https://www.prahaar.in Marathi News: Latest Marathi News, PrahaarNews Live, Marathi News Liveen-usnoMarathi News: Latest Marathi News, PrahaarNews Live, Marathi News Live https://www.prahaar.in/2026/10/21/thane-water-crisis-el-nino-tmc-ten-month-masterplan/ https://www.prahaar.in/2026/10/21/thane-water-crisis-el-nino-tmc-ten-month-masterplan/ Wed, 21 Oct 2026 22:04:02 -0400 ठाणे : एल निनोच्या संभाव्य परिणामांमुळे आगामी काळात पाणीटंचाईची परिस्थिती निर्माण होण्याची शक्यता लक्षात घेऊन ठाणे महानगरपालिकेने (TMC) पाणी व्यवस्थापनासाठी महत्त्वाचे पाऊल उचलले आहे. शहरातील पाण्याचा काटकसरीने वापर व्हावा आणि उपलब्ध पाणीसाठ्याचे योग्य नियोजन करता यावे, यासाठी महापालिकेने सुमारे 10 महिन्यांचा पाणी व्यवस्थापन आराखडा तयार करण्याची तयारी केली आहे. या नियोजनांतर्गत बांधकाम, वाहन धुलाई आणि उद्यानांच्या देखभालीसाठी पिण्याच्या पाण्याचा वापर रोखण्यावर भर देण्यात आला आहे. पाण्याचा अपव्यय रोखण्यासाठी महापालिकेची तयारी पाणीपुरवठ्यावरील संभाव्य ताण लक्षात घेऊन महापालिकेने पाण्याचा अपव्यय रोखणे, गळतीवर नियंत्रण मिळवणे आणि उपलब्ध पाण्याचे योग्य वितरण करणे यावर लक्ष केंद्रित केले आहे. शहरातील नागरिकांना नियमित पाणीपुरवठा करता यावा, यासाठी दीर्घकालीन नियोजन करण्याचे उद्दिष्ट आहे. बांधकामाच्या ठिकाणी तसेच वाहन धुण्यासाठी पिण्याचे पाणी वापरण्याऐवजी पर्यायी स्रोतांचा वापर करण्यावर भर दिला जाणार आहे. उद्यानांची देखभाल आणि इतर गैर-घरगुती कामांसाठीही प्रक्रिया केलेल्या पाण्याचा वापर करण्याचे नियोजन आहे. मोठ्या प्रकल्पांना प्रक्रिया केलेले पाणी मेट्रो, उन्नत मार्ग आणि किनारी रस्त्यांसारख्या मोठ्या पायाभूत सुविधा प्रकल्पांमध्ये पाण्याची मोठ्या प्रमाणावर गरज असते. अशा प्रकल्पांसाठी पिण्याच्या पाण्याचा वापर कमी करून सांडपाणी प्रक्रिया केंद्रांमधून उपलब्ध होणारे प्रक्रिया केलेले पाणी वापरण्याचे निर्देश देण्यात आले आहेत. त्यामुळे पिण्याच्या पाण्यावरील अतिरिक्त ताण कमी करण्यास मदत होऊ शकते. https://www.prahaar.in/2026/10/19/milk-price-reached-100-rupees-per-litre-in-bhiwandi-rising-fodder-costs-have-left-cattle-shed-owners-in-a-difficult-situation/ टँकरवर GPSद्वारे देखरेख पाणी वितरण व्यवस्थेत पारदर्शकता आणण्यासाठी महापालिकेच्या टँकरना GPS प्रणाली जोडण्याची आणि ऑनलाइन नोंदणी व लॉगबुक व्यवस्था विकसित करण्याची योजना आहे. यामुळे टँकरच्या हालचालींवर लक्ष ठेवणे आणि पाणी वितरणाचा हिशेब राखणे अधिक सोपे होईल. सार्वजनिक विहिरींचा वापर वाढवण्यावर भर ठाणे महापालिका क्षेत्रातील 350 सार्वजनिक विहिरींपैकी 202 विहिरी वापरासाठी योग्य असल्याची माहिती समोर आली आहे. या विहिरींचा योग्य वापर करून शहरातील पाण्याच्या पर्यायी स्रोतांना चालना देण्याचा प्रयत्न केला जाऊ शकतो. एल निनोमुळे पावसाच्या स्थितीवर परिणाम होण्याची शक्यता लक्षात घेता, पाण्याचा जबाबदारीने वापर करणे महत्त्वाचे ठरणार आहे. महापालिकेच्या नियोजनाची अंमलबजावणी आणि नागरिकांचा सहभाग यावर ठाणे शहरातील पाणी व्यवस्थापनाचे यश अवलंबून असेल. https://www.prahaar.in/2026/10/21/mumbai-fire-brigade-emergency-alternative-contact-numbers/ https://www.prahaar.in/2026/10/21/mumbai-fire-brigade-emergency-alternative-contact-numbers/ Wed, 21 Oct 2026 21:39:12 -0400 मुंबई (विशेष प्रतिनिधी) : मुंबईतील नागरिकांना आग, इमारत कोसळणे, अपघात, झाडे उन्मळून पडणे, पाण्यात बुडण्याच्या घटना तसेच अन्य आपत्कालीन परिस्थितीत तातडीने मदत मिळावी, यासाठी मुंबई महानगरपालिकेच्या मुंबई अग्निशमन दलाने १०१ या आपत्कालीन दूरध्वनी क्रमांकासह पाच पर्यायी भ्रमणध्वनी क्रमांक उपलब्ध करून दिले आहेत. दूरध्वनी सेवेतील संभाव्य तांत्रिक बिघाडामुळे आपत्कालीन मदतकार्यात अडथळा निर्माण होऊ नये, या उद्देशाने ही पर्यायी व्यवस्था करण्यात आली आहे. नागरिकांसाठी उपलब्ध करून देण्यात आलेले पर्यायी