புன்னகையே பொன் செய்யும்

புகைபடங்களே ஒரு அலாதியான விஷயம்

2011-06-02T19:41:00.000+05:30

ஹாய் நண்பர்களே நான் வந்துட்டேன் !

இப்போது தான் நேரம் கிடைத்தது உடனே உங்களுடன். புகைபடங்களே ஒரு அலாதியான விஷயம் தான், அதிலும் விசித்திரமான ஒன்று இருந்தால். அப்படி ஒரு சில உங்களக்குகாக, படத்தை வேகமாக எடுத்திருந்தால் எப்படி இருக்கும். இதோ! பார்த்துவிட்டு விமர்சங்களை எழுந்துகள்.... உங்களக்குகாக சிறப்பு ஒன்று உண்டு .......

சித்திரை நல்வாழ்த்துக்கள்!

2011-04-13T19:30:00.000+05:30

இதோ வந்துட்டேன். வேலை பழு காரணமாக தொடர்ந்து என்னால் பதிவை போட இயலவில்லை. இப்போது தான் நேரம் கிடைத்தது உடனே உங்களுடன்.

அன்பு நண்பர்கள் அனைவருக்கும் இனிய சித்திரை நல்வாழ்த்துக்கள்.

இந்த ஆண்டும் சந்தோசமாக கொண்டாட இருக்கின்றனர். எல்லோரும் மகிழ்ச்சியாக இருக்க வேண்டும் என்பதே எல்லோரினதும் பிரார்த்தனை.

இந்தியாவில் க்ரக்கேரியன் (Gregorian) காலண்டருடன், இந்து பஞ்சாங்கமும் அனேக விசேஷங்களில் முக்கியப் பங்கு வகிக்கிறது.

இப்பஞ்சாங்கப்படி, ஏப்ரல் மாதத்தின் நடுவில் 13, 14 ந்தேதியில் வருவதே சித்திரை வருடப் பிறப்பு. சித்திரை மாதம் தொடங்கியே 12 மாதங்களை வரிசையாகக் கணக்கிடுகின்றனர் தமிழர்கள்.

இந்துக்கள் குறிப்பாக தமிழர்கள் அன்றைய தினம் வீட்டை சுத்தப்படுத்தி, அலங்கரித்து, வண்ணக்கோலமிட்டு,வாயிலில் மாவிலைத் தோரணம் கட்டிக் கொண்டாடுவர். புத்தாடைகள் உடுத்தி, பெரியோர்களிடம் ஆசி பெற்று மகிழ்வர். மேலும், மாங்காய்ப் பச்சடி செய்து வடை,பருப்பு பாயஸத்துடன் உண்டு மகிழ்வர். வாழ்வில் இனிப்பும், கசப்பும் மாறி மாறி வரும், அதனைத் துணிவோடு எதிர்கொண்டு ஜெயிக்கவேண்டும் என்பதனை உணர்த்தவே இந்த ‘மாங்காய்ப் பச்சடி” வழக்கம் என்பர் பெரியோர்.(வெல்லம், மாங்காய், வேப்பம்பூ சேர்த்துச் செய்யும் ஒருவகை இனிப்பு.

இவ்வினிய புத்தாண்டில் கனவுகள் நினைவாகி வாழ்வு மேம்பட புத்தாண்டு நல்வாழ்த்துக்கள்.

:: இனிய மகளிர் தின நல்வாழ்த்துக்கள் ::

2011-03-08T13:15:00.000+05:30

" மங்கையராய் பிறக்க மாதவம் செய்திட வேண்டும் அம்மா "

என்ற கவிஞனின் எண்ணதிற்கு உருவம் கொடுத்து வருகின்றனர் இன்றைய

பெண்கள். உலகின் மிகப்பெரிய பதவிகளையும் பொறுப்புகளையும் இன்னும்

பல்வேறு சாதனைகளும் வகித்து வருகின்றனர். மிகவும் பெருமையாகவே உள்ளது.

ஆணுக்கு பெண் என்றும் குறைந்தவள் அல்ல என்று எல்லாத் துறைகளிலும் மகளிரின் ஆதிக்கம் வளர்ந்து வருகிறது.

இந்நன்னாளில் குடும்ப முதல் கிராமம், நகரம்,நாடு , ஏன் உலகமே பெண்களுக்கு முன்னுரிமை கொடுப்போம். பெண்ணின் வளர்ச்சியே நாட்டின் வளர்ச்சி.

இறுதியாக, ஆண்களும் பெண்களும் இணைந்ததுதான் சமுதாயம். அதில் இருபாலாருடைய காத்திரமான பங்களிப்பும் இன்றியமையாதது. பெண் என்பதாலேயே அவள் இரண்டாம் பாலினமாக நோக்கப்படும் கருத்துநிலை படிப்படியாக மாற்றப்படும்போது, பெண்களின் நிலைமை மேம்பாடு அடையும் என்பதில் ஐயமில்லை.பெண்களுக்கெதிரான வன்முறைகள் அற்ற, பெண்களும் சிறப்பானதொரு மனித உயிரியாக மதிக்கப்படும் புதியதோர் உலகை உருவாக்குவதில் நாமும் நம்முடைய கரங்களை இணைத்துக் கொள்வோம்! ஒற்றுமையின் பலத்தினால் வெல்வோம்!

பெண்ணாக பிறந்தற்கு நான் என்றும் பெருமை அடைகிறேன்.

நீங்க உங்க vote eh எனக்கு போடுங்க மற்றும் விமர்சங்களும் .........

::மௌனத்திற்கு மொழியேது ::

2011-03-03T21:01:00.000+05:30

இன்று நான் மெளனமாக இருந்தேன் என்னுள் பல எண்ணங்களை மௌன நிலை சமர்ப்பித்தது . என் மௌனத்தின் மூலம் இந்த பதிவை பகிர்கிறேன்...... ஆனால் மௌனத்திற்கு ஏது மொழி.

இருக்கு என்று சொன்னால் நம்புவீர்களா !

(மௌனமென்றால் என்ன? வார்த்தைகளில்லாமல் நம்முடைய ஆழ்மனதின் உணர்வுகளை வெளிப்படுத்துவது தான் மௌனம் என்று சொல்லலாம். உள்மனதோடு பேசுதல், வார்த்தைகள் இல்லாமல் பிரார்த்தனை செய்தல், இயற்கையோடு இணைத்துக் கொள்ளுதல் ஆகியவற்றில் நாம் மௌனமாக இருக்கிறோம்.)
விடியலுக்கு முன்னே விழி திறந்து..... என்னோடு கைகோர்த்து நடை பழகும் சில நினைவுகளும் என் கட்டில் வரை வந்து கண் இமைகள் மூடும் முன்னே இமை திறக்கும் சில கனவுகளும் என் வாழ்வின் அன்றாட அம்சங்களாகி விடும்போது என் மௌனம் மௌனமாகிறது.

மெளனத்தில் பழகிப் பழகித் தான் எண்ணங்களை வெற்றி கொள்ள வேண்டும். மெளனத்தில் கிடைக்கக் கூடிய நல்ல எண்ணங்கள், முன் செய்த நல்ல செயல்களின் பதிவுகள் எல்லாவற்றையும் குறிப்பெடுத்துக் கொண்டு அவற்றைச் செயல்படுத்தி விட்டோமானால், வாழ்க்கையில் மேம்பாடு வரும்.

        இவைகளை எல்லாம் அனுபவத்தில் நீங்கள் பார்க்கலாம். நாம் பேசிக் கொண்டிருக்கும்போது, உணர்ச்சிவயப்பட்ட நிலையில் இருக்கிறோம். நமக்கு யார் யாருடைய கருத்துக்கள் வான் காந்தத்திலிருந்து வரும் என்றால், உணர்ச்சிவயப்பட்ட நிலையில் உள்ளவர்களின் கருத்துத் தான் வரும். அவை நமது மூளையோடு சேர்ந்து நமது எண்ணங்களாக வரும்.
         ஆனால், மெளனத்தில் பேரமைதி நிலைக்கு வந்தால், அமைதியாக இருந்து ஆராய்ச்சி செய்து, இறைநிலையை உணர்ந்து, அதோடு தொடர்பு கொண்டால், அந்த நிலையை உணர்ந்த பெரும் மகான்கள், அவர்களுடைய ஆற்றல்கள், எண்ணங்கள் எல்லாம் நம்முடைய எண்ணங்களாக வரும். அதை எல்லாம் அனுபவித்துப் பார்க்கலாம். அனுபவித்துப் பார்ப்பதற்கு ஏற்ற காலம் தான் மெளன காலம்.
                         எவ்வளவு காலம் மெளனம் மேற்கொள்ளலாம்?
       நீங்கள் ஒரு நாள் மெளனம் இருக்கலாம். இரண்டு நாளும் இருக்கலாம். ஆனால், அந்த மெளன காலத்தில் கிடைத்த பயன்களை நினைவில் பதிய வைத்துக் கொள்ளுங்கள். வாழ்க்கையில் அவற்றைப் பயன்படுத்திக் கொள்ளவும் வேண்டும்.
     போகப்போக ஒரு மணி நேரம் மெளனம் இருந்தால் கூடப் போதும். ஆனாலும், அந்த ஒரு மணி நேரமும் வெற்றி அளிப்பதாக இருக்கும். இங்கேயும் அங்கேயும் மனதை ஓடவிடாது வைத்து இருக்க முடியும்.
     அப்படி இருந்து பழகிவிட்டோம் என்று வைத்துக் கொள்ளுங்கள். எந்தச் செயல் செய்தாலும் பதிவாகி அந்தந்தப் பதிவுகள் அவ்வப்போது எண்ணங்களாக வருகின்றன அல்லவா? அதேபோல மெளன காலத்தில் நீங்கள் இறைநிலையில் இருந்து ஏற்படுத்திக் கொண்ட மெளனப் பதிவும் சாதாரண காலங்களில் கூட மேலே வந்து அவ்வப்போது அமைதி நிலைக்கு உங்கள் மனதை அழைத்துச் செல்லும்.
என்ன நீங்களும் இதை ட்ரை பண்ணலாமே ! மௌனம் ஒரு வித காதல்...ஆம் ....

சுலபமாக லோகோக்களை உருவாக்கலாம் வாங்க !

2011-02-24T20:49:00.000+05:30

லோகோ என்பது முழுவிவரத்தையும் குறிப்பிடும் முத்திரையாகும், லோகோ என்பது ஒரு முக்கியமான அடையாளம் ஆகும். இதை நாம் அனைத்துவிதமான வலைப்பக்கங்களிலும் மற்றும் நிறுவனத்தின் குறியீடாகவும் பார்க்க முடியும்.

இந்த லோகோக்களை உருவாக்க நாம் போட்டோசாப் அல்லது வேறு எதாவது ஒரு மென்பொருளின் உதவியினை நாட வேண்டும். இது மாதிரியான லோகோக்களை உருவாக்க ஒரு மென்பொருள் இலவசமாக கிடைக்கிறது. இந்த மென்பொருளின் சந்தை விலை $29.95 ஆகும். தற்போது இந்த மென்பொருள் இலவசமாக கிடைக்கிறது.

இந்த லோகோ கிரியேட்டர் மென்பொருளானது மேக் மற்றும் விண்டோஸ் ஆப்ரேட்டிங் சிஸ்ட்டத்திற்கு மட்டுமே இலவசமாக தற்போது கிடைக்கிறது.

இந்த மென்பொருளை தரவிறக்கம் செய்ய உங்களிடம், முகநூல் (Face Book) கணக்கு இருக்க வேண்டும். சுட்டியினை கிளிக் செய்து குறிப்பிட்ட தளத்திற்கு சென்று உங்களுடைய முகநூல் பயனர்பெயர் மற்றும் கடவுச்சொல்லை உள்ளிட்டு மென்பொருளை தரவிறக்கம் செய்து கொள்ள வேண்டும். மென்பொருளை தரவிறக்கம் செய்ய Like என்னும் பொத்தானை கிளிக் செய்ய வேண்டும்.

