പറയാതെ വയ്യ

അതിഥി തൊഴിലാളികളോടു എന്താണ് ഇത്ര വിരോധം?

2020-04-11T01:43:00.000-07:00

എല്ലാവര്ക്കും അതിഥി തൊഴിലാളികളോടു എന്താണ് ഇത്ര വിരോധം എന്ന് മനസ്സിലാകുന്നില്ല. കൊറോണ കാലത്ത് അവര്‍ക്ക് ഭക്ഷണവും മറ്റ് സൌകര്യങ്ങളും വാരിക്കോരി കൊടുക്കുന്നത്രേ. പലരും ദുരുപയോഗം ചെയ്യുന്നതാണ് ചോദിക്കുമ്പോള്‍ അവരുടെ വിരോധത്തിനു കാരണമായി പറയുന്നത്. ദുരുപയോഗം ചെയ്യുന്നവരും ചൂഷണം ചെയ്യുന്നവരും നമുക്കിടയില്‍ ആണോ കുറവ്? അത്തരക്കാര്‍ എല്ലാവര്‍ക്കിടയിലും ഉണ്ടാകും. അതിന്‍ അവരെ പട്ടിണിക്കിടണോ? ദുരിതാശ്വാസത്തില്‍ വരെ കയ്യിട്ടു വാരിയവര്‍ നമുക്കിടയില്‍ ഉണ്ട്. തെറ്റ് ചെയ്യുന്നവരെ ശിക്ഷിക്കണം, അത് മാനുഷിക പരിഗണനയ്ക്ക് തടസ്സമാകരുത്.

പിന്നോരാള്‍ പ്രസംഗിക്കുന്നത് കേട്ടത് ഈ അന്യ സംസ്ഥാനക്കാരെ ഒക്കെ ഇവിടെ വച്ച് തീറ്റി പോറ്റാതെ, ഇവിടെ നിന്ന് പുറത്താക്കി നമ്മുടെ പ്രവാസികളായ മലയാളികളെ തിരിച്ച് കൊണ്ട്വരണം എന്നാണ്. വിദേശത്ത് ജോലി ചെയ്യുന്ന നമ്മുടെ നാട്ടുകാരെ അവര്‍ക്ക് ആവശ്യമെങ്കില്‍ തീര്‍ച്ചയായും തിരികെ കൊണ്ട്വരാന്‍ വേണ്ടത് ചെയ്യണം. അതിന്‍ ഇവിടെ ഉള്ളവരെ പുറത്താക്കുന്നത് എന്തിന്. നമ്മുടെ സഹോദരങ്ങള്‍ പുറത്ത് പോയി ജോലി ചെയ്യുന്നത് പോലെ തന്നെ അല്ലെ അവര്‍ നമ്മുടെ നാട്ടിലും ജോലി ചെയ്യുന്നത്? ഇത് പോലെയുള്ള ഒരു സമീപനം ആണോ മറ്റ് രാജ്യക്കാരും സംസ്ഥാനക്കാരും നമ്മുടെ സഹോദരങ്ങലോടു കാണിക്കാന്‍ നാം ആഗ്രഹിക്കുന്നത്?

നാം എന്നാണു മനുഷ്യര്‍ ആകുക? സഹജീവികളെ അന്യവല്കരിക്കൂന്നത് എനാണ് നാം നിര്‍ത്തുക? നമ്മളോടു മറ്റുള്ളവര്‍ പെരുമാറാന്‍ ആഗ്രഹിക്കുന്നത് പോലെ നമ്മള്‍ മറ്റുള്ളവരോടും പെരുമാറാന്‍ പഠിക്കണ്ടേ?

ഭണ്ഡാരത്തിലെ കാണിക്ക

2015-12-09T18:48:00.001-08:00

ഏർവാടിയിലും പുത്തൻ പള്ളിയിലും ഒക്കെ തീർത്ഥാടനത്തിന് പോകുന്നവരോട് ഒരു ഉസ്താദ് പറഞ്ഞ അഭിപ്രായം മുമ്പൊരിക്കൽ കേട്ടിട്ടുണ്ട്. അവിടുത്തെ ദണ്ഡാരങ്ങളിൽ പൈസ ഇടണ്ട. അതിന്റെ പരിസരങ്ങളിൽ ബുദ്ധിമുട്ടുന്ന ആളുകളുണ്ടാകും അവർക്ക് കൊടുത്താൽ മതി എന്നായിരുന്നു അദ്ധേഹത്തിന്റെ ഉപദേശം. ഇന്ന് ശശികല ടീച്ചറുടെ ഒരു ഓഡിയോ ക്ലിപ് കേട്ടപ്പോൾ ഇതാണ് ഓർമ്മ വന്നത്. ശുരുവായൂരും മറ്റും ഭക്തർ ഇടുന്ന കാണിക്ക രൂപ മാത്രം മാസത്തിൽ കോടികൾ വരും, എന്നിട്ടും ഹിന്ദുക്കൾ കഷ്ടപ്പെടുന്നു, കൃഷ്ണൻ വന്ന് മാസത്തിൽ അത് ഇങ്ങ് തന്നേക്ക് എന്ന് പറയില്ലെന്നും ഒക്കെയാണ് അവർ അതിൽ പറയുന്നത്. വളരെ വാലിഡ് പോയൻറ് ആണ് അത്. ഇത്രയും മനസ്സിലാക്കിയ ടീച്ചർ ആ ഉസ്താദ് പറഞ്ഞത് അണികളോട് പറയുകയാണെങ്കിൽ കുറച്ച് പേർക്കെങ്കിലും ഉപകാരപ്പെടും. അങ്ങിനെ അമ്പലത്തിലെ ദണ്ഡാരങ്ങളിൽ ദൈവത്തിന് വേണ്ടാത്ത കാശ് നിക്ഷേപിക്കുന്നതിന് പകരം അത് ഹിന്ദുക്കളിലെ തന്നെ സാധു സംരക്ഷണത്തിന് ഉപയോഗപ്പെടുത്താൻ ആഹ്വാനം ചെയ്യട്ടെ.

മദ്രസയിലെ ലൈഗിക ചൂഷണം

2015-12-07T08:56:00.003-08:00

മദ്രസകളിൽ നടക്കുന്ന ലൈഗിക ചൂഷണം ഒരു യാഥാർത്യമാണ്‍. കുട്ടികൾ ഇത് ആരോടും പറയാത്തതിനാൽ ഇത് ബന്ധപ്പെട്ടവർ അറിയാറില്ല മിക്കവാറും. തങ്ങൾ പീഡിപ്പിക്കപ്പെടുകയാണെന്ന് തിരിച്ചറിയാനുള്ള വിവേകം പോലും ഇല്ലാത്ത കൊചുകുട്ടികളായിരിക്കും മദ്രസകളിൽ. ഇനി അത് ബന്ധപെട്ടവർ അറിഞ്ഞാൽ തന്നെ അവരെ പിരിച്ചു വിടുക മാത്രമാണ്‍ ചെയ്യുന്നത്. പുറത്തറിഞ്ഞാൽ സമുദായത്തിന്റെ മാനം പോകുമല്ലോ. പിന്നെ ഇത്തരം അദ്ധ്യാപകരുടെ കുടുമ്പത്തിന്റെ സാമ്പത്തികാവസ്ഥയെ കുറിച്ചുള്ള സഹതാപവും.

അവർ പോയി പിന്നെ മറ്റൊരിടത്ത് ജോലിക്ക് കയറും. അവിടെയും ഇത് തന്ന തുടരും. ലൈംഗികാതിക്രമം മതപരമായി ചിന്തിച്ചാലും രാജ്യത്തെ നിയമം അനുസരിച്ച്ചായാലും കുറ്റകരമാണെന്നിരിക്കെ പിന്നെ എന്തിന് ഇത്തരം ക്രിമിനലുകളെ സംരക്ഷിക്കണം? അത് തുറന്ന് പറയുന്നതല്ല സമുദായത്തിൻ നാണക്കെട് ഉണ്ടാക്കുന്നത്, അങ്ങിനെ മദ്രസയിൽ സംഭവിക്കുന്നു എന്നതാണ്‍. ഇത്തരക്കാരെ പിരിച്ച് വിട്ട് അയക്കുക വഴി അവര്ക്ക് മറൊരിടത്ത് ഇപ്പരിപാടി തുടരാനുള്ള സാഹചര്യമോരുക്കുകയാൺ ചെയ്യുന്നത്. ഇത്തരക്കാർ ഏതാനും വർഷങ്ങൾ ജയിലിൽ കിടക്കുന്നതാണ് അനേകം കുട്ടികൾ ഇയാളുടെ ജീവിതകാലം മുഴുവൻ പീഡനം അനുഭവിക്കുന്നതിലും നല്ലത്. അയാളുടെ കുടുംമ്പത്തിൻ സാമ്പത്തിക പ്രശ്നങ്ങ്ങ്ങൾ ഉണ്ടെങ്കിൽ സമുദായ സ്നേഹികൾ അവരെ സഹായിക്കാന് വേറെ മാർഗങ്ങൾ കണ്ടെത്തട്ടെ.

ടി.വി ഇറക്കുമതിക്ക് നികുതി

2013-08-21T09:37:00.000-07:00

ടി.വി ഇറക്കുമതിക്ക് നികുതി ഏർപ്പെടുത്തിയത് ‘കുത്തക മുതലാളിമാരെ’ സഹായിക്കാനാണെന്ന് കേൾക്കുമ്പോൾ തോന്നും ഗൾഫിൽ നിന്ന് വാങ്ങുന്ന ടി.വിയുടെ ഒക്കെ ലാഭം പാവപ്പെട്ടവർക്കാൺ പോകുന്നതെന്ന്. മുതലാളിമാർക്ക് കിട്ടുന്ന ലാഭം മാത്രം നോക്കാതെ ഇന്ത്യയിൽ നൂറ് ടി.വി. അധികം വിറ്റാൽ ഫാകടറികളിലും ഡിസ്ട്രിബൂഷൻ/കടകൾ/ലോജിസ്റ്റിക്സിലുമെല്ലാം ഉള്ള കുറച്ച് പേർക്ക് കൂടി ജോലിയും ലാഭമോ കിട്ടൂമെന്ന് കൂടി ഓർക്കുക. ടാക്സിനത്തിൽ ഖജനാവിലേക്കും ഒരു പങ്കു. അത്പോലെ ഇവിടെ നിന്ന് വാങ്ങുമ്പോഴും അതെ - ചൈനയിലേയും കോറിയയിലേയും ഇവിടെയും ഉള്ള ാ ആളുകൾക്കും അതേ പോലെ ഗുണം ചെയ്യും. എവിടെ നിന്ന് വാങ്ങണം എന്ന നിങ്ങളുടെ തീരുമാനത്തിൻ ഇതൊക്കെ ഒരു ഘടകമാകണമെന്ന് ഞാൻ പറയില്ല.നിങ്ങളുടെ സേവിങ്സും സൌകര്യവും മാത്രം പരിഗണിച്ചാൽ മതി. പക്ഷെ സർക്കാരുകൾക്ക് അതിന്റെ രാജ്യത്തിന്റെ ആവശ്യവും പരിഗണിക്കേണ്ടി വരും.

Indians bring 3,000 flat-screen TVs a day to India

http://gulfnews.com/news/gulf/uae/general/indians-bring-3-000-flat-screen-tvs-a-day-to-india-1.1222421

India bans duty-free import of TVs. Indian government imposes 35% duty on such imports besides other charges

http://www.emirates247.com/news/emirates/nri-alert-india-bans-duty-free-import-of-tvs-2013-08-20-1.518174

സെക്രട്ടറിയേറ്റ് ഉപരോധം മാതൃകാപരം

2013-08-14T11:38:00.001-07:00

സെക്രടരിയേറ്റ് ഉപരോധിച്ച് മുഖ്യമന്ത്രി രാജി വെച്ചാൽ മാത്രമേ ഉപരോധം നിര്ത്തൂ എന്ന പറഞ്ഞ് കുത്തിൻ പിടിച്ച് പുറത്താക്കിയിരുന്നെങ്കിൽ അത് നമ്മുടെ ജനാധിപത്യ സംവിധാനത്തിന്റെ തകർച്ച ആയി മാത്രമേ കാണാൻ പറ്റൂ. മുമ്പ് അന്നാ ഹസാരെ നിയമ നിര്മ്മാണം നടത്താൻ സമയ പരിധി നിശ്ചയിച്ച് അന്ത്യ ശാസനം നല്കി സമരം നടത്തിയപ്പോഴും അദ്ധേഹത്തിന്റെ ഉദ്ദേശത്തോടും ലക്ഷയത്തോടും പൂർണ്ണ പിന്തുണ ഉണ്ടായിട്ടും അത് വിമർശിക്കപ്പെട്ടത് ഇതേ കാരണം കൊണ്ടാണ്‍.. അത് പോലെ തന്നെ വ്യാപകമായ പ്രതിഷേധങ്ങൾ ഉണ്ടാകുമ്പോൾ അതിനെ അവഗണിക്കുകയും അതിനെ അനിശ്ചിതമായി നീളാൻ കാരണമാകുയു ചെയ്യുന്ന നിലപാട് സര്ക്കാരിന്റെ ഭാഗത്ത് നിന്ന് ഉണ്ടാകുന്നതും നമ്മുടെ ജനാധിപത്യ സംവിധാനത്തിൻ യോജിച്ചതല്ല. ലക്ഷക്കണക്കിൻ ആളുകള് സമരാവേഷത്തോടെ സെക്റ്റ്രടരിയേട്ട് പോലുള്ള ഒരു മര്മ്മ പ്രധാനമായ സ്ഥാപനം പ്രതിരോധിക്കാൻ വരുമ്പോൾ സുരക്ഷാ മുന്കരുത്തൽ എന്നാ നിലയിൽ കേന്ദ്ര റിസര്വ് പോലീസിനെ തയ്യാറാക്കി വെച്ചതിലും മദ്യം നിരോധുച്ചതിലും തെറ്റ് കാണാൻ കഴിയില്ലെങ്കിലും പൊതു കക്കൂസുകൾ അടച്ച് പൂട്ടിക്കുക, ഭക്ഷണ ശാലകൾ അടപ്പിക്കുക, സമരക്കാരെ വീടുകളിലും ലോദ്ജ്കളിലും താമസിപ്പിക്കുന്നതിനേയം അവരക്ക് വാഹനങ്ങൾ നല്കുന്നതിനെയും തടയുക തുടങ്ങിയ സർക്കാർ നടപടികൾ തികച്ചും ജനാധ്യപത്യ വിരുദ്ധമാണ്‍.. എന്നാൽ പിന്നീട് സെക്രട്ടറിയേറ്റിൻ അവധി നല്കിയും പോലീസിനോട് പ്രകോപനം ഒഴിവാക്കാൻ ആവശ്യപ്പെടുകയും ചെയ്ത് സര് ക്കാരും ഒരു ഏറ്റുമുട്ടലിനുള്ള അവസരം അടച്ചു എന്ന പറയാം. മുമ്പ് കൂത്ത്പറമ്പിൽ അഞ്ച് പേർ മരിക്കാനിടയാക്കിയ സംഭവത്തിൽ എം.വി. രാഘവാൻ അവിടെ സന്ദർശിക്കുന്നത് ഒഴിവാക്കിയിരുന്നെങ്കിൽ പ്രകോപനവും വെടിവെപ്പും ഒക്കെ ഒഴിവാകാംയിരുന്നു എന്നതായിരുന്നു പൊതു വികാരം. സമരക്കാരെ നിരാകരിച്ച് ജീവനക്കാർ അകത്തേക്ക് കടക്കുമ്പോഴുണ്ടാകുന്ന പ്രകോപനം ഒഴിവാക്കാൻ അവധി നല്കിയത് വഴി സാധിച്ചു. പക്ഷെ അനിശ്ചിതമായി ഇങ്ങിനെ നീട്ടി കൊണ്ട്പോകാൻ ആര്ക്കും അഭിലഷണീയമല്ല. അത് കൊണ്ട് തന്നെ ജുഡീഷ്യൽ അന്വേഷണം പ്രഖ്യാപിക്കുകയും അതിന്റെ പേരില് ഉപരോധ സമരം പിന്വലിക്കുകയും ചെയ്ത സർകാരിന്റേയും പ്രതിപക്ഷത്തിന്റെയും നടപടികളെ വളരെ ബഹുമാനത്തോടെയാണ്‍ കാണുന്നത്. ഇവിടെ ജനാധിപത്യം ആൺ വിജയിച്ചത്.

