سايين سالور به‌ی «وئبلاگ سؤزجوگو نئجه يازيلمالی» يازی‌سيندا ايكی مساله‌دن سؤز ائديب. بيری « weblog سؤزجويونون توركجه‌ده نئجه يازيلديغی» و او بيری ايسه «weblog سؤزجويونون توركجه قارشيليغی».

منجه «وئبلاگ» دا يازيلابيله‌ر، «وئبلاق» دا. اصلينده بو سؤزجويون ايكی جوره يازيلماسينا دا اوسول‌لو دليل‌لريميز وار.

- ديلين ايستيثنالار اساسيندا دئييل، قايدالار اساسيندا اولوشدوغو نه‌دن‌له من «وئبلاق»ی اؤنه‌ريرم. عرب-تورك اليفباسی تورك سس‌لرينه يئته‌ری ايله قارشيليغی اولماديغيندان قالين «ك» ده يازی‌لار دا گؤروندو كئچن يوزايللييين باشانقيجيندان بو يانا. يايغينلاشينجا دا تثبيت اولدو بو «ايستيثنا» بيزيم يازی ديليميزده. بير زامان «قونسول» و «قومونيست» يازيرديق‌سا ايندی قالين «ك»نی «ق» حرفی ايله يازماق‌دان چكينيريك. بونا سايين مئهران باهارلی يئنيجه اؤنه‌ردييی لاتين اليفباسيندا بير چاره قيليب‌دير البت: قالين «ك» سسينی، «Ķ» حرفی ايله گؤسته‌رمك.

-«وئبلاگ» دا يازابيله‌ريك. توركجه كؤكه‌ن‌لی سؤزلرده قالين «ك»نين اولماديغی نه‌دنی ايله «وئبلاگ»ين يابانچی بير كلمه اولدوغونو تشخيص وئرمه‌يه.


یازی‌دان سونرا: عزیز مرنداوغلو قارداشیم بو حاق‌دا بیر یازی یازمیش ایمیش اؤنجه‌لر کی، من گؤرمه‌میشدیم.

سايين آيهان نوری ييلماز به‌ی قاباقكی يازيما یؤروم قويموشلار. سؤزون دوغروسو حاييفيم گلدی اونلو و د‌يه‌رلی يازيچی، آيهان به‌يين يورومونو اوخوماياسينيز.

سئوگی‌لی يورومچو قارداشيم، مقاله‌م‌له ايلگی‌لی يويومونو اوخودوم. حاق‌لی‌سان، ايدديعالار گئرچك‌دن گولونج، آما اؤته يان‌دان بوتون بو سؤيله‌نه‌ن‌لر و ياپيلان‌لار تورك دونياسينا و تورك‌لره قارشی ياپيلان پيروپاقاندا اويونونون پارچاسی منجه. بو اويون قارشيميزا بير گون فارسجانين نه قدر اوستون اولماسی قونوسويلا، باشقا بير گون توركيستان‌ين اسكی ايران يوردو اولدوغويلا، يئنه باشقا بير گون آذری‌لرين ژئنئتيك چاليشماسی‌نين ياپيلديغی و اونلارين فارس اولدوغو ايدديعاسی‌يلا سوره‌ك‌لی قارشيميزا چيخار دورور. بلكه سن و من كيمی قونويلا ايلگی‌لی دوشونه‌ن دويارلی تورك‌لر بوندان ائتكی‌له‌نمه‌ز آما دونيا قامويونو (افكار عمومی) آزربايجانی بير فارس اؤلكه‌سی ظن ائده‌ر.بيلير می‌سن كی بيز يورد ديشيندا ياشايان تورك كؤكه‌ن‌لی‌لر سوره‌كلی بو پيروپاقاندانين تعرروضو قارشينداييق. يونيوئرسيته‌لرده، تئلئويزيون‌لاردا، كولتور ائتكين‌ليك‌لرينده كولتوروموز و ديليميز يا چالينماق‌دا يا دا يانليش عكس ائتديريلمك‌ده‌دير. تورونتو يونيوئرسيته‌سينده چيخان بو كاتالوق بونلاردان ساده‌جه بير دنه‌سی. منيم آماجيم بو مقاله‌نی يازاراق، تورك دونياسينا و تورك‌لره قارشی ياپلان حاق‌سيزليق و دوشمان‌ليغی قيسمن گؤسته‌رمك، قارشی تدبير آلماغا چاغيرماق‌دی.