இந்த மென்பொருளை இணையத்தில் இருந்து பதிவிறக்கம் செய்து கணிப்பொறியில் நிறுவிக்கொள்ளவும். பின் மென்பொருளை ஒப்பன் செய்யவும், அதில் ஏற்கனவே லோகோ டெம்பிளேட்கள் இருக்கும், அதை தேர்வு செய்து பயன்படுத்திக்கொள்ளலாம். இல்லையெனில் புதியதாக நீங்களே ஒரு லோகோவினை உருவாக்கி கொள்ள முடியும். இந்த மென்பொருளில் எடிட்ங் வேலைகளை மிகவும் எளிமையாக செய்ய முடியும். இந்த மென்பொருளில் உருவாக்கிய லோகோக்களை பல்வேறு விதமான பார்மெட்களில் சேமித்துக்கொள்ள முடியும்.

இந்த லோகோ கிரியேட்டர் மென்பொருளின் உதவியுடன் மிகவும் எளிமையான முறையில் லோகோக்களை உருவாக்கி கொள்ள முடியும். இதன் மூலம் நீங்கள் மிக எளிய முறையில் லோகோக்களை உருவாக்கலாம் .

உங்கள் கருத்துக்களை சொல்லவும்

::விசித்திரமான மிகச்சிறிய கையடக்க பிரிண்டர்::

2011-02-18T19:53:00.000+05:30

தற்கால தொழில்நுட்பத்தை பொறுத்த வரையில் புதிய உபகரணங்கள் வெகுவாகவே அறிமுகப்படுத்தப்படுகின்றது என்பது யாவரும் அறிந்ததே.

நாம் அனைவரும் பொதுவாக பயன்படுத்தும் Printer technology யின் ஓர் புதிய பரிமானமாக இதை குறிப்பிடலாம். நாம் Printer ஒன்றை தெரிவு செய்யும் போது குறிப்பாக கவனிப்பது சிறந்த தரம்(Quality), வேகம்(Speed), பருமன்(Size) மற்றும் Background noise level ஆகியவையே.

அவ்வகையில் Printbrush என அழைக்கப்படும் இந்த பிரிண்டரானது ஓரு வித்தியாசமான, விசித்திரமான பிரிண்டர் ஆகும்.

இதை அறிமுகப்படுத்தியவர்கள் PrintDreams நிறுவனமாகும். இதன் விசேஷம் என்னவென்றால் இந்த பிரிண்டரை கையில் தூக்கி செல்லலாம். ஓரு தாளின்(Paper) மேல் இப் பிரிண்டரை நகரத்தி சென்றால் இப் பிரிண்டரானது அத்தாளில் உள்ள விடயங்களை நிழற்படங்களாக 600 DPI(Dots Per Inch) ஆக பதிவு செய்து கொள்ளும்.

இதில் Bluetooth communication மற்றும் மீள்நிரப்பு Rechargeable Batteries களை கொண்டிருப்பதால் இதனை பயன்படுத்துவது மிகவும் இலகுவானதாகும். மேலும் இப் பிரிண்டரானது வெறுமனே தாள் ஒன்றிற்கு முடக்கப்பட்டது அல்ல, எந்தவொரு தட்டடையான மேற்பரப்பையுடைய(Fabric material மற்றும் Letter envelopes) போன்ற பொருட்களையும் ப்ரின்ட் செய்துகொள்ளலாம்.

இதன் அறிமுக விலை $199 என தெரிவிக்கப்படுகின்றது.

மைக்ரோசாப்ட் எச்சரிக்கையிட்டுள்ளது!

2011-02-14T22:58:00.000+05:30

இன்டர்நெட் எக்ஸ்ப்ளோரர் எனும்
உலாவியை பயன்படுத்தும் 90 கோடி கணணிகளுக்கு ஆபத்து ஏற்பட்டுள்ளதாக மைக்ரோசாப்ட் நிறுவனம் தெரிவித்துள்ளது.

இன்டர்நெட் எக்ஸ்ப்ளோரர் உலாவியை பயன்படுத்துவோரின் கணணியிலிருந்து அவர்களது ரகசிய விவரங்களும், சுய விவரங்களும் திருடப்பட்டுள்ளதாக டெய்லி மெயில் பத்திரிக்கை செய்தி வெளியிட்டுள்ளது.

புதிதாக பரவி வரும் வைரஸால் வின்டோஸ் XP(SP3), வின்டோஸ் விஸ்டா, வின்டோஸ் 7, வின்டோஸ் சர்வர் 2003 மற்றும் வின்டோஸ் சர்வர் 2008(R2) ஆகிய வின்டோஸ் இயங்குதளங்கள் பாதிக்கப்பட்டு வருவதாகவும் அறிவித்துள்ளது.

இருந்த போதிலும் நெருப்பு நரி(பயர்பாக்ஸ்), கூகுள் க்ரோம் மற்றும் சபாரி போன்ற உலாவிகளை பயன்படுத்தி வரும் பயனாளிகளுக்கு எவ்வித பாதிப்பும் ஏற்படாது என்றும் அந்த பத்திரிக்கை செய்தியில் கூறப்பட்டுள்ளது.

வின்டோஸ் இயங்குதளத்திற்கு உள்ளேயே மட்டும் இந்த வைரஸ் பரவுவதாகவும், இதனைத் தடுக்க எடுத்து வரும் முயற்சிகள் இதுவரை பலனளிக்கவில்லை என்றும் மைக்ரோசாப்ட் நிறுவனம் கூறியுள்ளமை குறிப்பிடத்தக்கது.

----------------------------------**************************************------------------------------------------

நீங்க உங்க vote eh எனக்கு போடுங்க மற்றும் விமர்சங்களும் .........

புகழ்பெற்ற மோனாலிசா ஓவியத்தின் மாடல் பெண்ணே அல்ல ஒரு ஆண் கண்டுபிடித்த ஆராய்ச்சியாளர்

2011-02-04T17:21:00.000+05:30

வணக்கம்! ஓவியம் காண்பதில் எல்லோருக்கும் அலாதி ரசனை உண்டு. எனக்கும் உண்டு, அப்படி எண்ணுகையில் இந்த தகவல் அறிந்தேன். பகிர்தேன் உங்களுடன்.

புன்னகை சிந்தும் மோனாலிசா ஓவியத்தை புகழ் பெற்ற ஓவியர் லியோ நார்டோ டாவின்சி வரைந்தார். கடந்த 1490-ம் அண்டு இந்த ஓவியத்தை அவர் வரைந்தார். பிரான்சை சேர்ந்த பட்டு வியாபாரி லிசா செரா டினி என்பவரின் மனைவி இந்த ஓவியத்துக்கு மாடலாக இருந்தார் என்று கூறப்பட்டது

ஆனால்,

உலகப் புகழ்பெற்ற மோனாலிசா ஓவியத்தின் மாடல் பெண் அல்ல ஒரு ஆண் என்று இத்தாலிய ஆராய்ச்சியாளர் சில்வானோ வின்செடி என்பவர் தெரிவித்துள்ளார்.

கவிஞர்கள் அழகிய பெண்களை வாழும் மோனாலிசா என்று வர்ணிப்பதுண்டு. ஆனால், இனி அவ்வாறு கூற முடியாது. காரணம் லியோ நார்டோ டாவின்சி தனது உதவியாளராக இருந்த காப்ரோட்டி என்பவரை மாடலாக வைத்து தான் மோனாலிசாவை வரைந்துள்ளார்.

மோனாலிசா ஓவியத்தில் இருப்பது ஆணா, பெண்ணா என்றும், அந்தப் புன்னகை பற்றியும் ஏராளமான கருத்துகள் நிலவி வருகின்றன. யாராலும் தெளிவாக ஒரு முடிவுக்கு வரமுடியாத அந்த ஓவியத்தைப் பற்றி இத்தாலிய ஆராய்ச்சியாளர் சில்வானோ வின்செடியும் ஆய்வு மேற்கொண்டார்கள்.

இவர் தலைமையிலான நிபுணர் கழுவினர் மோனாலிசா ஓவியத்தை ஆய்வு செய்தனர்.மோனாலிசா ஓவியம் வரைந்த டாவின்சியுடன் ஜியான் ஜியா கோனே காபுரோத்தி என்ற வாலிபர் உதவியாளராக பணிபுரிந்தார். இவரை மாடலாக வைத்து சில ஓவியங்களை அவர் வரைந்துள்ளார்.

அதில் உள்ள வாய், மூக்கு உள்ளிட்ட பாகங்கள் மோனாலிசா ஓவியத்துடன் ஒத்து போகின்றன. எனவே மோனாலிசா ஓவியத்தின் மாடல் ஆக வாலிபர் காபுரோத்திதான் இருந்திருக்க வேண்டும் என எண்ணத் தோன்றுகிறது என்று தெரிவித்துள்ளார். இந்த தகவல் இங்கிலாந்தில் இருந்து வெளிவரும் ஒரு பத்திரிகையில் வெளியாகி உள்ளது.

நான் மீன் பிடிகுற ஆனா உங்க வேலைபிடிச்சு பாத்து தீர்ப்பு சொல்லுங்க

நீங்க உங்க vote eh எனக்கு போடுங்க மற்றும் விமர்சங்களும் ..........

இணையத்திலே புகைப்படங்களை எளிதாக மாற்றலாம்

2011-02-01T17:27:00.000+05:30

                          இணையத்தில் பரவிக்கிடக்கின்றது பல தரப்பட்ட மென்பொருள்கள். எல்லாமே இலவசம் ஆகிக் கொண்டு வருகிறது. இதில் மென்பொருள் மட்டும் விலக்கல்ல. அதிலும் இது ஒரு புது புரட்சி. அனைவரும் Photoshop என்ற மென்பொருள் பற்றி அறிந்திருக்க வாய்ப்புள்ளது. ஆனால், இது இலவசம் கிடையாது மேலும் இதை உங்கள் கணினியில் நிறுவினால் மட்டுமே உங்களால் உபயோகப்படுத்த முடியும். இனி, இதற்காக வருந்த அவசியம் இல்லை .
                     புகைப்படங்களை இலவசமாக இணையத்திலே மாற்றி அமைக்கலாம். அனைவருக்கும் பிரயோகமாக இருக்கும.மென்பொருளே இல்லாமல் இப்பொழுது உங்களால் புகைப்படத்தை உருவாக்கவோ மாற்றி அமைக்கவோ முடியும். இதற்கு தேவையானது உங்கள் கணினி மற்றும் இணைய வசதி.

அதற்கான மென்பொருள்,
நீங்கள் முதலில் செய்ய வேண்டியது
                                      “www.pixlr.com“
இந்த வலைப்பக்கத்தை சொடுக்கவும் (click).
மேலும் இந்த வீடியோவை பார்க்கவும். இது ஒரு சின்ன டுடோரியல் தான்.

:: AVIARY ::

மற்றுமொரு ஒரு அசத்தலான தளத்தை அறிமுகம் செய்கிறேன். Aviary என்பது தளத்தின் பெயர். சிறப்பம்சம் என்னவென்றால் எட்டுவிதமான(இசை, புகைப்படம், வண்ணம், வெக்டர், ஒலி) அம்சங்களை ஒரே தலத்தில் காண்பது அரிது.

               உங்கள் உலவியின் உள்ளேயே இவை அனைத்தையும் இயக்க முடிவதால், எல்லா இயங்குதளங்களிலும் அப்படியே பயன்படுத்தலாம்.
              எந்தவித மென்பொருளையும் தரவிறக்கி, நிறுவவேண்டிய அவசியமும் இல்லை. அடோபி ப்ளெக்ஸ் மூலம் உருவாக்கப்பட்ட பயன்பாடுகள் இவை. அனைத்தும் அசத்தலான பல்லூடக நுட்பங்கள்.
மேலும் இதன் இணையதளம்    " WWW.AVIARY.COM " சுடக்கவும்.
இதன் மூலம் உபயோகித்து பாருங்கள் பயன் பெறுங்கள்.

