ÍR Handbolti

Minnum á handboltaskóla ÍR 5.-18. ágúst

noreply@blogger.com (ÍR Handboltinn) — Tue, 15 Jul 2014 14:19:00 GMT

Tveggja vikna handboltanámskeið 5.-18.ágúst fyrir krakka fædd 2004-1997. Æfingar standa yfir í tvær klukkustundir dag hvern og fara fram í íþróttahúsinu við Austurberg.

Skólastjóri er Sigurjón Björnsson(Sjonni)! Sjonni er hokinn af reynsu, en hann er íþróttafræðingur að mennt og hefur þjálfað handbolta í 6 ár, allt frá 6. Flokki upp í 3. Flokk. Sjonni hefur spilað í meistaraflokki síðan 2006 og varð íslandmeistari með HK 2011 og bikar- og meistari meistarana með ÍR 2013. Sjonni er uppalinn ÍR-ingur og hefur alla sinn ferill leikið með ÍR utan tvö ár sem hann lék með HK.

Takmarkaður fjöldi kemst að og því er mikilvægt að skrá sig sem fyrst.

Námskeiðsvikur:
5.-18. ágúst

Æfingatímar og aldursflokkar:
10-12 ára(02-04) kl. 09:00-11:00
13-14 ára(01-00) kl. 11:30-13:30
15-16 ára(99-97) kl. 13:30-15:30

Verð: 14.500 kr.
Skráning á www.ir.is

Nánari upplýsingar hjá starfsfólki ÍR í síma 587-7080

Úrslit ÍR liða á Partille Cup 2014

noreply@blogger.com (ÍR Handboltinn) — Tue, 1 Jul 2014 09:24:00 GMT

Smellið á "Matches" til að sjá úrslit leikja..
Smellið á "Team information og Resaults" til að fá nánari upplýsingar um hvert lið.

Fararstjórar setja síðan inn fréttir og myndir af hópnum á Facebook ÍR Handbolta á hverjum degi þannig að við hvetjum alla til að "LIKE" þá síðu til að fá þetta beint frá þeim.

Myndir á Facebook ÍR Handbolta

Jón Heiðar og Davíð áfram hjá ÍR

noreply@blogger.com (ÍR Handboltinn) — Thu, 5 Jun 2014 13:16:00 GMT

Jón Heiðar Gunnarsson og Davíð Georgsson hafa skrifað undir samninga um að spila áfram með ÍR á næstu leiktíð í Olís-deild karla í handknattleik. Jón Heiðar hefur verið einn aðal burðarásinn í liði ÍR síðastliðin ár eftir að hann sneri heim úr atvinnumennsku í Frakklandi. Hann er mikill varnarmaður og án efa með sterkari línumönnum í deildinni en frammistaða hans skilaði honum m.a. sæti í landsliðshóp Arons Kristjánssonar á dögunum. Davíð gegnir einnig lykilhlutverki hjá ÍR en hann er sérstaklega öflugur sóknarmaður.

Við erum búin að vinna mjög vel í leikmannamálum félagsins í vor og viljinn til þess að ná árangri er mikill,“ segir Runólfur Sveinsson formaður handknattleiksdeildar ÍR í tilkynningu frá deildinni. „Það er frábært að klára samninga við þá Davíð og Jón Heiðar. Þeir eru toppmenn með ÍR-hjartað á réttum stað.

Björgvin og Sturla áfram hjá ÍR

noreply@blogger.com (ÍR Handboltinn) — Wed, 14 May 2014 15:16:00 GMT

ÍR-ingarnir Björgvin Þór Hólmgeirsson og Sturla Ásgeirsson hafa skrifað undir samning um að spila áfram með ÍR á næstu leiktíð. Björgvin hefur þó heimild til að fara í erlent félag í sumar ef tækifæri býðst. Báðir eru þeir uppaldir hjá félaginu og léku með ÍR á síðasta keppnistímabili og voru í lykilhlutverkum hjá liðinu sem rétt missti af úrslitakeppninni í síðustu umferð deildarinnar.

„Ég er mjög ánægður með að vera búinn að ganga frá samningum við þá Björgvin og Sturlu. Þeir eru öflugir leikmenn og miklir ÍR-ingar. Við erum stórhuga fyrir næsta tímabil og því er mikilvægt að þeir taki þátt í áframhaldandi velgengni félagsins,“ segir Runóflur Sveinsson formaður handknattleiksdeildar ÍR.

Sturla og Bjöggi áfram hjá okkur

Eurovision eða Handbolti í kvöld ?

noreply@blogger.com (ÍR Handboltinn) — Tue, 6 May 2014 15:56:00 GMT

Eurovision eða Handbolt í kvöld ? Auðvelt val því þessir ÍR Pollar verða í Mýrinni kl. 19:30 þannig að við hvetjum alla til að mæta og sjá þá hala inn 12 stigum og tryggja sætið !! #handbolti #eurovision

ÍR Pollarnir - Diddi, Arnór, Danni og Jón

Úrslitadagur yngri flokkanna í Austurberg

noreply@blogger.com (ÍR Handboltinn) — Sun, 4 May 2014 21:30:00 GMT

Um helgina fóru fram úrslitaleikir Íslandsmóts í yngri flokkunum í handboltanum í Austurbergi. Umgjörðin var til fyrirmyndar og á unglingráð Handknattleiksdeildar ÍR, sjálfboðaliðar, starfsfólk HSÍ, dómarar, áhorfendur og aðrir þeir sem komu að þessum degi þakkir skilið.