भ्रमणध्वनी क्रमांक ९०७६३३३१०१, ९०७६३३३१०२, ९०७६३३३१०३, ९०७६३३३१०४ आणि ९०७६३३३१०५ याप्रमाणे आहेत. मुंबई अग्निशमन दलाचा १०१ हा आपत्कालीन दूरध्वनी क्रमांक महानगर टेलिफोन निगम लिमिटेड (एमटीएनएल) यांच्या माध्यमातून उपलब्ध करून देण्यात आला आहे. तरीही, या सेवेतील वारंवार उद्भवणारे तांत्रिक बिघाड आणि दुरुस्तीसाठी मनुष्यबळाच्या कमतरतेमुळे सेवा खंडित होण्याची शक्यता असते. अशा वेळी नागरिकांना अग्निशमन दलाशी संपर्क साधण्यात अडचण येऊ नये आणि आपत्कालीन सेवेला विलंब होऊ नये, यासाठी ही पर्यायी संपर्क व्यवस्था सुरू करण्यात आली आहे. या पर्यायी भ्रमणध्वनी क्रमांकांचा वापर करून मुंबई अग्निशमन दलाशी संपर्क साधता साधावा, असे आवाहन मुंबई महानगरपालिकेच्या मुंबई अग्निशमन दलाकडून करण्यात आले आहे. https://www.prahaar.in/2026/10/21/mumbai-three-new-flyovers-inauguration-traffic-relief/ अग्निशमन दलाच्या नियंत्रण कक्षामध्ये १०१ च्या दूरध्वनी क्रमांकाशिवाय अन्य कोणताही पर्याय उपलब्ध नसल्यामुळे इतर कामाकाजाकरिता १०१ च्या दूरध्वनी सेवेचा वापर करावा लागतो. परंतु कोणत्याही मोठ्या दुर्घटनेच्या वेळी १०१ क्रमांक निरंतर चालू राहिल्यास अन्य दुरध्वनी कामांच्या सेवेमध्ये खंड पडतो. मुंबई अग्निशमन दलाच्या मुख्य नियंत्रण कक्षात दरवर्षी १५ हजारांहून अधिक आपत्कालीन दूरध्वनी प्राप्त होतात. आगीच्या घटनांबरोबरच इमारत कोसळणे, वाहनांचे अपघात, प्राणी किंवा पक्षी अडकणे, समुद्रात अथवा तलावात व्यक्ती बुडणे, झाडे कोसळणे आणि रस्त्यावर तेल सांडणे अशा विविध घटनांमध्ये अग्निशमन दलामार्फत तातडीने प्रतिसाद दिला जातो. त्यामुळे आपत्कालीन संपर्क व्यवस्था अखंडित राहणे अत्यंत महत्त्वाचे आहे. मुंबईतील नागरिकांच्या जीविताचे आणि मालमत्तेचे आगीपासून तसेच अन्य आपत्तींपासून संरक्षण करण्याची जबाबदारी मुंबई अग्निशमन दल पार पाडते. सध्या दलाची ३५ अग्निशमन केंद्रे, भायखळा येथे मुख्य नियंत्रण कक्ष, भायखळा, वडाळा, मरोळ, बोरिवली, मानखुर्द आणि विक्रोळी येथे सहा प्रादेशिक समादेश केंद्रे, १९ लघु अग्निशमन केंद्रे आणि २२ जलद प्रतिसाद वाहने कार्यरत आहेत. https://www.prahaar.in/2026/10/21/mumbai-three-new-flyovers-inauguration-traffic-relief/ https://www.prahaar.in/2026/10/21/mumbai-three-new-flyovers-inauguration-traffic-relief/ Wed, 21 Oct 2026 21:30:17 -0400 मुंबई (विशेष प्रतिनिधी) : मुंबईच्या वाहतूक व्यवस्थेला अधिक सक्षम करण्याच्या दृष्टीने मुंबईच्या महानगरपालिकेमार्फत उभारण्यात आलेल्या शीव रेल्वे स्थानकाजवळील रेल्वे उड्डाणपूल, विद्याविहार रेल्वे स्थानकाजवळील रेल्वे उड्डाणपूल आणि गोरेगाव - मुलुंड जोड मार्गावरील उड्डाणपुलाचे लोकार्पण मुख्यमंत्री देवेंद्र फडणवीस यांच्या शुभहस्ते व उपमुख्यमंत्री एकनाथ शिंदे, उपमुख्यमंत्री सुनेत्राताई अजित पवार यांच्‍या प्रमुख उपस्थितीत गुरुवार, दिनांक २२ ऑक्टोबर २०२६ रोजी दुपारी १ वाजता दृकश्राव्य (व्हर्च्युअल) पद्धतीने करण्यात येणार आहे. मुंबईच्या महापौर रितू तावडे कार्यक्रमाच्‍या अध्‍यक्षस्‍थानी असतील. या कार्यक्रमाचे थेट प्रक्षेपण संबंधित उड्डाणपुलांच्या ठिकाणी करण्यात येणार आहे. या सोहळ्यास कौशल्य विकास, रोजगार, उद्योजकता व नाविन्यता मंत्री तथा मुंबई उपनगरे जिल्ह्याचे सहपालकमंत्री मंगल प्रभात लोढा, इलेक्ट्रॉनिक्स, माहिती तंत्रज्ञान, कृत्रिम बुद्धिमत्ता विभाग तसेच सांस्कृतिक कार्य विभागाचे मंत्री आणि मुंबई उपनगर जिल्ह्याचे पालकमंत्री ॲड. आशिष शेलार, तसेच उपमहापौर संजय घाडी हे सन्माननीय अतिथी म्हणून उपस्थित राहणार आहेत.