பயணங்கள் Payanangal

சில்லறை வணிகத்தில் அந்நிய முதலீடு : வேண்டுமா, வேண்டாமா : பகுதி 1

2011-12-01T05:41:00.014+05:30

சில்லறை வணிகத்தில் அந்நிய முதலீடு : வேண்டுமா, வேண்டாமா என்பது குறித்து விவாதம் நடந்து வருகிறது

இரு சாராரும் கடுமையாக வாதிட்டு வருகிறார்கள்

அதில் பல முக்கிய விஷயங்கள் விடுபடுவதாகவும், ஒரு சில விஷயங்கள் தவறாகவும் இருப்பதாக எனக்கு தோன்றுகிறது

எனவே இந்த இடுகைத்தொகுப்பு

-oOo-

முதலில் சில அடிப்படை விஷயங்களை நினைவுபடுத்துவோம்

-oOo-

தாராளமயமாக்கல், உலகமயமாக்கல், தனியார்மயமாக்கல் ஆகிய மூன்று சொற்களும் அடிக்கடி குழப்பப்படுகின்றன. இவை ஒன்றோடு ஒன்று தொடர்புள்ளவை என்றாலும் கூட ஒரே பொருள் தருபவை அல்ல

தாராளமயமாக்கம் (liberalisation) என்றால் அரசின் சட்ட திட்டங்களை தளர்த்துவது. (மிக மிக சுருக்கமான விளக்கம் இது. முற்றிலும் சரியான விளக்கமாக இருக்க வேண்டும் என்று அவசியமில்லை)
உலகமயமாக்கம் என்றால் ஒரு நாட்டு நிறுவனம் அடுத்த நாட்டில் வியாபாரம் செய்ய அனுமதி (மிக மிக சுருக்கமான விளக்கம் இது. முற்றிலும் சரியான விளக்கமாக இருக்க வேண்டும் என்று அவசியமில்லை) உதாரணமாக இன்பொசிஸ் அமெரிக்காவின் மென்பொருள் விற்கலாம். ஆப்பிள் இந்தியாவில் ஐபோன் விற்கலாம்
தனியார்மயமாக்கம் என்றால் அரசு செய்த ஒரு வியாபாரம் அல்லது சேவை தனியார் வசம் வருவது (மிக மிக சுருக்கமான விளக்கம் இது. முற்றிலும் சரியான விளக்கமாக இருக்க வேண்டும் என்று அவசியமில்லை) : உதாரணம் அரசு மட்டுமே அளித்து வந்த விமான சேவை தனியாரும் அளிக்க ஆரம்பித்தது . . . இதற்கு நேர் எதிர் அரசுடமை. தனியாரிடம் இருந்த வங்கி, பேரூந்து ஆகியவற்றை அரசு வாங்கியது அரசுடைமை (தற்போதைய உதாரணம் - டாஸ்மாக் !!)

-oOo-

சில்லறை வணிகத்தில் அந்நிய முதலீடு என்பதில் இந்த மூன்றும் உள்ளன

-oOo-

தனக்கு தேவையான உணவு மற்றும் உடைகளை ஒரு மனிதன் தானாகவே வேட்டையாடி உண்ணும் வரை பணம் என்பதே தேவையில்லாமல் இருந்தது

ஆனால்

ஒருவர் வேட்டையாட, விவசாயம் செய்ய, ஒருவர் உடை தயாரிக்க, என்று பரிவர்த்தனை செய்ய மாறியவுடன் பணம் தேவைப்பட்டது

-oOo-

ஒருவருக்கு ஒரு பொருள் தேவைப்படுகிறது (உதாரணம் அரிசி)
அதை மற்றொருவர் உற்பத்தி செய்து வைத்திருக்கிறார்

இவர் அவரிடம் இருந்து பணம் செலுத்தி வாங்குகிறார்

இது ஒரு பரிவர்த்தனை

-oOo-

ஒருவருக்கு ஒரு சேவை தேவைப்படுகிறது (உதாரணம் கல்வி)
அதை மற்றொருவரால் அளிக்க முடியும்

இவர் அவரிடம் இருந்து பணம் செலுத்தி சேவையை பெறுகிறார்க

இது ஒரு பரிவர்த்தனை

-oOo-

எனவே பரிவர்த்தனை என்பதில்

ஒரு விற்பவர் அல்லது சேவை அளிப்பவர்
ஒரு வாங்குபவர் அல்லது சேவை பெறுபவர் என்று இரு நபர்கள் உள்ளனர்
அதில் பணம் கைமாறுகிறது

இதில் நீங்கள் கவனிக்க வேண்டிய விஷயம்

பணம் எப்பொழுதுமே

வாங்குபவரிடமிருந்து அல்லது சேவை பெறுபவரிடமிருந்து
விற்பவருக்கு அல்லது சேவை அளிப்பவருக்கு கைமாறும்

-oOo-

ஒரு பரிவர்த்தனை முடிந்தால்

வாங்குபவர் அல்லது சேவை பெறுபவர் ஏழை ஆவார். (பொருள் இருக்கும், பணம் குறைந்து விடும்)
விற்பவர் அல்லது சேவை அளிப்பவர் பணக்காரர் ஆவர் (பொருள் இருக்காது. ஆனால் அதிகம் பணம் இருக்கும்)

-oOo-

விற்பவருக்கு வேறு ஒரு பொருள் தேவைப்படலாம். அவர் அடுத்த பரிவர்த்தனை செய்யலாம்
இம்முறை அவர் பொருள் வாங்குபவர் ஆகிறார்
மற்றொருவர் விற்கிறார்

இந்த முறையும்
வாங்குபவர் அல்லது சேவை பெறுபவர் ஏழை ஆவார்
விற்பவர் அல்லது சேவை அளிப்பவர் பணக்காரர் ஆவர்

-oOo-

இதிலிருந்து அறிந்து கொள்ள வேண்டிய விஷயம்

எதையும் வாங்காமல் நீங்கள் தயாரித்த / உற்பத்தி செய்த பொருட்களை விற்றுக்கொண்டு மட்டுமிருந்தால் பணக்காரர் ஆகிவிடுவீர்கள்
எதையும் விற்காமல் நீங்கள் பொருட்களை வாங்கிக்கொண்டு மட்டுமிருந்தால் ஏழை ஆகிவிடுவீர்கள்

அல்லது

சேவை எதுவும் பெறாமல் நீங்கள் சேவை அளிப்பவராக மட்டும் இருந்தால் நீங்கள் பணக்காரர் ஆகிவிடுவீர்கள்
சேவை அதுவும் அளிக்காமல், நீங்கள் சேவை பெறுபவராக மட்டும் இருந்தால் நீங்கள் ஏழை ஆகிவிடுவீர்கள்

இதையே மேலும் விரிவாக பார்க்கலாம்

-oOo-

நீங்கள் பெற்ற சேவை, வாங்கிய பொருட்களின் மதிப்பை விட நீங்கள் அளிக்கும் சேவை, உற்பத்தி செய்து விற்கும் பொருட்களின் மதிப்பு அதிகமாக இருந்தால் நீங்கள் பணக்காரர் ஆகிவிடுவீர்கள்
நீங்கள் பெற்ற சேவை, வாங்கிய பொருட்களின் மதிப்பை விட நீங்கள் அளிக்கும் சேவை, உற்பத்தி செய்துவிற்கும் பொருட்களின் மதிப்பு குறைவாக நீங்கள் பணக்காரர் ஆகிவிடுவீர்கள்

-oOo-

தனிநபர் என்பதை விட்டு விட்டு ஒரு குடும்பமாக பார்க்கலாம்

அந்த குடும்பம் (அனைத்து உறுப்பினர்களும் சேர்த்து) பெற்ற சேவை, வாங்கிய பொருட்களின் மதிப்பை விட அவர்கள் (அனைத்து உறுப்பினர்களும் சேர்த்து) அளிக்கும் சேவை, உற்பத்தி செய்து விற்கும் பொருட்களின் மதிப்பு அதிகமாக இருந்தால் அவர்கள் பணக்காரர் ஆகிவிடுவா ர்கள்
அந்த குடும்பம் (அனைத்து உறுப்பினர்களும் சேர்த்து) பெற்ற சேவை, வாங்கிய பொருட்களின் மதிப்பை விட அவர்கள் (அனைத்து உறுப்பினர்களும் சேர்த்து) அளிக்கும் சேவை, உற்பத்தி செய்து விற்கும் பொருட்களின் மதிப்பு குறைவாக இருந்தால் அவர்கள் ஏழையாகி ஆகிவிடுவா ர்கள்

சரி

பொருட்கள் என்றால் என்ன / அவர் எதை விற்கிறார் என்றால்

ஒன்று, அவராக உற்பத்தி செய்த அரிசி, அல்லது உடை போன்றவற்றை விற்கலாம்
அல்லது , அவரது பரம்பரை பொருட்களை விற்கலாம்

இதிலிருந்து நாம் மீண்டும் உறுதிப்படுத்த வேண்டிய விஷயம்

ஒரு குடும்பம் தனது செலவுகளுக்கு (அதாவது வாங்கும் பொருட்கள் + பெறப்படும் சேவைகளுக்கு) ஏற்ற அளவு அல்லது அதை விட அதிகமாக சம்பாதிக்க வேண்டும். இல்லையேல் சில நாட்களில் பொருளாதார நெருக்கடியில் சிக்கிக்கொள்ளும்
அல்லது அந்த குடும்பத்திற்கு பரம்பரை சொத்து இருக்கிறது என்று வைத்துக்கொள்ளுங்கள். அவர்கள் வேலை செய்யாமல் கூட அந்த பரம்பரை சொத்தை விற்று காலத்தை ஓட்டலாம்ம்