Frábært að sjá allt að 800 áhorfendur á sumum leikjum sem er meira en mörg úrvalsdeildarlið geta státað af og virkilega skemmtilegt framtak að sýna leikina beint á SportTV fyrir handboltaáhugafólk sem komst ekki í Austurberg.

Það sýndi sig að Austurberg er frábært handknattleikshús bæði fyrir áhorfendur og leikmenn enda var frábær stemning þar allan daginn. Glæsilegir fulltrúar yngri kynnslóðarinnar lögðu sig alla fram á vellinum, enda Íslandsmeistaratitill í húfi sem stefnt hefur verið að allt tímabilið.

Óhætt er að segja að flestir leikirnir hafi verið virkilega spennandi enda fóru nokkrir þeirra í framlengingu, þar sem úrslit skiluðu sér ekki fyrr en á seinustu sekúndu.

Fögnuður, vonbrigði og allur tilfinningaskalinn kom síðan í ljós þegar leiktíminn var úti og í ljós kom hver hafði orðið Íslandsmeistari í sínum aldursflokk.

Við óskum öllum iðkendum sem komu til okkar í dag innilega til hamingju með árangurinn, enda geta þeir svo sannarlega borið höfuðið hátt að komast alla leið í úrslitaleikinn í Íslandsmótinu og fengið að upplifa það sem alla dreymir um, að spila úrslitaleik á stóra sviðinu fyrir fullu húsi af stuðningsmönnum. Það er ljóst að framtíð handboltans er björt á Íslandi og virkilega ánægjulegt að geta sagt í leikslok að allir hafi verið félagi sínu til mikils sóma í dag.

Komnar inn myndir frá deginum á Facebook ÍR Handbolta

Kv. ÍR Handbolti

Bikar í hús hjá 4.fl. eldra árs

noreply@blogger.com (ÍR Handboltinn) — Sat, 3 May 2014 21:20:00 GMT

4.fl.ka. eldra árs skilaði bikar í hús eftir flottan sigur á Selfossi í B-úrslitum Íslandsmóts í dag.
Frábært hjá ykkur strákar, til hamingju !!

Flottir strákar sem skiluðu bikar í hús í dag.

4.fl. ka. eldra árs í B-úrslitum Íslandsmóts

noreply@blogger.com (ÍR Handboltinn) — Fri, 2 May 2014 12:02:00 GMT

B úrslit 4. flokks karla eldra árs verða haldin í Austurbergi fös. og lau. Okkar strákar mæta KA kl. 19:00 á fös. og vonandi tryggja þeir sig áfram í undanúrslit á laugardeginum

Hér fyrir neðan má sjá alla leikina í Austurbergi og tímasetningar.
Við hvetjum alla til að mæta á leikina og styðja liðin.

B ÚRSLIT 4.KA 2014
DAGUR TÍMI VÖLLUR LEIKUR ÚRSLIT
Fös. 2.maí. 19.00 Austurberg ÍR 1 - KA 2
Fös. 2.maí. 20.15 Austurberg Þór Ak. - Valur

Lau. 3.maí. 10.00 Austurberg Undanúrslit - Fram 1
Lau. 3.maí. 11.15 Austurberg Selfoss - Undanúrslit

Lau. 3.maí.2014 13.30 Austurberg Úrslitaleikur - Úrslitaleikur

Unglingabikar HSÍ 2014 - Greinagerð ÍR Handbolta

noreply@blogger.com (ÍR Handboltinn) — Wed, 30 Apr 2014 19:05:00 GMT

Greinagerð Barna- og Unglingaráðs ÍR Handbolta fyrir tímabilið 2013-2014 sem við skiluðum inn vegna Unglingabikars HSÍ, sem veittur er árlega til þess félags sem þykir standa best að barna- og unglingamálum í handknattleik. Það er fimm manna nefnd á vegum HSÍ sem fer yfir gang mála hjá félögunum á hverju tímabili og velur það félag sem hlotnast þessi heiður. Nefndina skipa fulltrúi fræðslunefndar, fulltrúi mótanefndar, mótastjóri HSÍ, íþróttastjóri HSÍ og fulltrúi landsliðsnefnda HSÍ.

Smellið á mynd til að skoða skýrslu

Hlekkur - http://irhandboltinn.magix.net/public/HANDBOLTI/PDF/Unglingabikar_2014_ÍR_Handbolt_.pdf

4.fl. ka. yngra ár komnir áfram í undanúrslti Íslandsmóts

noreply@blogger.com (ÍR Handboltinn) — Tue, 29 Apr 2014 20:24:00 GMT

4.flokkur karla yngra ár eru komnir í 4. liða úrslit í Íslandsmótinu. Þeir mæta Þór Ak. í Síðuskóla kl. 17:30 mið. 30. apr. þar sem þeir tryggja sér vonandi farseðilinn í úrslitaleikinn sem verður 4. maí í Austurbergi.

