பிகேபி

விடுபட்டன

noreply@blogger.com (PKP) — Mon, 09 Nov 2009 13:02:00 +0000

முந்தைய நமது ”(தபால்) தலை சிறந்த சில” என்ற தலைப்பில் வழங்கிய தபால் தலைகள் படத் தொகுப்பில் சில பிரபல தலைகள் விடுபட்டிருப்பதாக சிலர் குறிப்பிட்டிருந்தார்கள். “நல்ல தொகுப்பு. அறிஞர் அண்ணாவின் நினைவாக வெளியிடப்பட்ட தபால் தலை கிடைக்கவில்லையா?” “நாமக்கல் கவிஞர் இராமலிங்கம் பிள்ளை அவர்கள் அஞ்சல் தலை என் நண்பரிடம் இருக்கிறது. அதை இந்தத் தொகுப்பில் எப்படி சேர்ப்பது.” என சிலர் கேட்டிருந்தார்கள். இதையெல்லாம் படித்தாரோ என்னவோ யாரோ ஒரு நண்பர் அங்கே விடுபட்டிருந்த சில அஞ்சல் தலைகளையெல்லாம் தொகுத்து இங்கே நமக்கு அனுப்பியிருந்தார். அந்த நண்பருக்கு நம் நன்றிகள்.
படத்தை சொடுக்கி பெரிதுபடுத்தி பார்க்கலாம்.

நேற்றைய பொழுதும் நிஜமில்லை
நாளைய பொழுதும் நிச்சயமில்லை
இன்றைக்கு மட்டுமே நம் கையில்

வான்மீகரும் தமிழும் மென்புத்தகம் Valmiki and Tamil pdf ebook Download. Click and Save.Download

கையிலேயே வெண்ணை

noreply@blogger.com (PKP) — Fri, 06 Nov 2009 00:32:00 +0000

கையில் வெண்ணையை வைத்துக்கொண்டே நெய்க்கு அலைவதைப் போல ஆட்டைத் தோளில் போட்டுக் கொண்டே அதை தேடுவது போல சில சமயங்களில் நாமும் சில விசயங்களை கையில் வைத்துக்கொண்டே வேறெங்கெங்கோ அவைகளை தேடிக்கொண்டிருப்போம். அப்படி ஒரு சில்லி விசயம் தான் நான் இங்கு சொல்ல வருவதும். வலையிலிருந்து இறக்கம் செய்த சில முக்கியமான வீடியோ படங்களை ஓட்டும் போது அல்லது நீங்களே உங்கள் கேம்கார்டர் வழி சூட்டிங் செய்த உங்கள் சில வீடியோ படங்களை கணிணியில் பார்க்கும் போது சில சமயம் அந்த வீடியோ படங்கள் தலைகீழாக ஓட நேரிடலாம். சில என்கோடர்கள் செய்த தவறினால் இவ்வாறு நேரிடும். அதற்கென்ன இது போன்ற தருணங்களில் அவைகளை தலை நிமிர்த்தி பார்க்க என்ன செய்வதாம். நண்பனைப்போல அவசரத்தில் லேப்டாப்பை சாய்த்துபோட்டு பார்க்கும் அதீத முயற்சியெல்லாம் வேண்டாம். கூகிளிலும் ஏதாவது மென்பொருள்கள் கிடைக்குமாவென தேடவேண்டாம். வீடியோக்களை இஷ்டப்படும் கோணத்திற்கு சாய்த்து கவிழ்த்து பார்க்கும் வசதி நம்மிடம் ஏற்கனவே இருக்கும் VLC media player-ரிலேயே உள்ளது. இதோ அதற்கான வழி.

VLC media player-ல் Tool-ஐ கிளிக் செய்யவும் அதில் Effects and Filters-ஐ தெரிவு செய்யவும்.

இப்போது படத்தில் நீங்கள் கீழே பார்ப்பது போல Adjustments and Effects என ஒரு பெட்டி வரும். இதில் Video Effects-ஐ தெரிவு செய்யவும்.

அங்கே நீங்கள் படத்தில் கண்டபடி Transform என்பதை ”டிக்” செய்து அங்கே Flip horizontally அல்லது Rotate by 90 degrees என தெரிவு செய்து பல கோணங்களில் நீங்கள் லைவாக வீடியோவை மாற்றி பார்க்கலாம்.

ஒரேயடியாக வீடியோவை அக்கோணத்திற்கே மாற்ற கீழ்கண்ட இலவசமென்பொருள் உதவலாம்.
Free Video Flip and Rotate software
http://www.dvdvideosoft.com/products/dvd/Free-Video-Flip-and-Rotate.htm

ஓங்கி ஒருவனை அறைந்தால் என்ன,
கடனை நாமம் சாத்தினால் என்ன? எல்லாம் ஒன்றுதான்.
-முள்முடியில் தி.ஜானகிராமன்

க.நவசோதி ”ஓடிப்போனவன்” சிறுவர் புதினம் மென்புத்தகம்.Ka.Navasothi "Oodi Poonavan" Tamil Siruvar Novel pdf ebook Download. Click and Save.Download

தேதி வாரியாக ஃபோல்டர்கள்

noreply@blogger.com (PKP) — Sat, 31 Oct 2009 18:48:00 +0000

இந்த முறை சம்மர் படுவேகமாக போய்விட்டது. பாதி சம்மரை மழை ஆக்கிரமித்துக் கொள்ள இப்போது இலைவிழும் காலத்திலேயே கட்டிக்கம்பளிகளை உடுத்த வேண்டியிருக்கின்றது. குறுகிய சம்மரிலும் பீச்சாங்கரைகள் பல சுற்றி வந்தாயிற்று. இந்த முறை Orchard Beach, Oakland Beach, Cooper Beach, Sebago Beach என ஒரு ரவுண்ட் கட்டினோம். வழக்கமான பாயிண்ட் பிளசண்ட் பீச்சும் அட்லாண்டிக் சிட்டி பீச்சும் மிஸ்ஸிங். என் கனான் கேமராவால் சுற்றி சுற்றி சுட்டிறிக்கின்றேன். இந்தியா வந்திருந்தபோது குட்டிக் கொடைக்கானலெனச் சொல்லி கேரளாவை ஒட்டியிருக்கும் பொன்முடி மலைஸ்தலத்திற்கு கூட்டிப்போயிருந்தான் மனோஜ். ஏமாற்றமளிக்கவில்லை. நிறைய சினிமா படமெல்லாம் எடுத்திருக்கின்றார்களாம். தங்கமயிரென அதன் பேரை மாற்றி நேகாவை வெறுப்பேற்றினோம். அடிக்க வந்தாள். மலையாளத்தில் மயிரென்றால் அப்படி ஒரு கெட்டவார்த்தையாம். பொன்மொடி முகில்கள் சூழ்ந்த ஒரு அழகிய மலைப் பிரதேசம். இப்போதைக்கு இயற்கையாய் இருக்கின்றது. சீக்கிரத்தில் சிமெண்ட்ரோடு போட்டு, படிகள் அமைத்து, பிளாட்பாரம் கட்டி இந்த மலைஅழகியையும் கெடுத்துவிடுவார்கள். கிளிக்கியதில் எனது 5 மெகாபிக்சல் படங்களுக்கும் மனோஜின் புதிய 10 மெகாபிக்சல் படங்களுக்கு முள்ள வித்தியாசம் அப்பட்டமாய் கணிணியில் தெரிந்தது. எனது 5MP கனானை ஓரங் கட்டவேண்டும். படங்களை எடுத்த தேதியை பெயராக இட்டு ஃபோல்டர் படைத்து அவற்றை அடுக்குவது எனது பழக்கம். முன்பு Canon ZoomBrowser -எனும் மென்பொருளில் இந்த வசதி இருந்தது. அழகாக படங்கள் கிளிக்கிய நாட்கள் வாரியாக ஃபோல்டர்கள் படைத்து அவற்றை இறக்கம் செய்துவிடும். இப்போது விஸ்டாவின் Import Pictures வசதி இதை எளிமையாக்கி கொடுத்திருக்கின்றது. Tag these pictures-ல் Options-ஐ சொடுக்கி அதில் Folder name-ஆனது Date Taken+Tag ஆக இருக்குமாறு நீங்கள் மாற்றிக்கொள்ளவேண்டும்.

படத்தில் அதன் செய்முறை படிகளை நீங்கள் காணலாம்.

உங்கள் கேமராவை அல்லது மெமரிகார்டை இணைத்ததும் விஸ்டாவில் கீழ்கண்டவாறு AutoPlay திரை வரும்.இதில் முதலில்வரும் “Import Pictures using Windows”-ஐ தெரிவு செய்யவும்.

பின் கீழ்வரும் திரையில் Options-ஐ சொடுக்கவும்

பின் வரும் கீழ்கண்ட திரையில் Folder name-ஆனது Date Taken+Tag ஆக இருக்குமாறு நீங்கள் மாற்றிக்கொள்ளவேண்டும்.அவ்ளோதான்.

ரகசியத்தை வெளிப்படுத்தியவனுக்கும்,
துக்கத்தை வெளிப்படுத்தாதவனுக்கும் மனதில் நிம்மதி இருக்காது.

ரீ.சிவக்குமார் ”நேற்று... இன்று... நாளை!” உங்கள் குழந்தையை முழுமனிதனாக உருவாக்கும் தொடர் மென்புத்தகம். R.Siva Kumar "Netru... Indru... Nalai!" Series in Tamil pdf ebook Download. Click and Save.Download

(தபால்) தலை சிறந்த சில

noreply@blogger.com (PKP) — Wed, 28 Oct 2009 12:56:00 +0000

நண்பர் ஸ்ரீராமின் பின்னூட்டத்தை தொடர்ந்து தலைப்பு மாற்றப்பட்டது. முந்தைய தலைப்பு ”(தபால்) தலை சிறந்த தமிழர்கள்”

நன்றி V.Subramanian

ஆணுக்கு தூக்கம் ஆறுமணி நேரம்.
பெண்ணுக்கு தூக்கம் ஏழு மணி நேரம்.
முட்டாளுக்கு தூக்கம் எட்டு மணிநேரம்.
-நெப்போலியன்.

