පළඟැටියටත් හිතෙන දේවල්

Oh what happened

noreply@blogger.com (පළගැටියා) — Tue, 05 Oct 2010 06:55:00 +0000

චණ්ඩියාගෙන් පසු මගුල් කෑම

noreply@blogger.com (පළගැටියා) — Tue, 08 Jun 2010 17:32:00 +0000

අපේ ගම බොහොම ලස්සන ගමක්. කොච්චර ලස්සනද කිව්වොත් ගමේ ලස්සන බලන්න නොයෙකුත් ගම් රට වලින් විවිධ ඇත්තො ගමට ආවා ගියා. මේ නිසාම ගමේ අයගේ වෙළදාම් එහෙමත් හුගක් සරුවුනා.

ඉතින් අපේ ගමේ මහ එපා කරපු චණ්ඩියෝ ටිකක් හිටියා. මේ චණ්ඩියෝ ටික ගමේ මිනිස්සුන්ගෙන් විතරක් නෙමෙයි ගමට පිටින් එන මිනිස්සුන්ගෙනුත් කප්පම් ගන්න පටන් ගත්තා. තව මංකොල්ල කෑවා විතරක් නෙමෙයි කිහිල දෙනෙකුට අතපයත් අහිමි කළා. මේ හින්දා ටික ටික ගමට පිටින් මිනිස්සු අවේ නෑ. ගම ටික ටික කොන්වුනා. අපි වෙන ගමකට ගියත් අපිව ගණන්ගත්තේ නෑ.

ගමට මිනිස්සු අවේ නැති නිසා වෙළදාම් නැතිවුනා. බොහෝ දෙනෙකුගේ ජීවිත අසරණ වෙන්න පටන් ගත්තා. එන පොට හොද නැති හින්දා ගමේම කට්ටිය එකතු වෙලා චණඩි ටික ගමෙන් පන්න ගත්තා. දැන් ආපහු ගම ඉස්සර වගේමයි. හැබැයි පොඩි කොස්සක්. ඉස්සර වගේ ගමට මිනිස්සු ආවේ නෑ. ඉතින් ඇත්තනේ ඒ මිනිස්සුන්ට අපේ ගම ගැන ඇති වෙලා තිබ්බ බය සැක තාම නැතිවෙලා නෑනේ.

ඉතින් ගමේ ඇත්තෝ මේකට පොඩි උපායක් යෙදුවා. ඒ තමයි අපේ රටේ ජනප්‍රිය නළුවෙකුගේ විවාහ උත්සවය අපේ ගමේ පවත්වන්න. එතුමත් ඒ වැ‍ඩේට කැමතිවුනා. ටිකක් වියදම් කරලා උත්සවය තිබ්බා. වැඩෙත් හොදට කෙරුණා. ගමේ ලස්සන ලංකාව පුරාම රූපපෙට්ටියෙන් පෙන්නුවා. අන්න එතකොට අපේ ගමේ ආයේ ඇවිදින්න කරන්න පුළුවන් කියලා රට්ටු දැනගත්තා. ටික කාලයක් යනකොට අපේ ගම ඉස්සර තිබුනටත් වඩා දියුණු වුනා.

සරසවි සිසුනි නිදහස් අධ්‍යාපනය රැකගන්නට නම්

noreply@blogger.com (පළගැටියා) — Sun, 06 Jun 2010 17:09:00 +0000

ඔන්න දුප්පත් පවුලක් ඉන්නවා.ඒගොල්ලන්ට මැණිකක් හම්බ වෙනවා. ඉතින් මේ අය මැණික හොදින් රැක ගන්නවා. ඒ වුනාට මැණික ගේ ඇතුලේ හංගගෙන ඉන්න නිසා දුප්පත් කම නැතිවෙන්නේ නෑ. ඉතින් මෙහෙම පරම්පරා ගණනක් ගියා. මැණික සුරක්ෂිතයි හැබැයි දුප්පත්කමත් එහෙමමයි.
අපිත් ඒ වගේ නෙමෙයිද? ජනතාවගේ බදු මුදලින් ඉගෙනගන්න අවස්ථාවක් ලැබෙන ඔබෙන් ජනතාව බලාපොරොත්තුවන්නේ හොදට ඉගෙන ගෙන රටට වැඩ දායී මිනිසුන් වන එක. නමුත් ඔබට වඩා සේවයක් එහෙම විශේෂ අධ්‍යාපනයක් නොලැබූ ජනතාවගෙන් ලැබෙනවා.

කවද්ද අපේ විශ්ව විද්‍යාල රටේ ගමනට තල්ලුවක් දුන්නේ කකුලෙන් අදින්නේ නැතුව?
ප්‍රබුද්ධයන් වන ඔබගෙන් කෝ අපට නව සොයාගැනීම්? නව දර්ශන? නව මතවාද? නව චින්තන? අපට ඒවා ඕනේ නමුත් කෝ ඒවා?

ඔබට පෙර ඔය මග ගිය බොහෝ විදුදරයන් අද රටෙත් නෑ නේද? සැබෑ සරසවි සිසුවා රටක සමාජයක ගැටලු හදුනා ගත යුතුය. ඒවා අධ්‍යයනය කළ යුතුය. අනතුරුව සමාජගත වී ඒවි විසදිය යුතුය.
ඒ කියන්නේ වසර පනහක් පුරා මේ රටට බිහිවූ එදා ඔබ මෙන්ම විප්ලව කළ දහස් සංඛ්‍යාත විදුදරයන් රටේ ගැටලු වලට විසදුම් සෙවිය යුතුය. එහෙනම් නිදහස් අධ්‍යාපනය රැක ගන්නට පෙරට ආ යුත්තේ ඔබ නොව ඔවුන්ය. ඔවුන් ඔබට වඩා පරිණතය. නමුත් ඔවුන් එන්නේ නැත. අද සිදුවන්නේ සරසවි සිසුවාම ගැටලු විසදීමට යැමයි. නමුත් අවසාන ප්‍රතිඵලය වන්නේ සරසවිය තුළ ගත කරන කාලයෙන් නියම ප්‍රයෝජනය නොගෙන අසම්පූර්ණ මිනිසෙකු ලෙස සමාජගත වී රටට බරක් වීමයි.
ඔබ ඇත්තටම නිදහස් අධ්‍යාපනයට ආදරේ නම් විශ්ව විද්‍යාලයෙන් පිට වූ පසු ඔබේ යුතුකම ඉටු කරන්න. එවිට අපේ නංගිලා මල්ලිලාට නිදහස් අධ්‍යාපනයේ නියම ප්‍රයෝජන ගන්න පුළුවන් වේවි.අන්න එදාට නිදහස් අධ්‍යාපනය සුරක්ෂිත වේවි. රට බැබළේවි

iifa award winners - 2010

noreply@blogger.com (පළගැටියා) — Sun, 06 Jun 2010 01:38:00 +0000

Best Film

Vidhu Vinod Chopra - 3 Idiots

Best Performance in a Leading Role (Male)