स्‍थानिक नगरसेवक शजगदीश मकुन्‍ननी थैईवालापिल, नगरसेविका साजिदा बाबू खान, नगरसेविका आशा काळे, नगरसेविका राजेश्री शिरवडकर, नगरसेवक धर्मेश गिरी, नगरसेविका प्रीती सातम हेही यावेळी उपस्थित असतील. शीव रेल्वे स्थानकाजवळील रेल्वे उड्डाणपूल प्रकल्पाची संक्षिप्त माहिती मुंबई शहरी वाहतूक प्रकल्प अंतर्गत मध्य रेल्वे मार्फत छत्रपती शिवाजी महाराज टर्मिनस (सीएसएमटी) - कुर्ला दरम्यान दोन अतिरिक्त रेल्वे मार्गिका (५ वी व ६वी) टाकण्याचे नियोजित आहे. या मार्गिकांसाठी जागा उपलब्ध करण्यासाठी शीव स्थानकाजवळच्या रेल्वेवरील पुलाची पुनर्बांधणी काम रेल्वेच्या आवश्यकतेनुसार हाती घेण्यात आले. तसेच, ११२ वर्षे जुना पूल असुरक्षित ठरविण्यात आल्‍याने पुलाची पुनर्बांधणी करणे आवश्यक झाले. हा पूल पश्चिम बाजूच्या धारावी, वांद्रे, वांद्रे कुर्ला संकुल, कुर्ला तसेच पूर्वबाजूच्या डॉ. बाबासाहेब आंबेडकर मार्ग व पुर्व द्रुतगती मार्ग यांना जोडणारा महत्त्वाचा पूर्व - पश्चिम दुवा आहे. पुलाची पुनर्बांधणी झाल्यामुळे अत्यंत वर्दळीचा जोडमार्ग सुरक्षितरित्या पुनर्स्थापित होणार आहे. या पुलाचे काम हे फेब्रुवारी २०२७ मध्ये पूर्ण करणे अपेक्षित होते. मात्र, या पुलाच्या कामात, उपयोगिता वाहिन्या, जलवाहिन्या यांचे स्थानांतर करणे, बाधित वृक्ष, सार्वजनिक स्वछतागृहांचे स्थानांतर व पुनर्बांधणी अशा अडचणी असून देखील पुलाचे काम चार महिने अगोदर पूर्ण करण्यात आले आहे. https://www.prahaar.in/2026/10/21/eknath-shinde-manoj-jarange-500-crore-allegation/ विद्याविहार पूर्व व पश्चिम यांना जोडणाऱ्या उड्डाणपुलाची संक्षिप्त माहिती बृहन्मुंबई महानगरपालिकेच्या ‘एन’ विभागाच्या हद्दीत, घाटकोपर परिसरात पूर्वेकडील रामचंद्र चेंबूरकर मार्ग आणि पश्चिमेकडील लालबहादूर शास्त्री मार्ग यांना जोडण्यासाठी विद्याविहार रेल्वे स्थानकाच्या रुळांवरून जाणारा उड्डाणपूल महानगरपालिकेच्या पूल विभागाच्या वतीने उभारण्यात आला आहे. यामुळे प्रवासाचा वेळ ३० मिनिटांवरून १० मिनिटांपर्यंत कमी होणार असून घाटकोपर स्‍थानकाजवळील उड्डाणपुलावरील वाहतूकही कमी होणार आहे. गोरेगाव - मुलुंड जोड मार्गवरील उड्डाणपूल प्रकल्पाची संक्षिप्त माहिती बृहन्मुंबई महानगरपालिकेमार्फत गोरेगाव - मुलुंड जोडरस्ता प्रकल्पाची अंमलबजावणी करण्यात येत आहे. या प्रकल्पाचा मुख्य उद्देश पूर्व द्रुतगती महामार्गाची पश्चिम द्रुतगती महामार्गाशी जोडणी करून पूर्व व पश्चिम उपनगरांदरम्यानची वाहतूक अधिक सुलभ व सुरळीत करणे हा आहे. या प्रकल्पामुळे परिसरातील वाहतूक कोंडीची समस्या मोठ्या प्रमाणात कमी होण्यास मदत होणार आहे. 0 अंतर्गत गोरेगाव पूर्व येथील रत्नागिरी हॉटेलजवळील जंक्शनवर १.२६ किलोमीटर लांबीचा ३ × ३ मार्गिकेचा उड्डाणपूल उभारण्‍यात आला आहे. गोरेगाव (पूर्व) येथील, जनरल अरुणकुमार वैदय मार्ग ते दादासाहेब फाळके चित्रनगरी मार्गावरील संतोष नगर पर्यंतच्या उड्डाणपुलाचे बांधकाम पूर्ण झाले आहे. या उड्डाणपुलामुळे, गोरेगाव - मुलुंड जोडरस्त्यांतर्गत जुळ्या बोगद्यांद्वारे पूर्व व पश्चिम उपनगरांदरम्यान जोडणी तसेच जनरल अरुणकुमार वैदय मार्ग, दिंडोशी न्यायालय, हॉटेल रत्नागिरी जंक्शन, वालभट नदी चौक तसेच लगतच्या परिसरातील वाहतूक कोंडीची समस्या मोठ्या प्रमाणात कमी होण्यास मदत होणार आहे. https://www.prahaar.in/2026/10/21/france-mirage-2000d-fighter-jet-crash/ https://www.prahaar.in/2026/10/21/france-mirage-2000d-fighter-jet-crash/ Wed, 21 Oct 2026 21:14:44 -0400 पॅरिस: फ्रान्सच्या पूर्वेकडील भागात हवाई तळावर उतरण्याच्या तयारीत असताना ‘मिराज 2000 डी’ हे लढाऊ विमान कोसळल्याची धक्कादायक घटना घडली आहे. रात्रीच्या प्रशिक्षण मोहिमेदरम्यान झालेल्या या भीषण दुर्घटनेत एका कर्मचाऱ्याचा मृत्यू झाला असून, दुसरा कर्मचारी अद्याप बेपत्ता आहे. या घटनेमुळे फ्रान्सच्या हवाई दलात मोठी खळबळ उडाली असून, प्रतिकूल हवामानातही शोधमोहीम वेगाने सुरू आहे. दुर्घटना नेमकी कशी घडली? मंगळवारी, 20 ऑक्टोबर रोजी उशिरा संध्याकाळी हे लढाऊ विमान आपली रात्रीची प्रशिक्षण मोहीम पूर्ण करून हवाई तळाकडे परतत होते. नॅन्सी-ओशे हवाई तळाच्या सुमारे 18 किलोमीटर वायव्येला असलेल्या रोगेव्हिल परिसरातील जंगल भागात विमान अचानक कोसळले. फ्रान्सच्या सशस्त्र दलांनी एका कर्मचाऱ्याचा मृतदेह सापडल्याची दुर्दैवी पुष्टी केली आहे. फ्रान्सच्या हवाई आणि अवकाश दलाने अधिकृत निवेदनाद्वारे या अपघाताच्या उच्चस्तरीय तपासाची माहिती दिली