அப்படி என்றால்

இருக்கும் பரம்பரை சொத்துக்களை விற்றாலோ, அல்லது தான் உற்பத்தி செய்த பொருட்களை விற்றாலோ, அல்லது தான் அளிக்கும் சேவைக்கோ கிடைக்கும் பணமானது, அவர்கள் பொருட்களை வாங்குவதற்கான செலவு மற்றும் பெற்ற சேவைக்கான செவலை விட குறைவு என்றால் அந்த குடும்பத்தின் நிதிநிலைமை அதிகரிக்கும்
இருக்கும் பரம்பரை சொத்துக்களை விற்றாலோ, அல்லது தான் உற்பத்தி செய்த பொருட்களை விற்றாலோ, அல்லது தான் அளிக்கும் சேவைக்கோ கிடைக்கும் பணமானது, அவர்கள் பொருட்களை வாங்குவதற்கான செலவு மற்றும் பெற்ற சேவைக்கான செவலை விட அதிகம் என்றால் அந்த குடும்பத்தின் நிதிநிலைமை குறையும்

இந்த கணக்கை அப்படியே ஒரு ஊருக்கு பொருத்தி பார்க்கலாம்

அதன் பிறகு அப்படியே ஒரு நாட்டிற்கும் பொருத்தி பார்க்கலாம்

ஒரு நாட்டின் பொருளாதாரம் என்பது அவர்களின் வரவு - செலவு சார்ந்தது

வரவு என்றால் (இந்த இடத்தில் வரவு என்ற சொல்லை பயன்படுத்தும் அர்த்தம் வேறு. பொதுவாக பொருளாதார துறையிலோ, நிதித்துறையிலோ பயன்படுத்தும் அர்த்தம் வேறு)

அங்குள்ள பரம்பரை சொத்து, அதாவது இயற்கை வளங்கள் (கச்சா எண்ணை, கிராணைட், ஆற்று மண் !!!, நீர், கனிமங்கள் போன்றவை), அடுத்தவருக்கு விற்கப்படுவதால் வரும் பணம்
அந்த நாட்டு மக்கள் சில பொருட்களை உற்பத்தி செய்து அடுத்தவருக்கு விற்பதால் கிடைக்கும் பணம்
அந்த நாட்டு மக்கள் சில சேவைகளை அடுத்தவருக்கு அளிப்பதால் கிடைக்கும் பணம்

செலவு என்றால் (இந்த இடத்தில் செலவு என்ற சொல்லை பயன்படுத்தும் அர்த்தம் வேறு. பொதுவாக பொருளாதார துறையிலோ, நிதித்துறையிலோ பயன்படுத்தும் அர்த்தம் வேறு)

அந்த நாட்டு மக்கள் சில பொருட்களை அடுத்தவரிடமிருந்து வாங்குவதால் செலவழியும் பணம்
அந்த நாட்டு மக்கள் சில சேவைகளை அடுத்தவரிடம் இருந்து பெறுவதால் கிடைக்கும் பணம்

அப்படி என்றால் ஒரு நாட்டின் பொருளாதாரம் எப்பொழுது முன்னேறும் / சிறப்படையும் / மேல் நோக்கி செல்லும்

அந்த நாட்டு மக்கள் அடுத்த நாட்டு மக்களுக்கு விற்கும் பொருள் (பரம்பரை + உற்பத்தி) மற்றும் அளிக்கும் சேவைக்கு அவர்கள் அடுத்த நாட்டினரிடம் இருந்து பெறும் பணமானது, அவர்கள் அடுத்த நாட்டில் இருந்து வாங்கும் பொருட்கள் மற்றும் பெறும் சேவைகள் ஆகியவற்றிற்கு செலவழியும் பணத்தை விட அதிகம் இருந்தால், அந்த நாட்டின் பொருளாதாரம் படிப்படியாக முன்னேறும்

அப்படி என்றால் ஒரு நாட்டின் பொருளாதாரம் எப்பொழுது சீரழியும் / வீழ்ச்சி அடையும் / கீழ் நோக்கி செல்லும்

அந்த நாட்டு மக்கள் அடுத்த நாட்டு மக்களுக்கு விற்கும் பொருள் (பரம்பரை + உற்பத்தி) மற்றும் அளிக்கும் சேவைக்கு அவர்கள் அடுத்த நாட்டினரிடம் இருந்து பெறும் பணமானது, அவர்கள் அடுத்த நாட்டில் இருந்து வாங்கும் பொருட்கள் மற்றும் பெறும் சேவைகள் ஆகியவற்றிற்கு செலவழியும் பணத்தை விட குறைவாக இருந்தால், அந்த நாட்டின் பொருளாதாரம் படிப்படியாக கீழ் நோக்கி செல்லும்

சில உதாரணங்களை பார்க்கலாம்

சவுதி அரேபியா, இந்தியாவிற்கு கச்சா எண்ணை விற்றால் இந்த பரிவர்த்தணை மூலம்

அரபு தேசத்தின் பொருளாதாரம் வளரும்
இந்திய தேசத்தின் பொருளாதாரம் வீழும்

இந்தியா, சவுதி அரேபியாவிற்கு மாருதி சீருந்துகளை விற்றால் இந்த பரிவர்த்தணை மூலம்

அரபு தேசத்தின் பொருளாதாரம் வீழும்
இந்தியாவின் பொருளாதாரம் வளரும்

சவுதி அரேபியா இந்தியாவிற்கு விற்கும் கச்சா எண்ணையின் விலையும், இந்தியா சவுதி அரேபியாவிற்கு விற்கும் மாருதி சீரூ ந்துகளின் அளவும் ஒன்று போலிருந்தால், இந்த பரிவர்த்தணை மூலம்

இரு நாடுகளின் பொருளாதாரத்திலும் எந்த மாற்றமும் வராது

இந்திய மென்பொருள் நிறுவனங்கள் (உதாரணம் - இன்பொசிஸ், டி.சி.எஸ் ஆகியவை) அமெரிக்க மக்கள் / நிறுவனங்களுக்கு மென்பொருள் அளித்தால், அந்த பரிவர்த்தனை மூலம்

இந்திய பொருளாதாரம் வளரும்
அமெரிக்க பொருளாதாரம் வீழும்

அமெரிக்க நிறுவனமான ஆப்பிள், இந்திய மக்களிடம் ஐபோன் (ஐபோன் என்பது ஒரு உதாரணம் மட்டுமே) விற்றால், அந்த பரிவர்த்தனை மூலம்

இந்திய பொருளாதாரம் வீழும்
அமெரிக்க பொருளாதாரம் அமெரிக்க பொருளாதாரம்

-oOo-

ஆண்டின் இறுதியில், அல்லது பத்தாண்டுகளின் இறுதியில், ஒரு நாட்டின் பொருளாதாரம் நன்றாக இருக்கிறது என்றால்

அந்த நாடு, அடுத்தவரிடம் இருந்து வாங்கிய (பொருள்+சேவை) யைவிட அதிக மதிப்பிற்கு அடுத்தவருக்கு (பொருள் + சேவை) அளித்திருக்க வேண்டும்

-oOo-

சில்லறை வணிகத்தில் அந்நிய முதலீடு - வேண்டுமா, வேண்டாமா ? அது நல்லதா கெட்டதா என்ற கேள்விக்கான பதில் நபருக்கு நபர் மாறுபடும்

அது உங்களுக்கு நல்லதாக இருக்கலாம்

எனக்கு கெட்டதாக இருக்கலாம்

இந்த இடுகைத்தொடரின் நோக்கம் - சில்லறை வணிகத்தில் அந்நிய முதலீடு நல்லது என்றோ கெட்டது நிறுவுவது அல்ல

இந்த இடுகைத்தொடரின் நோக்கம், இது குறித்த அடிப்படை விபரங்களை சரியான தரவுகளை உங்களுக்கு தருவதே . . . அதை வைத்து சில்லறை வணிகத்தில் அந்நிய முதலீடு உங்களுக்கு நல்லதா, கெட்டதா என்று நீங்களே முடிவு செய்து கொள்ளுங்கள் !!

-oOo-

முதலில் சில்லறை வணிகத்திற்கு ஆதரவாக இங்கு வைக்கப்படும் கருத்துக்களை ஒவ்வொன்றாக பார்ப்போம்

-oOo-

1. 1990களுக்கு பின் இந்திய பொருளாதாரம் வளர காரணம் தாராளமயமாக்கம், உலகமயமாக்கம், தனியார்மயமாக்கமே !! எப்படி மென்பொருள் துறை தாராளமயமாக்கப்பட்ட, உலகமயமாக்க ப்பட்ட, தனியார்மயமாக்கப்பட்டவுடன் இந்திய பொருளாதாரம் முன்னேறியதோ, அதே போல் சில்லறை வணிகத்தின் அந்நிய முதலீடு வந்தவுடன், அதே போன்ற முன்னேற்றம் இருக்கும்

இதில் பாதி உண்மை இருந்தாலும், மீதி வடிகட்டிய பொய் !!