பதினெட்டு சித்தர்களின் வாழ்வும் வாக்கும் மென்புத்தகம்.Pathinettu Siththarkalin vaalvum vaakkum in Tamil pdf ebook Download. Click and Save.
Download

நம்மை பார்த்துத் தான்

noreply@blogger.com (PKP) — Sat, 24 Oct 2009 15:00:00 +0000

ரொம்ப நாளாகவே அந்த டிவிடி பிளயரை வாங்க வேண்டுமென கோபாலுக்கு ஆசை. போன வீக்கெண்டு வாங்கி வந்திருந்தான். Philips DVP5992. பெஸ்ட்பை- யில் 60 டாலருக்கு கிடைத்ததாம். போஸ்ட் ஆபீசில் கிடைக்கும் USPS movers coupon pack-யை நவிட்டி அதிலிருந்த கூப்பனால் 10% தள்ளுபடியில் வாங்கியிருக்கின்றான். ஆனாலும் அந்த விலை செலுத்த வேண்டி வந்தது. என்ன ஒரே நன்மை விற்பனை வரி கட்டாமல் வாங்கினது போல் இருந்ததாம். இந்த டிவிடி பிளயரில் இருக்கும் USB இண்டர்பேஸ் தான் அவன் பேவரைட். பார்க்க விரும்பும் வீடியோவை நொடியில் பென்டிரைவ் ஒன்றில் காப்பிசெய்து அதை அந்த டிவிடி பிளயரில் செருகி பார்க்கலாம் என்பது தான் அதன் விசேசம். வீணாக சிடி அல்லது டிவிடிக்களை எரிக்க வேண்டியதில்லை. எரித்தும் என்ன பிரயோஜம். சீக்கிரத்தில் கிறுக்கல் விழுந்து விடுகின்றது. அல்லது அழுக்கு பிடித்து விடுகின்றது. இந்தியாவில் ஓனிடாக்காரர்கள் “உங்களை பார்த்துதான் டிசைன் செய்தோம்” என்ற கோஷ வரிசையில் இந்த வசதிகொண்ட டிவிடி பிளையரை வெளியிட்டிருக்கின்றார்கள். சன் டிவியில் பார்த்த நியாபகம். விலை கொஞ்சம் எகிறுமாயிருக்கும். Jpg படங்கள், Mpeg வீடியோக்களையெல்லாம் USB பென்டிரைவில் காப்பிசெய்து அதை அப்படியே தனது HDTV யில் ஓட்டி காட்டினான். நன்றாக இருந்தது. இந்த மாதிரியான டிவிடி பிளயர்களை HDTV-யோடு இணைக்க HDMI எனும் கேபிளை பயன்படுத்தலாம். மற்ற கலர் கலரான நீலம்,பச்சை,சிவப்பு component வீடியோ கேபிள்களை பயன்படுத்தினால் பல கேபிள்களை ஆடியோ வீடியோக்குவென பயன்படுத்த வேண்டியிருக்கும். தரமும் கம்மியாக இருக்கும். இதுவே HDMI கேபிள் ஒரே கேபிளாக இருப்பதோடு தரமும் நன்றாக இருக்குமாம். அமேசானில் ஆறடி HDMI கேபிள் மூன்று டாலருக்கு கிடைக்கின்றது. தனது வீடியோக்களையெல்லாம் சேமித்துவைத்து இப்படி அப்பப்போ வசதியாக தனது டிவியில் பார்க்க Western digital Passport 500GB நல்ல டீலில் கிடைக்குமாவென தேடிக்கொண்டிருக்கின்றான்.100 டாலர்கிட்ட ஆகின்றது. ஐந்து வருடங்களுக்கு முன்பு 1GB = 1 டாலர் விகிதத்திலிருந்த ஹார்டிரைவின் விலை இன்றைக்கு 1GB=0.20 டாலராகியிருக்கின்றது நல்ல சேதி. எக்ஸ்ராவாய் ஒரு பவர் அடாப்டரை தூக்கிக்கொண்டு சுத்தாமால் கூடவரும் USB கேபிளே தேவையான பவரை டிரைவுக்கு கொடுத்தால் போர்ட்டபிளாக சட்டைப் பையில் வைத்துக்கொண்டு சுற்றலாம். அதுதான் வெஸ்ட்ரன் டிஜிட்டல் பாஸ்போட்டின் அருமை. இந்த டிவிடி பிளயர்களில் இப்போதிருக்கும் ஒரே குறை NTFS file system வேலைசெய்வதில்லை. FAT32 file system-த்தில் மட்டுமே அந்த USB டிரைவ் ஃபார்மேட்செய்யப்பட்டிருக்கவேண்டும். உங்கள் விண்டோஸ் ஒருவேளை 500gb டிரைவை FAT32-வில் ஃபார்மேட் செய்யவிடாமல் அடம்பிடித்தால் உங்களுக்கு fat32format எனும் இந்த சின்ன மென்பொருள் உதவலாம்.
http://www.ridgecrop.demon.co.uk/index.htm?fat32format.htm

Direct Download link
Fat32format.zip

சிந்திக்காதவன் முட்டாள்
சிந்திக்கத் துணியாதவன் கோழை
சிந்திக்க மறுப்பவன் பிடிவாதக்காரன் -டிரம்மண்ட்

வஞ்சிமாநகரம் வரலாற்றுக் கதை மென்புத்தகம்.Vanji Maanakaran Historic Fiction in Tamil pdf ebook Download. Click and Save.
Download

படைப்பாளிகளின் பொக்கிஷம்

noreply@blogger.com (PKP) — Fri, 09 Oct 2009 07:47:00 +0000

இயல் மென்புத்தகங்கள் வடிவிலும், இசை MP3-க்கள் வடிவிலும், நாடகம் CD,DVD வடிவிலும் டிஜிட்டல் உலகில் மாறிவிட படைப்பாளிகளுக்கெல்லாம் திண்டாட்டம். முன்பெல்லாம் படைக்க பாடுபட்ட வியர்வைகளுக்கு விலை கிடைத்துக் கொண்டிருந்தது. தங்கள் படைப்புகள் பற்றிய புகழ் பரவப் பரவ திருவிழாக் கொண்டாட்டமாயிருக்கும். இப்போது வைரஸ் கணக்காயும் வலையெங்கும் தங்கள் படைப்புகள் பரவினாலும் கையில் நயா பைசா கிடைப்பதில்லை. விரக்தியில் இணைய இறக்கச் சுட்டிகளைத் தேடி தேடி விரட்டி விரட்டி அழித்துக் கொண்டிருக்கின்றார்கள். அழிக்க அழிக்க புதிது புதிதான வழிகளில் அவை இறக்கத்துக்கு வருவதால் அதையும் அழிக்க ஓடி இதிலேயே தங்கள் பொன்னான நேரங்கள் வீணாய்ப் போய்க்கொண்டிருக்கின்றது. ரேப்பிட்ஷேர் எனும் தளம் இது மாதியான கோப்புகளை பகிர்வதில் முதலிடம் பிடிக்கின்றது. தினமும் அப்லோட் செய்யும் கோப்புகளில் 2 சதவீதம் வரை அழிக்கப்படுகின்றனவாம். அத்தனை மின்னஞ்சல் வேண்டுகோள்கள் அவர்களுக்கு போய் கொண்டுள்ளன.

இப்படித் தேடித் தேடி ஆன்லைனில் கிடக்கும் உங்கள் படைப்புகளையெல்லாம் அழிப்பதை நிறுத்திவிட்டு அதை நீங்களே இலவசமாய் கொடுங்கள்.எப்படி காசு பண்ண வேண்டுமென நான் சொல்லித் தருகின்றேன் என்று அனுபவபூர்வமாய் தான் பெற்ற படிப்பினையை சொல்லித் தருகின்றார் Nine Inch Nails புகழ் Trent Reznor.

இங்கே அந்த பார்மலாவை என் நடையில் கொடுத்துள்ளேன்.
முதலில் படைப்பாளியான நீங்கள் உஙகள் படைப்புகளுக்கென ஒர் இணையதளத்தை உருவாக்கிக்கொள்ளுங்கள். அதில் உங்கள் சில பழைய படைப்புகளையும் புதிய படைப்புகளையும் இலவசமாய் வழங்குங்கள்.ஆனால் ஒரு நிபந்தனையோடு. இறக்கம் செய்ய வரும் உங்கள் விசிறியின் மின்னஞ்சல் முகவரியையும் வீட்டு முகவரியையும் வாங்கி வைத்துக்கொள்ளவேண்டும். அவை எல்லாவற்றையும் ஒரு டேட்டாபேசாக்கிக் கொள்ளுங்கள். இலவசமாய் கிடைப்பதால் அநேக புதிய நபர்களும் உங்கள் படைப்புக்களை இறக்கம் செய்ய வருவதால் நிறைய புதிய விசிறிகளும் உங்களுக்கு கிடைக்க வாய்ப்பிருக்கின்றது.
இப்போது புரிகின்றதா...?
இப்போது உங்கள் கையில் உங்கள் படைப்புகளுக்காக ஆலாய்ப் பறக்கும் விசிறிகளின் பட்டியல். இந்த பட்டியல் தான் உங்கள் பொக்கிஷமே.
இனி அடுத்த படைப்பை வெளியிடும் போது இந்த உங்கள் விசிறிகளை தனியாய் தொடர்புகொள்ளுங்கள்.அவர்களுக்கென விசேட விலைகளை அறிவியுங்கள். உங்கள் கையொப்பமிட்டபடைப்புகளை விசேசமாக அவர்களுக்கு அனுப்பலாம் அல்லது உங்கள் படமிட்ட ஒரு விசேச பரிசோடு அந்த படைப்பை அவர்களுக்கு அனுப்பலாம் இப்படி அந்த உங்கள் விசிறிகளை எப்படியாவது அந்த படைப்பை வாங்கச் செய்துவிடலாம். உங்கள் விசிறிகளை பரந்த உலகில் தேர்ந்து கண்டு பிடிப்பதுதான் கஷ்டம். அவர்களை கண்டு பிடித்துவிட்டால் அவர்களிடம் உங்கள் படைப்பை வாங்கச் செய்ய ஒரு சில காரணங்கள் போதும் என்கின்றார் அவர்.

Connect with Fans (CwF) + Reason to Buy (RtB) = The Business Model
இது தான் அவர் பார்முலா.

நம்மூருக்கும் நம்மாட்களுக்கும் இந்த ஐடியா சரிப்பட்டு வருமாவென தெரியவில்லை. ஆனாலும் இவர் எழுதிய நாவல் வேண்டும் அவர் எழுதிய நாவல் வேண்டும் என்றும் இந்த மென்புத்தகம் வேண்டும் அந்த மென்புத்தகம் வேண்டும் என்றும் எனைக் கேட்டு அநேக விசிறிகள் தேவையோடு தொடர்புகொள்வதுண்டு. அவர்களை எல்லாம் எட்டும் வகையில் காலத்திற்கேற்ப நம் படைப்பாளிகள் தங்கள் வியாபார யுத்திகளையும் மாற்றிக்கொள்வதுதான் புத்திசாலித்தனம் என்று நினைக்கின்றேன். படைப்பாளிகள் நொடிந்து போனால் மொழி எப்படி வாழும் இல்லையா?.

