PGBWU

கிராம வங்கிகளை தனியார் மயமாக்குவதற்கு எதிரான நமது ஆர்ப்பாட்டம்!

2014-12-24T16:30:00.000+05:30

22.12.2014 அன்று மத்திய அரசு, அந்த ஆபத்தான மசோதாவை மக்களவையில் நிறைவேற்றி இருக்கிறது. கிராம வங்கிகளில் இருக்கும் அரசின் பங்குகளை 51 சதவீதத்திற்கு குறைத்து, மீதியை தனியார்கள் கைகளில் கொடுக்கும் நடவடிக்கை இது. கிராம வங்கிகளின் முதலீட்டை அதிகரிக்கப் போகிறோம் என்று அறிவிப்போடு இந்த பாதகத்தை செய்யத் துணிந்திருக்கிறது மோடியின் அரசு.

ஊழலில் சிக்கி, மக்களை வாட்டி வதைத்த காங்கிரஸ் அரசை மக்கள் நிராகரித்து, பெரும் எதிர்பார்ப்போடு பா.ஜ.க அரசை அதிகாரத்தில் அமர்த்தினார்கள். பேய்க்கு பயந்து பிசாசிடம் சிக்கிக்கொண்ட கதை நடந்துவிட்டது.

பதவியில் அமர்ந்ததிலிருந்து மக்களுக்கு விரோதமாகவும், பெரும் முதலாளிகளுக்கு ஆதரவாகவும் மூர்க்கத்தனமாக ஆட்சி செய்து கொண்டு இருக்கிறது மோடியின் அரசு.

நூறு நாள் வேலைத் திட்டத்திற்கு மூடு விழா, சுய உதவிக் குழுக்கள் கலைப்பு, மானியங்கள் வெட்டு, சர்வதேச சந்தையில் பெட்ரோல் விலை குறைந்தாலும், இங்கு குறைக்காத பிடிவாதம், காப்பீட்டுத் துறையில் தனியார், ரெயில்வேயில் தனியார் என ஒவ்வொரு நாளும் சாதாரண மக்களுக்கு எதிரான ஆட்சி செய்யும் மோடியின் அரசு இப்போது கிராம வங்கிகளிலும், அதன் எதிர்காலத்திலும் கைவைத்திருக்கிறது.

மூன்றேகால் லட்சம் கோடி பிசினஸ் உள்ள கிராம வங்களை, 2500 கோடிக்கு மேல் சென்ற வருடம் நிகர லாபம் ஈட்டும் கிராம வங்கிகளை தனியாருக்குக் கொடுப்பதற்கு ஏதுவாக மக்களவையில், RRB Act amendment bill ஐ நிறவேற்றி விட்டது. இன்னும் இராஜ்ய சபையில் நிறைவேற வேண்டியது இருக்கிறது.

நமது உழைப்பில் வளர்ந்த கிராம வங்கிகளை, நமது சேவையில் அடைந்த லாபத்தை முதலாளிகளுக்கு எடுத்துக் கொடுக்கும் அயோக்கியத்தனமான செயல் இது.

சாதாரண மக்களிடமிருந்து கிராம வங்கிகளை விலக்கி வைக்க அரசு முடிவு செய்து விட்டதாகவே தெரிகிறது. தொழிலாளர்கள் நலன்களும், உரிமைகளும் பறி போகும். இட ஒதுக்கீட்டுக் கொள்கைகள் மெல்ல மெல்ல நீர்த்துப் போகும். கிராம வங்கிகள் அதன் அர்த்தத்தை இழந்து, முதலாளிகளின் கைகளில் சிக்கி, சீரழியும்.

நமது அகில இந்திய சங்கம் AIRRBEA இதனை உடனடியாக கண்டித்து, 23.12.2014 அன்று இந்தியாவெங்கும் உள்ள அனைத்து கிராம வங்கிகளின் தலைமையலுவலகங்களின் முன்பாக ஆர்ப்பாட்டங்கள் நடத்துமாறு அழைப்பு விடுத்தது.

பாண்டியன் கிராம வங்கியில், AIRRBEAவின் இணைப்புச் சங்கங்களான PGBWUவும், PGBOUவும் 23.12.2014 அன்று காலையில் நமது தோழர்களுக்கு அழைப்பு விடுத்தன. மிகக் குறைந்த அவகாசம்தான். ஆனாலும் நூற்றுக்கும் மேற்பட்ட தோழர்கள், விருதுநகரில் PGB தலைமையலுவலகத்தின் முன் குவிந்துவிட்டனர். அதில் பாதிக்கும் மேற்பட்டவர்கள் இளைய தலைமுறையினர் என்பதுதான் உற்சாகமான செய்தி.

PGBWUவின் உதவிப் பொதுச் செயலாளர் தோழர்.அருண்பிரகாஷ் சிங்கின் ஆக்ரோஷமான கோஷங்களோடு ஆர்ப்பாட்டம் துவங்கியது. PGBWUவின் செயல் தலைவர் தோழர்.பாலாஜி பாலகிருஷ்ணன் தலைமை தாங்கினார். AIRRBEA-TN தலைவர் தோழர். கிருஷ்ணன், PGBOU உதவித்தலைவர் தோழர்.போஸ் பாண்டியன், செயற்குழு உறுப்பினர் தோழர்.முத்துவிஜயன், பொதுச்செயலாளர் தோழர்.சங்கரலிங்கம், PGBEAவின் இணைச்செயலாலர் தோழர்.விவேகனந்தன், பொதுச்செயலாளர் தோழர்.மாதவராஜ், BEFI விருதுநகர் மாவட்டச் செயலாளர் தோழர் மாரிக்கனி ஆகியோர் மத்திய அரசைச் சாடியும், போராட்டத்தை வாழ்த்தியும் பேசினார்கள். இறுதியில் PGBOU செயற்குழு உறுப்பினர் தோழர்.காமராஜ் நன்றி கூறினார்.

ஆர்ப்பாட்டத்தின் காட்சிகள் இங்கே:

தோழர்கள்

கோஷமிடும் PGBWU உதவிப்பொதுச்செயலாளர்

தோழர் அருண் பிரகாஷ் சிங்

தோழர்கள்

தலைமை தாங்கிய PGBWU செயல் தலைவர்

தோழர்.பாலாஜி பாலகிருஷ்ணன்

AIRRBE-TN தலைவர் தோழர்.கிருஷ்ணன்

PGBOU உதவித்தலைவர் தோழர் போஸ்பாண்டியன்

தோழர்கள்

PGBWU இணைச்செயலாளர் தோழர்.விவேகனந்தன்

PGBOU சார்பில் தோழர்.முத்துவிஜயன்

PGBOU பொதுச்செயலாளர் தோழர்.சங்கரலிங்கம்

PGBWU பொதுச்செயலாளர் தோழர்.மாதவராஜ்

தோழர்கள்

”மத்திய அரசே! கிராம வங்கி ஊழியர்கள்நாங்கள் தொடர்ந்து போராடுவோம்”

-தோழர்.மாதவராஜ்

தோழர்கள்

BEFI-TN மாவட்டசெயலாளர் தோழர்.மாரிக்கனி

நன்றி கூறும் PGBOU செயற்குழு உறுப்பினர் தோழர்.காமராஜ்

தோழர்கள்

All Trade Unions in PGB - Gate Meeting on 27.8.2014

2014-08-28T09:06:00.000+05:30

பாண்டியன் கிராம வங்கி நிர்வாகத்தின் அணுகுமுறையும், செயல்பாடுகளும் மிக மோசமான நிலையில் இருக்கிறது.

2013ம் ஆண்டில் அடையாளம் காணப்பட்ட காலியிடங்களுக்கு இன்னும் பிரமோஷன் அறிவிக்கப்படவே இல்லை.

2014ம் ஆண்டில் ஏப்ரல், மே மாதங்களில் போடப்பட்டு இருக்க வேண்டிய ஜென்ரல் டிரான்ஸ்பர்கள் இன்னும் போடப்படவில்லை.

2013ம் ஆண்டு ஜூன் மாதத்தில் பணிக்குச் சேர்ந்த புதிய ஊழியர்களுக்கு இன்னும் கன்பர்மேஷன் கொடுக்கப்படவில்லை.

பலருக்கு வருடக்கணக்கில் Leave regularize செய்யப்படவில்லை.

இப்படி Personnel Administration Department நிலைமை இருக்கிறது.

ஒழுங்கு நடவடிக்கைகள் முடிவுற்று, பலருடைய அப்பீல்கள் வருடக்கணக்கில் கவனிக்கப்படவில்லை.

Final orderகளுக்காகவும், Findingsக்காகவும் பலருடைய Fileகள் காத்துக் கிடக்கின்றன.

பணியில் இருக்கும்போதெல்லாம் விட்டுவிட்டு, ஓய்வு பெறுவதற்கு சில நாட்களுக்கு முன்னர் சார்ஜ் ஷீட் கொடுக்கப்படுகிறது.

தேவையில்லாமல், வேண்டுமென்றே குற்றச்சாட்டுக்கள் சுமத்தி, Fileஐ create செய்துவிட்டு அதை வருடக்கணக்கில் தீர்க்காமல் அப்படியே வைத்திருப்பது வாடிக்கையாகவும், வழக்கமாகவும் இருக்கிறது.

இப்படி Inspection Departmentன் நிலைமை இருக்கிறது.

காலதாமதமும், ஊழியர் நலனில் மெத்தனமும், ஊழியர்களை அடிமைகளாக பாவிக்கும் ஆணவமும் மண்டிக்கிடக்கிற இடமாக தலைமையலுவலகம் சிதைந்து போயிருக்கிறது.

அனைத்துத் தரப்பு ஊழியர்களும், அலுவலர்களும் கடும் எரிச்சலும், விரக்தியும் அடைந்து வருகின்றனர். வங்கிக்கும், இங்கு பணிபுரிபவர்களுக்கும் இந்த அணுகுமுறை நல்லதல்ல என்பதுதான் எல்லோரின் கருத்தாக உருவெடுத்திருக்கிறது.

இந்த இரு துறைகள் குறித்து வருடக்கணக்கில் சங்கங்கள் நிர்வாகத்துடன் பேசியும், அதிருப்தி தெரிவித்தும் வந்திருக்கின்றன.

இந்த Attitudeக்கும், Approachக்கும் காரணமானவர்களை அப்புறப்படுத்தி விட்டு, புதிய சிந்தனைகளும், நட்பும் மனிதாபிமானமும் கொண்ட அதிகாரிகளை தலைமையலுவலகத்தில் பணியாற்ற ஏற்பாடுகள் செய்வதுதான், தலைமையலுவலகத்தில் மாற்ற்ம்’ கொண்டு வருவதன் முதல் படியாக இருக்கும் என சங்கங்கள் கோரிக்கை வைத்தன.

நம்முடைய கருத்துக்களை ஆமோதிக்கிற நிர்வாகம், ஆனால் சரி செய்ய மட்டும் முன்வர மாட்டேன்கிறது.

எனவே, பாண்டியன் கிராம வங்கியில் இருக்கும் அனைத்துத் தொழிற்சங்கங்களும் ஒன்றிணைந்து, ‘தமைமையலுவலகத்திலிருந்து மாற்றம்’ கொண்டு வர தொடர்ந்து இயக்கம் நடத்துவது என முடிவு செய்திருக்கின்றன.

அதன் முதல் கட்டமாக, 27.8.2014 அன்று மாலை தலைமையலுவலகத்தில் வாயிற்கூட்டம் நடத்தப்பட்டது. பாண்டியன் கிராம வங்கியில், தொழிற்சங்க இயக்கத்தில் அனைத்துத் தரப்பினரும் ஒன்றிணைந்து நிற்கும் மிக முக்கியமான அத்தியாயம் இதன் மூலம் ஆரம்பமாகி இருக்கிறது.

கடுமையான ஆள் பற்றாக்குறை, 4 மணி வரை கிளையில் வரவு செலவு பார்க்க வேண்டிய நிலை, தொலைதூரத்தில் கிளைகள் திறக்கப்பட்ட சூழலையும் தாண்டி ஏறத்தாழ 200 தோழர்கள் இந்த வாயிற்கூட்டத்திற்கு வந்திருந்தனர்.

உற்சாகமும், எழுச்சியும் மிக்க இந்த வாயிற்கூட்டத்தை, PGBWUவின் AGS தோழர்.அருண்பிரகாஷ் சிங் தனது ஆக்ரோஷமான கோஷங்களால் துவக்கி வைத்தார்.