என் மென்பொருளை தேடுற நீங்களாவுது கண்டுபுடிச்சு தாங்க ஐயா.

மேலும் விமர்சனகளை எழுதவும் அப்ப தான் இந்த பொண்ணுக்கு சந்தோஷம்

Facebook உபயோகிக்பவரா :: எச்சரிக்கை

2011-01-29T21:00:00.000+05:30

வணக்கம்! தலைப்பை பார்த்து பயப்பட தேவையில்லை. இருப்பினும் நீங்கள் தான் உங்களுடைய Facebook Account'ஐ உபயோகிப்பவரா அல்ல வேறொருவர் உபயோகிக்கின்றனரா என்று அறிய ஒரு வழி உள்ளது.

நீங்கள் அறிந்துரிப்பீர்கள்,

"பேஸ்புக் நிறுவனர் மார்க் ஜக்கர்பெர்கின் பேஸ்புக் பக்கம் ஹேக் செய்யப்பட்டது" என்று.

வேறொருவர் உபயோகப்படுத்துவதை தடுப்பதற்கு ரொம்ப சுலபமான ஒரு வழி இருப்பதை அறிந்தும் அறியாமலும் இருந்திருக்கலாம் அல்லது புதுமையாக கூட இருக்கலாம். நாம் அறியாமலே வேறொருவர் நம் Account' ல் நுழைவதற்கு வாய்ப்புண்டு. இதை தடுக்க.

முதலில் உங்கள் Facebook Account Login செய்து .
Go to Facebook.com ->Account ->Account Settings ->Account Security.

பிறகு, இந்த புகைப்படத்தை பாருங்கள்

                 இதில் சிலவற்றை பார்த்திருப்பீர்கள் "All computers and mobile devices that have logged into your Facebook account" மற்றும் எப்ப உபயோகப்படுத்துனீர்கள் என்று. அது மட்டுமின்றி நீங்கள் எந்த இடத்தில் இருந்து உபயோகத்தீர்கள் என்ற விவரம் IP அட்ரஸ் மூலமாக அறியப்படும்.

               வேறு ஏதாவது device அல்லது இடம், அதாவது நீங்கள் Mac உபயோகிப்பவர் ஆனால், IE browser என்று காண்பித்தால் உடனே நீங்கள் செய்ய வேண்டியது “end activity” லிங்க் கிளிக் செய்யுங்கள் அதனுடன் வெளியேறவும் (logout) கணினி விட்டு.
          இதில் இன்னுமொரு சிறப்பு என்னவென்றால் உங்கள் ஈமெயில்க்கு மற்றும் மொபைல் SMS alert வந்து சேரும் வேறுயவரேன்னும் பயன்படுத்தினால் Facebook.
மேலும், தகவலுக்கு இந்த வீடியோ பார்க்கவும்,

உங்கள் பின்னூட்டங்கள் இடவும்

சகியின் கவிதை : அன்புள்ள அன்னை

2011-01-28T21:05:00.000+05:30

நான் கவிதை எழுதுவதுண்டு , அனால் ஏதோ சுமாராக எழுதுவேன் !

எனினும் இந்த கவிதை என் உள்ளதை மெள்ள வருடியது.

ஆம் , இந்த அழகிய ஓவியம் அதிலுள்ள அர்த்தத்தை உணர்த்தும்.

தலைப்பு அன்புள்ள அன்னை என்று கூறிவிட்டு இங்கு, நான் சொல்வது

:: அன்னையின் படைப்பு ::

அவளை பார்க்கும் போது

சொல்ல நினைக்கிறேன் !

அவள் சிரிக்கும் போது

சொல்ல நினைக்கிறேன் !

அவள் என்னை முத்தம் இடும் போது

சொல்ல நினைக்கிறேன் !

அனால்,

என்னால் சொல்ல முடியவில்லை

கடவுளே எனக்கு சீக்கிரம் பேசும்

சக்தியைகொடு அவளை

அம்மா என்று அழைக்க !

---- கருவில் குழந்தை நினைத்தது .

என்னை பத்தி படிச்சுட்டு ஒன்னும் சொல்லாம போனீங்கனா இப்படித்தா அழுவ

குறிப்பு :

இதில் தவறேதும் இருப்பின் இந்த சகியை மன்னிக்கவும் . மற்றப்படி பிடித்தால் எனக்கு கருத்து கூறவும்.

குடியரசு தின வாழ்த்துகள்!

2011-01-26T17:30:00.000+05:30

இந்திய குடியரசு தின வாழ்த்துகள்,

இந்த குடியரசுதினத்தில் அனைவரும் வாழ்வில் வளமும் நலமும் பெற வாழ்த்துகிறேன்!!!!

நீங்க உங்க vote eh எனக்கு போடுங்க மற்றும் விமர்சங்களும் அவசியம் ! ..........

::விண்வெளியில் தூசியின் அளவு இரட்டிப்பு::

2011-01-25T20:45:00.000+05:30

உலகின் வெப்பத்தின் தாக்கம் அதிகரித்து கொண்டேன் செல்கிறது . பூமண்டலத்தின் விண்வெளியில் தூசியின் அளவு 20ஆம் நூற்றாண்டு துவக்கம் முதல் இரட்டிப்பாகி உள்ளதாக புதிய ஆய்வு ஒன்று தெரிவித்துள்ளது.

இதன் தாக்கம் பூவுலகின் சுற்றுச் சூழல், பல்லுயிர்ப் பரவல் ஆகிய வற்றில் பெரிய அளவில் ஏற்பட்டுள்ளதாக கார்னெல் பல்கலை பேராசிரியர் நதாலி மஹோவால்ட் என்பவர் தெரிவித்துள்ளார்.

மனித உற்பத்தி நடவரிக்கைக் காரணங்கலல்லாது இயற்கை யில் நிக்ழும் இந்த தூசு மண்டலம் பற்றிய ஆய்வு இந்த நூற்றாண்டிலேயே நடைபெறுவதாக அவர் தெரிவித்தார்.

பாலைவன தூசுகள், மண்ணின் நுண்துகள்கள், ஆகியவற்றின் அளவு விண்வெளியில் அதிகரித்துள்ளது என்பதை இவர் ஏற்கனவே உள்ள தரவுகளின் அடிப்படையிலும் கணினி மாதிரி களிலும் சோதனை செய்து கூறியுள்ளார்.

பாலைவன தூசு மற்றும் சுற்றுச்சூழல் ஆகியவை ஒன்றையொன்று பல்வேறு இடைப்பட்ட அமைப்புகள் மூலம் பாதித்துக் கொள்பவை. பொதுவாக தூசுமண்டலம் சூரிய வெப்பக் கதிர்வீச்சிலிருந்து காக்கிறது. இதனால் மனிதனால் விண்வெளிக்கு அனுப்பப்படும் கரியமில வாயுவினால் ஏற்படும் புவிவெப்பமடைதல் நடவடிக்கை சற்றே குறைகிறது.

ஆனால், இதே தூசு மண்டலம்தான் மேகத்தின் செயல்பாட்டிலும் குறுக்கிட்டு மழையை தடுத்து இதன்மூலம் கடும் வறட்சி ஏற்பட்டு இதனால் இந்த புதிய வறட்சியால் மேலும் தூசிகள் விண்வெளிக்குச் செல்லும் ஆபத்தும் உள்ளது.

மேலும் தூசுகளைப் பொறுத்தவரை கடல்நீர் ரசாயனத்திலும் தாக்கம் செலுத்துகிறது. தூசுதான் இரும்பின் மூலாதாரம். இதன் மூலம்தான் கடல் நீரின் மேற்பரப்பு, ஆழப்பகுதிகளில் வாழும் நுண்ணுயிரிகள் தங்களுக்குத் தேவையான கரியமிலவாயுவை உறிஞ்சுகிறது.

ஆய்வாளர்கள் பனிப்படலங்கள், ஏரியின் படிவுகள், மற்றும் பவளப்பாறை மாதிரிகளை எடுத்து பாலைவன தூசின் தன்மை களை ஆராய்கின்றனர்.கடல்நீரில் படிந்துள்ள தூசியினால் விண்வெளியில் உள்ள கரியமிலவாயு கடந்த 100 ஆண்டுகளில் 6% குறைந்துள்ளது.

இதுவரை வந்த ஆய்வுகள் மனித உற்பத்தி நடவடிக்கைகளினால் ஏற்படும் தூசி அதன் விளைவுகளை ஆராய்ந்துள்ள நிலையில் இந்த ஆய்வு இயற்கைத் தூசிகளின் நன்மை தீமைகளை மேலும் வெளிக்கொணரும் என்று கூறியுள்ளது.

எதுவா இருந்தாலும் இதை தடுப்பதிற்கு ஒரு வழி நம்மால் செய்ய முடியும் .

அதுதான் மரம் வளர்ப்பது என்ன சரிதானே ...........

மரம் வளர்ப்போம் நன்மை பெயர்ப்போம்.

ஒரு கணினி வழியாக இன்னொரு கணினியை இயக்கலாம்

2011-01-23T20:32:00.000+05:30

            ஒரு கணினி வழியாக இன்னொரு கணினியை இயக்க முடியுமா. ஏன் முடியாது இருக்கவே இருக்கு ஒரு அற்புதமான software அது தான் Team Viewer.

            Team Viewer சாப்ட்வேர் வழியாக உங்களுடைய நண்பரின் கணினியை உங்கள் கணினியின் மூலமாக கட்டுபடுத்த முடியும்.

           இதன் மூலம் அவருடைய கணினியில் கோளாறுகளை சரி செய்வது மற்றும் தேவையான கோப்புகளை (files) பகிர்ந்துகொள்ளவும் முடியும்.

1.உபயோகப்படுத்த கட்டணம் இல்லை

(Free version)

2.மிகவும் சிறிய சாப்ட்வேர் (3.5 Mb)

3.இணைய வசதி தேவை “

மேலும் தெரிந்து கொள்ள வீடியோ டுடோரியலை பார்க்கவும்

உலகின் அதிசயகளில் தாஜ்மஹாலுக்கே முதலிடம்!

2011-01-21T20:23:00.000+05:30

::தாஜ் மகால்::

(Taj Mahal, தாஜ் மஹால்), இந்தியாவிலுள்ள நினைவுச்சின்னங்களுள், உலக அளவில் பலருக்குத் தெரிந்த ஒன்றாகும். இது ஆக்ராவில் அமைந்துள்ளது. முழுவதும் பளிங்குக் கற்களாலான இக்கட்டிடம், ஆக்ரா நகரில் யமுனை ஆற்றின் கரையில் கட்டப்பட்டுள்ளது. இது காதலின் சின்னமாக உலகப் புகழ் பெற்றது.

ஏழு உலக அதிசயங்களின் புதிய பட்டியலில் தாஜ் மகாலும் சேர்க்கப்பட்டுள்ளது. இக் கட்டிடம் முகலாய மன்னனான ஷாஜகானால், இறந்து போன அவனது இளம் மனைவி மும்தாஜ் மகால் நினைவாக 22,000 பணியாட்களைக் கொண்டு 1631 முதல் 1654 ஆம் ஆண்டுக்கு இடையில் கட்டிமுடிக்கப்பட்டது. மேலும் இக்கட்டிடப் பணியை வடிவமைத்த பலர் பின்னாட்களில் இதனைப் போன்று உருவாக்காவண்ணம் இருக்க அவர்களின் கைகள் துண்டிக்கப்பட்டதும் குறிப்பிடத்தக்கது.
அது வெறும் Introduction தான் ,

ஒரு சந்தோஷமான தகவல் என்னவென்றால் ,

"உலகின் அதிசயகளில் தாஜ்மஹாலுக்கே முதலிடம் கிடைத்துள்ளது "

உலகில் புதிய ஏழு உலக அதிசயங்களை தேர்வு செய்ய சுவிட்சர்லாந்து நாட்டை சேர்ந்த பெர்னாட் வெப்பர் என்பவர் இணைய தளம் மூலம் வாக்கெடுப்பு நடத்தினார். இந்த வாக்கெடுப்புக்கு கடும் எதிர்ப்பு கிளம்பியது.