நீங்கள் Outlook Express பயன்படுத்துவீர்களானால் இந்த மென்பொருள் மிக உதவியாக இருக்கலாம்.மாதாவாரியாக *.idx/*.mbx/*.dbx வடிவுகளில் அல்லது eml வடிவில் நீங்கள் சேர்த்துவைத்திருக்கும் மின்னஞ்சல்களை பிற்பாடு அவுட்லுக் எக்ஸ்பிரஸ் உதவியின்றி ஒவ்வொரு மின்னஞ்சல்களாக திறந்து பார்க்க உதவும் சிறிய மென்பொருள் இது.
Mail Viewer - for Outlook Express, Windows Vista Mail/Windows Live Mail and Mozilla Thunderbird message databases as well as single EML files.
http://www.mitec.cz/mailview.html

ஓட்டப் பந்தயத்திற்கு ஆயத்தமாக நிற்பவர்களிலே எவனாவது, “இது நல்ல காலந்தானா!” என்று சிந்திப்பானா? பந்தயத்தொடக்கத்திற்கான மணியொலி எப்போது காதில் விழும் என்றல்லவா காத்திருப்பான்?

சனிப்பெயர்ச்சி பலன்கள் 2009-2012 மென்புத்தகம்.Sani Peyarchi Predictions 2009-2012 in Tamil pdf ebook Download. Click and Save.
Download

நேசிக்கின்றோம்

noreply@blogger.com (PKP) — Thu, 08 Oct 2009 05:57:00 +0000

மனிதர்களை மட்டுமல்ல மாக்களையும் நாங்கள் நேசிக்கிறோம் என சொல்லாமல் சொல்கின்றதோ இந்த மென்பொட்டலங்களின் பெயர்கள்.

Yahoo`s Fire Eagle யாஹூவின் நெருப்பு கழுகு இடம்காட்டி எந்திரம்
http://fireeagle.yahoo.net/

Yahoo`s Babel Fish யாகூவின் பாபேல் மீன் மொழிமாற்றி
http://babelfish.yahoo.com/

Puppy Linux நாய்க்குட்டி லினக்ஸ்
http://www.puppylinux.org/

GNU Operating System ஆடு செயலி
http://www.gnu.org/

Python Programming Language பைத்தான் மலைப்பாம்பு கணிணிமொழி
http://www.python.org/

Yellow Dog Linux மஞ்சள் நாய் லினக்ஸ்
http://www.yellowdoglinux.com/

Penguin for Linux பென்குவின் லினக்ஸ்
http://www.linux.org/

Mozilla`s Fire Fox மொசில்லாவின் நெருப்பு நரி உலாவி
http:/www.firefox.com/

Suse Linux பச்சோந்தி ஓணான் லினக்ஸ்
http://www.opensuse.org/en/

Apple`s Snow Leopard Mac OS ஆப்பிளின் பனிச்சிறுத்தை செயலி
http://www.apple.com/macosx/

Software products named after some animal names

வாழ்க்கை என்பது
ஒரு சந்தர்ப்பம் - நழுவ விடாதிருங்கள்
ஒரு கடமை - நிறைவேற்றுங்கள்
ஒரு இலட்சியம் - சாதியுங்கள்
ஒரு சோகம் - தாங்கிக்கொள்ளுங்கள்
ஒரு போராட்டம் - வென்றுகாட்டுங்கள்
ஒரு பயணம் - நடத்தி முடியுங்கள்

நீதிக்களஞ்சியம் மென்புத்தகம்.Needhi Kalanjiyam Morals and Ethics in tamil pdf ebook Download. Click and Save.
Download

யாருக்குச் சொந்தம்

noreply@blogger.com (PKP) — Tue, 06 Oct 2009 07:48:00 +0000

மூன்றரை சதவீதம் டவுண் பேமண்ட் செலுத்தி FHA கடன் வாங்கி வீடு ஒன்றை வாங்கி இருக்கின்றாள் நிஷா அவசரம் அவசரமாக. தரமான பாடசாலைகள் உள்ள அமைதியான ஒரு புறநகர்ப்பகுதி.வீட்டெதிரே மான்கள் மேய்ந்து கொண்டிருந்தன குடும்பம் குடும்பமாக.இனிமேல் இவள் மாதம்தோறும் மார்கேஜ் எனப்படும் வீட்டுக்கடனை கொஞ்சம் கொஞ்சமாக திரும்ப செலுத்த வேண்டும்.அடுத்த வருட வரி ஒப்புவிப்பின் போது ஒபாமா 8,000 டாலர்கள் சலுகை கொடுப்பதாக சொல்லியிருக்கிறாராம். அதனால் தான் இந்த அவசரம்.

முப்பது வருடங்கள் கழித்து நீ அத்தனை கடனையும் கட்டி முடித்திருந்தாலும் அந்த வீடு என்றைக்குமே உனக்கு சொந்தம் ஆகாது என்றான் கோபால்.அதெப்படி என நிஷா டென்சனாக கோபால் ஒரு கதை சொல்லவேண்டி வந்தது.

பாண்டி பசார் பிளாட்பாரத்திலிருந்து 500 ரூபாய் கொடுத்து ஒரு காலணி வாங்குகின்றாய் என வைத்துக்கொள்வோம். அதை வீட்டிற்கு கொண்டு சென்று ஒரு மாதமாய் அணிந்து அழகு பார்க்கின்றாய். பூரண திருப்தி உனக்கு. ஆனால் அடுத்த மாத தொடக்கத்தில் உனக்கு ஒரு அதிர்ச்சி காத்திருக்கின்றது.அந்த காலணிகடைக்காரன் வந்து உன் வீட்டுக் கதவை தட்டுகின்றான். ஐந்து ரூபாய் கொடு அப்போது தான் அந்த காலணியை நீ வைத்துக் கொள்ளலாம் அல்லது அதை நான் இப்போது எடுத்துக்கொண்டு போய்விடுவேன் என்கின்றான். நீயும் ஐந்து ரூபாய் தானே என அதை கொடுத்து அவனை அனுப்பிவிடுகின்றாய். மீண்டும் அடுத்த மாதமும் உன் வீட்டுக் கதவு தட்டப்படுகின்றது.இப்போதும் ஐந்து ரூபாய் கேட்கிறான். நீயும் கொடுக்கின்றாய். அது பழக்கமாகி இப்போது மாதம் தோறும் ஒன்றாம் தேதியானால் அவன் கறாராக வந்து விடுகின்றான். ஐந்து ரூபாய் கொடுத்தால் நீ வைத்துக்கொள்ளலாம். கொடுக்காவிட்டால் அதை நான் எடுத்துக்கொள்வேன் என்கின்றான். இப்போது சொல் அந்த காலணி யாருக்குச் சொந்தம் உனக்கா அல்லது அவனுக்கா?

அரை மில்லியன் டாலர் கொடுத்து வீட்டை நீ வாங்கி சொந்தமாக்கிக் கொண்டாலும் வருடம் தோறும் நீ சில துக்கடா டாலர்களை வீட்டுவரியாக கடாசாவிட்டால் அவ்வீடு எளிதாக சர்க்காருக்குச் சொந்தமாகிவிடும். அத்தனை ஈவிரக்கமற்ற உலகம் இது என சொல்லி முடித்தான் கோபால். நிஷாவுக்கு மட்டுமல்ல எனக்கும் ஆச்சரியமாக இருந்தது.

நீ அச்சத்தில் கொடுத்தால் அது பயதானம்
நாளை எதிர்பார்த்து கொடுத்தால் அது அர்த்ததானம்
இன்னோர் உலகில் உதவும் என கொடுத்தால் அது தர்மதானம்
எதுவும் எதிர்பாராமல் கொடுப்பது காருண்யதானம் அதுதான் நம்மில் யாவர்க்கும் வேண்டும்.

ராஜேஸ்வரி பாலசுப்ரமணியம் புதினம் ”ஒரு கோடை விடுமுறை” மென்புத்தகம்.Rajeswari Balasubramaniyam “Oru Kodai Vidumurai” novel in Tamil pdf ebook Download. Click and Save.
Download

ஜிமெயில்காரி

noreply@blogger.com (PKP) — Wed, 30 Sep 2009 09:46:00 +0000

கூகிளின் ஜிமெயில் சேவையானது நாளுக்கு நாள் மெருகேறிக் கொண்டே வருகின்றது. திடீரென அங்கே காலும் இங்கே கைகளும் என உருவாகி அது நம்மை வியப்பில் ஆழ்த்துகின்றது. இப்படி அது நாளும் பரிணமிப்பதால் அவ்வளவு சீக்கிரமாக எந்த ஜிமெயில் பயனரும் இன்னொரு மெயில் சேவைக்கு எளிதில் மாறிவிடமாட்டார் என்றே தெரிகின்றது. கண்கவர் கலர்களில்லை. ஒரு கவர்ச்சியுமில்லை. ஆனால் எளிமையாகவே நம்மை கவர்ந்துவிட்டவள் அவள். உன்னைத்தானே காதலிப்போம் கரங்குவிப்போமென அந்த 146 மில்லியன் பயனர்களும் சொல்ல தினமும் ஆயிரக்கணக்கான காரணங்கள் வந்து கொண்டேயிருக்கின்றன. இங்கே மூன்று காரணங்கள் உங்களுக்காக.

ஹாட் மெயில்,யாகூ மெயில் போன்ற பிற மெயில் சேவைகளில் இருக்கும் உங்கள் பழைய மெயில்களையெல்லாம் இங்கே ஜிமெயிலுக்கு கொண்டுவர அவளே import வசதி செய்து கொடுத்திருக்கின்றாள். எனவே பல மின்னஞ்சல் கணக்குகளை இனிமேலும் நீங்கள் மெயிண்டெயின் செய்யாமல் அவற்றிலிருப்பதையெல்லாம் உங்கள் ஜிமெயிலில் இறக்குமதிசெய்து விட்டு மற்றவைகளை கமுக்கமாய் ஒழித்துவிடலாம். Settings---> Accounts and Import-ல் இதற்கான வசதிகளை நமக்கு கொடுத்திருக்கின்றார்கள். Esaya Inc-ன் TrueSwitch நுட்பம் இங்கு பயன்படுத்தப்படுகின்றது.

அவசர அவசரமாக அந்த HR-க்கு மெயில் அனுப்பிய பிறகுதான் சட்டென உங்களுக்கு நினைவுக்கு வரும் அய்யே நாம Resume-ஐ அட்டாச் செய்யவில்லையே என்று. உடனே பட்டென அந்த மெயிலை ரிவர்சில் வாங்க இப்போது ஜிமெயிலில் வசதிசெய்து கொடுத்திருக்கின்றார்கள். இதை undo என்பர்.அதிக பட்சம் 10 நொடிகள் தான். அப்புறம் நோ..வே. அது HR பொட்டியில் போய் சேர்ந்திருக்கும்.Settings--->Labs-ல் சுட்டெலியை சுருளிச் சுருளி ரொம்ப கீழே போனால் Undo Send என ஒரு புது வசதியை பார்ப்பீர்கள். அதை enable செய்து கொள்ளவும். ஒவ்வொரு முறை நீங்கள் மெயில் அனுப்பும் போதும் அது undo செய்ய நமக்கு 10 நொடி வாய்ப்பைக் கொடுக்கும். என்றைக்காவது உயிர் காக்கலாம்.