സമരം സമാധാനപരമായിരിക്കും, സെക്രടരിയേട്ടിൻ മുമ്പില് എവിടെ തടഞ്ഞാലും അവിടെ ഇരിക്കും, ബാരിക്കെടുകൾ ചെറുത്ത് മുന്നോട്ട് നീങ്ങില്ല തുടങ്ങി പിണറായി വിജയന് സമരത്തിൻ തലേ ദിവസം നടത്തിയ പ്രസ്താവനകളും പ്രകോപനങ്ങൾ സമരക്കാരുടെ ഭാഗത്ത് നിന്ന് പരമാവാദി ഇല്ലാതാക്കാൻ നേതാക്കാൾ തന്നെ ഇടപെട്ട് ശ്രമിച്ചതും, വലിയ അനിഷ്ട സംഭവങ്ങൾ ഒന്നും ഇല്ലാതെ സമരം അവസാനിപ്പിച്ചതും ഒക്കെ ഈ പ്രസ്ഥാനത്തോടുള്ള അടുപ്പം വർദ്ധിപ്പിച്ചിട്ടേ ഉള്ളൂ. ജന ലക്ഷങ്ങളെ കൊണ്ട് വരുവാനും വേണമെങ്കിൽ അനിശ്ചിതമായി അവരെ അവിടെ നിർത്താനും പാര്ട്ടിക്ക് കഴിയും. പക്ഷെ അങ്ങിനെ ചെയ്യുന്നതിന്റെ അപ്രായോഗികത, വിവിധ ഭാഗങ്ങളിൽ നിന്ന് വന്ന ലക്ഷങ്ങൾക്ക് പ്രാഥമിക കൃത്യം നിര്വഹിക്കാൻ പോലും ബുദ്ധിമുട്ടുണ്ടാകുകയും അത് ആ നഗരത്തിനും പൊതു ജനങ്ങൾക്കും ഉണ്ടാക്കുന്ന ഭാരം താങ്ങാവുന്നതിലേരെ ആയിരിക്കും എന്നും ഒക്കെ ഒരു പക്ഷേ ഇത്തരത്തിൽ ഒന്ന് ആദ്യമായിട്ടായത് കൊണ്ട് മുങ്കൂട്ടി കാണാൻ പറ്റിയില്ലായിരിക്കാം.പക്ഷെ അത് മനസ്സിലാക്കി ഈഗൊയും പിടിവാശിയും ഒന്നും ഇല്ലാതെ ആവശ്യങ്ങൾ പൂർണ്ണമായും അതേ പോലെ നേടിയെടുക്കാൻ കഴിഞ്ഞ്ഞില്ലെങ്കിലും ഉപരോധ സമരം അവസാനിപിക്കാൻ തയ്യാറായത് വാഴി ഉത്തരവാദിത്വമുള്ള ഒരു നേത്ർത്വത്തെയാണ്‍ കാണാൻ കഴിയുന്നത്. .

ഇത്തരം സമരങ്ങളുടെ പരമ പ്രധാന ലക്‌ഷ്യം പൊതുജന വികാരം ഉണ്ര്ത്തുക എന്നതായിരിക്കണം. അല്ലാതെ തെരഞ്ഞടുപ്പിലൂടെ അധികാരത്തിലെത്തിയ ഒരു ഭരണകൂടത്തെ, മുഖ്യമന്ത്രിയെ പുറത്താക്കുക എന്നാ ലക്ഷ്യത്തോടെ ആവരുത്. ഒരു പക്ഷെ പൊതുജന വികാരം എതിരാണെന്ന് മനസ്സിലായാൽ പാര്ട്ടിയെ ബാധിക്കുമെന്ന് ബോധ്യപ്പെട്ടാൽ പാര്ട്ടി തന്നെ മുഖ്യമന്ത്രിയെ മാറ്റാനും മതി. ഇല്ലെങ്കിൽ സമരത്തിലൂടെ ഈ ജനവികാരം അടുത്ത ഇലക്ഷനിൽ വോട്ട് ആക്കി മാറ്റി ഭരണ കക്ഷികളെ പരാജയപ്പെടുത്താൻ കഴിയണം. അപ്പോഴാണ്‍ ജനങ്ങളും ഇവിടുത്തെ ജനാധ്യപത്യ സംവിധാനങ്ങളും വിജയിക്കുന്നത്. അഞ്ച് വര്ഷം എന്നത് ഒരു വലിയ കാലയളവല്ല. അത് മാത്രമല്ല ബാലറ്റിലൂടെ മറുപടി നല്കാൻ അഞ്ച് വര്ഷം കാത്തിരിക്കേണ്ട ആവശ്യവുമില്ല. പൊതുജന വികാരം സമാഹരിക്കാൻ കഴിഞ്ഞാൽ ഏറ്റവും അടുത്ത അവസരം തന്നെ അവർ മറുപടി നല്കാൻ ഉപയോഗപ്പെടുത്തും - അത് പാർലമെന്റ് തെരന്ഞ്ഞെടുപ്പായാലും പഞ്ചായത്ത് തെരഞ്ഞെടുപ്പായാലും.

മോഡിയും രാഹുലും വ്യക്തി വിമർശനങ്ങളും

2013-04-05T23:13:00.000-07:00

ഗുജറാത്ത് കലാപത്തിലും ഗുജറാത്തിലെ വർഗീയവും വിഭാഗീയവുമായ മറ്റു സംഭവങ്ങളിലും നരേന്ദ്രമോഡിക്ക് പ്രത്യക്ഷമായോ പരോക്ഷമായോ ഉള്ള പങ്ക് കോടതി കണ്ടെത്തുകയും ശിക്ഷിക്കുകയും ചെയ്‌താൽ ഞാൻ അതിൽ വളരെയധികം സന്തോഷിക്കും. ആരും നിയമത്തിൻ അതീതരല്ല, കുറ്റം ചെയ്തിട്ടുട്ണെങ്കിൽ എത്ര വലിയവരായാലും കേമന്മാരായലും ശിക്ഷിക്കപ്പെടുകതന്നെ വേണം.

എന്നാൽ ഗുജറാത്ത് കലാപത്തിൽ നരേന്ദ്ര മോഡിക്ക് പ്രത്യക്ഷമായോ പരോക്ഷമായോ പങ്കുണ്ടെങ്കിലും ഇല്ലെങ്കിലൂം കഴിഞ്ഞ കുറച്ച് വർഷങ്ങളായി മുഖ്യധാരയിലേക്കുള്ള അദ്ധേഹത്തിന്റെ മാറ്റം സുവ്യക്ത്മാണ്‍.... ആ ഒരു മാറ്റത്തിനെയാണ്‍ ഞാൻ സ്വാഗതം ചെയ്യുന്നതും സപ്പോർട്ട് ചെയ്യുന്നതും. ഒരു സംഭവത്തിന്റെ പേരില് അല്ലെങ്കിൽ കഴിഞ്ഞ കാല നിലപാടുകളുടെ പേരില് ജീവിതകാലം മുഴുവൻ ഒരാളെ തളച്ചിടുന്നതിനോട് യോജിപ്പില്ല. ലാവ്ലിൻ കേസിൽ വിചാരണ നേരത്തെയാക്കണമെന്ന പിണറായിയുടെ ആവശ്യത്തിനോട് യോജിക്കുന്നതും അത്കൊണ്ടാണ്‍..

ഒരാളിൽ കാണുന്ന പോസിറ്റീവായ മാറ്റം ഉൾകൊള്ളാനും അംഗീകരിക്കാനും കഴിയുന്നില്ലെങ്കിൽ അത് പ്രോത്സാഹിപ്പിക്കപ്പെടുന്നില്ലെങ്കിൽ പിന്നെ എങ്ങിനെയാണ്‍ സമൂഹത്ത്തിൽ നല്ല മാറ്റങ്ങൾ ഉണ്ടാകുക? മദനിയെ സി.പി.എം കൂടെ കൂട്ടിയ കാര്യത്തിലും ഇതേ നിലപാട് തന്നെയാണ് എനിക്ക്. മോഡി മദനിയെ പോലെ പരസ്യമായി മാപ്പ് പറഞ്ഞ്ഞിട്ടില്ല എന്ന് വേണമെങ്കിൽ വാദിക്കാം. പക്ഷെ കഴിഞ്ഞ കുറച്ച് വര്ഷങ്ങ്ങ്ങളിലെ അദ്ധേഹത്തിന്റെ നിലപാടുകളും നടപടികളും അദ്ധേഹത്തിന്റെ മുഖ്യധാരയിലേക്കുള്ള മാറ്റമായി ഞാൻകാണുന്നു.

മോഡി വിമർശിക്കപ്പെടുന്നത് പഴയ നിലപാടുകളുടേയും സംഭങ്ങളുടെയും പേരിലാണ്‍ എങ്കിൽ രാഹുൽ ഗാന്ധിയുടെ കാര്യം ഇതിലും കഷ്ടമാണ്‍.. കോണ്‍ഗ്രസിന്റെയോ അദ്ധേഹത്തിന്റെ അപ്പനപ്പൂപ്പന്മാരുടേയോ കോണ്ഗ്രസ് മന്ത്രിസഭകളൂടേയോ കഴിഞ്ഞ കാല കൊള്ളരുതായ്മയ്കളുടെ പേരിലാണ്‍ അദ്ദേഹത്തെ വ്യക്തിപരമായി അധിക്ഷേപിക്കുന്നതും അപഹസിക്കുന്നതും.കോണ്‍ഗ്രസിന്റെ സംഘടനാ ചട്ടകൂടിനെ കുറിച്ചും ഇന്ത്യയുടെ വിദ്യാഭ്യാസരംഗത്തെ കുറിച്ചും, ഇങ്ക്ലൂസീവ് ഗ്രോത്തിനെ കുറിച്ചുമൊക്കെ വളരെ ശ്രദ്ധേയമായ അഭിപ്രായങ്ങൾ പല സന്ദർഭങ്ങളിലായി അദ്ധേഹം പ്രകടിപ്പിച്ചിട്ടുണ്ട്. അതിനെ കോണ്ഗ്രസ് തന്നെയല്ലേ, അദ്ധേഹത്തിന്റെ ഫാമിലി തന്നെയല്ലേ കഴിഞ്ഞ അമ്പത് വര്ഷത്തിലധികം ഭരിച്ചതെന്ന് പറഞ്ഞ് എഴുതി തള്ളുന്നത് 2002 ഉണ്ടായത് മോഡിയുടെ കാലത്തല്ലേ എന്ന പറയുന്നതിനെക്കാളും അർഥരഹിതമാണ്;എഴുതി വായിക്കുന്ന പ്രസംഗമായത് കൊണ്ട് ഹൃദയത്തിൽ നിന്ന് വരുന്നതല്ല, ആത്മാർഥതയുള്ളതല്ല എന്ന് പറഞ്ഞ് അപഹസിക്കുന്നത് അറിവില്ലായ്മയാണ്‍.. ഒരാളുടെ ഹൃദയത്തിൽ നിന്ന് വരുന്ന സ്വന്തം ആശ്യങ്ങളായാലും എല്ലാവര്ക്കും അത് ഒരു പൊതു സ്റ്റേജിൽ പ്രസംഗിക്കാൻ കഴിയണമെന്നില്ല. അതിന് കഴിഞ്ഞാൽ അത് ഒരു വലിയ കാര്യം തന്നെയാണെങ്കിലും പ്രസംഗ കഴിയുവുള്ളവർക്കെ എന്തെങ്കിലും വിവരവും കഴിവും ഉണ്ടാകൂ എന്ന് കരുതുന്നത് ശരിയല്ല. അദ്ദേഹത്തിന്റെ തികച്ചും വ്യക്തിഗത സവിശേശതകളുടെ പേരില് പരിഹസിക്കുനത് ഒരു പരിശ്ക്ര്ത സമൂഹത്തിൻ യോജിച്ചതാണോ.

മോഡി ന്യൂനപക്ഷങ്ങളെയും മാറ്റി നിർത്തപ്പെട്ട മറ്റു വിഭാഗങ്ങളെയും അടുപ്പിക്കാൻ ശ്രമങ്ങൾ നടത്തുമ്പോഴും രാഹുൽ ദളിത്‌ കുടുമ്പങ്ങളുടെയും മറ്റും ഭവനങ്ങൾ സന്ധർശിക്കുകയും അവരുരെ കൂടെ ഇടപഴകാൻ ശ്രമിക്കുമ്പോഴും അവരുടെയോ അവരുടെ പാര്ട്ടിയുറെയോ കഴിഞ്ഞ കാല ചെയ്തികളെ മുന്നിര്ത്തി അവരുടെ ആത്മാര്തതയെ ചോദ്യം ചെയ്യുന്നതിൻ പകരം ഭാവിയിലേക്കുള്ള ഒരു നല്ല മാറ്റമായി പ്രതീക്ഷിക്കുകയും ആ അർഥത്തിൽ അതിനെ സ്വാഗതം ചെയ്യുകയും ചെയ്യൂന്നതല്ലെ നല്ലത്.

പിന്നെ രാഹുലിൻ എന്ത് കൊണ്ട് ഈ പറയുന്നതൊക്കെ നടപ്പിലാക്കാൻ കഴിയുന്നില്ല എന്ന ഒരു ചോദ്യമുണ്ട്. അത് ഒരു പരിധിവരെ ശരിയാണെന്ന് തന്നെയാണ് എന്റെയും അഭിപ്രായം. പക്ഷെ അദ്ദേഹത്തിൻ അതിന് മാത്രം പാർട്ടിയിൽ അധികാരവും സ്ഥാനവുമുണ്ടോ എന്നത് മറ്റൊരു കാര്യം. നേത്രത്വത്തിൽ പലരും ഫാമില്യുടെ സ്തുതി പാഠകരൊക്കെ തന്നെയാണെങ്കിലും രാഹുല പറയുന്നതിനൊക്കെ എന്തെങ്കിലും വില പ്രായോഗിക തലത്തിൽ നല്കുന്നുണ്ടോ എന്നത് സംശയമാണ്‍.. കാരണം രാഹുലിന്റെ പല നിലപാടുകളും ഇവരുടെ എസ്റ്റാബ്ലിഷ്ഡ് നയനിലപാടുകൾക്കെതിരാണ്‍ എന്നാണ്‍ എനിക്ക് തോന്നിയിട്ടുള്ളാത്. പ്രത്യേകിച്ച് സംഘടനാ ചട്ടക്കൂട്ടിനെ കുറിച്ചുള്ളത്. പെട്ടെന്ന് നടപ്പിൽ വരുത്താൻ അദ്ദേഹത്തിൻ കഴിഞ്ഞില്ലെങ്കിലും, അദ്ധേഹം ഈ വിളിച്ച് പറയുന്നത് തന്നെ ഒരു നല്ല ലക്ഷണമായിട്ടാണ്‍ ഞാൻ കാണുന്നത്.