PGBWUவின் தலைவர், தோழர்.பாலசுப்பிரமணியன் வாயிற்கூட்டத்திற்கு தலைமை தாங்கினார். PGBSEWA பொதுச்செயலாளர் தோழர்.ராஜேந்திர சோழன் பேசினார். PGBOUவிலிருந்து தோழர்கள் போஸ் பாண்டியன், சாமுவேல் ஜோதிக்குமார், டி.கிருஷ்ணன், சங்கரலிங்கம் ஆகியோர் பேசினார்கள். PGBOAவிலிருந்து தோழர்கள் குழந்தைவேலு, அருணாச்சலராஜன், இலக்குவன் ஆகியோர் பேசினார்கள். PGBWUவிலிருந்து தோழர்கள் பாலாஜி பாலகிருஷ்ணன், மாதவராஜ் ஆகியோர் பேசினார்கள்.

நிர்வாகம் உடண்டியாக ‘தலைமையலுவலகத்தில் மாற்றம் கொண்டு வர வேண்டும், இல்லையென்றால் வங்கியின் தொழில் அமைதி பாதிக்கப்படும், வணிகமும் பாதிக்கப்படும் அளவுக்கு கடும் நடவடிக்கைகள் எடுக்க வேண்டி இருக்கும் என தொழிற்சங்கத் தலைவர்கள் எச்சரித்துள்ளனர்.

வாயிற்கூட்டம் முடிந்ததும், வங்கியின் சேர்மனை சந்தித்து, மெமொரெண்டம் கொடுக்கப்பட்டது. ‘ஆகஸ்டு மாதத்திற்குள் தலைமையலுவலகத்தில் மாற்றம் கொண்டு வர வேண்டும். இல்லையென்றால் போராட்ட வடிவங்கள் தீவீரமாகும்’ என்பது தெரிவிக்கப்பட்டது.
\
வரும் சனிக்கிழமை மாலை, அனைத்துத் தொழிற்சங்கத் தலைவர்கள் மீண்டும் கூடி அடுத்தக் கட்ட நடவடிக்கைகளை தீர்மானிப்பார்கள்.

வாயிற்கூட்டத்தின் சில காட்சிகள்:

தோழர்.அருண்பிரகாஷ்சிங் கோஷங்களோடு...

தோழர்கள்.....

தோழர்.பாலசுப்பிரமணியன் பேசுகிறார்...

தோழர்கள்...

தோழர்.ராஜேந்திர சோழன் பேசுகிறார்...

தோழர்.போஸ் பாண்டியன் பேசுகிறார்...

தோழர்கள்...

தோழர்.அருணாச்சலராஜன் பேசுகிறார்...

தோழர்.டி.கிருஷ்ணன் பேசுகிறார்...

தோழர்.குழந்தைவேலு பேசுகிறார்...

தோழர்.சாமுவேல் ஜோதிக்குமார் பேசுகிறார்...

தோழர்.பாலாஜி பாலகிருஷ்ணன் பேசுகிறார்...

தோழர்.சங்கரலிங்கம் பேசுகிறார்...

தோழர்.இலக்குவன் பேசுகிறார்...

தோழர்.மாதவராஜ் பேசுகிறார்...

தோழர்கள்...

தோழர்.மாதவராஜ் பேசுகிறார்...

தொடரும் நமது இயக்கம்!

2014-05-26T08:57:00.002+05:30

ஊழியர்கள் மற்றும் அலுவலர்களின் நலன்களுக்கு எதிராக செயல்பட்டு வரும் பாண்டியன் கிராம வங்கி நிர்வாகத்தை எதிர்த்து PGBEAவும், PGBOUவும் தொடர் இயக்கங்கள் ஆரம்பித்து நடத்தி வருகிறோம்.

விரைவாக புதிய பணிநியமனங்கள் நடத்தப்பட்டு கிளைகளில் அதிகரித்துவரும் பணி நெருக்கடிகளை தீர்க்கவேண்டும் என்றும், ஓய்வு பெறுகிறவர்களை ஒழுங்கு நடவடிக்கைகள் என்ற பெயரில் துன்புறுத்துவதை எதிர்த்தும், ஒழுங்கு நடவடிக்கைகளில் கடைப்பிடிக்கப்பட்டு வரும் இரக்கமற்ற மனிதாபிமற்ற அணுகுமுறையை எதிர்த்தும், நிர்வாக நடைமுறைகளில் உள்ள அதீத காலதாமதத்தை எதிர்த்தும், தலைமையலுவலகத்தை மறுசீரமைக்கக் கோரியும் இந்த இயக்கம் நடைபெற்று வருகிறது.

நமது கோரிக்கைகளையும், பிரச்சினைகளையும் விளக்கி முக்கிய நகரங்களில் பிளக்ஸ் பேனர்கள் வரிப்பது என முடிவு செய்திருந்தோம். அதன் அடிப்படையில் கீழ்க்கண்டவாறு வைக்கப்பட்டு வருகின்றன.

நான்கு மண்டல அலுவலகங்கள் முன்பாக ஆரப்பட்டங்கள் நடத்துவது என அழைப்பு விடுக்கப்பட்டு நடத்தி வருகிறோம். 14.05.2014ம் தேதி தூத்துக்குடியிலும், 21.052014ம் தேதி நெல்லையிலும் மிகுந்த எழுச்சியோடு நடந்து முடிந்திருக்கின்றன. நமது உக்கிரமான கோஷங்களும், உண்மையான பிரச்சினைகளும் வீதிகளில் ஒலித்திருக்கின்றன.

14.5.2014 அன்று தூத்துக்குடி வட்டார அலுவலகம் முன்பு ஆர்ப்பாட்டம்

21.5.2014 அன்று நெல்லை வட்டார அலுவலகம் முன்பு ஆர்ப்பாட்டம்

இன்னும் விருதுநகர், சிவகங்கை மண்டல அலுவலகங்கள் முன்பாக நடக்க இருக்கின்றன. அதனையடுத்து ஜூன் 10ம் தேதி மதுரை கலெக்டர் அலுவலகம் முன்பாக, நமது வங்கியில் ஓய்வு பெற்றவர்கள் குடும்பத்தோடு பங்கேற்கும் ஆர்ப்பாட்டம் நடத்தவும் திட்டமிட்டு வருகிறோம்.

10.12.2013 டெல்லி தர்ணாவும், அகில இந்தியச் செய்திகளும்

2013-12-17T20:35:00.001+05:30

AIRRBEA அறைகூவலின்படி, அகில இந்தியக் கோரிக்கைகளை முன்வைத்து, போராட்டங்கள் நடந்து வருகிறது. அதன் முதற்கட்டமாக அந்தந்த கிராம வங்கி தலைமை அலுவலகம் முன்பாக 22.11.2013 அன்று ஒருநாள் தர்ணா நடத்தப்பட்டது. அதனை ஏற்று பாண்டியன் கிராம வங்கி தலைமை அலுவலகம் முன்பாக நாம் தர்ணா நடத்தியதை, நமது வலைப்பக்கத்தில் வெளியிட்டு இருந்தோம்.

அதனைத் தொடர்ந்து 10.12.2013 அன்று டெல்லி ஜந்தர் மந்தரில், தேசம் முழுவதும் உள்ள கிராம வங்கிகளிலிருந்து பிரதிநிதிகள் வந்து கலந்து கொள்ளும் தர்ணாவை AIRRBEA அறிவித்திருந்தது. 600க்கும் மேற்பட்ட தோழர்கள் கலந்து கொண்ட அந்த தர்ணாவில், தமிழ்நாட்டிலிருந்து, AIRRBEA இணைச்செயலாளர் தோழர்.மாதவராஜ் தலைமையில் நான்கு தோழர்கள் பங்குபெற்றனர்.

AIRRBEA தலைவர் தோழர் ராஜீவன் தலைமையில் நடைபெற்ற தர்ணாவில், அகில இந்தியப் பொதுச்செயலாளர் தோழர்.சையீதுகான் , AIRRBEAவின் அலுவலர்கள் சங்கமான NFRRBOவின் பொதுச்செயலாளர் தோழர்.வெங்கடேஸ்வர ரெட்டி ஆகியோர் கோரிக்கைகளை விளக்கிப் பேசினர்.

பல்வேறு அரசியல் கட்சிகளையும், அமைப்புகளையும் சேர்ந்தவர்கள் தர்ணாவில் கலந்துகொண்டு, நமது கோரிக்கைகளை வாழ்த்தியும், மத்திய அரசின் போக்கைக் கண்டித்தும் பேசினர். அவர்கள் வருமாறு:

i. Sri Basudev Acharia, MP, Chairman, Standing Committee on Agriculture in the Parliament.

ii. Sri Jagadambika Pal, MP, a veteran Congress Leader in the Parliament.

iii. Sri Raja Ram Pal, MP (from Congress Party).

iv. Sri Tapan Sen, MP, General Secretary, CITU.

v. Sri R Ananda Bhaskar, MP (Congress Party).

vi. Dr Ram Chandra Dome, MP, Deputy Leader of the CPIM Parliamentary Party.

vii. Dr (Smt) T N Seema, MP (CPIM Party).

viii. Sri Rajendra Agarwal, MP (BJP Party).

ix. Sri Mahendra Rai, MP (CPIM Party).

x. Sri Pulin Bihari Baske, MP (CPIM Party).

அன்றைய தினமே தோழர்கள் ராஜீவன், சையீதுகான் மற்றும், வெங்கடேஸ்வரரெட்டி ஆகியோர் திரு. அனுப் வத்வா (joint secretary, Ministry of Finance), அரவிந்த் குமார் மற்றும் திரு.தோக்ரா (Deputy Secretary, Department of Financial Services, Ministry of Finance) அகியோரை சந்தித்து மெமொரெண்டம் அளித்து பேசியிருக்கிறார்கள். நமது கோரிக்கைகளையும், பிரச்சினைகளையும் விரைவில் தீர்ப்பதற்கான நடவடிக்கைகளை எடுப்பதாகவும், அதுகுறித்து நம்மோடு பேச்சுவார்த்தைக்கு ஏற்பாடு செய்வதாகவும் Ministry Of Finance-ன் உயரதிகாரிகள் உறுதியளித்திருக்கிறார்கள்.

11.12.2013 மத்தியக் கமிட்டி கூட்டம்:

தொடர்ந்து அடுத்த நாள், 11.12.2013 அன்று ஹோட்டல் ஆரியாவில் AIRRBEAவின் மத்தியக் கமிட்டிக் கூட்டம் நடைபெற்றது.அதிலும் தோழர்.மாதவராஜ், தமிழ்நாட்டிலிருந்து கலந்துகொண்டார்.

22.11.2013 அன்று நபார்டு, அனைத்து கிராம வங்கிகள் சங்க பிரதிநிதிகளோடு நடத்திய பேச்சுவார்த்தைகள் குறித்தும், 10.12.2013 அன்று நமது AIRRBEAபிரதிநிதிகள் நிதியமைச்சக உயரதிகாரிகளிடம் நடத்திய பேச்சுவார்த்தைகள் குறித்தும் விவரங்கள் தெரிவிக்கப்பட்டன. தோழர்.நாகபூஷண்ராவ், பென்ஷன் வழக்கு குறித்த விபரங்களை தெரிவித்தார்.

அகில இந்திய கோரிக்கைகளை முன்வைத்து நடைபெறும் இயக்கம் குறித்து மாநில வாரியாக பகிர்ந்துகொள்ளப்பட்டன. தொடந்து Core Committee, Legal subcommittee, Disciplinary Sub committee, Website subcommittee, SC/ST/OBC sub committee கள் அமைக்கப்பட்டன. தோழர்.மாதவராஜ் அகில இந்திய சங்கத்திற்கான website sub-committeeயில் உறுப்பினராக இருக்கிறார்.

நிதியமைச்சருடன் பேச்சுவார்தை:

11.12.2013 அன்று AIRRBEA தலைவர்கள், திரு. நமோ நராயண் மீனா (Minister of State, Finance) அவர்களை சந்தித்துப் பேசியிருக்கிறார்கள். கிராம வங்கிகள் லாபம் ஈட்டும் பட்சத்தில் பென்ஷன் உட்பட அனைத்து சலுகைகளும் வழங்கப்படும் என தெரிவித்திருக்கிறார் அமைச்சர். முந்தைய மத்திய நிதியமைச்சர் திரு.பிரணாப் முகர்ஜி அவர்கள் கிராம வங்கி ஊழியர்களுக்கு பென்ஷன் கொடுக்க கையெழுத்திட்ட பின்னர், மத்திய அரசு, நீதிமன்றத்தில் அப்பீல் செய்த விஷயமே அமைச்சருக்குத் தெரியாமல் இருந்தது. நமது தலைவர்கள் எடுத்துச் சொன்ன பிறகு, அதுகுறித்து ஆராய்வதாக சொல்லியிருக்கிறார்.

