்த உலகவாழ்வில், நாம், வாழ்கைக்காக வேடமிட்டு நடிக்கிறோம் என்பதையே மறந்து, அந்த நாடகத்திலும் கதாபாத்திரத்திலும் ஒன்றிப்போய் தன்னையும் மறந்து வாழ்ந்து விடுகிறோம். ஒருபோதும் அதை நாம் அறியும் வழியையும் அடைவதில்லை. ஏற்றுக்கொள்ளவும் இல்லை. அதுகுறித்து சிந்திக்கவும் இல்லை. இதனிடையே, இந்த வேடத்தைக்கலைக்கவும் வழியில்லாமல், நாடகத்தில் இருந்து வெளிவராமல், இயற்கையான மனிதன் என்ற வகையிலும் மாற்றிக்கொள்ளாமல், இறப்பை, மரணத்தை ஏற்று மருளுலகம் என்ற இறந்தோர் உலகம், இதற்கு முன் வாழ்ந்த எல்லோரும் சென்றுவிட்டார்கள். நாமும் அவ்வழியே சென்றுவிடுவோம் தானே? இதை சிந்திக்க மாட்டீர்களா? என்று இந்தக் கவிதை நம்மை நோக்கி கேள்வி கேட்கிறது?

வாழ்க வளமுடன்.

The curiosity of self-knowledge never dies!

noreply@blogger.com (Unknown) — Mon, 25 Nov 2024 09:15:00 -0800

தன்னையறியும் ஆர்வம் ஒருபோதும் அழிவதில்லை!

கவிதை:

தன்னை யாரென்று அறியவே ஆர்வம்கொண்டேன்

தளராத ஆர்வமிருந்தும் வழியேதும் தெரியவில்லை

தள்ளாத வயதுவரை வாழ்வின் சிக்கலும்விடவில்லை

தனக்குள் கேள்வியை புதைத்து உலகையும்நீத்தேனே!

தன்வாரீசாய் வந்தகருவில் பதிவாய் அமைந்தததுவே

தான்வாழும் காலத்தில் அதன்வழியால் வரும்போது

தன்னார்வமாக நான்யாரென்று கேள்வி முளைத்ததே

தன்னையறிய வாய்ப்பாக குருவின் துணைவந்ததே!

கவிதையின் விளக்க உரையும் கருத்துரையும்:

உலகில் பிறந்துவாழும் மனிதனுக்கு, ஆன்மீகத்தில் ஆர்வம் திடீரென்று வந்துவிடுவதில்லை. அதுவும் இந்தக்காலத்தில், பக்தியையே கிண்டலும், கேலியும் செய்யும் காலத்தில், எந்தவித ஆன்மீக ஆர்வத்திற்கும் வழியில்லை. உலகில் ஏற்கனவே பிறந்து வாழும், ஐந்தறிவு விலங்கினங்கள் போலவே, பிறந்து, கூடி, வாழ்ந்து, அனுபவித்து, மடிந்து போகலாம் என்று ஆறாம் அறிவான மனிதர்களில் சிலர் வாழ்ந்து கொண்டிருக்கிறார்கள். எனினும் இது அறியாமையே தவிர குறையேதும் இல்லை. அவரவர்கள் தேர்ந்தெடுக்கும் வாழ்க்கை வாழ, அவரவர்களுக்கு உரிமையும் உண்டு. இங்கே ஓர் சிந்தனையை மட்டும், எடுத்துக்கொண்டால் நல்லது. அது என்ன? இயற்கையில் நிகழ்ந்த, பரிணாம எழுச்சி எதற்காக? ஆறாம் அறிவு எதற்காக? மனிதன் என்ற பிறவியும் எதற்காக? என்ற கேள்வி வழியான சிந்தனையை தொடங்கலாம். ஆனால், யாரும் கட்டாயப்படுத்தவில்லை, உங்கள் வாழ்க்கை, உங்கள் வழி, உங்கள் உரிமை!

எனினும், சிலருக்கு வழக்கமாக வாழும் வாழ்வில், சிலவேளை சோர்வு எழும். என்ன வாழ்க்கை இது? ஒரே மாதிரியாகவே எல்லாநாளுமே இருக்கிறதே? இதற்குத்தானா பிறந்தேன்? என்று திடீரென்று சிந்தனை வயப்படும்பொழுது, எதற்கான மனிதனின் பரிணாமம் வந்தது? எதற்கு ஆறறிவு? நான் யார்? என்று தன்னை அறியத் தொடங்கும் பாதையில், முதல் அடி எடுத்து வைக்கிறான். ஆனால், அவனுக்கு போதுமான, உதவியும், ஆலோசனையும், வழிகளும் கிடைக்கவில்லை. காரணம், அவன் இதுவரையில் வாழ்ந்த வாழ்க்கை அனுபவங்கள் அப்படியானது. கூடவே, அவன் வாழ்கின்ற சூழ்நிலையும், சமூக அழுத்தங்களும் காரணமாகிவிடுகிறது. இதனால், தன்னை அறிய சிந்தனை எழுந்தும், அதன்வழியாக விடைகாண முடியவில்லை.

தன்னை அறிய ஆர்வம் கொண்டு, தளாராத அந்த ஆர்வத்தோடு முயற்சித்தாலும் வழியேதும் தெரியவில்லை. அந்த மனிதனின் தள்ளாத வயதுவரையிலும்கூட, அவனுக்கு ஓய்வும், நிம்மதியும் கிடைக்கவில்லை. கூடவே வாழ்க்கை சிக்கலும், உடல் நோய்களும் இருந்திருக்கலாம்தானே? இந்நிலையில் அவனின் ஆயுளும் முடிவுக்கு வந்துவிடும். உலகில் மனிதனுக்கு பிறப்பு நிச்சயமென்றால், இறப்பும் நிச்சயமே. இயற்கையின் நீதியும், சட்டமும் இதுவே. தப்பிக்க எந்த வழிகளுமில்லை. சிந்தனை வயப்பட்ட இந்த மனிதனும், காலத்தில் இறந்துவிடுகிறான். ஆனால், அவனின் சிந்தனை, அவனுக்குள்ளாக பதிவாகத்தானே இருக்கும்? அது அவனின் வாரீசுகளுக்கு, இந்த இயற்கையாலேயே பகிர்வும் செய்யப்படும். இதுவும் இயற்கை நீதியும், சட்டமும் ஆகும்.

எப்படி வாரீசுகளுக்கு பதிவாகிறது? என்ற கேள்விக்கு இரண்டு பதில்கள் உள்ளன. ஒன்று கருவழியாக அமைந்துவிடும். இரண்டு, இறந்தபிறகு உயிரின் இணைப்பால் நிகழ்ந்துவிடும். இப்போது, அந்த மனிதனின் வாரீசு, பிறந்து வாழும் வரை, இயல்பாக இருக்கும் என்பது உண்மை. ஆனால், சிந்தனை வயப்படும் பொழுதும், பருவம் வந்த பிறகும், தானாகவே ஆன்மீகத்தில் ஆர்வம் கொள்ளும் என்பது உண்மை. தனக்குள் பதிவாக இருந்த சிந்தனையின் வழியில், தன்னார்வமாக, தன்னை அறிய வழி தேடத்துவங்கும். காலம் கைகூடிட, இயற்கையும் உதவ, எப்படி அறிவது? யார் எனக்கு இதை சொல்லி விளக்குவார்? என்றும் வாரீசானவன், தேடத்துவங்குவான். யாரொருவர் தனக்குள் கேள்வி கேட்டு, தேடத்துவங்குகிறானோ, அவனை நோக்கி, தக்க குருவும் வருவதற்கு தயாராகிறார். இது ஒவ்வொருவர் வாழ்விலும் நிச்சயமாக நிகழ்கிறது. குருவை சரணடைந்து, ஆன்மீகத்தில் தன்னை இணைத்துக்கொண்டு, யோகத்த்தின் வழியாக, அவன் ‘நான் யார்?’ என்று இனி உண்மை தெளிவான்.

இவ்வாறாக, இந்தக்கவிதை உண்மை விளக்கம் அளிக்கிறது. இதை உங்களுடைய வாழ்விலும் பொருத்திப்பார்த்து, உண்மையை அறிந்திட முடியும் என்பதும் உண்மை. ஒவ்வொரு மனிதனுக்குள்ளாகவும் ஓர் சிந்தனை தாக்கம் இருக்கும். அது காலத்தால் தானாக வெளிப்படும் என்பதும் உண்மையே!

