सारथी

पुणे ग्रँड टूर २०२६: गुळगुळीत रस्ते आणि प्रशासकीय इच्छाशक्तीचा एक प्रयोग

noreply@blogger.com (cutehobit) — Sat, 24 Jan 2026 06:07:00 +0000

पुणे ग्रँड टूर २०२६: गुळगुळीत रस्ते आणि प्रशासकीय इच्छाशक्तीचा एक प्रयोग

बऱ्याच वर्षांनंतर ब्लॉग पोस्ट लिहितोय... कारणही तसेच आहे. कालच झालेली 'पुणे ग्रँड टूर २०२६' - अभूतपूर्व नियोजन, तयारी, गुळगुळीत रस्ते, परदेशी पाहुणे आणि पुणेकरांचा भरभरून मिळालेला प्रतिसाद!

यामध्ये पुणे प्रशासन, पोलीस आणि वाहतूक विभाग हे समन्वयाने काम करू शकतात असे दिसले, पण मला विशेष कौतुक वाटले ते जिल्हाधिकारी जितेंद्र डुडी यांचे. एखाद्या IAS अधिकाऱ्याने ठरवले तर तो संपूर्ण यंत्रणा कामाला लावू शकतो, याचे जिवंत उदाहरण पुणे आणि परिसराने ३-४ दिवसांत बघितले.

पुणे आणि परिसरातील रस्त्यांची झालेली दुरवस्था, अतिक्रमण, नगरसेवक-आमदार-दादा-आण्णा-भाऊ यांचे कामामध्ये नाक खुपसणे, बेसिक सुविधांचा अभाव आणि पोलिसांची गेल्या काही वर्षांमध्ये झालेली बदनामी... हा काहीसा कमी झालेला विश्वास परत मिळवण्यासाठी, सायकल स्पर्धा भरवून त्यानिमित्ताने वेळेचे 'टार्गेट' ठेऊन काम करण्यासाठी मागच्या वर्षी या स्पर्धेचा घाट घातला गेला. त्यासाठी किती तयारी झाली असेल, किती 'प्रेसेंटेशन' आणि बैठका झडल्या असतील, वरिष्ठ पातळीवर लोकांना कसे 'Convince' केले असेल, हे त्यांचं त्यांनाच माहित! त्यात लांबलेला पावसाळा आणि हातात असलेले जेमतेम ३-४ महिने, शिवाय निवडणुकीची कामे आणि दैनंदिन जबाबदाऱ्या... हे सर्व सांभाळून, जर ठरवले तर एकत्र मिळून यंत्रणा काम करू शकते, हे या स्पर्धेवरून प्रशासनाला आणि लोकांनाही दिसून आले.

गिरीवनकडे जाणारा कोळवण रस्ता कित्येक वर्षांपासून इतका खराब होता की तिथे पोहचायला दीड तास लागायचा. आणि आता? तो रस्ता चक्क इंटरनॅशनल स्टँडर्डचा झाला आहे. कितीतरी रस्ते असे चकाचक केले गेले... मुद्दा हा आहे की ते करू शकतात... फक्त त्यासाठी इच्छाशक्ती आणि मागे डुडींसारखा एखादा अधिकारी लागतो किंवा नवल किशोर राम यांच्यासारखा आयुक्त लागतो.

त्यात अजून एक भाग असा की यामध्ये फक्त "पुणे" केंद्रभागी होते, न की कोणतीही "पार्टी", ना अण्णा, दादा, भाऊ, मोदींचे पोस्टर ना त्यांची जाहिरात. मागच्या वर्षी मोहोळांनी SP कॉलेज ग्राउंडवर ड्रोन शो आयोजित केला होता, तो छान झाला, पण तो म्हणजे अण्णा मोहोळांची आणि मोदींची जाहिरातच होती. आजही आपण आजूबाजूला बघितले तर बेंच असो, लाइट पोल किंवा कचरा कुंडी... तिथे स्थानिक नगरसेवकाचे किंवा होतकरू पुढार्याचे "सौजन्याने" नाव लिहिलेले असतेच - हुंड्यामध्ये मिळालेल्या गोदरेज कपाटासारखे!

कलमाडी कर्तेधर्ते असताना 'पुणे फेस्टिव्हल' मोठ्या दिमाखात साजरा व्हायचा, पण ते बाजूला झाल्यावर पुणे फेस्टिव्हलची हवा कमी झाली, कारण तो एक राजकीय किंवा त्या माणसाने चालवलेला उपक्रम होता, त्यात प्रशासन किती involved होतं माहित नाही. पण "सिटी पुणे" म्हणून प्रशासन राजकीय मदतीशिवाय एखादा उपक्रम राबवू शकते, असा थोडा का होईना विश्वास यामुळे तयार झाला. (संभाजी बागेतली किल्ला स्पर्धा अजूनही तितक्याच उत्साहात आजू सुरु आहे, हे याचेच उदाहरण).

अर्थात, या सगळ्या कौतुकाचा वर्षाव होत असताना दुसरी बाजूही दुर्लक्षित करून चालणार नाही. या 'ग्रँड' इव्हेंटसाठी जे रस्ते चकाचक झाले, ते सोडले तर शहराच्या आतल्या भागातील खड्ड्यांचे काय? प्रशासनाची ही तत्परता फक्त 'इव्हेंट' पुरतीच मर्यादित राहणार की सामान्य पुणेकरांच्या रोजच्या नशिबी आलेले खड्डेही बुजवले जाणार? शिवाय, स्पर्धेच्या दिवशी वाहतूक वळवल्यामुळे अनेक ठिकाणी जो गोंधळ उडाला आणि सामान्य नोकरदारांना जो मनस्ताप सहन करावा लागला, त्याचे नियोजन अधिक चांगले होऊ शकले असते. 'विकास' हा फक्त स्पर्धेच्या मार्गावर न होता तो सर्वसमावेशक असावा, नाहीतर हा 'मेकओव्हर' म्हणजे केवळ 'चार दिवसांचे चांदणे' ठरेल.

तरीही, पुणे पोर्शे प्रकरणानंतर आणि रोजच कोयते घेऊन फिरणाऱ्या लोकल गुंडांमुळे पुणे पोलिसांवर 'झोपल्याचे' आरोप होत असतात. या निमित्ताने त्यांनाही जरा आपली 'इमेज' सुधरवण्याची (Image Makeover) संधी मिळाली, हे नक्की.

शेवटी, या स्पर्धेने एक गोष्ट मात्र नक्की साध्य केली - पुणेकरांना दाखवून दिले की आपले शहरही 'जागतिक दर्जाचे' दिसू शकते. प्रश्न फक्त सातत्याचा आहे. सायकलिंगची ही 'टूर' संपली असली तरी विकासाची ही गती अशीच कायम राहावी. नाहीतर, मंडप उतरला की वऱ्हाड परतले आणि गाव पुन्हा सुने... असे व्हायला नको. ही स्पर्धा एक 'इव्हेंट' न ठरता प्रशासकीय इच्छाशक्तीचे एक 'मॉडेल' ठरावे, हीच एक पुणेकर म्हणून माफक अपेक्षा!

तुम्हाला काय वाटते? पुण्याच्या विकासाचे हे 'मॉडेल' टिकेल की रस्ते पुन्हा पहिल्या पावसात वाहून जातील? तुमचे मत कमेंट्समध्ये नक्की सांगा.

#PuneGrandTour2026 #PuneInfrastructure #PuneRoads #SmartCityPune #PuneCyclists #PuneAdministration #JitendraDudi #PuneTraffic #Development #PuneCity

कानातलं ...मनातलं ..

noreply@blogger.com (cutehobit) — Thu, 05 Sep 2024 06:37:00 +0000

आज शिक्षक दिन ... गेल्या १ आठवड्यापासून आमच्या अस्मि ताईंना ५ संप्टेंबर कधी येतोय असं झाला होतं ...

आज ती मोठ्या गटात ताई म्हणून शिकवायला जाणार आहे ... अस्मि , माझी मोठी मुलगी .. ६ वी मध्ये आहे ..

मी हा ड्रेस घालणार आहे , हे चित्र शिकवणार आहे आणि आम्हाला गणवेशाला सुट्टी आहे ... कारण आम्ही ताई म्हणून जाणार आहोत ..!!

किती उत्साह .. !!

ड्रेस कुठला घालायचा , गाणी कोणती घ्यायची याची गेले २/३ दिवस चर्चा चालू होती .. तास घेऊन झाल्यावर आम्हाला शिक्षक खोली जाऊन बसायला मिळणार आहे आणि सर्वात महत्वाचं म्हणजे नंतर कॉफी देणार आहेत ताई कडून ...!! काय काय आणि किती तरी मनात चालू होतं ..

आज सकाळी आवारत असताना ...गळयात काय घालायचं , कानात काय घालायचं ह्याची घाई चालू होती .. हा ड्रेस , हि टिकली , हे कानातलं ...

एक निवडून कानात घालत असताना मी तिच्याकडे बघतच बसलो ...कि माझं बाळ किती मोठं झालंय आता ... !!

आपापलं आवरलं , ड्रेस घातला , कानातलं निवडलं , गळ्यात माळ घातली आणि एकदम रेडी ..!!

डोळ्यात टचकन पाणी आलं ..

मूल आपल्यासमोर मोठी होतात आणि किती स्वतंत्र होतात ...

ऑफिस ला आल्यावर तिचे लहान पाणीचे व्हिडिओस , फोटोस बघण्यात किती वेळ गेला कळलंच नाही ..

बोटाला धरून चालणारी ती ..आज लहान मुलांना शिकवायला जाणार आहे.. !! मन दाटून आलं... आनंदानी ..!!

संदीप खरे चं ..दमलेल्या बापाची कहाणी गाणं खूप वेळा ऐकलं ... आणि हा ब्लॉग लिहायला घेतला ...मनातल ...

आत्ता तिला कळणार नाही ... पण मोठी झाल्यावर जेव्हा ती हे वाचेल तेव्हा तिच्याही डोळ्यात पाणी येईल कदाचित... !!

