Македонски народни песни

About Macedonian Folk Songs

2010-12-31T23:59:00.000+01:00

Macedonian Folk Songs is the largest collection of lyrics and mp3 samples of old, traditional folk music from Republic of Macedonia. You can use the menu in the sidebar to select a song by its name, which opens a page with original Cyrillic writing, plus a transcript in Latin English alphabet for your convenience (and better search engine indexing optimization).

Scene from a "Tresenica" dance, as performed in the Mariovo region, located in the south of Republic of Macedonia, near the border with Greece. See a video clip showing another macedonian traditional women's dance, Vodarki ("Water girls").

For each song for which it was possible, a one-minute audio mp3 sample is included. Use the Flash player to play the sample, or right-click and select "download" to download it on your computer. If there are several versions of some song, usually the best is placed as audio sample.

If you have any questions, please send me an email to the.goodbytes@gmail.com. Use the same address if you have some lyrics or mp3 that is not listed on this site. I will appreciate every help from you to make this collection as complete as possible. Thank you.

„Македонски народни песни“ е најголема колекција на текстови и mp3 семплови од нашето богато традиционално народно творештво. Покрај текстот на кирилица има и текст на латиница, со цел подобро да се индексира сајтот кај пребарувачите (Google, Yahoo, MSN...).

Ќе ми помогнеш многу ако ми испратиш текст или аудио запис од песна која ја нема во оваа колекција, бидејќи планот ми е постепено да го дополнувам овој сајт со сè повеќе песни. Прати ми електронска порака на: the.goodbytes@gmail.com. Благодарам.

Милка болна легнала

2009-10-15T17:10:00.004+02:00

Зора зазорила,
сонце угрејало,
в' Милкина градина.
Милка не станува,
дворој да измети,
в' постела болна легнала.

Крај постела седи,
нејзиното либе,
со понада во раце.
Во левата дуња,
во десната прстен,
Милка да ја венчава.

- „Стани Милке, стани,
камбаните бијат,
за нашата венчавка“.
Милка ми станала,
и заплакала,
в' раце мртва му паднала.

Зора зазорила,
сонце угрејало,
в' Милкина градина.
Милка ми ја нема,
дворој да измети,
црна земја ја покрила.

Прстен ми падна Нешо

2009-10-13T14:21:00.001+02:00

Прстен ми падна Нешо
прстен ми падна,
прстен ми падна Нешо
отаде река.
Отаде река Нешо
отаде река,
Отаде река нешо
во песочина.

Овчар го најде лудо
овчар го најде,
овчар го најде лудо
па не го дава.
Таксај му таксај Нешо
таксај му таксај,
таксај му таксај Нешо
што ќе му таксаш.

Овчар ми бара лудо
овчар ми бара,
овчар ми бара лудо
белото лице.
Белото лице лудо
белото лице,
белото лице лудо
рамната снага.

Филка мома моле бога

2009-10-06T16:11:00.001+02:00

Филка мома моле бога
да ја сторе леле, едно пиле
да прелета леле, ширно море
да си иде леле, ју Солуна.

Да си иде, ју Солуна
ју в' чаршија леле, на сергија
да си купе леле, астурена
да и шие леле антерија.

Да и шие, антерија
д'лга, д'лга леле, ем широка
да се веје леле, до земјата
да ја гале леле, калдрмата.

Филка ќ' онде, на орото
на орото леле, кукушкото
дек' шо играт леле, с'л ергени
с'л ергени леле, кукушари.

Да ја видат, ергените
ергените леле, кукушките
да запукат леле, комшиите
комшиите леле, душманите.

Прошета се Јовка Кумановка

2009-10-01T23:07:00.001+02:00

Прошета се Јовка Кумановка, ај мори,
горе-доле, Јовка, низ тој поље, ај мори,
низ тој поле, Идризово.

Загубила Јовка кован ѓердан, ај мори,
загубила Јовка кован ѓердан, ај мори,
по њум иде Љатиф ага.

Не шетај се Јовке Кумановке, ај мори,
низ тој поље, Јовке Кумановке, ај мори,
низ тој поље, Идризово.

Ќе те земам Јовке јас за жена, ај мори,
ќе те правам Јовке бела була, ај мори,
бела була Идризова.

Не се турчам, Љатиф, не се грчам, ај мори,
и јас с' имам, Љатиф, мерак по друг, ај мори,
мерак по друг, Костадина.

Димитриче русокосо девојче

2009-09-24T21:38:00.001+02:00

Димитриче русокосо девојче,
Димитриче русокосо девојче.
Иди ја прашај твојата мајка душице,
Дал' да дојдам утре вечер на гости.