आहे. https://www.prahaar.in/2026/10/21/pok-protest-inflation-mass-movement-pakistan-tension/ अनुभवी सैनिक आणि तरुण वैमानिकाची जोडी स्थानिक अधिकारी यवेस सेगुई यांनी दिलेल्या माहितीनुसार, ज्या जंगल परिसरात विमान कोसळले, तेथे अत्यंत प्रतिकूल हवामान होते. असे असतानाही बचाव पथकांनी रात्रभर शोधमोहीम राबवली. हे विमान जवळच असलेल्या 133व्या नॅन्सी-ओशे हवाई तळावरील होते. नॅन्सी-ओशे हवाई तळाचे कमांडंट कर्नल लुडोविक हम्बर्ट यांनी स्पष्ट केले की, विमानातील ‘शस्त्र प्रणाली अधिकारी’ हा अत्यंत अनुभवी सैनिक होता आणि तो एका तरुण वैमानिकासोबत उड्डाण करत होता. या भीषण दुर्घटनेचे नेमके कारण शोधण्यासाठी प्रशासनाने कसून तपास सुरू केला आहे. ‘मिराज 2000 डी’ विमानाची ओळख ‘मिराज 2000 डी’ हे दोन आसनी लढाऊ विमान असून, त्याची रचना प्रामुख्याने जमिनीवरील लक्ष्यांवर अचूक हल्ले करण्यासाठी करण्यात आली आहे. फ्रान्सच्या सशस्त्र दल मंत्रालयाच्या माहितीनुसार, हे विमान अतिशय गुंतागुंतीच्या आणि कठीण परिस्थितीतही प्रभावीपणे कार्य करू शकते. पारंपरिक हवाई मोहिमा तसेच लष्करी सामर्थ्याचे प्रदर्शन करणाऱ्या महत्त्वाच्या मोहिमाही हे विमान यशस्वीपणे पार पाडण्यास सक्षम आहे. या अपघातामुळे अशा अत्याधुनिक विमानांच्या सुरक्षेबाबत पुन्हा एकदा प्रश्नचिन्ह उपस्थित झाले आहेत. https://www.prahaar.in/2026/10/21/ind-vs-nz-1st-t20-live-streaming-where-can-you-watch-the-india-vs-new-zealand-t20-series-get-all-the-details-here/ https://www.prahaar.in/2026/10/21/ind-vs-nz-1st-t20-live-streaming-where-can-you-watch-the-india-vs-new-zealand-t20-series-get-all-the-details-here/ Wed, 21 Oct 2026 21:01:13 -0400 भारत आणि न्यूझीलंड यांच्यातील पाच सामन्यांची टी20 मालिका 22 ऑक्टोबरपासून होत आहे. या मालिकेसाठी भारतीय संघ सज्ज झाला असून जोरदार सराव करत आहे. मात्र हा दौरा वाटतो तितका सोपा नाही. कारण भारतीय संघाचा टी20 मालिकेत कस लागणार आहे. तसा पाहिलं तर भारतीय संघाचा न्यूझीलंडमधील टी20 रेकॉर्ड चांगला आहे. मात्र सध्याच्या संघात न्यूझीलंडमध्ये खेळण्याचा अनुभव असलेले खेळाडू फार कमी आहेत. त्यामुळे भारतीय संघाची परीक्षा असणार आहे. श्रेयस अय्यरच्या नेतृत्वात भारतीय संघ मैदानात उतरणार आहे. पण तिथली वेळ आणि तिथलं वातावरण पाहता भारतीय खेळाडूंसाठी कठीण पेपर असेल. भारत आणि न्यूझीलंड यांच्यातील पहिला टी20 सामना कुठे आहे. कोणत्या मैदानात आणि कुठे हा सामना पाहता येईल? सर्वकाही जाणून घ्या भारत आणि न्यूझीलंड पहिला टी20 सामना कधी? भारत आणि न्यूझीलंड यांच्यातील पहिला टी20 सामना 22 ऑक्टोर 2026 रोजी खेळवला जाणार आहे. पाच सामन्यांच्या टी20 मालिका असून या मालिकेची सांगता 1 नोव्हेंबरला होणार आहे. त्यामुळे पहिल्या सामन्यात कोण आघाडी घेणार? याकडे लक्ष आहे. पहिला टी20 सामना कुठे खेळला जाणार? भारत आणि न्यूझीलंड यांच्यातील पहिला टी20 सामना न्यूझीलंडमधील क्राइस्टचर्च येथील हॅगली ओव्हल या मैदानात खेळला जाणार आहे. या मैदानातील खेळपट्टी वेगवान गोलंदाजांना मदत करणारी आहे. त्यामुळे भुवनेश्वर कुमारच्या कामगिरीकडे लक्ष असेल. https://www.prahaar.in/2026/10/21/will-rohit-and-virat-play-in-the-2027-odi-world-cup-or-not-bcci-president-first-reaction-emerges/ भारत न्यूझीलंड सामना किती वाजता सुरू होईल? भारत आणि न्यूझीलंड यांच्यातील पहिला टी20 सामन्या स्थानिक वेळेनुसार रात्री 8 वाजता असेल. पण भारतीय वेळेनुसार दुपारी 12.30 वाजता सामन्याला सुरूवात होईल. तर नाणेफेकीचा कौल हा दुपारी 12 वाजता होईल. भारत न्यूझीलंड सामना कुठे पाहता येईल? भारत न्यूझीलंड पहिल्या टी20 सामन्याचे थेट प्रक्षेपण सोनी स्पोर्ट्स नेटवर्कच्या टीव्ही चॅनेल्सवर होईल. याशिवाय ऑनलाईन प्रक्षेपण सोनी लिव्ह एप आणि वेबसाईटवर असेल. भारत आणि न्यूझीलंड संघ भारतीय टी 20 संघ : श्रेयस अय्यर (कर्णधार), अभिषेक शर्मा, संजू सॅमसन (विकेटकीपर), वैभव सूर्यवंशी, इशान किशन (विकेटकीपर), तिलक वर्मा (उपकर्णधार), अक्षर