இதை பொத்தாம் பொதுவாக சொல்பவர் ஒன்று பொருளாதார அடிப்படை தெரியாத முட்டாளாக இருக்கவேண்டும், அல்லது தெரிந்தும் உங்களை ஏமாற்ற முயல்பவராக இருக்க வேண்டும்

1990களின் நமக்கு பணம் வந்த முக்கிய துறைகள் : மென்பொருள் துறை, மற்றும் business process outsourcing

இவை இரண்டிலும் நாம் விற்பவர், அமெரிக்கா வாங்குபவர்
அதாவது நாம் வியாபாரி, அவர்கள் வாடிக்கையாளர்கள்
அதாவது நாம் முதல் போட்டோம், லாபம் எடுத்தோம்
எனவே நமக்கு பணம் வந்தது

ஆனால்

சில்லறை வணிகத்தில் அந்நிய முதலீடு என்பதில்

அவர்கள் வியாபாரிகள், நாம் வாடிக்கையாளர்கள்
அவர்கள் முதல் போடப்போகிறார்கள் (அது தான் அந்நிய முதலீடு),
அவர்களுக்கு லாபம் வரும்
இதில் நம் பணம் அமெரிக்காவிற்கு செல்லுமே தவிர, மென்பொருள் துறையில் நடந்தது போல் அங்குள்ள பணம் இங்கு வராது

இதை மீண்டும் ஒரு முறை படித்து பார்த்து தெளிவு பெற்றுக்கொள்ளுங்கள்

அடுத்த முறை யாராவது, மென்பொருள் துறையை உலகமயமாக்கியவுடன் பெங்களூர் கலிபோர்னியாவாக மாறிவிட்டதை போல் சில்லறை வணிகத்தில் அந்நிய முதலீடு வந்தால் புதுக்கோட்டை டெக்சாஸ் ஆகும் என்றால் நம்பாதீர்கள் . . .இந்த வியாபாரத்தில் நாம் வாடிக்கையாளர்கள். அந்த நிறுவனம் நஷ்டப்பட்டாம் மட்டுமே நமக்கு லாபம். அவர்களுக்கு லாபம் கிடைத்தால் புதுக்கோட்டை டெக்சாஸ் ஆகாது . . . . எனக்கு தெரிந்து சோமாலியாவாகத்தான் வாய்ப்பு உள்ளது . . .

-oOo-

2. உலகமயமாக்கம் என்பது காலத்தின் கட்டா யம்

இந்த அளவு உண்மை

உலகமயமாக்கம் என்பது காலத்தின் கட்டாயம் அதை மறுக்க முடியாது

-oOo-

3. நம் நிறுவனங்கள் அமெரிக்காவின் வியாபாரம் செய்கிறார்கள். உலகமயமாக்கம் வேண்டாம் என்றால் அவர்களை திரும்பி வரச்சொல்லவேண்டுமே

நான் ஏற்கனவே சொல்லிவிட்டேனே

இந்திய நிறுவனம் அமெரிக்க வாடிக்கையாளர் என்றால் எனக்கு முழு சந்தோஷமே

என் பிரச்சனையே அமெரிக்க நிறுவனம், இந்திய வாடிக்கையாளர் என்ற உறவு தான்

-oOo-

4. அமெரிக்க நிறுவனம் இந்தியாவில் விற்பதை தடை செய்தால், நான் எப்படி ஐபோன் வாங்குவதாம் ?

நீங்கள் தாராளமாக ஐபோன் வாங்கலாம். ஆப்பிள் இங்கு விற்க எந்த தடையும் இல்லையே

-oOo-

5. ஆப்பிள், டெல், எச்.பி, சாம்சங் போன்ற நிறுவனங்களுக்கு தடை இல்லையே. பிறகு ஏன் சில்லறை வணிகத்திற்கு மட்டும் இத்தனை கட்டுப்பாடு

இந்த கேள்விக்கு சற்று விரிவாக பதிலை பார்க்கலாம்

அதற்கு முன்னர் அனைத்து துறைகளையும் மூன்றாக பிரிக்கலாம்

இந்தியாவை விட அமெரிக்காவால் சிறப்பாக, குறைந்த செலவில் உற்பத்தி / சேவை / உற்பத்தி + சேவை வழங்கக்கூடிய துறைகள் : உதாரணம் - ஐபோன்
அமெரிக்கா, இந்தியா, இருவராலும் சேவை வழங்கக்கூடிய துறைகள் - உதாரணம் விவசாயம், சில்லறை விற்பனை, கல்வி, மருத்துவம்
அமெரிக்காவை விட இந்தியாவால் சிறப்பாக, குறைந்த செலவில் உற்பத்தி / சேவை / உற்பத்தி + சேவை வழங்கக்கூடிய துறைகள் : உதாரணம் - மென்பொருள்

இப்பொழுது உலகமயமாக்கம் இல்லாத ஒரு நிலையும், உலகமயமாக்கம் இருக்கும் போது வரக்கூடிய மூன்று வேறுபட்ட காட்சிகளையும் பார்க்கலாம்

முதலில் உலகமயமாக்கம் இல்லாத நிலை

உலகமயமாக்கல் இல்லாத நிலை	அமெரிக்க வாடிக்கையாளர்	இந்திய வாடிக்கையாளர்
ஐபோன்	அமெரிக்க நிறுவனம்	இந்திய நிறுவனம்
விவசாயம், வணிகம், கல்வி, மருத்துவம்	அமெரிக்க நிறுவனம்	இந்திய நிறுவனம்
மென்பொருள்	அமெரிக்க நிறுவனம்	இந்திய நிறுவனம்

அதாவது இந்தியாவிற்கு தேவைப்படும் அனைத்தும் இந்திய நிறுவனங்களால் அளிக்கப்படுகிறது.
அமெரிக்காவிற்கு தேவைப்படும் அனைத்தும் அமெரிக்க நிறுவனங்களால் அளிக்கப்படுகிறது

இந்த நிலையில், அமெரிக்காவிற்கு தரமான அல்லது குறைந்த விலையில் மென்பொருள் கிடைக்காது. இந்தியாவிற்கு தரமான அல்லது குறைந்த விலையில் ஐபோன் கிடைக்காது

அடுத்தது அமெரிக்க பொருளாதாரம் முன்னேறக்கூடிய நிலை

அமெரிக்க பொருளாதாரம் வளரும் நிலை	அமெரிக்க வாடிக்கையாளர்	இந்திய வாடிக்கையாளர்
ஐபோன்	அமெரிக்க நிறுவனம்	அமெரிக்க நிறுவனம்
விவசாயம், வணிகம், கல்வி, மருத்துவம்	அமெரிக்க நிறுவனம்	அமெரிக்க நிறுவனம்
மென்பொருள்	இந்திய நிறுவனம்	இந்திய நிறுவனம்

அமெரிக்காவிற்கு தேவையான ஐபோன் அமெரிக்க நிறுவனங்களால் வழங்குகப்படுகிற து. அமெரிக்காவிற்கு தேவையான விவசாயம், வணிகம், கல்வி, மருத்துவம் போன்றவையும் அமெரிக்க நிறுவனங்களால் வழங்கப்படுகிறது. அமெரிக்காவிற்கு தேவைப்படும் மென்பொருள் இந்திய நிறுவங்களால் வழங்கப்படுகிறது
இந்தியாவிற்கு தேவையான ஐபோன் அமெரிக்க நிறுவனங்களால் வழங்குகப்படுகிற து. இந்தியாவிற்கு தேவையான விவசாயம், வணிகம், கல்வி, மருத்துவம் போன்றவையும் அமெரிக்க நிறுவனங்களால் வழங்கப்படுகிறது. இந்தியாவின் மென்பொரும் தேவை மட்டுமே இந்திய நிறுவனங்களால் வழங்கப்படுகிறது

இந்த நிலையில், கொஞ்சம் கொஞ்சமாக இந்திய பொருளாதாரம் வீழ்ச்சி அடையும், அமெரிக்க பொருளாதாரம் வளரும்

அடுத்தது சமன் நிலை

பொருளாதார சமன் நிலை	அமெரிக்க வாடிக்கையாளர்	இந்திய வாடிக்கையாளர்
ஐபோன்	அமெரிக்க நிறுவனம்	அமெரிக்க நிறுவனம்
விவசாயம், வணிகம், கல்வி, மருத்துவம்	அமெரிக்க நிறுவனம்	இந்திய நிறுவனம்
மென்பொருள்	இந்திய நிறுவனம்	இந்திய நிறுவனம்

அமெரிக்காவிற்கு தேவையான ஐபோன் அமெரிக்க நிறுவனங்களால் வழங்குகப்படுகிற து. அமெரிக்காவிற்கு தேவையான விவசாயம், வணிகம், கல்வி, மருத்துவம் போன்றவையும் அமெரிக்க நிறுவனங்களால் வழங்கப்படுகிறது. அமெரிக்காவிற்கு தேவைப்படும் மென்பொருள் இந்திய நிறுவங்களால் வழங்கப்படுகிறது
இந்தியாவிற்கு தேவையான ஐபோன் அமெரிக்க நிறுவனங்களால் வழங்குகப்படுகிற து. இந்தியாவிற்கு தேவையான விவசாயம், வணிகம், கல்வி, மருத்துவம் போன்றவை இந்திய நிறுவனங்களால் வழங்கப்படுகிறது. இந்தியாவின் மென்பொருள் மட்டுமே இந்திய நிறுவனங்களால் வழங்கப்படுகிறது

இந்த நிலையில், நாம் ஐபோன் போன்ற பொருட்களுக்கு கொடுக்கும் விலையை, மென்பொருள் மூலம் திரும்ப பெறுகிறோம். விவசாயம், வணிகம், கல்வி, மருத்துவம் போன்றவைகளை அவரவர் பார்த்துக்கொள்வதால் இரு நாட்டு பொருளாதாரமும் சமன்நிலையில் இருக்கும்

அடுத்தது இந்திய பொருளாதாரம் முன்னேறக்கூடிய நிலை

இந்திய பொருளாதாரம் வளரும் நிலை	அமெரிக்க வாடிக்கையாளர்	இந்திய வாடிக்கையாளர்
ஐபோன்	அமெரிக்க நிறுவனம்	அமெரிக்க நிறுவனம்
விவசாயம், வணிகம், கல்வி, மருத்துவம்	இந்திய நிறுவனம்	இந்திய நிறுவனம்
மென்பொருள்	இந்திய நிறுவனம்	இந்திய நிறுவனம்