யுனஸ்கோ (UNESCO) அமைப்பும் வாக்கெடுப்பு மூலம் உலக அதிசயங்களை தேர்வு செய்ய கூடாது என கண்டனம் தெரிவித்தது. ஆனால் அதையும் மீறி தொடர்ந்து வாக்கெடுப்பு நடந்தது. இணைய தளம் மூலமும், எஸ்.எம்.எஸ். மூலமும் வாக்கெடுப்பு நடத்தப்பட்டது. முதல் கட்ட வாக்கெடுப்பு முடிந்து 21 கட்டிடங்கள் மட்டும் இறுதி பட்டியலுக்கு தேர்வு செய்யப்பட்டன.

இவற்றில் மதுரை மீனாட்சி அம்மன் கோவில், குதிப்மினார் உள்ளிட்ட கட்டிடங்கள் இடம் பெற்று இருந்தன. அதில் எகிப்து பிரமிடை நிரந்தர அதிசயமாக கூறி இருந்தனர். மீதி 7 கட்டிடங்களை தேர்வு செய்ய தொடர்ந்து வாக்கெடுப்பு நடந்தது.

உலகம் முழுவதும் இருந்து 10 கோடி பேர் ஓட்டு போட்டனர். இறுதியில் 7 அதிசயங்களை தேர்வு செய்துள்ளனர். இந்த பட்டியலை நேற்று போர்ச்சுக்கல் நாட்டில் உள்ள லிஸ்பன் நகரில் நடந்த பிரமாண்ட விழாவில் முறைப்படி அறிவித்தனர்.

இதில் தாஜ்மகால் முதலிடத்தை பெற்று உள்ளது.

7 அதிசயங்களின் பெயர் மற்றும் அமைந்துள்ள நாடுகள் விவரம்:-

1. தாஜ்மகால் இந்தியா

2. சீனபெருஞ்சுவர்- சீனா

3. பெட்ரா-ஜோர்டான்

4. பிரமாண்ட ஏசுநாதர் சிலை பிரேசில்

5. மச்சுபிச்சு- பெரு

6. மயன்-மெக்சிகோ

7. கொலோசியம்- இத்தாலி

7 அதிசயங்கள் அறிவிக்கப்பட்டாலும் இதை ஐ.நா. அமைப்போ அல்லது முக்கிய அமைப்புகளோ ஏற்கவில்லை.

எதுவா இருந்தாலும் எனக்கு தாஜ் மஹால் ரொம்ப பிடிக்கும் பா......


ஒழுங்கா தண்ணி அடி இல்ல இப்படிதான் செய்வேன் ஹி ஹிஹி

நீங்க உங்க vote eh எனக்கு போடுங்க மற்றும் விமர்சங்களும் ..........

மொபைல் நம்பரை வேறு நிறுவனத்திற்கு மாற்றுவது எப்படி?

2011-01-20T20:41:00.000+05:30

ஒரு நல்ல செய்தி உங்களக்கு ,

அண்மையில் Mobile Number Portability எனும் வசதி TROI கொண்டுவந்துள்ளது. இதன் மூலம் உங்களின் மொபைல் நம்பரை மாற்றாமல் அதே நம்பரை வைத்துக்கொண்டு வேறு ஒரு மொபைல் நிறுவனத்தின் வாடிக்கையாளராக மாறலாம்.

இதன் மூலம் உங்களின் மொபைல் நம்பரை மாற்றாமல் அதே நம்பரை வைத்துக்கொண்டு வேறு ஒரு மொபைல் நிறுவனத்தின் வாடிக்கையாளராக மாறலாம்.

STEP 1:

                 முதலில் நீங்கள் UPC(Unique Porting Code) எனும் நம்பரை பெறவேண்டும். அதற்கு PORT என டைப் செய்து 1900 எனும் எண்ணிற்கு குறுந்தகவல்(SMS) அனுப்ப வேண்டும்.

STEP 2:
                இப்போது உங்களுக்கு 1901 எனும் எண்ணில் இருந்து எட்டு இலக்க எண் மற்றும் அந்த எண் எந்தத் தேதி வரை செல்லும் எனும் தகவலும் அனுப்பப்படும்.

STEP 3:
               தங்கள் அருகாமையில் இருக்கும் எந்த ஒரு புதிய மொபைல் சேவை நிறுவன மையம் உள்ளதோ(நீங்கள் விரும்பும் ஏதேனும் Ex: Airtel, Vodafone, Docomo, Reliance) அங்கு செல்லவும்.

STEP 4:
               அவர்கள் தரும் சேவை மாற்று படிவத்தில் பின் வரும் தகவல்களைக் கொடுக்கவும்.

தற்போதைய மொபைல் எண்.
தற்போதைய மொபைல் சேவை நிறுவனம்.UPC code

STEP 5:
                   தங்களின் முகவரி சான்று, அடையாளச் சான்று, சுய கையோப்பமிட்ட புகைப்படம் மற்றும் கடந்த மாதத்தின் பில்(If it is postpaid). போன்றவற்றையும் கொடுக்கவும்.

STEP 6:
                   அவர்கள் உங்களுக்கு புதிய SIM அட்டை கொடுப்பார்கள். சில நிறுவனம் இந்த புதிய SIM cardக் கென கட்டணம் கேட்டாலும் கேட்பார்கள். (Rs. 50 to Rs. 100).

STEP 7:
                    உங்களின் புதிய நிறுவனம் பழைய நிறுவனத்திற்கு ஒரு குறுந்தகவல் அனுப்பி நீங்கள் கட்சி மாறி விட்டதாக தகவல் கொடுப்பார்கள். நீங்கள் அந்த பழைய SIM கார்டை எந்தத் தேதி வரை பயன்படுத்தலாம் எனும் தகவலும் உங்களுக்கு கொடுக்கப்படும்.

STEP 8:
                  அதே நாள் அல்லது அடுத்த நாள் இரவு 12 மணி முதல் 5 மணிக்குள் உங்களின் மொபைல் சேவை 2 மணி நேரம் தூண்டிக்கப்படும்.

STEP 9:
                  இப்போது நீங்கள் உங்களின் புதிய மொபைல் நிறுவன வாடிக்கையாளராக மாறிவிட்டீர்கள். என்ன சந்தொஷம் தானே .......

என்ன மொபைல் Numbera மாதபோரீன்களா சீக்கிரம் மாறுங்க !

விக்கிலீக்ஸ் வெளியிடப் போகும் சுவிஸ் வங்கிக் கணக்குப் பட்டியலில் இந்தியர்கள்!

2011-01-19T19:45:00.000+05:30

                   சுவிஸ் வங்கிகளில் முக்கியப் பிரமுகர்கள், தொழிலதிபர்கள், அரசியல் தலைவர்கள் போட்டு வைத்துள்ள பணம் குறித்த விவரங்களை விக்கிலீக்ஸ் வெளியிடப்போவதாக அதன் நிறுவனர் ஜூலியன் அசாஞ்சே தெரிவித்துள்ளார்.

இதுவரை அமெரிக்க தூதரக ரகசியக் கடிதங்களை வெளியிட்டு பரபரப்பை ஏற்படுத்தி வந்த விக்கிலீக்ஸ் தற்போது சுவிஸ் வங்கிக் கணக்குகள் பக்கம் கவனத்தைத் திருப்பியுள்ளது.

அதன்படி இப்பொழுது ,
                விக்கிலீக்ஸ் வசம் கிடைத்துள்ள சுவிஸ் வங்கிகளில் பெரும் பணத்தைப் போட்டு வைத்துள்ளவர்கள் குறித்த பட்டியலில் இந்தியர்களின் பெயரும் இடம் பெற்றிருப்பதாக தெரிய வந்துள்ளது.

அன்னா இன்வெஸ்ட்மென்ட்ஸ், அன்னபூர்ணா கன்வெர்டிபிள ஆகிய இரு இந்திய நிறுவனங்கள் குறித்த விவரம் இதில் இடம் பெற்றுள்ளது. அது தவிர இந்தியர்களான ஆசாத் அலி கான் மற்றும் அவரது மனைவி ஜாஹிதா அலி கான் ஆகியோரது பெயர்களும் இடம் பெற்றுள்ளன.

ஜூலியஸ் பேயர் என்ற சுவிஸ் வங்கியின் முன்னாள் தலைவரான ருடால்ப் எல்மர், 2 சிடிக்களில் பேயர் வங்கியில் கணக்கு வைத்துள்ள பல்வேறு முக்கியஸ்தர்களின் விவரங்களை விக்கிலீக்ஸிடம் அளித்துள்ளார். அதில்தான் இந்த இந்தியப் பெயர்கள் இடம் பெற்றுள்ளன.

ஹெட்லைன்ஸ் டுடே டிவி இதுகுறித்த செய்தியை வெளியிட்டுள்ளது. எல்மருடன் தொடர்பு கொண்டு அவரிடமிருந்து இந்த விவரங்களைப் பெற்றதாக ஹெட்லைன்ஸ், கூறியுள்ளது.

               இந்த பேட்டியின்போது சுவிஸ் வங்கிகளில் எப்படிப் பணத்தைப் போடுகிறார்கள், வங்கிக் கணக்குகள் எப்படி தொடங்கப்படுகின்றன. என்ன மாதிரியான முறையில் பணத்தை இங்கு கொண்டு வந்து கொட்டுகிறார்கள் என்பது குறித்து விரிவாக விளக்கியுள்ளார் எல்மர்.

               எல்மர் கொடுத்துள்ள பட்டியலில் மொத்தம் 2000 கணக்குகள் குறித்த விவரங்கள் உள்ளன. அதில், அன்னபூர்ணா என்ற பெயரில் மூன்று நிறுவனங்கள் இடம்பெற்றுள்ளன. இந்த மூன்று கணக்குகளும், நியூயார்க்கில் உள்ள பேயர் வங்கிக் கிளையில் தொடங்கப்பட்டுள்ளன.

              அவை - அன்னபூர்ணா கன்வெர்டிபிள் லிமிட்டெட், அன்னபூர்ணா லீவரேஜ், அன்னபூர்ணா கன்வெர்டிபிள் என்பதாகும். இந்த மூன்று நிறுவனங்கள் பெயரிலும் பல கோடி பணம் பதுக்கி வைக்கப்பட்டுள்ளது.

               அன்னபூர்ணா கன்வெர்டிபிள் லிமிட்டெட் நிறுவனத்தின் பெயரில் மட்டும் ரூ. 259 கோடி பணத்தை குவித்துள்ளனர். லீவரேஜ் பெயரில் ரூ. 84 கோடியும், அன்னபூர்ணா கன்வெர்டிபிள் நிறுவனப் பெயரில் ரூ. 45 கோடியும் பதுக்கி வைக்கப்பட்டுள்ளது.

               இந்த மூன்று நிறுவனங்களின் உரிமையாளராகவும், கணக்குகளைப் பராமரிப்பவராகவும், ஒரே நிறுவனத்தின் பெயர்தான் குறிப்பிடப்பட்டுள்ளது. அது, பி்ஸ்ச் அஸட் மேனேஜ்மென்ட் நிறுவனத்தின் பியஸ் பிஸ்ச்.

                   இந்த அன்னபூர்ணா நிறுவனங்கள் யாருடையவை, யார் இதன் பினாமி, எந்த அரசியல் பிரமுகர் அல்லது தொழிலதிபரின் நிறுவனங்கள் இவை என்பது பெரும் கேள்விக்குறியாகியுள்ளது. இந்திய அரசு இதை விசாரித்தால் மிகப் பெரிய தகவல்கள் வெளியாகும் வாய்ப்புள்ளது.