Amitabh Bachchan - Paa

Best Performance in a Leading Role (Female)

Kareena Kapoor - 3 Idiots & Vidya Balan - Paa

Best Direction

Rajkumar Hirani - 3 Idiots

Best Performance in a Comic Role

Sanjay Dutt - All The Best

Best Performance in a Negative Role

Boman Irani - 3 Idiots

Best Performance in Supporting Role (Male)

Sharman Joshi - 3 Idiots

Best Performance in Supporting Role (Female)

Divya Dutta - Delhi 6

Best Debut of the year (Male)

Omi Vaidya - Jackie Bhagnani

Best Debut of the year (Female)

Jacqueline Fernandez - Mahie Gill

Best Playback Singer (Female)

Kavita Seth - Ek Tara (Wake Up Sid)

Best Playback Singer (Male)

Shaan - Behti Hawa Sa Tha Woh (3 Idiots)

Best Music Direction

Pritam - Love Aaj Kal

Best Lyrics

Swanand Kirkire - 3 Idiots

Best Story

Abhijat Joshi, Raj Kumar Hirani, Vidhu Vinod Chopra - 3 Idiots

Habitat For Humanity Ambassadorship

Salman Khan

IIFA outstanding contribution to Hindi Cinema (Male)

J. Om Prakash

IIFA outstanding contribution to Hindi Cinema (Female)

Zeenat Aman

Outstanding Achievement by an Indian Internationally

Anil Kapoor

IIFA Green Global Award

Vivek Oberoi

Best Screenplay

Abhijat Joshi, Rajkumar Hirani, Vidhu Vinod Chopra (3 Idiots)

Best Cinematography

C.K. Muraleedharan (3 Idiots)

Best Dialogue

Rajkumar Hirani, Abhijat Joshi (3 Idiots)

Best Background Score

Sanjay Wandrekar, Atul Raninga, Shantanu Moitra (3 Idiots)

Best Editing

Rajkumar Hirani (3 Idiots)

Best Sound Recording

Bishwadeep Chatterjee, Nihal Ranjan Samel (3 Idiots)

Best Song Recording

Bishwadeep Chatterjee, Sachi K Sanghvi (3 Idiots)

Best Sound Re-recording

Anup Dev (3 Idiots)

Best Choreography

Bosco Martis, Caesar Gonsalves (Love Aaj Kal)

Best Costume Designing

Anahita Shroff Adajania, Dolly Ahluwalia (Love Aaj Kal)

Best Art Direction

Sabu Cyril (Aladin)

Best Special Effects (Visual)

Charles Darby - Eyecube Labs (Aladin)

Best Action

Shyam Kaushal (Kaminey)

Best Make up Artist

Christien Tinsley, Domini Till (Paa)

ලැජ්ජයි ලැජ්ජයි

noreply@blogger.com (පළගැටියා) — Fri, 02 Apr 2010 02:13:00 +0000

තරුණයන් 20ක් පමණ එක් වී එක් තරුණයකු බිම දමා වට කරගෙන පයින් ගසන ඉතා සංවේදී දර්ශනයක් පසුගියදා දක්නට ලැබුනි. කරුණු කාරණා සොයාගෙන යනකොට දැනගන්නට ලැබුනා NDT සිසුන් පිරිසක් තමන්ගේම සහෝදර NDT සිසුන්ට මෙසේ පහර දුන් බව.

ඇත්තටම ලැජ්ජයි. මහජනතාවගේ බදු මුදල් වලින් නිදහස් අධ්‍යාපනය ලබන මොවුන් මේවද කරන්නේ?

දැන ගන්නට ලැබුනු කාරණා අනුව නවක වදයට එරෙහිව NDTය තුළින්ම නැගී සිටින පිරිසකට නවක වදය වෙනුවෙන් පෙනී සිටින අපේ රටට කවදත් මදි නැතුව ආදරය කරන විමුක්තිකාමී රතු සහෝදරයන්ගේ අන්තරයේ පහස ලබන පිරිසක් විසින් ඉතා මිලේච්ච ලෙස පහර දුන් බවයි.

පහුගිය කාලය පුරාම ප්‍රජාතන්ත්‍රවාදය ගැන කතා කල මොවුන් තමන්ගේ විරුද්ධමත ධාරීන්ට සළකන්නේ මෙන්න මෙහෙමයි. අපූරු යහ පාලනය.

සරසවි ඇත්තන්ගේ අවධානය පිණිසයි

noreply@blogger.com (පළගැටියා) — Sun, 07 Mar 2010 18:35:00 +0000

ඔන්න කාලෙකට පස්සේ පළගැටියා ආයෙත් කරළියට එන්නයි හදන්නේ. පහුගිය මාසය පුරාම වැඩ ගොඩක හිර වෙලා හිටියත් අපේ ඇත්තන්ගේ අපූරු බ්ලොග් ලිපි කියවන්න නම් පළගැටියා අමතක කලේ නෑ.

ම්.... මේ දවස්වල සෑහෙන්න ජනප්‍රිය වෙලා තියෙන ලිපි පෙළක් තමයි වසන්තයේ අග. අපේ ඇත්තෝ සෑහෙන පිරිසක් ඒක බලනවා වගෙයි. මේ දවස්වල විශ්ව විද්‍යාලයේ නවක වදය (තේරෙන බාසාවෙන් කියනවා නම් කැම්පස් රැග් එක ) ගැන සවිස්තරාත්මකව කියවෙනවා.

