பொன்மலர் பக்கம்

கணிணியில் உள்ள மென்பொருள்களின் லைசென்ஸ் எண்களை கண்டறிய

2012-02-17T10:55:00.011+05:30

கணிணியில் பல்வேறான மென்பொருள்களை நிறுவி பயன்படுத்தி வருவோம். அதில் இலவச மென்பொருள்களும் இருக்கும்; காசு கொடுத்து உரிமத்துடன் கூடிய மென்பொருள்களையும் (Licensed softwares) வைத்திருப்போம். இந்த மாதிரி மென்பொருள்கள் வாங்கும் போது அதன் சிடி பெட்டியில் அந்த லைசென்ஸ் எண்கள் இருக்கும். அல்லது மின்னஞ்சல் மூலம் அந்த எண்களைப் பெற்றிருப்போம். நிறைய பேர் இந்த முக்கிய லைசென்ஸ் எண்களைத் தனியாக குறித்து வைத்திருக்க மாட்டார்கள்.

வைரஸ் காரணமாக கணிணி செயலிழக்கும் போதோ அல்லது கணிணியில் எதாவது பிரச்சினை ஏற்பட்டு அதனை பார்மேட் (Format) செய்யும் போது மறுபடியும் ஏற்கனவே இருந்த மென்பொருள்களை நிறுவ வேண்டியிருக்கும். அப்போது தான் மென்பொருள்களின் சீரியல் எண் (Serial No) எங்கே என்று தெரியாமல் விழிப்பர். இதற்காக உதவக்கூடிய ஒரு இலவச மென்பொருள் தான் License Crawler. இந்த மென்பொருளின் மூலம் உங்கள் கணிணியில் நிறுவப்பட்டிருக்கும் கட்டண மென்பொருள்களின் லைசென்ஸ் எண்களை விநாடியில் கண்டறியலாம். பின்னர் இதனை எழுதி வைத்துக் கொள்ளலாம். அல்லது Text கோப்பாக சேமித்து வைத்துக் கொள்ளலாம்.
இந்த மென்பொருளை தரவிறக்கி License Crawler என்ற கோப்பைக் கிளிக் செய்யவும். இதில் Computer என்பதில் Localhost எனவும் அதற்கு கீழே HKEY_LOCAL_MACHINE என்று தேர்வு செய்து கொள்ளவும். பின்னர் Start Search என்பதைக் கிளிக் செய்தால் மென்பொருள்களின் பெயர் மற்றும் லைசென்ஸ் பெயர், எண்கள் பட்டியலிடப்படும். இதில் உங்கள் விண்டோஸ் உரிம எண், MS-Office போன்ற மென்பொருள்களின் லைசென்ஸ்களும் கிடைத்துவிடும். Save கொடுத்து ஒரு கோப்பில் எல்லாவற்றையும் சேமித்துக் கொள்ளலாம்.

எளிமையான இந்த மென்பொருள் கணிணியில் நிறுவாமலே பயன்படுத்தலாம். பென் டிரைவில் வைத்தும் பயன்படுத்தலாம்.

தரவிறக்கச்சுட்டி: Download LicenseCrawler

தமிழில் குரான் அருமையான இலவச மென்பொருள்

2012-02-13T10:33:00.018+05:30

இஸ்லாமியர்களின் புனித நூலான திருக்குரான் பெரும்பாலும் இணையத்தில் தான் படிக்கின்ற மாதிரி இருக்கிறது. அதனால் இணையம் இருப்பின் மட்டுமே பார்த்துக் கொள்ளும் படி இருந்தது. அந்தக்குறையைப் போக்கும் வகையில் குரான் நூலானது தமிழிலும் பயன்படுத்துகிற வகையில் சிறப்பாக மென்பொருள் வடிவத்தில் அமைக்கப் பட்டுள்ளது. இதனால் குரானை உங்கள் கணிணியிலேயே வைத்துப் படிக்கலாம். பயன்படுத்தலாம். Zekr என்ற இந்த மென்பொருள் நேர்த்தியான வடிவமைப்புடன் எளிதாகப் பயன்படுத்தும் படியும் இருக்கிறது.

இந்த மென்பொருளின் மூலம் குரானை எளிதாகப் படிக்கலாம். சூராக்கள் (அத்தியாயங்கள்), ஆயத்துகள் வழியாக குறிப்பிட்ட வசனத்தைத் தேடலாம். சுராக்கள், ஆயத்துகளை முன்னோக்கி பின்னோக்கி செல்லலாம். குறிப்பிட்ட பக்கங்கள் வழியாகவும் தேடலாம். பிடித்த வசனங்களை புக்மார்க் செய்து கொள்ளலாம். மேலும் அனைத்து வசனங்களையும் ஆடியோ வடிவில் கேட்க முடியும். குரானை பல மொழிகளில் படிக்கவும் முடியும். மேலும் இந்த மென்பொருளை முற்றிலும் தமிழ் உள்பட சில மொழிகளில் பயன்படுத்த முடியும்.
இந்த மென்பொருளை கீழே உள்ள சுட்டியில் சென்று தரவிறக்கவும்.
http://zekr.org/quran/
இந்த மென்பொருளைப் பயன்படுத்த Java Runtime Environment தேவைப்படும். இல்லாதவர்கள் கீழே சென்று தரவிறக்குங்கள்.
http://www.filehippo.com/download_jre_32/

இந்த மென்பொருளில் இயல்பாக ஆங்கிலம் மற்றும் குறிப்பிட்ட மொழிகளில் குரானைப் படிப்பதாக இருக்கிறது. உங்களுக்கு தமிழ் மற்றும் பல மொழிகள் வேண்டுமானால் கீழே சென்று தரவிறக்க வேண்டும். அதாவது இவையெல்லாம் குரானை Translation செய்து காட்டும்.

தமிழ் மொழிக் கோப்பு - http://tanzil.net/trans/ta.tamil.trans.zip
பிற மொழிகளுக்கு - http://zekr.org/resources.html

பின்னர் இந்த மென்பொருளில் Tools->Add->Translation என்பதில் சென்று தரவிறக்கிய கோப்பைத் தேர்வு செய்தால் நீங்கள் தமிழில் குரானைப் படிக்கலாம். View->Layout இல் சென்று Mixed என்று வைத்துக் கொண்டால் மென்பொருளில் உருது மற்றும் தமிழில் குரானை எளிதாகப் படிக்கலாம்.
Tamil User Interface

இதன் இடைமுகத்தையும் தமிழிலிலேயே காணவும் பயன்படுத்தவும் முடியும். இதற்கு Tools மெனுவில் options செல்லவும். அதில் language என்பதில் தமிழைத் தேர்வு செய்தால் தமிழிலேயே இந்த மென்பொருளைப் பயன்படுத்தலாம்.
இந்த மென்பொருள் இஸ்லாமிய நண்பர்கள் மட்டுமின்றி குரானைப் பற்றித் தெரிந்து கொள்ள நினைப்பவர்கள் கண்டிப்பாகப் பயன்படுத்திப் பார்க்க வேண்டிய மென்பொருள்.

Skype இல் பேஸ்புக் வீடியோ காலிங் மற்றும் தமிழில் பயன்படுத்த

2012-02-05T14:15:00.011+05:30

இணையத்தின் ஊடாக பேசிக் கொள்வதற்குப் பயன்படும் மென்பொருளான Skype ஐ சில மாதங்களுக்கு முன்னர் மைக்ரோசாப்ட் நிறுவனம் அதிக விலை கொடுத்து வாங்கியது. மைக்ரோசாப்ட் இதனை வாங்கியதால் இலவச சேவைகள் தொடருமா என்று அதன் பயனர்கள் கவலைப் பட்டிருந்தனர். மாறாக ஸ்கைப் மென்பொருளினை அட்டகாசமான வசதிகளுடன் அப்டேட் செய்து வெளியிட்டிருக்கிறது. இப்போது இதன் புதிய பதிப்பாக Skype 5.8 அழகாகவும் புதுமையாகவும் வடிவமைக்கப்பட்டிருக்கிறது.

Skype மென்பொருளின் புது வசதிகள்:

1. HD Video Calling – உங்களிடம் நல்ல வெப்கேமிரா, இணைய இணைப்பு இருப்பின் துல்லியமான வீடியோ காலிங் வசதியை அனுபவிக்கலாம்.

2. Facebook Integration – இந்த மென்பொருளில் Facebook இனை இணைத்ததன் மூலம் எண்ணற்ற பேஸ்புக் பயனர்களிடம் ஸ்கைப் இல்லாமலே அவர்களுக்குள் இலவசமாக வீடியோ சாட்டிங் செய்து கொள்ள முடியும். இந்த மென்பொருளில் உங்கள் Facebook கணக்கில் சென்று உங்கள் நண்பர்களூடன் பேசலாம். பேஸ்புக்கில் இங்கிருந்தே உங்கள் Status ஐ அப்டேட் செய்யலாம். உங்கள் நண்பர்களின் தகவல்/செய்திகளை இங்கிருந்தே பார்த்துக் கொள்ளலாம்

3. Group Screen Sharing – ஒரே நேரத்தில் பலர் குழுவாக Conference Call செய்யும் போது உங்கள் டெஸ்க்டாப்பையோ அல்லது ஒரு மென்பொருளையோ நண்பர்களும் பார்க்கும் படி செய்யலாம். இந்த வசதி பிரிமியம் பயனர்களுக்கு மட்டுமே கிடைக்கும்.

4. Custom Chat and Sms – இந்த மென்பொருளிலேயே சாதாரண Chatting வசதியும் இருக்கிறது. மேலும் நண்பர்களுக்கு குறுஞ்செய்திகளையும் அனுப்பிக் கொள்ளலாம்.

5. Skype to Skype பேசுவதற்கு இலவசமாகவும் மற்ற தொலைபேசிகளுக்கு குறைந்த கட்டணமே வசூலிக்கப்படுகிறது.

தரவிறக்கச்சுட்டி: http://www.skype.com/intl/en-us/get-skype/
(இங்கேயே லினக்ஸ், ஆண்ட்ராய்டு, ஐபோன் பதிப்புகளும் இருக்கிறது)

Skype மென்பொருளினை முழுவதும் தமிழிலேயே பயன்படுத்த

ஸ்கைப் மென்பொருளை முழுவதும் தமிழிலேயே பயன்படுத்திக் கொள்ள Language Translation Pack ஒன்றினை தமிழர் ஒருவர் வெளியிட்டிருக்கிறார். கீழிருக்கும் சுட்டியில் சென்று அதனைத் தரவிறக்கவும்.
http://www.mediafire.com/?t4dgwe55mhjy3no

பின்னர் ஸ்கைப் மென்பொருளில் சென்று Tools -> Change Language என்ற மெனுவில் செல்லவும். அதில் கடைசியாக இருக்கும் Load Language File என்பதைக் கிளிக் செய்து நீங்கள் தரவிறக்கிய மொழிக்கோப்பினை தேர்வு செய்தால் போதும். உடனடியாக ஸ்கைப் மென்பொருள் முழுவதும் தமிழில் மாறிவிடும்.

இதனை உருவாக்கியவர் ராமச்சந்திரன் ராஜ்காந்த். இலங்கையில் வசிக்கும் இவர் விவசாயத்துறையில் பணிபுரிகிறார். இவர் ஓப்பன் ஆபிஸ் அபிவேர்ட் தமிழாக்கத்திலும் பங்களிப்பு செய்துள்ளார். உங்களுக்கு நேரமிருப்பின் அவருக்கு ஒரு பாராட்டைத் தெரிவியுங்கள்.
http://www.facebook.com/raajkanth
http://eezhathamilan.blogspot.com/

See this Also :
ஒரே நேரத்தில் பல ஸ்கைப் கணக்குகளைப் பயன்படுத்த Multi Skype Launcher

கூகிள்+ Badge புதிய வசதிகளுடன் உருவாக்க

2012-02-04T10:49:00.010+05:30

கூகிள் பிளஸ் சமூக வலைத்தளத்தில் நம் வலைப்பூவிற்கு என்று ஒரு கூகிள்+ பக்கம்(Pages) வைத்திருப்போம். இதன் மூலம் நமது வாசகர்களை கூகிள்+ தளம் வழியாக இணைந்திருக்க செய்ய முடியும். இதற்காக கூகிள்+ பக்கத்திற்கான பேட்ஜ் (Badge) ஒன்றினை நமது வலைத்தளத்தில் வைத்துக் கொண்டால் வாசகர்கள் அதனைக் கிளிக் செய்து இணைந்து கொள்ள ஏதுவாக இருக்கும். தற்போது இதில் புதிய வசதிகள் சில சேர்க்கப்பட்டுள்ளன.

கூகிள் பிளஸ் பேட்ஜினை Icon, Small Badge, Standard Badge என்ற மூன்று வகைகளில் உருவாக்கலாம். இப்போது இதன் அகலத்தை மாற்றியமைக்கும் படியாக Width வசதியும் வண்ணத்தை மாற்றுகிற மாதிரி Color Theme வசதியும் இப்போது தரப்படுகிறது.

