പാത -തെളിച്ച് /paatha-thelichch

ഹരിയും ലളിതയും വായിച്ചുകൊണ്ടേ ഇരിക്കുന്നു!!!

2011-02-04T21:42:00.000-08:00

ചെന്നയിലെ തിരുവല്ലിക്കേണിയിൽനിന്നു തുടങ്ങിയ ജീവിത യാത്ര ഇന്നു കോഴിക്കോട്ടെത്തി നിൽക്കുമ്പോൾ എൻ.ഹരി എന്ന മൃദംഗ വിദ്വാന്റെ മാറിൽ കാഞ്ചി കാമ കോടി പീഠം ആസ്ഥാന വിദ്വാൻ പദവിയെന്ന പദക്കം കൂടി ചാർത്തപ്പെട്ടുകഴിഞ്ഞു. വിവിധ പുരസ്കാരങ്ങളാൽ
ആദരിക്കപ്പെടുക എന്നതു ഇന്നു ഹരിയെ സംബന്ധിച്ചിടത്തോളം കേവലം ശീലം മാത്രമായി മാറിക്കഴിഞ്ഞിട്ടുണ്ട്‌. മൃദംഗ /വായ്പ്പാട്ടു വിദ്വാനായ ശ്രീ എസ്‌.വി.എസ്‌.നാരയണന്റെയും മൃദംഗ വിദുഷിയായ നീലാംബരിയുടേയും പുത്രനായ എൻ.ഹരി പിച്ച വെച്ച നാൾ മുതലെ സംഗീതത്തിന്റെ പാതയിലൂടെ
സഞ്ചരിക്കാൻ തുടങ്ങിയതിൽ അത്ഭുതത്തിനു അവകാശമില്ലെങ്കിലും ചെറുപ്പം മുതലെ തന്നെ മറ്റുള്ളവരെ മൂക്കത്തു വിരൽ വെപ്പിക്കുന്നയത്ര അവഗാഹം മൃദംഗ വായനയിൽ കരഗതമാക്കിയിരുന്നു. ഒൂപചാരികമായ സംഗീത പഠനം തുടങ്ങും മുമ്പു തന്നെ ഭജനകളിലും മറ്റും മൃദംഗം വായിച്ചിരുന്ന ഹരിയെ സ്കൂളിൽ മോഹൻലാൽ, പ്രിയദർശൻ,രാജു എന്നീ പേരുകാരായ ചില കുട്ടികളടക്കം എല്ലാവരും മൃദംഗം ഹരിയെന്നു വിളിച്ചിരുന്നത്‌ വെറുതെയല്ലല്ലോ?

കാവാലം ശ്രീകുമാറിനൊപ്പം
എൻ.ഹരി, കാർത്തിക്‌, രഞിനി,ടി.എച്ച്‌.ലളിത ( നാദ കുടുമ്പം)
കൈതപ്രത്തോടൊപ്പം കൈതപ്രത്തോടൊപ്പം

അച്ഛന്റെ കച്ചേരികൾക്കു മൃദംഗത്തിന്റെ പിൻതുണയേകാൻ ഭാഗ്യമുണ്ടായിരുന്ന ഹരി പിതാവിന്റെ മരണാനന്തരം ഡോ.ടി.കെ.മൂർത്തിയെന്ന ആചാര്യന്റെ ശിഷ്യത്ത്വം സ്വീകരിച്ചു. പൂർണ്ണമായി മൃദംഗാഭ്യാസത്തിനായി ഉഴിഞ്ഞു വെച്ച അന്നത്തെ ആ ദിനങ്ങളാണു ഈ ബഹുമതികളൊക്കെയും മാലയായി ചാർത്താൻ യോഗ്യനാവും വിധം എൻ.ഹരിയെന്ന കലാകാരനെ വാർത്തെടുത്തത്‌ എന്നു്‌ നിസ്സംശയം പറയാം.

(ബാബുരാജിന്റെ പത്നിക്കൊപ്പം)ഇടത്തു നിന്ന് കൈതപ്രവും പത്നിയും, ആദരണീയനായ കോഴിക്കോടു സാമൂതിരി, യേശുദാസ്, ഹരിയും ലളിതയും

ഹരിയും ലളിതയും ഗുരുവായൂരില്‍

മൂന്നു പതിറ്റാണ്ടുകൾക്കു മുമ്പൊരു സുദിനത്തിൽ കോഴിക്കോടു ആകാശവാണി നിലയത്തിന്റെ പടിക്കെട്ടുകളിൽ ഭക്തിപൂർവ്വം വന്ദിച്ചു വലംകാലു വെച്ചു കയറിയതു ഹരിയുടെ ജീവിതത്തിലെ മറ്റൊരു വഴിത്തിരിവായിരുന്നു.മൃദംഗം ആർടിസ്റ്റ്‌ ആയി ആകാശവാണിയിൽ ജോലി ചെയ്യാൻ തുടങ്ങിയതോടെ എണ്ണമറ്റ കലാകാരന്മാരുമായും സാഹിത്യകാരന്മാരുമൊക്കെയായി തോളുരുമ്മാനായി. ഉപകരണ സംഗീതജ്ഞൻ എന്നതിനു പുറമെ ഒട്ടേറേ പേരുടെ വരികൾക്കു ഈണം നൽകി ജീവൻ പകരാൻ കഴിഞ്ഞുവരുന്ന ഇദ്ദേഹം കോഴിക്കോട്‌ ആകാശവാണി നിലയത്തിന്റെ പ്രതിനിധിയായി അവതരിപ്പിച്ച "ലയം' എന്ന താളവാദ്യ കച്ചേരി ദേശിയോദ്ഗ്രഥനത്തിനുള്ള ദേശിയപുരസ്കാരത്തിനു ഹരിയെ അർഹനാക്കി (2005
ശങ്കരാചാര്യരില്‍ നിന്നും ആസ്ഥാന വിദ്വാന്‍ പദവി (കാഞ്ചി കാമ കോടി പീഠം)യാല്‍ ആദരിക്കപ്പെട്ടപ്പോള്‍