Mið. 30.apr. kl. 17.30 Síðuskóli Þór Ak. - ÍR 1
Fim. 1.maí. kl. 12.00 Schenkerhöllin Haukar - FH Sun. 4.maí.2014
Sun. 4.maí. kl. 10.00 Austurberg Úrslitaleikur - Úrslitaleikur

4.fl. kv. komnar áfram í undanúrslti Íslandsmóts

noreply@blogger.com (ÍR Handboltinn) — Mon, 28 Apr 2014 13:21:00 GMT

4. flokkur kvenna eldra ár er komið í 4 liða úrslit í Íslandsmótinu eftir sigur á Gróttu um helgina.

Þær mæta því Fjölni á þriðjudaginn kl 18:00 í Íþróttamiðstöðin Dalhúsum Grafarvogi.
Við hvetjum alla til að mæta og styðja þær áfram í úrslitaleikinn !!!

Lau. . . KA/Þór - HK

Þri. 29.apr. 18.00 ÍM Grafarvogi Fjölnir 1 - ÍR

Sun. 4.maí. 14.30 Austurberg Úrslitaleikur – Úrslitaleikur

3.fl. kv. í undanúrslit Íslandsmóts

noreply@blogger.com (ÍR Handboltinn) — Mon, 28 Apr 2014 13:17:00 GMT

Stelpurnar í 3. fl. kv. eru komnar í undanúrslit í Íslandsmótinu eftir sigur á ÍBV um helgina. Þær spila við Fylki í undanúrslitunum miðvikudaginn 30 apr. kl. 18:00 í Fylkishöllinni. Síðasti leikur þeirra á móti Fylki endaði með eins marks tapi þannig að við við búumst við hörku viðureign sem endar vonandi með farseðil í úrslitaleikinn 4.maí. Stelpurnar hvetja alla ÍR-fjölskylduna til að mæta á svæðið og styðja þær áfram í úrslitaleikinn!

Undanúrslit 3.kv. 2014

Mið. 30.apr. 18.00 Fylkishöll Fylkir - ÍR

Fim. 1.maí.2014 13.30 Framhús Fram - Selfoss

Sun. 4.maí.2014 18.00 Austurberg Úrslitaleikur – Úrslitaleikur

Bjarni Fritzson nýr þjálfari meistaraflokks karla!

noreply@blogger.com (ÍR Handboltinn) — Tue, 22 Apr 2014 21:33:00 GMT

Breytingar á þjálfarateymi Handknattleiksdeildar ÍR

Handknattleiksdeild ÍR og Bjarki Sigurðsson hafa í sameiningu komist að þeirri niðurstöðu að Bjarki láti af störfum sem þjálfari MFL. karla hjá ÍR að afloknu tímabili.

Stjórn Handknattleiksdeildar ÍR vill nýta tækifærið og koma á framfæri þökkum til Bjarka fyrir vel unnin og fagleg störf síðastliðin 4 keppnistímabil. Bjarki tók við liðinu í fyrstu deild, kom því upp í efstu deild þar sem liðið hefur blandað sér í baraáttu þeirra bestu síðastliðin 2 ár og landaði m.a. Bikarmeistaratitli árið 2013 og lenti í öðru sæti í sömu keppni í ár. Guðmundur Helgi Pálsson, hægri hönd Bjarka mun halda áfram störfum innan raða ÍR.
„Þessi ákvörðun er tekin í mesta bróðerni enda hef ég átt ánægjuleg 4 ár hjá félaginu ég og Guðmundur Helgi Pálsson viljum þakka öllu því góða fólki sem starfað hefur með okkur í kringum félagið og stjórn þess góð kynni og ánægjulega samfylgd. Við óskum ÍR alls hins besta,“ segir Bjarki Sigurðsson.

Bjarni Fritzson hefur verið ráðinn til næstu þriggja ára sem þjálfari meistaraflokks karla hjá ÍR og mun Einar Hólmgeirsson vera honum til aðstoðar ásamt því að þjálfa annan flokk félagsins. Bjarni mun jafnframt leika með liðinu. Bjarni og Einar gengu báðir upp í gegn um alla yngri flokka ÍR og spiluðu með meistaraflokki liðsins áður en þeir héldu erlendis í atvinnumennsku og þekkja þeir því vel til félagsins.

„Um leið og ég vil þakka Bjarka og Guðmundi vel unninn störf þá erum við mjög ánægð með að fá Bjarna og Einar í hópinn. Bjarni hefur sannað sig sem þjálfari hjá Akureyri og Einar hefur öðlast mikla reynslu á ferli sínum sem leikmaður sem á eftir að nýtast honum vel. Við hlökkum mikið til að fá þá heim í Breiðholtið,“ segir Runólfur Sveinsson formaður Handknattleiksdeildar ÍR.

Harpa Lind Róbertsdóttir valin í úrvalslið Reykjavíkur

noreply@blogger.com (ÍR Handboltinn) — Wed, 16 Apr 2014 11:46:00 GMT

Harpa Lind Róbertsdóttir leikmaður í 4.fl. kv. hefur verið valin í úrvalslið Reykjavíkur sem tekur þátt í Grunnskólamóti Norðurlanda ,sem fer fram í Reykjavík 18.-23.maí.

Til hamingju og gangi ykkur vel !!

Harpa Lind Róbertsdóttir 4.fl.kv.