அமெரிக்காவிற்கு தேவையான ஐபோன் அமெரிக்க நிறுவனங்களால் வழங்குகப்படுகிற து. அமெரிக்காவிற்கு தேவையான விவசாயம், வணிகம், கல்வி, மருத்துவம் போன்றவை இந்திய நிறுவனங்களால் வழங்கப்படுகிறது. அமெரிக்காவிற்கு தேவைப்படும் மென்பொருள் இந்திய நிறுவங்களால் வழங்கப்படுகிறது
இந்தியாவிற்கு தேவையான ஐபோன் அமெரிக்க நிறுவனங்களால் வழங்குகப்படுகிற து. இந்தியாவிற்கு தேவையான விவசாயம், வணிகம், கல்வி, மருத்துவம் போன்றவை இந்திய நிறுவனங்களால் வழங்கப்படுகிறது. இந்தியாவின் மென்பொரும் தேவை இந்திய நிறுவனங்களால் வழங்கப்படுகிறது

இந்த நிலையில் அமெரிக்கா அதிகம் வாங்குகிறது. குறைவாக விற்கிறது. எனவே இந்த நிலையில், கொஞ்சம் கொஞ்சமாக அமெரிக்க பொருளாதாரம் வீழ்ச்சி அடையும், இந்திய பொருளாதாரம் வளரும்

-oOo-

ஐபோனை அமெரிக்க நிறுவனமும், மென்பொருளை இந்திய நிறுவனங்களும் விற்கும் நிலையில், இருவருக்கும் பொதுவான துறைகளான விவசாயம், சில்லறை வணிகம், கல்வி, மருத்துவம் போன்ற துறைகளில் யாரோ ஒருவர் மட்டும் முதலீடு செய்தால் அவர்கள் பொருளாதாரமே வளரும்.

இந்தியா வாடிக்கையாளர்களுக்கு அமெரிக்க நிறுவனங்களின் ஒரு சில தயாரிப்புகள் / சேவைகள் கண்டிப்பாக தேவை என்ற நிலையில், அந்த துறையில் அமெரிக்க நிறுவனத்தை அனுமதித்துள்ளோம்

அதே போல், அமெரிக்க வாடிக்கையாளர்களுக்கு இந்திய நிறுவனங்களின் ஒரு சில தயாரிப்புகள் / சேவைகள் கண்டிப்பாக தேவை என்ற நிலையில், அந்த துறையில் இந்திய நிறுவனங்களை அனுமதித்துள்ளார்கள். இந்த நிலையில் அவரவர் நாட்டில் அவரவர் நாட்டை சேர்ந்த நிறுவனக்கள் பிற பொது சேவைகளை செய்வதே இரு நாடுகளுக்கும் நல்லது

அதை விட்டு அமெரிக்காவில் விவசாயம், வணிகம், கல்வி, மருத்துவம் போன்ற துறைகளில் இந்திய நிறுவங்கள் முதலீடு செய்தால் - இந்திய பொருளாதாரத்திற்கு நல்லது, அமெரிக்க பொருளாதாரத்திறு கெட்டது
அதே போல் இந்தியாவில் விவசாயம், வணிகம், கல்வி, மருத்துவம் போன்ற துறைகளில் அமெரிக்க நிறுவங்கள் முதலீடு செய்தால் - அமெரிக்க பொருளாதாரத்திற்கு நல்லது, இந்திய பொருளாதாரத்திற்கு கெட்டது

-oOo-

6. சில்லறை வணிகத்தில் ஈடுபடுபவர்கள் வரி கட்டுவதில்லை. அந்நிய நிறுவனங்கள் இந்த துறைக்கு வந்தால் ஒழுங்காக வரிகட்டுவார்கள் என்கிறார்களே

கேட்பவன் கேணையனாக இருந்தால் கே.ஆர் . . . . . . .. கேப்பையில் நெய் வடியுமாம்

-oOo-

7. ஐபோன் போன்ற பொருட்களுக்கு வழங்கப்பட்ட அனுமதியை ரத்து செய்து விட்டு, சில்லறை வணிகத்திற்கு அளித்தாலும் சமண்பாடு இருக்குமே. அப்படி செய்யலாமா ? போன்ற கேள்விகளுக்கும், நீங்கள் மறுமொழியில் கேட்கும் பிற கேள்விகளுக்கும் இந்த இடுகைத்தொடரின் அடுத்த இடுகையில் பதிலளிக்கிறேன்

வழித்தடங்கள் : மழை, காத்து, கருப்பு, மூச்சடைப்பு, நரிநகம், மனசாட்சி

2011-10-24T09:09:00.011+05:30

இரண்டு நாட்களாக சென்னையில் நல்ல மழை. வீட்டில் சொகுசாக அமர்ந்து கொண்டு தேநீர் குடிப்பவர்களும், அடமானம் வைத்து கடன் வாங்கி முதல் போட் டு பட்டாசு வாங்கி விற்பனைக்கு வைத்திருந்தவர்க ளும் இந்த மழையை வெவ்வேறு விதமாகத்தான் அணுகியிருப்பார்கள் !

சென்ற முறை மழைபெய்த போது, ஒரு திரைப்பாடலை பார்த்தோம். மழை குறித்த பல பாடல்களில் குறிப்பிடத்தக்கது, முக்கூடற்பள்ளுவின் 30ஆம் பாடல்.

ஆற்று வெள்ளம் நாளை வரத்தோற்றுதே குறி - மலை
யாளமின்னல் ஈழமின்னல் சூழ மின்னுதே
நேற்றும் இன்றும் கொம்பு சுற்றிக் காற்று அடிக்குதே - கேணி
நீர்ப்படு சொறித் தவளை கூப்பிடுகுதே

சேற்று நண்டு சேற்றில் வளை ஏற்று அடைக்குதே - மழை
தேடி ஒருகோடி வானம் பாடி யாடுதே
போற்றுதிரு மால்அழகர்க்கு ஏற்றமாம் பண்ணைச் - சேரிப்
புள்ளிப் பள்ளர் ஆடிப்பாடித் துள்ளிக் கொள்வோமே

மழையுடன் தொடர்புடைய மின்னல், காற்று, தவளையின் குரல், நண்டு வளையில் வருவது, வானம்பாடியின் குரல் என்று பல விஷயங்களையும் ஒருங்கே கொண்ட இந்த பாடலை மழைநேரத்தில் நினைத்து பார்ப்போம். இந்த பாடல் குறித்து தமிழ் இணைய பல்கலைக்கழக இணையத்தளத்தில் உள்ள விளக்கம்

பாடல் சிறந்த இசைநயமும் அழகுணர்வும் கொண்டது. அறிவியல் செய்தி பொதிந்தது. நாளைய தினம் ஆற்றிலே வெள்ளம் வர இருப்பதற்குரிய அறிகுறிகள் தென்படுகின்றன. தென்மேற்குத் திசையிலே மலையாள மின்னல் மின்னிக் கொண்டுள்ளது. தென் கிழக்குத் திசையிலே ஈழத்து மின்னல் மின்னிக் கொண்டுள்ளது. நேற்றும் இன்றும் மரக்கொம்புகளைச் சுற்றியவாறு காற்று அடிக்கிறது. கிணற்றிலே உள்ள சொறித்தவளைகள் கூப்பாடு போடுகின்றன. நண்டுகள் தம் வளைகளுள் மழை நீர் புகுந்து விடாதபடி வாயில்களைச் சேற்றினால் அடைக்கின்றன. மழை நீரைத் தேடிக் கோடி வானம்பாடிகள் அங்கும் இங்கும் பறக்கின்றன. இவ்வாறாக மழை வருவதற்கான அறிகுறிகள் தென்படுகின்றன.

இணையதள முகவரி http://www.tamilvu.org/

-oOo-

சென்ற வாரம் நடந்த உரையாடல்

"ஏய், என்னதுப்பா கழுத்துல ஏதோ வித்தியாசமா . . . "

"நரிநகம் சார்"

"எதுக்கு ? "

"டூட்டி ரூமில் நைட் காத்து வந்து அழுத்துது, மூச்சு மூட்டுது, அதான் நரிநகம் போட்டா காத்து கருப்பு எல்லாம் ஓடிடும்னு சொன்னாங்க"

" ம்ம்ம்ம், தூங்கும் போது மூச்சு முட்டினா, ஹார்ட் ப்ராப்ளமா இருக்கலாம், வா, ஒரு எக்கோ எடுத்து பார்க்கலாம்"

"இல்லை சார், வீட்ல தூங்குபோது பிரச்சனை இல்லை, இங்க டூட்டி ரூம்ல மட்டும் தான் காத்து பிரச்சனை. "

"அப்படியா, இங்க டூட்டி ரூம்ல தூங்குனா மட்டும் தான் மூச்சு முட்டுதா ??"

"ஆமா சார், இந்த இடத்துல இரண்டு பேர் செத்திருக்காங்களாம், அதான் அப்படியாம்"

"வீட்ல தூங்குனா மூச்சு முட்டலயா ??"