முதலில் உங்களின் கூகிள்+ பக்கத்தின் ஐடி எண்ணைக் குறித்துக் கொள்ளவும். இதற்கு உங்களின் பக்கத்திற்கு சென்று இணைய உலவியின் அட்ரஸ் பாரில் இருக்கும் எண்ணைக் குறிக்கவும். உங்களின் தனிப்பட்ட கூகிள்+ புரோபைலில் செல்லாமல் உங்கள் வலைப்பூவிற்கான கூகிள்+ பக்கத்திற்கு செல்ல வேண்டும்.
(எ.கா) https://plus.google.com/u/0/b/117031685099046800181/

பிறகு கீழிருக்கும் சுட்டிக்குச் சென்று Link to this Google+ Page என்ற இடத்தில் உங்கள் ஐடி எண்ணை மட்டும் கொடுக்கவும்.
https://developers.google.com/+/plugins/badge/config
உங்களுக்குத் தேவையான வடிவத்தை Features இல் தேர்ந்தெடுக்கவும். அடுத்து Advanced Option இல் Width பகுதியில் தேவையான அகலத்தைக் கொடுக்கலாம். அகலம் 100 முதல் 1024 க்குள் இருக்க வேண்டும். Color Scheme இல் Light என்பது வெள்ளை நிறத்திலும் Dark என்பது கருப்பு வண்ண பின்புலத்திலும் மாற்றிக் கொள்ள முடியும்.
இதற்கு கீழே Get the Code பகுதியில் ஒரு பெட்டியில் உங்களுக்கான இரண்டு நிரல் வரிகள் காணப்படும். இதில் ஏற்கனவே கூகிள்+ பேட்ஜ் பயன்படுத்துபவர்கள் இரண்டாவது நிரலை காப்பி செய்து பழைய இடத்தில் போட்டு விடுங்கள்

மாதிரி நிரல்வரிகள் :

<link href="https://plus.google.com/117031685099046800181" rel="publisher" /><script type="text/javascript">
window.___gcfg = {lang: 'en'};
(function()
{var po = document.createElement("script");
po.type = "text/javascript"; po.async = true;po.src = "https://apis.google.com/js/plusone.js";
var s = document.getElementsByTagName("script")[0];
s.parentNode.insertBefore(po, s);
})();</script>


<g:plus href="https://plus.google.com/117031685099046800181" width="270" height="131" theme="light"></g:plus>

இதற்கு முன்னர் பேட்ஜ் வைக்காதவர்கள் உங்களுக்கான நிரல்வரியின் முதல் பகுதியில் நீல நிற வண்ணத்தில் உள்ளவற்றை மட்டும் பிளாக்கர் Design -> Edit Html சென்று </head> என்ற வரியைத் தேடி அதற்கு முன்னர் பேஸ்ட் செய்து Save Template கொடுக்கவும். இரண்டாவது பகுதி நிரல் வரிகளை உங்களுக்குத் தேவையான இடத்தில் பிளாக்கர் Page Elements ->Add a Gadget -> Html/JavaScript என்றவாறு போய் பேஸ்ட் செய்து சேர்த்துக் கொள்ளலாம்.

இதில் உயரத்தை மாற்ற இரண்டாவது நிரல் வரியில் உள்ள height=”131” என்பதில் உங்களுக்குத் தேவையான உயரத்தைக் கொடுத்துக் கொள்ளுங்கள்.

பிளாக்கர் பதிவுகளை பேஸ்புக்கில் தானாக அப்டேட் செய்யும் செயலி RSS Graffiti.

2012-02-03T12:38:00.007+05:30

நமது வலைத்தளத்திற்கு பேஸ்புக் வழியாக நண்பர்களை இணைப்பதற்கும் நமது பதிவுகளை பேஸ்புக்கின் வழியாக உடனடியாகத் தெரிந்து கொள்வதற்கும் Facebook Fan Page பயன்படுகிறது. இதற்கு பேஸ்புக்கில் தானியங்கியாக நமது வலைப்பதிவை திரட்டும் வழியில்லை என்பதால் நாம் தான் ஒவ்வொரு பதிவு எழுதிய பின்னரும் பேஸ்புக்கில் சென்று அப்டேட் செய்ய வேண்டும். பதிவெழுதுவதே பெரிய வேலை, இதில் எங்கே எல்லாவற்றிலும் சென்று அப்டேட் செய்வது என்று கவலைப் படுபவர்களுக்கு பேஸ்புக்கில் RSS Graffiti என்ற செயலி ஒன்று இருக்கிறது.

RSS Graffiti என்ற் இந்த செயலி உங்களின் வலைப்பதிவின் RSS செய்தியோடை வழியாக உங்கள் பதிவுகளை பேஸ்புக்கில் தானாகத் திரட்டி விடும். இதன் மூலம் உங்கள் Facebook Profile மற்றும் Facebook Fan Page இரண்டிலும் உடனடியாக அப்டேட் செய்து கொள்ள முடியும். Facebook பக்கம் இல்லாதவர்கள் தங்களது புரோபைலில் வெளியிடுமாறு செய்யலாம். இந்த செயலியானது நமது வலைப்பதிவின் RSS செய்தியோடையை அவ்வப்போது கவனித்து புதிய செய்திகளைத் தானாக அப்டேட் செய்து விடும். இதனால் உங்கள் வேலையும் மிச்சமாகும்; நேரமும் மிச்சமாகும்.

RSS Graffiti செயலியை எப்படி பயன்படுத்துவது?

1. முதலில் உங்கள் பேஸ்புக் கணக்கில் நுழைந்து விட்டு கீழ் உள்ள சுட்டிக்குச் செல்லவும். http://www.facebook.com/RSS.Graffiti
2. உங்கள் பேஸ்புக் கணக்கை உறுதிப்படுத்துவதற்காக Authorization Required என்று கேட்கும். அதில் Click Here to Authorize என்ற பட்டனைக் கிளிக் செய்யுங்கள்.
3. அடுத்து உங்கள் Facebook புரோபைல் மற்றும் பக்கங்களை Rss Graffiti பயன்படுத்திக் கொள்வதற்கு அனுமதிக்குமாறு கேட்கும். அதில் Allow என்பதைக் கொடுங்கள்.
4. பின்னர் இடதுபக்கத்தில் நீங்கள் வைத்திருக்கும் Facebook Personal கணக்கு மற்றும் Facebook ரசிகர் பக்கங்களையும் காட்டும். நான் இப்போது என்னுடைய பொன்மலர் பக்கம் வலைப்பூவிற்கான ஃபேஸ்புக் ரசிகர் பக்கத்தைத் தேர்வு செய்கிறேன். அதில் Add a New Feed என்ற பட்டனைக் கிளிக் செய்யவும்.
5. Feed URL என்ற இடத்தில் உங்கள் வலைப்பூவிற்கான RSS செய்தியோடையின் முகவரியைக் கொடுத்து Preview எனபதைக் கிளிக் செய்யவும். RSS முகவரியானது உங்கள் வலைப்பூவின் முகவரிக்குப் பின் /rss.xml என்று முடியும் அல்லது வலைப்பூவிற்கு Feedburner கொடுத்தால் பீட்பர்னர் முகவரியைக் கொடுக்கலாம். (எ.கா) http://ponmalars.blogspot.com/rss.xml or http://feeds.feedburner.com/ponmalars
6. அடுத்து உங்களின் செய்தியோடையில் பதிவுகள் எடுக்கப்பட்டு புதிய பதிவொன்று முன்னோட்டமாக காட்டப்படும். சரியாக இருப்பின் அடுத்து மேலும் சில அமைப்புகளைப் பார்ப்போம்.
7. Filter – இனிமேல் நீங்கள் பதிவிடும் பதிவுகள் தானாக பேஸ்புக்கில் பகிரப்படும். அதுவரை பழைய பதிவுகள் சிலவற்றைப் போட்டு வைத்தால் நன்றாக இருக்குமல்லவா? Cut Off Date என்பதில் Select Next Item to Publish என்பதில் சென்றால் உங்களுடைய கடைசி 25 பதிவுகள் தொகுக்கப்பட்டிருக்கும். அதில் கடைசி பதிவைத் தேர்ந்தெடுத்து விட்டால் அதிலிருந்து உங்கள் பேஸ்புக் பக்கத்தில் அப்டேட் செய்து விடும்.
8. Schedule - இதன் மூலம் எவ்வளவு நேரத்திற்கு ஒரு முறை அப்டேட் செய்வது என அமைக்கலாம். நீங்கள் தினம் ஒரு பதிவு எழுதி வந்தால் As soon as Possible என்பதைக் கொடுத்தால் பதிவிட்ட உடனே அப்டேட் ஆகும். நிறைய பதிவுகள் எழுதுபவர்கள் அரை மணி, ஒரு மணி நேரம் இடைவெளி விட்டு பதியுமாறு செய்யலாம். இதில் Posts Per Cycle என்பது குறிப்பிட்ட இடைவெளியில் எத்தனை பதிவுகளைப் பகிரலாம் என்று அமைக்கலாம்.
9. இறுதியில் Save பட்டனைக் கிளிக் செய்தால் உங்கள் அமைப்புகள் சேமிக்கப்படும்.

மேலும் சில குறிப்புகள் :

இதை என்னுடைய பேஸ்புக் ரசிகர் பக்கத்திற்கு நான் அமைத்தேன். பேஸ்புக் ரசிகர் பக்கம் இல்லாதவர்கள் தங்களது பேஸ்புக் புரோபைலிலெயே அப்டேட் செய்து கொள்ள முடியும். இடப்புறம் இருக்கும் தங்களது பேஸ்புக் பயனர் பெயரைக் கிளிக் செய்து மேல் சொன்னபடி செய்து கொள்ளவும்.

சிலர் இரண்டு மூன்று வலைப்பதிவுகள் கூட வைத்திருக்கலாம். அனைத்தையும் கூட சேர்த்து உங்கள் புரோபைலில்/பக்கத்தில் அப்டேட் செய்யுமாறு செய்ய முடியும். இதற்கு மறுபடி Add Feed கிளிக் செய்து புதிய வலைப்பூவின் RSS முகவரியைக் கொடுத்து இதே போல் செய்து கொள்ளலாம்.

See this Also :
1.பதிவிட்டதும் தானாக டுவிட்டரில் அப்டேட் ஆக...
2.டுவிட்டரிலிருந்து தானாக பேஸ்புக்கில் அப்டேட் செய்ய ஒரு செயலி.

சமூக வலைத்தளப் போட்டியும் கூகிளின் புதிய தேடல் உத்திகளும்

2012-02-02T05:30:00.011+05:30

இணைய உலகில் தற்போது சமூக வலைத்தளங்கள் இடையான போட்டியில் கூகிளின் பிளஸ்க்கும் பேஸ்புக் தளத்திற்குமே பலத்த போட்டியாக இருக்கிறது. கூகிளை விட பேஸ்புக் இமாலய கூட்டத்தை வைத்திருப்பதால் எவ்வாறு முந்தலாம் என்று காய் நகர்த்தி வருகிறது. பேஸ்புக்கில் எதாவது ஒரு வசதி தந்தால் கூகிளும் அதனை ஏற்படுத்துகிறது. பேஸ்புக் நிறுவனமும் இதற்கு சளைத்தவாறில்லை. அண்மையில் கூகிள் தனது தேடியந்திரத்தின் தேடல் உத்திகளில் சில மாற்றங்களை ஏற்படுத்தியிருக்கிறது. Google Personal Search (Search Plus your World) என்று அறிமுகப்படுத்தப் பட்டிருக்கும் இந்த புதிய வசதியினால் தேடல் சேவையானது கூகிள்+ தளத்தின் தரவுகளோடு (Data) இணைக்கப் பட்டிருக்கிறது. இதன் நன்மைகள், சமூக வலைத்தளப் பிரச்சினைகள் பற்றியும் பார்ப்போம்.

Personal Search என்றால் என்ன?

கூகிள் தேடியந்திரத்தில் இதற்கு முன் நீங்கள் தேடும் போது இணையத்தில் கிடைப்பவை மற்றும் உங்கள் நண்பர்களால் +1 செய்யப்பட்ட பக்கங்களிலிருந்து மட்டுமே முடிவுகளைக் காட்டும். இதனை மேலும் விரிவுபடுத்தி நீங்கள் கூகிள் பிளஸ் தளத்தில் போட்ட செய்திகள், புகைப்படங்கள், உங்கள் நண்பர்களால் பகிரப்பட்ட தளங்கள் மற்றும் தகவல்களிலிருந்தும் திரட்டி உங்கள் தேடலுக்குப் பொருத்தமான முடிவுகளை பரிந்துரை செய்யும். இதில் நாம் Private ஆகவும் வெளியிடுகிற பகிர்வுகள் கூகிள் தேடலில் இடம்பெறும் என்பதை கவனத்தில் கொள்ளவும். இது கூகிளின் google.com முகவரியில் மட்டும் பரிசோதனையில் வந்திருக்கிறது. விரைவில் கூகிள் இதனை பொதுவாக அறிமுகப்படுத்தும்.

இதில் இணைக்கப்பட்டுள்ள வசதிகள்:

1. Profiles, Pages and Peoples in Search

கூகிள் பிளசில் இணைந்திருப்பவர்கள் பெயர்கள் மற்றும் பக்கங்கள் ஆகியவை தொகுக்கப்பட்டு விடும். கூகிளில் தேடும் போது தேடல் பெட்டியில் எதாவது ஒரு எழுத்தை அடிக்கும் போதே பொருத்தமான புரோபைல்கள் Auto Suggestion முறையில் தேடல் பெட்டிக்குக் கீழே தோன்றும். இந்த இடத்தில் இருந்தபடியே அவர்களின் புரோபைலில் நண்பராகவோ அல்லது பக்கத்திற்கு Follower ஆக Add to Circle என்பதைக் கொடுத்து இணைத்துக் கொள்ளலாம்.

2.Suggested Results from Google+ Users

கூகிள் பிளசில் நமக்கு ஒருவரை நண்பராகச் சேர்த்துக் கொள்ளுமாறு கூகிள் பிளஸில் இணைந்திருக்கும் சிலரை Suggested List ஆக வலப்புறம் காட்டும். தேடும் போது நமது பகிர்வுகள், நண்பர்கள் பகிர்ந்த தளங்களில் மட்டுமின்றி இந்த Suggested List இல் உள்ளவர்களின் பகிர்தலையும் தேடலில் காட்டும். இதன்படி அதிகம் பேர் இணைந்திருக்கும் கூகிள் பிளஸ் புரோபைலுக்கு தேடலில் முக்கியத்துவம் கிடைக்கலாம். இதற்கு வலைத்தளம் வைத்திருப்பவர்கள் கூகிள்+ Badge வைத்துக் கொள்ளலாம்.

சமூக வலைத்தளங்களின் போட்டி :

கூகிள் பிளஸ் + கூகிள் தேடல் இரண்டையும் இணைத்தது சிலருக்கு வசதியாக இருந்தாலும் சிலருக்கு எரிச்சலை உண்டாக்கியிருக்கிறது. சிலர் இதனை தனிப்பட்ட நபர்களின் அந்தரங்கத்தைப் பாதிக்கும் என்று கூறியிருக்கிறார்கள். கூகிளின் இந்த செயல்பாட்டால் டுவிட்டர் அதிர்ச்சியடைந்து கோபமாக செய்தி வெளியிட்டிருக்கிறது. ஏனெனில் இனி மேல் கூகிள் தேடலில் கூகிள் பிளஸில் இருக்கும் புரொபைல்கள் மற்றும் பக்கங்களே அதிக முக்கியத்துவம் பெறும். இப்போது வரை குறிப்பிட்ட நபரைத் தேடும் போது அவரின் டுவிட்டர் முகவரியும் பேஸ்புக் முகவரியோ பக்கமோ கூகிளில் பட்டியலிடப்படும். கூகிள் இதனை மெல்ல மெல்லக் குறைத்து விடுமே. இதனால் டுவிட்டர், பேஸ்புக்குக்கு கூகிள் தேடலினால் வரும் கூட்டம் குறைந்து விடுமல்லவா? எப்படியோ தொலைந்து போனால் நன்றாக இருக்குமல்லவா?

