Rafael García Guerrero

Información municipal

noreply@blogger.com (Rafael García Guerrero) — Sat, 21 Jan 2012 11:36:00 +0000

Podedes seguir a información municipal do concello de Noia no xornal http://novasdenoia.wordpress.com, en twitter @novasdenoia e en facebook na páxina Concello de Noia

Datos reciclaxe da Mancomunidade

noreply@blogger.com (Rafael García Guerrero) — Fri, 13 Jan 2012 12:21:00 +0000

Os datos oficiais de reciclaxe da Mancomunidade Serra do Barbanza no ano 2010 son os seguintes:

PEBD.....................1.134.760 Kg

PEAD.......................177.700 Kg

PET.........................433.860 Kg

Plástico Mestura.......... 220.160 Kg

Brick........................314.360 Kg

Papel-cartón.............2.111.360 Kg

Ferro........................548.740 Kg

Aluminio......................30.780 Kg

Compost..................1.081.120 Kg

Aceite..........................3.300 Kg

Pilas........................... 7.620 Kg

Chatarra.....................359.240 Kg

Aparatos electrónicos.......50.847 Kg

Vidro.......................2.191.080 Kg

RPS..............................1.717 Kg

Papel monomaterial......1.158.850 Kg

Papel P/P.................... 377.620 Kg

Plásticos non envase..........1.660 Kg

Madeira......................194.720 Kg

Total recuperado no ano 2010 10.399.494 Kg.

Cabalgata de reis

noreply@blogger.com (Rafael García Guerrero) — Wed, 04 Jan 2012 19:13:00 +0000

Xestión directa da recadación do IBI e do IAE

noreply@blogger.com (Rafael García Guerrero) — Wed, 04 Jan 2012 19:13:00 +0000

Desde o 1 de Xaneiro de 2012 o concello de Noia recuperou a xestión directa di servizo de recadación do IBI e IAE.

Este servizo estaba delegado na Deputación que cobraba un 5% voluntaria e un 20% en executiva.

Con esta reducción de custes, pódese contratar un administrativo, os programas informáticos precisos e aínda asi aforrar.

A xestión directa dos servizos dá moitos quebradeiros de cabeza, pero xera emprego e reduce custes.

Obras no subministro de auga

noreply@blogger.com (Rafael García Guerrero) — Wed, 04 Jan 2012 11:01:00 +0000

NOS (Noia Obras e Servizos) inicia as obras para a eliminación do fin de liña na Rua Anxo Senra e completar a malla do subministro de auga.

A eliminación do "fin de liña" vai repercutir na mellora do subministro de auga no barrio. En caso de corte de auga, recuperarase antes a presión e se hai turbudez pódese purgar mellor o sistema, para que recuprte antes a calidade.

Débeda

noreply@blogger.com (Rafael García Guerrero) — Mon, 02 Jan 2012 08:56:00 +0000

A débeda cos bancos a 1 de Xaneiro de 2010 era 2.935.373,90 €, o 1 de Xaneiro de 2012 é 2.026.882,95 euros.
A débeda financieira actual desglósase en catro préstamos, todos en NovaCaixaGalicia dos que quedan pendentes de amortizar: 1.314.418.26 €, 560.527,43 €, 76.229.44 €, 75.707,82 €.

Tesourería

noreply@blogger.com (Rafael García Guerrero) — Tue, 20 Dec 2011 13:12:00 +0000

O concello concerta tres operacións de 400 mil euros cada unha, a un dous e tres meses para colocar 1,2 millóns de euros a prazo, o que xenera uns ingresos aproximados de 6.000 euros. Obviamente ter liquidez non só e importante para dar estabilidade senón que supón tamén ingresos por redementos.

Planos da intervención en Bergondo

noreply@blogger.com (Rafael García Guerrero) — Tue, 22 Nov 2011 13:26:00 +0000

Melloras en Bergondo

noreply@blogger.com (Rafael García Guerrero) — Fri, 18 Nov 2011 10:03:00 +0000

O Concello de Noia destinará 304.033,60 euros á mellora de servizos básicos na zona de Bergondo.