ശ്രീ ബേബിയില്‍ നിന്നും കേരള സംഗീത നാടക ക്കാദമി അവാ‍ര്‍ഡ് സ്വീകരിക്കുന്നു

ശ്രീവിദ്യയോടൊപ്പം

ദേശഭക്തിയുണർത്തുന്ന ഗാനങ്ങൾ തൊട്ട്‌ പ്രണയ ഗാനങൾ മുതൽ ഓണപ്പാട്ട്‌ വരെ വിവിധ തരങ്ങളിൽ പെട്ട ഗാനങ്ങൾക്കു ഈണം നൽകിയിട്ടുള്ള ഇദ്ദേഹത്തിനെ തന്നെ കേരള സംഗീത അക്കാദമി ഏറ്റവും നല്ല മൃദംഗ വിദ്വാനായി തിരഞ്ഞെടുത്ത്‌ ആദരിച്ചു എന്നത്‌ (2007) അദ്ദേഹത്തിന്റെ വിവിധ മേഖലകളിലുള്ള മികവിനു മറ്റൊരു അംഗീകാരം കൂടിയാണു്‌.1984 ൽ പ്രശസ്തമായ മദ്രാസ്‌ മ്യുസിക്‌ അക്കാഡമി അവാർഡ്‌ കരസ്തമാക്കിയ ഇദ്ദേഹം ഇതിനകം അയ്യായിരത്തിലേറെ വേദികളിൽ തന്റെ കഴിവു തെളിയിച്ചു കഴിഞ്ഞു.ഇതിൽ നാലയിരത്തോളം വേദികളിൽ കൂടെ വയലിൻ വായിച്ചിരിക്കുന്നത്‌ ടി.എച്ച്‌.ലളിതയെന്ന വിദുഷിയാണ്‌. ആകാശവാണി കോഴിക്കോടു നിലയം ഹരിക്കു നൽകിയ മറ്റൊരു സൗഭാഗ്യമാണു ഹരിയുടെ ജീവിതതിനു താളം നൽകി ജീവിതത്തിൽ കാലെടുത്തു വെച്ച ടി.എച്ച്‌ ലളിതയെന്ന നിലയത്തിലെ ഈ വയലിൻ വിദുഷി! വീട്ടിൽ ആരുടെ താളത്തിനൊത്താണ്‌ മറ്റെയാൾ വായിക്കുന്നതെന്നു വെളിപ്പെടുത്തുവാൻ ഇഷ്ടപ്പെടാത്ത ഇവർ രണ്ടുകുട്ടികളുടെ മാതാപിതാക്കളാണ്‌.
പി.ലീലയോടൊപ്പം
യേശുദാസിനോടൊപ്പം

ഹരിയും ലളിതയും പതിവു പോലെ ഒരേ താളത്തോടെ ലയത്തോടെ...

കഴിഞ നാൽപ്പത്‌ വർഷക്കാലമായി തിരുവയ്യാർ ത്യാഗ രാജ സംഗീതോൽസവത്തിൽ മുടങാതെ പങ്കെടുത്തുവരുന്ന ഹരി അതു കൊണ്ടു തന്നെ നടത്തിപ്പു സമിതിയിലെ ജീവിത കാല അംഗമാണ്‌. ചെംബൈയുടെ കാലം തൊട്ടെ ഗുരുവായൂർ സംഗീതോൽസവതിൽ പങ്കെടുത്തു വരുന്ന അദ്ദേഹം ഉൽസവ സബ്‌ കമ്മിറ്റിയിലെ മെംബെർ ആണ്‌. ആകാശവാണി കോഴിക്കോട്‌ നിലയത്തിന്റെ അമ്പതാം വാർഷികത്തോടനുബന്ധിച്ചു ഹരിയും ലളിതയും ചേർന്നു അമ്പതു യുവ കലാകാരന്മാരെ പങ്കെടുപ്പിച്ചുകൊണ്ട്‌ സംഘടിപ്പിച്ച ദേശ ഭക്തി ഗാന മേള എല്ലാവരുടേയും മുക്ത കണ്ഠമായ പ്രശംസ പിടിച്ചു പറ്റി.

പ്രശസ്തിയുടെ കൊടുമുടിയിൽ നിൽക്കുമ്പോളും താനിപ്പോളും തുടക്കക്കാരനാണെന്നു വിശ്വസിക്കുന്ന ഹരി പാറശ്ശാല രവിയെന്ന ഗുരുവിന്റെ ശിക്ഷണത്തിൽ ഇപ്പോഴും പരിശീലനം തുടരുന്നു. ഗുരുവിനോടൊപ്പം ചേർന്ന്‌ അവതരിപ്പിച്ച മൃദംഗ തായമ്പക ജനങ്ങൾ മനസ്സിലേറ്റുവാങ്ങി. കോട്ടക്കൽ വിശ്വംഭര ക്ഷേത്ര നടയിൽ അവതരിപ്പിച്ച മൃദംഗ തായമ്പക"' ഒരു മണിക്കൂറിലേറേ സമയം ജനങ്ങൾ ശ്വാസം അടക്കിപ്പിടിച്ചിരുന്നു ആസ്വദിച്ചു.സമീപ ഭൂതത്തിലേയും സമകാലീന സംഗീത ലോകത്തിലേയും പ്രഗത്ഭരായ എല്ലാ സംഗീതപ്രതിഭകളുടെയും (ശെമ്മാങ്കുടി,യേശുദാസ്‌,...ഈ ലിസ്റ്റ്‌ അങ്ങനെ നീളുന്നു) കച്ചേരികളിൽ മൃദംഗംവായിക്കാൻ സൗഭാഗ്യം ലഭിച്ചിട്ടുള്ള ഹരി കാഞ്ചിപുരം കാമാക്ഷി ക്ഷേത്രത്തിലെ നവ രാത്രി ആഘോഷ ചടങിൽ(19/09/2009)കാഞ്ചി കാമ കോടി പീഠം ആസ്ഥാന വിദ്വാൻ ബഹുമതിയാൽ അനുഗ്രഹീതനായി. ശുഭ്ര വസ്ത്ര ധാരിയായി സുഗന്ധ തൈലത്തിന്റെ പരിമളം പ്രസരിപ്പിച്ചു കൊണ്ട്‌ താടി മുതൽ പാദ രക്ഷവരെ ശുഭ്ര സ്ന്ദര്യം പേറി കോഴിക്കോടിന്റെ തെരു വീഥികളിലൂടെ വെളുത്ത ഹോണ്ട ആക്റ്റീവയിൽ( അതെ "വെളുത്ത" ആക്റ്റിവയിൽ തന്നെ) സഞ്ചരിക്കാൻ ഇഷ്ടപ്പെടുന്ന ഹരി തനിക്കു കലയുടെ ലോകത്ത്‌ ഇനിയും ഒട്ടേറേ മുന്നേറാനുണ്ടെന്നു വിശ്വസിക്കുന്നു. ഏറെ ഒൂന്നിത്ത്യങളിലും ഒട്ടേറെ പ്രശസ്തിയിലും ഈ യാത്ര അദ്ദേഹത്തെ ചെന്നെത്തിക്കുമെന്ന്‌ ന്യായമായും നമ്മുക്കു ആശിക്കാം......

ശ്രീമതി ലളിതക്ക് സംഗീത നാടക അക്കാദമി അവാര്‍ഡ് (വയലിന്‍) ഇന്നു കിട്ടിയത് നിങളും അറിഞിരിക്കുമല്ലൊ? എന്താ അവരുടെ സന്തോഷത്തില്‍ നമ്മുക്കും പങ്കുചേരാം അല്ലെ?

പൊട്ടിച്ചിരിക്കുന്ന (ഗോട്ടൂ വാദ്യ) വിചിത്ര വീണക്കാരി...