வாழ்க வளமுடன்.

The nature of the child and the nature of the layman are the same! annex

noreply@blogger.com (Unknown) — Wed, 4 Sep 2024 10:36:00 -0700

குழந்தையின் இயல்பும் பாமரர் இயல்பும் ஒன்றே!

இதற்கான மூலம் / கவிதை: இங்கே படிக்கவும்

விளக்கம்:

ஒரு கருவைத்தாங்கி, குழந்தையை பெற்றெடுத்து, அக்குழந்தையின் பசியாற்றும் பெண்மையை போற்றக்கூடிய கவியாகவும், ஆன்மீகத்திலும், தத்துவத்திலும், உண்மையுணர்ந்த ஞானிகளை போற்றக்கூடிய கவியாகவும் இக்கவி மலர்கிறது.

தன் உடலில், ரத்தமும், சதையும் அப்பிக்கிடந்து, அப்போதுதான் பிறந்த குழந்தையை, வாரி அனைத்துக்கொண்டு மகிழ்பவள் தாய். அழுத அக்குழந்தைக்கு, முதல் உணவாக, தன் மார்பில் சுரக்கும் பாலைக் கொண்டு, பசியாற்றுபவளும் தாய்தான். ஒரு குழந்தையின் உணவுத்தேடல் இங்கே ஆரம்பமாகிறது. அது தன் இயல்பில் பாலைப்பருகும் வித்தையும் வைத்திருக்கிறது. யாரும் சொல்லித்தரவேண்டிய அவசியமும் அங்கே நிகழ்வதில்லை. ஆனால் அக்குழந்தை உடனே பருகிவிடுகிறதா? இல்லை.

அழும், வேண்டாம் என்று முகம் திருப்பும், முரண்படும், தள்ளியும் விடும். இப்போது வேண்டாம் என்று தூங்கியும் விடும். ஆனால் இதையெல்லாம் தாய், பொருட்படுத்துவதில்லை. குழந்தைக்கு பசியாற்றுவதிலும், பாலூட்டுவதிலும் கவனமாக இருப்பாள். அக்குழந்தை அழும் வரையிலும்கூட காத்திருக்க மாட்டாள். தாய்க்கும், அவள் பெற்றெடுத்த குழந்தைக்கும் உள்ள பந்தம், இயற்கையானது, இயல்பானது. வேறுயாரும் அறிந்திடவும் முடியாது. குழந்தையின் பசியறிந்து தகுந்த நேரத்திற்கு பசியாற்றும் வித்தை அவளே அறிவாள். அவளுக்குள் அன்பும், கருணையும் என்றும் இருக்கும். சில நேரம் வலுக்கட்டாயமாகவே, குழந்தைக்கு பாலூட்டுவாள். அழுதால், தாலாட்டும் பாடி சமாதானமும் சொல்லுவாள். உன் நலனுக்காகவேதான், அம்மா இதை செய்கிறேன் என்று, குழந்தைக்கு புரியவும் வைப்பாள்.

இந்த தாயைப் போலவே, அவளின் குணாதசியம் போலவே அமைந்தவர்கள்தான், தன்னை முற்றுணர்ந்த ஞானிகள். தன்னோடு வாழும் மக்களின் நிலை உயர்த்திட, அவர்களின் அறிவு நிலையை உயர்த்திட, நல்லொழுக்கத்தையும், நற்பண்புகளையும், மனிதனின் கடமைகளையும் விளக்கிச் சொல்லுவார்கள். இன்பம் நிறைந்த உலகில், துன்பத்தில் சிக்காதீர்கள் என்று வழிகாட்டுவார்கள் இந்த ஞானியர்கள். அதை எதையும் எதிர்பார்க்காது, ஈகையாகவே செய்வார்கள். உலக இன்பத்தில் ஆழ்ந்து, தன் நிலை மறந்து வாழும் பாமர மக்களுக்கு, ஏதெனும் வகையில், அவர்களுக்கு எடுத்துச்சொல்லிக்கொண்டே இருப்பார்கள். இதனால் அம்மக்கள், ஞானியர்களையும், ஞானிகளின் அறிவுரைகளையும் ஏற்றுக்கொண்டாலும், இகழ்ந்தாலும் பொருட்படுத்தாமல், ஞானிகள் இயல்பாகவே இருப்பார்கள். ஞானியர்களின் இந்த ஈகையே தங்களுடைய பணி என்று இயல்பாக ஏற்றுக்கொண்டு செயல்படுவார்கள். இத்தகைய ஞானியர்களாலேயே, இன்றும் ஆன்மீக உயர்வு, நமக்கு கிடைத்துக்கொண்டே இருக்கிறது.

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

The nature of the child and the nature of the layman are the same!

noreply@blogger.com (Unknown) — Mon, 2 Sep 2024 19:45:00 -0700

குழந்தையின் இயல்பும் பாமரர் இயல்பும் ஒன்றே!

தன்னியல்பில் மறுப்பதும் விலக்குவதும் இயல்பென்பதை

தன்குழந்தைக்கு பாலூட்டும் தாய்முன்னமே அறிவாள்

அதனாலவள் அக்குழந்தைக்கு வலுக்கட்டில் பசியாற்றுவாள்

உண்மையறியா குழந்தையழுதால் சமாதானம் செய்வாள்

கூடவேஆறுதலும் தருவாள்தன் அன்பாலும் கருணையாலும்

அதுபோலவே ஞானியர்கள் நல்ஒழுக்கம் நற்பண்புகடமை

ஆகியவற்றை ஈகையாக வழங்குவாரிந்த பாமரருக்கே

ஏற்றாலுமிகழ்ந்தாலும் தன்கடன்பணி செய்தே வாழ்வார்!

கவிதை விளக்கம்: இங்கே படிக்கவும்

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

Life is a great flood

noreply@blogger.com (Unknown) — Wed, 3 Jan 2024 10:54:00 -0800

வாழ்க்கை என்பது பெரும் வெள்ளம்

வாழ்க்கை

காட்டாற்று வெள்ளமாக

கடைபுரண்டோடுகிறது, அதில்;

உலகில் பிறந்த மனிதர் அனைவரும்,

ஆற்றோடு இழுத்துச் செல்லப்படுவார்.

இது இயற்கையின் விளையாட்டு!

ஆற்றின் வேகமும் தன்முடிவும் அறிந்தாலும்

இருப்பதை பற்றிக்கொண்டு

அதனோடு, வாழ்நாள் முழுவதும்

போராடி நீந்திட நினைப்பது

சாரசரி மனிதரின் முடிவு!

சரித்திரத்தின் பதிவும் அதுவே!

என்றாலும் கூட,

காட்டாற்று வெள்ளத்தில் தப்பி

கரையேறியோர் உண்டுதான்.

ஆனால் பெரும்பாலோர் அறிவதில்லை!

அறிய ஆர்வமும் கொள்வதில்லை!

அப்படி எல்லோரும் வெள்ளத்தில்

அடித்துக்கொண்டு போகும் வேளையில்...

‘பிழைத்துக் கரையேறவும்,

சற்றே இளைப்பாறவும்

இங்கே இடமுண்டு, என் கை பற்றுக’ என்று

ஆங்காங்கே குரல்கள் ஒலித்தன!

ஒலித்த குரல்களையெல்லாம்

உதாசீனம் செய்து

எனக்கது தேவையில்லையன்றே விலக்கியோர்,

ஆற்றின் போக்கில் போய்க்கொண்டே,

தன்முனைப்பில் போராடியே,

ஆற்றின் நடுவான திட்டில்

இளைப்பாறினார், போதுமிந்த

இளைப்பாறுதல் என்றே

கரையேற விருப்பமின்றி!

காட்டாற்றின் வேகத்திற்கு

மண்திட்டு தாங்கிடுமோ?!

அத்திட்டு மறைய,

அடுத்தும் ஓர்திட்டு தேடினர்,

ஆற்றின் வேகத்தில் மீண்டும் போராடி!

அடுத்தடுத்து பலப்பல திட்டுகளில்

ஏறியும் தப்பிக்க வழியின்றி போனார்.

ஓர்நாளில் கரையில் ஒதுக்கப்பட்டார்,

அது கரையன்று சதுப்புக்குழி!

புதைந்தும் போனார்!

அடித்துச் செல்லப்பட்டோரில் சிலர்,

அழைத்த குரலுக்கு மதிப்பளித்து

அதன் வழியே வழி கண்டனர்,

முன்வினையின் பயணாக!