Architectural Knowledge चॅनेल

noreply@blogger.com (cutehobit) — Mon, 25 Jan 2021 06:55:00 +0000

नमस्कार ,

डिसेंबर २०२० पासून महाराष्ट्र शासनाने संपूर्ण महाराष्ट्रासाठी एकत्रित बांधकाम नियमावली लागू केली आहे.

त्या संबंधी माहिती देण्याचा प्रयत्न मी Youtube चॅनेल च्या माध्यमातून केलेला आहे.

UNIFIED DEVELOPMENT CONTROL AND PROMOTION REGULATIONS FOR MAHARASHTRA STATE.

नक्की बघा , आवडल्यास Like करा, share करा आणि
Architectural Knowledge चॅनेल ला subscribe करायला आणि बेल आयकॉन ला प्रेस करायला विसरू नका.

Subscribe to Architectural Knowledge Channel and hit the Bell Icon to get Updates .. https://www.youtube.com/channel/UCcy8...

Architectural Knowledge चॅनेल

noreply@blogger.com (cutehobit) — Mon, 25 Jan 2021 06:54:00 +0000

नमस्कार ,

UNIFIED DEVELOPMENT CONTROL AND PROMOTION REGULATIONS FOR MAHARASHTRA STATE.

Subscribe to Architectural Knowledge Channel and hit the Bell Icon to get Updates .. https://www.youtube.com/channel/UCcy8...

Architectural Knowledge चॅनेल

noreply@blogger.com (cutehobit) — Mon, 25 Jan 2021 06:53:00 +0000

नमस्कार ,

UNIFIED DEVELOPMENT CONTROL AND PROMOTION REGULATIONS FOR MAHARASHTRA STATE.

Subscribe to Architectural Knowledge Channel and hit the Bell Icon to get Updates .. https://www.youtube.com/channel/UCcy8...

Architectural Knowledge Channel

noreply@blogger.com (cutehobit) — Mon, 25 Jan 2021 06:52:00 +0000

नमस्कार ,

UNIFIED DEVELOPMENT CONTROL AND PROMOTION REGULATIONS FOR MAHARASHTRA STATE.

नक्की बघा , आवडल्यास Like करा, share करा आणि Architectural Knowledge चॅनेल ला subscribe करायला आणि बेल आयकॉन ला प्रेस करायला विसरू नका.

Subscribe to Architectural Knowledge Channel and hit the Bell Icon to get Updates .. https://www.youtube.com/channel/UCcy8...

#unifiedDCRules

Maggie "Her Majesty"

noreply@blogger.com (cutehobit) — Sat, 13 Jun 2020 07:12:00 +0000

I don't remember the first day of school, but I do remember the day I ate for the first time.

When I was 4-5 years old, thats around 1990, my aunt passed the steamed Maggie in front of me and my elder brother taught me , how to eat it...From then until today, 30-32 years of Maggie's craving, it is difficult to escape even in this life ...

As a child, my mother used to make Maggie on Sunday mornings and we used to eat it while watching DuckTales, Mowgli, Captain Vyom. What fun it used to be ..! At that time we both used to fill our tummies in a Maggie's single packet..the packet used to be big in quantity . Now it has become so small that I only need two packets .. flour, chicken, spicy flavor there are many flovours are available in the market but Masala is my favorite ..!

From the age of ten until I got married, I could only make two dishes like Maggie and a cup of tea..

Everything was running on it..Egg Maggie, Cheese Maggie, Maggie with vegetables at mother's request, everything was done, but only Maggie with plain Maggie masala, nothing comes near of it..! Put some Maggie Magic masala cubes in it .. ahaha .

I tell my mother and wife that Maggie is the 15th gem found in Samudra Manthan. But as soon as Maggie came out, it was ate by the gods and demons, so they say that there are only 14 gems...Anyway .. they don't like it .. try adding some Maggie Magic masala while making omelette .. what a special taste ..!

In the trek to Prabalgad, Monish and I grabbed 2 packets of Maggie, the hot Maggi eaten in the snow during the trek to Dalhousie , Wholesale Maggie for 32 people during Pratap Gad Trek, Late night Maggie after submissions, Maggie on the chulha , Many such memories are associated with Maggie. But in spite of all this, I don't remember a single time when it was wasted or thrown away.

In mid-2015, there was a lot of talk about Maggie. I wondered if they would Ban it or what .. but then it was sorted out ..I immediately ordered a 12 pack of Maggie from Snapdeal. Some may say that, Maggie is a foreign food. Now that the winds of self-sufficiency have begun to blow, it also comes to our mind to buy something of Indian brand, so Top Ramon, Yippy Noodle, Patanjali Noodle all tried, but Maggie's test is unique .. and as long as no alternative is available..there is no other option than Maggie .. !!

Our next generation is also a fan of Maggie and especially Maggie made by me.

The expectation is that Maggie will continue to supply our beaks as it has maintained the quality so far .. !!

मॅगी "महात्म्य"

noreply@blogger.com (cutehobit) — Sat, 13 Jun 2020 07:01:00 +0000

मला शाळेचा पहिला दिवस आठवत नाही , पण मॅगी पहिल्यांदा खाल्लेला दिवस निट आठवतोय.. ४-५ वर्षांचा असताना , म्हणजे साधारण १९९० साली वगरे , काकू नी ताटलीमध्ये वाफाळलेली मॅगी पुढे केली आणि दादांनी ती कधी खायची ते शिकवलं ..तेव्हापासून आजपर्यंत ३०-३२ वर्ष मॅगी ची जी चटक लागलीये , ती आता या जन्मात तरी सुटणं अवघड आहे...

लहानपणी आई रविवारी सकाळी मॅगी करून द्यायची आणि आम्ही डक टेल्स , मोगली , कॅप्टन व्योम बघत ती खायचो.. काय मजा असायची..! त्या वेळी एका मॅगी च्या पॅकेट मध्ये आमच्या दोघांचं पोट भरायचं..पॅकेट मोठ असायचं ..आता ते इतका लहान झालय कि मलाच दोन पॅकेट लागतात.. आटा , चिकन , चटपटा फ्लेवर असतात पण बेसिक मसाला इज माय फेवरीट ..!

पाचवी ते लग्न होई पर्यंत मॅगी आणि एक कप चहा असे दोनच पदार्थ मला बनवता येत होते.. त्यावर सगळं भागायचं .. अंडा मॅगी , चीज मॅगी , आईच्या आग्रहाखातर भाज्या घालून केलेली मॅगी सगळे प्रकार करून झाले , पण फक्त मॅगी मसाला घालून केलेल्या प्लेन मॅगी ची सर कशालाही येत नाही ..त्यात थोडा मॅगी मॅजिक मसाला क्युब्स घातले कि ..अहाहा .. थोडासा पाणी जास्त ठेवायचं ..बस्स.. मी तर आईला आणि बायकोला म्हणतो कि मॅगी हे समुद्र मंथनात मिळालेलं १५ वं रत्न आहे. पण ते बाहेर आल्या नंतर लगेचच देवांनी आणि राक्षसांनी संपवून टाकल्यामुळे १४च रत्न आहेत असा म्हणतात.. असो..त्यांना काही ते पटत नाही.. तुम्हीसुध्या ऑम्लेट करताना थोडा मॅगी मॅजिक मसाला घालून बघा ..काय विशेष चव येते..!

प्रबळगड च्या ट्रेक मध्ये मी आणि मनीष नि २ पॅकेट मॅगी फस्त केली होती , डलहौसी च्या ट्रेक च्या वेळी बर्फात खाल्लेली गरम गरम मॅगी.. , प्रताप गड ट्रेक च्या वेळी ३२ जणांसाठी केलेली मॅगी व्होलसेल मॅगी , सबमिशन्स करून झाल्यावर रात्री ३ वाजता केलेली मॅगी , चुलीवरची मॅगी , अशा कित्येक आठवणी मॅगी शी जोडलेल्या आहेत. पण इतकं असूनही फसलेली किंवा टाकून देण्याची वेळ अली अस काही मला आठवतं नाही.

मध्यंतरी २०१५ साली , मॅगी वर बरीच चर्चा झाली होती. मला वाटलं बॅन वगरे करतात कि काय.. पण नंतर ओके झालं ..लगेच स्नॅपडील वरून मी मॅग्गी चा १२ चा पॅक मागवलं' होतं .. तसं म्हंटलं तर मॅगी हे एक विदेशी खाद्य आहे.. आता आत्मनिर्भर चं वारं वाहू लागल्यानंतर आपल्याही मनात येतं कि भारतीय ब्रँड चा काहीतरी घ्यावा , सो टॉप रेमन , यीप्पी नूडल , पतंजली नूडल सगळे ट्राय केले , पण मॅगी ची टेस्ट कशालाच नाही.. आणि जो पर्यंत पर्याय उपलब्ध होत नाही ..तू पर्यंत मॅगी लाही पर्याय नाही..!!

आमची पुढची पिढी सुद्धा मॅगी ची आणि खास करून बाबा नि केलेल्या मॅगी ची फॅन आहे ..

मॅगी ने आत्तापर्यन्त जशी क्वालिटी टिकवून ठेवून आपले चोचले पुरवले आहेत तसेच पुढेही पुरवत राहील हीच अपेक्षा.. !!

आमची घरगुती शॉर्टफिल्म - ' उंदीर '

noreply@blogger.com (cutehobit) — Sun, 03 May 2020 07:51:00 +0000

लोकडउन झाल्यापासून वेळ घालवण्यासाठी काही ना काही प्रयोग चालूच आहेत.. पाक कृती झाल्या , चुलीवरचा स्वयंपाक झाला , चित्रकला झाली ,

चिकटकाम झालं , झोप झाली , आराम झाला ..

काही दिवसांपासून एक छोटी शॉर्टफिल करायची असं डोक्यात होतं..

विषय काय ते काही ठरलं नव्हतं .. असो

अचानक परवा कॅमेरा घेतला आणि सुरु केलं..

नक्की बघा आणि अभिप्राय द्या ..!

