Proxecto 2011

Problemas Internos

2009-02-17T13:47:00.000-08:00

Onte achegueime polo pleno no concello de Tui, o asunto de mais relevancia política que se ia debatir era a cesión dos terrenos traseiros da Área Panorámica á Consellería de Sanidade para a construcción dun novo ambulatorio. A única intervención crítica foi a de José Manuel González número dous do T.U.I. partido máis coñecido para muitos como “LA ALTERNATIVA”, José Manuel criticou a ubicación baseándose, sobre todo, en que os accesos ao lugar non eran nada bos en caso dunha urxencia, especialmente en dia de feira, os xoves. O alcalde defendeu que ao estar céntrica muitos tudenses se poderían achegar a pé e non en vehículo supondo isto unha comodidade para muitos cidadáns. O PP, Acción Tudense e PSOE votaron a favor, o BNG abstívose e o T.U.I votou en contra. Resulta chamativo que cando “LA ALTERNATIVA” vota en contra dunha proposta do PP é precisamente cando ao PP non lle fan falta eses votos, ¿será por casualidade?.

No debate deste asunto voltouse a por de manifesto o baixísimo perfil político da oposición no Concello, ninguén aproveitou para criticar o retraso de muitos anos co que se busca unha ubicación ao ambulatorio, nin falar do empeñado que estaba o PP en que se comprase un terreno ao lado do actual ambulatorio para facer unha ampliación, nen de responsabilizar diso a Rocha, que lembremos que é alcalde desde o ano 98, ninguén aproveita para reprochar ao Partido Polpular que ese terreno leve feito un lamazal todo o seu periodo no goberno municipal, e que o Concello sega sen ningún tipo de planificación urbanística por culpa de que os nosos gobernantes teñen intereses lucrativos vinculados ao urbanismo e por tanto non ceden ás peticións da Consellería para sacar adiante o Plan Xeral. Un asunto que se presta como poucos para por en cuestión a desastrosa xestión urbanística do PP, sáldase cun debate sobre si as ambulancias van tardar muito en pasar polas lombas de Casal Aboy, así nos loce o pelo.

O alcalde ten completamente dominados psíquicamente ao seus rivais, procura tratalos formalmente ben, chamaos polo nome de pila, é amable con eles, iso si, si se comportan como cordeiros degolados e non lle plantexan ningún prolema, en canto algún pretende facer un ataque minimamente consistente ameaza con retirarlle a palabra.

Carmen, a número dous do BNG, sacou a colación uns problemas en Areas coa nova vía rápida e mencionou un problema bastante grave, que o acceso ao Polígono de Areas era unha estrada parroquial e que isto supuña un grave estrangulamento para o Polígono e para os viciños especialmente agora coa abertura do Outlet. Outro asunto para poder atacar ao Alcalde pola sua corresponsabilidade na absoluta falta de planificación que supón esta chapuza de que sexa unha estrada dunha parroquia a que da acceso a un polígono, algo realmente terceiromundista e que permitiria un ataque forte e completamente merecido contra o alcalde que tampuco se produciu.

Despois do asunto de Areas mencionaronse polo Alcalde algúns problemas relacionados con expropiacións en Guillarei debidos ao paso do AVE Vigo-Porto, o PSOE dixo que Antón Louro, deputado dese partido e presidente da mesa de Infraestructuras no Congreso se pasaría a falar cos afectados en Guillarei, ¿tera algo que ver a proximidade das eleccións?. O PSOE tamén propuxo que o aparellador municipal José María Melero non continuase despois dos 65 anos para deixarlle o paso a alguen mais novo, o único argumento a favor desta renovación foi que esta medida podería paliar o desemprego, o voceiro nesta ocasión do PSOE, o seu número dous recordoulle tres ou catro veces, cunha sumisión e un servilismo absoluto ao Alcalde que él era o que tiña a potestade nesa decisión.

Laureano, do BNG no turno de rogos e preguntas sacou un par de cuestións de relevancia política, unha é que a numeración dos decretos tiña saltos no vacio, o que significa ou erros administrativos ou o que seria pior, ocultación de documentos, a resposta de Antonio Feliciano Fernández Rocha foi encollerse de hombros e isto pareceulle ben ao representante do Bloque que pediu humildemente e por favor que se tentase solucionar, nun tema onde xa se podía ter mordido en oso atacando a falta de transparencia e orden do goberno o Alcalde saiu, como sempre, de rositas. O mesmo grupo preguntou despois polos problemas do PP, Rocha respondeu que era católico e que, polo tanto, perdoaba aos seus compañeiros e engadiu que estes eran problemas internos do Grupo Popular e quen non ia responder a mais preguntas sobre o asunto, aquí a oposición tampouco aproveitou para recordarlle a todo o mundo que os “problemas internos do PP” perxudican e levan muito tempo perxudicando ao noso municipio e que cesar a dous concelleiros é un problema de Tui, non só un “problema interno do PP”, unha oportunidade perdida máis para deslexitimar ao partido político que leva vinte anos (desde que Diz Guedes propuxo a Capón para alcalde no seo do PP en 1989) sumido en “problemas internos” que están facendo que Tui esmoreza social e economicamente e que Tui non pode seguir outros vinte anos perdendo o tempo por culpa dos “problemas internos do PP”.