முன்பெல்லாம் மெயில் செக்அப் செய்ய எனது ஐபோனில் ஒவ்வொரு முறையும் அந்த மின்னஞ்சல் பயன்பாட்டை திறக்க வேண்டும். அப்போதுதான் அது போய் ஜிமெயில் செர்வரோடு தொடர்புகொண்டு என் மெயில்களை இறக்கி காண்பிக்கும். இப்போது Push என ஒரு நுட்பம் அறிமுகப்படுத்தப் பட்டுள்ளதால் அந்த மாதிரி செய்யவேண்டியதில்லை. அப்பப்போ அதுவே என் மெயில்களை உடன் உடன் இறக்கம் செய்து SMS வந்தால் கத்துவது போல அவ்வப்போது கத்துகின்றது. யாராவது மெயில் அனுப்பியிருப்பார்கள்.இந்த வசதியை பிளாக்பெர்ரி,நோக்கியாS60 மற்றும் விண்டோஸ் மொபைல் செல்போன்களிலும் enable செய்து கொள்ளலாம்.மேலும் விவரங்களுக்கு கீழ்கண்ட சுட்டி உங்களுக்கு உதவும். http://www.google.com/mobile/products/sync.html#p=default

இப்படி இலவசமாய் தொடரும் இந்த ஜிமெயில்காரியின் சேவை இன்னும் நீடூழி வாழவேண்டும் என்றேன் நான். ஆனால் அந்த monopoly விஷயத்தில் எனத் தொடங்கிய கோபாலின் வார்த்தைகளையும் மீறி ஓடிச்சென்றது அந்த Amtrak தொடர்வண்டி.

ஏதாவது செய் ஏதாவது செய்
சக்தியற்று செய்ய தவறினால்
உன் மனம் உன்னைச் சும்மா விடாது.
சரித்திரம் இலக்கணம் இரண்டும் உன்னை
பேடி என்றும்
வீரியமிழந்தவன் என்றும்
குத்திக்காட்டும்.
ஏதாவது செய்.

கபீரின் கனிமொழிகள் மென்புத்தகம்.Kabir Kanimozhikal in Tamil pdf ebook Download. Click and Save.
Download

நான்குமுண்டு

noreply@blogger.com (PKP) — Mon, 28 Sep 2009 12:04:00 +0000

நமது கடந்த மூன்றுண்டு என்ற பதிவை படித்த நண்பரொருவர் இந்த நான்குமுண்டு என்ற வரிசையை நமக்கு அனுப்பித் தந்திருந்தார். விவிலியத்திலிருந்து எடுக்கப்பட்டதாம்.அந்த நண்பருக்கு என் நன்றிகள்.

நம் புத்திக்கு எட்டாத வழிகள் நான்குண்டு.
1.வானத்திலே கழுகினுடைய வழி,
2.பாறைகளின் மேலே பாம்பினுடைய வழி,
3.நடுக்கடலிலே கப்பலினுடைய வழி,
4.ஒரு பெண்ணை காதலித்த மனுஷனுடைய வழி.

போதும் என்று சொல்லாத நான்குமுண்டு.
1.நீத்தார் உலகம்,
2.மலட்டுக் கர்ப்பம்,
3.தண்ணீரால் திருப்தியடையாத நிலம்,
4.போதுமென்று சொல்லாத நெருப்பு.

பூமி தாங்கமாட்டாத நான்குண்டு.
1.அரசனாக மாறிய அடிமையினிமித்தமும்,
2.விரும்பின பதார்த்தங்களெல்லாம் கிடைத்த முட்டாளினிமித்தமும்,
3.பகைக்கப்படத்தக்கவளாயிருந்தும், புருஷனுக்கு வாழ்க்கைப்பட்ட பெண்ணினிமித்தமும்,
4.தன் எஜமானிக்குப் பதிலாக இல்லாளாகும் அடிமைப்பெண்ணினிமித்தமுமே.

பூமியில் சிறியவைகளாயிருந்தும், மகா ஞானமுள்ளவைகள் நான்குண்டு.
1.அற்பமான ஜெந்துவாயிருந்தும், கோடைகாலத்திலே தங்கள் ஆகாரத்தைச் சம்பாதிக்கிற எறும்பு,
2.சக்தியற்ற ஜெந்துவாயிருந்தும், தங்கள் கூடுகளை மலையினிலே தோண்டிவைக்கும் குழிமுயல்கள்,
3.ராஜா இல்லாதிருந்தும், சாரை சாரையாய்ப் புறப்படுகிற வெட்டுக்கிளிகள்,
4.தன் கைகளினால் வலையைப் பின்னி, அரசர்கள் அரமனைகளிலிருக்கிற சிலந்திப் பூச்சி.

விநோத நடையுள்ளவைகள் நாலுமுண்டு.
1.மிருகங்களில் சக்திவாய்ந்ததும் ஒன்றுக்கும் பின்னிடையாததுமாகிய சிங்கம்,
2.போர்க்குதிரை,
3.வெள்ளாட்டுக்கடா,
4.ஒருவரும் எதிர்க்கக் கூடாத ராஜா.

பாஷிய இருதயம் மென்புத்தகம்.Bashiya Iruthayam in Tamil pdf ebook Download. Click and Save.
Download

10 டிவிட் துளிகள்

noreply@blogger.com (PKP) — Fri, 25 Sep 2009 08:15:00 +0000

ரம்மியமான பூங்கா ஒன்றில் எங்கிருந்தோ அவ்வப்போது ஒலிக்கும் பறவைகளின் கீச்சுக் குரலைத்தான் உண்மையில் ஆங்கிலத்தில் twitter என்பார்கள். இப்போது அந்த பறவை படத்தின் காரணம் புரிகின்றதா?

உலகின் முதல் tweet-டான "just setting up my twttr"-ஐ அனுப்பியவரின் பெயர் ஜேக் டார்சே. டிவிட்டரை உருவாக்கியவரும் அவர் தான்.அந்த நாள் 2006 மார்ச் 21. அந்த முதல் டிவீட்டை கீழ்கண்ட சுட்டியில் நீங்கள் பார்க்கலாம். http://twitter.com/jack/status/20

அதற்காக அவர் நிறைய காகிதங்களில் கிறுக்கியிருக்கிறார் போல.
ஆரம்பகால அவர் இட்ட ஸ்கெட்களை இங்கே பார்க்கலாம்.Jack dorsey on flickr

செல்போன் SMS-ல் 140 எழுத்துக்கள் மட்டுமே கொள்ளும் என்பதால் அதே கட்டுப்பாடு டிவிட்டரிலும் வைக்கப்பட்டுள்ளது.போட்டோக்களை ட்வீட் செய்ய http://twitpic.com -ஐயும் URLகளை சுருக்கி ட்வீட் செய்ய http://tr.im -ஐயும் பயன்படுத்தலாம்.

ஆரம்பகாலங்களில் டிவிட்டர் Ruby on Rails-ல் தான் ஓடியதாம். இப்போது Scala. தங்கள் dns தேவைக்கு dyndns.com-ஐ தான் பயன்படுத்துகின்றார்கள்.

IE என அபூர்வமான இரண்டெழுத்து பெயர் கொண்ட ட்விட்டர் கணக்கு மைக்ரோசாப்டின் Internet Explore-க்கு சொந்தமானது http://twitter.com/ie

twitter-ல் அதிக followers கொண்டது ashton kutcher http://twitter.com/aplusk
followers 3,679,355

twitter-ல் அதிக Following கொண்டது Barack Obama http://twitter.com/BarackObama
Following 756709

twitter-ல் அதிகம் updates கொண்டது illstreet http://twitter.com/illstreet
updates 805702

twitter-ல் அதிகம் பேரால் favourite ஆக்கபட்டது yamifuu http://twitter.com/yamifuu
favourites 127709

நம் இந்தியாவிலிருந்து முதல் டிவிட்டர் Pajama Pockets http://twitter.com/pajama
first message on 28/07/2006

கீழே கலிபோர்னியா டிவிட்டர் அலுவகத்திலிருந்து சில படங்கள்

எல்லாத் துன்பங்களுக்கும் இரண்டு மருந்துகள் உள்ளன.
ஒன்று காலம், இன்னொன்று மெளனம்.

எஸ்.ராமகிருஷ்ணன் ”வாசகர் பர்வம்” மென்புத்தகம்.
S.Ramakrishnan "Vasagar parvam" in Tamil pdf ebook. Download. Click and Save.
Download

திறந்திடு Pdf

noreply@blogger.com (PKP) — Wed, 23 Sep 2009 10:55:00 +0000

தமிழகம் முழுவதுமாக மொத்தம் 312 தொழில் நுட்பக்கல்லூரிகள் இருப்பதாக ஒரு கணக்கெடுப்பில் வாசித்தேன். பன்னிரண்டு முடித்து வெளிவந்த காலங்களில் நான் வளர்ந்த மாவட்டத்தில் ஒரே ஒரு இஞ்சினியரிங் கல்லூரி மட்டுமே இருந்தது. இன்றைக்கு அங்கு ஏறத்தாழ 15 இருக்கின்றதாம். புதுசாக இன்னும் 3 இந்த வருடம் வருவதாக கேள்வி. ஆயுதம் செய்வோம் நல்ல காகிதம் செய்வோம் ஆலைகள் வைப்போம் கல்விச் சாலைகள் வைப்போம் என்ற பாரதியின் முழக்கத்தின் கடைசி தெரிவுதான் மிக இலாபகரமானது போலிருக்கின்றது.

நான்காம் ஆண்டு இறுதியில் மாணவர்களும் சோர்ந்துபோய் எப்போதுடா கரையேறலாம் என அரைத்த மாவையே அரைக்கும் புராஜெக்ட்களில் ஒன்றை செய்து காட்டி வெளியேறும் மனதோடிருக்கின்றார்கள். புதுசாக எதாவது செய்ய உற்சாகம் உண்டு. ஆனால் பேராசிரியர்கள் அதை ஊக்குவிப்பது இல்லை. வானம் ஏறி நீ வைகுந்தம் காட்டுவது இருக்கட்டும், முதலில் கூரையேறி குருவிபிடித்து காட்டு என்பார்கள்.நம் 312 கல்லூரிகளிலுமிருந்து கல்லூரிக்கு ஒன்றென வருடம் ஒரு தரமான புராஜெக்ட் வந்தாலே போதும் ஏகப்பட்ட Startup களுக்கும் Founder களுக்கும் entrepreneurs களுக்கும் நம் ஊர் தாயகமாகிவிடும். உங்களுக்கு ஒன்று தெரியுமா? கடந்த பத்து வருடங்களில் அமெரிக்காவில் புலம்பெயர்ந்தோர்களால் தொடக்கப்பட்ட தொழில்நுட்ப நிறுவனங்களில் அதிகம் இந்தியாவிலிருந்து புலம்பெயர்ந்தோர்களால் தொடக்கப்பட்டதுதானாம்.