Дал да дојдам утре вечер на гости,
Дал да дојдам утре вечер на гости.
Да насликам твоето лице убаво,
Да насликам твоето лице убаво.

И да дојдеш фајде нема даскале,
И да дојдеш фајде нема даскале.
Јас си имам девет браќа родени,
они имат девет пушки сребрени.

Ко ќе дојдат да вечерат даскале,
Ко ќе дојдат да вечерат даскале.
Земјата се потресува до бога,
Земјата се потресува добога.

Димитриче русокосо девојче,
Димитриче русо косо девојче.
Иди и кажи на мајка ти душице,
да не раѓа друго чедо как' тебе.

Да не раѓа друго чедо как' тебе,
Да не раѓа друго чедо как' тебе.
да не гори други беќар как' мене,
да не гори други беќар как' мене.

Бегала ми е Благуна

2009-07-20T01:05:00.002+02:00

Бегала ми е Благуна,
бегала ем си плакала.
Селани трчаат по неа:
- „Постој, Благуно, не бегај,
постој, Благуно, не бегај,
кој ми те тебе налути“?

Селани браќа ми сте,
јас да ви кажам маките,
јас имам мака голема,
од најмалото деверче.

Оно ми вели, говори:
- „Брат ми не иде од туѓина,
ај да се с' тебе земиме!“
Затоа бегам и плачам.

Begala mi e Blaguna,
begala em si plakala.
Selani trchaat po nea:
- „Postoj, Blaguno, ne begaj,
postoj, Blaguno, ne begaj,
koj mi te tebe naluti“?

Selani brakja mi ste,
jas da vi kazham makite,
jas imam maka golema,
od najmaloto deverche.

Ono mi veli, govori:
- „Brat mi ne ide od tugjina,
aj da se s' tebe zemime“!
Zatoa begam i placham.

Blaguna is running away,
Running and she is crying.
The villagers run after her:
- "Hold it, Blaguna, don't run.
Hold it, Blaguna, don't run,
who made you so angry?

Villagers, be my brothers,
I will tell you my troubles.
I've got a big trouble
with my youngest brother-in-law.

He is telling me, he is saying:
- "My brother is not coming back from a foreign land
so let's you and I get married"!
That's why I run and cry.

TBD

Море абер дојде Ајше

2009-07-10T01:05:00.002+02:00

Море абер дојде,
Ајше ле мори,
на аскер да одам,
ајде до девет години.

Море ти да станеш,
Ајше ле мори,
рано ем порано,
ајде во понеделник.

Море да облечиш,
Ајше ле мори,
руба неносена,
ајде руба неносена.

Ти да ме испратиш,
Ајше ле мори,
долу до јурија,
ајде долу до јурија.

Море изим давам,
Ајше ле мори,
ти да ме дочекаш,
Ајше, до девет години.

Море на десетта,
Ајше ле мори,
ако ме дочекаш,
Ајде јас ќе ти дојдам.

Јас ќе ти донесам,
Ајше ле мори,
тебе голем бакшиш,
Ајше срмено елече,
Ајше срмено елече.

Бог да го бие тој Ибраим Оџа

2009-07-01T01:05:00.000+02:00

Бог да го бие тој Ибраим Оџа,
тој Ибраим Оџа, баш арамија,
тој Ибраим Оџа, баш арамија.

Што ми излезе на Гучева Чешма,
на Гучева Чешма, со триесетмина,
на Гучева Чешма, со триесетмина.

Од таму минале два-три ќумурџии,
два-три ќумурџии, многу сиромаси,
два-три ќумурџии, многу сиромаси.

- „Многу ти години, бре Ибраим Оџа,
многу ти години, бре Ибраим Оџа“.
Ибраим Оџа им одговара:

- „Мојте години, многу нека бидат,
вашите години, малу нека бидат,
ај идете долу, во село Гучево,
да им кажете на гучевчаните,
ручек да ми гответ, за триесет души,
јагне печено, ем вино црвено“.

Излези Видо мори, чудо да видиш

2009-06-20T01:05:00.000+02:00

Излези Видо мори, чудо да видиш,
чудо да видиш, Видо, чудото големо,
чудото големо Видо, зајак со чалма,
зајак со чалма, Видо, глава преврзана.

Излези Видо мори, чудо да видиш,
чудо да видиш, Видо, чудото големо,
чудото големо Видо, волк со долама,
волк со долама Видо, зајак со чалма,
зајак со чалма, Видо, глава преврзана.

Излези Видо мори, чудо да видиш,
чудо да видиш, Видо, чудото големо,
чудото големо Видо, лисица со венци,
лисица со венци Видо, волк со долама,
волк со долама Видо, зајак со чалма,
зајак со чалма, Видо, глава преврзана.