විශ්ව විද්‍යාලයකට නොගිය හෝ විශ්ව විද්‍යා‍ලයේදී නවක වදයට හසු නොවුනු ඕනෑම කෙනෙකුගේ මයිල් කෙලින් වන වන හැගීමක් වගේම තමන් දන්න කියන කෙනෙකු විශ්ව විද්‍යාලයට ඇතුලත් කිරීම ගැන දෙපාරක් හිතන තත්වයට පත්කරන විස්තරයක් ලෙසයි පළගැටියා මෙය දකින්නේ.

නමුත් ඒ විස්තර කර තිබෙන හැම දෙයක්ම වගේ ඇත්ත. දැන් හැම තැනම කතාවෙන දෙයක් නේ ජනතාවට ඇත්ත දැනගන්න අයිතියක් තියනවා කියන එක. ඉතින් ජනතාවට මේ ඇත්තත් දැන ගන්න අයිතියක් තියෙනවා. අපි අමතක කරන්න හොද නෑ විශ්ව විද්‍යාල පවත්වා ගෙන යන්නේ ජනතාවගේ බදු මුදලින් බව. අපිට හැමදාමත් ඇත්ත ගැන අපූරු පාඩම් කියලා දෙන අන්තරේ අයියලාට නම් මේක අමතක වෙච්ච එකයි පළගැටියට තියෙන පුදුම‍ය.

හැබැයි මේ රැග් කරන අයයි රැග් වෙන අයයි කවදාවත් මේකට විරුද්ධව වචනයක්වත් කියන්නේ නෑ. මේ අවුරුද්දේ රැග් වෙන අය ඊලග අවුරුද්දේ රැග් කරන අය වෙනවා. මේ රැග් එක නිසා බැච් එක අතර එකමුතුවක් වෙනවාලු. ඒ ඉතින් ඇත්තක් නැත්තෙම නෑ.

ඒ උනාට පළගැටියා හිතන්නේ අපේ සරසවියේ ඉන්න ඇත්තෝ මීට වඩා වගකීමකින් යුතුව හැසිරෙනවා නම් හොදයි කියලා. දැන් බලන්න අපේ විශ්ව විද්‍යාල වලට යන්නේ අපේ රටේ ඉන්න උගත්ම පිරිසක්නේ. (බුද්ධිමත් ද නැද්ද කියල කියන්න නම් ටිකක් අමාරුයි) ඒ උනාට සරසවියෙන් පිට වුනාට පස්සේ ඒ අයට වඩා සරසවි නොගිය ඇත්තෝ ඉදිරියෙන් ඉන්නවදෝ කියල පළගැටියට වෙලාවකට හිතෙනවා. සරසවිය තුළ ඉංග්‍රීසි භාවිතය ඉවත් කරන එය භාවිතා කරන අයව හෙළා දකින බොහෝ සරසවි සිසුන් සමාජය තුළ ඉදිරියට යන්න නොහැකිව ලතවෙන හැටි ඕනෙ තරම් පේනවනේ. පළගැටියා මේ කිව්වේ එක උදාහරණයක් පමණයි. හැබැයි ඉංග්‍රීසි වලින් ඔලුව උදුම්ම ගන්න එක නම් වැරදියි.

සමාජයකට ඕනෙම කරන නායකත්වය, කණ්ඩායමක් තුළ වැඩ කිරීම, සන්නිවේදන හැකියාව, යමක් ඉදිරිපත් කිරීමේ හැකියාව වගේ දේවල් ඒ කියන්නේ ඔය soft skills වගේ දේවල් අපේ සරසවි ඇත්තන් ලග බොහොම අඩුයි. ඉතින් ඔය වගේ රැග් කරනවා වෙනුවට තම තමන්ගේ මෙන්ම අනිත් අයගෙත් පෞරුෂය වර්ධනය කරන වැඩසටහන් ටිකක් ක්‍රියාත්මක කලොත් හොද නැද්ද?

ලොකයේ විශ්ව විද්‍යාල ශ්‍රේණිගත කිරීම් වලට අනුව ලංකාවේ ඉහළින්ම තියෙන්නේ මොරටුව හා කොළඹ විශ්ව විද්‍යාලයි. කව්රුත් දන්නවනේ ඒවායේ රැග් එක ඇත්තෙම නෑ වගේනේ. ඒ උනාට රැග් එක තියෙන පේරාදෙණිය දැන් එකේ ඉදන් තුනට පල්ලම් බැහැලා.

ඔන්න ඉතින් පළගැටියට තේරෙන විදිහට කිව්වා. කාගෙවත් හිත රිදෙන්න නෙමෙයි කාගේ කාගේත් හොදටයි ඕං.

පා පහර

noreply@blogger.com (පළගැටියා) — Mon, 18 Jan 2010 12:32:00 +0000

කුහක කම

noreply@blogger.com (පළගැටියා) — Fri, 15 Jan 2010 16:26:00 +0000

ජවිපෙ ආරම්භයේ පටන්ම කලේ මේ රටේ දුක් විදින ජනතාව වෙනුවෙන් පෙනී සිටිමින් ඔවුන්ටම බඩේ පහර ගැසීමය.

එදා 1971 දී ඔවුන් දියත් කළ විප්ලවය නිසා ජනතාවට විමුක්තිය කෙසේ වෙතත් රටට ජාතියට තරුණ ජීවිත දහස් ගණනක් මෙන්ම පොදු දේපොල කෝටි ගණනක් අහිමි වූයේ රට වසර දහයකින් ආපස්සට ඇද දමමින්ය. 70-77 යුගයේ ආර්ථිකය බිද වැටීමට මෙය සෘජුව බලපෑවේ රටේ සම්පත් හා රටේ තරුණ ජීවිත රටට අහිමු වූ නිසාය.