آيهان به‌يه درين سئوگی‌لريمی بيلديريب، گؤزل يورومونا گؤره تشككور ائديرم.

بير آز گئجيكميشم. بير آز، بير آزدان چوخ البت! عذر ديله‌ييرم قيوير زيويری اوخوماغا سئچن عزيز اوخوجولاردان. بو وئبلاق دوزه‌ن‌لی‌جه‌سينه گونجه‌ل اولمور. اونون نه‌دنی‌نين بير قيسمی وئبلاقچی‌نين اه‌رينجه‌ك‌ليييندن‌دير. بير قيسمی ده … . قالسين. سيز باغيشلاياجاقسينيز اومورام.

كئچن‌لرده اولو ماحمود كاشغارلی‌نين ديوان لغات‌الترك‌ونده كئچن آتاسؤزلرينی بوردا يايينلاماغا سؤز وئرميشديم. بير بؤلومو يايينلاندی. بوگون‌سه آتاسؤزلری‌نين آردی.

دوكتور محمدزاده صديق‌ه و اونا بو بؤيوك اثری چئويرمك‌ده يارديمچی اولان‌لارا اوره‌ك‌دن يورولموياسينيز دئييرم. من بو اثرده‌كی آنجاق آتاسؤزلری‌نی يازماغا بو قدر واخت آييرديم، تانری بيلير بو عزيزلر نئچه گئجه گوندوز گؤزلری‌نين ايشيغی‌نی بو يول‌دا قويوبلار.

ديوان لغات‌الترك‌ده توپلانان آتاسؤزلری‌نی پ‌د‌ف فورمتينده بوردان، وورد فورمتينده ايسه بوردان ائنديره‌بيلرسينيز.

۱
بايقوش‘ون آيهان نوری ييلماز’دان كؤچوردويو بير مقاله‌ده چوخ ديققت چكيجی بير قونو وار. كانادا تورنتو يونيوئرسيته‌سينين آكادئميك ايلی سوره‌جينده وئريله‌جه‌ك درس‌لرله ايلگی‌لی بيلگی‌لر وئره‌ن تقويمی‌نين ترجومه و ديل‌لر بؤلومونده، توركجه‌دن و فارسجادان دا سؤز گئتميشدير. بو كاتالوق‌دا فارسجانين ايرانين ساده‌جه رسمی ديلی دئييل ده بوتون ايران‌دا ياشايان‌لارين آناديل‌لری اولدوغو كيمی گولونج هاتاران‌لاردان علاوه، بو ديلين قوزئی آزربايجان‌دا و روسيانين گونئيينده ان يايقين ديل اولدوغو دا يازيلميشدير.

۲
همشهری جوان آدلی بير مجله ياييملانار هفته‌ليك اولاراق اؤلكه‌ده. طبيعی كی ايلك‌ده «ايرانشناسی» آدلی بؤلومونو اؤنومه آلارام.
كئچن هفته‌كی سايی‌دا، داها اؤنجه‌لر وئبلاقيم‌دا اويقور تورك‌لری حاققيندا يازديغيم بير پوستون مضمونونو تكرار گؤردوم. آشاغی‌داكی شكيله باخين:

دووار اوزه‌رينده اويقور توركجه‌سينده بير جومله يازيلميشدير و شكيلين آلتيندا يازيلان ايضاح بودور:

داستان چين وچين
اينجا شرقی‌ترين ‌شهر ايران باستان ‌است. درچين، منطقه‌ای وجود دارد كه مردم آن فارسی حرف می‌زنند. روی ديواری كه مرد چينی دوچرخه‌سوار ازكنارش رد می‌شود می‌توانيد جمله‌ای را به خط ‌فارسی ببينيد.