Indians have founded more engineering and technology companies in the US in the past decade than immigrants from the U.K., China, Taiwan and Japan combined. Of all immigrant-founded companies, 26% have Indian founders.
-From America’s New Immigrant Entrepreneurs study

என்னமோ தனது புராஜெக்ட்காக thesis ஒன்று எழுத வேண்டுமாம். இணையத்திலிருந்து இறக்கம் செய்த ஒரு Pdf கோப்பிலிருந்து காப்பி/பேஸ்ட் செய்ய முடியவில்லை, அச்சும் எடுக்க முடியாத படி lock செய்திருக்கின்றார்கள். உதவி செய்யேன் என மனோஜ் கேட்டிருந்தான்.உங்களுக்கும் உதவட்டுமே என இங்கே சில PDF கோப்புகளை அன்லாக் செய்யும் சுட்டிகளை கொடுத்திருக்கின்றேன்.

Free PDF Unlock Online Utility (5MB max)
http://www.ensode.net/pdf-crack.jsf

Remove restrictions from PDF files online - it's easy and free.(10MB max)
http://www.pdfunlock.com

Free, online and no limits pdf restrictions remover.(Unlimited MB)
http://pdfpirate.net

வள்ளலுக்கு பொன் துரும்பு.
சூரனுக்கு சேர்ந்த மரணம் துரும்பு.
அறிவோர்க்கு பெண் துரும்பு.
துறவோர்க்கு வேந்தன் துரும்பு.

இராஜேஸ்வரி பாலசுப்ரமணியம் புதினம் ”பனி பெய்யும் இரவுகள்” மென்புத்தகம்.Rajeeswari Balasubramaniyam "Pani Peyyum Iravugal" novel in Tamil pdf ebook Download. Just click and Save.
Download

திரும்பி ஒருப்பார்வை - பேசிகள்

noreply@blogger.com (PKP) — Fri, 18 Sep 2009 07:51:00 +0000

இன்றைய குழந்தைகளைப் பார்த்து கொடுத்துவைத்தவர்கள் என்று சொல்வதா அல்லது அதிர்ஷ்டம் கெட்டவர்கள் என்று சொல்வதா என புரியவில்லை. ஆனால் அவர்களால் இன்றைக்கு நினைத்த மறு கணமே கண்டம் விட்டு கண்டம் பேசமுடிகின்றது. கி.மு காலங்களில் என்னமாய் கஷ்டப்பட்டிருக்கின்றார்கள். பெர்சியர்களோடு நடைபெற்ற மாரத்தான் போர்க்களச் சண்டையில் கிரீஸ் நாடு வெற்றி பெற்றுவிட்டதாம். இந்த வெற்றிக்களிப்பை 25மைல் தொலைவிலுள்ள ஏதென்ஸ் நகரம் போய் சொல்ல வேண்டும். பெடிபிடெஸ் என்ற ஒரு இளைஞன் ஓடுகின்றான். ஓடுகின்றான். ஓடிக்கொண்டே இருக்கின்றான்.ஏதென்ஸ் நகர மக்களிடம் போய் அந்த வெற்றிச்செய்தியைச் சொன்னதும் தான் தாமதம் அப்படியே களைத்து சுருண்டுவிழுந்து செத்துப்போகின்றான்.இப்படியாக ஒரு சோகச் சம்பவத்தில் தொடங்கியது தான் நம் இன்றைய தகவல் தொடர்பு தொழில் நுட்பம்.Signal was really bad back then.

Interference-ஆக கோபால் இடையில் நுழைந்தான்.”ஆனால் நம்மூரில் அதற்கும் முன்பேயே அன்னப்பறவையை தலைவனுக்கும் புறாவை மன்னனுக்குமாக தூதுவிட்டு தெளிவான சிக்னல்களோடு இருந்திருக்கின்றார்களே” என்றான். எனக்கும் அவன் வாதம் நியாயமாகப் பட்டது.

இப்போ ஒரு quick F-A-S-T F-a-r-w-a-r-d

1876-ல் ஸ்காட்லாந்தைச் சேர்ந்த அலெக்சாண்டர் கிரகாம் பெல் "மிஸ்டர். வாட்சன், இங்கே வாருங்கள், நான் உங்களைப் பார்க்க வேண்டும்" எனத் தெள்ளத் தெளிவாக உலகின் முதல் தொலைப்பேசியில் பேச அது மறுமுனையிலிருந்த வாட்சனுக்கும் மிகத் தெளிவாகக் கேட்டது. ஒரு புதிய யுகம் மலர்ந்திருந்தது.

ஆனால் இன்றைக்கு அதன் பின் 125 ஆண்டுகள் மேல் தாண்டி ஹலோ ஹலோ வென கத்தியும் கைப்பேசியில் ஒன்றும் கேட்காமல் சிக்னல் கிடைக்கலவெனச் சொல்லி நொந்துகொள்வது நம் காலத்தின் கோலம்.

இப்படி தொலை,கை என பேசிகள் பலவும் கடந்து வந்த பாதை இங்கே அழகாக படமாக காலகிரமப்படி. சேமித்துவைத்துக்கொண்டேன்.படத்தை சொடுக்கி நீங்கள் பெரிதாக்கியும் பார்க்கலாம்.

Cellphone history timeline

ஒரே குறிக்கோள்
எல்லையற்ற ஊக்கம்
தளர்வில்லாத நெஞ்சுறுதி
சளைக்காத உழைப்பு
நேர்மையான பாதை -வெற்றி
கிடைக்காமலா போய்விடும்?

சத்குரு ஜக்கி வாசுதேவ் “உனக்காகவே ஒரு இரகசியம்” மென்புத்தகம். Unakkagave Oru Ragasiyam by Sadhguru Jaggi Vasudev in Tamil pdf ebook Download. Click and Save. Download

மிஸ்ஸாகும் மூக்கு

noreply@blogger.com (PKP) — Wed, 16 Sep 2009 07:06:00 +0000

இந்த இருபதாம் நூற்றாண்டில் நம் உள்ளங்கைகளில் தவழ்ந்து விளையாடும் கியூட் லிட்டில் செல்ல டாய்கள் தான் ஐபோன், பிளாக்பெர்ரி, நோக்கியா N95 முதலான ஸ்மார்ட் போன்கள்.

இந்த ஸ்மார்ட்போன்களின் உள்ளே நுழைந்து பார்த்தால் தெரியும் நாம் நினைத்துக்கூட பார்க்க இயலா அளவு இத்துணூண்டு சதுர அங்குலத்துக்குள் எத்தனை கோடி சமாசாரங்களை வைத்து வைத்திருக்கிறான் மனிதன் என்று. அதெப்படிடா நம்ம போன் சும்மா அதிருது...கால் வந்தா சும்மா வைப்ரேட் ஆகுதே அதெப்படிடானு கேட்டுத் தொலைத்தான் கோபால். கப்பாசிட்டர், ரெசிஸ்டர், டயோடு, டிரான்சிஸ்டர் மாதிரி இதற்கும் எதாவது வைப்ரேட்டர் சிப் கண்டுபிடித்து விட்டார்களோவென்பது அவன் யூகம். கொஞ்சம் குறைய அவன் சொன்னது சரிதான். சிப் எதுவுமில்லை. மைக்ரோசைசில் ஒரு எந்திர மோட்டார் உங்கள் போனில் இருக்குமாம். வாசிங்மெசின் வேகமாக சுத்தும்போது அது ”ஒரு மாதிரியா” அதிரும் பாருங்கள் அதே நுட்பம்தான் இங்கேயும். வேறே சிப்பெல்லாம் ஒன்றும் இல்லை.

போனை நீங்கள் குறுக்காக பிடித்தால் திரையை உங்களுக்கு குறுக்காகக் காட்டவும் நெடுக்காக போனை பிடித்தால் திரையை உங்களுக்கு நெடுக்காகக் காட்டவும் Accelerometer என்ற ஒரு சிலிக்கான் சில்லுவை பயன்படுத்துகின்றார்கள். சத்தியமா அது புவியீர்ப்புவிசையை வைத்து பொசிசனை கண்டுபிடிப்பதில்லையாம். பின்னே எப்படி கண்டுபிடிக்குதாம்?
தலைசுற்றுகின்றது.

எல்லா ஸ்மார்ட் போன்களிலும் நம் குரல்கள் அனலாக் தொழில்நுட்பத்தில் கடத்தப்படுவதால் ஒரு Baseband Processor-ம் பிற டிஜிட்டல் மென்பொருள் பயன்பாடுகளை ஓட்ட ஒரு Application Processor-ம் என இரு புராசசர்கள் இருக்கும். நோக்கியா போன்களில் பொதுவாக Texas Instruments புராசசர்களையும், பிளாக்பெர்ரிகளில் Qualcomm புராசசர்களையும், ஐபோன்களில் Samsung மற்றும் Infineon புராசசர்களை காணலாம்.

நமது கோப்புகளை சேமித்துவைக்க ஸ்மார்ட்போன்களின் உள்ளே ஹார்ட் டிஸ்கெல்லாம் கிடையாது. எல்லாம் Gig கணக்கில் NAND Flash DRAM-கள் தான். ஐபோனுக்கு Toshiba-வும்,பிளாக்பெர்ரிக்கும் நோக்கியாவுக்கும் Samsung-கும் இந்த DRAM-களை வழங்குகின்றார்கள். எல்லாம் சிலிக்கான் சில்லுகள் தாம்.

இது தவிர
புவியில் நாம் இருக்கும் இடம் தெரிய GPS,
திசைமாறிப்போனவனுக்கு திசை காட்ட Compus,
வீட்டு அல்லது அலுவலக இணையத்தோடு இணைய Wi-Fi,
பக்கத்து போனோடு இணைந்து MP3க்களை கடத்த Bluetooth மற்றும் Infrared
வேகமாய் திரையில் படம் ஓட, வீடியோ கேம் விளையாட Graphics Processor,
நம்மை நாமே படம் பிடித்துக்கொள்ள Camera ,
எக்ஸ்ரா ஸ்டோரேஜ்க்கு MicroSD Interface,
எப்.எம் பாட்டு கேட்க FM Radio Tuner,
நாம பேசுவதை Dual-band அல்லது Quad-band ஆக கடத்த RF Transceiver.

இப்படி இந்த ஐம்புலண்களில் மெய்(Touch Screen), வாய்(Speaker), கண்(Camera), செவி(Microphone) எல்லாம் சிலிக்கான் சிப் வடிவில் உள்ளே அந்த சிறிய பொட்டிக்குள்.
சிலிக்கான் என்றால் மண் என்று உங்களுக்கேத் தெரியும். எல்லாம் மண். ஆனால் உள்ளே தான் எத்தனை இண்டலிஜென்ஸ் நடக்கின்றது.
மனிதனும் மண் தான். அதே இண்டலிஜென்ஸ்.
இந்த வரிசையில் ஒரே வித்தியாசம் ஸ்மார்ட்போனில் மிஸ்ஸாகுவது மூக்கு.