പാര്ടികള്ക്ക് അതീതമായി നല്ല നിലപാടുകളും വ്യക്തികളും പ്രോത്സാഹിക്കപ്പെടണം, അംഗീകരിക്കണം. നേതാക്കല്ക്കും പൊതു പ്രവര്ത്തകര്ക്കും നന്നാവാനുള്ള ഇൻസെന്റീവ് ആണ്‍ അത്. എങ്കിൽ മാത്രമേ നമ്മുറ്റെ സിസ്റ്റം നന്നായി വരൂ. മാറ്റങ്ങൾ ഒരു രാത്രി കൊണ്ടുണ്ടാകില്ല. പക്ഷെ നല്ല കാര്യങ്ങൾ വ്യാപകമായി സ്വീകര്യമാകുമ്പോൾ നല്ല മാറ്റങ്ങളും സാവധാനത്തിൽ ഉണ്ടാകും.

ഇത് അധികാര ദുര്‍വിനിയോഗം

2011-10-31T21:07:00.000-07:00

അനേകം അഴിമതി ആരോപണങ്ങള്‍ കേരളം കണ്ടിട്ടൂണ്ട്. പതിറ്റാണ്ടുകള്‍ കഴിഞ്ഞിട്ടും അവയെല്ലാം അന്വേഷണത്തിലോ കോടതിയുടെ പരിഗണനയിലോ ആയി കിടപ്പാണ്. രാഷ്ട്രീയക്കാര്‍ ഉള്‍പെട്ട ഇത്തരം കേസുകളില്‍ ആരും ശിക്ഷിക്കപ്പെടാത്തത് ഇവിടുത്തെ നിയമവ്യവസ്ഥയില്‍ തന്നെ വിശ്വാസം നഷ്ടപ്പെടുത്തുന്ന തലത്തില്‍ എത്തിയിരിക്കുന്നു. രാഷ്ട്രീയക്കാര്‍ എന്ത് ചെയ്താലും ശിക്ഷിക്കപ്പെടില്ല എന്ന ഒരു പൊതുധാരണ ജനങ്ങളില്‍ വേരൊടിയതാണ്.

എന്നാല്‍ ആദ്യമായി, ഒരു കേസില്‍ ഒരു പ്രമുഖനായ രാഷ്ട്രീയ നേതാവ് ശിക്ഷിക്കപ്പെട്ട് ജയിലിലാവുന്നതാണ് നാം കാണുന്നത് ബാലകൃഷണ പിള്ളയുടെ കേസിലാണ്. രണ്ട് പതിറ്റാണ്ടുകളിലധികം നീണ്ട നിയമ നടപടിക്കൊടുവില്‍ സുപ്രീം കോടതിയാണ് അദ്ധേഹത്തെ ഒരു വര്‍ഷത്തെ കഠിന തടവിന് ശിക്ഷിച്ചത്! പക്ഷെ പിന്നീട് നാം കാണുന്നത് രാഷ്ട്രീയ ഇടപെടല്‍ ഈ കോടതി വിധിയെ അട്ടിമറിക്കുന്നതാണ്. രാഷ്ട്രീയക്കാര്‍ ശിക്ഷിക്കപ്പെടില്ല അവര്‍ എങ്ങിനെയും ഊരിപ്പോകും എന്ന ജനങ്ങളുടെ വിശ്വാസം ശക്തിപ്പെടുത്തുന്ന നടപടികളാണ് പിന്നീടുണ്ടായത്.

ഇപ്പോള്‍ കേരള പിറവി ദിനത്തോടനുബന്ധിച്ച് ശിക്ഷാ കാലയളവില്‍ ഇളവു നല്‍കി ഉമ്മന്‍ ചാണ്ടി യുടെ നേതൃത്വത്തിലുള്ള യു.ഡി.എഫ് സര്‍ക്കാര്‍ അദ്ധേഹത്തെ വിട്ടയക്കുകയാണ്. അതിന്‍ അവര്‍ക്ക് റൂളുകള്‍ ഉണ്ടായിരിക്കാം. ഭരിക്കുന്ന മുന്നണിയിലെ ഒരു പാര്‍ട്ടിയുടെ നേതാവും, ഒരു മന്ത്രിയുടെ പിതാവും ആണ് അദ്ധേഹം. അങ്ങിനെയുള്ള ഒരാളെ സര്‍ക്കാര്‍ ശിക്ഷാ ഇളവ് നല്‍കി വിട്ടയുക്കുന്നതില്‍ എന്ത് ധാര്‍മികതയാണുള്ളത്! അതില്‍ എന്ത് സത്യസന്ധതയാണുള്ളത്? ഇത് വ്യക്തമായ അധികാര ദുര്‍വിനിയോഗമല്ലെങ്കില്‍ പിന്നെ എന്താണ്? ഇത് നിയമത്തിനെതിരേ ഉള്ള പരസ്യമായ വെല്ലുവിളിയാണ്. ഇതിനാണോ ജനങ്ങള്‍ വോട്ട് ചെയ്ത് അധികാരത്തിലെത്തിച്ചത്?

രാഷ്ട്രീയക്കാര്‍ അഴിമതികേസില്‍ രാഷ്ട്രീയ നേതാവിന് വേണ്ടി പരസ്യമായി നിയമത്തെ വെല്ലുവിളിക്കുന്നത് ഇതിന് മുമ്പ് നാം കണ്ടത് ലാവ്ലിന്‍ കേസില്‍ പിണറായി വിജയന്‍ വേണ്ടിയാണ്. പ്രോസിക്യൂട്ട് ചെയ്യാനുള്ള അനുമതിയെ പോലും വെല്ലുവിളിച്ച് ഗവര്‍ണര്‍ക്കെതിരെ പോലും സമരം പ്രഖ്യാപിച്ചു.

ഇതെല്ലാം കൊണ്ട്ചെന്നെത്തിക്കുന്നത എല്ലാ രാഷ്ട്രീയകരും ഒരു പോലെയാണ്, അവര്‍ എല്ലാവരും കള്ളന്മാരും അവസരവാദികളും ആണെന്ന ഒരു സാധാരണക്കാരന്റെ ധാരണ അരക്കിട്ടുറപ്പിക്കുന്നതിലും രാഷ്ട്രീയ സംവിധാനത്തിന്റെ മൊത്തം വിശ്വാ‍സ്യത നഷ്ടപ്പെടുത്തുന്നതിലുമാണ്.

പ്രതിപക്ഷ ലക്ഷ്യം ഭരണം മുടക്കലോ?

2011-10-25T22:40:00.000-07:00

‘ഉമ്മന്‍ ചാണ്ടി അയച്ച രണ്ട് കത്തുകള്‍ പുറത്തായി, ഉമ്മന്‍ ചാണ്ടി അനാവശ്യ ധൃതി കാട്ടി, കോടികളുടെ അഴിമതി‘ - മാധ്യമങ്ങളുടെ അന്വേഷണ റിപ്പോര്‍ട്ട് ആയി ബ്രേകിങ്ങ് ന്യൂസ് ആയി കൊട്ടിഘോഷിച്ച് പുറത്ത് വരുന്നു. അതിന്റെ പേരില്‍ പ്രതിപക്ഷം അടിയന്തിര പ്രമേയത്തിന് നോട്ടീസ് നല്‍കുന്നു, മുഖ്യമന്ത്രി രാജി വെക്കണമെന്ന് ആവശ്യപെടുന്നു, സി.ബി.ഐ അന്വേഷണം ആവശ്യപ്പെടുന്നു. സര്‍ക്കാര്‍ അടിയന്തിര പ്രമേയത്തിന് തയ്യാറാവുകയും ചര്‍ച്ച തത്സ്മയം പ്രക്ഷേപണം ചെയ്യുകയും ചെയ്തത് കൊണ്ട് രണ്ട് വിഭാഗങ്ങളുടെയും വാദങ്ങള്‍ നേരിട്ട് കാണാന്‍ ജനങ്ങള്‍ക്ക് സാധിക്കുകയും ചെയ്തു.

ചര്‍ച്കയില്‍ പ്രതിപക്ഷത്തെ മുന്‍ വ്യവസായ മന്ത്രി കൂടി ആയ കരീം പറയുന്നു ഈ കത്തുകള്‍ പുതിയതൊന്നുമല്ല, ഇതിന്‍ മുമ്പും ചര്‍ച്ച ചെയ്തതാണെന്ന്. പിന്നെ ഇതെങ്ങിനെ ബ്രേകിങ്ങ് ന്യൂസായി, ആ ന്യൂസിന്റെ അടിസ്ഥാനത്തില്‍ അടിയന്തിര പ്രമേയം ആവശ്യപ്പെട്ടു? സി.ബി.ഐ അന്വേഷണം ആവശ്യപ്പെട്ടുള്ള ഹരജി കോടതിയുടെ പരിഗണനയില്‍ ഉള്ളപ്പോള്‍ എന്താണ് പെട്ടെന്നൊരു സി.ബി.ഐ അന്വേഷണ ആവശ്യവും അതിന് വേണ്ടിയുള്ള ബഹളവും?

അഴിമതിക്ക് ഒരു വലിയ തെളിവായി ഉയര്‍ത്തികൊണ്ട് വന്ന കത്തുകള്‍ അനേകമാളുകള്‍ തൊഴിലെടുക്കുന്ന ഫാക്റ്ററി പൂട്ടരുതെന്നും കൂടുതല്‍ സമയം അനുവദിക്കണമെന്നും ഉള്ള കാര്യങ്ങള്‍ക്ക് വേണ്ടിയാണെന്നത് വേറൊരു തമാശ! സത്യം പറഞ്ഞാല്‍ ഈ കത്തുകള്‍ ഉമ്മന്‍ ചാണ്ടിയോടുള്ള മതിപ്പ് വര്‍ദ്ധിപ്പിക്കുകയാണ് ചെയ്യുന്നത്. പിന്നെ ചിലവ് കുറഞ്ഞ ഒരു പദ്ധതി കൊണ്ട് തത്കാലം കാര്യം പരിഹരിക്കാം അതിന്‍ പകരം ചിലവ് കൂടിയ അല്പം അഡ്വാന്‍സ്ഡ് ആയ പദ്ധതി കൊണ്ട് വന്നു എന്നതാണ് ഇതിലെ പ്രധാന കാര്യം. അല്ലാതെ ചിലവ് കുറഞ്ഞ് നടപ്പിലാക്കാന്‍ പറ്റുന്ന അതേ പദ്ധതി ചിലവ് കൂടി നടപ്പിലാക്കി എന്നതല്ല. എങ്കിലും അതില്‍ എന്തെങ്കിലും ക്രമക്കേടുണ്ടെങ്കില്‍ അന്വേഷിക്കേണ്ടതും നടപടി എടുക്കേണ്ടതുമാണ്. പക്ഷെ കഴിഞ്ഞ സര്‍ക്കാരിന്റെ കാലത്ത് വിജിലന്‍സ് അന്വേഷണത്തില്‍ എന്തെങ്കിലും ക്രമക്കേടുള്ളതായി ഒരു രേഖ ഉണ്ടാക്കാന്‍ നിങ്ങള്‍ക്ക് കഴിഞ്ഞിട്ടുണോ എന്ന ഉമ്മന്‍ ചാണ്ടിയുടെ ചോദ്യത്തിന്‍ അവര്‍ എന്തെങ്കിലും മറുപടി പറഞ്ഞതായും കേട്ടില്ല. അത് മാത്രമല്ല കേസ് സി.ബി.ഐ ക്ക് വിടണോ എന്ന കാര്യം കോടതിയുടെ പരിഗണനയിലുമാണ്.

ഈ ഉമ്മന്‍ ചാണ്ടി സര്‍ക്കാര്‍ അധികാരത്തില്‍ വന്നതിന് ശേഷമുള്ള പ്രതിപക്ഷത്തിന്റെ സമരങ്ങളും പ്രചാരണങ്ങളും ഒരു കാര്യം വ്യക്തമാക്കുന്നു - കഴിഞ്ഞ കുറേ കാലമായി നിലനില്‍കുന്നതോ, കോടതിയുടെ പരിഗണനയിലുള്ളതോ അല്ലെങ്കില്‍ ഒരു സംസ്ഥാന സര്‍ക്കരിനെ പ്രതിസന്ധിയിലാക്കാന്‍ മാത്രം പ്രാധാന്യം ഇല്ലാത്തതോ ആയ കാര്യങ്ങള്‍ ഉയര്‍ത്തി കൊണ്ട് വന്ന് ഈ സര്‍ക്കാരിന്റെ പ്രവര്‍ത്തനം തടസ്സപ്പെടുത്തുകയും ഈ സര്‍ക്കാര്‍ ഇതു വരെ പ്രഖ്യാപിച്ച പ്രധാന്യമര്‍ഹിക്കുന്ന പലകാര്യങ്ങളും ചെയ്യുന്നതില്‍ നിന്ന് ശ്രദ്ധ തിരിച്ച് വിടുകയും ചെയ്യുക എന്നതാണ് പ്രതിപക്ഷം ഇപ്പോള്‍ ചെയ്യുന്നത്. ഇത്തരം കാര്യങ്ങള്‍ക്ക് വേണ്ടി എത്ര ഊര്‍ജവും സമയവുമാണ് മന്ത്രിമാര്‍ക്ക് അനാവശ്യമായി ചിലവഴിക്കേണ്ടി വരുന്നത്.

ശ്രീ പത്മനാഭ സ്വാമി ക്ഷേത്രത്തിലെ സ്വത്തിന്റെ അവകാശികള്‍

2011-07-04T22:17:00.000-07:00

തിരുവനന്തപുരം ശ്രീ പത്മനാഭ സ്വാമി ക്ഷേത്രത്തില്‍ നിന്ന് കണ്ടെടുത്ത 150 വര്‍ഷത്തോളം പഴക്കമുള്ള അമൂല്യമായ സ്വത്തുക്കള്‍ എന്ത് ചെയ്യണം അതിന്റെ അവകാശം ആര്‍ക്ക് എന്നൊക്കെയുള്ള ചര്‍ച്ചകള്‍ പൊടിപൊടിക്കുകയാണല്ലോ. അത് ക്ഷേത്രത്തിന്റെതാണെന്ന് ചിലര്‍, അത് നാട്ട്കാരുടെയാണെന്ന് ചിലര്‍, സര്‍ക്കാരിലേക്ക് കണ്ട് കെട്ടണമെന്ന് ചിലര്‍, പൊതുകാര്യത്തിന്‍ ഉപയോഗിക്കണമെന്ന് ചിലര്‍, മ്യൂസിയത്തില്‍ വെക്കണമെന്ന് ചിലര്‍ അങ്ങിനെ അഭിപ്രായങ്ങള്‍ പൊടിപൊടിക്കുകയാണ്. അപ്പോള്‍ എനിക്ക് തോന്നുന്നത് എനിക്കും പറയാതെ വയ്യ.

അമ്പലത്തില്‍ നിന്ന് കിട്ടിയതായത് കൊണ്ട് അത് അമ്പലത്തിന് തന്നെ എന്നതാണ് അതിന്റെ ശരി എന്നാണ് എനിക്ക് തോന്നിയിട്ടുള്ളത്. അത് രാജാവ് അമ്പലത്തിന് സംഭാവന നല്‍കിയതാകാം, അല്ലെങ്കില്‍ അവിടെ രഹസ്യമായി സുരക്ഷിതമായി സൂക്ഷിച്ചതാകാം. സംഭാവന നല്‍കിയതാണെങ്കില്‍ പിന്നെ അത് അമ്പലത്തിന്റെതാണെന്നതില്‍ തര്‍ക്കമുണ്ടാകേണ്ട കാര്യമില്ല.