۳
«بيزدن يئی‌لر»ين بئله هاتاران‌لاری ساقينمادان، گؤز گؤزه باخيب سؤيله‌مه‌لری گئرچك‌ده‌ن ده اوشاقسی‌دير. ايله‌تيشيم اورتام لاری‌نين بو قدر هيزليجاسينا بيلگی‌لری دونيانين بيرباشيندان او باشينا چاتديران بير زامان‌دا، چيلپاقليغينا پيشيريلميش تويوق دا گولن يالان‌لاری نشر ائتديرن‌لرين بيرينجی مقصدلری بيزی اؤزلرينه گولدورمك می دئييل‌دير؟

دیوان لغات‌الترک‌ده‌کی آتاسؤزلری‌نین بیرینجی بؤلومونو بوردان ائندیرین.
Awçı neçə al (təf) bilse, ažığ anca yol bilir
اووچو نئچه حيله بيلسه، آيی اونجا يول بيلير.
اڤجی نَجا اَلْ (تَفْ) بِلْسا اَذِغْ اَنْجا یوْل بِلیر

Aç ewək, toq tölək
آج آدام تله‌سيك، توخ آدام ياواش اولار.
اَجْ ایــڤَکْ تُقْ تُلَکْ

Açığlığ ər şəbük qarımas
وارليق‌لی كيشی تئز قوجالماز.
اَجِغْلِغْ اَرْ شابُکْ قَریماسْ

Aç nə yeməs, toq nə teməs
آج اولان نه يئمز، توخ اولان نه دئمز؟
ااجْ نَا یِیماسْ تُقْ نَا تِیماسْ

Ağılda oğlaq toğsa arıqda otı öner
آغيل‌دا اوغلاق دوغولسا، چای قیراغیندا اوتو بيتر.
اَغیلْدا اُغْلاقْ تُغْسا اَرِقْدا اُوتی اُونارْ

Ağız yesə köz uyažur
آغيز يئسه گؤز اوتانار.
اَغِزْ یِسا کُوزْ اُیاذُورْ

Alım keç qalsa ažaqlanur.
آلینمالی گئج قالسا، آیاق‌لانار.
اَلِمْ کِیجْ قَلسا اَذَقْلَنُرْ

Alımçı arslan, berimçi sıçğan
آلاجاغينا (آلاندا) آرسلان، وئره‌جه‌يينه، بورجونا (وئرنده) سيچان.
(دوکتور صدیق: آلاجاغی اولان آرسلان‌دیر، وئره‌جه‌یی اولان سیچان.)
اَلِمْجی اَرْسْلان بِیریمْجی سِجْغانْ

Alın arslan tutar, küçin kösgük tutmas
حيله ايله آرسلان توتولار، گوج ايله قوش‌قووان توتولماز.
االینْ اَرْسْلانْ تُتارْ کُوجِن کُسْکُکْ تُتْماسْ

Alın arslan tutar, küçin sıçğan tutmas
حيله ايله آرسلان توتولار، گوج ايله سيچان توتولماز.
االینْ اَرْسْلانْ تُتارْ کُوجِن سِجْغان تُتْماسْ

Alın arslan tutar, küçin oyuq tutmas
حیله ایله آرسلان توتولار، گوج ایله خیال توتولماز.
االینْ اَرْسْلانْ تُتارْ کُوجِن اُیُقْ تُتْماسْ

Alp çərikdə, bilgə tirikdə
ايگيت اوردودا، بيلگه مجليس‌ده بللی اولار.
اَلْبْ جَرِکْدا بِلْکا تیرِکْدا

Alp əriğ yawrıtma, ıqılaç arqasın yağrıtma
ايگيدی باخيمسيز بوراخما، یؤروك آتين دالي‌نی يارا ائتمه.
(دوکتور صدیق: ایگیدی کؤتولوک‌له یاد ائیله‌مه، یولایاخین آتیین دالی‌نی یارا ائتمه)
اَلْبْ اَرِکْ یَڤرِتْما اِقیلاجْ اَرْقاسِنْ یُغْرِتْما

Alplar birlə uruşma, bəğlər birlə turuşma
ايگيت‌لرله ووروشما، بی‌لرله سورتوشمه.
اَلْبْلار بِرْلا اُرُشْما بَکْلارْ بِرْلا تُرُشْما

Alp yağıda, alçaq çoğuda
ايگيت دوشمان قارشی‌سيندا، آلچاق كيشی ساواش‌دا بللی اولار.
اَلْبْ یَغیدا اَلْجَقْ جُغیدا

Anası təwlüg yuwqa yapar, oğlı tətik qoşa qapar
آناسی زيرك‌ليك‌له نازيك چؤره‌ك ياپار، اوغلو زيرك‌ليك‌له قوشا (ايكی ايكی) قاپار.
اَناسی تَڤــْلُکْ یُڤــْقا یَبارْ اُغْلی تَتِک قُشا قَبارْ

Añduz bolsa at ölmes
آنديز (بیر جور اوت) اولسا آت اؤلمز.
اَنْکْدُز بُلْسا اَتْ اُلماسْ