Grill í Undirheimum fyrir leik okkar gegn FH milli 18:00 - 19:10

noreply@blogger.com (ÍR Handboltinn) — Sun, 13 Apr 2014 13:42:00 GMT

Það verður stuð og stemmning í Undirheimum á morgun fyrir leik okkar gegn FH þar sem við bjóðum upp á grillaðar pylsur fyrir stuðningsmenn okkar og andlitsmálningu því stúkan á að vera blá á morgun!!

Hvetjum alla til að mæta tímanlega þar sem grillin verða í gangi milli kl. 18:00 og 19:10 en þá fara allir upp og stútfylla stúkuna í ÍR litunum.

Upplagt að mæta með fjölskylduna tímanlega í grill og smella sér síðan á leik leikjanna gegn FH sem gæti skilað okkur í undanúrslit í Olís Deild ef allt gengur eftir.

LEIKUR leikjanna ÍR - FH í Olís deild á mánudag kl. 19:30 í Austurbergi

noreply@blogger.com (ÍR Handboltinn) — Fri, 11 Apr 2014 11:07:00 GMT

Fyrir lokaumferðina hafa Haukar, ÍBV og Valur tryggt sæti sitt í undanúrslitunum en baráttan um 4. sætið er á milli Fram, ÍR og FH. Þar eru Framarar í bestu stöðunni og hafa örlögin í eigin höndum því þeim nægir að sigra Val í lokaumferðinni til að fara áfram. Við eigum þó enn möguleika á sæti í undanúrslitunum en til að það gangi upp þurfum við að vinna FH og treysta á að Valur vinni Fram.

Verkefnið er því ljóst næsta mán. kl. 19:30 í Austurbergi þar sem okkar fólk verður að mæta sem stuðningsmenn á pallana en ekki sem áhorfendur !!!!!

Sjá myndir frá leik okkar í gær á sprot.is
http://www.sport.is/handbolti/2014/04/10/olis-deild-karla-dramatik-thegar-haukar-tryggdu-deildarmeistaratitilinn-fh-a-enn-von/

Hittingur fyrir leik okkar gegn Fram í dag verður á Classik Rock Sportbar Ármúla 5 kl. 17:30

noreply@blogger.com (ÍR Handboltinn) — Thu, 10 Apr 2014 08:34:00 GMT

Hittingur fyrir leik okkar gegn Fram í dag verður á Classik Rock Sportbar Ármúla 5 kl. 17:30. Þar verður tilboð á krana og hægt að kaupa hrikalega borgara og samlokur. Andlitsmálning partur af prógramminu og síðan verðum við mætt í Safamýri um 19:00 með trommurnar enda ætlunin að þakið fljúgi af húsinu.

Hvetjum alla til að mæta á leikinn í bláu eða keppnisbúning og hvetja liðið áfram !!!!

Fim. 10.apr.2014 19.30 Framhús Fram - ÍR

Hittingur fyrir leik okkar gegn Fram í dag verður á Classik Rock Sportbar Ármúla 5 kl. 17:30

Björgvin Rúnarsson verður þjálfari meistaraflokks kvenna hjá ÍR á komandi leiktíð

noreply@blogger.com (ÍR Handboltinn) — Wed, 9 Apr 2014 09:05:00 GMT

Í gær klukkan 19:00 var undirritaður samningur á milli Handknattleiksdeildar ÍR og Björgvins Þórs Rúnarssonar sem mun taka við þjálfun meistaraflokks kvenna hjá ÍR á komandi leiktíð.
Meistaraflokkur kvenna, sem spilaði undir stjórn Finnboga Grétars Sigurbjörnssonar, landaði bæði deildarmeistaratitli og Íslandsmeistaratitli á nýliðinni leiktíð.

Stjórn deildarinnar ákvað á fundi sínum nýverið að meistaraflokkur kvenna myndi leika í úrvalsdeild á komandi hausti.

Björgvin Þór hefur þjálfað norska félagið Örsta síðastliðin ár við góðan orðstír. Hann spilaði á árum árum m.a. með Stjörnunni, ÍBV, Víking og Selfossi og það er mikill fengur að fá Björgvin í þjálfarahóp ÍR.

Að sama tilefni voru þau Stefán Petersen sem starfað hefur við hlið Finnboga í vetur og Anna Margrét Sigurðardóttir sem leikið hefur með liðinu í vetur kynnt til leiks og munu þau starfa við hlið Björgvins að þjálfun meistaraflokksins.

Auk þess að sinna þjálfun meistaraflokks kvenna mun Björgvin koma að starfi yngri flokka hjá félaginu.

Stjórn handknattleiksdeildar ÍR

Anna Margrét Sigurðardóttir, Björgvin Rúnarsson og Stefán Petersen eftir undirskrift í gær

Mfl. kv. ÍR Handbolta Deildar- og Íslandsmeistarar í utand. kvenna.

noreply@blogger.com (ÍR Handboltinn) — Sun, 6 Apr 2014 22:34:00 GMT

Meistaraflokkur ÍR kvenna í handknattleik sýndi það og sannaði í gær hverjar eru bestar. Heimaleikjaráð, stjórn og aðrir aðstandendur deildarinnar óskar ykkur innilega til hamingju með Íslandsmeistaratitilinn !!!