पटेल, शिवम दुबे, नितीश कुमार रेड्डी, नमन धीर, प्रिन्स यादव, मयंक यादव, अर्शदीप सिंग, भुवनेश्वर कुमार, वरुण चक्रवर्ती, कुलदीप यादव. न्यूझीलंड टी 20 संघ : मिचेल सँटनर (कर्णधार), फिन ऍलन (विकेटकीपर), मायकल ब्रेसवेल, जोश क्लार्कसन, डेव्हॉन कॉनवे, जेकब डफी, लॉकी फर्ग्युसन, मॅट हेन्री, बेव्हॉन जेकब्स, काईल जेमिसन, ऍडम मिल्ने, डॅरिल मिचेल, ग्लेन फिलिप्स, टिम सेफर्ट (विकेटकीपर), नॅथन स्मिथ, ब्लेअर टिकनर. https://www.prahaar.in/2026/10/21/sbi-posts-statement-regarding-data-leak-assures-that-funds-in-accounts-are-safe/ https://www.prahaar.in/2026/10/21/sbi-posts-statement-regarding-data-leak-assures-that-funds-in-accounts-are-safe/ Wed, 21 Oct 2026 20:43:29 -0400 स्टेट बँक ऑफ इंडिया (SBI) च्या ३,८९७ ग्राहकांची वैयक्तिक माहिती डार्क वेबवर उघड झाल्याचा संशय व्यक्त करण्यात आला असून बँकेने या प्रकरणाच्या सखोल चौकशीचे आदेश दिले आहेत. डिफेन्स सायबर एजन्सी आणि सायबर सुरक्षा संस्था CERT-In कडून १६ ऑक्टोबर रोजी मिळालेल्या अलर्टनंतर ही कारवाई सुरू करण्यात आली आहे. डार्क वेबवर उपलब्ध असलेल्या सुमारे ३.७५ लाख नोंदींच्या प्राथमिक विश्लेषणातून ३,८९७ ग्राहकांची वैयक्तिक व संवेदनशील माहिती लीक झाल्याचे समोर आले आहे. यात ग्राहकांची नावे, नोंदणीकृत मोबाईल क्रमांक, जन्मतारीख, पत्ता, ई-मेल आयडी आणि लिंग यांसारख्या माहितीचा समावेश आहे. यासोबतच बँकेचे शाखा आयडी, कस्टमर इन्फॉर्मेशन फाईल (CIF) नंबर, लीड आयडी आणि कर्जाशी संबंधित मेटाडेटा व इतर फायलींशी जोडलेली माहिती लीक झाली आहे. एसबीआयने त्वरित सायबर इन्सिडेंट रिस्पॉन्स आणि कंटेनमेंट प्रोटोकॉल सक्रिय केले आहेत. घटनेची व्याप्ती आणि संभाव्य धोके तपासण्यासाठी CERT-In कडे नोंदणीकृत असलेल्या एका स्वतंत्र सायबर सुरक्षा संस्थेची मदत घेतली जात आहे. या घटनेचा बँकेच्या मूळ कामकाजावर किंवा आर्थिक कामगिरीवर कोणताही नकारात्मक परिणाम झालेला नाही. बँकेच्या सर्व सेवा नेहमीप्रमाणे सुरळीत सुरू असल्याचे स्पष्ट करण्यात आले आहे. यासंदर्भात एसबीआयने स्वतः ट्विट करत ग्राहकांना माहिती दिली आहे. एसबीआयने म्हटले आहे की, 'डेटा लीकशी संबंधित अलीकडील सायबर घटनेबाबत, आम्ही आपणास कळवू इच्छितो की, या घटनेचा परिणाम अत्यंत अल्प संख्येतील ग्राहकांवर झाला आहे. आम्ही आपणास खात्री देतो की, याचा बँकेच्या आयटी (IT) प्रणालीवर, मुख्य व्यावसायिक कामकाजावर, आर्थिक कामगिरीवर किंवा व्यवसायाच्या सातत्यावर कोणताही महत्त्वपूर्ण परिणाम झालेला नाही. ग्राहकांची खात्यातील शिल्लक रक्कम पूर्णपणे सुरक्षित आहे आणि आमच्या मौल्यवान ग्राहकांच्या हिताचे रक्षण करण्यासाठी आम्ही सर्व आवश्यक पावले उचलत आहोत. आम्ही पुन्हा एकदा स्पष्ट करतो की, आमच्या ग्राहकांची आर्थिक मालमत्ता आणि डेटाची सुरक्षा, तसेच आमच्यावरील त्यांचा विश्वास, हे आमच्यासाठी सर्वोच्च प्राधान्याचे विषय आहेत.' https://t.co/J7aDscxFHZ — State Bank of India (@TheOfficialSBI) October 21, 2026 CERT-In चा AI सायबर धोक्यांबाबत इशारा CERT-In ने 'AI Agents as Attack Vectors' (CIAD-2026-0049) या नावाने 'क्रिटिकल' दर्जाची सुरक्षा सल्लागार सूचना जारी केली आहे. संशोधन आणि चाचणीच्या टप्प्यात असलेल्या ऑटोनॉमस एआय (AI) मॉडेल्सनी निश्चित मर्यादेचे उल्लंघन करून भारतीय संस्थांच्या थेट प्रणालींमध्ये (Live Systems) अनधिकृत प्रवेश मिळवला. उघड्या राहिलेल्या क्रेडेंशियल्स आणि क्लाउड कॉन्फिगरेशन्सचा गैरवापर करून या AI एजंट्सनी व्यावसायिक व वैयक्तिक नोंदी वाचल्या आहेत. eMudhra Ltd या प्रमाणन प्राधिकरणाच्या पब्लिक की इन्फ्रास्ट्रक्चरमधील आठ इंटरमीडिएट सर्टिफिकेट्सच्या प्रायव्हेट की कमजोर एन्क्रिप्शनमुळे लीक झाल्याचे CERT-In ने नमूद केले आहे. यामुळे बनावट डिजिटल प्रमाणपत्रे तयार करून 'मॅन-इन-द-मिडल' (MitM) हल्ले किंवा डेटा फेरफार होण्याचा धोका निर्माण झाला आहे. एसबीआय आणि संबंधित संस्था या संपूर्ण परिस्थितीवर बारीक लक्ष ठेवून असून