Anıñ yüziñe titinü baqsa bolmas
اونون اوزونه ديك باخيلماز.
اَنِکْ یُوزِنْکا تِتِنُو بَقْسا بُلْماسْ

Anuq otru tutsa yoqqa sanmas
اؤنه قويولان يئمك يوخ (ايكرام ائديلمه‌ميش) ساييلماز.
اَنُقْ اَتْرُو تُتْسَا یُوقا سانْماسْ

Arı qafçıtsa ısrur
آری قيزديريلسا سانجار.
اَری قَفْجِتْسا اِسْرُورْ

Arqasız ər çərig sıyumas
آرخاسيز كيشی دوشمانينی يئنه‌نمز.
اَرقَاسِزْ اَرْ جَرِکْ سِیُوماسْ

Arpasız at aşumas, arqasız alp çərig sıyumas
آرپاسيز آت آشانماز، آرخاسيز ايگيت دوشمانينی يئنه‌نمز.
اَرْباسِز اَت اَشُوماسْ اَرقاسِز اَلْبْ جَریکْ سِیُوماسْ

Arslan qarısa sıçğan ötin köžəzür
قوجالان آرسلان سيچان دلييی گؤزلر.
اَرْسْلانْ قَریسا سِجْغانْ اُتِنْ کُذازُورْ

Arslan kökrəsə at ažžaqı tulaşır
آرسلان كوكره‌سه آتين آياق‌لاری دولاشار.
اَرْسْلانْ کُکْراسا اَتْ اَذاقی تُولاشیرْ

Aşıç ayur tübüm altın, qamıç ayur mən qayda mən
قازان دئییر دیبیم قیزیلدان، کفچه دئییر اوندا من هاردایام؟
اَشِجْ اَیُورْ تُوبُمْ اَلْتونْ قَمِجْ اَیُور مَنْ قَیْدا مَنْ

Aş tatığı tuz yoğrın yeməs
یئمه‌یه داد وئرن دوزدور، آما دوز چاناق‌لا یئییلمز.
اَشْ تَتِغی تُوزْ یُغْرینْ ییماسْ

Atan yüki aş bolsa açqa az körünür
آش دوه یوکو ایله اولسا آجا آز گؤرونَر.
(دوکتور صدیق: آختا دوه‌نین یوکو ایله یئمک اولسا، آجا آز گؤرونَر.)
اَتَنُ یُوکی اَش بُلْسا اَجُقا اَزُ

Ata oğlı ataç toğar
اوغول باباسینا چکر، چکمک اوزره دوغار.
اَتا اُغْلی اَتَجْ تْغارْ

Atası açığ almıla yesə oğlınıñ tışı qamar
آتاسی تورش آلما یئسه، اوغلونون دیشی قاماشار.
اَتاسی اَجِغْ اََلِمْلا ییسا اُغْلینِکْ تیشی قَمارْ

Atası anası açığ almıla yesə oğlı qızı tışı qamar
آتاسی آناسی تورش آلما یئسه، اوغلونون قیزی‌نین دیشی قاماشار.
اَتاسی اَناسی اَجِغْ اََلِمْلا ییسا اُغْلی قیزی تیشی قَمارْ

Ata tonı oğulqa yarasa atasın tiləməs
بابانین گئیمی اوغولا یاراسا آتاسینی ایسته‌مز.
اتا تُونی اُغُلْقا یَراسا اَتاسِنْ تِلاماسْ

At təküzligi ay bolmas
آتین آلنینداکی آغلیق آی‌لا بیر اولماز.
اَتْ تَکُزْلِکی اَیْ بُلْماسْ

Ažın kişi nəñi nəñ sanmas
باشقاسی‌نین مالی مال ساییلماز.
اَذِنْ کِشی نانْکی مَنْک سانْماسْ

Ay tolun bolsa əliğin imləməs
آی دولون اولونجا ال ایله گؤستریلمز.
(دوکتور صدیق: آی دولون اولاندا ال ایله اونو گؤسترمزلر.)
اای تُلُونْ بُلْسا اَلِکِنْ اِمْلاماس

Azuqluğ aruq ərməs
آزیغی اولان یورولماز.
اَزُقْلُغْ اَرُقْ اَرْماسْ

Balıq suwda közi taştın
بالیق سودا، گؤزو دیشاری‌دا.
بَلِقْ سُــڤْــدا کُوزی تَشْتِنْ