Það er okkur sannur heiður og ánægja að fá að taka þátt í þessari flottu helgi sem endaði á besta veg sem við gátum hugsað okkur.

Það var á 26 mínútum fyrri hálfleiks sem það gerðist. ÍR var tveimur mörkum yfir og í vörn,leikurinn í járnum og mikil spenna á pöllunum. Frá litlum munni heyrðust þessu flottu orð “halló mamma, má ég koma ti þín”? Brosið sem stúkan fékk frá leikmanni númer 4 hjá ÍR sagði allt sem segja þarf og gleymist ekki þeim sem það sáu. Það var gleði. Þetta var skemmtilegt. Við sem saman vorum komin í Austurbergi vorum þar til að skemmta okkur fyrst og fremst.

Eftir leik fór bikar á loft og verðlaunapeningar um hálsa og það var klappað, hlegið og faðmast. Þetta var sigurhátiíð.

Í undirheimum var allt klárt fyrir stelpurnar. Reyndar ekki grillaður hvalur heldur rautt og hvítt, kex og ostar, enda raunverulegar prinsessur sem við áttum von á, nema hvað.

Finnbogi, Stebbi, leikmenn og allir aðrir sem tóku þátt í því að í bikarskáp okkar bætast við tveir bikarar úr röðum meistaraflokks ÍR í handbolta, kærar þakkir fyrir ykkar framlag í vetur og alla skemmtunina sem þið hafið staðið fyrir undanfarna mánuði. Það er á svona dögum sem við minnum okkar á það til hvers leikurinn er gerður og hvað við erum að byggja upp fyrir framtíðina.

Bestu kveðjur,
Meistaraflokksráð ÍR Handbolta

Mfl. kv. ÍR Deildar- og Íslandsmeistarar

Það er á svona dögum sem við minnum okkar á það til hvers leikurinn er gerður
og hvað við erum að byggja upp fyrir framtíðina.

Okkur er hollt að líta í eigin barm og læra af því

noreply@blogger.com (ÍR Handboltinn) — Fri, 28 Mar 2014 09:12:00 GMT

„Klassa stemning. Það heyrðist mest í okkar áhorfendum. Það er góður mórall í liðinu og það er gaman þegar vel gengur," þetta var sagt í viðtali á Vísi eftir leik ÍR og ÍBV í Austurberginu í gær enda hafði leikurinn allt til þess að bera til að vera góður og spennandi leikur.

En fannst ÍR-ingum þessi leikur skemmtun? Er viðtalið við ÍR-ing ? Bjarka ? Stulla fyrirliða ? Guðna eða Jón Kristinn sem áttu stórfínan leik að öðrum ólöstuðum ?

Nei, viðtalið er við leikmann liðs sem þarf að treysta á stuðningsfólk sem býr í ýmist siglinga eða flug færi við Austurberg, en það sem Róbert Aron Hostert segir í viðtalinu er hárrrétt. Það er ekki annað hægt en að taka ofan fyrir áhorfendum ÍBV í gær. Þeir stóðu sig með prýði – og leikmenn þeirra líka.

Ef við skoðum okkar hlut er hollast að líta fyrst í eigin barm áður en leitað er skýringa annað þegar illa gengur og bjátar á.

Eigum við að byrja á því með nokkrum spurningum til okkar sem komum að undirbúning leikja.

Var sjoppan opin ?
Var kaffið í Undirheimum í hálfleik og eftir leik?
Var búið að smyrja og skera niður og gera klárt ?
Komu ávextir inn í klefa?
Var búið að skipuleggja og stjórna ungum aðdáendum ykkar strákar til að „leiða inn á“?
Voru 10 manns í gulum vestum að gæta þess að allt færi vel fram á meðan á leik stóð og eftir leik ?
Voru kynnarnir mættir með tónlist og læti?
Var búið að setja flottu varamannabekkina á sinn stað fyrir leik ?

Ummmm..... .já þetta var víst allt klárt og miklu meira til, því það var víst einhver hópur búinn að græja þetta allt saman, því þessi hópur hlýtur bara að hafa svona svakalega gaman af þessu að hann mætir bara alltaf!!!!

Eða hvað, er það svo? Já það er svo, þótt ótrúlegt megi virðast strákar þá erum við alltaf til staðar, bæði þegar vel gengur og líka þegar illa gengur. Við sjáum til þess að leikurinn fari fram eins og vera ber og af honum sé sómi fyrir ÍR og vonandi ykkur.

En hvað með áhorfendur, koma þeir líka „bara alltaf“ og tromma og djöflast ?

Neeee……..ei. Það gera þeir ekki. Þeir velja og hafna, flestir í öllu falli. Þeir velja frekar það sem er skemmtilegt umfram það sem er minna skemmtilegt.

Og áhorfendur eru ekki að mæta til þess að sjá 14 stráka hlaupa fram og til baka og kasta bolta á milli sín og skammast í sjálfum sér, félögum sínum eða dómurum. Þeir eru að koma til að styðja SITT lið, Strákana SÍNA.

En eruð þið strákarnir þeirra sem standa vaktina? Eruð þið strákarnir þeirra sem eru í stúkunni? Eða eruð þið nokkrar stjörnur eða prinsessur sem skiljið ekkert í því að það fækkar og fækkar í stúkunni, leik eftir leik?