பேஸ்புக்கில் தான் கருத்துகளும் செய்திகளும் அதிகமாக பகிரப்படுகின்றன. அவை வெளியுலகத்துக்கு வராமல் பேஸ்புக்கினுள்ளேயே முடங்கிப் போய்விடும். தற்போது கூகிளுக்கு பேஸ்புக் அளவுக்கு பயனர்களும் இல்லை. கூகிள் பிளஸ் தளம் இன்னும் முழுமையடையாவிட்டாலும் மற்ற தளங்களை இப்படி ஒரங்கட்டுவதன் மூலம் சமூக வலைத்தளங்களின் இடையிலான போட்டியில் அழுத்தமாக காலூன்ற முயற்சிக்கிறது கூகிள்.

பேஸ்புக்கும் ஒரு தேடியந்திரம் ஆரம்பிச்சா எப்படியிருக்கும்? பொறுத்திருந்து பார்ப்போம் என்ன நடக்கிறதென்று. நீங்கள் என்ன நினைக்கிறீர்கள் நண்பர்களே?

பிளாக்கரின் டொமைன் முகவரி மாற்றம் காரணமும் சிக்கல்களும்

2012-01-31T16:36:00.028+05:30

கூகிளின் இணைய சேவையான பிளாக்கர் தளம் மூலம் பலரும் வலைப்பதிவுகள் எழுதி வருகிறார்கள். பிளாக்கரில் வலைப்பதிவுகளின் முகவரியானது .Com என்று முடியும். இன்று டொமைனை .in என்று முடியுமாறு மாற்றிவிட்டது. பிளாக்கர்களுக்கு இன்று காலையில் அதிர்ச்சியே எற்பட்டது. முகவரி மாற்றத்தால் முக்கிய பெருமையான (?) அலெக்சா ரேங்க் குறைந்து பாதாளத்திற்கு போய்விட்டது. பலருக்கு Followers Widget ஆன பின் தொடர்பவர்களின் பட்டியல் காணாமல் போனது. தமிழ்மணத்தில் இணைக்க முடியவில்லை. இண்ட்லியில் இணைத்தால் பரிந்துரை பட்டியலில் வராமல் சாதாரண பதிவாக வெளியிடப்பட்டது. கூகிள் பிளாக்கரை இவ்வாறு மாற்ற என்ன காரணம்?

பிளாக்கர் தளத்தின் முகவரியை அந்தந்த நாடுகளில் இருந்து பார்ப்பவர்களுக்கு ஏற்றவாறு மாற்றி Redirect செய்கிறது. உதாரணமாக இந்தியாவிலிருந்து பார்த்தால் .in என்றும் ஆஸ்திரேலியாவிலிருந்து பார்த்தால் .com.au என்று முடியும் படியாகவும் தெரியும். இதன் காரணம் பிளாக்கர் தளங்களை கூகிள் தணிக்கை செய்யப்போகிறது. முக்கியமாக ஒவ்வொரு நாட்டின் சட்டதிட்டத்தின் படியாக தேவையில்லாத கருத்துகள் எனில் நாடு வாரியாக பிரித்தெடுத்து நீக்கி விடலாம். பிரச்சினையில்லாத மற்ற நாட்டினர் பார்த்துக் கொள்ளலாம்.

இதனை ccTLD (Country code top level domain ) என்று சொல்கிறது. மேலும் நாம் வலைப்பூவை குறிப்பிட்ட நாட்டிற்கேற்ப பார்த்துக் கொள்ள முடியும். குறிப்பிட்ட நாட்டின் முகவரிக்குப் பின் /ncr என்று கொடுப்பதன் மூலம் இவ்வாறு செய்ய முடியும். இது No Country Redirect என்று அழைக்கப் படுகிறது.

உதாரணமாக எனது வலைப்பூவை ஆஸ்திரேலிய நாட்டின் படி பார்க்க http://ponmalars.blogspot.com.au/ncr

குறிப்பிட்ட நாட்டைச் சாராமல் வலைப்பூவின் ஒரிஜினல் அல்லது இயல்பான வடிவத்தைப் பார்க்க முகவரியில் .com/ncr என்று கொடுப்பதன் மூலம் பார்க்க முடியும். உதாரணமாக http://ponmalars.blogspot.com/ncr

இதுவும் குறிப்பிட்ட நேரத்திற்கு (Session) மட்டுமே செயல்படும். Domain வைத்திருப்பவர்களுக்கு இப்போது எதும் பிரச்சினையில்லை. இதனால் தேடுதலில் உங்கள் வலைப்பூவிற்கு எந்த மாற்றமும் இல்லை. கூகிளின் விளக்கம் இங்கே பார்க்க http://support.google.com/blogger/bin/answer.py?hl=en&answer=2402711

இதனால் ஏற்படும் சிக்கல்கள்:

1. அலெக்சா ரேங்க் :

பல நாடுகளில் இருந்து வலைத்தளத்தினைப் பார்க்கும் போது பல முகவரிகளில் தெரிவதால் அலெக்சா ரேங்க் என்பது தீர்மானிக்க முடியாத விசயமாக இருக்கும். கூகிள் அலெக்சா ரேங்கினை முக்கியமாக எடுத்துக் கொள்வதில்லை என்பது தனி விசயம்.

2. Followers Widget

இதில் பிளாக்கர் தளத்தில் உள்ள Add widget-> Followers மூலமாக வைத்திருப்பவர்களுக்கு எந்த பிரச்சினையுமில்லை. கூகிளின் Friend Connect சேவை மூலம் வைத்திருப்பவர்களுக்கு We're sorry... This gadget is configured incorrectly. என்ற பிழைச்செய்தி காணப்படும். இதனால் பிளாக்கர் Design-> Page Layout-> Add Gadget கொடுத்து Followers Widget இன் மூலம் சேர்த்துக் கொள்ளலாம். இந்த முறை மட்டுமே எல்லா நாடுகளிலும் வேலை செய்யும்.

3. இண்ட்லியில் பதிவுகள் பரிந்துரையில் வராத பிரச்சினை.

இண்ட்லி தற்போது முக்கிய வலைப்பூக்களைப் பரிந்துரைப் பட்டியலில் வைத்திருக்கிறது. அதனால் பதிவுகளை இணைக்கும் போது அந்த பழைய முகவரி இருந்தால் மட்டுமே பரிந்துரையில் வரும். இப்போது மாறி விட்டதால் சின்ன மாற்றம் செய்வோம். பதிவிலிருந்த படியே புதிய பதிவை இணைக்காமல் இண்ட்லி தளத்தில் சென்று இணைக்க என்பதைக் கிளிக் செய்யவும். நமது பதிவின் முகவரியை இட்டு அதில் .in என்பதை .com என்று மாற்றிச் சேர்த்தால் சரியாக பரிந்துரைப் பட்டியலில் வந்துவிடும்.
4. தமிழ்மணத்தில் இணைக்கும் போது.

தமிழ்மணத்தில் புதிய பதிவை இணைக்கும் போது கீழ்க்கண்டவாறு உங்கள் வலைப்பூ எங்கள் பட்டியலில் இல்லை என்று வரும். இதிலும் சின்ன மாற்றம் செய்ய வேண்டும். இந்த பிழைச்செய்தி வந்திருக்கும் விண்டோவில் மேலே இருக்கும் இணைய முகவரிக்குச் செல்லவும். (URL Address) . தமிழ்மணத்தில் இணைக்கும் போது முகவரியானது இப்படி இருக்கும்.

http://tamilmanam.net/blog_home_update.php?url=http://ponmalars.blogspot.in&posturl=http://ponmalars.blogspot.in/2012/01/railway-ticket-booking-websites.html

இந்த இணைப்பில் நமது வலைப்பூவின் முகவரியில் இருக்கும் .in என்பதை .com என்று மாற்றி விட்டு Refresh அல்லது Enter தட்டவும். இப்போது உடனே தமிழ்மணம் சேர்த்து விடும். இந்த முறையில் உங்கள் பதிவுகளைச் சேர்க்கவே முடியும். ஆனால் ஓட்டுப்பட்டை வேலை செய்யாது. இதனைத் தற்காலிகமாகப் பயன்படுத்திக் கொள்ளலாம். இந்த முகவரி மாற்ற பிரச்சினையால் திரட்டிகளில் இணைப்பது பிரச்சினைக்குரிய விசயமே.

Update :

தமிழ்மணம் தளத்தில் பதிவுகள் சேர்ப்பது பற்றிய அவர்கள் வெளியிட்டுள்ள
கட்டுரை. http://blog.thamizmanam.com/archives/387

மேலும் சில நண்பர்களின் பதிவுகள்:
1.தணிக்கைக்கு தயாரானது ப்ளாக்கர் - பிளாக்கர் நண்பன்
2.பிளாக்கர் வலைபூக்களில் கூகுளின் அதிரடி மாற்றம் - அலெக்சா ரேங்க் காலி - வந்தே மாதரம்

ஆன்லைனில் ரயில் டிக்கெட் வேகமாக புக் செய்ய உதவும் இணையதளங்கள்

2012-01-31T11:42:00.010+05:30

இந்தியாவின் மிகப்பெரிய தொழில் துறையான ரயில்வே துறையின் பிரத்யேக இணையதளமான IRCTC மூலம் நாளொன்றுக்கு லட்சக்கணக்கானோர் டிக்கெட்டுகளைப் புக் செய்து பயணிக்கின்றனர். தட்கல் முறையிலான டிக்கெட்டுகளை எடுக்க இந்த இணையதளம் பெரும் உதவியாக இருக்கும். ஆனால் இந்த இணையதளத்தின் மிகப்பெரிய குறைபாடுகளான மிக மெதுவாக லோடிங் ஆவது, சர்வர் தொக்கி நின்று விடுவது போன்றவற்றால் இணையதளத்தில் புக் செய்வது சில நேரங்களில் எரிச்சலை உண்டாக்கும். ஏனெனில் ஒரே நேரத்தில் பல பேர் இதனை அணுகுவதாலே ஆகும். கூட்டம் அதிகமாக இருக்கும் நேரத்தில் Service Unavailabale என்று வந்து விடும். இதற்கு மாற்றாக இருக்கும் சில இணையதளங்களைப் பார்ப்போம்.

1.ClearTrip

IRCTC க்கு அடுத்த படியாக அதிகம் பேர் புக் செய்யும் தளம். மிக எளிதான வழியில் மூன்றே கிளிக்கில் டிக்கெட்டைப் புக் செய்யலாம். டிக்கெட் புக் செய்த பின்னர் மின்னஞ்சலில் பெற்றுக் கொள்ள முடியும். இதிலும் SMS Alert வசதியிருக்கிறது. டிக்கெட்டை ரத்து செய்வதும் எளிதாகவே இருக்கிறது. மிக்குறைந்த கட்டணத்தையே இந்த இணையதளம் எடுத்துக் கொள்ளும். இதில் டிக்கெட்டைப் புக் செய்ய கணக்கு ஒன்றை ஆரம்பிக்க வேண்டும்.

2.Yatra.Com/Trains

3.MakeMyTrip.Com/Railways

4.http://www.railticketonline.com/SearchTrains.aspx

5.http://www.ezeego1.co.in/rails/index.php

6.Thomas Cook.Co.In/IndianRail

ERail.in

இந்த இணையதளம் மூலம் மிக விரைவாக ரயில்களின் நேரம், தொலைவு, கட்டணம், பயணிக்கும் ஸ்டேசன்கள், சீட் இருக்கிறதா (Seat Availablity) போன்றவற்றைப் பார்த்துக் கொள்ளலாம். உங்களின் PNR Status மிக விரைவாக அறிய முடியும். புதியதாக டிக்கெட் புக் செய்ய சேவை இதில் இல்லையென்றாலும் வேகமாக தகவல் அறிய உதவியாக இருக்கும்.

முக்கிய குறிப்புகள் :

• இந்த இணையதளங்கள் அனைத்துமே IRCTC இணையதளத்துடன் பார்ட்னர்ஷிப் முறையில் செயல்படுகின்றன. நீங்கள் டிக்கெட் புக் செய்யும் போதும் கேன்சல் செய்தாலும் எல்லாமே IRCTC இன் தகவல்தளத்திலும் சேர்ந்துவிடும். அதனால் பயப்படத் தேவையில்லை.
• நீங்கள் எடுக்கும் ரயில் டிக்கெட்டுகளுக்கு Train Class, Train Type, Tatkal போன்ற சேவைகளைப் பொறுத்து 10 முதல் 50 ருபாய் வரை கமிசனாகப் பிடிக்கபடும்.
• இவை எல்லாமே IRCTC ன் தகவல்தளத்தை வைத்தே செயல்படுவதால் நம்பகத்தன்மையில் பிரச்சினையில்லை. இந்த தளங்கள் அனைத்துமே IRCTC தளத்தை விட வேகமாக செயல்படுகின்றன.

பென் டிரைவ்களின் தரத்தை சோதிக்க இலவச மென்பொருள் ChkFlsh

2012-01-30T11:04:00.011+05:30

USB கருவிகளான பென் டிரைவ், மெமரி கார்டு போன்றவை இன்றைய கணிணியுலகத்தில் தகவல்களை சேமித்து வைத்துக் கொள்ள அதிகமாக பயன்படுத்தப்படுகின்றன. இவை குறிப்பிட்ட காலம் செயல்பட்ட பின் தானாகவே இயக்கத்தை நிறுத்திக் கொள்கின்றன. பென் டிரைவ்களும் தற்போது போலியாக 32 GB என்றெல்லாம் சொல்லி விற்கப்படுகிறது. சிலருக்கோ தாங்கள் வாங்கிய பென் டிரைவ் தரமானதா அல்லது போலியானதா என்று கண்டறியத் தெரியாது. அதே போல தற்போது நாம் பயன்படுத்திக் கொண்டிருக்கும் பென் டிரைவ் பழுதாயிருக்கிறதா என்றும் கண்டுபிடிக்க முடியாது.