"இல்ல சார், வீட்ல பிரச்சனையே இல்ல"

"அப்ப அது காத்தோ கருப்போ இல்லயா, உன் மனசாட்சி . . . டூட்டி நேரத்தில் மத்தவன் வேல பாக்கும் போது நாம மட்டும் தூங்குறோமேன்னு உன் மனசாட்சி அழுத்துது"

அருகில் இருந்தவர்கள் அனைவரும் சிரிக்க ஆரம்பித்து விட்டார்கள் . . . . . நரிநகம் போட்டிருந்தவர் அமைதியாகிவிட்டார்

பக்கத்தில் நின்றவர் மெதுவாக ஆரம்பித்தார்

"அப்ப காத்து கருப்பு எல்லாம் இல்லையா"

"இல்லயே இருக்கு . . . . மர்மதேசம் விடாது கருப்பு பாத்தீங்களா . . அதுல கூட கருப்பு வந்ததே"

கேட்டவர் அமைதியாகி விட்டார் . . . ஒன்று அவர் விடாது கருப்பு பார்த்திருக்கவில்லை, அல்லது பார்த்திருந்தும் கதையை மறந்து விட்டார்.

அருகில் இருந்தவருக்கு கதை ஞாபகம் இருந்திருக்க வேண்டும். அந்த கதை தான் சில வருடங்களுக்கு முன்னர் மீண்டும் திரைப்படமாக வந்ததே (கதை என்ன, அது என்ன திரைப்படம் என்று தெரியாதவர்கள் மர்மதேசம் தொடர் குறித்து நான் ஏற்கனவே எழுதிய பன்மனோபாவ ஒழுங்கின்மை நோய் பற்றி ஒரே போலிருக்கும் இரு கதைகள் என்ற இடுகையை படித்து தெரிந்து கொள்ளலாம்)

அருகில் இருந்தவர் ஆரம்பித்தார் "ஆமாம், அதுல கூட கடைசில ஹீரோ தான் கருப்புன்னு காட்டுவாங்களே"

"அதத்தானங்க நானும் சொன்னேன், மனசாட்சி தான் கருப்பு"

நரிநகம் போட்டிருந்தவர் இப்பொழுது மெதுவாக கேட்டார்

"கருப்பு விஷயத்தை விட்டுடலாம், பொதுவா ஒரு சந்தேகம் . . . கேட்கலாமா ?"

"சொல்லுங்க"

"நரி நகம் போடுறது, நல்லதா, கெட்டதா"

"நரிக்கு கெட்டது, நகம் விக்கிறவங்களுக்கு நல்லது"

-oOo- சுபம் -oOo-

வறுமைக்கோடும் முகநூல் (பேஸ்புக்) இந்திய நிறுவனமாக இருந்திருந்தால் என்ன நடந்திருக்கும் என்பதும்

2011-10-23T18:45:00.007+05:30

முகநூல் (பேஸ்புக்) இந்திய நிறுவனமாக இருந்திருந்தால் என்ன நடந்திருக்கும் என்பது குறித்து இடுகையின் இறுதியில் கூறியிருக்கிறேன்

-oOo-

வறுமை கோடு 32 ரூபாயாக இருப்பதற்கும், 320 ரூபாயாக இருப்பதற்கும் என்ன வித்தியாசம் ? வறுமைக்கோட்டின் அளவை குறைவாக வைப்பதினால் அரசிற்கு என்ன லாபம் என்பது குறித்து யாரும் எழுதியதாக தெரியவில்லை

எனவே ஒரு சிறு குறிப்பு

வறுமை கோடு 320 ரூபாய் என்று வைத்துக்கொள்ளுங்கள். அப்படி என்றால் ஒரு நாள் 320 ரூபாய்க்கு குறைவாக சம்பாதிப்பவர்கள் எல்லாம் வறுமைக்கோட்டிற்கு கீழ் இருப்பவர்கள்
அதே போல் வறுமை கோடு 32 ரூபாய் என்றால் ஒரு நாள் 32 ரூபாய்க்கு குறைவாக சம்பாதிப்பவர்கள் எல்லாம் வறுமைக்கோட்டிற்கு கீழ் இருப்பவர்கள்

இப்பொழுது

ஒரு நாள் 320 ரூபாய்க்கு குறைவாக சம்பாதிப்பவர்களின் எண்ணிக்கை என்பது ஒரு நாள் 32 ரூபாய்க்கு குறைவாக சம்பாதிப்பவர்களின் எண்ணிக்கையை விட பல மடங்கு அதிகம்
எனவே வறுமைக்கோட்டின் அளவை 320 என்றில்லாமல் 32 ஆக குறைத்து காட்டுவதால், வறுமைக்கோட்டிற்கு கீழ் இருப்பவர்களின் எண்ணிக்கையை குறைக்கலாம்

அது சரி

வறுமைக்கோட்டிற்கு கீழ் இருப்பவர்களின் எண்ணிக்கையை குறைப்பதனால் என்ன பலன் என்று கேட்கிறீர்களா

பல பலன்கள் உள்ளன, உதாரணமாக

அரசின் பல திட்டங்கள், வறுமைக்கோட்டிற்கு கீழ் இருப்பவர்களுக்கு இலவசமாக வழங்கப்படுகின்றன. எனவே தினமும் 32 ரூபாய்க்கு மேல் சம்பாதிப்பவர்களுக்கு அந்த திட்டங்கள் பொருந்தாது என்று கூறலாம்.
அப்படியே 32க்கு கீழ் சம்பாதிப்பவர்கள் வெகு சிலரே, எனவே இந்த திட்டமே தேவையில்லை என்று திட்டங்களை மொத்தமாக மூடிவிடலாம். உதாரணமாக தமிழகம் தவிர பிற மாநிலங்களில் பொது விநியோக திட்டம் சிறப்பாக செயல்படுவதில்லை. இந்நிலையில், 32 ரூபாய்க்கு கீழ் ஒவ்வொரு ஊரிலும் வெகு சிலரே இருக்கிறார்கள் - இவர்களுக்காக அரசு கடை நடத்த முடியாது - எனவே இவர்களுக்கு உணவு கூப்பன்கள் வழங்கலாம் என்று "புத்திசாலித்தனமாக" பேசி பொது விநியோக திட்டத்தை மூடலாம். அதன் மூலம் கிடைக்கும் பணத்தை பன்னாட்டு நிறுவனங்களுக்கு வரி சலுகை, வரி விலக்கு என்று அளிக்கலாம் !!
1947ல் இந்தியாவில் 50 சதவித மக்கள் வறுமைக்கோட்டிற்கு கீழ் இருந்தார்கள். இன்று இருப்பது வெகு சிலரே. எனவே இந்தியா முன்னேறி உள்ளது என்று "நம்மை நாமே" ஏமாற்றிக்கொள்ளலாம் !!

-oOo-

தமிழகத்தில் இருக்கும் பொது விநியோக முறையை திட்டுபவர்கள் அவசியம் இந்து ஆங்கில நாளிதழில் வந்த இந்த கட்டுரையை படிக்கவும்

-oOo-

இந்த வார புருனோத்துவம் : வீட்டு உரிமையாளர் செய்தது சரி என்று உங்களுக்கு தோன்ற ஆரம்பிக்கும் நேரத்தில் உங்கள் வீட்டில் வாடகைக்கு இருப்பவர்கள் உங்களை தவறாக நினைக்கிறா ர்கள்

-oOo-

முகநூல் (பேஸ்புக்) இந்திய நிறுவனமாக இருந்திருந்தால் என்ன நடந்திருக்கும்

விடை இது தான் : இன்னேரம் கீழ்க்கண்ட அறிவிப்பு வந்திருக்கும் : நீங்கள் எந்த திட்டத்தில் இருந்தாலும் 25ஆம் தேதி முதல் 27ஆம் தேதி வரை நீங்கள் எழுதும் அனைத்து ஸ்டேடஸ்கள், உள்ளிடும் புகைப்படங்கள், எழுதும் மறுமொழிகள், "லைக்"குகள் என்று அனைத்திற்கும் ஒவ்வொன்றிற்கும் 50 பைசா கட்டணம் வசூலிக்கப்படும்

தீபாவளி நல்வாழ்த்துக்கள் !!

பிரபல பதிவர்களை கிண்டல் செய்வதால் யாருக்கு என்ன பலன் ?

2011-10-07T18:43:00.005+05:30

ப்ளாக்கரும் வோர்ட்பிரசும் இலவசமாக தரும் வசதியை யார் வேண்டுமானாலும் பயன்படுத்தலாம்
தமிழ்மணம், தமிழிஷ் போன்ற திரட்டிகளின் சேவையையும்
டிவிட்டர், முகநூல் போன்ற சமூக ஊடகங்களையும் யார் வேண்டுமானாலும் பயன்படுத்தலாம்

அந்த வசதிகள் பொதுவானவையே

ஒருவர் பயன்படுத்தும் திரட்டி, முக நூல் போன்ற சமூக ஊடகங்களை நான் பயன்படுத்த எந்த தடையும் இல்லை

-oOo-

ஒரு வலைப்பதிவருக்கு என்று தனியாக எந்த சிறப்பு வசதியோ, சலுகையோ இல்லாத நிலையில்
என்னை விட அவர் அதிகம் பெயர் வாங்கினார் என்றால் அதற்கு காரணம்

1. அவர் என்னை விட திறமை மிக்கவர்கள்

அல்லது

2. அவர் என்னை விட அதிகம் உழைக்கிறார்

அல்லது

3. அவர் என்னை விட திறமைசாலி. மேலும் என்னை விட அதிகம் உழைக்கிறார்

-oOo-

நான் அவரை விட பெயர் பெற வேண்டும் என்றால்

1. அவரை விட திறமையை வளர்த்துக்கொள்ள வேண்டும்

அல்லது

2. அவரை விட அதிகம் உழைக்க வேண்டும்

அல்லது

3. அவரை விட அதிகம் திறமையை வளர்த்துக்கொண்டு அதிகம் உழைக்க வேண்டும்

-oOo-

அதை விடுத்து கேலி பேசுவதால் நானும் முன்னேறப்போவதில்லை, அவர்களின் முன்னேற்றமும் தடை பெறப்போவதில்லை

-oOo-

யுவகிருஷ்ணா, கேபிள் சங்கர், ஜாக்கி சேகர் மூவருமே இணையத்திற்கு வரும் போது வேறு எந்த அடையாளமும் இல்லாமல் வந்தவர்கள். அதாவது வேறு துறையில் பிரபலமடைந்து ஏற்கனவே பலருக்கும் அறிமுகமாகி வலைப்பதிவு எழுத ஆரம்பித்தவர்கள் அல்ல.