தத்தளிப்போர்க்கு உதவிகிடைத்திட

ஆற்றின் மறுகரையில்

ஏறினார் எல்லாம் கைவிட்டுவிட்டு!

அக்கரையோ சித்தர்கள், ஞானிகள்,

மகான்கள் ஏறிய கரையாம்!

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

That's the only good way we can get what's good! annex

noreply@blogger.com (Unknown) — Mon, 13 Nov 2023 18:50:00 -0800

நல்லதை மட்டுமே நாம் பெறுவதற்கு நல்லவழி!

இதற்கான மூலம் / கவிதை: இங்கே படிக்கவும்

விளக்கம்

நல்லது என்பது, நமக்கும் பிறருக்கும் எந்தவித துன்பம் விளைவிக்காத, எண்ணம், சொல், செயல் என்று மிகத் தெளிவாக புரிந்துகொள்ளலாம். நாம் எல்லோருமே நல்லதைத்தானே என்றும், எப்போதும் விரும்புகிறோம். அதில் எந்த சந்தேகமும் இல்லையே?! இயல்பு வாழ்க்கையில் நல்லது மட்டுமே கிடைக்கிறதா என்று யோசித்தால் இல்லைதான். நம்மிடம் எதிர்பார்ப்பு இல்லை என்றாலும் கூட, அல்லது என்ற துன்பம் தான் வந்துவிடுகிறது. இந்த அல்லது என்ற வார்த்தை மிகச்சரியான எதிர்பதமான வார்த்தை. ஆனால் அல்லதை, அல்லது என்ற வார்த்தையை, நாம் அடிக்கடி ஏதேனும் வகையில் உபயோகித்தாலும், வெறுமனே கடந்துவிடுகிறோம்.

நல்லது என்பதற்கு எதிர்பதமே அல்லது! குரு மகான் வேதாத்திரி மகரிஷி, தன்னுடைய விளக்கங்களில், நல்லதைச் செய்தால் அல்லது விலகும் என்று சொல்லுகிறார். இதுவே முன்னோர்களின் வாக்கும் ஆகும். நல்லது என்பதை இன்னும் உயர்வான வார்த்தையாக ‘அறம்’ என்று சொல்லலாம். இந்த அறம் என்ற வார்த்தை, வழக்கமாக இருந்தாலும், இது ஏதோ ஆகாத வார்த்தை என்று பெரும்பாலோர் உபயோகம் செய்வதில்லை. அறம் என்பதை திருவள்ளுவர் மிக அழகாக, தெளிவாக, விளக்கமாக உரைத்திருப்பார். அறம் என்பதை நாம் இயல்பு வாழ்க்கையில் இருந்து தொலைத்துவிட்டோம் என்று உறுதியாக கூற முடியும்.

மேலும் இந்த நல்லது, எப்படிப்பட்டது? என்று கேள்வியை கொண்டு பார்த்தால், மிக மிக எளிமையானது. ஆனால் அதுதான் நமக்கு கிடைத்தபாடில்லை. அல்லது என்பது அடர்ந்த காடு போல படர்ந்திருக்கும். உங்களை சுற்றிலும், உங்கள் மீது கூட படர்ந்திருக்க காணலாம். அந்த அளவிற்கு நெருக்கமானது இந்த ‘அல்லது’.

இந்த அல்லது, எங்கே? எப்படி? எதனோடு? ஏன்? எது? என்ற கேள்வியின் ஊடாக கண்டு, காரணம் தெளிய வாய்ப்பில்லை. இது எங்கிருந்துதான் வந்தது என்ற மூலத்தை அறிவதற்கு முடியாது. அந்த அளவிற்கு நம்மோடு, நம் வாழ்வியலோடு, சக மனிதர்களோடு கலந்திருக்கிறது.

முக்கியமாக, நல்லது போலவே அல்லது தோற்றமளித்து உங்களை குழப்பமடையச் செய்யும் என்பதும் உண்மைதான். அந்த வித்தியாசத்தை அவ்வளவு சீக்கிரமாக காணவும் முடிவதில்லை. பயிர்களிடையே, பயிர்போலவே படர்ந்திருக்கும் களை போல. இதனால், நமக்கு விழிப்புணர்வாக அல்லது நல்லது இடையேயான வித்தியாசம் காணும் நிலை தேவைப்படுகிறது. இதற்கு நம்முடைய அறிவையும் பழக்கிக் கொள்ளவேண்டும் என்ற தெளிவான உண்மையை இக்கவிதை சொல்லுகிறது!

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

That's the only good way we can get what's good!

noreply@blogger.com (Unknown) — Sun, 12 Nov 2023 20:59:00 -0800

நல்லதை மட்டுமே நாம் பெறுவதற்கு நல்லவழி!

நல்லதைச் செய்தால் அல்லதுவிலகும் என்பதுதான்

வேதாத்திரி சுட்டிக்காட்டிய முன்னோர் வாக்காகும்

நல்லதென்பது எப்போதும் எளிமையாக ஒற்றையாக

நின்றிருக்கும் அல்லதோ எங்கிலும்பெரும் வலையாக

படர்ந்திருக்கும் எதுஎதனோடு என்பதை அறியமுடியாது,

எங்கிருந்து என்பதையும் காணமுடியாது, மேலும்கூட

நல்லதுப்போலவே அல்லதுமிருக்கும் வித்தியாசம் அது

கண்டாராயும் விழிப்புநிலை அறிவுமிக முக்கியமாகும்!

கவிதை விளக்கம்: இங்கே படிக்கவும்

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

The truth behind the eternal happiness in the earth life! annex

noreply@blogger.com (Unknown) — Wed, 6 Sep 2023 21:36:00 -0700

எண்ணமே தரும் வீடுபேறாம் உண்மை உணர்வீர்!

இதற்கான மூலம் / கவிதை: இங்கே படிக்கவும்

விளக்கம்:

மெய்பொருளாக இருக்கக்கூடிய, தெய்வீகம் என்று அழைக்கப்படுகிற இறைநிலை, சுத்தவெளி என்று சித்தர்கள் குறிப்பிடுகிறார்கள். குரு மகான் வேதாத்திரியின் உண்மை விளக்கம் வழியாக நாமும் அவ்வாறே ஏற்றுக் கொள்கிறோம். மேலும் அந்த இறைநிலையில் நான்கு வளங்கள் அதில் அடங்கியிருப்பதாகவும் சொல்லுகிறார். அவை, வற்றாயிருப்பு, பேராற்றல், பேரறறிவு, காலம் ஆகியன ஆகும். அத்தகைய சுத்தவெளியே முழுமைப்பொருளாகவும் உள்ளது. அதுவே எண்ணமாகவும் மலர்ந்து, அதன் வழியிலேயே தனக்குள்ளான மூலத்திலும் நிறைந்தது என்பதை, நாம் குண்டலினி யோகதவ சாதனை வழியாக உணர்ந்துகொள்கிறோம் என்பதே உண்மை.

தவத்தின் வழியாக, தவம் செய்யும் பொழுது, அசையும் மனதை கவனித்துக் கொண்டே பழகுகிறோம். பிறகு உயிரில் நிறுத்தி தவம் இயற்றி, பிறகு அறிவில் நிலைத்தும் தவம் செய்கிறோம். இந்த ஒவ்வொரு நிலைகளுக்கும் கூட எண்ணமேதான் துணை செய்கிறது என்றால் மிகையில்லையே! இதனால் எண்ணத்திற்கு மேலாகவும் ஒன்றுமில்லை, அந்த எண்ணத்திற்கு அப்பாலும் ஏதுமில்லை என்பது தெளிவாக உணர்ந்து, நம்மை தெளிவு செய்து கொள்ளவும் முடிகிறது.

மேலும் உருவாகிக் கொண்டே இருக்கிற எண்ணம், ஒருநாளும் ஓய்வதில்லை என்றுதானே நாம் நினைக்கிறோம். ஆனால் அப்படியான குணம் கொண்ட எண்ணத்திற்கும், ஓர்நாளில் ஓய்வு உண்டு, அது மூலம் அறிந்து அதிலே நிறைந்தால் மட்டுமே! அத்தகைய அந்த நிலைதான் ‘வீடுபேறு’ என்று சித்தர்கள் முதலான முன்னோர்கள் சொல்லிவைத்தார்கள் என்ற உண்மையை இந்தக்கவிதை சொல்லுகிறது. இத்தகைய உண்மையை நமக்கு விளக்கிச் சொல்லி, அதை அறிந்து, உணர்ந்து கொள்ளவும் வழி அமைத்துக்கொடுத்த, நம் குரு மகான் வேதாத்திரி மகரிஷி அவர்களின் வாக்கும், புகழும் ஓங்குக என வாழ்த்துவதாகவும் இந்தக்கவிதை சொல்லி முடிக்கிறது.