பென் டிரைவ் மற்றும் ஏனைய USB கருவிகளின் தரத்தைச் சோதிக்க ChkFlsh என்ற இலவச மென்பொருள் இணையத்தில் கிடைக்கிறது. இதன் மூலம் Read Speed, Write Speed, Sector wise Errors போன்ற விசயங்களை சோதித்து அறியலாம். இதனால் நமது பென் டிரைவ் தரமாக உள்ளதா என்றும் தெரிந்து கொள்ளலாம்.

பென் டிரைவை எப்படி சோதிப்பது?

இந்த மென்பொருளைத் தரவிறக்கி ChkFlsh என்ற கோப்பை கிளிக் செய்யவும். பின்னர் உங்கள் பென் டிரைவை கணிணியில் செருகவும். பென் டிரைவில் உள்ள தகவல்களை அழித்து விட்டு சோதிக்கப் பயன்படுத்துவது நலமானது. இதில் 3 வகையான Access Type கள் இருக்கின்றன.

Use Temporary file என்பதைக் கிளிக் செய்வதன் மூலம் Write and Read சோதனையைச் செய்ய முடியும். உங்கள் பென் டிரைவில் ஏதேனும் தகவல்கள் இருந்து Read Test மட்டுமே மேற்கொள்ள வேண்டும் எனில் As Logical Drive என்பதைக் கிளிக் செய்து கொள்ளவும். Test Length – இதில் One Full Cycle என்பதைத் தேர்வு செய்யவும். பின்னர் Start கொடுத்தால் பென் டிரைவ் சோதிக்கப்படும்.
ஒவ்வொரு பைல் செக்டார்களாக (File Sector) களாக சோதிக்கப்பட்டு வரும். இறுதியில் ஒவ்வொரு செக்டாரும் பச்சை வண்ணத்தில் காண்பிக்கப்பட்டால் உங்கள் பென் டிரைவ் நலமாக இருக்கிறது என்று அர்த்தம். இதோடு பென் டிரைவின் வேகம் மற்றும் பிழைகள் இருந்தால் காண்பிக்கப்படும்.

தரவிறக்கச்சுட்டி : http://mikelab.kiev.ua/PROGRAMS/ChkFlsh.zip

முக்கிய குறிப்பு : தமிழின் முண்ண்ணி திரட்டியான தமிழ்மணத்தில் இந்த வார நட்சத்திரமாக என்னை அறிமுகப்படுத்தியிருக்கிறார்கள். அவர்களுக்கு எனது நன்றிகள். தமிழ்மணம் தளத்தைப் பார்க்க.

Way2Sms விளம்பரங்கள் : மொபைலுக்கு இலவசமாக ரீசார்ஜ் செய்திடலாம்.

2012-01-27T12:36:00.009+05:30

Way2Sms இணையதளம் இந்தியாவிற்குள்ளும் உலகளவிலும் இலவசமாக குறுஞ்செய்திகளை அனுப்ப பயன்படுகிறது. இதில் மின்னஞ்சல் சேவையும் தரப்படுகிறது. இங்கேயே ஜிமெயில் மற்றும் யாகூ சாட்டிங் செய்யவும் முடியும். இப்போது புதியதாக விளம்பர சேவை ஒன்றையும் கொண்டு வந்திருக்கிறது. இதன் மூலம் உங்கள் மொபைல் எண்ணுக்கு இலவசமாக விநாடியில் ரீசார்ஜ் செய்து கொள்ள முடியும். இதற்கு நீங்கள் Way2Sms கணக்கு ஒன்றைத் தொடங்கியாக வேண்டும். இது எளிமையான வேலை தான். Register செய்ய கிளிக் செய்யவும்.

Way2Sms நிறுவனம் இரண்டு வகையான விளம்பர சேவைகளை தற்போது வழங்கி வருகிறது.

1. Email Ads

இதில் விளம்பரங்கள் நமது நண்பர்களுக்கு ஈமெயில் முறையில் அனுப்பப் படும். குறிப்பிட்ட விளம்பரங்கள் நமது டாஷ்போர்டு பகுதியில் காண்பிக்கப்படும். Send Email கொடுத்தால் ஏற்கனவே நாம் இணைத்திருக்கிற ஜிமெயில் கணக்கில் உள்ள நண்பர்களுக்கு செல்லும். ஒரு நாளைக்கு ஒரு முறை மட்டுமே ஈமெயில் விளம்பரங்கள் அனுப்ப முடியும். இந்த விளம்பர ஈமெயில் உங்கள் பெயரில் தான் நண்பர்களுக்குப் போகும். அதிகபட்சம் இந்த விளம்பரத்தை 50 பேருக்குத் தான் அனுப்ப முடியும். இதனை யாராவது கிளிக் செய்தால் உங்களுக்கான பணம் உங்கள் கணக்கில் சேர்ந்து கொண்டே வரும்.

2. Social Ads

இந்த வகையிலான விளம்பரங்கள் சமூக வலைத்தளங்களில் பகிரப்படும். அதனை யாராவது கிளிக் செய்து பார்த்தால் குறிப்பிட்ட பணம் கிடைக்கும். Facebook, Twitter, Linked In இந்த மூன்று சமூக வலைத்தளங்களில் மட்டுமே பகிர முடியும். ஒரு நாளைக்கு இரண்டு விளம்பரங்கள் தரப்படும். அதுவும் ஒரு விளம்பரத்தை பகிர்ந்த பின்னர் இரண்டு மணி நேரம் விட்டு அடுத்த விளம்பரத்தைப் பகிர முடியும்.

Earnings Report :

நீங்கள் Way2Sms இல் நுழைந்தவுடனே வலது மேல்புறம் நமது கணக்கில் எவ்வளவு பணம் சேர்ந்திருக்கிறது என்று காட்டப்படும். குறைந்தபட்சமாக பத்து ருபாய் சேர்ந்தவுடனே நமது மொபைலுக்கு Recharge Now கிளிக் செய்து ரீசார்ஜ் செய்து கொள்ளலாம். இந்தியாவில் உள்ள அனைத்து வகை மொபைல் கம்பெனிகளும் இதில் இருப்பதால் எந்த பிரச்சினையுமில்லை. மேலதிகமான வருமான ரிப்போர்ட்களைப் பார்க்க My Earnings பகுதியில் பார்க்கலாம்.

முக்கியமான விதிமுறைகள்:

1. உங்கள் விளம்பரங்களை நீங்களே கிளிக் செய்யாதீர்கள்.
2. நண்பர்களை இதைக் கிளிக் செய்யுமாறு ஊக்குவிக்காதீர்கள்.
3. Way2Sms இல் கொடுத்துள்ள சமூக வலைத்தளங்களில் மட்டுமே பகிருங்கள். அதனை வேறு இடங்களில் தனியாகப் பகிரக்கூடாது. அதைப்போல தனியாக ஈமெயில்களை அதிகமாக அனுப்பலாம் என்று நினைக்காதீர்கள்.
4. விளம்பரங்களின் இணைப்பையும் (Link) கருத்தையும் (Content) மாற்றாதீர்கள்.
5. பிளாக்கிலோ இணையதளத்திலோ இணைப்பு தரக்கூடாது.

இணையதளம் : http://way2sms.com

கணிணியில் இயங்கும் மென்பொருள்களை யாரும் பார்க்காமல் மறைக்க

2012-01-12T18:39:00.007+05:30

கணிணியை பொதுவான இடங்களில் பயன்படுத்தும் பலரும் சந்திக்கின்ற பிரச்சினை, நாம் திறந்து வைத்திருக்கும் மென்பொருள்களை யாராவது பார்த்து விடுவார்களோ என்ற பயம் வருவது தான். அலுவலகத்தில் பெரும்பாலானோர்க்கு இந்த பயம் இருக்கும். ஏனெனில் வேலைகளுக்கிடையே நம்மவர்கள் பதிவு எழுதுவது, டுவிட்டர் பயன்படுத்துவது, வீடியோ பார்ப்பது போன்ற வேறு செயல்களைச் செய்வது வழக்கமான ஒன்று. திடிரென்று மேனேஜர் அல்லது வேறு ஆட்கள் வந்து விட்டால் அப்படியே அந்த புரோகிராம்களை சாத்தி மூடுவதைத் தவிர வேறு வழியில்லை. அதனால் இணையத்தில் நாம் செய்து கொண்டிருந்த வேலையும் அப்படியே போய் விடும்.

யாராவது வரும் போது சட்டென்று தேவையில்லாத மென்பொருள்களை மறைத்து வைத்து விட்டால் அவர்கள் சென்ற பின்னர் மறுபடியும் திறந்து கொள்கிற மாதிரி வசதியுடைய மென்பொருள்கள் இரண்டைப் பார்ப்போம். இந்த மென்பொருள்களை நாம் சிறிது நேரம் வெளியே செல்லும் போதும் போட்டு விட்டுச் செல்ல்லாம். எந்த மென்பொருளும் யார் கண்களுக்கும் புலப்படாதிருக்கும்; Task Bar இல் கூட உட்கார்ந்திருக்காது. அதே போல சிலர் புத்திசாலியாய் ALT+TAB பட்டன்களை அழுத்துவதன் மூலம் தற்போது திறந்து வைத்திருக்கிற புரோகிராம்களைப் பார்க்கலாம். இதில் அந்த வேலையும் நடக்காது.

1. NCS WinVisible

இந்த மென்பொருளில் ஒரு குறுக்கு விசையை (Shortcut Key) அழுத்துவதன் மூலம் அனைத்து மென்பொருள்களையும் இந்த மென்பொருள் உட்பட ஒரே விநாடியில் மூட முடியும். முன்னரே வேண்டாத புரோகிராம்களைத் ( யாரும் பார்க்க்கூடாத) தேர்வு செய்து கொள்ள வேண்டும். இதில் ஒவ்வொரு மென்பொருளாகவும் மறைக்க முடியும்.
இதன் Settings பகுதியில் சென்று Hot keys இல் உங்களுக்குப் பிடித்த குறுக்கு விசையை அமைத்துக் கொள்ளலாம். மேலும் இந்த மென்பொருள் எப்போதும் Hidden லேயே இருக்கும்படியும் செய்யலாம். Settings-> General -> Behaviour பகுதியில் இருக்கும் மூன்று அமைப்புகளையும் தேர்வு செய்து கொள்ளுங்கள்.
Automatically check new processes,
Remember the processes I checked,
Hide Application and Tray icon

தரவிறக்கச்சுட்டி : Download WinVisible

2. Hide It

எளிமையான நிறுவத் தேவையில்லாத மென்பொருள் இது. டெஸ்க்டாப்பில் இருக்கும் ஐகான்களைக் கூட இது மறைக்கும். Task bar இல் இருக்கும் இதனைத் திறந்து எளிமையாக ஒரே கிளிக்கில் ஒவ்வொரு மென்பொருளாக அல்லது அனைத்து மென்பொருளையும் விநாடியில் மறைக்கலாம்.
இதன் இன்னொரு வசதி என்னவென்றால் தேவையான புரோகிராம்களை மறைத்து விட்டு இந்த மென்பொருளையும் Exit கொடுத்து மூடி விடலாம். பிறகு கொஞ்ச நேரம் கழித்து இந்த மென்பொருளைத் திறந்து மறைந்துள்ள புரோகிராம்களைத் திறந்து கொள்ளலாம்.

தரவிறக்கச்சுட்டி: Download HideIt

இந்த இரண்டு மென்பொருள்களில் எது உங்களுக்குப் பிடிக்கிறதோ அதைப் பயன்படுத்தி அலுவலகத்தில் மாட்டிக் கொள்ளாமல் இருக்கலாம். எல்லோருக்கும் பொங்கல் நல்வாழ்த்துகள்.

இணையத்தில் நீங்கள் ஏற்கனவே பார்த்த வீடியோக்களைத் தரவிறக்க

2012-01-08T10:58:00.007+05:30

இணையத்தில் எதாவது ஒரு விசயத்திற்காக யூடியுப் மற்றும் சமூக வலைத்தளங்களில் பகிரப்படும் வீடியோக்களை எல்லாரும் பார்ப்பதுண்டு. அந்த நேரத்தில் உங்களிடம் இணையம் வேகமாக இருக்கும் பட்சத்தில் அந்த வீடியோவினை பார்த்து விட்டு மட்டும் போய் விடுவார்கள். அதனை டவுன்லோடு செய்து கணிணியில் வைத்துக் கொள்ள நேரம் இருப்பதில்லை சிலருக்கு. பலர் அலுவலகத்திலேயே இணையத்தில் வீடியோக்களைப் பார்த்துக் கொண்டே இருப்பதுண்டு. இப்படி நீங்கள் பார்த்து விட்டுப் போன வீடியோக்கள் தேவைப்பட்டால் என்ன செய்வது, எங்கே பார்த்தோம் எங்கெ போய் டவுன்லோடு செய்வது என்ற குழப்பம் வரும்.

இதற்கென NirSoft வழங்கும் எளிமையான மென்பொருள் தான் Video CacheView. இந்த மென்பொருளின் மூலம் நீங்கள் ஏற்கனவே இணையத்தில் பார்க்கப்பட்ட வீடியோக்களைத் தரவிறக்கலாம். இணையத்தில் நீங்கள் பார்க்கும் எல்லா வீடியோக்களும் தற்காலிகமாக உங்கள் கணிணியில் சேமிக்கப்பட்டுத் தான் உங்களுக்கு ஒளிபரப்பாகும். இந்த செயல் Buffering என்று சொல்லப்படும். இணையம் குறைவான கணிணிகளில் வீடியோ பார்க்கும் போது Buffering என்று வருவதைப் பார்க்க முடியும். இவையெல்லாம் கணிணியில் Temporary Folder இல் சேமிக்கப்பட்டுப் பின்னர் தான் உங்களால் பார்க்க முடிகிறது. இதனை நீங்கள் அந்த தற்காலிக முகவரியில் போய் எடுக்க முடியாது. ஏனெனில் இந்த தற்காலிக கோப்புகள் பயன்படுத்த முடியாதபடி பூட்டப்பட்டிருக்கும்.

இந்த மென்பொருளில் நீங்கள் இணையத்தில் ஏற்கனவே பார்க்கப்பட்ட Cache Video கோப்புகளை பட்டியலிடும். குறிப்பிட்ட வீடியோ தற்போது எடுக்க முடியும் படி இருந்தால் In Cache என்பதில் Yes என்று இருக்கும். அதனை வலது கிளிக் செய்து Copy Selected Files To என்பதைத் தேர்வு செய்து உங்கள் கணிணியில் சேமித்துக் கொள்ளலாம். தற்காலிக சேமிப்பில் இல்லாதவற்றை அங்கிருந்தே டவுன்லோடு செய்து கொள்ள முடியும். மேலும் இதில் இணையத்தில் ஏற்கனவே கேட்கப்பட்ட ஆடியோ கோப்புகளையும் தரவிறக்கிக் கொள்ளலாம்.