அவர்களுக்கு இன்று இருக்கும் ஒவ்வொரு வாசகரையும் அவர்கள் பெற்றது வலைப்பதிவு மூலமாகத்தான் , சொந்த திறமை மூலமாகத்தான், அவர்களின் உழைப்பு மூலமாகத்தான் என்பதை யாராவது மறுக்க முடியுமா ?

-oOo-

யுவகிருஷ்ணா, கேபிள் சங்கர், ஜாக்கி சேகர் ஆகியவர்களு க்கு இருக்கும் அதே ப்ளாக்கர் / திரட்டி / சமூக ஊடக வசதிகள் எனக்கும் உள்ளன. இந்த நிலையில் அவர்கள் அளவு பெயர் வாங்க என்னால் மு டியவில்லை என்பதற்காக அவர்களை கேலி செய்து கொண்டிருப்பத்தால் எனக்கு என்ன பலன் ?

சீப்பை மறைத்து வைப்பதால் திருமணத்தை நிறுத்த முடியாது !

பூனை கண்களை மூடிக்கொண்டால் உலகம் இருண்டு விடாது !!

மழை சிறப்பு பாடல் - மழையின் தாரைகள் வைரவிழுதுகள் விழுது பிடித்து விண்ணில் சேர்வேனோ

2011-09-20T20:14:00.000+05:30

மழை சிறப்பு பாடல் !!

படம்: என்சுவாசக்காற்றே
பாடல்: சின்ன சின்ன மழைத்துளிகள்
இசை: ரகுமான்
பாடலாசிரியர்: வைரமுத்து

வரிகளை வாசித்துக்கொண்டே பாடலை யூடியுபில் பார்க்கவும்

பாடல் வரிகள் உபயம் பதிவர் சந்திரவதனா http://cinemapadalkal.blogspot.com/2005/10/blog-post_18.html மற்றும் வெற்றிவேல் http://aalthotabupathy.blogspot.com/2005/07/blog-post_25.html

ஒரு துளி விழுது ஒரு துளி விழுது
ஒரு துளி விழுது ஒரு துளி விழுது
ஒரு துளி... இரு துளி...
சிறு துளி... பல துளி...
பட பட தட தட தட தட
சட சட சிதறுது

சின்னச் சின்ன மழைத்துளிகள்
சேர்த்து வைப்பேனோ
மின்னல் ஒளியில் நூல் எடுத்துக்
கோர்த்து வைப்பேனோ

சின்னச் சின்ன மழைத்துளிகள்
சேர்த்து வைப்பேனோ
மின்னல் ஒளியில் நூல் எடுத்துக்
கோர்த்து வைப்பேனோ

சக்கரவாகமோ மழையை அருந்துமாம்
நான் சக்கரவாகப் பறவையானேனோ
மழையின் தாரைகள் ஈரவிழுதுகள்
விழுது பிடித்து விண்ணில் சேர்வேனோ

சின்னச் சின்ன மழைத்துளிகள்
சேர்த்து வைப்பேனோ
மின்னல் ஒளியில் நூல் எடுத்துக்
கோர்த்து வைப்பேனோ

சிறு பூவினிலே விழுந்தால்
ஒரு தேன்துளியாய் வருவாய்
சிறு சிற்பியிலே விழுந்தால்
ஒரு முத்தெனவே மலர்வாய்
பயிர் வேரினிலே விழுந்தால்
நவதானியமாய் விளைவாய்
என் கண்விழிக்குள் விழுந்ததனால்
கவிதையாக மலர்ந்தாய்

அந்த இயற்கை அன்னை படைத்த
ஒரு பெரிய Shower இது
அட இந்த வயது கழிந்தால்
பிறகெங்கு நனைவது
இவள் கன்னி என்பதை இந்த மழை
கண்டறிந்து சொல்லியது

சக்கரவாகமோ மழையை அருந்துமாம்
நான் சக்கரவாகப் பறவையானேனோ
மழையின் தாரைகள் வைரவிழுதுகள்
விழுது பிடித்து விண்ணில் சேர்வேனோ

மழை கவிதை கொண்டு வருது
யாரும் கதவடைக்க வேண்டாம்
ஒரு கறுப்புக் கொடி காட்டி
யாரும் குடை பிடிக்க வேண்டாம்
இது தேவதையின் பரிசு
யாரும் திரும்பிக் கொள்ள வேண்டாம்
நெடுஞ்சாலையிலே நனைய
ஒருவர் சம்மதமும் வேண்டாம்

அந்த மேகம் சுரந்த பாலில்
ஏன் நனைய மறுக்கிறாய்
நீ வாழ வந்த வாழ்வில்
ஒரு பகுதி இழக்கிறாய்

நீ கண்கள் மூடிக் கரையும் போது
மண்ணில் சொர்க்கம் ஏதுவாய்
நீ கண்கள் மூடிக் கரையும் போது
மண்ணில் சொர்க்கம் மீளுவாய்

சக்கரவாகமோ மழையை அருந்துமாம்
நான் சக்கரவாகப் பறவையானேனோ
மழையின் தாரைகள் வைரவிழுதுகள்
விழுது பிடித்து விண்ணில் சேர்வேனோ

சின்னச் சின்ன மழைத்துளிகள்
சேர்த்து வைப்பேனோ
மின்னல் ஒளியில் நூல் எடுத்துக்
கோர்த்து வைப்பேனோ
சின்னச் சின்ன மழைத்துளிகள்
சேர்த்து வைப்பேனோ
மின்னல் ஒளியில் நூல் எடுத்துக்
கோர்த்து வைப்பேனோ

ஒரு மாதத்தில் ஒரு நட்சத்திரம் இரு முறை வந்தால் எதை பிறந்த நாளாக கருத வேண்டும்

2011-09-15T20:44:00.000+05:30

சில நாட்கள் முன்னர் டிவிட்டரில் என்னிடம் கேட்கப்பட்ட கேள்வி

RT @sospokesaroj: If a nakshatram shows up 2x in a month (ie Kaarthika 2x in Medam) which 1 counts when figuring out bdays? @spinesurgeon

இதற்கு ஒரு எளிய விதிமுறை உள்ளது
திதி முன்னும் நட்சத்திரம் பின்னும்

அதாவது ஒரு மாதத்தில் ஒரு திதி இருமுறை வந்தால் திதியை மையமாக வைத்து அனுசரிக்கப்படும் விஷயங்கள் அந்த மாதத்தில் முதலில் வரும் திதியில் செய்யப்பட / கடைபிடிக்கப்பட வேண்டும்.

உதாரணமாக கிருஷ்ண ஜெயந்தி (கோகுலாஷ்டமி) என்பது ஆவணி வளர்பிறையில் அஷ்டமி திதி கடைபிடிக்கப்படுவது. ஆவணி மாதத்தில் ஒரு வளர்பிறை அஷ்டமியும் ஒரு தேய்பிறை அஷ்டமியில் வரும்

சில நேரங்களில் இரு வளர்பிறை அஷ்டமி வந்தால் எதை கோகுலாஷ்டமியாக கடைபிடிப்பது என்பதை தீர்மாணிக்கத்தான் மேலே சொன்ன விதிமுறையின்படி - “திதி முன்னும் நட்சத்திரம் பின்னும்” - முதலில் வரும் வளர்பிறை அஷ்டமியையே கிருஷ்ண ஜெயந்தியாக கடைபிடிக்க வேண்டும்

அதே போல் நட்சத்திரங்களை மையமாக வைத்து கடைபிடிக்கப்படும் விஷயங்களில் (உதாரணம் பிறந்தநாள், வைகாசி விசாகம், பங்குனி உத்திரம்) இரண்டாவதாக அந்த நட்சத்திரம் வரும் தினமே முக்கியம். உதாரணமாக - மேலே கேட்டுள்ள கேள்வியில் - சித்திரை மாதத்தில் இரு கார்த்திகை நட்சத்திரங்கள் வந்தால் இரண்டாவதாக வரும் நட்சத்திரத்தையே பிறந்தநாளாக கடைபிடிக்க வேண்டும்

மேலும் விபரங்களுக்கு, உங்களது சந்தேகங்களை தீர்த்துக்கொள்ள வாத்தியார் சுப்பையா அவர்களை அல்லது சுவாமி ஓம்கார் அவர்களை அல்லது ஜோதிடர் ரங்கன அவர்களை அணுகவும்

இஸ்கூலுக்கு போனா சாப்பாட்டுக்கு என்ன பண்ணுரதாம் ??

2011-07-15T12:01:00.001+05:30

50 வருடங்களுக்கு முன்னர் :
புழுதியும் அனல்காற்றும் போட்டி போட்டுக்கொண்டு முகத்தில் அறையும் அந்த சாலையில் எம்.டி.டி 2727 பதிவு எண்ணைவுடைய அந்த சீருந்து சென்று கொண்டிருந்தது. வழியில் ஒரு தொடர்வண்டி இருப்பு பாதை. சேரன்மகாதேவி நிலையத்திற்கு தொடர்வண்டி வரும் நேரம் என்பதால் கதவு அடைத்திருந்தது.