ஒரு நாளைக்கு ஒரு வேளை உண்பவன் யோகி
ஒரு நாளைக்கு இரு வேளை உண்பவன் போகி (போஜன பிரியன்)
ஒரு நாளைக்கு மூவேளை உண்பவன் ரோகி (நோயாளி)
ஒரு நாளைக்கு நாவேளை உண்பவன் துரோகி

சித்ரா சிவகுமார் "மனிதனுக்குள் ஒளிந்திருக்கும் மிருகம் சீன விலங்கு ஜோதிடம்" மென்புத்தகம்.Chitra Sivakumar Chinese Animal Astrology in Tamil ebook Download. Just click and Save.
Download

ரோபோக்கு ஃபிலிம்

noreply@blogger.com (PKP) — Mon, 14 Sep 2009 09:24:00 +0000

You've been selected என வரும் லாட்டரி மெயில்களும் All in one improvement எனச் சொல்லி வரும் லேகிய மெயில்களும் எல்லாம் சுத்த ஸ்பேம்கள் (Spam). இந்த குப்பை மெயில்கள் நம் மின்னஞ்சல் முகவரிகளை பிறதளங்களின் வழி தெரிந்து கொண்டு நமக்கு மெயில் அனுப்பி நம்மை அவர்கள் வலையினில் வீழ்த்த முயற்சிப்பார்கள். இதனால் தான் நம் மின்னஞ்சல் முகவரிகளை அப்பட்டமாக பொது இணைய ஃபாரம்களில் அல்லது பிளாகுகளில் வெளியிடுவது நல்லதல்ல என்பார்கள். சிலர் புத்திசாலித்தனமாக தங்கள் மின்னஞ்சலை போடும் போது @-க்கு பதில் at என இட்டு அப்படியாவது ஸ்பேம் ரோபோக்களை ஏமாற்றப் பார்ப்பார்கள். அதாவது pkpblog@gmail.com என இடாமல் pkpblog(at)gmail(dot)com என இடுவார்கள். ஆனால் நல்ல முறையும் நீற்றான முறையுமாக எனக்குப் படுவது நம் மின்னஞ்சல் முகவரியை ஒரு படமாக்கி அதை img src-ஆக வெளியிடுவது தான். உதாரணத்துக்கு மேற்கண்ட என மின்னஞ்சல் முகவரியை என இப்படி படமாகப் போடப்படுவதால் ஸ்பேம் ரோபோக்களால் எளிதில் என் மின்னஞ்சல் முகவரியை படிக்கமுடியாது. ஸ்பேம்களுக்கு விலகியிருக்கலாம். அதனால் இன்பாக்சும் நீற்றாக இருக்கும். கூடவே மெயில்முகவரியும் லோகோ கலரில் அழகாக இருக்கும். இதுபோன்ற அழகிய வண்ணமயமான ஈ-மெயில் ஐக்கான்களை உருவாக்க கீழ்கண்ட தளம் உதவுகின்றது
E-Mail Icon Generator
http://services.nexodyne.com/email/index.php

மெயில்களைப் பற்றி பேசும் போது மேலும் இரு கீழ்கண்ட தளங்களையும் என் புக்மார்க்கில் கவனித்தேன்.
என ஒரு தளம். இது yourname@ChennaiRocks.in, yourname@ClubKamal.com, yourname@ClubRajni.com, yourname@heybaby.in போன்ற பல்வேறு வித்தியாச பெயர்களில் மின்னஞ்சல் முகவரிகளை நீங்கள் பெற உதவுகின்றது.
http://www.coolhotmail.com

அப்படியே -ஐயும் ஒரு பார்வை பாருங்கள். கையால் டைப்புவது போன்ற உயிரோட்டமான மின்னஞ்சல்களை எழுதலாமாம். ஒரு சாம்பிள் இங்கே.http://www.fuzzmail.org/Top10_my_love.html
http://www.fuzzmail.org

கையால் டைப்புவதை அப்படியே அதே சீரில் animated gif கோப்பாக்க இதோ ஒரு தளம்.
http://livetyping.com/

வெற்றிபெற காது கொடுத்து கேளுங்கள்;
குறைவாக பேசுங்கள்;
நிறைய நேரம் செயல்படுங்கள்.
-ஏ.வான்பர்ன்

எழில்வரதன் சிறுகதைகள் தொகுப்பு மென்புத்தகம்.Ezhil Varathan Tamil Short Stories pdf ebook Download. Just click and Save.
Download

மூன்றுண்டு

noreply@blogger.com (PKP) — Fri, 11 Sep 2009 07:49:00 +0000

மிகக் கடினமானவை மூன்றுண்டு
1. இரகசியத்தை காப்பது.
2. இழைக்கப்பட்ட தீங்கை மறப்பது.
3. ஓய்வு நேரத்தை உயர்ந்த வழியில் பயன்படுத்துவது.

நன்றி காட்டுவது மூன்று வகையிலாகும்
1. இதயத்தால் உணர்தல்.
2. சொற்களால் தெரிவித்தல்.
3. பதிலுக்கு உதவி செய்தல்.

பெண்மையை காக்க மூன்றுண்டு
1. அடக்கம்.
2. உண்மை.
3. கற்பு.

மகிழ்ச்சியான வாழ்க்கைக்குரியவை மூன்றுண்டு
1. சென்றதை மறப்பது.
2. நிகழ்காலத்தை நேர்வழியில் செலுத்துவது.
3. வருங்காலத்தைப் பற்றிச் சிந்திப்பது.

இழப்பு மூன்று வகையிலுண்டு
1. சமையல் அமையாவிட்டால் ஒருநாள் இழப்பு.
2. அறுவடை சிறக்காவிடில் ஓராண்டு இழப்பு.
3. திருமணம் பொருந்தாவிட்டால் வாழ்நாள் முழுவதும் இழப்பு.

உயர்ந்த மனிதனின் வாழ்வு மூன்று வகையில் இருக்கும்
1. அவன் ஒழுக்கத்தோடிருப்பதால் கவலையற்றிருப்பான்.
2. அவன் அறிவாளியாயிருப்பதால் குழப்பங்களற்றிருப்பான்.
3. அவன் துணிவாக இருப்பதால் அச்சமின்றியிருப்பான்.

பெரியார் ”தமிழர்கள் இந்துக்களா?” மென்புத்தகம். Periyar "Thamilarkal Inthukkalaa?" in Tamil pdf ebook Download. Right click and Save.
Download

அதி சின்னப் பயல்

noreply@blogger.com (PKP) — Mon, 31 Aug 2009 17:30:00 +0000

காந்திமதி நாதன் என ஒரு வாத்தியார். சிறுவன் பாரதி படித்த பள்ளியில் ஆசிரியராக இருந்தாராம். இவன் எழுதும் கவிதைகளைப் பற்றியெல்லாம் அதிகம் கேள்விப்பட்ட அவர் பாரதியிடம் கிண்டலாக கேட்டாராம். ”எங்கே! பாரதி சின்னப்பயல் என முடிகிற மாதிரி ஒரு கவிதை எழுது பார்க்கலாம்”. நொடியும் தாமதிக்காது பாரதி கவிதை சொன்னானாம்.
”காந்திமதி நாதனைப் பார்,
அதி சின்னப் பயல்” -என்று

நாமெல்லோரும் சின்னப்பயல்கள் தான். நாமென்ன நம்ம பூமியே இந்த மகா அண்டத்திலும் ஒரு சின்னப்பயலாம். இன்னும் கொஞ்சம் பெஞ்சிலேறி உந்திப் பார்த்தால் நம்ம சூரியனே கூட சின்னப்பயல் தானாம். இந்த அனிமேட்டட் ஜிப் படத்தை பாருங்கள். உங்களுக்கே புரியும். கொஞ்சம் பொறுமை வேண்டுமாக்கும்.

How big is Earth in the Universe
Watch slowly what happens!!! The picture will be changing

நான் கடற்கரையில் விளையாடும் ஒரு சிறுவன்.
அங்கே ஒரு கூழாங்கல்லையும் இங்கே ஒரு அழகிய சங்கையும் கண்டுபிடித்து வியந்து பெருமிதப்பட்டு
நிற்கும் போது எதிரே உண்மை என்னும் மாசமுத்திரம் இன்னும் கண்டுபிடிக்கப்படாமல் கிடக்கின்றது”
-சர் ஐசக் நியூட்டன்

தவயோகி தங்கராசன் அடிகளார் ”அண்டமும் பிண்டமும்” மென்புத்தகம் இங்கே தமிழில்.Thavayogi Thangarasan Adikalaar "Andamum Pindamum" in Tamil pdf ebook Download. Just click and Save.
Download

புதிய முகம்

noreply@blogger.com (PKP) — Thu, 27 Aug 2009 20:00:00 +0000

கோடைகாலம், குளிர்காலம், இலையுதிர்காலம், வசந்தகாலம் என காலநிலைகளில் நான்கு பருவங்கள் இருப்பது போன்று வேலை கொடுப்போரும் வழக்கம் போல நான்கு நிலைகளில் தலைகளை சுத்திகரிக்கின்றார்கள் . முதலில் எழுத்து தேர்வு, பின்பு தொலைப்பேசி வழி சராமாரி கேள்விகள், அதிலும் தேறிவிட்டால் இறுதியாய் நேர்முகத் தேர்வு. நான்காவதாக எதாவது உங்கள் பேரில் கிரிமினல் கேஸ்கள் இருக்கின்றதாவென பார்க்க பேக்கிரவுண்ட் செக் மற்றும் போதை வஸ்துவுக்கு அடிமையாய் இருக்கின்றீர்களாவென பார்க்க டிரக் டெஸ்ட். இதையெல்லாம் தாண்டி வருவோரை தான் கன்கிராட்ஸ் என சொல்லி பெரும் நிறுவனங்கள் வேலை கொடுக்கின்றார்கள். Kroll, Intellicorp போன்ற நிறுவனங்கள் இந்த Background Screening Service வேலைகளை கமுக்கமாக அவர்களுக்காக செய்கின்றன. Drug test க்காக Lap corp அல்லது Quest Diagnostics போக வேண்டும். கிரான்பெர்ரி பழரசத்தை மடக் மடக் என குடித்திருந்தால் யூரின் Drug test-ஐ ஏமாற்றிவிடலாமென பரி முன்பு சொல்லியிருக்கின்றாள்.அது ஒரு நல்ல Natural Diuretic என்றாள். புரியவில்லை. தேவையும் இல்லை.