ऑस्कर वाल्यांकडून पण फोन आला बरका हि फिल्म बघून..

उंदराला आम्ही नंतर नदीजवळ सोडून दिला बरंका ..!!

करोना चा परिणाम

noreply@blogger.com (cutehobit) — Mon, 06 Apr 2020 11:54:00 +0000

१७ मार्च पर्यंत इंटिरियर डिझाईन च्या साईट्स जोरात चालू होत्या .. २५ तारखेला , गुढी पाडव्याला पूजा करायचं प्लॅन होता.. काही ठिकाणी फाँल्स सिलिंग चा काम राहिल होतं , तर काही ठिकाणी पेंटिंग.. लॉक डाऊन च्या न्युज tv वर येत होत्या .. १९ ला भवानी पेठ , ( टिम्बर मार्केट ) चालू होतं .. २० ला तेही बंद झाल..

२२ तारखेला जनता कर्फ्यू लागला आणि त्यानंतर तर सगळंच बंद झाला..

दुसया दिवशी पेंटर चा फोन आला कि मेरे लोग UP चाले गाये , अभी पता नाही कब वापस अएंगे ..

नोट बंदी , GST चा बांबू बसल्यापासून रिअल इस्टेट , construction मध्ये आधीच खूप स्लो डाऊन आहे.. आणि त्यात आता हा वर्मी घाव.. बरं ..आणि आमचं काम असं आहे कि आम्ही ' वर्क फ्रॉम होम' सुद्धा करू शकत नाही. दस्त नोंदणी सुध्या सध्या थांबवल्या आहेत . १५ एप्रिल नंतर जरी लॉक डाऊन शिथिल केले , तरी रिअल इस्टेट आणि बांधकाम क्षेत्राला सर्वात शेवटचा नंबर लागणार हे नक्की. म्हणजे मे एन्ड किंवा जून उजाडणार परत काम सुरु होण्यासाठी . ज्या सोसायटी चे रिडेव्हलोपमेंट चालू आहे , त्यामध्ये डेव्हलपर टेनंट ला , पर्यायी जागेसाठी भाडे देतो , ते गणित ह्या २/३ महिन्यांमुळे बदलेल. साधारणतः रिडेव्हलोपमेंट चा टाइम स्पॅम २४ ते ३० महिने पकडला जातो. त्यातले ३ महिने तर गेलेच. बिल्डर नि बँके कडून घेतलेल्या कर्जावरचे इंटरेस्ट तर चालूच राहणार आहे. लॉक डाऊन च्या आधी जे लोक UP / बिहार ला गेले , त्यांना त्यांच्या गावात डायरेक्ट न घेता , त्याना गावाबाहेर quarantine करून ठेवल आहे , त्यामुळे इकडून जाऊनही ते घरी पोचलेच नाहीयेत. करोना तर आपल्या सगळ्यांच्या प्रयत्नांनी जाणार तर आहेच , पण करोना गेल्या नंतर आपली खरी आर्थिक कसोटी सुरु होणार आहे. येणारे ६ ते ८ महिने सर्वच क्षेत्रातल्या लोकांसाठी थोडा अवघड असणार आहे. TV वर चालू असलेल्या बातम्या , Whatsapp युनिव्हर्सिटी वरचे मोफत ज्ञान यामुळे मन अगदी भंजाळून जाते. तरी आता जसे प्रत्येकजण स्वतःची जशी काळजी घेत आहे , तशीच करोना गेल्या नंतर आपापल्या कामाची काळजी घेतली तर पटकन कामाची घडी आधीसारखी बसवता येईल. अनपेक्षितपणे आलेल्या , न दिसण्याऱ्या संकटामुळे त्याचे परिणामही काय होतील आणि अजून किती दिवस हे चालेल ह्याची कोणालाच कल्पना येत नाहीये..

महापुरातून काही धडे

noreply@blogger.com (cutehobit) — Thu, 08 Aug 2019 11:00:00 +0000

सांगली व कोल्हापूर येथे आलेल्या पूरस्थितीने सजीव वस्तू आणि संपत्तीच्या बाबतीत भयंकर नुकसान घडवून आणले आहेत. आपण निसर्ग देवतेच्या सामर्थ्याला आव्हान देऊ शकत नाही, परंतु आपण आपल्या चुकांपासून शिकू शकतो आणि संभाव्य नुकसान टाळण्यासाठी खबरदारीच्या उपाययोजना करू शकतो.

आपले वैयक्तिक नुकसान टाळण्यासाठी , घर अथवा कोणतेही बांधकाम करण्याआधी घ्यावयाच्या ५ मूलभूत खबरदारीच्या गोष्टी मी इथे मांडत आहे .

१: ब्लू लाईन आणि रेड लाईन तपास :

- तुम्ही घर खरेदी अथवा विकत घेऊ इच्छित असलेली जागा नदीपासून किंवा कोणत्याही जलाशयापासून ५० ते १०० मीटर च्या आत असेल तर सरकारच्या पाटबंधारे विभागाने चिन्हांकित केलेल्या ब्लू लाईन आणि रेड लाईन ची त्या जागेवरील पातळी नेहमीच तपासून घेतली पाहिजे. हे मॅप्स आपल्याला पाटबंधारे विभागाच्या वेबसाईट वर सहजपणे बघायला मिळतात .

२: ब्लू लाईन पलीकडे कोणतेही बांधकाम नाही:

ब्लू लाईन हि मागील २५ वर्ष्याच्या पाण्याची सरासरी पातळी असते. ब्लू लाईन च्या पुढे कोणतेही बांधकाम अपेक्षित नसते. तरीही तिथे बांधकाम केले असल्यास , पुराचे पाणी आत शिरणार हे निश्चित. तथापि ही जागा खेळाचे मैदान, गार्डन्स किंवा हंगामी शेती म्हणून वापरली जाऊ शकते. इमारत निळ्या रेषेच्या पलीकडे असल्यास कोणताही बंगला प्लॉट, फ्लॅट खरेदी करू नका.

३: रेड लाईन आणि ब्लू लाईन च्या मधील बांधकाम.
रेड लाईन ही गेल्या 100 वर्षातल्या पुराची सरासरी पातळी आहे . रेड लाईन आणि ब्लू लाईन मधला हा भाग रेस्ट्रीक्टड झोन असतो. ह्या झोन मधील बांधकामाच्या तळमजल्याची लेवल हि रेड लाईन च्या लेवल पेक्षा किमान २' नि जास्त ठेवण्याचा नियम आहे. ह्या जागेत बेसमेंट घेणे टाळावेच.

४: बांधकामाला प्लिंथ असावीच .
- प्लिंथ हा कोणत्याही बांधकामाचा आवश्यक भाग असतो. कोणत्याही झोनची पर्वा न करता, समोरच्या रस्त्याच्या लेवल च्या वर साधारण दीड ते दोन फूट ची प्लिंथ घ्यावी , जेणेकरून रस्त्यावरचे पाणी घरात किंवा दुकानात शिरणार नाही.

५: नेहमी आर्किटेक्ट आणि स्ट्रक्चरल इंजिनीयर चा सल्ला घ्या.
जर तुम्ही रेड लाईन पलीकडील जागेचा विचार करत असाल तर बांधकाम करण्यापूर्वी आर्किटेक्ट चा जरुर सल्ला घ्यावा , आर्किटेक्ट त्या प्लॉट किंवा प्रोजेक्ट च्या आणि रेड / ब्लू लाईन चा अभ्यास करून तुम्हाला योग्य तो सल्ला देईल. अशा प्लॉट मध्ये आपण नॉर्मल फुटिंग घेऊ शकत नाही त्यामुळे कोणत्याही स्थानिक कॉन्ट्रॅक्टर ला संपूर्ण काम देण्याआधी एखाद्या स्ट्रक्चरल इंजिनीअर च्या सल्ला घ्यावा , जेणेकरून मातीच्या परिस्थितीचा अभ्यास करून योग्य प्रकारचा पाया तो डिझाईन करून देऊ शकतो.

Dr. Homi Bhabha Balvaidnyanik Spardha 2019 Classes

noreply@blogger.com (cutehobit) — Wed, 06 Feb 2019 09:52:00 +0000

‘Asmi’ offers a special coaching for

Dr. Homi Bhabha Balvaidnyanik Spardha 2019,

one of the most significant competitive exam for class VI.

3 BHK इंटिरियर डिझाईन @ कोथरूड , पुणे .

noreply@blogger.com (cutehobit) — Fri, 25 Jan 2019 06:52:00 +0000

जून महिन्यामध्ये संतोष चा मला फोन आला कि दीड दोन महिन्यात त्याला त्याच्या नवीन फ्लॅट चे पझेशन मिळणार आहे. तर त्याचे इंटिरियर डिझाईन करायचे आहे . कोथरूड मध्ये गोखले construction च्या नवीन इमारती मध्ये त्याचा ३ BHK प्रशस्त फ्लॅट आहे. ११०० sq.ft. कार्पेट एरिया असलेल्या फ्लॅट चे काम साधारण १ ते दीड महिन्यात पूर्ण करायचे होते , कारण तेवढ्याच वेळासाठी तो US वरून पुण्यात येणार होता. १० ते १२ लाख पर्यतच बजेट आहे, अस त्यानी मला आधीच सांगितलं होत .

काम सुरु होण्या आधीचे फोटो

सुरवात आम्ही लेआऊट पासून केली , २D प्लॅन वर त्याच्या बरोबर चर्चा करून , त्याच्या गरज लक्षात घेऊन एक फर्निचर चा आराखडा तयार केला. लिविंग रूम मध्ये सीटिंग , TV युनिट , शु रॅक , मोडयुलर किचन , बेड लोकेशन , वॉर्डरोब लोकेशन , स्टडी युनिट्स याचे लोकेशन आणि त्याचा साधारण आकार याचा त्याला अंदाज घेतला . बजेट नुसार आणि जागेच्या उपलब्धतेनुसार प्लॅन मध्ये योग्य तो बदल करून लेआऊट फायनल केला.