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

The truth behind the eternal happiness in the earth life!

noreply@blogger.com (Unknown) — Tue, 5 Sep 2023 22:13:00 -0700

எண்ணமே தரும் வீடுபேறாம் உண்மை உணர்வீர்!

வற்றாயிருப்பாய் பேராற்றலாய் பேரறறிவாய் காலமாயிருந்த

ஒன்றேயந்த முழுமைப்பொருளே எண்ணமாக மலர்ந்ததையும்

மூலத்தில்தானே நிறைந்ததையும் உணர்வீர்தவ சாதனைவழியே!

அசையும்மனதை உயிரில்நிறுத்தி அறிவில்நிலைக்க எண்ணமே

துணைசெய்யும் எண்ணத்திற்கு மேலாகவொன்றும் மில்லைஅவ்

எண்ணத்திற்கு அப்பாலும் ஒன்றுமில்லை உணர்ந்துதெளிவீர்!

எண்ணத்திற்கும் ஒர்நாளில் ஓய்வுண்டு அதுமூலம்னிறைந்தால்!

அதுவேமுன்னோர் சொன்னவீடுபேறாம் வேதாத்திரிவாக்குவாழ்க!

கவிதை விளக்கம்: இங்கே படிக்கவும்!

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

Do not fill the expectation on your thoughts. annex

noreply@blogger.com (Unknown) — Sat, 2 Sep 2023 19:21:00 -0700

எண்ணத்தில் எந்த எதிர்பார்ப்பையும் நிரப்பிடாதீர்கள்

இதற்கான மூலம் / கவிதை: இங்கே படிக்கவும்

விளக்கம்:

அதிகாலை சூரியன், கிழக்கே உதிப்பது பொது என்றாலும், ஒரே இடத்தில் உதிப்பது இல்லை என்பதை நாம் அறிவோம் எனினும் கவனத்தில் கொள்வதில்லை. இதன்படி, ஒவ்வொரு நாளும் புத்தம் புதிய நாள் என்ற மாபெரும் உண்மையை நாம் புரிந்துகொள்வதில்லை. இன்றைய புதிய நாளையும், நேற்றைய நாளின் தொடர்ச்சியாகவே எண்ணி கடந்துவிடுகிறோம் என்பதுதானே நம்முடைய தின நடவடிக்கையாக இருக்கிறது?

இதைத்தான் இந்தக்கவிதை சொல்லி ஆரம்பிக்கிறது. ஒவ்வொருநாளும், புதிதாக, முழுவதும் மாறி படர்ந்து விரிந்து, இந்த உலகம் சூழ்கையில், அதைவிட்டுவிட்டு, நேற்றைய நாளின் அனுபவத்தைக் கொண்டு, நேற்றைய நாளிலேயே நின்றுவிடக்கூடாது என்கிறது. ஒருநாளில், உங்களுக்கு என்ன நிகழ்கிறதோ, அந்த நிலைக்கு ஏற்று, அதற்கு தக்கபடி உங்களை மாற்றியும் வாழ்வது சிறப்பு. அதில்லாமல், எனக்கு இப்படி நிகழ்வேண்டும் என்று எதிர்பார்ப்பது தவறுதானே? மேலும் அப்படி எதிர்பார்த்தால் மனதில் பலவித திட்டங்களும், கணக்குகளும் உருவாகிவிடும். அதற்காக உங்கள் எண்ணத்தின் சக்தி சிதறி வீணாகிவிடுமே?!

இந்த இயற்கைக்கு நீதி உண்டு, அது எப்பொருளுக்கும், எவருக்கும், எச்செயலுக்கும் பொதுவானது. அந்த நீதியை புரிந்து கொள்ளாமல், எனக்கு இப்படி நடக்கிறதே, இப்படி நடந்துவிட்டதே என்று ஏமாற்றமாக நினைத்தால், உங்கள் மனமும், உடலும் கெட்டு நாளடைவில் அது நோயாகவும் மாறி வருத்தமுறச் செய்திடும் அல்லவா?! அப்படியானால் இதை எப்படி ஏற்றுக்கொள்வது?

உங்களுக்கு ஒருநாளில் ஏற்படுகின்ற விளைவு, எதுவாக வந்தாலும் அதை அப்படியே ஏற்று, நம் கர்மா என்ற வினைப்பதிவின் வெளிப்பாடாகவே வந்து, தீர்ந்தும் விடுகிறது என்ற உண்மையை உணர்ந்து கொள்ளப் பழகவேண்டும். எனவே, எண்ணத்தில் எந்த எதிர்பார்ப்பையும் நிரப்பிடாதீர்கள் என்று இக்கவிதை தலைப்பிலேயே சொல்லிவிடுகிறது. இதற்கு எண்ணம் ஆராய்தல் எனும் அகத்தாய்வு செய்து பழகிக் கொண்டால் போதுமானது ஆகும் என்ற விளக்கத்தையும் இக்கவிதை தந்து நிறைவு செய்கிறது!

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

Do not fill the expectation on your thoughts

noreply@blogger.com (Unknown) — Thu, 31 Aug 2023 20:14:00 -0700

எண்ணத்தில் எந்த எதிர்பார்ப்பையும் நிரப்பிடாதீர்கள்

ஒவ்வொரு நாளும்புதிதாய் முழுதாகமாறி படர்ந்துவிரிந்திட

நேற்றைய நாளினனுபவம் கொண்டுமனதில் நிலைபெறலாகா!

நிகழ்வது ஏற்றுநிலைக்கு வாழ்தல்தவிர ஏதுமெதிர்பார்ப்புஏன்?

அதன்வழியே எண்ணத்தை செலுத்திட தங்கும்சிதறும்வீணே!

இயற்கைநீதி வழிநடப்பதை ஏமாற்றமாக நினைத்துக்கொள்ள

மனதோடு உடலும்கெட்டுபல நோயாய் மாறிவருத்திடுமுணர்க!

எதுவிளைவாய் வந்தாலுமதுநம் கர்மாவின் முடிச்சவிழ்த்திடும்

உண்மையதை உணர்ந்தே அகத்தாய்வில் தெளிவுபெறுவீராக!

கவிதை விளக்கம்: இங்கே படிக்கலாம்!

நன்கொடைகள் (Donate) வழங்கி ஊக்கப்படுத்தலாமே?!:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by:

Thought became the source and paved the way. annex

noreply@blogger.com (Unknown) — Fri, 11 Aug 2023 21:26:00 -0700

எண்ணமே மூலமாகி பாதையும் அமைத்ததை அறிவீராக!

இதற்கான மூலம் / கவிதை: இங்கே படிக்கவும்

விளக்கம்:

நமக்குள்ளாக எழும் எண்ணங்களை மிகச்சாதாரணமாக தவிர்த்திட முடியாது. அந்த எண்ணம் நம்மோடு எப்படி கலந்திருக்கிறது? என்ற சிந்தனையை இந்தக்கவிதை விளக்குகிறது. எப்படி என பார்க்கலாம். எண்ணம் என்பது இயற்கையின் சிகரம் என்று உயர்வாக விளக்குகிறார், குருமகான் வேதாத்திரி மகரிஷி அவர்கள். அப்படியான உயர்ந்த நிலையிலுள்ள எண்ணம், அந்த இயற்கையாகவும் சிறப்பாக அமைந்துவிடுகிறது என்பதை நாம் ஆராய்ந்து அறிந்துவிடலாம்.

இந்த எண்ணம் எப்படி பரிணாமம் பெறுகிறது என்பதையும் இந்தக்கவிதை சொல்லுகிறது. ஏதுமில்லா ஒன்றாக, வெட்டவெளியாக இருந்த பேராற்றலும், பேரறறிவும் மிக்க இறையாற்றலில் இருந்து, அதனுடைய தன்னிறுக்க சூழ்ந்தழுத்தும் ஆற்றலின் வழியாக, இறைத்துகளாக முகிழ்ந்து எழுந்தது பரமாணு. மிக மிக நுண்ணிய பரமாணு ஆகும். இந்த பரமாணுக்கள் பலகோடி இணைந்து, விண்ணாக உருமாறியது. இந்த விண், வடமொழியில் ஆகாசம் என்றும் அழைப்பர். இதுவே பஞ்சபூத தன்மையின் முதல் நிலை ஆகும். இந்த விண் தன்னுடைய வேகமான சுழற்சியினால், தன்னை நெருங்கி, சூழ்ந்து அழுத்தும், இறையாற்றலோடு உரசுகிறது. அந்நிலையில் எழும் அலைகளோடு, விண்ணின் மையத்தில் இருந்துவரும் இறைத்துகள்கள் கூடு கலக்கின்றது. அதுவே காந்தம் என்றும் அழைக்கப்படுகிறது.

