https://www.prahaar.in Marathi News: Latest Marathi News, PrahaarNews Live, Marathi News Live https://www.prahaar.in/2026/11/11/earn-1-lakh-rupees-by-creating-instagram-reels-a-new-opportunity-from-the-maharashtra-government-for-social-media-influencers/ https://www.prahaar.in/2026/11/11/earn-1-lakh-rupees-by-creating-instagram-reels-a-new-opportunity-from-the-maharashtra-government-for-social-media-influencers/ Wed, 11 Nov 2026 17:06:28 -0500 सोशल मीडियावर रील्स, शॉर्ट्स आणि व्हिडिओ तयार करणाऱ्या कंटेंट क्रिएटर्ससाठी एक महत्त्वाची बातमी आहे. कारण आता तुमच्या सोशल मीडिया क्रिएटिव्हिटीला आर्थिक मोबदला मिळण्याची संधी उपलब्ध होणार आहे. महाराष्ट्र शासनाकडून सोशल मीडिया इन्फ्लुएन्सर्सना सरकारच्या विविध योजना आणि उपक्रमांची माहिती लोकांपर्यंत पोहोचवण्यासाठी सहभागी करून घेतले जाणार आहे. या माध्यमातून पात्र क्रिएटर्सना एक लाख रुपयांपर्यंत मानधन किंवा बक्षीस मिळू शकते. असा कराल अर्ज  अधिकार आणि निविदा: महाराष्ट्र शासनाच्या माहिती व जनसंपर्क महासंचालनालयामार्फत यासाठी इन्फ्लुएन्सर्सचे 'इम्पेनेलमार्क' आणि डिजिटल कॅम्पेन राबवले जाते. यासाठी अधिकृत जाहिरात प्रसिद्ध झाल्यानंतर इच्छुक क्रिएटर्सना अर्ज करता येतो. पात्रता आणि अर्ज: अर्जासोबत स्वतःचे सोशल मीडिया प्रोफाइल, फॉलोअर्सची संख्या, तसेच यापूर्वी तयार केलेल्या व्हिडिओंचे व्ह्यूज आणि एंगेजमेंट रिपोर्ट सादर करावे लागतात.   View this post on Instagram   A post shared by Prahaar Newsline (@prahaarnewsline) प्रोफाईल पडताळणी: प्राप्त अर्जांची शासनाच्या निर्धारित निकषांनुसार छाननी केली जाते. शासनाच्या निकषांनुसार (उदा. किमान फॉलोअर्स आणि रीच) तुमच्या पेजची पात्रता तपासली जाते आणि निवड केली जाते. व्हिडिओ बनवणे: पात्र ठरलेल्या आणि निवड झालेल्या क्रिएटर्सना शासनाच्या विविध योजना आणि उपक्रमांची माहिती दिली जाते. त्यानंतर या विषयांवर स्वतःच्या कल्पक शैलीत आकर्षक व्हिडिओ किंवा रील्स तयार करून सोशल मीडियावर प्रसिद्ध करावे लागतात. मानधन : रील अपलोड केल्यानंतर व्ह्यूज, इम्प्रेशनन्स आणि ठरलेल्या दरांनुसार (एका व्हिडिओमागे ₹१,००,००० पर्यंत) सरकारकडून थेट तुमच्या खात्यात मानधन जमा होते. त्यामुळे सोशल मीडियावर कंटेंट तयार करणाऱ्या तरुणांसह डिजिटल क्रिएटर्सना आपल्या कौशल्याच्या माध्यमातून उत्पन्न मिळवण्याची संधी उपलब्ध होऊ शकते. मात्र, अर्ज करण्यापूर्वी शासनाची अधिकृत जाहिरात, पात्रतेचे निकष, मानधनाचे दर आणि अर्जाची अंतिम मुदत तपासणे आवश्यक आहे.   https://www.prahaar.in/2026/11/11/pravin-tarde-birthday-he-is-a-blockbuster-he-is-a-dialogue-master-viju-manes-special-post-on-the-occasion-of-pravin-tardes-birthday/ https://www.prahaar.in/2026/11/11/pravin-tarde-birthday-he-is-a-blockbuster-he-is-a-dialogue-master-viju-manes-special-post-on-the-occasion-of-pravin-tardes-birthday/ Wed, 11 Nov 2026 17:01:49 -0500 Pravin Tarde Birthday: 'देऊळ बंद' फेम मराठी चित्रपटसृष्टीतील प्रसिद्ध लेखक, दिग्दर्शक आणि अभिनेता प्रवीण विठ्ठल तरडे यांचा आज वाढदिवस.त्यांच्या वाढदिवसानिमित्त सोशल मीडियावर त्यांच्यावर शुभेच्छांचा वर्षाव होत आहे. या खास प्रसंगी दिग्दर्शक विजू माने यांनी प्रवीण तरडेंसाठी लिहिलेली पोस्ट सध्या सोशल मीडियावर व्हायरल होत आहे. विजू माने नेमकं काय म्हणाले? त्यांची पोस्ट सोशल मीडियावर इतकी व्हायरल का होत आहे? एकेकाळचे स्पर्धक ते 'खतरनाक मित्र' अशी विजू माने आणि प्रवीण तरडे यांची मैत्री. दोन दिग्दर्शकांमध्ये अत्यंत घट्ट मैत्री आहे आणि हाच जुना काळ आठवत विजू माने यांनी खास पोस्ट शेअर केली आहे. विजू माने यांनी आपल्या इन्स्टाग्राम अकाउंटवरून प्रवीण तरडेंचा एक फोटो शेअर करत त्यांच्यातील निखळ मैत्रीचा प्रवास चाहत्यांसमोर सांगितला आहे. https://www.prahaar.in/2026/11/11/the-blue-fire-phenomenon-has-manifested-at-three-beaches-guhagar-ladghar-and-shrivardhan/ विजू मानेंची पोस्ट खतरनाक मित्र. प्रवीण तरडे भाई का बड्डे.... तो ब्लाॅकबस्टर आहे, तो डायलाॅगमास्टर आहे...