फायनल झालेल्या लेआऊट नुसार मी रफ एस्टीमेट काढून त्याच्याकडून approval घेतल. २D लेआऊट वरून , आपल फर्निचर कस दिसेल ह्याचा त्याला काहीच अंदाज येत नव्हता , पण conceptual ३D views बनवून दिल्यामुळे त्याच्या मनातल्या बऱ्याच शंका दूर झाल्या आणि डिझाईन समजायला हि मदत झाली .

Conceptual ३D Views

इंटिरियर कामाची सुरुवात सिविल चेंजेस पासून सुरु होते , पण इथे तोडफोड नसल्यामुळे आणि नवीनच फ्लॅट असल्यामुळे डायरेक्ट False Ceiling आणि इलेक्ट्रिकल वायरिंग , पॉईंट शिफ्टिंग ला सुरुवात केली. बदललेल्या फर्निचर लेआऊट नुसार नवीन इलेक्ट्रिकल पॉईंट्स घेतले , AC पॉईंट्स , इन्व्हर्टर वायरिंग ची सुद्धा सोया करून घेतली. लिविंग रूम आणि डिनिंग मध्ये false सिलिंग चे काम सुरु असतानाच बेडरूम्स मध्ये बेड आणि वॉर्डरोब चे काम सुरु केले. मोडयुलर किचन चे डिझाईन फायनल करून त्याची ऑर्डर दिली , कारण ते फॅक्टरी मेड असते , आणि तयार होऊन येण्यासाठी १५ ते २० दिवस लागतात . मॉड्युलर किचन मध्ये बजेट नुसार बरेच वेगवेगळे पर्याय उपलब्ध आहेत , इथे आम्ही प्लायवुड + ३MM Polyacylic शटर निवडले, जे कि मेंटेनन्स लाही सोपे असतात आणि दिसायलाही प्रीमियम वाटतात. लेटेस्ट क्रोम फिनिश हॅन्डल्स लावल्यामुळे किचन ला एक हायफाय लुक आला.कांदे आणि बटाटे ठेवण्यासाठी विकर बास्केट सुद्धा बसबुन घेतली.

१४ फूट Polyacrylic शटर्स विथ सॉफ्ट क्लोजिंग चॅनेल , SS वॉशेबल ट्रॉलीज , ओव्हरहेड युनिट विथ फ्रॉस्टेड ग्लास ह्या सगळ्याचा खर्च साधारण १.५० लाख आला.

बेडरूम्स मध्ये प्लायवुड + लॅमिनेट ची निवड केली , त्यामध्ये Rs. ८० चे प्लायवुड आणि rs. १८०० पर्यतचे लॅमिनेट घेतले.पेरेंट्स च्या रूम मध्ये वूड फिनिश लॅमिनेट , मास्टर बेडरूम मध्ये डार्क वॉलनट सिलेक्ट केला.

भरपूर नॅचरल light आणि मोठ्या रूम्स असल्यामुळे इथेडार्क कलर चे लॅमिनेट वापरता आले. सलिडिंग वॉर्डरोब घेतल्यामुळे जागेची बचत झाली. वॉर्डरोब च्या वरचीही जागा कव्हर करून घेतली , त्यामुळे एक्सट्रा स्टोरेज स्पेस मिळाली. बेड च्या खाली देखील sliding स्टोरेज करून उश्या , पांघरूण ठेवण्यासाठी जागा तयार केली .

तीनही बेडरूम्स मध्ये False Ceiling करून LED Downlighters वापरले . false सिलिंग करून , lighting केल्याशिवाय घरात इंटिरियर केल्याचा "फील"येत नाही. भिंतीचा रंग पांढरा ठेवल्यामुळे घराला एक contemporary लुक आला आणि त्यामुळे त्यावर फर्निचर उठून दिसते.

पूर्ण झाल्यानंतर पेरेंट्स बेडरूम..

डार्क ग्रे / light कॉम्बिनेशन मधली मास्टर बेडरूम

मास्टर बेड मधील वॉर्डरोब आणि स्टडी युनिट

किड्स बेडरूम

किड्स बेडरूम मध्ये विचारपूर्वक व्हाईट ग्लॉसी लॅमिनेट निवडले आणि त्यावर विनील स्टिकर्स नि डिझाईन तयार केले. जेणेकरून मुलांना त्यांच्या आवडीप्रमाणे स्टिकर्स लावता येतील आणि काढता येतील . मुलांचे वय वाढेल , त्याच्या आवडीनिवडी बदलतील त्याप्रमाणे रूम मधले स्टिकर्स आणि अँबियन्स बदलत राहतील , तेही कमी खर्चात..

पूर्ण झाल्या नंतर लिविंग रूम आणि किचन .

L - shape सीटिंग खालीही एक्सट्रा स्टोरेज ची जागा केलेली आहे. . लिविंग रूम मधले सेन्टर टेबल , नवीन कॉन्व्हर्टिबल फिटटींग लावल्यामुळे स्टडी किंवा डाईनिंग टेबल म्हणून सुध्या वापरू शकतो आणि त्यामध्ये पेपर रद्दी ठेवण्यासाठी जागा मिळते.

वॉल माउंटेड डाईनिंग टेबल घेतल्यामुळे येण्याजाण्यात अडचण होत नाही.

मटेरियल साईट वर येण्यापासून शेवटच्या साफसफाई पर्यंत साधारण ३५ दिवसां मध्ये आम्ही काम पूर्ण केले. दिलेल्या बजेट आणि वेळेमध्ये काम पूर्ण केल्याचे समाधान काही वेगळेच असते.

शेवटी काय .." A satisfied Costumer is the best best business strategy of all..! "

ह्या प्रोजेक्ट चा आम्ही एक वॉक थ्रू बनवलं आहे. त्यामध्ये संपूर्ण घर तुम्ही फिरून पाहू शकता .

खालच्या लिंक वरून तुम्ही तो बघू शकता.

https://my.matterport.com/show/?m=F2hXtwwr6Yc

तुमच्या घरचेही इंटिरियर डिझाईन करायचे असेल किंवा काही शंका असतील तर मला विनासंकोच विचारा .. !!
माझा मेल id - deshmukhomkar@gmail.com

संक्रांत

noreply@blogger.com (cutehobit) — Thu, 24 Jan 2019 09:27:00 +0000

आंतले जे अवगुण

क्रांत होता सद्गुण

उत्क्रांत वर्तन, मति,मन

संक्रांत तव सत्संक्रमण ॥

-- शैलजा रमेश किंकर, पुणे.

आमचा #Homemade #Eco Friendly Bappa

noreply@blogger.com (cutehobit) — Sat, 26 Aug 2017 13:22:00 +0000

गेली सहा वर्ष आमचे father घरीच बाप्पाची शाडूची मूर्ती तयार करतात..आधीच आपला लाडका गणपती बाप्पा आणि त्यात घरीच तयार होत गेलेली मूर्ती , त्यामुळे त्याबद्दल एक वेगळीच आपुलकी निर्माण होते..
गणेश चतुर्थीच्या आधी साधारण १५ -२० दिवस मूर्ती बनवायची लगबग चालू होते. मूती च design , मागची सजावट काय करायची ह्यावर घरात भरपूर चर्चा चर्वण होतं. बोहरी आळी मध्ये जाऊन शाडूची माती आणायची , venus मधून माती कामाचा सामान , रंग रंगोटीचं साहित्य , रिबीन्स , चमक्या , टिकल्या , मूर्ती कारखान्यातून आणलेला स्किन कलर असं करत करत गेल्या सहा वर्षात आमच्या कडे मूर्ती कलेचं बऱ्यापैकी सामान जमा झालंय.. माझ्याकडे फक्त डोळे , सोंडेवरची नक्षी आणि उंदीर मामा करण्याची जबाबदारी असते..

बोहरी आळी मध्ये साधारण ८० रु.. किलो प्रमाणे शाडूची माती मिळते. ६ ते ७ इंचाचा भरीव बाप्पा करण्यासाठी १ ते २ किलो माती लागते. शाडूच्या मातीमध्ये अशुद्धीचे प्रमाण आणि पाणी धरून ठेवण्याची क्षमता मध्यम असते.

शाडूची माती लगेच भिजत नाही. मूर्ती तयार करायच्या आधी ३ ते ४ दिवस माती भिजवून ठेवावी लागते.

माती चांगली भिजल्यानंतर ते व्यवस्थित कालवून घेतात ..

यंदा आम्ही बालक गणेश मूर्ती करायचा ठरवलं होतं. भरीव शाडूच्या मातीची मूर्ती खूप जड होते , so ह्या वेळीं father नि aluminium foil चा गोळा करून त्यावर शाडूची माती लिंपून घेतली . त्यामुळे वजन बऱ्या पैकी कमी झालं आणि मूर्ती लवकर वाळली .

दोन दिवस काम केल्यानंतर ची मूर्ती

थोडं फिनिशिंग अँड detailing ..

वॉटर कलर चा पहिला हात दिल्यानंतर ..

पूर्ण झालेली बापाची मूर्ती . पितांबर आणि लाल शेला ..!

यंदा आम्ही पेपर फोल्डिंग चा decoration केलंय ..

प्राण प्रतिष्ठा केल्यानंतर आमचा बाप्पा

गेल्या वर्षी ( २०१६ ) अस्मि चा शाळेचं पहिला वर्ष होतं.. सो आम्ही शाळेचा देखावा केला होता . शाळा आणि विद्यार्थी गणपती .

२०१५ साली केलेला फेटाधारी गणपती बाप्पा ..

अस्मिच्या खेळण्यांमध्ये रमलेला २०१४ सालचा गणपती बाप्पा..!

अस्मि चा जन्म २०१३ सालचा ..so त्या वेळचा कमळामध्ये विराजमान झालेले शिशु गणेश ..

२०१२ सालचे शाही गणेश ..

घरी केलेली २०११ सालची पहिली पहिली गणेश मूर्ती .

मूर्तीच विसर्जन आम्ही गच्ची वर काकांनी तयार केलेल्या बागेत बादलीमध्ये नाहीतर नदीवर मनपाच्या हौदात करतो.