ग्राहकांच्या सुरक्षेसाठी आवश्यक त्या सर्व कायदेशीर व तांत्रिक उपाययोजना करत आहेत. https://www.prahaar.in/2026/10/21/sachin-ahir-mumbai-cluster-redevelopment-proposals-directive/ https://www.prahaar.in/2026/10/21/sachin-ahir-mumbai-cluster-redevelopment-proposals-directive/ Wed, 21 Oct 2026 20:30:31 -0400 मुंबई: मुंबईतील जुन्या व जीर्ण इमारतींचा समूह पुनर्विकास करून रहिवाशांना सुरक्षित आणि दर्जेदार निवारा उपलब्ध करून देण्याच्या दृष्टीने, विधानपरिषद उपसभापती सचिन अहिर यांनी विविध भागांतील पुनर्विकास प्रस्तावांचा सविस्तर आढावा घेतला आहे. रहिवाशांचे व्यापक हित डोळ्यासमोर ठेवून हे सर्व प्रस्ताव विहित वेळेत आणि गतीने मार्गी लावावेत, असे स्पष्ट निर्देश त्यांनी संबंधित अधिकाऱ्यांना दिले आहेत. विधानभवन येथे उपसभापती सचिन अहिर यांच्या अध्यक्षतेखाली मुंबईतील विविध भागांतील इमारतींच्या समूह पुनर्विकासाबाबत उच्चस्तरीय बैठक पार पडली. या बैठकीत परळ-प्रभादेवी, उमरखाडी, सातरस्ता-जेकब सर्कल, धोबी घाट आणि पिंपळेश्वर परिसरातील प्रस्तावांवर सखोल चर्चा झाली. बैठकीत प्रामुख्याने चर्चेत आलेले महत्त्वाचे प्रस्ताव: सातरस्ता-जेकब सर्कल परिसर: विठ्ठल निवास, लक्ष्मीपती बिल्डिंग, मस्जिद चाळ, रंगवाला बिल्डिंग, झोयेब हाऊस, इस्लामिक बिल्डिंग, वसंत भवन लॉज, साई सागर, आगाखान बिल्डिंग, तयब बिल्डिंग आणि म्हाडाच्या इमारतींच्या समूह पुनर्विकासावर चर्चा करण्यात आली. हा प्रस्ताव पुढे नेण्यासाठी सर्व यंत्रणांनी प्रभावी समन्वय साधण्याच्या सूचना देण्यात आल्या. उमरखाडी परिसर: म्हाडाच्या ८१ इमारती आणि परिसरातील खासगी इमारतींच्या समूह पुनर्विकासाचा मुद्दा बैठकीत ऐरणीवर आला. यावेळी 'उमरखाडी पुनर्वसन समिती'च्या प्रतिनिधींनी मांडलेल्या विविध मुद्द्यांची व अडचणींची गंभीर दखल घेण्यात आली. परळ-प्रभादेवी: जगन्नाथ भातणकर मार्गावर रस्तारुंदीमुळे बाधित झालेल्या १९ इमारतींच्या समूह पुनर्विकास योजनेच्या अंमलबजावणीबाबत सविस्तर खल करण्यात आला. इतर परिसर: पिंपळेश्वर, इराणी चाळ, वाणी चाळ तसेच धोबी घाट परिसरातील विविध इमारतींच्या पुनर्विकासाचा आढावाही घेण्यात आला. https://www.prahaar.in/2026/10/21/eknath-shinde-manoj-jarange-500-crore-allegation/ रहिवाशांशी थेट संवाद आणि प्रशासकीय समन्वय या बैठकीत संबंधित इमारतींच्या प्रमुख पदाधिकाऱ्यांनी व रहिवाशांनी पुनर्विकासासंदर्भातील आपल्या अपेक्षा, अडचणी आणि प्रश्न मांडले. उपसभापती सचिन अहिर यांनी रहिवाशांचे म्हणणे अत्यंत आस्थेने ऐकून घेत म्हाडा आणि इतर संबंधित विभागांच्या अधिकाऱ्यांची बाजूही जाणून घेतली. विविध भागांतील पुनर्विकासाचे प्रस्ताव मार्गी लावताना रहिवाशांचे हित, विभागांच्या भूमिका आणि आवश्यक प्रशासकीय कार्यवाही यात योग्य समन्वय साधणे अत्यंत महत्त्वाचे असल्याचे त्यांनी यावेळी सांगितले. या महत्त्वपूर्ण बैठकीस म्हाडाच्या मुंबई इमारत दुरुस्ती व पुनर्रचना मंडळाचे मुख्य अधिकारी मिलिंद शंभरकर, एमएमआरडीए तसेच संबंधित विभागांचे वरिष्ठ अधिकारी आणि समूह पुनर्विकासासाठी प्रस्तावित इमारतींचे रहिवासी व पदाधिकारी मोठ्या संख्येने उपस्थित होते. https://www.prahaar.in/2026/10/21/fda-raids-festive-season-adulterated-food-seizure/ https://www.prahaar.in/2026/10/21/fda-raids-festive-season-adulterated-food-seizure/ Wed, 21 Oct 2026 20:19:24 -0400 मुंबई: सणासुदीच्या पार्श्वभूमीवर नागरिकांच्या आरोग्याशी खेळणाऱ्या अन्नपदार्थ विक्रेत्यांवर अन्न व औषध प्रशासनाने (FDA) राज्यव्यापी धडक मोहीम राबवली आहे. १६ ते २१ ऑक्टोबर २०२६ या कालावधीत राज्यभरात करण्यात आलेल्या या विशेष तपासणी मोहिमेत सुमारे १३.