Rafael García Guerrero

Concurso de pintura Sesé Leiceaga

noreply@blogger.com (Rafael García Guerrero) — Sat, 27 Apr 2013 12:53:00 +0000

81 artistas participan no VI concurso de pintura rápida Sesé Leiceaga.

Noeliña

noreply@blogger.com (Rafael García Guerrero) — Sat, 09 Mar 2013 12:38:00 +0000

Presentada a nova mascota do comercio noiés: Noeliña.

As cousas como son

noreply@blogger.com (Rafael García Guerrero) — Thu, 21 Feb 2013 18:09:00 +0000

Nalgunha ocasión teño comentado como desde a Consellería de medio Ambiente se teñen saltado o protocolo nas suas visitas a Noia, facendo algunha tontería por parte da Consellería.

Pero as cousas como son, se hai un conselleiro que se pon ao telefono o mesmo día ou como moito ao seguinte é o de Medio Ambiente Agustín Hernández. Niso correctisimo, podían aprender o resto.

Feijoo para Madrid!

noreply@blogger.com (Rafael García Guerrero) — Fri, 15 Feb 2013 17:13:00 +0000

Non serei eu quen defenda nin minimamente a xestión do actual presidente da Xunta de Galicia, pero vendo o que fan os seus compañeiros de partido co goberno do estado, resulta doado entender que o nome de Alberto Nuñez Feijoo soe constantemente como relevo de Rajoy. Comparado cos incompetentes de Madrid o Sr Feijoo é o listo da clase.

A última trapallada do goberno do estado é, o que de xeito falaz, denominan "reforma da administración local". Faltan adxectivos no diccionario para calificar a trapallada desta pseudorreforma que non é máis que un ataque á autonomía local recollida na CE.

Claro que son moitos os cambios que se deben realizar no actual laberinto de competencias administrativas, e son moitas as medidas necesarias que se deben adoptar para mellorar as administracións, como o de regular os soldos de alcaldes e concelleiros. Pero a involución administrativa proposta como reforma non é máis que unha tentativa de centralización administrativa nas Deputacións, alonxando os órganos de xestión dos cidadáns, e unha porta aberta á privatización de servizos que se ten demostrado ineficaz e máis cara.

Resulta curioso ese interese por defender as Deputacións, cando son unhas institucións que deberían desaparecer. Pregúntome cantos de vos sabedes como se elixe un deputado provincial, poucos probablemente, porque son uns organismos opacos e alonxados da cidadanía.

Só alguen cun absoluto descoñecemento da administración local e de costas a realidade pode facer esta barbaridade que chaman reforma. E asegurovos estas palabras quédanse moi cortas co que din en privado os alcaldes do PP.

Unha boa nova!!

noreply@blogger.com (Rafael García Guerrero) — Tue, 29 Jan 2013 12:33:00 +0000

A obra do concello de Noia, deseñada polo estudio Salgado e Liñares: "Reintegración urbana do patrimonio cultural da Chaínza" foi seleccionada como un dos catro finalistas da XV edición do premios COAG, no apartado de Espazos Públicos Abertos.

Hoxe non hai...

noreply@blogger.com (Rafael García Guerrero) — Fri, 18 Jan 2013 23:22:00 +0000

00:00, da noite do venres 18 ao sabado 19 de xaneiro. Corte da ponte de Noia.

Chegou o punto máis importante e conflictivo da obra de saneamento, e hoxe non hai coches oficiais, non hai policia autonómica, nin deputados a cabalo do conselleiro para sair na foto. Hoxe non dan cobadazos para estar diante, nin xefes traxeados da empresa falando das maravillas da obra para prensa e políticos. Hoxe non hai militantes do PP por todos lados co peito enchido...

Hoxe só hai operarios do Concello de Noia, un concelleiro e o alcalde, cortando unha estrada autonómica propiedade da Xunta, para facilitar unha obra da Xunta, asumindo o Concello os custes de sinais, vallas, pintura, horas extras de traballadores..

Hoxe non hai grandes políticos, hoxe só estamos nos.