අනතුරුව එළභඹෙන ජේ.ආර්. යුගයේ ආරම්භ කළ මහා පරිමානයේ සංවර්ධන කටයුතු වල ප්රවතිලාබ ජනතාවට නිසි පරිදි නොලැබීමට ප්ර්ධාන හේතු දෙකක් ඇත. එකක් උතුරේ කොටි ත්‍රස්තවාදයයි. අනෙක දකුණේ ජවිපෙ විසින් වැපිරූ භීෂණයයි.

මේ නිසාම උතුරේ ත්‍රස්තවාදය මර්ධනය කිරීමට තිබු සම්පත් දකුණ සන්සුන් කිරීමට යෙදවීමෙන් රටට තව තවත් අස්ථාවර විය.

මෙම විප්ලව දෙක නිසාම තරුණ ජීවිත, උගතුන්, බුද්ධිමතුන්, රණවිරුවන්, ආගමික දේශපාලන නායකයින් දහස් ගණනින් රටට අහිමි කිරීමට ජවිපෙ සමත් විය. රට ආපස්සට තල්ලු වූයේ දුප්පතුන් තව තවත් වල පල්ලට යවමිනි.

එදා 2001 දී බලයට පත්වූ රජය ගෙනගිය ආර්ථික වැඩ පිළිවෙලේ ප්ර.තිලාබ ජනතාවට ලැබෙන්නට පෙර එවකට ජනාධිපතිනිය ලවා එම රජය පෙරලුවේ අන් කිසිවෙකුත් නොව ජවිපෙ මය.

ජවිපෙ විසින් සිදුකල සෑම ප්රිධාන කටයුත්තකින්ම අසරණ වූයේ රටේ පීඩිත දුප්පත් ජනතාවයි. ජවිපෙ පෙනී සිටින්නේ මෙම ජනතාව වෙනුවෙනි. දුප්පත් කම තුරන් වනවිට බඩේ පහර වදින්නේ ජවිපෙටමය.

මේ නිසා ඔවුන් කිසි දිනක මහා පරිමාණ සංවර්ධන ව්‍යාපෘතියනට සහය නොදක්වයි.ඒවායේ අඩු පාඩු සොයමින් ඒවා කඩාකප්පල් කරයි. ප්රවධාන පක්ෂ දෙකේ ඇති මතභේද යොදා ගනිමින් ආණ්ඩු පෙරළයි. වැඩ වර්ජන උද්ඝෝෂණ හරහා රට අවුල් කරයි. දුප්පත්කම දුරලීමට කිසිවක් නොකරයි. දුප්පත් මිනිහෙක් උත්සාහයෙන් දියුණු වුවහොත් සතුටු වනවා වෙනුවට හොරා යැයි කියමින් වෛරය පතුරවයි. රටේ දියුණුවට යන ගමන කෙසේ හෝ ආපසු හරවා පටන් ගත් තැනටම ගෙන එයි. ඉතිහාසය පුරාම සිදු වී ඇත්තේ මෙයමය. දැන් සිදු වන්නේ මෙය නොවේ යැයි කාට නම් කිව හැකිද?

තීරණය ඔබගේය

noreply@blogger.com (පළගැටියා) — Thu, 14 Jan 2010 17:30:00 +0000

ලෝ‍කයේ උතුම්ම රට ශ්‍රී ලංකාව බව අප අනාදිමත් කලක පටන් කීවත් මේ උතුම් රටට කුමක් හෝ අපලයක් හෝ කරුමයක් තිබේදෝයි මට ඉතිහාසය ගැන සොයන විට සිතුනා. නිදහස ලැබූදා පටන් අද දක්වා අපි තවමත් තුන්වන ලෝකයේ රටක් ලෙස පවතින්නේ ඇයි?

මටනම් හිතෙන්නේ මේතාක් දක්වා රටට හිතකර කිසිම දීර්ග කාලීන ව්‍යාපෘතියක් නිම කිරීමට නොහැති වීම මීට හේතුව බවයි. ඒ සදහා පාලකයන් පමනක් නොව රටේ ජනතාවද වගකිව යුතුය.

එදා 1948 දී නිදහස ලබා ආරම්භ කල වැඩ පිළිවෙල ඩී.එස්. සේනානායකයන්ගේ අකල් වියෝවත් සමග නැවතී ගියා.

1956 දී පංච මහා බලවේගයන් පෙරටු කරගෙන පැමිණි ඒ විප්ලවීය ගමන් මග බණ්ඩාරණායක මහතාගේ ඝාතනයෙන් නැවතී ගියේ ජාතියේ අවාසනාව තවත් තහවුරු කරමින්.

60-70 දශකය තුළ රටේ සංවර්ධනයට මහා පරිමාණ වැඩසටහන් එතරම් ආරම්භ වූයේ නැත.

1970-77 යුගය ඉතාමතාම වැදගත් යුගයක්. බොහෝ දෙනෙකුට අගහඅග කම් තිබුනත් රටක් ජාතියක් විදිහට තම දෙපයින් නැගී සිටීමට පදනම දැමූ යුගයක් ලෙස එය හැදින්විය හැක. විදෙස් රටවලට ඇති සියලුම ණය ගෙවා එම වැඩ පිළිවෙලේ ඊළග අදියර ක්‍රියාත්මක කිරීමට අපේ ජනතාව අවසර දුන්නේ නැත.

අනතුරුව පත් වන ජේ.ආර් රජය තමන්ටම ආවේනික වූ ක්‍රම වේදයකින් රට ගොඩ නැගීමට උත්සාහ කලා. මහවැලිය ඒ අතුරින් ප්‍රධානයි. නමුත් ඒ වනවිට ඇති වූ උතුරේ ත්‍රස්තවාදයත් දකුණේ භීෂණයත් එහි නිසි ප්‍රතිඵල රටට අහිමි කලා.

අනතුරව මෑතක් වනතුරු කිසිම වැදගත් මහාපරිමාණ වැඩ පිළාවෙලක් මෙරය ක්‍රියාත්මක වූයේ නැත.

වසර තිහක යුද්ධය නිමා වී ඇති මේ මොහො‍තේ රටේ අති මහත් බහුතරයක් ඉල්ලා සිටින්නේ සංවර්ධනයයි. එය සැබවින්ම ජනතාවගේ පොදු අපේක්ෂාවයි.