११ कोटी रुपयांचा भेसळयुक्त, निकृष्ट दर्जाचा आणि असुरक्षित अन्नसाठा जप्त करण्यात आला आहे. यात ३२,०६१ लिटर खाद्यतेल आणि ३७,१२८ किलो इतर अन्नपदार्थांचा समावेश असून अनेक ठिकाणी गुन्हे दाखल करण्यात आले आहेत. विभागांनुसार केलेली कारवाई आणि जप्त मुद्देमाल: कोकण विभाग (भिवंडी): भिवंडीतील मे. विराज एन्टरप्रायजेस येथे अन्न व औषध प्रशासनाने मोठी कारवाई केली. तपासणीत 'पोमास ऑइल' (Pomace Olive Oil) म्हणून विकले जाणारे तेल पूर्णतः शेंगदाणा तेल असल्याचे निष्पन्न झाले. या कारवाईत ११,७७९ लिटर खाद्यतेल आणि २,८५० किलो चहा असा एकूण ११ कोटी २७ लाख रुपयांपेक्षा अधिक किंमतीचा साठा जप्त करण्यात आला. छत्रपती संभाजीनगर विभाग: या विभागात खाद्यतेल, शेव-फरसाण, खवा, पेढे, कलाकंद, तूप आणि बेकरी उत्पादनांसह एकूण ३३,९४० किलो साठा जप्त करण्यात आला, ज्याची किंमत १८७.५२ लाख रुपये आहे. यात धाराशिव, परभणी, जालना आणि बीड परिसरातील विविध आस्थापनांचा समावेश आहे. पुणे विभाग: बावधन, कसबा पेठ आणि बिबवेवाडी परिसरात अयोग्य तापमानात साठवणूक व विक्री केल्याप्रकरणी ९,००० किलो पनीर आणि ४४० किलो खवा जप्त करण्यात आला. तसेच पौड रोडवरील M/s Suryam Enterprises मधून ९,८८८ लिटर खाद्यतेल आणि मार्केट यार्डमधून इतर अन्नपदार्थ जप्त करण्यात आले. नागपूर विभाग: नागपूर आणि चंद्रपूर जिल्ह्यात केलेल्या कारवाईत १,०७८.४० लिटर खाद्यतेल आणि ४९ किलो खवा जप्त करण्यात आला. या दोन्ही कारवायांमध्ये एकूण १२,००,७७१ रुपयांचा मुद्देमाल जप्त करण्यात आला. नाशिक विभाग (अहिल्यानगर): श्रीगोंदा तालुक्यातील पेडगाव येथील मे. चैतन्य किराणा हार्डवेअरमधून ८७ किलो भगर निकृष्ट दर्जाची व भेसळयुक्त असल्याच्या संशयावरून जप्त करण्यात आली. https://www.prahaar.in/2026/10/21/after-curbing-the-practice-of-borrowing-staff-for-appointments-fixed-tenure-posts-are-now-being-approved-in-ministerial-offices/ प्रतिबंधित पानमसाला व तंबाखूवर मोठी कारवाई जालना आणि मुंबईत विनापरवाना व प्रतिबंधित पानमसाला-सुगंधित तंबाखूविरोधात मोठी कारवाई करण्यात आली. जालना येथे महसूल व गुप्त माहितीच्या आधारे पाठलाग करून एका आयशर वाहनातून १५३.२५ लाख रुपयांचा प्रतिबंधित पानमसाला जप्त करण्यात आला. वाहन आणि इतर उपकरणांसह एकूण १८३.३५ लाखांचा मुद्देमाल जप्त करण्यात आला. तसेच मुंबईत एका टेम्पोमधून १७ लाखांहून अधिकचा प्रतिबंधित साठा जप्त करून एका आरोपीविरुद्ध एमआयडीसी पोलीस ठाण्यात गुन्हा दाखल करण्यात आला आहे. मुंबईत रंगाचे वेफर्स जप्त आणि ४ आस्थापनांचे परवाने निलंबित कांदिवली कारवाई: कांदिवली पूर्व व पश्चिम परिसरात केलेल्या छाप्यात कृत्रिम रंग मिसळलेले बटाटा वेफर्स, केळी वेफर्स, शेव, जिलेबी आणि महाराजा हलवा जप्त करून जागीच नष्ट करण्यात आला. परवाने निलंबन: मुंबईतील निकृष्ट व अस्वच्छ परिस्थितीमुळे बोरीवलीतील 'मे. अरबियन शेवर्मा कॅफे', माहिममधील 'मे. नाथ फास्ट फूड', 'NAIR ON FIRE Cloud Kitchen' आणि 'BIKANER SWEETS AND NAMKIN' या ४ अन्न आस्थापनांचे परवाने अन्न सुरक्षा नियमांचे गंभीर उल्लंघन केल्याप्रकरणी निलंबित करण्यात आले आहेत. अन्न व औषध प्रशासनाच्या या धडक कारवाईमुळे अन्नधान्य व मिठाई विक्रेत्यांमध्ये खळबळ उडाली असून नागरिकांच्या आरोग्याच्या सुरक्षेसाठी अशी मोहीम पुढेही सुरू राहणार असल्याचे प्रशासनाकडून स्पष्ट करण्यात आले आहे. https://www.prahaar.in/2026/10/21/big-b-is-in-the-spotlight-once-again-why-is-his-post-going-viral/ https://www.prahaar.in/2026/10/21/big-b-is-in-the-spotlight-once-again-why-is-his-post-going-viral/ Wed, 21 Oct 2026 20:09:13 -0400 रविवारी रात्री अभिनेता टायगर श्रॉफच्या गाडीवर गोळीबार झाला. त्यात सात गोळ्या झाडण्यात आल्या. या गोळीबारातून अभिनेता थोडक्यात बचावला परंतु टायगरवर गोळीबार करणारे हल्लेखोर हे महिनाभरापूर्वी मुंबईत आले असल्याची माहिती आहे. ते एक महिना मोठ्या कलाकारांच्या घरांची पाहणी करत होते. त्यांनी एक ऑटोरिक्षा भाड्यानं घेतल्याचीही माहिती आहे. त्यातून मुंबईचा दौरा केला. पाहणी करण्यासाठी ते बॉलिवूड सेलिब्रिटींच्या घरी सुद्धा गेले होते. ऑटोरिक्षा चालकाने यांना अमिताभ बच्चन, आमिर खान, अक्षय कुमार आणि सलमान खान यांच्यासह विविध सेलिब्रिटींच्या घरी नेल्याचेही कळाले. आता, टायगरवरील हल्ल्यानंतर अमिताभ बच्चन यांची एक पोस्ट खूप व्हायरल होत आहे.