O grupo de goberno do Concello de Noia levará a aprobación do vindeiro pleno ordinaro a realización no 2012 dun investimento de 300 mil euros en Bergondo.

As obras consistirán na renovación de toda a canalización do subministro de auga, eliminando o vello entubado en fibrocemento e substituíndoo por 1.944 metros liñais de tubería de auga de PVC. Ademais substituriranse 990 metros liñais de saneamento facendo separativo de fecais e pluviais para unir coa obra que está realizando a Xunta de Galicia. E unha vez realizadas as conexións destes servizos básicos procederase ao asfaltado de 6.770 metros cadrados.

A obra está contemplado que se realice "por administración", é dicir directamente polo Concello, a través do seu departamento NOS (Noia Obras e Servizos)

Para o grupo de goberno é prioritario a mellora de servizos básicos nesta zona, para corrixir as deficiencias en servizos municipais a unha poboación de 800 habitantes, especialmente no relativo ao subministro de auga, xa que a zona da vila máis afectada polo cortes no subministro. Co cambio de canalización a PVC tamén mellorará a calidade de auga. Ademais aproveitase para arranxar o deficiente estado das estradas na zona, en pésimo estado na actualidade.

Tamén está prevista nesta actuación a conexión da tubería de auga principal desde a Ponte de Noia ata Catro Camiños, onde conectará coa obra de substitución da canalización de auga desde Catro Camiños ao Pereiro e que está en licitación neste intre (concurso ao que presentaron preto de cen empresas). Deste xeito quedará conectado en tubería de PVC de 16 atm desde a Ponte de Noia ata o depósito que alimenta Boa e Taramancos.

Suba do lixo II

noreply@blogger.com (Rafael García Guerrero) — Sat, 12 Nov 2011 23:30:00 +0000

Vou tentar explicar a suba da taxa do lixo, parto dunha realidade, obviamentese se nos preguntan se queremos pagar máis a resposta e case unanime: non.

A taxa pola recollida de lixo é a ordenanza municipal número 4. A modificación aprobada este mes incrementa en case 18 euros o recibo anual do lixo pasando de 60 a 78. Esta taxa leva sen actualizarse máis de dez anos o que provocou un enorme desfase entre o custe directo do servizo e o que pagamos os noieses e noiesas.

O custe directo do servizo para o ano que ven superará os 650 mil euros, aos que deberíamos incluir os custes indirectos (por exemplo o propio cobro da recibo do lixo é un custe indirecto, esta taxa recaudaa directamente o concello, pero para que vos fagades unha idea aqueles concellos que teñen delegada a recaudación na Deputación pagan un 5% do recaudado).

Con esta taxa págase toda a conterización (mínimo 1 contenedor por cada 300 habitantes, a realidade é que a superamos ampliamente), o lavado mensual (que se fai puntualmente, pero que en canto se fai non se nota porque facemos un mal uso dos contenedores), reposición de contenedores, recollida a domicilio de enseres previa chamada (a cotío vemos moitas cousas tiradas a carón dos contenedores, esto sucede porque a xente bota indebidamente mobles, voluminosos, enseres, con só chamar recolleno cada 15 días, ou ben pode levarse ao punto limpo), inclúe obviamente a recollida de lixo en contenedores, a recollida de papel cartón en comercios, a recollida diaria na zona urbana dos contenedores na zona urbana, e tres día a semana na zona rural, e inclue o tratamento de todo o lixo recollido.

En xeral unha media moi aproximada da produción de lixo é de 1 kg/habitante/dia. É dicir a grosso modo producimos 15 tn diarias de rsu, que debemos tratar, para iso hai que ter unha rede de contenedores onde depositar, unha flota de camións que recollan este lixo e logo unhas intalacións para o seu tratamento.

Esta taxa non cobre outros servizos como a limpeza viaria ou o mantemento de xardíns, eso financiase por outros medios.

Con 78 euros por vivenda, aínda que nos aproximamos, non cubrimos o 100% do custe directo do servizo. De feito a suba tiña informes negativos, porque deberíamos cubrir o custe integramente. Pero desde a mancomunidade de concellos estamos tratando de poñer un prezo único para que todos os habitantes aos que lle dá servizo a mancomunidade paguemos o mesmo.