වෙනසක් වෙනුවෙන් විශ්වාසය තබා සිටින ජනතාව වෙනුවෙන් සරත් ෆොන්සේකා මහතා පවසන්නේ කුමක්ද?

මෙහි ඉතා පැහැදිළිව සදහන් වන්නේ අප සංවර්ධනය ගැන අවධානය යොමු කළ යුතු අවස්ථාවක හිටියත් අප මංසන්ධියක් වෙත පැමිණ ඇත. ඒ නිසාමදෝ ඔහු තමන් ඉදිරිපත් කරන ප්‍රජාතන්තුවාදය තහවුරු කිරීම ගැන හැර සංවර්ධනය ගැන කිසිවක් ඔහුගේ ප්‍රධන කරුණු දහයේ සදහන් නොවේ.

තවද මෙහි සදහන් කර ඇති කිසිවක් නිශ්චිත කරුණු හැටියට දක්වා නැති අතර ඒවා කරන හැටි දන්න කිසිවෙකුත් නැත. ජනතාවට ඇත්තේ ඒ පිළිපදව විශ්වාසය තැබීමට පමණී.

එපමණක් නොවේ ඔහු කිසිම ආකාරයකින් මහා පරිමාණ සංවර්ධන ව්‍යාපෘතියක් ගැන කතා කරන්නේද නැත. රටට අවශ්‍ය වෙනස මෙයද?

ජෙනරාල් ඔබසැන්ජෝ (General Obasanjo)

noreply@blogger.com (පළගැටියා) — Sat, 02 Jan 2010 16:13:00 +0000

1999 දී ජෙනරාල් ඔබසැන්ජෝ (General Obasanjo) නයිජීරීයාවේ ජනාධිපති ලෙස මහජන ඡන්දයෙන් තේරී පත්වූයේ එරට පැවති ආර්ථික සමාජීය හා දේශපාලන ගැටලු විසදීමේ අපේක්ෂාවෙනි. නමුත් 2007 වසරේදී ඔහු එම ධූරයෙන් සමුගන්නා විටත් එම ප්‍රශ්න එලෙසම පැවති අතර ජනවාර්ගික අර්බුධ ආදිය වඩාත් බරපතළ තත්වයකට පත් වී තිබුනි.

නමුත්‍ මෙය සිදු වූයේ ජෙනරාල් ඔබසැන්ජෝ (General Obasanjo) අදක්ෂයකු නිසා නොවේ. ඔහු සැබවින්ම දක්ෂයෙකි. නමුත් ඒ යුධ පිටියේ දීය. ඒ නිසාමදෝ ඔහු විසින් ආර්ථික සමාජීය හා දේශපාලන වැනි සංකීර්ණ ගැටලු විසදීමට තාර්කික විද්‍යාත්මක හා සරල න්‍යායාත්මක ක්‍රම භාවිතා කරන ලදී.

නමුත් මෙවැනි අවස්ථානකට දැක්මක් හා අධිෂ්ඨානයක් මෙන්ම මිනිසුන් සමග සහයෝගයෙන් කටයුතු කිරීම, ඔවුන්ට ඇහුම්කම් දීම. විරැද්ධ මත ඉවසීම, තමන්ගේ වැඩ පිළි‍වෙලට අන් අයගේ සහය ලබා ගැනීම, ඒ සදහා ඔවුන් පොළඹවා ගැනීම(අණ දීමකින් තොරව) වැනි ගුණාංගද අත්‍යවශ්‍යය. නමුත් ජෙනරාල් ඔබසැන්ජෝ (General Obasanjo) ට නොතිබුනේද එයමය.

ගරිල්ලා මාර්කටිං

noreply@blogger.com (පළගැටියා) — Sun, 20 Dec 2009 15:36:00 +0000

ජයන්ත චන්ද්‍රසිරි විසින් නිර්මාණය කරන ලද ගරිල්ලා මාර්කටිං චිත්‍රපටය අන් කිසිම මැතිවරණයකට වඩා මේ මැතිවරණයට උචිතයැයි පළගැටියාට සිතේ. එම කතාවේ අපට අදාළ දෙය මෙසේ සැකවින් දක්වන්නම්. එහි දීද කතා කෙරෙන්නේ ජනාධිපතිවරණයක් ගැන‍යි. එහි විපක්ෂයේ ජනාධිපතිධූර අපේක්ෂකයා කටකතා හමුදාවක් නිර්මාණය කොට රට පුරා කට කතා පතුරුවා මැතිවරණය ජය ගනී.

අද ද එවැන්නක් සිදුවන බව පළගැටියාගේ අදහසයි. විපක්ෂය අද රට වටා පතුරුවන්නේ රාජපක්ෂ පවුල ඉතා දූෂිත බවත් ඔවුන් හොරකම් කරන බවත්ය. නමුත් හැමදේකටම ශ්‍රේෂ්ඨාධිකරණයට යන විපක්ෂයේ අපේක්ෂකයා හෝ වෙන අයෙකු මේ සම්බන්ධයෙන් නීතිමය පියවර නොගන්නේ ඇයි? මේ සම්බන්ධයෙන් කරුණු දක්වන මාධ්‍ය වේදීන් හෝ බ්ලොග් කරුවන් අවළාද මිසක පිළිගත හැකි සාක්ෂි ‍පෙන්වන්නේ නැත්තේ ඇයි? අරය කිව්වා මෙයා කිව්වා, මේවා රටම දන්නවා යැයි කියමින් සිටිනවා මිසක් මේතාක් එක ලියවිල්ලක් පෙන්වීමට එම චෝදනා කරුවන් පියවර ගත්තාද???

මහින්දට මෙලෙස චෝදනා කිරීම අහස කඩාගෙන වැටෙනවා කියමින් දිවූ හාවා පසුපස දිවීමට සමාන නොවන්නේද???????? ඔබේ හිතට එකගව ටිකක් හිතන්න.