அடுத்த நாள் 12.12.2013 அன்று நமது தலைவர்கள், திரு.ஜெகதாம்பிகா பால் மற்றும் திரு.ராஜா ராம் பால் ( காங்கிரஸ் எம்பிக்கள்) ஆகியோரோடு நிதியமைச்சரை சந்திக்கச் சென்றனர். எம்.பிக்கள் இருவரும் நமக்கு ஆதரவாகப் பேச, நிதியமைச்சர் சிதம்பரம், கிராம வங்கி ஊழியர்களுக்கு வணிக வங்கி ஊதியம் கிடைக்க தான் உதவியதாகவும், அதுபோல, இப்போதும் நமது பிரசினைகளில் அக்கறை செலுத்துவதாகவும் தெரிவித்திருக்கிறார்.

டெல்லி தர்ணா காட்சிகள்:

அகில இந்திய கோரிக்கைகளை முன்னெடுத்து நமது இயக்கம்!

2013-11-23T07:06:00.001+05:30

AIRRBEAவின் அறைகூவலை ஏற்று கீழ்க்கண்ட கோரிக்கைகளை முன்வைத்து அகில இந்திய அளவில், இயக்கங்களை நடத்திக்கொண்டு இருக்கிறோம்.

1. Scrap RRBs Act Amendment Bill, 2013 aimed at privatization of Gramin Banks.
2. Implement Pension Parity and agreement dated 29-10-1993 in RRBs.
3. Establish State Level Rural Banks, one for NE States, under NRBI
4. Regularize all Part Time/Casual/Daily Waged workers.
5. Allow participation of Workman/Officers in the Board of RRBs.
6. Recruit adequate staff, promote staff in time and effect massive branch expansion.
7. Allow Special Leave to T.U. Leadership at par with those in Banking Industry.
8. Relax service period for promotion of all cadres of staff including Office Attendant at par Sponsor Bank

இந்தக் கோரிக்கைகளை விளக்கி இராமநாதபுரம், திருநெல்வேலி, காரைக்குடி, மதுரை ஆகிய நான்கு மையங்களில் பிரச்சாரக்கூட்டங்களை நடத்தி முடித்திருந்தோம்.

திருநெல்வேலி கூட்டத்தில் தோழர்கள்....

காரைக்குடி மையக்கூட்டத்தில் தோழர்கள்...

மதுரை மையக் கூட்டத்தில் தோழர்கள்...

இந்தப் பிரச்சாரக் கூட்டங்களை அடுத்து, நேற்று, 22.11.2013 அன்று தலைமையலுவலகம் முன்பாக ஒருநாள் தர்ணா நடத்தியிருக்கிறோம். ஏறத்தாழ நூறு தோழர்கள் பங்கெடுத்த இந்த தர்ணாவை PGBOU தலைவர் தோழர்.சாமுவேல் ஜோதிக்குமார் துவக்கி வைத்தார். தோழர் சோலைமாணிக்கத்தின் கோஷங்களால் பந்தல் களை கட்டியது.

அகில இந்தியக் கோரிக்கைகளோடு ஸ்தலப் பிரச்சினைகளையும் முன்வைத்து தோழர்கள் பேசினார்கள். PAD மற்றும் AIVDயின் செயல்பாடுகள் குறித்துப் பேசப்பட்ட போதெல்லாம் தோழர்கள் ஆவேசமடைந்ததையும், கடும் அதிருப்தியை தெரிவித்ததையும் பார்க்க முடிந்தது. பணி ஓய்வு பெறுகிறவர்கள் மீது நடத்தப்படுகிற தாக்குதல்கள், ஒழுங்கு நடவடிக்கைகளில் அரங்கேற்றப்படும் அராஜகங்கள், லீவில் கடைப்பிடிக்கப்படும் அராஜகங்கள், பொதுவாக எந்த காரியத்தையும் பெரும் காலதாமதம் செய்து இழுத்தடித்து வதைக்கும் நிகழ்வுப் போக்குகளை தோழர்கள் கடுமையாக விமர்சித்தனர்.

தமிழ்நாடு அரசு ஊழியர் சங்க மாவட்டத் தலைவர்கள் கலந்துகொண்டு தர்ணாவை முடித்து வைத்தனர்.

Demonstrations against the bill to private RRBs

2013-05-10T14:39:00.000+05:30

22.4.2013 அன்று மத்திய நிதியமைச்சர், கிராம வங்கிகளின் 49 சதவீத பங்குகளை தனியாருக்குத் தாரை வார்க்கும் மோசமான மசோதா ஒன்றை பாராளுமன்றத்தில் அறிமுகம் செய்தார்.

கிராமப்புற மக்களுக்காக சேவை செய்வது என்னும் உன்னதமான நோக்கத்துடன் ஆரம்பிக்கப்பட்ட கிராம வங்கிகளை தனியாருக்கு கொடுப்பது என்பது, மக்கள் விரோத, தேச விரோதச் செயலாகவே AIRRBEA கருதுகிறது. முற்றிலும் அரசுக்குச் சொந்தமானது என்னும் பெருமையை குழிதோண்டி புதைப்பது என்பதுதான் இதன் அர்த்தமாகும்.

AIRRBEA உடனடியாக, தேசம் முழுவதும் 29.4.2013 அன்று, இதற்கு எதிர்ப்பு தெரிவித்து ஆர்ப்பாட்டம் நடத்துவது என அறைகூவல் விடுத்தது.

தமிழகத்தில் , BEFI-TN, 29.4.2013 அன்று திருச்சியில், வங்கி ஊழியர்கள், எல்.ஐ.சி ஊழியர்களைத் திரட்டி, ஐ.ஓ.பி மண்டல அலுவலகத்தின் முன்பு ஆர்ப்பட்டம் நடத்தியது. அதன் சில காட்சிகள்.....

30.4.2013 அன்று, PGBEAவும், PGBOUவும், PGB தலைமையலுவலகத்தின் முன்பாக ஆர்ப்பாட்டம் நடத்தினர். அந்த காட்சிகள்....

Training to officers by PGBOU on 3.3.2013

2013-03-07T15:12:00.001+05:30

இன்று நிலவும் பணிநெருக்கடிகளுக்கு இடையே நம்மைத் தற்காத்துக் கொள்ளவும், வங்கிப்பணியை செம்மையாக்கிக் கொள்ளவும் PGBOU சார்பில், அலுவலர்களுக்கென்று ஒரு பிரத்யேக பயிற்சி முகாம் நடத்துவது என ஒரு
திட்டம் சில காலமாகவே இருந்து வந்தது. அது 3.3.2013 அன்று மதுரையில் நடைமுறைப்படுத்தப்பட்டது. மதுரை ரெஸிடென்ஸி ஓட்டலில், முற்றிலும் குளிர்பதனம் செய்யப்பட்ட ஹாலில், அருமையாக ஏற்பாடு செய்யப்பட்டு இருந்தது.

தோழர்.சங்கரலிங்கம் (GS, PGBOU) அனைவரையும் வரவேற்றார். தோழர்.போஸ் பாண்டியன் (President - PGBOU) தலைமை தாங்கினார்.

தோழர்கள் தெய்வநாயகம் (கிளை மேலாளர் - கோவில்பட்டி) ‘வங்கிப்பணி நடவடிக்கைகள் - இன்று’ என்னும் தலைப்பிலும், தோழர்.மாதவராஜ் (President - PGBEA) ‘தொழிற்சங்கமே பலம் - என்றும்” என்னும் தலைப்பிலும், தோழர்.கண்ணன் (கிளை மேலாளர் - தி.டவுண்) “CBS சூழல் ஒரு ஆய்வு” என்னும் தலைப்பிலும், தோழர்.பார்த்தசாரதி (கிளை மேலாளர் - மேலசெவல்) “வங்கியில் ஒழுங்கு நடவடிக்கைகள் - ஒரு பார்வை” என்னும் தலைப்பிலும், தோழர்.என்.டி.கோபாலகிருஷ்ணன் (ஓய்வு பெற்ற மண்டல மேலாளர்), “கடன் வழங்கலாம் - கவனமுடன்” என்னும் தலைப்பிலும் உரையாற்றினார்கள். வந்திருந்த நூற்றுக்கும் மேற்பட்ட பார்வையாளர்களின் சந்தேகங்கள், விவாதங்கள் என பயிற்சிமுகாம் மிகுந்த உயிரோட்டமாக இருந்தது.

அதிலிருந்து சில காட்சிகள்:

தோழர்.போஸ்பாண்டியனின் தலைமையுரை

பார்வையாளர்கள்...

தோழர்.தெய்வநாயகம்.....

பார்வையாளர்கள்...

தோழர்.மாதவராஜ்.....

பார்வையாளர்கள்...

தோழர்.பார்த்தசாரதி

மேடையில்....

பார்வையாளர்கள்...

Dharna before NABARD, chennai on 25.2.2013

2013-03-06T19:20:00.000+05:30

அகில இந்திய சங்கத்தின் அறைகூவலை ஏற்று, சென்னையில் உள்ள நபார்டு மண்டல அலுவலகத்தின் முன்பாக 25.2.2013 அன்று தர்ணா நடைபெற்றது. பாண்டியன் கிராம வங்கி, பல்லவன் கிராம வங்கி, புதுவை பாரதியார் கிராம வங்கிகளில் உள்ள AIRRBEAவின் இணைப்புச் சங்கங்களின் சார்பில், 80க்கும் மேற்பட்ட தோழர்கள் தர்ணாவில் கலந்து கொண்டனர். BEFI-TN தலைவர்கள் கலந்து கொண்டு வாழ்த்திப் பேசினர். நபார்டு எம்ப்ளாயிஸ் யூனியன் தலைவர்களும், தோழர்கள் மதிய உணவு தந்து, ஆதரவு தெரிவித்தனர். எழுச்சி மிக்க தர்ணாவின் காட்சிகள்:

All India Dharna on 5.2.2013

2013-03-06T09:33:00.002+05:30

பென்ஷன் உட்பட முக்கிய கோரிக்கைகளை முன்வைத்து, நமது அகில இந்திய சங்கம் AIRRBEAவின் அறைகூவலை ஏற்று, பிப்ரவரி 5ம் தேதி, PGB தலைமையலுவலகம் முன்பாக நாம் நடத்திய ஒருநாள் தர்ணாவின் முக்கிய காட்சிகள் இங்கு:

தோழர் மாதவராஜ், உங்கள் பக்கம் நாங்கள் நிற்கிறோம்!

2013-01-04T22:45:00.001+05:30

முற்றிலும் தொழிற்சங்க நடவடிக்கைகளை முடக்குவதற்காக, PGBEA தலைவர் தோழர்.மாதவராஜ் அவர்களுக்கு சார்ஜ் ஷீட் நேற்று கொடுக்கப்பட்டு இருப்பதை ‘ PGB நிர்வாகத்தின் தொழிற்சங்க விரோத நடவடிக்கை’ என அம்பலப்படுத்தி இருந்தோம்.

4.1.2013 அன்று தலைமையலுவலகம் முன்பு, கண்டன ஆர்ப்பாட்டம் என அறிவித்து இருந்தோம். இதனை நம் வலைத்தளத்தில் படித்து அறிந்த, BEFI தோழரும், நுட்பமான கருத்தாளருமாகிய எஸ்.வி.வேணுகோபாலன், “தோழர் மாதவராஜ், உங்கள் பக்கம் நாங்கள் நிற்கிறோம்” என இன்று அனுப்பிய மெயிலை அப்படியே இங்குத் தருகிறோம்!

பாண்டியன் கிராம வங்கி ஊழியர்கள் புத்தாண்டை ஒரு போராட்டத்தின் மூலம் வரவேற்கிறார்கள். தொழிற்சங்க இயக்கத்தை முடக்க நிர்வாகம் எடுத்து வைக்கும் அடுத்த அடி ஒன்றிக்கு எதிரான ஆர்ப்பாட்டத்தை ஜனவரி 4 அன்று தங்களது தலைமை அலுவலகம் முன்பாக நடத்தி இருக்கின்றனர். PGBEA தலைவர் மாதவராஜ் அவர்களுக்கு நிர்வாகம் வழங்கி இருக்கும் சார்ஜ்ஷீட் தான் அவர்களை மீண்டும் வீதிக்கு இழுக்கிறது. போராடத் தூண்டுவது எப்போதுமே நிர்வாகத்தின் நடவடிக்கைகள் தானே..