ह्या सगळ्या पलीकडे तो प्रत्येकाच्या आयुष्यात असावा असा मित्र आहे... मदत कुणाला करायची आहे? याच्या आधी मदत काय करायची आहे? हा प्रश्न येणारा दिलदार. माझ्या एकांकिका काळातला प्रतिस्पर्धी आता माझ्या प्रत्येक सिनेमाचा 'निस्वार्थ' भाग असतो. लव्ह यू मित्रा. खूप मोठा आहेसच. अजून मोठा हो...happywala birthday   View this post on Instagram   A post shared by viju mane (@vijumaneofficial) या पोस्टवर प्रवीण तरडे यांनीही कमेंट केली आहे. खूप खूप धन्यवाद मित्रा विजू.. आपली मैत्री पण ब्लॅाकबस्टर आहे. प्रवीण तरडे यांनी 'देऊळ बंद', 'मुळशी पॅटर्न', 'धर्मवीर' आणि 'सरसेनापती हंबीरराव' यांसारख्या भव्य चित्रपटांच्या माध्यमातून प्रेक्षकांच्या मनावर अधिराज्य केले आहे. तर दुसरीकडं विजू माने यांनीही आपल्या दिग्दर्शनानं मराठी चित्रपटसृष्टीत आपला वेगळा ठसा उमटवला आहे. 'पांडू' चित्रपटादरम्यान या दोघांची जुळलेली केमिस्ट्री प्रेक्षकांनी बघितली होती. https://www.prahaar.in/2026/11/11/missile-attack-on-dubai-bound-oil-tanker-in-persian-gulf-four-seriously-injured-including-indian-sailor/ https://www.prahaar.in/2026/11/11/missile-attack-on-dubai-bound-oil-tanker-in-persian-gulf-four-seriously-injured-including-indian-sailor/ Wed, 11 Nov 2026 16:58:55 -0500 नवी दिल्ली: आंतरराष्ट्रीय स्तरावर खळबळ उडवून देणारी एक मोठी बातमी समोर आली आहे. केंद्रीय मंत्री सर्बानंद सोनोवाल यांनी बुधवारी दिलेल्या माहितीनुसार, फारसच्या आखातातून दुबईच्या दिशेने अत्यंत वेगाने प्रवास करणाऱ्या लायबेरियाचा ध्वज असलेल्या एका महाकाय तेलवाहू जहाजावर अज्ञात वस्तूने (प्रोजेक्टाइल) अचानक भीषण हल्ला केला. या अप्रत्याशित हल्ल्यात जहाजावरील चार कर्मचारी गंभीर जखमी झाले असून, यामध्ये एका भारतीय नागरिकाचाही दुर्दैवी समावेश आहे. ही खळबळजनक घटना मंगळवारी घडल्याचे समोर आले आहे. ‘एमटी फुजैराह एनर्जी’ नावाचे अतिमोठे कच्च्या तेलाची वाहतूक करणारे जहाज (व्हीएलसीसी) अल रुवैस येथून निघून दुबईच्या दिशेने जात असताना हा घातपात झाला. केंद्रीय मंत्री सोनोवाल यांनी सोशल मीडियावर सविस्तर पोस्ट करत या संपूर्ण घटनेची माहिती दिली. त्यांनी सांगितले की, या हल्ल्यात जहाजावरील चार कर्मचारी जखमी झाले आहेत. त्यापैकी एका भारतीय नागरिकाला किरकोळ व गंभीर दुखापत झाली असून, त्याला तातडीने पुढील आवश्यक वैद्यकीय तपासणीसाठी सुरक्षितपणे किनाऱ्यावर हलवण्यात आले आहे. सुदैवाने, जहाजावरील उर्वरित 18 कर्मचारी पूर्णपणे सुरक्षित असून त्यांच्याशी संपर्क प्रस्थापित करण्यात आला आहे. यामध्ये जहाजावर कार्यरत असलेल्या अन्य पाच भारतीय खलाशांचाही समावेश आहे. https://www.prahaar.in/2026/11/11/strait-of-hormuz-three-oil-tankers-attacked-war-clouds-gather-in-persian-gulf-middle-east-tensions/ सोनोवाल यांनी पुढे स्पष्ट केले की, केंद्र सरकार या संपूर्ण तणावपूर्ण परिस्थितीवर अत्यंत बारकाईने लक्ष ठेवून आहे. जहाजावरील सर्व कर्मचाऱ्यांची सुरक्षितता सुनिश्चित करण्यासोबतच त्यांना तातडीने आवश्यक वैद्यकीय उपचार आणि सर्वतोपरी मदत उपलब्ध करून देण्यासाठी सरकार संबंधित जहाज व्यवस्थापन कंपनीच्या सातत्याने संपर्कात आहे. इराण आणि अमेरिका यांच्यात मध्यपूर्वेत सुरू असलेल्या तीव्र संघर्षाच्या पार्श्वभूमीवर घडलेल्या या ताज्या हल्ल्यामुळे फारसचे आखात आणि अत्यंत संवेदनशील होर्मुझच्या सामुद्रधुनीतून प्रवास करणाऱ्या व्यापारी जहाजांच्या तसेच त्यांच्यावर काम करणाऱ्या खलाशांच्या सुरक्षेबाबतची चिंता जगभरात पुन्हा एकदा कमालीची वाढली आहे. https://www.prahaar.in/2026/11/11/daylight-shooting-terror-in-kurla-40-year-old-man-murdered-after-being-shot-three-times/ https://www.prahaar.in/2026/11/11/daylight-shooting-terror-in-kurla-40-year-old-man-murdered-after-being-shot-three-times/ Wed, 11 Nov 2026 16:51:45 -0500 मुंबईतील कुर्ला पश्चिम परिसरात बुधवारी दुपारी दिवसाढवळ्या झालेल्या गोळीबारात विनोद मल्लाप्पा पवार (वय 40) यांचा मृत्यू झाला आहे. दुपारी 12:40 च्या सुमारास माकडवाला कंपाउंडजवळ अज्ञात हल्लेखोरांनी जुन्या वैमनस्यातून पवार यांच्यावर तीन गोळ्या झाडल्या आणि घटनास्थळावरून पळ काढला. या हल्ल्यात गंभीर जखमी झालेल्या पवार यांना तातडीने भाभा रुग्णालयात दाखल करण्यात आले, मात्र उपचारादरम्यान त्यांचा मृत्यू झाला. विनोबा भावे नगर पोलिसांनी घटनास्थळावरून एक बंदूक जप्त केली असून, फॉरेन्सिक पथकाला पाचारण करण्यात आले आहे. पोलीस या प्रकरणाचा पुढील तपास करत असून हल्लेखोरांचा शोध घेत आहेत. डीसीपी गणेश शिंदे यांनी दिलेल्या माहितीनुसार, ही घटना बुधवारी दुपारी 12:40 च्या सुमारास व्हीबी नगर पोलीस ठाण्याच्या हद्दीतील माकडवाला कंपाऊंडमध्ये घडली. कुर्ल्यातील हलाव पुलाजवळ दुचाकीवरून येत आरोपींनी विनोद पवार यांच्यावर तीन गोळ्या झाडल्या. घटनेची माहिती मिळताच व्हीबी नगर पोलीस ठाण्यातील एक पथक आणि इतर पोलीस पथके घटनास्थळी दाखल झाली. पोलिसांनी घटनास्थळाची पाहणी करून प्रकरणाचा तपास सुरू केला. पोलीस या हल्ल्याचा संबंध एका जुन्या वैमनस्याशी जोडत आहेत. या हल्ल्यात सहभागी असलेल्या लोकांची संख्या, वापरलेल्या शस्त्राचा प्रकार आणि आरोपींनी झाडलेल्या गोळ्यांची संख्या तपासानंतर समोर येईल. https://www.prahaar.in/2026/11/11/big-news-terrorist-attack-on-a-crpf-post-in-kulgam-jammu-and-kashmir-two-soldiers-injured/ पोलीस स्थानिक रहिवाशांची चौकशी करत आहेत. तसेच घटनास्थळावरील सीसीटीव्ही फुटेजची देखील तपासणी केली जाईल. पोलीस पथके सध्या संशयितांना ओळखण्याचे आणि शोधण्याचे काम करत आहेत. या घटनेमागील खरा हेतू आणि हल्लेखोरांची भूमिका हे तपास पूर्ण झाल्यावरच स्पष्ट होईल. दिवसाढवळ्या झालेल्या या हल्ल्यामुळे कुर्ला परिसरात सध्या भीतीचे वातावरण पसरले आहे. https://www.prahaar.in/2026/11/11/police-custody-of-the-five-accused-in-the-tiger-shroff-firing-case-extended-until-16th-november-verification-of-phool-singhs-age-is-underway/ https://www.prahaar.in/2026/11/11/police-custody-of-the-five-accused-in-the-tiger-shroff-firing-case-extended-until-16th-november-verification-of-phool-singhs-age-is-underway/ Wed, 11 Nov 2026 16:43:33 -0500 मुंबई: बॉलिवूड अभिनेता टायगर श्रॉफ गोळीबार प्रकरणातील आरोपींच्या पोलीस कोठडीमध्ये वाढ करण्याचा निर्णय घेण्यात आला आहे. अभिनेत्याच्या गोळीबार प्रकरणाची सुनावणी करणाऱ्या महाराष्ट्र संघटित गुन्हेगारी नियंत्रण कायद्याअंतर्गतच्या (MCOCA) विशेष सुट्टीकालीन न्यायालयाने आज (11 नोव्हेंबर, बुधवारी) फूल सिंगसह पाच आरोपींच्या पोलीस कोठडीमध्ये वाढ करण्याचा निर्णय घेण्यात आला आहे. https://www.prahaar.in/2026/11/11/67-of-the-work-on-the-link-connecting-atal-setu-to-the-mumbai-pune-expressway-is-complete-this-elevated-corridor-will-save-90-minutes-of-travel-time-and-also-help-reduce-traffic-congestion-in-panvel/ गोळीबार प्रकरणातील आरोपींपैकी एक असलेल्या आरोपी फुल सिंग ह्याने मुंबईतील विशेष मकोका न्यायालयासमोर दावा केला आहे की तो अल्पवयीन आहे. पोलिसांनी न्यायालयाला दिलेल्या माहितीनुसार, त्याचे वय पडताळण्यासाठी एक पथक हरियाणामध्ये पाठवण्यात आले आहे. त्याचा वय- पडताळणी अहवाल मुंबई पोलिसांकडून 18 नोव्हेंबर रोजी न्यायालयात सादर करण्यात येणार आहे. फुल सिंगसह रेहान, कुणाल, सुमित आणि अंकित या पाचही आरोपींची पोलीस कोठडीत रवानगी करण्यात आली आहे. विशेष मकोका न्यायालयाने या पाचही आरोपींच्या पोलीस कोठडीमध्ये, 16 नोव्हेंबरपर्यंत वाढवली आहे. या प्रकरणात आतापर्यंत अटक करण्यात आलेल्या 13 जण असलेल्या आरोपींमध्ये या पाचही आरोपींचा समावेश आहे. त्यापैकी सात जणांना आधीच न्यायालयीन कोठडीत पाठवण्यात आले आहे, तर 13 वी आरोपी सुनेहा पंडित हिला 16 नोव्हेंबरपर्यंत पोलीस कोठडीत पाठवण्यात आले आहे. मिळालेल्या माहितीनुसार, तपासाचा भाग म्हणून सर्व आरोपींना सुनेहा पंडीत हिच्यासमोर हजर करणे आवश्यक असल्याचे सांगत, विशेष मकोका न्यायलयाकडून आरोपींच्या कोठडीत वाढ करण्याची मागणी केली. न्यायालयाने पाचही आरोपींना त्यांच्या पालकांशी फोनवर बोलण्याची परवानगी दिली असून त्यांचं संभाषण रेकॉर्ड न करण्याचे निर्देश सुद्धा दिले आहेत. https://www.prahaar.in/2026/11/11/fire-breaks-out-at-minister-ganesh-naik-official-bungalow-ac-short-circuit-suspected/ आरोपी फूल सिंग अल्पवयीन आहे की नाही? हे निश्चित करण्याचे निर्देश विशेष मकोका न्यायालयाने मुंबई पोलिसांना दिले असून त्या प्रमाणेच त्याची वयोमर्यादा पडताळणी प्रक्रिया सुरू करण्यात आली आहे. मिळालेल्या माहितीनुसार, विशेष न्यायाधीश सत्यनारायण नवंदर यांनी वयोमर्यादा पडताळणीचा अर्ज मंजूर केला असून या प्रकरणाची चौकशी करण्याचे आदेश देखील त्यांनी मुंबई पोलिसांना दिले आहेत. जोपर्यंत त्याचे वय समजत नाही, तोपर्यंत आरोपी फुल सिंगला बालसुधारगृहात हलवण्याची विनंती न्यायालयाने तात्काळ नाकारली आहे. न्यायालयाने तपास अधिकाऱ्याला 15 दिवसांच्या आत पडताळणी पूर्ण करून अहवाल सादर करण्याचे निर्देश दिले. दरम्यान, फुल सिंगचे वकील सिद्धांत मोर आणि दिव्यम गौर यांनी अर्ज दाखल केला आहे की, त्याचा जन्म 30 नोव्हेंबर 2008 रोजी झाला आहे. अभिनेता टायगर श्रॉफवर झालेल्या गोळीबार प्रकरणामध्ये, फुल सिंगचा सहभाग होता. 18 ऑक्टोबर 2026 रोजी जेव्हा टायगरवर गोळीबार झाला तेव्हा तो अंदाजे 17 वर्षे 10 महिन्यांचा होता. फुल सिंगच्या वकिलांकडून त्याचे हरियाणा सरकारचे जन्म प्रमाणपत्र आणि आधार कार्ड सादर केले, ज्या दोन्हींवर जन्मतारीख सारखीच असल्याचे म्हटले आहे. फुल सिंग अल्पवयीन असल्याचे आढळल्यास त्याला मोठ्या व्यक्तींच्या कोठडीत ठेवू नये, असा युक्तिवाद करत फुल सिंगच्या वकिलांनी बाल न्याय कायद्यांतर्गत त्याला सुरक्षित ठिकाणी स्थानांतरित करण्याची मागणी केली. https://www.prahaar.in/2026/11/11/mumbai-traffic-police-announced-traffic-restrictions-in-the-juhu-chowpatty-area-on-15th-november-and-16th-november-in-view-of-chhath-puja-please-check-the-information-regarding-alternative-routes-and/ https://www.prahaar.in/2026/11/11/the-blue-fire-phenomenon-has-manifested-at-three-beaches-guhagar-ladghar-and-shrivardhan/ https://www.prahaar.in/2026/11/11/the-blue-fire-phenomenon-has-manifested-at-three-beaches-guhagar-ladghar-and-shrivardhan/ Wed, 11 Nov 2026 16:43:01 -0500 मुंबई: महाराष्ट्राच्या पर्यटन क्षेत्रासाठी अत्यंत अभिमानास्पद आणि महत्त्वपूर्ण कामगिरीची नोंद झाली आहे. पर्यटनमंत्री शंभूराज देसाई यांच्या नेतृत्वाखाली महाराष्ट्राच्या शाश्वत आणि पर्यावरणपूरक पर्यटन विकासाला आंतरराष्ट्रीय मान्यता देण्यात आली आहे. राज्यातील गुहागर, लाडघर आणि श्रीवर्धन या तीन समुद्रकिनाऱ्यांना आंतरराष्ट्रीय स्तरावरील प्रतिष्ठेचा ‘ब्लू फ्लॅग’ (Blue Flag) हा अंतिम पुरस्कार जाहीर झाला आहे. या तिन्ही समुद्रकिनाऱ्यांना अंतिम मान्यता मिळाल्याची माहिती नॅशनल ब्लू फ्लॅग ऑपरेटर डॉ. श्रीजी कुरूप यांनी दिली. डेन्मार्क येथील फाउंडेशन फॉर एन्व्हायर्नमेंटल एज्युकेशन (FEE) या आंतरराष्ट्रीय संस्थेमार्फत लवकरच या समुद्रकिनाऱ्यांना अधिकृत ‘ब्लू फ्लॅग’ प्रदान करण्यात येणार आहेत. पर्यटनमंत्री शंभूराज देसाई यांच्या नेतृत्वाखाली महाराष्ट्र शासन राज्यातील पर्यटनस्थळांचा जागतिक दर्जानुसार विकास करण्यासाठी प्रयत्नशील असून पर्यावरणपूरक पर्यटन, समुद्रकिनाऱ्यांची स्वच्छता, पर्यटकांची सुरक्षितता, पायाभूत सुविधांचा विकास आणि शाश्वत पर्यटन व्यवस्थापन या बाबींना प्राधान्य देण्यात येत आहे. या प्रयत्नांना मिळालेली ही आंतरराष्ट्रीय मान्यता महाराष्ट्राच्या पर्यटन क्षेत्रासाठी महत्त्वपूर्ण टप्पा ठरणार आहे. ‘ब्लू फ्लॅग’ हा जगभरात मान्यता प्राप्त असलेला पर्यावरणपूरक समुद्रकिनाऱ्यांसाठीचा प्रतिष्ठेचा आंतरराष्ट्रीय दर्जा आहे. समुद्रकिनाऱ्यांची स्वच्छता, समुद्राच्या पाण्याची गुणवत्ता, पर्यावरण संवर्धन, पर्यटकांची सुरक्षितता, स्वच्छतागृहे, पिण्याचे पाणी, आपत्कालीन व्यवस्थापन, पर्यावरणविषयक जनजागृती आणि शाश्वत व्यवस्थापन अशा विविध निकषांच्या आधारे हा पुरस्कार प्रदान केला जातो. या निकषांच्या अनुषंगाने, पात्रतेत बसून गुहागर, लाडघर आणि श्रीवर्धन या तीन समुद्रकिनाऱ्यांना आंतरराष्ट्रीय मान्यता मिळाली आहे. हा पुरस्कार कोकणाच्या पर्यटन क्षमतेला जागतिक स्तरावर अधोरेखित करणारा आहे. यामुळे महाराष्ट्रातील समुद्रकिनाऱ्यांकडे देशांतर्गत तसेच आंतरराष्ट्रीय पर्यटकांचे लक्ष वेधले जाण्यास मदत होणार आहे. तसेच कोकणातील पर्यटन व्यवसाय, स्थानिक रोजगार आणि पर्यटनाशी संबंधित पूरक उद्योगांना चालना मिळण्याची अपेक्षा आहे. महाराष्ट्राला सुमारे 878 किलोमीटर लांबीची विस्तीर्ण किनारपट्टी लाभली आहे. निसर्गसौंदर्य, स्वच्छ समुद्रकिनारे, समृद्ध सागरी जैवविविधता, ऐतिहासिक वारसा, स्थानिक संस्कृती आणि कोकणी खाद्यसंस्कृती यांमुळे कोकण पर्यटनाच्या दृष्टीने विशेष महत्त्वाचे आहे. या पार्श्वभूमीवर तीन समुद्रकिनाऱ्यांना मिळालेला ब्लू फ्लॅगचा अंतिम पुरस्कार महाराष्ट्राच्या किनारपट्टी पर्यटनाला आंतरराष्ट्रीय ओळख मिळवून देणारा ठरणार आहे. यावेळी पर्यटन विभागाचे सचिव संजय यादव यांनी आपलं मत व्यक्त करताना, “गुहागर, लाडघर आणि श्रीवर्धन या तीन समुद्रकिनाऱ्यांना ब्लू फ्लॅगचा अंतिम पुरस्कार मिळणे ही महाराष्ट्राच्या पर्यटन विकासाच्या दृष्टीने महत्त्वपूर्ण उपलब्धी आहे. आंतरराष्ट्रीय निकषांनुसार समुद्रकिनाऱ्यांची स्वच्छता, पर्यावरण संवर्धन, सुरक्षितता आणि पर्यटकांसाठी आवश्यक सुविधा विकसित करण्याच्या प्रयत्नांना या पुरस्कारामुळे मान्यता मिळाली आहे. पर्यटन विकास आणि पर्यावरण संवर्धन यांचा समन्वय साधत महाराष्ट्रात शाश्वत पर्यटनाला प्रोत्साहन देण्यावर शासनाचा भर राहणार आहे, अशी भावना यांनी व्यक्त केली. https://www.prahaar.in/2026/11/11/ranveer-singhs-grandfather-ranveer-singhs-grandfather-passes-away-sister-saumya-shares-an-emotional-post/ पर्यटन संचालनालयाचे संचालक विकास पानसरे यांनी , “महाराष्ट्रातील तीन समुद्रकिनाऱ्यांना ब्लू फ्लॅगचा अंतिम पुरस्कार मिळणे ही राज्याच्या पर्यटन क्षेत्रासाठी उल्लेखनीय कामगिरी आहे. या मानांकनामुळे कोकणातील समुद्रकिनाऱ्यांची आंतरराष्ट्रीय स्तरावर ओळख अधिक दृढ होईल. राज्याला लाभलेल्या विस्तीर्ण आणि निसर्गसमृद्ध किनारपट्टीचा विकास करताना पर्यावरणाचे संरक्षण, स्वच्छता, पर्यटकांची सुरक्षितता आणि जागतिक दर्जाच्या सुविधा यांचा समतोल राखणे हे शासनाचे प्राधान्य आहे. महाराष्ट्राला जागतिक पर्यटन नकाशावर अग्रस्थानी नेण्याच्या आमच्या प्रयत्नांना या पुरस्कारामुळे निश्चितच बळ मिळणार आहे. भविष्यात राज्यातील अधिकाधिक पर्यटनस्थळांचा आंतरराष्ट्रीय दर्जानुसार विकास करण्यासाठी शासन कटिबद्ध आहे.” असे सांगितले. महाराष्ट्र शासनाच्या पर्यटन विभागामार्फत राज्यातील पर्यटनस्थळांचा विकास करताना शाश्वत पर्यटन, पर्यावरण संवर्धन, स्थानिक समुदायांचा सहभाग आणि पर्यटकांना जागतिक दर्जाच्या सुविधा उपलब्ध करून देण्यावर विशेष भर दिला जात आहे. गुहागर, लाडघर आणि श्रीवर्धन या तीन समुद्रकिनाऱ्यांना मिळालेला ब्लू फ्लॅगचा अंतिम पुरस्कार हा महाराष्ट्राच्या पर्यटन क्षेत्रासाठी गौरवास्पद असून राज्याला आंतरराष्ट्रीय पर्यटन नकाशावर अधिक ठळकपणे येण्याच्या दृष्टीने हे महत्वपूर्ण ठरणार आहे. https://www.prahaar.in/2026/11/11/sachin-tendulkar-historic-bats-to-be-displayed-at-mumbai-cricket-museum-treat-for-fans/ https://www.prahaar.in/2026/11/11/sachin-tendulkar-historic-bats-to-be-displayed-at-mumbai-cricket-museum-treat-for-fans/ Wed, 11 Nov 2026 16:42:32 -0500 मुंबई: भारतीय क्रिकेटचा वारसा आणि खेळाचा इतिहास जतन करण्याच्या एका अत्यंत महत्त्वपूर्ण उपक्रमांतर्गत, महान क्रिकेटपटू सचिन तेंडुलकर आपल्या कारकिर्दीतील काही अत्यंत प्रतिष्ठित बॅट्स आणि ऐतिहासिक स्मृतीचिन्हे मुंबई क्रिकेट असोसिएशनला भेट देणार आहेत. ज्या बॅटने त्यांनी आपले ऐतिहासिक 100 वे आंतरराष्ट्रीय शतक झळकावले होते, त्या अजोड बॅटसह या सर्व अनमोल वस्तू आता एमसीएच्या शरद पवार क्रिकेट संग्रहालयात प्रदर्शनासाठी ठेवल्या जाणार आहेत. या विशेष संग्रहाचे भव्य अनावरण आगामी 16 नोव्हेंबर, 2026 रोजी एका दिमाखदार समारंभात पार पडणार आहे. विशेष म्हणजे, याच दिवशी सचिन तेंडुलकरच्या आंतरराष्ट्रीय क्रिकेटमधून घेतलेल्या संस्मरणीय निवृत्तीला पूर्ण 13 वर्षे होत आहेत. 16 नोव्हेंबर 2013 रोजी, आपल्या लाडक्या घरच्या मैदानावर, मुंबईच्या ऐतिहासिक वानखेडे स्टेडियमवर, वेस्ट इंडिजविरुद्ध आपला 200 वा आणि कारकिर्दीतील अंतिम कसोटी सामना खेळून त्याने आंतरराष्ट्रीय क्रिकेटला निरोप दिला होता. या प्रसंगाचे औचित्य साधून, संग्रहालयात 'बॅटोग्राफी' नावाचे एक अत्यंत अनोखे आणि विशेष प्रदर्शन सुरू केले जाणार आहे. या खास प्रदर्शनामध्ये सचिन तेंडुलकरच्या कारकिर्दीतील एकूण 26 खजिना ठरलेल्या बॅट्स आणि इतर महत्त्वाची स्मृतीचिन्हे लोकांच्या दर्शनासाठी प्रदर्शित केली जातील. 'बॅटोग्राफी' हे नाव चरित्राच्या संकल्पनेतून प्रेरित आहे. त्याच्या कारकिर्दीतील प्रत्येक ऐतिहासिक आणि अविस्मरणीय क्षणांच्या साक्षीदार असलेल्या या बॅट्सच्या कथांच्या माध्यमातून हे प्रदर्शन मास्टर ब्लास्टरचा क्रिकेट प्रवास सादर करेल. प्रत्येक बॅट त्याच्या प्रवासातील एका सुवर्ण अध्यायाचे प्रतिनिधित्व करेल, ज्यामुळे क्रिकेट चाहत्यांना त्याच्या विक्रमांमागील आणि कामगिरीमागील सखोल कथा अनुभवता येईल. https://www.prahaar.in/2026/11/11/team-india-dominates-the-icc-odi-rankings-shubman-gill-holds-the-top-spot-while-rohit-and-virat-are-locked-in-a-fierce-contest/ मुंबई क्रिकेट असोसिएशनचे अध्यक्ष अजिंक्य नाईक यांनी या निर्णयाबद्दल सांगितले की, "सचिन तेंडुलकरचे भारतीय आणि जागतिक क्रिकेटमधील योगदान त्याने प्रस्थापित केलेल्या विक्रमांच्या पलीकडचे आहे. त्याचा प्रवास लाखो चाहत्यांच्या स्मरणात कोरलेला आहे आणि ह्या बॅट्स त्या प्रवासातील सर्वात वैयक्तिक खजिन्यांपैकी आहेत. 'बॅटोग्राफी'च्या माध्यमातून आम्ही एमसीए संग्रहालयाला एक अनोखा आयाम देत आहोत. यामुळे अभ्यागतांना, त्याने मिळवलेल्या यशामागील कहाणी, ते मिळवण्यासाठी वापरलेल्या साधनांमधूनच अनुभवता येईल. ह्या अनमोल वस्तू एमसीएला देण्याच्या निर्णयाबद्दल आम्ही सचिनचे मनापासून आभारी आहोत." बॅट्सव्यतिरिक्त, सचिनच्या कारकिर्दीतील महत्त्वपूर्ण क्षण आणि कामगिरीशी संबंधित इतर अनेक स्मृतीचिन्हे देखील या प्रदर्शनाचा भाग असतील. यामध्ये हेल्मेट, जर्सी, नोट्स आणि इतर संग्रहणीय वस्तूंचा समावेश आहे. संग्रहालयात तेंडुलकरच्या असाधारण प्रवासाला समर्पित एक विशेष जागा तयार करण्यात आली आहे. https://www.prahaar.in/2026/11/11/important-news-for-airtel-customers-the-299-plan-is-back-but-the-data-allowance-has-been-reduced/ https://www.prahaar.in/2026/11/11/important-news-for-airtel-customers-the-299-plan-is-back-but-the-data-allowance-has-been-reduced/ Wed, 11 Nov 2026 16:33:39 -0500 जर तुम्ही एअरटेल सिम वापरत असाल आणि दरमहा सुमारे ३०० रुपयांचा रिचार्ज करत असाल तर तुमच्यासाठी एक महत्त्वाची बातमी आहे. कंपनीने आपला जुना २९९ रुपयांचा प्रीपेड रिचार्ज प्लॅन पुन्हा सुरु केला आहे. एअरटेलने सुमारे तीन महिन्यांपूर्वी हा प्लॅन बंद केला होता. यानंतर ग्राहकांकडे २८ दिवसांच्या वैधतेचा डेली डेटा प्लॅन मिळवण्यासाठी जास्त पैसे खर्च करण्याशिवाय दुसरा पर्याय उरला नव्हता. आता कंपनीने २९९ रुपयांचा प्लॅन परत आणला आहे, पण त्यात एक बदल केला आहे. पूर्वी तुम्हाला दररोज १.५ GB डेटा मिळायचा आता फक्त १GB डेटा मिळेल. हा बदल अशावेळी आला आहे जेव्हा एअरटेलच्या मोबाईल ग्राहकसंख्येची वाढ मंदावली आहे आणि नेटवर्क सोडून जाणाऱ्या ग्राहकांची संख्या वाढली आहे. त्यामुळे २९९ रुपयांचा प्लॅन परत आणण्याचा निर्णय हा ग्राहकांना टिकवून ठेवण्याचा एक प्रयत्न म्हणून पाहिला जात आहे. एअरटेलचा पुन्हा सुरु झालेला २९९ रुपयांचा प्रीपेड प्लॅन २८ दिवसांच्या वैधतेसह येतो यामध्ये दररोज १ जीबी हाय स्पीड डेटा, अनलिमिटेड व्हॉइस कॉलिंग आणि १०० एसएमएस मिळतात. यापूर्वी याच किमतीत दररोज १.५ GB डेटा मिळत होता. याचा अर्थ आता तुम्हाला पूर्वीच्या प्लॅनच्या तुलनेत दररोज ५०० MB कमी डेटा मिळेल. https://www.prahaar.in/2026/11/10/airtels-fantastic-offer-get-one-recharge-free-with-recharges-of-349-and-399-comes-with-56-days-of-validity/ जे वापरकर्ते दररोज व्हिडिओ पाहतात, सोशल मीडिया वापरतात किंवा मोबाईल इंटरनेटवर बराच वेळ घालवतात, त्यांच्यावर याचा थेट परिणाम होईल. जर तुमचा दैनंदिन डेटा वापर १GB पेक्षा जास्त होत असेल तर तुम्हाला अतिरिक्त डेटा पॅक खरेदी करावा लागेल किंवा जास्त किंवा जास्त किमतीचा रिचार्ज निवडावा लागेल. हे लक्षात घेण्यासारखे आहे की, पूर्वीच्या २९९ रुपयांच्या प्लॅनमध्ये दिला जाणारा १.५ GB चा दैनिक डेटा परत आलेला नाही. तीन महिन्यांपूर्वी २९९ रुपयांची योजना का बंद करण्यात आली? एअरटेलने ऑगस्ट २०२६ मध्ये आपल्या प्रीपेड प्लॅन्सच्या किमती आणि लाभांमध्ये सुधारणा केली. या कालावधीत कंपनीने २९९, ३१९, ५७९, ६१९ आणि ६४९ किमतीचे प्लॅन्स बंद केले. या प्लॅन्समध्ये दररोज १.५ GB डेटा आणि अमर्याद कॉलिंगसारखे फायदे मिळत होते. २९९ रुपयांचा प्लॅन बंद झाल्यानंतर २८ दिवसांच्या वैधतेसह दररोज डेटा शोधणाऱ्या ग्राहकांसाठी ३४९ रुपयांचा प्लॅन एक लोकप्रिय पर्याय बनला. यामध्ये दररोज १.५ GB डेटा आणि अमर्याद ५G ॲक्सेस मिळत होता. या बदलामुळे जे वापरकर्ते पूर्वी २९९ रुपये खर्च करत होते त्यांना आता त्याच दैनंदिन डेटा लाभासाठी ३४९ रुपये खर्च करावे लागणार होते. याचा अर्थ रिचार्जच्या खर्चात अंदाजे १६.७ टक्क्यांनी वाढ होणार होती. कंपनीच्या या धोरणाचा उद्देश प्रति ग्राहक महसूल वाढवणे हा होता. https://www.prahaar.in/2026/11/11/rohit-shetty-clarifies-the-facebook-post-is-not-mine-beware-of-fake-accounts/ https://www.prahaar.in/2026/11/11/rohit-shetty-clarifies-the-facebook-post-is-not-mine-beware-of-fake-accounts/ Wed, 11 Nov 2026 15:50:08 -0500 प्रसिद्ध दिग्दर्शक रोहित शेट्टी यांनी सोशल मीडियावर सुरू असलेल्या एका वादावर अखेर मौन सोडले आहे. त्यांच्या नावाने फेसबुकवर फिरत असलेली एक पोस्ट बनावट असल्याचे त्यांनी स्पष्ट केले आहे. आपले अधिकृत सोशल मीडिया खाते फक्त इंस्टाग्रामवरच असल्याचे त्यांनी चाहत्यांना सांगितले आहे. बिग बॉस २० मधील स्पर्धक स्काऊट ओपी आणि लव्ह गिल यांच्यावर कॉमेडियन गौरव गुप्ता यांनी केलेल्या रोस्टवर रोहित शेट्टी यांनी प्रतिक्रिया दिल्याचा दावा करणारी एक पोस्ट फेसबुकवर व्हायरल झाली होती. या पोस्टमध्ये, "मैत्रीपूर्ण रोस्टिंग ठीक आहे, पण रोस्टिंगच्या नावाखाली कोणाचीही खिल्ली उडवणे थांबले पाहिजे. हसवणे चांगली गोष्ट आहे, पण कोणाला रडवून किंवा अपमान करून हसवणे योग्य नाही. सर्वांचा आदर करा," असे लिहिले होते. ही पोस्ट वाचून अनेकांना वाटले की ही प्रतिक्रिया रोहित शेट्टी यांचीच आहे. त्यामुळे सोशल मीडियावर चर्चा सुरू झाली. मात्र, ही पोस्ट आपली नसल्याचे रोहित यांनी स्पष्ट केले आहे. रोहित यांनी इंस्टाग्रामवर स्टोरी शेअर करत लिहिले आहे की, "माझी एकमेव अधिकृत सोशल मीडिया उपस्थिती इंस्टाग्रामवर आहे. मी फेसबुक किंवा एक्सवर नाही. या प्लॅटफॉर्मवर माझ्या नावाने असलेले कोणतेही खाते बनावट आणि अनधिकृत आहे. अशा खात्यांशी संपर्क साधू नका किंवा त्यावरून येणारी माहिती माझी समजू नका." https://www.prahaar.in/2026/11/04/i-dont-even-want-the-money-mahhi-vij-expresses-her-outrage-will-she-exit-bigg-boss-20/ गौरव गुप्ता रोस्ट वाद काय आहे? नुकतेच बिग बॉस २० च्या दिवाळी विशेष भागात कॉमेडियन गौरव गुप्ता आला होता. या भागात त्याने अनेक स्पर्धकांवर विनोदी टिप्पणी केली. यात स्काऊट ओपी म्हणजेच तन्मय सिंह आणि लव्ह गिल यांच्यावरही त्याने विनोद केले. मात्र, त्यांच्या वैयक्तिक आयुष्यावर आणि नात्यांवर केलेले काही विनोद स्पर्धकांना आवडले नाहीत. त्यानंतर हा वाद सोशल मीडियावर रंगला. या वादात रोहित शेट्टी यांचे नाव जोडले गेल्याने त्यांना खुलासा करावा लागला. बनावट खात्यांपासून सावध राहण्याचे आवाहन त्यांनी चाहत्यांना केले आहे. https://www.prahaar.in/2026/11/11/find-out-when-salaries-in-line-with-the-8th-pay-commission-will-be-credited-to-the-accounts-of-central-government-employees-get-the-detailed-information-here/ https://www.prahaar.in/2026/11/11/find-out-when-salaries-in-line-with-the-8th-pay-commission-will-be-credited-to-the-accounts-of-central-government-employees-get-the-detailed-information-here/ Wed, 11 Nov 2026 15:45:32 -0500 मुंबई: केंद्र सरकारचे कर्मचारी आणि पेन्शनधारकांसाठी आठव्या वेतन आयोगाबाबत एक महत्त्वाची अपडेट आहे. नवीन वेतन आणि पेन्शन शिफारसीप्रमाणे लागू होण्यासाठी कर्मचाऱ्यांना 2027 पर्यंत प्रतीक्षा करावी लागण्याची शक्यता वर्तवली जात आहे. नुकतंच दिवाळीच्या आधी केंद्रीय कर्मचाऱ्यांना महागाई भत्त्यामध्ये वाढ झाल्याची माहिती समोर आली होती. एकीकडे महागाई भत्त्यामध्ये वाढ करत असताना केंद्रीय कर्मचाऱ्यांना आठव्या वेतन आयोगासाठी आणखी काही दिवस प्रतीक्षा करावी लागणार आहे. https://www.prahaar.in/2026/11/11/big-news-terrorist-attack-on-a-crpf-post-in-kulgam-jammu-and-kashmir-two-soldiers-injured/ आठवा वेतन आयोग केवळ केंद्र सरकारच्या कर्मचाऱ्यांसाठीच नव्हे, तर संरक्षण दल (डिफेन्स), अखिल भारतीय सेवांचे अधिकारी, केंद्रशासित प्रदेशांचे कर्मचारी, न्यायिक अधिकारी आणि काही विशिष्ट नियामक मंडळांच्या कर्मचाऱ्यांनाही आठव्या वेतन आयोगाचा लाभ मिळणार आहे. केंद्रीय कर्मचाऱ्यांच्या वेतन, भत्ते आणि इतर लाभांमध्ये सुधारणा करण्यासाठी शिफारसी करण्यात येणार आहे. आठव्या वेतन आयोगाची अधिकृत स्थापना 3 नोव्हेंबर 2025 रोजी करण्यात आली आहे. नियमांनुसार, आयोगाला आपला शिफारस अहवाल सादर करण्यासाठी 18 महिन्यांचा कालावधी देण्यात आला आहे. त्या प्रमाणे, आयोग आपला अंतिम अहवाल मे 2027 पर्यंत सरकारकडे सुपूर्द करेल अशी अपेक्षा आहे. https://www.prahaar.in/2026/11/11/black-cat-commandos-to-get-a-new-uniform-nsgs-latest-move-to-provide-protection-against-heat/ मे 2027 मध्ये अहवाल सादर झाल्यानंतर सरकारकडून तपासणी केली जाणार आहे. सरकारी तिजोरीवर पडणाऱ्या आर्थिक भाराचा अंदाज घेतला जाईल आणि त्यानंतर मंजुरी देण्यात येणार आहे. या सर्व प्रक्रियेला आणखी काही अवधी लागणार असल्यामुळे, कर्मचाऱ्यांच्या बँक खात्यात प्रत्यक्ष वाढीव वेतन किंवा नवीन वेतन संरचनेनुसार सॅलरी 2027 च्या दुसऱ्या सहामाहीत किंवा त्यानंतरच जमा होण्यास सुरुवात होण्याची शक्यता आहे. भारतात दर 10 वर्षांनी नवीन वेतन आयोग लागू करण्याची परंपरा आहे. त्यानुसार, सातवा वेतन आयोग 1 जानेवारी 2016 रोजी लागू झाला होता. 1 जानेवारी 2026 रोजी त्याला 10 वर्षे पूर्ण होत असल्यामुळे, नवीन वेतन आयोग याच तारखेपासून प्रभावी मानला जाण्याची शक्यता आहे. https://www.prahaar.in/2026/11/11/a-major-hit-to-the-common-mans-pocket-milk-from-this-well-known-company-to-get-costlier-starting-thursday-check-out-the-new-rates/ ऑक्टोबर 2025 मध्ये केंद्रीय मंत्रिमंडळाने 8 व्या वेतन आयोगाच्या अटींना मंजुरी दिली होती, तेव्हाही ही बाब स्पष्ट करण्यात आली होती. आता जरी अहवाल मे 2027 मध्ये येणार असला आणि त्यानंतरच फिटमेंट फॅक्टर व सॅलरी हाइकवर निर्णय होणार असला, तरी कर्मचाऱ्यांचा हिशोब 1 जानेवारी 2026 पासूनच गृहीत धरला जाईल. याचा अर्थ असा की, 1 जानेवारी 2026 पासून नवीन वेतन लागू होण्याच्या महिन्यापर्यंतचा सर्व फरक (Difference) जोडून सरकार कर्मचाऱ्यांना थकबाकी म्हणजेच एरियरच्या स्वरूपात मोठी रक्कम देण्यात येणार आहे.