පොදු අපේක්ෂාව

noreply@blogger.com (පළගැටියා) — Fri, 18 Dec 2009 15:02:00 +0000

ඔන්න ජාතියේ වාසනාවට පොදු අපේක්ෂකයකු පහළ වී ඇත. පොදු අපේක්ෂකයකු පහළ වන්නේ ජනතාවගේ පොදු අපේක්ෂාවන් මල් පල ගැන්වීමටය. (එසේ නොවන්නේ නම් ඔහු අපේක්ෂකයකු වන්නේ කෙසේද??) ඒ මෙතුවක් කල් ජනතාව පුල පුලා බලා සිටි විධායක ජනාධිපති ධූරය අහෝසි කිරීමටය. නමුත් එය කිරීමට අපහසු නිසාදෝ දැන් සූදානම විධායක ජනාධිපති ධූර‍යේ බලතල කප්පාදු කිරීමටය. ජනතාවගේ බලාපොරොත්තු ඉටු කිරීම නායකයන්ගේ වගකීමක් නිසා එය පුළුවන් ආකාරයකින් හෝ කිරීම වැදගත්ය.

මෙම විධායක බලතල නිසා බොහෝ දෙනෙකුට කරදර හිරිහැර විය. දින කිහිපයකින් විශ්‍රාම ගොස් විවේකීව සුවසේ ජීවිතය විදීමට සිටි SF ට හදිසියේ හමුදාපති වී වැඩිපුර වසර තුනක් යුද්ධ කිරීමට සිදුවිය. ඒනිසාම මරාගෙන මැරෙන බෝම්බයකටද මුහුණ දීමට සිදුවිය. රටේ විපක්ෂයට ජන වරමක් ලබා ගැනීම දවල් සිහිනයක් විය. ප්‍රභාකරන් ඇතුළු LTTE නඩයට ඊළම අහිමි විය. තමන්ට සිදු වූ දෑ මින් මතුවට කිසිවෙකුටත් සිදු නොවීමට කටයුතු කිරීම කෙතරම් අපූරුද?

හරිම කැත වැඩක්.

noreply@blogger.com (පළගැටියා) — Sun, 13 Dec 2009 19:07:00 +0000

අද Sunday Leader පුවත්පත දැක්ක පළගැටියාගේ ඇග කිලිපොලා ගියා. ඇත්තටම පළගැටියා *දේශපාලක* ‍ජෙනරල්තුමා ගැන කළකිරුනා. හරිම කැත වැඩක්.

Fonseka charged that communications were instead confined between the LTTE leaders, Norway, various foreign parties, Basil Rajapaksa, Member of Parliament and the powerful senior adviser to the President and such information was never conveyed to him as he supervised the final stages of the war. “Later, I learnt that Basil had conveyed this information to the Defense Secretary Gothabaya Rajapaksa – who in turn spoke with Brigadier Shavendra Silva, Commander of the Army’s 58th Division, giving orders not to accommodate any LTTE leaders attempting surrender and that “they must all be killed.”

විපක්ෂයේ දවල් හීන

noreply@blogger.com (පළගැටියා) — Tue, 17 Nov 2009 16:57:00 +0000

මේ දිනවල එජාප ජවිපෙ ඇතුළු විපක්ෂය ගෙන එන යෝජනාව නම් විධායක ජනපති ධූරය අහෝසි කිරීමයි. ඒ සදහා ඔවුන් පෙන්වන මාර්ගය නම් ජනපතිවරණයට පොදු අපේක්ෂකයෙක් ඉදිරි පත් කර ඔහු බලයට පත්වී ( එය නම් කිසි විටක සිදු නොවන බව පළගැටියාගේ මතයයි) දින 180ක් තුළ ජනපති ධූරය අහෝසි කිරීමයි.

පළගැටියා දන්න නීතිය හැටියට නම් මෙතරම් බලගතු ජනපතිට තම බලතල අහෝසි කිරීමට නම් බලයක් නැත. ඔහු ඔලුවෙන් හිටගෙන කිව්වත් ජනපති ධූරය අහෝසි කළ යුතුයි කියා පාර්ලිමේන්තුවේ 2/3 බලයක් එනම් මන්ත්‍රීවරු 150 කගේ සහයක් නැතිව එය කිරීමට නොහැක. අපගේ වත්මන් විපක්ෂය මන්ත්‍රීආසන 150ක් කෙසේ වෙතත් ආසන 113ක් ගන්නේ කෙසේද කියාවත් ඔවුන් නොදනී.

ජනපති ධූරය අහෝසි කලද රජය සතු විධායක බලතල අහෝසි කල නොහැක. කළ හැක්කේ එම බලතල අගමැතිවරයාට පැවරීම හෝ ජනපති සතු යම් බලතල කප්පාදු කිරීමය. යම් හෙයකින් ජනපති ධූරය අහෝසි කරන්නේ නම් ඒ සමගම විධායක බලතල අගමැතිවරයාට පවරන්නේ කෙසේදැයි යෝජනා කොට මන්ර්‍තීවරු 150කගේ සහය ලබා ගත යුතුය. පළගැටියා දන්න දේශපාලන සංස්කෘතිය තුළ තවමත් ඒ සදහා ඉඩක් අප වටපිටාවේ නැත.

එසේ නම් අප විපක්ෂයට කිසිදා කළ නොහැකි දෙයක් අපට පෙන්වන්නේ අපි කොන්ඩෙ බැදපු චීන්නු කියා හිතන නිසාද නැත්නම් ඔවුන් දවල් හීන දකින නිසාද?????

දකුණ ගැන පළගැටි මතය

noreply@blogger.com (පළගැටියා) — Sun, 11 Oct 2009 00:34:00 +0000

දකුණේ තීන්දුවත් එක්ක නැවතත් පළගැටියා කරළියට එන්නයි මේ සූදානම. කව්රුත් බලාපොරොත්තු වුන ආකාරයටම සන්ධානය විශිෂ්ඨ ජයක් ලැබුවා. නමුත් දකුණේ ජනතාව සන්ධානයට හිතන්නට යමක් ඉතිරි කළ තීන්දුවක් ලෙසයි පළගැටියා මෙම ප්‍රතිඵලය දකින්නේ. ඒ සන්ධනය බලාපොරොත්තු වූ ආකාරයේ ඡන්ද ප්‍රතිශතයක් නොලැබීම නිසයි.