சங்கத் தலைவர் நேரத்திற்கு அலுவலகம் வருவதில்லை, மிக அதிகம் விடுப்பில் செல்கிறார் என்ற இரண்டு மிகப் பெரும் குற்றங்களை மாதவராஜ் செய்திருப்பதாகப் பேசுகிறது குற்றப் பத்திரிகை. மிக மேலோட்டமாகப் பார்ப்பவர்கள், பொதுவாக தொழிற்சங்கங்கள் மீது அதிகம் மரியாதை வைக்காதவர்கள் இதை வாசித்தால், ஆமாம், சம்பளம் வாங்குறீங்க இல்ல, டயத்துக்கு அலுவலகம் போக என்ன கேடு, எப்பப் பார்த்தாலும் லீவு போடுறவங்க வேலைய விட்டு நின்னுக்க வேண்டியது தான...என்று கேட்கக் கூடும்.

இதற்கு இரண்டு பதில்கள், குறைந்தபட்சம், உடனடியாக முன்வைக்க முடியும். அரிச்சந்திரனிடம் விஸ்வாமித்திரன் விதித்த நிபந்தனை நினைவிருக்கிறதா ....ஒரே ஒரு பொய் சொல்லு போதும், உனது எல்லாக் கஷ்டங்களையும் போக்கி விடுகிறேன்...அதே கதை தான். அதாவது, தொழிற்சங்கத் தலைவர்கள் நிர்வாகத்தைக் கேள்வி கேட்க மாட்டோம், என்ன தவறு நடந்தாலும் வாய் மூடி நிற்போம், ஊழியர்களை என்ன சாத்து சாத்தினாலும் தலையிட மாட்டோம்..என்று ஒரே ஒரு சொல் சொல்லிவிட்டால் போதும், அப்படியான தலைவர்கள் அலுவலகம் பக்கம் வரவில்லை என்றாலும் கூட நிர்வாகம் சம்பளப் பணத்தை இரண்டு பங்கு போட்டு ஆள் மூலம் வீட்டுக்குக் கொடுத்தனுப்பும்.

தொழிற்சங்கத்தின் வேலை திட்டத்தை நிர்வாகமே தீர்மானிக்கிறது...அதன் பிரதிநிதிகள் அலுவலக நேரத்தில் அமர்ந்து தயாரிக்கும் ஒழுங்கு நடவடிக்கை தாக்கீதுகளை வாங்கிக் கொண்டு வந்து நிற்கும் ஊழியருக்கு சங்க பிரதிநிதி எப்போது உட்கார்ந்து பதில் தயாரிப்பாராம்...அவருக்கு வழிகாட்டுதல் தர எப்போது ஆலோசனை கலப்பாராம்...அவரை பாதுகாக்கத் தேவையான வேலைகளை எப்போது செய்வாராம்...வேலை நேரத்தில் கொஞ்சம் இருக்கையிலிருந்து வெளியே போய் யாருடனாவது பேச நேரிட்டாலும், அல்லது யாரையாவது பார்த்துவிட்டு தாமதமாக வந்தாலும் அதற்கு ஒரு குற்றச் சாட்டு. சரி, விடுப்பில் போய் தொழிற்சங்கப் பொறுப்புகளை கவனித்து விட்டு வந்தாலும், அதிக நாள் விடுப்பு என்று அதற்கு வேறொரு குற்றச் சாட்டு...இந்த இரண்டும் தானே மாதவராஜ் மீது இப்போது நிறுத்தப் பட்டிருப்பது...

பாண்டியன் கிராம வங்கி தொழிற்சங்க இயக்கம் நீண்ட போராட்ட பாரம்பரிய மிக்க அமைப்பு. எண்பதுகளில் அது பிறப்பெடுத்ததே போராட்டத்தில் தான். அக்கினி குஞ்சு என்பது அந்தச் சங்கம் நடத்திய பத்திரிகையின் பெயர். எதிர்ப்புணர்ச்சி வற்றாத இடத்தில் போர்க்குரல் ஒழித்துக் கொண்டே இருப்பது தவிர்க்க முடியாதது. பழி வாங்குதல், ஊதியம் மறுத்தல் போன்றவற்றால் எல்லாம் அடக்கி விட முடியாத பெரிய படை என்பது அந்த நிர்வாகத்திற்கும் தெரியும். சராசரி வயது அதிகமாகிக் கொண்டிருப்பது, மூத்த ஊழியர்கள் பணி ஒய்வு, புதிய தாராளமய காலத்தில் வேலையில் சேரும் இளைய தலைமுறை என்ற சூழலில் இதெல்லாம் போராட்ட சிந்தனைக்கு அப்பாற்பட்ட உலகம் என்ற அதீத நம்பிக்கையில் நிர்வாகம் இருக்கிறது போலும் நிலைமைகள் அதற்கு மாறானவை என்பதை இந்த போராட்டமும் நிர்வாகத்திற்குக் கற்றுக் கொடுக்கும்.

நிர்வாகத்திற்கு தெரியாது என்பதல்ல, தொழிலாளிகள் அடங்கிவிட்டார்களா என்று அவ்வப்பொழுது சோதனை செய்து பார்த்துக் கொள்வதும், தொழிற்சங்கம் சோர்ந்து போகிறதா என்று தட்டிப் பார்த்துக் கொள்வதும் அதன் பிறவிக் குணம். விழுந்தாலும் எழுந்திருந்து போராடி முன்னேறிக் கொண்டே இருப்பது தொழிலாளி வர்க்க குணாம்சம்.

இறுதி வெற்றி நமதாக இருக்கட்டும்.

எழுத்தாளர் தோழர் ஜா மாதவராஜ் அவர்கள் பக்கத்தில் தோழமையோடும் உறுதியோடும் நின்று நாமும் கலகக் குரல் எழுப்புகிறோம், பாண்டியன் கிராம வங்கி நிர்வாகத்தின் இந்த அபத்தமான குற்றச் சாட்டுக்களுக்கு எதிராக -

எஸ் வி வேணுகோபாலன்

தோழர்களே!

திட்டமிட்டபடி இன்று மாலை, 5 மணிக்கு பாண்டியன் கிராம வங்கித் தலைமையலுவலகத்தில் நம் தோழர்கள் திரள ஆரம்பித்தனர். தொழிற்சங்க நடவடிக்கைகளை முடக்கும் நோக்கத்துடன், தோழர்.மாதவராஜ் அவர்களுக்கு கொடுக்கப்பட்ட சார்ஜ் ஷீட்டை எதிர்த்து நூற்றுக்கும் மேற்பட்ட தோழர்களின் ஆவேசக்குரல்கள் எழுந்தன.

கண்டன ஆர்ப்பாட்டத்திற்கு PGBEA தலைவர் தோழர். போஸ்பாண்டியன் தலைமை வகித்தார். அரசு ஊழியர் சங்க மாவட்டச் செயலாளர் துவக்கி வைத்தார். தோழர்கள் பிச்சைமுத்து, அண்டோ கால்பர்ட், கிருஷ்ணன், மாதவராஜ், நரேன், சோலைமாணிக்கம் ஆகியோர் நம் தரப்பு நியாயங்களை எடுத்துரைத்தும், நிர்வாகத்தை கடுமையாகச் சாடியும் பேசினர். ‘இது தோழர்.மாதவராஜ் மீது தொடுக்கப்பட்ட தாக்குதல் அல்ல, பாண்டியன் கிராம வங்கியில் தொழிற்சங்க இயக்கத்தின் மீது தொடுக்கப்பட்ட தாக்குதல்’ என்பதே அனைவரின் கருத்துக்களின் அடிநாதமாயிருந்தது.

சார்ஜ் ஷீட்டை முற்றிலும் விலக்கிக்கொண்டு, நிர்வாகம் தனது போக்கை மாற்றிக்கொள்ளும் வரை நமது இயக்கம் தொடரும் எனவும், மாநில, தேசீய அளவில் இப்பிரச்சினையை கொண்டு சென்று தீர்வு காணும் வரை ஓயமாட்டோம் என்பதே அனைவரின் அறைகூவலாக இருந்தது.

ஆர்ப்பாட்டத்தின் காட்சிகளை இங்கே காணலாம்!

(படிக்கத்தவறாதீர்கள்!

1) “கேள்விகளை நீங்கள் கேட்கக்கூடாது, நாங்கள்தான் கேட்போம்” - AIVDமுதுநிலைமேலாளரின் ஆணவப்பேச்சு குறித்து நம் வலைத்தளத்தில் 5.1.2013 சனிக்கிழமையன்று ஒரு அலசல்.

2) PGBயில் ஆபிஸராய் இருந்த தோழர்.ஜாய் கிளைமண்ட், ஸ்டேட் பாங்க்கில் கிளரிக்கல் பதவிக்காக ஏன் Resign செய்தார்? என கேள்வியை முன்வைத்து நம் வலைத்தளத்தில் 6.1.2013 ஞாயிற்றுக்கிழமையன்று ஒரு உண்மைக்கதை! )

Oneday fasting against PGB management's disciplinary actions!

2012-11-29T23:17:00.001+05:30

PGBEA மற்றும் PGBOU சங்கங்களின் செயற்குழு உறுப்பினர்கள் தலைமையலுவலகத்தில் ஒருநாள் உண்ணாவரதம் இன்று (29.11.2012) மேற்கொண்டனர்.

பாண்டியன் கிராம வங்கி நிர்வாகத்தின் ஒழுங்கற்ற ‘ஒழுங்கு நடவடிக்கைகளை’ எதிர்த்து நாம் தொடர்ந்து இயக்கம் நடத்தி வருகிறோம்.

ஒழுங்கு நடவடிக்கைகள் என்ற பெயரில், ஈவிரக்கமின்றி ஊழியர்களையும், அலுவலர்களையும் வேட்டையாடுவதை கடுமையாக கண்டித்திருந்தோம். எந்த நியதிகளுமற்று, ஆதாரங்களுமற்று நிர்வாகம் நடத்தும் Enquiry proceedings ஐ, அம்பலப்படுத்தியிருந்தோம். என்கொயரி ஆபிஸர்களின் பாரபட்ச அணுகுமுறையை கடுமையாக தோலுரித்துக் காட்டியிருந்தோம். இதற்கெல்லாம் காரணமான, மிஸ்டர் சங்கர நாராயணனையும், ரூபன் விக்டோரியாவையும் உடனடியாக தலைமையலுவலகத்தை விட்டு அப்புறப்படுத்த வேண்டுமென கோரிக்கை விடுத்திருந்தோம்.

ஆர்ப்பாட்டங்கள், வாயிற்கூட்டங்கள், தர்ணா, ஐ.ஓ.பி மண்டல அலுவலகங்கள் முன்பு ஆர்பாட்டங்கள் என நாம் நமது இயக்கத்தை வலுப்படுத்தியிருந்தோம். இதற்கிடையில் ந்ரிவாகத்தின் சில நடவடிக்கைகளில் சாதகமான சமிக்ஞைகள் தென்பட்டன. நல்லது நடக்கும் என நம்பினோம்.

ஆனால், நேற்று தோழர்.சுந்தர வடிவேலுவை டிஸ்மிஸ் செய்தும், தோழர்.குருநாதனை compulsory retirement செய்தும் நிர்வாகம் தனது கோர முகத்தை, கொடூர குணத்தை காட்டியிருக்கிறது.

உடனடியாக நமது இரு சங்கங்களும் எதிர்ப்பு தெரிவித்து, தலைமையலுவலத்தில் இன்று உண்ணாவிரதம் நடத்துவது எனவும், செயற்குழு உறுப்பினர்கள் மட்டும் அதில் பங்கேற்பது எனவும் தீர்மானித்தோம். அதன் அடிப்படையில், அழுத்தமான உணர்வோடு நமது தோழர்கள் உண்ணாவிரதம் இருந்த காட்சிகள் இங்கே. விரிவான சுற்றறிக்கை விரைவில்.....

தற்காலிக ஊழியர்களின் மாநாடும், பேரணியும்

2012-11-18T23:36:00.000+05:30

இன்று நமது சங்கத்தின் வரலாற்றில் புதிய அத்தியாயம் எழுதப்பட்டு இருக்கிறது, மிகுந்த உற்சாகத்தோடும், எழுச்சியோடும் இந்த நாள் குறித்து வைக்கப்படுகிறது.