இதையெல்லாம் இங்கு சொல்லவந்ததற்கு முக்கிய காரணம் இந்த ஆளெடுக்கும் படலத்தினூடே இக்காலங்களில் புகுந்துவிட்ட இன்னொரு படிதான். ஓரளவு தேர்வாகி வருகின்ற நபர்களை இன்னும் முறமிட இணையத்தை பயன்படுத்துகின்றார்களாம். உதாரணத்துக்கு குறிப்பிட்ட நபரின் First name மற்றும் Last name-ஐ கூகிளில் தட்ட அது காட்டும் Myspace, Facebook, Linkedin, Blog, Forum பக்கங்களுக்கெல்லாம் சென்று இவரின் இணைய வாழ்வின் லட்சணத்தை அலசுகின்றார்களாம். அங்கு கண்டுபிடிக்கப்படும் இவர் பற்றிய அல்லது இவர் இட்ட தகவல்களும், வண்ணப் படங்களும் பெரிதும் இவரின் உண்மை முகத்தை எளிதில் காட்டுவதாக HR பெரிசுகளெல்லாம் சொல்லுதுகளாம். என் பெயரையும் முழுசாய் டைப்பி கூகிளில் தேடிப்பார்த்தேன் பெரிதாய் ஒன்றும் கிட்ட வில்லை. புனைபெயரை பயன்படுத்துவதில் இப்படி ஒரு லாபம். ஹாயாக கீழ்கண்ட சுட்டியில் இணையத்தில் ஃபாக்ஸ் நியூஸ் சேனல் (Fox News) பார்த்துக் கொண்டிருந்தேன். கோபாலோ டென்சனாய் கூகிளில் தன் பேரைத் தேடிக் கொண்டிருந்தான். கொஞ்சம் துப்புறவு தேவைப்படும் போலிருக்கின்றது. நாளைக்கு பொண்ணு கொடுக்கப்போகும் வீட்டுக்காரர்களும் மாப்பிள்ளை பேரை சும்மாவேனும் கூகிளில் தட்டி எதாவது விவகாரம் சிக்குதாவென தேடிப் பார்த்தாலும் பார்ப்பார்கள்.

பேச்சாளர்களே!
பார்க்கும்படியாக நில்லுங்கள்
கேட்கும்படியாக பேசுங்கள்
விரும்பும்படியாக உட்காருங்கள்

"வெற்றி தரும் “பேச்சு”" எளிய தமிழில் மனித வள மேம்பாட்டுப் பயிற்சி வகுப்புகள் மென்புத்தகம்.Effective Speaking - in Tamil pdf ebook Download. Right click and Save.
Download

விரைவாய் வேகமாய்

noreply@blogger.com (PKP) — Wed, 26 Aug 2009 17:31:00 +0000

படத்தில் நீங்கள் பார்ப்பது உலகின் மிக வேகமான மனிதர் - மணிக்கூருக்கு 40-43 கி.மீ வேகம் Fastest Man in the world - Usain Bolt(Jamaican) - 40-43 KMPH

படத்தில் நீங்கள் பார்ப்பது உலகின் மிக வேகமான மீன் - மணிக்கூருக்கு 110 கி.மீ வேகம் Fastest Fish in the world - SailFish - 110 kmph

படத்தில் நீங்கள் பார்ப்பது உலகின் மிக வேகமான மிருகம் - சிறுத்தை - மணிக்கூருக்கு 113 கி.மீ வேகம் Fastest Animal in the World - Cheetah - 113 KMPH

படத்தில் நீங்கள் பார்ப்பது உலகின் மிக வேகமான பறவை - மணிக்கூருக்கு 171 கி.மீ வேகம் Fastest Bird in the World - Spine tailed swift - 171 KMPH

படத்தில் நீங்கள் பார்ப்பது உலகின் மிக வேகமான மோட்டார் சைக்கிள் (அனுமதி பெற்றது)- மணிக்கூருக்கு 320 கி.மீ வேகம் Fastest Bike in the world - Ducati Desmosedici RR GP Replica(Legal) - 320 KMPH

படத்தில் நீங்கள் பார்ப்பது உலகின் மிக வேகமான கார் - மணிக்கூருக்கு 412.28 கி.மீ வேகம் Fastest Car in the World - Shelby Super Cars Ultimate Aero - 412.28 KMPH

படத்தில் நீங்கள் பார்ப்பது உலகின் மிக வேகமான தொடர்வண்டி - மணிக்கூருக்கு 581 கி.மீ வேகம் Fastest Train in the World - Shanghai Maglev Train - 581 KMPH

படத்தில் நீங்கள் பார்ப்பது உலகின் மிக வேகமான மோட்டார் சைக்கிள் (அனுமதி பெறாதது)- மணிக்கூருக்கு 675 கி.மீ வேகம் Fastest Bike in the world - TomaHawk(Not a Legal Bike) - 675 KMPH

படத்தில் நீங்கள் பார்ப்பது உலகின் மிக வேகமான விமானம் - மணிக்கூருக்கு 12144 கி.மீ வேகம் Fastest Plane in the world - X-43 Aircraft - 12144 KMPH

சந்தத்தை நம்பி கவிதை இருக்கலாம்,
தந்தத்தை நம்பி யானைஇருக்கலாம்,
சொந்தத்தை நம்பி நீ இருக்காதே,
பந்தத்தை நம்பி மதிப்பை இழக்காதே.

பெரியார் “இராமாயணக் குறிப்புகள்” மென்புத்தகம். Periyar Raamaayanak Kuripukal pdf ebook Download. Click and Save.
Download

இரு OS-கள் விட்டுச்சென்ற பாதச்சுவடுகள்

noreply@blogger.com (PKP) — Tue, 25 Aug 2009 01:47:00 +0000

இந்த வண்ணப்படப் பதிவு எனது சேகரிப்புக்காக மட்டும். ஒத்த ஆர்வமுள்ளோர் பார்த்து ரசித்துக்கொள்ளலாம். படத்தை கிளிக்கி பெரிதாக்கியும் பார்க்கலாம்.

Microsoft Windows OS vs Apple Mac OS history Screen Shots

நீங்கள் ஒரு வாய்ப்பைத் தவறவிட்டால்
உங்கள் விழிகளைக் கண்ணீரால் நிரப்பாதீர்கள்!
உங்கள் கண்ணீர்,
உங்கள் முன் உள்ள இன்னொரு வாய்ப்பை மறைத்துவிடும்!
அழகிய புன்னகையுடன் எதிர்கொள்ளுங்கள்!

க.சீ.சிவகுமார் சிறுகதைகள் மென்புத்தகம். K.C.Sivakumar Short stories in Tamil pdf ebook Download. Click and Save.
Download

டைம் பாஸ் சாட்டில்

noreply@blogger.com (PKP) — Thu, 20 Aug 2009 13:53:00 +0000

அவன் பெயரும் கோபால் தான். ஆனால் இன்னொரு கோபால். சரியாகச் சொன்னால் கோபாலிகா-வாம். முப்பது வயது. இந்திய ஐஐடியில் என்னவெல்லாமோ மிகப் பெரிய டிகிரி படிப்புகளெல்லாம் படித்து முடித்து விட்டு பிழைப்புத் தேடி அமெரிக்கா வந்தவன். இணையத்தில் சாட் செய்வதென்றால் அவனுக்கு கொள்ளைப் பிரியம். அதிலும் முகமறியாத அனானிகளிடம் சாட் செய்வது என்றால் இன்னும் இஷ்டம். அப்படித்தான் அந்த பதிமூன்று வயது அமெரிக்க பெண்ணும் அவனுக்கு அறிமுகம் ஆனாள். நிறைய சாட்டியிருக்கின்றார்கள். ஆனாலும் நேருக்கு நேர் பார்த்ததில்லை. அரசியல் முதல் அந்தரங்கங்கள் வரை அநேகம் பேசியிருக்கின்றார்கள். படங்களும் பரிமாறப்பட்டன. எத்தனை நாட்கள் தான் பேசிக் கொண்டிருப்பதாம். நேரில் சந்திக்கலாமே என முடிவெடுத்தார்கள். அதீத எதிர்பார்ப்புகளோடு இந்த கோபாலும் ஏற்கனவே சொல்லப்பட்டிருந்த மீட்டிங் பிளேசுக்கு போனால் அங்கே இவனை வரவேற்றது ஒரு under cover agent from Chid Predator Unit. அவன் கையும் களவுமாக பிடிபட்டதாகவும் அவனை ஜாமீனில் எடுக்கவே $15000 ஆகுமென சொல்லுகின்றார்கள். எல்லாம் நிரூபிக்கப்பட்டால் இது பெரும் குற்றமாக (First degree felony) கருதப்பட்டு 20 ஆண்டு சிறைத் தண்டனையும் $25000 அபாராதமும் கிடைக்குமாம். பொழுதுபோகாமல் இணையத்தில் விளையாடி அந்த விளையாட்டு இப்போது இவனுக்கு வினையாகியிருக்கின்றது.

மைனர்களிடம் சீண்டுவது இங்கு பெருங்குற்றம். பள்ளிப் பேருந்துகளை நடுச்சாலையில் நிறுத்தும் போது அதில் மின்னும் சிவப்பு ஒளியைக்கண்டு மொத்த சாலைகளும் ஸ்தம்பித்து நின்று சிறார்களுக்கு சாலையைக் கடக்க வழிவிடும். சிறுவர்களை அடித்தாலோ அல்லது திட்டி அது அழுதாலோ Child Abuse என யார் வேண்டுமானாலும் 911 அழைக்கலாம். எல்லாம் டீனேஜ் முடியும் வரை தான். பள்ளி முடிந்து கல்லூரி போனதும் பொத்தி பொத்தி வளர்த்ததெல்லாம் பூ...ம். கோபாலுக்கு இதுவெல்லாம் தெரியாதிருந்ததா? அல்லது தெரிந்திருந்தும் இது ஒரு வெர்சுவல் உலகம் தானே எப்போது வேண்டுமானாலும் Undo செய்துகொள்ளலாம் என நினைத்திருந்தானா? அல்லது அமெரிக்காவில் இதெல்லாம் சகஜமென ஆழம் தெரியாமல் காலையிட்டு பார்த்தானா தெரியவில்லை. இணையத்தின் இன்றைய மெகா பரிமாணம் நம் ஊரில் வருமுன்னேயே இது குறித்துச் சொன்ன "காதலர் தினம்” கூடவா இவன் பார்த்ததில்லை?

இனி சாலையில் போவோறெல்லாரும் இவனுக்கு தேவர்களாகவும் தேவதைகளாகவும் தெரிவார்கள் .இவன் மட்டும் தனக்கு படுபாவியாகத் தெரிவான். http://locator.thevision2020.com ல் Sex Offenders அல்லது Child Predators வரிசையில் இவன் பெயரையும் போட்டாலும் போட்டு விடுவார்கள். உருப்படியாய் எதாவது செய்கின்ற நேரத்தில் சும்மா வம்புக்கு சாட் செய்து வாழ்க்கையை தொலைத்துக் கொண்டான். பாவம் அந்த கோபால்.