දැන් සුපුරුදු පරිදි අපගේ පොදු විපක්ෂය හා ඔවුන්ගේ හොරණෑ වන් ඇතැම් බ්ලොග් කරුවන් උඩ පැන පැන කෑ ගසාවි ආණ්ඩුව පසු බා ඇතැයි කියලා. නමුත් පළගැටියා දන්නා පරිදි විපක්ෂයක සිහිනය විය යුත්තේ විපක්ෂයක් පිහිටු වීම නොව ආණ්ඩුවක් පිහිටු වීමයි. නමුත් ලැබී ඇති ප්‍රතිඵල වලට අනුව නම් ඔවුන්ට රජයටත් වඩා සිතන්නට යමක් දකුණේ ජනතාව ඉතිරි කොට ඇත.

දකුණේ ජනතාව ඉතා බුද්ධිමත්ව රජයට යම් රතු එළියක් දල්වා රජයේ ගමනට අවසර දී ඇති අතර පොදු විපක්ෂයට සුපුරුදු පරිදි රතු එළිය දල්වා ඔවුන්ව පසෙකින් තැබීමටද කටයුතු කර ඇත.

වැඩකට ඇති දෙයක් ගැන කතා කරමුද?

noreply@blogger.com (පළගැටියා) — Thu, 10 Sep 2009 15:27:00 +0000

පහුගිය දවස් ටිකේම පළගැටියා මුකුත් නොලිව්වේ ලියන්න කියලා වැදගත් යමක් නොතිබුන නිසයි. ඒ උනත් කට්ටියගෙ බ්ලොග් කියෙව්වාම මේ ටික කියන්න හිතුනා.

ඇත්තටම අපේ සිංහල බ්ලොග් වල දැනුම හුවමාරුව හොද මට්ටමක තිබුනට සංවාද මට්ටමේ අදහස් හුවමාරුව නම් පහළ මට්ටමක තියෙන බවයි පෙනෙන්නට තියෙන්නේ. බර වචනයකින් කියනවා නම් අප අතර ප්‍රබුද්ධ සංවාදයන් ඉතාමත් අල්පයි.

පළගැටියා විශ්වාස කරන්නෙ මෙතන ඉන්න සියල්ලන්ම පාහේ තරුණ ජවයෙන් යුතු අළුත් විදිහකට හිතන්න කැමති පිරිසක්. ඒ වගේ පිරිසක් එකතු වෙලා ඉන්න තැනක සංවාදයන් අඩුවීම නම් ලොකු අඩුවක්.
මෙතන තියෙන කාලීන සමාජයීය දේ ගැන ලියැවෙන බ්ලොග් සමහරක් තමන්ගේ පටු දේශපාලන අරමුණු වෙනුවෙන් ලියවෙන්නේ. එවැනි ලිපි තුළින් කිසිවිටක සමාජයට වැඩදායී වන්නේ නෑ. හැමදාම බිල්ලො එනව කියල බය කලාම ඇත්තටම බිල්ලෙක් ආවත් කව්රුවත් ගනන් ගන්නේ නෑ. මෙතන ඉන්න සමහරුන්ට ආණ්ඩුවට හචිමක් ගියත් ඒක වැරදියටයි පේන්නෙ. හැබැයි ඒ අය විපක්ෂෙ ගැන නම් කට හොල්ලන්නෙ නෑ. පළගැටියා අහන්නේ එවැනි ලිපි වලින් කොහොමද තරුණ සමාජයක් තුළ කතිකාවතක් ගොඩ නගන්නේ.

තව සමහරු ලග තියෙන්නේ චෝදනා විතරයි. යොජනා නෑ. ඕනෙ කෙනෙකුට නියරට වෙලා කුඹුර හාන හැටි කියල දෙන්න පුළුවන්. හාන කොට අඩුපාඩු පෙන්නන්නත් පුළුවන්. ඒ උනාට හාන මනුස්සයා තමයි ඒකෙ රගේ දන්නේ. සමහරු හිතාගෙන ඉන්නේ මාධ්යන කරුවෝ ඉන්නේ අඩුපාඩු පෙන්නන්න විතරයි කියලා. ඔය මිනිස්සුන්ට බුලත් විට කඩයක්වත් දාගන්න පුළුවන්ද කියලනම් පළගැටියට සැකයි.

ඇත්තටම රටේ ඊලග පරපුර විදිහට අපි ලග නිර්මාණශීලි විසදුම් තියෙන්න ඕනෙ. ඒ ගැන කතා කරන්න ඕනේ. එහෙම නැතුව මුකුත් බැරි මිනිස්සු වගේ විවේචනයට සීමා වෙන්න නරකයි. හැමදෙයක් ගැනම ප්‍රායෝගිකව බලන්න පුරුදු වෙන්න ඕනේ. දැන් බලන්න ඇමතිවරු වැඩියි කියන එක ජනප්රිහය චෝදනාවක්. ඒ උනාට කාටද පුළුවන් ඇමතිවරු අඩු කරලා ආණ්ඩුවක් වැටෙන්නෙ නැතුව ගෙනියන්න. කියන්න නම් ලේසියි තමයි. ඒ උනාට කරන කොට තමයි තේරෙන්නේ. ඒ නිසා මීටවඩා පුළුල් විදිහට හිතමු කතාකරමු.

කරනවා නම් මෙන්න වැඩක්

noreply@blogger.com (පළගැටියා) — Sat, 05 Sep 2009 08:13:00 +0000

මේ දවස් ටිකේ තොරතුරු තාක්ෂණය දේශීයකරණය වගේ ටිකක් බරපතල මාතෘකා දැක්කම පළගැටියටත් හිතුනා ටිකක් ඊට අදාළව යෝජනවක් ඉදිරිපත් කරන්න.

පළගැටියත් ඉතින් මෙහෙම හිටියට ඔය ලංකාවේ තියෙන ප්‍රධාන පෙළේ කර්මාන්තශාලා කිහිපයකටම ගිහින් තියෙනවා. ඉන් සමහරක් සම්පූර්ණයෙන්ම වගේ ස්වයංක්‍රීයයි. ඇත්තටම බලන් ඉන්නත් පුදුමයි යන්ත්‍ර සූත්‍ර වලට මෙහෙම මිනිස්සු වගේ වැඩ කරන හැටි දැක්කම. අවස්ථාවක් ලැබුනොත් ගිහිල්ලම බලන්නකෝ.