                    இதேபோல, இந்தப் பட்டியலில் இடம் பெற்றுள்ள இன்னொரு இந்தியப் பெயர் ஆசாத் அலி கான் மற்றும் அவரது மனைவி ஜாஹிதா அலிகான். கேமேன் தீவில் உள்ள பேயர் வங்கியில், ஆசாத் அலிகான் மிகப் பெரிய தொகையை போட்டு வைத்துள்ளார்.

                    இந்தியர்கள் இத்தனை பேர்தான் இப்பட்டியலில் உள்ளனரா, அல்லது வேறு பலரும் உள்ளனரா என்பது தெரியவில்லை. விக்கிலீக்ஸ் இந்தப் பட்டியலை முழுமையாக வெளியிடும்போது அதுகுறித்துத் தெரிய வரலாம் .

பார்ப்போம்..,

வாசிங்க !

உங்கள் vote எனக்கு அவசியம் ! மற்றும் விமர்சனகள் அவசியம் .........

உலகின் முழு முதல் செயற்கை நுண்ணறிவு எந்திரம் 'வாட்சன்(WATSON)'!

2011-01-18T20:00:00.000+05:30

நாம் பல தரப்பட்ட செயற்கை நுண்ணறிவு ஏந்திரங்களை (ரோபோ) திரைப்படங்களில் பார்த்திருக்கிறோம். சில ரோபோ செயல்பாடுகளை ஜப்பான் , சீன நாட்டு வல்லுநர்கள் செய்து காட்டுவதை செய்திகளில் பார்த்திருக்கிறோம். ஒரு முழுமையான செயற்கை நுண்ணறிவு ரோபோ IBM நிறுவனத்தால் உருவாக்கப்பட்டுள்ளது.

கடந்த 5 வருடங்களாக உழைத்து உருவாக்கப்பட்ட இந்த ரொபோவிற்கு வாட்சன் என்று பெயரிட்டுள்ளார்கள். வாட்சன் என்பவர் 1924′இல் IBM நிறுவனத்திற்கு உயிர் கொடுத்தவர். அவரின் நினைவாக இந்த அமைப்பு (System) அமைக்கப்பட்டுள்ளது.

சரி, வாட்சன் என்றல் என்ன என்பதை காண்போம் ?

                    எளிதில் புரியுமாறு சொல்ல வேண்டும் என்றால். ஒரு கணினி அதனிடம் நீங்கள் கேட்கும் எந்த ஒரு அறிவியல், கலை, வரலாறு, கணிதம், விண்வெளி, கதை, கவிதை, இலக்கியம் என எதைப் பற்றி கேள்வி கேட்டாலும் விரைவாக மற்றும் துளியமாக பதில் சொல்லும்.

                     உங்கள் கேள்விகளை TYPE செய்து கொடுக்க வேண்டிய அவசியம் இல்லை உங்களின் VOICE எந்த மாதிரியான உச்சரிப்பாக இருந்தாலும் அதை கவனித்து தன்னிடம் உள்ள தகவல்களில் இருந்து உங்களின் கேள்விக்கான பதிலை இது தரும்.
                      நான் மேற்சொன்ன தகவல் கேட்க எளிதாக இருக்கும்., இதோ இந்த கேள்வியைப் பாருங்கள்.,

                    “இவரின் நாடகங்களில் காதல் தோல்வி தான் கதை கருவாக இருக்கும், இவரின் மனைவியின் பிறந்த நாள் என்ன?”
                    இப்படி ஒரு கேள்வி கேட்டால், நீங்கள் என்ன செய்வீர்கள்?

                       முதலில் காதல் தோல்வி பற்றி நாடகங்கள் எழுதிய அனைத்து ஆசிரியர்களின் பெயர் உங்களுக்கு தெரிந்து இருக்க வேண்டும். பின்பு அதில் எவருடையது அதிக எண்ணிக்கை கொண்டது., அவருக்கு மனைவி இருந்திருக்கிறாரா? பின்னர் அவரின் பிறந்த நாளை சொல்ல வேண்டும்….

            என்ன தலை சுற்றுகிறதா? இதை தான் IBM சாதித்து., வாட்சன் ரோபோ உலகிற்கு நம்மை அழைக்கிறது.

               வாட்சன் தன்னுள் பதிந்து வைக்கப்பட்டுள்ள கோடிக் கணக்கான தகவல்கள் (10 WikiPedia) அளவில் இருக்கும் இதுவரை உலகில் பதியப்பட்ட தகவல்கள் அனைத்தும் சேர்ந்த பதிவில் இருந்து யோசித்து (உண்மையில் அதன் நிரல் சிறிது யோசிக்கிறது) மனிதனை விட விரைவில் பதில் சொல்கிறது.

             இது போன்ற கடினமான கேள்விகளை கொண்ட குவிஸ்ஸ் நிகழ்ச்சி ஜேபாரோடி எனும் நிகழ்ச்சியில் வாட்சன் கலந்து கொண்டு 2 மனித போட்டியாளர்களை வெற்றி பெற்றுள்ளது.

              ஏற்கனவே IBM அறிமுகப்படுத்திய Deep Blue எனப்படும் சதுரங்கம் ஆடும் கணினி ரசியாவின் க்யாஸ்பெரொவ் என்ற சதுரங்க ஜாம்பவனால் தோற்கடிக்கப்பட்டது.
             ஆனால் வாட்சன், அனைவரும் அதிசயிக்கத்தக்க வகையில் உள்ளது. இன்னும் 100 வருடங்களில் iRobo போன்ற சிந்திக்கும் திறன் பெற்ற ரோபோ வரும் என்பதை நாம் ஒத்துக்கொள்ள வேண்டும்.

               நான் வாட்சனிடம் கேட்பது ஒன்றே ஒன்று தான்,
                        “உலகின் அனைத்து கணினி மொழிகளையும் கொண்டு உன்னை விட 1000 மடங்கு சிறந்த ரோபோவ நீயே உருவாக்கு”. ஹி ஹி ஹி !..

என்ன பார்க்கறீங்க நான் தான் புது ரோபோ நம்புகபா !

உங்கள் vote எனக்கு அவசியம் ! மற்றும் கருத்துக்களை சொல்லவும் .........

தை திருநாளாம் பொங்கல் தமிழர் பண்பாடு!

2011-01-13T21:08:00.000+05:30

உலகெங்கும் வாழும் தமிழர்களால் தை முதல் தேதியன்று கொண்டாடப்படுவது பொங்கல்.

தை முதல் தேதியன்றே தமிழ்ப் புத்தாண்டு தொடங்கும் நாள் என்று மூத்த தமிழ்ச் சான்றோர்களின் வாக்கினைப் பின்பற்றி, கடந்த ஆண்டில் இருந்து தை முதல் தேதியை தமிழ்ப் புத்தாண்டாக கடைபிடிப்பது என்று தமிழக அரசு முடிவெடுத்து, அதற்கான சட்டமும் நிறைவேற்றப்பட்டுள்ள நிலையில், இந்த ஆண்டின் தைப் பொங்கல் கூடுதல் முக்கியத்துவம் பெறுகிறது எனலாம்.

`பொங்கல் பண்டிகை’ என்பது அறுவடைத் திருநாளாகக் கொண்டாடப்படுகிறது. ஆண்டு முழுவதும் நமக்கு உதவி புரியும் இயற்கைக்கும், விவசாயத்திற்குப் பயன்படும் கால்நடைகளுக்கும் நன்றி தெரிவிக்கும் நாளாக பொங்கலைக் கொண்டாடி மகிழ்கிறோம்.

பொங்கல் என்பதற்கு `பொங்கி வழிதல்’, `பொங்குதல்’ என்பது பொருள். அதாவது புதிய பானையில், புத்தரிசியிட்டு, அரிசியில் இருந்து பால் பொங்கி வழிந்து பொங்கி வருவதால், தை பிறந்துள்ள புத்தாண்டு முழுவதும் நம் வாழ்வும், வளமும் அந்தப் பால் போன்று பொங்கி சிறக்கும். மகிழ்ச்சியும், திளைப்பும் ஒருசேரப் பல்கிப் பெருகுவதோடு, கழனியெல்லாம் பெருகி, அறுவடை மென்மேலும் அதிகரிக்கும் என்பதே இந்தப் பண்டிகையின் மேலோங்கிய தத்துவமும், தொன்றுதொட்டு வரும் நம்பிக்கையுமாகும்.

எங்க வீட்ல கூட பொங்கல் தினத்தன்று வீட்டின் வாசலில் வண்ணக்கோலமிட்டு, அதன்மீது அடுப்புக் கட்டியை வைத்து அவற்றில் புதிய பானைகளில் வெண்பொங்கலும், சர்க்கரை பொங்கலும் தனித்தனியே செய்து, சூரியனுக்குப் படைத்து வழிபடுறோம். பாருங்க போன வருஷம் கொண்டாடின சமயத்தில எடத்த போட்டோ ! சிட்டி ல இந்தமாரி தான் கொண்டாடமுடியும் போல .

சரி ! இப்ப மேட்டருக்கு வருவோம் ,

பொங்கல் பண்டிகை சமத்துவத்தை வளர்க்கும் என்பதற்கு இதை விட வேறு உதாரணம் வேண்டுமா, என்ன...?

வெளிமாநிலங்களில் பொங்கல்!
உறவுகளை வளர்க்கும் இந்த பொங்கல், வட மாநிலங்களில் 'சங்கராந்தி' என்ற பெயரில் கோலமாக கொண்டாடப்படுகிறது. பெரும்பாலான மாநிலங்களில் அறுவடைத் திருவிழாவாகவும், உழைப்பின் பெருமையை போற்றும் பண்டிகையாகவும் கொண்டாடப்படுகிறது.
நம்மூரில் ஜல்லிக்கட்டு, கோழிச்சண்டைகள், ரேக்ளா ரேஸ் போன்று, வட மாநிலங்களில் பட்டம் பறக்கவிடுவது மிகப்பெரிய போட்டியாக கொண்டாடப்படுகிறது.

பெரும்பாலும் இங்குள்ள மக்கள் கடற்கரை, பொது மைதானங்கள் போன்ற இடங்களில் கூடி போட்டி போட்டுகொண்டு பட்டம் பறக்கவிடுகின்றனர்.

அன்றைய தினத்தில் ஒவ்வொரு வீடுகளிலும் கூட பட்டங்கள் பறந்துகொண்டிருப்பது கண்கொள்ளா காட்சி.

குஜராத் மாநிலம் அகமதாபாத்தில் ஜனவரி 14ம் தேதி 'சர்வதேச பட்டம்விடும் திருவிழா'வாகவே கொண்டாடப்படுவது சிறப்பான அம்சம்.

இந்த விழாக்களின் மூலம், பட்டம் பறக்கிறதோ இல்லையோ, அங்கு சமத்துவமும், சகோதரத்துவமும் இறக்கை கட்டி பறக்கிறது என்பது மட்டும் நிச்சயம்.

பஞ்சாப், மகாராஷ்டிரா, குஜராத், உ த்தரபிரதேசம், ஆந்திரா, கர்நாடகா, கேரளா உள்ளிட்ட பல்வேறு மாநிலங்களிலும் பொங்கல் பண்டிகை மிக சிறப்பாக கொண்டாடப்படுகிறது. இதன்மூலம் சமத்துவம் பொங்குகிறது.

வெளிநாடுகளில் பொங்கல்!

உழைப்பை போற்றும் பண்டிகை என்பதால் வெளிநாடுகளிலும் பொங்கல் பண்டிகை கொண்டாடப்பட்டு வருகிறது. ஆனால், பண்டிகையின் பெயரும், கொண்டாடப்படும் தேதியும் தான் மாறுபடுமே தவிர, பண்டிகை கொண்டாடப்படுவதன் நோக்கம் சமத்துவம் வளர வேண்டும் தான்.