Suba da taxa do lixo

noreply@blogger.com (Rafael García Guerrero) — Sat, 12 Nov 2011 10:23:00 +0000

Subimos o lixo de 60 € a 78 €.

En pleno extraordinario o concello aprobou cos votos do goberno e a abstención da oposición unha modificación da ordenanza número 4, a ordenanza que regula a taxa do lixo.

A modificación afecta só as vivendas, e increméntase en case 18 euros, quedando unha taxa anual de 78 euros.

Obras de construción do saneamento

noreply@blogger.com (Rafael García Guerrero) — Wed, 19 Oct 2011 16:56:00 +0000

Por fin!!!!!!

noreply@blogger.com (Rafael García Guerrero) — Mon, 17 Oct 2011 16:40:00 +0000

Imaxes da estrada da Alvariza.

Fotos da obra da Chainza

noreply@blogger.com (Rafael García Guerrero) — Mon, 17 Oct 2011 16:37:00 +0000

Videovixianza

noreply@blogger.com (Rafael García Guerrero) — Thu, 13 Oct 2011 12:24:00 +0000

Nestes intres o Concello de Noia dispón de catro cámaras de vídeo de seguridade. Dúas na Casa do Concello, (que xa foron autorizadas, xa que era preciso permiso por enfocar en parte a vía pública) e no Teatro Coliseo Noela e no Local de Ensaio Prudencio Romo (que non é preciso autorizar por ser no recinto interior).

Plano da obra de subministro de auga

noreply@blogger.com (Rafael García Guerrero) — Thu, 13 Oct 2011 12:14:00 +0000

Perdoade a baixa resolución da imaxe.

Campo de fútbol de herba artificial

noreply@blogger.com (Rafael García Guerrero) — Mon, 10 Oct 2011 15:41:00 +0000

Permitideme que faga algunhas explicacións para entender a localización do novo campo de herba artificial.

En duas ocasións a Deputación convocou subvencións para construción de campos de herba. Nas duas ocasións o concello non solicitou por falla de sitio.

Para poder solicitar é preciso ter a titularidade dos terreos e os permisos que lle afecten.

O concello non ten ningun campo de futbol, só a titularidade dunha concesion onde esta o estadio, co campo de herba e as pistas de atletismo. A maiores emprégase o campo de adestramento ou de terra. Este campo de adestramento está nun recheo ilegal e non legalizable que antes ou despois vai ser retirado por Costas.

A opción de instalar o campo de herba artificial no de herba natural ten varios problemas: a homologación das pistas de atletismo, a moi dubidosa obtención do permiso por Costas e ademais quedariamos cun só campo de fútbol legal.

Noutra zona ademais de non ter a titularidade dos terreos, non ten a comodidade para os usuarios (especialmente para os nenos e pais) de ser céntrico e poder ir andando.

Por iso eu coido que se atopou unha solución boa para todas as partes: ampliar a concesión existente cara o aparcamento (cara o de adestramento non era viable por ser ilegal o recheo, de feito se vedes o paseo marítimo feito por Costas non chega ata o campo de adestramento). Entón o concello queda cunha concesión ampliada con dous campos de fútbol un de herba e un artifical, os dous legais e permanentes. Costas consegue pola sua parte sacarse un problema de enriba, porque ainda que ten que retirar o recheo non podía actuar ao non existir alternativa posible para o Concello e os clubes de fútbol, e eso supoñía un problema social.

Ademais Costas non "perde" nada ampliando a concesión cara o sitio onde se vai construir o campo de herba artifical, porque onde había asfalto agora vai haber herba artificial. Desde a sua óptica o dano sobre o dominio público marítimo terrestre é o mesmo.

En resume, conseguiuse algo que se levaba anos buscando e que ninguén atopara solución. Vaise construír o campo de herba artificial e Noia queda con dous campos de fútbol legais, cando só tiñamos un.

Subministro de auga

noreply@blogger.com (Rafael García Guerrero) — Mon, 10 Oct 2011 14:56:00 +0000

A obra que se esta a facer de substitucion da vella canlizacion de auga en fibrocemento vai supor importantes melloras no servizo de auga.