Imaxes da cabalgata

noreply@blogger.com (Rafael García Guerrero) — Sat, 05 Jan 2013 19:32:00 +0000

Deixao ir!

noreply@blogger.com (Rafael García Guerrero) — Mon, 31 Dec 2012 17:28:00 +0000

Este 2012 foi bastante maliño. Outro ano máis deste gran timo do libre mercado chamado crise, onde todos perdemos moitos dos dereitos que como persoas nos corresponden e onde moitas familias o están pasando horrible. Familias na rúa por non poder pagar hipotecas, algunhas con todos os seus membros no paro, e todos en xeral con moitos menos ingresos. É tal o momento que no que vivimos que asustados contemplamos como hai cidadáns que se suicidan pola desesperación.

Na nosa vila como sempre os ciclos económicos van concerto atraso, e neste 2012 chegou posiblemente o punto álxido ás empresas que noutros sitios xa o padecían con máis intensidade noutros anos, e que en Noia por ter menos dependencia da construción non se viña notando tanto. Pero nos últimos meses outros novos factores prexudicaron á nosa economía local: a diminución de salarios de funcionarios e en maior medida a peor campaña de marisco dos últimos anos, pouco marisco, baixos prezos e para rematar os últimos días unha altisima mortandade de ameixa sobre todo.

Tamén hai un factor incontrolable que non axudou nada no último ano ao noso comercio: o clima, que fixo moito dano as vendas. Só como exemplo rematamos o ano con temporal o 24 e 31 de decembro duas datas fortes do comercio.

Aínda así hai que destacar o esforzo emprendedor do noso comercio e empresarios, ben con accións colectivas, e con bos exemplos individuais de empuxe e forza abrindo e ampliando negocios incluso neste mes abriron varios.

Como vedes non falo do Concello, esas valoracións non debo facelas eu.

Só permitideme facer un agradecemento público a aqueles traballadores do Concello que dignifican a "res pública", a aqueles que se levan o traballo para casa, a aqueles que se esforzan para que o concello vaia mellor, aqueles que fan eses expedientes complexos e difíciles, a aqueles que se xogan a vida para salvar e protexer a outros, aos que están de madrugada arranxando un rotura para darnos servizos a todos, e en xeral a todos os que entenden a función publica como un servizo á cidadanía.

Pero neste ambiente ne negativismo imposto seguro que nos aconteceron no persoal cousas moi boas polas que lembrar este desastroso 2012, que é co que nos debemos quedar: eses momentos felices coa familia, o nacemento dun fillo, o primeiro sorriso desa rapaza que che gusta, esa festa cos amigos ou esa tolerías que non debias facer pero que tanto vos richedes... Mil pequenas cousas que son a verdadeira felicidade, e da que só nos decatamos cando nos faltan.

E seguro que entre todos acadaremos que o 2013 sexa un ano mellor.

Concerto de nadal

noreply@blogger.com (Rafael García Guerrero) — Sun, 23 Dec 2012 20:48:00 +0000

Piscina

noreply@blogger.com (Rafael García Guerrero) — Fri, 21 Dec 2012 18:59:00 +0000

Reapertura da piscina

noreply@blogger.com (Rafael García Guerrero) — Fri, 21 Dec 2012 18:25:00 +0000

Piscina

noreply@blogger.com (Rafael García Guerrero) — Fri, 07 Dec 2012 07:17:00 +0000

Non é doado explicar o expediente administrativo no que nos atopamos no referente á concesión da piscina municipal. Sen darvos farragosos argumentos, a mellor explicación é asimilalo a unha "intervenvión xudicial", que supoño que nos soa a todos moito máis, a diferencia está en que o interventor o nomea o Concello.

Pero non é a parte administrativa da actuación o que pretendo explicar nesta entrada senón respostar algunhas preguntas máis repetidas estes días:

Durante esta intervención os traballadores da piscina seguen mantendo o seu vínculo coa concesionaria, a diferencia radica en que receben as ordes da interventora técnica nomeada polo Concello (a quen novamente felicito polo descomunal traballo que está facendo).