2009-11-21T09:27:00.001-08:00

കേരം തിങുന്ന ഈ കേരള നാട്ടില്‍ എഞ്ചിനീയറെ ആവശ്യമുണ്ട് എന്ന് പരസ്സ്യപ്പെടുത്തിയാല്‍ ആയിരങള്‍ ഓടിയെത്തും. ..ഡോക്റ്ററെ വേണമെന്നു പറഞാല്‍ നൂറു കണക്കിനു ആളുകള്‍ എത്തിയെന്നു വരാം. എന്തിനു പറയുന്നു തെങു കയറ്റക്കാരെപോലും ചിലപ്പോള്‍ കിട്ടിയെന്നു വരാം!
...പക്ഷേ , വിചിത്ര വീണ /ചിത്ര വീണ/ഗോട്ടു വാദ്യം വായിക്കേണ്ട പോലെ വായിക്കാന്‍ അറിയാവുന്ന ഒരാളെ വേണം എന്നു പരസ്സ്യം ചെയ്താല്‍ (മിക്കവാറും) അപേക്ഷിക്കാന്‍ അര്‍ഹരായ പുരുഷ കേസരികള്‍ ഈ കേരളത്തില്‍ ഉണ്ടാകില്ല. പിന്നെ എനിക്കു കഴിയും എന്നു പറഞു കൊണ്ടു അഭിമാനത്തോടെ മുന്നോട്ടു വരാന്‍ കഴിയുന്ന ഒരാളിവിടെയുണ്ട് അത് ആരാണ്?
ഇതിനുള്ള ഉത്തരവുമായാണ് ഇത്തവണ ഞാന്‍ നിങളുടെ മുന്നിലെത്തിയിരിക്കുന്നത്...
ഗോട്ടു വാദ്യം/വിചിത്ര വീണ/ചിത്ര വീണ എന്നീ പേരിലെല്ലാം അറിയപ്പെടുന്ന സംഗീത ഉപകരണം

ക്ഷേത്ര നഗരമായ തിരുപ്പതിയില്‍ ചുട്ടു പൊള്ളുന്ന വെയിലില്‍ മകളെ സംഗീത വിദ്യാഭ്യാസത്തിനയക്കുമ്പോള്‍ റെയില്‍വേ ജീവനക്കാരനായിരുന്ന ദീന ദയാലന്‍ സ്വപ്നത്തില്‍ പോലും കണ്ടിരിക്കില്ല തന്റെ മകളുടെ ഈ യാത്ര അവളെ അങകലെ മലബാറിലെ എപ്പോഴും കാറ്റടിക്കുന്ന കോഴിക്കോട്ടെ കടല്‍ തിരത്തെത്തിക്കുമെന്ന്! അല്ലെങ്കിലും ആറ്ക്കാണറിയുന്നത് ദൈവം വേറൊരാള്‍ക്ക് എന്താണു വെച്ചിട്ടുള്ളതെന്ന്?

തഞ്ചാവുര്‍കാരനായ സംഗീത രസികന്‍ റെയില്‍വേയിലെ തന്റെ തൊഴിലുമായി ബന്ധപ്പെട്ട് തിരുപ്പതിയില്‍ എത്തിച്ചേര്‍ന്നപ്പോള്‍ സംഗീതത്തിലും നൃത്തത്തിലും അഭിരുചിയുണ്ടായിരുന്നതന്റെ മകളെ വെങ്കിടേശ്വര മ്യുസിക്കല്‍ ആന്റ് ഡാന്‍സ് കോളേജില്‍ സംഗീത വിശാരദക്കു പഠിക്കാനയച്ചു.പഠനം വിജയകരമായി പൂര്‍ത്തീയാക്കിയ ഉടനെ അവിടത്തെ തന്നെ പ്രശസ്തയായ ഗുരു മന്നാര്‍ഗുഡി സാവിത്രി അമ്മാളിന്റെകീഴില്‍ ഗുരുകുല രീതിയില്‍ ഗോട്ടു വാദ്യം പഠിക്കുവാന്‍ തുടങി അതും ഗുരു മരിക്കും വരേയുള്ള ഒരു വ്യാഴ വട്ടക്കാലം.പക്ഷെ ഗുരുവിന്റെ മരണത്തിനു ഉഷയിലെ സംഗീത വിദ്യാര്‍ഥിനിയെ പിടിച്ചു നിര്‍ത്താനായില്ല. ചെന്നേയില്‍ ബൂദല്ലൂര്‍ കൃഷ്ണ മൂര്‍ത്തി ശാസ്ത്രികളുടെ കീഴില്‍ സ്കോളര്‍ഷിപ്പോടെ പഠനം തുടര്‍ന്നു.സാവിത്രി അമ്മാളുടെ കാലം മുതലെ കച്ചേരിക്ക് പോകാറുണ്ടായിരുന്ന ഉഷയിലെ കഴിവുകള്‍ ലോകം അന്നു മുതലെ അറിഞു തുടങിയിരുന്നു.
ഗോട്ടു വാദ്യ വിദുഷി -ഉഷ വിജയ കുമാര്‍

ഉഷയെന്ന ഗോട്ടു വാദ്യവിദുഷിയെ സ്വന്തമാക്കാന്‍ ആഗ്രഹിച്ച “ആകാശവാണിയെ” കോഴിക്കോട് കടപ്പുറത്ത് ഒമ്പത് മാസത്തോളം കാത്തു നിറുത്തിച്ച കഥ ഉഷയെക്കൊണ്ടു തന്നെ നമ്മുക്കു പറയിക്കാം ” ഒരു ഗോട്ടു വാദ്യക്കാരനെ/വിദുഷിയെ സ്വന്തമാക്കാന്‍ ആഗ്രഹിച്ച ആകാശവാണി നിലയം ഇതിനായുള്ള തങളുടെ തിരച്ചിലവസാനിപ്പിച്ചത് ചെന്നൈ വാനൊലി നിലയത്തിലെ കാഷ്വല്‍ കലാകാരിയായിരുന്ന എന്നിലാണ്. ഉടന്‍ തന്നെ കോഴിക്കോട് നിലയത്തില്‍ വന്നു ചേരുവാന്‍ അവര്‍ ആവശ്യപ്പെട്ടു . പഠനം തുടരുകയായിരുന്ന ഞാന്‍ വലിയ ഒരു നന്ദിയും അതിലും വലിയൊരു ക്ഷമയും പറഞു മറുപടി അയച്ചു. ജോലിക്കു ചേരണമെന്നില്ല ഇപ്പോള്‍ മുഖാമുഖത്തിനു വന്നാല്‍ മതിയെന്നായി നമ്മുടെ ആകാശവാണി. മുഖാമുഖത്തിനു വന്ന ഞാന്‍ പഠനം കഴിയും വരെ സമയം ആവശ്യപ്പെട്ടു. ആകാശവാണിക്കു നൂറു വട്ടം സമ്മതമായിരുന്നു. എട്ടു മാസത്തോളം കഴിഞിട്ടും ചേരാനാകാതെ വന്നപ്പോള്‍സമയം നീട്ടിക്കിട്ടി. അപ്പോഴേക്കും ചരിത്ര പ്രസിദ്ധമായ അടിയന്തിരാവസ്ഥ വന്നെത്തി. പുതിയ തൊഴിലാളികളെ എടുക്കുന്നത് തടയപ്പെട്ടിരുന്നെങ്കിലും എനിക്കു കിട്ടിയിരുന്ന തൊഴില്‍ വാഗ്ദാനം മുമ്പേ തന്നെയുള്ളതായിരുന്നതിനാല്‍ കോഴിക്കോട് ആകാശവാണി നിലയത്തിലെ സംഗീത വിഭാഗത്തിന്റെ വാതിലുകള്‍ എനിക്കായി അവര്‍ തുറന്നു തന്നു എന്നത് വളരെ സന്തോഷത്തോടെയും നന്ദിയോടെയും ഞാന്‍ ഓര്‍ക്കുന്നു“.