Bar baqır, yoq altun
وار اولان میس، وار اولمایان قیزیل‌دیر.
بارْ بَقِرْ یُقْ اَلْتُونْ

Barçın yamağı barçınqa, qarış yamağı qarışqa
ایپک یاماغی ایپه‌یه، یون یاماغی یونه.
بَرْجِنْ یَماغی بَرْجِنْقا قَرِشْ یَماغی قَرِشْقا

Barığ otru tutsa yoqqa sanmas
اؤنه قویولان وارلیق، یوخ (ایکرام ائدیلمه‌میش) ساییلماز.
بارِغْ اُتروُ یوقّا سَنْماسْ

Beş erñek tuz ərməs
بئش بارماق دوز دئییل‌دیر.
بیشْ اَرْنْکاکْ توزْ اَرْماسْ

Bilmiş yek bilmžük kişidən yeg
تانینمیش شئیطان یابانچی‌دان یئی‌دیر.
بِلمِشْ یاکْ یِلْمادِکْ کِشیدانْ یِیکْ

Birin birin miñ bolur, tama tama köl bolur
بیرَر بیرَر مین اولار، داما داما گؤل اولار.
بیرِنْ بیرِنْ مِنکْ بُلوُرْ تَما تَما کُلْ بُلوُرْ

Bir qarğa birlə qış kəlməs
بیر قارقا ایله قیش گلمز.
بِرْ قَرْغا بِرْلا قِشْ کَلْماسْ

Bir tilkü tərisin ikilə soymas
بیر توکواونو دری‌سی ایکی دفعه سویولماز.
بیرْ تِلسکوُ تَریسِنْ اِکیلا سُیْماسْ

Bir toyın başı ağrısa, qamuğ toyın başı ağrımas
بیر شامانین باشی آغریسا هامی شامان‌لارین باش‌لاری آغریماز.
بیر تُیِنْ بَشی اَغْریسا قَمُغْ تُیِنْ بَشی اَغْریماسْ

Boldaçı buzağu öküz ara bəlgülüg
اؤکوز اولاجاق بیزوو اؤزونو بللی ائدر.
بُلْداجی بُزاغوُ اُکُوز ارا بَلْکُلُکْ

Bor bolmažıp sirkə bolma
شاراب اولمادان سیرکه اولما.
بُوزْ بُلْماذَِبْ سِرْکا بُلْما

Boşlağlansa boxsuqlanur
متهور کیشی بویوندوروقلانار.
بُشْلَقْلَنْسا بُخْسُقْلَنُورْ

Boş nəñgə iži bolmas
یاراماز مالین ییه‌سی اولماز.
(دوکتور صدیق: بوراخیلمیش مالین ییه‌سی اولماز.)
بُشْ نانْک‌کا اِذی بُلْماسْ

Böri qoşnısın yeməs
قورد قونشوسونو یئمز.
بُری قُنْشیسِنْ ییماسْ

Böriniñ ortaq, quzğunuñ yığaç başında
قوردون اووو اورتاق‌لی، قوزقونون (کرکسین) اووو آغاج باشیندا اؤزونونکو اولار.
بُرِنِنْکْ اُرْتَقْ قُزْغُونُکْ یِغاجْ باشِنْدا

Buğday qatında sarqaç suwalur
بوغدانین یانیندا قارامیخ اوتو دا سولانیر.
بُغْدایي قَتِنْدا سَرْقْجْ سُڤالُورْ

Bu kök kirsün, qızıl çıqsun
بو، گؤی گیرسین، قیرمیزی چیخسین.
بُو کُوکْ کِرْسُونْ قِزِلْ جِقْسُونْ

Buşmasar boz quş tutar, ewməsər ürüñ quş tutar
سیخیلمایان کیشی بوز قوش، تله‌سمه‌ین کیشی آغ قوش توتار.
بُشْمَسارْ بوزْ قْشْ تُتارْ اِیڤْـــمَسارْ اُرُونْکْ قُشْ تُتارْ

Buzdan suw tamar
بوزدان سو دامار.
بُوزْدَنْ سُوڤْ تَمارْ

Bütün ümlüğ qanca bolsa olturur
شالواری تمیز اولان هاردا ایسته‌سه اوردا اوتورار.
بُتُنْ اُمْ‌لُکْ قَنْجا قُلْسا اُلْتُرُورْ