¿E que foi de Miguel Capón?, missing, perdido en combate e desexando voltar ao partido que o humillou xa en varias ocasións, só dixo que él tamén era católico e que para perdónar, o Catecismo del Padre Astete, que se lle ensinaba aos rapaces no franquismo, pedia catro requisitos. Esa nota de cultura xeral non compensa un silencio complice de quen se presta a negociar con calquera, sempre que sexa do PP, supoño que esta era outra norma do mesmo catecismo.

Carlos Vázquez Padín

Club Financiero de Vigo

2008-09-23T11:02:00.000-07:00

Si uno entra en la página web del Club Financiero de Vigo (CFV) podrá leer esto: "Hace meses que los analistas advierten que España lo pasará mal. Otros países de la UE, como Alemania -que hace unos años sufrió una crisis propia que afrontó gracias a un gran pacto de Estado y a un suave pero constante proceso de desfederalización- o Francia -cuya fortaleza energética no genera demasiadas dudas-, posiblemente se limiten a ver pasar la crisis internacional. Frente a esto, la fragilidad con que España ha de enfrentarse a la situación internacional se incrementa con el endémico y persistente problema territorial que, como el CFV lleva años denunciando, está debilitando no sólo las estructuras del Estado y provocando desequilibrios internos, sino que tiene efectos sumamente perniciosos a la hora de elaborar, con visión de Estado, una política presupuestaria que permita afrontar la crisis con eficacia, lejos de intereses regionales, donde la máxima de '¿qué hay de lo mío?' quede, aunque sea por una vez, aparcada.

Este lenguaje de empresarios no expresa una visión de Estado, sino su difamación. Rebaja el proceso parlamentario de aprobación de los Presupuestos, y tal vez el de negociación de la financiación autonómica, exigencias ambas del actual ordenamiento constitucional, al nivel de un capricho de camarillas. Es un lenguaje no sólo deplorable en un club de empresarios, sino que parece encerrar cierto tono de advertencia a las instituciones. Sus raíces ideológicas muy bien las podría encontrar uno en la derecha española de siempre, en Calvo Sotelo o en el Aznar de la segunda legislatura, por no entrar en más honduras.

Lejos de hacer un análisis inteligente de la crisis mundial, en la que ha tenido tanto que ver la agresiva desregulación de los mercados financieros, o mostrar las causas de la falta de competitividad de la economía española, enzarzada en una burbuja inmobiliaria que creció al amparo de bajos tipos de interés, el club de los empresarios vigueses se limita a señalar, con acre reduccionismo, lo que, a su juicio, está en el origen de todos los males de España que no es otra cosa que lo que ellos denominan, con eufemismo tecnocrático, "el problema territorial".

Si uno entrase a discutir lo que ahí se argumenta podría negar que la fortaleza ante la crisis de Alemania tenga que ver con un presunto proceso de desfederalización. Quien conozca la historia de Alemania sabe que fue Hitler, en enero de 1934, quién acabó con el sistema federal, que la ley fundamental reinstauró. Ni que decir tiene que la fórmula de financiación que los catalanes quieren para sí está tomada, precisamente, de la usada en la República Federal. De la presunta fortaleza de Francia, Estado jacobino donde los haya, habría mucho que hablar y, desde luego, no es necesario ser un gran profeta para sugerir que ellos, como lo han hecho los ingleses y los italianos, acabarán procediendo a una cierta devolución de poderes. Esto es así, guste o no, y lo contrario es mentir.

Del mismo modo, no puede dejar de señalarse que existe una correlación entre el milagro económico español y el Estado de las Autonomías. Quien no repare en que el viejo Estado centralista fue ineficaz y generador de atraso no entiende nada de lo que está pasando ante sus narices. La pujanza de los últimos treinta años es producto, también, del dinamismo "territorial", que no sólo es un problema, sino también factor de crecimiento. Por no decir que las diferencias de renta entre Galicia y Andalucía, de un lado, y Cataluña o el País Vasco, de otro, se han reducido en este trecho, y no aumentado. Esto tiende a ocultarse o ignorarse con verdadera mala fe.

Quien sepa algo de España sabe que su diversidad y pluralidad es un valor, y no un riesgo. Y aquellos que practican formas modernas de lerrouxismo hacen pinza con los que, en el otro extremo, ponen en tela de juicio un sistema político sin el que no puede haber estabilidad social y seguridad jurídica, dos condiciones del crecimiento. Los que juegan a ello son aprendices de brujo con cierto sabor a rancio.

Bajo capa de preocupación por la crisis, lo que ese texto pone en cuestión es la democracia, precisamente tal como los españoles se la han dado a sí mismos. ¿Representa ese texto el pensamiento y el sentir de los socios del Club Financiero de Vigo? Si los empresarios del área de Vigo defienden tales planteamientos es que algo falla en nuestro país. El escritor Xavier Docampo ha escrito que estos clubs son una variante contemporánea de aquellos casinos donde un puñado de desocupados, envanecidos por su riqueza, ocupaban su ocio en resolver, en pose de arbitristas, los problemas de España. Tal vez no hemos salido de ahí.

Artigo de Antón Baamonde publicado na edición de Galicia do El Pais o 23/09/2008

O Declive de Tui

2008-09-03T11:51:00.000-07:00

A historia de Tui nos últimos dous séculos é a história dun declive moi acusado, é un declive que temos que ler en clave política, relixiosa, administrativa e económica.

En 1833 Tui perde a capitalidade de provincia que ostentara até aquela altura, nese momento o Governo español optou por imitar a estructura do estado centralista frances que dividia o Estado en departamentos, as provincias até entón non tiñan nengunha aparellaxe administrativa, nunca existiu a Deputación de Tui, e polo menos no caso de Galicia a división en sete provincias respondía en grande medida á división episcopal (salvo no caso de Betanzos e A Coruña) , hai quen di que Javier de Burgos, que era ministro do Goberno de Cea Bermúdez recebeu sobornos de alguén interesado en que Pontevedra fose capital, o caso é que nesa altura Pontevedra era un pouquiño mais grande que Tui, e Vigo que non pasaba dunha vila de pescadores no que hoxe coñecemos como o Berbés e tiña menos habitantes que Tui, Lavadores e Bouzas eran concellos independentes que mais tarde absorveu Vigo.

Teriamos que perguntarlle a algún historiador, por exemplo a Suso Vila, como se conformou esa decisión de politicas públicas en Madrid e se alguén podia ter feito algo para evitar a perda da capitalidade, por exemplo seria interesante saber se a igrexa, como estructura de poder que era e que pretende seguir sendo, fixo ou non fixo algún lobby para defender que Tui seguise a ser capitalidade.

A continuación a clasificación das cidades de Galicia en 2006 e en 1760.

2006

Vigo 293,255
Coruña (A) 243,320
Ourense 108,137
Santiago 93,458
Lugo 93,450
Pontevedra 80,096
Ferrol 76,399
Vilagarcía 36,519
Narón 35,664
Oleiros 31,264
Redondela 30,029
Carballo 29,985
Ribeira 27,053
Arteixo 26,739
Culleredo 26,547
Marín 26,190
Cangas 25,202
Ames 23,219
Cambre 22,092
Estrada (A) 22,013
Ponteareas 21,993
Lalín 20,779
Monforte 19,412
Boiro 18,554
Moaña 18,432
Nigrán 17,631
Teo 17,168
TUI 16,925
Sanxenxo 16,914
Porriño (O) 16,617

1760

Santiago 16,314
Coruña (A) 7,380
Pontevedra 4,734
Betanzos 3,286
TUI 3,250
Ourense 2,792
Lugo 2,552
Vigo 2,509
Mondoñedo 2,253
Ferrol 1,177

Tui perde 23 postos nesta clasificación, Tui perde e continua a perder todos os trens, o último a bonanza inmobiliaria dos últimos anos que tería permitido unha consolidación demográfica e a construcción dun ensanche modélico en Galicia baseado na prolongación cos mesmos criterios da urbanización do Chao Chao que con tan bon criterio executou o daquela alcalde Gelucho. Estes criterios están claros, ruas anchas que crean espazos e que facilitan a calidade de vida dos cidadans e melloran a estética da cidade. Baixo o mandato de Rocha o que pasou foi ben distinto, no que se fixo foise estragando a boa base que había, reducción clara de espazos n que se fixo e paralisación do desenvolvemento urbanístico para a defensa dos intereses particulares do alcalde e en perxuizo dunha cidadania que sen embargo consinte e aproba que este siga a ser o alcalde votandoo directamente ou picando no grande timo da historia política recente de Tui (Tudenses Unidos Independientes) que se presentava como "La Alternativa" a Rocha e agora se limita a permitir que Rocha continue no poder baixo a desculpa de que é o que decidiron os cidadans cando os seus votos serían válidos para desaloxar da alcaldia ao que xa podemos bautizar con escaso risco de equivocarnos como o peor alcalde da historia da nosa localidade.

Vemos a unha Ponteareas con 22.000 habitantes, todos sabemos que Ponteareas é muito menos atractivo que Tui en praticamente calquera sentido sen embargo captou un fluxo demográfico de Vigo porque tiña o plan aprobado. ¿non será que Rocha viu como varios alcaldes do PP perdian o poder pola entrada de xente nova no concello que non respondía á mesma lóxica?, vimos o que pasou en Salceda, Tomiño, Ames, está a piques de pasar en Ponteareas, etc. É bastante perverso pero é a realidade, quen manda en Tui sabe que o progreso e o dinamismo conlevaría inmediatamente a sua perda do control e portanto traballan activamente en contra do crecemento.

O caso é que ese declive continua até os nosos días, o Teatro mais antigo de Galicia, que formou parte desa grandeur pasada de Tui continua a cair en pedazos, os turistas pasan de longo e non conseguimos atraer o fluxo económico que estes poderían atraer cando temos potencial para facelo, o casco vello deteriorase a cada paso mais, etc. Só hai algo que salva a Tui da desfeita total: a sua ubicación privilexiada, na fronteira mais transitada entre o Estado español e Portugal, e perto dunha cidade dinámica e de tamaño medio como Vigo o que nos habilita como cidade dormitorio de Porriño e Vigo, ainda ben porque como tivesemos que vivir da dinámica económica que xera Tui por si mesma xa estaríamos nos catro mil habitantes como Mondoñedo.

¿Pero porque Tui non deixa de perder tren tras tren?, ¿sera acaso a mala sorte? ¿o mal fario?. Eu creo que non é unha cuestión de azar, eu penso que é a sua sociedade ou, ao menos unha parte moi maioritaria desta, a que permite, consinte e aplaude que nada se mova, que non haxa dinamismo, que non haxa progreso, a sociedade tudense prefire que nada pase, que non se avance que manden "los de siempre" que teñan patente de corso, que non importe o mal que o fagan. A sociedade tudense é acrítica co stablishment e hipercrítica con quen intenta mover ficha para que as cousas melloren, toda a miña vida me chamou a atención o exame que tiñan que pasar os candidatos nas municipais dos partidos non pertencentes á direita españolista e a manga ancha que tantos e tantos cidadans tiñan e teñen cos candidatos das opcións dese signo ideolóxico, é dicir, PP, ex-PP, futuro PP, etc. A estes non se lles exixe capacidade e muito menos honradez sen embargo aos outros pideselles o imposible porque no fondo so se buscan xustificacións para apoiar a continuidade e acalmar as conciencias de quen sabe que non actua correctamente.

Infelizmente ainda que sexa duro recoñecelo a nosa sociedade como conxunto carece de cultura democrática, unha sociedade con cultura democrática non dubida en desaloxar do poder a quen se sirve deste exclusivamente para a persecución dos seus intereses privados, esta sociedade tampouco está disconforme coa corrupción, coa falta de escrúpulos, co enchufismo e a falta de capacidade, iso si, sempre que todas estas características as reuna alguén da sua mesma orientación ideolóxica, se é alguén que comete o pecado de non ser da mesma orientación basta con calquera defectiño real ou inventado para descalificalo por completo.

Enfin asi nos loce o pelo!!

PRIMEIRO PLENO

2007-07-30T12:57:00.002-07:00

Non vamos entrar en debate

O pasado xoves tivemos a oportunidade de asistir ao primeiro pleno, despois do da constitución do mesmo, do Concello de Tui. Parece claro que vai ser un mandato de continuidade, probablemente o último de Rocha, e dunha maneira de facer política que debe, definivamente quedar ubicada no pasado e canto mais pretérito mellor.

No que se refire aos aliñamentos dos grupos o T.U.I. continua a ser a incognita, ou polo menos iso van pretender eles, manter unha ambiguidade calculada entre o Rochismo e a oposición, vaille ser mui complicado manter esa ambiguidade durante todo o mandato, e en todo caso esa ambiguidade supón o seu definitivo certificado de defunción política, a mesma ambiguidade que o levou ao fracaso na campaña quere mantela agora nos catro anos de mandato, é moi libre de facelo pero os réditos políticos para as próximas municipais van ser ben poucos, non se consigue atraer a ninguén coa indefinición, hai que mollarse, nun sentido ou noutro e moito mais cando estamos a falar de dar un posible apoio baixo corda a un alcalde indefendible, en fin, no pecado seguirá levando a penitencia, ígual que Tui, o seu "pecado" de apoiar a alguén como Rocha seguirá sendo a sua penitencia a traves do seu anquilosamento social e económico, ainda que ben pensado só unha sociedade anquilosada e nada dinámica pode apoiar a alguén como Rocha polo que poida que este, sendo consciente disto, esté interesado, ademais de en que o casco vello caia a pedazos, en que Tui non adquira un dinamismo que acelere a sua perda de control.

Do outro lado hai unha especie de Bloque Opositor Tudense (en diante BOT), formado por AT, PSOE (o PSdeG non existe) e BNG. A política fai extraños compañeiros de cama e o único que une a Capón cos grupos de esquerda non é mais que un necesario e perfectamente xustificable antirochismo. No pleno viuse claramente que Nani non quere formar parte deste BOT. Botase en falta por parte do BOT unha oposición con moita mais carga política, cando Rocha di "non vamos entrar en debate" habería que telo atacado con dureza, e logo, ¿para que está o pleno?, Rocha é un elemento cunha cultura política antediluviana autoritaria e rexeita o debate e moito mais a crítica por iso mesmo, cando tiña maioria absoluta os plenos eran cada dous meses e pola mañá para que non houbese debate e para que si o habia ninguén se enteirase. O debate e o intercambio de ideas é saudable para a democracia e a sociedade pero cando alguén está en política por ánimo de lucro non lle interesa someter as suas ideas a debate, ¿que ideas pode ter Rocha mais alá de recalificacións e negocios urbanisticos feitos á sombra do poder municipal?.

Rocha é unha persoa intelixente, sen nengunha formación nen cultura pero mui intelixente, o lamentable é que use esa intelixencia para facerlle mal a Tui e aumentar espectacularmente as suas contas correntes a costa do resto da cidadania, é moi intelixente especialmente desde o punto de vista emocional, cando algún opositor actua de modo constructivo e moderado tratao ben, intenta concederlle algún tipo de favor, como por exemplo estudar esa proposta, etc. Isto é un engaña bobos, un político antidemocrático e corrupto como Rocha non pode ser enfrentado cunha oposición tranquila como si aqui non pasase nada, vamos ver se o BOT se decata disto e comeza a facer unha oposición incisiva. O BNG comezou moi brandiño chegando Lano a falar do talante ZP de Rocha, o PSOE deu algo mais de caña pero especialmente a Diz Guedes, e non conven desviar o enfoque, é moi fácil cebarse agora con Nani, despois do seu fracaso, pero con quen de verdade hai que cebarse é co goberno municipal. Ademais atancando ao Goberno, tamén se ataca ao T.U.I. na medida en que estes apoien ao goberno.

Estivo acertado o portavoz do PSOE cando puxo de relevo a continuidade que se producia nas dedicacións exclusivas reseñando especialmente a de urbanismo para Prada, despois dunha xestión completamente fracasada a decisión do alcalde é ratificar no posto ao delegado de Urbanismo. A contia das dedicacións non chama especialmente a atención, 1900 euros brutos ao mes para os dous concellais con dedicación e 1600 para a media dedicación do Alcalde, é sen dúbida bastante mais do que estas persoas conseguirían gañar no mercado laboral libre por conta allea pero son cantidades razoables, inferiores, por exemplo ás dedicacións dos concelleiros do BNG e do PSOE en Tomiño. Só que no caso de Tui temos unha dúbida, ¿é esta a sua única fonte de ingresos relacionada coa actividade política?, é vox populi que non.

Por último tamén vimos o papel de mulleres floreiro que para o PP teñen as suas concelleiras non depositando nelas nengunha confianza nen delegación política de relevancia acorde cos postos que ocuparon nas listas, vamos ver se estas asumen ese papel asignado de mulleres floreiro ou reinvidican maior protagonismo, non me extrañaría nada que o tránsfuga Sousa estivese presionando para que algunha delas demita e entrar el de novo como concelleiro.

TUI IS DIFFERENT

2007-06-30T22:57:00.000-07:00

O venres pasado cando chegaba de traballar encontreime cunha novidade, o concello tiña situado en puntos estratéxicos dun cada vez mais deteriorado casco vello letreiros de Información Xeral supostamente orientados precisamente a informar aos turistas que, nomeadamente durante o verán, chegan á nosa moi nobre e moi leal cidade (título que cada vez merecemos menos).

Tratase de facer que se fai mentres o maior patrimonio de Tui e un dos mais destacados de toda Galicia, vai caindo progresivamente a cachos perante a indiferencia dun poder político-económico para o que o casco vello chega a ser mesmo un estorbo, pensará o señor alcalde.......se o casco vello se convirte nunha alternativa residencial atractiva terei mais problemas en vender as miñas promocións no resto de Tui, por tanto non me interesa o casco vello. Algo tan simple e patético como isto, sen embargo moitos tudenses parecen satisfeitos, a xulgar polo resultado eleitoral, con que alguén que mistura claramente política municipal con negocios privados siga a ser quen rixa os destinos do noso municipio. Pomos ao raposo a cuidar das galiñas e así nos luce o pelo. Cando estou con alguén de fora no Parador ou entrando en Tui desde Valença, sempre fago o mesmo, sinalo as ruinas do Teatro Principal e digolle a quen me acompaña que é o Teatro mais antigo de Galicia e preguntolle se de onde el procede isto é posible, de momento fixeno cun sueco que dixo que iso en Suecia seria impensable, e cun madrileño afin ao PP, que se sentiu avergoñado cando lle dixen que o alcalde de Tui era do PP e que o seu antecesor, outro ex alcalde do PP sen intereses na construcción propuña tiralo e facer un aparcamento no mesmo lugar.

Moita xente non quere ver o impulso económico que dun potenciamento do casco vello, através do Plan Especial do Casco Histórico, a candidatura a patrimonio da humanidade en conxunto con Valença, as axudas á rehabilitación, etc se lle podería dar á hosteleria e ao comercio da cidade e portanto ao conxunto da nosa economía, o turismo pode e debe ser unhas das principais fontes de riqueza do noso concello pero compre por en valor os recursos e non estragalos como o estamos a facer nos. Recordo a alguén do BNG dicir que o verdadeira riqueza proviña das actividades agrícolas e mariñeiras e que o Turismo non era fonte de riqueza, claro que esta mesma persoa dicia que o Euro só valería para ir á feira de Valença, cando alguén proven do resistencialismo da esquerda antisistema notase, teño curiosidade por coñecer a política do BNG á frente da Dirección Xeral de Turismo da Xunta.

Hai unha frase feita que di: "o nacionalismo curase viaxando", e eu pregunto ¿como se cura o palurdismo de quen despreza o seu idioma e non sabe que o inglés é hoxe a lingua franca para calquera cousa incluida o turismo?, ben, os letreiros de sinalización do casco vello só están en castellano, nen rastro de galego, nen rastro de ingles. Voltamos á doutrina linguistica do Franquismo que reprimia o galego e que impedia que os españois se "contaminasen" de linguas alleas como o francés e o inglés, isto foi o que levou a Franco a ordenar a dobraxe ao castellano das peliculas que emitia TVE e esta ideoloxia e a que está na base de que España sexa o membro da Unión Europea con peor nivel de linguas extranxeiras. Se cadra pensan os coitados que son moi cosmopolitas por usar o castellano, cando as suas miras non pasan do marco das suas leiras.

Os nosos gobernantes locais son provincianos, incultos e parece que non viaxaron nunca por Europa, nen sequera a Portugal onde esta e unha das poucas cousas que podemos aprender deles, é o primeiro caso que vexo, ¿non sei se vos tendes visto algo igual? na que unha rotulación turísitica exclue o inglés, sempre está no idioma ou idiomas locais e despois o inglés, en Portugal; portugués e inglés, en Franza, francés e inglés, en Cataluña, catalán, castellano e inglés, en Gales, galés e inglés. etc. Pero Tui is different. Somos tamén practicamente o único concello dos 316 de Galicia onde no Nadal o letreiro luminoso financiado polo concello pon Feliz Navidad e é que o Corte Inglés respeta mais o idioma de Rocha que o propio Rocha, vaya por dios!!.

O lóxico, normal e que calquera técnico turístico aprobaría seria usar o galego, lingua propia de Galicia, o castellano, lingua de moitos galegos e lingua falada por unha porcentaxe moi significativa dos turistas que visitan Tui e finalmente en inglés lingua que pode ler grande parte dos turistas non españois que visitan ou que deberían visitar Tui.

Alguén que despreza e infravalora as suas orixes nunca poderá construir nada en positivo, só será capaz de destruir, o futuro e o progreso só se poden construir sabendo que compre mellorar e tendo apertura cara o exterior pero esta apertura ao exterior non debe partir do desprezo do propio. Un exemplo para min é Xapón onde foron capaces de adaptar elementos alleos como o capitalismo occidental sen renegar do seu pasado e combinando o mellor deles co mellor de fora conseguiron convertir unha illa relativamente pequena (mais pequena que España) con escasez de recursos mineiros e naturais e no medio da nada (durante o desenvolvimento económico de Xapón desde finais do século XIX Asia non pintaba nada na escena económica mundial) na segunda potencia económica do mundo.

Pero como sempre hai que ser positivo vou propor un novo tipo de turismo que podería ser unha boa fonte de publicidade e de riqueza para Tui, que nos visiten estudantes de distintas faculdades de Ciencias Políticas de Europa, unha especie de Erasmus da infrapolítica europea, para analisar politicamente o que acontece en Tui, a ver se eles son capaces de explicar como pode gañar unhas eleccións nunha democracia europea occidental alguén como Rocha porque eu non son capaz.

COMPLICES POR OMISIÓN

2007-06-17T15:54:00.000-07:00

LA ALTERNATIVA PARA QUE NADA CAMBIE

Despois da resaca electoral e vermos o resultado que determinaron os cidadáns de Tui co seu voto xa non vale a pena entrar a analisar estes en profundidade, confirmase a acusada tendencia a votar en clave conservadora, confirmase tamén que a honradez dos políticos non é un determinante importante para o voto, e sobre todo chama a atención o pouco que evolue ese voto, o PP baixa 1200 votos que son recollidos por Diz Guedes, Capón baixa 200 que tamén recolle Diz Guedes, totalizando este último uns 1500. O BNG sobe 200 que son os que baixa o PSOE, quere dicir o bloques de esquerda e direita permanecen completamente inalterados con respecto a hai catro anos o que, desde o meu punto de vista, deixa moi claro que unha alternativa eficaz no futuro ao desaguisado actual ten que pasar por unha opción de centro direita que sexa unha alternativa de verdade, e non só no eslogan da campaña.

REXIME DE PARTIDO ÚNICO

A grave situación de anomalia democrática na que viveu e segue a viver Tui, na que un partido pode paralisar politicamente a unha localidade, é rebeladora dun fallo de base na política tudense, na que un partido monopoliza de tal maneira o poder, que a luita polo poder real non se desenvolve só nas urnas senón que o campo principal de batalla no que se desenvolve a luita polo poder e no seo do partido dominante, ao estilo do vello PCUS (Partido Comunista da Unión Sovietica) ou do PRI (Partido Revolucionario Institucional) de México, quen mande no PP de Tui manda en Tui, esta conclusión é dunha extraordinária gravidade, posto que os partidos que se encontran nesta posición crense con direito a todo, e empeza a importar pouco ou nada se governan ben, mal ou regular e o único que importa é a perpetuación no poder através dunhas políticas parasitarias que impiden o desenvolvimento social e económico neste caso de Tui usando o clientelismo como instrumento.
Isto deturpa completamente os procesos eleitorais, xa que unha parte importante da povoación ve-se inmersa nesta sinistra rede clientelar e vota en función de algo que nada ten que ver con quen ten mellores ideas ou quen o pode facer mellor, co que a determinación da vontade política da cidadania segue vieiros mui perigosos e que fan que, o PP en Tui , o PCUS na antiga Unión Soviética ou o PRI até hai pouco en México teñan patente de corso para facer o que lles pete, e ter garantido o poder por desastrosamente mal que fagan as cousas. O PP, ex-PP, futuro PP, etc levan xa moitos anos a rirse de todos nos e usar Tui como a sua finca particular, os últimos vinte anos da política en Tui son dignos dun vodevil, un alcalde vaise para Santiago a facer carreira, deixa a un compañeiro coa intención de que lle obedeza, resulta que este non lle obedece e decide manobrar para por a outro compañeiro coa axuda do actor convidado (o PSOE), despois resulta que este xa non lle obedece mais e como xa se acabou a carreira en Santiago volta ás orixes para que nada cambie en vinte pico anos. O mais triste é que o público aplaude a función, confunde unha comedia cunha traxedia.