ആകാശ വാണിയില്‍ ചേര്‍ന്നതോടെ ഒരല്‍പ്പം നല്‍കാനും ഒട്ടേറേ കിട്ടുവാനും എനിക്ക് ഇടവന്നു.എത്രയെത്ര കലാകാരന്മാരും എത്രയെത്ര വളര്‍ന്നു വരുന്നവരുമായയി ഇടപഴകാനുമായി .പണ്ടൊക്കെ സരസ്വതി കടാക്ഷിച്ചവരെ ലക്ഷ്മി കടാക്ഷിക്കില്ല എന്നു പറയാറുണ്ടായിരുന്നു. ഇപ്പോള്‍ എല്ലാ രംഗത്തിലും ഉള്ള കലാകാരന്മാര്‍ക്കും സാമ്പത്തിക സുരക്ഷയുണ്ട് അക്കാര്യത്തിലും ഞാന്‍ ആകാശവാണിയോടു കടപ്പെട്ടിരിക്കുന്നു“”.
എല്ലാം മറന്നു ഗോട്ടു വാദ്യത്തില്‍ മുഴുകിയിരിക്കുന്ന -ഉഷ

പഴം തൊലി ഉരിഞു തിന്നും പോലെ എളുപ്പത്തില്‍ പഠിക്കാവുന്ന ഒന്നല്ല ഗോട്ടു വാദ്യം. സംഗീതത്തില്‍ അഗാധമായ അറിവും തളരാത്ത പരിശീലനവും മാത്രമാണ് ഗോട്ടുവാദ്യത്തെ വശീകരിക്കുവാനുള്ള എളുപ്പ വിദ്യ. അതുകൊണ്ടുതന്നെ ഇന്നു ജീവിച്ചിരിപ്പുള്ള ഏതാനും പേര്‍ക്കു മാത്രമെ ഈ ഭാരത രാജ്യത്ത് അതായത് ഈ ഉലകത്തില്‍ തന്നെ ഗോട്ടു വാദ്യത്തില്‍ കൈ വെച്ച് ഉദ്ദേശിച്ച രാഗം പുറപ്പെടുവിക്കുവാന്‍ കെല്‍പ്പുള്ളു. അതാണു പറഞതു കേരളത്തില്‍ ഉഷയെ വെല്ലു വിളിക്കാന്‍ തഞ്ചാവൂരുകാരന്‍ ദീനദയലന്റെയും പട്ടമ്മാളുടേയും മകള്‍ ഉഷ മാത്രം!

ഇതു മാത്രമോ ഭാരതത്തിലെ പ്രഥമ മൃദംഗ കലാകാരി തിരു ഗോകര്‍ണ്ണം രംഗ നായകി അമ്മാളുടെ കീഴില്‍ ഒരു പതിറ്റാണ്ടോളം ഭരത നാട്ട്യം പഠിച്ച ഉഷക്കു മുമ്പില്‍ ഗോട്ടൂ വാദ്യമോ ഭരത നാട്യമോ എന്ന ചോദ്യം ഉദിച്ചപ്പോള്‍ ഭരത നാട്യത്തോടു മറക്കുവാന്‍ പറഞിട്ടു ഗോട്ടു വാദ്യത്തെ വാരിപ്പുണര്‍ന്നു. എങ്കിലും ഉഷ ഭരത നാട്ട്യം അങിനെയങു മറന്നിട്ടുണ്ടാകില്ല എന്നു ജനങള്‍ വിശ്വസിക്കുന്നത് കൊണ്ടാണു പല യുവജനോത്സവ വേദികളിലും നൃത്ത മത്സരം നടക്കുമ്പോള്‍ വിധി കര്‍ത്തവിന്റെ ഇരിപ്പിടങളില്‍ അവര്‍ ഇവരെ പിടിച്ചിരുത്തുന്നത്.

ഉഷ ഈ രംഗം വിടുന്ന ഒരു കാലത്ത് ഗോട്ടു വാദ്യം വായിക്കാന്‍ കഴിവുള്ളവര്‍ ആരും ഇല്ലാതാകരുത് എന്നത് മനസ്സില്‍ ഉള്ളതു കൊണ്ട് സംഗീത കുതുകികളായി എത്തുന്ന യുവാക്കള്‍ക്ക് അറിവു പകര്‍ന്നു നല്‍കുവാനും അവര്‍ സമയം കണ്ടെത്തുന്നുണ്ട്. ഉഷ ഇന്ന് എത്തി നില്‍ക്കുന്ന ഉയരങളില്‍ അവര്‍ക്ക് എത്തിച്ചേരാനാകുമോ എന്ന ചോദ്യത്തിന്‍് ഉത്തരം നല്‍കാന്‍ കാലത്തിനു മാത്രമേ കഴിയൂ.

വിചിത്രമെന്നു പറയട്ടെ , വിഷാദത്തിന്റെ പര്യായമെന്നു പേരു കേട്ട ഗോട്ടു വാദ്യത്തിന്റെ ( വിഷാദത്തിന്റെ രാഗങള്‍ വായിക്കാന്‍ ഗോട്ടു വാദ്യത്തിനു അപാരമായ സാധ്യതകളാണെത്രെ ഉള്ളത് ) ഈ കൂട്ടുകാരി അസാമാന്യമായ നര്‍മ്മ ബോധത്തിന്റെ ഉടമകൂടിയാണ്. ഉച്ചസ്ഥായിയിലുള്ള പൊട്ടിച്ചിരിയിലൂടെ തന്റെ സ്ഥാനം വെളിപ്പെടുത്തുന്ന ഉഷയുടെ ജീവിത പങ്കാളി കോഴിക്കോട് നിലയത്തിലെ സീനിയര്‍ പ്രോഗ്രാം എക്സിക്ക്യൂട്ടിവ് കോന്നിയൂര്‍ വിജയകുമാര്‍ പൊട്ടിച്ചിരിയുടെ കാര്യത്തിലും ഉഷക്ക് നല്ലൊരു “മാച്ച്” തന്നെയാണ്. കലയുടെ കാര്യത്തില്‍ ജീവിതത്തിന്റെ ഒന്നാം ഗണന കൊടുക്കാ‍ത്തതുകാരണം പഠിപ്പിന്റെ വഴികളില്‍ വിജയിച്ച ഇവരുടെ മകന്‍ ഹരിപ്രിയന്‍ ഏഴം കടലിനക്കരെ തൊഴിലേടുക്കുമ്പോള്‍ മകള്‍ വാണി നാട്ടില്‍ തന്നെ ഉപരി പഠനം നടത്തുന്നു....
സത്യ സായി ബാബ അടക്കം ഒട്ടേറേ പ്രമുഖരുടെ മുമ്പില്‍ തന്റെ കഴിവു പ്രകടിപ്പിക്കുവാന്‍ കഴിഞിട്ടുള്ള ഉഷ ഇതാ അടുത്ത കച്ചേരിക്കുള്ള തയ്യറെടുപ്പിലാണ്..