ඒක ඇත්තටම ඉංජිනේරු විද්‍යාවත් පරිගණක හා තොරතුරු තාක්ෂණයත් එකතු වෙල කරන බොහොම ප්‍රායෝගික වැඩක්. මේවා බොහොමයක් හදල තියෙන්නේ ජර්මනිය ඉතාලිය වගේ රටවල. හැබැයි ගොයියො ලෙඩක් හැදුනොත් එහෙම සුද්දෙකුට එන්නම වෙනවා හදන්න. ලැජ්ජාවෙ පණ යනවා අපේ රටේ ඉන්න දක්ෂ කොල්ලො කෙල්ලො දැක්කම අපිට සුද්දෙක්ම ඕනෙ වෙන හැට් දැක්කම.

ඉතින් මේ පද්ධති වල තියෙනවා ඔය monitor එක වගේ කෑලිත්. ඉතින් අපේ ඇත්තන්ට පුළුන්නම් මෙවා සිංහලෙන් වැඩ කරන විදිහට හදන්න, ඒක හුගක් ප්‍රයෝජනවත් වේවි. සමහර විට ඒ වගේ දේකට වැඩි අවදානයක් දීම නම් හුගක් වටින දෙයක් වේවි.

Facebook නොහොත් අපේ මූණුපොත

noreply@blogger.com (පළගැටියා) — Mon, 31 Aug 2009 04:40:00 +0000

පළගැටියා එහෙ මෙහෙ යනකොට දැක්ක දෙයක් තමයි කට්ටිය facebook එකට සිංහලෙන් නමක් හදාගෙන මූණුපොත කියලා. ඒක දැක්ක ගමන් පළගැටියට හිතුනෙ මේ මොන විහිළුවක්ද කියලයි. නිකම් හරියට Mr.Bean ට බෝංචි මහතා කියල කියනවා වගේ වැඩක්නෙ මේක.

ඉංග්‍රීසි නම් වලට සිංහල නම් දෙන එක වැරදියි කියල පළගැටියා හිතන්නෙ නෑ. ඒ වුනාට ඉංග්‍රීසි නමේ පෙන්වන ‍සරල තේරුමට අමු අමුවෙ සිංහල නම් දෙන එක නම් රට්ටු හිනස්සන වැඩක්.

දැන් බලන්න Tale of two cities කියන ඉංග්‍රීසි නව කතාව. ඒක අපේ කට්ටිය සිංහලට පරිවර්තනය කලොත් බොහෝ දුරට නගර දෙකක කතාවක් කියල නම යොදාවි. නමුත් බලන්න ඒක දෙනුවර අන්දරය කියල ලස්සනට පරිවර්තනය වුන හැටි. ඒ වගේම තමයි අපි කවුරුත් දන්න White House. ඒකට සුදු නිවස යන නම යොදනවාට වඩා ධවල මන්දිරය යන නම කෙතරම් ගැලපෙනවාද?

අන්න ඒ විදිහට තේරුම පමණක් නොව ඒ නම යොදන දේට අදාළ ගති ලක්ෂණද නමක් යොදන කොට ඉතා වැදගත්.

කවදා පායත්ද - සිහිනය සැබෑ වුනි

noreply@blogger.com (පළගැටියා) — Wed, 26 Aug 2009 04:35:00 +0000

ඔන්න පළගැටියා කාලෙක පටන් හොය හොය හිටිය දෙයක් හම්බවුනා. ඒ තමයි නන්දා මාලිනියන්ගේ පවන කියන සංගීත ප්රසංගයේ ගීත.

සමහරුන්ට මතකත් ඇති 88 -89 යුගයේ සමාජයේ නිරුවත පෙන්වූ විශිෂ්ඨ ගීත එකතුවක් තමයි මෙහි තියෙන්නේ. ඒ ගීත සියල්ලම රචනා කලේ මහාචාර්ය සුනිල් ආරියරත්නයන්. සරත් දසනායකයන් ගීතවත් කළ මෙ‍ම ගීතය පළගැටියගෙ හිතට ඇල්ලුවා.

ඒ තමයි කවදා පායත්ද

කවදා පායත්ද අප දිමි සුරානෝ
රණ බිමකට සරිලන සෙනෙවියානෝ
මුඩු බිමකට සරිලන ජන කදානෝ
සුන්බුන් කොදු ඇට සිටුවන රජානෝ

කවදා පායත්ද අප පුන් සඳානෝ
පර හිත පිණිස දළ දන් දෙන ඇතානෝ
නිදුකින් ඉන්ට මග පෙන්වන වෙදානෝ
මුසා බසින් අප නොපෙළන රජානෝ

කවදා එත්ද අප එක් නෙතානෝ
ගිමනට හෙවන දෙන තුඹු නුග තුරානෝ
අප සම බිමක රදවන සොහොයුරානෝ
රජෙකැයි අපට නොසිතෙන මහ රජානෝ

ඒ සිංදුව ඇහුවාම පළගැටියට හිතුනෙ කව්රු කොහොම සමච්චල් කලත් අපේ මිනිස්සු අපිටත් දැන් රජෙක් ඉන්නවා කියන එක කොච්චර සාධාරනද කියලා.

පළවෙනි පිම්ම

noreply@blogger.com (පළගැටියා) — Thu, 20 Aug 2009 05:43:00 +0000

මේ ඉතින් මම ඉස් ඉස්සෙලාම ලියන සටහන. මම ඉතින් වැඩිය ඔය computer වැඩ කෑලි ගැන දන්නෙ නෑ. ඒ වුනාට ඉතින් ඇහැක් විදිහට මේ වැඩේ කරගෙන යන්න තමයි හිතාගෙන ඉන්නෙ. හොඳ හොඳ සෙල්ලම් එළිවෙන ජාමෙට වෙනව වගේ හොඳ හොඳ post ටිකක් ඉස්සරහට දාන්නම්කො.