PGBEAவின் அழைப்பை ஏற்று 170க்கும் மேற்பட்ட தற்காலிக ஊழியர்கள், விருதுநகரில், தமிழ்நாடு அரசு ஊழியர் சங்கக் கட்டிடத்தில் காலை 10 மணிக்கு திரண்டு இருந்தனர்,

தற்காலிக ஊழியர்களின் இந்த பிரத்யேக மாநாட்டிற்கு PGBEA தலைவர் தோழர். மாதவராஜ் தலைமை தாங்கி, 2009 ஆண்டிலிருந்து, தற்காலிக ஊழியர்களை பணிநிரந்தரம் செய்ய, சங்கத்தின் சார்பில் எடுக்கப்பட்ட நடவடிக்கைகளை நினைவு கூர்ந்தார். தற்காலிக ஊழியர்களுக்காக PGBEA மற்றும், PGBOU சார்பில் ஒருநாள் உண்ணாவிரதம் இருந்தது, தோழர்கள் காமராஜ், அண்டோ கால்பர்ட் சஸ்பென்ஷன் செய்யப்பட்டது, லேபர் கமிஷனர் முன்பு தொழில்தாவா தொடர்ந்தது, மதுரை ஹைகோர்ட்டில் தற்காலிக ஊழியர்களை வேலையை விட்டு நீக்குவதை எதிர்த்து ஸ்டே ஆர்டர் வாங்கியது, தொடர்ந்த முயற்சிகளின் பலனாக பாண்டியன் கிராம வங்கி நிர்வாகக் குழு தற்காலிக ஊழியர்களை நிரந்தரம் செய்ய பரிந்துரைத்தது என வரலாற்றை தொகுத்தார். தற்காலிக ஊழியர்களும், எங்களைப் போல வருகைப் பதிவேட்டில் கையெழுத்திடும் நாள் தொலைவில் இல்லை என அவர் பேச்சை முடித்தபோது அரங்கம் முழுவதும் நம்பிக்கையின் எதிரொலிகளாய் கை தட்டி ஆரவாரம் எழுந்தன.

தொடர்ந்து, PGBEA பொதுச்செயலாளர் தோழர்.சோலைமாணிக்கம், AIRRBEA மாநிலத் தலைவர் தோழர்.பிச்சைமுத்து, PGBEA பொதுச்செயலாளர் தோழர்.சங்கரலிங்கம் ஆகியோர் , கோரிக்கையை விளக்கியும், நம்பிக்கையளித்தும் பேசினர்.

சி.ஐ.டி.யூ தலைவர்களில் ஒருவரும், சி.பி.எம் கட்சியின் விருதுநகர் மாவட்டச்செயலாளருமான தோழர்.சேகர், ‘நிரந்தர ஊழியர்களாக இருந்து கொண்டு, தற்காலிக ஊழியர்களையும் நிரந்தரமாக்க வேண்டும்’ என்று கோரிக்கை வைத்துப் போராட இடதுசாரிக் கருத்துக்கள் கொண்டவர்களால்தான் சாத்தியம், அவர்களால்தான் உங்கள் எதிர்காலத்திற்கு உத்திரவாதமளிக்க முடியும்” என்றார்.

திண்டுக்கல் தொகுதி எம்.எல்.ஏ, தோழர்.பாலபாரதி, “இதுபோன்று தற்காலிக ஊழியர்களை நிரந்தரமாக்காமல் வைத்திருப்பது பாண்டியன் கிராம வங்கியில் மட்டும் கடைப்பிடிக்கப்படும் நடைமுறை அல்ல, மத்திய அரசின் கொள்கையே இதுதான்” என்பதை விளக்கினார். மேஎலும் “ இன்று சகலதுறைகளிலும் இதுபோல தற்காலிக ஊழியர்களை வைத்து, வேலை வாங்குவது என்பது இயல்பான ஒன்றாக மாற்றப்பட்டு இருக்கிறது. அதற்கு எதிராக திரண்டு, பணிநிரந்தரம் செய்ய திரண்டு இருக்கும் தற்காலிக ஊழியர்களை வாழ்த்தினார். நமது ஒற்றுமையும், போராட்டக் குணமுமே நமக்கான விடியலைக் கொண்டு வரும். PGBEA சங்க அதை நிஜமாக்கும்” என நம்பிக்கையளித்தார்.

தொடர்ந்து மதிய உணவுக்குப் பின், தற்காலிக ஊழியர்களின் பேரணி ஆரம்பமாகியது. தமிழ்நாடு அரசு ஊழியர் சங்கக் கட்டிடத்திலிருந்து, கருமாதி மடம், தெப்பக்குளம், மார்க்கெட் வழியாகச் சென்று, தேசபந்து மைதானத்தில் ஆவேசமான கோஷங்களுடன் சென்றடைந்தது. BEFI சார்பில் தோழர்.மாரிக்கனியின் உணர்ச்சி பூர்வமான வார்த்தைகளுடன் பேரணி நிறைவடைந்தது.

பாண்டியன் கிராம வங்கியின் தற்காலிக ஊழியர்களின் பிரச்சினைகள் வெளிச்சத்துக்கு கொண்டு வரப்பட்டு இருக்கின்றன. இது அவர்களின் எதிர்காலத்திற்காக ஏற்றப்பட்ட வெளிச்சம் என்பதே உண்மை.

தற்காலிக ஊழியர்களின் மாநாட்டு, பேரணி காட்சிகள் இங்கே.....

10.10.2012 Dharna against the Disciplinary Actions of PGB management!

2012-10-12T10:00:00.000+05:30

1985ம் ஆண்டு நினைவுகளை மீட்டெடுத்து, அந்த உணர்வுகளில் சஞ்சரிக்க வைத்த ஒரு எழுச்சி மிக்க அனுபவமாக இருந்தது, 10.10.2012 அன்று தலைமையலுவலகத்தின் முன்பு நடைபெற்ற நமது இரு சங்கங்களின் தர்ணா.

அதிக அளவில் தோழர்களின் பங்கேற்பும், அவர்களிடம் இருந்த ஈடுபாடும், வேகமும் ஒரு விஷயத்தை உறுதிப் படுத்தி விட்டது. “இதோ, நாங்கள் இருக்கிறோம். இந்த வங்கியில் தொழிற்சங்க இயக்கத்தை முன்னெடுத்துச் செல்ல... ஊழியர்கள் மற்றும் அலுவலர்களின் உரிமைகளையும் நலன்களையும் பாதுகாக்க... நிர்வாகத்தின் உழியர் விரோதப் போக்கை எதிர்த்து நிற்க.... நாங்கள் சமரசமின்றி போராடுவோம்” என்பதுதான் இந்த தர்ணா அனைவருக்கும் தெரிவித்து விட்டது.

தர்ணா குறித்த செய்திகள், தலைவர்களின் பேச்சுக்கள், நமது அடுத்தக்கட்ட நடவடிக்கைகள் குறித்த சர்க்குலர் விரைவில் வெளியாகும். இங்கு, தர்ணாவின் காட்சிகள்....

கோஷங்கள் எழும்ப தர்ணா துவங்குகிறது....

தர்ணாவுக்குத் தலைமை தாங்க தோழர். போஸ்பாண்டியனை (President- PGBOU)

தோழர். சோலைமாணிக்கம் முன்மொழிகிறார்...

தோழர்.போஸ்பாண்டியன்...

தோழர்கள்.....

தோழர்.மாதவராஜ் (president - PGBEA)

தோழர்கள்...

தோழர்கள்....

அரசு ஊழியர் சங்கத்தின் ஆதரவும், வாழ்த்துக்களும்...

தோழர்.பெருமாள்சாமி (Treasurer - PGBOU)

தோழர்கள்.....

தோழர்.T.கிருஷ்ணன் (Organising Secy - AIRRBEA-TN)

மதிய உணவு நேரம்

தோழர்கள்....

மதிய உணவுக்குப் பின்

தோழர்.சங்கரராமன் (பல்லவன் கிராம வங்கி ஆபிஸர் யூனியன் தலைவர் )

தோழர்கள்....

தோழர்.சோலை மாணிக்கம் (Gen. Secy, PGBEA)

BEFI TN சார்பில்.....

தோழர்.சங்கரலிங்கம் நன்றியுடன்....

Gate meeting on 21.9.2012

2012-09-22T10:26:00.000+05:30

நிர்வாகத்தின் ஒழுங்கற்ற ஒழுங்கு நடவடிக்கைகளுக்கு எதிரான நமது இயக்கம் ஆரம்பித்து விட்டது. திட்டமிட்டபடி நமது இரு சங்கங்களின் வாயிற்கூட்டம் 21.9.2012 அன்று நமது தலைமையலுவலகம் முன்பு நடந்தது. மிகக் குறைந்த அவகாசத்திலும், நூற்றுக்கும் மேற்பட்ட தோழர்கள் திரண்டிருந்தார்கள். நிர்வாகத்தின் நடவடிக்கைகளுக்கு எதிரான ஆவேசம் அனைவரிடமும் தென்பட்டது.

“workers unity zindabad!"
"working class unity zindabad!"

PGBEA பொதுச்செயலாளர் தோழர் சோலைமாணிக்கம் முதற்குரல் எழுப்ப, தொடர்ந்து முழங்கிய தோழர்களின் குரல்கள் தலைமையலுவலகம் முழுவதும் எதிரொலித்தன. வாயிற்கூட்டத்தின் நோக்கங்களே கோஷங்களாய் ஆக்ரோஷத்துடன் தெறித்தன.

PGBEA தலைவர் தோழர்.போஸ் பாண்டியன் வாயிற்கூட்டத்திற்கு தலைமை தாங்கி, நிர்வாகத்தின் சமீபத்திய ஒழுங்கு நடவடிக்கைகள் எப்படியிருக்கின்றன என்பதை விளக்கினார். அதிகாரத்தின் கோரப்பசி, சார்ஜீ ஷீட்களும், சஸ்பென்ஷன்களும், டிஸ்மிஸ்ஸலுமாக பாண்டியன் கிராம வங்கியில் தாண்டவமாடுவதை அம்பலப்படுத்தினார். அதிலிருந்து அலுவலர்களையும், ஊழியர்களையும் காப்பாற்றுவதே நமது சங்கங்களின் நோக்கம் என்பதை எடுத்துரைத்தார். “நாம் நிர்வாகத்தின் ஒழுங்கற்ற ஒழுங்கு நடவடிக்கைகளை தொடர்ந்து ஒரு வருடமாகப் பேசியும், விமர்சனம் செய்தும் வந்திருக்கிறோம். அதற்கு நிர்வாகம் செவி மடுக்காத போது, நாம் தெருவில் இறங்க வேண்டியிருக்கிறது” என சுட்டிகாட்டினார்.

தொடர்ந்து பேசிய PGBEA தலைவர்.மாதவராஜ், “இதுவரை நாம் எத்தனையோ இயக்கங்களை, போராட்டங்களை நடத்தியிருக்கிறோம், ஆனால் நிர்வாகத்தின் ஒழுங்கு நடவடிக்கைகளுக்கு எதிராக பிரத்யேகமான ஒரு இயக்கத்தை நடத்துவது இதுவே முதல் முறை, அதற்கான தேவையை நிர்வாகம்தான் உருவாக்கியிருக்கிறது” என ஆரம்பித்தார். “PAD, AIVDயின் கடந்த இரண்டு வருடங்களின் சர்க்குலர்களை புரட்டிப் பார்த்தால் cancellation of power of attorney சர்க்குலர்களாகத்தான் இருக்கும். அதில் retirement தவிர எத்தனை சஸ்பென்ஷன்கள், எத்தனை டிஸ்மிஸ்ஸல்களை இந்த நிர்வாகம் வழங்கியிருக்கிறது என்பது புரியும். ஒரு சிறிய வங்கியில், இத்தனை ஒழுங்கு நடவடிக்கைகளை மேற்கொள்வது விநோதமானது, அதனை வங்கியின் நிர்வாகத்தில் உள்ள கோளாறாகத்தான் பார்க்க முடியும்” என்றார். “இப்போதெல்லாம் ஒன்று, இரண்டு என்று ஊழியர்கள் மீது ஒழுங்கு நடவடிக்கை எடுப்பதில்லை. கிளையின் ஒட்டுமொத்த ஊழியர்கள், அலுவலர்கள் மீதும் சார்ஜ் ஷீட்கள் பாய்கின்றன. மேலப்பாளையம், கூடன்குளம், தென்கலம், செட்டிக்குளம், கீழவெளி வீதி, மூலக்கரைப்பட்டி, கீழக்கரை, மைக்கேல்பட்டினம் ஆகிய கிளைகளில் நடந்ததாகச் சொல்லப்படும் தவறுகளுக்காக மட்டும் இருபத்தைந்திற்கும் மேற்பட்டவர்களுக்கு சார்ஜ் ஷீட்கள் வழங்கப்பட்டு ஒழுங்கு நடவடிக்கைகள் மேற்கொள்ளப்பட்டு இருக்கின்றன. இதுதான் நிலைமை என்றால், இந்த வங்கியில் யார் மீதும் ஒழுங்கு நடவடிக்கைகள் பாய்வதற்கு வாய்ப்பிருக்கிறது” என எச்சரித்தார்.