Skiljið ekkert í því að trommurnar eru þagnaðar, klappið líka. Skiljið ekkert í því hvernig stendur á því að Róbert getur með góðri samvisku sagt að meira hafi heyrst í áhorfendum ÍBV en áhorfendum ÍR í AUSTURBERGINU YKKAR?

Þið leikmenn ÍR mættuð spyrja ykkur eftirfarandi spurninga hér að neðan og pæla aðeins í þeim hver fyrir sig og jafnvel allir saman.

Hversu margir af ykkur fögnuðu sýnilega og innilega þegar þeir skoruðu í leiknum ?
Hversu margir af ykkur fögnuðu sýnilega og innilega þegar annar ÍR – ingur skoraði í leiknum?
Hversu margir af ykkur klöppuðu fyrir áhorfendum í lok leiks fyrir að koma á leikinn ?
Hversu margir af ykkur komu niður í Undirheima eftir leik og fengu sér að borða með okkur ?
Hversu margir af ykkur hafa tekið í höndina á einum eða fleirum af þeim sem eru í „gulu vestunum“ í vetur og sagt „takk fyrir standa í þessu með okkur“ ?
Hversu margir af ykkur hlupu meðfram stúkunni og lyftu upp stemningunni í leiknum – „bara smá pepp“ til að ná áhorfendum af stað?
Hversu margir af ykkur reyndu að fá stúkuna til að klappa með því að byrja sjálfir sitjandi á flotta varamannabekknum til að ná áhorfendum í gang?
Hversu margir af ykkur hafa sagt „takk strákar og stelpur í 2-4 flokk fyrir að tromma fyrir okkur á leikjunum í vetur“ ?
Hversu margir af ykkur hafa þakkað „bara einhverjum“ fyrir umgjörðina og stuðninginn á Bikarhelginni?

Það komu nokkrir af ykkur í Undirheima eftir leik í gær til að ræða málin. Jón Kristinn, Kristófer, Jón Heiðar og Gumma Páls. Kannski voru fleiri, þið vitið það betur en við. Þúsund þakkir til ykkar sem mættuð og létuð sjá ykkur, okkur þykir vænt um það.

En strákar, við gerum enga kröfum um sigur, enda erum við enn til staðar þrátt fyrir 11 töp í deildinni í vetur. Þið verðið hinsvegar að fara að gera ykkur grein fyrir því að það eru aðalleikararnir sem stýra stemningunni , og hvort sem ykkur líkar það betur eða verr þá eruð það þið sem eru í þeim sporum og vonandi verða svörin við öllum spurningunum hér að ofan „Já“ í næsta leik.

Kveðja
Heimaleikjaráð ÍR Handbolta

Mfl. kv. ÍR Handbolta Deildarmeistarar utand. kv. 2013-2014

noreply@blogger.com (ÍR Handboltinn) — Wed, 26 Mar 2014 21:37:00 GMT

Það var eftirvænting í Austurbergi í gær þegar síðasti heimaleikur kvenna í meistaraflokki ÍR í utandeildinni var flautaður á. Það vissu allir hvað tæki við eftir leikinn. Það var búið að gull-tryggja þetta fyrir löngu, en það er sætara að lyfta bikar á heimavelli!!!

Leikurinn byrjaði af krafti og það mátti sjá að stelpurnar ætluðu sér að fagna árangri vetursins með sigri bæði fyrir sig sjálfar og okkur sem vorum mætt til að fá að fagna með þeim.

Varamannabekkurinn var þétt setinn enda engin furða, það er stór hópur sem á þátt í því sigra deildina í vetur. Árangur sem telur 15 sigra og 3 töp frá október til loka mars. Þó svo að Grótta sé í öðru sæti í deildinni sáu þær aldrei til sólar í þessum leik. Áhorfendabekkirnir voru vel setnir og strákarnir úr meistaraflokki karla voru áfram í húsinu eftir æfinguna sína og fylgdust með.

Finnbogi fór með liðið sitt inn í klefa í hálfleik einbeittar, með þægilegt forskot. Það virtist taka liðið nokkrar mínútur eftir hálfleik að átta sig á því að Brynhildur og Sigrún voru ekki með enda farnar á landsliðsæfingu með U18 og það var fyrst á sjöundu mínútu sem fyrsta markið kom.

Hildur raðaði svo inn nokkrum úr hraðaupphlaupum og þá small þetta í gang og mörkunum rigndi úr öllum áttum. ÍR mörk kvöldsins urðu að lokum á fjórða tuginn enda var staðið í stúkunni og það var klappað fyrir hetjum kvöldsins.

Það var gaman að sjá þegar sigurdansinn var stiginn í lok leiks því þá fjölgaði í hópi sigurvegaranna. Það voru mömmustrákar og mömmustelpur sem „loksins“ sjá fyrir endan á þessum vetri. Ég get mér þess til að fögnuður þeirra hafi verið af öðrum toga en að sjá bikar á lofti, allavega í bland. Nú fer að vora og svo kemur sumar. Á sumrin eru ekki æfingar á „hverju einasta kvöldi“ hjá mömmu!!!