बाहेरच्या POP च्या मूर्ती सुबक आणि चमकणाऱ्या असल्या तरी , ओबड धोबड असलेला आणि घरी जन्माला आलेला शाडुच्या मातीचा बापा खूपच आपलासा वाटतो ..

तर तुम्हीपण पुढच्यावर्षी try करून बघा ..काही अडलं तर विचारा मला मी आहेच सांगायला ..

पु. ना. गाडगीळ ज्वेलर्स ची बेईमानी

noreply@blogger.com (cutehobit) — Tue, 09 May 2017 06:19:00 +0000

वजनातली घट

एक जुनं पैंजण बदलून एक नवी वस्तू घ्याची होती, पैंजण काऊंटर वरच्या मुलीला दिलं . हे आमच्या कडून घेतलेला नाही , सो ह्यावर आम्ही घाट धरणार . मी म्हणालो ठीके..

तिकडून एक माध्यम वयीन माणूस आला , लांबूनच पैंजण बघून , २५% घट धारा असा म्हणून निघून गेला.. मी तर चाटच पडलो ..! २५ % ??!! R u joking ?? २५ % घट असा लांबून बघून कळते का?? ह्याला काही measurements / standards आहेत का नाही ? २५% खूपच झाले ना?? एखादा दागिना त्यांच्या कडून घेतला नाही तर त्यात घट होते ..आणि घेतला तर घट होत नाही असा कसा शक्य आहे ?? ही शुद्ध फसवणूक आहे..!!

२ ते ४ टक्के , वापरानुसार आपण समजू शकतो , पण २५% .. too much..!

कार्ड पेयमेन्ट

सोनं खरेदी मी टाळतोच , त्यापेक्षा mutual fund मध्ये पैसे टाकलेले बरे , पण काही कारणामुळे वळ घ्यायसाठी पु. ना. गाडगीळ सराफांकडे गेलो होतो . पेयमेन्ट करताना कॅश काऊंटर वरचा माणूस मला म्हणाला कि कार्ड पेयमेन्ट असेल तर २% एक्सट्रा द्यावे लागतील .. २% एक्सट्रा ऐकून मला आश्चर्य वाटलं.. मी त्याला विचारला तर तो म्हणाला कि this is our policy ..! आमच्यात थोडा वाद झाला , पण तो तर साधा एम्प्लॉयी , त्याच्या हातात काय असा विचार करून मी राग आवरला..

पण परत PNG कडे यायचा नाही असा निर्णय पक्का झाला..

आपल्यापैकी बऱ्याच जणांना असा अनुभव आला असेल . वस्तुतः , कार्ड पेयमेन्ट प्रोसेस करण्यासाठी बँक दुकानदाराकडून काही प्रमाणात शुल्क आकारते. हे शुल्क भरणं ही दुकानदाराचीच जबाबदारी असते. परंतु पु. ना. गाडगीळ ही जबाबदारी ग्राहकाकडून वसूल करून घेतेय. RBI ची नेटीस खाली दिलेली आहे , पॉईंट नो. ४ मध्ये त्यांनी स्पष्टपणे लिहिलंय की ही दुकानदाराचीच जबाबदारी आहे.

आपण काय करू शकतो ?

पुढच्या वेळी आपल्याकडून असे एक्सट्रा चार्जेस कोणी मागत असेल , तर आपण RBI च हे notification त्याला दाखवू शकतो. किंवा प्रत्येक बँकेच्या website वर , मर्चंट्स सेकशन मध्ये कम्प्लेंट बॉक्स असतो. त्यावर कम्प्लेंट टाकू शकतो. मी already कम्प्लेंट टाकलेली आहे.

घट धरण्याचे काही नियम असतात का ? त्याला काही measurements / standards आहेत का ? ह्याचा मी शोध घेत आहे , तुम्हाला काही माहित असेल तर जरून share करा..!

अर्थातच , एकट्या -दुकट्याने कंप्लेंट टाकून पु. ना. गाडगीळ ला काहीच फरक पडणार नाही , सगळ्या पुणेकरांनी ठरवलं तरच आपली फसवणूक थांबू शकते.

नवीन फ्लॅट बुक करताना - #१

noreply@blogger.com (cutehobit) — Wed, 01 Mar 2017 14:39:00 +0000

नमस्कार मित्रहो ,

नवीन DP - जुना DP , मोदींच निश्चलनीकरण , संथ बाजार या मुळे नवीन घर अथवा फ्लॅट घेणारे जरा संभ्रमात आहेत ..so as an architect म्हणून माझ्या कडून थोडी माहिती सांगतोय..

कुठे फ्लॅट घ्यावा , कुठला बिल्डर चांगला , एरिया कुठला चांगला , रेट किती , रेरा चा काय करायचं ह्याची माहिती तुम्ही रवी करंदीकरांच्या ब्लॉग वर वाचू शकता.. 😜

मी फक्त architectural view सांगणार आहे..

बरं..

सर्वात प्रथम किती आकाराचं फ्लॅट घ्यावा ..सध्या पुण्यात 1BHK, 1.5 BHK ,2 BHK 2.5 BHK ,3BHK ,4BHK , 5BHK , ५०० sq.ft. तो ५००० sq.ft चे फ्लॅट्स मिळतात . सर्व व्यवहार हा सेलेबल एरिया वर चालतो. साधारणतः architect लोक , सेलेबल डोक्यात ठेवूनच design करतात ..कारण सध्या च्या मार्केट मध्ये ticket size ला जास्त महत्व आला आहे .. म्हणजे २५ लाखात १ bhk , ४५ लाखात २ bhk , वगरे .. so , फ्लॅट डडिसाईन सुद्धा ही अंतिम किंमत डोक्यात ठेऊनच केला जातो .

समाज १० फूट X १० फूट ची रूम असेल तर..
कार्पेट एरिया झाला १०० sq.ft.
बिल्ट उप एरिया म्हणजे कार्पेट एरिया अधिक बाजूच्या भिंती , so ६ इंच जाडीच्या भिंती पकडल्या तर , बिल्टउप एरिया झाला १२१ sq.ft. .
तर सेलेबल एरिया हा बिल्डर ठरवतो , सध्या पुण्यात ३५% सेलेबल कार्पेट वर add करतात ..
सो आपला सेलेबल एरिया झाला १३५ sq.ft.

हा सेलेबल एरिया आला कुठून?

तर तुमच्या फ्लॅट चा कार्पेट एरिया अधिक बाहेरील पॅसेज , लिफ्ट , जिना , कॉमन एरिया , क्लब हाऊस ह्या सर्वांचं वाढीव एरिया बिल्डर सर्व फ्लॅट्स मध्ये विभागतो आणि जो येतो तो % , सेलेबल..

पुण्यामध्ये साधारण ३५ टक्के एरिया कार्पेट मध्ये वाढवून सेलेबल काढला जातो.. पण तो ३५% असतोच असा नाही..कमीही असून शकतो.. commercial शॉप्स , ऑफिसेस साठी साधारण ४५ ते ५० टक्के लोडींग धरल जातं . मुंबई मधेही residential फ्लॅट्स ना ४५% लोडींग असत..

या प्लॅन मधून सेलेबल , कार्पेट आणि बिल्ट उप मधला फरक लक्षात येईल.

FSI calculations हे बिल्ट उप एरिया वर केले जातात. बिल्ट उप एरिया च्या १५% बाल्कनी आपण वाढीव वापरू शकतो. अर्थातच काही प्रीमियम भरून . २०% पर्यंत टेरेस फ्री मिळते. आत्ताच्या नवीन DP नुसार १५% बाल्कनी जी पूर्वे रूम मध्ये जोडून घ्यायची परवानगी होती , ( enclosed बाल्कनी) ती आता पुन्हा काढून टाकण्यात आली आहे .
ह्या वर construction लॉबी मध्ये भरपूर चर्चा चालू आहे...काही महिन्यात त्यावर पुनर्विचार होईलच .
नवीन रेरा नियमतानुसार याला पुढील सर्व व्यवहार हे कार्पेट एरिया वर करण्याचे निर्देश आहेत , त्या मुले पुढील व्यवहार हे कार्पेट एरिया आणि square मीटर मध्ये करावे लागणार आहेत.

so , फ्लॅट बुक करताना नेहमी योग्य size असलेला terrace, बघूनच फ्लॅट बुक करावा . १ bhk ला खूप मोठी terrace , अथवा २ bhk ला २ टेरेसेस असतील तर आपण वापरत असलेला कार्पेट आणि विकत घेताना मध्ये आलेला सेलेबल एरिया ह्यात तफावत निर्माण होऊन आपलेच नुकसान होईल. साधारण ८ फूट X ८ फूट आकाराची terrace २ BHK साठी आदर्श आहे. ड्राय बालकनी साधारण ५ फूट X ८ फूट असल्यास त्या मध्ये वॉशिंग मशीन , युटिलिटी आणि कपडे वाळत घालण्यासाठी पुरेशी जागा मिळते. त्याहून लहान बाल्कनी असेल तर मग वॉशिंग मशीन साठी दुसरी जागा शोधावी लागेल . पॅरलल किचन असेल तर ८ फूट लांबीचा किचन ओटा पुरेसा आहे. सध्या ओपन किचन चा ट्रेंड आहे , ज्यात ब्रेकफास्ट काउंटर जोडलेला असतो. फ्लॅट बघताना बेडरूम मध्ये बेड पोसिशन , वॉर्डरोब , ड्रेसिंग , स्टडी ची जागा पुरेशी आहे ना ह्याची खात्री करून घ्यावी. १ BHK फ्लॅट मध्ये बाथ आणि WC वेगळ असलेला सोयीस्कर असत . २ BHK मध्ये १ attached आणि १ कॉमन आपण वापरू शकतो. लिविंग रूम ला जरा एक छोटी एंट्रन्स लॉबी असेल तर त्याचा उपयोग चप्पल स्टॅन्ड , सीटिंग साठी करता येतो आणि बाहेरील व्यक्ती अचानक समोर येत नाही , साधारण ४' X ५' चे छोटी लॉबी असणं कधीही चांगलं.