അഥവാ സൂക്ഷിക്കാന്‍ വച്ചതാണെങ്കില്‍ അതിന്റെ അവകാശികള്‍ ആര്‍? രാജവിന്റെ അനന്തിരാവകാശികളോ അതോ രാജ്യമോ? അത് രാജ്യത്തിന്റെ സ്വത്തോ അതോ രാജാവിന്റെ വ്യക്തിഗത സ്വത്തോ? രാജാവിന്റെ സമ്പാദ്യത്തിന്റെ ഉറവിടം അന്വേഷിക്കേണ്ടി വരുമോ? ബ്ലാക് മണിയാണോ, വരവില്‍ കവിഞ്ഞ സ്വത്ത് സമ്പാദിച്ചിട്ടുണ്ടോ, അഴിമതി നടത്തിയിട്ടുണ്ടോ? അന്നത്തെ നിയമം എന്ത്? ഇന്നത്തെ നിയമം ഇതിന്‍ ബാധകമാകുമോ?

അത് അമ്പലത്തിന്റെതല്ല എന്നതിന് വ്യക്തമായ രേഖകളോ തെളിവോ ഇല്ലാത്തിടത്തോളം അത് ക്ഷേത്രത്തിന്റെ സ്വത്ത് തന്നെ എന്നാണ് എന്റെ അഭിപ്രായം. എനിക്കും അഭിപ്രായം പറയാലോ അല്ലെ :)

മന്മോഹന്‍സിങ്ങിന്റെ നിലപാട് പൈശാചികം തന്നെ!

2011-04-24T04:12:00.000-07:00

എന്ഡോസള്‍ഫാന്‍ കാര്യത്തില്‍ പ്രധാനമന്ത്രി മന്മോഹന്‍ സിങ്ങിന്റെ നിലപാട് പൈശാചികം എന്ന് വിശേഷിപ്പിച്ച മുഖ്യമന്ത്രി അച്യുതാനന്ദന്റെ നിലപാടിനെ അനുകൂലിക്കതിരിക്കാന്‍ വയ്യ. ആയിരങ്ങല്‍ മരിച്ച് വീണിട്ടും പതിനായിരങ്ങള്‍ അതിനെക്കാളൂം ദുരിതമനുഭവിക്കുകയും ചെയ്യുന്നത് കണ്ടിട്ടും, നിരൊധിക്കണമെന്ന മുറവിളി വര്‍ഷങ്ങള്‍ കഴിഞ്ഞിട്ടും ഇപ്പോഴും പഠിക്കണമെന്ന നിലപാടിനെ പിന്നെ എങ്ങിനെയാണ് വിശേഷിപ്പിക്കുക. അവിടുത്തെ ജനങ്ങളുടെ കഷ്ടത നമുക്ക് ടി. വിയില്‍ തന്നെ കണ്ട് നില്‍കാനാവുന്നില്ലെങ്കില്‍ അത് അനുഭവിക്കുന്നവരുടെ, ആ ദുരിതം ദിവസവും കണ്ട് ജീവിക്കുന്ന ആ പ്രദേശത്ത്കാരുടെ അവസ്ഥ എന്തായിരിക്കും എന്ന് ഊഹിക്കാന്‍ കൂടി വയ്യ.

അഴിമതികളിലൂടെ കോടികള്‍ ഖജനാവിന് നഷടപ്പെടുന്നത് കാണാതിരുന്ന അല്ലെങ്കില്‍ കണ്ടില്ലെന്ന് നടിച്ച മന്മോഹന്‍ സിങ്ങിന്റെ നിഷ്ക്രിയത തന്നെയല്ലെ ഈ വിഷയത്തിലും കാണുന്നത്. പഠിക്കാന്‍ എത്ര വര്‍ഷങ്ങള്‍ വേണം? 81 രാജ്യങ്ങള്‍ ഇത് നിരൊധിച്ചത് ഒന്നും അറിയാതെയാണോ? മറ്റ് സംസ്ഥാങ്ങളിലൊന്നും പരാതിയില്ല എന്ന് പറയുന്നതിനര്‍ഥം മറ്റ് സംസ്ഥാനങ്ങളിലും ദുരന്തം ഉണ്ടാകട്ടെ എന്നിട്ട് ആലോചിക്കാമെന്നാണോ? ഇത് പൈശാചികമല്ലെങ്കില് പിന്നെന്താണ്? മുഖ്യമന്ത്രി ഇതില്‍ രാഷ്ട്രീയം കളിച്ചു എന്ന് പരാതിപ്പെടുന്ന ചെന്നിത്തല ആണ് ഇതില്‍ രാഷ്ട്രീയം കളിക്കുന്നത്.

മുഖ്യമന്ത്രി അച്യുതാനന്ദന്‍ നടത്തുന്ന ഉപവാസ സമരത്തിനെ എന്റെ അഭിവാദ്യങ്ങള്‍.

അച്യുതാനന്ദനും അവകാശവാദങ്ങളും

2011-03-03T23:08:00.000-08:00

കഴിഞ്ഞ ഏതാനും മാസങ്ങളായി വന്ന പല വാര്‍ത്തകളും ഇടത് മുന്നണിക്ക് അനുകൂലമായതായിരുന്നു. അതില്‍ മിക്കതിലും അച്ചുതാനന്ദന്‍ ക്രെഡിറ്റ് അവകാശപ്പെടുകയും ചെയ്തു. ബാലകൃഷ്ണപ്പിള്ള അഴിമതി കേസില്‍ ശിക്ഷിക്കപ്പെട്ട് ജയിലിലടക്കപ്പെട്ടതും ഐസ്ക്രീം കേസില്‍ കുഞ്ഞാലിക്കുട്ടിക്കെതിരെ പുതിയ വെളിപ്പെടുത്തലുകളുണ്ടായതും സ്മാര്‍ട് സിറ്റി നടപ്പിലായതും കണ്ണൂര്‍ എയര്‍പോര്‍ട്ടിന്‍ തറക്കല്ലിട്ടതും തുടങ്ങി ഒത്തിരി വാര്‍ത്തകള്‍. അവസാനം സി.വി.സി പി.ജെ തോമസിന്റെ നിയമനം സുപ്രീം കോടതി നിയമവിരുദ്ധമാക്കിയതിന്റെ ക്രെഡിറ്റ് കൂടി അച്ചുതാനന്ദന്‍ അവകാശപ്പെടുകയുണ്ടായി.

പക്ഷെ അഴിമതിക്കെതിരെ സന്ധിയില്ലാ സമരം പ്രഖ്യാപിച്ച, പൊതുപ്രവര്‍ത്തനം രംഗം ശുദ്ധീകരിക്കാന്‍ ഇറങ്ങിത്തിരിച്ച അല്ലെന്ങ്കില്‍ അങ്ങിനെയൊരു ഇമേജ് സ്വയമായൊ മാദ്ധ്യമ സൃഷ്ടിയായോ ഉണ്ടാക്കിയെടുത്തിട്ടുള്ള അച്ചുതാനന്ദനും പൂര്‍ണമായും ക്ലീനല്ല എന്നതാണ് ഈയിടെ ഇറങ്ങിയ മറ്റു ചില ന്യൂസുകള്‍ സൂക്ജിപ്പിക്കുന്നത്.

പെണ്‍-വാണിഭക്കാരെ കയ്യാമം വെച്ച് നടത്തിക്കുമെന്നും അഴിമതിക്കാരെ തുറുങ്കിലടക്കുമെന്നുമുള്ള അച്ച്യുതാനന്തന്റെ കഴിഞ്ഞ ഇലക്ഷന് മുമ്പുള്ള വഗ്ദാനങ്ങള്‍ പ്രശസ്തമാണ്. ഈ ഭരണത്തിനെ അവാസാന കാലങ്ങളിലും അദ്ധേഹം അത് ആവര്‍ത്തിക്കുകയുണ്ടായി. അതിന് ഒരു അഞ്ചുവര്‍ഷം കൂടി തരൂ എന്നാണോ അദ്ധേഹം ഉദ്ധേശിച്ചതെന്ന് വ്യക്തമല്ല.

മുഖ്യമന്ത്രിയായി ഇരുന്നു അഞ്ചുവര്‍ഷങ്ങള്‍ കഴിയുമ്പോള്‍ അദ്ധേഹം ഈ അവകാശവാദത്തില്‍ എന്തെങ്കിലും ചെയ്തോ എന്ന് അന്വേഷിക്കുന്നത് നന്നായിരിക്കും. ഐസ്ക്രീം കേസില്‍ കുഞ്ഞാലിക്കുട്ടിക്കെതിരെ ഉണ്ടായ വെളിപ്പെടുത്തലുകളില്‍ അച്ചുതാനന്ദന് എന്തെങ്കിലും പങ്കുണ്ടെങ്കില്‍ അത് ആ സ്ഥാനത്തിന്‍ യോജിച്ച നിയമപരമായ നടപടിയായിരുന്നില്ല. മറിച്ച് അതിനെ ആത്മാര്‍ഥതയില്ലാത്ത രാഷ്ട്രീയ നാടകമായി മാത്രമായി മാത്രമേ കാണാന്‍ കഴിയൂ. കിളിരൂര്‍ കേസില്‍ ആണെങ്കില്‍ ഒന്നും ചെയ്തില്ലെന്ന് മാത്രമല്ല, തന്റെ വാദങ്ങളില്‍ നിന്ന് പിറകോട്ട് പോകുകയാണ് അദ്ധേഹം ചെയ്തത്. ബാലകൃഷണപ്പിള്ളയുടെ കാര്യത്തില്‍ ആ കേസ് നടത്തുന്നതില്‍ അദ്ധേഹം വഹിച്ച പങ്കിനെ അഭിനന്ദിക്കുന്നെങ്കിലും അത് മുഖ്യമന്ത്രി സ്ഥാനത്തിരുന്നുകൊണ്ടുള്ള ഒരു നടപടിയായി കാണാന്‍ കഴിയില്ല. ലാവ്ലിന്‍ കേസില്‍ പിണറായി വിജയനെ കുറ്റവിചാരണ ചെയ്യുന്നതിനെതിരെ ഗവര്‍ണര്‍ക് ശിപാര്‍ശ കൊടുത്തത് അച്ചുദാനന്ദന്‍ സര്‍ക്കാരാണ്. സി.വി.സി പി.ജെ തോമസിന്റെ നിയമനം സുപ്രീം കോടതി നിയമവിരുദ്ധമാക്കിയതിന്റെ ക്രെഡിറ്റ് അവകാശപ്പെടുന്നുണ്ടെങ്കിലും അച്ചുതാനന്ദന്‍ സര്‍ക്കാരാണ് അദ്ധേഹത്തിന് 2007-ല്‍ ചീഫ് സെക്രട്ടറിയായി സ്ഥാനകയറ്റം നല്‍കിയതും അതാണ് കേന്ദ്ര സര്‍വീസിലേക്ക് ഡെപ്യൂട്ടേഷന്‍ കിട്ടാന്‍ കാരണമായതെന്നും പറയപ്പെടുന്നുണ്ട്. അദ്ധെഹം അഴിമതിക്കേസില്‍ കുറ്റാരോപിതാനാണെന്ന കാര്യം കേരള സര്‍ക്കാര്‍ മറച്ച് വെച്ച് കേന്ദ്രത്തെ തെറ്റിദ്ധരിപ്പിച്ചു എന്നും പറയപ്പെടുന്നു.

പ്രമാദമായ ലോട്ടാറി കേസുകള്‍ ഉള്‍പ്പെടെ പല കേസുകളിലും അച്ചുതാനന്ദന്റെ മകനെതിരെ ആരോപണം ഉയര്‍ന്നിട്ടുണ്ട്. പല കേസുകളിലും ജുഡീഷല്‍ കമ്മീഷണുകളേയും ജഡ്ജിമാരെയും ഒക്കെ സ്വാധീനിക്കാന്‍ അച്ചുതാനന്ദന്‍ ശ്രമിച്ചിട്ടുണ്ടെന്നും വെളിപ്പെടുത്തലുകള്‍ ഉണ്ടായിട്ടുണ്ട്. സര്‍ക്കാര്‍ സംരഭമായിരുന്ന സി-ഡാറ്റിനെ തുഛവിലയ്ക്ക് റിലയന്‍സിന് കൈമാറിയതിലും അച്യുതാനന്ദന് പങ്കുണ്ടെന്നാണ് ഇപ്പോള്‍ ഉയര്‍ന്ന് വരുന്ന പുതിയ ആരോപണം. അച്യുതാനന്ദന് കോറ്പറേറ്റ് ഇടനിലക്കാരന്‍ നന്ദകുമാറുമായിട്ടുള്ള ബന്ധവും നന്ദകുമാറിന് സുപ്രീം കോടതിയിലേയും ഹൈക്കോടതിയിലേയും ജസ്റ്റിസുമാരുമായുമുള്ള ബന്ദവും ആരോപണ വിധേയമായിട്ടുണ്ട്.

അച്യുതാനന്ദന് എതിരേ ഉയര്‍ന്നു വന്നിട്ടുള്ള ആരോപണങ്ങളും അധികാരത്തില്‍ വരുന്നതിന്‍ മുമ്പ് അദ്ധേഹം നടത്തിയ അഴിമതിക്കെതിരേയും, സ്ത്രീപീഡനങ്ങള്‍ക്കെതിരെയും നടപടിയെടുക്കുമെന്ന വാഗ്ദാനത്തില്‍ അഞ്ച് വര്‍ഷം മുഖ്യമന്ത്രിയായിട്ടും ഒന്നും ചെയ്യാന്‍ കഴിഞ്ഞില്ലെന്നതും ഇനിയൊരു മുഖ്യമന്ത്രിയാകാന്‍ അദ്ധേഹത്തിന് യോഗ്യതയില്ലെന്ന് തന്നെയാണ് വെളിപ്പെടുത്തുന്നത്.

വര്‍ഗ്ഗീയ ദ്രുവീകരണം

2010-10-29T04:27:00.000-07:00

കേരളത്തില്‍ ഇരു മുന്നണികളും 5 വര്‍ഷങ്ങള്‍ മാറി മാറി ഭരിക്കണമെന്ന് അഭിപ്രായമുള്ള ആഗ്രഹിക്കുന്ന ഒരാളാണ് ഞാന്‍‍. അതിലും കൂടുതല്‍ കാലം തുടര്‍ച്ചയായി ഭരണം ഏല്‍പ്പിക്കാന്‍ പറ്റുന്ന മഹാന്മാരൊന്നും ഇരു മുന്നണികളിലും ഇല്ല എന്നത് തന്നെ ഇതിന്‍ കാരണം. ഞാന്‍ മാത്രമല്ല ഇതേ അഭിപ്രായമുള്ളവര്‍ക്ക് ഭരണം മാറ്റാന്‍ കഴിയുന്നത്രയും സംഖ്യാബലമുണ്ട് എന്ന് നാം കാലങ്ങളായി കണ്ട് വരുന്നതുമാണ്.