இந்தகாந்தம், வான் காந்தம் என்றும், ஜீவனுக்குள் எழுகின்ற காந்தம் ஜீவகாந்தம் என்றும் அழைக்கப்படுகிறது. இந்த வான்காந்தம் மற்றும் விண் கூடியே மற்ற காற்று, வெப்பம், நீர், மண் என்ற அடுத்த நான்கு தோற்றங்களாக மாறிவிடுகின்றன. இவ்வைந்து பஞ்சபூத நிலைகளே, பொருளாக, வித்தாக, ஜீவனாக மலர்ந்தது. அந்த ஜீவனுக்குள் உருவான ஜீவகாந்தமே மனமாகவும் அமைந்தது. இத்தனை மாற்றங்களுக்கும்கூட எண்ணம்தான் காரணமாக இருந்ததையும் நாம் அறியமுடியும் என்பதே உண்மை. இது மிகையான கருத்தும் அல்ல. மேலும், இதற்கு மேலாகவும் அந்த எண்ணம் முடிவுறாமல், தன்னையே தான் அறிந்திடும் வகையில், மனிதர்களுக்குள்ளாக ஆறறிவாக மலர்ந்து நின்றதையும் நாம் விளக்கமாகிக் கொள்ள முடியும். இந்த வகையில் எண்ணமே எல்லாவற்றிற்கும் ஆதாரமாக, மூலமாக இருந்தது என்ற விளக்கத்தை, இந்தக்கவிதை தருகிறது.

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

Thought became the source and paved the way

noreply@blogger.com (Unknown) — Thu, 10 Aug 2023 21:03:00 -0700

எண்ணமே மூலமாகி பாதையும் அமைத்ததை அறிவீராக!

எண்ணமே இயற்கையதன் சிகரமாம் என்றார்வேதாத்திரி

எண்ணமே இயற்கையாகவும் சிறப்பிக்கும் ஆராய்ந்தறி

ஏதுமில்லா ஒன்றிலிருந்து இறைந்துகளாய் முகிழ்ந்தெழுந்து

பரமாணுகோடியாக முதல்பௌதீக விண்ணாகி தன்னை

அழுத்தும் இறையாற்றலோடு உரசிக்கூடிகலந்து காந்தமாகிட

மேலும்பூதம் நான்குமாகி விதையாகஜீவனாக மலர்ந்திடவே

காரணமிந்த எண்ணமேயென்றால் மிகையென்ன சொல்வீர்

முட்டிமோதி தன்னையே அறிந்துடும்நம்மில் நின்றதுமறிவீர்!

கவிதை விளக்கம்: அடுத்த பதிவில் காணலாம்!

நன்கொடைகள் (Donate) வழங்கி ஊக்கப்படுத்தலாமே?!:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by:

Thoughts are accumulates as point and expands. annex

noreply@blogger.com (Unknown) — Tue, 1 Aug 2023 03:19:00 -0700

எண்ணத்தின் ஆற்றல் குவிந்திடும், விரிந்திடும் உண்மை அறிவீர்!

இதற்கான மூலம் / கவிதை: இங்கே படிக்கவும்

விளக்கம்:

நமக்குள் எண்ணம் எழுகின்றது. அன்றாடம், நொடிக்கு நொடி ஓடிக்கொண்டே இருக்கிறது என்பது நமக்குத் தெரியும். நாம் ஏதேனும் நினைத்தாலும் அப்படித்தான், தானாகவே வந்தாலும் அப்படித்தான். சில எண்ணம் அற்புதமாக இருக்கும், சில எண்ணம் குழப்பமாக இருக்கும், சில எண்ணம் பயமுறுத்தவும் செய்யும். ஆனால் நாம் ஒன்றும் செய்யமுடிவதில்லை. என்றாலும் கூட, குருமகான் வேதாத்திரி மகரிஷியின் ஆசியோடு, அந்த எண்ணங்களை நாம் ஆராயவும் பழகிக் கொண்டு இருக்கிறோம் அல்லவா?

எண்ணங்கள், அந்த எண்ணங்களின் ஆற்றல், ஓரிடத்தில் அல்லது ஓர் புள்ளியில் குவிந்திடும் என்றும், எல்லையற்று விரிந்திடும் என்றும் சொல்லப்படும் உண்மையை இந்தக்கவிதை விளக்க முயற்சிக்கிறது. எப்படி?

ஒரு எண்ணம், நமக்குள் எழுவதால், எப்பொதுமே அது விரிந்து செயலாற்றுகிறது என்று நினைத்துக் கொள்கிறோம். ஆனாலும், விரிந்த அந்த எண்ணம், திரும்பி ஓர் புள்ளியாகவும் நமக்குள் குவிந்துவிடுகிறது என்பதையும் நாம் கவனமாக அறிந்து கொள்ள வேண்டியது அவசியம்! மேலும் அதை ஆராய்ந்து பார்க்கும் பொழுது, எண்ணம் விரிதலும், குவிதலும் ஓர் அழுத்தம் என்பது உண்டுதான். இந்த அழுத்தம் சரியாக, சமமாக இருக்குமா? என்ற கேள்வியைக் கொண்டு பார்த்தால், குவியும் நிலையில் கூடுதலான அழுத்தம் உண்டு என்ற உண்மை தெரியவரும்.

அதற்கான காரணம் என்ன? அது இயற்கையின், தெய்வீகத்தின் ஓப்புவமையான ஒன்றாக கருதிட வாய்ப்பு இருக்கிறது! இப்படியாக, ஓர் புள்ளியில் குவிந்திடும் எண்ணமானது, அந்த எண்ணத்தில், அதனுடைய தன்மையில் என்னென்ன உண்டோ, அதற்கு ஏற்றபடியே அல்லது அந்த தேவைக்கு ஏற்றபடியே, செயல்படுத்துவதற்காக, நம்மை உருவாக்கும் அல்லது பிறரை நம்மூலமாக உருவாக்க வைக்கும். அதற்கு தகுந்த காலமும் பிறக்கும். உண்மையாகவே அப்படியான வாய்ப்பு கிடைப்பது மிக அரிது. யாரோ நமக்கு சொன்னார்கள் செய்தோம் என்பது இல்லாமல், தெய்வீகமே நம்மை வழி நடத்துகிறது, நம்மூலமாக செயல்பட வைக்கிறது என்பது அற்புதம் அல்லவா? இப்படியான நிலையை, அக்காலத்தில் ஞானிகள் ‘இறைவழியே பணிந்து பணிக்கும் வாய்ப்பு’ என்று பெருமைப்பட கூறுவார்கள். இந்த அற்புதம் எப்போது நிகழும் என்பதை யாரும் அறிந்திடவும் முடியாது என்பதும் ரகசியமாக இருக்கிறது! இப்படியாக இந்தக்கவிதை, உண்மை விளக்கத்தை நமக்கு அறியத்தருகிறது!

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
Paytm: 9442783450@paytm

Present by:

Thoughts are accumulates as point and expands

noreply@blogger.com (Unknown) — Fri, 28 Jul 2023 20:25:00 -0700

எண்ணத்தின் ஆற்றல் குவிந்திடும், விரிந்திடும் உண்மை அறிவீர்!

எழுகின்ற எண்ணமெல்லாம் விரிந்துமென்றே நினைப்பது

ஓர்வகை என்றாலும்கூட அவ்வெண்ணம் திரும்புஓர்புள்ளியில்

குவிந்துவிடும் என்பதையும் கவனத்தில் கொண்டாகவேண்டும்!

இரண்டிலுமோர் அழுத்தமிருக்கும் என்றாலும் குவிதலில்கூடுதல்

உண்டுஎனலாம்! இயற்கையின் தெய்வீகத்தின் ஒப்புவமையாக!

அந்தஎண்ணத்தின் தன்மையிலே என்னென்ன உண்டோஅதற்கு

ஏற்றபடியே நம்மைபிறரை தேவைக்கேற்றபடி உருவாக்கிவிடும்!