அமெரிக்கா, கொரியா, ஜப்பான், சீனா, ஆப்பிரிக்கா மற்றும் அண்டை நாடான இலங்கை போன்ற நாடுகளில் கொண்டாடப்படும் பல்வேறு பண்டிகைகளில் பொங்கல் தனி சிறப்பு பெற்றவை.

முடிவாக...

உலகம் முழுவதும் கொண்டாடப்படும் பொங்கல் பண்டிகை சமத்துவத்தை மலரச் செய்கிறது என்பதில் எள்ளளவும் சந்தேகமில்லை.

எனவே, இந்த இனிய தித்திப்பான பொங்கல் திருநாளில் பொங்கல் பொங்கட்டும். ஜாதி, மத பேதம் நீங்கி சமத்துவம் வளரட்டும். அனைவருக்கும் என்

இனிய பொங்கல் நல்வாழ்த்துக்கள்!

என்ன பொங்கல் கொண்டாட தயாரா ...

உங்கள் vote மற்றும் கருத்துக்கள் தேவை !

பொங்கல் ஸ்பெஷல்: மகத்துவம் நிறைந்த மஞ்சள் தான் !

2011-01-11T22:58:00.000+05:30

பொங்கல் ச்பெசியலில் முதல் நாம் மஞ்சள் மகத்துவத்தை அறிவோம் .

மஞ்சள் கிழங்கில் மூன்று வகை உண்டு. முதல்வகை முகத்திற்குப் போடும் மஞ்சள் என்பார்கள். இதை முட்டா மஞ்சள் என்பார்கள். இது உருண்டையாக இருக்கும். இரண்டாம் வகை கஸ்தூரி மஞ்சள். வில்லை வில்லையாகத் தட்டையாக நிறைய வாசனையோடிருக்கும். மூன்றாவது வகை நீட்ட நீட்டமாக இருக்கும். இதற்கு விரலி மஞ்சள் என்ற பெயர். கறி மஞ்சளும் இதுதான். மஞ்சள் கிழங்கில் உள்ள மருத்துவப் பயன்களையும், அதன் மகத்துவத்தையும் பார்ப்போம்.

முகத்திற்குப் பூசும் மஞ்சள், முகத்தில் முடி வராமல் தடுக்கிறது. முகத்திற்கு ஒருவித மினுமினுப்பைத் தருகிறது. வசீகரத்தைத் தருகிறது. மிகவும் மங்களகரமானது.

இரண்டாவது வகையான கஸ்தூரி மஞ்சள் வாசனை மிகுந்தது. வாசனைப் பொடிகளிலும், வாசனைத் தைலங்களிலும் இதைச் சேர்த்து வருகிறார்கள்.

மூன்றாவது ரகமான விரலி மஞ்சள்தான் சமையலறையின் முதற்பொருள். இந்த மஞ்சளுக்குக் கிருமிகளை அழிக்கும் சக்தி இருக்கிறது.

வாசற்படிகளில் மஞ்சள் பூசுவதற்கும், வீடு முழுவதும் மஞ்சள் கரைத்துத் தெளிப்பதற்கும், இந்த மஞ்சளில் அதிக கிருமி நாசினி இருப்பதே காரணம். மூக்கடைப்பு ஏற்பட்டவர்கள், மூர்ச்சை போட்டு விழுந்தவர்களுக்கு மஞ்சளை சுட்டு அந்தப் புகையை மூக்கில் காட்டுவார்கள். இதனால் தெளிவு ஏற்படும்.

வேனல் கட்டி, விரல் சுற்றி, அடிப்பட்ட வீக்கம் இவைகளுக்கு மஞ்சளை அரைத்து மாவுடன் கலந்து கிளறிச் சூடாக அடிபட்ட இடங்களில் பத்துப் போட்டால் குணம் உண்டாகும். மஞ்சளையும் துணிக்குப் போடும் சோப்பையும் கலந்து கட்டிகளுக்குப் பூசினால் கட்டிகள் உடைந்துவிடும்.

மஞ்சளையும் வேப்ப இலைகளையும் அரைத்து அம்மை நோய் வந்தவர்களுக்குத் தேய்த்துத் தலைக்கு நீராட்டப் பயன்படுத்துவார்கள்.அம்மை நோய் வந்தவர்களைச் சுற்றி மஞ்சள் நீரைத் தெளிப்பதால் நோய் பரவாமல் தடுக்கலாம்.

மது வகைகள், பழச்சாறு போன்றவற்றிலும் மஞ்சள் சேர்க்கப்படுகிறது. இது பசியைத் தூண்டுவதோடு செரிமானத்திற்கும் உதவும் மருத்துவ குணம் கொண்டது. மேலும் உடலுரம் தரும். ரத்தத்தை சுத்தப்படுத்தும், குடற்பூச்சிகளைக் கொல்லும். நீரிழிவு மற்றும் தொழுநோயைக் கட்டுப்படுத்திக் குறைத்திடும்.

சரும நோய்களைப் போக்கக்கூடிய சக்தி மஞ்சளுக்கு அதிகம் உண்டு. மஞ்சள் கரிப்பொடியை பற்பொடியாய் உபயோகித்தால் பல் நோய்கள் குணமாகும்.

மஞ்சளின் சத்து எண்ணெய் உட்கொண்டால் கல்லீரலில் பித்த நீர் சுரப்பதையும் கட்டியாவதையும் குணப்படுத்திவிடும். கலப்படமில்லாத மஞ்சள் தூள் கடைகளில் கிடைப்பது அரிதுதான். சுத்தமான விரலி மஞ்சளை வாங்கி வீட்டிலோ, மெஷினிலோ அரைத்து வைத்துப் பயன்படுத்துங்கள்.

தயிர் ஏடு அல்லது பால் ஏடு எடுத்து கால் ஸ்பூன் மஞ்சள்தூளில் கலந்து முகத்தில் பூசி நல்ல மசாஜ் செய்து வந்தால் முகத்தின் கருமை நீங்கி பளிச்சிடும்.தேங்காய் எண்ணெயில் மஞ்சள்தூளைப் போட்டுக் குழைத்து உடம்பிற்குத் தடவி, பயத்தமாவைத் தேய்த்துக் குளித்தால் தோல் பளபளப்பாகவும், மிருதுவாகவும் இருக்கும்.


பாஸ் என்ன பாஸ் படிச்சுட்டு சும்மா போனா எப்புடி வந்து என் கூட மியூசிக் வாசிங்க !

உங்கள் vote எனக்கு அவசியம் ! மற்றும் விமர்சனகள் அவசியம் .........

இருபது ஆண்டு காலத்தில் வந்த பிரபலமான பிரவுசர்கள்!

2011-01-10T21:07:00.000+05:30

இணையம் என்பது ஆரம்பத்தில் அமெரிக்க ராணுவத்தின் தகவல் பரிமாற்றம் செய்ய மட்டுமே பயன்படுத்த பட்டது இருவது ஆண்டுகளுக்கு முன் பொதுமக்களின் பாவனைக்கென 1990 இல் Tim Berners-Lee என்பவரால் உருவான முதல் இணைய உலவி WorldWideWeb ஆகும்.

அதன் பின்னர் உலாவிகளின் வளர்ச்சி அதன் மூலம் இணைய உலகில் ஏற்பட்ட புரட்சி எல்லோருக்கும் தெரியும். ஆனால் நாம் தற்போது வெகுவாக பயன்படுத்தும் உலாவிகள் என்று பார்த்தால் நமக்கு தெரிந்தது Internet Explorer, Mozilla Firefox மற்றும் Google chrome ஆகும்.

இன்று பல நிறுவனங்களின் பிரவுசர்கள் நம்மை போட்டி போட்டு அழைக்கின்றன. இந்த பிரவுசர்களுடனே வரும் ஆபத்துக்களும் நம்மை உஷார் படுத்துகின்றன. இருப்பினும் இவை இன்றி நாம் நம் வாழ்வை இயக்க முடியாத சூழ்நிலையில் தான் நாம் இருக்கிறோம். இந்த இருபது ஆண்டு காலத்தில் வந்த சில பிரபலமான பிரவுசர்கள் குறித்த சில தகவல்களை இங்கு காணலாம்.

1.WorldWideWeb (1990):

உலகின் முதல் இன்டர்நெட் பிரவுசர். இன்றைய பிரவுசர்களுடன் ஒப்பிடுகையில் இது ஒரு கற்காலத்து மனிதன். கிராபிக்ஸ் எதுவும் இல்லாத குறிப்பிட்ட ஆப்பரேட்டிங் சிஸ்டத்தில் மட்டும் இயங்கிய பிரவுசர். ஆனால் இந்த பிரவுசரில் இருந்தபடியே இணைய தளப் பக்கங்களை எடிட் செய்திட முடிந்தது இதன் சிறப்பாக இருந்தது.

2.Viola WWW (1992):

யூனிக்ஸ் ஆப்பரேட்டிங் சிஸ்டத்தில் இயங்கக் கூடிய வகையில் வெளியான முதல் பிரவுசர். முதன் முதலாக, பார்த்த இணைய தளங்களுக்கு முன்னும் பின்னும் செல்வதற்கும், ஹோம் பக்கத்தை அணுகுவதற்கும் வசதிகள் தரப்பட்டன. ஸ்டைல் ஷிட், ஸ்கிரிப்டிங் லாங்குவேஜ் போன்ற தொழில் நுட்ப வசதிகளும் அளிக்கப்பட்டன.

3. Cello (1993):
விண்டோஸ் (பதிப்பு 3.0) இயக்கத்தில் செயல்படும் வகையில் உருவான முதல் பிரவுசர். இதனை உருவாக்கிய தாமஸ் புரூஸ், வழக்குரைஞர்கள் தங்களுக்குத் தேவையான தகவல்களை இதன் மூலம் பெறுவதற்காக வடிவமைத்துத் தந்தார். பெற்ற தகவல்கள் ஹைப்பர் டெக்ஸ்ட் பார்மட்டிலேயே இருந்தன.

4. Lynx 2.0 (1993):
இது உலகின் இரண்டாவது பிரவுசர். இதன் மூலம் டெக்ஸ்ட் மற்றுமே பெற முடிந்தது. இதனால் அனைத்து ஆப்பரேட்டிங் சிஸ்டங்களிலும் இயங்கிய கம்ப்யூட்டர்களில் இது இயங்கியது. 1993 வரை இது பெரும்பாலானவர்களால் பயன்படுத்தப் பட்டது. டெக்ஸ்ட் மட்டும் தேவைப்பட்டவர்களால் அதிகம் நாடப்பட்டது. இன்றும் சிலர் இதனைப் பயன்படுத்தி வருகின்றனர்.

5. NCSA Mosaic 1.0 (1993):
மிக எளிமையான இயக்கத்திற்கு வழி வகுத்த முதல் பிரவுசர். இதனால் சாமானியர்களும் இணையத்தைப் பயன்படுத்தத் தொடங்கினார்கள். விண்டோஸ் மற்றும் மேக் கம்ப்யூட்டர்களில் இயங்கியது. டெக்ஸ்ட் உள்ளாக படங்களையும் காட்டியது.

6. IBM WebExplorer (1994):

ஐ.பி.எம். நிறுவனம் இணைய உலாவித் தொகுப்புகளில் இந்த தொகுப்புடன் தான் நுழைந்தது. ஏற்கனவே மொசைக் அடிப்படையில் பிரவுசர்களை உருவாக்கியது. ஆனால், அது அந்நிறுவன கம்ப்யூட்டர் சிஸ்டங்களில் மட்டும் இயங்கியது. இது சிறப்பாகப் பேசப்பட்டாலும் குறிப்பிட்ட சிஸ்டம் உள்ள கம்ப்யூட்டர்களில் மட்டுமே இயங்கியதால், அவ்வளவாகப் பிரபலமாகவில்லை.