En það er ástríðan, áhuginn, einbeitni og dugnaður sem skilar árangri. Það kostar fórnir en svo kemur uppskeran og hún var sæt í gær enda var Róbert Gíslason mættur frá HSÍ með bikarinn góða og hann fór svo sannarlega á loft við mikil fagnaðarlæti allra í húsinu.

Undirheimar iðuðu af lífi fram eftir kvöldi enda þurfti að ræða nokkra dóma úr leiknum, fara yfir þetta allt saman og renna niður nokkrum Subway bitum og snúðum. Flott kvöld hjá flottum hópi sem ég trúi þó að sé ekki alveg búinn að klára veturinn. Því þann 4. og 5. Apríl verður dæmið klárað og smiðshöggið rekið á veturinn þegar úrslitakeppnin fer fram.

Stelpur – þið voruð okkur áhorfendum, okkur í heimaleikjaráði og öðrum sem að starfinu koma til mikils sóma í kvöld og ekki síst ykkur sjálfum.

Það er á svona kvöldum sem við sjálfboðaliðar sem stöndum vaktina leik eftir leik minnumst þess til hvers leikurinn er gerður og hvað sigurinn er sætur.

Heimaleikjaráð handknattleiksdeildar ÍR

Myndir frá kvöldinu má sjá á facebook ÍR Handbolta
https://www.facebook.com/media/set/?set=a.796089940402403.1073741935.241454399199296&type=1

Mfl. kv. ÍR Handbolta Deildarmeistarar utand. kv. 2013-2014

Mfl. kvenna Deildarmeistarar utand. kv. 2013-2014

noreply@blogger.com (ÍR Handboltinn) — Fri, 14 Mar 2014 15:45:00 GMT

Stelpurnar okkar í mfl. kv. unnu flottan sigur á Valsstúlkum í gær og eru því orðnar DEILDARMEISTARAR í utandeild. kvenna 2013-2014. Það er erfitt að segja til um hvar styrkurinn er umfram annað. Kannski gleðin, samheldnin, ákveðnin, trúin á eigin getu, sjálfstraustið, samstaðan, klókindi og færni þjálfaranna, viljinn til að vinna. Kannski er það þar, það að þykja betra að vinna en tapa. Vera tilbúnar að leggja það á sig sem þarf til að vinna og uppskera. Líklega er það þó sambland af öllu þessu sem skapar sigurvegara. Eftir rúma viku er hinsvegar síðasti heimaleikur ÍR í utandeild kvenna í Íslandsmótinu áður en að úrslitakepninni kemur. Þar verður gleði enda fer bikar á loft og á honum kemur bæði fram ÍR og 2014 !

Mfl. kv. Deildarmeistarar 2013-2014

Úrslitakeppni utandeildar kvenna verður síðan 4. Apríl og 5. Apríl og hvar annarsstaðar en í Austurberginu. Við í heimaleikjaráði eru stolt af því að fá að taka þátt í þeirri keppni með HSÍ og þar viljum við fá annan sigur á heimavelli ykkar og okkar.

Stelpur, takk fyrir frábæra skemmtun í gær þetta kvöld var ykkar þið eruð frábærar og vel að þessu komnar !!

Kveðja

Heimaleikjaráð ÍR Handbolta

http://www.ir.is/Deildir/Handbolti/Frettir/Lesafrett/irhandboltimflkvennadeildarmeistarar

Meistaraflokkar ÍR karla og kvenna spiluðu bæði leiki í gær á móti Val - samantekt

noreply@blogger.com (ÍR Handboltinn) — Fri, 14 Mar 2014 12:41:00 GMT

Meistaraflokkar ÍR karla og kvenna spiluðu bæði leiki í gær á móti Val. Strákarnir okkar spiluðu í Austurbergi og stelpurnar okkar spiluðu að Hlíðarenda. Flautað var til leiks í Austurbergi klukkan 19:30 og að Hlíðarenda klukkan 22:00.

Strákarnir okkar áttu ekki sinn besta leik í vetur enda unnu Valsmenn okkur sannfærandi með 9 mörkum. Markverðirnir hjá okkur voru þó frábærir og björguðu því að tapið var ekki stærra enda vörðu þeir samtals 25 skot eða u.þ.b. 50%! . Hinsvegar var það agaleysi í sóknarleik okkar sem olli því að við völdum ekki réttu færin og Valsmenn refsuðu okkur því ítrekað með auðveldum hraðaupphlaupsmörkum.

Munurinn var einfaldlega of mikill á liðunum enda mættu Valsmenn á staðinn vel stemmdir og keyrðu af fullum krafti allan tíma. Sjö marka tap er einfaldlega of mikið til þess að leita skýringa annað en í eigin barm strákar, sorry – en satt.

Því miður færðist markmiðið fjær okkur í gær og því er spurningin „Hvar er draumurinn?“ eða "Hvar var draumurinn?" .......svarið er víst algjörlega í ykkar höndum strákar.

Eftir niðurdrepandi upplifun í Austurbergi var ekki annað að gera en að rúlla að Hlíðarenda. Úff hvað það er alltaf gaman að ganga inn í Vals-heimilið. Mér var hugsað til Óla Gylfa og því sem hann berst af fyrir af óbilandi krafti. Þarna slær Vals-hjartað. Í sama hvaða liði þú ert þá tekur hjartað eitt slag fyrir Val í þessu anddyri líkt og ÍR hjartað mun slá í nýja íþróttamannvirkinu við Skógarhlíð ef pólitíkusar fara nú að efna sín loforð og standa við gerða samninga um uppbyggingu í Mjóddinni hugsaði ég.