മുസ്ലിമായാ ഞാനും, എന്റെ ക്രിസ്ത്യനായ സുഹൃത്ത് തോമസും, ഹിന്ദുവായ സുഹൃത്ത് സുരേന്ദ്രനും
ഇതേ അഭിപ്രായക്കാരാണ്. ഇതേ അഭിപ്രായം വെച്ച് പുലറ്ത്തുന്ന വിവിധ മത വിശ്വാസികളും അല്ലാത്തവരും ആയ അനേകം സുഹൃത്തുക്കള്‍ എനിക്കുണ്ട്. അങ്ങിനെ ഞങ്ങള്, ഭരിക്കുന്ന കക്ഷിക്കെതിരേ വോട്ട് ചെയ്താല്‍ അതിനെ വര്‍ഗ്ഗീയ ദ്രുവീകരണം എന്ന് പറയാമോ? ഞങ്ങളെ മതപരമായി കാണാതെ ഒരു പൊതുജനമായി കണ്ടുകൂടേ? പരാജയപ്പെടുന്ന കക്ഷികള്‍ പരാജയത്തിന് കാരണം വര്‍ഗ്ഗീയ ദ്രുവീകരണമാണെന്ന വിലയിരുത്തുന്നത് വോട്ട് ചെയ്യാന്‍ പോയ പൊതുജനത്തിനെ അധിക്ഷേപിക്കുന്നതിന് തുല്യമാണ്. കേരളത്തിലെ മഹാ ഭൂരിപക്ഷം വരുന്ന ജനങ്ങള്‍ മത വിശ്വാസികളാണ്. അതില്‍ ഇടതിന് വോട്ട് ചെയ്യുന്നവരും, വലതിന് വോട്ട് ചെയ്യുന്നവരും രണ്ടിനും മാറി മാറി വോട്ട് ചെയ്യുന്നവരും ഉണ്ട്.

കുടുംബശ്രീ, സാക്ഷരതാ യഞ്ജം തുടങ്ങിയ ഗ്രാസ്റൂട്ട് ലെവലില്‍ വിപ്ലവകരമായ മാറ്റങ്ങള്‍ക്ക് വഴി തെളിയിച്ച പദ്ധതികള്‍ കൊണ്ട് വന്നത് ഇടത് പക്ഷമാണ്. കണ്ണൂര്‍ മെഡിക്കല്‍ കോളേജ്, കണ്ണൂര്‍ സര്‍വ്വകലാശാല, മറ്റ് വിവിധ വിഷയങ്ങളിലെ സര്‍വകാലാശാലകള്‍, കൊച്ചിന്‍ എയര്‍പോര്‍ട്ട്, കൊച്ചി ക്രിക്കറ്റ് സ്റ്റേഡിയം തുടങ്ങിയ വിദാഭ്യാസ-അടിസ്ഥാന സൌകര്യ വികസന കാര്യങ്ങളില്‍ ധാരാളം പദ്ധതികള്‍ യു.ഡി.എഫും കൊണ്ട് വന്നിട്ടുണ്ട്. പ്ലസ് റ്റു തുടങ്ങിയവ യു.ഡി.എഫ് കൊണ്ട് വന്നപ്പോള്‍ എതിര്‍ക്കുകയും പിന്നീട് ഇടത്പക്ഷം കൊണ്ട് വരികയും ചെയത പദ്ധതികളും എക്സ്പ്രസ് ഹൈവേ, സ്മാര്‍ട് സിറ്റി എന്നിവ യു.ഡി.എഫ് കൊണ്ട് വന്നപ്പോള്‍ എതിര്‍ക്കുകയും, പിന്നീട് അധികാരത്തില്‍ വന്നപ്പോള്‍ ഇടത് പക്ഷം കൊണ്ട് വരാന്‍ ശ്രമിച്ച് പരാജയപ്പെടുകയും അങ്ങിനെ കേരളത്തിന്‍ നഷ്ടപ്പെടുകയും ചെയ്ത പദ്ധതികളും ഉണ്ട്.

വിദ്യാഭ്യാസ അടിസ്ഥാന സൌകര്യങ്ങളില്‍ യു.ഡി.എഫും സാമൂഹ്യ ക്ഷേമകാര്യങ്ങളില്‍ ഇടത് പക്ഷവും തന്നെയാണ് പൊതുവെ മെച്ചം. ധനകാര്യത്തില്‍ ഇപ്പോഴത്തെ ഇടത് പക്ഷം മെച്ചമാണ്. പക്ഷെ ആരോഗ്യം, വിദ്യാഭ്യാസം, ആഭ്യന്തരം തുടങ്ങിയ മേഖലകളില്‍ ഇപ്പോഴത്തെ ഇടത് പക്ഷം ദയനീയ പരാജയമായിരുന്നു. പ്രത്യക്ഷമായ ഒരു പുരോഗതിയും ഈ മേഖലകളില്‍ എടുത്തു പറയാനില്ല. യു.ഡി.എഫ് പൊതുവേ അഴിമതിയുടെ കാര്യത്തില്‍ അറിയപ്പെടുന്നവരാണെങ്കില്‍, ഇത്തവണ സ്വജനപക്ഷപാതവും ക്രമക്കേടുകളും ഇപ്പോഴത്തെ ഇടത് പക്ഷ സര്‍ക്കാരിന്റെയും മുഖമുദ്രയായി.

ഇത്രയും പറഞ്ഞത് ഇങ്ങിനെയൊക്കെയായിരിക്കും ഒരു സാധരണ പൊതുജനത്തിന്റെ വിലയിരുത്തല്‍. അതില്‍ ചില കാര്യങ്ങളില്‍ ഏറ്റക്കുറച്ചില്‍ കാണുമെങ്കിലും, രണ്ട് മുന്നണികളെ കുറിച്ചും ഒരു സമ്മിശ്ര വിലയിരുത്തലായിരിക്കും ഭരണം മാറ്റിമറിക്കാന്‍ ശ്കതിയുള്ള ഒരു വലിയ ചെറിയ വിഭാഗത്തിന്റെ അഭിപ്രായം. അതിനെ വര്‍ഗ്ഗീയ ദ്രുവീകരണമായി അധിക്ഷേപിക്കേണ്ടതില്ല. ഇത്തവണ പരാജപ്പെടുത്തിയെങ്കിലും കഴിഞ്ഞ തവണ തങ്ങളെ അധികാരത്തിലേറ്റിയതും അടുത്ത തവണ തങ്ങളെ തന്നെ അധികാരത്തിലേറ്റേണ്ടവരും ഇവരാണെന്ന ബോധത്തോറ്റെ ഒരു മിനിമം ബഹുമാനമെങ്കിലും ഈ പൊതു ജനത്തിന് നല്‍കുക.

പത്ത് വര്‍ഷം തുടര്‍ച്ചയായി ഭരിക്കാന്‍ തങ്ങള്‍ യോഗ്യരാണെന്ന് ഏതെങ്കിലും മുന്നണി തെളിയിക്കുന്നത് വരെ ഈ പൊതുജനം ഈ രീതി തുടര്‍ന്ന് കൊണ്ടേ ഇരിക്കും.

ഐ.പി.എല്‍-ഉം കൊച്ചി ടീമും പിന്നെ തരൂരും

2010-04-17T10:10:00.000-07:00

ഞാന്‍ ക്രിക്കറ്റ് കാണാറില്ല. ഈ കളി എനിക്കിഷ്ടവുമല്ല. എങ്കിലും കൊച്ചിയുടെ പേരില്‍ ഒരു ടീം എന്ന് കേള്‍ക്കുമ്പോള്‍ ഒരു സന്തോഷം തോന്നുന്നു. കേരളത്തിന്‍ ഈ ടീം കിട്ടിയാല്‍ എന്ത് ഗുണമെന്ന് ചോദിച്ചാല്‍ കിട്ടാതിരിക്കുന്നതിനേക്കാളും ഗുണമുണ്ട് എന്ന് ഒറ്റ വാക്കില്‍ പറയാം. ഒരു വന്‍ ബിസിനസ്സ് ആയി മാറി കഴിഞ്ഞ ഐ.പി.എല്ലിന്റെ മാപ്പില്‍ കേരളത്തിന്റെ ഒരു സിറ്റി ഇടം കണ്ടെത്തുന്നത് കൊണ്ട് ഒരു ഗുണവുമില്ല എന്ന് വാദിക്കുന്നത് ബാലിശമാണ്. അതിന്‍ പണം ഇറക്കിയവര്‍ ഏതൊരു ബിസനസ് സംരംഭകരെയും പോലെ ലാഭമുണ്ടാക്കുവാനാണ്‍ എന്നത് തികച്ചും സ്വാഭാവികം മാത്രം. അത് കൊച്ചിയില്‍ കൊണ്ട് വരാന്‍ തയ്യാറായ ബിസിനസ്സ് സംരഭകരെയും, അതിന്‍ വേണ്ടി അകത്ത് നിന്നോ പുറത്ത് നിന്നോ വ്യക്തിപരമായ നേട്ടത്തിനായാല്‍ പോലും ശ്രമിച്ചവരേയും പിന്തുണച്ചവരേയും ഒരു കേരളീയനെന്ന നിലയില്‍ ഞാന്‍ അഭിനന്ദിക്കുന്നു. ഇതു സ്പോറ്ട്സല്ല വെറും കോടികളുടെ ബിസിനസ്സാണെന്ന് പറഞ്ഞ് അധിക്ഷേപിക്കുന്നവരോട് എനിക്കു പറയാനുള്ളത് ആയിക്കോട്ടെ ഒരു ബിസിനസ്സ് സംരംഭം കേരളത്തില്‍ വന്നു കൂടെ? അത് സിനിമയായാലും, ടി.വി ചാനല്‍, പല സ്പോട്സ് ആയാലും മറ്റെന്ത് വിനോദ പരിപാടികളായാലും കേരളത്തിലോ മറ്റെവിടെയങ്കിലുമോ വരുന്നുണ്ടെങ്കില്‍ അത് ബിസിനസ്സായിട്ടും ലാഭമുണ്ടാക്കാന്‍ വേണ്ടിയും തന്നെയാണ്‍. വ്യവസായവും മറ്റും ഒക്കെ കേരളത്തിലേക്ക് കൊണ്ട് വരുവാന്‍ ഭരണത്തിലുള്ളവര്‍ ശ്രമിക്കുന്നതും ശ്രമിക്കാന്‍ നാം ആവശ്യപ്പെടുന്നതും എല്ലാം ഈ അര്‍ത്ഥത്തില്‍ തന്നെ.

കേരളത്തിന്‍ ലഭിച്ച ഈ ടീമിന്റെ ഉടമസ്ഥറ്ക്ക് കേരളത്തില്‍ തന്നെ വേണമെന്ന് നിറ്ബന്ധ ബുദ്ധി ഉണ്ടാവേണ്ട ഒരു കാര്യവുമില്ല. വന്‍ സ്രാവുകളോട് മത്സരിച്ച് അത് കേരളത്തിന്‍ തന്നെ നേടിയെടുക്കാന്‍ തരൂരിന്റെ സാന്നിന്ദ്യം ഒരു പങ്ക് വഹിച്ചിട്ടുണ്ടാകും എന്നതില്‍ സംശയമില്ല. അതിന്‍ അദ്ധേഹത്തെ അഭിനന്ദിക്കുന്നു. തരൂറ് അങ്ങിനെ ഒരു നിറ്ബന്ധ ബുദ്ധി കാണിചച് വടക്കേ ഇന്ത്യന്‍ ലോഭിയെ പിണക്കിയിരുന്നില്ലെങ്കില്‍ അദ്ധേഹം ഇങ്ങിനെ ഒരു വിവാദത്തില്‍ പെടില്ലായിരുന്നു എന്നാണ്‍ എന്റെ വിശ്വാസം.

പിന്നെ മറ്റൊരു വശം, അതില്‍ തരൂറ് മന്ത്രി സ്ഥാനം ദുരുപയോഗപ്പെടുത്തിയോ എന്നതാണ്. കൊച്ചിയില്‍ വരുന്നത് തടയുവാനോ, തന്റെ വ്യക്തി താല്പര്യമുള്ള ടീമിന്‍ കിട്ടുവാന്‍ മോഡി നിയമവിരുദ്ധമായി ശ്രമിച്ചുവോ എന്നതാണ്. ഒരു ബിസിനസ്സ്കാരനയ തരൂരിന് ഇതില്‍ എന്തെങ്കിലും ബിസിനസ്സ് താത്പര്യമുണ്ടെങ്കില്‍ അത് തെറ്റാണെന്ന് എനിക്ക് തോന്നുന്നില്ല. എന്നാല്‍ അതിന്‍ വേണ്ടി അധികാരം ദുരുപയൊഗപ്പെടുത്തിയിട്ടുണ്ടെങ്കില്‍ അതിന് നിയമനടപടി സ്വീകരിക്കുകയും വേണം. നിയമ വിധേയമായ ഒരു ബിഡ്ഡിങ്ങ് പ്രോസസിലൂടെ കൂടിയ ബിഡ്ഡിന് ആണ് ടിം കിട്ടിയതെന്നതില്‍ ആര്‍ക്കും തര്‍ക്കമില്ലെന്നതിനാല്‍ അതില്‍ ഒരു അധികാര ദുര്‍വിനിയോഗം നടന്നെന്ന് തോന്നുന്നില്ല.

പിന്നെ ഇതിന്‍ പിറകിലുള്ള പണത്തിന്റെ ഉറവിടവും കള്ളപ്പണത്തിന്റെ സാന്നിദ്ധ്യവും ഈ കേരള ടീമുമായി ബന്ധപ്പെട്ട കാര്യമല്ലാത്തതിനാല്‍ ഈ ചര്‍ച്ചയുടെ പരിധിയില്‍ വരുന്നില്ല. അതുമായി ബന്ധപ്പെട്ട് അന്വേഷണം നടക്കണമെന്ന് തന്നെയാണ്‍ എന്റെയും അഭിപ്രായം.

അടുത്തവര്‍ഷം മുതല്‍ പ്ലസ് ടുവിന് പൊതു പാഠ്യപദ്ധതി

2010-02-16T19:58:00.000-08:00

കേരളം ഇത് അംഗീകരിച്ചുവോ എന്നൊരു സന്ദേഹത്തോടെയും ഉണ്ടാവില്ല എന്നൊരു മുന് വിധിയോടും കൂടിയാണ്‍ ഈ വാര്‍ത്ത വായിച്ചത്. വായിച്ച് അവസാനമെത്തിയപ്പോള്‍ കേരളത്തെ കുറിച്ച എന്റെ ധാരണ ശരി തന്നെ! ഞാന്‍ കേരളത്തെ നന്നായി അറിയുന്ന ഒരു മലയാളി എന്ന് അഹങ്കരിക്കാമല്ലേ.

അടുത്തവര്‍ഷം മുതല്‍ പ്ലസ് ടുവിന് പൊതു പാഠ്യപദ്ധതി: "ന്യൂഡല്‍ഹി : പ്ലസ് ടു കോഴ്‌സുകള്‍ക്ക് രാജ്യമെങ്ങും ഏകീകൃത പാഠ്യപദ്ധതി നടപ്പാക്കാന്‍ തീരുമാനമായി. കേന്ദ്ര മാനവവിഭവശേഷി മന്ത്രി കപില്‍ സിബലിന്റെ അധ്യക്ഷതയില്‍ ഡല്‍ഹിയില്‍ നടന്ന 'കൗണ്‍സില്‍ ഓഫ് ബോര്‍ഡ്‌സ് ഓഫ് സ്‌കൂള്‍ എഡ്യുക്കേഷന്‍ ഇന്‍ ഇന്ത്യ' (കോബ്‌സ്) യോഗത്തിലാണ് ഈ തീരുമാനം. ശാസ്ത്രവിഷയങ്ങള്‍ക്കുള്ള ഏകീകൃത പാഠ്യപദ്ധതി 2011 മുതല്‍ നടപ്പാക്കുമെന്ന് കപില്‍ സിബല്‍ മാധ്യമപ്രവര്‍ത്തകരോടു പറഞ്ഞു. കൊമേഴ്‌സ് പാഠ്യപദ്ധതി മൂന്നു മാസത്തിനുള്ളില്‍ തയ്യാറാവും. മാനവികവിഭാഗത്തില്‍ വിഷയങ്ങള്‍ തിരഞ്ഞെടുക്കുന്നതിലുള്ള വ്യത്യാസം നിലനില്‍ക്കുന്നതിനാല്‍ ഏകീകൃത പാഠ്യപദ്ധതി സംബന്ധിച്ച് തീരുമാനമായിട്ടില്ല. മെഡിക്കല്‍, എന്‍ജിനീയറിങ് പ്രവേശനത്തിനായി ദേശീയതലത്തില്‍ ഏക പരീക്ഷാ സമ്പ്രദായം 2013 മുതല്‍ നടപ്പാക്കുമെന്നും കപില്‍ സിബല്‍ അറിയിച്ചു. രാജ്യത്തെ വിദ്യാഭ്യാസചരിത്രത്തില്‍ നാഴികക്കല്ലാകുംഈ പരിഷ്‌കരണമെന്ന് മന്ത്രി വിശേഷിപ്പിച്ചു. എല്ലാ സംസ്ഥാന വിദ്യാഭ്യാസ ബോര്‍ഡുകളും പരിഷ്‌കരണത്തെ പിന്തുണയ്ക്കുന്നു. രാജ്യത്തെ കുട്ടികളെല്ലാം...."