யாரறிவார் தானிந்தஇறைவழி பணிந்துபணிக்கும் வாய்ப்பினை!

கவிதை விளக்கம்: இங்கே படிக்கவும்

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
9442783450@paytm

Present by:

If you remember someone, learn who shapes our thinking! annex

noreply@blogger.com (Unknown) — Wed, 26 Jul 2023 22:16:00 -0700

நினைவில் உள்ளோரும், நம் எண்ணத்தை வடிவமைப்பார் அறிக!

இதற்கான மூலம் / கவிதை: இங்கே படிக்கவும்

விளக்கம்:

அனுபவமாக பெறக்கூடிய உண்மை விளக்கத்தை, இந்தக்கவிதை சொல்லுகிறது எனலாம். அது என்னவென்றால், நம்முடைய நினைவுகளில் இருக்கக்கூடிய நபர்கள் யாராக இருந்தாலும், அவர்களை நாம் நினைத்தால், அந்த நினைவின் வழியாக நம்முடைய எண்ணம் பாதிப்படைகிறது என்ற உண்மையாகும். இதை இன்னும் விரிவாக கவிதை வரிகளின் வழியே அறியலாம்!

இந்த உலகில் வாழும் ஓவ்வொருவர் மனதிலும், பலநூறு நபர்களில் நினைவுகள் இருக்கும் என்பது உண்மை. அவர்கள் என்ன செய்வார்கள்? எப்படி செயல்படுவார்கள்? எப்படி பேசுவார்கள்? எந்த வகையில் யோசிப்பார்கள்? என்பது போன்ற விடைகளும் நாம் அறிந்துவைத்திருப்போம். அந்த வகையில் எழுகின்ற எண்ணங்களில் அவர்களின் பங்கு இருக்கும் என்பது உண்மைதானே? இதனால், அதுவே நம்மை திசை மாற்றும், அலைக்களிக்கும் என்பதால் கவனமாக இருக்கவேண்டியுள்ளது.

அப்படியான நபர்கள் யார் யாராக இருப்பார்கள் என்றால், நம் பெற்றோராக இருக்கலாம், நம் வாழ்க்கைத் துணை, பெற்ற நம் பிள்ளைகள், நம்மோடு இருக்கும் நண்பர், பாசமிகுந்த உறவினராகவும் இருக்கலாம். எந்த வகையிலாவது, நமக்கும், அந்த நபருக்கும் நல்ல பாசம், பற்று, உறவு இருக்கும் என்பதும் உண்மை.

ஏதேனும் ஓர் சூழலில், அவருக்காக நாம் நினைக்கும் எண்ணமும், எண்ணுகின்றபொழுது உருவாகிற அவரின் நினைவும், எண்ணுபவரின் வாழ்வை திசை மாற்றுகிறது. அது நல்லதாகவும், கெட்டதாகவும், பாடம் நடத்தி அனுபவங்களை பெற வழி செய்கிறது என்ற உண்மையையும் தெரிந்து கொள்ள வேண்டும்.

இதில் நமக்கு கிடைக்கும் இன்னொரு முக்கியமான நீதி என்னவென்றால், எத்தனை நபர்கள் இருந்தாலும்கூட, அவரவர் கர்மா என்ற வினைப்பதின் வழியாகவேதான் இயற்கை வழிநடத்துகின்றது என்பதை அறிந்து கொள்ள வேண்டும். அப்படி உணர்ந்து தெளிந்தால்தான், நமக்கு நன்மையும் கிடைக்கும் என்பதாக இந்தக்கவிதை விளக்கம் தருகிறது!

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
9442783450@paytm

Present by:

If you remember someone, learn who shapes our thinking!

noreply@blogger.com (Unknown) — Tue, 25 Jul 2023 10:43:00 -0700

நினைவில் உள்ளோரும், நம் எண்ணத்தை வடிவமைப்பார் அறிக!

வாழுமிவ்வுலகில் எண்ணற்றோர் நினைவுகளை தூக்கிச்சுமந்து

நாமுமேவாழ்கிறோம் எழுகின்றஎவ் எண்ணங்களில் அவர்கள்பங்கு

அவ்வப்போதுநம்மை திசைமாற்றும் அலைக்களிக்கும் கவனம்கொள்க

அவர்பெற்றோரோ வாழ்க்கைதுணையோ பெற்றநம் குழந்தையோ

உடனிருக்குமினிய நண்பரோபாசமிகு உறவினரோ இருக்கலாம்!

அவருக்காகஎன நாமெண்ணுகின்ற எண்ணமும் நம்வாழ்வையும்

திசைமாற்றும் பாடம்பலநடத்தி வைக்குமுண்மை அறிவீராகஇனி

அவரவர்கர்ம வினைப்பதிவின் வழியேதானியற்கை வழிநடத்தும்!

கவிதை விளக்கம்: இங்கே படிக்கவும்

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl
9442783450@paytm

Present by:

Try to think Who am I through the thought. annex

noreply@blogger.com (Unknown) — Sun, 23 Jul 2023 18:23:00 -0700

எண்ணத்தின் வழியாக எண்ணுக நீயார் என்று!

இதற்கான மூலம் / கவிதை: இங்கே படிக்கவும்

விளக்கம்:

குரு மகான் வேதாத்திரி மகரிஷி அவர்கள் வழங்கிய, மனவளக்கலையில் பயின்ற, எண்ணம் ஆராய்தலை செய்கின்ற அன்பர்களுக்கு மட்டுமல்லாமல், யோகம் பயில்கின்ற மற்ற அன்பர்களுக்கும், சாதாரணமாகவே சிந்திக்கும் திறனுள்ள மனிதருக்குமான கவிதையாக இது மலர்ந்திருக்கிறது என்று சொல்லலாம்.

நீ யார்? என்றுதானே இந்த பொருள்முதல்வாத உலகில் கேட்டுப் பழக்கம், ஆனால் ‘நான் யார்?’ என்று தனக்குத்தானே கேட்டுக்கொள்வதில்தான் நம்முடைய பிறவியின் நோக்கம் ஆரம்பமாகி, அந்த விடையில்தான் முடிவடைகிறது எனலாம். ஆனால் ‘நான் யார்?’ என்று கேட்டுக்கொள்வது கடினமான ஒன்றாகவும், என்றுமே விடை தெரியாத கேள்வியாகவும், அந்த பதிலும் அவசியமில்லாத ஒன்றாகவும் இந்த மனித சமூகம், எதிர்பாதையில் சென்று கொண்டிருப்பதை மறுக்கவும் முடியாது.

இங்கே, எண்ணத்தின் வழியாகவும் ‘நான் யார்?’ என்று தனக்குள்ளாக கேள்வி கேட்டிட முடியும், அதற்கான் விடையும் கிடைக்கும் என்பதாக இந்தக்கவிதை விளக்குகிறது. மேலும் அதை காண்போம்.

‘எப்போது பார்த்தாலும், இந்த எண்ணம் ஓடிக்கொண்டே இருக்கிறதே? இதை நிறுத்திவிட முடியுமா?’ என்பதுதான் அதிக மக்களுடைய கேள்வியாக இருக்கும். உண்மை என்னவென்றால், இரத்த ஓட்டம், உடலிலும், உயிரிலும் இருக்கும் வரையில், அதாவது நாம் இந்த புவியில் வாழும் காலம் வரை, எண்ணமும் சுழன்று ஓடி, எழுந்து வந்து கொண்டேதான் இருக்கும். அதை ஒருபோதும் தடுத்திட முடியாது. அப்படி தடுக்க எடுக்கின்ற எல்லா முயற்சிகளும் வீணாகிவிடும். இந்த உண்மை உணர்ந்துகொண்டு நாம் அடுத்த முயற்சிக்கு போகலாம். எப்படி? இந்த தடுத்து நிறுத்தும் போராட்டும் ஏதுமின்றி, எழுகின்ற அந்த எண்ணத்தின் நிலையை அறிந்திட முயற்சிக்க வேண்டும். இந்த எண்ணம் ஏன்? எதனால் இப்படி எழுகிறது? என்ற காரணத்தை ஆராய்ச்சி செய்யலாம். ஒருநாள் மட்டுமல்ல, தினம் தினம் இந்த ஆராய்ச்சியை, சலிப்பில்லாமல் தொடர்ந்து செய்திட வேண்டும். அதுதான் முக்கியம்.