“இந்த நிர்வாகம்தான் அலுவலர்களையும், ஊழியர்களையும் விதிகளை மீற வைக்கிறது, பிறகு விதிகளை மீறியதற்காக ஒழுங்கு நடவடிக்கைகள் எடுக்கிறது. இரண்டு நாட்களுக்குள் 50 லட்சம் எப்படியாவது கொண்டு வா என ஒரு சேர்மன் சொன்னார். அந்த மேலாளரும் எப்படியோ கொண்டு வந்தார். அந்த சேர்மன் போய்விட்டார். இன்று அப்படி டெபாசிட் கொண்டு வந்ததில் முறைகேடுகள் இருக்கின்றன என அவர் மீது ஒழுங்கு நடவடிக்கை எடுக்க நிர்வாகம் முஸ்தீபு செய்து வருகிறது. இதே கதைதான் மேலப்பாளையத்திலும். நகைக்கடன் கொடு நகைக்கடன் கொடு என விரட்டியது இந்த நிர்வாகம் தான். பிறகு சார்ஜ்ஷீட்கள் வழங்கியதும் இந்த நிர்வாகம்தான். இதே கதைதான் கன்னியாகுமரியில் கொடுத்த SHG லோன்களிலும் நடந்தது. அந்த அலுவலர்கள் சிறப்பாக செயல்பட்டார்கள் என தூக்கி வைத்துக் கொண்டாடியது, இந்த நிர்வாகம்தான். பிறகு காலில் போட்டு மிதித்ததும் இந்த நிர்வாகம்தான்” என்பதை நினைவுகூர்ந்தார்.

“இப்போதெல்லாம் negligence of duty போன்ற தவறுகளையும் பூதாகரமாக்கி, capital punishment கொடுத்து வீட்டுக்கு அனுப்புவது நிர்வாகத்தின் வாடிக்கையாகி இருக்கிறது என்றும் ஒட்டு மொத்த ஊழியர்களும் ஒரு அச்சம் கலந்த, பதற்றமான சூழலில் பணி புரிய வேண்டும் என்பதே நிர்வாகத்தின் நோக்கமாய் இருக்கிறது” என தோழர்.மாதவராஜ் தெளிவு படுத்தினார். அடுத்ததாக, நிர்வாகத்திற்கு விசுவாசமாய் இருக்க வேண்டும் என்பதற்காக எதையெடுத்தாலும் proved என எழுதும் என்கொயரி ஆபிஸர்களின் தரங்கெட்ட findingsஐ கடுமையாகச் சாடினார். உதாரணங்களோடு சிலரை சுட்டிக்காட்டிய போது வந்திருந்த தோழர்கள் கேலியாகவும், ஆவேசமாகவும் அதனை ஆமோதித்தனர். “இனி இந்த என்கொயரி ஆபிஸர்களின் யோக்கியதைகள் பற்றியும், என்கொயரிகளை அவர்கள் நடத்தும் விதம் பற்றியும் அப்படியே ஆதாரங்களோடு நமது வெப்சைட்டில் வெளியிடுவோம்” எனச் சொன்னபோது தலைமையலுவலகம் அதிரும்படி தோழர்கள் ஆரவாரித்தனர்.

அடுத்து பேசிய PGBOU பொதுச்செயலாளர் தோழர்.சங்கரலிங்கம், “ஒழுங்கு நடவடிக்கைகள் எடுப்பவர்களுக்கு ஒரு யோக்கியதை வேண்டும். அது இங்கு இல்லை.” என ஆரம்பித்து அதற்கான ஆதாரங்களை அம்பலப்படுத்தினார். சுற்றறிக்கையில் நாம் சொல்லியிருப்பது போல சம்பந்தப்பட்ட இரு அதிகாரிகளை தலைமையலுவலகத்திலிருந்து மாற்றும் வரை நமது போராட்டங்கள் தொடரும்” என உறுதிபட தெரிவித்தார்.

இறுதியாக நிறைவுரையாற்றிய PGBEA பொதுச்செயலாளர் தோழர். சோலைமாணிக்கம், கிளைகளில் அலுவலர்களும் ஊழியர்களும் பல்வேறு சிரமங்களுக்கு இடையில் பணிபுரிவதையும், அதை மதிக்காமல் நிர்வாகம் இங்கு வெறியோடு ஒழுங்கு நடவடிக்கைகள் என்ற பெயரில் அராஜகங்கள் செய்வதையும் குறிப்பிட்டார். இதே நிலைமை தொடர்ந்தால் , இனி வங்கி ஸ்தம்பிக்கும், வங்கியின் வணிகம் பாதிக்கும் என கடுமையாக எச்சரித்தார். 23.9.2012 அன்று நடக்கவிருக்கும்ம் இருக்கும் நமது இரு சங்கங்களின் கூட்டு செயற்குழு அடுத்தக் கட்ட போராட்டங்கள் குறித்து விவாதித்து, அறைகூவல் விடுக்கும் என அறிவித்தார்.

மீண்டும் கோஷங்கள் முழங்க, வாயிற் கூட்டம் நிறைவு பெற்றது. நாம் நிர்வாகத்திடம் கொடுப்பதற்கு நமது நிலைபபாட்டை விளக்கி மெமொரெண்டம் ஒன்று தயார் செய்திருந்தோம். தலைமையலுவலகத்தில் சேர்மன் இல்லாததால், பொதுமேலாளர் திரு.சிதம்பரம் அவர்களிடம் அளித்தோம்.

Pension Seminar, a great success!

2012-08-07T07:24:00.001+05:30

5.8.2012 அன்று மதுரையில் ‘பென்ஷன் சிறப்புக் கருத்தரங்கம்’ அர்த்தபூர்வமாகவும், ஆரோக்கியமானதாகவும் நடந்து முடிந்தது. முன்னூறுக்கும் மேற்பட்ட தோழர்கள் கலந்துகொண்டனர் அதுவும் முழுக்க முழுக்க PGBEANS! இத்தனைக்கும் காரைக்குடி, தூத்துக்குடி, ராமநாதபுரத்திலிருந்து எப்போதும் வருகிற பல முக்கிய தோழர்கள் பல்வேறு தனிப்பட்ட காரணங்களால் வரமுடியாமலிருந்தனர். இருந்தபோதும் AVKC மஹாலின் அந்த பெரிய அரங்கு முழுவதும் தோழர்கள் நிரம்பியிருந்தனர். நம்மிடமிருந்து ஓய்வு பெற்ற தோழர்கள் ஆர்வத்துடன் வந்திருந்தனர். இருபத்தைந்துக்கும் மேற்பட்ட பெண் தோழர்கள் கலந்துகொண்டதும் முக்கியமான, குறிப்பிடத்தக்க விஷயம். சமீப காலங்களில் மிக அதிகமான தோழர்கள் கலந்துகொண்ட ஒரு விசேஷமான நிகழ்ச்சியாக இதனை குறிப்பிடலாம்.

கருத்தரங்கத்திற்கு வந்திருந்த அனைவரையும் தோழர்.சோலைமாணிக்கம் (பொதுச்செயலாளர், PGBEA) வரவேற்றுப் பேசினார். தலைமை தாங்கிய தோழர்.மாதவராஜ் (தலைவர்-PGBEA) கருத்தரங்கத்தின் நோக்கத்தை தெளிவு படுத்திப் பேசினார். “ஏற்கனவே பெற்றிருக்கும் சலுகைகளை இந்த அரசு தொழிலாளர்களிடமிருந்து ஒவ்வொன்றாக பறித்து வருகிற வேளையில், கிராம வங்கி ஊழியர்கள் அனைவருக்கும் பென்ஷனை பெற்றுத்தந்த அற்புதத்தை AIRRBEA நிகழ்த்திக் காட்டியிருக்கிறது. போராடிப் பெற்றவர்களுக்குத்தான் அந்த பலனின் அருமை தெரியும். அதைக் கொண்டாடத் தெரியும். அப்படி கொண்டாடுவது கருத்தரங்கத்தின் முதல் நோக்கம். வணிக வங்கிக்கு இணையான பென்ஷன் வழங்க அரசு ஒப்புக்கொண்டு இருக்கிறது. இந்த நேரத்தில் வணிக வங்கியில் பென்ஷன் எப்படிக் கொடுக்கப்படுகிறது என்கிற அடிப்படை விஷயங்களை நாம் தெரிந்து கொள்ள வேண்டியது அவசியமாகிறது. அதுதான் இந்தக் கருத்தரங்கத்தின் இரண்டாவது நோக்கம்.” எனக் குறிப்பிட்டார்.

" புதிய சேர்மன் பொறுப்பேற்ற பிறகு ஒப்புக்கொண்ட மூன்று கோரிக்கைகளான halting allowance, exservicement payfitment, newspaper allowance ஆகியவற்றை நிறைவேற்றி இருப்பதை நினைவுகூர்ந்து, இந்த உற்சாகமான வேளையில், இங்கு பணிபுரியும் அலுவலர்களையும், ஊழியர்களையும் வங்கி நிர்வாகம் ஒரு friendly approachயுடன் motivate செய்ய வேண்டும்” என பாண்டியன் கிராம வங்கியின் சேர்மனை வாழ்த்திப் பேச அழைத்தோம். பென்ஷன் நனவாகியிருப்பதற்கு தனது வாழ்த்துக்களைப் பகிர்ந்துகொண்ட சேர்மன், நமது வங்கியில் பணிபுரியும் அனைவரும் திறமைகளும், ஈடுபாடும் மிக்கவர்கள் என்றும், அவர்கள் மூலம் நமது வங்கியை தேசீய அளவில் முதன்மையான வங்கியாக உயர்த்திக்கொள்ள முடியும் என உறுதிபட தெரிவித்தார். டெல்லியில் நிதியமைச்சகம் ஏற்பாடு செய்திருந்த கிராம வங்கிச் சேர்மன்கள் கூட்டத்தில் அவர் கலந்துகொண்டதையும், profitabilityஐ அரசு வலியுறுத்துவதையும் குறிப்பிட்ட அவர், நமது வங்கி அந்தத் தகுதிகளைப் பெற்று மேலும் சிறக்கும் எனவும் சுட்டிக்காட்டினார். நட்புமிக்க, நம்பிக்கையான வாழ்த்துரையாக சேர்மனின் பேச்சு அமைந்திருந்தது. தொடர்ந்து இரு பொதுமேலாளர்களும் சுருக்கமாக தங்கள் வாழ்த்துக்களைத் தெரிவித்தனர். கவிதைகளை மேற்கோள் காட்டிய GM(O), திரு.கார்த்திகேயனின் உரையை வந்திருந்தவர்கள் ரசித்தனர்.

அடுத்ததாக PGBEA மற்றும் PGBOUவின் சார்பில் ‘a dream comes true' என கிராம வங்கி ஊழியர்களுக்கு பென்ஷன் குறித்த புத்தகம் வெளியிடப்பட்டது. மிகக் குறுகிய காலத்தில் இந்தப் புத்தகத்தினை தொகுத்த PGBEAவின் AGS தோழர். அண்டோ கால்பட்டினையும், வடிவமைத்த தோழர்.மாதவராஜையும் தோழர்.சோலைமாணிக்கம் பாராட்டிப் பேசினார். AIRRBEA(TN) organising secretary தோழர்.T.கிருஷ்ணன் புத்தகத்தை வெளியிட தோழர்.புளுகாண்டி அவர்கள் பெற்றுக்கொண்டார். Retired staff சங்கத்தின் adhoc கமிட்டிக் கன்வீனர் தோழர்.சந்திரசேகரன், தங்களை ஒருங்கிணைத்து சங்கமாக்கும் முயற்சியில் ஈடுபட்ட PGBEAவையும், PGBOUவையும் பாராட்டினார். சரியாக இந்த நேரத்தில் பென்ஷன் கோரிக்கை நிறைவேறி இருப்பது சந்தோஷமளிக்கிறது எனவும் தெரிவித்தார்.