കണ്ടുപിടിക്കാനുണ്ടോ?

2009-10-19T05:05:00.001-07:00

സുകുമാരനും കുടുംബവും മൂന്നാറിലേക്കു പോകാനുള്ള പുറപ്പാടിലായിരുന്നു.വീടെല്ലാം പൂട്ടി സുകുമാരി പുരത്തിറങിയപ്പോഴേക്കുംകുട്ടികള്‍ കാറില്‍ കയറീ വാതില്‍ അടച്ചിരുന്നു.സുകുമാരന്‍ കാര്‍ സ്റ്റാര്‍ട്ടാക്കി ഇരംബിച്ചു കൊണ്ടിരുന്നു. സുകുമാരി ഡോറടക്കാന്‍ തുടങിയപ്പോളാണൂ "പടാഷ്" എന്ന ഒരു ശബ്ദം കേട്ടതു. സുകുമാരി പേടിച്ചു ശബ്ദം കേട്ട ദിക്കിലേക്കു നോക്കിയപ്പോഴേക്കുംസുകുമാരന്‍ പുറത്തിറങിക്കഴിഞിരുന്നു.
"അമ്മേ, അതു കാറ്റത്തു ജനലടഞതാ" കാറില്‍ തന്നെയിരുന്നു പാറുട്ടി കാരണം കണ്ടെത്തി.
"അപ്പോ ജനലും വാതിലും അടക്കാഅതെയായിരുന്നോ വാതിലു പൂട്ടി വന്നതു?"
വാതില്‍ എന്ന പ്രയോഗം കേട്ടതോടെ സുകുമാരിയുടെ തലച്ചോറ്
ആവിയായി.
"നിങള്- അടച്ചാലും വാതില്- അടയും "
" ന്നാല്‍ ഞാന്‍- വാതിലും നോക്കി ഇരുന്നോളാം "' സുകുമാരന്.
എന്തിനു പറയുന്നു സങതി ജോര്‍ദാര്‍ ജഗടയായി മൂന്നാര്‍ യാത്ര ആറ്റില്‍ പോയി എന്നു പറയേണ്ടതില്ലല്ലോ?

SHTAARRY 2

കുട്ടപ്പായി പെരുച്ചാഴി ക്കവലയിലെ ഒരു കുപ്രശസ്ത വെല്‍ഡെറാണു്‌. വെല്-ഡിങ് ചെയ്തു കൊണ്ടിരിക്കുംബോള്- വഴിയിലൂടെ വല്ല "ഐ ടോണിക്കും "പോയാല്- നോക്കാന്- വല്ല്യ ബുദ്ധി മുട്ടാണ്‍. വെല്-ഡിങ് ഗ്ളാസ്സ് ഇടം കയ്യു കൊണ്ടു പിടിക്കണം വലം കയ്യു കൊണ്ടു ഹാന്റില്‍ "ഹന്റില്- ചെയ്യണം. വെല്ഡിങ് കഴിയുംബോള്‍ പിന്നെയും ഗ്ളാസ്സു പൊക്കി നോക്കി വേണം പീസില്- നോക്കാന്-. ഇതെല്ലാഅമ്- എന്തൊരൊ പൊല്ലാപ്പ്? വറ്ക്ക് പീസും വഴിയിലുടെ പോകുന്ന പീസുംഎല്ലാം നോക്കാന്‍ ഒരു ഉപായ മുണ്ടായിരുന്നെങ്കില്?
വീട്ടില്‍ വന്നു കയറുന്ന അതിഥികളെ അത്ഭുധപ്പെടുത്താന്‍ ഇഷ്ടപ്പെടാത്തവരായി ആരെങ്കിലുമുണ്ടാകുമോ? മറ്റുള്ളവരുടെ വീട്ടില്‍നിന്നും വ്യത്യസ്തമായി എന്തെങ്കിലും നമ്മളുടെ വീട്ടില്‍ ഉണ്ടാകണമെന്നാഗ്രഹിക്കാത്തവരും!

മുകളിലെഴുതിയനുറുങുകളുടെ ഗതി തിരിച്ചു വിടുവാന്‍ കഴിവുള്ള ഒരു വിദ്വാനെ പരിചയപ്പെടുത്തുവാനാണു്‌ ഇത്തവണ ഞാന്‍ നിങളുടെ മുന്നില്‍ ഞാന്‍ വന്നത് .നമ്മുടെ കഥയിലെ നായകന്‍ ഒരു പാവപ്പെട്ട കുടുംബത്തില്‍ പിറന്ന അധികം വിദ്യയൊന്നും അഭ്യസിക്കാന്‍ ഭാഗ്യമില്ലാതെ പോയ ശ്രീ വി.ഏ.റഷീദ് ആണ്. വീട്ടിലിരിക്കുംബോളും വഴിയിലൂടെ നടക്കുംബോളും ഒക്കെ തന്നെ നാം ദിനവും അഭിമുഖീകരിക്കുന്ന പ്രശ്നങളേക്കുറിച്ചും അവയുടെ പരിഹാരങളേക്കുറിച്ചും തന്നെയായിരിക്കും റഷീദ് ചിന്തിച്ചു കൊണ്ടിരിക്കുക. പിന്നെ ഒരു പരിഹാരം കണ്ടു പിടിച്ചിട്ടേ ഊണും ഉറക്കവും ഉള്ളൂ. ഇദ്ദേഹത്തിന്റെ കണ്ടുപിടുത്തങളില്‍ പലതും നാഷനല്‍ ഇന്നോവേഷന്‍ ഫൌണ്ടേഷന്റെ അംഗീകാരം നേടിയിട്ടുണ്ട്. ഇദ്ദേഹത്തിന്റെ സ്വപ്നങള്‍ യാദാര്‍ത്ഥ്യമാക്കുവാന്‍ അവശ്യം വേണ്ട ഒന്നു മാത്രം അദ്ദേഹത്തിന്റെ കയ്യില്‍ ഇല്ല, അതായത് വൈറ്റമിന്‍ "എമ്മിന്റെ" കുറവുണ്ട് എന്നര്‍ത്ഥം(പണത്തിന്റെ.