அப்படி தொடர்ந்து சிந்தித்து, ஆராய்ந்து வருகையில், என்றாவது ஒருநாளில், அந்த எண்ணங்களின் ஊடாகவே, தானும் ஒன்றி இருப்பதையும் அறிந்து கொள்ளமுடியும். அப்படியான அந்த நிலைக்கு நீங்கள் உயர்ந்துவிட்டதை அறிந்தால், அங்கேயே ஒரு கேள்வி கேட்டு, அதையும் ஆராயுங்கள். என்ன கேள்வி அது? ‘நான் யார்?’ என்ற கேள்விதான் அது. இதுவரையில் நீங்கள் எண்ணத்தோடு பயணித்து, ஆராய்ந்து வந்ததால், இந்த கேள்விக்கான விடையும் அங்கே கிடைத்திடக் கூடும் என்பது உறுதி, என்பதாக இந்தக்கவிதை, உண்மை விளக்கம் அளிக்கிறது!

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by:

Try to think Who am I through the thought

noreply@blogger.com (Unknown) — Sat, 22 Jul 2023 20:11:00 -0700

எண்ணத்தின் வழியாக எண்ணுக நீயார் என்று!

இரத்தஓட்டம் உடலுயிரில் இருக்குமட்டும் எண்ணமும்

சுழன்றோடும் உண்மையறிக தடுத்திட முயற்சிவீணே!

போராட்டம் ஏதுமின்றிஅவ் எண்ணத்தின் நிலையறிக,

ஏன்எதனால் என்றேதினம் ஆராய்ந்துபார்த்துப் பழகிடுவீர்!

இப்பயிற்சியில் ஓர்நாளில் எண்ணத்தில் ஆழ்ந்துசென்று

எண்ணத்தின் ஊடாகபயணிக்க தானும் அதிலிருப்பதை

உணர்ந்தறிவார், அச்சமயமெவரும் கூடுதலாக சிந்தித்தறிய

நான்யார் என்றேகேட்டு தக்கபதிலையங்கே பெறமுடியும்!

கவிதை விளக்கம்: இங்கே படிக்கவும்

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by:

What is the benefit as human is great with his nature talent? annex

noreply@blogger.com (Unknown) — Fri, 21 Jul 2023 19:45:00 -0700

எண்ணத்தின் சிறப்போடு மூலமறியும் திறன் இருந்தும் பயனென்ன?!

இதற்கான மூலம் / கவிதை: இங்கே படிக்கவும்

விளக்கம்:

மனிதன் பரிணாமம் வழியில் வந்த, உயினங்களின் உச்சநிலை என்று, மெய்ஞானிகள் மட்டுமல்ல, தற்காலத்திய நவீன விஞ்ஞானிகளும் அதை ஏற்றுக்கொண்டு உள்ளனர். இதனால்தான், தேனீக்கள் பாதிக்கப்பட்டால் கூட அது, மனிதகூட்டத்தையும் பாதிக்கும் என்று, பரிணாமத்தின் கோட்டுபாடுகளால் விளக்கமாகவும் சொல்லுகிறார்கள்.

ஆனால் மனிதனோ, அதில் அக்கறையின்றி, தான் ஏதோ தனியாக மலர்ந்தவன், இயற்கையையே ஆட்டிப்படைக்கும் வல்லமை வாய்ந்தவன் என்றே கருதி வாழ்ந்து வருகிறான் என்பதை நாம் அறியமுடிகிறது. எல்லோரும் அப்படி அல்ல என்று மறுத்தாலும் ஏதோ ஒருசிலர் அப்படித்தான் என்று ஏற்றுக்கொள்ள முடிகிறது அல்லவா? ஏன் அப்படி தனித்து நினைக்கிறார்கள் என்றால், தன்னைப்பற்றி அறிவதற்கு அவர்கள் முயற்சிக்கவே இல்லை.

மனிதனைத்தவிர வேறெந்த உயிரினமாவது, இயற்கைக்கு மாறாக செயல்படுகிறதா? என்று சிந்தித்தால் இல்லவே இல்லை. ஓர் அறிவு தாவரங்கள் முதல், ஐந்தறிவு விலங்கினங்கள் வரை, ஏதேனும் வகையில் இயற்கைக்கு கட்டுப்பட்டே நடந்து கொள்கிறது. அவற்றிக்கும் எண்ணத்தின் தாக்குதல்கள் உண்டுதான். அதில் எந்த மாற்றமும் இல்லை. ஆனால் அவைகள் அந்த எண்ணத்திற்கு கட்டுப்படுகின்றன. ஒருப்போதும் அவைகள் எண்ணத்தை மீறுவதில்லை என்பதால் மீறக்கூடிய எண்ணங்களும் அங்கே எழுவதில்லை என்பதையும் நாம் புரிந்துகொள்ள வேண்டும். மேலும் அவ்வுயிர்கள் தனியாக எண்ணத்தின் சிறப்பை அறிந்துகொள்ள முடியாது!

ஆனால் மனிதனோ, எண்ணத்தின் சிறப்பை அறிவான், அதன் மூலமும் என்ன என்பதையும் அறிவான்! அதனால்தான் அவன் சிறப்புற்று ஆறாம் அறிவாக உயர்ந்து நிற்கிறான்.

பிற உயிர்களெல்லாம் எண்ணத்தில் மீறாதன்மையோடு வாழ்ந்து மடிந்தும் போகிறது. ஆனால் மனிதனோ, எண்ணத்தோடும், இந்த இயற்கையோடும் போட்டி போட்டுக்கொண்டே தன்னையும் இழக்கிறான். இந்த பிறவிக்கடனையும் தீர்க்காது கூட்டிக்கொண்டே இருக்கிறான். அதை அப்படியே தன் வாரீசுகளுக்கும் கொடுத்துவிடுகிறான். திருக்குறள் தந்த திருவள்ளுவர் சொல்லுவது போலவே, பிறவிக்கடல் நீந்திக்கொண்டே இருக்கிறானே? என்று கரை சேர்வது? என்ற கேள்வியாக, இந்தக்கவிதை விளக்கம் அளிக்கிறது!

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by:

What is the benefit as human is great with his nature talent?

noreply@blogger.com (Unknown) — Thu, 20 Jul 2023 20:22:00 -0700

எண்ணத்தின் சிறப்போடு மூலமறியும் திறன் இருந்தும் பயனென்ன?!

எண்ணத்தின் தூண்டுதலில் அதன்வழியெ செல்லுகின்ற

மனிதனின் பரிணாமத்தில் முன்னின்ற அனைத்துயிரும்

எண்ணத்தின் சிறப்பறியா! சிறப்போடுஅதன் மூலமறியும்

தன்மையும் ஒருங்கே அமைந்ததுதிந்த மனிதனிடமறிவீர்!

இயற்கையோடு ஒத்ததன்மையாய் மீறாமல் வாழ்ந்துமடிய

இயற்கையோடு போட்டிபோட்டு தன்னையும் இழந்துதன்

பிறவிக்கடன் முடிக்காது அடுத்தடுத்து வாரிசுக்கும்தந்து

பிறவிப்பெருங்கடல் நீந்துகிறானிவன் என்றுகரை சேர்வது?!

கவிதை விளக்கம்: இங்கே படிக்கவும்

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by:

Do not stored your thought with many questions! annex

noreply@blogger.com (Unknown) — Fri, 14 Jul 2023 20:45:00 -0700

எண்ணத்தை மனதிற்குள் கேள்வியோடு நிறுத்தாதீர்கள்!

இதற்கான மூலம் / கவிதை: இங்கே படிக்கவும்

விளக்கம்:

இந்த உலகில் வாழும் ஒவ்வொரு மனிதரும், தனக்குள்ளாக நிறைய எண்ணங்களை உருவாக்கிக் கொண்டே இருப்பார்கள். சிலவேளை அந்த எண்ணங்களின் தொந்தரவு தாங்காமல், தங்களுக்குப்பிடித்ததை செய்து மறந்துவிட செயல்படுவார்கள். குழந்தைகளோடு நேரம் கழிப்ப்பது அதில் ஓர் சிறந்தமுறை எனலாம். ஆனால் இக்காலத்தில் கைபேசி அந்த தகுதிக்கு வந்துவிட்டது.