PACTOS POS-ELECTORAIS

Os resultados deixaron un panorama bastante complexo pero ao mesmo tempo completamente previsible, unha alternativa ao PP pasaba por un xuntoiro inviable, alguén se imaxina a Capón gobernando con Diz Guedes, o BNG e o PSOE?, sinceramente penso que ninguén, desde o momento en que AT, BNG e PSOE non sumaban nove o alcalde era Rocha, so faltaba ver como se concretaba iso. T.U.I. consentiu que o pior alcalde da historia de Tui siga a selo, dirannos unha e outra vez que se ian votar a si mesmos, e é verdade que o dixeron por activa e por pasiva, pero o engano non está ai, se o eslogan dunha formación é "La Alternativa para el Cambio" trasmite a sensación intencionadamente ao eleitorado de que a prioridade para ese grupo era que Rocha non continuase como Alcalde, non estamos a falar de calquera alcalde, o que temos é un alcalde indixerible para calquera demócrata e calquera demócrata estaria disposto a usar o seu voto para que este alcalde non o seguise a ser, Diz Guedes e/ou Pepe non usaron o seu voto para impedilo, son cómplices por omisión e politicamente culpables. É mais, puideronlle dar a alcaldia a un dos fillos políticos díscolos de Diz Guedes, Capón, ubicado no seu mesmo espectro ideolóxico pero preferiron que alguén que usa o concello con fins de lucro persoal sexa por catro anos mais o alcalde. Xa que logo parece que o T.U.I. prefire o nepotismo, a corrupción e que Tui siga sumido nunha terrible parálise económica para beneficio de catro amigos en perxuizo dos outros dezaseismil tudenses.
De todos modos o T.U.I pode redimir unha pequena parte da sua grave culpa se comeza a votar nos plenos xunto con AT, BNG e PSOE todas as medidas que tendan a unha maior limpeza dos procesos de contratación no concello, a que haxa un pleno ao mes pola tarde e con restitución do turno de rogos e preguntas, se obriga ao Alcalde, baixo ameaza dunha moción de censura, a admitir as modificacións no plan xeral que solicita a Xunta, e tantas e tantas medidas que en poucos meses nos van indicar a verdadeira natureza do compromiso entre Diz Guedes e Rocha. Se é verdade que non estaba todo precociñado e foi todo un burdo timo precisamente para que nada mudase vamolo saber enseguida. A oposición debe apresentar unha bateria de medidas deste tipo comezando polo pleno mensual pola tarde xa na primeira ocasión. Ainda pode haber unha pequena sombra de dúbida sobre a non honorabilidade de Diz Guedes pero axiña se vai despexar, espero que se esta dubida se despexa negativamente o meu amigo Pepe non afunda os pés na lama e demostre a independencia de carácter da que tantas veces fai gala e que non permita esa pantomima ou se marche para casa, un profesional de éxito como el non precisa enlamarse, espero e desexo que iso o deixe para os que fora da política non serían ninguén.

O FINANCIAMENTO

Se soubesemos quen financia as campañas teriamos moitas mais pistas dos intereses que hai detras de cada candidatura, nos Estados Unidos as doazóns aos candidatos son públicas e non hai límite de gasto https://contribute.hillaryclinton.com/form.html?sc=1 este é un link á paxina da campaña presidencial de Hillary Clinton onde pide diñeiro aberta e publicamente, o PP e o PSOE están de acordo nun modelo mais oscurantista e cínico, marcan un límite de gasto que ninguén respecta nin fiscaliza e non sabemos, por exemplo, quen pode estar interesado en gastar 200.000 € nunha campaña electoral nun concello como Tui e porque gasta esa cantidade de diñeiro, ¿será por idealismo?, ¿será un investimento?, ¿cal é o medio de retorno dese investimento?, ¿os 120 € das dietas dos plenos? ¿ou será o negocio urbanístico?. Se soubesemos quen financia se cadra atariamos mellor cabos e votariamos con mais información.

A INOPERANCIA DA ESQUERDA

A esquerda tudense demostrou, mais unha vez, a sua inoperancia, non sendo capaces de levar a iniciativa para a formación dunha alternativa (¿porque sera que cada vez que uso esta palabra me lembro do mesmo?) nucleada entorno á esquerda, o BNG e o PSOE asumen o seu papel de comparsas na política tudense, o PSOE foi quen puxo na alcaldia a Rocha na moción de censura do 1998 e ainda non deu unha rolda de imprensa para pedir desculpas por ese gravísimo erro histórico, podemos tamén falar de Sousa, do cabeza de lista do PSOE hai catro anos, en fin, o papel e o traballo da esquerda para que en Tui se produza a transición á democracia deixa moito que desexar até a data. Tanto o PSOE como o BNG teñense que convencer que ante individuos como Rocha&Company non valen panos quentes nen cobardias, ainda que é duro e desagradable terse que enfrentar nun lugar pequeno como Tui se non son capaces de o facer é mellor que se dediquen a outras cousas, só unha oposición incisiva pode coadxuvar un cambio en Tui, Capón, ainda que ten capacidade, non sabemos porqué, pero non a fai, vamos ver se os catro da esquerda son capaces. Con alguén como Rocha non se pode coleguear e espero que se lle empece a dar caña, se non seguiran sendo unhas comparsas dos tres Pepés. De continuar así a transición a democracia en Tui pode chegar con 30 anos de retraso , a Galicia chegou con 30 anos de retraso con respecto a España. 1975-2005, espero que non teñamos que esperar en Tui ao 2035. En todo caso a esquerda por si soa non ten capacidade de forzar unha mudanza en Tui e terá que ser un centro direita democrático quen de o empurrón definitivo.