കണ്ടുപിടിച്ച പല കാര്യങളും വളരെ ചിലവു കുറഞ രീതിയില്‍ അതിന്റെ മേന്മയുടെ പാരമ്മ്യത്തില്‍ ജനങളില്‍ എത്തിക്കണമെങ്കില്‍ ഒരു ചെറിയ വര്‍ക്ക് ഷോപ്പെങ്കിലും വേണ്ടിവരും. ലക്ഷക്കണക്കിനു രൂപ ചിലവു ചൈതു ഇങനെ ഒരു ചെറിയ വ്യവസായ സ്ഥാപനം തുറ്റങിയാല്‍ തന്റെ കണ്ടു പിടുത്തങള്‍ ജനോപകാര പ്രദമായി ഉപയോഗിക്കാന്‍ കഴിയുന്നതോടൊപ്പം ഒരു ലാഭ ദായകമായ വ്യവസായമാകുമെന്നും റഷീദിനു ഉറപ്പുണ്ട്. എന്താ നിങലുടെ കയ്യില്‍ പണമുണ്ടോ,പരീക്ഷണങള്‍ക്കു ഉതകുന്ന മനസ്സുണ്ടോ,ക്ഷമയുണ്ടോ,എങ്കില്‍ റഷീദിനോടൊപ്പം ചേര്‍ന്നു ഒരു ഇടപാടു തുടങൂ. ബുദ്ധിപരമായ പങ്ക് നിക്ഷേപിക്കാന്‍ റഷീദും തയ്യാര്‍! ആട്,മാന്‍ച്ചിയം,ചക്കക്കുരു,ടോട്ടല്‍ ഫോര്‍ മി ഇവയിലൊക്കെ നിക്ഷേപിക്കുന്നതിലും ഭേദമല്ലെ? ധാര്‍മികത,ബുദ്ധി,കഴിവ്‌ ഇവയിലൂടെയുള്ള ധനാഗമം !

ഈ പടത്തില്‍ കാണുന്നത് ഒരു വിന്‍ഡൊ ലോക്ക് ആണ്.ജനല്‍ അകത്തു നിന്നോ പുറത്തു നിന്നോ വലിച്ചോ/തള്ളിയോ അടക്കുമ്പോള്‍ ഈ ലോക്ക് തനിയെ അകത്ത് നിന്നും അടയുന്നു. ഇതുണ്ടായിരുന്നെങ്കില്‍ ആദ്യത്തെ നുറുങു കഥയിലെ സുകുമാരന്റെയും സുകുമാരിയുടേയും മൂന്നാര്‍ യാഅത്ര ആറിലാകുമായിരുന്നില്ല.സുകുമാരി പുറത്തു നിന്നു തന്നെ കൂളായി ജനലടച്ചേനെ!.

വെല്‍ഡെര്‍മാരെ വല്ലാതെ ബുദ്ധിമുട്ടിക്കുന്ന ഒരു പ്രശ്നത്തിനുള്ള പരിഹാരമാണു മുകളിലെ ചിത്രത്തില്‍ കാണുന്നത്. ഈ കണ്ണട വെച്ചു വെല്‍ഡിംഗ് ചെയ്തോളൂ, ഇടക്കു വെല്‍ഡിംഗ് പീസിലേക്കു നോക്കണമെന്നിരിക്കട്ടേ വെല്‍ഡിംഗ് ഹാന്റിലില്‍ തന്നെയുള്ള ഒരു ചെറിയ സ്വിച്ച് അമര്‍ത്തുമ്പോള്‍ കറുത്ത കണ്ണട ഗ്ളാസ്സ് ഉയര്‍ന്നു മാറുന്നു. ഇനി ധൈര്യമായി നൊക്കാം.വെല്‍ഡിംഗ് തുടരണമോ സ്വിച്ച് ഒന്നു കൂടി അമര്‍ത്തി വീണ്ടും തുടര്‍ന്നോളൂ. ഇതെല്ലാം നടക്കുമ്പൊളും നിങലുടെ കണ്ണിനെ സംരക്ഷിക്കാന്‍ ഒരു സുചാലകമായ ഒരു ചില്ലു കണ്ണിനെ പൊതിഞിരിപ്പുണ്ടാവും, എന്താ പോരെ? നമ്മുടെ നുറുങ് 2 ലെ കുട്റ്റപ്പായിക്കു ഇനി വെല്‍ഡിംഗും ചെയ്യാം വഴിയില്‍ നിന്നു വള/തള കിലുക്കം കേള്‍ക്കുമ്പോള്‍ ജസ്റ്റ് സ്വിച്ചിട്ട് "ഐ ടോണിക്ക് " കണ്ണില്‍ നിറുത്തി വീണ്ടും പണി തുടരുകയും ആവാം! എന്റമ്മേ, ഈ ലോകം എത്ര സുന്ദരം(റഷീദിന്‍ കൃപയാല്‍) !

ഈ പിണ്ടി വിളക്കു എത്ര മനോഹരം! വെളിച്ചവും എത്ര കൂടുതല്‍! ഇതും റഷീദിന്റെ നമ്പറുകളില്‍ ഒന്നു മാത്രം!

മോട്ടോര്‍ ബൈക്ക് സ്ടാര്‍ട്ട് ചെയ്ത് യാത്ര തുടങുമ്പോള്‍ സ്റ്റാന്റ് ഉയര്‍ത്താന്‍ മറക്കുന്ന ഒരു മഹാനാണോ താങള്‍, വിഷമിക്കേണ്ട താങ്കള്‍ക്കായി റഷീദ് ഒരു സ്റ്റാന്റുമായി എത്തിയിട്ടുണ്ട്! സ്റ്റാന്റ് പൊങേണ്ടപ്പോള്‍ തന്നെ പൊങും അബദ്ധവശാലോ, കുട്ടികള്‍ കുസൃതി കാണീക്കുമ്പോളോ പക്ഷെ പൊങുകയുമില്ല! അയ്യോ എന്തു സുഖം,എന്തു സുഖം എന്നു തോന്നിയോ?ഇദ്ദേഹത്തിന്റെ മനസ്സില്‍ ആഡംബര ബസ്സുകളിലെ സൌകര്യങള്‍ ആകാശം മുട്ടെ ഉയര്‍ത്താനാവശ്യമായ ചില പദ്ധതികളുമുണ്ട്! പിന്നെ നിങള്‍ ഒരു ആവശ്യം പറയൂ ഉടനെ അദ്ദേഹം വേണ്ടതു ചെയ്തിരിക്കും.