A interventora abrirá as contas bancarias precisas desde as que operará, nestas contas entrarán todos os ingresos (o que pagan os usuarios) e delas sairán os gastos de funcionamento e tamén os lóxicos gastos de mantemento e arranxos. Cando finalice a intervención farase un balance e o resultado é da concesionaria, podendo darse o caso que fora incluso positivo. (Aínda que na miña opinión para darse esa situación tería que ser unha intervención que superara no tempo o ano natural cando menos).

Un punto importante que debo explicar son as obras que podemos acometer durante a intervención na concesión. Só se deben facer actuacións de mantemento e arranxos, non podemos revalorizar as instalacións durante este periodo nin facer obra nova. Matizo isto para non crear falsas expectativas aos usuarios, hai actuacións que a moitos usuarios (e a min tamén) nos gustaría facer, pero que non teñen cabida dentro do ámbito desta intervención: só arranxos e mantemento!.

Escudo do Concello Constitucional de Noia

noreply@blogger.com (Rafael García Guerrero) — Wed, 05 Dec 2012 18:38:00 +0000

Hai 200 anos o Concello de Noia adheriuse á Constitución de 1.812, na praza da Constitución adoptando este escudo:

Comeza o arranxo da Piscina

noreply@blogger.com (Rafael García Guerrero) — Wed, 05 Dec 2012 10:05:00 +0000

Vai de tapas

noreply@blogger.com (Rafael García Guerrero) — Fri, 30 Nov 2012 21:18:00 +0000

Curiosiade

noreply@blogger.com (Rafael García Guerrero) — Fri, 30 Nov 2012 16:53:00 +0000

Di Murguía en referencia á quintana da morte ou cemiterio de Santa María a Nova: "A la comida de fiesta que se hacía sobre la tierra llena de cadáveres, parecía rogarse a los que ya no era que asistiesen a ella y tomasen su parte en el banquete. se les tenía, aún invisibles, como presentes, y de este modo la muerte y la vida se daban su eterno beso de paz. ... en cuanto a las comidas que en ciertos días festivos tenían lugar en el mismo cementerio, dan fe los que todavía tomaron parte en ellas".

Rodrigo Romaní

noreply@blogger.com (Rafael García Guerrero) — Sun, 25 Nov 2012 22:04:00 +0000

Imaxes do traballo de Grumir polo temporal

noreply@blogger.com (Rafael García Guerrero) — Sat, 24 Nov 2012 08:21:00 +0000

Imaxes da XXXVI Semana Musical

noreply@blogger.com (Rafael García Guerrero) — Thu, 22 Nov 2012 22:57:00 +0000

Imaxes da obra do lugar da Igrexa en Argalo

noreply@blogger.com (Rafael García Guerrero) — Wed, 21 Nov 2012 17:06:00 +0000

Evolución das obras en Bergondo

noreply@blogger.com (Rafael García Guerrero) — Wed, 21 Nov 2012 16:33:00 +0000

Investimentos

noreply@blogger.com (Rafael García Guerrero) — Sat, 10 Nov 2012 10:35:00 +0000

Estamos nun momento de moitos investimentos na Vila. Estánse facendo Obras no lugar da Igrexa en Argalo, obras de auga, saneamento e urbanizacion en Bergondo, e a obra de substitución das canalizacións de saneamento, e nas vindeiras semanas empezarán as obras do peche e instalacións do campo de herba artificial, eficiencia enerxética en Barro, a mellora da piscina e renovación do parque infantil de a Alameda. Entre outras.

Imaxes das obras de Bergondo

noreply@blogger.com (Rafael García Guerrero) — Sat, 10 Nov 2012 10:29:00 +0000

Exposición sobre Esteirán

noreply@blogger.com (Rafael García Guerrero) — Fri, 09 Nov 2012 19:54:00 +0000

Na casa da cultura "Avilés de Taramancos". Recomendovola!

As compras na tua vila teñen premio

noreply@blogger.com (Rafael García Guerrero) — Fri, 09 Nov 2012 19:23:00 +0000

Merca en Noia