Çaqsa tütnür, çalsa bilnür
چاخسا تۆتَر، سؤیله‌سه بیلینر.
جَقْسا تُتْنُورْ جَلْسا بِلنُورْ

Çaxşaq üzə ot bolmas, çaqraq bilə uwut bolmas
داش اوستونده اوت اولماز، کچل آدام‌دا اۆزم، حیا اولماز.
جَخْشاقْ اُزا اُتْ بُلْماسْ جَقْرَقْ بِلا اُڤُتْ بُلْماسْ

Ewdəki buzağu öküz bolmas
ائو ایچینده باخیلان بیزوو اؤکوز اولماز.
اَڤــداکی بزاغُو اُکُوزْ بُلْماسْ

Ewək eügə təgməs
تله‌سیک آدام ائوینه یئتیشنمز.
اِیڤَکْ اَڤکا تَکْماسْ

Ewək siñək sütgə tüşür
تله‌سن میغ‌میغا سوده دوشر.
اِیڤَــکْ سِنْکاکْ سْوتکا تُشُورْ

Ewliğ tožğursa közi yolqa bolur.
ائو صاحیبی دوْیورونجا قواناغین گؤزو یول‌دا اولار.
اَڤلِکْ تُذْغُرْسا کُوزی یُلْقا بُلُورْ

Eliğ tutğınça ot tut
یابانجی‌نی توتاجاغینا اود توت.
اِلِغْ تُتغِنْجا اُوتْ تُوتْ

El qalır (qaldı) törü qalmas.
یورد گئدر تؤره قالماز.
اِیل قَلیرْ (قَلْدی) تُرُ قَلْماسْ

Eşyək ayur başım bolsa sundurıda suw içgəymən
ائششک دئیه‌ر باشیم ساغ اولسا دنیزدن سو ایچَرَم.
اَشْیاکْ اَیُرْ بَشُمْ بُلْسا سُنْدُریدا سُوڤْ اِجْکایْمَنْ

Əgir bolsa ər ölməs
اَگیر اوتو کؤکو اولسا کیشی اؤلمز.
اَکِرْ بُلْسَا اَرْ اُلْماسْ

Əmgək əgində qalmas
زحمت ابدین آدامین وجودوندا قالماز.
اَمْکَکْ اَکِنْدا قَلْماسْ

Əmikliğ uragut kösəkçi bolur
اَمزیک‌لی قادین ایشتاه‌لی اولار.
اَمْزِیکْلی اُراغُوتْ کُساکچی بُلُورْ

Əndik uma ewlikni ağırlar
آخماق قوناق ائو صاحیبی‌نی آغیرلار.
اَنْدِکْ اُما اَڤلِکْنی اَغِرْلارْ

Ər oğlı muñaymas, it oğlı külərməs
کیشی اوغلو کدرلی قالماز، ایت بالاسی‌نین آیاغی پئتمز.
اَرْ اُغْلی مُنْکاذْماسْ اِتْ اُغْلی کُلَرْماسْ

Ər sözi bir, əžər köki üç
کیشی سؤزو بیر، یهر باغی اوچ اولار.
اَرْ سُوزی بیرْ اَذَرْ کُکی اُوجْ

Ərdəm başı tıl
اَردَمین (فضیلتین) باشی دیل‌دیر.
اَرْدَم بَشی تِلْ

Ərdəmsiz qut çərtilür
فضیلت‌سیزدن اوغور، قوت اوزاقلانار.
اَرْدَم سِزْدَنْ قُتْ جَرْتِلُورْ

Ərgə muñ təgir, tağ səñiriñə yel təgir
کیشی‌یه کدر دَیَر، داغ دوْروغونا یئل دَیَر.
اَرْکا مُنکْ تَکیرْ تاغْ سَنْکرینْکا ییلْ تَکیرْ

Ərik ərini yağlığ, ərməgü başı qanlığ
اورک‌لی کیشی یاغ‌لی، تنبلین باشی قان‌لی اولار.
(دوکتور صدیق: اورک‌لی کیشی‌نین دوداغی یاغ‌لی، تنبلین باشی قان‌لی اولار)
اَرِکُ اِیرِنی یاغْلیغْ اَرْمَکُو باشی قانُلیغُ