Svo kom ég aftur til raunheima og leikurinn var flautaður á. Bros var á vörum-gleði skein af stelpunum. Þetta var vissulega mikilvægur leikur, mikið í húfi, það var hægt að klára dæmið og loka þessu þrátt fyrir að tveir leikir væru eftir í Íslandsmótinu.
Ég veit ekki hvort að það örlaði á stressi í upphafi en á töflunni sáum við 6-6 eftir um tíu mínútna leik. Eftir það hinsvegar fóru hlutirnir að gerast. Það var þægilegur 5 marka munur í hálfleik. Ég segi ekki leikur kattarins að músinni, en þvílíkar framfarir sem þetta lið, þetta ÍR lið hefur tekið í vetur !!!

Það er erfitt að segja til um hvar styrkurinn er umfram annað. Kannski gleðin, samheldnin, ákveðnin, trúin á eigin getu, sjálfstraustið, samstaðan, klókindi og færni þjálfaranna, viljinn til að vinna. Kannski er það þar, það að þykja betra að vinna en tapa. Vera tilbúnar að leggja það á sig sem þarf til að vinna og uppskera. Líklega er það þó sambland af öllu þessu sem skapar sigurvegara.

Það var einbeiting allan tímann. Það var ÍR sigur að lokum 22-33, hljómar það ekki vel ? Ekki bara sigur í þessum eina leik heldur sigur í deildinni. ÍR á meistara í utandeild Kvenna árið 2014.

Klukkan 23:30 fórum við heim frá Hlíðarenda, tímasetningin gefur ekki tilefni til annars. Það var komið kvöld, næstum nótt. Eftir rúma viku er hinsvegar síðasti heimaleikur ÍR í utandeild kvenna í Íslandsmótinu áður en að úrslitakepninni kemur. Þar verður gleði enda fer bikar á loft!!! Á honum kemur bæði fram ÍR og 2014 !!!

Talandi um úrslitakeppni utandeildar kvenna. Hún verður 4. Apríl og 5. Apríl og hvar annarsstaðar en í Austurberginu. Við í heimaleikjaráði eru stolt af því að fá að taka þátt í þeirri keppni með HSÍ og þar viljum við fá annan sigur á heimavelli ykkar og okkar.

Stelpur, takk fyrir frábæra skemmtun í kvöld – þetta kvöld var ykkar þið eruð frábærar og vel að þessu komnar !!

Kveðja
Heimaleikjaráð ÍR Handbolta

AÐALFUNDUR HANDKNATTLEIKSDEILDAR ÍR

noreply@blogger.com (ÍR Handboltinn) — Tue, 11 Mar 2014 10:29:00 GMT

Aðalfundur handknattleiksdeildar ÍR verður haldinn miðvikudaginn 19. mars n.k.

Fundartími: miðvikudaginn 19. mars 2013 kl. 19:30

Staður: ÍR heimilið í mjódd, 2. hæð

Dagskrá:

1. Kosning fundarstjóra og fundarritara.
2. Skýrsla stjórnar um starfsemi félagsins.
3. Lesnir og skýrðir rekstrar- og efnahagsreikningar fyrir síðasta almanaksár.
4. Lögð fram starfs- og fjárhagsáætlun fyrir næsta starfsár.
5. Kosinn formaður.
6. Kosnir aðrir stjórnarmenn og tveir stjórnarmenn til vara.
7. Kosnir fulltrúar og varafulltrúar á aðalfund félagsins.
8. Ákveðin æfingagjöld.
9. Önnur mál.

Við hvetjum allt áhugafólk um ÍR-handbolta að mæta og kynnast starfinu betur. Framboð hafa borist í allar stöður stjórnar en við hvetjum fólk til að íhuga að koma og taka þátt.

Kveðja Stjórnin

Coca-Cola Bikarinn í Laugardalshöll helgina 27.feb. - 2. mars. 2014

noreply@blogger.com (ÍR Handboltinn) — Wed, 5 Mar 2014 15:08:00 GMT

Þó svo að úrsiltin hafi ekki verið okkur hagstæð, þá mega strákarnir í meistaraflokk og 4.fl. ka. E. svo sannarlega bera höfuðið hátt að komast alla leið í úrslitaleikinn í bikarnum og landa þar silfri gegn sterkum andstæðingum. Strákar þið fenguð að upplifa það sem alla dreymir um, að spila á stórasviðinu úrslitaleik í Laugardalshöll, þið voruð félaginu til sóma og virkilega gaman að fá að fylgjast með ykkur. Það var einnig virkilega gaman að sjá ÍR-fjölskylduna okkar mæta úr Breiðholtinu og styðja liðin áfram. HSÍ á einnig hrós skilið fyrir frábæra umgjörð þessa helgi sem er komin til að vera.

Samantekt helgarinnar - https://www.youtube.com/watch?v=1U__7f5h_j8

Takk fyrir okkur þetta var stórkostleg helgi. Sjáumst að ári !

Kv. ÍR Handbolti