உங்கள் கணிணியில் FLV வீடியோக்களுக்கான பிளேயர் எதேனும் நிறுவியிருந்தால் இந்த மென்பொருளிலிருந்தே அந்த வீடியோவைப் பார்க்க முடியும். VLC மீடியா பிளேயரில் பார்க்க Open with கொடுத்து தான் பார்க்க வேண்டும். இந்த மென்பொருள் IE, Chrome, Firefox, Opera போன்ற வலை உலவிகளில் பார்க்கப்பட்ட வீடியோக்களை ஆதரிக்கிறது. எளிமையான இந்த மென்பொருள் உங்களுக்கு சில நேரம் பயனளிக்கலாம்.

தரவிறக்கச்சுட்டி: Download Video Cacheview

Youtube Schools - பள்ளி/கல்லூரிகளுக்கான யூடியுபின் புதிய சேனல்

2011-12-17T20:30:00.007+05:30

முன்பெல்லாம் பள்ளிகள்/கல்லூரிகளில் எதேனும் கட்டுரை எழுதி வரச்சொன்னால் மாணவர்கள் நூலகத்தில் தேடி குறிப்பெடுப்பார்கள். இல்லையெனில் பக்கத்திலிருக்கும் அறிவான நபர்களிடம் பொறுப்பைக் கொடுத்து உதவி கேட்பார்கள். இன்றைய தொழில்நுட்ப உலகில் இதெல்லாம் மறந்து எதாவது ஒரு விசயம் தெரியலையா கூகிள் போப்பா என்று சொல்லுமளவுக்கு வந்து விட்டது. இணையத்தில் நல்ல விசய்ங்களோடு கெட்ட விசயங்களும் இணைந்தே தான் இருக்கின்றன. இணையத்தில் பள்ளி மாணவர்களுக்கு கல்வி சார்ந்த வீடியோக்களை பார்ப்பதன் மூலம் குறிப்பிட்ட ஒன்றை எளிதாகப் புரிந்து கொள்ள முடியும். கூகிள் தனது யூடியுப் சேவையில் பள்ளி மாணவர்களுக்காக ஒரு சேனல் ஒன்றை அறிமுகப்படுத்தியுள்ளது.

Youtube for Schools என்ற இந்தப் பிரிவின் மூலம் பள்ளி மாணவர்கள் கல்வி சார்ந்த வீடியோக்களை பார்த்து பயன்பெற முடியும். இதற்கு பள்ளி முதல்வர்கள் பள்ளிகளுக்கான கூகிள் கணக்கொன்றை உருவாக்கிக் கொள்ள வேண்டும். தங்கள் பள்ளியின் பாடம் சம்பந்தப்பட்ட வீடியோக்களைத் தரவேற்றிக் கொள்ளலாம். யூடியுபில் ஏற்கனவே Youtube Education என்ற சேனலில் பல்லாயிரக்கணக்கான வீடியோக்கள் பல கல்வி நிறுவனங்களால் தரவேற்றப்பட்டுள்ளன. இவைகளின் மூலம் கணிதம், மொழிகள், வரலாறு, அறிவியல் சோதனைகள் போன்றவற்றை மாணவர்கள் கற்றுக் கொள்ளலாம். (educational videos, maths help, learn foreign languages, university lectures, science experiments and world events)
பள்ளி முதல்வர்கள்/ஆசிரியர்கள் யுடியூபில் எந்த வீடியோவினையும் பார்க்க முடியும். ஆனால் மாணவர்களுக்கு Youtube Education சேனலில் உள்ள வீடியோக்களும் தங்கள் பள்ளி சம்பந்தப்பட்ட வீடியோக்களையும் மட்டுமே பார்க்க முடியும். மாணவர்கள் பார்க்கும் போது வீடியோக்களின் கீழே எந்த கருத்துரையும் வராது. Related Videos என்பதும் வராது. தேடினாலும் பாடங்கள் குறித்தான வீடியோக்கள் மட்டுமே வரும். இதனால் வேறு எதேனும் வீடியோக்களைப் பார்த்து மாணவர்களின் கவனம் சிதறாது.
பள்ளி ஆசிரியர்களுக்கென்று Youtube for Teachers என்ற சேனல் இருக்கிறது. இதில் மற்ற ஆசிரியர்களின் பாட வீடியோக்களை நம் பள்ளி ஆசிரியர்கள் பார்த்து அறிவை மேம்படுத்தலாம். மேலும் பள்ளியின் மூலம் தரவேற்றப்படும் வீடியோக்களை தங்கள் பள்ளி மட்டுமே பார்க்க முடியுமாறு அமைக்க முடியும். மாணவர்களுக்கு பள்ளியிலேயே கல்வி சார்ந்த வீடியோக்களை மட்டும் காண்பித்து அறிவைப் பெருக்கும் யூடியுபின் இந்த சேவை பாராட்டப்பட வேண்டிய ஒன்றாகும்.

http://www.youtube.com/schools
http://www.youtube.com/education
http://youtube.com/teachers

Google Buzz க்கு மூடுவிழா : Buzz இல் பகிர்ந்த செய்திகளைத் தரவிறக்க

2011-12-16T17:12:00.008+05:30

டுவிட்டர் போன்ற சமூக வலைத்தளமான Google Buzz ஐ 2009 இல் அறிமுகப்படுத்தியது கூகிள். இந்த சேவையானது கூகிள் மின்னஞ்சலோடு இணைக்கப்பட்டு வழங்கப்பட்டதால் இதையும் சேர்த்து பலரும் பயன்படுத்துவார்கள் என கூகிள் எதிர்பார்த்தது. ஆனால் சில நாடுகளைத் தவிர இது பிரபலமாக வரமுடிய வில்லை. இதே காலகட்டத்தில் டுவிட்டரின் வளர்ச்சி அபரிதமாக சென்று கொண்டிருந்தது. டுவிட்டரில் போலவே சுட்டிகள், படங்கள், வீடியோக்கள் பகிரலாம் என்றாலும் இதில் டுவிட்டரின் 140 எழுத்துகள் என்ற கட்டுப்பாடுகள் இல்லை.

சிலருக்கு இது பிடித்திருந்தாலும் பலர் Buzz இல் தங்களது வலைப்பதிவுகளை தானியங்கி முறையில் பகிருமாறு செய்துவிட்டு அதன் பக்கமே போகாமல் இருப்பார்கள். டுவிட்டர் அளவுக்குக் கூட வராத இதனை கூகிள் தோல்விப்பட்டியலில் சேர்த்து இன்று முறைப்படியாக மூடப்பட்டுள்ளது. இதன் இணைப்புகள் ஜிமெயில் மற்றும் கூகிள் பிளஸ் போன்ற இடங்களில் இன்று முதல் தெரியவில்லை.

இதிலிருந்து பாடம் கற்றுக் கொண்ட கூகிள் தனது புதிய சமூக வலைத்தளமான கூகிள் பிளஸில் மட்டுமே கவனம் செலுத்துவதால் Buzz ஐ மூடியிருக்கிறது. கூகிள் பிளஸும் தற்போது வளர்ச்சிப் பாதையில் சென்று கொண்டிருக்கிறது. இதனை ஒரு மாதத்திற்கு முன்பே கூகிள் தெரிவித்து விட்டது. தமிழ் பதிவர்கள் பலரும் வலைப்பக்கம் வராமல் பஸ்ஸில் தீவிரமாய் இருந்து வந்தனர். இன்று மூடப்பட்டதால் அதிகம் பேர் கவலைப்பட்டதை கூகிள் பிளஸில் பார்க்க முடிந்தது. (பழையன கழிதலும் புதியன புகுதலும்.)

கூகிள் பஸ் பயன்படுத்திய போது பலரும் முக்கிய செய்திகள், புகைப்படங்கள், பதிவுகள், வீடியோக்கள் போன்றவற்றை பகிர்ந்திருப்பார்கள். அவையெல்லாம் போய் விட்டன என்று கவலைப்பட வேண்டாம். கூகிள் நாம் பஸ்ஸில் பகிர்ந்தவற்றை எல்லாம் பேக்கப் எடுத்து வைத்திருக்கிறது. இந்த வசதியும் எப்போது மூடப்படும் என்று தெரியவில்லை. அதனால் உடனே நமது Google Buzz தகவல்களை தரவிறக்கிக் கொள்வது நல்லது.

எப்படி கூகிளிடம் இருந்து தகவல்களைத் தரவிறக்குவது?

Google Takeout என்ற சேவையின் மூலம் +1, Buzz, Contacts and Circles, Picasa Albums, Profile, Stream, Voice போன்ற தகவல்களைத் தரவிறக்க முடியும். இதற்கு கீழே உள்ள சுட்டியில் சென்று உங்கள் கூகிள் கணக்கில் நுழையவும்.
https://www.google.com/takeout/?pli=1
இதில் All of your data உங்கள் மேற்கண்ட சேவைகளின் பட்டியல் தோன்றும். அனைத்தும் வேண்டுமெனில் அப்படியே Create Archeive என்பதைக் கொடுக்கவும்.

Google Buzz தகவல்கள் மட்டும் வேண்டுமெனில் Choose Services சென்று Buzz என்பதைக் கிளிக் செய்து கொள்ளவும். வேறு எதாவது வேண்டுமெனில் ஒவ்வொன்றாகத் தேர்வு செய்து கொள்ளவும்.
பின்னர் Create Archive கொடுத்தால் Zip வகையில் சுருக்கப்பட்டு தரவிறக்கப்படும். அதனை நிங்கள் Extract செய்து கொண்டு பார்த்துக் கொள்ளலாம்.

கூகிள் பஸ் :-(

பேஸ்புக்கின் புதிய Subscribe பட்டன் பிளாக்கில் இணைக்க

2011-12-15T20:13:00.008+05:30

முண்ணணி சமுக வலைத்தளமான பேஸ்புக் நிறுவனம் அண்மையில் இணையதளங்களில்/ பிளாக்கர் தளங்களில் Subscribe பட்டன் வைத்துக் கொள்ளும் முறையை அறிமுகப்படுத்தியுள்ளது. இதற்கு முன்னர் எழுதிய பதிவொன்றில் பேஸ்புக்கின் Subscribe பட்டனைப் பயன்படுத்துவது குறித்து விளக்கியிருந்தேன். Subscribe என்பது என்னவென்றால் யாரென்று தெரியாத பலரும் உங்களுக்கு நண்பர்களாக இருக்கத் தேவையில்லை. உங்களின் சுயவிவரப் பக்கத்தில் Subscribe செய்வதன் மூலம் வாசகராக இணைந்து நீங்கள் Public ஆக பகிரும் செய்திகளை மட்டும் அவர்களால் பார்த்துக் கொள்ள முடியும்.

இந்த பட்ட்னை நமது தளத்தில் வைப்பதன் மூலம் பேஸ்புக் வாயிலான வாசகர்களை அதிகரிக்க முடியும். இதற்கு நீங்கள் பேஸ்புக்கின் Subscribe வசதியை Allow Subscribers செய்ய வேண்டும். http://www.facebook.com/about/subscribe மேலும் விவரங்களுக்கு இந்தப் பதிவைப் பார்க்கவும்.

இதில் இன்னொரு வசதியிருக்கிறது. ஒருவரின் அனைத்து செய்திகளையும் பேஸ்புக் பக்கத்தில் பார்க்கும் போது சிலருக்கு எரிச்சலை உண்டாக்கலாம். இந்த Subscribe வசதியினைப் பயன்படுத்தி முக்கியமான பதிவுகள் மட்டும் நமக்குத் தெரியுமாறு செய்ய முடியும். மேலும் குறிப்பிட்ட வகைகளில் பகிரப்படும் செய்திகளைப் பார்க்குமாறு செய்யலாம்; அனைத்து பதிவுகளும் வேண்டுமெனில் All updates வசதியினைத் தேர்வு செய்து கொள்ள முடியும்.

பேஸ்புக் Subscribe பட்டனை எப்படி வைப்பது?

1. http://developers.facebook.com/docs/reference/plugins/subscribe/ இந்த சுட்டியை கிளிக் செய்து Profile URL என்பதில் உங்களின் புரோபைல் முகவரியைக் கொடுக்க வேண்டும். புரோபைல் முகவரியானது பேஸ்புக்கில் சென்று மேல்பகுதியில் உள்ள உங்கள் பெயரைக் கிளிக் செய்தால் அட்ரஸ்பாரில் தெரியும். எடுத்துக்காட்டாக எனது புரோபைல் முகவரி : http://www.facebook.com/ponmalar2050
2. Layout Style – இதில் மூன்று வகைகள் உள்ளன. உங்களுக்குப் பிடித்த்தை தேர்வு செய்து கொள்ளுங்கள்.
3. அடுத்து வண்ணம், வாசகர்களின் முகம் தெரிய வேண்டுமா என்பதையும், அகலம் போன்றவற்றைத் தேர்வு செய்து Get Code என்பதைக் கிளிக் செய்யவும்.

4. இதற்கான நிரல்வரிகள் மூன்று வகைகளில் கிடைக்கும். நமக்கு IFrame வசதிதான் சிறந்த்து. அதில் உள்ள நிரல்வரிகளைக் காப்பி செய்து கொள்ளவும். பிளாக்கரில் சென்று Add Widget ->Html/Javascript என்பதன் மூலமாக சேர்த்திடலாம்.

குறிப்பு : இந்த நிரலில் உயரத்திற்கான அளவு கொடுக்கப்படாத்தால் பெரியதாக வரும். அதற்கு கீழ்க்கண்டவாறு சிவப்பு வண்ணத்தில் உள்ளதை உங்கள் நிரலில் height வரியைச் சேர்ப்பதன் மூலம் சுருக்கிக் கொள்ளலாம்.