தொடர்ந்து, வணிக வங்கியில் பென்ஷன் கோரிக்கையின் வரலாற்றை மிக சுருக்கமாகவும், தெளிவாகவும் முன்வைத்தார் BEFI-TN மாநிலச் செயலாளர் தோழர்.C.P.கிருஷ்ணன். வணிக வங்கியில் இருக்கும் பெரிய சங்கங்கள் செய்துகொண்ட சமரசங்களையும், அவைகளை அம்பலப்படுத்தி BEFI சார்பில் நடத்தப்பட்ட பிரச்சாரங்களையும் ஒவ்வொரு காலக்கட்டத்தோடும் நினைவு கூர்ந்தார். அதன் விளைவாக இன்று பென்ஷன் இரண்டாவது ஆப்ஷனாக நிறைவேறி இருப்பதையும், அதேநேரம் புதிதாக பணிக்குச் சேர்பவர்களுக்கு வாய்த்திருக்கும் ‘புதிய பென்ஷன்’ திட்டத்தில் இருக்கும் குறைகளையும் சுட்டிக்காட்டினார். மேலும் பென்ஷனுக்கான போராட்டங்கள் தொடரும் என நம்பிக்கையோடு அவரது பேச்சு அமைந்திருந்தது.

கர்நாடகாவிலிருந்து வந்திருந்த AIRRBEA Organising secretary தோழர். நாகபூஷண் ராவ், கிராம வங்கி ஊழியர்களுக்கு பென்ஷன் என்னும் கோரிக்கை எப்படி வெற்றி பெற்றது என்பதை புள்ளி விபரங்களோடு சொன்னார். பென்ஷன் என்பது 'equal pay for equal work' என்னும் நமது கோரிக்கையோடு சம்பந்தப்பட்டது, ஒரு முப்பது வருட வரலாறும் பின்னணியும் கொண்டது என்பதை விளக்கினார். வணிக வங்கிக்கான ஊதியம் நமக்கும் வழங்கப்பட்ட போதே, வணிக வங்கியின் பென்ஷன் திட்டம் நமக்கு அமல்படுத்தப்பட்டு இருக்க வேண்டும். அரசு செய்த சதியின் விளைவாக அந்தக் குறை இருந்ததையும் அதை எதிர்த்து நடத்திய போராட்டங்கள், வழக்குகள் எல்லாவற்றையும் தொகுத்தார். கர்நாடகாவில் நமது சங்கங்களின் முயற்சியால் AIRRBEA நடத்திய வழக்கின் தீர்ப்பு, பென்ஷனுக்கான நமது நெடிய பயணத்தில் முக்கியமான மைல்கல் என்பதை உணர்த்துவதாக அவரது கருத்துரை அமைந்திருந்தது.

கருத்தரங்கத்தின் முதல் பகுதி நிறைவடைந்தது . அனைவரும் ரசித்து, அருமையாக ஏற்பாடு செய்யப்பட்டு இருந்த மதிய உணவருந்தினர். எங்கும் பேச்சும், உற்சாகமான விசாரிப்புகளும், சிரிப்பும் என கோலாகலமாய் காட்சியளித்த அனுபவம் அது.

கருத்தரங்கத்தின் இரண்டாவது பகுதியாக, வணிக வங்கியில் இருக்கும் பென்ஷன் திட்டம் பற்றி தோழர்.C.P.கிருஷ்ணன் விளக்க ஆரம்பித்தார். ஏறத்தாழ ஒரு வகுப்பு போலவே இருந்தது. அதே நேரம் சுவாரசியமாகவும் இருந்தது. தோழர்கள் அனைவரும் ஆர்வத்துடன் குறிப்புகள் எடுத்துக்கொண்டனர். ‘பென்ஷன் திட்டம் ‘ என்பது எவ்வளவு விபரங்களும், விர்வான வரையறைகளும் கொண்டது என்பதை தோழர்கள் புரிந்துகொண்டனர். தொடர்ந்து பலரும் சந்தேகங்கள், கேள்விகள் எழுப்ப அனைத்திற்கும் பொறுமையாகவும், தெளிவாகவும் விளக்கமளித்தார் தோழர்.சி.பி.கிருஷ்ணன். PGBOU பொதுச்செயலாளர் தோழர். சங்கரலிங்கம் இறுதியாக நன்றியுரை கூற கருத்தரங்கம் நிறைவடைந்தது.

வந்திருந்த அனைவருமே நமது சங்க நிர்வாகிகளை கைகுலுக்கி, தோள் தட்டிச்சென்றனர். பல்வேறு வார்த்தைகளில், தொனிகளில் சொல்லியிருந்தாலும் அவர்கள் அனைவருமே சொன்னதன் அர்த்தம். “ ரொம்ப நல்லா இருந்தது!” என்பதுதான். “இதை PGBEAவாலும், PGBOUவாலும்தான் செய்ய முடியும்” என்பதையும் சேர்த்தேச் சொன்னார்கள். இன்று காலையில் ஒரு தோழர் இப்படியொரு எஸ்.எம்.எஸ் அனுப்பியிருந்தார்: “thanx for a nice conference with nice food for ears and stomach".

செமினார் காட்சிகள்

JUNE 8: Strike and Seminar

2012-06-09T21:17:00.000+05:30

ஜூன் 8 ம் தேதி நமது வேலைநிறுத்தம் மிகுந்த எழுச்சியோடும் உணர்வு பூர்மாகவும் நடந்திருக்கிறது. தங்கள் எதிர்காலத்திற்கான வெளிச்சத்தை நோக்கி, தேசம் முழுவதும் AIRRBEA அறைகூவலின் பேரில் நடந்து முடிந்திருக்கிற இந்த வேலைநிறுத்தத்தில், பாண்டியன் கிராம வங்கி, பல்லவன் கிராம வங்கி, புதுவை பாரதியார் கிராம வங்கியில் உள்ள நமது இணைப்புச் சங்கங்கள் பங்கேற்றன.

பாண்டியன் கிராம வங்கியில் , இந்த வேலைநிறுத்த நாளன்று , பெரும்பாலான கிராம வங்கிகளில் வணிகம் பாதிக்கப்பட்டு இருக்கிறது. ஏறத்தாழ 90 கிளைகளில் முழுமையாக பணிகள் நடைபெறவில்லை. பேருக்கு ஒரு அலுவலரையும், ஊழியரையும் வைத்து, கிளைகளை திறந்து, ஒப்புக்கு சில transaction செய்த கிளைகளின் எண்ணிக்கை எழுபத்தைந்துக்கு மேலிருக்கும்.

PGBEA, PGBOU வின் உறுப்பினர்களில் புதிதாக பணிக்குச் சேர்ந்தவர்களைத் தவிர மற்றவர்கள் அனைவரும் ஏறத்தாழ முழுமையாக கலந்து கொண்டு இருக்கின்றனர்.Red salutes to comrades! வாழ்வதற்கான அர்த்தத்தை அறிந்தவர்கள் நாம். வணிக வங்கிக்கு இணையான பென்ஷன் வேண்டும் என கிராம வங்கி ஊழியர்கள் அனைவருக்குமாக போராடிய, மகத்தான மனிதர்களாய் நமது தோழர்கள் நிமிர்ந்து நிற்கும் நேரமிது. எந்தக் காரணங்கள் இருந்தபோதும், இந்த வேலைநிறுத்தத்தில் கலந்துகொள்ளாத மற்றவர்கள் அனைவரும் வெட்கப்பட வேண்டிய நேரமிது!

இந்த வேலை நிறுத்த நிறுத்த நாளன்று, மதுரையில் நடந்த கருத்தரங்கில், திரளான தோழர்கள் பங்கேற்றனர். தோழர். விக்கிரமன் (சி.ஐ.டி.யூ), தோழர். சி.பி.கிருஷ்ணன் (BEFI), தோழர். கிரிஜா (AIIEA) கலந்து கருத்துரையாற்றினர். உற்சாகத்துடன் கலந்து கொண்ட நமது தோழர்களை இங்கே பாருங்கள். எவ்வளவு உற்சாகமும், பெருமையுமாய் அவர்கள் முகங்கள் இருக்கின்றன.

(வேலைநிறுத்தம், கருத்தரங்கம் குறித்த விரிவான செய்திகள் நாளை...)

வீடியோ

ஆல்பம்!

Madurai and karaikudi regional meetings

2012-05-20T19:54:00.005+05:30

தூத்துக்குடி, திருநெல்வேலி, இராமநாதபுரம் மண்டலக் கூட்டங்கள் நடந்து முடிந்தவிட்ட நிலையில், நேற்றும் (19.5.2012), இன்றும் (20.5.2012) மதுரை மற்றும் காரைக்குடி வட்டாரக் கூட்டங்கள் நடந்து முடிந்திருக்கின்றன.

தோழர்களின் உற்சாகமான பங்களிப்பும், விவாதங்களில் தெரிவித்த கருத்துக்களும் சங்கத்திற்கு எழுச்சியளிக்கக் கூடியதாக அமைந்திருந்தன.

இன்றைய வேலப்பளு, மன அழுத்தம், பதற்றம் கூடிய பணிச்சூழல் குறித்தே பெரும்பான்மையான தோழர்களிடமிருந்து கருத்துக்கள் வெளிப்பட்டன.

சேர்மனோடு அமைந்த courtesy call நல்ல தொடக்கமாக கருதப்பட்டாலும், இது போன்ற சூழல் தொடர்ந்து நீடிக்குமா என சந்தேகங்களும் முன்வைக்கப்பட்டன.

Recruitment, Promotion, Transfers எல்லாம் எந்த முடிவுமற்று, தெளிவற்று இருக்கும் சூழல் கடும் அதிருப்தியை தோழர்களிடையே எழுப்பியிருக்கிறது.

வரக்கூடிய காலங்கள் சவால்கள் நிறைந்ததாக இருக்கும் என்பது மட்டும் தெரிகிறது. நாம் ஒற்றுமையோடும், சமரசமற்ற பார்வையோடும் அவைகளை எதிர்கொள்ள வேண்டும் என்பதும் ஒட்டு மொத்த கருத்தாக உருவாகி இருக்கிறது.

ஜூன் 8ம் தேதி நமது அகில இந்திய வேலை நிறுத்தத்தை பெரும் வெற்றியாக்குவதன் மூலம் நமது சக்தியை உணர்த்த வேண்டும் என்பது வலியுறுத்தப்பட்டது.

ஐந்து மண்டக் கூட்டங்களிலும் வந்திருக்கும் தோழர்களின் கருத்துக்களை தொகுத்து அதன் அடிப்படையில் நமது செயற்குழுக்கள் எதிர்கால நடவடிக்கைகளை தீர்மானிக்கும்.

மதுரை, காரைக்குடி மண்டலக் கூட்ட காட்சிகள்...

மதுரை

காரைக்குடி

Tuticorin and Nellai Zonal meetings

2012-05-16T13:44:00.002+05:30

திட்டமிட்டபடி நமது தூத்துக்குடி, திருநெல்வேலி, இராமநாதபுரம் வட்டாரக் கூட்டங்கள் நடந்து முடிந்திருக்கின்றன.

இதுவரை இல்லாத அளவுக்கு மிகத் திரளாக தோழர்கள் வந்து கலந்து கொண்டனர் என்பது உற்சாகமாயிருக்கிறது. புதிய தோழர்கள் கலந்து கொண்டதோடு தங்கள் கருத்துக்களை முன்வைத்தது சிறப்பானதாகும்.

திருநெல்வேலியில் 70 தோழர்கள் கலந்து கொண்டதோடு, உறுப்பினர்கள் மிக நீண்ட விவாதங்களையும் முன்வைத்திருக்கின்றனர்.

வந்திருந்த அனைவருமே, நமது சங்கங்கள் ஆரம்பித்திருக்கும், ‘சீர்திருத்த இயக்கத்தை’ ஆதரித்ததோடு, அதற்கு மேலும் செழுமை சேர்ப்பதாக உரையாடி இருக்கிறார்கள்.

நாம் எவ்வாறு எல்லாம் இங்கு பாதிக்கப்பட்டு இருக்கிறோம் என்பதை தொடர்ந்து பேசுவோம்! தீர்வுகளை நோக்கி நகர்வோம்!!

வட்டாரக்கூட்டங்களின் காட்சிகள் இங்கு.....