മൂന്നാര്‍ : മന്ത്രിസഭാ തീരുമാനം

2010-02-02T02:18:00.000-08:00

ഫെബ്രുവരി 2, 2010: ഇന്ന് മലയാള പത്രങ്ങളുടെ വെബ് എഡിഷനില്‍ പ്രത്യക്ഷപ്പെട്ട വാര്‍ത്തകളെ അടിസ്താനമാക്കിയാല്‍, മൂന്നാര്‍ സംബന്ധിച്ച് ഇന്നത്തെ പ്രധാന മന്ത്രി സഭാ തീരുമാനങ്ങള്‍ ഇവയാണു. ഇതു ഇവിടെ നല്‍കുന്നത്, ഇതില്‍ എത്രത്തോളം നടക്കും എന്ന് ഫോളോഅപ്പ് ചെയ്യാമെന്ന് കരുതിയാണു.

ടാറ്റായുടെ അനധിക്രിത ചെക്ക് ഡം പൊളിക്കും
രിസോര്‍ട്ടുകള്‍ ഉള്‍പ്പെടെയുള്ള എല്ലാ അനധിക്രിത കയ്യേറ്റങ്ങളും ഒഴിപ്പിക്കും
1977നു മുമ്പുള്ള കൈവശ ഭൂമികള്‍ക്ക് സമയ ബന്ധിതമായി പട്ടയം നല്‍കും
കയ്യേറ്റവുമായി ബന്ധപ്പെട്ട കേസുകള്‍ തീര്‍ക്കാന്‍ ഹൈക്കോടതിയുമായി കൂടിയാലോചിച്ച് പ്രത്യേക കോടതി മൂന്നാറില്‍ രൂപീകരിക്കും.
പാട്ടക്കരാര്‍ ലംഘനം പരിശോധിച്ച് അത്തരം കരാറുകള്‍ റദ്ദാക്കാനുള്ള നടപടികള്‍ സ്വീകരിക്കും
മൂന്നാറില്‍ നിയമനുസ്രിതമായി ടൌണ്‍ഷിപ്പ് സ്താപിക്കും
മൂന്നാറിലെ നടപടികളുടെ മേല്‍നോട്ടം വഹിക്കുന്നതിനായി റവന്യൂ, ആഭ്യന്തര, ജലവിഭവ വകുപ്പ് മന്ത്രിമാരുടെ സമിതിയെ നിയോഗിച്ചു.
ഭൂമി കയ്യേറ്റവുമായി ബന്ധപ്പെട്ട് 1974-ലെ ലാന്റ് ബോര്‍ഡ് ഭേദഗതിയനുസരിച്ചുള്ള തുടര്‍നടപടികള്‍ സ്വീകരിക്കും.

പത്രവാര്‍ത്തകളിലേക്കുള്ള ലിങ്കുകള്‍:
മനോരമ
മാത്ര്ഭൂമി
ദേശാഭിമാനി
മംഗളം

മൂന്നാറില്‍ ചെയ്യേണ്ടത്

2010-02-01T02:14:00.000-08:00

ഭൂരഹിതരായ കുടിയേറ്റക്കാര്‍ക്ക് പട്ടയം നല്‍കി അവ നിയമ വിധേയമാക്കുക, വാണിജ്യാവശ്യങ്ങള്‍ക്കായി കയ്യേറ്റം ചെയ്തവരെ കുടിയിറക്കുക, അനധിക്ര്തമായി നിര്‍മ്മിച്ച കെട്ടിടങ്ങളും മറ്റും കണ്ട്കെട്ടി സര്‍ക്കാരിന്റെ ഉടമസ്തതയിലാക്കി നാടിന്റെ നന്മയ്ക്ക് ഉപയോഗപ്പെടുത്തുക. കയ്യേറ്റം ചെയ്തവരേയും അതിന്‍ കൂട്ടു നിന്ന ഉദ്ധ്യോഗസ്തരേയും നിയമത്തിന്റെ മുന്നില്‍ കൊണ്ട് വന്ന് അര്‍ഹമായ ശിക്ഷ നല്‍കുക.

കെട്ടിടങ്ങള്‍ പൊളിച്ച് ഭൂമി പഴയ സ്തിതിയിലേക്ക് കൊണ്ട് വരിക പ്രയാസമാണു. അത്തരം കെട്ടിടങ്ങള്‍ ഉപയോഗപ്പെടുത്തുകയാണ്‍ വേണ്ടത്. ആര്‍ക്കും എവിടെ വേണമെങ്കിലും കെട്ടിടം പണിയാം എന്ന അവസ്ത മാറണം. ഇത്തരം കാര്യങ്ങള്‍ നോക്കേണ്ട ഉദ്ധ്യോഗസ്തരുണ്ടല്ലോ. അവര്‍ ഉത്തരവാദിത്തം നിര്‍വ്വഹിക്കുന്നില്ലെങ്കില്‍ അതിന്‍ നടപടിയെടുക്കണം. അതിനുള്ള ആര്‍ജ്ജവം സര്‍ക്കാര്‍ കാണിക്കണം.

രാഷ്ട്രീയക്കാരുടെ വാചക കസര്‍ത്തുകള്‍ അല്ല നമുക്ക് വേണ്ടത്. അന്യാധീനപ്പെട്ടുപോയ ഭൂമിയെത്ര, അതില്‍ എത്ര തിരിച്ച് പിടിച്ചു, നിയമം ലംഘിച്ചവര്‍ക്കെതിരെ എന്തു നടപടി എടുത്തു, ഇനി ഇത്തരം കാര്യങ്ങള്‍ ആവര്‍ത്തിക്കാതിരിക്കാന്‍ എന്ത് നടപടി കൈക്കൊണ്ടു? ഇതാണ് നമുക്കറിയേണ്ടത്. അതോടൊപ്പം കയ്യേറ്റത്തിന്‍ സഹായിച്ച രാഷ്റ്റ്രീയക്കാര്‍ക്കെതിരെ അതത് പാര്‍ട്ടികള്‍ നടപടിയെടുക്കുന്നതു കാണാനും ആഗ്രഹമുണ്ട്.

ടാറ്റയുടെ ഡാം പൊളിക്കാന്‍ ....

2010-01-30T22:11:00.000-08:00

രാഷ്ട്രീയക്കാരെല്ലാം ഒരു കാര്യത്തില്‍ ഒറ്റക്കെട്ടാണ്‍. അവരതില്‍ വിജയിക്കുകയും ചെയ്തു - പരസ്പര വിരുദ്ധമായ പ്രസ്താവനകളിലൂടെ പുകമറ സ്രിഷ്ടിക്കാന്‍. ഇവര്‍ക്ക് ജനങ്ങളെ എത്ര കാലം വിഡ്ഡികളാക്കാന്‍ കഴിയും?

എനിക്ക് കൂടുതലായൊന്നും പറയാനില്ല.....

ടാറ്റയുടെ ഡാം പൊളിക്കാന്‍ അനുവദിക്കില്ല: എ.കെ.മണി: "മൂന്നാര്‍: ടാറ്റ നിര്‍മിച്ച അനധികൃത തടയണകള്‍ പൊളിക്കാന്‍ അനുവദിക്കില്ലെന്ന് കോണ്‍ഗ്രസ് നേതാവും മുന്‍ ദേവീകുളം എം.എല്‍.എയുമായ എ.കെ.മണി പറഞ്ഞു. തൊഴിലാളികള്‍ക്ക് കുടിവെള്ളമെത്തിക്കാനാണ് ടാറ്റ തടയണ കെട്ടിയതെന്ന് അദ്ദേഹം പറഞ്ഞു. തടയണകള്‍ പൊളിക്കാന്‍ വന്നാല്‍ തൊഴിലാളികളെ അണിനിരത്തി ഗാന്ധിയന്‍ മാര്‍ഗത്തില്‍ തടയുമെന്ന് മണി പറഞ്ഞു. നിയമവിരുദ്ധമാണെങ്കില്‍ ഈ തടയണകള്‍ പൊളിച്ചുമാറ്റുകയല്ല, മറിച്ച് സര്‍ക്കാര്‍ ഏറ്റെടുക്കുകയാണ് വേണ്ടതെന്നും മണി പറഞ്ഞു. കോണ്‍ഗ്രസിന്റെ നിലപാടും ഇതുതന്നെയായിരിക്കുമെന്നാണ് തന്റെ പ്രതീക്ഷ-മണി പറഞ്ഞു. ഇന്നലെ മൂന്നാര്‍ സന്ദര്‍ശിച്ച മന്ത്രിസഭാ ഉപസമിതി കണ്ണന്‍ ദേവന്‍ കമ്പനി മൂന്നാറില്‍ അനധികൃതമായി നിര്‍മിച്ചിരിക്കുന്ന രണ്ട് തടയണകള്‍ പൊളിച്ചുനീക്കുമെന്ന് അറിയിച്ചിരുന്നു. മന്ത്രിമാരായ കോടിയേരി ബാലകൃഷ്ണന്‍, കെ.പി. രാജേന്ദ്രന്‍, എ.കെ. ബാലന്‍, എം.വിജയകുമാര്‍, ബിനോയ് വിശ്വം, എന്‍.കെ. പ്രേമചന്ദ്രന്‍, പി.ജെ. ജോസഫ് എന്നിവരാണ് മന്ത്രിസഭാ തീരുമാനപ്രകാരം മൂന്നാറിലെ കൈയേറ്റങ്ങള്‍ സന്ദര്‍ശിക്കാനെത്തിയത്....."

TATA നിയമം ലംഘിച്ചു: ഉപസമിതി...ഡാംഡാം സന്ദര്‍ശിച്ചശേഷം മാധ്യമ പ്രവര്‍ത്തകരോടു സംസാരിക്കുകയായിരുന്നു സമിതി അംഗങ്ങള്‍. മന്ത്രിമാരായ കോടിയേരി ബാലകൃഷ്‌ണന്‍, കെ.പി. രാജേന്ദ്രന്‍, ബിനോയ്‌ വിശ്വം. എം. വിജയകുമാര്‍, എന്‍.കെ പ്രേമചന്ദ്രന്‍, എ.കെ. ബാലന്‍ എന്നിവരാണ്‌ ഉപസമിതി സംഘത്തിലുള്ളത്‌.കോടികള്‍ ചെലവിട്ട്‌ ടാറ്റ പണിതതിന്റെ ഉദ്ദേശം

ടാറ്റയുടെ ഡാം വനഭൂമിയില്‍: ബിനോയ് വിശ്വം

...ഡാം വനഭൂമിയിലാണെന്നു വനം മന്ത്രി ബിനോയ് വിശ്വം. പ്രായോഗികമായി†÷38;്വന്ഥണ്മ;†÷38;്വന്ഥണ്മ;ഡാം വനഭൂമിയിലാണ്. ടാറ്റ മൂന്നാറിന്‍റെ രാജാവല്ലെന്നും ബിനോയ് വിശ്വം പറഞ്ഞു. ഡാം പരിസരം വനഭൂമിയല്ലെന്ന് കഴിഞ്ഞ ദിവസം വനംവകുപ്പ് ഉദ്യോഗസ്ഥര്‍ പറഞ്ഞിരുന്നു. ഇതേക്കുറിച്ചു

കുണ്ടള ഡാമിന്റെ നദിയിലും അണകെട്ടി

...ഡാം നിര്‍മിച്ചു. ചിട്ടിവരൈയില്‍ 50 മീറ്റര്‍ വീതിയിലും 500 മീറ്റര്‍ നീളത്തിലുമാണ് അനധികൃത ഡാം പണിത് നദി സ്വന്തമാക്കിയത്. ബോട്ടിങ്ങിനാണ് ഡാം നിര്‍മിച്ചതെന്നാണ് സൂചന. ഒരു സര്‍ക്കാര്‍ വകുപ്പിന്റെയും അനുമതിയില്ലാതെയാണ് ഡാം നിര്‍മാണമെന്ന് ഇടുക്കി ജില്ലാ കലക്ടര്‍ അശോക്കുമാര്‍ സിങ് സര്‍ക്കാറിന് റിപ്പോര്‍ട്ട് നല്‍കി.വനവും നദിയും നശിപ്പിച്ച് നിര്‍മിച്ച ഡാ...

കൈയേറ്റം ഒഴിപ്പിക്കും; ഡാം പൊളിച്ചുനീക്കും-എല്‍.ഡി.എഫ്.

...ഡാം പൊളിച്ചുനീക്കണമെന്നും എല്‍.ഡി.എഫ്. നിര്‍ദേശിച്ചിട്ടുണ്ടെന്ന് കണ്‍വീനര്‍ വൈക്കം വിശ്വന്‍ പത്രസമ്മേളനത്തില്‍ അറിയിച്ചു. ഇടുക്കി ജില്ലാ കളക്ടറെ മാറ്റാന്‍ എല്‍.ഡി.എഫ്. തീരുമാനിച്ചിട്ടില്ല. കൈയേറ്റം ഒഴിപ്പിക്കുന്നതിനായി പ്രത്യേക ദൗത്യസംഘത്തെ നിയോഗിക്കുകയുമില്ല. മൂന്നാറിലെ എല്ലാ അനധികൃത കൈയേറ്റങ്ങളും ഒഴിപ്പിക്കണമെന്നുതന്നെയാണ് എല്‍.ഡി.എഫിന്റെ...

ടാറ്റയുടെ ഡാം പൊളിച്ചുനീക്കണമെന്ന്‌ സി.പി.എം‍ സെക്രട്ടേറിയറ്റ്

...ഡാം അനധികൃതമാണെന്നും അത്‌ പൊളിച്ചുനീക്കണമെന്നും സി.പി.എം സെക്രട്ടേറിയറ്റ്‌ യോഗത്തില്‍ നിര്‍ദ്ദേശം. മുന്നണിയുടെ അംഗീകാരത്തോടെയാണ്‌ ഇത്‌ നടപ്പാക്കുന്നത്‌. സര്‍ക്കാരിന്റെ അനുമതിയില്ലാതെയാണ്‌ ടാറ്റ ഡാം നിര്‍മ്മിച്ചിരിക്കുന്നത്‌. ഡാം പൊളിച്ചു മാറ്റുന്നതിന്‌ മുന്‍പ്‌ നിയമവശങ്ങള്‍ പരിശോധിക്കണം. മുന്നണിയിലെ ഘടകകക്ഷികളുമായി യോജിച്ചുവേണം മൂന്നാര്‍ കൈയേറ്...