सध्या , घर , फ्लॅट , प्लॉट , घेताना वास्तुशास्त्र बद्दल नक्की विचार करतात , this thing is being very personal , मी त्यावर काही कंमेंट करणार नाही. ह्या पोस्ट वर तुम्हाला काही शंका असतील तर नक्की कंमेंट करा . पुढच्या पोस्ट मध्ये कुठल्या मजल्या वरचा , कोणत्या दिशेचा फ्लॅट असावा ह्या बद्दल थोडी माहिती टाकेन..

भेटूच..

आश्रम

noreply@blogger.com (cutehobit) — Mon, 13 Feb 2017 07:21:00 +0000

आश्रम

थकलेल्या श्वासांचा गाव

काका , मामा , आजी , मावशी

हाकेपुरते नुसते नाव..

थकलेल्या श्वासांचा गाव ।।

नावानिशी ओळख ना उरली ,

पत-प्रतिष्ठा वाया ठरली

मुले विसरली अस्तित्व

थकलेल्या श्वासांचा गाव ।।

डोळयांमधली आस संपली

रागाची ठिणगीही विझली

उरला ना कुठलाही भाव

थकलेल्या श्वासांचा गाव ।।

गात्रे हतबल झिजलेली

काया व्याधींनी क्षीणली

भय मृत्यूचे घेते ठाव

थकलेल्या श्वासांचा गाव ।।

कुणा वाटते स्वरात भिजवू

कुणी वाचनी बघते रिझवू

नुसते मलम ना मिटती घाव

थकलेल्या श्वासांचा गाव ।।

आश्रम हा परिसर झकास

अंत:करण तरीही भकास

ओठी जरी देवाचं नाव

थकलेल्या श्वासांचा गाव ।।

सदर कविता माझी आत्या शैलजा रमेश किंकर हिने अखिल भारतीय साहित्य संमेलन , डोंबिवली येथे ५ फेब्रुवारी २०१७ रोजी सादर केलेली आहे.

कर्माचा सिद्धांत..!

noreply@blogger.com (cutehobit) — Mon, 04 May 2015 07:46:00 +0000

खर्र्र्र्र्र्र्र्र्र्र्र ……असा मोठ्ठा आवाज आला , आणि पूर्ण ST बस दरीच्या बाजूला कलली . . !
एक क्षण थांबली …
आणि धाड धाड आवाज करत १०० फूट दरीत कोसळली.
मी समोरच्या बार ला घट्ट धरून बसलो होतो. . पूर्ण बस मध्ये नुसता आरडा ओरडा चालू होता .. लहान मुलं बायकांचे रडण्याचे आवाज . . १,२,३,४ कोलांट्या उड्या मारत गाडी खाली चालली होती. . माणसांसकट समान इकडे तिकडे पडत होतं . . सगळ काही गोल गोल फिरत होतं. . चार पलट्यांनंतर आडवी होऊन गाडी थांबली . . तरी जरा हालातच होती . जिवंत आहोत याचा आनंद झाला .!
शेजारी पलाश नव्हता त्यामुळे जरा टेन्शन आला होत..दांडेकर काका पण दिसत नव्हते. . गाडी ज्यावेळी थांबली तेव्हा मी सीट वर उभा होतो..
वरच्या खिडक्या कधीच तुटून पडल्या होत्या , खाली एक बाई पडली होती ..
खूप oil , सामान , समोरच्या सीट वरची फुटलेली अंडी , भाजीपाला , धूळ , माती आणि रक्त..
मी वरच्या तुटक्या खिडकीतून बाहेर उडी मारली , पलाशला बाहेर बघून एकदम जीवात जीव आला. माझ्या तोंडातून रक्त येत होतं ,पलाश ला पण हाता पायाला लागलं होतं .
बाहेर आलो तरी गाडी हालातच होती .. लोकं जशी बाहेर पडत होती तसा तिचा balance जात होता. . आम्ही ३ ४ जणांनी एका बाजूनी गाडीला धरून ठेवलं होतं पण एका माणसानी बाहेर उडी मारली तसा तीचा balance गेला आणि अजून एक पलटी घेत गाडी खाली जाऊन झाडात अडकली . . !

आम्ही ८ - १० जणांना बाहेर काढलं. . एक पाच महिन्याचं बाळ . . ७५ वर्षाची म्हातारी ..दांडेकर काकाही बाहेर पडले . . driver नखशिखांत oil नी माखला होता..
नशीबानं कोणीही दगावलं नाही पण बरेचजण जबर जखमी होते. . .
सगळीकडे काचा , oil , रक्त आणि विव्हळणारि लोकं . . एकुणंच खूप भयंकर दृश्य होतं. .
एव्हाना वरती बरीच गर्दी जमली होती . . कहिजण मदतीसाठी खाली उतरले होते. काही जणांना वर नेलं होतं. .
इतक्या गोंधळातही एक बाई तिच्या डोक्याचा रुमाल शोधत होती. . बरेच मोबाईल हरवले होते.
गोंधळ थोडा शांत झाल्यावर आणि सगळी लोकं बाहेर आलीयेत असं बघितल्यावर आम्हीही आमच्या सामानाची जुळवाजुळव केली . . काकांचा मोबाइल सोडुन सर्व काही मिळालं. .
सगळं सामान घेऊन मी न पलाश दरी चढून वर आलो . . काकांनाही दोरीला धरून वर काढलं . .

'मैत्री' अथवा 'मेळघाट मित्र' ही संस्था मेळघाट मध्ये गेली १७ १८ वर्ष बालमृत्यू , कुपोषण आणि अशा अनेक उपक्रमांवर उत्तम काम करत आहे . त्यातल्याच एका 'मैत्री घरकुल ' योजनेचा भाग म्हणून २३ एप्रिल २०१५ ला मी , वर्गमित्र पलाश आणि दांडेकर काका ( वय ६६ ) मेळघाट ला जाण्यासाठी पुण्याहून निघालो. सरकार तर्फे मिळणार्या अनुदानातून पारंपारिक वारसा न विसरता घर बांधण्यास मदत करण्यासाठी चिलाटी नावाच्या गावात आम्ही निघालो होतो.
मेळघाट मधेही concrete jungle होऊ नये हा त्या मागचा उद्धेश. . !
पण तिथे पोचण्या आधीच परतवाडा ते रुइपठार ह्या ST च्या लाल डब्याने घाटात लोटांघण घातलं. . घाटातल्या एका वळणावर काय झाले माहित नाही पण गाडी कठडा तोडून खाली गेली .

दरीतून वर आल्यावर दुसऱ्या एका ST ने आम्हाला परतवाडा सरकारी दवाखान्यात नेलं .मैत्री चे स्थानिक कार्यकर्ते आमच्या मदतीसाठी तिथे आधीच हजर झालेले . . TT चं injection आणि सरकारी उपचार झाल्या नंतर आम्ही परतवाड्याहून अमरावती ला आलो. काकांचा X-ray काढला. . ७ बरगड्या fracture होत्या !!
त्या दिवशी अमरावतीला पालाश च्या आत्या -काकां कडे राहून विदर्भीय पाहुणचार घेतला.

काकांना झालेले fracture आणि आम्हालाही दुखापत झाल्यामुळे दुसऱ्या दिवशी नागपूर वरून flight येण्याचा निर्णय घेततला. नागपूर वरून पुण्याला निघताना अर्धा तास आधी घरी फोन करून पराक्रम सांगितला. . आणि २५ ला रात्री ११:३० ला पुण्यात पोचलो.

एकुणच मेळघाट प्रवास थरारक आणि बरच काही नवीन शिकवणारा होता . . आणीबाणीच्या वेळी आपण लोकांना मदत केली याचं समाधान होतं…मैत्री चे कार्यकर्ते , पालाश चा भाऊ सौरभ त्याने आयत्या वेळी आमच्या साठी केलेली धावपळ . . आत्या , काकां आणि घरच्यांनी प्रेमानं केलेलं आगत्य ,घेतलेली काळजी . . ७ बरगड्या तुटूनही शांत राहिलेले दांडेकर काका. . आमच्या मदतीसाठी पुण्याहून आलेले श्रीराम रामदासी आणि अतुल कुलकर्णी काका. . मैत्री च्या विनिता ताई . . त्या st चा conductor . .
आणि असं अजून बराच काही . .

मी , पलाश आणि दांडेकर काका

असो . . देवाची कृपा म्हणा किंवा घरच्यांची पुण्याई . . धडधाकट घरी परत आलो.. .
सर सलामत तो पगडी पचास . .

पुण्याला निघताना विमानाची वाट बघत असताना , पलाश नि काकांना विचारला कि अपघात होण्या आधी तुम्ही गाडीत कोणत पुस्तक वाचत होतात ?

त्यावर काका म्हणाले " कर्माचा सिद्धांत " . . . . . . . .

पसायदान

noreply@blogger.com (cutehobit) — Mon, 02 Feb 2015 10:29:00 +0000

ज्ञान सेतू साठी महाराष्ट्रा बाहेरून आलेल्या पाहुण्यांना आम्ही ही फ्रेम भेट म्हणून दिलि.
मराठी calligraphy मध्ये पसायदान आणि त्याचा इंग्लिश मध्ये अर्थ. .

ज्ञान-सेतू मेळावा

noreply@blogger.com (cutehobit) — Sun, 18 Jan 2015 06:32:00 +0000

ज्ञान सेतू - एक अभिनव उपक्रम. . !

noreply@blogger.com (cutehobit) — Thu, 01 Jan 2015 10:48:00 +0000

२०१२ सालच्या मार्च महिन्या मध्ये मी व आमचे काही सहकारी नागालॅंड ला विज्ञान शिबीर घेण्यासाठी गेलो होतो. त्याचा वृतांत मी मागच्या नागालँड चे मित्र बनूया... या पोस्ट मध्ये सविस्तर पणे दिलाच आहे.