மைக்ரோசாப்டின் புதிய சமூக வலைத்தளம் Socl

2011-12-03T23:18:00.006+05:30

இணையத்தில் சமூக வலைத்தளங்களின் வளர்ச்சி அபாரமானதாக இருக்கிறது. Facebook, Google+ போன்ற சமூக வலைத்தளங்களில் பலரும் மணிக்கணக்கில் நேரத்தைச் செலவிடுவதால் நிறுவனங்கள் நல்ல இலாபமீட்டுகின்றன. மென்பொருள் துறையில் முதன்மையான மைக்ரோசாப்ட் தற்போது புதிய சமூக வலைத்தளம் ஒன்றை கட்டமைத்து வருகின்றனர். இயங்குதளம், மென்பொருள் துறையில் கோலோச்சிய மைக்ரோசாப்ட் இணைய தொழில்நுட்பத்தில் அஜாக்கிரதையாகவே இருந்து வந்தனர். இணையம் மட்டுமே தொழில்நுட்ப உலகை அடுத்த கட்டத்துக்கு நகர்த்திப் போகும் என புரிந்து கொள்ள மைக்ரோசாப்டுக்கு அதிக காலமாகிவிட்டது. இப்போது மைக்ரோசாப்டும் சமூக வலைத்தள போட்டியில் குதிக்கத் தயாராகி வருகிறது.

மைக்ரோசாப்டின் புதிய சமூக வலைத்தளத்திற்கு Socl என்று பெயரிடப்பட்டுள்ளது. உச்சரிப்பில் Social என்று சொல்லக்கூடியதாக இருக்கிறது. இத்தளத்தின் பரிசோதனை அனுபவத்திற்காக Verge நிறுவனத்திடம் மைக்ரோசாப்ட் கேட்டுக் கொண்டிருந்தது. Verge நிறுவனம் சோதனை செய்து அதன் விமர்சனத்தை வெளியிட்டுள்ளது.

• இதன் இடைமுகம் மூன்றாகப் பிரிக்கப்பட்டுள்ளது. இடது புறத்தில் Navigation வசதிகள் கொடுக்கப்பட்டுள்ளது. செய்திகள் Feed என வகைப் படுத்தப் பட்டுள்ளன. நமது செய்திகளைப் பகிர்ந்து கொள்ளும் வசதி கொடுக்கப்பட்டுள்ளது. (Update Status).

• Social Search : இதில் சமூக வலைத்தளத்திலிருந்தே தேடிக் கொள்ளும் வசதியும் தரப்பட்டுள்ளது. நீங்கள் தேடும் போது வழக்கமான தேடல், நண்பர்களின் செய்திகள், ஒத்த சேவைகள் போன்றவற்றிலும் தேடி முடிவுகள் தரப்படும். எதாவது தேடிப் பெறப்பட்ட விசயத்தை அப்படியே உங்கள் நண்பர்களிடம் பகிர்ந்து கொள்ள முடியும். நண்பர்களின் தேடல்களையும் உங்கள் பக்கத்தில் பார்த்துக் கொள்ள முடியும். இது கூகிள்+1 பட்டன்களின் மூலம் பெறப்படும் Recommendation களை கூகிள் பிளஸ் தளத்தில் தேடுதலுக்குப் பயன்படுத்துவதைப் போல ஆகும்.

• தேடுதலுக்கு பிங் சேவை (Bing) பயன்படுத்தப்படும். நண்பர்கள் உங்களின் தேடல்களுக்கு கருத்துரை அளிக்கலாம்; லைக் செய்யலாம்; Tag செய்யலாம்.

• Tagging – நீங்கள் ஒருவரின் செய்தியை Tag செய்யும் போது சம்பந்தப்பட்ட விசயம் உங்களின் Interest Tags பிரிவில் இடதுபுறத்தில் தோன்றும். இதனால் விரைவில் குறிப்பிட்ட விசயம் சார்ந்தவற்றைப் பார்த்துக் கொள்ள முடியும். உதாரணத்திற்கு Photography, Cinema, Arts.

• வலதுபுறத்தில் Video Party வசதி தரப்பட்டுள்ளது. இதில் நண்பர்களிடம் சாதாரண மற்றும் வீடியோ சாட்டிங் செய்து கொள்ள முடியும். மேலும் Youtube வீடியோக்களையும் பார்த்துக் கொள்ளலாம். இது முற்றிலும் HTML5 தொழில்நுட்பத்தில் வடிவமைக்கப்பட்டுள்ளதால் அடோப் பிளாஷ் சப்போர்ட் தேவைப்படாது.

இதில் குறைபாடுகளாக மற்ற சமுக வலைத்தளங்களில் இருக்கும் சில வசதிகள் இல்லை. அதாவது செய்திகளை குறிப்பிட்ட பிரிவினருக்கு மட்டும் பகிர்தல், கூகிள் பிளசில் இருக்கும் வட்டங்கள் போல குருப்புகள் போன்றவை இல்லை. இதன் பரிசோதனை செயல்பாடுகள் முடிந்து மைக்ரோசாப்ட் விரைவில் வெளியிட ஆயத்தமாகி வருகிறது. பார்க்கலாம் சமூக வலைத்தளங்களின் போட்டி எப்படிப் போகிறதென்று!

Verge Review of Microsoft Socl

கூகிள் கிளவுட் பிரிண்டர் ( Google Cloud Printer)

2011-12-01T18:04:00.006+05:30

நமக்கு வேண்டிய தகவல்களை அச்சிட்டுப் பயன்படுத்த கணிணியில் இணைத்திருக்கும் பிரிண்டரின் (Printer) மூலம் செய்துகொள்கிறோம். வெளியில் வேறு இடங்களில் இணைய மையங்களில் இணையத்தில் உலவும் போது எதாவது ஒரு முக்கியமான தகவலைப் பார்க்கும் போது அதனை அச்சிட்டு வைத்துக் கொள்ள நினைப்பீர்கள் . அந்த இடத்தில் பிரிண்டர் இருந்தால் எடுத்துக் கொள்ள வாய்ப்பிருக்கிறது. இல்லையெனில் இந்த விசயத்தை அப்படியே மறந்து விடுவீர்கள்.

கூகிள் நிறுவனத்தின் சேவையான Google Cloud Print இதற்கு உதவக்கூடும். முதலில் கிளவுட் அல்லது மேகக்கணிணி என்பது எந்தவொரு கணிணிப் பயன்பாட்டையும் இணையத்திலும் செய்வதாகும்.உதாரணமாக நமது கோப்புகளை இணையத்தில் சேமித்துப் பயன்படுத்துவது ஒரு கிளவுட் பயன்பாடாகும்.

இந்த சேவையில் உங்களிடம் இருக்கும் பிரிண்டரை ஒருமுறை இணையத்தில் இணைத்து விட வேண்டும். பின்னர் உலகில் நீங்கள் எங்கிருந்தாலும் உங்கள் பிரிண்டருக்கு தகவலை அச்சிடச் சொல்லி கட்டளையிடலாம். உடனடியாக உங்கள் வீட்டு பிரிண்டரில் அச்சிடப்படும். மின்சாரம் இல்லையெனில் மறுபடி மின்சாரம் வந்த பின்னர் தகவல்கள் அச்சிடப்படும். ஆண்ட்ராய்டு ஒஎஸ்க்கு தயாரிக்கப்பட்ட இந்த பயன்பாடு தற்போது கூகிள் நீட்சியின் மூலம் விரிவாக்கப்பட்டுள்ளது. மேலும் கைப்பேசியிலிருந்தும் அச்சிட தகவலை அனுப்பலாம். இதில் doc, pdf, txt போன்ற வகைகளில் முடியும் இணைய முகவரியில் இருக்கும் கோப்புகளை அச்சிடலாம்.
உங்கள் பிரிண்டரை எப்படி Google Cloud Print இல் இணைக்க:

1. கூகிள் கணக்கில் நுழைந்த பின்னர் குரோம் உலவியின் மூலம் கீழே உள்ள சுட்டியில் சென்று உங்களிடம் இருக்கும் பிரிண்டரைத் தேர்வு செய்து இணைக்கவும். http://www.google.com/landing/cloudprint/win-enable.html

2. கீழுள்ள இணைப்பில் சென்று குரோம் கிளவுட் பிரிண்ட் நீட்சியை Install என்பதைக் கிளிக் செய்து நிறுவிக் கொள்ளவும்.
https://chrome.google.com/extensions/detail/ffaifmgpcdjedlffbhenaloimajbdkfg?hl=en

3. பின்னர் இணையத்தில் நீங்கள் எதாவது ஆவணங்களைப் பார்க்கும் போது குரோம் உலவியின் மேல் வலது புறம் பிரிண்டர் ஐகான் காணப்படும். அதனைக் கிளிக் செய்தால் தகவல்கள் பிரிண்டருக்கு அனுப்பப்படும்.
இந்த சேவையில் எத்தனை பிரிண்டரை வேண்டுமானாலும் இணைத்துக் கொள்ளலாம். பிரிண்டர்களை நிர்வகிக்கவும், அச்சுக்கு அனுப்பியதை கேன்சல் செய்யவும் குரோம் உலவியின் Settings -> Options -> Under the Hood -> Google cloud Print என்பதில் சென்று பார்த்துக் கொள்ளலாம்.

கூகிள் பிளஸில் Chatting வசதி அறிமுகம்

2011-11-22T11:30:00.008+05:30

கூகிளின் சமூக வலைத்தளமான கூகிள் பிளஸ் புதிய வசதிகளை அறிமுகம் செய்து கொண்டே வருகிறது. கூகிள் பிளஸ் பட்டன், பக்கங்கள் உருவாக்குதல், பக்கங்களுக்கான பேட்ஜ் போன்றவைகள் உருவாக்கப்பட்டு மற்றொரு தளமான பேஸ்புக்கிற்கு நிகராக போட்டிகளைக் கொடுத்து வருகிறது. தற்போது வரை நமது கூகிள் மின்னஞ்சல் முகவரி தெரிந்திருந்தால் மட்டுமே கூகிள் பிளசிலும் பேசிக் கொள்ள முடியும். இப்போது நமது வட்டத்திற்குள் இருக்கும் நண்பர்களுக்குள் பேசிக் கொள்ளும் வசதியினை (Chatting) கொண்டு வந்திருக்கிறது.

இதைப்பற்றி இரண்டு நாள்களுக்கு முன் தான் நினைத்துக் கொண்டிருந்தேன். இந்தியாவில் கூகிளின் ஆர்குட் (Orkut) சமூக வலைத்தளத்திற்கு இருந்த வரவேற்பையும் அதில் நண்பர்களானால் பேசிக் கொள்ளும் வசதியும் இருந்ததையும் கூகிள் பிளஸில் இது வரவில்லையே என்று நினைத்திருந்தேன். Chatting வசதியின்றி சமூக வலைத்தளங்கள் பிரபலமாவதில்லை தானே. இப்போது இதனையும் கூகிள் பிளஸ் எற்படுத்தியிருக்கிறது.

கூகிள் பிளஸில் நமது வட்டத்திற்குள் இருப்பவர்கள், அவர்களின் வட்டத்திற்குள்ளும் நம்மைச் சேர்த்திருப்பார்கள் என்றால் அவர்களிடம் நாம் எளிதாக சாட்டிங் செய்யலாம். கூகிள் பிளஸ் மூலம் சேர்ந்து நண்பர்களானவர்களிடம் நாம் வேறு இடைமுகங்களான GMail, iGoogle, Google Talk போன்ற இடங்களிலும் சாட்டிங் செய்து கொள்ள முடியும்.

கூகிள் பிளசில் யாரென்று தெரியாத பல நண்பர்கள் நம் வட்டத்திற்குள் இருக்கலாம். அதனால் பல குழப்பங்கள் ஏற்படாதபடி கூகிள் பிளஸ் அடிக்கடி பேசுபவர்களின் பெயரை மட்டும் சாட்டிங் வரிசையில் தற்போது காண்பிக்கும். இருப்பினும் அவர்களது பெயரை Chat Box இல் தட்டச்சிட்டுத் தேடி சாட்டிங் செய்து கொள்ள முடியும்.

மேலும் நமது வட்டத்திற்குள்ளேயே Family, Friends, Relatives என்று பல வட்டங்கள் பிரித்திருப்போம். குறிப்பிட்ட வட்டத்திற்குள் மட்டுமே பேசிக் கொள்ள நினைத்தால் Chat என்பதற்கு நேராக உள்ள சின்ன வட்டத்தைக் கிளிக் செய்து Privacy Settings என்பதில் செல்லவும். அதில் Your Circles மற்றும் Custom என்று இருக்கும்.

Your Circles – இதில் உங்கள் வட்டத்திலிருக்கும் எல்லோரிடமும் பேச அப்படியே விட்டு விடுங்கள்
Custom – இந்த வசதியினைத் தேர்வு செய்தால் குறிப்பிட்ட வட்டத்தில் அடங்கியிருக்கும் நண்பர்களிடம் மட்டுமே பேசிக் கொள்ள முடியும்.
(எ.கா) Friends, Relatives, Office, School,College.

முக்கிய வசதி: கூகிள் பிளசில் சாட்டிங் வசதி தொந்தரவாக இருப்பின் அதை மட்டும் Sign Out செய்து கொண்டு தளத்தில் தொடரலாம். வேண்டுமெனில் Sign In செய்து சாட்டிங் வசதியில் இருக்கலாம்.

இனி கூகிள் பிளஸ் நண்பர்களிடமும் தடையின்றி பேசுங்கள்.

புகைப்படங்களை எளிதாக வீடியோவாக மாற்ற PhotoFilmStrip

2011-11-20T11:47:00.007+05:30

நம்மிடம் இருக்கும் ஒளிப்படங்களை சிடி/டிவிடியில் அப்படியே புகைப்படமாக ஏற்றினால் டிவிடி பிளேயரில் தெரியும் வசதியிருக்கிறது. ஆனால் அவைகளை ஒவ்வொன்றாக கிளிக் செய்து பார்க்க வேண்டியிருக்கும். எல்லா ஒளிப்படங்களும் சீரான இடைவெளியில் பிண்ணணி ஒலியுடன் ஒவ்வொன்றாக காட்டப்பட்டால் நன்றாக இருக்கும். இதனை SlideShow என்பார்கள். அதே நேரத்தில் ஒளிப்படங்கள் வரிசையாகவும் ஒவ்வொன்றும் ஒவ்வொரு எபெக்ட்டுடன் வந்தால் சிறப்பாக இருக்கும். மேலிருந்து படம் வருவது, கட்டம் கட்டமாய் வருவது போன்ற மாதிரி வருவதை Transition Effect என்று சொல்வார்கள்.