எனவே வண்டி நிற்க வேண்டிய சூழல். வண்டியிலிருந்த அவர் இறங்கி காலாற வெளியில் நடக்கிறார். சாலையின் அருகில் ஒரு சிறுவன் மாடு மேய்த்துக்கொண்டிருப்பதை பார்த்து ஆச்சரியப்படுகிறார். அரசு பள்ளிக்கூடங்களில் கல்வி இலவசமாயிற்றே. அப்படியும் கூட இவன் ஏன் படிக்கவில்லை. படிக்கும் வயதில் மாடு மேய்க்கிறானே என்று பல எண்ணவோட்டங்கள்.

அவனிடமே கேட்கிறார் “தம்பி, நீ படிக்க வில்லையா, ஏன் மாடு மேய்த்துக்கொண்டிருக்கிறாய்”

சிறுவன் அசரவேயில்லை. பாக்கு வெட்டியிலிருந்து தெறிக்கும் பாக்குதுண்டுகளை போல் அவனிடமிருந்து பதில் வருகிறது “இஸ்கூலுக்கு போனா சாப்பாட்டுக்கு என்ன பண்ணுரதாம் ??”

சிறுவனோ ஒரே நொடியில் பதில் கூறிவிட்டான்

அவரிடமோ பல கணங்கள் ஆழ்ந்த மௌனம். அந்த பதிலின் ஆழம் அவரை நேரடியாக தாக்குகிறது. முற்பட்ட வகுப்பினரை தவிர பிறர் படிக்கக்கூடாது என்ற நோக்கத்தில் ராஜாஜி கொண்டுவந்த குலக்கல்வி திட்டத்தில் மூடப்பட்ட 6000 பள்ளிகளை அவர் மீண்டும் திறந்தார். அது தவிர மேலும் 12000 பள்ளிகளை புதிதாக திறந்தார். ஆனால் பல பள்ளிகளில் போதிய மாணவர்கள் எண்ணிக்கை இல்லை. அவருக்கு அதுவரை காரணம் புரியவில்லை அனைத்து பள்ளிகளிலும் கல்வி இலவசம் தான். ஆனால் அது மட்டும் ஏழ்மையை எதிர்கொள்ள போதாது என்பதை அப்பொழுது தான் அவர் உணர்கிறார்.

பிறகு சுதாரித்து விட்டு கேட்கிறார் “பள்ளிக்கூடத்தில் சாப்பாடு போட்டால் நீ படிக்க வருவாயா ??”

சென்னை வந்தார். பள்ளிகளில் மதிய உணவு இலவசமாக வழங்கப்பட வேண்டும் என்று கூறினார். பலரும் எதிர்த்தார்கள். இலவசங்களினால் நாடு முன்னேறாது என்று பொருளாதார நிபுணர்கள் கூறினார்கள். ஆனால் அவர் அசரவேயில்லை. விடாப்பிடியாக திட்டத்தை செயல்படுத்தினார்

அந்த சிறுவன் யார் என்று வரலாறு பதிவு செய்து வைக்கவில்லை. ஆனால் அவரின் மனதில் அவன் விதைத்த விதையானது உயிர் கொண்டு வளர்ந்து விருட்சமானது. அந்த விருட்சத்தின் பழங்களிலிருந்து மேலும் பல மரங்கள் வந்தது. அடுத்த ஐம்பது ஆண்டுகளில் ஒரு சோலையே உருவாகிவிட்டது.

இன்று அவரின் 109ஆவது பிறந்தநாள்.

&amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;gt;Your browser does not support iframes.&amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;gt;

"நாடு பார்த்ததுண்டா இந்த நாடு பார்த்ததுண்டா
தன் வீடு பார்க்காமல் வாழ்வு பார்க்காமல்
இந்த நாடு முன்னேற நாளும் உழைத்தவனை - நாடு பார்த்துண்டா ..

வலிமை இருந்த போதும் மிக எளிமையோடு இருந்தான்
வெள்ளை உள்ளம் கொண்ட எங்கள் கருப்பு காந்தி இவனே"

பொறுப்பு துறப்பு : இந்த இடுகையில் உள்ள கர்ண பரம்பரை கதைக்கு சான்று, ஆதாரம், உசாத்துணை எதுவும் என்னிடம் இல்லை. சிறிது தேடிப்பார்த்ததில் இந்த தளத்தில் எழுதப்பட்டுள்ளது என்பதை கண்டுபிடித்தேன் http://en.wikipedia.org/wiki/Mid-day_Meal_Scheme. ஆனால் அங்கும் உசாத்துணைகளோ சான்றுகளோ இல்லை.

வரும் சனி மாலை 5:30 மணிக்கு மெரினாவில் பதிவர் சந்திப்பு

2011-07-12T17:17:00.004+05:30

நிகழ்ச்சி:

சென்னை பதிவர் சந்திப்பு

நாள்:

16.07.2011

இடமும் நேரமும்:

சென்னை மெரினா கடற்கரை காந்தி சிலை பின்புறம் (மாலை 5:30 முதல் 7 வரை)
கடற்கரை அருகில் உள்ள தேநீர் கடை (7 முதல் 9 வரை)

தொடர்பிற்கு

கேபிள் சங்கர் : 9840332666
ஜாக்கி சேகர் : 9840229629
புதுகை அப்துல்லா : 9381377888
அதிஷா : 9500061607

சங்க கால தமிழ் போர்களில் சீருடைகள் / சீர் மலர்கள் :) :) ,

2011-06-29T06:00:00.000+05:30

துப்பாக்கி இல்லாத காலத்தில், போர் என்று வரும் போது, போர் புரியும் இரு தரப்பினரும் அருகருகில் நின்றே போர் புரிய வேண்டிய நிலை தான் இருந்துள்ளது

தொலை தேசங்களில் இருந்து படை திரட்டி வந்து போர் மூண்டால், போரிடுபவர்களில், யார் நண்பர், யார் எதிரி என்பதை நிறம், முக ஜாடை, உடை போன்ற அடையாளங்களை வைத்து கண்டு கொள்ளலாம்

ஆனால் தமிழகத்திற்குள்ளேயே இரு அரசர்கள் மோதிக்கொண்டால் எப்படி அடையாளம் கண்டு கொள்வது

அந்த காலத்தில் சீருடையெல்லாம் கிடையாதல்லவா

எனவே தமிழகத்திற்குள் போர் நடக்கும் போது யார் நண்பன் யார் பகைவன் என்று கண்டுபிடிப்பது கஷ்டம்

அதனாலேயே யார் நம்ம அணி, யார் எதிர் அணி என்று வித்தியாசம் தெரிய மலர்களை அடையாளத்திற்காக சூடிக்கொண்டு போர் புரிந்துள்ளனர். யார் வாலி, யார் சுக்ரீவன் என்று ராமர் குழம்பியதால் அடையாளத்திற்கு மாலை சூடிய கதை நினைவுள்ளதா. அது போல் தான் மற்ற போர்களுக்கும்

அது சரி, யார் என்ன மலர் சூடுவது என்று நெறிமுறை வேண்டாமா
அதற்கும் தமிழர்கள் ஒரு விதிமுறையை வகுத்து கடைபிடித்துள்ளனர்

உதாரணமாக ஒரு அரசர் மற்றொரு நாட்டின் மீது போர் தொடுக்க செல்கிறார் என்றால் அவரும் அவரது படை வீரர்களும் வஞ்சிப் பூச் சூடி, போருக்குச் செல்வார்வார்கள்
அதே நேரம் படை எடுத்து வரும் பகை அரசனைத் தடுத்துத்தன் நாட்டைக் காக்க நினைக்கும் அரசரும் அவரது வீரர்களுக், காஞ்சிப் பூச் சூடி, போருக்குச் செல்வார்கள்

எனவே

காஞ்சிப்பூ சூடியவர்கள் எல்லாம் ஒரு அணி
வஞ்சிப்பூ சூடியவர்கள் எல்லாம் அடுத்த அணி

என்று எளிதாக கண்டுகொள்ளலாம். போர்க்களத்தில் நம் நாட்டை சேர்ந்தவர்களை தவறுதலாக அடிக்கும் நிலை வராது !!

இதை போல் மாடுகளை (ஆநிரைகளை) கவர செல்பவர்கள் வெட்சிப்பூவும், அதை மீட்க செல்பவர்கள் கரந்தை பூவும், கோட்டையை வளைக்க முற்றுகை இடுபவர்கள் உழிஞைப்பூவும், கோட்டையை காப்பவர்கள் நொச்சிப்பூவும் சூடினார்கள். சீருடைக்கு பதிலாக சீர்மலர்கள் !!

வெட்சி நிரை கவர்தல்; மீட்டல் கரந்தையாம்
வட்கார் மேல் செல்வது வஞ்சி ; உட்காது
எதிர்ஊன்றல் காஞ்சி ; எயில்காத்தல் நொச்சி
அது வளைத்தல் ஆகும் உழிஞை - அதிரப்
பொருவது தும்பையாம் ; போர்க்களத்து மிக்கோர்
செரு வென்றது வாகையாம்

வெற்றி வாகை சூடினார் என்று பரவலாக பயன்படும் சொற்தொடர் எங்கிருந்து தோன்றியது என்று தெளிவாகிறதல்லவா

வழித்தடங்கள் 26 ஜூன் 2011 - திரைப்படங்கள், விக்கிபிடியாவின் நேர்மைக்குறைவு, தனிமனித தாக்குதல், பேச்சு சுதந்திரம்

2011-06-26T01:52:00.009+05:30

முதலில் ஒரு சந்தேகம்

எனக்கு தெரிந்து சுஜாதா வசீகரன் என்ற பெயரை இரண்டு திரைப்படங்களில் கதாநாயகனுக்காக பயன்படுத்தியுள்ளார்

2004ல் வந்த கண்களால் கைது செய் - ஜான் வசீகரன்
2010ல் வந்த எந்திரன்

ஆனால், அடுத்தடுத்த படங்களில் (கோ மற்றும் 180) ரேனுகா நாராயணன் என்ற அதே பெயரை கதாநாயகிக்கு சூட்டும் அளவிற்கு எழுத்தாளர்கள் சுபாவிற்கு என்ன பெயர் பஞ்சமோ ?