Излегна Вида мома, чудо да види,
чудо да види Вида, чудото големо,
чудото големо Вида, момче неженето.

Ах минав гора, минав друга

2009-06-10T01:05:00.000+02:00

Ах минав гора, минав друга,
ах во гората дробен јасен,
ах на јасенот славеј пиле,
ах славеј пиле ране пее.

Ах не пеј пиле, не пеј рано,
ах не буди ми мојто либе,
ах саноќ сум го приспивала,
ах, приспивала, милувала.

Рајна на порти стоеше

2009-06-01T01:05:00.000+02:00

Рајна на порти стоеше, мила мамо,
Рајна на порти стоеше,
либето си го чекаше.

Оздола иде млад јунак, мила мамо,
оздола иде млад јунак,
и носи писмо за Рајна.

- Рајно ле, моме убаво, леле убаво,
Рајне ле, моме убаво,
носам ти писмо од дружба.

Рајна на јунак думаше, леле думаше,
Рајна на јунак думаше:
- Што ќе ми писмо од дружба,
кога ми либе замина?

--
Ја немам оваа песна. Помогни со тоа што ќе ми ја испратиш на email. Благодарам!

I do not have an audio sample of this song. Do you? Help this collection by sending it to me via email. Thanks!

Жали моме, да жалиме

2009-05-20T01:05:00.000+02:00

Жали моме, да жалиме, еј моме,
оти ќе се разделиме,
јас од тебе, ти од мене, моме,
јас од тебе, ти од мене.

Ти ќе одиш млада невеста, моме,
Ти ќе одиш млада невеста,
со младо момче пред тебе, моме,
со младо момче пред тебе.

Свекор, свекрва до тебе, моме,
Свекор, свекрва до тебе,
и најмладо деверче, моме,
и најмладото деверче.

Кажи Јано

2009-05-10T01:05:00.000+02:00

Кажи Јано, кажи бре ќерко,
зошчо не се мажиш?
Аман, ниту ти се мажиш,
Јано ќерко, ниту изим даваш.

Ниту ред им даваш, бре Јано,
на твоите браќа,
аман на твоите браќа, Јано ле ќерко,
на твоите сестри.

Твојте побратими, бре Јано,
бели бради бричат,
аман, твоите посестрими, Јано ќерко,
бели коси плетат.

Сулејман си има џанам 12 чифлици

2009-05-01T01:05:00.001+02:00

Сулејман си има џанам
дванајсет чифлици.
Чифлици си дава џанам,
Лена не ја дава.

Лена не ја дава џанам,
што е многу лична.
Бела ем црвена џанам,
тенка ем висока.

Ленинита рамна снага,
тешка половина.
Ленините очи џанам,
црно черешови.
Ленините гајтан веѓи,
морски пијавици.

Тихо Мирка си заспала

2009-04-20T01:05:00.001+02:00

(Песна за Мирка Гинова)

Тихо Мирка си заспала
во Почепските планини,
во Почепските планини,
таму долу во ливади.

Насред ноќи пристигнале,
втора чета комесари,
гласот Мирка им го слушна,
одма Мирка се разбуди.

Во зората пристигнале
клети шпиони фашисти,
местото го заградија,
жива Мирка фатија.

Жива Мирка ја фатија,
во град Воден ја носија,
тешко Мирка ја мачија,
жива во гроб ставија.

Голем мерак имам мамо

2009-04-10T01:05:00.000+02:00

Голем мерак имам мамо,
партизан да одам,
партизан да одам мамо,
на Вичо планина.

Тамо ќе си најдам, мамо,
мојте верни браќа,
мојте верни браќа мамо,
мојте верни сестри.

Јаска ќе се борам мамо,
за Македонија,
за Македонија, мамо,
земја измачена,
земја измачена мамо,
од клети фашисти.

Прва пушка пукна мамо,
мене ме погоди,
мене ме погоди мамо,
на левата страна,
на левата страна мамо,
близу до срцето.

Мори чупи костурчанки

2009-04-01T01:05:00.000+02:00

Мори чупи костурчанки,
раширете го орото,
да ви вијме фустаните,
чиј е ф'стан дамкалија,
да се стору севдалија,
по фустано на чупчето.

Урва Фанка

2009-03-20T01:05:00.000+01:00

Урва Фанка, урва Фанка по полето,
урва Фанка, ој леле, по полето,
да собери, да собери црно грозје,
да собере, оф леле, црно грозје,
црно грозје, црно грозје лисечина,
црно грозје, ој леле, лисечина.