7. Netscape Navigator 1.0 (1994):
மொசைக் பிரவுசர் தயாரித்த வல்லுனர்கள் சிலர், அந்நிறுவனத்திலிருந்து பிரிந்து வந்து, தனியே ஒரு பிரவுசரை உருவாக்கினார்கள். அதுவே நெட்ஸ்கேப் நேவிகேட்டர் பதிப்பு 1. இதன் எளிமை, வேகம் மக்களை அதிகமாகக் கவர்ந்ததனால், அதுவே பெரும்பாலானவர்களின் பிரவுசராக இடம் பெற்றது.

8.Microsoft Internet Explorer 1.0 (1995):
நெட்ஸ்கேப் நேவிகேட்டர் பிரவுசருக்குக் கிடைத்த புகழைப் பார்த்த மைக்ரோசாப்ட் நிறுவனம், தானும் இந்த பிரிவில் இறங்கி, தன்னுடைய இன்டர்நெட் எக்ஸ்புளோரர் பிரவுசரைத் தந்தது. முதலில் அரைவேக்காடாக இருந்த இந்த பிரவுசர் நாளடைவில் மேம்படுத்தப்பட்டு, சீரமைக்கப்பட்டு இன்று உலகம் முழுவதும் பெரும்பாலான மக்களால் பயன்படுத்தப்படும் பிரவுசராக இயங்குகிறது.

9.Netscape Navigator 3.0 (1996):
இன்டர்நெட் எக்ஸ்புளோரர் மக்களிடம் பெரிய அளவில் சென்றடையும் முன்னர், நெட்ஸ்கேப் நேவிகேட்டர் பதிப்பு 3, மிகப் பெரிய அளவில் பயன்படுத்தப்பட்டு வந்தது. இந்த பதிப்பில் ஆடியோ,வீடியோ மற்றும் ஜாவா ஸ்கிரிப்ட் சப்போர்ட் தரப்பட்டது, மக்களை இதனுடன் ஒட்டவைத்தது. இது அவ்வப்போது கிராஷ் ஆனாலும், மக்கள் தொடர்ந்து பயன்படுத்தி வந்தனர்.

10. Opera 2.0 (1996):
நோர்வே நாட்டைச் சேர்ந்த ஆப்பரா நிறுவனம் தன் முதல் ஆப்பரா பிரவுசரை 1996ல் கொண்டு வந்தது. நெட்ஸ்கேப் மற்றும் இன்டர்நெட் எக்ஸ்புளோரர் பிரவுசர் தொகுப்புகளில் பிரச்னையைச் சந்தித்த மக்கள், ஒரு மாற்றாக இதனைப் பயன்படுத்தினார்கள். இணையத்திற்கென வரையறை செய்யப்பட்ட பொதுவான கொள்கைகளுக்கிணங்க இது இயங்கியதால், இணைய தளம் தயாரிப்பவர் களுக்கு இது மிகவும் பிடித்த பிரவுசராக இருந்தது.

11.KDE Konqueror (2000):
இது வெப் பிரவுசராக மட்டுமின்றி, ஒரு பைல் மேனேஜராகவும் இருந்தது. யூனிக்ஸ் மற்றும் ஓப்பன் சோர்ஸ் இயக்கங்களுக்கு ஏற்றதாக இயங்கியது. பின்னாளில் வந்த சபாரி வெப் பிரவுசருக்கான அடிப்படையைத் தந்தது.

12. Microsoft Internet Explorer 5 for Mac (2001):
மேக் ஓ.எஸ். எக்ஸ் ஆப்பரேட்டிங் சிஸ்டத்திற்கென ஒரு பிரவுசர் தேவைப்பட்ட போது, மைக்ரோசாப்ட் மற்றும் ஆப்பிள் நிறுவனங்களுக்கிடையே அப்போது ஏற்பட்ட ஒப்பந்தத்தின் அடிப்படையில், மேக் சிஸ்டத்திற்கான பிரவுசரை மைக்ரோசாப்ட் வெளியிட்டது.

13. Microsoft Internet Explorer 6.0 (2001):
பிரவுசர் யுத்தத்தில் இன்டர்நெட் எக்ஸ்புளோரரை உச்சத்திற்குக் கொண்டு போன பிரவுசர். இருப்பினும் பின்னாளில் ஹேக்கர்கள் இதன் பலவீனங்களைக் கண்டறிந்து செயல்பட்டபோது, மக்கள் சற்று பயத்துடனே இதனைப் பயன்படுத்தினர். மாற்று பிரவுசருக்குக் காத்திருந்தனர்.

14. Netscape 7 (2002):
தன்னுடைய பிரவுசரைப் பயன்படுத்திய பலர், இன்டர்நெட் எக்ஸ்புளோரருக்குத் தாவியதனால், தன் பங்கினை நிலை நிறுத்த, நெட்ஸ்கேப் நிறுவனம் இந்த பதிப்பினை வெளியிட்டது. இதனுடைய குறியீட்டு வரிகளில் பெரும்பாலானவை ஓப்பன் சோர்ஸ் முறையில் மற்றவர்களுக்கு இலவசமாகக் கிடைத்தன.

இருந்தும் இந்த பிரவுசரினால், மைக்ரோசாப்ட நிறுவனத்திற்கு முன் நிற்க இயலவில்லை. ஆனால், இந்த பிரவுசரே, ஓப்பன் சோர்ஸ் முறையில் மொஸில்லா நிறுவனத்தை, பயர்பாக்ஸ் பிரவுசரைக் கொண்டு வரத் தூண்டுதலாய் இருந்தது. பின்னாளில், மொஸில்லாவின் சில தொழில் நுட்பத்தினை, நெட்ஸ்கேப் கொண்டு வந்தாலும், மைக்ரோசாப்ட் முன்னால், நெட்ஸ்கேப் மறைந்தே போனது.

15. Mozilla Phoenix 0.1 (2002):
நெட்ஸ்கேப்பின் சாம்பலில் இருந்து மொஸில்லா உருவாக்கிய பிரவுசர் இது. எளிமை, வேகம், நிர்ணயிக்கப்பட்ட தரத்திற்கு இயக்கம், உருவாக்கம் ஆகியவற்றைத் தாரக மந்திரமாகக் கொண்டு பிரவுசர்களை அமைப்பதாக மொஸில்லா அறிவித்து, இந்த பிரவுசரைக் கொண்டு வந்தது. இதுவே பின்னாளில் பயர்பேர்ட் (Firebird) மற்றும் பயர்பாக்ஸ் (Firefox) ஆக மாறியது.

16. Apple Safari Public Beta (2003):
மேக் சிஸ்டத்திற்கான இன்டர்நெட் எக்ஸ்புளோரர் பதிப்பு 5, மற்ற பிரவுசர்களுடன் ஒப்பிடுகையில் மிகவும் மோசமாகக் கருதப்பட்டதால், ஆப்பிள் நிறுவனம் தன் சொந்த முயற்சியில், தன்னுடைய மேக் கம்ப்யூட்டர்களுக்கு பிரவுசர் ஒன்றை உருவாக்கியது. பின்னாளில் இது சபாரி என்ற பெயரில் இடம் பிடித்தது.

17. Mozilla Firefox 1.0 (2004):
தன் சோதனைத் தொகுப்புகள், மக்களிடையே பெற்ற வெற்றியைத் தொடர்ந்து, மொஸில்லா நிறுவனம் பயர்பாக்ஸ் பிரவுசரை வெளியிட்டது. மிக அதிகமாக மக்களால் டவுண்லோட் செய்யப்பட்ட பிரவுசர் என்ற பெயரைப் பெற்றது. இன்டர்நெட் எக்ஸ்புளோரரை விட்டால் வேறு வழியில்லை என்று இருந்த மக்கள், பயர்பாக்ஸ் பக்கம் செல்ல, மைக்ரோசாப்ட் பிரவுசர் சந்தையில் தன் பங்கினை இழக்கத் தொடங்கியது.

18. Google Chrome Beta (2008):
தேடல் இஞ்சினில் தன் இடத்தைப் பரவலாகவும், ஆழமாகவும் மக்கள் மனதில் பிடித்த கூகுள் நிறுவனம் தனக்கென ஒரு பிரவுசரை வடிவமைக்க விரும்பி, குரோம் பிரவுசரை வெளியிட்டது. வேகத்தை முதன்மையாகக் கொண்டு இயங்கும் இந்த பிரவுசர் இன்றும் மற்ற பிரவுசர்களின் இடத்தைக் கைப்பற்றும் முயற்சியில் சிறிது சிறிதாக வெற்றி பெற்று வருகிறது.
இன்னும் பல பிரவுசர்கள் இருந்தாலும், இந்த பிரவுசர்களே, தனிப்பட்ட தொழில் நுட்பத்தில் உருவாக்கப்பட்டு, பிரவுசர் சந்தையில் தங்களுக்கென இடம் பிடித்தவையாக உள்ளன.

நாங்களும் பல்லு துலக்கு ஒமுல ஹி ஹி ஹி !

உங்கள் vote எனக்கு அவசியம் ! மற்றும் கருத்துக்களை சொல்லவும் .........

பிரமிக்கத்தக்க வியப்பூட்டும் மிகப்பெரிய அதிசய குகை !

2011-01-08T22:40:00.000+05:30

புதிய உலகம் என்றே கூறலாம் பிரமிக்கத்தக்க வியப்பூட்டும் மிகப்பெரிய அதிசய குகை.

பல காலங்களாக வியட்நாமை மனம் கொள்ளை கொள்ளும் வனப்புடன் கூடிய குகைகளின் நாடாகத்தான் புவியியல் ஆய்வாளர்கள் அறிந்து வைத்துள்ளார்கள். அவற்றில் பல குகைகளுக்குள் மனிதன் இதுவரை உள் சென்றதே இல்லை. தற்போது அங்கே உலகின் மிகப்பெரும் குகை கண்டுபிடிக்கப்பட்டுள்ளதாக நம்பப்படுகிறது. ஹேங் சன் தூங் எனப்படும் அக்குகை, ஒப்பீட்டளவில் மொத்த நியூயார்க் நகர மக்கள் தொகையினையும் கொள்ளளவாக கொள்ளகூடியது ஆகும்.

அன்னாமைட் மலைகளில் உள்ள அந்த பிரம்மாண்ட குகையினுள் பெரிய காடும் அதனூடே ஒரு ஆறும் ஓடுகிறது. இதற்கென அங்கேயே சுற்றி சுழலும் சிறு மேகக்கூட்டங்களும் உள்ளன. இந்தக் குகையின் முடிவு இன்னும் அறியப்படவில்லை. இதற்கு மலைநதி குகை என்று தற்போது பெயர் மாற்றப்பட்டுள்ளது. இந்தப் பிரம்மாண்ட குகை வியட்நாமின் மத்தியில் லாவோஸ் எல்லையினையும் சேர்ந்த நில அமைப்பில் உள்ள சுமார் 150 குகைகளின் பெரும் தொடரின் ஒரு அங்கம் என்று கருதப்படுகிறது.

கடந்த 2009 ஆம் ஆண்டு இங்கிலாந்தின் ஹோவர்ட் மற்றும் லிம்பர்ட் ஆகியோர் இந்த ஹேங் சன் தூங் குகைக்கு வந்த போது அதனுடைய மிகப்பெரும் பக்கசுவர் அவர்களால் தாண்ட இயலாததாக இருக்கவே, மீண்டும் இந்தக் குகையின் எல்லைகளை அளந்து கண்டுபிடிக்க தற்போது இதற்கு திரும்பி வந்துள்ளனர்.

பரந்து விரிந்து கிடக்கும் இந்த அற்புத பூமியில் இன்னும் என்னென்ன ஆச்சரியங்கள் மனித தேடலுக்குக் காத்து கொண்டுள்ளதோ…

உங்கள் vote எனக்கு அவசியம் ! மற்றும் கருத்துக்களை சொல்லவும் .........