त्याच उपक्रमाचे आता मोठ्या स्वरुपात रुपांतर करून एक मोठी चळवळ उभी करण्याचे प्रयत्न आम्ही करत आहोत.

ज्ञान प्रबोधिनी च्या EARC ( Educational Activity Research Center ) अंतर्गत भारताच्या दुर्गम आणि कमी विकसित राज्यांमधील विद्यार्थ्यांमध्ये शैक्षणिक विकासासाठी " ज्ञान सेतू " हा स्वयंसेवी उपक्रम हातात घेतला आहे. सध्या असोम , अरुणाचल प्रदेश , मेघालय , सिक्कीम , छत्तीसगड , ओदिषा , झारखंड , जम्मू - काश्मीर आणि नागालँड या राज्यांमध्ये ज्ञान सेतू चे स्वयंसेवक काम करत आहेत.

सर्वसाधारण tourist म्हणून फिरायला जाणं आणि ज्ञान सेतू च्या उपक्रमातून तिथल्या शाळेत जाणं , तिथल्या स्थानिक लोकांत मिसळून त्यांच्याशी गप्पा मारणं , science -workshops घेणं यात जमीन अस्मानाचा फरक असतो . खूप चांगल्या प्रकारे आपण तो प्रदेश जवळून पाहू आणि अनुभवू शकतो. साधारणतः ६ ते १५ दिवसांसाठी स्वयंसेवक science -workshops घेयासाठी वेगवेगळ्या प्रदेशात जातात. जाण्या अगोदर workshops चे प्रशिक्षण इथेच दिले जाते. हा खालचा विडिओ बघून आपल्याला उपक्रमाची कल्पना येईल . . .

प्रत्येक प्रदेशां मध्ये तिथल्या स्थानिक स्वयाव्सेवक संस्था आपल्या बरोबर काम करत आहेत. बचपन बनाव , विवेकानंद केद्र , राष्ट्रीय सेवा भारती , Research Institute of World’s Ancient Traditions Cultures & Heritage अशा संस्थांचे फार मोठे काम या राज्यांमध्ये चालते.
याच उपक्रमाचा एक भाग म्हणून येत्या २६ जानेवारी २०१५ ला ज्ञान सेतू मेळाव्याचं आयोजन करण्यात आलेलं आहे. जाउन आलेले स्वयंसेवक , जाण्यास इच्छुक असलेले स्वयंसेवक , मार्गदर्शक आणि स्थानिक सस्थांचे प्रतिनिधी अशांचा मोठा मेळावा ज्ञान प्रबोधिनी मध्ये होणार आहे.

अधिक माहिती साठी ज्ञान सेतू च्या website ला आपण भेट देऊ शकता . . .

https://gyansetu-earc.in/

फेसबुक पेज :

https://www.facebook.com/pages/Gyan-Setu/365034473625851

ज्ञान सेतू च्या माध्यमातून दुर्गम राज्यांमध्याला मित्रांशी मैत्रीचे सेतू तयार करण्या साठी आपणही या उपक्रामात सहभागी होऊ शकता.

अधिक माहितीसाठी काळ -वेळाचे भान न ठेवता मला फोन अथवा E-mail करू शकता . .

ॐकार देशमुख
मो.नो. : ९८२२५२५६६२
E-mail - deshmukhomkar@gmail.com

पुनरुत्थान समरसता गुरुकुलम - चिंचवड

noreply@blogger.com (cutehobit) — Tue, 30 Dec 2014 07:05:00 +0000

गिरीश प्रभुणे नी चालू केलेल्या "पुनरुत्थान समरसता गुरुकुलम" मध्ये काम करण्याची मला संधी मिळाली हे मी माझं भाग्यच समजतो.

चिंचवड गावातली गुरुकुल ची वस्ती शाळा एकदा तरी भेट देऊन बघण्या सारखी आहे आणि सोबत गिरीशजी असतील तर आपण भारावून गेल्याशिवाय राहणार नाही.

गुरुकुल मध्ये शिकणाऱ्या विद्यार्थ्यासाठी एक छोटेखानी प्रयोग शाळा असावी असा विचार गिरीशजी च्या मनात होता . पारंपारिक ज्ञानाला विज्ञानाची जोड देऊन मुलांनी शिकावं हे ह्या मागचं उद्दिष्ट . . प्रदीर्घ चर्चा आणि बैठकां नंतर इन्फोसिस च्या 'स्पर्श' गटाने आर्थिक मदत देण्याची तयारी दाखवली .

काम सुरु होण्या आधीचा हा फोटो . शाळेतल्याच एका वर्गाची प्रयोग शाळा करायचे होती.

Architecture आणि Construction ची जबाबदारी मी साभाळली .

अडगळी च्या खोली प्रमाणे असलेल्या या जागेत बरेच बदल करावे लागणार होते . नवीन भिंती ,खिडक्या , प्रयोग शाळेचं समान. . . अणि हे सर्व २० दिवस आणि कमी खर्चात . !

इन्फोसिस चे कार्यकर्ते , कंत्राटदार आणि आम्ही सर्वांनी ठरलेल्या वेळेत प्रयोग शाळा चालू करण्यासाठी जोरात कामाला सुरुवात केली. . . असंख्य अडचणी , on-site problems , चर्चा या नंतर २० दिवसांनी प्रयोग शाळा पूर्ण झाली. लगेचच दीपोत्सव साजरा करून प्रयोग शाळेचं उद्घाटन झालं .

पूर्ण झाल्या नंतर चे काही फोटोस .

गुरुकुल सारख्या शाळेत गिरीशजी बरोबर काम करण्याचा आनंद आणि समाधान काही वेगळच … !

गुरुकुल चे facebook page.

https://www.facebook.com/pages/Punaruththan-Samarasata-Gurukulam/308858249140104?sk=info&tab=page_info

नागालैंड चे मित्र !!!!!

noreply@blogger.com (cutehobit) — Tue, 14 Aug 2012 10:22:00 +0000

नमस्कार मित्र आणि मैत्रिणींनो ,
मागील १० तारखेच्या ब्लॉग पोस्ट मध्ये मी नागलंड च्या शाळांमधील उपक्रमासाठी आव्हाहन केले होते.
त्यानुसार आत्तापर्यंत रू,१५००० जमा झाले असून अजून साधारणत: १५ ते १७ हजार रुपयांची आवश्यकता आहे , जेणेकरून i3 processor असलेला Laptop आपण विकत घेऊ शकतो..
या आठवड्यात निधी जमा झाल्यास लगेचच Laptop विकत घेऊन तो तिकडे पाठविण्याचा मानस आहे..
तरी ज्यांची इच्छा आहे अशांनी लवकरात लवकर आपली मदत पोहोचवावी..
माझा भ्रमणध्वनी क्र : ९८२२५२५६६२
अथवा मला E-mail करा @ deshmukhomkar@gmail.com

नागालँड चे मित्र बनूया...

noreply@blogger.com (cutehobit) — Fri, 10 Aug 2012 08:00:00 +0000

आधी जाऊन आल्याने मनात घर करून बसलेला ईशान्य भारत पुन्हा अनुभवता येणार म्हणून किंवा नागालँडला प्रथमच जायला मिळणार म्हणून उत्सुक असणाऱ्या अनेकांपैकी आठ जणांचा गट जाण्यासाठी तयार झाला. विज्ञान कार्यशाळा हे या दौऱ्याचं निमित्तं..... त्यासाठी प्रयोग, संकल्पना, त्याचं साहित्य इ. तयारीबरोबरच वाचन, चर्चा इ. वैचारिक तयारी ओघानंच आली. तिकडे जाण्याआधी डोक्यात अखंडपणे नागालॅंड होतं...तसंच होतं आणि किंबहुना ते व्हायलाच हवं... पूर्वांचल पहाणं त्याहीपेक्षा तो अनुभवणं ही आयुष्यातील अनमोल ठेव असते आणि आता ती आमच्याकडे आहे यासाठी आम्ही स्वतःला भाग्यवान समजतो.
२०१० साली अरूणाचल दौरा झाल्यानंतर सुरू झालेल्या युरेका या विज्ञान मासिकाद्वारे तिथे तयार झालेली ओळख, पोषक वातावरण या पार्श्वभूमीमुळे २०१२ नागालॅंड चा विज्ञान कार्यशाळेचा दौरा आखण्यात आला. एकूण दहा दिवसांच्या या दौऱ्यात नऊ वेगवेगळ्या ठिकाणी आठ जणांच्या गटाने कार्यशाळा घेतल्या. दिमापूर येथील जनजाती विकास समिती (कल्याण आश्रमाच्या) कार्यकर्यांनी ह्या दौऱ्याचे संपूर्ण नियोजन केले.