ഉമ്മന്‍ ചാണ്ടി കണ്ടത് വന്‍കിട കൈയേറ്റങ്ങള്‍

...ഡാം നടന്നുകണ്ട അദ്ദേഹം മാധ്യമങ്ങളോട് പറഞ്ഞു. വലിയ തേക്കുമരങ്ങള്‍ പിഴുതുമാറ്റിയതും മരങ്ങള്‍ വെട്ടിനശിപ്പിച്ചതും കണ്ടു. നാല് ചോലവനങ്ങളില്‍നിന്ന് ഒഴുകിയെത്തുന്ന നാല് ചെറു നദികള്‍ തടഞ്ഞാണ് ടാറ്റ ഇവിടെ തടയണ നിര്‍മിച്ചത്.

ടാറ്റയുടെ ഡാം അനധികൃതം: മന്ത്രി ബാലന്‍

...ഡാം അനധികൃതമാണെന്ന്‌ വൈദ്യൂതി മന്ത്രി എ.കെ ബാലന്‍. ഇത്‌ പൊളിച്ചുമാറ്റുന്ന കാര്യം നിയമപരമായി ആലോചിച്ചുവരികയാണ്‌. സര്‍ക്കാര്‍ ഭൂമിയില്‍ ഇനി ടാറ്റയുടെ അഴിഞ്ഞാട്ടം അനുവദിക്കില്ല. സര്‍ക്കാര്‍ വകുപ്പുകളെ അറിയിക്കാതെയാണ്‌ ടാറ്റ ഡാം നിര്‍മ്മിച്ചിരിക്കുന്നത്‌. ഡാം ചെങ്കുളം പദ്ധതിയെ ദോഷമായി ബാധിക്കും. ഡാം നിര്‍മ്മാണത്തിലെ ശാസ്‌ത്രീയ വശങ്ങള്‍ വ്യക്‌തമല്...

ടാറ്റ പരിസ്ഥിതി ദുര്‍ബല പ്രദേശം കൈയേറിയെന്ന് കലക്ടറുടെ റിപ്പോര്‍ട്ട്; ഭൂമി തങ്ങളുടേതല്ലെന്ന് വനംവകുപ്പ്

...ഡാം നിര്‍മിച്ചത് പാരിസ്ഥിതിക ദുര്‍ബല പ്രദേശത്താണെന്ന് ഇടുക്കി ജില്ലാ കലക്ടര്‍ അശോക്കുമാര്‍ സിങ് സര്‍ക്കാറിന് ബുധനാഴ്ച റിപ്പോര്‍ട്ട് നല്‍കി. എന്നാല്‍, ഡാം നിര്‍മിച്ചത് വനഭൂമിയിലല്ലെന്നും ടാറ്റക്ക് സര്‍ക്കാര്‍ പാട്ടത്തിന് നല്‍കിയ ഭൂമിയിലാണെന്ന് വനംവകുപ്പ് സര്‍ക്കാറിനെ അറിയിച്ചു. ഇതോടെ ടാറ്റയുടെ വനഭൂമി കൈയേറ്റം വീണ്ടും വിവാദമാകുകയാണ്.

അനധികൃത ഡാം: ടാറ്റയ്‌ക്കെതിരേ കേസ്‌

മൂന്നാര്‍: കെ.ഡി.എച്ച്‌. വില്ലേജിലെ ലക്ഷ്‌മിയില്‍ സര്‍ക്കാര്‍ ഭൂമി കൈയേറി തടയണ നിര്‍മിച്ചതിന്‌ ടാറ്റാ കമ്പനിക്കെതിരേ കേസെടുക്കാന്‍ കലക്‌ടര്‍ അശോക്കുമാര്‍സിംഗ്‌ പോലീസിന്‌ രാത്രി നിര്‍ദേശം നല്‍കി. ലക്ഷ്‌മി ചമ്പക്കുളം ഭാഗത്തെ വനഭൂമി നശിപ്പിച്ച്‌ അനധികൃതമായി തടയണ നിര്‍മിക്കുന്നതായി ഇന്നലെ കലക്‌ടര്‍ നിയമസഭാ ഉപസമിതിയില്‍ റിപ്പോര്‍ട്ട്‌ ചെയ്‌തിരുന്നു....

'തടയണകള്‍ പൊളിക്കും; തടയിട്ടതു ടാറ്റയ്‌ക്കു മാത്രം: കാണേണ്ടതെല്ലാം കാണാതെ ഉപസമിതി മടങ്ങി

...മൂന്നാര്‍: മൂന്നാറില്‍ രണ്ടിടത്തു ടാറ്റ അനധികൃതമായി നിര്‍മിച്ച വന്‍തടയണകള്‍ ഉടന്‍ പൊളിച്ചുനീക്കണമെന്നു നിയമസഭാ ഉപസമിതി. ലക്ഷ്‌മിയിലെ ചമ്പക്കുളത്തും ചെണ്ടുവാരയിലെ ചിട്ടിവാര ബി.സി. ഡിവിഷനിലും ടാറ്റ നിര്‍മിച്ച തടയണകള്‍ സന്ദര്‍ശിച്ചശേഷമാണ്‌ ഏഴു മന്ത്രിമാരടങ്ങിയ ഉപസമിതി ഈ നിര്‍ദേശം പ്രഖ്യാപിച്ചത്‌. ഏറെ ആരോപണവിധേയമായ വന്‍കിട കൈയേറ്റമേഖലകളിലേക്ക്‌ എ...

മൂന്നാര്‍: തടയണകള്‍ പൊളിച്ചുനീക്കും

...മൂന്നാര്‍: കണ്ണന്‍ ദേവന്‍ കമ്പനി മൂന്നാറില്‍ നിര്‍മ്മിച്ചിരിക്കുന്ന രണ്ട് തടയണകള്‍ അനധികൃതമെന്ന് ബോധ്യപ്പെട്ടതായും അവ പൊളിച്ചുനീക്കുമെന്നും ഇവിടെ സന്ദര്‍ശനം നടത്തിയ മന്ത്രിസഭാ ഉപസമിതി അറിയിച്ചു. മന്ത്രിമാരായ കോടിയേരി ബാലകൃഷ്ണന്‍, കെ.പി. രാജേന്ദ്രന്‍, എ.കെ. ബാലന്‍, എം.വിജയകുമാര്‍, ബിനോയ് വിശ്വം, എന്‍.കെ. പ്രേമചന്ദ്രന്‍, പി.ജെ. ജോസഫ് എന്നിവരാണ് മന...

മന്ത്രിസഭാ ഉപസമിതിയുടെ മൂന്നാര്‍ സന്ദര്‍ശനം പ്രഹസനം- രമേശ്

...മൂന്നാര്‍ സന്ദര്‍ശനം പ്രഹസനമാണെന്ന് കെ.പി.സി.സി പ്രസിഡന്റ് രമേശ്‌ചെന്നിത്തല. ടാറ്റയുടെ പക്കലുള്ള ഒരുസെന്റ് ഭൂമിയെങ്കിലും പിടിച്ചെടുക്കാനുള്ള ധൈര്യം സര്‍ക്കാറിനുണ്ടോയെന്നും അദ്ദേഹം വാര്‍ത്താസമ്മേളനത്തില്‍ ചോദിച്ചു. ശനിയാഴ്ച മൂന്നാര്‍ സന്ദര്‍ശിച്ച മന്ത്രിസഭാ ഉപസമിതി പ്രധാന കൈയേറ്റപ്രദേശങ്ങളെ സന്ദര്‍ശനത്തില്‍ നിന്ന് ഒഴിവാക്കി. മുഖ്യമന്ത്രി പിടിച്ചെ...

ടാറ്റ കൈയേറിയ ഡാമുകളും വൈദ്യുതിവേലിയും പൊളിക്കണം -മന്ത്രിസഭാ ഉപസമിതി

...2010 മൂന്നാര്‍: ടാറ്റയുടെ കൈയേറ്റം മന്ത്രിസഭാ ഉപസമിതിക്ക് ബോധ്യപ്പെട്ടതായി ആഭ്യന്തര മന്ത്രി കോടിയേരി ബാലകൃഷ്ണന്‍. നിയമം ലംഘിച്ച് പുഴയും വനഭൂമിയും കൈയേറി ടാറ്റ നിര്‍മിച്ച ഡാമുകള്‍ പൊളിച്ചുമാറ്റാന്‍ ജില്ലാ കലക്ടര്‍ക്ക് നിര്‍ദേശം നല്‍കിയിട്ടുണ്ട്

വിവാദം ഭയന്ന് കൃഷി മന്ത്രി ഗുജറാത്ത് പര്യടനം ഉപേക്ഷിച്ചു

2010-01-24T03:35:00.000-08:00

എല്ലാത്തിലും രാഷ്റ്റ്രീയം കലര്‍ത്തുമ്പോഴുള്ള കുഴപ്പം - അല്ലാതെ എന്ത് പറയാന്‍! ഇതിന്‍ ആരെയാണ്‍ പഴിക്കേണ്ടത്. എല്ലാം വിവാദമാക്കുന്ന മാധ്യമങ്ങളേയോ, കലക്ക വെള്ളത്തില്‍ മീന്‍ പിടിക്കാന്‍ ശ്രമിക്കുന്ന രാഷ്റ്റ്രീയക്കാരെയോ? ഗുജറാത്തില്‍ മോഡി ഭരിക്കുന്നു എന്നത് കൊണ്ട് അവിടെ പോയാല്‍ മോഡിയുടെ ആളായിപ്പോകുമോ? ഗുജറാത്തിലെ വികസനം മാത്ര്കാപരമാണെന്ന് (അത് ശരിയാണോ അല്ലയോ എന്നത് മറ്റൊരു വിഷയം‍) പറഞ്ഞാല്‍ ബി.ജെ.പിക്കാരനാകുമോ? അതോ മോഡിക്ക് അംഗീകാരമാകുമെന്ന് കരുതിയാണോ? തെറ്റ് കണ്ടാല്‍ വിമര്‍ശിക്കുന്നെങ്കില്‍ നല്ലത് കണ്ടാല്‍ അംഗീകരിക്കുകയുമാകം. നല്ല കാര്യം എവിടെ നിന്നും പകര്‍ത്താം. വികസനത്തിന്റെ കാര്യത്തിലും നല്ല ഭരണ പരിഷ്കാര നടപടികളുടെ കാര്യത്തിലും നാം കക്ഷി രാഷ്റ്റ്രീയം വെടിയുക തന്നെ വേണം. അല്ലെങ്കില്‍ രാഷ്ട്രീയം മടുത്ത് ജനങ്ങള്‍ അരാഷ്റ്റ്രീയ വാദികളായി മാറും. അത് നമ്മുടെ രാജ്യത്തിന്റെ നിലനില്‍പ്പിന്‍ തന്നെ ഭീഷണിയാകും.

വിവാദം ഭയന്ന് കൃഷി മന്ത്രി ഗുജറാത്ത് പര്യടനം ഉപേക്ഷിച്ചു: "

Sunday, January 24, 2010

തിരുവനന്തപുരം: ഗുജറാത്ത് കാര്‍ഷിക മേഖലയിലെ വളര്‍ച്ച പഠിക്കാന്‍ കൃഷിമന്ത്രിയുടെ നേതൃത്വത്തില്‍ നടത്താനിരുന്ന സന്ദര്‍ശനം ഉപേക്ഷിച്ചു. എല്ലാ ഒരുക്കങ്ങളും പൂര്‍ത്തിയാക്കിയ ശേഷമാണ് യാത്ര ഉപേക്ഷിച്ചത്. 27 മുതല്‍ 30 വരെയാണ് ഗുജറാത്ത് സന്ദര്‍ശിക്കാന്‍ നിശ്ചയിച്ചിരുന്നത്."

എന്തിനും ഏതിനും കോടതി

2010-01-21T01:39:00.000-08:00

എന്തിനും ഏതിനും കോടതി ഇടപെടേണ്ട അവസ്തയാണ് ഇന്നു കേരളത്തില്‍. ജനങ്ങള്‍ക്ക് കോടതിയെ സമീപിക്കേണ്ട അവസ്തയും. നാടിന്റേയും നാട്ടാരുടെയും ആവശ്യങ്ങളും പ്രശ്നങ്ങളും പരിഗണിക്കാനും അവരുടെ ക്ഷേമത്തിനും വേണ്ടി പ്രവര്‍ത്തിക്കന്‍ തെരഞ്ഞെടുക്കപ്പെട്ട സര്‍ക്കാരും ജന പ്രതിനിധികളും ഒന്നും ചെയ്യുന്നില്ല എന്ന പരിതാപകരമായ അവസ്തയല്ലേ ഇത് സൂചിപ്പിക്കുന്നത്? കുറച്ച് കാലമായി ഇത് സര്‍വ്വ സാധാരണമായിരിക്കുന്ന്. ഒരു ബസ്സ് സമരത്തിന്റെ കാര്യത്തില്‍ പോലും കോടതി ഇടപെട്ടാലേ എന്തെങ്കിലും നടക്കൂ എന്നായിരിക്കുന്നു. സര്‍ക്കാര്‍ ഭൂമി കയ്യേറുന്നത് തടയണമെന്ന് ആവശ്യപ്പെട്ട് സാമൂഹ്യ പ്രവര്‍ത്തകര്‍ക്ക് കോടതിയെ സമീപിക്കേണ്ടി വരുന്നു. മകന്റെ കൊലപാതകത്തെക്കുരിച്ചുള്ള അന്വെഷണം നേരായ രീതിയിലല്ല എന്ന് പറഞ്ഞ് അച്ചനു കോടതിയെ സമീപിക്കേണ്ടി വരുന്നു. സര്‍ക്കാരും പോലീസും മുറപ്രകാരം ചെയ്യേണ്ടുന്ന കാര്യങ്ങള്‍ കോടതി ഇടപെട്ടാലും കോടതി ആവശ്യപ്പെട്ടാലും മാത്രമേ നടക്കുകയുള്ളൂ എന്നതു എവിടെയോ എന്തൊക്കെയൊ പന്തികേടുണ്ട് എന്നല്ലേ സൂചിപ്പിക്കുന്നത്.

നമ്മുടെ സര്‍ക്കാരും പോലീസും ഉദ്ധ്യോഗസ്തരും തങ്ങളുടെ കര്‍ത്തവ്യങ്ങള്‍ ഭംഗം വരുത്താതെ ചെയ്യുന്ന ഒരു നല്ല കാല്ത്തിനായി കാത്തിരിക്കുന്നു.