வருகின்ற வருடத்தை வரவேற்போமா வாங்க !

2010-12-31T19:18:00.000+05:30

வணக்கம் நண்பர்களே! இனிய வருடத்தை ஆவலோடு வரவேற்க காத்திருகின்றோம்.

"ஆண்டொன்று போனால் வயதொன்று போகும்!". இது சினிமாப் பாட்டு மட்டுமல்ல, வாழ்க்கைத் தத்துவமும் கூட.

ஒவ்வொரு வருடம் பிறக்கும் போதும் நம்மை விட்டு ஒரு ஆயுள் ஆண்டு விடை பெறுகிறது. இது பலருக்கும் கவலையைக் கொடுத்தாலும், கடந்து போனதை நினைக்காமல் நாம் இனி கடக்கப் போவதை நினைத்து தொடர்ந்து நடை போடுவதே பாசிட்டிவ் மனப்பாங்கு. இந்த ஒரு ஆண்டில் நாம் எத்தனையோ சோதனைகளைச் சந்தித்திருப்போம். சில சாதனைகளையும் செய்திருப்போம்.

அந்த வகையி்ல் 2010ம் ஆண்டு விடை பெற்று விட்டது. அதில் பலவற்றை செய்ய மறந்திருப்போம், சிலவற்றை செய்ய முயன்றிருப்போம்.

மொத்தத்தில் பாதிக் கிணறுதான் தாண்டியிருப்போம்.

எந்த விஷயத்தைச் செய்தாலும் அதைத் திட்டமிட்டு செய்ய உறுதி எடுப்போம். ஒரு காரியத்தில் இறங்கும்போது அதை வெற்றிகரமாக முடிப்பது எப்படி என்ற திட்டமிடலோடு ஈடுபட்டால் நிச்சயம் வாகை சூடலாம்.

2010ல் செய்ய நினைத்ததை, செய்ய முடியாமல் போனதை இந்த ஆண்டில் சாதிக்க முற்படுவோம்.

எது வந்தால் வரட்டும், வருவதை எதிர்கொள்வோம் என்ற துணிச்சலோடு போராடுவோம்.

அது மட்டுமின்றி நாம் அனைவரும் கண்டிப்பாக மரம் அல்லது செடியாவது வளர்ப்போம் என்ற உறுதி கொள்வோம் .

சந்தோஷமான, இனிமையான ஆண்டாக, பூரண திருப்தியுடன் கூடிய சிறப்பான ஆண்டாக இது மலரட்டும், குதூகலம் கூடட்டும். உடலிலிருந்து கரைந்து கொண்டிருக்கும் இளமையை கருத்தில் கொள்ளாமல், உள்ளத்து இளமையைக் கூட்டி, வாழ்வில் இனிமை சேர்க்க 2011 அனைவருக்கும் உதவட்டும்.

இனிய புத்தாண்டு வாழ்த்துகள்.

ஏல‌க்கா‌யி‌ன் மரு‌த்துவ குண‌‌ங்க‌ள்!

2010-12-28T19:32:00.000+05:30

ஏல‌க்கா‌ய் எ‌ன்பது இ‌ஞ்‌சி செடி வகை‌யை‌ச் சே‌ர்‌ந்தது. ப‌ச்சை ‌நிற‌க் கா‌ய்களை‌க் கொ‌ண்டது. ஏல‌க்கா‌ய் ப‌ச்சை ‌நிற‌த்‌திலு‌ம், அட‌‌ர் பழு‌ப்பு ‌நிற‌த்‌திலு‌ம் இரு‌க்கு‌ம்.

ஏல‌க்கா‌ய் நறுமண‌ப் பொருளாக ம‌ட்டு‌ம் இ‌ல்லாம‌ல், பல மரு‌த்துவ‌க் குண‌ங்களை‌க் கொ‌ண்டதாகு‌ம்.

மன இறு‌க்க‌த்தை‌க் குறை‌த்து உட‌ல் பு‌த்துண‌ர்‌ச்‌சி பெற ஏல‌க்கா‌ய் பய‌ன்படு‌கிறது.

ப‌ல் ம‌ற்று‌ம் வா‌ய் தொட‌ர்பான பல ‌பிர‌ச்‌சினைகளு‌க்கு ஏல‌க்கா‌ய் ந‌ல்ல ‌தீ‌ர்வாக அமையு‌ம்.

செ‌ரிமான‌த்‌தி‌ற்கு உதவு‌ம். இதனா‌ல்தா‌ன் நெ‌ய் சே‌ர்‌த்து செ‌ய்ய‌ப்படு‌ம் இ‌னி‌ப்பு‌க‌ளி‌ல் அவ‌சியமாக ஏல‌க்காயை சே‌ர்‌ப்பா‌ர்க‌ள்.

குர‌ல் வளை ம‌ற்று‌ம் தோ‌ல் தொட‌ர்பான நோ‌ய்களை‌த் ‌தீ‌ர்‌க்கு‌ம் ‌ஆ‌ற்ற‌ல் ஏல‌க்கா‌ய்‌க்கு உ‌ண்டு.

மல‌ட்டு‌த் த‌ன்மையை‌ப் போ‌க்குவத‌ற்கு‌ம் ஏல‌க்கா‌‌ய் பய‌ன்படு‌த்த‌ப்படு‌கிறது.

என்ன அன்பர்களே வாசித்துவிட்டு விமர்சனம் கொடுக்காமல் இருபதா...

குதூகலத் தாத்தா பற்றி காண்போம்!..

2010-12-23T21:03:00.000+05:30

கிறிஸ்துமஸ் என்றவுடன் முதலில் நினைவுக்கு வருபவர் கிறிஸ்துமஸ் தாத்தா எனப்படும் சாண்டா கிளாஸ்தான். குழந்தைகளுக்கு குதூகலம் தருபவர் இந்தகிறிஸ்துமஸ் தாத்தா.

கிறிஸ்துமஸ் தாத்தாவின் வெண்தாடி, குலுங்கும் தொப்பை, விடைத்த மூக்கு, அவர் அணிந்துள்ள உடைகள் குழந்தைகளுக்கு வேடிக்கை அளிப்பவை. உடலின்பல பகுதிகளில் மறைத்து வைத்திருக்கும் இனிப்புகளை குழந்தைகளுக்கு அள்ளித் தந்து அவர்களை உற்சாகப்படுத்துபவர். எந்தக குழந்தையும் அவரிடம்ஏமாந்ததில்லை.

இந்தத் தாத்தா எப்படி உருவானார் என்பது உங்களுக்குத் தெரியுமா? இல்லாவிட்டால் தொடர்ந்து படியுங்கள்.
முதன் முதலில் கிறிஸ்துமஸ் தாத்தா வேடம் போட்டவர் செயின்ட் நிக்கோலஸ். இவர் பிறந்தது தென் துருக்கியில் இருக்கும் லிசியாவில். 4-ம்நூற்றாண்டைச் சேர்ந்த நிக்கோலஸ், பிஷப் பதவியில் இருந்தவர்.

குழந்தைகளிடம் அதிகம் பிரியம் கொண்டவர். அவரது கருணை உள்ளமும், தயாளகுணமும், குழந்தைகளிடம் கொண்டிருந்த பிரியமும் அவரை குழந்தைகளிடையேபிரபலமாக்கியது. அனைத்து குழந்தைகளும் அவரை நேசித்தனர்.

மறுமலர்ச்சி காலத்திலும் அதற்கு பிற்பட்ட காலங்களிலும் நிக்கோலஸ் பல பெயர்களில் அழைக்கப்பட்டு வந்திருக்கிறார். ஆனால் அவற்றில் ஒன்றில்கூட அவர் சாண்டாகிளாஸ் என அழைக்கப்படவில்லை என்பது குறிப்பிடத்தக்கது. இப்போதுள்ள குழந்தைகளுக்கு, 100 வருடங்களுக்கு முந்தைய சாண்டா கிளாஸ் தாத்தா குறித்து தெரியாது. அவரது அன்றைய உருவம் வித்தியாசமானது.அன்றும், இன்றும் மாறாதிருப்பது அவரது நீண்ட வெள்ளை தாடி மட்டும்தான்.

இப்போது வருவது போல் கிறிஸ்துமஸ்துக்கு முதல் நாளன்று பின்னிரவில் கிறிஸ்துமஸ் தாத்தா வருவதில்லை. டிசம்பர் 6-ம் தேதி இரவே வந்து கிறிஸ்துமஸ்பரிசுகளை கொடுப்பார்.

பழங்கள், சாக்லேட்டுகள், சிறு பொம்கைள் சிறு பொருட்களே பரிசாக வழங்கப்படும்.

16-ம் நூற்றாண்டில் சிலுவைப் போர் நடந்த போது செயின்ட் நிக்கோலஸ் ஐரோப்பியாவிலிருந்து வெளியேற்றப்பட்டார். டச்சுக்காரர்கள் மட்டும் செயின்ட்நிக்கோலசின் பழக்கங்களை பின்பற்றி வந்தனர்.

மாலுமிகளை கப்பல் விபத்திலிருந்து காப்பாற்றியவர் செயின்ட் நிக்கோலஸ். டச்சுநாட்டிலிருந்து அமெரிக்கா வந்த கப்பலை விபத்திலிருந்து காப்பாற்றியவர் செயின்ட்நிக்கோலஸ். இதையொட்டி நியூயார்க் நகரில் கட்டப்பட்டுள்ள சர்ச்சுக்கு அவரதுபெயர் வைக்கப்பட்டுள்ளது.

அமெரிக்காதான் சாண்டாகிளாஸை பிரபலப்படுத்தியது. 19-ம் நூற்றாண்டில் வாழ்ந்தகேலிச் சித்தரக்காரர் தாமஸ் நாஸ்ட் என்பவரால் உருவாக்கப்பட்டவர் சாண்டாகிளாஸ்.1863-ம் ஆண்டு முதல் 1886-ம் ஆண்டுவரை கிறிஸ்துமஸ் பற்றிய படங்களைஹார்பர் என்ற வார இதழில் தாமஸ் தாமஸ் நாஸ்ட் வரைந்திருந்தார்.

இந்த படங்கள் 20 ஆண்டுகள்வரை பிரபலமாக இருந்தன. பின் சாண்டாகிளாசின்உருவம் தற்போது இருப்பது போல் சிறிது சிறிதாக குழந்தைகளை கவரும் வகையில்வித்தியாசமாக உருவாக்கப்பட்டது.

சாண்டாகிளாஸ் குண்டானவராக, வெள்ளைதாடியுடன், தொந்தி விழுந்த வயிறுடன்,பல வண்ண உடை அணிந்து வேடிக்கையானவராக சித்தரிக்கப்பட்டார்.

சாண்டாகிளாஸ் குறித்து டாக்டர் மூர் எழுதிய புகழ் பெற்ற கவிதை இன்னும்அமெரிக்காவில் மிக பிரபலமாக உள்ளது. நாஸ்ட் வரைந்த ஓவியங்களும் சாண்டாஎவ்வாறு வருடம் முழுவதும், பொம்மைகள் வடிவமைப்பது,குழந்தைகளின்பழக்கவழக்கங்கள் குறித்தும், அவர்களுக்கு சிறப்பு பரிசு வழங்குவது குறித்துமேசெலவழித்தார் என விளக்குகிறது.
சான்டாகிளாசின் பெயரில் இன்றும் உலகம் முழுவதும் கிறிஸ்துமஸ் நாளின்போதுபரிசுகள் வழங்கி குழந்தைகளை மகிழ்விக்கும் பழக்கம் தொடர்ந்து வருகிறது.

" நாமமும் குதூகலத் தாத்தாவோடு கொண்டாடுவோம் என்ன சரிதானே !"

உங்கள் கருத்துக்கள் மற்றும் vote ஐ போடவும் !