नागालॅंडच्या मुलांच्या मनातील असणारी भिती कमी करण्यासाठी "SCIENCE IS EASY AND FRIENDLY" ही संकल्पना घेऊन आमचे दोन गट विविध भागांमध्ये गेले. एक गट व्हिल्सेमा, तेसुफेनियो, मोखुक्चुंग असा केदारजींबरोबर तर दुसरा गट तेनिंग, ओल्ड टेसन, जालुकी असा साहजी व दामतुईजींबरोबर गेला. दोन्ही प्रांतात जाण्याची कारणे वेगवेगळी होती. तेनिंगकडील भागात आता जनजाती विकास समितीचे कार्य पसरले असून सर्वांनी स्विकारले आहे. तर कोणीही जात नसलेल्या मोखुक्चुंगकडील भागात वाचनालयाच्या प्रयोगानी झालेल्या सुरुवातीनंतर आता प्रथमच काही नवीन उपक्रम घेऊन ओळख प्रस्थापित करणे ही गरज आहे. प्रमुख व म्होरक्या जमातींचे अनुकरण इतर जमाती करत असल्याने या उपक्रमाला त्यांनी स्विकारणे हे महत्वाचे आहे. त्यामुळेच या प्रांतात ह्या उपक्रमाला आगळे महत्व होते.
व्हिल्सेमातील रिंगमा, तेसुफेनियोतील अंगामी व मोखुक्चुंगमधील आओ अशा तीन गावातील जनजातींच्या लोकांना भेटण्याची संधी एका गटाला मिळाली. नागलॅडमधील प्रमुख व म्होरक्या जमाती ह्या भागात असून संपूर्ण धर्मांतरण झालेला हा भाग आहे. त्यांच्या जमातींचे वेगळेपण जपत, त्यांना एकत्र न येऊ देता मिशनऱ्यांनी त्यांच्यावरील अंमल कायम ठेवलेला आहे. आणि म्हणूनच जमात वेगवेगळी असली तरिही धर्म एकच.....!!! युरोप, अमेरिकेतून प्रचंड प्रमाणात निधी येत असल्याने मोफत शिक्षण, आरोग्य सुविधा पुरविण्याच्या निमित्ताने मिशनऱ्यांनी येथे पाय रोवले. धर्मांतरण घडवून आणणे हे खूप अवघड होते; पण ध्येय नेमके व सुस्पष्ट असल्याने तब्बल ३० वर्षांच्या प्रदीर्घ काळानंतर पहिला माणूस धर्मांतरित झाला. आज 2012 साली जवळ जवळ 99% नागालँड क्रिश्चन आहे. या काळात आणि अजुनही भारतातील कोणीच इकडे पोहोचले नसल्याचे शल्य मनाला लागून रहातं. त्यांच्या संस्कृतीचा नियोजनपूर्वक व संयम ठेवून चिकाटीने केलेला नाश याला नकळतपणे आपण जबाबदार आहोत का असा प्रश्न मनाला पडतो. इतक्या सुंदर प्रदेशाचं मूळ चित्रं त्यांनी संपूर्णपणे पालटलं; पण तरीही आशा न सोडता त्यांच्या मजबूत पायाखालची जमीन हालविण्याचं काम जनजाती विकास समिती खूप वेगळ्या प्रकारे करत आहे हे पाहून मनाला उभारी येते. आणि म्हणूनच नागालॅंडचे वकील बनून जा, इथल्या समस्यांपेक्षा इथल्या चांगल्या गोष्टी, लोकं, अनुभव, निसर्ग हे इतरांपर्यंत पोहोचवा. थोडक्यात चांगला नागालॅंड पोहोचवा हे त्यांनी सांगितलेलं सूत्रं आम्हीदेखील लक्षात ठेवलंय.

विज्ञानाला बाजूला ठेवून यांची संस्कृती मुळापासून तोडली आणि नेमका विज्ञानाचा हाच मुद्दा समिती आता प्रामुख्याने पुढे आणत आहे. आज महाराष्ट्रात आपला इतिहास आपल्याला माहित आहे , आपली संस्कृती आपण जपून आहोत पण नागालँड मध्ये मिशनरीज नी त्यांची संस्कृती "सैतानी " आहे असं बिम्बवून संपवून टाकली आहे. " १००% ख्रिश्चन= १००% सुधारणा, साक्षरता असे समीकरण तयार झालेल्या प्रांतातील अनुभव फरच वेगळा होता. तेनिंगच्या गटाला ’हराक्का’ या एका जमातीच्या वेगवेगळ्या प्रांतात जाण्याची संधी मिळाली. हराक्का हे स्वधर्मी (हिंदू) नागा... जे जनजाती विकास समितीच्या प्रदीर्घ व अथक प्रयत्नांमुळे धर्मांतरणापासून बचावले आहेत. सध्या नागालॅंडमध्ये (२५ लाख लोकसंख्येपैकी) केवळ ३०००-४००० स्वधर्मी लोक शिल्लक राहिले आहेत. कल्याण आश्रमाचे काम, त्यांनी घडविलेले कार्यकर्ते, त्यांचे समर्पण आणि कार्याचा आवाका हा वाखाणण्याजोगा असून तो अनुभवल्याशिवाय समजणे अवघडच!!!! तेथील लोकांचा स्वधर्म टिकावा, समृद्ध असलेली संस्कृती जोपासली जावी यासाठीच्या प्रयत्नांची फळे ठळकपणे जाणवली. मुख्यतः हराक्काच्या सबलीकरणासाठी, उभारलेल्या कामाच्या मजबूतीसाठी आणि इतरंप्रमाणेच हराक्कासुद्धा स्वतःचा विकास करू शकतात ही जाणीव तेथील समाजाला करून देण्यासाठी विज्ञान कार्यशाळा हे निमित्त होते.

विज्ञान कार्यशाळा घेण्याबरोबरच दोन्ही गटांच्या काही खास व्यक्तींशी भेटी, गप्पा झाल्या. गुवाहटीत श्री. जगदंब मल, श्री. रमथङग, तेनिंगमध्ये मेजर आनंद जोशी तर मोखुक्चुंगमध्ये श्री. विक्रम खराटे (आई. पी. एस.) यांच्या भेटी विशेष ठरल्या. याबरोबरच ठिकठिकाणचे उत्साही कार्यकर्ते व शिक्षक, घराघरांमधील प्रेमळ व आगत्यशील लोक यांच्या भेटी, सहवास हा एक सुंदर अनुभव होता. सर्व शिबिरे झाल्यावर एक गट कोहिमा दर्शनासाठी गेला. तेथील वॉर मेमोरिअल, नागा हेरिटेज व्हिलेज, दुसऱ्या महायुद्धातील जिथल्या तिथे तसाच असणारा रणगाडा ही काही .......... ठिकाणं. त्यानंतर दिमापूरमध्ये एकत्र आले व त्यानंतर सगळे शिलॉंगसाठी रवाना झालो. नागालॅंडमधून मेघालयात जाताना हवेत, सभोवतालच्या वातावरणात, लोकांत लगेच फरक जाणवायला लागला. शिलॉंग पीक, एलेफंटा फॉल्स, प्राणीसंग्रहालय ही तेथील सुंदर ठिकाणं. मेघालयात खूपच आल्हाददायक, प्रसन्न वाटत होतं.

"एकदा ब्रह्मपुत्र ओलांडला की सात वेळा इकडे यावं लागतं" या तिकडच्या नुकत्याच कळलेल्या म्हणीमुळे चेरापुंजी, काझीरंगा पहाता न आल्याची आमची रुखरुख कमी झाली आणि परत येऊ असा सर्वांना विश्वास वाटला. धर्मांतरण सुरू असूनही स्वधर्मीपणा टिकवू पहाणारे हराक्का आणि मूळ ओळख, संस्कृती मुळापासून नष्ट झाली आहे असे धर्मांतरित ख्रिश्चन असे दोन्हीही समाजगटांची झलक पहाता आली. दौऱ्यादरम्यान पडलेले प्रश्न, मिळालेले अनुभव, मदतीची गरज यांबद्दल सर्वांच्याच डोक्यात विचार सुरु झाले आहेत. या दौऱ्याचे अनुभवकथन तर आहेच; पण ते ऐकून फक्त हळहळून किंवा आठवणीत रमून जाणे पुरेसे नाही.
नागालँड हां भारताचा अविभाज्य भाग आहे हे विसरून आपल्याला चालणार नाही..आज कश्मीर म्हंटल की सर्वाचं रक्त सळ सळ करू लागतं..नागालँड ची परिस्थिती तर याहून वाईट आहे. 1962 सालापासून हां भाग आपल्या स्वतंत्र देशाची मागणी करत आहे आणि मिशनरिज ना जगभरातून मिळनाय्रा प्रचंड निधीतून त्याला ख़त पाणी मिळत आहे . आज आपण काही हालचाल केली नाही तर नागालँड वेगळा होन्यावाचून राहणार नाही.
'युरेका' मासिकाच्या माध्यमातून अधिकाधिक माहिती पोहोचवून एकमेकांना ओळखू या आणि या चळवळीत सामील होऊ या. शेवटी एवढेच मनाशी ठरवू की, अंतराने लांब आणि संपूर्णतः वेगळा असणारा नागालंड जवळ आणण्यासाठी, तो जाणून घेण्यासाठी मासिक, विज्ञान शिबिरे, मैत्री-अभ्यास दौरे यांच्याद्वारे आपण सर्वजण शक्य ती मदत करू.

नागालँड भौगोलिक रीत्या आपल्यापासून बराच दूर असून आपल्यातले बरेच मराठी कार्यकर्ते तेथिल विषम वातावरणात मन लाऊन , घाम गळून काम करतात..आपण तिकडे जाऊन काही काम करू शकत नसलो तरी तेथील उपक्रमांना आर्थिक मदत देऊ शकतो. नागलॅण्ड दौरा झाल्यानंतर ग्रंथालयासाठी आम्ही इकडून मदत पाठवत असतो . आपल्या गड , किल्ले , इतिहास याचे ओळख या मार्गाने तिथल्या मुल्लांना होते आणि बाहेरच्या जगात काय आहे याचीही माहिती मिळते.एकूणच मोठ्या आर्थिक मदतीची गरज तिथे आहे.
येत्या दिवाळी दरम्यान कल्याण आश्रमाने एका मोठ्या उपक्रमाचे आयोजन केले आहे. वेगवेगळ्या शाळांमध्ये जाऊन विध्यार्थ्याना Science Presentations देणे , आपली संस्कृती समजावणे , आपला इतिहास सांगणे , शिबीर घेणे अशी कामे त्यात असतील . यासाठी आपल्याला 1 Laptop ची सोय करायची असून, तो लवकरात लवकर तिकडे पोहोचवायचा आहे , तरी या कामात तुम्हाला काही मदत करायची असल्यास आथवा वर्गणी द्यावयाची असल्यास जरूर मला संपर्क साधा. माझा भ्रमणध्वनी नं: 9822525662 असून आपण मला दिवसभरात कधीही संपर्क करू शकता .

विवेकानंदांनी सांगितल्याप्रमाणे भारतमाता हेच दैवत मानून तिची सेवा करू आणि विवेकानंदांनी पाहिलेले ’अखंड भारताचे’ स्वप्न स्वतः आपणही पाहून पूर्णत्वास नेऊ.