விபரம் தெரிந்தவர்கள் யாராவது சொல்லுங்களேன் ?

-oOo-

விஷாலுக்கு நடிக்க தெரியும் என்று நிருபிக்க ஒரு படம் எடுத்துள்ளார்கள்

# அவன் இவன்

தத்துவம்

ஒரே கதையை நாலு விதமா எடுத்தா அது ஷங்கர்
நாலு கதையை ஒரே விதமா எடுத்தா அது பாலா

இதுக்கு மேல வாயை கிளறாதீர்கள :)

-oOo-

ஆதங்கம் / எரிச்சல்

விக்கிபிடியாவின் நேர்மையும் நடுநிலையும் எந்த அளவு உள்ளது என்று பார்க்க இந்த கட்டுரையை படித்து பாருங்கள்

இதில் எது விடுபட்டது என்று கூறுங்கள்

ஒரு முறை படித்தும் கூட எது விடுப்பட்டது என்று புரியவில்லை என்றால் :(

-oOo-

இறுதியாக புனைவு

“அண்ணே, தனி மனித தாக்குதல்னா என்ன அண்ணே”

“அதுவா, நம்மள யாராவது திட்டினா அல்லது நமக்கு வேண்டியவங்கள யாராவது திட்டினா, அது தனி மனித தாக்குதல்”

“அப்ப நாம யாரையாவது திட்டினா”

“நாம யாரையாவது திட்டினா, அல்லது நமக்கு பிடிக்காதவங்கள யாராவது திட்டினா அது பேச்சு சுதந்திரம்”

“அது எப்படின்ணே”

“அது அப்படித்தான், நமக்கு வந்தாத்தான் இரத்தம், மற்றவர்களுக்கு வந்தா தக்காளி சாஸ்”
#புனைவு

வக்கீல்கள், சட்டத்துறை மற்றும் நீதித்துறை தொடர்பானவர்களுக்கு மூன்று அலைபேசி செயலிகள்

2011-06-12T07:49:00.002+05:30

அலைபேசியில் சில மென்பொருட்களை பரிசோதித்துக்கொண்டிருந்த போது அலைபேசி செயலி (mobile app) ஒன்றை ஒருவாக்குவது எளிது போல் தோன்றியது. மேலும் சிறிது நேரம் செலவழித்ததில், மூன்று செயலிகளை செய்துள்ளேன்

இந்திய அரசியல் சாசனம் : Constitution of India செயலியை உங்கள் அலைபேசியில் நிறுவினால் இந்திய அரசியல் சாசனத்தை வாசித்துக்கொள்ளலாம். தேடும் வசதியும் உள்ளது. நீங்கள் தரவிறக்க வேண்டிய கோப்புகள் Constitution.jar மற்றும் Constitution.jad
இந்திய தண்டனை சட்டம் : IPC - Indian Penal Code செயலியை உங்கள் அலைபேசியில் நிறுவினால் இந்திய தண்டனை சட்டத்தை முழுவதும் வாசித்துக்கொள்ளலாம். தேடும் வசதியும் உள்ளது. நீங்கள் தரவிறக்க வேண்டிய கோப்புகள் IPC.jar மற்றும் IPC.jad
குற்றவியல் நடைமுறை சட்டம் : CrPC - The Code of Criminal Procedures செயலியை உங்கள் அலைபேசியில் நிறுவினால் குற்றவியல் நடைமுறை சட்டத்தை முழுவதும் வாசித்துக்கொள்ளலாம். தேடும் வசதியும் உள்ளது. நீங்கள் தரவிறக்க வேண்டிய கோப்புகள் CrPC.jar மற்றும் CrPC.jad

நோக்கியா அலைபேசியில் பரிசோதித்து பார்த்ததில் பிரச்சனை எதுவும் இல்லை. வேறு அலைபேசிகளில் பிரச்சனை இருந்தால் கூறவும்

Nokia PC Suite மென்பொருளில் இருக்கும் Install Application பயன்பாட்டினை உபயோகித்து நீங்கள் பிற செயலிகளை நிறுவுவது போல் இதையும் எளிதாக நிறுவலாம்

கல்வி கற்கும் உரிமைக்கு எதிராக போராட அழைக்கும் பள்ளி

2011-04-27T00:09:00.000+05:30

இடைமிசு ஆபு (டைம்ஸ் ஆப்) இந்தியாவில் வந்த செய்தியில் இருந்து சில வரிகள்

Admitting poor students may bring down discipline and the quality of education and also demoralize teachers, says Sri Sankara Senior Secondary School. In a circular issued to students by the Adyar-based school, principal Subala Ananthanarayanan has linked a student's performance to his/her economic status and asked parents to protest against the Right To Education Act.
The circular said that under the Act, the school would have no choice but to admit students from poor families, which would pull down its standards.
"These rules will be damaging to the class and the entire school, and therefore to your child's education," the circular said.
"All this will make all schools perform exactly like government schools in quality and discipline. Is this why we have admitted our children in this or any good school?" the circular asks.

படித்து பார்த்தவுடன் புல்லரிக்கிறதா ?

ஏழை மாணவர்களை சேர்த்தால் கல்வித்தரம் குறைந்து விடுமாம். அப்படி என்றால் பள்ளியின் தரம் என்று ஒன்றுமே இல்லையா. நன்றாக சொல்லிக்கொடுக்கும் பெற்றொருக்கு பிறந்த நன்றாக படிக்கும் மாணவர்களுக்கு மட்டும் தான் இவர்களால் பாடம் எடுக்க முடியுமா ??

இவர்கள் பள்ளி தலை சிறந்த பள்ளி என்றால் எப்படிப்பட்ட மாணவர் என்றாலும் அவரை நன்றாக படிக்க வைக்க வேண்டியது தானே ??

ஏன் இது போன்ற கேள்விகளை யாரும் கேட்பதில்லை ??

இது போன்ற ஒரு அறிக்கையை அனுப்புவதற்கு வர்க்க பேதம் தவிர வேறு காரணங்கள் உண்டா ?? (தொலைக்காட்சியில் வந்த சோப்பு விளம்பரம் ஞாபகம் இருக்கா)

-oOo-

சரி

இப்பொழுது இந்த கல்வி கற்கும் உரிமை சட்டத்திற்கு வருவோம். இது சரியாஅல்லது அடிப்படையிலேயே கோளாறு உள்ளதா என்று எனக்கு சந்தேகமாகவே உள்ளது

தனியார் பள்ளிகளில் குறிப்பிட்ட சில இடங்களை இலவசமாக அளிக்க வேண்டும் என்கிறார்கள்

அது யாருக்கு
அந்த இடங்களை எப்படி நிரப்புவார்கள்
அந்த இடங்களை யார் நிரப்புவார்கள்
யாருக்கு இலவச இடங்கள்
யாருக்கு கட்டண இடங்கள்

என்பது குறித்து விரிவான விதிகள் உள்ளனவா

சரி

ஒரு பள்ளியில் 100 இடங்கள் இருக்கின்றன என்று வைத்துக்கொள்வோம். 75 மாணவர்களிடம் மட்டும் கட்டணச்சீட்டு அளித்து கட்டணம் பெற்றுக்கொண்டு, மீதி 25 மாணவர்களிடம் கட்டணச்சீட்டு அளிக்காமல் கட்டணம் பெற்றுக்கொள்வதை எப்படி தடுக்கப்போகிறார்கள் ?

உண்மையிலேயே சில மாணவர்களுக்கு இலவசமாக கல்வி கற்பிற்கிறார்கள் என்று வைத்துக்கொள்வோம். அது யார் என்பதை யார் முடிவு செய்யப்போகிறார்கள் ?

கல்விக்கட்டணம் மட்டும் தான் இலவசமா அல்லது சீருடை, புத்தகம், பேருந்து எல்லாம் இலவசமா ?

சத்துணவு அனைத்து குழந்தைகளுக்கும் உண்டா அல்லது இலவசமாக கல்வி கற்கும் குழந்தைகளுக்கு மட்டும்தானா ?

இவை அனைத்தையும் விட எனக்கு ஒரு மிகப்பெரிய கேள்வி / சந்தேகம் / பயம் / தயக்கம் உள்ளது.

தனியார் கல்விக்கூடங்களில் இலவசமாக கற்றுக்கொள்ள வழி செய்து விட்டோமே என்று அரசு பள்ளிகளை புதிதாக திறக்காமல், ஏற்கனவே இருக்கும் பள்ளிகளுக்கு படிப்படியாக மூடுவிழா நடத்துவதற்கு இந்த சட்டம் வழிவகுக்கிறதா ??

-oOo-

மேற்கூறிய காரணங்களினால் கட்டாய கல்வி சட்டத்தை என்னால் முழுவதும் ஏற்றுக்கொள்ள முடியவில்லை. (கடைசிகாரணம் தான் முக்கிய காரணம்)

ஆனால் அதே நேரம், மேற்குறிப்பிட்ட சுற்றரிக்கையை ஒரு பள்ளி முதல்வர் அனுப்பியதை வன்மையாக கண்டிக்க வேண்டும் என்பதில் சிறிதளவும் ஐயமோ தயக்கமோ கிடையாது.