பல்வேறு புகைப்படங்களை வைத்து அவற்றை வீடியோவாக மாற்ற உதவும் இலவச மென்பொருள் ஒன்று தான் PhotoFilmStrip. எளிமையாகவும் பல்வேறு வடிவங்களில் வீடியோவினை இதில் உருவாக்க முடியும். முதலில் இதனைத் தரவிறக்கி நிறுவிக் கொள்ளவும். New Project மெனுவில் சென்று உங்களுக்குத் தேவையான புகைப்படங்களைச் சேர்க்கவும். இதில் ஒளிப்படங்களை அது இருக்கும் இடத்திலிருந்தே இழுத்து விட்டால் கூட போதுமானது. (Drag and Drop)

சேர்க்கப்பட்ட ஒவ்வொரு ஒளிப்படங்களும் வரிசையாக கீழ்புறத்தில் தோன்றும். அதைக் கிளிக்கினால் பெரிதாக மேலே தோன்றும். படத்தில் தேவையில்லாத பகுதிகளை வெட்டிக் கொள்ள முடியும். (Crop Pictures) . ஒவ்வொரு ஒளிப்படமும் எந்த எபெக்டில் தோன்ற வேண்டும் என்று அமைத்துக் கொள்ளலாம். பிண்ணணியில் எதாவது பாடல் ஓட வேண்டுமெனில் சேர்க்கலாம். Subtitle என்பதில் அந்த ஒளிப்படத்தைப் பற்றிய குறிப்பைக் கொடுத்தால் வீடியோவின் அடியில் தோன்றும். உருவாக்கப்படும் வீடியோ எவ்வளவு நேரம் ஒடும் என்பதை மென்பொருளின் Status Bar இல் தெரியும்.

இறுதியில் வீடியோ வகைகளான FLV, Mp4, Avi போன்றவற்றில் தேர்வு செய்யலாம். மேலும் Full HD , VCD, Pal, NTSC போன்ற டிவிடி கோடக் (Codecs) வசதியின் மூலம் வீடியோ தரத்தை அமைக்கலாம். உங்கள் புகைப்படங்களின் அளவு, கணிணியின் வேகம் போன்றவற்றைப் பொறுத்து சில நிமிடங்களில் வீடியோ உருவாக்கப்படும்.

தரவிறக்கச்சுட்டி : Download PhotoFimStrip

கூகிள்+ பேஜை தேடுதலில் கொண்டு வர Direct Connect வசதி

2011-11-11T01:51:00.007+05:30

கூகிள் பிளஸில் பக்கம் (Google+ Pages) உருவாக்குவது பற்றி அறிந்திருப்பீர்கள். இது பேஸ்புக்கின் ரசிகர் பக்கம் (Facebook Fan Page) செயல்படும் விதம் போன்றதே. நமது தளத்தின் வாசகர்களையும் தளத்தையும் இணைக்கும் இவ்வகையான வசதிகளால் வாசகர்களுக்கு தளத்தின் புதிய செய்திகளை எளிதாக அறிந்துகொள்ள ஏதுவாக இருக்கும். சரி, இதெல்லாம் நமது தளத்திற்கு வந்த பின்னரே நமக்கு ஒரு கூகிள் பிளஸ் பக்கம் இருக்கிறது என்று வாசகர்களுக்குத் தெரியும். இல்லையெனில் கூகிள் பிளஸில் நமது வட்டத்திலிருக்கும் நண்பர்களுக்கு உடனே தெரிந்திருக்கும். ஒரு விசயத்தைப் பற்றி கூகிள் தேடுதலில் தேடுபவர்களுக்கு நமது தளத்தைப் பற்றியோ அல்லது நமது தளத்தின் கூகிள்+ பக்கத்தையோ தெரிந்திருக்க வாய்ப்பில்லை தானே.

இதற்காக கூகிள் செய்திருக்கும் வசதி தான் Google+ Direct Connect. கூகிள் தேடுதலில் எதாவது தேடும் போது சம்பந்தப்பட்ட இணையதளத்தின் கூகிள்+ பக்கத்தையும் சேர்த்துக் காட்டுவது தான் இந்த வசதி. இதற்கு குறிப்பிட்ட சொல்லுக்கு முன் ‘+’ குறியைச் சேர்த்துக் கொள்ள வேண்டும்.

உதாரணமாக நீங்கள் "+youtube" என்று தேடும் போது நீங்கள் உடனடியாக யூடியுபின் கூகிள்+ பக்கத்திற்கு கொண்டு செல்லப் படுவீர்கள். அங்கேயே Add to Circles என்பதைக் கிளிக் செய்து அந்த கூகிள்+ பக்கத்தில் இணைந்து கொள்ளலாம். இதனால் குறிப்பிட்ட தளத்தின் பக்கத்தை பார்வையிடவும் இணையவும் எளிதான வேலையாக இருக்கும். தளத்தின் வாசகர்களும் அதிகரிக்க வாய்ப்பிருக்கிறது. நமது கூகிள்+ பக்கத்தையும் எப்படி கூகிள் தேடலில் கொண்டு வருவது என்று பார்ப்போம்.

முதல் முறை :

இதற்கு நமது கூகிள்+ பக்கத்தையும் இணையதளத்தையும் இணைக்க வேண்டும். எளிதான வழி கூகிள்+ பேட்ஜ் (Badge) ஒன்றை உருவாக்கி நமது தளத்தில் வைக்க வேண்டும். கீழே உள்ள இணைப்பில் சென்று உங்கள் கூகிள்+ பக்கத்திற்கான எண்ணைக் கொடுக்க வேண்டும்.
https://developers.google.com/+/plugins/badge/preview

ஒவ்வொரு கூகிள்+ பக்கத்திற்கும் தனியான எண் வழங்கப்பட்டிருக்கும். அதனை உலவியின் அட்ரஸ் பாரில் இருக்கும் முகவரியின் மூலம் அறியலாம். உங்கள் பக்கத்திற்கான எண்ணைக் கொடுத்ததும் நிரல்கள் தரப்படும். அதை பிளாக்கரில் இணைத்துக் கொள்ள வேண்டும்.

இரண்டாவது முறை :

1. உங்கள் கூகிள்+ பக்கத்திற்குச் சென்று Profile->Edit Profile கொடுக்கவும். அங்கே What Pages Interest you? என்பதில் கிளிக் செய்தால் Links பெட்டி ஒன்று வரும். அதில் Add a Custom Link என்பதில் உங்கள் தளத்தின் பெயரையும் முகவரியையும் கொடுத்து சேமித்துக் கொள்ளவும்.

2. பின்னர் கீழுள்ள வரியில் சிவப்பு வண்ணத்தில் இருப்பதை உங்கள் கூகிள் பிளஸ் பக்க ஐடி எண்ணைக் கொண்டு மாற்றிக் கொள்ளவும்.
<link href="https://plus.google.com/[Google+ Page ID]" rel="publisher" />

3. பிளாக்கரில் நுழைந்து Design->Edit Html செல்லவும். அதில் <head> என்ற் வரியை அடுத்து மேலுள்ள வரியைச் சேர்த்துக் கொள்ளவும்.

கூகிள் உங்கள் தளத்திற்கான பக்கத்தை உறுதி செய்து கொள்ள சில நாட்கள் எடுத்துக் கொள்ளும். இந்த வசதியானது உங்கள் கூகிள்+ பக்கத்தின் கருத்துகளின் தன்மை மற்றும் அதிக வாசகர்களைப் பொறுத்தே அமையும். இதுவும் பரிசோதனையில் இருப்பதால் உடனடியாக எல்லாரின் பக்கங்களும் கூகிள் தேடலில் வந்து விடாது என்பது குறிப்பிடத்தக்கது.

Enjoy 11.11.11 :-)

பிளாக்கிற்கு எளிதாக Animated Favicon உருவாக்க

2011-11-06T00:06:00.011+05:30

வலைத்தளத்தின் முகவரிக்கு அருகில் சிறிய படத்தினை லோகோவாக வைப்பது Favicon என்று சொல்வார்கள். இதனை பிளாக்கர் செட்டிங்க்ஸ் பகுதியிலேயே சேர்க்கும் வசதியை பிளாக்கர் ஏற்படுத்தியிருக்கிறது என்பது உங்களுக்குத் தெரிந்திருக்கும். பொதுவாக ஒரு சிறிய படத்தினை இதற்குப் பயன்படுத்துவோம். நகரும் தன்மையுடைய அனிமேட்டட் ஃபெவிகான் எப்படி வைப்பது என்று பார்ப்போம்.

Favicon.cc என்ற தளம் புதுமையான முறையில் ஃபெவிகான்களை உருவாக்க உதவுகிறது. இதில் நாமே நமக்கு வேண்டியவாறு ஃபெவிகானை வரைந்து கொள்ள முடியும். இந்த தளத்திற்குச் சென்றால் சிறுசிறு கட்டங்களால் வரைவதற்குத் தேவையான பகுதி காணப்படும். இதில் தேவையான வண்ணங்களை வைத்து எழுத்துகளாக அல்லது படங்களாக மவுசை வைத்து இழுத்து உருவாக்கலாம். நாம் வரைய வரைய கீழேயே அதன் முன்னோட்டம் தெரிந்து விடும்.

அனிமேட்டட் பெவிகான் உருவாக்க :

1. முதலில் இந்த தளத்திற்குச் சென்று வரையும் பகுதிக்குக் கீழே இருக்கும் Use Animation என்பதைக் கிளிக் செய்து கொள்ளவும். அதில் இப்போது Frame 1 of 1 என்று இருக்கும். அதாவது முதலில் வைக்கப்படும் படமாக எடுத்துக் கொள்ளப்படும். எதாவது உங்களுக்குப் பிடித்தமானவாறு வரைந்து கொள்ளவும். கால இடைவெளி ஒரு விநாடி என்று இருக்கும். அதிகமாக வேண்டுமெனில் மாற்றிக் கொள்ளலாம்.

2. அடுத்து Append New Frame என்பதைக் கிளிக் செய்தால் இரண்டாவது படம் வைப்பதற்காக வரையும் பகுதி காலியாகத் தோன்றும். அதில் இரண்டாவதாக வரக்கூடிய படத்தை அல்லது எழுத்தை வரைந்து கொள்ளவும்.
3. இதே போல இன்னும் வேண்டுமானால் புதிய பிரேம்களை Append new frame கொடுத்து உருவாக்கலாம். தேவையான பிரேம்களை சேர்த்து முடிந்தவுடன் Looping Options என்பதில் Loop forever என்று இருப்பதால் ஒவ்வொரு பிரேமும் தொடர்ந்து ஒடிக்கொண்டே இருக்கும். குறிப்பிட்ட சுழற்சிக்குப் (Iterations) பின் நிறுத்திவிடும் படியும் செய்யலாம்.
பின்னர் உருவாக்கப்பட்ட ஃபெவிகானை தரவிறக்கம் செய்ய கீழேயே Download Link இருக்கும். அதைத் தரவிறக்கி பிளாக்கரில் நுழைந்து Design -> Page Elements செல்லவும். அதில் மேல்பகுதியில் உள்ள Favicon என்ற இடத்தில் Edit கொடுத்து உங்கள் பெவிகான் கோப்பைத் தரவேற்றி சேமியுங்கள்.

இந்த இணையதளத்தில் அனிமேட்டட் ஃபெவிகான் தான் உருவாக்க வேண்டும் என்பதில்லை. சாதாரண வகையிலும் உருவாக்கிக் கொள்ளலாம்.
இணையதளம் : http://favicon.cc

See this Also:
How to use Twitter within Gmail?
Disable Control Panel in Windows 7

MS-வேர்டு டாகுமெண்டில் எளிதாக வாட்டர்மார்க் சேர்க்க

2011-11-03T13:50:00.008+05:30

நமது ஆவணங்களின் பிண்ணணியில் நமது பெயரையோ அல்லது எதாவது ஒரு படத்தினைச் சேர்ப்பதற்கு வாட்டர்மார்க் என்று சொல்வார்கள். இதனை MS- Word மென்பொருளைப் பயன்படுத்தி வந்தால் இதிலேயே எளிமையாகச் செய்து கொள்ளும் வசதி இருக்கிறது. இதற்காக வேறு மென்பொருள்களை நாட வேண்டியதில்லை.

உங்களிடம் MS-ஆபிஸ் பதிப்பு 2007 அல்லது 2010 இருப்பின் திறந்து கொள்ளவும். ஏற்கனவே தட்டச்சிட்ட அல்ல புதியதாக தட்டச்சிடுகிற கோப்புகளிலும் வாட்டர்மார்க் இடமுடியும். ரிப்பன் மெனுவில் Page Layout என்பதைக் கிளிக் செய்தால் Watermark என்ற மெனு தெரியும். அதைக் கிளிக் செய்தால் கீழ்க்கண்டவாறு வசதிகள் தோன்றும்.

1.No Watermark – வாட்டர்மார்க் தேவையில்லை என்பதற்காக
2.Picture Watermark – உங்களிடம் இருக்கும் புகைப்படம் அல்லது ஒளிப்படங்களை வாட்டர்மார்க் ஆகப் பயன்படுத்துவதற்கு
3.Text Watermark – இதில் உங்களுக்குத் தேவையான பெயர் அல்லது சொற்களை வாட்டர்மார்க் ஆக இணைக்கலாம்.

மேலும் இதிலுள்ள வசதிகள்.

இதில் ஃபாண்ட் அளவு, வண்ணம் போன்றவற்றையும் அமைக்கலாம். வாட்டர்மார்க் ஆவணத்தின் குறுக்காக அல்லது கிடைமட்டமாக வர Layout இல் Diagonal or Horizontal என்பதில் தேர்வு செய்து கொள்ளலாம். வேர்ட் டாகுமெண்ட்களில் வாட்டர்மார்க் எளிமையாகவும் விரைவாகவும் இதன் மூலம் கொண்டு வரலாம்.

MS-Word 2003 மற்றும் பழைய பதிப்புகளில் வாட்டர்மார்க் சேர்க்க.

மெனுபாரில் Format->Background என்பதில் சென்று Printed Watermark என்ற மெனுவைக் கிளிக் செய்தால் மேற்கண்ட வசதிகள் இதிலும் கிடைக்கும்.