ദുബായിയില്‍ വരാന്‍ പോകുന്ന രൂപം മാറുന്ന കെട്ടിടത്തെപ്പറ്റി വായിച്ചിരിക്കുമല്ലോ? പക്ഷെ ഇദ്ദേഹത്തിന്റെ സ്വപ്നത്തിലെ ഒരു സമുച്ചയം സാവധാനം ആകൃതി മാറുന്നതോടൊപ്പം താഴത്തെ നിലയില്‍ ഇപ്പോള്‍ കഴിയുന്ന ആള്‍കറങി കറങി മുകളിലെത്തുന്ന രീതിയിലാണ്.ഒരു റൂബിക്സ് ക്യൂബിലെ പോലെ രൂപം മാറുന്ന ഒരു സമുച്ചയം!
അദ്ദേഹത്തിന്റെ മറ്റൊരു ചിന്ത റോഡിലൂടെ പാഞു പോകുന്ന വാഹനങള്‍പാതയില്‍ ചെലുത്തുന്ന ഊര്‍ജ്ജം വൈദ്യുതോര്‍ജ്ജമാക്കി മാറ്റുന്ന ഒരു രീതിയാണ്.ഇതു പ്രായോഗികമാക്കിയാല്‍ വളരെ അധികംഉര്‍ജ്ജം ഉല്പാദിപ്പിക്കാന്‍ കഴിയുമെന്ന് അദ്ദേഹം കരുതുന്നു

ഈ പടം കണ്ടല്ലോ ഇതാണു നമ്മുടെ നാഴകന്‍ റഷീദ്. ഇനി ഇദ്ദെഹത്തെ നുമോദിക്കണമെന്നോ,കണ്ടുപരിചയപ്പെടണമെന്നോ,ഇദ്ദെഹത്തെ നായകനാക്കി ഒരു ഹോളിവുഡ്ഡ് സിനിമ നിര്‍മ്മിക്കണമെന്നോ ഒക്കെ തോന്നുന്നുണ്ടെങ്കില്‍ ആയിക്കോളൂ! അപ്പോ ഇനി നിങളും റഷീദും ഭായി ഭായി,പാവം- ഞാന്‍ പുറത്ത് !

ഇപ്പോള്‍ കിട്ടിയ വാര്‍ത്ത (20-07-2009)

നിങളും ഇതു വായിച്ചതാണല്ലോ. നല്ല വാക്കുകളും പറഞു...ഒരു വിദേശ രാജ്യത്തുള്ള സഹൃദനായ ഒരു മലയാളി ശ്രീ റഷീദിന്റെ കാര്യങളെല്ലാം ഏറ്റെടുത്തു ഇപ്പോള്‍ അവര്‍ കൂട്ടായി ചില സംരംഭങള്‍ തുടങുവാന്‍ പോകുകയാണെന്നുള്ള വിവരം അദ്ദേഹം നമ്മളെ അറിയിച്ചിരിക്കുന്നു.നമ്മളുടെ എല്ലാവരുടേയും ആശംസകള്‍ ഞാന്‍ റഷീദിനും കൂട്ടുസംരംഭകനും നേര്‍ന്നു കൊള്ളുന്നു..

NOTE: Information as furnished by Rasheed. Blogger has nothing to do with the authenticity of information . Any business deal with Rasheed at your own risk and cost.You can read more on Rasheed and their business at their site only!

ജാതിയേതായാലും പെണ്ണായാല്‍ മതി...

2009-10-16T23:20:00.000-07:00

ജാതിയെപ്പറ്റി പറയുന്നത് നല്ലതല്ലല്ലോ? അപ്പോള്‍ പിന്നെ ലിംഗ നിര്‍ണ്ണയ ചര്‍ച്ചയോ? അതു അതിലും കഷ്ട്ടം.പിന്നെ, പറയുന്നത് ജാതി കര്‍ഷകനാണെങ്കില്‍ സംഗതി കുഴപ്പമില്ല! ആരോഗ്യ, വ്യവസായിക രംഗങളില്‍ ധാരാളമായി ഉപയോഗിക്കാന്‍ തുടങിയതൊടെ ജാതിക്ക് വലിയ ഡിമാന്റായി..വിലയും വളരെ ആകര്‍ഷണീയം..ഒരു രസികന്‍ പറഞതു പോലെ ജാതിക്കര്‍ഷകന് പണമെണ്ണുന്നതിന്റെ തിരക്കൊഴിഞിട്ട് ഒന്നു ആത്മഹത്യ ചെയ്യാ‍ന്‍ പോലും സമയം കിട്ടുന്നില്ല..

ജാതിക്കായയും ജാതി പത്രിയും നൈനയുടെ മുറ്റത്തെ കാഴ്ച (ചിത്രത്തിനു വേണ്ടി മാത്രം)

സാധാരണ ഗതിയില്‍ ഒരു ജാതി തൈ നട്ടാല്‍ അഞ്ചു വര്‍ഷത്തോളമെടുക്കും അതു കായ്ക്കാന്‍. ജാതിയെ പറ്റി അറിയാത്തവരുടെ ശ്രദ്ധക്കായി പറയട്ടെ ഈ ജാതി ചെടികളില്‍ ആണും പെണ്ണും ഉണ്ട്..പെണ്‍ ചെടികളില്‍ മാത്രമേ കായുണ്ടാകൂ. ഒരു ചെടി നട്ട് ഏകദേശം അഞ്ചു വര്‍ഷത്തോളം കഴിയുമ്പോള്‍‌ കായിക്കുന്ന ഈ ചെടി നടുമ്പോള്‍ ആണൊ പെണ്ണൊ എന്നറിയാന്‍ ഇപ്പോള്‍ മാര്‍ഗ്ഗവുമില്ല. ആണ്‍/പെണ്‍ തിരിച്ചറിവിന്റേതായ ഒന്നും ചെടികളില്‍ ഇല്ലാത്തതു കൊണ്ടു കായിക്കുന്ന പ്രായമായിട്ടും കായിക്കാതാകുംമ്പോളെ താനി നട്ടു വളര്‍ത്തി പുന്നാരിച്ചു കൊണ്ടുനടന്നിരുന്ന ചെടി ഒരു വെറുക്കപ്പെട്ടവനായ ആണ്‍ ചെടിയാണെന്നു കര്‍ഷകനു മനസ്സിലാകുകയുള്ളു..ലോകത്തിന്റെ വിവിധ ഭാഗങളിലുള്ള കര്‍ഷകര്‍ ഈ പ്രശ്നം അഭിമുഖീകരിക്കുന്നുണ്ട്.

നൈനയും പത്നിയും തങളുടെ ചെറുപ്പ കാല ചിത്രത്തിന്റെ പശ്ചാത്തലത്തില്‍. (ചിത്രം വലുതാക്കി കാണുക .രാസ വസ്തുവിന്റെ യഥാര്‍ത്ഥ നിറം മനസ്സിലാക്കാന്‍)

കര്‍ഷകരുടെ ഈ പ്രശ്നത്തിനു പരിഹാരമൊന്നും നല്‍കാന്‍ സര്‍വ്വകലാശാലകള്‍ക്കൊന്നും ആയിട്ടു മില്ല. ഇപ്പോള്‍ നിലവിലുള്ള രീതി വളരെ അക്കാദമിക്ക് രിതിയിലുള്ളതും കര്‍ഷകനു തന്റെ ചെടികള്‍ക്കടുത്തു നിന്നു ചിലവു കുറഞ രീതിയില്‍ ചെയ്യാന്‍ പറ്റാത്തതുമാണ്. തന്റെ ചെടി പുരുഷ പ്രജയാണെന്നറിയുമ്പോള്‍ സാധാരണ കര്‍ഷകര്‍ അവയെ സ്ത്രീ ചെടിയുടെ മുകുളങളുമായി കല്ല്യാണം കഴിപ്പിക്കാറാണു പതിവ് (ബഡ്ഡിംഗ്). പിന്നേയും കാത്തിരിപ്പു വേറെ.