மேலும் சிலர், ஆர்வத்தின் ஊடாக, தனக்குள் கேள்விகேட்டு அந்த கேள்வியோடு தொடர்புடைய எண்ணங்களை ஆராய்ச்சி செய்ய நினைப்பார்கள். ஆனால் அதை முழுமையாக தீர்க்காமல், அப்படியே விட்டுவிட்டு, அடுத்து வழக்கமான வாழ்வியலில் இறங்கிவிடுவார்கள். அன்றாட கடமைகளில் அதை மறந்தும் விடுவார்கள். இப்படி தினமும், அடுக்கடுக்கான கேள்விகளை எண்ணங்களோடு முடிச்சு இட்டு இணைத்துகொண்டே போவார்கள். இவற்றின் எண்ணிக்கை சொல்லிமாளாது எனலாம்.

இந்த நிலைகுறித்தே இந்தக்கவிதை நமக்கு சொல்லுகிறது, கேள்விகள் பலப்பல கேட்டு எண்ணத்தால், சிந்தித்து விடையறிய முயற்சித்து, விடை தெரியாமல் தேக்கம் பெற்றுவிடும் அவர்களுடைய மனதின் உள்ளே. இவையெல்லாம் நம் வீட்டில், ஒரு அறையில் சிதறிக்கிடக்கும் பலதரப்பட்ட பொருட்கள் போல உதாரணம் எடுத்துக் கொள்ளலாம். இவை எல்லாம் அடுக்கி அதனதன் இடத்தில் வைத்தால்தானே வீடு வீடாக இருக்கும்? அதுபோல, விடைதெரியாமல் கடந்துவிட்ட அந்த எண்ணக்குவியல்களை சீர் செய்ய வேண்டும். அதை காலாகாலத்தில் தீர்க்கப்படவில்லை என்றால் அது ‘வாழ்க்கை குழப்பமாகவே’ மாறிவிடும் என்பதை அறிவீராக.

மனவளக்கலையில் இருக்கும் நாம், அதில் நாம் கற்ற அகத்தாய்வு பயிற்சி வழியாக, இந்த தேங்கி நிற்கும், ஒவ்வொரு எண்ணங்களாக எடுத்து ஆராய்ந்து, விடை தேடி அல்லது தேவையில்லாத அந்த எண்ணத்தை அகற்றிட முயற்சிக்க வேண்டும். அதுதான் மனதிற்கும் வாழ்க்கையிலும் தெளிவு தரும்!

அவற்றில் முக்கியமாக நான்கு கேள்விகள் உண்டு என்று, குரு மகான் வேதாத்திரி மகரிஷி குறிப்பிடுகின்றார். அவை 1) எது தெய்வம்? 2) வறுமை ஏன்? 3) எது செய்தாலும் ஏன் தவறாகிறது? 4) மனிதரை கண்டு அஞ்சுவதும், மனிதரை துன்புறுத்துவம் ஏன்? இந்த நான்கு கேள்விகளுக்கும் விடை ஆராயவேண்டும் என்றால், யோகத்தில் இணைந்தாலன்றி முடிவு கிடைத்திடாது என்பதையும் புரிந்து கொள்ளவேண்டும். இதற்கு தகுந்த குருவைத் தேடி அவரை சரணடைவதே சிறப்பு. அப்படி இல்லையென்றால், உங்களுக்கு தனித்திறமை, சிந்தனைத்திறன் இருக்கும்பட்சத்தில், நீங்களாகவே ஆராய்ந்து தீர்க்கவேண்டியதுதான் என்பதாக ‘எண்ணத்தை மனதிற்குள் கேள்வியோடு நிறுத்தாதீர்கள்!' என்ற தலைப்பிலான இக்கவிதை உண்மை விளக்கம் அளிக்கிறது!

வாழ்க வளமுடன்.

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by:

Thought is a university for who not educated yet! annex

noreply@blogger.com (Unknown) — Wed, 12 Jul 2023 21:27:00 -0700

ஏட்டுக்கல்வி இல்லாதோர்க்கு எண்ணமே கலாசாலை!

இதற்கான மூலம் / கவிதை: இங்கே படிக்கவும்

விளக்கம்:

கல்வி என்பதை, பள்ளி, கல்லூரி இவற்றில் இணைந்து, அங்கே சென்றுதான் கற்றுக்கொள்ள வேண்டும் என்ற தலைமுறை வளர்ச்சியில் நின்றிருக்கிறோம். ஒரு மனித வளர்ச்சி காலத்தில், தேவையான அறிவை, நுட்பத்தை, கலையை, திறமையை கற்றுக்கொள்ளவும், அதை தகுந்த முறையில் வளர்த்தெடுக்கவும் மட்டுமே, அந்த மனிதனுக்கு கல்வி தேவைப்பட்டது எனலாம். அதுதான் அக்காலம் முதல் நடைமுறையில் இருந்தது.

ஆனால் இந்த நவீன உலகில், வயது மூன்று நிரம்பிவிட்டதா? உடனே ஆரம்ப கல்வியில் சேர்த்துவிடுவோம், என்று அந்தக்குழந்தையை பாடாய்படுத்தி விடுகிறார்கள். பாவம் அந்தக்குழந்தைக்கு சரியாக தன் உணர்வுகளைக்கூட வெளியே சொல்லி பேசத்தெரியாமல் இருக்கும் என்பதே உண்மை. ஆனால் பெற்றோருக்கு அதுகுறித்து எல்லாம் கவலை இல்லை. பள்ளி சென்றால், அவள்/ன் பழகிக்கொள்வாள் என்று திணித்து விடுகின்றனர். ஆனால் அந்த குழந்தைகள் கற்றுக்கொள்வது வேறு என்பது பின்னாளில்தான் தெரியவரும்.

இப்படியான கல்வி, கல்லாதவர்கள்? இக்காலத்தில் அப்படி இல்லைதான். எனினும் ஆய்வுக்காக எடுத்துக்கொள்ளலாமே?! அப்படியான கல்வி கல்லாதவர்களுக்கு எண்ணமே கலாசாலை, அதாவது பல்கலைக்கழகம் என்பதாக இந்தக்கவிதை விளக்கம் தருகிறது! அது எப்படி என்று பார்க்கலாமா?

இந்த பிரபஞ்சக்களம் முழுவதும் நாம் காண்பது கிரகங்களும், நட்சத்திரங்களும் மட்டுமல்ல. எண்ண அலைகளும்தான் என்றால் உங்களுக்கு வியப்பாக இருக்கும். அதுதான் உண்மை! இந்த பிரபஞ்சத்தின் சிறப்பும் அதுதான். அங்கே, இதுவரையில் பூமியில் வாழ்ந்து மறைந்த, எல்லா மனிதர்களின் சிந்தனை அலைகளின் தொகுப்பு அங்கே இருக்கிறது என்பதையும் நாம் அறிந்துகொள்ளலாம். நாம் இங்கிருந்தபடியே அந்த சிந்தனை அலைகளோடு தொடர்புகொள்ளவும் முடியும் என்பதை மறவாதீர். எப்படியான விளக்கம் நமக்கு வேண்டுமோ அதுபடியே அங்கிருந்து நமக்கு கிடைக்க வழி உண்டு. சிலவேலை அது தவறலாம், அதற்கு நாம் தான் காரணமாக இருந்திருப்போம். இதை எப்படி உதாரணமாக பார்க்கலாம் என்றால், ஒரு அறிவியல் அறிஞர், தன் ஆராய்ச்சியில் முடிவுகாணாமல் தவித்தால், ஏற்கனவே இந்த ஆராய்ச்சியில் ஈடுபட்டிருந்த, ஆனால் நிறைவு பெறாமல் இறந்துவிட்ட அறிவியல் அறிஞரின் சிந்தனையை, வாழும் அறிவியலாளர் பெற்று, அந்த ஆராய்ச்சியை முடித்து வெற்றி பெறுவார் என்பது உறுதி.

இதெல்லாம் நடக்ககூடியதா? என்ற சந்தேகக்கேள்வி உங்களுக்கு எழும். அதற்கு விடை உங்களிடமே இருக்கிறது. ஆனால் நீங்கள் அந்த அளவிற்கு சிந்தனையை, ஆராய்ச்சியை உங்களுக்குள் செலுத்திப்பழகவில்லை என்பதே உண்மையாகிறது.

இப்படி பிரபஞ்ச சிந்தனை அலைகளை, எண்ண அலைகளை பெறுவதற்கு ஏதேனும் தகுதி உண்டா? வாழ்ந்து கொண்டிருக்கும் எந்தஒரு மனிதரும் இதற்கான தகுதி பெற்றவரே! ஆம், இதில் எந்த சந்தேகமும் இல்லை. கல்வி கல்லாதவர்களுக்கு எண்ணமே கலாசாலை, அதாவது பல்கலைக்கழகம்!

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: