19-22 ліпеня

ЛЕТНЯЯ ШКОЛА-2012

«Лятучы ўніверсітэт:

цяжкасці росту і перспектывы развіцця»

Тэмай Летняй школы – 2012 стане наш рух ад ідэі да яе ўвасаблення і рэалізацыі. Развіццё ўніверсітэта цесна звязана з засваеннем і прысваеннем не толькі самой ідэі, але ўключэннем у вырашэнне праблем на ўзроўні самаарганізацыі.

У праграме Летняй школы-2012 годзе плануецца некалькі фарматаў працы і камунікацыі:

1. Рэфлексія і праграмаванне далейшага развіцця Лятучага ўніверсітэта

Даклады і агульныя дыскусіі, у якіх будуць падведзены вынікі Лятучага ўніверсітэта, пазначаныя праблемы і перспектывы, а таксама прапанаваныя ідэі для далейшага развіцця.

2.«Адкрытая кафедра» – магчымасць для кожнага з удзельнікаў летніка правесці лекцыю, дыскусію, трэнінг або майстар-клас для ўсіх астатніх удзельнікаў

3.Клуб і культурна-спартыўна-забаўляльная праграма.

Летняя школа-2012 будзе праходзіць 19-22 ліпеня 2012 г. у Беларусі, для ўдзелу Вам неабходна да 15 чэрвеня 2012 г. адправіць заяўку.

Да ўдзелу запрашаюцца таксама ўдзельнікі Беларускай філасофскай прасторы!

Інфармацыя і кантакты ў далучаным файле: infa-list-shkola2012-bel

ПУБЛІЧНЫЯ ЛЕКЦЫІ “

ПАВАЛ БАРКОЎСКІ

“ГЕРМЕНЕЎТЫКА САЦЫЯЛЬНАГА”

11 мая, 18.30, пр-т Незалежнасці, 37а (Галерэя Ў)

Зразумей мяне! Чаму ты мяне не разумееш?! – як часта нам даводзіцца чуць падобнае ці прамаўляць самім. Але чаго мы насамрэч прагнем, калі звяртаемся да іншага з падобным запытам? Каб далі рады нашым матывам, абставінам, нутраному свету, сымбалічным абавязкам, сацыяльнай пазіцыі?.. Усё гэта можа мецца на ўвеце, а можа і нічога канкрэтнага: проста жаданне псыхалагічнага камфорту ў межах камунікацыі.

Што пра разуменне можа сказаць герменэўтыка? І вельмі шмат, і вельмі мала, гледзячы ад ракурса пастаноўкі пытання… Але герменэўтыка сёння – гэта, прынамсі, не толькі мастацтва разумення пісьмовых тэкстаў, яна сягае межаў сымбалічнага поля культуры. І нават выходзіць за гэтыя абсягі. Яна ставіць пытанні накшталт, а хто спрабуе нечага зразумець, у якім кантэксце гэты хтосьці дзейнічае, якія ўзроўні разумення яму ці ёй дасяжныя, колькі вымярэнняў можа налічваць сам прадмет гэтага наўпростага разумення? І шмат якія яшчэ.

Варта, аднак, памятаць яшчэ адну рэч. Герменэўтыка сёння можа і мусіць займацца не толькі асэнсаваннем розных артэфактаў культуры, што складаюць яе матэрыяльнае цела, яна сягае нават таго, што сабой уяўляе сучасны чалавек. Бо кожын з нас сам па сабе складаны і комплексны герменэўтычны прадмет. Што ўяўляюць сабою нашая самасць, нашыя паводзіны, матывы і думкі як не сымбалічны прадукт культуры. І вось мы сягаем вобласці, дзе сустракаюцца псыхалогія і псыхааналіз, сацыялогія і соцыялінгвістыка, антрапалогія і культуралогія. Як усе гэтыя шматлікія інтэрпрэтацыі і самаінтэрпрэтацыі могуць суіснаваць у нас, абумоўліваць нашыя думкі і паводзіны, нават канструяваць выабражальную ідэнтычнасць нашай асобы. Герменэўтыка сацыяльнага – гэта спроба звесьці шматлікія ніткі размовы пра нас саміх – тых, каго трэба зразумець, хто разумення прагне, – у пэўнае адзінства дыскурса і даць рады таму складанаму напластаванню сэнсаў і інтэрпрэтацыяў, якім ёсць сёння чалавек.

Лекцыя Паўла Баркоўскага “Герменеўтыка сацыяльнага” адбудзеццца 11 мая ( пятніца) у Галерэі Ў а 18.30. Уваход вольны!

Оnline-трансляцыя лекцыі: http://distance.fly-uni.org/mod/page/view.php?id=522

Інтэрв’ю Паўла Баркоўскага напярэдадні лекцыі: http://news.tut.by/culture/287775.html

Artes Liberales – так у антычным свеце называлі сукупнасць ведаў, якія павінен быў засвоіць свабодны грамадзянін. У эпоху сярэднявечча «вольныя мастацтвы», якія падзяляліся на «мастацтвы слова» – Trivium (граматыка, рыторыка, дыялектыка) і «мастацтвы лічбы» – Quadrivium (арыфметыка, геаметрыя, астраномія і музыка), складалі непарушную аснову ўніверсітэцкай адукацыі. Толькі засвоіўшы сем вольных мастацтваў у строгай паслядоўнасці (што павінна было забяспечыць сістэматызм мыслення), студэнты маглі распачынаць навучанне на «старэйшых» факультэтах – багаслоўскім, медычным альбо юрыдычным. Пры гэтым пад «мастацтвам» (ars) разумелася хутчэй не мастацкае майстэрства (і не ўласна «прыгожыя мастацтвы»), а «практычная навука» – спосаб спасціжэння свету, заснаваны на развітым лагічным мысленні і сістэмна арганізаваных ведах. Невыпадкова тэрмін artista, што атрымаў шырокі распаўсюд у сярэднявеччы, адносіўся ў першую чаргу да студэнта, якія вывучаў «вольныя мастацтвы».

З цягам часу змест і статус вольных мастацтваў у акадэмічным свеце істотна змяніліся: спачатку факультэты мастацтваў атрымалі новую назву факультэтаў філасофіі, утварыўшы ядро класічнай адукацыі, а потым вольныя мастацтвы былі вылучаныя ў самастойныя навукі і зрабіліся сінонімам усяго комплексу гуманітарных дысцыплін.

Сёння мы ёсць сведкамі заняпаду ідэі класічнага ўніверсітэта на фоне ўзмацнення прафесіяналізацыі і «прагматызацыі» адукацыі. Як гэта ні парадаксальна гучыць, але ў «грамадстве ведаў» патрэба ў вольных мастацтвах не толькі не культывуецца, але часцяком блакуецца логікай «эканамічнага розуму» і ідэалогіяй «свабоднага рынку», а доступ да ведаў з тых самых прычынаў робіцца ўсё больш праблематычным – як з гледзішча кошту навучання, так і ў плане «інструменталізацыі» ведаў. Універсітэцкая адукацыя ўсё больш падмяняецца менеджарскім пакетам адукацыйных паслуг па набыцці «know how», у выніку чаго ўніверсітэт страчвае статус месца, у якім прыярытэтнай каштоўнасцю ёсць вольнае мысленне.

«Інтэрнэтызацыя» адукацыі, калі яна не ёсць рэфлексіўна асэнсаванай, робіць яшчэ больш складанай сітуацыю з атрыманнем ведаў, пазбаўляючы сэнсу індывідуальнае імкненне спазнаць свет: навошта штосьці спазнаваць, калі ўсе веды, назбіраныя чалавецтвам, ужо « дасяжныя» – трэба толькі, каб быў камп’ютар і Інтэрнэт пад рукой. У выніку працэс навучання на нашых вачах ператвараецца ў набыццё навыкаў маніпуляцыі са здабытымі з Інтэрнэту звесткамі, а пазнавальныя кампетэнцыі, што культывуюцца «вольнымі мастацтвамі», саступаюць месца карысным і манетызуемым навыкам аперавання масівамі інфармацыі. Інакш кажучы, у «грамадстве ведаў» катастрафічна не стае саміх ведаў, і грамада-знаўства ў тым ліку, а часу на ў-сведамленне зменлівага свету – таксама няма.

Наш праект – гэта альтэрнатыва прыгнятальнай «глухасці спецыялізацый»; гэта напамін пра тое, што вольнае развіццё грамадства немагчымае без творчых, нестандартна думаючых людзей – не спецыялістаў у вузкім сэнсе слова, а людзей, здольных пераадольваць абмежаванасць дысцыплінарнага мыслення і выходзіць за межы ідэалагічнага фрэймавання свету, якое рэалізуецца ўладнымі рэжымамі.

Наш праект – гэта эксперымент, які мае на мэце асэнсаванне «карысці» гуманітарнай адукацыі і неабходнасці вывучэння «вольных мастацтваў» у эпоху эканамічнага прагматызму і тэхналагічнага дэтэрмінізму. Хацелася б верыць у тое, што, нягледзячы на ўсе гістарычныя перыпетыі, «вольныя мастацтвы» захоўваюць сваё значэнне ў якасці зместавай і ідэалагічнай асновы самой ідэі Універсітэта і, як і раней, увасабляюць пафас адкрыцця свету, дух свабоды і каштоўнасці гуманітарных ведаў, а спасціжэнне навук і сёння ёсць канстытутыўнай умовай свабоды – у мысленні і ва ўчынках.

Наш праект – гэта запрашэнне, адрасаванае да ўсіх, хто падзяляе каштоўнасці вольнай адукацыі і верыць, што «дух свабоды», уласцівы гуманітарным навукам, па-ранейшаму здольны да творчага пераўтварэння нашага жыцця.

Праграма Выставачна-адукацыйнага праекта ARTES LIBERALES альбо рэфлексія нон-стоп

3 траўня (чацвер)

19.00 Афіцыйнае адкрыццѐ выставачна-адукацыйнага праекта

20.00 Атмасферныя музычныя і VJ-выступы «Foundamental Network»

4 траўня (пятніца)

18.00 Прэзентацыя адукацыйнага праекта «Арт-крытыка?». Сесія №1: Аляксандр Камароў «Аrtistic writing»

5 траўня (субота)

15.00 «Кінематограф і гісторыя (памяць пра Перамогу ў савецкіх фільмах)». Дакладчык Андрэй Горных

17.00 Кінематаграфічная Вільня (фотавыстава і прэзентацыя мапы). Аўтар Аляксандра Ігнатовіч

18.00 Прэзентацыя часопіса «Топас». Дыскусія «Псіхааналіз паміж індывідуальнымі траўмамі і сацыяльнымі сімптомамі». Удзельнікі: А. Горных, В. Рубанік, Л. Міхеева, Г. Русецкая, В. Орышава

6 траўня (нядзеля)

17.00 Прэзентацыі студэнцкіх прац «Snuff Movie» (Валерыя Глухава) і «Новая нецярпімасць і квір-кінематограф: па той бок мяжы» (Аляксандра Ігнатовіч)

19.00 Фестываль відэа і анімацыі «UNTITLED»

7 траўня (панядзелак)

17.00 Прэзентацыя кніг: Брэскі Алег, Адвілоніене Жывіле. «Локальность. К нормативным основаниям социального места и порядка» і Брэская, В., Сувейкэ, С. «Индивид и корпорация в публичном пространстве»

19.00 Адкрытая лекцыя «Час штодзѐннасці ў графічным дызайне 70-80-ых гг. у Беларусі». Дакладчык Ала Пігальская

8 траўня (аўторак)

17.00 Экскуріся па фота-выставе. Удзельнікі:Святлана Паляшчук, Андрэй Лянкевіч

19.00 Прэзентацыя праекта Андрэя Лянкевіча «Бывай, Радзіма». Мадэратар Альміра Усманава

9 траўня (серада)

17.00 Праблемная лекцыя з музычнымі спецэфектамі «Тры хвалі белкульту: жыцьцѐ пасьля нацыі». Дакладчык Максім Жбанкоў

10 траўня (чацвер)

15.00 Дыскусія «Сучаснае мастацтва/Перфарматыўныя практыкі»

19.00 «Праблематыка вытворчасці незалежнага кіно ў Беларусі на прыкладзе праекта “Выше неба”: творчы працэс, вытворчасць, прадзюсіраванне, прасоўванне». Дакладчык Андрэй Курэйчык

12 траўня (субота)

11.00 Даследчы семінар «Не проста фатаграфія». Удзельнікі: Святлана Паляшчук, Таццяна Стрыга, Дар’я Еўтух, Дар’я Дзямура, Ганна Чыжова, Дзмітрый Белуш, Багдан Чарэнка, Ганна Самарская

17.00 Лекцыя «Вышэйшая адукацыя для ХХІ стагоддзя: выклікі і перспектывы». Дакладчык Рыгор Мінянкоў

19.00 Лекцыя «Рэкламныя тэхналогіі». Дакладчык Дзяніс Волкаў

13 траўня (нядзеля)

12.00 Адкрыты семінар «Памяць і забыццѐ ў Беларусі, Літве і Германіі». Дакладчык Фелікс Акерман

17.00 Круглы стол «Сацыяльная тэорыя і сацыялогія на зломе эпох». Удзельнікі: В. Брэская, Р. Мінянкоў, А. Усманава, В. Шпарага, А. Ралѐнак

14 траўня (панядзелак)

17.00 Дыскусія «Ідэнтычнасць у разнастайных вымярэннях». Мадэратар Рыгор Мінянкоў

19.00 Нацыянальная студыя сучаснага мастацтва Ле Фрэнуа (Францыя) – партнѐр ЕГУ. Дэманстрацыя фільма «Ле Фрэнуа. Візітная картка» Алена Флешэра і фільмаў, створаных студэнтамі студыі. Дакладчык Ірына Стальная

15 траўня (аўторак)

17.00 Прэзентацыя і сустрэча з арганізатарамі і ўдзельнікамі праекта «Радыус нуля, анталогія Арт-Нулявыя». Куратар Аксана Жгіроўская, мастакі Васіль Пачыцкі, motornina

16 траўня (серада)

15.00 – 16.30 Лекцыя-прэзентацыя «YouTube і серыйныя формы». Дакладчык Вікторыя Канстанцюк

17 траўня (чацвер)

16.00 Прэзентацыя студэнцкіх музейных праектаў. Мадэратар Сяргей Харэўскі

18.00 – 19.00 Прэзентацыя і анімацыя выставы «Невядомая БНР». Даследчык Юры Юркевіч

18 траўня (пятніца)

16.00 Лекцыя вядомага сербскага гісторыка мастацтва Misko Suvakovica. Праект «Арт-крытыка?»

19.00 Прэзентацыя выставы Віталя Раковіча «Святло беларускіх храмаў»

20.00 Паказ фільмаў «Лабірынты гісторыі беларускага фотамастацтва» (Леў Дашкевіч/Бенедыкт Тышкевіч/ Сігізмунд Юркоўскі). Аўтар Алесь Матафонаў

19 траўня (субота) Ноч музеяў

12.00 – 17.00 Прамая трансляцыя секцыяў міжнароднай студэнцкай навуковай канферэнцыі «Еўропа 2012: перспектывы і выклікі еўрапеізацыі»

19.00 Паказ фільмаў серыі «Лабірынты мастацкай культуры Заходняй Беларусі» (Пѐтра Сергіевіч/Язэп Драздовіч/ Міхась Сеўрук). Аўтар Алесь Матафонаў

22.00 Атмасферныя музычныя і VJ-выступы «Foundamental Network»

Начны паказ фільмаў:

«Лабірынты гісторыі беларускіх татараў» і «Дыягназ: Бісмарк». Аўтар Алесь Матафонаў

20 траўня (нядзеля)

18.00 Даследчы семінар-майстэрня «Вусная гісторыя ў Беларусі: ратаванне памяці аб мінулым» Удзельнікі: Алесь Смалянчук, Ірына Махоўская, Ірына Раманава, Ірына Кашталян, Вольга Іванова, Уладзімір Гарлач

21 траўня (панядзелак)

17.00 Круглы стол «Штодзѐнны фемінізм: гісторыі, ініцыятывы і рэфлексіі досьведу». Удзельнікі: Алена Мінчэня, Ганна Шадрына, Таццяна Шчурко, Вольга Петруковіч, Вольга Гапеева, Аляксандра Дынько, Таццяна Сяцко, Вера Пахай

22 траўня (аўторак)

17.00 Прэзентацыя філасофскай дактарантуры ЕГУ, дыскусія на тэму «Філасофія ў між- і трансдысцыплінарных даследаваннях». Дакладчык Таццяна Шчытцова

19.00 Круглы стол «Выклікі глабальнага грамадства і новыя функцыі юрыдычнай прафесіі». Мадэратар Ала Сакалова

23 траўня (серада)

18.00 Прэм’ера мультфільма. Аўтар Ірына Кадзюкова Паказ студэнцкіх прац BeetleJam (праект LitPro)

19.30 Лекцыя «The Innocent Eye Test: пра канструяванне даследчых аб’ектаў у полі візуальнай культуры». Дакладчык Альміра Усманава

24 траўня (чацвер)

17.00 Круглы стол «Гуманістычная псіхалогія versus Натуралістычная псіхалогія». Мадэратар Таццяна Шчытцова

19.00 «Што такое крытычны ўрбанізм у Мінску». Прэзентацыя Лабараторыі крытычнага ўрбанізму ЕГУ. Удзельнікі: Бэн Коўп, Ганна Пазняк, Георгій Заборскі, Аляксандр Хадзякоў

25 траўня (пятніца)

17.00 «Летнія вакацыі ў савецкім дзіцячым кіно. Неакадэмічны семінар для вялікіх і маленькіх». Дакладчык Анастасія Дзянішчык

19.00 Даклад «Некаторыя аспекты культурнай палітыкі Беларусі». Аўтар Вольга Кліп

5 мая  в  18 00 в Галерее Ў состоится презентация нового номера журнала Топос «Психоанализ между индивидуальными травмами и социальными симптомами».

Редакторы и авторы журнала обсудят специфику номера, ключевые проблемы современного психоанализа в его клинической и социально-критической ипостасях, а также сделают краткие сообщения по основным темам номера:  Что может знать, что должен делать, на что смеет надеяться психоаналитик? (Галина Русецкая), Европейский роман и психоанализ в поисках истины субъекта (Ольга Оришева), Любовь как проблема психоанализа (Лидия Михеева), Что могут сказать медиа о психоанализе, а психоанализ о медиа? (Виктория Константюк), Психоанализ и стыд (Андрей Горных) и др.

Приглашаем всех заинтересованных!

С содержанием номера и предисловием редакторов можно познакомиться на сайте:http://topos.ehu.lt/2012/04/24/%D0%BF%D1%80%D0%B5%D0%B7%D0%B5%D0%BD%D1%82%D0%B0%D1%86%D0%B8%D1%8F-%D1%82%D0%BE%D0%BF%D0%BE%D1%81%D0%B0-%E2%84%96-3-2011/

5 траўня а 18 гадзіне ў Галерэе Ў адбудзецца прэзентацыя новага нумара часопіса “Топас” “Псіхааналіз паміж індывідуальнымі траўмамі і сацыяльнымі сімптомамі”. Рэдактары і аўтары часопіса абмяркуюць спецыфіку нумара, істотныя праблемы сучаснага псіхааналіза – яго “клінічнай” і “сацыяльна-крытычнай” галін. Таксама чакаюцца кароткія паведамленні па асноўных тэмах нумару – “Што можа ведаць, што павінен рабіць і на што спадзявацца псіханалітык?” (Галіна Русецкая), “Еўрапейскі раман і псіхааналіз у пошуках ісціны суб’екта” (Вольша Орышэва), “Каханне як праблема псіхааналізу” (Лідзія Міхеева), “Што могуць сказаць медыя пра псіхааналіз і псіхааналіз пра медыя?” (Вікторыя Канстанцюк), Псіхааналіз і сорам(Андрэй Горных) і інш.

Ласкава запрашаем усіх зацікаўленых!

Са зместам нумара і прадмовай рэдактараў можна пазнаёміцца на сайце.http://topos.ehu.lt/2012/04/24/%D0%BF%D1%80%D0%B5%D0%B7%D0%B5%D0%BD%D1%82%D0%B0%D1%86%D0%B8%D1%8F-%D1%82%D0%BE%D0%BF%D0%BE%D1%81%D0%B0-%E2%84%96-3-2011/

Конкурс на получение грантов для проведения индивидуальных и коллективных исследований

Галоўная акадэмічная падзея года: Другі Міжнародны Кангрэс даследчыкаў Беларусі

28-30 верасня, 2012

Паважанае спадарства,

Кансорцыум беларускіх і літоўскіх арганізацый пад эгідай Універсітэта Вітаўта Вялікага (Літва) і Інстытута “Палітычная сфера” (Беларусь) аб’яўляе пра збор індывідуальных заявак для ўдзелу ў Другім Міжнародным Кангрэсе даследчыкаў Беларусі, які мае адбыцца 28-30 верасня 2012 года (Коўна, Літва).

У мерапрыемстве плануецца ўдзел каля двухсот спецыялістаў з розных краін свету, якія займаюцца даследаваннем Беларусі і рэгіёну Цэнтральнай і Усходняй Еўропы. Кангрэс прадугледжвае ўдзел даследчыкаў у галінах сацыяльных і гуманітарных навук. Акрамя гэтага, у межах Кангрэса плануецца абмеркаванне праблем рэгіянальнага развіцця, стасункаў Беларусі з іншымі краінамі і арганізацыя актуальных навуковых і грамадскіх дыскусій. Папярэднюю тэматычную структуру Кангрэса і дысцыплінарныя прыярытэты глядзіце ніжэй.

Больш падрабязную інфармацыю пра канцэпцыю, арганізатараў і партнёраў можна знайсці на вэб-сайце Кангрэса: www.icbs.lt.

Асноўнымі працоўнымі мовамі Кангрэса з’яўляюцца: беларуская, англійская (на гэтыя мовы будзе ажыццяўляцца сінхронны пераклад пленарных і сумесных пасяджэнняў). Дадатковымі мовамі камунікацыі з’яўляюцца: руская, польская і літоўская. Дакладчыкі могуць прадстаўляць тэзісы і рабіць даклады на беларускай, англійскай, літоўскай, польскай і рускай мовах.

Удзельнікі Кангрэса будуць мець магчымасць надрукаваць матэрыялы сваіх выступаў у выглядзе тэзісаў альбо асобных артыкулаў.

Для ўдзелу ў Кангрэсе неабходна:

1) Запоўніць анкету: http://palityka.org/machform/view.php?id=10

2) Запампаваць тэзісы выступу – да 400 слоў на любой працоўнай мове.

3) Пры патрэбе ў кампенсацыі выдаткаў на транспарт і пражыванне – запоўніць адпаведныя формы.

Усе дадатковыя пытанні і інфармацыю дасылайце, калі ласка, на адрас: icbs@palityka.org.

Апошні тэрмін падачы заяўкі – 15 чэрвеня 2012 года.

Арганізатары і партнёры Кангрэса: Універсітэт Вітаўта Вялікага (Літва), Інстытут палітычных даследаванняў “Палітычная сфера” (Беларусь), Інстытут Вялікага княства Літоўскага (Літва), Міжнародны Кансорцыум “ЕўраБеларусь” (Беларусь), Беларускі інстытут стратэгічных даследаванняў (Беларусь), Інтэрнэт-часопіс “Новая Еўропа” (Беларусь), Цэнтр даследаванняў Усходняй Еўропы пры Варшаўскім Універсітэце (Польшча), Агенцыя гуманітарных тэхналогій (Беларусь), Цэнтр сацыяльных інавацый (Беларусь), Сайт экспертнай супольнасці “Наше мнение” (Беларусь), Няўрадавая арганізацыя “Цэнтр усходняй палітыкі” (Літва), Часопіс “Arche” (Беларусь), Інтэрнэт-часопіс “BelarusDigest” (Вялікабрытанія).

Паварот да Беларусі: ідэі, метады, канцэпцыі.

Папярэдняя тэматычная структура Кангрэса

(на аснове ўхваленых калектыўных заявак і прапаноў)

Гісторыя:

(сацыяльная гісторыя, палітычная гісторыя, эканамічная гісторыя)

1. Вялікае Княства Літоўскае: палітыка, сістэма кіравання, заканадаўства, міжнародныя стасункі.

2. Lingua i natio: праблема этнічнасці ў Сярэднявеччы і Раннім Новым часе (казус Вялікага Княства Літоўскага).

3. Мадэрнізацыя, індустрыялізацыя і палітычныя пераўтварэнні: Беларусь ХІХ-ХХ стагоддзяў.

Гуманістыка:

(даследаванне мастацтва, літаратуры, багаслоўскай думкі, біблеістыка)

4. Сучасная беларуская культура: арт-рынак, арт-менеджмент і арт-практыкі.

5. Сучаснае беларускае мастацтва: дыскурс, тэорыя, практыка.

6. Беларускі кінематограф: рэінтэрпрэтацыі “савецкага” і праблемы постсавецкага перыяду.

7. Беларуская літаратура: пераклад, выданне, даследаванне.

8. Беларуская Біблія: праблемы і перспектывы навуковага перакладу.

9. Багаслоўская думка: гістарычны і сацыяльны кантэкст, даследчая праблематыка і перспектывы развіцця.

Сацыяльныя дысцыпліны:

(палітычная навука, палітэканомія, міжнародныя адносіны, еўрапейскія даследаванні)

10. Інстытуты беларускай палітыкі, 1990-2012.

11. Беларусь у сістэме міжнародных адносін і двухбаковых стасункаў.

12. Еўрапейскія даследаванні ў беларускім кантэксце.

13. Беларусь: выклікі эканамічнай і палітычнай мадэрнізацыі.

Эканоміка:

14. Праблемы трансфармацыі эканомікі Беларусі.

Міждысцыплінарныя накірункі:

(палітыка памяці, сучасная гісторыя, сацыяльная і палітычная тэорыя, урбаністыка, рэлігіязнаўства, гендэрныя даследаванні)

15. Разнастайнасці (пост)камунізму ў Цэнтральна-Ўсходняй Еўропе.

16. Сацыяльная і гуманітарная веда: змена даследчых парадыгм.

17. Горад, урбанізацыя, гараджане: мінулае і сучаснасць (гістарычная урбаністыка).

18. Беларускае рэлігіязнаўства: вынікі дваццацігадовай гісторыі і перспектывы развіцця.

19. Гендэрныя палітыкі і практыкі ў Беларусі.

20. Тэарэтызаванне гендэру ў беларускай гуманістыцы.

Накірункі, арыентаваныя на практычныя праблемы:

21. Рэфармаванне беларускай сістэмы адукацыі: практыка і канцэптуальнае забеспячэнне.

22. Даследаванні грамадзянскай супольнасці Беларусі.

Кафе «Кальянная №1»

Ул. Карла Маркса, 33

В рамках СпецПроекта «Европейское кафе: открытые лекции о современном искусстве»состоится публичная лекция Татьяны Артимовичи Ольги Шпараги

«Искусство вне «музея»: между эстетическим и остросоциальным»

Некоторые люди становятся полицейскими для того, чтобы мир стал лучше.
Некоторые люди становятся вандалами для того, чтобы мир выглядел лучше.

Правила жизни Бэнкси

Во второй половине ХХ веке искусству становится тесно в музеях, и оно начинает осваивать улицы, площади, парки, заборы и стены зданий. Скульптура, инсталлированная в городское пространство, граффити, раздражающее прохожих или, наоборот, украшающее город, перфоманс как художественный или гражданский жест – покидая стены галерей, искусство позволяет нам по-новому увидеть самые разные пространства: природное, социальное, культурное, публичное, приватное. Предлагая новый взгляд, оно как бы взрывает эти пространства изнутри, обнаруживая новые структуры, субъекты и практики совместной жизни.

Из перспективы истории искусств Татьяна Артимович представит ряд проектов зарубежных и беларусских художников, работающих с различными формами паблик арта: городские инсталляции Христо и Константина Селиханова, лэнд-арт Роберт Смитсона, граффити Бэнкси, акции Николаса Урибуру и Михаила Гулина и других. А Ольга Шпарага, опираясь на философские исследования пространства, публичности, социального и политического, предложит развернутые комментарии к искусствоведческим интерпретациям этих работ.

Вход свободный по предварительной записи – 8-029-3592360

Чарговая публічная лекцыя з цыкла “Urbi et Orbi” (”Гораду і Свету”) Улада Вялічка: “Грамадзянская супольнасць і еўрапеізацыя Беларусі: Mission (im)POSSIBLE!” Адбудзецца яна27 красавіка (пятніца) а 18.30 у “Арт Сядзібе”(Мінск, вул. Куйбышава, 22, ГД “Гарызонт”, 2-гі паверх, уваход вольны).

Чытаць інтэрвію: http://news.tut.by/society/285372.html

Новы семінарскі курс:

Тэкстуальная крытыка і канон Новага запавету

Выкладчык: доктар багаслоўя ( PhD, STD ) Ірына Дубянецкая

Біблія – фундамэнтальны культуратворчы тэкст. Гэта корпус тэкстаў нашае цывілізацыі, на інтэрпрэтацыях якога ўзьнікалі й узьнікаюць шматлікія духоўныя, інтэлектуальныя ды грамадзкія інстытуцыі, школы й традыцыі і які, аднак, не спыняе ўражваць і натхняць усё новыя пакаленьні дасьледчыкаў.

Навука і мастацтва інтэрпрэтацыі тэкстаў Бібліі, праца з імі – ёсць сапраўдны унёсак у развіццё нацыянальнай і агульнай чалавечай культуры і мыслення. Але, што трэбы ведаць, якімі метадамі і валодаць, каб сёння працаваць с тэкстамі Бібліі?

Прапанаваны курс знаёміць з базавымі прынцыпамі тэкстуальнай крытыкі і гісторыяй фармавання канону Новага запавету. Але ня толькі знаёміць. Засваенне першасных ведаў пра працу з тэкстамі Новага запавету будзе адразу спалучацца с спробамі першых крокі ў бібліістыке, у развіцці беларускіх веды ў гэтай сферы.

Курс арынтаваны на актыўную самастойную – індывідуальную і групавую – працу удзельнікаў па даследванню пытанняў, звязаных з фамаваннем канону Новага запавету, праблем тэкстуальнай крытыкі. Плануецца, што удзельнікі ня толькі атрымаюць веды, але зробяць свой унёсак у развіццё беларускай думкі і культуры.

Курс разлічаны на 10 заняткаў (па пятніцах). Пачатак 20 красавіка, у 18.30.

Да удзелу запрашаюцца ўсе зацікаўленныя

Для ўдзелу ў курсе неабходна даслаць ліст ( да 16 красавіка) на адрас flyuniby@gmail.com з наступнай інфармацыяй:

• прозвішча і імя ўдзельніка,

• месца працы ці навучання,

• ці былі Вы удзельнікам курсаў Ірыны Дубянецкай раней,

• кантактныя тэлефоны і e-mail.

17 красавіка ўсе ўдзельнікі атрымаюць дадатковую інфармацыю пра месца правядзення заняткаў