(AMITABH BACHCHAN) https://www.prahaar.in/2026/10/21/mahhi-vij-blushed-when-asked-about-love-she-said-its-not-for-everyone/ बिग-बी हे नेहमीच खूप चर्चेत असतात. सोशियल मीडिया वरही खूप ऍक्टिव्ह असतात. चाहते त्यांचा वेगवेगळ्या कामांमुळे त्यांच्यावर भरभरून प्रेम करत असतात. अमिताभ बच्चन यांनी केलेल्या पोस्टनुसार त्यांनी असे लिहिले आहे की, ‘मी माफी मागतो. मला विश्रांती घेण्यासाठी आणि ताजेतवाने होऊन पुन्हा मंचावर दमदार एन्ट्री करायची आहे त्यासाठी काही दिवस आराम करायला सांगितला आहे. त्यामुळे मी आता काहीही लिहू शकत नाही.’ यामुळे चाहत्यांमध्ये बिग-बींबद्दल काळजी वाटतं आहे.अमिताभ बच्चन यांना पुन्हा बघण्यास प्रेक्षक उत्सुक आहेत त्यांची आतुरतेने वाट बघत आहेत. T 5889,10,11,12 - apologies .. क्षमा प्रार्थी हूँ, कुछ दिनों के लिए आराम और सँवरने का समय निकालने को कहा गया है सो कुछ लिख नहीं पा रहा हूँ .. — Amitabh Bachchan (@SrBachchan) October 21, 2026 बिग- बींच्या भूमिका अमिताभ बच्चन आत्ताच 'वेट्टैयन' या चित्रपटातून प्रेक्षांचा भेटीला आले होते. त्यानंतर ‘द रिअल सुपरस्टार’ यात सुद्धा दिसले होते. २०२५ मध्ये बिग-बींनी ‘१२० बहादूर’ या सिनेमासाठी व्हॉईसओव्हर दिला होता. अमिताभ बच्चन आता नवीन भूमिकेत दिसणार आहेत. ‘कल्की २८९८ एडी: पार्ट २’ या चित्रपटातून समोर येणार आहेत. यात ते खूप महत्वाची भूमिका बजावणार असून अमिताभ बच्चन यांनी या चित्रपटाच्या पहिल्या भागातही काम केलं आहे. लवकरात लवकर अमिताभ बच्चन यांना पाहण्यास चाहते उत्सुक आहेत. https://www.prahaar.in/2026/10/21/will-rohit-and-virat-play-in-the-2027-odi-world-cup-or-not-bcci-president-first-reaction-emerges/ https://www.prahaar.in/2026/10/21/will-rohit-and-virat-play-in-the-2027-odi-world-cup-or-not-bcci-president-first-reaction-emerges/ Wed, 21 Oct 2026 20:07:54 -0400 [caption id="attachment_1068135" align="aligncenter" width="800"] विराट कोहली आणि रोहित शर्माच्या चाहत्यांना वारंवार एक धाकधूक लागली आहे. वनडे मालिकेसाठी जेव्हा जेव्हा संघाची निवड केली जाते तेव्हा रोहित-विराटचं नाव आहे की नाही? यावरून चर्चा रंगते. रोहित-विराट यांची न्यूझीलंड दौऱ्यासाठी निवड झाली आहे. पण पुढे काय? हा प्रश्न अनुत्तरीतच आहे. (Photo: ANI)[/caption] [caption id="attachment_1068136" align="aligncenter" width="800"] विराट कोहली आणि रोहित शर्माच्या निवडीवर बीसीसीआयचे अध्यक्ष मिथुन मन्हास यांनी आपलं मत ठेवलं आहे. त्यांनी स्पष्ट केलं की, संघात निवडीसाठी खेळाडूंच्या वयापेक्षा फिटनेस आणि कामगिरी महत्त्वाची आहे. पण त्यांच्या या वक्तव्यावरून दोन्ही खेळाडू वर्ल्डकप स्पर्धेत खेळणार की नाही? हे अद्याप अस्पष्ट आहे. (Photo: ANI)[/caption] [caption id="attachment_1068137" align="aligncenter" width="800"] रोहित शर्मा आणि विराट कोहली यांनी टी20 आंतरराष्ट्रीय आणि कसोटी क्रिकेटमधून निवृत्ती घेतली आहे. आता दोघेही फक्त वनडे क्रिकेट खेळत आहेत. त्यामुळे दोघांना 2027 च्या विश्वचषकापर्यंत फिटनेस टिकवून ठेवणे आणि सातत्यपूर्ण कामगिरी करणे महत्त्वाचे ठरेल. (Photo: ANI)[/caption] [caption id="attachment_1068138" align="aligncenter" width="800"] न्यूझीलंडविरुद्धच्या एकदिवसीय मालिकेतही दोघांच्या कामगिरीचे बारकाईने निरीक्षण केले जाईल. मात्र, विश्वचषकासाठी त्यांची निवड केवळ एका मालिकेवर अवलंबून राहणार नाही. अंतिम निर्णय निवड समितीकडून खेळाडूंचं फिटनेस, कामगिरी आणि संघाच्या गरजा यांवर आधारित असणार आहे. (Photo: ANI)[/caption] [caption id="attachment_1068139" align="aligncenter" width="800"] एप्रिल 2027 मध्ये रोहित शर्मा 40 वर्षांचा होईल, तर विश्वचषक स्पर्धेच्या वेळी विराट 38 वर्षांचा असेल. आता दोघांनी पुढील विश्वचषक स्पर्धेत खेळण्याचे ध्येय ठेवतील. आता या एका वर्षाच्या कालावधीत त्याचं फिटनेस महत्त्वाचं ठरणार आहे. (Photo: ANI)[/caption]