ഈ അവസരത്തിലാണു നമ്മുടെ കഥയിലെ നായകന്‍ മൊയ്ദീന്‍ നൈന രംഗ പ്രവേശനം ചെയ്യുന്നത്. അദ്ദേഹം വടക്കന്‍ പറവൂരിലെ മാഞാലിയിലെ അഞ്ചാം പരുത്തിക്കല്‍ കുടുമ്പാംഗമാണ്. ഭാരത റെയില്‍ വെയില്‍ നിന്നും വിരമിച്ച അദ്ദേഹം കര്‍ഷകനായി തീര്‍ന്നതോടെ മുഴുവന്‍ സമയവും ഇതിനു വേണ്ടി ചിലവഴിക്കാന്‍ തിരുമാനിച്ചിറങി. ജാതിയുടെ മുന്‍ വിവരിച്ച പ്രശ്നം ഇദ്ദേഹത്തേയും അലട്ടാന്‍ തുടങി. ചെടിയുടെ എല്ല ഭാഗങളും സൂക്ഷിച്ചു നോക്കിയിട്ടും ഇതിന്റെ ഗുട്ടന്‍സ് പിടി കിട്ടാത്തിരുന്ന അദ്ദേഹം പിന്നേ ആണിലും പെണ്ണിലും രാസ വ്യതയാസങള്‍ ഉണ്ടാകുമോ എന്നു ചിന്തിക്കാന്‍ തുടങി. കയ്യില്‍ കിട്ടുന്നതും കിട്ടാത്തതും തൂണിലും തുരുമ്പിലും അടങിയതുമായ എല്ലാ രാസ വസ്തുക്കളുമായി നമ്മുടെ ജാതിയെ മുട്ടിച്ചു നോക്കി. ഇതിനിടയില്‍ വര്‍ഷങള്‍ കുറച്ചൊന്നുമല്ല കടന്നു പോയത്.

ഒരു ദിവസത്തെ അനുഭവം അദ്ദേഹത്തെ ആനന്ദ നടനം ചെയ്യിച്ചു ... ജാതി ച്ചെടിയുടെ ഇല പൊട്ടിക്കുമ്പോള്‍ ഊറി വരുന്ന പാലുമായി അദ്ദേഹം മിശ്രണം ചെയ്ത ഒരു രാസ വസ്തു അങു “ലോഹ്യത്തിലായി”. കുറച്ചു കഴിഞപ്പോള്‍ അതിന്റെ നിറം മാറുകയും ചെയ്തു. അപ്പോഴാണ് അദ്ദേഹം ഒരു കാര്യം ശ്രദ്ധിച്ചത് അതൊരു കായിച്ചു തുടങിയ പെണ്‍ ചെടിയാ‍യിരുന്നു. അപ്പോള്‍ ഇതേ രാസ വസ്തു ഒരു ആണ്‍ ചെടിയുടെ (പ്രായമറിയിച്ച ചെടിയുടെ) ഇലയുടെ പാലുമായി കലര്‍ത്തി നോക്കിയപ്പോള്‍ നിറം വ്യത്യസ്തമായിരിക്കുന്നതായി കണ്ടു.
പിന്നെ പരിശോധനയുടേയും തിരസ്കരണത്തിന്റേയും ദിനങളായിരുന്നു. ഒടുവില്‍ ഒരു സ്റ്റാന്റേടു രാസ വസ്തു ഈ നിരീക്ഷണങളില്‍ നിന്നും തയ്യാറാക്കി നാട്ടിലുള്ള അഭ്യുദയ കാംഷികളുടെയെല്ലാം ചെടികള്‍ പരിശൊധിക്കാന്‍ തുടങി..കാലം അധികം കഴിയും മുമ്പെ ആ പ്രവചനം എല്ലാം ശരിയാണെന്നു കണ്ടു. പെയ്റ്റന്റിനു അപേക്ഷിക്ക്കുകയും ചെയ്തു. ഇതു സംബന്ധിയായി കാര്‍ഷിക സര്‍വ്വകലാശാലക്കു കത്തയച്ചിട്ട് ഒരു മറുപടി പോലും അയച്ച് ബുദ്ധി മുട്ടിച്ചില്ല എന്ന് അദ്ദേഹം നന്ദി പൂര്‍വ്വം സ്മരിക്കുന്നു.

ഈ വിവരം മണത്തറിഞ ഏഷ്യാ നെറ്റിലെ വാര്‍ത്തക്കു വേണ്ടി മുഖാമുഖം നടത്തിയതോടെ നൈനയുടെ മുഖം കര്‍ഷകര്‍ക്കിടയില്‍ സുപരിചിതമായി..നാടിന്റെ നാനഭാഗത്തു നിന്നും കര്‍ഷകര്‍ വിളിച്ചു അഭിനന്ദിക്കാറുമുണ്ട്. ചിലര്‍ ഈ രാസ വസ്തു വാങിക്കൊണ്ടുപൊയി പരിശോധന നടത്തുന്നുമുണ്ട്. ചിലരുടെ പരിചയക്കുറവ് പ്രശ്നം സ്രിഷ്ടിച്ചതൊഴിച്ചാല്‍ കൂടുതല്‍ പേര്‍ക്കും പ്രയോജനപ്പെടുന്നുണ്ട്. ഇങനേയൊക്കെയാണെങ്കിലും ഇന്ത്യയില്‍ എല്ലാം സ്മൂത്തായി കാര്യങള്‍ നടക്കില്ലല്ലോ? സ്പയിസസ് ബോഡിന്റെ മുഖ പത്രം വിശദമായ ലേഖനം പ്രസിദ്ധീകരിച്ചു. പത്രങളിലെ കാര്‍ഷിക പംക്തിക്കാര്‍ ഈ വാര്‍ത്ത പ്രസിദ്ധീകരിക്കാന്‍ വിസമ്മതിച്ചു. അദ്ദേഹത്തിനു ഇതു തെളിയിക്കാനൊരു അവസരം നല്‍കിയതുമില്ല. .

എങ്കിലും തന്റെ ജാതിചെടികളും ചെറു മക്കളുടെ കുട്ടിക്കുറുമ്പും നിറഞ ഈ ലോകത്തില്‍ അദ്ദേഹം അങനെ ശാന്തനായി ജീവിക്കുന്നു...
**************

ഇക്കഴിഞ ഒക്റ്റോബര്‍ രണ്ടാം തിയതി ഇദ്ദേഹം മരിച്ചു(02/10/2013).