********************************************************
இருபது நாட்கள் கழித்து சர்விஸ்க்கு கொடுத்த லேப்டாப் (?) நேற்று கொடுத்தார்கள். புத்தாண்டில் நிகழ்ந்ததைப் போல மறுபடியும் LCD க்கு விருப்பமில்லா ஒய்வு கிடைத்தது. தேர்தல் முடியட்டும் என்றார்கள். பின் தீபாவளி கழித்து தான் வரும் என்றார்கள். இந்த முறை வாரண்டியில் செலவின்றி பெற்றதால் மனதுக்கு நிம்மதி. கண்ணில் கண்ட புத்தகங்களைப் படித்துத் தள்ளியதிலும் மொபைல் மூலம் இண்டர்நெட் பயன்படுத்தி பொழுது போனாலும் கண்ணில் தான் வலி. தேர்தலும் முடிந்தது. தீபாவளியும் மகிழ்ச்சியாகவே போனது. லேப்டாப் இல்லாததால் மழை விடாமல் பெய்தும் வேலாயுதம், ஏழாம் அறிவு, ரா ஒன் எல்லாவற்றையும் தியேட்டரிலேயே பார்த்துத் தொலைத்தோம். (காசையும்!). இடையில் ஒரு Inventory மென்பொருள் உருவாக்கத்தில் இருந்ததால் எல்லா வேலைகளும் தடைபட்டுப்போனது. இந்த புரியாத அக்கவுண்ட்ஸ் பற்றி டேலி பற்றி யாராவது எழுதுங்களேன்! I Got My laptop Back. Thanks God.

உலகில் மிக மலிவான விலையில் இந்தியாவின் டேப்ளட் பிசி Akash

2011-10-11T13:21:00.007+05:30

டேப்ளட் பிசி (Tablet PC) என்று அழைக்கப்படும் மினி வகையான கம்ப்யூட்டர்கள் தற்போது சந்தையில் பிரபலமாக இருக்கின்றன. ஆப்பிள் ஐபேடும் இந்த வகையில் சார்ந்ததே. சாம்சங், ஆப்பிள் உட்பட பெரும்பாலான நிறுவனங்களின் டேப்ளட் பிசிகள் விலையில் அதிகமாக இருப்பதால் வாங்குவதற்கு ஆர்வம் இருந்தாலும் வாங்காமல் இருப்பார்கள். இவைகள் கையடக்கமாகவும் கணிணியின் வசதிகளைக் கொண்டும் மொபைல் போன்களின் வசதிகளையும் கொண்டிருப்பதால் பலரால் விரும்பப் படுகிறது.

இந்திய நாடு உலகிலேயே மலிவு விலையில் முதன்முறையாக ஒரு டேப்ளட் பிசியைத் தயாரித்துள்ளது. அக்டோபர் 6 ந்தேதி டெல்லியில் மனிதவள மேம்பாட்டுத்துறை மந்திரி கபில்சிபல் இதனை அறிமுகப்படுத்தினார். இந்த தொடுதிரை கணிணி Datawind என்ற நிறுவனத்தின் மூலம் உருவாக்கப் பட்டுள்ளது. பள்ளி மற்றும் கல்லூரிகளில் படிக்கும் மாணவர்களுக்கும் மலிவு விலையில் கணிணி அறிவு சென்று சேர வேண்டும் என்ற முயற்சியின் காரணமாக இந்த டேப்ளட் பிசி தயாரிக்கப்பட்டதாக அமைச்சர் தெரிவித்தார். இந்த வருட இறுதிக்குள் ஒரு லட்சம் கருவிகள் மாணவர்களுக்கு 1500 ருபாய் விலையில் வழங்கப்படும். ஆகாஷ் (Akash) என்று பெயரிடப்பட்டுள்ள இந்த கணிணியைத் தயாரிக்க 2300 ருபாய் செலவானதாகக் குறிப்பிட்டார்கள்.

இதில் உள்ள வசதிகள்:

* ஆண்ட்ராய்டு இயங்குதளம் 2.2 (Android)
* 2GB Hard disk
* 256 Mb RAM
* 2GB External Memory ( Support upto 32GB)
* 3 Hour Battery Power
* 7” Touch Screen Display
* HD Video Processor
* Wifi & 3G Modems
* 2 USB Ports ( கீபோர்டு மற்றும் மவுஸ் இணைக்க முடியும்)

மேலும் இதனை வர்த்தக ரீதியாகவும் நவம்பர் மாதத்தில் Datawind நிறுவனம் 3000 ருபாய் விலையில் அனைவருக்கும் அறிமுகப் படுத்தப் போகிறது. இந்தியக் கணிணிச் சந்தையில் அதிகமான விலையில் விற்கப்படும் பொருள்களுக்கு இடையே இதன் வரவு புதிய மாற்றத்தை உருவாக்கலாம். UbiSlate என்று பெயரிடப்பட்டுள்ள இதில் செல்லுலர் மோடம் இணைக்கப்பட்டுள்ளது. இதனால் இணையப் பயன்பாடும் மொபைல் பயன்பாடுகளும் இதிலேயே பயன்படுத்திக் கொள்ளலாம். இதன் மூலம் உலகின் இணையப் பயன்பாட்டாளர்களில் இந்தியாவும் முக்கிய இடத்தைப் பெறும் எனச் சொல்லப்படுகிறது.

See more visit UbiSlate website

பேஸ்புக்கில் Subscribe வசதியை பயன்படுத்துவது எப்படி?

2011-09-24T23:54:00.018+05:30

பேஸ்புக் (Facebook) நிறுவனம் தனது உறுப்பினர்களைத் தக்க வைக்க புத்தம் புதிய வசதிகளை அறிமுகப்படுத்திக் கொண்டே இருக்கிறது. நாம் இப்போது பார்க்கப் போவது Subscribe வசதியைப் பற்றி. Subscribe என்றால் குறிப்பிட்ட நண்பர்கள் நமக்குப் பிடித்திருந்தால் நாம் அவர்களுக்கு நண்பராகச் சேரப்போவது இல்லை. அவர்களது பப்ளிக் (Public) செய்திகள்/அப்டேட்கள் மட்டும் நமக்குத் தெரிந்தால் போதும். இதனால் Friend Request கொடுத்து தொல்லை செய்யத் தேவையில்லை. சப்ஸ்கிரைப் செய்வதன் மூலம் அவர்களின் செய்திகளை உடனுக்குடன் அறிந்து கொள்ள முடியும்.

பிரபலமானவர்கள், சினிமா நட்சத்திரங்கள் போன்ற உங்களுக்குத் தெரியாத நபர்களின் அப்டேட்களை நாமும் பெற இந்த வசதி உதவுகிறது. இதற்கு அவர்களின் புரோபைல் பக்கத்தில் சென்று Subscribe செய்தால் போதுமானது. இந்த வசதி Twitter இன் Following வசதி மற்றும் கூகிள் பிளஸின் Add to circles வசதியை ஒத்ததாக எடுத்துக் கொள்ளலாம். இதில் அவர்கள் Public என்று வெளியிடுகிற செய்திகளை மட்டுமே பார்த்துக் கொள்ள முடியும். அந்தரங்க தகவல்களை அறிய வேண்டுமானால் சற்று முயற்சி செய்து நண்பரானால் தான் உண்டு. சரி இந்த வசதியை நமது புரொபைலுக்கு ஆக்டிவேட் செய்வது எப்படி என்று பார்ப்போம்.

கீழுள்ள சுட்டியைக் கிளிக் செய்து பேஸ்புக்கின் சப்ஸ்கிரைப் பக்கத்திற்கு சென்று அதில் Allow Subscribers என்ற பட்டனைக் கிளிக் செய்யுங்கள்
http://www.facebook.com/about/subscriptions
அடுத்து Subscribe Settings பக்கம் வரும். இதில் மூன்று அமைப்புகள் உள்ளன.
1.யாரெல்லாம் உங்கள் செய்திக்கு கமெண்ட் போடலாம் என்பது. (who can comment)
2.யாருடைய ஆக்டிவிட்டிகள் எல்லாம் உங்களுக்குத் தெரிவிப்பது என்பது (Notification)
3.நண்பர்களுடைய நண்பர்கள் அதிகமாக நமக்கு Friend Request கொடுக்காமலிருக்க வழி செய்தல்

மேற்கண்ட அமைப்புகளை அமைத்து விட்டு ஒகே பட்டனைக் கிளிக் செய்தால் உங்களுக்கான Subscribe வசதி ஆக்டிவேட் செய்யப்படும். இதன் பின் உங்கள் செய்திகளைப் பின் தொடர நினைக்கும் நண்பர்கள் Subscribe பட்டனைக் கிளிக் செய்து கொண்டால் நீங்கள் பப்ளிக்காக வெளியிடும் செய்திகள் அவர்களுக்கு சென்று சேரும்.

அடுத்து நாம் அடுத்தவரின் Subscribe வசதியைக் கிளிக் செய்து சேரும் போதே எந்த மாதிரியான அப்டேட்கள் மட்டுமே வேண்டும் என முடிவு செய்து கொள்ளலாம்.
All Updates, Most Updates, Only Important போன்ற வகைகளில் எதேனும் ஒன்றை தேர்வு செய்யலாம். அதே போல அப்டேட் செய்யப்படும் செய்திகளைப் பொறுத்து ஃபேஸ்புக் வகைப்படுத்தியிருக்கிறது. Status, Photos, Comments, Activites, Likes போன்றவற்றில் வேண்டாதவற்றைத் தவிர்க்கலாம். அல்லது உங்களுக்குப் பிடித்தமானவற்றை வைத்துக் கொள்ளலாம். இந்த மாதிரி Subscribe Option களை விரும்பியவாறு தேர்வு செய்து கொள்வதன் மூலம் அடுத்தவர்களின் அத்தனை செய்திகளும் வராமல் கட்டுப்படுத்தலாம். பிடிக்கவில்லை என்றால் Unsubscribe செய்து கொள்ளுங்கள். கீழே உள்ள படத்தைப் பாருங்கள்.

ஏற்கனவே நமது நண்பர்களாக இருந்தவர்கள் Friend Subscriber களாகவும் இப்போது புதிதாக நம்மைத் தொடர்பவர்கள் Public Subscriber களாகவும் பேஸ்புக் பிரித்திருக்கிறது. நம்மைப் பின் தொடரும் Public Subscriber களின் பட்டியல் இங்கே சென்று பார்க்கலாம்.

இலவச மின்னிதழ் மாற்றி மென்பொருள் (Ebook Converter)

2011-09-23T23:13:00.010+05:30

மின்னிதழ் என்பது ஆங்கிலத்தில் e-book, ebook, electronic book, digital book என்றவாறு குறிப்பிடப்படுகிறது. சாதாரணமாக சொற்கள், படங்கள் போன்றவற்றால் இருக்கும் புத்தகத்தினை டிஜிட்டல் வடிவில் கணிணி அல்லது அதற்கென இருக்கும் டிஜிட்டல் கருவிகளில் படிக்கலாம். இதைப் படிக்கக்கூடியவாறு இருக்கும் டிஜிட்டல் கருவிகள் Ebook Readers/E-Readers என்று அழைக்கப்படுகின்றன. சிலவகையான மின்னிதழ்களை கணிணியிலும் மொபைல்களிலும் படிக்க இயலும்.

பெரும்பாலான மின்னிதழ்கள் அசல் புத்தகத்தை ஸ்கேன் செய்தே தயாரிக்கப்படுகின்றன. ஆனால் பல கருவிகளுக்காக மின்னிதழ்கள் பல்வேறான பார்மேட்டுகளில் உருவாக்கப்படுவதால் குறிப்பிட்ட ஒன்றில் மட்டுமே பயன்படுத்தக் கூடியதாக இருக்கின்றன. அமேசான் நிறுவனத்தின் Kindle Ebook reader மின்னிதழ் படிப்பான்களில் பிரபலமாக இருக்கிறது. இதற்கான மின்புத்தகங்கள் .azw என்ற பார்மேட்டில் உருவாக்கப்படுகிறது. Sony நிறுவனமும் மின்னிதழ் படிப்பான்களை வழங்கி வருகிறது.

(Amazon Kindle Ebook Reader)

EPUB / IDPF – இந்த வகையான மின்னிதழ்கள் பிரபலமான அதிகளவு பயன்படுத்தப்படும் ஒன்றாகும். இதனை Kobo eReader, Apple's iPhone, iPod Touch and iPad, Barnes and Noble Nook, Sony Reader, BeBook, Bookeen Cybook Gen3, COOL-ER, Adobe Digital Editions, Lexcycle Stanza, BookGlutton, AZARDI, FBReader, Aldiko and WordPlayer on Android, Freda on Windows Mobile and Windows Phone 7 போன்ற பெரும்பாலான கருவிகளில் படிக்கலாம். அமேசானின் கிண்டில் இதனை சப்போர்ட் செய்வதில்லை என்பது குறிப்பிடத்தக்கது.

Pdb – மற்றொரு பிரபல மின்னிதழ் வடிவமான இதனை iPhone, PalmOS, WebOS, Android, Symbian, BlackBerry, Windows Mobile போன்றவற்றில் பயன்படுத்த இயலும்.

PDF – Portable Document file இந்த வகையான மின்னிதழ்களை அதிகமாக கேள்விப்பட்டிருக்கலாம். இதனை கணிணி மற்றும் சில மொபைல்களும் சப்போர்ட் செய்கின்றன.
இதைப்போல பல வடிவங்களில் மின்னிதழ்கள் இணையத்தில் இருப்பதனால் அவற்றை குறிப்பிட்ட கருவிகளில் படிக்க முடியாமல் சிக்கல் ஏற்படலாம். இதற்காக இருக்கும் ஒரு இலவச மென்பொருள் தான் Hamster Ebook converter. இதன் மூலம் Apple devices, Sony, iRiver, Amazon, Kobo மற்றும் பிற eBook readers களில் தேவைப்படுகிற பார்மேட்டுக்கு எளிதாகவும் விரைவாகவும் மாற்றிக் கொள்ளலாம்.

இதில் குறிப்பிட்ட பார்மேட்டைத் தேர்வு செய்து உங்களுக்கு விருப்பமான கருவியைத் தேர்ந்தெடுத்தால் போதுமானது. இதிலேயே மற்ற மின்னிதழ் வடிவங்களிலிருந்து PDF,TXT கோப்பு வகைகளுக்கும் மாற்ற முடியும். இதனை இணையத்திலிருந்தால் மட்டுமே தரவிறக்க முடியும். (Online installer)

தரவிறக்கச்சுட்டி: http://ebook.hamstersoft.com/en/

தகவல் உதவி: http://en.wikipedia.org/wiki/E-book