தூத்துக்குடி

திருநெல்வேலி

Mass deputation to HO and gate-meeting on 10.5.2012

2012-05-11T18:30:00.001+05:30

10.5.2012 அன்று தலைமையலுவகத்திற்கு IOB ED மற்றும் GM வருவதையொட்டி விழா ஏற்பாடு செய்யப்பட்டு இருந்தது. தோரணம், பந்தல் என தடபுடலாக வரவேற்கப்பட்டு இருந்தனர். சிறப்பாக செயல்பட்டு வரும் கிளை மேலாளர்கள் அழைக்கப்பட்டு இருந்தனர். (ஆனால் அப்படி வந்தவர்கள் சிலர் சமீபத்து பதவி உயர்வில் கழிக்கப்பட்டவர்களாயிருந்தனர்.)

அன்று, நமது PGBEA, PGBOU செயற்குழு உறுப்பினர்களும் தலைமையலுவலகத்திற்கு mass deputation சென்றோம். Memorandum Day என்னும் பேட்ஜ் அணிந்து, நமது இயக்கத்தை துவக்கினோம்.

வந்திருந்த ஐ.ஓ.பி உயரதிகாரிகளோடு பிஸியாக இருந்தார் சேர்மன். வங்கியில் நமது உழைப்பில் நிகழ்ந்த காரியங்கள் அவரது சாதனைகளாக அரங்கேற்றப்பட்டன. (ஆனாலும் இந்த மொபைல் வேனையும், சூரிய அடுப்பையும் காண்பித்து காண்பித்து, இன்னும் எத்தனை பேரோடு, எத்தனை முறைதான் படம் எடுக்கப் போகிறார்களோ!)

நாம் mass deputationஆக பொது மேலாளரை சந்தித்து மெமொரெண்டம் கொடுத்தோம். மாலையில் கோரிக்கைகளை விளக்கி வாயிற்கூட்டம் நடத்தினோம்.விரிவான செய்திகளும், மெமொரெண்டமும் நாளை நமது வெப்சைட்டில் வெளியிடப்படும்.

படங்களும், வீடியோக்களும் இங்கே.....

வீடியோ

AIRRBEA: Delhi Demonstration and seminar on 26.4.2012

2012-04-29T10:58:00.001+05:30

It is full of rising moments. Faces and hearts are enlighted. Slogans and speeches of leaders and members of parliament are echoing and vibrating still.Flags of AIRRBEA are airing the message, "Here are the true warriors for the Rural India!"

Comrades of different Gramin Banks and differents parts of nation gather under the banner of All India regional Rural Bank Employees at V.P.House on 26.4.2012 and demand Pension, NRBI, Regularisation of temporary employees, withdrawal of HR policy and inclusion of representatives of workmen and officers in the Board of directors of Gramin banks.

Nearly 20 MPs of various parties have shared the dias and supported our cause. They declare that they are with us. They assure us that they will raise the issues in the floor of parliament.

Com.Mukherjee (GS, AIRRBEA) detailed the latest postion and our efforts in his speech. He explains how we are forwarding with the voice of pension. He points out who betrays us. He stimulates the fighting spirit. Com.Venkateshwar Reddy (GS, NFRRBO) delivers the pride of AIRRBEA with a firing touch. "AIRRBEA - Zindabad!", "AIRRBEA - Long live!"

On the same day, in an adjacent hall, Seminar on National Rural Bank of India is arranged. Com.Prabath Patnaick, the well known economist shares his wiews on rural economy in the context of the globalisation and insists the role of gramin banks to be strengthened. His speech is a guiding one for all.

This demonstration and Seminar make the day and our future bright. We come closer to success of our demands and our unity will definitely get the good things done very soon. Yes, it is anoher historical day of AIRRBEA.

March on... March on..
Victory ours, march on....

Here are some photos...!!

Our GS, Com.Mukherjee delivers....

Com.Venkateshwar reddy, GS, NFRRBO fires...

Sri.Viswanath, congress MP from Karnataka supports....

Com.Sampath, CPM MP from Kerala supports...

More MPs share the dias...

Our beloved leader and CPM - MP com.Basudev Acharya....

Dalits leader Sri.Thol Thirumavalavan, Tamilnadu MP supports....

The entire proceedings of demonstration is in action here...

We meet M.Ps in Delhi for pension and NRBI

2012-04-25T20:42:00.000+05:30

பென்ஷன் உள்ளிட்ட கோரிக்கைகளை முன்வைத்து நமது அகில இந்திய சங்கம் நடத்தி வரும் இயக்கத்தை நமது சர்க்குலரில் தெரியப்படுத்தி இருந்தோம். அதன் அடுத்தக் கட்டமாக, 26.4.2012 அன்று டெல்லியில் கிராம வங்கி ஊழியர்கள் திரளுவது என்றும், கருத்தரங்கம் நடத்துவது என்றும் முடிவு செய்யப்பட்டு இருந்தது. இவ்வியக்கத்தை வெற்றிகரமாக நடத்துவதற்காக நாடெங்கிலுமிருந்து ஐயாயிரத்துக்கு மேற்பட்ட தோழர்கள் டெல்லியை நோக்கி வந்து கொண்டு இருக்கின்றனர். தமிழகத்திலிருந்து 20 தோழர்கள் டெல்லியில் முகாமிட்டு இருக்கின்றனர்.

நமது கோரிக்கைகளை பாராளுமன்றத்தில் ஒலிக்கச் செய்வதற்காக ஏற்கனவே பத்துக்கும் மேற்பட்ட தமிழக எம்.பிக்களை சந்தித்துப் பேசியிருக்கிறோம். அவர்களும் நிதியமைச்சருக்கு கடிதம் எழுதி வருகின்றனர். இன்று 25.4.2012 அன்று மேலும் மூன்று எம்பிக்கள் நமக்கு ஆதரவு தெரிவித்துள்ளனர். அவர்களை சந்தித்துப் பேசிய காட்சிகள் இங்கு....

With DMK M.P sri. Sugavanam

With DMK M.P sri. Aathisankar

With DMK M.P sri. Ramalingam

Training for messengers

2012-04-15T11:26:00.000+05:30

நேற்று, 14.4.2012 அன்று, மதுரையில் வைத்து திட்டமிட்டபடி, மெஸஞ்சர்த் தோழர்களுக்கான training நடந்தது.

துவக்கி வைத்துப் பேசிய தோழர்.சோலைமாணிக்கம், பத்தாம் வகுப்பில் தேர்ச்சி பெற்று இருக்க வேண்டும் என்று நிர்வாகம் செய்த முயற்சிகளை முடித்து, அனைவரையும் பதவி உயர்வுக்கு அழைக்க PGBEA செய்த முயற்சிகளை தெளிவு படுத்தினார். மாற்று சஃங்கம் PGBWU இவ்விஷயத்தில் நிர்வாகத்திற்கு ஆதரவாகவும், ஊழியர்களுக்கு விரோதமாகவும் நிலைபாட்டை எடுத்ததை அம்பலப்படுத்தினார்.

தோழர்.முத்துராமலிங்கம் (நமது தோழர்.போஸ்பாண்டியன் சகோதரர்) அவர்கள் ஆங்கிலத்திலும், நமது PGBEA தோழர்.கோபால் சுப்பிரமணியன் (சாம்பவார் வடகரை கிளை) அவர்கள் கணிதத்திலும் பயிற்சி கொடுத்தனர். காலை 10.30 மணி தொடங்கி மாலை 6.30 வரை நடந்த நிகழ்வில், தோழர்கள் தங்கள் சந்தேகங்கள் பலவற்றைப் பகிர்ந்து கொண்டனர். விளக்கம் பெற்றனர். தோழர்.மாதவராஜ் இறுதியாக, தேர்வு எழுதும் முறை குறித்தும், தேர்வில் வெற்றி பெறுவதற்கான வழிகள் குறித்தும் யோசனைகள் தெரிவித்தார்.

இந்த பயிற்சி முகாம் சிறப்பாக நடைபெற, ஏற்பாடுகள் செய்த தோழர்.சுரேஷ்பாபு (திருமங்கலம்) அவர்களுக்கு நன்றி தெரிவிக்கப்பட்டது.

பயிற்சி முகாமின் காட்சிகள்:

6.9.2011 அகில இந்திய தர்ணா!

2011-09-07T10:06:00.000+05:30

நமது அகில இந்திய சங்கம் AIRRBEAவின் அறைகூவலை ஏற்று நமது வங்கியின் தலைமையலுவலகம் முன்பாக 6.9.2011 அன்று தர்ணா நடந்து முடிந்திருக்கிறது. நூற்றுக்கும் மேற்பட்ட தோழர்கள் கலந்துகொண்ட இந்தப் போராட்டம் நமத உறுதியையும், சமரசமற்ற முயற்சியையும் உணர்த்தியிருக்கிறது.

பென்ஷன், வணிக வங்கிக்கு இணையான அலவன்சுகள், தற்காலிக பணியாளர்கள் நிரந்தரமாக்கப்பட வேண்டும், வங்கியின் நிர்வாகக்குழுவில் ஊழியர்கள் மற்றும் அலுவலர்களின் பிரதிநிதிகள் வேண்டும் போன்ற கோரிக்கைகள் கோஷங்களாக எழும்பி இருக்கின்றன.இதேநாளில் தேசம் முழுவதும் அனைத்து கிராம வங்கிகளின் தலைமையலுவலகங்கள் முன்பாகவும் இதே குரல்கள் எதிரொலித்திருக்கின்றன.

போராட்டம் இல்லாமல் இங்கு எதுவும் சாத்தியமில்லை. நமக்கான, நம் எதிர்காலத்துக்கான போராட்டத்தில் பங்கேற்ற அனைத்துத் தோழர்களையும் PGBEAவும், PGBOUவும் பெருமையுடன் பார்க்கிறது...

PGBEA - Union Office opening 2004

2011-07-06T07:51:00.000+05:30

பாண்டியன் கிராம வங்கியில் தங்களுக்கென்று ஒரு அலுவலகம் வைத்து சங்கம் நடத்துவது Pandyan Grama Bank Employees Association மற்றும் Pandyan Grama Bank Officers Union ஆகியவையே. நமது சங்க கட்டிடத் திறப்புவிழா, உழைப்பாளார்கள் தினமாகிய மே 1ம் தேதி, 2004ம் ஆண்டு நிகழ்ந்தது. அதன் நினைவுகளாக...

Madurai Zonal meeting 30.6.2011

2011-07-01T09:30:00.000+05:30

திட்டமிட்டபடி, மதுரை வட்டாரக்கூட்டம் 30.6.2011 மாலை 6 மணிக்கு, TNGEA அலுவலகத்தில் நடைபெற்றது. நாகலாபுரம் கிளையில் பணிபுரியும் தோழர்.ராஜேந்திரன் தலைமை தாங்கினார்.

ஜூன்7ம் தேதி வேலைநிறுத்தம், ஆகஸ்ட் 5 ம்தேதிக்கு ஒத்திவைக்கப்பட்ட செய்திக் தோழர்களிடம் பரவியதாலும், ஜூன் காலிறுதியாண்டு கணக்குகள் முடிக்க வேண்டியிருந்ததாலும், 50 தோழர்கள் போலவே கலந்துகொண்டனர்.

BEFI சங்கத்தின் சார்பில், இந்தியன் வங்கியில் பணிபுரியும் தோழர் ராமசமி கோரிக்கைகளை வலியுறுத்திப் பேசினார். ஆகஸ்ட் 5ம் தேதி நிச்சயம் ஒருநாள் வேலைநிறுத்தம் நடைபெறும், நாம் தயாராய் இருப்போம் என தெரிவித்தார். PGBOU தலைவர் தோழர்.போஸ்பாண்டியன், அரசும், நிர்வாகங்களும் சேர்ந்து வங்கித்துறையை சீரழிப்ப்பதை எதிர்த்து வங்கி ஊழியர்கள் திரள வேண்டிய அவசியத்தை வலியுறுத்தினார். PGBEA தலைவர் தோழர்.மாதவராஜ், இது நம் எதிர்காலத்திற்கான போராட்டம் என்பதையும், பாண்டியன் கிராம வங்கியில் நிர்வாகத்தின் அராஜகப் போக்கையும், ஊழியர்களின் நலனை கொஞ்சம் கூட மதிக்காத நிலைமைகளையும் எடுத்துரைத்தார். PGBEA பொதுச்செயலாளர் தோழர்.சோலைமாணிக்கம், நம்மைத் தற்காத்துக்க்கொள்ள, நாம் போராட்டத்திற்கு தள்ளப்படுகிறோம் என்பதை விவரித்தார். PGBOU செயற்குழு உறுப்பினர் தோழர்.விஸ்வநாதன் நன்றி தெரிவித்தார்.