இளைஞனே!
ஓடுகின்ற கால்கள்
ஓய்வெடுக்கும் போது
நீ எடுத்துக்கொண்ட பயணம்
முடிந்திருக்க வேண்டும்!
வாழ்ந்த நாட்களை
திரும்பிப் பார்க்கும் போது
உன் பெயரை சிலர்
உச்சரிக்க வேண்டும்!
கோபுரங்களின் அழகை
அஸ்திவாரங்கள் தாங்குவது போல்
நீ பிறந்ததின் பயனை
ஊரறியச் செய்
- யாரோ

தாமரைச்செல்வி “வீதியெல்லாம் தோரணங்கள்” புதினம் மென்புத்தகம். Thamaraiselvi "Veethiyellaam Thoranangal" Tamil novel pdf ebook Download. Click and Save.
Download

தெரிந்த மென்பொருள்கள் தெரியாத பயன்பாடுகள்

noreply@blogger.com (PKP) — Fri, 07 Aug 2009 22:02:00 +0000

அன்றாடம் நாம் பயன்படுத்தும் சில மென்பொருள்களில் ஒளிந்திருக்கும் பயன்பாடுகளை சாமானியர்களுக்காக இங்கே தனித்திட விரும்பினேன்.

1.உங்கள் விண்டோஸ் கணிணியில் ஏற்கனவே உள்ள சாதாரண Windows Media Player மூலம் உங்கள் ஆடியோ சிடியிலுள்ள இசைக்கோடுகளையெல்லாம் MP3-யாக மாற்றி கணிணியில் சேமிக்க முடியும் தெரியுமோ? அதிலுள்ள Rip வசதியை பயன்படுத்தலாம்..

2.Windows Media Player Classic மூலம் ஒரு மூவியின் ScreenCaps-யை கீழ்கண்டது போல் அழகாக ஒரே சொடுக்கில் எடுக்கலாம் தெரியுமோ?

Download Windows Media Player Classic
http://www.free-codecs.com/Media_Player_Classic_download.htm

3.இப்போது இலவசமாக கிடைக்கும் RealPlayer SP BETA மூலம் ஒரு வீடியோ/ஆடியோ ஃபார்மேட்டை இன்னொரு வீடியோ/ஆடியோ ஃபார்மேட்டாக எளிதாக மாற்றலாம் தெரியுமோ?

Download RealPlayer SP BETA
http://www.real.com

How to use RealPlayer's free media converter in 3 short steps:
1) Download your video or audio file to your computer.
2) Click on the "Copy To" link next to the video.
3) Select your device from the list and RealPlayer SPBeta will automatically convert your file to the right format and transfer it to your device

4.Microsoft Office 2007 கோப்புகளை நேரடியாக MS Office-யிலிருந்தே PDF கோப்புகளாக சேமிக்கலாம் தெரியுமோ?. Save as PDF Add-in-ஐ பயன்படுத்துங்கள்

Download
http://www.microsoft.com/downloads/details.aspx?FamilyID=f1fc413c-6d89-4f15-991b-63b07ba5f2e5&displaylang=en

5.விண்டோஸ் டெக்ஸ்டாப்பில் பலவகையான கோப்புகளையும் நாம் தாறுமாறாக அப்படியும் இப்படியும் போட்டிருப்போம். Wallpaper எல்லாருக்கும் தெரிந்த விஷயம். அதையே மிக பயனுள்ளதாக பயன்படுத்த இதோ ஒரு எளிய வழி.
சாதாரண விண்டோஸ் வால் பேப்பர் இப்படி இருக்கும்.

அதையே இப்படி பயனுள்ளதாகவும் மாற்றலாம்.

Download
http://antbag.com/desktops

ஏதாவது ஒரு தரப்பில் சேருங்கள்.
நடுநிலைமை வகிப்பது அக்கிரமக்காரனுக்குத்தான் உதவியாக இருக்கும்.
அக்கிரமத்துக்கு உள்ளாகிறவனுக்கு உதவாது.
மௌனம் சாதிப்பது கொடியவனுக்கே ஊக்கம் அளிக்கும்.
கொடுமைக்கு உள்ளாகிறவனுக்கு ஊக்கமளிக்காது

- 1986-ல் சமாதான நோபல் பரிசு பெற்ற ஏலிவீசெல்

சுதேசமித்திரன் அமுதும் நஞ்சும் தமிழ் சினிமா பற்றிய மென்புத்தகம். Suthesamithiran Amuthum Nanchum Tamil cinema pdf ebook Download. Click and Save.
Download

எஸ்கட்டாலஜி

noreply@blogger.com (PKP) — Wed, 05 Aug 2009 19:20:00 +0000

உலகின் இறுதிக் காலங்களில் நடைபெறப் போவன பற்றி பல்வேறு மார்க்கங்களும் நூல்களும் சொல்வனவற்றை தெரிந்து கொள்வது ஒரு சுவாரஸ்யமான விஷயம். அதை நம்மவர்கள் எஸ்கட்டாலஜி (Eschatology) என்கின்றனர். வரப்போவன பற்றி அறிவதில்தானே நம்மில் பலருக்கும் ஆர்வம். அதனால் தானே பலரும் ஆருடம் நோக்குகின்றோம் ஜோதிடம் பார்க்கின்றோம். சமீபத்தில் ஈராக்கில் ஓடும் சுமேரிய நாகரீகப் புகழ் யூப்ரடிஸ் நதி பற்றிய சுவாரஸ்யமான தகவல் ஒன்று அறியக் கிடைத்தது.

இஸ்லாமிய நூல்கள் யூப்ரடிஸ் நதி வரலாற்றின் இறுதிக்காலங்களில் வற்றிப்போகுமென்றும் அதிலிருந்து தங்கக் குவியல்கள் வெளிப்படுமென்றும் அதை எடுக்க இறுதிக்கால மக்கள் போட்டி போடுவதால் ஒரு பெரிய யுத்தமே உண்டாகுமென்றும், அதில் நூற்றில் தொன்னத்தொன்பது பேரும் செத்துப் போவார்கள் என்றும் சொல்லுகின்றது. அக்காலத்தில் நீங்கள் வாழ்ந்தால் அந்த புதையல்களை எடுக்கக்கூடாது எனவும் சாகிக் புகாரி தெரிவிக்கின்றது.

கிறிஸ்தவ நூலான வெளிப்பாடு யூப்ரடிஸ் நதி வரலாற்றின் இறுதிக்காலங்களில் வற்றிப் போகுமென்றும் அது காய்ந்த தரை வழியாக பெரும் படை ஒன்று கடந்து சென்று ஒரு பெரிய யுத்தமிடும் என்றும் தெரிவிக்கின்றது.

உங்களால் நம்பமுடிகின்றதா? போன மாத நியூயார்க் டைம்ஸ் பத்திரிகை வற்றா ஜீவ நதியாக பெருக்கெடுத்து ஓடிக்கொண்டிருந்த யூப்ரடிஸ் நதி இப்போது வற்றிக் கொண்டிருப்பதாக சொல்கின்றது. இன்டரெஸ்டிங் தான்.

மனிதனுக்கு சரியான பொது அறிவு இல்லாமல் போகுமானால் எந்த அளவுக்கு விஞ்ஞானம் முன்னேறுகிறதோ அந்த அளவுக்கு அவன் துயரத்தையும் அனுபவிப்பான்.
- ஹோம்ஸ்.

சேகுவேரா பற்றிய மென்புத்தகம். CheGuevera Tamil pdf ebook Download. Click and Save.
Download

வன்பொருள் காட்சியகம்

noreply@blogger.com (PKP) — Sat, 01 Aug 2009 14:44:00 +0000

மதர்போர்டு (Mother board) டாட்டர் போர்டு (Daughter board) என்றிருந்த காலமெல்லாம் போய் இன்றைக்கு வித்தியாசமான காகிதம் ஒன்றில் ஒருவிதமான சிலிகான் மை கொண்டு இந்த மின்னணு சர்கியூட்டு போர்டுகளையெல்லாம் எளிதாக அச்சடிக்கலாமாவென Kovio காரர்கள் யோசித்துக் கொண்டிருக்கின்றார்கள். அதற்கான ஆய்வில் மில்லியன் கணக்கில் செலவும் போய்க் கொண்டிருக்கின்றது. ஆய்வின் முடிவில் உங்கள் கை மணிக்கட்டின் தோல்பரப்பில் அழகான கைக்கடிகாரத்தை அச்சிட்டு அனுப்பிவிட்டாலும் ஆச்சரியப்படுவதற்கில்லை. அதை சூப்பர் அனிமேசனோடு எலக்ட்ரானிக் டாட்டூ என்பார்களாயிருக்கலாம். (Electronic tattoo).ஜாலிதான். அதுவரைக்கும் இன்றைய நம் பெரிய ஹார்டுவேர்களையெல்லாம் பார்த்துக் கொண்டிருக்க மொத்தமாக இதோ அவையெல்லாம் ஒரே சார்ட்டில். படத்தை கிளிக்கி பெரிதாக்கியும் பார்க்கலாம்.

Computer Hardware Chart

தொலைதூர பார்வைகள் பார்க்கிறேன்.
சிலசமயம் சுவர்களையும் ஊடுருவி காண்கிறேன்.
என் கையின் ரேகைகள் மட்டும் புரியவில்லை இன்னும்.
-வாஜ்பாய்

க.சீ.சிவகுமார் ”ஆதிமங்கலத்து விசேஷங்கள்” கிராமத்து தொடர் மென்புத்தகம். K.C.Sivakumar "AathiMangalathu Viseshangal" pdf ebook Download. Click and Save.
Download

18 அம்சங்கள்

noreply@blogger.com (PKP) — Thu, 30 Jul 2009 15:55:00 +0000

மனிதன் மனிதனாக வாழ 18 அம்சங்கள்

மிகவும் மதிக்கப்பட வேண்டியவர்கள் - தாய்,தந்தை
மிக மிக நல்ல நாள் - இன்று
மிகப் பெரிய வெகுமதி - மன்னிப்பு
மிகவும் வேண்டியது - பணிவு
மிகவும் வேண்டாதது - வெறுப்பு
மிகப் பெரிய தேவை - நம்பிக்கை
மிகக் கொடிய நோய் - பேராசை
மிகவும் சுலபமானது - குற்றம் காணல்
கீழ்த்தரமான விடயம் - பொறாமை
நம்பக் கூடாதது - வதந்தி
ஆபத்தை விளைவிப்பது - அதிக பேச்சு
செய்யக் கூடாதது - நம்பிக்கைத் துரோகம்
செய்யக் கூடியது - உதவி
விலக்க வேண்டியது - சோம்பேறித்தனம்
உயர்வுக்கு வழி - உழைப்பு
நழுவ விடக் கூடாதது - வாய்ப்பு
பிரியக் கூடாதது - நட்பு
மறக்கக் கூடாதது - நன்றி

இவைகளை மனிதர்கள் பின்பற்றினால் இருப்பதை விட சிறப்பாக வாழலாம்

அந்தனி ஜீவா ”திருந்திய அசோகன்” சிறுவர் நாவல். Anthony Jeeva "Thirunthiya Asokan" Siruvar Novel pdf ebook Download. Click and Save.
Download