Cando dentro de tres semanas se remate, quedara conectado en tuberia de fundicion a potabilizadora co nucleo urbano (ata o cruce da Carreiriña co Espiritu Santo).

Ademais estase aproveitando para cambiar a tuberia de auga das fontes de Noia, e estase a instalar unha tuberia de auga de servizo, de menor tamaño, de tal xeito que as conexions de particulares desde a ETAP a San Bernardo non se fara na tuberia principal, senon nesta tuberia de servizo,asi cando hai averias nas conexions nesta zona non hai que cortar a xeral para poder arranxala.

Por outra banda eliminase boa parte das perdas no subministro ( na actualidade as perdas poden suerar o 50%) e esta zona onde estaba totalmente rota e onde se concentraba boa parte das perdas. E tamen se elimina suciedade que entraba na rede de augas nesta zona polas roturas.

Queda moitisimo por facer en augas, pero esta obra e un gran avance.

Fabricas ds Chaynça

noreply@blogger.com (Rafael García Guerrero) — Sat, 08 Oct 2011 16:37:00 +0000

Imaxes das obras da segunda fase

Reciclado de film

noreply@blogger.com (Rafael García Guerrero) — Fri, 02 Sep 2011 13:52:00 +0000

A mancomunidade de concellos Serra do Barbanza reciclou este ano o 2011 o dobre de plástico con Punto Verde que Ecoembes.

A mancomunidade de concellos Serra do Barbanza leva reciclado no ano 2011 un total de 465,3 tn de plástico film con Punto Verde, fronte as 240 tn recicladas (aproximadamente) por Ecoembes.

Ante o incumprimento do convenio por parte de Ecoembes, onde so se fai cargo dunha parte do film con punto Verde, a mancomunidade decidiu pola sua conta proceder a reciclar o plástico film con Punto Verde recuperado a planta de Servia.

A mancomunidade considera que ante a negativa de Ecoembes a facerse cargo do film con punto Verde, non podemos permitir que este film acabe en vertedeiro, que era a opción mais doada para a Mancomunidade. Por iso a concesionaria da Mancomunidade FCC esta encargándose de que este film de Punto Verde sexa correctamente reciclado para a súa reutilización.

Para isto estamos a colaborar con empresas galegas, que reciclan e reutilizan este film con Punto Verde, de tal xeito que a actividade empresarial que conleva este ciclo reverta en Galicia, xa que Ecoembes o recicla fora de Galicia.

Consideramos que é unha obriga moral da Mancomunidade garantir que este material con Punto Verde sexa recuperado, reciclado e reutilizado, xa que o consumidor esta pagando o custe engadido do materiais con punto Verde. E ante a deixadez de Ecoembes que é o responsable, a Mancomunidade esta xestionando este material para evitar a súa perda.

A Mancomunidade ten desde a súa creación un claro compromiso co medio ambiente, acadando en todos os parámetros os mellores resultados dos distintos sistemas de xestión de RSU en Galicia, chegando en algúns dos parámetros a ser líderes en España como no caso do reciclado de film con Punto Verde. Por eso decidiuse asumir a xestión deste material e non romper a cadea de vida dos materias.

A Mancomunidade de Concellos Serra do Barbanza está constituída por seis concellos: Noia, Lousame, Porto do Son, Muros, Brion e Carnota. E dá servizo aos concellos de Ames, Pontecesures e Rois.

Xacemento arqueolóxico en Taramancos IV

noreply@blogger.com (Rafael García Guerrero) — Fri, 29 Jul 2011 21:58:00 +0000

Con respecto a todo esto do xacemento de Taramancos debemos tentar documentar a presa todo o que poidamos os restos aparecidos, porque pode ser moi importante para o coñecemento da nosa historia.

Porque, supoño que temos asumido, que nin que apareza o Arca de Noe vai cambiar a idea de meter a escavadora na zona. Un importante xacemento arqueolóxico non vai atrasar unha obra da Xunta. Se non valoran un monumento natural como a ría de Noia non imos pedirlle que valoren un xacemento arqueolóxico total "son catro pedras"...