മൂന്നാറിലെ നിര്‍മ്മാണ പ്രവര്‍ത്തനങ്ങള്‍ നിര്‍ത്തിവെക്കണം: കോടതി:
"കൊച്ചി: ഇപ്പോള്‍ മൂന്നാറില്‍ നടക്കുന്ന എല്ലാ നിര്‍മ്മാണ പ്രവര്‍ത്തനങ്ങളും രണ്ടു മാസത്തേക്ക് നിര്‍ത്തിവെക്കണമെന്ന് ഹൈക്കോടതി ഉത്തരവിട്ടു. റവന്യൂ വകുപ്പിന്റെ നോ ഒബ്ജക്ഷന്‍ സര്‍ട്ടിഫിക്കറ്റും തദ്ദേശഭരണ സ്ഥാപനങ്ങളുടെ പെര്‍മിറ്റും ഇല്ലാത്ത എല്ലാ നിര്‍മ്മാണ പ്രവര്‍ത്തനങ്ങളും നിര്‍ത്തിവയ്ക്കാനാണ് ഉത്തരവ്. മൂന്നാര്‍ കയ്യേറ്റങ്ങള്‍ ഒഴിപ്പിക്കാന്‍ സര്‍ക്കാര്‍ നടപടി സ്വീകരിക്കുന്നില്ലെന്ന് ആരോപിച്ച് തൃശൂരിലെ വണ്‍ എര്‍ത്ത് വണ്‍ ലൈഫ് സമര്‍പ്പിച്ച ഹര്‍ജിയിലാണ് ചീഫ് ജസ്റ്റിസ് എസ്.ആര്‍.ബന്നൂര്‍മഠ്, ജസ്റ്റിസ് തോട്ടത്തില്‍ രാധാകൃഷ്ണന്‍ എന്നിവരടങ്ങുന്ന ഡിവിഷന്‍ ബഞ്ചിന്റെ ഉത്തരവ്. മൂന്നാറിലെ കയ്യേറ്റം ഒഴിപ്പിക്കാന്‍ സര്‍ക്കാര്‍ കടുത്ത നടപടി സ്വീകരിക്കണമെന്നും അനധികൃത നിര്‍മ്മാണ പ്രവര്‍ത്തനങ്ങള്‍ക്ക് കൂട്ടുനിന്ന ഉദ്യോഗസ്ഥര്‍ അടക്കമുള്ളവര്‍ക്കെതിരെ കര്‍ശന നടപടി സ്വീകരിക്കാനും കോടതി സര്‍ക്കാരിനോട് നിര്‍ദ്ദേശിച്ചു. ഉദ്യോഗസ്ഥര്‍ക്കെതിരെ സ്വീകരിച്ച നടപടികള്‍ നാലാഴ്ചയ്ക്കകം കോടതിയെ അറിയിക്കണമെന്നും....
"

സഹായിക്കുന്നത് റിലയന്‍സിനെ- മന്ത്രി ദിവാകരന്‍

2010-01-20T19:16:00.000-08:00

കണ്ടതിനും പിടിച്ചതിനും ബഹുരാഷ്റ്റ്ര കുത്തകകളെ എടുത്തിടുന്ന സ്വഭാവം മാറ്റാന്‍ സമയമായില്ലേ! സപ്ലൈക്കൊയും മാവേലി സ്റ്റോറുകളും സ്താപിച്ചത് സര്‍ക്കാരിന്റെ ലാഭം വര്‍ദ്ധിപ്പിക്കുവാനാണോ അതോ സാധാരണക്കാര്‍ക്ക് കുറഞ്ഞ വിലക്ക് സാധനങ്ങള്‍ ല്‍ഭ്യമാക്കുവാനും അത് വഴി പിപ്പണിയിലെ വിലക്കയറ്റം പിടിച്ച് നിര്‍ത്താനും വേണ്ടിയാണോ?

സഹായിക്കുന്നത് റിലയന്‍സിനെ- മന്ത്രി ദിവാകരന്‍:
"ന്യൂഡല്‍ഹി: കേന്ദ്ര സര്‍ക്കാര്‍ അനുവദിച്ച കടല ഇരട്ടി വിലയ്ക്ക് മറിച്ചു വിറ്റുവെന്ന ആരോപണമുന്നയിക്കുന്നവര്‍ സഹായിക്കുന്നത് റിലയന്‍സിനേയും അതുപോലുള്ള ബഹുരാഷ്ട്ര ദേശീയ കുത്തകകളെയുമാണെന്ന് സംസ്ഥാന പൊതുവിതരണ വകുപ്പ് മന്ത്രി സി.ദിവാകരന്‍ ആരോപിച്ചു. എന്നാല്‍ കേന്ദ്രം നല്‍കിയ കടല ഏകദേശം ഇരട്ടി വിലയ്ക്കാണ് സപ്ലൈകോ സൂപ്പര്‍മാര്‍ക്കറ്റുകളും മാവേലിസ്റ്റോറുകളും വഴി വില്‍ക്കുന്നതെന്ന ആരോപണം മന്ത്രി നിഷേധിച്ചില്ല. ഇക്കാര്യത്തെ കുറിച്ച് കേരളത്തില്‍ തിരിച്ചെത്തിയാലുടന്‍ അന്വേഷണം നടത്തുമെന്നും അദ്ദേഹം പറഞ്ഞു. ഗുണനിലവാരം സൂക്ഷിച്ചുകൊണ്ടു തന്നെയാണ് റിലയന്‍സ്, ബിഗ്ബസാര്‍, വാള്‍മാര്‍ട്ട് തുടങ്ങിയ ദേശീയ-ബഹുരാഷ്ട്ര കുത്തകകളോട് പൊരുതി സപ്ലൈകോ പിടിച്ചുനില്‍ക്കുന്നത്. ഇതിനെ പ്രോത്സാഹിപ്പിക്കുയാണ് വേണ്ടത്. സപ്ലൈകോവിന് ലഭിക്കുന്ന ലാഭം സംസ്ഥാന സര്‍ക്കാരിന്റെ ഖജനാവിലേക്കാണ് പോകുന്നത്; സ്വകാര്യ വ്യക്തികളുടെ പോക്കറ്റിലേക്കല്ല- മന്ത്രി വിശദീകരിച്ചു. സപ്ലൈകോ എം.ഡി. യോഗേഷ് ഗുപ്തയും പത്രസമ്മേളനത്തില്‍ പങ്കെടുത്തു.....
"

ഗുജറാത്ത് കലാപം: മോഡിയുടെ പ്രസംഗം ഹാജരാക്കാന്‍ ഉത്തരവ്‌

2010-01-19T20:18:00.000-08:00

ജനാധിപത്യത്തിലും മതേതരത്തിലും വിശ്വസിക്കുന്നവര്‍ക്ക് ഇവിടെ അല്പമെങ്കിലും പ്രതീക്ഷകള്‍ നല്‍കുന്നത് കോടതികളാണ്. ഇന്ത്യയൂടെ അടിസ്താന തത്വങ്ങള്‍ക്കും സുരക്ഷയ്ക്കും ഭീഷണിയാകുന്ന കേസുകളിലെങ്കിലും അന്വെഷണവും തീര്‍പ്പു കല്‍പ്പിക്കലും വേഗത്തിലാക്കുകയാണെങ്കില്‍ ഇത്തരം കാര്യങ്ങള്‍ ആവര്‍ത്തിക്കുന്നതില്‍ കുറവ് വരുത്തുവാനും ഇന്ത്യയുടെ ജനാധിപത്യ മതെതര തത്വങ്ങളില്‍ വിശ്വാസ്യത വളര്‍ത്തുവാനും ഉപകരിക്കുമെന്നതില്‍ സംശയമില്ല.

ഗുജറാത്ത് കലാപം: മോഡിയുടെ പ്രസംഗം ഹാജരാക്കാന്‍ ഉത്തരവ്‌:
"ന്യൂഡല്‍ഹി: ഗുജറാത്ത് മുഖ്യമന്ത്രി നരേന്ദ്ര മോഡിയുടെ പ്രകോപനപ്രസംഗത്തിന്റെ പകര്‍പ്പും ഗുജറാത്ത് കലാപവുമായി ബന്ധപ്പെട്ട മറ്റു രേഖകളും പ്രത്യേക അന്വേഷണസംഘത്തിന്(എസ്.ഐ.ടി.) കൈമാറാന്‍ സുപ്രീംകോടതി സംസ്ഥാന സര്‍ക്കാരിനോടാവശ്യപ്പെട്ടു. എസ്.ഐ.ടി.യുടെ ആവശ്യത്തെ എതിര്‍ത്ത് കേസന്വേഷണത്തിന് ഈ രേഖകള്‍ ആവശ്യമില്ലെന്ന്‌സര്‍ക്കാര്‍ കോടതിയില്‍ വാദിച്ചിരുന്നു. ജസ്റ്റിസ് ഡി.കെ. ജെയിനിന്റെ ബെഞ്ച് ആ വാദം തള്ളി. പലതവണ അഭ്യര്‍ഥിച്ചിട്ടും കേസന്വേഷണത്തിനാവശ്യമായ രേഖകള്‍ സംസ്ഥാന സര്‍ക്കാര്‍ നല്‍കിയില്ലെന്ന് ഗുജറാത്ത് കലാപം അന്വേഷിക്കുന്ന എസ്.ഐ.ടി. ബോധിപ്പിച്ചിരുന്നു. കലാപത്തെക്കുറിച്ച് നല്‍കിയ ഇടക്കാല റിപ്പോര്‍ട്ടിലാണ് എസ്.ഐ.ടി. ഇക്കാര്യം ചൂണ്ടിക്കാട്ടിയത്. ഗോധ്ര സംഭവത്തിനുശേഷം 2000 സപ്തംബറില്‍ നരേന്ദ്രമോഡി നടത്തിയ പ്രകോപനപരമായ പ്രസംഗത്തിന്റെ പകര്‍പ്പും അവര്‍ ആവശ്യപ്പെട്ട രേഖകളുടെ കൂട്ടത്തിലുണ്ടായിരുന്നു. സി.ബി.ഐ.യുടെ മുന്‍ ഡയറക്ടര്‍ ആര്‍.കെ. രാഘവനാണ് അന്വേഷണസംഘത്തിന്റെ തലവന്‍. മുഖ്യമന്ത്രിയുടെ പ്രസംഗത്തിന് കേസന്വേഷണത്തില്‍...."

സ്വയരക്ഷയ്ക്കായി കൊലപാതകം ആവാം-സുപ്രീംകോടതി

2010-01-17T19:35:00.000-08:00

സ്വയരക്ഷയ്ക്കായി കൊലപാതകം ആവാം-സുപ്രീംകോടതി: "ന്യൂഡല്‍ഹി: ആത്മരക്ഷയ്ക്കായി അക്രമിയെ കൊല്ലാനുള്ള അവകാശം വ്യക്തികള്‍ക്കുണ്ടെന്ന് സുപ്രീംകോടതി വ്യക്തമാക്കി. ആത്മരക്ഷയ്ക്കായി ചെയ്യുന്ന കൊലപാതകം കരുതിക്കൂട്ടി ചെയ്യുന്ന കൊലപാതകത്തോളം വരില്ല. ജീവന്‍ ഭീഷണിയിലായിരിക്കെ പിന്തിരിഞ്ഞോടുന്നതിനേക്കാള്‍ ധീരതയോടെ നേരിടുന്നതാണ് പൗരന്മാര്‍ക്ക് അഭികാമ്യം- സുപ്രീംകോടതി പറഞ്ഞു. ആത്മരക്ഷാര്‍ഥം കൊലപാതകം നടത്തേണ്ടിവന്ന പഞ്ചാബ് സ്വദേശിയെ വെറുതെവിട്ടുകൊണ്ടാണ് ജസ്റ്റിസുമാരായ ദല്‍വീര്‍ ഭണ്ഡാരിയും അശോക്കുമാറും ഇങ്ങനെ അഭിപ്രായപ്പെട്ടത്. സ്വയംരക്ഷയ്ക്കുള്ള അവകാശം ഓരോ പൗരനുമുണ്ട്. എന്നാല്‍ അത് നിശ്ചിതപരിധിക്കുള്ളിലായിരിക്കണമെന്നുമാത്രം- കോടതി പറഞ്ഞു. സ്ഥലത്തര്‍ക്കത്തിനിടെ അമ്മാവനെ കൊല്ലേണ്ടിവന്ന ലുധിയാന സ്വദേശി ദര്‍ശന്‍സിങ്ങിനെയാണ് കോടതി വെറുതെ വിട്ടത്. സെഷന്‍സ് കോടതി വെറുതെവിട്ട ദര്‍ശന്‍സിങ്ങിനെ ഹൈക്കോടതി ജീവപര്യന്തം ശിക്ഷിച്ചു. ഈ വിധക്കെതിരെയാണ് ദര്‍ശന്‍സിങ് സുപ്രീംകോടതിയെ സമീപിച്ചത്."

പ്രതികരണവും ആക്രമണവും

2009-02-01T04:17:00.000-08:00

പബ് സംസ്കാരത്തിനെതിരെയുള്ള പ്രതിഷേധം ശ്രീ രാമ സേനയുടെയും പ്രമോദ് മുത്തലിക്കിന്റെയും സ്റ്റൈല്‍ ആകുമ്പോള്‍ തെറ്റ് തന്നെ. പക്ഷെ മാന്ഗ്ലൂരിലെ പബ് ആക്രമണത്തെ മുന്‍ നിര്‍ത്തി പബ് സംസ്കാരത്തെ എതിര്‍ക്കുന്നവരെയെല്ലാം ശ്രീ രാമ സേനയുടെയും പ്രമോദ് മുത്തലിക്കിന്റെയും ഗണത്തില്‍ പെടുത്തുന്നത് അഭിലഷണീയമല്ല. പബ് സംസ്കാരത്തിനെതിരെ സംസാരിച്ച യെദിയൂരപ്പയെയുമ് രാജസ്താന് മുഖ്യമന്ത്രി അശോക് ഗെഹ്ലോത്തിനെയും കുറിച്ചു മിക്ക ദേശീയ പത്രങ്ങളും വാര്‍ത്ത നല്കിയത് ഇത്തരത്തിലായിരുന്നു എന്നത് ഖേദകരമാണ്.

Ashok Gehlot too sounds like a Sri Ram Sene activist- Politics/Nation-News-The
Economic Times :

"The Congress will have to set its house in order first before casting the first
stone against Karnataka chief minister B S Yeddyurappa. Even as it blames the
BJP government in Karnataka for failing to stop Sri Ram Sene activists from
attacking a pub in Mangalore, its Rajasthan chief minister, Mr Ashok Gehlot, is
personally initiating action against ‘pub culture’ in the state. “The state
government would take some tough decisions to stop the culture of boys and girls
going hand-in-hand to pubs and malls for drinking,” declared Mr Gehlot"

പാര്‍ട്ടി സെക്രട്ടറിയുടെ രാജി

2009-01-26T19:18:00.000-08:00

ഒരു പാര്‍ട്ടിയുടെ സെക്രട്ടറി രാജി വെക്കണമെന്ന് പറയാന്‍ മറ്റു പാര്‍ട്ടിക്കാര്‍ക്ക് എന്ത് അവകാശം? അത് തീര്‍ച്ചയായും അതതു പാര്‍ട്ടികളുടെ ആഭ്യന്തര കാര്യമാണ്. പക്ഷെ പാര്‍ട്ടികള്‍ അവരുടെ ആഭ്യന്തര കാര്യം എങ്ങിനെ കൈകാര്യം ചെയ്യുന്നു എന്നതും പൊതു ജനങ്ങള്‍ വിലയിരുത്തും, വിലയിരുത്തണം. ജനങ്ങള്‍ തങ്ങളെ എങ്ങിനെ കാണണം എന്ന് അതതു പാര്‍ട്ടികള്‍ തന്നെ തീരുമാനിക്കാട്ടെ.

അഭയയും ലാവ്ലിനും

2009-01-25T03:43:00.000-08:00

അഭയ കേസില്‍ പ്രതി ചെര്‍ക്കാപ്പെട്ടവരെ ന്യായീകരിക്കുവാനുമ് സംരക്ഷിക്കുവാനും സഭ നേരിട്ടു മുന്നിട്ടിരങ്ങിയപ്പോള്‍ അത് ഒരു ശരിയായ നടപടിയല്ല എന്ന് എനിക്ക് തോന്നിയിട്ടുണ്ട്. കാരണം അവര്‍ പ്രതി ചെര്‍ക്കപ്പെട്ടിരിക്കുന്നത് സഭ പ്രതിനിധാനം ചെയ്യുന്ന മത-രാഷ്ട്രീയ പ്രശ്നവുമായി ബന്ധപ്പെട്ട ഒരു കേസിലല്ല. മറിച്ചു അതിന്റെ അധ്യാപനത്തിനെതിരായ ഒരു അധാര്‍മിക പ്രവര്‍ത്തനത്തിന്റെ പേരിലാണ്.

ലാവ്ലിന്‍ കേസില്‍ പിണറായിയെ സരംക്ഷിക്കുവാന്‍ തീരുമാനിച്ച സി. പി. എം ആവര്‍ത്ത്തിക്കുന്നതും അതേ തെറ്റ് തന്നെ.