Ми ја фати, ми ја фати падарчето,
ми ја фати, ој леле, падарчето:
- Таксај Фанке, таксај Фанке што ќе таксаш,
таксај Фанке, ој леле, што ќе таксаш.
- Таксана е, таксана е пендолира,
таксана е, ој леле, пендолира.

- Не ти сакам, не ти сакам пендолира,
не ти сакам, ој леле, пендолира,
тук' ти сакам, тук' ти сакам бело лице,
тук' ти сакам, ој леле, црни очи!

Кинисала Роса ју планина

2009-03-10T01:05:00.000+01:00

Кинисала Роса ју планина,
да си бере Роса росно цвеќе,
ден го брала Роса, ден китила.

Накитила Роса три товара,
товарила Роса, замркнало,
ја смркнало Роса, затемнило.

Ој овчари, море, мили браќа,
каде има браќа таа вечер,
таа вечер, браќа, да ноќевам.

Ноќевала Роса кај овчари,
ја самнало Роса, товарила,
кинисала Роса да си оди.

Насмеа се Роса на овчари,
Ој овчари, море, будалишта,
сретнал волкот, море, рудо јагне,
па не знаел, море, да го јаде.

Да ми пукниш, стара мајко

2009-03-01T01:05:00.000+01:00

Да ми пукниш, стара мајко,
да тресниш, да тресниш,
зашчо ме роди, мамо, убава, калеша!
Да не можа на портето,
да слеза, да слезам,
од тие пусти, мамо, беќари, ергени.

Свилена марама, мамо,
даваја, давае,
бело ми лице, мамо,
сакаја, сакае.

Срмено елече, мамо,
даваја, даваје,
црни ми очи, мамо,
сакаја, сакаје.

Низа жолтици, мамо,
даваја, даваа,
рамна ми снага, мамо,
сакаја, сакаа.

Митре Влао, тешко ранет

2009-02-20T01:05:00.000+01:00

Митре Влао, тешко ранет,
им се моли на другари:
- Ој другари, мили браќа,
подајте ми дулбијата,
да ја врла Вич планина,
да распула горе-долу.

Планините, долините,
и Баскарските Извори,
да се проста со Костурско,
и со цела Македонија,
да се проста со Костурско,
и со цела Македонија.

В село се чешма градеше

2009-02-17T16:09:00.002+01:00

В село се чешма градеше,
голем се џумбуш правеше.
Лиду, лиду лиду, ли ду ду,
голем се џумбуш правеше.

В село се чешма градеше,
на крај село до јаворот.
Лиду, лиду лиду, ли ду ду,
на крај село до јаворот.

Каков им беше мајсторот,
чешмата што ја направи?
Лиду, лиду лиду, ли ду ду,
чешмата што ја направи.

Чешмата што ја направи,
како ѝ тури чепурот.
Лиду, лиду лиду, ли ду ду,
како ѝ тури чепурот.

V selo se cheshma gradeshe,
golem se dzhumbush praveshe.
Lidu, lidu lidu, li du du,
golem se dzhumbush praveshe.

V selo se cheshma gradeshe,
na kraj selo do javorot.
Lidu, lidu lidu, li du du,
na kraj selo do javorot.

Kakov im beshe majstorot,
cheshmata shto ja napravi?
Lidu, lidu lidu, li du du,
cheshmata shto ja napravi.

Cheshmata shto ja napravi,
kako i' turi chepurot.
Lidu, lidu lidu, li du du,
kako i' turi chepurot.

In the village a fountain was being built,
and there was a bedlam.
Hey, ho, hey, ho,
there was a bedlam.

In the village a fountain was being built,
at the end of the village, near the maple.
Hey, ho, hey, ho,
at the end of the village, near the maple.

What kind of a builder they had
that built their fountain?
Hey, ho, hey, ho,
that built their fountain.

The fountain that he built,
he didn't put the nozzle well.
Hey, ho, hey, ho,
he didn't put the nozzle well.

(French translation is not available at this time)

Грозда мома мести три бајрака

2009-02-10T01:05:00.000+01:00

Грозда мома, Грозда мома,
Грозда мома, на бунаро.

Она била бојаџика,
она мести три бајрака.

Еден зелен, други модер,
треќи црвен, трети црвен.

Еден бајрак за на собор,
други бајрак за на свадба.

Црвен бајрак за на војна,
за на борба, за слобода.

Ајде Лено да ојме

2009-02-01T02:39:00.002+01:00

Ајде Лено д' ојме
долу на сред село,
долу на сред село,
собор се собрало.

Таму се собрале
и стари и млади,
оро заиграле,
песни запеале.

Среде во орото,
нашето овчарче,
како је дувало,
таја пуста гајда.

Сите девојчиња
играат и пеат,
убавата Цена
ни игра, ни пее.