Xacemento arqueolóxico en Taramancos III

noreply@blogger.com (Rafael García Guerrero) — Fri, 29 Jul 2011 21:46:00 +0000

Imaxe dalguns dos numerosos foxos existentes

Ademais de todo o que está aparecendo neste xacemento debemos darlle moita importancia a memoria oral que xa recollía lendas e cantigas referentes a edificacións na zona.

Desde os servizos de arqueoloxía xa se tiña recollido unha lenda ou "encanto" relativo a esta zona denominada O concheiro:

"Entre trancas e barrancas,

entre o pozo de Ferpilleira e Taramancos,

está enterrado o pozo de sete reinados."

Tamén se fai referencia a existencia de edificicacións na zona e falaba "da cidade de Testal que ficou asulagada por encantamento e para desencantala hai que dicir unha palabra máxica que convertirá a quen o diga en Rei".

Outra xente maior da zona de Taramancos falan da existencia de "Arnoia", un asentamento previo á actual situación de Noia.

Xacemento arqueolóxico en Taramancos II

noreply@blogger.com (Rafael García Guerrero) — Fri, 29 Jul 2011 21:22:00 +0000

Os primeiros traballos excavación arqueolóxica que se están facendo nos restos aparecidos en Taramancos xa amosan datos importantes.

Nesta foto, neses anacos alaranxados, aparecen posibles restos de tégula romana. Tella de orixe da época romana. Podería indicar que un dos estratos temporais destes restos é da época romana. Aínda que é probable que se superpoñan distintas épocas.

Aínda que algo precipitado nas conclusións, dado que se está no inicio dos traballos, parece indicar que parte dos restos son de orixe romano. O que tería moita importancia histórica ante a falla de edificacións de orixe romano na vila. Apenas se recolle en varios escritores romanos Plinio, Pomponio Mela ou Antonino algunha referencia a Noia. Os únicos datos recollidos nos últimos datos falan so de uns pequenos restos de cerámica de orixe romano durante a rehabilitación dun edificio en Montero Ríos (a antiga drogueria de Molina), e algún resto menor na rehabilitación do edificio de Caixagalicia na Porta da Vila.

Si fala o historiador Oviedo Arce (se non me trabuco) de importantes restos de orixe romano na Barquiña, pero non semella moi acreditado, e incluso algo esaxerado na súa descrición.

O que tamén resulta moi importante son os depósitos de cunchas aparecidos, especialmente ostra, berberecho e algo de ameixa. (en principio non apareceu vieira), o que amosaría o orixe milenario da actividade marisqueira na ría de Noia.

E tamén probable que se mesturen varias épocas neste xacemento, quizais anteriores á epoca romana, con certos foxos e outros restos que apareceron.

Xacemento arqueolóxico en Taramancos

noreply@blogger.com (Rafael García Guerrero) — Fri, 29 Jul 2011 21:12:00 +0000

Pleno organizativo

noreply@blogger.com (Rafael García Guerrero) — Fri, 15 Jul 2011 08:38:00 +0000

O 14 de Xullo celebrouse o pleno organizativo onde se aprobou:

* Dúas dedicación exclusivas: O alcalde (28.030,80 € euros brutos) Concelleira de Medio ambiente, rural e mariño e participación cidadá (25.662,00 € brutos).

* Unha dedicación parcial de 25 horas (14.354,04 € euros brutos).

Os concelleiros con dedicacións exclusivas ou parciais non poden cobrar por outros conceptos do concello (asistencias a plenos, comisións. etc

Aprobouse que os plenos se celebran o ultimo venres de cada mes as oito e media. As xuntas de goberno local os martes ás oito.

Aprobouse o incremento das comisións de coordinación de 150 € a 250 € (duas ao mes).

Aprobasonse dous cargos eventuais de libre designación como secretarios do grupo de goberno.

No que a min respecta, pois o soldo aprobado de alcalde é exactamente o que tiña, o que supón uns ingresos líquidos de mil cincocentos e pico. Co que, o alcalde de Noia é o que menos cobra dos concellos veciños.