Ərkəç əti əm bolur, eçkü əti yel bolur.
تکه اتی اَم (درمان) اولار، کئچی اتی یئل‌لی اولار.
اَرْکَجْ اَتی اَمْ بُلُورْ اَجْکُو اَتی یِلْ بُلُورْ

Ərməgügə bulıt yük bolur
تنبله بولوت یوک اولار.
اَرْمَکُوکَا بُلِتْ یُکْ بُلُورْ

Ərməgügə eşik art bolur
تنبله ائشیک داغ کئچدی اولار.
اَرْمکْوکا اِشِکْ اَرْتْ بُلُورْ

Əriñeñe əliğ qarı böz üm tikəməs
اَرگَنه (ائوله‌نمه‌میش کیشی‌یه) اللی قاریش بئزدن ایچ دونو دیکیلمز.
اَرِنْکانا اَلِک قَری بُوز اُم تِکاماسْ

Ərsək ərgə təgməs, ewək ewgə təgməs
اَرسَک قادین اَر تاپانماز، عجول اولان ائوینه وارانماز.
اَرْسَکْ اَرْکا تَکْماسْ اِیڤَکْ اَڤْکا تَکْماسْ

Əsəndə ewək yoq
سلامت‌ده عجله یوخ‌دور.
اَسَنْدا ایڤَکْ یُوقْ

Əsiz anıñ yiğitligi
حئییف اونون ایگیت‌لییینه…
اَسِزْ اَنِکْ یِکِتْلِکی

Ətli tırñaqlı əžirməs
ات دیرناق‌دان آیریلماز.
اَتْلی تِرْنَغاقْلی اَذِرْماس

Əžgü ər süñüki ərir atı qalır.
اییی کیشی‌نین سومویو ارییَر آدی قالار.
اَذْکوُ اَرْ سُنْکُوکی اَریرْ اَتی قَلیرْ

Əžgülügi suw ažaqında kəmiş başında tilə
یاخشی‌لیق ائیله سویا آت، بولاغیندا دیله تاپارسان.
اَذْکُولُکْنی سُوڤْ اَذاقِنْدا کَمِشْ بَشِنْدا تِلا

Əžgülükün kəl, isizligin kəlmə
اییی‌لیک‌له گل، کؤتولوک‌له گلمه
اَذْکُولُکوُنْ کَلْ اِسیزْلِکینْ کَلْما

- يولو ايتيرميشديم، بوروخ بوروخ كوچه‌لرده اويانا بويانا گئديرديم. گؤی‌ده‌ن‌سه ائله بيل اود ياغيردی. اوره‌ييم پيس قيزيشميشدی. تانيميرديم يولو. بئزيكمشديم. اليم‌د‌ه‌ن ياپيشان بير ال آختاريرديم.

-  اوزاق‌دان بير شئی گؤزومه چارپميشدی سانكی. ها اليمی اوزاديرديم، ها اوزاديرديم اليمی، يئتيشميردی او اله اليم. قاچيردی من‌ده‌ن. يوخ! بير ان دوشونمه‌ديم نامردجه منی چكير اؤزونه ساری! او ال منی نجات وئره‌جك بوردان سانميشديم. او ال. بيرده‌ن ايتدی او ال گؤزوم‌ده‌ن. او ال بيرده‌ن ايتدی! داها دا داريخديم.

-  گؤيون هاواسی سويوموشدو يا قيزيشميش منه سويويان كيمی گليردی بيلميرم. او ال ايتدی. ياواش ياواش اوزاق‌لاشسايدی اؤزومو تاپارديم اؤزوم‌ده. آما بيرده‌ن ايتدی او.

- او ال ايلغيم‌دی. من ايلغيم‌دايديم…

بورا منیم یئنی وئبلاقیم‌دیر، منی بوردان دا ایزله‌یه‌بیلرسینیز.

» اوباش، اوباش‌دانليق سؤزونون كؤكو نه اولابيلر؟
بئله دوشونورم كی اوباش‌دان سؤزو «او+باش+دان» تركيبيندن اولوشان بير سؤزدور. بورداكی «دان»، وعده (ناهار وعده‌سی) آنلاميندا. «ديل دنيز» ده بئله يازيب‌دير.

سولدوزدا بونا بنزر باشقا بير سؤز ده وار: «چئشت‌دان‌ليق». چئشت، صوبح ايله ناهار آراسينا دئييلر. فارسجا اولاجاق سانيرام. دان ايسه اوست‌ده دئديييم كيمی «وعده» آنلاميندا.